منتديات ليلاس - جـــبروت الانتــــــــقام ,,, بقلمي

قبل 10 اعوام

اسيل : ي الله انا وين !!!!
ليش مو متذكره ؟؟
ااااااااااااااااااااااااااااااه بمووووووت من الالم
( تلفتت اسيل حواليها )
ي ربي وين ماما ؟؟
وين بابا ؟؟
وش هالمكان ( بدات تبكي اسيل بكاء غربه ومراره وخوف حاسه بضياع وراسها ينزف دم ورجولها مخدشه قامت تمشي وملابسها متشققه تمشي تايئهه مو عارفه وين تروح المكان حولها صحراء مخيفه مظلم بدأت تشوف انوار بعيده قاعده اسيل تجر نفسها متجهه للانوار البعيده بدأت تسمع اصوات سيارات فرحت اسيل وبدأت تمشي وتمشي وفجاءه معاد حست بنفسها )
اسيل الفتاه ذات العشره سنوات

قبل يومين
ابو اسيل : وش رايك ي ام اسيل ناخذ اسيل ونروح لبيت امي
ام اسيل : ياليت والله نروح خل اسيل تنبسط مع بنات عمامها وتتعرف عليهم ومنها نحاول نصفي القلوب
ابو اسيل : ايييييييييييييه ي ام اسيل قطيعة الاهل مره اااااااه ي يمه ليتك تسامحيني
ام اسيل : ي حبيبي ان شاء الله امك بترضى عليك وتسامحك مهما يكون انت ولدها
ابو اسيل : شلون تسامحني وانا ذابح اخوي ذبحته بيدي عشان وسخ دنيا
ام اسيل : ي ابو اسيل هذا مقدر ومكتوب
ابو اسيل : الله يغفر لي يارب انا لازم اروح لامي لازم تسامحني
ويسامحوني اولاد اخوي
جات اسيل تركض وجلست بحضن ابوها
وسلمت ع خده
ضحك الاب : هههههههههههههههه ي قلبي ي اسوله انتي اللي مصبرتني على هذي الدنيا
ام اسيل : افاااااااااااااااااا يا ابو اسيل وانا !!!!
ابو اسيل : انتي بلسم جروحي ما انسى وقفتك معاي
ام اسيل : الله لا يحرمني منك ويخليك لي انا وبنوتتنا الحلوه اسيل وحمودي
اسيل تتكلم بـ اشمئزاز : بابا مرا طفش اجازه وما نطلع صاحباتي كلهم سافروا الا انا بعدين ايش اقولهم؟؟ صيفت ف البيت !!
ابو اسيل : خلاص يا روح بابا رح نروح الشرقيه عند عمامك
قامت اسيل تناقز وهي مبسوطه
: هياااااااااااااااااااا بروح عند بنات عمي انا بروح اجهز اغراضي
ام اسيل : يلا انا رايحه معاك
بعد يومين وهما ف الطريق طالعين من مكه رايحين للشرقيه
ابو اسيل : سامحيني يا ام اسيل انتي عارفه بالظروف ولا كان ودي نسافر الشرقيه طيران بس العين بصيره واليد قصيره
ام اسيل : لا يا حبيبي اصلا مانبي نسافر بالطياره خلينا نتمشى وحنا بالسياره ونمر الهدا ونجلس شويتين فيه ونستانس
اسيل : ماما اديني حمودي
ام اسيل : لا يا ماما خليه ينام بحضني
اسيل : ماما انا كبيره هاتي حمودي وانا ب انومو عندي
ابو اسيل : اديها ي زهره خليها تنبسط مع اخوها
ام اسيل : الله يهديك اشلون اديها ؟؟ محمد توه صغير ما كمل الشهرين عظمتو لينه
ابو اسيل : خلاص يا بابا سيبي اخوكي وامه وانا اشتريلك باربي
اسيل : لا يا بابا ما ابغى لعبه انا كبيره بروح عند بنات عمي
ونسولف سوالف حريم
ام اسيل وابو اسيل : ههههههههههههههههههههههههه
بعد اربع ساعات بعد الطايف ب200 كيلو بدأ النوم يسيطر على عائله احمد ابو اسيل
اسيل في الخلف جالسه في المنتصف ونائمه وهي جالسه
ام اسيل سانده رأسها على شباك السياره ونائمه
وحمودي نايم في حضن امه
وابو اسيل يقاوم النوم
الين فجاءه صحو على صوت بوري شاحنة كبيره
ابو اسيل ضرب على الفرامل وطارت اسيل من القزاز الامامي
وام اسيل وابو اسيل ردتهم الوساده الهوائيه وفي الوقت اللي ام اسيل شدت على محمد من الطيران
وارتطمت الشاحنه بسيارتهم الصغيره
وهي دقايق معدوده حتى حدث انفجار كبير
بعد دقائق وصلت الاسعاف والدفاع المدني طفو الحريق حاولوا الناس اخماده قبل وصل الدفاع المدني ونجحوا في اخماد نص السياره
وانتشلوا الجثث اللي اصبحت نص رماد
حاولوا الحصول على اثباتاتهم ولحسن الحظ كرت العائيله كانت داخل احد شنطة ام اسيل اللي كانت في شنطة السياره

في مكان اخر ..............
جالسه الجده واحفاذها وامهم
الجده : ههههههههههههههه الله يقطع ابليسك يا ذياب
ذياب يمازح جدته : وانا صادق يا جده جارنا احمد حاط عينه عليك وجاني وانا رديته قلتله ما عندنا بنات للزواج
جهاد يأئد اخوه في الكذب : وهو الصادق انا سامعهم باذني بس ليتك يا الذيب مارديته وخليته ياخذها ويستر عليها عارف انت الدنيا ذي مافيها امان
اخاف ان جدتك ودها تعرس
الجده : افاااااااااااااا يا ذا العلم قم قم يا الملعون قم ( اخذت الجده عكازتها وقامت هررب جهاد والجده وراه لكن اخذت لها خطوتين ورجعت جلست : اه يا رجولي حسبي الله عليك ي جهاد
ذياب : لا لا يا جده ماتنفعين للزواج الرجال يبي له وحده غزال
الجده : الله يسلط عليك ابل.... استغفر الله كاني بموت ناقصه عمر منك انت واخوك
ذياب : هههههههههههههههههههههه الله لايحرمني منك يالغاليه قام باس راسها
انتي حلوة اللبن لك طولت العمر
دمعت عيون الام
ام ذياب : لا تطرين الموت يمه الله يخليك لي انتي ريحة الغالي الله يرحمه
الجده : الله يرحمك يا محمد وحسبي الله على احمد اللي غدر فيك وذبحك الله ينتقم منك وماتتهنى بعيالك ( في هذا الوقت استجاب الله دعاءها وحصل الحادث اللي قضى على عائله اسيل)

ذياب : يمه احكيلي القصه
الام : بعد موت جدك بسنه جمع ابوك عمك احمد وعمك فيصل
ذياب : لاتقولين عمي يخسى يكون عمي
الام : ما علينا يا ولدي

عاد احمد ما عجبه الوضع وقام وعارض وبدا يغلط على ابوك بالكلام لين ابوك ضربه على خده كف
قال احمد : تضربني يا الخسيس هين انا اوريك
وبعدها بيومين دقوا علينا الشرطه وقالولنا ان واحد قتل محمد لكن عمك فيصل علمنا بالحقيقه ان احمد هو اللي قتل ابوك وطردناه من الشرقيه
ذياب : طيب ليش ما اخذنا براسه ليش وجهتو التهمه لواحد غيره
الجده بدأت تتكلم وهي تمسح دموعها بطرف شيلتها
الجده : يا ولدي اشلون ؟؟؟ وش تبي الناس يقولون عنا ؟؟
ذياب : اشلون تتهمون واحد برئ
الام : عمك فيصل اتفق مع الحارس انه يشيل القضيه الين تكبر انت واخوك وتعفونه من القصاص والحمدلله اعفيتوه ورجع لاهله
ذياب بـ ابتسامة استهزاء : والمقابل نصيب احمد من الورث اللي قتل ابوي بسببه !!!
الجده : ايه يا وليدي الرجال مستعد يبيع نفسه عشان الفلوس
بس والله قلبي غضبان على احمد الين اموت
ذياب : والله لانتقم لابوي والله قام ورمى الفنجال من يده وطلع الشارع ركب سيارته ومشى
في اليوم الثاني في بيت فيصل
فيصل واولاده وبنته وزوجته جالسين على طاولة الاكل
فيصل : بنوتتي الحلوه وش تبين اجيب لك من لندن
سحر : ابي عروسه كبيييييييييييييييره
محمد : يبه لا تدلعها
سحر تطلع لسانها : مالك دخل بابا ويموت فيني
ياسر : وانا يبه ابي تجيب لي سياره بريموت
الاب ابو محمد : ان شاء الله من عيوني
ام محمد : ومتى بتمشي ان شاء الله
ابو محمد : ان شاء الله الاسبوع الجاي يوم ......... في هذي الاثناء رن جوال فيصل : الو
: السلام عليكم
ابو محمد : وعليكم السلام
: فيصل فهد ال...
ابو محمد: ايه اخوي معاك تفضل
: البارح الساعه 8 العشاء اخوك وعائلته سار عليهم حادث
ابو محمد قام وبدأ يرجف : ايه اخوي وش صار لهم
: قول لا اله الا الله
ابو محمد: لا اله الا الله قول يا خوي
: البقيه بحياتك ماتو كلهم
ابو محمد : انا لله وانا اليه لراجعون لا حول ولا قوة الا بالله (( بدأ يلف فيه شريط حياتهم وذكرياتهم وندم على كل لحظه كان مقاطع اخوه فيها ))
اخذ العنوان وقفل

راح لامه : يمه اذكري الله
الجده : لا اله الا الله وش صاير
فيصل : اخوي احمد واهله في ذمة الله
الجده طاح عكازها ودمعو عيونها : انا لله وانا اليه راجعون حسبي الله عليك يا ابليس
راحوا عيالي , راح القاتل والمقتول ,,
اخخخخخخخخ يا احمد اخذت روحي مني في حياتك وفي خبر موتك ,
يمه فيصل ,, ابي اشوفه ابي اضمه ابي اشم ريحته
اه يمه رحت وانا ماسامحتك ليتني مادعيت عليك ليتني سامحتك اه يمه ودني له
فيصل : يمه وش تشوفين انا لله وانا اليه راجعون ماكنت بقولك بس اخوي تفحم هو واهله
الجده طاحت عليهم حاول فيصل يصحيها ولكن فشلت محاولاته شالها واخذوها للمستشفى لكن فات الاوان وراحت الجده مع ولدها الى ذمة الله بعد تعرضها لازمه قلبيه للمره الثانيه

في مكان ثاني كانت تمشي وضحى بقطيع من الخواريف وفجاءه استوقفها منظر الطفله المرميه على الارض حاولت تصحيها , وبدأت تتمتم اسيل بكلمات , حمدت ربها وضحى
فشالتها واخذتها لبيتها الخشبي المتهالك في القريه الخاويه
شافتها امها الطاعنه بالعمر مستغربه من بنتها العانس اللي تبلغ 45 عام
ام وضحى : يمه وضحى وش اللي بيدتس
وضحى : يمه ام سعود قالتلي انه البارح صار حادث على الشارع والظاهر ان هذي منهم
ام وضحى بـ عجل : هيا خلينا نمتس ناخذها للشرطه
وضحى : لا يمه دخيلتس لا تحرميني , مايكفي اني ماعندي زوج , ولا عيال , ابي اربيها , ابي اصير امها
ام وضحى : وش هالحتسي نمك
وضحى : يمه اهلها كلهم ماتوا ما بقى لها احد
ام وضحى : لا نمتس اكيد لها عمام وخوال
وضحى بدات تبكي : يمه لاتحرميني محد بيسأل عنها اكيد يحسبوها ماتت ان سالوا عنها والله مير اوديها لمهم بنفسي
ام وضحى : واذا كبرتس ايش نقول لها
وضحى : ام سعود قالت لي انه طلعوا خبر الحادث في الجريده انا بروح اشتري جريده وباخذ اسم اهلها واذا كبرتس بعلمها
ام وضحى هزت راسها بـ اسى على حال بنتها : الله يعين على اللي بيجينا
اسيل بدأت تصحى بعد ما رشوها بالمويه
اسيل بصوت مرتجف : ابي مويه
شربتها وضحى المويه
وسالت اسيل : ويني ؟؟؟ من انتم ؟؟
وضحى : هو انا امتس شكل ضربت الشمس نستك
اسيل : انتي امي ؟؟
وضحى : ايه
اسيل : ليش ما اتذكر ؟؟
وضحى : امس كنا بالمرعى انا وانتي وطحتي علي من فوق الجبل وديتك المستوصف وقالوا جاتك ضربه في راتس وعشان كذا ماتذكرين
خليتس عند جدتس وانا بروح اجيب لتس من البقاله عصير وبجيتس , راحت وضحى وهي طول الطريق تفكر ايش تسميها ,
وضحى بـ انشراح : امل حياتي , بسميها امل
وصلت البقاله و شرت الجريده وحصلت خبر الحادث واسم العائله وخبت الجريده عندها وهي تظن ان الدنيا اخيرا ابتسمت لها .

انــــــــتهى البــارت الاول .

البــــــــــــــارت الثــــاني

بعد مضي العشر السنوات , اصبح الان عمر بطلتنا اسيل 20 عام
واصبح اسمها امل .
في الصباح الباكر كانت جالسه امل (اسيل ) على احد الصخور , وهي تشد على راسها , بالم وتفكير
امل (اسيل) : مين اسيل , ليش دايم تجيني بــ احلامي , ليش احس اني انا مو امل
بدأت تتذكر
1 : اسوله يا ماما لا تروحي بعيد
2 : لا يا ماما بروح العب عند الشاطئ
3 : الله يهديك يا زهره سيبي البنت تلعب حنا طلعنا ليش مو عشان تنبسط اسيل احسن من جلستها بالبيت لحالها
1: خايفه عليها يا احمد
3 : خلاص خللي البنت تنبسط هه شوفيها قدام عيوننا
طاحت اسيل وبدأت تتأوه وتصرخ
قامت الام : يمه اسوله وش فيك , من وين يوجعك
2 : هههههههههههه امزح معاكي يا ماما
3 : ههههههههههههههههههههههههه والله منتي هينه يا اسوله
1 : كذا يا اسوله تسوين في ماماتك
2: امزح معاكي يا ماما
1 : يلا قومي عني انا زعلانه منك
2 : ماما لو تزعلين مني انا اموت
1 : لا سلامتك يا ماما أنتي نور عيوني
قامت اسيل ضمت مامتها وقالت : الله لايحرمني منك يا احلى ماما
نرجع لــ امل (اسيل) : اخخخخخخخخخخخ يا راسي اخخخخ يا ربي وش ذا , انا متاكده في سر في حياتي الذكريات اللي تجيني ذي لها سر , ليش احس ان هذي انا , ليش احسهم اهلي , ليش احسها قصتي
قامت امل (اسيل) ورجعت البيت وهي تحاول تتذكر أي شئ وذاكرتها نجحت في انها تصور لها بعض من حياتها قبل فقدان الذاكره لكن امل (اسيل) عاجزه في انها تعرف اذا كانت هي اسيل او غيرها .
امل (اسيل) : السلام عليكم
وضحى البالغه من العمر 55 واللي سادحه على فراش المرض بعد وفاة امها قبل عامين : وعليكم السلام يمه
امل (اسيل) : كيفتس الحين يمه
وضحى بـ اسى : من ربتس بخير
امل ( اسيل ) : الله يطول بعمرتس يمه , يمه والله تعبت من الالم راسي , يمه ليش احس انتس مو امي , ليش احس انه لي ام غيرتس
وضحى بـ حزن : مصيرتس تعرفين كل شئ بيوم من الايام
امل (اسيل) : قوليلي يـمه , لاتخبين عني , ريحيني من الالم , ريحيني من هالكوابيس
وضحى بـ حزن : رح تعرفين يمتس بس صبرتس علي
قامت امل ( اسيل ) وراحت عند خواريفها
وفي هاذي الاثناء اخذت وضحى هاتفها الصغير الرخيص ودقت على الرقم الوحيد الموجود في جوالها دقت رنه وقفلت وهي دقائق حتى عاود ذلك الرقم الاتصال على وضحى
وضحى : هلا يمه
: هلا بك يا خاله كيفتس , ان شاء الله بخير
وضحى : مارح ارتاح حتى تحصل اهلها يا سعود
(سعود الشخصيه الجديده في الروايه جارهم في القريه اللي يشتغل في الرياض بعد ماغادرو تلك القريه ولكن لم يقاطع وضحى وبنتها المزيفه )
سعود : ايه يمه ارتاحي انا عرفت عنوان شركتهم ان شاء الله يومين ونا عندهم
وضحى بفرح يخالطه الحزن : الحمدلله يارب هالحين اموت وانا مرتاحه
سعود : لك طولة العمر يمه , يمه انا طالبتس ولا ترديني دخيلتس
وضحى : موضوع خطبتك من امل انساه , لا راحت لاهلها اخطبها منهم
سعود : يمه انا اتزوجها واخذها لاهلها يمه رجيتس لاتحرميني منها , هي لها عيال عم وناس غناهم فاحش , والله مير يطردوني طردة التسلب
وضحى بتعب : يمه ارجوتس خليني ارجع الامانه لاهلها وبعدين ان شاء الله ربتس يحلها
سعود وهو متاكد بأن الامل ضايع : خير ان شاء الله يلا فمان الله
وضحى : فمان الله .
نروح لمكان ثاني ....
منيره : يمه ابي اشوف عيالك , اخوك جهاد مشاء الله معاه ولدين وهو الصغير وانت للحين وهو اللي عمره 28 وانت عمرك 30 وشايب ولا تفكر بالعرس لمتى يمه
ذياب : يمه خليني اعيش حياتي مو انا اللي اشتري من حلالي عله
منيره : شوف اخوك مبسوط مع زوجته وعياله وما يستانس الا لصار معاهم
ذياب : خلاص مايصير الا اللي بخاطرك بس أنتي تتحملين لا خليتها بالبيت ولا طالعت بوجهها
منيره بفرحه : خلاص انا بخطب لك
ذياب : ههههههههههههه ليش مستعجله يمه
منيره : ماصدقت توافق يمه
ذياب : خلاص اختاري البنت اللي تبين ويوم الملكه تعالي اعزميني على ملكتي خخخخخخخخ
منيره : ههههههههههههههههههههه يا سعدي في هاليوم بخطبلك بنت خالتك مناير
ذياب بـ اشمئزاز : وما لقيتي غير فاصخة الحياء ذي
منيره : يا زينها خلود مافي بجمالها وانا حاطه عيني عليها لك من زمان
ذياب : أي جمال الله يهديك يمه , كلها عمليات تجميل
منيره : لا والله يا زين خلود من يوم هي صغيره وهي جميله
ذياب : ههههههه مصره عليها يمه , خلاص اصلا مو هامني الزواج بكبره , سوي اللي تبين , يلا انا رايح عند اخوياي الاستراحه توصين بشئ
منيره بفرح : روح يمه عسى عيني ماتبكيك
قام ذياب وباس راس امه : مع السلامه
منيره : مع السلامه
مسكت التلفون ودقت على اختها مناير : السلام عليكم
مناير : هلا اختي وعليكم السلام
منيره : اشلونكم ؟ عساكم بخير !!
مناير : الحمدلله ماعلينا , كيفكم انتم
منيره : الحمدلله مبسوطين ومستانسين , الا شخبار عروستنا خلود
مناير : عروستكم ! الا بنتي بايره وما تبونها , استنيناكم كل هالسنين ولا جيتونا , المشكله في بنتي اللي ردت كل الخطاب ماتبي الا هالذيب لاكن الذيب ذا وينه صار عمر بنتي 29 ولا هي متزوجه ولا هي معيله يا خوفي تعنس
منيره : هههههههههه الله يهداك سكتي خليني اتكلم
مناير : هه سكتت سمعينا
منيره : ابد اليوم جاني ذياب وقالي يمه خطبيلي حبيبتي وبنت خالتي خلود
مناير بفرحه : والله !! حلفي !!
منيره : هههههههههههه والله
مناير : يلا يلا قفلي خليني ابشر خوخه
منيره : بشريها وردي علي
مناير : ان شاء الله , مع السلامه
منيره : مع السلامه
قامت مناير تركض وفتحت على بنتها اللي واقفه قدام المرايا الباب : يمه ابشرك جاك خطاب
خلود : اووووووووووووووووف يا ماما انا غير ذيبي ما اخذ
مناير : واذا قلتلك ان اللي جاك الذيب !!
خلود : هاه حلفي يمه
مناير : والله توها خالتك قفلت مني وقالتلي ان ذياب قالها خطبيلي حبيبتي خوخه
خلود وهي طايره من الفرح : ياااااااااااااااااه اخيرا يا ذيبي حسيت على دمك , يمه والله مستانسه , الارض ماهي شايلتني من الوناسه
مناير بغطرسه : اصلا يحمد ربه ان بياخذ وحده مثلك , مال , وجمال , ودلال
خلود بنفس غطرسة امها : ايه وانتي الصادقه
مناير : يلا خليني ابشر خالتك , طلعت مناير من عند بنتها , ورمت خلود حالها على السرير , ياه يا ذياب اخيرا بتسير زوجي واقهر كل البنات باني اخذت اغنى رجال في الشرقيه ذياب محمد فهد ال.....
قامت تطالع وجهها المتغطرس طالعت في انفها اللي عملت فيه خمس عمليات تجميليه ثم شفايفها اللي نفختها حتى كادت تنفجر
ثم خدودها اللي كانها كورتين : هين يا ذياب اذا ما اخذت عقلك
في نفس البيت بالطابق الارضي : خلاص مانبي خطبه كل الناس يدرون ان ذياب لخلود , الملكه خليها الاسبوع الجاي
منيره على الخط الاخر : على بركة الله و بس يمديكم تتجهزون
مناير : اللي معاه فلوس يجهز نفسه بيوم مو اسبوع , وحنا بنسوي الملكه في حديقة البيت
منيره : الله يقدم اللي فيه الخير
في بيت فيصل بن فهد ال....
محمد : يمه انا و منال بنسافر نهاية الشهر
ام محمد : وين يمه توكم جايين من السفره
محمد : يمه أنتي تدرين ان حنا بنسافر عشان العلاج
ام محمد : يمه خلاص صبروا وارضو باللي ربك كاتبه لكم , صار لكم سبع سنوات وانتم من ديره لديره
محمد : يمه انا ابي عيال , يكفي لاطالعت بعيال اختي سحر وجهاد قلبي يتقطع
ام محمد : يمه لاتجرح زوجتك , تراها حبيبه وماتستاهل
محمد : ونا مو مصبرني غيرها , احبها ولا ماكنت عالجتها , كنت تزوجت غيرها بس والله اني احبها وما ابي اخسرها , بس لازم ناخذ بلاسباب ونحاول , يمه عمري ثلاثين سنه ومنال خمسه وعشرين اللي بعمرنا معاهم اربعه ولا خمسه
ام محمد : الله يرزقكم بالذريه الصالحه نمك
محمد بـ حرقه : امين يمه اميـــــــــــــــــــن
الا وين ياسر ماشفناه
ام محمد : في الجامعه عاد هذي اخر سنه الله يوفقه يارب
محمد : امين
سمعوا صوت الباب تقفل
محمد : هذا ابوي جاء
ابو محمد : السلام عليكم
: وعليكم السلام
ابو محمد : ها وش عندكم متجمعين !!
محمد : ابد يبه الوالده قاعده تقول لي انها مشتاقتلك
ام محمد احمروا خدودها : الله يصلحك يا وليدي وش هالحكي
ابو محمد : افاااااااااااا يا خديجه يعني ما اشتقتيلي
ام محمد : الا بس ....... سكتت من الاحراج
ابو محمد : ههههههههههههههههههه لين الحين تستحين يا ام محمد صرتي جده وباقي تستحين
ام محمد : والله باقي شباب بنتك تزوجت وهي عمرها 17 وجابت محمد بعمر الـ18 وجابت فيصل بعده على طول وهي عمرها 19 الله يخليهم لها
ابو محمد : ههههههههههههههه لا لا تصغرين نفسك العمر راح يا ام محمد
ام محمد بزعل : الله يطول بعمري وازوج ياسر
ابو محمد ومحمد : ههههههههههههههههههههه امين يا رب
نطلع في جناح محمد وزوجته منال
منال جالسه في البلكونه كـ عادتها وتفكر في زوجها اللي يحبها وبالرغم من مشكلتها اللي حرمتهم من الحمل والضنى ما قد جرحها مع انها تشوف الحزن في عيونه ولهفته على انه يجي له ذريه
قامت تلبس عشان تنزل تتعشى مع اهل محمد
ونروح عند اسعد اثنين في روايتنا بالرغم من غيرت سحر المره
سحر وولد عمها جهاد
سحر دخلت من الباب ورمت الاغراض من يدها وهي تبكي : والله انا شفتك كل ما مرت بنت طالعت فيها
جهاد : يا عمري والله ماطالعت في احد ما احد مالي عيني في الدنيا غيرك
سحر : اصلا انت تكذب اذا شفت البنات ما عاد تقدر تتحمل
جهاد بعصبيه : يوووووووووووووه ترى ماصارت عيشه مع غيرتك ذي اللي مالها داعي
سحر : شفت كيف اذا شفت البنات تتغير معاملتك معايه
جهاد : انا اطلع من البيت احسن يمكن ترتاحين مني شوي
سحر : ايييييييييييييييه رايح لهم رايح للبنات اللي قاعد تطالع فيهم
جهاد بعصبيه شديده طلع وقفل الباب بالقوه حتى صوته ملئ ارجاء جناحهم
سحر : اخخخخخخخخ يا ربي ليش حظي كذا , سيلا سيلا جيبي محمد وفيصل , والله ما اقعد له في البيت
بعد نص ساعه دخل جهاد وبيده باقة ورد حمراء
جهاد : حبيبتي
سحر :
جهاد : افااااا في احد يزعل من روحه
سحر :
جهاد : تر ى ظلمتيني , وانتي تدرين اني ما اشوف احد غيرك , واموت واحياء بك
سحر قامت وضمت زوجها وهي تبكي : جوجو سامحني والله انا ما اقدر اشوفك تطالع غيري
جهاد : بس انا ماطالعت احد عادي يمكن مرت عيني عليهم بغير قصد , كذا تزعلين من حبيبك
سحر باسته على خده : خلاص توبه والله
جهاد : دايم تقولين توبه ونرجع لنفس الموال , خلاص احنا عندنا ولدين المفروض نكبر عقولنا شوي
سحر : خلاص حبيبي قلتلك تووبه , سامحني
جهاد : خلاص , ما ازعل من روحي
مسك بيدها وراحوا غرفة اولادهم
اما عند سعود يفكر بحيره يخاف يدق على اهل امل (اسيل ) وينحرم من حبيبته اللي حبها من اول ماجات القريه
: يا ربي وش اسوي لازم اكلمهم , خالتي وضحى امنتني وتبي ترتاح وما باقي من عمرها كثر ماراح
راح ادق ويقدم الله اللي فيه الخير
( بعد بحث طويل على اهل امل ( اسيل ) قدر يحصل على رقم ذياب >> من سوء حظ اسيل )
سعود : الو
ذياب : هلا اخوي
سعود : معاي ذياب بن محمد بن فهد ال ...
ذياب : ايه اخوي امر
سعود : عندي امانه لكم وحاب اوصلها لكم
ذياب : وش هي
سعود : ماينفع اخوي لازم اقابلك وجه بوجه , تقدر تجيني الرياض
ذياب : خلاص اخوي ان شاء الله بكره عندي كم شغله بالرياض
, اذا خلصتهم دقيت عليك , ونحدد المكان اللي رح تسلمني فيه هالامانه , بس اخوي هي من مين !!!!!!!!
سعود : على بركة الله , وسامحني اقولها لك وجه لوجه ان شاء الله
ذياب : خلاص بارك الله فيك
سعود : مع السلامه
ذياب : مع السلامه
دخل ذياب وحصل امه جالسه لحالها : السلام عليكم
ام ذياب : وعليكم السلام هلا بالعريس
ذياب : هههههههههههههههههههه الله يخليك ليه يالغاليه
ام ذياب : ترى كلمت خالتك اليوم , وحددت الملكه , الخميس الجاي
ذياب : اوووووووووووووووووووف ليش وش هالسرعه يمه , مافي خطبه , مافي البنت تفكر , له له له ؟؟
ام ذياب : خطبت ايش يمه , ترى كل الناس يدرون ان ذياب لخلود , وخلود لذياب
ذياب : الله يعين يمه
ام ذياب : امين
ذياب : مابتنامين
ام ذياب : الا يممه بنام بس كنت استناك وابشرك
ذياب : بشرتيني هالحين يلا قومي ننام ورايه سفره بكره
ام ذياب : الله ييسر لك شغلك , ولا تروح الا اذا شفتك
ذياب : ان شاء الله , يلا تصبحين على خير
ام ذياب : وانت من اهله
في هذي الاثناء كانت امل (اسيل) تشوف شئ في منامها : ماما متى نوصل الشرقيه !!
الام : باقي ساعه ونوصل يا ماما أنتي نامي عشان نوصل بسرعه
: يلا انا بنام
غمضت عيونها وفجاءه سمعت صوت بوري وفتحت عيونها وطارت من السياره مسافه كبيره وارتطمت بالارض
وصحت امل (اسيل) : اعوذ بالله من الشيطان نفثت على يدها الشمال , هذا مو حلم , حقيقه , والله حقيقه
رجعت انسدحت وغمضت عيونها وقعدت تفكر تفكر الين غلبها النعاس ونامت
اليوم الثاني
صحى ذياب ولبس ملابسه واخذ شنطته ونزل : صباح الخير على احلى ام بالدنيا
ام ذياب : صباح النور على احلى عريس بالدنيا
ذياب : هههههههههههههههه لازم تذكريني خليني انسى شوي يمه
ام ذياب : ايه يا وليدي انت تقول هالكلام الحين , بعدين بيطير عقلك في خوخه
ذياب : خوخه !!! الا برشومي وانتي الصادقه , والله لو مو عشانك والا ماكنت اخذتها وحده مايعه , وماتستحي
ام ذياب : افاااااااا يمه وش هالكلام . انت ماتعرفها , ان شاء الله بعدين تعرفها وتحبها ولا عاد تقدر تتخلى عنها
ذياب : ان شاء الله , يلا انا ماشي
ام ذياب : اجلس كمل فطورك
ذياب : خلاص شبعت يا الغاليه , فمان الله , باس راسها وطلع
بعد سته ساعات
ذياب : هلا اخوي , وينك
سعود : شوفني , قاعد أأشر لك بيدي
ذياب : السلام عليكم
سعود : وعليكم السلام , كيفك اخوي
ذياب : الحمدلله تمام , كيفك انت
سعود : الحمدلله , وش تشرب
ذياب : امممممممممممم شاهي
سعود : لو سمحت , جيب كوب شاهي
ذياب : ايه يا خوي وش السالفه
سعود : السالفه ومافيها , قبل 10 سنوات ..............

انتهـــــى البــــــارت الثانـــــــــي