|
مابعد الشتات ، للكاتبة : لمسة براءة ..
.........................♪♪♪ مسسسسسسسساااكم ورد آل ليلاس .. بعد ما قرآت الرواية الرائعة همس الموت للكاتبة لمسة براءة .. بحثت في روايات الكاتبة وطلعت لي روايتها الأولى .. وقلت آنقلها لكم ^^ .. وهذي هي للتحميل على ملفي وورد وتكست .. على وورد ~> مابعد الشتات.doc .. على تكست ~> مابعد الشتات.txt .. ♪♪♪......................... |
¬ مآآ [ بع ـڍ ] آڷشٺآآآٺ ∫●• بسم الله الرحمن الرحيم أضع بين يديكم أول ما خطته اناملي أتمنى أن تنال إعجابكم...ولا تحرموني من انتقاداتكم وردودكم المشجعه..<< ولا تنسون تصوتون وكل قارىء يصوت حسب ما تستحقه القصة...^^ . . أتركم مع القصة ( الجزء الأول) الساعة 6 وقريب بيأذن المغرب والشمس بدت تغيب والظلام يتسلل في كل مكان...الجو بارد..والكل سار بيته يحتمي من البرودة..نروح بعيد شوي عند البنتين اللي يمشون على احد الارصفة... سارة: آآآآآآآآه تعبت....الله يخليج مها ابي اقعد شويه.. مها: فديتج سآآآرونة تحملي شوي.. سارة وشويه وبتصيح: انا تعبااااانة ويوعااانة وبردااانه... مها لمت اختها لحضنها: خلاص الحينة بنقعد بنرتاح شويه.. ساروا ويلسوا تحت شجرة....عقب بطلت مها الكيس اللي كان وياها..وظهرت منه ساندويجة وعطتها اختها سارة.. سارة كلتها بشهية.. سارة: يمممم..باردة بس اليوع يخليها لذييييييييييذه هههه.. مها طالعت فيها وابتسمت.. ((مها..أنا عمري 17 سنة..وهاي اختي الصغيرة سارة..عمرها 13 سنة..وكان عندي اخوو اكبر عني اسمه علي وعمره 19 سنة لكنى توفى قبل شهر ويه امي وابوي بحادث..خالتي وريلها يوو عندنا بعد ما توفوا اهلى..اونهم الوصي علينا لان ما عندنا الا خالتي هنيه وعمي اللي في بريطانيا بس بعد ما عرف ان اهلي توفوو وهو يااي بالطريج سوا حادث ومات طبعا انا ما جفته بس خلتي قالتلي..خالتي وريلها يبون يسرقون الورث مالنا لان ابوي تاجر غني ومعروف وعنده شركات..المووهيم سمعتهم بيفرونا بدار الايتام طبعا بعد ما ياخذون الورث..وشردنا من البيت بسبب معاملتها السيئة لي وسارة ...)) سارة وهي تثاوب: ابي ارقد من الفير وانا صاحية.. مها: خلاص انتي الحينة رقدي بعد نص ساعه بنسير.. سارة: وين؟؟ مها تنهدت : مادري.. انسدحت سارة فوق ريول مها وبسرعه رقدت من التعب.. ظهرت من الجنطة غثرة ابوي ولحفت سارة فيها..لاني كنت يايبة بعض اغراض امي وابوي واخوي علي.... بعد نص ساعة... مها: سااااارة....سااارووونة...يلا حبيبتي بسج رقااد..يلا بنرووح.. سارة: همممممممم... ماباااا...خالتي الله يخليييج مب متفيجة انظف البييت تعبآآآآآآآآآنة.. مها: سارة.يلااااااا بسرعة بنسييير.. نشت سارة وطالعت في المكان..عقب استوعبت هي وييين.. سارة وهي تتمطط: كنت احسبج خآآلتي...الحمدالله افتكيت منها.. مها وقفت: يلااا.لا زم نبتعد قبل ما يدوروون علينا.. مها..كنت ادور مسيد عسب نصلي فيه...حصلت مسيد قريب شوي....وصلت المسيد ودخلنا انا وسارة وصلينا.. بعد ما خلصت الصلاة.. مها: سارة شرايج نسير الدكان اللي عدال المسيد ابي اشتري اكل.. سارة: اوك يلا.. دخلنا الدكان وكان مزحوم شويه..المووهيم خذيت اللي ابيه..ورحت احاسب الهندي..وكان واحد عدالي..مديت ايدي بدفع جان يقول الريال اللي عدالي.. .......: لااااا افا عليج يالغلااا انا بدفع.. استغربت ها يرمسني اولا ..شكيت ف عمري..قلت يمكن يرمس وحده غيري..؟؟ تم يطالع فيني.. مها: ترمسني انا؟؟ الريال والابتسامة شااقة الحلج..: هيه.. مها: لا مشكور ترا عندي فلوس.. ........: حلف انج ما تدفعيين.. مها: اقولك ترا عطيتك سالفة زياادة..سير اقلب ويهك..اذا تبا تستعرض فلوسك ادفع حق اللي موجودين كلهم يالكرييم.. ورفعت صوتها: احم...ياللي موجودين..هالريال يزاه الله خير يقول حالف عليكم انه هو اللي يدفع.....صح؟؟ الريال تورط: هاااه..أأ...هيــ...اوه لحظة برمس في المبايل..اختاروا اللي تبونه.. ربيعه: هههههههههههههههه..بنجووف يالبخيل متى استويت كريم؟؟ حاسبت بسرعه..التفت ما حصلت سارة..ظهرت براا الدكاان..جفت واحد ميود سارة من ايدها.. سارة وهي تجوته بريولها: هدني يالحقير يالنذل... ........: لاااا...ما اقدر اخلي القمر تروح من ايدي...لييش معصبة؟؟تعاالي ويااااي.. سارة وهي تصرخ:...مااااااباااااااااااااا...يالدب هدني.. ..........: لييش؟؟ حرام علييج انا احبج...!!!! سارة: حبتك القرآآآآآدة ان شاءالله يالخسف.. سرت صوبهم... مها وهي راصه ع اسنانها: لو سمحت..خوز ايدك عن اختي.. ........: الله قمر ثاني..شو هاليوم الحلوو..شكله بغمى علي... عصب من الخاااطر.: انت يالصاايع..يالحثاالة ..سير تغزل ببشاكير بيتكم... سحبت ايد سارة منه ومشيت بسرعه بعيد عن المسيد وانا قلبي طبووول..تميت اراقبهم الين ما راحوا..عقب سرت المسيد ودخلته.. سارة وهي شو وبتصيح..:مها انا خاااايفه.. مها: لييش..خلاص عدت السالفة..؟ سارة: هيه..لكن مب كل مرة تسلم الجره..!! يلست افكر في كلام سارة...صح كلامها..نحن بنتين..محد بيدافع عناا..ولو استوا بسارة شي بكون انا السبب..!!لاني انا اللي ظهرتها من البيت.. مها: لحظــــــــــة..!! عندي فكرة..!! سارة: شوو؟ مها : لحظة... سرت صوب الحمام عقب ظهرت... مها مبتسمة: هاااااه؟؟ شوو راايج؟؟ / \ / شو توقعاااتكم؟؟؟ كيف بيواصلون حياتهم سارة ومها؟؟ |
مقتتطف من الجزء السابق.. يلست افكر في كلام سارة...صح كلامها..نحن بنتين..محد بيدافع عناا..ولو استوا بسارة شي بكون انا السبب..!!لاني انا اللي ظهرتها من البيت.. مها: لحظــــــــــة..!! عندي فكرة..!! سارة: شوو؟ مها : لحظة... سرت صوب الحمام عقب ظهرت... مها مبتسمة: هاااااه؟؟ شوو راايج؟؟ ............................. كنت لابسة كندورة علي اخوي وغترة ابوي..اما الجوتي فالحمدالله كنت لابسة سبورتي..يعني ما يبين انه مال بنات او اولاد.. سارة: انزين..يعني شو بتسوين؟؟ مها: احييم..بهالطريقة الكل بيحسبني اخوج ومابا يسوون لج شي.. سارة: مممممم..بس ملامحج يبين انها ملامح بنية!! تميت افكر....كنت بقص شعري..لكن تذكرت امي الله يرحمها كنت دووم اضارب انا وياها عسب اقص شعري..لكنها كانت ترفض....شعري كان طويل الين فوق الركبة ولونه كستنائي وناعم.... رفعت قذلتي ويه شعري بدبوس.عقب لبست الغترة..وظهرت الجحال مالي وسويت خطوط صغيرة ع ويهي اونه شنب..والكندورة بروحها كانت وسيييعه علي.. مها: هااا..شو رايج الحينة؟؟ سارة: هههههه الحينة صج ولد..بس حلوووو..ممكن الرقم لوسمحت.. مها اشرت بصبعها عليها وناظرتها باحتقار: سوري ما اعطي رقمي بنات كشرة.. سارة مبطله عينها: لاااااااا..حراام عليك جرحتني..ما اقدر اعيش بدوونك.. مها وسارة: ههههههههههههه... مها: يلا الحينة بنرقد هنيه وباجر بندور لنا مكان..لازم نبتعد عن بيتنا قد ما نقدر.. سارة: لا تخافين اصلا محد بيدورنا ...اصلا ما صدقوا انا ظهرنا من البيت.. مها: محد يدري....!! رقدنا...بس كنت طول الليل اتقلب ما اقدر ارقد في مكان غريب...رقدت شويه عقب نشيت الساعه 9 الصبح..تميت افكر..صحولا غلط يوم شردنا من البيت؟؟انا سويت ها كله عشان سارة..حرام خالتي تعذبها جي...وتحرمها من المدرسة..!!هي بعدها صغيرة.. جفت سارة تتقلب.. قلت: سااروونة ...انتي راقده؟ سارة: لاااا مارمت ارقد عدل.. مها: عيل يلا نشي تريقي عدل..لان نحن ما بنوقف.. تريقت انا وسارة وسرت البس الكندوورة..وظهرنا..تمينا نمشي يمكن نص سااعه...جفت سيارة شرطة...تخرعت..ينكن يدورون علينا.. مها: ساااارة بسسسرعه تغشي.. سارة: لييش؟ مها: بسرعه تغشي يمكن يدورون علينا.. تغشت ساارة...يت عدالنا سيارة الشرطة.. الشرطي: السلام عليكم.. مها وهي تخشن صوتها: وعليكم السلام والرحمة.. الشرطي مدر لي ورقه: لوسمحت اخوي جفت في طريجك..هالبنتين؟؟ انا هنيه طااح قلبي ببطني...جفت صورتي انا وسارة..ما توقعت انهم يدورونا بهالسرعه...ارتبكت..بس حاولت ما ابين له.. مها: احم....لا ما جفناهم.. الشرطي وشكله طفران: ع العموم..اذا جفتهم بلغ في مكافاة مالية للي يحصلهم وهي 500,000درهم...!!! مها: ان شاءالله.. الشرطي: يلا سلااام.. ورااح.. سارة: اوييييه..خفت انه يعرفنا.. مها : الله ياخذ خالتي وريلها ...جفتي كم حاطين المكافاة؟؟ سارة: اتحداهم يدفعونها..خخخ كانهم حاسين انه نحن ما بنرد.. سارة: الحينة شو نسوي بنرد البيت ولا شوو؟؟ مها: طبعا لا..انتي ..انا ظهرت من البيت عشانج..انتي تبين تردين؟؟ سارة والدموع فعينها: اكــــــــــره خالتي كل هاا بسببها.. مها: خلاص سارونة...بسرعه لا زم نبتعد... تمينا نمشي..الين ما وصلنا فريج قديم..الناس اللي فيه يدل من شكلهم ان مستواهم المادي موو ليين هنااك.. تميت امشي..واطالع في الناس..وقفنا جدام بيت...كنت ادور مسيد...تساندت على باب البيت بس تفاجات فيه ينفتح.كنت بطيح..بس تساندت ع الطوفة.. مها: بسم الله..كنت بطييح..!!..هذيلا ليش مخلين الباب مبطل..؟ سارة وهي تطالع داخل: محد؟؟شكله مغبر ومبهدل...!! جفت ياهل قريب منا يلعب سيكل..زقرته... مها: ممكن اسالك سؤال؟؟ الياهل: هيه اكيد ممكن...^^ ابتسمت له: مممم منو يسكن فهالبيت؟؟ الياهل: محد..موو بيت حد... مها: لييش؟ الياهل: اهل البيت ماتوا من زمااااان... مها: الله يرحمهم...يلا مشكوور.. طلعت حلاوة واعطيته... الياهل: يلا مع السلامة... وسار يلعب...الوقت الحينة العصر... قلت لسارة: يلا بندش البيت.. سارة بطلت عيونها: مينونة انتي؟ مها: بس بنجووفه....اذا اوكيه بنتم فيه.. سارة: لااا..اخاف يكون فيه ينانوة..!! مها: الحينة شو ياب الينانوة؟؟؟ دخلت البيت وصكرت الباب ورااي..كان الحوي نصه رمل..كملت طريجي الين دااخل..البيت من داخل مرتب بس مشكلته مغبر....كان عبارة عن..4 غرف كل وحده فيها حمام..ومطبخ وصالة...عيبني البيت... مها: ساارة..اليوم بنبات هنيه.. سارة: مممممم...تدرين عيبني المكان....فيه كل شي...استغرب ليش ما خذو اغراضهم؟؟ مها: يمكن ماتوا فجاة؟؟ سارة : يمكن..!! سرت المطبخ ادور ادوات تنظيف..وحصلتهم.. قلت لسارة: يلااااا..ورانا تنظييف.. سارة يودت راسها: لااااااع...انا النتظيف ورااي ورااي؟؟ ما صدقت افتكييت من خالتي..الحينة انتي؟؟ مها: يعني ما بتنظفيين؟؟ اوك براحتج...بسير انظف بروحي..=( سارة مدت بوزها: خلاااااااص..طيب..الحينة بقوووم انظف... انا كنت انظف..الصالة والمطبخ والحوي..اما سارة الغرف والحمامات((الله يكرمكم)).. خلصنا تقريبا على اذان العشااء.. سارة قعدت ع الكنفه بتعب: آآآآآآآآه...تعبت....يوعااانة حييييل.. مها: وانا بعد تعباانة..اصلا انتي دومج يوعاانة.. سارة: ههههه...انا ما اقدر اعيش من دون اكل.. مها: خخخ ليش انا قلت لا تاكليين؟؟ كثر ما تاكلين بس ضعيفة.. ساارة: عنبووو..حق شوو الحسد..قولي مشالله.. مها: هههههه مشالله..شو رايج اطلب من المطعم؟؟ سارة: هيه...من زمااان ما اكلت شي محترم.. مها: اوك بظهر بجوف حد يعطيني رقم مطعم قريب.. ظهرت براا ادور حد..جفت واحد توه طالع من البيت اللي عدالنا....سرت صووبه.. مها وهي تخشن صوتها:السلام عليكم.. ......: وعليكم السلام والرحمة.. مها: لوسمحت اذا ما عليك امر ممكن تعطيني رقم مطعم قريب...لان نحن تونا ساكنين وما نعرف شي عن المنطقه.. ........: تفضل اخوي..×××××× مها ابتسمت: مشكووووور ما تقصر.. .....: العفووو..بس ما عرفنا اسمك..؟؟ مها تفكر....:أأأأ...اسمي؟؟ هيه اسمي مممم...محمد سعيد الـ..... . ......: عااشت الاسامي..اما انا..سالم سلطان..الــ.... مها تبا ترد بسرعه: تشرفنا..مممم اوك سالم الحينة بخلييك.. سالم ابتسم: اوك اجوفك مرة ثانية.... مها: فمان الله.. سالم: مع السلامة.. رديت البيت..جفت سارة مشغله التلفزيوون..وتطالع على قناة ام بي سي.. مها: واااو...يشتغل التلفزيوون؟؟ سارة: هيه..كشخة صح؟؟ دقيت ع المطعم وطلبنا...عقب ربع ساعه يابوا الاكل..وتعشينا..عقب سرنا نرقد... / \ / مقتطفات من الجزء القادم.. ... سالم: السلام عليكم..ومد ايده يبا يسلم بس سويت روحي ما جفته اوني ارمس سارة..بس حسيت به قفط ورد ايده.. عقب افتريت صوبه اونه الحينة جفته<<خخخخ مها: اووه سالم...هلا ..شحالك؟؟ . . انظروووني..ولا تحرموني من ردوودكم..^^ |
الجـــــــــــــــزء ((الثـــــــــــالـــــــث)) نشيت ع تسلل خيوط الشمس في الغرفة..جفت سارة بعدها راقده...سرت اتسبح..ظهرت من الحمام..وطلعت من جنطتي بروش وسحيت شعري..طلعت من الجنطة جوازي انا وسارة..والاوراق الرسمية..خذيتها احتياط عسب اذا استقرينا انا وسارة ادخل سارة في المدرسة..وانا ادور لي شغل....سرت اقعد في الصالة شغلت التلفزيون...تميت.أفر في القنوات...جفت سارة توها ناشة.. ابتسمت لها: صباااح الخير.. سارة : .....................<<مسوية طاااااف..خخ يت وقعدت عدالي.. مها: حلفي انتي بس...سيري بدلي وشيلي هالكشة..بنسير السوبر ماركت.. سارة: ليش؟؟ مها: بنشتري اغراض البيت.. سارة: اهاا.. سرت اتريق انا وسارة....عقب لبست كندورة وسويت حمدانية...وظهرنا صوب السوبر ماركت.. في السوبر ماركت.. قعدت اخذ الاغراض اللي ابيها..وبالصدفة وانا اخذ جفت هااا..ولد جيرانا مادري شسمه..ممممم..سعيد مادري سالم...لالا اعتقد سالم.. جافني وياا صوبي..انا بسرعه صديت عنه.. سالم: السلااااام عليكم....((مد ايده بيسلم)) لكن سويت روحي ما جفته...اونه ارمس سارة..عقب حسيت به قفط ونزل ايده..افتريت صوبه اوني الحينة جفته<<خخخخخ مها: اوووه...سالم...هلا..سوري توني انتبهت لك..شحالك؟؟ سالم: الحمدالله بخير...علومك؟؟ وعلوم الاهل؟؟ مها: والله الحمدالله كلنا بخير.. تمينا نسولف في مواضيع واايد....وشويه وانا مندمجه معه الا واسمع النحسه ساارووه تزقرني.. سارة من بعيد بصوت عالي: مهااااااااااااااااااا.... ماعرفت شو اسوي..انا قايلتلها ما تزقرني مها..وتقول محمد بس شو اسوي دامنها ما تفهم!!!! شفت سالم يطالعني مستغرب..؟؟ سويت روحي انه مب انا اللي تزقرني..بس ساارة...لااااااا..ومااا زالت مستمرة بالنداء((وصوت عاااالي يبط الاذااان))<<مو كنه مبالغ شويه؟؟ سالم: محمد شكل الاهل يزقروونك؟؟ صديت صوب سارة والشرر يتطاير من عيوني.. مها: سااارة....ليش تصارخين جي؟؟منو تبين؟؟وين مها؟؟ سارة بغباء: انتي مهاا..!! عااد انا هنييه تمنيت ان الارض تنشق وتبلعني...وفخاطري ما خليت سبه ولا دعاوي اللا ودعيت على سارووه الغبية... تميت اطالعها واسوي حركات بعيني عل وعسى تفهم..وسالم ورايه..ومستغرب وقفتنا ..وبعد .. جهد جهيد فهمت الاستاذه سارة يوم جافت سالم ورااي..<<الحمدلله والشكر تو النااس. سارة: هههههههههه..هييييييييييييييييييييه..صح نسيييييت...شو اسمج..لا اسمك.شو يااااربي...حمد؟؟لا محمد...هيه صـــــــــــح..مشالله علي ذكية<<ياا حاافظ الله يفضحها...!! حاولت اغطي ع الموضوع.. ضحكت بارتباك: هههههههههههه..الله يقطعج..ما تيووزين من المقالب..اقول سيري ازقري مها...قوليلها يلا بنسير.. سارت سارة.. طالعت سالم: ههه..هالبنت دووم تحب المقاالب.. سالم ابتسم ولو انه مبين انه ما فهم شي... سالم: يلا محمد..انا بسير الحينة..تامر علي بشي؟؟ مها: سلامتك.. سالم: يلا مع السلامة.. مها: مع السلامة.. تميت اطالع فيه الين ما غاب عن عيوني.. عقب جفت سارة تطالعني من بين الرفوف.. طالعت فيها بحده: برااويج يالدبة.. سارة بوزت: مهاااااااااا..الحينة انا شو يخصني؟؟ما سويت شي...^ــــــــــــــــــــــــــــــ^<<ياكبرها عند الله..جذب عيني عينك..!! مها:آآآآآآآآآآآآه..شوو اسوي؟؟ انتف شعري؟؟ كنتي بتفضحيني..وخاصة انه ولد جيرااناااا..آآه الحمدالله انه بعده ما استوعب اللي صار.شكله غبي؟؟المووهيم ما بودييج وياايه مرة ثانية سارة: هههههه..سوري والله مانتبهت..((وتتذكر شكل مها وهي مرتبكة وتنقع ضحك مرة ثانية)) هههههههههههههههههههههههههههههههههههه مها مغيظة: شبلااااااااااااج...يعلها ضحكة بليااا ضروووووووس.... سارة وعيونها تدمع من الضحك: اتذكر شكلج وانتي مرتبكة..ولا وتضحكين من الخووف..هههههههههه مها ضحكت وياها: هههههههه..مالت علييج ..ماعرفت شو اسوي... سرت احاسب ع السريع...كنت شاله وياي فلوس..كان وياي 4000..وفي البنك 6000..يعني الحمدالله اقدر امشي فيها حالي الين ما القالي شغل.. ردينا البيت.. بعد اسبوعين....تقريبا استقرت اوضاعنا ...وتعودنا ع المكان..اليوم بسير اسجل سارووه في المدرسة..وبدور لي وظيفة.سجلت سارة في المدرسة وعقب سرت المطار يمكن يقبلوني...عطيتهم شهادة ثاني ثنوي..سويت اللي طلبوه مني...وقالولي اتريي اتصال مناا..رديت البيت الساعه 11 الظهر..قررت اسوي غدا مع اني ماعرف بس شريت كتاب للطبخ..سويت مجبووس..^^ رحت اتسبح عقب صليت..ويلست في الصالة اتريا سارة...سمعت صوت باص طالعت من الدريشة جفت سارة وبنية ثانية ينزلون من الباص.. دخلت سارة.. سارة: سلاااااام.. مها :وعليكم السلام... يت وباستني ع خدي.. سارة: مممم ان يو.... قاطعتها: بدلي بسرعه بسير احط الغداا. سارة: فدييييت اللي يفهمووني..((سارة وهي تشغل حاسة الشم عندها))آآآه في رييحة حلوة...اكيد من بيت الجيران.. مها وهي رافعه حياتها: احيييييييم..احييييم..كاني سمعت حد يمدحني؟؟ سارة: اوونه انتي طبختي؟؟لالا هذا شي من سابع مليون من المستحيلات.. مها تخصرت: لا والله وليش يعني مستحيل؟؟ سارة: انتي ما تدانين الطبخ...هذا واشك انج تعرفين شكل مطبخنا اللي في بيتنا... مها: هاهاهاها..ما تضحكين.اقول سيري بدلي انا ميته يووع... سارة سارت تبدل ع السرييع..سرت احط الغدا ..وتغدينا وتمت سارة تسولف ويااي عن المدرسة وعن ربيعتها اليديدة اللي هي بنت جيرانا..خلصنا اكل..عقب سرنا نغسل الموااعيين...سارووه سارت ترقد..وانا سرت انسدح في الصالة..شوي الا ويرن مبايلي.((سالم يتصل بك...) تذكرت اني عطيته رقمي يوم طلبه مني واستحيت ارده...عاد انتو تخيلوا اقول لا....خخخخ بيقول هاا من الحينة يسوي عداوة..خخخ ولا اقوله لااا عييب..>>قوية.. رديت عليه.. مها: مرحباااااا.. سالم: مرحبتييييين...شحالك حموود.. ياا سلاااام...في تطور عجييب((حموود))خلوني عليه الحينة بهزبه..<<هيييه شفييج انتي؟؟ بلا خبال.. انتبهت على صوت ساالم.. ساالم:آآآلوووو..وينك؟؟محمد..انت معااي ع الخط؟؟ مها: هااه..سوري سالم....هيه ويااك...الحمدالله تماام..وانت شحالك؟؟ سالم: يسرك الحاااال.. مها: دوووم.... سالم:ويااك..حبيت اعزمك اليوم عندنا ع العشا.. مها:.لااا....أأأ قاطعني:ماشي لااا...بتيوون يعني بتيوون الوالدة عازمتنكم كلكم..وبتزعل اذا ما ييتوووا... قلت وانا متورطة: اوك..خلاص سالم: يلا اجوفك بالليل..مع السلامة مها: مع السلامة.. بندت من عنده....اووووووف...انا الحينة متورطة شوو اسوي؟؟ شكلي اليوم بنفضح...الله يستر..طنشت الموضوع ورقدت.... ............................ سالم.. ...الحمدالله خلصت المذاكرة....احم احم...بعرفكم علي..انا سالم عمري 23 سنة..في الجامعه الحينة قسم ادارة واقتصاد..عندي اخو اكبر عني ومعرس..اسمه حمد وعنده ولد اسمه سلطون...على اسم ابوي سلطان الله يرحمه...واخواتي...سلامة..17 سنة..ونورة 13 سنة..والحينة كنت ادرس الامتحان اللي كان علي وخلصت المذاكرة....الحينة بسير ايلس ويه امي... سرت الصالة جفت امي ونورة يالسين..سرت وقعدت عدال امي.... قلت: اقول يمه..ترا ولد ييرانا قال خلاص بيي بالليل.. ام حمد: حياهم الله..قلتله اييون كلهم؟؟ سالم: هيه... ام حمد: امه بتيي؟؟ سالم: والله مادري عن امه..انا ما جفت غيره وغير اخته اللي قالتلي عنها نورة.. نورة: هيييه..ربيعتي اليديدة سارة.. ام حمد: انتي اصلا كل يوم لج ربيعة.. نورة: لا خلاص الحينة قررت الاستقراار..تعبت سالم: الله واكبر...عيل ربيعاتج القدامى تركتيهم؟؟ نورة : والله على حسب..اذا جفت بنت وعيبتني اسير ارابعها واذا حسيتها مملة...طبعا بعد ما احصل ثانية اسير ويه الثانية...اما هااي فاخليها سبير..عسب اذا ما حصلت احد يتمشى وياي اخذها هي..يعني تقدر تقول على حسب المزااج.. سالم: ياا سلاااام..عيل بقول لمحمد ما يخلي سارة ترابعج... نورة:لالالالالا...قلتلك خلاص استقريت..ومابا اتراجع عن قراري.. سالم: اهاا..بنجووف.. ام حمد: يلا سالم فديتك سير حط راسك شويه الين ما ياذن العصر... سالم: هيه والله لاني مصدع من المذاكرة.. ام حمد: الله يوفقك اان شاءالله.. سرت حجرتي ورقدت.. ............................... مهاا...نشيت على ماي بااااارد انصب ع ويهيي...شهقت بصوت عاالي...ويلست بسرعه...بطلت عيني جفت سارووه ف ايدها غرشه ماي وتضحك... سارة: يلا نشي صلي العصر الحينة بياذن المغرب.. جفت الساعة 6 ونص...اووه بياذن المغرب .. مها: براويج بس خلني اصلي اول.. سرت اصلي..عقب اذن المغرب....وصليت.. بعدين زقرت سارة... مها: سااروه...بعد صلاة العشا بنسير بيت جيرانا.. ساارة: منوو قوم سالم؟؟ مها: هيه.. سارة استانست: ونااسة بجوف ربيعتي نورة.. مها: اللي قلتيلي عنها؟؟ سارة: هيه.. مها : اهاا.. .... قبل اذان العشا بشويه..ٍسرت البس..كل ما اطالع روحي في المنظرة اظحك على شكلي العبيط بالكندوورة...تخيلو...الكندورة وسيييعه واناا ضعييفه..يعني باختصار ضايعه فيها...رفعت شعري بعشر دبابيس..عسب ماتطيح ولا شعره..ولبست الغترة.. .............. الساعه 9 تقريبا ظهرنا انا وساروه...وسرنا صوب بيتهم...دقينا الباب..ظهرتلنا بنية. مها: السلام عليكم.. سلامة: وعليكم السلام.. مها: سالم موجود؟؟ سلامة:هيه موجود حياكم تفضلوا.... رحت انا صوب الميلس..وانا خايفه...مادري اول مرة اتقرب من سالم جي...دوم يكون سلام...وانتهت السالفه..سارة سارت صوب الحريم.. يلست في الميلس بروحي....عقب شويه يو سالم واخوه الكبير على ما اعتقد او ابووه مادري.. سالم&حمد: السلام عليكم.. محمد(مها): وعليكم السلام.. حمد: مرحباااا بك محمد....شحااالك؟؟ وعلووومك؟؟ محمد: الحمدالله تمااام....وانت شحالك؟؟ حمد: مديم الحاال.....يسرك حالي..\ سالم: اعرفك محمد..هاا اخوي العوود حمد..وعنده ولد واحد اسمه سلطان... محمد:والله مشالله... سالم: محمد..يبت اهلك كلهم؟؟؟ محمد: هيه بس اختي الصغيره.. سالم: ليش؟؟ اانا قلت ييبهم كلهم حتى امك.. محمد: والله امي الله يرحمها ميته وماعندي غير سارة واختي التوام وهي الحينة ببيت خالتي.. سالم: ماعندك اهل غير خالتك... مها بحزن: كان عندي عمي بس توفى الله يرحمه.. سالم: الله يرحمهم.وابوي انا بعد توفى... مها طالعت فيه: والله؟؟ ما قلتلي..الله يرحمه.... سولفنا شويه عقب حطوا العشا واكلت...صراحه كان الاكل واايد لذييذ...كان من طبااخ ام ساالم... وانا اتعشى كنت احس بهم يراقبوني..رفعت عيني صوبهم.... قلت: شفيكم؟ سالم:ليش تاكل شويه كل واايد.. مها: ههههه اسوي رجيم... سالم: جووف انت بروووووحك عصااا.. مها بداخلها: الله يخلي الكندوورة... كملت اكلي...عقب قمت.. مها: الحمدالله...والله الاكل لذيييذ يزاكم الله خيير.. سالم: تعاااال...ما اكلت شي.. مها: لا خلاص كفااية بطني بينفجر.. غسلت ايدي...ورديت يلست مكاني...حمد ظهر من عندنا قال بيي عقب..تمينا انا وسالم نسولف.. سالم: الا اقول محمد شو تشتغل.. مها: حاليا ما اشتغل..قريب ان شالله بشتغل....وانت تشتغل ولا تدرس؟؟ سالم: لا ادرس..في ثالث سنة في الجامعه... مها: مشالله اي تخصص؟؟ سالم: ادارة و اقتصاد.. دخل علينا حمد وياه ولد صغير شكله ولده سلطان....يلس حمد.. حمد: هاا ولدي سلطوون... مها: فديته..مشالله عليه.. كان شكل الولد كيووووت..لكن اذا طالعتوا فعيونه تجوفون فيها لمعه غريبة.... مها: عطني ياه.. عطاني سلطون وقعدته فحضني.. مها: ما يروم يمشي...؟؟ حمد: لا بس يحبي.. بسته على خده...وهو استانس..كنت العب وياه...وحمد وسالم يسولفون ويه بعض...وانا رافعه ها سلطوون...شويه الا ويسحب الغتره..وطلع نص شعري بس بسرعه غطيته وعدلت الغتره...وسلطوون يحاول يسحب الغترة وانا ابعده وما بي حمد وسالم ينتبهون زين انهم ما نتبهوا يوم طلع شعري....عاد سلطون عنييييد..توني اعرف سر اللمعه اللي فعينه...مسكته عدل..جفت سالم وحمد مندمجين في السوالف عاد انا استغليت الفرص قرصت سلطون في ريوله..قرصه قويه....هع ثواني.. ((وااااااااااااااااااااااااااااااااااااااااااااااا اااااااااااااااااااع)) آآآآآآآآه....عنبووو مب صوت عليه... انا بتمثييل: بسم الله شبلاه ..حبيبي سلطووون...شفيك؟ حمد قام وشله عني..ويسله فحضنه يحالو يسكته... وسلطان يحك ريوله..<<خخخخ مجرمة حمد جاف ريوله.. حمد: بسم الله ليش ريوله حمرااا.. انا هنييه افتشلت.. مها: اوونه اجوف...ممممم يمكن سمسومة قرصته... حمد: حلييله هاا دووم تقرصه السماسيم.. انا بداخلي: دواااااه السبااال.. حمد وقف: خلاص انا بسير اوديه عند امه... فكــــــــــــــه!!<<خخخ الحمدالله والشكر تحط راسها براس يااهل.. شويه.واستاذنت برد البيت..ظهرت براا اتريا سارووه ...جفت اخت سالم..اعتقد نفسها هي اللي بطلت الباب..تمت تطالعني استغربت..لكن ما اهتميت للسالفه..ردينا انا وسارة البيت وتمت تسولف ويااي عن نورة اخت سالم.. سارة: تخيلي اول ما دخلت عليهم كنت مستحييييية..امهم تمت ترحب فيني..وااااااااايد طيبة فديتها..آآآآه ياليت عندي ام شراتها... صدمتني سارة.....صح يوم توفو اهلي صاحت بس عقب حسبتها تعودت..ماكنت ادري انها بعدها متاثرة لانها ما تبين لاحد.. قلت بحنان: ليش ساروتي؟؟ انا مب شرات امج؟؟ سارة تطالع فيني ...عقب قامت ويلست عدالي...وحطت راسها ع كتفي... سارة: انا واااايد احبج مهووي... مها: حتى انا واايد احبج..لانج انتي اللي بقيتي فحياتي.. سارة طالعت فيني وابتسمت.. مها: يلا الحينة سيري ارقدي.. سارة:لااااااا..بعده وقت.. وقفت وتخصرت : انا شووووو قلت؟؟ سارة بوزت: خلاص انزيين..انزيييين.. وسارت ترقد.... انا تمييت الين الساعه 12...عقب سرت ارقد... نشيت الفير...صليت.وقومت سارة بعد تصلي.. عقب ردت ترقد..اما تميت اقرا قران الين الساعه 6...عقب سويت لسارة ريوق...وقومتها تتجهز حق المدرسة...الساعه 7 راحت سارة المدرسة وانا رديت ارقد...نشيت على صوت مبايلي يرن....رديت...طلع المطار قبلوني عشان اشتغل عندهم..استاااانست ..رحت بسرعه البس...عقب لبست عباتي وشيلتي وظهرت كانت الساعه 9 ونص...وانا ظاهرة..جفت ساالم....سويت روحي ماجفته اما هو ياا صووبي..اووهوو شو يبا الحينة؟؟ سالم : السلام عليكم.. مها: وعليكم السلام.. سالم: انتي اخت سالم صح؟؟ مها: هيه..بغيت شي اخويه؟؟ سالم: محمد موجود؟؟ مها: لا...ظهرمن الصبح.... سالم: اها..اوك خلاص مشكورة...مع السلامة مها: مع السلامة... وقفت تاكسي عقب سرت الشغل.. .................. سالم... بطلت السيارة..وشغلتها...سبحاان الله اخت محمد وااايد تشبهه!!...حركت السيارة...بسير الجامعه....انا بالنسبة لي ما عندي ربع..يعني ما احتك في الناس واايد..ومو اي حد يعيبني...لان هالزمن صعب انك تحصل ربع اوكيه..تقريبا اغلبيتهم طاايشين..بس مادري محمد اكثر وااحد ارتحت له...هاادي...ما يخصه فحد..وغير هذا حبووب..بس مادري ليش احسه ما يبا يحتك فيني...يمكن بعده مو متعود؟؟وصلت الجامعه...ونزلت ورحت الكلاس... ................ مها..رديت من الشغل الساعه 12 الظهر..كنت مستاانسة...وايد عيبني الشغل..سرت صليت الظهر عقب سويت الغداا..عقب تسبحت ..بعدين سرت اقعد في الصاله اتريا ساارة..هي بتيي الساعه 1 ونص..باقي ربع ساعه الين ما توصل.. فكرت في حالنا..يا ترى شو صار بخالتي وريلها؟؟ خخخخ اكيد بعدهم مقهورين ويدورنا عسب الاوراق المهمة اللي شليتهن....تذكرت سالم مادري ليش طرى ع بالي؟؟ حليله احسه طيب وع نياته..واحسه بعد يبا يحتك فيني..بس كيف ابعده؟؟؟ سمعت صوت باص ساارونه...طالعت من الدريشة..وقف الباص بس محد نزل..شويه وتحرك...ليييش؟؟ وين سارة؟؟قلبي وقف من الخوف..سرت بسرعه لبست عباتي والشيلة...وطيران ع بيت سالم...دقيت الباب ظهر اخت سالم.. مها: لو سمحتي نورة ردت البيت؟؟ سلامة: لااا.. عضيت ع شفايفي: اوك خلاص مشكوورة... رحت بسرعه وقفت تاكسي وسرت مدرستهم...قالوا ما شي بنات كلهم راحوا...اناا خلاص..بموووت..والوساوس اللي فيني ما تهدا..اكيد خالتي وريلها لهم يد في السالفه...رديت بسرعه البيت..نفس الشي ما حصلتها تميت ادور في الشوارع شرات المينوونة....جفت سالم توه نازل من السيارة..ركضت صوبه ومسكته من كندوورتة وانا اصيييييييييح... سالم: بسم الله ليش تصييحين؟؟ مها وانا احاول اهداا: سااااااارة.....سااارة..بعدها ما ردت البيت ..ومب في المدرسة..دورتها ف كل مكان ما حصلتها.. سالم: خلاص ..خلاص ..اذكري الله..ان شاءالله الحينة بنحصلها.. ظهرت ام حمد..وسلامة.. ام حمد: خلاص يا بنتي..استهدي بالله..اختج اكييد بخيير.. مها: انتوو ما تعرفوون شي...خا... عضيت ع شفايفي..آآآآآخ...غببية انا شو كنت بقوول؟؟ كنت بفضح عمري.. سالم طالعني بشك: شو اللي ما نعرفه؟؟ مها: أأأ اقول..اخااف يصير فيها شي وبفقدها... سالم: لا..ان شاءالله تكون بخير.. ام حمد: تعالي يابنتي ادخلي عندنا..وسالم بيسير يدورها هي ونورة.. هزيت راسي بقوة بمعنى لا.. مها: لااا..انا بسير ادورها بعد.. سرنا ندور مها وسارة انا وسالم....كانت فيني غصه ابي اصيح....بس لاااا مابا اصييح لازم اكون قويه.. مرت ربع ساعه ونحن ندور...خلااااص..سارة راحت مني...انا استويت وحييده...يلست ع الرصيف بياس..ونزلت راسي باسى...ودموعي تنزل ع الارض.. سمعت سالم يزقرني..بس ما رديت..عليه.. شو بيستوي ف سارة؟؟ كيف بتكون حياة مها؟؟ سالم بيكشف مها..ولا بتم فنظره محمد وبيقدر يكون ربيعه؟؟ انتظرووني..^^ >>>نهــــاية الجزء الثالث<<< |
(( الــــــــجـــــزء الـــــرابــــــــع)) تم يزقرني سالم بس مارديت عليه...كنت خلاص ياائسة... سالم: ممممم ما تبين تجوفين؟؟ برايج.... مها" رفعت راسي اجوف شو يبا...جفت....جفت..سارة ونورة يايين صوبنا.....وقفت بسرعه...وركضت صوب سارة وحضنتها بقووووة..وانا اصيييح...خوفي من خالتي وريلها معيشني فرعب...فكل لحظة اتخيلهم يدخلون علينا... سارة: مهاا؟؟!! مها: سااااااااااارة...وييين كنتي..؟؟طاح قلبي علييييج؟؟ سرت ادورج فكل مكااااان..وما حصلتج؟؟حراام عليج... خرعتيني.. كل هااا وجدام سالم واخته نورة...مستغربين هالخوف كله حق شوو؟؟ سارة:............................... طالعت فسارة جفتها منزلة راسها...كنت ابيها تعطيني تفسير... سارة: أأأ ..كنت...ممم انا ونورة خلينا راعي الباص ينزلنا عند الدكان....وقلنا بنرد مشي...بس...والحينة رديت.. كنت بهزبها...بس قلت في البيت احسن...مسحت دموعي بظهر ايدي...عقب مسكت سارة من ايدها.. مها: يلا...بنرد البيت.... سارة مشت وياي وهي منزله راسها...طالعت سالم.. مها: مشكوور ..سالم ما تقصر تعبتك وياااااااي.. سالم ابتسم:لااا..ولووو..هاا واجبنا ..انتوو جيرانا.. ابتسمت له..وردينا البيت.... \ / \ سالم...دخلت البيت....ونورة ورااي وانا ناوي عليها...جافتني امي ويت عندي ... ام حمد: هاا ياولدي...حصلت اختها؟؟ سالم: هيه... ام حمد: الحمدالله....يحليلها والله البنية.. سلامة: الله يعينهم.. ام حمد: وين حصلتوها؟؟ سالم: ويه بنتج هاااااي..ام المصااايب... نورة بوزت: قلت حق راعي الباص يوقفني عند الدكان وغصبت سارة تنزل وياي...(وببراءة تقول) ابي اعزمها..تدرون يعني..عيب توني متعرفة عليها..ولا مرة عزمتها...فقلت اليوم اعزمها...بس والله هاللي سويته.. ام حمد: جووفي شو سويتي ...اختها....كانت بتمووت من الخووف عليها...والله انها كسرت خاطري.. نورة وشوي بتصيح: والله ما كنت ادري.. \ / \ مها" كنت منسدحة في الصالة..وماسكة راسي..كنت مصدعه حيييييل..يت سارة..بس صديت عنها... تجدمت صوبي وباستني ع راسي... سارة والدموع فعينها: والله..آآآآآآآآسفه....الله يخلييج مها سامحيني...؟؟ كنت..كنت..احسب انه عادي لو نزلت الدكان...لانه قريب من البيت...؟؟ رديت عليها وانا منفعله: تستهبلييين؟؟؟ تدرين ان نحن يدورونا.....واذا جافتج الشرطة ؟؟؟شو بتسوين اذا ودوج عند خالتي؟؟؟ قووولي...يالله تكلمي...بس بيعقوج في الشارع ومحد بيدري عنج..حتى انااااا...ع الاقل استاذني مني اذا بتسيرين مكاان... سارة تمت تصييييييح....صح انها كسرت خااااطري...بس قلت بادبها شويه...خلتني ادورها شراات المينوونة في الشواارع..!! سارة وهي تصييح: خــ....خلاص مها....آآسفة اخر مرة اسويها... قلتلها وانا صاده عنها: اوك سامحتج.. صااحت زيااااادة...طالعت فيها مستغربة...؟؟ سارة: جذاا به...هااااي مو من قلبج... تنهدت...وحضنتها....وتمت تصيح بهدوووء.... قلتلها بهدوء: اوعديني..انج اخر مرة تسوينها بدون اذني... سارة: اوعدج... طلعت في الساعة جفتها 3 ونص... قلت: ساارة يوعااانه؟؟ سارة ابتسمت: لا...اول مرة ما اكون يوعاانه..!! مها: غريبة لييش؟؟ سارة:نوورة حليلها عزمتني..اونه عشان بداية صداقتنا... مها: حليلها نورة....شكلها واايد حبووبة... سارة: هيييييييييييه واااايد... ......... سارة راحت ترقد.. وانا تميت يالسة في الصالة..افر بالقنوات...تميت افكر فاللي استواا اليووم.....وتذكرت يوم مسكت سالم من كندووورته...اف...زين بعد ما طحت فحضنه...بس والله انه رياااااال...حليله ساعدني... .......... مرت ع السالفة 3 شهور..منها قويت علاقتي بسالم..ما كنت ابي اتقرب منه...بس غصب عني..لانه واايد كان متعلق فيني...كنت ابي اقوله بس خفت... يزعل...خفت يناظرني بنظراات الاحتقاااار.....خلصت المداارس وبدات اجاازة الصيف..اقترح عليه سالم ان نحن نسير البحر ويه اهله....عيبتني الفكره لاني بصرااحه خااطري اظهر مكااان....وافقت...واليوم نحن بنسير البحر....قعدنا نجهز الاغراض اللازمة....حطينا الاغراض في السيارة....كانت سيارتين..سيارة حمد اللي فيها حمد ومرته وولده الشيطاان....وامه...وسيارة سالم اللي فيها انا وسالم ونورة وسارة اللي مسويات حشره في السيارة..وسلامة..كان الجوو حلوو في السياارة..سواالف وضحك ووظرابة....وصلنا البحر... نزلت من السيااارة غمضت عيوني وانا اتنفس نسيم البحر..من زماان ما سرت..اخر مرة سرت ويا امي وابوي وعلي..... مها تنهدت: الله يرحمهم... حسيت بايد على كتفي جفت سالم... سالم ابتسم: لا تفكر في اشياء تضايقك..ارمي همك في البحر....انت يااي تستانس وتغير جوو.. هزييت راسه أأيده....تحركنا....ننزل الاغراض..فرشنا ونزلنا الاغراض....عقب رحت انا وسالم نتمشى بعيد شوي على الشاطىء...تميت ساكته طول الوقت...بس اطالع البحر.. جفت جدامنا بعيد شله بنات....حشااا ريحة عطورهن واصلة لعندنا قبل ما يوصلن...استغفرالله...تميت اطالع فيهن كيف كااشخاات اللي يقول سايرات عرس..!! سالم: احم..احم...عيب ياللي ما تستحي..لا تطالع فيهن.. قفطت وقلت: والله ما اقصد شي لا يرووح تفكيرك بعييد...بس متسغرب هالكشخة كلها حق شووو؟؟ سالم: الله يهديهن.. سمعت بنية منهن تقول: وااااااي....جوفي..جوفي اللي لابسة كندوورة يخبل..!!!!! البنية اللي عدالها: لالالا...اللي عدااله لابس بدله....وااااي مااروم انا... كنت انا لابسة كندورة وسالم بدله....انقهرت من الخاااطر.... قلت وانا ميته من القهر: الحمدالله والشكر والله العقل نعمه..!! اقول انتي وياها سيري اقلبي ويهج النحس ... البنية الثانية: شووو ما سمعت... كنت مقهورة منها...عيني عينك تتغزل ف سالم...!! مها: انتي يالـــــدبه...اقلبي ويهج.. انصدمت البنية....لاني قفطتها...غطت ويها بايدها وتمت تصيح...<<يمكن حسااسه؟؟ البنية الاولى: صج انك ما تستحي ع ويهك..!! طالعتها بنظرات احتقار ومسكت ايد سالم ورحنا عنهن... سالم: هههههههههههههههههههــ ....والله انك خطيير... مها: هههههههههه...والله بنات اخر زمن...يايات البحر عسب يتغزلن...!! سالم: والله ما ينلامن يوم انهن يتغزلن فييك..ترااك واايد وسييم....حساافه لو انك بنية جاان تزوجتك... عاااد انا شو اقولكم شو استوا فويهي...انقلب اشارات مروووور... سالم: خيييييييبه...شو استواا فويهك....هههههههه...استحى الرياال... تجدمنا شويه من المااي.... دخلت ريوولي...وتميت اجووت المااي.. سالم: يلا حموووود....بنتسبح.... بطلت عيوني بوسعهن...مينووون هذا..!!!!!<<<خخخخخ مها: لاا طبعا.. سالم: ليش ان شاءالله؟؟ مها: أأأ... .(قلت بسرعه) لان ملابس السباحه ما يبتها.. سالم: لاتحاتي..عندي بعطييك... افففف شو اقول الحينة...؟؟ قلت: لالا مشكوور بس انا اتحسس من المااي الماالح.. سالم: اهاا..براحتك... جفته يطالع في البحر وسرحاااان....استغليت الفرصه وخيسته بالمااااي...جفته شهق....اما انا ركضت بعييييد عنه.... سالم: اااخ يالحيواااان...خيستني...!! مها: ههههههههه...احسن.. جفته يربع صوبي....خفت....ورحت اركض بسسرعه...طالعت وراا اجوفه...بس تعثرت وطحت في المااي ع ويهي.. سالم نقع من الظحك: هههههههههههههههههههههههههههههههههههههههههههههههههه هه.....الحمدالله..ربي انتقم لي منك... وقفت بصعوبه...حاولت ابطل عيني اللي تحرقني...شكلي كاااان غلط..!!فشششله....اووووف..الحينة تخيست بالماااي...اهىء.. رحت وقعدت ع الرمل تحت الشمس...ياا سالم صوبي وقعد... سالم باستهزاء: شوو تحسست من المااااااي؟؟ طالعته بنص عيين:شوو حضرتك تتطنز؟؟ تمينا نسوولف شويه...عقب سرنا ناكل ...وع المغرب ردينا البيت...كان اليوم واايد ونااسه... .......... مر اسبووعين....نشيت من الرقااد واناا خااايفه....الحمدالله كان كابوس...حلمت بخالتي وريلها...انهم حصلونا....ومسكونا وكنا دااخل بيتنا عقب....احترق حاولت اطلع ..بس مااا قدرت...آآه اشتقت حق بيتنا..انا لازم ارد لبيتنا..واخذه من هذيلا الخايسين...لازم اسير المحكمه....لكن الاوراق اللي تدل انه بيتنا واوراق الورث فبيتنا....الحمدالله ابوي علمني كل هالاشياء لاني انا كنت واايد ويااه..واعرف في هالسوالف...اليوووم لازم اسيييير...مممممم بسير بالليل... بالليل الساعه 12.. مها: الله يخلييج يااا سااارة....سمعي كلامي ولو مرة وحده نحن لازم نرد بيتنا...الين متى بنتم هنيييه؟؟ سارة: مااااا يستوي تسيرين بروووحج.....ع الاقل خلي سالم يسير ويااااج.. مها: لأ...مو لازم...لا تخافين علي..عرف اتصرف برووحي...انتي سيري عند نورة اهم شي سالم مايدري باي شي..ارقدي عندهم..عقب يوم بخلص بيي وبشيلج.. يت سارة وحضنتني....بستها ع خدها...رحت لبيت قوم سالم..قلتله..يخلي سارة عندهم اليوم..ما سئل شو السبب لكن قلتله شغل ضرووري..ودعت سارة...وركبت تاكسي.....دليت راعي التاكسي...وخليته يوقف وراا بيتنا عسب محد يجوفني..جفت بيتنا....بعده مثل ما هووو..ماتغير..تسلقت الباب الخلفي...تسللت..الين الشجرة اللي عدال دريشة غرفتي ...تسلقتها....وبطلت الدريشة ونقزت دااخل...شليت الاوراق اللي كانت تحت الزولية...وخذيت الصورة اللي تجمعني انا واهلي كلنا..خذيت بعد اغراضي المهمه...وبعض ملابسي انا وسارة....سمعت خطواات تقترب من غرفتي...تصنمت مكاني..حاول االشخص انه يبطل الباب..بس ما قدر لان اصلا المفتاح ويااااي من قبل...اكيد حس ان في احد..دعيت ربي فقلبي انه يرووح...شويه وحسيته راح....تنهدت وحمدت ربي فداخلي...خذيت الاغراض بسرعه....ومرة ثانية تعلقت في الشجرة بعد ما صكرت الدريشة...لكن جفت حد ياااي ....انخشيت بين الاغصان...وانا ماسكة قلبي اللي يرقع من الخووف..كان ريل خالتي.....تم يطاالع بالدرييشة...قعد ثواني ..عقب رااح....نزلت بسسرعه..عقب ظهرت براا البيت بسسرعه...وانا اتنفس بسرعه من الركض...رحت ادور تاكسي....حصلته وبسرعه ركبته....وصلت...كنت ميته خووف...دخلت البيت دخلت الاغراض عقب سرت صوب بيت قوم سالم.......بس سمعت حد يزقرني باسمي الاصلي...!! ......: مهـــــــا... تصنمت مكاني....صديت بسرعه لمصدر لصوت....بس حسيت بالسكينة تنغرس في كتفي...... صرخت بالم: آآآآآآآآآآآآآآآآآآآآآآآه.. طالعت في الشخص...جفت ريل خالتي...!!!! بطلت عيووني...بس ظهر السكينة مرة ثانية....وغرسها فصدري.....حسيت احشائي تتقطع... .هنيييييييه حسيت صج ان نهااايتي الحينة....كنت اغمض عيوني ببطء...حاولت اقااااوم...بس ما قدرت مر شريط حياتي جدامي...سارة...سالم...امي ..ابوي....خلاص هاااي نهايتي...غمضت عيني و..................... \ / \ سالم" كنت منسدح...ما ياني رقاد...سمعت حد يدق الباب...استغربت منوو الحينة صاحي الحينة الساعه 2..!! بطلت الباب..جفت سارة.. قلت وانا مستغرب: ساااارة؟؟!! شو فييج..؟ سارة انفجرت تصييح...دخلتها داخل الغرفة... سالم: سارة حبيبتي....انتي خاايفة؟؟ ساررة: لأ... سالم: عيل؟؟!! ليش تصيحين؟؟ سارة: خاي..خايفة على محمد.. سالم: لييش؟؟ عادي هو رياال ما ينخااف عليه...هو قال بيخلص كمن شغلة وبيي.. سارة: لااااا..انت اصلا ما تعرف شي....احس استواله شي..الله يخليك قوم بجوف رد البيت او لا.. سالم: شوو اللي ما عرفه..؟؟ ساارة: الله يخليك سالم موو وقته.. تميت افكر...عقب قمت..وظهرت انا وسارة سايرين صوب بيتهم....الدنيا كانت ظلام...بس جفت من بعيد شي ابيض طااايح؟؟ سرت صووبه...سمعت صرخه سارة.. سارة: مهاااااااااااااااااا... انصدمت باللي اجووفه..هذاا محمد...وكله دم...منووو سواا فيه جيي..؟؟ سارة تمت تحضنه...وتصااارخ... سارة وهي ميته من الصيااح: مهاااااااااااااااا....الله يخلييج مهااا قوومي....مهاااا مالي غييرج.....مهاااا قومي...مهاااااااااا... انا هزيت محمد...وقعدت اضربه كف ع الخفيف ابيه يصحى.. سالم: محمد....حمووووود.....شوو استوااا..؟؟؟ توني استوعب....بسرعه شليته...طاحت غترته...وطااح شعره ع ايدي....معرف شو اقولكم...صدمه×صدمة....بس بسرعه دخلته داخل الحوش مالنا...وسارة متمسكه فيه وتصييح... سارة: الله يخليييج مهااا... لاتمووتييين... طالعت فيها وقلت: انتي شو تقولين...هااي مها ولا محمد؟؟؟ سارة سكتت بس اكتفت بالصيااااح...حطيت مها مادري محمد...وركضت داخل اييب سويج السيارة...بطلتها وشليته وحطيته في السيت اللي ورااا...وسارة ركبت جداام...وطيراااان للمستشفى...وصلنا ....وبسرعه دخلووه....ويت الشرطة وقلتلهم شو استوااا...رحت اقعد عدال سارة المنهارة..وانا ادعي انها ما ماتت.. طلعلنا الدكتور وكان شكله مستعجل.. رحت صوبه.. سالم: دكتوور هااا...شو فيها؟؟ الدكتور: الحمدالله بعدها ما ماتت لكن نسبه انها تعيش 10% لانها نزفت وااايد...وخاصه انها انطعنت مرتيين.. تنهدت....الحمدالله في امل انها تعيش....يت سارة عندي... سارة: مها..؟؟ سالم: لا الحمدالله بعدها عايشة... سارة استانست: والله...؟؟الحمدالله..... سحبت سارة..ويلستها...ويلست عدالها... سالم : ممكن الحينة تفهميني السالفة؟؟ سارة ترددت: أأأأأ...بس مها حذرتني مااقولك شي.. سالم: سااارة..بتقولين يعني بتقولين... سارة تنهدت: خلاص بقولك...انت اصلا جي ولا جي مصيرك تعرف....(وقالت له السالفه كلها) سالم: انزييين ليش ما قالتلي انها بنية من البداااايه...لييييش..؟؟ سارة نزلت راسها: كانت بتقولك.....لكن....خافت انك تزعل او تحتقرها.. ما تكلمت...كنت اذكر الايام اللي قضيتها معاها....صج اني غبي..واكبر غبي...كيف ما نتبهت؟؟ صح كنت احس بعض تصرفاتها تدل انها بنية....بس انا ماكنت ادقق في هالشي...من كثر ما كنت متعلقة فيها كصديق ما كنت اهتم في هالامووور...اااخ ما بي افكر...تعبت...احس مخي مشوش....ظهر الدكتور سرت صوبه.. الدكتور: الحينة هي في غيبوووبة...ما في الى انكم تدعون لها... سالم: مشكور دكتور ما تقصر... >> نهاية الجزء الــــــرابع<< شو تتوقعون؟؟ >>مها...بطول في الغيبووبة ولا لا؟؟ >>سالم..شو بيسوي؟؟هل بتستمر علاقته ويه مها ولا بيتركها..؟؟ انتظروووني..^^ |
(( الجــــــــــــــــــــــــــزء الخـــــــــــــــامس)) سالم \ طالعت الساعه اللي بايدي...جفتها 4 ونص الفير..سرت عند سارة... قلت: يلا سارة....بنرد البيت..أأأأ قاطعتني.. سارة: لا تحاول ما برد.. سالم: اتريي خليني اكمل رمستي.. سارة:............ .. سالم: بنسير وبغير ملابسي...عقب بنصلي وبنرد..اوك؟؟ سارة: اوك..انت سير وانا بتم.. تنهدت بملل: لا...تتمين عند منوو؟؟ما بيدخلوونج عندها..ممنوووووووووع... ساارة: اوففففف....خلاص يلا قوم نرووح.. طلعنا من المستشفى وركبنا السيارة....ردينا البيت..اول ما بطلنا الباب..جفت امايه بويهيي.. ام حمد متروعه: وين كنت؟؟؟؟؟؟؟وليش الدم على ملابسك؟؟؟ دخلت سارة.. ام حمد: بعد سارة؟؟ وين كنتوو؟؟ سالم: محمد ربيعي استواله حادث...وو وديته المستشفى... ام حمد انقبض قلبها: بسم الله على ولدي...شوو صار له؟؟؟ هو بخير الحينة؟؟؟؟ لا حول ولا قوة الا بالله.... سالم يهدي امه: هدي..هدي...هوالحمدالله بخير بس في غيبوبة.. ام حمد: لحظة..اترياني..بسير البس عباتي...وبسير له... سالم مسك امه: لالالالا..وين..وين...عقب بوديج في وقت ثاني...ما ينفع الحينة تروحين..الظهر بوديج...اوالعصر... سرت ابدل...عقب سرت المسيد اصلي....رجعت البيت جفت سارة تترياني...ركبنا السيارة ورحنا المستشفى....سالت الدكتور عنها...قال للحينة حالتها مستقرة...حاولت بالدكتور اني اجوفها بس ما رضى..حاولت ..وحاولت...قال بس شخص واااحد...طبعا خليت سارة تدخل..لانها اختها الوحيدة.... سرت ويلست على اقرب كرسي..قعدت اتذكر الاياام اللي جمعتني انا ومحمد....هه..محمد اللي رااح..وماات ..ومستحيل يرجع...محمد اللي ظنيته..احسن رفيج في العالم..ومستحيل احصل حد شراته....محمد اللي.......طلع بنت..(ظغطت على ايدي بقوة) هيه..انا انخدعت..ومن منوووو...من محمد..اللي كنت اظنه روووحي...ومستحيل استغني عنها...آآه..لييش..ما قلتيلي يا مهاااا...تذكرت اول ايااام ما التقيت به..حصلته في السوبر ماركت...وسارة كانت تزقره مهااا..هذاا دلييل اول..وانا غبي ما انتبهت...ومرة ثانية ع البحر ما رضا يتسبح....وكل شوي يظهرلي عذر...هذا..دليل ثاني.....ويوم تكون مها موجوده محمد محد.هذا..دليل ثالث......وشعرها الطويل ....هذا.الدليل القااطع..(تنهدت)مادري اسامحج ولا ؟؟ بجوف شو بتسوي يوم بتنش...الله يقومها بالسلامة... . جفت سارة ظاهرة من الحجره..وتكتم شهقاتها....رحت عندها....مسحت ع راسها... سالم: خلاص ساروونه....ادعيلها ان ربي يقومها بالسلامة... سارة تصيح: انت ما جفت شكلها كييييف..!! هاااي مب مهاا..هااي وحده ثانية...الوايرات عليها من كل صوب....ولونها اصــــفر...وشفايفها زرقااا....(وتصيح) لا لا...مها احلى عن جي...اكيييد خالتي وريلها لهم يد في اللي استواا لهاا... جفت شرطي تجدم صوبي... الشرطي: احم....حد منكم..يستوي للضحية؟؟ قلت بداخلي(ضحية بعينك): انا ولد جيرانها...وهاي اختها الوحيده.. الشرطي: مممم...محد لها اقارب هنييه؟؟ سارة: هيييه....هيييه....خالتي وريلها..وهم اكيييد اللي سوو فيها جي.. الشرطي وهو يسجل عنده: ليش؟ سارة: لانهم يبون يسرقون بيتنا وورثنا من ابوي.. الشرطي: ومممم وبعد؟ سارة: شو اللي بعد انت؟؟؟اقولك يبون يسرقوونا..ما تفهم؟؟؟وكانوا بعد بيفرونا في دار الايتاام.. الشرطي: بنجوف..بنتحقق من الامر.. طالع فيني: وانت....انت اللي يبت الضحية للمستشفى صح؟؟ سالم: هيه اناا.. الشرطي: ممكن تشرحنا شو جفت بالظبط؟؟وكيف حصلتها..؟ سالم: هي قبل ما تسير عطتني اختها وقالت بتسير ...عندها شغل مهم... الشرطي: كانت الساعه كم بالظبط؟؟ سالم: ممم حوالي 12 بالليل... الشرطي: انزين...كمل.. سالم: بالليل ما ياني رقاد...عقب يت اختها عندي..جفتها تصيح...قالت انها خايفه على اختها..واني اسير بيتهم اللي هو عدال بيتنا ...واطمن عليها...واحنا سايرين...جفناها طايحة ع الارض بالشارع...ومحد كان موجود.. قاطعني: انزين ما كان في سلاح...ممم مثل سكينة؟؟؟خنجر.. سالم: لااا ما كنا شي...مادري اذا شي ع الارض قريب..لاني ما كنت اقدر اجوف عدل كان ظلام... عقب وديتها المستشفى.... صافحني الشرطي..وشكرني عقب ساار... تمينا انا وسارة شويه..عقب ردينا البيت...وعلى طوول سرت ارقد من التعب.. ............. مر 4 اسابيع ومها بغيبوبه....كنت كل يوم بعد دوامي في الجامعه..اسير اطمن عليها وارد وكنت احيانا اييب سارة....بس ما كنت ادخل عند مها الغرفه... اليوم كان ممل واااااااايد في الجامعه...الحينة انا ساير المستشفى....وقفت السيارة في الباركنج....وسرت صوب القسم اللي مها فيه..جفت حشرة ودكاترة ونيرسات..وحالة كل وااحد يركض بصووب...والمشكلة عند غرفة مها....خفت....تميت ادعي بقلبي انه خييير..رحت صوبهم وانا خاايف....جفت دكتور سرت له.. سالم: ااا....لو سمحت دكتور شو صاير؟؟ الدكتور مستانس: الحمدالله قامت من الغيبوبة.. قلت وانا طاير من الفرح: صدق؟؟؟؟؟؟؟؟الحمدالله.. وسجدت شكر لله...في هاي اللحظة حسيت الكره اللي في قلبي على مها راااح... رفعت من السجود وقلت حق الدكتور لااازم اجوفها.. بس رفض....قال انها تحتاج للراحه...وبعدهم بينقلونا لغرفه عادية..وقالي تعاال العصر.. بس انا رحت اجوفها من ورا الزجاج...ما قدرت اجوفها لاني النيرسات قاعدين يشيلون الوايرات اللي عليها... تميت شويه...عقب رديت البيت...بدلت عقب تغديت.. جفت سارة....وزقرتها.. سالم: سارة الحقيني لحجرتي.. جفت سارة وشكلها خايفه...لانها تعرف بعد دوامي دوم اسير المستشفى وهي عقب تيي تسالني عنها.. دخلت حجرتي ودخلت سارة ورااي... سارة: شي استوى ف مها؟؟ تميت ساكت ومنزل راسي.. سارة: س...سالم؟؟؟ قلت: والله يا سارة ما عرف شو اقولج... سارة والدموع بدت تتجمع ف عيونها: الله يخليك قولي شي صااار ف مهاا؟؟ و الله بموووت لو صار لها شي... رفعت راسي وابتسمت لها: تستالين سلامة اختج.. اول شي تمت طالع فيني..عقب استوعبت و صرخت من الوناااسة وتمت تناااقز ..وظهرت برا حجرتي تقولهم الخبر.. شويه وردت لي: يلااااا ساالم بسرعه بنسير لها.. سالم: العصر بنسير الحينة يقول الدكتور لازم ترتاح.. سارةمدت بوزها: اففففففف...= ( سالم: اصبري شوي....مممم سارةاهم شي مها ما تدري اني اعرف عنها شي.. سارة ابتسمت : اووكيك.. .... العصر رحنا المستشفى انا وسارة...سمح لنا الدكتور ان نحن نجوفها... كنت اناوسارة واقفين جدامغرفة مها... قلت لسارة: يلا انتي ادخلي اول...وانا بعدين... سارة: اوك... دخلت سارة.... مها\ حسيت بحد دخل..كنت تعباانة ما فيني ابطل عيني....ما صدقت اني بعدني حية..!! الحمدالله....الحمد لك ياارب.. سمعت بحد يزقرني باسمي...ميزت الصوت..هيه هاااي ساااروونه.. بطلت عيني بسرعه..جفتها بويهي.. سارة وهي تصيح: مهاااااااا... حضنتني بقوووووة وهي تصيح......تالمت ...بس ما بينت لها شي....لاني صحت وياها.... سارة وهي بعدها حاضنتني: اناااااا قلتلج.....قلتلج لا تسيرييييين...بس ما سمعتي كلااااااامي...!!...تخيلي لورحتي عني...وخليتيني بروحي؟؟ تبيني ارووح عند منووووو؟؟ قلت وانا بالغصب ارمس من التعب: ماا.....عليه...الحمــ د..لله...الحيـ ـينة ...انا بخير... عقب شويه ..تمت تسولف وياااي وقالتلي كيف كانت وانا بغيبووبة... سارة تضرب راسها بايدها بخفه: اوووه..نسيت ساالم براااا....حليله.. خفت...مادري....اكيد عرف كل شي...اطالع ساارة ابي تفسير منها....بس كانت مسويتلي اكبر طاااااف..وظهرت تزقره.. دخل سالم.. سالم: السلام عليكم....الحمدالله ع السلامة محمد... استغربت ((محمد)) يمكن بعده ما عرف...بس مستحيييل..!! مها: اللــ ـه......يسـ ـ لمك.. سالم: واااايد خرعتنا علييييك...شسالفتك تتغلى علينا كل هااا 4 اساابيع... ابتسمت وما رديت....تموو يسولفون وياااي...ويضحكوون... عقب قال سالم: اقول محمد انتي مطول شعرك..؟؟ ارتبكت...وبلعت ريجي.. مها: هيــ ـه....لاني....ما..حب ..اقصه.. سالم: اهاا..والله انك خطيير.. ابتسمت ابتسامة مصطنعه....عقب ..استاذنوا يبون يسيروون....كنت طوول الوقت اطالع فساارة ..ابي منها اي تفسيييير...لكن ما شي فايده منها....ما عرفت كيف افهمها...!! ....... قالوا بيظهروني بعد اسبوعين الين ما تتحسن حالتي عدل....بس طبعا مستحيل اتم كل هالمده... كنت امل واااااايد...بس حليله سالم كان تقريبا يوميا يزورني....هالانسااان وااااي طيب.... مر اسبوع..وكنت مخططهمع سالم اني اظهر اليوم...طبعا ما رضاا بالبداية ...بس عقب وافق..وكلم الدكتور....جهزت اغراضي...جفت سالم ياي صوبي..ومعاه سارة.. سالم وهو يشل اغراضي: يلااااا.. وقفت ...بس الالم اللي في كتفي صدري زاااد...رديت يلست بقوة....وانا اتاوه.من الالم.. سالم خاف وحط اللي بيده..ومسكني.. سالم بخوف: محمد..انت بخير....؟؟؟ ازقر لك الدكتوور؟؟ ثلت بسرعه: لالالالا....ما عليه انا بخير بس الم بسيط... يت سارة وساعدتني اوقف..وسرنا البيت... دخلت بيتنا ارتاااح شويه....عقب..يت امحمد..تتحمدلي السلامة..ويابت وياها الغداا..شكرتها...عقب سارت.. بعدها ياا سالم عندي...وقعد يسولف معاي..انا وساارة.. سالم: اقوولك محمد..وينك اختك الثانية..اقصد توامك..ما اجوفها...هي تعرف في اللي استوالك..؟؟ مها:هيه اكيد..كانت تييني احيانا في المستشفى... سالم: اهااا.. سارة تستهبل: اقووولج....اووه..اقصد اقوولك...محمد...متى بتسير الدوااام؟؟ سالم: هههههههههههههه.. طلعت فيهم بشك: شووو فيكم؟؟؟..ممممم بداوم بعد اسبوع....جي قالي الدكتوور.. سالم تم شويه عقب سار .... مها: ساااارة... سارة:همممممم..؟ مها: ساالم..يعرف اني مهاااا...ولا لا؟؟؟احسه يستهبل وياااااي.. سارة: طبعا ما يعرف...واذا عرف اكييد بيزعل..!! مها: اهاا....بس مستحيل ما يعرف ...يعني ما جافني قبل في المستشفى؟؟ ما سال؟؟ سارة: لاااا انا كنت اغطي..((يالخرط))..يوم طحتي..واحد من الجيران ياابت للمستشفى...ويوم عرفت كان يوديني عندج...بس ما كانوا يدخلون احد...الا انا كمم مرة دخلت عندج... مها: ايواااا,,الحمدالله طمنتيني.. مر الاسبوع بسررعه... واليوم الاحد....اول يوم بداوم بعد الغيااااب...سرت الدواام...وشرحت لهم اسبااب غيابي...وعطيتهم العذر......الخ .. الحينة العصر...كنت مخططه اسير بيت قوم سالم...زقرت سارة عسب نسير الحينة...ظهرنا برع الحوش...بطلت الباب شويه لمحت ريل خالتي.....صكيت الباب بسسسرعه..وتساندت ع الباب... سارة: شوو فيج بسم الله؟؟ مها بهمس: اصصصص...ريل خاالتي.. سارة شهقت وحطت ايدها على فمها.. رحت اطالع من الفتحة الصغيرة اللي في الباب...جفت سالم توه ظاهر من البيت...وجفت ريل خالتي...ساار صوبه...خفت على سالم...قلت يمكن يذبحه..!! كان يرمس ويه سالم...لكن ما كنت اقدر اسمعهم... ...... سالم \ جفت الريال...كان شويه كبيير...يااا صوبي وسالم علي.. مبارك (ريل خالة مها): بس ابي اسالك...مممم..وين اللي كانوا ساكنين..هنييي؟؟ سالم: قصدك منووو؟؟ مبارك مرتبك: اقصد ولد وبنية.. طلعت فيه بنظرة شك..لاني سارة قالت محد يستويلهم..الا خالتها وريلها.. سالم: هيييه..عرفتهم...كانواا جيرانا... مبارك: هيه...وينهم؟؟ سويت روحي حزين..ونزت راسي: الولد..الله يرحمه انذبح... قاطعني انه منصدم:ماااااااااات؟؟؟انذبح؟؟ سالم: هيه الله يرحمه..انقتل... مبارك وهو يهزراسه باسف: لا حول ولا قوة الا بالله..انزين والبنية؟؟ سالم: البنية ما عندها اقارب...فحطوها فدار الايتااام..ممم انت ليش تسال عنهم؟؟تعرفهم؟؟ مبارك يتنهد: هيه هااذيل عيال اخت مرتي...انزين..عادي ادخل البت زاشيل اغراضهم؟ولااا؟؟ سالم يفكر: ممممم..قالي محمد..وهو على فراش الموت...اني احرق كل الاورااق المهمه.. مبارك بصوت عالي وبعصبية: حرق راااسك..ان شااءالله.. سالم: هاااااه؟ مباارك يهدي عمره: هاا؟ لا ما قلت شي...بس لييش تحرقهم؟؟؟؟انزين ماجفت شي اوراق...مثل مال الورث...اومممم مال البيت؟؟ سالم: ممم هييه..جني جفتهم بس حرقتهم... مبارك بصوت واطي: الله يحرقك ويحرقها بجهنم.. سالم يستعبط: شوووو..ما سمعت.. مبارك واعصابة خلااص شويه وبتفلت منه:ماااااشي....ماااااااااشي.. سالم: اهااا..انزين اخوي ما تعرف على اسمك؟ مبارك تردد: أأأ..مبــــــارك....ال... سالم: والنعم...بس ممكن تعطيني رقمك....يمكن سبحان الله اذا حصلنا شي...من الاوراق اوالاشياء اللي انت تباها...اقدر اتواصل معك... مبارك تردد بس عقب عطاه: الرقم ×××××××× عقب استلذن مني وراااح....تميييت اظحك بصووت عااالي بالشاارع...حليله حرقت اعصاابه من الخااطر..^^ جفت مها..وسارة يايات صوبي.. قلت: مرحباااا..شحالكم.. انا وسارة: بخير ....وانتي شحالك.. قلت: تمااااام..يلا تعاالواا تفضلوا داخل البيت.. سارة سارت داخل البيت...انا ومها سرنا صوب المياالس.. مها: اقول سالم...منوو اللي كان واقف وياك من شويه؟؟ وقلت من دون ما اطالع فيها: ريااال.. مها: ادري انه ريال بس شو كان يبااا...اول مرة اجوفه.. سالم: ســــــــــــر.... مها \ طالعني...نزلت راسي..دووم هااي نظرااته تخرعني... تمينا شويه ساكتين...انا كنت احااتي...شو يبا هاا ريل خاالتي؟يمكن عرف اني ما مت؟؟ بس شكله يبا الاورااق...الحمدالله انه ما خذهم..طبعا قبل ما اطيح...دخلت بيتنا وحطيت الاوراق تحت الزولية((مكاني السري)) عقب ظهرت من البيت ابي اسير اييب سارة...وصار اللي صاار... سالم: اييييييه....محمد....لا يكون زعلت؟؟ انتبهت لسالم:هااه؟؟....لالا ليش ازعل... وابتسمت له.. سالم: اقول شو رايك...نسير السينما؟؟ انا: ممممم مادري.. سالم: يلااااا عاااد... انا: منو بيسير ويانا؟؟ سالم: محد.. انا: وسارة؟؟ سالم: ممممم عادي مب لازم سارة ونورة ييون ويانا كل مرة.. انا: اهااا.. سالم: الساعه 9 بنسير...اوكي..؟ قلت باستسلام: اوكي.. \ / \ نهااية الجزء..انتظر ردوودكم..واسفةع التاخييييير... ان شاءالله الجزء اللي بعده مابا اتاخر.. توقعاااتكم؟؟ |
(( الجــــــــــــــــزء الســـــادس)) مها \ ع الساعه 9 بالليل..ركبت السيارة انا وسالم..كنت طول الوقت افكر كيف نكنسل الروحه؟؟...كنت ساكته طول الوقت..فكرت اقول اني بنية...واني مها ومب محمد...لكن خفت...يتلي تخيلات انه عادي لو عرف يفرني في الصحرا ويروح....او.....او..يذبحني...او يعصب ويسوي حادث...!!..لالا سالم ما يسوي جي..بقول ..واللي يصير يصير.. مها: احم..احم...سالم..؟ طالعني..بدون ما يرد.. مها:ممممممم.ابي اقولك شي...بس اخاف تزعل..! ابتسم لي يطمني... مها: اول اوعدني انك ما تزعل... سالم: ممممم....ماقدر اوعدك...يمكن اطلع من طوري وازعل؟ مها بوزت: عيل خلاص ما با اقول.. سالم: لا خلاص قول.. مها: مابا..اخاف عقب تضربني...أأأ(اخ غبية جني ياهل شو يضربني بعد؟؟)) لالا اقصد تعصب عقب تزعل مني و ما بترمسني عقب.. سالم ابتسم على براءتها: ليش يهمكاذا زعلت وما رمستك؟؟ مها قالت بسرعه: اكيييييييييييد.....( حمر ويهها.) احم..احم..اااا اقصد...ما حب اي حد يزعل مني.... سالم: ههههههههه...اوك.. شكله راايق....بقوله الحينة.. مها تنهدت: ادري اللي بقوله..صعب ..لكن...لازمــ بس سكت لما وقف سالم برييييييك قوووي...تمسكت عدل..كنت بضرب في الجامه.. سالم بعصبية: اووف....شو هالحيوان اللي ما يجوف..؟؟!! كنا بنرووح فيها... مسكت قلبي من الخوف....كنا بنرووح فيها..!! الحمدالله ما صار فينا شي..كانت سيارة مسرعه قطعت الاشارة..وكنا بندعم فيها. مها: الحمدالله...ما صار شي.. سكت....وصلنا...سرنا نشتري تذاكر....وعقب قبل ما ندخل سرنا نشتري بوب كورن..ومن هالسواالف...عسب نعيش الجو ويه الفلم... سرنا نطالع الفلم....كنت احس بنظرات سالم...مادري شبلاه....دوم جي...تجاهلت نظراته.اوني مب منتبهه له...طفرت..عقب طالعت فيه....بس يوم جافني جفته صد بسرعه وطالع الفلم...هزيت كتوفي باستغراب..وكملت الفلم... خلص الفلم كااان واايد حلوو..طلعنا ورحنا نمشي الين الباركنات... سالني سالم... سالم: وييييييي...حموود....صح...شو كنت تبا تقول في السيارة؟؟ مها/ ليش شو كنت ابي اقول..؟؟<< استهبل.. سالم: فاللسيارة... يوم سويت حشرة اني بزعل.. حاولت اتهرب: ممممم ما ذكر...؟؟؟ شو كنت بقوول..ما ذكر؟؟ سالم: خلاص عيل يوم تتذكر قولي.. مها: خخخخ ان شاءالله.. ما كنت ابي اقوله....ولا بقووووله...خايفة يعصب...و لا يزعل مني.... ردينا البيت كانت الساعه 11 بالليل....زقرت سارة وردينا البيت ...سارة على طول سارت ترقد..قعدت شويه,,ع التلفزيوم عقب سرت ارقد.. نشيت الفير....سرت اصلي...وقعدت سارة بعد..تصلي..عقب تميت اقراا قران..ع السلع تسع سمعت حد يدق باب بيتنا...ظهر ت...طالعت من فتحت الباب جفت شرطي......ها شوو يبااا؟؟ مها: منوووو؟؟ الشرطي: الشرطه....مها...ال.... تسكن هنييه؟؟ هنييه طاح قلبي فبطني...انا شو مسويه؟؟ مها: ليش؟؟ الشرطي: بس كنا نبا نرمسها عن اللي كان ييبي يقتلها.. ارتحت.. مها: اوك لحظة شويه... سرت بسرعه اييب شيلتي... عقب سرت افتح لهم الباب..دخلتهم لصاله.. كانوا ثلاثة.... تكلم الشرطي...وهوما سك اورق.. الشرطي..: انتي مها ال..... مها: هيه... الشرطي: نحن كنا نحقق في محاولة القتل اللي انتي تعرضتي عليها...وامس عرفنا انج طلعتي من المستشفى.. اول شي كنا نبحث عن المشبوهين بهم...واللي كان اولهم(مبارك ال..... ومرته) بس في نفس اليوم اللي انتي تعرضتي فيه لمحاولة القتل هم كانوا مسافرين...وما لهم اي دخل في محاولة القتل .. مها: كيييف....امبلا هو ريل خالتي هالحقير مبارك..هو اللي كان بيذبحني انا جفت ويهه... الشرطي: يمكنكنتي تتزهمين انه هو.....لانه على حسب علمي كان ظلام... مها: هيه كان ظلام بس هو كان قريب مني وانا جفته... الشرطي: بس ما شي ادله...السلاح..ما له اثر...وما شي بصمات.. مها بانفعال: بس كلامي...اكبر دلييل..!! الشرطي: اوك..وصلنا انج كنتي متنكرة بزي ولد..!! بطلت عيوني...جن حد صب ع راسي مااي بااارد... الشرطي: ابا اعرف السبب... تلعثمت وقلت: لاني انا واختي هنيه بروحنا ...وانا اذا بظهر مكان..اتنكر عسب محد يي صوبنا....وووو..بس.. الشرطي بشك: بس... مها: هيه بس.. الشرطي: انزين ما عندج اعدااء..او حد يكرهج..يمكن هو اللي حاول يقتلج..؟؟ مها: مممم لااا....بس مبارك وحرمته.. الشرطي: بس هذيلا...براءتهم وااضحة.. مها تنهدت بقهر: برايكم انا قلت اللي عندي.. وقف الشرطي واللي معه...عقب ظهرواا... مت قهر...هاااا مبااااارك كييف سواا جي....شكله مدبرمن زماااااان....اوك..انا براااويهم..الين ما فريتهم في السجن هو حرمته الخسفه...مااكوون انا مهاا... سرت غرفتي وظهرت الاوراق اللي يبتهن هذاك اليوم.. اليووم اليوم بسير المحكمة....وباخذ حقي منهم.. سرت اسوي ريوق..لين ما سارة تنش...نشت سارة..وانا بعدني اسوي الريووق...يت ويلست ع الكرسي... مها: شو يقولون الناس؟؟ تمت تطالع فيني...عقب قالت.. سارة: هااه؟؟ لا... الحبيبة بعدها راقدة....خخخخخ مها: سلامتج...ولا شي.. حطيت الريوق فوق الطاولة.. قعدت اكل...وهي بس تطالع الريوق..!! سارة : مممم..امس كان كشخه.. مها: ليش؟؟ سارة: سرت احقق ويه كونان...!! مها: ؟؟؟؟؟؟؟؟؟؟؟!!!!!!!!! سارة: عقب عرفت المجرم..واستويت مشهورة....وصار اسمي...المحققة سارة توغوموري.. مها:عاااشوووو...شكلها صج بعدها رااقده؟؟ اقول سيري كملي رقادج.. سارة : هااه؟؟.... وقعدت تقول شو سوت...ومادري شو...وتقول كلام مب مفهوم..اشك انه حلم..حشااا استوا فلم... سرت صوب المغسلة بهدوء..شليت قلاص ماي..ووقفت وراها... مها: سارة...سارة..؟؟ التفت صوبي.......وعلى طوول..تششششششش....صبيت المااي كله ع ويهاا.... شهقت بصوت عااااااالي...خخخخ حليلها.. سارة تصارخ: مهاااااااااااااااااااااااااا...ياا ويلج مني.... طالعت حوليها تدور شي تضربني فيه..جفتها شلت الملاس....عااد انا ركضت براا في الحووش...وجفتها يااية صوبي.. سارة وشكلها معصبة: يالدبــــــــــــــه.....تعاااالي وين سااايرة؟؟؟ مها: ههههههههههههههه.... جفتها تركض صوبي...ما عرفت وييين اسيير بسرعه ركضت براااااااا في الشاارع...كنت لابسة كندوور..لاني كنت بروح المحكمة عقب غيرت راايي قلت بسر العصر....والغترة ما كنت لا بستنها يعني شعري كان طاالع...اووووه......ييت برد بسرعه دااخل البيت بس جفت سلامة اخت سالم تطالعني....بسرعه دخلت....اوووييييه..ياارب ما تكون انتبهت علي...بعد ما بندت الباب....صديت وراا جفت سارة فويهي.... سارة: هع...هع ...هع.... مها: اييييه..يمه....لا تضحكين جييييه..تخرعيني...!! نزلت سارة ملاس اللي كانت بتظربني به.... سارة: اووف....انتي مملة... راحت لداخل البيت....!!! شفييها؟؟ غريبة...يمكن علت صج عسب المااي....رحت داخل ابدل...لبست تنوورة وقميص...ظهرت سايرة اطالع تلفزيون...جفت سارة يالسة...سرت ويلست عدالها... كانت طوول الوقت سااكته...!!!؟ مها: سااارة..؟؟ سارة:............ مها: بعدج زعلااانه؟؟ سارة:لااا.. مها: عيل؟؟ليش سااكته.. سارة: مااشي... مها/ لا.. فييج..شي.عيل ليش ساكته؟؟ سارة: بس ملاانه. مهاك تبين تسيرين عند نورة؟؟ سارة: لا... مها:مممم انزين.شورايج..نظهر اما وانتي بروحنا نتمشى؟ سارة: بعد لااا..انا ملاااانه من عيشتنا... مها: ليييش؟؟ سارة قالت بانفعاال: يعني..انتي الحينة عايبنج الوضع اللي انتي فيه؟؟...وااايد ما خذه راحتج مع ساالم... لا وبعد امس سايره معاه السينما..اانا الحينة ما اتفلسف علييج.....لكن اللي تسوينه الحينة غلط.. مها:............ اللي قالته ساارة كه صح...انا لازماجوف لي حل... سارة: انا ما بييج تزعليين من كلامي.. انا بس انصحج... مها: انا ما زعلت منج...اللي قلتيه كله صح..اصلا انا اليوم كنت بسير المحكمة...بس قلت عقب...بسير ويااج..وقريب بنرد البيت..ان شاءالله. ابتسمت سارة: ان شاء الله..مممم شراايج نسير بااجر..الويم بنسير عند قوم نوورة... مها: ممممم اوك...واليوم بستوي مها وبسير عند هااي..ممم سلامة ...صح.. سارة: هيه... العصر ..الساعه 5....رحنا بيت قوم سالم...دخلنا عليهم وسلمت بيتهم وااايد متوااضع...بس حلوو ...وتموو يتعرفوا عليه...ام سااالم وااااااااااااااااايد...طيووبة..ارتحت لها واااايد....اله يخليها لهم....يلست شويه في الصاله عقب سرت ويه سلامة لحجرتها... سلامة:انتي الحينة تشتغلين؟؟ مها: هيه.. سلامة: بس انتي بعدج صغيره..ليش ما كملتي دراستج؟؟ مها: تدرين امي وابوي متوفيين..ومحد غيري انا ومحمد الكبار ولازم نصرف ع البيت.. سلامة:اهااا.....انزين واخوج وين يشتغل..؟؟ مها: في شركة×××× سلامة: انزين كم عمره؟ اووووف..شكلها حاطه عينها علي..خخخخخ مها بملل:انا وهو توام.... سلامة: هيه اعرف...قالي سالم... عيل ليش تسال؟؟عبييطة... سلامة: هيي....جفتج اليوم لابسة كندور....ليش؟ بل...هاااي ما تنسى شي...!! مها: هيه...هههههه.كنت لابسة مالت اخوي محمد..وعصب عليه..وكان يبا يضربني وظهر براا..ما نتبهت... سلامة: اهااا.. المووهيم...تمت ترمس وتسال عن( محمد) الشخصية الزائفة...عورني راسي منها ومن اسالتها...طفرت منها... مها: اقوولج...انتي شو تبين من اخوويه؟؟ سلامة قفطت: لاااا عاادي بس اسال....اسفة ازعجتج.. مها: لااا.خلاص...بس عيب انج تسالين عن ولد.. سلامة: سوري... مها: خلاص عادي... ع الساعه 8 بالليل..تلاخصت وظهرت...جفت سالم..وسويت روحي ماجفته.. سالم: سااارة...ساارة..؟؟ سارة: هلا ساالم.. سالم: ممممم سالم موجوود....( ابتسم) .اذا موجوود ازقرييه... سارة ابتسمت: اوك ويت بسير اجوفه... دخلنا دااخل... سارة: بسررعه...سييري بدلي.. مها: بس انا ما بي اسير... سارة: يالخبلة..يمكن يبا يقولج كلام...او سيري قولي له انج بنية... سكت افكر... مها: بس..بس اخاااف اقوله.. سارة: عاادي..عادي...صدقيني ما بيعصب...بيعذرج.. مها تنهدت: اوك..... بسرعه سرت ابدل...خلصت وسرت برع..جفته ينتظرني.. مها: هلا سالم..؟؟ سالم ابتسم: اهليين..شحالك؟؟ مها: تماام..وانت؟ سالم: يسرك الحاال..بتسير ويااي الدكاان..بسير مشي.. مها: اوك..مو مشكلة.. سارة كانت برع تجوفنا.. مها: ساارة....بتيين ويانا؟؟ سارة: مممممم... سالم يغمز لسارة: هيه صح سارة نورة تتريااج... سارة: عيل خلاص بسير عندها... كان الدكاان مب بعييد بعييد..ولا قريب..قريب....ونحن نمشي تكلم سالم... سالم:تخيل يا محمد...يكون عندك اعز صديق....بس عقب تكتشف انه ما يستاهل صداقتك... مها: مممممم كيف يعني؟؟؟ سالم: يعني.....تعطيه ثقتك..واسرارك..ويطلع مناافق..وجذااب.... مها: ما فهمت..يعني وضح اكثر... سالم: يعني مثلا...عقب اكتشفت انه بنية....!!!!!!! \ / \ ((نهـــــاية الجزء الســــادس)) توقعاتكم..وردودكم...^^ انتظركم.. |
(( الجـــــــــــزء الســــابع)) مها\ كنت افكر كيف الطريقة اللي اقوله فيها اني بنية؟؟ بس جني سمعت شي؟؟ مها: بنية؟؟؟؟؟ لحظة..لحظة...مب جنة يقصدني انا؟؟انا المنافقة انا الجذاابة؟؟... جفته كان منزل راسه ... عقب رفع راسه وطالعني هذيج النظرة اللي حسيت ان شعر جسمي كله وقف.. سالم: صــــــــح...يا.....................مها؟؟ هنيييه بطلت عيوني بوسعهن...بلعت ريجي بخوف.. مها: هااه؟؟ ريولي خلاص ما رامت تشيلني...ونظراته الحادة بعدها مصوبة عليّ.. سالم بنبرة ساخرة: شووو بعدج تنكرييييين؟؟؟ تحسبيني توني اكتشفتج؟؟ انا من زماااان وانا اعرف انج انتي (وقال باستهزاء اكبر)) ومحمد شخص وااااحد..بس كنت اتريااج تعترفيين لي... مها : أأأأأ..توني كنتـــ ... قاطعني: كنتي تروومين تقولين...انا اعطيتج كمن فرصة لكن انتي ما اعترفتي...تبين تقصيين عليّ زياادة..عقب...عقب تروحين وتختفين ولا جنه مسويه شي.. هنيه ما رمت استحمل اكثر انفجرت من الصيااح.. صرخت فويهه.. مها: انتي ما تدري بشي...انا مب جذااااااااابة ولا منااافقة....انا كنت بس ادور الاماااااااااان..انت ما تفهم؟؟؟ نحن نرقد ونحن خاايفيين لان...لانه ما نحس بالاماااان..نحن ما ورانا سند يحمينا..انا واختي ايتااااام...امي راحت وخلتنا وابوي..واخوي علي...حتى عمي لحقهم...انا....اناا.. ما كنت ابي اتقرب منك....بس انت اللي كنت تتقرب وتبي نستوي ربع....ما كنت اقدر اقووووولك..لان قبل الشرطة كانت تدورنا...ومباااارك وخاالتي مب مخلينا فحالنا...ويووم انك عرفت جااان ابتعدت عني...حتى انت قصيت علي... صحت بقوووووووووووة بعد هالكلام....ورحت اركض بعييد عنه.. سالم \ اوييييه..ما كنت اقصد...صح اني كنت منقهر لانها الين الحينة ما قالتلي بس...كنت عاذرتنها عسب ظرووفها...تميت اطالع فيها وهي تركض...اروح وراها ولا لا؟؟ بس من جفته تقطع الشاارع.. رحت اركض ورااها...كانت في سيارة ياية مسرعه وهي مب منتبهه.. سالم بصرااخ: مهاااااااااااااااااااااااااااااااااا.. بس هي ما عبرتني.. ركضت وصلت عندها ودزيتها ابعدها بقووة والسيارة طافت عدالنا بسرعه وطاحت وطحت انابعد... سالم: انتي غبية؟؟ كنتي بتموتييييييين...!!!!! الغترة كانت مفروورة بعييييد...وهي يالسة ومغطية ويهها بايدها وتصييييييح... تنهدت...وحمدت ربي انه ما صار فيها شي...وقفت وسرت اييب الغترة..وييت وغطيت شعرها اللي ظااهر..عقبها وقفت ومسكت ايدها وقفتها وياااي...يلستها ع الرصيف..ويلست قريب منها.. سالم: أأأأ..مممم....مها انا اسف...صح مفروض ما اقو... قاطعتني وهي تكتم شهقاتها.. مها: لااا انا الغلطااانة لاني ما قلتلك..بس..بس صدقني والله كنت بقوووولك..اصلا الحينة قلت بسير ويااك عسب اقوولك...انا قبل كنت اخاااف...اخااف صج انك تزعل...عقب عاادي تفضحني.. سالم: اناااا؟؟...انتي تعرفييني عدل..اني مستحييل اسوي هالشي..يمكن من الصدمة ما رمسج...او ابعد عنج..بس مستحييل افضحج..واييب لج الاذى..لاني ربيعج ....محمد..!! جفتها رفعت راسها وطالعتني.. مها: ويييييييي مال اول....هاا محمد... سالم: خخخخ انتي الحينة تستهبلين ولا؟ مها:خخخخخ ادري مووقته... سكتت..وانا سكت.. مها تنهدت: من متى عرفت؟؟.... سالم: ................؟ مها: من متى عرفت اني مها؟؟ سالم: من صار لج الحادث...لاني انا اللي شليتج ووديتج المستشفى.. مها: بس سارة قالت حد من ييرانا.. سالم: لالا انا قلتلها جي..قصيت عليها..ما كنت ابيها تعرف اني اعرف.. قلت هالكلام مابي مشاكل تستوي بينها وبين اختها.. مها بهدوء: تخيل..كنا كلنا مع بعض..انا وسارة وامي وابوي..وعلي....كنت احس اني اسعد انسانه في الدنيا...لكن...في هذاك اليوم..ابوي وامي وعلي كانوا سايرين يخطبون لعلي اخوي...وفيوم وليلة فقدهم كلهم مع بعض..كــــــــلهم..تخيل..!!( نزلت دمعه من عينها) وبعد يومين..عمي عرف بالخبر..وهوو يااي سوااا حادث هو بعد...وماااات.. صااااحت بصووت عااالي...ماكنت اعرف شو اقولها..انا حاسه بشعورها ..ابوي مااات وهو بس شخص وااحد...كيف زعلت عليه..اما هااي فقدت اربعه...مرة وحده!!!!!! اربعه هم سندها في الحياااااة..!! سالم تنهد: مها...ما بينفعهم صيااحج الحينة...هم يتريوون دعواااتج لهم..ادعي ان ربي يغفر لهم..ويجمعج بهم في الفردوس الاعلى... مسحت دموعها بظهر كف ايدها.. مها: آمين....(تنهدت..) عقب مر ع وفاتهم اسبوع...كانت خالتي وريلها طول هالاسبوع ويانا وكانوا يعاملونا زيين...لكن بعد هالاسبووع انقلبت معااملتهم لنا لعذااااب...كنا نش نروح المدرسة..عقب نسير نظف قبل ما ناكل...مع ان نحن عندنا خدم وااااااايد..بس الحقد يعميهم...واذا رفضنا عاد مبارك الحقير ما يقصر بالضرب...عقب..عقب قررت ان انا وسارة نشرد من البيت..كنت اقول بسير فندق...لاني شليت وياي بيزات تكفينا...عقب تعرضوا لنا شباب..وانا خفت على سارة...فتنكرت بزي ولد..اليوم الثاني كنت بسير فندق بس يوم جفت الشرطة تدور علينا ما سرت لانهم اكيد بيعرفون مكانا بكل سهولة.. وجفت هالبيت وسكنا فيه انا وسارة.....وجييي هزيت راسي بتفهم.. سالم: انزين ليش ما تسيرين المحكمة..؟؟انتي عندج الاوارق المهمة اللي تقدر تفرهم بالسجن.. مها: هيه ان شاءالله باجر بسير.. سالم: مهااا..خلاص لا تتنكرين...دام اني بحميج انتي واختج..ما في داعي انج تتنكرين بزي ولد.. مها: ..................... سالم: انزيين؟؟ مها مترددة: ممم بس مابيك تتعب ويانا.. سالم: انتي ما يخصج فيني...اهم شي لا تتنكرين بزي ولد...اذا تبين شي انتي او سارة انا مستعد.. مها بحيا: مشكووور سالم...صرااحه انت واايد طيب... سالم وقفت: يلا عيل بنرد البيت اتاخرنا...ورانا قومة من الصبح بنسير المحكمة.. مها : اوييه..اتاخرت ع ساارة.. وصلتها البيت عقب سرت بيتنا... مها\ نشيت الفير وانا احس ان جسمي متكسر من الطيحة اللي امس...اوويه؟؟كنت صج بمووت...خبلة انا يعني ما جفت السياارة؟؟ توضيت وصليت..رحت اقعد سارةعسب اصلي..ورديت اقرا قران...عقب سرت ارقد.. . . نشيت ع صوت المنبه..بندته..جفت الساعه 9 الصبح..اليوم بنسير انا وسالم وسارة المحكمة..قعدت سارة..وتريقنا...عقب اتصل لي سالم..ظهرنا وسرنا وياه المحكمة..عطيناهم الاوراق وهالسوالف وشرحنالهم..وقالوا ان السالفه بطول.. ................. مر شهر ع السالفه ونحن دوم في المحاكم عسب يردون حقوقنا...وسالم مب مقصر ويانا....ورانا في كل خطوة..واخيرا ظهر الحق وزهق الباطل...خالتي..حكموا عليها بالسجن لمدة 13 سنة..اما مبارك فحكموا عليه بالسجن لمدة 25بسبب محاولة القتل...تذكرت اللقاء اللي كان بينا.. مبارك كان مقيد وكان في مركز الشرطة..قبل ما يحكمون عليه.. مبارك بعصبية: انتواا ايييه مو عكيفكم تطلعون عليّ كلام..انا ما سويت شي...البنتين هم شردواا..انا ما سرقت الورث ولا البيت...ولا حاولت اقتل البنية انتوو ما تفهموون؟؟ الشرطي وف ايده واير الكهرب يبي يعذبه.. الشرطي: شكله ما ينفع وياك الى بالكهرباا عسب تعترف...كل الادلة مصوبة لك.. دخلت عليهم..وكان ويااي سالم وسارة.. مها: لالا....لاكهربا ولا شي..انا بخليه يعترف.. مبارك منصدم: مهاااااااااااا؟؟؟ كييف؟؟انتي ما متي؟؟انا سالت جيرانكم قالوا انج انقتلتي.. سالم :احم..احم..تقصد انااا؟؟ مبارك منصدم: وانت من وين طلعت انتي الثاني؟؟ سالم:والله انا اذكر اني قلتلك انه الولد اللي انقتل ...كيف عرفت انه بنية بالاساس؟؟؟ مبارك بطل عيونه بوسعهن...انتبه بالغلطة اللي غلطها.. الشرطي: هااه؟؟ عندك اي اعتراض؟؟ يااا تعترف...ياا تتعذب... وجذي...اعترف لهم مبارك.. اليوم انا وسارة نجهز اغراضنا بنرد البيت..مستااانسة حدي....اشتقت لبيتنااا.. لمينا كل قشارنا...كانت الساعه تقريبا 7 المغرب..ظهرنا انا وسارة وظهرنا قشارنا كله برااا..وقفنا تاكسي...وقلناله يحط الاغراض في السيارة.. ظهر سالم ف هالوقت...وجافنا وياا عندنا.. سالم:خلاص الحينة بتسيروون.....وبدون ما تودعونا.. مها: لااا والله كنت الحينة بسير اودعكم.. سالم ابتسم:ما في داعي تحلفين مصدقتنج... ظهرت نورة .. سارة صرخت: نوووووووووووورة.. وحضنواا بعض..وسووا منااااحه..مو كانهم بيتمون بنفس المدرسة.. دخلت البيت لقيت ام حمد وسلامة وسلمت عليهم وودعتهم.. ظهرت براا جفت راعي التاكسي...وشكله طفراااان... مها: يلااا ساااارة..اركبي... ركبت سارة ..وانا سرت عند سالم.. مها:ممم....سالم..اتمنى انك تسامحني اذا في يوم غلطت عليك...ولا تنسانااا...ودووم تعالواا بيتنا.... سالم: وانتي بعد سامحيني اذا غلطت عليج او ضايقتج.. مها ابتسمت: مسموح..يلااا مع السلامة... سالم: فمان الله.. ركبت التاكسي...وانا فيني غصة ابي اصييح...بشتااق لهالمكان اللي لمنا ..وبشتاق لذكرياتي هنيي.. . . . ((نهـــــــــاية الجزء السابع)) انتظر ردوودكم..^،^ |
(( الجـــــــزء الثــــــامـــــن )) سالم\ طالعت فيهم الين ما اختفوا عن نظري...سرت ادخل داخل..حسيت بفراااغ كبييييير....بيوحشووني صج..!! جفت في الصاله امي وسلامة ونورة اللي عيونها منتفخة من المناااحة اللي سوتها...ومرة حمد وولدها الشيطوون.. ام حمد: هاا ساارواا؟؟ هزيت راسي بهيه...وسرت ايلس مجابلنها... احمد: الله يسر لهم...بس محمد ربيعك ويينه من زمااان ما جفته؟؟ سلامة: هيه والله حتى انا من زماان ما جفته..؟ طالعت سلامة بنص عين: وانتي اصلا تعرفينه عسب تسالين عنه..؟؟ حسيتها قفطت..!! سالم: لا محمد من زماان سافر براا يكمل درااسته.. ام حمد: والله؟؟ بس كيف يخلي خواته هنيه بروحهن..!! سالم: لا عادي...يسيرن احياانا عند خالتها هنيه... ام حمد: اهااا.. . . . مها \ وصلنا البيت...نفسه ما تغير نفس الفخامة ونفس التشكيلات العصرية اللي تميزه عن غيره من البيوت.. ناديت الحارس يشيل الاغراض...وانا وسارة سرنا داخل...ييت ببطل الباب الداخلي....مادري ليش يتلي وساوس ان خالتي او مبارك ممكن يظهرون فويهيي...هزيت راسي كاني انفض هالافكار الغبية مني..!! دخلنا انا وسارة... سارة تتنهد بارتياح: اخيييراا ردينا بيتنا....آآه ماا صدق.. ابتسمت لها..سرت صوب المطبخ...كنت اتمنى اجوف انسااانه...وياارب تكون موجوودة.. دخلت جفتها..كانت معطيتني ظهرها..ويالسة تعابل بالجدر اللي جدامها.. صرخت مستاانسة: خاالتووو.. تخرعت..وصدت بسرعه تبا تجوف مصدر الصووت.. ام جميل بشك: انتي مهااا؟؟ ولا بيتهيأ لي..؟؟ مارديت عليها بس سرت اضمها.. ام جميل وهي تصيح: انتي مهااااا.. وين كنتي يابنتي؟؟!! وين كنتي طول هالسنة؟؟ وين اختفيتي؟؟!!!انتي بتعرفي انكم امانة عندي.. مها: سامحيني خاالتووو...لكن انتي تعرفين السبب..انا ما قدرت اتحمل.. نبذة " ام جميل..هذي مشرفة البيت والطباخه...كانت عايشة وياا اهل مها من 10 سنواات..ومها وسارة واايد متعلقاات فيها..لانها طيبة وحبوبة.." ام جميل وهي تمسح دموعها: لكاان وينها سرسوورة؟؟ مها: هههههههه..الحينة بتعصب ساارة.. ام جميل: آآه هالبنت..اد ايييش اشتأت لها.. في هاللحظة دخلت سارة..بس ما جافت ام جميل.. سارة: مهااا..وين خاالتو ام جميل.؟؟ ام جمييل: سرسوووورة..حبيبتي....! سارةجافتها..وركضت صوبها تحضنها... سارة: حبيبتي..اشتقت لج وااااااااااااااااااايد..خفت انج رحتي.. ام جميل: لا...اصلا مستحيل اترك سرسوورة واروح.. سارة ابتعدت عنها..وتخصرت.. سارة: بدينااااااااااا.. مها وام جميل: هههههههههههههه.. سرت اجوف حجرتي..ظهرت المفتاح وبطلت الباب...نفس ما هي ما تغيرت..كنت شاله مفتاح حجرتي وحجرة علي وامي وابوي..بس سرت اتاكد اذا هم بطلوها اولا..اول شي سرت الحجرة اللي عدالي..حجرة سارة...فتحتها لقيت قشار خالتي وريلها...الحمدالله افتكينا منهم..رحت غرفة علي اخوي...بطلتها..دخلت وسرت اتجول في الحجرة..كانت شوية مغبرة,,شليت عطرة اللي يحبة..واستنشقته...أأأأخ صج اشتقته..فيني غصة ابي اصييح..آآه..الله يرحمه... ظهرت وصكيت الحجرة ورااي.. رحت حجرة امي وابوي...بطلتها..رحت صوب الكبت بطلته..خذيت شيلة امي...عبيرها بعده موجووود...فديتج اماااية...اشتقتلج...طاحت عيني على قرآن وسبحة ابوي...شليتهم حظنتهم..هالاشياء تذكرني بابوية...ارتميت ع الشبرية وفرغت كل اللي ف خااطري.. سمعت حد بطل الباب..ودخل..كانت ام جميل....جفتها تبطل السدة وتظهر شي..اعتقد البووم.. اعتدلت ف يلستي...ومسحت دموعي.. يلست عدالي.. ام جميل بحنية: مهاا حبيبتي شوو بتعملي هوون؟؟ مها : ماشي.. بطلت ام جميل الالبوم.. ام جميل: هااي صورة ابوكِ الله يرحمه....ابوكِ إنسان طيب كتيير..وكل الناس كانت بتحبه وتحترمه..مش لشان فلوسه..بس لطيبة قلبه واخلاقه.. وهاي صور امك...وهاي لعلي.. مها تنهدت: الله يرحمهم ويغمد روحهم الجنة.. ام جميل: ايووة..هيك بديااكي.. طيب..وهااي انتي يوم كنتي صغيرة...كنتي كتيير شيطوونة..هههه..وهااي سارة كماان طالعه ع اختها..وهااي اخر صورة جماعية كانت لكم..انتي وامك وابوكِ وعلي..وعمك راشد وخالد ولده.. مها: الله يرحم عمي.. ام جميل باستغراب: ليش هو مااات؟؟ مها بحزن: هيه.. ام جميل: من قال إليك؟ مها : خالتي فاطمة...كنت بدق عليه عسب اقوله ا ن امي وابوي وعلي..توفوو..بس خالتي فاطمة قالت انها قالتله..وياا من لندن وهو يااي بالطرييج سواا حادث وماات هو وولده خاالد.. ام جميل: انتي متاكده من هالحكي؟؟ انا سمعت فاطمة بتحكي معاه دايما بالتليفون...وقال كم من مرة بده يحكي معاك ومع ابوكِ او أي حداا..بس هي داايما بتصرفه وتعطيه أي عزر.. وقفت بسرعه ومسكت ايد ام جمييل..وكان ضوء من الامل بداا يظهر لي..ياارب يكون صج اللي تقوله.. مها: انتي متاكدة...؟؟ ام جميل : قومي..بنتصل عليه.. مها: يلاااا.. رحت صوب التلفون ودقيت عليه اكثر من مرة..بس ما يرد... مها: ماااا يرد... ام جميل: خلااص حاولي بكرة..الحينة تعي..قوليلي شو صار معك..احكيلي كل شي.. مها ابتسمت: اوك...بس اول شي انا يوعااانه حييل...ابي اكل شي من طبااخج....اشتقت له.. ام جميل: اوك حبيبتي...تسلمي.. ......... نبذة" راشد ..45 سنة..عم مها وسارة..متزوج وحده اجنبة يابت له خالد..الحينة عمره 19 سنة...امه بعد ما يابته توفت...والحينة عايشين في لندن" ............................... بعد اسبوعين..رديت لمدرستي..وسارة تمت بمدرستنها عسب ما تفترق عن نورة.. خلص دوامي اليوم بعد الترحييب الحار اللي سونه لي ربيعاتي.. رديت البيت.. مها: السلااام عليكم.. سارة ونورة يالسين في الصالة: وعليكم السلام.. مها: هلااا نورة انتي هنيييه؟؟وييي اشتقلتج من زماان مب جايفتنج.. نورة: اووويه استحي....حتى انا اشتقتلج وسالم وسلامة وامي كلهم مشتاقين لكم... سارة بعبط: احم ..احييم...عيدي بلييز.. نورة : ليش ؟؟ سارة: مممم ولا شي..خلاص.. مها: شو رايج نورة تباتين عندنا اليوم..؟؟ نورة: لالا ما اقدر سالم بيي العصر وبيردني البيت.. من يابت طاري سالم وانا قلبي يدق...اوييه صج اشتقتله....؟؟؟؟؟؟؟؟؟؟؟لحظة شو قلت..احم احم لو سمحتو انتو لا تقروون..اسرار شخصية....بس صج والله اني اشتقتله..اخ فدييته...اوييه لا صج مصختها...خخخخخ الحب وما يسوي..^_* ادري يمكن توكم تكتشفوا هالشي..لكن انا من زمااان احبه..مممم ما كنت متاكدة من شعوري بس من ابتعدت عنه...اتاكدت<<مشالله عليييج..ذكية سرت ابدل ملابسي...عقب تغديت.. عقب سرت ايلس في الصاله.. مها: سااروووه...ييبي التليفوون.. سارة: لااا تحااولين ما بيرد علييج.. مها: بحاول..ما بخسر شي.... دقيت مرة مرتين...ما يردوون..افففف..تميت احااول فوق الخمس مراات بس ما شي فاايدة..ييت ببند...بس سمعت حد يرمس.. قلت بحمااس: الووووووووووووووو.... سارة سمعتني يت تنقز عندي وحاطة اذنها عدال السماعه عسب تسمع... خالد: Hllo?? مها: الوو السلام عليكم خالد مستغرب: وعليكم السلام.. مها: هاا مب رقم عمي راااشد؟؟ خالد: هيه.. مها: انزييييييين ويينه.... خالد(عنبوو بلاها هااي؟؟): ممممم لحظة بسير ازقره.. مها بصرااخ: يعني هوو ما ماااااااااااااات؟؟؟ خالد: هاااه؟؟ مها بفرحه: الحمدالله..الحمدالله.. خالد: انتي اييه بلاج؟؟ بعدين انتي منوو.. مها: انا مها.. خالد: انتي مها بنت عمي؟؟!!!!!!!! مها: هيه..ليش انت منوو؟ خالد: هلااااااااااااااااا والله ببنت العم...انا خاالد... مها: اووونه...اهليين خالد شحااالك؟؟ خالد: الحمدالله تمااام....ويينكم يالقااطعبيين؟؟ مها: والله انا دووم ادق عليكم بس انتوو ما تردوون؟؟! خالد: اهاا...والله نحن دووم في الدوااام....الموووهيم انتي شحااالج؟ مها: يسرك الحاال..الحينة عطني عمي بسسسسسسسرعه.. خالد: ههههه ..انزين..انزين..اعصابج لا ينط لج عرج.. مها: خخخخخخ.. .. .....: أألووووو..؟ مها: عممممممممممممممممممي... راشد: مهااااااااا؟؟؟!!!!!!!!!!! وينج يا بنتي قطعتينا...وابوج..وامج وعلي حتى ساروتي..كلكم مرة وحده... مها منصدمة (يمكن بعده ما يعرف): أأأأأ..لا نحن دووم ندق علكم بس محد يرد.. راشد: انتي شحاالج وعلوومج؟؟ مها: انا الحمدالله بخييير...وانت شحالك عمووو؟؟ راشد: بخير من رمستج...وين ابووج ابي ارمسه...هالقااطع..؟ مها: ..................((اوييه شو اقووله؟؟)) راشد: آآلوووو..مهااا.. مها مرتبكة: أأ..هلااا عمي..امي وابوي راقدين اما علي برااا..وسارة عداالي تباا ترمسهاا..؟؟ رااشد: هيه .. عطيت التليفون سارة.. سارة: عموووووووووو.. راشد: عيوون عموو....شحاالج غنااتي؟؟ سارة: بخيير..انتي شحاالك..اشتقت لك وااااااااايد... راشد: يسرج حاالي...شخباار الدراسة ويااج؟ سارة: الحمدالله زيينة.. راشد: اهتمي برووحج..وشدي حيلج.. سارة: انزين عموو مها تبا ترمسك...يلا مع السلامة.. راشد: مع السلامة غنااتي.. |
خذيت التيلفون... مها: هلااا عموو....متى بتيي عندنا...؟؟ راشد: والله مادري ان شاءالله قرييب.. مها: الله يخلييك عموو تعاال بسسسرعه..لالا تطوول .. راشد: ان شاءالله بسويها مفاجاة..لا تقولين لحد... مها: اووووكي...يلا الحينة بخلييك.. راشد: يلا غناتي...اهتمي بنفسج...مع السلامة.. مها: مع السلامة.. بندت عنه... تنهدت براحه: وييي..ما صدق ان اللي رمسته قبل شويه عمي...!! سارة: هيييييه والله حتى اناا...ونااااااااااااااااااااااسة..الحمدالله.. نورة مستغربة: ليييش؟؟ مها: لان في ناس قصواا علينا وقالوا انه مات... نورة: اوونة؟؟ ماصدق انه في ناس بهالحقارة..!! سارة: مها متى بيي عندنا..؟ مها: مادري قال قريب ان شاءالله..بسير اقول حق خالتي ام جمييل.. كنا مستاااااانسين حيييل...تخيلوو فجاة حد قريب منكم لا سمح الله مات..عقب تكتشفون انه حي....ويي صدق ونااااسة.. العصر الساعه 5.. نورة: مهاا..وين سارة؟؟ الحينة بسير .. مها: لااا ويين تو النااااس.. نورة: لا ..سالم ينطرني براااا... مها: اهاا...ساارة فووق..تعالي انا بوصلج براا.. نورة: يلاااا.. ظهرنا براا..جفته واقف ويرمس بمبايله.....جافنا...بند التيليفون عقب ياا صوبنا.. سالم: نوورة..يلااا.. مها: احم.احم...شحالك ساالم؟؟ سالم: اووه انتي مهاا؟؟ ويي وااااايد متغيرة..الحمدالله تماام..وانتي؟؟ مهاا مستحية: يسرك حاالي.. سالم: ................ مها: أأأ ..اوك...يلا بسير داخل...مع السلامة.. سالم ابتسم: فمان الله.. سرت ودخلت دااخل...ماالت علييه...مسسرع ما نسااني حتى بعده ما طااف شهر..!!أأأأأأأأه فدييته...اشتقت له...هههههه سالم\ اووه..واايد تغيرت مهاااا...استوت احلى عن قبل....اشتقت لها الدبة..<<<طع...ياخي خلك رومنسي شويه...>>ان شاءالله عمتي نورة: سلّوووووم...سلّووووم... سالم: شووو يا ام سلّووم.. نورة : انا ام سلوم..وعععع طالعتها بنص عيين.. نورة: محمد..بعده مساافر..؟؟ سالم : هيه... نورة: متى بيرجع..؟؟ سالم: ماادري.. نورة: اهاا.. .............. لنــــــــــــــدن...~ خالد: انزين...يعني الين متى بنتم هنااك؟ راشد: ان شاء الله اسبوعين.. خالد: الحمدلله يعني ما بنتك 3 او 4 ايام..هالمرة بنطول شوي... راشد: لا هالمرة بنطول شوي..اشتقتلهم... خالد: انزين متى بنسير... راشد: اليوم الساعه 10 ونص.. خالد: اهاا..عيل بسير ازهب جنطتي... راشد: هيه حتى اناا.. ع الساعه 10 ..سارو المطار وخلصوا الاجراءات اللازمة..وركبوا الطيارة... ....................... الساعه 1:00 الظهر.. في حجرة مها.. مهاا: يلااا سارة بنسير نتغدى.. سارة: اوك..انتي انزلي تحت..انا بيي عقب..او بسير ابدل.. مها : اوك.. سرت تحت...جفت ام جميل تحط الاكل ع الطاولة.. سمعنا حد الجرس يرن.. ام جميل: ميري...ميري...تعالي افتحي الباب.. مها: لا خلاص انا بسير شكلها مشغوولة.. ام جميل: اوك.. سرت خذيت شيلتي تحجبت..وظهرت ابطل الباب..بطلته جفت فويهي..واحد طويل..عيونه زرق..!! خالد: السلام عليكم.. مها: وعليكم السلام.. راشد ظهر من ورا خالد.. مها: عموووووووو.. طحت ف حضنه على طوووول.. راشد: مهااا فدييتج...مشالله كبرتي... مها: خخخ حتى انت كبرت... خالد: احم..احم...خلصتواا؟؟ ترا تنقعت في الشمس.. مها: اووه خالد شحااالك؟ خالد: تمااام...وانتي...بس قبل ما تعطيني الجواب دخليني حرررر.. مها: خخخخخخخ...سوري...يلا حيااكم تفضلووا... دخلتهم الين الصاله... مها: لحظة بسير ازقر ساارة.. سرت ازقر سارة...وهي من جاافت عمي..ركضت صوبه وتمت تصيح ف حضنه..!! راشد يحضن سارة بقوووة..:هههههههه ليش تصيحين؟؟ سارة: ................... راشد: فديت ساروتي..بسج غناتي ماحب اجوف دموعج.. سارة: ههههههههههههههههههه خالد: اعوذ بكلمات الله التامات من شر ما خلق.....هااي تصيح ولا تضحك..؟؟ سارة ومها: ههههههههههههههههههه.. سارة: لا قبل شوي كنت اتابع فلم...فقلت ابي اطبقه على مها...بس جفت عمي وطبقته عليه...هع خالد: مهاا..انتبهي ع اختج...لا تخلينها تطالع افلام....مرة ثاني بتييب سكين وبتذبحج...وبتقول ..(يقلدها) لااا بس كنت اطبق اللي صار في الفلم.. الكل: ههههههههههههههه.. راشد: الاااا..اقوول مهاا..وين ابوج وامج..وعلي..؟؟ مها مرتبكة: أأأ..هااه؟؟ سارة: ليييش مها انتي ما قلتيلهم؟؟ ..(تذكرت شي وبسرعه حطت ايدها ع فمها) راشد بشك : تقولنا شووو؟ سارة نزلت راسها..وانا بعد نزلته...ماريد اقولهم الحينة.. راشد تخرع: بســـــم الله شوو مستوي ارمسوووو؟؟ مها والدموع ف عينها: أأ..امي ..وابوي..وعلي..توفوو الصيف الماضي... راشد وخالد: شووووووووووووووووووووووووووو؟؟؟؟!!!!!!!! مها تكمل: توفوا بحادث.. راشد وقف: متى ...وكيف...؟ وليش ما قلتولنا.. مها: انت كل ما تتصل ترد عليك خالتي فاطمة وتقص عليك باي كلام..ونحن قالتلنا انها قالتلك...وانك وانت يااي هنيه سويت حادث ..وووو.....!! راشد معصب: هاااي اللي ما تستحي برواايها ..وييينهاااا..؟؟ سارة: هي وريلها بالسجن... راشد منصدم: بالسجن؟؟؟!! (( قلتله السالفه...وان نحن شردنا...و طبعا مب كل التفاصيل...)) راشد: انتي غلطتي....يوم انج شردتي من البييت.... مها: لـــــكن.. قاطعها: الحمدالله انه ما ستوا لج شي انتي وسارة...الدنيا مالها امان وانتي بعدج صغيرة.. مها: عمي..انت ماتدري...كيف كانوا يعاملونا..بعدين انا شردت عسب سارة...حرام اللي يسونه فيها... سارة: تدري ان مبارك ريل خالتي كان مرة بيذبحها...!! لالالالالالالالالالاع مو وقته ساااروووو...أخ من هالغبية....خزيتها بنظرة.. راشد: ارمسي ساااااارة... عمي كان معصب..ومضطرب..وانا كنت خاايفة علييه... سارة: هذاك اليوم...مها سارت بيتنا وتسللت عسب تييب لاورااق المهمة وبعض اغراضنا وهي رادة مبارك كان يلحقها..وطعنها..وكانت بتموت وترقدت في المستشفى يمكن شهر...!! عمي مسك راسه...وكان لونة متغير.... راشد: استغفرالله...انااا وين كنت عن بناااات اخووي... مها: عمي الغلط مب منك.... راشد وبالغصب يرمس: لا حول....ولا...قوة...الا...بالله...ســ ـ ـامحني يا خوي... خالد: شكله ارتفع الظغط عنده.....بسير اييب الدوااا مااله.. وبسرعه يابه....وعطاه عمي...شويه..بدت تتحسن حالته... مها: يلا عمي تعال الغدا جااهز... راشد: انا ما ريييد شي...بس ابي اتم برووحي... كلنا نشينا من عنده وسرنا نتغدااا...ما كان لحد نفس يتغداا.. طالعت ف سارة اللي من الصبح تتحاشى نظراتي.. مها بحزم: ساااارة... سارة انتفضت من مكانها.. سارة: ه.ه.هلا... مها: تستهبلين حضرتج....ليش ترمسيين..؟؟ سارة: والله زلة لسان.. مها: جب...كريهه وحده لو جفتج رمستي عن شي ثاني بذبحج.. خالد: ليش في بعد شي ثااني؟ مها: لالالالا.. ماشي....بس مابيها تقول أي شي لعمي...انت ما تجوف كيف هو تعباااان...؟ بعد الغدا سرت اجوف غرف عمي وخالد جاهزة او لااا... عمي سار غرفته ..اما انا وسارة وخالد كنا يالسين في الصااله... سارة: انزين خلّود...قولنا عن قصة حيااتك؟؟ خالد: خلّود..فعينج..اصغر عيالج اناا؟ سارة: يمكن.. خالد مسك المخدة اللي عدالها وفرها عليها.. بس سارة ابتعدت بسرعه.. سارة: ههههههههههههههه خالد: تعالي لو فيج خير.. سارة: خلاص اسفة....بقولك شو اللي استوا ويانا..اففففف كله آآكشن.. خالد: يا سلام..خلاص تعالي يلسي وقوليلي... اشرتلها انها ما تقول عن سالم..او أي شي غيره....الحمدالله فهمت عليّ.... سارت ويلست مجابلتنه.. سارة: احم..احم...ماشي..خخخخخخخخخخخ خالد: ويه ويهج...خلاص مابرمسج... سارة: ههههههه يااهل انت...لا خلاص أأسفة.. تمينا نسوولف الين اذان العصر عقب كل واحد سار يصلي.. ........................... في غرفة سالم.. سالم\ اووه..اتصل...اولا...لا بتصل..لالالا مولازم..مممم الحينة ليش اتصل فيها؟؟ لا عادي..لازم اعرف اخبارها..يمكن محتاجين شي...او عندها مشكلة..؟....بتصل....(اتصل على مها).. رن مبايل مها وكانت هي وخالد يالسين في الصاله... جافت ارقم وابتسمت...وخالد يطالع فيها... مها: آآآآلوووو.. سالم: مرحباااا.. مها: مرحبتييين... سالم: شحااالج مهااا؟؟ مها: الحمدالله تمااااام..وانت شحااالك..؟؟ وشخبار خالتي ونورة وسلامة؟؟ سالم: الحمدالله انا بخير....واهلي يسرج حاالهم.. سكتوا اشويه...ومها مرتبكة من نظرات خاالد.. سالم: مهاا..؟؟ ان شاءالله مرتااحين؟؟ مها: هيه الحمدالله...اليوم..يووو عمي وولد عمي من لندن.. سالم: اهاا..بس اللي اعرفه انه عندج عم واحد ومااات..؟؟ مها: هيه..((وقالتله السالفه )).. سالم: اهاا..بس حبيت اسلم عليكم و اعرف عن اخبااركم.. مها: ما تقصر والله... سالم: يلا بخليج الحينة ...مع السلامة.. مها: فمان الله.. خالد: ممممم...منووو هذاا..؟؟ مها تسوي روحها مب مهتمة: هذا اللي كان يساعدنا انا وسارة...ولد جيرانا.. خالد: وعندج رقمه بعد؟؟ مها: مممم....هيه...لان اخته كانت دوووم ترمسني من مبايله..ومن جفت الرقم استانست احسبها هي.. خالد: اهاا..بس المفرووض ما يتصل..؟ مها: خااااااالد ..اشفييك....حليلة الولد كان يسال عنااا.. سكتت مها وخالد بعد.. خالد: سووري اذا ضايقتج.. مها: خلاص انسى السالفة.. ............................. نهاية الجزء الثامن .. |
(( الجــــــــــــــزء التـــــاسع قبل الاخيـــــــــــر )) سالم \ أأخ...يعني خلاص..ما اقدر ارمسها....؟؟ عندها ولد عم اللي بيكون مسؤوال عنها....اصلا انا غبي ليش اتصلت.. سمعت حد يدق الباااب...اففففف مب متفيج حق حد.. سالم بدون نفس: منوووووووووووو؟ نورة بدلع مصطنع: نواااااااااري.. سالم: نورة مب وقتج.. نورة: لالا...حتى انا مب متفيجة لك..بس بقوولك سر خطيير. سالم: اوك ..تعالي.. نورة: خخخخخخخ((قصيت عليه..*_^)) سالم: بسسرعه..شو عندج؟؟ نورة: ممممممممممم.. سالم: اقوووووول بسسسرعه.. نورة: انزين..اوووف...ابي اسير عند ساااروونة... سالم: لااااا..مب متفيج اليووم.. نورة: يا سلام.....انا اللي بروح ولا انت؟؟ سالم: انتي الحينة انجلعي برااا عقب بفكر.. نورة: يا غبي ما يبالها تفكيييير... بطلت عيووني....لالا هاااي عدت حدوود الادب...!! سالم: نوووورة..اوك انا ارااويج...ماشي رووحه... نورة ابتسمت بخبث: اهاا...يعني ما تبا تسير عند مها...أأأأ اقصد محمد.... وما جفت الا غباااارها...بســـــــم الله هااي كيف عرفت؟؟ تميت ازقرها...ولكن لا حيااة لمن تناادي..سرت اجوف وينها جفتها عند اماية..وماقدرت ارمسها.. ام حمد: شوووو تباا من نووورة؟؟ سالم: لا بس كنت ابي اقولها بوديها عند سارة المغرب... جفت نورة تبتسم ابتسامة انتصار... ............ بعد المغرب.... ركبنااا السياارة..بس ما تحركت... نوورة: يلااا شو تتريااا..؟ سالم: كيف عرفتي؟؟ نورة تستهبل: شو اللي عرفت؟؟ سالم: نورة لا تستهبلين...ان محمد...مهاا..؟ نورة مب مهتمة: مممممم طبعا من ذكاائي.. صرخت عليها: نووووووورة ارمسي عدل.... نورة تخرعت: انزين...انزيييييين....بسم الله لا تعصب جي...تخرعني...؟..هذيك المرة...سرت بيتهم وقعدت عند سارة....عقب راحت سارة شويه عند مها..وانا سرت اتحوط ببيتهم..وانا اتحوط..سمعت صوت مها وسارة في الحجرة وكان الباب شويه مفتووح..وسمعت سارة تزقرها ب مها....ومها كانت لابسة كندورة ريااييل..وشعرها كان مبطل...عقب لفته..ولبست الغترة....عقب بسرعه رديت مكاني..وسويت روحي ماعرف شي.. سالم: انزين ليش ما قلتيلي.. نورة: شدرااني....كنت احسبك تعرف بس تستهبل..؟ طالعتها بنص عين: الموووهيم..مابي هالكلام يطلع لحد.. نورة: اكييييييد..مابقول لحد.. والله اشك انها خبرت الدنياااا كلها....هاي اصلا ما تسكت.. حركت السيارة....وصلنا.. . مها وسارة وخالد..كانوا توهم يايين من براااا...بعد الحوااطة... سارة جافت نورة تنزل من السيارة..سارة تركض صووبها... ودخلن دااخل.. اما سالم سار صوب مها وخالد.. . سالم: السلام عليكم.. مها وخالد: وعليكم السلام.. مها: هييه..خالد....هاا سالم ولد جيراانا اللي قلتلك عنه... خالد: هيييييه..هلااا شحااالك سالم؟؟اناا خالد ولد عم مها.. سالم: الحمدالله تمااام....هلااااا خالد....انت شحاالك..الحمدالله ع السلامة..؟ خالد: الحمدالله ...الله يسلمك... سالم: مهااا..شحالج؟ مها : يسرك الحااال..وانت؟ سالم مبتسم: الحمدالله تمااام... خالد وشكله مضايق: يلا مها سيري داخل وبلحقج عقب.. وانت سالم تفضل حيااك.. مها سارت داخل وهي مقهوورة.. سالم: لا السموووحة.....عندي شغل..مرة ثانية ان شاءالله.. خالد:لااااا ما يستوي لازم تدخل... وبعد محاولات..دخلت بالغصب...انصدمت الصرااحه من بيتهم..كان شرات القصر.....الا قصر...كل شي فيه روووعه.. سرنا صوب الميالس.. تمينا نسوولف شوي...حسيته شويه خقاااااق... خالد: أأأ..سالم...بسالك سؤال وخليك صريح ويااااي..ممممم شو علاقتك ببنت عمي مهااا.. استغربت من هالسؤال: كييف يعني؟؟؟؟؟؟؟؟؟ خالد: يعني اتصالاتك....ووو زيااراتك..؟ كنت ميت غيض..طع بس كيف تفكييييييره..؟؟ سالم: لااا.عاادي..علاقة جيييراااان..عااادية..وبعدين هم انتقلوا من عندنا....واللي اعرفه انه كان محد عندهم اهل...فانا اتصل واسال عنهم...وزيارتي اختي نورة دوم اييبها لسارة..واذا ما تبانا نيي..خلاص مو مشكلة..والاتصلات اعتقد ما يحتاي..لانه خلاص عندهن اهل.. خالد: لاا...ما اقصد شي...بس تعرف هاي ((بنت عمي))<<شد على بنت عمي.. ولازم اتابع اخبارها..ووو.. قاطعته: هيه..هيه..خلاص عرفت..يلااا انا الحينة اترخص..عندي شغل.. خالد بابتسامة انتصار: افااا ما طولت.. سالم: ماعليه..السموحه ما قدر.. ظهرنا صوب السيارة..ركبتها....وبطلت الجامه...وكان واقف .. خالد: قبل ما ترووح.....شيلها من بااااااالك..لانها لي...وهي اصلا ما تفكر فييك...لانها تحبني... واشر ايده بـ (سلاام)....ودخل دااخل.... انا مت من الغيييييييييض..هاااااا شو يحسب عمره عسب يقولي هالكلام..... اففففففف كريييييييييييييييييه... . . . مها\ جفت خالد توه دااخل...قعد ع الغنفة.. مها: ممممممممم سالم ساار؟؟ خالد يطالعها: هيه.. مها نزلت عيونها: اهاا.. خالد: الصرااحه انا ما ارتحت له.. طالعته بدون ما ارد عليه.. خالد: احسه واايد رزة.. مها بسرعه: ليش يعني..؟؟ خالد: يعني خلاص عارف انه عندكم عم وولد عم..حق شووو يي..؟؟ مها: مافيها شي...يوصل اخته.. خالد: اهاا.... وقفت بسير...ضايقني كلام خالد.. خالد: وين سايرة تضايقتي من كلامي..؟؟ مها: خاالد..لا تقعد ترمسني جذي..بعدين عيب تقول عنه جي...انت ماتعرف كيف كان يساعدنا.. خالد سكت...وانا سرت حجرتي.. . . بالليل الساعه 10... دخل عمي راشد البيت...كان من العصر برااا يقول عنده شغل..كنت انا وخالد يالسين في الصاله.. راشد: السلام عليكم... انا وخالد: وعليكم السلام.. مها: تاخرت عمووو.. راشد: رحت اخلص اشغالي...وحجزتلي تذكر للندن...باجر بسافر وبخلص اشغالي كلها منااك..وبرد وبنعيش هنيه ويااكم.. خالد ومها: واللـــــــــــــــــه؟؟ راشد ابتسم: هيه خلاص...منها بشتغل بشركاتي اللي هنيه وبدير شركات ابوج بعد.. سرت اتعلق برقبة عمي.... مها: وناااااااااااااااسة بتم عندنا.. راشد: انزين ذبحتيني.....خخخخ....وين سارة ما اجوفها..؟؟ مها: سارة ويه بنت جيرانا اللي قلتلك عنهم.. راشد: هيييي...الصراحه والله ابي اشكرهم..ع اللي سووه لكم.. طالعت ف خالد...وخالد نزل عيوونه.. عقب شويه سرنا نتعشى...عقب قعدنا في الصاله...جفنا نورة وسارة نازلين من فوق.. مها: شوو سارة بتسيروون بيتكم؟ نورة: هيه. سالم واقف براا.يلا مع السلامة.. عمي راشد وقف: انا بسير اجووفه.. ظهر برااا وسلم عليه... راشد: والله ما يستوي يا ولدي...لازم تدخل.. سالم: يا عمي...توني المغرب دخلت..وقعدت مع خالد...المرة اليااية ان شاءالله.. راشد: تردني يا سالم؟؟ استسلم سالم ودخل.. في الميلس.. راشد: والله مادري كيف اشكرك ع اللي سويته لبنات اخوووي..وو قاطعه سالم: مافي داعي هالكلام...هاااا واجبي.. راشد: انزين انت تشتغل..؟ سالم: لا بس ادرس ادارة واقتصاد...وهااي اخر سنة لي.. راشد: مشالله..عيل..بعد ما تتخرج...تشتغل في شركة اخووي..ولا ترفض لان هذا اقل شي اسويه لك.. سالم: لااا....أأ دخل خالد. خالد: لا يا سالم لا ترفض طلب ابووي.. سالم تنهد: خلاص..ان شاءالله يصير خيير.. راشد بارتيااح: بارك الله فيك.. وقف سالم.. سالم: يلا الحينة بترخص...الحينة الساعه 10 ونص... راشد: لااا وييين..اييلس تعشى.. سالم: لا الحمدالله توني متعشي... راشد: خلاص براحتك....تعال عندنا دووم.. سالم: ان شاءالله.... يلا مع السلامة.. راشد : فمان الله.. ظهر سالم...وخالد وياه.. سالم بدون ما يطالع ف خالد.. سالم: لو ما عليك امر خالد ممكن تزقر نوورة.. دخل خالد و قال لنورة..وظهرت وساارو.. خالد كان معصب...ومتضايق...يلس ع الغنفة...وهو يتافاف.. سارة ومها كانوا يطالعون التلفزيون.. خالد: وينه ابوووي..؟ مها: سار يرقد.. خالد: اففففففففففف.. سارة تتطنز: بلاك...من يلست وانت تتأفأف..؟؟ خالد: سارة اسكتي..مب متفيج لج..رااسي يعورني.. مها: اييب لك بندوول...؟ هز راسه بهيه.. وسارة تييب له بندول.. مها\ ادري به خراااااط...ولا فيه شي...افف مستوي كرييه....خخخخخ عيبني عمي...والله كان خاطري اجوف شكل خالد وقتها...وييي وناااسة سالم بيشتغل في شركة ابووووي....انا بعد...بخلص الثانوية..وبشتغل فيها هع.. سرت اعطيه البندول والمااي.. خالد: مشكوورة.. سارة: العفووووو.. خالد: انتي جب.. سارة: اوك.. . . اليوم الثاني سافر عمي لندن... وانا سرت مدرستي وسارة بعد.. . الظهر..ردينا عقب سرنا نتغدا ويه خااالد...وبعدين سرنا نرقد.. . المغرب..كنا كلنا يالسين نطلع تلفزيون.. مها: خااااالد... خالد مندمج: هاااه..؟ مها: انا وسارة نباك تودينا بيتنا..اللي عشنا فيه انا وسارة.. سارة: هيه..هيه..الله يخليييييييك... خالد يفكر: ممممممم.. مها: اقول سارة...يلا تجهزي وركبي..السيااارة.....خالد نحن نتريااااك... خخخخخ سرنا لبسنا عبينا عقب ركبنا السياارة حتى ما سمعنا موافقته...شويه وجفناه ياااي...ركب ...ودليناه ع بيتنا... خالد مبطل عيونه ع الاخر: حلفــــــــــــي ان هاا بيتكم؟؟ مها: والله.. سارة مبتسمة: حلوووو صح....أأأأه احلى بيت جفته ف حياتي.. خالد: أي حلووو انتي الثانية...هاااا اخاف اذا دزيت الباب ببطله ينهد البيت بكبره... سارة: هاهاهاه...ما يضحك...عن الغلط لو سمحت.. فتحت باب السيارة ونزلت...بطلت الباب بقوة...الحوش تقولون صحراااااا...كله كثباان رملية...دخل خالد وعقب سارة... اما انا سرت صوب باب اللي دااخل...بطلته....ودخلت الدنيااا كلها ظلااام..الا من الضووء الي يدخل من الدريشة المكسوورة.. تقدمت خطوتين فجاة تصكر الباااب...شكله من الهوااء...كنت خاايفة...تحسست الطووفة..ابي ادور مفتاح الكهرباا..سمعت حركة وراااي...صديت وراا ...جفت حد خطف بسرعه من جداام الدريشة...بسرعه طالعت جدام بشغل الليت بس جفت عيون تطالعني...كنت بصرخ بس....غطاا فمي بايده... . . . ((نهـــــــاية الجــــــــــــزء التــــــاسع)) بانتظاار توقعااتكم... انتظرووني مع الجزء الاخير.. |
(( الجـــــــــــــــــزء العاشر والاخــــــير)) مها\ تميت اضربه بايدي...لكن ماشي فايده..حاولت افلت منه..وبعد ماشي فاايده.. .....: إإإإييه بس...!! حركة واقتلج..!! تصنمت مكاني يوم حسيت بسكينه ع رقبتي... برااا.. خالد: يلا تعالي بنسير نلحق مها.. سارة:يلا تعال براويك غرفتي انا ومها.. وهم سايرين بيدخلون دااخل.. مها: خااااااااااااااااااااااااااااااااااااااااااالد.... . عقب انكتم صوتها...خالد راح يركض الين داااخل.. خالد يحاول يجوفها: مهاااا..مهاااا...وين انتي..؟؟ شو استوااا؟؟ .....: انت...انت وياها شوو تبوون من هنييييييييييييه؟؟ خالد: انت منوووووووووو؟؟؟ ...: ما يخصك..لوما ظهرت من هنييه..بذبح البنية.. خالد سمع صوت مها المخنوق..كانت تحاول تتكلم.. ......: بسرعه طلعواا براا البيت.. خالد: اوك ...بنطلع بس اول هد البنية...بعدين انت لييش خاايف نحن ما بنسوي شي.. .....: شكلك ما تفهم..الحينة اذا ما طلعت..بذبح البنية الثااانية.. خالد تخرررع... خالد: ساااارة....ساارة وين؟؟....ساااااارة تسمعيني....بسسسرعه اشردي براااااااااااااا... سارة كانت منخشة من سمعت خالد..طيراااان براااا...وسارت صوب بيت قوم سالم....جافت سالم توه ظااهر من البيت.. سالم مستغرب: سااارة؟؟ شو تسوين هنييه؟؟ سارة وهي تلهث من الركض:مهااااا.......خااااااالد........ سالم: شوو ما فهمت شي...؟؟ سارة: مهااااا دااخل..ومادري شو صارف فيها.. سالم: انا بسير انتي سيري عند نوورة.. وطيراااان راح صوب مها وخاااالد.... عند خالد ومها.. خالد تم يتحسس الطوفة الين وصل لمفتاح الليت وبطله.. جاف ولد تقريبا عمره 18...19 سنة..كان شعره كثييف ومبهدل وطايح ع ويهه وكندورته متخيسة ومقطعه....يعني شكله واحد مينوون...!!!!!! وكان ماسك مها وحاط السكينة ع رقبتها.. خالد: مهاااااااااااا...؟؟!! مها كانت تطالع فيه والدموع في عيونها من الخووف.. ....: انتووو شو تبووون مني؟؟؟؟؟؟؟ خالد: والله ما نبااا منك شي...بس هد البنية..!! .....: جذاااااااااب...انتوو اصلا تبون تذبووحوني شرات ما سويتووا لاهلي .. خالد: والله ما ذبحنا حد...جيي.. الدنياا فوضة نذبح اهلك..؟!! بس الولد لا حياة لمن تنادي....قرب السكينة اكثر من رقبة مهاااا.. خالد خاف وراح بسرعه صوبه..بس الولد رفع السكينة بيضرب خالد...وفجاة..وقف سالم بويهه ويت السكينة ع ذرااااعه.... سالم صرخ بالم: آآآآآآآآآآآآآآآآآآآآآآآآآآآآآآآآآآآآآآه.... مها ودموعها تنزل وهي تجوف ذراع سالم تنزف: سااااااااااااااااااالم..... اما الولد عق السكينة ع الارض..وابتعد وهو خاايف..عقب قعد ع الارض وتم يصيح... ومها عند سالم وتصيح.. سالم وهو متالم: ليش تصيحين..ما صار شي..عادي جرح بسيط.. مها: كيييف ما صار شي..؟؟ وبعدين هاا مب جرح بسييط طالع كيف ايدك تنزف.....!!!!! سالم يضغط ع الجرح بايده الثانية عسب يخف النزيف.. مها جاف غترة سالم عداله ع الارض....شالتها... مها: ييب ..اانا بربط ذراعك عسب ما تفقد دم وااااايد... مد ذراعه ومها ربطت الغترة عليها... مها: خالد وديه المستشفى.. سالم: لااا ما فيــــ خالد: لا ولا كلمة...الحينة بوديك المستشفى.. سالم طالع في الولد.. سالم: انت شوو اسمك؟؟ الولد: ابراهيم.. خالد: انزين انت ليش هنييه..؟؟ وليش كنت بتذبح مهاا...وكنت خاايف؟ ابراهيم يتنهد: بقولكم سالفتي.. هالبيت هو بيتي...قبل خمس سنوات تقريبا...كان عمري 14 كنت في ثالث اعدادي....هذاك اليوم...تاخرت عن البيت كنت ف بيت ربيعي....رديت البيت الساعه كانت تقريبا 12 ونص بالليل..وقبل ما ادخل..جفت شلة شبااب طالعين من بيتنا...وكان شكلهم سكارى.وكان اللي ماسك بايده سكينة..ولا حديدة.!! انا انخشيت.خفت منهم.ويوم كلهم راحوا...بسرعه ركضت صوب بيتنا..جفت البيت مكسر...ومبهدل..والصاله معفوسة..والطاولة مجلوبة..كنت انادي اهلي..بس ما سمعت لهم حس.. رحت غرففة امي وابوي...وجفت.....((سكت يمنع الدمعه اللي تبا تطيح من عينه..)) ابراهيم يكمل: جفت اخواني وابوي وامي ..كلهم طايحين ع الارض والدم مغطيهم...رحت اركض صوبهم..واناديهم بس...بس هم مااااتووووو.... قمت وانا مصمم اخذ ثاري بهم..جفت سكينة طايحه ع الارض..وررحت اركض براا الحقهم..بس حد من الجيران جاف شكلي وانا ماسك السكينة وكندورتي متخيسة دم...اتصل ع اشرطة وخبرهم...واشرطة ودتني الاحداث تحسبني انا ذبحتهم.. وقريب اكتشفوا اني برىء.. جفتوااا كيف الظلم..؟؟!! خمس سنوات سجن بدون سبب..!! مها بتردد: انزين ليش كنت تبا تقتلنا؟؟ ابراهيم: مادري من القهر..كنت احسبكم نفسكم هذيلاك..لان اول مارديت البيت جفته مرتب ونظيف ومب مغبر..فعرفت ان حد سكن هنييه..وصرت اعيش بخوف فضيييع..ودووم اراقب براااا... مها بحياا: احم..هيه السموووحه منك انا واختي كنااا ساكنين هنييه....بس محد يااا من هذيلا اللي تقول عنهم.. ابراهيم يطالع سالم وهومتلوم: اسمحلي...م... سالم يقاطعه وهو متالم: لا عادي..اي واحد كان بيعذرك ع اللي سويته.. خالد: يلا سالم..قوم معااي للمستشفى.. سالم وخالد وابراهيم راحوا المستشفى..ومها راحت صوب قوم سالم... في المستشفى لفووا ذراع سالم وقالوا ماشي خطيير.. ظهروا من المستشفى...ركب ابراهيم وقبل مايركب سالم... خالد: سااالم...؟ سالم: هلا... خالد: ابيك تسمحلي لاني شكيت فيك..وكيف كانت معاملتي وياك.. سالم: لا عاااادي..عاذرنك... خالد: يعني مب زعلان مني؟؟ سالم ابتسم: لاا..في حد يزعل منك؟ ابتسم خالد..وركبوا السيارة..ساروا يفصلون لابراهيم كنادير..ويتشرون له بعض الاشيااء.. عقب خالد وصلهم....وردو مها وخالد وسارة البيت.. ...................... مرت الايام والشهور..وتخرجت مها من الثانوية بنسبة 95.6 كل اللي في البيت استانسوا..وقرروا يسوون لها حفله...طبعا ربيعات مها وقوم سالم وجيرانهم..كلهم يووا الحفلة وكاانت رووعه واايد... بعد الحفلة... مها ف غرفتها تبطل الهدايا اللي وصلتها...سمعت حد يدق الباب.. مها: منوو سارة؟؟ سارة: هيه.. مها: دخلي من متى هالرسمياات؟؟ سارة: خخخخخ كنت اردي انج بتعلقين على هالحركة.. مها: همممم شو عندج؟ سارة: خالد يبييج.. مها : خلّوود؟؟ شو يباا؟ سارة وهي تتثاوب: ماادري..يلا سيري له..انا بسير ارقد.. مها: اوك.. سارت ولبست شيلتها..جافته قاعد في الصاله.. مها: هلااا خاالد.. خالد: اهليين..تعالي يلسي.. يلست مها.. عقب عطاها كيسه.. مها: شوو هااا؟؟ خالد مبتسم: هااي هدية التخرج.. مها: مشكوووووووووور خالد...ليش تعبت رووحك؟؟ خالد: عادي تعبج جراحه..والسموحه ترا الهدية بسيطة لاني ماعرف شو اييب لج... مها: الهدية تكون حلوة بمعناها... بطلت الكيس جافت بكس صغير..بطلته..جافت دبدوب صغير لابس كاب التخرج وماسك شهادة التخرج بعد..وعرقبته معلق سلسال بحرف h... مها: واااااااااو....رووعه..واايد كيووووت... طلعت بكس ثاني كان في الكيسه... وكان فيه ساعه لونها بيج..تخبلت عليها...واخر شي عطر ديور.. مها: تســــــــــــــــلم والله...وااااايد حلوة الهدية... خالد: الله يسلمج...تستاهليين اكثر.. انزين بعد ما عطيتج الهدية...ابيج فموضوووع.. مها مستغربة: موضوووع؟؟ خالد: هيه ابي اناقشج فيه.. مها: شوو هو؟؟ خالد نزل راسه... مها مستغربة: يلا قوووول..بلاك؟؟ خالد: استحي.. مها وع ويهها علامة استفهام كبيييرة...؟؟؟؟؟؟ خالد متردد: أأ..أأ..لالا ماروم استحي.. مها: ههههههههه...استح ع ويهك..ريال شطولك ..تقول تستحي..؟!! خالد: مممممم..تعرفين سلامة.. مها: ممم هيه اعرف سلامة وحده...لحظة ..انت شعرفك فيها؟؟ خالد: لاتفهمين غلط...جفتها اليوم..وسمعت سارة تزقرها وعرفت اسمها..وعيبتني البنت...وو...احم..بس مها تسهل عليه: خخخخخ تباني اخطبها لك.؟ خالد بسرعه: هيه.... مها: مممم تدري منوو هي؟؟ خالد: لا... مها: تدري انها اخت سالم.. خالد: اووووونة..!! عيل خلاص كل يوم بطب بيتهم.. مها: صدق يعني خلاص تباا البنية؟ خالد: هيه..هيه..مايخصني.. مها: بل...شويه..شويه ع عمرك خالد: باجر بقول لابوي..وبعد باجر بنخطبها...ولا ليش بعد باجر...؟؟ باجر احسن..والحينة اقول لابوي....بسير اقعده من ارقااد... وقف يبا يسير.. مها: ويييييييي يالخبل ويين تبااا؟؟ تريااا شويه هاا زوااج مب لعبة...باجر بنتفااهم...يلا انا بسير حجرتي.. تصبح ع خير.. خالد: اوك...وانتي من اهله.. وسار كل واحد حجرته... ................. اليوم الثاني...مها رمست عمها بخصوص خالد..وماعارض بالعكس.استااااانس لولده...وبعد يومين ساروا يخطبونها.. ....... وافقت سلامة...وعقب شهر سووا الملجة....وحددوا الصيف الياي يكون العرس.. .............. خلصت الاجازة..ودخلت مها الجامعه...عسب بعد ما تخلص تشتغل في شركة ابوها..اللي سالم حاليا يشتغل فيها.. ............ مرت السنة بسرعه..وبدات اجازة الصيف.في هاي الاجازة...سلامة وخالد عرسوا...وساروا شهر العسل... ............... بعد ثلاث سنوات..تخرجت مها من الجامعه....واشتغلت في شركة ابوها..كانت في شركة ثانية غير الشركة اللي يشتغل فيها سالم.. كانت تداوم الصباح..والمساا تسير الجامعه تدرس...عمها قالها ادرسي عسب تزيد خبرتها وتكون قادرة تدير هالشركة.. ........... اليوم سارة مها تجوف الشركة الثانية اللي فيها سالم... مها\ وييي وناااسة..بسير ادور وين مكتب ساالم..من زمااان مب جاايفتنه.. لقت اسمه..وكان هو ويه خالد.. مها: هع..حلوووو...بسير عند خاالد.. دخلت..خالد كان مركز ع الاوراق اللي بايده..ومومنتبه لها..اما سالم..كان يطالع فيها..بس ما عرفها.. مها: احم..احم...السلام عليكم.. خالد وسالم: وعليكم السلام.. خالد: هلاااااا..هلااااوالله... مها : اهليييين..شحاالك خاالد.. .ووسارت ويلست مجابله.. خالد: تماااام...انتي شحاالج...وكيف الدواام ويااج بالشركة.. مها: انا الحمدالله..والله الدوااام واايد حلووووو..توني باول الاياام.. اما سالم يطالع مها وخالد باستنكااار..!! سالم....(( برااويك يالدب..طلعت رااعي بناات..وانا معطيك اختي..!! افففف..منووو هااااي ..صوتها مالووف لي..؟؟)) وقعد سالم يعصر مخه الين تذكر<<مشالله ع الذااكرة اوويه اصلا كيف انسااها... سالم بلهفه: مهاااااااا..؟؟ انتي مهاا صح..؟؟ مها بحيا: هيه.. خالد بطنازة: اعصاابك..اعصاابك اخويه ..عن ينط لك عرج... سالم: جب انت....شحاالج...ويينج ما تنجاافيين.؟ مها: الحمدالله تماام..والله مشغووولة بالدرااسة..انت شحاالك..؟ سالم: يسرج الحاال. سكتوااا... قطع الصمت صوت خالد يدندن..<<متفيج.. مها وسالم طالعوا فيه.. خالد: بسم الله شفيكم...خخخخخ مها وقفت... مها: يلا انا بسيير.. سالم بسرعه: لاويين...تو الناااس.. خالد: اقوول ياخوي استرييح مكاانك...وكمل شغلك... مها: ههههههه...يلا مع السلامة.. راحت مهااا...وسالم طول الوقت سرحااان..وخاالد يسوولف ويااه.. خالد: اوهووووووو..هاي مهاا شو سوت لك؟؟ سالم: هااه؟ خالد: هيه توك انتبهت..من قلت اسم مهاااا.. سالم: ممكن تكرمنا بسكووتك...؟؟ خالد: خخخخ...بس كنت بقولك..ان في بعض الناس حليلهم بعدهم في سجن العزوبية اما انا الحمدالله عرست ومرتااح..وعقب كم من شهر بستوي ابوووو...ونااسة صح؟؟ سالم يطالعه بطرف عينه: صح.صح..وبعد.. خالد: ماشي..اللي عندي قلته.. سالم: اها..الحينة اقدر اكمل شغلي..؟؟ خالد: طبعا..ليش حد ميودنك؟؟ سالم: هيه...لسانك اللي ما يسكت.. خالد: خلاص جب...محد يعطيك ويه انت.. كمل شغلك.. سالم: ان شاءالله.. وكل واحد قعد يكمل شغله.. ....................... مرت السنوات....وفيها صارت مها مديرة لشركة ابوها... .... سالم\ اليوووم في الشركة احسه ملل......سمعت حد يدق الباب.. سالم: تفضل.. موظف: استاذ سالم...هالاوراق لازم تتوقع من عند مدير الشركة الثانية.. سالم: اوك..بعدين بسير الشركة الثانية... الموظف: لا لازم الحينة اذا ما عليك امر....لاني مستعيل.. سام : اوك.. وراح الموظف.. اففففففف..والله مالي خلق...شليت الاوراق...وطلعت من الشركة ورحت الشركة اللي عدالها.. اول مرة ادخلها....بس احيد مرة سمعت خالد يقول ان مها تشتغل هنييه...ممم بس أي قسم؟؟ عقب بسير ادور الحينة بسير اوقع الاورااق...سرت اخر طاابق....دخل ع السكرتيرة... السكرتيرة: لحظة شويه.. دخلت عند المدير...شويه وطلعت.. السكرتيرة: تفضل.. دخلت..اووويه هاااي مب رياال حرمة؟؟ جفتها منزلة راسها ومندمجه بالاوراق اللي جدامها... سالم: احم...السلام عليكم.. مها رفعت راسها ع طووووول... مها: سااااااااااالم؟!! سالم منصدم: مهاااااا؟؟ مها : ويي سالم شحاااالك؟؟؟ سالم: تماااام...وانتي؟ مها وهي تاشرله ع الغنفه.. مها: تفضل انا الحمالله بخير.. سالم: شوووو تسويين هنييه؟؟ مها ابتسمت: ما باركتلي استويت المدييرة.... سالم بفرحه: اوووووووونه....مبروووووووك...تستاهليين والله.. مها: الله يبارك فييك..تسلم... سالم: ممممم ابي اقعد وياج اكثر بس والله مستعيل..ابيج توقعي هالاورااق.. مها: اوك...اجوفهن؟ بعد ما جافتهن..وقعتهن وعطتهن سالم...عقب راح... ............... مها\ رديت البيت..جفت خالد وسلامة قاعدين في الصاله..لان خالد مسويله جناح هو سلامة فوق... مها: السلام عليكم... سلامة&خالد: وعليكم السلام.. جفت ام جميل ياية صوبي.. ام جميل: بسرعه بدلي..الغداا جااهز... مها: اوك... سرت بسرعه فوق ابدل..ونزلت وتغديت...عقب سرت ارقد.. ..................... |
سالم\ اوهوو..لازم اسوي كل اللي براسي..لالالا سلوووم ترياا شوي..لالالا ما بتريااا...الحينة احسن..اوهووو بسير اقول حق اماية..واللي يصير يصير.. ظهرت من حجرتي وانا ازقر اماية.. سالم: يمــــــــــــــــه...يمـــــــــه... ام حمد تزاعج من الصاله: هلا سالم...انا هنييه.. رحت صوبها وحبيتها فوق راسها..وقعدت حذالها.. ام حمد: خير يا ولدي..؟؟ سالم: والله..يمه كنت ابيج فموضوع..من زمان ابي اقولج عنه... ام حمد: شو هالموضووع؟؟ سالم مستحي ومو عارف كيف يفتح الموضوع: والله..خلاص انا الحينة كبرت..و.....و.. ام حمد تتعمد تحرجه: انزين.....؟؟ سالم: و....و...يعني كبرت..شو ابي مثلا؟؟ ام حمد: سياارة يديدة...بس توك شاري وحده... سالم: لالالا..غيره.. ام حمد: تبا تسافر بروحك؟؟ سالم خلاص نفذ صبره: لا هذا ولا هذا..ابي اتزوج.. عم الهدووء المكان.. ام حمد: ههههههههههههههههههه.. سالم: ليش تضحكين؟؟ ام حمد: انزين ليش مستحي؟؟ شو خليت حق البنية؟ سالم: يعني موافقة؟ ام حمد: والله هاي الساعه المبااركة....بس منوو اللي تبااها؟؟ سالم مستانس:ممم ابي مها ال........ اللي كانوا جيرانا... ام حمد: هيييييييه..اخت محمد ربيعك وسارة...؟ سالم ابتسم: هيه.. ام حمد: اهاا عيل وين محمد؟؟بعده مسافر؟ سالم: هاه؟؟ هيه.. ام حمد: متى بيرجع؟؟ سالم: مادري يمكن يطول.. ام حمد: اوك دق عليه ابي ارمسه.. طاااخ..شو هالورطه؟؟؟!!!! سالم متورط: اوك عقب بخليج ترمسينه.. ام حمد: لالا الحينة..عسب اقوله انك تبي تخطب اخته.. اوووهووو شو اسوي..؟؟ بدق ع مها.. مها: آآآلووووووو... سالم:آآلووووو هلا محمد شحاالك؟؟ مها تطالع شاشة مبايلها: منوو سالم؟؟؟ انا مهاا.. سالم: كيف الجوو عندكم؟؟؟ والدرااسة؟؟ مها: اييه سالم بلاك؟؟ سالم فيه ضحكة: والله انا الحمدالله بخير..وامي وخواتي كلهم بخير.. مها: ؟؟؟؟؟؟؟؟؟؟!!!! سالم: اقووولك محمد...ترااا امي حاشرتني...تقول وين محمد..ووين محمد..قلتلها مسافر بعده مارد...وقالتلي الحينة تبا ترمسك.. مها: هههههههههه...اوك عطنياها.. ... ام حمد: السلام عليكم.. مها بصوت خشن وهي خاطرها تضحك: وعليكم السلام...هلا هلا..خالتي.. ام حمد: شحااالك ولدي؟؟ وكيف الدراسة وياااك؟؟ مها: الحمدالله بخيير..والله الدرااسة زيينة.. ام حمد: ابي ارمسك فموضووع..وبقولك بدون مقدماات.. وسالم حاط ايده ع راسه....((لاااااااع بلييز لا تقوولين)) مها: تفضلي خالتي.. ام حمد: والله ولدي سالم..يطلب منك مها اختك ع سنة الله ورسوله.. مها قفطت وصار ويهاا الوااان:................... ام حمد: والله انا مابي احرجك..وكل شي قسمة ونصييب.. مها: ............... ام حمد: خلاص مب موافق؟؟ مو مشكلة سالم صرخ: لااااا شووو ماتبي بعد...؟؟ ام حمد تسكته: اسكت انت لا تحشرني.... مها: لااا انا مواافقة...احم مواافق..ما بحصل حد شرات سالم لاختي... ام حمد مبتسمة: خلاص يعني نسير نخطبها رسمي من عند عمك.. مها بحيااا: هيه.. ام حمد: الله يوفقج يا بنتي...يلا مع السلامة... مها بطلت عيونها من الصدمة...وماردت..ام حمد قفلت الخط.. ....... عند سالم مبطل عيوونه من الصدمة بعد... ام حمد: كللللللووووووووووش..واافقت.....مبروووك نورة يت صوبهم.. نورة بلقافه: شوو..شووو..شو السالفه؟؟؟؟ ام حمد: باجر بنسير نخطب مها لسالم... نورة: مبروووووووووووك سلووم..منك المال ومنها العيااال.. سالم: بعدني ما عرست.. نورة بعبط: ادري ...بس اجربها عسب اقولها بعرسك.. سالم: اسكتي بس ..ما تضحكيين....يمه..أ..أأ قاطعته ام حمد: كيف عرفت؟؟ اصلا انا انتبهت لملامحها لانها ملامح بنية....بس انت ما نتبهت..لانك غبي. سالم: يعني بالعقل...لو كنتي مكاني بتشكين بربيعتج انها ولد؟؟ ام حمد: ممممم مادري يمكن..وبعدين نوورة قالتلي.. سالم طالع نورة: ويه ويهج يالدبة.. نورة: هع...هع.. ................... عند مهاا... مها بعدها تحت تاثير الصدمة.ومبطله عيونها..والمبايل بعده حاطتنه ع اذنها.. دخلت سارة.. سارة: ليش منووو مسويلج stop؟؟ مها:.......................... سارة بعبط: يلااا..حركة..حركة..حركة..خخخخخخ مها: كيف عرفت؟؟ سارة: منوو؟؟ مها: خالتي ام حمد..؟؟ سارة: عرفت شووو؟؟ مها: اني انا نفسي محمد؟ سارة بلا مبالاة: بتلاقين نورة قايلتنها... مسكت راسها بايدها... مها: ونوورة كيف عرفت... سارة: جافتج مرة وانتي لابسه كندور وفاله شعرج عقب لبستي الغترة.. مها: اويييييييه..وليش ما قلتيلي؟؟ سارة: توني قريييب عرفت.. مها: اهااا... ,,,,,,,,,,,,,,,,,,,,,,,,,,, يوم الخطبة... سالم متكشخ ع الاخر...وريحة عطره وااصله لاخر الشاارع.. سالم: يمـــــــــــه..يلا تاخرناا.. ام حمد: خلاص يلا الحينة بلبس عباتي.. سالم بصراخ: نووووووووورة.. نورة تصاارخ من الكرااج: انااا هنييييه بالسياارة سالم: غرييبة..؟ خلصت ام حمد..وساروا يركبون السيارة..وحمد ومرته كانوا بسياره ثانية واقفين يتريون سالم..عسب يدلهم ع البيت..((حمد ومرته مب ساكنين بالبيت...ماخذين لهم شقه بروحهم..)) وصلوووو..ام حمد ومرت حمد ونورة ساروا صوب داخل البيت.. امااا سالم وحمد صوب المياالس... ..... عند سالم.. حمد: والله ياعمي..انا يااي عسب موضووع... راشد: تفضل يا ولدي قول اللي عندك.. حمد: والله نحن نباا القرب منكم.. راشد ابتسم: والله هااي الساعه المباااركة.. حمد: نبي بنتكم سارة حق... قاطعه سالم وهو منفعل: مهاااا..مهاااا كل اللي في الميلس نقعوا ضحك... وسالم انحرج.... حمد: ولا تزعل...نبي بنتكم..مها حق ولدنا سالم... راشد طالع ف سالم: والله سالم ريااال ومافيا حسن منه...وانا مواافق ..بس الشوور شوور البنية.. حمد:هيه..اكيييد.. خالد: يالله..يالله..محد قدك سلووم..اخيراا بتطلع من سجن العزووبية.. سالم خزه بنظره...عسب يسكت... قعدواا قوم سالم شويه عقب ساارووا.. ......... عند مها... كانت قاعده هي وسارة وسلامة في الصاله يسولفون.. دخل خالد وراشد عليهم... راشد وخالد: السلام عليكم.. الكل : وعليكم السلام... خالد..قعد..اما راشد تم وااقف... راشد: مها ...لحقيني ع مكتبي ابييج....؟؟ وساار.. مها تسوي روحها مستغربة: غريبة شو يبااا؟؟<<حركاات اونج ما تعرفيين؟؟؟<<جب انتي>> خالد كان يطالع فيها والابتسامة شاقه حلجه.. خالد: سيري جوفي انزيين.. سارت مها حجرة مكتب عمها... سارة: شوو السالفه خاالد..؟؟ ادري انك تعرف.. خالد: انتي بلا لقاافه...سواالف كباار.. ساارة: يلا عااااااد...خلوود.. خالد:خلوود فعينج..محد يقولي خلوود..الا سلامي..اتريي مها (سلامة ابتسمت..) وهي بتقوولج.. سارة: خاالد ارجوووووووووووووووووك.. خالد: لااااا يعني لااااا.. سلامة: خلاص خالد قولها.. خالد: لاااا انا بس ابي اعلمها تخلي اللقافه اللي فيهاا.. سارة: هههههههههههههه..اصلا انا اعرف.. خالد: جذاابه...لا تحااولين ما بقوولج.. سارة: ساااااااااالم...خطب مهااااااااااا.. خالد مبطل عيونه: يالسااحرة كيف عرفتي..؟؟اصلا محد يعرف الا انا وابوي.. سارة: هع هع....عندي مصادر موثووقه طال عمرك.. ............... عند مهاااا.. راشد: والله يامها وكبرتي..وصرتي عرووس.. مها منزلة راسها مستحية.... راشد: تعرفين سالم ال........ خطبج..ويبيج على سنة الله ورسووله...وابييج تفكريين وتستخيرين..ورديلي خبر... مها هزت راسها بهيه..وقامت..وعلى طوووووول حجرتهاا.. ......... بعد 3 اايام..ردوا عليهم بالمواافقة وتم تحديد الملجة والعرس... . بعد ملجة مها وسالم بفترة...راشد..طلب يد ام حمد...<<حركات والله يا رشوود.. وبعد محاولات وافقت...وشرطها تعرس بعد سالم....عرس سالم ومها وراحوا شهر العسل...عقب عايشة( ام حمد) وراشد... عايشة سكنت ويه راشد... ومهاا بعد..سوا فيلا في حويهم.. وحمد ومرته بعد بنووا لهم فيلا بالحوي.. وكلهم عاشوا مع بعض كأسرة وااحده.....وعاشوا بسعاااااده... النهـــــــــــــــــــــــــــــــــــــاية كم سيحزنني ان انهي قصة عشت مع ابطالها لحظة بلحظة...قصة رافقتني 3 سنوات..من 3 اعدادي الى2 ثانوي.. حتى رست على ** ******* ..لم اكن لاعيرها هذا الاهتماااام...فلدي الكثير من الروايات لازلت اكتبها..ربما يرى البعض هذه القصة بينهم (نوعا ما طفولية وخياالية) ...ربما لا تكون اخر قصة اضعها في هذا المجلس وربما لا.. سانتظر متابعتكم لي في قصتي الجديدة باذن الله الصيف المقبل..بعد ما انهي الثانوية..^ـــــــــــ^ { شكـــــــر وتقدير..~* لكل من تابعني..وشجعني.. لكل من رد علي..وحفزني لاكمال القصة _ نملة فصفورية _سماري69 _وردة الحب _عسى ما يوحشك غالي _ملكة بلا حراس _الزهرة الحنونة _دموع بلا حدود _راقية باخلاقي _أم غيث _بنـــــوتة _قلب ولدي عزام _بنت المشايخ _جوكر _حب مجهول كل الشكر لكم على متابعتي... وكل الشكر ايضا لمن قرأ قصتي(( اللي ورا الكواليس)) محبتكم...\ لمســــة برآءة 809 |
♪♪♪ تمت بحمدالله ^^ .. وهذي هي للتحميل على ملفي وورد وتكست .. على وورد ~> مابعد الشتات.doc .. على تكست ~> مابعد الشتات.txt .. قرآإءه ممتعـــــــــــــــة للجميع .. ♪♪♪ |
| الساعة الآن 05:04 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية