|
روووعهـ
يسلمووووو |
اقتباس:
ان شاء الله بحاول اطول الجاي اتمنى اني اكون عند حسن ظنك تحياتي روح اقتباس:
تحياتي روح |
واااااااااااااو
رواية تجنن و صراحة احترت ابغى اعرف ليش عصام يعمل كده الكلام انه ولد خالة هند مو اخوها عرفه من عمرة 6 سنوات طيب ليش الحين دوبه يبغى ما يكشف عليها المفروض من زماااان يتصرف كده مو الحين وبعدين ايش هو السر اللي خايفة ام عصام انه ينكشف في البارت الاول قلت يمكن مريض بس من البارت الثاني ما حسيت انه مريض صراحة احتـــــــــــــــــــرت ابغى اعرف شنو اللي راح يحصل لا تتأخري علينا بلييييييييز منتظرينك تسلمي روح |
الجــــــــــــــــزء الثالــــــــــــث
عصام محتار .....والهم مالي قلبه شنو يسوي..... شنو الحل.... جات على باله فكره يروح مع عبد الله هذا الحل الوحيد.... بس شنو العذر اللي يطلع به .... من دون ما يكشف السر ... من غير ما يوجع قلب امه وابوه....أو هند ..... آسف يا هند ....أختى..... و الله انتي اختي وراح تظلي مهما حصل..... بس شنو العذر..... ايوه ....لقيتها ....أنا مريض ... ورحت اتعالج ...و المرض معدي مشان كده بروح بجلس مع عبد الله في بيته...... مرام جالسة في غرفتها ....أبوها له اسبوع ما جا البيت ...يقول مسافر عنده شغل..... بس هالعذر لامها مو لها ..... ابوها اللي كان بالنسبة لها مثلها الاعلى ..... كان بالنسبة لها كل شيء في الدنيا ما عندها اخو ولا احد تعتمد عليه الحين .... حتى ابوها ..... حست مرام بطعنه في قلبها و الصداع اللي صار رفيقها الوحيد ....هي راحت دكاترة من ورا امها مشان الصداع .... التحاليل كلها نظيفة ....الصداع كان مخرج نفسي لها ....اول ما تتضايق يجيها صداع .... الباب دق....كان ابوها عبد العزيز....توه يدخل البيت .... راحت له سلمت عليه .....بالرغم من انها تعرف كل شي عنه وتعرف عمايله كلها ....إلا انها تحبه وما تقدر على زعله....هو في النهاية أبــــــوها...... سلمت عليه ...... وحبت على راسه .... تتضايق لمن تحب على راسه ....لانها تشم ريحة ......الخمر.... أبوها مع انه يصلي كل الصلوات في المسجد الا انه مو قادر يترك الخمر.... بس يمكن الحسنة الوحيدة انه مو من النوع اللي يضرب او يصارخ ....بس يشرب وينوم ... لكن كونه انه يشرب ...مؤلم ....محزن لابعد حد..... امها حاولت كثير معه مشان يبطل السم اللي يشربه بس ما في فايدة.....شيطانه كبيييير...... مرام : يبه ....كيفك.... ابوها : الحمد لله انتي كيفك ؟ صار يستحي من بنته ....يحبها مووت بس يدري انه صغر الحين في عينها هو نفسه يتركها حاول و حاول بس والله ما قدر... واللي يخليه يستحي اكثر منها انها عرفت انه متزوج جعلة امها ......زواج مسيار.... مرام : الحمد لله ....كيف الشغل وياك .... ابوها: الحمد لله ..... مرام طلعت غرفتها وتركت امها وابوها جالسين .....و الصداع زاد عليها ..... ابو عصام : كيف يعني بتروح تسكن مع عبد الله .... عصام : يبه .......أنا ما كنت ابغى اقول لك ....بس... ..سكت شوية يستغفر ربه من الكذبه اللي راح يكذبها الحين ... ...أنا مريض ....وسافرت مشان اتعالج بخلص العلاج في بيت عبد الله بعدين برجع..... ابو عصام حس ان قلبه وقف: شنو مريض!!!!!!! عصام حس بالذنب تجاه ابوه بسبب الكذبه اللي كذبها : ايوه مريض.... ابو عصام : مريض بشنو ؟!!!!!..... عصام ما فكر شنو المرض بس سرعة بديهته اسعفته قال:.... سل ..... ابو عصام : ســـــــل!!!!!!!!! عصام : لمن عرفت ان عندي السل سافرت مشان اتعالج .....اخذت العلاجات الحين بس لسه ما خلصتها .... لمن اخلصها برجع..... ابو عصام : .......لا ..... ما يصير تطلع من البيت وانت مريض.... ....بتجلس هنا امك واختك يراعوك ..... عصام ارتبك : .......لا ........ وسكت ماعرف شنو يقول..... ابو عصام : شنو لا ........بتروح تجلس مع رجال لحاله في البيت ما يراعيك ....صح هو اخوك واكثر بعد .... بس ما يصير تجلس وياه ....انت لك اهل..... عصام ...أهل... حس بطعنه في قلبه: ادري يبه ونعم الاهل....بس اهو تطعم ضد السل .... فانا بجلس وياه مشان ما اعاديكم ..... جلس يتناقش هو وابوه ....لين ما اقنع ابوه .... شال شنطته وراح لعبد الله ...... و ترك ابلاغ هذه الكذبة لامه واخته على ابوه......... مرام : بنات اهدوا شوي ....شنو الازعاج ...ما يصير اصارخ عليكم وانتو بهالكبر.... قالت هبة لرفيقتها سعده بصوت منخفض: والله ابله مرام هذي لمن تصارخ تصير محلوة بزيادة .... شوفي كيف خدودها تصير حمرة .....باربي بس.... سعده: الله اكبر على عيونك الحين بتطيقها عين ....بتطيح الحرمة ..... هبة : يووه بس انا من جد نفسي اكون حلوة مثلها ....شوفي شعرها شوي ويصل لرجولها ...ولا بشرتها ...قشطة والله ....ياقلبي عليها تذبح ...مو مثلي.. كش علي ..شعري يبغاله سنه بالاستشوار وما يصير مثل شعرها .... سعده : قولي ما شاء الله ......تصدقي انها مطلقة .... هبة : احلفي.... سعده : والله ....امي تعرف واحدة جارتهم وقالت لها ان زوجها طلقها قبل العرس...... هبة : يطلق هالحلا كله ....ما عنده نظر.... سعده : مو بالشكل ....معقول يكون سمع عليها شي.... هبة : بسم الله عليها ....تراها الاحترام كله ...حتى عبايتها على الراس ....هالكلام لا تقوليه مره ثانية ....تاخدي ذنب البهتان يا خبلة .... سعده : استغفر الله العظيم .....بس غريبة هبة : طيب ليش ما يكون هو اللي مو تمام واهي اللي طلبت الطلاق سعده : يمكن ....الله اعلم مرام : هبة ..سعده ...خلصوا كتابة هبة وسعده : ايوه مرام : جيبو الدفاتر .... متابعة جيدة تحياتي |
اقتباس:
حيرتك في محلها وراح اجاوبك على التساؤلات في البارتات اللي جاية تابعيني وراح تعرفي الحاصل وليش عصام يتصرف كذه اتمنى ان تستمتعي بالجزء الجديد تحياتي |
| الساعة الآن 04:03 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية