لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


بعد العذاب .... وين الفرح اللي غاب؟؟؟

السلام عليكم ورحمة الله وبركاته روح الامــــــس كانت روح طيبة ... مليئة بالمحبة الحنان

 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 21-02-09, 04:20 PM   المشاركة رقم: 1
المعلومات
الكاتب:
اللقب:
عضو راقي


البيانات
التسجيل: Feb 2009
العضوية: 125494
المشاركات: 1,456
الجنس أنثى
معدل التقييم: روح الامس عضو بحاجه الى تحسين وضعه
نقاط التقييم: 25

االدولة
البلدSudan
 
مدونتي

 

الإتصالات
الحالة:
روح الامس غير متواجد حالياً
وسائل الإتصال:

المنتدى : الارشيف
افتراضي بعد العذاب .... وين الفرح اللي غاب؟؟؟

 

السلام عليكم ورحمة الله وبركاته

روح الامــــــس

كانت روح طيبة ... مليئة بالمحبة الحنان
المصداقية والامان


اما روح اليوم
فهي سيئة ....مليئة بالنفاق
الكذب والاخيانة

لذلك فانا مع روح الامس


اخوتي بعد تفكير طويل قررت اني اشارككم بروايتي الاولى واضعها بين ايديكم

هي رواية تحتوي احداث واقعية واخرى خيالية
رواية تحكي قصة حب وفراق الم وفرح عذاب وقهر تضحية و انانية
رواية قد يراها البعض واقعية وقد يراها الاخرون في منتهى الخيالية
لكنها في النهاية تعبرني وتحكي مشاعري امنياتي والامي والام كثير من النساء و البنات
الامهات والاباء
و الام شباب حبو بصمت وضحوا بصمت


روايتي هي

بعـــد العــــذاب ..... ويـــــــــــــــن الفـــــــــرح اللــــــــــــي غـــــــــــاب؟؟؟


اتمنى ان تستقبلوني بينكم برحابة صدر
اتمنى ان تستمتعوا بروايتي
واتمنى ان تنال اعجابكم لانكم اصحاب ذوق رفيع ورأيكم مهم لاستمراري في كتابة الرواية
و ساقوم بانزال الجزء الاول مساء اليوم ان شاء الله
اختكم
روح الامــــــــــــــــس

 
 

 

عرض البوم صور روح الامس  

قديم 21-02-09, 04:36 PM   المشاركة رقم: 2
المعلومات
الكاتب:
اللقب:
عاشقة ملامح


البيانات
التسجيل: Mar 2008
العضوية: 67057
المشاركات: 5,058
الجنس أنثى
معدل التقييم: العامريه عضو على طريق التحسين
نقاط التقييم: 64

االدولة
البلدSaudiArabia
 
مدونتي

 

الإتصالات
الحالة:
العامريه غير متواجد حالياً
وسائل الإتصال:

كاتب الموضوع : روح الامس المنتدى : الارشيف
افتراضي

 

حياك الله كاتبة في ليلاس

روح الامس
انتمى تنزلين

جزء عشاان نتعرف عليك اكثر
ويااارب تشوفين التشجيع من بنااتنا

ولكي احترامي وتقدير

 
 

 

عرض البوم صور العامريه  
قديم 21-02-09, 09:01 PM   المشاركة رقم: 3
المعلومات
الكاتب:
اللقب:
عضو راقي


البيانات
التسجيل: Feb 2009
العضوية: 125494
المشاركات: 1,456
الجنس أنثى
معدل التقييم: روح الامس عضو بحاجه الى تحسين وضعه
نقاط التقييم: 25

االدولة
البلدSudan
 
مدونتي

 

الإتصالات
الحالة:
روح الامس غير متواجد حالياً
وسائل الإتصال:

كاتب الموضوع : روح الامس المنتدى : الارشيف
افتراضي

 

الجــــــــــــــــــــــــــزء الأول


غمضت مرام عيونها , حاسة بصداع بفرتك لها راسها
نورة استاذه معها في مدرسة الثانوي : مرام شكلك تعبانة روحي بيتك و أنا بسد لك المناوبة اليوم...
مرام: تسلمي نورة مافي داعي أتعبك معي , الصداع كثير يجيني تعودت عليه خلاص كلها حبتين بندول و يروح ....
نورة : مرام حبيبتي روحي البيت خلاص الدوام خلص وانا اليوم ما وراي شي روحي ارتاحي حبيبتي لا ترديني ...
مرام: خلاص بروح مشكورة حياتي ما ادري شنو كنت بسوي من غيرك ....
لبست مرام عبايتها دقت على السواق يجي يأخذها
جا السواق مع الشغالة وركبت كانت حاسة ان راسها بينفجر ...ليها سنة ونص الصداع يجيها على طول مع ان قبل دا ما كان يجيها شيء ....أول مرة جاها الصداع كان يوم طلاقها......و استمر يجيها للحين ...
و صلت بسرعة لان بيتها قريب من المدرسة اللي تدرس فيها .....راحت حبت على راس امها
مرام تموت على امها تخاف عليها من الهوا الطاير ولها اسبابها اللي تخليها تحس انها هي المسؤولة عن سعادة امها مو العكس ........مع تتابع الاحداث راح تعرفوا السبب

أم مرام (حفصة): هلا حبيبتي .شنو جاية بدري اليوم مو مناوبتك؟؟
مرام : ايوه بس عندي صداع مني قادرة اشوف شي قدامي و نورة الله يجازيها بالخير بتناوب بدالي...
أم مرام: روحي غرفتك انسدحي شوية بس كلي لك بندول اول ,, ما ادري شنو صداعك الغريب هدا كم مرة قلت لك روحي الدكتور بس انتي ما ادري شفيكي ....هذا كله من عمايل ود عمتك ...الله يجازيه....
مرام : لا يمه لا تدعي عليه . ما يستاهل انك تاخذي ذنب مشانه . انا كلت حبتين بندول بروح انام شوي و بصير طيبة ان شاء الله بس انتي لا تشيلي هم ..الله يخليك لي ....
طلعت لغرفتها حاسة انها متضايقة شنو اللي ذكرها به اليوم ...لها فترة ما تذكرته بس اليوم جاي كثير على بالها و امها بعد تذكرته....
اخذت لها نفس عميق بعد ما انسدحت على السرير .... حاولت تنام لها ساعة بس ما قدرت تنام اخذت الذكريات تلعب براسها لعب وهي مو قادرة توقف شي.....




قبـــــــــل سنـــــــــــــة و نــــــــــــــص


مرام : شنو يعني يسافر من دون ما يقول لي .....مقاطعني له شهرين و بعدين يسافر كأنه مالي عليه حق..........
هند : و الله ما ادري شنو اللي حصل له ....صح هو اخوي بس هو له شهرين مقاطع كل الناس و جالس لحاله في غرفته و فجأة خذ له شنطة وسافر....
مرام واهي تبكي : ليش يسوي فيني جذي انا شنو سويت ...والله العظيم ما سويت له شيء ..وربنا شاهد اني ماسويت له شيء .....
هند تحاول تهديها : ادري...واهو كمان يدري انك ما سويتي شي , اكيد راح يتصل فيكي من هناك ...هو يحبك واجد وانا اكثر واحدة عارفة قد ايش هو يحبك و اكيد حاصل عليه شيء كايد اللي يخليه يتصرف كده.....
مرام : لا أنا قلبي يوجعني و حاسة اني ماراح اشوفه مرة ثانية ....
هند مفجوعة : الله يخليكي مرام لا تعوري قلبي شنو قصدك بيموت يعني ؟؟؟؟
مرام واهي تبكي بقوة : لا ..بس هو ما عاد يبغاني تغير معي كثير ......ما صار يحبني....
بكيت وبكيت ........


كان زمان الحين ما راح انزل ولا دمعة واحدة عليك ....الخائن ....الكذاب....عمري ما راح اسامحك ..قد ما حبيتك ..قد ما كرهتك الحين ....
أكرهك ........أكرهك ........أكرهك ياولد عمتي أكرهك........






في مكان ثاني وفي نفس الزمن .....مشاعر واحاسيس مختلفة متذبذبة بين الشوق اللهفة , الحزن ,العتب, الغضب و الشعور بالذنب....
/منتد قسم من حي قلم الاعضاء
أم عصام ( رحمة ): استهد بالله يا ابو عصام الولد دوبه بيرجع اليوم بعد سنه ونص غياب كيف تستقبله بهدي الطريقة ....
أبو عصام (عبد الرحمن ): شنو يعني تبيني اسوي البنت هذي شنو ذنبها يرميها كذه ....وهي باقي لها سنه على العرس ....لا ويرسل لها ورقة طلاقها بعد ما يسافر بدون ما يشاورني حتى .... وانا اللي خليت ابوها يقنعها بولدي مشان يجي هو ويوطي راسي قدام اخوكي......
أم عصام : الله يهديك يا ابو عصام , هدّي اعصابك شوي لا تطيح علينا الحين وانا والله مو ناقصة , لمن يرجع عصام بالسلامة ان شاء الله اسأله ليش سوى كده اكيد له اسبابه ....
ابو عصام : شنو اسباب اللي تخلي عرضه وعرض بنت خاله يهون عليه , شنو الاسباب اللي تخليه يوطي راسي في الارض ....ها قولي.......
ام عصام : استغفر الله العظيم ,...استعيذ بالله من الشيطان الرجيم و قوم صلي لك ركعتين مشان تهدى شوي ...
أبو عصام : اعوذ بالله من الشيطان الرجيم , الله يخزيك يا شيطان ...استغفر الله العظيم ...يار ب....







في مكـــــــان ثاني وفي بلد ثانية وفي نفس الزمن .....
مشاعر ثانية مختلفة ثائرة , حائرة , خائفة من اللقاء المرتقب....


عصام وهو يرتب شنطته يفكر: اليوم برجع لديرتي واحشيني ...أمي , أبوي ,هند ..............مــــــــــــرام

آه يا مرام .....ما ادري شنو كان ممكن اسوي .... ما كان في حل ثاني .... ياريتك تسامحيني بس
....والله العظيم أحبك .....أحبك و حرمت روحي منك .....مشانك ........يا رب رحمتك.....

الباب دق ...عصام : أدخل يا عبد الله .....
عبد الله صديقه و الوحيد اللي وقف معاه بالرغم من معارضته على القرار اللي اتخذه عصام قبل سنه ونص...
عبد الله : جهزت ولا لسه ...كلها ساعتين ونطلع المطار.......
عصام : خلاص تقريبا خلصت بس آخذ لي شور و كم شغلة بسويها قبل لا نطلع.....
عبد الله : كلمت احد من اهلك انك بترجع اليوم ولا بترجع مثل ما جيت من غير حس....
عبد الله سافر بعد عصام لانه سافر من دون ما يقول لاحد من صحابه بس لان عبد الله اكثر واحد يعرف شنو الحاصل معه فسافر له اول ما عرف مكانه.....
عصام: مافي داعي تذكرني باللي سويته ...لاني اصلا ما نسيته ..انا والله مالي وجه ارجع ديرتي ما ادري كيف راح اقابل هلي و عشيرتي عقب اللي سويته ....لا تزيد علي اوجاعي.....
عبد الله : لا تشيل هم انا بوقف معاك و ما راح تواجه الاهل لحالك .....
عصام : ما تقصر يا اخوي انت والله اكثر من اخو بعد ...كفاية انك تركت كل شيء وراك وجيت معاي حتى خطيبتك تركتها وجيت ...
عبد الله بعيارة : ايوه مشان تعرف انك مؤذي يا عصام ....الحين ذكرتني بالمدام لو ما اتصلت عليها بتذبحني لمن ارجع....
عصام : هههههههه خلاص روح تكلم معها وانا بكمل اللي كنت بسويه ......
و رجع عصام يكمل شنطته .... و مع كل دقة تدقها الساعة همـــــــــه يزيــــــــــــد......

/منتد قسم من حي قلم الاعضاء


عبد الله راح يجري و خطف الجوال ...يفكر وهو يدق على هديل: مشتاق لها حيييييييييييييل....أخيرا برجع واشوفها.......
هديل : هلا بالغايب....
عبد الله بصوت كله حب: مشتااااااااق لك امووت مشان بس اشوفك ....
هديل بصوت عذب : جعل يومي قبل يومك ,انت تدري اني ما احب هذي السيرة ....
عبد الله : كيفك....
هديل : الحمد لله , بعد مشتاقة لك ...متى بترجع ....
عبد الله انسدح على السرير وهو يقول: انا برجع اليوم ان شاء الله ....هديل ...شنو رايك نعمل العرس بعد اسبوع ....
هديل و وجهها صار احمررر: عبد الله ما يصير تسألني أنا روح وتكلم مع ابوي واللي يشوفه هو اللي راح يحصل .....
هديل بنت خالة عبد الله من هم صغار يحبها ويمووت على التراب اللي تمشي عليه
و اول ما تخرج و اشتغل كلم الوالد و ملك عليها واهي بعد كانت تحبه موووت بس كاتمه في قلبها وابد ما قالت له احبك حتى بعد الملكة تستحيي موووت وهو يموت على حياها لسه تدرس في الجامعة بس آخر سنه لها في كلية التربية ومفكرة انها تشتغل بالتدريس لمن تخلص الجامعة , ناعمة مررة وجميلة جمال كلاسيكي هادئ

عبد الله : انا متأكد ان عمي ما راح يقول شي....
هديل واهي لسه مولعة : خلاص عبودي لمن ترجع بالسلامة أول و اللي فيه خير يحصل ....
عبد الله : تدرين يا هديل انا مو قادر اصبر لين ارجع مشان اشوفك ...والله مو قادر اصبر ....
هديل سكتت وقالت في نفسها : ايش فيه عبد الله ناوي يذبحني بكلامه اليوم مو من عوايده يقول كلام حب وعواطف....
عبد الله : ماتدري قد ايش انا مبسوط اليوم اني برجع ديرتي اخيرا....
هديل : ربنا يوصلك بالسلامة .....
عبد الله : خلاص اقولك مع السلامةالحين لاني بروح اخلص لي كم شغلة قبل لا اطلع المطار....توصي على شي من هنا حياتي ....
هديل: سلامتك .......
عبد الله : الله يسلمك لي...مع السلامة ...
هديل: في امان الله .....


/منتد قسم من حي قلم الاعضاء

انتهى الجزء الاول اتمنى انه ينال اعجابكم
تحياتي
قراءة ممتعة

 
 

 

عرض البوم صور روح الامس  
قديم 21-02-09, 09:25 PM   المشاركة رقم: 4
المعلومات
الكاتب:
اللقب:
عضو راقي


البيانات
التسجيل: Feb 2009
العضوية: 125494
المشاركات: 1,456
الجنس أنثى
معدل التقييم: روح الامس عضو بحاجه الى تحسين وضعه
نقاط التقييم: 25

االدولة
البلدSudan
 
مدونتي

 

الإتصالات
الحالة:
روح الامس غير متواجد حالياً
وسائل الإتصال:

كاتب الموضوع : روح الامس المنتدى : الارشيف
افتراضي

 

اقتباس :-   المشاركة الأصلية كتبت بواسطة العامريه مشاهدة المشاركة
  
حياك الله كاتبة في ليلاس

روح الامس
انتمى تنزلين

جزء عشاان نتعرف عليك اكثر
ويااارب تشوفين التشجيع من بنااتنا

ولكي احترامي وتقدير

هلا باول من رد علي
فالرد الاول عادة له مكانه خاصة خصوصا عندما يكون الشخص غريبا

نزلت الجزء الاول
وان شاء الله ينال اعجابك كفاية كي تتابعي باقي الاجزاء
و تستمتعي بالقراءة
تحياتي لك ايتها العامرية

 
 

 

عرض البوم صور روح الامس  
قديم 21-02-09, 10:04 PM   المشاركة رقم: 5
المعلومات
الكاتب:
اللقب:
يتيمة جابر



البيانات
التسجيل: Sep 2007
العضوية: 44197
المشاركات: 13,147
الجنس أنثى
معدل التقييم: BENT EL-Q8 عضو بحاجه الى تحسين وضعه
نقاط التقييم: 43

االدولة
البلدKuwait
 
مدونتي

 

الإتصالات
الحالة:
BENT EL-Q8 غير متواجد حالياً
وسائل الإتصال:

كاتب الموضوع : روح الامس المنتدى : الارشيف
افتراضي

 

السلام عليكم..
بدايه حلوة واسلوب احلـى..وان شاء الله القادم احلى واحلى..يسلموو عالبارت..روح..واعتبريني من متابعيـنج..

عصـام
يحبهـا..عيل ليش سوا جذي..وليش قاطع الناس..شهرين..سفره وراه سبب مقنع..محد يعرف فيه..غير صديقه..عبد الله..اممم يوم قال حرمت نفسي منك مشانك..ليكون مريض..وسافر يعالج مثلا..!

مـرام
والصداع الي ييها..عسى بس مو شي كبيـر فيهـا..الله يعينهـا .. فراقه شي صعب..ونسيانه اصعـب..ياترى لا درت برجعته شرح تسوي..وشنو بتكون ردة فعلها..بتعطيه فرصه يبرر او لا..!!

عبد الله
ونعم الصديق والله..الله يخليه لعصام..ولهديل..الي شكلها لايقه عليه..واحلى ما فيها خجلهـا..

بانتظار القادم

همسة:غيري الستايل للتجريبي من آخر الصفحة عاليمين..اسرع وبدون اعلانات:)

بنووتة

 
 

 

عرض البوم صور BENT EL-Q8  
 

مواقع النشر (المفضلة)

الكلمات الدلالية (Tags)
بعد العذاب, روح الامس, واااااااااااااو رواية حلووووووووة, وين الفرح اللي غاب
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:54 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية