|
رواية انا الضحيه وانا الجـلاد ..للكـآأتبه عذبة العذوب
أنا الضحية ...وأنا الجلاد!!! للكاتبه عذبة العذوب الفصل الأول تدخل عذبة وأخواتها "ليلى ونجلاء" و أخيها ناصر وجدتها أم ماجد وعمتها مها من البوابة الداخلية, ليلى تتجه مباشرة إلى الجلسة الجانبية وترتمي عليها بينما نجلاء وناصر يتشاكسان كعادتهما ,الجدة تحاول تهدئتهما ولكن لا فائدة . عذبة تنادي كاميليا لتحضر القهوة .. تلتفت مها على عذبة: تصدقين يا عذبة ... مزرعتكم تصلح لسباق الهجن... كبيرة ... الحمد لله انو ما عندي عيال ولا كان ضيعتهم فيها... عذبة: عيال عمي وجدي يحبون المزارع والنخل .. وكل يوم والثاني يكبرون فيها... ليلى: أنا تضايقت من الحر ... وجدتي ومرت عمي ما يبغون إلا نجلس بالعريش... ولا.. يا ويلكم بعد تشغلون المكيفات.. وإلا غصب عليكم اجلسوا معنا... قرف.. الجدة: ياربيه بس ... ياعيال أركدوا والله لا أقوم عليكم بالعصا هالحين..وأنتي يا الجنيه يا نجلوه ترى هالحين بصيحتس... ناصر: يمه ثوفيها ... هي تدق أول ... نجلاء: تدق ولا تتصل هع هع هع هع مها: خلي الولد يا نجلاء والله لا أزعل عليك... نجلاء:يمه... خلاص يا خالتوا... ولا تزعلين..بس هالقبصة هديه... عذبة: نجلاء خلاص حبيبتي ... كاميليا ...كاميليا جيبي القهوة لجدتي.. الجدة : لالا أنا بروح يالله دقي على أبو ناسين يودينا للبيت.. نجلاء: هع هع أبو ناسين... أبو ياسين يمه أبو يااااااااااااسين.. مها: يمه تو الناس ليش نروح... الجدة: أخاف يجي جدهم وأنا بذا... عذبة: لا جدي بينام بالمزرعة ... يحب هالوقت النوم بالمزرعة... تأتي كاميليا وتحمل بيدها مظروف : مدام عذبة .... مشاري يجي اليوم الظهر ويسأل عنك.. ويعطني هذا ويقول عطيه عذبة ... مها: الله الله ...أكيد انه فر يوم ما لقاك.. يا شين حركات المعاريس الطافـّين. هههه عذبة تبدوا عيها علامات الخجل والإستغراب في آن واحد: طيب ليش ما كلم علي .. هو عارف أننا بنروح المزرعة..هاتيه ياكاميليا... تنظر عذبة للمظروف فتتغير ملامح وجهها ثم تفتحه بعصبيه... وتشهق بقوة... وتسمرت عينيها عليه...أطبقت بيدها على فمها ... وجعلت تهز رأسها وتقول: لا.. لا...لا....لا مها تصرخ فيها: عذبه وش فيه ... وش فيك... أخوي مات ... عذبه انطقي ... نجلاء قفزت نحو عذبة وحاولت أن تأخذ الورقة منها ولكنها حضنتها بقوه ومنعت نجلاء من الوصول لها وهي تقول لا..لا...لا...ليه أنا وش سويت... الجدة ظلت صامته ولم تنطق ... والبقية تترجى عذبة أن تخبرهم... نظرت عذبة للأعلى وهمست: طلقن مشاري طلقن... صرخت ليلى : لا مستحيل وبعد كل اللي سويته عشانه يطلقك...مستحيل!!! لا يمكن ما فهمتي هاتي أشوف... نجلاء: الله لا يسامحة النمس الحقير هذا ووجهه... مو لو انك آخذه "فيصل" أصرف لك.. مها: نجلاء مو هذا وقتك... عذبة ليش ماتعرفين السبب...؟ عذبة تهز راسها وعيناها اللتان تكحلان لأول مرة بعد وفاة والدتها وأخيها تفيضان دمعاً: لا.. بس قلت ماني رايحة معك دبي بجلس عند خواتي ... وتعال هنا اسكن معنا... وبالعكس كان متفهم بالبداية بس مادري وش صار فيه .. صار عصبي ورفض الفكرة وتلفظ وسكر السماعة بوجهي قبل أسبوع... بس ماتوقعته يطلقني كذا من الباب للطاقة... أكيد فيه أحد ورا هالموضوع... ولا مشاري مايسويها أبد ... مستحيل...آآآآآآآآآآآه والله هو يحبن والله ... الجدة تضرب بالعصا بقوة على الرخام وتقف ثم تصرخ: لا ياعذبة لا تصيحين... ماخلقت الدموع لبنت ماجد... بنت ماجد ماتصيح عشان رجال ..هو الخسران ... وأنتي الرابحة... يابنتي ربي كريم ... إذا سد بوجهك باب فتحلك ألف باب وإذا قطعتس من جهه وصلتس بألف جهه... يابنتي مابي أشوفتس عذبة المسيكينة... قومي وأمسحي دموعتس ... ولو كان ماجد بينا مارضى عليتس هالدموع... قومي أرفعي راس ماجد ولا تبكين عشان رجل... ترا الدموع ماتصلح اللي انكسر...وأنتي الحين رجل البيت بعد ماراح ماجد ولحقه سعود... لا تبكين عشان رجل,ترا الرجال مايستاهلون دمعة من دمعوتس الغالية... ليلى: يمه خلي البنت تصيح تعبر عن مشاعرها ... يمه هذا طلاق مو سهل... الجدة: أدري أنه طلاق ... و أدري أنه مب سهل ... أنا بكيت على جدك أربع سنين ماتجف دمعتي... وش نفعني ... هاه ..شمّت الناس بي وفرحت علي مبغضيني... بس يوم قمت ومسحت دموعي وقلت خلاص يا بنت ...الطيور طارت بأرزاقه , شوفي حالتس وارضي بنصيبتس.. ربي فرج لي من واسع رحمته... قومي يا بنتي ... شرفي ماجد لو رجع وارفعي راسه فوق.. فوق.. فوق .. ولاريحيه لو كان بقبره... الدموع تأذي الأموات يا بنتي... الجدة ظهرت قوية .. صامدة تتكئ على عصاها وتتحدث بصوت عالي يتردد صداه لكل المنزل الفسيح وظلت تضع يدها على صدر ماجد ابنها في صورة فوتوغرافيه كبيرة معلقة طوال وقت كلامها.. تقاطعها مها: يمه خلاص.. الجدة: بس ولا كلمه.. يا مها.. عذوب ترا بالأمر خيرة... خيرة وربي كتبها عليتس... لا تجزعين ... قومي صلي لتس ركعتين وادعي ربتس واحمديه على القضاء... قومي يا بنتي..قومي الله يرضى عليتس ويفتح لتس أبواب رحمته.. الصمت يلف أرجاء المكان وعذبة وقفت ومسحت دموعها .. تم قالت: صح يمه بالأمر خيرة.. ونظرت إلى صورة والدها ثم أشاحت بوجهها وكأنها لا تريده أن يرى الحزن بعينيها...وصعدت لغرفتها بسرعة... حينها رمت الجدة بجسدها الصغير على الكنب وأسندت رأسها على عصاها.. وتقاطرت دموعها.. ليلى: يمه الحين أنتي تقولين لها لا تصيحين ... وتصيحين أنتي ... لا يمه كذا اسمحيلي ظلم...! مها: خير ان شاء الله ... انطمي ولا كلمه..ترا اللي فيها مكفيها.. نجلاء قامت لتلحق بعذبة ولكن الجدة أشارت لها أن تجلس... الجدة: يا خوفي إني أكون ورثت عذبة أسمي وحظي الشين... أخ يا شينها دمعة الخيانة ... تنزف من القلب وتحرق الخد... و تلهب الجرح... مثل ماء البحر تزيد العطش... والألم.. يا ليلى ما بوه وحدتن بهالدنيا ما يجرحه الطلاق حتى لو كانت هي اللي تبيه.. مير ما باليد حيلة ... لو كان بيدي ما تطلــَـقـَت... بس يوم انوه صار ما ودي انه تعيد حزني وأوجاعي... مابيه تصير عذبه المعذبه... أبيه عذبة اللي تعذب من خانه... ايه.. لو الزمن رجع بي ما نزلت دمعة وحدة على جدتس... أخ ياعذبة وأخ يابو عذبة وأخ يا جدة عذبة... مادري ليه بهالدنيا كل ما قلنا بنودع الحزن يرجع بوجه ثاني... أستغفر الله ... ياربي رضينا بك حكم ... يارب انت القادر تبدل الحزن أفراح... إفرج لنا وافتحه بوجيهنا ياكريم... ليلى: يمه للحين تحبين جدي؟تراه للحين يحبك ومتندم على طلاقك. ارجعوا لبعض كلنا محتاجين لك.. حنا وهو... الجدة: حبحب جلده ...لا والله لو يجيب الكون كله يراضين بوه مارضيت أرجع له... يا بنتي اللي يكسر من الأحباب ماينتصلح.. وبالذات من الرجل... يابنتي إذا انجرحتي من عدوتس تنسين وتقولين عدو.. واذا انجرحتي من أخوتس تغفرين وتقولين دمي ولحمي , أخوتس وولد عمتس خلقت محبته فطرة وترضعينه من صغرتس, حب أخوتس ولا ولد عمتس يخالط لحمتس ويجري بدمتس.. إيه يالله عفوك شي الله خالقه بنا... لكن رجلتس خلاص من أول جرح ماتحملينوه, تمضي بالقلب.. ومستحيل القلب اللي شال حزنتس من سواتـُه يشيل حُبن له مرتن ثانيه... ناصر: يمه ليث تثحين وتثيح عذبة ... وثوا..!! وثبكم...!!؟ مثاري ذعلها... مها: لا حبيبي مافيها الا العافية.. رح تكفى شوف التلفزيون. ناصر: الا قولي لي وثوا.. تكفين ماما مها.. نجلاء: لاحول .. أنت متأكد انك ولد.. اللي أعرفه العيال مايحبون الشرافة.. مافيه "ثي" انقلع يالله ... ناصر: اثكتي بث يام لثانين, ماكلمتث.. _و طرااااااااااااخ يضربها بلعبته ويفر للدرج_. نجلاء: آآآآآآآآآآي أوريك يالبقطة... ياللي مافضت من الأرض... أخ ياراسي... الجدة: والله ماتلمسينوه تستاهلين أنتي اللي ماغير تلقـّطين عليه وتطنزين بوه... مها: هع والله ما يأدبك الا كذا. ليلى: ليش مشاري طلقها والله يقهر..لا أكيد بيندم ويرجع لها... أصلاً عذبة حسافة عليه... بس والله حرام...ينهون قصة حبهم بهالشكل التراجيدي ...حرام ... أكيد بيتحسف وبيرجع... نجلاء: من زينه ... والله وشر وزاله ربي عن طريقها.. بس والله ثم والله لا أوريه هو وعيونه اللي كنه بيض.. والله ان شفته لأمسح فيه البلاط مسح... واطبق فيه كل اللي تعلمته منذ صغري في نوادي الكاراتيه... مها: منذ صغرك أخس يالفصحى , أقول... أنتي كل من شفتيه بتطبقين فيه فنون الكارايته على قولتك؟ اعقلي وخلينا بالمشكلة اللي حنا به... نجلاء: قاهرن يا خالتي...طيب خلون اعبر عن مشاعري!... إيه الله يرحمك ياسعود ما كان أحد يعطيني وجه غيرة يضاربني وأضاربه.. إشتقت له حيــــــــــــــــــــــــــــــــــــــــــــــل. ..واشتقت لأمي... آآآآآآآآآآآآآه وانفجرت باكيه..ليتك ياسعود القلب فيه تشوف هالبرميل وش سوا بأختك وروحك عذوب... ليتك ترجع واشكي لك وابكي لك...آآآه... يمه مافينا نتحمل بعدكم عنا... هدنا الحزن هد... والدار ظلمت..........آآآآآآآآآآآآآآآآآآآآآآآآآآآه _ وتغطي وجهها المبلل بالدموع بكفيها وترتمي بحضن ليلى وتكبيان معا.. يطل ناصر من الصالة العلوية ويصرخ: أحثن ثيحته تثتاهلين يا الدبا... الجدة: الله يرحمك يا سعود ويا أم سعود والله يردك يا أبو سعود غانم سالم... ايه وين الدنيا بك يا وليدي...ووين ودتنا الدنيا بعدك... من بعد حزنك نمسي بأحزان ونصبح بأحزان وكل مادق الفرح باب سكـرُه الحزن بوجهُه... الله يجمعن بك قبل لاموت أنتشي ريحك وأضمك... ************ عذبة تتوضأ وتختلط دموعها مع الماء, تتجه لمصلاها الذي أهدتها إياه والدتها, تلف الشرشف بهدوء, وتتجه للقبلة وتكبر, وحين تقرأ الحمد لله رب العالمين تنفجر باكية وتكررها وهي تنشج , تسلم أمرها لله وتشكي إليه وتناجيه كما لو كانت أمها بجانبها: ربي, إلهي وحبيبي... ثم تبكي وتكرر هذه الكلمات, ثم تقول يارب أشكو لك ضعفي , يارب , يارب ياربـــــــــــــــــــــي من لي سواك عالم بحالي,تكرر يارب اجبرني في مصيبتي وتبكي, وتنادي يارب مرة أخرى وهي تشعر أن كل نداء لربها يزيح جبلا من الهموم والآم . تسـّلم وتسند رأسها على المنضدة وتأخذ دفتر صغير أهداه لها والدها قبل رحيله , تفتح الصفحة الأولى : أجعل من الليمون شرابا حلوا" والأخرى" لا تسأل نفسك لماذا حدثت المشكلة, ولكن أسأل كيف تتجاوزها" والثالثة:" لاتنظر لنصف الكأس الفارغة بل أنظر للمملؤة" والرابعة" تظاهر بالسعادة حتما ستشعر بها" ضمت الدفتر وأغمضت عينيها وهمست: يا بوي دايم تحس فيني ولو كنت بعيد... الله يجمعني بك يارب... كأنك عارف وش بيصير فيني, صدق لامن قالوا قلب الوالد ...آآآآآه يابوي وينك...؟ ايه... خلينا نتظاهربالسعادة وش حنا خسارنين... أحست بيد صغيرة تتلمس وجهها أمسكت بها وفتحت عينيها : نصور حبيبي ... وش تبي.؟ وتجلسه في حضنها. ناصر: أنا ذعلان عثانك ذعلانه... من ذعلك ؟ مثاري الدب والله ما أخليه لأدقه بالثيارة ذي تراه قويه, وأثوي به ذي ندلاء تو , تراي بطل تو ثيحته... بث خليه يدي ياخذك والله لا أثيحه تثييح. عذبة تضحك بقوة : وتتلمس يديه بعطف: صحيح أنت صيحت نجلاء!! هذي ما سواها سعود تسويها أنت... ناصر: عذبه ثح ثعود يقوا مثاري , يكفخ حتى ندلاء, إذا دا ثعود وأمي بقول لهم يثيحون ندلاء ومثاري, عذوبي..... عذبة : سم ياعيون عذوبك أنت.. وتغير لون وجهها , تذكرت حين كانت تقول هذا الكلام لمشاري , وذهبت مع ذكرياتها معه. ناصر: عذبة ... عذوب.. ويمسك بوجهها ويقربه من وجهه عذبة: سم آمر وش تبي؟ ناصر: عذبة ثعود وأمي متى يدون من الدنة؟ ودي يدون ثوي بث أحبهم ويردعون بث ثوي , أمث باليل دا ثعود وثافن وضحك, بث راح بثرعه يا حثافة!!.. عذبة أنا ناديته كثير بث هو ما ثمع أدول له تعال ثف عذبة دت لمنا ونامت عندنا .. بث انوه راح وخلان يمكن ماثمعن يمكن.. ثح قولي لربي يديبهم لمنا ثوي بث ثغيرة. عذبة تداري دموعها وتقول: حتى أنا ودي يجون يا نصوري , هم إن شاء الله الحين مبسوطين بالجنة ومرتاحين , وحنا بنشوفهم ان شاء الله , بعدين اذا اخذنا ربي للجنة. ناصر: وه بث. مليت منكم ودي أروح للدنه وأخليكم.. ثوفي قولي لربي مانبي ندلاء تروح معنا ابد.. عذبة: ليه نجلاء تحبك بس تحب تلعب معك شوي وتعايرك زي ماكانت تسوي بسعود وماكان يزعل, هذي أختك.يالله عاد خلك بطل زي سعود ولا تزعل عليها.. ناصر:عذوبي عندي فكرة , اذا دا مثاري ابدعد فوق بالبلكونة هذي... وبرمي عليه الثيارة ذي , وث رايك بعد نخلي ندلاء تدلده دلد تراه دويه والله تثيحوه ذي ثواق الديران يوم دخل الحديقة.. عذبه تضحك بقوة: لا حبيبي أنا بجلس عندكم هنا , ومشاري ماراح يجي مرة ثانية.. خلاص أنا صرت بنتكم زي أول .. قلت لمشاري لاتجي أنا بجلس بيت أهلي وأنت أجلس ببيت اهلك .. ناصر: قولي والله... عذبة: والله أبجلس عندكم كثير..كثير ناصر يقفز ويمسك بيدي عذبة ويرقص ويغني: أنا فرحان أنا مبثوط.. أنا فرحان أنا مبثوط.. هيه ههيه هيه ههيه. قفزت معه عذبة وصارت ترقص وتغني معه: أنا فرحانة أنا مبسوطة هيه ههيه هيه ههيه... دخلت نجلاء وذهلت من هول الصدمة لم تتوقع أن تصل عذبة لهذه الحالة .. وذهبت تركض ونادت جدتها ومها وليلى: تعالوا بسرعة شوفوا شي ما تتخيلونه.. تركض الجدة رغم الآم الروماتيزم بالدرج, تناديها ليلى : يمه تعالي للمصعد ماتقوين على الدرج. الجدة: الدرج اسرع أخاف البنت صار له شي.. تقف مها عند باب الغرفة منذهله وتصل الجدة وليلى وعذبة لم تنتبه لهن.. نجلاء: درينا انك مبسوطة بس ليه, تقف عذبة: تنظر لها: بسم الله من متى وانتم هنا ... من زمان ما رقصت... ليلى: جنيتي انتي فيه وحدة ترقص بيوم طلاقها, لا شكل حبك لمشاري جنن فيك, يا سعدك يا ليلى أهلك ماتوا , وأختك انجنت. مها: وش طاري السعادة المفاجئة هذي..؟. عذبة: ولا شي بس فيه حكمة تقول تظاهر بالسعادة حتما ستشعر بها.... الجدة: بنتي والله عذبه بنتي... وأنا برقص معكم بعد... ياجر قلبي جر من لدن الغصون... جر سدرن جرها السيل جرا..وتلوح بعصاها... نجلاء تمسك بجدتها: طقطق طقطق... طقطق طقطق...وترقص الجدة تجلس على الأرض: أخ يارجيلاتي يوجعنن... الله يرحم ذيك الأيام اللي نرقص طول الليل أنا وأم عبدالله.. نجلاء قومي يا أم ماجد عطينا شوط يالله وانا بغني السامري حقك... ياجر قلبي... وتغني بصوت رائع ورخيم... الجدة: الله يخليك لي يا نجلاء ذكرتين ببنيتي .. كنك صوتها بس إني كرهت صوتها من كثر ما غنت بحزنه.... ايه صوتك صوت امك ما أختلف... وه بس اسكتي فطرتي قليبي...ودي أشوفه .. حتى هي وعيونه صايرتن ماتكلمن كثير... ايه لامن قالوا قلبي على ولدي وقلب ولدي علي حجر... مها: طيب والحين يمه تحديني أخليك ترقصين غصب... نجلاء شيليها معي... حمامن جاني مسيان ولا سلم عليا ولاسلم عليا... نجلاء: وحمامن جاني مسيان ولا سلم عليا ولا عليا...ياهوه ياهوه أم ماجد عاشت هيه الجدة لم تتمالك نفسها , وأخذت تلوح بعصاها يمنه ويسرة وعذبة تطبل على الباب وتضحك بقوة... ليلى تطبل على المنضدة : ياهوا... الله ... ياكايدهم... ورا.... أسمع... ورااااااااا أنا الشاكي الباكي أنا الحساس .... وتكمل عذبة الأغنية واذ بعينيها تذرفان وتحاول جاهده أن تخفيهما... انا اللي بالمحبة خاضعن راسي....وأنا لغير المحبة ما خضعت الراس وكم ............. مها حاولت تدارك الموقف: شوط مصري لمها الرشيقة...نجلاء ليلى شيلوها لي... ليلى: حبيبي أرب بص بص ...زعلان ازعل ونص نص.. ربطت مها خصرها وأخذت تهز وسطها بعنف يمنه ويسرة... الجدة: وش هالحتسي ياللي ماتستحن... بنات هالحين مغسولتن وجيههن بمرق... وأنتي من نحفك قاعدة ترجين هالشحم...وع حوتمن تسبدي.... ضحكن البنات ومها لم تعبأ بكلام أمها... مها: أهم شي زوجي وعاجبه هالشحم اللي محومن كبدك... وتغمز لنجلاء: وتكمل نجلاء بضرب المنضدة وتترقص معها.. كاميليا تناديهم للعشاء... وخرجت الجدة والبنات عدا عذبة التي تبعتهن حتى باب الجناح, وأقفلت الباب خلفهم , ثم أقفلت باب غرفتها, وأتكأت عليه وأحست بصرخة مكتومة تندفع بقوة من أقصى حنجرتها... تدخل يدها بفمها محاولة أن تخفي صوتها,ولكن كان حزنها أقوى من المكابرة.... بكت بحرقة ونشجت كما لو أنها عرفت للتو بالخبر. وضعت رأسها على الأرض وتمسكت بالسجادة الفاخرة.. وأخذت تنادي : يبه يمه سعود , وينكم ...آآآآآآآآآآآآآآه محتاجتكم الحين ... ليش تركتون لحالي ...؟أواجه دناي القشرا... يمه شوفي ولد أختك وش سوى فيني.... يمه... محتاجتن أرمي راسي بحنضنك..يمه ...يمه آآآآآآآآآآآآآآه وأستمرت بالنشيج... والبكاء.. تقدمت لسريرها وأخذت هاتفها الجوال وكتبت "... حبيبي طلقني!!! أحتاجك الحين " وأرسلتها.... ******** العائلة مجتمعة على العشاء .. عدا عذبة طبعاً...لا رغبة لهم في الأكل... مهما تظاهروا بعدم الاكتراث والتجلد..نجلاء تحرك الملعقة يمنه ويسرة ... ليلى تسحب شرائح البصل بالشوكة وتصفها بشكل منتظم ثم تميل أطرافها... ليلى: يمه شوفي وش كنه... الجدة: كنه خشتس المايلة... لا تلعبين بالنعمة.. ربي يحافيتس... ليلى: هذا فن سريالي أنتم ماتقدرون... نجلاء: سريالي ولا سروالي هع هع هع هع ... مها: ترا يابنات محنب فاضين لمصالتكم الزيادة اللي فينا مكفينا... ليلى: وليش نهتم وصاحبة الشأن مبسوطة وفرحانة... نجلاء: فرحانة؟ الغريبة أنك طالعة أنتي وياها من رحم واحد!!!... وأنتي أكثر وحدة ماتفهمينها...هذي عذبة... تذكرين أمي وش كانت تقول عنها... تقول "عذبة تتعذب لجل تونس من حوله" بس أحسها توها ما صدقت , منصدمة وتتظاهر أنه ماهمها...الله يكون بعونها مأساة... مها: ايه والله انك صادقة يا أم سعود الله يغفرلك ويرحمك... ليلى تصدقين عاد , ياما انجلدت عذبة من العيال والبنات عشان تدافع عنك... يمه تذكرينها اللي يشوفها ما يقول كل هالشطانة تطلع منها.. هاديه ونعومة بس لا حد يقربها ولا يقرب أخوانها... ما كأنها وسعود توأم... هذا مسالم.. وهي لامن قامت تفرقعوا البزران..تخوف.. بس والله ماتستاهل...ياقلبي هي ليلى: وش أسوي ربي رحمني بأخت شرسة ههههههه, ومو ذنبي أني ضعيفة وما أدافع عن نفسي... الجدة: أنتي ضعيفة الله يرحم حالتس... من يوم أنتم صغار ما أبلش بولدي وبأمتس إلا أنتي... دايم فاجتن ريعتس ترغين... أبوتس دايم يقول" عذبة وسعود سند.. ونجلاء رحمة ربي ساقها لي.. وأما ليلى يا خوفي عليها من دنياها" ناصر: وأنا وث يقول عني..؟ نجلاء: يقول عنك بطل وشاطر وتسمع كلام خواتك... ثم تهمس بينها وبين نفسها وهو شافك أصلا ولا دري بك. الجدة: ايه الله يجمعك فيه..ماشافك وليدي ولا فرح بك... منى عينه يجيه ولد ثاني ويسميه ناصر... ياقلبي وليدي... ونزلت منها دمعة حارقة حاولت إخفائها... يقفز ناصر تسأله مها: حبيبي تعشى ... وين بتروح.. ناصر: بروح أقول لعذبة تقول لربي يودي ندلاء معنا للدنه ... خلاث هونت أبيها تروح معنا للدنه.. نجلاء: قله أنت ولا حنا نصارى لازم تروح للقسيس عذبة عشان يطلب المغفرة من الرب... تضحك الأسرة وتحاول مها بناصر أن يكمل عشاءه, وفي هذه الأثناء يطرق الباب الداخلي للفيلا طرقا عنيفاً.. تركض كاميليا:مين عندو الباب... : أفتحي تفتح الباب وتندفع أفنان: وين عذبة وينها... كاميليا: في غرفتها... تدفع كاميليا وتركض للدرج وتتبعها والدتها عجوز في الستين من عمرها. تخلع الغطاء عن وجهها ... وتركض لأم ماجد : صدق ياختي اللي سمعته؟... من قالت لي أفنان ركضت لبست عباتي وجيت ... والله جينا مع ليموزين أول مرة بحياتي أركبه... الله لا يحوسنا بشر... هو صدق تطلقت ولا يمكن أفنان ما فهمت عليها.. الجدة وقفت: ايه ياوخيتي شفتي عاد... أم وليد: ياعيني عينها هالمسيكينة, ياحافظ تداركت عليها المصايب... أول أبوها اللي أختفى وماتعرف أرضه , همن أمها وأخوها, همن طلاقها.. ربي لاتردي لها نصيب... هذي لون المصايب لامن أنفتحت جت كلها.... الله يرحم حالها بنيتي... تقدمت أم وليد وحضنت أم ماجد وانخرطن في بكاء مرير... بكت ليلى ونجلاء ومها وحتى كاميليا وناصر.. ************** |
الفصل الثاني الساعة التاسعة صباحا في منزل أبناء العم المرحوم أبو عبدالله الجدة"أم عبدالله": وشو... وشلون؟... متى؟ ... لاحول ولاقوة الا بالله ... يا الله دخلك... طيب هي الحين وشلونه عساه ما انغثت... أبو عبد العزيز: منهي ... وش به يمه... أم عبدالله: اص... اسلمي ... ايه... أشوا ماهمه ... ايه الله يبرد على قلبه... الله يسلمتس... نجود: وش فيه يمه... أم عبدالله: والله مادري وش أقول... مير... ما بالموضوع جحادة... عذبة يا بنيتي تطلقت أمس ... عبد المجيد ينفجر الشاي من فمه ...ويبلل والده ونجود ووالدته.. ابو عبد العزيز: الكلب... ليه؟ _ويلتفت على عبد المجيد_ وانت صك اثمك يالبزر يبيلك مسمار ندق بوه أثمك... ربصتن شاهي... نجود: وشو... شلون ...أمس كانت معي بالمزرعة .. ماقالت لي شي.. طيب هي متوفقه وماشيه وش اللي حاسها... شلون مشاري يموت على الأرض اللي تمشي عليها... أم عبدالعزيز: ياربيه هالبنت ربي قاردها.. من مصيبة لمصيبة ...دايم هي بوجه المدفع... العم "فيصل": هي الملقوفة اللي تجيب لنفسه المصايب... ابو عبدالعزيز: لا يا خوي لاتشمت به ترا هذي بنت عمنا وماله غيرنا ... عبد المجيد: مو لو هي موافقة على فيصل هالشاب اللطيف كان أحسن لها... وسيم وكشخة... أخ ياليتني بنت كان وافقت عليه على طول.. فيصل: بسم الله علي ..أنا آخذ قردة زيك... لا والله لو قضن الحريم ماخذتك ... ايه بعدين لو انت بنت تصير ولد قصدي بنت أخوي... أم عبد الله: انطموا ياقليلن الأدب... ماعندكم احساس ... بنت عمكم حالته حاله, وأنتم تخرطون خرطن فاضي... قوموا تقلعوا عن وجهي يالله... نجود تنظر بحزن واسى : فرحانين ... ؟ عبد المجيد يقترب من أذن نجود: ايه عندك شي...ههههههه ينسحب راشد وعبد المجيد وهم يتحدثون بصوت خافت... تزيح أم عبدالعزير الغطاء عن وجهها وتمسح دموعها بطرف غطائها : الله يرحم حال هالبنيه ...الله يجبر بخاطره... نجود: يبه تسمح لي أروح لمها الحين... ابو عبدالعزيز: ايه روحي.. بس خوذي أختك معك تراها توسع الصدر... أم عبد العزيز: خير إن شاء الله وش قالوا لك... فرقة كوميديه.. ام عبدالله: خلوهم يوسعون صدره المسيكينة... ياحزن عيني عليه... والله مايستاهله... الخسيس.. أبو عبد العزيز: غريبة قبل شوي مكلم عمي ما قال لي شي... يمكن مادري!! أم عبد العزيز: لا تقوله شي اكيد ما دري ... أخاف تفجعه ويموت تراه مريض قلب وما يتحمل... ***** في غرفة عذبة.. أمسكت عذبة القلم , وفتحت دفتر كبير, طبعت على غلافه صورة والدها...وكتبت: والدي العزيز, أيها الغائب الحاضر: اليوم هو أول يوم لي بعد طلاقي... في الحقيقة لا أعرف ما أكتب, وماذا أقول.. أبي اليوم شيعت حبي الذي كافحت من أجله لمثواه الأخير.. ودعت ذكريات الطفولة والمراهقة والشباب مع مشاري.. أبي لا أستطيع أن أكذب عليك كما كذبت على الآخرين وعلى نفسي.. ولا أستطيع أن أتظاهر بالسعادة ورحى الحزن تطحن قلبي... ليلة البارحة أحسست بضعفي.. وبصغري.. وحاجتي إليك وإلى سعود.. صورة أمي وسعود في يوم زفافي لم تفارق عيناي.. وصوتك يرن في أذني ... أبتاه .. لم يزل لم يوم لم أشتاق فيه إليك... لم أفكر في يوم أنك لن تعود رغم صعوبة عودتك... أشتاق إليك وأضم شماغك لأنفي بين الفينة والأخري لأنتشي برائحتك.. أبتاه.. عذبة الصغيرة تدثرت الحزن... وصار شعارها.. أبي ..... هل تصدق حين أتاني الحزن أشعر أنه أقسم لي بأنه لن يعود... لأنه سيستوطن قلبي..أحب مشاري رغم ما عمله بي... أشعر أنه مرغم لا أعرف لماذا؟؟!!.. هذا الشعور يساورني... لم أصدق حتى الآن ما حدث.. أشعر أنه سيأتي ويعتذر ويستسمحني ... أثق يا أبي أنه لا تستطيع البعد عني.... الجوال يرن ويرن...لا تشعر برغبة في أن تنظر حتى من يتصل... الرنين مستمر.. أفنان تستيقظ من النوم: أوف ياجوالك هذا مزعج... ردي .. يمكن مشاري تحسف.. عذبة ببرود: لا هذي مو نغمة مشاري.. يسكت الجوال... وتنقلب أفنان من الجهه الأخرى: تعرفين عذبة.. سريرك مرة مريح.. إلا ليش أنتي حاطته كل هالوسع من بينام معك؟ عذبة: مشاري... أفنان: جد عاد لا تستهبلين... تدرين عاد ليت أمي تسمح لي أنام عندك دايم ... كان والله فله..بس غريبة أمس.. هي قالت اللي أقعدي عندها وأرسلي سواقهم أعطيه ملابسك ودروسك... عذبة!! عذبة:...................... أفنان:وشفيك عاد يالفقمة... ليش مبوزة... بدل مشاري ألف منهو يتمناك... بعدين عادي هذا عمتك أم نجلاء ... تطلقت وهي عندها بنت ما ضرها تزوجت طبيب وكملت دراستها... والحين تدرس هي وزوجها برا... عذبة.... صيحي عادي والله ما أعلم أحد... أعرفك لامن صارت الصيحة فثمك.. عادي ... مافي وحدة تتطلق ما تصيح...أدري أنك تحبينه وما تتخيلن الدنيا بدونه.. عذبة:....................... تتجه أفنان إلى عذبة وتقف أمامها... تنظر إليها ... وهي تنتفض كطير مبلل... تمسك بقوة بكتفيها وتنفضها... وتصرخ بها: عذبة ابكي... اصرخي...عادي قولي انك خسرتي مشاري... ترا كلن يفقد أحبابه .. هه هذاك فقدتي سعود وأم سعود وأبو سعود... يعني مشاري ماهو أول واحد تخسرينه عشان تكابيرن... يالله صيحي ... طلعي اللي بصدرك... عذبة مشاري خلاص تركك ... إعتبريه مات وصيحي عليه...صيحي...صيحي... تنفجر عذبة وكأن صوتها ونشيجها قنبلة إنفجرت بوقت واحد... بكت بحرقة ...وضمتها أفنان وبكت معها.... بعد ما هدأت عذبة قليلاً الجوال يعاود الرنين... أفنان تأخذه وتنظر إليه: شوفي ..خالتي أم الغلا يتصل بك...منهي؟ عذبة: خالتي وش تبي؟ يا ربيه ما أقدر أكلمها.... أفنان: انقطع... يووووه شوفي ثلاثطعش مكالمة من خالتك لم يرد عليها... عذبة: وش عنده ؟ أفنان: هه , هذا دقت يالله خليها تنطق هي وولده اللي ما يسوا قرش... عذبة: لا تقولين كذا عن مشاري... عطيني برد عليها... أفنان :ياقوي قلبك... تقدرين ماتصيحين... عذبة: أنتي عارفتني زين أقدر أتحكم بدموعي... جيبي... أفنان: لا ... أخاف تصيحين وتدري أنك شفقانه على ولدها... عذبة وهي تأخذ الجوال بقوة : أقول جيبي أفنانوه ..والله ماصيح... :ألو.. ْالخالة فاتن((أم مشاري)): السلام عليكم... عذبة... عذبة:سمي يا خالة... الخالة فاتن:وش السالفة... ليه يا بنتي تبين مشاري يطلقك... مو حرام عليك تهدمين بيتك بيدك... عذبة: وشو... الخالة فاتن:قهرني ... والله اليوم الصبح طردته من البيت, وأبوه زعل منه ... عذبة: بس أنا... الخالة فاتن: يابنتي عارفة وش بتقولين ... خواتي ... أمي ماتت من بيرعاهم... أخوي الصغير...خلي أخوك مع عمتك ونجلاء رجعيها لأهلها وليلى تدبر عمرها سنة سنتين وهي متزوجة... أما أنك تدمرين بيتك عشانهم.. لا.. والله لو فرح حيه ما رضت ...الله يرحمك يا أختي... شوفي يا عذبة أنا حاولت بمشاري يرجع لك وهو يقول مستحيل أرجع لوحدة ما تبين... ترا مشاري يحبك.. ليش تسوين فيه كذا... عذبة :.................. الخالة فاتن: والله وهوا يقولي يبكي ... مشاري يحبك بس تراك بتندمين عدد شعر راسك إنك تخليتي عنه... الله لا يسلطك على نفسك... عنيدة... طالعة لأبوك... ماورث لك إلا العناد ورفعة الخشم... الله يجبر وليدي ولا أنتي تنسينه... مانب داعيه عليك ينحرق قلبك زي ما حرقتي قلبه ... أنتي بنتي بعد وقطعة مني... الله ... وتنفجر باكيه وتغلق الخط.. يسقط الجوال من يد عذبة وتتمسك بكتف أفنان , وهي تنتفض... تمسكها أفنان وتجلسها على السرير... وتقترب منها هامسه: وش تقول ...؟ عذبة:............ أفنان: ليش تخانق صوتها طالع من السماعة... الحين بدل ما تعتذر عن اللي سواه ولدها تتصل تخانق.... عذبة: ماتصدقين يا نجلاء .... آآآآآآه ... تقولي ليش تطلبين الطلاق... أفنان: الحين مشاريوه قايلها أنك أنتي اللي طالبه الطلاق... يمكن خاف منها تراها تروع... تسمحين أقول عنه حمار لا كلب أحسن ... عذبة: كلب!!! لو كان كلب ماسوا اللي سواه.. الكلب وفي... أفنان أنا مادري الحين أنا الضحية ولا الجلاد.... بس أكيد فيه شي خلا مشاري يقول اللي قاله... مستحيل مشاري يتخلى عني بهالسهوله الا فيه سبب... أفنان : دقي على أمه وقولي لها كذاب... عذبة: لا... وألف لا... وتقف ثم تضرب بالطاولة وتلتفت عل أفنان... شوفي روحي الحين وقولي لجدتي السالفة وقولي لهم تقول عذبة: لامن سألوا الناس ليش تطلقت يقولون هي تبي الطلاق, عشان تنتبه لأخواتها, وما تقدر تعيش بدبي بعيدة عنهم وهم ماعندهم أحد... بسرعة... وبكت... أفنان: ليه طيب تتظاهرين.. يعني أبي أفهم...؟ الحين لو بتكلمين خالتك وتسألينها أحسن مما تستمرين بالكذبة... عذبة: حبيتي مشاري والله إنه مجبور على الطلاق ... أدري أنه يحبن ... ومستعد يسوي أي شي لجل يرضيني... بس فيه شي هو اللي مخليه يضغط على عمره ويكذب على أهله... وبعدين تبين الناس يشمتون فيني ... تبين فيصلوه يفرح علي... لا ... والله ما صير مضحكه لهم... مو كفاية أخسر حبيبي تبين بعد أخسر كبريائي... يالله تكفين قبل الخرارة ليلى ماتروح تسولف على بنات خالي بالتفاصيل.. ولا تدرين بنزل أنا... وتركض بسرعة خارجة من الجناح.... أفنان : طيب اصبري لي أنا ... يا.. هيه ... منهبلة كرامة هالبنت...!! ياعذبوه يالفقمة اصبري... تصدم أفنان بعذبة عائدة للجناح وهي تركض بقوة... أفنان: أي... بسم الله ..كسرتيني .. وش بك تمشين ميتين وتلطمين وجهك ....انهبلت هالبنت هيه انتي بكامل قواك العقلية...؟ عذبة تقفز في أنحاء الغرفة وتقول: انكشفت انكشفت... ياويلي انكشفت.... هم تحت تحت جايين... أفنان: منهم...؟ |
الفصل الثالث بالصالة الرئيسية جلست نجود ونورة بنات عبد الله " أبو عبد العزيز" ابن عمهم, ونواعم بنت سعد ابن عمهم, الجدة ترحب بهم: يا هلا ومسهلا ... يالله حيي هالبنات.. شلونكن ... ؟ نجود: الحمد لله يا عمة ... انتي شخبارك و................................شخبار عذوب؟ الجدة: يالله لك الحمد... كميله ... مها نادي كميله تخليهم يزهبون القهوة... مها: كاميليا... القهوة جاء ضيوف... تنزل ليلى: يؤ .. انتم من متى هنا ؟ ليش عمتي ما خبرتيني؟؟؟ نواعم: شوي ... صحيت من النوم ونجود تصارخ علينا قوموا بنروح لعذبة... حتى تصدقين مامداني ألبس!! ازعجوني.... قلت روحوا الحقكم مارضوا... الجدة: الله وكبر ... غاب القمر صار هلال من بعد بنات عمتس عاد.... طول عمركم حيسي ديسي.... نوير... وش حزنتس على هالقصير قضى القماش ومالقيتي لـــُه وصلة!!... نورة: خخخخخخ .... عمه الحين أنا كاشخة فيه وانتي تطنزين... يا عمه هذي الموضة... وبعدين هالحين ليلى هذاه لابسه قصير... ليش ماتشوفين الا انا... الجدة: ليلوه قومي غيريه نفرة تنفر جلدتس... ليلى بغضب: طيــــــــــــــــــــــب يمه... نجود: عذبة وينها؟ مها وهي تصب القهوة: لحظة اخلص وادق على غرفتها تنزل أكيد مادرت انكم جايين... تنزل أفنان من الدرج... وكل الأنظار تتجه إليها... نجود: أفنان !!! ماشاء الله من متى وأنتي هنا؟ أفنان:من أمس جيت ونمت عند عذبة ... و بجلس عندها أسبوع... نجود : ليه عذبة ضايق صدرها مرة... يا عمري والله مو سهله...وينها؟ أفنان: لا عادي ... صح هي يضيق صدرها خايفه شوي من كلام الناس, تعرفين كلام الناس مايرحم... وهي الحين تستحم وبتنزل بعد شوي... نجود: شلون عادي؟ أنا ما فهمت... يعني هو ليه طلقها... وبعدين عذبة تحبه يعني شلون ماهمها يوم طلقها؟ أفنان: هه ... خالتي ما قالت لكم _ وتنظر للجدة_ أصلا عذبة طالبة الطلاق عشان تجلس مع خواتها... تعرفين صعبة تخليهم لحالهم وتجلس بدبي... تقول وصية أمي بخواتي لازم أنفذها لو أبيع الدنيا كلها.. الجدة تنظر لمها وتقول: إيه بنيتي مهوب مرتاحن قلبه وهي بعيدة عن خواته... نواعم: قمة الجنون ... الحين تتخلى عن حبيبها وبيتها وتتطلق عشان هالقردتين والقرد الصغير..!! :" قرد يتعلق بكشتك يالبقرة... الحين حنا قرودة...!! تبين لك طراق يعدلك هالنعفة... الله لا يرحم هالوجه "... _ نجلاء تطل من الصالة العلوية , ببجامتها وشعرها الذهبي الأجعد المنكوش_ الجدة: بسم الله الرحمن الرحيم... يا نجلوة ترا ترويع الآمنين حرام... فيه شي اسمه مشط كدي شوشتس... تقل باخن بتس بس... لابعد كشة صفرا ... مير لو شعرتس اسود أهون شوي... نورة: بسم الله ... الحين انتي قولي السلام عليكم... بعدين تعالي أنا ببلغ عنك مع الإرهابيين.. صدق تروعين... يمه...!!! مير تعالي تقهوي ... نجلاء_ وهي تنزلق على درابزين الدرج الخشبي_: والله ما جاني الشعر الأصفر اللي ما عجبك إلا من بنتك...و الحين وش السالفة منهو اللي يتخلى عن حبه عشانا حنا القمور.. احم.. أفنان تعظ على شفتها خشية إنكشاف اللعبة وتنظر لمها وللجدة بقلق... الجدة: مهبوله هالبنت وين عصاي امسجرة لمين تعظ الأرض.. ترا ينكسر وتطيحين.. والله العيال مايسوون هالحركات... نجلاء: الا يمه ترا اللي معلمن عليه سعود الله يرحمه دايم انتزحلق انا وياه ونتسابق بعد... نجود صح؟ يتغير لون وجه نجود... وتضلله غمامة من الحزن ... نواعم: الحين يومنك أنتي وأخوك مهابيل بتدخلين بنت عمي بالسالفة ليه؟ نجود: حرام عليك تتكلمين عن الميت كذا.. الله يرحمه ويغفر له... وتصمت ... نجلاء: وش أنا قلت... بس تذكر دايم الله يرحمة يقول لنجود إنه أسرع من... يعني أنا قلت هي تزحلق معي؟! ...فاضية تبين شي تطنزين عليه... مير ما جمع إلا وفق... نواعم وليلى... تنزل ليلى مع عذبة وهم يتهامسن ... نجود: هلا والله ... نعيماً... عذبة: ينعم بحالك يا عمري... شخباركم... ليه وش فيك ضايق صدرك ... ترا الدنيا ما تسوى... يالله افردي هالوجه.. تنظر نجود لعيني عذبة ثم تبتسم... تنتفض عذبة وتشعر أن نجود قرأت كل شيء في عينيها..... نجلاء : عذبة ترا اليوم جمعة!!! والبنات جايين كلهم ولا بعد فيه أفنان وخالتي مها... عذبة: يعني؟ ليلى: مايبيلها واضحة ... يعني ترا بنطلع اليوم... مها: لا .. صعبة... الجدة: وراه يا كافي يامها ... خليهن يطلعن ويستانسن... ممديات على الحجرة بالدراسة... إلا إطلعن وإستانسن... بس ترا ابو ناسين بيروح معي دبرن لكن سواق.... بتقضى للدار وبمر حريم الجيران الأولين عندهن اليوم دايرة ببيت أم الـ.... عذبة: زهير مع جدي يعني مين بيودينا... مافيه أحد... نواعم: طيب فيه سواقنا وسواق نجود... نورة: خير إن شاء الله وأنا مالي داعي ... قال سواق نجود قال..!!! سواق نورة ونجود... نجود: تبون الجد ما لنا فيه غير الإسم ,أربع وعشرين ساعة مع عبد المجيد... مرة ينقل مفارش من الخيمة.. مرة يطبخ للشلة بالبر... ومرة ومرة ومرة.. وماتقضي هالمرات... نورة: ايه ولامن قلنا نبيه ... قال روحوا مع سواق أمي نورة... والله يقهر مجيدوه... نجلاء: من الآخر... نقدر ناخذه بعد الغداء مباشرة... ولا تدرون بروح أقول للطباخة لا تسوي غدا بنتغدا برا... وبعدين نروح للثمامة.. عذبة: خلاص فصلتوا ولبستوا... نجلاء: أنتي عذوبي الحلوة اللي ماتقدر تقول لا لنجلاء... صـــــــــــــــــــــــح؟ مها: ترا أنا بروح بيجي فهد الحين بنروح وترا بناخذ معنا ناصر... خلاص عذبة؟ عذبة: ايه الله يجزاك خير ... والله نصور يموت على فهد...مرررة.. نجلاء: ويكرة مشاريوه مرررة رغم ان نصوري يسوى عيونه , بس مايطيقه... أخوي عنده ذوق بسم الله عليه... عذبة: نجلوه وبعدين معك!!! نورة: أنا بصراحة في كلام يقرقع بخاطري من زمان وما قلته... بس الحين بقوله واللي يصير يصيرولا تزعلين مني ياعذوب بموت لو ما قلته..ممكن؟ ليلى: ياي والله شكل الكلام يخوف .. أحذرك ..ترا عذبة شرسة ... يعني منطقة ألغام فكوني حذرة... نجلاء: قولي وأنا بمسك عذبة لا تطقك... مها: قولي يالله .... نورة تعدل من جلستها وتأخذ نفس عميق وتقول: احم احم ... نجلوة اقظبي هالعفريت _تقصد عذبة_... بسم الله .... _وترفع صوتها بأسلوب خطابي وتسد أذنيها_ الحين هذا المدعو مشارويه وش فيه تحبينه... دب وعيونه تقل نسر تخرع ... ثقيل دم ومو سعودي وساكن بالإمارات ,وأمه ماهمها إلا شكلها , وخواته ثقيلات دم , ومستواه المادي ولا يقرب لمستواك وأنا ما أحبه وأكرهه وودي أجلده وقعدت أصيح يومنك أخذتيه , المفروض تآخذين واحد يقدرك زي عمي فيصل مثلاً, ولا مجيدوه ولا عزوز , ولا متقطعة مرة خوذي من عيال خالك اللي بالخبر أصرف ... آآآآآآآآآآآآآآآآآآآآآآآآه وبس الحمدلله ارتحت... اجيبي... نجود: بس يا نورة خير ... انتي ماتعرفين الأدب ... أوريك... أخلي عبد المجيد...يوريك الشغل.. عذبة: لا عادي خلي البنت ترتاح , وأكيد فيه غيرها يسأل هالسؤال... ليلى : حبيبتي من قال لك مشاري مو سعودي... هو سعودي من الشرقية وأهله كلهم بالشرقية, بس هو عايش بالإمارات عشان أبوه هناك يشتغل.. وبعدين لو سمحتي لا تتكلمين عن خالتي بهلأسلوب... نجلاء: طيب هي وجه نظرها كذا...هي تشوف انها كذا, يعني بالغصب تغير رايها عشان ماتزعلين... عذبة: نورة حبيبتي الزواج ماهو نزهه أختار اللي أبيه بناء على أشياء ترضي اللي حولي ولا ترضين , وبعدين كونه ساكن بالإمارات مو عيب ترا أنت ماجربتي طيبتهم وأخلاقهم , أنتي لو سكنتي هناك بتحسين إنك مابعدت مرة عن وطنك, شعب حبوب ومتمسك بالعادات, وقريب مرة من عاداتنا وتقاليدنا , ويحترمون السعوديين ويعتبرونهم إخوانهم. مها: إي والله شوفيهم بالحرم كيف مؤدبين ولا يأذون, حتى لامن رحتي لمهم بديرتهم رحبوا فيك... أنا بصراحة مرة أحبهم... وعموماً ترى أهل الخليج واحد .. ولا فيه فرق كبير بينهم... نورة: أقول قلبتوها محاضرة عن خليجنا واحد.. أدري أنهم طيبين بس مهما يكن مو بالديرة و بعيدة... عذبة: ما فيه بعيد على الطيارة.... هو صح مو زي لو كنت بالرياض عند خواتي , وهذا اللي خلاني أختار الرياض و خواتي على مشاري ودبي... وبعدين أنا ما خذته عشان شكله, أنا ارتحت له وما ارتحت لغيره.. والخيرة فيما أختاره الله...وعلى فكرة بشهر العسل أزعجونا البنات من كثر ما يتلصقون فيه...والله انه مزيون وطخمة و طويل ورزة.. بس شوي ثقيل دم.. كانت عذبة تتكلم وتحاول تخفي ألمها من كلام نورة الجارح... وكانت تضغط على الفنجال...لتخفف توترها... نورة: يعني ما كنت تحبينه... بس عشانك إرتحتي له؟ نجلاء: يا الملقوفة وش دخلك ... تحبه ولا تحبك... ياحاشر نفسه بين البصلة وإشرتها ماينوشك منها غير ريحتها..... ايه بنات وين بنطلع اليوم... عذبة: الجمس مع جدي يالله نروح بسيارتين... نجود : لحظة خلين أكلم مجود عشان يعطينا الجمس حقنا و يترك لنا مراد . ***** عبدالمجيد وعمه فيصل في المجلس, عبد المجيد متمدد على الجلسة الأرضية, وفيصل يقلب في أوراق الشركة, عبد المجيد يحاول لفت انتباه عمه: فتولي, فتو.. مبسوط الحين, هع هع, فيصل: لا عبد المجيد: اتحدى , ولا يمكن حتى الآن ما بردت كبدك منها... فيصل: مجيد... عطني الملف الأسود هذا... عبد المجيد: يا برد اعصابك ياشيخ.. انت ماتحس... فيصل: لا... مات احساسي من عرفتك... عبد المجيد: والله لو انا منك كان ادق الحديد وهو حامي..._ الجوال يرن_ وه وش تبي ذي... نعم... مشغول.. بروح اصلي..انتي يا كثر ما تزعجيني... طيب المطلوب...خذيه مابيه من زينوه.. لالا تعالي ليه ما تروحن مع ابو ياسين ... ايه صح... وين بتروحون ... عجيب... فيصل: يا النشبه خل البنت ... مابقى الا تسأل وش لون سروالها .. عبدالمجيد: عيب يا عمي ... البنت تستحي... لا !!! ..ايه.. الثمامة أجل..طيب بنروح معكم... بسم الله_ بفزع_.. فيصل: اكيد انها نورة ... عاد هي مقطعه ام الحياء... عبد المجيد : متى؟ امممممممم طيب انا ..... خلاص اعوذ بالله ما قلنا شي, الله يخلي لك امي وابوي...بس شوفي العود تراه مو حقي حق صديقي.. والله .. لا تصدقين بس لاتقولين لأبوي..هاه.. انتبهوا له.. لا تخربه نورة الدبا ذي..زين؟.. الله يسلمك.. فيصل: احسن ما يأدبك الا نورة... عبد المجيد: لا نورة ذريقه من نظرة ترتعب ... هذي نجيده... والله يا أهلي بيخربونها ... لو يحصلهم يخلونها نسخة من عذبة.. تروح وتجي ولا تدق لي بال... بيكبرون راسها .. فيصل: يمكن احسن لها بس لا تاخذ مشاري بذبحها.. عبد المجيد: لا يا شيخ أنا اللي بذبحها... الا ما تلاحظ شيء.. فيصل: ياكثر ملا حظاتك يابو راس... حط هالورقة بالملف الأزرق... بلا قرق...يالله. عبد المجيد: اسمع عاد ... البنات يبون يطلعون ... يعني عذبه اكيد بتصير معهم... فيصل_يترك ما بيديه ويرفع نظرة لعبد المجيد_:طيب؟؟ عبد المجيد: شكلها ما همها... غريبة؟... والله شي يحير ...! أنا أتجسر بسأل نجود بس عارفها ما تقضب خبر وبالذات عن عذبة... فيصل: ليش هامتك...؟ ياعيني ضايق صدرك عليها... اكيد انا منهارة .. لكنها تكابروالدليل انها وافقت تطلع تعرف هي ماتحب تطلع من البيت نهار الجمعة ... دايم يطلعون وهي تقول بحل دروسي مرة و مرة بتنام ومرة ماتحب طلعات الجمعة... ولا يعني خافيتك... لو ما يجي من الموضوع كله إلا شماتتنا به... مسكينه تصدق ارحمها..كسرت خاطري.. مادري لو سعود حي وش سوا بمشاري؟ فعلا مو رجل..!! عبد المجيد:إيه سعود...والله ما غاب لحظة عن بالي...الله يرحمه, تصدق عاد عجزت أتأقلم مع موته عجزت أمسح رقمه من جوالي.. وجواله مازال بدرجي.. تذكر يوم يعطيني أشحنه...مكتوب إنه يكون معي.. فيصل: الله يرحمه, إلا عذبه وش شعورها الحين... أخوها مات وزوجها طلقها.. والله ما يستاهلها.. عبد المجيد: انت ما تحس توقعتك بتطير من الفرحة لمن يصير الطلاق... لكنك نفسك نفسك مشغول بهالأوراق...و لا بعد مسوي فيها رحوم.. لا حبيبي هك على غيري ... ساعات أحسك فعلا ما تحس!! فيصل:................ الا أحس ... بس عذبة هذي ... _ثم صمت ونظر للأعلى... عبد المجيد: ياهوه على العشاق .... فيصل عجزت افهمك... على كثر ما جلست معك تزيدن حيره... الا وش رايك تاخذ ليلى ... أجمل بنات العايلة.. فيصل: حرام عليك تبيني انجلط.. ثقيله دم .. خذها أنت ... تعال وين بيروحون البنات ؟... عبد المجيد: وأنا رحت هذاي لازقن بخشك...منتزة بالثمامة.. وش رايك ننكد عليهم انبسط على التنكيد... ههههه عبد المجيد: عمي وأعرفك...ههههه والله فكرة بطرانه... ********* |
في السيارة أثناء الطريق لأحد منتزهات الثمامة... عذبة طوال الطريق صامته , وليلى لاتكف هي و نواعم عن التذمر تارة والسخرية بنجلاء ونورة تارة أخرى, بينما نورة ونجلاء لا تأبهان بهما وهن يلعبن بعود وجنده في مؤخرة السيارة "الجمس", نجود تتحدث بالجوال , وأفنان لم تأتي معهم من أجل إكمال بعض الواجبات والبحوث... نجلاء: والله كذابة... اقول لاتهكين بس... اسمعي.. "دن دن درن " والله خطيره.. ليلى: اقول لا يحسبونك خالد عبد الرحمن... نورة: يالله.. يالله غني لخالد أغنيه حلوة.. نجلاء: ما حفظت ... انا ما أسمع... الأغاني حرام.... ليلى: اقول... خليها مستوره... نجلاء: والله ما أسمع ... صح عذبة....؟ عذبة:..... نواعم: هه علينا ...؟ نجود: خلي العود يا خبلة ... والله يذبحك عبد المجيد.. نجلاء: بسم الله... وانا باكله... خلينا نكتشف المواهب....بعدين مجيد حليل...ليت كل الرجال زيه.. نورة: بلاه والله مارنع راسك بقنعة ملكية... راسي يوجعن للحين منه امس.. نواعم: إيه خلينا من مجيد الحين.. خلوا خالد عبدالرحمن يتحفنا ... يالله غني... "شدوا يمتهم جنوب عن الديرة..." ليلى: ياربيه تذكرني ببوي .... الله يجمعني فيه....ياربي وينه الحين؟؟؟؟؟ نجلاء: احم احم اسمعوا... شدوا يمتهم جنوب......................._وهي تغلظ صوتها تحاكي صوت خالد عبد الرحمن.. نواعم: هههههههههههههههه والله طقاقه حتى كملت راكبه بشنطة السيارة , بس شوفي لا تنزلين لامن وصلنا من الشنطة.... يحسبونا طقاقات ... نجلاء : بنزل من وراء.... واللي ما يعجبه لا ينزل معي... ******* "في المطعم" تجلس مها وزوجها فهد على طاولة الطعام , فيما كان ناصر يدور حولهم, تارة يبحث عن أكبر الكراسي, وتارة أخرى يلعب بسيارته تحت الطاولة.. مها: نصوري تعال وش تبي... ناصر: مابي ثي... ثوفي الثيارة تدخل بالمواقف...بابا فهد... أبي بكرا تثري ثيارة حمرا ... ذي ثيارة عذبة... فهد: عذبة؟... ما شاء من متى عذبة لها سيارة... مها تنظر بأسى :... هذي سيارة البنات اللي شراها جدهم ... بس عذبة اللي إختارتها... الـ bmw اللي صار فيها الحادث... الله لايعيدها من سيارة... _ودمعت عيني مها , رفع فهد وجهها ومسح دموعها,وابتسم_ فهد: الحمدلله على قدر ربي.. لا تذبحينن ترا ما اتحمل أشوف دمعتك... تراي ابيع دنياي ولا أشوف دمعتك دخيلك لا تبكين عندي ... يالله يالمها... _وأخذ يمسح على شعرها برفق _ مها: نصور تعال شف وش تبي....فهد حبيبي وش مشتهي... فهد: مشتهي رضاك وأشوف بسمتك.. مها تضحك: الله يخليك لي ترا عاد بموع...جد عاد.. فهد: ذوقتس حلو... مها: وانت ناصر..؟ ناصرينظر لفهد ويضحك: أنا بعد ذي بابا .. أبي ذوقث حلو..وعثير أناناث... مها _تضحك بقوة_: الله ياخذ شيطانك على مين طالع ذهين؟ _ينظر ناصر لفهد ويبتسم, ثم يقول_:على ماما مها... يضحك فهد بقوة ويصرخ: بعدي والله نصوري... تلتفت مها على فهد بغضب مشوب بضحكة مكتومة: الحين استانست؟ أوريك يانويصر... لا والله تقلد فهد بكل شي حتى بذهانته... فهد: لا والله وش دخله فيني؟ مها: هذا العيال يقلدون أبوتهم..._ثم تصمت وتحاول أن تغطي القنبلة التي جرتها بمشاعر فهد دون قصد_إيه هو ماعنده أبو ... و.. والله رسلك له .. فهد _يحاول أن يتظاهر بعدم الإكتراث _: ايه الله يرد له أبوه.. ناصر تبي ذوقتس حلو أجل...؟ ناصر: إيه وعثير أناناث... يضحك فهد ويرفعه لصدره ثم يقبله... يلتفت ناصر ويضم فهد بقوة ويقول: بابا فهد أنا أحبك كثير... أكثر من ثيارتي ذي... تعال عندنا.. ثر ولدنا .. ولا أبونا عند بوابة المنتزة... نجلاء: مراد ... افتح شنطة ورا... ليلى: مجنونة.... عذبة شوفي أختك .... عذبة:............ نواعم: مراد ... لا نورة: الا افتحه ما عليك منهن.... نجود: فضحتونا.... لا مراد ... لا تفتحها لهن... نورة: انتي بالعصلاء... تقدرين تنطين ... نطي وروحي افتحيها لي بسرعة نجلوه تسمعين انتي.. نجلاء منحنيه على العود وتدندن وتهز رأسها: الا اسمع ولكني داخلة جو... وتقفز بحركة خفيفة وسريعة للمرتبة الأمامية وتنزل..ثم تتجه لتفتح الباب الخلفي للجمس... تسحب العود.. وتحمله بحركة غير مباليه على كتفها... نورة: أخس يالقوة... هيه أنتي ساعدين... ليلى: عذبة شوفيها... فضحتنا ذي... شوفي هالشباب هناك يضحكون عليها... عذبة: ............ ليلى: هيه أنتي ما تسمعين... عذبة: الا بس وش اسوي لها.. نجلاء: هع والله فله... عذبة ماله خلقي اليوم... نورة يعني الدجة جايه. نورة: الحين انتي تخافين من عذبة العصلاء هذي...ماتخوف... نجلاء: عذبة تخوف لامن عصبت تصير وحدة ثانية... أعترف انها الوحيدة اللي أخاف منها, تصدقين أحيانا لامن بغيت شي من أمي الله يرحمها وعيت , ازعجها وبعدين تخلي عذبة تزجرن وأخاف... مادري يمكن عشاني أحبها أخاف تزعل... ياربيه تصدقين اني متحسفه ... نورة: يمه!! شوفي الهرش هذا... يناظرنا نجلاء: افقع وجهه الحين بماي كياغيه... الا وين البنات؟؟...ايه هذاهم هناك... نورة : يلحقنا....يمه بدق على مجيد... نجلاء: شكلي بفقع وجهك انتي مب هو.. وشوله مجيد تبين يفضحنا شرط امك ماتخلينا نطلع مرة ثانية الا معها... تسرع نورة وتمسك بيد نجود وتتبعها نجلاء: اصبري دحروج وين تخلينن أوريك ... _وتنادي عذبة_عذبة .. عذبة اصبري... عذبة: اركدي يا نجلاء ترا مالنا خلق مشاكل... هذا مراد راح يجيب المفتاح حق الشالية...روحي انتي ونورة جيبوا هالآنسات...نواعم وليلى لا يبعدون... نجلاء: هم بزران... مانب رايحة... عذبة: ليه مسويه شي... شكلك خايفة..؟ نجلاء: هه لا ماسويت شي .. بعدين من يقرب مني سدحتوه.. ولزختوه لزخ... أعطيه توبي أوشيرو ماواشي غيري!! عذبة: أقول يا أمي عذبة روحي لألزخك أنا..لاقيتن مافهم هالخرابيط تنصبين علي... ترا مالي خلق أجمعكم تقل غنم.. ترا ها الطلعه كلها عشانك... نجلاء: والله ما نصب مو صدقتن إسألي ســعـو.... _تضع يدها على فمها حين تذكرت أن سعود ميت_ عذبة: وبعدين بتروحين؟ نجلاء: طيب من عيوني الخضراء ..نورة تعالي ... شوي بس... خذي العود أزعجن..ولا عطيه مراد يشيله... نورة: لا مراد بعيد وأخاف يضيعه يضيع روحي مجيدوه.. في منتصف الممر بين نواعم وليلى وعذبة ونورة لحق الشاب ومعه شابين آخرين بنجلاء ونورة. الشاب: ياهوه يا راعي المزاج أموت بالرايقين...عطيني وجه... أشوف العود أدندن أروق معاكم.. نورة: بسرعة... الكلب تسمعين وش يقول... نجلاء: انطم يا قليل الأدب... نورة: لا تحارشينهم... تراهم قليلن ادب ولا تربوا.. الشاب : يا حلو هالعيون... ليه تفتني العيون السود ما دري؟ بس شوي بكلمك كلمة.. نورة : يمه يعنين بسرعة اركضي نرجع للبنات ولا نسوي شي... انا خايفة.. نجلاء: اخ بس لو ما كان علي عباية كان فقعت وجهه... يسرعان في المشي نحو عذبة ويسد الشابين الآخرين الطريق عليهما , الشاب1 : على وين يا حلوين...والله اني مو وحش... خلينا نتعرف حذوا الرقم.. ب س وكمان عازمكم على كافيه... نجلاء: وخر يا عديم الأخلاق... لو كنت أختك رضيت لها ... وخر لأسويك كفتة.. أحذر ك ترا معي دان شودان.. الشاب1: أحب الكفته من هالأيدين أنا..وشو دان شودان أكلة صينية؟؟ _ويضحك بقوة_ نورة: يا أغبياء ... يعني الحزام الأسود _يضحك الشباب بقوة_الشاب2: على مين تلعبها...! الشاب3: حنا مخفات نصدق!! الغزلان هذي معها حزام أسود قولي أبيض يمكن يعني هه نصدق بس أسود مرة وحدة... باين أحلامكم كبيرة!!! تندفع عذبة نحوهم وتتبعها نجود وتحاول إبعاده وهي تخلع الصندل : شفت هالنعلة ترا بتتوسط وجهك اذا ما ذلفت... الشاب1:يؤ مقاسك صغير أشوف كم... _ويمسك بيد عذبة ويجرها نحوه_ عذبة: يا كلب وخر والله لأضيع مستقبلك... نجلاء نادي الهيئة تشوفي أحد يفزع... نجلاء تلتفت يمنه ويسرة, المكان في زاوية منعزلة حيث لا أحد يشاهدهم من الهيئة أو رجال الأمن :وليه فزعة والله ما أخليك نورة شوفي شغلك... تندفع نجلاء ونورة , نجلاء تنهال بضربات قاسية بقدميها على وجه الشاب المعتدي, فيما ذهل الآخرين, كانت الضربات قاسية وسريعة وحين حاول الآخرين مساعدة صديقهما, اندفعت نورة بضرب أحدهم بالعود بقوة, فيما دفعت عذبة الآخر للبحيرة, الشاب: والله أتوب والله أتوب... اتركيني ما عاد أغازل ناس متوحشة مرة ثانية... الشاب2: أخ , وخري أنتي يالدبا , أي وجع ثم امسك العود بكلتى يديه, حينها تلقى ضربة خاطفة من نجلاء بطحته أرضاً حينها جلست نورة بثقلها عليه. و أخذت تعض يديه حين حاول دفعها. ثم هبت نورة واقفة: عبد المجيد وعمي فيصل... شوفوا الحمير وش سوو.. عبد المجيد: خلاص نجلاء... ذبحتيه وش سوا... بس خلوني أكمل عليه... اتجه فيصل نحو الشاب الثالث الذي رمته عذبة بالبحيرة وامسك به ووجه له لكمه فيما فر الآخر الذي كانت تجلس عليه نورة, وجاء رجال الأمن والهيئة ... ......................................................... الفصل الرابع "في السيارة" عبد المجيد أعطى سيارته لمراد وركب هو وفيصل بالسيارة " الجمس" مع البنات... كانا غاضبان ومحرجان بشدة وأرغما البنات بالرجوع للمنزل... عذبة كانت تبكي وترتجف... نجود تحاول أن تهدئها, ليلى ونواعم غاضبات بسبب إرغامهن على العودة للمنزل, فيما نجلاء ونورة تضحكان بشكل هيستيري.. فيصل: الحين عاجبكن اللي سويتنـُـه ..؟؟ والله مادري وين أودي وجهي من الشيخ ..فشلتونا بالهيئة!!. بناتنا يضربن رجال!! عبد المجيد: لا والطامة الكبرى يوم شفت نوير هالكورة جالسةٍ عليه... مسكين خفت يموت ونتورط بوه عاد وش يقولون الناس.... بس والله عقوبة رادعه _ويضحك رغم غضبه_ والله شر البلية ما يضحك.... فيصل ينفجر ضاحكاً : لا والمسكين اللي حطت عذبه حرتها فيه اللي رمته بالبحيرة ... ولا رحت أكفخــُه وأنا مادري وش سوا... بس فيه شي وسع صدري... يوم قالت نجلاء لرجل الهيئة السالفة ورحمة من ربي أنهم داخلين متسللين للمنتزة ... ولا مادري وش بيصر بالموضوع... ليلى: يستاهلون المتخلفين هذولا.. خير ... تبون نخليهم يتحرشون بنا ونسكت؟ عبدالمجيد: أقول من يحتسي(يحكي) !!! ؟ هههه الحين اللي يسمعك يقول جالدتهم ولا على الأقل رحت تدورين أحد يبعدهم قابلناتس هاجه ويوم شفتينا _ويقلد أسلوب ليلى_ :مجيد فيصل إلحقوا البنات تطاقوا مع شباب... ليلى: والله أنا مو عربجية وما أعرف أضارب ولا أهاوش.. وبعدين من شفت شعره المكوش_ هاللي مسك عذبة_ وانا قلبي وقف.. فيصل:ههههه.... والله شعرة كنه طالع من مجفف , تذكرون بنك بانثر يومنه يطلع من مغسلة السيارات ويصير كنه كورة فرو...هع والله ذكرته... هههههه... بس من جد مادريت إن عندنا بنات جدعات... عبدالمجيد: إي والله كنهم بمسلسل صعيدي.. ماتقول بنات... أنا أضحك على الحريم لامن مدوا ألسنتهم بالسوق ولا بمكان عام وصاروا بناتنا يمدون إيدينهم بعد ... نواعم: عموا فتولي...فتفت..نفسي أعرف شاللي جابكم؟ فيصل: أممممممممممم...بقولك بس لاعمري أسمعك تقولين فتفت... أحس إني تقل طبخة شعبية... عبد المجيد: لا..لا... يا فتفت "لا تكب العشاء"... تراك خرار وفضيحة... تقول شي أفتفتك على الأرض زي الفتيت..تعرف الفتيت يا عموا... _عبد المجيد يتكلم ويقلد أسلوب نواعم المتغنج_ فيصل: شوفي خواشن...أسمعك تقولين فتفت أغولك..فاهمة عبد المجيد: فتفت.. خف شوي على خواشن.. قصدي نواعم.. ترا هي اللي بتفتفك.. البنات الحين صاروا أقوى من الرجال... ترا بيسوون بك زي هالشباب اللطيف .. اللي جلدوهم...مساكين..ما يستاهلون فيه أحد يتغزل وينجلد..؟ عش رجب ترا عجب!! فيصل: مساكين والله رحمتهم ... راحوا وطي مادروا إنهم تحرشوا بلبوات نجلاء ونورة وعذبة ماينحارشون.... نجلاء بديت أخاف من عصاقيلك... لاتجلدينا بس.. والله يطلع منك كل هذا... الله يرحمك يا سعود لو كان موجود كان انبسط عليك دايم شاقي بك أنتي والكاراتيه... هيه أنتن يكفي ضحك_ويلتفت على نورة ونجلاء_ مادري هذا ضحك ولا صياح ؟ عبد المجيد: ضحك ما خوذ على ما قالت أمي نورة... _ويلتفت عبدالمجيد على عذبة_ عذبة!! يكفي صياح... خلاص.. ما صار شي هم وانجلدوا ولا بعد أخذوهم الهيئة يعني بياخذون جزاهم وزيادة وأنتي ولا جاك شي يالله عاد بلا دلع يلتفت فيصل وينظر بطرف عينه لعذبة ويقول: خله يا مجيد تصيح..و تطلع حرته... منهم ومن غيرهم!!! ***** "في غرفة عذبة" تدخل عذبة وتقفل باب الجناح بالمفتاح بعنف, ثم تركض لغرفتها, حيث أفنان منكبة على السرير وقد بعثرت أوراقها حولها , تغلق الباب وتستند على الباب, ثم تشد نقابها و ترميه وتصرخ: أفناااااااااااااااان بيذبحن النذل... الشماتة تقطر من أثمه بكل كلمة... طعنن ..أنهان.. دمرن... خــــــــــــــــــــــــــلاص إنتهيـــــــــــــــــــــــــــــت ... والله ما بي حيـــــــــــــــل أتحمل زيادة ليــــــــــــــــــــــــــش يا مشاري تعذبن وتحطن بهالموقف أنا وش سويت ليــــــــــــــــــــه؟؟ يارب أموت ... وأرتاح يـــــــــــــــارب !!! يـــــــــــــــــــــــــــارب!!! يـــــــــــــــــــــــــــــــــارب!!! آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآه _وتجثوا على الأرض وتبكي بحرقة_ أفنان: عذبة ... اسم الله عليك وش فيك؟ بعيد الشر عنك... _وتقفز نحو عذبة وترفع وجهها وتقترب ثم تقبل جبينها_ أفنان: ما عاش منهو ينهيك؟ عذوب ما تنتهي لأجل واحد زي مشاري!!! وش سوا فيك بعد؟ _ترفع عذبة يدها وتشير بالنفي وهي تفتح فهمها تحاول أن تنطق ولكن صعوبة الموقف ألجمت لسانها وأطلقت لدموعها العنان_ نظرت أفنان إليها بعطف قائلة: مو مشاري؟ _هزت عذبة رأسها موافقة وهي تنشج_ أفنان: أجل مين... فيصل؟ صرخت عذبة صرخة تشوبها تنهيدة : إيــــــــــــــــــــــه.... حقيـــــــــــــر... نذل ... أنا..أنـــ.... _وإنفجرت تبكي بصوت عالي ورمت بظهرها على الباب في نوبة بكاء هيستيري , قفزت أفنان وأغلقت باب الشرفة, ثم أمسكت بكفي عذبة, وهمست بإستغراب _: وش سوا ؟ قال لك شيء صريح عن طلاقك؟ _هزت عذبة رأسها نافية_ أفنان: أجل وش سوا؟ لمح لك يعني؟ صرخت عذبة : أفنان ليه يشمت بي أنا وش سويت؟ بس عييت آخاذه , عمري ما غلطت عليه, هو اللي دايم يجرحن ويأذين, وأنا متحملة وساكتة, ويوم عييت آخذه صرت عدوته, أنا بنت عمه, وأخت سعود "روحه", الحين بدل ما يحاول يصلح الموضوع ويرجعن لمشاري يسوي كذا؟ ليه؟... ليه؟ أنا خــــــــلاص أحس ما بقى بي حيل أمثل زيادة... أحس إني مفضوحة... وهذا من أول يوم!! وش بيسوي بي بعدين..؟ أكرهه ... أكرهه.. الله ياخذه ... الله ...أستغفر الله بس والله خـــــــــــلاص... ماقدر أتحمل نظراته الشامتة , ودقاته بالحكي... يقرص بالكلام ... لسانه مسموم بكل كلمة يقصد شماته... يطعنن مرة ورا مرة ... اليوم بكلم مشاري بترجاه يرجع لي ... وأقوله إذا هنت عليك.. بكيفك بس تكفى إرحمن من الناس... أنا مادري ليه حظي كذا ... كل من حبيته راح وخلان ... أفنان...أخاف يوم بعد أنتي تروحين وتخلينن لحالي.... تنتفض أفنان: بسم الله علي!!! لا إن شاء بنصير مع بعض على طول.. بعدين حبيبتي عذوب يمكن مو قصده, بس أنتي متحسسه منه وتحسين أي كلمة إنه يقصدك.. فيصل يعزك, ولو عشان سعود .. هو أقرب الناس بسعود.. ويوم مات حلف إنه يخلفه... وش لون يشمت فيكم كذا... لا.. لا... أكيد أنتي واهمه..يا لله قومي غسلي...وروقي.. عذبة: لا تذبحينن أنتي الثانية!! قال يخلف سعود قال... آآآآآآآآآآآآه وينك ياسعود... وينك... سعود من بعدك ضاقت الدنيا.... سعـــــــــــــود قلبي قلبي من بعدك ماذاق السعد... سعــــــــود... أحتاجك ...ليتك ترجع ياخوي ليتك... رحت مع ريحة الجنة أمي فرح هالدنيا كلــــــــــه يمـــــــــــــــــــــــــــه أبيك الحين أبي أدس خسمي بصدرتس أشم ريحتس وتمسحين دمعي بيدتس يمــــــــــــــــــــــــــــــــــــــــــــــــ ـــه تركتي عذبة لعذاب ما تطيقه يمــــــــــــــــــــــــــــــــــــــــــــــــ ــــــــــــــــــه تكفين لا تخلينن لحالي..لا.. رجيتس يا أم سعود تعــــــــــــــــــــــــــالــــــــــــــــــــ ــــــــــي محــــــــــــــــتاجتــــــــــــــــــــــــــــ ـس محتــــــــــــــاجتـــــــــــــــــــس محتـــــــــاجتــــــــتس والله محتاجتس _وانكبت عذبة على الأرض تبكي حزن يمزق القلب, وشوقاً يغتال النفس_ ******* "في حديقة المنزل" كاميليا وآسني وأليس يعددن عدة الشواء, ويصففن الكراسي والطاولات, البنات نجود ونورة , ونواعم, وليلى ونجلاء يجلسن على حد السور الحجري المحيط بالحديقة تصرخ نجلاء: هيه أنتي ... مانبي كراسي!! وشهوله؟ حنا عجز!!! بس إفرشن زل وحطن القهوة والشاهي والشوي عذبوه هي اللي بتشوي... حطن كل شي وروحن ... مشكورات!! ليلى: ياربي... أنتي ماتعرفين تصيرين ذوق؟ بس "هيه أنتي"... قولي لو سمحتي.. كاميليا خلاص ياقلبي لا تدخلين الكراسي.. نبغاهم.. نجلاء: خير؟... خير؟.... خير؟ المسألة عناد.. أقول دخلوهن بس!!! ما عليكن منها.. ليلى: أقول يالصعيدية ما عليك خليك بمضاراباتك... و لا تتدخلين بشغل الكبار... نجلاء: أقول إنطمي بس... والنعم.. لي الفخر إني صعيدية!!! ما دامهن يدافعن عن أنفسهن... نعم الحريم... أقول دخلن الكراسي ... يعني دخلن الكراسي... ولا وش رايكم بنات؟ نورة: إلا والله فله ... مانبي كراسي .. وع ما حبهن تقل إمتدودله.. دخلوهن وخنصير ناس! ليلى: وي!! يعني نصير جن إذا جلسنا عليهم.. وبعدين بس البزارين هم اللي مايبغونهم.. نورة: بزر يفقش وجهتس!!! عليهم ؟ هن كراسي مؤنث!! تصير عليهن... شكلتس تبين دروس بالقواعد... نجود: خلاص الحين تجي عذبة وأفنان ونقرر... بس تكفون ترا اللي فينا من روعة مكفينا, بعد تجن تتهاوشن..!! نواعم: نجلاء... تصدقين ما توقعتك كذا قوية.. ياربيه شكلك يدنن وأنتي يالعصلاء تسدحينهم... والله ليتي مصورتك, تشوفين شكلك... إلا بسألك , التمارين والدورات من وين أخذتيها؟ وليش إخترتي الكاراتيه من كل هالرياضات؟ وأهلك مارفضوا؟والله كنت أحسبها هواية عابرة.. نجود:إي والله يا نجلاء تبين وسام شرف... والله خطيرة... أم سعود الله يرحمها شجعتك وأبو سعود الله يرده كذلك... بس أضنك أكثر شي متأثرة كثير بسعود؟ هو أخذ جوائز عالمية بالكارتية...صح؟ نجلاء_ تصمت برهه وترفع عينها نحو زواية قصية بالحديقة_: سعود... أمي ...أبوي... كلهم شجعون بس سعود كان يعشق هالرياضة... وأخذ فيها بطولات كثيرة من كان صغير.. بداية ببريطانيا كانوا عيال الجيران العرب دايم يجلدونن... وبالذات إذا جيت أروح لبيت خالتي أم وليد.. يحدونن البزارين ويستلمونن ضرب!! ودايم كنت أتعلق بعذبة وأفنان عشان يدافعون عن ولا أصيح عند سعود رحمن وسمح لي أروح معه للنادي , ثم إلتحقت بالنادي نفسه.. ويوم جيت هنا , أمي تضايقت من كلام الناس, وبالذات من جدتي وأمي "ريم" بس أبوي وسعود أصروا إني أكمل , مادام ما فيها خراب أخلاقي أو محظور ديني, وأبوي راح يسأل عن أفضل نادي بالرياض يعلم بنات وما لقى نادي يطابق اللي بباله.. فراح وتعاقد مع زوجة موظف يشتغل بالشركة "كوري" كانت تشتغل مدربة كاراتيه بديرتها, وخلاها تجي البيت تدربني , وكنت كلما نسافر بالصيف لبرا ألتحق بدورات, بس بعد ما راح أبوي لقيت نادي زين, وإنضميت له, وأخذت الأسود دان شودان... قريب قبل سته شهور تقريباً.. _ثم صمتت, وابتسمت وبلعت غصتها واكملت_: يومها أمي بكت وقالت لي" يا نجلاء... الحمد لله اللي مكنك من هدفك... والله الدنيا ماتاسعن من الفرحة," وبعدين صاحت وقالت " ليت أبوك موجود يفرح بك...بس شرفي أبوك ... لا أوصيك" وضمتن بقوة... حتى حسيت إني أبدخل بضلوعها...حتى ريحة العود صبغت عباتي..وحبتن على راسي... ثم قالت" الله يا نجلاء الحين ربي عطاك القوة... لا أوصيك لا تردين مساعدة من يحتاج ... ولا تشكين من أحد... لا تسكتين عن حقك ولا تغلطين على أحد... صيري زي سعود عمره ما أذى أحد" _نظرت لنورة وابتسمت قائلة: اليوم أنا وياك سوينا وصيت أمي.. دافعنا عن عذبة ... صح؟ نورة: آآآآآآآآآآآآآآى.. حرام عليك قطعتي قلبي يكفي ... _ وتبكي بشدة_ ثم إلتفت إلى نجود قائلة: نجود!! هناك _ وأشارت للزاوية التي كانت تنظر لها_ سعود كان يقصص الشجر... جيت وقلت له.. ونط وقعد يضحك بقوة... ويقولي" قايل أنا.. نجلوه مب سهله... الحين صرتي ند لي .. أقدر أضاربك...بس لا تفكرين إنك بتغلبيني..." قلت له خير أنت فيك قوة عظمى اللي خلقك خلقن..وضربته بقوة, _وتبتسم_ ما توقع إني بسويها وطاح على الأرض ضحك بقوة وقال لي" إخس والله ... أقول لا تحطين راسك من راسي... يابنت" وقعد يضاربن.. بس كان رحوم ... أعرف إنه أقوى من.. بس كان يسوي نفسه أضعف.. عشان يشجعن... ياحبيله.. رحوم.. وحنون... كان أخوي وصديقي.. ولمن يروح للعيال بالخيمة يسمح لي أجي معه.. وياويل أحد يقوللي شي.. ياربيه حتى الآن ما صدقت إنه مات... كل يوم أحس إنه بيدخل علي ولا أسمعه يناديني... كل يوم أروح لغرفته.. أطق الباب ثلاث طقات ودي أسمع صوت ... أي صوت!! ميخالف.. لو يقولي إنقلعي ياللزقة بذاكر... بس ودي أسمع صوته.. أمس رحت لسيارته.. ونطيت عليها... تمنيت لو يجي ويلحطن بالعقال.. مع إنوه ما يسويه... بس تمنيت يجي ويسوي لي أي شي... حتى لامن طلعت من المدرسة.. أنز .. زوله يشبه زول أخو صديقتي.. أقوله تكفين لا يجي أخوك .. خلي السواق يجي ياخذك إرحمين من فرحة يتيمة, تفتح الحزن بقلبي من جديد... ليلى_وهي تبكي_: خلاص كفايه... ما أقدر أتحمل....كفاية فتح جروح... نجلاء_ نظرت حولها وإذ بالجميع يبكون_فقالت: آسفة ... بس... حاسة إني مخنوقة... وقلت بفضفض... والله مو قصدي أصيحكم وأحزنكم... بيــــــــــــــب... بيــــــــــــــــــــــــب.. سيارة أبو ماجد تدخل من البوابة ويتقافزن البنات.. هربا حتى لا يراهن زهير, سائق أبوماجد... ينزل أبو ماجد من السيارة, دخل ولم يلتفت للبنات وهن يضحكن بقوة, يتجه مباشرة نحو مكتبه, تأتي كاميليا لتحمل الحقيبة اليدوية.. أبو ماجد: كاميليا ...نادي عذبة... قولي تجين بسرعة.. كاميليا: إن شاء الله .. أجيب عشاء الحين.. أبو ماجد: لا.. بس نادي عذبة بسرعة بلا قرق... _يدخل مكتبه ويغلق الباب, تلتفت نجلاء نحو ليلى وتقول_: ياربي تستر ... شكل أم العنزين جاية اليوم... نواعم: مين أم العنزين هذي؟ نورة: هع يا الكمخة... يعني النفس خضرا... نواعم: خضراء.. تكلموا عربي يا ناس... نجود: يعني معصب ... تبين دكشنري أنتي... ليلى: وش عرفها !! عليكم مصطلحات ... بجد حنا يالقصمان يبليلنا إكسفورد خاص... وأنا القصيمية أباً عن جد ما أفهم!!! نجود: أنتي الحين قصيمية أباً عن جد؟ إلا خكرية... حطي بالك للكلام وتفهمين ... بس أنتي مسويه يااااااااااي... وش حيتنا كلنا نفهم وأنتي لا؟ واضح الكلام من السياق... نواعم: جت تتفلسف ذي!!! _نجلاء تنظر للدرج لعذبة وهي تنزل , رأت في عينيها قلق ورهبة, لحقت بها, وأمسكت بكتفها, وحين إلتفتت لها عذبة إبتسمت نجلاء وهمست_: يا الله صيري قوية.. الله معك!!! _ابتسمت عذبة وغمزت قائلة_: ولو ..أختي نجلاء.. نورة: وش فيه عمي متفتفه معه؟ أسلم عليه ما يرد علي... نجود: الله يكون بعونه... ******* "في مكتب الجد" الجد يجلس على الكرسي ويسند رأسه على الطاولة,ويضرب بيده على المكتب , دخلت عذبة, وابتسمت قائلة: السلام على أحلى جد... رفع رأسه وابتسم: هلا والله بعذبتي ... وعليكم السلام والرحمة.. تعالي يا بنيتي .. جيبي هالكرسي واجلسي بذيـّا بجنبي.. _عذبة وهي تضع الكرسي بجانب جدها وتجلس_:سم يبه..آمر؟ الجد: مايامر عليتس عدو أضنتس عارفتن ليش مناديتس؟ _عذبة يتغير لون وجهها وتشيح به عن جدها حتى لا يرى دموعها وتتكسر العبرات بشفتيها_ الجد: طلقتس مشاري!! صح؟ عذبة_وهي تمسح دمعتها_: من قالك يبه؟ الجد: اليوم جان أبو عبد العزيز وأم عبدالله بالمزرعة وقالوا لي... بس قالوا إنتس ماعندتس خلاف , وما مثلتس!! صدز ماهمتس؟ _تصمت عذبة_ يكمل الجد: أدري يا بنتي ... أنا أبوتس وأحس بتس ..أدري إنتس تبينوه.. وأدري إنتس فاجأتس بالطلاق مرتن وحدة.. _تنكب عذبة بحجر جدها وتبكي, يضمها جدها لصدرة ويمسح على شعرها وينفث عليها بعض الآيات ليهدئها_ عذبة _وهي تبكي_:يبه..تكفى لاتقولي زيهم... لو إنتس موافقة على فيصل أحسن... تكفى يبه...تكفى...ترا خلاص ماعاد بي حيل على الشماته... الجد: هـــــَــــوّ !!!!! أحد يشمت ببنته... لا تقولين كذا... اللي يحب ما يشمت... واللي يعشق ما يغدر.... عذبة: لا ... كلهم يحبونن وكلهم شمتوا بي... ومشاري عشقن وغدر بي... يبــــــــــــــــــــــــه لاتهك علي... الجد: لا يا بنيتي...لا تقولين شمتوا ... يمكن إنهم تضايقوا بس حنا كذا ما نعرف نعبر عن قصدنا زين... حنا يمكن ما عندنا لواقة بس قلوبنا بيضاء و ما يمكن تشمت... و لا تغدر.. _نظرت عذبة لجدها وهمست بصوت مبحوح_: طيب ... ليـــــــــــــه مشاري سوا كذا؟ أكيد فيه شيء... صح مشاري ما يغدر بي يبه...صح؟ الجد:أنا يا بنيتي اليوم كلمت مشاري... عذبة_تمسك بيديه وتهمس_: يبه وش قالك؟ قالك إنه غلط وبيرجعن... إنه ندم .. إنه بيجي اليوم... صح يبه...صح؟ _الجد صامت وأشاح بوجهه نحو النافذة_ عذبة: يبه وش فيه ... وش قالك تكفى قلي.. يبه! الجد: يقولي" تخلي فيصل ينفعها!! و قالي اللي بيننا منتهي... وأنا رحمتها من كلام الناس عشان خالتي وقلت إهي اللي طالبه الطلاق... و لاتفكر لا أنت ولا بنتك تتصلون علي" وغلط بالكلام... _و أجهش الجد بالبكاء_قائلاً: والله يا بنيتي أنا عمري ما ذليت نفسي إلا نوبتين... يوم أترجى جدتس ترجع لي وتسامحن... واليوم وأنا أحاول أفهم من مشاري وأهدّيه.. والله يا بنتي أحس هذي حوبتي بجدّتس يوم إني أطيع أخوي وأخليه... _نظرت عذبة لجدها غير مصدقة لما يقول...وعجزت عن الكلام, أسندت رأسها بحجر جدها وبكت بحرقة_ الجد: يا بنتي مصيروه راجعن لتس... ترا الحين أحد لاعبن براسـُه وقولي ما قالي أبوي ناصر... يا بنتي إذا هو يحبتس وباغيتس يبي يرجع لتس... ويعتذر منتس وبيتندم... أنا يا بنيتي أعرف بالرجال .. الواحد ما يترك وليفته إلا من شي(ن) ضاهدوه غصب... لا تكرهينه وتلمـّسي لوه العذر تراي يوم كنت بمكانــُه وأحس بالي يحس بوه نظرت عذبة نحو جدها وهمست: متى ؟ الجد: مادري؟ اصبري ... ومن صبر ظفر.. يوم أترك جدتس تركته وهي أم شابة ... ببيت أخوانه و حمايل تتطحن... فقر وحالتن ما يعلم به إلا الله وصبرت وصارت أحسن منْ.. أخذت شاب صغير... وعيلت... وهي الحين أحس منْ... أنا يوم تركت أمتس عذبة كانت محتاجتن لي... لكن الحين أنتي منتب محتاجتن مشاري... أنتي صغيرة وما معتس عيل... يا بنتي منب مخلن عليتس قاصر... كل فلوسي وعقاراتي وشركات وأملاكن بالداخل والخارج تحت يدتس... أنتي الكل بالكل...وأنا ما جمعت هالحلال إلا أبيه يعزكن ويرفعكن عن المذلة... عذبة: يبه ما بي فلوس ولا حلال... ما بي شركات ولا عقارات أبي أعيش ببيت من طين آكل يوم وأجوع يوم بس أكون مع مشاري.... ما بي شي بهالدنيا بس أبي مشاري... والله ما حبيت غيره لا فيصل ولا غيره يبه...ليش سوا بي كذا ليـــــــــــــــه؟ والله أحبه وما أحب فيصل... قله يبه واحلف لـُه.. يبــــــــــــــــــــه تكفى شف لي حل.. _أشاح الجد بوجهه وذرفت دمعة ملتهبه_ وهمس: بتنسينــــُه يا بنيتي ... بس هو اللي بيندم عدد شعر راسه والحل يا بنتي الصبر... خلاص صار اللي صار... ووالله لوما غلاتس عندي ما كلمت عليه وتحملت أسمع شتايمه... مير يا بنتي هو الخسران... أنتي معززة مكرمة ببيت أبوتس ... ولا أنتي بمحتاجتن لـــــــُـه وهو اللي بتحرق الندامة قلبـــُه ... |
الفصل الخامس "في غرفة نجود" تقلب نجود أوراقها بتضجر, تفتح الدروج بعصبية, ثم تصرخ: ياربيه... وين الملزمة؟؟هذا وقته..!! _تربت أم عبد العزيز على كتف نجود_وتقول: وش أخبار نجيدتي؟ نجود: بخير يمة.. بس مالقيت ملزمتي حقت الداتا بيس.. شفتيها يمه؟ أم عبد العزيز: خلينا من هالخرابيط .. أنا جيت بسألتس.. فكرتي باللي قلت لتس؟ موافقة..أقولهم يكلمون الرجال.. نجود: يـــــــــوه يمــــــــــــــه ..أنا قلت كم مرة ... مابي.. مابي خلاص الموضوع أبيه يتسكر.. أم عبد العزيز: وشلون يعني الرجال ينشرا.. لا تفوتين عليتس الفرصة.. ماتدرين يجيتس زيوه ولا لا..!! نجود: مابي أعرس الحين...دراستي صعبة ماقدر.. أم عبد العزيز: إذا بلاتس دراستس أقولهم ينتظرون ... نجود: لا..ماقدر أشيل هم عرس ثلاث سنين وهم دراسة بعد!! أم عبد العزيز: ليه أجل كنت موافقة على سعود وما قلتي هم ولا غيره.. _تنتفض نجود وتعض على شفتيها_ أم عبد العزيز: يا بنيتي ترا سعود مات .. الله يرحمه وين تدفنين نفستس عشان واحد بقبره نجود: يمـــــــــــــــــــــــــه واللي يرحم والديك خلاص... سعود مات بس ما مات بقلبي.. ما قدر أنساه... أم عبد العزيز: فكري بالموضوع زين الرجال ماعليه كلام.. وهذي فرصة من ذهب يمكن ماتحصل مرتن ثانيه.. وسعود الله يرحمه مااااااااااااااااااااااااااااااات مااااااااااااااااااااااااااااااااااااااااااااااااا ااااااااااااااااااااااات افهمي هالكلمه وش تعني.. _وخرجت أم عبد العزيز غاضبة وأغلقت الباب خلفها بقوة, فتحت نجود الدرج وأخرجت سلسال ذهبي تتدى منه ألماسة براقه على شكل دمعة, نظرت إليها وشهقت , ثم ضمتها وبكت بحرقة وهي تقول_: سعود ... والله تمنيت تشوف هديتك علي.. عمري والله ما بنساك... الله يرحمك ويجمعني بك بالجنة... بس والله يا عمري ماراح ألبسه لأحد غيرك...والله... _ نورة تفتح الباب بعنف وتدخل_ نورة: نجيدة ليش غايبة الــــــــــ... نجود ليش تصيحين؟ إيه عشان أمي تبي تدبستس بالخاطب الجديد.. تصدقين شفناو أنا ونجلاء يوم يجيب أمه ذاك اليوم... والله وسيم.. لا تصيرين كمخة وتعيين تراو مزيون.. نجيدة ... عاد بلا دلع... إذا ما تبينه أنا بآخذه.. نجود: بالله يانوير فكين منوه مابيه... نورة: يا غبيه حلو.. طويل ورزه ..صح مب أبيض بس السمار حاليه حلو مرة... وش حلات سكسوكته...هع نجود: أحسن من سعود عاد؟ نورة: أممممممممممم تبين الجد ولا صديقه هههههه أعرف أنكت؟؟ سعود جسم رياضي وفاتح ومملوح وحليل ومدرهم ..بس مات!! نجود: أقول إنقلعي عن وجهي .. يالله إذلفي... نورة: لا خلاص العب عليتس ما مات ..هذاو تحت يسولف مع مجيد... نجود: إنقلعي لا أفلقتس بالدباسة.. نورة_وهي خارجة_: الحين قلنا مات زعلت وقلنا حي زعلت وش نسوي له...؟ ثم تقف وتلتفت على نجود_ :أما اليوم فاتس نجلاء سلخت بدوروه الماصلة... تحاول تسوي نفسه فاهمه عند الأبلا.. تقول... ثم تمسك الباب وتصرخ بغضب_أوريتس يا نجودوه أنا الغلطانه اللي أسولف عليتس..!! متبلده هالبنت ... رحم ربي سعود اللي مات ولا عاش معتس.. ************ الساعة السادسة صباحاً في صالة بيت ناصر"الجد" البنات يجلسن على المائدة, كاميليا تصب الشاي, وتعد الشطائر.. كاميليا: عذبة.. تبغي ساندوتش جبن ولا زعتر..كروسان تبغي.. عذبة: توست جبن سايل.. رشي عليه شوي زعتر ليلى: وع.. عليك ذوق.. عذبة: أنا اللي باكله ولا أنتي...!! نجلاء: مو مشكلة الذوق.. بس حرام السايل!! تذكرين ماكنا نلقاو عندهم..ولا بدولة أوربية يبيعونه.. قاعدين يكبون عليكم زبايلهم..يختي كولي شي صحي ليلى: يعني تبغينها تاكل زيك ... الحمد لله قرف.. ولا أحد ياكل سلطة وبيض على الصبح.. نجلاء: أقول يازينتس ساكته..من زين أكلتس برجر ولا بطاطس مقلي ..قمة الخربطة الصحية شوفي نشاطي ونشاطك ... أنتي تقل عجوز بس تسدحين وما تقوين تشيلين القرطاسه من الأرض.. ليلى: أقول مو زيك يالعربجية... بس ياااااااع يووووووووع طق وطقاق وقال إيش نشاط.. نجلاء: لو سمحتي لاتقولين عن عربجية يا تريلة.. _تصرخ عذبة_: خلالالالالالالالالالالاص .. كل صبح ضرب وضريب.. وش ذا ... نجلاء.. باكل جبن حامض عشان ماتزعلين ليلى.. خلي العالم بحاله..بس تدورين شي تطنزين عليه.. ما عليك كلامها صحيح.. ليلى: بسم الله..إلا بتروحين يا عذبة للجامعة اليوم؟ عذبة: يعني وش مقومن وأنا ما نمت إلا الفجر..؟ إيه بروح.. نجلاء: وش دريها إنتس مانمتي !! ماتطلع من صومعتها ..24 ساعة على اللاب توب.. ترا كثرة الجلسة عليه مو صحية.. ليلى _بسخرية_: صدق والله؟ عذبة.. شلون قبلوا الجامعة ترجعين؟ أدري بتقولين صباح الخير.. بس من زمان بسألك وأنسى .. ولا من شفتك وذكرت تصيرين مع جدو.. تشخبطين أنتي وياه وتحسبون .. عذبة: لا.. اللاب توب مسوي عمايل.. كم لي راجعة أدرس؟ ثلاثة شهور!! بس يالله .. بآخذك على قد عقلك.. دخلت على الوكيلة حقت القسم وشرحت لها ظروفي وقلت لها إني ما بفوت فرصتي.. وحرام أخلي الترم يفوتني بكمل دراستي مع دفعتي.. ليلى_وهي تمضغ الكروسان_: أمممم وافقت؟ نجلاء: لا عيت وهي الحين تدرس غصبن على فرق خشم الوكيلة عشان ليلى أختها محد يقدر عليها!! ليلى: يوو أنتي عليك ثقالة دم.. مدري على مين طالعة؟ كملي عذبة..ماعليك منها.. عذبة_تضحك_: وأنتم لازم خناق كل صبح؟ ليلى: أنا اليوم اللي ما أتخانق فيه مع نجلوة أحس إنه غلط.. عسولة مع إنها ثقيلة دم!! نجلاء: ماعليك زود... عذبة: عوداً على ذي بدء..الله يجزاها خير تفهمت موقفي مرة وتابعت الموضوع بنفسها وبعد قالت لي.. أشجع فيك طموحك وحرصك.. تصدقين عاد ما توقعتها كذا مرررة حبوبه.. وطلعت معي ووصلتني حد الموظفة المعنية وأكدت على سرعة نزول جدولي.. نجلاء: شكلك قاعدة تقرين الأخبار ... أجل أكدت على سرعة نزول جدولك... ههههه عذبة: كملي السلطة يا شاطرة ...أكملك ليلو.. ويومين.. وهي داقتن علي بنفسها وتقولي تعالي داومي جدولك نزل.. ليلى: يا قلبي عليها.. تستاهل والله منصبها .. وع مو مثل وكيلتنا الغثة اللي ما نشوفها إلا بالتكريم .. هذا اللي فالحة فيه.. نجلاء: وأنتي كد طلبتي منها شي وعيت؟ ليلى: لا نجلاء: كد دخلتي عليها وطردتك؟ ليلى: لا نجلاء: كد إحتجتوا شي ولا نقصكم شي وماعطتكم وجه؟ ليلى: لا عذبة: أجل حرام تحكمين على الحرمة.. نجلاء: يختي السعودية لحمك لحمك إن ما حبك رحمك الحين حنا المدرسة السعودية تختلف عن غيرها إلا ما ندر حبوبة وتخاف على مصلحتك ولو كانت غثة شوي.. تعذرينها.. ليلى: يووووووووه ذكرت أبلا حصة الله يذكرها بالخير.. دايم تخانقنا لامن سوينا شي غلط.. بس والله ولا أحد يزعل منها يبين إنها تبي مصلحتنا.. عذبة: الله يخليهن بنات الوطن مافيه زيهن.. ليلى: ودايم كاشخات على سنقة عشرة.. نجلاء: وأنا بناظر لبسهن.. كشختهن لهن بس المهم حبوبات ومخلصات!! عذبة: الله على الوطنية!! بس نجلاء تراتس تأخرتي..روحي .. نجلاء: ليتي بالجامعة .. وجع دوامكم ثمان!! ودي أقعد وأسولف معكن... مرررررررر يمركن مير..!! _تنهض نجلاء بخفة وتذهب للبس عباءتها_ كاميليا روحي معها وصليها حد المدرسة كاميليا: بس هي تبغي تنزل بعيد عشان تمشي كثير.. عذبة: لا .. بتمشي وش كبر الحديقة تمترها طول بعرض.. بس تنزل عند باب المتوسطة.. كاميليا: خلاص مافي مشكلة أقول لنجلاء.. عذبة: الله يجزاك خير.. أصيلة والله .. ليلى: ههههه .. اللي يسمعك يقول كاميليا ملفي خلف ... عذبة: يا حبيبتي الله من أبو واحد ولد أكبر العوايل.. ولا يوفي ولا يعترف بالأصول.. هذي من يوم أمي حامل بنا أنا وسعود وهي عندنا.. عمر أمي ما شكت منها.. عاشت مع أمي مر الحياة وحلوها.. وحتى يوم توفى جدي لأمي وقفت معها بالعزاء وأجلت زيارتها لبنتها.. ويوم ماتوا أمي وسعود.. ما تقولين إلا وحده من أهل البيت.. تذكرينها وقفت معكم قبل لآجي.. دخلت معك المستشفى.. ونامت جنبك زيها زي أمك.. والحين قايمه بالبيت كله تدير الخدم وتنتبه لناصر ما تقولين إلا أم رحوم.. وتهتم لجدي مثل ما كانت أمي تسوي.. ليلى_ بحزن_: عذبة خلاص.. لا تذكريني ذيك الأيام.. عمري ما تخيلت دنياي بلا أمي الله يرحمها ويرحم سعود أه بس على ذيك الأيام _وتنهض لتغير ملابسها وتستعد للجامعة_ ********* الساعة السابعة في منزل المرحوم أبو عبد الله" عبد المجيد ونجود وفيصل يتناولون طعام الإفطار عبد المجيد: فيصل.. الحين أنت ليش تقوم قبل أبوي؟ فيصل: أحب أروح بدري.. وبعدين شغلتي تختلف شوي عن شغلة أبوك نجود: هـَـوْ!! الحين أنت مب تشتغل مع أبوي بالشركة؟ فيصل: إيه بس أنا غالبا أمسك الشغل المشترك اللي مع عمي.. وهذا يبي من مزاج صافي عشان أتخانق كل يوم مع عمي الله يهديه عبد المجيد: وش حادك يا خي.. خل الجمل بما حمل.. وكمل دراستك.. نجود: وليه عمي يخانقك.. عمي هادي مرة.. فيصل: هادي بس بالشغل حار ويبي كلش تمام.. ولامن قلت هذا فيه غلط ولا أبديت رايي.. قال أنت زي أبوك .. أنت الفاهم وحنا الدبش .. ويالله سنة على بين ما يفهم وجة نظري.. عبد المجيد: طيب لامن فهمك وجهة نظرك على ما قلت.. يسكت؟ فيصل: إيه يسكت ويسوي اللي أبيه بس موال يومي لازم أسمعوه.. ودايم ما يلقى الا أنا يحط حرته من أبوي الله يرحمه فيه.. عبد المجيد: يا عمري عمي .. الطوفة الهبيطه بهالبيت.. حتى أخواني الصغار يحطون حرتهم فيك.. اليوم محمد يقول منب دارس وش حيت فيصلوه ما يدرس؟ نجود: عمي.. بسألك ليه عمي شايل بخاطره على جدي وش سوا فيه؟ أنا أعجز أفهمه ... يحبنا ويعطينا وصايرن أبونا بس مع كذا دايم يطلع منه كلام يدل على إنه مو طايق أخوه.. فيصل: كذا عمي حكة لسان ولا طيب..بعدين ما قلت لمحمدوه إني أقوم من فجر الله زيوه هو يقابل الأستاذ يشرح وأنا أقابل عمي يتحلطم.. عبد المجيد: لا .. ترا عمي ما يبيع بك ولا يشري.. يحبك وحتى يوم عذبة عيت تآخذك زعل مرة نجود: إيه هو من عادته ما يضايق بنات ماجد ولا يزعلهن.. بس بسالفة الخطبة مرة ضيق على عذبة عشانك.. يقول فيصل رجل يشد فيه الظهر... عبد المجيد: إيــــــــــــــه طلعت العلوم .. يالجحدة... وينتس يوم حنا نسألتس وتقولين عذبة ما تقولـّي شي؟ إلا كل علوم عذبة عندتس بس أنتي سكتم بكتم.. إيه صحيح فيصل.. متى بتخطب عذبة أظن خلصت عدتها ولا بتخلص فيصل_بتململ_: وبعدين معك أنت وأبوك؟ بكيفي متى ما بغيت خطبت اللي أنا أبي!! وإذا عذبة مضيقتن صدرك إخطبه أنت.. كبرك تراه.. من زينه يوم لفظة مشاري تبونن آخذه.. تخلي مشاريوه ينفعه.. نجود: خير عذبة طايحتن لك أنت وولد أخوك..!! خسارة أصلاً عليكم.. مجرمين.. فرحين عليها وهي بنت عمكم.. _وتنفجر باكيه_ عبد المجيد_يرشف الشاي يصوت مسموع_: أقول تقلعي يالدلوعة..فيصل يعني لو بتقدم له ما تزعل؟.. مب شينه تراه.. فيصل_بغضب ويسحب إصبعة على رقبته لتهديد عبدالمجيد وينهض_: إنقلع عاد الشرهه مب عليكم.. على اللي يفطر معكم.. بزران يأجسام هرشه!!! ***** "في غرفة عذبة" جلست عذبة على مكتبها, أمسكت الدفتر الخاص بوالدها, وكتبت له: أبي العزيز... عذراً ... لم أكتب لك كثيراً هذه الأيام.. لا أدري بماذا أعتذر ... ولكن كثيرة هي المرات التي احتجت أن أكتب لك.. فيمنعني شلال من الحزن ينساب من قلبي لم أشأ أن يفطر قلبك.. والدي العزيز... ثلاثة شهور مرت على طلاقي, وأربعة شهور على وفاة أمي وسعود, وخمسة أشهر وثلاثة عشر يوم على زواجي, أرئيت كيف تجتمع الفرحة والحزن, أربعة أشهر غريبة.. مرعبة فقدُ أحبة.. وتخلي آخرين.. أبي لا أعرف كيف أصف الثلاثة أشهر التي مرت أطول ما يكون لم تزل منها ليلة لم أبكي فيها , أصرخ أناديك, أشعر أنك قريب مني تشعر بي , الكل يراهن على وفاتك... عداي أراهن على عودتك.. حتى جدي تغير, وإعذرني إن أخبرتك كيف... أشعر أنه يأس من عودتك... تخيل.. كتب كل أسهم شركته باسمي.. وقسم أملاكه بيننا ... أنا وناصر وليلى .. وكتب بعض العقارات باسم نجلاء... حتى جدتي لم ينساها..أوقف لها بعض العقارات وكتب الدور الذي يملكه بجانب الحرم المكي باسمها.. وأوقف لأمي وسعود ولك وله الكثير ليله البارح قال لي كلام أفجعني .. غير أفكاري تماماً.. قال لي " يابنتي لا تظنين كل من ضحك بوجهتس صديق.. أنا كتبت هالحلال باسمتس أخاف ياخذونه عيال أخوي.. ترا الفلوس تنسي الأهل المودة والقرابة ... يا بنتي حلالي كله تحت يدتس.. بس تراه مب لتس لحالتس.. لا تسلمينه إلا بيد ولدي إن الله رده ولا بيد ناصر لامن كبر... والله يعينتس على الشقاء.. أخاف أموت ويروح حلالي ..عشان كذا أنا حطيته باسمتس عشان محدن ينازعتس بوه... وعشمي بتس إنتس لبوه ولا حدن قادرن عليتس" أشعرني حديثه أنني أعيش بغابة.. يأكل الضعيف القوي.. ليلة البارح لم أنم..أحسست بخوف بالغ وقلق.. شعرت بحاجتي إليك.. أحسست بعدم الأمان والرهبة... إحتجت أن أدس رأسي بحضنك وأنام بلا خوف كما كنت أفعل بصغري... والدي الحنون.. مشاري لم يتصل... أو يعتذر .. أشعر أن في طلاقي تدبير من حاقد ولكني لا أعلم الكيفيه.. ولكن اليوم الصباح اتصلت منى بنت خالتي وقالت ستأتي لزيارتنا.. شعرت بفرحة عارمة ,لدي شعور قوي يخبرني أنها ستخطبني لمشاري مجدداً.. رغم أنها كانت متضايقة من زواجي بأخيها, ولكن تظل ابنه خالتي وتحس بي.. والدي العزيز أنتظر عودتك...كل صباح ومساء.. ********* ................................................ "في سيارة عبد المجيد" عبد المجيد: نورة!!!!! قالوا لك سواق تعالي قدام وجع... نورة: معليش أنت سواقتك الله بالخيرمابي ييبس الدم بعروقي وأنا ما وصلت... عبد المجيد: وجع الشرهه على اللي جاين لمتس!! بس وش أسوي لامن الله بلان بأخت علـّة...نصبر كم نوير عندنا؟ أصبر وأمري على الله نورة: وش صايرن لك اليوم ... وديع؟؟؟ بالعادة _وتقلد صوت عبد المجيد_ "هين أوريتس يالقردة إن ما ما محطت العقال على ظهرتس ما صير مجيد" نجلاء: الله ياخذ شيطانتس يانوير... لالالا مايمدين .. تدرين إن لتس مستقبل زاهر بالتقليد... مجيــــد وش عندك اليوم جاي؟ وش بوه أبو ياسين ومراد وراهم ماجو؟ عبد المجيد:ليـــــه ماترحبون بجيتي؟ هذا وأنا تاركن شغلي وجاين لمكن!! نجلاء: لا والله مو قصدي .. وش دعوا _وتلتفت على النافذة وتفتحها ثم تصرخ_ هيـــــــــــه أنتي يا قدور أحسن تعالي إركبي قدام تراو فاضي مابوه أحد.. غطي وجهتس يا بدوروه يا الماصلة لاأغطيه لتس ببقس... ناس قليلة أدب وماتستحي..!! نورة: خليه تذلف بنت ما تربت كل ما يجي مجيد تطير عيونه بوه... تقل أول مرة تشوف شاب وسيم طالعن على أخته!! _وتلتفت على عبد المجيد_ والحين أنت وخشك لامن جيت ليش تكشخ؟ تبي البنات يناظرونك.. أدري عشان كذا أنت تجي.. _ عبدالمجيد يوقف السيارة ويترك المقود ويلتفت على نورة بكامل جسدة محاولا الوصول لها لضربها فيما إحتمت هي بنجلاء وأخذت تصرخ_ عبدالمجيد: أنا أجي عشان البنات يا الحمارة!!! أوريتس الشغل زين الحين .. نجلاء: تكفى مجيد واللي يرحم والديك مو قدام البنات لا تفشلنا ..تكفى مجيد عشاني!! _وأمسكت بيديه بقوة محاولة إبعاده عن نورة, نظر عبدالمجيد إليها وهي تمسك بيديه وتبسم, ثم أرخى يديه بين يديها_ وقال: طيب.. تآمريـــــــــــــــــن أمر.. _إنتفضت نجلاء ونظرت ليديه فدفعتهما بقوة وأبعدت رأسها عنه, عاد عبدالمجيد لمقعده وهو يتبسم, وأخذ ينظر للمرآة ويعدل من وضع شماغة, فيما ظلت نجلاء صامتة وتفرك يديها_ نورة: والله ترا بقول لأبوي عبد المجيد _بذعر_: وش بتقولين لوه ؟؟؟؟ نورة: أقوله يتوطى ببطنك لو تضربن... لا عمرك تجيبنا مانبيك... خذ محاضرات مسائية وفكنا من شرّك.. شف سعود وهوأقوى منك ماعمره ضرب نجلاء.. ليتك أنت الميت وهو الحي.. عبدالمجيد_يتنهد_: الله يرحمة بس أنتي صيري زي نجلاء وأصير زي سعود نورة حبيبتي فكري بالكلام اللي قلتيه وصدقين لو قالته نجلاء لسعود كان موّته.. نجلاء: سعود هادي ولا يضرب...سعود مؤدب... عبدالمجيد: وش قصدك؟ يعني أنا قليل أدب!!! نجلاء: لا ... بس سعود كان مؤدب.. تنكر؟ عبدالمجيد: لا .. بس كنتس تقصدين شي... نجلاء:...... لا..بس سعود .......غير... نورة:الله يرحمة .. حسافة مات...وحسافة بعد خالتي فرح وعمي ماجد..ماتوا!! نجلاء: وجع أبوي ما مات .. عبدالمجيد: إي والله سعود غير..بنات تبون شي بارد بنزل للبقالة ؟ نورة: إيه أبي ببسي وشبس كاتشب, وعسكريم مص اللي بالتوت,و وش بعد.... عبدالمجيد: بس يكفي لو بنتظرك كان فضيت البقالة...ويلتفت على نجلاء ويبتسم_ نجلاء وش تبين؟ نجلاء: ولا شي... نورة: بدينا بشغل الحياء.. أقول إخلصي ولا مجيد تدري جب له حليب بارد طازج هذاك اللي يشربه أبوي الصبح.. *********** "في حديقة بيت الجد" عذبة تدور بين الأزهار, تتأمل الحديقة الفسيحة المزدانة بأجمل أنواع الزهور والأشجار, إنحنت وقطفت جورية حمراء وإتكأت على نخلة باسقة, وأخذت تتأمل الجورية, وتتلمس أوراقها الحمراء الفاتنة, تنتشي رائحتها, وتتسجلب الذكريات معها, في هذه الأثناء دخلت نجلاء من خلال الباب الذي يربط فناء القصر بقصر عمهم وأبناءه,بعد أن أوصلها عبدالمجيد, نجلاء رأت عذبة تحت ظل االنخلة, فتسللت بهدوء نحوها, وحين قدمت وجدت عذبة تقطع أوراق الجورية التي بيدها وهي تغني: قولي لي ياورده إذا يحبي... ما يحبني لو أقطع حبه حبه .. وإن قلتي لي ما يحبني, قولي لي وش أسوي, وأنا اللي موت أحبه .. يا ليته يدري بي كم قلبي بحبه يعتذب متى يدري .. قولي له لو يدري عن قلبي أنا أشهد بأنه بيحبني ويعرف قدري .. حيرني أقوله ,, ما أقوله عن شوووقي وإحساسي وحرررت ناري .. أو أسكت و أخبي, وما أطري لأي حد أبي أتحمل وأداري... نجلاء سحبت وردة بيضاء صغيرة وأخذت تكمل: قولي لي ياورده إذا هي تحبي أوما تحبني لو أقطع حبه حبه .. وإن قلتي لي ما تحبني, قولي لي وش أسوي, وأنا اللي موت أحبه .. يا ليتها تدري بي كم قلبي يحبها تعبتني متى تدري .. عذبة: بسم الله ... من متى وأنتي هنا؟ نجلاء: من أول الوردة...؟_وتضحك _ عذبة: الله يخس بليسك.. إلا من هي اللي تحبك؟ بدور؟؟ نجلاء: وععععععععععععععععععععععععع أنت يا كمخة.. ولا ماتفهمين حركات العيون... عذبة: يعني أنتي ما تدرين إن كاني أحبتس ولا لا؟ نجلاء: إلا أدري بس بتأكد إذا أنتي تحبيني أكثر من مشاري ولا لا؟ عذبة: أها الحين عرفت أنتي ليه تكرهين مشاري.. تغارين؟ نجلاء: لا كذا أنا أكرهه لله في الله هو وأهله.. إلا أخته الصغيرة شمس وولدهم ذاك أبو عمامه.. عذبة: الله ياخذ بليسك يا نجلوه إسمه راشد..مب أبو عمامة.. نجلاء: راشد!! يخسى.. راشد خالي وبس ... كل من ولد سمى راشد؟ إلا ما جاوبتين...تحبينن ولا تحبين مشاري أكثر؟ عذبة: الله لا يبين غلاك... انتي لك حب ومشاري له بعد حب.. نجلاء: أنتي تتهربين من الإجابة.. صح؟ عذبة_تتنهد_:لا أتهرب ولا شي... بس مشاري .... لا..أنتي أكيد أغلى.. أنتي أختي وروحي... ولو تساوم الدنيا كلها بتس ما تخليت عنتس..أنتي زيادة على إنتس أخت وبنت عمه ..أنتي وصية أمي..أمي ماتت وهي توصين عليتس.. والله لا مشاري ولا جدين مشاري يجي غلاتس.. نجلاء: يعني لو بيراجعتس مشاري .. بتتركينا؟ عذبة: مستحيل..إذا يبيني جد .. يجي هنا عندكم... وين أخليكم ..أنا مجنونة... نجلاء؟ نجلاء: نعم...ياروح نجلاء.. عذبة: ليش وجهتس أصفر .. أنتي تعبانه ولا مرتاعة.. وش بتس... لا تكونين خايفة إني أتخلى عنكم..؟ نجلاء: وشو!! أنا وو.. ووجهي أصفر.. عذبة: متخانقة أنتي وبدوروه مرتن ثانية؟ نجلاء: لا...بس....اليوم.... عذبة: اليوم وشو؟ نجلاء_تسحب نفساً عميقاً_: نورة تخانقت هي ومجيد..وضاق صدري عليهم.. عذبة: ياشيخة!! دوري يوم ما يتخانقون هالأثنين..عادي.. يالله عاد بلا دلع... فقع قلبي عليتس خفت أحد مضايقتس بشي!! نجلاء: طيب ولو أحد ضايقن وش بتسوين له؟ عذبة: شوفي يا نجلاء.. والله اللي يأذيك بكلمه وحدة لأنكد عليه عليه حياته كله.. فاهمه...أنتي نجلاء ولو... بس خلي أحد يضايقتس شوفي وش بسوي بوه.. _تضم نجلاء عذبة وبقوة وهي تقول_: عذبة..أنا أحبتس مووووووووووووووووت الله يخليتس لي يارب...الله يخليتس... ******* في منزل مها" مها تضع سفرة الغداء وفهد يعبث بجواله, ناصر يلحق مها ناصر: ماما وين الثكاكين أديبهن؟ مها: شف السكاكين أنا اللي أجيبهن.. هذولي خطر ياماما.. ناصر: نثيتي الفواكة..!! مها: شفهن على الدالوب حق المطبخ.. جبهن.. ناصر: أمرك ثيدي_ويضرب سلام وينطلق_ مها: فهد تعال قرب تغدا... وش تحتري؟ فهد: وين مساعد؟ مها:أخوك قال بينام ويبي غداو لامن قام.. فهد: ناصر.. جب لي ماء.. _ناصر يركض ويقف عند باب المطبخ ثم يضرب سلام وهو يقول_: أمرك ثيدي!! مها: حبيبي شف الماء جنبك!! فهد: أدري بس ودي يقول أمرك ثيدي.. تهبل بثمه.. مها: إي والله ياخف دموه.. لا لو تشوفه بالروضة تقل أرنب.. ما شاء الله عليه... خفيف يطير..والله أحيانا ما يخلين أكمل شغلي.. بس والله أقطع شغلي وقلبي راضـــــ...آآآآآآآآآآحيه _تشهق مها وتنتفض_ ناصر: آثف يمه .. والله ما كان قثدي... آآآآآآثف _ويركض لإحضار منديل_ فهد _يستلقي من الضحك_: والله رهيب ...حمّام منعش... مها: تعال ياعمري تغدى ... يا حبيلك انت وحمّامك..آآآآآآآآح بارد فهد: غريبة مازعلتي؟ مها: ليش أزعل حلاة هالدنيا حركات هالبزارين.. فهد: وعشان كذا أنا أقول حرام أظلمتس معي!! مها: فهد!!! رجعنا للموضوع... خلاص أنت وش دخلك أنا مابي عيال ... فهد: لاتبين بس أنت ماتبين تعترفين... أنا عشت معتس عشر سنين.. أفهمتس زين... ماتقدرين تهكين علي... مها: واللي يرحم والديك عدي اليوم على خير... والله مابي بهالدنيا إلا أني أكون معك... ناصر: وث بكم تهاوثون... ؟ ذعلتوا عثاني كبيت الماء..؟ مها: لا ياعمري .. حنا نسولف ما نتهاوش.. فهد: حبيبي لا تشيل هم ماما مها مخيسه من زمان ما سبحت.. عشان كذا فرحت يوم سبحته غصب.. صح مها..؟ مها: لا والله أنت اللي مخيس... والله توي سابحة شف هه شعري رابص... صح ناصر؟ ناصر: ثح هي ثبحت ... وأنا ثبحته عثانها مخيثة.. مها: شف عاد النكبة ... والله ما مخيس إلا هالراس وفهيد أبو براطم!! _فهد يضحك ويصفق بيديه_: أشوفك عايفتن أبو براطم... مها: وش أسوي أحبوه والحب عمى ولا أنت وش بك تنحب!! ناصر: بوه عيون وخثم وخثة وثنون وحليه وثارب..وعقال وثماع!! فهد: إلا والله أنا بي عيون وخثة.. بس أنت بعد بك عيون وخثة تغد يالله عشان نطلع العصر للملاهي.. *********** "في الخيمة في منزل المرحوم أبو عبد الله" فيصل وعبد المجيد وأبو عبد العزيز يحتسون القهوة, يندفع سعد بينهم ويصرخ: شفتوا عمكم وش سوا!! هذا كثر المصايب ضيعت عقلوه... أبو عبد العزيز: حي الله أخيي.. إقلط وتقهوا وقل اللي عندك بهداوه خلنا نفهم ... خير إن شاء الله وش سوا بعد؟ سعد: شي يقهر..ما تصدقون لو بقولكم.. تخيلوا كتب كل شي ... كل شي.. باسم عذبوه النقطة... ولا.. قسم الحلال بين أحفادوه ... حتى نجلاء بنت الناس.. معطيه العمارة اللي على شارع الملك عبدالله و فلتين.. وأرض على البحر , وخمس قطع أراضي كبيره بالقصيم..!!! ما يكفي آخذينه بنت مجرم.. ومربينه بين بناتنا ... ويعطيه بعد حلالنا...!! عبد المجيد: حرام تتكلم عن أبو البنت كذا.. وبعدين إذا كان أبوه زي ما تقول مجرم هي وش دخله المسيكينة..وبعدين من قالك حلالك .. الحلال حلال عمي.. وإحمد ربك تراه قاسمه بالنصف يوم يموت جدي والكل يعرف إن كل شي حصله بتعبه... يعني متكرم علينا.. فيصل: كلام مجيد عين العقل.. وش حارق رزك حلاله ويتصرف فيه.. وبعذره يوم سوا كذا .. توي أصدق إنه حكيم ويعرف بالرجال لاصرت طمع بحلالوه معوه حق يقسم حلاله دام ولده ما يندرى وين.. سعد: أقول إنطموا... إيه مجيدوه وأنت حاطين عينكم على البنات.. بس والله ولا واحد منكم ياخذ وحده منهن وأنا حي.. فيصل: إيه ما ينقال عنك ما يهمك إلا نفسك.. مادري أنت تفكر شلون..أنت ما تخاف حوبه نيتك القشرا؟ سعد: ياي ياللي يقتل القتيل ويمشي بجنازتوه... والله رمتني بدائها وإنسلت!! لكن قسم باللي رفع سبع وطمن سبع عذبة وحلاله مب من نصيبك أنا فاهمك زين... ما مثلك ورجل.. عشانك حاط عينك على عذبة وحلاله.. دايم مع عمك...ومن وراو تسوي السوايا!! لا ياحبيبي موب علينا.. أنا فاهمك زين..زين.. وهذا وجهي إن ما وخرته عن طريقك.. أبو عبد العزيز: يا جماعة صلوا على النبي.. عيب عليكم إخوان ..لا تهاوشون.. خلونا نشوف حل للموضوع... فشيلة والله من الناس .. وش بيقولون كتب حلاله باسم بنته خايف عليه منا... لا والله مب سهلة..فشيله بس أنا أخاف نكلم عمي ويعصب ويصير لوه شي.. سعد: لازم نتكلم ما نسكت.. تعرس عذبة وتحط كل شي لولد الناس... ومشاريوه أكيد بيرجع عشان يكوش على كل شي... _يبتسم فيصل وينظر لسعد بنظرة لها معنى_قائلاً: لا يا سعد ما خلاّه وهو بيرجع له.. صح؟ سعد:صح يالجني..بس لانت ولا مشاريوه بيتهنا بحلالنا... ... خلونا الحين نروح له بالمزرعة نتفاهم معوه.. أبو عبد العزيز: يالله .. بس تكفى سعد شوي شوي عليه..فيصل يالله.. ترا عمي يقتنع بكلامك..قله مهب زينه بحقنا.. فيصل: بتروحون تذبحون عمي ؟ سعد_يصرخ_: أقول أمش يا عبيد.. وخل هالرحوم اللي يفكر لبعيد قاعد.. من مصلحتوه اللي يصير... .. هو المستفيد.. فيصلوه أنا اللي عارف اللي وراك ودونك... على غيري وتراي منب مهكه.. _ويخرجان من الخيمة_ عبدالمجيد: يخوف عمي سعد ... فيصل.. فيصل: تبن!!.. عبدالمجيد: خلاص.. عيونك تخوف..بس صدز بتاخذ عذبة؟ فيصل: الله يا خذك أنت وياه.. عذبة وين بتروح من؟ ولد عمه وماله غيري.. صح مجيد..؟ عبد المجيد: يمه ... أحسك شر ...أمزح... الحين يجين حقي بعد.. _ويقفز عبد المجيد ويركب سيارته ويغادر_ ****** في الحديقة في بيت الجد ناصر" جلست منى _أخت مشاري_ وجلست معها عذبة وليلى ونجلاء, كاميليا تصب القهوة,ونجلاء تنظر بطرف عينها نحو منى , فيما كانت ليلى وعذبة مبتهجات بهذه الزيارة.. منى: أمممم .. نجلاء الله ينطيج العافية ممكن قلاص ماي.. نجلاء: لا.. قصدي كاميليا الحين بتجيب لتس ماء.. _تنظر عذبة معاتبة لنجلاء, تمط نجلاء شفتيها بتضجر_ ليلى: يو يا منى زمان والله عنكم..شخبار خالتوا والبنات والله كثير اشتقت لكم.. ليه ما تجونا يوووه معقوله ماشفناكم من العزاء الله لا يعيده.. نجلاء: الناس عندهم دراسة .. وبعدين خلي عنتس التشرّه.. تقل عجوز.. إذا بيجون الباب مفتوح.. عذبة_بضحكة مكتومة_: خلاص .. بنات.. إيه منى وش عندتس جايه الرياض ؟ جايه تسلمين علينا.. ؟ _نجلاء تمط شفتها وتنظر للسماء بتضجر_ منى: إي والله وحشتوني حيل.. بس لو أقدر أكلمج شوي بموضوع على إنفراد.. _تبتسم عذبة وتظهر السعادة على محياها جلية_: عادي .. تكلمي ما فيه أحد غريب.. خواتي وما فيه شي أخبيه عنهم.. قولي وش عندك.. منى: والله .. مادري وشلون أبدا بالموضوع.. بس يقولون دايم الكلمة اللي تستحي منها بديها.. أمممممممم.. مشاري وصاني أطلب منج طلب وإذا بتلبينه قلته وإذا بترفضين عااادي حقج بس قولي قبل لا أقوله... عذبة_بخجل_: لا .. قولي من عيوني لو تطلبون روحي فداكم.. _تعبس نجلاء وتشير بسبابتيها يمنه ويسرة غضباً_ منى: فيج الخير أختي والله أنا داريه فيج.. بس..هو صعب عليج شوي.. عذبة: منى وبعدين معك بتقولينه ولا شلون؟ منى: لا.. لا بقوله.. هذا مشاري خطب بنت عمي.. هيفاء.. أخت زوجي.. خالة نواعم أكيد تعرفينها _تغير لون وجه عذبة واصفرت شفتاها_ وهيفاء رفضت ..تقول مابي أتزوجك وعذبة مو راضية.. عذبة ما تستاهل آخذ زوجها.. نجلاء_بغضب_: طيب وإذا عيت .. ماخلق إلا هيفاء!! ليلى: كلام نجلاء صحيح.. عذبة_ تأخذ نفس عميق_: طيب بنات منى ماكملت.. والمطلوب من؟ منى: بس تكلمين هيفاء وتقنعينها توافق... وتقولين لها السالفة.. عذبة: أي سالفة؟ منى: إنج أنت اللي طالبة الطلاق مو عيب بأخوي بس عشان خواتج... ترا كل أهلي زعلو على مشاري كل عمامي وعيالهم وبناتهم والله حرام ما يستاهل مشاري ومع كذا دايم يمدحج .. ويذكرج بالخير.. ليلى: لا .. كذا نذاله مع إحترامي الشديد.. صعبة عليها تكلم وحده تقول لها خوذي طليقي ... نجلاء: بنات الناس لعبة بيدتس أنتي وأخوتس الله لايرحم هالوجه لا أحسن قولوا لعذبة تروح معكم الخطبة , وتجهز معها وتزفها بعد... أنتم ناس؟ أنتم ما تحسون...؟ والله لو ما إنتس ضيفة كان عطيتس كف يحت سنونتس بالثيل.. عشنا وشفنا... فعلا إن لم تستح فإصنع ما شئت!! منى: إنتي الحين وش يدخلتج فيني أنا وبنت خالتي... لسانج يباله قص... أنا قايله من الأول نبي ناخذ راحتنا.. ما نبي غرب بيننا!! نجلاء: الحمدلله إني مانب بنت خالتس وغريبة عنتس زي ماتقولين وش بيجي منكم إلا الغرابيل.. والله أشك إن أمي فرح خالتكم!! وخالي راشد خالكم... ليلى: منى .. نجلاء بنتنا مو غريبة..ولا نسمح لك تقولين عنها كذا سوري... بس احترمي نفسك.. _عذبة صامته وتنظر للأرض وتعظ على شفتيها بعصبية_ منى: أصلاً الكلام مع البزارين ضايع... عذبة وش قلتي.. ترا مشاري عارض حيل إني أطلب منج بس أنا قلت عذبة عاقلة وبتقدّر.. عذبة: خلاص ... بكلمها.. ولا يكون خاطرتس إلا طيب.. نجلاء_تصرخ_: أنتي مجنونة؟؟ أنا لو بقعد زيادة مع المخاليق هذي بنجلط... _وتقوم راكضة للداخل وتتبعها ليلى_ منى: إيه والله فيج الخير يا عمري.. ومالوم أهلي اللي بالشرقية كلهم يوم يزعلون على طلاقج.. بس شنسوي لاصارت رغبتج ربيع النفس هواها.. يالله عن إذنج أنا بروح حق بيت بنت عمي أم تركي.. ولد عمج سعد عازمنا... عذبة: والله كان ودي إنتس تعشين معنا بس لاصرتي.._وتسحب نفس عميق_ معزومة مالي وجه.. منى: بمان الله..بس الله يعافيج عجلي .. **** تدخل عذبة غرفتها, وتغلق الباب وبدأت تصرخ وتبكي بشدة, أخرجت صور زواجها, تنظر لها بأسى وهي تبكي, مشاري يضمها ... مشاري يحملها... مشاري يمسك بيديها.. رمت الصور على الأرض وصرخت: ليـــــــــــــــه؟؟؟ إنتظرتك ترجع لي... ليــــــــــــــــــــــــــــــه؟؟ تتخلى عني... وين عذبة ... روحك وحياتك... وين عذبة اللي تبيع الدنيا لجل ترضيها... تتخلى عني بهالسهولة وتاخذ هيفاء... وش به أحسن من؟ أنا أحسن منه شكل وتعليم.. وعايلة... أنا اللي بعت رضى سعود عشانك رديت ولد عمي كلن يتمناه عشانك ورديت غيره كثير لجل أصير حبيبتك والحين تبيعن ببساطة.. عشان إيش....فيصل!! تغار منه وأنت عارف إني بعته وشريتك!! بس للأسف ما ضحيت عشاني أدري إن فيه أحد حادك بس هذا ما يعني إنك تبيعن بالساهل... ليــــــــــــــــــــــــــــــه؟ ليــــــــــــــــــــــــــــــــــــــــــــــــ ــه؟ أنت حبيبي وبتظل حبيبي... مشاري.. تكفى لا تروح مع غيري ما قدر أشوفك معها ما قدر تعال والله ما لومك ليش طلقتن تعال... أنا محتاجتك الحين أكثر من قبل... تعال تكفى .. تعــــــــــــــــــــــال... فتحت دفتر المذكرات وكتبت: اليوم تلقيت ثالث أقوى صدمة في حياتي... مشاري...رفقاً بي _وكتبت _: مدري رجا مدري وفا مدري احساس انتظرك وادري قلت لي منت راجع يامن سوت عينه مخاليق واجناس ادخل على الله .. لا تزيد المواجع البيت للشاعرة عابرة سبيل ******* "في الصالة الساعة العاشرة ليلاً" مها تدخل للصالة وهي تمسك بيد ناصر, وتصرخ: نجلاء... نجلاء... تعالي بسرعة!! نجلاء تصعد من القبو وهي تتصبب عرقاً وتلهث_: سمي يا خالة.. مها : صدق اللي قالت لي ليلى.. منوه ومشاريوه بيذبحون بنتنا... نجلاء_تشرب ماء _: إيه صدق... مها : لا هذولا أنا اللي بتفاهم معهم... مايستحون... ووجيههم مغسولتن بمرق.. أخ لو كنت بوه كان نتفت شعره.. شعرة.. شعرة هذي مالقت احد يأدبه...ياربي من يصدق إنه بنت عم أم تركي... عمت عيونه هي وأخوه إن شاء الله.. ناصر: وثو؟ نجلاء: جاء هالملقوف..للمرة المليون.. إنت..متأكد إنك ولد؟ ناصر: أنتي متأكدة إنث بنت لابثه لبث يضحك.. ذي ثعود وعمي مثاعد...!! ورابثة.. أعلم عذبة إنث لاعبتن بالماء.. ماما مها وثو؟ قولي والله ما أقول لأي أحد.. نجلاء: يا حبيبي هذي بدلة الكارتيه يعني كل ما ألبسه تقولي هالكلام؟ لا أقوم وألفعك الحين وبعدين هذا مو ماء .. هذا عرق.. ليلى_تخرج من المطبخ_: وع الله يقرفك... فيه تحت حمامات ليش جاينتا كذا.. وبعدين عادي تتدربين عند المكيف.. نجلاء: أقول شيهان وحنا ماندري.. كملي أكلك بس... مها: أقول وبعدين معكم... وش السالفة ... خليت مساعد يجيبن من العجله .. ناصر: منهو ثيهان ذا؟ نجلاء: هذا عريس جديد لليلى.. ناصر: ثدق؟... بتروحين وتردعين ذي عذبة.. ليلى: بسم الله علي... لا حبيبي هذا شيهان يعني المعلم الكبير حق الكاراتيه.. نجلاء: ياهوه.. زين صرتي تفهمين المصطلحات... مها: الحين عذبة وش قاعدة تسوي..؟ نجلاء: صكت عليه بالغرفة ... وبعدين راحت لأفنان وجت قبل شوي..ورقت لغرفتها.. مها: طيب بتسوي اللي يبون؟ ليلى: نفسي احد يحبني زي ما تحب مشاري.. تخيلي عيت حتى نناقشها بالموضوع... تقول ما عليكم من!! نجلاء: أويلاه بس من يتوطى ببطنه هي وأخوه ولا تهون أمه بعد.. مها: ليته والله تعطينهم كاغيه الي تقولينه... وبعد نصوري اليوم قعد يعلمه مساعد اليوم.. بيساعدك... نجلاء: من عيوني... أحلى وأقوى سايكن موروتيه تسوكي و أوراكن ماواشي أوتشي..لمشوري أخلي لحمه يتمزع على الأرض.. ومنوه ذي يبيلها جودان ماواشي هيزا غيري وألحقها بتوبي أوشيرو ماواشي غيري... ناصر: روحي بث.. قاعدتن تخربط علينا ... نجلاء: تبي تجرب يا نويصر..؟؟ ناصر_برعب وهو يمسك بطرف عبائه مها_:لا.. بروح للحديقة ألعب .. مع الثلامة.. نجلاء: الله يثلمك.. مها: أنا بكلم منى ولا أمه وبتفاهم معم... هذي مب حالة.. : لا.. بكلم البنت ورجاء لحد يتدخل... _عذبة تنزل من الدرج وكأن شيئاً لم يكن_ مها: أنا مادري منين جايتس العناد؟ كفايه مكابرة ... خلاص إن لنفسك عليك حق... عذبة: الله يجزاتس خير على النصيحة... بس أنا كبيرة وعاقلة.. أنا بتصرف...نجلاء جاء أبوي ناصر؟ نجلاء: مادري أنا كنت تحت بالقبو.. ليلى: إلا جاء وسأل عنك.. وكان مرة زعلان ومعصب.. قلت له إنك عند أفنان ودخل غرفته.. عذبة: ليش ما سألتيه وش بوه..؟ ليلى: يعني هو بيجاوبني ... عذبة بهالبيت وبس.. ما يعترف فيني.. أقوله إلا غصب قلي وش فيك.. عذبة: يابرد أعصابك!! _وتتجه لغرفته وتدخل_ نجلاء: طيب كان قلتي لعذبة يوم جت... : يبه... يبـ ــــــ ــــــ ـــــــ ــــــ ـــــــــ ـــــــ ــــــ ـــــــ ـــــــ ـــــــ ـــــــ ـــه!! ****** |
الفصل السادس "في المستشفى" فيصل وعبدالمجيد يقفان عند باب غرفة الإنعاش, عذبة تستند على صدر عمتها مها وتبكي بحرقة, يرن جوال عذبة ويرن بينما هي لا تأبه به, تلتفت مها وتسحب حقيبة عذبة وتخرج الجوال وترد... مها: هلا.. وعليكم السلام..إيه..الحمدلله وحنا ماندري للحين.. أبد يابنت الحلال إن شاء الله مابوه إلا العافية ويطلع معنا.. لا لاتجين.. والله ماندري .. هـــَــو!!! أنا أكذب يعني؟ يالله ..الله يسلمتس... عذبة: مها لهم ساعتين ولا أحد طلع إلا هالممرضات ... توقعين حالتوه خطرة..؟ مها: لا.. تعوذي من إبليس .. هذولا هم يحطون من الحبة قبة وسعي صدرتس ولا هنا إلا العافية... يخرج الطبيب ويتبعه آخر..يتدافع فيصل وعبد المجيد لسؤالهم.. تنطلق عذبة خلفهم.. مها: هيه أنتي ..إصبري!!! فيصل: بشر يادكتور وش فيه الوالد عسى خير... الطبيب: المريض أبوك؟ عبدالمجيد: لا عموه.. ينظر فيصل بغضب لعبدالمجيد ويقول: هو مكان ابوي.. بشرني يادكتور.. عسى حالته مب خطرة.. الطبيب: والله ما أعرف وش أقول...بس أنتم لازم تعرفون.. لكن وين اولاده؟ عبدالمجيد: هو ماله اولاد..إحنا مثل أولاده.. يقف الطبيب ويضع يده على كتف فيصل ويده الأخرى على كتف عبدالمجيد ويقول: ..........هو الحمدلله تعدى الجلطة اللي بالقلب وكان تدخلنا بعد الله في وقته...ولكن.... فيصل: ولكن إيش؟ عبدالمجيد: إنطق ياخي!!!! هو مات؟؟ الطبيب: قلبه جدا تعبان وإن عاش بيعيش بالكثير أربعة شهور... قلبه منتهي...ولو أي إنفعال بسيط ترا يؤدي للوفاة مباشرة... _صرخت عذبة وقد كانت تستمع للحديث من خلفهم_: مب عليكفك!!!! أبوي ناصر بيعيش غصب عنك...!!! هو بيدك عمره عشان تقرر..؟؟ أبوي بيعيش ... بيعيش... بيعيش .. _وركضت لغرفته , فمنعتها الممرضة من الدخول_ الممرضة: ممنــــــــــــــــــــــــــوع.. please no You can't… oooh... that is not allowed!!!! (رجاء لا..لايمكنكـــ..أوووووه..ذلك غير مسموح) عذبة: مو بكيفكم allowed غصبن عنك ... Go far!! He is all my life… No one can preclude me..no one.. no one (ابتعدي..هو كل حياتي.. لا أحد يمكنه أن يمنعني..لا أحد..لا أحد) الممرضة: O dear.. be calm..please.,,nooooooooooo )يا عزيزتي.. كوني هادئة..رجاء... لاااااااااااااااااااااااااا) عذبة:وخروااااااااااااااااا حتى أبوي ناصر بتحرمونن منوه... وخــــــــــــــــــــــــــري... تندفع مها محاولة إبعادها ولكنها لم تستطيع.. عذبة: وخرررررررررررررررررررررري مها... وخرررررررررري حينها تدخل فيصل وسحبها بقوة.. عذبة: وخرررررررررررررررررررررر يا (......) فيصل: عذبة إركدي .. خطر على عمي .. هذا وأنتي العاقلة.. عذبة: اتركن يافيصل الله يخليك ما بقى بي عقل خلاص... هذا أبوي مابقى لي بالدنيا غيروه.. مابي يروح ويخلين.. مابي.. مو كفايه أبوي وأمي وسعود ومشـــــــــ...... _حينها وضعت عذبة كفها على فمها , ثم انفجرت باكية وارتمت على الأرض, إرتمت عليها مها وضمتها , فيما ابتعد فيصل عنها ومسح دمعة ترقرقت على خده_ ********* "اليوم التالي" في غرفة فيصل.. فيصل يتمدد على السرير..ويقلب بالأوراق والملفات , يندفع عبد المجيد وسحب كرسي ويجلس بجانبه.. فيصل: حبيبي عمرك الحين كم؟ عبد المجيد :ليش تسأل ؟ فيصل:حبيبي بعلمك إن فيه أدب إستئذان.. وهذا اذكر كنا ناخذه بالإبتدائي..صح؟ عبد المجيد :إيه.. يطرق الباب ثلاث فإن لم يجبه إنصرف.. تذكر ذاك المصري اللي كان يدرسنا.. ياحليله والله إني بهذلت بوه.. تصدق إني كنت أدحرب أوراق وأشوتهن على صلعته..مسكين كان يعصب بس مايدري منين.. فيصل :مبسوط... عبد المجيد :لا... ضايق صدري.. فيصل :أشوا بك رجاء ياولد أخوي ..يعني نادم على اللي سويته ؟ عبد المجيد :لا.. بس ضايقن صدري على عمي.. فيصل :لا تجيب لي الطاري .. ترا تسبدي تقل ضو.. والله شي يقهر.. عبد المجيد:فيصل!!! فيصل :هــــــــــــــــــــــــــــــاه عبد المجيد :شفت عذبة يوم تقول مشاري وتقطعه.. فيصل :إيه... عبد المجيد :يعني إنه ما طلبت الطلاق!! فيصل :أدري من قبل هي لا تقول... عبد المجيد :وشو!!! وش يدريك؟ فيصل :أقول مجيد أنت فاضي..؟ خذ تكفى هالملف ودقق بالحسابات إذا هي مزبوطة.. تراي مسويهن كلهن بس بقى أربع صفحات بس.. عبد المجيد :وعععععععع... أطعني حته حته ولا أخذ أرقام.. ياخي ما عقدن بقسمي إلا الأرقام.. مع السلامة أنا جوعان.. فيصل :زين مير ذكرتك بالأكل.. عمرك ماتنفع.. ****** _يخرج عبدالمجيد من غرفة فيصل وقبل أن يتجه للدرج يرى باب غرفة نجود مفتوح, فيتجه إليها_ عبدالمجيد :الســـــــــــــــــــــــــــــــــــلام عليكم.. نجود :............................. عبدالمجيد : السلام لله... نجود :................................... عبدالمجيد :هيه.. أنتي أيها المخلوق القابع أمام شاشة الحاسب... ينام ويصبح ويمسي ويستيقظ وهو مقابل لهذا المخلوق البليد.. وبالتالي أصبح هو أيضاً بليد.. نجود :.................................. عبدالمجيد: نجود يالـــ... ترا بشغل عقالي... نجود :مب بكيفك.. الدنيا فوضى!! عبدالمجيد :هع.. بسوي إحتفال إنك رديتي.. رد الماء بحلقك إن شاء الله... ماتسمعين..؟؟؟؟ نجود :وش تبين أقول قاعد تطنز؟ عبدالمجيد :سنه أسلم وما رديتي!! نجود:إلا رديت.. بس ما سمعتن... عبدالمجيد :والله ما شفتس ..إلا إن كان ردتس لا سلكي و بدون تحريك شفايف هذا ممكن من خلال تقنية الماثل بين يديكم.. نجود :تبي شي ولا إذلف... منب فاضية لخرابيطك لازم أسلم المشروع بكرا... عبدالمجيد :لا... من زينتس.. _تدخل نورة وتصرخ_: مجيد هنا يا لسعدي وفرت علي مشوار العنية لغرفتك... تقول أمي هاه.. عبدالمجيد :وش تقول أمي بعد؟ نورة :تقول درس محمد...عنده تقييم وأنتي يا نجود درسي سلمان عنده امتحان رياضيات بكرا...كان الله بعونك... عبدالمجيد :وأنتي يافتاة الغلاف من بتدرسين... نورة :أنا أخاف أدرسهم ويطلعون الأوائل.. وتصكهم عين ويقعدون به.. ياخي حرام أتذمم هالمساكين تبيهم يدجون أنا يالله أدرس نفسي وبمؤازرة من هالحاسوب اللي مقابل الحاسوب...هع عبدالمجيد :هههههه.. إذكري الله ترا عينتس حارة... نجود: نورة عندي بكرا تسليم مشروع.. درسيه أنتي.. نورة: ولا مشروع ناطحة سحاب.. أنا بذاكرمع نجلاء.. مع السلامة عبدالمجيد: شلون يذاكرن هالثنتين جميع... أنواع الدجة!! نجود :وأنت مصدق إنهن يذاكرن.. بس مطامر فوق هالشجر... إممممممممم.. مجيد حبيبي تكفى درسهم كلهم واللي يرحم والديك.. عبدالمجيد:إيه الحين صرت حبيبتس وتو إذلف.. ماشي بس شوفي إذا أحدثت إصابات بليغة ترا تتحملين تسكيت أمي نورة.. ما لي خلق فزعته مع هالمبزرة.. في منزل سعد" تركي يدخل ونواعم_أخته_ تقلب القنوات... أمامها كم هائل من المجلات والكتب.. تركي:رماااااااااااااااااااااااااااااااانه...وينها ذي؟ نواعم: بسم الله .. ترووك قل السلام.. قل شي!!هبلتني.. تركي: بسم الله على قلبك.. إلا وين رمانة ذي.. _تأتي رمانة وتقف بجانبه_ زين جيتي يجون الحارة كلها وأنتي ما تجين!! أبي غداء تراي ميت جوع...بسرعة وش تناظرين...؟ نواعم: تناظر هالقذلة وهالبدلة الراصة... ياخي عيب والله عيب... أنت ما تستحي .. فشتلنا مع كل الناس.. إلبس لبس رجال... تركي يتجه لمرآة كبيرة بجانب الباب ويقف متأملاً شكله.. شعر مسترسل على كتفيه ومقصوص الأطراف ... وجه أملس و شارب قصير .. قميص قطني ضيق.. بدون أكمام... بنطلون جينز ضيق جدا.. مرر يده على رأسه ثم على وجهه.. عدل من ثنيات قميصة وإلتفت لنواعم قائلاً: وش فيه شكلي؟؟؟ عسى تبين أصير عربجي زي مجيدوه.. ولا عمي فيصل...!! لا قولي إنك غيرانه من شكلي الحلو وأكيد الناس يقولون واااااااااااااو تركي ما كأنه أخو نواعم.. صح إعترفي...!! نواعم: يا تركي يا روح نواعم أنا أفشل من شكلك.. يا خي إلبس ثوب خلني أحس إنوا عندي أخو.. تركي: نسيتي بالعيد اللي راح لبست ثوب... نواعم: وه بس الكلام معك ضايع... من زين الثوب اللي أنت لبسته... ضيق ومنقش أطرافه... ليتك ما لبسته.. فشلتنا.. تركي: روحي يالله يالبزر...إلا وين رمانة .. تدرين هذي المفروض أهلها مسمينها تينه... بس بالغلط صارت رمانة.. تدرين ليه...؟ نواعم: لا.. ليه؟ تركي: شوفي شكلها وتعرفين...هههههههه نواعم: يا مصلك بعد... _تدخل أم تركي الدكتورة منيرة ... أم تركي: السلام... وش فيكم تضحكون؟ نواعم: هلا يمه .. تراي ما تغديت أتحراك تجين نتغدى جميع.. تركي: إي والله يمه.. أم تركي: وي يا قلبي .. والله أنا بعد ودي أتغدى وياكم, بس حيل تعبانة.. فيج تعذريني ... اليوم حالات الولادة أغلبها متعسرة تعبونا ... من حالة لحالة.. تغدوا أنتم ولا نطروا أبوكم تغدوا وياه.. مع السلامة.._وتذهب تنظر نواعم لتركي بأسى بالغ_ تركي: خلاص نواعم.. نتغدى أنا وياك... نواعم: لا .. خلاص إنسدت نفسي... تركي: أنت ما تأيسين...أنا من عرفت أمي وهي دايم عندها مناوبة ... ولا تقرا في الكتب... ولا نايمة... هذي شغلتها.. طبيبة... يعني ليش تنسد نفسك... نواعم: هي أم بعد...ولاهي أول طبيبة ولا آخرهم.. وش يضرها يعني لو تخفف شي من شغلها.. تركي: كل الطبيبات والأطباء كذا... نواعم: لا حبيبي .. مو كلهم كذا... هذي فرح الله يرحمها يوم جت هنا تركت شغلها .. بعد ما حست إن بيتها محتاج لها... تركي: متخلفة .. يعني أدرس إثناعش سنه وباللآخر أترك كل شي عشان بزرين... أصلا كل ذيك العايله مظروبين... نواعم: والله مو المضروب إلا أشكالك ربايه رمانه وطقتها.. هم اللي يستاهلون من يسمهم أسرة ... تركي: أقول خلصينا منهم ...إلا صدق إن عمي مريض؟ نواعم: لا زين وصلك الإرسال...إيه..مريض تركي: طيب إذا مات وين بيروحون البنات؟ يجون عندنا؟ نواعم: فال الله ولا فالك إن شاء الله ما يموت..!!! ووش يجيبهم عندنا يقعدون ببيتهم.. تركي: ليه ... خلي ليلى وعذبة والجنيه الصغيرة يجون عندنا.. البيت كبير..وهم حرام يقعدون بالبيت بدون رجال.. نواعم: أمممممممممممم .. أجل تبي ليلى تجي.. لا حبيبي... حامض على بوزك... تركي: أقول إنطمي...رمااااااااااااااااااااااااااااااااانة!! وين الغداء...؟ خلاص بطلع أتغدى برا... نواعم تقفز وتمسك بيده: والله ماتروح لمين تآخذني... بروووووووووح معك أتغدى... ******** .................................................... "في منزل الجدة" تدخل ليلى ونجلاء.. الجدة تسقي حديقتها الصغيرة, تنظر الجدة بحدة نحو البنات ليلى ونجلاء: السلام عليكم..شلونتس يمه؟ الجدة: هـــــــــــــــــَــو ... وش حزن عذبة ماجت..؟ ولا عنده إختبارات..؟ نجلاء: لا... يمه.. عذبة ما تجي من عند أبوي ناصر أبد.. بس تطلع لامن جاء وقت الزيارة وحنا نروح.. تجي للبيت تحمم وتاخذ ملابس وتجمع دروسها.. الجدة: هـــــــــــــو ... ورا عيال عمتس ما يقعدون عندوه؟ ليلى: عذبة عيت كلش... تقول أبوي وأنا اللي بجلس عنده.. الجدة: طيب ودراسته؟ نجلاء: يمه هي بنفس قسم نجود..وهي تساعدها وتجيب لها دروسها.. وهي أحياناً تروح للجامعة بعد ما تكلم حدا عيال عمي يجون عند جدي.. ليلى: يمه وشيفيك ضاق صدرك.؟ الجدة: ضيقت صدري هالبنيه...إيه لو يجي وليدي ما تبذلهت هالبهذلة... ليلى: الله يرد أبوي ... بس والله هي اللي أصرت ترافق جدي.. والله فيصل ومجيد وبو عبدالعزيز قصروا وهم يترجونها تروح للبيت بس هي راكبة راسها... نجلاء: يمه يقول جدي إن عذبة تشبه طبعتس...يعني عنيدة وقوية صدز يمه..؟ الجدة: وين بتروح من العناد أمه فرح عنيدة وأبوه عنيد وقوي ما يهزه شي.. ولا جدتس مابوه من العناد شي... ليلى: وأنتي يمه منتي كذا؟ الجدة: يا بنيتي يوم أنا بعمرتس كنت عنيدة بس مانب قوية.. لكن بعد الصكات اللي شفته.. صرت أقوى من الحجر... نجلاء: قلبك هو اللي صار أقوى من الحجر..؟ _صمتت الجدة قليلاً ثم همست_ ليت يابني قلبي صار أقوى من الحجر كان ما تعبت...ياليلى هم يقولون الصكة اللي ما تموت تقوي..وأنا أقول الصكة اللي ماتموت تعلم.. تعلم شلون الواحد يقوى قلبوه ولا يلتفت لوه.. ولا اللي قلبوه رهيف يبتل قلبه رهيف.. بس يتعلم وشلون يدقم خوفه وحبوه.. ولا يبينه.. إيـــــــــــــــــــــــه الله يعين عذبة ويرد أبو عذبة.. نجلاء وليلى: آآآآآآآآآآآآآميــــــــــــن الجدة: وعذبة الحين وش بتسوي بدراسته؟ نجلاء: معطينه المستشفى إجازة مرافق.. بس الله يعينه عنده مشاريع وواجبات كثيرة لازم تسلمها والإمتحانات بعد ثلاث أسابيع... مادري متى يمديه تسلمهن؟ الجدة: طيب جدتس متى بيطلع؟ ليلى: بعد يومين بيكتبون له خروج.. وهذا فيصل وأبو عبدالعزيزببيتنا يجهزون الغرفة اللي بيصير به.. الجدة: الله يطلعوه بالسلامة ويخليه لعينن ترجيه.. ****** "في منزل مها" مها تصب القهوة لفهد ومساعد, ناصر يقفز ليصل للكورة التي أبعدها مساعد عنه مها: إركد يا نصور..تعال كل حلا سويته يجنن..تعال ترا مساعد بينظف الصحن.. مساعد: أنا اللي بنظف الصحن.. أصلا ما أكلت منه إلا قطعة!!! تعال يا ناصر ترا عمتك بتاكله هي ورجله وبيخلونا.. فهد: الحين أنت ومها تهاوشون ليش تدخلن بالموضوع؟ ناصر: عثان أنت وماما مها الفريق الأثفر.. وأنا ومثاعد الفريق الأذرق.. _يقفز ناصر بقوة ويرمي الكرة , يقفز مساعدويلتقطها, يهجم عليه فهد وينتزعها منه ويرميها على ناصر_ فهد: هج... هج.. قبل لا يلحقك مساعدوه... يالله بمسكه عشان تهج.. ناصر: إمثكوه ذين... بهد... ياااااااااااااااااااااااااااي مساعد: فهد خلن ... نويصر تراي اخذه آخذه... ماراح ينفعك ذا ومرتوه.. فهد ويخر.. _ينطلق مساعد من يدي فهد ويركض خارجا للحاق بناصر_ مها: ناصر ... ناصر... هوه هوه... يا حبيله والله... تدري رغم الفرق الكبير بالعمر إلا إنهم منسجمين.. يوسعون الصدر .. حتى مساعد طلع صوته منول هادي.. _تنزع الجلال من على رأسها وتهف بيدها على وجهها_ وه حر...وأنا لابستن هالطربال.. فهد: كلمتي عذبة عشان ناصر... مها: والله ما قدرت.. جده تعبان وحالته حاله..تصدق عاد ما تقول إلا ولده تخيل ما تطلع من عنده أبد..بس تناظره وتحبب إيدينه... تقول بيموت هالحزه.. فهد: الله يكون بعونه.. مها..لو بيموت العود وين بيروحون بنات أخوك ونجلاء توقعين أهله يآخذونه؟ مها: تصدق ما فكرت بهالنقطة..والله مادري بس البنات يمكن أمي تجي عندهن.. ولا يروحن لبيت عمهن..ونجلاء...أممممممم مادري خوفتن... فهد: وناصر؟ مها: مادري بس لا تامل واجد ترا عذبة متعلقه فيه مرة .. وأمه يوم تموت وصت عليه وعلى نجلاء أكثر شي.. بس بحاول به .. فهد: أقنعيه... قولي له أن ناصر أفضل يعيش بينا حياة طبيعية .. وهي مو قاصره مشاكل.. هي عليه مسؤليات ولا هيب متفرغة تربيه.. حاولي به من هالحكي... مها: بحاول ...والله يرزقنا من يغنينا عنوه... فهد: يالله مها أنا بروح عندي شغل.. مع السلامة.. مها: طيب.. إصبر بجيب عباتي.. بروح لأمي قبل ماتروح للقصيم... فهد: خلي مساعد يوديك أنا مستعجل... أمام منزل الجدة أم ماجد" مها: الله يجزاك خير مساعد... أخوك صايرن ما ينقضب.. والله أحس إني بخيس بالبيت لو منتب موجود يا خزياه أبلشتك.. وأنت بتروح للنادي.. مساعد: لا والله يا مها.. أنتي حسبة أمي .. من عرفتس وأنتي صايرتن لي الأخت والأم.. الله يجزاتس خير ويرزقتس.. مها: نصور حبيبي قل لعمو مساعد شكرا.. ناصر: ثكرا... بث ودي أروح للنادي معوه.. مساعد: لاحبيبي ما فيه صغار بالنادي... ناصر: تعرف أمي فرح؟ كانت تخلين أروح مع ندلاء عصبن عليه... وهناك ألعب كراتيه... مساعد: عجيب!!.. مها معليش أبي الحمام..شوفي إذا فيه أحد بطريقي.. مها: يا خلاف من بيصير بوه إلا أمي.. إدخل ما لمك أحد.. _يدخل مساعد الحمام ومها تتجه مباشرة للمطبخ لتعد القهوه.. فيما كانت نجلاء وليلى يتابعن فيلم بشغف بغرفة المقلط_ نجلاء: أح ليلى حســــــــــــــــــرانه!!! ليلى: قومي للحمام.. !! نجلاء: مابي يفوتن... ليلى: قومي هه هذاهم قطعوه فاصل إعلاني يميديك تروحين وتجين.. قومي حمام الرجال قريب.. بســــــــــــــــــــــــــــرعة قفزت نجلاء بخفة ووقفت أمام الباب سمعت صوت الماء فصرخت وهي تضرب الباب بعنف_: ستــــــــــــــــــــــــــي بسرعة... بســــــــــــــــــــــــــــــــــــــرعةإطلعي بـ...... على روحي والله ماقدر ... _أخذت تضرب الباب بعنف في تسمع الفيلم وتحس بشعور من اللا سيطرة _ يا ه ما صارت سـتيوه يا كــ..........واااااااااااااااااااااااااااااااااااا اااااااااي _إنفتح الباب وإذ بمساعد يقابل نجلاء وجهاً لوجه, صرخت بقوة وهربت, وإرتمت عند ليلى و(......) على ملابسها, وهي تضرب بكفيها على وجهها_ نجلاء: ياخزياه... ياخزياه.... إيـــــــــــــــــي وين أودي وجههي ..؟ ليلى: أنت يا وصخة وع... هي وش سويتي.. وخري عني!!.. هـــو نجلاء وش بك؟ياويلك من أمي عذبة.. نجستي السجاد..!! ياخزياه من مين...؟ نجلاء: مســــــــــــــــــاعد... مســــــــــــــــاعد!! ليلى: إيه أشوا بزر...مساعد!!حسبته من خوالي اللي بالقصيم!! هـــــــــــــــــــــــــانــــــــــت نجلاء: لحية والله لوه لحيه ... يمه عيونه تخوف .. أنا ... فشيله... _تدخل مها عليهن وهي تضحك_ مها: وش سويتي ؟ وع يالبزر...هبلتي أخو زوجي العزيز... فشله من رجلي وأخوه يقولون عاد أهلي مهبل.. _يطل ناصر ويضحك بقوة قائلاً_: أعلم ... يا دادا يا ندلاء... وع يالوثحه!! _ويهرب منادياً لمساعد_ نجلاءوليلى بصوت واحد: نااااااااااااااااااصر تعال!! _يقف مساعد عند باب الشارع ويلتفت لناصر_ مساعد: سم نويصر وش تبي؟ ناصر: ثفت ندلاء وع ثوت على نفثه...ههه ثح لاذم نلبثه حفاطة..؟ مساعد: لا نلبسك أنت أول حفاظة.. صح؟ ناصر: لا... أنت إلبث حفاطة...مب أنا ... _ وقفت نجلاء وليلى يولولن خلف الباب ومها مستغرقة بالضحك_ ***** "في المطعم" تركي: أممممممممم ... لذيذ!! نواعم: إيه والله ليت أمي وأبوي معنا كان تصير وناسه... تركي: شوفي ذيك... اللي بالزاوية...شوفي.. نواعم: وينها..؟ وبعدين وشلون تشوفها من الستارة؟ تركي: من كبر هالستارة زي قلتها...شوفيها اللي ماسكه الجوال وتشر علي.. نواعم: إخس .. من زينك تشر عليك.. إي والله وش تبي...؟ تركي: هذي دايم تجي هالمطعم وتمرمر بهالشارع... عاد فارس رقمها وعلطول ما بغت لزقت ... نواعم: هيه.. أنت قاعد ترقم بنات خلق الله...؟ تركي: والله ما طقيت بنت على يدها وقلت لها خذي رقمي.. اللي تبي تاخذ واللي ماتبي تروح وتخلينا... نواعم: وأنت الحين لك علاقة فيها.. ؟ تركي: كاااااااااااااااااااانت... بس ياهي ثقيلة دم... ماتطيقين تكلمينها... ومسكينه آخذه بنفسها مقلب.. نواعم: لا يا شيخ!! وأنت فاج لها هالكشرة وتوزيع إبتسامات.. وهذا وهي ثقيلة دم... طيب لو شفتني مكانها وش بتسوي؟ تركي: قص رقبة... إلا مادريتي؟ نواعم: يا سلام حلال عليكم حرام علينا... تركي: يعني ماتبين تدرين وشو الخبر...؟ نواعم: وشــــــــــــو؟ تركي: تراه يبط الكبد... نواعم: أدري ما يجي من وراك أخبار مفرحة...وشو؟ تركي: مشاري...ولد عم امي الدب.. رجل عذبة أو طليقها بمعنى أصح... نواعم: وش فيه ؟ بيرجع عذبة...؟ تركي: هه لا... بيتزوج خالتي هيفاء... _تسقط الملعقة من يد نواعم وتبصق الشوربة وتصرخ_: وجع!!! تركي صادق انت ولا تستهبل... شلون؟ تركي: أص فضحتينا... قالي خالي يوم جيت من البحرين أمس ومريتهم... وعرفت الخبر... بس ترا أمي عارفتن من زمان... ولا قالت لنا... نواعم: شلون ... هذولا مهبل...كله من تحت راس خالي محمد... ولا شلون هيفاء تنرمي هالرميه... هو للحين يحب عذبة... تركي: يا شيخة طيري...!! قال يحب عذبة ... لو يحب عذبة ما طلقها.. هو كذاب ولعوب.. مل منها قام طلقها.. وقال طلقتها عشانها تبي... شفتي البنت لامن حبت وشلون تصير لعبه؟ نواعم: مستحيل...وشلون يمل منها ومالهم حتى شهرين متزوجين... مستحيل.. تركي: أقول روحي يالبزر.. أنا أمل من البنت وأنا مالي شهرين متعرف عليها.. نواعم: هذولي بناتك بنات الشوارع... بس عذبة غير... عذبة تزوجته.. بدون ما يجمعهم علاقه هابطة زي بناتك...اللي تقول... بس وين بتروح هيفوه مني... تنخطب وتوافق ولا تقولي...أوريها... تركي: أنا بخطب ولانب قايلن لك... أنتي تخرعين وتخانقين وما يعجبك أحد... نواعم: بالله تأيد هالزيجه... تركي: لا... بس وش دخلي فيهم... في غرفة الجد" تدخل عذبة وهي تمسك بيد جدها, فيصل يدف العربة, وأبو عبدالعزيز وعبدالمجيد وإخوانه يحيطون بالجد, الجد ظهرت عليه علامات السعادة, يدخل تركي مع كاميليا تقوده_ تركي: هلا والله عمي ... الحمد لله على السلامة... رحت للمستشفى انا ونواعم بس لقيناكم سبقتونا وجيتوا للبيت... شلونك ياعم ..؟ عبدالمجيد: الله من الدلاخة الحين توك تذكر؟ الجد ناصر: هلا والله بوليدي ... مير زين تذكر احسن من ابوه... وينه نواعم ... يا حبيلكم والله يا عيال سعد أحسن من أبوكم.. فيصل: عساك مرتاح بالغرفة عجبك السرير ووالله تراو أحسن سرير بالسوق كلـــــه... بس أنت شف كانوه مريح ولا نغيروه... أبو عبدالعزيز: إي والله يا عم... ترا لو تنام على ظهورنا حنا جاهزين... بس أنت إرضى عنا... الجد ناصر: عيالي والله... بس اللي يرضين أنكم ترضون بناتي... وتحافظون عليهن... وما تزعلونهن... مب يا عذيب... عذبة: إيه أكيد يبه ... فيهم الخير والبركة.. أبو عبد العزيز أبونا...الله يرد أبوي بالسلامة.. _فيصل يضرب كتف عذبة بلطف , تلتفت عذبة وتنظر بنظرة حادة نحو فيصل الذي إنتهك حرمتها في بيتها_ فيصل_هامساً_:مو وقته.. _تنظر عذبة بنظرة إستحقار وتلتفت على تركي_ عذبة: تركي وين نواعم؟ تركي: بتسلم على جدتي وبتجي تجلس عندكم لليل... فيصل: لا .. عمي تعبان وشوله تصير بيتهم مجمع بنات.. عذبة: وش دخلك أنت ؟ _فيصل ينظر بإستغراب نحو عذبة فيما أشاحت عنه_ الجد: ولو يا عذيب.. فيصل رجل البيت... بس البنيات نور البيت.. والله لامن سمعت ضحكهن نسيت همومي.. فيصل: خلاص لامن صرت تبيهن يجن .. يجن.. أبو عبدالعزيز: والله ياعم بناتنا لجتهن بالسماء.. يفقعن الراس... أقول اليوم يجتمعن ببيتنا أحسن... الجد ناصر: ما تفهم أنت يجن عندي ويقعدن بغرفتي... فيصل... وش صار على العمارة الغربية.. فيصل: ماشي الشغل زين....المشروع شهرين وهو مخلص.. ونسلم كافة المباني.. بس باقي عقد التأثيث للحين ماتوقع.. كان توقعه... الجد ناصر: علم عذبة.. وخله توقع على كل شي.. مايمشي الشغل إلا بتوقيعه..زين!! فيصل: تآمر أمر ياعم.. عذبة: ريح بالك يبه.. وش قال الدكتور .. خذ إجازة الجد ناصر: لا يابنتي... انا بآخذ تقاعد...وبسلمتس الزند والفتيله.. مب تسذا يا عبيد؟ أبو عبدالعزيز: هه ... إيـ...ـــه ... لازم ترتاح وتعطي عذبة تدير الحلال.. بنتك الله لا يخليك... الجد ناصر: بنتي وأنا رافع راسي به.. بتشوفون وشلون ترفع راسكم هالبنت... تحسبون مايرفع الراس إلا العيال..؟ مب يا عذيب؟ عذبة: إلا يبه ... إن شاء الله برفع راسك.. وبنفعك... ******* "في صالة الجد" يقف فيصل وتركي وعبدالمجيد, يتحدثون... تركي: شباب... عمي وش فيه؟ فيصل: والد قيصيرية...وش فيه يعني تعبان قلبه.. تركي: يعني عقله ما فيه شيء؟ عبد المجيد: يالطيف... إلا ضاربه فيوزه عشانه ما شافك لانت ولاأبوك... مابوه شي ماسمعته يحتسي عادي!!! تركي: بس فيه شيء مب طبيعي... فيصل: اللهم طولك ياروح ... وش بوه بعد؟ تركي: ما خانقني على شعري... وصار يمدحني... شكله بيموت ويبينا نذكره بالخير.. فيصل: يالنذل حرام عليك... هذا وهو يمدحك!! تركي: لا ... بس أول مرة ما يهاوشني... عبد المجيد: النوبة الأخرى إن شاء الله يتمردغ ببطنك!! إلا فيصل ياويلك من عذبة... والله يا هي تفتفت معه منك... تركي: تدري انا مرة سويت بوحده مغزلجية بالسوق كذا, تدري وش سوت؟ فيصل: وش سوت؟ تركي: شالت اللثمة وتفلت بوجهي تفله يحبها قلبك... عبدالمجيد: مرة(إمرأة) والله... مزديتن بك... فيصل: أنا قصدي شريف والله.. بس عمي تعبان تقعد تذكره بولده.. طلعت بلا شعور عبدالمجيد: بصراحة ياعم ماتوقعتها تسكت أنا دسيت راسي بكتوفي... توقعت يجيك طراق هذي عذبة مب ليلى تهز دميجته وتسكت ... فيصل: أقول خلاص والله مو قصدي... تركي: عم للحين تحب عذبة عشان كذا تغتنم أي فرصة..هاه؟ فيصل: أقول ترا بنتف قذلتك شعرة شعرة إن ما إنطميت... تحسب كل الناس مثلك؟ عبدالمجيد: بس والله قوية ..إطلاقاً ما اتوقعه تمر مرور الكرام... ياهي بتغسل شراعك غسل... تركي: ياااااويلك ياعم!! إلا يا عم قل لي للحين تحبها؟ فيصل: مجيد وش رايك تجلدوه... ولا انا حسافة أجلد أشكاله... تركي: إيه يا عم... يالله قل لي... عبدالمجيد: إخس يا تروك والله وطالعن لك لسان وصايرن تمون.. فيصل: شباب توقعونها ما تسكت عالموضوع... تركي: شف لو كانت غير عذبة... ولو كان مو أنت كان يمكن نقول مرت بهدوء مع بعض الإحتقار.. لكن بالظروف الحالية... توقع أي ردة فعل... عبدالمجيد: كلام تركي صحيح... يا ويـــــــــــــــــــــــــــــلك ويا سواد ليلك... والله شكل عيونه ناويه على نيه... تركي: وناوي لك على نيه ... بس إنت إصبر شويه... وناويلك علــ... هس.. جت الغولة ..بسم الله شكل الحين بتجي التفلة علينا كلنا... _تقف عذبة على بعد بضعة أمتار , يتشنج الموقف, فيصل لا يلتفت, فيما تركي يعض على شفتيه, وعبدالمجيد يشير لفيصل ليحسسه بتشنج الوضع تكتف يديها وتقول بصوت حازم_: فيصــــــــــــــــــــــــــل!! _أغمض فيصل عينيه , وأخرج تركي صوت خافت يشبه الصافرة, وابتسم عبد المجيد, يرد فيصل دون أن يلتفت_: ن..نعم؟ عذبة_تمسك طرف شرشفها_: تبون القهوه هنا ولا بالحديقة.. أحس إنوا بالحديقة أحسن عشان البنات بيجون هنا... ولا..وشراي الشباب؟ _يتنهد فيصل , وينفجرعبدالمجيد وتركي بالضحك, يتمالك فيصل نفسه ويرد_: عاااادي... أي مكان بس أبي القهوه بدون هيل..وتمر سكري بيجون ربعي.. و... تركي: عم ترا ما تنعطى وجه عاد... وأنا أبي كوكتيل باااااااااااارد... خليهم يحطون فيه ثلج...كثير... كذا..._ويضم يديه_..خليهم يقحشون قحش ثلج...أوكي.. عبدالمجيد: هع هع ... تروكي وشلون نطقته هالكلمه...يقحشون قحش... تراه مو لايقة عليك.. تدري وش معناه مير؟ عذبة: تركي وين نواعم..؟ تركي: أوهوه.. قلنا عند جدتي.._ويلتفت على عبدالمجيد_وراه مادري وش معناها... قحش يعني غْرف ..صح عمو... فيصل: إيه صح.._وهو يراقب عذبة من طرف عينه وهي تنصرف_ فيصل: وه مرت بسلام... وأنتم يالحمير ليش تضحكون؟ عبدالمجيد: والله شكلك يضحك..وبعدين هي متقصده شكلها تخوفك.. تركي: إي والله يا عم... يوم شافتك دخلت راسك بين كتوفك عرفت إنك منتهي خوف.. فيصل: تخسى!! ما بقى إلا فيصل يخاف من عذبوه البزرة.. تركي: خلونا نطلع الحديقة.. أنا أخاف يجينا تهزيئه محترمة... عبدالمجيد: إيه تراه طردتنا بطريقة لبقة .. ولو ما فهمناه بننطرد بالقوة.. خنطلع بسرعة.. قبل لايجون البنات... ******* ................................................... "في الباص المدرسي" نجلاء ونورة في رحلة مدرسية إلى مجمع تجاري, نورة تضحك بقوة وهي تضرب على يد نجلاء, المعلمة منال تغضب وتطلب منهن الهدوء, يصمتن قليلاً ثم ينفجرن ضاحكات وينفجر معهن الباص ضاحكاً بجميع طالباته, المعلمة منيرة: وبعدين معكم أنتو الثنتين؟ نورة: هع..وواااللللله ماااققددرههههههههههههه.. نجلاء: وش سوينا يا إستاذة؟ بنضحك ولا الضحك حرام؟ المعلمة: لا مو حرام بس نسيتي إن فيه رجل أجنبي..؟ نورة: طيب بس بكمل السالفة ذي والله وأسكت... المعلمة : غدير... تعالي مكان نورة ..ونورة روحي مكانها يالله.. _تتذمر نورة وهي تقوم ,نجلاء تمسك بيدها وهي تقلد المسلسلات المصرية: ماتتركنيش... بت عمي دنت حياتي أُماااااال... بنت عمي إخصى عليك بتتخلني عني بالسهوله دي.. بينا عيش وملح..لأه بنـــــــــــت عمي.. ياعنيا.. نورة_وهي تسحب يدها بقوة_: أقول وخري ... شوفي يا مس منيرة.. ترا اليوم بنام عنده ماتقدرين تمكعينا من بعض...وبنام بسريره بعد!! المعلمة تبتسم وهي تحاول أن تكظم غيضها.. تجلس غدير بجانب نجلاء,تنظر لها نجلاء وتبتسم.. غدير: نجلاء ..فرصة سعيدة أجلس جنبك... نجلاء: إي والله فرصة موزة حتى لي أجلس جنبك... غدير_بتعجب_: مـــــــــــــوزة؟!! نجلاء: تذكرين البنات اللي كانوا بأولى متوسط الخوات سعيدة وموزة.. قلتي سعيدة فقلت لازم نعدل بينهم مايصير تزعل موزة .. وقلت موزة... غدير_تضحك بصوت عالي_:الله عليك خفيفة دم...يوه يا حظ أخواتك... المعلمة_بغضب_: وبعدين معكم.. نجلاء أنتي كل ما يصير جنبك أحد خربتيه.. وين أحطك هاه قولي لي؟ نورة: أبلا حطيه جنب السواق ما تقدر تضحكه.. هذا ما يضحك لو تدغدينه بدريل... _ينفجر الباص ضاحكاً حتى المعلمة تغطي وجهها وتدخل في نوبة ضحك هسيرية_ نجلاء: أقول إنطمي يا نوروه... ما بقى إلا هي أجلس جنب السواق.. نورة: والله السواق أرحم من القردة اللي أنا جالسة جنبها... _وتشير لبدور الجالسة بجانبها وتبدأ ملاسنه حادة بينها وبين بدور_ تلتفت غدير نحو نجلاء: نجلاء..أنتم الحين شلون تقولون إحنا بنات عم.. وعوايلكم تختلف؟ نجلاء: أممممممم... هي بنت عمي بالعلاقة .. ولاهي بنت عمي بالنسب.. غدير: شلون تجي هذي؟ نجلاء:بقولك يا حبيبتي.. أنا ولدتني أمي وبعدها مات أبوي بفترة قصيرة.. أمي لها أخو من أمها..إسمه ماجد ناصر الـ... هو يصير ولد عم نورة.. غدير: طيب وش دخلك أنتي بخالك؟ نجلاء: أقول إبلعي كبدتس لمين أخلص.. وبعد ما مات أبوي .. أصر خالي على أمي إنها تتزوج وتشوف حياتها..أمي كانت خايفة علي..خايفة بعد ماتتزوج أهلي ياخذونن...وبعدين خالي راح لجدو الله يرحمه وأعطاه جدي كلمه إنوا ما حد له دخل فيني.. وإنه أوكلن لخالي ووصاه علي وقاله إني بنت من بناته.. وبعدين أخذن وتزوجت أمي .. وكذا أنا عشت مع خالي وعايلته... غدير: طيب وش سبب موت أبوك؟ _تغير لون وجه نجلاء_: ................هاه..مادري ... يمكن حادث.. إلا حادث ...إيه حادث..!! غدير: غريبة...!! طيب زوجة خالك معك طيوبه...يعني ماتحسك بنتها..مهما كان... ولا الخدامة اللي تجي دايم معك هي المربية حقتك؟ نجلاء: يوه مرت خالي..._وأطرقت رأسها طويلاً ثم رفعت رأسها وهمست_: أمي فرح متعديه الطيبة...هي أمي بالرضاعة , لأني جيت على وفاة رضيع لها, تنومن معها... تجي من المستشفى تعبانه من الدوام وأنا انتظرها بصياح ونياح...أبي أروح للحديقة, وأبي شوبنق... وأبي أروح مع توم بس أخاف من البزران... يوه تخيلي كانت تجي تعبااااااااانه وإن ما لقت خواتي ولا اخوي راحت هي بنفسها توصلني لبيت توم ...ياه مشتاقة لها... غدير: توم!! مين توم ذا... سواقكم؟ نجلاء: لا ولد جارة ماما أمينة صديقة أمي اللي أحياناً أقعد عندها.. بلندن... كانت أمي تدرس طب هي وأبوي هناك.. وتشتغل بنفس الوقت.. غدير: وااااااااااو أمك طبيبة...وش إسمها ووين تشتغل... ودي أشوفها؟ نجلاء:حتى أنا بعد ودي أشوفها..أمي د.فرح إبراهيم الـ.... غدير_تضع يدها على فمها_:د.فرح الأخصائية العضوة بلجنة مساعدة مرضى السرطان...!! نجلاء: تعرفينها؟ غدير: لا.. بس أذكر يوم تتوفى هي وولدها ... مرة صجت الصحافة.. تعازي ونعي...ومرة كثير إنفجعوا بموتها...يوه سبحان الله .. نجلاء: تشيح بوجهها نحو النافذة وتداري دمعه ترقرت علي نقابها.. _تصرخ نورة_: أبلااااااااااااااااااااااااااااااااااااااااااااااا اااااااااااااااا... برجع مكاني ... والله هذي ما تنطاق الجلسة جنبها... بدور: روحي عند بنت عمك ورجعي لي صديقتي .. من زينك... المعلمة: وصلنا يا بنات... هه شوفوا هذا السوق... بناتى العزيزات الأدب أهم شي.. تقفز نورة نحو نجلاء وتسحب يدها_ نورة: نجلاء إلحقي يااااااااااااااااااي شوفي ذا المقهى الفله.. بحجز الطاولة اللي خبري خبرتس... بسرعة.. ****** "نجود تكلم عذبة بالجوال" نجود: السلام عليكم..عذوب عذبة: هلا.. وعليكم السلام... نجود: أح يا النوامة كل ذا نوم...قومي يالله الساعة عشر... عذبة: يوووه بتجين الحين..نخلص المشروع حق د. سماح نجود: والله ياهي معصبة عليتس تقول البنت هذي فوضوية... مافيه غيرتس ما سلمه المشروع... يالله تكفين خنخلص منه... عذبة: الله ياخذه ... محنب فاضين إلا له... زين تعالي نخلصه ونسلمه بكرا..وأفتك... نجود: دقايق ياعمري وأكون عندتس... بوه أحد من خوالتس... ولا راحوا؟ عذبة: لا كلهم راحوا أمس خالي وعيالوه تقل الخُبربيطير... ولا بحر الشرقية بيجف لامن قعدوا زود يومين... نجود: إيه روحي لهم بالعطله...يعني حلو ما أجيب شرشف معي.. عذبة: لا وإن بغيتي تعالي بلا قميص... نجود: هـــــــو الله لا يفضحنا... يالله هذي جنب الدرج حق القبو, هه وصلت باب الحريم.. زين مفتوح.. أنتي بغرفتس..؟ عذبة : لا منبطحة بالصالة أشوف كشتك من الباب.. _وتدخل نجود وتغلق عذبة الجوال وتشير بيدها لنجود_ نجود: عذبة وراتس نيمتن بذا...؟ عذبة: ما نمت بذا نيمة عند أبوي بس قمت أصلي الفجر ونمت وأنا على بالي بروح أصحي نجلاء.. نجود: عشان الرحلة؟ عذبة: الله يعين أبلا منيرة اللي بتطاردهن...وه ياشين ملاحق هالسفيهات.. نجود: الحين خلينا منهن أفطرتي؟ عذبة: لا أتحرى القهوة... نجود: ياملحتس بس ... ومتى نبدا بالشغل؟ يالله قومي..غسلي وجهتس وتنشطي... ****** "في المركز التجاري" الطالبات يتجولن في محل تجميل فخم.. نجلاء: نورة شمي هالعطر يجنن... وه بس بشريه مقدر... نورة: يالله لك الحمد .. يا شيخة رجالي يصك الراس..من تشرينه لوه.. نجلاء: لرجلي...بعد كمن سنه... نورة: وع يصير موضة قديمة...عطيه خالك الشايب.. نجلاء: خالي مب شايب... بس هو يحب الشعر الأبيض عشانه الموضة.. ولا تدرين يالمزعجه إن ما أعرست بدري عطيه مجيدوه وفكينا بس يقرقع ببالي... نورة: مر يمروه...ولا تشرينوه ويصير لمجيدوه... والله ماتشرينوه.. نجلاء:طيب عاجبن... البائع: إيه أختي مبين ما شاء الله عندك زوئ ... والله كتير بينجنوا عليه... بدك ياه... بيصلوح هديه لحدى بيعز عليكي كتير.. نجلاء: بكم طيب.. _وتخرج بطاقة الصراف_... البائع: بس 330ريال وشوفي هي البودرة لايئة كتير معوا... _تضرب نورة على يد نجلاء وتصرخ_: والله ما تشرينوه لمجيدوه الدب ... خليه بخياسوه أحسن... _تحدث حركة غير طبيعية , البنات يتهامسن, ويشرن لشاب يرتدي بدلة طيار عسكري ..يدخل محل أحذية رياضية_ بدور: وااااااااااااو يجنن شوفي كتوفه... يؤيؤ... وش حلات شكله... غدير: إي والله حلو ... يوه صوريه بسرعة... واحدة من البنات: عيب عليكم الرجال محترم ولا عطاكم وجه ليه تسوون كذا...عيب والله... _تهجم نورة ونجلاء على البنات_ نجلاء: وشو..؟ نورة: تبون فزعة... أحد مضايقكم؟ عادي ترانا بالخدمة... غدير: لا... بس شاب مر من هنا ... وااااو جنان جنان... ولا بعد طيار وشكله جنتل... نجلاء: طيب سوا لكم ولا قال شي...؟ بدور: يوووووووووه ما يناضر أحد يمشي وعيونه قدام... مشية عسكرية... ليته يلتفت وأصورة... نجلاء: وينوه...لا يصير الأصلع ذاك...!!! غدير: له...روحي عاد.. دخل هالمحل ... شوفي إن ما طلع بسرعة بدخل بملي عيني فيه... وش هالطول وش هالرزه...وش هاللون والشعر والنظارة الشمسية واااااااااااااو ولا السكسوكة لحال... نورة: هــــــــــــــــــــــــــــــــــــــو منهبلات أنتن؟ وش هالكلام... مسلسل مكسيكي صرنا... _يخرج الشاب من المحل مسرعاً, تخرج بدور الجوال لتصوره, ولكن البائع يلحق به ويستوقفه, يدير ظهره للفتيات, ويتحدث للبائع _ بدور: ياربيه صار هو البنيه... صورت ظهرة... نجلاء: واااااااااااااااااااااااااااااااو!! _وتنطلق نحوه, تناديها نورة ولكنها لا تعبأ بها, وتقف خلفه مباشرة بينما هو منهمكاً في الحديث مع البائع,وتضع يديها على حزام بدلة الشاب وترفعهما برفق لأعلى, يضع الشاب يديه على يديها بسرعة , وتظهر على وجهه علامات الإستغراب الشديد ثم يبعد يديها ويلتفت بسرعة_ نجلاء: هااااااااااااااااااااااااااي...!! _يبتسم الشاب, ثم يضع يده على كتفها_ قائلاً: هاااااااااااااااااااااي يا قمر..!! الفصل السابع" نورة: ياربيه وش سوت ذي...؟ بدور: الحين بنت عمك هذي دايم تتريق علينا, والحين هي يوم شافت هالمزيون ذابت ولا بعد تتلصق فيه وقدام الناس... فعلا البنت رباية برا هاللي ماتستحي... نورة: كولي تبن .... ولا كلمة ....تفهمين!! _تركض نورة نحو نجلاء وتسحبها بيدها قائلة_: نجلوه عيب... والله فشلتينا...عاد مب لامن صاروا الكبار مب معنا تسوين كذا تعالي ولا ترا والله بكلم عذبة_ نجلاء: يووووووووه ماعرفتكم على بعض... نورة بنت أبو عبدالعزيز... ضاري ..عمي...أخو أبوي خلف...الطيار اللي أقولتس.. _فرت نورة بسرعة وهي تضرب بكفيها على وجهها_ ضاري: يا حليلها هذي نورة كبرت ما شاء الله... ونتي يانجيل شخبارك... وش جابك هنا ماعندك دراسة؟ نجلاء: إلا أنا جاية مع مدرستي ... ضاري: يوه... أنتي تدرسين بالمدرسة اللي واقف باصها عند الباب؟ نجلاء:إيه...ليه؟ ضاري: هذي لو بدفع راتبي أربع شهور ماوفيت القسط حقها... أهلك لاقين فلوسهم بالشارع؟ نجلاء: لا ...لاقينه بالبراحة... ياعمي أنت ما كد سمعت بالإستثمار بالأشخاص؟ ضاري: لا أنا سامع عن إستثمار الوقت... نجلاء: تعال معنا تغدى... والله جدي بيفرح بك... ضاري: يا نجلاء يا حبيبتي والله ما قدر أنا عندي رحلة الحين بروح..إنتداب للشمال.. وجيت أشري حذيان رياضيه قبل لا أروح... والله الشباب الحين ينتظروني.. نجلاء: خساااارة...بس تعال معي بعطيك شي... _وتجره من يده إلى محل التجميل وتطلب العطر الذي أعجبها_ ضاري: نجلاء وش تسوين ... أنا مستعجل بروح... نجلاء: والله يجنن يا عم...ربي كاتب إنك تجي ويصير لك... شموه...بس عم والله فرحت بك ودي أجلس معك... حرام تروح وتخلين... ضاري: أدري يا حياتي إني مقصر معك...وكلنا مقصرين... بس سامحينا والله مشغولين... نجلاء: أنتم من تزوجت وضحى ولا حد يسأل ولا شي... أنا ماهمن عماني الكبار بس أنت ووضحى تعزون علي... ضاري: والله غصب علينا...حقك علي... بس أنا والله مشغول والله إني ما أقعد كثير بالرياض... دايم من مكان لمكان... البائع: عفواً.. هيدا العطر جهز وتغلف...بدكون شي تاني..؟ نجلاء: عم تبي شي؟ ضاري: لا ... أبي سلامتك...كريمة زي أبوك...الله يرحمه.. _تخرج نجلاء من المحل وهي تمسك بيد عمها , يسحب الكرسي لتجلس نجلاء , ويشير للعامل_ ضاري: وش تبين نجلاء...أذكرك تحبين الموكا... نجلاء: فريش ستروبري...وإثنين لو سمحت.. ضاري: بهالبرد؟ ومن له الثاني؟ نجلاء: لنورة...ولا تبين أجيبه عندها..ولا أعطيه... عيب...واخزيااااااااااه _تقف المعلمة منال عند نجلاء, وتضرب على كتفها_: نجلاء..تعالي معي بسرعة... لا أتصرف تصرف ثاني... نجلاء: طيب لا تزمرين ... منب جايه... ضاري: عفوا.. بس.. المعلمة: أنت ولا كلمة لأنادي لك الهيئة... ياخي اللي تخاف على خواتك خافه على بنات الناس... التفاهم معك بعدين... نجلاء اقول أمشي معي..أحسن لك وأسلم... نجلاء: منب جايه... ضاري: يا أختي لاتغلطين ... أنا عمها وهذي بطاقتي إذا مو متأكدة طابقي إسمي وإسمها...وبعدين نجلاء أشرف من الشرف وبنت رجال ومربية... يعني يبين الكتاب من عنوانه ... فرجاء إحترمي نفسك.. نجلاء: وخليني مع عمي بآخذ راحتي... ضاري: منب مطول... عشر دقايق وطالع... المعلمة: عفوا... بس هي جت بعهدتي... وما أقدر.. _أخرج ضاري بطاقة الأحوال خاصته, وسلمها لها قائلاً_: خذي... إذا تأخرت على عشر دقايق... قدمي بلاغ ولا سوي اللي تبين.. _أخذت المعلمة البطاقة كآخر حل, وجلست بمقربة منهم_ ضاري: نجلاء صحيح اللي سمعته... نجلاء: وشو؟ ضاري: أختك عذبة تطلقت... وجدك تعبان.. وإنه قسم لك من حلاله... نجلاء: إيه قالت لي عذبة..بس بالضبط وش لي مادري؟ ضاري: بحسب كلامهم إنك صرتي مليونيرة..ولا... نجلاء: وش تنفع الفلوس إذا هي تجي بفقد الأحباب... ضاري: وشلون؟ نجلاء: لو ما ضاع أبوي... وماتت امي وسعود... وجدي تعبان ورجله بالقبر كان ما جان هالفلوس...صح.. ضاري: صح... بس نجلاء أحذرك... ترا الناس مب كلها زي خالك وأهله... ديري بالك لا يلهفونك وأنتي تناظرين... نجلاء: وش تقصد..؟ ضاري: الدنيا كلها تخوف هاليومين ... والقريب ممكن يصير عدو... نجلاء: مادري عن شي ... أنا بس أبي اعيش مع اللي أحبهم... لافلوس ولا غيرة تهمن... ضاري: مع بنات خالك؟ نجلاء: قصدك مع خواتي... إيه ومن لي غيرهم... ضاري: لك عزوة وقبيلة... كلها تفزلك لو ضامك من الدهر رجال... نجلاء: الله يخليكم... بس أنا مابي لاقبيلة ولا عزوة أبي عذبة وليلى ونورة وبس.... ضاري: ولا انا. نجلاء: لا ...من زينك أنت وهالسكسوكة اللي فتنت هالبنات... بس والله طالعن شي ... رزة....جنتل... ضاري : وش نوحك يا نجيل ...؟ صرتي تقولين كلام ماله داعي... نجلاء: تستحي.. يا سعدي...عمي خجوووول... ضاري: لا خجول ولا شي ...صرت بنيه؟ نجلاء أنا مضطر إني أروح الحين.. والله ودي أجلس معك أكثر بس ما باليد حيله... حذي هذا كرتي ... وإن بغيتي أي شي دقي على جوالي. نجلاء: أبرسل لك رسالة اليوم أول مارد للبيت...إحفظ رقمي..هاه. ضاري وقف وأمسك بيدي نجلاء, ثم شد عليهما قائلاً_: لا وصيك يا نجلاء على نفسك...وشدي حيلك بدراستك ... وخلي عنك شغل الخربطة والكاراتيه والكلام الفاضي... نجلاء: من قالك عم؟ _يذهب وهو يقول_: دريت....سلمي على جدك وفيصل وأبو عبدالعزيز... ولا تنسين مجيد..بمااااااااااان الله.. في صالة بيت أبناء العم" فيصل وعبد المجيد وسلمان يتحدثون ويضحكون سلمان: ويوم دخل إستاذ الرياضيات ... خلاص مت ضحك.. عارفن وش بيقول.. عبدالمجيد: فضحك عاد؟!!! فيصل: أفى عليك... أكيد...فضيحه بجلاجل سلمان: إيه..إيه قال يا سلمان أنا مادري وراهم حاطينك فيذا؟ المفروض يحطونك مع الموهوبين.. الذكاء عندك ضارب ... يا وخيي إذا بتغش غش بذكاء.. مو تشقلب المسائل ولا بعد ناقل غلط ومن فالح زيك...!! فيصل: ههههههههه وأنت مرتن ثانية لاتسوي نفسك فاهم...زين!! سلمان: كلش كلش..إلا الرياضيات... مادري كيف الناس ينجحون بوه... عبد المجيد: لا الحمدلله ننجح بوه بس ما نطيــــــــــــــــــــــقه...و الله إنيـــــ.... _تدخل نورة وتصرخ_:السلام عليكم... عندي لكم سالفة خطيرة ... عم تعال إجلس هنا قرب... فيصل: أنا بنادي الشيخ اليوم يقرا علي... دخلتي بي عشرة من الجن...شوي شوي عبد المجيد: وش السالفة؟ سلمان:إخلصي بروح أتغدى... نورة: صدز ؟... بروح أتغدى وأجي أقولكم... فيصل: لاحووووووووووووول...أبصم بالعشرة إنتس ونجلوة ما خليتوا مطعم بالسوق ما سيرتوا عليه!! أو لا.. نورة: لا بس أمممممممم.. أفطرنا بمقهى (...) وحلينا بـ.... وإنعزمت على فريش ستروبري من واحد... وتغديت من (...) سلمان: وتبين غدى بعد؟ نورة: لا بس بسولف على أمي وأمي نورة... ونجود... فيصل: نجود من الصبح وهي عند عذبة... عبدالمجيد: تعالي منهو اللي عزمك على ستروبري؟ نورة_تنظر للأعلى وتبسم وتظهر الخجل المصطنع_: إحم .. أأ ..ضاري... سلمان: لعنة!!!! منهو ضاري ذا.. _يقفز عبدالمجيد ويمسك شعر نورة ويشده له, ويصرخ بها: من ضاري بعد؟؟؟؟ نورة: آآآآآآآآآآآآآآآآآآى عم فيصل... آآآآآآآآآآآآآآي شفه... فيصل: خله يا مجيد وإذا صارت صادقة الرشاش فوق والله أفضيه على راسه... نورة: بسم الله علي...يمـــــــــــــــة نورة...يمــــــــــــــــــــــــــة آآآآآآآآآآآآآآآآآآآى الله ياخذك يادب ... يابو أربع عيون ...إتركن والله لأصيح ترا بصيح... سلمان: قولي من ضاري ويتركتس ولا ترا والله لأتمردغ ببطنتس أنا... عبدالمجيد: من ضاري؟؟ صدز لاغاب البس إلعب يا فار.. نورة : وجع..آآآآآآآآآي ..أح يوجع ... وخر بقولك ..بس وخر.. _عبدالمجيد يتركها, فتعدل من مريولها, وتعدل جلستها وتبتسم_: إسمعوا يا جماعة الربع... أبحتسي بس ياويل ويلوه اللي يلمسن... لمين أخلص...زين..اليوم وحنا كنا بـمحل إلا ذاك المزيون يجي....... _ويجتمع الشباب ويحيطون بها, ويستمعون بشغف_ .......وحطت نجلاء يدينه على خصره.. عبدالمجيد: الكلبة!!!... وينه أجلده... وشلون؟ فيصل: معقولة؟ لامستحيل... سلمان: والله فلم هندي... أح وين حنا عايشين؟ _تدخل نجود وهي تحمل المحمول, تلتفت لهم وهم يستمعون بشغف_ نجود: مجيد..وراه وجهك صايرن طماطة؟ وش فيك معصب...فيصل صك خشك شوي..لو أدخل به كان كفتن.. سلمان..عيونك طاحن بالأرض...وش السالفة المهمة.. ما شاء الله اليوم نورة صايرة الراوي.. _لا أحد يجيبها, ونورة تتحدث, الكل منصت_ نورة:............ماعرفتس على عمي...عمي ضاري..أخو أبوي خلف.. عبدالمجيد يضحك بقوة: الله يخسه فقعت قلبي.. قلت بعد نجلوه قليلة أدب!! فيصل: ياحليله ضاري..رجل لو يخطبتس يانورة زوجتس إياه لو بريال... نورة: ليته ... بس العله نجود لابطتن على تسبدي... عبد المجيد: ناه هاللي ما تستحي...قليلة أدب شكلي اليوم بفلقتس... نورة: ياخي مزيون ورزة...طويل... وطيار..ورجال... نجود: منهو...خاطب جديد لنورة...؟ سلمان_يمسك بشعرها_:شوفي يا نوير... والله أسمعتس تقولين هالكلام مرتن ثانية.. وقسم بالله لآجلدتس لمين تعظين البلاط... نورة: عم فيصل... شفهم غيرانين من شعري الأسود المتدلي على أذني... فيصل: نورة الكلام اللي قلتيه ما يصلح...عيب نورة: يا سلام ... نسينا ما كلينا؟ نسيت مدحك لعذبة... وشبتك على أمي نورة تخطبه وعلى مجيد يقول لسعود مسوي تستحي هاه وبعدين فقعت راسه وراس عمي... نسينا لامن صارت هنا جيت ولزقت ولا طلعت... والمشاوير اللي تتطوع تودينا لامن صارت معنا؟ ولا حرام علينا حلال عليكم يا الرجال؟ نجود: نورة!!! _فيصل يتغير لون وجهه, وينهض ثم يتجه للدرج_ نجود: وين يا عم؟ مانتب متغدي؟ فيصل: لا ... شبعان.._ويهمس بصوت خافت_من دنياي... عبد المجيد: لا ... فعلا ما تستحين.. نجود: تغير وجهه.. نورة أنتي قاسية...حرام عليتس.. سلمان:والله ما توقعت هالكلمتين تأثر بوه... نورة روحي إعتذري منوه..ذا فيصل..مو مجيد يرده لتس بأشد.. نورة: ما قلت شي غلط...أنتم يالعيال تسوون الشي وتقولن لنا عيب!! مع السلامة بروح انام.. نجود:والله ياهي ما بباله من أحد.. وااااااااااو مرة جوعانه وتعبانه... بتغدا وبنام نص ساعة وبروح لعذبة نكمل المشروع أنا وياه عبدالمجيد: ما سلمتي مشروعتس؟ نجود:إلا .. بس بسوي حق عذبة بساعده ويالله نخلص الفجر ونسلمه بكرا... سلمان: وع... ياناس وش مشقيكم بالدراسة؟ الله لا يبلانا ... بروح أتغدى اكيد أبوي الحين باض من الحمق... عبدالمجيد: والله إنك صادز...مير أقوم أروح لفيصل..فتفت..فتولي... ***** |
"الساعة السابعة والنصف صباحاً" نجود تصرخ بالدرج: عذبوه بسرعة... والله مس سماح ما تسمح ندخل بعدها, عذيييييييييييييييييييييييييييييييييب...بسرعة خلصينا.. عذبة_تنزل من الدرج تعلق المحمول, وتلملم أوراقها_: طيب ... شوي شوي أبوي نيم... يالله إلبس عباتس.. وتلبس عذبة عبائتها وهي تهم بالخروج, يتعالى صوت سعال الجد, يسعل , ويسعل.. تقف عذبة تأتي كاميليا , وتدخل عليه, تلتفت نجود قائلة: عذبة بنتأخر ... تراه مره معصبة عليتس.. تسير عذبة خطوتين, ويتعالى السعال مرة أخرى, تقف ثم تلتف على نجود, وقالت وهي ترمي الحاسب والكتب والملفات على الأرض_: ياخذ أبو جدين الدراسة اللي تبعدن عن أبوي وهو محتاجن.. نجود: شلون؟؟؟ عذبة: روحي مع السلامة... إن بغت تحط لي صفر منب رايحة نجود: مهبولة أنتي؟؟وكل شغلنا مواصلين للفجر... يروح بلوشي؟ منهبلة؟ عذبة: ليتي مهبولة كان مرتاحة من غثى هالدنيا... وتذهب تاركة نجود.. نجود: انا أجل مب مداومة ... مالي خلق أسمعها تسبك... عذبة: خليه تقول كلمة بس... شين وقوه عين... روحي وخليه تسبن زي ما تبي ... متساااااااااااويه _وتدخل غرفة الجد, وتنصرف نجود_ عذبة: بسم الله عليك يبه...شربت أميه.. أسقيك..؟ الجد: إيه يا بنيتي... الله يخليكن لي...كوووووووووووح كحكح كوووووووووح _تسقيه وتحضر كاس يانسون دافئ ليرطب حلقه, وتغطيه وتنام على طرف سريرة وهي تمسك بيده, وتمدد جسدها على الكنب, وصارت تذرف دمعا, وتكتم شهقات تفتق صدرها_ ***** في غرفة عبد المجيد" يدخل فيصل ويفتح الستائر, ويفتح النافذة , ويضرب على الدولاب بقوة. فيصل: يالله ... مجيد ... يالله يانايم وحد الدايم... عبدالمجيد:أوووووووف فيصل: يالله مجيد قم أفطر ورح للجامعة... أمك قالت لي أقومك... عجزت عنك... حرام عليك حرقت اعصابه... جامعتي تنادي ... طلائع الشباب ... هلموا هلموا... عبد المجيد: أقول أص من زين صوتك... فيصل: والله أنوه احسن من صوتك... قم عاد مجيد بلا ثقل دم... ؟_ويتقدم منه ويسحب الغطاء_ عبد المجيد: فيصلوه...إنقلع الله يقلعك... فيصل: قم رح للجامعة... لك ثلاثة ايام ما تغيب عنا... وش عندك ما تداوم؟ عبد المجيد: إمتحانات على الأبواب... بذاكر.. بس إنقلع... وخلن... فيصل: علي.. علي يا مجيد... عبدالله الدردغانه يدرس بنفس قسمك و ما يغيب... ولا بدا يذاكر... أمس مكلمن من الجامعة... عبدالمجيد: يوووووووووه... خلن أنام... فيصل: ليش ماتروح للجامعة؟ عبد المجيد: لامن قمت قلت لك... فيصل: تركت الدراسة صح؟ عبد المجيد: أص لا تفضحنا...إيه بس لاتقول لأبوي ولا لأمي.. فيصل: زين بس قم وقلي الأسباب بالتفصيل... عبد المجيد: لو بقولك الأسباب رحت داومت أصرف... إنقلع بس.. وصك الدريشة وهات البطانية...برد... فيصل: طيب بس ... بنادي لك نورة تحقق معك تراه غايبة. عبد المجيد:لا واللي يرحم والديك تعال بقولك كل شي إلا نورة ما قدر... ما تنطاق وفضيحة ما يبقى أحد بالبيت ما يدري... فيصل: إي والله مايرعبك إلا هالكورة... وش السالفة بالتفصيل؟ عبدالمجيد: هذا الله يسلمك..... ******* "العاشرة صباحاً في الصالة الجانبية في بيت الجد" تتأكد عذبة من أن جدها أخذ الدواء, تخرج من غرفته وهي تضع يدها على رقبتها وتتألم, تنظر إليها إليس _خادمة_ وتطيل النظر إليها, تبتسم عذبة ولسان حالها يقول ماذا هناك؟ إليس: ..look!! It is broken عذبة: يووووووووه..إنكسر؟ راح كل شغلي... يالطيف.. إليس: I did not know who broke it..i am sorry (أنا لا أعرف من كسره...أنا آسفة) عذبة: well.. The panic from a catastrophe is another catasrtrophe!! (حسناً... الجزع عند المصيبة مصيبة أخرى) أليس: Yes.. madam , can I ask qousetion? (مدام.. هل من الممكن أن أسألك سؤال؟) عذبة..: وشو؟ آآآآه _وتمسك رقبتها_ أليس oh..!! is There problem? do you need a doctor? (أووه.. هل يوجد مشكلة؟ هل تحتاجين طبيب؟) عذبة: لا ما فيه شي... آآآآآآآآآآي_وهي تمسك رقبتها وتتوجع_ _ينزل ناصر من الدرج ويقفز العتبات وهو يضحك_ ناصر: ياثلام... عذبة قايمة.. خلينا نفطر..يالله..دميع.. عذبة: ياصباح العسل والنور وعليكم السلام...ولو إنك ما سلمت... ناصر: الثلام عليكم ورحمة الله وبركاته_ويجلس ويشغل التلفاز, وإذ بمقدمة لفلم كرتوني تغني بصوت جميل شوق يدفعني لأراها أمي ذكرى لا أنساها طيف أنقى من زبد الأيام همساتها باتت نجوا لا تنس أخاك ترعاه يداك لو سرقت منا الأيام قلباً معطاء بسام لن نستسلم للآلام.. لالا لن نستسلم للألام ناصر: عذوبي ليه تثيحين... ليه كلكم كل يوم تثيحون.. أنتي تثيحين ... ندلاء بالحديقة دايم تثيح ليلى بالمرثم تثيح ماما مها تثيح خلاث ملينا ثياح أنا ما أحبكم ... أنا أحب ماما فرح وثعود.. ما يثيحون.. أمي فرح ما تثيح.. أمي بطلة... عذبة أبي أروح لأمي فرح أبي أروح.. قولي لربي يخلين أروح للدنة ودي أروح وأنام مع ماما فرح..ودي _عذبة لأول مرة لم تتمالك نفسها, ضمت ناصر وبكت بحرقة شديدة_ عذبة: ماما فرح قوية ماتصيح...!! آآآآآآآآآآآآآآآآآآآآآآآآآآآآآآآآه يا فرح.. من غبتي عن وغاب معنى إسمك بدنياي آآآآآآآآآآه يمه لو تشوفين حالي بعدتس... _تدخل ليلى تحمل لوحتان خشبيتان وكاميليا تحمل العديد من علب الألوان_ ليلى: وش فيكم أنتم تصيحون...؟ كاميليا: عذبة تعبانة ؟ أنتي في لازم نوم الحين.. عذبة: لا مابي شي_وهي تمسح دموعها وتصطنع ابتسامة_ ورين أشوف وش رسمتوا اليوم... ليلى: إنحاس اللون.. بعيدها اليوم.. شوفي اللون الأحمر إنحاس بالأسود.. عذبة: إيه ليه اللون الأسود يغطي كل شي.. ******* الساعة السابعة صباحا ..في القصيم" الجدة عذبة في بيت أخيها في القرية, الجميع مبتهج بهذه الزيارة, أبناء أخوتها وبناتهم يتوافدون لمنزل الخال عبدالرحمن, ليلة البارح أقيمت وليمة كبيرة على شرف زيارتها, لذلك هي ناعسة جداً, تسمع صوت جوالها يرن.. الجدة: حصيصة... واللي يعافيتس هاتي هالبليه.. شوفي منهو... حصة: سمي ياعمة..هذا رقم من برا.. يمكن ريم..أرد عليه؟ الجدة: ريم!! لا أهوه.. أنا اللي برد.. بنيتي...ألوه.. ريم..ياحيى الله الصوت..وشلونتس يمه يا ريم الفلا.. والله الحمدلله بس ودي بشوفتس..عساتس طيبة.. إيه بنتس بخير.. هو!!وراه صوته ضايقن صدره؟ لا.. بس جده تعبان شوي .. لا ما بوه الله العافية.. والله ما بوه شي .. بس الكبر... منب جايه.. حرام عليكم...قلبي تقطع عليتس وعلى عييلتس.. ودي أملى عيني بشوفهم.. لا.. الصور ماتكفي.. ألوه..ريم.. ألو..راحت..الله ياخذهم وياخذ ديرهم.. الكلاب.. _وتنفجر باكية_ حصة: عمة!!.. وش به ريم؟ الجدة: ضايقن صدره على نجلاء تقول كلمّته وصوته مب زين.. حصة: مب جايه.. كم لهم هناك ماجو..أممم.. اربع سنين.. صح؟ الجدة: الله يتخذهم الكلاب.. لامن جوا يخافون ما يرجعونهم ثانيه.. الله حسيبهم قطعوا قلبي على بنتي... وقطعوا قلوب الضعوف.. الله يمحاهم محي.. الله يفتت قلوبهم من المغاث... ياربي ياحبيبي إنك ترد بنيتي.. حصة: الله يردهم لكم سالمين غانمين...عمة يالله ورا ما تطلعين نتقهوى حنا والعمة وأبوي وخالد..يالله تراهم يتحرونتس.. الجدة: يالله يابنيتي يا حصيصة.. روحي أنا الحين بجيب علاجي وبجي.. الله يزديتس ويرضى عليتس... ****** "في الجامعة" تدخل د.سماح وتضرب بالأوراق على الطاولة , وتنظر للطالبات بإحتقار.. د.سماح: أنتوا لويش جايين الجامعة؟ المتوسطة المفروض مكانكم؟ إيش البروجكتات اللي جاتي أمس!! معقولة هاظ شغل بنات مستوى خامس..لعمى.. طالبة: عفوا دكتورة.. لكن اللغة حقت البرنامج ما سبق وأخذناها.. عشان كذا لازم يكون فيه بعض الأخطاء.. زيادة على كذا الوقت مرة قصير.. د.سماح: أنا مابحب الهوص ... شغل الكسالى مابطقيه.. قال الوقت قصير.. هذا لو اعطيته لعاملة النظافة اللي برا كان عملته أحسن منكم.. ما أحد وخذ الدرجة كاملة .. بس أربع طالبات أخذوا 6من 10 والباقي تترواح مابين الـ4 والـ1 و كمان فيه طالبة ما سلمت.. وينها عذبة ماجد؟ جاييه اليوم ولا مستمرة بالإستهتار؟ عذبة_تأخذ نفساً عميقاً إستعدادا لتلقي سيل من الشتائم_: نعم.. د.سماح: الحمدلله .. لويش جاييه اليوم.. كان كملتي بالبيت .. وينوا مشروعك.. عذبة: حصل ظروف وما قدرت أجيبه..وأمس الكمبيوتر إنكسر.. وراح كل شغلي.. د.سماح _تضحك بسخريه شديدة_: لا والله.. قولي إنك آمس تدوري بالأسواق ويوم جيتي البيت .. ماتقدري تسوي شي.. تعبانه يا عمري... عذبة: أنا أتكلم جد.. وأمس ما طلعت من البيت.. د.سماح: إنتي كذابة...إنتوا يالسعوديات عندكم أموال مضيقه عليكم.. لجل هيك أنتوا بتلعبوا فيها ... وأما الدراسة انتوا فيها صفر.. صح؟ أنتوا أصلا بدو وفلاحين... بتضلوا بدو.. ما بدكون تتعلموا.. لو بيجيبوا لكم جامعة إكسفورد لهون _‘إحمرت وجوه الطالبات غضباً _ ضربت عذبة على الطاولة ووقفت: إيه حنا بدو.. وحنا عمى عين العدو.. لكن يا دكتورة أنتي ما سألتي نفسك سؤال.. كيف هالبدو بنوا كل هالحضارة اللي تشوفينها واللي عايشه أنتي الحين من خيرها... قبل خمسين سنه كنا بدو وفلاحين بس... والحين حنا بدو وفلاحين...لكنهم بنوا وتعبوا تعلموا ... وشقوا... طلعوا كل شي من لا شي... ما سألتي نفسك يوم... المملكة كيف إنبنت خلال خمسين سنه بس.. وصارت من أفضل الدول بالجامعات... والمستشفيات.. والمراكز... صاروا أطباء و مهندسين ومعلمين وتجار ومصنعين... كل هذولا من جابهم ورباهم وشجعهم إلا البدو والفلاحين اللي أنتي حاقرتهم.. _تلعثمت الدكتورة وظهر ذلك جليا على وجهها فأردفت قائلة: أيه.. لو ما كنا إحنا ... كان ما صرتوا.. إحنا علمناكم.. وحضرناكم... ليش بتنكري ..؟ عذبة: لا يا دكتورة ما انكر... وليش أنكر... يشوفها العمى ذي.. أنتم يوم كنا فقرا ... الجوع يا كلنا والحروب تطحنا.. ما جبتوا خبرنا... لاهين بحضارتكم... ومدارسكم....زي ما تقولين... ويوم توحدنا تحت أول دولة سعودية وبدينا نتعلم... ونتطور.. جيتوا لمنا..لكن مو عشان تعلمونا ولا عشان تثقفونا... جيتوا عشان تدمرونا.. وأنهيتوا وحدتنا... وأرسلتوا إمامنا للقتل بتركيا...صح..؟ أنا الحين مو قاعدة الومك على شي مالك فيه لكن حبيت اوضح لك الحقيقة الغايبة عن بالك.. ويوم طلعت عندنا هالبترول والفلوس .. اللي انتي الحين حاسدتنا عليهن.. جيتوا عشان تثقفونا وتعلمونا..!! بس كل شي بمقابل.. أنتم تعلمون ... وحنا ندفع... صح؟ يعني ما أظن لكم الفضل علينا... أنتم تدفعون العلم... وحنا ندفع فلوس... وأظن المعادلة صارت الحين متساويه.. وطبعا لو ماكانت؟_بعدالله_ عند الدولة ككل من الحكومة والشعب الرغبة في العلم... ما إنقلبنا خلال أقل من خمسين سنه من حال لحال وكلامك هذا عن السعوديات يعتبر جريمة... بحقنا... وأنا وغيري من البنات ما راح نسكت... وبنوصل الموضوع للعمادة.. وأنتي عارفة وش بيصير.. _وقفت الدكتورة واجمه , فيما ساد جو من السرور في القاعة وصفقت طالبه من الخلف , فشاركها الجميع عدا نجود وزميلتيها_ **** عبد المجيد بالسيارة مع عمه فيصل" فيصل: والحين أنت خلاص سحبت ملفك .. نهائي... عبدالمجيد: إيه... فيصل: انت يبيلك قران.. الحين مابقى لك إلا سنتين وتخرج.. وآخرته كذا... عبدالمجيد:ياخي كم لي بالجامعة خيست..وكله كوم والدكاترة لمن يقولون أنت متأكد إنك أخو عبد العزيز... فيصل:ليه وشفيه عزيز...؟ عبدالمجيد: ما فيه شي ... بس شاطر... الأول على الدفعة ... والطالب المثالي للجامعة... وأنا الطالب الكمخة بالقاعة... يغثونن لامن قالوا ليش ما تكون زي أخوك... فيصل:طيب ... والمهندس اللي أد الدنيا... وين الخرابيط اللي فقعت روسنا به.. عبدالمجيد: ياشيخ مليت ما حب هالقسم .. ما أطيقه.. فيصل: مو لو إنك داخل لغة عربية كان أنت الحين متخرج وبإمتياز... عبدالمجيد: أبوي وأمي ... ما يبون... تقول أمي أبيك مهندس ولا دكتور.. أبي أرفع راسي بك... منتب أقل من وعزوز وتركي وسعود..وفقعت راسي.. فيصل: يالله خله ترفع راسه بك... عبدالمجيد: فيصلوه ترا اللي بي مكفين... لاتكمل علي... فيصل:وش بك مجيد.. أنا أتكلم جد... عبدالمجيد: بلا جد بلا عم... ياخي شايفن رايق... الله يعين عليه وعلى أبوي فيصل: يا حبيبي ترفع راس أمك مو بس بالدراسة.. الله من أبو طبيب ولا مهندس ما طلع شي... يا حبيبي إذا حطيت ببالك هدف بتحصله ... بس الأهم إنوه يكون من داخل نفسك وأنت اللي راغبن بوه... عبدالمجيد : أقول ذكرتن لماجد... الله يرده... كنك طريقة كلامه.. لامن سمعتوه أقول هذا دكتور نفسي... تدري.. قالي يوم أدخل علمي وأنا أحب الأدبي.. لا تدخل قسم بناء على رغبه أحد... انت صاحب القرار والرغبة... والرغبة التي تنبع من داخلنا هي اللي تدفعنا لنحقق ذواتنا... فيصل: إيه.. والله إنه صادق.. بس تصدق مجيد... عبدالمجيد: وشو... ؟ فيصل: مازال تأثيره واضح وبقوة على عايلته... شف بناته كل وحده ميوله تختلف على الثانية وكل وحده تعتقد إنه أفضل وحده... وإن مافيه مثل رايه... ياخي ذولا نفسي أعرف كيف يعيشون مع بعض.. عبدالمجيد: قصدك عنيدين من الآخر... بلا قرق زيادة.. فيصل: وش بك ... يا خي روق...مب كونه عناد..أكثر من كونه ثقة بالنفس... يعني يتنازلون.. بس ما يحسون إنهم غلط ولا والله مادري.. بس هم غربين... عبدالمجيد: ما إنشقت بس تخر... هم غربين عشان أمهم عايشتن طول عمره بإمريكا.. وهم إنولدوا وعاشوا ببريطانيا... وجو بتفكير يختلف شوي... صح؟ فيصل:لا.. ما تأثروا كثير... تشوف سعود الله يرحمه بالبر ما تقول هذا ما جاء من برا إلا بالثانوي... والله ماتقول إلا رابي بمزرعة...الله يرحمه عبدالمجيد: أقول فيصل... توقع أبوي وش بيسوي بي لامن دري إني فصلت من الجامعة.. فيصل: بيشنقك... عبدالمجيد: أبيه يوظفن زيك... مليت من الدراسة.. فيصل: شف إذا على أبوك بتصير مصيبة... لاكن أنت كلم سعد..وأمي وخلهم يخففون شوي من حدت الموقف... عبدالمجيد: الله!!!! يعني الموضوع فيه شنقه...وش سوا لك يوم تركت الدراسة.. فيصل: سعد فكن منوه... بس أنت ترا يمكن غير... أنت ولدوه... عبدالمجيد: بطني وجعن... لا إن شاء الله أبوي حليل... ****** "في الكافتريا" عذبة تتكئ على أحد الطاولات, وتشرب قهوة داكنة , تراقب الطالبات وتوزع إبتساماتها يمنة ويسرة, تدخل نجود ومعها زميلتيها خوله وأميرة, ويتجهن صوب عذبة.. عذبة: هلا والله... طلعت الغثة ما أمدا!! نجود_وهي تسحب الكرسي_: أنتي خلاص إنهبلتي... وش سويتي اليوم!! أميرة: والله يا عذبةهذاوجهي إن إجتزتي هالمادة... خولة: أنتي لو شفتي عيونها وهي تطالعك وأنتي طالعه ... يمه.. يمه .. تخرع موت... عذبة: صدز... زين خلها تعرف إن الله حق.._وترشف رشفة من القهوة , ثم تشير لأحد العاملات بالكافتريا_ هلا .. تمام كيف حالك أنتي.. !! أميرة: يااااااااااااااه يالبرود ... يابرد أعصابك... إحنا خايفين عليك ... وأنتي ماهمك... عذبة: الله يجزاك خير... ماتقصرين بس لا تخافين علي... أنا ما سوي شي إلا وعاملتله ألف حساب... نجود: أجل إرسبي ... وخيسي بالحاسب.. عذبة: خير هي جامعة أبوه... جامعة إبن سعود فتحه للناس كله... مب تجي وحدة ماتسوى وكمخة بعد... تقعدن...هي فوضى... أميرة: لا يا حلوه هي دكتورة... يعني بيدها يخيسك بالجامعة ولا أحد يتكلم... عذبة: بالله تحسونها دكتورة... جد والله أشك إنها شاريه الشهادة... لعنبو داره الحين أجيب له كلام نفس المعنى بس يختلف السياق وتقولي غلط... أسألتها من النت... الواجبات اللي تعطينا... واضحه إنها كبي بيست... ولا عاد هي تصحح... والله ريم ذيك اللي تجلس ورا, حاطتن له أي كلام ومشيه لها ورنا مسويته شي جنان وحاطتن له ثلاثة من عشرة... وين العقل... لمن أناقشها يبين ما عندك أحد... خولة: إيه والله إنك جادة ... باين إنها خرطي .. والغثة إنها دايم تحط قصورها بالشرح وفشلها على الطالبات ... يعني كل الطالبات مهملين وأنتي الفالحة... شي يقهر.. نجود: وش بتسوين الحين؟ عذبة: أمممممممم.. تو رحت للوكيلة... وقلت لها السالفة.. نجود: طيب وش قالت...؟ عذبة: وش بتقول يعني... عصبت وقالت هذي نتفاهم معها... وقالت لي لا تخافين ورقة إمتحانك أنا بصححها بنفسي... عشان ما تنظلمين... نجود: حبيبتي ... كل القسم صديقاتها وبالذات الدكتورات...و اللي من ربعها... يعني إذا مشوك من عندها بيتصلطون الباقين... أميرة: لا ... مو كلهم كذا... د.سلوى مستحيل تظلم أحد وأ. رنا وأ. أشواق وباقي المعيدات ما ظني يتعاطفون معها على حساب ظلم أحد أيا كان.. خولة: بس كلامها صحيح... فيه هنا دكتورات ما عندهم لا ذمة ولا ضمير... عذبة:خلصتوا؟... نجود: إيه يا الثلجة ... والله ما كنت أدري ببرود أعصابك هذا... عذبة: والله يا أنتم عاملين مشكلة من لا شيء... نجود: أقول بتخيسين بالدراسة وتقولوين لاشىء.. عذبة: لا نيب مخيسة ولا شي... أنا بحول أدب إنجليزي.. نجود:وشـــــــو!!!! عذبة:لا تقولون حرام... مادري إيش... ترى راسي إنفقع من الوكيلة... بحول قسم ممتع... أتعامل مع أوادم أحلل شخصيات ومواقف شخصية... أبرتااااااااااااااااااح من هالقسم وأرقامه... أحس إني هنا نسيت إنسانيتي من كثر ما أتعامل مع البرامج والأرقام.. أميرة: بس تراه صعب ماراح ترتاحين... عذبة: أدري إنه مو سهل... واجبات وبحوث وشغل... بس يكون أسهل من هالزفت اللي الحين ندرسه... معي لغة... وأفنان مستمتعه وهي تدرس فيه... والله لامن قريت بحوثها ووجباتها أستانس... أحسهم أوادم ويتعاملون مع أوادم... نجود: بس حرام بعد هالكرف ما بقى لك إلا سنه ونص وتتخرجين... الحين لك ثلاث سنين ونص تدرسين آخرتها تبدين من جديد!! عذبة: أبدا بشي أستمتع فيه... وبعدين الوكيلة قالت لي بيعادلون المواد اللي درستها هنا ويمكن أصير بمستوى ثالث... حلو صح... خولة: عذبة أنتي فيك شي تتكلمين جادة ولا مازلتي متأثرة بالموقف... عذبة: أتكلم جد... وقلت للوكيله مب جايه لإمتحاناتي... بس بجي للمادتين العامات عشان بيعادلونهن لي بالإنجليزي... في غرفة عذبة" فتحت الدفتر المخصص لوالدها, أمسكت القلم وكتبت: أبي... أحتاج إليك الآن... كل يوم يمر ينذرني برحيل جدي.. لم اعد أطرب بصوت العصافير صباحاً... ولا تنعشني رائحة زهور الفل الندية المنبعثة من شرفتي.. لا تبهجني خيوط الشمس الذهبية.. حين تخبرني بمقدم يوم جديد... وبعد قريب.. اليوم إتخذت قرار حاسماً.. غيرت تخصصي وسأبدأ من جديد... قراري كان نابعاً من ذاتي.. شعرت برغبة ملحة بإتخاذ القرار..بدون أن أستشير أحد... هذه ليست من عادتي كما تعرفني... ربما لأنني كبرت بما يكفي أو ربما لأنه لا يوجد أحد أستشيره..بعد رحيلكم.. لا أحد.. وحدي يجب أن أتولى كل شيء.. يجب أن أتألم لوحدي... وأبكي لوحدي.. عذراً والدي فكلامي مقطع وركيك... ولكنك أقرب الناس لي حتى في بعدك.. لذا لم ولن أخجل حين أشهدك على ضعفي الذي يرتدي قناعاً من قوة جوفاء... أحتاج إليك الآن أكثر من أي وقت مضى... أحبك... وأنتظر عودتك... صحيح نسيت أن أخبرك... الآن سأكلم هيفاء لأقنعها بقبول حبيبي حبيباً لها... اليوم سأقدم أجمل وأقسى مشاعري... أجملها تجاه من أحببت... وأقساها تجاه قلبي المسكين.... أعذرني أبي العزيز... أعلم أنك لن ترضى بذلك... ولكن...هو الحب والكبرياء حينما يجتمعان يخلقان مزيجاً قاتلاً... ......... _تدخل أفنان في هذه الأثناء_ أفنان: أهلين عذوب...شوفي هه ما تأخرت.. عذبة: شاطرة... أفنان: الحين بيجبون لنا قهوة... عندك شكولاته... عذبة: لا.. دقي على أليس... أكيد بالثلاجة... ولا مسويه حلا... تدبر عمرها... أفنان: الطباخة!! عذبة:لا الكوافيرة...وش رايك يعني أفنان:ماعرف رقم المطبخ... عذبة: انتي وش تعرفين...235 شوفي أفنان بسوي الحين شيء... أفنان: وشو؟ عذبة: بدق على هيفاء... أفنان: حرام عليك تقسين على نفسك كذا...والله حرام.. عذبة: شسوي... لازم.._وإتصلت على هيفاء_ أفنان: تقوين؟ عذبة: ألو... السلام عليكم... هيفاء: وعليكم السلام والرحمة.. كيفك هيفاء عساك بخير... تمام ولله الحمد .. مين معاي.. عذبة: أنا عذبة هيفاء: عذبة!!! .........................هلا والله.. عذبة: أدري بتقولين ليش متصله لكن أنا عندي كلمتين بقولهم هيفاء:هلا وش عندج... عذبة: _وأخذت نفس عميق وأغمضت عينيها_ أنا بقولك إنواااا...إنوا مشاري رجل.. وما ينعاب... والشهر اللي أنا عشته معوه.. ما شفت منه إلا كل خير... خلوق ومحترم وحظ البنت اللي بتصير نصيبه... وإذا كنتي أنتي هالبنت لا أوصيك عليه... تراه ذهب ... ولو ما كانت ظروفي اجبرتني.. كان ما فرطت فيه... بس تطمني... أنا ما يهمن كان معي ولا مع غيري الأهم إنه مبسوط.. و....إن شاء الله أشوفك بالزواج وأبارك لك... و......................يالله مع السلامة... هيفاء: عذبة...!! منو.....طوط طوط... _رمت عذبة بالجوال على الجدار فانتشرت أجزاءه في أنحاء الغرفة_ أفنان: وش ذنب الجوال... عذبة:خليه يتكسر ماهو أول شي لي ينكسر... أنكسر كل شيء حلو بحياتي... أهلي.. وحبي...وقلبي... آآآآآآآآآآآآآآآآآآآآآآآآآآآآآآه ياقلبي... _وإتكأت على الجدار ورفعت رأسها فيما أخذت دموعها تجري على خدها وتنساب على صدرها من خلال رقبتها, شعرها الأسود المسترسل والخصلات التي إلتصقت برقبتها البيضاء الطويلة, وحمرة خديها وجلابيتها البحرية رسمت منها لوحة فاتنة ومبكية في آن واحد_ أفنان: بس قدرتي تكلمينها..مادريت إنك قوية... والله لو أنا بآخذ واحد وبتكلمني حبيبته وبتقولي هالكلام ما وافقت عليه , لأن اللي يوافق يتخلى عن أحد يحبه كذا , ما يخلص لي أنا بعد.. ولا... وش رايك... عذبة: ما تخلى عني بكيفه... والله يا فنو... والله هو يحبن.. أفنان: لا حبيبتي هنا ووقفي... قلنا فيه شي حده على الطلاق وطلق بطريقة قليلة أدب وجبانه... لا كلمك ولا شرح لك ظروفه.. ومشيناها... وقلنا خايف يواجه... بس مسألة إنه يقول كلمي خطيبتي.. هذي مقصود فيها مذلة... يبي يذلك...بس أنتي دواه بينتي له إنه ولا شبشب الحمام... عذبة: أه بس يا فنو ... والله مادري اللي قاعدة أسويه صح ولا غلط... تايهه ومافي أحد يدلن... بس ترى هيفاء غبية شوي ... على وجهه ماتفكر لبعيد... أكثر ما تسمينه سقيمة ومتبلدة.. والله شيء يقهر مشاري ياخذها..آآآآآآآآآآآآآآآآآآآى _وعادت نوبة البكاء من جديد_ أفنان: يوه بدينا من الحين شغل الضراير... مامدى تو تقولين لها مابي رجلك.. ومبسوطه إنه من نصيبك... والحين مقهورة منها... عذبة: إسمعي أنا عذبة بنت ماجد... عذبة حفيدة عذبة... مادخل على ضرة... والصحن اللي يشاركن بوه غيري أعافه... لو الموت ما رد لمشاري ومعه غيري.. مابي راسن للمخاليق مدواس... وراسي لو ينحني لغير ربي ... بسيفي قطعته... أفنان: شصاير يا عذبة... عمري ما سمعتك يوم تتكلمين بهالشكل ذا... كلامك هذا ما يليق لك.. شوفي شكلك بالمرايه... هالجمال والأنوثة وتتكلمين كلام رجال... كلام قوي مالك فيه... حرام تراك ماتتحملين هالقسوة اللي تجي على نفسك قبل الناس... والله مو لك هالكلام... عذبة_تضرب على التسريحة وتتناثر أدوات التجميل وتصرخ_ ليه ما يليق لي... كلام الرجال!!! لازم أصير رجال ... مادام ما وراي أحد... لازم أصير رجال ... عشان أقابل قسوتهم... أقسي على نفسي وعليهم... خير ألف مرة من أني أتحمل قسوتهم علي وعلى خواتي... صح!! أفنان: والله صايرة هاليومين ما أفهم عليك... عذبة: إصبري... توك ما شفتي شي...أنا عذبة بنت ماجد... وابن أبوه يوطى لي على طرف... أفنان: يعني وش بتسوين بمشاري... عذبة: مشاري...!!! لا ولا شي... مشاري ما تحداني تحدي رجال... وقلبي لو قسيت على الكل ما يسمح لي أقسى على من أحبه... أفنان: ياهوه... إلا هو الوحيد اللي يستاهل تأدبينه... حقير ولا يسوى مب رجال... قلبك للأسف حب رخمة...رخمة مو رجال... عذبة_وهي تبكي_: خلاص يا أفنان تكفين لاتسبينه... خلاص... اللي فيني مكفيني... لا تسبين قلبي ترى قلبي حبك قبل لا يحبه... أفنان: ماتخلين عنك الشطانة... بس انا أحبك وهو ما... عذبة: بس!!! لا تكملين ... مشاري يحبن ... والله يحبن... بس أنتم حاقدين عليه... آآآآآآآآآآآآآه يامشاري جمعت الشوق واهديته عيونك وكل الحب في دربك نثرته وعطرت المشاعر من جنونك وزفيت العمر لك لو خسرته ******* "في غرفة ليلى" ليلى تتحدث بالجوال, بصوت هامس وتنحني تارة على الزهور المزروعة بشرفة غرفتها... ليلى: يالله عاد بلا دلع... وش رايك؟ أممممم ... يعني أزعل؟ ..لالا لا تسوي فيها ثقيل... حلوة!!! لا مابي حلوة وبس... حرام عليك كل هالتعب وآخرتها حلوة بس... لا كذا والله بزعل منك... ولا حلوة مرة... أبي تعليق جاد... تستهبل... زين الشرهه علي اللي آخذ رايك مع السلامة... _تغلق الجوال وترميه على سريرها وتصرخ_: زين مؤيد أنا دواك... **** في حديقة بيت الجد" مسطحات خضراء كبيرة, جلسات خشبية مترامية بشكل بديع في أنحاء الحديقة, تضللها عرائش متقنة الصنع, وتحيط بها أشجار النخيل الباسقة, وأشجار متباينة الأطوال, أصوات خريرمياه النوافير والشلالات الصخرية المتناثرة حول الجلسات مع روائح الزهور الملونة وأصوات حفيف الأشجار تخلق جو من الارتياح والبهجة , مما جعل عذبة تتمدد وتضع رأسها على فخذ جدها , الجد يمسح على شعرها , وينشد بعض الأبيات التي حفظها عن ظهر قلب... عذبة: يوه يبه.. ماشاء الله عليك تعرف القصيد؟ الجد: إيه يا بنيتي أنا أحب القصيد...والشعر...أمي كانت شاعرة... عذبة: يبة ليش ما طلعت عليه... ناصر: الله يرحمه ... مب بس شاعرة ومزيونه... عذبة: يبه عاد ما قصرك زين... قمر ما شاء الله عليك... ولو تسمع شوري وتخلين أخطب لك... الجد: لا يا بنيتي... أنا عندي ثلاث حريم... وش تبين أكثر.. عذبة: هو... يبه!! منين طلعن ذولي... الجد: أنتي .. وليلى .. ونجلاء... عذبة: يبه فقعت قلبي ... حسبتك متزوج وجاحدن عنا!!! الجد: لا يا بنتي... ماتزوجت أول أتزوج تالي... أنا من طلقت أمتس ... عفت الحريم... إيه الله يسامح من كان السبب.... عذبة: من كان السبب يبه؟ الجد: أخوي...وأمي... عذبة: ليه؟!!!! الجد: ................ يقولون منب رجال اللي ما أوقف مرتي عند حده.. عذبة_تجلس وتقرب وجهها من جدها_: يبه...ليه هي وش سوت... الجد: أمتس كانت صغيرة وسفيه... وعزوز كان حار ... دايم يهاوشه ليش ما تشتغل مع مرته ولا ليش تلعب بالنخل مع البنيات ... ومره ضربه... عذبة: ضربها!!!!!!!!!!!! الجد: إيه جدتس عاد زعلت... وراحت لأهله... وقالت لو أنا اللي ضربته ما زعلت بس أخوي لا.. ويوم جت أمي ترجعه قالت مرت أخوه لو ولدكم رجال ما مد يده على بنتنا وهي ما تحل لوه.. عذبة: إيه وبعدين...؟ الجد: أمي زعلت... وحلفت لو أراجعه مهب أمي ولا تعرفن... الله يرحمه دايم تفضل أخوي علي... جدتس بأول الأمر أرسلت أم الجيران لي... وقالت لي إذا ما جيت هالأسبوع أنا مانب راجعتن لك مرتن ثانية.. عذبة: طيب.. رجعت له؟ الجد: ليته... بس ماتنفع قولت يا ليت... رحت للشام بجيب بضاعة من هناك.. وتركته.. وعاد أمتس ما حملته ...أمي صارت بكل مجلس تقول أن عذيب أرسلت لولدي وولدي ما يبيها.. وانتشر الخبر بالديرة... عذبة: إيه ... وعقبه ما راجعته..إلا بعد ما ماتت أمك صح؟ الجد: لا... جيت من الشام وأنا جايبن له حقاق.. وكنت براضيه .. شريت ثياب لأخوانه... وحريم خوانه... وأرسلته له... ويوم أصبحت.. جت لمي عذبة البدوية... وقالت لي" يا نوصير خذ حقاقك بنتي ما تباه... ولا تبى رجال خلاها مضحكة نسوان العربان والحضر... ولا تفكر يوم بترجع لرجال ذلها..خذ الله لا يبارك بهالوجه" عذبة: وش دخله ذي؟ الجد: هذي اللي سميت عليه أمتس... بدوية يجون للديرة بين وقت والثاني.. هي صديقة أمه وعذبة ما تبيع به ولا تشري... تعده أمه بعد ما توفت أمه عاد هالبدويه حنت عليه ورضعته ... تجيب له الزبد والسمن... وتمشطه وتزينه مع بناته...الله يرحمهم جميع... وتراه تصير جدة أم خلف أبو نجلاء... عذبة: صدز ... توي أعرف.. يعني أنا سمية جدة جدة نجلاء... والله الدنيا تجمع وتفرق... بس يبه وشلون ذليته؟ الجد: باللي سوته أمي... أنا يوم أقول لأمي ما هقيت إنه بتسوي فضيحة... بس الله يرحمه...آآآآآآآآه... _عذبة تحاول تغيير الموضوع_: يبه... ترى فيصل غير الشركة اللي بتأثث المشروع حق العماير, إختار وحدة أغلى... يقول إنه أحسن عشان سمعة شركتنا... بس يبه الشركة الجديدة عالمية... وتصاميمهم مرة فخمة... والنماذج الأوليه جنان... بس فيه زيادة على الأولى تقريباً بـ6مليون... وش قلت أوقع ولا أرجع للأولى... الجد: فيصل ذيب... طالع على عموه... لا وقعي كلامه صحيح ما يضر لو زاد شوي بس الأهم السمعة... عذيب... ودي أقولتس شي... عذبة: سم يبه؟ الجد: ترى فيصل للحين يبيتس.. والرجال شاريتس... وأنا والله ما يرتاح قلبي إلا وأنتي معوه... وأنا قلت له أمس وقال الساعة المباركة اللي أناسبك يا عم... وش قلتي؟ وترى مب غصب لا تسوين شي عشاني... إلا العرس لا تجا ملينن بوه.. بس أنا ودي بالصالح لتس ... فيصل يعزتس... وأنتي بنت عمُه... يرحمتس ويحس لتس.. غير ولد الناس اللي ما هموه إلا نفسهُ... لحمك لحمك إن ما حبك رحمك... وهو ما ينقصه شي... رجل تسندين ظهرتس عليه... أنتي محتاجتن لوه الحين ... عذبة: اللي تامر عليه يبه... بس أنا ودي أنتظر أبوي يجي... مادري يبه أحس إن جيته قريبه... قلبي يقولي... الجد: لا يا بنتي... أبوتس مب جاي خلاص... بس أنتي وافقي على فيصل خلين أبشر أم عبد الله... ترا من زمان ما فرحنا... عذبة: قلت يبه اللي تامر عليه ... بس شلون أبوي مب راجع... الجد: إفتحي درجي الأول تلقين بوه ورقة...إقريه.. _تصد عذبة وتضع يدها على فمها..تذرف دمعاتها... وتركض إلى غرفة جدها_ الجد: الله يكون بعون بنيتي...إيه ياوليدي...عجزت آيس منك... الله يرحمك...ويجمعن بك بالجنة.. ******** ............................................ ******** "في حديقة منزل أبناء العم عبدالعزيز" تجلس الجدة أم عبدالله وأبنائها عبدالله "أبا عبدالعزيز" وسعد وفيصل, وعبدالمجيد وأخوته سلمان ومحمد, وأم عبدالعزيز ونجود, يحتسون القهوة, الجو منعش ولكن يظهر الضيق على وجه فيصل بوضوح... تركض نورة خارجة من درج القبووتحمل نعليها بيدها, رافعه طرف قميصها الأزرق الداكن... أم عبد العزيز: نوير .... وين؟ عبدالمجيد: أكيد لنجلاء... سلمان: سحيل وسحويل ذولي...والله إنهن ريا وسكينة...مير أبعدوهن عن بعض.. نورة: والله نجلاء عازمتن أمس الظهر... بروح مع السلامة... سلمان: يبه سد الباب ... ماصارت ذي بنتنا... دايم هناك... الجدة: وش عليكم منه... ما عندهم عيال وما عليه إلا العافية.... روحي يا نور هالدنيا... فيصل: لا ... لاتروح الناس مالهم خلقه... سلمان: وهي مشاورتن أحد... شف ماتشوف إلا بياض رجلينه... أم عبدالعزيز: إذكر الله!!! الجدة: وراه مالهم خلقه... وش بهم ...قلي أنت وجهك من جلست مب زين...وراهم؟ _يقطع أبو عبدالعزيز حديثه مع سعد ويلتفت_: فيصل... وش بهم؟ عندك علم مب زين...صح...؟ سلمان: هع أكيد عذبة عيت تاخذه ... هذي الحاله... فيصل: إنطم...والله مادري وش اقول... بس... نجود: بس وشو ياعم؟ عبدالمجيد: ترا خلاص الأرض ماعاد تشيلن ... ياخي تكلم حنا نطرك قروش... أهرج بريال ياخي!!! فيصل: أمس قالي عمي...إن.. سلمان: إن عذبة عيت توافق عليك...دارين.. فيصل: أنت وراه ماتاكل تراب وتنطم يالبزر مب وقتك.. من زينك أنت وعذبة... أصلا هي موافقتن علي... ومنتن عليه إني وافقت أتزوج فضلة مشاريوه... والله لو مب عشان عمي ما وافقت عليه ...ألف بنت تتمنان... سعد: أقول خلصونا يالبزارين... وش السالفة؟ فيصل: ماجد.... سعد: وش بوه ماجد... لقوه؟ فيصل: ................ لا...بس الهيئة الإغاثية اللي كان معهم...أرسلت قبل شهر ...إنه أرسلت ناس يدورون عليه من أهل المنطقة ..... و ...... أبو عبدالعزيز: لقو جثته؟ فيصل: لا...بس القبيلة اللي تسكن داخل الغابات اللي جرف النهر ماجد لها يقوولن... إنهم صادوا تمساح ولقو فيه أجزاء بشريه من رجل أبيض... الجدة: وش يعني؟ فيصل: الهيئة تقول إن النهر هذا مليان تماسيح... وداخل الغابات فيه عدة قبائل... هذي القبائل كثير منها متوحشة... يعني إذا نجى من التماسيح والغرق... بيطيح بيدينهم... وهم حاقدين على أي أحد غير أسود... يعني يقولون مصيره الإعدام لو لقته أحد هذي القبائل في منطقتها... ..... سعد: يوه... طيب ليه ما خلوا اللي راحو يدورنه ما سألوا داخل الغابات... يمكن يكون ناجي...يمكن...!!! فيصل: كلمتهم...وقلتلهم... بس قالوا ما فيه أحد بيضحي بنفسه وبيدخل المهلكة هذي... ومن الطبيعي إذا كان أهل المنطقة انفسهم يخافون فكيف برجل أبيض غارق بنهر تياره سريع مليان تماسيح... ويدخل منطقة القبائل المتوحشة... يعني فرصة نجاته نادرة إن ما كانت مستحيلة... الجدة: لاحول ولا قوة إلا بالله ...الله يرحم حال هالبنيات.... الله يرحمه ويسكنه الفردوس الأعلى ويجمعه بشمله تحت رحمته يارب.... _وأنخرطت هي ونجود وسعد في بكاء شديد_ سلمان: هو عمي سعد!!! أول مرة أشوفك تصيح!!! أبو عبدالعزيز: قم الله ياخذ هالمبزرة واللي يجلسهم معنا... قم تقلع...قم... إذكروا الله ... وإدعوا له بالمغفرة... سعد: الله يرحمه ... رجل من يوم هو صغير... والله فقيدته خسارة لنا كلنا مب بس لبناته... الجدة: إيــــــــــــــه... والله من صغره ما عمره أبلش بي بشي... يجي من المدرسة وينحني على دريساته... ويطلع الأول... لا يقول هذا سوى وهذا قال... ولا أبي زي ذا ولا ذيك... وحاشمن ومقدرن ومنزلن منزلة أم... الله يرحمه والله إنه حسبه عيالي... ****** "في غرفة الطعام (المقلط) في بيت الجد" تهيء أليس السفرة , وتعدل من وضع الملاعق, تصب العصير, وتباشر تقديم الطعام للعائلة.. عذبة: ليلى .. نجلاء وش بكن ما تاكلن؟ نجلاء: مابي...شبعانة... ليلى: وأنا بعد... عذبة: حرام عليكن... من أمس ما أكلتن شيء... ناصر: أنا بطل...آكل كل ثحني...وعثيري بعد... نجلاء: شاطر حبيبي .. عليك بالعافية... عذبة: وأننتن الحين وش مشبعكن؟ ليلى: مشبعتنا همومنا... يعني المفروض أنتي أكثر وحدة تتأثرين... نجلاء: والله عذبة واللي يرحم والديك...خلاص مالنا خلق ناكل... عذبة: ليش؟ ليلى: عذبة ...تراك تصيرين ثقيلة دم لمن تستغبين.... أبونا مات... ضعنا مالنا أحد... عالأقل أول نقول بيجي أبوي وبيعوضنا ... لكن الحين...خلاص ... أمي وأخوي ماتوا...و جدي تعبان... وعيال عمي مهما كانوا مايصيرون زي أبوي... بنضيع يا عذبة بنضيع... نجلاء_وهي تبكي_: أنتم أهون من...أنا أخاف يا خذونن عماني... _تقف عذبة وتضرب الطاولة بيدها بقوة وتصرخ_: من يقول أبوي مات قصيت لسانه... ماجد ما مات... ماجد حي...حي... وبيرجع... وإذا على الخرابيط اللي جت لا تصدقونها... مو أكيد.... مو أكيد.... وبعدين اللي يرشكن بالماء والله ونذر علي لأرشه بالدم.... ما تضيعون ولكن رب ما ينساكن.... الله ما يضيع أحد... والله ما يضيع أحد والله... إسمعن... أبوي بيرجع... بيرجع... واللي يصيح عليه... هو اللي يتمنى موته... تفهمن... وأنتي يا نجلاء ... ماحد ياخذتس وراسي يشم الهواء... وإذا الله قطعكن من أخوكن وأبوكن أنا وراكن... ليلى: أنتي مرة... تفهمين شلون مرة... بالله تأملي شكلك... لو يهفك رجال طرتي.. وشلون تدافعين عنا وأنتي أصلاً ما تدافعين عن نفسك... شلون!!!!!! عذبة: لا ...إذا أنتي هكيتي على نفستس بهالكلام... خلاص إستسلمتي... الله خلق الرجال قوة بجسمه... وخلق بالمرة قوة بعقلها... وبعدين الشرع كفل لنا حقوقنا... واللي يتعدى علينا المحكمة بينا وبينه.. وثقي يا ليلى والله لو حقكن بالقمر رحت وجبته... _وركضت لغرفتها_ نجلاء: الله يكون بعونها مو مصدقة...يارب رحمااااااااااااااااك ليلى: هذي هي نافخة عمرها... بيجي يوم وتبكي وتقول أنا ضعيفة... بس والله تكسر خاطري..مسكينه... عند أول صدمة بتنهار... ***** " في غرفة عذبة" جلست عذبة على سريرها , ونظرت إلى صورة والدها, أشاحت بوجهها عنها, وأحنت رأسها ثم أخذت نبكي وتنشد: من سمع قولي يقول القلب سالي والحقيقة كل هم معتليني أكتب الفرقى على لوح الليالي وأرسم البسمة على روح السنيني غربة الدنيا بها يكتظ مقالي والدموع أشتات والعبرة تجيني تهت في دنيا حلاها للزوالي بين سجات القهر وأحلام عيني راح من هو يرسم أيام المعالي راح عنا بين غصات الحنيني مات وأبقى في ضمير الكون صالي حسرة الماضي على الهم الثخيني والله إن القلب تصلاه الصوالي والهموم اللي توارت تبتليني فارق اللي تفتخر فيها الليالي من عقب ماهو مثل حبل الوتيني مابقى لي غير سجات الخيالي في زمان مثل تعتيم الحزيني يالله إني طالبك ياذا الجلال تغفر لخل غدى بقدره ضنيني تدخله جنات عدن ماتبالي ياسميع يامجيب يا معيني تدخله جنات عدن ماتبالي ياسميع يامجيب يامعيني أخذت ترتجف.. ضمت يديها بقوة... وقفت ثم إرتمت على السرير.. سحبت الغطاء وغطت وجهها, ثم هبت واقفة..خرجت من غرفتها وإتجهت إلى غرفة ملابسها, فتحتها ثم أغلقتها, دارت في أنحائها... وخرجت لمكتبها, وفتحت درجها الأول... أخرجت شماغ وشمته, وحضنته, أخرجت صورة لسعود وهو يطوقها ووالدتها بذراعيه, وإرتمت على الكنب وأخذت تبكي بصوت يشبه طنين النحلة... ونامت... ****** "في بيت الخالة فاتن" راشد متكئ ويشاهد التلفزيون, يلعب بسبحته ويدندن ببعض الأبيات عن الصيد, يدخل مشاري بعصبيه, ويضرب الباب بيده قائلاً: شفت الكلب... بياخذها... راشد: وجعه... انته ما تشوفني مروق...نعنبوك خرعتني... مشاري: راشد إلحق على قلبي بينفضخ من القهر... راشد: وي...شفيك...؟ مشاري: الكلب فيصلوه بيتزوج عذبة... راشد: وإذا... مو ذا اللي تريده...؟ مشاري: لا... يعني سواها... فعلا نذل وحقير وهي أحقر منه... راشد: خلاص ... قررت... هو حقير وهي أحقر منه... حبيبي أمي دايم تقول طبخ طبختيه يا الرفلاء كليه... مو أنت طلقت... أنت اللي أعطيتنه فرصة يتزوجها... مشاري: بالله تبيني أتحمل أعيش مع خاينه؟ راشد: عذبة انته تعرفها زين... ماهي شارات البنات الخربانات... هي مو خاينه... بس أنته آزمت القاضي والخصم.. مشاري: لا... والرسايل اللي لقيتهم مع أغراضها... اللي كاتبهم فيصل... ومكالمات فيصل وتهديده... ويوم ردينا من الإمارات اهوه اللي إستقبلنا... ولو شفتها وهي تركض يمه وتطيح عنده ... وهو الفارس الشهم يشيلها ويرش الماي على ويهها.. وكل هذا وهي مو خربانه... راشد:إسمعني زين حبيبي... أنته ليش طلقتها وقلت هي اللي طالبة الطلاق... ليش ما واجهتها.. وراويتها الرسايل عشان ترتاح... على الأقل خذيت الرسايل ورميتها بوجه أخو فيصلوه العود... وقلت لهم بنتكم وولدكم خربانين... وتصير ريال جدامهم... وتبرد اللي بخاطرك... وبنفس الوقت يكون جدامها تدافع فرصة عن نفسها... مشاري: ما قدرت ... صعبه أبين جدامهم إني غبي ومخيون من زوجته... صعبه... راشد: لا... أنته للحين تحبها ... ومو قادر تحطها بهالموقف... أو بمعنى أصح إنته خايف يكون صج ...وتنفضح عذبة... وبعدين تعال انته... الحين الكل يعرف إنها ردت ولد عمها عشانك... شلون ترده وهي تحبه...مشاري أحس راسي ينفير منكم أثنين... والثالث فيصل بعد.. مشاري: عشان أمها ... أمها تبغاني ما تبغى فيصل الحقير... ويوم ماتت أمها خلاص ... مافي مانع إنها ترجع لحبها الأولي... راشد: ماعرف... بس أبصم بالعشرة عذبه بعيدة عن التهمه.. وفيصلوه هذا..أنا مو متخيل كيف يقدر يطلع بويهين... فيصل الريال والشهم... كيف يسوي هالسوايا...؟ مشاري: قص عليك... لامن ييت أنتنه وربعك للقنص ضيفكم وفتح لكم مزرعتهم... وذبح لكم.. وعطاكم من الرخيص ... لا أخوي الريال هذا زيه زي إخوانه يقدر يتلون بألف لون...وبعدين قلي لو كانت عذبة بريه... كان إتصلت... سألت ... قالت ليش طلقتني...مو جذي تمشيها... عادي ما همها... فرحانه.. وزياده مكلمه هيفاء وقايله لها... مافيه مثل مشاري.. تدري لو بمسكها الحين بذبحها... راشد: بالله تقدر؟ وبعدين يمكن هي تفكر بطريقتك... انته ضحيت خايفن على سمعتها واهي ضحت عشان ما تحرجك... والمجرم هو الكسبان.. _مشاري يصد , وتساب دموعه, يثب راشد نحوه قائلاً_: خلي البكى للنسوان... قم ...انته ريال ما تهزك حرمه... مشاري: راشد... غصبن علي... راشد: خلاص اخويه رحمتك... ابكي الحين بس...بس الحين...لاترد أمي وتشوفنك تخرع.. ************ " في بيت أفنان" أفنان تصب القهوة, وتضع كتابها على حجرها.. عذبة: أشوف يالدفرة عطين أصب أنا... أفنان: يوه نسينا ما كلينا... نسيتي الكتاب اللي ما يفارق ايدينك؟ عذبة: إيه الله يرحم الأيام الخوالي...أفنان شوفي_وتفتح حقيبتها وتخرج بطاقتين_وحدتن لتس وحده لأمتس... أفنان: يووه من بيتزوج... ؟ عذبة: بطاقة زواج هيفاء ومشاري... أول أربعاء بعد إمتحانات المدارس.. أفنان: مشــــــــــــــــــــــــــــاري!!!!!!!! عذبة: إيه خالتي أرسلت لكم بطا يق عشان أمك عزيزة على أمي زي ما تقول... أفنان: نعزيها بولدها ان شاء الله...توها تجي معزة أمك... عذبة: حرام عليك ترى خالتي طيوبة... والله هي جادة...أمك غالية على أمي وعلينا كلنا... ماكذبت.. أفنان: بتروحين عسى؟ عذبة: آآآآآآه أكيد... وش أسوي..؟ أفنان: عذوب بتذبحين عمرك لأجل واحد ما يستاهل... عذبة: لا... مشاري يستاهل... بحضر زواجه وبرقص بعد... اسمعي أنا زي هاللي يقول.. _وأخرجت جوالها وشغلت مقطع موال بصوت حزين يشدو قائلاً_: بحضر زفافك ياحياتي بحضر زفاف اللي هويته وبرزف عشانك لا تحاتي بهديك كل اللي بغيته بهديك دمعي وعبراتي والهم اللي فيني رميته بحضر ولو بعرسك مماتي وشايل معي قلب نسيته وبذكر ليالي ماضياتي كنت الوليف اللي اهتويته كنت الذي لاجله اباتي ساهر ونومي ما اهتنيته بهديك في ليلة وفاتي حلم الليالي اللي طويته لو مالظروف مقدراتي وحكم القدر لا ماقويته بعطيك من قلبي امنياتي تلقا الهنا بدرب مشيته وتعيش في راحه وسباتي ويا الذي عقبي لقيته بحضر زفافك ياحياتي بحضر زفاف اللي هويته وبرزف عشانك لا تحاتي بهديك كل اللي بغيته أفنان وهي تبكي: تكفين يا عذبة أبوس يدك.. كفاية...كفاية عذاب...ليش تدوسين على قلبك... والله ما يتحمل بتموتين ... بتنهبلين... بنوديك شهار بسبه مشاريوه الكلب... خلاص قولي ما قدر أروح وأخلي جدي قولي آي شيء... ******* |
"الفصل الثامن" "في منزل أبناء العم" تدخل نجلاء من البوابة الجانبية للمنزل , تنسل من المخازن والمطبخ وتخرج على الصالة, تلتفت يمنه ويسرة وحين لم ترى أحد من الرجال رمت "شرشفها" على الكنبة تحت الدرج الرئيسي, أم عبدالعزيز تتحدث بالهاتف مع إبنها عبد العزيز الذي يدرس بالخارج.. أم عبد العزيز: والله يا وليدي طولت... لا بس ودي أفرح بك... أنا قلبي يتقطع عليك....... _تشير نجلاء لها بيدها , بينما هي تبكي ولا تلتفت لها, تسير متجهه للدرج, ولكنها تعود حينما رأت شماغ وثوب وعقال معلق على شجرة زينة, ونعلين مركونان بالقرب منها, وقفت قليلا , ثم إلتفتت وتأكدت من أن أحدا لم يراها, أخذت الشماغ ولبسته وكذلك العقال, تفقت الثوب فوجدت سبحة وبوك, أخذت السبحة, ولبست النعلين وصعدت الدرج وهي تلوح بالسبحة وتغني... مرت بالصالة العلوية فوجدت الجدة أم عبدالله تسمع إذاعة القران , نجلاء: ياللا لالا يالالا يالالالي....بالخير ياعمة وش حالي... وين نورة ياعمة ما شفتيها؟؟ _وهي تقلد شعراء الردية_ العمة: هههه يا نجيل... نورة بغرفته تذاكر ... نجلاء: خلووووووووووووووها... ومن اللي قال إن نورة تذاكر... هذي الصدفة تنجحها.... لا لا لا لالي... _وتدخل غرفة نورة وترمي عليها السبحة_ نجلاء: طلبتك يا مرة...دخيل الله عليك ما ترديني... نورة: هههههه سبحان الله العرق دساس... وش ذي السبحة كني شايفته قبل... واااااو حركات آخذها؟ نجلاء: خذيها أجل... بس جاوبيني... نورة: أنتي وشلون طلعتي من عذبة... بالعادة تقفل عليتس هالحزة عشان تذاكرين...؟ نجلاء: ماعليتس منها... هذي عني مشغوله... بهالأسواق تمحطها.... لالا لالا لي... نورة: إيه عشان عرس البرميل...جهزت لكم كل شي !! نجلاء: وش وراها وش وراها ما عندها امتحانات تدوخها.... يالالالي يالالا بس جاوبين يا برميل أنتي... والله لأفقع وجهتس... نورة:وش تبين؟ نجلاء: خالي عزمنا على أسبوع بالشاليهات... بعد زواج مشاري بياخذنا لشاليه واحد للرجال واحد للبنات وواحد للحريم والشغالات... نورة: طيب... ؟ نجلاء: تعالي معنا ... والله فلـــــــــــــــة بنات خالي فلة عالآخر... وزوجته مره حبوووووووووبة وخالتي فاتن بتجي... بس الغثة منى مرتبطه بالحمولة وهذا أحسن شي... نورة: لا أستحي... _يرتفع صوت عبدالمجيد_: من أخذ نعالي وشماغي...!! سبحتي..!!؟. والله لأذبحك يا سلمانوه... محمد ... ويبهم الحمير ذولا... يمـــــــــــه ...يوووووووووووووه... أم عبد العزيز: مادري يمكن محمد ... رح إسأله بغرفته... نجلاء: يمـــــــــــــــه ... شكل مجيد معصب.. يحمد ربه ثوبه مب قدي ولا كان لبسته... نورة: أنتي !!!...الشماغ والعقال والنعال والسبحة حقات مجيد؟ نجلاء_وهي تجلس على السرير بلا مبالاة...:إيه... نورة: يا ويلك...خوذي السبحةلا يذبحن... نجلاء : أقول نورة تحدينن أعيي أعطيه شماغُه.. نورة: أتحداك... _تخرج نجلاء وتجلس بجانب الجدة, يأتي عبد المجيد وهو يرعد ويزبد_ عبدالمجيد: محمدوه هات عفشي... هو!!! نجلاء: يوووووووووه مجيد عيب ... مافيه ياولد ولا شي... مابـُه أحد يتغطى؟!!!! عبدالمجيد: نجلوه... هاتيهن... الحين مالقيتي إلا شماغي... أقول تراي مستعجل هاتي الشماغ والعقال بسرعة... لاتحوسينهن.. نجلاء: بالله شلون يعني؟ تبين أعطيك إياهن وأقعد بلا غطى... رح جبلك من الدالوب... الجدة: مجيد!! ما تستحي على وجهك... خير تقول للبنيه تسذا ... رح تقلع... فشلت البنيه... عبدالمجيد: أقول يمه من زين الغطى... شوفي قراعيطه المتلوية طالعاتن من تحت الشماغ... شماغي إنتفش بسبه هالقراعيط... تدرين نجلوه...الشباب يضحكون على قراعيط مريام فارس... وأنا أقول بنفسي ما شفتوا قراعيط نجلوه والله تصير مريام يابانيه عندها.... أقول هاتي العقال والسبحة... نجلاء: شفتي يا عمة يتطنز على شعري... والله حامض على بوزك أعطيك شي... وبعدين من قالك إن شعري أشد منه... والله البنات يقولون نفس الشكل... عبدالمجيد: إيه زيه ما مثلتس تهبلين بس هاتي عفشي.... نجلاء: أول رح لغرفة نورة وجب لي شرشف عشان أعطيك شماغك... عبدالمجيد: أقول إذلفي... مابقى إلا هي ... أنا اجيب لنجلوه شرشف... هاتي الشماغ وانتي تغطي بالمخدة ولا بالستارة... نجلاء: خذ سبحتك... وهذا عقالك اللي مادري وش يبي... والشماغ حاااااااااااااااامض على بوووووووووووزك الجدة: تراكم أشغلتون أبسمع الشيخ...وه منكم... عبدالمجيد: هاتي الشماغ يالله... نجلاء: لا عبدالمجيد: هين يأم عكاريش... أوريك... نجلاء: كلهم بيغاروا مني. لالالا... لالالا نورة: يعني تبيها تكشف عشان تعطيك شماغك؟ عبدالمجيد: الله من زين غطاكن ثنتين...أمس مقابلتن بالحديقة عليه بيجامته ونافشه هالكشة...وع _ويذهب لغرفته لإحضار شماغ آخر_ نجلاء: وش رايك؟ نورة: دنت قدعة... نجلاء: أومااااااااااااال...بس ما تلاحظين إنه نسي نعالوه... بس ليتي ما عطيته السبجة..أخ شكله يجنن وهو معصب.. نورة: إي والله بلاتس ضامنتن ما جايتس قنعة ملكية... ******* "في غرفة ملابس عذبة" عذبة_وهي تقلب فستانها العنابي المخملي, وتتلمس الكرستالات الذهبية المشغولة بدقة فائقة المنثورة عليه_: أفنان وش رايك؟ مو جنان... أفنان: متعدي الجنان.. هذا من جهازك..أظن إن أمك جايبته من فرنسا صح؟ عذبة: صح... تذكرين يوم كان عندي إمتحانات... و هي راحت مع جدي... ياعمري كانت حريصة إن جهازي يكون أحلى جهاز...أفنان إشتقت لها.. بموت من الوله عليها ...أقوم من النوم وما أدري إلا وأنا عند باب غرفتها... كل ما تضيق بوجهي أتذكر كلامها... أتذكر حرصها على مشاعري... مادري لو كانت حيه ولحقت على طلاقي وش كان سوت؟ أفنان: كان أدبت هالخنزير الدب... عذبة: ................ أفنان شوفي..._وأخرجت ورقة بيضاء صغيرة كتب عليها " عذوبتي... يا عروستي الحلوة الصغيرونة... أدري بتصرين أحلى البنات لامن لبستي هالفستان... بس حبيت أذكرك تقرين وردك... وتذكرين ربك... والعين حق.. يمكن تلبسينه وأنا ما أكون جنبك... عشان كذا أنا دبسته داخل الفستان... عشان لامن لبستيه تحسين بالورقة... أمك .. فرووووووووحة.. أحبك يا بنيتي... وإن أبعدتي عن وأخذك مشور لدبي تدومين داخل قلبي لين يواسى التراب على قبري..." أفنان: ............ يا حبيلها خالتي فرح...دايم حريصة عليكم... عذبة: لقيت هالورقة يوم جيت أتقوس الفستان... أفنان: بكيتي؟ عذبة: بكيـــت!!! مادري يا أفنان من كثر ما أبكي خلاص ماعادت الدموع تريح القلب زي أول... دموعي يا فنو الحين تحرق قلبي... أفنان أنا أحس أنو.... مادري ... يوم قريت الورقة... .........................أممممم................... ..... ......................................... ........................ أفنااااااااااااااااااااااااااااااااااااااااااااااا ااااااااااااااان أنا محتاجة لأمي الحين... أبي لو أضمها ... بس أضمها... أحس الشوق يقطعن.. أنام وأنا على رجاء إني أشوفها بالحلم... أفنااااااااااااااااااااااااااان بس ودي أحط راسي على صدرها وأقول يمه تعبت...تعبت وابي أرتاح... تعبت ... تعبت....تعبت وأبي أمي... أبي أمي يا أفنان... مشتاقة لها... مشتاااااااااااااااااااااقة _وأسندت رأسها على الأدراج وصارت تنشج بلا دموع_ ******** "في الصالة الجانبية" نجلاء تتمدد بجانب النافورة , تلعب بالسيارات مع ناصر نجلاء: طط طااااااااااااااااااااااط...وخر منا... ناصر: وث بث ماتعرفين تثوقين؟ هذا مثار الثاحنات... نجلاء: طيب...سيارتي شاحنة....!! ناصر: وثو؟ ثيارتث ثعيرة مرة... نجلاء: إلا هي بالأساس شاحنة بس مسوية ريجيم...هههه خلاص ناصر بطلت... _وتتجه نحو عذبة التي تمسك أوراق ومستندات... ترفع نجلاء مجلة وترميها , تصرخ عذبة_: هيــــــــــــــــــــــــــــــه!!! لا تحوسين عفشي...جيبي الكتالوج... نجلاء: وشو حق فساتين؟ عذبة: فساتين بعينك إن شاء الله... هذي حق ..ولا تدرين جيبيه وأنتي ساكتة.. نجلاء: الله الله كل هذا عشان فيصل اليوم جابهن ... والشيخ بعد متعطر ومتكشخ على الآخر... بس والله يا وخيتي أنتي حظيظة برجلن طخمة... عذبة_بعصبية_نجلوووووووه.... ليلى_تضحك بتغنج_: واااااااااااااو شكلك حلو يا عذبة وأنتي مستحية... عذبة: ليلى ترى مالي خلقكن... نجلاء:واااااااااااااو يا عذبة سامنه... وجهك متفخ... ليلى: إيه الله يبارك بخلطات أفنان وأمها....شكلهم بيخلونك كبر الباب... عذبة: جد والله سمنت...حلو...ما بيبن على وجهي الهم... نجلاء: واو ياكبر أمرتس_وهي تجلس بقوة يرتطم رأسها بجرة فخارية بداخل تجويف بالجدار_ طراااااااااااااااااااااااخ آآآآآآآآآآآآآآآآآآآآآآآآآآآآآآآآآآآآي عذبة: بسم الله عليك...تعورتي... ليلى: يا عربجية ....كسرتي الجرة المفضلة لفرح... هذي أمي نبشت الدنيا عشان تلاقي جرة تناسب الكنب... والديكور... وتحمل قيمة فنية بنفس الوقت... يالله عاد روحي نفشي بتركيا عشان تلاقين اللي سواها عشان يسوي ثانية....وأنتي.... عذبة: بــــــــــــــــــــــــــس!!!! ليلوه هذا وقتك؟ البنت راسها ينزف وأنتي قاعدة تخربطين... كاميليا...آسني جيبوا شنطة الإسعافات...بسرعة... نجلاء: عذبة جد إنكسرت الجرة التركية... يوه ماتتصلح.. والله مادريت ... آسفة عذبة: المهم سلامتس...والجرة بداله جرار... ولاهب أغلى من صاحبتها تحت التراب... بس ... نجلاء...ياربيه إغمي عليها.... مووووووووووية...نجلاااااااااااااااااااااااء ******* .................................... -------------------------------------------------------------------------------- "في مطار الملك خالد بالرياض" فيصل يودع عذبة وأخواتها بالمطار مع خالهم.. ناصر: باباي عمو فيثل...ثلملي على محمد وثلمان ومديد..ودل لمديد لا يخرب الثعل حقي..اللي ثويناوا دميع... فيصل_يلتفت على عذبة_: الحين أخوك وش يقول؟ عذبة: سلمله على محمد وسلمان ومجيد وقل لمجيد لايخرب الشغل حقه واللي سووه جميع...واضح ولا تبي أترجم إنقليزي بعد...!! نجلاء: إسمع يا فتفت ... لابد ويجب ولزاماً أن تجيب نورة... فيصل: ما أقدر من بيكون عند عمي...؟ ليلى: فيك الخير يا فيصل ما تقصر... الخال راشد: والله ودي إنك تجي ... بس لاصرت مرتبط بعمك.. الله يعينك .. فيصل: يالله مع السلامة... تبون شي قبل لا أروح... عذبة لا أوصيك على البنات... بمان الله.. _تلحق عذبة بفيصل_: فيصل!!! _يلتفت فيصل ويبتسم , إقتربت عذبة أكثر فانحنى فيصل لها هامساً_: سمي..وش بغيتي؟ عذبة:فيصل........ أنا مو مرتاحة لهروحة أخاف جدي يجيه شي وأندم طول عمري.. وش رايك أهون... أنا مو مرتاحة... فيصل_يبتسم_:أممممم وأنتي بغض النظر عن وضع عمي الصحي... ودك تروحين؟ _تلعثمت عذبة ثم قالت_: ...... أكيد!! أكيد ودي أروح... ولا يعني أخلي مشاري بمثل هاليوم؟ _رفع فيصل راسه وأشاح عنها بغضب قائلاً_: اللي عقله براسه يعرف خلاصه... وبعدين مشاري ماهو داري عنك جيتي ولا رحتي... بس أنا من رايي إنك تروحين.. عشان............................_وإبتسم_ عذبة: عشان إيش؟ فيصل: عشان عمي وده إنك تروحين... وهو قالك بنفسه... مع السلامة... ليلى تهمس لنجلاء وهن يرين عذبة عادت وفيصل وقف على بعد خطوات يتامل فيها_: شوفي شلون شكلهم ذايبين ببعض... شوفي شلون يناظرها... بس تصدقين شكله ضايق صدره... يمكن عشان بيودعها وبيقعد يومين ما يشوفها.. نجلاء: لا... شوفي وجهه مو نظرات إعجاب... أعرف فيصل ذي أشبه ماتكون بنظرات إحتقار... عذبة: الحين خالي مشى مسافة وأنتن واقفات... ليلى تهمس لنجلاء: كيف إحتقار؟ قولي لي...شلون... عذبة: وبعديــــــــــــــــــــــــــــــــــــــــن!!! ليلى: يمـــــــــــه!!!بالطيارة قولي لي... ****** ****** "في بيت الخال في الخبر" يفتح الباب وتدخل نجلاء وناصر ليلى ثم تتبعهم عذبة تحمل بعض الأغراض مع كاميليا, الخال ينادي أولاده: إبراهيم .. بندر.. أحمد تعالوا شيلوا شنط البنات... أم إبراهيم (زوجة الخال): ياهلا والله ومسهلا... هلا ببنياتي... يابنات جيبن القهوة... إقلطن نجلاء ترى عبير معه شمس فوق... عذبة: خالتي إبراهيم هنا؟ أخاف يجي وأنا مفرعة... زينب(زوجة إبراهيم): لا... تطمني إبراهيم طالع قبل شوي... عذبة: هلا والله زينب...شخبارك... هاه مبروك التخرج.. زينب: الله يبارك فيك... الخالة فاتن_وهي تنزل الدرج_: وش فيك زينب..!! تتكلمين من طرف خشمك... هلا والله بعذيبتي وببنيات أخيتي...تعالن تعالن أضمكن وأشبع من ريحة فرح... ليلى: لو إنك صادقة يا خالة كان جيتي... مو سته شهور ما طبيتي بيتنا!! عذبة: خلاص يا ليلى... أكيد عندها ظروف...وشلونك خالة... ينزل راشد( إبن إبراهيم ..5سنوات)من الدرج وهو يضحك: أهلاً وسهلاً...ناصر وين سعوووود...؟ ناثر: راثد!! مادريت... ثعود راح للدنة...الله يرحمه... راشد: ليه!!!! هو قال لي بوديك للدلفين إذا جيت لمكم... خسااااااارة...طيب متى بيجي.. أم إبراهيم: راشد حبيبي... روحوا إلعبوا بلاستيشن...مع أحمد.. ناصر: مو بث هو راح للدنة ...أمي وأبوي كلهم راحو للدنة... عذبة_بغضب_: من قالك أبوي راح للجنة... أبوي ماراح للجنة!! زينب: أجل وين راح ... للنار... _إلتفت عذبة مصدومة ثم أشاحت بوجهها للباب وتدحرجت دمعة حاولت إخفائها_ فاتن: يا قليلة الأدب ...زينبوه يا .... والله لو مانتب ببيت أخوي لأوريك الشغل... فعلا ناس محتاجة تربايه...أنتي وش قالبك وش مغيرك على البنيه... هي وش سوت... بس هذي الغيرة... أنتم يالحريم... لامن غرتوا من أحد كرهتوه... عذبة: لا يا خالة مو قصدها... الموضوع ما يستاهل... _في هذه الأثناء يدخل أحمد وبندر (أبناء فرح بالرضاعة) وهم يحملون شنط البنات وأغراضهن, ويتبعهم الخال_ أحمد: هلا والله بنات... ماجت نجلاء...غريبة!! ليلى: إلا جت... فوق مع عبير وشمس... بس وين خواتك... أحمد: مادري ... يمكن يجهزون الغداء... بندر: حشى هذي مو شنط هذي رصاااااص... عذبة: أهلين بندر شخبارك... بندر: هلا..هلا.. يمه أنا جوعااااااااااان... فاتن: أنته ما تصبر .... والغريب إنك عسكري... بندر:هههههههه يا خالة والله حارق قلبك إني عسكري.. إن شاء الله أكلبش عيالك مخالفين... وبالذات رويشد لامن غير جنسيته... فاتن_تقفز على الكنب وتمسك بإذن بندر_: إسمع ولدي ما يغير جنسيته... فااااااااهم... وإذا غيرها أنا اللي بكلبشه مو أنت... واسمعك تقول عن عيالي شي ياويلك... ليلى: خالة ... أنتي ما تحقرين نفسك... هذا بندر... فاتن:وع والكوبة... بندر: خالتي وش بتس أمزح معتس... بس لا تقولين إنته..أنتي قصيميه... قولي أنت.... ويـــــــــــــــــــــــــــــــن الغداء... عذبة: سبحان الله الشباب جوعهم حار الله يرحم سعود كان كذا يطير أليس وكاميليا وأمي لامن جاع... الخال: إسمع يبه... عندهم طباخة وتتأخر بالغداء... وأنت خواتك وماتتحمل تأخر شوي... ليلى: حرام خال ما عندكم ولا وحده والله ظلم... أم إبراهيم: وش يجي منهن إلا المشاكل... أبد خلي البنات يتعلمن... وأنتي ترى بتدخلين المطبخ معهن... ليلى: يووووووووووه ... لالا خالتوا ... سوري إلا شغل المطبخ ما طيقه... الخال: إي والله بنت فرح... أمتس الله يرحمه ماتطيق شغل المطبخ... عذيب ... بنيتي وش بتس ساكته مب عادتس... وراه ضايقن صدرتس... فاتن: من زينبوه النسره.... حقيرة... الخال: هو!!! وش صاير... وينها زينب... عذبة: لالا... خال مافي شي زينب تمزح معي وخالتي عصبت... أنا تعبانه شوي... وضايق صدري على جدي... مو بلاي كلامها... _بعد ذهاب بندر للملحق_ ليلى: أول مرة أشوف بندر يمزح.... مو لا يق عليه... خالتي توقعته يعطيك كف... فاتن: بندر!! وش حليله بس يبي أحد يتجرأ معه... عذبة: خالتي محد بايع عمره... يتجرأ عليه... بسم الله... ****** "الساعة التاسعة مساء...في منزل الخال راشد" أقام الخال راشد وليمة على شرف زيارة أخته وأبناء عم عذبة... الباب يطرق يخرج أحمد يركض وتتبعه نجلاء وشمس وعبير... سلمان : إنقلعوا!!! روحوا لم باب الحريم... نجلاء: لا... نورة جايه... عبير: شمس خلينا نروح باب الحريم... أخاف يجون عيال عمها... شمس: وراج أنا يايه.. نطري شوي... _يفتح سلمان الباب تندفع أم عبدالله وتتبعها أم عبدالعزيز_ أم عبدالله: حيا الله وليدي... أنت بندر...ماشاء الله ما تغيرت!! أم عبدالعزيز: هـــو يا خالة... هذا باب الرجال... أحمد: لا يا عمه أنا أحمد... مناك باب الحريم خلو نجلاء توصلكم... _يلتفت على نجلاء ويجدها تخرج رأسها من الباب وتأشر على عبد المجيد_ أحمد: نجلاء!!!!!!!!!!!!!!!!!!!!!!!!!!!! خير إن شاء الله وش تسوين ... لا يشوفونك الجيران... نجلاء: أص.. مافيه إلا مجيدوه ...أبسأله وين نوير... أم عبدالله: هههه يا بنيتي... نورة جايه.. بس تمكيج بالسيارة... والله إنه مزيونه...بلا هالخرابيط...وين الباب ياوليدي؟ أحمد: من هنا يا عمة... عبير خذي الحريم... وين الرجال..؟ أم عبدالعزيز: يا وليدي مابوه إلا مجيد... وأبونا راح عنده شغل وبيجي بعد شوي... يالله يا نجلاء جيبي نورة... _يدخلن النساء خلف عبير وشمس... ويدخل عبدالمجيد , تقفز نجلاء وتأخذ شماغ أحمد وتتغطى به_ عبدالمجيد: ياولد...ياولد... أحمد: حياك الله مجيد...ما لمك أحد... بس نجلوه... _تدخل نورة وتمسك نجلاء بها وتضمها, فينكشف جزء من شعرها الأجعد الأشقر.. نجلاء: نووووووورة حبيبتي إشتقلك... نورة: نجلاء حبيبتي وأنا أكثر.... يلتفت عبدالمجيد على أحمد ضاحكاً_: الله من زين الغطاء...!! أحمد: نجلاء هذي لازم نربطه بحبل عشان ما تنكشف...خبلة... أخبارك مجيد؟ عبدالمجيد: والله تمام وش أخبار التوجيهي... عساك قدمت زين...؟ _تنسحب نجلاء ونورة للداخل _ نجلاء: شلون جيتي..؟ نورة: إستنجدت بقوة الدفاع... أمي نورة... ومجيد يا حبيله أول مرة يفزع... قال أنا بآخذها يوم الزواج معي... والله فله لو تجين معنا... نجلاء: ليته... بس عذبة ناشبتن بحلقي أحمد: نجلاء!!جيبي شماغي...بندر خذه منه... _يقابلهم بندر عن الباب الداخلي متجهماً_ بندر: يا ولد... هاتيه..._ويسحبه بقوة... نجلاء: آآآآآآآآآآآآآي مكعت قراعيطي...وجع إنـ...أمزح... _ينظر لها بندر بطرف عينه نظرة تهديد.. فترتعب, تلتفت نورة ,وتتأمله ثم تلتفت على نجلاء قائلة_: نجلاء... خفتي منه؟ نجلاء: إيه هذا يخوف ديرة...يمه!!! شوفي عيونه... نورة: إيه مبين ... شكله ماعنده وقت... نجلاء... نجلاء:نعم... نورة: كم سانتي متر عرض كتوفه؟ نجلاء: أقول سلمي على الحريم أصرف لك... وإذا نام نروح نمتر ظهره.. نورة: لالا ... روحي أنتي أخاف يقوم... نجلاء: والله لو تعطينن وزني ذهب ما دخلت غرفته حتى... تصدقين إن خواته ينتفظون منه... بس أمهم تقول ترا بقول لبندر خلاص يسوون اللي تبي... نورة: أشوى ... على كثر ما يضربن مجيدوه... ما أخاف منه... نجلاء: مرّة... أقول نورة علي هالكلام...!! ******* "في غرفة البنات(إيمان+عبير)" إيمان: يووووووووه عذبة شكل فستانتس رايق... أتخيلتس بتصيرين جورية... لونه رااااااايق... والكرستالات شي ثاني.... قومي يالله إلبسيه ودي أشوفه عليتس...يالله عذوب... عذبة: مالي خلق...ألو... فيصل شخبارك؟ الحمدلله..لا...مادري...إيه جت الله يجزاك خير..كلمتها تو.. بروح لها الصبح.. فيصل... وشخبار أبوي؟.. إيه..الله يجزاك خير... بس إنتبه ترى صوته ضعيف... لا يناديك ولا تسمعه...أدري ما تقصر... الله يجزاك خير... مع السلامة.. ليلى_وهي تتمدد على السرير_: شخبار أبوي؟ عذبة: طيب.. إيمان: عذبة أنتي الحين تملكتي؟ عذبة: لا... تو الناس...ممدين.. إيمان: مادري بس أشوفتس تكلمينه...أحسبتس مملكة.. عذبة: لا يا أمونتي... أكلمه أتطمن على أبوي.. وبعدين كلامي محترم... ومحتده له... سعود ومات وأبوي الله يرده... من لي غيره... إيمان: يعني بس عشان كذا بتاخذينه؟ عذبة: أمممممممم يمكن إيه ويمكن لا... ليلى: جت ليزا... تصدقين ودي أغير الستايل شوي... عذبة: إيه جت ... الحين هي بالفندق.. إيمان:مين أليزا ذي؟ عذبة: هذي الكوافيره اللي جبتها بزواجي... تعرفينها...؟ إيمان: أح... جبيتها من لبنان....شلون توافق ذي... ليلى: وليش ما توافق... لامن صار التذاكر لها وللي معها وجناح فخم بفندق سبع نجوم مدفوعة...وهذا بكوم والمبلغ اللي تآخذه مقابل كل وحده تسويها... وش يخليها ترفض تجي!! إيمان: بس مو حرام تبذير.. وش فيها زود عن غيرها... ليلى: هو.. ماتعرفينها هذي اللي تمكيج النجوم اللي بالفيديو كليبات.. وتسوي برنامج على قناة الــ وتتقاضى عليه مبلغ خرافي... هذي لو تمسك قرد كان خلته ملاك... عذبة: يعني أنتي قرد... الحمدلله!! ليلى: يؤ يؤ... أنا أصلا ملاك ولمن تسويني تزيدني جمال... إيمان: إي والله يا ليلى ... أنتي أحلى أخواتس... بس بجد عذبة نعومة أكثر منتس...أنتي يمكن زود طولك مخليك خشنه شوي... ليلى: أقول عاد من يتكلم...إيمانوه القردة... أنا خشنه... عذبة: ليلى حبيبتي هي قالت رايها... وبعدين هي قالت إنتس حلوة... ولا تنكرين أنتي طويلة بزيادة... بس الله معطيك جمال غير غيرتس... إيمان: هونت ... شينه وقردة... لا غوريلا أحسن... ****** "في الفناء الخارجي(الحوش)" نجلاء: نورة هجي... وأنا بروح لخالي أخليه يكلم أبوتس... بسرعة لا تشوفتس أمتس... نورة: وين أروح؟ نجلاء: روحي فوق بتلاقين غرف البنات عن يسارك على طول.. قفلي الباب وطفي اللمبات... خلاص... بســــــــــرعة... نورة: طيب.. أخاف أروح لحالي... نجلاء: أقول إذلفي يعني بيجيك الذيب... _تركض نورة بالدرج وتدخل الغرفة التي عن يمينك الدرج.. وتغلق المصابيح..وتقفل الباب.. وتجلس على السرير... تلتفت وترى مدخل صغير مضاء ... وتسمع خرير الماء... همست ضاحكة: وأنا فاقدتن عبيروه.. قضت ماهم من متى تسبح... تسندت على حد السرير وسحبت الوسادة وتمددت على السرير... تنتظر الإفراج من نجلاء... فتح باب الحمام ... وخرج البخار .... خرج منه رجل طويل عريض المنكبين... ذو شعر أجعد... يلف فوطة على خصرة وتغطي لنصف ساقيه... تشنجت نورة لم تستطع الحراك... عجزت ان تصرخ أو تقول أي شيء... إلتف الرجل وأضاء المصابيح... إنحنى على التسريحة وأخذ سروال قصير... وضع يده على الفوطة ليزيحها... حينها صرخت نورة بقوة...: لااااااااااااااااااااااا إنتفض الرجل وإلتفت... أكملت وهي تبكي: بندر!!! آسفة... أحسبه غرفة البنات... وخر عن الباب خلن أطلع... بندر_ينظر إليها بدهشة... نورة لم تستطع أن تفعل شيء سوى أن تنظر إليه برجاء... طويل ... وأبيض... عيناه تقدحان شرراً... لوزيتان وواسعتان..رموش كثيفة وقف طويلاً يتأمل بها وهي تبكي... كانت تنتفض وتبكي وتمسك بوسادته ... بدأت ملامحة تتمدد... إبتسم ثم ضحك... وضحك بقوة... حتى أنه لم يستطع الوقوف فجثى على ركبتيه وهو لا يزال ممسكا بفوطته.. نورة حين رأته يضحك وقفت وقالت: هيه وخر عن الباب بطلع... بندر: هههههههه....زين تكلمتي قبل لا أشيل الفوطة...ههههههههه مادري منين طلعتي... حسبتس جنية...هههههههههه واااااااااو الله ياخذتس روعتين...ههههههههههه نورة: أقول وخر عن الباب .... وخر... ما تفهم... بندر_وقف ووضع يده على الباب_: طيب وإن عييت؟ هههههههههههههههههههههههههههههههههههه نورة: وخــــــــــــــــــــــــــــــــــر تراي أتغطى والله.... بندر: صدز....!! خلاص إنقلعي... بس هيه هاتي وسادتي... نظرت نورة ليديها فوجدت أنها تحمل وسادته فرمتها عليه قائلة_: من زينه!! _وخرجت من الغرفة تركض وقابلت نجلاء_ نجلاء: اهلتس راحو.. بتنامين ... نورة: إنطمي يالحيوانه يالكلبة... يالدبا يالبرميل... يا دحروج... يا شدهه... يا حقيرة... يا كلش وع... كولي تبن وتراب وحلاو... نجلاء: أح... وش سويت؟ نورة: كلبة ...دخلت غرفة بندر... نجلاء: هههههههههه أحسن أقولتس عن يسار مو يمين... كودتس مير مترتي كتوفه...وش سوى..؟ نورة: ما فصخ الفوطة... ولا كان بيصير شي... نجلاء: وشــــــــــــــــــــــــــــــــــــــــــــــــ ـــــــــــــــــــو!!!!!!!! ******* "في جناح الكوافيرة" ليزا: أهلين وسهلين مدام عزبة... شو أخبارك... ياي نصحانه كتير ماشا الله... كتير لابئ لك... بس ليكي الهالات ليش مبينين هيك...لأ...لأ ما يصير هيك.. عذبة: هالات!! إيه شسوي ... بس لازم أكون أحلى وحدة بالزواج... ليلى: خليها أحلى من العروسة نفسها... نجلاء: هي أصلاً أحلا من العروسة بلا مكياج...كيف بتكون بمكياج..الحمدلله... أنا قايلتن لعذيب خلين أنا أشخمط بوجهه بتصير أحسن منهم كلهم ألف مرة... نورة: حطي مكياج ...أممممممممم مين؟؟ ...إيه حطي لها زي مكياج إلهام الفضالة... ليلى: وع... الله لا يبلانا ... تقل لوحة ملونة بألوان فلومستر... لالا... حطي لها ناعم وحلو..زي... مادري... ليزا: شبكون إنتوا.. ولا إلهام ولا غيرا... كل فيس وإلوا إشي بيناسبوا... يالله عزبة ...أنتي عملتي تنظيف وتنعيم ما.؟.. خلينا نبدا ... ليلى: وأنا؟ متى؟ أليزا: يالله ... المادموزيلات بيبدوا فيكي... شغلون حلو... ليلى: لا... أبيك أنتي... عذبة: ليلى أكيد هي بتسويك... بس خلي البنات يبدون فيك أول عشان الوقت... نورة: ليلى يالغثة... إسكتي ...دع القيادة للقائد وإستمتع بالرحلة... أليزا: ياعيني عليك... شو ظريفة... أنتي شو إسمك؟ نورة: نورة...ويدلعونن النوري... أليزا: يوه ما أحلاه إسمك.. إسم بنتي نورا... بس بدلعها نوني... _بعد أن بدأت الكوافيرات بالعمل جلست نورة تتأمل كل واحدة وتعلق على ليلى, وتستهزأبها... إقتربت من نجلاء وسحبت الكرسي وجلست بجانبها_ نجلاء: نورة... ما قلتي لي بالضبط وش سوا بندر؟ نورة: يوه لا تذكرينن... بموت من الفشيلة... مادري وش بيصير لي لو سحب الفوطة.. نجلاء: ما إنجلطتي من الروعة...؟ نورة: مت من الخوف... كله بكوم وعيونه بكوم ثاني... أنا أول مرة أشوف رجل بالوضع ذا... واااااو فشيلة... نجلاء: أي!! خفي شوي يوجع_تعني الكوافير_ إي والله .. بس هو وش سوا؟ نورة: إلتفت وصار يتلص بي... والله أحس عيونه خناجر قطعتن... وبعدين بدا يتبسم..ثمن ضحك بقوة... والله إني خفت السقف يطيح من قوي ضحكه... عاد أنا يوم شفته يضحك تشجعت إني أقوله وخر... وكل الخوف راااااااااح بح.. نجلاء: بالله راح الخوف؟!!!ماصدق؟ نورة: والله ما تصدقين إني منت عليه مرة... وحتى والله يوم حط يده على الباب ما خفت...بس والله عليه شكل... خطير... نجلاء... ليته مب أخوك كان تاخذينه... عيون قتاله... مادري وش فيهم خوالك على هالعيون...يااااااااااي نظرة وتيهين... ...بس تصدقين عيونه تشبه عيون مشاري... بعذر عذيب يوم تعلقت فيه وعيت تاخذ فيصل... عيونه تسحر وشعره يوووووه كيرلي يجنن... ولون الحمرة اللي بخدوده...شي ثاني... ورزة وشكل... يوووووووووه ولا ضحكته يانجلاء تذوب...سنونه مب سنون ذي لولو مصفوف...ماشاءالله نجلاء: أح... والله الظاهر مب عذبة المفتونه ... نوير... فيصل أحسن من مشاري... هذا أولا... ثانيا مب زين مرة... ثقيل والله ما يضحك ولا شي...على قولتك لوتدغدينه بدريل ما تبسم حتى...وه من ثقالة الدم اللي فيه.. نورة... تبين أقول له شي... يعني إذا هو يبادلك الشعور... نورة_تمسك بشعر نجلاء_:والله تقولين كلمه يا ويلك!!أنا أصلا ما أحبه بس حلو شكله... هذاك دايم تمدحين مجيد ولا قلت زيك...!! الكوافير: ولي... له ليش هيك خربتي الشغل... الله يهديكي... نجلاء: مب مهم الشغل المهم شعري اللي تقطع... أح يوجع... ***** "في قاعة الإحتفال" تدخل عذبة ونجلاء وليلى, المدخل مكتظ بالنساء, الكل إلتفت لهن... ظهرن بشكل مبهر يختلف عن كل الحضور, كن كأميرات إسطوريات نجلاء ترتدي فستان أخضر فيروزي, فوق الكعب بقليل من الأمام بذيل قصير نوعا ما من الخلف, خيط وكأنه ليبرز جمال قوامها ويناسق مع مشيتها الهادئة.. زين صدره بالقليل من الشك الذهبي المطفي مشدود من تحت الخصر ومرخي فوقه بقليل.. عيناها الخضراوتان المضللتان بضلال خضراء تتمازج مع الذهبي بهدوء, وشفتيها المزمومتان وبشرتها الذهبية اللامعة, وشعرها الأجعد الذهبي المزين بزنبقة فيروزية أضفت لها مزيداً من الطفولة والبراءة, فغدت وكأنها أميرة من أميرات ديزني.. ليلى.. الفاتنة دائماً, ترتدي فستان من الحريرالكحلي المموج بالفضي , طويلة والفستان أبرز ضيق خصرها , رقبتها الطويلة وشعرها المصفف المتناثر بإنسيابيه على كتفها وصدرها الأيمن و وقرطيها الألماسيان الطويلان المتدليان لرقبتها تعطيانها مزيدا من السحر, عذبة... بهدوءها ورقتها, أبهرت الجميع بجمالها وأناقتها, ترتدي فستان عنابي من القطيفة, ومنثر عليه كرستالات فاخرة, ضيق مع فتحة صدر واسعة تظهر طقم ألماس يغطي أكثر صدرها, ذيل طويل وقطع متدليه من الكرستالات تتمايل أثناء مشيتها, شعرها الأسود الكثيف يتدلى خصل كثيرة منه على وجهها ورقبتها وصدرها,وتاج صغير ثبت على هامتها ليكمل الصورة الأسطورية لها.. عيناها النصف دائريتان المكحولتان بكحل أسود ثقيل, يتدرج للون الذهبي, وشفتاها المزموتان المطليتان بلون عنابي يسفر عن أسنان براقة بيضاء وبشرتها البيضاء الصافية المشوبة بحمرة ربانيه عجزت الكوافير عن إخفائها.. وحركتها العفويه بإبعاد بعض الخصل عن وجهها مع إبتسامة خجولة تشد الأبصار بلمعة مجوهراتها وجمال بسمتها.. إستقبلتهن خالتهن فاتن ومنى وأم تركي وأختيها ونواعم.. الكل يلتفت لهن.. عذبة كانت تلتفت وتوزع إبتسامات صفراء , ليلى تتحدث مع نواعم, أما نجلاء فقد فشلت في محاولة إخفاء ضيقها وتبرمها.. إحدى الحاضرات قالت لصاحبتها: شوفي هذي.. طلقية المعرس... وي عليها قمر... تدرين هذا مادري وش يعجبه ... اللي هالزين كله مو تارس عينه.. ردت عليها: مو بس الزين.. يمكن شريه ولسانها طويل... يقولون ربايه بره... تبي الدنيا على كيفها وبعد هم من الناس الهاي أكيد إنها ما تحملت تعيش وياه وهو منتف وحالته لله..ياربي أكره الناس ذيلا ما يتنزلون لحد... كله ..... عذبة كانت تستمع لهن فلم تستطع الصبر فذهبت لتسلم على إحدى الحاضرات... وعادت جلست بجانب نجلاء وقالت: نجلاء... كل الناس تناظرن وتتكلم بي... خلاص تعبت من كثر ما أوزع إبتسامات... نجلاء: وأحد حالفن عليتس تبتسمين... اللي يناظرتس إدلقي له لسانتس وكشي عليه... عذبة: هــــــــو!!! نجلاء: وع ما حبهم... كلهم ثقيلين دم زي مشاريوه... عذبة بينزف مشاري الدب صح..؟ عذبة: له... لا تقولين...!!! نجلاء: ليه ما دريتي؟ شمس تقول أمي معيه إنه ينزف وهيفاء تقول لازم ينزف... ومادري من بينتصر... خالتي ولا هيفاء والبرميل اللي معه... عذبة: حقها يا نجلاء... هذي ليله عمرها... بس نجلاء ... نجلاء: شوفي إذا بتسوين فضايح إطلعي قبل الزفة وفكينا... عذبة: لا... وش بيقولون الناس... طلعت ما قدرت تحمل ... شوفي الحين كيف يراقبونن... بكل حركة... تو كنت عند المرايا أنا ونواعم ..إلا ثنين يطلن علينا.. وتأشر علي... تخيلي ما صبروا حد ما ادخل لاحقينن حد المرايا... وشلون لو أبطلع... !!! ماقدر ... لو أنا ما جيت أصرف...بس حسبي الله على فيصل.. الله ينتقم منه النذل... نجلاء: وش سوا لك فيصل..؟هالمسيكين حطيتي حرتس بوه... أقول إطلعي الحين أحسن من تفضحينا عند الناس... عذبة: هو أنا مهبولة... لا أنا عذبة ... ما أفشل نفسي واهلي عشان ..مم ..م..مشاري.. نجلاء: للحين تحبينه؟ عذبة: ولين أموت.... نجلاء: الله يشفيتس مير!! ****** "في أثناء زفة هيفاء" عذبة تتبسم وتتشاغل بصب القهوة, منى جلست مقابلها وأخذت تتأمل بها, نجلاء: قومي منوه شوفي هيفاء ... يمكن تحتاج شي!! منى: أنتم أقرب لي من هيفاء.. عذبة شلونك... تبتسم عذبة بتصنع قائلة: الحمدلله تمام.. منى: شفتي فستان هيفاء... حلو صح؟ هذا ذوق مشاري هو مختاره لها, يوه فقع راسي عند الزفة ... يبيها كذا وما يبيها كذا .. أقوله أنت أول مرة تتزوج..و.. ليلى: أقول..أقول.. ثوبها مو حلو ... موديله قديم... مرة قديم.... واللون هذا ما يناسب بشرتها... هي سمراء مرة... ونحيفة... والمكياج مو حلو لأنه لونه أبيض وطالعه كأنها ب***ي... الله يعافيه أخوك لاعمره يختار شي.. وإذا ما تعرفون كلمونا نعرفكم على المصممين اللي حنا نتعامل معهم... عالموضة... وذووووووووق.. بس إنهم غالين عليكم شوي... عذبة: ليلى!!! منى: ........................!!! خليها ... زي عمانج دايم مناخيرهم بالسماء... نجلاء: لاحول ... أنتي وشبتس حاقدتن على عمانا... كل ذا عشان عزوز... يختي ما إرتاح لتس... ولو كل من طلق صار مناخيره بالسماء ... ماقعدت مناخير على الأرض... حبيبتي... عماني ما جابوا خبرتس عشان يرفعون مناخيرهم عليتس... إلا أنتي اللي للحين محتره من طلاقتس... ترى عزوز مادري عنتس... يدرس برا وبيجي بعد سنتين معه الدكتوراة... وانتي للحين تعجنين وتلتين بعماني.. منى: أنتي جليله أدب... أنتي حقيرة واطيه... أنتي..أصلا الحجي معج ضايع... أصلا أنتي تحسين بالنقص عشانج ما عندج اهل وقاعده تدافعين عنهم ... ذيلا مو أهلج... روحي دافعي عن أهلج وأبوج...اللي.. عذبة_تضرب يد منى بقوة_: هنا وبس يا منى ... عن الغلط... والله أسمعتس تتكلمين زي هالكلام ما يكون لتس طيب... وتراي حذرتس... لا تخلينن اخليتس علك بحلوق خلق الله... فاهمتن...!! _تغير شكل عذبة كلياً حينما أخذت تهدد منى,عيناها برزتا وصوتها تغير, وعيناها تقدحان شررا مع كل كلمه تهديد, مما جعل منى ترتعب بشدة_ منى:بسم الله ... مو تشوفينها قاعدة تغلط وعادي... ليلى: وأنتي من جلستي وأنتي تغلطين... إحفظي لسانك ولا احد يغلط عليك... _بدأت الرقاصات بعد الزفة يرقصن على إيقاعات الدقة المصرية, وقفت منى وأمسكت بيد عذبة, وسحبتها بقوة , وقفت عذبة وهي متفاجأه بتصرف منى_ عذبة: وشو...منى وش تبين؟ منى: إمشي نسلم على هيفاء... يالله... نجلاء: لا... إصبري شوي... منى_ترفع صوتها_: يالله مو تقولين أنا أول من يسلم عليها.. يالله.. عذبة: بس... مو.... لحظـ..._ورأت جميع من حولها يلتفت ويتابع الموقف_ إيه... بس أخاف اخرب على الفرقة... منى_وهي تجرها بقوة_ : لا... الحين بيخلصون... _سحبت منى عذبة للمنصة, والرقاصات مستمرات بالرقص بين الحضور, وفي أثناء سيرهما والجميع يتابع الموقف بشغف توقفت منى في منتصف المنصة, وأمسكت بيد عذبة وإبتسمت قائلة: وري الناس فرحتج, وارقصي معاي يالله... عذبة_إبتسمت ابتساممة صفراء والتفتت, فرأت نجلاء تضع يديها على رأسها بعصبية وإلتفت نحو العروس فرأت علامات الدهشه بوجهها, ورأت الغضب يقدح من عيني نواعم بجانبها, أدارت عينينها بين الحضور ... الجميع ينتظر نهاية الموقف ... _ منى: عذبة شفيج ... يالله ورينا شطارتج بالرقص. أنتي أشطر وحدة بالرقص المصري _.ثم همست_يالله لا يقولن الناس نفسها بمشاري.. بدأت عذبة تهز خصرها يمنه ويسرة , ثم بدات تتمايل بشدة مع انغام الطبول المصرية, وهي ترقص تبتسم ثم تأخذ نفس عميق وهكذا... كانت تشد على يدها اليمنى وتضغط الجوال, أظافرها الطويلة إنغرست في يدها بسب ذلك... أخذت ترقص وترقص , والناس وقفوا ليشاهدوا المشهد عن كثب بجمالها الطاغي وأناقتها الملفتة, ورقصها المتقن صارت نجمة الحفل, بل أخذت الأضواء من هيفاء, حتى الرقاصات توقفن عن الرقص وأخذن يصفقن لها, قفزت نواعم وأمسكت بعذبة... وحضنتها قائلة: يووووووووووه عذبة ... حرام عليك خافي على نفسك ... شوفي كل الناس يطالعونك... يالله تعالي سلمي على هيفاء_ ودفعت منى بعنف حين حاولت الأخيرة جعلها تكمل الرقص , تبسمت عذبة وتوجهت نحو هيفاء .. وحين صافحت عذبة هيفاء, نظرت هيفاء نحو يدها وشهقت يدها ملطخة بالدم من يد عذبة.. هيفاء: منين الدم عذبة!!!!!؟ عذبة: من قلبي... نواعم: منين؟ عذبة_ترتبك بشدة_: هه..!!..أمم من... من ... يمكن من ... ..... _وأقفت عذبة عائدة بينما أخرجت نواعم منديل وأخذت تمسح أثر الدم من يد خالتها هيفاء.. هيفاء: نواعم...عذبة من وين قالت الدم؟ نواعم: تقول الشنطة جرحتها... يوه ما فيه أشين من الإكسسوارات اللي بالشنط دايم تجرح... هيفاء: غريبة ما توقعتها تجي؟ نواعم: الله حسبي على من كان السبب... هيفاء: وشو؟ نواعم : أقول عدلي جلستك... هذا الحريم جو يسلمون... ****** تسير عذبة في الممر, وتسمع عبارات الإطراء من النساء, وتسمع أيضاً دعواتهن لها بالعوض عن مشاري.. سارت حتى نهاية القاعة ورمت نفسها على آخر طاولة فيها, نظرت ليدها وتأملت الدماء... تنساب وتنساب.. أخذت منديل ومسحت يدها بلطف وتنهدت... أخرجت جوالها وأخذت تتشاغل به عن الناس, ثم كتبت: سعود ما أصعب الرقص على الجراح.. أخي اليوم اكتشفت ضعفي وحاجتي إليك... سعود حينما رحلت أتتني سهام الغدر من اقرب الناس إليك.. عذرا سأغلق الجوال الآن...لا تتصل بي.. أخي أشتاق إليك... ثم أرسلتها لرقم جوال سعود... وهمست الله يقهرك يافيصل... الله يقهرك.. أتت نجلاء وجلست قائلة: الحقيرة...أنا عارفه أصلاً إنها نذير شؤم .. ماتجي إلا وراها بلا.. بس والله يا أنتي شي... طيرتيها ما قدرت تقهرتس... عذبة حفيدة عذبة... ما قدر إبن أمه يهينها... عذبة: شوفي نجلاء_وتفتح يدها وتظهر الجروح_ إيدي اللي بكت..مو عيوني... نجلاء: يوووووووووه.. وش ذا... وأنتي عيونتس تعرف الدموع... ارحمي نفستس... بس خلاص هانت... عذبة: أكيد بينزف مشاري؟ نجلاء: قومي إطلعي خلاص...ماتقدرين...أعرفتس...إلا مشاري ماتقدرين..قومي.. عذبة: وش دعوى.. على آخر شي!! لا بجلس لحد يطلعون خوالي...كلهم.. نجلاء: عنيـــــــــــــــدة... وراستس ذا بيتكسر... عذبة: يخسى من تخطر بباله هالفكرة...أكسر ضلوعه قبل لا يمد يده.. نجلاء: ومشاري...؟ عذبة: مشاري...آه من مشاري...مو قصده والله مو قصده أنا عاذرته... نجلاء: أص... لا تغثينن... عذبة: مصير الأيام بتكشف لتس إن مشاري مظلوم... ومصير هالأيام بتكشف لتس منهو الظالم... بس والله لأنكد عليه عيشته...والله... نجلاء: مشاري مظلوم ... لا تكفين لا عاد تجيبين هالطاري... ترا بفطس... ****** وبدأت زفة مشاري... أغمضت عذبة عينيها وأسدلت الطرحة على وجهها... وبعد مرور مشاري بالقرب من الطاولة التي تجلس عليها إلتفت عذبة وحين رأت مشاري يقفي متجها نحو هيفاء وأصوات الطبول تصم الآذان صرخت قائلة: 7 |
"لفصل التاسع" وبدأت زفة مشاري... أغمضت عذبة عينيها وأسدلت الطرحة على وجهها... وبعد مرور مشاري بالقرب من الطاولة التي تجلس عليها إلتفت عذبة وحين رأت مشاري يقفي متجها نحو هيفاء وأصوات الطبول تصم الآذان صرخت قائلة: لاااااااااااااااااااااااااااااااااااااااااااا مشاري لا الله يخليـــــ........ _تسد نجلها فمها بقوة وتجرها بقوة وتحاول إخفاءها تحت الطاولة.. يلتفت مشاري ثم يصد ويكمل طريقة مسرعاً, تدخل نجلاء عذبة تحت الطاولة وتطوقها بذراعيها _ نجلاء: فضحتينا يا عذبة...أص الله يخليتس أص... محنب ناقصين... عذبة_تنساب دموعها بغزارة على خديها وتنتفض كطير جريح بين يدي نجلاء_: مشاري... مشاري...مشاري... بيروح لهيفاء ... مشاري... يا نجلاء مشاري... والله ما خنته والله والله ما خنته...نجلاء الله يخليك خلين أقوله...خلين آآآآآآآآآآآآآآآآآآآآآآآآآآه _وخارت قواها وصارت تبكي بشدة وتضرب على فخذيها وتلطم خديها وتنادي: مشاري ... مشاري والله ما خنتك_ نجلاء: أص... الله يخليتس ... أص ... مشاري راح راح الله يرحمه راح... _تحملها نجلاء بذراعيها الحديديان وتجرها لخارج القاعة مستغلة إنشغال النسوة بالزفة والظلام الدامس وأصوات الطبول العالية وهي تسد فمها بيد وبالأخرى تحملها, خرجت لصالة الإستقبال وتلفتت فلم ترى سوى منعطف صغير بجانب طاولة العبائات رمتها وأخرجت مناديل وأخذت تمسح دموعها, ثم نظرت نجلاء وضحكت قائلة_: يوه عذبة... سويت لك مكياج سموكي...لكل الوجه.. عادي ..إطلعي.. بسرعة.. خلين أكلم نورة ومجيد يسوون لتس خطة هروب محكمة.. عذبة_تلتفت على المرآة التي إستندت عليها وجهها مغطى بالكامل باللطوخ السوداء.. حتى شفتيها ورقبتها...فشهقت قائلة_: نجلاء!!!!!!...سموكي!!! ياربيه... وش ذا...لاااااااااااااااااااااااا والله مو ناقصتن شمايت...آآآآآآآآآآآآآآآآآآآآآآآآآآآآآآآآآآآآآآ _وإنخرطت في البكاء مرة أخرى..إلتفت نجلاء في حيرة ثم سألت العاملة المخصصة للعبائات_: إحم.. لو سمحتي من وين طلعت العروس؟ العاملة: من البوابة الصغيرة اللي في الركن...شفتيها... نجلاء: مفتوحة؟ _ضحكت العاملة وغمزت قائلة_: روحي... ولو هي مسكرة أفتحها لك... بسرعة قبل لا تخلص الزفة... _أدخلت نجلاء يديها تحت إبطي عذبة وحملتها_ عذبة: وين...؟ وين؟ خلاص يا نجلاء بطلع... نجلاء: آخر محاولة ولو ما نجحت ننفذ الخطة الخمسينية بالهروب... _وتحملها ركضا وتصعد لغرفة العروس... الغرفة غير مرتبة... الأشياء مبعثرة ... العصير منسكب على الأرضية.. وقطع الكيك تملأ أرجاء الغرفة.. الكوافير كانت تلبس عبائتها وتستعد للخروج.. رمت نجلاء عذبة على السرير وهي مازالت تبكي بحرقة.. نظرت الكوافير لهن باستغراب شديد ...ونظرت لها نجلاء ثم إبتسمت قائلة: لو سمحتي ألاقي عندك مزيل مكياج وكريم أساس... الكوافير: هي فيها إيه... البنت دي ليه تبكي... الله ليه عمله بنفسها كده... نجلاء: العريس حبيبها... ماتحملت تشوفه مع وحده ثانية... وبس...هاه عندتس ولا خلينا نهج... الكوافير:لأ ... دنا بعملها بسرعة... والله حاسة بشعورها... دهي صعبانه عليا خالص... تعالي يا عنيا تعالي... _وبدأت تمسح مكياج عذبة وتحاول إعادته كما كان_ عذبة: الله يخليك أبي تخلصيني بسرعة البرق... لازم اكون تحت قبل ما يطلع العريس.. الله يخليك... الكوافير: حاضر يا حبيبتي هو انا بحاول وربنا ييسر... بصي يا حبيبتي... هما الرجالة كدا... كلهم غدارين... الراقل ياستي ما بيعرفش غير مصالحة... وده درس ليكي... وأدامك الطريق طويل... دنت صغيرة... وجميله بسم الله ما شاء الله...هو أنتي بتدرسي سنة كام؟ نجلاء: بثالث جامعة... الكوافير: وحياه ربنا؟!!!! والله مبينه بنت سبع طعشر سنه... أهوه يا ستي ... حنخلص... يالله يا أمر... اهوه رجعته متل ما كان وأحسن... عذبة: الله يجزاك خير... الله يفرج لك... الله يستر على عرضك زي ما سترتي علي من كلام الناس.. _وفتحت حقيبتها فلم تجد سوى خمس مائة ريال فمدتها لها_ الكوافير: إخصى عليكي... هو أنا مريت بنفس التجربة... ومستحيل آخد ريال واحد ... دحنى خوات... _وتشد على يدها وتهمس قائلة_: حتنسيه... وحياه ربنا حتنسيه... بس أوعك تدي ألبك لراجل تاني.. _وإنسلت عذبة ونجلاء بسرعة وجلستا ولم يلاحظ أحد ما حدث بينما كان مشاري وهيفاء يهمان بالخروج "في غرفة عبدالمجيد" يدخل فيصل ويدوس على كأس زجاجي وينزلق على الأرض.. قائلاً: آآآآآآآآآآآآآآآآآآآآآآي... مجيدوه الوصخ...!! ودي مره أدخل غرفته وما أتكرفع بشي... ولا .... ما بي الخدامات يدخلون غرفتي_يقلد عبد المجيد_ من زين غرفتك يا الطحش... وين حط ذا ساعتي... يمكن بالدرج..لألأ... يمكن على السرير...مافيه شي.. أكيد على مكتبه... _ويلتفت على مكتب عبدالمجيد ويرى جوال سعود موصول بالشاحن فيقول:_ هو!! جوال سعود يشحن!! مب صاحي هالولد من بيدق عليه.._ويرفع الجوال .. ينظر للخلفية التي تجمع سعود بتوأمه عذبة وهما يرتديان ملابس التخرج من المدرسة الإبتدائية في لندن, ويمسكان بشهاداتهما.. كانت الصورة أقوى تعبير على قوة علاقتهما... نفس العينان, ولون البشرة, ونفس الطول والإبتسامة..ويد سعود تطوق عذبة...ابتسم فيصل وقبل الصورة قائلا_: والله ما أنساك وانا أبو سعود.. _في هذه الأثناء إنتفض الجوال معلنا وصول رسالة جديدة.. فزع فيصل وبسرعة فتح الرسالة... تأملها ثم ذرفت عينه...وهمس: يدق عليتس...!! شكلتس أنتي اللي بتلحقينه...!! ***** "في قاعة الرجال" الخال في قاعة الرجال يرد على جواله: هلا والله عذوب... عذبة: السلام عليكم.. الخال: وعليكم السلام..وش بتس عسى ما شر.. عذبة: لا.. بس انا لازم أرجع اليوم للرياض... تقدر تدبر لي أحد يودين للبيت الحين وأحد يودين الرياض... فيصل دق علي يقول إرجعي بسرعة .. ما عرفت لعمي.. وبيسافر بكرا الظهر عنده شغل.. الخال: خير إن شاء الله يا بنيتي... يالله إطلعي انا جاي لمتس... _تخرج عذبة وتلحق بها نجلاء _ نجلاء: عذبة...عذبة!! وين بتروحين؟ عذبة: بروح للبيت.. برجع للرياض.. نجلاء: هــــو!! أبوي ناصر به شي؟ عذبة: لا... بس فيصل أفندي بيسافر بكرا... ولازم أكون بالرياض... نجلاء:الله يجزاه خير ما قصر.. طيب قلتي لخالتي؟ عذبة: إيه قلت لخالتي ولمنى بعد.. نجلاء: أحسن!! ***** تدخل نجلاء وتتجه لمنى ثم تنحني هامسه: منى... ممكن شوي أبيتس بكلمة راس... _وخرجت لصالة الإستقبال تبعتها منى وهي تتبسم, وقفت نجلاء فجأة ثم إلتفت على منى وصفعتها بعنف لدرجة أن الكف قذفها فإرتطم رأسها بالجدار وسقطت على الكنب, وضعت منى يدها على خدها مشدوهه, ابتسمت نجلاء ونظرت لها باستحقار قائلة_: شوفي يا منى... وأنا بنت خلف اللي أهدر حياته عشان ينتقم لأخوه.. والله العلي العظيم..واللي أجرى الدم بعروقي إن ما يجري الدم بعروقتس لو تضايقين عذبة بكلمة بس... وأضنتس عارفتن زين إننا يالبدو ما نتردد ولا نهاب الموت ..مانهاب الموت...والله لأتحنى بدمتس وأتعطر به... واللي يصير يصير _وأشارت لرقبتها ثم أدارت ظهرها ودخلت القاعة ثم عادت مرة أخرى مسرعة وإلتفت على العاملة المسؤولة عن العبائات وقالت: مشكورة حبيبتي عالمساعدة... الله يجزاك خير... _وقفت المسؤولة وقد تجمد الدم بعروقها ولم ترد, وحين دخلت نجلاء القاعة إلتفتت المسؤولة على صاحبتها قائلة: ياربي... خفت يجيني كف زي هالمسيكينه... والله ماصدقت عيوني يومنها صفقتها ... مو مبين هالقوة بالهنتيفه.. شفتي شلون طارت من قوة الكف... أجابت الأخرى _وهي تحرك السكر في كأس الشاي_: لو مو مسويه شي ما عطتها كف.. باين عالبنت ذوق.. بس أكيد هي اللي مبجيه رفيجتها... مبين هالبنت رياضية من مشيتها... شفتي شلون جسمها مشدود.. وقبل شوي يومنها تشيل رفيجتها وتركض فيها بسرعة... بس والله شكلها يخرع وهي تهددها... ليت مافيه طق عشان أسمع وش قالت ...فاطمة... شوفي الحرمة للحين دايخة.. بس تستاهل... ههههههههه ****** ****** "في الطريق للرياض" عذبة تسند رأسها على الباب وأحمد يتأفف طوال الوقت.. عذبة: أحمد... معليش أبلشت بك... بس والله مالي غيركم... أنتم إخواني الوحيدين...أنت وبندر... مالنا محارم غيركم وأبوكم وخال أبوي اللي بالقصيم...بس!! أحمد:.............أقول ليتي مارضعت من امتس.. عذبة: ....................... أحمد: أمزح لا تزعلين... عذبة وش بتس متغيرة... صايرة ما تضحكين ولا شي.. عذبة: مابي شي... بس كبرت خلاص... أحمد: هذي عمتي فاتن ما تغيرت وهي فوق الأربعين.. عذبة:أحمد... سيارتك عاجبتك؟ أحمد: إيه... ماعجبتس... عذبة: ...أمممم... لا...أول مرة أركب سيارة من هالنوع... أحمد: إيه يا شيخة...كلن يمد بساطه على قد رجليه... وبعدين هالسيارة بطرانه... هذي الهلي... ما يجي زيه... عذبة: أحمد تبي سيارة جديدة...؟ أحمد: لا... منتس مابي شي... عذبة: أحلى عالمرجله... مسوي فيها رجال... أحمد: أنا رجال...!! وبعدين ما فيها شي لو تعطينن جيب لكزس ولا رانج روفر ولا مرة وحدة رولزرايز مب شينه بس أبوي بيفجر بي أنا وياه.. عذبة: إيه أبوك يبيك تعتمد على نفسك... الله لا يخليك منه... _وصمتت , ثم بدأت تساب دموعها وبدأ صوت شهقاتها يتعالى, وهي تحاول جاهده أن تكتمه _ أحمد: عذبة...!! وش بتس عسى ماشر... عذبة: بس... ما... ما... ففـ...آآآآآآآآآآآ..... أحمد: وشبتس؟ !! عذبة_وهي تمسح دموعها_: ولاشي... بس إشتقت لأبوي وسعود وأمي... لا تضيق صدرك... مابي شي... عادي ... كل أحد....يفقد...._وتنخرط في البكاء من جديد, فيما بدأ وجه أحمد يحمر وبدأت تساب دمعاته, وأطبق الصمت حتى دخلا مدينة الرياض_ عذبة: يوووووووووه شفت وش حلات الرياض... أحمد: مو أحلى من الخبر... عذبة: رح عاد.... مافي زي الرياض بأي شي... أحمد: كبيرة...زحمة...غريبة...ما أحب أقعد فيها كثير ... أضيع فيها... عذبة: ههه.. أنت تشوف هذي عيوب... هذي مزايا... كبيرة... وين ما تروح تلاقي مكان يضمك... زحمة.. كل الناس مجتمعين... كل الثقافات والتقاليد ... بمكان واحد.. تعلمك إنك شي منفرد تختلف عن غيرك لك كيانك الخاص هذي الخصوصية تعلمك كيف تحترم خصوصية الآخرين... وكيف تحافظ على خصوصيتك... وتضيع فيها لأنك ما تحاول تفهمها..وأي شي أنت ما تحاول تفهمه تضيع فيه... زي الفيزياء مثلاً..صح أحمد؟ أحمد: يمكن... **** _حين وقفت سيارة أحمد قبالة الباب , خرج الحارس وفتح البوابات, دخلت السيارة ووقفت قبالة الباب الداخلي خرجت أحد الخادمات , وحملت حقييبة عذبة وأدخلتها, وخرج فيصل نظر لأحمد وابتسم, فتح باب سيارة أحمد وقال_: أبوحميد...كيف الحال والله..... _نزلت عذبة بسرعة وحين تعدت البوابة إلتفت فيصل وصرخ_: عذبة.. خلاص ... أجلت السفرة... تبين ترجعين إرجعي...ههههه ترى عمي آخذ علاجه ونيم... لا تقومينه...تصبحين على خير... _دخلت عذبة دون أن تلتفت, وضرب بقبضتها الباب وهمست وهي تصر على أسنانها: الله ياخذك... يا نذل... كلب.... دخل أحمد خلفها وهو يضحك: والله يافيصل ذا رهيب.. مقرقع.. يا حظتس بتاخذينه...بس تراي توي أدري..جحودة ماعلمتين.. _نظرت عذبة لأحمد بإشمئزاز_ وقالت: جوعان ولا تبي تنام... أحمد:منب جوعان..بس أبي مفاتيح سيارتي... أخاف يفحط بوابكم الصبح بالهلي... عذبة: من زينه!! الصبح خذه منه..._ونادت الخادمة_ أليس...أليس..الله يعافيك وصلي الشيخ لجناح الضيوف... أحمد بشوف عن جدي وبجي لمك... ***** ....................................... "في بيت سعد بالخبر" دخلت نواعم ورمت رأسها على ركبة والدها وهي تبكي... نواعم: قهر يبه ...قهر سعد: بسم الله عليتس...!! نواعم: والله قعدت أبكي من الحرة... حسيت كأني بالعة جمرة...منى النسرة يبه منى... سعد: وش سوت لك؟ نواعم: ماسوت لي.. يبه تدري إنها جرت عذبة والرقاصات يرقصون وخلتها غصب وقدام الناس الناس ترقص معهن... والله أنا كنت على أعصابي خفت عذبة تبكي.. تنهار يصير لها شي... وصرت أفكر الناس وش بيقولون عنها... أنت لو شفت وجه عذبة وشلون تلون... سعد: قولي والله... وعذيب صاحت؟ نواعم: لا... والله تستحق وسام الشجاعة.. بس يبه من كثر ماهي شادة على نفسها حطت حرتها بيدها وأظافرها جرحت يدها وصارت تنزف.. والله شكلها من قريب يقطع القلب... ما تحملت أشوفها كذا... كان ودي أعطي منى كف... مو كفاية ضغطت على هيفاء تاخذ مشاري... تجي الحين وبتذل عذبة على الملأ... سعد: أيا العقربة... هذي صفقنا لها بالأول وتمادت.. والله لأرقصه بعرس رجله... عشان تعرف إن عذبة وراه رجال... نواعم... تقولين عذبة شجاعة...أمممممممممم نواعم: إي يبه ... والله لو كنت مكانها ولو إيش ماكان ما أرقص بعرس طليقي... سعد: هين يا منى إن ما رقصتس بعرس رجلتس ما أصير سعد... ***** دخلت عذبة غرفتها ونظرت لوجهها بالمرآة... أدارت ظهرها للمرآة وغطت وجهها بيديها .. وبكت... إلتفت مرة أخرى ونظرت للمرآة وصرخت:لا... أنا عذبة... ما أبكي عشان رجال.. ولا فيصل ولا غيرة يقدر يهز بي شعرة... لا... أنا مو ضعيفة... أنا قوية قوية... غصب عليك _تعني صورتها واللتي عكست وجهها الذابل وعيناها المغروقتان بالدموع وبضع دمعات تخبأت بأطراف أهدابها_ شوفي ... أنتي هيه... يا ضعيفة... أنا عذبة ... ماحدن يقدر عليه... أنا قوية_وبدأ يتهدج صوتها وبدأت تساب دمعاتها بغزارة على خديها_ لا تصيحين... لا... لا...مابي أشوف الدموع بعيونتس...مااااااااااابي _وأخذت قارورة عطر وضربت بأقصى قوتها على مرآتها فتناثرت شظايا الزجاج في أرجاء الغرفة وضربت أحد الشظايا تحت عينها اليمنى, رفعت رأسها وحين نظرت للجدار اللذي ثبتت عليه المرآة ابتسمت قائلة: إيه... مابي أشوف دموع...لا...لا عيوني تدمع دم... _إختلطت دموعها مع الدماء المنسابة من الجرح الصغير الغائر في وجنتها, صرخت قائلة_: أبكي دم أحسن مما أبكي دموع...أنا عذبة... ماتبكي لجل رجال... رفعت الجوال واتصلت على أفنان.. ألو أفنان إلحقي علي... بموت لو ماتجين..!! تعالي بقولتس شي يقهر يغث يموت يجلط.. إيه رحت... مالي خلق أدري بتدقين وتسألين...أوووووووووه مالي شغل من مخيمكم...تجين يعني تجين... ماسويت شي بس صرخت..إيه.. تعالي وأقولتس كل شي.. دبري عمرتس... أوووووووووووووووووووووف مع السلامة... ورمت الجوال على السرير... ****** أفنان تدخل وهي تركض_تجد أحمد يتمدد أمام التلفاز_: .. عذبة...عذبة بسم الله من انت ؟ أحمد:أنتي من انتي؟ أنا أحمد أفنان :_ بلا مبالاة وهي تصعد الدرج_والكوبة بزران آخر زمن...بس وين عذبة.. _تدخل غرفة عذبة, وتقف مبهورة ... عذبة تتوسط سريرها وتنشر صورها وصور سعود وأمها وابيها على السرير, وتمسك مجموعة من الصور وتمزق أطرافها_ أفنان: عذبة وش تسوين...يا الفقمة ليش القزاز بكل الغرفة...ليش مرايتك مكسورة.. عذبة: مجرد عراك بسيط... تسبب بجرح في وجهي.. وكسر المراية... أفنان: مع مين؟ عسى مع أحمد البزر... عذبة: ........مع عذبة... أفنان:أنتي انهبلتي!!! أنا قايلتن لتس بجنن فيك مشاريوه... عذبة حبيبتي وش فيك.. قلبي تمزع عليك... شوفي لا تضيعين وقت ... أخوي راح يجيب أغراض للمخيم... وبيجي... يقول ساعة وبنمشي للزلفي... ترى بالموت جابني... وش صار.. عذبة: شمس...قالت لي كل شي... فيصل هو السبب ورا طلاقي..تخيلي!! أفنان: مستحيل فيصل يعزك... يمكن تكذب ... هي وش قالت؟ عذبة: لا... شمس أعرفه زين ما تكذب... وعطتن الدليل... بعد زواجي بشهر بدت رسايل تهديد تجي لمشاري.. مرة بيطردون أبوه من الشغل وبياخذون البيت وبيكبونهم بالشارع... ومرة بيقتلونه... ومرة بيدبسونه بقضايا فساد إذا إستمر بالزواج... وبعد موت أمي وسعود صار فيصل يدق على مشاري ويهدده... ويقول له إني أبيه ... وإني ماتزوجت مشاري إلا عشان أمي... ويوم ماتت أمي أنا حنيت أرجع لحبيبي الأولي... أفنان: يمكن شمس قصدها تبري ساحةأخوها.. عذبة: إيه ... بس هي مع كذا تحرت الأمانة... وقالت لي إنها ما سمعت الكلام مباشرة من مشاري.... وإنها تسمع طراطيش كلام... أفنان: طيب... يعني الكلام مو موثوق...حرام تتهمين الرجال... عذبة: بس هي قدرت تسرق هالورقة من غرفتي أو غرفة مشاري بمعنى أصح... أفنان: أشوف.........._وصمتت برهه تقرأ وتعابير وجهها تتغير_ ........لا وش ذا... معقولة فيصل هاللي يتفاخر بخلف سعود يسوي كذا...لا... عمري ما توقعت أن الحقد يخليه يتبلى عليك كذا...حرام.. عذبة: أقولك من زمان مشاري مظلوم... أفنان: بس مشاري هيس... ولا ليش ما تكلم... عذبة: أكيد فيه سبب خلاه يسكت... يمكن خايف على أبوه... يمكن فيه شي أشد أنا ما أعرفه... يمكن....مااااااااااااااااااااااااااادري أفنان أنا ضايعة... أفنان: يمكن مو هو صاحب الرسالة... عذبة: لا...أنا أعرف خط فيصل زين.... أفنان: طيب دافعتي عن نفسك...قلتي إنك مظلومة... عذبة: لا... ما واجهون بشي... وبعدين خلاص مادريت إلا بيوم الزواج... وما بستفيد شي من الكلام.. مشاري وصار لغيري... وولد عمي ..........ما أقدر أبين للناس إن ولد عمي اللي أنا شادة ظهري به... هو اللي يطعنن.. ما أقدر... خليها بالقلب تجرح ولا تطلع براه وتفضح... ****** "في الخبر" البنات في المطبخ...عبير تغسل الصحون, إيمان تنظف الفرن... نورة تغسل الصحون من الصابون..ونجلاء تمسح الدولاب.. وليلى تجلس على الدولاب وتمدد رجليها فوقه.. وتتصفح مجلة.. إيمان: وه هالدهن عيا يتنظف!! نورة: مب لازم يتنظف...خليه عبير: عشان تموت أمي... خوذي حق الدهون..يوه فاضي.. إيمان: ياربيه ... وأحمد بالرياض...وش السواة..؟ نورة: طيب...خلو حدا السواويق يجيبه...!! عبير: أقول!! كلمي بندر يجيب.. إيمان: لا الله يعافيتس كلميه أنتي..ولا مب لازم أنظفه..يعقد بدهنه ولا أكلم بندر.. نورة: ليه؟ نجلاء: ليلوه... إنزلي خلين أنظف اللي تحتس!! الحين بدال ما تساعدين معيقة الشغل... ليلى: أنا أوسع صدوركم و|أنتم إشتغلوا.. نجلاء: هه هه إيقالتس تنكتين؟!! إنزلي أقولتس الحين!! ليلى: إيه صح.. نجلاء ياويلك من عذبة!! نجلاء: وراه؟ ليلى: يعني ما سويتي شي؟ ليش تطلعين مع نورة ومجيد يوم الزواج وبدون ما تستأذنين من أم إبراهيم ولا مني... نجلاء: أقول ما بقى الا هي!! أستأذن منتس بعد!! وبعدين مجيد مكان سعود.. وبعدين ...من قال لها؟ ليلى: دقت وسألت عنتس وقلت لها.. وتشوت أنا بسبتك... نورة: يا كافي... هذا أهلي مخلينن معكم وأنتم ما تسمحون لنجلاء تجي معنا...! إيمان: مو عدله تروح البنيه مع بزر وشاب وبدون ماتشاور أحد... بعذر عذبة... أنتي غلطتي..ولو كنت مكان عذبة ذبحتس!! نورة: أنتي البزر!! عبير: الحق حق... نجلاء ياويلك من عذبة!! إيمان: عبير.. تكفين كلمي بندر خليه يجيبه... عبير: لا.. كلميه أنتي أنتي كبيرة ويحترمتس.. إيمان: والله حليل...يعني بياكلتس... عبير: أستحي منه... نورة: أنا أكلمه...كم رقمه... إيمان: هـــــــــــــــــــــــو!! ***** "في الرياض" مها وفهد, في البر, مها تضع رأسها على كتف فهد..وهو يضع يدها بين راحتيه, ويطبق عليها بلطف.. فهد: مهاوي.. وش صار على عذبة.. مها: تقطع القلب.. تعبت منه ..مو راضيه تعترف بغلطه..عنادها مصيبة المصايب.. تخيل راحت للعرس وإنهارت هناك...ياقلبي عليه..آآه فهد: مشكلة الحب... ساعات يكون في المكان الغلط.. مها: دايم بالمكان الغلط... فهد: وش تقصدين؟!! مها: ولا شي... بس الحرمة ضعيفة .. إذا حبت ضحت بكل شي... فهد:.............................................. .._أطرق رأسه وصمت طويلاً_.. مها: عذبة حبت مشاري وضحت بكل شي... براي جده اللي يسوى عيونه.. بغلاه عند أهله..عمانه زعلوا عليه... أخوه جاه الموت يوم الملكة... فهد: .... بس سعود هو اللي إستقبل الرجال ... ومعه فيصل ومجيد.. مو باين عليه شي..!! مها: أنت ما تعرفهم... ذولا هالثنائي سعود وعذبة يجيهم الموت ولا يبينون مشاعرهم.. عارف أنا كنت عندهم .. والله إنه يروح للرجال ويرجع ويدخل ويجلس بالصالة.. ولا بالمطبخ.. ولامن أحد لاحظه هج بسرعة ولا سوا نفسه يتنظر شي من المطبخ.. فهد..فيصل...جاء عادي!!؟ فهد: إيه ... بس كان جالس بآخر المجلس.. ويبح مشاري ومشاري يبحه... اسألي مساعد هو اللي منتبه لهم... وسعد يناظر مشاري من فوق لتحت... ليش سعد شايف عمره... ولا تركي هذا شي... يوم جاء يطلع مشاري... كش بوجهه.. مها: قدام الرجال!!!!!!!!!!!!!!!!!!! فهد_وهو يضحك_: لا... يوم جاء يروح مشاري لعذبة.. سعود يمشي قدامه وتركي لحقهم.. وينادي مشاري.. مشاري.. ويوم إلتفت في نهاية الممر كش بوجهه وقال..(......) مها:ههههههههههههههههههههه والله هالتركي مقرقع... غريبة وهذا يصير ولد عم أمه ونسيب خواله!!! فهد: تركي حبيب بس لو يترك عنه الفسالة... مها: الله يهديه...فيصل ... مسكين...جاي!! والله رجل... أقول أنا لعذبة ربي بيعوضتس... _وتضحك_ أجل العناد والمكابرة عرق متأصل بهالعايلة... أنا أول أحسب عذبة طالعة لأمي.. بس يبدو إن العايلة كلها كذا... فهد: مها..تدرين!! فيه شي صار بين فيصل يوم قام يبارك لمشاري... مها: وشو... وأنت ليش توك تتكلم!!... وش صار...وش قالوا.. فهد: ماسألتين؟ مادري بالضبط بس أنا شفت فيصل عبس فجأة... ومشاري ضحك ثم كشر... ودار بينهم كلام ماقدرت أسمعه.. بس أتوقع شماته ولا تهديد.. مها: هـــــــــو!! وش يدريك ؟ فهد: عيون سعد وهو يسمعهم... والله كنها بتطلع من مكانه.. وصر سنونه... وإلتفت يطالع مشاري بعين حمراء... مها: وبعدين؟ فهد: فيصل ... بارك لأبو مشاري.. وطلع ولحقه سعود وسعد طلع وراه بدون حتى ما يبارك ...ولا لنسيبهم حتى..فيه شي صار.. مها: يووووووووووووووووه.. فهد: .... ..... ....مادام عذبة الحين بتتزوج فيصل... ورى ما تعطينا ناصر... مها: .............خافيتك عذبوه... كلش عيت... تقول خوذي عيوني تفداك.. بس ناصر ونجلاء ما أقدر وصية أمي ذولا... فهودي.. خلنا ناخذ من الرعاية.. فهد: شوفي ... لو بتاخذين ناصر ما يخالف تاخذين من الرعاية.. ولا تجيبين لك .. غيره مافي الموضوع محسوم... مها: فهد!!! منين أجيب انا... فهد: من غيري... تزوجي غيري وخلفي... أنا مب اناني... مها: فهد أنا أحبك..مابي غيرك... مابي عيال... مابي عيال... وبعدين مساعد مثل ولدنا... والحمدلله... بنات أخوي يعدونن أمهم... يكفي... والله لو إيش ماكان ما أضحي بك عشان عيل..._وأخذت تبكي_ فهد: وأنا أحبتس ... وعشاني أحبتس مابي أظلمتس... _وضم مها لصدرة بقوة, _ ****** "في الخبر" إيمان: ياربيه ... منب طالعة ... بندر بيوديكم... نورة: أحسن بندر من إبراهيموه هاللي مرته مانتن بوه.. أنا قلت لعمي خل بندر يودينا.. نجلاء: لا عمرتس تلقفين... الحين خالي ورى ما يجيب سواق وتفتكون!! عبير: مالي خلق بندر.. أستحي منه... وبعدين شديد .. غطي عيونتس... لاتلفتين.. لاتقولين لاتسوين... ليلى: وأنا بعد مب رايحة.. بروح مع خالتي فاتن... نجلاء: بتروح خالتي لحالها...؟ ليلى: لا بتروح معها منى... نجلاء: وعععععععععععععععععععع... لو خالتي لحاله رحت معكن.. نورة: _وهي تتأمل لوحة متوسطة الحجم علقت على جدار الصالة الفوقية_ الله............روعة من هذولا.. عبير: هذي خالتي فرح .. وفاتن ومعهم جدي وجدتي ... نورة: هو!! شلون كلهم أعمارهم صغيرة كلهم تقريبا بعمر واحد.. ليلى: هذي الرسمة رسمها خالي يوم أول إجتماع لخواته بالسعوديه بدون إمه وأبوه.. جمعهم كلهم بعمر واحد ووراهم الخلفية حقت حديقة بيتهم بكولورادو.. نورة: يووووووووووووه خالتي فرح تدنن.. وفاتن فاتنه بجمالها...يوه إسم على مسمى...تشبه لتس يا ليول... بس وراه خربت خالتكم... نجلاء: عجزت... خلاص... ليلى: دايم يقولون إني أشبه خالتي فاتن وأمي سعود وعذوب اللي طالعين عليها.. وناصر سبحان الله جدي... نورة: وأبوكم يا حرام من طلع عليه!! نجلاء: ولدي إن شاء الله... إيمان: وش دخلتس أنتي...ليلى حلوه الرسمه اللي أرسلتيها لأبوي... إنهبل عليه...نجلاء.. قولي لبندر هوّنا... نورة: ليــــــــــــــــــه مايصير... محجورين هنا... نجلاء: بنروح... أخاف بكرا لامن رحنا الشاليهات يحجرونا... عبير: إي والله ... نورة: يالله خنمشي...وين بنادر... عبير: بالصالة... روحي قولي له يالله...كانك صادقة... نورة_وهي تغطي وجهها بالشرشف_: أقول له والأمر سهل.. _وذهبت للصالة وتبعتها البنات ووقفن يتابعن الموقف من بعد_ نورة: بندر... يالله بنمشي بندر_رفع رأسه بتثاقل_: خير.. وين تمشون؟ نورة: بنتمشى... أنا عازمتن البنات بمطعم(....)الهندي... ودنا... بندر: قولي والله_ويكتم ضحته_ نورة: وقسم بالله... يالله قم تلحلح..تبي نزمك بعد!! بندر_ينظرباستغراب ويرد بسخريه_وين ناوين إن شاء الله بعد المطعم؟ نورة: أممممممممم يمكن الملاهي.. أقول قم ولامن ركبت نقولك وين نبي نروح... قم!! بندر: أقول... إنقلعي .. سواق عند أبوك أنا..!! مافيه روحه... نورة: غصب...غصب...أبوك يقول بندر يوديكن... بندر: ..........................................._ينظر لنورة بطرف عينه_ نورة: بندر ... بنمشي قبل لا تجي الصلاة و يسكر كل شي... بندر:..................................... نورة: هيه أنا أتحدث...هل من مجيب... لاحول انت ما عندك إستجابة.. المفروض يحطون لك برج... بندر_يبتسم_: أنا ما احب اسمع أوامر... نورة: ياشيخ... عسكري مايبي يسمع أوامر... كل شغلك أوامر.. بندر_يضحك_: والله... شوفي أنا بندر..أنـ... نورة: أدري إنك بندر مو وائل كفوري... بندر_يضحك بقوة_: نجلاء!!! _تأتي نجلاء مرعوبه...: سم!!! بندر: إقلعي عن هالنشبه... نورة: قم ودنا .... بنتأخر وأنت تهاوش... نجلاء:نورة تعالي أقولتس شي بالمطبخ... نورة: لا قولي لي بسيارة الشيخ... يالله أجيب شماغك... بندر:............................_ينظر إليها بدهشة_ نجلاء_تهمس_: إمشي ترى بيجيتس طراق...إمشي!! نورة: لا....بندر يالله... بندر: لاحووووووووول. ولا قوة إلا بالله..إسمعي ... قولي بندر لو سمحت تتكرم علينا وتودينا وللمكان اللي تبي..وديتكم....ولا إنطقي... نورة: سم ... بندر لو سمحت تتكرم علينا وتودينا للمكان اللي أبي.. بندر: مب أنتي.. اللي أبي أنا... نورة: أووووووووووه وش تفرق... أنا ولا أنت ... المكان اللي نبيه أكيد تبيه *********** "في غرفة الجد" الأدوية مرتبة على طاولة بجانب النافذة, والممرضة موني تتنقل كفراشة بين سرير الجد والطاولة, الجد يجلس على كنبة كلاسيكة خضراء بجانب السرير, الستائر الخضراء المطرزة بخيوط ذهبية رفيعة والمرفوعة بحبل ذهبي يتدلى منه أحجار خضراء وخيوط حريرية ذهبية وجدائل خضراء صغيرة أعطت الغرفة نوعاً من الفخامة المشوب بشيء من الكآبة.. موني: بابا.. سكر كويس... الحمدلله.. الجد: الحمدلله.. _تدخل عذبة ضاحكة, ركضت ثم وضعت يديها على كتفي جدها وإنحنت وتناثرت خصلات شعرها الحريرية السوداء على وجه جدها ثم قبلته_ الجد: هلا والله بنيتي...هلا وغلا...يالله حيه..يالله حيه.. عذبة: يبه وااااااااااو والله فقدتك..._وهي تفتح الستائر وتفتح النوافذ.. موني: ليس تفتح دريسة .. بعدين يجي برد.. عذبة: خلي الغرفة تهوى وبعدين نشغل الدفاية... ولا يبه؟ الجد: إلا يا بنيتي...زين... الحمدلله دفايات وأنعام... وكل خير ورزق.. عذبة: يبه توقع يزيد البرد... الجد: إيه يا بنيتي تو المربعانية ماجت.. بنتي ياعذيب... وشلون العرس..؟ عذبة: يووووه يبه يهبل ... الجد: وش أخبارتس...؟ عذبة: لا يبه... ماهمن ولا شي...رقصت وحفلت مع البنات... الجد:الحمدلله... أح يابنتي هابه شمالية..صكي الدريشة..عليتس خفيف.. لايلفحتس الهواء.. شغلي الدفايه..أحيــــــــــــــــــــــــــــه.. _تقف عذبة وتغلق النافذة, ثم تنحني على الدفاية وتشغلها, ثم تلتفت قائلة: يبه..متى أول مرة شفت الدفاية؟ الجد: عند جدتس إبراهيم... عذبة: أبوي إبراهيم!!! الجد: إيه .. أبوتس إبراهيم كان عنده دفاية وطاولة... أبوتس منول دافور.. عذبة: دافور!! وشلون؟ الجد: ههههه يعني مب سعودي... عذبة: إلا أبوي قصيمي بعد!! ******* "في الخبر" البنات يتجهزن للخروج مع بندر, نورة لبست عبائتها ونقابها, ووقفت بجانب الباب, دخل بندر واضعا العقال على طاقيته وممسكا الشماغ بيده ورافعا طرف ثوبة بيده الأخرى.. بندر_يلتفت على نورة بجانب الباب_: بسم الله ...! عكوز بكوز بكل مكان مركوز... نورة: يالله؟ بندر_ينظر لبنطلون نورة الأبيض_: خير؟ نجلاء_وهي تلبس نقابها_: وشو؟ بندر: وأنتي بعد؟ نورة: وش بك؟ بندر: وش هاللبس ... بناطيل مافيه... نجلاء: علينا عبايات مب طالع... بندر: مافيه يعني مافيه ... طالع من تحت العباة.. نورة: وش دخلك... بندر: نعم؟!! نورة: وش...دخلك؟ بندر: نعم... ماسمعت.. نورة: أقول منتب أبوي ولا أخوي...وش دخلك نجلاء: محنب مغيرينها... والله ملابسي كلها توسخت... بندر: مافيه طلعه.... خلي أخوتس يوديتس... _ويخرج ويغلق الباب بقوة , نظرت نورة لنجلاء...وضحكت بينما نجلاء صرخت: طلع أخوي من القبر وما أنذل لك ..طلع أخوي من القبر... لو أخوي فيه ما رجيتك.... الله لايذلنا لك ... الله لا يذلنا لك ولأشكالك... _وإرتمت على الأرض تبكي, في هذه الأثنا تدخل الخالة فاتن, وهي تتذمر_: قلق هالعيال... ولا سلام ولا تقل أم الجيران مارة مو عمته... هـــــــــــــــــــــــــــــــــــــــــــــــــ ــــــــــــــــــــو!! نجلاء وش فيك تبكين... من بكاك يا نور العين...؟ وش فيك يانجيل.. _وانحنت وضمت نجلاء وهي تمسح دموعها _ نجلاء: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآه ياخالة... بندروه... يقول خلي أخوتس يوديتس.. والله ياخالة لو سعود حي ما خليته يودين... نورة: نجلاء... يعنين أنا.... نجلاء: لا... منهو هو عشان يذلن... خالتي يقهر... يقهر...أنا نجلاء عقب ما أتلبس يعيي يطلعن.. ليش يقول بيودين من الأول...ليش يذلن...ليـــــــــــــــــه!! فاتن: يا حياتي يا نجلاء لا تبكين... الموضوع هين... ولا عاش منهو يبكيك... يالله قومي هذا راشد بالملحق يوديك للي تبين.. قومي.. ياروح خالتك أنتي... يابنيت فرح.. يالله لا تغثيني بدموعك... قومي..قومي.. راااااااااااااااااااااااااااااااشد... _تنادي إبنها راشد_ نجلاء: الله يخليك يا خالة... وبندر هذا حسابه عند خالي... ******** "في السيارة مع راشد" راشد: ما شاء الله ... كلكم يايين.. ليلى: إيه أول أحسبه بندر وعييت علبالي بروح مع أمك... بس يوم أمك هونت عن الروحة ... قلت أروح معكم وما أفوت علي الفرصة.. نورة: أقول أنت ليش لابس عمامة.. راشد: أحب ألبس جذي.. عندج معارضة... نورة: لا... بس بعذر نجلاء يوم تسميك أبو عمامة... ههههه... عمامتك أكبر منك... راشد: نجلاء هذي يبالها قص لسان... قليلة أدب... وطويلة لسان ويد... نجلاء: أحترم نفسك..!! راشد: وإذا ما إحترمت نفسي وش بتسوين ؟ نجلاء: إنطم... نورة: هيه أنت ... هذي نجلاء...ماتعرفها... راشد:إلا أعرفها وأعرف أبوها... نجلاء: لا تجيب طاري أبوي على لسانك يا البزر... راشد: شوفي يا البزا.. شعور النقص هاي اللي يخليج تغلطين على الناس ما أبيه يبين بسيارتي... نجلاء: من زين سيارتك الدردعّه..جمس قديم... ولا فيراري... وبعدين انت لو فيك خير ما تخليت عن ديرتك... وغيرت لبسك... أنت اللي تشعر بالنقص مو أنا... نورة: ماعليتس منه... بربرة بزران... ليلى: نجلاء حبيبتي... خلاص إحترمي إنك بسيارته.. راشد: أصلا أنا ما يشرفني ناس متوحشة تركب معي... لكن أنا أعرف شلون أدبها...إذا مانتي محترمه نفسج إنزلي من سيارتي... نجلاء: أنزل وأنا بنت خلف... مو بنته اللي تنطرد.. نورة: نجلاء... وقفي... هيه بروح معتس... _فتحت نجلاء باب السيارة عند الإشارة , ونزلت من السيارة ولحقتها نورة من الباب الآخر, ليلى تصرخ وتترجى نجلاء أن تركب ولم تستطع أن تمسك بها لأنها في المرتبة الأخيرة بالجمس, بينما شمس تحاول أن تمسك بهما ولكنها لم تستطع, راشد إلتفت وبدا عليه الإندهاش لجرأة الفتاتين_ شمس: راشد...إنزل جيبهم... شوف راحو السوق... ياويلك من أمي... راشد:خليهم ... قفلي الأبواب... ليلى: هيه أنت ... وقف... أبنزل... لا إصبر...رويشد... راشد: شلون تبيني أسد الشارع... بدور وأيي... عبير: مجنون أنت!!!!!!!!!!!!!!!!!!!!!!! راحو شوف وين دخلو... ياويلك من خالي... ليلى: أقول وقف...!!! البنات بيضيعون... والله لو صار لهم شي ياويلك من عماني.. ولا عمان نجلاء بيسلخونك سلخ... وقف أبنزل..أبنزل... _توقف راشد ونزلن البنات ولكن لا أثر لنجلاء ونورة_ ****** |
الجزء العاشر "في غرفة الجد" عذبة: معقولة أبوي إبراهيم رابي ودارس بالشام!!! الجد: إيه... يوم مات أبوه...أرسل عمه خط عشان يكزونه لمه.. وأرسلته أمه... وأخذه عمه ورباه ودرسه.. عذبة: طيب عمه هذا وينه ووين عياله؟ مانعرفهم... الجد: ماله عيال... عاله جدتس...صار له ولد.. عذبة: يبه..أنت كنت تعرف أبوي إبراهيم قبل ما يتزوج أبوي بنته؟ الجد: إيه...يابنيتي إبراهيم صديقي من شبابي..الله يرحمه...إيـــــــــــــــه ... _ورفع رأسه ثم إبتسم...وأغروقت عيناه بالدموع_وأردف: إيه ... وقف معي أيام وأيام... أيام الفقر والكسافه..يوم أنا صغير ومغترب... عذبة: من صغرك تعرفه؟ شلون مب هو رابي بالشام... الجد: آآآآآآآآآآآآآآآآآه يا بنيتي.. رحت للشام أترزق الله... صغير وماأعرف شي... قالوا الرزق بالشام ونحرت الشام... إشتغلت بالرياض وأنا أبو إثناعش سنه..وجمعت لي كم قرش... ورحت أترزق بالشام.. عذبة: إثناعش!!! يبه مادرست؟ الجد: درست ويوم عرفت أقرا المصحف وأكتب... جاء لمي أخوي عبدالعزيز وقالي : إسمع يا نويصر ... مانقعد كلنا بالديرة... نقعد كلنا ننتظر الموت جوع... إنحر الرياض وإشتغل.. وأنا بجلس عند أمي.. وأشتغل عنك بالمزرعة...مالك بالديرة قعود كل الشباب راحو يترزقون... اللي نحر الشرقية واللي نحر الحجاز واللي نحر الرياض... عذبة: يبه... شلون تروح وأنت صغير؟ وليه هو اللي يقعد وأنت الصغير...؟ الجد: أمي ماتقوى على فراقه.. وأنا صغير ولا أقوي على شغل المزرعة كله... عذبة: يوه يبه...كنت فقير...!! إيه وش صار عليك... الجد: رحت لناس من أهل الرياض وإشتغلت صبي عندهم... وبعدين رحت لتاجرقصيمي بالرياض يشتغل بالبناء.. وإشتغلت عنده أربع سنين... وبعد الأربع سنين إنكسر هالتاجر وعطان حقي وصفى محله ... وقال لي جب لك بضاعة من الشام وترزق به بذا.. الله يجزاه خير... دلن على تاجر سعودي بالشام إسمه راشد.. يصيرمن جماعته.. ووصاه علي... عذبة: منهو التاجر عم جدي؟ الجد: إيه... رحت لمه.. وعلمن أصول السوق... وقعدت هناك ببيته .. ومع ولد أخوه... عذبة: يبه... عشت عند خوالي يعني ببيتهم؟ إرتحت وأنت بعيد عن ديرتك وأهلك.. الجد: _يضحك ويسترسل بالضحك ثم يمسح عينيه قائلاً_: لا... ماعرفت آكل على الطاولة... وعييت ألبس بدلة... وتهاوشت مع شغالتهم أم وسيم... عشاني أحوس المجالس حوس... أجدع الوسايد على الأرض وأجلس على الأرض...وآكل على الأرض.. عذبة: هههه... يبه وزوجته ماعصبت على الحوسة؟ الجد: لا.. ماعنده زوجه ولا أحد بالبيت إلا أم وسيم والخدامات والطبابيخ.. ..أنا طلعت من فقر... ما ألقى ما آكل وطارت عيوني بأكلهم وطريقتهم.. محاشي وزلطات وشن ملوى وشن معربد وألوان وأشكال ماعرفته ولا بالحلم.. ومع كل هالخير والنعمة ما إرتحت... ولا عاد يوم دخلت بيتهم روعن...كبير ونوافير... وغرف ماله نهايه... أربع أدوار... وشجر وحدايق داخل البيت... وخدم يجون أول النهار ويطلعون باليل... وضيوفن ما ينتهون ... رجال داخلين طالعين... والقهاوي ماتوقف... بس ماطول هالعز... راح كله بغمضة عين... عذبة: هــــــــــــــــــــو!!!!شلون... الجد: إيه مايدوم إلا وجه الكريم... إنحرقت كل مصانعه... بيوم واحد... خسر كل شي... عذبة: وبعدين يبه وش صار عليهم ؟ الجد: إيه من يبذر المعروف بالناس ما يعدم جوازيه... الرجل كريم وشهم ... وفزعت الشام كله عشانه... التجار من ربعه جبروا دينه... وباع بيته وسرح خدمه إلا أم وسيم عيت تترك جدتس ...وعمه...إيه أصيله هالإنسانه... عذبة:ليه يبه؟ الجد: عم جدتس كفل زوجه وطلعه من السجن وعالجه بس مات ماطول... وزوج بناته ووحط له بيت ومشى له راتب... وشالت معروفه على راسه... وربت جدتس... وقامت بالبيت كله ... حتى يوم ماتت إنتظروا جدتس لين جاء من أمريكا و دفنه مع ولده... ووقف بالعزاء مع ولده وأحفاده...تستاهل والله... عذبة: طيب يوم باع بيته وين راح ؟ رجع للقصيم ؟ الجد: لا... أرسلوا له عيال عمه... وقالوا له "إرجع وعيونا لك بيت وعيالنا عيالك ... وبيوتنا بيتك... وحلالنا حلالك" بس عيا... جلس ببيت صغير هو وأم وسيم وولد أم وسيم... وأرسل جدتس عشان يشتغل بالرياض... عذبة: طيب لقى جدي شغل؟ الجد: إيــــــــــــــــه جدتس دارس الجامعة... إشتغل بجامعة الرياض أول ما فتحت ... وصار يرسل راتبه لعمه وأم وسيم... تصدقين يا عذيب وأنا كنت بمحلي... دخل علي وقال لي: سامحني يا أبو ماجد... الله يرحم أيام الشام... والله لولا الله ثم أنت كان متت من زمان... عذبة: ليه؟ الجد: ههههههه... هماي علمته شلون يصب القهوه العربية... وشلون يلبس الشماغ... ووشلون ياكل على الأرض... وصار عنده شوي.. معرفة... عاد يقول سامحن يوم إني ألومك على كرهك لحياة غير حياتك... عذبة: وبعدين يبه تأقلم مع الوضع هنا؟ الجد: غصبن عليه... الحياة ماترحم... يحتاج يعيش عمه وأم وسيم... وبعدين الله سخر له عيال عمه... ضيفوه... وأكرموه... وعطوه أجمل بناتهم... وسندوه... إيه الله لا يخلينا من القرابه...مب يقولون الله يجعل لي بكل خرابة قرابة.... عذبة: إيه يبه والله القرابه رحمه من الله... طيب يبه هو ليه راح لأمريكا؟ الجد: سالفه طويله.. روحي يابنيتي.. خليهم يشبون بالخيمة... ويزهبون القهوة... وأقول لتس كل اللي تبين... بس أنا راسي يبي قهوة... راسي يرنع... عذبة: تآمر يبه... بروح أقول لمصطفى يشب الضو... وبخليهم يجهزون القهاوي... الجد: لا تطلعين له ... !! كلميه بالتلفون... هذا رجل لا تستهينين بوه... لامن طرت على الحريم قالن عامل... عذبة: هــــــــــــو!! وأنا من متى عودت أطلع لأحد من العمال... الله يهديك يبه... الجد: لا تزعلين يا عذيب ... بس أنا أخاف عليتس... هالعمال مهما صار أجانب...ولو كان سعودي بعد أخاف عليتس منه... الرجال رجال لو هو من القمر... الله يستر عليكن ويرزقكن... ***** "في الخبر" نجلاء تبكي بحرقة خلف سيارة ونورة تحاول تهدئتها, تخرج نورة رأسها من خلف سيارة , وتنظر يمنه ويسرة قائلة: المنطقة آمنه... تقلعوا ... يالله وين نروح الحين؟ نجلاء: مادري؟ نورة: وشو!!! ما تدرين... يمه الساعه ثنتين الظهر..يمه.. الدنيا فضت...وين بنروح؟ ما ندل... نجلاء: نورة.... ماحد قال لتس إنزلي معي... ماتبين خلاص روحي للبيت...مع لموزين... نورة: تدلين وين بيت خالتس؟ نجلاء: هه... أدل بيتنا بالرياض بس!! نورة: ياملحتس ... المهم ...تدلين الحين مكان آمن وفيه أكل زين... نجلاء: شوفي المكان كله مطاعم... بس مادري إذا هو آمن ولا لا نورة: نجلاء معتس جوالتس... أنا نسيت شنطتي بالسيارة... نجلاء: نورة!!! قولي والله!!! وأنا بوكي وجوالي مع ليلى... وين بنروح؟ يمه...ياربي ياربي بس... وينك يا يبه... ويننتس يمه... أبي أمي ... أبي سعود أبي أبوي... نورة: أقول مابقي إلا تقولين أمبيه وتصيرين حليمه بولند... خلي عنتس الحكي الفاضي...أهلتس بيطلعون من قبورهم... نجلاء: رايقة...بلا ما تحسين بالنار اللي داخلي... وين الحين بنروح... نورة: شوفي نوقف لموزين ونقوله أقرب مركز شرطة... والحمدلله الشرطة في خدمة الشعب... ويمكن نلقى هناك بندر ويودينا للبيت... يمكن... نجلاء: إيه هذا أهم شي عندتس...أقول خلي الإستهبال بس...لو نروح للشرطة بيقصبتس ويسلختس مجيد ... مابقى إلا هي ندخل الشرطة ...الله لا يبلانا... نورة: شوفي هالمركز يمكن نلقى لنا مرة ولا أحد يعطينا جواله... نجلاء: مسكر... وقت غدا الحين.. مافيه إلا مطاعم فاتحة... نورة: لا المطاعم دايم به سمرمح... وين نروح... نجلاء: إمشي... يمكن نلقى لنا أحد إبن حلال... يفزع لنا... _وتدخلان بشارع فرعي وتمشي وتتعب نورة فتجلس على أحد عتبات الأبواب_ نورة: وه تعبت ... جوع وعطش... نجلاء: يووووووووووووه والله عطش غير طبيعي... هذا وهو برد... لو بالصيف وش بنسوي.. نورة: بننشوي... عمي...عمي _تنادي رجل أسمر قصير وبدين ترجل من سيارته مقابل الباب الذي يستندان عليه_ الرجل: نعم!!! نورة: عمي الله يسقيك من الكوثر عطشانين نبي إميه...نبل ريقنا.. الرجل: أميه؟ تبين ماي....!!! يا بناتي وش مجلسكم هني بهالبرد والسماء شكلها بتمطرووقت كفة الناس.. الله لا يبارك بأهلكم مهيتهنكم... يابناتي خطر عليكم... وين تبون أوديك ولا تجلسون الشارع... ترا كثير خربانين يمرون هني... الله لا خلف على أهلكم...حسبي الله ونعم الوكيل... نورة: لاحول ولا قوة إلا بالله.. عمي نبي ماء بنموت عطش ولامن جبت الماء هاوش زي ماتبي.. الرجل: زين ... دشوا...لا تقعدون بالشارع... دشوا يابناتي.. لامن هيتوكم هلكم... ما أهيتكم آني... نجلاء: مكثور الخير ياعم ... بس حنا نبي ماء وجوال بس... إذا تتكرم علينا.. الرجل: دشوا لو بالسور... نجلاء: ياعمي أهلنا مايرضون ندخل بيوت مانعرف أهلها... ماتقصر عمي... بس والله ما أقدر... الرجل_بعصبية_: الحين أهلكم يوم يقطونكم هني بالهمكان وهالساعة ... دارين وين تدشون وين تييون... نورة: عم نبي ماااااااااااااااااااااااااااااااااااااااااااااااء الرجل_وهو يدخل وييضرب كفيه ببعضهما_: زين...زين _ويلتفت متوعدا_: سمعوني زين... لا تتحركون من هني... ولامن مر أحد بسيارته لو هدا شوي بس دخلو وردو الباب... فاهمين... نجلاء: خلاص ياعم لا تخاف... نورة: على أمرك بس هات الماء... _دخل الرجل وإلتفتت نجلاء لنورة قائلة_: نوير... تصدقين ذكرت الشحادات اللي يجن ببيت جدتي قبل الفطور... جدتي تحط لهن فطور بالحوش ويجلسن زينا بالباب....هههههههه نورة: آخر شي توقعته إني بيوم بطر من أحد شي ... آخر الزمن صارت نورة بنت الشيخ عبدالله عبدالعزيز الـ... شحادة.. نجلاء: الحمدلله على النعمة... والله مب بعيدة... بس عسى ربي يقدرنا على شكر النعم.... نورة: ليش راشد بس يهاوش...؟ نجلاء: عشاني لفعت أخته... بالعرس... نورة: هــــــــــــــــــــــــــو!! ماخفتي؟..وليه....؟ نجلاء: مجرد تصفيه حساب قديم بيني وبينها... وهو بعد... ما أبطيت صافقته يوم دخل علي بالحديقة وأنا كنت ألعب تحت رشاشات الماء... وجسمي كله باين... علي بجامة بيضاء...دخل وقعد يناظر ولا بعد يقول وش حلات هالجسم ...وعطيته طراق محترم... نورة: يستاهل الحمار... وأمه عادي...؟ نجلاء: ههههههههه خالتي فاتن... تحبني... وتحبنا كلنا... بس عيالها يخربون عليها دايم... تدرين يوم دريت أمي فرح قالت لي عشتي والله وعطتني ألف ريال مكافأة... نورة: صدز!!! هذا وهو ولد أختها... مو مبين خالتي فرح هاديه وماتحب المشاكل... نجلاء: أمي زي عذبة ... هاديه بس لا أحد يوطى لعزيز عليها بطرف... تصير وحده ثانية... نورة: الله يجزاك خير ياعمي أبو؟ _الرجل يخرج حاملا جرة ماء وكأسين_ الرجل: أبو جاسم... أبو جاسم يا بنتي... نجلاء: الله يفرحك بجاسم وأخوته وخواته... ويستر على عرضك... الرجل_بأسى_: جاسم يا بنتي... مات قبل شهرين... الله يرحمه كنت أجهز بيته للزواج... الله يعوضه بحوريه... الله يرحمه ويجبر بخاطري وخاطر أمه... إدعوا له يا بناتي...إدعوا له.. نورة: الله يرحمه ويغفر له.. الله يجعل قبره روضة من رياض الجنة.. الله يجمعكم أنتم وياه بالفردوس الأعلى... الله يعوضك بإخوانه...ويفرحك فيهم.. الرجل _صوت مخنوق_: ما قسم لي ربي غيره... هو كل عيالي ودنيتي ... الله يرحمه كان تارس دنياي كلها.. ربي كتب لي ما أفرح بعرسه...إيه الله كريم... _إنحنت نجلاء على ركبتيها وصارت تبكي بحرقة_ ******* "في منزل الخال" فاتن: مجنون أنت... يااااااااااااااااااربيه!!! طلعهم لي من تحت الأرض ... من تحت الأرض فااااااااااااااااهم.... ياااااااااااااااااااااااااااربيه... يا قلبي عليك يا نجلاء... رويشد ... والله ثم والله ثم والله لانت ولدي ولا تعرفني لو نجلاء يصير لها شي....!! _فاتن تصارخ وتضرب بكفيها على الجدار ثم جثت على ركبتيها وصارت تبكي وتقول_: سامحيني يا فرح... سامحيني... مو ذنبي إن عيالي عذبوا قلبي قبل ما يعذبون بناتك... والله مو بيدي شي... سامحيني يا وخيتي...سامحيني... آآآآآآآآآآآآآآآآآآآآآآآآآآآآآآآآآآآآآه_وتتكئ على الجدار وتبكي بصوت عالي... راشد: أميه... ماساويت شي... ما عذبنا بناتها... بناتها الملاسين... وبعدين هاي مو بنتها... هاي بنت البدو!! ليلى: ياقليل الأدب...!!! والله لو ماني متغطيه عنك كان عطيتك كف... هذي بنتنا قبل لا تصير بنت البدو.... خالتي سامحيني لو كلمت فيصل يجي يكسر راسه ... تحسب يوم مات أبوي وسعود ماورانا أحد يدافع عنا!! كلش ولا نجلاء عاد...والله لا تخسر عمرك لو بيصير لها شي... عذبة بتذبحك بيدها... وهذا غير عماني... وعمان نجلاء!! ترى ذولا ما يتفاهمون إلا برشاشات!! والله يا مصيبتك مصيبة!! راشد: يله عاد!! أنا وش ساويت...هي اللي فجت الباب ونزلت... مو غلطتي إن هاي البنت مو عاقلة!! فاتن: بس ولا كلمة!! الحين أنته وش بيفكك من القصمان والبدو... ياويل حالك يافاتن... ياويل حالك...آآآآآآآآآآآآآآآآآآآآآآآآه الحين أنته على بالك ماسويت شي!! حسبي الله عليكم يا عيالك حمد حرقتوا قلبي ... حرقتوا قلبي... الله يحرق قلوبكم ... الله يحرق قلوبكم... أنت وأخوك وأختك... حسبي الله عليكم.... شمس: أميه... لا تدعين عليهم!! مشاري ما ساوى شي... وراشد أكيد مو قصده... فاتن_وهي تلم رأسها وتذرف الدمع_: ياويل حالي...ياويل حالي... فرح... سامحيني يا فرح... آآآآآآآآآآآآآه يا وخيتي... يا قلبي... ياقلبي عليك يا نجلاء... وينك الحين... بردانه ؟!! جوعانه...خايفة؟ حسبي الله عليكم ... حسبي الله عليكم... راشد_بقلق شديد وأسى_: خلاص أميه!! بروح أدور الديرة كلها... وبكلم بندر بسأله... ولا بسير المركز الشرطة مالتهم يدورونها... فاتن: لاتقول أميه... أنا منب أمك وأنت مزعل أختي بقبرها... ياحر قلبي... ياحر قلبي... ياعيني يانجلاء!! إيمان: لا... لاتروح للشرطة...إصبر... أخاف يدرون أهل نورة... وش بيصير موقف أبوي.. خل إخواني يدورنهن... إن شاء الله ...بيلاقونهن.. _أم إبراهيم تنزل من الدرج تركض, تلف شعرها بفوطة كحلية, وترتدي جلابية لم تكمل لبسها وتتجمع عند بطنها وتظهر الشلحة السوداء من تحت الفخذ بقليل, تركض بالدرج...وتغطي طرف وجهها بطرف الفوطة_ أم إبراهيم: صدز البنات اختفن... ياويلي.. بنت الناس اللي تزهلنا له... وش السواة...وأنت يا الهيس... حنا نعرف نخلي بناتنا يروحن مع سواويق ولا ليموزنات.. حنا ما نكز بناتنا إلا مع رجال يحافظون عليهن..!! وأثري غلطت يوم أسمح لهن يطلعن معك... مب رجال... والله لامن جاء خالك يتفاهم معك !! خلف الله على عمتنا جابت هيس مب رجال...!! راشد: خالتي .. تراك غالية.. عن الغلط... أنا رجال...بس هي بدوية ماعندها بأحد... أم إبراهيم: أنطم ولا كلمة.... هالبدوية ماشيتن مع عذبة... لا شكت منه عذبة يوم... ولا أحد منا غلطت عليه... عذبة المرة ممشيتهن أحسن منك يالرجال ... قال بدوية!!! وإذا بدوية... بدوية ترفع الراس... مب زيك... ياللي حتى ماترفع راسك بأهلك... من شاف عمامتك وثوبك مارجى بك خير!! أستغفر الله .. هاتوا الجوال أدق على إبراهيم... راشد: مكثورة الخير يا خالة على هالكلام... ولو كان أحد غيرك رديت عليه... وبعدين وش فيه الثوب... والعمامة... أنتم مالقيتوا شي تعييبون فيه إلا عمامتي وثوبي!! وبعدين وش فيهم هل الإمارات؟ ليش ما عجبوكم بس تعايروني بلبسهم!! إيمان: أمي ما عايرت إماراتي من أهل الديرة بلبسه... بالعكس... نحترم اللي يعتز بشخصيته ويلبس لبس أهله... بس أنت!! مو إماراتي... أنت تخليت عن أصلك السعودي ولبست لبسهم وتكلمت كلامهم...وهذا عين الغلط... راشد: هذا ليلى تتكلم بكلام الديرة اللي ربت فيها.. وما عايبتوا عليها.. أصلاً أنتوا تستحقروننا وتدورن شي علينا... وإحنا الطيبين اللي ساكتن عنكم... وبعدين وش عليكم منا... بتكلم بكلام الديرة اللي ربيت فيها... هم هلي وناسي... وأنتم بالنسبة لي مجرد أقارب... ليلى: أنا أتكلم زي أهلي تقريبا... ولو بتكلم زي الديرة اللي ربيت فيها.. كان تكلمت إنقليزي!!! إنطم ولا عاد تجيبني على لسانك...شين وقوي عين!! أم إبراهيم: ياربيه... بندر ما يرد... عبير: يمه... إبراهيم كلمته زينب وتقول بيستأذن وبيجي الحين... بس يقول لا تكلمون أبوي ولا الشرطة... فاتن: ياويلي... ياويلي... أم إبراهيم: ياربيه ليتي ما تزهلت لنورة... بندر هالحمار ليه ما وداهن... يااااااااااااااااااربيه.. ليلى_تبكي_: خالتي متى بيجي إبراهيم... خايفه عليهن... _تأتي زينب من خلفها وتطوقها بذراعيها وتهمس_: بيرجعون إن شاء الله وما عليهم إلا العافية... وسعي صدرتس.. إدعي ربتس... _إلتفت ليلى وضمت زينب بقوة وبكت بصوت عالي_: خاااااااااااااااايفة على عذبة ومن عذبة... بتموت وقبل ماتموت بتذبحني لو صار لهن شي!! ******* ................................................ "في الخيمة" الضوء تتلضى وتبعث الدفئ, الديم يتساقط خارج الخيمة, الحديقة إكتسبت لون أخضر قاتم من الرذاذ والغيوم, الأزهار تتمايل بهدوء, والأراجيح الخشبية تتساقط منها قطرات متتالية على العشب الأخضر, الدخان ينبعث من القصور المجاورة, فالجميع يحتفل بالمطر بإشعال النار وإستقبال الضيوف.. عذبة تصب القهوة وتمدها لجدها, بينما الجد منشغل بتعديل الحطب .. عذبة: يبه!! خل الضوء وسولف معي... الجد: هههه ... والله مصطفى يعرف يصف الحطب... بس مب تسن ذي مايلة ... عذبة: يبه!! مصطفى خريج من مدرسة سعود وفيصل... أنواع الرواقة على الضوء.. ذولا يشبون لو كان بالصيف!! فمن البديهي إنه يكون فالح... تكفى خل الضو وسولف معي... الجد: إيــــــــــــــــــــــه الله يرحمك ياوليدي... لامني ذكرت إني شريت له السيارة اللي يبي إندهن خاطري... ولامن ذكرت إن خطبت له نجيده إرتحت... ولامن ذكرت إني حطيت بالمزرعة إسطبل عشانه إرتحت... ولامن ذكرت إني وافقت على مشاري عشانه إرتحت... عذبة: يبه!! أنت وافقت على مشاري عشان سعود!! الجد: سعود فقع راسي وهو ما وده... أدري إن نفسه يزوجتس فيصل.. بس ما وده يكسر بخاطرتس... يقول ما يضيق صدر عذوب وأنا حي... أنتي روحه وحياته... أنتي له كل شي... إيــــــــــــــــــــه ... من يوم أنتم صغار... ما ياكل شي إلا لازم يعطيتس... كريم... شهم...خلوق... زي أبوه... إيـــــــــــــــه يا قلبي على أبوه... راح وأنا نفسي إني مودعه... بشفي أقول له ياوليدي تراي راضين عنك... ياوليدي رفعت راسي بك... دايم يسوي المعروف.. ولا ينتظر من إني أشكره.. تحسفت يوم راح وأنا ما قلت له ... إنه ماندمت يوم على تعبي عليه... إني كل ما أشوفه أحمد ربي اللي عوضن... ليتي قلت له يوم انا رافعن الراس بك يا وليدي... ليتي وقفت قدام الناس وقلت أشهدكم إني راضي عنه... مير حنا ما تعودنا نذكر الواحد بالخير إلا لامن راح ولا مات... الله يرضى عليك يا وليدي... الله يرضى عليك... الله يرفع راسك بعيالـــ... ببناتك زي ما رفعت راسي بك... _وأطرق ومسح دمعات ترقرقت على خدة اللذي رسمت عليه السنين ولوعة الفراق التجاعيد_ عذبة_تحاول تغيير الموضوع_: يبه ماقلت لي ليش جدي إبراهيم راح إمريكا؟ الجد: إيه... يابنيتي ... هذا الله يسلمتس جدتس يوم جاء للرياض لفوه عيال عمه.. عيال عم أبوه... وإستاجروا له بيت... وزوجوه أصغر بناتهم وأحسنهن... أمتس ليلى ... جت معوه الرياض ودرست ... أخذت قلب أبوتس وروحه... وتغير أبوتس إبراهيم.. صار يحتسي قصيمي, ويلبس ثوب... وشماغ ويكشخ, ويدرّس بالجامعة بالنهار ويشتغل مترجم بالوزارة بالليل...اللي يشوفه ما يقول هذا الشامي اللي أول... وجابت جدتس راشد خالتس... وبدت تضعف... وتمرض ومايدرى وش به... وجدتس ضاق صدره.. أخذه للشام ومصر وماعرفوا علته... آخر شي قالوا يمكن تلقى له علاج بأمريكا... وقرر يسافر... وجان ذيك الليلة يشاورن... عذبة: وش قال؟ الجد: يقول: يا أبو إبراهيم ما أعرف علة ليلى... بتموت قدامي وأنا أطالع فيها... قالوا روح أميركا بلكي بتلاقي تشخيص واضح لحالتها وبلكي بيلاقوا علاجها... وأنا مصرياتي يادوب بيكفوا سنة زمان هناك... أهلها بدون يكووها وأنا رفضت قطعاَ... يالطيف شو هالبشاعة... ما بقدر أتخيل كيف يسمحلون قلبون... شو رايك أبو ماجد...شير علي؟ عذبة: ليش يكوونها؟ الجد: وش عندهم من علاج إلا التسوي!! وش يسوون...وآخر العلاج الكي... عذبة: وبعدين راح صح... بس منين جاب الفلوس أنت عطيته؟ الجد: ههههههه... لا... باع بيته... وعيال عمه دفعوا له المقسوم... وأرسل بطلب سلف لصديق عمه أبو رياض الخطيب... تعرفينه؟ عياله الحين تجار معدات... أكيد بتتعاملين معهم...الحاصل.. جمع يمين ويسار... والدولة عطته سلفه.. وراح...وأول ماراح ولدت أمتس فرح..و جلسوا هناك خمس سنين ... ثمن عرف علته... وإضطر إنه يستقيل ويبدا هناك التجارة عشانه مب قادر يرجع إلا زيارات... وجلس هناك لمين ماتت جدتس وأمتس بالثانوي... عاد أنا أنا أرسلت له أبوتس يوم خلص ثانوي يدرس عنده... ويهتم به... عذبة: يبه وش به جدتي؟ ليش ما قدر يرجع...وراه وش صار به بالضبط.. _في هذه الأثناء ينادي فيصل من خلف الخيمة_: ياولد... ياولد...عم عندك أحد؟ الجد: تعال يا وليدي ...تعال ...مابوه احد... عذبة_تقفز وتأخذ شماغ جدها وتتغطى به_قائله: هـــــــــــــــــــــــــو!!!! يبه وأنا مب أحد!! إصبر فيصل إصبر... _يدخل فيصل وينحني على رأس عمه ويقبله_ عذبة: وأنا طرطور عندك!!! أقول إصبر وتدخل!! فيصل: عمي يقول إدخل... وبعدين أنت مرتي... صح ياعم..؟ الجد: إيه ياوليدي... عذيب فيصل لو بيدي دخلته عليتس اليوم... عذبة: هـــــــــــــــــــــو!!! فيصل: هههههههههههههههههههههههههههههههه... وراه هو!!؟ _وتحرج بشدة وتخرج بسرعة وهي تتمتم_: الله ياخذك يا وسخ.. قليل أدب... وجع ...راح وجهي... حسابك عندي يا فيصلوه أنا أوريك... وتتجه للصالة, جوالها يرن وينقطع...تأتي وترفع الجوال وتنظر... 15 مكالمة لم يرد عليها, ومن رقم غريب, استغربت ثم قالت_: أكيد هذولا حقين مكتب العقارات... والله ياهم نشبة مانبي نبيع !! هي غصب... _الجوال يرن من جديد بنفس الرقم, ترد بصوت حازم_ عذبة: نعم!! نجلاء: ألو.. عذبة آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآه _وإنخرطت في بكاء شديد _ عذبة: نجلاء!!! وش بتس!!! ألو نجلاء... نجلاء.... _لم تستطع نجلاء الكلام من شدة البكاء , فتأخذ نورة السماعة وتخبر عذبة بالقصة_ عذبة: طيب ... طيب... عطون الرجال... الرجل: نعم ختيا... عذبة: عمي الله يخليك ظلك جنب البنات وأنا الحين برسل لك أحد ياخذهن... الرجل: يا ختي أنا بروح لزوجتي بالمستشفى... ما اقدر... _عذبة كانت من شدة حماسها تمشي وتمشي وهي تتحدث ولم تشعر بنفسها إلا وهي ترتطم بشي , إلتفتت فشهقت_: فيــــــــــــــــــصل!! فيصل: وش بتس تصارخين!!ليش تصيحين؟ عذبة: وخر مب وقتك... فيصل_يشد بيديه على كتفيها ويرفعها هامساً_: عذبة!!! وش السالفة من اللي تتكلمين معه ... رجل صح؟ عذب_نظرت لعينيه وفكه الملاصق لفكها_:وخر عن... يا حقير؟ فيصل: إسمعي ... من الرجل اللي تكلمينه...؟ وليش تصيحين وتصارخين... وطالعة لقسم الرجال بدون شرشف..وش السالفة؟ عذبة: إنقلع... وخر عن لا أصرخ وأفضحك.. أنت ما تستحي... ما يكفي داخل ببيتي... وماسكن بهالشكل... فعلـــــــ... فيصل: هذا... بيتي... وأنتي ملكي... وأسوي اللي أبي... إبن أبوه ما يقدر يمنعن منك... أنا أتعامل معك الحين باحترام عشان سعود... ولا خشمتس هذا بكسروه... من الرجل اللي تكلمين؟!! ميـــــــــــــــــــــــــــــــــــــــــن؟؟ _عذبة جمدت ملا محها وبدأت تنتفض وتذرف عيناها _ عذبة:أ...أأأ.....كـ....لـ....م... فيصل: من!!!إنطقي... عذبة: ططط...ط..طيب.. ب..بـقولك...بببس...اتررررركن... فيصل: أقول إنطقي!!! مشاري!! صح؟ عذبة: لا...إيه...ووش عندك... فيصل: والله لو يكون مشاري لأمكع لسانتس بيدي...فاهمه...من!! ******** "في بيت الخال" أم أبراهيم: ياربيه... الساعة ثلاث ونص... ولا أحد رد... عبير: يمه... بندر يقول لا تقولون لأبوي لو جاء الفجر وهن ما جن... وابراهيم يقول نفس الكلام... فاتن: يارب... يارب... رد لنا بناتنا سالمات...يارب_وتجهش بالبكاء_.. راشد_يدخل ويقف ويضع يداه على خصره_: أميه مالقيتم... شساوي أنا...شساوي؟ وبندر أكلمه يخانقني وسد السماعة بويهي.. شمس: طيب كلم مشاري يجي يشوف لك حل... راشد: جان يشوف لنفسه حل بالأول....!! إيمان: ليه...!! ما سافر مشاري برا... شمس: لا... بالشرقيه وبيروح بعد سبوع لمكة... عبير: هو... !! مو مودي عذبة شهر كامل لسويسرا وفرنسا... ليلى: لا حبيبتي ... جدي وسعود اللي مرتبين سفرتهم... من إلى... هذي هدية جدي لعذبة... هذا غير السيارة اللكزس اللي عطاها لمشاري... ولا مشاريوه منين له... منتف وماعنده إلا راتب ما يجيب شنطة من شنط عذوب.. _تلتفت فاتن وتنظر بغضب لليلى قائلة_: حبيبتي ولدي ما يقصر ... و بعدين اللي أنعم على أهلك يقدر ياخذ منهم... وش ذا... لو فيه عذبة كان قطعت لسانك... مو عيب عليك تتكلمين عن زوج أختك وولد خالتك بالهشكل... والسيارة من باجر بترجع لكم... إذا فيها منه ما نبيها... راشد: ما قلت لك يمه ذيلا شايفين أنفسم متكرمين علينا... من زين عذبوة..عاد هذا لو حنا هامينا فلوسكم جان ما قطينا بنتكم عليكم زي الزبالة... _ليلى تنفعل وتقف وتضع يديها على خصرها_وتصرخ: من زين نسبكم هاللي ما يشرف... كل أهلي فرحو وزغردوا يوم رجعت عذبة... عذبة الحين كلن يتسابق يبيها... وهذا فيصل بياخذها وما تحق المهرة إلا لخيالها... من زين مشاري ... ومن زينكم... حنا آل الـــ أكبر حمايل القصيم... وأشهر العوايل اللي بالسعودية... إسأل أي واحد عنا يعلمك من نكون... وأنت لازم تعرفون إنكم ولا شي... ولا شي... شمس: جب يا ليلوه إلزمي حدودك!!! ليلى: لا... خلين أعلمكم من تكونون... أنتم أصلا ما تليقون لنا... لا مكانه ولا شرف... والله الناس يجون لجدي يقولون لا تزوج عذبة منهم... تدرون ليه... لأن عايلتكم مالها تاريخ يشرف زينا... ولأن أبوك فراش ونقله أبوي يشتغل بحلالنا بالإمارات... أنتم طمعانين بحلال عذبة... بس ترى عذبة وراه ذيابه... وراه فيصل والله يطيركم واحد ورا الثاني..بكلمة وحدة... راشد: أنتي تبين تربايه... أنا لو متغطيه عني موتك... وبعدين حنا لو داخلين على طمع جان تمسكنا بعذبوه... رماها مشاري زي الزبالة... ومشاري يعامل الناس بأصله... ولا جان فضحها عند الليي يسوى واللي ما يسوى... ليلى: فعلا عاملها بأصله.... لأنها ما سوت شي يلقاه عليها... وهو اللي مو رجال ولا يعرف يواجه... وبعدين الدليل إنه يعاملها بأصله... إنه إنزف بالسيارة اللي عطيناه إياها... كاشخ فيها... بدون ما يراعي مشاعرها ولا يخاف من كلام الناس وطنازتهم... سودتوا وجيهنا عند عمامي... والله ما ودي أبو عبد العزيز جاء للعرس وشاف المهزلة... أنتم سواد وجه مو خوال... من تدخلون بموضوع ينعفس... بسبب إنك ما تعطون أنفسكم مقامه...أنتم عااااااااااااااااار علينا... راشد: جـــــــــــــــــــــــــب_ويصفعها_ ليلى:وصلت يا رويشد تمد يدك!!! فعلاً تعاملون الناس بأصولكم.. يوم مات سعود تجرأتوا علينا... بس إذا سعود مات ... عيال عمي ماماتوا...زين والله بتندم يالحقير... والله لأوريك من تكون ليلى بنت ماجد ناصر آل.... _وتصعد لغرفة البنات وتغلق على نفسها الباب_ فاتن: راشد!!!! شمس: زين سوا... تستاهلين... يا ليلوه يا طويلة اللسان... أم إبراهيم: أنت يبي لك تأديب... أنت منتب عارفن أهله... تمد يدك عليه ... مير زين حقك يتحراك... شمس: خالتي ما سمعتي وش تقول!! قاعدة تسب وتمنن علينا... راشد: كلهم يبالهم تربايه... كلهم...شايفين أنفسهم متفضلين علينا... فاتن: لا يا راشد... عمر واحد منهم ما تكلم كذا ... هذاك دايم عندهم ومع ربعك ما يسد أنت ولا من جيت.. فتحوا لك المزرعة وذبحوا لك ... وضيفوك.. وهذا غير طلعات القنص اللي كانت مع سعود... والمخيمات اللي أول من ينزلها أنت وربعك.. راشد... لا تنكر طيبتهم... عمر واحد منهم ما قال شي... من أكبرهم لأصغرهم... ولو كانت عذبة موجودة كان هي اللي طقت ليلى مو أنت... عمر واحد منهم ما تكلم كذا... أم إبراهيم: أنت يا وليدي غثيته... ولهدته يوم تكلمت عن أخته ... وش هذا .. وإن جن وارقصن..وإن بينن أنه ماهمهن... يحسن... ترى الطلاق مب سهل.. ووش لون لو كانت أعز ماعليهن..عذبة.. أمهن وأبوهن... ودنياهن... أنت حط نفسك بموقفهن... ما يحسدن... وبعدين أخوك ليه يتزوج بسيارة الشايب... هذي السيارة اللي إنزفت به أختهن.. وبعد أقل من سنه يشوفن رجل أختهن منزف لمرتن ثانيه... لو هن حجر بيحسن... أنت ما تشوف إلا كلام ليلى اللي يقهر... وما شفت تصرفات أخوك ... واللي سوته منى بعذبة يوم العرس ما يقهر.. والله جلست أنا وخواتي نصيح من الحرة... شبت تسبدي إنلهدت... إذا أنت مفتح آذنك وتلقط كل كلمة وتفسره على كيفك أنت وأختك وأخوك... فتح عيونك وشف أنتم وش سوويتوا بهن.. والله سواتكم ما يسويه عدو... ولا أحد يطلق وحدتن إختارته من بين كل الشباب ومنهم ولد عمه اللي كلن يخطبه لبنته.. بعد شهر من موت أمه.. وليه!! عشانه بتجلس عند خواته... هذا لوهو يبيز بوه المعروف كان جاء بطيب نفس ووقف معه وشد من عضاه... شف عيال عمه الله لا يخلينا... بعذرهن لو تفاخرن بهم... وقفوا معهن... وفيصل خطبه وجبر بخاطره... الله يخليهم له... راشد: خالتي... أنتي ماتدرين بكل الموضوع.. لو تدرين بتعذرين مشاري... فاتن: كلام أم إبراهيم صحيح... وش الموضوع هاه؟ تكلم... شفت ماعندك لا أنت ولا اخوك شي... عذبة أحسن البنات... والكلام اللي سمعته مابي أسمعه ثانيه ... زيـــــــــــــــــــــــــــــــــــــــــن!!! ******** "في المطعم" نورة ونجلاء تجلسان على طاولة وتغلقان السواتر الخشبية, نورة تبدو منهارة, ونجلاء تحاول تهدئتها.. نورة: هيه.... إسمعي أصوات الشباب... أخاف يدرون إن ما معنى أحد ويجون.. نجلاء: والله لو هو قبل اليوم... حبيبتي حنا بالسعودية... نورة: أشوى أحسب إني بجاكرتا... وإذا صرنا بالسعودية!! نجلاء: شوفي حبيبتي... فيه هيئة... الله يخليهم ... دايم يدافعون عنا.. ويوقفون الخربانين عند حدهم... وأكيد في دورية هيئة هنا... نورة: لا... ما شفت أحد... يوم ندخل...إسمعي ضحكهم يخوف...ياربيه.. نجلاء: لا يجون الحين إن شاء الله... وبعدين الشباب يخافون منهم... يعني ما يتجرأون على البنات... وحنا محترمين وضافين أعمارنا... نورة: الله يخليهم ... نجلاء تخيلي السعودية بلاهيئة... نجلاء: يمـــــــــــــــــــــه... الله يخليهم... ياختي لامن شفتهم بمكان ارتحت... نورة: تذكرين يوم يقول لنواعم"تستري يا أمة الله ... الله يستر علينا وعليك دنيا وآخرة".. نجلاء: إسمعي... أحد يقرب مننا... شوفي ظله عند الباب... نورة: ترا الحزام الأسود لازم يشتغل... نجلاء: نورة... بطني يوجعن... أبي الحمام... نورة: هذا وقت حمام... ن...ن...نـجلا....لاء.. _ويفتح الباب الخشبي_ نورة ونجلاء في صوت واحد:آآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآ بندر!!!! _بندر يبتسم ويتنهد_: الحمدلله شكيت إني غلطان... وش هالمشكله اللي مسوياته...؟ البيت منقلب فوق تحت... وبعدين أنتن وخششكن ليش تهجن...!! الدنيا فوضى....والله لو أنتن خواتي كان علمتكن وشلون تسون حركات المهبل... _نجلاء ونورة تنتفضان .. يتقدم بندر ويسحب كرسي ويجلس ويكمل تعنيفهما_ الحين لو ما الله سخر لكن ابن الحلال كان وش صار عليكن..؟ لو حدى هالمهبل لاشكن.. هاه!! وش بتسون؟ أصلاً ليش نزلتن وتغبيتن...زعلكن رويشد كلمن علي أجي أتمردغ ببطنه.. ليش تسون كذا..هاه؟ هذي تصرفات ما تصير من بنات مربيات وعاقلات زيكن.. وراشد حسب ماقلوا لي ما قال شي يستاهل... نجلاْْء.... يعني عشانه قالتس سيارتي تنزلين بالشارع وتغبين!! ونورة !! أنتي وش دخلتس يوم إنتس تهجين معه؟!!! _نجلاء إنخرطت في بكاء شديد, ونورة تمسح على شعرها_ نورة: خلاص نجولتي .. ما يستاهل هالـخرتيت العصل تصيحين عشانه... بندر: خرتيت عصل !!!!!!!هههههههههه وشلون تجي ذي....!!! نجلاء: _تنفجر ضاحكة_ هههههه آآآآآآآآآآآآ_وتبكي بعد ذلك_ بندر: نجلاء والله لو تدرين وش صار له .... ما تسوى عليه.... عمتي شوتته تشويت... وعذبة غسلت شراعه غسل.... وأمي بعد ماقصرت... وليلى وما أدراك ما ليلى... مسكين اللي طاح بلسانه.... والله مساكين كلهم... نورة: بندر.. وش قالت ليلى؟ بندر: مادري.. بس إيمان تقول إنه أجرمت فيهم كلهم... _يصمت قليلا ثم يلتفت على نجلاء هامساً وبرقة_ بندر: نجلاء.... ليش سوويتي كذا....قولي لي .... فيه شي مو طبيعي ... أنتي ما كنتي كذا... نجلاء... أنا أخوتس.. قولي لي ... يمكن أساعدتس... _ويمسك يديهاويطبق عليهما بين يديه, نظرت نجلاء نحوه ثم همست_: مقهوره منهم كلهم .... من ماتوا أهلي... وهم كل يوم يحرقون قلوبنا.. بندر: وش ا لسالفة ؟ قولي كل شي ... أنا كلي أذاناً صاغية.. نورة: كر كر كركركركركر...وش بتصير هالآذان مقاس xxxL ******** ,............................................ "في غرفة عذبة" عذبة تتحدث بالهاتف...: الله يجزاك خير... إي بس خل هالحمير يحترقون... لا يدرون ... بس علم خالتي أم إبراهيم وفاتن...والبنات ورويشد الكلب...خله... احرق أعصابة... الله يجزاك خير مابي إلا سلامتك... لا أحمد ما أشوفه كل يوم ماخذ سيارة لون... ويدوج بالرياض.... إيه يقول لقى واحد من ربعه... الظاهر ولد الــ..... هههههههههههه.... لا والله خفيف دم شحليله... وسع صدري... بندر وش اخبار البنات... لا تخانقهن يكفيهن الروعه... بندر ... والله موقفك ما أنساه... بس عاد لاعمرك تنكد على نجلاء... مع السلامة... _تغلق الهاتف وترفع جوالها وتكتب_ اليوم ... مؤلم بحق... شعرت بضعفي... وصغري أمام جبروت فيصل... تخيلي ... تطاول علي وألصق جسدة بجسدي... رائحة عطرة إلتصقت بجسدي... رغم أنه يحمل نفس رائحة سعود... والكثير من ملامحة.. إلا أنه يختلف تماما...فهو بعكس سعود..حقير سافل ولم يرع حرمة لأحد... لم أره بحياتي بهذا الجنون... أدركت اليوم وأيقنت تمام الإيقان بصحة ما قيل عنه... أفنان لقد ظهرت أمامي شخصية فيصل الحقيقية... شعرت برعب شديد وخوف لم أشعر به في يوم من حياتي... تمنيت لو أجد حضن أمي لأختبئ به... تمنيت لو أدخل تحت بالطو والدي الأسود وأحتمي من البرد ومن فيصل... تمنيت لو أدخل في غرفة سعود وأسحبه من على دروسه ليؤدب فيصل... تمنيت وتمنيت وتمنيت... ولكنها مجرد أمنيات... أفنان...حدتثت اليوم مشكلة كبيرة لا أريد أن أزعجك بها... ولكن أحتاج قلب يشعر بي ويواسيني بدعواته... فاليوم مؤلم بحق...مؤلم...مؤلم... _وأرسلتها لأفنان..._ ****** "على البحر( شاطي نصف القمر)" بندر يفرش للنجلاء ونورة البساط, تجلس نورة ونجلاء, نورة ترفع النقاب وتضعه على الأرض, ونجلاء تواسي طرف البساط.. بندر يحضر حطب من سيارته.. ويكسر حطبة على ركبته.. وينحني على النار لف على رأسه الشماغ بشكل فوضوي وثنى ثوبه الأسود وظهر سروال السنه, عيناه تعكسان ضوء النار, ووجه إحمر بشده بسبب قربه من النار, نورة: هيه لا تحترق... بندر_يرفع رأسه وينظر لوجه نورة , أبيض ممتلئ , شفتاها ورديتان ومنفوختان رغم صغرها, وعيناها صغيرتان تغطيهما خداها حين تبتسم..._: أنتي ليش فتشتي؟ نورة: أقول أنا بكيفي أفتش ولا أتغطى... بندر جوعاااااااااانين... نجلاء: طيب... إصبري... بندر: سمي... _ويمد لها دجاجة متبلة نيئة_ نورة: وععععععععععععع... تستهبل... أنا جوعانه... تعطين عرموشتن نيه... بندر: ماتبين....خلاص... نورة: لا... بندر... تراي ما منت على أبو جاسم وقلت هات لي شي آكله... حرام عليك... بموت جوع... من فطورنا ما أكلنا شي... بندر: يعني ما أكلتوا شي بالمطعم!!! نجلاء: لا... إستحينا من الرجل ... شكله فقير وعلى قد حاله... وقلنا أكيد عذبة بترسل لنا أحد بسرعة... بندر: يووووووووووه... أقول إركبوا... خلونا نروح للمطعم اللي هناك وناكل شي خفيف... وبعدين نكمل الشوي على رواق... وش قلتي ياللي تتغطين على كيفتس.. نورة: أقول إن بغيتوا تودونن لإسرائيل... بس آبآكل.... نجلاء: الله ليتي أروح وأصلي بالقدس... بندر: أقول إركبن... نورة: نروح للقدس!!!!! نجلاء:الـــــــــــــــــلــــــــــــــــــــــــ ـــــــــــه ياليت.... بندر:أقول تغطي بس...وروحي أنتي ونجلاء وخوذن هالخمسين وإشرن لكن شي من ذاك الكشك وفكننا... وأنا بجلس عند العفش... وبعدين المكان زحمة ... ماشاء الله كل أهل نجد ناسفين بذا.. لو تحركنا أخذوا مكاننا.. نجلاء: بندر... ماقلت لي وش رايك بموضوع عذبة ومشاري؟ بندر: والله يا نجيل مادري بس متأخرين واجد.... خلاص الطيور طارت بأرزاقها... مشاري تزوج.. وعذبة بتتزوج..ومنى تستاهل اللي جاه... وعذبة ما أتوقع تزعل منتس... ورويشد مب قصده.... أكيد إنه مايدري أخته وش سوت..صدقين لو يدري كان هو أدبه...بس أنتي متأكده إن عذبة ماطلبت الطلاق؟ نجلاء: بغت تموت يوم دريت....وه الله لا يعيد ذاك اليوم..... نورة: ياويلي وأنا كنت أعلق عليها وأتطنز على مشاري... وهي تكابر!!! دايم أسمع إنه عنيده وراسه يابس وكرامتها على ما قالت أهم من أي شي ثاني بس توصل كذا.... بجد شي ولا عمري تصورته.. بندر: طيب هي ليش ما قالت لأبوي... لو قالت له يمكن صلح كل شي... وعرف شسالفته.... مو تقعد تحمس روحه بروحه... نجلاء: هي ما تتكلم كثير بالموضوع... بس اللي فهمته منها إنها تخاف يكون مشاري تحت ضغط سبب قاهر.. وما تبي تكمل الناقص عليه...وضحت بكل شي عشان ما تضايقه.... بس ..... آآآآآآآآآآآآآه حقير ومايستاهل.... بندر: يووووووووه وش هاللي خلاه تتجبر وتقدم كل هالتنازلات.... نورة_تنهدت ووضعت يدها على خدها قائلة_: ماهوا الحب يا عنيا.... آآآآآآآه دا الحب عزاااااب... بندر_ينظر لها بحده ويكتم ضحكته_: وأنتي وش عرفتس بالحب.....؟ نورة: المسلسلات يقولون كذا....بس أنا شفته بعذبة ونجود وعمي فيصل.... والله ياهالعايله مظروبة... لا والغثه إن محد معترف إنه يحب إلا بعد الخطوبة ولا العرس اللي غالبا ما يتكرفس...ويتعثر ويفطس وهذا دليل قاطع على أن الحب مصبية وخطيئة وفشيلة وما إلى ذلك من جملة الأمور..... نجلاء: نعم...نعم....بس سعالي الوحيد...كيف قدرتي تصفيفن هالكلام؟ نورة: سأجيبك على كحتك ما أعرف سعالك وهو من مخي.... ومن قناة الجزيرة الوثائقية وقناة المجد العلمية وإذاعة لندن... بندر: إخس يالمثقفة!!!! نجلاء: لا تصدق...قناة الجزيرة الوثائقية تسمع بها من فيصل وقناة المجد العلمية من أمها وأبوها ونجود وأما إذاعة لندن من أبو ياسين هاللي فاقعن روسنا به ولا مستشار الأمن القومي.... بندر: بتروحون تشرون؟ ترى الناس إذا بدت تكثر مافيه روحه.... نورة: لا كلش ولا الروحة....يالله نجلا إقمزي.. بندر: أقول تغطي... نورة: وه بس.... بندر: _بصوت عالي_وشـــــــــــــــــــــــــــــــــــــــــــ ـــــــــو!! نجلاء: ولا شي _وإنحت لبندر ثم همست بإذنه_ لاتواخذه تراه بزر ... بس أهله مغطينه غصب...يعني ماعندك أحد... بندر: أقول إلحقيه وصلت الكشك وأنتي تقرقين... ****** "في بيت الجد ناصر" عذبة تحمل بعض الملفات وتركض بها بالدرج, عند آخر عتبة تنزلق قدمها وتتزحلق وتصل لمنتصف الصالة حيث واقف أحمد ويتحدث بالجوال, قطع الخط ووقف مشدوها ينظر لعذبة بقلق, عذبة تمددت على الأرض بفعل الإنزلاق , إتكأت على يدها , وأخذت تجمع شتات أوراقها المتناثرة,ثم نظرت لأحمد وضحكت قائلة: هههههه توصيل سريع..._ومدت الملفات لأحمد _ الله يعافيك عطهن فيصل... وقل له أبي كل الملفات الباقية حقت المجمع الخيري... أحمد_إبتسم ثم قهقه_: وأنا قلت البنت الحين بتصيح!! ههههههههههههه أجل توصيل سريع...زين وفرتي على نفسك المشوار.... هههههههه مير شوفي الشباصة مسكينة تحولت لحطام.... ههههههههههههههههههههههههههه تلمست عذبة رأسها وأخذت تسحب القطع المتكسرة من شعرها... يمد أحمد يده ويساعده على النهوض قائلاً: مرتن ثانيه إنتبهي لا تطيحين عند فيصل بعدين يقول هذي مب مرة هذي رجة ويهون....ههههههههههههههههه _نظرت عذبة بإشمئزاز وحاولت ان ترسم إبتسامة ولكن محاولتها فشلت بشكل ذريع, مما جعل أحمد يدير ظهره ويخرج ...فيما إتجهت عذبة لغرفة جدها , وهي تتأرجح بسبب آلام السقوط... يرن جوالها فترد_: هلا وغلا ببدو الزلفي...شخبار المخيم... برد عندكم؟ إي والله عندنا بريد... بس الجو منعش... زي الزفت .. أقول ترى حايمتن تسبدي منه... أخ لو أذبحه بيدي... أنا أدري!! ... منهبل والله آخر من توقعت يسوي هالحركة هو... معسكر هو وولد أخوه لا..تركي إيه وبعد احيانا يكمل معهم سلمانوه... يا شيخة قال إيش نبي نصير قربين من عمي... آآآآآآآآآآآآآآآآه المشكلة الكبيرة...أممممم انا قلت لا تزعجين نفستس به.... إيه... ادري ملقوفة وبتدرين عن كل شي... إستانسي ... طيب... وانا أقول لا... نجلاء الله يسلمتس هي ونورة تهاوشوا مع راشد... إيه أخو سيد الحسن على قولتس......... ,,,,,,,,,,,,,,,,,,,,,,,,,,,,,,,,,,,,,,,,,,, |
"الجزء الحادي عشر" "في منزل الخال" نجلاء: وسوا لنا هك الشوي اللي يهبل...شي ...يجنن ...عمر عيني ماذقته ولا بأي مكان بالدنيا... عبير: إيه شوي بندر زين...والله دايم يطري لي.. بس أخاف إني أقوله يشوي لي لامن طرا لي نورة: يحمد ربه إني منب أخته... ولا خليته يشوي لي على الغداء والعشاء... شمس: بنات تجهزتوا ... بيسيرون الحين للشاليهات.. نورة: يسيرون؟ هههههههههههه شلون ذي ؟ يعني يمشون...؟ شمس : إيه... ليه ماتعرفينها... نجلاء: لا...نورة مب راعيه روايات عشان تعرفها....هههههه شمس: خلاص بيمشون الحين... _يصل لهم صوت بندر يصرخ بالدرج_: يالله!!! ماصارت.... بروح اللي بيمشي يمشي...ولا إنطقن... نجلاء: يمه... شكله معصب...نورة!!! ليش لابسة بنطلون؟ نورة: طــــــــــــــــــــــــــــــــــــــــز!!!_وتخر ج لسانها_ شمس: باين إنتي ما تعرفين بندر للحين... عبير: ترى بيشرشحتس... والله تصيحين... نورة:طـــــــــــــــــــزين...مو واحد.... نجلاء : نورة الله يخليك بلا مشاكل... نورة: شوفي لو عمتي أـم إبراهيم تقول لي ميخالف ولا عمي ... لكن بزر ما فاض من الأرض بيتحكم بي...لا ولوا يلوي رقبتُــه.. عبير: نعنبوا دارتس عمره 24 وتقولين بزر... نجلاء: لا مافاض من الأرض!! أجل أنتي داخل الأرض... _بندر يصرخ مجدداً_ وبعدين!!!!!! يتقافزن البنات ويحملن حقائبهن ويركضن بالدرج عدا نورة التي لم تكترث_ ************** "في الخيمة" عذبة تدلك رجلي جدها, وتسمعه "يهيجن" طاربة, النار تتلظى والجو بارد جداً, الدلال مصفوفة بشكل مرتب , ومعدة لإستقبال أبناء عمها, ينادي تركي,تهب عذبة وتأخذ جلالها وتتغطى به, يدخل تركي ونواعم.. تركي: حيا الله عمي...شلونك؟ الجد: يا حيا الله بتركي ونواعم...عيالي والله...بس لو تلبس ثوب يا وليدي مب أحسن؟ نواعم: إلا احسن يا عمي...بس ماعندك أحد... تركي: أش إسكتي يالعصلاء... أوريك ... عمي سألن أنا مو انتي... عذبة شلونك؟ عذبة: خلصتوا متخانقين؟ تركي: لا بقي شوي.... ولا تدرين خلي الخناقة بالبيت... الجد: لا تهاوش بنيتي... البنات ما يستاهلن الهوش... تعالي يا بنيتي يا نواعم جنبي سولفي علي... تركي: وأنا يا عم ؟ خلاص بزعل... الجد : لا..لا تزعل أنت إجلس سولف على عذبة... تركي: والله مب شينه..عالأقل يا عم عذبة تتفهم الحريات الشخصية... :خير إن شاء الله تتكلم مع عذبة اكسر راسك يا تروك_فيصل يدخل الخيمة_ تركي: عم!!! منين طلعت؟ فيصل: إيــــــــــــــــــــــــــــه لا غاب البس إلعب يافار؟ وش عندك انت وعذبة؟ عذبة_بغضب شديد_: كلن يرا الناس يعين طبعه... يا ... فيصل: يا....إيش...؟ تركي: يا حمار...أتوقع إنها نوت تقول كذا... فيصل: وجعه...هذا وانا عمك...!! _يضحك الجد ونواعم وفيصل وتركي بينما خرجت عذبة مسرعة_ عذبة_وهي تسير للصالة_: والله إنك تبرد الخاطر يا تروك...رجل... يرن هاتفها الجوال فترد... عذبة: ألو... أفنان: هلا وغلا... السلام عليكم.... عذبة: وعليكم السلام... شخبارتس...هاه جو الحبايب؟ أفنان: إيه جو..والله شي المخيم ليتس معي... عذبة: آآآآآآآآآآآه بس... وشخبار الجو بالزلفي؟ أفنان: رووووووووووعة براد ورش شي خيال... وش لندن عندها... عذبة: يا حلالوه بلندن والناس اللي كانوا معي بلندن... آآآآآآآآآآآآآآآآآآآآه كنت جزعتن من الغربة... ليت غربة الوطن ولا غربة الأهل والروح... أفنان: الحمدلله ... أهلك حولك... لا تصيرين كذا... عذبة: إيه أهلي معي ولاهم معي ... انا مع نفسي ولا أدري هو انا معها ولا ضدها.... أفنان: يووووووووووه قولي خير يقوله الله... يالله عذبة إنبسطي.... شدعوا هالكدر... هونيها وتهون... عذبة : .................................... أفنان: عذبة شفيك؟ عذبة: ليلي مثل ليلك أو همومناااااااااا غير؟ قلي صباحك مشرقة مع صبااااحي؟ أنت المساء عندك نجومه نوااااوير ومن الفرح عج عج سنااااها وفااااحي وأنا نجومي في الغدااااري مساااامير على السماء دقت بكل النواااااااحي جاااااااك الظلااام وجاك ربع ومساااير وجاني الظلام وكل ماأحب رااااحي علمي بنور الشمس وقت المعااذير قال الوداع وقلت دربك سمااااحي لو الالم سيلن فـ دمعي محاااادير ولو الندم غيثن فـ خدي بطااااحي تقول خل الهم واكفخ كما الطير عطني سماء يا خوك والوي جنااااحي** أفنان: السماء فوقك يا حلوة.. عذبة: سماء فوقي ... !!! وش تنفع السماء لامن صار الهم بانين شبك فوقك... أفنان:عذوب!! ما يستاهل هالحقير تسوين كل ذا عشانه... عذبة: مسكين ... وأنا مسكينه اكثر منه... وفيصل هذا أنا دواه... أفنان: فيصل !! عذبة: حقيــــــــــــــــــــــــــــــــــــر .... أفنان: يالله عذبة جو ضيوف بقوم أسلم عليهم سلام... عذبة:سلام... ********* "في المطار" الدكتورة أمينة تحمل حقيبتها وتجر حقيبة أخرى فيما يدفع زوجها _ماهر_عربة محملة بالحقائب, ويحمل إبنها وائل أكياس ويؤشر للسيارة أجرة, ينشغل الأب والإبن بتحميل العفش مع سائق الأجرة, وتركب د.أمينه وتمسك بحقيبتها بقوة , تظهر على وجهها علامات السعادة وهي تتلفت, يركب البقية وتسير السيارة, تسمع زوجها وإبنها وهما يسألان عن الخدمات المقدمة في السكن اللذي سوف يسكنون فيه, وأقرب الأماكن العامة وأفضلها, وهي تدير ظهرها لإبنها وتنظر لمعالم مدينة الرياض.. تلتف عليهم قائلة:مبين الرياض مدينة حلوة ومتقدمة كتير... وائل: وزحمة كتير... ماهر: ما أعرف بنقدر نعيش زي أول هونا ولا لا...خايف كثير... إن الأهالي ما يتلطفوا معانا... سائق الأجرة: أتوقع بتعجبك المدينة إذا أنت جاي من مدينة صاخبة أما إذا جيت من ريف أو مدينة هادية بتاخذ وقت حد ما تتعود العيشة هنا... د.أمينة: صحيح... أتوقع إننا بنكون علاقات كتير هون... مابياخدش وقت... أنا كان لي صاحبة سعودية... آآآآآآآآآآه...دنيا... ماهر: ماقلنا بننسى كلش...آآآآآه... بسأل... المدينة هنا فيها حرية... سائق الأجرة_يتجهم_: عفواً....مافهمت عليك...بس بجاوبك على ما فهمت... فيه هنا حرية إجتماعية... محد يسأل عنك وين رحت ووين جيت... إذا بغيت تعيش حياة مترابطة تقدر تكون حولك شبكة من العلاقات... وإذا حاب تعيش حياة منعزلة ماحد مطلقا بينكد عليك حياتك... و... آآآآآآآآآآآآآآآآآآآآآآآآآآآآآآآآآآآآآآآحاسب..!!!! _تصرخ د.أمينة, ويطل ماهر من النافذة ويصرخ: مجنون!!! _يبتسم السائق _ويقول: هههه ماشفتوا شي...عادي كل ساعة أمر بمثل هالموقف... كل شي بمدينتي جميل وحضاري إلا المرور...عدام...في عدام... وائل_بإنفعال_: كيف بيقتولوا انفسهم والناس!! كيف يسمحوا لأنفسهم بيعملوا هكا مابيصير.. السائق: كيف!!! إسمع إذا بتحرق أعصابك كذا فأنصحك ترجع الحين للمطار ... لأنك منت مايت من حادث بتموت من جلطة بسبب الإنفعال اليومي... عادي تقبل الموضوع بصدر رحب.... ************ "على شاطي البحر" يهتز جوال ليلى معلنا قدوم رسالة جديدة... تفتحها ليلى بشغف: فدوة عيونك لو غدت روح مغليك وش عاد لوراحت لعينك عشاير ابيع مايغلى على الكون واشريك واسوق لى جتنى علومك بشاير وازعل جميع الناس بالحيل وارضيك واصبر ولودارت على الدواير وآخذ من ايامي لك ايام واعطيك وان راح عمري لك فلا هو خساير لا تزعلين مني يا قمر... أنا مشغول بالوالدة تعبانه... فعلا والله روعة لوحتك...حبيت رمزيتها ودقتها... والأروع ألوانها... ولي مكالمة إن شاء الله ... ولكن في الوقت المناسب... _إبتسمت ليلى...ثم همست : إيه يالرجال ماتجون إلا بالعين الحمراء... نجلاء: من اللي ما يجي إلا بالعين الحمراء؟ ليلى: انتي... نورة: منين الرسالة؟ ليلى: من..من ... من غادة صديقتي... نجلاء: غادوووووووووه...إخس لهدرجه فرحانه برسالتها... _يأتي بندر ويقف خلفهن ويزمجر_: نورة!!!!!!!!!!!!!!!ليش لابستن بنطلون؟ نورة: بس... بندر: بس يمخش وجهتس إن شاء الله.... أنتي ما تستحين... نورة: تاركتن الحياء كله لك... _تضربها ليلى بكوعها وتقرصها نجلاء, وتأشر عبير لها بأن تسكت_ نورة: مب ساكته... وش تبي؟ بندر_تبرز عيناه ويحمر وجهه_ : انتي ماتشوفين شكلك بالمراية؟ عيب!!! جسمتس باين كله... ولا بعد لابسته وطالعتن عند الرجال... والله لو إنك إختي كان موتك... نورة: مب باين...!! وبعدين لابستن فوقه بلوزة طويلة!! وأنا توي صغيرة... ليلى: بندر ترى نورة صغيرة ما حق عليها الغطى... بندر:صغيرة!!! كبر الحمار!! عيب والله شوفي شلون مسافط جسمها باينه... والله لو هي بزر أم خمس سنين تستحي تلبس كذا... أصلا مو مناسب لجسمه هاللبس!! نورة_تطرق رأسها وتبكي _: خلاص... وش عليك من!!؟ بندر: لا زين الإحساس موجود!! لو انتي مع أهلتس ما قلت لتس شي لو تمصلخين... بس انتي جايتن معنا وحنا المسؤولين عنتس... ........................................................ ******* "بعد أسبوع" "في منزل الخال" أبو إبراهيم: هلا والله بوليدي.. أحمد والله إني فقدتك... أحمد: وأنا أكثر يبه... بندر: يبه ركبت أغراض البنات... ترى الرحلة بعد ثلاث ساعات... أبو حميد!! وينك يا شيخ... يووووووووه نسيتنا عند عز ناصر ودلاله... أحمد: وااااااااااااو شي.. ليتك تروح تشوف شلون ... أقولك بالليل كل شي... وين البنات..؟ نورة الدبا راحت؟ بندر: أقول لا تسمعك وش يفكك من لسانه... عليه لسان ... شاذوب مب لسان... أحمد: أشد من نجلاء؟ بندر: الله يحلل الحجاج عند ولده مير نجلاء تهابن شوي...هذيـــ... أبو إبراهيم: أنتم ما تخلون عنكم التقطيع بعباد الله... شف أحمد من عند الباب.. ***** "في غرفة البنات" نورة: جاء مجيد ... ليلى يقول مجيد خلي ليلى تطلع... نجلاء: ليـــــــــــــــــــــــــــــــــــــش!!! نورة: مادري... _تركض ليلى بالدرج تتبعها نجلاء, تلتفت شمس على عبير قائلة_: وش عندهم ذيلا؟ عبير: ماااااااااادري...خنشوف من الدريشة... "في الفناء الخارجي" أحمد يفتح الباب ويدخل عبدالمجيد, يسلم على أحمد ويلتفت على بندر ويسلم عليه_ أحمد: أنادي لك أختك؟ عبدالمجيد: لا.. ناد لي راشد... موب بذا؟ أحمد: إلا بالملحق... راشد .. راشد.. _؛يخرج راشد ويقف مقابل عبد المجيد, وإذ بعبد المجيد يمسكه بتلابيب ثوبة ويضربه على الجدار, ويلكمه ثم يصفعه و يصرخ_: تمد يدك على ليلى يالكلب!!! كانك رجال وضايقتك بشي تعال كلمنا نتفاهم معها ... والله لأموتك ...هذي بنتنا... إسمع يالهيس....لو كنت تظن ماورا بناتنا رجال غلطان... غلطان..._ويصفعه_ راشد: مجيد... نتفاهم... مايصير...حنا أهل.. عبدالمجيد: لا أهل ولا شي... تمد يدك على بنت عمي .. وتقول أهل!! والتفاهم مع الرجال اللي يحترمون أنفسهم ويحفظون وجيههم من العيبه.. مو يمدون إيدينهم على حريم خلق الله... _يتدخل بندر بعد حالة من الذهول التي ألجمته وألجمت أحمد ونجلاء, والبنات اللاتي يطللن من النافذة_: مجيد... إمسحه بوجهي هالمرة... هو غلط وأنت سامح ترى السموحة من شيم الرجال... عبدالمجيد: لا حبيبي هو ما غلط علي أنا لحالي ... هو غلط على سعود وأبو سعود بقبورهم... وحقهم مو أنا اللي أسامح به ... ليلى هي اللي تسامح... _يلتفت بندر ويرى ليلى وخلفها نجلاء يتابعن الموقف فيطلب من ليلى السماح_ ليلى: لا.... هو مد يده علي وتكلم بشرف عذبة... عبدالمجيد: شرف عذبة!!! _ويبدأ (بلحطه) بالعقال _ وصلت يالسافل تتكلم بعذبة!! وصلت!!! بندر: ليلى لا يطلع أبوي ... ترى أبوي مب ناقص... نجلاء_تندفع وتدخل بين عبد المجيد وراشد, أمسك بها عبدالمجيد ودفعها بقوة نحو بندر_وتصرخ: يكفي مجيد... يكفي... لو أمي فرح فيه ما رضت... خلاص تكفون... ليلى: خلاص مجيد أخاف يطلع خالي... عبدالمجيد: صدز متكلم بشرف عذبة؟ نجلاء: لا... أكيد ليلى ما فهمت... عبدالمجيد: أنا أسأله هو!!! وبعدين لا تتدخلين بمشاكل الرجال... وغطي إيدينتس وإنقلعي منداخل...يالله.. نجلاء: منب منقلعه... لمين تروح... هو أصلا ما يستاهل إننا نسوي شي أمي ما ترضاه عشانه... ولا لو ما أراعي خاطر أمي...كان جلدته معك... عبد المجيد_يبتعد عن راشد باشمئزاز_: قولي لنورة تطلع... ليلى: مع السلامة مجيد... وآسفه لو وسخت إيدينك بناس حثالة.. بندر: هيه... عيب هالكلام!! عبدالمجيد: ولا يهمتس يا بنت ماجد.. أرقابنا تفدى دموعكم... ما يهينتس حي يخلق واحنا نشم الهوا... _ويدير ظهره خارجاً_ نجلاء: مجيد!!! _يلتفت عبد المجيد_ تصرخ نجلاء وهي تبكي: الله يخليكم ذخر لنا.... الله يخليكم ذخر لنا... والله نحبكم وأنتم كل دنيتنا... الله يخليكم ويخلي أهل على الطيب ربوكم... يبتسم عبدالمجيد برضى ويقول_: لا... يا نجول ما سوينا إلا الواجب... وإن مات سعود خلفه كثير... ****** "في الرياض" عذبة_تتحدث بالجوال_: يخسى !! قال خليفة سعود... من غيره ... فيصل النمس... يالله فنو بروح أسلم على جدي وأشوف أكل عشاو ولا لا... بااااااااااااااااي...أمووووووووووه ولا تزعلين... _تدخل عذبة على غرفة جدها_ عذبة: يووووووووه يبه اليوم أحسن من قبل... شكل الجلسه بالشمس لينت عظامتك....يبه ليه ما أكلت عشاك؟ الجد: آآآآآآآآآآه..._ويسلهم بعينيه ويتنفس بصعوبه_ عذبة_تمسك بيد جدها وتضع خدها على خده_: يبه وش بك ... أنادي فيصل يوديك المستشفى... الجد: يابنتي... لا تهبلينه.. بس... إجلسي بجنبي... _عذبة: يبه يدينك بااااااردة... الجد: هذا الحق يا بنتي.... عذبة... أوصيك على نفستس...إرفقي عليه... وعلى خواتس... مالهن غيرتس بهالدنيا... نجلاء لاتكدرون خاطره...ناصر لا تخربونه بالدلال... ليلى...إنتبهي له... عذبة: يبه..عسى عمرك طويل...بروح أنادي فيصل... أشوفه بالحديقة... الجد: لا خلتس بجنبي... _ويتنفس بصعوبة العرق يتاقطر منه_ عذبة: يبه... لا إله إلا الله ... محمد رسول الله... ... لا إله إلا الله ... محمد رسول الله... ... لا إله إلا الله ... محمد رسول الله... الجد: لا إله الا الله محمد رسول الله...لا إله إلا الله ...لا.......... عذبة: يبــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــه لااااااااااااااااااااااااااااااااااااااااااااااااا اا يبه... وين تروح وتخلين وحيده... يبه لا تروح ... يبه رد علي ... رد علي... يبــــــــــــــــــــــــــــــــــــــــــــــــ ـــــــــــــــــــــــــــــــــــــــــه آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآه _يدخل فيصل راكضاً ويجد عذبة تنوح على جدها وهوجثه مسجاة_ فيصل: بس!!!لاتنوحين... عذبة: ولا كلمه ... أبوي ما مات أبوي ما مات.._وتزيد بالصراخ_ _حاول فيصل ان يبعدها عن جدها ولكنها متشبثه به بشده... دخل تركي... ووقف أمام الموقف مشدوهاً, فيصل سحب عذبة بشدة ورماها على الأرض, وقفت وبصقت في وجهه, رفع يده وأعطاها كف رماها أرضاً_ عذبة: يبه قم ... قم شوف هالحقير وش سوى بي... قم يبه... قم قممممممممممممممممممممم..آآآآآآآآآآآآآآآآه _أشاح فيصل عنها وأغمض عيني عمه وبكى ثم غطى وجهه_ صرخت عذبة: لا تغطي وجهه أبوي بيقوم ... بيقوم يأدبك يا وااااااااااااطي... لا تغطي وجهه... يبه قم شف هالحقير... قم... قم يباااااااااااااااااااااااااااه _وإرتمت على الجد, سحبها فيصل وابعدها بعنف , فسقطت على الأض وهي تنشج, مسح تركي دموعه وإنحنى على عذبة فأمسك بذراعيها وسحبها بقوة وهي تصرخ وتبكي.. وخرج بها للصالة, حينها أغمي عليها , وبنفس الوقت دخل الخال ومعه البنات وكاميليا وناصر... وقفت نجلاء ونظرت لعذبة ثم ركضت لغرفة الجد, وإذ بفيصل يضع يديه على وجهه ويبكي بكاء الأطفال,والجد مغطى بمفرشه بلا حراك... خرجت غير مصدقه وإذ بكاميليا والخال وتركي يرشون عذبة بالماء, وليلى تحمل ناصر وتصعد به الدرج, وهي تبكي, وقفت ثم صرخت_: لا.... لاتقولون أبوي ناصر.... لاتقولون أبوي ناصر...لالا... تركي أبوس يدك قل أبوي بالمستشفى قل آي شي... تكفى...تكفى...تكفى... ناصر_يصرخ_: ليلى خلين... بروح أثوف عذبة وث به...خلين... ترا بعلم عليث أبو ناثر يذبحث بعثاو...وخري...عذبة...عذبة..وث بث.. ********** "في منزل الخال بالخبر" فاتن:لاحول ولا قوة إلا بالله .... ياقلبي عليهم...ياقلبي عليهم!!! أم إبراهيم: إيه مادايمن إلا وجهه...إيمان وش أخبار البنات كلمتي أبوتس؟ إيمان: الله يكون بعونهن مرة منحاسين... عذبة شايلينه إسعاف... وليلى صاكة على عمره ولا طلعت لأحد... ونجلاء مع عذبة بالمستشفى... فاتن: ياربيه...الله لا يحوسنا بشر...وناصر وينه؟ عبير: كلمت نورة تقول إن ناصر كان مع الشغالات وبعدين أخذه فيصل... وبيحطه عند مساعد وقت الدفن والعزاء... يقولون صغير على إنه يستوعب... فاتن: مساعد!! ولد المصرية ماغيره!!أخو رجل مها عمتهم!! ليه؟ ماعنده مربية... ماعندهم عمان ؟ ليه مع ولد الناس؟ إيمان: أصلا هو يبي مساعد... متعود عليه... من ماتت أمه وهو أكثر شي عند مها وحمولته... شمس: أميه... هذي مها أصلا تبي ناصر يصير ولدها... وتقول لعذبة زوجي بيطلقني لو ماعطيتني إياه... أم إبراهيم: هـــــــــــــــــــــــــــو!! يعني بالغصب!! يتولمون تعطيهم إياو عذيب... هه والله لو تخرب الدنيا ماتعطيهم... شمس: أميه...متى بنروح لبيتنا؟ فاتن: مانب رايحه... بروح للرياض... اليوم راشد بيوديني.. شمس: أميه والمدارس بتبده؟ فاتن: وخير يا طير!!! إيمان: عمه... ترى من الطيرة إنتس تقولين خير ياطير... فاتن: بدينا بشغل المطاوعة!! عبير: أهم ما على الواحد عقيدته ياعمه...صح!! شمس:طيب أمي أنا بروح مع مشاري للبيت... فاتن: وجع ماتفهمين أنتي... روحه للبيت لحالك مافيه... ومشاري أول واحد بيروح يصلي على أبوماجد... كلنا بنروح... مافيه أحد بيروح دبي... أم إبراهيم: إيه ترى الصبح بكرا بنمشي للرياض... إيمان: يمه ... خايفة أروح... أبوي يقول أنهم مرة منحاسين.. يقول عذبة طايحة بالمستشفى... على المغذي والمهدئات... وليلى مو راضيه تكلم أحد... ونجلاء المسكينه حول عذبة... يقول إنهم أشد من يوم موت سعود...وعمتي.. أم إبراهيم: إيه يا إيمان الحال إختلف... يوم يموت سعود..كانوا يرجون امهم تعيش... ولحقته بعد يومين وكان عندهم ظهر يرتكون عليه... وأبوهم يتوقعون إنه بيرجع ...بس الحين ضاعن... آخر من لهن بهالدنيا مات أبوهن مات ... وجدهم مات... وأخوهن صغير... وعيال العم مهما كانوا مايصيرون زي الأبو والجد.. والأخوان... مير عذبة اللي به الطقة... مسكينه بتحمل كلش على راسه وهي مب قاصرتن مشاكل... فاتن: إيه الله يلتحظ له... عبير: عمه!!! الله ما يغفل عن أحد!!! حرام هالكلمة (وما الله بغافل عما تعملون)البقرة144 فاتن:هــــــــــــــــــــــــو!! أم إبراهيم ... بناتك شيخات على حسابي...!! أم إبراهيم: والله إني أفرح لامن شفتهن ينبهننا ... الله يجزى المدارس واللي قام عليهن خير... يفهمن.. ويعلمن... الله يزديهن وينور دربهن يارب... إيمان: خالة!! راشد بيروح يصلي على جدهم؟ شمس: ليه مايروح!! صج ولدهم غلط عليه بس أخوي يعامل الناس بأخلاقه...ومايرد الإساءة بمثلها!! عبير: إلا لو مايروح كان بصمت إنه هيس!! أبو ماجد أبو الكل!! واللي سواه لكم ولراشد بالذات ماينكر!! وأخوتس يستاهل اللي جاو... ولا فيه أحد يمد يده على وحده متغطية!!! أكبر جريمة عندنا هذي...!! إيمان: ههههه..والله شكله رهيب...وأنا زاد مستغربة ليلى عيت نقول لأبوي... وانا أقول وش ركد البنت...أثره متصلتن على ولد عمه....هههههههههههه فاتن: وأنتي فرحانه!!!وبعدين عبدالمجيد رفيق راشد...ويمون عليه... شمس جهزتي الشنط؟ *********** "في المستشفى" رفعت عذبة رأسها بتثاقل..تلفتت يمنه ويسرة...نجود تضع رأسها على وسادة عذبة, ونجلاء متمددة على أريكة مقابل سرير عذبة... الهدوء يلف المكان, والظلام يستر وجه نجلاء غير أن لمعة الدموع أبت أن تخضع للظلام , تنهدت عذب ونظرت للساعة وهمست: يووووووووووووه الساعة ثمان!! ماصليت؟ وش جابن هنا؟ وش صار... لا...أبوي ناصر... أبوي!! صدز مات...إيه مات...مات أبوي... لا... أكيد بيرجع... أبوي ماجد مارجع... أبوي ناصر... لا...لا...أكيد بيرجعون كلهم... بس ماحد منهم رجع...ماحد رجع!!! _بكت وحاولت أن تكتم صوتها حتى لا توقظ البنات... حاولت الوقوف...وسحبت حامل المغذي.. وتوجهت نحو الحمام, وقفت أمام المغسلة... فتحت صنبور الماء,ورشت وجهها بالماء, الماء بارد ودموعها حارقة ألهبت وجهها , نظرت نحو المرآة, تجهمت , بقعة زرقاء داكنة تحت عينها اليسرى_أثر ضربة فيصل_, تلمستها , ثم همست: فيصل!!! حتى وجههي ماسلم منك؟ ليه تسوي بي كذا... أنا وش سويت لك...وش سويت... حرام عليك... طول عمري أعتبرك أخوي... ويوم إحتجتك صرت لي عدو... ليـــــــــــــــــــه...والله مو ذنبي إني حبيت...مشاري مو ذنبي أني ماحبيتك... فيصل!! ليه رضيت علي أصير مطلقة... وخاينة بنظر حبيبي... ليه؟ كل هذا عشان قلت مابيك؟ ليه رضيت إني أرقص بعرس حبيبي...كنت أتمنى لو حسيت بي وقلت لا.. لاتروحين...أقدر أتخلى عن كبريائي.. قدام نفسي على الأقل ... والحين تبي تستمر بمذلتي...كل يوم تذلن بشي!! ليه يافيصل... والله لأقول لأبوي كل شي!! لأخليه يعرف حقيقتك... والله لأ.... أبووووووووووي ... أبوي وينه... أبوي مات... إيه أبوي ناصر مات!!! لا...لااااااااااااااااااااااا يبه ناصر تعال_وأخذت بالصراخ_تعال أقول لك كل شي... تعال... شف وش سوو بي!! يبه أبيك... يبه أحتاجك...يبااااااااااااااااااااااااااااااااااااااا ه وأخذت تضرب بكفيها على الباب, وإنفصل لي المغذي, ورشقت دماءها على الأرض, وتجمعت الممرضات, وأمسكن بها مع نجود ونجلاء وهي في حالة هيستيرية.... *********** "في صالة بيت أبناء العم" أم عبدالله: فيصل ... يانور عيني...عشاني هالتمرة بس... فيصل_شاحب الوجة, ويضع يديه على وجهه وعيناه تذرفان بغزارة_: مابي....مابي شي يمه.. أم عبدالله: ياوليدي لا تحر قلبي... بتروح تصلي على عمك وتدفنه... وأنت على لحم بطنك من أمس...ترى بزعل عليك...والله لأزعل هه... تنهد فيصل وأسند ظهره على الكنبة, وأرخى رأسه عليها فتناثرت خصلات حريرية سوداء على عينيه اللتان تبرقتان كجوهرتان سودوتان, وجهه الحنطي وعوارضه الخفيفة غسلت بدموعه... شفتاه المتشققة والهالات المحيطة بعينيه تظهر حزناً عميقا... أم عبدالله: الحمدلله ياوليدي... لله ما أخذ ولله ما أعطى... وبعدين أبو عبدالعزيز يقول إنك داري إنه بيموت... لاتذبح عمرك... فيصل: طيب ... وإذا دريت إنه بيموت... ؟ ليتي مادريت... كل يوم وأنا متعلق بوه أخاف يموت وانا ماشبعت منه... كل يوم ودي أدخله وسط قلبي... ماودي أفارقه دقيقة... آآآآآآآآآآآآآآآآآآآآآآآآآآآآآآآآآآآآآآآآآآآآآآه... يمه هذا أبوي... من عرفت الدنيا وهو أبوي... هذا مب عمي... هذا أبوي... جواله يرن..يخرجه ويرد... فيصل_بصوت مبحوح_: هلا... عذبة: إسمع.... العزاء ببيتنا...الرجال والحريم...فاهم... فيصل: أي عزاء... هذا وقتس... أنتي الحين وش أخبارتس ... متى بتطلعين؟ عذبة_تصرخ_: مب شغلك!! العزاء ببيتنا ... قل لأخوانك.... فيصل:................... عذبة: هيه... فاهم...؟ أنت تسمع؟ فيصل: أنا مالي خلق أتخانق معهم... وبعدين مافيه ببيتكم رجال... عذبة: مب شغلك... الرجال ببيتنا قبل الحريم... فيصل: طيب... بس ... عذبة: أنت ما تفهم.... إسمع فيصلوه... ترى اللي بي مكفين.... بيت ناصر ما يخلى.... والرجال يجون زي يوم كان فيه جدي وسعود وأبوي... وهذا اللي عندي...وإسمع.. أنا بطلع الحين... ووالله لو بتعاندون لأخلي فضيحتكم فضيحة...فااااااااااااااااااااااهم..._طوووووط طوووووووط.... يلتفت فيصل على والدته ثم يهمس: يمه... البنت مب طبيعيه!! أم عبدالله: أي بنت؟ _يقف أبو عبدالعزيز عند والدته_ أبو عبدالعزيز: خير إن شاء ... منهي اللي مب طبيعية... فيصل: عذبة ... تقول العزاء ببيتهم للرجال والحريم... أبو عبدالعزيز: وحنا بدبرة الحريم...!!! النعي اللي نزلناو بالجرايد إن العزاء ببيتنا, ولا حنا بمغيرين كلامنا عشان عذبوه... فيصل: أنت ماتعرفه ... تهدد... أبو عبدالعزيز_بسخرية_: يمه... خوفتنا....تدري خنصك عليه بالمستشفى... فيصل: إسمع... اللي تبيه عذبة بيصير... ماحنب ناقصين مشاكل وفضايح... ومسألة نصك عليه هذي شله من راسك.. ماتنذل بنت ماجد وراسي يشم الهواء... أبو عبدالعزيز: هــــــــــــــــــــــــــــــــــــــو!! أنت طرطور عند مرتك... هذي يبي له تكسيره راس...وأول من بتركبه أنت ... لازم تأدبه ... وتعلمه كلمة الرجال ما تكسر... هه ولا بعد تهدد..وبعدين يا فيصل بيتهم مابه رجال... وش يقولون الناس!! ولا لامن جو وقفنا السووايق يدخلونهم ببيت عمي... ؟! أقول لو نكلم المستشفى ما يطلعونه...أنت ماعليك خله علي... وش قلت... _يجلس فيصل بتثاقل ويتنهد ويضع يديه على ذقنه , ثم يرفع شعره عن وجهه, ينظر لأخيه بطرف عينه ويطيل النظر ثم يقول_: لا... إذا هي تبي تطلع تطلع... وخل الناس تقول اللي تبي أنا ما يهمن أحد... وعذبة ذي عيون أبو ماجد ... مايصير نذلة ونغثة وسنده ما دفن للحين... فاهم...مايهم الناس عند لحمك.... العزاء ببيتهم... وأنا برسل العمال يجزون الخيام... وقل لسعد.... أم عبدالله: إي والله مانغث البنية ... ولدي والله ... بس كل لو تميرة عشاني... _ينهض فيصل ويأخذ التمرة من يد والدته ويخرج_ ******** "في العزاء" مها والجدة وأم عبدالله في الصالة الرئيسية, ويحطن بهما العجائز وبعض نساء الجيران, بينما عذبة تسند رأسها على الأريكة وتتمدد على الأرض وتبكي بحرقة في الصالة الجانبية, ويحطن بها نجلاء وليلى ونواعم ونورة, نجود تقف في البوابة وتستقبل المعزيات مع والدتها ومنيرة_أم تركي_ وأم إبراهيم, البيت يغص بالمعزيات والمعزين, من الرياض والقصيم والمنطقة الشرقية وبعض منهم أتى من خارج المملكة, فاتن تتردد بالماء والأدوية المهدئة وتحاول تهدئة عذبة, بينما إنشغلن بنات الخال بتوجيه الخدم لتقديم القهوة والماء, للرجال والنساء,وتنظيف المنزل... أحد النسوة: مسيكينة هالبنيه... ركدوها... مايصير... أم عبدالله: الله يصبره... ماتنلام... إمرأة أخرى: طيب هذا من الجزع... ياخوفي يدخل هذا بالنياحة!! والنياحة على الميت فيها لعن... حاولوا تهجدونها... _تدخل أفنان ووالدتها وأختيها_ أفنان: عذبة!! عذبة: أفنااااااااااااااااااااااااااااااااااااااااااااااا اااان أفنان أبوي مات... أبوي ناصر مات... أبوي ناصر مات... مات...مات...آآآآآآآآآآآآآآآآآآآآآآآآآآآآآآآآآآآآآآ آه أفنان: الله يغفر له... ويدخله فسيح جناته... هذا مصيرنا كلنا... عذبة: وين الموت ... ليته ينشرى كان شريته... مات أبوي... من لنا بهالدنيا؟ مين...ضعت يا أفنان ضعت... _تضمها أفنان وتجلس بجانبها على البلاط_ أفنان: ثقي بالله وما يضيع من وثق فيه... عذبة: تصدقين يا أفنان سلمت عليه قبل لايدفن... ترجيت الكلب إنه يسمح لي أبوسه... أفنان: وشو؟ عذبة: تخيلي يا أفنان كان مبتسم... ذكرن لشكل أمي يوم أسلم عليـَه... أفنان بوست راسه وضميته ...ضميته يا أفنان ولو الود ودي ماتركتـُُه... أفنان...تصدقين قويت نفسي وما بكيت عندُه... كان موته ولا يشوف دمعتي... كان يسهر معي إذا سهرت أذاكر... يشب لي بالخيمة, ويدفن بالمرجيحة, ويسوي لي قهوة, أفنان تصدقين يوم جهازي راح لفرنسا وهو ما يحب السفر بس عشاني... عشاني بكيت وقلت لو فيه أبوي ما جهزت من هنا!! ليتي ما قلت هالكلام... ليتي ماجرحته... وش عاد.... جهزت أغلى شي وجيت لمه وضيقت صدره... أفنان... تذكرين ذاك اليوم... يوم أنتم بالزلفي يوم جيت لمخيمكم... تهاوشت أنا وسعود وزعلت... وأمي عيت أجي لمكم... ويوم شافن جدي زعلة وضايقن صدري... جابن بنفسه لمكم بالزلفي وقعد يتحران لمين طاب خاطري... أفنان... ودي أدري ليه هو يحبن... وليه أنا قاسية معه... أنا ما أستاهله ... ما أستاهل يكون عندي جد زيه... أنا ما أستاهل ... ما أستاهل... أنا...أفنان أبي أبوي أبي أضمه... أبي أشكي له وأبكي... ولا تدرين منب صايحة...بقول إني أسعد إنسانه...أسعد إنسانه بس يرجع لي... أفنااااااااااااااااااااااااااااااااااااااااااااااا ااااااااااان أبي أعيش معه ... ولا أموت...ليتي أموت ليتي أموت... *********** "الجزء الثاني عشر" "بعد منتصف الليل" في أحد غرف الضيافة الخارجية في فناء بيت الجد ناصر , الغرفة مظلمة وهادئة وباردة, بندر وأحمد يتمددان على سريران متجانبان, يشد بندر البطانية ويقول: أحمد....أثرك أنت وبرهم فاكينن من خواتكم...وه ياثقل دمهن... أحمد:حرام عليك...إلا وش أخبارك...عبير تقول الضيفة فقعت مرارتك... بندر: أقول...شخبار الجلسة عند عذبة؟ إنبسطت...ولا ماللبيت طعم بعد سعود؟ أحمد: والله البيت كله تغير...صراحة شي فظيع... بحياتي ماشفت حياة كذا...بندر تخيل الكراج مليان سيارات أشكال وألوان... والمفاتيح مع سواقهم الدايخ أبو ياسين...هههه تخيلته هو ولحيته.. بالتحليه.. بسيارة سعود الفيراري... بندر: يقول دحيم إنك كل يوم جايهم بسيارة... وآخر الموديلات...وش السالفة؟ أحمد: هه...عذبة وش حليله... تقول لي خذ السيارات اللي تبي... وزيادة على كذا معطتن إذن آخذ سيارات عمومتهم... بندر_ويقترب من أحمد_: صدز!! وأنت عسى أخذت سياراتهم؟ أحمد: إيه لقيت سيارتين لمجيد... وسيارة سلمان...بس الفشيلة يوم أخذت الرانج حق فيصل...ودق علي أبو ياسين يقول فيصل معصب يدور سيارته يحسبه مع سلمان ولا مراد... وجيت ماشي ميتين... بندر: والله ماتستحي... وش سوى بعدين... أحمد: قبل الإشارة اللي عند بيوتهم دق علي... وقف قلبي... خفت منه... بندر: وهاوشك؟ أحمد: لا... قال لي لا ترجع ...أنا بروح بسيارة ثانية...ويقول إنه مايبي سلمان يجي سيارته.. عشان السلمي يفتح المحرك ويقربع فيه...يقول إنه خرب سيارته اللي قبل... بندر: يا حليلهم...شكل فيصل ذايب بعذبة...ومايبي يزعلك عشانه...صح؟ أحمد: .......أنت ماكنت معي ... لوأنت عشت معهم ماقلت كذا... بندر: هــــــــــــــــو!! شلون؟ أحمد: عذبة مب طايقته...أحسه بتذبحه... بس تمثل قدام أبوه ناصر...وقدامي... بندر: ليه؟ وفيصل؟ أحمد: فيصل ....مادري... أحيانا تقول إنه يموت عليه... وأحيانا يتصرف تصرفات غريبة... مادري فيصل دايم طبعه غريب... بندر: هههههههههههه... ماشفته وشلون يناظر مشاري ومشاري يناظره... كل شوي أقول بيتطاقون...ولا راشد...هههههههه ولا كأنه مجلود... يدخل ويطلع معهم... ويمون بزود... تدري... اللي يشوفه يقول هذا تركي مب راشد... ياخي أموت واعرف ليه داخل بهم عرض... وليه هم متحملينه وبالذات فيصل... أحمد: فيصل.... رجل... ويقدر الرجال... وراشد لو إيش ماكان رفيقهم... وبينهم عشرة... وراشد رجل لو طعطع شوي... يبين الرجولة فيه... بندر: أحمد....عذبة تقول إنه كانت مقصرة مع جدها..معقولة؟ أحمد: لا... والله أنا دعيت ربي إن يرزقن بنت مثله... تخيل...تنام معه... وتفطره بيده... وتجلس معه كل وقت... وتهمزه.. وتغير ملابسه.... وماتتكل على الشغالات بشي... لبقة معه بالحيل... والله إني تعجبت منه.... ماتدري البر وين بالولد ولا بالبنت... بس بر عذوب ما شفت مثله... بندر: طيب... تحسه مبسوطه... أحمد: مسكينه... بندر تدري إنه الحين مليارديره... وتدير مشروعات بالمليارات... بندر: أدري .. بس الإدارة الفعليه بيد فيصل وبو عزوز.. أحمد: مادري يا بندر... القصر الكبير... والفلوس الكثيرة... والسلطة... والجمال... والدلال... وكل شي عنده زايده تعاسة... كل شي ببيتهم كئيب... الخدم اللي كنهم رجال آليين... والتحف اللي تقعد ساعتين تتأمل فيها , والديكور المبهر, كله ...كله...كآبة في كآبة...عكس ما الناس يتكلمون عنهم.. فرق عن يوم كنت أجيهم يوم أنا بزر... منول كلش عندهم فيه وناسة... تعليقات عمتي...وفرفشة ماجد.. وطقاق ليلى وسعود...ونجلاء وجدهم..وعذبة وطقاقته مع مجيد... كلش إختلف...أرحم عذبة...مسكينه... بندر: شلون مسكينة...قوية وماهمه شي..يعني متبلدة من الآخر.. أحمد: لا...كنت أقول مثلك بس الحين غيرت رايي... تخيل أسمعه أحيانا تصارخ بالليل... وتبكي وتحاكي نفسه... بيجي يوم وبتفصخ عقله... أنا حمدت ربي على أهلي ومابي غير هالهلي... بندر: عجيب!! بس أشوفك قدرت الهلي.... كل يوم بسيارة شكل... أحمد: أقول ... بنام...يا.. إلا ماقلت لي ووش سويت مع نورة؟ بندر: أقول إنطم...تصبح على خير *********** "في اليوم التالي" فيصل يقف عند باب منزل الجد, وينادي عذبة, تلتفت شمس وترمق عذبة بنظرة إستحقار, إلتفتت عذبة في مكانها وسألت: نورة شوفي عمتس وش يبي...يالله... نورة_تمط شفتها_: وأنا وش دخلن بكم...عمي ...خطيبتس...روحي أنتي... عذبة_تبرز عينيها وتصرخ_: نوير ماتفهمين!! أقول قومي لا تجيتس هالجرة تتوسط خسمتس..قومي!! نورة_بذعر وهي تنهض_: ببب بببسم الله ...طط طيب...سسسم عم... _تقف نورة مقابل فيصل وهي تتمتم_: ببسم الله ...سكنهم مساكنهم..سكنهم.. فيصل: خير... وش بتس؟ نورة: ووش تبي..؟ فيصل: خير إن شاء الله من متى صرتي عذبة؟ ولا تحسبينن تروك...هاه.. نورة: أقول أها ... منب فاضيتن لك أنت الثاني.. وش تبي؟ فيصل_يرفع يده_: إنزلعي نادي عذبة لألفعتس طراق..تقلعي!! _تركض نورة وهي تتمتم وتقرا على نفسها المعوذات وتقف عند رأس عذبة المتمددة على الأريكة, وتتلعثم وهي تقول: يبيتس أنتي .. بغى يلفعن!! _نهضت عذبة بتثاقل وسحبت الشرشف من يد أفنان وهي تتبرم_: وه بس... رايقتن له أنا ؟ شمس: هذا زوج المستقبل...الرجل اللي كلن يخطبه لبنته... ولو!!! _إلتفت عذبة ووقفت أمام شمس وهمست_: إسمعي...كلمة وماتنعاد...أسمعتس تستهزين بفيصل أمصع لسانتس... وأضنتس فاهمه وش أقصد...خلاص...! شمس_بذعر بالغ_: خخ خخخلاص... إلتفتت أفنان: لو إيش ما كان هذا ولد عمها... والعيبه تجي عليها قبل ما تجي عليه... _وقفت عذبة أمام الباب ... وبدت مترددة...ثم تغطت وخرجت_ فيصل: هلا عذبة شلونتس؟ عذبة: ...................... فيصل: أنا ... جيت ...عشان... عذبة... بتس شي...تعبانة... _أمسكت عذبة وشرشفها وشدته على فمها وهي تحاول أن تكتم بكائها, ولكنها عجزت عن ذلك, فإنفجرت ببكاء مرير_ فيصل_بدت الدموع تتجمع بعينيه_: عذبة...أدري مب سهله عليتس...والله يلوم اللي يلومتس.. بس... عشان ناصر ... حرام عليتس شوفيه شلون ترك اللعب وجاء يركض.. عشان ناصر الصغير .. وعشان ناصر الكبير... عذبة... دموعتس غالية ... عذبة...عذبة... _يأتي ناصر ويتعلق بساقي عذبة وهي يصرخ_: عذووووووبي ليث تثيحين..._ويلتفت على فيصل_أنت دلبته.. والله لأدلبك... يا ... دب...عذوب... ذعلث فيثل... _تنحني عذبة وتضم ناصر_ عذبة: إيه فيصل صيحين..إضربه... _ينقض ناصر على فيصل ويضربة بقبضته ويركله بعنف , فيما وقف فيصل يتأمل عذبة مندهشاً, عذبة سحبت ناصر وهي تقول_: خلاص نصوري يكفي...فيصل صديقك...خلاص.. ناصر_منفعلاً_: لا...أوب ثديقي... اللي يذعل عذوب أوب ثديقي... وع عليك..._ويلتفت_ وع عليك أنت بعد...أنا أحب فيثل أكثر منك... ليث ديت هنا...ليث ديت...رح لبيتكم... _عذبة وفيصل يلتفتان مندهشان ويران مشاري يقف على بعد أمتار منهما_ فيصل: مشاري!!!! وش تبي...البيت له حرمة... مشاري لم يجيب فقط كان يراقب عذبة وهي تبعد ناصر بعنف وتدخل للداخل_ فيصل: هيه أنت وش تناظر؟ مشاري: .................ولاشي ... بس الله جمع بين الحبايب... فيصل: .................. مشاري: قل لأمي تجي أبيها... _عذبة دخلت تركض ولم تتحدث , ودخلت تركض لغرفتها, ثم لحقتها أفنان_ ******* أقبل تركي وهو ينظر للشرفة ويتبسم, ثم أمسك بكتف فيصل قائلاً: عمي ... يبيك أبو عبدالعزيز...رح .. بسرعة.. فيصل: أبو عبدالعزيز ذا مب عمك؟ تركي: أقول بسرعة جو ناس vipيقول لازم تستقبلهم .. ياخي رح... مشاري: قوة تركي.. حلو الثوب عليك.... وأنته ماتلبس ثوب إلا بالعزاء...؟ تركي: إن شاء الله ألبسه ببيتكم...أعزيهم فيك.. فيصل: شف تروك.. هذا يبي أمه قلهم ينادونه... _يلتفت تركي ويرقب فيصل وهو يذهب ثم يتنهد ويقول_: مشاري... مايصلح مكانك هنا تعور البيت...رح منهنا شوي..إيه كذا زين... وفي هذه الأثناء ينسكب شامبو وبلسم وبودة تلك على رأس مشاري من شرفة غرفة عذبة.. يقهقه تركي ويبتعد وهو يضحك, فيما صعق مشاري ولم يستطع أن يتحرك, عندها وبعد ان توقف الإنسكاب رفع رأسة ونظر لخصلات نجلاء الذهبية تخرج من بين فتحات الشرفة... ********** "في غرفة عذبة" عذبة كانت تبكي وتحاول أفنان تهدئتها وناصر يدور حول عذبة ويبكي, فسمعوا ضحك قوي يخرج من الشرفة, ركض ناصر وتبعته أفنان, كانت نورة ونجلاء تؤشران لتركي بعلامة النصر , أطل ناصر وحين رأى مشاري, هب راكضاً وأخذ سيارته تحت سرير عذبة ورماها على رأس مشاري, صرخت نجلاء: ياويلي..أنت مهبول ... بتفلق الرجل...ياويلنا من عذيب... نورة: هيه أنتي ما تغطينا عن تركي... ناصريطل من الشرفة ويصرخ لمشاري الذي كان يتوجع : أحثن... ثااااااااااااااااااااااااااادة... تثتاهل يادب... وع عليك ثنتين.._ويخرج لسانه_ افنان لم تستطع توبيخ الفتاتين, بل غرقت في ضحك هستيري, وحين قدمت عذبة , تقافزن البنات وهربن بسرعة.. ********* "في الفناء" مشاري: أنت ماتستحي ... والله عيب هذا وانا ببيتكم...أخ ياراسي... خلني أمسك نجلوة العفريته.. وانت ...أنت ريال انت..؟!! تركي: لا..أنا درهم...ههههههه... إسمع أنا مالي دخل... والله مادريت عن ناصر... إلا والله تنرحم.. عذبة كان يوم تعرف إن أخوها عنده ميول إجرامية... تشري له سيارات صغيرة مو سيارة أكبر منه... والله مسكين يا مشاري ...ضاحت براسك دلالهم لولدهم... مشاري.. تبي أشغل لك رشاشات الحديقة تغسل البلا اللي على راسك؟ ولا وش رايك إغفص راسك بالنافورة... ولا الحل الأخير... طب بالمسبح اللي عند الرجال...ترى الماء البارد منعش ومهدي للأعصاب... مشاري: أيا الجلب... تتريق علي..رح لابارك الله فيك...نادي أمي... تركي: إيه ...صح ترى امك ماتبيك...نجلاء هي اللي قالت لي أمه تبيه.. أكيد إنها تبيك تجي عشان تعطيك حمام إجباري... بس أنا مالي دخل.... ********* "في غرفة عذبة" عذبة_بعصبية_: أفنان... الحين يحسبن أنا اللي وزيت ناصر.... ياربيه... ياربيه..._وتضرب وجهها وتبكي_ أفنان_وهي تمسك بيديها وتبعد هما عن وجهها_: حرام عليك... لا تضربين وجهك ولا تنوحين... أنتي ماتدرين... الرسول صلى الله عليه وسلم قال : ( ليس منا من لطم الخدود و شق الجيوب) (أخرجه البخاري) وتبرى من الصالقة والحالقة والشاقة... والصالقة اللي ترفع صوتها عند المصيبة... عذوب حبيبتي أنت مؤمنة ...حرام عليك والله حرام... عذبة: ياربيه والله ما إنتبهت...الله يغفر لي أفنان...فيصل... ومشاري.. أفنان: طيب... عذبة: يوم شفت فيصل ذكرت أبوي...حسيت بوه شي من ريحة ابوي ناصر... بس بنفس الوقت تذكرت اللي سواه بي... فنو..إذا فيصل اللي مربيه جدي واللي يعد من عياله سوا بي كذا.. الباقين وش بيسوون بي...خايفة يا أفنان..ما أقدر أشوف وجهه... ما أقدر...راح اللي كنت أتحمل وأتظاهر قدامه... خلاص...أحس إني إنتهيت..إنتهيت..إنتهيت أفنان: ماتدرين... يمكن لمن تتزوجينه يتغير... يعني اللي سواه قبل عشان بياخذك بس...وخلاص الحين ضمنك... والرجل إذا أحد أخذ منه حبيبته ممكن يقتل...وكيف لو كانت بنت عمه.. عذبة_تصر أسنانها_: والله لو على جثتي ما أخذته... أفنان: طيب بتقولين لا... عذبة: مادري... مادري...بس أفنان:وش بتسوين... عذبة: حاليا ... ولاشي...ولاشي...أفنان...شفت مشاري... أفنان: جد والله؟!! عذبة: أفنان... شفت الإستحقار...كان يناظرن ولا كأنه يشوف إسرائيلي قدامه... والله نظرته تقتل...آآآآآآآآآآآآآآه ...تمنيت أصرخ وأقول أنا بريئة... أنا ما خنتك...أنا مظلومة زيي زيك... وهذا المجرم... تمنيت وتمنيت بس ماكثر ماتمنيت...وماقدرت أسوي شي... *********** "في مطبخ بيت الجد" فيصل يقف عند باب المطبخ الخارجي ويتحدث مع نجود.. فيصل: نجود...مابغى أحد يجي...سنه أدق على جوالتكم... وأرسل لكم من هالشغاللات... وينكم؟ نجود: إيه شنسوي...والله المعزين متقاضبين...أحد طالع وأحد داخل... فيصل: وعذيب؟ شصار عليه؟ أفنان: الله يكون بعونه...من دخلت منك وهي مسكرة على عمره باب غرفته... فيصل_يتمتم_: لهدرجة مفتونة...حيوانة...للحين تحبه... بس أنا بعرفه بقيمته.. نجود: فيصل شتقول؟ فيصل: ولاشي... بس عذبة طلعناه من المستشفى على ضمانتي... ماتتحمل تجلس للعزاء...البنت محتاجة علاج مكثف.. .والدكتورة أكدت إنه لازم تدخل خلال أقل من 48 ساعة... قولي له تجهز شنطته وتمشي معنا للمستشفى... نجود: مسشتفى!!...أنت ماتعرف عذبة مستحيل توافق... فيصل: لازم تدخل... الوضع ما يسمح أخليه هنا... نجود: عم...أنت ماتبيه تشوف مشاري ...صح؟ فيصل_يتلعثم_: لـ..لأ..مو ...إسمعي أنتي قولي له وبس... نجود:إسمع...كلم أمي نورة..أنا ماتقتنع بكلامي... فيصل: وين ...مب انتي صديقته... نجود: إيه قبل طلاقه...بس اللحين...الوضع إختلف... والله وكأني أنا اللي طلقته من زوجه... الله يسامحه...مادري ... يمكن الوضع حساس شوي... بس والله مافرحت عليه بطلاقه...وكأن أختي اللي تطلقت ... أنا شسويت...شسويت...ودي أفهم... فيصل:............إسمعي يا نجيدة...أحيانا ناخذ مواقف من ناس نعتقد يقين إن مالهم ذنب... بس قربهم من المتسبب تخلينا نتحسس من أي كلمة أو نظرة منهم... نجود: بس حنا ما تسببنا له بشي!! يعني أنت ولا أبوي اللي مطلقينه!! فيصل: هه..لا..بس..إسمعين يمكن هي حست إننا كلنا فرحنا بطلاقة...وعشان كذا... هي مو قادرة تفضفض لتس..عشاننا...بس صدقين...عذبة مازالت تحبتس... وتحب سعود... وتحبن...وتحبنا كلنا... نجود: ................سعود...سعود...وأنا بعد ......... فيصل: يالله روحي قولي لعذيب... _ويتمتم وهو يراقب نجود وهي تدخل _: إيه والله يا أنا بخليه بذا عند هالدربيه...الله ياخذه ...ويفكنا منه... هين يا عذيب إن ما كرهتس بوه ما أصير فيصل... بتعرفين من اللي يستاهل الغلا... ********* "بعد إسبوع" عذبة تخرج من المستشفى, مها والجدة ونجلاء ونورة وناصر مبتهجين جداً, البيت أضيئت كل مصابيحه, والبخور يعم المنزل.. دخلت عذبة تحمل نجود حقيبتها, وإرتمت نجلاء بحضنها وهي تصرخ: نور البيت ....نور كل الحي...والله البيت ماتنفع بعدتس... ناصر: نور البيت... والدنا كله نورت...الدنيا مب ذينه بعدث... تلتفت نجلاء وتقول بغضب: هيه أنت لاتقلد!! ناصر:إنقلعي...وع عليث..أنا ما أقلد يا ثينه... عذبة: أفا يا نويصر...أنت رجل ما تقول هالكلام... شلونتس يمه...ووين ليلى؟ الجدة: بخير يا بنيتي...ليلى نيمه...إلا أنتي وشلونتس؟عساتس طيبة؟ عذبة: أنا بخير ... بس وش قلتي تجين تجلسين عندنا... الجدة: والله يا بنيتي ماللعجيز إلا بيته...وبعدين هذا بيت ناصر... وناصر طلقن...وماخبرت المرة ترجع لبيت واحدن طلقة.. مها: والله يمه حرام عليتس...هم محتاجينتس...خلي العناد عنتس... الجدة: إسمعن كلمتي ما تنكسر......خلاص... نجلاء: خلاص...أنتم ما تيأسون...مابه فايدة...الله يخلي لنا أخيتنا... يازود عجوز يانقص عجوز... الجدة: أها...قص يقص لسانتس... _يضحكون جميعاً_ تلتفت نجود على عذبة قائلة: عذبة ترا بكرا آخر يوم لتقديم أوراقك حقت التحويل... أفنان كلمت علي وقالت لازم تروحين بكرا لم الجامعة أفنان تنتظرتس هناك... عذبة: يووووووووووووووووووووه مالي خلق... نورة: نروح أنا ونجلاء بدالتس....؟ مها: لا...ترا بيطردونتس يا عذبة مدى الحياة مب قابلينتس... نورة: حرام عليتس....والله يخلونه دختورة دايركتري... عذبة: دايركتلي.... نجلاء: أها .... بدينا من الحين بالتصحيح...ياشيخة ماقبلوتس... نجود: لا إن شاء الله بيقبولنها... ******* "في الجامعة" في منتصف الدوام, ترتمي عذبة على كرسي في الساحة الجانبية في الدور الأول من المبنى الرئيسي, فيما ذهبت أفنان للكفتيريا لشراء القهوة, أخذت عذبة تتأمل الفتيات.. أتت أفنان ووضعت كوب القهوة أمام عذبة همست عذبة: الحمدلله... قبلون بسرعة... أفنان: مب عادة...ههههههه...ربي يسر لك... _أخذت عذبة ترشف من القهوة ثم رفعت رأسها ونظرت لأفنان قائلة_: فنو...تسمعين اللي أسمع...!!! أفنان: إيه ...هذي البوابة تدخل على قاعة المؤتمرات والمحاضرات... اليوم أظن فيه محاضرة عن سرطان الثدي...يقولون بتجي دكتورة... صرخت عذبة: أعرف هالصوت!! مو كنه صوت..... إلا هي ... والله هي.... أفنان_وهي تحاول أن تمسك بيدي عذبة_: من هي ... _رمت عذبة كوب القهوة, وهرولت نحو باب القاعة...ولحقتها أفنان_ ******* "في قاعة المؤتمرات" القاعة تتمدد بشكل مخروطي, كبيرة جداً, والهدوء يعمها, الدكتورة تلقي المحاضرة, والجميع منتصون, كان الحضور كبيراً, ولكن روعة أسلوب الدكتورة, وأهمية الموضوع خلقت جو هائل من الهدوء... وبينما الدكتورة تشير إلى إحدى الصور اللتي عرضت وإذ بفتاة تقف في أعلى الدرج, وتصرخ: ماما أمينــــــــــــــــــــــــــــــــــــــــــــــ ــــــــة!!! أمي ماتت...أبوي إختفى...سعود مات...جدي مااااااااااااااااااااااااااات... وأنا ضعــــــــــــــــــــــــت.... _وقفت الدكتورة وظهر صوتها مرتجفاً وقالت وهي تتجه نحوعذبة_: عـــــــــــــــذبة!! _تردد صوت الدكتورة بواسطة الميكرفونات ليختلط بصوت عذبة اللتي تصرخ_: لا....مو عذبة ....مو عذبة أنا عذاااااااااااااااااااااااااااااب عذاااااااااااااااااااااااااااااااااااااااااااااااا اب... _في هذه الأثناء ركضت الدكتورة أمينة نحو عذبة وهي تصرخ: ماتقولي ديالي فرح ماتت... ماتقولي فرح ماتت... لا..نشدتك بربنا...لا... ماتقولي ولدي سعود مات!! إرتمت عذبة في أحضان الدكتورة أمينة, وإنخرطتا في بكاء مرير... ضمت الدكتورة عذبة وهي تبكي وتسألها: كيف...كيف ...ماقولت بشوفها ؟ كيف ماتت ...كيف ماتت... ياربيـــــــــــــــــــه... عذبة: أأمي ...أمي ماتت وهي كانت تتمنى تشوفك يمه... أمي تعبت تدور عليك... ليه جيتي متأخرة...ليه؟ ليه جيتي الحين...ليه...؟ وضمت الدكتورة عذبة بقوة حتى كتمت صوتها, وصارت تبكي بصوت يشبه حنين الناقة, فيما وقفت أفنان بالقرب منهن وهي تضع يدها على فمها وتبكي... _تجمعن موظفات الأمن وحاولن إبعادهما عن بعض, ولكن لم يستطعن, فاضطررن لجرهن خارج القاعة وهن ممسكات ببعضهن ويبكين_ *********** "في الحديقة" الهدوء يطبق بقوة على البيتين المتجاورين, ونورة ونجلاء يجلسن على الأرجوحة, الجو بارد, و بخار الكابتشينو يغري بشربه قبل ان يصبغه المكان ببرودته, والضباب يلف المكان, تنهدت نورة قائلة: نجلاء مالي خلق أروح للمدرسة... خنغيب...والله ماودي...مالي خلق...أحد يموت عمه يروح بعد إسبوع...مايصير... نجلاء: آآآآآآآآآآآآآه...أبوي ناصر الله يرحمه جنيته لو أقول له بغيب... نوير... والله فقدته... كل شي يذكرن له... تعبت..كل مكان أسمع صوته.. ريحة العود لمن تفوح...أشوفه قدامي شايل المبخرة للرجال.. ولا يدور عذبة يبي يبخره... ضحكته...حتى هواشه.. واللي تعبن أكثر عذبة... عمري ما شفته بهالضعف.. آآآآآآآآآآآآآآآآآآآآآآآآآآآه وبدأت تغني...بصوت رائع ومؤثر... الأماكن كلها مشتاقة لك والعيون اللي انرسم فيها خيالك والحنين سرى بروحي وجالك ما هو بس أنا حبيبي الأماكن كلها مشتاقة لك كل شيء حولي يذكرني بشي حتى صوتي وضحكتي لك فيها شي لو تغيب الدنيا عمرك ما تغيب شوف حالي من تطري علي المشاعر في غيابك ذاب فيها ألف صوت والليالي من عذابك عذبت فيني السكوت وصرت خايف لا تجيني لحظة يذبل فيها قلبي وكل اوراقي تموت آه لو تدري حبيبي كيف ايامي بدونك تسرق العمر وتفوت الأمان وين الامان وأنا قلبي من رحلت ماعرف طعم الأمان وليه كل ما جيت أسأل هالمكان اسمع الماضي يقول ما هو بس انا حبيبي الأماكن كلها مشتاقة لك الاماكن اللي مريت انت فيها عايشة بروحي وابيها بس لكن ما لقيتك جيت قبل العطر يبرد قبل حتى يذوب في صمتي الكلام واحتريتك كنت اظن الريح جابت عطرك يسلم علي كنت أظن الشوق جابك تجلس بـ جنبي شوي كنت وكنت أظن وخاب ظني ما بقى بالعمر شي واحتريتك ما هو بس انا حبيبي الأماكن كلها مشتاقة لك _تمسك عذبة بكتفي نجلاء وتضع رأسها على كتفها وهي تبكي بحرقة_ نورة: بسم الله ....منين طلعتي...عفريت أنتي؟!!! نجلاء_متفاجأة_: عذبة!! من متى وانتي تسمعينن؟ والله ماقصدت أصيحتس...مادريت إنتس هنا... يووووووووووه... _تقف عذبة وهي تمسح دموعها بطرف شرشفها, وتقول بصوت حازم: إسمعي يا نجلاء...المكان مليان عمال...والعيال طايحين بدقة جديدة...ينامون بذا _وتؤشر للخيمة_ليش طالعتن بلا جلال... ويالله بعد نص ساعة المدرسة... نورة: مب دارسين....مالنا خلق... عذبة: نوير!!! مب بكيفتس...بتدرسين ولا أكلم مجيد... نورة: مجيد مو الأول يدرس هو!! عذبة: إسمعي نورة حبيبتي...الحين المدرسة أهم من كلش... والشهادة يمكن يجي يوم وتحتاجينها... نورة:أدرّس بمدرسة أهلية...كرف وحالة والنهاية راتب ما يجيب لي ولا بدلة...والله النظارة اللي علي ما يجيب قيمته... وتقولين أحتاجه؟! نجلاء: أقول نورة...بلا فسق...ألف وخمس ميه تفك زنقات... ويمكن يوم تحتاجين الألف وخمس ميه ...إحمدي ربتس مير ولا تطنزين... عذبة: نجلاء...لافض فوك...يالله انا بروح داخل أبرتاح شوي... وأبقوم أشوف عن........_وضعت عذبة يدها على فمها ثم أشاحت وهي تقول_ بغيت أقول بشوف عن أبوي... نورة: نجلاء وش يدريتس إنه بألف وخمس مية؟ نجلاء: وخمس وثمانين...صح؟ نورة_بإندهاش_: إي والله... شكلتس أنتي العفريت مب أختس؟!! نجلاء : كنت معتس...نسيتي قبل إسبوعين شارينه؟ _يخرج تركي من الخيمة وهو ينادي: ياولد!! ياولد!! نجلاء: يمه ...إصبر شوي... هاتي _وسحبت غصن شجرة وتغطت به مع نورة_ تركي:هيه...صوتك حلو.... أقول ... لا يسمعونك الشباب...ترا مب أزين لك يسمعك العامل... نجلاء: بسم الله انت منين طلعت وإلى أين مغادر؟ وليش جالسن تتسمع؟ وليش توك تطلع؟ تركي: أح...بالهداوة خلين أجاوب على سوال وهاتي الثاني... طلعت من الخيمة... وبروح للبيت ألبس وأفطر وأروح للجامعة... وجالس أتسمع ببساطة لأنه عجبن صوتك... وتوي أطلع لأني يوم جيت اطلع سمعت عذبة ... فخفت على رقبتي... بتقعد تقول ليش جيت للبنات ... وليش سويت... يمه...تخرع...ما أقول إلا الله يعين فتفت... نورة: أقول ولد عمي إرجع نم... اليوم بنسوي إضراب جماعي عن المدارس... تركي: هيه لو سمحتي انا مو بمدرسة... أنا بجامعة الملك سعود...تخصص طب... وتبين اغيب...لا حبيبتي..قصدي بنت عمي... ماعندي نيه أتشوت خارج الجامعة... سلام _ويخرج وهو يحك رأسة ويغلق ازارير قميصة_ نجلاء: مادري كيف ماشي بالطب... نورة: أفا عليك... شاطر...بس مب بين...خلف الله علي... نجلاء: نورة... ليش أمس تهاوشت عذبة وأبوتس وعمانتس؟ نورة: أنتي ماتدرين....أبوي يقول لازم تجون تعيشون معنا بالبيت... وعذيب عيت... يمه...طلعت وحدة ثانية... أنا هجيت...خفت يجين طراق ولا بوقس.. نجلاء: فيها ضرب؟ نورة: لا...بغت توصل بس تدخل فيصل... وصرخ على عذبة وهجدت... ياحليلة ماخافت من أي احد إلا فيصل...ههههه... نجلاء: وبعدين ولا هجيتي...مالحقتي على الباقي؟ نورة: أفا عليتس... انا هجيت لكن حطيت إذني...وقفت ورا الشجرة اللي جنب الدرج وسمعت إفري ثنق...ههههه... نجلاء: ماشاء الله أنتي مشروع سيدة ناجح..مايفوتس شي...إيه وش صار؟ نورة: ماتتخيلين... أبوي وعمي سعد وجدتي... شيء ... بس عذبة عيت كلش... ويقول له أبوي..ماحنب مخلين بناتنا بدون رجال بالبيت.. وردت بطرف خشمه.. مب بناتك...ذولي خواتي... واللي بيطلعهن من بيت أبوهن أطلع روحه..وتعالت الأصوات... وجاء فيصل... وقال...خلاص!! فكري بخواتس... وتذكري إنتس مسؤولة عنهن .. وأي شي بيصير لهن تتحملين كل المسؤولية..عذبة هنا أسكتت...وعم صمت رهيب... وتوقع الجميع انه بتوافق... نجلاء: إيه وبعدين ...تكفين بلا تمثيل ....بسرعة إنجزي... نورة: بعدين عذبة وقفت وقالت................. أقول مب كن العيال بدو يقومون...إسمعي سلمان العصل... يابغضي له لامن قام يحن ...إسمعي... نجلاء: وش علي منه...كملي... نورة: لا....بالمدرسة...محد يسمع...أحسن... ***** "في غرفة ليلى" ليلى تتحدث بالهاتف, وتتكئ على الباب المطل على الشرفة, ينفتح الباب بعنف وتدخل نجلاء ...تغلق ليلى السماعة بسرعة وتلتفت نحو نجلاء قائلة: خير...وين إحنا...؟ بحظيرة؟ ولا بسجن...أنتي ماتعرفين تتأدبين... ولا لازم الواحد يقفل الباب بالمفتاح؟!! نجلاء:ههههههههههه...إحنا ببيتنا...ههههه...إحنا...وش معنا إحنا...قولي حنا... ما أدري كيف تطلع من لسانستس...ههههههههههههههه أقول هيه وش كبر راستس... منذ مبطي وأنا أنام معتس بالغرفة... ما إفترقنا إلا يوم جينا السعودية... ليلى: أحلى شي سووه...وش تبغين...؟ نجلاء: ههههههههههه....أنا ودي أجيب سريري بذيا ... وننام جميع... وشولوه الكهارب...خسارة على الفاضي... يالله بقول للشغالات يجيبونه... ليلى: خير...خير...أنا ما أبغى ...تدخلين من هنا أنا بطلع سريري من هنا... من زينك...مزعجة وتشخرين بالليل... نجلاء: أنا أشخر بالليل..أحسن من اللي يشخر بالنهار... وبعدين انا ودي ادري انتي وش غيرتس...دايم غرفتس كانت مفتوحة... وأربع وعشرين ساعة نحوس تحت انا وياتس... والحين حتى لا شفتس ودي أسلم عليتس بمصافحة... أشوف عماني اكثر منتس... ليلى: إيه ...أكيد بتشوفين عماني...مو مجيد مصطر بالبيت أربع وعشرين ساعة... نجلاء: مجيد!!! إي والله رهيب لامن عصب... مير جهزتي اغراضتس للقصيم... ليلى: وع...مابي أروح...ليش ننحرم من عماني ونروح لخوال أبوي... مو حالة...يوووووووووووه...مابي أروح.. نجلاء: روحي قولي لعذبة....بس تدرين عذبة تقول بنرجع بعد العيد ونحضر آخر المخيم... ليلى: طيب ليه مانصبر ونروح مع عماني وبلاش القصيم... نجلاء: عذبة ماتبي تشوفهم يهدون الجدار اللي بيننا...وبين بيت عمي... والله مو عدل اللي يصير...حرام يقهرون عذبة... ليلى: وش بتسوين يعني...يا بتروحين تسكنين عند أم عبدالعزيز... وعيالها ياولد..ياولد... وتتركين غرفتك... ولا بيهدون الجدار... إيه لو كان أبوي حي ماطحنا لهم... نجلاء: ولو كان سعود فيه ما طحنا لهم... بس إحمدي ربتس إن عذبة فيه ولا كان علوم.... ليلى: نجلاء حبيبتي أقنعي عذبة...مانبي نروح للقصيم... والله ما ودنا... نجلاء: لا تقولين ما ودنا.. كلنا ودنا ...أنا ونصور... وعذبة ومها... وماما عذبة.. وبعدين تعالي ...ليش ماتبين تروحين؟ وناااااااااااااسة... وأنفسن سمحة...وتعيشين حياة هادية... ليلى: وبقر.. وخروفات... ودجاجات... وبطات...وطين... وريحة خياس...ما أطيق الرجعية اللي هناك... ليلى: رجعية!!!! رجع عليتس دركتر قولي آمين!! نعبوا بليستس البقر والخروفات على ما قلتي بالمزرعة... وهم الحين نقلوا لبيوت داخل الديرة.. والمزرعة مابه إلا العمال... ليول ...قولي آمين ...جعلي أشوفتس ساكنتن بمزرعة بالديرة يارب... ليلى:إنقلعي بس.... _وتضع يديها على خصرها_ يووووووووووه ...ماأبغى أروح من الآخر... نجلاء: قولي لعذبة... ليلى: أختك هذي صايرة ما تنتحاكى... قلت لها وقالت "رجلتس على رجلي, يانروح كلنا..يانقعد كلنا" صراحة مليت من سيطرتها.... نجلاء: لاتنسين إنه ضحت بكل شي عشان خشتس هالمايلة... ولو ماسيطرت عليتس بتضيعين...وكلامه صحيح... خايفة عليتس...يختي قدري ..نفسيته هاليومين عدااااام راعيه شوي.... ليلى: مو هاليومين... من رحنا للخبر...وموت جدي كمل الباقي... يختي الحين له شهر ميت وبتستمر كذا...حالة!! نجلاء: أقول قومي نطلع أم عبدالعزيز وأم تركي وعذبة جالسين بالحديقة... ليلى: روحي الحين بلحقك... ******* "في صالة بيت أبناء العم" تدخل عذبة وهي تحمل ملف أزرق داكن, وتجلس بآخر قطعة من الكنب الذي إمتلئ بأبناء عمها الذكور وأبنائهم, تنهدت ثم قالت: طيب... والحين وش إستقريتوا عليه...؟ سعد: انا اقول ندخل مناقصة مشروع الوزارة ...أقل كلفة... وأكثر ربح... أبو عبدالعزيز: إيه صدق أخيي... وش نبي بالمشروع الخيري... وحنا الحين بنحصل نصف ربحه بالوزارة اللي ما يكلفنا ولا ربع ميزانية المشروع الخيري...ولا يافيصل... فيصل: بس عمي كان يبي مشروع الإسكان الخيري ومتحمس له... عذبة: صحيح... وبعدين مشروع الإسكان بيفتحنا على اماكن حنا ما وصلناه... ومشروع ضخم ومؤثر بيؤثر بشكل هائل على سمعة الشركة... وخصوصا في مناطق بالمملكة تشهد نهضة عمرانية وحنا ما سبق وإشتغلنا به.. فمشروع الإسكان يضمن لنا ثلاثة بواحد...أجر.. ودعاية.. وخبرة..وممكن بعدين يوكل لنا أعمال أضخم منه...على مستوى المملكة والخليج... سعد: بس ياهانم يحتاج لطاقة هائلة.. وجهد وإدارة...ومعدات وتعب... والقيمة اللي بنحصلها ماتسوى كل هالتعب... وخصوصاً إنتس مثل ماتقولين ما نأخذ إلا أقل ربح...فكري ...وإحسبيها... الوزارة المبلغ اللي بنطلع فيه أكبر بكثير من الإسكان...إنطق يا فيصل... فيصل: مادري... الراي رايكم... أبو عبدالعزيز: الوزارة احسن واريح...خلاص يا سعد بنقدم لمناقصة الوزارة وبنكسبه بإذن الله... فيصل: خلاص...بس.. عذبة: الراي مو رايكم... الراي رايي أنا!! أجل ليش جايبينن ... ولا شاوروهن وأعصوهن...لا... أنا لي 75 % من الشركة... وانا اللي أقرر قبلكم... أبو عبدالعزيز: هـــــــــــــــــــــــو!! مب عيب عليتس تتكلمين معي بالطريقة ذي!! ومن متي يا عذيب تمشين كلامتس على الروس الكبار...هاه... كلمتي ماتنكسر... والإسكان ما حنب ماخذينه... سعد: إيه هذا اللي يبيه ناصر من قسم حلاله بين هالبزران!! عذبة: ناصر ياسيدي عمك...فاهم عمك... ولولا الله ثم تعب ناصر كان انت الحين ولد فراش سابق في بلدية الديرة.. ولا نسيتوا ...هاه... قال ناصر قال...وبعدين أنا ما قللت أدبي..أنا دافعت عن حقي وحق خواتي..وأخوي.. ورايي بيمشي غصبن عنكم كلكم... هذا راي أبوي ناصر قبل لايكون رايي... سعد: مب على كيفتس...أنتي بزر...وبعذر مشاريوه اللي طلقتس!! طويلة لسااااااااااااااااااااااان وقليلة أدب!! فيصل: بس يا سعد!!! هي اللي طلقته مو هو طلقه... وبعدين إعرف مع من تتكلم...هذي بنت عمك..وخطيبة أخوك... إذا عمك وأخوه ماتوا ...زوجه ما مات... عذبة... بناخذ الإسكان الخيري... ورايتس هو الصح... وحقتس ما يضيع... وإسمع يا بو عبدالعزيز..من حق البنات يقررون وش بيسون بفلوسهم... ماتدري...يمكن يجي يوم وتصير نجود مكان عذبة... عذبة..خلاص روحي الحين ولا يصير خاطرتس إلا طيب... وإذا أبو عبدالعزيز مو موافق انا ومجيد نتزهل الشغل كله... أبو عبد العزيز: لا... مايصير اخلي حلال عمي يضيع مع هالبزارين... خلاص بنقدم للمشروع الخيري... وأنا بأستلم الشغل...من ..إلى... _وقفت وهمت بالخروج وعند باب الفناء لحقها فيصل ثم همس: عذبوه........!! لسانتس هذا بطلعه وأقصه...فاهمه!! لاتطولينه على أخواني...وترا يوم أهاوشهم مب لسواد عيونتس ... ولا عجبن كلامتس... بس عشان عمي ...فلا تختبرين غلاتس عندي مرة ثانية... عذبة: سخيف_ورفعت صوتها_اللي بيوقف بوجهي بأدبه..لا انت ولا اخوانك هامينن... _وخرجت_ *********** "في غرفة عذبة" دخلت عذبة غرفتها, وضربت الباب بقوة وصرخت: كـــــــــــــــــــــــــــــــلـــــــــــــــــ ـــــــــــــــب!! لا... كـــــــــــــــــــــــــــــــــــــــــلاب!! كلهم كلاب... والله لأذبحهم بيدي ذي...والله... أنا مو لعبة مو لعبة... وأنت يافيصل...راس البلاء...والله لأسود عيشتك...حقير...سافل.. _وجلست على كرسي بجانب التسريحة, وهي تتنفس بصعوبة, وتزمجر وتشتم, نظرت ليدها, صغيرة ولينه, نظرت لوجهها بالمرآة, ثم ضحكت بسخرية: هه..عذيب...بتأدبينهم؟ من أنتي... نظرة من فيصل تشلتس...هه.. شوفي وجهتس...كلش فيه صغير إلا عيونتس... يمكن عشان تناظرين نفستس زين..هه بتأدبينهم!!! آآآآآآآآآآآآآآآآآآآآآآآآآآه...وينك يايبه وينك جدعتن بين هالوحوش... لا... صح أنا صغيرة...ضعيفة...بس بقواهم..بقواهم... إيه..الله يجعل سره بأضعف خلقه... إيه..ربي خلق بي ضعفي وأكيد حط فيه قوتي... وحط فيه عقلي وعزيمتي... إيه يا عذبة أنتي صغيرة ...بس رأيتس بيمشي على الكل... وعلى الرجال ...على خشم فيصل.. مادام ماعندتس رجل بيدافع عنتس...أنتي دافعي عن نفستس... إيه.. لازم تحمين نفستس من فيصل...المحسوب عليتس.. زوجتس..و ولد عمتس .... الرجل اللي مامثله.. زين يافيصل خلك كذا قدام الناس... بس قدامي لا...لا...لا _ثم إنحنت وأخرجت الدفتر المخصص لمذكراتها والتي تدونها لوالدها وكتبت_ أبتاه..أنقذ إبنتك... أبتاه كم أنا تائهه...في محيط المصاعب العائلية.. أبتي العزيز... \هاهي الأقنعة تتساقط...والأصوات الناعقة بدأت تنعق... أبتاه... رحل جدي.. ورحل معه الأمان... رحل ورماني لرحمة فيصل... أبي ... ربما يضن البعض منهم اني مجنونة.. تكالبت عليها المصائب حتى أفقدتها عقلها عند آخر مصيبة تحل بها... آخر مصيبة..(كم اتمنى ذلك وأرجوه من الله) أبي العزيز... ها أنذا أشكو إليك جبروت فيصل وغرورة... جنون العظمة الذي يسيطر عليه حتى أنساه معنى القرابة... والأخوة... ربما بل مؤكد أن الجميع يرى فيه الرجل المثالي لمسكينة تائهة ومطلقة ضعيفة مثلي... ولكنني أراه بلا قناع... أراه الرجل الأناني الذي أنساه رفضي الزواج منه كل أواصر القرابة..والإخاء.. نعم ياوالدي... فلقد جن جنونه حتى دمر زواجي.. ولم يكتف بهذا فقط... بل أصر على إذلالي رغم حياة جدي... إستغل خوفي على مشاعر جدي.. وخوفي من فقده ليرغمني على الموافقة عليه.. داهيه يعرف كيف يسير كل شي لصالحة... وليلمع صورته أمام الآخرين... نعم... فهو في نظرهم الرجل الذي تخلى عن كرامته ليتزوج بمن رفضته... لأجل ضعفها, وهو الذي أصر على علاجها, وهو الذي يدافع عنها... ولكن أمامي يظهر وجهه بلا قناع ليستمتع بألمي... وليسيطر على كل شيء.. كم أتمنى لو لم اعرف حقيقته... نعم كم تمنيت ذلك... فلربما أحسست بشيء من الأمان.. أبتاه...عيناه تنطقان بشئ لا أفهمه مطلقاً.. لاأفهمه.. أحيانا يبتسم ويتحدث بوداد... وأحياناً يزمجر ويهدد ويتوعد... أحيانا أحدث نفسي بفضحه أمام الجميع...ولتظهر حقيقته... ثم ما ألبث ان أتراجع خوفاً على مشاعر أخواتي... فلا أريد ان يحسسن بفقد الأمان كما أحس... أبتاه... هاأنذا أناضل لأحفظ منزلك عامراً, يريدون أن أهجر المنزل لأسكن معهم, قمة الألم والضياع شعرت به حين سمعت ذلك, رفضت بشدة, وأصررت ولكن وجدت نفسي بالنهاية مجبرة على الموافقة على أهون الأمرين, وافقت يا أبي...وافقت أن يهدم الجدار الفاصل بين بيتهم وبيتنا, حتى يطمئنوا علينا بزعمهم, وليتجنبوا في حقيقة الأمر السخرية الإجتماعية, بسماحهم لمطلقة صغيرة بالسكن مستقلة بمنزل بلا رجال!! ربما يكون في هذا الأمر جانب من العقلانية, ولكن في حقيقة الأمر, يريدون السيطرة علي تماماً, ولكن هيهات فلست عذبة الطفلة, و مصير الأيام أن تكشف لهم من أكون... أبتاه عذراً ولكن... الآن أبحث عن شيء يدينه...أجزلت للمحاسب الوعود لأنال منه إدانه أجلعها له تأشيرة خروج نهائي من حياتي.. ولكن حتى الان لم يجد سوى أوراق ومستندات تدين سعد... نعم وجدت أن سعد يستغل أموال الشركة لمنفعته الخاصة, ويستغل بعض من أملاك نجلاء بدون وجه حق... وهذه الأوراق ربما تنفع في إبعاد سعد بعيداً عن حياتي... أبتاه... أعلم أن هذا سيغضبك ولكن أنت من علمتني أنه من الخطأ.. مهاجمة قط في الزاوية لأن ليس لديه ما يخسره.. فأنا الآن قط في الزاوية... وانا الآن مستعده لعمل أي شي لحماية أخواتي وأخي منهم... ولحفظ أملاك ناصر لحين عودتك.... فلا تتأخر بالمجيء...فلقد أثقلت الأحمال...وناء بها ظهري... أنتظرك..... وبكل شوق... ****** "في الحديقة" نورة ونجلاء ونجود وليلى ونواعم يتحلقن على العشب, والخادمات يخرجن الأغراض... نورة: الحين ليه تروحون للقصيم...شلون بنعيد بدونكم؟ نجلاء: فكة منكم....بنروح هناك وناسة... نلاحق الدجاج...ونلعب بالطين... ليلى: مو تقولين نقلو عن المزرعة؟!! نجلاء: إيه هم نقلوا بس يجتمعون بالمزرعة.. نواعم: وأنتي عسى بتسوين فيها كاو بوي!! بتلاحقين دجاج!! نجلاء: لا بصير تشيكن قيرل...هههههههه نجود: أهم شي تستانسون...بس بنفقدكم... ليلى: ياحبي لك.......... _ في هذه الأثناء يدخل تركي على دراجة نارية قادماً من بيت جدته وخلفه أحمد_إبن أبي عبدالعزيز_ يحمل ملفين, وينادي منبها للبنات بأن يختمرن, تقافزن البنات وأخذن عباءة نواعم وتخمرن بها جميعاً, فوقف بالقرب منهن وقال_: هلا بنات... وين المسيو عذبة؟ نجود: مسيو؟!!!هي رجل؟!! تركي: أعرف بس فتفت بيقول كذا... _يقفز أحمد ويقول: وينه ذي؟!! نجلاء: مب أصغر بزرانك!! وهذا وهي مرت عمك!! قل أين السيدة عذبة ..هل لي بمقابلتها.. أحمد: أقول تقلعي... تقل مسلسل مدبلج...وينه؟ ليلى: بغرفتها...رح وطق عليها باب الغرفة مو تدخل كذا زي بعض الناس... تركي: إيه حبيبي... يمكن تصير تلبس ولا شي ماشيات... عاد عذيب وتلبس... بيقطعك فيصل... أحمد: ..................... تركي: أها...شكل الفكرة عجبتك أبو الشباب.... لالالا...كل شي ولا هالعلم...تبي تشوف مصاليخ إفتح الـ tv... بس بنات عمك لا...حرااااااااااااااااام... نجود: إخس يالمطوع... والـtv حلال!! نورة: أقول أحمد رح ماعليك... وإن جالك شي إنده ليا أخلصك... هو أنا أختك ببلاش.... _ذهب أحمد وصرخت ليلى_: تروووووووووووووك...خذني دورة... نجود: هو!!!! تركي: إركبي... بس ترى مالي دخل إن طلعت عذيب... نواعم: لا .. لاتدخل بمشاكل... تركي: وانتي مصدقة!!! أستغفر الله...إلا هالعلم... ليلى: وأنتم مصدقين؟ نجلاء: أغبياء...بس تركي جد ودي أجرب هالدبابة ذي.... تركي: دبابة !!!دبابة تتوطاك ...سلامو...فيصل ينتظرني...ياي _خرج أحمد يركض ويصرخ بهلع_: عذبة ...عذبة...ماتت!!! ماتت..ماتت عذبة...!!! ............................................................ "الجزء الثالث عشر" "في غرفة عذبة" ينفتح الباب ويتدافعن البنات ويلحق بهم تركي وأحمد, ترتمي نجلاء على عذبة وتهزها بعنف قائلة: عذبة!!عذبة ردي علي..... _ تفيق عذبة وتفتح عينيها وتنظر لهم بدهشة .._ ليلى: حية!!..أنتي حية؟!! تركي: حييتي؟ عذبة_تقطب جبينها وتصرخ_: وأنت شمدخلك غرفتي ... وأنتن ليش ماتغطيتن... _وتتغطى بلحاف سريرها, تضمها نورة وهي تبكي وتقول_: ياحبيلك أنتي وهواشتس بس لاتموتين.... تركي: له ...عذبة بكامل قواها العقلية..من هاوشتني إعرفوا إن ما فيها إلا العافية!! عذبة: نجود...نواعم وش السالفة... وش بالعالم ...وراكم منهبلين؟ يلتفت تركي ويمسك بأحمد الذي يقهقه ويتمايل فيصرخ به_: كذااااااااااااااب...ليش تكذب علينا؟ أحمد: ماكذبت ...ماتت موته صغرى...النوم موته صغرى تركي _يشد تركي من إذنه ويخرج به وهو يضربه_أوريك ياحمار... موته صغرى هاه...بموتك موته كبرى لو بتعيدها... أوريك...أوريك... هه...يوجع.. أحسن تستاهل....يادب... نجود: من كثر ما أخذ منا الموت ما توقعته يكذب... نواعم: الموت يباغت بأي لحظة... عذاب: يالله العمل الصالح...ههههه...مادريت إني عزيزة عليكم كذا.... نواعم: ولو ...أنتي بعيوننا... ********** "في القصيم" وصلن البنات مع جدتهن, أوصلهن بندر مع السائق وعاد بنفس اليوم بالطائرة, إستقلبن بحفاوة بالغة, وإستقررن ببيت الخال , وتجمعن حفيداته , أصرت نجلاء وعذبة على الذهاب لبيت المزرعة, ولكن العمة رفضت بشدة متعللة بانشغال الجميع بالولائم والإجتماعات في الأيام القادمة فاضطررن لللصبر حتى ليلة العيد_عيد الأضحى_ فذهبوا جميعا لبيت المزرعة... دخلن البنات جميعا غرفة صغيرة في فناء البيت , وبدأن بتصفيف الأغراض, وتعليق الملابس بدالوب قديم, وأخذن أغراض عذبة وأخواتها وبدأن بترتيبها عذبة: هو!! يابنات...خلو اغراضي ...أنا ارتبهن... ليلى: الله يجزاهم خير... نجلاء: وهن شغالات؟!! هيلة: هــــــــــــــــــــــو!! لا شغالات ولا حاجة... عادي...ضيوفنا...ووشو ثوبن يعلق... نجلاء: إممممممم بنات... بننام بذا... الهنوف: لا...إذا عاندن الحريم بنروح ننام ببيت جدي...بالديرة... ليلى: طيب ليه تعلقون الملابس بذا؟ حصة: ياشيخة...نبي نطالب بشدة بالنوم بذا... وش حيت العيال ينامون والعجز...مهوب عدل... _تدخل العمة , والتي تدير كل أسرة الجد وأبنائهم وأحفادهم_ حصة: يمه....ودنا ننام بذا مع أبوي ومعتس...ومع عمتي عذبة...مانبي نرجع... العمة: مادري عن اهلهن....بس بنات أختي وأنتي مانب معيتن عليكن... _البنات بصوت واحد يلهجن بالدعاء ويتقافزن بفرح_ العمة: بس بشرط!!! شوق: يوووووووووووه...ندري ماتفوته بسلام... _تضربها العمة بالعصى قائلة_: وأنتي يا طويلة اللسان...أص...ماتبين الشرط لاتقعدين!!! وجدان: لالالا...موافقين... بس وشو... العمة: ترى مب قاعدن بذا شغالات... حتى شغالتكم يا عذبة... عبدالرحمن يقول ولا شغالة تقعد بذا...كل من جا يطلع ... يقضب شغالته بكراعة ويروح به... حتى شغالتي وشغالة اختي وشغالة عذيب بيروحن مع أم هشام... شوق: يووووووووووووووووووووه...وليش جدي يعيي.. حصة: مايحب جمعة الشغالات بمكان العمال... يقول يترززن عندهم ... البتول: طيب... وش علينا حنا من الشغالات؟ العمة:إيه...جينا لمربط الفرس...مافيه محوقة...والمطبخ تنظفنوه قبل ما نقوم أنا وأختي... ليلى: خالة..بروح انام بالبيت الجديد إذا المسألة بنشتغل شغالات...!! العمة: مب تشتغلن شغالات ... بس إذا حستن المطبخ تنظفنوه... حصة: أوووووووووووووووه ....ميخالف .. بس بشرط.... مب إذا جو هالجحوش وحاسوه قعدتي تهاوشيننا... مالنا دخل بالشباب ...ولاّ يمه...؟ رقية: إيه..دايم عمي خالد وربعه يحوسون ويشوون , ويمطرسون علينا... ولا يحلا لهم إلا قبل الفجر بشوي...همن يكومون المواعين بالمطبخ... وتقعدين أنتي وعمتي ويشاركن أخوكن بالهواش... العمة: ناه العوبا!!! أخوي مب جدتس!! نجلاء: عمة اللي يحوس أفقع وجهه بضربة عل الأنف بكعب القدم!! تنسيه وش أسمتس... ووش أسم قريتكم...ههههه العمة: أها إعقلي!! مير تعالي سلمي على عيال أخوي يسألون عنتس... نجلاء: هــــــــــــــــــــــــــــو!!!عيب!! عذبة_تضحك_: هو يا خالة نجلاء كبرت... والحين تغطى... خالة...كاميليا ما أبيه تروح مع الشغالات...أحتاجه.. العمة: والله يزعلن الشغالات...ومالي خلق مشاكل.. ليلى: بس كاميليا مو شغالة عادية... العمة: وش زوده؟!! ولا جايتن من المريخ؟!! نجلاء: خالة...كاميليا هي بالأساس مربية.. وبعدين صارت مديرة منزل... والله ما نعرف ندبر شي بلاه... العمة: اللي ما تعرفن له...حصة تسويه لكن...بنيتي سنعه ... طالعتن لأمه الله يرحمه.. واللي ماتعرف له كلمنه بالبليه... عذبة: خلاص بنات...مافي داعي للمشاكل... خالتي صادقة إذا بغيتن شي...كلمنه... ليلى: طيب... بس... نجلاء: خلاص...عذبة متى بنطلع للمزرعة؟ عذبة: الحين...بس أغير نعالي... وأطلع جلالي من الشنطة وأطلع.. ****** "في غرفة فيصل" عبدالمجيد_يدندن_: مجيدوه ...مجيدوه... عيونك كحليه... فيصل: يالطيف...أنت من هاكن عليك وقايلن لك صوتك حلو؟!! تركي: حرام يا عم ...حرام تقتل المواهب الشابة.... عندنا مشروع فنان العرب ثاني..أكمل يا أخى العرب ... ماعليك منه... عبدالمجيد: هذي الغيرة... بو صالح سرى ليله... وهل الدمع من عينه... تركي كمل ما حفظته زين!! تركي: لا... ما أحب هالنوعيه من الأغاني... سلمان: ياهوه...تراكم فقعتوا روسنا...فيصل وين حاط الفصفص؟ فيصل: وش مصبرن..!!شاءت الأقدار إنك ولد أخوي..بلشة... بالدرج حق الكمدينه... تركي: لاتقول كذا...حرام... الله هو اللي يشاء مب الأقدار.. فيصل: إخس...إخس... تركي صرت شيخ من ورانا!! عبدالمجيد: لا ...أكيد الشيخ متلقي ضربتن على دميجته ... سلمان: ياخي وينوووووووووووووه...مالقيت شي... فيصل: إنثبر...خلن أشوف ذا ..بدا يتطوع... تروك حبيبي.. بالتفصيل الممل قلي...من علمك؟ تركي: ليه ؟ ولا الدين حكر عليكم يعني...؟ لا عمو حبيبي أنا أصلي الفجر على وقته صح مب بالمسجد بس أصلي.. لا تحسبونن كافر ولا ما أهتم للدين!! عبدالمجيد: له..له..أعوذ بالله..بس حنا نفرح لك.. قل لنا...من قال لك...؟ تركي: أمممممممممممم...حزر فزر.. سلمان: أقول يا تركي قل لهم...ترى بتفقع مرارتي..قلهم خلهم يدلونن الفصفص... تركي: المطوع ولد الجيران...هههههه... طلع من بيتهم قبل الإذان بشوي... ولقان أنا والشباب... وقال لنا تعالو للمسجد..تسننوا وإقروا لمين يذن... العشر فضيله أيامه.. وقال واحد من الربع شاء القدر إني أجي اليوم للنكد, ومير ينصحه... ويقول له كذا... تدري هالمطوع ما يمل...دايم يجي ويسلم وينادينا... بس ربعي ماعندك أحد..ههههه ...مزلبين به... فيصل: تروووك...أنت ماضيعك إلا ربعك...لو تتركهم وتمشي مع ولد جيرانكم ذا والله تسعد دنيا وآخره... سلمان: طيب وين الفصفص؟ فيصل: ترى بعطيك طراق يفقدك حاسة اللحس...إذا مالقيته معناه مخلص... سلمان: ليــــــــــــــــــــه...قبل يومين شاريه...وين راح .. بتنفقع زايدتك لو أكلته كله... تركي: وأنت مسوي بالبيت رادار ... لامن شرى شي هجمت عليه... فيصل ترى ذولا ما ينعطون وجه...اللحين أنت يا بو سنون... ليش ماشريت لك كيس.. وفكيتنا... سلمان: أمي ما تحبه... بس تستحي تهاوش فيصل... وبعدين غرفة فيصل المكان الوحيد اللي ما يخضع لسلطة أمي وأبوي بالهلبيت..وين الفصفص ياعم؟ فيصل: لاإله إلا الله محمد رسول الله... اللهم طولك ياروح... الفصفص أكيد هاجمتن عليه نورة...أنا شفته لحقتن يوم أشريه, وتتبعت وين أحطه... وقالت لي ميخالف آخذ منه لو بغيت... وشفته أمس الصبح...آخذتن شي من غرفتي وهاجتن بوه لبيت عمي... عبدالمجيد: من الآخر...الحب ووكل...أنا ونورة نقماو كله من المغرب لمين قبل الفجر وحنا نتردد عليه ونفصفص منه.. لمين خلص... سلمان: أعلم أمي... بس وين؟ عبدالمجيد: بخيمة عمي الله يرحمه...قل لأمك...مب ببيته... تركي: وانتم تصومون ؟!! هب عليكم أمعاد!! فيصل: هيه.. لاتنحبهم .. ترى الحسد من قل الإيمان.. تركي:أقول... ورى ماتنزلون...مليت من غرفة فتفت.. فيصل: تفتفت بقبرك قل آمين!! تركي:آآآآآآآآآآآآآآآآآآمين... ************ "في صباح العيد" "في القصيم" الغرفة المخصصة للبنات مكتضة, الهنوف تصفف شعر رقية, شوق تلبس إكسسوارتها, ونجلاء تلح على ليلى أن تستشور بعض خصلات من شعرها, عذبة تضع آخر اللمسات لمكياجها, وبقية البنات شغلن بالتزين إستعداداً للذهاب لصلاة العيد عدا هيلة والتي شغلت بترتيب أخواتها الصغيرات.. ليلى: يوه هيلة ماتلبستي؟ هيلة: لا... واللي عنده خوات يتلبس...دايم لازم أصير آخر الناس... خوذي الطاقية لأطق راستس بالجدار.._تعنف أختها_ مسؤولية البنت الكبيرة...بلشه!! عذبة: إي والله صدقتي ... شوفي ليلى... عيني ذي مثل ذي؟ ليلى: إيه بس مو كن هذي أكثر ضل شوي...نجلاء وش رايتس؟ نجلاء: أقول انتي بتحرقين شعري...خلصي علي وبعدين إسألين...آآآآآح.. هيلة: طااااااااااااااااااااااااعون!!! إلبسي نعالتس...لا ..عكس..إيه ذي لذي.. جمانه خوذي شنطتس...عشان تعبينه حلاو... ولا منتب رايحة للمصلى؟ ترى بذبحكن ونصلي عليكن مع صلاة العيد...وجع... لا تحوسين شعرتس.. إلبسي الساعة...وإنتبهي تضيعين شرابتس... ترى مالي شغلة هاليومين إلا أشري شرّاب... ولامن جينا نلّبس مالقينا شي... _هيلة مشغولة مع أخواتها والبنات يتابعن الكوميديا التي تتكرر في كل مرة تلبس فيها هيلة أخواتها الثلاث المتقاربات في العمر_ نجلاء: هيلة...هيلة... هيلة: هااااااااااااااااااااااااااااااااااااااه...مع السلامة..وه تم بحمد الله... وش تبين يا كاغيه... نجلاء: أولا مو إسمي كاغيه... ثانياً أبقولتس أشوني منب أختس... هيلة: أشوا... ولا كان الحين أنتي قرعاء... _تدخل حصة بجلابيتها, زاوية شعرها, وترفع طرف جلابيتها بيدها_ حصة: والله كشخوا الربع!! خير إن شاء الله... ليلى: اليوم عيد...يعني تبيننا نروح نصلي بحوستنا!! حصة: أقول تكشخن للحم.... أبوي والله إن يملى هالحوش ضحايا... وانتن لازم تشتركن بالتقطيع, والفرزنة...التوزيع... عذبة: يوه...ما أعرف... نجلاء: وااااااااااااااااااااااو... بنذبح الخرفان حنا؟ ليلى: يمه!! حصة: لا... الرجال وش شغلتهم... بس حنا لازم نساعد الحريم... اللحم كثير والشغالات والحريم ما يقدرون يخلصونه بدري... لازم نساعدهن عشان نخلص كلنا بدري... ونقعد جميع.. شوق: يوووه ...عمة...مادام الحريم ساكتين أص...مالنا خلق لحم... حصة: لا حبيبتي إذا ماهمتس أمتس تشتغل...فأنا منب زيتس... ممكن عذبة وخواته عشانهن ماتعودن...أما انتي بتشتغلين ... عذبة: لا....حالنا حالكن...ولا يا ليلى... ليلى: هه..إيه ...أكيد... اللي بتسونه بنسويه... نجلاء: خلو الروس علي.... حصة: ماتبين الأمريكان.... نجلاء: أخ من يقدر عليهم لا يحوسهم حوس... حرمون من أمي... إيه صح أقوم أكلمه... عذبة: لا..إصبري حد ال صلاة وبعدين عايديه ... مايصير المعايدة قبل الصلاة... حصة: إيه صح بنات...إنتبهن لا تحطن طيب... ترا المصلى مليان رجال... واللي تطلع متعطرة تعتبر مثل الزانية... الهنوف: زين ذكرتين... والله هه أناظر العطر بتعطر... الله يجزاتس خير... ******* |
"في الرياض" يطرق باب بيت أبناء العم, تأتي الخادمة وتفتح الباب, تندفع نواعم ويتبعها سعد وتركي تركي: ياولد...ياولد...يا بنت..تربيت تربيت.. سعد: ياولد...أبو عزوز ...ياهوه وينكم...؟ _يطل أبو عبدالعزيز من خلف الدرج من بين أغصان أشجار الزينة وينادي_: بذيا... تعال...مالمك أحد... بس ترى العيال معي... خل نواعم تروح تخب البنات يخلصن علينا... بنروح نلقى لنا مكانن زين... تركي: أروح ياعم؟ فيصل: إيه... بس لامن تشوت لا تلومن...ههههه... تركي...أشوف الكوبرا.. إخس من مسويه لك...ههههههههه تركي: ليه مزبوطة...أنا... فيصل: تخسى...أخبرك عجزت تزبطه... وهذي سكبة.. عبدالمجيد: لاتصير نواعم...خبري بك أنت وأبوك منتب راعين هالحركات... تركي: الله ياخذكم جن...ماتخلون شي...ولد الجيران ...وأنا بطلع شفته عند الباب... عاد ناديته وقلت إسكب لي هالغترة ... خويك عليمي...ههههههه سعد: وأنت مبسوط إنك عليمي...فشلتنا... تركي: عادي..عادي يبه... ذولا عماني وعيالهم... وبعدين تلقاهم كلهم مايعرفون يربطون الكرفته... ذاك المرة انا قعدت اعلم عزوز يوم جاء يسافر.... سلمان: المطوع ولد جيرانكم ماغيره؟!! تركي: ومن أعرف من الجيران غيره... ما أعرف إلا سواويقهم.... أبو عبدالعزيز: مايصير يا وليدي.. لازم تعرف الجيران... سعد: سبحان اللي يطلع الحي من الميت... تصدقون إن أبو هالولد عمري ما شفته بالمسجد بأي وقت... وله أخو الله لا يبلانا... والله لامن صار هو وربعه بالحارة...أنادي الحارس يقفل البيبان بالمفاتيح... سلمان: وراه يا عم ...حراميه!! ماعندهم فلوس... سعد: ماضيعهم إلا هالفلوس يكحون دراهم...مير الله لا يبلانا أخنث... تركي: أعوذ بالله يبه...حرام عليك هذا جارك.. ولازم تستر عليهم... ترا مايصير...كلامك ذا مب سهل... ولو أحد تكلم بي كذا مارضيت.. سعد: لامن صرت زيه...خلهم يتكلمون زي ما يبون... فيصل: لا يا سعد...كلام تركي صحيح...أعراض الناس مب لعبه... تركي: مجيد ...يا لهم بنت...تهبل... لاتفوتك... فيصل: هــــــــــــــــــــــو !!! وين المواعظ اللي تو!! تركي: طيب وش أسوي هي تطلع كاشفة... وتوقف عند البوابة بدون عباة حتى.. لا وتسألن تقول لي...أنت سواق ذولا... لعنه تلعنه... أنا سواق... مجيد: ههههههههههههههههههههههههههههههههههههههه عنده نظر... تركي: وشو!! مجيد: لا أقول... يمكن تحسبك المرافق السوري...ولا التركي الطباخ...كلش جايز.. ام عبد الله_تنزل بالدرج وخلفها البنات وأم عبدالعزيز_: من اللي يلعن ذا؟ تركي: مب أحد...وشلونتس يمه ترا تأخرنا... أم عبدالله: اللي يلعن ترقى لعنته للسماء ولامن ما إستحق الملعون اللعنه رجعت للاعن... مير وين أمك؟ حتى بالعيد ما تنشاف...؟ سعد: عنده مناوبه... بتجي اليوم بالليل... أم عبدالله: وش عاد.. فرحة العيد بالنهار.. يقطعه من شغله اللي تحرم عياله فرحة العيد معه... الحين الله لا يقلب روسكم... محتاجين كم ألف تاخذهن من الشغل... والله ماتسوى جلسته مع عياله...مير قلوبن عليها أقفالها... أم عبد العزيز: خالتي يالله هذا السيارة بالباب...خلينا نطلع... نواعم_تهمس في إذن تركي وهي خارجة_: كل يوم بنسمع هالموال... تركي_بصوت واضح_: كلامها صح...ما... نواعم:أص... فضحتنا... _يهمس تركي_: ما قالت شي غلط... حتى العيد مانشوفها... مب ذي حالة... ********* "في القصيم" يدخل أحد الأطفال لغرفة البنات ويصرخ: إلحقوا بدو يذبحون الذبايح... _تقافزن البنات عدا شوق وليلى ونرجس, أخذن الشراشف وتغطين بها وأخذن يطللن بالساحة المقابلة للمزرعة اللتي تتم بها عملية الذبح... ليلى: ودي أشوفهم ...بس أخاف...ليه أنتم ماتحبون؟ شوق: أحسن شي بالعيد الذبح.. بس أنا لامن شفت الدم الكثير دخت... نرجس: أنا أخاف...الصوت اللي يطلع لامن جت تطلع روحه ...لامن بدا يقول كخخ.. يرعبن كلي...ما أنام بالليل.. _تدخل نجلاء وتبعثر حقيبة عذبة وتخرج كاميرا فيديو وتغادر راكضة ثم تلتفت وتعود لليلى قائلة_: ليووووووووووووووووووول... لايفوتس... شي...ولا فيلم تاريخي... قومي ترا يمكن مانجي نعيد هنا مرتن ثانية.... قومي ...قوووووووووومي_وتشدها بيدها فتتبعها ليلى_ نرجس: يا أختي احب هالبنت... فله... شوق: بس عذبة تكانة أكثر... ومبين على عذبة إن قلبه طيب أكثر.. هذي الشر من عيونه يطلع... نرجس: لا تغتابين البنت... شوق: مو قصدي شر..شر.. لا... الشقاوة... واللعب....ترحل ديرة... إلا ما لاحظتي شي... نرجس: لا.. وشو.. شوق: عذبة... مبسوطة...غير يوم نشوفه بالعزاء... نرجس: يا ملحتس...أكيد عزاء...بتضحك... شوق: لا مب قصدي... يوم يموت أخوه وأمه...ما صاحت كثير... بس بتل وجهه فيه الحزن مرسوم...لكن بعد ماشفته بعزاء الشايب.. قلت الله يعين وش بتسوي بعدين.. لكن وجهه أحسن من أول... نرجس: ................مادري بس كن بوجهه شي مادري وشو...مريضة.. شوق: لا..المسؤولية...تحملت المسؤولية...شي طبيعي.. بس والله إني انبسط لامن شفته تنكت وتضحك... أحسه مسكينه ما ورا ما شافت...إن شاء الله هذا نصيبه من الهم... نرجس: شفتي خطيبه؟ شوق: إيه شفته بالعزاء... دخل المطبخ ويصارخ" بسرعة القهاوي تأخرت... ست شغالات وطباختين ولا تنفعن.."ويلج ...شكله حار ... بس مزيون.. نرجس: يووووووووووه...احلى واحد..تذكرين يوم تدخل سيارتنا يوم كانوا كلهم واقفين يستقبلوننا.. قزيتهم قز... واحد واحد... شوق: وأنا أشوفتس لزقتي بالدريشة...رحمة إنه مضلله...ولا قالوا ذي ماعمره شافت رجال.. نرجس: يختي .. ودي آخذ منهم... وناااااااسة... شوق: لا... ماتدرين عنهم... لاتغرتس الأشكال... الله من أبو أحد تحسينه مبسوط وهو اتعس إنسان... نرجوسه...وصفي لي إياهم... نرجس: أبو عبدالعزيز...عادي...ماعليه طويل شوي.. وله عوارض..ومشيب شوي.. سعد... أسمر... حنطي.. له كرش..عيونه مدورة وله شارب... وشكله وديع.. فيصل .. وما ادراك ما فيصل... وش هالطول... وش العرض..جسم شي.. عيونه لوزية...مثل عيووون مين...مثل عيون حصة عمتي... وهدب.. وعوارض..وبرونزي... بس أحسه غلط يصير مع عذبة... شوق: ليه؟ نرجس: طويل مرة... وعذبة تميل للقصر إما كانت قصيرة... شوق: عادي... لا تكونين حاطتن عينتس عليه... نرجس:لا!! ربي يعوضه عن هالدب..مشاريوه شوق: الدب مزيون...تقول نجلاء...مشاري وبندر وفيصل أجمل رجالنا... وليلى ومنى بنت خالته وخالته فاتن أحلى حريمنا... إيه ومن شفتي شفتي مجيد..؟..دايم تتكلم به نجلاء.. نرجس: إيه مجيد.. مب طويل مرة... وابيض ويلبس نظارات, وسمين شوي, وحليو...مب مرة...له سكسوكة أما بدعتهم..تركي...مادري منين طالع... شوق: ليه شين قوه..؟ نرجس: لا... بنيه والسلام... ههههههه ... أبيض, وجسمه متوسط, والشارب صغنن والوجه اللي تقل مليص.. وعيونه ووقفته.. بنيه والسلام.. شوق: إيه يقول محمد عنه إنه ماكنه قصيمي... نرجس: أما عيال خال البنات... شفتهم ثلاثتهم واقفين جميع جنب أبوهم... شوق: يقولن إن فاتن وخواته كأنه فيهم عرق سوري... عشان أبوهن الظاهر سوري مادري عايش بسوريا... نرجس: إيه فاتن الله يرحمه مبين شوي بلهجته..تذكرين كلامه.. بس فاتن لا... وخالهم شايب وش حليله...عادي لاهوب أبيض ولادلته سوريا... مير ولده بندر المزيون بس مخربه إنه أبيض.. أبيض قوة...هههههه كنه عذبة ... إيه خلين أكمل لتس قبل ما يجون... وسلمان..أظنه سلمان...عصل مصل.. ماتشتهين تناظرين بوجهه...حامت تسبدي... أنتي ما شفتيهم؟ شوق: لا... والله أنا طارت عيوني بالبيت.. والحدايق المقسمة, والخيام, والجلسات, ومير يوم لفت السيارة لقسم الحريم, تنحت... مادريت إن بيتهم كذا ..أحسب اللي يجون بالمسلسلات نصابين... نرجس: الغريبة إنهم مستانسين بذا... إيه صح ما كد رحتي لمهم.. أكيد من اليوم ورايح زيارتهم من أهم مشاوير الرياض.. شوق: بسألتس سؤال واحد ممكن!! نرجس: تفضلي... شوق: من علمتس بأساميهم...؟ نرجس: ههههههههههههههه.... صورتهم بجوال أمي... ووريتهم أخوي عبود... وعلمن كل واحد من يصير... شوق: ورين إياهم!! نرجس: هههههه...تبين يذبحونن...مسحته...أصلا سألت عبودي أول مادخلت... قبل لا تطلب أمي جواله.... شوق: والله يا أنتي داهيه...بس مو مبين عليتس!! ****** "في الساحة المقابلة للمزرعة" يطللن البنات على الرجال وهم يذبحون الأضاحي... يمسك خالد _ إبن العمة_ بالخروف وينحني الخال ويذكيه, فيما بقية الأبناء السبعة والأحفاد ينشغلون بسلخ العدد الكبير من الذبائح... نجلاء: خالي... ودي أمسكه... _يلتفت خالد ويصرخ ليسمع صوته_: فيه عمال.... لو ما فيه عمال خليتس تذبحين معنا... _تقرص عذبة نجلاء هامسة_أص... إستحي على وجهتس... الخال: ميخالف... تعالي... فلاح... سيد...ولي...روحوا شوي وبناديكم... خالد: يبه...!! الخال: وشي نجلاء...صغيره... خالد: بس ...عذبة...عذبة... _إنتفضت عذبة وإرتعبت وتلعثمت فلم ترد_ وهمست لليلى: وش يبي..أستحي أرد... ليلى: نعم... وش تبي..؟ خالد: أنتي ليلى منتب عذبة...عذبة ميخالف تذبح... عذبة: لا... أهله ما يرضون .... نجلاء_تهمس_: لاتكذبين... وش دراهم عن... عادي البدويات هن اللي يسلخن...عماتي يذبحن هن...بروح.. عذبة: لا...كلمة تردينه مب أزين لتس... نجلاء: خلاص ياخال... مابي.. الخال_وهو منهمك بسحب الذبيحة_: طيب.... _يحضرخالد الخروف التالي ويسحبه الخال نحو البنات...هربن جميعهن عدا عذبة ونجلاء وحصة وهيلة, إلتفتت عذبة فرأت ليلى تفر للداخل بلا غطاء... وخالد يتابع الموقف وهو يضحك بقوة..._ الخال: تعالي يا نجلاء... تعالي... مب على كيف عذيب...أنا خالتس قبل لاتصير هي بنت خالتس... تعالي...تعالي بذا... وخر يا خالد وقف بذا إيه .. تعالي... نجلاء: ...لا...ما أقدر... الخال: أقول تجين ولا أقوم أسحبتس أنا... نجلاء: أخاف أوسخ ملابسي... الخال: مب مشكلة الملابس...حصة تغسلن..موب يا حصة... حصة: إيه...أنا اغسلهن... عذبة: روحي يا نجلاء بس لا تفتشين.... الخال: وانتي يا عذيب إفتشي ترا كل اللي بذا أخوانتس...وعيالهم مرضعتس المرحومة قبل موته بشهر... سحبت حصة الشرشف عن رأس عذبة فإلتفت جميع الشباب... تغير وجه عذبة وإحمر فدخلت بسرعة... فيما إنكبت نجلاء تساعد الخال في ذبح الذبيحة... ********* "في الغرفة" دخلت عذبة تركض...وإرتمت بحجر ليلى ليلى: وش فيك بعد!! لحقك الخروف؟ عذبة: يا خزياه...أوريه...حصوه الحمارة... ليلى: ليه... نرجس: وش سوت لتس؟ عذبة: سحبت شرشفي...كلهم إلتفتوا...فشلت... ليلى: مير هم محارمك...أهون مني أنا اللي هجيت بلا شرشف... ياربيه...والله بموت من الفشله.. عذبة: وخالد ذا أنا شكلي بموته... شوق: وش سوا عمي... عذبة: عليه ضحكه ما أدري وش تبي... ليلى: الحين هو ولد العمة ولا ولد خالي...وجعتوا روسنا ... شلون يصير عمكم... وولد عمتكم جميع... عذبة: ليلى... خالتي يوم ماتت زوجة خالي كانت هي ما تجيب عيال... أخذت حصة وخالد...هم كانوا صغار... خالد عمره أضن ثلاث سنين.. وحصة عمره سته شهور... وبعدين ربتهم عنده ببيته, وبعدين بعد ما توفى زوجه رجعت لبيت أخوه.. وصارت هي بمكان أمهم... ليلى: طيب.... زوجته الثانيه مازعلت...؟ عذبة: هـــــــــو!! وش عليتس منه زعلت ولا لا... نرجس: لا..مازعلت بالعكس...تعامل عمتي مثل أم زوجه, وتعامل خالد وحصة زي اولاده... تدرين إنه تضرب خالد بالنعلة لامن عيا يحل دروسه... وتدرين يوم تهاوشت حصة مع الشغالة, قامت ولبست مجاوله الشغالة تقول أخاف تسحر البنت.... ليلى: سبحان الله!! ربي ما يضيع أحد... عذبة: إي والله ربي ما يضيع أحد.. _تدخل نجلاء وملابسها تغطت جميعها بالدم, وتحمل سكيناً , فصرخت_: يااااااااااااااااع...وين الضحية الثانية...ليلى تعالي قبل لا أجي لتس... _صرخت ليلى ولحقتها نجلاء ففرت للفناء وهناك إصطدمت بشيء ضخم, فوقع عليها فخذي خروف مسلوخان, ووقف خالد وأعطاها ظهره, وأشر للشباب بأن يقفوا_ ليلى: يممممممممممممممممممممممممممممممممممممه!! عذبة....عذبة... آآآآآآآآآآآآآآآآآآآآآآآآآآآآآآآآآآآآآآآآى وشو ذا ... يمه...من انت...؟ وشو ...عذبة...تعالي.. خالد_ يصرخ_: عمى...ماتشوفين...طويلان..إنقلعي من داخل بوه العيال وراي... قومي خلين آخذ اللحم... ليلى_وهي تبكي_: عذبة ..نجلاء.. وع..يمه ..وخر اللحم يا حمار.. خالد_بغضب_: قومي قام طحلتس... الشباب معهم ثقيل... تقلعي منداخل...عذبة!! _قدمت عذبة تركض وتتبعها نجلاء متغطية_ عذبة: بسم عليتس...هبلته... نجلاء إمسكي..إمسكي.. نجلاء: وأنت الحين ليش ماتشيله؟ خالد_وهو مدير وجهه عنها_: بلاه زين لبسه... صدره مفتوح!! ليلى: إنطم... نجلاء: أص...واعيباه....إمسك الخروف..ياخروف.._وهي تمد فخذي الخروف لخالد_ خالد: ليتنا من حجنا سالمين!! تعلمه الأدب وتقلل أدبه.. عذبة: معليش... طول بالك.. لا تواخذهن.. خالد: خليهن يتقلعن بسرعة... تعالوا يا شباب سلموا على عمتكم.. عذبة: وجع!! خالد!! وع إيدينكم كله دم.. خالد: أحسن شي للي يتغلون!! _ليلى دخلت غرفة البنات ونجلاء تعضد لها , فلما جلست وهي تولول حرجاً مما حدث مع خالد وقفت نجلاء _ وقالت: يااااااااااااااااع يا ضحيتي التالية.. _ صرخت ليلى من جديد, والبنات لم يستطعن التحرك او التدخل بسبب نوبة الضحك الهيسترية_ ********* "في المخيم" الضيوف يتوافدون, والخيام موزعة بشكل مرتب بحيث كل عائلة من الضيوف لها خيمة مستقلة, لها باب يخرج على الساحة الداخلية والمخصصة للنساء, وباب آخر يخرج خارجاً ليدخل ليكون للرجال, وخيمتان كبيرتان جداً للنساء في أول الساحة, وفي آخر الساحة خيمة بمثل حجمهما خصصت لتقديم الطعام, وثلاث خيام كبيرة للرجال تبعد قليلاً عن النسساءوتوجد خيمة متوسطة تقريباً في مكان إستراتيجي, بقربها من خيام المخصصة لإعداد الطعام, ولها أربعة أبواب لساحة مستقلة, تحيط بها كثبان رملية ناعمة, وأربعة ابواب للساحة النساء.. إستولى الشباب على هذه الخيمة.. وهذا ما اثار غضب البنات... نورة: ............عيد شين...مابوه عمي ولا سعود ولا خالة فاتن... ولا بناتهم بعد!! وكملت بالمخيم...الحين ليش ياخذون الخيمة ذي عليهم قاصر خيام...!! نجود: أقول نورة إمشي معي للكرفان.. بغير ملابسي إنحشرت... نواعم: بروح معكن...أنا ودي ادري هذولا الناس اللي ما يتذكرون إنهم يعرفوننا إلا لامن جاء المخيم...والله زهق... ليش ما يقتصر على خوالي اللي بالقصيم.. الشيبان الأربعة وأحفادهم.. واللي بالشرقية..العجوز وعيالها.. وعيال عماني اللي بالرياض...الشايبين وأحفادهم... بس كلن ينسف...ما أحبها ذي... نورة: وش عليتس منهم...هم على راستس... وبعدين اللي تقولينهم هم اللي جايين حريمهم... وأما البقية الباقية رجال وشباب وعيال... وش علينا منهم.. نواعم: إيه لو ماكانوا كثيرين ما إستقووا... نجود: لا... ترا بعد العيد فيه زواجات كثيرة ...أتوقع مب قاعد إلا حنا وأهل الشمال... نواعم: اهل الشمال بيجون!!! نورة: إيه عمتنا...بتجي هي وبناته.. وإثنين من عياله وعوايلهم... نواعم: وش الطاري!! خابرته تقول إنه ما يحصل لهم...بعيدين.. نجود: تحسفت عقب ما مات عمي..دايم كان يعزمه...وهي تعذر.. بس الحين تحسفت وبتجي... نورة: ياحليلهم بناته... ماتقولين عجز... والله إنهن أخف دم من البنات... إلا متى بيجون عذيب وخواته... نواعم: كلمت عذبة تقول يمكن بعد يومين... نورة: يووووووووووه طويلة...!! ********** "في الشركة" يدخل فيصل مسرعاً لمكتب المحاسب فيقف المحاسب ويأخذ منه الأوراق .. فيصل: الحين قسم المحاسبة خلص كل المطلوب منه؟ المحاسب: آه.. ياسيدي كله تمام التمام.. والشباب اللي جبتوهم جديد.. جدعان وشغيلة... بس لو بتديهم حوافز!! فيصل: وانت وش دخلك ؟ ممكن شوي جوالك .. بدق على جوالي مادري وين حطيته.. المحاسب: من عنيا اهووووه يا سيدي.. _نظر فيصل للسجل ثم برزت عيناه, وصرخ_ ليش تتصل على عذبة!!!؟ المحاسب: لأ.. ما إتصلت بعزبة هانم..والله.. فيصل: لاتكذب..هذا رقمه... أمس ... ماشاء الله متصله عليك هي بعد.. ماشاء الله رسالة منها.. " شكرا يا مصطفى...ولكني أريد المزيد.." المحاسب: والله ما فيش... _يمسك فيصل المحاسب بتلابيبه, ويضرب به بالجدار بعنف ويصرخ_: يا رجال تقول لي وش تبي ... يا مقتول اليوم... المحاسب: ياسيدي... مافيش... فيصل: إسمع !! هذي زوجتي... إذا ما قلت لي الآن وش تبي بك.. بدون لف ولا دوران... ولا برميك من هالشباك... _وسحبه للنافذة التي تعلو خمسة طوابق, وأخرج رأسه _ المحاسب: حاضر ياسيدي... حاضر... فيصل: تقول كل شي... و لو تكذب بكلمة... بيتم عيالك... ولو تهج لآخر الدنيا... فااااااهم المحاسب: كل حاجة... والله العظيم..كل حاجة... بئول كل حاجة!! ******* ,,,,,,,,,,,,,,,,,,,,,,,,,,,,,,,,,,,,,,,,,,,,,,, "الجزء الرابع عشر" أحس الدم بدا يغلي بعروقي, ماتخيلت أبداً إني أبلقى رقمه بجوال رجل!! وأعيد قراية الرقم..إي والله هو جوال عذبة.. رفعت راسي له وودي أذبحه بيدي ذي.. الله ياخذه... يا انا أجرمت فيه... يحسبن غبي بصدقه... يقول مافي شي.. مايدري إنه بنت عمي وخطيبتي... لو عندي رشاش فضيته على صدره.. ومير يوم قريت الرسالة خلاص... إسودت الدنيا بوجهي..عذبة وش عنده به.. مسكته وطلعته من الدريشة وهددته, خليته يشوف الموت عشان ما يكذب علي.. صارت عذيب موكلته يدور علي شي يودين بستين داهيه على قولته... تبي شي يدينن.. ويبعدن عن وجهه... عذبة تبي تسجنن عشان تعيش.. وصل به حب الإنتقام لهدرجة!! آخر ما توقعته منه... صح..هي عنيدة.. قوية.. شرسة.. بس رحوم.. ليش تبي تدمرن...ليه وصل به الجنون لهدرجة!! عبدالمجيد: عم!! مو معقولة بتنتقم منك..أنت ما سويت له شي.. فيصل: والله مادري... بس قهرتن بهالحركة... شبت تسبدي.. مجيد..!! هذي مب سهله...مب سهله.. هه واللي تجرأت على التفكير بهالشي... ممكن تتجرأ تسوي أكثر...صح..؟ ..وبيده تسوي اكثر.. عبدالمجيد: فيصل... هونها وتهون... هالمصري يحب يبالغ.. وشو توديك بستين داهية...أكيد السالفة وما به..إنه تبي تطمئن على شغلها.. وبتعرف منهو الأمين من الحرامي...وبعدين من باب حركات الحريم.. مب هي تبي تتزوجك...أكيد تبي تتأكد من أمانتك...ولاهب لاقيتن عليك شي.. فيصل: لقت ... ولقت كثير..وخطير بعد...ممكن تدمرنا كلنا.. عبدالمجيد: عليك!!! فبصل: لا..علي مالقت..بس ما يعوقه..بسيطة.... تخلق شي... عبدالمجيد: ياشيخ!! وش دعوى... ماتسويه عذيب...والله لو حنا وين!! فيصل: أنت ماتعرفه...عذبة حاقدة علي... حاقدة... وهي الحين تلبس ثوب مب ثوبه...وكل يوم تصير أقوى من اللي قبله.. عذيب عمره ما آذت أحد... بس اللي فكرت بأذى قد هالأذى... معناته إنه واصلة مرحلة متاخرة من الحقد...والإنتقام... للأسف أعترف لك يا مجيد إني بديت أخاف منه.. عبدالمجيد: تخااااااااااااااااااف!! لا... الموضوع صدقن لايعدو عن كونه تحاول تتاكد من سير العمل.. من حقه ياخي تنتبه لحلاله... ولا تنسى إنه أمانه عنده... وسع صدرك وإعتبره مدير جديد... ولا تنسى إن أغلب الشي له... واللي يدر ذهب مخليه عمي لبنته.. واللي الله بالخير مخليه لنا... فلذلك تحمل ويمكن هذا بداية المشوار...يعني الله يعينك زوجتك بتصير ومديرتك.. فيصل: تخسى!!! مابقى إلا فيصل تديره عذيب!! والله لأكسر خشمه...أصلاً هي يبي له كم ضربه تعدل مزاجه... عبدالمجيد: بتروح تلفعه!!! فيصل: لا...هههههه... هذي ماتجي بالقوة... هذي الضربة اللي ما تذبحه...تقويه.. تدري ساعات أقول من كثر ما دقته المصايب...صار به قوة غير طبيعية.. كل ضربة بدل ما تضعفه تقويه وتقويه..وبيجي يوم وبتدمرنا كلنا لو خليناه... ولا واجهناه...وحاولنا نثنيه... راسه يابس... بس...هي مسكينه...مسكينه مرة...مرة..مرة.. تجي بالعاطفة...ألين له شوي وتركع لي... عذبة تفتقد الحنان... أعطيه الحنان وآخذ اللي أبي... عبدالمحيد: يوووووووووه... والله مافهمت عليك... فيصل: بتفهم بعدين!! بس خل فيصل يطبخ الموضوع على نار هاديه... مجيد...تقول إنه تقول ماتبي تملك الحين... عبدالمجيد: إيه سمعت أمي تقول إن خواته ضايقتن صدروهن عشان جدهن, وماتبي تحسسهن بإنشغاله عنهن... فيصل: والله مب سهله... مير أنت بتروح للمخيم اليوم...؟ عبدالمجيد: إيه..تراهم يسألون عنكم... وترى راشد وربعه جايين وجايبين معهم عدة الصيد... بس مب مطولين... بيروحون بعد يومين... فيصل: صيد!! أجل نخلي الشغل ونلحقكم... بخليه بكبد سعد..هههههههه ********** "في القصيم" في المطبخ عذبة تخفق رغوة الكابتشينو, وحصة تغلي الحليب.. عذبة: توقعي من علمن أسوي الرغوة بالخلاط اليدوي؟ حصة: أمتس الله يرحمه... عذبة: ههههههه أمي ماتعرف تطبخ أصلاً... ماتدخل المطبخ...لا..أحد ثاني.. حصة: أمممممم بنت ولا ولد... عذبة: ولد... حصة: إممم ولد!! مشاري!! عذبة: هه..لـ..لأ .. ماطولت معه عشان يعلمن... سعود ... سعود اللي علمن شلون أسويه... دخل من البر مرة وكان عندي إمتحان... وجاء يهايط..والله أنا أسنع منكن.. وأنا بفتح مقهى.. وأنا بسوي وأنا بقول.. بعدين قلت له وش السالفة..قال لي أعلمتس بشرط.. حصة: هذا مادتن له أمي سلك...كلش بشرط.. عذبة: أفا عليتس... وشرط إني أسوي أي أمر يأمر فيه.. وانا الملقوفة وافقت عشان أعرف وش سر المقهى والسنع.. وبعدين علمن إن واحد من الشباب سوى لهم ... وعشان هو يبي أحد يسوي له فلازم يعمل الضجة, وتطيح على راسي.. حصة: أجل ما ذاكرتي..؟ عذبة: لا..مو المشكلة المذاكرة.. المشكلة الأوامر الجهنمية... يلف بي كل المطبخ عشان يقول نحتاج نسكافيه... حصة: وين شغالتكم؟ عذبة: الساعة وحدة!! مافيه أحد إلا أنا ونجلاء... وسويته أخيراً... بعد ما وصلت السقف ملاخيطي.. وصار بالنهاية ثلاث أكواب كابتشينو... عاد الله يرحمه قال لي لو نشريه من مقهى يوصل سعره عشرين ريال... كل واحد يعني بيصير الحساب جميع ستين ريال... وسويناو ما كلف عشرة ريال.!! حصة: إي والله صادق... عذبة: ماكلف عشرة ريال.... بس الصابون والجهد اللي تكلفنه الخدامات وهن ينظفن المطبخ عقبنا كلف أكثر من الستين!! _تدخل نجلاء مسرعة ومعها هيلة_ نجلاء: بسرعة هاتن قطتكن... عشرة... عشرة حصة: وجع !! كل يوم عشرة حنا على بنك!! نجلاء: لا..على مزرعة!! عذبة ترى ناصر مر من هنا قبل شوي..أشك إنتس عرفتيه.. هيلة: صايرن لقسة...ما بين به إلا عيونه... يزرن تقل كشافات.. عذبة: بسم الله على أخوي إذكري ربتس!! وشو لقسه!! نجلاء: صايرن كله بني!! طين في طين...وجاي هو وكشرته يقول الفلوس اللي معي ماينفعن غير العيال!! ولا عنده نيه يقول أغير ملابسي...ماهمه إلا القروش.. هيلة: مشروع رجل اعمال ناجح!! نجلاء: أي ناجح وهو آخذ من بوك عذبة خمس ميه... وجايبه لم خالتي مها ويقول له أبي خمسة..عيو ياخذون ذي.. يقولون دبا...ماتنفع!! والله كمخة أخوتس!! حصة: ليته جاي لمي وانا أبدله الخمس ميه بخمسة!! عذبة: وشلون وصل لبوكي ..أكيد فيه أحد نافشن شنطتي!!نجلاء!! نجلاء: ....أقول ..هاتي العشرة يا حصة.. ولا مافيه بلع!! هيلة: ترى أختس ليلى نيمه...بتدفعين عنه...أخاف تزعل زي أمس تقول ليش ما قومتون ...أدفع معكم!! عذبة: اليوم القطة لا تجمعونه..أنا بروح لامن طلعن الحريم.. وأتقضى للسهرة...خلوه علي.. هيلة: أقول إنجزي.. البنات بيعين...قبل أمس نفس العرض عرضته ليلى وعيو.. بس تعملين خير لو تتقضين أنتي.. فكة من لحلحة عمي خالد والعيال... نجلاء: ترا الحريم يبن الزنجبيل بالحيالة...يقولون ما صار زنجبيل!! حصة: إيه نسينا...عذبة شبي على الماء بسرعة.. نجلاء: عذبة.. حصة مافيه بلع!! هيلة:إيه.. أول من يهجم على الكاكاو هالثنتين!!!!! ********* "قبيل الشروق في المزرعة" البنات يشربن القهوة , ويجلسن تحت النخيل الباسقة, الأجواء تميل للبرودة, أصوات العصافير والحيوانات تثير شجون البعض فيما تخيف البعض الآخر... نرجس: بناااااااااااااااات جيبن باقي الجالكسي وإخوانه.... هيلة: لا يا شيخة...قومي كسار...أنتي وليلى وشوق ماغير قاعدات, وحنا نكرف... شوق: لا...والله أنا اللي فرشت بالحيالة ...لحالي قبل ما يذن الفجر...مخاطرة.. نرجس: معتس عمي خالد وعزوز والدحمي...كلهم كانوا بذا... هيلة: ههههههه...مرتن ثانية لا تسوين نفستس مخاطرتن عشاننا...ليلى.. وش بتس تلفتين؟ ليلى: أنتم متأكدين إن البقر ماتجي هنا...والدجاجات يخافون منكم!!؟ خايفة تجي البقرة ..صوتها قريب.... حصة: ياااااااااااااااااااااااااااي... بسم الله عن بقرتنا منتس..... _إلتفت فرأت عذبة تشيح بوجهها وتتأمل السماء, تلعب بخصلات شعرها, إقتربت من عذبة وهمست_: وش عنده عذيب ...ضايقن صدرتس من كلام المداوية...؟ عذبة: أي مداوية....؟ حصة: البدوية صديقة عمتي...صديقة أمتس... عذبة: إيه اللي قالت لي انتي مبطونة...روحي للمستشفى يشوفون علّتس...؟ حصة: إيوووووووووووه...لايضيق صدرتس...قرق عجز... عذبة: قلتي أنتي إنه مداوية...يعني طبيبة شعبية؟ حصة: إيه... بس مب شرط يكون كلامه صحيح... لكن روحي سوي كشف أريح لتس.. عذبة: لا مبطونة ولاش... أصلا وجهي تعبان من الهم والمصايب اللي جت.. يعني بتسلم علي... مير الحمدلله... وين نجلاء؟ حصة: شوفيه هناك تحارش البقر...والله ياهي ماتخاف... _تصرخ ليلى_: كتكوووووووووووووووت....وخروه بعيد...يمه... هيلة: يالطيف!!! عذيب ونهايته مع أختس... تخاف من كتكوت...!!! هش.. رح لأمك الدجاجة... هذي الزرافة..._تحدث الكتكوت_ ليلى_بغضب_: أنا زرافة!!! أوريك يا هيلوة يا خرتيت عصل على ما قالت نورة... هيلة: ههههههه...مير نورة هذي فلة... ياحبي له ... أيام العزاء إنبسطنا عليه...مفهيه..حين تصيح مع نجلاء وحينن تطنز... قطعت مصراني...ليه ما جبتوه معكم؟ ليلى_بتأثر_: إيه يحق لتس ياهيلة...اللي يده بالماء مو مثل اللي يده بالنار.. لو كان أبوتس اللي مات مالتس خلق...حتى تسمعين شي... ونورة لو تحس بربع اللي نحس به ما قعدت تنكت وحنا بقمة ألمنا... _تصرخ نجلاء من بعيد_ عذوووووووووووب...متى بنروح لم المخيم؟؟ نورة تقول ملينا طفش... عذبة: سلمي لي عليه وقولي تقول عذبة اليوم العصر إن شاء الله بالمخيم... ليلى: عذبة!! مانبي نروح المخيم...وناسة هنا...خلينا نجلس.. عذبة: والله حبيبتي أنا مو لعبة عندتس...أنتي عارفة ليش خليت حجز بندر الحين...أقول؟ ليلى: يؤ...بندر حليل شوي ... كلمي قولي بأجل الحجز لاخر يوم بعطلة العيد.. عذبة: قولي والله..حليل شوي!! حبيبتي الرجال مآخذ إجازة من شغله عشاننا ... والله يا أني مأجلته... عيب!! ********* "في المخيم" أقبلت سيارة البنات, وسيارة خلفها تحمل الأغراض, خرجت نورة تؤشر لهم بجانب الخيمة, وحين رأتها نجلاء أخرجت رأسها من النافذة, قرصتها عذبة قائلة: دخلي راستس...شوفي الملعب مليان شباب...ماتستحين!! نجلاء: أي..عذبة تكفين لا تقبصين...أنتي حليلة إلا لامن قبصتي... ليلى: يؤيؤيؤ...جو العشاق.. شوفوا فيصل ومجيد جو يضحكون!! نجلاء: إيه وشوفي بعد وراهم راشد...تشوفينه زين!! ليلى: من زين راشد...!! عذبة: إسكتي يسكت عنتس... _وقفت السيارة ووقف فيصل بجانب باب عذبة, فيما ذهب عبدالمجيد وراشد لينزلا الأغراض_ عذبة_همست_: وه وش يبي ذا... ناصر: ياثلام...فيثل!! وينك رحنا للقصيم...ولعبت مع الخرفان... فيصل: هلا والله نصوري... وينك..خليتنا!! ناصر: عذبة وخري عن الباب أبنذل...وخري ثوي.. عذبة: طيب...إنزل... _قفز ناصر على فيصل وضمه, وأخذ فيصل يرفعه عاليا ثم يقبله, نزلت عذبة , وأخذت ترفع عبائتها على رأسها , ثم ضم فيصل ناصر وقال له وهو ينظر لعذبة بعيون مغرمة _: نصوري المخيم ما ينفع بلاكم... تو ما تنور... ناصر: وثو حنا ثمث ولا لمبة..... فيصل: لا...أنتم الغلا كله... _أدارت عذبة ظهرها متوجهه للمخيم فقال فيصل_: عذبة...شلونتس... زين تذكرتوا إن لكم أهل وناس يحبونكم ويبون العيد معكم.. العيد ماينفع بدون الغالين.. _تصرخ نجلاء_:أقول إنجزوا...خلاص..دارين إنك ولهت علينا.. بس وخر عن الباب...مانب نازله من عند الشباب.... عليهم قز...مادري وش يناظرون أول مرة يشوفون حريم ينزلن من سيارة... فيصل: نجلووووووووووه...أص..عيب.. نجلاء: أقول ...فيصل نبي الخيمة حقت العيال.. فيصل: ولا حتى تحلم بيها.. نجلاء: هين يالهروشه أنا أوريكم... ****** تصل نجلاء لنورة ويأخذن بعضهن بالأحضان... نورة: نجلاء حبيبتي...زماااااااااااااان ما شفتك... نجلاء: نورة عنيا....أشتقت ليكي كتيـــــــــــــــــــر... نورة: نجلاء...لازم ناخذ خيمتهم...قهرررررررررر... ترى خيمتهم تتيح لنا اللعب بالدباب ليل نهار, وتتيح تشغيل الطق أثناء نوم العجز والشيبان.. وله فناء رائع جداً يتيح النوم تحت أشعة النجوم..وله... نجلاء: بس..بس ... لاتشبين تسبدي...شكلهم شياطين.. كان عندي أمل بفيصل بس طلع جلف!! عذبة: بعذره...والله من زين الأسلوب..لو كان بيوافق هون عشان أسلوبتس العذب.. نورة: هلا والله عذبة!! شلونتس..عساتس من عواده.. نجلاء: ليه..؟ عشاني قطعت اللحظات الغرامية!! عذبة: هههههه..أي غرامية وأي بطيخ.. تدرين يا نجول إنتس دايم تفكينن من أزمات... نجلاء:طيب وشلون ناخذ الخيمة؟ عذبة: إسمعي أنتي منتب قادرتن على الرجال... فلذلك حاولي تقوين أحد يقواهم!! نورة: هــــــــــــــــــو!!!شلون ذي!! عذبة: إسمعن...من اللي يقوى الرجال بهالمخيم!! نورة: أممممممممممممممم أمي نورة...!! نجلاء: ياخطيرة يا عذيب!! نورة: وأنا أقول ماله إلا رجاله..قصدي حريمه!! قوووووووووه نقول له... نجلاء: لا...إصبري أول نساحره وبعدين نحرش بينهم... أما نجي مباشرة أخاف يقوننا... عذبة: كفـــــــــــــــــــــــــــــو!!! ******* "في خيمة النساء الكبرى" أم عبدالله_تتحدث بالجوال_: إيه..قل لهم ترى المحمد والعلي والعزيز بيروحون ... لا تكثرون العشيات ويكبن...إيه يا وليدي قدروا النعم!! لا...راحو.. كل العبيد والدريحم أمس...إيه عشان هالعروس... محمد العلي بيعرس باتسر..وخالد الدريحم عرسهم بعد أسبوع.. بأمان الله يا وليدي..بعدي والله ...بس لاتنسى..هاه!! تدخل نجلاء تتبعها نورة وتنادي بصوت عالي منذ دخلت الباب..: عمتي نووووووووووورة...عمتي نوووووووووورة... أم عبد الله: هلا والله يابنيتي..جيتوا؟ نجلاء: عمه ولهت عليتس..._وتضمها بقوة وتقبل رأسها ويدها_ والله العيد بلاتس ما ينفع... تخيلي عمه...حلبت البقرة, ولحقت الدجاج ووطيت كتكوته وطلعت عيونه مسكين.. وتشعمطت على النخلة.. وسويت كل شي ممنوع ببيتنا..ومع كذا يظل العيد معتس..غير... أم عبدالله: هـــــــــــــــــــــــــو!! نجلاء: مب مصدقتن عمه!! أم عبدالله: لا يا بنيتي...مصدقتس... بس قالت لي عذبة إنهم مايشوفن إلا كشتس طالعتن للمزرعة وداخلتن للحمام...ومستانسة!! نجلاء: إيه عمه...أنا أقعد بالمزرعة لأني حبيته من كثر ما سولفتي عن أيام طفولتس به...وبعدين هه عمه ذكرتس..خوذي.. أم عبدالله: مهفه!!! منين أطلعتيه ذي... نجلاء: أخذته من خالتي خصيصا لتس...عشان بس تعرفين إني مانسيتس.. أم عبدالله: بنيتي والله... أدري بتس..مب تعلمينن...نورة!! ورا ما تسلمين على عمتس وبناته... نورة: أتحرى نجلاء تخلص عشان نسلم جميع... أم عبدالله: هــــــــــــــــــــــــــــــو!! وأنتي مربوطتن به... قومي يا نجلاء يابنتي سلمي على عمت أبوتس ماجد.. وبناته.. هذي نجلاء اللي غذاه ماجد الله يرحمه...وهذي نورة سميتي... ************* ,................................................ "أمام خيمة الشباب" نورة: هذي الخيمة المنتظرة!! نجلاء: إيه هين ... إما طلعناه من عيونكم... _يخرج عبدالمجيد_: ياولد...نورة..نجلاء!! خيـــــــــــــــــــــــــــــــر!! وش جابكن هنا؟ نجلاء: أولاً...لا تناظر لمين أتغطى زين... ثانياً ..منتب معايدن...ولا فرحان إني ما عيدت معكم... عبدالمجيد: ومن متى العيال يعايدون البنات ...!! نجلاء: طيب!! زين مجيد... عبد المجيد: لا...لا...لاتزعلين...وش عاد يفكنا.. كل عام وأنتي بألف ألف خير..وش أخبار القصيم؟ نورة: هيه...ماخبرنا العيال يكلمون البنات.. نجلاء: لا..مجيد مب ولد!! هذا ولد عمي صح مجيد!!؟ عبدالمجيد: صح!! ........ بنات ما يصلح تجون هنا.. يطلع أحد من الشباب يشوفكم.. نورة: أصلا هذي ساحة الحريم...واللي يطلع من هنا معناته ما يستحي على روحه.. عبدالمجيد_يشد شعرها_: أنا ما أستحي على روحي!! نورة:آآآآآآآآآآآآآآآآآآآآآآآآآآآآآآآآآآآآآآآآآآ... إيه..آآآآآآآآآآآآآآآآآآآآآآآآآآآ نجلاء: مجيد..واللي يرحم والديك...لا يسمعون الشباب فشله.. ذي أم لسانين ..لامن رحت للبيت إضربه.. ولا لامن طلعوا يلعبون كورة..ويطعسون... إلا متى بيطلعون؟ عبدالمجيد: _يترك نورة_ بعد شوي.. هذا الشباب يتلبسون... نورة: لايحوسون الخيمة!! كلن يجدع خلاقينه...كل واحد يتسفت ثوبه بشنطته!! عبدالمجيد: وش دخلتس بهم هي خيمتس!! ووش شغله العمال... نورة: تراهم بقروش!! نجلاء: خلاص مجيد... رح لا تطلع وحدة من البنات وتقول عنك قليل أدب.. ترى أموت لو سمعت أحد يتكلم بك!! عبدالمجيد: إيه صدقتي...يالله مع السلامة..نجلاء تبين شي قبل ما أروح.. نورة: إيه نبي الخيمة.!!! عبدالميجد: وأنا سألتس!!! _تخرج نورة لسانها _ نجلاء: ماعليك منه.... أبي سلامتك بس... مجيد...ممكن أطلب طلب صغيرون... عبدالمجيد: أبشري... بس إلا الخيمة!!! نجلاء: لا... ناد نصور ...شفته دخل خيمتكم...هو وأحمد... _يشير عبد المجيد لعينيه كنايه عن كلمة "من عيوني" ويدخل الخيمة_ نورة: يالحمارة..يضربن بالبيت هاه!!وأوريتس طلعت الرقة لمجيدوه.. نجلاء: يالكمخة ماتعرفين شي أسمه سياسة... نورة: لا..ما أعرف إلا شيء أسمه الحب!! نجلاء: نورة..ترى بندور هنا...تبين اناديه أكلمه...وتشوفينه وتملين عيونتس منه!! نورة: أها... إيه وش تبين بنصور وأحمد!؟ نجلاء: تجنيد عملاء...بس حلو وجهتس أحمر... نورة:نجــــــــــــــــــــــــــــــــــــــــــل اء... _يخرجان أحمد وناصر من الخيمة غاضبين_ نورة: وراكم طردوكم!! ناصر: إيه...أوريهم كلهم!! لامن دا فهد أخليه يلفعهم..كلهم!! أحمد: وش تبن؟ نجلاء: حنا!! ما ناديناكم.. بس أكيد هم يبون يتخلصون منكم!! نورة: إيه يا عمري أنتم!! أحمد: مجيدوه.. يقول لي رح لخيمة البزران!! نجلاء: ماعنده نظر... إسمع تبين أقهرهم...؟ ناصر: ياليت يا ندلا... بأحبث ترا.. أحمد: إيه!! بس شلون؟ نورة: تعالوا نعلمكم شلون... ******** "بعد نصف ساعة" أحمد: راحوا كلهم.. روحن للخيمة ... أنا بروح مع عمي فيصل... ناصر..إنتبه لا ينكشفن!! ناصر: أفا عليك...أنا ردال...يالله وراي تعالوا... _يدخل الخيمة ويتلفت , ثم يرى بندر يجلس في الزاوية متكأً على كومة من أكياس النوم مصفوفة بعناية, يشير له بندر بأن يأتي_ ناصر: أث...وث تبي؟ بندر_يخفت صوته_: ليه؟ تعال أبسولف معك... ماكملت وش صار على قرية النمل اللي هاجمتوه..تراك ماكملت لي...تحمست ناصر: أنت ثرطي ..ثح.. بندر : إيه.. ليش تبي أقبض على مجرمين؟ ناصر: لا... بث ترى نورة وندلاء بيدخلن الحين..لاتدبذ عليهن.. تراهن أوب حراميه... بندر: ليه يدخلن... ناصر: أثلاً خلاث... بدولهن إنك هنا... مثكينه نورة أوب داخلة.. بندر: ناصر حبيبي أنا شرطي صح!! ناصر: تدول انت كذا!! مادري عنك؟ بندر: مب صح الشاطرين يسمعون كلام الشرطة.. عشان الشرطة تقبض على الحرامية...وتحمي الوطن؟ ناصر: إيه.. بندر: خلاص..إسمع كلامي وقل لهن ما بالخيمة أحد... ناصر: ههههههه... ليه...بث بثرط...؟ بندر: وشو؟ ناصر: تغبى أخاف يذعلون علي!! بندر: طيب... ******** _يخرج ناصر, ويؤشر لهن بيديه_ نورة: إمشي ما فيه أحد... نجلاء: مادري ناغصن قلبي... نورة: نصور حبيبي وقف عند الباب وشف لامن جاء أي واحد علمنا ناصر: أمرك ثيدي!! _تدخل نورة ونجلاء للخيمة _ نورة: يووووووه ظلام ما أشوف شي!! نجلاء: ياذهينه عشانتس جايتن من الشمس...أح شوفي.. جلسة كنب وجلسة أرضية.. نورة: أح... شوفي البنادق... ذولا إرهابيين..أبلغ عنهم!! نجلاء: إخس... يهكون علينا ... شوفي التلفزيون بثمان سماعات... شوفي تلفزيون صغير هناك!! نورة: للسوني...شوفي الطبول...والطيران...صايرين طقاقات..هين لو يدخل أبوي بذا يكسرهن على روسهم...تعالي نشوف الثلاجة..وجع أكبر من ثلاجتنا مرتين!! نجلاء: إخس..إخس!! أشرطة اغاني...أعوذ بالله...مايدرون ذولا إن اللي يسمع اغاني يصب بأذنه حديد مصهور يوم القيامة... نورة: صدز!!! شوفي!! وش هالخير والعز... حمير ولا يسوون... كراتين شكلاطة...شوفي أنواع البيرة...وبايسن..بيبسي.. عصيرات طااااااااازجة!! شكلهم يضفون كل اللي بالمطبخ!! نجلاء: نورة.... انا ماراح يغمض لي جفن لحد ما أكوش عليه... وبأغراضه... وبالذات الدفيفدي والستيرو والطيران... نورة: نجلاء.... تعالي _وتلتفت على الزاوية وتمد يدها لتأخذ كيس معلق مليء بالأشرطة, فتتلاقى عينيها بعيني بندر فتصرخ_ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآى _وتركض خارجة_ نجلاء: بندر!!!!! بندر: وأنتن يالثنتين خراب العالم كله!! نجلاء: ليش ما قلت يا ولد!!! مو عيب تناظر نورة بدون ما تتغطى!! بندر_يقف ويمسك بإذن نجلاء ويشدها نحوه_: العيب الأكبر يا آنسة...إنتس تدخلين خيمة العيال... إفرضي لو فيه أحد منهم بذا... وش بيقول عنتس!! هذا إن ربي ستر وما صار شي.. نجلاء: أي...أي...توجع...أح...يعني وش بيصير؟ بندر: شوفي يا نجيل... تعدين ساحة الحريم أمصع رقبتس!! والله يا نجلاء تراي منب أمزح ...تقلعي يالله... ناصر: هيه إترك ندلاء!! نجلاء: أوريك!! ليش ماعلمتنا؟ ناصر: أثلاً ما ثفته...هو ثعير مرررررررة ومتعبي هنا...مادريت!! نجلاء: إيه باين متغبي هنا!!!من صغره_وهي خارجة وممسكة بأذنها_طحش...أح.. ******* "أمام باب خيمة النساء" نجلاء: عمه يرضيتس...أخذوا خيمتنا وطردونا... شوفي إذي حمرا منهم... نورة: إي يمه...جلدونا والله مجيد نتف شعري بس يوم قلت بنقول لأمي نورة .. وقال لي " هذي خيمتنا...يرضى اللي يرضى ويزعل اللي يزعل" نجلاء: إيه عمه... أكيد إنه يقصدتس!! أنا يا عمه ما همن الخيمة... بس جرحون يا عمه...يوم يطردونن ويقولون تقعلي... يمه بندر مصع إذني وطردن...ونورة نتف شعره مجيد... أم عبدالله: أوريهم!! بس صعبة أطردهم من خيمتهم اللي قاعدين به!! ومعهم ربع مب من الديره... لو على عيالين الجماعة مب مشكلة!! نجلاء: عمه جرحون!!مارحمون هذا وأنا يتيمة!! أبوي مات قبل لأطلع على الدنيا, فتيتمت للمرة الأولى.. وأعرست أمي وجدعتن عند خالي برا... وتيتمت للمرة الثانية.. وخالي مات وتيتمت للمرة الثالثة..مات اللي يدافع عن.. قلت ميخالف عندي أخو يدافعن عن...ومات أخوي...وتيتمت للمرة الرابعة صبرت وقلت أمي فرح..ماتت بعد يومين..وتيتمت للمرة الخامسة.. قلت ربي كريم... وعندي جدي ومااااااات جدي وتيتمت للمرة السادسة.. وما بقى لي غيرتس يا عمه.. لاتخلينن يتيمة وأنتي حيه.. لا تحسسينن بالضعف وإن ما أحد يدافع عن...تكفين يا عمه..تكفين طلبتس ردي كرامتي.. أم عبدالله_تمسح دموعها_: وسعي صدرتس يا بنيتي... ولا يهمتس أكلم مجيد وأقول لهم يشدون من الخيمة... ***** _نورة ونجلاء تسيران لخيمة الشباب_ نورة: إخس يا الممثلة... مابقى إلا آهات وتصير نهايه حزينة لفلم..بس وشلون خليتي أمي تصيح؟ نجلاء: لأني أنا صحت.... ذكرت كل الأحزان اللي مرت علي.. نورة:تصدقين هالخيمة ماتسوى إنه تذكرتس همومتس.. نجلاء:هه.. وأنا نسيت همومي...من اليوم اللي عرفنا فيه إن أبوي ماجد مفقود وأنا عارفتن إن اللي بعده بيكون أصعب رغم أني كنت صغيرة ..صغيرة على الشقاء... نورة: مافيه أحد بهالدنيا صغير على الشقاء.. بس الصبر هو المكسب من كل المشاكل..مب انتي قلتي لي ذاك اليوم" لقد خلقنا الإنسان في كبد" سورة البلد 4 يوم إني كنت زعلانه عشاني امي وأبوي... نجلاء: نورة... للحين أمتس تتخانق مع أبوتس.. نورة: ولبكرا... بس عادي هم أخذوا على هالشي.. وحنا اخذنا بعد... نجلاء_تقترب من الشراع وتنادي_: مجيد...مجيد..... _يخرج عبد المجيد_: نعم... لا تنادينن مرتن ثانية..أرسلي أحد كلمي بالجوال... نورة: جوالك مقفل.. عبدالمجيد: طيب وش تبين؟ نجلاء: مجيد..عزيزي... ترا عمتي نورة..تقول يطلعون من الخيمة.. عبدالمجيد: جد والله!! أقول تقلعي وكذبي غيره..._ويدخل الخيمة_ نورة: بس..._تقرصها نجلاء_ نجلاء: أص...خليهم...عشان ما يمديهم ياخذون شي!! نورة: صح!! ******* تأتي نورة ونجلاء ويسحبان أم عبدالله معهن_ أم عبدالله: إصبرن.... إصبرن وه...ما أقوى ... نورة: يمه هاوشنا... وقال عنا كذابات.. نجلاء: إيه وفشلنا عند البنات...شوفيهن يقولن عنا كذابات.. شوفي البنات واقفين بعفشهن عن باب الخيمة... فضن خيمتهن على بالنا بيخافون منتس وبيصير لتس قدر وقيمة.. بس الظاهر يا عمة...عيال هالحين عاقين!! نورة: يمه... تراهم ناوين شكلهم ناوين يفضون الخيمة.. ويخربونه عشان ما نستانس.. أم عبدالله: أوريهم... بس أنا أبدخل... ولا وحده تدخل يتعورنه العيالين... ولا واحد بيمد بيده على شي!!_تضحك_ وكل الخيمة باللي به بتصير لكن.. ****** _تدخل العجوز الخيمة وهي تلف على وجهها غطوتها الخفيفة, يفز الشباب, وينظر لها عبد المجيد بذعر_ أم عبدالله: حيا الله عيالي...يا هلا ومرحبا... بأهل الإمارات...وأهل قطر.. يرد أحدهم: حياج ربي يا عمة... شحالج .. أم عبدالله: الحمدلله... والله إني فرحتن بكم أنتم وعيالنا... بس أنا شفت هالخيمة ضيقتن عليكم... يقولن البنات إنكم تفرشون تنامون برا.. قلت للعمال يفرشون الخيمة الشرقية...أكبر وأبعد عن إزعاج الدبابات... يرد الاخر: جزاج ربي بالخير... ماتقصرين ياعمة... أم عبدالله: وأهل الشرقية وش أخبارهم..وأهل الشمال..وأهل القصيم.. تراكم عيالي...مايرتاح لي جفن وأنتم منتب مرتاحين... لا تستحون..آي شي تبونه بس آمروا... راشد: بس يا عمه... نبي نجلس بهالخيمة... أم عبدالله: هــــــــــــــــــو مرتاحين بذيا؟ يعني أنا عجوز ورايي ما ينفع.. بس تقل إنه حسرتن عليكم.. فشيلة من الحريم... اللي شاورتهن.. وشلون أبقول لهن إنهم عيوا... فيصل: يمه!! لا تقولين لهن ولا شي...لا ..الخيمة الشرقية أكبر وأحسن... يالله شباب .... أم عبدالله: تراي قلت للعمال يجيبون القهوة لكم هناك... عبدالمجيد: يمه!! مانبي قهوه الساع عشر بننام... أم عبدالله: خلاص أقول لهم ينقلون فرشكم ويفرشونه... _يخرج الشباب الذين من غير العائلة, ويتجه راشد وأحمد وسلمان وعبدالمجيد ويشرعون بفصل الأسلاك إستعداداً لنقل مافيها للخيمة الأخرى, فيما خرج فيصل لينادي العمال ليساعدوهم... أم عبدالله: مجيد!! ولا شي تمد يدك عليه!! عبدالمجيد: يمه!! اغراضنا... أم عبدالله: مخليتن العمال يفرشون الخيمة وينقلون اللي بخيمة البنات لخيمتكم... عبد المجيد: بس أباخذ... أم عبدالله: ولا شي إلا ثيابك... وكورتك...وانت لك حسابن ثاني يا الهر بندر: مساتس الله بالخير يا أم عبدالله... أم عبد الله: هلا والله يا بندر... شلونك... ورا أهلك ما جو؟ بندر: تعرفين أهلي ببيتهم بالقصيم خوالي واهلي هناك!! أم عبدالله: إي يا بندر تراي آخذتن بخاطري عليك.. بندر: أفا يا عمه...وراه وش سويت؟ أم عبدالله: وراك تغث نجيل...مب حرام عليك مسيكينه ماله أحد...طول بالك عليه..سفيه.. بندر: يا عمه أنا ماقصدت أغثه .. بس لو نتركهن على كيفهن يضيعن.. ********** "في خيمة الشباب" يدخل تركي غاضباً ويحمل عوده وهو مكسور لنصفين.. ينظر له سلمان وعبدالمجيد وراشد بذهول, فيجلس ثم ينفجر قائلاً: لا..ذول مصخنه زيادة...كسروا عودي... راشد: أنا ما أدري ذيل لو يشتغلن بالإستخبارات أحسن!! سلمان: أحسن... وش تبي بوه زيادة ذنوب.. عبدالمجيد: للمرة الثانية!! عسى نورة كسرته؟ تركي: هالشيطانتين نجلوه ونوير الكورة!! سلمان: أها ..إلفقة لأفقع وجهك ببوقس...لا تتكلم عن أختي.. تركي: مجيد...أخ لو ألحطهن بخيزرانه!! تخيل دخلت الخيمة بأمان الله بعد ما أخذت إ ذن بالدخول.. يوم دخلت آباخذ العود إلتفت لقيت شرشف نجلاء مجخور.. وطالعة بعض الشعرات الملتوية..أنا بعفوية سحبتهن.. وإسم الله علي وعليك!! أنا مادريت إلا نجلاء تصارخ ونورة تلاشط... رحت وخليتهن وأخذت العود.. ومير تبدى نجلاء تدغدني بظهري.. وأنت تعرفني ما أتحمل ..أضحك قوة لمن أحد يلمس ظهري.. عبدالمجيد: كذا_ويلمس ظهره_ تركي:خخخخخخخ ...مجيد..ههههه...لالا..خلاص أقول.. وبعدين طاح العود مني ولقطته نجلاء..أنا جيت أبلحقها أباخذه منها.. بس وقفت البرميل نورة_يضربه سلمان_آي.. ياخي ماكذبت.. وصارت جدار الفصل العنصري بيني وبين نجلاء.. وبلمح البصر قالت نجلاء ياااااااااااااااااااع وضربته وإنكسر نصين..قدام عيوني.. راشد:ههههههه..أحسن أحد قالك تمد يدك على حرمه... عبدالمجيد: إيه راشد تعلم من الدرس.. سلمان: أي درس؟ راشد: درس المطالعة برابع إبتدائي...والحين كلنه مقهورين من ذيلا.. سلمان:ههههههه...آخذين الكشافات حقاتي...والسماعات حقات مجيد.. والسوني والأشرطة حقت راشد... وكسروا عودك...مجرمااااات عبدالمجيد: ولأدهى والأمر إنهن طردننا من خيمتنا... تركي: لازم نأدبهن... سلمان: يعني شلون... تركي: أنا أقول لكم..._يدخل فيصل وبندر_ فيصل: وش عنده مجلس الأمم المتحده منعقد...أشوف التأثر بادي على الوجوه.. وشو ذا...عودك من كسره..يبي له حبه راس؟ تركي: أنا كسرته...انا تبت..وهم متأثرين عشاني... بندر: إيه يا خوي وش تبي به...مير تعال تمشى معنا... تركي: بتبعدون؟ فيصل: إيه بنمد شوي على رجليننا..بتجي؟ عبدالمجيد: لا... بنجلس نتحراكم...ملل عقب مارحوا أغلب الشباب.. فيصل: أتوقع يحظرون العرس وبيجون.. تركي: مابقي إلا يوم ومن بعده بنمشي... بندر: ما أحد يفوت هالمخيم لو بقي ساعة.. _ويخرجان_ تركي: أول شي....نبدأ بـــــــــــــ...... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, "الجزء الخامس عشر" راشد: يوووووووووووه أنته ماتعرفهم..مستحيل وحده بترضى تسويها معانا.. عبدالمجيد: لا...والله فكرة جهنمية...تركي ... أهنئك ... تركي: بس عليك تقنع وحده تعلمنا...بس أهم شي يعتمد عليها... راشد: نجلاء...أحسها بتنفع...خبلة.. عبدالمجيد: لا...نجيل ممكن تنقلب علينا...لا تأمنه..اليوم عطتنا درس بالدهاء.. تركي: .............نواعم تخاف...ليلى ألعن...مين ..إيه عذبة!! راشد: أنت مينون.. عبدالمجيد: كــــــــــــــــــــــــــفــــــــــــــــــــــ ــــــو... عذبة ممكن تساعدنا...ماعليكم خلو الخطوة ذي علي... _في خيمة البنات_ نجلاء ونورة يلعبن بالسوني..ونواعم ونجود وليلى وغيداء وغدي_بنات اقاربهم_ يرقصن, عذبة تدخل من الخارج وهي تضحك... نواعم: ياربيـــــــــــــــــــه مانعدم هالضحكة..إيه..ردي عذبة الأوليه.. عذبة: هاه...ما أسمع..وطي الستريو شوي... نجود: وش عندتس تضحكين؟ عذبة: ههههههههه...تركي الله يخس بليسه..هوووووه..ياربيه قطع تسبدي.. نجلاء: عذبة...شوفي كراش!! السيارات.. عذبة: الله...بعدكن انا بلعب...هاه.. نورة: لا... أنا ونجلاء..بعدين نجلاء وانا وبعدين انا ونجلاء..وبعدين نجلاء وأنا.. وأنتي إرقصي مع البنات... نواعم: ليه..وش عنده تروك..ياخبله هالولد..ماشفتي شي... عذبة: منقهر ويشكي من العفاريت الثنتين.. كسروا عوده... نواعم: عمى!!! كلش عاد ولا أخوي... أنتي يا نجيل وش سلطتك على أخوي.. نجلاء: يووووووووووه بدت ذي الثانية...قلتيه اخوتس...هذا سبب وجيه إني أتسلط عليه...لفي... يا الكمخة راحت علينا_تصرخ في نورة بسبب تضيع فرصة في اللعبة_ نواعم: ها ها ها تصدقين عاد دمك خفيف... نجلاء: بنت عمتس طالعتن عليتس.. نواعم: بسم الله علي أصير بنت عمتس!!! نجلاء: لا والله وأنتي الصادزه بسم الله علي أبوي اللي بيصير أخو أبوتس... من زينكم !! نواعم: عن الغلط!! والله لأخليك تندمين.... ليلى: أنتي وش فيك...بدينا بالنقرة والهواش... وأنتي تراك دايم مسببة قلق...دايم دوبك من دوب هالآدميه!! نواعم: لو ما هي رضيعة فرح كان أدبتها... نجلاء_بلا مبالاة مصطنعة_: مو حليب فرح اللي مخلين للحين ما واسيتس بالتراب.. نورة: ماعليتس منه.. خليه ...ترا قريب الفوزة.. عذبة: نواعم حبيبتي قفلي الباب هذا... وأنا بقفل الباب ذا...وأنتي يا نجود قفلي الباب ذا.. إربطوهن زين.. نجود: ليه خايفة...طيب ليش نربط اللي من عند الحريم؟ لو نربط هذا ونخلي اللي من عند الحريم... عذبة: لا...أنا قلبي مو مرتاح..وبعدين اللي من عند الحريم قريب من خيام العمال.. مو مطمنه...وهذا الباب عند العيال والعيال صاحين... غيدا: زين بنات انا وغدي بنروح ننام... نواعم: ليه...تو الناس بدري...وبعدين مو كنتوا بتقعدون للفجر.. غدي:لا..لا أنا .. أمي قالت تجن الساع وحده وشوفي الحين وحده ونص.. أخاف تزعل.._وتخرجان بسرعة_ نجود: تراتس خوفتيهن... عذبة: بنات وش رايكم أققص لكم قصة...عن عن عن الجن!! نجلاء: ياسلام....بطفي السوني..بس شوفي ترا اليوم بنام جنبتس.. نورة: الله ... وأنا بنام جنب نجود.. نواعم: لا...عذوب ترا الأطفال بيخافون.... عذبة: لا... لازم يسمعون عشان يقرون وردهم...وخصوصا إن الجن يكثرون بالبر.. _تحلقن البنات حول عذبة وهي تقص لهم قصص مرعبة عن الجن_ _خلف الخيمة_ تركي يمسك بخيزرانه ويؤشر لراشد عند مولدات الكهرب, ويؤشر لسلمان وعبد المجيد , فإنطلق الإثنان نحو شبك الأغنام, وأقبلا يسيران مجموعة من الخراف وتوقفا بعيد عن الخيمة بحوالي عشرين متر... وفي هذه الأثناء كانت عذبة تقص أكثر أجزاء القصة رعباً.._: والبنت تسمع أصوات حيوانات غريبة وراحت تصارخ محد يسمع صوتها.. الجن مانعين الصوت يوصل لأحد من الجيران...وتسمع الصوت يقرب..ويقرب.. نورة_تصرخ_: عذبة!! إسمعن صوت غريب.. نجلاء: يمـــــــــــــــــــــه ... أحد اليوم مسوي شي غلط.. نجود: يمه... وحنا مشغلين طق في نص الليل ... عذبة: إيه ترا الشياطين تجمع لامن سمعت الطق... ليلى: إيه وبعدين شصار عليها؟ عذبة: ولأن الجن ما يبون أحد يشوفهم...طفوا الكهرب عليه ودخلوا... _خلف الخيمة _ أشر تركي بكلتا يديه لراشد ففصل الكهرب الذي يصل لجهه خيمة البنات, فصرخن البنات جميعاً بذعر بالغ_ نورة: يمــــــــــــــــــــــــــــــــــــــــــــــــ ــــــــــه!!1 جو..والله جو... يمه جو..نجلاء..كفخيهم... نجلاء: يمه...ما أقواهم بالكارتيه... بسم الله بسم الله.. الله لا إله إلا هو الحي... نواعم: دخيل الله عليكم خلونا نطلع... عذبة: بنات ...شكلهم الجن...فصلوا الكهرب ... بيجون الحين.. بنات قريتوا وردكم اليوم.. نجود: عذبة...وش هالخرابيط!! الجن أصلا يخافون منا... نورة..لا تخافين...لا تخافين.. ترا هذا أكيد الماطور خرب... _نورة ممسكه بليلى وتبكيان جميعاً _في هذه الأثناء سمعن صوت غريب قادم من خارج الخيمة.. والصوت يقترب أكثر فأكثر..._ صرخت نورة: جو!! جو!! بسم الله والله شوفوهم ..عند عند عند الباب .. ودون لأمي.. أبنام عند امي... نجود..طلعين.. _تصرخ نواعم من عند الباب المطل على ساحة النساء, عجزت ان تفتحه.. إلتفتت فرأت أجرام غريبة تدخل الخيمة_ نواعم_تصرخ وتقفز قفزات متتالية في مكانها_: والله الجن جو!! دخلوا ... دخلوا... بسم الله الرحمن... نورة: أعوذ ببرب الفففلق...أعععععععوووووذ... نجوووووووووووووووووود... إفتحي الباب اللي عندتس!! نجود: عيا يفيتح مسكر من برا... _وحدث رعب شديد في الخيمة , فأصبحت الخراف مرعوبة تفر من مكان لآخر وكذلك البنات, وقمة الرعب حين تصطدم بأحد منهن... وحين تهم أحد البنات بالفرار, تتلقى ضربات موجعة بواسطة عصى رفيعة عند الباب... نجلاء: يمه !!! شيخ الجن واقف عند الباب معيي علينا نطلع.. نورة: عذبة...ليش ساكته...بموت...آآآآآآآآآآآآآآآآآآآآآآآآآآآ نواعم: خروف!! والله خروف... بنات هذي خرفان مب جن!! ليلى: خرفان ولا جن وآآآآآآآآآآآآآآآآآآآآآآآآآآآآآآآآآآآآآآآآآآآآآحد آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآ نجلاء: خرفان!!! إيه خروف..وهذا بعد خروف!! وه وقف قلبي... نورة_تمسك بنجلاء_: تعالي هشي الخروف مادري الجني...آآآآآآآآآآآآآآ وخر..وخر.. ياحيوان... ليلى_تبعد يد نورة_: أنا بطلع أبطلع وخلي شيخ الجن يسوي اللي يبي!! تركي_وهو يسدد(لحطات)ضربات مؤلمة ليلى: شيخ الجن... آآآآآآآآآآآآآآآآآع...إدخلي.. ليلى: آآآآآآآآآآآآآآآآآآآآآآآآآي..يمه..يخرع كله فرو!!!! _في هذه الأثناء كانت الفرحة تعم الشباب, وعذبة مستغرقة بالضحك, تركي يسمع صوت من خلفه ورأى الشباب يهربون بسرعة , فرأى فيصل وبندر يركضون لخيمة البنات, فرمى الفروة التي كان يغطي بها رأسه, ودخل للخيمة.. فيصل: وش بهن؟ الله يستر.. بندر: وأنت يالله تمشي اركض... فيصل: هالحمير ذولا وينهم عنهن..معقولة ما يسمعون صراخهن.. بندر: شف الكهرب مطفى... شكل الماطور خرب.. هه..طلع خروف!!وش السالفة.. _دخل فيصل وبندر للخيمة, فسمعوا أصوات الخراف تتداخل بأصوات صراخ البنات_ بندر: وش بكم...وش جاب الخرفان بذا؟ فيصل: هررررررررر...والله إن كاني أعرف فهو الجني..مجيد.. _يخرجان الخراف ويهدآن من روع البنات_ بندر: وش هالصراخ رأس ماله كم خروف... فيصل: أح ..من وطيت..؟ عذبة: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآي ...رجلي.. فيصل: ههههههههههههههه ... هرررر..نورة..تصدقين أحسبك خروف... نورة: وجع إن شاء الله.. نواعم: عم!!! متأكد إنهن خرفان؟ بندر: لا جن..أكيد خرفان ... وش رايتس..؟ _في هذه الأثناء تضيء المصابيح...ويتقافزن البنات ليتغطين بأقرب شرشف لهن, وهن متقرفات من وصخ الخراف..يصد بندر ويخرج فيتبعه فيصل, تشيعهما دعوات البنات, وقهقات عذبة, فيلتفت فيصل قائلاً_: أنتي الراس الكبير حقهم ...صح!!؟ نورة: إيه يا عم هي اللي خوفتنا بقصة الجن...ومبسوطة الحين.. عذبة: أووووووووووه..ياربيه بطني وجعن...ياربيه أشكالكم تضحك ..تضحك.. فيصل: والله إنتس تستاهلين طراق... عذبة_بغضب مصطنع_: أنا؟!! فيصل: لا...نورة اللي تتهمتس ولا أنتي دابتن سليمة ماعليتس من أحد... عذبة: أشوا...لا عاد ...ما يكفي إنك وطيت رجلي..ولا إعتذرت.. فيصل: آآآآآآآسف يا عمري حقتس علي ولا تزعلين... نواعم: أووووووووووووووووووووووووه.. ليلى: لا..مايمديني.. نورة: فيصل ... ما أسمعك تقول هالحتسي إلا لأمي نورة... وش حيت عذبة؟ نجود:نورة!!!! نجلاء: معليش يا نورة ..بس سؤالتس غبي جداً... فيصل: وهو كذلك... _ويؤشر لأحد البنات التي تتغطى بعباءة مغبرة وتجلس بزاوية وتلزم الصمت_ مين ذي؟ لاتصير من الجماعة وهبلوا به الشياطين!؟ نجود : ما أدري بس كلنا موجودين ...مادري مين هي.. نجلاء: إيه يمكنه شيخ الجن؟ فيصل_يقترب من المرأة المتلفعة بخمارها_: حيا الله المرة..من أنتي؟ أنا أبعتذر نيابتن عن الشباب... وراه ما تردين... تتبعة نجلاء, ونورة فتنحني نورة وتسحب غطاءها, فضحكت.. فيما تمسكت المرأة أكثر بخمارها.. فيصل: من أنتي يالمرة ولا أبفتشتس... ماعليش بس حنا ما نلفي حريمن ما نعرفهن على بناتنا بالليل... _ويسحب الغطاء, وإذ به تركي_ تركي: والله كلهم معي....وخر وخر... نورة: وين الخيزرانه اللي كانت معك... نجلاء: هه..خوذيه وإبردي تسبدتس... فيصل: وعلى كيفكن... ما أحد منكن يمد يده... تركي: هلا... بالغالي... بعدي والله عمي...هم اللي بادين الشر.. فيصل: ما يأدبه غيري... تركي: طيب...عموا نتفاهم!!...بالهداوه...شوي شوي على البدي والله غالي...ماركة!! فيصل: بشققه بالعقال على ظهرك يالهيس!! _ويجره بقميصه خارجاً من الخيمة ويدخل خيمة الشباب الذين تلقو ا لحطات من عقال بندر_ عبدالمجيد: إنحش...!!تروك إنفذ بجلدك.. فيصل: لا... بتتأدبون كلكم...بس لحطتهم بالعقال... بندر: وه الكثرة تغلب الشجاعة... راشد: عسى تبي تطقنا ونسكت لك...إهما اللي نوو النية القشره.. فيصل: بس مو تسون كذا إفرضوا لو سمعوا اللي بالمخيم.. لو وحده منهم فسخت عقله...مايصير... بس والله عليكم خطة...شي!! بندر: لا..أحسن إشكرهم... هذولي حريم والتمرجل مب على الحريم.. صح مقالب تسوونه ببعض..ماعليه..بس الحريم لو مهمن كانن شريات لازم تحملونهن...ولا ليش أنتم رجال!!! سلمان: والله إنك صادز... بس والله أجرمنا بهن...يستاهلن....ههههه مجيد...تتوقع يشكون لأمي نورة.... عبدالمجيد: لا...هذي النشبة اللي ما فكرت به... وش يفكنا عاد؟ وبعدين بندروه ترا مب من حقك تمارس دورك الأمني والتأديبي علينا!! ترا ما بيننا وبينك شي...كله سنتين...مب عمرك 24 صح؟ أحمد: من هو صغير وهو تقل شايب؟ بندر: الرجال مب بالعمر يا شيخ........ فيصل: صدقت والله.... تركي: طيب .......... فهمنا...خلونا ننبسط بالإنتصار العظيم.. أهم شي لحطتهن...ههههههه....بس الخسارة خرب فتفت علينا!! ************ " ,,,,,,,,,,,,,,,,,,,,,,,,,,,,,,,,, |
بعد شهرين" "في غرفة ليلى" عذبة: ليلى!! منتب رايحتن اليوم معي ... أم أفنان عازمتن ماما أمينة... أشوفتس مبردة.. ليلى: لا... أبروح للسوق... نازل موديلات جديدة... عذبة: خير إن شاء الله...بس ...بتروحين للسوق...!! أقول لتس ماما أمينة...وبعدين منتب رايحة للسوق لحالتس... ليلى: أوف....إسمعي من الآخر...مالي خلق عجز... وبكلم نواعم ولا نجود وبروح معهن... _تدخل نجلاء وترتمي على سرير ليلى بقوة_ ليلى: أح...كسرتي السرير... نجــــــــــــــــــــــــــــــلاء...إصابة جديدة!!! نجلاء: مجرد كدمة بسيطة...إسبوعين وهي ماله أثر... عذبة: ياعمري انتي تروحين للنادي وتتكفخين وتجين...مايصير.. نجلاء: عــــــــــــــــــــــــــــــــــــــــــادي... أي رياضة تمارسينه تصيرين معرضة للأخطار.. عذبة: بس هذا خطر عليتس... نجلاء: لا...مو خطر.. الكاراتيه مثل أهلتس... يربونتس ويعرضونتس لأخطار وآلآم عشان لمن تواجهينها بدنياتس ولاك تعرفين تتعاملين معها.. ليلى: بتروحين للزفت.. عذبة: ليلى!! وش هالأسلوب؟!! نجلاء: إيه العزيمة...ودي بس بعد الإصابة.. لا...أستحي أروح مبقسة عذبة: كلمي الكوافير تجي تخفيه...وش يبي له!! نجلاء: ما أحب ألبس أقنعة...إذا تسمحين لي أبقعد.. ليلى: لا... وش رايتس نروح للسوق....؟ نجلاء: انا مالي خلق بقعد بكافي... ولانيب متحركة... وبآخذ نورة معي...طبعاً إذا وافقت الحكومة... عذبة: بس ماما أمينة تسأل عنكم.. ليلى: قبل شهر كانت عندنا...يالطيف....!! نجلاء:إعتذري لي منهم قولي تعبانه..جاية من النادي... ********** "في منزل أفنان" البيت بسيط, وفناءه مبلط ونظيف , فرش بآخره زولية متوسطة , ضمت الجيران القدامى والمغتربين المتحابين.. أم جمال ومدام أمينة وعذبة وأفنان إستجلبتهن الذكريات.. أم جمال: يوه ... وين إنشقت الأرض وبلعتك يا وخيتي.. د. أمينة: شو بعمل أختي.. ما زوجي هدد بالقتل... يوه أيام مرقت علينا ..ربي ما بيعدها..يارب.. عذبة: كل هذا بس عشان أخوه ناشط؟ د.أمينة: وأكتر... والله بنفسي خبركم عن مكان تواجدي.. بس خفت...خفت إنوا يعرفوا وين محلتنا أحسن يضايقونا.. أم جمال: والله فرح ماتت وما خلت مكان ما سألت عليكم فيه.. أفنان: الله يرحمها... عذبة: يالله بأمان الله بروح... عندي شغل الدنيا متكوم على راسي.. أفنان: وجع عذبة!! خير إن شاء الله...مايصير..تو الناس... أم جمال: والله مايصير... ولا كملتي بيالتس عقب العشاء.. تراي هه أنا اللي مسويته... ومقلله السكر عشانتس.. د.أمينة: شو!!! خلص ما بخطب أفنان لوائل... ليش الماما بتعمل الشاي وأنتي بس تتحكي مع الشقية عزبة... عذبة: إيه ما تنفع... أم جمال: لا والله بنيتي ما ثنت رجلها بهالبيت.. ياعمري كنس وطبخ ... وملابس إخوانها .. كل البيت شايلته... بس يا عذبة إجلسي لو شوي... عذبة: والله ودي وأنتي أعرف الناس بي... لامن ماصار عندي شغل جيت وطولت.. بس والله فيصل مكدس أوراق الدنيا على مكتبي.. والشغل شاد هاليومين... والواجبات للحين ما سلمتها...وحالتي حالة.. د.أمينة: خديني على منهجك...بدي روح... عندي دوام بكرا...وما بحصل أتأخر... وشغلي زاف.. أم جمال: ربيع النفس هواها... بس أنا ودي تعللون معي .. لكن إن صار بيضركم أنا هونت... مع السلامة.. ********* "في السيارة" د.أمينة: عذبة...... معلش بس بخاطري أسألك... كيف توفت فرح.. وولدي سعود؟ عذبة:........................آآآآآآآآآآه... توفوا... وكلش مات معهم... د.أمينة: لساتي مو مصدقة... بحس كأني بحلم ..بكابوس...وفيوم بصحى منه... عذبة: كابوس... ليته كابوس... ماما...أنا كنت مبسوطة على الآخر بجنيف... وبعدين ما أدري ..حسيت بشي مسك صدري... شعور غريب... أخذت التليفون ودقيت على رقم سعود... مقفل.. وأمي... مقفل..... كلمت البيت...ردت علي وحدة ما اعرفه... وقالت لي غلطانة...بعد ما عرفت إني عذبة... رديت ودقيت على البيت مرة ثانية.. ولا أحد يرد... وبعدين صار مشغول... جلست شوي ودخل علي مشاري... وقال" عذبة... سعود صار عليه حادث وهو الحين متكسر.. بس يبيك جنبه" حسيته يكذب علي بس حاولت أصدقة... وبالطيارة قال لي إن سعود تعبان... وأمي تعبانه... قمت أصرخ عليه وأنا بالطايارة أقولة" سعود...سعود...تعبان... ولا مات..." ويم سكت عرفت إنه خلاص... ماراح أشوف سعود ثانية... مادري...حسيت بي قوة غريبة... ما بكيت...ماصرخت...ما قلت شي... سكت... وتمنيت لو الطيارة تطيح... وأموت ولا أعيش حياتي بلا أخوي... وتوامي... وصديقي... مر قدامي شريط الذكريات... من حنا صغار... لعبنا وضحكنا وشقاوتنا... كنا ثنائي دايم مع بعض...نزعل جميع ونرضى جميع... ولا يحب أحد أنا أكرهه ولا يكره أحد أنا أحبه... وأنا كنت مثله... بس كسرت هالقانون يوم تزوجت مشاري ورفضت فيصل.. عارفة ماما أمينة... أنا ندمت على زعل سعود...قبل لايموت... وندمت عليه أكثر بعد ما مات... مات سعود..إيه مات.. وإنتهت أشياء كثيرة بموته... أهمه الأمان.... نزلت من الطيارة وأنا أحس حالي مع الناس ولانيب مع الناس... شفت فيصل جاي ياخذن من المطار... حسيت إنه سعود...إنه اللي بقى لي من سعود... ماحسيت بحالي إلا وانا أسأله مات سعود...؟ وبعدين مادري ...ماصحيت إلا وأنا بالإسعاف... عرفت بعدها إن أمي تعبانه وإنه كانت معه بالسيارة ... حمدت ربي إني أقدر أشوف امي وأشم ريحته.... قويت نفسي ودخلت عليه... وماقلت له إن سعود مات... بس هي عرفت من عيوني... إيه فهمتن...قرت كل شي...كل شي... وبكت...ضمتن وبكت...قالت لي إني انا بمكان سعود... وإنه عارفتن إن حالته مستحيل تعيش... ماما أمينة....تعرفين وش سوت؟ مسكت يدي وضمته لصدره...وحاولت تحبه بس ماقدرت...تدرين ليش... تدرين ليش ماقدرت؟ عشان الليات الموصلة باثمه وخشمه...منعت يدي توصل ... يومها ..عجزت ...عجزت أتصور شي يقدر يمنعن من أمي... ضميته لصدري...والله إن مافرق بيننا إلا الأجهزه... ضميته وبكيت...بكيت...ودخلت يدي بشعره... بس حسيت إني أوجعته تدرين ليه...؟ لأن شعره مليان جروح ودم ...يدي مادخلت بين خصلاته... ما أدري ليه كل شي هناك كان يحاول يمنعن من أمي... يمكن كان الوضع هناك تمهيد لبعدي عن أمي طول عمري... مدام أمينة: له...عذبة ماتبكي... وحدي الله... عذبة: لا إله إلا هو...الدايم الكافي...المتكفل بعبيده... ماتصدقين ماما لو قلت لك...أمي ما بكت.. بس رصتن على صدره...وقالت: " عذوب...لاتصيحين...مافيه وقت للصياح... بنيتي الدموع لاتبني ولا تربي...الدموع حيلة العاجز... قومي ودي أشوفك عذبة الأم... اللي بتصبر خواته وتهتم فيهن... أنا مودعة...مودعتكم مع سعود.." حسيت يوم قالت هالكلام ولا كأن أحد عطان كف... رفعت راسي تمنيت إني أكون سمعت غير هالكلام... وصرخت فيها: يمه...لاتقولين مودعه...الله يخليك لنا... جعل يومي قبل يومك... مدام أمينة: يا قلبي عليك يا أختي.... كنتي حاسة!! عذبة: بعدين مسكت يدي...وشدته بيده وقالت: " عذبة...أخواتك...أخواتك يا عذبة... لا ينضروا بعدي... نجلاء... هذي الأمانة يا عذبة ما تفرطي فيها... ولا تعطيها لمين ما كان.... إلا في يد زوجها... لا تضايقيها...لا تزعليها...حني عليها.. ناصر يا عذبة ما تقسي عليه...عوضيه عني... لا تحسسيه بفقد الأم مثل ما فقد أبوه... وأبوكي يا عذبة...تمنيت أشوفه قبل ما أموت... لكن يومي أقرب مما تصورت... عذبة...إذا رجع أبوكي قلي له أني أحبه... أحبه من كل قلبي... وإنه هو الوحيد اللي أسعدني وعوضني عن حنان أمي ... كان ودي أقوله هالكلام بس... الله كتب إني أموت قبل لا أشوفه... عذبة...إذا رجع ماجد..قلي ...له... يتزوج...." مدام أمينة: يا قلبي عليها.... عذبة: هذي آخر كلمة سمعته منه... سكتت وبعدين راحت بغيبوبة... وبعد ساعة وشوي طلع الدكتور يقول لنا توفت... توفت فرح...إيه توفت... تبكين يا ماما... !!!؟ تدرين إني ما بكيت... جلست بزاوية تحت الكراسي... وضميت رجولي وحطيت راسي على ركبي... وصرت أشوف الدنيا تمر من حولي سريعة... أشوف الناس تبكي وتصرخ وأنا ساكته... ترن بإذني كلماته... حسيت برجفة... وخوف...حسيت إني طفلة ضيعت أهله بالحرم... ومالقتهم...وحوله شحادين...وحرامية..أو هي يتهيأ له إنهم حرامية... حسيت نفسي بدوامة من الخوف والرعب... صرت أغمض عيوني ما أبي أشوف اللي حولي... وكأني النعامة لمن تدس راسها بالتراب... وكل ما زاد خوفي زاد شدي لرجليني على صدري... بعدين لمن شفت جدي ...جاي لمي ... حسيت إني لقيت الأمان... رميت رأسي على صدره وصرت أنتفض... جلسن على رجلينه وصار يقرا علي قران وينفث علي.. حد ماراحت النفاضة ونوبة الرعب تدريجياً... ورحت وقفت للعزاء... ووقفوا معي أهلي...عماني...وعمتي وجدتي... وخالتي وزوجة خالي وبناته... ما أدري كنت بالعزاء مع الناس ولا ني معهم... جاء كثير من صديقات أمي من الطبيبات والطالبات... والمريضات اللي عالجتهم... كلهم كانوا مفجوعين... تصدقين يا ماما أني إنبسطت يوم شفت الناس كلهم حزنانين عليه.. حسيت إن تعبه وجهده ماراح سدى... وإن الناس لسى به خير... وتقدر المعروف... ********* "في غرفة عذبة" أسندت رأسها على الوسادة...حاولت أن تنام...ولم تستطع... تنهدت ثم جلست..رفعت رأسها ونظرت لكومة الأوراق والمستندات... أشاحت بوجهها, فتحت الدرج وأخرجت صورة زواجها تضم أمها وسعود وهي ومشاري, إبتسمت...ثم أحضرت قلم أسود وطمست على صورة مشاري.. تمددت مجدداً ثم همست: ياربيه...اليوم ولهانه عليكم...ولهانه حيــــــــــــــــــــــــــــــــــــــــــل.. يمه...بعد شهر ملكتي...سعود حبيبي إرتاح بتزوج فيصل...بس ما ودي ... فيصل مب اللي على خبرك...مابيـــــــــــــــــه... يووووووووه وش هالنشبة... رفعت سماعة الهاتف وإتصلت بأفنان.._ أفنان: ألو....... عذبة: السلام عليكم... أفنان: وعليكم السلام...عذيب وش عندتس...وش تبين؟ عذبة: أبي سعود...أبي أمي... أفنان: ...........................حبيبتي إقري المعوذات ونامي... عذبة: طيب شسوي...ولهانه عليهم... أفنان: إدعي لهم.... عذبة: أفنان....ما أبي أتزوج فيصل.... أفنان: آها...يعني من الآخر متضايقة من سالفة فيصل.. عذبة: يوووووووووه...لو فيه سعود ولا أمي مادقيت عليتس... إفهميه عاد وفكين منه... أفنان: قالوا لك أم عبدالله أنا؟ عذبة: والله خايفة من هالزيجة....وينك يا سعود.. أفنان: لو فيه سعود كسر خشمك وزوجك إياه... عذبة: لا...سعود حبيبي ما يسويه... أفنان: طيب....كلمي فيصل وقولي له ما أبيك بالعربي الفصيح.. عذبة: أخاف منه....وبعدين على بالك هو ما يدري إني ما أبيه... أفنان: تبين شوري... دقي على أحد يقنعه ...نجود مثلاً.. عذبة: يعني بيسمع كلامه؟ أفنان: لا...بس هو عنده كرامة...بيستحي قدام أهله إنه يبي وحده ماتبيه... عذبة: إي والله إنك جبتيه.............. أفنان: الحين أقدر أنام....؟ عذبة: إخمدي يا برميل النوم...أنتي ماتشبعين نوم...؟ أفنان: لا...تصبحين على خير... عذبة:وأنتي من أهله...سلمي على مامتك... _إتصلت عذبة على جوال نجود_ نجود: هلا وغلا... عذبة: السلام عليكم... نجود:وعليكم السلام والرحمة....وش عندتس متصلة.. تصدقين توقعت جوالي بينسى رقمتس... عذبة: وش عندتس للحين مانمتي... نجود: عندي شيتات بالهبل... عذبة: الحمدلله اللي نجان من الهبل... أنتي صاحية لحالتس... نجود: لا.... فيصل داعس راسة يحسب ويربط... ومجيد منبطح عنده يقربع معه...وش هالشغل اللي عندكم...؟ عذبة: .......إيه عشان المشروع...لا بس واجهنا مشكلة بالعمال... إن شاء الله فيصل يفك الأزمة.. نجود...أقدر أكلمتس بموضوع...تكونين لحالتس...ولا تدرين تعالي لي.. نجود: أبجي بس جهزي القهوة...ولا تدرين بجيب زمزميتي معي... عذبة: أيا العجوز ماتمشين إلا بهروين ************ " في الصالة" نجود: خير ... وش عندتس؟ عذبة:............................شوفي نجود أنا بطلب منك طلب صغير... وأنا متأكدتن إنتس منتب رادتن.... نجود:وشو؟ عذبة: قولي لفيصل يدور نصيبة مع وحدة ثانية غيري... أنا ما أبيه... نجود:................................طيب انتي قولي ما أبيه... ولا يعني مراعيته ماتبين تفشلينه قدام الناس!! عذبة: لا... بس حنا أهل... فيصل بيقدر موقفي..لكن أهلتس لا..بيزعلون...وخواتي بعد بيزعلون...أنتي عارفتن قدر فيصل عندهن.. ولو هو اللي ما يبين يصير اهون لآني مطلقة ومعه حق... لكن انا بصير بنظرهم متعجرفه و... نجود: وأنتي كذلك....... عذبة:...................نجود انتي تقولين هالكلام!!!! نجود: أجل وش تسمين هاللي تسوينه...إنسان تحمل إهانتس له.. ...وقف بيوم زواجتس زيه زي أخوتس.. ويوم إحتجتي له وافق إنه يتزوجتس وينسى كل شي.. ويركض بشغلتس الليل والنهار ولا تقل فلوسه هو... وش تسمين هاللي سواه واللي أنتي تردين عليه فيه... عذبة: مثل ما تسمين رفضتس الزواج... أربعة من أحسن الرجال تقدموا لتس ورفضتيهم... علشان واحد مات...ولو كان أخوي... كلنا نتصرف تصرفات تنبع من قلوبنا ... رغم إيماننا العميق إنه غلط..إلا إننا نستسلم له... صح!! نجود: لا...لا تكذبين علي يا عذبة وتقولين إن حبك لمشاري هو اللي يمنعتس تتزوجين فيصل...أنا أشوف بعيونتس شي ثاني... أشوف كره وإحتقار لفيصل...أنتي وحده تكره اللي يركض وراه.. وتحب اللي يبعد عنه...إنتي تحبين النجوم وتكرهين الثمر... أنتي تكرهين فيصل عشانه يحبتس من قلبه... ومخلص لتس..أنتي تنتقمين من اللي سواه مشاري بفيصل..فيصل ماله ذنب...ماله ذنب... عذبة_تبكي_: حرام عليتس تتكلمين بمثل هالكلام... هذا وأنتي أقرب الناس لي... أنتي اللي أبيتس تساعدينن طلعتي بهالشكل... نجود: لاتصيحين...الدموع مولايقه عليتس... مو أنتي عذبة القوية...اللي ما تتنزل لأحد...!! ما تخدعن دموعتس... تقولين أنا أقرب الناس لتس وأنتي حتي السبب الحقيقي لطلاقتس ماقلتيه.. بعد الطلاق إعتبرين وحده بعيده كل البعد عنتس... وكأن طلاقتس أنا اللي متسببه فيه... من بعده وأنا آخر إنسان تشتكين له... آســــــــــــــــــــــــفة لكن عمي اعز من إني أزعله بسب وحده مثلتس... عذبة: نجود!!! مايعني إني أبعدتس من دائرة همومي إني إعتبرتس بعيده.. كثير مشاكل ما كنت أقوله لأمي عشان ما أزعله... أنا ما أبي الهم اللي بي يسكن أحد غيري... نجود:وافنان .........ولا فنو مو أحد؟ عذبة: أفنان مو من لحمي....أفنان تزعل عشاني لحالي ماله دخل إلا بي أنا... الناس اللي بشكي منهم ما يصيرون له... ولا تحس فيهم...عشان كذا...أفنان ماتحس بمقدار الألم اللي يسكنن... واللي أنتي بتحسين فيه مثلتس مثلي لو بقولتس.. نجود... لاتظنين إني نسيت صداقتي معتس... لكن أنا نفسي فيه أشياء إنصدمت به ... وجرحتن... تمنيت إني ماعرفته....أشياء لو ماكنت عارفتن به... كان انا الحين مرتاحة...إفهمين يا نجود... نجود: يمكن!! بس على عمي فيصل تحطين حرتس..لا.. عذبة: فيصل راس البلا.... والبلاء كله منه... نجود: وش سوا؟ عذبة: آسفة.... خلاص...أنا متعجرفة وأكره الناس اللي يحبونن وأنتقم من عمتس باللي سواه لي مشاري... حقتس علي إذا زعلتس... تصبحين على خير............ نجود: عذبة!!! عذبة:وراتس شيتات....روحي سويه... والبيت بيتس...أنا تعبانه برقى أنام... ************ ................................................ "في غرفة عذبة" أخرجت ورقة وكتبت عليها: ليه انكسر ... مثل القزاز .. كل مرةٍ .. أبوح همي .. وتسمعه ياصاحبي .. وش حاجتك .. في غرشةٍ طاحت شظاياها بيدك .. وش حاجتي .. فما تجمعه .. لي صاحبٍ .. كل مااشتكيت .. همي عليه دايم يجرح اصبعه .. واصاحبي الشكوى بها ذل .. حدٍ رهيف .. أنما جرح يقتل .. الشكوى ماتلبس ثياب.. عريانةٍ ماتلبس ثياب .. في وجه راعيها .. أموت أنا لو قلتها .. وأموت ابخفيها .. ياهيه .. وان كانك رفيق قم دلنى .. على طريق .. ماهو يوصلني لطريق .. عن يمةٍ .. غير الجهات الأربعه .. اطلق حبال الليل .. خل الظلام يسري .. المركب اللي كل مافل الشراع .. قلنا بعد بدري ابي .. اوقظ النوم .. وأهدهد اسهادي.. أحفر في رمل وسادتي .. قبرٍ وسيع .. أبي ادفن اعنادي .. ابطرد الدنيا ورى باب الجفن .. وأغمض اعيوني .. مابي اعض ابهامي بسنوني .. واشكي عليك .. الليل كله .. ياصاحبي نجم يطيح .. خله .. خله يطيح .. لاترفعه .. أنا انكسر مثل القزاز .. كل مرةٍ تدري بهمي وتسمعه ..** أخرجت لوح شيكولاتة فاخر ولفت الورقة عليه وألصقتها... دخلت غرفة نجلاء وفتحت الشرفة برفق ورمت بقطعة شيكولاتة , إرتطمت بشرفة غرفة نجود, وحين رأتها قادمة نحو الشرفة أغلقت الشرفة بسرعة وهمت بالخروج.. إلتفتت على نجلاء ... نائمة بعمق وهدوء ثم مالبثت أن بدأت تتقلب بعنف يمنه ويسرة وتحاول أن تمسك شيئاً في الهواء, وتتمتم بكلمات أشبة ما تكون للهذيان , إقتربت منها عذبة ومسحت على رأسها ثم جلست نجلاء مذعورة وهي تصرخ: لا تروح!! لاتروح!! أمسكت بها عذبة وضمتها قائلة: نجلاء بسم الله عليتس قومي...بسم الله عليتس... نجلاء_وهي تنتفض_: لا تخلينه يروح...إمسكيه...إمسكيه.. عذبة: منهو؟ نجلاء: سعود...سعود دخل وفتح البلوكنة وطب منه... قولي له ... أبي أخمه...أبي أسلم عليه ...لايروح... لا يروح.. عذبة: حبيبتي ...هذا حلم....إشربي الماء... نجلاء: لا...دخل هنا شفته بعيني...دخل!! قولي له لا يروح...قولي له لا يروح.. عذبة: طيب..طيب...بس أنتي إشربي.. _شربت نجلاء ثم نظرت لعذبة فذرفت دمعة حارقة قائلة_: سعود راح...سعود راح ومب راجع... صح!! أنا أحلم...سعود مات ومستحيل يرجع... صح!! عذبة: الحمدلله.... الله يجمعنا به بجنات النعيم... نامي حبيبتي... أنتي تعبانه من النادي والسوق.. نجلاء: أصلاً ما مشيت بالسوق...جلست أنا ونورة... وراحت ليلى...وبالآخر ما طلعت بشي... عذبة: ذوقه صعب.. نجلاء: عذوب...إذا تزوجتي فيصل بتجلسين هنا عندنا.. عذبة: أكيد...!! نجلاء: أشوا....أخاف تروحين عنا بعد أنتي.... طيب ...ناصر بيتم ينام معتس؟ عذبة_تمط شفتيها_: وش مناسبة هالسؤال؟ أقول نامي ... وخلين أنا وناصر نتفاهم... نجلاء: طيب مابي أنام قبل ما تحبينن وتنامين معي.. عذبة: أحبتس إيه أنام معتس لا.. نجلاء: إذا نمت روحي...زي امي .. عذبة : طيب إذا بس أنومتس...ماتبين أقص لتس قصة سنووايت.. نجلاء: لا...أبي قصة من قصص جحا... عذبة: طيب...هذا جحا كان مرة ماشي بالشارع ومير يشوف جماعة من الناس يركضون , .................... _نامت نجلاء فخرجت عذبة من غرفتها, وتوجهت نحو غرفتها لتنام, وهي تفكر بحلم نجلاء, ولم تجد نفسها إلا أمام غرفة سعود... عذبة: وأنا وش جابن....يووووووووه.. تدخل عذبة جناحها , وتتجه مباشرة لغرفة الملابس, تفتح الدولاب وتخرج صندوق صغير, فتحته بعنف وأخرجت مفتاح , ضمت المفتاح لصدرها وخرجت مهروله لغرفة سعود, فتحتها , وقفت مترددة أمام الباب , أخذت نفس عميق, ودفعت الباب ودخلت, الغرفة مرتبة عدا ملابس سعود المتسخة مرمية بجانب شبك الغسيل, واللحاف مجمع بوسط السرير, وكومة الدفاتر مبعثرة على المكتب, فتحت الدولاب, وأخرجت بدلة الكاراتيه سحبت الحزام الأسود وربطته على خصرها, إلتفتت فرأت الدروع والميداليات المعلقة بجانب المكتب, ورأت مفاتيح سيارته بجانب السرير فوق دفتر جامعي أخضر, جلست على السرير, وأخذت المفاتيح, ضمتها على صدرها, ثم أخذت الدفتر وفتحته, دروس ورسمات لم تفهمها ولا تعني لها شيء, سيارات مرسومة على أطراف الأوراق, رأت في احد الأوراق تعليق على طرف الدفتر, "عبود....دريت بتزوج...بس بعد سنه...والله..بنت عمي...إيه أخت مجيد" في الصفحة الأخرى " يادب...أنت ما تجي هنا إلا وتنام!!...ترى الدكتور بيشوتك أنت وكرسيك برا... بعد هذي عندي أوف...خلنا نقهر مجيد... بتروح معي.. ليه!!؟...يا ثقل دمك أنت والنوم...عندنا بعد الظهر محاضرة مع دكتور شحاته... ما يمدي...لا..أقول الشرهه مب عليك ..قل لعبود كان يطلع معي...وه يا ثقل دمكم إثنين..." مسحت دموعها وهي تقلب الأوراق, سقطت قصاصة من مجلة, أخذتها فوجدت قصيدة للأمير الشاعر بدر بن عبدالمحسن: لا انت حارس للنجوم .. ولا انت غارس للقمر وما انت حابس للسموم .. ولا انت حاسس بالمطر شايلٍٍ هم التراب .. وشايلٍ هم السما وانت يغويك السراب .. وانت يقتلك الظما تحمل هموم وهموم وانت فـي الآخر بشر *** لا انت فارس هالرمال .. ولا نوارس هالبحر أعظم حروبك خيال .. واقصر دروبك سفر شايلٍ هم الصديق .. وشايلٍ هم العدا ليه تمشي والطريق .. كل ما خلص .. بدا وليت به شيٍ يدوم وانت فـي الآخر بشر *** لا انت عاشق هالزمان .. ولا مشانق هالزهر انت تحتاج الأمان .. لو تعانق لك حجر شايلٍ هم الغياب .. وشايلٍ هم اللقا كافي ضيعت الشباب .. لا يضيع اللي بقى ما لأوهامك لزوم وانت في الآخر بشر رمت عذبة برأسها على وسادته وصرخت: آآآآآآآآآآآآآآآآآآآآآآه يا سعود.... ليت به شي يدوم!!! وأنا بالاخر بشر .... أنا أحتاج الأمان... بس وين هالحجر؟!! شايله هم الصديق ... وشايله هم العدا!!! وأنا بالآخر بشر... وأنا أحتاج الأمان!! وين ألاقي هالجحر!! كافي ضعيت الشباب!! لا يضيع اللي بقى آآآآآآآآآآآآآآآآآآآآآآه يا سعود... آآآآآآآآآآآآآآآآآآآآآآآآآآآه ...أنا أحتاج الأمان... وانا في الآخر بشر... إيه انا بشر... سعود!! من غبت غاب الأمان... وأنا في الآخر بشر... ليه يا سعود حطيت لي هالقصيدة... دايم تحس بي بحياتك... وبعد موتك!! ليه يا سعود!! كنت حاسس إني بقراه وانا احوج ما أكون له...!! ولا كنت متضايق من همومك وانت في الاخر بشر... يوه يا سعود ما كنت أدري بثقل هالهم!! كنت متضايق!! وأنا ما كنت أحس بك!! ولا أنت رجال ما تهتم!! بس أنت بالآخر بشر!! آآآآآآآآآآآآآآه يا سعود خايفة يضيع اللي بقى!! خايفة ... مادري ليه يا سعود...أمشي والطريق ....كل ما خلص.....بدا _وقفت ونظرت لوجهها بالمرآه, فرأت سعود خلفها, إلتفتت ثم ابتسمت توجهت نحو صورته المعلقة, وهو يؤدي أحد حركات الكارتيه, لمست الصورة ومسحت الغبار عنها ثم همست ضاحكة: مو لايق عليك ....ماتخوف.... إيه حتى لو أخذت الذهبية بالكارتيه..._تخرج لسانها_ ماتخوف!!! _ضمت الصورة , وضحكت بصوت مسموع يشوبه غصة, ثم إنحنت على المكتب وأخذت قلم خطاط, وكتبت على مرآته: تعال أشكي لك الأحزان بغيابك تعال إسمع وناظر رجفة أشعاري تعال.. الهم صار اليوم بأحبابك ورسم الآه في صفحات أخباري** "في غرفة ليلى" فتحت ليلى رسالة تفوح منها رائحة عطر رجالي قوي, كتبت بخط كبير وجميل, تناثرت منها ورقات جورية حمراء قد ذبلت, قرأتها بصوت رقيق وهادئ: على ذاك الطريق اللي يسمونه غرام أحباب وطت رجلي على دربه ولاأدري وش نوى فيني تبعته لآخر دروبه .. ألين أن القمر قد غاب تعب قلبي ، ولا تعبت مسافاتٍ توديني لقيت الليلة الجردا : هدب ظل وسما واعشاب بعد ذاك الظلام اللي يتوهني عناويني صدفتك معجبه فيني وياليت..الغرام : اعجاب وتراك انتي الهنوف اللي هقيتك تستحقيني عطيتك عشق من قلبي..وسلمت لغلاك رقاب وغيرك يحترق قلبه ولا يقدر يحاكيني أنا قبلك صدفت عيون لكن ويش جاب لجاب؟ ترى كل العيون اللي لقتني ما تكفيني رماني حظي العاثر عليك وجيت لك طلاب ولا أنتي اللي عشقتيني ولا انتي اللي عتقتيني تعالي واعتقي ذاك الخفوق المولع المرتاب مهب لاجلي ، عشان الله يجازيك ويجازيني تعدي في سما عشقي ولو عشقي خراب أصحاب وصوني بالهوى نفسك قبل لا انتي تصونيني وشيليني على متنك : خفوقٍ باريٍ منصاب ومن فوق الغرام العذب .. شيليني وحطيني ولا منك هقيتيني شجاع وما يطيق يهاب أنا لك بالهوى والله مثل ما انتي هقيتيني أنا ما أمشي ورا غيرك ولو أنه يطق الباب وترى عيبٍ عليّ أطعن..ولو كثرت سكاكيني زهودٍ ما يطيق الدم لا داين ولا طلاب شجاع وعارفٍ نفسي وأظن أنك تعرفيني غيورٍ ماعرفت أضحك مع الغدر ببّرود أعصاب أبيع عيوني الثنتين قبل أنك تخونيني إذا شد الغرام .. اترك خفوقي : بين ناب وناب لفرقى تكسر ضلوعي .. ولا عشقٍ يوطّيني أنا رجلٍ ولي غيره .. وإذا شفت الهوى كذاب تثور بقلبي الفزعه ولا تهدى شياطيني سؤالك لو يزعزع بي كياني ما قبلت عتاب اجي لك وأسالك نفس السؤال اللي سألتيني عن العشق القديم أبواب .. تقفيها كثير أبواب بعد ذاك الحبيب اللي خدعني وانخدع فيني أبي عشق تحسب له كل نظرات العيون حساب وابي قلبٍ علي قلبي ، وابى دينٍ على ديني وابي نظرة عطا توفي ولا تخلف بدون أسباب وابي منك قبل لا نتي تصديني .. توديني وابي دربٍ على العذال صعبٍ ومتعبٍ وغلاب وابي نفس الطريق الصعب يبعدهم ويدنيني ترى لو للقلوب عيون ولدموع العيون أهداب حشى ما تنزل الدمعه لغيرك لو تركتيني أنا أول من عرف قدرك وأنا توي صغير وشاب وابي منك ما دام أنك عرفتيني تحبيني ما دام أني لقيتك في طريق أسمه غرام أحباب دخيل الله ، وبعد الله دخيلك .. لا تخليني ما دام أن كل من يحيا على وجه التراب تراب عسى تنساني الدنيا مادام أنتي ذكرتيني ** المخلص....مؤيد سحبت خصلاتها السوداء المتوجة ونظرت لأعلى ثم تبسمت قائلة: عنيد...ومغرور بس حلو عليك!! والله اكسر غرورك بنظرة.... _الجوال يرن, قفزت وأخذته , نغمته الخاصة, نظرت للجوال ثم صرخت:_ لا ماني راده الحين....خلك تعرف تشوف نفسك... يوووووه ...مستمر ذا... أمر لله.. الحب غلاب... آلو...مؤيد شتبي أزعجتني؟!! مؤيد: هلا والله بهالصوت...أقلد صوتك!!؟ ليلى: لالا... تخرب صوتي عاد... مؤيد: مقبوله منك... بالله أزعجتك؟ ليلى: إيه.... مؤيد:آسف يا روح روحي...ياعمري أنتي...بس مشكلتي الوحيدة إني أحب الإزعاج.. ليلى: وش تبي؟ مؤيد: إمممم أبي أسمع صوتك... ليلى: طيب سمعته ...شي ثاني...؟ مؤيد: أبي أشوفك!! ليلى: لا....مو كفايه الرعب اللي عشته أمس بالسوق... لالا...يكفي أمس...وبعدين أختي قشرا وأخاف تكفشني.. مؤيد: طيب...ما سوينا شي غلط...!! حنا بمكان عام...وأختك هذي لو هي مو أختك كان أدبتها... ليلى: لا عاد...كلش ولا عذوبة!! تراي أجرمت أمس....تراها والله مخاطرة... مؤيد: أدري إنك خاطرتي عشاني... بس العصلاء والدبا اللي معك عسى خفتي منهم...!! شكلهم مفيهين...ولا عاملين لأحد حساب... مؤيد: على أعصابي.... مفهين!! إلا جنيتين صغار ذولي عفاريت... مو عشان كذا أنا كله على أعصابي... مؤيد: طيب وش رايك فيني...؟ ليلى: متغير عن الصورة شوي... مؤيد: شاين!!! ليلى: مو مرة....بس مرة ثانية لاتحط ميك أب... مؤيد: والله ما حطيت!! بعدين أنتي غريبة مما سألتني وش رايي فيك.. وخصوصاً إنها أول مرة أشوفك؟ ليلى: أدري وش بتقول....مثل كل الناس... حلوة...وأنيقة...صح!! مؤيد: لا...شينه وتقرفين... ليلى:أناااااااااااااااااااا!! مؤيد : إيه أنتي....حلوة وأنيقة!!! من اللي كذب عليك حبيبتي؟ ليلى: أجل ليش متصل؟ مؤيد: لأني أحبك...بس مو عشانك حلوة وأنيقة!! ليلى: زين... لا تتصل مرة ثانية... مؤيد: وأنا على كيفك إتصل ولا لأ... ليلى: باااااااااي.. _تغلق السماعة بعصبية, ثم تنظر للمرآه, فإنفجرت ضاحكة... ليلى: حمار.... بس خطير... هو الشين... بس يالبى عليه...أموت فيك يا مؤيدوه.. _رن الجوال فإنتفضت_ ليلى: أدري متصل يتأسف...منب راده... _تكرر الإتصال إثناعشرة مرة وفي كل مرة تصارع نفسها أن لاترد عليه, ولكن إستمراره بدأ يثنيها_ ليلى: نعم!!! مؤيد: حبيبي آسف أزعجتك...حلو صوتك قبل لا أنام... ليلى: سخيف!! مؤيد: أجل ليش رديتي علي مادامك عارفة إني سخيف...مع السلامة قبل لا تطبقينها بوجهي.. طووووط طووووط {: ياربيه....ههههههههههههههههههههههههههه خبل هالولد....بيجنني معه...يالبى قلبه.... "في منزل مها" مها: فهد!! الله يخليك يكفي....حرام عليك...!! أنت ما تحس!! فهد: أنا ما أحس!!! لا.... حرام علي أظلمتس عشاني.... أنتي من حقك تصيرين أم... وإذا ربي حرمني أكون أب ليش أحرمك معي؟!! مها: ياربيـــــــــــــــــــــــــــــــه....إسمع فهد ... أنت مالك دخل..وإن طلقتن ترا والله ماعاد أتزوج... مابي غيرك ...مابي... فهد: مب شغلي تتزوجين ما تتزوجين راجع لتس.. لكن انا بريح قلبي... وأنا قررت خلاص.... مها: فهد أحب راسك...الله يخليك... فهد: لا تحاولين...انا مستحيل أتراجع عن هالقرار... أنا إستخرت ولقيت إني إرتحت لهالقرار... مها: طيب...خلاص آخر شي ذا؟ _يقترب فهد من مها المرتميه على الأريكة تبكي, ويمسك بيديها ويطيل النظر لها ثم يقف ويأخذ شماغه , ويدير ظهره ليخرج, فيلتفت قائلاً_: مها.... حبيبتي لاتزعلين من...أنا واثق إنتس بتقدرين موقفي... مها تعيشين مظلومه طول عمرتس أهون من إنتس تحسين لو للحظة... إنتس انتي الظالمة...مها...صدقين هذا آخر حل...آخر حل... مها: فــــــــــــــــــــــــــــــــهــــــــــــــــ ـــــــــــــــــــــــــد.... أنت ما ظلمتن...ماظلمتن!! أنت كل دنيتي اللي بقت لي... انا من بقى لي غيرك!! أمي مشغولة عن بهمومه اللي تهد جبل... وأختي بعيده وسنين ما شفته... وأخوي مات... من لي غيرك!! أنا أبي اكون معك...وبس...قلت لك مليون... ماااااااااااااااااااااااااااااابي عيال!! فهد_دون أن يلتفت_: مها .....أنتي طالق.... _يخرج فهد ويتردد صوت إغلاق الباب الحديدي في انحاء المنزل ويخالطه نحيب مها_ ...................................................... "الفصل السادس عشر" "بعد يومين" "في غرفة فيصل" فيصل: مجيد....تعال كلمت أبو فراس.... عبدالمجيد: لا .... فيصل: ياخي قله بأسرع وقت....العظم أصعب شي...ولازم يحظر صبته هو... ياربي عليك مبرد....هيه انت خل الكمبيوتر وناظرن... إسمع ... لازم يسافر لعرعر...ويتابع ...مجيد وش بك مفهي...هيه... عبدالمجيد:.................فيصل!!! شف....سعود أون لاين... فيصل: لا تخنبز ...تراي منب فاضي.... الله يرحمه.... عبدالميجد_يصرخ_: شف ...شف... والله ما أكذب!! والله سعود...والله!! فيصل_يسحب الكمبيوتر المحمول_: ...............شلون.... يمكن هكرز....بس...خندخل عليه... _يكتب عبدالمجيد وفيصل لسعود_ عفوا صاحب الإيميل متوفي.... مايحق لك تفتحه... فيصل: شف طلع.... عبدالمجيد: أبصم لك هكرز... فيصل: ........... مادري...بس هذا هكر مؤدب... عبدالمجيد: أكيد كوش جلده .... فيصل ...أنت زيي...ماشلته من الماسن حقي... فيصل: ماشلته من الماسن ولا شلته من حياتي... كل شي إرتبط فيه....عجزت أعيش حياتي بدونه.. حتى وهو ميت عايش بداخلي..... عبدالمجيد: مسكينه......أجل هي وش بتقول...؟ فيصل: ...... عذبة!!! والله ...إيه عذبة...صح.. عبدالمجيد: أجل من غيره؟ فيصل: إيه صح من غيره...من غير عذبة... مجيد....ماتلاحظ شي... عبدالمجيد: وشو؟ فيصل: ليلى صايرة دايم تطلع و....مادري أحسه مب طبيعية... سمعته مرة تكلم بصوت ياي...كان ودي ألفعه ... عبدالمجيد: هي كله ياي...متى سمعته؟ فيصل: بالمخيم.... عبدالمجيد: وانت سمعته تتكلم ياي...وبنيت عليه دايم تطلع... لا تطلع ولا شي...ماتخليه تطلع إلا ومعه احد... فيصل: صحيح!! من قال لك؟ عبدالمجيد: نورة!!! فيصل: نـــــــــــــــــــــــــــورة!!! والله يموت حمار!!! شلون قالت ذي شي خطير زي ذا... عبدالمجيد: تبين أوديهم عشان أمي عيت يروحن مع السواق وما معهن نجود ولا عذبة... وقالت إن عذبة معيه تروح ليلى لحاله للسوق... فيصل: إيه السالفة به مصلحة!!! ********* "في غرفة أفنان" أفنان: وش فيك عذوب؟ عذبة: مادري شقول...بس...بقول لتس شي... أمانه ...أمانه أحد يدري.... أفنان: عذبة ...حبيبتي مو قلنا بلاش كلمة أمانه...حلفيني بالله... أخاف يدخل بالشرك.... عذبة: أستغفر الله...ياربيه...من حنا صغار نقوله... إيه وش كنت أبقول.... إيه بجد...والله إستحلفتس بالله.. أفنان: ومن متى قلتي لي شي وقلته... عذبة: مو قصدي... ياربيه....أنا... أفنان: يا فقمة ...نشفتي الدم بعروقي!! وش فيه؟!! عذبة: لا...خلاص هونت...أفنان...لقيت ورقة بغرفة سعود.. أفنان: دخلتي غرفة سعود!!!! عذبة_أومأت برأسها وتقاطرت دمعات على خدها وعلى وسادة أفنان_: .........قبل إسبوعين............. أفنان: ليش!! بكيتي...فضفتي...ولا زدتي؟ عذبة_بصوت مبحوح_: بكيت وضحكت.... كل شي بهالغرفة يحمل ذكرى تجمعنا... الصور....والملابس... دايم نشري مثل بعض... ويوم جينا للسعودية...صار يجيب لي بدلات رياضة مثل حقاته.... مع إنه يدري إني ما ألبس بناطيل... دايم أمي تهاوشة بس يقول ما تسمح نفسي أشري لي لحالي... أثاث غرفته نقيته معه.... أدق التفاصيل رسمناه جميع... حتى دفاتر الجامعة كنت انا اللي أشريهن له... ريحته يا أفنان...إلى الحين بغرفته... بس إختلطت مع ريحة الغبار ملابسة الوسخة شميته... تمنيت لو به ريحة عرقه.. أدري بتتقرفين...بس أبي أي شي منه... لو عرق... ...أتمنى أشوفه...أتمنى يجي ميخالف .... بسمح له يلوي يدي...وبسمح له يشقلبن... والله ماراح أقول أي...ماراح أقول له يا دفش... بس هو يرجع... أبيه يدخل غرفتي وأنا نايمه...ويصرخ علي... " يا برميل النوم يا الفخيخ..." ماراح أزعل عليه ما راح أطرده وأسكر الباب... ماراح أنادي امي تطلعه بالقوة... أمي...لا بنادي امي عشان أشوفه... يوووووووووووووووووووه يا أفنان...ضعت انا بعدهم... ضعت بعد أبوي ناصر... صوت عصاه يرن بذني.... تدرين يا أفنان... ساعات أكره أمي عذبة ليش عذبت أبوي ناصر وذلته... وساعات ألوم نفسي على هالشعور... أفنان....كل شي بالبيت صار غريب... نجلاء... تقطع قلبي.... أحس فقد أبوي ناصر مأثر عليه... وما تبين عشاني...دايم تضحك هي ونورة... والله العالم وش نهاية هالضحك... ليلى....دايم مسكرة عليه باب غرفته...حتى نجلاء ملت منه... حاولت أتقرب له...بس يمكن الصدمات خلته كذا...مادري.. ناصر....لاهي مع أحمد...بس دايم يسأل عن عمتي مها... مها....مادري من وقت أدق عليه وتقطعه بوجهي... يمكن زعلانه...بس انا نفسي زعلانه من نفسي... أفنان: ليش زعلانه..أنتي مسويه لها شي؟ عذبة:..................لا...بس عييت اعطيهم ناصر... ومن زمان ..بس هي ليش توه تزعل ما أدري... افنان: طيب وش اللي بغرفة سعود لقيتيه... عذبة: ورقة...._وسلمتها الورقة_ أفنان: يوووووووووووووووه كنه داري عنك!! تدرين....فعلاً أنتي بشر...مو قد هالحمل... وتعاندين فيصل بعد... تبين شوري خذيه... هو بس يبي ينتقم لكرامته... ولو ماهو يعزك كان ما حاول يتزوجك مرة ثانية!! وبعدين ...لو ...لو قلنا مثل أمي إن عينه على الحلال... كان سرق من زمان...وخصوصاً إن كل شي بيده... وغيره سرق...وهو سجله ابيض... يعني الرجال مب حرامي... خليه يحافظ عليك وعلى خواتك... ويربي ناصر.... ويفكك من شر سعد الحرامي... عذبة...هيه تسمعيني!! عذبة: ...........إيه أسمعتس... كلامتس نفس كلام ماما أمينة... أفنان: خلاص...حبيبتي ...تملكي ...وخليه يدللك... ويسمعك الكلام الحلو...من زمان ما سمعتي كلام حلو... عذبة: لا....من الحين الشيخ وهو يسمعن الكلام الحلو... مادري الرجال تجرأ يوم مات أخوي... ما أدري وش سالفته... أفنان: لالا...مو قصده ... بس هو أكيد... حاس إنك متضايقة... و... عذبة:و بيهك علي!! بيواسين...راحمن...!! صح!! أفنان: لا.....................أنتي اللي مو راضيه تهضمينه... أنتي للحين ما نسيتي مشاري... صح!! عذبة: أكذب عليتس إن قلت لتس نسيته.. أفنان: .....................عذبة...ليش دخلتي من إسبووعين غرفة سعود ولا قلتي لي إلا الحين.. عذبة: ..............................لأن... أفنان: لأن إيش؟....قولي أنا بتنفقع مرارتي من اللقافة... وش لقيتي بغرفة سعود!!؟ عذبة: ما تستحقرينه....والله للحين ما تأكدت...بس انا ودي اتاكد... أفنان: اللهم طولك يا روح!!! عذبة: طيب ....طيب...لقيت سعود ...مضيف بنت بالماسن!! أفنان: وشــــــــــــــــــــــــــــــو!! طيب يمكن يكون سوء فهم!! ************* "في الصالة" نجلاء تتعارك مع ناصر وأحمد, نورة تشجع بحماس, وليلى تعلق على المباراة... ليلى: عنف!! نجلاء تتصدر قائمة العنف.. إنها تتسبب الآن في رمي نصور خارج حلبة المصارعة... أحمد يعاود الكرة...يفشل يا للأسف!! نجلاء للمرة العاشرة تحصل على الميدالية الذهبية... نورة: لا تيأس...أحمد يا الدردغانه...إسطره مخمس.... تعلق بالكشة...نقطة الضعف!! أحمد: طيب..........أع... ناصر: إندلعي بث....يؤ ...هاااااااااااااااع نجلاء: شعري!!! يا حمار إلا شعري....سأوسعك ضرباً.... أيها الصلعوك... عذبة_وهي تشتغل على الكمبيوتر_: صعلوك!! مب صلعوك!! _تفتح عذبة الماسن , يدخل فيصل مباشرة_ فيصل حتى صوتي وضحكتي لك فيها شي...: هلا والله....عاش من شافتس!! عــــــــــــــــــــــــــــــــــــــذوب: خلصنا من سالفة أبو فراس!!؟ فيصل حتى صوتي وضحكتي لك فيها شي...: إيه ...راح أبو فراس... وراح معه أبو عبدالعزيز.. عذبة عــــــــــــــــــــــــــــــــــــــذوب: الله يجزاه خير... بس لازم نسلم قبل الوقت بشوي... فيصل حتى صوتي وضحكتي لك فيها شي...: أدري أسمّع لتس كل شي... كل مرة تقولين نفس الكلام ما عندتس غيره!! عــــــــــــــــــــــــــــــــــــــذوب: وش تبين أقول؟ فيصل حتى صوتي وضحكتي لك فيها شي...: أحبك...سهله...مايبي له...أربع حروف... عذبة: ................................. فيصل حتى صوتي وضحكتي لك فيها شي...: طيب خلاص أنا بقولها لتس.... عذبة أنا أحبتس...أحبتس...أحبتس... عذبة:............................. فيصل حتى صوتي وضحكتي لك فيها شي...: ليش ما تردين؟ _أطالت النظر للكلمات ثم تبسمت وكتبت عــــــــــــــــــــــــــــــــــــــذوب: لو كـان في كفي رميته في كفك يفـداك مافي الحب من صـادق الحب تـحبنّي؟..ياعلّني بعض ضـعفك قلبي جـرادٍ بعد مـا حصـّل العشب أنا قـديم الـهم وأنفـع لعطفك أما الـهـوى ياسـيدي مركبه صعب تحبني..وأقـول من زود لـطفك شكراً صدقت..وألف شكراً على الكذب** فيصل أطال قليلاً ثم كتب حتى صوتي وضحكتي لك فيها شي...: إرفع جروحك عن وصـال الخناجـر نـزفك عــزيز ومثلك النجــم لاطـــاح مادام لك عن خفضة الهـام زاجــر إمّــا إنكـســـر ولا تعــدّاك الاريـــاح مانته بعشبٍ نـابتٍ وســط حاجـر ولا إنت بشـــراع التيـه والـوقت مـلاّح إنت الّذي باسمك تضيق الحناجر لو إنطقوا بك همس سمعوا بك صياح إرفـع جروحـك عن تـراب الخناجـر نزفـك عـزيــز ومـثلك النجــم لاطــاح** عذبة:................................. فيصل حتى صوتي وضحكتي لك فيها شي...: مابي أسمع منتس هالكلام .... ترى اللي يجرحتس يجرحن!! واللي راح ما بيدنا نرجعه.... _إنتفضت عذبة وأغلقت جهاز الكمبيوتر ثم نهضت لغرفتها_ نجلاء: عذبة....بنتعشى الحين!! عذبة: مابي...تعشوا انتم!! ناصر: أدل انا مابي!! نجلاء: ولا انا أبي!! أحمد: ولا انا أبي!! نورة:وأنا أبي!! ليلى: ياهوه....نخليهم يحطون لنا ... وتشوفين إن ما هجموا عليه!! **الأمير الشاعر\بدر بن عبدالمحسن *********** "في غرفة عذبة" ترتمي عذبة على الكرسي الصغير المركون بزاوية غرفتها, تنتفض رفعت رأسها وتدحرجت دمعة, تلمست خدها ثم ضحكت بسخرية,قائلة: عذيب!! وش معنى هالدمعة, خوف ولا قهر ولا ألم؟!! خايفة من فيصل؟!! ولا مقهورة من حركاته الماصلة؟ ولا تتألمين من جرأته عليتس؟ إيه يا فيصل....صرت تمون... ليش كل شي بك تغير بعد سعود؟!! كنت ما ترفع عينك حتى .... القيم والمبادئ اللي تتكلم عنه ماتت كله مع سعود!! يعني سعود هو اللي مانعك تسوي هالسوايا!! ولا سعود ساتر بلاويك!! والله مادري....لا يكون سعود مثلك!! لا.... مستحيل سعود عمري ما لاحظت عليه أي شي!! أووووووووووووووووه وفيصل ما لاحظنا عليه أي شي!! بس طلع المستور... أنا ولا كأني زوجته!! أحبك!! يبين أقوله أحبك!! حبحب جلده... آآآآآآآآآآآآآآآآآآآآآه من لي غيره... لازم أحبه.... وغصبن علي أبحبه .... مو عشاني...ولا عشان سعود... عشان هالأيتام اللي عندي.... ياااااااااااااااااااه تعبت...تعبت إرفع جروحك عن وصال الخناجر!! آآآآآآآآآآآآآآآآآآآآآآآآآه وش تقصد بهالكلام!! لا...أنا إنجنيت....ليش أبين له إني ضعيفة!! ليه!! هو بيفرح... لا....فيصل ...مافرح هو...زعل إيه زعل!! وإعتذر .... إعتذر يا عذبة!! نـزفك عــزيز ومثلك النجــم لاطـــاح!! يقصد إني غالية عليه!! إيه غالية!! بس هو سبب هالخراب... هو الخاين اللي دمر حياتي... بس أكيد... إيه أكيد تندم...ولا وش يقصد بكلامه... ": مابي أسمع منتس هالكلام .... ترى اللي يجرحتس يجرحن!! واللي راح ما بيدنا نرجعه...." آآآآآآآآآآآآآآآآآآآآآآآآآآآآآآآآآه والله ضعت ولا أدري الصح من الخطأ... مادري ندمان ولا زعلان لأني للحين مانسيت مشاري!! مشاري!! _قطبت جبينها_ شخباره الحين...نفسي أسأل عنه...نفسي يجي ويخطبن... وأرتاح من فيصل...لا...!! مشاري مع وحدة غيري...إيه.. شلون تفكرين يا عذيب يا خبلة هالتفكير... هيفاء مالة ذنب.... أخ يا يبه... لو تجي يوم واحد... بس يوم واحد أبشكي لك وأبكي على صدرك... محتاجتن لك الحين... أنا ضعت يبه....مادري ألقاه منين ولا منين.... يبه تعبت أمشي والطريق كل ماخلص بدا!! آآآآآآآآآآآآآآآآآآآآآآآآآآآآآآآآآآآآآآآآآآه _تدخل ليلى خلسة للغرفة وتتابع عذبة وهي تكلم نفسها_ ليلى: أنتي يا هبلة....جنيتي!! عذبة: بسم الله!! الله ياخذتس_وتسحب الخدادية من تحتها وترميها على ليلى_ يا معفنة!! هبلتين!! ليلى: عذوب... ليش تكلمين نفسك!!؟ عذبة: أنا ما أكلم نفسي....أكلم الجدار اللي قدامي... ليلى:هههههههههههه جد والله....أنتي من محادثة الماسن وأنتي مو طبيعية!! من كنتي تكلمين؟ عذبة: فيصل!! ليلى: أهااا.... إذا عرف السبب بطل العجب... قال لك كلام حلو؟ عذبة: ..................يمون مرة.... ولا كأننا مملكين.... قلة أدب....وقح!! آخر من توقعته يسوي كذا... ليلى: خير!! وشو عادي ... أنتم مخطوبين... والحب مو حرام!! ووش فيها يعني لو قال لك كم كلمة حلوة؟!! عذبة: دداددادداددادداددا _تستهزئ_ أقول لا ملكنا ولا شي.... ليلى: إيه غريبة فيصل.... مو باين على شكلة.... قومي تعشي.... وشو ذا إثنين!!؟_تنظر لكمبيوتر محمول بجانب سرير عذبة_ من حقه؟ لا يكون حق سعود!! عذبة: إيه......................... ليلى: وش تبين فيه؟!!!! عذبة: إشتقت له.... وبعدين حرام يخرب من الغبار ... أستفيد منه....حقي بدا يقرقع... ************* ...................................................... "في صالة أبناء العم" أم عبدالعزيز: أنت وش حارق رزك!! ماعليك.... أنا اللي قلت لهم يجون!! أبو عبدالعزيز: أقول أنتي يبي لتس كرب صواميل... إسمعي يجون ما قلت لا..... بس يسكنون عندي بالبيت لا... شباب يتغالون بالبيت...لا وألف لا....البيت بيت بنات!! أم عبدالعزيز: يعني عشانهم عيال إخواني وخواتي....وش عليك منهم!! البيت وش كبره وكله حدايق ومساحات....مهوب مزعجينك... بيخلصون إمتحانات ويجون...وكم باقي على الإمتحانات ووش عليهم من البنات....!!! بينامون ويقومون بالملاحق حقة الضيوف...ولا ليش حاطينهن...؟!! أبو عبدالعزيز: يضايقون بنات ماجد.... والبيتين الحين صاروا واحد... وعيال إخوانتس يتحملنهم بناتس بس بنات ماجد مهب مكلوفات بهم.... يزعجونهن ويتعورونهن... وبعدين هن يستحن يطردنهم ...مب زي عيالنا يمونن عليهم... إفهمي بيضايقونهن...... أم عبدالعزيز: يا سلام بحريقة تحرقهن!! وش علي منهن يبلشن بي ببيتي...هذي بيتي وأعزم اللي أبي!! أبو عبدالعزيز: لا...هذي مهب بيتس... هذي بيت أبوي... وبيت امي... والسور تشاركنا به عذبة... هي صاحبة البيت... والسور أكثره داخل ببيته.... يعني لازم هي اللي تسمح يجون هالجذعان ولا لا... أم عبدالعزيز: لاحول ولا قوة إلا بالله.... هذا جزاي اللي متحملة أعيش مع أهلك!! ولا هذا منيرة مرت سعد عايشة ببيتن لحاله!! طلعن ببيت لحالي إذا هذا مب بيتي!! أبو عبدالعزيز: وهذا فرح الله يرحمه...جت من برا وعاشت ببيت حموله... هذا داخل وهذا طالع.... جت وماضاقت بخوات رجله.. ولا أبوه ولا أمه.... عزايم وحالته حاله... وهي تدرّس بالجامعة وتشتغل بالمستشفى.. ولا طلبت بيت لحاله... وحطي ببالتس إنه عايشتن طول عمره برا... حياة مستقلة ...حرية ... ماحد له دخل بأحد... وحتى يوم غاب رجله.. ما راحت عند أخوه... ولا طلعت من بيته... وبتلت بيتهم على ماكانت عليه... وانتي جيتي من بيت شعبي ومزرعة وحمايلن تغالى على هالخير...والحشيمة... والخدم ... والحشم ولا عجبتس...تبين بيت لحالتس....!! أم عبدالعزيز: كل الحريم عايشات ببيت لحالهن... حريم إخواني ساكنات بيوت لحالهن... أبو عبدالعزيز: إذا إخوانتس مب رجال... وخلو أمهم ببيت لحاله انا رجل ولا أرضاه على أمي!! أم عبدالعزيز: خير إن شاء الله ... لا تتكلم بأهلي..... أبو عبدالعزيز: إسمعي.... عيال إخوانتس ما يجون وإذا مصرة تبينهم يجون.. خلي مجيد يستاجر لهم بالمكان اللي يبون... وأنا مستعد أدفع... بس لا يضايقون هاليتيمات.... أم عبدالعزيز: لا والله!! أنا عزمتهم.... وبعدين وش بيفهمون من .. إنهم داشرين ولا تآمنهم على بنات عمك هالقرودة... أبو عبدالعزيز: لا حول ولا قوة إلا بالله العلي العظيم!! أنتي لسانتس ذا متبري منتس... بنات عمي قرودة!! أشوف أمتس ما فحطت تبي ليلى لأخوتس دحيم!! أم عبدالعزيز: بيجون هنا....يعني بيجون... أبو عبدالعزيز: ترا إن جبتيهم هنا هو طلاقتس!! ********* "في غرفة عذبة" فتحت عذبة الحاسب المحمول الخاص بسعود, وسجل الدخول للماسنجر تلقائي... نظرت للقائمة, أبو الخنافس..الحجود..عزوز بكل مكانن مرزوز.. ترا الوعد الصمان...راعي الهلي..وفــــــــــــــــــــــــــــــاء خليفة ..هلالي حتى النخاع.. همست : وفاء!! مين وفاء... أخ لو ادري من أنتي!! لا..أكيد سعود مو راعي هالخرابيط.. في هذه الأثناء دخلت وفاء خليفة وبدات المحادثة وفــــــــــــــــــــــــــــــاء خليفة: مرررررررررررررررحبا يا شيخ!! وينك!! ليش مختفي؟ إرتعبت عذبة ثم ترددت ....وبدات الكتابة ثم توقفت... وفــــــــــــــــــــــــــــــاء خليفة: أقول يا سعود... أبي حقي... تعبت والله على الشغل... ليش تجحد... كتبت عذبة وين أرضك من سماك...تكفى تعال لعيون ترجاك...تعال يا يبه طالت الغيبة..: أي حق!! وفــــــــــــــــــــــــــــــاء خليفة: أهااااا.... تبي تفتك!! إسمع إذا بتاكل حقي أنت وضميرك... بس تذكر إن الله ما يترك حقي.... وإتقي دعوة المظلوم.... عذبة وين أرضك من سماك...تكفى تعال لعيون ترجاك...تعال يا يبه طالت الغيبة..: عفواً ... بس انا مو سعود...أنا إخته... وفــــــــــــــــــــــــــــــاء خليفة: أقوووووووووول زاد سعود ليش قاعد يستغبي علي... زين وش تنتظرين روحي ناديه وقولي له تقول وفاء أبي قيمة اتعابي.. عذبة وين أرضك من سماك...تكفى تعال لعيون ترجاك...تعال يا يبه طالت الغيبة..: ودي...ياليت أناديه... بس انتي وش فيه بينك وبينه؟ وفــــــــــــــــــــــــــــــاء خليفة: معليش حبيبتي هذي أسرار عمل...إسمعي إن شفتيه قلي له أبي حقي تأخر مرة ماسدد...أنا وراي ناس غيره مو فاضية أقعد أطارد...سلام عذبة: لحظة!!! سعود....ما أقدر أقول له..... وفــــــــــــــــــــــــــــــاء خليفة: أها ..خايفة يدري إنك فتحتي ماسنه... خلاص حبيبتي ... بس أنا ودي أوصل له... تعطيني رقم جواله...!! عذبة وين أرضك من سماك...تكفى تعال لعيون ترجاك...تعال يا يبه طالت الغيبة..: ماتقدرين توصلين له.... سعود مااااااااااااااااااااااااااااااااااااااات وفــــــــــــــــــــــــــــــاء خليفة: ........................................تستهبلين أنتي!! أقول سعود لا تستهبل علي...إذا ماتبي تدفع خلاص... بس حركاتكم ذي ...مات عشان أسامحك لا.... عذبة: وين أرضك من سماك...تكفى تعال لعيون ترجاك...تعال يا يبه طالت الغيبة..: والله والله سعود مات....أنا أدفع لك بداله... وش فيه بينك وبينه؟!! وفــــــــــــــــــــــــــــــاء خليفة: ............................صادقة انتي!! عذبة: وين أرضك من سماك...تكفى تعال لعيون ترجاك...تعال يا يبه طالت الغيبة..: وش بيخليني أتفاول عليه... فلوس الدنيا ما تسوى اتفاول على أخوي بالشر... كم تبين منه وليش ووكيف أوصل لك.... وفــــــــــــــــــــــــــــــاء خليفة: ..................أبي منه ألف وخمس ميه.... طلب مني أدرس له الجدوى من إفتتاح نادي لياقي بحي ............ وأنسب موقع........والمردود حقه... طبعاً هذا أولي... وبعد ما ينجح المشروع وتصير توقعاتي صحيحة يدفع لي أكثر وإذا أثبت إن تحرياتي طلعت فاشلة أدفع له المبلغ وأتحمل الخساير.... وبس!! بس انتي جاده إنه مات!! عذبة: وين أرضك من سماك...تكفى تعال لعيون ترجاك...تعال يا يبه طالت الغيبة..: مات ... قبل حوالي ثمانية شهور.... بس وش يثبت لي إنك صادقة!!؟ وسعود حذر مستحيل يتعامل مع ناس ما يعرفهم...وبعدين كان قال لي... وفــــــــــــــــــــــــــــــاء خليفة: الله يرحمه... والله شاب مؤدب وخلوق...كنت أعرفة بمنتدى(...) الإقتصادي... وتعاملت مع ربعه واجد ... وسويت لهم دراسات خاصة لمشاريع كثيرة.. يوووووووووووووه الموت ما يخلي أحد...إذا مو واثقة بكلامي... إسألي النمر المقنع...هذا واحد من شلته معنا بالمنتدى...بس إذا جد مات انا مسامحته...الله يرحمه.. عذبة : وين أرضك من سماك...تكفى تعال لعيون ترجاك...تعال يا يبه طالت الغيبة..: لا تعالي...حقك تاخذينه!! أرسلي رقم الحساب على إيميلي خذيه... ……@hotmail.com أنتظرك..... ************ "في الجامعة" عذبة تتحدث مع أفنان في أحد القاعات... أفنان: يووه أخاف تجي مس حفيضة!! عذبة: باقي عشر دقايق!! أفنان: صح وش صار على وفاء خليفة!! فقعتي قلبي يوم قلتي لي عنه أول مرة... عذبة: للحين أنا على إتصال معه... طيوووووووووووبه...ومب سهله... فاهمه السوق زين!! أفنان: غريبة...!! مرة وتفهم بالسوق...!! عذبة: هي تقول إن أبوه كان له محل عقارات مشهور.. ومن هي صغيرة تجلس معه وتفهم الشغل... وإخوانه كلهم طلعوا زي أبوه... بس كل واحد تخصص بشغلة... وهي البنت الوحيدة بين العيال .. وتأثرت بهم... أفنان: ودي أشوفه...!! عذبة: هههه...قلت له ودي أشوفك وقالت تعالي لندن!! أفنان: ليه؟!! عذبة: تقول إن زوجه مريض... ويعالج بلندن... وهي صارت تستفيد من خبرته وخبره إخوانه.. وتقدم خدمات وهي هناك...بلندن...!! صدز صار العالم قرية وحدة!! أفنان: طيب أرسلت لك صورته!! عذبة: خيـــــــــــــــــــــــــــــــر!! أرسلت لي صورة ولده...بس صورته وين حنا؟!! بس يا أنا إستفدت منه... أشياء كثيرة نفعتن به...تدرين في أشياء ما كنت فاهمته... علمتن عليه...ونبهتن لنقاط كثيرة كنت غافلة عنه.. أفنان: قلتي له من أنتي... ولا جبتي له طاري عن شركتك!! عذبة: لا.... انا إسمي سعودة...هي تسمين سعودة ولا سألتن ولا شي عن إسمي بس تدرين حسيت إن لنا نفس الميول.... والتوجهات... الأفكار...حتى البيئة...مادري أحس لمن اتكلم معه أتكلم براحة...ماتعرفن ...ماتدري من انا عشان كذا أنا ما أضطر إني ألبس قناع قدامه!! والأهم من كذا .... ما له مصلحة من علاقته بي!! أفنان: يعني تستفيدين من خبرتها بدون مقابل!! عذبة: عليك نور!! أفنان تكفين سوي البحث اللي عن اللانقوستك...ترا الكتاب بشنطتس.. وسفطت الموضوع المطلوب!! أفنان: أكره المتسلقين!! عذبة: يا ناكرة المعروف!! نسيتي أول ما جيتي من السعوديه يوم كنتي بثاني!! والله كل شغلتس أسويه أنا وأقل للمس إنه أنتي!! أفنان: ذلتينا ....وأزيدك..تذكرين يوم أسرق الرسمة حقتس وأقول حقتي!! عذبة: أما ذاك الموقف ما ينسى...إنقلعي روحي لا يطردونتس... وأبي اللبحث يرسل لي اليم على الإيميل... أفنان_وهي تخرج من القاعة_: لا ... بطبعه وأغلفه واجيبه.... وشو له تعبين نفسك! عذبة: الله يجزاتس خير!! _أسندت عذبة ظهرها للكرسي وراحت تتأمل أفنان وهي تختفي بي جموع الطالبات وهي تتبسم, سمعت صوت يناديها عن يمينها_: صباح الخير عذبة!! عذبة: سارة!! صح سارة ...لالا...شريفة!! الفتاة تبتسم: بدرية!! إسمي بدرية... عذبة: اهلين معليش... يمكني مشبهه..مادري...صباح النور.. بدرية: هذي بمستوى ثامن على ما أظن ...صح!! عذبة: إيه... بدرية: أتذكر كرموها الأولى على دفعتها.... يقولون دارسة برا صح!! عذبة: إيه ..أبوها كان يشتغل بالسفارة...بلندن... ورجعت وهي بثالث ثانوي... بدرية: إيه بس مبين حريصة.... أنتي من وين تعرفينها؟ عذبة: صديقة طفولتي...من ثاني إبتدائي وحنا جميع... بس انا جيت بأول ثانوي... وهي جت بثالث ثانوي.. بدرية: أنتي عايشة برا....!! عذبة: إيه ...إنولدت بسكوتلندا وعشت فيها خمس سنين.. جيت بعدها سنه للسعودية..ورجعت للندن..وقعدت لحد أول ثانوي.. بدرية: إيه مبين على لغتك!! ما شاء الله.... عذبة... بكون معك صريحة.. في وحدة سألتني عنك... تبغى تخطبك... أخوها موظف.. وملتزم... وخلوق..ومنفتح بيترك لك الحرية هو مطلق وعنده بنت... بس البنت مع أمها.. يبي وحدة مطلقة.. وش قلتي !!! عذبة: وش يدريك إني مطلقة!! بدرية: مافي شي يخفى... البنات قالوا لي...من أول ما جيتي ... عذبة: وش قالوا لك بعد عن؟ بدرية: عذبة ما جاوبتيني...!! عذبة: أنا أجاوبك لمن أنتي تجاوبيني.... بدرية: قالوا....إنك سيدة أعمال... وإنك طلبتي الطلاق من زوجك عشان تجين للسعودية وتديرين أعمال جدك... و..قالوا كلام كثير...أخاف تزعلين...مالي دخل انا.. عذبة: وش قالوا والله ما أزعل أنتي سمعتي الكلام مالك ذنب..!! بدرية: وقالوا إن جدك شرط عليك تتطلقين عشان يعطيك كل شي... وخطبك ولد عمك بس رفضتيه عشانه متحجر شوي... وقالوا إن لك إخت وحدة جميلة مرة ... وفنانة... وبنت لقيطة مربينه عندكم ومعها الحزام الأسود بالكراتيه والبنت هذي جايبينه من برا ... متبنينها برا وجبتوها للسعوديه.. وأبوك مات بأفريقيا.. وش بعد.. إيه ... وامك واخوك ماتوا جميع بلية وحدة... ولك أخو صغير ... وإن بنت عمك زوجة أخوك...عيتي تعطينها ولاشي من التركة حقت جدك وقلتي إن الحلال كله لي وأنا طلقت رجلي عشان أدير الفلوس ومحد غيري أنا وخواتي بياخذهن.. وكلام كثير ... بس أنا تأكدت يوم شفت تعاملك وطريقتك إنه كله نصب... وما صدقت إلا إنك مطلقة....وسيدة أعمال...هههه مبين من لبسك... عذبة: هذا الكلام مو صحيح..أنا تطلقت بناء على رغبتي عشان خواتي يحتاجون من يهتم فيهم... وأما الكلام الفاضي كله نصب... أنا مازلت مخطوبة لولد عم أبوي ملكتي بعد أسبوع وزاوجي أول ما أخلص إمتحانات... وعلاقتي فيهم وبأهل طليقي ممتازة, والبنت اللقطية هذي مو لقيطة هذي بنت عمتي... وهي بنت قبيلة معروفة ... أصلاً وفصلاً... _دخلت الدكتورة , فصمتت عذبة وبدرية, وبدت عذبة غير مكترثة بما سمعته_ ******** "على العشاء" نورة: أنا اليوم مشتهيه غداكم....يوووووووووه طعيم طبختس يا مها... يا شين طبخ الطبابيخ... شكل بس ماله طعم!! مها: حياتس الله... الساعة المباركة اللي تاكلين من طبخي.... ليلى: ليش مكلفة على عمرك.... وش شغلة الطباخة... من جيتي وأنتي تطبخين.. مها:أحب أطبخ...سنعة مو مثلتس.... نصوري حبيبي غسل إيدينك... ناصر: متى يدي بابا فهد؟ مها: إسأل عذبة... نجلاء: خالة!! لا تحسسين الولد من عذبة...حرام عليك شوفي وجهه.. اللي به مكفيه وزود... عذبة: مها مو مقدرة موقفي... بس أنا لو الدنيا توقف كله بوجهي ماهمن مادامي مقتنعة إن اللي أسويه صح... مها: ليلى... وش رايتس؟ ليلى: أقرفتونا بهالسالفة.... لا تحملين عذبة موقف فهد.. فهد العنيد... ياخذ من الرعاية ويفكنا....وولدنا مافيه أجر الأجر بحقين الرعاية... نجلاء: لا فض فووووووووووووك.... تعجبينن..أنتي كذا... مها: يالله عاد تحملون... بقعد على قلوبكم... عذبة: لو ما شالتس الأرض تشيلتس عيوننا... والبيت بيت أخوتس.... مها: لا... البيت بيتس أنتي... أخوي الله يرحمه راح وخلى كلش برقبتس... عذبة: مليون طعشين مرة أقول أبوي بيرجع..... والبيت مو بيت عذبة البيت بيت ماجد!!!!! ليلى: عذبة..............وش بتسوين بالملكة ما قلتي لي....؟ عذبة: ولا شي.... الملكة بتصير بمجلس الرجال... وحفلة صغيرونة... حتى خوالي منب عازمتهم... بس خالي... نورة: ولا بندر!!!!! وو أحمد!! ليلى: أها... بندر....ووأحمد!! عذبة ما يصير لازم تعزمينهم..عشان عين تكرم مدينة.. نورة: كولي تبن يالعصلاء... ياللي مالتس شغلة إلا تطفشين خلق الله... وتشخبطين على لوحاتس... ولا تكلمين بالجوال....وجع إن شاء الله... أصلاً أنا قصدي إنه ليش ما تحط ملكة كبيرة ونستانس... وإذاما عزمت ..إيه إذا ما عزمت بنرد وأحمد...يعني إنه مختصرة... وو...كولي تبن يا حمارة يا وصخة... كل الناس تحسبينهم زيتس!! وجع إن شاء الله... _ينفجر الجميع بالضحك بصوت واحد_ نجلاء: بنرد!! مين هذا!! إنفعتي تقل شرخ....ههههههههه نورة: كولي تبن أنتي الثانية أنتي وشعرتس اللي كنه مدحوس بالتراب...حرام الواحد يغلط!! بندر..وجع!! ليلى: يؤ يؤ يؤ يؤ!!! حبيبتي ما قصدت اللي جاء ببالتس... قصدي أنا عين خالي....لأجل عين خالي نعزم عياله... وبعدين ما يصير ذولا مرضعتهم أمي وهم محارمنا... عذبة: صح... هم اللي بقوا لي ... أكلمهم بس أكيد بندر بيقول عندي مناوبة ولا إنتداب... نورة: مها زلت نفسي إنتسبي لي...أنا أولى من نصور الدلخ!! أبي مكرونة بالبشاميل.........يمي ...تقاطرت سعابيلي... ليلى: طيب والحريم....؟ عذبة: مادري...أكيد أفنان وأمه وماما أمينه...إيه صح عزمت بابا ماهر... وجدتي للحين ما جات من القصيم.. وعماني....بس!! مها: هـــــــــــــــو!! بابا ماهر...إستحي على وجهتس!! كبرتي وللحين تسمينه بابا... عذبة : ولين أموت... يختي عشت عندهم أكثر عمري... يتناوب هو وأبوي على جيبتي من المدرسة... وأدخل بيتهم ألقى ماما أمينة تنتظرن على الغداء.... وأحوس عفشه وابلش به وأضرب ولده وسعود بهذل به بهذله... ولا عمره هاشنا ولا قال شي... حبيب...بعدين الحين هو شويب وش حليله.. نورة: أجل وين أمتس وأبوتس؟!! مها البشاميل حار...!! عذبة: أمي وأبوي ياخذون وقت واحد... يداومون فيه... غالباً الظهر... وهم بالليل... ويتبادلون المسؤوليه... يعني حد الساع ثمان ويتبادلون للصبح.. وكذا... ما يخلوننا لحالنا مع المربية حقتهم ولا مع كاميليا لازم يصير أحد منهم معنا.. ليلى: يووووووووووووه... ولا يا أنا سويت فن سريالي على جدرانهم... أبلشت بهم إبلاش... مرة حطت بأثمي ماما أمينه فلفل.... عقبه تأدبت!! نورة: مزديتن بتس... وجع ما تجين إلا بالعين الحمراء... ********* "في غرفة عبدالمجيد" تركي وعبدالمجيد يتابعان فيلم بشغف, فيما شغل أحمد بالعبث بملابس عبدالمجيد, سلمان يقرأ الجريدة بصوت عالي... تركي: يوووووووووه انت ما تعرف تسكت!! عبدالمجيد: ترى والله مخمس يعفط لك وجهك يا وجه العنز!! سلمان: أعوذ بالله...حتى الواحد ما يستمتع بقراءة القرنان...ناس ما بتفهمش!! تركي: قرنان يعفنك يا مزعج... أحمد: شوفوا شباب شرايكم!!؟ _أحمد يرتدي بنطال أخضررسمي ويشد الحزام بقوة حتى يثبت, وقميص قطني أحمر مقلم بأزرق , وكرافته بيج, جاكيت رسمي سماوي, وشماغ فوقه كاب فستقي_ عبدالمجيد: يا شيخ!! إقعد حد العطلة نحلتك على أحد دور الأزياء بباريس.. خطيـــــــــــــر...بس منين طلعت الكاب أدوره من وقت!! سلمان: تعال تعال هنا إيه وقف جنب الحوسة اللي عاملها... أيووووه...إبتسم خل هالسوسة تطلع...تكمل طقم الكشخة!! _ويلتقط له صورة بهاتفه الجوال_ تركي: تصدق رغم كل هالتناسق مخربه شي... تدري وشو؟ أحمد: وشو!! تركي : إنك أصلا مو باين!! الملابس حقت هالخرتيت!! وأنت ب***ي!! شلون تركب!! عبدالمجيد: ترى الخرتيت عصل!! تركي: من متى؟!! سلمان: من يوم نورة قررت ذلك!! تركي: بتسافرون هالسنة!! بتروحون وين؟ سلمان: إن شاء الله... زي كل سنه... بس وين...ما أدري.. أمي تبي سويسرا... بس خواتي يبن إيطاليا.. والغلبة طبعاً لخواتي... عشان الحكومة أمي نورة دايم تجي على اللي يبن.. بتسافر أنت !! تركي: أبسافر... بس لحالي ... مو جاي لمكم مع أهلي لا تفرحون!! عبدالمجيد: بتروح مع شلة الفساد!! حرام عليك!! تركي: أقول ... الفلم حلو!! عبدالمجيد: والله بتضيع نفسك ... مير الشرهه على أبوك اللي يسمح لك!! تركي: ماني صغير!! شف العريس كاشخ أحلى!! _يدخل في هذه الأثناء فيصل وهو يرتدي ثوب جديد_ فيصل: شرايكم شباب...!! تركي: مو حلو وسيع مرة!! ياخي بتدخل الحارة كلها معك!! سلمان: خله عنك قام يخنبز... حلو سكبة!! أحلى حق الملكة ذا؟ عبدالمجيد: لا حق الصيد!! شفه شلون متشقق ... أحلى .. عم لو أعرف أغرد كان غردت... تركي: مو تغريد يا خبل... زغرتة... أنا أزغرت... لولولولولولولوولولولولولولولولولولولولولولويش.... فيصل: لا خل الزغرتة لبعد بكرا... مب الحين!! ************ "قبل الملكة بيوم واحد" عذبة تتحدث لمها بغرفتها والتي تطل على غرف الضيافة الخارجية, رأت الطباخة الجديدة ميسي تتلفت ثم دخلت أحد الغرف, عذبة: وش دخل ميسي هالغرفة!! مها تعالي شوفي؟ مها: يمكن تنظف؟ عذبة: أي تنظف!! هي طباخة ماله بشغل التنظيف أبد...عمري ما شفته طالعتن من المطبخ... بس قلبي موجعن منه من أول ما جت... مها: ليه عشانه مزيونه!! عذبة: شوفي!! مها تعالي!! _أقبل رجل ملثم آتياً من خلف الأشجار المحيطة بالغرف, ويتلفت بشكل مريب ثم دخل الغرفة التي بها الخادمة وأغلق الباب.. عذبة: حقيـــــــــــــــــــــــــــــــــــــــــــــــ ــــر دخل عليه!! مها: لحظة عذبة وين بتروحين؟ عذبة: بروح أوريه الكلب.... الخاين!! _أخذت عذبة لحاف سرير مها وركضت نحو الدرج الجانبي والذي يقود مباشرة لخلف المنزل حيث فناء منزل أبناء العم... دخلت الصالة بدون أن تستأذن فوجدت عبدالمجيد وسعد وتركي وأبا عبدالعزيز_ عذبة_تصرخ_: عبدالله!!! أبو عبدالعزيز: خير يا بنيتي؟!! عذبة: منين الخير !! وولدكم مع شغالتي!! سعد: وش هالكلام!! فاهمه غلط!! عذبة:ياليت ... تعالوا شوفوا يمكن أكون فاهمة غلط... يارب أصير فاهمة غلط!! ......................... |
"الجزء السابع عشر" "أمام باب غرفة الضيافة" تناظر سعد وأبو عبدالعزيز وكأن كلاً منهم خائفاً أن يكون ما قالته صحيح.. عبدالمجيد_يهمس_: خايفين!! أنا أبفتح الباب .. مستحيل يسويه.. _يفتح الباب بعنف فيرى فيصل يمد رزمة من الأموال لميسي, التي بدى عليها الخوف الشديد... إلتفت فيصل مذعوراً فرأى إخوته وأبنائهم ورأى عذبة... عبدالمجيد وضع كلتا يداه على فمه, فيما أشاح تركي بوجهه ووقف أمام عذبة.. فيصل صمت وأشاح بوجهه, فيما إقترب منه أخيه عبدالله, ووقف أمامه ثم صفعة بقوة, قائلاً: سودت وجيهنا ... الله يسود وجهك!! الحمدلله إن عمي مات وما شافك تنتهك حرمة بيته!! عبدالمجيد: ........................................لا تفهمون غلط!! أكيد فيه لبس الموضوع... قل قل لهم ليش... هي اللي دخلت عليك..صح قل لهم.. فيصل:........................................ أبو عبدالعزيز: والفلوس... هاه ومسكر الباب.. دخلت هي عليه!! كان دفره وطلع... أيا الخسيس ... حسافتن هالشوارب عليك!! عذبة: تركي وخر..... مجيد... خذ الوصاخة هذي عن بيتي... خوذوا ولدكم والشغالة الحين تعطيه أبو ياسين يوديه..لأي مكان بس يقلعه عن بيتي.. الحين... فيصل: عذبة!! أنا............... عذبة: انت إيش!!... .... فيصل: ......................... عذبة: قل شي!! أي شي!! تدري أنت حقير وبس....!! فيصل: أنا آسف..... عذبة_تدير ظهرها عائدة للبيت وهي تنتفض_: أنت....فيصل اللي إكتشفته قبلهم.....!! ************ "في غرفة مها" تدخل عذبة تجر قدميها, تتمسك بالجدران والمرايا, تمسك بعروة الباب , هبت مها لها..بدات عذبة تنهار تدريحياً.. مها: عذبـــــــــــــــــــــــــــــة!! بسم الله عليتس!! عذبة: إلحقي علي يا عمة!! بمــــــــــــــــــــــــــــــــــــــــــــوت أنا .... ياردات حظي...يااااااااااااااااااااااااااااااه عمة...إمسكين...أحس روحي بتطلع!! خلاص... كل شي راح!! حتى فيصل!! آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآه مها: بسم الله عليتس.... إجلسي ...خلين أجيب لتس ماء... عذبة: مابي ماء....مابي شي... أبي بس أرتاح.... كل ما قلت برتاح جت المصايب على راسي... أخ يا راسي... أخ يا راسي... مها.... فيصل يخونن مع الشغالة!! ليه!! ليه!! ليه يا فيصل... كل شي توقعتك تسويه إلا ذا... مها...تعبت... مها... ليه أمشي والطريق كل ما خلص بدا... يارب أموت...يارب أموت.... ليتي مت ولا شفته معه... آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآه ضمين يا مها...خمين... أنا خايفة!! خايفة!! هو كان أملي الوحيد.... مها: أملنا بالله يا عذبة لا فيصل ولا غيرة!! ثقي بالله... وربي بيجعلك من كل هم فرج... عذبة: ونعم بالله...ونعم بالله... ياربي...ياربي من لي غيرك يارب!! مها.............. وش به الطباخة أحسن من!! لا......أنا مو مصدقة!! مها: الشيطان يزين.... وهن وقحات...هن اللي دايم يتلزقن بالشباب... يمكن هي تبلت عليه... ماتدرين...فيصل رجال!! عذبة: فيصل رجال!! أنا لو أقولتس وش سوى قبل كان ما صدقتين... فيصل مجرم.... مجرم... واللي ما خاف من ربه يتبلى على وحدة شريفة ... مب خايف منه إنه يسوي كذا مع شغالة... مها ما شفتي شلون كان ماسكة... وهي ذايبه فيه.... والفلوس.... لا... أنا ممكن أصدق لو ماكان قريب منه.. فيصل ماسك إيدينه... وهي كاشخة على الآخر... ريحة عطرة فايحة بالمكان كله.. وهو بعد... الشعر نازل على وجهه... ومفتح أزاريره... بس للأسف....مامداه يسوي شي... كفشناهم بدري... مها: أفا....والله ما هقيته من فيصل.... ياربية والله يالشغالات دمار البيوت... لازم الواحد يصير حريص... عذبة:مها!! أنا اللي بارد قلبي وجهه يوم دخلنا عليهم... بس اللي رحمته من قلبي مجيد...مسكين... هه _وإنفجرت تضحك_ مها: تضحكين من إيش!! عذبة: أضحك على حالي ومن حالي..... آآآآآآآآآآآآآآآآآآآآآه... ههههههههههههههههههههههههه رهيب يستاهل والله ما يطق بعصا... مها: أنتي شتقولين!! عذبة: خليه ... يستاهل...حقير... بس والله صار وجهه هالكبير... تفشل إنفضح ...قدام أعز الناس له... مها: انتي كنتي عارفة إنه فيصل... عذبة: سعود جسم سعود من ورا.... فيصل الوحيد اللي يشبه سعود من ورا.... أحسن يستاهل اللي صار له.... يستاهل...كلهم مخدوعين بفيصل... وإنكشف على حقيقته!! مها: لا....عذبة ... ليش تفضحين ولد عمك!! كان دخلتي أنتي عليه... وهو بيفشل من عمره وبيتركتس...من نفسه... حرام عليتس...ما لأهله ذنب ينصدمون بولدهم!! حراااااااااااااااااااااااااااااااااام أنتي قاسية!! قاسية!! وزه الشيطان هالمرة ...إستري عليه.... وإذا من \اوله كل ما تكتشفين شي عن زوجتس بتفضحينه... للأسف...ماراح تفلحين... عذبة_تصرخ_: بــــــــــــــــــــــــــــــــــــــــــــــس!! مابي أسمع هالكلام!! أنتي ما تحسين بالحريقة اللي شبه بقلبي!! أنتي يوم طلقتس فهد...زعلتي علي!! وأنا مالي دخل... بس إني مارضيت اتنازل بأمانه وأعطيكم إياه!! وللحين بين كل كلمه والثانية تدقين علي بالكلام!! وأنا تطلقت بسبب فيصل...طلعن بنظر حبيبي إني خاينة..!! وكل يوم والثاني أكتشف أشياء تأكد لي ... وأوله خطه... حرصه إنه يتزوجن... حرصه إني أحضر الزواج عشان تطيب نفسي من مشاري.. بالعزاء أصر إني أدخل المستشفى عشان عارف إن نفسيتي تعبانه وممكن أسوي أي شي... أبعدن عن مشاري خايف أسأله ونكتشف اللعبة اللي إنظلمت به أنا وياه... والنهاية ...مع شغالتي!! كل هذا سواه ليش... عشان ينتقم من!! خلــــــــــــــــــــــــــــــــــــــــــــــــ ــــيه!! أنا فضحته بشي سواه هو!! وهو إفترى علي شي ما سويته!! والحـــــــــــــــــــين تقولين لي حرام!! ********** "في غرفة فيصل" فيصل صامت ويجمع أوراقه ويدور بالغرفة بلا هدف.. عبدالمجيد: عم!! قل شي ...الله يخليك فقعت راسي من كثر ماتدور!! فيصل:............................................. .. تركي: عم....عادي... وسع صدرك اللي صار صار!! فيصل: إنقلع برا...برا... تركي: طيب لا تدف... أعوذ بالله... ياخي ترا مالي دخل.. المرة الثانية لامن بغيت تسوي علاقة لا تقرب عذبة... هذي ذباب أزرق... تشم ريحة أي شي بالبيت!! فيصل: يا حقير يا سافل يا(............................................) وجاي تسوي فيها منظّر!! عبدالمجيد: عم!! وش هالألفاظ!! ماعليه ...تركي للحين جالس!!إنقلع لا يجيك بوقس!! تركي: ماشي أنا طالع يا فيصل... بس خرابي أنا برا... وماعمري إنتهكت حرمة بيت ودخلته.. صح بنظرك إني خربان ومنتهي... بس فيني رجولة!! فيصل: أي رجولة!! _وينقض عليه يلكمه يبعده عبدالمجيد_.. عبدالمجيد: خلاص عم!! فيصل: إنقلعوا كلكم إنقلعوا....برا...مجيد .... صك الباب وراك!! _يخرج الجميع ينقض فيصل على رفوف رفعت عليها تحف فاخرة وبدأ بركلها ثم إرتمى على سريرة وأخذ يبكي بحرقة_ ************ "في صالة بيت عذبة" جمعت عذبة اخواتها , وإستجمعت قواها ثم قالت: خواتي العزيزات...إحنا مالنا غير بعض... مافيه أحد بصفنا... حتى لو شفنا الكل معنا... لامن جت مصالحهم قدموا أنفسهم علينا.. إسمعن أنا أبطلب منكن طلب... وهو إننا نعاهد بعض إن نوقف مع بعض.. بالحلوة والمرة... إحنا خلاص بنضيع لو ما تنكاتف... نحتاج بعض الحين اكثر من أي وقت مر... عشان كذا لازم نتعاهد على الأخوة بمعناه الصحيح... نجلاء: ليه خفتي تنسيننا بعد ماتتزوجين!! ليلى: لا بتحسسنا إنه تحبنا عشان مانغار من فتفت... عذبة: بنات بقول لكم شي.... أنا ما راح اتزوج فيصل.... هذا قرار نهائي ... وإتفقنا عليه... انا وهو... نجلاء: لااااااااااااااااااااااااااااااااااااااا لــــــــــــــــــــيــــــــــــــــــــــــــــ ــــــه!! فيصل هو اللي بقى لنا من سعود!! حرام عليتس...والله حرام.. ليلى: طيب ممكن نعرف ليش!! عذبة: تهاوشنا على بعض الأمور... وأنا نفسياً عجزت اتقبله... وبس!! ليلى: هذا شي رغم إنه مؤسف إلا إنه راجع لك... أنت الوحيدة القادرة تتخذين هالقرار... تمنايتي لكم كلكم أنتي وفيصل حياة موفقة.... الواحد ما يعرف وين الخيرة.. نجلاء: مايصير!! لا... إذا أنتي ماتبينه أنا أبيه!! فيصل مافيه وحدة ترفضة!! ليلى: أقول بلا عبط!! بزران آخر زمن!! عذبة: نجلاء!! وش قصدتس!! نجلاء: إحنا كلنا محتاجين رجل يوقف معنا... ومافيه زي فيصل... إحنا بنات... مالنا أحد!! عذبة: لا تشيلين هم ... أنا عن الف رجال... والله من أبو مرة قوت ألف رجال!! ليلى: خلاص عذبة....إذا أنتي مقنعة برايك ماعليك من نجول.... _إنفجرت نجلاء بالبكاء , وركضت لغرفتها, فيما ضمت ليلى عذبة بقوة وبكت عذبة بلا صوت..._ ******* "في غرفة نجلاء" نورة: أقول وش بتس؟!! طيرتين بالدقدقة وآخرته...تصيحين... طااااااااااااااااااااااااااااااااااااااعون!! تكلمي!! نجلاء: طاعون بعينتس...آآآآآآآآآآآآآآآآآآآآآآآآآآآآآآآآ نورة: بتقولين وراتس ولا أنقلع لبيتنا؟!! نجلاء: آآآآآآآآآآآآآآآآآآآآآآآآآآآآآآآآآآآآآآآآآآآآآآآآى نورة: مع السلامة.....!! نجلاء: لالا...خلاص أبقول لتس كل شي.... بس بي صيحة...خلين أفضي شوي..آآآآآآآآآآآآآآآآآآآآآآآآآآآآآ نورة: يا ربي ...أنتي يالعصلاء.... ترا أبمكع قراعيطتس وأخليهن أسلاك تليفونات للبيت كله لو ما تكلمتي!! نجلاء:....................فيصل وعذبة ماراح يتزوجون!! نورة: ليه!! نجلاء: تهاوشوا...آآآآآآآآآآآآآآآآآآآآآآآآآآآى نورة: ليش تهاوشوا!! نجلاء: برميل قريح إسأليهم!! آآآآآآآآآآآآآآآآآآآآآآآآآآآآآآ...مادري... بس هم مب متزوجين... نورة: خسارة الفستان اللي فصلته للملكة... وما عوقي إلا أختار واحد من الحين للعرس...خسارة... نجلاء: وجع!! إحنا وين وأنتي وين!! أقولتس مب معرسين وتقولين خسارة الفستان!!! نورة: طيب وش بنسوي لهم!! هم عاقلين بالغين راشدين... ما إتخذوا قرار إلا هم مقتنعين فيه... نجلاء : والله لأقنعتس!! مبردة علآخر...!! نورة: حبيتي ترى هم من إنخطبوا وهم شيل وحط!! ما شفتي شلون عذبة تتكلم مع فيصل من طرف خشمه... البنت ما حبت الولد... بالطول بالعرض ما حبت الولد... للحين هي تحب مشاري...حقه إنه تحب... وحقه إنه ترجع لمشاري... نجلاء: يعني هي رفضت فيصل تفكر بمشاري!! لاااااااااااااااااااااااااااااااااااه عذبة مو كذا!! نورة: الحب يا وخيتي يغير الطباع... إسألين!! نجلاء: إيه... أنتي من عرفتي بندر وأنتي متغيرة... _وتبدأ بضربها بخداديه صغيرة_ الله يا خذتس وياخذ الساعة اللي عرفتي به بندر..!! نورة: أي...أي... بتسقطين بالتوحيد... مب أبلى منال تقول إنه حرام نقول هالكلام!! الله يقول لاتسبوا الدهر فإني انا الدهر... نجلاء: الله طلع هالكلام والفهم يوم جاء بندر!! بالحصة مفهيه بس شخبطة على الطاولة ودحربة ورق وتشويت على البنات... نورة: نجلاء...بندر يحبن!!؟ نجلاء: لا... بندر يكرهتس!! وأنا أكرهتس!! وودي أثور بتس!! الحين أنا ضايق صدري على عذبة وانتي بندر يحبن!! بس معقوله عذبة للحين تفكر بمشاري.....؟!! نورة: ورى ما نرجعهم لبعض؟!! نجلاء: شلون!! نورة: سهله...زوجين بندر... وماعليتس مشاري يرجع لعذبة!! نجلاء: هاهاها ... سخيفة!! نورة: وش عنده بدور هاليومين صايرتن بس تحرش!! نجلاء: مادري وش سالفته!! بس أعجبتس... ففشلته وخليت وجهه يطيح!! نورة: بس شكله ناويتن على شي خطير!! ضحكة مب ضحكة منهزم....خايفة وش بتسوي!! نجلاء: اللي ما تطوله بيده توصله برجله!! أقول نورة جد..جد.. ليش ما إنصدمتي يوم دريتي إنهم مب متزوجين؟ نورة: مادري... بس كنت حاسه إن هالزاوجه ما حتم!! *********** "في غرفة ليلى" ليلى تتحدث بالجوال... أيوه... ضايق خلقي.. مؤيد: إسم الله عليك من ضيقة الخلق!! وش فيك؟ ليلى: إختي تفركش زواجها...يوووووه والله ما عملت حساب هالشي... مؤيد: أفا...!! طيب ليش!! ليلى: ممكن حست إن فيصل حرامي.... عذبة مو سهله الله يعينها على دنياها... مؤيد: يعني تتوقعين عرفت عنه شي!! ليلى: أكيد... لأنوا قبل أيام كانت عااااااااااااااااااااااادي... وهو مايت فيها ويعطيها من الكلام الحلو... بس كيف إنقلبت الأمور ما أعرف!! والله ما طولنا انا ونجول جينا من بيت جدتي إلا والدنيا منقلبه... مؤيد: يوه... هذي إختك قوية مرة حتى إنها تقدر تتحدى فيصل وبمثل هالوقت؟ ليلى: وأكثر.... من إحنا صغار وهي قوية... تصدق لو ماكانت تحترم أمي وأبوي كان صاعت... ما تخاف من مين ما كان... تتحدى الكل... تصدق إن مرة ضربني ولد أكبر منها.. لحقته بالعصا وطقته... وخلته يبكي.. مؤيد: أكيد هو ضعيف... خاف من صراخها ولا شي... ليلى: لا... لا... هي تطقه وهو يطقها.. وعلى هالحال.... لحد ما ضربته على بطنه بقوة وبكته ويوم رجعنا البيت صارت تبكي من الألم بس بغرفتنا عشان محد يشوفها... ما تصدق فيها يا قلبي لو تشوفها تقول هذي كيوت وصعنن وتخاف من ظلها لكن يوم تحداها تعرف إنك غلطت بالحسابات مرة... الله يعينها... مؤيد: غريبة!! طيب أنتي ليش ضايق صدرك؟ مو تقولين إنها قوية... وتاخذ حقها... وين المشكلة!! ليلى: اخاف تكتشفنا... وأنت ماتدري وش بتسوي بي... مؤيد: أها... أنا أقولك أبتقدم لك الحين وانتي رافضة.. تقولين إختي الأول.. ليلى: إلا الحين!! لا... الوضع مكهرب .. يبدو في شي كبير بكل البيتين... أنا أحس الوضع غير طبيعي... لا ,.. تسويها.. إصبر شوي!! وبعدين اخاف عذبة ترفضك... انت عارف انتم مو من مجتمعنا... وانا... مادري...شقول بس الأفضل إنك تصبر... مؤيد: وانتي وشو؟!! انتي جميلة والكل يخطبك!! هااااااااااااااااااااااه خلاص حبيتي أنتي مو من مستواي... وأنا أنسحب من حياتك إذا هذا أولها... وعلى فكرة الجمال هذا اللي تقولينه انا ما شفته... لأن الرجال يشوف بقلبه... وأنا حبيتك من قبل لاأشوف وجهك .. فاهمه... سلالالالالالالالالالالالالالام ليلى: لا.. لا..لا.. حبيبي لا تفهمني غلط!! الله يخليك... انا مو قصدي إني حلوة وأعلى منك... فديت زعلك... إسمعني.. بس إسمعني لا تسكرها بوجهي... أنا قصدي... إنو أولاد عمي أخاف يبوني... إصبر شوي لأن عذبة إذا عرفت إني أكلمك بتموتني... وهم لمن يعرفون إنك بتخطبني وانا أبيك... بجيبون خبرك عند عذبة... الله يخليك إلا عذبة... لا .... إصبر....والله إذا تحبني إصبر...شوي...حد ماتركد الأمور... مؤيد: .................. طيب... وهو انا صابر عشانك..... ولا والله لا عذبة ولا ألف مثل عذبة يهز فيني شعرة.... ************ ........................................... "في الممر المؤدي لغرفتي عبدالمجيد وفيصل" تمر نورة وتسمع صوت فيصل يتحدث لعبدالمجيد: أنا ما مت إلا يوم شفت عذبة... كيف جرحته كذا... تمنيت إني مت ولا شافتن كذا... ذبحته يا مجيد ذبحته وذبحت نفسي....طعنته بالصميم... عبدالمجيد: خلاص يا عم ....عذبة تحبك... أكيد بتسامحك!! _تدخل نورة وتقول_: بتسامحه!! هههههه... أنتم وين عقولكم... بتسامحك لو كنت رجال بأفعالك... إصحى يا هيه... أنت تتمرجل بكلامك لكن بأفعالك أنت .... للأسف!! فيصل: نورة!! وش الكلام!! عبدالمجيد: لا... أنتي يبي لتس طراق يعدل راستس!! فيصل: حبيبتي نوير انتي فاهمه غلط!! انتي عارفة شالسالفة !! نورة: إيه عارفة!! انت دخلت بيت عذبة ودخلت أنت وميسي لملاحق الضيوف... والباقي عليك!! عبدالمجيد: نوير وجع!! شلون تقولين كذا عن عمتس!! فيصل:وشو الباقي يا نورة؟ نورة: وشافتكم عذبة ...وجت وقالت لأهلي... ودخلوا عليك وأنت ما سك الشغالة.... وبيدك أربعة آلاف ريال!! وتحاول فيها تاخذهن... هذا غير الوضع العام ..وشكل الشغالة ... و...._طراااااااااااااااااااااااااااااااااااااااااا اااااااااااااااخ_ عبدالمجيد: إنطمي يا قليلة الأدب!! نورة_تضع يدها على خدها_: تعطين كف عشاني قلت الحق!! خله ينتبه الشيخ وش قاعد يسوي!! والله ما ألوم عذبة لو سوت أي شي... وأنت يا فيصل خايف على مشاعر عذبة!! عذبة جت وهي عارفتن إنه أنت اللي هناك!! عذبة دايم تقول إثنين أميزهم من ألف رجال ...سعود وفيصل... إذا انت تظن إنك جرحت عذبة.. أنت غلطان... عذبة اللي إنتقمت منك وكشفت عن بلاويك... وقدام أعز الناس عليك!! يا حبيبي إفهم زين إنك خسران بس مو عشانك جرحت عذبة.... عشانك جرحت شرفك قبل أي شي ثاني!! للأسف وجرحتنا كلنا... وعلى فكرة ترا عذبة سترت عليك وماقالت لخواته شي... قالت تهاوشنا وماحنب متزوجين!! فااااااااااااااااااااااااااااااااااااااااااااهم عذبة الحين قاعدة تعطيك دروس بالإحترام يا محترم!! فيصل: إنقلعي...إنقلعي ...مجيد طلعه لأذبحه...براااااااااااااااااا نورة: بتثبت إنك رجل بالصراخ!! فيصل: رجل غصبن عليتس!! نورة: أدري إنك رجل بس أنت عمي.... أثبته للكل لأنهم ماراح يصدقونن بعد اليوم لو قلت لهم إن فيصل رجال.... _خرجت نورة بعد أن فجرت قنبلة لم يتوقعها أي من فيصل أو عبدالمجيد_ فيصل: وانت ....ليش ما..........مجيد!! عبدالمجيد: فيصل...منين جابت نورة هالكلام!! فيصل: أقول ....مجيد.... عبدالمجيد: كيف الحال.... أنا حتى الآن مو مصدق!! فيصل: يووووووووووووووووووه ...أنت ماتعرف هالجنية!! ياااااااااااااااااااااااااااالله.... ياربيه!! ************ "في غرفة أم عبدالله" يدخل فيصل يجر خطواته نحو مصلى والدته ويجلس أمامها... فيصل: سمي يمه ... ناديتين؟ أم عبدالله: هلا والله بوليدي...هلا بالغالي زين الرجال... _فيصل أطرق رأسه وأمسك بيد والدته المرتجفه_ أم عبدالله: فيصل...إرفع راسك...وكلمن... أنا أبنشدك... وش هالكلام اللي سمعته... وهم جايبينك من بيت عذيب...هو صدز!! فيصل:........................ أم عبدالله: أكيد هي اللي تبلت عليك؟ صح!! أنت ما دخلت عليه قاصد...فيصل جاوب إميمتك... فيصل: يــــــــــــــــــــــــــــوه!! أنا تعبااااااااااااااااااااااااااااااااااااااااااااااا ااااااااااااااااااااااااااااان أم عبدالله: ياعيون يوه أنت... يا جنيني وش متعبك... هم مب مصدقينك؟... أقص لسان احد يكلمك!! مابقى إلا فيصل حبيب أميمته يتكلمون عليه... انت زين الرجال... ولا بوه مثلك... بس قلي وش صار... فيصل: يوه... ماتزعلين علي؟!! أنا الدنيا كله تزعل علي ولا انتي! أم عبدالله_يتهدج صوتها_: لا ... لا تقول إنك داخلن عليه بالعناية!!! لا ياوليدي...لا.... ماتسويه...أدري ماتسويه... فيصل:..................سامحين يمه ... بس والله غصب علي!! أم عبدالله سحبت رأسه بقوه لصدرها وبأخذت تبكي وتمسح على شعره ******** " في غرفة أفنان" أفنان: عذبة.... وش بتسوين لفيصل. عذبة: وش اكثر من اللي سويته... لامن حطيت راسي على الوسادة حسيت بطعم غريب... رغم إنه جرحن إلا إني بردت قلبي منه... هه.. ماتوقعت إن طعم الإنتقام كذا.... أفنان: طيب... هو إعتذر... قال شي؟ عذبة: كلمن مجيد... وحاول يتعذر ويقولي عطيه فرصة... وهو يكلم ما أرد عليه.... بس أرسل لي بالإيميل.. تدرين وش يبي؟ أفنان: وش يبي؟ عذبة: يبن أستر عليه عند خواتي... وما يبي زوجات إخوانه ولا بنات أخوه يدرون.. ولا خواتي... وأكد على نجلاء... وقال إنه غلط بس يبي من إني أسامحه... تدرين يا أفنان كل يوم من السالفة وهو يجي ويوقف عند البلكونة... سمعته مرة ينادين... تدرين شسويت؟ أفنان: شسويتي....؟ عذبة: قعدت أصيح...حسيت إنه ضعيف... مثلي... شعور مؤلم... مادري يمكني بديت أحبه... ولا أنا أصلا أحبه... بس فرحانه عليه... وزعلانه عليه... بعدين قمت وصرخت وأنا أبكي.. قلت له مابي أشوفك هنا... لأنك جرحتن...وخنتن... ودمرتن... تعبت يا فنو... عجزت افهم نفسي للحين... ساعات اتندم عدد شعر راسي إني فضحته... وساعات أضحك من قلبي إني إنتقمت منه ... ولو ما يجي منه إلا إنه يجي لشغالتي وببيتي.. وليله ملكتي... عطيته كلام يقتل...يموت... قلت له مثل ما أنت سويت بي ... ومشاري صار كريم وستر عالموضوع... أنا بصير كريمة...وبستر عليك... بس شرطت عليه ينقلع عن وجهي.. وشوفي وش أرسلت له بعد...أرسلت له قصيدة للبدر... أفنان لأول مرة أعترف له إني أحبه... صح!! عمري يوم ما قلت له أحبك .. لا بأفعالي ولا بأقوالي... مادري ليش هو يلاحقن... فيصل...متكبر... الحب وحده ما يخليه ينكسر لي كذا.. أكيد إنه ناوي يكسر خشمي... وأول شي سواه إنه خانن بليلة ملكتي... يمكن هو باللاوعي ييبي يذلن عشان كذا ... سوا اللي سواه!! أفنان : طيب هو وش أرسلتي له... _تخرج ورق بيضاء وتعطيها لأفنان_ عذبة: شوفي طبعت لتس ردي ورده.. أفنان_تقرأ بصوت مسموع_... لا جيت أنا بــ سامحك.. تبكي الجراح ما ودها.. مشتاق ودي أصافحك.. عيت يدي لا مدها... آه. .يا لجراح .. راح اللي راح .. وراحتي .. من يا ترى بيردها .. يا حب.. ياذ كرى واسم.. مدري انا ابكي عليك من العذاب اوابتسم.. صدقني في يأسي .. نفسي تبي نفسي تبيك .. لا يا دفا شمسي تبيك.. ليه خنتني ..الله عليك .. آه يا الجراح .. راح اللي راح.. وراحتي .. من يا ترى بيردها .. لا تحاكي عيوني .. يمطر سحاب الملح .. ولا تلمس أشجوني .. ينبت في قلبي جرح .. ناظرني يا خلي .. جرح انا كلي .. وشلون أبـ ارضى الصلح .. فصل الخريف حبي ..حزن وورق أصفر.. ...ودعني يا قلبي..وخل العذاب أقصر.. آه يا الجراح .. راح اللي راح.. وراحتي .. من يا ترى بيردها .. وشوفي وش رد علي ... بقصيدة للبدر أيضاً.. ابعتذر .. عن كل شئ .. إلا الهوى ..ماللهوى عندى عذر.. ابعتذر ..عن أي شي .. إلا الجراح ..ماللجراح إلاالصبر .. إن ضايقك انى على بابك أمر .. ليلة ألم.. واني على دربك مشيت عمري وأنا قلبي القدم ... ابعتذر ..ابعتذر ...كلي ندم ... عن كل شئ .. إلا الهوى .. ماللهوى عندي عذر ... اتصدقي ...ماخترت أنا أحبك .. ما احد يحب اللي يبي .. سكنتي جروحي غصب .. ياحبي المر..العذب ... ليت الهوى وانتى ...كذب كان اعتذرلك عن هواى .. وماأقول أنا كوني معاي .. ان ضايقك انى على بابك امر.. ليله ألم ... وانى على دربك مشيت عمري وأنا .. قلبي القدم ... ابعتذر ..ابعتذر .. كلي ندم .. عن كل شئ .. إلا الهوى .. ماللهوى عندي عذر .. الله كريم ..حبك ..يكون.. همي القديم .. وجرحي القديم ... والله عليم .. يا أحلي العيون .. ان الفراق .. جزا الفراق .. ابوعدك ..كان الطريق بيبعدك .. بامشي بطريق .. وكان الحجود بيسعدك ... مالي رفيق .. ابجمع اوراق السنين ..وأودعك.. كان الفراق اللي تبين ... الله معك أفنان: ما فهمته.. وش يقصد...؟ عذبة: ماااااااااااااااااااااااااااااااااادري ... في أشياء ما فهمته... بس... مع الوقت أكيد أبفهمه... وخصوصاً إني الحين مشبكه... وراشي يوش..وش...وبدينا إمتحانات... يارب تكون بعوني.. أفنان: عذبة.... فيصل... يحبك؟ عذبة: لا... مستحيل يكون يحبن... بس انا حبيته... أفنان: ليش توك تعترفين... عذبة: مادري ما حسيت بحبي له إلا يوم قررت أتركه... وبنفس الوقت أكرهه من كل قلبي... بس أحبه... أفنان: جد والله... شلون تجمعين الأضداد... عذبة: عادي ... من بعد طلاقي وأنا أعيش وحياتي كله أضداد... هذي أنا... هذي أنا... _ثم بدأت تغني_ هذي أنا كلي عنا كلي ألم كلي جراح كلي أماني متعبة من طول عمر الإنتظار كلي مشاعر حاولت توصل للحظة إرتياح كلي حقايق زايفة تتلون بلون المرار لاقلت بأرضى بقسمتي وأطلب من الفرحة سماح يرجع يحاصرني الوهم كني جليد فوسط نار دايم على خير الزمن شمسي يغطيها وشاح مليت ظلمة ليلتي من حقي أحلم بالنهار أصبحت أسيرة لدمعتي وأطلقت عن همي السراح يومي قضيته بالألم وأمسي خسرته بأقتدار وين الأمل دام الوفا عن عالمي هاجر وراح دام الألم في دنيتي جاوز حدود الإنتشار وشلون أحلم بالأمان وخوفي صرخ فيني وصاح وشلون أبسأل دنيتي عن الخيانة بإختصار ليه السعادة كذبه ليه المحال أصبح متاح ليه المشاعر مجبرة تذبل وأنا كلي إنكسار هذي حقيقة واقعي كله ألم كله جراح حتى الأماني متعبة من طول عمر الإنتظار .. أفنان: كفاية يا عذبة كفاية... لا تعترضين على قضاء الله... ماتدرين يمكن بالأمر خيره... ويجيك واحد يعوضك عن فيصل وعن مشاري.. عذبة: مشاري... مايعوض عن مشاري أحد... بس أنا أخذت على نفسي عهد.. بعد مشاري مافيه احد يستحق قلبي... أكره الرجال...كل الرجال..عدا مشاري.. اكره أي رجل ما يحل لي.... كلهم حقيرين وما يفكرون إلا بمصلحتهم.. *********** "في مدرسة نورة ونجلاء" تخرج نورة من قاعة الإمتحانات, تنزل الدرج.. تفجأ بورقة ملصقه طبع عليها قصاصة من جريدة قديمة... قرأت نورة... تنفيذ حكم الإعدام في الجاني خلف ملفي عقاب.......... لقيامه بقتل عبدالله ضامي محمد ...... إثر خلافات قديمة بينهما إثر................ وقد كان للجاني سوابق في قضايا ترويج مخدرات.... ............... صرخت نورة: مصيبة ياربيه... من حطها هنا.. _أخذت نورة تمزق الورقة ونزلت الدرج فوجدت كل جدران المدرسة قد إلصق عليها , و أتت بدور لتقوم بإلصاق آخر ورقة محل الورقة التي مزقتها نورة.. نورة: بدور!! يا حيوانه!!! شتسوين!! بدور: يؤيؤيؤ!!! خلي البنات يعرفون حقيقة بنت الأكابر... جابت هالفلوس من ترويج المخدرات!! نورة: ياويلي... حقيرة.. البنات كلهم مجتمعين على الورق... نجلاء: صباح الخير نورة!! شخبار الإمتحان مره سهل.. الحمدلله عطلنا... وه ما صدقنا...!! نورة وش بهم البنات مجتمعين يقرون على الجدران!! كلهم يناظرونن... وش السالفة .. نورة!! نورة: نجلاء حبيبتي أكيد الحين أبو ياسين يتحرانا عند الباب خلينا نطلع... نجلاء: لا ... أبسلم على البنات... وش يقرون أشوف ... هنا ورقة.....إيش!!!!! نورة!! من علق الورق ذا!! مـــــــــــــــــــــــــــــيـــــــــــــــــــ ــــــــــــــــــــــــــــن!! أتت إحدى الطالبات ووقفت امام نجلاء ثم قالت بإستغراب...: صحيح أبوك مقتول!! إعدام وهو مروج مخدرات... البنات يقولون أبوك... بس مو معقولة.... يمكن تشابه أسماء... نجلاء:...................................من علق الورق هذا؟ الطالبة: بدور... شوفيها هناك تقول للبنات إنه أبوك... _ذهبت نجلاء لبدور وسحبتها من طرف مريولها وهي تصر أسنانها_ نجلاء: تعالي يا بدوريا .......................... بدور: يوووووووووووووه وخري عني ما بقى إلا بنات مجرمين يمسكونا بعد!! نجلاء: أبوي مو مجرم !! منين جبتي هالورقة!! بدور: يؤ... حراااااااااااااااااااااااااااااااااااااااام إرجعي لسجلات وزاة الداخلية عشان تتأكدين بنفسك إذا مو مصدقتني... أبوك مجرم وبياع مخدرات وذبح الرجال اللي بلغ عنه... يوووووووووووووووووووووووووووووووووه... أنا بخلي بابا يطلعني من هالمدرسة اللي تدرس بنات مجرمين... _صرخت نجلاء بها ثم رمتها أرضاً وبدأت بضربها بعنف مستخدمة مهارتها بالكارتيه, إستطاعت نورة إبعادها ولكن بعد ان سقطت بدور على الأرض فاقدة للوعي وتنزف...._ ************** ............................................ "الجزء الثامن عشر" تجر نورة ورفيقاتها نجلاء نحو السيارة تخرج نورة ورفيقاتها نجلاء بلا عباءة, ينزل السائق مراد ويفتح باب السيارة, يرمين نجلاء وهي تسب وتتوعد وتشتم.. نورة: خلاص..مرادوه إنقلع للبيت بسرعة...آآآآآآآآآآآآآآآآآآآآي نجلاء: خلين أكمل عليه الحيوانه....وخري... نورة_تؤشر لرفيقاتها وتسمك نجلاء باليد الأخرى_: مع السلامة الله يجزاكن خير...إفركن لاتجي أبلا فوزية تسوي لكن مشكله... إركدي يا حمارة تنتفتي شعري.... ذبحتي البنت .. تخيلي لوماتت...!! نجلاء: خلين يا نوروه أرجع أبرد حرتي به... آآآآآآآآآآآآآآآآآآآآآآآآآآآآآآآآآآه كبدي شابه... نورة: اللي جاه يكفيه!! مرادوه بسرعة!! الشرطة بتلحقنا لو ما تسرع!! نجلاء: أي شرطة وأي بطيخ ... خليهم يذبحونن بس أبرد حرتي!! نورة: يا كمخة إقطع الإشارة ولا توقف إلا بخشة الباب الداخلي... مراد: بعدين مزيد سوي مسكلة... في قول مافي إدخل .. إلا سوي بوري ووقف سوي!! نورة: والله لأذبحك أنت ومجيد!! إدخل بسرعة... لاتسوي بوري و لا طاط!! ******** "في حديقة بيت أبناء العم" عبدالمجيد يتحدث مع سلمان المشغول بإكتشاف سيارة والده الجديدة.. عبدالمجيد: أنت...أدخل وأنت هنا أطلع وانت هنا... ماتمل؟ سلمان: إذا مليت من الشركة وشغل المشاريع حقتكم مليت أنا.... وش صار عليكم؟ عبدالمجيد: ماشين بس المشكلة الحين تكمن بفيصل... فيصل مو راضي يروح للشغل... وكلش صار على راسي... والأدهى والأمر إن أبوي بيكتشف إني ما أدرس... اليوم كفشن بس رحمه قلت له إني معطل من إسبوع...هههه مشت عليه... سلمان: يووووووووووووووووه... شف هنا مغيرين بالقطعة هذي...تعال شف.. والله ما أخليه لهم ...تدري كم قيمته...وهم حاطين لنا عادي...هين هين...أنا وراكم.. عبدالمجيد: أقول... سقها... !! سسلمان: تدري كم لاهطين على أبوي!! خمس طعش ألف!! القطعه اللي حاطين للموديل الأردى... بس والله لأوريهم!! تعال شف!! عبدالمجيد: لا حول ولا قوة إلا بالله....قلنا لك سقها!! ما شفت تركي!! سلمان: إلا ... جاء ودخل عند فتفت...هع حلو إسمه...تعال وشبهم قابسين البيت عليه؟ عبدالمجيد: الله يكون بعونه...............والله وجت المصايب على راسك... سلمان: كل هذا عشان عذيب!! وشي يا زود بنت يا نقص بنت!! ولا يبي أبوي الحلال ما يطلع برا...عشان كذا زعل من فيصل يوم تطاق هو وياه؟ قلي مجيد أنت تدري بكل شي!! عبدالمجيد: أنا أدري!!! أنا دابه سليمه ما أهش ولا انش!! سلمان: ياهوه!! انت ونورة ما يخفى عليكم شي بهالبيت!! شف تركي هناك شكله يدورك!! بس قبل ماتروح قلي السالفة!! عبدالمجيد: يسلم عليك خالي!! سلمان: وجع!! انا أوريك!! ********** بجانب الباب الجانبي..تركي يتلفت ويبحث عن شيء ما.. تركي: يوووووووووووووه وين راح!! عبدالمجيد: تررررررررررررررروك!! تركي: وينك!! تعال... فيصل بيسافر!! عبدالمجيد: أدري... اليوم بالليل بيروح... خسارة... حاولت أقنعه بس..راكب راسه.. تركي: ماتدري يمكن برا أحسن من هنا... خله يفكر بهداوه ... ويرتب أموره.... آآآآآآآآآآآآآآآه موقفه صعب ...صعب حيل!! عبدالمجيد: ما أتخيل البيت بلاه... مو يكفي فقدت سعود... ويكمل علي هو... عجزت أنام امس...والشغل يا تركي...مصيبة المصايب.. هو يعرف كل شي... وحنا الحين بمرحلة صعبة... شلون يتركنا... آآآآآآآآآآآآه ألاقيه أنا من وين ولا من وين!! تركي : تعال ... نروح لمه... أكيد يحتاج مساعدة... مجيد... إذا بغيت أي شي أنا بالخدمة!! لا تحقرني ترى أبوي دايم يرسلني لشغله... بس عاد أودي أوراق... بس!! عبدالمجيد: ههههه .... يبي لك وقت تتعلم... لي أربعة شهور ملاصق لفيصل وماعرفت بالشغل مرة... وهذا وأنا قبل أشتغل معه بين وقت ووقت... _يقبل سلمان وهو يمسح يديه بعد أن غسلهما _ تركي: يالله قوه... شفت سيارتي!!؟ سلمان: لا.... وين أبشوفه وأنت ما أدري وين توقفه.... تركي: شفه هنا... شف مادري أحسه مب مضبوطة هاليومين!! عبدالمجيد: بعذره... من كثر ما محطته عند الأسواق!! رايح جاي ... وتدور أحد يعطيك وجه!! تركي: ياربيه رجعنا لطاري اللي!! سلمان: أنت ما تدري إن ممنوع نوقف سيارتنا هنا!! أبوي يقول توسخون البيت...!! تركي: تبي توووووووت!! سلمان: هين ... خله يطلع ويشوفه!! _في هذه الأثناء تدخل سيارة الجمس الخاصة بنورة ونجود مسرعة وتتوقف بجانب الباب الرئيسي, تفتح نورة الباب وتظهر حاسرة الرأس وتلف حول رقبتها طرحة خفيفة ويبدو واضحاً أثر كدمة عميقة فوق عينها, فيما بدت نجلاء منكوشة الشعر,شاحبة الوجه مفتحة الأزارير, ومرفوعة الأكمام وتظهر على وجهها بعض الخدوش إندفع الشباب نحوهن , سحب عبدالمجيد نورة من شعرها, فيما إتجه سلمان نحو نجلاء وبدأ بلي ذراعها, أما تركي فوقف متجهماً وبدا عليه الغضب_ سلمان: يا الحمير ليش طالعات بلا غطاء!! من صغركن!! عبدالمجيد: أنا أوريتس يا نورة!! كم مرة قلت لتس تغطين!! تركي: عيب والله طالعين كذا!! ترا حرام أنتم كبار.. نورة: آآآآآآآآآآآآآآآآآآآآآآآآآآآآآآآآآآآي آخر من يحتسي بالحرام أنت يا تروك أي.... حرام عليك!! تو نجلاء مكفختن يكفي أجل التكفيخ لبكرا الله يخليك!! سلمان: أنتي يا راس البلاء... وش مطلعتس من المدرسة بلا عباة بلا شي!! أنا بكسر راستس!! _إنكبت نجلاء على الأرض تبكي بحرقة, فيما ذهل سلمان, وتوقف عبد المجيد عن ضرب نورة وتركها,أما تركي فغضب بشدة قائلاَ_: حراااااااااااااام عليكم!! شوفوا أشكالهن أكيد صاير لهن شي!! وبعدين يا سلمان يا ويلك من عذيب .. صيحت نجلاء!! سلمان: والله ما سويت له شي يسوى!! نورة: يوووووووه نجلاء!! إحمدي ربتس مب اللي تولاتس مجيدوه هاللي إيدنه تقل ملاسات!! ضربة وحده تفقدين الإحساس الشعوري!! أخ يا راسي!! عبدالمجيد: وش السالفة!! تركي: حرام عليكم...نجلاء... قومي عن الأرض حارة!! نجلاء: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآ الشمس مب أحر من قلبي... آآآآآآآآآآآآآآآآآآآآآآآآآآآآآآ _تمدد تركي بالقرب منها, وأخذ يمسح على شعرها وأدخل يده بين خصلاتها, ولكن يده علقت بشعرها_ تركي: نجلاء... لا تحطين جل!! ترى الجل يكسر الشعر!! إسألين!! نجلاء: آآآآآآآآآآآآآآآآآآآآآآآآآآآآآآآآآآ هذا...هذا...مب جل!! هذا عرق.. تركي: أوووووووووووو سلمان: ههههههههههههههههههههههههه جل هاه.. الحين يا أم كشه ليش تصيحين...؟ تركي: ما عليتس منه نجلاء... نجلاء من زعلتس ...من اللي خلاتس تطلعين من المدرسة بدون عباة ولا شنطة... مين قولي لنا وحنا نوريه إن الله حق.. كلش ولا نجلاء عاد!! قولي لي!! نجلاء: آآآآآآآآآآآآآآآآآآآآآآآآآآآآآآآآآآآآآآآآآ ت...ت...تق....آآآآآآآآآآآآآآآآآآآآآآآآآآ تركي: ت..ت تقريد!! إسمه تغريد!! نجلاء: آآآآآآآآآآآآآآآآآآآآآآآآآآآآآآآآآآآآآ لا....ت...تقهر!! الحيوانه... إذا رجعت للمدرسة أنا أوريه!! نورة: مب أكثر من اللي وريتيه!!! تركي: منهي ذي ... شمسويه؟ نجلاء: تهاوشنا! آى..آآآآآآى أنت ما تعرف هوشات البنات.. ولا...ولا ...ماتعرف إلا هوشات ال...ال...العيال آآآآآآآآآآآآآآآآآآآآآآآآآآآ تركي: خلاص نجلاء حبيبتي... لا تكدرين خاطرتس عشانه... إسمعي نجلاء!! إذا قمتي الحين ورحتي للبيت وإرتحتي وتحممتي... أبطلعكم كلكم يالبنات لأي مكان تبونه ... وبجلس معكم لمين تملون... بمناسبة عطلتس.... لاتصيحين... يالله ...قومي!! نجلاء: تودين لأهلي!! تركي: وشو!! لا...ما أقدر أخاف عذبة تعيي... إذا وافقت وديتس.... يالله قومي....قومي... _ساعدها تركي على النهوض, وكانت نجلاء أقرب ما تكون لطفل تائه وجد من يدله على والديه_ سلمان: ولا تقل إخوه!! إستح على وجهك.. تركي: وشو !! صغار...قبل أقل من سنه يلعبن معنا حبشه هنا!! وبعدين لو أنتم يهود ما ترحمونه!! ماعليتس منهم نجلاء!! عبدالمجيد: شفت شلون صيحته!! وشفت شلون سكته!! يصلح هذا أم!! نورة: هذا أبوي حنون!! سلمان: حنون عليتس وعلى نجود!! بلا والله ما كسر الخيزرانه على ظهرتس!! وبعدين تعالي .... ليش جالستن تسولفين سنه...وما تغطيتي عن تروووك ولا عن السواق!! نورة: صباح الخير... ترى مب واجب علي أتغطى!! نجلاء إيه أما أنا لا!! عبدالمجيد:ليــــــــــــــــــــــــــــــه!! نورة: إسأل أمي نورة هي قالت كذا!! شوفوا شكله بينجلد من عذبة!! أقبل تركي على بوابة بيت عذبة الرئيسية, وطرق الباب, قدمت عذبة لتفتح , بدا ضلها واضحاَ من خلال الزجاج المبرغل, وحين فتحت الباب, صعقت حين رأت تركي يعضد لنجلاء, أخذت شرشف صغير معلق بجانب الباب, ووضعته على رأسها وخرجت.. عذبة: خير إن شاء الله عسى ماشر.. وشبه نجلاء!!؟ تركي: لا بس زعلانه شوي!! عذبة: وإذا زعلانه ما تتغطى!! نجلاء: عذبة...آآآآآآآآآآآآآآآآآآآآآآآآآآآآآآآآآآآآآآآآآ قهرتن...قهرتن... عذبة: وش بتس!! تركي: والله ما أدري ... جت من المدرسة هي ونورة ماعليهن عبي.. ولا معهن شنط ولا شي... وكلهن أشكالهن مكفخات... ويوم جو العيال يطقونهن ويخانقونهن إلا وتنكب على الأرض تصيح.... رحمتها وجبتها... عذبة: الله يجزاك خير ما قصرت.. بس المرة الثانية ..دق علي أجي... بدل ما تقوم بالمهمة أنت.... نجلاء: عذبة... كلهم يهاوشونن...وهو بس اللي رحمن... عذبة: تعالي يا عمري تعالي.. تعالي للبراد... يوووووووه وجهتس أحمر... مشكور تركي ما قصرت... وهذا إن دل على شي دل على طيبتك وأخلاقك... نجلاء:الله يجزاك خير يا تركي...وقل لسلمانوه العصل... إني برده لوه... وقل لمجيد لا يمد يده على نورة..لأكسره لوه... عذبة_تجر نجلاء للداخل_: أقول أنتي الحين إصحي .. همن هاوشي... _وتغلق الباب بوجه تركي_ ********** "في منزل سعد" تمدد تركي على الأريكة , وأخذ يضحك بقوة... د.منيرة:بسم الله!! أنت ينيت!! تركي: إيه من زمان!! يمه أنتي أصلا تدرين أنا صاحي ولا مهبول... د.منيرة: وش دعوا...كاني جالسة معك الحين وأنت بس تضحك!! نواعم: تركي ضحكنا معك!! تركي: تخيلوا اليوم جيت لمن عذبة وأنا خام نجلاء... توقعته بصراحة تذبحن .. بس رحمت نجلاء... نواعم: طيب إشسوت!!؟ تركي: بالبدايه عصبت بس يوم سمعت السالفة... تغيرت ميه وثمانين درجة... وصارت تقول كلام حلو... يمه كد سمعتي عذبة تقول لرجل كلام حلو... أحسها لو بغت ما تعرف.. نواعم: عذبة!! سيدة الرومانسية... والكلام العسل...بس من طلاقها وهي متغيرة.. د.منيرة: مسكينه... تركي: جد والله مسكينه... نواعم: تركي ليش فركشوا زواجهم!!؟ تركي: أمممممممممممم مـــــــــــــــــــــــــــــــــــــــــــــــاد ري...بس بس والله أعلم إنه تطاقت هي وفيصل على شي بالشغل وزعل وهي زعلت.. د.منيرة: غبية!! الحرمة العاجلة هي اللي تمشي دنياها بدون ما تعاكسها... وشلها بالمشاكل ووجع الراس... نواعم: لا يمه...هذي سلبيه... وسلبيه قاتلة!! اللي يمشي دنياه على اللي تجي ويستسلم له تماما ..هذا إسمه فاشل وجبان.. د.منيرة: وش تقصدين!! نواعم: يمه... الإنسان سواء كان مرة ولا رجل.. لازم يواجه دنياه.. ويغيره للأفضل...مو يستسلم ... د.منيرة: زين أنا بروح عندي مناوبه...لا تنطروني على العشاء.. تركي: يمه!! وحنا عمرنا إجتمعنا على العشاء!! ******** ................................................ "في صالة عذبة" نجلاء: حقيرة ... فضحتن عند البنات!! مو مصدقة ...اكيد من اليوم ورايح ماراح يسمونن إلا بنت المروج!! عذبة: نجلاء... أنتي اللي تعطين اللي قدامتس إسمتس!! لازم تواجهين الحقيقة بقلب جامد... إخفاء الواقع آخر شي يستطيعه إبن آدم حبيبتي...أنتي بشجاعتس تقدرين توقفين الناس وتثبتين للناس إنتس نجلاء بنت خلف الجندي اللي تفانا بخدمة وطنه!! صح!! أبوتس قاتل بالأزمة قتال الأبطال... أبوتس من عايلة وقبيلة أسهمت بكل فرد من أفراده بخدمة هالوطن... عمانتس كم واحد منهم جندي..طبيب ...قاضي... محامي..مهندس..أب صالح!؟ أولاد عم أبوتس... !! بالأزمة مو إستشهد عمتس!! وصديق أبوتس بمكان واحد!! أبوتس كان بأرض المعركة ودافع عنا كلنا!! وأنا اثق ثقة تامة إن مثل ما هي بطريقة دنيئة أثبتت للناس إن أبوتس مجرم تقدرين أنتي تثبتين إنه من أشجع الرجال اللي طول حياتهم وهم يسهرون لخدمتنا والدفاع عنا!! نجلاء: انا خايفة إني ما أقدر!! خايفة!! خايفة أوطي راس أبوي بدل ما أرفعه!! عذبة: الشي اللي تخافين منه بتطيحين فيه!! شيلي الأفكار السلبيه من راستس...وبتنجحين!! ليلى: نجلاء.... وش صار على بدوروه !!؟ نجلاء: ما أدري سحبتن نورة وفركنا وهي جثة ممدة على الأرض.. بس أتوقع أقل شي طلعت به كسووووووووووور أشكال وألوان.. ليلى: الله!! نجلاء: ولو ما سحبتن نورة كان هي في عداد الموتى!! عذبة: أفا!! ليه يا نجلاء!! الله عطاتس قوة مو ترهبين عباد الله !! المفروض الكاراتيه تعطيتس قوة ضبط للنفس وهذا ما كان يقوله سعود دايم!! نجلاء: سعود!! الله من أبو واحد جلده!! سعود ما تعرفين انتي بمغامراته!! عذبة: أنا أعرف سعود الله يرحمه أكثر منتس!! طيب .... إفرضي لو إشتكوا أهل البنت!! نجلاء: أجلدهم كلهم!! ليلى: لا يالفالحة!! حنا وين!! حبيبتي حنا بمدينة فيها قانون!! الدنيا مو لعبة!! نجلاء: أقول عاد لا تخوفونن!! عذبة: إسمعي يا نجلاء اليوم سويتي خطأين... الأول ضربتي بنت!! وهذا مو دفاع عن النفس هذا إنتقام.... وأنتي عارفة زين إن هالمبدأ مرفوض بهالبيت.. البنت المحترمه هي اللي تفرض شخصيته على الناس.. بدون ماتمد يده ... ضربتس للبنت جريمة يعاقب عليه القانون... وحنا ناس محترمين... ماندخل مشاكل مع أحد... فاهمه...يعني أنتي سويتي شي خطأ... وعيب... هذا أولاَ أما الثاني...ليش تطلعين من المدرسة بدون ما تتغطين!! وداخله على الشباب بدون غطاء... وتركي جاء وهو ضامتس ... وعادي...ولا كأنه سعود ولا ضاري!! ليش كذا يا نجلاء!! *********** "في غرفة فيصل" عبدالمجيد وتركي يراقبون فيصل وهو يوضب أغراضه, يغلق الشنط, ويرتب ملفاته, صامت لا يتحدث, تظهر سحابة قاتمة من الحزن على وجهه... تركي: عم.... بتروح عند عزوز...؟ فيصل: .......................الله كريم.. عبدالمجيد: كلمت عزوز وقلت له يستقبلك بالمطار... و.... إستاجر لك غرفة...بس تراي ما قلت له ليش أنت رايح هناك... فيصل:..................................._توقف فجاة وإلتفت إلى عبدالمجيد_.. صح...أنا رايح هناك ليش؟ تركي: لأن عذبة قالت لك إنقلع!! فيصل: تصدق... من كثر ما أنت ثقيل دم تضحكن غصب!! مجيد...صدق وش أقول للناس...يالله.. _وشد على شعره بقوة وجلس على السرير_ عبدالمجيد: ...... إمممممممممممممم قل...قل..قل..إيه قل ولهت على عزوز وأبزوره... لا..لا عزوز بيجي بعد أقل من شهر... تركي: إسمع عمو... أنت لازم تقول شي منطقي... يعني لازم مايحسون أهلنا إن فيه شيء... قل مثلاً إنك ودك تكمل دراستك... فيصل: وع!! عبدالمجيد: فيتو أنا من شوري إنك تظهر نفسك زعلان عشان عذبة عارضتك بالشغل... وتقول هذا جزاي اللي قاعد أدير شغله...ومن اليوم ورايح أنا بسافر.. وخله هي تدبر عمره بالشغل... طبعا هذا قدام الحريم والناس ... أما أبوتنا محد منهم راح يسأل حتى... فيصل: لا... بيقولون والقلب داعي لك... وجودي عندهم سبب لهم أزمة.. عبدالمجيد: ليش أنت ساكت.... ماقلت لهم ولا كلمه لهم!! فيصل: وش أقول؟!! تركي: عم....مو عيب إننا نخطي العيب إننا نكرر الخطأ... فيصل: شاطر... ليش ماتعلم نفسك... تركي: انا عمر أبوي ولا امي ما قالوا لي ...هيه هذا خطأ!! الله يهديني قبل لا أموت.... فيصل: إيه لو كنت أنت ما سوا أبوك هاللي سواه بي...تتوقع لو كان عمي ناصر حي سوا كذا؟ تركي: لا حبيبي وسع صدرك...أنت ما تعرف ... غلطة الشاطر بعشرة... بس ما تلاحظ إنك قاعد تحط حرتك بي...وش سويت لك انا؟!! فيصل:....................................كلامك صحيح... أنا قاعد أحط حرتي بك...أنت مالك ذنب... انا آسف... بس والله مالي غيركم أنتم الإثنين وأمي...أنتم اللي أحسكم واقفين معي ... تركي: أقول...تبي تووووووووووووووووووت بس!! فيصل: هاهاهاها...أبي ميرندا... عبدالمجيد: بالبقالة...هع سبقتك تروك... *********** "في غرفة نجلاء" نجلاء تتحدث بالهاتف وتبكي...: يمه...قولي لي صدق أبوي مجرم ومروج..إعترفي يمه... ريم: حبيبتي...نجلاء...لا...أبوك رجل صالح وما يعرف هالخرابيط!! نجلاء حبيتي إسمعين...هذولا شباب بالحارة تبلوا عليه... والله متبلين عليه.... بالله لو كان مجرم ما قعدت معه ولا ساعة... نجلاء: لا...أجل ليش كاتبين بالجريدة إنه له سوابق بترويج المخدرات... ريم: أكيد اللي كاتب هالخبر له صله بالمقتول... بس والله صدقين أبوتس الله يرحمه ماشي بطريقه ماعليه من احد... نجلاء: يمــــــــــــــــــــــــــــــــــــــــــــــه! ! أنا كبيرة...مو مو صغيرة تهكين علي!! ريم: يا حبيبتي هذا اللي عندي بتصدقينه...صدقيه... ماتبن تصدقيه مصيبة اللي بنت بتطلع أبوه مجرم غصب... نجلاء: أنتي الحين تخافين على سمعته عشاني!! ريم: أنا ما أخاف على سمعته... أصلاً الشريف شريف... عشت معه خمس سنين ما فوت فرض يوم... ما قسى على أحد يوم... بار بوالدينه...طيب معي... خلوق... محترم ... إجتماعي... كل من تعامل معه أثنى عليه.... إذا مو مصدقتن روحي إسألي بالحارة اللي كنا ساكنين به.. واللي الحين أهلتس ساكنين به عنه... نجلاء...هو عشانه مخلص تبلوا عليه الشياطين... اللي ذبحه هو اللي متبلي عليه.... نجلاء: يمه... إذا سألون البنات عنه وش أقول؟ ريم: قولي وبكل فخر...أبوي تبلى عليه واحد صايع... وعقب ما طلع من السجن إنتقم منه وذبحه... وبس قولي الحقيقة وراستس مرفوع.... نجلاء: يمــــــــــــــــــــــــــــــــــــــــه...أبوي كان يحبن؟ ريم: إيه .... قال لي قبل إعدامه ... أن أكثر ما خلاه يندم على اللي سواه أنتي... تمنى إنتس تعيشين معه... وتمنى إنه يسمع منتس كلمة بابا... بس للأسف مات قبل لاتقولينه.... نجلاء: يمه.... أنتي للحين تحبينه.؟ ريم: ....................إيه للحين أحبه... نجلاء: أنتي كذااااااااااااااااااااااااااااااااااااااااااااابه! ! أنتي لو تحبينه ما تزوجتي غيره.... وخليتين أعيش بعيد عن أهلي.... أنتي لو تحبينه ما رميتي بنته على أخوتس وزوجته وهي ما كملت السنه... وتزوجتي غيره... وجبتي عيال وسافرتي...ونسيتيه هو وبنته!! أنا ما أحبتس... أنا احب أبوي خلف وأبوي ماجد وأبوي ناصر وأمي فاتن وسعود وعذبة وليلى وناصر ونورة... وأنتي ورجلتس وعيالتس ما أحبكم... أنتم كلكم ماتحبونن ولا أنا أحبكم!! أكرهكم ...أكرهكم وأحب أبوي بس!! _وأغلق السماعة وهي تبكي وتردد ...أحب أبوي بس...أحب أبوي بس..._ ************** "في المطار" عبدالمجيد: فيصل....ودي أقول لك شي.... فيصل: قل اللي تبي...بتقول إني طحت من عينك...عادي كلهم قالوا كذا... عبدالمجيد: جعل عيني للعمى لو طحت منه... وشي عيني بلا شوفك....وشو مجيد بلا فيصل... فيصل... لاتزعل من نورة....ترى نورة آكله قلبه ... بنت عقله أكبر من عمره... وهذا اللي مخليه كذا... بس والله تحبك...وأمس ...كل امس هي ونجلاء يصيحن... فيصل:.................الله كريم... تركي: مو حلوه الرياض بلاك... فيصل: فديت الرياض...الرياض حلوه بأهله كلهم... وما وقفت علي...غابوا كثير عنه.... وماطفت انواره... هي هي...مثل ماعرفناه...حلوة...و... عبدالمجيد: فيصل الله يخليك إرجع معي... مو متخيل البيت بدونك...أنت عارف قدرك عندنا كلنا... أنا...نجود..سلمان..نورة..أحمد...أمي ..أمي نورة..أبوي.. فيصل: أنا عارف قدري عند أمي وبس....آآآآآآآآآآآآآآآآه ياقلبي عليه... تركي:أموت وأعرف من اللي قال له... فيصل: آآآآآآآآآآآآآآآآآآآآآآآآآآآآآآآآآآآآآآآآآآآآآآه قهر...أمي تعبانه ماتتحمل ....من قال له... عبدالمجيد: أمي دايم تجلس بالصالة الفوقية... ولو يطيح الدبوس تحت سمعته... أكيد سمعت كل شي... أكيد.. تركي: أخ ... تدري ساعات اتمنى أمي ولا أبوي يدرون عن لو شوي... بس دايم مسكرين عليهم غرفهم... فيصل خذني معك... فيصل: أنا ما أخذ سمرمد معي!! تركي: ياحبيبي!! كلنا الحين بالهواء سواء... عالأقل أنا بلاويي برا...مو مثلك جوا البيت!! عبدالمجيد: تركي!! تركي: هو عمي إيه على عيني وراسي... بس يعايرن عالطالعة والنازلة... وهو مثلي لا.... منكم أتحمل لاكن واحد مثلي لا... فيصل: أنت فرحان الحين!!؟ تركي: لا...صح انا بالطريق الخطأ ... بس والله ماودي أحد يصير معي... أنا أدري إني أسوي شي خطأ... وهذا سبب كافي إني مابي أحد يعز علي مثلك يصير زيي... فيصل: الله يهديك.. تركي: ويهديك!! عبدالمجيد: أنا ودي أجلس شوي ما تتهاوشون ... فضحتونا!! فيصل: تبي تووووووووووووووووت!! تركي: يالحرامي لاتسرق كلامي... عبدالمجيد: هاهاهاها أبي ميرندا... فيصل : بالبقالة...تروك سبقتك!! _ضحك الشباب بعمق...حتى أن تركي جلس على الأرض, جر عبدالمجيد فيصل لركن منزوي ولحقهم تركي_ فيصل: وش تبي... شوي شوي...شقيت كمي...!! عبدالمجيد: ودي أغني عليك.. تركي: أها....سحبته عشان ماتؤذي الناس بصوتك الرخيم...!! فيصل: تغني!! وش المناسبة...ولا تحسب نفسك نجلاء على غفلة!! عبدالمجيد: أدري بتقول زي كل مرة لاعمرك تغني أزعجتنا.. أدري بتقول صوتك تقل كنداسة مشقوقة.. بس أحسه تقرقع بذا...ودي أقوله... تركي: إرحم هذا المسكين...يالطيف حالتك تحزن... فيصل: يالله لا تموت علينا خلنا نسمع الكنداسة المشقوقة من زمان عنه.. عبدالمجيد: إحم ...إحم...إسمعوا وعوا.. تركي: أنت هيه..ماقلنا لك إخطب !! فيصل: إنجز بروح يالله...!! عبدالمجيد:_ بدأ يغني بصوت حزين_ أدعي علي بالموت ولا سمني ! بس لاتفارقني / دخيل الله وتغيب! طال السفر يابعد عمري همني .. شلون أودع بـ / المطار أغلى حبيب !! تعـاااال قبل تروح عني ضمني ! أقرب من أنفاسي // ترى حالي صعيب ! أبنتثـر / قدام عينك لمني .. , وأبي أسألك هل نلتقي عما قريب ؟ فيصل: حرااااااااااااااااااااااااااااااااااام عليك!! _وضمه بقوة ثم أخذ تركي باليد الأخرى وضلوا لفتره ليست بالقصيرة متعانقين وصامتين _ ********** ********** " في بيت الخال عبدالرحمن في القصيم" هيلة وخالد والعمة وحصة يجلسون في المقلط.. العمة:مبرووووووووووووك يا حصيصة!! والله وتملكتي وصرتي عريسة...!! حصة: الله يبارك بتس يمه....هيلة بتنامين اليوم هنا؟ هيلة: إيه.. مالي خلق أروح أغسل ثياب هالهرشة..خلي خالتي تحس بأمومته لو شوي!! خالد: حصة....بتروحين الشرقية وبتخلينن...!! العمة: أنت بتعرس اليوم ولا بكرا...بس بتتركن أنا...إيه الله يسعدتس يا بنيتي.. حصة: خالد... متى بنروح الرياض؟ هيلة: دوروا لي مركب معكم... العمة: روحي بدالي ... أنا ما أقدر أطلع وأخلي البيت والرجاجيل... خالد: والله ما أدري...بس أنا ما يحصل لي إجازة إلا بعد شهر... هيلة: شـــــــــــــــــــــــــهـــــــــــــــــــــــ ـــــــــــــــــــــــر!! العرس بعد شهر وإسبوعين!! عمه بتحطين عرس؟ حصة: لا... وشو له الخساير...والحريم ما يعجبهن شي... والرجال على قد حاله... ولانيب مكلفتن أبوي مبلغ وقدره وآخرته.. ما يذكرن إلا عيوب العرس... الحريم ما يبيز بهن... خالد: إذا على التكاليف أبوي مب مقصر... العمة: وحقتس يا بنيتي تفرحين وتسوين عرس ونرقص... حصة: إيه يمه إن شاء الله بترقصين... أخته تقول بنسوي حفلة كبيرة بالرياض إذا جيتي من السفر... وبيحطون طق وقاعة... يعني بترقصين... العمة: بس العادة أهل العريسة هم اللي يحطون العرس.. هيلة: يمه!!! الرجال ما دفع إلا أربعين ألف... وش بتجيب ذي... العرس لحاله اللي يواجه يكلف حول هالمبلغ... خال... متى بنروح للرياض ...شهر كثيرة.. خالد: بتروحين أنتي... أخاف شايبكم يعي... هيله: لا...أخلي إخواني يقولون له... ياخي خلون أسافر مليت من الحجرة والكرف عند خالتي.. حتى أمي يعيي أسافر معه هي ورجله... ويطير بمرته الثانيه وبناته لكل مكان.. وأنا صفر على الشمال... بس شغالة عند عجوزه... زهق..زهق..زهق... حصة: حبيبتي هيله أنتي أول من يركب السيارة.. خالد: بس صعبه مرة... ما أقدر آخذ إجازة... حصة: إسمع... كلمت علي عذبة أمس... وعرضت علي إني أجي لمهم ... عندهم سواويق... ولهن خبرة بأسواق الرياض.. أنت ودنا الخميس... وحطنا عندهم وإرجع... البيت مابه رجال ولا شي... وهن يبننا ... وحنا نبيهم ... صح!! هيلة: أحلى!!! وش عندكم؟ خالد: حصة...متأكدتن إنهن يبنكم؟ العمة: لا... بتروحن معهن نفرة!! ذولي مهابيل... خلق نجلاء هاللي ما يجي متر بثلاثة آلآف!! والله لو أنتي لاقيتن فلوستس بالشارع.. لا تروحين يهكن عليتس ويخلنتس تفسقين وتشرين زيهن... هيلة: إيوا ماما هادا ماركا!! خالد: الله!! ثلاثة آلآف ...أح..عسى اللي لابسته بالعيد وذبحت به الخروف!! أجل فساتين العروس بكم!! حصة: مب كل الثوب..بس التنورة بثلاثة آلآف... والباقي ما أدري بكم... بس مسكينه الحريم قبعن به... ههههههه هيلة: لا... مسكينه تقول له حصة عسى مب غالية التنورة أخاف أخربة... خخخخخخخخ على نياته تحسبنا أهله قالت لا مب مرة غالية.. قالوا له بكم قالت بس ثلآثة ...هع أنا إنهبلت أحسبه بثلاثة ريال!! قلت له به محلات عندكم تبيع بثلاثة ريال!!؟ هههههه قالت لا ثلاثة آلآف ...ومير يقبعن الحريم يتطنزن عليه... فشلنـــــــــــــــــــــــــــــــــه...ههههههه خالد: لا...حصة محنب حولهم ذولا...لا تخطبين لي ليلى..هونت.. هيلة: أهلاً أهلاً... مشروع خطبة!! العمة: والله ليلى مزيونه وهادية...ثقيله إسم الله عليه..مب مثل نجلاء هاللي تطير على سعفة... خالد: والله منب حوله.... تقضي راتبي كله على فستان!! حصة: لا... ماعليك..هي ماراح توافق عليك إلا وهي عارفة زين إنك ماراح تعيشة العيشة اللي عند اهله.. وبعدين هذا مها تقول أختي مضاوي إنه قبل لا تعرس أيام كان إخوه يصرف عليه وهي تشري ثيابه كله من برا وبالالآف بس يوم تزوجت تغيرت تماماً... وصارت تحسب للقرش ألف حساب... وبعدين هي عنده حلال... يعني لو ما يعجبه الوضع تشري بفلوسه!! خالد: لا والله!! انا مب رجل.... اللي أخلي مرتي تصرف على نفسه!! هيلة: أنت مطالب باللي تقدر عليه...أما اللي ماتقدر عليه ما أنت مطالب به... يعني تجيب له شغالة هذا أولاً .. ثانياً تحط له شقة منعزلة... وبس... بيعجبه الوضع أهلاً وسهلاً .. مب عاجبه بالطقاق ... خالد: إي والله إنتس صادزه....مير عقب هالكلام... تستاهلين من ياخذتس للرياض... هيلة: عسى يوافق هالشايب....الله يعين!! حصة: الخميس تودينا؟ خالد: مب هذا اللي بعده... لأني هالأسبوع مشغولن بالمزرعة... العمة: إنتبهي يهكن عليتس... لا تصدقين كلامهن.. حصة: إيه أكيد ..هم عارفين إني على قد حالي... وبعدين عذبة تعرف وحده مثلنا... تعرف الأماكن اللي يبيعون به شي معقول.. وتعرف الرخيص والغالي..هي قالت لي ...تعالي وأدبر لتس كل شي.. خالد: عذبة هذي لو مب أختي كان أخذته... شكله حليله وتستحي... وعاقلة مب من هالمخفات... هيلة: تسنه يدق الشيخ!! وش قصدك...أصلاً عذبة بتاخذ ولد عمه...هع خالد: هههه قديمة....هونت... هيله: هـــــــــــــــــــــــــــــــــــــــــو حسافة المزيون!! خالد: أفا.... وش عرفتس به!! هيلة: لا...إممم..ما..ما أعرفه... بس ... حصة: إنطقي يا عقرب تبن.. وش يدريتس عنه.. هيله: تقول نجلاء إنه مزيون.... خالد: نجلاء هذي لا تسولف لتس عن الرجال..قولي له عيب... هيله: وأنت تو ما تسولف عن ليلى!! خالد: أنا قصدي شريف...قصدي الخطبة... هيله: وأنا قصدي شريف.... قصدي الزواج.. خالد: وشــــــــــــــــــــــــــــــــــــــــــــــــ و!!! هيله: انت الزواج وأنا الخطبه...ههه حلوه صح...!! ************* |
"في الصالة العلوية _بيت عذبة_" عذبة: مصيبة!! أكبر مصيبة مرت علي...ياربي وش أسوي... ليلى: يااااااااااااااااااااربيه كلمي بو عبد العزيز خليه يتصرف... ولا كلمي عمه أكيد يدبر أمره... عذبة: أكلم عمه وش أقول!! أقول بنتكم ضربت بنت بالمدرسة... والبنت الحين بالعناية!! والأهل مشتكين ... والشرطة يبون البنت تجي يحققون معه!! ليلى: طيب نجلاء مرة خايفة!! عذبة: تستاهل... ولا أحد يسوي هالسواة... سوت نفس الغلط اللي سواه أبوه.. وكأن التاريخ يعيد نفسه.. _تخرج نجلاء من غرفتها_ نجلاء: عذبة.... يعني بتخلين الشرطة تسجنن!! أستاهل...أنا أستاهل عندكم... أنتم دايم تحسونن همجيه... كل هذا عشاني بدوية.. والبدو عندتس همج!! أنا أموت ولا أحد يخطي علي... أنا عمري ما مديت يدي إلا دفاع عن نفسي.. والبدوي يدفع حياته ولا يسمح لأحد يهينه!! ليلى: ياحلوه هالمرة مو دفاع عن نفسك... هالمرة فشة خلق... حطيتي حرتك كلها بالبنت... نجلاء: عذبة... يعني الحين بتتخلين عن... خلاص كلمي عماني البدو زيي... ماراح يزعلون.. لأنهم بدو... لأنهم يقدرون معنى الحمية... عذبة: نجلاء حبيبتي أنا ما قلت البدو همج!! البدو تاج راسي... حنا وش حنا بلا البدو... وهم ماحدهم على هالأسلوب إلا حياتهم القاسية... ترى كل الشيوخ الحضر أصلهم بدو... بس وش يفرق بيننا وبينهم... كل شي يختلف... عشان حنا عشنا ببيئة... وهم عاشوا ببيئة.. نجلاء... اللي سويتيه غلط حنا ما نختلف عليه.. والقانون اللي يقضي فيه عمتس القاضي البدوي بالمحكمة يقول إنه غلط.... بس لاتقولين إني أعتبرهم همج...انا أحترمهم وهم على عيني وراسي... ليلى: حبيبتي شوفي أكثر صحباتي بدويات... ذوووووووووق وتعامل راقي.... وبعدين بسألك سؤال واحد... أهلك إذا رحتي لمهم مو يقولون بين كل كلمة والثانية يا بنت الحضر... روحي خربوك الحضر... رباية حضر ما تنفعين... صح!! نجلاء:........................... عذبة: حبيبتي...إحنا أهل قبل كل شي.... وإسمي بآخره إسم قبيلتس...صح ولا لا... لمن يسألونن الناس أقول أنا .......يه أفتخر به وأشيل له على راسي... وكل واحد منا معتز بعاداته وطباعه صح ولا لا!! نجلاء: صح.... ليلى: خلاص فكينا ولا عاد تقولين بدوية ولا حضرية... حنا كلنا عرب ومسلمين.... عذبة: ولا عمرتس تقولينن كلام ما قلته... أنا عمر عيني ما قلت البدو همج!! فااااااااااااااااااااااااااااااااااااهمه!! نجلاء: عذبة أنا خايفة يسجنونن....آآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآ _ضمت عذبة نجلاء وقالت لها بصوت حازم_: شوفي حبيبتي....أبوتس ذبح... وما تخلينا عنه..حنا وأهله...!! وهو بس زوج بنتنا... أما أنتي ...أنتي بنتي...فاهمه بنتي... محد راح يلمس شعرة وحده منتس.... حتى لو هم الشرطة... لأني عند كلمة أبوي...يوم قال أبحافظ عليه زي بناتي... نجلاء: وش بتسوين...بتقفلين علي الباب؟ عذبة: ما عليتس ... إلا وما ربي يحله... أفا عليتس هنا يجي دور الحضر.. ليلى: الحضر!! وش تقصدين!! عذبة: السياسة.... بالعقل أقدر أحل كل أموري بلا مشاكل... لا تنسين إن عايلتنا توارثت الإمارة بالديرة سنين طويلة!! وإذا إحتجت عاد للفزعة كلمت عمانتس... و أكيد مب مقصرين راعين نخوة... ********** "في بيت أبناء العم" عبدالمجيد: إسمعي عذبة...ماقدامنا إلا أقل من يوم... والبنت لازم تروح للمركز ولا هم بيجون ياخذونه... نورة: لا... يمه... شلون ياخذونه... أم عبدالله: أنا قايلتن البنات ماله داعي يعلمن المضاربة... هذا اللي حصلتوه... عذبة: مجيد... لوسعود فيه أو فيصل ما قالوا هالكلام... طلبتك شف لنا حل..إسمع...كلم إبوه وقل له إنك المحامي... وإنك بتدفع أي مبلغ يطلبه أي عقار يبيه ..كتعويض.... ويتنازل عن الشكوى... عبدالمجيد: أخاف يطلب واجد...!!! عذبة: أدفع اللي وراي ودوني ... بس ما تدخل نجلاء مركز الشرطة... وش موقف أبوي لو عرف... يااااااااااااااااااربيه انا مضطرة.. عبدالمجيد: أبوتس مات وشبع موت... بس المشكله اهله.. عذبة: إسمع مجيدوه...أبوي ما مات..أبوي بيرجع.. وبيلفعك طراق على كلمتك يا حمار... عبدالمجيد: انتي لسانتس طويل!! أنا حمار!! الله يرحم أيام فيصل اللي فاكنا من شرتس!! إنقلعي منب مكلمه ولا شي... نورة: إنقلع أنا أكلمه ... اقول أنا المحاميه نورة إحم.. عذبة: إيه لو سعود هنا ما إحتديت لك!! عبدالمجيد: طيب... هاتي رقمه... لو سعود هنا فاكنا من خشتس!! _يتصل على الرقم_ أبو محمد: نعم!! عبدالمجيد: السلام عليكم... معك المحامي عبدالمجيد العبدالله.. الموكل بقضية الآنسة نجلاء.. أبو محمد: أقول ولا كلمه... الكلام مو معايا... الكلام روح قوله للشرطة...!! عبدالمجيد: عفواً سيدي... لكن إحنا ما نبغى الموضوع يكبر اكثر من كذا.. أبومحمد: الناس المتوحشة اللي موكلينك هما اللي كبروها.. أنا ما عندي كلام...والبنت بتلاقي جزاء أعمالها... عبدالمجيد: أنت عارف حضرتك إن البنت المسؤول عنها خوالها... وانت تعرف طبعاً مين خوالها!! أبو محمد: إيه أعرف!! هما اللي يملكوا شركات الـ للمقاولات... واللي لهم كثير من عقارات الرياض وجدة والشرقيه.. ولهم كمان معارض سيارات معدات ثقيله...ولهم فروع بكل دول الخيج.. أعرفهم ...بس اللي متأكد منه إني في السعوديه... والسعودية تطبق شرع الله... لا فرق بين غني وفقير... القضاء بيمشي عليكم وبيقاضيها لو كانت مين ما كانت... فلا تتحدوني أوصل الموضوع لفوق... عبدالمجيد: عفوا...أنت فهمتني غلط... انا أقول إنهم عرضوا عليك.. عشرة مليون مقابل التنازل عن القضية... والسعر ممكن يزيد إذا تفاهمت معهم... أبومحمد: إسمع هذا المبلغ أوصله دون ما أتنازل عن حق بنتي... قول لأحبابك يلعبون معاي غير الفلوس... أنا ماتهمني الفلوس.... البنت بكرا بتروح التحقيق.... وبعدين بتنسجن بدار الملاحظة.... وخلي اللي ما يعرفوا يربوا .... يربوا لهم دور الملاحظة بناتهم... سلام...طوووط طوووط طوووط.. عذبة: حقير!! نورة: الله ياخذه بس مو كن عشرة مليون كثيرة... عذبة: لا... إن بغى الشركة كله... أنا ما همن بس نجلاء ....لا ما أبيه تدخل مركز الشرطة.. يا فضيحتنا... عبدالمجيد: ما إرتحت لصوته... عذبة: شلون!! نورة: مبين دنيء من أسلوبه...راعي لف ودوران... عذبة: صح .. حسيت هالشعور من كلامه... عبدالمجيد: يقول إلعبوا غيره....باين الرجال راعي لعب واجد.. نورة: يهدد بيوصله لفوق..هه وشو الفوق اللي يوصله واحد مثله... وما نوصله حنا....ومافيه وجه مقارنه بيننا وبينهم... عذبة: حنا نعرف من الفوق الناس المحترمة...لكن هو يهدد بشي حنا ما نعرفه...صح!! عبدالمجيد: شكله والله العالم راعي شد لي وأقطع لك... عذبة: وشو!! عبدالمجيد: إيه ...هذا مصطلح يستعمل كثير بين التجار...والمسؤولين... نورة: يعني رشاوي... عبدالمجيد: أيوه...ومشكله هالنوع إنه يكون خطر.. إذا كان من التجار... أخطر شي... نورة: وإذا من المسؤولين...بعد خطير... عذبة: مجيد... قم الحين كلم بندر خله يكلم ضاري خويه عم نجلاء ويسأله عنهم ... أكيد إن له علاقه بأهل الحارة سواء من القاتل أو المقتول... عبدالمجيد: وش قاعده تخربطين أنتي... ناس بنتهم تدرس بهالمدارس... ويحصل عشرة مليون بالساهل زي ما يقول تبينه له علاقة بحارة الفقر ذيك...!! نورة: كلام عذبة صحيح.... ولا وش جاب قصاصة الجريدة اللي به خبر الإعدام لبدور... والسالفة كم مر عليه.... أكيد احد باردن كبده هالخبر أو غاثه...عشان كذا محتفظ به... كلم عليه وحطه على السبيكر... عبدالمجيد: ليه على السبيكر!! نورة: هه...لا.. بس عشان نسمع كلش... عذبة: خليه ينقلع لغرفته انا مت من هالغطاء...حرررررررررررر.. عبدالمجيد: هههه زين بروح للغرفة.... _تبعته نورة_ عبدالمجيد: خير وش تبين؟ نورة: أبسمع وش يصير....!! عبدالمجيد: أبو بدور وقلنا بتسمعين ... بندر وش بيقول...؟!! ******* ** "في لندن" عبدالعزيز: هلا والله عم...يووووووووه تصدق فرحت بجيتك... منزنق بحوث وحاله...وش طاري الجيه؟ فيصل:.................................حبيت أغير جو... عبدالعزيز: عم... ورى ماتجي تسكن عندي... الشقة فاضية... فيصل: مسوي به محترم بين كل كلمة والثانية عم عم... أقول قربنا من شقتي!!؟ عبدالعزيز: فيصلوه!! وش بك مالك خلقي...أنا فرحان بك... فيصل: وأنا سمورة... ولا أم الخير أحسن!! عبدالعزيز: ...............................للحين شطاني!! فيصل: متى نوصل للشقة!! عبدالعزيز: ترا مالقيت لك شقة.. لقيت غرفة... بس مرتبه...ونظيفة... وإذا ما عجبتك تعال عندي بالشقة...تراه ببلاش... فيصل: تنكت...هههههه خفيف دمك... أنا لو هامن ببلاش ولا بفلوس كان رحت لبيت ماجد... قريب من هنا.... وكبير وماحد فيه... وأعرف الناس اللي حوله بس أنا أحب أعيش حياتي الخاصة... أبي ألتفت لنفسي...كل يوم داحس نفسي بمشاكلهم...وبلاويهم وأشغالهم... وعند أتفه سبب ينسون لك ما سويت...ظلمت نفسي عشانهم... تركت دراستي... وشلت الشغل كله على راسي... أجلس ما أسافر...ولا أسافر وهم مجتمعين... ولا أحد قدر لي...إلا عمي هو اللي كان يقدر... بعد عمي خلاص ليش أدفن نفسي بينهم... من حقي أعيش حياتي... من حقي أتفرغ لهواياتي... من حقي أسافر..أشوف وأعيش مع ناس غير... من حقي ولا لا!! عبدالعزيز: زين ... صحيت من غفلتك... ياما قلت لك هالكلام!! _ضرب بيده على زجاجة السيارة, وصرخ_ أدري...أتذكر كلامك.... وهذاي جاين أعيش حياتي مثلك!! عبدالعزيز: أنت جيت هنا بكيفك!! مو مثلي...أعترف لك مادامك إعترفت لي... أنت جيت هنا بإرادتك... وأنا جيت هنا هروب... من المجتمع ومن أهلي... فيصل_يلتفت مشدوداً لكلام عبدالعزيز_: هروووووووووووووووووب!! عبدالعزيز: إيه هروب... من يوم ما عفت منى... وهم يتطنزون علي... كلهم إعتبروا إنه حسافة علي... جماله اللي أنا ما قدرته... كان بالنسبة لهم علامة على ذوقي الردي... حتى إن أبوي قال لي كلام جرحن... قال" لو انا دارين إن ما عندك ذوق.. ولا أنت وجه مزايين.. كان أخذته أنا...مب تخليه تحرم علي وآخرته... تعاااااااااااااااااااااااااااااافه...الظاهر إنك هجيت خفت هي تعافك.. ولا وش جاب القمر للقرد" محد كان مقدر إن هالشي غصب علي...عجزت أتقبله... شفت به قبح...حسيته شريره كأنه ساحرة ذيك أم عصا اللي بأفلام كرتون تعرفه؟ فيصل: وهي كذا... عبدالعزيز: أنت تعرفه؟ فيصل: لا... بس عذبة عارضت هالزواجه...حتى سعود كلهم قالوا الجمال مب كل شي...أكيد إنهم شايفين عليه شي.. عبدالعزيز: حتى خالتي فرح الله يرحمه...كلمتن وقالت لي إن طبعه شين.. بس شي مكتوب... هه وصلنا الغرفة.... شف وش رايك ... بعيده شوي عن مشاوريك... بس ماعلى السيارة بعيد... فيصل: وأنت تعرف مشاويري؟ عبدالعزيز: نسينا ما كلينا...أعرف كل شي أنت تحبه هنا وكل شي ما تحبه.. بس أنا أثق إنك ماراح تحب الغربة ...لأنك إنسان إجتماعي.. فيصل: أخلق هنا مجتمع!! عبدالعزيز: اتمنى!! ************** ************** "في غرفة عبدالمجيد" عبدالمجيد: عذبة!! تعالي إسمعي...تعالي!! _أتت عذبة ونورة يركضن...تبعتهن نجود_ عذبة: وش يقول؟ عبدالمجيد: يقول إنه كان فقير معدم وبعدين ترقى لمنصب حساس... ومن بعده وهو يلعب بالدراهم... نورة: يااااااااااااااااااااااااااااااااااااااااااااااااا ي صار صح كلامي.. عذبة: يبي لنا قوة قلب... مجيد...تقدر تجيب شي يدينه عبدالمجيد: كلمت خويي أبوه يشتغل معه بالوزارة... وقال لي على آخر رشوة حصل عليه...أظنه لشركة إسمه (....) وعن طريق واحد إسمه زاهد... بس خويي يقول إنه سمع طراطيش كلام... وما يقدر يقدم دليل... عذبة: خويك هذا أبوه له سلطه عليه!! عبدالمجيد: لا...أبوه فراش ...قصدي مراسل... ويدخل المكاتب ويسمع... نورة: خسارة!! عذبة: لا..مو خسارة ... الكلام هذا عندنا له دليل... وعندنا أكثر من كذا.. بس حنا مانبي نفل أوراقنا أكثر لأن مالنا مصلحة... صح!! عبدالمجيد: انتي لا تلعبين معه أخاف يورطنا!! عذبة: ماعليك... هو يحسبنا من ربعه... وكلن يرى الناس بعين طبعه.. الفرق الوحيد بيننا و بينه هو إننا مافيه فوقنا أحد لو فضحناه... أما هو بيروح سجن ومشاكل ماهوب قده... واللي حوله بينفضون إيدينهم...هذا أول شي راح يفكر به... نورة: ممتاز... واللي على راسه بطحة بيتحسسها... عبدالمجيد: أجل خلون أكلمه... عذبة: لا...حركات الإنتقام الخطيرة هذي الحريم أفلح به من الرجال... بس ولا أحد يتكلم...لو أقول عنكم عيال كلب... ولا نفس.. ولا إطلعوا من عندي.. نورة: لا... ولا نفس... بس أهم شي عالسبيكر.. _إتصلت عذبة عليه_ أبومحمد: نعم!! عذبة: يعني أنت الحين تبي الشرطة تتفاهم معنا!! أبو محمد: مين أنتي...؟ عذبة: انا عذبة بنت ماجد ناصر الـ المالكة والمديرة العامة لأملاك وشركات ناصر... أنا عذبة اللي طلقت رجله عشان تكوش على كل شي... وأنا عذبة اللي أجبرت جده يتنازل له عن كل شي... أنا عذبة اللي طردت ولد عمه وخطيبه عشانه بس قال له لا... أنا ما تعودت أحد يقول لي لا...واللي يقول لا..أنهيه مثل ما انهيت أخوي... عرفت مين انا!! إسمع يا حثالة... يا مرتشي...أنا بكلمة وحدة أنهيك وأسجنك... وأخلي بنتك مثل ماهي تعاير البنت اللي ماعرفنا نربيها على قولتك يعايرونه البنات ببنت الخاين... اللي باع ذمته ... أبومحمد: رجاء كوني محترمة... عذبة: إسمع أنا محترمة قدام الناس.... أنا ذبحت أخوي بيدي عشانه حاول يوقف بطريقي!! وراحت معه أمي وماهمن... لأني محترمه مثلي مثلك... بس الفرق الوحيد...إني أشتغل بدون ما أثير احد ضدي ولا اتحدى احد.. ولمن أتحدى أنهي بالكامل لأني أعرف مين اللي قدامي... أما أنت غلطان... ومن بكرا إعتبر نفسك مفضوح.... وسالفة زاهد حق شركة.... تحت يدي بمستنداتها....وتصويرها... أقرب شي بينعرض... ومثل ما أدخل أنا جايبه اختي يحققون معه... بتدخل معي يحققون معك... هذا من غير البلاوي...اللي عرفته...وجبته عندي ومستعده أنهيك... لأنك قلت لي لا.. فاااااااااااااااااااااااااااااااااااااهم وإعرف الناس اللي شروا منك ذمتك بفلوس شريت منهم إدانتك بفلوس... ومسألة العشرة مليون هذي حبيت أطلع بأقل الخسائر... مثلك عارف انا شاطرة بالتجارة .... وبتصفيه اللي قدامي... ترى عمري 22 سنة بس شف وين وصلت!! تحديت ناس مهب لمك ...ناس من اللي فوق... وأنهيتهم...مثل الوزير اللي فاحت ريحته قبل فترة بدولة..... تدري ليش سويت فيه كذا... بس عشانه عيا يعطي شركتي فسح عشاني غير مواطنه.. ههه خليته يلعن المواطنه اللي خلته مرزوع بالسجن...وهو شريف وأنت بكرا تحرى وش بيصير...وأنت مرتشي...و..ولا بلاش تشوفها بالشرطة أحسن.. وترى على فكره... أنا مو قاعده أعطيك فرصة لا... أنا زعلت منك ... وزعلي يكلف كثير... لكني حبيت أعطيك فكرة عن سبب فضيحتك.. وهو إنك حطيت راسك من راس عذبة...اللي عذبت أقرب الناس له... وشلون واحد مثلك حثالة..واطي..سافل...يا ... ولا بلاش.. بكرا يكتبون عنك بالجرايد.. _وأغلقت الجوال_ نورة: يمــــــــــــــــــــــــــــــــه تخوفين!! عذبة: وهذا اللي أبيه.. نجود: يا خبله بيعاند... وأنتي ماعندتس شي.. عذبة: هه هذاه يدق.. إرتاع!! عبدالمجيد: طيب إفرضي إنه.... عنده ظهر!! عذبة: لا... هو خايف.. والظهر هذا أول من بيتخلى عنه وهو عارف هالشي... ولا برايك ليش يدق الحين ... تعرف هالنوع دايم حاط يده على قلبه لأنه عارف إنه غلط... نجود: طيب ردي.. نورة: لا..أنا أبرد عليه وأكمل.. عذبة: أنتي عارفة وش بتقولين؟ نورة: انا مديرة أعمالك... وبحاول بما أني رحومه.. بس ما أضمن.. وأرد عليه الفجر إذا روقتي.. ولا ... يكون الموضوع خارج عن إرادتي... شرايتس.. عبدالمجيد: تصدقون بديت أخاف منكن ثنتين!! إفرضي لو عاند!! عذبة: ماعندي شي أخسره... إفرض لو نجحت!! مستعده ألبس أي قناع بس لا تتأذى نجلاء... ......... .............................................. "في الحديقة" د.أمينة: إي...وبعدين مشيت عليه!!؟ عذبة: الحمدلله...صدق...ههه غبي ولا فيه أحد يسوي كل ذا!! د.أمينة: إي حبيبتي مو كل البشر أوادم... ياما لقينا ناس عملوا أكتر من هكا... حتى ديال أقرب الناس ليهم.. عذبة: والله الدنيا ما تسوى الواحد يزعل أحد عزيز عليه... آآآآآآآآآآآآآآآآآآآآآآآآآآآآآآآآآه.. د.أمينة: طيب ... أنتي ما خفتي يتكلموا الناس فيكي؟ عذبة: موهم تكلموا قبل...عالأقل خلين أستفيد شي من الشائعات اللي هم مطلعينه... وبعدين قلت له بما أنك إنسان في أشياء لك ماتبي أحد يطلع عليه... رغم إنه صحيحه تذكر إني مثلك...ولمن أسمع من طرفك سيرتي...بتكلم أنا بسيرتك..ومافيه أحد يبي هالشي...طبعاً هو مسكين تشفق بس أسكت عنه... د.أمينة: ولساتك بتقولي مسكين؟!! عذبة: مسكين ألف.... اللي يبيع ذمته عشان وسخ دنيا...مسكين.. وش ينفعه يوم لا ينفع مال ولا بنون إلا من أتى الله بقلب سليم.. د.أمينة: صدقتي والله... إيش أخبار الشغل؟ عذبة: فقد فيصل.... حاسة راسي بيطير... كلش مركم على راسي... حاسة فيه تقاعس كبير بالشغل.. يوم كان فيه فيصل وهو كان يمشيهم غصب...بس يوم راح.. أخذوا راحتهم طول بعرض... د.أمينة: طيب... ليش ما تعينين أحد بمكانه؟ عذبة: منين يجي أحد بمثل مواصفاته... عارف الشاردة والواردة... شخصيته مع الموظفين غريبة... ممشيهم عدال...مسكين مجيد يقول لهم ويتكلم معهم ولا هم ملقين له بال... د.أمينة: ليه؟ يعني هوا شخصيتوا ضعيفه؟ عذبة: لا... بس هم ما يخافون منه لأنهم ضامنين إنه ماراح يتخذ بحقهم إجراءات صارمة... د.أمينة: ويش المانع ما يتخذ ديالهم إجراءات صارمة!! عذبة: واحد من خواله...وإثنين أصدقاء قدامى لأبوه... وهو ما يقدر يزعل أبوه عشانهم... د.أمينة: أها يعني المحسوبية بدت تشتغل عندكم... إسمعي يا بنتي.. المحسوبية دمار أي شركة...أو مؤسسة... لازم تواجهينهم أنتي... وأبعدي مجيد عن الموقف... عذبة: ما أعرف أكلم رجال!! د.أمينة: والله!! حبيبتي هذي أمانة بعنقك..أنا ما قلت ليكي أتغزلي فيهم.. أنا أقول وقعي حد للمهزله..أنتي الآن في وقت حساس.. عذبة: ...................ودي يرجع فيصل.. د.أمينة: وليش فيصل... أنتي قادرة توقفين بوجههم...هما موظفين عندك... وأنتي صاحبة الشركة... وبعدين ماحد بيلومك ...وخلاص بلاشي فيصل بلاشي وجع راس!! عذبة: فيصل فقدته مو بالشركة... فقدته بكل شي بحياتي... عارفة ماما...كان هو يعامل بالبيت وكأنه عم... أمي تعامله مثل ما كانت تعامل سعود... جدي مسلمه كل الصلاحيات.... حتى خواتي كانوا لما يبغون شي بعد وفاة سعود... يقول لهم أبسأل فيصل... إذا وافق وأشار علي إنه صالح لكن ولا مافيه.. كان دايم هو الأمان بحياة خواتي... حاسة بعد ما راح خواتي ماصاروا يدقون لي حساب.. د.أمينة: طيب ليش أنتي قلعتيه؟ عذبة: يفقدونه خواتي أحسن من ما يطيح من عينهن... اللي سواه فيصل مو سهل إني أقدر أكتمه... ولا أبي خواتي يدرون بشي...كفاية خسرته أنا مابيهن هن يخسرنه.. والدكتورة النفسية اللي أتعالج عنده قالت لي أبعديه عن حياتس... لأنه من الصعب إني أعيش ويكون مصدر الأمان بدنيتي...هو الخاين لي... والمجرم بحقي... آآآآآآآآآآآآآآآآآآآآآآه...مادري يا ماما... ليه أنا كذا... كل ما قلت فرجت جد هم جديد...راح أبوي وإستندت على أخوي... راح هو وأمي...ومشاري تخلى عن..وفيصل خانن... ومابقى لي إلا خالي وعياله... ومجيد... حتى مجيد ..أكذب عليتس إن قلت إني آمنته تماماً... بس حاليا هو أحسن الموجود....ولا أدري وش بيجد لي بعدين.. د.أمينة: كل خير بيجد ليكي...كيف لا...وربنا معاكي..!! الأمان كله بالله...ربنا اللي قدر ليكي الألم للخير... أنتي ماتعرفين الله إش أراد... عذبة: ونعم بالله... ********* "في صالة بيت أبناء العم" أبو عبدالعزيز: عبد المجــــــــــــــــــــــــــــــــــــــــــــــ ـــيد!! سلمان: يبه مجيد...نيم.. نورة: يبه وش تبي بوه؟ أبو عبدالعزيز: الكلب ...قوميه...قومي لا بارك الله بكم من عيال... تعب وشقى وآخرته بطالين!! روحي يا نورة لا أحط حرتي بتس!! نورة: طيب!! سم يبه هذاي رحت...مجيد...مجيــــــــــــــــــــــــــــــــــ د!! "في غرفة عبدالمجيد" نورة_وهي ترفع الغطاء عن عبدالمجيد_: مجودي قم!! ترا أبوي مشتب يبيك تحت... عبدالمجيد: نورة وش يبي!!؟ نورة: مادري معصب مرة...وبس يتحلطم... عبدالمجيد: ياربيه!! طيب تتوقعين ليش!!؟ نورة: يمكن..أنا أقول يمكن.. دري إنك تاركن الدراسة... لأنه يقول عنكم بطالين!! عبدالمجيد: مصيبة!! نورة قولي ما لقيته...راح عند محسن..عند إبليس بس مابي أنزل.. نورة: إسمع ...أنت إنزل وأنا أبروح أقوم أمي نورة تنزل ..تفزع لك.. عبدالمجيد: تفكن!! نورة: أفا عليك...أبوي ما يسكت إلا إذا هي سكتتوه... خبره انا تراي... "في الصالة" _ينزل عبدالمجيد, وهو يتظاهر بعدم الإكتراث...ولكن يداه ترتجفان_ أبو عبد العزيز: هلا والله ...هلا بالفالح... شاطر.. معطل هااااااااااااااه.. ثلاث شهور تداوم بالشركة.... وأنا آخر من يعلم!! ليش تترك الدراسة!! عبدالمجيد: ................................. أبو عبدالعزيز: تكلم إنطق...!! ليش تركت الدراسة..!!؟ عبدالمجيد: ما أحبه يبه...مليت خيست بالجامعه ربعي تخرجوا وأنا أحوس بنفس المستوى!! قلت أشوف رزقي بلا من هالدراسة اللي دافنن به عمري... أبو عبدالعزيز: لا يا شيخ!! خذ شهادتك ذي دور لك على شركة توظفك..بشهادة الثانوي... من اليوم ورايح... الشركة ماتطبه... والراتب اللي أدفعه لك مقطوع...تبي دراهم إشتغل بشهادة الثانوي!! عبدالمجيد: يبه طيب الحين أنا شايل الشغل كله... ومب لازم شهادة... هذا حلالكم.... وأنا أبشتغل به أولى من الغريب.. أبو عبدالعزيز: تخسى!! أولاً هذا مب حلالك.... حلال عذيب وخواته... وأنت مالك إلا الفضلة... ثانياً...أنا بما أني مدير الشركة ما أوظف إلا ناس أكفاء ومعهم شهادة جامعية!! أما شهادة الثانوي ذي أبوظفك به سواق عند خواتك بدال مراد... وخل مراد يسوق بي... ويقضي أشغالي..هذا إذا تبي راتب.. ولا إحمد ربك إنك تآكل ببيتي وتشرب.. الجدة أم عبدالله: هذا مب بيتك يا عبدالله!! هذا بيتنا كلنا...ومجيد موب ولدك لحالك..مجيد ولدي!! أبو عبدالعزيز: هلا يمه... الله يخليتس... بس الولد لازمن يتربى... والفلوس اللي تجيه بالساهل خله يعرف قيمته ... عشان بكرا ما يضيع لامن ضاعت عنه... أم عبدالله: كلامك صح... بس مالك حق تعزله من شغل الشركة.. منتب راعي الحلال... ومجيد عنده معرفة بالشغل..هذي تجي مكان الشهادة.. مجيد الحين يكلم عذيب...ويطلب منه توظفه إذا هي عيت يصير سواق.. وإذا وافقت هي تسوق كروة شغله... وأنت ما عليك منوه..مب؟ أبو عبدالعزيز: زين يمه... كلامتس صح... بس أنا بعد لي معه حساب ثاني؟ تعال معي للمكتب..فيه كلمة راس أبيك به.. يا .. الفالح!! عبدالمجيد: تآمر يبه... هذاي جاي... ********* "في مكتب عذبة" عذبة تقلب الأوراق وقد بدت عليها العصبية, رفعت رأسها وصرخت: كاميليا!! وين الملف الأسود... ياربيه كان هنا!! كاميليا_تأتي مسرعة_: شوفي هنا مدام!! عذبة: يووووووووووووووه الله لايعمي دلايلنا...قلت أكيد إنتس مرقيته.. شوفي خوذيه وخوذي هالكيس الأبيض..ووديهن لنجود.. قولي له تسلمهن مجيد يد بيد..خلاص!! كاميليا: أوكي مدام...لكن...أنا أنا أبغى كلام معك...ممكن..؟ عذبة: سمي .. وش تبين؟ كاميليا: I'm missed my family… I spend must my life with you… You are my family, but now I want leave to my country.. My mother is old woman .. My children now are young … So, all my family needs me!! Please, forgive me... I know, my work now is important for you… But I am the most important for my family!! Sorry… I can't still in here... (أنا أفتقد عائلتي.. قد قضيت أغلب حياتي معكم..فأنتم عائلتي.. لكن الآن أريد أن أغادر لوطني...أمي عجوز..أبنائي شباب.. لذلك كل عائلتي تحتاجني.. رجاء سامحيني... انا أعلم أن وظيفتي الآن مهمة لكم...ولكني أكثر أهمية لعائلتي!! عذراً...لا يمكنني الإستمرار هنا...) عذبة: كاميليا!! وأنا!! هناك عندهم أمك..أنا هنا من عندي!! لا..مستحيل تروحين... ما أقدر أتحمل المسؤليات... شوفي أزيد لتس الراتب..أعطيتس اللي تبينه... بس الله يخليتس إجلسي لو مو عشاني.. عشان نصوري..نصوري يحتاجتس!! كاميليا: sorry madam!! Nasser will be better with madam Maha!! You are strong. You can administrate the house with out me!! I believe that!! (عذراً مدام..ناصر سيكون بحال أفضل مع مدام مها!! وأنت قوية ..أنت تستطيعين إدارة البيت بدوني!! أثق بذلك!!) عذبة: كاميليا ... مالي وجه بعد كل هاللي سويتيه إني أرفض لك طلب... أنتي وقفتي معي يوم كثير من الناس تخلوا عن... أنتي نعم الصديقة والمربية والمديرة... والله يعين البيت كله على فقدتس... مير أنا بسألك ... وأنتي أكثر وحده أثق برايه... ناصر... من أحسن له ..يعيش هنا معي ومع خواته ولا مع عمتي مها؟ أمي بتسامحن لو عطيته مها؟!! كاميليا hhhhhhh, my dear You are busy women, While Nasser needs to family, Mother and father... You may be a mother but who are the father?!! Believe me; he will be well with mr.Fahad and madam Maha And madam Fara7 will be happy for that!! So, do the correct and don't think what will be happen!! Also, this step will be the solution for a lot of troubles.. (أوه عزيزتي, أنتي سيدة مشغولة بينما ناصر يحتاج لعائلة, أم وأب... أنتي ربما تكونين كأم لكن من يكون الأب؟!! صدقيني, هو سيكون بخير مع سيد فهد ومدام مها, والسيدة فرح ستسعد لذلك!! لذلك, إفعلي الصح ولا تفكيري ماذا سيحدث!!) عذبة: والله إنتس صادزه... بلكي نرجع الفرحة للبيت مرتن ثانية... ********* ________________________________________ "في مكتب أبو عبدالعزيز" عبدالمجيد: سم يبه؟!! أبو عبدالعزيز: أنا مانب أبوك!! بوه ولد يسوي بأبوه كذا!! عبدالمجيد: حقك علي يبه.. بس أنا أدري إنك بتزعل.. ماحبيت أضيق صدرك..كان ودي أقولك انا بوقت مناسب... أبوعبدالعزيز:الدراسة بحريقة!! دراستك لك...وأنت اللي بتاكل به علقه... تحسبن يوم أنا حريص على دراستك عشاني.. أنا أبيكم تصيرون رجال وتعتمدون على أنفسكم... الرجل اللي ما معه شهادة وش يبغى به!! مير خلنا من الدراسة... الحين ليش تفصل رأفت ومحمد وعلي!! خير هو على كيفك!! مالي راي ما تشاورن!! وتفصلهم مرتن وحدة!! من بكرا بيرجعون وأنت اللي بتروح تعتذر منهم... أنت ماتدري عن غلاهم عندي!! عبدالمجيد: فصلتهم!! أح ماتوقعته تسويه...بس أنا مالي دخل..هي اللي فصلتهم..مب أنا.. أبوعبدالعزيز: عذيب!! ووش أدري عذيب إنهم متأخرين بشغلنا!! أنت سوسة النخلة قال لي علي كل شي... ترجعهم من بكرا ومثل ما أنت زنيت على عذيب تفصلهم تزن عليه ترجعهم.. عبدالمجيد: أها...علي اللي قال لك إني تارك الدراسة... مير يا يبه أنا مازنيت على راسه ولا شي.. هي طلبت تقرير مستعجل ومفاجئ.. أرسلت أبو ياسين وقالت خلال ساعة وحدة تعطونه التقارير.. وربعك ذولا مالقيتهم.. آخذين إجازة من أنفسهم... طلبت من الأقسام حقاتهم تقارير عن العمل اللي أنجزوه.. وتأخروا... ومع ذلك كلمت عليه وقلت له إنه فيه ناس ماخذين إجازة.. وبيتأخر تسليم التقارير....وطبعا ماقلت له إنهم طالعين بدون إذن... هي يوم تسلمت كل التقارير... من بكرا كلمت علي وقالت أبكلمهم... قلت له مهب موجودين... عصبت وقالت الشغل متأخر بسبتهم.. وصارت تلاشط وتهاوش... وبعدين سكرته وكلمت مدير الموظفين.. وصارت تخانقه ليش تسمح لهم بإجازة بدون علمي.. وحنا وقت حرج وما أدري كيف..قال له هو إنهم ما أخذوا إجازة من عنده.. يعني متغيبين بدون عذر..هنا هي ولعت... كلمت علي وقالت لي رح وتفاهم معهم ثمن كلمت وقالت لا..أنا بتفاهم معهم.. والظاهر إنه فصلتهم... أبوعبدالعزيز: والله وطالت يدتس ياعذيب!! لا... هذي رفعت راسه.. يبي له قص رقبة... أنا أوريتس شلون تنزلين الناس مقاماتهم... عبدالمجيد: طيب يبه ماتدري من حطت بدالهم؟ أبوعبدالعزيز: من ما حطت ما يهمن بس هم بيرجعون يعني بيرجعون.. تدري رح الحين وناد عذيب القملة ذي.. وجبه بذا...هنا فاهم!! لا تروح يمين ولا يسار...إنقلع!! عبدالمجيد: أبشر يبه... بس شوي شوي عليه ترا لسانه طويل... أبوعبدالعزيز: مخوفتك!! أقص لسانه ورقبته بعد!! ما بقي إلا بزران يرفعون روسهم علينا!! ********* ...................................... "في الحديقة" عذبة تتصل بالجوال على فهد... ألو .. السلام عليكم.. فهد: وعليكم السلام والرحمة...شلونتس عذبة؟ عذبة: الحمدلله وشلونك أنت...وشخبارك بشر عنك؟ فهد: الحمدلله..تمام التمام إلا شخبار نصوري؟ عذبة: بس نصوري!! فهد:.............. عذبة: فهد ...أنا أبيك تفهمن... حرام اللي قاعد تسويه بمها.. والله حرام.. فهد: رجاء عذبة.. الموضوع منتهي وغير قابل للنقاش.. عذبة: متى بترجع من السفر...؟ فهد: بعد بكرا إن شاء الله.. عذبة: زين أبجهز ملابس نصوري... وأبقول لمها تستعد ترجع لبيته ورجله وحياته.. فهد: عذبة!! لا... أنا مابي ناصر.. أنا كنت أبي مها تأيس من بس...والله أبيه تجيب هي وتشوف حياته.. عذبة: ناصر يبيك!! فهد... الدنيا كله ما تسوى إحساسك إن فيه أحد يحبك ويحميك... لا عيال ولا حلال.. أهم شي بها الدنيا الأمان.. وإسألن أنا... لا تحرم مها الأمان مثل ما إنحرمت منه أنا... فهد.. أنت يمكن تنسى مها... بس مها بتتذكرك بكل لحظة تقسي عليه الظروف... مها لو تزوجت أحد غيرك ما راح يكون معه مثلك.. فهد: وش يضمن..إن شاء الله يصير أحسن من.. عذبة: مستحيل...وحدة مطلقة بعد 10 سنين وين بتلاقي رجال... إلا مطلق وعنده درزن عيال... أو واحد معدد...وتقعد تصالي هالحريم والجوار...!! فكر بعقلك.. تكفى..ترا تكفى تهز الرجاجيل!! فهد: وسعي صدرتس يا عذوب... وإن شاء الله ..يرزقة ربي من واسع فضله... عذبة: طيب مو عشان مها...عشان مساعد أخوك... أنت عارف إن مها مثل أمه... حرام يعاني مرتين بشيء ماله ذنب به!! يكون ضحية زواج الأجنبية... وضحية تضحيتك بمها عشان الخلفة!! ياخي فكر بعقلك!! فهد: عذبة اللي أعرفة إنتس إنسانة عقلانية... وحرمة بعقل رجال... وقفي بموقفي شوي... وتخلي عن عواطفتس... وصدقين بتعذرينن وبتأيدينن... عذبة: هذا آخر كلام؟ فهد: آخر كلام... عذبة: ترا ما بقي على قضية العدة إلا يومين... فهد: قلت لتس آخر كلام... _في هذه الأثناء تأتي آني وتخبر عذبة بطلب مجيد لها_ *********** "في مكتب أبي عبدالعزيز" أبو عبدالعزيز: أهلاً وسهلاً...عسى ما كلفنا عليتس وجبناتس لنا!! عذبة: لا ...وش بغيت؟ أبو عبدالعزيز:أقول ... من الآخر مافيه أحد تشاورينه ؟ عذبة_تشير لعبدالمجيد_: إلا دايم أشاور هذا...مجيد.. أبو عبدالعزيز: لا والله!! ومن قال لتس شاوريه؟ عذبة: أنا حرة نفسي ما أنتظر أحد يقول لي أشاور مين... أبو عبدالعزيز: وأنت _وينظر لعبدالمجيد_ مشيرن عليه تعيزل وتبيزل بالشركة بكيفه؟ عبدالمجيد: لا...هي تشاورن بنطاق الشغل!! أبو عبدالعزيز: ليش تفصلين رأفت ومحمد وعلي..؟ عذبة: لأنهم سبب في تأخير الشغل...التأخر في كثير من المراحل بسببهم!! أنذرتهم كم مرة..وفي الآخر البشاوات آخذين إجازة من أنفسهم وراتبهم ماشي ...وكل هذا وتقول ليش فصلتهم...! أبو عبدالعزيز: الحين كل الموظفين مالقيتي تحطين حرتس فيه إلا هم!! إسمعي أنا المدير للشركة..وهم بيرجعون رضيتي ولا زعلتي!! عذبة: عفواً...أنت مدير الشركة وأنا صاحبة الشركة... أنا مو مستعدة أخسر سمعة شركتي عشان ربعك!! أعتذر بشدة...أتمنى لو تطلب مني غير كذا!! أبو عبدالعزيز: وش أفهم من كلامتس!! عذبة: ......... أبو عبدالعزيز: أنتي وش حاسبتن نفستس؟ أنتي بزرة..أنتي ولا شي...أنتي قاعدة تثبتين نفستس بالأوامر!! إسمعي يا عذيب ... إن ما رجعوا بكرا أنا أترك لتس الشركة.. وأروح لشغل المعارض وخلي سعد يجي لتس!! أنتي ما يأدبتس إلا سعد... ولا اللي يناظر خاطرتس ويرحمتس ماترينه شي!! عذبة: أوه يابو عبدالعزيز...أنا ما ودي تطلع من الشركة!! لكن اللي يؤسفني أكثر هو بقاء مثل هالمتسيبين بشركتنا... وأقول لك قبل لا أروح أنا مو محتاجة رحمتك...مشكور سيدي واللي مربين ماجد الله يرده لا سعد ولا غيره يقدر يغير شي من اللي ربان عليه أبوي!! عن إذنك.. بروح أدور أحد يجي مكانك!! _تخرج عذبة وسط ذهول أبو عبدالعزيز وإبنه_ عبدالمجيد: يبه قلت لك... كلش يجي بالهداوة!! أبو عبدالعزيز: ................... معقولة اللي قالته!! شلون يمشي الشغل بلاي!! إي والله ما هميته ولا شي!! مجيد سمعته ... تتحدى!! عبدالمجيد: يبه الله يهديك أنت عارفن إن عمي ناصر الله يرحمه أعرف ببنته يوم كتب الشركة باسمه...هذي رجل لابس عباة!! أنا أعرفه... ما يهمه أحد!! أبو عبدالعزيز: إسمع ياوليدي... إن طلبت منك تصير بدالي لا تعيي... ما يصير نخليه لحاله...مهما صارت قوية هي مرة وضعيفة!! ******** "في مطبخ بيت عذبة" نورة: نجووووووووووووووووول إبلعي!! لا سجن ولا بلاوي هع هع هع!! نجلاء: هههههه ... والله يا عذبة خطيرة!! نورة: كلنا أنا عذبة ومجيــــــــــــــــــــــــــــــــــــــد!! سمعتي هاه مجيد!! نجلاء: أقول نورة... عذبة ليش عيت عليتس تكلمين أبو بدور؟ نورة: قالت أخاف تخربين الطبخة... بدق الحديد وهو حامي.... وكلمته هي... وتوعدته...وقالت له أنا بنسى اللي صار عشاني وعدت إختي.. خخخخخخخخخخخخخخخخخخ والله لو تشوفينه يوم قال له إنه ألغى الشكوى قامت تطامر وتصيح..ونست إن مجيد فيه... نجلاء: أح ومجيد يناظر!! نورة: لا غمض..هههههه نجلاء... بندر متى يجي لمكم؟ نجلاء: لا حول ولا قوة إلا بالله العلي العظيم!! أنتي وبندر ذا!! تدرين بقول لتس شي.. بس لا تزعلين!! نورة: وشو!!؟ نجلاء: وما تصيحين!! نورة: لا...قولي وشو؟ نجلاء: حصة بتاخذ بندر...حصة بنت خالي عبدالرحمن أخو أمي عذبة اللي بالقصيم... وبيجون بعد إسبوع يجهزون... نورة: هـــــــــــــــــــــــــــــــــــــــــــــــــ ــــــــــــــــــــــــــاه!! _وبدأت شفتاها ترتجفان_ نجلاء: معليش يا نوير... بس أنا قلت لتس عشان تنسينه!! وترتاحين..ترى بندر مادري عنتس!! نورة: متى!!وليه!! وشلون!! نجلاء: نورة حبيبتي... معليش أنا قلت لتس دايم... الحب ما يجيب إلا المشاكل!! نورة: طيب أنا أحبه!! نجلاء: هو مادري عنتس وأنتي صغيرة... نورة: حقيرة... أنا أكرهتس!! نجلاء: شكراً... "في الحديقة" عذبة تتحدث بالجوال بعصبية مع عمتها ريم... ريم: طيب ... حاولي فيه!! عذبة: أووووووووووووهووووووووووووو أنتي غبية ولا تستغبين!! ماعليش عمه بس تراتس تغثين.. أقول تيس تقولين إحلبيه!! ريم: ليتي عندكم... كان ما خليته يطلقه!! عذبة: بس توك تمنين تصيرين عندنا!! ريم: وش قصدتس يا عذبة؟ عذبة: ولاشي... بس اللي إيديته بالأميه مب مثل اللي إيديته بالضو!! أنتي مبردة وبس بهالجوال تحطين حرتس بي!! تراي صرت عندكم مثل الطوفة الهبيطة!! كل من إنقهر من شي حط حرته كله بي.. تعبت والله منكم... ريم: أنا وش دخلي بعيال عمتس وفيصل لامن غثوتس... وش سويت لتس أنا!! عذبة: إيه ما سويتي شي!! يوم سالفة بنتس وأنتي مزعجتن أميني ..بنتي يا عذبة!! بنتي أننا ما أفلت به إلا لكم..!! بنتي لا تضرونه.. وكأني أنا اللي مسببه المشكلة!! ولا كأن المسؤل عن هالغلط أنتي وأهله وهي... ريم: أنا وش دخلي!! أنا بعيدة..بعيدة مو بكيفي أرجع أضف بنتي عنتس!! أنتم اللي خليتوه تتعلم كاراتيه.. عذبة: سعود بطل عالمي بالكاراتيه ولا تعدى بعمره على أحد!! الغلط غلطكم كلكم اللي جحدتوا أبو نجلاء وكتمتوا على الموضوع.. لو كانت نجلاء قبل تسمع عن أبوه وعن اللي صار كان قدرت تدافع عنه قدام كل البنات.. لكن إذا كان مجرد طاريه تتحاشونه وكأنه عار فهذا اللي خلاه تسوي اللي سوته.. ريم: أوف!! أنتي وش بتس شايشة اليوم!!؟ إسمعي حاولي بفهد مرة ثانية.. عذبة: أقول عمه... أنا كلمته ... الحين دورتس!! ريم: زوجي ما يرضى!! عذبة: عاد شوفي لتس دبرة... _أنهت عذبة الإتصال وهي في قمة التوتر.. وقفت تحت النخلة التي كان يجلس تحتها دوماً جدها فتبسمت وأغروقت عيانها بالدموع وهمست: إيه الله يرحمك يالغالي... شايلن هموم وهموم ولا كنت داريه.. يا بركة وجودك...آآآآآآآآآآآآآه.. ياحبي لك..ويافقدي لك.. الله يرحمك ويجمعنا كلنا بجنات النعيم... _تعالى صوت من خارج أبواب القصر, صوت إمرأة تتجادل مع الحارس, إقتربت من البوابة وتسمعت للصوت_ الحارس: معليش يا حجة.. بس والله ما أدرش!! السيدة: أنا أبدخل أبدخل... إيش يعني ما تقدر؟ الحارس: البشوات منبهين عليا مدخلش حد حتى أستأزن.. خليني أكلم الستات وهم اللي بيدخلوكي!! السيدة: أنا أبغي بنت ناصر!! هو يعرفني.. قلهم أم علي عند الباب!! _إقتربت عذبة من البوابة وظهر ظلها على الباب الزجاجي الملون وطرقت الباب_ عذبة: عم حسنين... خله تدخل..حياتس الله يا عمة تفضلي!! الحارس: حاضر يا ستي...بس لما بتدخلي كل الغلابة اللي بيوأفوا عند البوابة كل يوم حتعمل مهزلة!! عذبة: ماعليك... السيدة: كش على وجهك !! شوف الناس الكريمة مو هالعمامة!! عمى يعمي عيونك!! بلا.._وتدفعه وتدخل_ ربي يرزقكم من واسع فضله يا كريم!! _تدخل المرأة ثم سلمت على عذبة بحرارة_ عذبة: تفضلي داخل يا عمة!! السيدة: أم علي...أنا أم علي... عذبة: حياتس الله أم علي.... تعالي من هنا ندخل... أم علي: لا يا بنتي... أنا أبكلمك هنا..أنا جيت من حي بعيد... وما أبغى أتأخر... عذبة: على أمرتس...وش أقدر أخدمتس فيه؟ أم علي: معليش.. بس أتعرف عليك الأول... أنتي إيش تكوني للشيخ الله يرحمه ويوسع عليه..؟ عذبة: أنا حفيدته.. أم علي: طيب إندي لي على أمك... عذبة: أمي!! الوالدة متوفية.. إذا كان فيه معاملة بينك وبينه أنا اللي راح أحله بإذن الله.. أم علي: بسم الله عليكي يبقى أنتي هنا المسؤولة.. يا بنتي تعبت من الوقفة أه_وتجلس على الأرض وتجر طرف جلابية عذبة للأرض_ عذبة: عمه..أبروح أجيب لتس كرسي!! هنا قريب.. أم علي: لا يا بنتي... إجلسي معاي.. أبغى أقول لك كلمتين وأخرج... عذبة_تجلس وهي تتأمل السيدة المنقبة والتي يظهر عليها البؤس الشديد والفاقة_ إسمعي يا بنتي...أنا وحدة غلبانه... زوجي زمان يمني كان يشتغل سواق عند جدك.. وبعدين أنخبط بحادث ومات وترك لي أولاد ... ومن يومها والشيخ رحمة الله عليه وهو يصرف علينا.. أشترا لنا بيت بجنب بيت أبوي.. وكل راس شهر يرسل لنا طعام.. ويرسل لنا فلوس... زوجت بناتي وأولادي... وإستغنيت...روحت لمكتبه وقلت له أنا خلاص مو محتاجة.. ومن يومها وإنقطع..لكن قبل سنة إترملت بنتي... والبيت أمتلى بزورة.. والحال صعبت... رحت للشركة قالوا لي أتوفى... رحمة الله عليه..كان أبو لبناتي.... آآآآآآآآآآآآآآآآآآآآآآآآآآآآآآآآآآآه والله حزنت عليه كثير.... وبكيت... الله يرحمه...فقدناااااااه عذبة: الله يرحمه...مو بس أنتي فقدتيه...كل شي هنا فقده.. أم علي: شوفي يا بنتي...أنا ما أبغى تعطوني لي...أنا مستورة أشتغل بالنهار بجامعة... ولكن بنتي صعبت عليها الدنيا..وهي ما معها الجنسية عشان تترزق... بوظيفة.. ولا حاجة... عذبة: تشتغلين بجامعه.....!! أم علي: أيوه يا بنتي أنا مستخدمة هناك!! عذبة: عمه إكشفي وجهتس!! مافيه رجال هنا.. أم علي: حاضر يابنتي!! _وكشفت أم علي عن وجهها فذهلت عذبة_ عذبة: عمه أنتي تشتغلين بنفس المبنى اللي أدرس فيه!! أنا طالبة بالجامعة... أم علي: والله يا بنتي!! عذبة: عمه إذا ما عندك مانع...أبرسلك الحين مع السواق.. ويوصلك لبيتس... ومن بكرا إن شاء الله بتوصلتس مقاضي البيت... بس أنتم عددكم كم!!؟ أم علي: سبعة..أنا وبنتي وأولادها خمسة!! عذبة: زين يا عمه لا يصير خاطرتس إلا طيب!! بس لا تنسون جدي من دعاؤكم!! أم علي: والله أنا وبناتي وأولادي دايمن بندعي له!! إلا أبسألك سؤال!! هو ولده الغايب رجع؟ عذبة: لا...الله يرده سالم غانم..يارب يا كريم... لحظة عمه بدخل داخل أبخلي السواق يجهز السيارة.. لحظة..!! _هرولت عذبة للداخل..كلمت السائق ليدخل السيارة.. وفتحت حقيبتها..فتحت المحفظة.. ثم صرخت: أوووووووووووه منس يا نجول ما تبقين فكة!! فتحت الدرج وأخرجت خمس مائة.. رفعت أحد الملفات فوجدت مائتان... أدخلت يدها بجي قميصها المتسخ فوجدت عشرات وريالات ضحكت ورمت بها على الدرج.. أعادت النظر للمحفظة..فتحت أحد الأدراج الجانبية... وتبسمت حين أخرجت منه ألف ريال وركضت عائدة للسيدة ولكنها لم تجدها_ عذبة: يوووووووووووه راحت أم علي!! ياقلبي عليه طلعت من عندي إيدينه فاضية!! ياخزياااااااااااااااااااااااااااااااااااااه من الله..!! _إتصلت بالسائق_ عذبة: ألو أبو ياسين...إحفظ بيت المرة ذي...أنت تعرفه!! أنت كنت تروح له قبل!! أها يعني هي صادقة...زين... قل له إني أبرسل له الحين حاجة.. لامن وديته تجي أعطيك إياه وتعطيه..زين..سلام.. ************** غاليتي وفاء... ها أنذا أعود مرة أخرى لأستشيرك ولكن هذه المرة بأمر خاص بي... ربما وجدت فيك خبرة وممارسة لهذه الحياة.. وربما وجدت فيك أخت تتفهمني..وتنظر بزاوية بعيدة... تنظر للأمور كماهي لا كما يجب أن تكون أو ما نظنه يكون.. وربما وجدت فيك إمرأة تشاركني القوة والمسؤولية وتقدر الأقنعة التي يجب أن أرتديها... أي ما كان... أحتاج منك إنقاذي...فأنها أسير للهاوية...ولا أرى غيرها رغم فراري منها.. ... الأمس أقلت إبن عمي الكبير...لخوفي على مصلحة عملي... لم أكن أقصد ذلك..ولكنه دفعني لهذا القرار... بسبب إستهتاره وتستره على بعض أصدقائه ممن يتولون مناصب مؤثرة.. أنا في حقيقة الأمر لست نادمة على مافعلت..فكما قالت لي كاميليا.. إفعل الصحيح ولا تفكر بعواقبه... هاقد فعلت...ولكني الآن لا أستطيع حتى أن أفكر ماهي العواقب!! كم وددت أن أعمل بالشطر الآخر من الحكمة... ولكن... هكذا أنا دائما...أقدم على أمور... قد لا أستحملها!! مجرد التفكير بالعواقب يصيبني بدوار...وعصبية مع كل من حولي.. للحظات خلت نفسي مجنونة...أضرب بيدي الجدران وأكلم نفسي.. أبيت أن أبوح بجنوني لغيرك... لأنني أثق أن وجهي الحقيقي" بلا أقنعة" لن يفقدك الأمان!! .... غاليتي... أنني أسير نحو الهاوية فلست بالمرأة الكفؤ لإدارة إحدى أكبر شركات المقاولات بالعالم العربي... الشركة الآن تتسلم مشروع ضخم على مستوى المملكة... أريد أن أصل لبر الآمان...!! أريد أن يدير الشركة شخص كفؤ... ولكني حاليا أفتقد الثقة بكل من يحيطون بي...حتى المخلصين منهم.. بعدما تلقيت الكثير من ضربات الخيانة ممن يعدون أشرفهم!! قد تظنين أني أكتب لك ألغازاً وأحجيات ... ولكن هذه الحقيقة... فالألغاز تولد من رحم الواقع!! سؤالي: هل أسلم الشركة لإبن إبن عمي المقال.. أم أبحث عن غيره.. علماً أنه مجتهد بشغله ولكنه مبتدىء وقد يكون كما والده يطمع في السيطرة التامة علي.. إذا كنت تعلمين شخص قدير أعلميني بذلك!! أنتظرك على أحر من الجمر... أختك... دمعة عروس... _أرسلت عذبة هذه الرسالة لوفاء خليفة المرأة التي تعرفت عليها عن طريق الإنترنت_ ************* "في غرفة مها" دارت مها في أنحاء الغرفة الواسعة ذات الأثاث الفخم, أطلت من الشرفة, ورأت ليلى تدور وتتحدث بالجوال, أسندت ظهرها على الشرفة وتنهدت, تدحرجت دمعة على خدها, وأخذت جوالها ثم كتبت: أمانة لو عشقت في يوم غيري تذكر جراحي ولا تترك حبيبك ما بقى للعاشقين عتاب مفارق والذي يخليك لحظة بطفي مصباحي تعرّى الدمع ساعدني البّسه الظلام ثياب _وأرسلته لفهد, ثم أطرقت رأسها وسحبت دفتر قديم , وسحبت القلم من بين ركام ألعاب ناصر, ففتحت الدفتر وكتبت..: لك حبيب ما نسا .. كلمته دايم عسى اطلب الله وارتجيه .. صبح يومي والمسا كل زين اشهاده وانتم بعيد منوتي ليتك معي وان سهرت الليل اهوجس بك واعيد هل لاجلك مدمعي وانت هاجس خاطري .. وانت فرحة ناظري يا قريب ويا بعيد .. فيك امس وحاضري رنت نغمة رسالة , قفزت مها وأخذت الجوال.. عزيزي العميل... لقد تم إصدار فاتورتك مها: الله ياخذكم!! تأملت مها الجوال..ثم كتبت “للمرة القبل الأخيرة... أحبك... أكثر من أي شي بهالدنيا... طمني عنك..ووش أخبار رحلتك!! بدوني؟”******** "في غرفة نورة" "تخرج نورة دفتر أحمر مزركش, طرزت عليه قلوب حمراء وبيضاء, كل صفحة من صفحاته زينت ببيت شعري رقيق.. وحروف الحبيب بندر نثرت على أطرافه.. تأملته نورة وبكت.. وهمست: ليه يا بندر... يعني أنت ما تحبن.. تحب حصة.. أنت أصلاً وش عرفك بحصة!! آآآآآآآآآآآآآآآآآآآآآآآآآآآه آآآآآآآآه...بندر أحبك..والله أحبك.. بس أنت حقير وصلف... ماتعرف تقول كلمتين حلوات على بعض.. أنت طويل وعريض.. وأبيض... وعيونك ملونه زي السنجاب!! قبيح...ما أحبك.. إيه أنا ما أحبك... بس... والله أحبك غصب علي.. وحلو.. غصب علي أشوف زينك..._وإنخرطت في نوبة بكاء شديدة, في هذه الأثناء دخلت نجلاء_ نجلاء: نورة!! عسى تصيحين عشان بندورة!! نورة: أص يالعصلاء لا أحد يسمعتس!! نجلاء_تمط شفتيها_: أها خايفة الناس يدرون!! مب تقولين الحب شيء فطري.. اللي ما يحب مريض!! هه هذا الحب ونتايجة!! وحدة عافت الرجال وغافصتن نفسة بالشغل .. ووحدة خامتن وسادته تصيح!! وأنتي بعد صرتي زييه.. مير مها معذورة عاشت معه عشر سنين.. أنتي اللي ما شفتيه أكثر من أسبوع وتولعتي به.. نورة: أص لا أحد يسمعتس..أص!! نجلاء: إيه هذا الإثم...ماحاك في نفسك وكرهت ان يطلع الناس عليه!! نورة_بصوت مبحوح_: من متى بندر يحب حصة؟ نجلاء: بندر هذا يحب!! هذا لو تحبن بدوروه كان أقول هو يحب!! أنتي ما تعرفينه بينه وبين الجنس الناعم علاقة عداء أزلية!! والله يا ما كفخنا بس وراه نويز بالشارع.. خلي عياله يجون والله لأبرد حرتي بهم.. نورة: وأنا بعد...أببرد حرتي بهم..وبأمهم!! آآآآآآآآآآآآآآآآآآآآآآآآآآآآآآآآآآآآآى..آآ أ...أأ نجلاء: يا خزياه مير اللي كبر الحمار وتصيح عشان بنت خال ولد عم أبوه بتعرس!! *********** ....................................... "الجزء التاسع عشر" "في القبو" نجلاء تغط ساقيها بالمسبح, وناصر يعوم ويتسابق مع أحمد, نجود تتكئ على الجدار وتمدد ساقيها بينما عذبة منهمكه بتدليكهما..ليلى ترسم على أحد النوافذ.. نجلاء: ليلى!!...هيه أنتي على بالتس حنا بالبندقية.. ناصر: لا بالمثدث!!ههههههه أحمد: لالا...بالكلانكفوش!! ليلى: كلانكشوف يا فطين!! عذبة على طاري البندقية وش صار على السفرة.. نجود: ترى أبوي وأمي نورة مرة متحمسين يبونكم تجون معنا!! عذبة: أنا ما عييت.... بس لازم يكون معهن محرم.. نجلاء: لاحول ولا قوة إلا بالله... منين نجيب!! بندر وعنده شغل.. وأحمد أبوه يقول مابي ولدي يطلع برى السعودية وهو مراهق... إذا كبر وعقل ميخالف.. ولامن كبر ولده ولا نا معرسين!! وربي يرزقنا محارم!! نجود: عذبة وش هالتعقيد!! الحين أنتي مو وأثقة أبوي وجدتي أجل من تثقين!! عذبة: لا يا نجود المسألة مو مسألة ثقة,,, بس أنتي عارفة إن السفر بدون محرم حرام... ومستحيل أسمح لخواتي يسونه.. نجود: يعني أنتي مب مسافرة!!؟ عذبة: لا...وين أسافر والشغل قايم على قدم وساق؟!! ليلى: أصلاً السفر كله للخارج بغير حاجة حرام.. يعني الدعوه خربانه خربانه!! عذبة: والله !!! يعني بدل ما يصير ذنب واحد يصير ذنبين!! نجلاء: نورة تقول مجيد مب مسافر...ليش؟ عذبة: لأنه ماعنده إجازة... نجود: أقول عاد!! بتعطينه إجازة وأنتي مرتن جيدة!! عذبة: الحين أنا ما آخذت إجازة... ليش هو ياخذ؟ وبعدين يستلم راتب على قعدته ...ما قعدته ببلاش!! نجود: صدز بتعيننه المدير العام للشركة؟ عذبة: تقريباً ...حاليا هو المرشح الأبرز.. ومادري وش بيصير بعدين... ليلى: وفيه وحدة تسأل عن مجيد ليش؟!! نجلاء: عشان تطمئن على أحوال الرعية!! ترى أنا ما أزعل زي غيري... بس بقول فيه وحده تحب القصيم ليش؟ عذبة: عشان خلودي!! ليلى: ها ها ها..سخيفة!! *********** "في غرفة مها" _قبيل الفجر_ مها تغط في النوم وإذ بالجوال يهتز معلناً قدوم رسالة.. مها: فهد!! وقرأت: عن حبك رحلت .. ولحبك وصلت .. وهذي سوالف رحلتي .. سافرت .. في كل التراب سافرت .. لديار السحاب وهربت من ليل اللقاء .. وسهر الغياب وأنتي بداية رحلتي وكنتي النهايه .. ودعتك وغصب علي خذتك معايه .. يرن الهاتف وترد بسرعة: هلا والله !! فهد: مها...أنا تحت جبت لتس غرض تعالي خوذيه.. ولا أرسلي أحد .. مها: فهد...اليوم آخر يوم من العدة..بتراجعن؟ فهد: مها أنا تعبان من السفر توي جاي من المطار.. بتجين ولا أرسلي أحد تراي ماعندي وقت للهذرة.. مها: عند أي باب؟ فهد: الباب الرئيسي ...هه دخلت بالسيارة... أبنزل وأحط الغرض عند الباب وبروح.. تعالي خذيه.. مها: لا..وقف أبسلم عليك.. فهد: حطيته ورحت ... مع السلامة... طوووط طوووط مها: لااااااااااااااااااااااااااااااااااااا _أطلت مع النافذة ورأت سيارته تخرج من البوابة الرئيسية ركضت للأسفل, وفتحت الباب فوجدت علبة أمام الباب مغلفة, مطت شفتيها ومسحت دموعها بطرف كم جلابيتها, وإنحنت لتأخذ الهدية, وإذ بشيء يسير على رقبتها, صرخت فزعة : صااااااااااااااااااااااااارور!! يمــــــــــــــــــــــــــــــــــــــــــــــــ ــــــــــــــــــه!! _وإلتفت لتهرب وهي تقفز وتصرخ ثم توقفت فجأة, فهد مستغرقاً بالضحك_ فهد: وأنتي كل ما أسوي هالحركة تخافين!! ههههههههه عليتس شكل تمنيت أصورتس.. مها: فف...ففف...فهههههد...دددد!!! بسم الله منين طلعت؟ شلون طلعت وجيت ... أنت فهد!! فهد: لا أنا جني فهد...فهد راح وأرسل الجني عشان محد ياخذ الهدية غيرتس مها: آآآآآآآآآآآآآآآآآآآآآآآآآآآآآآآآآآآآآآآآآآ_وإنخرطت ببكاء شديد_ فهد_بذعر_: مها روعتس!! والله أنا فهد .. الحارس هو اللي طلع السيارة مب أنا... مها ياربيه كل ما أسوي لتس هالحركة تصيحين!! _وضمها برفق_ مها: أنا ما أصيح من الروعة!! أنا أصيح من الفرحة إنك رجعت...صح بنرجع... _ومسكت وجهه بيديها ومسحت برفق قا ئلة_: قل إيه..تكفى قل إيه... فهد: لا... مها: لااااااااااااااااااااااا فهد: لاتصيحين... خلين أكمل...أقول لا للفراق!! مها: ياحبي لك!! يا سعدي.. بروح أجيب أغراضي ...إصبر ..خل أقول للشغالات يصلحون لك عشاء.. وإنتظر أضف عفشي وأجي.. فهد: أقول أي شغالات !! الساعة ثنتين!! ماتشوفين.. إسمعين مها...أنا اليوم كلمت مساعد يحجز لنا بنسافر... بكرا أبجي وأباخذتس ونصوري... ونروح لأبها.. مها: ياسعدي.. بس نصوري بيروح لإيطاليا مع عمانه... خلنا ناخذ راحتنا ولآخر مرة بدون بزران.. فهد: أها ... على كيفتس...مير الحين روحي نامي.. وأنا أبجي بكرا آخذتس.. مها: لا.. ماتطلع من هنا إلا متعشي... أبروح أزين لك عشاء خفيف..وأنت إدخل بالصالة...كل البنات نيمات.. فهد: لا والله هه شوفي شكل وحدة نزلت.. مها_تلتفت_: عذبة!! وش قومتس هالحزة...خابرتس دجاجة تنامين بدري وتقومين بدري.. عذبة: عمة أنا صحيت من صوتس ...حسبتس نجول كعادته مع نورة.. زين من تتكلمين معه؟ مها: مع زوجي!! عذبة: فهد!! مها: إيوا فهودي.. _عذبة تهز رأسها وتهمس _: صافي يا لبن؟ مها: صافي يا عسل.. _قفزت عذبة بالدرج وضربت على الدرابزين وهي ترسل قبلات لعمتها ثم ركضت بالدرج وهي تنادي نجلاء وليلى_ فهد: وش السالفة؟ مها: هذي الجنية... لو يفتح باب بالليل فتحت عيونه... مسكينه نجلاء دايم تنصاد.. فهد: الله يعينه ... شايلة المسؤولية!! مها: لا بعد تقفل كل البيبان وتوسد المفاتيح..إدخل...خل نروح للجلسة اللي هناك مالمك أحد..إيه أقول كانت توسد المفاتيح بس يوم جيت إستحت تقفل علي فصارت تنام وباب غرفته وجناحه مفتوحات عشان تتطمن... ياحليلة كله أمي بس تقل الشكل يختلف شوي!! نفس الحركات... فهد: لحقته القرادة أجل!! مها: فهيدان وش قصدك!! فهد: إشتقت لعيونك وأنتي معصبة...مب حلو عليتس الدلع.. مها: زين إنرزع هنا بروح أسوي لك شي تآكله... ولا تدري.. إمش معي للمطبخ.. فهد: يالله بس ما تلاحظين إني تقل سواق عند أبوتس تمشينن على كيفتس!! مها: بيت أخوي وأمشيك على كيفي...!! بس تدري فهد.. حلو اللون البني اللي طالع بوجهك.. عشرين طعشين مرة أقول لك حط واقي!! من بيضك وتطلع للشمس.. فهد: يوم أروح خليته قلت مها مب شايفتن لامن جيت!! شفتي شلون رايتس بشكلي يهمن أكثر من أي أحد!! مها: فهد!! خلاص ترى أستحي...عيب حنا ببيت بوه عزابية!! ********* "بعد أسبوع" فتحت عذبة دفتر المذكرات اللذي تدون به لوالدها.. وكتبت: والدي الحنون...إشتقت إليك... أبشرك أن أزمة رئاسة الشركة قد فرجت... نعم يا والدي.. أشارت علي وفاء أن أعين مجيد رئيساً للشركة وأن أجعل شخصاً آخر مدير أعمالي ويكون ملاصقاً لمجيد حتى أضمن عدم خيانة أحدهما.. أتعلم من هو الآخر يا والدي... إنه بابا ماهر... توصلت له بعد تفكير طويل...تنطبق عليه كل المواصفات.. له خبرة طويلة بنفس التخصص فقد عمل بعد هروبه من بريطانيا في إحدى أعرق شركات المقاولات في أمريكا.. وتدرج بالسلم الوظيفي حتى تولى منصب مهم ثم إقيل لرفضة التوقيع على عقد أبرم لإنشاء مشروع في الكيان الصهيوني... بعد توليهما العمل شعرت براحة عظمى... وشعرت أن الكثير من الأعباء سقطت عن ظهري.. أجريت بالشركة الكثير من التعديلات الجوهرية.. والتي بإذن الله ستطور العمل... وتلقيت وعد من كلا المديرين الجدد بأن ننهي المشروع بأسرع وقت وبأكثر إتقان ممكن.. أشعر اليوم بتحسن حالتي النفسية... إتصلت بي حصة إبنة خالك عبدالرحمن, تخبرني بقدومها اليوم مع هيلة الفتاة المسكينة, سررت جداً بهذا الخبر حيث أن زيارتهم قد تستمر ثلاثة أسابيع مما قد يخفف حدة غياب بيت أبناء عمي... اليوم سأعمل وليمة صغيرة على شرف زيارتهم... أبي إشتقت إليك.... *********** "في الممر الخلفي لبيت عذبة" تسير نورة تجر خطاها, بينما نجلاء تسحبها بيدها, نورة: طيب أنا مالي خلقهم...!! وبالذات حصيصة ذي!! نجلاء: عيب يا نورة لازم تجين!! ولا وش بيقولون عنتس خواتي... لا أحد يدري إنتس كنتي تحبين بندر!! موقفتس بيصير مب زين... نورة: إنطمي!! نجلاء: براحتس!! بترجعين لبيتكم إرجعي... بس ترى ليلى بتستانس عليتس!! وعذبة بتزعل... وبقولون ليش..وبيضغطون عليتس.. وبعيدن بتقولين...ويدري مجيد ويلفعتس!! نورة: لا منب قايلتن لهم... أنا عندي سلف كنترول!! نجلاء: أقول إمشي يا سلف كنترول!! نواعم ... شفي هالخبلة عيت تجي... _تقترب نواعم من نورة_ نواعم_تتفحص وجه نورة, فيما أشاحت نورة بوجهها عنها_: وش فيك يا نورة!! ليش ماتبين تروحين؟ نورة: ما أحبهم...أستحي منهم!! نواعم: بس!! _تقرص نجلاء نورة وتهمس بإذنها_: شفتي هذي أولهم مب مصدقتس... نورة: إي..إيه بس.. خلاص تقلعي أبجي الحين!! نواعم: نورة إذا مضايقينك...مو لازم تجين ... بس يعني ما تعرفينهم قبل وش الإشكال فيه... نجلاء: إلا تعرفهم!! بالعزاء جايين!! نورة:يالله بروح!!وه بس!! *********** "في صالة بيت عذبة" الأضواء مضاءة جميعاً , والخادمات يباشرن الخدمة حيث حصة وعذبة ونجود وليلى ينهمكن بالحديث حول الموضة الحديثة والموديلات, هيلة ضلت صامته وتتأمل البيت الفسيح , والأثاث الفاخر, واللوحات المبهرة, تتأمل الخادمات وطريقة وضعهن للأواني والتقديم, ثم تلتفت وتتأمل الباب وما نقش عليه من رسوم دقيقة ومتقنه..رفعت رأسها فرأت صورة جماعية للأسرة تعود لسنين إلتفت على عذبة قائلة: عذبة هذي أنتي صح؟ _وأشارت لطفلة تبدو بالثامنه تضع جديلة فرنسية وترتدي شيالاً من الجينز_ عذبة: صح...هذي قبل تقريباً خمس طعش أربع طعش سنة.. هيلة: وهذي ليلى.. _أشارت لطفلة في تبدو مابين الخامسة والسادسة, بعينين واسعتين, وشعر كثيف حريري مقصوص كاريه فرنسي, وبشرة بيضاء صافية, ونظرة ساحرة, فيما تطوقها سيدة تبدو في بداية الثلاثينات ذات شعر أشقر قصير جداً بيضاء مشوبة بحمرة, ذات عينان حالمتان, وفم صغير رقيق الشفتين وأنف مدبب_ وهذي أمك... ياحليه هي هي ... ماتغيرت ولا عجزت... من يوم أول مرة شفته... لحد ما توفت الله يرحمه..عذبة تدرين منول أحسب أمتس سورية...كلامه غريب... بس أنتن كلامكن غيرة!! ليلى: أبو أمي يتكلم سوري ...كان عايش هناك... وأمي تعلمت اللغة العربية بأمريكا على يد معلمة لبنانية.. بس أم أمي قصيمية بحت...شفت له شريط فديو يوم طلعت من المستشفى.. تهبل مزيونة وتتكلم قصيمي.. بس تضحك... لابسة كرته!! عذبة: وش تبينه تلبس!! بكيني!! هيلة شوفي هذا الولد المزيون الوديع شوفي من عيونه مبين مسالم...هه هذا سعود القلب.. وهذا الرجال ...الطويل الأسمر أبوي.. وهذا جدي.. هيلة: بالعادة الأسمر يطلعون عياله عليه!! بعدين أبوتس مب أسمر هذا برونزي!! أنتي ما تعرفين الألوان.... عذبة: عندي اللي مب أبيض أسمر!! حصة: يعني الحين هيلة أجل عندتس سمراء!! عذبة: لا ياشيخة بس هيلة!! وأنتي بعد سمراء... هيلة: ياحبيلتس والله!! حصة: حرام عليتس أنا سمراء!! عذبة: هههههه إيه ونص وثلاث أرباع!! حصة: بس عذبة ترى تعليق الصور حرام... مرة شديدة حرمته...!! هيلة: ياحليله نجلاء صغيرة مرة!! ياملحه هي وشدوقة غايصتن عيونه من الشدوق!! _في هذه الأثناء تدخل نجلاء ونورة ونواعم_ نجلاء: أمال الفاري تحشن بي..أسمعتس يالعوباء تتكلمين بي!! هيلة: بالله شوفي صورتس وتحكمين خخخخخخخخخخخ نورة!! أهلا وسهلاً زين جيتي!! نورة _تتكلم بسخرية وإزدراء_: لا... رحت..يعني وش شايفة!! هيلة: أفا ليه الجنية جايتن اليوم.. حصة: هذا وحنا ضيوفكم...خلاص بنرجع!! نورة: مع السلامة... عذبة: نورة!! وش بتس اليوم ...نورة!! نجود: أقول نورة ترى تحب المزح...عادي ...نورة ترى مو كل الناس تتقبل.. هيلة: لا... تاخذ راحته..عادي نورة: أباخذ راحتي غصبن عليكم!! عذبة: نورة!! إذا زهقانه قومي إنقلعي بالجلسة اللي هناك وشغلي سبيستون!! حركات البزران ما أحبه!! نورة: أنا منب ببيت رجلتس...أنا ببيت عمي!! نجلاء: هههههههههههههههههه نورة عاد بلا إستهبال... حصة: شخبارتس نعومه عساتس طيبة؟ نورة: خخخخخخخخخخخخخ الحمدلله حتى ما تعرف تدلع ...أستغفر الله.. حصة: أنتي وش سالفتس من دخلتي وأنتي شابة!! نورة: لا ترفعين صوتس لا يجيتس هالصحن عدال على هالخشة المايلة.. ويحطم ما بقي لتس من سنون...وخلتس تورطين ويهج رجلتس المبلي بثرماء ليلة العرس... نجود: نورة يا الدبا يالمصرية!!أص لا أنادي لتس مجيد.. نورة: أنا مصرية..المصاريا بيضان وشاطرين... أحسن منتس يالعصلاء المصلاء يالي وجهتس تقل خبزة بر!! سيلانية مقعدة... روحي للمطبخ يالله.. نجود: كولي تبن!! نورة: لا تبدين الشر مرتن ثانية !! _تلتفت على حصة وتضحك بسخرية قائلة_ مبروك الخطوبة... يا حصيص... حصة: الله يبارك بتس...عقبالتس!! نورة: خلي هالبقرة تنقلع الأول_وتشير لنجود_ إلا ما قلتي لي منهو تعيس..قصدي سعيد الحظ اللي بياخذتس؟ حصة: واحد ....ماتعرفينه.. نورة: بسم الله عليتس وأنا أباكله!! عذبة: نورة...أص ولا كلمة!! نورة: منهو...وش يشتغل..وين ساكن..منهن خواته؟ حصة: واحد من القصيم عايش بالرياض موظف بالشرقية.. إسمه بندر محمد ............. موظف مع بندر ولد خال البنات وخواته ماله إلا إخت وحدة..إسمه نورة!! نورة: يعني ..شلون..عيدي..هو منهو؟ حصة: بندر محمد........... يصير صديق بندر ولد راشد خال البنات... بندر عرفه على خالد..ومن هنا صارت الخطبة...هو يبي وحدة بالقصيم نورة:............................................. ........مبروك_وإبتسمت _ مبروك من كل قلبي...مبروك ألف ألف مبروك.. ياحبيلكم والله...ههههههههه أصلاً أنا كنت أمزح معكم...مقلب إتفقت عليه أنا ونجلاء.. يا حبيلكم والله دمكم خفيف..وروحكم سمحة.. نجود أنا آسفة يا عمري..بس المرة الثانية لا تتدخلين بي لا من جيت أسوي مقالب.. نجلاء...تعالي أبيتس شوي بالحديقة... نجلاء:ههههههههههههههههههههههههههههه لا...بسولف مع البنات!! نورة: تجين ولا بهالنعلة؟ نجلاء: آسفة ما أقدر!! _إنحنت نورة تحت أقدام عذبة وجرت شبشبها ثم إنهالت على نجلاء بالضرب وسط ضحك نجلاء وصراخها وهمسات نورة الحانقة وذهول الآخرين_ نورة_تهمس_ياحيوانه أوريتس!! نجلاء: والله ما أعود له..آآآآآآآآآآآآآآآآآآآآآآآآى يوجع!! ************ |
" الجزء العشرين" "أمام بيت سعد" يمر محمد ( إبن الجيران) من تركي فيلتفت عليه متعجباَ: تركي!! وش بك واقف بالشمس...؟ وشاهي بعد!! ياخي إدخل بضلال حديقتكم ولا حديقتنا... ولا تحت السيارة بس بعد عن الشمس!! تركي: هلا والله مطوع!! محمد: خخخخ وأنا مالي إسم؟ تركي: إلا بس أنا مباشرة لمن أشوف لحية وثوب قصير أقول مطوع.. محمد: وش عندك واقف بالشمس ياخي تعال فيذا بالضلال!! تركي: أنا آخذ برونزاج!! محمد: ياشيخ !! شكلك بتاخذ ضربة شمس!! تركي: إيوه جاء.. معليش بس أنا أنتظر صاحبي أهوه وصل.. _يقف صديق تركي بسيارته الرياضية والتي تهز الحي بأكملة بموسيقى الراب_ محمد: يا أخي الله يرضى عليك بلاش تسمعنا شي ما نبيه!! حرام عليك في يوم الجمعه!! _يطل الشاب من نافذة السيارة ويقول_: أقول روح يا مطوع يا وجه الزنوبة!! بسمعك اللي أبغى... تركي تعال بسرعة.. فكنا من القرف المطاوعة .. تركي_بعصبية_: أقول ما وجه الزنوبة إلا وجهك يالخسيس!! المطاوعة يسونك ويسون عشرة من أمثالك!! إنقلع لا بارك الله بهالوجه الودر.. تقلع يا وجه السلقة.. وش حنا بلا المطاوعة!! الله يخليهم تاج على روسنا!! _يطل الشاب برأسة ضاحكاَ: ياعيني ..ترى هذا مو من الهيئة!! خفت منه ليه .... ولا عشان يشفع لك عند راعين الثياب القصيرة!! خلك معاه ... وشوف الفرق بين فرفشتنا والرعب اللي يعيشونك فيه.. _وإنطلق مسرعاً_ محمد: تركي ... ليش تلفضت عليه... يعني كذا أنت تنفره...وتخليه يكرهك!! تركي: لا حبيبي هذا مثل إبليس يخرب ويبي يخربك معه.. أعرفه لسانه وصخ بس ما يزعل لمن أحد يرد عليه..كمخة متعلم دايم شتايم.. محمد: تعال طيب عندي الشباب بالملحق... بما إنك طردت خويك.. تركي: لا...لحظة!! محمد: ليش؟ تركي: أستحي أدخل على مطاوعة بفانيلة كت.. وجينز ضيق... لا أخاف يهاوشونن.. محمد: تعاااااااااااااااااااااال...ماعليك كلهم شباب "في الملحق" تركي: لا..والله ما أعرفه!! محمد: بس يقول هو إنه يعرف أهل بيتكم.. مرة يوم شاف بيتكم قال ذولا يصيرون لي.. غياث: تركي ... أما اللونين اللي عليك شي...والله بروح أشري نفس الألوان.. تركي: أنت صادز ولا تستهبل؟ أنس: لا والله يجنن ... ياخي الألوان الباردة مع الألوان الصارخة حلوة.. بنتي دايم أختار له كذا.. تركي: ياحليلك لك بنت؟ أنس: إيه قمر كان بتخطب... تركي: لالا...مابي بنت مطوع أخاف تولد لي عيال لهم لحى... محمد:هههههههههههههههههههههههه تركي... جد والله ماتبي عيالك يطلعون مطاوعة!! تركي: إلا والله بس ... مب مثل مطوعكم ذا!! أنس: ليه!! تركي: ياخي ما يمدين أقوم الفجر وأتوضاء إلا وأنت مقيم!! عمى!! أقول لأبوي لازم أطلع بفانيلة العلاق عشان ألحق على شيخكم.. غياث: وأنت الحين وش طالع فيه؟ تركي: هذي الله يسلمك عشان أبين عضلاتي.. غياث: والله لو تطير ما يصيرون مثل عضلاتي!! تركي: إفصخ الثوب أشوف.. محمد: يالله شباب ..اللي أكبر عضلات يقوم يجيب لنا العشاء! غياث: لا يا شيخ!! _ويخلع ثوبة ويخلع تركي فانيلة غياث ثم يصرخ_ تركي: يووووووووووووووووه أول مرة أشوف مطوع له عضلات!! والله شيء.. تكفى عطن إياهن.. من وين جبتهن؟ أنس: من الدكانه!! غياث: أقول لك بس تقوم أنت تجيب العشاء!! تركي: أكلم البيت يرسلون لنا مع العامل..بس تونا بدري مرة!! أحد يجيب العشاء أول العصر!! محمد: لا!! نبغى ننبسط...نبغى نشوي... غياث أنت خبير اللحم الزين.. لا تخلي تركي يروح يشري..أخاف يرجع خويه وينكبنا.. تركي: والله مب شينه .. بس بديت أغير رايي عن المطاوعة.. صاروا كمال أجسام.... غياث: أنا كنت إشتركت بنادي كمال أجسام فترة طويلة وتركته... تركي: خبل!! غياث: تسلم!! تركي: ليه!! غياث: ياخي وبعدين إيش الفايدة المجنية منها!! بس عشان أقول للناس إني قوي ولي عضلات.. إشتركت بدل منها بحلقة قران وحفظت القران وحققت حلم الوالدة وحلمي.. تركي: إي والله ..حفظ القران خير لك دنيا وآخرة..بس والله حسافة العضلات!! عطن إياهن... *******"في القبو_بيت أبناء العم" عبدالمجيد وتركي يلعبون تنس الطاولة ... تركي: أها...وجع راحت!! عبدالمجيد: يمديك عاد على اللعب السنع!! تركي: تبي تووووووووووووووووووووت...أوبا!! هه شف اللعب السنع عبدالمجيد: تو الناس بدري.. جايك أنا ...يااااااااع.... الرمية الملتهبة!! تركي: ههههههههههههههههههههههههه _ويرمي المقبض وهو يضحك بشدة_ تصدق عاااااااااااااااااااد ذكرتني أيام الرمية الملتهبة!! دعى علي رشيد كل يوم أكسر لمبة ويجي يصلحه وأكسرها...هههههههههههه ومرة شاته أبوي شوته...مسكين توه مصلحه وأقوم ومصدق نفسي وأقلد الرمية الملتهبة..وتتكسر...بسرعة البرق ناديت ناني وطيران سترنا على الجريمة وكنسنا القزاز... أبوي ما صدقه إنه مصلحة يقول لو تركي كسرها وين القزاز!! عبدالمجيد: هههههههههههههههههههههههههههههه أنت خبل وأنت صغير... كل هذا يجي منك!! تركي: أنا خبل وأنا صغير وأنت خبل وأنت كبير!! خخخخخخخخخخخخخخخ تصدق أول مرة أشوف واحد خبل ويتعين مدير عام!! هع هع هع هع هع عبدالمجيد: والله!! مب عذيب تخلي خبل المدير العام.. تركي: إيه والدليل إنه حطت مدير أعمال له... ويداوم معك بنفس الشغله.. هههههههههههههههههههههه عبدالمجيد: أنت ناوي الشر اليوم؟ تركي: لا ناوي الخير بس أفرفش معاك....هههههه تدري بروح أجيب جوالي بالسيارة... عبدالمجيد: وين السيارة ... قل لسلمان يجيبه!! تركي: ما قضيت من سيارتي وما قضيت من ولدكم!! عبدالمجيد: سيارتك وعرفنا العلة بس ولدنا ليش؟ تركي: إحم لأني موقف السيارة بجنب باب المطبخ حق بيت عمي... إفرض لو راح سلمان الخبل .. وشم البلع.. ودخل المطبخ.. وصادف عذيــــــــــــــــــــــــــــــــــــــب!! عبدالمجيد: والله سلمان عادي... يسويه!! بس أنت كم مرة قالوا لك لا تدخل السيارة بالحديقة توصخ الممرات!! تركي: تبي تووووووووووووووووووووووووت!! سلام.. لا تفرح بجي وبغلبك....هع يا سيادة المدير..هع هع.. *************** "في الحديقة" أفنان وعذبة وحصة وهيلة ونورة يحتسين القهوة.. نورة: وين نجلاء ...ماله عرة!! هيلة: ماااااااااااااااااااادري... يمكن تشتغل عالأنترنت.. أفنان: والله ما أدري شلون وافقت!! أحس للحين إني بهون مع إنهم دفعوا المهر... حصة: عادي ... بس بعد الملكة وكذا ... بتستوعبين.. عذبة: يووووووووه يا فنو ... جدة مرة وحدة!! أفنان: مهو هذا اللي مضيق صدري... مره خايفة.. وأحس إني منب مرتاحة هناك كلش يختلف... عذبة: إسمعي يا أفنان..أنا أكثر وحدة بعد أمتس بتنضر من هالزيجة.. بس الحين مافيه رجال أكفاء... الله لا يبلانا مهبل بمهبل.. مافيه رجال تستندين عليهم وتأمنين عليهم حياتس.. فبما إن الرجال هذا رجل كفؤ وخلوق لا تضيعينه... ماتدرين يمكن تتأقلمين هناك... أفنان: كلام أمي... نفس كلام أمي... بس جدة بعيدة.. نورة: ماعلى السيارة والطيارة والقطار لامافيه قطار..إيه ماعلى السيارة والطيارة بعيد.. هيلة: هه.. أقول تبين تاخذين أخوي وتجين للقصيم اقرب لأمتس.. أفنان:ههههههههههههههههه لا حبيبتي..كلن ياخذ من ثوبة... لو آخذ أخوك كان فزعت كل القبيلة... هيلة: والله حنا قبايل!! حنا (.........) أفنان: هههههههههههههههههههههههههههه بس أنا مب قبيلية!!! هيلة: أقول روحي عاد... هذا عمي آخذ أمريكية ما يعرف جدة من خاله!! ولا أحد قال له شي!! عذبة: مهي هذي المصيبة... يعني وش جاب بنات الوطن..بنات حمايل معروفة.. أخلاق وجمال..ودين وشرف...للي برا.. بس شتقولين؟!! أفنان: هه... تدرين يا عذبة... أمي حول تموت ..وده تخطبك لأخوي... بس عشان هالموضوع.. والله قهر!! حصة: مهوب حرام بالشرع ... مب زيد تزوج زينب بنت جحش!! عذبة: لكن العرف أحياناً يحكم مثل الشرع...ليش الواحد يدخل بمشاكل ويتحدى المجتمع بعادات له مئات السنين... والمشكلة الأكبر إنه مو الضرر عليه لحاله..الضرر يجي على أخوانه وخواته.. وعياله بكرا... ما يعترفون فيهم... أفنان:فعلاً ماله داعي الواحد يدخل بمشاكل على قولتك!! بس الشي اللي يوسع الصدر إن هالتفرقة هنا بالرياض بس بالزواج... فيه مجتمعات تحكم على الأصل والنسب والقبيلة قبل لاتحكم على الشخص نفسه!! وتنظر لهم نظرة دونية ولا ترضى تخالطهم أو تكون معهم أي علاقة!! حصة: لا... والله بالقصيم إننا معهم وكأننا عايلة وحدة.. نحضر زواجاتهم ونبارك لهم ونعايد عليهم ونزورهم.. ولهم مكانة بالذات العجايز والشيبان منهم... يعني ما كنا نعرف حتى إنهم يختلفون عنا إلا بعد ما كبرنا وسمعنا بالأشياء..و أول من دري بخطبتي أمهم.... عذبة: تصدقين يا أفنان... أموت أنا بأهلتس.. بساطتكم طيبتكم.. أخ بس لو أقدر آخذ سليطين!! تدرين...لو بكيفي أخذت سلطان وخليت كلش... بس أنا ما أقوى أواجه المجتمع بعادة زي ذي!! نورة: وجع!! وعمي ...عمى يعميتس!! إصبري .. كله سنه سنتين ويرجع لتس!! عذبة: نورة ... لا تجيبين طاري عمتس مرة ثانية... اللي بيني وبينه إنتهى!! _وبدأت ملاسنه بين نورة وعذبة لم يطفئها إلا الرشاشات المخصصة لري الثيل والتي شغلتها نجلاء, ووقفت من بعيد ترقب الموقف.._ هيلة: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآحيه!! أفنان: وجع ... بارد!! عذبة: آآآآآآآآآآآآآآآآآآآآآآآآآآآآآآآآآآآآآآآآآآآآآآآآ طفوه.... نورة: الله أمطار موسمية.... حصة: بنات قومون..عجزت أقوم!! نجلاء: هههههههههههههههههههههههههههههههههههههههههههههههههه ههههه والله عليكم أشكال!! ههههههههههههههههههه _تركض هيلة وتلحق بنجلاء, بينما نجلاء هربت لخلف المنزل متجه لباب المطبخ_ هيلة: نورااااااااااااااااااااااااااااااااااااااااااااااا ااااااااااااااااااة إدخلي منداخل حديه!! نورة: يالله ... إحجريه لا تهج منا بس!! ................................................. تصطدم هيلة بشي وتقع على الأرض... ترفع بصرها وإذ بشاب أبيض بشعر كثيف وشارب قصير, يرتدي قميص قطني ملون وبنطال أبيض... هيلة: ....................... تركي: مين أنتي...شغالة جديدة..!! والله ياهم ما يصبر عليهم شغالات!! هه حتى شغالاتهم مخافيف زيهم...الحمدلله!! _لم تستطع هيلة الهروب, فلقد كان تركي حاجزاً بينها وبين الممر الذي أتت منه, وباب المطبخ أغلقته نجلاء خلفها, فوضعت هيلة يديها على وجهها, وأدارت له ظهرها_ تركي: هيه.. أنا أتكلم مع نفسي.. والله شغالات آخر زمن...بهن توحد!! _حاولت هيلة إبعاده, ولكنه أمسك بيدها_ تركي: هيه أنتي منهبلة!! ليش رابصة؟ شكله تحسبن جني!! تصيح!! ياويلي لا يجن الحين البنات ويتهمنن.. _أتت نورة ورأت هيلة تسحب يدها من تركي وتلتصق بالجدار وتبكي بصوت منخفض_ نورة: ترووووووووووووووووووك!! وجع ...خل البنت...ياويلك!! تركي: بنت!! أحسبه شغالة جديدة... نورة.. لاتقولين لأحد... وأنتي يا الصيوحة إنطمي!! والله قصدي شريف!! نورة: وخر!! هذي هيلة... اللي بالقصيم!! تركي: من القصيـــــــــــــــــــــــــــــــــــــــــــــ ـم!! إنحش لا أتصفق اليوم... _ويدير ظهرة هارباً وهو يتمتم_: أنا مالقيت أتقيوى إلا على وحدة من القصيم.. شكلك يا تروك بتتصفق...يمه.. يجون الحين كل عيالهم!! إنحش...!! نورة: هيلة.. معليش بس هذا تركي .. مفهي ما عنده بأحد... الله يخليتس هيلة إسكتي لا يجون البنات... والله مب زينه بحقتس وبحقنا!! هيلة: هذا الحين الوصخ... ليش ما يستحي على وجهه!! أببعده أبهج ويمسك يدي!! نورة: يقول يحسبتس شغالة!! يمكن يحسبتس تصافحينه... هيلة:آآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآ أنا محتره...ودي أصفقه!! أنا شغالة!! ليش دايم يقولون عن كذا!! نورة: عادي أنا دايم يقولون عن نورة الكورة... ولا همن... ولا أشكلوا عندي... بس هيلة لا تدري عذبة... والله مب سهله إنه داخل البيت ومتعدي على ضيوفه.. الله يخليتس بلا مشاكل!! هيلة: طيب!! بس هذا متأكدة إنه رجل!! نورة: ما كشفت عليه!! هيلة: الله ياخذه!! نورة: لاتدعين عليه... ما لعمي غيره هو ونواعم... حراااااااااااااااااااااااام هيلة: ليه؟ نورة: أناديه تسألينه؟ هيلة: لالالالالا... خلاص.. أنا ما شفت احد..ولا شي!! نورة: مرة...ياحبيلتس والله!! "في غرفة نجلاء" هيلة تفتح أدراج نجلاء, وتخرج الصور وتتأملها.. بينما نجلاء تقرأ دفتر طبخ خاص بهيلة.. هيلة: يووووووووووووووه كثيرة صوركم... وبأماكن غريبة ومختلفة... نجلاء مبسوطة أنتي هنا؟ نجلاء: ................................ هيلة: آسفة ...إذا ضايقاتس؟ نجلاء: هه... ماكد أحد سألن هالسؤال... عشان كذا قاعدة أفكر فيه... هيلة: كلنا ظروفنا تتشابة... مادري إذا أنتي مبسوطة ولا مثلي.. كلنا نفتقد أم وأب يجمعهم بيت واحد...أكيد نحس بنفس الشعور.. يعني لمن أشوفتس هنا... آمرة ناهيه...عز وخدم.. قصور..وفلوس.. لبس وكشخة..خوات...أهم شي الخوات... أحستس أسعد من.. بس لمن أتذكر إني أنا أبوي حي... وأنتي أبوتس ميت...هنا أحس إن فيه إختلاف نجلاء: شعور مؤذي لمن تروحين لأهلتس ويعايرونتس بخوالتس.. وخوالتس يعايرونتس بأهلتس... كلهم مو متقلبين بعض..وكلن يرى نفسه الكامل.. عمر الفلوس ما تعوضن حنان أبوي..و قولتي عند البنات أبوي شرى لي.. أبوي عيا يجيب لي..أبوي وافق..أبوي رفض..أبوي دخل..أبوي طلع.. أبوي..أبوي...أبوي... أنا ما أنكر...خالي الله يرحمه..كان لي مثل الأبو..وخالتي فرح كذلك..بس تحسين غصب.. إنتس البدوية اللي آخذينه عشان ما توقف بوجه سعادة بنتهم.. هنا..أسمع كثير دقات وأسوي نفسي صمخاء... بس ببيت عمانهم أسمع تجريح صريح... أحس يا هيلة أنا أختلف عنهم بكل شي..بكل شي... عجزت.. أحاول أصير مثلهم لكن عجزت.. واللي كمل علي موت أبوي وأمي وسعود وجدي... راحوا كلهم فجأه من حياتنا... خلال سنه قبرنا ثلاث...وجانا علم واحد.. ضعت بعد ما ماتوا..بكل لحظة أخاف أهلي يجون ياخذونن.. وساعات أفكر أقول..لا...عذبة بتقواهم... وساعات أقول ياليت يحسون بي ويجون... للحين يا هيلة ما أقدر أقرر إني سعيدة ولا لا.. هيلة: وإذا... أبوتس حي بيحس بتس!! هه..أبوي ما بهذل بي غيره.. نجلاء: الحين أنتي ما دامتس مو مبسوطة مع أبوتس ليش ما تروحين مع أمتس؟ هيلة: ليت أقدر...أبوي معيي..أبوي مخلين شغالة عند زوجته الأولى.. أطبخ وأنفخ..أغسل وأكوي وأنظف البيت وأستقبل الضيوف... لحالي بهالبيت أنا والعجوز وإخواني الأربع!! نجلاء: طيب أبوتس.. وينه...؟ هيلة: عند زوجته الثانية!! أنا وظيفتي تصلح لزوجته الأولى لأنه بنت عمه وله مكانه عنده.. ولا تبي شغالة تخاف على عياله..لذلك...أنا الشغالة المناسبة اللي ما أفتن عياله.. تصدقين يا نجلاء... أختي بنت المرة الثانية تدرس معي بالثانوية.. مايصدقون البنات إنه أختي!! كشخة وحلوة.. ولبسه كله من هنا وسفريات وروحات وجيات وأنا حرام علي أطلع برا القصيم إلا بطلعة الروح وبعد ما يتدخل كل أفراد العايلة ومنهم خالتي..عشان بس يسمح لي أروح مع خالي.. تخيلي طلبت برمضان كسوة للعيد تدرين بعد الحنه وحب الراس عطان100 ريال تخيلي!! هذي وش بتجيب؟!! عيت آخذه ومير يطلع ويقول أنتي اللي عييتي ماعندي دلع بنات... عاد جاء أخوي أكبرواحد من اللي ما أعرسوا وعطان سبع مية وقال لي روحي مع خالتس حصة للسوق.. وإذا ما كفتس خوذي منه وأنا أعطيتس... نجلاء: يا حبي له!! هيلة: ما أخذتهن... نجلاء: إستحيتي؟ هيلة: لا..أصلاً هذي قيمة كرفي بهالبيت وغسلي ملابسه وتكفلي بعزايمه وكشتاته.. بس أنا إنقهرت لأني شفت أختي جايه من الرياض.. راحت عشان تتقضى للعيد الآنسه هي وخواته وأمه... كم كلفت روحتهم ذي...!! نجلاء: سكتي!!؟ هيلة: لا... قعدت أصيح وأقول وش حيت بناتك...وفزع معي أخوي عزوز.. ومير يقوم ويضربن أنا وياه... وبالآخر طلعت بخمس ميه بعد ما حلفت خالتي عليه.. نجلاء: الله!! أبوتس طمااااااااااااااااااااااع!! هيلة: لا..الرجال طماعين على هواهم!! نجلاء: هذي مرت أبوتس الثانية ودي أموته.. ليش تروح للرياض وما تاخذتس؟!! هيلة: تخيلي مرة جت تبين أجي عندهم..برمضان اللي فات تتوقعين ليش؟ نجلاء: ليش...تبيتس تفطرين معهم يمكن؟ هيلة: بعدي أنتي...أفطر معهم!! إلا تبين أطبخ له... بيجيهم ضيوف... وشغالتهم تعبانه.. ولازم أجي...عشان فيه ناس بيجون لمهم وما يصير تجيب لهم من برا وأنا موجودة!! نجلاء: وعسى وافقتي!! هيلة: أنا أشتغل من اليوم لبكرا للعجوز ماعندي مانع...على إنه حارة وماتصبر وتهاوش.. بس قلبه نظيف... تمدحن وتشكرن دايم... أما هذي لامن طبخت لهم شي وسألوا عنه الناس قالت بنتي أروى اللي طابخته!! نجلاء: وعييتي؟ هيلة: إيه عييت وقامت القيامة..صارت تسب أمي وخالتي... وتقول بتروحين معي يالعبدة يا أم عكاريش غصبن عليتس.. وسحبتن من شعري.. وهي تقول شين وقوي عين.. وأنا أصرخ... خفت أبوي يجي ويكمل علي.. نجلاء: الكلبة!! وأخذتس؟ هيلة: لا ..تحرك الصنم!! وفكن منه وطرده شر طرده... نجلاء: منهو الصنم ذا؟ هيلة: أخوي محمد ... اللي يدرس طب .. مثل الصنم يدخل ساكت يطلع ساكت.. الناس تموت وتتطاق وهو ولا يحرك ساكن... بس ذاك اليوم صار واحد ثاني.. أنا ذهلت.. نزل بالدرج ويوم شافه تسحبن من شعري وأنا أصرخ جاء ووخر يده ودفه على الجدار بقوة وعطاه كف..وقال إذا دخلتي البيت يا تحترمين نفستس يا تنطردين!!والله ما تمدين يدتس مرة ثانية على أختي إني لأوديتس للمشرحة.. تطاولين وتطاولين وحنا ساكتين مب خوف منتس أنتي ووأهلتس.. بس إحترام لأبوي..أما توصل الوقاحة بتس تدخلين البيت وتسحبين بنتنا من شعرة !! إلا أكسر راستس.. نجلاء: ياسلااااااااااااااااااااااااااااااااااام!! وش سوت هي؟ هيلة: بالبداية سكتت..بعدين يوم سمعت صوت أبوي صارت تهاوش وتتلفظ عليه.. وتفلت بوجهه.. نجلاء: إيه!! هيلة: ومير يقوم و يسحبه من شعره ويصبخ براسة الجدار.. وأمه تحلف عليه يتركه.. وأنا أصارخ اخاف أبوي يجي... وهو شااااااااااااايش...ويعطيه طراق.. ويشوته بالحوش... ويصك الباب... عاد أنا قلت له ياويلك من أبوي!! قال ما وصله لهالجرأة إلا أبوي!! خله يجي.. وصلت حده المهزله... وصلت تضربتس لا... أضربه واكسر راسه.. ويزعل اللي يزعل ويرضى اللي يرضى... نجلاء: ياحبيله..فزع لتس!! هيلة: عاد جاء أبوي متفتف... ويصارخ عليه.. وهو ساكت ويوم قال لي تعالي يالحمارة لخالتس..من اليوم ورايح بتعيشين شغالتن عنده لمين تأدبين!! ومير يمسكن محمد ويحطن وراه ويقول: أنت إذا ما خفت من ربك.. خف من حوبة هالمسكينة.. هيلة مب طالعتن من هالبيت... وإذا ملزم أخذته ورحت سكنت أنا وياه بشقة .. والله لأسويه.. ولا عاد تشوفن ولا تشوفه... مير أبوي يخاف.. ويتذكر إنه ضارب مرته..ويقعد يهاوش عليه من جديد ويهدده ويتوعده... وهو صنم ولا كأن أحد يتكلم بس يمسح شعري ويهبطه عقب ما معطته الحية الرقطاء!! نجلاء: وش كان شعورتس ذاك اليوم؟ إنبسطتي إن فيه أحد يدافع عنتس ويحس بتس؟ هيلة: إنبسطت وضاق صدري...ضاق صدري إن أبوي يفضل علي مرته ويوافق على إنه تهينن... وإنبسطت إن إخواني يحسون بي ويحبونن.. ولو إنهم ما يبينون... نجلاء: العيال كذا ما يبينون مشاعرهم... بس غالباً قلوبهم أطهر من الحريم.. هيلة: بس الحريم حنونات... يختي ودي أعيش مع بنات.. أسولف معهن وأشكي لهن.. إذا شفت بنات خوالي يضيق صدري.. ودي يصير لي خوات يعلمنن الصح من الغلط .. الذوق والإتكيت... الموضة والكشخة.. حتى مكياج ما أعرف أحط ... لبس ما اعرف شاللي يناسب لي.. الحين أنا مع خواتي من أمي أنبسط..على أنهن بزران... يختي يحبنن ويبنن انا اللي ألبسهن وأنا اللي أختار لهن الملابس.. حتى أبوهن دايم يأجل وقت السوق لحد ما أجي عند خوالي.. وياخذن مع أمي..ونروح للسوق.. وياعمري يلزم علي أشري لي.. يحرجن دايم بطيبته... تدرين إنه مرة صفق أخوي ولده عشانه بس قال لي يا العبده...يستاهل.. نجلاء: أنتي متعقدة من هالكلمة!! وسعي صدرتس.. أنا شوفين سمراء وخواتي بيض.. بس أنا ونصور السمر... وشعري عكاريش وشعورهن ناعمة كلهن أحسن من... ودايم البنات يقولون خواتك أحلى منك... وعيوني خضر وشعري ذهبي عكس العالم... ويتطنزوووووووووووووووون على دايم... وعاااااااااااااااااااااااااااااااااااااااااااااااا دي هيلة: بس أنا دايم أحس إني أقل من البنات... لبسي وشكلي...أغلب البنات حلوات... والخطاطيب بالهبل على أختي بنت الجنية وأنا ....ولا أحد...إلا أحد يبي وحدة تطبخ له وتنفخ...وغالبيتهم أو كلهم ما ينفعون.. أدري هي أحلى من..وأكشخ... بس أخلاقه زفت... ورافعه خشمه.. نجلاء: هيلة أنتي ما عليتس قاصر جمال... بس يبي لتس تهتمين بنفستس شوي... وتصيرين توب.. يعني شعرتس بدل ما أنتي كذا عافسته جعديه.. حطي كريم أساس يناسب بشرتك.. وإلبسي لبس مخصر... أنتي جسمتس يجنن بس أنتي ما تلبسين إلا كلوش.. هيلة: معي خمس ميه تكفي أشري ثياب من هنا مخصرة؟ نجلاء:............................................ ....... هيله: هههههههههههههههههههههههههه وراتس بلمتي!! نجلاء: مو مشكلة الفلوس... ماعليتس لا تشيلن هم الفلوس ولا شي.. أنا معي بالبطاقة حقتي المصروف حق الشهر اللي راح.. ماجيته مع هالشهر يكفي.. خنروح بكرا معهن للسوق!! هيلة: أقول!! أنا بروح أتعشى بالمطاعم وأتقهوى وأجي... نجلاء: إيه صح بكرا بروح للملاهي ..عمتي وضحى..أخت أبوي خلف جاية للرياض...عاد تواعدنا بالملاهي... وبنرجع وبننام بشقة ضاري عمي ويطلع بنا نتمشى وكذا.. وبعدين بعد العشاء نروح عاد لبيت عمي ونسلم عليهم وأرجع لبيتنا هيلة: تعرفين عمانتس؟ نجلاء: إيه أعرفهم وأروح أسلم عليهم.. بس اللي أمون عليهم مرة.. عمتي وضحى وعمي ضاري..ذولا الصغار.. بس من يوم ما تزوجت وضحى وأنا ما أروح كثير... ماعندهم وناسة... ومرت عمي بس تتخانق هي وعياله... زهق...وعماني الباقين برا الرياض.. هيلة: طيب وأنا...نورة سافرت..وأنت بتروحين لعمانتس!! نجلاء: روحي مع عذبة وأفنان وحصة...وليلى صح.. ولا تدرين كلمي نواعم تجي تراه حبيبة.. هيلة: أخت تركي!!!! نجلاء: هو!! وش عرفتس بوه؟ هيلة: لا.. ما أعرفه... بس هي قالت لي إن إخوه تركي.... نجلاء: أشوا...حسبته بعد عمل عمله!! ************** "في غرفة مشاري" هيفاء: و ليه ماتبيني أروح ويا أمك وخواتك؟ أم إبراهيم عازمتني.. مالك حق.. مشاري: .. مافيه روحه.. هيفاء: حرام عليك.. ليش ما تبيني أفرح معهم وأستانس.. ليش مصر إني أصير وحدة بالظل.. مشاري: أووووووه...لا جاء الوقت يحلها حلال.. ووش الظل وش هالخرابيط.... خوالي ما يبونج.. لاتنسين إنج زوجة طليق بنتهم.. هيفاء: خوالك أصيلين يبه.. وطليقتك رقصت بزواجي.. وأهدتني إهي وخواتها.. وخوالك لو ما يبوني ما كلموني أيي مع خالتي.. مشاري: بس هي تحس... وإن جاملت مرة...مهما صار ما تبيج.. بتاخذ راحتها.. هيفاء: قل إنك للحين تحبها..إعترف... بس تراها مو طايقتك..إهي كلمت علي قبل الملكة وقالت لي خذي مشاري.. لو كنت هامها كان حاولت تفركش الزواج... مشاري_تبرز عينيه_: إهي كلمتج؟ هيفاء: إيه... عشان كذا أنا حبيتها..وحبيت خواتها.. نواعم دايم تذكرهم بالخير وتثني عليهم.. حتى أختي منيرة... تمووووت فيهم.. مشاري: بس هم ما يبونج... هيفاء: أنا بروح مليت من الطقة هني.. ما يصير... حرام عليك.. الناس بالصيفيه تسافر وتروح وتيي وأنت حتى السفر مع أهلك ماتبيني أروح.. إنزين...خذني معهم وما أروح للشاليه حق خوالك.. مشاري: وين أحطج...أنا مطفر... كل راتبي أقساط حق مهرج.. و مصاريف زواجج اللي أصريتي تحطينه.. خلاص تحملي!! هيفاء: ياسلام!! وهذي عذبة حاط لها زواج ينن .. ومسافر فيها أوربا.. مشاري: زواج عذبة ببيتهم.. وأوربا قلت مليون مرة هديه من جدها... عاد خلي أهلج يحجزون لنا سفرة إن شاء الله لأفريقيا وماعندي مانع!! هيفاء: ولو ... يعني كم جهزت عليها؟ هذي بنت الأكابر .... وبتدفع اللي وراك ودونك عشان تصير عندهم جيكرة!! وللحين تدفع أقساط ... عشان عذبة مو عشاني!! مشاري: ما دفعت على عذبة إلا خمسين ألف.. بس.. وهم اللي حطوا الزواج.. وكل شي رتبته خالتي الله يرحمها ويا العود الله يرحمه... هيفاء: أبروح... ونسكن عند أهلي.. مشاري: أهلج ... !! أهو فيه مكان ببيت عمي..هذا أولاً .. ثانياً أهلج بيروحون عمرة.. ومو معطينج مفتاح البيت... هيفاء: أووووووووووووه.. طيب إسمع بروح بيت أختي منيرة.. مشاري: أخاف يطري لهم ييون... وبعدين سعد ذا ما أطيقه!! هيفاء: لاتخاف... سعد ونواعم بيروحون إيطاليا مع أهلهم هناك... وتركي بيسافر ويا ربعه.. ومنيرة عندها شغل مو متعديه الرياض... وسعد لا تطيقه أبد...لأن البيت مو له...البيت هديه منه لمنيرة ... شف الناس اللي تهدي فيلل عالبحر مو مثل الرحلة اللي مانين فيها .. وهي مجانية بعد..... مشاري: هيفاء... أنا متحملج بما فيه الكفاية... لا تطولين لسانج زود ... هيفاء: طيب يا عمري أنا آسفة.. بس بروح للشرقية وتروح معي ونسكن ببيت منيرة مشاري: لا حول ولا قوة إلا بالله.. معج المفاتيح؟ هيفاء: إيه معي كل المفاتيح...حتى حقت غرف نومهم.. مشاري: أشوف... بس إذا راشد قدر يوديهم .. بيلس أنا وياج هني... وإذا أنا اللي بوديهم تروحين.. وطبعاً ما تطبين على خوالي..... زين؟ هيفاء: زين... *********** ............................................ "الجزء الواحد والعشرين" "في صالة بيت سعد" تنزل نواعم وتقف عند رأس تركي ... نواعم: تركي...أنت آخذ المسكارا حقتي؟ تركي: أي وحدة؟ نواعم: الفضية!! تركي: يووه من زمان آخذه...ليش توتس تسألين عنها؟ نواعم: أصلاً هي ما تناسب لي... عشانه مكثفة تجمع رموشي...جبها.. تركي: أجل إنقلعي ...وش هالحسد..ليش تآخذينه مادامه ماتناسب لتس!! نواعم: تحقيق!! أصلاً أنت عيب عليك تستخدم مكياج أنت رجل!! تركي: طيب الرسول كان يكحل.. نواعم: يكحل مو يحط مسكرة!! تركي: طيب .. وش تبين به؟ نواعم: أبمكيج هيلة...أبعلمها المكياج... تركي: هيلة!! أمنه المرية طاقة الزين وكاشخة... بتروح تسعسع.... وهيلة هذي شايفتس كوافير!! نواعم: يووووووووه تركي وبعدين معك؟ تركي: تقلعي... أبمشي.. منب فاضين لتس.. نواعم: وين بتروح؟ تركي: المدير عبدالمجيد يبين أجي أوسع صدره... يقول فضى علي البيت وعيا الشغل لا يخلص... مسوي فيها مدير مجد... نواعم: آمم..تركي.. عبدالمجيد ليش إتعين مكان أبوه؟ يعني هو فيه زود.. ولا وش السالفة؟ تركي: هه...أصلاً أبوه شغله بس فخري على ما قالوا.. كلش كان يسويه عمي العود وفيصل وعبدالمجيد آخر الوقت ... عمي فالح أصلاً بالمعارض..ولا بالشركة ماعندك أحد يداوم يوم وعشرين لا... نواعم: طيب... ليه مجيد ترك دراسته... عشان عذبة يعني...؟ تركي: لا عشان نفسه... هو الحين ما يستلم راتب .. يستلم نسبة... يعني يحصل واجد من هالشغلة.. ذكي وبيأمن مستقبله.. وخصوصاً إن عمي مرة شديد مع عياله... تدرين إنه الحين كم يستلم ؟ نواعم: كم؟ تركي: وش دخلتس؟ ووش عندتس قاضبة أسأله ورا بعض؟ ولا عبدالمجيد مهم لهدرجة؟ نواعم: هاااه.. لا.. بس لقافة.. حكة لسان مرة وبأدري عن كل شي.. بسرعة وين مسكرتي وتراي بروح معك.. تركي: لا.... نواعم: زين إنقلع الله لا يجدعن لك!! السواق عند الباب...بلا منتك.. تركي: الحين ليش أنتي تصيرين لزقة؟ الناس بيستانسون مع خوالهم وش دخلتس أنتي؟ نواعم: هم عازمينن.. ولا بعد أبنام عندهم... إذا وإذا فقط سألت أمي قل له إني عندهم تركي: طيب ليش بتمكيجين هيله..مادري قرنفلة ذي!! ماله إيدين هي؟ نواعم: لا... هي بس تعرف تطبخ.. تركي: إيه مبين على شكله تقل شغالة...هههه نواعم: هيه أنت وش عرفك به.. البنت تستحي من الرجال... تركي: عذبة ما قالت شي يوم تكلمتس؟ نواعم: مو هي اللي كلمتن... نجلاء... تركي: والله كريمة هالبنت... نواعم: خذه وفكن منه!! تركي: ليه.... هي قاعدة على قلبتس ولا خايفتن تاخذ نصيبتس.. هااااااااااااااااااااااااااااااااه نواعم: وش تقصد؟ تركي: لا... بس عادة الناس الطموحين يتزلفون لأصحاب رؤوس الأموال.. وأنا أعتقد إنه ما فيه أحد يوصل لمنصب مدير عام خلال ثلاثة شهور إلا شخص طموح..صح؟ نواعم: وش قاعد تخربط أنت... تركي: ولا شي...أجل بتمكيجين هيله...هههههه زين تحسنين عليه... تقل شغالة لا بستن قميص... وحالته حالة..أنا يالرجل أكشخ منه..ههههه نواعم: أنت وين شفته؟ تركي: بالتلفزيون..هههههههههههه نواعم: هاهاهاهاها سخيفة مرة!! *********** "في الصالة الجانبية لبيت عذبة" البنات يجلسن, بينما هيلة بالمطبخ تعد أصناف من الفطائر ووالمحشيات بمعاونه الطباخة للبنات... حصة: الحمدلله... تيسرت أمورنا.... والله ماتوقعت نخلص هالسرع.. عذبة: البركة بأفنان له خبرة بكل أسواق الرياض... أفنان: والله الحمدلله تيسرت... مرة كنت شايلة هم الجهاز.. بس يوم صار معي أحد يجهز هانت... حصة شفتي اللانجري.. أنا طلع واحد منهم كبير يمكن مقاسك.. حصة: ههه وأنا طلع واحد صغير يمكن مقاستس... نجلاء: ورنن إياو... ما شفته بسم الله علينا دخلن وطيران على الدرج... حنا بنآكلهن... حصة: عيب يا نجلاء... توتس صغيرة... لا جيتي تتزوجين أوريتس.. أفنان: يا شيخة...هالجيل هم اللي يورنك مو أنتي تورينهم.. عذبة: إي والله صدقتي...بهذلت بي يوم جهازي هي وسعود.. مير سعود الله يرحمه ما يطيق السوق ويوم قالت له هاللي ما تستحي إني معيه آخذه إلا هو يلزق ويعيي يروح... ويقول وش عندتس ماتبين نجلاء تروح.. أمي تخانقة وتهزئه ولا من مجيب والله أجلت الروحه بسبته.. الله يرحمه يحب يطير الأعصاب... نجلاء: عذبة.. سامحينا ترى قبل زواجتس بيوم دخلنا غرفتس.. ونبشنا أغراضتس غرض غرض... بس هو اللي نادان.. ويقول عذيب هذي بدت تجحد عن من عرفت مشاريوه...بس أناوالله ما أخليه.. عذبة: شاف أغراضي كله!!؟ نجلاء: كلــــــــــــــــــــــه... ولا بعد ... لبس التنورة اللف وقعد يرقص بالقلم إيقالنه يمني... عذبة: الله يرحمه... ماهانت عليه...بس والله أستحي منه.. ليلى: علينا تستحين!! والله كل شي تصبينه بأذنه... من إلى... نواعم: إلا والله أذكرك قاطة ميانه معه عالآخر... _يطرق الباب وينادي عبدالمجيد_: عذبة... أبي العقد حق تأجير العماير اللي بجدة بسرعة... لازم أرسلهن للمكتب بالفاكس الحين.. عذبة: ما أدري وينهن...من وين أجيبهن.. عقب فيصل.. عبدالمجيد: لالا... أنا وياو عطيناهن عمي الله يرحمه... تلقينهن بغرفته بالمكتب... عذبة: طيب...أبدورهن.... إصبر شوي... _دخلت عذبة غرفة جدها.. مازال سريره الطبي ممداً , والعصى التي يتكأ عليها تنام على سريرة وكأنها تنظر عودته, والمكتب لامعاً نظيفاً , بينما نظارتة توسدت التقويم والذي فتح على نفس تاريخ وفاته...مسحت عذبة دمعاتها وهي تسحب نظارته, وفتحت الدرج فلم تجد عقود, بل وجدت صور لوالدها وجدها _ عذبة: الله...أبوي ناصر يشبه أبوي...ياحليلهم.. يووه صح العقود... وينه .. لا يصيرن الشغالات جادعاتهن... لالا.. أنا قايلتن لهن بس يمسحن الغبار وما يجن الدروج ولا المكاتب.. يووووه.. مافيه شي هنا ولا هنا... ولا هنا.. _خرجت نحوالصالة وأشارت للبنات أن يتغطين, وسحبت شرشف من العلاق بجانب الباب, وتغطت وفتحت الباب_ عذبة: مجيد ... مالقيت شي... وين حاطينهن أنتم؟ عبدالمجيد: مادري بس يمكن بالدروج ولا تدرين تعالي ندورهن ... دخل عبدالمجيد الغرفة , ثم أشارت عذبة لأحد الخادمات أن تأتي, ودخلت معها..في هذه الأثناء طرق تركي الباب بعنف, فتحت الخادمة الباب, ودخل وهو يرتدي سروال سباحة ويقطر ماء_ نجلاء: وع.. هيه ليش جاي كذا؟ تركي: وين خويي....إختطفتوه..إعترفوا!! نواعم: تركي... وش ذا... مجيد عند عذبة بغرفة عمي.. تركي: أها .. وش يزنون؟!! هاااااااااه ليلى: يدورون أوراق... وبعدين معهم آني.. تركي: الله...وش ذا تعالي تعالي.. _أقبلت هيله تسدل الشرشف على رأسها ويسترها كاملة وتحمل صينية كبيرة صفت عليها المعجنات والمحاشي بشكل بديع وشهي_ تركي: يمي... ترى اللي يسبح يفقد طاقة... وأنا جوعاااااااان جيبي الفطاير ياللي وش إسمتس.. مادري...هاتي.. ليلى: لا..هيلة لا تعطينه... حقنا.. تركي: هيله..هاتيه... جيبي..ترى إن رحتي أبحدتس وآخذه غصب فخلي الموضوع يمر بسلام.. _وقف تركي في منتصف الصالة بين هيلة وبين البنات, ومدد يديه وكأنه حارس مرمى, توقفت هيلة قليلاً , ثم وضعت الصحن على الأرض, ودفعته نحو تركي وإبعدت_ تركي: ياسلام.... الله من وين أبدأ.... نواعم: هات حقنا ياتركي..حرام عليك..من متى وحنا نشم الريحة.. تركي: يمي...لذيذ..._وبدأ بالأكل بسرعة_ أخاف الحين تجي وزراة الداخلية حقتهم... وش يفكنا عاد.. نجلاء: عذبة...عذبة... شوفي تروك سرق الفطاير والمحاشي.. عذبة: هني.... بالعافية... تركي: أجل مادامه هني...أجلس وأستنانس... ليلى: أنت لا تجلس وأنت رابص توصخ الكنب... تركي: يربص وييبس..عادي..طلعوه للشمس.. نواعم: تركي فشلتنا...كل عالأقل وأنت واقف.. تركي: لالا.. الرسول ياكل وهو جالس... مجيد...إلحق على الفطاير.. تعال مجيد لايفوتك ورق العنب.. أطعم ورق عنب ذقته بحياتي.. عبدالمجيد: تركي.. لاتقضيه عن ... أبجي الحين.. _خرج عبدالمجيد يحمل أوراق وتتبعه عذبة_ عبدالمجيد: الله ... عطن... تركي: إجلس... وكل.. بس قل بسم الله... لا ياكل الشيطان معك.. عبدالمجيد: بسم الله...هممممممم لذيذ من مسويه؟ أكيد أكيد الطباخة الجديدة اللي بدال مينيوه... أنا قايلن من شفت عرافيطه طبخ العجز طعيم.. نجلاء: أنا اللي مسويته ... نواعم: لا تكذبين... اللي مسويته هيله... نجلاء: خخخخ...وأنتي ليش إنهبلتي...هو أنا نسبت شغلتس لي... عذبة: خلاص شباب ما يصلح فشلتونا بضيوفنا... خوذوا لكم وتيسروا البنات إنكتمن... تركي: نجلوه ولا أنتي يا ليلى...جيبن صحن.. نواعم...قومي يا نواعموه.. نواعم: آسفه...مب بيتي.. تركي: شفت يا مجيد... مب بس نوير ماتطيعك... بنات آخر زمن.. عبدالمجيد: نوير إذا عيت عطيته طراق يعدل راسه.. سو الطريقة تراه مجربة... نجلاء: ههههههههههههههههههههههه تركي: أنتي ياللي عليتس شرشف أحمر كلون الدم القاني... والمزركش بالأخضر...ياعليكم تناسق شراشف.. قومي جيبي صحن... عذبة: الحين مالقيت إلا الضيوف...عيب.. تركي:أنا والضيوف نتفاهم... وبعدين هي المعزب اليوم... قومي جيبي صحن.. يالله.. نجلاء: طيب لا تزمر...هيله مصدقته... لا تقومين..أنتي ماتعرفين تقولين لا.. تركي: حريرة...فريرة يا نجلوه_ويفرك فبضة يده اليمنى براحة يده اليسرى_ عذبة: والله إنك تضحكن غصب..حتى وأنا معصبة.... الحين بوه أحد يدخل على ناس بسروال سباحة.. تركي: هذا آخر موديل نازل بالسوق...ماتدرين أنتي.. حتى رولات الشعر... شفتي التجعيد الطبيعي.. _أقبلت هيله, ثم وضعت الصحن على الأرض ودفعته لتركي_ تركي: مجيد... شكل ذي متعودتن توكل بقر... تحسبنا بقر عنده...الحين أنتي ليش تحطين الصحن وتدفينه قالوا لك ثور!! حصة: له يا ولد الأصول... بع تبيه تمده لك ... إذا أنت مو مستحي على روحك... هي تستحي.. تركي: بسم الله منين طلعت ذي...هذا عنصر قصيمي جديد... عبدالمجيد_يهمس_: شف عذبة شكله بتفشلنا الحين عند البنات إمش نطلع.. أنا بطلع مع السلامة... تركي: إصبر يا بقره...خلن أحط لنا..زين أبحط لي ومنتب ذايقه... _ويجمع الفطائر والمحاشي بكلتا يديه ويضعمها في الصحن ويركض وقطع الأكل تتناثر من الصحن ويخرج_ هيلة: إسمحي لي يا نواعم ... أخوتس هذا عديم الأخلاق... قليل أدب وما يستحي...يحسبن ما أحس.. ولا عشاني أستحي وما أقدر أرد... عذبة: معليش يا هيلة... بس والله مو قصده ... تراه بسيط... وماعنده بنت ولا ولد.. كله يمشي عنده... وسعي صدرتس... ترى دايم يسوي بنا أكثر... حصة: بسم الله ماعنده بنت ولا ولد... عيونه بتطلع وهو يناظر... تقل أول مرة يشوف حريم... ليلى: معليش.. بنات هدوا الموضوع.. عادي... ما شاء الله ما قصرتي يا حصة... سلختيه سلخ.. حصة: لاعاد اللي إستحى..الرجل اللي معه هو اللي إستحى وطلع... وطلعه.. ولا هو ... أستغفر الله ... لا يبلان الله بولد مثله.. بس بالله يا نواعم ... أبوتس وأمتس كيف يسمحون له يتعامل مع الناس كذا؟ نواعم: الله يهديه... خلاص بنات حقكم علي... أقول جيبوا الفطاير ناكله ... أنا ميته جوع... ************ "في غرفة عذبة" فتحت عذبة دفتر مذكراتها وكتبت: أبي ... غداً سيأتي بندر ليصطحبنا للمنطقة الشرقية, خالي راشد دعانا لقضاء إسبوع على شاطئ البحر, قد إستأجر شاليه مكون من طابقين, ليحتوينا مع خالتي فاتن وبناتها, شعرت بسعادة غامرة لذلك فكم أتوق أنا وأخواتي للسفر... أبي... ستتزوج أفنان وستسافر إلى جدة...نعم ستبتعد عني... ولكن ربي سخر لي ماما أمينة... فهي لي الأم الرؤوم , تتصل بي يومياً لتتفقد أحوالي, وتزورني بالأسبوع عدة مرات... حقاً حين أضع رأسي على صدرها كأنني أسمع دقات قلب أمي... قبل أسبوع... فتحت غرفة جدي... لأبحث عن عقود لبعض العقارات, فوجدت ملفات في درج قصي, وكانت المفاجأة... إنها سجلات لثلاثمئة عائلة سعودية تكفل بها جدي ودون أن يعلم بها أحد... لطالما رأيت نساء يجتمعن لدى بوابة المنزل, ولكني حين أسأل الحارس يتهرب من الإجابة, لقد عرفت مـتأخرة أنهن أتين ليسألن عن جدي.. وليطلبن ما عودهن من مصروف... صعقت وذهلت..حزنت وفرحت..حزنت لتوقف المساعدة عنهن وفرحت لأن جدي كان يعمل لآخرته مبتعداً عن الرياء, والغريب أنه كتب لك خلف الملف الجامع للسجلات هذه الرسالة: "يا ولدي... إذا إستلمت هالملف عقبي لا ترميه, ترى هنا التجارة التي لا تبور, يا ولدي, ما عرفت يوم تصدقت بوه بريال إلا ربي رزقن أضعافه, أوصل بالهمساكين اللي كنت أنا بيوم مثلهم..وترى أنا أطلع من أرباح الشغل كله, وعشان كذا كل شغلي يتبارك, إدفع لهم من الربح لو أكثره, ترى البركة بالرزق تغني عن كثرته" لأجل ذلك جمعت أخواتي وأطلعتهن على الوصية, وإستأذنتهن أن أخرج من أرباح الأعمال, حتى ناصر كلمته وسألته إن كان يريد أن يساعد المساكين ليجعل الله له ذلك في الجنة فرح وهتف قائلاً" يا ثلام ...بالدنه مع أمي وثعود وبابا ناثر" وأبشرك أن ناصر سعيد برفقة أحمد ووالديه وأم عبدالله والبنات في إيطاليا.. أبي لم أنس يوم كل ذكرياتنا الحلوة, سواء في الداخل او الخارج, وأتمنى أن تعود لنسافر سوية, ونستيعد شيئاً من طعم الماضي الجميل.. أبي..كم أتوق لأحضانك.... عذوووووووووووووووب ........................................ "في غرفة ليلى" ليلى تغلق حقيبتها, وتسحب عبائتها المرمية على السرير.. تقف عذبة بالقرب من المرآة وتمرر يدها على أغراض ليلى عذبة: ليول... وش عالقرنبعات اللي بذا...كل ذولي كريمات؟!! ليلى: إيه ... عذبة متى بيجي بندر؟ عذبة: بندر تحت... جاي قبل شوي.. بس تراو يقول منتب رايحات بالطيارة.. ليلى: خيـــــــــــــــــــــــــــــر!! عذبة: يقول إنه مب فاضي ينتظر ويتسحب بالمطار ويبي يرجع بسيارته.. هه يقول أروح للدمام بالسيارة أسرع من الطيارة وإنتظاره ليلى: إي والله جد... الخطوط السعودية تطق قلب الواحد ما طارت بوقته.. بس والحجز ..وبصراحة مالي خلق الطريق طويل ... عذبة: يابنت الحلال وسعي صدرتس... مير ما غيرتي رايتس بخصوص خالد؟ ليلى: أوووووووووووووووووووووف... أنا أدري ليش جايتني بذا.. قلت لك..مستحيل!! عذبة: يا ليلى يا عمري أنتي.. خالد ما ينرد..خالد رجال وأنتي محتاجة مرجلته.. رجل بيوقف معتس وبيسعدتس..محافظ على صلاته بار بوالدينه أخلاق.. أهم شي أخلاق.. ليلى: وع ... قصيمي!! عذبة: قصيمي!! أحسن ميزة إنه قصيمي... ليلى: رجالهم يمه قويين ويخوفون.. الرجال كلمته تمشي على الكل عذبة: وهذا اللي أنتي محتاجته.. أنتي محتاجة أحد قوي .. يحميتس ويدافع عنتس... وبعدين خالد أنا أعرفه ...طيب وحنون .. صح شخصيته قوية بس فيه حنان على أمه وأخته وأبوه بشكل ... يختي شوفي هيله المسكينه..من وقف معه.. وحن عليه إلا هو... ليلى: أووووووووه...أنتي محتاجه رجل قوي!! عشانتس أنتي قوية تكسرين خشمه..لكن أنا أبي واحد يتفهمني ويقدرني... ومو يقعد يقول لا تلبسين لا تحطين.. نسيتي خناقتي مع سعود الله يرحمه.. عشاني ضعيفة مستقوي على ولا أنتي ما يقول لك شي!! عذبة: سعود ما كان يرضى بالغلط... وأنا ما كنت أسوي اللي ما يبيه..لكن أنتي اللي تغلطين وماتبين أحد يوقفتس عند حدتس.. ليلى: مابيه... عذبة: حرام عليتس... والله يمكن ما تحلصتس هالفرصة مرتن ثانية.. ليلى: زوجيه نجلاء...وفكيني!! عذبة: ما خطب نجلاء ولاهيب أنا اللي أزوج نجلاء!! نجلاء له أهل... وبعدين وش فيه الرجال ينعاب قولي لي؟ ليلى: مو من مستوانا الإجتماعي.. عذبة: أنتي جادة ولا تستهبلين..أغلب اللي رفضناهم من مستونا الإجتماعي زي ما قلتي... لكن أخلاقهم ودينهم زفت!! يعني من وين نجيب لتس رجال!! وبعدين خوالي من أفضل عوايل القصيم... إسألي عنهم أهل القصيم شوفي شبيقلون لتس!! ليلى: أنتي ما تفهمين يا عذبة...أدري خالد رجال وما ينعاب, أخلاق بار محترم دين .. أهله من أكبر حمايل القصيم.. وسيم زي ما قالت المهبولة نجلاء واللي ماتدري وين الوسامة معه.. بس يالله وسيم شوي لكن ما أبيه... ما أبي أطلع من الرياض.. أص..أص..لا تقولين التوفيق والرجال ينشرون وماعلى السيارة والطيارة والقطار على قولة نورة بعيد بس ماااااااااااااااااااااااااااابي... مااااااااااااااااااااااااااااااااااااااااااااااااا اااااااااااااااابي... ولا تقعدين الحين تشكين على خالتي فاتن.. أنا كبيرة وأعرف مصلحتي.. وقبل شوي مكلمتن أمي عذبة من القصيم تحاول تقنعن... مااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااابي.. عذبة: حراااااااااااااااااااااااام عليتس تضيعين الفرصة !! ليلى: مو أنتي ضيعيتي فرص واجد وأهمها فيصل ولا كلمتك.. ولا تدخلت فيك... خلاص رجاء لا تفقعين راسي.. خليني أنبسط بالجزء البسيط المتبقي من العطلة... أووووووووووووف تحسب كل الناس غلط وهي الصح!! عذبة: إحترمي نفتس لمن تتكلمين معي... أنا منب أصغر بزرانتس.. إذا تكرر هالأسلوب معي... بتشوفين تعامل ثاني.. _إنسحبت عذبة من غرفة ليلى وقد أغروقت عياناها بالدموع_ ******** "في الصالة الرئيسية" نجلاء وبندر منفعلان مع مباراة من الدوري الأوربي, بندر يمسك بخدادية ويعصرها بين يديه, بينما نجلاء تعضض أصابعها, الأنوار مغلقة والشاشة تغطي الجدار الجانبي, والستائر مسدله على الواجهه الزجاجية للبيت, وصوت المعلق يتردد في أنحاء البيت الفسيح, بدأت هجمة قوية, فبدأت نجلاء بالصراخ.. نجلاء: يالله.. يالله إيه .. إيه!! بندر: أآآآآآآآآآآآآآآآآآآآآآآآآآآآآآآآخ بغت تضيع ..جت إلعبها إلعبها.. نجلاء: لالااااااااااااااااااااااااااااااااااااااااااااااا ااااااااااااااااااااااااااااء!! بندر: راااااااااااااااااااااااحت ياربيه ... شوي وتصير هدف!! _ورمى الخدادية على التلفاز_ نجلاء: يوووووووووووووووه قضى الشوط الأول!! _نزلت عذبة ووقفت أمام الشاشة وصرخت_ عذبة: هيــــــــــــــــــــــــــــــــــــــــــــــــ ـــــــه!! أنتم صمخان ما تسمعون؟ بندر: إلا نسمع....وخري بس!! عذبة: منب موخرة... متى بنمشي... وبعدين وش هالكآبة, أنوار مطفية وستاير مصكوكة, وتلفزيون على مباراة...وش ذا!! نجلاء: عبارة عن تشجيع رياضي!! عذبة: أقول أنتي ما إفتكينا من نورة والمباريات أعديتي بعد بندر!! بندر: أفا يا نجلاء... تشجعن ؟!! نجلاء: أنا أشجع شوي.. بس نورة هي اللي تتابع الدوري ... بندر ترا هذي إعادة... لا تحسبة صدق ترا النتيجة ثنين واحد.. بندر: وأنتي شايفتن خبل أحسبه مباشر... يالله ركبوا الأغراض...؟ عذبة: إيه ركبوا الأغراض... بندر ترى أباخذ السيارةالسوداء الصغيرة.. وبيروح به أبو ياسين.. وأبآخذ الطباخة ووحدة من الشغالات......حرام خواتك لازم يستانسن.. بندر: خوذي إن بغيتي مجيد...إلا أقول علينا خواتي يستانسن... إلا تبين تفخين أنتي وخواتس... بس ماله داعي يجي أبو ياسين..سيارتي تكفيكن مع الشغالات.. نجلاء: لا والله ... نبي نروح ونجي براحتنا...تعالي أنتي الصغيرة ما تكفينا مع خالتي فاتن وبناته وبنات خالي...كوووووووووووومه حنا!! عذبة: ما أحب الجمس كبير... واللي يبي يروح عنده عياله صح بندر!! بندر: ماله داعي تاخذون السواق من الأساس ... تبون شي قولن لي.. عذبة: ماتقصر... بس تدري أحب أروح وأجي ما أحد يمن علي.. بندر: أفااااااااااااااا... أنا أبمن عليتس؟!! نجلاء: لا ..هي أصلاً تحب الدوجان بالنهار ووقت دوامك.. عشان كذا تخاف أبوك يرسل إبراهيموه يودينا همن تفوع زينبوه... يا ربيه.. بس الله يعيننا عليه.. بندر: هو على كيفه!! *************** "في السيارة" بندر: ليلى... وش صار على موضوعتس أنتي وخالد؟ ليلى: ماصار شي... بندر: وش تحترين... ردي للناس..إيه ولا لا.. عذبة: هه..الآنسة ماتبي قصيمي على قولته... بندر:هـــــــــــــــــــــــــــــو!! أجل وش بتاخذين ... عسى راشد الأماراتي!! ليلى: أنت وش فيك قاضب طنازة!! وش فيه راشد.. وبعدين هو مو إماراتي...هو سعودي!! بندر: لا...لا..أنا ماتطنزت عليه... هو اللي بياخذ الجنسية الأماراتية.. عذبة: هو اللي متبري من أصله...والغثة إنه 24ساعة يا بملحق مجيد ولا بمزرعتنا ولا ببيوت القصيم الشيخ يحب المزارع والجمعات... وما يحب ديرته!! نجلاء: أشوني منب راشد عندكم ... حرام عليكم إغتبتوا الرجال!! وبعدين راشد مو قصده يتخلى عن ديرته.. بس هو ربى هناك وأموره تيسر أكثر لو ياخذ الجنسية الأماراتية ... الرجال يفكر ببعيد.. وبصراحة خلون أقول لكم.. أنتم اللي خليتوهم كذا!! بندر: تكلم زياد بن أبيه... وليش خليناهم كذا؟ ليلى: ماتدري ليش يعني...أنتم إذا جوا قلتوا ياحيا الله ربايا الأمارات وكل كلمة والثانية تردونها وراهم.. وإذا تكلموا قصيمي قلتوا إسكتوا مو لايق عليكم, وإذا تكلموا شرقاوي قلتوا ترا أصلكم قصيمي .. وش يسون بأنفسهم.. نجلاء: وعشان كذا كل واحد إختار البيئة اللي توافقه...راشد عاندكم كلكم وصار يتكلم إماراتي لأنه هناك يعايرونه بكلامه السعودي... ومشاري ومنى معتزين بلهجه أبوهم .... وخالتي فاتن كلامه خليط بين كلام حمولتها وكلام خواله وأهله... وشمس حتى الآن ما بين أي الفريقين تختار... بندر: طيب خلونا من سيرتهم... وأنتي يا مزمزيل وش تبين تاخذين إذا منتب أخذه قصيمي؟ ليلى: مادموزايل ...مو مزمزيل...اللي يجيبه ربي حياه الله.. بندر: أصلاً أنتي حسافتن عليتس قصيمي.. لأن القصيمي سنع يبي له مرتن سنعه... مب مثلتس كل همتس شكلتس وتمايعتس بالكلام... مير ربي راحمن خالد اللي ما وافقتي عليه.. ليلى: روح زوجه إختك.. خل القصيمي اللي حسافه علي يصير نسيبك!! عذبة: ليلى!! وش هالأسلوب!! هذا بندر... مو مراد!! بندر: خليه يا عذبة... أنتي اللي خليته على كيفه تتكلم بهالأسلوب مع مراد أكيد بتتكلم به مع غيره... مير إذا كنتي يا عذبة ماعرفتي تأدبينه...أنا أأدبه .. وأنا أخوكن المسؤول عنكن الحين!! _ساد الصمت السيارة, عدا صوت تنبيه السرعة, عذبة كانت تلتفت بين الفينه والأخرى على ليلى والتي بدى عليها التوتر الشديد, ونجلاء غطت في نوم عميق, وهى تسند رأسها على الباب, بينما بندر لم يتحدث معهن مطلقاً, وظل صامتاً ووجهه محمر غضباً, في هذه الأثناء رن جوال نجلاء, تلمست نجلاء حقيبتها اليدوية وحاولت أن تخرجه, أخرجت الجوال ثم نظرت للرقم وصرخت_: نوير!!ألو..... نورة: هلا والله نجول.. شخبارتس..ليش ماتردين على تيلفون غرفتس؟ نجلاء: أنا بالسيارة رايحين للخبر... نورة: هو !!...مب حجزكم بعد ثلاث ساعات؟ نجلاء: بندر عيا ... مب فاضي الشيخ.. نورة: ياحبي له... معتس الحين ؟ نجلاء: نورة وبعدين... خلاص...ولا تبين أمد له الجوال؟ نوة: لا..الله يقطع بليستس أخاف يهوشن...ياحظكم ليت من يجي معكم.. نجلاء: الحين أنتي وخشتس فالته على الآخر , ومن مدينه لمدينة لكم حول الشهر ويا حظنا حنا المنرزعين بالبيت!! نورة: مير والله ماتنفع الروحة بلاكم... وعععععععععععععععععع نجلاء: ليه......؟ نورة: زهق...ضيقة خلق... أمي وأبوي طاروا لحالهم لسويسرا وفرنسا أول ما جاء عمي سعد ونواعم, وصارت جدتي هي المسؤوله عنا... حالتي حالة ... تخيلي غطان سلمانوه غصب!! نجلاء: خخخخخخخخخخخخخخخخخخ ماورا ما تدربيتي بلا غطى... تستاهلين...إحمدي ربتس مجيد مب معتس كان ملبستس عبات... نورة: أخ ليت مجيد معي... مجيد يضربن ويعطين... أصيح على راسه ويرحمن يودين ويجيبن, عالأقل مزيين أكشخ بوه شوي.. مب مثل سلمانوه اللي تقل ب***ي مضروب بزبيرية عمي فيصل.. نجلاء: ههههههههههههه... عمتس فيصل!! ليس ما تصير زبيرية سلمان نفسه..؟ نورة: فيصل رجله كبيره... نجلاء: مستانسين مع نواعم؟ نورة: نواعم !! إيه بس تخيلي ما تغطت!! إلا إذا جاء سلمان إستحت شوي... ولفت اللثمة... نجلاء: ليت مجيد معكم يعطيه طراق تأدب!! نورة: لا...لو يجي مجيد كان تستفرد بوه.. مسيكينه كل شوي تقول ليت مجيد معنا.. مجيد يعرف يمشي أحسن من سلمان مجيد يهتم بلبسه وكشختة مو مثل سلمان.. وذبحتنا.. وتخيلي يوم دق علي مجيد وأنا كنت بالحمام.. أخذت الجوال وردت عليه وسلمت والطامة الكبرى قالت له والله الروحة بلاك ما تنفع... نجلاء: ههههههههههههههههههههههه وش سوا عاد مجيد ...عسى ما ماع؟ نورة: لالا... مجيد صكه بوجهه.. وأرسل لي دقي علي.. ودقيت عليه وأنا معصبة..أقوله يالطماع ليش تبين أدق عليك؟ وهو مسيكين يقول لي مشتاق لتس وأخاف أزعجتس.. وبالآخر قال لي إنه دق وردت عليه نواعم وبالآخر سكره بوجهه.. نجلاء: لالا..نواعم ماتسويه... يمكن مجيد ينصب.. نورة: نجود كانت موجودة يوم ترد عليه.. نجلاء: لالا.. نواعم على وجهه.. مب قصده.. بس طاحت بمجيدوه.. هو اللي فكر إنه تقصد.. بس أنا زهقت أبي أرجع... ولا أروح مع أمي وأبوي.. نجلاء: كان رحتي معهم!! نورة: عيت أمي ...أنتي عارفتن مراهقة ما بعد الخمسين!! يبون يرجعون شباب... أصلاً عيوا على أحمد...وشلون أنا.. نجلاء: ياحليله أمتس سوت اللي بباله وراحت هالسنه للي تبي.. نورة: عاااااااااااااااااااااااااااااااااااااااادي دايمن تسويه... ومع كذا هي اللي دايم مسكينه وأبوي ظالمه...تحسب الناس مالهم عيون.. نجلاء: إيه مير وش أخبار ناصر؟ نورة: هالثنائي...مسوين أكشن ...ما أدب سلمان إلا هم... حتى عمي سعد طيروا عقله... اللي يبونه يسونه ولا يدقون لأحد حساب.. ما أدري من طالعين عليه!! نجلاء: نورة نسينا ما كلينا!!! نسيتي يوم نهج وندخل البار, ولا يوم نسرق المفتاح ونقفل على فيصل وسعود وننزل نورة: أوووووووووووووووه... لا ما نسيت .. بس ذولا غير!! نجلاء: أقول مير .. تراتس قومتين من النوم... مع السلامة وسلمي لي على ناصر بكمل نومي بقي 100 كيلو على الخبر.. أبشبع نوم قبل لأروح ...أدري بيسهرنن البنات.. نورة: تعاااااااااااااااااااااااااااااااااااااااااااااااا لي!! ماخلصت مسولفة...ما قلت لتس بكرا بيجي عزوز وفيصل... بيجون وبنتقابل بروما... نجلاء: وأنتم الحين وين؟ نورة: بفلورنسا....فاتس...رحنا لحديقة بولوي...شمس رانه!! نجلاء: وش إسمه!!ههههههههههههههههه إسمه بوبولي... خخخخخخخخخخخخخ أقول تعالي للشمس اللي عندنا!! مير رحتوا البندقية؟ نورة: إيه ... وركبت الجندول ... وركبت نجود معي غصب...خخخخ تضحّك خايفة.. قلت الله يرحم أيام نجلاء يوم كنا نركب ونصفق ونضحك ونغني... وذي مسكته ومغمضه عيونه تقل تساق للموت!! نجلاء: طيب وعمتي أم عبدالله؟ نورة: ذبحتنا هي وعربيته... فشلتنا كل شوي تقول وه تعبت.. وسواقه وراه شايلن العربيه عند كل جسر... وتقعد سنه تضوكع عشان ترقى وتنزل...بس ياهي مروقه!! وهي كل شوي تقول" أحسن ما للعجز مكة!" وأول ما نقول بنسافر تقول حجزتوا لي ...زينتوا جوازي!! نجلاء: ههههههههههههههه هذا وهي اللي غاصبتن أبوتس يوديكم إيطاليا عشان خشتس!! نورة: وأنا وش قلت لا تنكرين...تحب الهذبه والسفر... مير ترى أبوي يقول إذا أعرست عذبة بناخذ نجلاء غصب.. عشان بنيتي نوير تنبسط... نجلاء: زين ولا مب عشان أنبسط أنا!! نورة: عاد أنا أقول بقلبي ...إن شاء الله أعرس قبل عذيب!! وآخذ بندر..يارب!! نجلاء: نورة فكين من هالسيرة واللي يرحم والديتس!! نورة: طيب مع السلامة... ياشينتس لامن صار بتس نوم!! مير دقي ترا قضيت مصروفي وأنا ما غير أشحن عشان أكلمتس.. نجلاء: الله يبارك بجوال أمتس نورة!! تراى أعرف حركات التشليح حقتس.. نورة: مع السلامة يالجنية!! أمووووووووووووووووووه على خدتس... وسلمي على شمس وإيمان وعبير... وخالتس راشد وخالتس فتنه وأم إبراهيم وإحم إحم وبندر... نجلاء: مب إسمه فتنه!!! نورة: فااااااااااااااااااااااااتن...مافرقت!! سلام...أمي نورة جت لا تفضحن!! _أدخلت نجلاء الجوال بالحقيبة, ورفعت طرحتها, ثم نكشت شعرها وهي تقول_: الحين عذيب لو أنتي مخليتن أروح معهم... مستانسين... بندر: كنتي تكلمين نورة صح!!؟ نجلاء: إيه...مستانسين هناك...ليتي معهم..عذبة.. بيجي فيصل لمهم بكرا هو وعزوز... عذبة: بشري أمتس!! نجلاء: عذبة... وش رايتس العطلة اللي بين الترمين نروح لأمريكا.. كولورادوا تهبل.... نروح ونشوف أمي... ونتسيح... وأنتي تزورين مس صوفيا... وناخذ خالي راشد معنا... عذبة: أقول ... على أعصابنا خايفين منهم وحنا هنا.. وشلون تبيننا نروح لمهم... الله ياخذهم أخذ عزيز مقتدر.. الله يدمرهم وينهيهم ويفك المسلمين من شرهم!! وبعدين مس صوفيا ميته من يوم أنا بالمتوسط... بندر: صوفيا هذي اللي كانت تدرس عمتي عربي.. عذبة: إيه.. بندر: مير وش أخبارهم هناك مبسوطين؟ نجلاء: إيه.. بندر: من راح معهم.. نجلاء: سعد..وسلمان.. وأبو عبدالعزيز راح لفرنسا وسويسرا... عذبة: راحت أم عبدالعزيز... ياحليله ... معلقه على نفس الأماكن ما تحب تغير!! ليلى: أقول... خلينا نروح لنفس الأماكن يختي... نجلاء: خوذي خالد وروحي!! ليلى: لا حبيبتي ... عسى خالد بيسافر بي كل سنه!! هذا حتى جواز ما قص!! بندر: يدل هذا إنه إنسان نظيف وماعنده لف ولا دوران... عذبة: ماعليش بندر .. يعيني اللي عنده جواز يصير وصخ!! بندر: لا.. يعني لو كان سلمان مطلع جواز ما أحد شك فيه.. لأنه يسافر مع أهله ويجي مع أهله.. لكن لمن أهله ما يسافرون برا وهو يقص جواز ويسافر لحاله..!! غالباً هذولا يكونون راعين خراب!! نجلاء: راعي الخراب راعي خراب.. والله أهله يسافرون ولا لا.. الأهل ما يسون شي.. فيه ناس أهلهم يسافرون وهم يسافرون بس كل واحد وله هدف من رحلته.. اللي يبي السياحة واللي يبي الخراب.. ويكونون بنفس الدولة!! عذبة: كلام بندر صحيح.. لأن اللي بيخرب ما يبي أهله يشوفونه.. مستحيل يسكر ويخربط وأهله معه.. ******* "في لندن" يجلس فيصل على الكرسي المقابل للنافذة, ويتأمل المارة في هذه الأثناء يدخل عبدالعزيز ويقف بين فيصل والنافذة فيصل: إنقلع...خلن أبناظر.. عبدالعزيز: ماعجبتك؟ فيصل: لا عبدالعزيز: عيب تتكلم معي كذا وأنا أكبر منك!! فيصل: أقول وخر.. عبدالعزيز_يسحب حقيبة فيصل نحو الباب وهو يقول_: شكلك مب مستانس بالسفرة؟ فيصل: إلا مستانس... بس تبين أقوم أرقص... عزوز..شف هالبنية كنه نجلاء يوم هي صغيرة.. عبدالعزيز: اللي هناك...ياحليله نجلاء وش أخباره؟ أذكر بعزاء عمي متغطية..شكله يضحك بالجلال.. متغطية وتركض وجت تسلم علي مع نورة... خفيفة دم... فيصل: أنا مستانس إني بشوف أمي برا السعودية... عبدالعزيز: ليه؟!! فيصل: أخاف لا رجعت للديرة أرجع للشغل وأهون... عبدالعزيز: فيصل ... بسألك أنت هنا وش تسوي؟ دايم أجي ما ألقاك...وين تروح؟ فيصل: هه...لا...ما ...إلا لي ربع هنا.. عبدالعزيز: إيه... بس الربع ذولا ما عندهم دوامات دراسة... باليل ما ينامون!! فيصل: إسمع عزوز... أنا منب صغير تقعد تستجوبن!! مالك شغل وين أروح ووين أجي!! عبدالعزيز: والله يا أنت متغير... فيصل: عزوز... عبدالعزيز: نعم؟ فيصل: كل تبن... عبدالعزيز: شكراً.. هذا من ذوقك.. فيصل: لا شكر على واجب.. إنطق بالسيارة أبلحقك... يالله يمدينا نروح للمطار.. ******** "بعد يومين" الجو منعش والأمواج ناعسة, تتحرك ببطء وتعزف صوتاً يثير الشجون, أمام الشاليه, فرشت فرشة متوسطة الحجم, وجلسن عليها البنات متحلقات, وبدأت أصوات الطبول تنعبث من إستريو وضعته شمس على النافذة عذبة: لا بنات واللي يرحم والديكم.. مانبي مشاكل مع العيال!! نجلاء: أصلاً خالي اللي قايلن إرقصن وسون اللي تبن..بس لا تبعدن عن الشاليه.. بجنبه سووووووووون اللي تبن!! ليلى: يا حليله خالي... ربايه أمريكا.. ما كنه قصيمي!! عبير: بس الجينات تشتغل.. عياله بسم الله الرحمن الرحيم كل واحد أشد غيرة من الثاني!! شمس: أسمعكم هاي الأغنية تينن!! عذبة قومي رقصي مصري ما يعرف الرقص المصري إلا أنتي...قومي عشاني عذبة: لالا.. ما أرقص على موسيقى... اللي يسمع موسيقى تصب في إذنه حميم يوم القيامة... إعذريني... إيمان: سكريه حبيبتي.. أنا كم مرة أقول لك.. أغاني ما نبي!! ليلى: وه... جتنا المطوعجيه هذي...شمس صكية شمس: إنزين...هاي الشريط طق مصري بدون موسيقى... مالج حجه عذيب!! إيمان: الطق مو مسموح إلا بالأعياد ...والزواجات...ترى تستاثمون!! بنات خلونا ننبسط بدون إثم...والله مسؤلين ترى عن هاللي نسويه!! عبير: قومي عذبة خوذي جلالي أصغر إربطية..يالله.. عذبة: أخاف بندر يجي.. ويعصب والله أخاف منه!! نجلاء: خخخخخخخخخخخخخخخ أول مرة عذبة تعترف إنه تخاف من أحد!! قومي .. لا قال شي خالي يأدبه.. عذبة: على ضمانتس.. إيمان: عذبة عسى بترقصين بالجلابية اللي توسع ديرة!! عذبة: إيه أربطه ومافيه مشكله... _بدأت عذبة ترقص وبدأن التصفيق لها , بدأت تتمايل وتهز خصرها, ودبت الحماسة بالبنات وأخذن يصفقن لها بشده_ _خلف سور الأشجار الفاصل بين البنات والأولاد_ أحمد ومشاري وراشد يشوون ويسمعون صوت الطبول, وصوت تصفيقهن وصراخهن ,أقبل بندر وجلس ثم إلتفت لأحمد وقال بعصبية: ذولي منهبلات!!خير إن شاء الله ..وين حنا.. ببيتنا!! مشاري: أنت وش فيك...إسمع الطق وطق رقبة وإستانس!! راشد: ياخي خلهم يستانسون... شكل الرقص حامي.. أحمد: ليت من يويز... بندر: تلقى الحين كل الشباب اللي بالشاليهات يجتمعون.. مشاري: أنت اللي وصلتهم ؟... خالي الله يهديه ليش يروح ويخلينا... كل هذي شفاحة عروس!! راشد: والله عيب الناس عازمينه ومقدرينه وييلس...!! أحمد: أقول ما تشوف أمك..عالأقل المعرس ولد الجيران... جيراننا من سكنا بالبيت أمك وش علاقته بهم وطايرة ومخليه البنات؟ مشاري: أمي حرمة وتحب العروس... بندر... بعيد القاعة من هني... والله ما لي نفس أروح أييب أمي وهيفوه.. أحمد: إخس مرتك رايحة!! من متى المعرفة؟ راشد: تقول العروس دارسة معها بالثانوي... بتروح تشوف صديقاتها... بندر: شف بركات رقص البنات.. جو إثنين شافونا وراحوا.. مشاري: خالي قايل قبل لا يروح للبنات سون عرس بذا.. وبعدين اللي يي نكسر له راسه.. بندر: لااااااااااااااااااااااااا... ما ينسكت على الوضع كل ماللصوت يرتفع!! مشاري: بندر تكفى شوف لي الدرب.. أبي الحماااااااااااااااااااااااااااااااام... _يمشي بندر من خلف الأشجار ويقف على بعد ثمانية أمتار ويشاهد عذبة وهي ترقص, جلابيتها الحمراء الحريرية الواسعة والمطرزة بنقوش بيج , خصلات شعرها التي تسابق حركات جسدها, وتمايل خصرها يمنه ويسرة وحركات يديها المتقنه ضحكاتها ومغازلتها للبنات جعلت منها وكأنها رقاصة محترفة, تبسم ثم همس:_ الخبل مشاري اللي تركتس!! سبحان الخالق به من خف دم نورة!! إيه... يااااااااااااااااااااااااااااولد!! شمس: إصبر!! إصبر.. بتغشى.. نجلاء: بتتغشى!! _وقفت عذبة ثم خلعت الشرشف ورمت به على شمس, وركضت للداخل, وقفت ليلى لتهرب, فصد بندر قائلاً: معليش ما دريت إن فيه أحد!! عبير: مب أحد هذي ليلى!! بندر: ليلى!! خير إن شاء.. ليش لابسة عاري!! ماتستحين أنتي.. هذا لبس..إلبسي هاللبس لرجلتس مب للناس.. نجلاء:أصلا عذبة هاوشته... بس هي معنده وومعييه تلبس الجاكيت حقه تقول حر!! إيمان: قل نار جهنم أشد حراَ بندر: وأنتي يا نجيل ليش لابستن بنطلون!! نجلاء: خالي راشد قال لي ميخالف!! وبعدين أنت ليش تجي للبنات .. بندر: وأبوي رب!! _في الداخل دخلت عذبة تركض , وهي تتصبب عرقاً, تمسكت بدرابزين الدرج ثم همست: يا خزياااااااااااااااااااااه من متى وهو يناظر وأنا قاعدة أستهبل على البنات!! _فتح الباب الخارجي, رفعت عذبة عينيها وإذ بها ترى مشاري أمامها, تراجعت خطوتين وهي ترتجف, رفع مشاري بصره وحين رأها توقف ثم تقدم نحوها, ظهر على عذبة الرعب , وفرت للدرج وركضت ولم تشعر بنفسها, إلا وهي تتوسط الغرفة المقابلة للدرج, والتي كانت غرفة إبراهيم وزوجته, وكان إبراهيم يقرأ كتاب على سريره , توقفت مرعوبه وإستدارت لتخرج وإذ بزينب تقف عند الباب قادمه من الغرفة الأخرى حيث ينام ولدها_ *********** ............................................... |
"الجزء الثاني والعشرون" تقدم بندر ليغلق جهاز الإستريو ورأى مشاري يدخل الحمام , وعذبة تركض بالدرج دخل بندر وتوقف بمنتصف الصالة وقد بدى عليه الغضب الشديد..ثم سمع صوت من الأعلى... _أمام غرفة إبراهيم_ زينب_تضع يديها على خصرها_: هه يا سيدة عذبة!! تحسبينن رايحه للزواج... ما رحت..أنا عارفة إن عينتس الزايغة على زوجي!! _دفعت عذبة زينب وخرجت خارج الغرفة وهي تقول: والله مادريت إن هذي غرفتكم!! مادريت إنكم جايين أصلا!! زينب: إلعبي غيره... أنتي يا قذرة.. يا سراقة الرجاجيل... ما عليتس شرهه رباية برا... لكن الشرهه علي اللي أرضى أكون ببيت أنتي فيه.. _أسندت عذبة رأسها على الجدار ولم تستطع أن ترد_ زينب:إنقلعي من هنا... والله لأفضحتس وأبين حقيقتس... أنتي قذرة وتدورين الرجال... يختي روحي للرياض كله رجال على قفى من يشيل!! يا بنت آل .......... عذبة: حرام عليتس... زينب والله العظيم أحلف لتس بالمصحف... زينب: طيب وش اللي جابتس هنا!! وش جابتس فوق ... وأنتي عارفتن إن القسم الفوقي ما فيه إلا شباب وأنا وإبراهيم!! أنتي أصلاً وصخة وغاوية رجال!! عذبة: .................................. _صرخ بندر بالدرج_: أقص لسانتس تعيدين هالكلمة!! _ذعرت زينب ودخلت الغرفة وأغلقت الباب بقوة, أقبل بندر وأمسك بعذبة التي كانت ترتجف, وشد على كتفيها وقال: وش صاير؟ عذبة:..................انا...أنا...مادري..بس... بندر: ماعليتس منه...طويلة لسان... بس شاللي جابتس عنده؟ عذبة: .................................بندر والله مادريت إن هذي غرفته... أنا مادري شلون دخلت الغرفة... بندر: ماعليتس أدري انا إنتس مستحيل تسوين هالحركة قاصدة... أنا أخوتس وأعرفتس أكثر منه.. أنتي شفتي مشاري صح؟ عذبة: بندر........................._وضمته وهي تبكي وتنتفض ثم جثت على ركبتيها , أسندها بذراعه وأدخلها غرفته, أجلسها على السرير ومسح على رأسها قائلاً_: أوريه شلون تتكلم بأعراض الناس!! _وخرج وطرق باب غرفة أخيه بعنف, يفتح إبراهيم الباب _ بندر: يا الكلب !! وين الحقيرة ذي..إذا عنده كلام تجي تواجهنا بوه!! إذا أنت منتب مأدبه خلن أأدبه أنا... وصلت به تتكلم بعرض البنت!! إبراهيم: بندر...تقلع ولا ترفع صوتك علي.. بندر: لا والله!! وأنت يالرخمة يوم إنك تسمع مرتك تقول هالكلام ليش ما درت راسه بكف...تعرف شلون تتكلم ببنت عمتك.. فرح ياشيخ فرح!! إبراهيم: هي ما قالت شي غلط!! روح إسأل مشاري ليش طلقه!! طلقه عشانه خاينته مع ولد عمه... وولد عمه عقب ما مل منه راح وخلاه... لو كانت شريفة كان تزوجه فيصل مو يفرك ويخليه... بندر: بس ولا كلمة!! _ويهوي عليه ضرباً وركلاً , ثم رفعه بجيب ثوبه وضربه على الدرج فسقط أرضاً, ووضع قدمه على وجهه, وهو يصرخ_: أدفنك حي وأنت من لحمي إذا جرحت شرف هاليتيمة بكلمة!! أنت أصلاً مقهور ليش ما وافقوا عليك... كلب واطي حقير... طرطور ورا مرتك... هذي أشرف البنات... وإذا مو مصدق رح بنفسك إسأل مشاري.. إسمع يا إبراهيموه... التفاهم الحين مب معك ...تدري ليش.. لأنك رخمة ولانتب حولي ... مير التفاهم بعدين مع أبوي... وخل زينب وأهل زينب وديرة زينب تنفعك.. وأنتي يا بنت أبومرصاع والله لأجيب أجلتس لو عدتي هالكلام مرتن ثانية.. _في الغرفة_ عذبة وضعت يدها على فمها وهي تبكي وتقول: حسبي الله عليك يا فيصل ...حسبي الله عليك شوهت سمعتي وأنا منك... حسبي الله عليك شرك بيبتل يلحقن لين أموت... يارب.. يارب إلطف بحالي... ***** "في مطبخ الشاليه" نجلاء تصب كأس من الماء, تدخل أم إبراهيم وفاتن والخال راشد, أم إبراهيم : نجلاء وين البنات؟ نجلاء: ماشاء الله جايين بدري...البنات برا يرقصن بس جاء بندر وطفى الستريو.. الخال راشد: ليه!! على كيفه... هين أروح وأرقصهن غصبن عليه... فاتن: إصبر أبو إبراهيم..أبرقص معكم!! نجلاء: الحمدلله على العافية... ما أهبل من خالي إلا إخته!! _تخرج نجلاء من المطبخ, وهي تمسك بكأس الماء تنادي عذبة وتبحث عنها_ نجلاء: عذووووووووب عذيب..عذبة...عذبة... وين طست ذي... مشاري_يخرج من الحمام وهو ينادي_: ياولد..ياولد.. نجلاء: إصبر برميل بيك.. أبتغشى على ما قالت أختك... _وتسدل الشرشف على رأسها_ عذبة.. وينتس؟ مشاري: عذبة راحت فوق... إلا تعالي ليش يا العفريته تكبين علي شامبو؟ نجلاء: وأنت وش يدريك إن عذبة فوق؟ مشاري:لا تحسبيني نسيت.. ليش تكبين الشامبو!! نجلاء: عمرك ما نسيت... ياخي ريحتك خياس كتمتن أنا ونورة... قلنا نسبحك بالهواء الطلق... _وتدير ظهرها وتصعد الدرج_ مشاري: أنتي مو تروحين والرياييل يتكلمون!! نجلاء: أنا ما أشوف إلا براميل تتكلم.. مشاري: أنا برميل!! نجلاء:......................... مشاري: ردي علي يا جليلية الأدب... أنا برميل...إذا ما عرفتج عذبة شلون تتعاملين مع الرياييل أنا أعرفج!! نجلاء: تبي تعرف شلون أتعامل مع الرجاجيل أمثالك!! مشاري: شلون يالجرادة!! _رشقت نجلاء كأس الماء بوجهه, وشمرت عن كميها وهي تستعد لمعركة حامية, أمسك بها بندر, وإنحنى عليها قائلاً_: روحي عذبة فوق تبيتس...بسرعة.. نجلاء: أأ..أأأبشـــــــششر... _همست_الحمدلله بس جت على عذبة.. بندر: مشاري تعال أبيك بكلمة راس.. مشاري: هالخبلة بتضارب؟!! بندر: تستاهل والله.. تعال أبيك... ****** "أمام الشاليه" الخال يمسك بعصا ويقلد رقص الصعايدة, بيمنا البنات يضحكن بشدة ويحاولن به أن يرقص رقص غربي... عبير: الله يخليك يبه.. والله البنات ماعمرهن شافنك ترقص سلو.. فاتن: أما كان راشد رقيص... يمسك إيديني ويطيرني على باله يرقص سلو.. ليلى: إيه... أمي الله يرحمها كانت تقول عنك إنك تعرف ترقص يومك صغير... الخال راشد: يوم انا بأمريكا لكن الحين عقلنا...عيب اللي يرقص أولا؟ أم إبراهيم: هو!! منهبلات أنتن!! مهوب راقص... عيب... إرقصن أنتن يسد.. فاتن: راشد خنقلد بيتر وكوليت.... راشد: هههههه منين طلعتي من يوم أنا بأمريكا ما قلدتهم ...ترقصين معي!! فاتن: ما أعرف ..اللي تعرف فرح الله يرحمه... أم إبراهيم: أجل أنا منب قاعدتن أشوف رجلي يرقص!! أبروح أغير ملابسي... يارب لك الحمد منهبل الرجيل!! ************ "عند مدخل الشاليه" مشاري: قص لساني لو قلت كلمه لإبراهيم!! أنا ما سترت عليها لجل أتحتجى فيها ... أنا ما سكت إلا أبستر عليها... بندر: وأنت ... واثق من هالكلام اللي تقوله؟ مشاري: لو ما وثقت ما طلقت زوجتي... بندر: والله غلطان ...مستحيل عذبة تسويه... مشاري: إسمع يا بندر الكلام اللي عندي قلته.. لاتعيد وتزيد بالموضوع.. بندر: طيب من قال لإبراهيم؟؟ مشاري: أبقص لسانه... حتى لو كان لساني... عذبة بنت فرح الغالية.. لو شنوا ما سوت تضل بنت خالتي... ويضل لأمها مكانه كبيرة بقلبي... بندر: وااااااااااااااضح... ************** "في غرفة بندر" عذبة: تخيلي يا نجلاء قالت هالكلام كله عن... عمري كله ما توقعت أني أبسمع زي هالكلام يوم!! نجلاء_إحمر وجهها وبدت شفتيها ترتجفان, صرت أسنانها قائلة_: إسمعي...إذا هي ظنت إن سعود مات وتجرأت هي ورجله الطرطور تتهمتس بعرضتس ... تصير غلطانه!! _قفزت نجلاء بخفة وفتحت الباب وخرجت, أخذت تضرب باب غرفة إبراهيم بكلتا يديها وهي تصرخ_: إطلعي يا السافلة!! إطلعي .... تفاهمي معي.... إطلع يا الطرطور...إطلع..يا رجل تفاهم معي كان بقى بك شي من الرجولة.. إطلع... _في داخل الغرفة_ زينب: إبراهيم ..لا...لا تفتح الباب... إبراهيم: وش بتسوي؟ زينب: أنت ما تعرفه هذي بدوية... ماعنده لامن عصبت... إسمعه تتوعد.. وتتحدى .. دخلت بنت العناية المركزة.. أنا..انا خايفة...وين بندر ..يفكنا من شره!! يمه شفه ترجد الباب بقوة شكله بينكسر.. _خارج الغرفة_ _وقفت أم إبراهيم مشدوهه من الموقف, نجلاء محمرة الوجه بارزة العروق, مفتحه الأزارير, مشمرة الأكمام منكوشة الشعر, وتبتعد ثم تكر على الباب بقدمها فيهتز بعنف_ أم إبراهيم: بسم الله عليتس يا بنيتي... اللهم سكنهم مساكنهم...بسم الله عليتس نجلاء وش تسوين؟ نجلاء: الكلبة.. والكلب يتكلمون بعرض إختي.. والله ما أطلعهم من هالشاليه إلا جثث...وخل يصير اللي يصير.. أنا ما همن بس لا حد يأذي أختي... أم إبراهيم: أبد ما هنا إلا العافية..أكيد أنتي فاهمتن غلط ..تعالي يا بنيتي.. تعالي..بسم الله عليتس... تعالي غسلي وجهتس ولا تخلين الشيطان يلعب بتس.. نجلاء: وخروووووا عن... ووخروا عنا... أنتم وش تبون بعذبة.. وش تبون به... لا تأذونه .. كفاية ما هي متحملة.. عذبة أنظف وحدة أنا شفته بحياتي.... ليش يتكلمون بعرضه ليش!! والله لأشرب دمه ... الكلبه.. أم إبراهيم: الله لا يسلطنا ولا يسلط علينا.. يا بنتي تعالي وخلين أنادي خالتس... ووخري انتي عن الباب..مايصير أنتي تغطين عن إبراهيم!! نجلاء: أنا مابي اتغطى عنه لأنه مب رجال!! وش يبون بأختي وش يبون به!! طلقوه من رجله .. وطيروا ولد عمه.. وبهذلوا به.. وحنا ساكتين... بس يتكلمون بعرضة لاااااااااااااااااااااااااااااااااااااااء لاااااااااااااااااااااااااااااااااااااااااااااااء والله لو أقطعهم كلهم قطع ماهمن...أبي أشرب من دمهم.. وخري يا خالة وخري.. إفتحوا الباب يا جبانين!! إفتحوااااااااااااااااااااااااااااا أم إبراهيم: خلين أنادي خالتس... راشد..راشد..مير مهوب سامعن من الطق.. أعوذ بالله .. هذا اللي مكثر هالشياطين.. راشد..راشد.. _يأتي بندر وهو يركض بالدرج_ بندر: أص يمه... أص... لا يدري أبوي .. مب وقته الحين التفاهم.. نجلاء... وخري عن الباب.. تعالي الغرفة.. نجلاء: لااااااااااااااااااااااااااااااااااااااااااااااء موب قبل لا أصفق هالحيوانات الناطقة!! _أمسكها بندر من يدها وساقها, وحملها بخفة ودخل بها على عذبة التي كانت واجمه وتنظر لأعلى_ بندر: نجلاء... إهجدي مب كلش يحل بالضرب والعنف.. ترى هالتصرف يخليتس من مظلومة لظالمة... نجلاء: هذي أختي...أنا ما تحس باللي أحس به... بندر: وهي اختي ... كلنا إخوانه بالرضاع... نجلاء: لا..هذي إختي من يوم أنا صغيرة... من فتحت عيني على هالدنيا وهي أختي.. تدافع عن وتحمين... ياما إنجلدت عشاني.. ياما صاحت معي بمرضي.. والحين هي اللي عوضتنا عن أمي وأبوي... هي وقفت معنا وضيعت حياته عشاننا... هي مب بس أختي... هي دنيتي كلــــــــــــــــــــــــــــــــــــــــه... شف..شف.. عاجبك... أنا عمري ما شفت عذبة مكسورة الخاطر إلا يوم مات جدي... تدري ليه ... لأنه راح عزوته... وطاحت للناس... وشف بسبه إنه ماله عزوة زينبوه ورجله يتكلمون به!! هذي عذوب ... وعذوب ما تنهان... واللي يرش عذبة بالماء أرشة بالدم وانا بنت خلف!! بندر: نجلاء ... عشان عذبة... لاتكبرين الموضوع... _إلتفتت عذبة نحو نجلاء ثم إبتسمت قائلة_: نجلاء...إذا ربي معي كل الناس ما يقدرون يضرونن... ومصير الحق يبان.... لا تنقهرين... مابي أشوفتس زعلانه... تراتس غالية... وأنتي وصية الغالية وأمانة الغالي... _إرتمت نجلاء بحضن عذبة وأخذت تبكي بشدة, بينما أشاح بندر بوجهه وأم إبراهيم مسحت دموعها وأشارت لبندر أن يأتي_ ************** في الصباح "في صالة الشاليه" يجلسن البنات وأم إبراهيم وفاتن ومنى ...زينب تصب القهوة وتصل لنجلاء فمدت لها الفنجان.. وقف نجلاء ثم ضربت الفنجان فانسكب على يد زينب وصرخت.. نجلاء: ما أشرب فنجال من أهانن!! زينب: آآآآآآآآآآآآآآآآآآآآي...حار _أبعدت نجلاء وجه زينب بإصبعيها السبابة والوسطى وأمسكت باليد الأخرى بطرف جلابيتها هامسة: شوفي يازينب... أبوي ذبح بدم بارد دفاع عن شرف أخوه وشرفه... وأنا مستعده أسوي نفس الشي... لأن العرق دسااااااااااااس.. منى: هيه أنتي يا مينونه... عذبة شوفي إختج !! _تلتفت نجلاء وترمق منى بطرف عينها ثم تضع يدها على خصرها متحدية وتقول بسخرية_: هيه أنتي تبين يجيتس حقتس بعد!! أظن إني معطيتس إنذار... منى: نجلاء الله يهداج.. حنا..حنا بنستانس... خلي عنج العيارة وجلسي سولفي!! ليلى: نجلاء... وش قاعدة تسوين؟ نجلاء: أش ... ولا كلمة!! أنا بروح أنام ... ما شبعت نوم...ورانا سفر!! _وتذهب نجلاء بينما قدمت إيمان بحقبية إسعافات أوليه وأخذ تضمد حروق زينب_ فاتن: إلا ليش هي سوت كذا؟ عذبة: نجلاء ما تجي إلا اللي يجيه... ليلى: أنتي اللي مخربه هالبنت يا عذبة!! شوفي قلة أدبها عالحرمة وقاعدة تدافعين عنها!! عذبة: بدل ما أنتي قاعدة تعطين دروس بالتربية يا أستاذة روحي إحتوي إختس.. وشوفي وش السبب اللي خلاه تسوي كذا.. ولا بس شغلتس تنقدين بدون ما يكون لتس أي دور بالعلاج!! ليلى: وأنتم معبريني!! قررتي أنتي والآنسة تروحون مكة وخليتوهم يحجزون ويفضون السكن, ولا تسألون إذا كان يناسبني ولا لا!! فاتن: صج يا عذبة مالكم حق.. أخروها شوي!! عذبة: مالقوا حجز إلا اليوم... أم إبراهيم: وش عاد ليلى... تجلس هنا وتستانس... خلوا المرة تروح وتعتمر عن اهله... ترى من أفضل ما يقدم للميت العمرة أو الحج عنه... إيمان: إي والله.. ليت أبوي يوافق..كان أروح معكن.. زينب: إيمان ... شوي شوي... يوجع.. منى: عذبة... بجد هالبنت قطوها عند اهلها... طبعها ما يي مع طبعنا!! مسوية نفسها من لا شيء.. عذبة: ما عمره سوت مشكلة مع احد من عماني... لأنهم يحترمونه.. ويقدرونه..لكن اللي يغلط عليه ولا على أحد يعز عليه توريه شغله.. هذي بنت ولا كل البنات... وأحسن شي... إنه خوفتس تو!! عبير: ههههههههههههه بصراحة يعني يا منى لا تزعلين.... أما وجهتس تو ألوان... يضحك...أول مرة أشوفتس منهبلة كذا!! تبين الجد..نجلاء ما تخرع لهدرجة وش حليلة!! بس أنتي خواااااااااااافة.. ولابعد يوم راحت سويتي نفتس شجاعة وقاعدة تخانقين.. منى: بلاها والله ما صكج طراق على ويهج!! عذبة:هههههههههههههههههههه جد عطتس طراق!! لالا.. أكيد تستاهلينه...أنتي قايلتن له شي؟ فاتن: تستاهلين والله مو كف إلا إثنين..بس زينب وش مسويه لها أنتي؟ زينب: مادري.. أنا .. يمكن..يمكن أكون قلت كلمة كذا عن البدو وأنا ما اقصد وهي فهمت إني أتطنزبأهلها.. يمكن!! إيمان: أربع وعشرين ساعة أحمد طنازة بالبدو ويعلق على تشخيصاتهم يبي يستفزه ولا يهمه.. لأنه واثقة من نفسه ودايم تقول ترى البدو يتطنزون عليكم مثل ما انتم تطنزون عليهم... ليلى: بالعكس... نجلاء ماتبي أحد يجيب سيرة أهلها وتعصب لمن أحد يقول عنهم شي!! عذبة: يعني الحين أنتي مو رايحة لمكة معى؟ ليلى: لا... روحي أنتي وحبيبة قلبك!! عذبة: فكه من جحه غنيمة!! إيمان إذا يناسب لتس الوضع تعالي معنا.. أم إبراهيم: لا... عيب تروح وتخلي ضيوفه...أبوه بيزعل. فاتن:وشو عاد غاب القمر صار هلال!! خليها تروح وتستانس وحنا مب ضيوف...حنا أهل إلا إيمان روحي ولا عليك من أبوك قومي جهزي الشنطة وأنا اللي بكلمه.. إيمان: جد والله!! الله يجزاك خير... بروح..بروح أجهز ملابسي. ************** "في الرياض" جلس تركي وعبدالمجيد في أحد المقاهي المشهورة.. عبدالمجيد: الحمدلله على السلامة.. والله فقدت يا تروك..إلا ليش جايبن هنا؟ تركي: ما أحب البيوت وهي فاضية... تدري شفت فيصل وعزوز... عبدالمجيد: كان سحبت فيصل معك.. والله إني إشتقت له.. تركي: مادري عنك مستانس... تدري أحسن شي بسفرة فيصل إنك طحت لي.. عبدالمجيد: وش دعوا!! أنت ولد عمي وغالي علي .. سواء فيه فيصل ولا لا.. صح إني ما تعجبني بعض حركاتك بس ألاحظك بادي تتغير شوي... تركي: عسى!! عبالمجيد: وش أخبار رحلتك؟ تركي: دجينا إسبوعين وبعدين كلم علي أبوي وقال لي تعال أمي تسأل عنك.. ورحت لمهم أسبوع وجيت.. عبدالمجيد: ياخي حراااااااااااااااااااااااااااااام عليك.. إتق الله وش هذا ..إذا مو خايف من ربك ..خف من الأمراض... هذا وأنت قريب وتتعين طبيب بمستشفياتنا!! تركي: مجيد وش أخبار الشغل وياك؟ عبدالمجيد: هه تصريفة....الشغل ماشي... ما تتخيل كيف الشغل تغير عقب ما توليناه أنا وعذبة كلياً.. رجع على أيام فيصل وأحسن.. تركي: والموظف الجديد؟ عبدالمجيد: إنسان محترم وحنون...ما يقولي إلا يا إبني.. تعرفه أنت؟ تركي: لا... سمعت إنه كان صديق ماجد برا..يوم كانوا شباب.. عبدالمجيد: إيه... بس ياهو دين .. موب ديننا أستغفر الله الواحد يذن ويقضي مذن وهو يسولف.. تركي: لا...نواعم تسكت إذا أذن.. وأنا أحياناً أسكت وأحياناً.. الله يخلف.. عبدالمجيد: لا... هو مب يسكت إلا يفز تقول مقروص ويخلي اللي بيده ..أياً ما كان ويروح للمصلى ويأم الموظفين.. ودايم يستغفر ويكبر أحقر نفسي إذا شفته.. تركي: إيه مير ذكرتن بمحمد... إسمع أبدق عليه يجي هنا.. عبدالمجيد: المطوع ولد جيرانكم؟ تركي: إيه...ألو ..وعليكم السلام..تمام الحمدلله.. أنا بالكوفي اللي كنا فيه قبل لا أسافر... أنتظرك...إيه ..لا مب داشر لا يضيق صدرك.. ههههه... ولد عمي ...عاقل مب راعي خرابيط.. لا...تعال أنت وشفه بنفسك ما عجبك إنقلع!!\ سلام.. عبدالمجيد: يمكن ما يحب يقابل ناس جدد.. تركي: لا...كل الحارة لهم علاقة فيه... حتى السواويق والحراس كلهم يحبونه... بس مرة واحد من الشباب تلفظ عليه ورديت عليه بأشد من اللي قاله.. عاد شكله ما يبي يشوفه مرة ثانية يخاف ينعاد الموضوع.. عبدالمجيد: ذا ما يخطب نجود؟ تركي: لا..أنا اللي بخطب نجود.. عبدالمجيد: ولك وجه بعد تقول لي!! إستح على وجهك .. أنت أحسن مالك سربوته من سرابيتك.. ولا بنات الناس المحترمة حسافة تنظلم معك.. تركي: عاد مجيد عن الغلط!! لا يجيك شي ما ييرضيك... وش قالوا لك ...أنا أصيع عباد الله!! عبدالمجيد: أقول تراي بروح لمكة... تركي: إنقلع باللي ما يردك.. عبدالمجيد: شكله هذا خويك جاء تركي: مجيد... والله لأتزوج أحسن البنات وأقهر قلبك.. هلا حمودي... الله الشيخ مسمر...هذي السعسعة!! _أقبل محمد وتبسم وسلم على تركي بحرارة واللذي عرفه على عبدالمجيد_ ............................................. "في الشاليه" الخال راشد: يعني ملزمة يا بنيتي بتروحين؟ عذبة: حجزوا لنا ... وفضينا السكن... وإن شاء الله اليوم الأخير بنروح إذا ما يضايقك.. الخال راشد: لا.. يا بنتي .. بس هو هنا شين مكدر خاطرتس؟ مزعلتس أحد..مضايقينتس..عشان به الشباب ومالتس غرفة خاصة.. قولي لي يا عذيب.. ترا أنا ما أخذت هالشاليه إلا عشانتس أنتي وخواتس.. عذبة: لالا.. والله أنا مستانسة... بس فكرت .. من زمان ما أخذت عمرة وأنا متعوده كل سنه أروح مرتين آخذ عمرة وزيادة على كذا.. بابا وماما وسعود وأبوي ناصر.. يحتجون نعتمر عنهم.. إذا يزعلك يا خال خلاص أجلت كل شي.. بندر: لالا..أبوي مو زعلان .. يبه خل البنت وراحته.. فعلاً أهله محتاجين تروح وتعتمر لهم.. وربيع النفس هواها.. الخال راشد: إيه صدقت يا وليدي... بس من أول العطلة وأنا قايلن لكم إني بهالوقت أبحجز لنا شاليه ونجتمع.. لو انتي رايحة أول العطلة.. ومخلين أحمد يروح معكن فاضي لاشغل ولا مشغلة.. ولا أنتي زعلتن إني عيت عليه يروح بكن برا ؟ عذبة: لا..خال وش دعوا!! بالعكس أنت صادق بوجه نظرك.. ولك الحق تربي ولدك عالطريقة اللي تروق لك.. بس أول العطلة مريت بظروف صعبة مع الشغل وسفر فيصل.. ترك كلش على راسي.. ويالله يالله قدرنا نمشي الأمور للحين... وتوي هه أحسن إني أقدر آخذ راحة من الشغل.. هالسبوع مالي غيره... وبرجع أكمل شغلي بالرياض.. بس والله العلي العظيم مب قصدي إني زعلانه منك لو أنا زعلانه ما جيت.. بس انا توي أفكر بالعمرة تعرف الواحد لمن يصير مشغول بس يبي يشم هواء... الحمدلله شميت هواء وإستانست معكم ثلاثة أيام وودي أكمل الأسبوع بمكة... وإذا بتحز بخاطرك كلمت مجيد يلغي الحجز ويأجر السكن.. ويا دار ما دخلك شر... الخال: عذبة... يابنتي أنا والله مقدر ... بس ودي باللي يفرحكن.. أنتن بنات روح أمي وأبوي... أنتن أغليكن مثل عيالي... وأغلي أهلكن بعد.. بس يا بنتي أنا ما بي ولدي ينفتح على شين ماقد شافه.. ولا تعود عليه ويعيش عيشتن مب عيشته وهو صغير... لوهو بندر والله ما عييت.. بس أحمد صغير على السفر لهل أماكن.. وهو بطيش الشباب والسفاهه وأنا منب معه... بندر: والله يا يبه أبو عبدالعزيز مرة شديد على عياله.. بس إذا أنت منب مفلن بوه.. لك الحق .. أنت أبوه وأنت المسؤول عنه.. عذبة: لا والله يا خال ما زعلت.. أنا مقدره.. والله مقدره وأحس بالمسؤوليه اللي انت تحس به.. ما ألومك.. وأنا أكثر وحده تعرف حبك لنا... يا خال أنتم اللي بيقتوا لنا ...الله يخليك لا تحسبن زعلة!! بندر: لا أبوي بس موسوس شوي.. يبه إسمع إذا بتوافق اوديه وديته إذا منتب موافق.. خليته تخيس هنا.. عذبة: لا والله.. وأنا تحت أمرك!! أعطي أحمد قرشين وآخذه معي! بندر: شف يبه... شلون بدا البزنس يغير تفكيره!! علطول فكرت تشري ذمة أحمد!! الخال: هههههههههه إي والله ... هذولا البزنس ما فيه ... يظنون إنهم بالفلوس يشرون كلش... عذبة: والله أخليك تفرض علي قوانينك!! الخال: عاد والله أحمد وأشروا له بقرش... يسبقكم للمطار.. بندر: إيه هالنسرة... تعرف من وين تؤكل الكتف.. مير لامن صرتي بتلفين وتدورين..خلاص.. أمري لله ...الساع عشر شنطكم عند الباب... عذبة: وخالي موافق؟ الخال: أبد يا بنتي اللي يسعدتس يسعدن... بامان الله وخوذي إيمان بعد معتس..وهاه لا تذلين بنتي!! عذبة: وين هو أنا أقدر ومعي الزرار اللي بحلقي!! بندر: أنا زرار!! إي والله حريم خيراً تعمل شراً تلقى... ********** "في المقهى" محمد: إي والله ... أبهى جنان ... جو أبدع ما يكون.. والشباب هناك همه.. ليتك يا تركي معنا.. عبدالمجيد: والله الجو اللي هنا بالرياض بديع بعد!! إنشويت أول مرة بحياتي أجلس بأغسطس هنا... مرة بس قعدنا وأنا بالمتوسط امي ولدت ورحنا للقصيم بس والله بالقصيم عالأقل الحر بس بالنهار.. هنا بالنهار والليل حرررررر تركي: محمد... وأنت كل سنه تروح لأبها مع الشباب؟ ياخي غير شوي.. روحوا بره... شوفوا العالم ... بس أبها أبها أبها!! محمد: أبها أحسن مكان .. جو حلو... ناس طيبين.. أنشطة شبابية.. طبيعة ساحرة... يوم كنت أسافر مع أهلي أحس بكتمه!! بكل مكان قلة أدب.. مناظر تشمئز منها إستحقار للي له لحية.. ولا يناظرونك ولا حشرة!! ليه أروح وآخذ ذنب وأعطيهم فلوسي!! والله انا من صرت مع شباب الحلقة وأنا أسافر معهم .. عبدالمجيد: والحين أنت أهلك ما يسافرون؟ محمد: إلا ... من أول العطلة ولا يجون إلا على فتحة المدارس.. بس انا ما أسافر معهم... تركي: الخبل يقعد يحرس الحارة ... تدري وش رايك نتخاوى ونسكن عند هالمسكين مجيدوه.. ونوسع صدره مادام كل أهلنا مسافرين.. وش ققلت؟ عبدالمجيد: هع إقعد لحالك... أنا بروح لمكة... تركي: إخس شلون سمح لك..أذكر إن الإجازة مرفوضة!! عبدالمجيد: ياسلام هي تاخذ إجازة وأنا لا!! إتصلت علي وقالت خلهم يفضون السكن ويحجزون لنا مع بندر لمكة بأقرب وقت.. عاد شرطت عليه إن رجلي على رجلهم!! وقالت إسأل بابا ماهر... على ماقالت ووافق بابا ماهر..خخخخ والله ياهي للحين تحسب نفسه بزر محمد: والله مكة زينه... أنا ودي أروح... وأقعد هالأسبوع الباقي بمكة.. بس مالقيت سكن... أفكر أسكن بعيد وأحجز وأنا هناك..لعل يتوفر لي سكن قريب من الحرم.. عبدالمجيد: تعال معنا...دور كامل وفيه غرفتين وحمام منعزلات عنه.. يعني ماراح نضايق أحد... إذا أنت بتروح لحالك...يكفين أنا وياك.. تركي: أشوفك يا مجيدوه بتكوش على صديقي...!! بالله تروحون وأنا من بيقعد معي!! محمد: تعال معنا... أنا بخلي ربعي هناك يدورون لي سكن... وبسكنك معي ببلاش.. تركي: لا حجي.. بروح أسكن ببيت عمي!! وشو له تقعد تمن علي... أسكن هناك ببلاش... عبدالمجيد: محمد .. أصلاً الغرفتين ماراح يقعد بهن أحد!! بس أنا وبنات عمي بيجيبهن ولد خالهن وبينام داخل معهن فيه أربع غرف فاضية!! على عددهم... محمد: لا ياخي أخاف أزعجهم.. أنت وتركي عيال عمهم بس أنا.. لالا.. بروح لحالي ... ونتقابل بالحرم.. تركي: والحين أنتم من قال لكم إني بروح؟ عبدالمجيد: تروح وأنت رجالن جيد!! وش تقعد تسوي بذا؟ مافيه أحد كلن مسافر!! تركي: فيه ربعي.. راجعين معي.. محمد: تركي لاتحرم الخير..رح معنا وخذ لك عمرة وصلي بالحرم لا تحرم نفسك الخير والأجر.. تركي: ........................................ عبدالمجيد: تركي...تكفى عشاني.. إذا أنت ماتبي..حنا نبيك.. تركي: أوووووف لزقات!! طيب أمري لله... بس الحين إسمحوا لي بروح مع الشباب... محمد تروح معي؟ محمد: لالا تركي: يا خوااااااااااااااااااااااااااااااااااااف محمد: أنا أخاف يصبغوني بريحة الكير!! عبدالمجيد: إي والله صادز... بس طبعاً أنا حامل المسك...صح؟ محمد: أفا عليك...فيها شك!! ********** "في مكة" الساعة الثانية صباحاً رمت نجلاء نفسها على الأريكة المقابلة للجدار الزجاجي المطل على الحرم وتنهدت قائلة: عذبة...تذكرين آخر مرة جينا هنا؟ عذبة: إيه أذكر ...جينا كلنا أمي وسعود وأبوي ناصر وحنا... إيه ليتهم هنا... والله يا أنا ولهه عليهم... إيمان: عذبة... هذا الدور اللي عطاه أبوك ناصر لجدتس؟ نجلاء: إيه... ما تشوفينه راس كل شهر تطير هي وأخوه وأخته ويجون... حظهم ماعندهم دراسة!! إيمان: اللي يسمعتس يقول من صكت المدرسة جيتي هنا!! نجلاء: قولي لعذبوه...هي السبب!! عذبة: وش دخلي بكم أنا..قلتي بروح وأنا عييت!! إيمان: ترى يا عذبة دليناه.. يجنن.. إطلالة على الحرم شي.. وقريب مرة مرة مرة... خلاص رمضان الجاي بنجتمع هنا اول ما نعطل!! نجلاء: أقول يا أم كراعين!! تخليه لتس العجوز ... أمي عذبة ما نشوفه بالرياض.. إما القصيم ولا مكة... ومن أول ما يعلنون رمضان هل.. تجي بذا هي وعجز القصيم اللي معه!! عذبة:هههههههههه نجلاء حسبي الله على بليستس!! وأنتي قاضبتن طنازة ما فكيتي!! حرام عليتس هذي جدتس... وبعدين البيت بيته... وحقه تسوي اللي تبي!! نجلاء: أقول عاااااااااااااااااااااااد... بلاه ما غثتس... دايم تسب بأبوي ناصر... وهو عازه ومكرمة.. هو اللي يكد على بناته وشاري له البيت.. و كل سنه يسافر بهن على حسابه وهالبيت اللي قدام الحرم.. ومع كذا ما تقول الله يجزاو خير.. تقول حلال وليدي!! منين جاو وليدتس..وكل عمره يدرس.. إلا حلال الشايب اللي تطنزين عليه.. إيمان: أعوذ بالله يا نجلاء حرام تغتابين جدتس!! عذبة: لا والله .. هي مقهورة منه.. وبعدين سامحته بعد ما مات.. ولا اللي سواه به مب هين.. وهو جدي.. الله يرحمه.. نجلاء: لا والله !! إلا هي اللي ما تنعطى وجه... إعتذر منه... وما أعرس يتحراه ترجع له.. وبعد ما تزوجت ومات رجله صار يكد عليه وبإسم ولده عشان مايذله.. وفاتحن بيته لبناته.. وحاشمن أنا يا حفيدته من وراء حشيمته.. إلا ذولي الحريم كفارات العشير... هي المفروض اللي تطلب منه يسامحه.. عذبة: بس هو طلقه بدون سبب... وتخلى عنه... أنتي ماجربتي هالشعور يا نجلاء.. ماجربتي... وبعدين هو ما تزوج لأنه كره الزواج مو بسبته.. بسبه أخوه اللي كان مبلشن به وذاله... وخاف يتزوج ويعيد نفس الغلط.. نفسه عافت الزواج كله... وشغل نفسه بالشغل... إيمان: مهما كان يا عذبة.. يمكن هو غلط... بس هي ردة فعله قوية.. مهما صار يضل أبو إبنه... واللي صار غصبن عليه.. الله يسامحها جدتك عنيده... ولازم تنبهينها تتصدق عنه وتستغفر له.. عشان ربي يسامحها على اللي سوته _يدخل بندر وقد بدت عليه علامات الغضب_ بندر: قومن دخلن الأغراض!! إيمان: سم.. نجلاء: سوري خيو.. بس إحنا متعودين إذا طلعنا وما معنا شغالات الرجال هم اللي يشيلون مب حنا.. بندر: قومي يالله بلا دلع!! شيلي شنطتس وإنطقي بعد مابقي إلا أشيل شنطتس!! نجلاء_برعب_: أأ أبشششر.. بندر: الحين أتي متأكدة بيجيون عيال عمتس هنا!! عذبة: ولا بعد بيجيبون معهم واحد من ربعهم.. بندر: خير إن شاء الله... وأنتي ليش توافقين لهم؟ عذبة: ذولا عيال عمي!! أقول لهم لا شلون؟ وبعدين ما علينا منهم... قسم الرجال منعزل عنا!! بندر: بس ولو... وتروك الماصل هذا بعد بيجي!! من متى ومكة تروق له!! نجلاء: من يوم صرت به.. بندر: وشو!! نجلاء: لا..أقول ..أبروح آخذ عمرتي.. إيمان: بتآخذينه عن أمتس ولا سعود ولا عن الشايب؟ نجلاء: لا عن أبوي.. عذبة: زين... وأنا أباخذ عن أمي.. نجلاء: منب آخذه عن أبوي ماجد ..عن أبوي خلف.. عذبة: ليـــــــــــــــــــــــــــــــــش!! نجلاء: هذا أبوي!! بندر: صدق من قال... ربني ودلني أهلي... الحين أنتي وش عرفتس بأبوتس؟ عذبة: وتتركين أبوي ناصر وسعود وأبوي ماجد!! نجلاء: سعود وأبوي ناصر بالسنه يعتمرون مرتين... وأبوي ماجد كل مرة تعتمرون له!! وأبوي ماكد إعتمرت له... ولا عنده غيري.. إيمان: جزاتس الله خير... وترى حق الوالدين ما يطيح لو ما شفتيهم ولا ربوتس.. يستمر وجوب البر بهم حتى لو ماتوا أو ما عشتي معهم... عذبة: بس تعتمر عن سعود... سعود أول سنه ما يعتمر.. بندر: أنا ناوي عمرتي هذي عن سعود.. إيمان: وأنا أبوي وصان أعتمر عن جدتس ناصر... نجلاء: مع السلامة... بروح آخذ عمرتي.. بندر: تعااااااااااااالي!! نجلاء: سم... بندر: تطلعين مع الباب أحش رجلينتس.. هي وكالة من دون بواب!! ما تطلعين إلا ورجلتس على رجل عذبة ولا إيمان.. نجلاء: بس حنا بمكة!! بندر: وأنتي ما تدرين عن البلاوي اللي تصير بمكة!! عذبة: بالحرم!! بندر: إيه بالحرم.. يجون الناس ويهيتون عيالهم وبناتهم... والله يعين الشرطة والهيئة على بلاويهم... إيمان: يالطيف إلطف... بالحرم!! ************ "بعد يومين" جلس عبدالمجيد على الطاولة ووضع طبق إفطاره امامه, بينما كان تركي يأكل بنهم, مرت فتاه متلفعة بعبائتها, وضربت رأسي تركي وعبدالمجيد ببعضهما .. وأسرعت ثم جلست على أحد الطاولات التي كانت تجلس عليها إمرأتين.. عبدالمجيد: آآآآآآآآآآآآي تركي: عمى!! عبدالمجيد: منهي ذي.. من اللي سوت كذا ...فعلاً الحياء معدوم عند بنات هاليومين!! تركي: كله بسبايب محمدوه ولا لو انا ما حلقت شعري صفر.. كان ما وجعن كذا!! _أقبل محمد وهو يضحك بشدة_ محمد: والله عجبتها روسكم .. تقل حصى هههههههه عبدالمجيد: منهي..وينه أفقع وجهه اللي ما تستحي!! تركي: والله لأرميها من هالشباك!! محمد: شفها..هناك جالسة تفطر مع ثنتين... أما أشكالكم شي... تركي: الكويتيات ذولي!! محمد: وأنت وش يدريك إن ذولي كويتيات؟ تركي: هه..لا..أقول..مكياجهم..إيه مكياجهم كويتي.. عبدالمجيد: ذولي.. خل نطلع من الفندق والله لأدحوسهن بالشارع!! محمد: هههههههههههههههه لا... مو ذولي...البنات المحتشمات اللي هناك.. أظنهم ربعكم.. هذي اللي لابسة قفاز اللي جالسة قبالها... تركي: عذبة!! عبدالمجيد: لا..عذبة ما تسويه..أكيد نجلوة الماصلة!! حيوانه..شفه تهز..شكله تضحك!! تركي: حيوانه!! محمد: ما شاء الله عليهم... محتشمات وغطاهم ساتر... تركي: أقول..أنت ما شفت كل الطاقم.. الثنتين الكبار عاقلات وساترات.. بعدين الوسط حقين أول الجامعه عاقلات والغطاء مب من زينه.. بس الرعاع وأصغر الجيل حقين آخر المتوسط مهبلات والغطاء زوين.. عبدالمجيد: وأنت تعطي نشرة مفصلة!! تركي: خله يعرف أحوال الرعيه..مب الشيخ الحين ناوي يعرس.. يمكن يصير حاط عينه على بناتنا... حرام أغشه.. محمد: شباب...أنا بجد أبغى وحده دينه.. أهلي ومجتمعنا أغلبه مو دين.. اللبس الله بالخير وكثير يكشفون.. يعني ما أبي اللي تربي عيالي تصير من هالنوعية.. وودي بوحدة دينه... عبدالمجيد: تبي وحدة بس غطاها زين ولا ملتزمة!!؟ محمد: أبي وحدة ملتزمة... تركي: أخت بندر.. تقول إختي إنه ملتزمة مرة.. وإنه دايم تنصحهم عند اللبس والأغاني وتضييع الأوقات بالتفاهات على ماقالت والعهده على الرواي... ذي اللي هناك اللي عباتها على راسها!! عبدالمجيد: كلهن عبيهن على روسهن.. تركي: لا اللي عبايتها متفوخة..قصدي وسيعة مرة زي الخيمة, ولابسة قفاز.. إيه هاللي تقل أفغانية بنت خالهم إخت بندر .. محمد: أنتم متأكدين إنها دينه!! عبدالمجيد: إيه يا محمد... حافظة القران وماتجيب سيرة أحد.. وش بعد..إيه.. هي الحين تدرس دراسات إسلامية بالجامعة وتدرس بالتحفيظ بالعصر والعطلات... تركي: إخس يالخطير!! من وين هالمعلومات... إلا هي مزيونه!! عبدالمجيد: خير إن شاء الله..ما بقى إلا هي.. أمي فرت تبين أخطبه بس أنا عييت.. محمد: ليش مادام هذي مواصفاتها؟ تركي: خايف يطردونه.. محمد: ليش.. أبوها دين وما يزوج إلا ناس دينين؟ تركي: أبوه دين!!! خخخخخخخخخخخخ أبوه تقول أمريكي يتكلم قصيمي... فله وما عنده بأحد... أنبسط إذا رحت لمه ... شايب فرفوشي على الآخر.. كل شي يفهم به.. مرة دخل علينا وحنا نرقص على أغنية بالتلفزيون.. توقعت إنه بيهزءنا ولا بيزعل.. ضحك وقال يا الخطير تدق رقبه بعد!! والله فله .. ليت من يسوي منه عشر نسخ ويوزعهن على شيباننا! عبدالمجيد: بس والله مب صايع.. صح مب مرة دين مب راعي خرابيط... حتى الدش ببيته ما فيه.. بس هو مثل ما يقولون فرندلي مرة.. ويمشي حركات الشباب لأنه مب زي شيباننا الواحد ما عمره شاف هبال ويجون شبابنا ويستهبلون عنده.. أكيد بيعصب..هو عايش طفولته ومراهقته بأمريكا... ومع كذا ..شف لو واحد من عياله يلف يمين ولا يسار.. هذاه عيا على ولده يسافر مع أهلي خايف عليه.. محمد: طيب ليش أنت ما تبي بنته؟ عبدالمجيد: أنا ما أستاهل بنته... بنته تستاهل واحد مطوع يعرف قدره.. تركي: علينا!! إلا أنت حاطن عينك على غيره... ******** "في الطاولة الأخرى" عذبة: نجلوه!! أنتي وش بتس بس تخضين؟ إيمان: رجت الطاولة رج... نجلاء حبيبتي إركدي .. المكان مليان رجال!! نجلاء: خخخخخخخخخخخخخخخ إيمان: إقصري حستس!! عذبة: لا..أكيد مسوية مصيبة..صح!! نجلاء: وين بندر؟ إيمان: نيم... نجلاء: هذا ما يمل من النوم!! عذبة: وش أنتي مسوية؟ نجلاء: عذبة ..عساتس إنبسطتي!! إيمان: نجلاء... وش مسوية؟ نجلاء:خخخخخخخخخخخخخخخخ صقعت روسهم ببعض.. عذبة: من!!.. العمال!! نجلاء: وأنتي كل ما شفتي واحدن لابس بدله قلتي عامل!! ذولا نادلين...ومفردها نادل والنادل هو الذي يضيف بالمطعم!! إيمان: خطيرة... عذبة: أنتي ما تستحين على وجهتس..مب عيب لا حرام بعد !! مالقيتي إلا هالضعوف... بأي حق تصفقين روسهم ؟ هم إخوانتس!! محارمتس!! إيمان: جد يا نجلاء... كلام عذوب صحيح.. نجلاء: كذبن كذبه وصدقنه!! الحين أنا قلت إني صفقت روس العمال؟ أنا صفقت راس مجيد براس تروك.. لا عمال ولا غيره.. عذبة: أشوا!! إيمان: وشو أشوا!! حرام إنه تمس يده أحد مو محرم له... عذبة ... أنتم مرة فلته مع عيال عمكم.. ترى والله هاللي يصير مايرضي الله!! ولا وش يبيح له تمسك راسه وتضربه براس الثاني!! نجلاء: لا حول ولا قوة... إلا بالله العلي العظيم.. أقول أنتي ضاربتس الشمس من الدوران حول الكعبة وقاعدتن تخنبزين علينا!! عذبة: كلام إيمان صح.. حنا ما كنا كذا فلته... وأنا الحين قاعدة أحاول أحجم المشكلة هذي.. والله يا إيمان إننا كنا نتعامل مع عيال عمي وكأنهم غرب.. لا سلام ولا كلام.. بس الحريم هم اللي يسلمون على الرجال.. لكن بعد روحة أبوي وغيبته إحتجنا لهم.. وهم صاروا دايم يجون ويتفقدون حاجاتنا.. وأخذوا عليهم... ولا والله إن اللي قاعد يصير ما يرضي أبوي لو يرجع بس وش أسوي... إيمان: وما يرضي الله!! نجلاء: لحووووووووووووووول وش حنا مسوين.. نتغطى والحمدلله.. إيمان: وش تسمين ضحكتس أنتي ومجيد أمس!! ولا كأنه أخوتس... وحركتس الحين بالشباب.. لو أنتي تستحين منهم وما تخالطينهم ما تجرأتي!! عذبة: تصدقين يا إيمان.. أنا مضيقتن صدري هالنقطة.. أحس خواتي مرة آخذاتن وجه على عيال عمي وبالذات فيصل ومجيد وتركي... بس بكل مرة أقول لهم لا تدخلون البيت أرجع أناديهم عشان الشغل ولا عشان جدي الله يرحمه.. ما لنا غناتن عنهم ..مالي إخوان ولا شي.. إيمان: طيب أنتي روحي .. أنتي كبيرة وحازمة ومومثل خواتس.. وبصراحة... أنا أخاف عليهن منهم .. أمس خفت يجي بندر وتصير سالفة!! عذبة: نجلاء.. وش قاعدتن تسولفين أنتي ومجيد؟ نجلاء: ما طولنا...قال لي خذوي كلمي نورة.. وأول ما سلمت إنقطع الخط.. ودقيت عليه من جوالي ومير هو ياخذ الجوال بالغصب.. وكلم نورة ونجود وعزوز وطول وهو يكلم فيصل.. عاد انا عصبت.. وحاولت آخذ الجوال بالغصب وما قدرت.. إيمان: وجيت وهي قاعدتن تسحب يده وهو يحط الجوال باليد الثانية.. معليش نجلاء بس أمس عجزت أنام من القهر.. والله أعدتس مثل أختي ولا أرضاه لتس!! نجلاء: إيمان... أنتي جيتي وسحبتين وخليتيه يكلم بجوالي لمين مل.. ولا قلتي له كلمه..وبس قاعدتن تهاوشين علي!! عذبة: بالطقاق الجوال!! لكن أهم ما علينا انتي!! إيمان: تبين أهاوش رجال أكبر من!! انا ما تعودت اتكلم مع الرجال... لكن أنتي المرة وأنتي المطلوب منتس الستر.. وعدم الخضوع بالقول... لو أنتي من الأساس ما عطيتيه وجه ما تطاول وأخذ جوالتس.. أنا أمس حقرت مجيد على كثر ما سمعت مدح إخواني له.. لكن اليوم عرفت العله.. عرفت إنكن أنتن اللي تعطونهم وجه عليكم.. عذبة: نجلاء... كلام إيمان عين الصواب.. كلام مع مجيد ولا مع غيره أياً كان بتتعاقبين!! نجلاء: طيب وفاتورة الجوال!! عذبة: وأنا عمري قلت لتس ليش فاتورتس مرتفعة!! الفواتير حتى ما يعرف كم... من تجي للشركة تدفع أوردي.. إيمان: وهذا غلط يا عذبة...كلكم راع وكلكم مسؤول عن رعيته.. أنتي مسؤولة عنهن ولازم تراجعين كل شي.. أحسن ما يضيعين وأنتي تناظرينهن وما تدرين.. نجلاء: هيه أنتي لا تخربين أختي علينا.. إيمان: عذبة... الكلام بهالموضوع مب عند البزارين.. نجلاء: هع... ضحكتين...إيمانوه فكينا من شرتس لا تخربين عذيب.. عذبة: لالا..نجلاء حبيتي إذا تكلموا الكبار يسكتون الصغار!! نجلاء: إنطمي..عفوا..قصدي لا... مايصير أنا كبيرة وش بعد العباة شي!! إيمان: يا حرام كسرتي خاطري... ومع كذا محنب قايلين لتس شي.. نجلاء: أوريكن ...عشان نورة مب معي مستقويات علي.. أبروح أكلم نورة.. عذبة: وين؟ نجلاء: أبرقى للبيت...بوه بندر.. عذبة: ولو... رجلتس على رجلي... أخاف يصيرون به الشباب.. إيمان: إيه ...كذا الشخصية...هههههههههههههه نجلاء: هههههههههههههههههه هين يا إيمانوه... أوريكن ثنتين.. أن ما حطيت لكن مكياج طبيعي.. إيمان: هه..لا خلاص إن بغيتي طبي من الدريشة بس فكينا.. عذبة: ههههههههههههههههههههههه ************** "في الخبر" فاتن: معقولة يا أم إبراهيم اللي صار!! ليلى: خلاص خالة... أنا ما قلت لك عشان تكبرين الموضوع.. أم إبراهيم: إذكري الله .. فاتن: ليلى... لو كانت أمك حيه كان تجرأت النذلة وتكلمت كذا عن عذبة!!؟ ليلى: لا والله... ياعمري يا عذبة هي آكلتها طقات بعد موت أمي.. حسبي الله عليها.. والله إن عذبة إنقهرت وهربت لمكة .. أهانتها إهانه ما تحتمل... كل ما أشوفه ودي أتفل بوجهه... بس الواحد ما يبي يسبب مشاكل.. أم إبراهيم: الله يعافيكن هدن الأمور... لا يجي أبو أبراهيم... والله إن يذبحهم لو يدري.. فاتن: أحسن... وي على بنت أختي...ياحر قلبي حرااااه ياحر كبدك يافاتن يا ويلي .. والله ما أخليك يا إبراهيموه.. أم إبراهيم: الحق على زينب..الحريم يكبرن الأمور ويلعبن بروس الرجال.. ولا ولدي أكيد إنه مب قصده.. فاتن: وي... لا والله ولدك طرطور .. هي بنت الناس لكن هو الكلب اللي يلهث وراه ولو على شرف عمته.. نعنبوا بليسه إن سب شرف البنت يسب شرف أمها اللي ربتها.. هو الحين يسب شرفنا كلنا .. بس والله ما أخلي الموضوع يمر.. وأنا فاتن.. أم إبراهيم: هذا عذبة ماقالت ولا شي... خلاص ...هدو الموضوع عالأقل لين تبدا الدراسه.. فاتن: ومن متى عذبة تقول شي؟ من ماتت فرح وهي ما قد شكت يوم... حتى بنتي فشلتها يوم زواج مشاري ولا ردت بكلمة وحدة.. حسبي الله عليهم ولا لو هي ملسونه كان تخاف تتكلم عليها.. آآآآآآآآه على حالك يا عذبة... _وبدأت تبكي بحرقة وتضرب على فخذيها وهي تتحسب وتولول, في هذه الأثناء دخل الخال راشد ورأى فاتن_ الخال راشد: عسى ماشر!! وشبتس؟ أم إبراهيم: لا..مافيه شي... فاتن: لا فيه ونص... ********* ............................................. "الجزء الثالث والعشرون" "في الحرم" جلست عذبة في مصابيح الحرم وأخذت تتأمل بالكعبة, الجموع تطوف حول الكعبة, وحلق الذكر تنتشر في أنحاء الصحن, والحمام يشارك الطائفين طوافهم... إيمان: عذبة...بروح أطوف.. نجلاء: وأنا بروح معه.. الحين بنطوف وبعد المغرب بنروح لجدة.. عذبة: عن الحرم مانب متحلحلة... نجلاء: يووووه إشبعي من الحرم لمين المغرب.. إيمان: نجلاء.. صلاة العصر اللي صليناه تفرق عن الصلاة بجدة.. ليش؟ نجلاء ليش؟ إيمان: الصلاة بالحرم تعدل مئة ألف صلاة ... ليش ننحرم من الأجر.. نجلاء: طيب ودي أروح لجدة.. عذبة: إسمعي..إذا بندر وافق يودينا بعد صلاة الأخير... خلاص نروح ونرجع قبل الفجر.. إيمان: وتقدرين تسهرين ووأنتي قايمة من الفجر...!! عذبة: عشان نجلاء ..بروح بعد ساعة أبنام لي شوي... وأقوم لصلاة المغرب... خلاص نجول... راضية الحين؟ نجلاء: أكيد راضية... يا أحلى وأرق أخت.. عذبة: ياعيني... بس بندر يوافق؟ إيمان: بندر صح شكله مقزز ... بس رحوم... أتوقع إذا رنت على راسه نجلاء بيودينا.. نجلاء: الله يرحم أيام أول... اللي نبيه يصير... الله يذكر أيام ماجد ولد ناصر بالخير.. الله يرحمه ويغفر الله.. عذبة:آآآآآآآآآآآآآآآآآآآآآمين.. _ذهبن البنات وأخذت عذبة مصحفاً ثم أسندت ظهرها لسارية , ووجهت وجهها نحو الكعبة, ثم نظرت للحمام وتبسمت هامسة:_ يا حظهن... لاهم ولا شي.. بس يدورن ويدورن.. لا أحد ينغص عليهن ... ولا أحد يخرب بيتهن.. آمنات بأمان ربي... ليتي حمامة... إيه.. أجل أنا غاوية رجال!! الله يسامحك يا فيصل... هدمت حياتي.. وخنتن.. وأنت الحين ما دريت عن مستانس... بإيطاليا مع أهلك.. الله كريم..آآآآآآآآآآآآآآآه ياربيه... ليش كل ما طاح عن ظهري هم ركبن بعده هم أكبر منه... أستغفر الله... يارب راضية بحكمتك... يارب راضيتن بحمكتك.. وما يشقى عبد أنت ربه... _فتحت المصحف وأخذت تقرأ بصوت هاديء وبقرائة مجودة سورة طــــــــه... { طه* ما أنزلنا عليك القران لتشقى} توقفت سيدة خمسينية من الجنسية التركية عن قراءة القران وأسندت رأسها على كتف عذبة, إلتفت عذبة فابتسمت السيدة وبادلتها عذبة الإبتسامة ثم أشارت السيدة على المصحف لتكمل عذبة قراءتها, فاكملت عذبة القراءة ,ثم أمسكت السيدة بيد عذبة ووضعتها على المصحف وأشارت لها ففمهت عذبة إشارتها ووضعت إصبعها عند الآيه التي تقرأها , فأخذت المرأة تحاول أن تتهجى معها الحروف والكلمات.. إلتفتت عذبة عليها وإبتسمت قائلة: Where are you from? السيدة: Turkish عذبة: Oooh , there were the great Islamic culture in your country!! أشارت السيدة أنها لا تفهم اللغة الإنجليزية..ثم فتحت السيدة المصحف على جزء عم وأشارت لعذبة أن تقرأ لها ففعلت عذبة ثم أصبحت السيدة توقف عذبة بعد كل آيه لتقرأها وعذبة تصحح نطق الحروف والمخارج..وبدى على السيدة السرور العظيم ثم مالبثت أن إقتربت إبنه السيدة وطلبت من عذبة أن تعلمهن جميعاَ.. ********* "في الخبر" الخال راشد: شلون يصير هذا وماتقولن لي!! فاتن: أنا توي أدري.... الخال راشد: وأنا أقول ليش البنت أصرت تروح لمكة!! حسبي الله عليك يا إبراهيموه..حسبي الله عليك!! أم إبراهيم: كله من السعلوه زينبوه.. الخال راشد: لا...ولدتس هاللي سود وجهي.. ياربيه.. وصلت به يسب عرض عذبة بنت ناصر!! إيه هذي جزات المعروف.. _في هذه الأثناء دخل إبراهيم يحمل بعض الأكياس وتتبعه زوجته, وهم يضحكون ثم توقف إبراهيم حين رأى وجه والده_ الخال راشد: تعال...تعاااااااااااااااااال.. إبراهيم: سسم..سم يبه!! الخال راشد: صدز اللي سمعته!! إبراهيم: ...................... الخال راشد: وصلت بك الجرأة تسوي كذا... أنا ما أرضى هالشي يصير ببيتي لو لشغالة .. ما أرضى أحد ينظلم وينظلم بعرضه بعد!! ومن!! عذبة!! هي حفيدة ناصر... تعرف ناصر يا العاااااااااااااااااااااااق تعرفه!!! هذا لحم كتوفي من خيره... أبوي راح لأمريكا عشان يعالج أمي.. وعجزوا أهلي .. اللي هم خوالك عن المصاريف.. وهي بنتهم... ماقدروا يكدون علينا... ضاقت الدنيا بأبوي... ولأول مرة أشوف أبوي يصيح زي البزر ذاك اليوم اللي إستلم به البرقية... تدري منين هالبرقية.. من ناصر... إيه ناصر يقول له أبجي... لا تطلع مرتك من المستشفى... ولا تشيل هم العلاج والعيشة... جاااااااااااااااااااااء عشان يعالج جدتك !! جاااااااااااااااااااء عشان يشري لنا بيت!! جااااااااااااااااااااء عشان نعيش وما نمد إيدنا لأحد!! جاء وهو بين كل كلمة والثانية يقول الله يقدرن أرد المعروف!! علمنا شلون رد المعروف ...غرقنا بجمايلة عشان كم سنه عاشه من عرض هالخدم اللي كانوا ببيت عمي... شال المعروف على راسه .. وما وقفت عند كذا!! وظف رجل فاتن مدير لفرع الشركة اللي بالإمارات ونقله من موظف صغير لمدير فرع كامل... وشف رد المعروف اللي رده ولدهم لبنته!! طلقه وهي أحوج ما تكون له... ولا علي منه... لأنه له أهل ويتفاهمون معه والبنت مب من حاله... وتوسط لك بوظيفة وأنت ما معك إلا متوسطة!! وشف رد المعروف اللي سويته له تكلمت بعرض بنته ... وسبيت شرفه وقدامه!! لكن اللحين أنا اللي بوقفك عند حدك!! إبراهيم: يبه إهي اللي دخلت على بالغرفة.. و_طراااااااااااااااااااااااااااااااااااااااااااااا ااااااااااخ_ صفع الخال إبراهيم على وجهه, وصرخ به قائلاً: وترجع تتكلم عن عذبة... عذبة بنت فرح!! فرح يا إبراهيموه غلا أمي وأبوي... وأمي وهي بشد المرض تقوم وتسأل عنه وترجع لغيبوبتة... أبوي جلس بأمريكا بعد ما ماتت أمي لحاله عشان فرح تدرس اللي تبي... هذي فرح.. فرح... هذي أبيعك عشان أرضيه... رضاه رضى لأمي وأبوي... ماتت وتمنيت لو أنت اللي مت ولا هي.. ماتت وما مات غلاه وغلى بناته!! ماتت وهي عايش حبه مع حب أمي وأبوي!! _وبدأت عبراته تخالط عباراته_ إطلع من بيتي يالخسيس!! أنا منب أبوك ولا أعرفك إلى يوم الدين!! أم إبراهيم: تعوذ من إبليس.. الخال: أنتي إسكتي ماخربه إلا دلالتس له.. وأنتي يا بنت الأصول يا زينب!! ساكنه ببيتي ومضايقه عيالي وما تشتغلين مع بناتي وتعزمين ربعتس وصديقاتس وبناتي خدامات عندتس وأنا ساكت.. مب عشانتس ... عشان ولدي ما عنده يطع ببيت.. لكن تتكلمين على بنات فرح بكلمة وحدة لاااااااااااااااااااااااااااا هنا حدتس وبس!! وقسماً عظماَ لو ما هالولد اللي بينكم إن كنتي الحين ببيت أهلتس مطلقة.. براااااااااا برااااااااااااااااااااااااااا براااااااااااااااااااااااااااااااااااااااااااااااا ااا إطلعوا عن ... تنقلعون الحين من الشاليه وتروحون للبيت وتظفون عفشكم... مابيكم ببيتي...ماااااااااابيكم!! فاتن: راشد... الله يخليك هالمرة عشاني.. ليلى: خالي... والله عذبة بتزعل لوتدري إنها تسببت بمشكله.. الله يخليك لا تزعل عليهم.. إذا عذبة بتسامحهم وإذا ما رضت سو اللي تبي!! إطردهم ... إذبحهم سو أي شي.. الخال راشد: إذا هي سامحتهم ... أنا مانب مسامحهم... هم طعنون قبل لا يطعنون عذبة.. عذبة ربايه فرح... وفرح رباية اللي ربان!! وزيادة على كذا... أبوتس ناصر لو هو بقبرة .. ما يرضين أزعل حبيبته ... واللي يزعله يزعلن!! إطلع وش تنتظر؟!! إبراهيم: يبه.. الله يخليك أنا بطلع وبروح بس لا تزعل علي!! الخال راشد: براااااااااااااااااااااااااااااااااااااااااااااااا اا إطلع يا سواد الوجه... إطلع الله يحرق قلبك زي ما حرقت قلبي إطلع ولا أبي أشوفك... مابي أشوفك... مابي أشوفك... _وغطى وجهه بيديه المعروقتين وبدأ يهتز ويتمتم ودموعه تتسلل من بين أصابعة المرتجفة_ ******************* " في السيارة" بندر يقود السيارة وإيمان بجانبه بينما نجلاء تدخل رأسها بينهما وتتحدث بصوت عالي: وعاد نورة الكمخة وقفت على راس الدحديرة بالشارع وهي تدف جدته بالعربية... خخخخخخخخخخ وفطنت تربط نعاله وتركت العربيه وقعدت تربط نعاله.. تقول مادريت إلا و أمي نورة تصرخ.. همن معطت شوشتي وتعلقت بالمنديل رفعت راسي وإلاه مدحدرتن هي وعربيته بسرعة ميتين ومتعلقتن بالمنديل... أنا لحقته أباخذ منديلي أبتغطى وهي تصارخ وتشر للعالم وأنا أركض وراه.. وكل من شافه صرخ ووخر وآخر شي صبخت بالجسر الحجر اللي على النهر وفنقست على خشته... ههههههههههههههه عاد نوير تقول أول شي أخذت المنديل وتغطيت همن ناظرته ولاه تحسب علي وتدعي وبوه واحد وأمه وأخته يقومونه ويسمون عليه .... هههههههههههههههههههه بندر: إيطالين!! نجلاء: يخسون... ذولاك يفزعون لأحد... صاروا الـ .... اللي ساكنين قدام بيت عماني...هههههههههه أمهم مسلمتن على أم عبدالله قبل بالبندقية والصدفه جمعتهن مرتن ثانية!! إيمان: طيب نورة وش صار عليه؟ نجلاء: تقول للحين فروة راسي توجعن من معطة أمي نورة لشعري... إيمان: الحين هي تركته وخلته تدحدر بالعربية وآخرته تقول فروة راسي توجعن!! ما زعلت عليه أمه نورة... ولا طقه أبوه!! نجلاء: لا.. جحدت العجوز عنهم...هههههههههههههه هذي نورة ... معاليق قلب أم عبدالله... إيمان: أجل نورة تغطت هناك يا حليله!! بندر: ما ورا!! عجوز قريح!! نجلاء: إيه تغطت .. هههههههه والله بهذله غطاه ... ماتعودت!! عذبة!! أنتي نيمه!! عذبة: لا.... إيمان: شكله نعسانه ... ما رجعتي للبيت صح!! عذبة: إيه... نجلاء: وش قعدتي تسوين؟ عذبة: قعدت أدرس تركيتين القران.. تصدقون... حنا بنعمة اللي نقرا القران ونفهمه على طول.. ونقيم مخارج الحروف مثل ما نزلت.. الحمدلله على هالنعمة اللي ما قدرناه.. إيمان: والله إنتس صادزة.. أنا إنتبهت لهالنقطة يوم كنت أدرس ألمانية توه مسلمه القران.. عجزت تنطقه زين ومير تطلع من القاعة وتقعد تصيح برا... والله كلنا صحنا معه.. فعلاً موقفه مؤثر!! نجلاء: همين .. عرفت عاد!! بندر: وأنتي وش دخلتس بتعطينه شهاده!! نجلاء: لا ... بس رحمته.. إيمان: الحمدلله ... قدرت بالحفل الختامي تقرا صورة البينه قراءة صحيحة عاد مب أنا اللي درسته... زميلتي فتحت قاعة للي ما يعرفون عربي وصارت تدرسهن..الله يجزاه خير... بندر: نجلاء.. الحين محمد هو صديق مجيد ولا تركي؟ نجلاء: الظاهر ولد جيران تركي... وصديقه...يمكن صديقه ما أدري!! بندر: والله غريبه... سبحان اللي جمعهم أضداد!! بكل شي والله إنه حسافتن على تركي.. أخاف يخربه.. إيمان : أعوذ بالله.. وأنتم بس تستلمون سيرتهم... دع الخلق للخالق.. وبعدين لو تركي مافيه شي زين ما صادقه هذا!! عذبة: فعلاً... تركي قلبه طاهر... وحبيب من صغره وهو ما عليه من أحد.. ولو بيخرب ..خرب عيال عمه ... تركي صح الله يهديه شوي عليه طلعات... بس ما يبي أحد يصير مثله.. بندر: وأنتي وش عرفتس به!! عذبة: بعد قل زي أخوك!! ولد عمي ... وربينا ببيت واحد... كل صيفيه كانوا يجون عندنا ببيتنا!! بندر: عفواً..ما قصدت لا تاخذين الموضوع بحساسية!! عذبة: ثمن كلامك أول!! _إلتفت بندر وهمس لإيمان_: منين طلع هاللسان!! ***************** "في الرياض" _بعد أسبوع_ دخلت عذبة وأخواتها يتبعهم أحمد , قادمين من المنطقة الشرقية عن طريق البر, نزل ناصر يقفز بالدرج وهو يصرخ: ياثلاااااااااااااااااااااااام!! ليث رحتوا الثردية وخليتون؟!! أنا بذعل عليكم.... عذبة: أهلاً أهلاً... نصوري تعال لي حبيبي تعال..إشتقت لك.. ليلى: ما شاء الله عليك قالب أسود من السفر والدوران ومستكثر علينا الشرقية!! نجلاء: هو أصلاً أسمر..لا بالعاد شمس إيطاليا ومع أحمد العبدالله ههههههههههه كملت... _يرتمي ناصر في أحضان عذبة فتضمه وتقبله, ويضع رأسه على صدر عذبة التي بدى عليها التعب الشديد فتلمس نحرها ثم همس ضاحكاً: عذووووب... ريحتث ذي ريحت أمي.... حلووووووووووووووووووه نجلاء: ريحة عرق ... منصهرين بالسيارة بضربة الشمس!! كن مافيه مطارات !! عذبة: لا والله مابي ريحة!! شمي هه...أصلاً ريحة الجسم لو الواحد مب معرق معروفة!! أعرف ريحة أمي لو هي توه طالعة من الحمام متحممه!! ليلى: أبجي أشم ريحة أمي أجل.. ناصر: لااااااااااااااااااااااااا أنا هنا وبث... أنتي روحي ...أنا الصعير اللي أدلث بحدر عذوب ..ثح!! عذبة: صح!! أحمد: عذبة ... شكلتس يبي لتس يومين تنامين... باين عليتس مرة دايخة .. نجلاء: بعذره... جلست من صلاة الفجر بالحرم.. ولا جت إلا صلاة الظهر وضفينا عفشنا وعلى الشرقية.. نزلت قعدت مع خالتي وخالي همن مشينا بسيارتك العجيبة!! ليلى: الله ما نمتي من الفجر!! ناصر: ندلاء .. ترى نورة تدول إذا دت ندلاء علمن.. كلمي عليه.. عذبة: يالله أنا أبرقى أنام... تنام معي نصوري؟ ناصر: يووووووووه...ودي أناظركم.. ليلى: وأنت الحين وش قاعد تسوي؟ نجلاء: قصده وده يجلس معنا الشيخ وله علينا... ناصر ... تدري والله فقدناك بهالروحة.. مافيه أحد يغني علينا.. ناصر: أغني الحين؟ عذبة: لالا... روحوا للحديقة غنوا على كيفكم... _يرن جرس الهاتف فترد عذبة_ نعم.. أفنان: عذبـــــــــــــــــــــــــــــــــــــــــــــــ ة إلحقي علي... ليش مقفلة جوالك؟!! كسرته مغلق... إلحقي علي أنا بورطة!! عذبة: بسم الله عليتس..وشو ياعروسة...؟ عسى ما شر!! أفنان: فستااااااااااااااااااااااااااني خرب كلش كلش... أبموت من الضيقة ... خربه المشغل علي... عذبة: هونيه وتهون... الله لا يبرده بأحر منه!! كل هالحوسة عشان فستان!! إشري جاهز.. أفنان: لفيت الأسواق كله ... مافيه شي حلو.. وبكرا زواجي...إلحقي علي.. عذبة: طيب شوفي الحين أنا بجي لمتس.. أفنان: تكفين دبرين لا تأخرين!! عذبة: يا حبيبتي روقي.. لا تعصبين.. الموضوع بسيط.. بس أنتي متوترة عشان هم العرس والبلشة.. روحي الحين وسوي لتس عصير ليمون ونعناع يروق لتس مزاجتس.. أفنان: مالي خلق ..... مااااااااااااااااااااااااابي آآآآآآآآآآآآآآآآآآآآآآآآآآآآآآآآآآآآآآآآآآآآآآآآآ عذبة: فنو حبيبتي... أنا الحين أبجي وأبجيب معي العصير... وبنام عندتس بعد... بس لا تصيحين .. ترا الصياح يخرب الوجه.. أفنان: أنا أتحرااااااااااااااااااااك آآآآآآآآآآآآآآآآآآآآآآآآآآآآآآآآآآآآآآآ عذبة: يالله بقوم أجمع أغراضي ... وأجي.. يمكن أتأخر ساعة... روحي الحين وشغلي مكيف غرفتس ونامي وإعتبري الفستان محلول أمره... أفنان: طيب... بس لا تأخرين أكثر... مع السلامة...طووووط طووووط ليلى: وش السالفة؟ عذبة: مسكينة يا عمري كن ما نقص عليه إلا الفستان... يالله الله يعين أقوم أنفش بعفشي...وأدور فستاني... نجلاء: أنتي تعبانه... شوفي شلون وجهتس ألوان!! ليلى: ومنين بتجيبين لها فستان وبكرا زواجها!! وفستانك مستحيل حتى يدخل فيها.. عذبة: أقول أغديه ناحفه... ويدخل الفستان... وإن ما دخل أبكلم البنات... أدور وحدة متزوجة قريب ولا أخته ولا بنت عمه.. أي شي... ولا نستاجر... أهم شي ما تلبس اللي مخرب... ليلى: عاد زواجها عائلي.. لا طقطقة ولاشي.. من بيشوف الفستان غير زوجها وأمه وخواته... وأنتي وقرابتها المقربة... لا تتعبين حالك وتروحين وأنتي على هالحال!! عذبة: ولو ... هاليوم بإذن الله إنه ما يتكرر.. اليوم يومه... حتى لو ما شافه أحد هي تشوف نفسه... يالله أقوم ... وه يا رااااسي.. نجلاء: لازم تروحين الحين..طيب نامي وروحي الفجر... يعني أفنان بتطير.. أحمد: والله أجرتس بنفستس.. أنا بقوم الفجر برجع للخبر .. أوصلتس بطريقي إذا أنتي منتب جاسرتن تروحين مع السواق .. عذبة: ما أقدر أترك أفنان بهالحظة.. وهي كانت معي بكل لحظات الفرح والحزن بحياتي.. أول من جاء من المعازيم لزواجي هي.. وظلت معي.. وأول من سندن هي بطلاقي!! وتبونن أتخلى عنه الحين يوم إحتاجت لي.. أنا أصلاً أصريت أرجع للرياض اليوم عشان الفجر أكون معه... لكن يوم كلمت علي وتبين الحين ما أقدر أتأخر ولا لحظة... *********** .............................................. "في صالة بيت أبناء العم" أم عبدالعزيز: الحين أنت بترفع ضغطي!! أبو عبدالعزيز: ضرب الميت حرام!! الحين يا وجه إبن فهره من زين معدلك وما تبي القسم!! نجود: يبه .. أنت خله هو يدبر عمره وينقل للي يبي.. عبدالمجيد: لا... أبوي لازم يتدخل ويوديه للقسم اللي يبي.. حرام بعد يدفن عمره بدراسة ما يحبه.. مب وقته الحين تعطين دروس باللإعتماد على النفس يا دكتورة نجيدة!! نورة: الحين أنتم تقررون وتتهاوشون والمعني بالأمر يناظر التلفزيون مادري عنكم!! أم عبدالله: سلمان!! تراهم يعيدون البرنامج عشرين مرة!! عبدالمجيد: حالة مستعصية!! سلمان: وشو... وش بكم؟!! نورة: أقول كيف الحال؟ نجود: الحين أنت سمعت الكلام اللي دار؟ سلمان: إيه... بس ما فهمته.. أم عبدالعزيز: الله يخلف على أمن جابتك !! أبو عبدالعزيز: أهوه التليكه ألصعه تفتح خلايا المخ!! أم عبدالله: وسع صدرك... نسيت تبليمات فيصل؟!! أبو عبدالعزيز: فيصل على الأقل كان يفهم بس مايبي يرد!! وطلع شي بالشغل يوم إتكلنا عليه لكن هالب***ي ذا!! لاحول ولا قوة إلا بالله.. نورة: طيب أنتم عطيتوه فرصة يثبت لكم نفسه.. من طلعت النسبة وإمتحانات القدرات وأنتم شابين على مذهبه!! خلوه هو يقرر.. وشوفوا بيصير زي فيصل ولا لا!! سلمان: أول مرة تتكلم الكورة بكلام منطقي!! نورة: شف يبه ... يقول عن كورة!! أبو عبدالعزيز: وأنت يالب***ي.. مالقيت إلا نوير تطنز عليه.. هه جب ملحه وخف دمه وبياضه !! مالت عليك لا شكل ولا مضمون.. سلمان: شكراً جزيلاً... بس لو تسوي رجيم... وتكب كم كيلو شحم أحسن له.. نورة: حررررررررررررر فررررررررررررررررر أنا عاجبن جسمي.. ومنب مسوية رجيم ولا شي!! عبدالمجيد: طيب إدخلي نادي رياضي مع نجلاء... أم عبدالله: وش عليكم منه!! سلمان: أقول عاد راحت مع نجلاء أول العطلة وسمنت زيادة.. صارت تروح تبلع وتجي!! نورة: حررررررررررررررررر فرررررررررررررررر يالب***ي... يالعصل المصل ... أبسمن وأبآكل على كيف كيفي...ولا أحد لوه دخل بي!! نجود: طيب .. هم يبون مصلحتس.. نورة: أقول عاد إلفقيه!! وأنا قلت لهم شيلون... أنا بشيل شحمي محد له دخل بي!! ***** "في غرفة أفنان" دخلت عذبة الغرفة , باردة ومظلمة, أفنان تغط في نوم عميق, رمت عذبة الأكياس ونظرت للساعة وإذ بها الحادية عشر والنصف, وضعت منبه الجوال على الساعة الثانية عشر والنصف, وسحبت بطانية من سرير أفنان وتمددت على الأريكة ونامت هي الأخري... _بعد ساعة_ يرن منبه عذبة فتفز أفنان واقفة على السرير, وهي تصرخ: وشو ... وشو ذا!!! عذبة: هههههههههههههههههههههههه بسم الله عليتس... منبة جوالي ذا... أفنان: عذبة أنتي جيتي ... أنا خفت لأني طردت الناس كلهم حتى أمي معهم لبيت أخوي... ما تحملت إزعاج خالاتي وعماتي.. وبزرانهم... أعصابي تلفانه...وكمل علي الفستان... عذبة: قومي حبيبتي...أنا كلمت أبو ياسين وراح يجيب لنا عشاء... يالله خوذي شور سريع .. وأنا بخلي آني تجهز العصير... وتشربينه وتروقين وتقوسين فستاني... وهذا فستان أخت زوج مها عمتي... وهذا حق صديقة ليلى... وهذا حق لطيفة الـ... اللي كانت معي بقسم الحاسب متزوجه أول العطلة.. وإذا ولا واحد صالح... عاد أكلم باقي البنات و لا أدور مشاغل تأجر فساتين... أفنان: ول!! أولاً ليش جبتي آني.. أمي ماتبي شغالات يدخلون البيت!! عذبة: عاد من زين هالبيت!! وش بتسرق منه... وبعدين لامن صار الصبح رجعناه.. أفنان: الحين أنتي بنص ساعة دبرتي كل هالفساتين!! عذبة: لا بساعة ونص... يالله على الله يصلح واحد منهم!! ************** "في صباح اليوم التالي" أبو عبدالعزيز يجلس في الخيمة يشرب القهوة, ويتأمل الحديقة الفسيحة أمامه.. تدخل سيارة سعد ويترجل من سيارته ويسير نحو البيت ماراً بالخيمة أبو عبدالعزيز_منادياً_: سعد...بو تركي..هنا..تعال بذا.. سعد: أنت بذا!! وه برد!! إقصر المكيف شوي!! أبو عبدالعزيز: عقب السلمي أمس.. سعد: أبقصره... أبو عبدالعزيز: وش عندك جاين بدري!! غريبة.. مير أغديك تكلم سلمان عشان الدراسة.. سعد: ياخي أنت وش بك!! خل الولد بكيفه.. يسوي اللي يبي.. أنت تدمره كذا!! أبو عبدالعزيز: أنا أبي مصلحته لو خليته مانفع لازم عيال هالحين وراهم وراهم!! سعد: زين خلنا من عيالك وش هالسعلوه اللي إبتلشنا به!!! أبو عبدالعزيز: السعلوه!! من؟ سعد: من غيره ... عذبوه!! أبو عبدالعزيز: ليش..؟!! بالعكس ممشية الشغل أحسن من أول.. وخلصوا كم مرحلة بوقت قياسي.. يعني لو إستمرت على هالطريقة يمكن تنجز قبل سنة من موعد التسليم!! سعد: لا والله ...فرحان عشانه ممشية شغله!! ولا علشان ولدك له نسبة!! حبيبي.. حنا مكسبنا من الشركة ولا شي عند مكسبه هي.. أبو عبدالعزيز: طيب وش حارق رزك!! خلك بالمعارض والنقليات وفكنا... ياخي ترا السكر لعب بك.. سعد: وش أسوي إذا هي حتى بشغلنا لاحقتنا!! تخيل أمس كلمتن تقول إن العقد حق النقليات مرة غالي... وخدماتكم مابه زود.. عشان كذا يا إنك تخفض السعر للنص.. أو تزيد الخدمات وينكتب طبعاَ بالعقد إنه في حال حصل خلاف له هي الحق بفسخ العقد.. وإلا ماراح تجدد العقد للسنة الجاية!! أبو عبدالعزيز:هههههههههههههه والله ويطلع منه شغل!! أمنه شرطت العقد سنه وحدة!! أثرة بتشوف على إيش يمشي الشغل ههههههههههه سعد: تضحك!! أبو عبدالعزيز: غصبن علي... تدري كنت أضحك على عمي يوم كان يعلمه مع سعود على الشغل!! كنت أقوله خل عنك..ذي آخرته مدرسة ولا نيمة بالبيت.. وأثر عمي أبخص به...والله ياهي لبوة!! سعد:لبوة!! إلا سلقة!! وصلت حده منه.. شلون الحين تبين أنزل السعر للنصف؟!! لازم توقفه عند حده.. ياخي إقلعه عن الشغل وخل حنا نشتغل بداله!! أبوعبدالعزيز: على كيفي!! أخاف هي اللي توخرنا عن الشغل!! ياخي أنا عن نفسي ما أحب أدخل معه بشي عقب سالفة عزلي من الشركة.. وتقوله بسعة وجه... ولا كأني بعمر أبوه... سعد: والغثة لامن قلت له عيب اللي تسوينه ما بيننا حساب حنا أهل.. تقعد تقول هذي فلوس أيتام... أنا مؤتمنة عليه..ولو حنا أهل كان ما أخذت هالمبلغ الخرافي وغيرك ياخذ أقل منه بكثير... جنية ما يخفاه شي!! أبو عبدالعزيز: تسكيته....بس ما على البلاوي إلا الصبر.. سايسه.. سعد: ولمتى!! لحد ما تسحب كلش من إيدينا!! هذي ما تخاف من أحد... هذي بنت بأنياب... أبو عبدالعزيز: تصدق سعد... أنا كنت حاس باللي يصير الحين.. تذكر يوم موت سعود ... كأن عمي عارف بهالشي... وعلطول من جت عذبة وهو يخلي كلش يمر من تحته قبل لا يوقع عليه... وكان بين كل كلمة والثانية يقول بنتي... راس مالي... عن ألف رجال... خلف أخوه... شكله حاس ولا محلم إنه بيموت سعود وتخلفه عذبة... سعد: الله ياخذه.. تصدق.. أمس صكت السماعة بوجهي... ودي أصفقه... وأتوطى ببطنه... أخ يالقهر... راح فيصل وزاد شره علينا!! أبو عبدالعزيز:هههههههههههههه أكيد أنت رفعت صوتك وهايطت عليه!! سعد: بس هزئته... وقلت له لو ما تتعدلين أنا بكسر راسك..بس!! قالت اللي ما تطوله بإيدك واصله برجلك... ولو ما أنت شايل إسمي كان ألغيت العقد اللي بيننا..التفاهم مع م.ماهر وطووووووووووووط أبو عبدالعزيز: وأنت خبل!! تراه محترمتك للحين... أقول لا تخليه تتطاول عليك مرتن ثانية تروح هيبتك!! سايره وسايسه... ولا منتب لامس قرش منه... سعد: ونقعد ساكتين!! أبوعبدالعزيز: وش بتسوي به.. حنا ولا طراطير عنده... سعد: ماكانت كذا...كانت تخاف... أبوعبدالعزيز: لا حبيبي ما تخاف منك.. اللي تخاف منهم وراحوا عن وجهه... أبوه وجده وسعود...ماتوا وفيصل...باح... راح سعد: الله يحلل أيام فيصل عالأقل كان ياخذ ويعطي... ويرحم... بس هالجنية مسلطة علينا... أبو عبدالعزيز: تدري ليه... لأن فيصل ما يحسك حاقره وتحاول تسرق منه... لكن هي تحس إننا شايفينه مرة ونبي نسيطر عليه.. عشان كذا بتوخرنا عن طريقة واحد ورا الثاني... وغلطت أكبر غلطة يوم عطيته هالشي على طبق من ذهب... وأنت يابو تركي غلطت نفس الغلطة... هذي مرة ... والمرة كيده أكبر من كيد الشيطان... وكل مرة نقول بتنقلع عن وجيهنا ترجع أقوى من أول.... سعد: والله صدقت... نسرة... مثل أمه لفت ودارت لمين سيطرت على عمي بولده وخلته يخدم أهله ولا كأنه أبوهم ... ماتت الحية وتركت راسه يقرص.. أبو عبدالعزيز: لا...حرام عليك تتكلم بالمرة الميته ... والله والحق يقال إن أهله هم راعين الأوليه.. هم اللي تفضلوا بالأول... تدري يا سعد إني أرحم عذيب على كثر ما تقهرن.. فشلتنا بالناس... كلن يقول ليش هالشايب خلى بنت ما تخرجت من الجامعة تاخذ كل شي... أكيد عيال عمه ما عندهم سنع ولا حرامية... الله يرحمه ... والله عمري ما مديت إيدي على قرش حرام... سعد: أوووووووووووووه!! أنت ما همك إلا كلام الناس!! إسمع ... فيصل لازم يرجع اليوم قبل بكرا... يكسر خشمة... ويطرد الشايب الأجنبي عن الشركة.. أبو عبدالعزيز: ماهر!! تدري إنه صديق ماجد... وتزوجوا صديقات وصاروا جميع ببريطانيا... وراعي مووووووووونه دايم يجي هو ومرته لبيت عمي ولا كأنه بيتهم... سعد: يجون يفتحون عيون عذبة علشان تكنسلنا .. بس لازم حنا هالمرة نسبق ونجيب فيصل... وفيصل هو اللي بيطرده بطريقته.. أبو عبدالعزيز: إيه فيصل يقوى عذيب... وهو اللي تثق فيه... بس هو يوافق... سعد: مب على كيفه!! الغرب يكوشون على حلالنا ويعيي!! ويعلمون بنتانا شلون يطلعن عن شورنا... غصبن عليه يجي إذا مب على شاننا...على شان مستقبله... لازم يجي ويرجع لعذبة... ويكسر راسه.. ************* _بعد إسبوعين_ "في غرفة عذبة" عذبة تشتغل بالحاسب وإذ بليلى تفتح الباب مسرعة وتقف أمام عذبة وهي تضع يديها على خصرها... ليلى: عذبة!! صحيح إنك عطيتي أفنان الطقم حق زواجك!! عذبة: ليش تسألين؟ ليلى: إلا معطتها إياه!! عذبة: ومادامتس عارفة ليش تسألين؟ ليلى: مو مصدقة... شلون يهون خاطر إمي عندك!! أنتي لو تحبين أمي ما فرطتي بهديتها.. عذبة: خلاص قررتي إني ما أحب أمي... ليلى: الحين أفنان مو عارفة قيمة الطقم عندنا.. وبتروح تبيعه وتاخذ فلوسه.. عذبة: إذا باعته حلاله... ليلى: أووووووووووووووه أنتي ماعندك قلب... ما تحسين... أقولك هدية أمي وتقولين حلالها عذبة: .................... ليلى: شوفي .. قولي لأفنانوه إذا بتبيعه أنا بشريه... هذا نوع نادر من الأحجار الكريمة وتصميم المصمم العالمي(....) وزيادة على كذا إن أمي طلبت عليه بعض التغييرات.. وإذا أنتي ما تقدرين هدية أمي .. إحنا نقدرها.. عذبة: تعلمينن الحين إنه نوع نادر!! أفنان أيضاً نوع نادر من الناس... لقى الطقم اللي يستاهله.. ليلى: يعني أنتي ماتستاهلينه.. ولا خلاص بعد طلاقك كرهتيه... وكرهتينا وفضلتي بنت الـ..... لكن أقولك من الآخر... لو بعطيها فيه ربع سعره بتبيعه ولاهي مقدرتك لا أنتي ولا أمك... عذبة: إسمعي يا ليلى.. هذا ملك خاص لي ... وسكت لتس بما فيه الكفاية لكن ما أسمح لتس تتطاولين علي أكثر.. أنتي وش تبين من أكثر وش تبين... مو كفايه علي الحين قاعده أشتغل بدروسي.. ولحد نص الليل أشتغل على شغل الشركة.. وأدافع عن حلالكم وعنكم !! حاربت نفسي قبل كل شي ومع كذا ما تقدرين.. أنا ما أبي منكم كثير أنا أبي بس تقدير وإحترام.. تحترمون قراراتي ورغباتي.. مو كفايه علي الناس تجون بعد أنتم!! ليلى: والله أنا ما عطيتك البحث تسوينه وأنتي ما لك مداومة إسبوع!! وإذا على الناس أنا وش دخلي فيهم أنا مو مشاري عشان تحطين حرة كلام الناس على راسي وفيصل أنتي اللي رفضيته ورفستي النعمة برجلك!! عذبة: إطلعي برا!! برااااااااااااااااااااااااااااا ليلى: أنا طالعة... بس لا تصيحين.... أستغفر الله... _تغلق ليلى خلفها الباب وتضع عذبة رأسها على المكتب وهي تبكي بحرقة ثم فتحت دفترمذكراتها وكتبت_: أبي العزيز..... اليوم بالتمام أكملت عام على طلاقي!! كم هو مؤلم هذا الشعور... والأشد إيلاماً ... أنني لم أجد أحداً بقربي يشعر بي.... غربة في المشاعر وجفاف الأحاسيس تغتال ماتبقى من زهور الأمل.... لم أجد أمي أبوح لها بشوقي لمشاري... ولم أجد مشاري أشكو له لوعة فراق أمي... ولم أجد سعود أطلب منه أن يشد ظهري.. ولم أجد جدي لأضع رأسي على صدره... ولم أجدك لأشكو لك قسوة الظروف من حولي... خلال سنه... لم أجد أحداً في هذا العالم الفسيح المكتظ.. لم أجد أحداً يا أبتاه يعزيني سوى دموعي... أبي .. لن أنتظر من أحد أن يخبرني بأن الإحتفال بعيد الطلاق بدعة وأنه محرم ولن أوقد الشموع أو أرسل الدموع ولكن... سأمد يدي إلى الرحمن أن يمدني بعون منه... وأن يغسل همومي بمطر رحمته... _فتحت الصفحة الأخرى وكتبت_ ومرت سنه .. على فراقك على صوتك .. واشواقك غريب كيف االزمن يرحل واحلام العمر .. تذبل .. سنه مرت .. وانا أول .. حبيبٍ يوقد الشمعه لجرحه في يوم ميلاده هلا .. بالحب .. واعياده وكل عامٍ .. وجرحي بخير حبيبي .. ليه فـ غيابك .. يغيبوا الناس حبيبي .. ايه والله حبيبي .. ايه والله نساني العمر.. لو انساه نساني الفرح .. لو انساه احبه .. ما ظهر نجم .. ونبت عشب .. وسرى براق أحبه .. لا زمن يشقي جروحي .. لا جفا .. وفراق أنا هذا الهوى كله .. وقلبي آخر العشاق .. +البدر+ قرأت هذه الأبيات للأمير الشاعر بدر بن عبدالمحسن ولم أفكر أنني بيوم سأكتبها لحبي ... وحزني وآلآمي...مشاري... مشاري... أرهقتي بكبريائك... وقتلت أنا نفسي بكبريائي... الحب والكبرياء ضدان دائمي الصحبة فينا... فمتى أتخلى عن حبي... ؟!! أو متى تتخلى عن كبريائك...؟!! متى!! فيصل... أي معني للرجولة يبرر ما فعلته بي!! وأي صور الحب رسمت ؟ أحببتني ولكنك عشقت ذاتك فدمرت أزهار حبي حتى أخنعتني لك... ثم تخليت عني لأنك لم تحبني... لأنك عشقت ذاتك وأردت الإنتقام لها... فدمرتني... ودمرت ذاتك التي عشقتها... وأعطيتني أبلغ درس في التضحية... لأن إنقامك مني ما هو إلا إنتقام من نفسك!! ليلى... لماذا كل ما أقترب منك تهربين.. ولماذا كل ما إزداد حناني عليك تتمردين!! ألسنا أختين... حوانا ذات الرحم.. ورضعنا ذات الثدي.. وضمنا ذات الحضن... يؤلمني بعدك عني وغرورك... يؤلمني إنشغالك بذاتك عن ما سواك.. لطالما تمنيت حضنك ليضمني... وتمنيت دموعك لتواسيني... عذراً... وإن ظهرت صلبه... فأنا أنثى وأحتاج لمن يحتويني... فما أنا سوى قشور من قوة تحوي هلاماً من ضعف وحاجة... _أغلقت الدفتر ومسحت دموعها ثم إلتفتت للحاسب وأكملت كتابة البحث_ ************* _بعد مرور ثلاثة شهور_ "في الصالة الجانبية" أم عبدالله وأم عبدالعزيز وأبو عبدالعزيز وعبدالمجيد ونورة يشربون القهوة .. أم عبدالله: إيه يا بو عبدالعزيز وش قلت بالخاطب..هههههه أم عبدالعزيز: لا والله معصي... مابقى إلا هي.. نورة: منهو ...خطيب جديد لنجود؟ أبو عبدالعزيز: مير ما سألت عنه... البنت صغيرة على العرس... عبدالمجيد: نجود!! من اللي خاطبه ... بعدين مب صغيرة!! أم عبدالعزيز: لا... الخبلة نورة... بندر ماغيره خاطبه!! نورة: بندر!! عبدالمجيد: هههههههههههههههه أم عبدالله: وش قلتي يا نورة؟ أم عبدالعزيز: إنهبلتي يا خالة!! البنت صغيرة... وشو وش قلتي!! لا... وبس.. بكرا بكلم أمه وبقول لا ... نورة: ليه؟ عبدالمجيد: نورة أنتي تبين تتزوجين؟ أبو عبدالعزيز: لا.. تستهبل كالعادة... توه صغيرة بأول ثانوي!! أم عبدالله: وشو صغيرة.. البنت ما يضره.. أنا معرسة وأنا أم تسع سنين!! نورة: كلام أمي نورة صح...أنا موافقة.. أم عبدالعزيز: مب على كيفتس..!! بزر ولا عندتس سالفة... وبعدين وشولون تعرسين قبل نجود!! _في هذه الأثناء نجود تنزل بالدرج وتسمع النقاش_ نورة: وأنا وش دخلي به!! هي اللي معيه تعرس.. ما مسكته أنا!! مب ذنبي...أنا أبعرس!! أبو عبدالعزيز: نورة!! حرام عليتس وش بيقولن الناس عن أختس؟ نورة: خلهم يقولن اللي يقولونه.. هي اللي معيه تعرس تتحرى واحدن يطلع من قبره!! لو بتحراه أبقعد طول عمري... هي مريضة تحتاج علاج نفسي أنا وش أسوي له!! _وضعت نجود يدها على فمها وركضت نحو غرفتها_ أم عبدالعزيز: أقول نورة ... مالنا خلق بزران... ما فيه عرس.. سمعتي.. بعدين إستحي عيب!! عبدالمجيد: نورة.. أنتي تبين تعرسين الحين؟ نورة: إيه... عبدالمجيد: وعلى بندر!! نورة: إيه... عبدالمجيد: طيب يبه مادام هذي رغبته خل نسأل عن الرجال... وإذا هو مناسب نزوجه... هذي حياته وهي اللي تقرر مصيره مب حنا!! وظلم إننا نرفض نزوجه لو كان كفؤ عشان نجود.. نجود هي اللي ترفض ونورة ماله ذنب!! أم عبدالله: نعم الشور... أنا سمعت الشيخ بالمجد يقول إذا جاكم من ترضون دينه وخلقه فزوجوه وإلا تكن في الأرض فتنه وفساد عظيم!! أبو عبدالعزيز: والله قلبتوا راسي!! أم عبدالعزيز: لا...يعني لا!! وأنت يا مجيدوه إنطم... وزوج نفسك الأول!! عبدالمجيد: على يدتس يمه... زوجين اللي أبي... أبو عبدالعزيز: إسمع يا مجيد... لو تنطبق السماء على الأرض ما سمحت لك تاخذ البدوية!! حنا حضر وهم بدو!! عبدالمجيد: يمه نورة قولي شي!! أم عبدالله: طاعت أبوك ألزم.... _يقوم عبدالمجيد وتلحق به نورة_ ******** "في الصالة العلوية المطلة على الحديقة" تقف مها وتتأمل الحديقة , مشهد الغروب يضفي رونق وفخامة على الأغصان والعشب والزهور, اللون الذهبي ينعكس على النوافير والشلالات ويصبغ الأغصان بلون برونزي بديع, ليلى تقف أمام شجرة نفضت أغصانها إستعداداً لشتاء قارس, وبدأت برسمها وناصر يدور بسيارته الكهربائية حول النخيل مطارداً أحمد... وعذبة ظلت صامته وتنظر للوحة هادئة الألوان متقنة الرسم أهديت لوالدتها من أخيها راشد والتي رسمها قبيل فترة قصيرة من وفاتها لتناسب ألوان الأثاث .... مها_تلتفت على عذبة_: عذوووب... هيه اللي آخذ عقلتس يتهنا فيه!!! عذبة: عمه...أفنان ماترد علي!! مها: دوشة العرس... يبي له وقت وترد.. عذبة: طيب .. صارت ماترسل ولا تدخل الماسن... متغيرة علي مرة... مها: إيه هذا عقب الطقم!! أنا قايلتن لتس.. مالتس داعي تعطينه طقم عرستس.. وش بيضر لو شريتي له شي عادي.. مب هذا!! عذبة: أفنان تستاهله... وشبكم زعلتوا!! هذي ليلى تقول لي ماتحبين أمي تهدين هديتها ونجلاء زعلت وأنتي بعد زيهم.. بالله لو كانت أمي موجودة فرحت عشان كذا!! أمي تحب أفنان مرة... لا تنسين إننا من صغرنا مع بعض... جيران وحبايب... وأمه تسوى عيون أمي... مها: ولو!! إلبسيه يوم عرستس الثاني... الطقم مو أي كلام!! وقيمته المادية والفنية ماتسمح لتس تهدينه لمين ما كان!! حرام عليتس أبوتس ناصر هو اللي مختار التصميم وأمتس متحمسه لحد ماطلع... وللحين كلام الناس.. خوالي للحين يذكرونه مولع بالعرس... يختي إلبسيه لامن أعرستي ثانية!! عذبة: أصلاً مابي أتزوج حد ما يرجع أبوي... أو أزوج خواتي ويجي أحد أضمنه على الحلال!! وبعدين لو أبعرس ألبس شي لبسته لرجل ثاني!! إهانه للعريس الجديد... صح!! مها: ولو كان هو العريس القديم!! عذبة: .... ياليت.. مها: ياليت!! عذبة: عمه ... منتب رايحة للسوق؟ مها: إلا... يالله أبطلع .. ترى باخذ معي نصوري ووحده من السلق تلعبه بالألعاب... عذبة: عمه!! وشو سلق!! تراهم بشر مايرضون أحد يتكلم عنهم بهالطريقة!! أنتي ترضين أحد يسميك سلقة!! مها: أقول... خالتس ما شاء الله عليه يعرف يرسم... هو اللي جاذبن ليلى؟ عذبة: إيــــــــــــــــــــــــــــــــــــــــــــــــ ـــــــه... رسمه للغاليه... راحت وخلته... ********** "في غرفة عبدالمجيد" نورة: تكفى مجيد... تكفى.. عبدالمجيد: طيب أنتي تعرفين وش يعني العرس!! نورة: إيه!! عبدالمجيد: العرس مب لعبة... ولا سفرة.. العرس مسؤلية رجل وبيت وبزران وحياة صعبة... نورة: أبي أعرس... عبدالمجيد: طيب بندر!! واحد من ربعي وده يتقدم لتس.. بس قلت له صغيرة.. أحسن من بندر... أبخليه يجي عشان أقنع أبوي نورة: لاااااااااااااااااااااااااااااااااااااااااااااا أنا أبي بندر... أبي بندر... عبدالمجيد: طيب ليش بندر بالذات!! ومن متى المعرفة؟ ووش اللي يخليتس تبينه هو ... صديقي عبدالرحمن أحسن ... مهندس وبيتخرج هالسنه ومطلوب إعادة ... أما بندر!! نورة: أبي بندر .... مابي غيره...إذا عيوا أهلي بسوي زي نجود وبعيي أعرس!! عبدالمجيد: طيب ليش بندر!! نورة: لأني أحبه!! مثل ما أنت تحب نجلاء أنا أحب بندر... عبدالمجيد: وشو!! نورة_تنخرط في البكاء_: لا تطقن.. بس غصب علي أحبه... تكفى لا تخليهم يرفضونه!! *********** ........................... |
"الجزء الرابع والعشرين" "في لندن" فيصل يجلس تحت شجرة كبيرة ويضرب بقدمية الأرض بعنف, أقبل عبدالعزيز حاملاً كوبين من القهوة , الجو بارد والسماء تستتر بمعطف كثيف من السحب, وضع عبدالعزيز القهوة على الأرض ثم شد أكمامه وغطى بها أصابعه , وإلتفت على فيصل الذي طال شعره حتى وصل كتفيه, وحلق عارضيه وبدت عيناه حمراوتان ويضرب بقبضته على فمه.. عبدالعزيز: فيصل... وش بك؟ فيصل: وش ما بي؟!! عبدالعزيز: عشانهم قطعوا عنك المصروف... وسع صدرك... تبي أي شي أنا جاهز... أبد ما يضيق صدرك ووراك أبو العز... فيصل: هو حلالهم!! على كيفهم!! بأمر من من يقطعون مصروفي ويتحكمون بنصيبي!! عبدالعزيز: هونه وتهون... يخافون عليك... تعرف هنا يضيعون كثير من الشباب... فيصل: ياسلام !! وأنت ماتضيع!! يوم أبوك يرسلك وأنت توك متخرج من الجامعة ووظيفتك جاهزة!! قال إيش !! يكمل دراسته برا أحسن مستقبل!! أنا الحين أكبر منك يوم يسمحون لك ويكبون عليك الفلوس كب!! عبدالعزيز: معليش ياعم... أنت هنا فاضي... وإذا على المصروف لا يضيق صدرك بترجع وبتطلعه من مناخيرهم... ورصيدك الحين ما أظنه فاضي لابد ومايصير فيه!! فيصل: خذ بطاقتي وشف بنفسك!! مافيه إلا أربعة ألاف أرسله مجيد قبل يومين... أربعة وش بتجيب!! عبدالعزيز: طيب وين راحت فلوسك!! بعذر أهلي يوم خافوا عليك!! فيصل: تكفى إنطم أنت الثاني... أصلاً أهلك مادريوا عن .. ولانب مجيد ولا السلمي عشان أحرك بهم ساكن!! لكن أهلك يبون يغصبونن أرجع وأخدمهم... عبدالعزيز: طيب إرجع... ساعد مجيد وخذ نسبة زيه... مجيد الحين مبحر من ورا عذبة... إرجع وخذ مكان الأجنبي اللي حاطته مدير أعماله... ويمتلي رصيدك بلا منه أبوي بلا غيره!! فيصل: وهذا اللي يبونه... بس والله حامض على بوزهم... لكن الحين أنا بورطة أبي فلوس مضطر.. عبدالعزيز: كم تبي..؟ أكيد مجيد الحين عنده... كلم عليه وشف.. إسمع أنا الحين برصيدي مليون وشوي.... وببيع أسهم يصيرن مليون وميه وخمسين.. ومجيد أتوقع بيكمل عليه وبيصيرن مليونين.. وأكيد بيكفن ويزيدن.. فيصل: مليونين!! لا أبي أكثر بكثير... مجيد ما يقدر عليهن!! عبدالعزيز: فيصل... إنتبه حبيبي ترى الدنيا تخوف هنا... والمافيا تتستر بعدة ألوان!! فيصل مو مهم الفلوس بس لا تضيع نفسك أنا بديت أخاف عليك!! فيصل: أنا مب بزر!! أعرف وين أحط رجلي... ولا أبي منك ولا من أبوك فلوس.. لكن ما أقول إلا بعذر عمي يوم كتب كل حلاله باسم عذيب!! حراميه بحراميه!! عبدالعزيز: حرام عليك ياخي تقول عنا حراميه ترى الكلمة هذي بتسأل عنه يوم القيامة!! أبوي حرامي!! ولا عمي سعد...عمرهم ما أكلوا لأحد حق.. فيصل: أقول..ما جاء راسك جاء رجليك!! وفلوسي بطلعه من عيونهم... وبالذات سعيدان الأناني ذا!! عبدالعزيز: فيصل... ليش أنت جاي هنا؟ وليش ماتبي ترجع؟ لو بترجع بتفك نفسك من هالأزمة... لاتكون ممنوع من السفر ولا شي!! فيصل: الله كريم... _ويقوم ويركض نحو الشارع ويؤشر لسيارة أجرة_ عبدالعزيز: الله يستر عليه... بيضيع نفسه... ***************** "في الحديقة" ليلى تجلس على كرسي من الخيزران وتتأمل رسمتها.. ليلى: كنه في شي ناقص!! _تأتي نورة ثم تقف عند رأس ليلى وتنفجر ضاحكة_ ليلى: بسم الله علي!! منين طلعتي أنتي جنية!! نورة: ههههههههههههههههه والله العظيم إني إنسيه.. وو..ههههههههههههه وين ههههههههههه نن ههههه ليلى: الله وشو له الضحك؟ ضحكيني معك.... نورة: ولا شي....بس خامتن معي أضحك ههههههههههههههههههههههههههههههههههه وين نجلاء؟ ياربيه يوجعن بطني من الضحك... ليلى: نجلاء!! بالنادي... وش السالفة؟ نورة: لا بس إنخطبت خخخخخخخخخخخخخخ ليلى: أيوه ومين تعيس الحظ هذا؟ نورة: وأنتي تقولين لي عن خطاطيبتس!! مير متى بتجي نجلاء؟ ليلى: قريب... شوي وتجي.. نورة: تذكرين يوم تواعدينن ترسمين لي صورة؟ ليلى: إيه...يالله تعدلي..تعالي إجلسي بالكرسي... وأنا برسمك.. بس بشرط لا تضحكين!! نورة:ههههههههههههههههههههههههههههه غصب علي بي ضحكة.. ليلى: كل هذا فرحة بالخطبة!! كل يوم والثاني أنا أنخطب ولا فرحت فرحتك!! نورة: لاحووووووووووووول بدينا بالكلام اللي ماله داعي... ليلى: يالله إسكتي يالمخطوبة!! _وبدأت ترسم نورة _ ليلى: أها خلصنا... بس بقي الخلفية... وين تبين الخلفية؟ نورة: بـــ..... بـ..... مادري... خليه عندتس وفكري بخلفيه زينه.. أشوه الرسمه_وتقف أمام حامل اللوحة_ والله يا أنتي خطيرة... بس تدرين ... طلعت تقل أسمن شوي ..نحفين.. ليلى: نورة... بيدك تنحفين!! نورة: لاحوووووووووووول...أقول هذا نجلاء دخلت... _أقبلت نجلاء ثم وقفت أمامهن وهي غاضبة_ نجلاء: والحين أنتن عارفات إني أبجي هالوقت ليش جالسات هنا!! ليلى: لاوالله!! أبرسم... أقعد ما أرسم عشان نجلوة تبي السيارة توقف عند الباب الداخلي!! نورة: نجلاء والله عندي لتس سالفة!! نجلاء: أنا زهقانه بتروش.... تعالي لغرفتي وخليهم يجيبون غداي تراي جووووووعانه نورة: الحمدلله !! أحد يتغدى هالحزة!! نجلاء: لا يا أخصائية التغذية... أقول... تعالي لغرفتي.. _وذهبت نجلاء ثم إلتفتت في منتصف الطريق قائلة_: أقول ليلى.. ترى اليوم بروح للسوق... بروح لمحل الرياضة بشري نعال شفتهن على أسيل يهبلن توهن نازلات... تقول أمس نزلن وهي كانت عندهم وشرتهن.. ليلى: مالي خلق!! بعدين محل الرياضة ما أطيقه... قولي لعذبة... نورة: أنا أروح معتس!! خنخلي مجيد يودينا أمي توافق نروح بدون ليلى.. نجلاء: أمتس توافق لتس... و عذبة تعيي علي!! خلي ليلوه تروح وهي ماتشوف الجادة... ليلى: أقول .. مالي خلق!! تعالي يا نورة أنحفك زي ما قلتي!! شوفي بس أبشيل الشحمة اللي تحت الذقن... بس!! نورة: أبشري... ليلى: إرفعي راسك... شدي ذقنك... إيه كذا... _أغمضت ليلى عينيها ونجلاء ذهبت وهي تتوعد وتدعي على ليلى_ نورة: هيه ليش غمضتي... ؟ ليلى: أبحفظ صورتك!! _في هذه الأثناء رن جوال ليلى بأغنية غزلية وإنتفضت وأخذت الجوال ثم حاولت إغلاق الخط وإذ بالجوال ينفتح على مكبر الصوت ويعلو صوت شاب "هلا والله بعمري وغناتي..." أغلقت ليلى الخط وإلتفتت نحو نورة التي بدى عليها الذهول_ ليلى: نو..نورة...هذا...هذا .. هذا لعاب.. ..أزعجني... ماعليك منه هاه!! نورة: عطين رقمه أخلي أبوي ولا مجيد يلعنون خيره!! ليلى: لالا...مو...لا ماله داعي... نورة: ليه؟ ليلى: أستحي من أهلك... وبعدين لو تدري عذبة إني قلت لهم بتزعل.. أنا..نورة..نورة..إدخلي إدخلي ... بندر جاء!! _ركضت نورة نحو الداخل وحينما دخلت وقفت أمام الجدار الزجاجي وأخذت ترقب بندر الذي أركن سيارته وذهب ليسلم على ليلى وتوجه للداخل..فرت نورة بسرعة لغرفة نجلاء_ ************ "في غرفة نجلاء" نورة تهز على الكرسي الهزاز وتحرك معها الستائر وتنادي نجلاء: نجلووووووووووووووووووووووه...بسرعة!! _تخرج نجلاء وهي تلف الروب على جسدها وتفرك شعرها بالفوطة _ نورة: أحلى!! وش أسلاك التلفون ذي!! نجلاء: أشوفتس ميته ببندر وشعره مثلي!! نورة: تعالي أقولتس سالفة بندر... نجلاء: سكري الدريشة الوقت بدا يبرد... أحيييييييييييييييييييييييييييييييه ************* "في الصالة " بندر: قلت أجي أسلم عليكن قبل لا أروح للدورة.. عذبة: حسافة...منتب جالس؟!! بندر: والله ودي.. بس تعرفين هالدورة مهمه وترفع رتبتي.. عاد أنا الحين معزوم عند ضاري وبنروح جميع للمطار بس كل واحد له طيارة.. عذبة: مين ضاري عم نجلاء!! بندر: إيه... ياحليله.. هو عنده الدورة بأمريكا وأنا بالقاعدة اللي بالشمال.. عذبة: ياحليله... نجلاء تحبه.. بندر: والله رجل... يالله أنا بروح ... ومشكورة على القهوة.. عذبة:ههههههههههه أدري تحبه ثقيلة عشان كذا أشرفت عليهن بنفسي... بندر: أووووه ياعمري ثقلت عليتس!! نعنبوا إبليستس متكلفه... وش يبي له .. أنا أقول مشكورة أتطنز... لو أنا داري إنه يكلف عليتس كان دخلت أنا سويته!! عذبة: هههههههه وأنت ما تخليه لأحد.. بندر.. مادريت إنك ملكع كذا... توي أعذر خالتي فاتن يوم هي تحب تناقرك.. بندر: عاد خالتي فاتن ... مو تناقر إلا تسلخ بلسانه.. ياحبي له... هي اللي شبت أبوي على برهم.. عذبة: إلا بندر...للحين خالي زعلان على إبراهيم؟ بندر: واللي سواه إبراهيم سهل؟!! عذبة: مابي أسبب مشاكل ببيتكم... تكفى أقنعه يسامحه هالمرة عشاني واللي يرحم والديك.. بندر: الله ييسر اللي فيه الخير.. زين عذيب أنا بوقف سيارتي هنا... وخليه حد ما أجي... وهذي مفاتيحه... عذبة: زين... الله يحفظك.. ********** "في غرفة نجلاء" نجلاء: الله يخس بليستس وقلتي له أحبه!! نورة: إيه... شسوي أبيه... نجلاء: زين وش سوى مجيد؟ نورة: وجهه بدى يحمر ويحمر حد ماحسيته بينفجر.. وفصخ نظارته وقرب من.. توقعته يعطين كف ولا شي... إلا ويمسك كتوفي ويناظر نظرات تخوف... أنا قلت أبنذبح الحين... بعدين قال وهو ينتفض... ومن متى تعرفينه؟!! قلت له من يوم رحت لمهم... قال لي "هو تكلم معتس ولا قال لتس شي!!" قلت لا والله بس يقول لي تغطي زين..بس..مؤدب وأنا مؤدبه.. قام يناظرن وقال "بس !!!" وأحلف له إني شريفة ولا كلمته كلمه وحده تخدش الحياء!! وبعدين قال لي "أجل شلون تحبينه؟!!" قلت له شفته وأعجبن... حلو ومزيون ورجل بمعنى الكلمة.. نجلاء: والله يا أنتي مطرطعة!! نورة: شسوي.. يختي أبي أعرس عليه.. هذا بندر... أما يا نجلاء لو شفتي عيون مجيد وخشته إني خفت يموت من القهر... بعدين قام يقول بندر رجل!! بندر راعي بنات.. أنا ماحبيت أقول هالكلام عند أبوي.. وبندر مدلل وماله إلا يامر وينفذ له... نجلاء: يخسى!! والله بندر أرجل الرجال... ولا يعرف البنات ولا الدرب العوج.. ومن يدللـه عسى خالي !! ماعنده إلا ما طرق الحداد!! بس هو منقهر عشانتس تحبينه!! نورة: ههههههههههههههههههههههههه أقول ما خليته له.. قلت له أصلا أنت تقول كذا عشاني أحبه بتكرهن فيه.. ولا هو أشرف من الشرف... ولاهوب راعي خرابيط.. أنا جلست عندهم إسبوع كامل وهو قمة الإحترام والرجولة.. وأنا كنت ما تغطيت زين... لو كان راعي بنات ما عصب علي وراي ما اتغطى.. ولا يهاوشن عند الغطاء... نجلاء: أيوه ... وبعدين.. نورة: مجيد طير عيونه بي وقال" الحين أنتي متى قعدتي عندهم إسبوع؟" قلت يوم زواج مشاري.. ضحك هو ضحكه قوية وقال" لا يا الخبلة مب بندر ولد راشد بندر ولد الجيران... اللي شافوهم أهلي بإيطاليا" نجلاء: هههههههههههههههههههههههههههه وأنا زاد إستغربت إن بندر يخطبتس!! وأنتي يالخبلة كبيتي العشاء.... هههههههههههههههههههههههههههه نورة: وش قصدتس يعني !! أنا ناقصة!! نجلاء: لا مب قصدي .. بس بندر لو بيخطبتس لازم يسألن الأول!! نورة: أقول إنقلعي يا وزيرة الخارجية !! نجلاء: بعدين وش سويتي مع مجيد؟ نورة: يوم قال لي كذا ... أنا ضااااااااااااع وجهي!! إنفضحت عند أخوي... وليته السلمي كان اهون... مجيد... لكن اللي خفف علي ردة فعله... جلس وصار يضحك وبعدين قال لي" حبيبتي نورة.. معليش أنا بقول لتس كلام .. وإسمعين لمين أخلص...زين.. شوفي يا نورة... ترى حبتس لبندر ما يعدو عن كونه إعجاب لا أقل ولا أكثر.. ولمن تحاولين تنسينه بتنسينه... لأن بندر حاليا مشغول.. وبعدين هو أكبر منك.. هو الحين أكبر من عذبة بسنتين.. وأنتي توتس صغيرة.. وهم مستواهم يختلف عن مستوانا.. وطريقتهم غيرنا.. صدقين بندر ما راح يفكر بتس أصلاً .. لأنه كبير عليتس.. والحب كله ماله داعي... الحب مشاكل بمشاكل.. حنا نجيبه لأنفسنا.. يعني الحين حبيتيه وبعدين؟!! هو داري عنتس؟!! هو يبادلتس الشعور؟ لنتفرض جدلاً إنه يبادلتس الشعور.. الحب يعمي العقل ويخليتس توافقين على أشياء تضرتس أو تنكد عليتس.. وبعدين لمن يتلاشى الحب وتبقى الأشياء اللي وافقتي عليه وتنكد عليتس طول عمرتس... وش إستفدتي .. بتبتلين متندمة على القرار اللي إتخذتيه بلحظة ضعفتس قدام حبتس..مثل ما صار مع عذبة وعمي فيصل ونجود ولا واحد حصل اللي يبيه!! نجلاء: كلامه ذهب...إيه لو عذبة ما حبت مشاري كان ماصار له اللي صار... فعلاً الحب دمار للقرارات الصائبة... ولا وش جاب فيصل لمشاري!! نورة... مجيد ماعنده نيه يتزوج؟!! _تدخل ليلى وهي تتحدث بالجوال_ نورة: ليش تسألين؟ إلا صح ... ترى بندر صار هو الماصل اللي مع أمه يوم أترك جدتي بالعربية وتصدم الجسر وتقلب.. هو وأمه وأخته اللي قوموا جدتي.. نجلاء: أحلى ... وعجبتيه!! بتتزوجينه!! نورة: وععععععععععععععععععععع من زينه هو وشعرة المصبوغ!! ليلى: نجلاء.. زعلتي مني !! نجلاء: خلاص... بقول لنجود تروح معي... نجود تخرجت وفاضية ....بلا منتس!! نورة: إيه صح... نجود صايرتن حليلة هاليومين.. مّر.. تنام وأنا أطلع الصبح!! ليلى: لا لا.. أنا ما أصبر على زعل نجول.. أنا بروح معتس.. وقلت لعذبة وقالت أوكي.. بس بشرط.. نجلاء: بعد شرط!! نورة: أقول!! هذي وسيعة وجه!! ليلى: لا.. أنا عازمتكم بالمطاعم اللي فوق.. ولامن خلصنا نروح لمحل الرياضة.. أظن إنه فيه أكبر فرع قدام سوق الـ..... نورة: أنا موافقة.... نجلاء: وأنا موافقة!! ليلى: أوكي... يا الله صبايا... أبروح أتجهز... نورة: وشو تجهزين حنا بنروح لعرس!! طقي نعال كورة والحمدلله.. بس أهم شي جهزي قريشاتس تراي ما أنعطى وجه لامن عزمت.. ليلى: أنا كريمة وأنتي تستاهلين!! ******** ________________________________________ "في الصالة " عذبة تقلب أوراقها فتوقع على أحدها وتعزل الأخرى جانباً.. ترفع جوالها وتتصل... ألو ... بابا ماهر... كيف الحال.. الحمدلله... وين العقد حق شركة النقليات .. إيوه اللي بدل حقت سعد.. أها...زين.. أنا أنتظره... مع أبو ياسين لا تكلف على عمرك.. زين أنتظره..بأمان الله.. _تنزل نجلاء ونورة وهن يرتدين عباياتهن فيجلسن بجانب عذبة_ نجلاء: عذبة... أنتي ما عندتس مكتب !! ليش تجيبين حوستس بذا!! عذبة: لا يا عمري بس أبجلس هنا عشان أوسع صدري مليت من المكتب.. نورة: والله نفس الطينه أنتي ومجيد... أنواع الحوسة ولامن هشنا عليكم قلتوا زهقنا من المكاتب... ميرأنتي أهون من مجيد.. هاللي يفل الأوراق بالحديقة وينبطح!! تقل يحل واجب.. عذبة:هههههههههههههههههههه وأنتي يالخبلة بس طنازة!! وش بكم اليوم علي... بندر همن أنتي!! _تنزل ليلى ترتدي عباءة حريرية مزركشة الأطراف, تفوح منها رائحة العطر, وتضع مكياج عينين كثيف_ عذبة: خــــــــــــــــــــــــــــــــــير!! ليلى: أوه... وش فيه بعد!! نورة: وش فيه!! هالعباة اللي تقل ثوب عرس وهالكحل!! ليلى: أجل تبيني أصير زي الشحادات بعبايتك هذي.. أستغفر الله كنك خيمه!! نجلاء: عباتنا هاللي تقل خيمة تسوي المطلوب منه أجل ليش حنا نلبس عبي إذا ما سترتنا... العباة ستر مو زينه يا آنسة.. عذبة: ليلى.. أنتي رايحة للسوق ولا رايحة تغازلين!! ليلى: عااااااااااااااااااد حدك!! أنا ما أرضى لك تتكلمين عني كذا... لو فيه أبوي قص لسانك!! عذبة: ولو فيه أبوي ما لبستي هالعباة!! كان قبل ما يقص لساني على هالكلمة قص رقبتك على هاللبس والشكل والعطر!! يختي إذا زعلتي مني أنا قلت هالكلمة.. كل الناس بتقول عنتس هالكلام... ليلى: لا... أنا أحب اطلع ستايل بأي مكان أروح له... عذبة: ليلى.. كلمة ماله ثاني.. روحي وغيري كل ملابستس وإلبسي تنورة سوداء طويلة.. وهاتي العباة هذي وجيبي المقص.. حالاً.. وطبعاً لو بشم ريحة طيب مافيه طلعه من البيت والتفاهم مع بندر.. ليلى: طيب هذي نجلاء لابسة بنطلون جينز!! قومي نجلوه إلبسي تنورة سوداء.. تقل بمعتقل.. يا لطيف.. عذبة: نجلاء عبايته مسكرة وعلى راسه وبدون أكمام... نجلاء ونورة هم اللي حريصات إن محد يشك فيهن ولا يفرض عليهن شي.. ليلى: أوووووووووووووف... عيشة ما تنطاق.. بالجامعة وللحين تتحكم بحياتي.. عذبة: ليلى جيبي عباتتس والمقص.. ليلى: طيب.. بس حرام شاريته بفلوس.. أمي عذبة يوم تعطيك العناد ... الله يفكني من هالبيت وأفتك!! عذبة: آآآآآآآآآآآآآآآآآآآمين.. ********* "في السيارة" ليلى: الحين عذبوه ليش حاطه دوبها ودوبي!! نجلاء: أنتي تجبيبن الشر لنفستس.. نورة: أنتي اللي تسوين الغلط ولا تبين أحد يوقفتس عند حدتس.. مير إحمدي ربتس عذبة تقص العباة أنا لو أسوي سواتس كان مجيد يقص رقبتي.. ليلى: وهذا الناقص... وش هالتعقيد...نجلاء عباية العجز هذي ما أطيقها!! أول ما ننزل للسوق بروح أشري عباية كشخة.. نجلاء: أقول عاد... الكشخة مو بالتفصخ والتبرج.. الكشخة بالذوق والتناسق والإحترام.. يبين إنتس كشخة وبرستيج من طريقة تعاملتس مع الناس مو من لبس عباية تشيل كل شكل ولون!! نورة: أصلاً مو من الذوق تلبسين عباية مزركشة للسوق.. السوق مو مكان سهرة.. واللي تلبس مزركش هذي يا خبلة ما تعرف تكشخ أو وحدة الله لا يبلانا تقول للناس أنا هنا.. ليلى: نورة... تراي سكت لك... نورة: أنا بقول الحق وأنتي مثل أختي نجلاء: نورة وحدة منا.. ليلى: إسمعن لو وحدة تنطق لعذبة بكلمة وحده عن اللي بسويه والله العظيم لا يصير لها شي ما ترضاه فاهمات!! ********* "في الصالة" عذبة تتحدث مع مجيد بالهاتف.. إيه ..طيب وسعد وش قال؟ عبدالمجيد: وش بيقول يعني!! زعل علي بعدين رضي...لكن هو الحين حاط حرته كله بفيصل.. عذبة: فيصل.. وش دخله ؟ عبدالمجيد: يبيه يرجع.. وفيصل مصر إنه مب راجع.. آخر شي وقف عنه المصروف وعيا يعطيه شي.. وفيصل مضطر.. ومحتاج.. عذبة: يووووووووه... طيب فيصل وش بيسوي؟ عبدالمجيد: كلم علي وقال لي خذ قرض ودبري لي فلوس أنا مضطر.. عذبة: طيب وأبوك!! عبدالمجيد: مو هذا اللي مضيق صدري.. أبوي بصف سعد بس أبوي يقول إنه خايف عليه هناك.. عذبة: بس فيصل مو طفل يمشون عليه قراراتهم... لو أبوي ناصر حي ماحد تجرأ عليه بكلمه مير الله يرحمه.. راح وراحت هيبتنا كلنا... عبدالمجيد: المبلغ اللي يبيه مو سهل.. عذبة: زين... أنا بعطيك.. بس بشرط.. دين.. والدين مو بيني وبين فيصل.. بيني وبينك... عبدالمجيد: .. بس فيصل بيزعل لأنه نبه علي إني ما آخذ منتس!! عذبة: ما عليك... بس بسألك بالله...أنت ضامن إذا هو يبي بالفلوس شي مب حرام!! عبدالمجيد: والله العظيم إنه بحسب ما قال لي وحلف إنه يبي به شي شريف.. عذبة: زين بس حتى أهلك لا يدرون.. عبدالمجيد: طيب ..منين بتجيبينه... الشركة حالياً مابه سيوله لدرجة المبلغ المطلوب.. عذبة: أصلاً مو من حقي آخذ من الشركة إلا أرباحي أنا... ولا الشركة حلال أيتام.. أنا عندي عقارات وأملاك من جدي من القسمة أبيع منهن ويجيبن.. ******* "في السوق" ليلى: شبعتوا!! نجلاء: إيه الحمدلله.. نورة: أما عليهم طبخ فلـــــــــــــــــــــــــه!! بس تقل الملح شوي.. ليلى: زين متى بتروحين تشرين الجزم!!؟ نورة: خنروح الحين قبل لا يصكون لصلاة العشاء!! نجلاء : يالله.. خن نلحق .. عشان نرجع للبيت بدري وننام.. ليلى: بنات.. اللي تو كلمت علي غادة صديقتي.. بتجي هنا.. بتعطيني أوراق عشان الجامعة.. روحي يا نجلاء أنتي ونورة وأنا أبجلس هنا آخذ الأوراق.. نجلاء: شلون يعني .. لو تدري عذبة بتزعل..نروح كلنا!! نورة: الله ودي أشوف هالغادة ذي!! ليلى: لالا.. غادة مرة تستحي وتقول شكلي يقرف... ونجلاء بتنام .. يعني لو ما تطلعون الحين الحين مانتم لاحقين على الجزم.. ونضطر إننا ننتظر لبعد الصلاة والزحمات تبدى .. نجلاء: لا... أخاف من عذبة.. نورة: طيب ما يضر لو تأخرنا نص ساعة!! ليلى: نجلاء ترى كل دقيقة تتأخرينها بتروح عليك فرصة.. بتروح الألوان الحلوة والمقاسات وأكيد مالين القنوات دعايات للموديل هذا.. والمركز هذا أقرب مركز للنوادي الرياضية الراقية.. أكيد بعد الصلاة الشباب بيملونه ويصير زحمة وقلة أدب.. هذا غير المقاسات اللي بتروح ويمكن تضطرين تلفين كل المراكز اللي بالرياض عشان تلاقين اللي يعجبك!! يالله روحوا أنتم الحين .. ومروني لامن طلعتوا من المركز ... أكون واقفه عند بوابه خمسة.. أركب ونوصل البيت أول ما يطلعون من المساجد!! نورة: قصة طويلة.. والله لو كل سكان الرياض حافين على هالسالفة ويتحرون هالموديل!! نجلاء: يالله نورة خل نروح .. أخاف ما ألقى مقاسي.. ولا يروح اللون الأحمر اللي يناسب السبور الجديد حقي.. ليلى: يالله بسرعة... لا تتأخرون بيأذن الحين.. ******** تسير نجلاء بسرعة وهي تمسك بيد نورة... نورة: الحين أنتي صاحية!! ليش نروح لحالنا مع السواق!! نجلاء: هذانا نجي من المدرسة كل يوم لحالنا!! أقول بسرعة يمدينا نركب السيارة ونلحق ندخل قبل الصلاة.. نورة: يوم كانت فيه كاميليا وهي اللي كانت تجي تاخذنا.. بس الحين مافيه أحد يثقون به مثله... نجلاء: لو فيه كاميليا ما ترجيت ليلوه تجي معي... نورة: بس أنا منب رايحة معتس.. شلون نخلي ليلى لحالة.. نجلاء: أقول إمشي بس!! _في هذه الأثناء يتجهن نحو البوابة الخارجية لمركز التسوق وإذ بمجموعة من الشباب يستوقفهم رجل الأمن, إلتفتت نورة وإذ بشاب يشبه تركي ,يرتدي بنطال أبيض حاسر عن الخصر ومحزم جلدي أحمر مطرز بخيوط بيضاء وقميص أحمر حريري ضيق مفتوح الأزارير لمنتصف الصدر , ويتدلى سلسال غليظ على رقبته وكان يترجى رجل الأمن أن يدخلهم_ نورة: شوفي نجلاء.. ترووك!! نجلاء: أستغفر الله.. جاي يدور مهبل.. نورة: ياكثرهم المهبل... أستغفر الله عليه شكل.. بس الله جابه.. _تنطلق نورة نحو تركي وتجره من محزمه_ تركي: هيه!! أي .. لا يطيح سروالي!! نورة: تروك!! زين ربي جابك.. تعال .. تعال خلصت فلوسي ومشتهيه عشاء.. تركي: طيب إتركي حزامي... أنتي وش جابك هنا!! نورة: تعال أبيك.. تركي: أبشري... شف هذي إختي إسألها.. لا تقول عوايل بس يدخلون!! مع السلامة... مع السلامة شباب... _ضحك رجل الأمن وغضب أصحاب تركي... ونورة مازالت متعلقة بمحزمة وتجره حتى وصلوا للسلم الكهربائي_ تركي: يالكورة!! إتركين لا يطيح سروالي وأصير مضحكة للعالم!! نورة: أقول إمش وإحمد ربك دخلتك!! تركي: إتركين ولا أبكلم مجيد وأقوله إختك قليلة أدب! نورة: أنا ما مسكت شي ثاني!! حزاااااااااااااااااااااااااااااااااااااااااااااااا م!! حتى جلدك مالمسته... إمش معي وأنت ساكت.. تركي: خوذي فلوس وإنقلعي.. خلين أدور أحد يدخل الشباب.. نورة: منتب رايح معنا تشوف صديقة ليلى.. تركي: هه.. هي حلوة مثلها؟ نورة: ما أدري... هي أصلاً طردتنا لمحل الرياضة عشان تقابل غادة زي ما تقول!! تركي: طردتكم!! ليش منتب قد المقام!! نورة: لا.. هذي صديقتها اللي تكلمه أربع وعشرين ساعة.. ولا عمرنا شفناه أو سمعنا صوته.. كأنه عار تبي تغبيه... والحين بتقابله هنا طردتنا عشان ما نشوفه.. عاد أنا قلت.. تركي يحب الأكشن وأكيد إن وده يشوفه..ولا أنا غلطانه... تركي: .........................._يتجهم وجهه ويقطب جبينه_ وينها!!! نورة: هه... أول ما تطلع على المطاعم هي واقفه عن مقهى(........) وطبعا تعرف طول ليلى وهيأته.. _تلحق نجلاء بنورة وتركي وهي تلهث بينما تركي بدا عليه التوتر الشديد وظل واجما ويمشي بسرعة ودون أن ينتبه للمارة أمامه مما جعله يصطدم بعدد منهم_ نجلاء:وه.. ياربيه ليش رجعتوا... نوير هه..هه..هه فشلت بالعالم من كثر ما أركض.. نورة: ليتس قاعدتن تحت أصرف لتس!! نجلاء: ليش... منتب رايحتن معي للسيارة !! _حين دخلوا صالة المطاعم والألعاب وإذ بليلى تصافح مودعة شاب أسمر متوسط الطول, ثم إبتعد عنها الشاب متوجهاً نحو المصاعد , جن جنون تركي وأخذ يركض مبعداً كل ما يواجهه من كراسي ومارة متجهاً نحو المصاعد , ليلحق بالشاب ولكن المصعد أغلق في وجه تركي ونزل الشاب الذي لم يكن منتبهاً لما يجري, أخذ تركي يضرب بعصبية على المصعد الزجاجي ويصرخ برجل الأمن أن يوقف المصعد ولكن رجل الأمن أجابه ببرود قائلاً_: بيجي تاني وحتلحق عليه!! تركي: حيوااااااااااااااااااااااااااااااااااااااااان!! _ويركض نحو ليلى التي أخذت تطل على الكيس المورد الذي بحوزتها, فأمسك بيدها وسحب الكيس منها وجرها بقوة وهو يسب ويلعن_ ليلى: تركي!! منين طلعت ؟ !! يا وسخ وخر عن يدي !! تركي: ياواااااااااااااااااااااااااااااطية.. إمشي ولا كلمة.. ليلى: تركي...يكذبون والله يكذبون... تركي: إمشي لا أفضحك قدام العالم كله يا سواد الوجه... *********** " الجزء الخامس والعشرين" "مها في السوق" مها: نصوري حبيبي... خلاص يكفي لعب!! ناصر: الله يخليث بث ثوي....تكفين.. مها: طيب... أسمح لك بس زيادة ثلاث ألعاب...موافق ولا نمشي للبيت!! ناصر: موافق..موافق.. بث..متى بنروح لبيتنا عند بابا فهد؟ مها: إذا جاء بابا من السفر.. ناصر: ذين ومتى يجي من الثفر؟ مها: إذا خلص.. يمكن شهرين.. ناصر: أووووووه ثهرين !! كم نقوم وننام؟ مها: ستين مرة.. ناصر: أح!! مها: زين أبروح للمحلات اللي هناك... إسمع كلامه.. _تلتفت على الخادمة المرافقة وتقول_: إنتبهي له زين... لا يلف يمين ولا يسار.. إذا لعب ثلاث ألعاب بس كلمي علي أقولك وين تجيبينه.. الخادمة: Ok مدام... بس ثلاثه...سامع نصوري... *********** "في سيارة تركي" تركي يقود سيارته بسرعة جنونية, وهو محمر الوجه ويتصبب عرقاَ, يضرب بيديه مقود السيارة بين الفينه والأخرى, ويشد شعره بعصبية, ليلى تبكي بشدة وتشاركها نجلاء البكاء أما نورة ظلت صامته... يتوقف تركي عند الإشارة ويلتفت ويصرخ قائلاً: حقيرة..حقيرة.. واااااااااااااطيه..تفو على الوجه_ويبصق على ليلى_ يا الكلبه وش اللي سويتيه... وطيتي روسنا بالأرض... من متى تعرفينه!!؟ تطلعين معه ولا لا!!؟ جاوبي يا الكلبة لأنزلك الحين وأدعسك تحت السيارة ونغسل عارك... جااااااااااااااااااااااااااااوبي... ليلى: ........................ _ترتفع أبواق السيارات تطالب تركي بالسير, يسير تركي بسرعة صاروخية, مخالفاً قواعد السير مما جعل بعض السائقين يغضبون ويشيرون له بغضب... تركي: يا حيواااااااااااااااانه.. دافنك اليوم دافنك... وش اللي يخليك تسوين كذا؟!! وش يخليك تشوهين سمعتك!! تدرين هاللي تواعدينه ما يشوفك جزمة.. وأحقر ما يشوف أنتي يالبنت اللي تخونين أهلك عشانه أنتي خسرتي كل شي .. عشان كذا موتك أريح... لك ولنا... ياسواد الوجه ياعار آل (....) وين نودي وجيهنا من الناس وين؟!! يااااااااااااااااوااااااااااااااااااااااااااااطيه! ! _تنحرف السيارة بشكل مفاجي وكادت أن تصطدم بسيارة أخرى ولكن تركي تدارك الموقف باللحظة الأخيرة_ نجلاء:.آآآآآآآآآآآآآآآآآآآآآآآآآآآآآآآآ تركي ما نبي نموت!! نورة: الله يخليك شوي شوي!! تركي: موتي أحسن لك من العيشة وسمعتك بالتراب!! ليتي مت ولا شفت هالشوفة!! نورة: ياخي أبعيش .. مابي أموت.. هي اللي غلطت إذبحوه هي.. مب أنا... نجلاء: يازينك ساكته.. _يدخل تركي من بوابة بيت أبناء العم والأقرب لهم, يمر من عند عبدالمجيد فتصر كوابح السيارة بصوت عالي, يصرخ عبدالمجيد قائلاً_: هيه.. منهبل أنت.. لو أحد مر من هنا كان تقطع!! _يفتح تركي النافذة ويصرخ_: إركب!! إركب شف الفضيحة... إركب .. _يفتح تركي الباب لعبدالمجيد ويركب عبدالمجيد وقبل أن يغلق الباب ينطلق تركي فوق العشب ليدخل ساحة بيت عمه ويتوقف عند البوابة الداخلية_ عبدالمجيد: هيه أنت وش السالفة!! وش جاب ذولي معك!! ليش تمشي على العشب تخربه!! تركي: خذ شف!! شف ليلوه وش قاعده تسوي وأنتم يالغافل لك الله!! خذ.. شف رسايل الغزل والغرام من مؤيد!! عبدالمجيد: شقاعد تخربط أنت!! تركي: خذ إقرا الرسالة اللي شفت الكلب يعطيها والرسمه شف!! _يمد تركي الرسالة ويردفها بعطر منقش بقصائد غزلية بمحدد زجاج بينما عبدالمجيد يقرأ الرسالة تركي نزل بسرعة وفتح الباب الملاصق لليلى وشدها بشعرها وأدخلها المنزل وهي تصرخ وتحاول إبعاده عنها نزلت نجلاء تترجى تركي أن يلطف بها أما نورة ففرت إلى منزلهم_ ****** "في جناح عذبة" أغلقت عذبة الدوش, ولفت شعرها بالفوطة,وبينما هي تلبس الروب وتغلق أزاريره وإذ بالباب يُهز ويطرق بقوة فتحت عذبة الباب لتجد الطباخة تصرخ قائلة: مداااااااااااام ... إلحئي ... الشباب تحت نازلين بليلى ضرب وعجئ.. البنت بتموت إلحئي عليا!! عذبة: وشو!!! يالله .. ياربيه.. وش السالفة ليش!! الطباخة: مابعرف... نازلين فيها ضرب تركي بالحزام ومجيد بالعقال!! _تنزل عذبة راكضة وإذ بصراخ ليلى يتردد بأنحاء الصالة الفسيحة وفروعها, ونجلاء تقف بالزاوية تنتفض, أما تركي وعبدالمجيد فلم يرحموا توسلات ليلى ولم يتوقفوا عن ضربها_ عذبة: وش السالفة وخروا!! أقولكم وخروا!! _وحاولت أن تحمي ليلى وإذ بمحزم تركي يصيب وجهها مباشرة_ تركي: محنب موخرين ... خلينا نربي هالبنت!! عذبة: آآآآآآآآآآآآآآآآآآآآآآآآآآآآآآآآي أنا أربيه وخروا عنه !! هي وش سوت؟ تركي: ما خربه إلا تربيه الحريم!! عبدالمجيد: هالبنت لو لقت رجال يوقفه عند حده ما تمادت تواعد شباب!! عذبة: آآآآآآآآآآآآآآآآآآآآآآآآآآآي_وهي تحاول أن تتقي ضرباتهم_ وخروا... لا... ليلى ماتسويه... ماتسويه!! عبدالمجيد: تستاهلين أنتي اللي تنضربين مب هي!! أنتي اللي خربتي بناتنا!! _حاولت عذبة بكل قوتها أن تحمي ليلى بين ذراعيها ولكن ليلى أكبر منها حجماً, وضرباتهم مؤلمة مماجعل عذبة تضم ليلى وهي تصرخ وتبكي متوسله أن يتركوهن_ نجلاء: خلاااااااااااااااااااااااااااااص!! أنتم ما تفهمون!! عذبة ما سوت شي... وخروا!! _إلتفت عليها عبدالمجيد وهو يصرخ بها_: أنتي إنطمي !! بنذبحهن كلهن... ولا لتس دخل.. _فإنقضت نجلاء كالصقر عليهم وأوسعتهم ضرباً, تركي إبتعد بسرعة أما مجيد حاول أن يتصدى لها, مما جعله يتعرض لإصابة شديدة على أنفه وذقنه أفقدته توازنه فسقط أرضاً_ عذبة: ليلى ... صدق اللي يقولونه!! نجلاء: إيه صدق!! شفته بعيني... تركي: كلبه.... واطيه!! _يرفع عبدالمجيد جسده عن الأرض بتثاقل وينظر لنجلاء وهو يمسح الدم قائلاً_ يالبدوية.. جفاستس ذي حطيه عند أهلتس.. ولا تتدخلين بيني وبين بنات عمي!! أنتي غريبه هنا... يا بنت خلف... إنقلعي لأهلتس وخلينا نربي بنات ماجد!! أشاحت نجلاء بوجهها وسحبت عبائتها وتغطت بها أما عذبة أمسكت بقدم تركي وهي تبكي قائلة: تكفى يا تركي.. تكفى مجيد... إستروا على الموضوع وخلون أحله بنفسي.. تكفون.. واللي يرحم والديكم.. أبوس رجلك تركي أبوس رجلك مجيد... أشاح تركي بوجهه ونظر لعبدالمجيد وقد أغروقت عيناه بالدموع.. عبدالمجيد: الموضوع خلاص.. يبي له رجال يحلونه.. تركي: ................... .. ما تهون دموعتس يا عذبة... بس تذكري إن اللي سوته يسود وجيهنا كلنا.. عذبة: الله يخليكم.. مب عشاني.. عشان سعود.. إعتبروا سعود حي... يرضى أهلكم يدرون!! عدوا سعود حي ونحل الموضوع حنا.. مو عشاني عشان خويكم سعود... عشان سعود عشان سعود عبدالمجيد_يصر أسنانه ويصرخ_: المسألة مسألة شرف وأنتي تقولين نحل الموضوع حنا!! عذبة: لهدرجة ما لسعود خاطر عندكم!! كلكم يوم مات طقيتوا صدوركم لنا ... والحين تتنكرون!! عبدالمجيد: الموضوع أكبر من كذا!! عذبة: لو كنت أنت مكان سعود... ولو نورة بمكان ليلى رضيت إن أهلك يدرون!! منتب راضي أي أحد يعرف .... حط نفسك مكان سعود لو كان حي... تكفى... عبدالمجيد:........................طيب ونشوف نهاية تربية الحريم!! والله لخاطر سعود تركتس يا اللي (...) أستغفر الله!! _يخرج تركي ويتبعه عبدالمجيد فيصطدم تركي بمها وهي تتحدث للخادمة, وقعت مها على الأرض فلم يكترث أي منهما لما حصل دخلت مها للمنزل فوجدت عذبة منكبه على الأرض مفتوحة الصدر ومرتديه روب قصير يبدي نصف الساقين, شعرها مبلول وينزف أنفها , وتظهر على وجهها أثار ضربات , ضمتها مستفتسرة وأشارت للخادمة أن تأخذ ناصر بعيداً عن الموقف_ ********* "في الصالة الرئيسية في بيت أبناء العم" يجلس أبو عبدالعزيز ووالدته وزوجته وسلمان... الأصوات تتعالى والشد والجذب على أشده.. سلمان: خلااااااااااااااااااااااص ... قلت لكم مابي أداوم !! أم عبدالعزيز: لا يالفالح!! ردات حظي بعيالي... أنت ومجيدوه... وأنا طول عمري أتمنى أشوفكم رجال !! اللي دكتور والمهندس بس يا ردى حظي بكم إثنين!! أم عبدالله: ياوليدي الشهادة ما أردى منه!! أجل ليش تدرسون... ونتخسر عليكم مصاريف مدارس ومدرسين وآخرته تقعد بالبيت!! أبو عبدالعزيز: أقول الكلام معكم إثنين ضايع!! يارجال بتدرس... يا رح بع ببسطة بسوق الخضرة.. ولا إذا تركت الجامعة أنا منب صارفن عليك ولا ريال.. سلمان: أبدور شغل.. هذا مجيد لقى شغل يدخل عليه أكثر من ما يدخل راتب اللي معه الدكتوراه... وإذا تبون الشهادة ترفعون به روسكم.. هذا عزوز بيجي بعد أقل من سنه ومعه الدكتوراه.. وطالبين نجود دراسات عليا حاسب!! خلاص إثنين يكفون.. وهذا مجيد مدير عام... وش تبون بعد!! أبو عبدالعزيز: وأنت وش بتصير؟ سلمان: هه.. أم عبدالله: يبيك تحطه سواق عند خواته صح!! سلمان: لا!! أم عبدالعزيز: طيب ... وش بتصير أنت لامن تركت الدراسة؟!! سلمان: أي شي أنا أحبه... الحياة مب دراسة... أبوعبدالعزيز: وش تحب؟ لا تقول ميكانيكي بعد!! _في هذه الأثناء يدخل عبدالمجيد وأنفه ينزف وشفته متورمه ومشقوقة وهاله حمراء داكنه تحيط بعينه, فوقف أبو عبدالعزيز ووضعت أم عبدالله يدها على صدرها.... أبو عبدالعزيز: وش بك!! أم عبدالله: بسم على وليدي ... لا تصير متهاوشن أنت والباكستاني حق الكهرب!! سلمان: من الكلب اللي مد إيده عليك... وينه خلن أشرب من دمه !! عبدالمجيد: البدوية.. نجلوه!! أبوعبدالعزيز: وصلت به المواصيل تمد يده عليك!! أم عبدالعزيز: خيراً تعمل... شراً تلقى!! أم عبدالله: نجلاء ما تمد يده على أحد ما تعرض له!! عبدالمجيد: تطاقت هي وليلى وجيت أبفك بينهن وجلدتن!! أم عبدالعزيز: لا!! هالبنت ما ينصبر عليه... وخير !! تمد يده على عيالنا بعد!! اللي كفله ومات وحنا ما نقدر عليه!! أبو عبدالعزيز: طيب أنت ليش ما كسرت راسه!! ناقصك يد ولا رجل.. ولا منتب رجال!! عبدالمجيد: أولاً ... هي مب ضعيفه عشان أي شي يسكته.. وإن كودت عليه وش بيفكن من أهله!! أهله ما ينتحارشون!! أم عبدالله: طيب أنت ليش تدخل بينه وبين أخته!!؟ خلهن حيلهن بينهن.. عذيب تفكهن.. سلمان: لا... نجلوه هذي يبي له تأديب... أجل تمد يده على بنتنا وولدنا!! أبروح أجلده... وخل أهله يسوون اللي يبون.. أبو عبدالعزيز: إركد... شف أخوك أعقل منك!! وهي اللي جلدته ما مد يده عليه... أم عبدالعزيز: أجل نخليه بعد تتمادى إلا أكسر راسه وراس عذيب معه!! بعد ما بقى إلا هي.. أبو عبدالعزيز: عيب تمدون إيديكم على وداعة ولد عمنا... أم عبدالله: أكلم الحين عذبة وأتفاهم معه... بس لا تضرون اليتيمة حرام عليكم... تراه تيتمت من كل جهه... أبو عبدالعزيز: لايمه!! لا تكلمين عذيب ولا شي... أنا أبحل الموضوع بطريقتي... بس ياويل أحد يجيب لهم طاري على اللي صار.. وبالذات عذيب... أم عبدالعزيز: هــــــــــــــــــــــــــــــــــــــــــــــو!! !! لا أحسن رح وعطه مكافأه!! وشو لحد يدري... أبو عبدالعزيز: أنا قلت كلمة ما تنكسر... وأنتي يا مرة إسمعي... تقولين كلمة وحدة أمصع لسانتس!! عبدالمجيد: يعني يبه وش بتسوي؟ سلمان: قلنا يبه.. وش بتسوي؟ أبو عبدالعزيز: الوداعة وترجع لأهله... والباب اللي يجيك منه ريح سده وإستريح... بس لا يجي طاري للموضوع... وبالذات عذبة... لاتدري عن شي... ********* "أمام منزل سعد" أوقف تركي سيارته خارج أسوار المنزل ونزل يجر قدميه فتوقف عند البوابة الرئيسية ثم تراجع قليلاً , فجلس على الرصيف ووضع رأسه على ركبتيه وأخذ يبكي بحرقة, وبينما هو يبكي وإذ بمحمد يخرج من المنزل وهو يحمل كتب وحين رأى تركي على هذه الحالة رمى الكتب على كرسي الحارس الفارغ وركض نحو تركي ثم وضع يده على كتف تركي ونفضه.. محمد: تركي!! سلامات وش فيك؟ تركي رد علي .. عسى الوالد والأهل ما فيهم شي!! _رفع تركي رأسه ثم وضعه على كتف محمد وإزداد نحيبه وهو يقول_: محمد... أنا بموت.. بموت... مقهوررررررررررررر!! محمد: بسم الله عليك إذكر الله... وش فيك وش قاهرك؟ تركي: جالي كلامك...جالي كلامك... محمد: كلامي!! تركي فهمني الله يخليك.. تركي: تذكر...تذكر ذاك اليوم يوم أنا بمكة وكلم علي أخو البنت اللي عطتني رقمها!! تذكر يوم قلت لي إن اللي تسويه ببنات الناس بكرا يسوى ببناتكم.. محمد: إيه أذكر... أذكر زين يوم كان أخوها يصارخ عليك وأنت تضحك وتقول له طيب أختك هي اللي معطيتني رقمها... بس ليش الحين تبكي.. متندم !! تركي: وش عقبه!! محمد: وشو وش عقبه... باب التوبة مفتوح!! تركي_يصرخ_: أنت تنكة!! أنت غبي... ماتفهم... إنقلع عن!! محمد: تركي إذكر الله... تركي: لا إله إلا الله... محمد: أنا مافهمت أنت وش تقصد.. ما عليه أنا غبي بس فهمني!! تركي: محمد... لقيت بنت عمي.. لها علاقه بواحد!! تخيل... تخيل... أنا كنت أعتقد إن البنات ذولي مالهم أحد يسأل عليهم... مالهم أحد يهتم بتربيتهم... مومتخيل إنها بتصير من وحده مثلها.. أبوها وأمها قمه في التربية.. ما يضرب المثل إلا بطريقة تعاملهم وحرصهم على عيالهم... والحين أختهم نفس الشي... حريصة.. حريصة على أختها.. مو متخيل إني بيوم بشوف بنت عمي واللي أموت على الأرض اللي تمشي عليها تسوي هالسواة... محمد أنا لو ماكنت رايح للسوق اليوم وبالصدفة كفشتها.. كان..كان تزوجتها.. كان تزوجت وحدة .. وحده لعاااااااابة!! مو مصدق يا محمد.. تصير منها مو مصدق.. وش ناقصها.. تبي شحن جوال!! تبي تطلع وتتفسح !! تبي توسع صدرها!! كلش عندها... كلش عندها... مو ناقصة شي!! أنا يا محمد يوم تقول لي ذاك الكلام ... أنا ما صدقتك... تدري ليش.. لأني أحس إن بناتنا مربيين.. وأهلنا دينين ... شلون تطلع من بيننا ذي تسوي هالسواه وشلون!! محمد: طيب... ليش مستغرب... مو أنت تسوي هالشي!! تركي: أنا ولد وهي بنت!! محمد: وش الفرق؟ تركي: أنا شايل عيبي بجيبي!! محمد: من قال هالكلام!! بالشرع.. يعاقب الولد زيه زي البنت... مافيه فرق.. تركي: يعني أنت تبرر له اللي سوته!! محمد: أنا ما أبرر له... وهالشي مرفوض سواء من الولد أو البنت!! لكن ليش أنت معصب هالتعصيبه وتسأل وش ناقصها وما أدري كيف.. وأنت تسوي اللي هي سوته!! تركي: أنا ألعب!! مو جاد... أنا أوسع صدري!! محمد: أنت أشد منها... تدري ليش... لأنك أنت الخادع وهي المخدوعه... تركي: هي ما تكلمني!! علاقتها مو معي!! محمد: طيب أنت تسوي هالشي مع غيرها!! تركي: أنا بس أوسع صدري بالسوالف والطلعات ... لكن عمري ما مسيت وحده هنا بالسعودية بشي حرام... صح أنا أخربط برا بس هنا أنا ما أسوي لهن شي!! محمد: والله يا تركي.. ما أدري وش أقول.. بس بما أنك تقول إن أهلكم غيورين.. أكيد ماراح يخلون البنت على كيفها توصل مرحلة الحرام اللي عندك!! تركي: بس هي تكلم .. وتقابله بالسوق!! محمد: طيب... مو أنت تقول إن هالشي مب حرام... تركي: أنت مبرد وأنا أعصابي محترقة!! محمد: إذا تعتبر بس الزنا هو الحرام فهي ما سوت شي غلط... هذا إذا أخذنا بمبدأك!! تركي:...................... محمد: تركي يالغالي... إحمد ربك إنكم تداركتوا الموضوع بدري... والله غفور رحيم... أتمنى ما تاخذ الموضوع بمبدأ إنه خيانه بقد ما تاخذ الموضوع إنه غلطة... تركي.. أدري الموضوع مب سهل عليك.. لكن إن شاء الله إنه يكون رساله ربانيه لك... عشان تتوب عن اللي تسويه.. تركي: بس مقهور من الكلب... أكيد هو اللي لف ودار لحد ما طيحها بشباكة.. محمد: تركي... وسع صدرك... وحل الموضوع بعيد عن العواطف... تركي: أكيد هذي دعوة أخو البنت... محمد: تركي... زعلت مني.. بس ما أبيك تزعل وتعصب لهدرجة!! تركي: أللي أنت يالمطوع ياللي تتعاون مع الهيئة وتأدبون خلق الله أخذت الموضوع ببرود... أجل المفروض إني أنا آخذ بنت عمي بالأحضان وأقول له خذي راحتك!! محمد:هههههههههههه لا ... الموضوع مو كذا... بس الغلط وصار... الزعل والعصبية ما تحل الموضوع.. وقبل ما تحل المشكلة فكر بأسبابه .. فإذا عرفت أسباب المشكله عرفت تحلها.. الموضوع موضوع شرف... ومو سهل... لكن بما أنه فيه حلول غير الزعل والمواقف العصبية اللي تزيد تعقيد المشاكل ... خلنا نسلكها.. تركي: شلون؟ محمد: أنت أول شي.. تتأكد من بنت عمك إنها ما عطته صورها أو شي ممكن إنه يستخدمه ضدها... تركي: طيب وبعدين؟ ********* ** "في غرفة نجلاء" نجلاء تجلس على سريرها, وتنظر للجدار غارقة بالتفكير... تدخل ليلى وقد شوهتها آثار الجلد العنيف وتصرخ بنجلاء قائلة: أنتي يالحقيرة!! نجلاء: أنا منب أحقر منتس!! ليلى:ليش تعلمين تركي!! نجلاء: أنا ما علمته... ليلى: أنتي يالبدوية ياللي أخذناك معنا وعيشناك بخيرنا!! وبالآخر تسوين فينا كذا!! فعلاً مرد الواحد لأصله!! هاذي جزات المعروف تروحين تمشكلين بيننا وبين عماننا!! نجلاء: أنتي سبب المشكله مب أنا... ليلى: إسمعي من الآخر... البيت هذا بيتنا... وأنتي الغريبه هنا... فاهمه... أنتي غريبه عنا.. أنت بنت البدو.. وحنا حضر.. وإذا أنت غيرانه مني.. أنا مو طايقة أشوفك بهالبيت.. ضفي خلاقينك وروحي لأهلك غير مأسوف عليك!! نجلاء:................... ليلى: ما أبي أشوف زولك هنا... إطلعي برا بيتنا يالغريبة الخاينة.. ياللي تعضين اليد اللي إمدت لك... إذا أهلك وأمك تبروا منك ومو معترفين فيك.. مو ذنبنا إنك تبليننا بغيرتك!! ولو عذبة مو هنا... كان ذبحتك!! نجلاء:أنتي الخاينه.. جربي مدي يدك!! ليلى: ناس قرف.. أنتي وش تبين أكثر من العيشة اللي عايشته.. والمعاملة اللي نعاملك إياها!! لكن إذا أكرمت الكريم ملكته وإن اكرمت اللئيم تمردا!! وخلي الحسد والغيرة ينفعونك.. روحي عيشي بحارة الفقر عند عمانك ببيت جدك.. اللي لو يكح الواحد فيه إنهد!! روحي خليهم يربونك لأننا للأسف ما عرفنا نربي البدويات!! نجلاء: خلصتي... ليلى: إنقلعي عنا!! نجلاء: أبشري... _خرجت ليلى فوضعت نجلاء رأسها على الوسادة وصارت تبكي بحرقة_ ************** * "في الصالة " عذبة: مها!! أنا مو مصدقة!! مها: والله شي يقهر...بس إنجلدت جلد... تستاهل... عذبة: ليش تسوي كذا ليش!! مها: تبين الجد حنا اللي عطيناه فرصة... كان يوم شفنا كثرة مكالماته عالأقل راقبناه من بعيد لبعيد... عذبة: طيب والسواة الحين.. مها: سواة ربي.. بس الحمدلله إن الموضوع بس مكالمات ورسايل... عذبة: وش تبين أكثر!! مها: الحمدلله ما صار شي!! عذبة: لو ما أرسل معه أحد كان صار شي وشويات... أحس راسي بينفجر...الله لا يفضحنا... الله لا يفضحنا... وش بسوي... وين أروح؟!! مها: الموضوع لازم يوصل لأبو عبدالعزيز... عذبة: لا!!! تبينهم ياخذونه علي.. ويسحبون من كل صلاحياتي!! لا.. هم بيزيدون الموضوع تعقيد.. والأمور هذي كل ما قل اللي يعرفون فيها أحسن!! بس للحين مو مصدقة!! علاقة مع شاب... وتقابله.. أنا يوم كنت أشوف البنات كذا كنت أقول ذولي ما تربوا... وأثاري البلاء يطلع حتى من اللي متربين!! والغثة إنه تقول لي أنتي ما تحبين أمي... وطلعت هي اللي ما تحب حتى نفسه.. أنا بموت من القهر بموت من القهر يا عمه ما أدري وش أسوي... مها: الموضوع مشربك... عذبة: أمي عذبة لا تدري.. مها: أكيد... عذبة: أقول مها... أنا الحين لو بشوف ليلوه قدامي بكمل عليه... تكفين خوذيه مع ناصر وروحوا بيت أمي عذبة.. مها:بعد أخاف تهج ليلوه من البيت... بيتكم مفتح ... وكله بيبان ... عذبة: حشى رواية!! ولا مسلسل!! مها: أكثر ما خرب هالبنات الرويات اللي تصور هالخرابيط وكأنه عادي ولا تهون المسلسلات... عذبة: أقول مها ... مصدقة إنك مدرسه خوذي الزفته الكلبة و إنقلعي!! مها: طيب... ولا كأني عمه ولا شي..!! عذبة_تصر أسنانها_: مهوه... أنا مب فاضية!! ************* "في غرفة نورة" نورة تتحدث بالجوال... نجلاء ... لاتصارخين علي!! نجلاء: أنتي ليش سويتي كذا!! نورة:سويت اللي لازم يصير من زمان.. نجلاء: طيب ليش ما قلتي لعذبة... ليش تسوين فضيحة!! نورة: أنا كنت شاكه من زمان لكن يوم تأكد لي الشك منب ساكته لأني أسوي له فضيحة بين عيال عمه أحسن ماهي تسوي لعايلتنا كله فضيحة.. أنتي يا نجلاء ما تحسين بهالشعور لأنك مو منا!! ولو شوهت سمعة العايلة مب ضارتس شي!! نجلاء:.................صح!! أنا مو منكم.. مع السلامة... نورة: نجلاء.. نجلاء!!ألو!! صكت الخط!! ********** "في صباح اليوم التالي" تجلس عذبة بالصالة وتنكش شعرها, أحاطت بعينيها هالتان داكنتان, وبدت واجمة وحزينه, نزلت نجلاء تحمل حقيبة كبيرة وتعلق على ظهرها حقيبة المدرسة.. عذبة: نجلاء!! وش هالشنطة... وين بتروحين... نجلاء: بروح عند عماني... بروح لأهلي.. عذبة: أهلتس!! نجلاء: إيه... بروح لبيت عمي وبأعيش عندهم.. عذبة: ليش... أحد ضايقتس بشي؟ أحد أزعجتس..أنا قصرت معتس!! نجلاء: لا والله يا عذبة... أنتي ما قصرتي معي بشيء.. أنتي أختي وأمي وأبوي... أنتي نور هالكون كله... أنتي الصفحة البيضاء بحياتي... ماقصرتي معي... أنتي حنيتي علي وحميتين..لكن مهما صار الطيور لازم ترجع لأعشاشه... والمهاجر لابد ويجي يوم ويرجع لوطنه.. عذبة: أنتي بتروحين عقب السالفة اللي أمس!! نجلاء: ....................... عذبة: صدقين أهلتس ماراح يدرون بالسالفة... نجلاء: عذبة... أتمنى إنتس توافقين أروح... وتحترمين رغبتي... عذبة:..................... نجلاء: عذبة... أنا ... أبي أعيش بين أهلي ... عذبة: وأنا أبيتس تعيشين بحضني...أنا أحبتس وأبيتس معي دايم.. أنتي مثل بنتي مو أختي... لكن... إذا أنتي مصرة تروحين ... الله بساعدتس... وإذا إحتجتي أي شيء تذكري إن هالبيت باللي فيه ما راح يتخلون عنتس كبيرة مثل ماهم ما تخلوا عنتس صغيرة... هالبيت بيتس.. وحنا أهلتس... لو ما شلنا أسمتس... _تضم نجلاء عذبة فبكت عذبة فيما تماسكت نجلاء_ نجلاء: مع السلامة ... وسامحين إني تخليت عنتس بمثل هاللحظة... لكن... مع السلامة... _يرن الهاتف الداخلي وترد نجلاء_: أيوه... خله يدخل... إيه... عذبة: منهو اللي جاي ياخذتس؟ نجلاء: عمي متعب... عذبة: مع السلامة يا نجلاء.. لكن لا تخلينن... وشدي حليتس بدراستس وإنتبهي لنفستس زين... نجلاء.. بيضي وجهي عندهم... _خرجت نجلاء وسلمت على عمها ثم ركبت السيارة بصمت, وعيناها تذرفان _ ************ ........................................... |
"في مكتب عذبة" فتحت عذبة حاسبها, وفتحت الماسنجر وإذ بوفاء خليفة حالتها متصل.. عذبة: يااااااااااااااه ربي جابتس يا وفيّه!! بدأت عذبة وفاء بالسلام.. مانشدت الشمس عن حزن الغياب..علمتنا الشمس نرضـا بالرحيـلsays: السلام عليكم... وفاء..: في غربتي ، عارضت أنا ركب الأغراب ..أشد .. وأنزل .. والليالي ركايب says: وعليكم السلام...كيف الحال؟ عذبة: مانشدت الشمس عن حزن الغياب..علمتنا الشمس نرضـا بالرحيـلsays: لا تسألني عن أحوالي ... ترا مافيني كافيني... وفاء: في غربتي ، عارضت أنا ركب الأغراب ..أشد .. وأنزل .. والليالي ركايب says: أفا!! وش فيك يا دمعة عروس... عسى ماشر... عذبة: مانشدت الشمس عن حزن الغياب..علمتنا الشمس نرضـا بالرحيـلsays: أنتي مين أول؟ وفاء في غربتي ، عارضت أنا ركب الأغراب ..أشد .. وأنزل .. والليالي ركايب says: أنا منهو حمل همه على راسه تقول عقال...مجاديف الزمن دارت عليه وش طاري السؤال؟ عذبة: مانشدت الشمس عن حزن الغياب..علمتنا الشمس نرضـا بالرحيـلsays: أنتي عندك خوات؟ وفاء: في غربتي ، عارضت أنا ركب الأغراب ..أشد .. وأنزل .. والليالي ركايب says: لا... ليش؟ عذبة: مانشدت الشمس عن حزن الغياب..علمتنا الشمس نرضـا بالرحيـلsays: أنتي جربتي الخيانه؟ وفاء: في غربتي ، عارضت أنا ركب الأغراب ..أشد .. وأنزل .. والليالي ركايب says: لا...ليش؟ عذبة: مانشدت الشمس عن حزن الغياب..علمتنا الشمس نرضـا بالرحيـلsays: أنتي مستعدة تساعدين وحدة ما تعرفينه؟ وفاء: في غربتي ، عارضت أنا ركب الأغراب ..أشد .. وأنزل .. والليالي ركايب says: إذا مساعدة وحدة محتاجة فباللي أقدر عليه.. عذبة: مانشدت الشمس عن حزن الغياب..علمتنا الشمس نرضـا بالرحيـلsays: أبطلب منك طلب... وفاء: في غربتي ، عارضت أنا ركب الأغراب ..أشد .. وأنزل .. والليالي ركايب says: أبشري...يا أختي وش فيك؟ عذبة: مانشدت الشمس عن حزن الغياب..علمتنا الشمس نرضـا بالرحيـلsays: ما تسأليني من أنتي؟ وفاء: في غربتي ، عارضت أنا ركب الأغراب ..أشد .. وأنزل .. والليالي ركايب says: هههههههههه بس..ok عذبة: مانشدت الشمس عن حزن الغياب..علمتنا الشمس نرضـا بالرحيـلsays: أتكلم جد.. وفاء: في غربتي ، عارضت أنا ركب الأغراب ..أشد .. وأنزل .. والليالي ركايب says: أجل أنا أتكلم عم!! عذبة: مانشدت الشمس عن حزن الغياب..علمتنا الشمس نرضـا بالرحيـلsays: أبستشيرك بموضوع خطير... وفاء: في غربتي ، عارضت أنا ركب الأغراب ..أشد .. وأنزل .. والليالي ركايب says: عيوني... إذا على شغل الشركة والحلال فأنا أعتذر لأنك بعتي الأرض اللي عالبحر وماأخذتي شوري... عذبة: مانشدت الشمس عن حزن الغياب..علمتنا الشمس نرضـا بالرحيـلsays: لالا... الأرض اللي عالبحر ما بعتها.. أنا سمعت كلامك.. أنا رهنتها وأول ما تفرج ويصير معي سيولة رجعتها... إسمعي الموضوع الحين أكبر من سالفة فلوس وبيع.. وفاء: في غربتي ، عارضت أنا ركب الأغراب ..أشد .. وأنزل .. والليالي ركايب says: .. قولي وأنا أبسمع .. عذبة: مانشدت الشمس عن حزن الغياب..علمتنا الشمس نرضـا بالرحيـلsays: تشغلين المايك؟!! وفاء: في غربتي ، عارضت أنا ركب الأغراب ..أشد .. وأنزل .. والليالي ركايب says: ههههه ودي أسمع صوتك.. لكن زوجي قبل لايدخل الغيبوبة ماخذ علي عهد ما أكلم أحد بالمايك أياً من كان.. غيور الله يشفيه.. عذبة: مانشدت الشمس عن حزن الغياب..علمتنا الشمس نرضـا بالرحيـلsays: إيه صح نسيت أسأل عنه.. وفاء: في غربتي ، عارضت أنا ركب الأغراب ..أشد .. وأنزل .. والليالي ركايب says: هاتي وش عندك؟ _سردت عذبة لوفاء موضوع ليلى.._ عذبة: مانشدت الشمس عن حزن الغياب..علمتنا الشمس نرضـا بالرحيـلsays: وأنا الحين محتارة ما أدري وش أسوي.. أكلم ولد عمي اللي برا يجي.. هو العاقل اللي يقدر يوقف بوجه إخوانه.. ولا أكلم خالي ..بس أخاف أبلش فيه... وفاء: في غربتي ، عارضت أنا ركب الأغراب ..أشد .. وأنزل .. والليالي ركايب says: إسمعي يا دمعة ... برأيي هالمواضيع حساسة.. وبما أنه ولد عمك اللي برا متمشكله أنتي وياه.. لا تنادينه يجي ويستغل هالسالفة عشان يضغط عليك فيها وينتقم منك.. كلمي خالك هو اللي بيحل الموضوع بحكمته.. عذبة: مانشدت الشمس عن حزن الغياب..علمتنا الشمس نرضـا بالرحيـلsays: لا ولد عمي يحب خواتي... مستحيل يسوي كذا!! وفاء: في غربتي ، عارضت أنا ركب الأغراب ..أشد .. وأنزل .. والليالي ركايب says: أجل ليش هو تركم تواجهون إخوانه وراح؟!! لو كان يحبكم ما تركم وراح هو لو حل الموضوع بيستمر يعايرك فيه وأنتي اللي طردتيه قبل .. عذبة: مانشدت الشمس عن حزن الغياب..علمتنا الشمس نرضـا بالرحيـلsays: يمكن... بس وفاء: في غربتي ، عارضت أنا ركب الأغراب ..أشد .. وأنزل .. والليالي ركايب says: هذا رايي.. ************ "في بيت الجدة" ليلى: أوهو!! إيه معه لي صور.. مها: يا ويلي.. وعادي بكل ثقة!! ليلى: مؤيد رجال وبيحافظ على صوري.. مها: لا يا هالرجولة اللي يرضى يسوي علاقة مع وحدة أجنبية عنه.. ليلى: هو رجال.. أنتي مو مصدقتني... هو بيخطبني.. مها: كذاب.. كلهم كذابين.. ذولا بالأساس لعابين... تلقين له ألف بنت وبنت غيرك أنتي عنده مثل المنديل اللي لامن خلص منه رماه ولا فيه أحد غيره بعده يستعمله.. أنتي بنظره كذا.. ليلى: مؤيد غير.. مها: وش يفرق.. أنتي مصدقة القصص والروايات والمسلسلات حبني وأحبك والنهاية أسعد ما يكون... لا عيون عمتس.. أحقر مايشوف أنتي.. ليلى: أنتي مو مصدقتني...بيجي يخطبني... مها: لالا خطير الحين متسدح عند أبو عبدالعزيز جاي يخطب.. ليلى: أنتي عطيني جوالك ولا هاتي التلفون أكلمه وبيجي يخطبني.. مها: حامض على بوزتس.. تقلعي يالله.. أنا عمري ما شفت مثلتس غلطانه وبدل ما تعتذرين تحاجين وتجادلين.. ليلى: أعتذر على إيش... أنا ما غلطت.. صح الموضوع غلط بس حقي أحب.. مو عذيب كانت تحب مشاري.. وأمي كانت تحب أبوي.. مها: لا... أنتي منتب طبيعيه... ياحيوانه الحين عذبة متى كلمت مشاري ؟!! ولا قالت له أحبك... فاتنوه هي اللي كانت تقول لعذبة إن مشاري يبيتس.. وأمتس ما كانت حتى تتكلم مع أبوتس وهو ساكن عندهم بالبيت ويدرس بنفس الجامعه معه.. تقارنينه بحبتس أنتي والذيب البشري مؤيدوه أخ لو تركي ما سكه..أخ بس كان مسويه كفته باللبن ليلى: مو تركي يعلم نفسه الأول.. مها: تركي ولد.. وشايل عيبه بجيبه.. ليلى: طيب أبي أطلع من هالبيت... أبرجع لغرفتي... أبي جوالي.. يوووه مايصير الحجر اللي هنا.. مها: إلا أنتي قايلتن شي لنجلاء؟ ليلى: لا مها: أكيد!! ليلى: قلت لك لا.. ليش؟ مها: راحت لأهله.. قلت يمكن قارصته بلسان الحيه !! ليلى: لو ما كنتي أخت ماجد كان عرفت أرد عليك.. أنا حيه!! مها: أنتي وطيتي راس ماجد باللي سويتيه.. ومسويه الحين تقدرينه!! ************ "في غرفة بنات عم نجلاء" نجلاء تتمدد على فراش وضع على مقربه من سرير إبنه عمها الصغيرة.. الأثاث بسيط جداً, والفراش غير مريح لنجلاء التي تعودت على السرير الواسع المريح, والوسائد المتناثرة والمفارش الفاخرة... أخرجت الجوال وإتصلت على رقم منزل هيله... يرد صوت غليظ: نعم.. نجلاء_بصوت مرتجف_: ألو.. السلام عليكم.. يرد: وعليكم السلام والرحمة.. نجلاء: ممكن أكلم هيله.. يرد: يوووووووه هيله بعيده... تبينه لازم.. نجلاء: إيه.. يرد: أقول هيله بتنام.. نجلاء: الله يخليك أبيه.. يرد: من أنتي؟ نجلاء:....................أنا!! يرد:لا أنا!! إيه أنتي... نجلاء: أنا نجلاء... يرد: نجلاء!! طيب... إتصلي بعد دقيقة.. ولا هذاه جت.. هيله تعالي وحدة لزقة تبيتس.. هيلة: ألو.. نجلاء: هلا هيله آآآآآآآآآآآآآآآآآآآآآآآآآآآآآآآآآ_بكت_ هيلة: نجلاء!! وش بتس؟ رحتي لعمانتس.. والله أفكر بتس من عقب ما كلمتين بس ما لقيت جوال أشلحه كلن ماسك جواله.. عسى ماشر..وش الوضع عندتس؟ نجلاء: تخيلي يا هيله مالي غرفة خاصة...وأنام مع بزارين...وباب الغرفة مابه قفل عمي يقول بيصلحه.. بس أنا مب مرتاحة.. هيلة: أقول عاد ياللي تقفلين باب غرفتس.. ماتفرق.. هذا باب غرفتي منكسر وعادي نجلاء: بس البيت به جذعان.. عيال داخلين وعيال طالعين.. وعيال عمي كبار رجال.. أنا خايفة.. هيله: طيب.. وشلون الإستقبال... نجلاء: ماقصر عمي...وعياله حليلين ... وفرحانين كلهم بي إلا إني حسيت مرته تتصنع إنه ترحب بي.. أنا خايفتن منه.. وعيالهم ما يقولون يا ولد لامن دخلوا.. هيله: أقول.. أنتي لا تحطين الشين ببالتس.. شوفي الزين.. ببيت أهلتس ما أحد يمن عليتس.. ولا أحد يعايرتس يالبدويه!! نجلاء: بس يعايرونن بالحضريه وربات الحضران!! هيلة: أقول سقها وقزز!! نجلاء: شلون؟ هيلة: وسعي صدرتس.. وإذا مليتي كلمي عذبة تجي تاخذتس.. نجلاء: ما أقدر... عمي يقول إنه خلاص بعد ما كلمه أبو عبدالعزيز مالي رجعه هناك.. هيله: لا.. الحين عشانه معصب.. أكيد إن أبو عبدالعزيز قايلن له شي.. نجلاء: أبو عبدالعزيز ماله خلقي من عرفت نفسي... دايم يسمين البدوية... وكان دايم يتطنز علي... وعقب ما مات أبوي تقل إستحى على دمه شوي وصار يرحمن.. الله يسامحه.. أنا ما غلطت بحقه.. هيله: أقول إحمدي ربتس عندتس أهل يفزعون معتس.. لو ما عندتس أهل كان واطين على راستس مثل ماهم مبهذلين بعذبة.. نجلاء: لا بالعكس.. وش حليلهم مع عذبة وليلى.. أنا أشوفهم يقدرونهن ويدارون خاطرهن.. لكن معي ...الله يسامحهم.. هيله: أقول نجول.. حاولي تكيفين نفستس معهم.. نجلاء: أبحاول .. يالله مع السلامة جت مرت عمي مع بناته.. هيله : مع السلامه.. _تلتفت نجلاء وتتأمل زوجه عمها وهي تغطي صغيرتيها بحنان..نظرت لها زوجه العم _ هيا_ وسألتها:_ الفراش مريح!! نجلاء: إيه.. بس أنا أبي أقفل الباب... هيا: أنا أبدخل الصبح أقوم بناتي... شلون وأنتي قافلة الباب!! نجلاء: طقي الباب أقوم.. هيا: وشرايك تصيرن حرمه وتتركين شغل الدلع وماتخلين عمك يحط قفل للباب.. نجلاء: بس أنا ما أرتاح.. أبي أقفل الباب البيت به عيال!! هيا: قصدك عيالي بيضرونك!! له له ما هقيتها من فاهمه ..شرواك.. عيب عليك هالحكي... ورعان عمك إخوانك.. نجلاء: تصبحين على خير هيا: وأنتي من أهله.. أنتي تدلين مدرستك يوديك مفلح!!؟ نجلاء: لا.. من بيتكم ما أدله... أكلم عذبة ترسل لي السواق.. هيا: ول!! ليه السواق ... تروحين من فجر الله مع سواق!! نجلاء: وش يفرق إذا أنا أبركب مع مفلح ولا مع سواق!! هيا: إيه يا الحضريه المايعة.. الحضر ما يعلمونك الذرابه!! نجلاء: لاحوووووووووووووووول عمه أبي أنام... وبكرا يصير خير... هيا: ياعووووووك قال خذ خير قال ما تاخذه مخباتي!! "في غرفة عذبة" عذبة تتحدث بالجوال... أيوا تركي... كلامك مظبوط .. لالا.. أنا أبكلمه.. بلاش نتصادم معه.. إيه.. لا.. ماعليك .. أعرف أطلعهن منه..لالا.. لاتشيل هم.. طيب وإذا عفسته بيعطيك الصور وبينشر النسخ اللي عنده... سهله يسوي له سكان..يووه تركي طول بالك.. خلن أحل المشكله بطريقتي إذا ما نفعت مالي غناة عنكم...أنتم أهلي وعزوتي.. أبد ولا يهمك وعد.. أول من أكلم أنت..طيب... مع السلامه... _أسندت عذبة رأسها على ظهر الأريكة فتسللت دمعه من بين أهدابها الكثيفة_ همست: أفا يا ليلى... هانت عليتس نفستس للدرجة ذي!! كن علي قاصر مشاكل جايبتن لي العار على ظهري!! آآآآآآآآآآآآآآآآآآآآآآآآآآآآآآآآآآآآآه يايبه لو كنت معي... كان ما ضاقت بي... إيه سبحان اللي يعلم وين أنت يا أبيي..فوق الأرض ولا تحته... _رن جوال ليلى فظهر إسم غادة, نظرت عذبة له بإشمئزاز قائلة:_ غااااااااادة... أي غادة.. إلا ذيب متقنع!! _رفعت الجوال وردت_: نعم... ألو ليش ماترد... مؤيد خلاص اللعبة إنتهت وبنتنا وكفشناه... حرام عليك كفاية لعب بأعراض الناس بكرا يجي من يلعب بعرضك وأنت غافل... مؤيد: عذبة!! عذبة: لا والله .. بعد تعرفن؟!! مؤيد: وين ليلى ... لاتصيرون ضريتوها؟ عذبة: جهنم تاخذك أنت وياه!! أنت وش تبي بليلى.. وش تبي بنا .. حنا ناقصين مشاكل وبلاوي.. ياخي خلاص.. خل عندك دم وإنسحب بسلام لا يدرون عيال عمي يدفنونك حي!! مؤيد: أنا مو خايف منهم.. أنا ماراح أنسحب إلا وليلى معي.. إحنا وعدنا بعض إننا ماحنفترق أنا أبي ليلى زوجه وأنا قصدي شريف!! عذبة: لا والله!! واللي قصده شريف يقابل بنات الناس ويكلمهم بدون علم أهلهم.. لو كنت رجل كان أثبت هالكلام وجيت تخطب.. مؤيد: قلت لليلى كم مرة أبتقدم وهي تقول لي مو اليوم عندنا مشاكل.. بعدين .. أختي تفركش زواجها متقدم لي واحد عاجب أهلي أخاف يردونك عشانه.. وكل يوم مطلعة عذر شكل ولون.. ومع كذا أنا مستعد أثبت لك الحين إني أبي ليلى على سنه الله ورسوله.. عذبة: إسمع يا .... من الآخر... ليلى إذا بتتزوجك بتخسر كل شي... يعني يتاخذ وحده بشنطته جهازها لا عقارات والشركة والمعارض ماراح يصير لها منهن شي... بتتنازل عن كل شيء... العقارات بينكتبون بأسمي والباقي أصلاً باسمي... فخلنا واضحين... أعطيك اللي تبيه بس إطلع من حياتنا... هذا الحل السلمي ولا.. أكلم عيال عمي وأنت تعرفهم زين.. وتعرف علاقاتهم وهم مستعدين يجيبون راسك لو لزم الأمر.... مؤيد: تهددين؟!! عذبة: أنا أعطيك صورة واضحة عن الوضع ... وأعطيك خيارين لا ثالث لهم.. يارجال تجيب الصور وتطلع من الموضوع والموضع يسكت عليه.. يا أنا مرة أكلم عيال عمي ويتفاهمون معك.. وأظنك تعرف القصمان بحكم عملك معهم وتعرف إن ما عندعم تفاهم بهالأمور ... والفزعة عندهم على أشده.. مؤيد: طيب... أنا مستعد أعطيك كل الصور والرسايل... كلها وأقسم بالله ما أخلي شي منها... لكن أبي بالمقابل.. عذبة: كم تبي... مليون ..مليونين.. حتى خمسة أنا مستعده أدفع... مؤيد:ههههههههههه مشكلتكم يا أصحاب الملايين تظنون كل شي ينشرا بالفلوس... مابي ريال واحد... عذبة: أجل وش تبي؟ مؤيد: أبي أتزوج ليلى...بس وتنازلي عن الصور والرسايل مولأنهم يهونوا علي لكن لأثبت لك إني قصدي شريف.. عذبة: ومتى تجيبهن؟ مؤيد: كلها ساعة بالكثير ويكونوا عندك... عذبة: طيب... بس لمن تخطب ليلى ... لاتجيب طاري لأولاد عمي عن العلاقة هذي.. مؤيد: أيوه.. أفا عليك أنا أعرف بالأصول... سلام.. لكن لا تأذي حبيبتي.. _أغلقت الخط وهي تصر أسنانها_: حبحب جلدك من الطاعون... زين... نشوف آخرته معك... ******** "في السيارة" عذبة: أبو ياسين .. بيت أمي عذبة.. بسرعة .. بسرعة.. _وتخالط صوتها عبرة_ أبو ياسين: طيب مدام...بيت ماما عزبة.. مدام ... فيه مشكله.. أنتي زعلانه ليش..مين زعلك ؟ عذبة: ....................... أبو ياسين: مدام .. مين زعلك.. أنتي سواء بنتي... أنا هنا ثلاثين سنه.. أنا صديق بابا ناصر.. أنا سواء بابا... قول أنا أساعدك .. بابا أبو عبدالعزيز زعلك!! عذبة: لا...مافيه شي أبو ياسين مافيه شي... حسبي الله عليتس يا ليلوه .. حتى الأجانب رحمون وأنتي تزيدين بلاي.. أبو ياسين: مدام...مدام... هذا بيت ماما عزبة.. أنتي تبغى أستنى هنا؟ _تدخل عذبة وهي تصرخ وتنادي_ ليلووووووووووووووووووووووووه... ليلى تريله تمسحتس عن وجيهنا يالكلبة وينتس؟!! _ وتمسك بشعر ليلى وهي تصرخ_: يالكلبة وصلت بتس المواصيل تعطين خنزيرتس صورة أمي!! كلبه ... أنا أبذبحتس بيدي ذي.. أنا اللي وثقت بوحده سافلة مثلتس.. وأنا اللي أبأدبتس.. ليش .. ليش... ليتي خليتهم يضربونتس لين تموتين وأفتك منتس.. مثلتس الموت أحسن له ولنا.. حيوانه..كلبه.. الله ياخذتس.. الله ياخذتس ليلى: أي... وخري.. وخري عني_ودفعت عذبة فسقطت على الأرض_ هذي أمي بعد مو بس أمك.. وبعدين هو بيتزوجني.. وأمي بتحل له... _تأتي مها تركض_: أص!! الله لا يفضحنا.. آخر الليل...ناصر نيم حرام عليكن تقومه وتهبلنه.. عذبة: شوفي الكلبة.. شوفي معطيته صورة أمي مع صوره.. مها: ليش يا ليلى؟!! هذي حرمة أمتس... حتى وأمتس ميته تتعدين على حرمته.. إخس عليتس ... إخس عليتس... ليلى:....................... عذبة_تصر أسنانها_: إسمعي يا ليلوه... زواج من هالكلب مافي... فاااااااااااااااهمه... وأول خطيب بتآخذينه... رضيتي ولا إنرضيتي..حتى لو كان أصيع واحد... والحمدلله إن خالد ما تبلش بتس... لأنه إنسان شريف.. حسافة على وحده مثلتس.. قال ما تبي قصيمي قال!!وأثاري المرة تلعب بذيله وحنا غافلين.. والله يا ليلوه... لأخلي يومتس أسود مثل ما سودتي وجهي ... لأول مرة بحياتي أطلع مثل هالوقت ومع السواق لحالي... حديتين على شي ما أطيقه... حسافة التربية.. وحسافة التعب... خسارة عليتس إنتس شايلة إسمي.. ليت نجلاء اللي شايلته أرفع به راسي.. خساااااااااااااااااااااااارة تضحيتي بعمري عشانتس... مها:ليلى... عاجبتس اللي سويتيه؟!! أختس اللي وقفت للدنيا كله عشان تحميكن وتدافع عنكن وآخرته تسوين به كذا!! ليلى_تضيع يديها على خصرها_: تحمينا!! لا ياعمري.. حتى أنتي مخدوعه فيها!! هذي شوكة طين... كذبت على الناس كلهم وصدقوا.. وأولهم حنا... لكن أنا صاحيه لها... وكل هذا وتقول ضحيت عشانكم.. إلا ضحت عشان تكوش على كل شي.. لكن حياتي ما راح أسلم لها فيها.. زي غيري!! عذبة: أنا!!!! ليلى: إيه أنتي... أنتي اللي أصريتي تتزوجين مشاري عشان ما يصير لأهلي عليك سلطة.. وبعد ما مات سعود جت لك الفرصة الذهبية وتخليتي عن مشاري اللي ماله لزمه الحين.. وطلبتي منه الطلاق وتظاهرتي قدامنا إنك مسكينه... مظلومة عشان جدي يعطف عليك ويسلم لك كل شي.. وزنيتي على راسه إن عيال عمي حراميه وظلمه... وافقتي تتزوجين فيصل عشان تثبتين لجدي إنك مستسلمه له... ومنكسرة لأوامره... وأول ما مات جدي يووووووووه يالصياح والنياح وبالآخرقمتي مثل البسه بسبعة أرواح ووقفتي على حيلك ...ثمن رميتي فيصل ورا البحر قبل أيام من الملكة عشان يصفى لك الجو... عذبة: أنا!!!!! ليلى: إيه أنتي...وبعدها بفترة قصيرة عزلتي أبو عبدالعزيز وعينتي مجيد الضعيف عشان تمشين اللي تبين وأذكرك إن ما دبستي فيه بلوى وعزلتيه...وبعدين خلاص مالأحد عليك كلمة بعد ما بليتي كل واحد ببلوى!! لكن إسمعيني يا عذبوه زين.. أنا غير مؤيد ماني متزوجه... وماحسلم لك حياتي بالساهل عشان تلعبين فيها وتزوجيني زواج مصلحة.. أنا ماهمني الفلوس ولا شي... لكن حبي وحياتي... لا أبوقف بوجه الكل... ولو كان الشيطان اللي لابس صورة ملاك اللي هو أنتي يا عذبوة... مها: ليلى.... أنتي شقاعدة تخربطين؟ ليلى: خليها تدافع عن نفسها... مو يوم كشفت حقيقتها تبلعمت وسكتت... عذبة_وهي تدافع عبراتها_: كل هذا يطلع منتس... لكن أنا عطيت أمي وعد... ومابي أخونه عشان وحده مثلتس... عشان كذا أنا أنا مابي أرد عليتس لأن ردي بيخسرتس كثير... _تخرج عذبة وهي تجر خطواتها_ مها: عذبة... وين تروحين هالحزة نامي هنا!! ليلوه .. أنتي حقيرة... أحقر منتس ما شفت.. هذا جزا المعروف!! فعلاً إذا أكرمت الكريم ملكته وإن أكرمت اللئيم تمردا!! _ركبت عذبة السيارة ووضعت رأسها على ظهر مرتبه السائق , تحركت السيارة ولكنها سقطت فور تحرك السيارة_ أبو ياسين: مداااااااااااااااااااااااااااااااااااام !! _ونقلها للمستشفى وعند باب المستشفى _ تركي خرج للتو من مناوبته , يجر خطاة متجهاً نحو المواقف ,وإذ بسيارة عذبة تتوقف عن باب المستشفى وينزل أبو ياسين ويحمل عذبة من السيارة , يركض تركي نحو السيارة ويساعد أبو ياسين وهو يصرخ_ تركي: أبو ياسين.. وش به؟ أبو ياسين: ما أدري.. هيا كانت زعلانه.. بعدين جت من بيت ماما عزبة وأول ما نحرك سيارة هيا طاحت بين مراتب!! تركي: حسبي الله عليك يا ليلوه!! خلني أساعدك... ********* "في بيت الخال" أم إبراهيم: إيمان ترى فاتن إتصلت تبارك الخطبة..بس قلت له إنتس نيمه.. إيمان: الله يبارك بعمره... إلا غريبة عذبة وخواته ما إتصلوا ولا شي.. عبير: يمكن عندهم ظروف... ولا البنات ما يقصرون.. أحمد: هذا إن كانوا دارين.. أبو إبراهيم (راشد): إلا أنا كلمت عذبة وقلت له ... وبعدين المعرس منهم... صديق ولدهم تركي.. عبير: يبه... ليش هو المطوع الوحيد بأهله؟ إيمان: يخرج الحي من الميت.. ويخرج الميت من الحي.. أم إبراهيم: إخس يا إيمان بعد بدينا نحدث يوم صارت السالفة لمحمد!! إيمان: يمه!!! أحمد: أخ لو شفتيه يا إيمان يوم يجي يخطب كاشخ... واللي ضحكن أكثر إنه جايبن معه أبوه.. وتركي.. طالع غلط مطوع ولحيه بينهم.. عبير: ولا ما شفت نفسك!! اللي يسمعك يقول لحيتك تسحب!! أبوإبراهيم: لا.. ولدي إن شاء الله بيطلع شيخ وبيأم المصلين بالحرم مب صح!! أحمد: إيه... عشان كذا أنا أبي أحول شريعة... عبير: أقول عاد!! بتترك كلية الملك فهد للبترول وتروح للإمام بالرياض !! إيمان: ليه وش فيها الإمام.. لو ما كان سعود فيه كان درست هناك عند عمتي.. الله يرحمهم... والله يا أخوي دور الخير وين وإلحقه.. أبو إبراهيم: والله يا أحمد سو اللي أنت تشوفه صح.. لكن مب لازم الشيخ يدرس شريعة... هذا محمد تخصصه صيدله ومع ذلك ما يفوته درس للمشايخة الكبار ودارس على إيدينهم... الدين مب حكر على الشريعة ولا الأصول.. الدين كل الحياة.. إيمان: يبه... ما ودك يحضر إبراهيم ملكتي... أبو إبراهيم: لا ما أبيه.... ولا أبي أسمع طاريه.. عبير: يبه هذا أخونا.. أبو إبراهيم: مب ولدي... إذا تبينه يحضر ملكتس أنا منب حاضره.. أم إبراهيم: يهديك الله... أبو إبراهيم: ولا كلمة... الكلام منتهي.. والملكة بعد شهر... لا توجعون راسي من الحين.. *********** " في المستشفى" تفيق عذبة وتنظر لما حولها... تركي يسند رأسه على طاولة الطعام ويغط في نوم عميق, تفقدت المفرش : أخ .. أنا وش جابن بذا ووش جاب تركي عندي... يووووووه... ثم تبسمت: يا حليلك .. مغطين .. لا .. فيك الخير.. الله يستر علينا دنيا وآخره... أخ .. أنا وش جابن بذا ووش جاب تركي عندي... يووووووه... _يفيق تركي ويلتفت لعذبة فترفع عذبة المفرش على وجهها_ تركي: قمتي... !! الحمدلله على السلامة.. أخ يا رقبتي... عذبة: أنا وش جابن هنا.. أنت وش جابك؟ تركي: الحين ليش تطلعين هالوقت مع أبو ياسين لحالتس!! وبهالحزة.. بايعتن نفستس أنتي..؟ عذبة: الله لا يحدك يا تركي.. أنا كنت مقهورة ما فكرت!! طيب ليش جيت هنا؟ تركي: إرهاق وقلة نوم وسوء تغذيه وهبوط بالضغط... طحتي على أبو ياسين بالسيارة وجابك هنا.. على طلعتي خلصت من الدوام.. عذبة: أنت توظفت؟ تركي: لا..تدريب.. بس لو تشوفين أبو ياسين.. والله إنه رجل.. أبشيلتس عنه.. دفن ولاي صابخ السيارة ويقول خلي هذا بنتي أنا.. أنت شباب ما يصلح شيل حرمة صغيرة.. كل هالكبر وصغيرة مير شافتس ماهنا زود طول!! عذبة: تركي!! لا تطول لسانك ... أنتم تقارونن بليلى العملاقة.. الكلبه.. حقيرة.. تركي: ليش هي وش سوت؟ عذبة: أبي أطلع.. أبروح للبيت.. تركي: لا.. لازم تحاليل وفحوصات... عذبة: مب لازم مابي إلا العافيه... أبطلع... بعدين أنت من متى هنا؟ تركي: من يوم جيتي... إيه صح ما صليت الفجر!! عذبة: أعوذ بالله الشمس طالعة.. الساع ست!! تركي: أقول عاد أنتي اللي مصليه!! عذبة: هاه.. قم صل.. وأنا أبصلي .. تركي: إيه.. طيب.. بس أبرجع.. ********** "في بيت فاتن" فاتن: ياربيه.. أبو مشاري شف لي صرفة ... أنا بينفجر راسي!! أبو مشاري: يووووووووه!! أنتي تكثرين عشاء وتخربطين من هالكوابيس وتجين تبجبجين على راسي!! وش أسوي دقي عليها والحمدلله!! فاتن: دقيت على جوال عذبة ماترد.. على ليلى وماترد.. جوال نجلاء بعد ماترد.. والبيت تقول الشغالة إنها مانزلت للحين من غرفته وعيت تروح تناديه... راشد: يمه!! أكيد هم الحين بدواماتهم... ليش الحين تبين تكلمينهم!! تريي وقت الظهر.. الناس راده من دواماتها.. مشاري: ليش يمه.. أهم وش فيهم؟ فاتن: قمت من النوم ناغصني قلبي عليهن... يووووووووووه أنا مو مرتاحة لمى أتأكد!! راشد: يمه.. قولي خير يقوله الله... يعني كل ماحسيتي بشي يصدق!! مشاري: أبد يمه ماهنا إلا الخير... تبين أكلم عبدالمجيد؟ راشد: لا.. لاتخرعهم!! أنت ما تعرف رجفة أمي!! فاتن: إيه لو بتحس بالجمر اللي بقلبي ما وسعت صدرك!! أبو مشاري: أص.. الواحد ما يتريق على رواق!! فاتن: مو لو حنا ساكنين بالرياض كان كبعت عباتي وركضت لهن وتطمن عليهن.. وه يالغربة يا شينها!! غريبة الدار وغريبة أهل... أنت لمتى بنتم هنا!! أبو مشاري: الحمدلله.. آكلين شاربين مستورين وش تبين أكثر؟ فاتن: أبي لامن فتحت عيوني شميت ريحة ديرتي!! أبي لامن طلعت للمدرسة شفت العلم الأخضر يرفرف فوقها!! راشد: يمه عاد... والله هنا راحة ولنا ربع!! مشاري: مهما جمعت من ربع بتم غريب الدار... ومالك غير ديرتك لو عشت هنا طول عمرك!! راشد: عيل ليش أنت توظفت هني!! روح للسعودية.. مشاري: أروح وأترك أمي وأبوي.. إذا رد أبوي للسعودية رديت وياه!! أبو مشاري: ديرتك اللي ترزق به.. مو اللي تولد فيها.. فاتن: وه.. أروح أصحي شمس أصرف لي.. _وتلقد صوته بسخرية_ ديرتك اللي ترزق به.. مو اللي تولد فيها..!! راشد: يبه... وش عنده سعد هاليومين كاثرة جياته؟ أبو مشاري: أبد بس يقول عنده شغل ويبيني أتولاه... مشاري: يبه.. من متى سعد يتنزل لك!! رافع خشمه ومناخيره بالسماء.. وطول عمره حاقرنا ومب شايفنا شي!! راشد: والقهر إنه آخذ منيرة .. أبو مشاري: لا.. أنتم تتوهمون.. الريال مايعيبه شي!!ريال..ريال.. راشد: يا خوفي منه بس!! ********** "في المستشفى" تركي: بشر يا دكتور؟ الطبيب: والله... للأسف يبدوا إن توقعاتي صحيحة.. لكن إهي لازم تتحول الحين للتخصصي... تركي: يعني إيش؟ الطبيب: فيها ورم ... أغلب الظن إنه خبيث خبيث مرة.. بالبطن.. والغريب إنه لحد الآن ما إنتشر.. مع أن هالنوعيه منه بسرعة تنتشر.. ولازم بأسرع وقت تستأصله ... تركي: فيها ورم سرطاني!! شلون!! الطبيب: ما أعرف كيف لحد الآن ما إنتشر... حالتها غريبة... لكن بنحولها التخصصي.. وبيعيدون التحاليل والفحوصات.. ...تركي.. فيه معجزة إلاهيه منعت من إنتشاره لحد الآن... والورم لازم يستأصل اليوم قبل بكرا.. أرجع أكرر اليوم قبل بكرا.. تركي: ورم..!! سرطان!!... ياربيه.. في هالوقت!! يارب إلطف... يارب إلطف... دكتور تأكد... مايصير!! الطبيب: يعني بقولك شي مانيب متأكد منه!! تركي: يوووووه... والله حرام!! الطبيب: تركي... أنت مؤمن.. مايصير تعترض على قضاء الله وقدره.. وشو اللي حرام!! تركي: ياربيه شلون أبقول لها... كنها ناقصه الحين بعد هالمرض!! الطبيب: تركي!! لا تعترض إحمد ربك... الأمراض تكفير ذنوب... تركي: طيب شلون أبقول لها!! *********** _يدخل تركي على عذبة, وقد تخمرت بعبائتها, فلم تلحظ دموعه_ عذبة: تركي... أبطلع الحين.. لازم أروح عندي إمتحان الساع حدعش.. الدكتورة قشرا وما تتفاهم طلعن واللي يرحم والديك.. تركي:..................... عذبة: أنت تسمع... أنا أبشوف الدكتور.. أبخليه يطلعن.. تركي: عذبة.... عذبة: تركي..!! وش بك تصيح؟ لا يصير أحد من أهلي به شي... تركي ورااااااااك؟!! تركي: لازم تروحين التخصصي نتأكد من التحاليل.. عذبة: ................ تركي: عذبة الحين فيه شكوك.... نروح للتخصصي أحسن الدكتور كتب لك تحويل للتخصصي.. كلمي أحد من البيت يجي يروح معنا... عذبة: تركي... أنا وش بي؟ تركي: مايدرون... بس بيتأكدون.. عذبة: بي سرطان؟ تركي: لا!! عذبة: أجل ليش تصيح وتبين أروح للتخصصي.. تركي.. أمي كانت تشتغل هناك... أنا أعرف إنه مب أي أحد يحول هناك بباسطة.. ما يحولون إلا الحالات الصعبة.. أنا بموت!! أنا بي السرطان.. أبموت مثل جدتي ..صح أبموت!!؟ تركي: لا!! السرطان مرض زيه زي غيره يتعالج وتطيبين منه.. عذبة: يعني بي سرطان؟ تركي: ........................ عذبة_بدأت ترجف شفتاها_: الحمدلله... الحمدلله.. أنا راضية ربي بقدرك.. ربي.. أنت وهبتن العافيه وبيدك تاخذه من... اللهم لا إعتراض على قدرك اللهم لا إعتراض على قدرك... تركي: عذبة... حالتك مو خطيرة مرة.. يعني إذا بادرنا إستئصال الورم خلاص.. بيروح المرض كله.. و الدكتور يقول إنه فيه معجزة إلآهيه كانت تحجم الورم وتمنع إنتشاره.. من زمان والورم بحشاك... لكن ربي حاميك منه.. لا تخافين.. إن شاء الله بتطيبين وبيروح المرض مثل ما دخل... عذبة: تركي... أبطلب منك طلب... أرجوك من كل قلبي تسويه لي!! تركي: أبشري.. عذبة: توعدن.. تركي: إن قدرت.. عذبة: مابي أحد يدري بالمرض.. أيا من كان.. تركي: طيب والعمليه .. ودخولك المستشفى؟ عذبة: أنا لازم أستئصل ورم فضيحة ليلى قبل لا أشيل الورم اللي بداخلي.. تركي: حالتك خطرة!! بينتشر.. وأنتي أعرف إذا إنتشر وش بيصير... عذبة: ربي اللي كفان شره طول الأيام اللي راحت بيكفين شره هاليومين.. تركي: أنا آسف ... ما أقدر.. عذبة: تركي طلبتك... واللي يرحم والديك... الله يخليك هذي حياتي وأنا أتحمل اللي يصير تركي: يعني أنتي مب خايفة من الموت!! عذبة: لا خفت بالبداية... بس ذكرت إن أمي وسعود حتى سوسة الأسنان مب فيهم وماتوا يوم جاء يومهم... المقدر بيصير... وأنا لازم أصلح غلطتي قبل لا أترك هالدنيا!! تركي: عذبة!! عذبة: تركي... أنت وعدتن.. تركي: ............................... عذبة: تركي... هذي حياتي ... مالك ذنب لو مت... أنت سويت اللي عليك.. تركي: اللي تشوفين.. عذبة: بطلع .. مابي أروح للمستشفى أبروح للبيت.. تركي: أنا تحت أمرك.. أبوصلك للي تبين.. لكن أتمنى إنك تلتفتين لنفسك شوي... وكفايه تضحين بعمرك عشان ناس ما تستاهل.. وليلى مب غلطتك... ليلى غلطتي أنا... عقوبتي باللي كنت أسويه ببنات الناس... إنتي يا عذبة تضحين بعمرك عشان غيرك وغيرك يضحي بك عشان غروره.. عذبة: أنا ضحيت عشان أهلي... تركي: لا.. مافيه أحد يستاهل تضحين عشانه.. حتى فيصل اللي سترتي عليه وسكتي تخلى عنك... ما عليه.. هو عمي صحيح لكن الحق حق.. أنتي ضحيتي عشان خواتك .. وعشان جدك ووافقتي تتزوجين فيصل.. وحتى بعد ما خانك ما زلتي تضحين وتسترين عليه... مافي أحد يستاهل حياتك ... مافيه أحد يستاهل.. عذبة: بس.. بس تركي حرام عليك ترا اللي بي كافين!! *********** ....................................... الجزء الثامن والعشرين" "بعد إسبوع" يدخل الخال أبو إبراهيم (راشد) في صالة عذبة... البيت هادئ جداً على غير عادته.. تنزل عذبة من الدرج وهي تبتسم فرحة بمقدم خالها.. عذبة: هلا والله بريحة أمي.. هلا بالغالي أخو الغالية.. الخال: عذيب تعالي تعالي ... _ويضمها بين ذراعيه_ وين البنات.. وين نجلاء ونصور؟!! عذبة: نجلاء راحت لأهله.. وليلى وناصر ببيت أمي عذبة.. الخال: أمتس جت من القصيم!! عذبة: لا... بس هم مع مها هناك.. الخال: ونجلاء وش طاري الزيارة !! الإمتحانات قريب لا تقعد تسعسع.. عذبة: خلاص نجلاء راحت هناك.. ماتبي تقعد هنا.. الخال: ليش!!! عذبة: سالفة طويلة... عشانه أنا أصريت إنك تجي.. عسى ما قلت لأحد إني أنا اللي طلبتك؟ الخال: لا.. مثل ما قلتي لي.. قلت لهم عندي شغل بالرياض.. عذبة.. وراتس يا بعد عمري.. أنتي بتصيحين؟!! _بدأت عذبة تغالب عبراتها, فأمسك بها خالها وضمها لصدره, فتشبثت به وهي تقول:_ تعبت يا خالي تعبت... الخال: بسم الله على قليبتس... تعالي إجلسي وقولي لي وش متعبتس... _إجلسها على الأريكة وجلس على الأرض وأمسك بركبتيها , وأخذ يقرأ القرآن وينفث عليها_ *********** "في حديقة بيت أبناء العم" أبو عبدالعزيز: مهبول!! سعد: طيب وسع صدرك وإسمع وش بيقول!! أبو عبدالعزيز: آخر زمن!! ولدي بيشتغل ميكانيكي!! هذا القاصر... يترك كل شي ويشتغل ميكانيكي!! هالمرة تعال إشتغل معي بالمعارض.. كله سيارات وما تفرق!! سلمان: يبه .. الله يخليك إسمعن.. أبو عبدالعزيز: مانب سامعن شي... إنقلع برا بيتي ... إذا بتشتغل هالشغله... وش أقول للناس لامن سألون وش يشتغل ولدك!! عبدالمجيد: يبه هو بيشتغل ببار!! شغل شريف.. خله يشوف طريقه... أبو عبدالعزيز: أنت إنطم!! عبدالمجيد: سم... سعد: طيب ما يضر لو سمعناه.. قل وش عندك... أنا أبسمع.. أبو عبدالعزيز: مابي أسمع!! سعد: سد أذانك.. قل يا معلم سلمان إيه الشغلانه القديدة!! إن صارت محرزة ندخل تركي معك.. سلمان: أبفتح ورشة .. أنا وشباب معي... وبنقدم خدمات مختلفة يبونه الشباب سعد: طيب وشي الخدمات؟ سلمان: سر المهنه.. أخاف تسرقها وتعطيه ولدك.. سعد: ههههههههههههههه ذيب طالعن على عمك.. طيب عندك راس مال؟ عندك خبرة؟ عندك عمالة مدربة؟ موقع مناسب؟ سلمان: إيه.. أنا إشتغلت الفترة اللي راحت مع فلسطيني تعرفت عليه بالنت وتعلمت منه, وهو عطاني وعد إنه بيساعدن.. والعمالة فيه كثير شباب سعودي مدرب.. تعرفنا على بعض بالمنتدى وقررنا إننا نسوي مشروع جماعي.. والموقع جاهز بس ينقصنا راس المال.. عبدالمجيد: طيب تقاطوا!! كل واحد يدفع وبالآخر حصلوا الأرباح جميع.. حلوة حركة النسبة.. بتفيد وتستفيد.. سلمان: كلهم مطفرين... مابه إلا أنا وولد أبو عقيل اللي عندنا أهل عندهم.. ولا الباقين منتفين... ويبون شغله تغنيهم عن السؤال... أبو عبدالعزيز: لا يالفالح... أهلك مب دافعين لك.. وأبو عقيل إذا هو مهبول وبيدفع أنا منب زيه.. سعد: أنا أدفع لك.. سلمان: الله يجزاك خير!! سعد: لا بس بآخذ نسبة على الأرباح مستمرة.. سلمان: لا... خل فلوسك بجيبك!! عبدالمجيد: ذيابه ... كل واحد ينكل الثاني!! سلمان: طيب أنت يا مجيد.. سلفن.. عبدالمجيد: هاه.. والله أنا ما أأيد الأعمال هذي.. سلمان: هاااااااااااااااااه!! عبدالمجيد: طيب تعال أبيك بكلمة راس من داخل.. _يذهب عبدالمجيد ويلحق به سلمان_ سعد: وأنت بتضيع عيالك من كثر ما تطاردهم!! ياخي خلهم هم يختارون يعيشون حياتهم بالطريقة اللي تعجبهم.. أبو عبدالعزيز: عسى تبين أضيعهم مثل ما أنت مهيت ولدك!! سعد: ولدي متفوق.. وكله سنه سنتين بالكثير وبيتعين طبيب وبتروح تعالج عنده.. أبو عبدالعزيز: سعيدان.. تربيه الأجانب ما تمشي عندي... عيالي إن ما صرت على روسهم ما طلعوا رجال!! سعد: أنت ما تعرف التربية ولا درست أصوله.. أنت تربي على طريقة أبوي الله يرحمه.. شف النتيجة ولا واحد منا طلع على اللي يبي... أبو عبدالعزيز: أنت الحين تعايرن بأني ما كملت دراستي... أشوف دراسة الجامعة برا وش فادتك.. أبوي مرسلك تدرس طب.. وجيت بشهاده أدب!! وبالآخر ما نفعت مير ... صرت أقل من ياللي ما كملت المتوسطه.. أنا أربي عيالي على طريقة أبوتنا أخير منك ياللي تربي عيالك على طريقة الكفار!! أنا عيالي لامن دخلوا المجلس فزوا لهم الرجال.. مب مثل ولدك اللي ما يعرف يصب القهوة باليمين ولا باليسار.. سعد: أقول ترا ولدك اليوم يشاورك.. بكرا بيطلع عن شورك... وولدي ما عليه قاصر ... طيش شباب وبيرجع... شفه بار بي وبأمه.. الحمدلله.. أبو عبدالعزيز: خلاص.. كلن ينام على الجنب اللي يريحه بس لا تتدخل بي أنا وعيالي... ********* "في صالة بيت عذبة" الخال: ياربيه... كل ذا يطلع من ليلى!! عذبة: خالي.. أنا مستحيل أوافق إنه تتزوجه.. الخال: طيب مادمه رجع الصور وتقدم مثل الرجال, وسألوا عنه ولقوه يصلي وماشي بطريقه , يعني ما عليه ما يعيب إلا هالحركة... والبنت تبيه... أشوف إن مالتس حق تعيين تاخذه.. عذبة: خالي .. أصلاً هو طمعان بفلوسه.. وهي طايحه من عينه.. كذاب ما كلمه وهو يبيه أصلاً.. أنت ترضى تتزوج وحده خانت أهله عشانك!! الخال: طيب هو راضي... عذبة.. هي كبيرة وعاقلة.. وهي تتحمل قراره... ولو فرضنا إنتس رفضتي هالزواج.. إفرضي إنه بيمشي ويتكلم عن علاقته بأختس.. وهي لمن تتزوج يمكن يوصل لزوجه خبر هالعلاقه... وبتصير فضيحه.. عذبة: بس هالزواج فاااااااااااااااشل!! الخال: إسمعين يا عذبة... إن أنتي رفضتي الزواج عشان هالسالفة أنتي جنيتي على أختس, هي كبيرة وهي تتحمل نتيجه قراره ولو صار له شي أنتي ذمتس بريه.. ولأنتس سألتي عن الرجال قبل ومدحوه, وأظهر الرجال صدق نيته.. عذبة: بس أبو عبدالعزيز رافضه.. يقول إن مستوى عايلته ما يرقى لمستوانا!! الخال: أدري إننا ما نزوج أهل هالمنطقة.. بس هالحالة إستثنائية.. إذا هي وافقت مالأبوعبدالعزيز كلمه... عذبة: خال أنا موافقه إنه تتزوج هالحمار...لكن.. بشرط.. الخال: وشو؟ عذبة: تتنازل عن كل شي.. كل شي.. ولو يحصل لي أخليه تتنازل عن أسمه ماعندي مانع!! الخال: مب حقتس يا عذبة.. عذبة: إلا حقي!! هي اللي طلعت عن شور العايله وهي اللي حدتنا للي ما نبيه.. وهو أصلاً طمعان بفلوسه.... الخال: طيب... إذا أنتي مصرة.. هي بذمتس وأنتي المسؤوله عنه.. عذبة: خال... أنا ما أبيه تجي للبيت... أنا أخاف تهج ولا شي.. خذه عندك.. خله تجهز مع إيمان... ولا تطلع إلا مع إيمان... أنا خلاص ما عدت أثق به أبد..أبد.. وعجل بزواجه... كلم أبو عبدالعزيز... الخال: طيب.. أبشري.. بس أنا أبي نجلاء.. البيت ما يحلى بلاه.. عذبة: وأنا بعد أبيه... الله يخس بليسه على هالروحة... ***"في غرفة عبدالمجيد" سلمان: وعسى جايبن بذا عشان تقول لي ما عندك فلوس!! عبدالمجيد: والله .. ماعندي.. ليش أكذب عليك؟ سلمان: أنا منب مصدقك... الحين تبين أصدق إن عذيب ما تعطيك!! عبدالمجيد: لا تعطين بس أنا ... عطيت فلوسي كله فيصل... سلمان: فيصل!! عبدالمجيد: أص... لا يسمعك أبوي!! سلمان: ليش؟ عبدالمجيد:أبوك وعمك قاطعين عنه المصروف... تقل حلالهم .. نسوا إن أغلب شي هو اللي تعبان عليه.. سلمان: يووووووووووه!! غريبه... أمي نورة درت؟ عبدالمجيد: لالا.. لاتدري تنجلط علينا!! _تدخل نورة بهدوء ثم تصرخ_ ياااااااااااسعدي أخوي ميكانيكي!! سلمان وعبدالمجيد بصوت واحد: بسم الله !!! عبدالمجيد: أنتي جنيه.. أنتي تطيرن على الأرض!! على ثقلتس ما تنسمعين!! سلمان: هذا مفعول الشحم .. يخلي طبقة واقيه عشان ما تطلع صوت.. نورة: أقول مسوي فيها .. قالوا لك حديد أنا!! إسمع.. صدق بتصير ميكانيكي!!؟ سلمان: إيه نورة: هع.. يا سعدي .. أخوي الكبير دكتوراه بالهندسه.. واللي أصغر مدير عام شركة(...) للمقاولات.. واللي أصغر مبرمجه حاسب... واللي أصغر ميكانيكي.. شكلي بصير شغالة وأحمد شحاذ!! كل ما صغر الواحد صغر منصبه... سلمان: هههههههههههههه عبدالمجيد: لا ياعمري منصبي أعلى من منصب عزوز.. نورة: أقول.. ترى عذيب ما تومن .. مهب وظيفة حكومية تحط ببطنك بطيخة صيفي.. يعني ممكن بأي لحظة ترميك بالشارع.. عبدالمجيد: تدرون إنكم جاهلين بعذبة؟ سلمان: إخس يالفاهم به... عبدالمجيد: أنا لمن تعاملت معه عرفت وحده ثاااانيه.. كل هالشده والصرامة تخبي وحده عطوفه ورحومه حتى مع من يخطي بحقه.. سلمان: أقول.. شكلك بديت تحول عقب التكفيخة من البدوية للمطلقة.. والله يا عليك ذوووووووق يخرع!! نورة: لا... البدوية بقلبه... لكن قلبه أسود.. ما يهتم إلا بنفسه... سلمان: أنا!! نورة: لا هو.. عبدالمجيد: ليش؟ نورة: إسأل روحك!! سلمان ترا معي بالبنك ثمانيه آلاف... وبتزيد بعد شهر بتصير إثناعش.. إذا تبيهن أسلفك.. سلمان: ما تقصرين.. بس أنا ما آخذ من حريم.. ************ "في بيت الجدة " ليلى: طيب ولمتى هالمعتقل!! مها: إحمدي ربتس إن فهد مسافر.. ولا كان رحلتي للقصيم مع أمي.. ليلى: قالوا لكم شغالة أنا!! مها: إسألي نفستس... أنتي اللي جبتيه لنفستس.. ليلى: وفستان الملكة!! والجهاز .. تراي زهقت!! مها: فستان الملكه أروح أنا وياتس نجيبه.. رجلي على رجلتس.. وماتنزلين من السيارة بعد.. والجهاز بيجي بندر ياخذتس تروحين للشرقيه وتجهزين مع إيمان.. ليلى: حسبتكم تمزحون!! وعسى تبوني أجهز من الشرقيه!! مها: أنتي اللي حطيتي نفستس بهالموقف.. ليلى: طيب الشرقيه ممو مثل الرياض!! الحين عذبوه هالأنانيه جهازها من فرنسا ولندن وسويسرا وأنا مستكثره علي الرياض!! لا.. منب رايحه للشرقيه.. مها: أجل إجلسي هنا.. بتجي أمي من القصيم.. وإقعدي عنده .. وجهزي مع نورة ونجود يجون ياخذونك من هنا ويرجعونك لهنا.. وإذا سألوا ليش.. نقول لهم البنت خربانه.. وتواعد رجال!! عشان كذا حنا صاكين عليه.. ودقي يا مزيكا.. واللي ما يعرف خليه يعرف.. ليلى: مها!! أنتم جادين!! يوووووووووووه لهدرجه اللي سويته خطير!! والله لو أنا بايعه نفسي!! مها: وأنتي بعتي نفستس برخص التراب.. ليلى: أقول مها.. أبجلس هنا.. وأجهز معتس.. مها: منب فاضيه.. أنا وراي بيت ورجل وولد وشاب.. ليلى: الحين عيال الناس أهم عليك مني!! مها: إيه.. ليلى: طيب..طيب إيمان مطوعة!! لاجيت أشري شي حلو تقول لي حراااااااااااااااام!! مها: أقول عاد!! لبس إيمان باتفاق الكل أحلاكم ... ذووووووووووق... ودايم أمتس الله يرحمه تاخذ رايه باللبس بس عشانه ساتر ما يعجبتس!! ليلى: أوووووووووووف!! ********* "في بيت عم نجلاء" تجلس نجلاء في غرفة بنات عمها, وتقرأ مجلة رياضية, وتلعب ريوف إبنه عمها الصغيرة بشعرها.. نجلاء: ريوف حلو شعري؟ ريوف: حلو مررررة مثل شعر أبلا عبير.. نجلاء: تحبين أبلا عبير؟ ريوف: لا.. تطقني عشاني ما أكتب زين... نجلاء: تطقتس!! وليش ما تكتبين زين؟ ريوف: ما أعرف... نجلاء: جيبي خلين أعلمتس... ريوف: تعرفين زين!!؟ نجلاء: إيه أعرف زين.. جيبي .. _دخلت هيا ورأت نجلاء تعلم ريوف الكتابة_ نجلاء: أها على السطر... إمشي على السطر.. لا ترصين على القلم بعدين إذا جيتي تمسحينه يوصخ الدفتر.. ريوف: إكتبي عني!! نجلاء: لا هيا: ليش ما تكتبين عنها وتخلينها تنام بدري!! نجلاء: ما يصير.. إهي شلون أجل تتعلم!! هيا: وشو له.. إسبوعين وهم معطلين أقول.. أنتي تعرفين إنقليزي زين!! نجلاء: إيه.. هيا: درسي محمد.. ما يفلح بالانقليزي!! أخاف يسقط ويطقه أبوه.. نجلاء: محمد!! بس محمد كبير... ثالث متوسط!! هيا: بلا دلع .. وشو كبير.. أنا قلت لك رضعيه!! نجلاء: شنباته خاطه.. ما أقدر.. بعدين لمن أدرسه لازم ألصق فيه.. لالا صعبه هيا: الحين أنتي ما تنفعين بشي!! تدريس ومنتي مدرستهم... أجل خوذي عني المطبخ شوي وخليني أنا أدرس عيالي.. نجلاء: خليهم هم يتعلمون... أمي وأبوي عمرهم ما فتحوا لي دفتر ولا كتاب عقب ما طلعت من أولى... أنتي كذا تخربينهم... كل واحد يعتمد على نفسه.. هيا: أعووووووووووك ما يدرسونك عشانهم ما يبونك يا بنت البدو تفلحين!! هذولا الحضران يفكرون لبعيد.. يخافون تصيرين أفهم من عوالهم.. ويعايرونهم الناس فيك.. يقولون البدوية أفهم منكم.. نجلاء: لا... أهلي ما يفكرون كذا.. هيا: شوفي العشاء على النار لا يحترق.. إنكبي للعيال وحطي لك .. وخلي بالقدر لي ولمفلح لامن جاء أتعشى أنا وياه.. نجلاء: ما أعرف... هيا: ليش!! نجلاء: عمري ما دخلت المطبخ أشتغل.. هيا: إيه ربايه حضر... علموك الفسالة... الحين لامن عرستي من بيطبخ لك!! نجلاء: الطباخة.. هيا: طباخة!! يالعوبا عيالنا مب حاطين لك طباخة.. نجلاء: عيالتس!! وع.. هيا: إيه.. نسمع بعدين من اللي بيقول وع.. عمى إن شاء الله.. *********** " في غرفة عذبة" عذبة تتمدد على السرير وتمسك بمذكرة , تحاول أن تذاكر , تقلب أوراق المذكرة, وتتلقب على السرير, رمت بالمذكرة بالجدار ثم حاولت أن تنهض.. همست: يوووووووه... مابي حيل!! تعبااااااااااااااااااااااااااانه... ياربيه... أخذت جوالها ثم فتحت صندوق الوارد.. وجدت رسالة من نجلاء , أعادت قرائتها.. " عذوبتي.. إشتقت لك.. ودي أجي أزورك.. وما أقدر أجي لملكة ليلى... أعمامي بيجتمعون عشاني نهاية هالأسبوع.. آسفة ما رديت عليك أمس.. كنت مشغولة بدروسي..عارفة الإمتحانات بعد إسبوع... عذبة .. أول ما أعطل.. أبجي وأبنام معك بغرفتك.. إشتقت لك.. وآسفه مرة ثانية إني تركتك.. عذبة والله أحبك.. أمووووووووووه يا قمر.." جرت عذبة ساقيها بصعوبة نحو الأرض, إستجمعت قواها ونهضت, فتحت درجها وأخرجت رقم كاميليا... إتصلت ولكن لا مجيب, رمت بالسماعه وهي تبكي.. رن هاتفها الجوال "خالتي فاتن يتصل بك" عذبة: ألو... فاتن: هلاوي بعذيبه!! عذبة: هلا بالغالية.. فاتن: عذبة.. تعبانه!! عذبة: لا بس إرهاق.. تعرفين إمتحانتي تبدأ الأحد هذا.. فاتن: إيه صح أنتم جامعات.. بس لا تكلفين على عمرك.. أنتي شاطرة وفهيمه.. لا تسهرين ترا السهر يضيع المعلومة.. إسألين أنا ورويشد شيل وحط.. عذبة: خاله... بتجون لملكه ليلى؟ فاتن: إيه هو!! بنجي وبنرقص بعد.. عذبة.. عادي لو تجي هيفاء؟ عذبة_عضت على شفتها وشدت على شعرها_: مين.. هيفاء.. إيه.. عادي.. فاتن: بصراحة يا عذبة.. أنا أعزك وما أبي شي ينكد عليك .. وأنا للحين متحسفه إني عزمتك لزواج مشاري.. عذبة: خاله مافيها شي.. مشاري ومرحله إنتهت من حياتي.. خلاص.. فاتن: نسيتيه هالسرع!! عذبة: هو اللي نسان قبل لا أنساه!! _وضعت عذبة يدها على فمها محاولة أن تمسك الكلام اللذي فلت من لسانها_ فاتن: ............. عذبة: خالتي.. لا تكلمينن بمشاري مرة ثانيه.. أنا خلاص.. ماعدت له وهو على ذمته مرة غيري.. إذا تحبينن لا تجيبين طاريه.. وهيفاء ما بيني وبينه أي شي يخلين ما أبيه تجي لملكة أختي.. تبين شي.. أنا تعبانه وأبنام.. فاتن: عذبة.. شفيك يا عمري مانتي طبيعيه... عذبة: خالتي نفسيتي تعبانه من الإمتحانات.. سامحين كاني تلفظت عليك.. فاتن: لا ياعمري.. أنتي بنتي..و الأم ماتزعل من ضناه.. أنا أمك الحين يا عذبة... من مضايقك.. مشاري!! منى!! مين؟ عذبة: خالتي... مابي شي.. ومحد ضايقن.. فاتن: زين.. بس.. أنتي متأكده تبين هيفاء تجي.. عذبة: لا فاتن: زين يالله مع السلامة.. عذبة: خالتي.. مو قصدي... بس.. فاتن: حقك يا عمري.. أنا أعرف الناس بمشاعرك .. وأعرف الناس إنك ما تخليتي عن مشاري برغبتك.. الله يوفقك ويرزقك اللي يعوضك عن مشاري.. _رمت عذبة بجواله على مذكرتها قبل أن تنهي المكالمة وصرخت_: أنا مو محتاجه رحمه من أحد!! أنا مابي مشاري.. ما أبي مشاري.. أنا أبي أعيش بدون مشاكل بدون هم.. أبي أروح لمكان ما فيه أحد يعرفن .. لا مشاري ولا فيصل ولا ليلى ولا نجود... ولا أحد ما أبي أحد... أبي أعيش لحالي بلا هم!! ********** ............................................ |
"الجزء التاسع والعشرين" "في غرفة نورة" تطبق نورة جهازها المحمول بعصبية, يدخل في هذه الأثناء عبدالمجيد ويجلس على كرسي بجانب الهاتف ويسأل نورة: غريبة نوير.. من زمان ما رحتي لبيت عمي!! نورة: وش تبي جاي؟ عبدالمجيد: جاي أبكلم فيصل... نورة: مافيه بغرفتك تيلفون؟ عبدالمجيد: ههههههههه إلا بس اللي بغرفتي أنا أدفع فاتورته...وأنتي هنا تبع فواتير أبوي.. نورة: كلم وإنقلع.. عبدالمجيد: أنتي وش بتس متغيرة علي؟!! وبعدين ليش قاطعه مع عمي فيصل.. زعلان يقول نورة ما تتصل ولا تسلم!! نورة: أنت وياه طحتوا من عيني.. بس هو أهون منك... هو غلط وأنت أجرمت.. عبدالمجيد: أوف!! أوف!! أوف!! أجرمت.. أنتي طايحتن بدقه هاليومين.. بس دق بالكلام وش سويت لتس أنا!! ولا هذي الفضاوة.. مسكينه نجلاء اللي متحملتس كل هالسنين.. نورة: مسكينه نجلاء!! إي والله مسكينه نجلاء اللي حبه واحد مثلك أناني.. عبدالمجيد: أنا وش سويت له!!؟ نورة: أبد ما سويت شي.. ما خليت أبوي يطرد هالمسكينه ويرجعه لأهله .. عبدالمجيد: أنا مالي دخل.. أبوي ما طرده.. وإذا أبوي طرده.. فهو.. فهو أصلاً ما يبيه.. مب ذنبي!! نورة: علي يا مجيد!! لا.. إذا كنت تظن إنك قادر تخدع الناس كله.. ماتقدر تخدعن!! أنا فاهمتك أكثر من ما أنت فاهم نفسك!! أنت اللي خليت أبوي يطرد نجلاء... عبدالمجيد: وليه!! أنا.. أنا مالي مصلحه من السالفه.. أصلاً أنتي عارفتن إني أحب نجلاء.. ومو من مصلحتي روحته هناك!! أنا.. نورة: أنت أناني.. أنت جيت قدام أهلي وأنت مضروب وما قلت لهم إن نجلاء ضربتك لأنك عييت توخر عن ليلى!! أنت حطيته مجرمه.. وتجلد ليلى... صح!! عبدالمجيد: أجل تبينن أقول إني طقيت ليلى!! وعذبة آخذه علي عهد ما أقول لأحد!! نورة: كان دخلت من الدرج الجانبي... من باب المطبخ.. ما دخلت البيت أصلاً.. ولا قلت مطاق أنت وأحد من ربعك!! عبدالمجيد: تبينن أكذب ليش!! نورة: ياسلام! وأنت الحين ما كذبت!! أنت قلت إن نجلاء تطق ليلى!! أنت تبي أبوي يرجعه لأهله عشان تخطبه من أهله ... وبعد كذا أبوي مضطر إنه بيوافق لأنه لو رفض بيقلون رفضوا البنت لأنهم ما ربوه زين!! صح!! أنت تبي تحط أبوي قدام الأمر الواقع.. ولو كانت عند عذبة أكيد إنه ماراح تزوج أخته واحد أهله رافضينه!! مجيد.. أنا فاهمتك... حرااااااااااام عليك تظلم نجلاء وتظلم عذبة اللي الحين أحوج ما تكون لأخته بهالظروف.. عذبة لو ما ترجع له نجلاء بأسرع وقت بتنهبل... الوحده والمشاكل تنهش بحياته.. أنت لو تشوف وجهه شلون.. لكن أنت أناني.. ما تهتم إلا بنفسك... وبفيصل اللي تعتبره جزء منك.. وبس... للأسف إنك أناني... عبدالمجيد: أنتي قلتي لنجلاء إني أنا ورا السالفه!! نورة: لا... لأن نجلاء ما عادت مثل الأول... حتى أنا ماله خلقي لأني قلت له أنتي مو منا.. نجلاء مجروحة منا... ومن أبوي بالذات لأنه أحرجه قدام أهله.. ولأنه خلاه تتخلى عن أخته بهالوقت... نجلاء ما تستاهل اللي سويناه به.. عبدالمجيد: حنا ما جدعناه بالشارع!! عند أهله.. أحسن منا.. نورة: لو من يوم هي صغيره عند أهله كان صح.. لكن البنت تربت وعاشت عيشه تختلف عن عيشه أهله والحين جايين نرجعه لأهله!! كأننا طلعنا السمكه من بحره المالح... وحطيناه بتراب ذهب!! بتموت لأنه ما تعودت عليه... كلم وإنقلع عن.. ولا رح كلم بغرفه نجود... ********* "في السيارة" عذبة: أبو ياسين روح بيت أم علي.. أبو ياسين: أم علي!! الحرمه الضعيفه!! عذبة: إيه.. أبو ياسين: طيب مدام...بس.. ما يصلح روح بيت مدام مسكين ما تاخذ حلاوة وأكل.. عذبة: إي والله غابت عن بالي... يا حليله خبرة بهالأمور... زين وقف عند أول بقاله.. أبو ياسين: هذا بابا ناصر أول روح كثير للحارة.. يشري حلاو كثير ورز وفواكه.. ويفتح سيارته ويخلي كله يجي ياخذ... كان مبسوط كثير من البزران إذا يجيو ياخذوا حلاوة مبسوطين.. الله يرحمه.. قلبه كبيـــــــــــــــــــــر.. عذبة_تهمس_: الله يرحمك يالغالي... كلن يذكرك بالخير.. _وصلت عذبة للحارة الفقيرة, لحق الأطفال بالسيارة, ووقف بعض الرجال لتحيه أبو ياسين.. نزل أبو ياسين وفتح مؤخرة السيارة, وأخذ يوزع الحلويات والفواكه على الأطفال, بدى سعيدا وكأنه يعطي أطفاله, أخذت عذبة تتأمل فرحه الأطفال والسعاده الباديه على وجوه الرجال, دخل أحد الأطفال على بيت أم علي ثم خرجت معه وهي تضع ثوب على رأسها وتطل من كمه, طرقت باب السيارة على عذبة وأشارت لها بأن تلحق بها, نزلت عذبة من السيارة وأخذت آني_الخادمة_ تنقل صناديق الحلوى والمسليات لبيت أم علي, فيما توافدت نساء الحارة للسلام على عذبة.. جلست عذبة في فناء المنزل الضيق وجلست على قطعه من السجاد باليه فوق أرضيه مسمته, الفتيات يطللن على عذبة ويهربن والنساء أتين بلا دعوة.. أم علي: ماشاء الله يا عذبة .. كان قولتي لي إنك بتجين أستعد وأسوي البيت والقهوه.. عذبة: معليش خالتي أم علي.. بس أنا تعبت وحسيت إني متضايقه.. وتذكرت يوم تقولين لي إذا إحتجتي شي تعالي لي.. آسفه.. الوقت مو مناسب.. _إحدى النساء_: إيش مو مناسب!! تعالي أي وقت البيت بيتك.. أوووه إحنا أهلك وجمايل أبوكي ما ننساها!! إمرأه أخرى_ وهي ترضع طفلتها_: تعالوا يا بنات.. تعالوا سلموا على الشيخة.. عذبة: أنا شيخة!! لا أنا عذبه... أم علي: شيخة من التقدير.. يعني الناس اللي فوق يسموهم شيخ.. عذبة: ههههههه أعرف يا خالة.. بس أنا وحده منكم.. ولا فيه فرق بيني وبينكم.. _يأتين البنات ويسلمن بحياء على عذبة_ عذبة: ما شاء الله بناتكم قمور.. تبارك الرحمن.. _أخذت عذبة تتحدث مع النساء والفتيات وبدت سعيده فيما ضلت آني عابسه الوجه, وبين الدقيقة والثانية تسأل عذبة عن موعد المغادرة.._ أم علي: إيش فيها هاذي!! عذبة: ما أدري!! آني lease madam!! Let us leave.. عذبة:this is not your business!! أم علي: إتركيها على جنب.. هي إيش.. شغالتك!! عذبة: يعني تقدرين تقولين.. _أكملت عذبة السهرة في بيت أم علي , وأثناء السهرة حيث النسوة إجتمعن بالمطبخ يعددن العشاء جلست عذبة مع الفتيات منفرده_ أمسكت إحدى الفتيات جوالها وإستأذنتها أن تجربه..سألت إحداهن: عذبة.. أنتي تدرسين بأي سنه..؟ عذبة: بالجامعه.. أخرى: أوح!! مو مبين.. شكلك صغيرة..طيب أنتي مخطوبة ولا متزوجه ولا عزابيه؟ عذبة:لا.. ولا وحده من ذولي.. أنا مطلقه.. نفس الفتاه: ليش؟ عذبة: ........................ أخرى_وكأنها تحاول إخراج عذبة من إحراجها_: الله ما ضرك.. حلوووه.. عذبة.. شنطتك حلوه بكم شريتيها؟ عذبة_بدى الإحراج على وجهها, فشنطتها باالآف, وهؤلاء الناس لا يجدون ريلات تسد رمقهم_: ..ما.. ما أدري ما أذكر.. ردت الفتاة: طيب شوفي إذا هي غاليه مرة.. مية وفوق ما أباخذها.. وإذا هي أرخص.. ممكن أدرس فيها بكرا.. بكرا إمتحانات.. عذبة:.. بكرا !! الفتاه: إيوه .. إحنا عندنا إمتحانت تقويه قبل.. يعيدون الإمتحانات اللي خبصنا فيها.. عذبة: أذكر هالشي ممنوع!! أجابت: لا يا ستي... أبلاتنا حبوبات.. عذبة: خلاص .. بس.. الحين جيبي لي كيس أحط فيه أغراضي.. أجابت_ وهي تركض لغرفة أم علي_: حااااااااضر.. ثواني.. _في هذه الأثناء دخل أحد الأطفال يحمل علبة مشروب غازي, ويفتحها بالقرب من عذبة , وإذا بنافورة تنطلق من العلبه وتبلل عذبة_ عذبة:آآآآآآآآآآآآآآآآآآآآآآآآآآآ _يُعنف الطفل وتأتي بعض النسوة من المطبخ ومنهن أم الطفل التي أتت لتضربه.. قفزت عذبة وأمسكت بالطفل بين ذراعيها_ عذبة: خليه.. والله تخلينه.. ما قصد مسكين... الأم: شوفوي إيش عمل فيك.. هو ليش يدخل وفيه ضيوف!! خليني أأدبه.. أربيه. عذبة: لالا...لالا.. الله يخليتس.. شوفيه خايف.. والله ما تسوى عليه الروعه.. وبعدين حبيبي هو.. يبغاني أغير ملابسي.. تضايقت منهن.. جيبي لي ملابس.. أغير ملابسي.. والحمدلله... الأمر بسيط.. الأم_باحراج_: والله يا عذبة أحرجتني.. الأطفال يحرجوا أهلهم دايم.. عذبة: ماعليه.. آني روحي مع المدام تعطيك ملابس.. آني_بتذمر_: آآآآآآآآآآآآووووووووووكييييييي ********* "في المدرسة" تجلس منى على مكتبها, ترصد درجات المشاركة والمعلمات يفطرن.. منى: بنات لا تخلصوا الشاي عني.. بيي .. نطروني أخلص اللي بيدي وأفطر معكم. _يرن جوالها_ همست: سعد!! وش يبي متصل؟ ألو سعد: السلام عليكم والرحمه.. يالله قوه.. منى: وعليكم السلام.. هلا سعد.. عسى ماشر .. سعد: أفا عليتس... الشر يجي من!! منى: لا مو قصدي.. بس إستغربت إتصالك هالوقت.. سعد: أيوه.. أيوه.. إسمعي يا منى... أنتي عارفة زين ليش مشاري طلق عذبة.. وعارفة زين إن عذبة ما فرطت بمشاري.. صح!! منى: وش مناسبه الكلام الحين؟ سعد: أها.. جينا للزبدة.. ليش خليتي عذبة ترقص قدام الناس بزواج حبيبه؟ منى: بدري!! توك تفطن.. بعين إهي اللي يت ورقصت.. سعد: أقول عل مين تهكين أنتي!! أنا سعد.. وأنتي خبز إيديني... نواعم قالت لي كل شي.. منى: ........... سعد: عشان مرة ثانيه ما تتجرأين وتتمادين على عايلة آل (....) منى: السالفة صايرة قبل سنه ونص!! جاي الحين... سعد: إسمعين... أنا أبقولتس شي واحد بتسوينه بحذافيرة.. و تخلينن أسامحتس على اللي سويتيه ببنت عمي.. منى: وشو؟ سعد: تزوجين رجلتس محمد.. لا تشيلين هم المهر أنا أبدفعه.. والبنت أنا أبختاره.. منى: مستحيل.. سعد_يقاطعها_: ما خلصت... إسمعي للآخر.. أنا ما يهمن من يخطب له.. أنا اللي يهمن إنتس ترقصين بزواجه... منى: أنت مهبول. .. ينيت أنت!! في مرة تسوي بزواج ريلها جذي!! سعد: مو أنتي خليتي عذبة تسوي كذا!! منى: بس أنت.. سعد_يقاطعها_: أنتي اللي بديتيه مع عذبة تحملي نهايته.. منى: سعد.. أنا بعدي ما ينيت... ما راح أسمح له حتى يتزوج علي.. سعد: أوكي.. أنتي ما تبين تسمحين لزوجتس يتزوج.. بهالحالة أظنتس ما تمانعين إن أبوك ينسجن.. منى: أنت تتكلم جد!! أبوي شريف.. وعمره ما غلط على أحد.. سعد: لكن أبوتس غبي..عفوا يعني على وجهه.. والقانون لا يحمي المغفلين.. أبوتس صارف مبالغ من شركتي بدون إذن رسمي من... منى: أكيد لمصلحة الشغل.. سعد: هههههههههه يروح يقول للمحكمه لمصلحة الشغل ويجيب إثبات.. هههههههههههههههههههههههه أقول.. خيارين.. يا زواج رجلتس.. ورقصتس بعرسه.. يا سجن أبوتس..هههههههه منى: نذل!! سعد: ومنكم نستفيد ههههههههههههههههه ******** " في غرفة نجود" نورة: نجووووووووووووود!! نجود: بسم الله الرحمن الرحيم.. أنتي وشو مشبوكه على ميتين وعشرين!! نورة: إذكري الله.. نجود: وش تبين.. نورة: متى آخر مرة رحتي لعذبة؟ نجود: ما أدري... يمكن قبل شهر.. نورة: أح!! هذا وهي صديقتس... نجود: ............. نورة: ليش ما تروحين له... ليش تخليتي عنه... ليش تركتيه وهي محتاجه لتس؟ نجود: هي اللي تركتن... بعدين وش دخلتس يا البزرة. نورة: أنا بزرة!! مقبوله منتس.. لكن.. أكون بزر أحسن من أني أصير وحده عديمه الإحساس نجود: وش قصدتس؟ نورة: أهوووووووه أنا ودي أدري شلون فلحتي بالحاسب!! بصراحة بصراحه أحستس تنكه ما تفهمين.. الحين أنتي ليش تركتي عذبة.. سؤال واضح؟ لا تقعدين تقولين هي تركتن.. هي ما تبين.. لو هي تركتس ما تفرح بتس لامن جيتي.. نجود: هي ما تقول لي شي.. نورة: أنتي ما تقربتي له.. صح.. أنتي ما تحبينه... أنتي كنتي تحبين أخوه مب هي.. صح؟ نجود: لا... وش خرابيط البزران ذي.. عذبة صديقتي من يوم حنا بزران.. وسعود ما كنت أحبه قبل لا يخطبن.. نورة: إيه بدينا بشغل النصب.. نجود: أنتي ما تعرفين عذبة.. عذبة تغيرت كثير بعد طلاقه... قاعده تنتقم منا واحد ورا الثاني .. وحنا مالنا دخل بطلاقه.. نورة: الله وأكبر!!! وش هالكلام!! تنتقم يا شيخة مرة وحده!! نجود: إيه تنتقم.. شوفي وش سوت بفيصل ووش سوت بأبوي.. وكملته بعمي سعد... وأنا.. ما تسولف لي زي الأول.. ما تتكلم معي بهمومه.. وقال إيش.. ماتبي تكدر خاطري.. نورة: نجود... الظاهر مقابلة الآله الصماء عمل فورمات لأساسيات التعامل مع الناس... حبيبتي.. المرة لقت نفسه فجأه بوجه الكل.. ولازم تدافع عن نفسه.. وعن خواته.. لقت نفسه متهمه بلا جريمه.. مو ذنبه إنه تطلقت.. ومو ذنبه إنه ما حبت فيصل.. ومو ذنبه إنه إضطرت تدير الشركه بنفسه.. هي إنحطت بهالظروف غصبن عنه... هي ضحيه.. ومجهول جلاده.. لكن الحين أيقنت إننا حنا الجلادين بأنانيتا... حنا عايشين حياتنا بلا مشاكل ولا نحس به.. هدوا الجدار اللي بين بيتنا وبيته لكن مازالت فيه جدران تعزل قلوبنا عنه.. حنا دايم مضرب المثل بتماسكنا وتكاتفنا... لكن للأسف... مع عذبة حنا غير.. عذبة تعبانه... ومحتاجه ترتاح... عذبناه بأنانيتا.. نجود: نورة... عذبة حرمتن من عمي... وعذبة أهانت أبوي... ومرضت جدتي... نورة: هههههههههه وعمتس هذا حرمها من إيش...؟ أنتي ما تدرين باللي يصير.. ولو تدرين بتموتين من القهر والصدمه... وعشان عذبة تحبتس ما تقول لتس شي... أبوتس هو اللي يتدخل بشغله.. وجدتي عجوز.. مالعذبة دخل بمرضه.. وحتى جدتي اللي أنتي منقهرة من عذبة عشانه.. تموت على عذبة.. وتروح أكثرنا لم بيته.. لكن بقول كلمه وحده قبل أطلع.. نظفي قلبتس... ****** "في بيت منى" منى تتحدث بالجوال مع راشد.. أخوووي شووف لي حل!! راشد: أوهووووووو وش أسوي ؟ منى: رح كلم سعد.. راشد: لو سعد بيسمع الكلام ما ترييتج تقولين لي.. سعد خطير وما يستبعد عنه شي.. منى: أبوي يدري؟ راشد: لا.. وما أبيه يدري.. منى: طيب وش أسوي؟ راشد: مو أنتي اللي بديتي الشر... إنقلب السحر على الساحر.. خلج هذي قلبج الأسود .. ذوقي لو شي من اللي مرمرتي فيه غيرج.. منى: خلاص.. أنا أتوب.. أنا نادمه.. لكن.. مايصير أرقص بزواج ريلي!! راشد: أجل خلي أبوج ينقط بالحبس... عشان ماترقصين بزواج ريلج.. وبعدين شغير كلامج.. أذكرريلج شين ومب تارس عينج.. وإنج لوما عمي يعز عليج ما تزوجتيه.. هههههههه هذي أنتم يالحريم...ههههههههه منى: راشد تضحك!! راشد: غصب على... شر البليه ما يضحك!! منى: طيب أكلم عذبة!! راشد: ينيتي أنتي!! أنتي لو بتكلمين عذبة إهي اللي بتقطنا كل أبونا بالسجن.. منى: لا عذبة أصيله وقلبها طيب ما تسويها!! أكيد ما ترضاها علي.. أكيد راشد: إي والله... طيب مو أنتي رضيتي عليها أشد من جذي!! الدنيا دوارة.. شفتي يا منوه.. شجاب لنا حقدج.. قطع قلوب كثيرة.. مانتي بقد دعاويها.. الله يعينج بس الله يعينج.. منى: راشد... مو وقته... أنا لي يومين ما أنام.. راشد: هه يومين... والمسكينه اللي ظلمتيها كم يوم ما تنام!! فعلاً يا منى... الله ما يطق بعصى.. منى: أنت مستانس.. أبكلم مشاري.. أحن منك.. راشد: براحتج.. بس وش بتقولين له... بتقولين له كل شي؟ منى: لا راشد: عيل أنتي مضطرة تقولين حق السالفه ذي.. بتروحين يمه وبتقولين له أنا خليت عذوب تكلم هيفاء.. وتلزم عليها تاخذك.. وخليتها ترقص بعرسك وتحضر الزفة.. بتقولين له كذا؟ منى: أوووووووووووه... بيذبحني.. راشد: منى.. أنا تأكدت من أبوي.. فعلا أبوي مسوي اللي قال عليه سعد بدون إذن.. أبوي يحسب الناس كلها مثل أبو مايد العود الله يرحمه.. لكن سعد هذا جني... فما أستبعد عليه يسوي شي.. إذا أنتي ما زوجتي محمدوه ... أنا أبكلم فيصل ويتطاق ويا أخوه عشان خاطرك... وخلي اللي ما يشتري يتفرج.. منى: لااااااااااااااااااااااااااا لا الله يخليك... زين أبفكر بالموضوع وأرد عليك... ********** "في غرفة عذبة" فتحت عذبة دفتر مذكراتها وكتبت... والدي العزيز... لتوي قد عدت من بيت أم علي... المرأة الفقيرة التي كان جدي قد تكفل بها.. هناك... حيث لا تسمع المجاملات, ولا تخضعك البروتوكولات.. هناك حيث الحرية والبساطة, الألفه والمحبة... هناك رأيت عذبة التائهه.. المغرقة بالهموم... رأيتها تتوسد وساده تشاركها بها خادمتها, تتحلف بطانية ممزقة الأطراف, عذبة هناك وجدت من يسمع لها بإنصات, من ينصحها بإخلاص, وجدت فتيات يغمرنها بالحب والألفة.. عذبة قضت في ذلك البيت البسيط ثلاثة أيام... لم تفكر حينها بمشاكلها مع أسرتها ومع أعمالها.. أرسلت للجميع أنها تريد أن تختلي بنفسها.. فلا رسائل ولا مكالمات.. لم يلحظ أحد غيابها غير العمل والمذكرات التي إعتادت أن تتوسدها وتغرق في بحر من الهموم.. أبي.. أخبرتك عن عذبة في منزل أم علي.. ولكني هنا عذبة التي لطالما بثت إليك برقيات من الألم لا تدري هل تسمعها أم يسمعها القمر... أتقلب وفي كل لحظة أتلمس بطني.. الورم يشعرني بالوهن , والتعب.. لا أعلم ربما كان هذا الشعور وليد الوهم لأنني لم أكن أعلم به ولم أكن أشعر بالوهن.. أبتاه...عذراً... أعلم أن تأخيري للعلاج سيغضبك ويقلقك علي.. ولكن لا حيله... وأخيراً... بعد يومين ... ملكه ليلى... بعدها بأسبوعين زواجها.. اليوم ستحضر خالتي فاتن... وزوجه خالي... نسيت أن أخبرك, مازالت أفنان لا تتصل بي... ولكني أحبها.. رغم ذلك.. ومازلت أفتقدك.. ********* .................................... "الجزء الثلاثون" "بيت عم نجلاء" هيا: نجلوه ووجعه!! نجلاء: يا لطيف ... اللهم طولك يا روح.. نعم.. هيا: ليش ما تدخلين وتنظفين المطبخ مع عمتك!! عمتك توها واصله من السفر وتعبانه.. نجلاء: الحين ما دامتس راحمته إدخلي معه.. أظن البيت بيتس. وضحى: نجلاء.. خلاص تعالي معي وعن المشاكل.. نجلاء: لا .. أنا مب شغالة عند أمٍ جابته.. أنا إنولدت حرة... زهقتن.. تدور شي تخانق فيه.. وأنا سااااااااااااااكته لكن خلاص كل شي وله حد!! هيا: لا والله يا نجلوه.. إيه منهي أمك!! ما تشيل الصحن من الأرض.. حوبتها تغربلت برفالتها!! نجلاء: عمتي وضحى .. سمعتي.. عادي كل يوم تستلم أهلي واحد واحد.. وتقولين لي عن المشاكل بعد!! وضحى: خلاص هيا.. الله يرضى عليك.. سفيه.. لا تواخذينها.. نجلاء: أنا ما غلطت عليه... أنا المفروض أزعل وأواخذ مب هي!! هيا: أقول يا ربايه الحضر المايعين الرفلان.. أنتم حقين تلبس وتكشخ ولعب بفلوس الناس بالباطل.. ولا السنع وعلوم الرجاجيل خرطي!! نجلاء: إيه نشوف السنع وأنا من جيتس ضيفة وأنتي مطفشتن من عيشتي.. أووووووووووف الله يرحم طنازة أهلي.. أنتي وشو أنتي.. أنتي وش شايفة نفستس تحسبين أهلي الحضران على ما قلتي مايتين عليتس!! لا والله إنهم ما يناظرونس لا أنتي ولا ربعتس ولا جماعتس شي!! ولا بغوا يطنزون علي قالوا يالبدوية!! كل واحد منكم نافخ نفسه ومب شايف الثاني ... وضحى: هيا نجلاء... عيب عليكم صوتكم واصل لآخر الشارع.. هيا: لا.. بنت أخوك طولتها وهي قصيرة.. إذا القصمان ما عرفوا يربونك أنا اللي اربيك يا اللي ما تربيتي!! نجلاء: لالا عاد من يتكلم بالتربيه أنتي!! الأول ربي عيالتس وبعدين ربينا... _جن جنون هيا وأمسكت بشعر نجلاء وشدتها نحو الجدار, والتي بحركة خاطفة رمتها على الأرض تتلوى من الألم_ نجلاء: عشان تعرفين تمدين يدتس مرة ثانيه!! وضحى: ياربيه يا نجلاء.. أنتي الظاهر ما تعرفين هيا للحين.. روحي.. روحي للحمام لا تفزع الدنيا عليك..روحي.. نجلاء: لا.. هي اللي غلطت ... أنا ما خفت منه.. ولا من عشرة من أمثاله.. _سمع مفلح صراخ والدته وأقبل يركض_ مفلح: يمه!! يمه وش بلاك!! هيا: العووووووووبا طقتني ... العوووووووبا تطقني فبيتي!! _إلتفت مفلح نحو نجلاء ولم تهرب أو تتحرك بل ظلت متكفته وتراقب الموقف وهي تختمر بشرشفها_ مفلح: يا (...................) طقيتي أمي!! نجلاء: نظف لسانك بالأول...يا اللي متخرج من أكاديميه التربيه... وضحى: مفلح واللي يرحم والديك.. خلاص .. _أقبل خلف وسمع الصراخ والصوت العالي_ خلف: وش بكم ..وش صاير؟ هيا: طقتني.. العوبا طقتني.. خلف: تطقين أمي وأنا حي.. نجلاء: تراي أحذرك تقرب لمي.. لأصفقك وأجلسك جنب أمك تصيح معه.. خلف: لا والله اللي بخليك.. مفلح: لا تطقها... خل محمد البزر يجي يطقها.. نتفه ما تستاهل نمد إيدينا عليها.. نجلاء: يؤ يؤ... ليه محمد مسكين...جبانين... _لم يتمالك مفلح وخلف نفسيهما أمام سخريتها اللاذعة فشد مفلح الشرشف ورماه أرضاً فإنقضت نجلاء عليه وسددت لوجهه لكمه بكعب رجلها أسقطته أرضاً, إبتعد خلف مرعوباً, فيما رفعت مفلح بتلابيب ثوبه وضربت برأسه الخزانه, ثم وضعت قدمها على وجهه وهي تصر أسنانها قائلة:_ ماعاد إلا هي يا ولد العم تجدع جلالي من على راسي.. أدوسك وأدوس كل من يمد يده علي وأنا بنت خلف!!! _في هذه الأثناء دخل العم ورأى نجلاء تدوس بقدمها على وجه إبنه فغضب غضباً شديداً وتوجه نحو نجلاء وجرها بذراعها ورماها بغرفة وضحى وأقفل عليها الباب وهو يسب ويلعن ويتوعد_ وضحى: حرام عليكم تسوون باليتميه كذا.. والله حرام!! العم: هذي البنت تربت على قلة الأدب... ولازمن أربيه من أول وجديد.. هيا: العوبا طقتني وطقت عيالي.. هذا وأنا مقدرتها وحاشمتها.. بس اللي يسوي المعروف بغير أهله.. _أشاحت وضحى وصوت صراخ نجلاء وإستغاثتها يجرها , جثت وضحى عند باب غرفتها وتسمع صراخ نجلاء وطرقها للباب_ نجلاء: طلعووووووووون... ما أبيكم.. أبي أروح لعذبة.. خلووووووووووون... ما أبيكم.. تكسرون كلمه جدي ليش.. ليش تصكون علي هنا... وضحى دقي على عذبة.. وضحى: ما أقدر.. نجلاء طولي بالتس.. أبحاول بأخوي يطلعتس.. نجلاء: الله ياخذكم من أهل.. الله ياخذكم.. طلعوووووووووون.. ودون لأهلي اللي ربون.. ودون لبيت ماجد.. ما أبيكم..ما أبيكم.. *********** _صباح اليوم التالي_ "في يوم ملكة ليلى" البيت يشع بالبهجة , ناصر وأحمد يتسابقون بالدرج, ويركضون ويصرخون بكل مكان, فاتن وأم إبراهيم يحطن بليلى ويسررن لها بأسرار الزواج وأساليب التعامل, الخادمات ينهمكن بالتنظيف, ومها والجده وأختها العجوز يتحدثن مع أم عبدالله وأم عبدالعزيز, فيما ظلت عذبة صامته وكأنها حبيس ينتظر لحظة إفراجه نواعم ونورة ونجود يحطن بعذبة ويتحدثن ويضحكن .. رن جوال عذبة فلم تلتفت له.. أخذت نواعم الجوال وقالت: هيه.. تركي يدق عليك.. أرد عليه.. عذبة:............... نواعم_تؤشر بيدها_: هـــــــــــــــــيه!! عذبة_تنتبه_: سمي.. وشو!! نواعم: تروووووك يدق من سنه.. عذبة_تقطب جبينها_: تركي!! هاتي..ألو.. تركي: هاي عذبة.. عذبة: هلا.. تركي: وش أخبارك.. عساك طيبه..؟ عذبة: الحمدلله.. تركي: عذبة.. مثل ما إتفقنا... بكرا الصبح أجي آخذك أنتي وآني... عذبة: لالا أبشرك.. كلمت كاميليا بتجي اليوم الفجر.. إن شاء الله تدخل معي.. تركي: قلتي لأحد؟ عذبة: لا.. ما بي أنكد فرحتهم.. تركي: ولا ليلى؟ عذبة: ولا ليلى... ليش تسأل.. تركي: ولا شي.. بس أكيد لو علمتيها ما راح يهز فيها شعرة.. عذبة: ولو هذي أختي... تركي: إيه الله يخليكم لبعض.. مع السلامة.. بايات.. عذبة: مع السلامه.. _أسندت عذبة رأسها على الكنب وأغمضت عينيها ثم تنهدت, إقتربت نجود منها ثم همست_: وش فيهم الحلوين؟ عذبة:................ خليها على ربي.. نجود: وين بتدخلين مع كاميليا...؟ عذبة: المستشفى.. نجود: المستــــــــــــشفى!! عذبة: أص فضحتينا!! نجود_تهمس_: سلامات.. عذبة: عمليه زايده.. تركي..متوسط لي..هههههههههه نجود: الحمدلله حسبته شي خطير!! عذبة: لالا... الحمدلله.. ********** "في بيت عم نجلاء" وضحى: حرام عليكم البنت ما أكلت شي من أمس!! هيا: وش أسوي لها .. بعد قولي وكليها بيدك أحسن!! وضحى: لو كانت بنتك ما رضيتي عليها.. هيا: أعوووووووك.. الحين أمها راميتها من صغرها ومادرت عنها... البنت لعينه.. شيطان بشكل بنت... أنا ما أعرف كيف القصمان متحملينها!! وضحى: بس هي للحين ما أكلت شي.. ودوها لبيت خالها حرام اليوم ملكة أختها.. مايصير اللي تسوونه.. هيا: وضحى.. فكينا.. الأكل وحطيناه عندها.. تبا تاكل تاكل.. ماتبا أحسن... وضحى: شوفي يا هيا... إن صار للبنت شيء.. بيحملونك إخواني المسؤليه.. البنت أبوي موصي إنها تعيش عند خالها... هيا: وخالها مات خل وريدها!! وضحى: بس للحين بيته مفتوح... هيا: أوووووووف منك أنتي قط وش جابك من ديرتك!! وضحى: الناس يكبرون ويعقلون وأنتي تكبرين وتنهبلين.. هيا: قومي .. قومي إنقلعي عني قومي!! وضحى: لا... البيت بيت أبوي... ولا نيب الحين من حالك.. عندي رجل وعندي بيت ولو بغيت طردتك من هالبيت أنتي وعيالك.. لأن البيت بيت أبوي ولي فيه.. هيا: لا والله هذا اللي جانا من بنات الحضر !! قلبت راسك هاللعينه.. أوريها إن ما نكدت عليها.. وضحى: خليها تروح لبيت خوالها... وإذا كنتي طمعانه بفلوسها إحلمي تحصلينها بهالطريقة.. هيا: وشو فلوسها!! وش هالخرابيط!! وضحى: أنا أعرفك زين... وأدري وش تفكرين فيه... أنتي تبين عيالك ياخذونها عشان فلوس الشايب اللي معطيها تصير من نصيبكم صح..!! هيا: أقول الحكي معاك ضايع!! بروح أسوي لي فنجان شاهي يعدل راسي عقب طقطقة هالمهبوله على الباب... ******* "في الصالة العلوية" إنطوت عذبة على نفسها وضمت ركبتيها على بطنها ووضعت رأسها على ركبها, وجلست وحيده منعزلة , على غير عادتها ... ودعت فاتن مها ووالدتها وخالتها وذهبت لتنام وأم إبراهيم جلست بغرفتها تقرأ القران, فيما ليلى أخذت تدخل وتخرج وتمر من أمام عذبة لتلفت إنتباهها, ولكنها فشلت.. عذبة صااااااامته واجمه حزينة.. ليلى: ياهوووووووووه.. يالزعلانين!! _نظرت عذبة بطرف عينها لليلى وقالت_: نعم؟ ليلى:ليش ما تتكلمين معنا... كل هذا زعل.. ترى الناس بيقولون زعلانه عشان إختها اللي أصغر منها بتتزوج قبلها... عذبة: آآآآه ...من زين هالزيجة.. ليلى: طيب... منتي جايه عندي إذا جت الكوافير.. عذبة: لا.. مالي خلق.. عندتس بنات عماني.. ليلى: وو .. ونجلاء مو جايه.. عذبة_نظرت عذبة لليلى بغضب قائلة_: أنتي مزعله نجلاء..!! ليلى_ترتبك_: لأ... ما زعلتها..ليش أزعلها.. عذبة: توي أتأكد إنك مزعلتها.. أجل ما إستغربتي إنها ما جت؟ ليلى:................... عذبة: ليلى... تراي شبعانه من دنياي... إنطقي وخلصين!! ليلى: إيه.. ليش تروح وتقول لتركي... وتخليهم يطقوني... أنا زعلت منها وقلت لها إنقلعي عنا.. بس هي زعول.. راحت ولا جت!! _بدأت شفتي عذبة تنتفضان, وعيناها أغروقت بالدموع, وقف ثم صفعت ليلى وهي تصرخ: ياااااااااااحقيرة وصلت بتس المواصيل لنجلاء!! وصية أمي .. وصية أمي يا.. يا.. يووووووووووووووووه أنا.. أنا أقول نجلاء ما تخلين بهالوقت إلا فيه شي غاصبه.. ياربيه... ليلى: تطقيني !! خلاص روحي جيبيها.. عذبة: بس!! أروح أجيبه!! إلا بكسر راستس لو صار له شي.. والله لأذبحتس يا الخاينه.. _وذهبت تركض للأسفل وأخذت عبائتها على المعلاق ولبستها بسرعه وهي تصرخ بالخادمه لتتصل بأبو ياسين... وخرجت تركض _ خرجت فاتن من غرفة الضيوف تركض وتتبعها أم إبراهيم... فاتن: عذبة... عذبة... وين بتروحين هالحزة!! الناس بيجون... تعالي... أم إبراهيم: وش بهن... وراهن تهاوشن؟ _تنزل ليلى للصالة وهي تضع يدها على خدها وتبكي, ثم إرتمت في حضن خالتها وهي تقول_: شفتي يا خاله... شفتي طقتني ... حتي بيوم ملكتي ما تحترمني!! ما أدري متى بتعاملني كأني حرمة... مجنونه يا خالة وكل مالها يزيد جنانها!! الله يصبرني بس... فاتن: وش به؟ ليش طقتك.. أنتي شمسويه عشان تزعل عليك كذا؟ أم إبراهيم: غريبه... أنا ألوم بناتي لامن تهاوشن وأثر عذبة العاقلة تطق مب بس تهاوش!! ما هقيته... بس عذبة!! لالا... أكيد أنتي مسويتن له شي خليتيه تزعل وتطلع مع السواق لحاله... حتى ما أخذت الشغالة... ليلى.. أنتي طويل لسانتس وش قايلتن له؟ ليلى: إيه!! أنتم دايم بصف عذبة.. بس أبخليكم وأروح مع مؤيد وأفتك من عذبة ومنكم!! متى تجي العطلة وأفتك متى!! فاتن: أفا!! عيب هالكلام يا ليلى.. _تدير ليلى ظهرها وتصعد وهي تعض على أصابعها بعصبية_ أم إبراهيم: هي تعرفه!! فاتن أنا أقول ليش مستعجلين على الزواج أثر عذبة عنده هالملسونه شابتن عليه!! فاتن: الله يستر على بنت أختي... بيطق براسها عرق وبتنجن!! هالبنات بيطيرون عقلها... شفتي كيف ذبلانه ووجهها أصفر.. بانت فيها يوم راحت كاميليا.. أم إبراهيم: إي والله إنتس صادزه... صايرتن لهن الأم ... مير وين راحت البنت!! فاتن: يمكن راحت تجيب الحلى... أم إبراهيم: لا... كلش مجهزته مها الصبابات والصواني والتقديم كله... فاتن: يمكن تشيك على العشاء... أم إبراهيم: لا.. العشاء متكفل به ولد عمهم... فاتن: الخكري ولد منيرة!! أم إبراهيم: أستغفر الله !! فاتن ما ترضين هالكلمة لو قيلت عن ولدتس!! فاتن: خلاص .. تركي!! أم إبراهيم: لالا... أظنه مجيد.. فاتن: إيه رفيج راشد... بس ليش طلعت!! *********** "في السيارة" عذبة: بسرعة يابو ياسين.. بسرعة.. أبو ياسين: مدام إصبري... بيت أهل نجلاء بعيد... صبر شويه _رمت عذبة بجسدها على المرتبه , أطرافها ترتعش ودموعها ألصقت نقابها بوجهها, طرحتها تفلتت وتناثرت خصلات شعرها على صدرها وعلى المرتبه, أخذت تحدث نفسها بصوت مسموع:_ ليه يا ليلى؟!! مو كفايه عليتس اللي سويتيه !! حرام عليتس تعذبينن وتعذبين هاليتيمه.. أنا وش قصرت عليتس فيه, وش ظلمتس فيه!! تعبت وشقيت وعاديت الناس عشان أدافع عن حقكن, مارضيت تعيشن ببيت مب بيتكن وتكفلت بالنتيجه وهه جت الطعنه منتس يا بنت أمي وأبوي, ضيعت عمري عشانكن وضحيت بسعادتي وحبي عشان أرفع روسكن وآخرته توطين راسي بالتراب... آآآآآآآآآآآآه يا عذبة... حملتي الهم وولدتيه مصيبه... آآآآآآآآآآه يا عذبة... كل ما قلت حليتيه شدت عليتس... خلاص وش بقى لتس !! وش بقي؟ كرامتي وإنداست , ترجيتهم ورميت راسي تحت رجلينهم عشان أداري فضحيتي بليلى, رضيت بالطلاق عشان أداري فضيحتي بفيصل... ودي أعرف أنا وش غلطت معهم فيه!! وش سويت عشان تصير هذي جزاتي!! آآآآآآآآآآآآآآآه يا نجلاء.. ياعمري أنتي تحملتي الإهانة وسكتي.. ليتك يا نجلاء مب زيي .. ليتك ما شاركتين بالكبرياء.. وش ضرتس لو جيتي وقلتي لي.. ووش ضرن أنا لو ترجيت مشاري يرجع لي لو بكيت له عشان يصدقن, وش نفعن كبريائي, ووش نفعتس يا نجلاء كبريائتس! آآآآآآآآآآآآآه يا ربيه.. مالي غيرك هالحين ... كلش تسكر بوجههي.. ياااااااااااه... أبو ياسين_بصوت متهدج_: عزبة!! إيش فيه ؟ أنتي بنتي!! أنا زعلان عشانك.. عذبة: مافيه شي... مير خلها بالقلب تجرح ولا تطلع براه وتفضح!! _مسح أبو ياسين دموعه وهو يهز رأسه بأسى_ ********** "في بيت عم نجلاء" يطرق الباب بعنف, تفتح هيا الباب فتندفع عذبة وهي تنادي.. نجلاااااااااااااء.... نجلااااااااااااااء... هيا: عذيب!! نجلاء مب هنا... عذبة: وينه... خليه الحين تجيب أغراضه.. وينه أبكلمه هيا: مافيه عندنا بنات لكم... عذبة: وخري كلامي مو معتس!! وين رجلتس ولا وضحى ولا ضاري... هيا: عيب عليتس.... تكلمين رجال.... منى عينك تكلمين ضاري !! ضاري بأمريكا ومب جاي ولو جاء بيتزوج بدويه مب حضريه ومطلقه بعد...هههه عذبة: أنتي خبله!! متعب!! متعب وضحى!! متعب!! _أقبل متعب_العم_ من داخل البيت _ متعب: حيا الله الضيفة... إقلطي.... عذبة: السلام عليكم.... متعب: وعليكم... بس إدخلي ما يصير توقفين بالباب... عذبة: أنا جايه آخذ نجلاء.. متعب: نجلاء !! ول!! ليش مانتي واثقتنا على بنتنا!! _تعالى صراخ نجلاء اللي أخذت تضرب الباب بعنف حين أخبرتها وضحى أن عذبة أتت_ نجلاء: عذبــــــــــــــــــــــــــة.. إلحقي علي بيذبوحنن.. طلعين من هنا .. عذبة طلعين... لا تروحين وتخلينن... عذبة ساجنينن!! عذبة: بس هذي أختي.. أبوك اللي عطانا الحق ... طلعوها الحين... متعب: لا.. أبوي عطى أبوك الحق بتربيته.. بس الحين أبوك مات.. والعارية ترجع لأهله.. عذبة: أقولك طلعه... أبوي ما مات.. أبوي بيرجع!! طلعه... حرام عليكم ساجنينه.. متعب: البنت ما تربت .. بربيها من أول وجديد!! عذبة: حرااااااام عليك... وين ضاري الكلام معك أنت بعد ضايع.. أبكلم أحد من إخوانك... متعب: أنا الكبير وكلمتي مسموعه... عذبة: أنت تكسر كلمة أبوك والعهد اللي قطعه لنا.. أبوك قطع لنا عهد إن محد ياخذ البنت منا.. متعب: حنا ما أخذناه.. ولد عمك الوكيل حقكم كلم علي وقال لي بالحرف الواحد اللي تكفل ببنتكم مات وبنتكم آذتنا!! عذبة: أبو عبدالعزيز!!!! متعب: إيه وإذا مو مصدقتني روحي إسأليه.. عذبة: بس هو ماله دخل.. البنت بنتي وأنا اللي ربيته.. هو ماله دخل بنا بشي!! روح إسأل الناس كله... مااااله دخل!! متعب: والله يا ا لأجوديه.. أنا ما أتكلم مع نسوان بعهد قطعوه الرجال... ولدكم هو اللي خلانا ناخذه.. ولا حنا متلتزمين بعهودنا لو على أرقابنا وما نقطع عهدن قطعه كبيرنا من أكبرنا لأصغرنا!! عذبة: طيب... حرام عليك اللي تسويه به!! متعب: بنتنا..ونصطلح معها... عذبة: زين_وتضرب بيدها الباب_ عبيد هاللي كلمك أجيبه لك ورجله فوق راسه يرجعه..... بس إسمع لو جاء نجلاء شي والله والله لأوريكم النجوم بعز الظهر!! _وتخرج فتركب السيارة وتغلق الباب بعنف وأخذت تلطم وجهها فسقط نقابها وهي تصرخ_: رح بيت الكلب .. رح ولا توقف إلا قدام عبيد الكلب.. والله لأخليه يندم على اليوم اللي تجرأ وتدخل بي أنا واختي!! أبو ياسين: مداااام ... غطي وجهك!! شباب كثير هنا .. حرام بعدين شوفك!! عذبة_تصرخ وتشد شعرها_: ماني مغطيه شي!! وجهن ما ستروه أهله ما ينستر بغطوة!! آآآآآآآآآآآه أبو ياسين دوس لا توقف إلا ببطن عبيد !! والله لأوريهم الكلاب.. سرق سعيدان من الحلال وسكت وقلت إستري عليهم أهلتس!! رمان فيصل بعرضي وخانن مع شغالتي وسكت.. قلت إستري ماء وجهتس قدام الناس!! لكن وصلت إنهم يطردون أمانه أبوي لااااااااااااااااااااااااء أبيهم لي ستر وصاروا لي فضيحة!! آآآآآآآآآآآآآآآآآه منهم .. ومن اللي طايحن لهم.. بس لا.. والله وصلت هنا وبس!! الصبر له حد والذراع الفاسدة تقطع... ما أبيهم ولا ني ساكتتن لهم.. كلب.. كلاااااااااااااااااااااااااااااااااااااااب بسرعة !! أبو ياسين بسرعة... ورمت رأسها على النافذه وأخذت تضرب به بشكل جنوني وهي تصرخ وتتوعد, ********** ________________________________________ "في الخيمة _بيت أبناء العم_" سعد: هههه الله يقطع بليسك وأنت ما تخلي العيارة!! أبو عبدالعزيز: والله أنا ما أدري وش اللي يخلي عذيب وخاله يبونه!! أنا من شفت نعفته اللي تقل نعفت ثور وأنا ما إرتحت له... سعد: وين سلمان؟ أبو عبدالعزيز: يتسبح من اليوم بيغسل الشحوم والزيوت عقب هالورشة... سعد: إيه .. يا حليله عنيد كنه عمي اللي بباله بيسويه!! أبو عبدالعزيز: كنه عمي!! لا والله كنه عمه .... مير ما أدري مجيد وينه للحين ما بان؟ سعد: مسكين مجيد أكله علقه عقب ما سافر فيصل ... تورط ببنات ماجد.. أبو عبدالعزيز: بنات ماجد خواته ... وماجد أخونا.. مير لو تترك عذيب العناد عنه شوي..ولا والله معزته مثل نجود.. سعد: إلا دريت... ماهر سافر قبل إسبوعين هو ومرته بيزورون أهلهم بفرنسا.. بس رجع ما كمل إسبوع .. رجع لحاله.. بيشتغل...ههههههه توي أعذره يوم تشيلك وتحط هالمغاربي بدالك!! شغيل, ويركض يإيدينه ورجلينه.. بس نمس, ما يفوت شي ما يقره بإذن عذيب.. _تدخل سيارة أبو ياسين وتتوسط الحديقة مقابل الخيمة, يفتح الباب الخلفي قبل أن تتوقف السيارة , ونزلت عذبة حاسرة الرأس, على كتفها العبائة, ومنكوشه الشعر وتتجه صوب أباعبدالعزيز_ أبو عبدالعزيز: جنب!!! وراه ذي تسذا!! _أمسكت عذبة بعنقة وطوقت يديها به , أخذت تخنقة وهي تصرخ_: ليش تطرد نجلاااااااااااااء!! هي بنتك!! والله لأذبحك بيدي ذي لو يصير له شي!! أبو عبدالعزيز: طولي بالتس!! وتغطي !! عذبة_بصوت أجش _: قلته!! وجه ما ستروه أهله ما تستره غطوه.. تجيب نجلاء الحين يالكلب _شدها سعد من شعرها وأبعدها عن أبي عبدالعزيز وهو يقول_: إحشمي نفستس ولا كسرنا راستس ما بقى إلا هي تمدين يدتس على أخوي!! _رماها على الأرض بقوه وإتجه لأبي عبدالعزيز وهو يقول: وأنت ساكتن له!! آآآآآآآآآآآآآآآآآآآخ_ضربته عذبة بمنفاخ النار ضربة عنيفة جدا على ظهره, فسقط يتلوى من الألم وإتجهت لأبي عبدالعزيز وأمسكت بشعره وجرته نحو الخلف وهي تصرخ_: إسمع يا عبيد... تحملت أذاكم من مات أخوي وتحملت لكن خلاص!! وصلت بكم تطردون أختي من بيتي لأ... أنا وش سويت لكم؟ حطيتوا بعرضي وسكت, أخوك سرق من وسكت, دستوا حرمة بيتي وسكت!! لكن توصل لخواتي لأ... أدفع الدنيا كله ولا تنظام وحده منهن !! تحسبونن ما أقدر عليكم!! أنا لو نيتي قشرا كان خليتك تمشي وعيونك بالأرض من الفشيله لكن إسمع إن ما رجعت نجلاء وإكتفيتوا عن وعن خواتي وإعتذرت لنجلاء عن اللي سويته لأخلي عيشتكم سوداء وإسمع ... أنت عندك عيال وبنات ... لا تخلين أرد عليكم بالمثل والله ثم والله لأخليكم تفضلون باطن الأرض على ظاهرة _في هذه الأثناء دخلت سيارة عبدالمجيد ومعه تركي مصطحبين فيصل من المطار, صعقوا حين رأو المشهد فنزل فيصل غاضباً..... .................................................. ......................................... "الجزء الواحد والثلاثين" . . . . وإسمع ... أنت عندك عيال وبنات ... لا تخلين أرد عليكم بالمثل والله ثم والله لأخليكم تفضلون باطن الأرض على ظاهرة _في هذه الأثناء دخلت سيارة عبدالمجيد ومعه تركي مصطحبين فيصل من المطار, صعقوا حين رأو المشهد فنزل فيصل غاضباً وأمسك بعذبة من ذراعها فأبعدها عن أخيه اللذي ظل صامتا وكأنه يشعر بتأ نيب الضمير وهو يصرخ بها: وصلت بتس تمدين يدتس على أبو عبدالعزيز!! عذبة: وصلت بك أنت يالوسخ أكثر من كذا.... وخر يا الكلب الثاني!! _صفعها بقوة وهو ما زال ممسكاً بها, إلتوت يدها وهي تترنح من شده الضربه , إقترب منها ليتكلم معها, فرفعت رأسها وبصقت في وجهه, جن جنونه فأخذ يضربها على رأسها ووجهها فسقطت أرضاً, ترك تركي والده الذي يتلوى من الألم وهب مسرعاً لعذبة, حاول إبعاد فيصل عنها ولكنه مستمر بضربها وكأنه يصب جام غضبه من الغربة ومن إخوته عليها , فجرها تركي من بين يديه وهو يصرخ : فيــــــــــصل!! وين المراجل تطق حرمه!! خلها حرام عليك مب قدك!! عذبة: لا قده وقد عشرة من أمثاله... وخر عن يا تركي... خله يذبحن!! مب هو خليفة سعود!! فيصل: لو فيه سعود ما رضى باللي تسوينه.. عذبة_بكت_: ولو فيه سعود ما إضطريت أسوي كذا لو فيه سعود ولا أبو سعود ولا جد سعود ما دستوا على راسي تفووووووووووو على وجهن تنكر لعهوده!! _وبصقت بوجه فيصل مرة أخرى_ فيصل: لااااااااااااااااااااااه أبدفنك الحين هنا يا قليلة الأدب!! _أقبل عبدالمجيد يركض وهو يقول_ ضاري...... ضاري عم نجلاء جاء.... عذبة: وخروا عن أبروح له!! وخرو .... قم ياعبيد معي ورح قله يرجع نجلاء قم فيصل: خيـــــــــــــــــــــــــــــر!! مابقى إلا هي بناتنا يطلعن لضيوفنا مافيه, _ويجرها بذراعها_ تركي: عم حرام عليك... شوي شوي عليها ما تتحمل !! عذبة حالك ما تتحمل هاللي تسوينه إرحمي نفسك!! عذبة_تصرخ_: فيصل ياالخاين وش جابك !! وخر عن طريقي وخر!! إتركن !! فيصل: إنقلعي من داخل ياعذيب روحي !! _تعض عذبة يده التي أطبقت على ذراعها ومنعتها من الذهاب لضاري, فإنتفض فيصل وصرخ ثم أمسكها بشعرها وأبعد فمها عنه وحملها نحو الداخل وهي تصرخ: إتركن... إتركن... ما يكفي عليك طلقتن من رجلي وخنتن مع شغالتي وش تبي أكثر وش تبي... ضاااااااااااااري ضاااااااااااااااااااااري جب نجلاء جب نجلاء _إستشاظ فيصل غضباً وسد فمها وسار بها متسللاً للبيت من خلف الأشجار ثم رماها في الصالة وصرخ بزوجه أخيه : إمسكيه ... لا تطلع أطلع روحتس معه!! _إرتمت عذبة على الأرض تبكي بحرقة, وخرج فيصل وأقفل الباب بالمفتاح ,وأم عبدالعزيز التي للتو قد إنتهت الكوافير من عمل تسريحتها منذهله من الموقف, فيما نزلت نورة حين سمعت صوت فيصل,فرأت من الجدار الزجاجي ضاري يعضد لنجلاء _ نورة: عذبة!! وش بتس.. جت نجلاء جابه ضاري!! عذبة: نورة تكفين أبطلع.. أم عبدالعزيز: فيصل يعيي!! نورة: طيب بروح أجيب نقاب!! لا.. شوفي عباية نجود معلقة على المعلاق.. أح عذبة من مكفختس!! عذبة: فيصل الكلب.. أبروح لنجلاء.. أبروح نورة: تعالي من باب المطبخ... أكيد مفتوح ولا تدرين باب القبو أقرب!! أم عبدالعزيز: لا.. يقول فيصل لا تطلع.. عذبة: قولي لفيصل(...........) نورة: هههههههه أم عبدالعزيز: عيب هالكلام!! نورة!! يا ويلتس من عمتس!! نورة: خليه يذلف!! ******* "في الحديقة.. قرب بوابة بيت عذبة " ضاري واقف وممسك بيد نجلاء, أقبل عبدالمجيد يلحقه فيصل وأبوعبدالعزيز, فيما إنحنى تركي على والده ويحاول أن يساعده على النهوض... فيصل_يمسك بذراع عبدالمجيد_: عبدالمجيد شسالفة!! عبدالمجيد: سالفة طويلة.... أكيد عذبة عرفت إن أبوي اللي مكلمهم.... الله يستر من تواليه!! فيصل: منهم!! مجيد طباقة راسي طارت!! _سلم أبو عبدالعزيز على ضاري وتبعه الشباب_ ضاري: أنا جيت من أمريكا مخصوص عشان أرجع نجلاء!! أبو عبدالعزيز:............. فيصل: الله يحيه.. هي بنتنا والبيت بيته... ماله داعي تجي!! ضاري: لا يا فيصل أنت مثلي توك جاي من برا!! لكن أنا أبقول كلمة وحده وطالع... أبوي عطى كلمته لماجد... ومن ما كان ما يكسر كلمة أبوي مادام بيت ماجد مفتوح.. لا أبو عبدالعزيز ولا غيره.. فيصل: ضاري وش السالفة؟ عبدالمجيد: عم إبلع تسبدك!! بعدين نقول لك كل شي!! ضاري: أبو عبدالعزيز كلم أخوي وقال له خذ بنتكم لكن اللي أعرفه إن بيت ماجد للحين مب تحت تصرف أبو عبدالعزيز فيصل: عبيد!!! تطلع منك!! هذا وعمي ماله سنه متوفي تبي تمسح ذكره!! لا يا ضاري... بيت عمي أنا المسؤول عنه... ونجلاء ما تطلع منه.. إلا لبيت رجله هذي كلمه عمي وولده وكلمه أبوك ضاري:فيصل للأسف... وينك عن بيت عمك طول الفترة اللي راحت بيت عمك المسؤول عنه حفيدته وهي اللي أسلمه نجلاء وقلبي مرتاح على بنت أخوي.. فيصل: عذبة!! طيب خله تدخل... البيت بيت عذبة..قدامك البيت وأظنك تعرفه زين صوت من الخلف:"نجلاء!! تعالي يا عمري ... تعالي... ليش ماقلتي لي إن الكلاب تآمروا عليتس!!" _يلتفت فيصل وإذ بعذبة تسير قادمه خلفه وتتبعها نورة_ فيصل: ليش طلعتي!! ضاري: هذي نجلاء... وحنا عند عهودنا ما خناه لكن إن نجلاء تضايقت أو أنتم ضقتوا بها كلموا علي لا تكلمون متعب... مع السلامه يا نجلاء.. _نجلاء لم تلتفت له بل ركضت نحو عذبة وضمتها بقوه ولكن عذبة سقطت من أحضان نجلاء دون حراك_ نجلاء: عذبة!! لاااااااااااااااااااااااااااااااااا لاتموتين وتخلينن... _حين سقطت عذبة ترك تركي والده وركض نحوها وأبعد فيصل وأبي عبدالعزيز عنها بعنف وهو يصرخ_: خلوووووووووووووووووووووووووها ******* ________________________________________ "في داخل البيت" فاتن: وش هالصوت اللي تحت..... كنه صراخ وطقاق!! أم إبراهيم: ما أدري.. لا يصير العمال تذابحوا!! ليلى: الله يستر ... لا يصيرون عيال عمي يتطاقون مع عذبة ليش راحت لحالها مع أبوياسين!! فاتن:وا حزن عيني!! _ركضت فاتن وليلى تبعتهم أم إبراهيم للدرج وإذ بالباب يطرق بعنف, فتحت ليلى الباب فدخلت نورة تصرخ : فااااااااااااتن وين فاتن.. تركي يقول لازم تجي فاتن ليلى: نورة من فيه برا!! ليش الصراخ؟ فاتن: نورة فكي الغطاء!! وش يبي فيني تركي.. لا يصير مطاق ويا مشاري .... أم إبراهيم: مشاري جاي؟ فاتن: لا.... نورة أنتي تبكين .... قولي وش فيه؟ نورة: تكفين روحي جيبي عباتس ولا خوذي العباة ذي المعلقة وروحي لتركي ليلى: زين ليش مجتمعين ذولا هنا!! نورة: يووووووووووووه عذبة ميته بين إيدينهم وذي تسأل!! _في الخارج_ تركي: فيصل لاتتدخل!! فيصل: أنا اللي ما أتدخل!! عذبة خطيبتي... وأنا أقرب واحد لهم مانتب آخذه للتخصصي... بتروح لإسعاف خالد أقرب ولا أي مستشفى.. سعد: أخ يا تروك.. تركت أبوك عشان عذيب!! مير تراه عادي مابه شي لاتفزعون الدنيا فقر دم دايم تطيح نواعم بسبة فقر الدم وكله من أكل الفشافيش وأكل المطاعم!! تركي: فيصل... أنا أعرف منك ..... وخر زين .. إذلف عن وجهي عبدالمجيد: يا جماعة مايصير أبو عبدالعزيز: فيصل خل الدكتور هو اللي يوديه للأنسب!! هو دكتور ويعرف فيصل: مب بكيفه..... هي مرتي!! تركي: يا حبيبي كانت!! فيصل: البنت بتموت وأنت بالطريق للتخصصي ياغبي يا تنكه.... ماتفهم أنت!! أكيد اللي به هبوط بالضغط ولا فقر دم والتخصصي ماراح يستقبلونه.... مب فاضين من يفهم الكمخة ذا!! تركي: فاتن... تعالي إركبي _حاولت فاتن الركوب ولكن لايوجد مكان نورة تمسك بساقي عذبة ونجلاء تحضن رأسها_ فاتن: ياويلي وين أركب إنزلن تركي: إركبي يا عمه وخلصينا!! إن شاء الله فوق التنده بس خنعجل.. فاتن: طيب .. طيب _وركبت بالمقعد الأمامي بجانب تركي_ فيصل: ياهووووووووووه مجيد جب سيارتك خلن ألحقهم!! أبو عبدالعزيز: طمنون عليه... ****** "في المستشفى" _فاتن تستغفر وتسترجع بينما نورة تهدئ نجلاء, تركي يأتي بين الفينه والأخرى وهو يسير مع أحد الأطباء يتكلم معه ثم ما يلبث أن يلحق بالآخر, بدا تركي الأكثر عصبية ,الجو متوتر جداً , الممرضات يصرخن ببعضهن ويركضن , والأطباء يكثر عددهم تدريجياً, فيصل يلحق بتركي ليستفسر منه ولكن تركي لا يرد على أحد_ فاتن: وليـــــــــــــــــــــــــــــه!! دار راسي !! شفيهم مستشفياتكم يخرعون الواحد!! نجلاء: خالتي أكيد عذبة به شي خطير ولا ليش تركي والدكاترة خايفين كذا!! نورة: وش دعوه يا نجلاء.. أبد ماهنا إلا العافية.. أنتن موسوسات... أكيد فيه حالات غيرة بالغرفة!! نجلاء: ياربي مابي عذبة بعد تموت... فاتن: فال الله مب فالك!! ياربيه ... أثر ولد منيرة سنع وأنا ظلمته تركي تركي تعال.. تعال.. الله يعطيك العافيه... تركي: سمي يا عمه؟ فاتن: وش فيها بنيتي.. قلي بصراحة قلي.. تركي: خير إن شاء الله نجلاء: تروك وجهك ما يبشر بالخير.... تركي_تنهد _: الله كريم... الله كريم.... فاتن: السموحة يا وليدي.. والله إني كنت حاقرتك بس بينت إن رجولتك رجولة مخافر مب مناظر.... تركي: الله كريم... نورة: وأنت بس الله كريم... تكلم يا شيخ!! تركي: أنتي وش جابك؟ نورة: أنت..._وتؤشر له_ جيت بسيارتك!! ******** "في البيت" تدور ليلى في البيت , ومها تلاحقها وتطلب منها أن تصعد للكوافير, أم إبراهيم تكلم بالجوال..... ليلى: يوووووووووووه مها... أقولك أختي بالمستشفى وتقولين روحي تجهزي!! مها: عذبة بتجي إن شاء الله.. وإذا جت بتعصب ليش ما تلبستي بيجون صديقاتس و أهل الزفت وش بيقولون عنتس!! ليلى: خليهم يقولون اللي يقولون ... ماني متلبسه حد ما أتطمن على عذبة أم إبراهيم: يوووووووووووووه.... مها: وش بتس أنتي بعد!! أم إبراهيم: إيمان مرسلتن لي غرض مع بندر والخبل يوم دري إن عذبة بالمستشفى يقول بروح لمه أكيد محتاجتن!! ليلى: طيب الله يجزاه خير وين المشكله أم إبراهيم: معه الغرض حقي مها: أرسلي السواق ياخذه منه.. ليلى: أنا بروح مع السواق مها: أنتي ما تطلعين من البيت... كذا عذبة قالت ليلى: وكلام عذبة وحي!! مها: ليلى.... إقصري الشر.. ليلى: طيب.. أوف وين خالي؟ أم إبراهيم: جاي بالطريق ... جاي من القصيم... ليلى: أوووووووووووووووف ********* "بالمستشفى" تركي:عمتي فاتن.... لازم تروحون للبيت الحين وتكملون الملكه فاتن: أنت شفيك ... جنيت !! تبيني أترك عذبة هنا وأروح أرقص بالملكة الملكة ما تتم إذا عذبة مو معنا!! تركي: عذبة قالت لي تو.... قالت قل لخالتي يكملون الملكة ولا ينكدون على ليلى فاتن: طيب ... أبي أشوفها نجلاء: الله يخليك تركي خلهم يدخلونن عليه!!! تركي: ما يسمح.. نجلاء: طيب وش صار عليه؟ تركي: المرارة فيها حصوات.... ولازم تسوي العمليه الحين... نورة: طيب خلهم يطلعونه اليوم وتدخل بكرا الصبح!! تركي: هو لعب بزران!!! فاتن: ليه حالتها خطيرة يعني!!؟ تركي: لا.. مو خطيرة لكن لو تأخرنا أكثربنتسد المرارة ويمكن تموت.... لازم تسوي العمليه الحين!! ولازم أنتن تروحون للبيت وتستقبلون الضيوف.... وتطمنون اللي بالبيت أكيد ليلى الحين مرتاعه_يهمس_الله يسامحه ذبحت أخته نجلاء: تركي وش تقول؟ تركي: أقول لازم تروحن.. فاتن: أنا مب رايحة نجلاء: وأنا مب رايحة نورة: وأنا أبروح لو راحن ذولي بس!! تركي: عشان عذبة وليلى روحوا لا تنكدون عليهن... _مشى تركي خطوتين ثم إستوقفه فيصل وجره نحو زاوية منعزلة_ فيصل: تروك... ليش وقعت على العمليه تركي: لأنه لازم تتصلح الحين فيصل: بس لو نطلع لمستشفى ثاني... أخاف ذولا مخربطين تركي: لا.... ذولا فاهمين ... ومتخصصين بحالتها فيصل: وشو!! تركي: ولا شي..... بس هي لها ملف هنا... وكان له موعد مقرر للعمليه بعد بكرا الساع ثنتين الظهر.. فيصل: تركي.. عذبة وش فيها بالضبط؟ تركي: بكرا تعرف _شد فيصل تركي نحوه بعنف وهو يصر أسنانه_ أنا أكثر واحد هنا لازم يعرف تركي: بدري يا عمري.... وينك عنها يوم هي محتاجتك فيصل: أنا ما تخليت عنه....هي اللي طرتدن لكن أنت يا السطل تقولي وش به ولا أروح أسأل الدكتور وأطلعه لو إن شاء الله من الحمام!! تركي: أبقول لك... بس بشرط... فيصل:إخلص!! تركي: ما تبين شي للحريم ولا لأي أحد!! فيصل: تركي ... نشف دمي وش به؟ تركي: ورم سرطاني... خالته مرة خطرة يا تعيش بنسبه 10 بالميه ياتموت بنسبه 90 بالميه _طرااااااااااااااااااااااااااااااااااااااااااااااا اااااااخ يصفع فيصل تركي بعنف, ويركض خارجاً ويصطدم ببندر مقبلاً_ بندر: أي.. فيصل!! الحمدلله على السلامة.. وش به ذا!! _يسير فيصل دون أدنى إهتمام ببندر, ويتقدم تركي نحوه وهو واضعاً يده على خده_ تركي: هلا بندر .... بندر خذ الحريم للبيت.... بندر: هلا تركي يالله حيه_ويسلم عليه_ طيب الحين عذبة وش به؟ تركي: مرارة... الحمدلله ..... علطول لقوا لها غرفه بندر: الحمدلله.... طيب وين الحريم؟ بندر: هناك... _يسير بندر نحو خالته_ فاتن: بندر... زين جيت خلنا نروح ولو إن قلبي مب سامح أروح وأخليها.. بندر: ليش... وش بيصير له يعني؟ نجلاء: بندر .... خلن أجلس.. بندر: أقول قومي معي أنتي وخالتي و.. أعتقد نورة صح؟ فاتن: وي وي بندر: خير!! فاتن: ولا شي أبمشي ... بروح أشوف ليلى وأطمنها... بندر: يالله _لحقته فاتن ونجلاء ولكن نورة ظلت جالسة_ بندر: خير نوير!! قومي ولا تبين أشيلتس بعد؟!! نورة: .............. نجلاء: نورة يالله نورة: منب رايحه معكم فاتن: إخس.... وش تسوين هنا؟ بندر: تقشر بصل... فاتن: نورة بلا دلع .... من متى تستحين أنتي؟ نجلاء: نورة حبيبتي الله يخليتس. نورة: دقي على أمي ترسل لي السواق!!! بندر: هههههههههههههههههههههه والله كبرت نورة وصارت تستحي ومخربته يعني من زود الحياء بتروح مع السواق فاتن: نورة .... معك جوال؟ نورة: لا فاتن: لا أنا ولا نجلاء معنا جولات كل جوالاتنا بالبيت!! بندر: أنا معي جوال ليش؟ فاتن: أتصل على أمها تيي تاخذها بندر: مافيه.... ولا تتصلين ولا شي.. تمشي معنا وهي ما تشوف الجاده نورة: منب رايحة بندر: بتروحين!! نجلاء: بندر!! بندر: أنتي إنطمي يا وزير الدفاع!! نورة: روحوا منب رايحة... _صرخ بندر بها وبصوت مرعب , بدت عيناه وكأنهما ستخرجان من مكانهما_ قووووووووووووووووووووووووومي!! نورة: طط...طيب بندر: هههههههههههه بزران ما يجن إلا بالعين الحمراء ******* "في الحفلة" _في غرفة ليلى_ ليلى: ياربيه... ما لي خلق ........ نواعم: أبد يا بنت الحلال هذي الحفلة ما تتكرر إلا مرة بالعمر.. ليلى: أتمنى... نجود: قلتي عذبة به مرارة؟ ليلى: إيه.. طيب لا تكثرين الجليتر مو حلو _تكلم الكوافير_ نجود: مو زايدة؟ الله يستر!! ليلى: لالا..مرارة .. خالتي تقوله هي ونجلاء... نواعم: ليلى غريبة نجلاء ماجت ولا كأنك أختها...!! كله تحت... وش السالفة؟ ليلى: .. أكيد تتلبس وو .. ومها أكيد ما تخليها تجلس.. تعرفين هي راعية البيت الحين.. _تدخل نجلاء وتلتفت نحو نجود_ نجلاء: نجود... وين نورة ليش ما جت؟ الناس بدوا يجون.. كل هذا تلبس!! نجود: نجلاء.. تعالي أبيتس شوي...تعالي قربي.. نجلاء: هاااااه.. نجود: الحين أنتي متأكدة إن عذبة به مرارة مو زايدة!! نجلاء: مادري.. تركي اللي يقوله.. تركي طبيب أكيد يعرف ..ليش؟ نجود:......................... نجلاء: نجود أنا ناغصن قلبي.. وش السالفة؟ نجود: لا.. مافيه شي.. بس المرارة ... عادة تجي مع ..مع العجز.. والزايدة تجي للبنات....بس.. نجلاء: هههههه الأخت د.الربيعة على غفلة!! نجود: نورة ماجت ؟ نجلاء: أقولتس من اليوم ما جت!! نجود: روحي خبيه أكيد تمطط... نجلاء: أخاف أقابل أحد من إخوانتس.. نجود: إلبسي جلال وإدخلي من الدرج الجانبي. ما أتوقع أحد هناك.. حتى أدق عليه ماترد علي.. نجلاء: وأنا بعد... _تنزل نجلاء حيث رائحة البخور تختلط مع العطور, أم تركي وفاتن يتحدثن بأحد الزوايا, أم عبدالعزيز تعاين ترتيبات الحفل مع مها, أم إبراهيم والجدة عذبة وأختها يضحكن على أم عبدالله التي وضعت كريم أساس لم يناسب وجهها, فيما هي أخذت تمسحه وهي تضحك ..._ أم عبدالله_تنادي نجلاء_: تعالي يا نجيل... تعالي شوفي حطيت البيوض وضحكن علي!! نجلاء: أشوه يا عمه من حقه الكريم أكيد مب حقتس!! أم عبدالله: إيه دخلت غرفة نوير وأخذته .. بس ما أدري وراو طلع تسذا!! تقل فار مغطوط بطحين... الله لا يعافيه!! أم إبراهيم: هههههههه عاد مالقيتي يا أم عبدالله إلا نورة.. نورة جدار من البياض وش جابه لتس... أم عبدالله: غربلتس الله ... إيه إضحكن.. ولا لو أنتن سنعات كان زينتنوه لي.. أم إبراهيم:تعالي أحط لتس من حقي.. يناسب لتس!! أم عبدالله: طسي بس.. نجلاء هو حقه يناسب لي.. ولا يقلب سنجتي!! الجدة عذبة: أبد يا أم عبدالله لا تطيعين أم إبراهيم.. تراه ماتبيتس تنخطبين .. نغورة!! نجلاء: هههههههههه يمه.. لالا.. عمه خلي أم إبراهيم تسنعه لتس.. تعرف.. _خرجت نجلاء من باب المطبخ وإتجهت مباشرة للباب الذي يدخل على الدرج الجانبي لبيت أبناء العم متجنبه الحديقة والتي تعج بالشباب والرجال والعمال_ نجلاء: هيه ... فيه أحد؟ الخادمة: لا...كله برا بالخيمة.. نجلاء: يعني مب لازم جلال.._ورمت الشرشف على عروة الباب_ _صعدت نجلاء الدرج وهي ترتدي فستان ذهبي حريري ناعم جداً ويتدلى منه إكسسوار يلتف على الصدر والخصر , شعرها مملس ومرفوع بكرستاله من المقدمة بينما ترك الباقي لينساب على ظهرها ويحيطها بكل حركة, ركضها بالدرج يصدر صوتاً مزعجاً من قبل كعبها الرفيع, وحين وصلت نهايه الدرج ولفت لتتجه لغرفة نورة وإذ بعبدالمجيد يخرج مسرعاً وهو يهتف_: نوووورة... ماتدرين جاء عمي فيصل.. ولا........يااااااااااااااااولد!!! نجلاء: آآآآآآآآآآآآآآآآآآآآآآ غمض!! عبدالمجيد_يتجه لغرفته التي خرج منها_:أحسبتس نورة.. ماشاء الله كاشخة!! نجلاء: خير إن شاء الله... شين وقوي عين يناظر ويعلق!! عبدالمجيد: مرة ثانية البيت اللي فيه عيال ولا رجال لا تدخلينه من دون جلال ولا تروحين مكان لحالتس فيه.. ترا خطر عليتس نجلاء: وشو!! نورة هنا وشو لحالي.. عبدالمجيد: أنا أعلمتس.. لو نورة نزلت من الدرج ذا وأنتي جيتي من الدرج ذا ومافيه فوق غيري..؟؟؟ إنتبهي مرة ثانيه نجلاء: طيب إنقلع خلن أروح لنورة... عبدالمجيد: بسرعة إدخلي غرفته... أنا أبنزل.. _دخلت نجلاء لغرفة نورة ويبدو عليها الإحراج الشديد, فيما نورة منكبة على سريرها ولم تغير ملابسها ولم تستعد للحفلة_ نجلاء: نورة!! خير وين الناس بيجون... الساع تسع .. قومي يالله يمديتس!! نورة: منب رايحة. نجلاء: ليه؟ نورة: بس.. نجلاء: نورة وش بتس؟ نورة: صكي الباب... وتعالي.. نجلاء: يالله صكينا الباب وجينا وش الأمر الخطير؟ نورة: أنا مقهورة ... مقهورة نجلاء: ليه؟ نورة: ليش بندر يتعامل معي كذا!! نجلاء: أهاااا .. بندر.. هذا طبعه ماعنده رومانسيه.. صارم وقاسي شوي ... كلن يخاف منه حتى أمه وإخوانه وخواته... على أنه حنون وبار مع أمه بالذات إلا أنه رعب في رعب لا تستغربين منه كذا.... حتى عذبة الله يقومه بالعافية تخااااااف منه هو الوحيد اللي تخاف منه شفتي هذا اللي تحبينه.... بس تراه مب قصده عاي عنده ما تعود أحد يقول له لا.. نورة: بـــــــــــــــــــــس!! أنا ما أبيتس تعذرين له... ليش ما تقولين الحق لو كانت نجود ولا نواعم ولا شمس بنت خالتس كان تجرأ عليه وصرخ وغصبه تجي بسيارته القرمبع؟ نجلاء: إممممممممممم لا... نورة: شفتي.... أنا اللي خليته يحقرن ويتعامل معي زي ما يتعامل مع البزران ولا يراعي إن مرة تتغطى عنه.. قااااااااااااهرن قاهرن نجلاء: ههههههههههههه خلاص أقول له تراك زعلت نوير نورة: أذبحتس أنا ..ليش مبردة؟ نجلاء: والله حرت بتس وش أسوي له ... أنا أخاااااااف منه نورة: وأنا قلت لتس سوي شي نجلاء: لاحوووووووول طيب قومي الحين وإلبسي ليش ما زينتي شعرتس قومي إسبحي وأنا أبجهز ملابستس بتلبسين الوردي؟ نورة: إيه نجلاء: ترا أم إبراهيم تسأل عنتس تقول وين نورة ما شفته... نورة: قولي له تأدب ولده نجلاء: أيووووووه كذا يا نورة حلوه قولي كرهته.. نورة: لا نجلاء: نورة!!!! نورة: حرررررررررر للحين أحبه بس قاهرن نجلاء: اللي يقهرتس شلون تحبينه نورة: عادي حتى أنا نفسي منقهره من نفسي.. _مضت ساعات الحفل سريعة على المدعوين, فيما مرت بثقل بالغ على تركي الذي ظل جالساً أمام باب غرفة العمليات_ ****** |
"الجزء الثاني والثلاثين" "الساعة 12 صباحاً" تركي يجلس على كرس معدني أمام غرفة العمليات, ينظر للساعة بقلق بين الفينة والفينة...أمسكت يد غليظة بكتفه إلتفت وإذ به فيصل... فيصل: بشر؟ تركي:..................._ويشيح ببصره_ فيصل: من متى وهي داخله.. كل هذي عملية؟ تركي_دون أن يلتفت_: العملية معقدة, وخطرة والبنت تعبانه.. جسمه منهك.. منهك للآخرعشان كذا.. هم على أعصابهم.. إحتمال كبير بأي لحظة تموت لأن جسمه ضعيف.. فيصل: طيب ليش يسوون له العمليه وهي تعبانه؟ تركي_يضرب يده بالكرسي_: مافيه خيار ثاني!! بكل الحالتين هي ميته ميته!! فيصل_يشد شعره _:............................. تركي: عذبة بتموت... خلك ترتاح وعماني يرتاحون والناس كله ترتاح من وحده تطالب بحقه من وحده ما طلبت إلا إنه تعيش بسلام خلهم كلهم يرتاحون.. يرتاحون ومايلقون أحد يعذبونه, ويحطون عليه فشلهم وخياناتهم... وأنا اللي أتعذب لأني أنا سبب بموته ونجلاء تتعذب لأنه بتعيش بدون أخته. فيصل: أنت ليش سبب بموته؟ تركي: هه ليش تسأل... عشان تقاضين وترجع حق بنت عمك ما أدري خطيبتك ولا عشان تلقى أحد بعد موت هالضعيفة تعلق عليه فشلك وأخطائك؟!! فيصل: تركي... أنا..... ماكنت أدري إنه مريضة يوم أضربه والله ما كنت أدري.. تركي عذبة كانت تطق أبو عبدالعزيز و ... ما تغطت وبمكان الرجال .. خلتن أسوي كذا وأنا ما أدري عن نفسي من القهر تركي: يا خي إصحى وكل هذا وتحط اللوم عليها ليش ما تعترف إنك غلطان .. ليش ما تقول إني حطيت حرتي من كل شي على راسها ليش ما تقول يوم شفتها ذكرت الموقف اللي صار ليش ما تقول إنه صارت أحسن مني يالرجال اللي ماقدر يمسك نفسه عند موقف بسيط زي كذا وهي يالحرمه اللي ضبطت نفسه وسترت عليك ومافيه أشد على المرة من خيانه حبيبها.. وش عاد لو كان خطيبه وولد عمها ومع شغالتها وببيتها!! إصحى يا فيصل إصحى... أنت ما زلت عايش على أمجادك القديمه أنت مب رجال .. الرجال يبينون بالمواقف الصعبه تبين رجولتهم لمن الحرمة تطيح لهم مو إذا كان عنده أحد يدافع عنه ويحميه تطق صدرك ولمن تصير وحيدة وضعيفة تتخلى عنه وتتمرجل عليه وتهينه فيصل: بــــــــــــــــــــس!! واللي يرحم والديك!! تركي: تبي تقوم تطقني!! عادي يجي منك أكثر مو طقتيني يوم دريت إن عذبة بين الحياة والموت وكأني أنا اللي معذبها رميت غلطك علي ومشيت.. وجيت و حتى ولا ناوي تعتذر فعلاً يا عم.. بعد موت سعود تغيرت صور كثيرة ببالي وإنكشفت شخصيات مخبيه لكن أسوأ شخصيه إنكشفت على حقيقته شخصيتك وأنت اللي طقيت صدرك لسعود وروحه تغرغر إذا كنت نسيت أنا ما نسيت وعذبة مانست سعود وروحه تطلع يقولك خواتي يا فيصل خواتي تذكر ... تذكر يوم قال عذبة ومسك يدك كانت كلمه عذبة تطلع مع الدم ويرجع يقول خواتي ثمن إذا قال عذبة زفر الدم أكثر وتشهد ومات.. تذكر أنا كنت جنبك بس ما وصان على خواته وصاك أنت ...وصاك أنت وأنت طقيت له صدرك... فيصل: مانسيت ما نسيت بيوم سعود ولا نسيت موتته أنت يا تركي ما تدري ماتدري.. أنا... تركي: كفايه كذب كفايه خداع فيصل_يمسح دموعه_: تركي رح لبيتكم أنا أبجلس هنا تركي: لا.. إرجع لديرتك أولى بك.. عش حياتك ولا عليك من أحد وحنا هنا حياتنا مب ملكنا حياتنا ملك لأهلنا مثل ما عذبة ضحت بحياته عشانك وعشان غيرك أنا ما تفرق عندي أضحي بساعات عشانه ********** "في غرفة نجلاء" نجلاء تمسح المساحيق التي على وجهها, وترتب الإكسسوارت المتناثرة على تسريحتها, يطرق الباب ثم تدخل ليلى , لم تلتفت نجلاء وأبدت عدم إكتراثها بها.. ليلى_بدلع_: ماسمعت منك كلمة مبروك.. قلت أجي وأسمعها منك بغرفتك.. نجلاء: مبروك... شي ثاني؟ ليلى: يوووووووووه نجلاء .. ولا كأني أختك........ شلون بتروحين تنامين ببيت جدتي وتتركيني هنا مع الضيوف.. من زمان ما شفتك.. إشتقت لك.. نجلاء: ومن قالتس إني إختس أنا البدوية اللي تفضلتوا عليه وضفيتوه أنا أختي عذبة وبس... ليلى: نجووووووووول عن الزعل عاد!! نجلاء: ليلى... تبين شي ولا إطلعي من غير مطرود ليلى: شلون يسمح لك قلبك تطرديني نجلاء: أنتي طردتين من البيت كله.. مو من غرفة ليلى: أصلاً البيت مو بيتي.. البيت بيت عذبة شفتي فيصل جاء محلو ولا خارب عقب السفرة الطويلة؟ نجلاء: ما أدري.. ليلى: شفتي مؤيد!!! نجلاء: ولا أبي أشوفه.. لا هو ولا أهله اللي ما أدري وشلون يتكلمون ليلى: إيه هذي منطقتهم كلامهم كذا بس حلو صح؟ نجلاء: أمحق حلاوة... خالد أحلى منه أصلاً خالد طوله مرتين.... مب زي ذا الكفته ليلى: طولي!! نجلاء: أنتي عملاقة عند الحريم... لكن عند الرجال اللي طولتس موب ذاك الطول ليلى: بس والله وسيم نجلاء: الله يهنيتس روحي تكشخي فيه وخوذي صورتس أنتي وياه ووريه صديقاتس يوم السبت .. خلي الإمتحان وتأملي صور هالعله اللي لبط على قلوبنا ليلى:أنتي ليش حاقده عليه نجلاء_بسخرية_:عشانه بياخذ أختي الحبوبة المزيونه اللي أغار منه وغصب على أختي القشرا اللي طمعانه بالحلال وبتكوش عليه ليلى: عذبة قالت لك!!! نجلاء: لا الله يسلمتس عذبة بالمستشفى تعبانه ليلى: إي والله ما ودي تتعب بيوم ملكتي بس كله بسبتك أنتي وزعلك نجلاء: بسبتي !! منهو اللي فضحه وبهذل به!! ليلى: أووووووووه أروح لخالتي أصرف لي الكلام معك ضايع!! ********** "في المستشفى" صباح اليوم التالي.. أبو عبدالعزيز وسعد وعبدالمجيد يتجهون لغرفة عذبة, تركي يجلس بجانب الباب ويبدو عليه الإنهاك الشديد فيما وقف فيصل وأسند رأسه على الباب. أبو عبدالعزيز: تركي !! هو صدز اللي سمعناه!! سعد: ها يا وليدي .. وش أخباره؟ تركي: الحمدلله.. طلعت من غرفة العمليات الفجر والحين بالعناية المركزة.. عبدالمجيد: طيب .. شلون بنقول لخواته؟ فيصل: بس هذا اللي همك....... عبدالمجيد: عم!! ليش أمس ما حضرت الملكة؟ فيصل: من زين هالملكه والنسب اللي يشرف !! سعد: طيب .. وشلون به الورم ولا حست؟ أبو عبدالعزيز: لا حول ولا قوه إلا بالله... وحنا غثيناه وأبلشنا به أنا عرفت من وجهه إنه تعبانه عشان كذا سكت وما بغيت أطوله معه وهي قصيرة فيصل: سكت عشانك غلطان... مب زود رحمه سواتك ذي_يصر أسنانه ويشيح بوجهه_ أخ بس.. أبو عبدالعزيز: فيصل.. ليش ما جيت للبيت أمي كفخ عقله تسأل عنك!! فيصل: أبجي الحين ... تركي: هي كانت عارفة من زمان بس سكتت ماتبي تخرب على أختها فرحتها.. أبو عبدالله: وأنت داري!! تركي: إيه.. سعد: عشان كذا يوم طاحت تركتن ورحت تركض له!! تركي: إيه.. أبو عبداالعزيز: وأنت ليش ساكت.. الأمر حياة ولا موت مب لعبة!! تركي: ماتبي أحد يدري!! أبو عبدالعزيز: سفيه.. ماتعرف مصلحته.... كان جيت وقلت لي.. الله يهديك البنيه بتموت وأنت تقول ماتبي أحد يدري!! تركي: وش يدرين إنك بتهتم لأمرها!! سعد: أفا عليك يا تركي... عبدالله أبونا كلنا فيصل: تركي صادز... اللي سويتوا به هالسواة وطردتوا أخته مانتب مهتمين لصحته تموت ولا تحيا سعد: نقطنا بسكوتك يا شيخ.. تعال وإرجع لعذبة وإحفظ بنات عمك كانك صادز.... فيصل: لو بجي مانب جاي عشان مصلحتك أدري ليش قطعتوا عن المصروف ومنعتون آخذ شي من فلوسي تبونن أرجع.. لكن لا.. مانب راجع . وإذا هاللي سويتوه لنجلاء من باب الضغط علي.. هنا يختلف الوضع.. لأني ماراح أسمح لأحد يتعدى على بنات عمي وراسي يشم الهواء.. أبو عبداالعزيز: بنات عمك بناتي... ونجلاء هي اللي أجبرتنا نسوي اللي سويناه قلنا أغديه تعقل عن الطيران!! تركي: بس..بس.. أنتم ما تتغيرون!! البنت تحت الأجهزة وكل واحد يرمي أغلاطه على الثاني حراااااااااااااااااااام حسوا يا بشر أبو عبدالعزيز: طيب.. وين الدكتور ؟ تركي: ليش؟ أبو عبدالعزيز: أبشوف إن كان العلاج برا أحسن نسفره بلا ما نضيع وقت وتموت البنت بين إيدينا!! فيصل: فعلاً... لازم نتحرك .. سعد: أبد أبشرو.. أنتم بس شوفوا الدكتور وش يقول وأخلي منيرة تشوف لنا أحسن مكان يعالجون هالحالات نوديه ولا نكلم صديقات فرح كلهن بذا ونشوف تركي: وفروا على أنفسكم.. العلاج اللي هنا متقدم ولو فرضنا إنه هناك أفضل... فات الوقت... هي الحين تحت العناية.. وبرا ولا هنا ما تختلف مادام العمليه تسوت وصديقات أمها من دروا بحالتها وهم ما يغيبون والطالبات اللي درستهم أمها .... حتى الطلاب اللي كانت تشرف عليهم الدكتور اللي متولي العمليه من طلاب فرح كلهم فزعوا الله يجزاهم خير.. فيصل: ماكنت أدري إن فرح له هالشعبية.. بس الغريبه ما يذكرون ماجد!! تركي: لالا.. ماجد كان يشتغل بالجامعي .. كثير يسألوني عنه.. وكثير عزوني فيه.. يذكرونه بالخير دايم ********* "في بيت سعد" _مساءً_ سعد: وش أخبارهم؟ منيرة_أم تركي_: يقطعون القلب.... بالذات خالتها ونجلاء يووووووه ولاكأنها ميته.. ياعمري الجده إرتفع الضغط عندها.... وليلى قفلت على عمرها غرفتها وما تكلم أحد من سمعت الخبر وش أخبار خالها... عساه تماسك اللي أعرفه إنه عذبة تسوى عيونه... بنت الغاليه.. والله يا عمري ما تستاهل!! سعد: أعوذ بالله يا منير تعترضين على القدر!!! منيرة: مو قصدي خنت حيلي... سعد: خاله تعبان ... طاح من طوله يوم دري وأبو عبدالعزيز ما توقعته هروع كذا عيا يطلع من المستشفى .. يقول هالبنت أمانه برقبتي والحين متقابل هو وفاتن وخاله عند باب الغرفة مير وين تركي؟ منيرة: تركي دش من الباب على الدرج على طول حتى يالله سمعته يقول مساء الخير يمه... أبوي دايخ من الدوام!! سعد: هههههههههههههه أنتي وينتس عن عيالتس؟ أي دوام أنتي عارفة اليوم ما عنده شي !! من أمس وهو عند عذبة بالمستشفى.. منيرة: هو!! ياعمري من أمس ما نام!! مادريت عنه... إيه أنا ييت من الملكه ونمت والفير رحت للمناوبة سعد: إيه أدري .... منتب دارية عن أحد أبد لو كانوا عيالتس!! *********** "أمام باب غرفة عذبة في المستشفى" الطبيبة: عذراً, ممنوع تدخلون كلكم!! فاتن: طيب يا وخيتي أبي أشوفها.. بنيتي.. نجلاء: دكتورة تكفين والله أدعي لتس بصلاتي.. الله يخليتس خلين أدخل أشوفه الطبيبة: طيب ... تدخلون شخص شخص.. والكلام ممنوع .. ولا تطولون.. بس تشوفونها وتطلعون.. إتفقنا.. مها: طيب.. طيب.. إدخلي يا فاتن أول.. _ذهبت الطبيبة نحو قسم آخر, ورائحة عطرها تنبعث بالمكان وشعرها المصبوغ المموج ويتمايل مع مشيتها المتغنجه, بيضاء طويلة وتضع عدسات لاصقة زرقاء, مرت بجانب أبي إبراهيم_الخال راشد_ فلحقها ليسألها عن عذبة_ الخال: excuse me Dr.!! الطبيبة: هلا!! الخال: سعودية!! الطبيبة: وليه ما أصير سعودية ؟!! الخال: حسبتس بريطانية ولا كندية ولا أجنبية عموما بس عربية مسلمة ما توقعته!! الطبيبة: هههههههههههه ليه ما يصير عربية مسلمة دكتورة متخصصة بالسرطان!! الخال: إلا.. أختي برفسورة بالمجال هذا!! وهنا كانت تشتغل... الطبيبة: يوه.. مين؟ الخال: د.فرح إبراهيم الـ...... الطبيبة: أيـــــــــــــــــــــــــــــــوه دكتورة فرح.. هذي كانت المشرفة علي الله يرحمها.. أختك .. مو مبين إطلاقاً!! يووووووووووووه.. سبحان الله.. أجل أنت خال المريضة اللي هناك.. الخال: إيه.. الطبيبة: طيب ما قلت لي.. ليش أنت مستغرب إني عربية..ومسلمة الخال: لأنتس يا بنتي متشبهه بالغرب بكل شي!! ما يعني إنتس طبيبه تتخلين عن حجابتس.. أنا ماراح أقولتس الأنظمه هنا تمنع السفور وتلزم الجميع بالحجاب وبالذات لو كانوا مواطنات لكن أنا أبقولتس كلمة يا بنتي .. الغرب أخذوا منا الزين وحنا للأسف أخذنا منهم الشين!! الطبيبة: وش قصدك؟ الخال: هم أخذوا منا العلم اللي فلح فيه أجدادنا وحنا أخذنا السفور منهم يابنتي حجابتس هو اللي يكبرك بعيون الناس قبل أي شي ثاني وصدقين أنتي بهالشكل تخلين نفستس سلعة رخيصة لكل من هب ودب أنا ما أقول أنتي قاصدة تبعين نفستس حاشاتس لكن أنتي ترسلين رسالة للي في قلوبهم مرض إنتس سهله المنال... والله يا بنتي لو أنا ما عديتس زي بنتي كان ما قلت لتس هالكلام.. إعتبريه نصيحة أب...والدين النصيحة ولو ما عجبتس كلامي.. إنسيه.... الطبيبة_بخجل_: الله يجزاك خير يا عم... _وولت مسرعة فيما عاد الخال لغرفة عذبة وهو يضرب كفيه ببعضهما تأثراً من حال الطبيبة_ ******* " في غرفة عبدالمجيد" فيصل: مجيـــــد... مجيـــــــــــــــــــــــــــــد نمت؟ عبدالمجيد: كل هالإزعاج وتبين أنام.. وش تبي؟ فيصل: أصلاً مب وقت نوم... عبدالمجيد: فيصل... ضايق صدري على عذبة أخاف تموت.. _ينبطح بجانبه على السرير_ فيصل: وش بك أنت وتركي طايحين لنا بعذبة .. يعني هامتكم عذبة لهدرجة!! عبدالمجيد: ليش تغار؟ فيصل: يوووووووووووووووه... قلي .. تتوقع تعيش.. الدكتورة قالت لي ... _يقاطعه عبدالمجيد_ عبدالمجيد: الدكتورة المزيونه!! إخس يا فتفت .. أنت حريص على عذيب ولا تبي تتكلم معه؟ فيصل: مجيدوه!! عذبة بنت عمي وخطيبتي وأنت أعرف واحد بغلاه عندي... إلا تعال.. نجلاء.. وش مسوية بك.. عشان أبوك يطرده؟ عبدالمجيد: هه.. تهاوشوا.. وو... فيصل تدري خطبت نجلاء من عمها.. فيصل: هه. .. جد!! عبدالمجيد: لا عم! إيه.. بس عمه الغثة يا ثقل دمه.. قالي جب أبوك.. وتعال.. وبيتنا مفتوح.. لكن أنت تبي تخطب لحالك لا.. فيصل: أها .. عشان كذا .. خليت أبوك يطرده!! أحسن.. هذي النذالة!! عبدالمجيد: فيصل.. ماتغيرت على لكاعتك!! فيصل: وش بيتغير بي... عبدالمجيد: تبي الجد.. خفت من عذبة.. عجزت أنزل.. فيصل: هههههههههه والله ياهي خالقة رعب إقليمي هالبصوة!! غريبة.. أول مرة تعترف لي إنك تخاف منه.. عقب الشغل معه عرفته ولا شلون؟ عبدالمجيد: لا.. الشغل معه مريح جداً.. بس تعلمت منه أشياء كثيرة.. أحسن منك وأشد صرامة مع الموظفين.. خلال سنه غيرت ثمانين موظف.. ورقت أربعين.. وحسنت أوضاع ثلاثة وخمسين موظف.. خلت فيه حماس بالشركة وتنافس فيصل: شلون؟ عبدالمجيد: مافيه بيروقراطية عنده تخلص شغلك تطلع... تسويه بالبيت بالمكتب بالسفر ما يعنيه أهم شي الشغل المطلوب ينجز وحطت حوافز كثيرة وصرفت مكافات حتى للفراشين.. فيصل: والله ويطلع منه شغل!! غريبة.. شلون تطورت هالسرع.. عبدالمجيد: تقول إنه تقرا كتب بتطوير الإنتاج وإستثمار الطاقات.. تخربط ما أدري وش تعني.. فيصل: طيب.. والتواصل مع الموظفين؟ عبدالمجيد: بالإنترنت... فيه موقع خاص.. وتقعد ساعة كاملة محدده من كل يوم ترد على الموظفين وتناقشهم.. وخلت بكذا تغيير كبير بالعمل والموظفين.. فيصل: وليش تخاف منه؟ عبدالمجيد: لأنه خطيرة... ومستعده تسوي أي شي... واللي يحط راسه من راسه تنهيه.. وما أستبعد يا فيصل بيوم تكتشف اللي سويته وتنتقم من!! أنا خايف منه.. _فيصل بدى القلق يعتري وجهه ثم أطرق يفكر_ عبدالمجيد: هيه.. يالحبيب!! فيصل: هاه!! _تدخل نورة _ نورة: مرحبا عمي فيصل... سوعال واحد!! عبدالمجيد: إنقلعي... نورة: إنقلع أنت يال الجبان!! فيصل: ههههههههههههه نوير.. أنا ودي أدري.. هالشر اللي من تحت راستس منين جاي؟ نورة: عمي فيصل وأخوي مجيد!! فيصل: وش تبين.. إنجزي!! نورة: الحين .. عذبة بالمستشفى عقب ما ضربته.. دخلت المستشفى مضروبة قالوا به مرارة تحولت المرارة لسرطان والحالة خطيرة ودخلت العناية ومنعنا من الزيارة.. والناس يصيحون.. ونجود صاكه على نفسه غرفته وأنتم قاعدين بغرفة ظلماء, ومتسدحين على السرير تقل تماسيح شبعانه و أم إبراهيم خلت بناته وعندهن إمتحانات وفاتن قالت واااا حر قلبي وليلى تصيح بغرفته وتعيط, وأنا ضايقن صدري..وأبوي منغث وسلمان راح للورشة وهو يقول ربي يشفيه وأحمد مستانس مع ناصر وكاميليا جت من المطار على المستشفى وتهاوشت مع فاتن كل وحده تقول أنا الللي أبجلس عنده و... عبدالمجيد_يصرخ_: بـــــــــــــــــــــــــــــــــــس!! فقتي روسنا بالتحليل الشامل!! وشو السؤال!! فيصل_مسلتقي على بطنه ويضع وجهه على كفيه ويتابع بإهتمام_: خله.. باين الشريط خربان من كثر ما طوى.. نجلاء مهب به تفقع راسه نورة: سوعالي.. كيف ولماذا ومتى.. بتشوي عذبة؟ فيصل: الله يشفيه ويشفيتس!! عبدالمجيد: إذلفي.. يمدحون الجلسلة بالشمس بالشتاء تنفع.. نورة: هه هه هه ثقيل دم!! ********* "الجزء الثالث والثلاثين" "في غرفة ليلى" تمددت ليلى على الأريكة وأمسكت بجوالها .. بدت مترددة, همست: يووووووه ... أرد ولا ما أرد؟ عذبة ما ترضى... أخاف أتحسف.. ياربيه... أبرد.. صار رجلي خلاص وش المانع بعد..لالا.. أخاف تموت وهي زعلانه علي.. يوووووووووووووووووه.. عذبة.. الله يقومك بالسلامة.. _بدت مترددة بين الجوال وهو يرن بين يديها وبين شرط عذبة _ ردت: ألو.. مؤيد: هلا والله بعمري وحياتي.. مابغيتي يا روحي تردين؟ ليلى: مؤيد... أنا ... ما أقدر أكلمك.. مؤيد: ويش المانع... أنا الحين زوجك؟!! ليلى: عذبة.. شارطة علي إني ما أكلمك... تكفى لا تدق علي مؤيد: عذبة هذي ما عندها قلب وتحسب الناس كلهم مثلها ما عندهم قلوب!! هذي ديكتاتورية أنتي سمحتي فيها!! عذبة لو ماهي أختك.. كان وريتها الشغل .. الله ياخذها!! ليلى_تبكي_: لا.. يا مؤيد حرام عليك.. عذبة بالمستشفى بين الحياة والموت.. الله يخليك أبيك تدعي لها مو تدعي عليها أنا أخاف تموت.. مؤيد: وش فيها؟ ليلى: شالو منها ورم سرطاني ببطنها والعمليه كانت صعبة... يقول الدكتور إنه مرتين تشرف على الموت وتعيش باللحظة الأخيرة.. خاااااااااايفة.. خاااااااااااايفة تموت وأصير السبب بموتها.. عمتي عيت أروح لها للمستشفى.. تقول لو بتشوفك بتموت... نجلاء من يوم درت إن حالتها خطرة وهي توعدني تقول لو صار لأختي شي أنتي السبب.. كلهم كرهوني عشانها.. حتى خالتي تقولي أنتي اللي جبتي الهم لأختك!! مؤيد: هو خالتك تعرف إن ليك علاقة فيني..؟ ليلى: لا... بس كل أهلي زعلانين لأنهم رافضين الزواج.. حتى ولد عمي جاي من برا وشكلوا فنيته يفركش الزواج بس طاحت عليهم عذبة ونسوا أمرنا... مؤيد: ليش؟ ليلى: لأنكم ما تناسبون إجتماعياً مؤيد: أنا قبيلي.. ليلى: بس إحنا ما نزوج أهل منطقتكم.. كذا عاداتنا.. حتى عذبة تقول لي.. خوذي واحد مو قبيلي أهون من البلوى اللي جبتيها على راسي!! أنا تعبت .. كلهم يحملوني السبب اللي يعرف واللي ما يعرف.. مؤيد: .............................. ليلى: مؤيد زعلت...؟ مؤيد: لا يا بنت الأكابر!! أنا نفسي أعرف أنتم يا أهل نجد شايفين أنفسكم على إيش؟!! ليلى: مؤيد.. الله يخليك إنسى الكلام اللي قلته.. بس والله أنا مالي غيرك أشكي له.. أنا عاديت أقرب الناس لي عشانك.. لا تزعل مني.. مؤيد: لا .. أنا مو زعلان عليك.. بس أنا مقهور من أهلك.. أمس بالملكة واحد إسمه عبدالمجيد يكلمني من طرف مناخيرة!! ولا أبو عبدالعزيز أهون منه على أنه مبين مغصوب على هالزيجه.. ليلى: عذبة غصبتهم عشاني.. كلهم كانوا رافضين بس الأهم أنا وأنت متصافين ما علينا منهم.. مؤيد: إي صحيح.. حلو شكلك أمس بس مبين زعلانه ليلى: من وين أصير فرحانه..وأختي بالمستشفى... مؤيد: بس أهلي عجبتيهم مرة.. وعجبتهم جدتك وبنات عمك.. ليلى: مؤيد.. معليه حبييبي بس أنا معطيه عذبة كلمة إني ما أكلمك حد الزواج... لا تكلمني... الله يخليك مؤيد: وأبنتظر إسبوعين!!! ليلى: أكثر من إسبوعين... عذبة بالمستشفى .. لسى ما إستقرت حالتها.. مؤيد: والله!! يا ربيه ويش بيصبرني!! خلاص أمري لله ويارب تطلع عذبة بالسلامة ليلى: يارب... ******** "بعد ثلاثة أيام" نجلاء: ليلى بسرعة.. بنروح!! ليلى: طيب... خليني ألبس عباتي!! مها: وه منتس ما تطلعين إلا بطلعة الروح!! وين كاميليا!!؟ نجلاء: فوق ... بغرفة أمي.. ليلى:أمك ولا أمي؟!! نجلاء: أمتس وأمي!! ليلى: لا .. قصدي أمي فرح؟ مها: وش تزين هناك؟ نجلاء: عذبة طالبتن منه تجيب له شي من غرفة أمي...ما أدري وشو.. ليلى: خير إن شاء الله.. عذبة تمنعنا حنا وتخليه!! مها: أقول إركبي وخلي التشره عنتس يالعجوز!! _في السيارة_ مها: كاميليا.. كاميليا: يس مدام.. مها: وش بتجيبين من غرفة فرح؟ كاميليا: سوري... مدام عذبة ما تبغى أحد يعرف.. ليلى: طيب..عطيني المفتاح.. كاميليا: لا ليلى: هذي أمي.. مب أمك!! كاميليا: المفتاح مو معي .. إسأل مدام عذبة.. نجلاء: شوفي يا الآنسة الأنيقة تجيبين طاري للمفتاح عند عذبة تغثينه!! ليلى: أووووووووووووووف.. يعني هي أختك بس مو أختي!! مها: لو أختس ما سويتي به السواة.. ليلى: ياربيه .. متى أفتك منكم!! عمتي مها.. لمتى أأجل الزواج؟ مها: والله يا ليلى ما أدري... الحين إنتبهي لإمتحاناتس وخلي الزواج بعدين.. ليلى: يوووووه.. مافيه عطله إلا هالإسبوعين... بعد مو كاملات .. ومؤيد أخذ إجازته فيها.. نجلاء: يعني بتتزوجين الحين وأختس على هالحال ليلى: لا أكيد... بس.. ما أبغى أتزوج بالدراسة... قرف... مها: إعتذري ترم ولا أجلي الزواج حد العطلة الصيفيه.. ليلى: أأجل الزواج يمكن أحسن... ******* "في المستشفى" فاتن تمسح شعر عذبة, وهي تقرأ عليها القران وتنفث عليها, عذبة بدت شاحبة ذاوية شفتاها متشققتان وتضربان للصفرة, وتقلب بصرها بالغرفة وهي تغالب عبرة مكتومة... أحست فاتن بمشاعر عذبة فإنحنت عليها ثم قبلتها وهمست: وش فيها قمورتي عذبة.. تعبانه ؟ _هزت عذبة رأسها بالإيجاب والدموع تجمعت بعينيها_ فاتن: وين تحسين التعب فيه يا قلب خالتك؟ _أشارت عذبة لصدرها ثم همست بصوت مبحوح والدموع تذرف من عينيها_: هنا .. هنا التعب كله .... فاتن: أنادي الدكتور؟ _هزت عذبة رأسها بالرفض وتساقطت دمعاتها بغزارة_ فاتن: ليه... يجي يشوف لك حل!! عذبة: وش حيلة الدكتور بقلبي... وش حيلة الدكتور بالولهان ... أبي أمي يا خالة.. أبي أمي تضمن على صدره... مشتاقة أحط راسي على صدره وأقول أمي أنا تعبااااااااااااااااانه ولهانه عليه يا خاله ولهانه... أبي أمي يا خاله أبي أمي... تقيس حرارتي وتغصبن على العلاج... أبيه.. يا خاله أبيـــــــــــــــــــــــــــــــــــــــــه.. _ضمتها فاتن لصدرها وهي تنشج_ ******** "في الشرقية" الخال: والله إني جيت وخاطري أقعد عند عذبة.. أم إبراهيم: أجل ليش جيت كان جلست عند هالمسيكينه؟ الخال: عجزت أقعد.. لامن شفته إنصكت الدنيا بوجهي.. غصبن على أصيح لامن شفته كذا.. وأخاف لامن شافتن أصيح تأثر!! إيمان: خلاص يبه... أنت كلمه بالتيلفون.. وأول ما نعطل نروح لمهم.. منه نوسع صدور البنات ومنه نوسع صدره هي بعد.. أم إبراهيم: إيه بعد ترتاح إن فيه أحد عند خواته.. عبير: طيب وعمتي فاتن.. رجعت للإمارات!!؟ الخال: لا... ما رجعت... بنته علقت عليه الجوال.. بس عيت تقول والله ما أترك بنت أختي بهالحال.. عبير: يبه.. سمعت خبر بس مانب متأكده.. الخال: وشو؟ إيمان: لا.. خلاص..عبير أبوي مب ناقصتس أنتي الثانية.. الخال: عبير وشو الخبر؟ عبير: إن زوج منى بنت خالتي بتزوج عليه.. وبياخذ بنت صغيرة مزيونه... تدرس معنا العام والحين هي بالجامعة.. الخال: ههههههههههههههههه والله.. لا ما يسويه محمد.. يخاف منه!! أم إبراهيم: إلا صحيح الخبر.. سمعته من أختي بالقصيم.. تقول إنهم معطينه ودافع ميتين ألف المهر.. غير عن السيارة اللي طاقه لأبوه وطقم ألماس لأمه... الخال: هـــــــــــــــــــــــــــــــــــــو!! وش يدري اللي بالقصيم!! البنت بذا والرجال بذا!! عبير: عااااااااااااااااادي يبه الأخبار ما تعرف مقر.. تنتشر أسرع من الهواء... إيمان: حرام عليه أبو البنت يبيعه بالشكل هذا.. يعني يزوج بنته صغيرة حلوة لواحد متزوج الخال: مب حرام .. وإذا متزوج الشرع أباح له أربع أم إبراهيم: أقول إقطعوا السالفة!! إيمان: بس البنت صغيرة على الجوار والحاله يعني قدامه الحياة طويلة بإذن الله إنه يجي له الكفؤ واللي ما معه مرة.. تعيش حياته جوار!! الخال: إي والله إنتس صادزة يا بنتي.. مير أكيد طمع أبوه بالفلوس.. وباعه عبير: ما كد سمعت إن زوج منى غني!! أم إبراهيم: إيه هين .. خليه عنتس... الرجال لامن إهتوو دبروا الفلوس من تحت الأرض الخال: إيه عقبال ما أدبر لي فلوس من تحت الأرض وآخذ بنت مزيونه وصغيرة.. أم إبراهيم: هين بس.. أقول هات المصروف حق هالشهر أنا أول ساكته .. بس يوم صارت به بنت صغيرة لا هاتوه.. الخال: أمزح .. أمزح.. ولا أنا ألقى مثلتس يا أم إبراهيم أم إبراهيم: أقول هاتوه .. لا تهك علي .. أدري إن ما مثلي.. مير.. أبي مصروفي..جب _أمسكت أم إبراهيم بجيب الخال محاولة إخراج المحفظة منه وهو يقاومها حين وحين يشارك بناته الضحك_ ********** ________________________________________ "في دبي_غرفة مشاري" هيفاء: والله!! وأنا أقعد هني!!.. مشاري: لاحول ولا قوة إلا بالله... الحين آخذج معي ليش؟ هيفاء: أنت اللي ليش بتروح؟ مشاري: أنتي ما تفهمين... قلت لج عندي شغل ... عندي شغل.. عنـــــــــــــــــدي شغل!! هيفاء: أنا أدري إنك بتروح عشان عذيب... من دريت إنها تعبانه وراكبك جني... كله تكلم راشد دورلي حجز دور لي حجز!! مشاري: إستانسي هه مالقيت حجز... هيفاء: يعني بتروح عشان عذيب...؟ مشاري: أنتي خبله ما تفهمين!! يا حلوة أقولك عندي شغل... هيفاء: لا أنت بتروح تسلم على عذبة وتحمد لها السلامة مشاري: يا هيفاء تراج مصخيتها واااااااااااااايد...... وإذا رحت لعذبة فيه مانع؟ هيفاء: إيه إعترف إنك للحين تحبها.. حرام تروح لها ... هذا وهم مطاوعة أستغفر الله!! مشاري: طيب أنا مو مطوع شبتسوين؟!! هيفاء: لا.. لا تروح لها.. ماتحل لك... وإذا مصر تروح لها ودني لأهلي أنا ما أتحمل أعيش بقلب واحد تشاركني فيه غيري... مشاري: طيب خلاص مو رايح لها... هيفاء: يعني منت مسافر؟ مشاري: إلا بسافر... وبمشي الحين يالله ألحق.. هيفاء: تاكل بعقلي حلاوة!! مشاري: بروح للرياض عندي شغل وبرد ما راح أروح لها رضيتي؟ هيفاء: ريلي على ريلك عيل!! مشاري: لا والله!! بطق مشوار بالسيارة ... وبرد من بعد بكرا... تعب عليج.. ما تتحملين.. هيفاء: أنا راضية بالتعب... مشاري: زين.. أنتي المسؤولة.. لكن سمعي عدل... بيت خالتي فرح ما تخطين.. و زيارة لعذبة مافيه.. هيفاء: ........................ مشاري: هيفاء أنا مو أتغشمر وياج.. إذا خالفتي الشروط بيصير لج شي مانتي قده.. بتندمين... هيفاء_أمسكت بذراعة وهي تبتسم_: لا.. أنت آمر وأنا أنفذ.. بروح أجهز جنطتي... إشتقت لمنيرة ونواعم وتروك... *********** "في المستشفى" دخلت مها ونجلاء وليلى وكاميليا, عذبة: مع السلامة خالتي... تعبتس معي.. فرح: لا يا عذبة أنا خالتك ما يصير تقولين هالكلام... أنا بروح كم ساعة أستحم وأجهز لي ملابس وأكلم عيالي... وأتمدد وأجي.. والله لو ما ني واثقتن كاميليا كان ما سمح خاطري أطلع وأخليك بروحك.. _خرجت الخالة فرح, فيما شغلت كاميليا بصب القهوة للجميع , مدت لعذبة_ عذبة: بس الله يسلمتس.. مابي.. مها: يادافع البلاء ولا قهوة!! نجلاء: القهوة ما منها صالح... تاكل شي يفيد.. ليلى: إخس يالصحية... ماقلتي لي عذبة مبروك؟ نجلاء_تصر أسنانها_:عمى!! عذبة: مبروك.... وإن شاء الله يكتبون لي خروج أحضر زواجتس... ليلى: بأجل الزواج يمكن للعطلة... عذبة: ليه تأجلينه.. !! لاا لازم يتم الزواج بأسرع فرصة مها: طيب وأنتي؟!! عذبة: أنا ما عليكم من. .لازم نخلص من هالبلوى اللي طبت على روسنا!! ليلى: بس مالي خاطر أتزوج وأنتي على هالحال نجلاء: ومن متى صار لأحد عندتس خاطر!! تزوجي وفكينا سوي اللي تقول عليه عذبة وخلاص بلا نقاش عذبة: ليلى. حبيبتي لازم تتزوجين .. ولا أبي أحد يدري بالسالفة قبل الزواج ليلى: بس.. مها: خلاص لا بس ولا شي.. اللي تقوله عذبة سويه لا تنكدين علينا.... عذبة: أبقول للدكتور يكتب لي الخروج مو الخميس هذا اللي بعده... ليلى: طيب الناس وش بتقول... أخته بالمستشفى وهي بتتزوج!! عذبة: لا قالوا الناس شي.. قولي لهم أختي إهي اللي أصرت ولا أنا مالي كيف... ليلى:..................... عذبة: أسألتس سؤال وتجاوبينن عليه بصراحة؟ ليلى: تفضلي... عذبة: شلون عرفتي مؤيد؟ ليلى: كان مشرف على منتدى يهتم بالفنانين التشكيلين منتدى عربي يجمع كثير من التشكليين العرب... بالبدايه كانت علاقتنا في حدود المواضيع المطروحة بعدين صرت آخذ رايه بأعمالي وأموري الشخصية أحيانناً بعدين صرت أميل وصرحت له بحبي له... وأني إنجذبت له .... عذبة: يعني مب هو اللي بداه معتس؟ ليلى:لا ..بالعكس في البدايه كان يحاول قد ما فيه إنه يتعامل معي برسمية وبعدين غصب علينا إنجذبنا لبعض وصارت العلاقة بالجوال عذبة: كم مرة تقابتوا؟ ليلى: حوالي ثمان مرات.... من يوم ما سافرت كاميليا وصرت أطلع مع نورة ونجود ولا مع نواعم أستأذن منهم وأروح لحالي وأشوفه يا بمحل ولا كوفي بأي مكان... عذبة: ليش سويتي كذا؟ مها: عذبة... خلي عنتس التفكير بالقضية وخليتس باللي أنتي فيه... عذبة: ليلى .. ليش بعتي نفستس رخيصة؟ ليلى: ............. عذبة: آآآآآآآآآآآآآآآآآه يافرح ويا ماجد... رحمة إنكم منتم هنا تشوفون هالمصيبيه.... آآآآآآآآآآآآآآآه لو كان أبوي موجود ما أدري وش بيسوي بهالموضوع ... لكن ماراح يتسامح مثلي... يارب أبوي يسامحن عاللي سويته... بس أنا.... ملوية ذراع... يارب... (ووأشاحت بوجهها وهي تغالب عبراتها) ****** __بعد يوم_ عذبة تسند رأسها على الوسائد, بدت متعبه, نجود تقرأ القران بصوت خافت وتنفث على عذبة وهي تضع العباية على رأسها , دخلت نورة ونجلاء قادمتان من المقهى , نجلا تحمل كوبين ونورة تحمل كوب وباليد الأخرى تحمل كيس الفطائر, وضعت نجلاء الأكواب وإلفتت لتحكي وإذ بنورة تهجم عليها وتضربها بكيس الفطائر.. نجلاء: آآآآآآآآآآي!! نورة: سادّة!! تستاهلين...ليش تعيين تشيلينه!! نجلاء: شلون أشيله وأنا معي كاسين!! نورة: مسكينه أنا شلته ... ومشيت ... ثمن طرت... لأني عصفورة!! _وأخذت تقفز في أنحاء الغرفة وهي تغني بصوت عالي: أنا عصفورة ... أنا عصفورة ... لللا للا..للل... لل...لللا انا عصفورة... خرجت تركي من الحمام وهو ينشف يديه ويغني: أنتي كورة... أنتي كورة.. للا..للل..للل...لللا نورة: وجــــــــــــــــــــــــــــــــــــــــع!! قل يا ولد خلنا نتغطى!! نجلاء: منين طلعت... ليش ماقلت شي!! تركي: أخاف يجون الأمن ويطلعونه تحت تهديد السلاح.. فيه مرضى هنا .. مايبون يسمعون إزعاج!! والله من زين الأمور هي عصفورة!! إلا كورتن تدحرج!! نوره: (...............................)ياحمار!! نجود: نورة!! عذبة: خليهم فخار يكسر بعضه!! تركي: انا(....................) ياالبرميل!! نورة: إيه وكان عندك شي تعال نتضارب!! تركي: لا .. أخاف تجلسين علي زي ذاك المغازلجي...خخخخخخ أخاف ضلوعي تكسر!! نجلاء: تركي... إحترم نفسك!! تركي: أقول يا ....نجلاء ترا عكاريشتس طالعة من تحت الطرحة... وأشوف عيونتس... ولا بعد حاطتن كحل!! عذبة: تركي!! نجود: تركي واللي يرحم والديك لا تحرش بهن مانبي معارك هنا!! تركي: أقول عاد .. خلي وحدة تقرب أفرمة!! نجلاء: تروك لا تحدى!! تركي: هههههه ... فيه هنا مخرج طوارئ... _وأشار للنافذة_ عذبة: نجلاء... زيني غطاتس... وإسكتي... نورة: خير... هو البادي!! تركي: أصلاً الزعل مو زين لعذبة.. بس هين يا نجلوة ...ونوير ... خل نطلع أوريكن الشغل... _يخرج ويحمل كوبي القهوة بيد ويسحب كيس الفطائر باليد الأخرى_ نورة: وجع حقنا!! تركي: والله عازمن واحد من الربع... سلام نجلاء: جبهن!! تركي: لا عذبة: نجلاء... خلاص ... فدوة له... نورة: لا تصيرين بعد تحبينه!! نجود: نورة!! تركي: حررررررررررررررررة أجل تحب فيصل ولا مشاري!! عذبة: تركي!! إلزم حدودك.... نجلاء: أصلاً...عذبة.. مقدرة موقفه معه... مو تفكيرتس السطحي يا نوير.. وبعدين إن ما حبت تركي من تحب.. تركي الحين بمكان أخوة.. لكن مو مثل الحب اللي ببالتس.. _يرشف تركي قليلاً من القهوه وهو يفتح الباب برجله ثم يلتفت قائلاً_: علميهم يا نجلاء... علميهم إن الإخوان مو شرط يصيرون من رحم واحد!! نورة... توك صغيرة على فهم الدنيا زين... أتمنى إنك ما تفهمينه من تجربة... وإسألي عذبة ونجلاء ... شلون التجربة بقد ماهي مفيده إلا إنه مرررررة!! سلام... أبجي بكرا... إذا بغيتوا شي دقوا علي... _خرج تركي وإلتفت نورة نحو عذبة وهي تنزع غطائها_ عذوب.... أنا آسفة.... ماقصدت... عذبة: لا يا نورة أنا مازعلت... تعجبن صراحتس القاسية.. لأنه مفيدة رغم قسوته... نجود: عذبة... أبوي... ماقصد اللي صار... أدري إن تركي... هو الوحيد اللي وقف معتس بالمحنه.. بس.. عذبة: لا... لا تعتذرين يا نجود... أبوك هو أبوي الحين.. أنا ما ألومه إلا على شي واحد,,, إنه حرمن من أختي... بس .. كل أهلي اللي هم أبوتس وكلهم... وقفوا معي... الله يخليهم لي..يوم إحتجتهم كلهم ما قصروا... **** _اليوم التالي_ مادريت بالوقت... كاميليا: مدام ... تركي وفيصل ومجيد إيجوا يسلم عليك.... عذبة_حاولت النهوض وسحبت شرشف وغطت به رأسها_:خليهم يدخلون... تركي: يالله عذبة اليوم أحسن من أي يوم... مجيد: الحمدلله على السلامة يا رئيس مجلس الإدارة... عذبة: هههههههه... ياشيخ جاين عشاني بنت عمك ولا عشاني الرئيس؟ تركي: أنا قايلن لك من أمس الذيب ما يهرول عبث.. جاي لمصلحته. عذبة: تدري أمس وسعت صدري يا تركي... خفت الخيوط يتفككن من الضحك. أنت خطير بس لو تخلي عنك الطنازة بالعالم... عبدالمجيد:ماشاء الله تركي معسكر بذا!! _إلتفت عذبة وإذ بيد تمسك بالستارة _ عذبة: أحسن منكم.... من ذا بندر؟ تركي: لا فتفت... تعال يا عمي لا تستحي ترا عذبة متغطيه!! عبدالمجيد_يؤشر لفيصل_: هذا السبب الرئيس اللي منعن أجي لمتس يا هو وله على الرياض... تخيلي أمس لفينا الرياض كله وهو ساكت آخر شي مليت منه... الله يعينك عليه.. فيصل_يتقدم خطويتن ويقاطع كلام عبدالمجيد_: الحمدلله على السلامة .... يزول الباس ما تشوفين شر... عذبة:..................... تركي: عذبة ... نواعم الخبلة مواعده إني أجيبه بس جيت معهم ولا أنا ناوي أجيتس المغرب ومعي قهوتي ونواعم ونجود ونورة ونطلع للحديقة ونستانس عذبة: ................... عبدالمجيد: يالله تبين شي.. صح ترا ماهر أخذ إجازة ويقول بيروح يجيب مرته... عشان تصير جنبتس... يالله شباب خلونا نطلع... _في الممر_ فيصل: قايلن لكم ماله خلقي... وتقولن إجبر بخاطره!! تركي: لو أنا منها كان سويت وجهك خرايط!! عبدالمجيد: هذا اللي فالح فيه؟ فيصل: إستقوا هالتركي... والله يا تركي لو مانتب عزيز علي كان وريتك الشغل تركي: عم على طاري عزيز وش أخبار عزور؟ عبدالمجيد: يقول إنه بيجي ... لزواج ليلى.. فيصل: أجل بيجي على روحتي إيه صح قايلن لي كز لي قهوة وخلهم يحمسونه. نسيت مع هالمشاكل تركي: فيصل ليش ما اعتذرت منه على اللي سويته بحقه فيصل: تبين أعتذر من عذيب!! تركي: أنت غلطان لازم تعتذر !! فيصل: تبي تووووووووووووت؟!! تركي: بالبقالة ...هه هه هه هه عبدالمجيد: والله يا أنتم رايقيـــــ...._قطع كلامه ونظر أمامه بدهشة_ فيصل: مشاري!!! _قابلهم مشاري عند بوابه الممر المؤدي لغرفة عذبة ويحمل باقة ورد كبيرة_ ..................................................... |
"الجزء الرابع والثلاثين" تركي: شيبي ذا!! مشاري: ماشاء الله شله الأنس مجتمعه هني!! شلونك فيصل.. والله وزمان عنك.. شفيك إنحشت بره كل هذا خوف من الزواج!! _أمسك تركي بيد فيصل الذي إسشتاظ غضباً, أبعدها فيصل عنه بقوة وقال وهو يصر أسنانه_: شباب أنا بالسيارة أتحراكم.. تركي: أنت وش جابك هنا؟ مشاري: جاي أزور ولا عندك مانع؟ عبدالمجيد: تركي تركد شوي.... حياك الله مشاري.. بس جاي هنا لمين؟ مشاري: جاي أزور بنت خالتي... تركي: والله وسعة الوجه!! حجي هذي مو بنت خالتك هذي طليقتك وش بيقولون الناس وأنت مرتز عنده لو تعز عليك كان ما طلقتها!! مشاري: أنت آخر من يتكلم بكلام الناس!! تركي: إيه أنا ما يهمن كلام الناس عن لكن يهمن ألف كلامهم عن بنت عمي!! دخله لهالسيب ما فيه ولو على قص رقبتي منت داخل!! عبدالمجيد: مشاري الله يخليك مانبي مشاكل وأنت عارف كلام الناس ما يخلص وحنا نشري الستر شرا لا تسبب لنا زوبعه حنا ماحنب ناقصينه!! مشاري: طيب مو من حقكم تحرموني أسلم على بنت خالتي أنا ما ييت قبل ... بس الحين إهي تعبانه تركي: الله يجزاك خير ألف.. وما قصرت هات الورد أدخله عليها وأقول لها جاء مشاري ويحمدك السلامة بس فكنا عمي. ما لنا خلق ترا عبدالمجيد: مشاري .. جيت وكتب الأجر بس أكيد تهمك سمعه بنت خالتك مشاري: خلاص تروك.. توصل السلام وتعطيها الورد وقلها مشاري يسلم عليج كثير السلام ويقول لج ما تشوفين شر.. _أخذ تركي باقة الورد وسار بها لغرفة عذبة بينما غادر مشاري وعبدالمجيد, وحين تأكد تركي من مغادرة مشاري , سحب كرت الإهداء ودسه في جيبه ودخل غرفة عذبة وهو يضحك_ تركي: عذبة شوفي هاي الباقة من عمي فيصل... مستحي يمدها هو .. ماله وجه.. بس هاه ... لا تجيبين لأحد طاري. ترا فيصل حيوي من هالأمور.. عذبة: فيــــــــــــــصل!! وش الطاري.. خذها برا ما أبيه...ما أبيه إقلعه عن وجهي.. تركي: على أمرك..هههههههههههههه أبشري ********* "في مواقف السيارات" توجه تركي يركض نحو سيارة مشاري ولكنه غادر قبل وصول تركي إليه, فتوجه وهو يضحك بشده نحو سيارة عبدالمجيد.. عبدالمجيد: يفتح باب السيارة وهو غاضب_: بدري يا شيخ تركي!! تركي: ههههههههه شكلك غلطان تحسبن محمد!! فيصل: سنه!! تركي: عذبة طردتن أنا والورد فيصل: معقووووولة!! عبدالمجيد: وليش لا!! مو حار قلبه من مات أخوه بدل ما يوقف جنبه ويسنده يتخلى عنه ويتركه!! تركي: ولا .. هالمسكين لو داخل عليها هو كان وش سوت؟!! فيصل: أنا ما أصدق إنه سوت كذا!! لالالالا....أنت تكذب تركي: والله قالت لي طلعه برا!! إقلعه عن وجهي!! _ويقلد صوت عذبة_ عبدالمجيد: ترووووووك هههههههههههههه أنت لو ما دخلت طب كان صرت خليفة عادل إمام فيصل: بس غريبة.. عذبة للحين تحب مشاري تركي: وش يدريك؟ فيصل: لأنه مظلوم.. مشاري مسكين .. عبدالمجيد: عم... أنت تعرف شي حنا ما نعرفه؟ فيصل:هه.. لا بس هي اللي طالبه الطلاق تركي:إيه...فكونا من سيرته والغثة إنه لابط على قلبي ببيتنا عبدالمجيد: خير يا تركي.. ما يصير الرجال ضيفك وزوج خالتك وولد عم أمك!! حق أمك عليك تقدر أهله.. تركي: مو هذا اللي حرق قلبي.. زوج خالتي وجاي يغازل من وراها فيصل: هههههههههههه وأنا أقول تروك وش فيه جايته أم العبيد!! مجاور مع خالتك!! ****** "في الحديقة" فاتن: يووووووووه ياو لد عمكم فيصل وش حليله!! ليلى: إيه إذا صار فيه فيصل ما نحتاج لأحد.. نجلاء: بس يقهر يقول بيرجع مرة ثانية للندن ليلى: ياليت أيام لندن ترجع.... من يعاف لندن خبل!! فاتن: وش دعوه...!! الوطن هو الوطن.. بس يمكن أنتي تحبين لندن عشانكم هناك كنتم مع أمكم وأبوكم ومافيه شي يكدركم نجلاء: ليلى.... فيصل قال إنه بيحط الرجال بحديقتهم وبيحطون الحريم بحديقتنا وبيجيب كلش من برا..... يعني لا تشيلون هم بس يقول إن الكوشه هو ما يعرف له ولا يعرف زفتس وشولن ...عشان كذا يقول خلوا مها ولا خالتكم تسويه الحريم أعرف ليلى: الله يجزاه خير.. ما قصر ولد العم سند بس خالتي... أنا إخترت الكوشه وكلش بس فيه نقطه. مؤيد مرسل لي يقول من عادتهم يزفون الرجال على الحريم ما أدري شلون ينزف من وين يدخل ومن وين يطلع ما أعرف تصميم الحديقة وطريقة الطاولات والتقديم محتاسة... كلمي فيصل شوفي.... نجلاء: وه... عسى بيدخل سيد كفته ليلى: نجلوه إحترمي نفسك فاتن: إيه ذكرتوني . عذبة معطيتي رقم أم علي أعزمها للزواج يوه .. عدت لي كذا إسم بس أنا نسيتهم ليلى: مين أم علي؟ فاتن: هذي الضعوف اللي هي تروح لهم وتعطيهم هي ما قالت لي بس يوم أنا كنت بالمستشفى إتصلت أم علي على جوال عذبة ورديت عليها يوم شفت إسمها ياعمري إنفجعت على عذبة وبكت وقالت إنها بتجيها مع حريم الحارة للمستشفى بس أنا قلت لا... عذبة تعبانه الحين تعالوا لها بعدين.. وكل يوم وهي تتصل وتسأل.. نجلاء: ما كد سمعت منه هالإسم !! فاتن: مو بس أم علي.. كل حارتهم كافلتهم ولا أحد دري أنا إستغربت بس بعدين عرفت المعجزة اللي قال عنها الدكتور إنها حيه من موت!! ليلى: عذبة كد قالت لي إن جدي كافل فقرا بس كيف وشلون ما أدري.. فاتن:شفتي عاد يا بناتي شلون ا لصدقه تدفع الميته وتقي المكاره.. ربي كريم وما يخلي أحد دون ما يجازيه بإحسانه نجلاء: يا حبي لها عذبة.. من بيروح معي اليوم لمه؟ فاتن: هو!!! قولي من اللي بيقعد!! ******* "في بيت سعد"- تدخل هيفاء على نواعم _إبنه إختها_ وتفتح أدراجها بسرعة وهي تصرخ: نواااعم أبي ست طعش ريال!! نواعم: ست طعش!! معي ميتين وخلين أشوف.. إيه عشرة بس ما بقي إلا بطاقة هيفاء: وه ... يا حافظ بوك أمج يصفر ما فيه إلا بطاقات وميه وأنتي ميتين.. أبي صرف بسرعة!! نواعم: ليش ؟ طيب خذي الميتين وفكينا!! أبذاكر.. هيفاء: الطلب من المطعم بسته وستين ريال!! ويقول ما معي صرف. نواعم:ياحبتس لبربسة المطاعم!! ولا بعد وجبات سريعة كل يوم....وع روحي شوفي ملابس تركي ترا دايم يشري علوك ويحط الباقي من الخمسة أوالعشرة بجيوب بناطيله.. _تركض هيفاء لغرفة تركي تفتح الباب , وتتجه لمعلاق الملابس , تفتش جيوب قمصانه وبنطال معلق فلم تجد سوى عشرة, تتجه نحو شبك الغسيل أخرجت بنطال أبيض ودست يدها في جيبه فأخرجت منه ريال واحد دست يدها بجيبه الآخر فوجدت كرت إهداء نظرت له فكانت المصيبة عذبة... ومازلت سيده قلبي.. رغم كل الزوابع سأتصل بك اليوم الساعة العاشرة مساء أتمنى أن تردي علي.. إلا إذا كان ما وجدته حقيقة... مشاري.. جثت هيفاء على ركبتيها, وضمت الورقة بيدها , وشدت شعرها باليد الأخرى وهي تهمس: مشاري.. تبي تراجعها!! زين أنا أروايك.. ******* "في المستشفى" بعد أن خرج الزوار تنهدت ونظرت للساعة الساعة التاسعة... كاميليا تقلب القنوات نظرت عذبة لها ثم إبتسمت قائلة: كاميليا .. روحي إطلعي شمي هواء.. كاميليا: but I am worry............!! You may need……. _تقاطعها_ عذبة: لا وري ولا شي أنا مو محتاجه شي الحمدالله تمام التمام... روحي إشربي لك كوفي وإستانسي.. فيه كثير من ربعك برا!! كاميليا: طيب.. _خرجت كاميليا وإنحت عذبة على الدرج وأخرجت دفتر مذكرات قديم قد إصفرت أوراقه , وتناثرت منه رسائل, لملمت الرسائل وضمت الدفتر لقلبها ثم فتحته بيدين مرتعتشتين.... الصفحة الأولى... غاليتي صوفيا... اليوم ساءت حالة أمي كثيراً, خرجت تحت المطر أدعو لها أن تشفى, مزقت قلبي أناتها, وهدت آخر معاقل صبري خرجت تحت المطر والبرد يلف جسدي الخوف والألم يقودانني نحو بيتك طرقت الباب وطرقت وأنا أبكي وأصرخ.. إحتجت إليك ولكن لم أجدك خرجت جارتك العجوز غاضبة وصرخت بي أن أغادر فصاحبة المنزل مسافرة.... إتكأت على بابك وأنا أبكي... لا حيلة لي سوا البكاء وحين أقبلت عائدة للمستشفى رفعت يدي إلى السماء وتضرعت لله أن يحفظ أمي وأن يجعل مني بلسم شاف لكل من يشارك أمي الآمها... _فتحت الصفحة الأخرى فوجدت مسودة رسالة _ معلمتي ... لقد رحلت أمي عن هذه الحياة .. رحلت ولم تعد لأرض الوطن كما كانت تحلم رحلت دون أن ترى والدتها وإخوتها... رحلت أمي بعد رحلة مريرة من الألم سأعود لوطني بضعه أشهر ولكني حتما سأعود هنا لأكمل دراستي وأفي بعهدي الذي قطعته على نفسي.. حين أعود... سأزورك حتماًً.. _مسحت عذبة دموعها وفتحت الدفتر من منتصفه_ لا أصدق أنني نجحت وبجدارة في البكالوريوس رغم مسؤلياتي , أحضر لي والد زوجي السيد ناصر خادمه لطيفة ومطيعه عوضاً عن تلك المزعجة... فرحت بها ووأخذنا من بعضنا ميثاق الأخوة أتمنى أن تدوم أخوتي بكاميليا للأبد, عودة مس صوفيا من لبنان قريبة.... سأرسل لها برقيه لأخبرها بالتفاصيل..._ سقطت رسالة أخذتها وفتحتها_ صغيرتي فرح.... أسعدني نبأ خطوبتك من ذلك الشاب المهذب , وسرني أكثر أنه أحضر والده ليخطبك من والدك, إن إلتزامه بالأصول والأعراف يعكس مدى إحترامه لك وجديته في أمر الإرتباط.... آمل أن تعيشي معه حياة هانئة, وقريبا سأكون عندك هنا في الولاية مع شقيقتي لأساعدك وأتحدث معك بأمور الزواج الخاصة وأهيئك لتقبل حياة جديدة ولكن ما يقلقني حقيقة هو التوفيق بين الدراسة في مجال صعب والزواج ولو أنه يريحني أن زوجك ميسور الحال ويدرس في نفس الكليه مما يبشر بمساعدته لك سواء مساعده مادية أو معنوية... قريباً جداً سأكون عندك معلمتك السيدة /صوفيا _همست عذبة وهي تتبسم_: يااه يوم خطوبة أمي!! _فتحت بعده ورقات _ عذبة وسعود مزعجان لا أحتمل صراخمها طوال الليل!! لم أنم ليلة البارحة ولم ينم زوجي بسبب بكاء سعود جراء آلام إلتهاب إذنه الوسطى وعذبة إنزعجت من بكاء أخيها أو ربما حزنت لأجله فشاركته البكاء طوال الليل أحمل سعود وماجد يحمل عذبة وندور بهم بأرجاء البيت علهما يمنحاننا فرصة للراحة فقط, كاميليا والخادمة الجديدة يلحقن بنا ويهززن الألعاب ولكن كلاهما لم يصمتا حتى رنت الساعة معلنه دخول وقت الفجر ووقت دوامي!! فحملتهم وقلبي يعتصر وأعطيتهم لصديقتي أمينه... وخرجت مع زوجي للدوام وصراخهما يتردد صداه بأذني.. _همست عذبة_:ياعمري أنتم أزعجناكم يارب تجمعنا بهم بجنات النعيم يارب!! _أخذت عذبة تقلب أوراق المذكرات المهترئة فتمسح دموعها تارة وتضحك بصوت عالي تارة أخرى, وبينما هي على هذه الحال إذ طرق الباب_ عذبة: تفضل.. _دخلت سيدة وكشفت عن وجهها وجلست بجانب عذبة بعد أن صافحتها_ عذبة: حياك الله هيفاء.. ............................... "الجزء الخامس والثلاثين" هيفاء: وش أخبارك يا عذبة الحمدلله اللي بادرتوه... يختي المرض خطير وذبح ناس كثير عذبة: الحمدلله على كل حال هيفاء_نظرت للساعة تشير على العاشرة إلاخمس_:يوووووووووه نسيت جوالي!! أكيد الحين نواعم تدورني أنا ما قلت لها إني بيي لج تعرفين ماحبيت أثيرهم بس آنا أدري إنج بتفرحين فيني ممكن جوالج أكلم السواق أقوله لا يقول لهم إني عندج.... _سحبت عذبة الجوال ومدته لها أخذت هيفاء الجوال وإتجهت مباشرة للأوضاع ووضعته على الصامت, تظاهرت بإدخال الرقم ومحاولة تذكرة ومشاري يتصل فأعطته مشغول وإتصل مرة أخرى فلم ترد عليه فأغلق الخط ولم يتصل مرة أخرى , مسحت رقمه من سجل الأرقام وقالت: يوووه عذبة عجزت أتذكر رقمه.. محفوظ عندك؟!! عذبة: لا.... هيفاء: عيل لازم أطلع الحين... يووه... والله ودي أيلس معاج بس ما ودي بالمشاكل عذبة: حياتس الله .... وصلت الله يسلمتس هيفاء_وهي ممسكه بيد عذبة_: عذبة ودي أطلب منج طلب ممكن؟ عذبة: تفضلي. هيفاء: عطيني عهد ما تتزوجين مشاري لو إيش ما صار.. _قطبت عذبة حاجبيها ونظرت إليها بصرامة_ هيفاء: أنا أدري إن مشاري مو أكبر همج.. ولا أنتي حلمانه فيه, لكن آنا بموت من الغيرة اللي مالها داعي عطيني هالوعد خليني أرتاح.. _كاميليا حضرت مباشرة خلف هيفاء ووقفت تستمع للنقاش وحين رأت تأثر عذبة صرخت بهيفاء قائلة_: مدام... ممكن إطلع الحين.... لازم عشان مدام عذبة ما تبغي إزعاج!! هيفاء: هاه عذبة وش قلتي... عذبة_أشاحت ببصرها وتدحرجت دمعه على خدها إستقرت على دفتر مذكرات والدتها_: لا.. أنا مو بكيفي تركت مشاري.... الظروف حدتن أسوي كذا ولمن الظروف تحكمن أرجع لمشاري أبرجع له هيفاء:مو أنتي قلتي له إخذيه كاميليا: مدام إطلع براااااااااااااا_وتجرها بعبائتها_ عذبة: أنا قلت لك خذيه لكن ما قلت لك إني ماراح آخذه ما أقدر أعطي وعود أنا مو قده... هيفاء: إسمعي يا عذبوه لو بتقربين من ريلي أبذبج كاميليا: براااااااااا أنتي حومارة وكليلة أدب _وجرتها للخارج وأقبلت على عذبة التي أمسكت بكاميليا بكلتا يديها وهي تنشج.... عذبة: مشاري بيرجع لي صح!! مشاري لي أنا.. مو له ... مشاري رجلي أنا رجلي أنا !! *************** "في يوم زواج ليلى" _الصباح_ فاتن: بروح أجيب أغراض عذبة .. جهزوا غرفة الشايب... ترتاح فيها حد ما يجون المعازيم تطلع للحديقة وياهم.. ليلى: الحمدلله كتبوا لها خروج... ساعتين ولا قلتها الجدة عذبة: لا... مهيب طالعة فاتن: يا حافظ!! ساعتين يا خاله خليها تحضر الزواج... وتستانس... حرام عليك. الجدة: لا يعني لا!! تستشم وتمرض أطياب وأنفاس ورياحين وش له صالح!! فاتن: ول!! أنتي أعرف من المستشفى.. الله يهديك!! الجدة: المستشفى ما يعرفون لشمم... صوروا له العرس ويكفي... أم إبراهيم: حرام كل البنات مجتمعين والعروس تبي أخته معه الجدة: إسمعن.... طلعه من المستشفى مب طالعة.. وهي بنتي مب بنتكن.. باتسر لامن ماتت ولا صار له شي ولا إستشمت ورجع وليدي وش أقول له موتنا بنتك عشان نبيه تحضر عرس إخته!! فاتن: وش هالخرابيط يا خالة...!! ليلى: طيب يمه خلوها تشرب حلتيت ولا مر ولا أي شي من خرابيطكم!! الجدة: فاتن.. لا توجعين راسي... لو بتطلعون عذبة أبوقف عند الباب وأطرده أنا.. هاتوا جوالي أكلمه مير وأقول له ليلى: يمه حراااااااااااااام عليك تحرميني من أختي!! ساعتين وترجع للمستشفى!! الجدة: ما تفهمين أنتي...!! مير أنتي وش جابتس للشمس تسودين!! ليلى: أوهو يا هزيجة المنحوسة من أولها!! فاتن: تعوذي من إبليس... لا تطيرين وتشائمين يا بنتي ترا الرسول اللهم صلي عليه رغب بالفال وحرم الطيرة والتشائم... روحي من قدك... جاء فيصل وعزوز من بره عشانك وجو أهل القصيم وجو أهل الشرقيه وقرايبكم اللي بالرياض وجيت أنا وعيالي وبناتي كله عشانك يالله يا قمر لاتضيقين صدرك... ليلى: كله ما يجي عند عذبة... _في المساء_ "في بيت الجده" هيله: حصة ... زين جيتي كل هذا لازقتن بالحمولة!! نرجس: لالا... لازم تثبت مكانته عندهم.. عاد من زين هالحموله والله لو هم حمولة عمتي عذبة حصة: كك كك ككا الحين إيقالنتس تنكتين!! وش نفع عمتي عذبة!! طلقوه وأبلشوا به... ويوم جاء العز ما شافته!! هيلة: وسعي صدرتس يا خالة!! لاتواخذينه هذي شافت القصور وإنلهف مخه نرجس: بس ما ضر عمتي عذبة.... شوفي البيت هذا من اللي حطه لعمتي إلا حمولته!! شوفي السواق والشغالة والسيارة الجديدة آخر موديل منين؟!! من رجله الله يرحمه مات ولا ورث إلا بنتين عالة على عمتي!! حصة: هذا كله من ولده نرجس: ولده مااااات حصة: من حفيدته الحين وأحفاده.. مب من الحمولة عسى من تروك المالغ ولا الثاني اللي معه أستغفر الله هيلة: ومنين لولده ولا لأحفادة إلا من حلال الشايب الله يرحمه قاله الأول"حط راسك بين إيديك وإشهد على حدى والديك" نرجس: يوووووووووه يا هيله تقل عجوز!! لا تتكلمين كذا.... بعدين ما يخطبونتس.. هيلة: هههههههههههههههههههههه وأنتي لاطه هالقناع اللي بوجهتس تبينهم يخطبونتس خخخخخخخخخخ لمين ؟ حصة: حاطة عينتس عليهم يومتس تدافعين عنهم!! نرجس: يارب أعجبهم ويخطبونن لمجيد ولا عزوز ولا تركي ولا سلمان هيلة: الميكانيكي!! هههههههههههههههههههههههههههه ترا راس ماله ميكانيكي!! كفوتس مير ميكانيكي هع هع نرجس: روحي عاد من زينتس أنتي وشعرتس الكشة ووجهتس اللي لو تلطين بوه ألفين قناع ما بان فيه بيخطبونن أنا وأنتي إحلمي يخطبونتس لو للميكانيكي... لا جمال ولا إهتمام ولا ذوق أستغفر الله هيلة: أنا واثقة من نفسي ما همن كلامتس!! حصة: هو يا نرجس وش هالكلام!! قلبتيه جد أشوفتس!! نرجس: شين وقوي عين... شينه وتطنز!!! هيلة: أقول خلي زينتس ينفعتس.. _خرجت من غرفة النساء وصعدت للدور العلوي وهي تمسح دموعها_ _بعد المغرب_ دخلت حصة ومعها والدتها وبعض أخواتها وزوجات إخوتها وبناتهم, إستقبلتهم نجلاء بفرح : حيا الله خوالي .. حيا الله القصيم.. تو ما تنور بيتنا.. هيله تعالي .. تعالي أبقولتس شيء.. حياكم حياكم... من هنا الحرومات ومنها البنات ومن هنا البنوتات حصة: الله يخس بليستس.. وش يفرق البنات عن البنوتات؟ نجلاء: البنوتات الثانوي فما تحت.. والبنات الجامعه فما فوق والحرومات المعرسات _توجهت حصة مباشرة لغرفة ليلى فيما ذهبن البنات مع نجلاء والنساء جلسن بالحديقة مع الجدة ونساء العائلة.._ نورة: حيا الله الجماعة.. تعالي شمس شوفي خوال البنات.. _تعرفن البنات على بعضهن وجلسن يتحدثن بالصالة, مرت كاميليا ترتدي فستان أزرق بحري ورفعت شعرها ووضعت مكياج كامل_ هيلة: إخس هاذي كاميليا!! نجلاء: إيه هذي كاميليا صارت الحين ربة المنزل.. نورة: عسى ما تولاتس ساطت الشغالات سوط... مساكين من جت من عذبة وهي ما خلت شغالة جالسة.. تصلح تصير مديرة مدرسة ... مير أنا جوووووووووووعانة!! هيلة: عسى ماشر!! نجلاء: بعذرنا من قمنا الظهر وحنا بس ندور ومها تصارخ تقول روحوا قولوا لفيصل وفيصل يصارخ لا أحد يطلع بوه عمال .. حتى أنا جوعانه!! نورة: حنقول للطباخة تسوي لنا شي. نجلاء: تذبحتس كاميليا ... تقول لا أحد يطلب من الخدامات شي.. مشغولات... هيلة: تبون أسوي لكم شي؟ نرجس_تهمس لهيله_: خير هو بيتس أنتي!! نورة: وش رايكم نشلح صينية فطاير من ذولي والله لو بيعزمون الحي كله على هالفطاير!! نجلاء: ونجلس بالممر اللي ورا المطبخ!! لايذ وبعيد عن الناس.. شمس: أخاف ييون عيالكم!! نورة: إيه ... لاموب فاضين عندهم فيصل سايطهم سوط!! نرجس: إذا بتروحون هناك أنا بروح أجلس مع أمي.. هيلة: عليتس بالقوة!! ********* "في الحديقة" ناصر: أحمد إمسكه .. إمسكه.. أحمد: رح مناك أنا بحده منهنا... ناصر: أوووووووووووووون كووووووووووع أحمد: ورا الخيمة... جبه لايشوفه أبوي... _يركض أحمد وناصر ويطاردان كلب أبيض صغير _ ********** "في مكان الرجال" فيصل: وبعدين معك يا تركي!! تركي: قلت لك ما عليك من... ما أبي أحضر... هه وشافن أبوي وعمي عبدالله فكنا أنت الثاني... مالي خلقهم!! فيصل: مب الحين تقول مالك خلقهم!! كان رفضتوهم من البداية!! تركي: الأمر مب يدي.. وبعدين لو أبرفضه بيسمعون لي!! قالوا لك ليلى على غفلة!! فيصل: طيب ما فيه طلعه .. عيب تطلع.. والله عيب تركي: عيب حرام غير جائز مكروه طااااااااااااااااااالع طاااااااااااااااااااااالع!! مع السلامة... فيصل: تركي!! تركي!! _أدبر تركي وأقبل عبدالمجيد_ _ناصر وأحمد يركضان وهما يرفعان طرفي ثوبيهما, إصطدم ناصر بتركي_ تركي: عمى .. ماتشوف!! ناصر: ما شفت الكلب!! تركي: إلا هذاه(ويشير لفيصل) أحمد: وينه؟ تركي: أكبر من هالكلب!! شفه قدامك.. فيصل: شف عاد ....!! زين يا تركي.. ناصر: أقول... أنا أبي الكلب الأبيض.. حق عدنان... أحمد: بسرعة لا يشوفه أبوي.. والله إن يذبحن.. عبدالمجيد: أحسن إن شاء الله الحين يتوسط خيمة الرجال.. ويوريكم الشغل أبوي.. ناصر: هذا الكلب مب فيصل.. فيصل: عيب يا بابا... مايصلح هالكلام... تركي: ولا يهمك يا نصور.. كلهم كلاب... ناصر:وأنت معهم...؟!! فيصل: أخو سعود!! والله ما يفوته...مير يا تركي لا تروح وتعوذ من إبليس... عبدالمجيد: خله يروح.. وش حارق رزك؟ فيصل : الأصول أصول!! عبدالمجيد: الأصول إننا ما نوافق على هالزيجة بس عاد وش بتقول!! فيصل: فعلا .. فشيله ... بس ما دامه صار ولاعبرون ما أقدر أقول شي... ********** "في غرفة عذبة" الغرفة مظلمة والأضواء خافته تزيد المكان كآبه... عذبة تتقلب بقلق على السرير, الساعة تشير للعاشرة إتصلت بهاتف البيت ولا أحد يجيب .. إتصلت بجوال نجلاء أيضاً لاتجيب .. ضربت بالجوال على السرير بضجر قائلة: موب فاضين لي!! ياااااربيــــــــــــــــــــــــــــــه زهق!! _دخلت نجود وتحمل صينية, وكاميرة الفيديو باليد الأخرى_ عذبة: نجـــــــــــــــــــــــــود!! نجود: إيه نجود بشحمه ولحمه.. بعد ما تطمنت على ليلى ورقت مها لمه وقعدوا البنات عنده جيت وجبت لتس من الحلى والفطاير والشكولاته وكل شي بالزواج إلا عاد البوفيه ماقدرت أشيله وصورت لتس لبس البنات وأشكالهم كلهم كلهم.. ورقصوا عشانتس... حتى جدتس عذبة رقصت بعصاه هي وأخته وأمي نورة بعد... عذبة: غريبه شلون وافقوا إنتس تصورينهم؟ نجود : قلت لهم أبوريتس إياه ثمن أمسحه علطول.. عذبة: يا عمري يا نجود... قطعتس من الفرحة مع الناس... نجود_أمسكت بيدي عذبة وقبلتهما_: لا يا عذبة... أنا اللي حرمتس من صداقتي يوم إحتجتين وتخليت عنتس وأنتي أحق وحده إني أوقف معه.. سامحين يا عذبة سامحين.... _ضمت عذبة نجود وهي تضحك فرحة_ **** "في الممر حيث البنات" نورة: يوه.. جاء تروك... نجلاء: يغث ما يوقف سيارته إلا عند مطبخنا.. هيلة: أخفي لاو عاشقن وحدة من الشغالات.. شمس: ههههه لا ... وشو ولد عميه... يعشق شغالة!! هيلة: ولد عمتس!! شمس: أمه بنت عمي لزم.. هيله: معلومة جديدة.. نورة: إدخلن.... جاء.. ترى والله ما عنده بأحد.. _دخلن وهو أقبل يجر أقدامه بتثاقل, في هذه الأثناء نرجس تسير من خلف المنزل متجهه للمر حيث البنات, وإذ بصوت تركي يحاول فتح سيارته, توقفت قليلاً, ثم إلتفتت وإذ بشي يلعق ساقيها, صرخت وقفزت تركض وتصرخ, فزع تركي, وإتجه نحو الصوت, قابلته وهي تركض وتصرخ, تركي: وشو!! وش بك؟ نرجس: آآآآآآآآآآآآآآآآآآآآآآآآآآآآآآآآآآآآآآآآآآ _توقفت لتهرب من تركي, وإذ بالكلب يلحق بها, صرخت وتابعت الركض نحو المطبخ, خرجت نورة تضع سفرة الطاولة على رأسها فضمتها نرجس وهي تصرخ: الكلب.. الكلب.. نورة_إلتفتت لتركي الذي صمت يراقب الموقف_: تروك يالكلب وش سويت لذي بعد!! تركي: مب أنا الكلب... الكلب شوفيه عندك... _سمعت نورة صوت الكلب يقفز وينبح بقربها _ نورة: كلـــــــــــــــــــــــــــــــــب!! يمـــــــــــــــــــــــــــــه!! وخر الكلب يا كلب!! تركي: أنا كلب!! زين...منب موخرة... _ويركب سيارته ويغادر_ *********** "في غرفة عذبة" عذبة ونجود يتحدثن ... طرقات على الباب.. نجود: من بيجي الحين؟ لا يكون الدكتور!! عذبة: الدكتور يرسل ممرضة قبل.. ميــــــــــــــــــــــــــــــــن؟ : أنا... أنا تركي سعد عبدالعزيز الــــ.... عذبة: تروك ... وش جابك؟ تركي: جيت أوسع صدرك.. يالله خلينا نطلع للحديقة... نجود: تركي ليش تركت العرس؟ تركي: إخس نجود هنا!! يالله عاد يا عذيب لا تقولين ما معي محرم .. خلوة!! هذا نجيده معك.. مالك جحه!! إمشي أبجيب العربية وأنتي يا نجيده إفرشي بالحديقة.. وإلبسن عبيكن. لا تلبسين شرشف وتصيرين تقل عجوز... ************ "الساعة الواحدة" خرجت ليلى مع زوجها تزفهم دعوات النساء لهم بحياة سعيدة, نجلاء أحضرت حقيبة صغيرة وذهبت نحو خالتها فاتن.. نجلاء: أبروح أنام عند عذبة اليوم... فاتن: لا.. أنا اللي بروح... وأنتي عيب تروحين من البيت وفيه ضيوفكم... نجلاء: فيه عمتي مها... فاتن: عمتك مها بتروح بيت أمها.. خوالها جايين من القصيم من اللي بيضيفهم؟!! نجلاء: طيب مافيه أحد غريب.. خوالي الراشد والفاتن!! فاتن: يا نجلوة مب إسم عيالي الفاتن!! من متى والواحد ينسب لأمه!! عيالي لهم أبو... نجلاء: إيه صح منى ليش ما جت؟!! فاتن: الله يكون بعونها بنيتي.. نجلاء: هو!! وش به؟ فاتن: إيه يعني ما سمعتي شفيها أنتي!! نجلاء: خالتي إنلغف قلبي وش به!! لا يصير به السرطان بعد!! فاتن: وجع إن شاء الله!! فالك على الشجر يا نجلوه... رجلها بيعرس نجلاء: الله!! يترك كل هالجمال ويتزوج!! إيه يا منى ما نفعتس جمالتس اللي شايفتن نفستس عليه... فاتن: لا تتشمتين فيها بكرا ربي يبتليك!! نجلاء: صح يا خاله شي يموت .. بس الحمدلله ما دامت بصحة وسلامة... وحياة المرة مب رجال!! خل يعرس رجلي أكب عيالي عليه وأتزوج!! فاتن: الله يخس بليستس ما تقدرين لامن صرتي أم!! نجلاء: روحي عاد!! عمتي الجوزاء ... الطويلة البيضاء مب وضحى... الكبيرة تعرفينه؟ فاتن: تقل أتذكرها!! نجلاء: أعرس زوجه عليه وكبت عياله الخمسة عليه وتزوجت وخلته ياكله علقة.. وش عاد يحسب بس هو يقدر يبلش المرة ... إلا توريه إنه عنده ولا نعله!! فاتن: ووايل حالي!! شذنب هالصغار؟ نجلاء: ذنبهم إن أبوهم تزوج.. بس تبين الجد... أنا عن نفسي ما أرى بالعرس جريمة تسوى.. لكن لو يتزوج علي طلقته عشان الناس ما يقولون مسيكينه.. ولا هو ما سوى شي حرام....... فاتن: بس..بس.. وأنا حاطة عيني عليك لراشد... بس هونت.. نجلاء: وع من زينه الإماراتي!! الحمدلله لو خلصوا الرجال ما أخذته فاتن: أوهوووووووو ولدي سعودي وشفيكم!! نجلاء: لو هو إماراتي أصلي ما عبته لكن سعودي ويتخلى عن هالشرف ويتنكر لأصله لا فاتن: لا تخافين... بيرد..... نجلاء: وبعدين أخاف يعذبن زي ما سوى مشاريوه بأختي... فاتن: وشو؟!! نجلاء: هاااااااااه نورة تنادين أبروح... ________________________________________ "في بيت الجدة عذبة" نرجس: شفتي هيله... عجبت منيرة.. وسألت عني...... تقول وش هالبنيه فلقة قمر ما شاء الله.... هيلة: خخخخخخخخخخخخخ مصدقة عمرتس...ولا عقب الكلب كملت...ههههههه حصة: خليه تعيش بأحلام اليقضة.. مها..... قولي لعذبة ترحم حالته المسكينه وتزوجه من عيال عمه..... مها: هه هه هه وأنا وش دخلي بهم....... لو سعود حي كان خطبت هيله مو نرجس.. نرجس: إيه عاد من زين هيله..... رحمه إن سعود مو حي... وبعدين سعود مسالم مرة ولا يهش ولا ينش... وبتحطه عذبوه النسرة تحت إبطه... وبتمشين على العجين ولا أتلخبط مثل ماهي مسويه بخواته المساكين.... هيلة: تف عليه حامضة..مير وسعي صدرتس... لو كان حي ما صارت عذبة الآمرة والناهيه... ولا تطلقت وجلست عند خواته كان الحين هي بالأمارات مع ولد خالته وحتى لو... سعود يا عمري محجوز لنجود... نرجس: السمرا!! ما عندهم ذووووووق وع...ماكن نورة أخته... إيه هذا يثبت إن عذبة مسيطرة على أخوه... بتزوجه صديقتها... شفتوا تركت الزواج عشان تروح له!! مها: والله يا أنتي غريبه!! الحين قطعتي الرجال وهو ميت... وقطعتي المرة وهي بالمستشفى تعبانه... ومريتي نجود وهي ما عليه منتس.... وتطنزتي بهيله وهي ماله دخل بالسالفه..... وبعدين سعود هو اللي مختار نجود ما أحد فرض عليه ولا إخوي ولا مرته ولا عيالهم يستخدمون سياسه الفرض وبأمر كبير زي الزواج حصة: ما عليتس منه... بزر فاضية توه ما تخرجت من الثانوي وحكيته العرس!! ولا فشلتنا من كثر ماهي لاصقتن بأم عبدالعزيز ومنيرة الحمدلله.. بس أنا أبسألتس سؤال مطير عقلي... مها: إخس وصل عقلتس السقف وشو؟ حصة: أهل زوج ليلى موب ذاك الزود... مها: يعني شلون؟ نرجس: يعني قراوه.. مب كشخة!! مها: ولازم الوحده ما تتزوج إلا واحد أهله كشخة!! حصة: لا مب على كذا.. بس أنا يوم دريت إنه بتاخذ واحد مب نجدي.. ومن منطقة (.......) توقعت إنهم من مستواهم.. توقعت إنه من الجيران ولا يعني ناس مهمين ولهم صيت... لكن يوم شفتهم ... ما أدري.. إنصدمت.. مها:................................... هيلة: أهم شي أخلاق الواحد... وش نفع سوير بنت نوير يوم تاخذ ولد عمه!! مها: صح... وبعدين هي وافقت عليه... مالنا حق نرفضه.... نرجس: ومن متى القصمان يزوجون مثل هالأشكال!! مها: أقول نرجس !! أنتي وش بتس اليوم شرتس مستطير!! هيله: خليه......... بدت من الحين تتكبر مو بيخطبه تروك!! مها: تركي!! افرشي حجرتس نرجس: موووووووووووتي حره يا هيلوه... بكرا إذا جيت للمزرعة بالماي باخ حقتي... ونزل السواق وفتح لي الباب لا تقولين ودي أركب معتس... مانتيب راكبه الشيون والقراوة ما يركبون سيارتي... هيلة: هه هه هه... نواعم ما يفتح له السواق.... وهي بنت سعد... شلون أنتي يا مرت تروك!! مير .... نامي وكبري الوساده وإحلمي نرجس: والله نواعم وشي راجع له.. أنا بشرط إن السواق يصير سواق شيوخ.. ويفتح لي الباب.. ولو بعد يلبس نظارة سوداء... وبدله ... مب شينه... مها: خخخخ قال مسلسل مصري!! ********** _غداً_ "الساعة الواحدة ظهراً" جلست عذبة على السرير,سحبت ربطه شعر وربطت شعرها المتناثر, حاولت أن تنهض فلم تستطع... فاتن: شوي شوي.. خليني أساعدك.. تو جروحك ما إلتمت.. يالله ماما .. يالله _أمسكت بيد عذبة وأسندت ذراعها على كتفها وسارت بها نحوالحمام... دخلت عذبة الحمام وأغلقت فاتن الباب, وفي هذه الأثناء دخلت ليلى تحمل سلة فاخرة وباقة ورد, فزت فاتن وضمتها لصدرها وبكت قائلة_: العروووسه.... يوه تعالي ... تعالي. بشريني وش أخبارك؟ ليلى: الحمدلله مبسوطة مرة مرة.. الله يجعل أيامي كلها كذا.. فاتن: الحمدلله.. ووش أخبار مهند معك؟ ليلى: خالتي مؤيد.. مؤيد يا خالة... فاتن: إيه كله واحد.... وش أخباره عساه راغب فيك؟ ليلى: خالتي مؤيد طاير فيني بين السماء والأرض.. طب وين عذوب؟ فاتن: بالحمام الحين تخلص وتطلع لك.... ليلى: مؤيد يبغى يسلم عليها ويحمدها السلامة.. _تطرق الباب على عذبة وتهمس_: عذيب إطلعي سلمي على العروسة.... إطلعي بروح الحين للمطار... _خرجت عذبة تتوكأعلى الجدار وضمت ليلى.._ عذبة: بشرين عنتس .. ووش أخبار الزواج أمس عجبتس؟ ليلى: يووووه الزواج يجنن مرة ........ بس مو حلو بلاك.. ومؤيد طلع وهو زعلان .. بس أول ما ركبنا السيارة رضي.. عذبة: وش مزعله بعد؟ ليلى: فيصل عيا كلش ينزف عند الحريم.... يقول مب من سلمنا الرجال ينزف.. قهر مؤيد مع أنه المعجزة إن أبو عبدالعزيز موافق بس جاء هالحكرة وعيا كلش كلش... عذبة: بعدي والله... ليلى: فرحانه الحين أنتي عشانهم كسروا بخاطرة!! _أدخلت أصابعها بين شعر ليلى وهمست_: يختي عشان ما يشوف أحد أحلى منتس!! ليلى: لالالالا... مؤيد ما يملى عينه غيري.... عذبة: أتمنى والله من قلبي... ليلى: زين عذبة مؤيد بيسلم عليك... وين الشرشف تغطين أقوله يدخل.. عذبة_تغيرت ملامح وجهها وأشاحت ببصرها عن ليلى قائلة:_ تبين تذبحينن يا ليلى مرتن ثانيه.. أنتي اللي تبين شوفه ولا أنا ما أبيه ولا أبي سلامه ... بأمان الله... أدعي لتس من كل قلبي.. لكن ما أبي أشوفه ... ليلى: عذبة..والله عيب الرجال جاء بأسلوب رجال.. وطلب يدي وتزوجن خلاص إنسي اللي فات!! عذبة: ما بني على باطل فهو باطل!! واللي سواه هدم كل ذرة كبرياء بي... ما أبي أشوفه وتتجدد المأساه.. كفاية ألم شربته كفايه... مافيني حيل.. كفاية ما أهنت نفسي عشانكم إثنين... ليلى: عذبة... أنا آسفة على إني جرحتك... لكن من حقي أختار حياتي بالطريقة اللي تعجبني مثل ماهو من حقك تعيشينها أنتي... مع السلامة.. _خرجت ليلى وترنحت عذبة بين يدي فاتن, التي أوصلتها للسرير بصعوبة_ فاتن: الله يهديك يا هبلة... أنتي ما تخلين العناد عنك!! هو وش ذنبه إنه ما عجبتك عايلته!! عذبة: خالتي.. تقول لي عيشي حياتك بالطريقة اللي تعجبك أنا لو عشت حياتي بالطريقة اللي تعجبن كان أول من ضاع هي!! أنا عانيت كل هذا عشانه وهي تتبرا الحين من كل شي وتتعبر اللي سوته حريه!! فاتن: أنا الحين أقولك خلاص.. إرجعي لمشاري.. مشاري يبيك وخلي فيصل وخلي كل شي.. نجلاء وتعيش عند عمها ... ولا جيبيها معك... لكن تضرين نفسك بهالشكل حرام.. عذبة: أنا تعبانه.. بطني يوجعن.. أخ .. نادي الدكتور خالتي نادي الممرضة ألم ألم غير طبيعي يعصر بطني.. ******** "في السيارة" ركبت ليلى ومؤيد وهما صامتين, حرك مؤيد السيارة بعصبية ثم إلتفت نحو ليلى وقال: أجل عذبة تعبانه.. وممنوع عنها الزوار الأجانب... ليلى: إيه مؤيد: وأنا للحين بنظرها أجنبي... الحين أنا حسبة أخوها... ليلى: مؤيد لاتزعل... أولاد خالتي ممنوعين من زيارتها.. وحتى بعض أولاد عمي.. مؤيد: أنا أدري إنك تكذبين علي.. وأدري إنها ما تبيني أساساً لكن أنا بديت بالصلح وهي اللي رفضت وهي اللي بدت تتلفظ علي من ذيك المكالمة ليلى: مؤيد..حبيبي لا تشيل همها عصبية هي وما تعودت أحد يرفض لها طلب وزواجنا كان كسر لكلمتها اللي تعودت ما تنكسر من كان أبوي حي .. أهلي خربوها بدلالهم... صارت مسخ لاهي الرجال اللي تعرف تتعامل معها كأنها رجال ولا هي الحرمه اللي تتعامل معها بطريقة الحريم.. مؤيد: مصير الأيام بتكسر خشمها.. وفيصل بيدفن خشمها مو بيكسرة.. ليلى: وش دخل فيصل؟ مؤيد: والله هالشخص نسخة ثانية من عناد وغرور أختك.... لكن هذا نسخة مطورة لأنه رجال ....... وأحسه متولي كل شي... بيخليه بصدام دايم مع أختك.. وبيكسر خشمها بالنهاية.. ليلى: لا.. فيصل حبوب.. هو كان شخصيته قويه وعذبة ماكانت تخاف إلا منه ومن بندر أخوي بالرضاع... لكن الحين تطرده وتخانقة ولا تخاف منه أبد أبد.. مؤيد: ليلى.. تدرين أحسن شي بغرور عذبة إنها سمحت للهالزواج يتم وقوت فيصلوه باين شايف نفسه ويتكلم من طرف مناخيره... ولو الود وده ما تمت الزواجه.. ليلى:............... مؤيد: بس أهم شي إننا صرنا لبعض... وخلي عذبة تسوي فيني اللي تبي مدامها إختك لجل عين تكرم مدينه... ليلى: الحمدلله...رضيت مؤيد:وأنا أقدر ما أرضى وأنتي معي... أنا لازم أرضى غصب.. ليلى... لا عذبة ولا غيرها منعتنا من بعض ... عشاننا نحب بعض بصدق.. مو قلت لك؟!! ليلى: بس حطيناهم قدام الأمر الواقع.. صدمناهم وأجبرناهم .. مؤيد: وبالآخر قويناهم... صح يا قمر؟!! ليلى: صح يا عمري.. *********** ...................................... |
"الجزء السادس والثلاثين" _بعد إسبوعين_ "بيت سعد" تنزل منيرة على الدرج وتقف أمام سعد .... سعد: أقول وخري عن التلفزيون... أبناظر!! منيرة: سعدوه صدق أنت اللي خليت منى ترقص بعرس أخوي محمد؟!!! سعد: لاحول أقول وخري...!! منيرة_تصرخ_: جاوبني!! سعد: لا ترفعين صوتك علي منيرة: أنت ولا لا؟ سعد: ههههههههههههههه ومن متى يهمك منى ولا غيره؟ منيرة: هذي بنت عمي!! سعد: أشوى الحمدلله... بنت عمك!! لا زين عرفتي القرابة بينكم... منيرة: سعيدان... أنت!!؟ سعد: إيه.. منيرة: أنت ما تحس!! ليش تسوي فيها جذي!! سعد: تستاهل مو هي اللي رقصت بنت عمي بزواج زوجه... تستاهل كذا وأكثر.... منيرة: قلبك أسود سعد: منيرة تراي متحمل ثقالة دمتس من زمان لا تخلينن أعفستس الحين منيرة: وش بقى ما سويته معي!! إذا عمي بتسجنه بدم بارد وأخوي خربت اللي بينه وبين مرته وش باقي تسوي بعد وش باقي؟!! سعد: باقي إنتس تنقلعين عن وجهي منيرة: ماني منقلعه سعد: لا حووووووووووول أنتي وش تبين يا مرة؟ من متى وأنا خاطب لأخوتس توتس تفطنين تجين تناقرين منيرة: مادريت .. لو كنت دارية كانت منعت هاللي تسويه سعد: دريتي الحين وش بتسوين؟ منيرة: أنا طول عمري مستسلمة لك وساكته بكل شي تسويه كرهت عيالي بخوالهم وسكت!! سعد: أنتي اللي ما علمتي عيالتس يحبون خوالهم أصلاً أنتي ما علمتي عيالتس شيء أبد عيالي لولا أمي وأم عبدالعزيز بعد الله كان ضاعوا وجايه الحين تقولين كرهت عيالي بخوالهم!! منيرة: أنت وش تبي من أهلي؟!! أنت ليش تزوجتني مادامك تكره أهلي؟ سعد: بدري!! توقعتس تسألين هالسؤال من أول يوم تزوجنا منيرة: سألتك الحين جاوبني... سعد: ليش تسألين الحين... تأخرتي مرة منيرة: أنا طول عمري ممشيه حياتي وما أعارضك بأي شي تبيه لكن الحين خلاص ما فيك فايدة سعد: ومن متى إكتشفتي إن ما فيني فايدة؟ منيرة: لا تستهزي!! جاوبني!! سعد: بس أخاف تزعلين... منيرة: يهمك زعل أحد أنت!!! سعد: إيه يهمن زعل أمي وعيالي بعدين إخواني بعدين عيال عمي ... منيرة: وأنا ؟ سعد: قلت لك زعل عيالي... منيرة: أنا عندك عيالك... مالي كيان؟ سعد: معزتك من معزة عيالك... منيرة: قلي ليش تزوجتني وأنت ما تطيق أهلي؟ سعد: لأني حبيت وحده درست أنا وياه بالخارج... طبيبه سعودية... لكن أبوي الله يرحمه رفض أتزوجه لأنه طبيبه والطبيبات بنظر أبوي وقحات.. منيرة: وش دخلي أنا فيها أنا أسألك عني؟ سعد: طيب جايتس بالاجابة... لمن جيت هنا.. بعد فترة بسيطة تزوج ماجد فرح وهي كانت تدرس طب.. إنقهرت ليش ماجدوه يتزوج طبيبه وأنا أبوي يعيي علي زعلت على أبوي بعدين وافق إني أتزوج ذيك لكنه تزوجت .. ومير أبوي بيسمح خاطري خطبتس لي .. وأنا ما عارضت لأني سويت اللي براسي.. بس.. منيرة: طيب ليش تكره أهلي وتكرهني؟ سعد: أنا ما أحب أهلتس ببساطة لأنهم ... منيرة: تكلم لأنهم إيش؟ سعد: لأن ... منيرة: لأن أبوك كان يشتغل صبي عند جدي؟ سعد: هه والحين أهلتس كلهم صبيان عندي.. منيرة: سعد... اللي بيني وبينك العيال بس؟ سعد: لا أنتي زوجتي.. وأم عيالي.. بس أسلوبتس هذا ما أحبه ولو بيتكرر معي ترا مب من صالحتس.. منيرة: تهددني؟ سعد: إفهميه على كيفتس.. منيرة: أبطلب منك طلب واحد.. سعد: أبشري... أنتي متعودتن من .. طلباتس أوامر.. منيرة: طلقني.. سعد: وشو!!!! منيرة: حياتي معك عمرها ما أرضتني لكن اللي مخليني أصبر العيال وخلاص العيال وكبروا وعلى ما قالت نواعم سلبيتي هذي لازم أتخلص منها وأختار حياتي بنفسي واواجه مخاوفي سعد: ونواعم وتركي؟ منيرة: خلاص... هم كبار ويعتمدون على أنفسهم وأنا أبفتح عيادة بالخبر.. وأسكن ببيتي هناك... و... وأعيش حياتي مثل ماكنت أبغي... سعد: أنتي الحين منفعله.. فكري على رواق ونتفاهم بعدين منيرة: أنا كنت مفكرة بالموضوع من زمان لكن الحين جزمت وأبتخذ قرار نابع من قناعاتي لأول مرة بحياتي سعد: بس بتدمرين بيتس!! منيرة: بيتي قايم بلاي أدمر نفسي لو إستمريت معك... وأنا كل يوم يزيد بغضي لك... سعد: طيب... لكن أجلي الطلاق شوي منيرة: قبل لا أطلع من هالبيت.... أبي ورقتي معي سعد: أفكر.... ********* _بعد إسبوعين_ "الصالة في بيت أبناء العم" أم عبدالله: يالله حي عييلي... إيه تسذا تجمعوا وصيروا إخوان!! بس ناقصكم فيصل.. الله يحفظه ويرده لي يا ربي... سعد: يمه!! لفيصل الغلا وهو ماهانت عليه يجلس عشانتس لو يوم من خلص عرس ليلى وتطمن عليه قضب سلم الطيارة!! وأنا تاركن عيالي وجاي لمتس وآخرته تدعين لفيصل... زعلت يمه.. أم عبدالله: بعد ما بقى إلا هي الولد يزعل على أمه!! عبدالمجيد: إيه بكرا يزعل عليه تروك... أبو عبدالعزيز: وين الجرايد؟ قم يا السلمي جبهن... سلمان: أبشر يبه.. نوير تدربي بسرعة جيبيهن.. نورة: !!!!!! نجود: ههههههههههههه سلمان_يهمس_: قومي يالدربيه!! نورة_تؤشر عليه_: كسار..ابوي قال لك أنت _وتصرخ_يمه نورة شوفيه يقطع فطوري ويخلين أسوي شغله!! _يلتفت عبدالمجيد عليهم و يهمس_: من بعدهن !! بالصالة الثانية... أنا أقوم أجيبهن بس لاتهاوشون.._ويقف_ أم عبدالله: هـــــــــو!! مجيد وين بتروح ؟ نورة: بيروح يجيب الجرايد عشان سلمان عيا يروح!! _سلمان يعض على شفته ويؤشر لنورة أن تسكت بينما هي تنظر له بتحدي_ أم عبدالله: إقعد إفطر والجرايد لاحقين عليهن.. والله لو أنتم تفطرون ورق...!! عبدالمجيد: بجي .. شوي... أبو عبدالعزيز: بعدي والله وليدي مب وليدي اللي يقول أبشر ويآمر اللي أصغر منه.. مير وين أحمد؟ نورة: عند بيت عمي ناصر.. عشان عذبة طلعت من المستشفى و مها وليلى نايمين هناك.. قاعد مع ناصر.. وأمي راحت تفطر معهم بعد.. سعد: يا خزياه ... أبلشت به... لو أنتم حاطين لنا فطور وللحريم فطور!! أم عبدالله: وش طاري مرتك عند أهله؟ سعد: هه.. بس .. أبو عبدالعزيز: بس وشو؟ سعد: زعله.. أم عبدالله: إيه الله يخزي شيطانكم ويصلح شانكم.. أبو عبدالعزيز: وراه زعله؟ أم عبدالله: لا تدخل بين الرجال ومرته!! ترا خراب البيوت تسذا!! شف أنا عمري يوم تدخلت بينك وبين مرتك؟!! عشان تسذا سالكتن أنا وياه سمن على عسل... أبو عبدالعزيز: سالكه غصب... والله لو ما أنا وراه تسان شفتي.. أم عبدالله: لا والله يا وليدي لا تظلم مرتك... حاشمتن ومقدرتن.. صح إن لسانه شوي بس قلبه مروة.. والله لو تلف الدنيا ما تلقى مثله.. سنع وحشيمه وتقدير أعرف أختار _يقطع عبدالمجيد عليهم وهو يضحك وينادي والده_ يبه!! إلحق شف الجرايد هههههههههههههههه أبو عبدالعزيز: وشو؟!! عبدالمجيد: شف التهاني بمناسبة خروج عذبة من المستشفى!! خخخخخخخخخخخخ ولله وصارت عذيب سيدة مجتمع.... سعد: تعال أشوف أبو عبدالعزيز: تعقب!! سلمان: إلا شف يبه هذي الجريدة التهنئة من الشركة حقتنا... وهذي.. وهذي . .. عبدالمجيد: كل الجرايد على الصفحة الأخيرة... باسم أعضاء مجلس الإدارة.. شف شف حاطين إسمي وإسم ماهر... بس ما حطو إسمك هاه إسم فيصل مب فيه .. خخخخخخخخخخخخخخخخخ أم عبدالله: وش السالفة؟ نورة: هههههههه يمه عذبة طلعت من المستشفى ونزلت التهاني من الشركه بهالمناسبة.. أم عبدالله: أنتم تعرفون أحد بالجريدة يكتبه؟ سعد: لا يمه ذي مدفوعه .... كلش بحقه!! أبو عبدالعزيز: لا حول ولا قوة إلا بالله فضيحة .. فضحتنا هالبنت ... وش أسوي به؟!! سعد: وش عليك الفلوس وفلوس الشركة ماخذين منك ريال؟!! وخلهم يلمعون صورته عقب ما ناشه من كلام الناس!! أبو عبدالعزيز:آخر زمن صارن بناتنا يحطن على غلاف الجرايد!! أبذبح هالبنت لي يوم.. فضحتنا.. من زينه .. تحسب نفسه ديانا!! أم عبدالله: وهي بنظر نفسه إنه أحسن منه ... سعد: ما أشوف أي سبب يخليك تعصب كذا!! عبدالمجيد: يبه مب هي اللي منزله الإعلان.. تو كلمته وسألته وماكانت تدري عن شي.. أكيد ماهر.. خخخخخخخخ والله ويطلع منه شغل أبو عبدالعزيز: شفتي يمه !! هالغريب متولي كلش منين يجيب ويرز له إعلان بكل جريده إلا معطيته الخيط والمخيط!! وأنت يالكمخه ليش ما توقفه عند حده..... حاطينك صورة!! عبدالمجيد: ما أدري عن شي.. مو من إختصاصي هالشي.. العلاقات العامه بيد ماهر أنا لي الشغل الثقيل... سعد: قال ثقيل..... أقول أنت صورة نجود: طيب وش فيكم .... وين المشكله؟ نورة: إيه أنا لو عندي فلوس وشركه أبحط بكل عاير تهنئة وبرز صورتي بعد!! بس بنقاب عشان ما يذبحن الب***ي... خخخخخخ سعد: كلام نوير صدز!! ليش معصبين أنت وأمي؟ سلمان: خير ومن متى بناتنا يحطن بالجرايد.. عيب ما أحد من ربعي يعرف إسم وحده من خواتي نجود: والله لو إسمي عار عليك.. الحمدلله نورة_بإنفعال_: كلن يعرف .. كلن يعرف إن إسم بنت الرسول فاطمه وأمه أمينه ومرته خديجه وعايشة وزينب... وإيه بعد هذا الملك عبدالعزيز يسمي نفسه أخو نورة إذا بغى يفتخر.. سعد: هههههه والله وصارت نورة تحتسي بالدين والتاريخ بالعكس أكيد إن ماهر متوقع إن هالخطوة بتزيد من دعاية الشركة.. وتشوف بكرا إن ما كل الشركات اللي متعاقدين معهم أو بيتعاقدون مستقبلا بينزلون تهاني........ مسكين ما يدري بعقده المجتمع النجدي عبدالمجيد: أنا عن نفسي ما أشوف به مشكله... أم عبدالله: بس عيب نجود: العيب منول إننا ندرس بعد!! وشوفي لو ما فيه ناس درسوا بناتهم ما صرنا مجتمع متعلم نورة: إيه.... خالاتي الكبار ما درسن عشان جدتهن عيت تقول عيب!! سعد: خخخخخخخخخخخخخخخخ والله يابو عزوز بناتك مثقفات!! أم عبدالله: بس وش المصلحة من زرة إسمه...؟ عبدالمجيد: مافيه مصلحة بس مافيه ضرر... إلا من كلام الناس والنقادة... عاد خلقة مصلطين علينا لا بالعاد الحين!! ************* "في جدة" أفنان وزوجها يتناولون الإفطار.. سحب زوجها_صالح_ الجريدة ورفعها ليتصفحها, رفعت أفنان بصرها لتسأله: صالح وش رايك... صالح أشوف الجريدة _سحبت أفنان الجريدة وصرخت_: شفيها عذبة!! يوووووووووه ياقلبي عليها وأنا أقول ما صارت ترسل!! _يجر صالح الجريدة بلا مبالاة_: فيها السرطان بس شالوا الورم بدري... وإستقرت حالتها... بسه بسبع أرواح!! أفنان: وشو... وش.. وش قاعد تقول !! من متى عارف ولا قلت لي!! صالح إنطق وشفيها؟ صالح: ياااااااهوه يا ستي!! طيبه ما فيها حاجه.. منزلين تهنئة بسلامتها وش بيصير فيها يعني!! أفنان: وأنت من قالك.. ليش ماقلت لي!!؟ صالح: والله يا هالسالفة اللي ماحتخلص!! اللي قال صاحبي القصيمي بالمصلحة... تعرفين هيا من جماعتهم.. أفنان: صالح أبروح الحين للرياض.. تنطبق السماء على الأرض أبروح!! صالح: للرياض!! أمك الحين بالزلفي........!! أفنان: ماني رايحة لأمي!! أبروح لعذبة.. أبروح لصديقتي صالح: مو قلنا لك مافيه عذبة.. وخلاص بلا وجع راس!! أفنان: مو على كيفك يا صالح.. هذي صديقتي من حنا صغار صديقات.. ما تجي الحين بتنمعني منها يوم إحتاجت لي!! كفايه مانعني أكلمها بدون سبب مقنع.. صالح: واللي قلت لك مو سبب مقنع!! أفنان: قلت لك مليون... كله كذب بكذب.. وأنا عشت معها هالكذبة اللي حطت على راسها يوم بيوم... إذا أنت تشك بأخلاقها فأنت تشك فيني لأن القرين بالمقارن يقتدي.. صالح: أنا ما أقول فيك شي!! بس هي.. أستغفر الله.. لاتقولين كذب وما كذب هذولا أولاد النعمه كلش يهون خربتهم عيشة الترف!! أفنان: إلا العرض!! حرام عليك وحرام على الكذاب اللي قاعد يتكلم بعرض البنت بدون بينه حرام عليكم كلكم والله حرام.. _وتبكي بشدة_ صالح: شوفي يا أفنان يا حبيبتي ... أنا ما تكلمت فيها.. بس ما أبغاك تخالطيها بس!! أفنان: وصلت هنا وبس!! أنا وياه ربينا بحارة وحدة ومثل ما أمي كانت تسمح لها تنام عندي كانت أمها تسمح لي أنام عندها... وربونا جميع.. وحالتنا وحده واللي يشك بوحده منا يشك فينا كلنا.. أنا كنت ساكته ومتحمله لأنها هي اللي وصتني إني ما أخرب بيتي لو عشانها أو عشان أقرب الناس لي.. لكن أنا ما أقدر أسمع نصيحتها للحين لأني أحبها أكثر منك.. وطق راسك بالجدار.. وإزعل زي ما تبي وصلت حدها منك.. أبكلم أخوي يجي من شغله الحين وياخذني عندها.. صالح: ول ول !! إيش السالفة!! ليش أنقلبتي.. حبيبتي ما يصير الزعل هذا..!! أفنان: تشك فيني وما تبيني أزعل!! صالح: أنا قلت فيك كلمه وحده!! أفنان: أنت شلون تفهم!! اللي يشك بصديقتي ويتهمها يشك فيني ويتهمني!! صالح: طيب.. طيب هدي أعصابك ما يصير عشان اللي ببطنك!! أفنان: خله يموت يصير له اللي يصير.. أبروح للرياض الحين.. صالح: خلاص يا ستي... أبدور حجز.. بس هدي أعصابك الدكتورة تقول مو زين الزعل. أفنان: يووووووووووووووووووه!! لا تقول هدي ... قم رح دبر لي حجز .. سيارتك أي شي!! ******* "في غرفة عذبة" جلست عذبة على مكتبها وأخرجت دفتر مذكراتها, سحبت من حقيبتها أوراق مبعثرة.. أخرجت صمغ جاف وفتحت الدفتر وكتبت... والدي العزيز... سأطلعك على مذكرات محمومة بالمرض, تنبعث منها رائحة المطهرات, والألم, والخوف من المجهول.... نعم ضعفت ... إنهرت ... لم أعد إبنتك الصامدة... إستسلمت لألمي وضعفي رغماً عني... كم انا خجلى من نفسي...ومنك... إعذرني... _أخرجت الورقة الأولى_ ادفن يدي .. تحت الثرى .. واسقيها من جفني ارق .. يذبل مابين اصابعي .. عشب و ورق .. اشقق اوراق الزمن .. وانام .. في حلقي الليله جفاف .. شربت أيامي .. ومضت .. واللي بقى جرحي الوفي .. في خاطري باب يرد .. وسراج دوبه ينطفي .. اغطي الظلمه بظلام .. كل ما اشد اصابعي .. على العيون المتعبه .. جرحٍ ينام .. وجرحٍ شعر بي وانتبه .. قام وتبعني لشرفة ظلمه بعيد .. جاني يقاسمني السهاد .. ادفن يدي تحت الثرى .. فوق الثرى .. واعيش انا بباقي يدي .. نصفٍ يموت .. ونصفٍ درى انه يموت .. يا سيدي .. ربي انا نقطه فـ بحر .. علمني كيف اهوى الحياه .. علمني كيف اهوى القدر .. علمني بإماني اكون .. يارب .. اكثر من بشر ..**1 الألم ينهش جسدي المنهك... والغربة تلف المكان... كم إحتجت لكم... أمي... أبي... سعــــود... _دونت تحته... ثالث يوم بعد العملية... وكتبت التاريخ وألصقته... فتحت الصفحة التالية وأخرجت ورقة أخرى _ ذات جرحْ غرد البوحْ ونام القمرْ جاء للتوّ ....... وقد غادرني منذ دهورْ كم تولى غير مأسوفٍ على غيبتهِ فالأرض بورْ والحنايا تملأ العتمة آكاماً وتدعو ألفَ نورْ قلتُ : حتى ليته ما جاءَ ما عادَ ولا طابَ لهُ العرشْ .. ذات جرحْ غرد الفرحْ ونام القمر الفضي بيني ولهيب الذكرياتْ**2 والدي... عاد فيصل... ليغرس في ذاتي طعنة أخرى.. كم تمنيت أني لم أره.. كم تمنيت لو أنه رحل أبعد ... إلى مكان أو زمان آخر... لا يمكن أن يعود منه... عذراً ففيصل ليس كما عهدته أنت... _ألصقته وكتبت تحته.. بعد أربعة أيام من العملية... لست أعلم هل جاء لزيارتي... أم ليرش المح على جراحي النازفة لست أعلم..._ يا ساكن الروح .. و وائد الامل .. اِبتعِد عني .. و لو بمقدار // خطوة // ،، تجعلني أقذف بذاتي نحو الضياع ، نحو الهلاك ! فارِق ظنوني المهدورة .. و أفكاري المسفوكة .. اِرحل بمسافة تمكنني أن أغسلك من أقصى أعصاب ذاكرتي .. و امحوك من رتوش سطري .. أُلغيك من معاجمي ، و أطهر أحاسيسي من حوبة وجودك ! و لتحكِ لي ،، كيف يكون الصمت .. بعد الضجيج ، و الفراغ .. بعد الاحتواء .. و كيف يكون الخوفُ بعد الدفء !**3 :: ضعفت اليوم لأبوح بما لم أبح به من قبل... بعد المرض أحسست أن قلبي مثقل بما فيه.. لم أستطع أن أتمالك نفسي أو أن أحفظ كبريائي... عذراً... ولكن مازال مشاري يستوطن قلبي... عذراً... إنهرت أمام هيفاء... وليتني لم أفعل... _ألصقته وكتبت تحته.. بعد زيارة هيفاء.... إنهارت آخر معاقل صبري.. عذراً والدي.. عذراً جدي... فقد خذلتكم... ولكن ... يبدو أن المهدئات اللتي أخذتها في تلك الفترة... أنستني حتى كبريائي... ******** "في لندن" يرجع فيصل لشقته الساعة الثانية صباحاً, يدخل الشقة وهو يضحك بشدة ويكلم بالجوال, يقابل عبدالعزيز عند مدخل الشقة فيضطرب وينهي المكالمة بسرعه... فيصل: عزوز!! عبدالعزيز: إيه يا عمي الصغير...مستانس...وفاجأتك؟ فيصل: إيه... هالحزة تنتظر عند الباب؟ عبدالعزيز: بشوف نهايته معك... متى تعرف إن الله حق وتسنع وتخلي عنك السهر برا البيت؟ فيصل: أبو العز!! وش دعوى مسوي فيها أبو؟ إقلط .. إقلط.. ما معك مفتاح؟ عبدالعزيز: لا... حضرة جنابك أخذته مني ذاك اليوم تذكر.؟ فيصل: إيه..إيه... _دخل فيصل الشقة وتبعه عبدالعزيز, خلع معطفه ورماه على الأريكة, أسند رأسه على السرير وتنهد..._ عبدالعزيز: عم تعبان؟ فيصل: لا.. بس طفشان... أنت ما وراك بكرا دوام, تروح للجامعه تبحث , شي ولا شي؟!! عبدالعزيز: لا.... فيصل... أنا جيتك وأبي أعرف وش سالفتك.. أبي أعرف كل شي!! فيصل: لاحووووووووووول جتنا نورة الثانيه..\تدري كنت أحسب إن نورة مثل شخصية مجيد..لكن إكتشفت إنه نفس شخصيتك بس بذكاء مجيد... معليش ما أحب أنافقك وأقول عنك ذكي..لكنك ملقوف ومسوي فيها ناصح.. عبدالعزيز: مو محتاج شهادتك... كله شوي وتطلع شهادتي من الجامعه دكتوراة.. بس وش سالفة عذبة وليش طقيتها؟ فيصل أنا ما سألتك أول ما جينا هنا.. كنت معصب وضايق خلقك... بس ... اليوم قررت إني أسألك.. لازم أعرف وش صاير بأهلي.. رحت لهم موهم الناس الأوليين.. كل شي متغير!! فيصل: أنت رايق.. وأنا بي نوم.. عبدالعزيز: لازم تقول لي الحين.. فيصل: أبشر... تبي تعرف ليش طقيت عذيب... زين أنا أقول لك.. دخلت بيت أهلي وهي متعلقة برقبه أبوك وشعره.. لو ما جيت كان ذابحتن أبوك وعااااااااااااااااااادي ترا تسويه عذبة.. عبدالعزيز: عذبة!! أذكره هاديه ومب راعيه مشاكل... لا يمكن زعلانه ومعصبة ترا اللي فيه الخبيث تكون نفسيته دمااااااااااااااااار.. فيصل: أنت ما تعرفه.. أنت لو تعرف عذبة زين كان تبريت منه..عذبة مجرمة.. عبدالعزيز: أفا!! طيب ليش أنت رابطه للحين وأنت تكرهه هالكره... بصراحة.. ظلم.. فيصل: أنا ما أكرهه.. بس هي تكره نفسه وتكره كل من يحبه.. لازم أخليه شوي تأدب... حد ما تطيب نفسي منه وأخليه.. عبدالعزيز: حرااااااااااااااااااااام عليك!!! هذا وهي بنت ماجد.. ترا ماجد عادك أخوه الصغير وعمي ناصر مربيك هو.. وسعود .. كنت كل شي بالنسبه لسعود.. ليش قاعد تعذب بنتهم!! هي مب ناقصة... مايكفي عليه الدنيا إنصكت بوجهه جميع جاي تكمل عليه... والله بتسأل عن كل غلطة وكل جرح سببته له... فيصل:................................ عبدالعزيز: عم... عذبة مرة.. ضعيفة محتاجه رجال تشد فيه ظهره.. يا رجال إرجع وضم بنت عمك وإرفعه عن المشاكل يا رجال خلي سبيله.. خله تتزوج وتعيش حياته مع غيرك!! فيصل: مع مشاري الكلب!! عبدالعزيز: هذا اللي خايف منه؟ ولا يهمك أنا اللي أتزوجه.. مب مشاري.. فيصل: أها قل من الأول إن عينك عليه..بس ماراح تتنزل لك.. عبدالعزيز: إذا هي مب ماليه عينك... تملى عيني وزود... وأحط راسي على الوساده وأنا مرتاح على الأمانه اللي برقبتنا.. فيصل: أنت تحبه؟ قل كذا !! يا أبو الرقة والإنسانيه.. رح تزوجه... إنقلع وخله تمسح بوجهك البلاط صبح وليل.. أنت ما تعرف هالمخلوق.. رح وإستانس مع بنت عمك اللي مقطعك قلبك عليه!! وإطلع خلن أنام... إنقلع لو سمحت ... بس إسمع يا عزوز ... إذا هي بهذلت بكم أنا مالي دخل... _وينقلب على السرير ويغطي وجهه بالبطانية_ عبدالعزيز: عم لا تفهمن غلط... أنا ما أحبه ولا تعني لي شي.. بس أبوي شايل همه...وعمي سعد بعد... صايرة لهم مشكله كبيرة.. لازم واحد منا يتنازل شوي... ويضحي عشان ماجد... وعشان عمي ناصر.. فيصل: يا حرااااااااااااام... أبوك أجل يبيك تآخذه!! زين بس سلم لي على أبوك وقل له... ولا تدري... رح أبنام ... عبدالعزيز: تطردن!! فيصل:لا.. تصبح على خير... الشقة شقتك... ************** "في صالة بيت عذبة" مها: ياربيه العله مؤيدوه!! مايصير من تجي ليلى تقعد شوي إلا ويجي ياخذه... طافن به للحين!! نجلاء: والله ما أدري وش سالفتهم... بس وين عذبة...؟ يوه.. الساع ثنتين... راح الوقت.. نورة: ترا أبنام عندتس.. قلت لمجيد ... نجلاء: ومجيد أمتس!! نورة: لا بس مجيد صايرن مشغول وكلش إيه.. أستغل هذه النقطه لصالحي.. وأشاوره بكل شي.. ولامن هاشون أحطه على راسه... نجلاء: حرام عليتس!! عاد إن شاء الله بيخف شغله... عذبة بترجع تساعده.. ويلتفت لتس... نجود راحت؟ مها: إيه تو طلعت... وعذبة رقت لغرفته... وأنا أبلحقه وأروح أنام.. والله لو بنتظر الشيخ فهد ما أطلع إلا الفجر... بس لاتلجن وتصبخن بهالبيبان... إركدن..زين؟ _يطرق الباب الداخلي, تلتف نورة وتشير لأضواء السيارة المنعكسه على الباب_ نورة: من بيجي هالحزة؟ مها: أغديه فهد.. أبروح أشوف... _تقبل مها من آخر الصالة وتفتح الباب وهي تهمس_: مرة!! وش جايبن مرة هالحزة؟!! _تدخل المرأة وتنزع النقاب وتضم مها وهي تلهث_: وين عذبة وين عذبة؟ مها: أفنان!! بدري ... زين تذكرتي إن لتس صديقة إسمه عذبة... ******* "في غرفة عذبة" تتحدث عذبة بالماسنجر مع وفاء خليفة.. عذبة: اللهم ربي لك الحمد حتى ترضى says : والله معليش يا وفاء حقك علي ...بس أنا ما حبيت أضيق صدرك وزوجك تعبان.. وفاء: خذاني الشوق يمك خذاني...says : بس من إسبوعين قبل ولا تقولين لي!! والحين لو ما إني دخلت ما قلتي لي!! أجل أنتي ما تعديني صديقتك..بصراحه.. عذبة: اللهم ربي لك الحمد حتى ترضى says : والله حقك علي... نفسيتي تعبانه مشكله أختي اللي قلت لك عنها أتعبتني نستني نفسي والله.. وفاء: خذاني الشوق يمك خذاني...says : طيب... بس للحين قلبي يوجعن من الروعه!! عذبة: اللهم ربي لك الحمد حتى ترضى says : ماترتاعين على غالي إن شاء الله... اللهم ربي لك الحمد حتى ترضى says : أشوفك بكرا إن شاء الله... وفاء: خذاني الشوق يمك خذاني...says : يالله بأمان الله... _أغلقت عذبة المحمول ووضعته على الكميدينه, أسندت رأسها على الوساده وتنهدت: ياربيه... الحمدلك اللي رزقتني هالأخت ... أه يا وفاء منين طلعتي بحياتي... _وضعت رسغها على عينها وأخذت تلعب بخصلات شعرها, باب المدخل لجناحها يفتح ثم يفتح باب الغرفة... أبعدت عذبة يدها عن عينها برزت عينيها وأضات وجهها إبتسامه مشرقة قفزت وهي تصرخ: وينك يا فنووووووو!! أفنان: والله ما دريت يا عمري.. _وضمتها عذبة بقوة بين ذراعيها وبكتا_ عذبة: أفنان... بطنتس جاسي!! أفنان: فيه بيبي... عذبة: يوووووووووووووووووووووووووه مبـــــــــــــــــــــــــــــــــــــــــــــروو وووووووووووك من زمان ما سمعت خبر حلو... قولي لي وش أخبارتس وش مسويه.. وش أخبار جده وصالح والعرس وكل شي.. اليوم مانيب نيمه أبسمع كلش كلش.. _أخذت أفنان تبعد خصلات متناثرة على وجه عذبة وتشدها خلف إذنيها, تتلمس وجهها وتغالب عبرة إرتسمت بوادرها على محياها_ عذبة_تشد على يدي أفنان_: والله طيبه مابي إلا العافيه... أفنان... لا تصيحين مليت من الصياح والله مليت خلاص أبضحك وأفرفش.. أفنان_بصوت مخنوق_: عذبة والله مو بكيفي تخليت عنك... والله حدتني الظروف... و............ عذبة: أفنانوه.. أنا قلت لتس ليش تخليتي عن!! خلاص ما أبي أعرف شي.. أهم شي ورجعتي لي.. وأنا أكثر وحده أعرفتس... مافيه داعي تعتذرين... تعالي تعالي.. أبقولتس ... مشاري دق على جوالي... ومرته جت لمي وتهاوشت أنا وياه.. وفيصلوه الحيوان ضربن ضرب.. بس ماهمن.. وتروك يا حبي له و الله صار أرجلهم.. إلا ما قلت لتس.. تهاوشت أنا ومتعب عم نجلاء.. و.. أفنان: بس!! بس!! الحين كل هذا سويتيه يوم أبعدت عنك!! لا أنتي خطيرة المفروض ما تنتخلين لحالك.. عذبة: شسوي.. لقيت نفسي لحالي حتى بدون أعز صديقاتي.. إلا تعالي.. ماتبين تسمعين السوالف كله؟ أفنان: إلا هو!! وبالتفصيل الممل.. بس إصبري.. خليني أفصخ عباتي وأنسدح على السرير رقلني صويلح بالسيارة.. بس يستاهل..هذولا الرجال مايجون إلا بالعين الحمراء.. *********** "في دبي" "في السيارة" مشاري: راشد آني قلت لك المرة متقصدة... راشد: مايعني إنها ماردت عليك ماتبيك.. طيب .. يمكن إهي ماتبي تخرب زواجك.. مشاري: راشد... إهي مو طايقة هيفاء بعيشة الله... مارضت تيي لملجة أختها.. يعني آخر وحدة تفكر فيها هيفاء.. راشد: إممممممممممممممم لا... أكيد فيه شي.. تريا شوي.. مشاري: كل يوم يزيد شكي فيها... بس مو قادر أواجهها.. راشد: خللها تولي ... أنت ريال متزوج.. وهي للحين مخطوبة لفيصل.. مشاري: حبيبها... تخلى عنها مسكينه... راشد: ماتدري أنت.. لا تحجي جي!! لا تظلم الناس الأعراض تراها مصيبه.. مشاري: أجل لو كانت مظلومة ليش ما تكلمت.. راشد: أمكن زعلانه منك.. ولا .... كرامتها ما تسمح.. مشاري: شمس قالت لي إن عذبة تعرف بسالفة فيصل.. و............... راشد: كمل ليش سكت؟ مشاري: مو عذبة اللي تسكت عن ظلمها.. راشد: أنت الحين شو تريد؟ مشاري: أبي أحد يقول لي إهي مظلومة ولا ظالمة... راشد: وبعدين؟ مشاري: أحط راسي وأخمد بدون ما أفكر فيها... راشد: ..... أمكن تركي قط الباقة اللي فيها الرسالة.. ولو إن سالفتك على بعضها ما عيبتني.. الحين ليش تروح بتكلم وحدة مريضة ومخطوبة وتقول لها أحبج!! مشاري: لا شفت تركي دخل فيها.. وبعدين ...شسوي.. لمتى بتم ساكت.. والحيوان فيصل آخذ الملعب كله.. أخاف تموت وأنا ظالمها!! راشد: أنت أخترت تسكت من الأول.. مشاري: ماتوقعتها بتمرر الموضوع لو كانت مظلومة... ولو كانت فعلا خاينه... مابغيت أفضحها.. قلت أتجرع الجمر ولا أطعن بشرف خالتي وعمي ناصر... راشد: مشاري... إنسى الموضوع.. إعتبرها مظلومة... سامحها من قلبك .. وعيش حياتك ويا زوجتك... مايكفي أم تركي تطلقت.. وهاي منى هه على وشك الطلاق.. مانبي مشاكل أزود... مشاري: أنا مو طايق هيفاء... أنت عارف زين إنها إنفرضت علي فرض... راشد: عيل خلاص... روح لمنى هاللي دبستك بهالزيجه خلها تفكك منها.. مشاري: منى... تدري صارت إهي اللي قايلة لزينب السالفة.. كلم علي بندر قبل فترة وغسل شراعي.. جيت أبواجهها بس ... رحمت كسرتها بزواج زوجها.. راشد: قلبك حنين.. بس هالمرة وصلت حدها منها... أنا اللي بأراويها... ******* "في دفتر المذكرات " دونت عذبة... وعادت أفنان... ليه تأخرتي علي .. توهي مره واسالي .. كوني في غير الزمان .. والا في غير المكان كوني عمري .. عمري كله.. اللي باقي .. واللي كان.. كل نجمه شعشعت والقلب عتمه .. كانت انتي .. كل حرفٍ حرك شفاهي بكلمه .. عنك انتي .. وكل حبي اللي مضى والحب قسمه .. منك انتي .. كانوا الاحباب ظلك .. بعض احساسك ونورك .. ما عرفتك يوم كلك .. ياللي في غيابك حضورك .. هذا إنتي .. قولي والله إنه إنتي .. وين غبتي ؟! .. عني هذا الوقت كله .. وين كنتي ؟! .. شيبت عيني طيوفك .. وما أصدق إني أشوفك .. ياللي قلبي في كفوفك .. نقش حنا .. وفي جديلك عطر ورد .. آتمنى .. لو تكوني في فراغ اعيوني وعنى وفي سموم ضلوعي برد .. ليه تأخرتي علي .. وما طرى لك تسألي .. ليه نأخرتي علي .. وما طرى لك تسألي ..**4 **4 الأمير الشاعر بدر بن عبدالمحسن "في غرفة عذبة" عذبة: منى.. وزينب.. هم ورا السالفة اللي وصلت لزوجتس... أفنان: أدري... بس أنتي لمتى بتسكتين؟ عذبة: خليها بالقلب تجرح ولا تطلع برا وتفضح.. وش بيقولون الناس... ولد عمه طلعه خاينه عشان ينتقم منه.. أفنان: فيصل.... الله حسيبه... عذبة: تدرين يا فنو جلدن جلد وأنا أتلوى من الألم... يوم شفته وأنا في أضعف حالتي تمنيت يوقف جنبي... شفت فيه سعود لكن.... بدال ما يدافع عن إلا هو أكثر واحد أجرم بحقي... أفنان: وأنتي للحين ما أيستي منه؟ عذبة: كل يوم أقول بيرجع فيصل الأولي.. كل يوم أقول ماتضيع تربية جدي هدر... بس... آآآآآآآآآآآآآآآآآآآآآآآآآآه... تصدقين كنت أبكلمه أبطلب منه يرجع وأعطيه كل شي... بس ... تراجعت باللحظة الأخيرة.... وزين تراجعت ولا كان داس رقبتي دوووووووووووس... أفنان: غريبة... كنت أحس فيه مرجله... عذبة: المرجلة اللي بينت صدز بتركي... تركي رجال... لولاه ما أدري وش بيصير.. أفنان: لولا ربي ثمن هو... ومشاري وش صار عليه؟ عذبة: آآآآآآآآآآآآآآآآآآآآآآآآآآآآآآآآآآآآآه.... مشاري... ودي يرجع مشاري ويرجع كل شي حلو... تصدقين دق علي وكنت نايمه وجيت أبرد إلا وأقفل الخط.. ليتي رديت عليه... ليتي.. أفنان: فعلا مهبوله.... طيب مادامك شفقانه عليه كذا كان دقيتي عليه.. عذبة: بنت ماجد تدق عليه!! لا... كرامتي ما تسمح لي... وبعدين خفت تصير هيفاء عقب الهوشة... أفنان: ماقصرت كاميليا معها... وكملت على خالتك بعد.. عذبة: ماودي إلاه قالت لخالتي... دريت خالتي إني للحين أحب مشاري.. أفنان: قلتي لها شي أنتي؟ عذبة: لالالا... بس... أخاف إنه حست بهالشي... أفنان: ولمتى بتكتمين المشاعر هاذي؟ عذبة: الله كريم... ......................................... "الجزء السابع والثلاثين" "بعد أربعة شهور" "في شقة ليلى" ليلى: والله مايصير يا مؤيد!! مؤيد: أنتي منين جبتي الجوال!!؟ من حبيبك..!!؟ قولي.. أنا مو خبل مثل أختك .. أنا فايق لك وأعرف حركاتك.. ليلى: من عذبة... إستحيت منها يوم قلت لها جوالي خربان فكت شريحتها وعطتني.. كلهم يسألوني ليش متغيرة وليش ما أزورهم كثير... وليش مقفلة جوالي... فضحتني عاد عند أهلي والله حرام عليك.. مؤيد: شوفي... إفتحي الجوال الحين... وأبفتشه ولو ألقى فيه شي لا تلومين إلا نفسك... ليلى: مو حرام عليك!! وين وعود الحب اللي قطعتها لي!! وين الكلام الحلو والحب اللي يجمعنا.. عاديت أهلي ومرضت أختي عشانك وبالآخر تعاملني كذا... مؤيد: أنتي عاديتي أختك عشان نزواتك مو عشاني!! أنتي حبيتيني وخنتي أختك عشاني... وأخاف تحبين غيري وتخونيني أنا عشانه... ليلى: مادامك مو واثق فيني ليش تزوجتني أساساً!! مؤيد: لأني كنت أحبك.. ليلى: أنت خدعتني.. مؤيد: أنتي اللي طردتي واري عشان أطيح بحبالك... وما أبغاك تطيحين أحد غيري.. إفتحي الجوال.. ليلى: لا مؤيد: ليش؟ ليلى: فيه صور عذبة.. ونجلاء.. مايرضون أعطيك إياه.. مؤيد: فيه صور عذبة ولا صور حبيبك.. ليلى: خلاااااااااااااااااااااااااااااااااااص ماني فاتحته... مليت منك... ومن مضايقتك لي.. خليت الدراسه عشانك وقعدت أشتغل عندك زي الشغالة وأنا ببيت أهلي ما لي إلا آمر ويتنفذ.. وسكت ووتحملت عشانك.. ومع كذا.. كل يوم تزيد قيودك.. _أمسك بشعرها وجرها نحوه وهو يصرخ_: إفتحيه لا أفتح بطنك الحين.. ليلى: يا كلب... ماني فاتحته... مؤيد: إيه أنا كلب الحين!! أنتي تخونيني يالـ (.......) ليلى: زين يا مؤيدوه كل كلمة بتدفع ثمنها آآآآآآآآآآآآآآآآآآآآآآآآآآآآ _أخذ مؤيد يضربها بعنف ويركلها ويشد شعرها وهو يتوعد ويتحسب عليها ويسب بعرضها وعرض عائلتها_ *********** "في نفس الوقت" "غرفة عذبة" عذبة تتقلب على السرير بعنف وتصرخ ثم تجلس وهي تنادي..: ليلى... ليلى... بسم الله بسم الله... اللهم إجعله خير... يوووووووووه _ترفع جوالها وتتصل على رقم ليلى, مقفل_ أسندت رأسها على السرير وإتصلت على جوال مؤيد..وهمست: حتى ذا ما يرد... يووووووه والله أسمع صراخه... أكيد إني مثقلة العشاء.. _تمددت على السرير مرة أخرى وأغمضت عينيها , لبثت برهه ثم هبت واقفة_ يااااااااااااااااااااااااااااربية تصارخ والله تصارخ.. الله يستر.. الله يستر... _خرجت من جناحها وتوجهت لغرفة ليلى.. الغرفة مظلمة أشعلت المصابيح, لا أحد في الغرفة خرجت منفعلة وتوجهت لغرفة كاميليا, طرقت الباب ودخلت ثم رمت جسدها بجانب كاميليا وهمست_: كاميليا... قومي.. أسمع صراخ ليلى بس ما أدري من وين!! _أضاءت كاميليا الأباجورة وإلتفت نحو عذبة قائلة: ليلى!! مافيه بروبلم إن شاء الله.. يمكن بيت أم عبدالله... هذي نورة ما نامت..شور!! نومي عذبة مافيه شي... عذبة: والله صوت ليلى... كل ما أغمض عييوني يجي!! كاميليا: هذا سايتان... قولي بسم الله... ونامي.. أجي أنام عندك بالغرفة؟ عذبة: ياليت.. أحس إني متوحشة... وراي بكرا دوام ود.نهال الله يعين .. بس والله متأكدة سمعت الصوت واضح كم مرة.. كاميليا: قومي يالله يا هني... روحي لغرفة وأنا الحين يجي ... عذبة: بخلي الباب مفتوح... ************ "في شقة ليلى" ليلى:آآآآآآآآآآآآآآآآآآآآآآآ حرام عليك كسرت عظامي!! والله لأخلي مجيد يدوسك دوس ياحقير.... والله يا فيصل بينهيك... تحسب ما وراي أحد!! مؤيد_وهو يرص جسدها الواهن من شدة الضرب على الجدار_: إسمعي... أباخذ الجوال أفتحه.... والله لأنفش الرياض لحد ما أطلع أحد يفتحه لي... ولو لقيت فيه رقم شاب لو من معارفك أبنحرك نحر... _خرج وهو يسب ويتوعد وأغلق الباب بعنف وقفله_ ليلى: يااااااااااااااااربيه.... آآآآآآآآآآآآآآآآآآآآآآه وينك يا عذبة تشوفين الحيوان... آآآآآآآآآآآآآآآآآآآآآآه... أستاهل ... أستاهل جبت الشر لنفسي... ياربي نجيني منه... ياربي ألقى المفتاح.. _إستجمعت قواها وحاولت أن تقف مستنده على الأرائك, وصلت لأحد الزوايا ورمت نفسها , أخذت نفس عميق ومسحت الدم عن وجهها ورفعت السجادة ثم شهقت_: الحمدلله... ياربي تسهل علي.... ياربي... ************* "في غرفة عذبة" نامت عذبة وكاميليا تمسد شعرها , ثم مالبثت أن إرتخت يد كاميليا لتعلن سكون الحركة في الغرفة, في هذه الأثناء فتحت البوابة الخارجيه للسور, فزعت عذبة وقفزت نحو الشرفة وفتحتها وإذ بسيارة أجرة تدخل السور.. عذبة: كاميليا!! من جاي هالحزة!!؟ ليش دخل الليموزين الحارس!! كاميليا: يمكن مجيد خربان سيارة حقه.. عذبة_وهي تلف الروب وتخرج من الغرفة راكضة_: لو خربت سيارته ما يدخل من بيتنا ولا يدخل الليموزن بوسط البيت!! _وصلت عذبة للصالة وتوجهت نحو الباب وعندما إقتربت سمعت صوت طرقات عنيفة, فتحت الباب دون أن تسأل عن هوية الطارق وإذ بليلى ترتدي عباءة مجردة ودون أن تغظي رأسها أو شعرها , ممزقة الملابس, والدماء تسيل منها وتنتشر على جسدها كدمات متنوعة_ عذبة: ليلى!!!!!!! ليلى: عذبة... إلحقي علي أخاف يجي الكلب ويطقني... غبيني!! عذبة: مؤيد ضربتس!! كاميليا: مدام ..ليلي تعبانه.. خليها تدخل... ليلى: إيه....و..._سقطت ليلى بين ذراعي عذبة_ _رفعت عذبة رأسها وإذ بالحارس وأبو ياسين يمسكان بشاب سعودي مذعور, وكاميليا سحبت ليلى للداخل وأخذت تحاول أن تفيقها, إتقت عذبة بالباب عن الرجال وصرخت قائلة_: من ذا!!؟ الحارس: أهوه يا ستي... هو الراجل اللي وصل الست... مسكانه كويس قوي عشان ما يهرب مننا!! الشاب: أنا يا أختي مالي دخل.. خلاص مابي قروشي بس خلوني أروح هالمرة الواحد ما يفزع!! عذبة: أنت سائق الأجرة!! بعطيك فلوسك ودبل عليه ... بس أبطلب منك طلب... أبو ياسين جيب السيارة... بسرعة ... كاميليا جيبي عباياتنا وجوالي والشنطة... _ركضت نحو الهاتف وإتصلت_: ألو.. تركي: أوهو.. وش تبين بعد؟ لا تقولين نواعم ترا أبصيح... أمس مقومتن من عز نومي عشان نواعم ما ترد!! و..._تقاطعه_ عذبة: تركي... إسمع.. الحقير ضرب ليلى جت وطاحت عندي... وين أوديه... ووش أسوي به.. تركي: ضربه!! والله لأموته الحمار... خذيها للمستشفى ... جيبيها عندنا ... الحين تو بيخلص دوامي...ماني رايح أبنتظرك... أنا واقف برا... عذبة: يالله... _لبست عبائتها, وأسندت ليلى على كتفها بمساعدة كاميليا وأبو ياسين وأركبتها السيارة, وقبل أن تركب إلتفتت على الشاب السعودي, بدى عليه الإرتباك, نظرت إليه .. صغير السن ومرعوب, تبدو عليه ملامح الفقر وشظف العيش, أخرجت من حقيبتها 3 أوراق من فئة الخمس مائة ,ومدتها له قائلة_: مشكور أخوي على الفزعة... الله يجزاك خير اللي وصلته لبيته.. والله لو ما الله ثم فزعتك ما أدري وش صار لأختي... الشاب: ماسويت إلا الواجب بس خلوني أروح!! عذبة: لا تخاف... ماراح يصير لك... بس أبي رقم جوالك... وخل الحارس بعطيك رقمي... أبكافئك على اللي سويته وألف وخمس ما تعدل شي... _تصرخ كاميليا_: مداااااااااااااااام بسرعة...!! عذبة_وهي تركب_: كم رقمك.. الشاب: *******055 الحارس: ياست هانم... أديه الرقم بتوع جوال البيت ولا الشغل!! عذبة_والسيارة تخرج : أكيد حق البيت... أبتصل عليك رد علي... ************ "في المستشفى" تركي: أخ.. بس لو أمسكة لأشرب من دمه!! يحسب بناتنا لعبه... _يقترب من رأس عذبة ويهمس_ تستاهل ليلوه... بس كنه كود شوي؟ عذبة: تركي... !! ليلى: عذبة... ليش طلبتي تقرير؟ أخ... مو وقت دراسة... تراي تاركة الجامعه من تزوجت.. عذبة:إيش!! وليش أنا آخر من يعلم!! كان قلتي لي.. ليش تركتي الدراسة.. لا تقولين مؤيدوه غصبتس؟!! تركي: كان يوم عيا تدرسين كلمتين أجي أتوطا ببطنه... شارطين عليه تكملين دراستك!! ليلى: أي... يدي توجعن... عذبة.. خفت من المشاكل لا تزعلين علي.. تركي: طيب... أكلم الحمار ذا!! عذبة: لا... بناخذ التقارير ونكلم السواق حق الأجرة ويجي يشهد معنا... عشان نقدم الأوراق للمحكمة ونفتك منه... ولا وش رايك؟ تركي: والله نعم الراي.. بس أخاف من عمي يزعل.. ليلى: أخاف أروح للشرطة!! عذبة: ليول.. خايفه تروحين تشتكين للشرطة ولا خايفة تروحين تشتكين مؤيد؟ تركي: إيه.. قولي للحين تحنين عليه؟ ليلى: لا ... الله ياخذه.. بروح أشتكي.. بس.. أخاف... الناس وش بيقولون؟ عذبة: أجل ليش حطوا مراكز شرطة لو الناس يستعيبون يروحون له.. كل الناس يروحون... تركي: هاتي رقم السواق.. عذبة: تركي.. تراه صغير وخايف... لين له الكلام وخله يحس بالأمان.. أخاف يفرك عاد وين بنلقاو!! تركي: زين.. هاتي الرقم.. _مدت عذبة الجوال لتركي وأخذت تقلب التقارير والأشعة ثم ضربتها على الكرسي_: كسر بالذراع الأيسر .. شعر بالكتف... رضوض وكدمات في نواحي متفرقة من الجسد.. جرح بسبع غرز بالرأس.. ياسلاااااااااااااااااااااام هذي نهايته معك يالـ...... تركي: عيب يا عذبة !! عذبة: أوه عذراً... **************** "في سيارة مؤيد" أخذ يقلب الجوال بعد ما فك شفرته, همس: مافيه إلا أرقام عذيب وشغله...وصورهم يووووووووووه وأنا طقيتها.... ياربيه شلون أبرضيها... فعلاً عيشة ما تنطاق... أنت يا مؤيد حطيت نفسك بهالموقف... ليش تتزوج وحدة وأنت مو واثق فيها... لو متزوج وحدة ما أعرفها كان أحسن .. يووووووووووووه... ليلى... أحبها... بس أحسها تخوني... ياربيه... عسى ما تكون تضررت مرة من علقتي.. وش يفكني من أهلها... _نزل من سيارته ودخل الشقة وإذ بالباب مفتوح وعليه المفتاح_ ليلى!! شردت... وين راحت هالوقت!! الساع أربع .. يوووه... ربي إحفظها... _يخرج وهو يركض ويقابله تركي ومعه عبدالمجيد عند باب الشقة_ تركي: فين أبو الشاب؟ مؤيد: أنت... !! عبدالمجيد: لا مو هو أنا!! مؤيد: شتبغون؟ عبدالمجيد: حابين ندردش معاك.... وودنا نروح داخل.. أظنك ما تمانع... البيت بيت بنت عمنا وماله غيرنا.. يعني حنا أهله.. مؤيد: وين ليلى.. تركي: جايين نسألك يا باشا... طلع ليلى لأطلع روحك... مؤيد: أقسم بالله .. ماأعرف.. شردت من البيت!! أنتم تعرفون وينها... لاتلعبوا فيني.. عبدالمجيد: زين الحين نوريك شلون نلعب بك.. أمسك عبدالمجيد بذراعيه ولواهما بشده فيما أخذ تركي يسدد لكمات متتالية على وجهه,رماه عبدالمجيد على الأرض وإنهالوا عليه ضربا ولكما حتى خر مغشيا_ تركي: أخ ... ما بغى منا كثير... عبدالمجيد: خكري... خخخخخخخخخخ زين الكاميرا مثبته...؟ تركي: أكيد... مثبتها زين ... أول ما مسكته شغلتها... عبدالمجيد: توقع يمسكوننا الشرطة؟ تركي: ما أدري... بس أنا عندي إمتحان عملي.. تتوقع الشرطة يعطون عذر؟ عبدالمجيد: والله من زين العذر لو أنا الدكتور كان أرسبك بالإمتحان.. تركي: يالله يا شيخ .. خل نهج لا يصير الرجال مات ولا شي.. عبدالمجيد: يستاهل أكثر من كذا.. بس... قهر .. ضعيف ما تحمل.. كان ودي أفش خلقي زود.. تركي_وهو يشغل السيارة_: مجيد إركب... لا يأذن ويطلعون.. عبدالمجيد: لحظة_ويخرج من جيبه جوال_.. هذا مو كنه جوال عذبة !! إلا هو... الصورة ذي ملزقة ناصر.. تركي: خخخخ أخذته..والله يا أنت حنشول.. ********** "بعد يومين" ليلى تجلس على السرير وتضم ركبتيها لصدرها, بدت صامته وحزينة, تدخل نجلاء بسرعة وتقف عند السرير ثم تضع يديها على خصرها وهي تقول: ليلوه... مبسوطة؟ ليلى:.............. نجلاء: الحين ودي أفهم أنتي ليش ضايق صدرتس؟ ليلى: نجلاء خلين لحالي... لو سمحتي .. نجلاء: ....طيب وش قلتي باللي سووه العيال؟ ليلى: وشو بعد!! نجلاء: يعني ماشفتي التصوير؟ ليلى: أها .. تعنين طقهم لمؤيد؟ بس ذولا رجال مو عيال!! نجلاء: أي شي.. إنبسطتي...؟ ليلى: أكيد إنبسطت... ولو إنها طريقة همجيه... لكن حسيت إن وراي سند.. حسيت إنهم .... بس... نجلاء: زين... الشيخ كلم أبو عبدالعزيز...دريتي؟ ليلى: أي شيخ؟ نجلاء: مؤيد الكلب!! ليلى: أها.... إيه قالت لي عذبة إنه بيطلق بدون مشاكل...فيه الخير... نجلاء: بيطلق وهو ما يشوف الجادة...رجالن مكوفن مرته!! هذا لو عذبة ما أدبته كان دودلتس بهدب عيونتس!! عذبة مشتكيه عليه الشرطة!! حيوان!! ليلى: ..............بس مجيد وتركي طقوه... لو هو يبي المشاكل كان كبر السالفة... وما طلب يشوفني عشان يعتذر... لا.. نجلاء.. مؤيد.. وإن غلط علي... إنسان محترم... بس طريقة زواجنا هي الغلط.. نجلاء_تشد شعرها بهستيرية وتقفز وهي تصرخ_: تبين أكمل عليتس يالحيوانه!! أنتي ماتحسين... ماعندتس كرامة!! رجال أهانتس ورماتس بعرضتس وتسكتين له.. وتتنازلين عن الشكوى وفوق هذا تقولين محترم!! فعلا نفستس هاينه عليتس... لو أنتي كنتي حاشمه نفستس من الأول ما تجرأ عليتس.. بس أنتي اللي خليتيه يهينتس... ليلى: نجلاء... خلين لحالي... نجلاء: يعني إنقلعي بطريقة أخرى!! ليلى: تكفين نجلاء إطلعي... حرام عليك اللي فيني مكفيني... _ووضعت كفيها على وجهها وإنخرطت في البكاء_ نجلاء_تقترب منها وتضمها_: بس .. بس يابنت ماجد ما عاش من يزعلتس.. لا يا روح أمي أنتي... لا تصيحين... مافيه شي يستاهل دموعتس الغالية.. أنا آسفة يا عمري... يمكن أنا بدويه.. وكرامتي أبدى علي من كل شي... يمكن... بس ... ما أدري... هذا الطبع بكم بعد... هذا عذبة ما تنازلت تسأل مشاريوه وهو حبيبه...كله عشان كرامته.. وسعي صدرتس... ولا تهنين نفستس زود... معليه يختي صيحي بالغرفة.. وصيحي... بس إطلعي برا وهيصي... تعالي معي أنا ونورة... مسوين حفلة هبال مع بنات المدرسة يحبه قلبتس ببيت نورة.. يالله تلبسي وإنزلي ولا تدرين إنزلي ببجامتس... لالا بوه العيال بالخيمة... تعالي إلبس أي شي... بنات فله ... هبال... رقص.. هيصه.. اللي تبين.. يالله يالله!! _وتجر يديها_ ليلى_تبعد يديها_: نجلاء مو رايقة لك!! مابي ... روحي... مابي... وين عذبة... خلي عذبة تجيني.. نجلاء: هههههههههه.. إخس يالبرنسيسه.. عذيب مشتطة هالأيام عشان المشروع بيسلمونه قبل وقته ... ما تجلس بالبيت يا بالمكتب وقافلة على نفسه... يا عند مجيد ونجود... يا تدور بالسيارة... تبينه تفضى للبرنسيسه ليلوه.... أقول قومي وخلي عنتس الدلع ...وشو عاد..يا زود(هالـ....ي) يا نقصه... ******** "في السيارة" عذبة تعمل على المحمول, بدت متوترة .. رن الجوال.. ترفع الجوال وهي تضحك..: هلا فنو...وش أخبار الكرشة؟ أفنان: وه قرف... تعب مرة... والله إني أدعي لأمي كل ما أقوم وأقعد.. عذبة: إي والله ... الأمهات ما يلحق جزاهن... مير أنتي وش أخبارتس وش مسويه... أفنان: على حالي بموت من ضيقة الصدر... زهق!! عذبة... وش صار على ليلوه؟ عذبة: أرسل ورقته أمس... فكه... أفنان: مستانسه؟ عذبة: لا... وإيه... أفنان: يوه يا عذيب ترا كرشتي قدامي متر... مالي خلق فلسفة زايدة!! عذبة: طيب... بسم الله أكلتين بقشوري... فرحت إنه إفتكت من الشك وضاق صدري إنه تطلقت... أفنان: لا فكها ربي... إلا أنتي وفيصل وش صار عليكم؟ عذبة: أقول إسكتي لا أصك الخط... من زينه الحيوان... كل الناس إستحت على وجهه إلا هو... أقول إسكتي بس شبت تسبدي.. أفنان: غريب والله... انا أول أقول لا مب قصده.. بس عقب سالفة الضرب وأنتي مريضة ولا حتى إعتذر ولا تأسف... عذبة: أبو عبدالعزيز بلحيته يصيح عند راسي... وعقب ما طلعت من المستشفى يوميا يتصل ويتأكد ويرسل مرته... وللحين وهو يرحمن... ويحن علي... حتي سعد... هاللي مغسول وجهه بمرق حس وراح يدور على مستشفى أحسن و حاول بي كم مرة ينقلن برا أكمل العلاج.. أفنان: فيصل...ماعقب اللي سواه معك و مشاري شي... عذبة: مشاري أقول يغار وبينتقم لكرامته... ولا أي شي.. بس اللي سواه وأنا مريضة ولا يهودي يسويه... وسافر أول ما ليلى تزوجت ... جاء قدام الناس يعني إني مهتم بنات عمي... أفنان: غريب هالإنسان... يالله الله يعفو عنا إغتبنا الرجال.. عذبة: إي والله عطيناو حسناتنا وهو ما يستاهل... أفنان: أخ... وه تبين الكرشة؟ عذبة: لا يا شيخة أنا أبي الولد.. أفنان: إيه يسمح لك صالح.... يحسب الأيام للولده... عذبة: إيه وش وراو بيجيه الولد بارد مبرد لا حمل ولا ولادة!! أفنان: إي والله صدقتي... ******** "في الصالة" عذبة تنهي مكالمتها: الله يسلمك خال... سلامتك يا قلبي.. لا ... إيمان بعيوني...ولو غاليه بنت الغوالي... أمس كانت عندي.. ولا يهمك... الله يسلمك.. إتفقنا.. الله لا يخلينا منكم...مع السلامة _تغلق السماعة وإذ بالطباخة تقف خلفها وهي تمسح دموعها_ عذبة: ميرنا!! وش بتس؟ الطباخة: خلاص عزبة طفح الكيل... ما بئي فيي أتحمل أكتر!! عذبة: وشو؟ الطباخة: إختك ليلى... نازلة فيا صريخ وغطرسة... مو عاملة حساب لعمري... أنا بعمر أمها... أختي أنا متلي متلا... شو كلنا مسلمين وعرب... وأنا جايه أشتغل شغله حلال... وزيفة مو عبودية...!! أنا حرة إهي ما إشترتني منشان تتعامل معي هيك.. عذبة: ليلى!! وش صار بالضبط؟ الطباخة: اليوم الصبح... بعد ما إلتي لي إبعت الفطور لغرفتا... إتصلت علي وصارت تغلط بالحكي .. عذبة: طيب ليش؟ الطباخة: مرة ما عجبها الفطور... ومرة دسم.. واليوم بتئول إني أبعت لها البائي من فطوركون أنتي والآنسة نجلاء... شو هالحكي مدام عزبة.. من شان الله... يا أشتغل بهالبيت محترمة يا بطلع منوه ومابدي مصاري... أنا عربية وكرامتي أهم علي من أي إشي تاني!! عذبة: زين ... مدام ميرنا... أنا آسفة... أنا اعتذر عنها.. أنتي تعرفين نفسيتها تعبانه بعد الطلاق... و... أكيد أنتي أم وبتقدرين موقفها... أرجوك تعاملي معها على أنها بنتك.. طولي بالك .... وحقك يرجع لك...وكرامتك وكرامة أي شخص تحت مسؤوليتي من أهم أولولياتي... عشاني بس هالمرة وإذا قللت أدبها ثانية... أعطيك راتب الثلاث شهور الباقية... وأضمن لك تعويض...هاه وش قلتي؟ الطباخة: حاضر مدام... والله من شانك هه... عذبة: الله يخليك يا ميرنا... قلبك أبيض.. يالله أنا بروح أتفاهم معها... ********* "في غرفة ليلى" الغرفة مظلمة , والنوافذ والستائر مغلقة, في ركن قصي من الغرفة رسمة وردة ذابلة تحيط بها هالة سوداء قاتمة, تركتها ليلى لتجف, اللون الأسود منسكب على السجادة الفاخرة, والفرش تناثرت تحت اللوحة, ليلى منزوية على كرسي صغير بجانب مجسم رخامي ضخم... دخلت عذبة , تلفتت يمنه ويسرة , هرولت نحو الشرفة وفتحت الستائر ثم فتحت بابها على مصراعيه, ذهبت للنافذتين من الجهه الأخرى وفتحتهما, إلتفتت على اللوحة ثم وقف أمامها تتأمل وسألت : ليلى... أمي ماكانت تسمح لتس تجيبين الألوان هنا.. فيه بالقبو مرسم خاص.. وفيه الحديقة...ليش ترسمين بالغرفة؟ ليلى: ما أبي اطلع... عذبة: ليش؟ ليلى:............. عذبة: ولمتى بتظلين على هالحال!!!؟ من إسبوعين ... من إستلمتي ورقة طلاقتس وأنتي قافلة عليتس الباب... ليلى:............. عذبة: أنتي لازم تطلعين من هالسوداوية اللي قاعدة تعيشينه... إطلعي شوفي الناس... الحياة مو لون أسود ولا لون أبيض!! يامبسوطة يا تعيسة.. فيه ألوان ثانية... جربي تعيشينه... ليلى: أنا ... ما أبي أطلع... خلين بالسواد... عاجبني... عذبة_إلتفت لها ونظرت إليها نظرة تحدي ثم صرت أسنانها وظهرت إبتسامه خبيثة _:بس أنا ما عجبتن!! _إنحت وأخذت اللون الأبيض وفتحته ثم إلتفت لليلى قائلة_: شوفي... أبجرب مهاراتي اليوم.. ليلى: لااااااااااااااااااااااااااااااااااااااا _ركضت ليلى نحو عذبة وحينما أمسكت بيدها مدت يدها الأخرى لتنشر اللون الأبيض على اللوحة وهي تضحك_ ليلى: حرام عليك... خربتي لوحتي!! ليش... ليش!! عذبة: بس...أنا أكره اللون الأسود... ليلى: أنتي وشو أنتي ما تحسين!! انا مطلقة ... وقاعدة أعبر عن نفسي بهالوحة... وتجين ببساطة تخربين شغلي عليها!! أنا ما أبي أطلع... ما أبي... انا قمامة.. ما أحد طايقني بهالبيت... أنتي ما تحسين باللي بي... شعور المطلقة ما يوصف... أنتي قلبك ميت... أنتي وشو... كثر المصايب خلت عندك برود... أنتي قالب ثلج... أكرة الثلج اللي تحاولين تدخلينه بالقوة بحياتي.. عذبة_تمسك بيديها المصبوغتان بيدي ليلى وهمست_: أنتي تعرفين إن فيه انواع من الثلج تحرق أشد من النار!! ليلى: ................... _تترك عذبة يدي ليلى ثم تفرك شعرها وتحك وجهها وكأنها تحاول أن تقول شي يصعب قوله, وضعت يديها على خصرها, ثم عضت شفتها وإدارت ظهرها لليلى ومشت خطوتين , توقف فجأة ثم إنحنت لتقترب من ليلى قليلا وهمست_: أنا مطلقة... مثلي مثلتس... نسيتي... طلاقتس هذا أنتي طلبتيه.. لكن طلاقي كان صدمة لي وأنا توي ما صحيت من سكرة ألم موت أهلي... نسيتي ... ولا مازلتي تعتقدين إني انا مخططة للطلاق؟!! ليلى: عذبة..أأ.. أ...... عذبة: هس..._وتشير لليلى بأن تصمت وتشيح بوجهها عنها ثم تسير مبتعدة خطوات قليلة وتلتفت ثم تضحك قائلة_: أنا وقته ... كنت مصدومة...مقهورة.. منهانه... وفوق هذا كله مجرووووووووووحة... الشي الوحيد اللي يجمع بين طلاقي وطلاقتس شي واحد... _همست _الشماتة... كلنا تشمتوا بنا الناس يوم تطلقنا صح!! وأعتقد إن هذا أسوأ شعور ... لكن_صرخت_ ما صكيت علي الباب يا هانم وقعدت أصيح!! مارحت أصرخ على الطباخة وأحط حرتي به!! مارحت سويت لي عالم أسود ... وضربت على نفسي حداد... قمت .... وكل جروحي تنزف.. تحاملت على نفسي... واجهت الناس... وقلت لهم بطريقة عمليه إن الطلاق ما يعني نهاية حياتي... في ذاك الوقت انا أكبر كذابة... وأكبر مجرمة بحق نفسي... تعذبت... عشان ما أحد يتشمت بي.... ووقفت عشان ما أحد يدوسن... ما أبي أحد يشوفن ضعيفة ومكسورة... لأنه أخاف يجي يوم... وأنهان زيادة بسبب ضعفي... ليلى... أبقولتس سر... ما بحته لغير أفنان... وماما أمينه...و.... _تتنهد وتنظر للأعلى_ ليلى... أنا أحب مشاري للحين... وعرفت السبب اللي خلاه يطلقن.. وعرفت كل شي... بس... عشان ما أبين ضعيفة ومكسورة جناح تحاملت على نفسي وسكت... ما أبي أحد يقول عن... ضعيفة... أخاف يجي منهو يتجرأ علي بعدين.. ليلى... أنا لمن أتذكر الأيام الصعبة اللي مرت علي... أصفق لنفسي وأقول برافو عذوبة.. كذا الواحد يصير قوي... وما يخلي مصيبة ولا ألف مصيبة تنهيه... مدام ربي كاتب لي يوم بهالدنيا أبعيشه... طوله وعرضة... ولا أستسلم... ليلى:عذبة... أنا آسفة.. أنا.. أدري إني حقيرة... أدري... إني أستاهل اللي صار لي.. أدري إني ظلمتك معي.. وبدل ما أكون لك عون... خذلتك...وإتهمتك أدري... بس أنا ما أقدر أشوف نجلاء ولا أشوفك... أنا ما أبي أي شي يذكرني بالماضي.. بغلطتي... ما أبي أطلع.. ما أي أشوف نورة وتركي ومجيد ... فيصل وزعله مني عشان العايلة.. عايلة مؤيد ما عجبته... كلش كلش كان غلط وانا أصريت عليه... و......... عذبة: بس... خلاص... أنتي مو أول وحدة تخطي ولا آخر وحدة... أنا أحبتس ومو منتظرة منتس تجين تعتذرين... أللي أبيه منتس إنتس تصيرين قوية وترجعين للجامعة... ليلى: الجامعة لا.... عذبة: هذي حياتس... بس الشهادة أهم شي... الشهادة سلاح.. ليلى: شهادة فنية... هه وين بتنصرف معه... عذبة: براحتس... من بكرا بنروح للمحكمة الصبح عشان أفرغ لك أملاكتس.. و... يرجع لتس حلالتس بعد ما راح مؤيد.... حقتس ولازم يرجع لتس.. وو.. إيه خالي بيجي بكرا عنده شغل بالرياض...بيمرتس... أحس لو تروحين عنده تغيرين جو... أحسن من القعدة هنا... ليلى: ........................ فيه شي ثاني؟ عذبة: إيه.. الحين تروحين لميرنا وتعتذرين منه... جت لمي تصيح... ليلى: أووووووووووووف عذبة_بغضب_: زين تحملي أغلاطتس!! ليلى: طيب... أبشري.. عذبة: ليش اللون على السجادة!! خير... السجادة غالية... نعنبوا بليستس يالبثرة!! جيبي تنر وحاولي تمسحينه... ولا ترا أبخصمه من مصروفتس... ليلى: أمي عذبة الثانية... وبعدين وش مصروفه؟ عذبة: إيه ما قالت لتس نجلوه... ترا مافيه لعب بالفلوس... مصروف محدد.. واللي بيزيد يجي يكلمن ويقنعن ... إذا وافقت ولا... مافيه.. ليلى: عذبة..جد والله للحين تحبين مشاري..؟ طيب قولي لي وش سبب الطلاق؟ عذبة: ليلى... إنسي الموضوع... ********* ..................................."الجزء الثامن والثلاثين" "بعد يومين" "في الخبر" عبير وأحمد في الصالة يستعدان لمشاهدة فيلم أجنبي , عبير تغلق الستائر وتزيد من درجة التكييف, فيما شغل أحمد بتشغيل جهازه المحمول, وتوصيل السماعات.. أحمد: عبير روحي نادي ليلى كان تجي تتابعه معنا... عبير: لا ... ليلى تقرق هي وإيمان... أحمد: شفتي إيمان الخايسة!! عبير: وش به بعد!! أحمد:تقول لي... إسبح ريحتك خياس!! بالله بالله عبير تشمين بي ريحة؟!! عبير: ههههههههههه مسكين.. تحمل... عادي .. المسيكينه توحم .. شف هاجتن عن رجله.. تقول يحوم تسبدي.. طول بالك عليه.. أحمد: لا والله!! رجله تتفاهم هي وياه ... وبعدين هو المستفيد.. بيجيه ولد!! أنا وش دخلي تتوحم بي!! الله ياخذه!! فشلتن عند ليلى.. عبير: هههههه ليلى تعرف حركات الوحام.. وبعدين ليلى تشم.. مابك ريحة.. وسع صدرك.. أقول متى بيشتغل ذا؟ أحمد: هالحين.. بس أقول... عبير: نعم؟ أحمد: وين الشاهي والفصفص!! عبير: قلت لك ... شاهي إيه فصفص لا!! تملي البيت كله قشور.. لو أنت ذرب وتحط قشورك بالصحن كان ميخالف.. أحمد: أحط قشوري بالصحن!! أجل وشو له أنقم حب إذا حطيت القشور بالصحن.. إن ما تفيته بكل مكان ما أتطعم به... عبير: أجل .. مافيه.. أحمد: أقول عاد مالتس كلمة... بوه شغالة إيمان.. جيبيه تكنس.. يالعجازة.. عبير: أقول أحمد.. تبي فصفص رح للملحق.. أحمد: يوووووووووه... أقوم أنا أجيب... عبير: والله ترا ما أنظف.. مالي دخل .. يمه...يمه... أحمد: كولي تبن... أنا أكنس بس جيبي.. عبير: كذاب ذاك المرة أنت وبندر قلتوا لي أبشري... وقمتوا طلعتوا وخليتوه وانا اللي كنسته.. مير بندر راح لدوامه أنت المفروض تكنسه!! أحمد: أقول أها... تعذرين لبندر خايفتن منه.. والله أبنقم وأتفه على راستس... عبير: يمـــــــــــــــــــــه... يمه تعالي شوفي أحمدوه... ********* "في غرفة نجود" عذبة: أهوه ياستي جيت وش تبين؟ نجود: ......................عذبة...... عذبة: أقول نجيده أنا وراي شغل الدنيا... إخلصي علي.. نجود: مبروك ما جابت أفنان... عذبة: ههههههه ياشيخة جايبتن من بيتنا عشان تباركين ولدة أفنان!! الله يبارك بتس... توي جايتن من عنده وليده يهبل... ماشاء الله... كنه خاله سلطان.. نجود: عذبة..... عذبة_تقوم وتأخذ حقيبتها وتضعها على كتفها وتحل عقدة نقابها لتلبسه مرة أخرى_: مع السلامة.. نجود_تمسك بكتف عذبة_: هو..هو!! إصبري تو الناس يالعجوز ماقلت لتس وش عندي!! عذبة: أنا وراي شغل.. بروح أطارد أشغال...وأوقع على أوراق.. هذا غير أقساط مدرسة ناصر ونجلاء... بروح أشوف وش يبون ... وأنتي لو بنتظرتس كان يجي بكرا وأنتي تمسسين السالفة.. أقول مع السلامة أنا مرتن مانب فاضية.. نجود:هههههههههههههههه جد توي أصدق إنتس طالعتن على جدتتس عذبة!! أقول إقعدي.. أبقولتس سالفة خطيرة... ******** "في الخبر" يدخل بندر قادما من دوامه, عبير وأحمد مشدودين للجهاز ويتابعون بشغف, ليلى وإيمان وأم إبراهيم يشربن القهوة ويتحدثن بهدوء, استدار بندر بهدوء خلف شاشة الحاسب, وإذ بمشد ساخن نوعا ما يعرض في الفيلم... صرخ بندر: خيــــــــــــــــــــــــــــــر!! _فزع أحمد وعبير _ أم إبراهيم: هبلتن يا وليدي!! أحمد: من متى جاي أنت؟ إيمان: طاح ولدي من الروعة... ليلى: ههههههههههههههه بندر: وش قلة الأدب والمسخرة هذي!! أحمد: ...و...والله هذا أول مقطع وصخ.. عبير: والله مب وصخ مرة!! بندر: لا!! وش أكثر من كذا بعد!! ماتت قلوبكم وماعاد تستحون ... هاتوه... هاتوه... أقول... أحمد: حقي أنا شاريه.. بندر: أقول هاته.. خلك عشان المرة الثانية تشري شي محترم ولا تخلي قروشك بجيبك... عبير: بندر.. الله يخليك... ودنا نكمل تحمسنا.. بندر: لا.. مافيه جيبيوه أم إبراهيم: بندر... وش بوه؟ بندر: قلة أدب.. وقاحة... شلون ترضين لهم يشوفونه.. ماموت قلوب هالناس إلا هالبلاوي اللي يشوفونه ليلى: بس حرام.. هم متابعين.. لا تاخذه منهم... المرة الثانية خذه.. بندر: ياملحتس صاكتن إثمتس...سكت دهراً ونطق كفراً... _نظرت إيمان لليلى وهما تكتمان ضحكتهما _ أحمد: بندر والله مو حق.. يمه!! أم إبراهيم: إه.. عطوه أخوك وفكنا وش الغنيمة اللي بتجي منه؟!! بندر: هاته_وهو يسحبه بعنف , ويصعد للأعلى_ عبير: يمه... ليش تخلينه ياخذه؟ أم إبراهيم:روحي أنتي قولي له...!! وبعدين هو أخوتس الكبير... وما أقواو... لامن جاء أبوتس خليه يتفاهم معوه.. أحمد: ياحبيل إبراهيم... مايتدخل.. إيمان: إلا صح.. إبراهيم بيجي اليوم هو وولده؟ عبير: إيه.. تصدقين إني ولهت على زينب.. ليلى: الله ياخذه.. ترا لو بتجي بدبر لي مشوار مو طايقة أشوف وجهه.. عقب اللي سوته بأختي... *********** "في غرفة نجود" عذبة: خالد!! ولد خالي!! نجود: أنا ترددت... أول مرة أتردد.. بالعادة علطول لا.. بس خالد... ما أدري.. عذبة: لا عادي قولي الحقيقة.. اللي لو كنت مكانتس بقوله.. ولمتى بنتظر واحد .... مات..... لو يفيد الإنتظار كان ظليت طول عمري أنتظر رجعته.. الياس رحمة... ماتصدقين يا نجود... عجزت أيس من رجعه أبوي... لكن سعود وأمي.... خلاص اللي راح ما يرجع.. _أطرقت رأسها وبدأت تغالب عبرة مكتومة_ لا...يانجود..أقول... خالد ما ينعاف... وخبله لو بتردينه... نجود: بس أنا... مو متخيله انو فيه أحد بياخذ مكان سعود... عذبة: خلاص سعود مات... لو أنتي اللي متي كان ما إنتظر سعود سنه وحده... وأنتي قعدتني سنتين وزود ترفضين .. وأنتي بنت.. لو فاتس الزواج بوقت يمكن ما يحصل لتس بوقت ثاني... نجود: أخاف أظلم خالد على ذكرى سعود.. عذبة: إخس... اللي يسمعتس يقول ذي عشرة عمر هي وسعود.. أقول ترا راس ماله خطبه... إسمعي... الحين إذا تزوجتي.. أبجي أنام عندكم.. نجود: ليش؟!! عذبة: لأني راضعه من مرت خالي الله يرحمه... أم خالد... وأفتش لكل عيال خالي وأحفادهم... نجود: والله!! أجل مستانسه هناك لا غطاء ولا شي!! عذبة: لا أستحي مو كلهم أفتش لهم.. *********** "في بيت سعد" تركي: نواعم... نواعم... نواعم !! تينا وين نواعم؟ _تلتفت الخادمة ببرود_: ما آدري... يمكن راحت مع نورة... تركي: نورة!! وهذي من طلاق أمي ماتقعد بالبيت!! يووووووووووووه... _يجلس على الأريكة المنعزلة ويرفع سماعة الهاتف ويتصل بجوال نواعم.._ نواعم: هلا تركي... تركي: نواعم وينك؟ نواعم: مع نورة ونجلاء رحنا للملاهي...تبي شي؟ تركي: نواعم ... مايصير... كل يوم طلعة ودخلة مو معبرة أحد... طيب قولي لي قولي لأبوي إنك بتطلعين... مو تفكين الباب وتطلعين!! نواعم: ليش هي رقابة ولا إيش؟ تركي: نعومة حبيبتي روحي أنا مقدر إنك متضايقة من الوضع بالبيت بس الهروب مو حل... على الأقل عطينا خبر إنك بتطلعين إذا أنتي ملزّمة.. أخاف يصير لك شي وحنا ماندري... نواعم: تركي... أدق عليك ومقفل!! تركي: أنا كنت بالمستشفى... كان دقيتي على أبوي... نواعم: أوهو أبوي لأ... تكفى تركي أبي أستانس... لا تقلب المواجع.. تركي: نواعم... هذا أبوك أولا وأخيرا... وأنتي لازم تحطين عنده خبر... نواعم: ما أبي أكلمه... ما أبي أسمع صوته... تركي: هذا أبوك... وماقصر معك أنتي بالذات بشي... لا تخلين مشاكل أمي وأبوي تأثر على علاقتك بهم... لأنهم مهما سوو فهم يدورون مصلحتك.. نواعم: تركي... لو هو يحبنا ما طلق أمي!! تركي: أمي هي اللي طلبت الطلاق.... وهو ما قصر معها... تكفل بالعيادة وفتحها لها وللحين قاعد يشغلها لها بالمجان... كل هذا عشاننا يا آنسه... وعشان أمي... لو ما كان يغلي أمي ما سوا كذا.. نواعم: يغلي أمي بيتزوج عليها!! تركي: أنتي خبله... أمك هي اللي طلبت الطلاق... والزواج حقه... ماسوا جريمه.. وبعدين على فكرة... ترا أبوي متضايق من تجاهلك له... هذا أبوك... نواعم: زين يتزوج.. بس ما أبيها بالبيت عندنا... إذا جت للبيت أبروح عن أم عبدالعزيز وجدتي مالي جلسه... تركي: خير تلبشين الناس أنتي؟ نواعم: أم عبدالعزيز هي أمي اللي ربتني..هي اللي علمتني الصح من الخطأ... وأنت أعرف بهالشي.. أم عبدالعزيز ماعمرها ضاقت بي... وإن هي تمشكلت مع أمي... هي تحبني.. تركي: زين..._بسخرية_ الله يبشرك بالخير هي تحبك أجل.. الحمدلله....مير سلمي على البنات... وقولي لنورة لا تجمع ربعها عند سيارتي... نواعم: وشو؟ تركي: قولي لها وبس... نواعم: طيب أخوي ... تآمر على شي؟ تركي: سلامتك يا قلب أخوك... بس لا جيتي لازم تمرين على أبوي... وتسلمين عليه... إتفقنا؟ نواعم: بالبيت نتفاهم...يالله باي نورة جابت العشاء.. تركي: إلحقي إلحقي... إذا بدت نوير خلصته عنكم!! باااااااااااااااااااااااااااااي طووووووط طوووووووووط _تلتفت نواعم وهي تضحك بشدة_: نورة... ههههههههههههه نورة: وش به ذي.؟ نجلاء: أنا أدري!!؟ نواعم: ولا شي.. نورة: وش قالتس تركي يا علوه الفاري!! أكيد قعد يتطنز علي!! نجلاء: لا يهمتس... تروك لو ما تطنز مات.. نواعم: لا .. يقول لا تجمعين ربعك عند سيارتي... نورة: أيه... من زين سيارته... سيارة مجيد أحسن.. نجلاء: روحي إلعبي بسيارة مجيد.. نورة: لا والله ما قضيت من عمري... نواعم: الحين أنتي وش مسويه بسيارة تركي؟ نجلاء: بس جالسه هي والبنات على السيارة ... وقاعدات يرسمن على القزازبالروج... نواعم: وأنتي مشاركة بالمعرض الفني!! نجلاء: لا تعرفين إني أمقت كل أنواع الفن التشكيلي... تخيلي ذاك اليوم برسم بعير... حسبته الأستاذة بقرة!! نورة: قاعدتن فوق الشجرة تقل قرد!! نواعم:هههههههههههههه أمنه تركي معصب!! نجلاء: كفشه بالجرم المشهود.. نورة: هجينا كلنا وهي تورطت فوق الشجرة... نشبت بطرف تنورته... جاء تركي وهو معصب.... ويسمع خرفشة ويرفع راسة ولا الأميرة الناعسة متشعمطة فوق الشجرة.. بس ياهو نز نزه!! نجلاء: تفشلت حسبي الله على العدو... نواعم: ههههههههههههههههه وحط الحرة فيك!! نجلاء: يخسى!! بس نزل راسه وسأل" من مشخمط على السيارة بالروج!!" وقلت له نورة والشلة حقينه... عصب وركب السيارة وهو يهوش ويتوعد... نورة: وكلم مجيد... بس رحمه من ربي إني كنت حاطتن راسي على حجر أمي نورة... ولا كان مجيدوه توطى ببطني... حلفت عليه أمي نورة ما يسوي شي... نواعم: والله فله أمي نورة... قاهرة مجيد... زين موقفته عند حدة ولا كان يتعنتر عليكم... ************ "في غرفة بندر" يدخل أحمد خلسة للغرفة, صوت المياة من الحمام تبعث في نفس أحمد الطمأنينة بحث عن الـ DVD على التسريحة وعلى الأرفف فلم يجد شيء.. إلتفت متبرماً, فتوجه نحو الدولاب, فتحه وبحث بين الأغراض بسرعة فلم يجد شيء أيضاً, إتجه نحو السرير, ورفع البطانية ومن ثم الوسادة فوجد ورقة بيضاء مثنية من المنتصف, أخذها وإذ بصوت باب الحمام يفتح , فزع أحمد وأراد الهروب , فأمسك بندر بيده وهو يصرخ: هات الورقة.. هاته.... أحمد.. فزع أحمد وأفلت يده من بندر وفر خارجا, ضرب بندر بيده على الجدار ثم أخذ بنطاله المتسخ ولبسه بسرعه ورمى الفوطة,وخرج راكضا وهو يغلق السحاب, _في الصالة_ أحمد يركض مفزوعا ويرتمي خلف والدته, وهو يصرخ..: يمه.. فكين من ولدتس... _في أول الدرج بندر يصرخ: أحمد هات الورقة اللي معك!! أحمد: لا... جب الفيلم وأعطيك ورقتك... بندر: أحمدوه والله لأمسحك من الدنيا جبه!!!! _بدا بندر مضطربا وغاضبا, أخذ أحمد الورقة وفتحها, فذهل ثم رفع رأسه ونظر لبندر قائلاً: عيب عليك... تعلمنا الأدب... شوفي يمه وش معه... بندر: أحمد.. لاااااااااااااااااااااااااااااااااااااااا _فتحت أم إبراهيم الورقة فشدتها عبير منها للأسفل بحيث تكون واضحه لها ولأيمان وليلى_ بندر: والله لأوريك يا أحمد جب الورقة _في هذه الأثناء دخل الخال من الملحق_ الخال: خير إن شاء الله!! وشهالصراخ؟ بندر عيب عليك... ليش نازلن كذا!! وش عندكن أنتن وش بكن... وش هالورقة اللي معكن... أحمد: لا ... يبه... هذي.. و.. ورقه لقيته..... برجعه لراعيه... _أخذ الخال الورقة بعنف من يد أم إبراهيم, وإلتفت وإذ ببندر يعود لغرفته فتح الخال الورقة, ونظر إليها بذهول ثم إلتفت على أحمد_: منين جبته؟ أحمد: من...من...الشارع.... الخال: بلا كذب... أحمد عينك بعيني ولا تكذب على أبوك!! أحمد_يشيح ببصره ويطرق رأسه_ الخال: أحمد.... لا تطوله معي... أم إبراهيم... قولي الحق...منين؟ أم إبراهيم:... يالله إن الشكوى لك... جابه.. جابه من غرفة بندر... الخال: بندر!!!!! ****"في بيت منيرة أم تركي_الخبر_" هيفاء: منيرة... مهما صار ليش تخربينها بعد هالسنين؟ منيرة: هيفاء... خلاص واللي يرحم والديج... ما إفتكيت من عيالي تيين أنتي بعد!! هذا اللي كان لازم يصير من زمان... هيفاء: وعيالج!! منيرة: أنا اللي مصبرني هالسنين عيالي... لكن إكتشفت إن وجودي عند عيالي كعدمه... ليش أيلس عيل!! هيفاء: أنتي شناقصج هناك... كان مشيتي عمرج وتحملتي شوي.. منيرة: تدرين شناقصني يا أختي!! ناقصني الأمان... طول عمري وأنا حاطة إيدي على قلبي خايفة من سعد... هيفاء: سعد يعزج... وشوفي اللي يسويه عشانج.. منيرة: مو عشاني... عشان عياله... سعد ما أحد يعرفه مثلي... قلبه حجر... وما يعرف اللين ... هيفاء: طيب ليش الحين تعادينه... طول عمرج خاضعه له وبالآخر تخربينها!! منيرة: ولمتى بتم خاضعة يا هيفاء لمتى؟ خضعت لأمي ودخلت طب وإهوا مو رغبتي... خضعت لأبوي وتركت حسين وتزوجت سعد.. خضعت لسعد وكملت دراسة وتوظفت وليته عاجبه!! كل يوم والثاني يعايرني بإهمالي لبيتي وإن عيالي اللي مربينهم إخوه ومرت أخوه... يعني مو عاجبه... ولا أنا عاجبني الوضع... وعيالي..... خلاص أكيد أهم يبيوني أختار الوضع اللي يريحني... هيفاء: منور... للحين ما نسيتي حسين؟ منيرة: وش قاعدة تخربطين أنتي.. أنا بس أقولك وش صار.. هيفاء: فعلاً... ومالحب إلا للحبيب الأولي... منيرة: هيفوه يالماصلة!! هيفاء: حتى مشاري... للحين يحب عذبة...يموت عليها... لامن صار مبسوط ناداني عذبة... وكل يوم .... يفكر فيها... ولامن جاء طاريها يفز... تعبت منه... ومن تفكيره بعذيب... منيرة: شلون؟ مو... طيب ... ليه أهو طلقها!! هيفاء: ما أدري.... بس اللي أدري فيه إنه للحين يبيها وهي للحين تبيه وخالتي فاتن بعد لو بيدها ردتهم لبعض... منيرة: فاتن!! أصلا فاتن مب راضية بزيجتج كلها.. أنا قلت لج... بس منى إهي اللي لعبت بمخج وفرته... هيفاء: منى... أكلتها علقه من سعد... خلها ...هذي اللي تلعب بالناس يي من يلعب فيها... ما أقول إلا حسبي الله عليها.. منيرة: طيب... وش بتسوين بمشاري؟ هيفاء: ما أدري.... بس بعد ما تطلقتي... تفتحت عيوني على أشياء كثيرة... منيرة: وشلون؟ هيفاء: مشاري من خذاني وهو مو يمي... مابي أفتح عيوني يوم وألاقيه جاييب عذبة على راسي حتى أنا مثلج يا منيرة ... مو حاسة بالأمان مع مشاري.... مشاري .... بايعني وشاري عذبة... بس ما أدري أمتى... ********** ******* |
الجزء التاسع والثلاثين" "في الخبر" طرقات خفيفة على باب غرفة بندر.. بندر صامت ولا يجيب.. "بندر الله يخليك إفتح أبقولك" "بندر والله مو قصدي...والله ما كنت أدري وش بالورقة" يشيح بندر , ويتنهد.. متجاهلاً توسلات أحمد .. سار أحمد متوجهاً للدرج نزل بتثاقل..وحين توسط الصالة الخال: أحمد...أنت متأكد أخذته من تحت وسادة بندر؟ أحمد:..................... الخال: أحمد أنا أسألك!! أحمد: بس.... الخال(يصرخ): أحمد!! أحمد: إيه...إيه... _ويفر أحمد للدرج حيث عبير تراقب الموقف, فتمسك بكتفه وتذهب معه للأعلى_ التفت الخال بعصبية نحو أم إبراهيم وقال: توقعين من اللي عطاه بندر...هي؟ أم إبراهيم: مستحيل.... البنت عاقلة مب راعية هالخرابيط..لالا.. وبندر عاقل.. وش تقول.. أنت .. وه وجعت قلبي الخال: طيب شلون جت بيده؟ هو ولدتتس قاضين منه... بس البلشة إن كان متبلي بنت الناس!! أم إبراهيم: لا.. لا بندر يخرب هو بس ما يخرب بنات الناس... أكيد.. لقاه طايحة ولا ,,, أحد دسه بأغراضه... الخال_يصرخ_: من بيدسه بأغراضه!! من يدخل غرفته أصلاً.. ليلى... ليلى!! _أقبلت ليلى بوجل_: سم..سم يا خال.. الخال: تعالي... أنتي تعرفين البنت!! ليلى: نورة... إيه أعرفها... الخال: وش جاب رسمته مع ولدي؟ هو لاعبن بمخه!! ليلى: لا... خالي صدقني.. نورة مالها دخل.. أصلاً الرسمة هذي أنا اللي رسمتها.. وإنشغلت بسالفة الخطبة وأنت تعرف الظروف.. ومن زمان و ا لبنت تسألني عنها وأنا ما أدري وين راحت... ما خليت مكان ما دورتها... ما أدري شلون وصلت بندر... بس نورة .. مالها دخل... والله مالها دخل... الخال: ليلى.... قولي الجد.... لا تسترين على بنت عمتس.. خلينا نعرف راسنا من رجيلنا عشان نحل الموضوع... ليلى: والله يا خال ما أستر عليها... بس نورة قبل إسبوعين نافشة المرسم تدورها... وأختها زعلت عليها تقول أكيد حدى الشغالات أخذتها... نورة مرة خايفة تكون الصورة بيد السووايق ولا الشغالات... الخال: وصارت مع ولدي.... لاحول ولا قوة إلا بالله... _يزم شفتيه ويكتف يديه لصدرة وبدت عليه علامات الحيرة والقلق_ ******** في الرياض" _الحديقة_ نجلاء: نوير عويذ الله من شرتس يا مرة!! نورة: إلا قولي لي... نجلاء: نورة!! نورة: أنتي ما جربتي الحب!! نجلاء: قصدتس ما إنخدعت بوهم الحب... وش عاجبتس بالحب.. ووش اللي جانا منه!! ليلى إتطلقت بعد ما ركبت راسه على زيجه فاشلة من أوله.. مها... رضت تعيش مع عقيم..وتنحرم من الذرية.. عذبة..._ترفع رأسها وتنظر لغرفة عذبة_ الله يكون بعونه بس ... نورة: بس بندر غير... يختي عيونه قتاله... وطوله يمي يمي ... وش ذا الطول والرزة... ولا جسمه... ياربيه بس.. لالا.. خلاص أخاف أنحته.. نجلاء: لا قولي ما شاء الله ولا نتب ناحتته.. نورة: ولاّ هيبته ... صح يخرع بس رجل.. وه بس يختي... الثقل صنعه... نجلاء: وشعره؟!!_تنظر لنورة بطرف عينها وتكتم إبتسامه خبيثة_ نورة: إيه شعره يهبل.... أصلا أنا أحب الكيرلي.... نجلوه... لا تناظرينن كذا!! نجلاء: أقول... متى بيجي فيصلوه....؟ نورة: ما أدري... يمكن بملكة نجود... نجلاء: إيه صح... يختي قولي له مانبي ملكة ولا شي... مالي خلق أدور فستان!! نورة: إفتحي الدالوب وإلبسي من اللي عندتس.. نجلاء: لا... هذا من الجهتين كلهم شايفين فساتيني... خوالي وأهلي وخوالتس!! نورة: إيه .... متى بندر بيخطبن؟ نجلاء: نورررررررررة!! أصلا بندر شايب... ومب خاطبتس.... كبير وأنتي بزر!! نورة: إيه بعد قولي بياخذ حصة بنت خالتس!! نجلاء: ههههههههههههه والله إنتس خبله .. علطول صدقتي.. أجل لو بعلمتس عن عرسة منتب مصدقه؟ نورة: قولي والله!! بيعرس!! نجلاء: لا حوووووول ولا قوة .... أوووووووووف نوير متى تعقلين أنتي!! نورة: إممممم نجلاء... تتوقعين منيرة أم تركي تجي للمكلة؟ هي تحب نجود مرة... بس... نجلاء: لا ما أتوقع تجي... وش بيقولون الناس .. تجي لأهل طليقه... صعبه شوي... ****** في غرفة بندر" يجلس بندر على طرف التسريحة... يعض شفتيه بعصبيه ويتنهد, يرفع رأسه للأعلى ويهمس: ياربيه... وش سويت أنا... الله ياخذك يا أحمدوه.. والله لأوريك... يوووووووووه يضرب بقبضته على الدولاب ويقف ثم يسند وجهه على المرآه ... طرقات خفيفة على الباب.. بندر_يهمس_: أكيد أحمدوه الحمار.. وله وجه يجي بعد... الطرقات تزداد... بندر_يصرخ_: أحمدوه إنقلع أحسن لك!! الطارق: بندر إفتح.... بندر_بدى على وجهه الرهبه_: أبوي!! سم.. _ويفتح الباب دون أن ينبس بكلمة, أشاح بوجهه عن أبيه محرجا, أغلق الأب الباب وأقفله بالمفتاح, ثم جلس على السرير_ الأب_راشد_: بندر... بندر_بصوت متهدج_: سم يبه... راشد: شلون وصلت الرسمة؟ بندر: .................. راشد: بندر جاوبن ... أنا أبوك ولازم تجاوبن وما تخبي عن شي... خلك بندر اللي أعرفه... بندر: يبه .. أنا آسف... راشد: لا تتأسف .. جاوبن بس على سؤالي... بندر: لقيته بالحديقة على الستاند وأنا كنت طالع من بيت عمتي فرح... عجبتن... أخذته... راشد: ليش؟ بندر: ............... راشد: أنت تحب هالبنيه؟ بندر: ..... إيه...إيه يبه... راشد: هه ومن متى وقعت في الحب؟ بندر: من... يبه لا ... والله مو بيدي.. حاولت أنساه عجزت.. راشد: لا.. يا وليدي خذ راحتك... قل كل اللي عندك.. أنا أبسمع القصة من أوله... بندر_بدى محرجاً_:................. راشد: بندر لا تستحي من .. أنا أبوك... وصديقك... ولا؟ بندر: إلا يبه.. الله يخليك لنا... راشد :طيب كمل.. بندر: من جتنا ذيك المرة... وقت زواج مشاري... ... دخلت غرفتي بالغلط.... هبلتن بس ضحكتن خفة دمه... وبعدين ... ... راشد: وبعدين حبيته ... و عجزت تنساه.. وعشان كذا إذا قلنا لك تزوج تقول بدري وتو الناس.. صح!!؟ بندر: يبه.. ..... راشد: لا.. أنا أبوك وفاهمك... بس أنا أبقول لك شي لا زم تحطه ببالك قبل لا تفكر به... بندر: سم يبه... راشد: أولاً البنت صغيرة... كم بينك وبينه؟ توه الحين بالثانوي.. وأنت اللي كبرك متزوجين... ثانياً والأهم... أنت قد نورة؟ بندر: ليه يبه علي قاصر؟ راشد: ونعم فيك بس حط ببالك... البنت مولودة وبثمه ملعقة ذهب زي ما يقولون... من طلعت على الدنيا والفلوس تلعب به لعب... هذا غير الرفاهيه والخدم والسوواويق... والسيارات... كل يوم سيارة للبنات شكل... هذا غير إنه دلااعة جدته ... وطلباته أوامر... سألت ليلى عنه بكل شي... صح هي على نياته لكن مدللـة... والدلال يفسد البنت... وأنت ولو إنك وليدي ... أبشهد عليك... مالك خلق أحد يتدلع عليك... هذا غير إن كان عندك شي تعيشه لو ربع عيشة أهله... إصرف النظر ياوليدي بس .. إسمع شور أبوك.. بندر:........................ راشد: بندر.. رجع الرسمه اللي سرقته من بنت عمتك وإعتذر منه... بندر: أبشر يبه... راشد: هههه ولا عاد تعود له.. ********** بعد إسبوع_ "في الصالة العلوية" نجلاء: نورة... شفتي أستاذه حنان... تقول بتأجل الإمتحان... والله ذبحتنا!! نورة: تأجله ما تأجله شي راجع له... نجلاء: ياحظي عليتس بس!! نورة: شوفي كشه ليلى.. خخخخخ ما أدري متى آخر مرة سشورت شعره... ليلوه.. ليلوه ... تبين أجي أمعط كشتس بالسشوار.. تقل شيطان بسم الله علينا... _تلتفت ليلي لهم وهي تصعد الدرج وتسير خلفها الخادمة تحمل حقيبتها_ ليلى: _أخرجت لسانها_ يا ثقل دمتس... نجلاء_تهمس_: أنتي ما لقيتي إلا هالقشرا تمزحين معه!! نورة: ههههه... بس والله حالته مأساويه... هذا وهي جايتن من عند بندر...مالت عليه... نجلاء: إص لا تسمعتس... تراه صايرتن أم عشر إذان... أش... نورة: وين تسمع وهي دخلت جناحه وصكت الباب.. إلا مير ليش ما تسلم علينا... نجلاء: المفروض حنا نسلم عليه حنا الأصغر.... بس شكله مقفله... _تخرج ليلى من غرفتها وتحمل ورقة بيدها_ نورة_تهمس_: سكنهم مساكنهم شكله جايتن تمردغ بببطني يمه... ليلى: نورووه... خذي يالبلشة... لا عاد تهقيني وينها... نورة: إيه هذي رسمتي... منيل طلعت !! ليلى: لقيته مع أغراضي... صارت رايحة مع عدة الرسم حقتي لبيتي... _عادت لغرفتها وأغلقت الباب بشدة_ نجلاء: الله يهديه... كم مرة نقول له لا ترسمين أرواح.. حرام ... وتقليد خلقة ربي..وذنبه عظيم.. بس عنيدة... إلا ليش هي معصبة كذا... نورة_تنظر للرسمة_: يا حبيلي... شوفين... بس... شمي ريحته... وععععع نجلاء: وش ريحته..؟ نورة: ماتشمين.... ريحة عطر رجالي...مع ريحة رجل... نجلاء: أشوه... إيه أنا شامتن هالعطر وين؟ إممممممممممم نورة: أكيد عطر الخايس مؤيدوه... وع كرهت صورتي... نجلاء: لا أكيد إنه عطر بندر... نورة: هـــــــــــــــــــــــــــو!! يا حبيله وش جاب عطره... زاد إني أقول الريحه دخلت قلبي!! نجلاء: يالنصابة...والله مايبي للنصبه عندتس شي!! وش جاب بندر له... خبله أنتي.... نورة: وه ما أدري... لا من جاء طاريه أدوخ.. نجلاء: نورة أنتي تستفزينن بهالأسلوب صح!!؟ نورة: إيه يا قلبي أنتي... حلو شكلتس لمن تغارين من بندر... نجلاء: أغـــــــــــــــار!! من بندر عليتس!! قالوا لتس مرتي أنتي ... بس أنا ما أحب خرابيط المراهقين ذي!! نورة: والله وكبرنا!!! صرتي الحين ما تحبين خرابيط المراهقين... يعني بتقنعينن الحين إنتس أوب فال إن لوف!! نجلاء: يازين السرج على البقر... أقوم أكلم أمي ماكلمته اليوم... نورة: سلمي لي عليه.. قولي تدوري رجل أشقر... وعيونه زرق... نجلاء: نورة!! والله إنتس مانتب صاحية...عيب!! نورة:ههههههههه عادي... تخطيط مستقبلي... لازم أضمن مستقبل عيالي... *********** في غرفة ليلى" تدخل د.أمينه وتجلس على طرف سرير ليلى, تلتفت ليلى بتثاقل, وحين رأتها إبتسمت ونهضت قائلة: هلا ماما أمينه... إشتقت لك... د.أمينة:حبيبتي ليلى... ليش حابسه نفسك... ليلى: وين أروح... ؟ د.أمينة: أرض الله واسعه.. إخواتك بنات عمك أخوالك... أي مكان.. الجامعه.. ليلى: لا تقولين الجامعه.. مالي وجه أقابل أحد... أكره الجامعه وأكره البنات اللي فيها.. لوما هالبنات كان أنا الحين مبسوطة مع رجل يحترمني ويقدرني... د.أمينة:خالد!! ليلى:..................... د.أمينة:لا تبكي على اللبن المسكوب يا قلبي... ليلى: أنا مقهورة لأني أنا اللي سببته لنفسي... وكله من تشجيع صحباتي بالجامعة مافيه منهم إلا وحدة حذرتني من اللي كنت أسويه... د.أمينة: لا تلومي صحباتك هم صحبات سوء وأنتي تبعتي كلامهم... ليلى: مالي وجه أقابل أحد... عارفة... بديت أحس إني عالة على المجتمع...وعلى أختي... عذبتها وتخليت عنها... وبالآخر ما طحت إلا بحلقها... د.أمينة: لا يا ليلى... أنتي أختها... لو إيش بيصير بتمي إختها... أنتوا ماليكم غير بعض... أجل ليش هي أخت!! وبعدين تعالي يا ليلوة أنا بزعل منك أبسمعك تقولي هالكلام... كيف أنتي عالة وأنتي تصلين باليوم خمس صلوات؟ أنتي ما تقري " وما خلقت الجن و الإنس إلا ليعبدون" الحياة يا عمري ماهي موقوفة على الزواج!! ولا على الدراسة ولا العمل!! ليلى: طيب خلاص... ليش تبوني أطلع للناس!! أقنعي عذبة تخليني براحتي... مليت من حنتها... أبي أجلس بغرفتي ..ما أبي أشوف أحد.. د. أمينة: ليلى... أنتي شابة ومسؤلة عن شبابك يوم القيامة.. الحياة ما تتوقف عند حد معين... أمتك محتاجة ليك.. وطنك محتاج ليك.. أخواتك محتاجين ليك... أنتي محتاجة ذاتك.. لا ترضي على نفسك تكوني عالة ... ولا ترضي على شبابك يروح هدر... ولا تزيدي على الغلط غلط تاني بالعزلة هادي... ليلى: طيب... ما أبي أروح الجامعه... مافيه وظايف بشهادة الثانوي.. مافيه شي أسويه... خلاص أفك الناس من شري وأفتك... د.أمينة: ياسلام... هو قيمة الفرد بوظيفتة!! أمي كانت وحدة أمية لكنها خرجت ثلاث أطباء وطبيبتين ومعلمة وشيخ... وقبل هذا غرست فيهم تعاليم الدين والأخلاق الحميدة.. يعني أمي كانت موظفة!! أمي يا دوبها تفك الحرف وتقرا المصحف لكنها كانت مستثمرة من أهلها.. أمها ربتها على الدين والأخلاق... وأمي نشرت اللي تعلمته وأتربت عليه عن طريق أولادها ولا تحسبي إن أمي ما واجهت مشاكل... أنطردت من وطنها وأتغربت عشانها أصرت توصل رسالتها وترفض الإستسلام... والحين ... أخويا الشيخ يدرس بالجامعة وليه طلاب علم كثار... وأخواني مع عملهم أطباء دعاة.. وأختي معلمة قران ولغة عربية.. تعطي دروس للنسوان اللي مابيعرفوش عربي العصر وتدرس الأطفال بالنهار.. وكل هذا وأمي ماهي موظفة.. ليلى: ماشاء الله... بس أنا ما عندي أولاد... يعني وش تبيني أسوي!! د.أمينة: فتشي بتلاقي... ياما ناس محتاجين من يهتم فيهم .. وياما ناس محتاجين أحد لو بس يشاركهم.. إطلعي من قوقعتك هادي وبتلاقي كتير فاتحين أحضانهم ديالك... يالله يا عمري قومي معاي للمستشفى.. فيه أسبوع تطوعي لأطفال السرطان أكيد تفتكريه لقيت إسم أمك الله يرحمها من اللي ساهمو بتأسيسه.. يالله يا ليلى مدي إيدك ... يالله _جرت د.أمينة ليلى وضمتها _ *********** بعد شهرين_ تجلس عذبة بالمكتب وترد على بريدها الإليكتروني.. يرن الهاتف فترفع السماعة.. نعم.. إيه معك عذبة.. أهلاً أهلاً.. كيف الحال... تمام الله يسلمك.. لا والله بخير.. الله يجزاك خير .. لا ولو.. أقدر الظروف..لاه!! سلامته.. الله يشفيه ويخليه لكم.. يابركة الأبو الله يديمه لكم يارب.. ما قصرتي يا عمري.. لا والله أنا أعرف إنك تقدّرين.. إيه توقعت إنه سبب كبير... لا والله ما تنلامين .. هذا أبوك.. الله يجزاك خير وصل تقديرك... الله يجزاك خير.. مع السلامة..بأمان الله ..أم عزام .. سلمي عالوالد وتحمدي له السلامة عني... مع السلامة.. _أغلقت السماعة وإبتسمت ثم رمت القلم ورفعت رأسها ونظرت للأفنان التي تلاعب صغيرها _ عذبة: فنو... أنا مبسوطة.. أفنان: ليه ؟.. منهي اللي كلمتك؟ عذبة: هذي نهى حرم أبو عزام .. واحد من كبار موظفين الشركة.. تعتذر إنه ماجت للحفلة..أبوه بالمستشفى.. أفنان: أما أمس حفلة تسليم المشروع شيء.. مرة روعة ومنظمة.. ولا الناس اللي جو.. من كل شكل ولون.. بس أحسنهم حسنية يختي كلها ملح.. أحب العجايز الفرفوشات!! وش تصير هي؟ عذبة: أم مهندس مصري.. والله ياهو شغيل يقطع قلبه.. أفنان: عشان كذا منصبته براس المجلس.. عذيب.. والله يا أنتي مصلحجية.. إلا ما قلتي لي ليش مبسوطة؟ عذبة: حسيت الدنيا بدت تضحك لي من جديد.. الشغل ومشى معي.. قدرت أتفاهم أنا وأبو عبدالعزيز و سعد.. ومجيد وبابا ماهر إنسجمو مع بعض.. وحسيت إني تجاوزت الأزمة.. الحمدلله.. أمس بالحفلة ودي أصيح.. أفنان: شوفي يا حبيله ضحك وليدي.. متفاعل مع السالفة!! عذبة: ياثقل دمتس أنتي وياه صايرة كنتس عجوز... تلعب ولد ولده!! أفنان: إيه .. حرررررررررة.. ودتس بمثله.. عذبة: ........... أفنان: عذوب.. زعلتي.. عذبة: لا... بس.. أفنان: بس وشو؟ عذبة: أنا معلقة الحين.. كيف مافكرت بها النقطة أفنان: أنتي اللي معلقة نفسك.. فيصل ماملك عليك ولا شي!! عذبة: بس أنا وعدته إني ماراح أتزوج غيره.. كنت أظن بيجي يوم وبيصلح اللي خربه.. ما توقعته بيدمر يوم بعد يوم.. أفنان: طيب.. فكه منه.. عذبة: أنا عطيت وعد... وأنا ملزومة فيه.. *********** .............................................. "الجزء الأربعين" "في لندن"يسير فيصل متأبطاً ذراع عبدالعزيز في شارع مزدحم... فيصل: عزوز... خل ندخل هالمطعم... عبدالعزيز: ليش هذا بالذات...زحمة... ماخبرتك تحب الزحمة؟ فيصل: إجلس وأنت ساكت... _مرت نادلة بالقرب منهم ثم إستدارت وإرتسمت على شفتها إبتسامة عريضة_ فيصل_يشير إليها_: وهو ...أنت وش تبي؟ عبدالعزيز: ما أبي شي!! النادلة: حاضر ياسيدي...حاجة تانيه؟ عبدالعزيز: لحظة .. أبي عصير بردقان.. فيصل: ههههههههه سمعتي؟ النادلة: آها... أورانج!! فيصل: هههههههههه عليك نور..._ذهبت وإلتفت عبدالعزيز مستغربا_ عبدالعزيز: عربية!!! بس الحين أنت منين تعرفه؟ فيصل: وش دخلك؟ عبدالعزيز: أقول.. فيصل لا تصير بس..... فيصل: بس وشو؟ ليش سكت؟ عبدالعزيز: لا بس هي فجت هالكشرة لك.. وعارفتن طلبك قبل لاتتكلم... حتى ما سألتك!! وفهمت لهجتنا.. يعني........ فيصل: بس حلوة صح؟ عبدالعزيز: أفا يا عم!! فيصل: ههههههههههههه والله قصدي شريف.. عبدالعزيز: ياخوفي منك أنت وقصدك... فيصل: هالمكان... بالنسبة لي أحسن مكان بلندن.. عبدالعزيز: ممكن أعرف الأسباب!! فيصل: جاك عصير البردقان..هههههه بردقان أجل!! عبدالعزيز: أنت منغث.. أعرفك لامن صرت متضايق بس تطنز.. هذا أسلوبك.. عمي.. الضحك والهبال عمره ما يخفي الحزن اللي بعيونك واللي يزيد يوم بعد يوم... وش فيك؟ فيصل: أوهوووووووو.. بدينا بشغلة نورة... أقول حجي.. خلن أكمل غداي متهني!! عبدالعزيز: هذا أنت ما تغير!! فيصل: لأول مرة أسمع هالكلمة من يوم مات عمي.. كلهم يقلون لي تغيرت.. بانت حقيقتك... حتى أنت كد قلته لي بيوم.. بس مجيد هو اللي ماقال لي هالكلام.. عبدالعزيز: مجيد.. يبديك على نفسه... الله يرحم ثالثكم...دايم نقول فيصل ومجيد وسعود.. شله ماصار ولا يصير مثله بيوم _رمى فيصل الشوكة ورفع رأسه ونظر لزاوية قصيه ثم تنهد بعمق_ فيصل: هناك كنا دايم نجلس... أنا وسعود وإذا مجيد هنا يجي معنا.. سعود كان يحب الإسباقتي مثلي.. أما مجيد فكل يوم له شي... سعود ... قال لي مرة... إنه بيجيب نجود هنا... بس نجود بتزعل لأن الشلة بتجي معه لشهر العسل.. ضحكت من قلب وقلت له تسويها... بس أبجلس هنا...أنا ومجيد وبنراقبكم... يكفي نشوفك مستحي... يومه كنا نضحك بقوة وكل الناس صاروا يناظرونا.. يومه... قلت له بنجلس على ذي الطاولة... هذي اللي حنا جالسين عليه... حتى سعود قال لي.. أخاف نجود تزعل لأن حريمهم حلوات.. بس تدارك وقال ...بس نجود أحلى منهن كلهن صح يا مجيد؟ بعدين ضحك مجيد وقال لا... عصب وإلتفت علي على وقال صح يا فيصل؟ ضحكت بقوة .. والله ما أدري ليش ضحكت هالضحك.. وقلت له........... _سكت_ عبدالعزيز: وش قلت له؟ فيصل:................ قلت له ... لا...أنا أبجيب عذبة لأن عذبة أحسن منهن ومن نجود... وضحكنا كلنا... يوم ما خطبتها أول مره... عمي قال أبد هي لك بدون ما تخطب... وإنكتب...إن لا سعود جاب نجود وصارت لغيره.... ولا أنا جبت عذبة.... عبدالعزيز: طيب مافات شي!! جب عذبة.... فيصل: عزوز... بقول لك شي... أنا .......... مابي أشوف نجود لغير سعود... ودي ما أروح.. بس نجود ماله ذنب... عبدالعزيز: خلاص... سعود مات... فيصل: وهذا اللي كاسر ظهري....سعود مات.... ومجيد بعيد... الدنيا من حولي صكت ... جت جميع... حتى مجيد... إنشغل...وبينشغل زود عذبة مثل ماهي أشغلت سعود عن فترة هالحين أشغلت مجيد.. عذبة... ما أعرف ليش.. أكرهه على كثر ما أحبه... كل شي حلو بحياتي تنهيه... بقصد أو بدون قصد.. الله أعلم.. عزوز... سعود وعمي كل يوم يتجدد حزنهم... ولو بهج لآخر مكان ... لازم ألقى شي يذكرن بهم تدري ليش؟ عبدالعزيز: ليش؟ فيصل:لأني ما أقدر أهج عن نفسي.. ذكراهم معي بداخلي... صوتي وضحكي حتى دموعي ماكانت تذرف عند أحد غير عمي أسراري.. أشيائي ... ذكرياتي... حتى الجروح اللي بيدي شفه.... بسبه حادث صارلي معهم... عجزت وأنا أهرب من ذكراهم وهي تلحقن من مكان لمكان.. واليوم... بروح برجولي .. عشان أحضر زواج .... خطيبة سعود لواحد ثاني... صعبة شوي... عبدالعزيز: أنت رجل... واللي قدرت توطى على قلبك وتحضر ملكة عذبة وزواجه.. تقدر تحضر زواج نجود بكرا.. فيصل: هذاك أهون.... بس مسكين سعود اللي حطيته بهالموقف... عبدالعزيز: أي موقف؟ فيصل: ملكة عذبة وزواجه.. الله ياخذه .. نكدت علي آخر آيامي مع سعود... حتى مع عمي نكدت علي.. ********* "في غرفة نجود" نجود: نورة... نورة قومي.... نورة: أوووووووووف.... وش تبين؟ نجود: تراتس ذبحتين بالمرافس!! قومي... أبنزل أتقهوى ... تتقهوين معي... نورة: لا... كم الساعة!!؟ نجود: تسع تماماً... نورة: الله ياخذ سريرتس... هذا مب سرير هذا مقبرة!! أخ ظهري يوجعن.. ونسيت جوالي بغرفتي أكيد نجلوه كسرته... نجود: ليش؟ نورة: تبين أروح معه نجيب فستانه... نجود: والله ياهي مبردة!! الحين اليوم الزواج وتوه تفكر تجيب الفستان!! نورة: أصلاً كانت معتمدة على عذبة وبالآخر عذيب نكبته... قالت منب فاضيتن لتس!! يالله بروح لا تشب حريقة... ترى يمكن تجي تكسر الباب... نجود: طيب... نورة... تعالي... أبعطيتس شي تسلمينه عذبة يد بيد.. زين؟ نورة: لا .. معليش أنا ما أسلم إلا رجل برجل... خخخخخ سخيفة... قلته قبل لاتقولينه نجود: خوذي عطيه إياو وياويليتس تفتحينه... نورة: والله أسرار الدولة!! زين هاتي .. نجود... بس أبويز عليه... نجود: لا نورة: هذا وأنا صايرتن أختس ونيمتن معتس بسريرتس _تأخذ الظرف وهي تخرج فتفتحه وتخرج سلسال ذهبي تتدلى منه ألماسة على شكل دمعه_ نجود: نوووووورة!!! نورة: بسم الله!! طيب ... غصب علي يدي تحكن... فتحته... وش صار... نجود: أنا ما أثق بتس المفروض... هاتيه.. نورة: لا والله خلاص...ما أفتحه.. بس منين... بوه شكله رسالة؟ نجود: مم...ماعليتس منين... هاتي... نورة: أفا... لالا... ما أفتحه... يالله سلام .. أسلمه لعذيب يد برجل... لالا.. رجل بيد.. لالا... يد بيد.... يااااااااااااااااااااااااااااااااااااااااااااااااي عزوز بشحمه ولحمه!! _يدخل عبدالعزيز الغرفة وهو يحمل صندوق أخضر فاخر_ نجود: زين جيتوا... جاء فيصل؟ عبدالعزيز: أكيد... نجود: زين توقعته ما يجي..مثل بالملكة.. نورة: إيه.. بس فيصل ماعنده خرابيطتس اللي ما أدري منين جايبته تقل فلم مصري يالله .. وين هديتي عزوز.. ؟ عبدالعزيز: خير!! كل مرة أبجيب لتس شي؟ نورة: وشحيت نجود!! عبدالعزيز: هو!! نجود عروس.. نورة: وه.. ليتي أنا اللي أبعرس عبدالعزيز: !!!!!!!!!!!!!!!! نجود: نورة!! عيب!! نورة: تقولين عيب... وأنتي بتعرسين!! لو هو عيب ما بغيتيه ووافقتي!! _تخرج نورة مسرعة فيما إحمر وجه نجود وكتم عبدالعزيز ضحكته_ عبدالعزيز: ...................... _ينفجر ضاحكاً_ نجود: ........................... عبدالعزيز: نورة!! تفجر قنابل وتمشي... نجود: .............. _يدخل عبدالمجيد_: يالله حي أخوي... عبدالعزيز: إيه شبعت من فيصل همن جيت !! عبدالمجيد: شسوي غرفة فيصل الأقرب... بعدين فيصل دخل يتحمم... ولا كان ما تحلم إني أتركه وأجيك.. نجود: ياخي جامل شوي!! عبدالعزيز: لا يجامل ولاش... عارفين اللي عنده... إلا مبروك تسليم المشروع... عبدالمجيد: شفتي يا نجود... توه يبارك لي على تسليم المشروع وحنا مسلمين من شهر ونص وفيصل كل صبح يكلم علي.. والظهر يرسل إيميل وقبل النوم يتصل بعد.. وهو ما كلمن من شهرين.. وتقولين لي جامل!! نجود: لا مالك حق يا مجيد هو أخوك الكبير وحقه عليك عبدالعزيز: وسعي صدرتس... ما مت عليه... يكفي الباش مهندس السلمي يدق علي يومياً... _تصرخ نورة من الصالة وهي تلبس عبائتها_: عفواً عزوز عن الغلط.. الباش ميكانيكي السلمي... سلاااااااااااااااااااااااااااام أنا طالعة... عبدالمجيد: ههههههههههههههههههه عبدالعزيز: عسى بس سلمان ما يسمعه!! نجود: كل يوم ما تناديه إلا العمالي ولا الهندي ولا عامل المحطة... ولا بعد ذاك المرة جايبة شال أخضر شين وعطته إياو قالت له هذا لقيته يناسب لعامل محطة مجد.. عبدالمجيد: وكله كوم .... وإذا تولت التهريج بحضور تركي.. نبي نهاوشه تزيد... ويساعده هو ما يقصر.. عاد تعرف عيارة تركي .. عبدالعزيز: تركي حاقد عليه عقب ما خرب سيارته نجود: مخرب سيارة عمي فيصل ولا بهذل به عبدالعزيز: والله حرام... بتحبط سلمان عبدالمجيد: شنسوي له... عنده أمي نورة... مسويه فيها حقوق إنسان نجود: بس ترا السلمي هو يتحركش به.. دايم يتطنز عليه عبدالمجيد: أقول عزوز لا تنغث... ترا السلمي مادري عنه... فتح الورشة الثالثة الحين ولا ملقي لأحد بال... خلهم فخار يكسر بعضه.. عبدالعزيز: إلا هي وين طالعة هالوقت!! ليش تطلع كذا لا إحم ولا دستور!! نجود: بتروح مع نجلاء عبدالعزيز: وإذا!! لا.. هي بنت صغيرة ونجلاء بعد صغيرة لو يروحون مع ليلى يمكن!! _يميل عبدالمجيد فمه بتضجر ويحك شعره قائلاً_: أقول عزوز ... وش جايبن لنجود؟ عبدالعزيز: خل اللقافة عنك... ترا اللقافة شغلة حريم... ******* _العصر_ "بيت الجدة عذبة" البيت يعج بالضيوف, مها وحصة بالمطبخ , الفتيات يجلسن بالصالة, الجدة عذبة وشقيقتها وأخيها بالمجلس مع الرجال, حصة تخرج من المطبخ تحمل صينية القهوة وتمر بالفتيات.. حصة: هيه أنتن... قومن ضفن الحوش... هالبزارن مدعينه لقسة!! نرجس: قولي لشغالتنا.. هيلة: الشغالات بلشات بالقهاوي والمواعين.. حصة: أقول قومن .. فشيلة مها تسوي القهاوي وأنتن جالسات.. يالله بودي القهوة للرجال.. _تقبل مها تحمل صينية وتضعها عند البنات_ مها: تقهون... وأنتي وراه ماوديته للرجال.. تفضحنا أمي الحين... حصة: ياخزياه... المرة تشتغل والبنات قاعدات!! مها: إيه خليهن ممديات على الكرف... قبل لا أعرس ما دخلت المطبخ بيوم.. ويوم جاء أبو الشباب دخلت المطبخ ورجلي على رقبتي... يالله تقهون أنا بودي قهوة الحريم ... _تذهب مها وتلتف نرجس على البنات قائلة: بنات ... لازم تصيرون بريستج .... هيلة: خخخخخخخخخ وخير !! ليش نصير نسيج؟ شوق: ههه هههههه ههههههههههه برستيج مو نسيج!! نرجس: خليه عنتس هذي!! راس ماله مرت فلاح ولا راعي!! شوق: الفلاح اللي ربى أمتس وخوالتس.. الفلاح فاتحن بيته لتس ولأخوانتس كل وقت وماضاق بكم يوم... هيلة: لا ولو... هذي بتاخذ بزنس مان... مجيد ولا تركي... ولا البزنس ميكانيكي سلمان نرجس: أوووووووه... الفلاح أول مو الحين.. وبعدين الناس الهاي ما يتنزلون لفلاح!! شوق: ما أشوف الناس الهاي على قولتس ردوا خالد وهو فلاح وولد فلاح!! نرجس: خالي عنده وظيفة!! هيلة: روحي عاد... وظيفة ماتوكل عيش لوما التمر اللي يورده ما سدته الوظيفة!! نرجس: رجعتوا لكلامي.. يعني خالي بزنس مان... إيه خلونا منه... بنات ... ترا أنا أول وحدة الكوافيرة بتزينن.. هيلة: هههههه... ليه عشان يلحقتس الكلب ... تركي.. لا قصدي الكلب يلحقتس ويشوفتس تركي...ههههههه نرجس: إسكتي بس... تركي.. محلو... طالع وش مليحته... بس باين معصب... يوم نورة تقول ياكلب.. ههههه زعل ... ياربي عليه باين شخصية... هيلة: هه ههه _تدغدغ نفسها بسخرية_ مرة شخصية... والدليل نورة ماتجرأ ترفع برطم عن برطم عند أخوة.. وعلى هالمسيكين تمد لسانه... شوق: بس عيب اللي نورة تسويه...والله عيب.. مو يعني الرجال سكت لها تقعد تغلط عليه... هيلة: يستاهل... هو دايم يتطنز عليه مسكينه نورة ونجلاء معه بعد دايم يتطنز عليهن بشكل!! شوق: إيه صح أنتي قعدتي عندهم شهر... وش رايتس نقعد عندهم إسبوع..أكيد وناسة.. نرجس: وه إن شاء الله أقعد عندهم العمر كله... هيلة: لا... ما تناسبنا حياتهم... شوق: شلون ...؟ هيلة: ما أدري... أسلوب حياتهم غريب شوي... يعني كلن عايش حياته الخاصة ... موب زينا كلن مفتوح على الثاني... والله طيبين وحبوبين... بس شي غريب... عذبة بمكتبه ولا بغرفته ونجلاء ونورة مع بعض دايم... وليلى عايشة بصومعته.. وماتشوفين إلا الشغالات ينظفن... ليت بالبيت أحد يحوس عشان يستاهل التنظيف... بتملين ... أنا مليت مع إن نجلاء معي أربع وعشرين ساعة... ونواعم تجي وتنام معنا... بس كآبة... _تقف مها خلف هيله وتستمع للحديث فيما أحرجن الفتيات وهيلة لم تنتبه لوجودها_ مها: كانوا عايلة زيهم زيكم... بس الموت فرقهم... هيلة: مها!! مها_تجر مركاة وتجلس عليها_: أنتم ما عرفتوهم كثير إلا بعد ما طاحوا لكم... بعد ما ماتت أمهم وأبوهم وجدهم.... وش بقى من الأسرة إذا راحو ذولا... هيلة: أنا مو قصدي... أنا أقول لهم إن القعدة عندهم مو وناسة زي ما يتصورن... مها: هيلة كلامتس صح... الحين بيتهم ركام أسرة... مع إنهن يحاولن يضمن البيت .. بس البيت بدون أم وأب... مو بيت... كانت فرح تجي من الدوام تغير ملابسه وتمدد بالصالة... نجلاء وليلى يحلن دروسن عند أمهن... سعود يلعب بالكورة بالصالة ويتهاوش مع أمه ويجي أبوه ويطرده... عذبة تلعب منبولي مع أبوه وفيصل ... وناصر مابعد جاء... والجد يجيب ملفاته ويجلس بين فرح وماجد وعيالهم ولا يجلس بالخيمة وينادي فيصل وسعود ومجيد... كانوا وناسة... يتهاوشون بالدقيقة ويضحكون... ماجد وناصر دايم بصف فيصل و سعود وعذبة وفرح بصف نجلاء وليلى... وأحيانا يحلف ناصر على ماجد عشان يحل واجب سعود وسعود يلعب مع فيصل بالحديقة... وماجد وفرح معصبين بس ما يقدرون يقولون شي للشايب... هذا كله كنت أشوفه لمن انام عندهم يوم جو للسعودية.. سنتين وهم مبسوطين... وبعدين راح ماجد للإغاثة ومن روحة ماجد... وهم بهم مايعلمه إلا ربي... وإندبل الهم بعد موت الأم والولد والجد... _مسحت مها دموعها وهمست_ ليتنا بس ندري وين قبر أخونا فيه.... أهون علينا نشوف جثته ولا إننا ماندري وينه... ............................................... ****** "في غرفة عذبة" تجلس عذبة وتتحدث بالماسنجر.. مع وفاء.. تعال ولملم أجزااائي .. ترى هالبعـد بعثرنـي..غديت فغيبتك كنّي شخـص ٍ فاقـد شعـورهsays: بس أنا تعبت يا وفاء...تعبت وأنا أجامل... أحس قلبي تقطع.. وفاء مانشدت الشمس عن حزن الغياب علمتنا الشمس نرضى بالرحيل says: إرفع جروحك عن وصـال الخناجـر .. نـزفك عــزيز ومثلك النجــم لاطـــاح عذبة تعال ولملم أجزااائي .. ترى هالبعـد بعثرنـي..غديت فغيبتك كنّي شخـص ٍ فاقـد شعـورهsays: ما أقدر أشوف نجود لغير أخوي... صعب علي وأنا عشت فصول الحب كله... مو ... أنتي مو فاهمه.. وفاء مانشدت الشمس عن حزن الغياب علمتنا الشمس نرضى بالرحيل saya: مب لازم تروحين طيب... عذبة تعال ولملم أجزااائي .. ترى هالبعـد بعثرنـي..غديت فغيبتك كنّي شخـص ٍ فاقـد شعـوره saya: على فكرة تراي أحب قصايد البدر... وفاء مانشدت الشمس عن حزن الغياب علمتنا الشمس نرضى بالرحيل says: أدري.. عذبة تعال ولملم أجزااائي .. ترى هالبعـد بعثرنـي..غديت فغيبتك كنّي شخـص ٍ فاقـد شعـورهsays: هو!! وش يدريك؟ وفاء مانشدت الشمس عن حزن الغياب علمتنا الشمس نرضى بالرحيل says: هههه سر... دايم تختارين توبيكاتك منهم...ولا؟ عذبة تعال ولملم أجزااائي .. ترى هالبعـد بعثرنـي..غديت فغيبتك كنّي شخـص ٍ فاقـد شعـورهsays: وفاء... أحسك تعرفيني أكثر من نفسي... وفاء مانشدت الشمس عن حزن الغياب علمتنا الشمس نرضى بالرحيل says: قالوا لك عراف أنا!! يعني عرفت الشاعر المفضل عرفتك؟... بعدين وش قلتي بتروحين؟ عذبة تعال ولملم أجزااائي .. ترى هالبعـد بعثرنـي..غديت فغيبتك كنّي شخـص ٍ فاقـدشعـورهsays: بروح... وأمري لله...مو أول مرة أ ضغط على نفسي... وفاء مانشدت الشمس عن حزن الغياب علمتنا الشمس نرضى بالرحيل says: أخاف تطيحين زي سالفتك بزواج زوجك ذاك... عذبة تعال ولملم أجزااائي .. ترى هالبعـد بعثرنـي..غديت فغيبتك كنّي شخـص ٍ فاقـد شعـورهsays: أوه... لا تذكرينن ... ياربيه ... أنا دايم بوجه المدفع... وفاء مانشدت الشمس عن حزن الغياب علمتنا الشمس نرضى بالرحيل says: أنتي اللي تحطين نفسك بوجه المدفع ما أحد حدك... لا تروحين...قولي تعبانه .. علي العذر .. قولي أي شي بس لا تروحين.. عذبة تعال ولملم أجزااائي .. ترى هالبعـد بعثرنـي..غديت فغيبتك كنّي شخـص ٍ فاقـدشعـورهsays: لا بروح... ما أقدر أخلي نجود... أخاف أضيق خلقه... وفاء مانشدت الشمس عن حزن الغياب علمتنا الشمس نرضى بالرحيل says: عنيدة... مابك فايدة...إلا أقول... متى أنتي بتتزوجين؟ عذبة تعال ولملم أجزااائي .. ترى هالبعـد بعثرنـي..غديت فغيبتك كنّي شخـص ٍ فاقـدشعـورهsays: إذا الله كتب... إذا تزوجت بتحضرين؟ وفاء مانشدت الشمس عن حزن الغياب علمتنا الشمس نرضى بالرحيل says: وأبرقص عشان مايبقى بالقاعة ولا حرمة... عذبة تعال ولملم أجزااائي .. ترى هالبعـد بعثرنـي..غديت فغيبتك كنّي شخـص ٍ فاقـد شعـوره says: يووووووووه يا وفاء... ذكرتين بطريقة سعود....كان دايم يقول لليلى إذا تزوجتي أبرقص عند الحريم من الفرحة إنتس ذلفتي عنا... وفاء مانشدت الشمس عن حزن الغياب علمتنا الشمس نرضى بالرحيل says: ليش...؟ عذبة تعال ولملم أجزااائي .. ترى هالبعـد بعثرنـي..غديت فغيبتك كنّي شخـص ٍ فاقـد شعـورهsays: تطيره عند اللبس والطلعات... تعرفين الله يهديه شوي مب تكانه...وفاء مانشدت الشمس عن حزن الغياب علمتنا الشمس نرضى بالرحيل says: أدبه مهند... عذبة تعال ولملم أجزااائي .. ترى هالبعـد بعثرنـي..غديت فغيبتك كنّي شخـص ٍ فاقـد شعـورهsays: مسكينه والله... وأنا بعد مسكينه... ما أبي أروح.. والله لو بشوف خالد مع نجود إن تضربن جلطة!! وفاء مانشدت الشمس عن حزن الغياب علمتنا الشمس نرضى بالرحيل says: روحي وموتي بعد وصرخي وخلي كل الناس يتفرجون عليك.. عذبة تعال ولملم أجزااائي .. ترى هالبعـد بعثرنـي..غديت فغيبتك كنّي شخـص ٍ فاقـد شعـورهsays: أقول وفاء... أم العبيد جايه صح؟ وفاء مانشدت الشمس عن حزن الغياب علمتنا الشمس نرضى بالرحيل says: هههههه... لا بس أخا ف تجي من عنادك... مع السلامة... ********** "في بيت الجدة عذبة" مها: هــــــــــــــــــو!! أحمد وش جابك؟ أحمد: جيت مع نجلاء...وين ناصر؟ مها: ناصر فوق مع البزران يلعبون بلاي ستيشن...فوق تلقاهم بغرفتي.. أحمد: نااااصر...نااصر_يركض بالدرج وينادي ناصر_ _تدخل نجلاء وقد رفعت النقاب عن وجهها_ نجلاء: هيلوه يالطبلة!! مها: نجلوه وش جابتس أنتي بعد؟ ليش جايه؟ الجدة عذبة: الحين أنتي ما بديتي تمعطين هالعكاريش!! يالله يمديهن يتمغطن!! نجلاء: لاحول ولا قوة إلا بالله... يمه ... من مسلطتس على عكاريشي الحين؟ يمه.. ماجتن العكاريش إلا من أهلتس!! هيلة: لا والله!! والله أهلتس شعرهم عكاريش مب حنا!! نجلاء: كل العكاريش بركة اللي طلعتس... نعنبوا بليستس ماورانا إلا أنتي!! طلعت فستانس... بقي النعال والشنطة... تبين تجين معي الحين وحنا رايحين لبيتنا نمر السوق ولا قلعتس!! هيلة: إيه بالموت أمي وافقت أجي...إصبري خلين ألبس عباتي.. مها: لا تاخذين ناصر... ماجاب فهد ثيابه من الكواي... نجلاء: من زينوه!! خليه عندتس علينا قاصر طيران !! مها: طيب ليش جايبه أحمد؟ أخاف ياخذه؟ الجدة: وه إسكتن خلنن أوحي الرادو!! نجلاء: ما أجي مع السواق لحالي... وريتا تمطط لو أتحراه كان أذن المغرب ما طلعت من البيت... لقيت أحمد وقلت تعال أوديك لناصر.. مها: أخاف أهله يدورونه!! نجلاء: مرينا من بيتهم وشفت مجيد واقفن عند الباب قلت له إن أحمد معي.. الجدة: الحين أنتي من جايتن معوه؟ نجلاء: مع أبو ياسين... هيلوه قسمن عظمن لأفقع دماغتس... ماصارت كلذي عبات!! هيلة: وه ما لقيت نعلتي...ناه إياه تحت عمتي عذبة... الجدة: وجع... وشوله بكل مكان نعله!! الله لا يكرمكن !! خوذي الولد... معتس.. ومرتن ثانية لا تجيبينه وأهله ما وافقوا.. تعالي لحالتس أحسن من صيرتس تجيبينه... أبو ناسين رجل وما منه خوف... نجلاء: البلاء إنه رجل!! الرسول قايل لا يخلون رجل بإمرأة إلا كان الشيطان ثالثهما... هيلة: صدق الله العظيم نجلاء: الله يخلف على أمن جابتس... أقول الرسول... هيلة: اللهم صلي وسلم عليه... ***** "في حديقة بيت أبناء العم" نورة: خخخخخخخخ أمي تصيح!! سلمان: بعرستس بتكركر... نورة: وبعرسك أبقرى على العريسة اللي وافقت تاخذ عمالي...هع فيصل: هههههههههههههه سلمان.. جد والله توقع أحد يوافق عليك ... ولا تاخذ من ربعك.. عبدالمجيد: ياخذ عمالية...هههههههههه عبدالعزيز: أفا ... منهو اللي يرد السلمي... السلمي يشرى بوزنه ذهب.. نورة: نكته الموسم... السلمي يشرى بوزنه ذهب... سلمان: مجيدوه ... فيصلوه إنطموا,,, فيصل: ونورة!! عبدالمجيد: عادي صار عنده مناعة من طنازته.. تصدق السلمي إذا ما تصبح بطنازة من نورة ما يشغل زين لأنه الجرعة المنشطة الصباحية والمسائية... نورة: عشان تعرفون قيمتي بس... عبدالعزيز: نورة.. هذا أخوك... نورة: أنا مو ولد لو سمحت!! قل أخوتس!! فيصل: هههههههههههههه نورة.. تدرين إني راحمن اللي بياخذتس.. نورة: وتدري إني راحتمن هاللي أنت معلقه ومجرمن بحقه...لانتب أخذته ولا خليته.. _تغير وجه فيصل وتجهم, فيما إلتفت عبدالمجيد رامقاً نورة بنظرة غاضبة, ونورة لم تلتفت لأحد بل هتفت : يا حظكم تروك أبو التواريك جاء... تدرون ... الحين فرض عين بيروح يلبق سيارته عند مطبخ بيت عمي... سلمان: قومي إنقلعي وش تحرين.... نورة: لا... لا يجي هذي حديقة قسم الحريم... إنقلعوا أنتم لقسم الرجال... عبدالعزيز: نورة.. الرجال قرب... قومي... نورة: وإذا قمت بيشوفن... واحد منكم يتكرم ويطرد تروك.. هه ما قلت لكم ...لبقه.. فيصل:تنقلعين أنتي...و لايعني شلون؟ نورة: يمه... فيصل تدري ما صرت تخوف عقب ما جيت... صاير نحيف ... وعيونك بازره مير مع كذا ما تخوف...آآآآآآآآآآآآآآآآآآآآآآآ عبدالمجيد_وهو يلوي يدها_: خوذي شماغي تغطي بوه.. وإنقلعي... نورة: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآ عبدالعزيز: خف عالبنت...!! سلمان : تستاهل... _ويأخذ شماغ عبدالمجيد ويغطيها_ تركي: السلام عليكم.. نورة: آآآآآآآآآآآآآآآآآآآآآآآآآآآآآآآآآآآآآآآآآآآع تركي: وش به ذي تقل بقرة!! عبدالعزيز_بغضب_: مجيد خله أقول لك!! نورة: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآع عبدالمجيد: والله مخليه!! نورة: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آع عبدالعزيز: وش بتس؟ سلمان: علّق الشريط...وجع فقعتي إذاننا.. تركي: صوت شجي...راح سوق فيروز.. فيصل: تقلعي.... نورة:آآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآع عبدالعزيز: نورة وش بتس... نورة:آآآآآآآآآآآآآآآآآآآآآع ما أبي أتغطى....بيخرب شعري... سلمان: قومي إنقلعي أجل... نورة: لا...ودي أحضر مجلس الشورى.... فيصل: قومي إنقلعي.. لا تقعدين مع الرجال.. نورة: متأكدين الحين إنكم رجال!!؟ للأسف ... أنا أشوف ذكور...بس رجال!! أشك به ذي... عبدالعزيز: أنا كني أشم طنازة فظيعة!! تركي: كنك تشم... إلا فجرت الموضوع علانية... يعني حنا مب رجال... _يمسك فيصل شعرها من خلال الشماغ ويجرها نحوه ويصرخ_: حنا مب رجال!! نورة: إيه..آآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآ عبدالمجيد: لا خله لي ذي..._ويلوي ذراعها_ سلمان: شباب شباب ... أمي نورة جت... تركي: سلام .... الهجة.. _يمسك عبدالمجيد بتركي_: خلك معنا...وين تهج أبو الشباب.. الموته وحدة.. _أقبلت الجدة نورة وضربت بعصاها فيصل_ الجدة: يمن الكسامير اللي تكسمركم واحد ورا الثاني... نورة: شفتي يمه آآآآآآآآآآآآآآآآآآآ شفتي ... ترا تركي ضربن بعد... وعزوز... يمه عزوز... نتف شوشتي....ااااااااااااااااع تركي: أنا!!!!!!!!! عبدالعزيز:!!!!!!!!!!!!! الجدة : مرض يرضكم يا عيال قريح متقيوين على بنتي!! وش.. ترا صغيرة ... غركم الطول والعرض... وأنت هين يا تروك... وعزوز..هين _وتهوي بطرف العصا على عبدالعزيز وتركي_ عبدالعزيز: يمه تضربينن عشانه!! تركي: واللهي يمه دهي مفتريـّة والله يمه...آآآآآآخ عبدالعزيز: أخ يمه.. والله يوجع... الجدة : تستاهلون.... أنا أسمع صوته من غرفتي... تقطع حلقي وأنا أزقح خلو بنتي خلو بنتي ولا أحد يوحين... قم يا فيصل... إنخج هالسواق خلوه يودين لأم الدحيم أباأصاله وأعطيه غرض... فيصل: أبشري يمه_ويمد يده ويقرص نورة بخفة ويبتعد_ نورة: آآآآآآآآآآآآآآآآآآآآآآآي... يمه مجيد قبصن... الجدة: أوريك... هذا وأنا بوه... مب أنا حالفتن عليك ما تلمسه.. خلاص أنا زعلتن عليك... لا تحاسين وقلبي غاضبن عليك إلى يوم الدين... وأبقول لأبوك... _يلتفت فيصل وهو يضحك بشدة_ عبدالمجيد: يمه.. والله والله... يمه ما سويت له شي.. إيديني بحجري... نورة: والله أحد قبصن....لا فيصل.... والله فيصل شوفوه يضحك.. فيصل: يمه مب أنا مجيد.. عبدالمجيد: ورطتن... يمه شفتي مب أنا!! الجدة: تعقب... ولدي ما يضرب البنات... والله ما أحد يقرب بنتي يا ويلوه... قومي يا النوري... قومي معهن بيروحن للمرة اللي تزين مادري كنفيرة ولا كنويرة.. ماأدري وش تسمونه... نورة: طيب يمه... مع السلامه يا ذكور... _ذهبت نورة وعاد فيصل وجلس_ عبدالعزيز: الحيوانة... أدافع عنه وآخرته تخلي أمي تظربن! تركي: لا هي بس بتعلمك على قوانين البيت... بحكم لك أكثر من سبع سنين برا.. لا زم تعرف إن الآنسه نورة والسيد فيصل من المقدسات عند أمي نورة... فيصل: هههههههه والله أمي أول من ضربت أنا!! سلمان: عشانه كفشتك بالجرم المشهود.. ولا يوم تقبصه ما صدقت إنه انت ... عبدالمجيد_يضرب فخذ فيصل بغضب_: الحين يافيصلوه عارفن إن أمي نورة ما تنتشي ريحتي وأمس زعلتن علي وراي أهوش نورة وتكمل علي بعد... بس خل أمي تنسى الموضوع ... بس آآآخ إن أمي نست أبوي ما نسى...وراك تغث أمي وراك تزعل أمي... وزعل وحب خشوم عشان يرضون؟ فيصل: ههههههههههههههه وصايرة طويلة لسان وشجاعة وأثره تشوف أمي جايه...ههههههههههه قاهرتن.... عينك عينك ... عزوز وتركي...ههههههههههههه تركي: تصدقون إنه ذكرتن بإسرائيل وأمريكا!! سلمان: إخس يا تروك صايرن سياسي... تركي: تحسب السياسة حصر على العمالية بس... حتى الأطباء بعد يفهمون بالسياسة.. عبدالعزيز: والله مشكله اللي قاعد يصير.... سلمان: وين ... أمريكا وإسرائيل؟ عبدالعزيز: قالوا لك أنا مستشار الأمن القومي!! نورة... وأمي نورة... والله بتخرب البنت... مايصير...شلون حتى ما تسأل وش السالفة... لا الوضع خطير... فيصل: لا تخاف... عنده أمك أم عبدالعزيز مطلعتن عيونه... عبدالمجيد: ولا أحد يقوى أمي نورة... إسألون...صراع طويل... *********** "في غرفة عذبة" تجلس عذبة على الكرسي وتضم ظهرالكرسي بين ذراعيها ,وإيمان تعدل مكياجها أمام المرآة, تدخل نجلاء وهيلة .. نجلاء: عذبة.... مالبستي!! هيلة: أخ ... نجلوة الكعب يوجع... من بيويز تحت الثوب وبيشوف كعبي مناسب ولا لا!! نجلاء: وه منتس بس... ذبحتينا بالمشغل والحين بعد... إيمان: عذبة وش تنتظرين... قومي إلبسي.... نجلاء: ليش عذبة عييتي تسوين تسريحة شينون؟ إيمان: اللي فيها وصل شعر حرام.. اللي بغت تحط لليلى... لعن تراه مثل النمص... نجلاء: لا شعر عذبوه كثير ... يناسب له.. هيلة: أخ... أقول ... يا خذ أم الكشخة اللي ماله أمينه داعي... نجلاء: مب لازم طقي نعالتس اللي جايبتهن مادامن يريحنتس.. عذبة ليش ما تردين... بتس نوم؟ عذبة_وهي تسير للشرفة_: والله ما يسوى علي الشينون غسلة... بلشة... _تقف نجلاء أمام المرآة وتبدأ بالغناء_: والله ما يسوى أعيش الدنيا دونك لا ولا تسوى حياتي بهالوجود... آآآآآآآآآآ دامك أنت اللي... رحلت وكيف أبصبر... عالبعاد وكيف.... أبنثر هالورود... روح أنا راضي غيابك يا حياتي هذي قسمة لي وهذا لي نصيب كنت لي شمعه تضي وتشرق حياتي .... آآآآآآآآآآآ إنطفيت ورحت في وقت المغيب...... آآآآآآآآآآ إنطفيت ورحت في وقت المغيب........ ما وعدت إنك... تقاسمني المحبة وتبقى لي حبي ولدروبي دليل بس حسافة الموت كان أقرب وأرحم آآآآآآآآآآآ حسبي الله وحده آآآآآآآآآ ونعم الوكيل.. حسبي الله وحده آآآآآآآآآ ونعم الوكيل.._ شددت عذبة قبضتها على جدار الشرفة وذرفت الدموع وهي تهمس... ماوعدت إنك تقاسمني المحبة... إنطفيت ورحت... إنطفيت يا سعود ...وطفت دنيتي بعدك... آآآآآآآآآآآآآآه ليتك حي يا خوي... ليتك معي أنت وأمي وأبوي.... حسبي الله وحدة ونعم الوكيل... إيمان: نجلاء ... وش هالكلام اللي قاعده تغنينه.. هيلة: هههه هذي قصيدة مافيه أحد يغني كلام... نجلاء: وشو... ذكرته يوم عذوب قالت والله ما يسوى علي... بس والله بكيت أول مرة سمعته... هيلة: وإذا بليتم فإستتروا... إيمان: بس كلماته خطيرة... وشو اللي ماتسوى حياته وما يسوى يعيش دونه!! الله خلق الإنس والجن لعبادته سبحانه... ماخلقهم عشان يحبون ويعيشون مع اللي يحبون!! لا تعيدينه ... يا نجلاء أنتي غالية علي... نجلاء: الله يجزاتس خير... ترا أمتس تحت تقول بسرعة... يالله خلونا نطلع عن غرفة عذبة خله تلبس... "في الصالة" طرقات قوية على الباب.. نجلاء: وجع وجع... شوي شوي كسرتي الباب نورة_وهي تدخل_: نسيت وين عذبوه.. عطتن نجود هالظرف وقالت لي عطيه إياه... توي أفطن... هو وش تبي_نورة وهي تلتفت على الباب_ عمي فيصل بيدخل... نجلاء: فيصل.. وش يبي؟ فيصل: أبي مفتاح المكتب ... مكتب عمي الله يرحمه.. أبي أوراق لي ... ليلى: فيصل ما مشيتوا... تو متصل مجيد يقول بسرعة بنمشي... فيصل: أنا أبلحقهم... روحي قولي لعذبة تعطين المفتاح.. نجلاء: خخخخخخ خالتي أم إبراهيم وبناته وهيلة طلعن... نورة: أنا نزلت من السيارة ذكرت ... فيصل: وأنتن وش تحترن؟ ليش ما مشيتن؟ ليلى: نتحرى البرنسيسة عذبة من ساعة وهي تلبس... _تنزل عذبة بالدرج وهي تضع شرشف على رأسها_ عذبة: منب رايحة... روحن... ليلى: هـــــــــــــــــــو!! ليش؟ عذبة: تعبانه.... بطني يوجعن... _يبتسم فيصل_ ليلى: أجلس عندتس؟ نجلاء: وه يا إن مجيد مزعج... فيصل : فرحان ببوري سيارته الجديدة... ليلى: عذبة أنا مب رايحة بعد ... أبقعد معتس... عذبة: لا... تخلين نجود... !! أنا مابي إلا العافية... نجلاء: أجل ليش تقعدين؟ عذبة: تعبانه شوي... وإذا رحت مع الإرهاق... بيزود.. وش تبي فيصل؟ فيصل: أبي مفتاح المكتب... عذبة: هذا!!؟ فيصل: إيه.... عذبة: لا ليلى: طيب عذبة... ما يصير أروح وأنتي تعبانه... عذبة_تصرخ_: تفهمين أنتي!! أقول إنقلعي ... أنا بخير بس لو تذلفين عن وجهي... عمى إن شاء... ليلى: مايستاهل الصراخ!! عذبة : إنطمي وإنقلعي... إلحقي نجلاء يالله... _خرجت ليلى غاضبة, فيما تسمر فيصل بمكانه_ عذبة: قلنا لك لا يا عمي... تبي شي ثاني؟ فيصل: أنا مب خايف من صراختس!! أبي المفتاح.. أبي أوراق لي مهمه.. أنا برجع بكرا... عذبة_وهي تلوح بالمفتاح_: باللي ما يردك... إنقلع فرقاك عيد... فيصل: أنا ما أبي أطوله وهي قصيرة... عطين المفتاح ولا أجي الحين آخذه بالقوة... عذبة: تتجرأ؟ فيصل: ومن بيردن... عذبة:سويت أشد منه...فعلاً حقير ... سافل ...و (,,,,,,,,,,,,,,,,,,) فيصل: هذا من ذوقتس.... هاتي المفتاح..._صرخ وتقدم منها خطوة_ تفهمين أنتي عربي!! _رمت عذبة المفتاح بقوة فإرتطم برقبته وهربت لغرفتها , أخذ المفتاح وتلمس رقبه, التي أحدث فيها المفتاح جرح صغير ولكنه غائر, _ صرخ: هيه تعالي خوذي ذا!! أشار لأحد الخادمات وطلب منها أن تأخذ الظرف الذي أحضرته نورة لها.. ********** .................................................. بعد منتصف الليل_ يفتح فيصل بيت عمه بمفتاح بحوزته, يدخل بهدوء, الأنوار مطفأءة, الهدوء يعم المكان عدا الساعة التي دندنت لإنتصاف الليل... تلفت فيصل ونظر للدرج ثم تنهد , إنحنى لجهة اليمين حيث مكتب عمه.. فتح الباب ودخل بوجل.. وقف أمام حامل صورة صغير على المكتب.. أخذ الصورة وتأملها.. هو وعمه وماجد وسعود مجتمعين حول النار ويرتدون ملابس ثقيلة...أنوفهم محمرة بفعل البرد والدخان خلق قليلاً من الضبابية في الصورة... حملها وتلمسها بيده, ثم تدحرجت دمعه من عينه ..وهمس: الله يرحمكم كلكم... كل واحد أغلى من الثاني... رمى جسده على الكنب الجلدي الفاخر, ووضع يده على وجهه... إستغرق بذكرياته يتبسم تارة وتدمع عيناه تارة أخرى...ولكن قطع عليه صوت أنين ما لبث أن تحول إلى صراخ وعويل... هب فيصل وركض لمصدر الصوت , قفز الدرجات وتبع الصوت, وصل لغرفة سعود, ووقف عند الباب مذهول... عذبة تضم ثوب سعود المتسخ وتصرخ بأعلى صوتها وبشكل هستيري... وتنادي سعود ...سعود يا عيون عذبة... سعووووووووووووود يا قلبي رد علي... سعود...سعود ياخوي... سعود يا نصفي أنت... سعوووووووووووووووووود إقترب منها... همس: بسم الله عليتس ... عذبة.. بسم الله .. عذبة وش بتس!! شو بها!!؟ شو عملتلها... هي إنتى شو مساوي بالمدام!؟ إلتفت فيصل وإذ بالطباخة تربط روبها ثم تدفعه عن طريقها وتحاول تهدئة عذبة.. تمسك بيديها وتتكلم معها ولكن عذبة بدت وكأنها لا تشعر بمن حولها... تصرخ وتنادي وتبكي دون أن تعير من حولها أي إنتباه... فيصل: هيه أنتي ... خليه... _يجثو بجانبها_ عذبة... عذبة... لا ... منهارة مب طبيعية.... أكيد جاه اللي يعوده... قومي ... قومي أنتي إلحقين بعباته... قومي..._يعني الطباخة_ _يحمل عذبة وهي تصرخ أدار بصره بأنحاء الغرفة متأثرا, وتوقف أمام المرآة وقرأ الأبيات التي كتب عليها: تعال أشكي لك الأحزان بغيابك تعال إسمع وناظر رجفة أشعاري تعال.. الهم صار اليوم بأحبابك ورسم الآه في صفحات أخباري أحضرت العباءة فأسدل العباءة عليها وخرج بها.. ********** ________________________________________ "في المستشفى" تركض ليلى نحو فيصل صوت الكعب على الأرضية , وفستانها القصير بذيل طويل جعل من شكلها ملفتاً, يلتفت فيصل نحوها ويبتسم.. ليلى: هاه فيصل... جيت من القاعة.. وش به عذبة؟ والله قلبي موجعن ... أقوله أجلس تقول لي لا... وش به أختي؟ فيصل: منهارة نفسياً... يمكن إن زواج نجود جدد ذكرى سعود بنفس عذبة.. بس الحين معطينه مهدي...نايمه... ليلى_وهي ترمي نفسها على الكرسي_: ومتى غابت عن نفسه ذكرى أهلي... كل ما تفرح تقول ليت أمي معي.. وكل ما أرفع ضغطه تقول لي ليت بوه سعود يتفاهم معتس... وكل ما تنجح..._تمسح دموعها_ ما تعلمنا... ولامن عاتبناه قالت ما يفرح بنجاحي إلا أبوي... أنت أعرف واحد إن عذبة أكثر وحده منا دفعت ثمن موت أهلي... الله يقومه بالعافية... تعبت... وبتنهار من طوله بيوم.... خايفه من هاليوم يا فيصل خايفة... خايفة يجي يوم وما نلاقيه بدنيتا يا فيصل.... فيصل: الله يكون بعونه... والله وقفت وقفت رجال... رحمكم ربي به... ليلى: وأنت؟ فيصل: أنا!! ليلى: متى ترجع لنا وتريح عذبة وترتاح...عذبة محتاجة لك وحنا محتاجين لك بعد.. فيصل: أنا هاذاي قريب .. بس عذبة هي اللي ماتبين أقرب منكم.. ليلى: لا... فيصل أنت عارف إنك أقرب واحد لنا من أهلي.. أنت ربي أبوي ناصر... كل عمري أحسبك عمي... حتى تذكر أبوي ناصر كان إذا بغينا فلوس ولا نسافر ولا شي يقول لنا قولن لفيصل... فيصل: الله يرحمه... أنا أدري.. بس أنا ما تخليت عنكم... ليلى: ما تخليت عنا!!! مسافر برا ... ولا نشوفك إلا بالمناسبات... وتقول ما تخليت عنكم!! فيصل: وش تبين أسوي!! أبشوف شغلي وأشوف نفسي...عذبة ما تبين اقرب من أي شي لكم.. ليلى: ليش ما ترجع لعذبة... فيصل: أنا ما عندي مانع بس هي ما تبين... ليلى: فيصل... مشاري طلق هيفاء...تدري؟ فيصل: إيه... وإذا؟ ليلى: مب بعيدة ترجع له... فيصل: طيب إذا هي تبيه... مو من حقي ولا حقتس نمنعه...حقه وكافله له الشرع.. ليلى: فيصل!! مشاري تخلى عن عذبة ..ببساطة واحد نذل... شلون ترضى ترجع له...؟ فيصل: طيب أنتي قلتيه... واحد نذل.. أكيد عذبة عقله براسه وتعرف خلاصه.. ليلى: بس عذبة محتاجه لواحد مثلك... واحد يحافظ عليه... ويساعده... ويشيل عنه الحمل... مو يزيد حمله زود!! تكفى فيصل... تكفى عشاني أنا ونجلاء... عشان خاطر سعود... عشان كلمة أبوي ناصر.. تذكر كان دايم يقول ما يستاهل فيصل إلا عذوب... فيصل: طيب أنتي تشوفين أختس... مب طايقتن بعيشة ربي!! شلون أرجع له؟ ما تدانين!! ليلى: شلون ما تدانيك وهي ردت عبدالعزيز ولد أم عبدالمحسن تقول أنا مخطوبة لفيصل.. أنتم بتفقعون مرارتي... هي تقول مب الحين.. وأنت تقول مب طايقتن.. وش سالفتكم...؟ فيصل: إسمعين يا ليلى... عذبة ماتبين... بس... ليلى: لا.. عذبة تحبك.. بس أنت تخليت عنه... أنت عارف إن مناخيرة بالسماء وكرامته أبدى عليه من كل شي... مستحيل تقول خلاص أنا ألحين أبيك.. وبعدين يا فيصل على كثر ما صار بينكم عمره ما يوم سبتك قدامنا... بالعكس دايم تقول إدعن له.. ولا تنسن معروفه... حتى فيه وحدة تكلمت عنك ولمحت إنك أناني.. بس عذبة غسلت شراعة وقالت لو فيه بالدنيا بس عشرة مثل فيصل صلحت الأرض... عذبة تحبك يافيصل ... بس أنت لازم تتحمل تغليه عليك شوي.. أختي وأنا أعرفه .. تحب تتغلى ...تكفى فيصل... عشاننا...تكفى فيصل_فاغراً فاه وينظر لها بذهول_: ليلى... جادة أنتي؟ ليلى: وش مصلحتي أكذب على أختي... فيصل_يضع يده على خصره ويعطي ليلى ظهرة وهو يقول_: عالعموم... أنا ما أقدر أغصب وحده ماتبين ... هذا ما يعني إني أبتخلى عن مسؤليتي تجاهه وتجاهكن... أنا مازلت أعتبر نفسي المسؤول عنكن... وإن بعدت... جوالي .. إيميلي.. الماسن... كل شيء تحت خدمتكم.. حتى أنتي مرة دقيتي وكنت نايم.. يوم صحيت دقيت عليك ولقيته مقفل.. انتي دقيتي من جوال عذبة حق الشغل... صح؟ أظن قبل يومين أو ثلاث من سالفة طلاقتس... سألت مجيد وقال إن الجوال معتس... ليلى: إيه.. كنت...كنت أبسألك وشلون أتصرف مع... مع مهند... فيصل: طيب ليش قفلتي؟ ليلى:..........................مايبين أكلم أحد... فيصل: طيب... ليش ما سألتي خالتس أبو عبدالعزيز.. مجيد تركي... أحد.. أي أحد ممكن يساعدتس... ليلى: أنا عاندتهم كلهم... ما تحملت شماتتهم...بس أنت... بالنسبة لي ولخواتي غير... أنت أخونا وأبونا... ولو مهما شمتوا بنا الناس... أنت بتساعدنا... إحتجت لك... بس ما لقيتك................................._مسحت دموعها_ فيصل_بدى متأثراً_: أنا قريب... وأول ما تحسون إنكم بحاجه لي... إذا صادف وكنت بعيد عن جوالي أرسلوا رسالة وأقرب طيارة وأكون بذا... عارفة.. يوم مرض عذبة فيه إستاذة غلطت على نجلاء.. دقت علي وكلمت المديرة وتفاهمت معه... أنا مستعد يا ليلى ... أي أي شي محتاجاته... لا يردكم إلا الجوال... ليلى: ......................................... فيصل: طيب... سمعت إنتس توظفتي؟ ليلى: إيه.. متطوعه بدار الأيتام حقت الرعاية الإجتماعية... فيصل: حلو التطوع... يخلي للواحد قيمه بمجتمعه... بس ما تملين؟ ليلى: لا... بنيات مراهقات ... نرسم جميع ونطلع جميع... حتى الطبخ نطبخ معهن... عادي... حبيتهم وحبوني ... شفت بعيني كيف إن الناس محتاجه بعض... وإن سعادتهم بلمتهم على بعض... _يصل تركي يحمل جواله_: هااااااااااااااه... وش به بعد؟ فيصل: منهارة... ما أدري تخربط ما أدري شتقول الدكتورة... إدخل شف وش سالفته... بس عشان علاجه من الخبيث لازم يبنون خلفية على ما قالت ينطلقون منه بالعلاج.... _يلتفت تركي وإذ ساقي ليلى منكشفتان , ترتدي كعب مخملي باذنجاني وخلخال فضي رفيع يزين ساقها البيضاء الناعمة والمصبوغة الأظافر بلون الحذاء_ تركي: يا اللي ما تستحين غطي سيقانك!! قلة أدب!! _غطت ليلى ساقيها بطرف العباءة بسرعة_ فيصل_بغضب_: خير إن شاء... ليش تلفظ كذا!! ما قليل الأدب إلا نعفتك... تركي: ماتشوف سيقانه طالعه.... ولا مالك عيون... فيصل: مب شغلك!! رح الأول شف أختك.... وخل بنات عمي ... لا تتدخل بهن... تركي: فيصل!! فيصل: أقول كلامي واضح... لا أسمعك تتلفظ.. ترا مب أحسن لك... تركي: وين غرفة الدكتورة بس!!!؟ فيصل: منا_ويشير لها_ _يذهب تركي ويلتفت فيصل على ليلى_ ليلى... إنتبهي لغطاتس.. ولا تخلين لأحد فرصة عليتس.. _يخرج تركي ويقف عند فيصل_ تركي: تقول جيبوا علاجه اللي تاكله الحين.. فيصل: ليه هي للحين تاكل علاج نفسي؟ ليلى: إيه من بعد المرض وهي مداومة عليه.. أبروح للبيت أجيبه.. فيصل: لا... أخاف تصحى ... أنتي إقعدي عنده وأنا أبروح أجيبه..وين هو به؟ ليلى: أكيد بالثلاجه اللي بمدخل جناحها.. ************* ]"في غرفة عذبة" فيصل ينبش بين ملابسها, ويفتح الأدراج, يرفع سريرها وينظر تحته... يلتفت نحو التسريحة ويسحب الأدراج واحداً تلو الآخر, يجد دفتر طبعت عليه صورة ماجد, يأخذه ويفتح منتصفه ويقرأ: أطيافك تسكن محيطي.. كل مكان يحمل بصمتك.. أحبك... يغلقه وهو متردد.. يفتح الصفحة الأولى ويقرأ: أيها البعيد القريب.. أيها الغائب العائد... ها أنذا أوثق صراعي في ركب الحياة... أتبنى أفكارك ورؤاك... أتبع خارطة عظمتك التي أشبعتني بها قبل رحيلك.. وأتفيأ ظلال نصائحك وعظاتك... رحلت.. ولكن حتما ستعود ... ستعود لوالدك وزوجتك وأبناءك... وتعود لعذوبتك.... ستعود وتطلع على أدق تفاصيل حياتنا بدونك...ومع ذكراك... أنتظرك... عذبة... 29\3 ثاني ثانوي......... _إرتجفت شفتاه وأعاد الدفتر مكانه وأغلق الدرج , هم بالخروج فأستوقفته الطباخة التي وقفت عند الباب تسده بذراعيها... فيصل: خير... وش تبين إنقلعي عن وجهي... الطباخة: ما بتطلع منهون لحد ما بعرف شو إصتك!! ولك تضرب من دخلت على المدام وهي نا زلة صريخ وخبط وهلا بتنبش بغرفتا!! ولك شو..مين إنتا.. لعمى على هي إصه.. أنتا مين وشو جايبك لهون وش الفجر...؟ فيصل: يالله .. يالله تقلعي بس... وخري لا فقع وجهتس... مابقى إلا الشغالات يدخلون بنا!! الطباخة: أريضة!! ولك أنا مو شغالة ما بتشوف!! أنا ميرنا!! فيصل : والكوبة وخري أقول لا أدفرتس!! الطباخة: ماني مبعده خطوة وحده ... ووالله والله هه لأسوي لألك فضيحه.. إنت بس إلي إنتا مين؟ إنتا صاحبا لعزبة!! فيصل: هـــــــــــو!! بعد بعد ما بقى إلا هي بناتنا يصير لهن صحاب... وخري بس... الطباخة: إنتا مين... آآآآآآآآآآآآآآآآآآ نورة نورة تعي شوفي هالرجال!! أبصر مين يكون... _تأتي نورة تجر خطواتها_ نورة: نعنبوا بليستس الحين لعقتس بالسماء وش عندتس هو!! عمي فيصل وش تسوي بذا؟ فيصل: إقلعي عن هذي... الطباخة: ولك ..هاد عمك!! لعمى ... شوفي من ساعه وهو بينبش بأغراض عزبة... شو إسمه ...إلتي فيصل... فيصل: مادامتس عارفتن ليش تسألين؟ الطباخة: بسيطة... ما بكون ميرنا إن ما خبرت عزبة بكل إشي... بسيطة... ولك وش الشوم إنتا ... لعمى أنا شغالة هه... _تتجه لغرفتها وهي تتوعد وتتذمر _ نورة: عم ... ليش تنبش غرفة عذبة؟ عذبة وينه؟ فيصل: هه... لا.. مو... نورة: أنت ما تستحي على وجهك... إفرض لو جت نجلاء وشافتك كذا!! ياخي ... إستح على وجهك وإحفظ اللي بقى من ماو.. ولله لو تطلع عليك عذبة إن تسوي لك فضيحة.. فيصل: أنا ما سويت إلا الواجب... نورة_تنظر له بذهول_: أي واجب!! تراي أدري بكل شي لا تحسبن غافلة!! تغيفلته مع شغالته وضربته وأهنته والحين تبش بغرفته!! وش تدور.. ولا خيانتك أعمتك وخلتك تشك بالناس كله إنه مثلك _طراااااااااااااااااااااخ_ فيصل_يصفعها ويتكلم من بين أسنانه_: حاسبي على كلامتس يالبزر!! نورة: إضربن سو اللي تسويه... حقيقتك ما تقدر تغيره... إن سكتن أنا بكف ما تقدر تسكت كل الناس فيصل: أنتي ما تفهمين... ما تدرين بالأمور أنتي... نورة: أنا ... وكل من شاف تصرفاتك... كل الناس ما تفهم وأنت بس اللي تفهم!! فيصل: عذبة بالمستشفى... وأنا جيت أدور علاجه... ولقيته .. وبوديه لمه... وجت هالحيه الرقطاء مسويه نفسه فاهمه... نورة: إيه أمنه ليلى طلعت بدري...!! ونجلاء تسأل عن عذبة وليلى... وش به عذبة؟ فيصل: تعبانه... وخري عن وجهي أبطلع... نورة: لا تنزل من الدرج الرئيسي ... إطلع من الجانبي على باب المطبخ.. بوه تحت أم إبراهيم والبنات... فيصل: وخري.... نورة: طيب بسم الله.... ********* "الجزء الواحد والأربعين" _بعد شهرين_ _في لندن_ فيصل متمدد على السرير وعبدالعزيز منهمكاً يقرأ بينما عبدالمجيد يدور بغضب بأرجاء الغرفة , يرفع فيصل رأسه بتثاقل وينظر لعبدالمجيد قائلاً: هيه... تراك أدوختن... رايح جاي...إركد.. عزوز إفتح الثلاجه وعطه ببسي وشغل له بباي خل يركد!! عبدالمجيد: إيه!! ماتحس بالحره اللي بقلبي... ولا فيه أحد يسوي سواته الكلب!! _يرفع عبدالعزيز رأسه وينظر لعبدالمجيد ثم يبتسم عائداً لكتابه_ عبدالمجيد: أخ ... أخ يالقهر... الحين يوم قلت له ليش تخطب نجلوه وأنا خاطبه, ضحك ... تدرون ليش ضحك!! فيصل_يعرك عينه_: ليش ضحك؟ عبدالمجيد: إنبسط إني خاطبه ... حقيررررررررررررررررر _يرفع عبدالعزيز رأسه ويمسح وجهه بكمه_: إنقهر الله يعافيك هناك... رشاشات سعابيل!!! عبدالمجيد: آآآآآآآآآخ فيصل: قلت لك... تركي ما قصد... بس أنت اللي معصب... عبدالمجيد: معصب!! أصلاً هو عارفن إني أبيه.. ليش يروح يخطبه.... لا... ويقولي إحمد ربك أنا ما كلمت عمه.... بس كلمت عذبة وقلت له تسأل البنت إذا هي موافقه علي كلمت عمه... عبدالعزيز: الحين... مادامه ... بس سواليف ليش حارق رزك!! فيصل: لا... حرقة الرز مب من تروك... حرقة الرز من نجلوه...ههههههههه عبدالمجيد: أصلاً... أكيد.. أكيد عذبوه فرت راسه... عذبوه تحب تركي عشانه يفزع معه دايم... عبدالعزيز: لو أنا بمكانه مب أحب تركي... إلا أخطبه لنفسي!! فيصل:لالالالا... ما أظنه عذبة...البنت عاجبه تركي...حابته ببساطه.. عبدالمجيد: حبحب جلدك أنت وياه!! لا.. . هي ما تحبه...هي تحبن... عبدالعزيز: إخس يالثقة!! ليه من معطيك الخبر اليقين؟ نورة؟ فيصل: هع!! نورة!! مستحيل... نورة ما تطلع منه كلمه... ياما حاولت به وعجزت... عبدالعزيز: لا.. بينه وبين مجيد أسرار... جد مجيد قلي نورة قالت لك؟ عبدالمجيد: لا... محد قالي بس قلبي..أ.. فيصل: هههههههههههههههههههه قلبك!! ههههههههههه عبدالمجيد_محرجاً_: بس للحين مارد علي عمه... أ.. أكيد ب...بيوافق... أصلاً عمه وعدن خير... وتروك.....حسابه عندي... فيصل: غريبة... ماكد حسيت إن تركي يحمل مشاعر تجاه نجلاء.. عبدالمجيد: إلا ... دايم مسوي رقه معه!! فيصل: تركي حنون مع كل البنات.... حتى مع عذبوه الضبعه ...حنون.. عبدالعزيز: إلا شباب أنا شفته متغير أبو الشباب... من يوم نجي لزواج ليلى... كنه مخلي خرابيطه وشغله الفاضي.. يمكن دراسته شدت عليه.. وصايرن يصلي مع الجماعه بعد... فيصل: أصلاً تركي بادي يتغير من تعرف على محمد ... نسيب راشد... من صار خويه وهو.......... عبدالمجيد: هيييييييييييييييه أنا أبي شي يبرد حرتي فيه الكلب... أنا أدري ليش سوا كذا.. بس هين يا تروك... عبدالعزيز: هذاا ولد عمك... وش تسوي به يعني؟ لحمك لحمك...!! فيصل: ليش هو سوا كذا؟ عبدالمجيد: مرة قال لي أباخذ من خواتك.... وأنا قلت له حسافة عليك بنات الحمايل... ومن يومه وهو يدق بالكلام من وقت لوقت... والحين بيورين إنه يقدر ياخذ اللي أبي... واللي أكد لي... فرحته يوم قلت له إني خاطبه... واللي خلاه يستانس زود... زعلي... واللي وصله ... عبدالعزيز: معقوله!! فيصل: معقوله ونص... تركي حبيب وصدره رحب... بس كلمه مجيد طعنه... وتروك ما ينسى الطعون ... أعرفه زين... عبدالعزيز: طيب وش اللي وصله؟ عبدالمجيد: أخ... أخ.. ماجابن لكم إلا حرة القلب... نجلوه ما تبين... نجلوه تبيه... والله لو تاخذه لأذبحهم كلهم بليله العرس!! فيصل: ههههههههه أقول بلا خرابيط... قالوا لك مسلسل بدوي!! كنا بمكانك وأكلنا تبن... هذي لعنه حالة بالعائلة من عمي... ما أحد أخذ ا للي يحبه وتوفق.. أقول خن نطلع... غلقه.... عبدالمجيد: إيه...بروح ترا لم الحديقة...حسك عينك تقول جوعان أبي أروح أتغدى!! فيصل_يلمس بطنه_: هه والله مدري كني جوعان!! ********** |
"في غرفة عذبة" أفنان: وه... حررررررررررررر جده طبخة!! نورة: اللي يسمعتس يقول جالستن الحين بفينا!! وهنا طبخة بعد... نجلاء: الله يعينكم تو العطله ما جت... هذا تو الصيف بادي عذبة: كل مكان حر... بنات ودكم تسافرون برا هالعطله.؟ نجلاء: إيــــــــــــــــــــــــــــــــــــــــــــــــ ـــه أمي تقول تعالوا... نورة: قاضين من أعمارنا نروح لهم الله ياخذهم... نجلاء: ترا خف الوضع عندهم شوي عن أول!! أفنان: وه قوموا طفوا اللمبات .... راكان نايم... نورة: من زينتس أنتي وولدتس!! أقول عذبة... ما نبي نروح لأمريكا... والله هلله ما أصرفه عليهم المجرمين ذبحونا تذبيح... نجلاء: وش دخلتس أنتي؟ نورة: ولو... عذبة_تضحك_: ريحن أعماركن... الأمر مو بيده ولا بيدي على حسب... خالي وين بيسافر... وبنسافر معهم... نجلاء: وه .... خالي ما يطيق برا... عذبة: أغديه يهون... أفنان: ما أتوقع خالك بيروح... خالك ما يبي عياله يروحون برا... نورة: وه... بتبتلن كذا تحت رحمت خالكن...!! عذبة: لا حنا تحت رحمة ربي... وبعدين لولا خالي كان حالتنا حاله... لوما بعض الناس يهابون خالي كان.... نورة: ليش سكتي؟ كملي تقصدين أبوي؟ نجلاء: لا.... تقصد فيصل....صح؟ عذبة_تنظر لأفنان بدهشة وتلتفت على نجلاء_: لا... أنا أعني ليلى وذيك السالفة... لوما خالي وقف له كان صارت علوم...وش دخل فيصل؟ ليش ...ليش تقولين كذا... فيصل سوى شي؟ نجلاء... صح ... صح فيصل... يقهرن ... بس فيصل ... يحبنا... فيصل اللي بقى لنا بعد أبوي ناصر... فيصل.. فيصل لو أحد يمس شعره من شعرتس ياوليه منه... أنتي ماتعرفين.. فيصل... فيصل هو رجل البيت... و........ لا... لا عمرتس تقولين كذا عن فيصل... فيصل بمكان سعود... نورة_تنظر لها بدهشة_: !!!!!!!!!!!!! نجلاء: أنا أدري إن فيصل ما قصر معي... بس ... مو حقه ينفرض عليتس بالقوة... ولولا إن خالي ..وبندر فيه... كان الحين أنتي متزوجته غصبن عليتس... صح...؟ أنا أدري إنتس تحاولين تبعدين فيصل عن المشاكل اللي هنا عشاننا..عشاني أحبه... وعشان ليلى .. بس تراتس مكشوفة... فيصل...قاسي معتس... قااااااااااااسي...طيب معنا...يحبنا ويخاف علينا لكن معتس قاسي.. وإن كان يحبتس ويخاف عليتس... أدري أشوفه... أشوفه معتس... ما نسى إنتس بيوم رفضتيه و..... عذبة: بس!! عمر فيصل ولا جد فيصل يقدر يغصبن عليه!! أنا معي حق شرعي بالقبول بالزوج ولا رفضه... لو أبوي ... أبو سعود بكبره بغصبن على أحد ما أبيه ما وافقت... ولا يقدر وهو أبوي يغصبن عليه... تفهمين ... أنا وافقت على فيصل... لأني.... نجلاء: لأنتس تحبينه!!!!!! ولا خايفة منه؟ _أشاحت عذبة وعضت شفتها , وضمت يديها , بدت وكأنها تاهت محاوله أن تجد إجابه _ أفنان: مو شرط إنه تكون خايفه منه ولا تحبه... الحياه ما تعتمد على حب ولا خوف... الحياة... تحتاج منا لتضحيات... نضحي بأنفسنا وعشان أنفسنا... بس... هذي الحياة ببساطة... تضحين باللي تحبينه... عشانه ما يقدر يسعدك... وتعيشين مع أحد ما تحبينه وتضحين بمشاعرك... عشان ترتاحين معه.,... الحياة صح فلسفة معقدة لكنها عمليا أسهل... إلتفتي حولك...شوفي.... شكثر حنا نضيع لمن نرفض نضحي .... وشقد نربح من التضحية مع إنها مؤلمة وصعبة... بس تشعرنا بالرضى تجاه أنفسنا وتجاه من نحب... عذبة: نجلاء... فيصل... ما قصر معي... انا أعترف لك ... أنا ما كنت أحبه... يمكن عشانه ما يعرف الرومانسية .. أو ماعطيته فرصة يظهره أصلاً... أو يمكن عشاني عشت معه أغلب عمري ... وأحس له بمشاعر أخوه.. لكن الحين عرفت حقيقة مشاعري تجاهه... فيصل...أنا ما أحبه حب عشق... بس.... أحب فيه دمه ... لحمه... كل شي يشاركن بوه... لو قسى علي ... لو قسيت عليه... إحنا مالنا غير بعض... ولو ... ولو رجعت لمشاري... وغلط علي مشاري.. مالي غير ولد عمي.. أبشكي له وأبنسى كل شي صار بيننا... أنا وافقت على فيصل.... لأني أعرف إن راحتي معه..بس ... هذا السبب... مو لاني خايفة منه أو أحبه.... نورة: نجلاء... قومي ليلى قايلتن تبي نساعده ... نجلاء: وه منه ذي!! ذبحتنا... _تخرج نجلاء ونورة, فرمت عذبة رأسها في حضن أفنان_ عذبة: آآآآآآآآآآآآآآه.... هذا اللي كاسر ظهري ولا أبيه يصير... أفنان: الشمس ما تحجب بمنخل... عذبة: ما أبي خواتي يحسون بفقد الأمان.... قد ما أقدر دست على قلبي عشان ما يفقدون ثقتهم بفيصل..بس...للأسف... ماعطان فرصة .... كل يوم يسوي شي أشد من اللي قبله... أفنان: الله يهديه... هو ما يحب نجلاء وليلى..؟ عذبة: إلا... إذا جاء شوفي يالكشتات والحشيمه... ويتصل بين وقت ووقت يسألهن عن أخبارهن وإذا هن محتاجات شي.. يعاملهن زي الأبو حتى مو أخو... بس ينقهرن من إسلوبه معي... أفنان: أنتي حمارة.. عذبة: شكراً يا بغله... أفنان: ما تعطينه وجه... إذا جاء تقل عدو.. يختي جامليه شوي عشان خواتك!! عذبة: الله ياخذه الحيوان.... والله ما أقدر حتى أشوف وجهه... المشكله إنتس أنتي الوحيدة اللي عارفتن حقيقته.. هذا مجرم... بس خلي خواتي يتزوجن ويوفقهن ربي... أوريتس بوه.. أفنان:هــــــــــــــــــــــــــــــــــو!! وين الكلام اللي تو؟ عذبة: شسوي ما أبي صورته تهتز قدام البنت.... لازم يبتل فيصل هو فيصل... ما يكفي أنا إكتشفت حقيقته... ******"في الحديقة" نورة: يالحيوانه الناطقة... يالخرتيته العصلاء!! نجلاء: ليش... كل هذا عشاني ما أبي أخوتس؟ نورة: لا... جرحتي عذبة... نجلاء: ما أبيه تضحي عشاننا.... نورة: طيب... خلاص لا تدخلين... بس عذبة يمكن تحب فيصل جد... نجلاء: مستحيل تحب فيصل !! أنا أعرفه... أعرف حبه لمشاري... ومشاري الحين مطلق... بالله لو بيراجعه مشاري بترفض عشانه تحب فيصل... مع إن عذبة عرفت حقيقة الحب بس متأخره.... الحب دمااااااااااااااااااااااار ضيع خواتي وحده ورا الثانية... وعشان كذا أنا ما أبي أخوتس... نورة: خلينا من أخوي الحين... يعني عذبة بترجع لمشاري؟ نجلاء: لا مشاري مو متنزل يعتذر عن غلطته بحق عذبة... وعذبة مستحيل تتنزل وترجع له عقب اللي صار... نورة: نجلاء... ليش هي عنيدة .... ليش هي مغرورة ومكسورة بوقت واحد؟ نجلاء_تتنهد_: آآآآآآآآآآآآآآآآآآآآآآآآه مغرورة ومكسورة.... فقدت أمي وسعود كسرته كسره... بس أبو طبيع ما يخلي طبعه... وكملت عليه... عناد فيصل له... وخوفه علينا...وحبه لنا... والمسؤليه... والشركه... والدراسة... وكلش... نورة: ومع كذا تتظاهر إنه ما همه وإنه قوية... نجلاء: وهي قوية!! بس هي مرة... محتاجة رجل... هذا هو الموضوع ... عذبة محتاجه رجل يسنده... ويوم تخلى عنه الرجل اللي هي إختارته ما صارت توثق بأي رجل... لبست هي الشماغ وتحدت الرجال... ساعات أحس ما بقي له إلا عوارض وتصير فيصل... غريبة... حتى مكياج ما صارت تحط... بس همه تطارد ورا الشغل وورانا لا نحتاج شي... نورة: أصعب شي بالحياة إنك تلبس ثوب مو ثوبك... وتنطق بصوت مو صوتك.... نجلاء: من سنتين وزود وهي تلبس ثوب رجال وتنطق بصوته... لو تشوفه أمي فرح ما تصدق ... هذي بنته اللي كانت تقول عنه إنه بتصير ربه منزل..ههه صارت رجل ... ينقصه ذكورة... نورة: ويا كثرهم الذكور اللي ينقصهم رجوله... مثل هاللي أنتي تبينه... نجلاء: إذا الرجوله عنتدس شماغ وثوب .... فكل السعوديه رجال!!! الرجوله مواقف وأخلاق.... الرجولة إنه يوقف بوجه الكل ويدافع عن مرة ضعيفة وينسى إنه بيوم أهانته... لأنه رجل... لأنه يعرف إن رجولته تمنعه من إنه ينتقم من وحدة فقدت الناس كله.... وكلهم حوله....هذي الرجولة... مو الرجوله إنه يوقف ورا أبوه باللي يسويه لو كان اللي يسويه غلط!! نورة: كنتس تدقين بالكلام؟ نجلاء: أقول.... أبقوم أكلم أمي....سلام... نورة: هين يالعصلاء يا أم عكاريش...!! نجلاء: أقول عاد يالكورة!! نورة: هين.... بتجتمعين أنتي وتروك علي... _تلتف نجلاء وتبتسم_: أها عرفت ليش الحين ما تبينن آخذه!! **************** "في لندن" يقف فيصل ويعطي ظهره للنهر ويتكئ على الجسر الحجري بينما يقف عبدالمجيد مقابلاَ النهر, أخرج عبدالمجيد يديه من جيبيه وتنهد...إلتفت فيصل عليه وهمس: حبيبي ... منت أول واحد ما يحصل اللي يبيه.... لا تزعل... كن ما علينا من المصايب قاصر إلا مصايب العشاق!! عبدالمجيد: مصدوم يا فيصل مصدوم... والله تحبني... أدري ... نظراته وتعامله وكل شي... لوما الحياء.... كان .... فيصل_يبتسم إبتسامه باهته_: كان؟ عبدالمجيد: أبي أفهم... ليش تبي تركي؟ فيصل: يمكن مادريت إنك خاطبه!! عبدالمجيد: إلا داريه.... فيصل: طيب خلاص إنسى!! تبسم عبدالمجيد قائلاً وهو يخرج محفظته..: .........تدري يا فيصل_ويخرج صوره نجلاء من المحفظة _ من قبل لا تتغطى....من كانت بزر..من أخذت له هالصورة وهي ما تطلع من بوكي... كل يوم أشوفه.... وآخرته تقول لنورة يوم قالت له مجيد يحبتس..."خليه ينسى !!" آآآآآآآآآآآآآآآه... قـــلــتــيــلــي انــــــســـــى مــن يـومـها وانـا كـل لـيلة..قدامي الـبرواز حـبـر الـعـيون ودمــع الـقـلم.. فـي دفـتري وصورتك..رغم الألم..ورغم انها خذت من اطباعك كثير وخــانـت الـبـرواز..اشـوفها فــي خـاطـري حــبـيـبـتـي مــابــيــدي حــيــلــة لاصــرتــي الـصـورة..وعـيوني الــبـرواز وشــــــلـــــون ابــــنـــســـى.....* _إلتفت فيصل...وسحب الصورة من بين أصابع عبدالمجيد ورماها في النهر: ببساطه كذا إنسى... إرمي كل مرة ما تحبك وراك... وبأبعد مكان.. المرة ما تستاهل تعطيه قلبك.... عبدالمجيد: عم!! خيــــــــــــــــــــــــــــــــــــــــــــــــ ـر...ماعندي غير هالصورة... فيصل: مادام راعي الصورة مو مقدرك ليش تقدر صورته؟ عبدالمجيد: فيصل .... انت تقول هالكلام!! فيصل: الحياة تجارب.... وأصدق الكلام اللي يجي من تجربه... عبدالمجيد: شلون أبنسى؟ فيصل: كمل القصيدة.... حـبـيبتي لـجـل أنـسى جـرحك واسـتريح..ببكي وبــــعـــد الــبــكــى ..بــبــكــي وأكـيـد فــي لـحـظة بـتـجي..وبيجف دمـعي وعـنـدهـا صــورتـك الـلـي فــي عـيـوني بــتـمـوت مــــن ظــلــم الـعـطـش.. بـــروازهـــا بــيــصـبـح نـــعــش وبـتمرني الدمعة الأخيرة ...تاخذ معاها صورتك وتطيح وكـني بـالمسافة تـطول مابين عيني..ودمعتي..وخدي وكــنــي بـقـلـبـي الـحـايـر الـمـسـكين نـبـضه يـقول لا تـودع الـفرقى الـدمع مـايرقى وعـنـدها لانـزلـت الـدمـعة لـمـثواها الأخـير وفـــــارقـــــت وجـــــهـــــي بــغـمـض عـيـونـي..واكـسر الــبــرواز وانــــــــــــســــــــــــى* عبدالمجيد: حافظه ما شاء الله؟!! فيصل: لأنه بيوم كانت بعيوني صورة... عبدالمجيد: وهاه بشر إنسكر البرواز!!؟ فيصل_رفع كتفيه وتنهد ونظر للنهر وهمس_: إن صارت الصورة... قطعه منك... لامن ظمت من دمعك... يسقيه دمك.... عبدالمجيد: آآآآآآآآآآآآآآآآآه... يلعن أبو الحب.... فيصل: ههه توك تدري؟!! _ويضحكان _ "في غرفة نجلاء" نجلاء تتحدث بالهاتف...... يمه... مليت.... أكلت الحيرة قلبي.... ريم: يا بنتي يا حبيبتي ما يبي له حيرة...إستخيري ربك... ومجيد والله ما ينعاف... نجلاء: بس مجيد أبوه عبدالله... ريم: طيب... وأنتي بتناسبين أبوه...!! نجلاء: أبوه دايم يعايرن بالبدوية... ومجيد كم مرة يلسع بالكلام.... ريم: وخير... وإذا قالوا بدوية... إنتهت الدنيا!!! نجلاء: أنا افتخر إني بدوية...بس ... ما ابي واحد يعايرن... لامن عشت معه ... أي خطأ أو قصور بيحطه على إني بدوية... ماأتحمل... والله ما أتحمل... ريم: بس... مجيد.... ماشاء الله عليه كامل مكمل... عاقل مب راعي خرابيط هالشباب... مجتهد... ماشي بطريقه.... يخطبونه الناس وأنتي تردينه... نجلاء: أنا ما أبيه....ما أبيه يمه.... أنا أحبه ... صح كنت أحبه.... بس... بمواقفه معي عرفت إنه مايستاهل الواحد يحبه... لو كان يحبن من قلبه... ما عايرن بأهلي... لو يحبن جد .... ما سمح لأبوه يكلم عمي ويحرجن مع أهلي.... تركي يمه طيب ويحس... يحس باللي حوله ويشاركهم همومهم... تركي قبل لا يصير طبيب بشري... تركي طبيب مشاعر... ريم: إخس... والله شكلتس تحبين تركي... نجلاء: أنا لو أبتبع قلبي.... وافقت على مجيد وأنا مغمضه... أبكلم عمي.... وأبقول له.... إن تركي يبين...وأنا أبي تركي... ريم: أنا أمتس وما أرضى تاخذين تركي!! نجلاء: وأنا بنت فرح.... معليه يمه... أنتي ولدتين وتركتي غيرتس يربين ما تجين بعد هالسنين وتفرضين علي رايتس ومن ورا آلآف الكليو مترات ريم: هــــــــــــــــــــــــــــــــــــــو!! نجلاء: معليه يمه... أنا أقولتس يمه عشانتس ولدتين... بس... الأم اللي ترمي بنته للناس ... وتتزوج وتسافر تدرس وتشوف حياته... حتى زيارة لبنته ما تزور ... بنته ضاعت بعد موت اللي ربوه وحنو عليه... ولا كلفت خاطره تجي تضم بنته وتعزيه... بنته إنذلت وتشتت ولا وقف مع بنته إلا وحده صغيرة مريضة كسيرة وأمه مشغوله بعياله وزوجه.... هذي مب أم.... يمه أنا ضعت ولا ضمن إلا عذبه.... وريحه أمي فرح .... أنا إنكسرت ولا وقف لي إلا عمي ضاري ... وينتس عن طول هالسنين وجايه الحين تقولين أنا أمتس... معليه يمه... بس كلمه أنا أمتس بعد هالسنين.... كلمه جافه مابه أي معنى.... ريم: نجلاء... قلبي... لا تلومينن... أنا ما أقدر أرجع... أنتي عارفتن سالفة الإرهاب... واللي يطلع يمكن ما يرجع...ما يعطون فيزه بسهوله... وأنا ما أبي أرجع ونضيع تعبنا كل هالسنين... ولا أقدر أرجع لحالي أخاف ما يخلونن أرجع... وبعدين أحرم عيالي من!! وش ذنبهم وأنتي منتب من حالي... نجلاء: خلاص... عيالتس اللي الحين معتس هم عيالتس اللي لتس عليهم حق... حق تامرين وتطاعين... حق تقررين مصيرهم لأنتس أنتي اللي شديتي على إيدينهم حد ما وصلوا لمرحلة يقدرون يقررون مصيرهم.... أما أنا...آسفة.... مادامتس تخليتي عن أمومتس لي العمر كله... تخلي عنه الحين.... ريم: نجلاء... لا تقطعين قلبي!! نجلاء: أنا آسفة قطعت قلبتس!! بس انا ما أحس لأن قلبي متقطع من ماتت فرح وسعود... وكملت عليه سالفة طردتي من بيت ماجد... أنا آسفه جد...ما دريت إن قلبتس رقيق وما يتحمل الحقيقة........ ****************** "في الصالة" تدخل ليلى تحمل حقيبة كبيرة وترميها عند باب البيت, تلتفت مها وتضحك قائلة: أبلا ليلى ....هههههههه شنطتس أكبر منتس.... ليلى: ياربي كسرت ظهري.... عذبة: سادة... أقولتس خوذي معتس ريتا... ليلى: ريتا ملقوفة... وبعدين تمسك عاملة النظافة وهاك يا قرق... وما يبقى أحد ما يدري بأسرار بيتنا... أفنان: يا بغضي لهالشغالات... ينشرن الغسيل كله... نورة: طيب إشروا نشافه... ماله داعي تخلونه تنشر!! أفنان: تستهبلين!! نورة: لا أستخف دمي.... _نجلاء تجلس متقوقعه على طرف الأريكة بجانب نورة وتسحب خصلات شعرها صامته..._ ليلى: وش عند الحلوين هاجدين؟ عذبة: تفكر ........ ولا ندري نهاية التفكير على إيش... مها: تخلي الخراط عنه وتوافق على مجيد.... وين تلقى أحسن منوه... نجلاء:ما أبيه.... _ترفسها نورة بقدمها فتسقط على الأرض_ نورة: خبلة.... خوذي اللي يحبتس... عذبة:ههههههههههههههههه مير عقب هالكرفسه بتوافق علطول... نجلاء_تعود وتجلس على الأريكة_: وجع... ليلى: أنا أبفهم بس ... ليش أنتي مترددة!! أفنان: إتركوا للبنت فرصة تقرر... أدوشتوا راسه... نجلاء: أنا ما أبي مجيد... وبس... عذبة: تبين تركي؟ نجلاء: إيه...وش بوه تركي؟ عذبة: تركي!! أنتي أختي وقطعه من قلبي... تركي ما يصلح.. تركي...خرباطي... وما يتكل عليه... نجلاء: أنتي يا عذبة تقولين هالكلام!! هذا وتركي وقف معتس وقفه رجل... آخر ما توقعت إني أسمع كذا منتس.... عذبة: أنا ما أنكر معروفه علي.. بس الزواج غير... وبعدين مجيد وقف معي... مجيد تزهل لشغل فيصل كله... نجلاء: بس مجيد كان داري إن أبوه مكلم عمي... ولا قال ولا كلمه... مجيد يا عذبة رجل للي يجي لمصلحته... وتركي ترك أبوه وأنتي اللي كنتي ضاربته... وجاء لمتس.. وتهاوش مع فيصل... تركي رجل... عذبة: بس تركي راعي حريم... ومافي أصعب من الخيانه... إسألين ... إسألين يا نجلاء مافيه أقسى من الخيانه... نجلاء: ومنين جربتي الخيانه؟!! عذبة:هه... الخيانه... أنا مرة وأحس بمشاعر الحريم اللي ينخانون... و... أفنان: أنتي شوفي لو بس وحدة من صديقاتك تطعنك بظهرك... وش بتحسن فيه... وش عاد لو كان هذا من شريك عمرك أنا كإمرأة متزوجه.... أفضل زوجي يتزوج علي ثلاث... ولا يخوني لو بالتيلفون... مها: صح... الخيانه.. مررررررررررة... ياعمري الحريم... نورة: بعد بوه حريم يخونن.. نجلاء: وأنتم حكمتوا على الرجال.... تركي تارك الحريم والخرابيط هذي... والسنه اللي راحت ما سافر برا... نواعم تقول إنه غير أرقام جوالاته.... وترك الخرابيط... نورة: قال وش شاهدك يا أبا حصين ...قال ذنيبي...!! ليلى: الله يهديه ويتمم عليه.... بس... لا تتبعين قلبك بأمر كبير زي الزواج... خوذي بنصح أهلك... عمك بالذات ... إسأليه... ترا ما يعرف بالرجال إلا الرجال... نورة: إخس يا ليلول صرتي تنثرين درر... ليلى: نوري....أنا علي قاصر!! ******* "في أحد مطاعم الرياض" نجلاء: عم... وش قلت؟ ضاري: أخ منكم ... وجع راس... _يربت على يدها_ تبين شور رجال؟!! نجلاء: ومن لي غير الرجال؟ ضاري: عبدالمجيد رجال.... سألت بندر...وسأل ربعه...وسألت خواله..وجماعته... عبد المجيد رجال وخلوق... وما يخلي الجماعة... نجلاء: بس.........مجيد.... أنا مو مرتاحه له...تذكر اللي سواه أبوه... ضاري: وش تبينه بعد يطلع عن شور أبوه؟!! لو طلع عن شور أبوه ...كان عبته... نجلاء: بس.... _يمسك بيديها ويشدهما مصوباً نظرته الحادة لعينيها: نجيل... أنا لو عندي شك بعبدالميجد ما قبلته... أنتي بنت خلف... أنتي بنت أخوي... تدرين بغلات خلف عندي... ماتمنيت أوهب حياتي لأحد غيره... أنا ربيت على يده... هو أخوي... وهو عشيرتي .... وهو دفع حياته لجل ينتقم لي... خلف يا نجلاء...خلف ذبح الخسيس عشانه حاول يجرني لبلاويه... إنسجن ظلم... وإنطرد من شغله... وما ثار... بس يوم مسني الخسيس ثار عليه وما رضى إلا بروحه... خلف يا نجلاء دفع حياته عشاني... وأنا ما يمكن أنسى له... وما يمكن أرمي بنته لواحد ما يقدره... أنتي غاليه...بنت الغالي... أنتي بنت خلف يا نجلاء خلف... نجلاء_تبكي وتسند رأسها على كتف عمها ضاري_: بس أنا ما أبي مجيد...ما أبيه... _يمسح ضاري رأس نجلاء بلطف ويقول_: ما ولد من يضيمك يا بنت خلف... ما تبيه... ماتبيه...خلاص... وأنتي صغيرة والعمر قدامك إن شاء الله مديد... والله لو تعنسين ... ما تنغصبين على حدن ما تبيه... ما تنغصبين وراس ضاري يشم الهواء... ***** "في سيارة تركي" يرن جوال تركي , ينظر لشاشة الجوال "فتفت يتصل بك..." يرد: هلا وغلا بالعم... فيصل: السلام عليكم ... تركي: وعليك السلام والرحمه...هاه الأخبار والعلوم... فيصل: تمام.... تركي: الحمدلله.. فيصل: تركي... وش صاير بينك وبين مجيد؟ تركي: هههه ولا شي... ليه قال لك شي؟ فيصل: مجيد جاء أمس للندن... تركي: أوووه يالنذل... قايلن له... لامن نويت تروح قل لي....!! فيصل: هههه ولا أنت منتب نذل؟ تركي: لا... منب نذل... فيصل: تركي... خل الإنتقام عنك... وخل البنت لمجيد... تركي: قالوا لك علك ببسطة هي!! وش علي منه أنا ماسكه!! تبي مجيد تاخذه...ماغصبته... فيصل: علي هالحركات!! تركي: مجيد شكى لك؟ فيصل: وش رايك...!! مجيد منقهر من حركتك السخيفة!! تركي: والله مادريت إنه خاطبه... وبعدين من خلق نجلاء خلق غيره.. فيصل: لا والله!! ليه ما تقول لنفسك هالكلام!! تركي: المطلوب...؟ فيصل: إترك البنت... وإنسحب... أصلاً لو ما صارت من نصيب مجيد شلون تاخذ وحده بنفس مجيد...؟ تركي: إممممممممم أفكر بالموضوع... فيصل: يا تركي خلك رجل !! تركي: وغصبن على فرق خشمك أنت وياه أنا رجل!! فيصل: ونعم فيك... بس حركتك ذي!! شلون تخطب على خطبة غيرك...!! تركي: ماردوا على مجيد للحين... يعني مب حرام.... صح لو هي وافقت على مجيد وردوا عليه ... تصير خطبة على خطبة بس توه متكلم ما صار شي... فيصل: عشان الدم اللي بينكم... لاتخلون مرة تفرقكم... تكفى يا تركي نخيتك... تعوذ من إبليس... تركي: أووووووووف فيصل: تكفى.... تركي: زين ... بس أبي هاللي شايف نفسه... وعلى باله ما ينرد... أبيه يحفظ لسانه ويحترم اللي قدامه... ويعرف إن قال كلمه يتحمل نتيجته... فيصل: أبد...تاب ما عاد ينتقص منك... بس فكنا من هالسالفة... والله مايصير... تركي: طيب...يصير خير... *********** "في القصيم" _مزرعة الخال عبدالرحمن_ يمسك خالد بيد نجود ويسير بها بأنحاء المزرعة خالد: شوفي هذا الغريس أنا غارسه.... نجود: تعرف!!؟ خالد:ههههههههههههه هو... !!! وليش ما أعرف!! أنا راعي فلايح أباً عن جد... شوفي... هالنخل اللي هناك... بعد كم شهر إن شاء الله تدخل ذهب... سكري يحبه قلبتس على كيف كيفتس...مبالدنيا كله مثل سكري القصيم.. نجود: ماشاء الله عليك...كلش تعرفه... على إن جدي وعمي ناصر كانوا عايشين بفلاحة... بس أهلي ما يسون شي هم ... بمزرعتنا العمال هم اللي يزرعون... خالد يلتفت على نجود ويطوقها هامساً_: النخله حبيبة... دلوعة ... مثلتس...لازم أراعيه بنفسي يوم بيوم ... لحظة بلحظة نجود_تقطب حاجبيها وتخفي إبتسامتها_: خلودي أنا دلوعه!! خالد: ياروح خلودي... قوليه ثانية!! نجود: لا.... أنا مو دلوعه... خالد: يا قلبي على الدلع.... نجود_بخجل_: أوووووووه خالد ترا أبزعل لا تقول دلوعه... خالد: لالا.... دلوعتي زعول بعد... نجود: خااااااااالد... أنت اللي مدلعن ولا أنا....سنعه... خالد_يمسك وجهها ويرفعه قائلاً_: يا بختي من قدي...حبيبتي دلوعه...وسنعة... نجود: خالد لا أحد يجي... وخر شوي... خالد_يقترب أكثر_: وإذا ما وخرت!! نجود: أبزعل... خالد: ههههههههه إلا زعل نجيده من يقوى عليه...._يبتعد_هه وخرنا... نجود_تحاول أن ترفع قدمها , فتظهر علامات الإمتعاض على وجهها_: خالد.... !!! خالد: لبيه... نجود:الصندل...غاص بالطين... شسوي...؟ خالد:هههههههههه.... ما يبي له...إمشي حافيه... ولامن وصلنا بيت المزرعة غسليه... نجود: لا!!!! شلون أمشي حافيه... أخاف تبطن شوكة!! خالد: بسيطه... أشيلتس للبيت.... أرفعي إيدينتس...يالله ..._ويمد يديه_ نجود: هـــــــــــــــــــــــــــو!! خالد: وسعي صدرتس مابوه إلا عمال... وعيال أخوي... نجود: البلاء من عيال أخوك... والله إن يمسكونه عياره... خالد: وخلي الدنيا كله تمسكه عياره... بس ما تبط حبيبتي ودلوعتي الشوكة... نجود: أووووووووووه خلودي.... ********** ********** ............................................. "الجزء الثاني والأربعين" "في الصالة" أفنان وعذبة يتحدثن بصوت عالي, نجلاء ونورة تتجادلان على الجلوس في الأريكة المقابلة للتلفزيون, بينما مها تتابع البرنامج , الذي على صوته.. عذبة: ليلى... جوالتس يرن...وه ما ينسمع من الإزعاج... _تأخذ ليلى الجوال وترد.. ولكنها لم تستطع أن تسمع شيئاً فتخرج وعند الباب قابلت نواعم_ ليلى: هلا نواعم... نواعم: وين نجلاء؟ ليلى_تشير للداخل وهي تتحدث بالجوال_: هلا والله إيه.. أرسلت العمل.. من شوي... تو طالعين البنات... _تدخل نواعم فتسلم وتجلس بجانب نجلاء_ نجلاء: حيا الله نعنع... نواعم: ههههه لا حبق أحسن!! نجلاء: مير صبن شاهي منعنع لنعنع.... _تلتفت نجلاء على نواعم قائلة_: زين نواعم ربي جابتس... أبقولتس... أنا ... ما أبي أتزوج الحين... وتركي... مارديته لعيب بوه... بس تعرفين وجعت راسي السالفة... وتصيعبته... وما أبي لا تركي ولا مجيد... _تبتسم نواعم قائله_: مهو للسبب هذا جيت...زين جت منك إن تركي يوم عرف بخطبه مجيد نفس الشيء تصيعب الموضوع... نورة: رجل!! نجلاء: توتس تدرين!! نورة: إيه..... نواعم: الله يسامحك اخوي رجل من زمان... عذبة: وش عندكن؟ نجلاء: إيه بدت الرادارات تشتغل... سكتن يوم سمعن بسالفتن مجحودة... أفنان: لا حبيبتي حنا نسمع بدون ما نسكت... ما تبينهم كلهم... مبروك... رميتي الهم اللي على صدرك.. نورة: أصلاً هي بزر.... ولا بوه وحده تعرس بالثانوي... ثاني ثنوي... لعب بزران ذا.. نجلاء: والله ما أسرع ما إنقلب الكلام!! نورة: لكل دولة رجال ... ولكل وضع كلام... مادامت منتب معرسه... أبلعمتس الحقيقة... أهم شي ما تاخذين أبو التواريك.... نواعم: وش فيه أخوي... نورة: ولا شي... بس يحب يتطنز شوي... يبي له ربط لسان ويغدي ما مثله... مها: الحين كلهم ما تبينهم!! نورة: إيه من كثر خطابه بارت!! نجلاء: وجع يالخرتيت !! ما برت... تشوفين منهي اللي بتبور.... نورة: لا... أنا أوب بايرة... بيجي الفارس يخطفني على فرس أبيض... نجلاء: ما يقواتس!! نورة: هين... أوريتس يا العصلاء... بيقوان... وشرطي على اللي بياخذن إنه يزمن... ويرقابي الدرج بعد.. وش حيت الفلم.. يرقى به الدرج وأنا لا!! نواعم: أقول غني يا ليل ما أطولك.... ********* لندن بعد شهرين_ يجلس فيصل في أحد المقاهي, يرشف القهوة ويتأمل ما حوله, بدى غارقاً في تفكير عميق قطعه عليه رنين جواله... ينظر للرقم فيرد بسرعة...هلا ...!! ليلى: السلام عليكم... فيصل: وعليكم السلام ... ليلى: شخبارك فيصل..؟ فيصل: تمام التمام... أنتم شخباركم... شخبار نجلاء والبنات؟ ليلى: تمام... فيصل أنت عارف ليش أنا متصله... فيصل: ههههه... والله كني شوي... وش عندتس؟ ليلى: أبي أسألك ... أنت طبعاً عارف إن عبدالعزيز خطبني... و..........و......أبسألك عنـ.... أوه ما أدري شقول... فيصل: وش تقولين يعني... عبدالعزيز عشت معه سنتين... تبين تسألين عن أي شي أنا مستعد أجاوبتس وش بتعرفين عنه؟ ليلى: متفهم....؟ فيصل_يقطب جبينه_: متفهم!! إيه عزوز عاقل.. ثقيل... وتعرفين بعد مب صغير... معدي الثلاث و الثلاثين من وقت... العمر له دور إنه يعقل الواحد زود ماهوب عاقل... بس ترااااو ثقيل مرة...بيكون صعب التعامل معه بأول الأمر بعدين بتتعودين عليه... تراو مب خبل زي مجيد والسلمي... لا تحسبينه زي إخوانه... و.... ليلى_تقاطعه_: فيصل... مو هذا قصدي... فيصل: أجل وش قصدتس؟ ليلى: أنا .... أبيه ومرتاحه له... وعذبة بعد شجعتني عليه ....بس... أخااااااااااااااااااااااف... فيصل: تخافين!! تخافين تتطلقين مرة ثانية يعني...؟ ليلى: فيصل... أبقولك شي... بس الله يخليك لا تعصب... أنت لازم تفهم الموضوع كامل... فيصل: يالله هذاي أسمع..... ليلى: فيصل... أنا...أنا تزوجت مؤيد.... عشان..عشاني كنت أحبه...كان فيه علاقة بيننا قبل الزواج... و....وهذا اللي دمر زواجنا واللي خلاه يشك بي... أخاف...أخاف عزوز يعرف بالسالفة... ويطلقن بعدين... وخصوصا إن ما يعرف بالموضوع إلا خواتي وعمتي ونورة ومجيد وتركي وخالي...بس... ما أدري أقوله ... ولا أخلي نورة تقول له... ولا... ما أدري... فيصل: ليلى.... الشرع ما يحاسب الناس على ماضيهم...وأغلاطهم اللي تابوا عنه... والله لا يكلف نفساً إلا وسعها... وإذا بتحطين هالفكرة براستس...عمرتس ماراح تتزوجين... توكلي على الله... وعزوز.. ولا غيره... أنتي ما خنتيه... هالعلاقة إنتهت قبل لا يصير بينكم شي... ومؤيد تزوجتس... ليش قاعده الحين تسوين نفستس غلطانه... أنتي غلطتي غلطه... نلتي جزاه... وخلاص...يكفي جلد الذات.. ومسألة تقولين لعزوز السالفة.... مالتس مصلحة... مثل ما قلت... اللي صار صار قبل لايخطب... وأسرع طريق لفشل الزواج .... معرفة الزوجين لماضي بعضهم العاطفي... لا تقولين له... ومحد بيقول له... ومجيد هو اللي مقنعه يتزوجتس... ونورة تعرفينه ما ينعرف اللي وراه ودونه... وتروك ماله مصلحه.. من بقى خايفة منه... خالتس ولا خواتس!! ليلى: بس أخاف!! فيصل: أنتي ليلى اليوم... مثله مطلقة... مجتهده.. رسامه ونافعتن مجتمعتس.... حلوة ومتعلمه...طيبة ومثقفة بنت أصل وفصل... وش يبي عزوز أكثر من كذا!! أنتي ألف من يتمناتس.... وصدقين أكيد عند عزوز أشياء ماراح يقوله لتس.. مب سوء بوه..بس مالتس مصلحه به ولا يلحقتس مضرة منه .. يعني مثلتس... فلا تخافين... وإرمي كل شي صار بينتس وبين مؤيد ورا ظهرتس وإنسيه... ليلى: الله يجزاك خير... ريحتني....الله يخليك لنا... بس ما تبيني أوصل سلامك لعذبة؟ فيصل: لا.... لو أبسلم على عذبة دقيت على جواله... ليلى: سبحان الله أنت وياه ... وجهين لعمله وحده... فيصل: بنت عمي ...كلش وارد... ********* "في الصالة" تتمدد عذبة على الأريكة وتتمدد نجلاء على الأريكة الأخرى مقترنتي الرأسين, ناصر مسنداً ظهره على الأريكه وممداً ساقيه فوق وسادة ضخمة, يقرأ مجلة أطفال... نجلاء: عذبة... أمس ... شفت مجيد... عذبة:هه أنا كل يوم أشوفه... نجلاء: لا تميلغين علي عاد... عذبة: طيب قال شي؟ نجلاء:ههههههه ما شافن... أنا كنت بالسيارة... ونورة نزلت عند باب بيتهم وهو كان بالحديقة يشرب شاهي... كان مشغول مرة... تخيلي طالع بالحديقة عليه سروال سنه... ما لبس ثوب... ومنحنى على أوراق كومه... أكيد الشغل شاد هاليومين...ولا؟ ناصر: نجلاء..... نجلاء:هاه... ناصر: قولي سم!! نجلاء: إخس يالبزران!! ناصر: أنا مب بزر... أنا بأولى ..قالوا لتس أنا بالتمهيدي عشان تقولين بزر... نجلاء:إخس على هالحتسي...ما بلانا إلا مقابل هالطحوش... وش تبي...؟ ناصر: قولي سم أول... نجلاء: لا..مر أقولك سم ... قالوا لك سعود ولا ماجد.. ولا خلف يا خلف عيني!! ناصر: منهو خلف هذا!! هع.... أستاد القراءة حقنا أسمه خلف... شيطاني ما أحبه... نجلاء: خلف أبوي!! ناصر: لا... أبونا ماجد... عذبة: ناصر حبيبي... خلف أبوه... وحنا أبونا ماجد... نجلاء: شلون تصير أختنا وأبوه خلف.. لازم يصير أبوه ماجد...ودي أشوف ماجد .... ما عمري شفته.... نجلاء: أنا أبوي خلف... وأنت أبوك ماجد.. وفكنا!! ناصر: أجل ليش تعيشين ببيتنا إذا صار أبوتس غيرنا!! روحي عيشي عند خلف... عذبة:ناصر!! نجلاء: أجل ليش تعيش ببيت فهد ومهوب أبوك فهد!! ناصر: فهد أبوي ثاني... نجلاء: وماجد أبوي ثاني!! ناصر: إيه بس أهم شي أبوتس ماجد... عذبة: وش تبي بنجلاء؟ ناصر: أوب قايلن له...زعلت.... ليش ما تقول لي سم!! نجلاء: طققن رامض وعبدن حامض!! تقلع يالله... قم يالبصوه ... بزران آخر زمن.. عذبة:هههههههههههههه ناصر: أصلاً من زينتس...أبروح مع أحمد... بيوديه مجيد للشغل حقه.. عذبة: إيه رح معه.... بعدين... إذا صرت رجل بتشتغل هناك.. ناصر: لا... أنا بصير معلم فنيه... نجلاء: أمحق طموح.... إيه حضري!! عذبة: نجلوه!!! تبينه يصير عسكري عشان يرقى لطموح بدوي!! نجلاء: ههههههههههه أقلد عمااااااااااااني لا تزعلين.... it is just jock !! عذبة: خلاص رح... بس لا تبلش بمجيد... ناصر: إذا أبلشت بوه قنع راسي.... نجلاء: يخسى!! عذبة: إلا تستاهل ليش تبلش بوه... _يقوم ناصر ويرمي المجله على نجلاء ويسير خارجاً_ نجلاء: وجع!!! ناصر: read a book أعرف إنقليزي إوب بس أنتي...مع السلامة.. عذبة:هههههههههههههههههههه نجلاء: مبسوطه!! عذبة: إيه أخوي خفيف دم.. نجلاء: قالوا لتس خف دم سعود عذبة: الحق ينقال.... سعود شقي بس ما كان راعي دعابة.. نجلاء: لا اللي راعي دعابة مشاري هاه!! عذبة: هو!! نجلاء... و ش مناسبة هالكلام!! وبعدين ترا مشاري خفيف دم... يقول الكلمه تضحكين عليه شهر... نجلاء: هه هه هه .... ما من ورا تدربيه خف دم... مير الحب يعمي البصيرة... عذبة: إلا على طاري الحب... كملي سالفتس أنتي ومجيد...وش صار؟ نجلاء: ما صار شي.. بس ناحف..ناحف مرة... عذبة_تنظر لنجلاء بشقاوة_: إيه بس هو اللي ناحف!! نجلاء: هاااااااااه أنا أسوي تمارين قاسيه هاليومين... آ.. آنت تشوفينن .عذبة..!! عذبة:هههههههههههههههههههه _ترتمي ليلى بسرعه على الأرض بين الأريكتين..وتصرخ_: كلمته ...كلمته... نجلاء: بسم الله... منهو عزوز!! ليلى: لاااااااااااااااا توبه أكلم أحد ... قبل الملكة.... كلمت فيصل... عذبة_تمط شفتيها_: وش قال المملوح؟ اكيد بيقول خوذيه وما مثله... نجلاء: قلتي له سالفه مؤيد؟ عذبة: خبله.. لو قلتي له... بيجي الحين يموتس!! ليلى: قلت له _تضع خصلات شعرها خلف إذنيها_ وش توقعون قال؟ عذبة: أتوقع ... الحين قاضبن مجيد تهزئ... ليش ما قال له.. و..... نجلاء: وه... إسكتي... خليه تكمل أنا ما بقى بي حيل... وش قال..؟ ليلى_تبتسم_: قال لي ... هذي غلطه وأخذتي جزاه... ولا تقولين لعزوز شي.. عذبة_ترمش بعينيها مستغربه_: يعني ما هاوش... ما زعل!! ليلى_تهز رأسها_: لالالا.... بالعكس.... كان كأنه عارف بالسالفة من زمان... ورايحه حرته... يمكن أحد قايلن له.. بس مين؟ نجلاء: أصلاً.. أنا أقولكم فيصل تغير عقب ما راح هناك... مرة تغير ما صار يغار زي أول..... تخيلي ... ذاك اليوم يوم يجي قبل إسبوعين.. طلعت نورة ونواعم... وأنا كنت معهن... ولا جينا إلا الساع ثنتين..مع سواق نواعم شفت فيصل عند الباب بغيت أنزل للبيت مشي من الخوف... بس مرينا من عنده ما قال ولا كلمه.. عذبة: ما شاء الله!! ما قالتس شي... !! إلا حمار... وهيس أربد وماعنده غيرة...ليش ما صفقتس لمين تعضين الأرض!! ليش ما جيتي إلا ثنتين!! نجلاء: هاااااااااااااااااااااااااااااااااااااااااااه.... كنت... عذبة: يعني كود ما أسافر... ليلوه يالتبنه.. ليش مخليته على كيفه!! ليلى: هاه... كنت نايمه..._تنظر ليلى لنجلاء بغضب_... أنا آسفه.. عذبة: يا نجلاء أنا أخاف عليتس... يعني لو كنتن مع فيصل مع تركي مجيد سلمان أي أحد ... بس سواق..لا... وش يفككن لامن وقفه أحد!! ليلى_تضع يدها بين وجهي نجلاء وعذبة_: لا تهاوشون...إسمعوا الطامه الكبرى!! عذبة: وش بعد!! ليلى: من اللي ورا الخطبه كله؟ نجلاء: أمه... خالتي أم عبدالعزيز تحب الزين والطول!! عذبة: مين؟ ليلى_تضحك_: مجيد....مجيد البثر!! نجلاء:!!!!!!!!!!!!!!!!!!!!!!!!!!!!!! عذبة: غريبة... أحسه للحين حاقد عليتس... بس مجيد رجل_وتنظر بطرف عينها لنجلاء_ و يبدي مصلحتس على كلش... نجلاء: غرررررررريبه... بس ترا نورة بعد... بعدي هالبنت تفر بلد.. وقاعدتن تجدع على إذنه إنتس حلوة وبيضاء وصايرتن وش حليلتس... أهم شي صايرتن وش حليلتس... لأنه ما كانت تطيقتس بعيشة ربي... ليلى: أدري!! عارفين كنت مو متوقعه إن نورة ومجيد وتروك ينسون لي اللي صار... طعنتهم بشرفهم ... والحين يخطبون لي ولدهم... فعلاً هم أهلنا... وماضيعنا ربي يوم خلاهم لنا... نجلاء: تتوقعين منى وش بتسوي؟ عذبة_تبتسم_: بتموووووووووووت... خليه.. دريتي... ساكنه هي وضرته بعمارة وحده!! نجلاء: مبسوطه؟ عذبة: أكذب عليتس إن قلت لتس لا.... بس أحسه للحين مجروحه من أنا وأمي وسعود... دايم تدق بالكلام... وللحين هي عاجبه عزوز... ليلى: يمه... أخاف إن طلقه رجله تجي على راسي!! عذبة: هههه لالا... تطمني عزوز عايفه.. أصلاً عاف الديرة كله عقبه وهج برا... ثمان سنين بعيد... كله عشان يهج عن طاريه بس... نجلاء: عذوب.. ليش هي منقهرة منكم؟ عذبة: يوم تشوفه أم عبدالعزيز إنهبلت عنده... وقالت لأمي أبيه لعبدالعزيز.. أمي عارفتن طبعه... قشرا وشرانيه... وما تراعي لا كبير ولا صغير... وبس تبي فلوس وطلعات والأهم من هذا إنه ما كانت تحافظ على صلاته مرة... نجلاء: طيب وش يدري أمي عنه؟! طول عمرنا برا!! وحتى يوم تتزوج ..مالنا وقت جايين للسعودية!! عذبة: يوم كنا نجتمع ببيت خالي راشد!! نسيتي نقعد بالشهر وزود.. وتشوفه أمي... ليلى: طيب ... وش صار بالضبط؟ عذبة: أمي الله يرحمه قالت لأم عبدالعزيز ترا البنت ما تصلح لعبدالعزيز... أمي ما تبي تتفشل منه بحمولته!! بس أم عبدالعزيز ركبت راسه.. طبعاً أمي ما قالت له ليش..بس نصحته.. حتى قالت لي وقلت لنجود... ونجود كلمت أبوه... وسعود بعد قال لعبدالعزيز... عبدالعزيز أصلاً ما يعرفه ولا شي فقال خلاص أبنسحب عقب كلام سعود له.. لكن أمه وأبوه ركبوا روسهم... وصار العرس... نجلاء: كان عزوز إنسحب قبل العرس وصار رجل... مو بعدين... ليلى: نجلاء.. عزوز ماتركه عشان الكلام .. عزوز عافه...تدرين شلون عافه!! نجلاء: شلون عافه... دايم أسمع العجز يقولنه... عذبة: سبحان مثل الحديث اللي يقول ما أدري بالضبط نصه بس فيما معناه إن الأرواح جنود مجندة ما تأالف منها إئتلف وما تخالف منها إختلف.. يعني غصبن عليه.. مو أحيانا تحسين نفستس ما تتقبلين ناس أبد أبد لو إيش ما صار وتلاقينهم ما سووا لتس شي.. بس غصب عليتس تكرهينهم.. ليلى: لاااااا عذوب.. مب بين الناس.. العياف يصير بين الزوجين... يعني من أول ما تدخل عليه أو يدخل عليها يكرهها... أو تكرهه... عشان كذا إنشرعت شوفة السنه.. عذبة: يا ملحتس.. أنا أوضح له الفكرة العامه حقت الحديث بعدين أبقول كلامتس الخطير... نجلاء: هــــــــــــــــــــــــــــو!! أجل لامن خطبن أحد خلوه يشوفن وأشوفه.. ليلى: حنا عادي بس.. أخاف إن أهلتس يعيون!! نجلاء: وه... روحي بس عمي ضاري حليل... وهو أهلي ... عذبة: والله مب شكله حليل عيونه تخوف... ليلى: بسم الله وش شوفك إياه!! عذبة: هههه.. شفته... وبس.. نجلاء: أيا العوبا تشوفين عمي!! قط أنتي عشقتيه!! عذبة: هـــــــــو!! نجلاء إنهبلتي.. من زينه!! نجلاء: ههههه .. أقلد هيا أم لسانين... ليلى: مرت عمتس؟ نجلاء: وع يا ملغه... إيه كملي سالفه منى بسرعة... أبي الحمام... ليلى: الله يقرفك قومي إنقلعي للحمام... لا تسوينه زي ذيك المرة .. يوم شفتي مساعد!! عذبة: أخو فهد ..رجل مها!! نجلاء: كولي تبن..كولي تبن.. خلاص آآآآآآآآآآآآآآآآآآآ ما أبي أتذكر... ما أبي حمام خلاص... كملي السالفه.. عذبة: إيه بس تراتس بتقولين لي السالفه كله... نجلاء: وعععععع ... ما أبي أتذكر... ليلى: إبداع... هجينا وخلينا الشغالة تنظف المكان..ههههههه نجلاء: ليلوووووووووه_وتمسك بشعرها_وبعدين معتس!! عذبة: ههههههههههههه.... أمنه شغالة أمي عذبة حاقده عليكم... نجلاء: كملي السالفة ما عليتس منه!! عذبة: إيه... بعد ما عافه عزوز.. ما أدري منين وصله الخبر إن حنا كنا مانبيهم لبعض... هي فهمت إن أمي هي السبب وإنه تبي عزوز لي ولا لليلى... وحقدت من ذيك المرة... نجلاء: وع من زينه أمي تحط عينه عليه... طحش كبر قريح!! ليلى: نجلاء... الرجال ما يضره كبره!! عذبة: أحلى بدينا بالمدافع!! نجلاء: وخري بس... شكل البنت خاقه... هو أنتي شفتي مليح الحلايا!! ليلى: أعرفه... إذا جاء دايم يحوس بالحديقه... عذبة: الله يعينتس عليه..تراو بيتوتي... نجلاء: وخروا!!...وخروا!!.... رجعنا لفلسفة عذبة.... بيتوتي!! ههههههههههههههههههه عذبة_بغضب_: يعني راعي قعدة بالبيت... بتطفش منه!! *********** "في غرفة نورة" نورة تسمع أمسيه شعريه للأمير عبدالرحمن بن مساعد بالمذياع, وتكتب أبيات القصيدة: عـلى مـدى الايام .. كان البحر بالنسبه لي هـــــــــو الـــبـــحــر رمــــــل .. امــواج..صــخـر كـان الـبحر بـالنسبه لـي بـس الـبحر وعـلى مدى الايام ماقد لمس فيني المشاعر الا ذاك الـيـوم.. يــوم انــك مـعـي يــومــهـا كــــان الــــوداع وكـان الـبحر دفـتر والموج بيت من شعر وبـيـتٍ ورا بـيت ومـوجه ورا مـوجه تــكــتـب قــصـيـده حــبـنـا وتــمـحـي الــجــراح بــجـراح ومـثل الـفرح فـي دنـيتي كـان الـفجر عمره قصير .. وبكل حب هدأ نسيمه وراح وتـشرق الـشمس ..لجل الخلايق كلها تقرا قـــصـــيــده حـــبـــنــا ويـومـها مـاكـان لـلـشمس أي نـور وبــعـض الـسـبب كــان الــوداع وباقي السبب انتي خذيتي .. من سماها النور ولـجل الصدق .. يومها كنتي انتي الشمس وكان البحر عينك .. ودموعك امواج الشعر وخــــــــدك الـــدفـــتــر آه يـالـقى مـاخذت مـن طـبع الـبحر ..مــالــلــبـحـر آخـــــــر آه يـالفراق .. مـاخذت مـن ذوق الـفجر يـــمـــرنــا عــــابــــر وآه يـالـعيون الـى انـا مـنها عـرفت ان الـبـحر دفـتر وان الـقصيد امـواج وان الــــغـــرام شـــاعـــر "نورة" صوت يأتي من خلفها , فتفز وترمي بالقلم: بسم الله!! مجيدوه يا .. يا حلو... متى دخلت وكيف وصلت؟ وشلون؟ .. جني أنت!! _يبتسم عبدالمجيد إبتسامه باهته_: دخلت وأنتي غارقة بالبحر.... نورة: ما سمعتك... عبدالمجيد: قلت لتس غارقة بالبحر... نورة ليش تحبين تكتبين القصايد؟ نورة: إمممممم... أحبهن... أحب لمن أفتح دفتر الغثة أبلا عبير أفتح نفسي بقصيده... عبدالمجيد: يعني أنتي مب للحين تحبين راعي البحر؟ نورة:هه..منهو.. إيه..ذيك السالفه..لالا.. بس أحب أكتب القصايد..بس... عبدالمجيد: عطي شوي من هالرومانسيه لنجلاء... خليه تحس بقلبه شوي... نورة: لو أبعطي رومانسيه عطيت نجود... رجله قمه في الرومانسيه وهي من جنبه تحبه بس ما تعرف تقوله بأسلوب...هذي مصيبه الحاسب حتى المشاعر صارت أتوماتيك.. عبدالمجيد:ههههه... خلي الناس بحاله.. نورة: بعدين من قالك إن الرومانسيه إنك تقرا شعر غزل ... عبدالمجيد: هه.. كان فيصل هو الوحيد بيننا اللي يحب الشعر.. كان دايم يشري دواوين خالد الفيصل... و سعود إذا لقى شي لبدر بن عبدالمحسن أخذه لعذبة... وأنا ما أحب الشعر ولا شي.. حد ما إبتليت بالحب... نورة: إخس... وصرت تجمع قصايد....؟ عبدالمجيد: لا.... بس صرت لامن سمعت القصيده حفظته من أول مرة... نورة: حالتك صعبه... عبدالمجيد: أبسألتس سؤال صريح... نورة: سم؟ عبدالمجيد: ليش نجلاء سوت بي كذا؟ أنتي قلتي له إني أنا اللي قايلن لأبوي إنه طقتن...؟ نورة: لا... هي ماعنده خبر بالموضوع.. بس هي منقهرة منك عشانك ما منعت أبوي... وبعدين بصراحة بصراحه .. انت دايم تقول عنه بدوية وما أدري إيش.. وأبوي.. ما يشوفه بطرف عينه... ودايم يطنز عليه... عبدالمجيد: طيب... انا قلت عنه بدوية... وش صار يعني... هي تفتخر دايم بأهله.. نورة: أنت تقول له تتطنز وهذا اللي يختلف... يعني إذا ما عجبك شي.. قلت له بدوية.. عبدالمجيد: طيب... هي تدري إنه تسوى عيوني... نورة: ياشيخ!! هي تبيك تثبت له... مو تسوى عيوني وبس... عبدالمجيد: شلون أثبت له ... وهي ردتن ووافقت على تروك .. اللي نكبه بالآخر... نورة: أصلاً..._يرفع عبدالمجيد يده لفمه مشيرا لها بأن تصمت ويرفع صوت المذياع حيث يستمر الشاعر بإلقاء أحد قصائده...: تـــخـــيـــلـــوا..!! إن الـقـصيد إلـلـي كـتبت .. كـــــل الــقـصـيـد.. أصـــبــح كـــــذب.. تـــخـــيـــلـــوا..!! أصــدق إحـساس فـزماني.. يــصــبـح كـــــذب.. تـــخـــيـــلـــوا..!! إنـي مـاكنت الوحيد في قلبها.. تـخـيلوا ..!! إنـي الـوحيد.. إلـــلـــي أبــــــد.. مـا قـد سـكن فـي قـلبها..!! والغريب .. أحبها .. إلى هلحين .. أحـــــبـــــهــــا.. تـــخـــيـــلــوا ..!! _ ...................................... وتعلو هاله من التصفيق, تغلق نورة المذياع بغضب_ يلتفت عبدالمجيد قائلاً: كنت أظن الشعار كذابين... بس ليه كل ما ألتفت حولي أشوف قصايدهم واقع... يمكن صايره لهم... بس مستحيل... كيف قلوبهم تتحمل كل هالعذاب... خيانه المرة طبع متأصل بالبشرية...المرة خاينه وما تستاهل أحد يحبه.. نورة_بغضب_: وش تقصد مجيدوه... إفهم زين... نجلاء... ما تحب تركي أوتكرهك... بس تصرفات تركي تختلف عن تصرفاتك.... تركي يبدي مصلحتهن على مصلحته.. وأنت لا... مصلحتك الأول وبعدين عاد الناس.. وياما حذرتك... وعلى فكرة ترا أنا كنت موجوده يوم نجلاء تقول لنواعم إنه ما تبي أخوه... قبل لا نواعم تقول له إن تركي فركش... عبدالمجيد_ينظر لنورة بغضب_: طيب ليه يالبرميل ما قلتي لي!!؟ مخليتن أحترق!! نورة_ببرود تعود لدفترها وتشغل المذياع_: ببساطه لأنك ما سألتن... وبعدين ... لو تبي نجلاء جد حاول مرة ثانيه... عبدالمجيد: بدوية وراسه يابس!! نورة: سبحان الله... وش لك أجل بوجع القلب والبدو.. ليش تحبه مادامه بدويه.. عبدالمجيد: أنا ما أحبه... ما أحبه... إرتحتي!! نورة: لا... ودي تتزوجون وتنتهي كل الحكايات الحزينه من حولي نهايه حلوة.. ودي.. والله ودي... عذبة حبت مشاري ومشاري طلقه... فيصل حب عذبة وعذبة تركته ويوم رجعت له خانه... وليلى حبت الزفت الحيوان مؤيد وبالآخر طلقه شر تطليقه... نجود حبت سعود وسعود مات... ومين بعد؟ إيه أنت حبيت نجلاء ونجلاء ما بغتك و...._تلتفت فلم تجد أحد بالغرفة فتكمل وهي تشير لنفسها_ وأنا حبيت بندروة ونجلاء تقول إحلقي رمشي إن أخذتيه... يا نعنبوا بليسنا عايلة!!!! القرادة لاحقنا من عمي ناصر وعجوزه عذبة!! ****** "شقة فيصل" _لندن_ عبدالعزيز يصف كتبه في كرتون , وفيصل يساعده في ترتيب الكتب.. فيصل: تدري إنك نذل؟ عبدالعزيز: أفااا.... فيصل: والله نذل... عبدالعزيز: مقبوله منك عمي... فيصل: ما ودك تدري ليش أنت نذل؟ عبدالعزيز: إذا سمحت... فيصل: ليش جيت عندي قبل لا ترجع للسعودية؟ عبدالعزيز: إيه.. شسوي العجوز حقت الشقه ركبت راسه تأجر سنه... وأنا منب قاعد إلا ثلاثة شهور بالكثير... وبعدين شقتك وسيعة... حرام أدفع حق سنه وشقتك مليانه غرف للهواء والشمس.. فيصل: شمس!! ليت بوه شمس غلقة وضيقة خلق... أووووف عبدالعزيز: وش حادك على الغربة ووجع الراس... فيصل: اللي حدك عليه ثمان سنين... عبدالعزيز: أنا أبني مستقبلي بس أنت وش لك بذا؟ لا دراسه ولا عراسه.. فيصل_يبتسم_: إيه... أنا مثل ما تشوف.... لي شغل بذا... عبدالعزيز: معليه بصير ملقوف... وش هالشغل؟ فيصل: يعني أطقطق يمين ويسار... أبني نفسي وأستقل عن فلوس عمي واليتيمات وعن إخواني.. عبدالعزيز: جايز فيصل: أحلا... بتاخذ ليلى... يا ما قلت لمجيد خذه..مير مجيد مطير قلبه بنجلوه.. عبدالعزيز: هههه.. خفيفة دم نجلاء... فيصل: هيه حجي.. لا تتكلم عن البنت الحين صارت مرة.. عبدالعزيز: طيب... فيصل: الله يعين على روحتك... زهق.. عبدالعزيز_ينظر لفيصل بنظرة ذات معنى_: منت من حالي الحين... فيصل_يرتبك_: وو..وش تقصد؟ عبدالعزيز: ولا شيء... ******** "في بيت سعد" نواعم تجلس على الأرض وتسند ظهرها على الكنب الفاخر, تهز قدميها بتوتر, يأتي تركي ويسلم.. نواعم: وعليكم السلام _يجلس تركي ويمد يده لإبريق الشاي فيصب بياله وهو يقول_: وش عند نعومتي؟ نواعم: تو أبوي متصل... من فرنسا مع الست هانم... تركي: طيب الله يهنيهم... عسى بتلزقين به مع مرته الجديدة... والله بلشه... إذا أعرست بتنشبين بحلقي!! نواعم: ولا بعد... يقولي تبين تسلمين عليه!! تركي: طيب زين سلمتي عليه.. هذي خالتس... وبتجي تعيش معنا... بتصير وحده منا!! نواعم: تخلخلت حنوكها!! تركي: أووووف... ذكرتين لدعاوي امي نورة.... نواعم: لا... وبيقعدون شهر كامل وأسبوع... تركي: نواعم!! وش فيك؟ خلي أبوي يستانس... أنتي بيجي أحد ويونسك... إلا مير شخبار أمي... أسمعه تو تكلمتس... نواعم_تنفجر باكيه_: تركي ودي أمي وأبوي يرجعون زي أول... _يضمها تركي ويقول_: أصلاً هم من زمان وهم مو متفاهمين.. بس كانوا مضحين عشاننا... خلهم يشوفون حياتهم... نواعم: تركي أمي بتتزوج.... تركي: وشـــــــــــــــــــــــــــــــــــــــــــــو!! ! نواعم: بتتزوج واحد إسمه حسين... كان ولد جيرانهم... والحين هو طبيب جراح تركي: من...من قال لتس!! نواعم: تو كلمت وقالت لي... بتتملك بكرا.. تركي: ليــــــــــــــــــــــــــــــــــــــــــــــه تتزوج!! عليه قاصر بشي!! وأنا طرطور...مو ولده... بتتملك بكرا وأنا آخر من يدري!! نواعم: تركي... أمي خايفة تزعل.. تركي: وحقي أزعل!! ليش تتزوج... ليش!! وتتزوج حسين ولد جيرانهم!! وع!! والله فشيله.. فشيله.... عقب هالعمر تتزوج!! نواعم: يا سلام... تو تقول حق أبوي يشوف حياته.. وأمي .. أحسن خل أبوي يندم إنه طلق أمي وتزوج... تركي: أمتس هي اللي طالبه الطلاق... بس.. أمي وش محتاجه... وش محتاجه!! نواعم: ولا أبوك وش محتاج!! كلهم كل واحد ماهمه إلا نفسه!! تركي: أبوي رجل!! نواعم: وأمي مرة... وش تفرق... كل واحد يبي يشوف حياته.. مب تقول لي!! ولا أزيدك من الشعر بيت... أمي بتترك الوظيفة... وبتتفرغ لتربيه عياله إثنين منهم صغار توفت أمهم... شفت عاد... تركي: والله شي!! حنا تربينا الناني ولا أم عبدالعزيز... وهي تربي عيال ولد الناس!! أخ يا دنيا... بس أمي.. شلون تتزوج!! نواعم: تركي عاد لا تصير سخيف.. وشلون تتزوج... بيجي المملك.. وبعدين بيحطون عرس وطقاقات وزفه محمد عبده بعد... وبيوزعون بطاقات على الشرقيه والرياض كللللللللللللللله تركي: لا عاد!! بعد بتحط عرس وطقطقه!! لا... أمي إنهبلت... عجوز وتصابت... يافضيحتنا!! نواعم: هههههههههههه أمزح عليك لا بيحطون زواج عائلي... تركي: أشوا... بس وشو له تتزوج أصلاً!! ****** "في الحديقة" ليلى ترسم بقلم الرصاص, ونجلاء تجلس على كرسي الخيزران وترشف الشاي بصوت مسموع, تلتفت ليلى بغضب... ليلى: أوووووووووف يالمزعجة!! نجلاء: صدز!! أزعجتس!!... والله لو صوتي دريل!! ليلى: لا والله!! خليني أخش جو!! نجلاء: تخشين جو!! هع هع هع... وشو أخش !! ولا هذي بقايا كلمات مؤيد الكفته!! ليلى_ترتبك وتقضب حاجبيها_: نجلاء.... لا تقولين كذا... خلاص مؤيد مرحلة وإنتهت... نجلاء: آسفه ما قصدت أجرحتس... بس أبسألتس... اللي أعرفه إن الوحده إذا تطلقت تكره اللي طلقه... لكن أنتن يا بنات ماجد حالتكن غريبه... كلكن ما كرهتن رجالكن ما أدري مطلقيكن.. ليلى_تنتهد وتجلس على الكرسي _: ليش أكرهه؟ نجلاء: والله يا أنتن بتجيبن لي الصمرقع!! نعنبوا بليستس جلدتس وهك عليتس وبالآخر تقولين ليش أكرهه...!! ليلى: نجلاء... مؤيد ما خدعني... مؤيد كان جد يحبني بس ما كان يثق فيني... وهذي غلطة كلنا نتشارك فيها ... ليش أكرهه وأنا سبب باللي صار بيننا... نجلاء: بالله يحبتس يصك عليتس بالشقة ويحرمتس من الدراسة وبالآخر يجلدتس!! ليلى: مهو لأنو يحبني سوا كذا... هو يشك إني ببيعه ولو إنه ما يحبني كان طلقني من أول المشوار بس لأنو يحبني صك علي... مثل الشي الغالي على قلبه وما يبيه يضيع... نجلاء: هرطقة!!! ليلى: هههههههه حلوه هالكلمة بس أدري إنها من كلمات نورة.... نجلاء: جد والله سخافه منطق... وشو يحبن يصك علي !! ليلى: أجل ليش كان أبوي الله يرحمه ما يبينا نطلع للمدرسة إلا مع أحد كبير... وما يخلينا نجلس لحالنا بالبيت!! إلا إنه يحبنا... ويخاف علينا... نجلاء: هيــــــــــه يا آنسه !! مدري مدام... فرق بين إنه يخاف على ويخاف من!! ليلى: ما تفرق واجد... نجلاء: لا حبيبتي تفرق فرق السماء عن الأرض... أبوي كان يحبنا ويقول أخاف عليكن... ما يقول أخاف إنكن تواعدن ولا تطلعن!! عمره سأل وحده منا من تكلم !! زي ما يسوي الخبل مؤيدوه... ليلى: لأن أبوي كان يعتقد إننا بزران... نجلاء: لا.... كانت عذبة مراهقه.... كان يقول له قبل لاتطلع... ديري بالتس من المهبل.. ولا تمشين إلا بالشوارع الرئيسيه... ولا تتركين يد كاميليا... تذكرين الكلام اللي كان يقوله لكاميليا!! عمره ما قال إنتبهي لا يروحن البنات... يقول له إنتبهي لأحد يتعرض لهن... لا أحد يتكلم معهن .. بس إذا كنا معه نتكلم مع الناس كله ولا يمنعنا أو يسمع حنا وش نقول.. الأهم إننا نكون حوله وتحت نظره... لأنه فعلاً يخاف علينا ويثق فينا... ليلى: تخيلي لو اللي سويته بوجود أبوي وش سوا؟ نجلاء: اللي سوته عذبة بيطلع بأقل الخساير... خسارة زواج ولا خسارة سمعه وشرف... ليلى: بس بيأثر في تعامله معكم...راح تهتز الثقه الللي يعطيها لنا... نجلاء: أبوي يعطينا ثقه... بس ... بحدود... صح ما كان يفتش أغراضنا لكنه كان قريب هو وأمي منا... يدخلون غرفنا دون ما يستأذن... يسولفون عن كل شي ويراقبون كل شي... لو كنتي تجلسين بغرفتس طول هالوقت تتوقعين بيسكتون!! لا.. بيعرفون السبب بطريقة أو بأخرى... أما عذبة إنشغلت بالمشاكل عنا... صح هي حاولت تحافظ علينا من الناس... بس ببعده عنا ماقدرت تحافظ علينا من أنفسنا!! صح...؟ ليلى: والله إن جيتي للحق... أنا المسؤلة عن الغلط مو عذبة... نجلاء: هو صح أنتي الغلطانه... بس عذبة تتحمل جزء من المسؤليه... كلكم راع وكلكم مسؤل عن رعيته... ياما قلت لها إن مقابلك النت أربع وعشرين ساعه مو طبيعي.. كان عالأقل تقربت تعرف وش فيه... كان يوم شافت فيه شي مو طبيعي دورت... وهنا يجي الخوف الصحيح... الخوف عليتس مو منتس... لكن يوم إكتشفت الحقيقة ومتأخرة ما لقت بيده إلا إنه تتعامل بمدأ الخوف منتس...مو عليتس وطبعا بسبب عنادتس وإصرارتس... هي كانت عارفة إن الزواج محتوم الفشل وسمحت فيه مضطرة لأنه خافت منتس تشوهين سمعتس وسمعه العايلة كله وما تنلام ... ليلى: يوه... ما أبي أعيد التجربه.... تعبت منها... أقسى درس تعلمته بالحياة... نجلاء_وترشف الشاي_: وشو الدرس اللي تعلمتيه؟ ليلى_تتنهد_: آآآآآآآآآه مثل ما قال الطنطاوي الله يرحمه... نجلاء_تلتفت_: يا حبي له!! تذكرين أمي فرح ماتبيع ولا تشري فيه... والله إن سواليفه وناسه... إيه صح مير... وش قال الطنطاوي.... ليلى: يقول إن الزواج اللي يبنى على الحب مثل العمارة اللي تبنى على أساس من الملح في مجرى الماء.... نجلاء_تنتهد_: إيه... الله يرحمه...بس الحب حلو بالحياة بين الزوجين...مب؟ ليلى: صح هو حلو... بس ما يكون أساس... يعني لمن تحبين واحد تنعمين عن كل عيوبه... وتوافقين...بس بعدين تتورطين وتكتشفين إن الحب كان نظارة قاتمه أخفت كل جوانب السوداوية فيه... نجلاء: توقعين الحب أقوى قبل الزواج ولا بعده؟ ليلى_تبتسم_: ما أدري... بس إذا الزوج فيه كل الأشياء اللي تبينها.. وأهلك عاجبهم ورجل صح.... تجمعين بين الثنتين حب وزواج متين... وحتى الحب اللي بعد الزواج عاده يكون أمتن من اللي قبله... سبحان الله... الله قال إنه جعل بينهم موده ورحمه... تلفتي وشوفي حولتس...شوفي نجود مثلاً هي وخالد... لا يعرفها ولا تعرفه... بس الحين ... ما شاء الله عليهم... نجلاء_تضع رجل على رجل وتبتسم_: إيه ما ندري عن التجربه الجديده؟!! ليلى: إممم ما أدري... بس أكيد ما راح يكون زي مؤيد... نجلاء:شلون؟ ليلى: مؤيد يموت فيني... تصدقين إنه كان يغسل المواعين معي... وهو اللي علمني الطبخ.. ويدلعني... بس.... نجلاء: شوفي ما من وراء عزوز تدليع... صح هو رجل.. وماعليه عيب.. بس والله تراو دغري!! مافيش دلع ولا خراط... هذا مب كنه عايش برا بالجو والطبيعة إلا كنه جاي من البر... نعنبوا بليسه ما يهزه شي... تخيلي ..تخيلي نورة ذاك المرة بتطلع وعيا عليه يقول وشو لوه تروح لناس ما نعرفهم... وما كان فيه غيروه بالبيت هو ومجيد ... وتصيح.. وتصيح تبي تروح لجمانه ويلقعه ولا يلتفت... مجيد رحمه قال "خلاص إنفضحت تسبده من الصياح خله تروح..." ولا حتى يرد عليهم... والله مجيد حول يصيح معه... تفحط وتفحط ولا كن الجدار يسمع... ليلى: وعيا عليه؟ نجلاء: وش رايتس.... ؟ إيه لحد ما جت 911 وقالت خير ومن متى وأنت تومر على بناتي!! وخلته تروح... بس ياهو خزه بعين... وماصار يكلمه... ليلى: يؤ!! الحين جت عمتي أم عبدالله... وخلتها تروح ... وزعل عبدالعزيز!! نجلاء: إيه... ورجع لبريطانيا وهو ما يكلمه... الله يعينتس عليه زعووووووووووول وخثقه... ليلى: أغدي شدته على خواته بس... ترا كثير مبهذلين بخواتهم ولامن تزوجوا تغيروا...صح؟ نجلاء: ما أدري!! *********** "في المستشفى" تركي يسير في ممرات المستشفى وتعلو وجهه تقاسيم الإحباط , تمر إحدى زميلاته الطالبات... الطالبه: Hi … oh are you sad? تركي_يبتسم بسخرية_: no… I'm so happy.. الطالبة_بدلع_: really.. I can not see that !! تركي: Sure... because your face cases all the sadness in the world الطالبة_بدهشة_: أفااااا دكتور ...ليش؟ تركي_يسير خارجاً_: شوفي ذيك المراية وتعرفين ليش... _ضحكت إحدى المراجعات والتي كانت تراقب الموقف وغضبت الطالبة بينما تركي لم يعير أحداً إنتباهه وخرج من البوابه الزجاجية الكبيرة وجلس على كرسي الحديقة وأخرج جواله وإتصل بوالدته_ تركي: ألو .. يمه... منيرة: هلا والله تركي... شحالك؟ تركي: أنا طيب بس جان خبر يسم القلب... منيرة: بسم الله عليك عيوني... وشو؟ تركي: لا تسوين نفسك ماتدرين!! منيرة: إيه خبر زواجي..؟ تركي: وأنا آخر واحد يعرف!! منيرة: أنا وقررت .... وأنت متى ما عرفت ما فرقت يعني إنت بتتزوج معي!! تركي: من حقي أعرف ... ولا أنتي مو أمي!! منيرة: ولأني أمك أنا اللي أقرر... تركي: لا!! أنا حقي أعرف منهو الزفت اللي بياخذ أمي... أنا المسؤول عنك... منيرة: عشتوا!! الحين ربيتك عشان لامن كبرت تكسر خشمي!! تركي: ماعاش اللي يكسر خشمك... بس أحب أقولك شي... أنتي ما ربيتني... أنتي رميتيني للناني تربيني... حتى الحليب اللي كنت أرضعه ما كنتي تعرفين إسمه... صح!! تذكرين يوم تجي أم عبدالعزيز وتسأل الناني عنه ولقت إنه ما يناسبني... وأنتي إيقالك طبيبه ووخر بس.. ما دريتي عني ولا هميتك... منيرة: إيه وأم عبدالعزيز فرحانه لقت علي شي .... وأنت تعينها إنها تتطمش علي!! تركي: هي ماقالت إلا الحق... ولولا أم عبدالعزيز بعد الله ما صرنا شي... أنتي همك دراستك ومؤتمراتك وأشياءك اللي تشخصين فيها عند الناس... وأم عبدالعزيز اللي تلمزينها بين وقت والثاني إنها مو مثقفة ولا تعرف تتكلم زين... أهم شي عندها تشخص فيه عيالها... وفعلاً هي اللي نجحت وأنتي اللي فشلتي!! منيرة: وأنت مكلم عشان تعاير أمك!! تركي: لا والله بس حبيت أوضح لك الصورة... وأبقول لك شي... أنا ولدك صح صرت طبيب زي ما تبين لكني ما صرت رجل... منيرة: تركي!! أنتا أرجل الريايل!! تركي: لو أنا رجل ما كان عرسك خبر من عرض الأخبار اللي تنقل لي من الناس... لو كنت رجل كان عملتي لي حساب وقلت للي يبي يخطبك رح لولدي خله يقابلك... لكن أنتي ما طلعتي رجل تعتمدين عليه بزواجك صح!! منيرة: تركي... مو هذا قصدي بس ... أنا وافقت عليه بناء على شروطي... ما أبي أعيد تجربتي مع أبوك... تركي: أبوي!! وش خسرتي أنتي من تجربتك مع أبوي!! أبوي هاللي ما ملى عينك حبك من قلبه وحب لك الخير ... يمكن إهو ما إختارك لكن يوم تزوجك عزك ولا هانك بيوم... وحتى يوم طلبتي الطلاق طلقك... لأنه يحترمك... وعلى فكره أنتي كنتي مقصره مع أبوي مو هو اللي مقصر معك!! أبوي طلع من بيت المره فيه تقدس زوجها وتقدره... وبالمقابل هو يحترمها ويكد عليها ويعتبرها أغلى ماعنده... أبوي عاملك بمثل ما رجالهم يعاملون حريمهم لكنه ما إنتظر منك تعاملينه بالمثل... طول عمرك سفريات وروحات ومؤتمرات وخرابيط وبيتك وزوجك وعيالك آخر شي عندك... وكله بكوم ويوم طلبتي الطلاق كوم ثاني... بدل ما تقولين له شكراً ... حطيتيه المذنب... وهو ما زال يعطيك وما يقصر... لأن غلاتك من غلات عيالك اللي أبد ما تموت بقلبه... منيرة: وغلاته من غلات عيالي!! تركي: لا... غلاته مو من غلات عيالك... غلاته من غلاة مركزك الإجتماعي... والوظيفه ....وآخر ما فكرتي فيه عيالك... ويوم مليتي من الوظيفه والتشخيص إنك مرت سعد رجل الأعمال المشهور.. خلاص ماله داعي بحياتك... سعد صار من الأشياء اللي مالها لزمه...صح يمه!! والدليل إن الوظيفه الحين بتتركينها عشان تربين عيال الناس... وعيالك راميتهم للخدم ولحماتك تصدق عليهم بشويه حنان وإهتمام... منيرة: تركي... انا ما أبي أعيد غلطتي بزواجي الأول... تركي: لا... أنتي بتجربين تجربه جديدة... يمكن هي غلطه... بس كان الأولى إنك تكفرين عن غلطتك بحقنا وحق أبوي... مو تكفرين عنها بحق الزوج الجديد... وتجرمين بحقنا زود وزود.. وعلى فكره ... إذا عندك نيه تجيبين عيال منه... أنا لازم أعرف منهم اللي بيصرون إخواني.... أظن هذا من حقي... أو إذا أنتي ما تبيني أتدخل فأنتي تتبرين مني بشكل غير مباشر... منيرة: أنت ولدي!!! تركي: وأنا ما أبي يصير لي إخوان ما أعرف من أبوهم ولا أصلهم وفصلهم... منيرة: كلم خالك محمد... هو اللي سأل عن الريال... تركي: ماني مكلم واليوم أنتي بتتملكين!! وش له داعي... يعني عجبني الرجال أو ما عجبني متزوجته متزوجته!! منيرة: صعبه أأجل الملاك... تركي: والأصعب تخسرين عيالك... منيرة: تتخلى عن أمك!! تركي: أمي هي اللي ما تبيني شسوي بنفسي أنا !! منيرة: طيب... أبرد عليك ... إذا رضى..... تركي: مو شغلي يرضى ولا لا... خير إن شاء الله انتي تترجينه!! صيري ثقل... لامن قال ما أقدر قولي ما أقدر....تبيني ولا إذلف باللي ما يردك!! منيرة: طيب..طيب لا تصارخ!! مع السلامه خلني أكلم محمد... تركي: الله ياخذ هالمحمد كل البلاء من تحت راسه!! منيرة: يمه هذا خالك!! تركي: مع السلامه يمه....عندي شغل... ********** روح زايــــد مشاهدة ملفه الشخصي إرسال رسالة خاصة إلى روح زايــــد البحث عن كافة المشاركات المكتوبة بواسطة روح زايــــد إضافة روح زايــــد إلى الإتصالات الخاصة بك {[ لا إله إلا الله وحدة لا شريك له له الملكـ وله الحمد وهو على كل شيء قدير ]}88 28-11-2009, 09:12 AM روح زايــــد ©؛°¨غرامي نشيط¨°؛© رد: انا الضحية و انا الجلاد -------------------------------------------------------------------------------- "الجزء الثالث والأربعين" "القصيم" خالد: نجيده... هاه نجيب من برا؟ نجود: خالد...حبيبي الله يخليك...ما تقدر تقول لأخوك... والله تعبانه... خالد: ياحياتي شايفن إنتس تعبانه... بس صعبه أقول لأخوي مرته مدرسه...و..وساكن ببريده..صعبه على أهلي ينزلون ببريده همن يجون .. صعبه.. أمي وعمتي وأبوي تعبانين بيصيرون.... أنا منب مكلفن عليتس... أجيب كلش من برا... نجود: خالد... _تمط شفتيها وتشيح بوجهها_ خالد_يمسك بكتفيها ويشدهما نحوه_: نجيده قلبي... عشاني ...هذولا أهلي ما أقدر أتعبهم وهم كبار... حنا شباب نتحمل... بس هم... _يرفع وجهها بيده ويقبلها_ خلاص يا نجيده... بس أنتي سوي القهاوي... وبوه الشغالة تساعدتس... نجود: وأنت أصلاً مشاورن!! خلاص ... خلاص... أنت تفصل وأنا ألبس.. _يدخل أصابعه بشعرها وينكشه وهو يضحك_ خالد: بعدي والله...كذا الحريم السنعات.... ********** "في غرفة نورة" يرن الجوال , تتلمس نورة الجوال وترفعه بتثاقل قائلة: أووووووف يا النشبة ذي!! _ترفع رأسها وترد بصوت ناعس_: ألو... نجود: هلا والله!!... نوير نيمه للحين!! وجع ما تشبعين أنتي... بيذن العصر... إيه هذي الفضوه.. نورة: يالله صباح خير!! نجود: وأي صباح والساع ثنتين ونص... نورة: إنجزي ... وش عندتس؟ نجود: نورة إحمدي ربتس ماتزوجتي... نورة: أفاا... قط خلودي مزعلتس... ؟ نجود: لا... بس خالد مايراعي إني أتوحم...تخيلي بكرا بيعزم خواته الكبار وأبوه وعماته بيطبون من مكه عندي... وأنا رجلن بالصاله ورجل بالحمام... وه شلون الرجال أنانين ومايهمهم إلا مصلحتهم... نورة: أوف...أوف!!! أناني!! مرة وحده...لا ماله حق...خلودي عودتس الدلال وخربتي... نجود: نورة عاااااد!! أنا أتكلم جاده... نورة: طيب ... هو سألتس...؟ نجود:إيه... يسأل ويسوي اللي بباله... نورة: هههههه هذولا الرجال... بس أنتي وش قلتي له؟ نجود: قلت له لا... خلهم عند مرت أخوك... بعدين ركب راسه... ويقول لا تسوين شي... أبجيب من برا... وخطط وفصل ولا بعد إيقالنه مشاورن... نورة: يالخبله... وأنتي قلتي لا!! تعبانه ... خل مرت أخوك!! نجود: إيه وش تبين أسوي!! نورة: يا ملحتس لامن صرتي غبيه... إسمعين يالخبله... أنتي عارفتن إن خالد أهم ما عليه أمه وأبوه... نجود: مب أمه ... عمته... نورة: وه... بس هي اللي مربيته... ماتفرق.. إسمعين وخليتس مره... إكسبي الرجل بأهله... خلتس ذربه وسنعه... وش بتخسرين يعني لو قلتي له أبشر من عيوني أهلك إن ما شالتهم الأرض تشيلهم عيوني... وش تخسرين.. أنتي عارفتن إنه عنيد وبراسه موال بيغنيه... يعني هم جايين جايين... كان كسبتي قدر عنده .. بدل ما تزعلين وتقولين مرت أخوك ومرت خالك!! نجود: هــــــــــــــــــــو!! مافكرت به ذي... بس هو المفروض يشوفه من نفسه.. نورة:خلينا من المفروض تعاملي مع الواقع مب مع اللي مفروض يصير... هو شايف إنه صعبه يحطهم عند أخوه... وأنتي بدل ما تراعينه وتسايرينه تزعلتي والمفروض ومالفروض.. ترا بيحط بقلبه لو ما بين... هو يمون عليتس مالا يمون على أخوه.. أو إن أهله ما يبون مرت أخوه ذي... أو أي شي يخليه يصر على رايه.. بس هو ما يقدر يقول لتس... نجود: طيب... نورة: المفروض إنتس قلتي له ولو إني تعبانه وأتوحم بس التعب يهون وأرضيك.. نجود: نورة يالجنيه ما جت ببالي... طيب هم الحين بيجون بكرا... وأنا ما إستعديت... مرة مالي خلق...عاد هو بيجيب كلش من برا.. بس علي أرتب البيت وأوجه الشغاله... نورة: وشــــــــــــــــــــو!! تجيبين من برا!!!!! نجود: وه يا نورة !! لا تقولين عاد إطبخي... أنا زهقانه !! نورة: إيه إطبخي... ذولا لامن عزموا مدوا السماط من ذا لذا... ولمن تجيبين من برا وش بيقولون ... بيقولون إيه...ياعمري يا ولدنا على هالرفلاء.. اللي طول عمره متعودتن توكل توكيل.. ياخبله أنتي الحين تحت المجهر... وهذي أول عزيمه... وبيحطون بالهم إنتس ببيت أهلتس ماتطبخين ... فلا تخلين حمولتس ياخذون عنتس فكرة شينه.. نجود:يمه... بس مابي حيل أتزهل عزيمه والله لو بي حيل مب مشكله.. ليتي ساكنه بالرياض... نورة: إسمعين... عندي فكره... نجود: وشي يا أم الأفكار.. نورة: الحين كلمي خالتي موضي... قولي له تقرص لتس... وتكزه وخالد مب بالبيت... وكلمي ندى بنت خالتي هيا... خليه تزين لتس ورق عنب... و...إمممم عاد شوفي وش تقدر تسوي معه... نجود: هــــــــــو!! أستحي... نورة: لا تستحين... أصلاً خالاتي كل مايصير عند وحده عزيمه.. كل وحده منهن تاخذ شي تسويه.. ولا بعد يكزن شغالاتهن وبعض البنات... والله ترا يفرحن .. ذولي خالاتس... نجود: طيب ... ما أجيب قرصان من برا ... وأطبخهن بالبيت.. نورة: لا... خالتي بدريه ذاك اليوم تقول إن القرصان إن صار من برا ما ينفع... نجود: إخس... وش تفرق؟ نورة: والله إتصلي عليه وإسأليه... نجود: بس الحين دايخه ... ما أقوى أصلب طولي ... نورة: أقول أها عن الدلع.... شوفي يا مره... الحين خلي الشغاله تبدأ بحلى.. همن لامن أحريتي جيه خالد قومي للمطبخ وكمليه... عشان لامن دخل يشوفتس وأنتي تعبانه تشتغلين عشان أهله... بس عاد لا تسوين نفستس نشيطه... عشان يحس بالتضحيه... همن قولي له ما أبي شي من برا كلش بسويه هنا... ولامن قال ليش... لا تقولين يالخبله اللي قلت لتس.... وتخرين الطبلون بيعيي وبيجيب من برا.. قولي له ... مايصير جاين من سفر وياكلون من برا... ما تحمل كبودهم الدهن ... نجود: نورة يا خطيرة... جد أنتي قصيميه أباً عن جد..بس منين جبتي هالدهاء!! نورة: هذا موب دهاء..هذا إسمه حسن تعامل... وإجلسي مع خالاتي بس يومين تطلعين بشهاده أكاديميه بالحشيمه.. بس لا تسوين كل اللي يقولونه ... تراهن يدلعن رجالهن بزياده... بعدين يركبتس خالد... نجود: نورة .... كم شكل أسوي؟ نورة: أنتي لا تسوين إلا الرز والقرصان... أنتي تعبانه... بس لا تطلعين من المطبخ... يعني قطعي السلطات وأشغلي نفستس بشي .. سوي أشياء خفيفه... إيه... ندى خليه تسوي لتس شكلين من المقبلات... وإذا بعد بتتكرم وتسوي زياده مافيه مانع.. وخليه تكزهن أول ما يطلع خالد بكرا لدوامه.... عشان يمديتس تزبطين الدنيا وكأنتس أنتي اللي مسويته... نجود: طيب والحلى؟ نورة: شوفي.... ما كثر الله إلا من الحلى ... إفتحي عالم حواء وإنقشي لتس كمن شكل... وخلي الشغاله تسويهن... وأنتي ناظريه... عشان لا من سألوا الحموله تعلمينهم عن الطريقة ويقالنتس أنتي اللي مسويته... وإيه بعد... ترا خالتي بدريه تسكب المكرونه بالشاميل أطعم من أي شي... خليه بعد الله لا يهينه تسوي لتس... نجود: نورة... انا مكلمتس أبشكي لتس وقلبتي راسي!! يمه يا نورة تخوفين.... والله الظاهر يا نوير بتاكلين قلوب حمولتس... عطين دروس أنا أدربي دميجتي على عماي... نورة: عشان بس تعرفين قيمتي... إيه إسمعي آخر شي... نجود: وشو بعد؟ نورة: خلين أكلم هيله... تجيتس بدري... عشان تصف السماط وتقلط معتس وتقدم... أنتي تعبانه... أخاف تفنقسين عاد وننفضح... نجود: إيه... هيله... أستحي منه.. وش أقول له... تعالي عاونين!! نورة: لاحووووووول أنا قلت لتس أنتي قولي له!! نجود: أجل!! نورة: أبكلم نجلاء وأبشكي له إنتس تعبانه... وليت هيله تعاون أختي المريضه اللي رجله عزم أهله... ونجلاء بتكلم عليه وبتقول لو تروحين لنجود إنه فرثا وتعبانه... وعنده خوالتس ... ليت تجيت بدري تعاونينه... وهيله طبعاً ما تقصر... وأنتي عاد سوي نفستس متفاجأه إنه جت... وإشكري له فزعته... ويا دار ما دخلك شر.. نجود: والله يا النوري... منتب سهله... ياحبيلتس بس... ياحوووووول اللي ماله خوات... نورة: مب أي خوات... يحول اللي ماله خوات سنعات مثلي... نجود: إيه والله يالله بروح أقول للشغاله تبدا بالحلى وأبدور حلى زين..مير ما تخبرينلي حلى!! نورة: وش قالوا لتس عندي رجل وأطبخ له... ياجودي إن دخلت المطبخ أقول للطباخه تسوي لي شي حلو!! عمى صدقت ذي إني ربه منزل...ترا ما أنا إلا دبشه بالمطبخ!!.. نجود: بسم الله قلبت العجوز!! نورة: أقول تقلعي أبكمل نومتي.. إيه صح... لامن جيتي لزواج عزوز... ترا بتسوين لي حلى...بدل أتعاب نجود: أقول بدينا بالمنه...مع السلامه... ****** ________________________________________ ****** "غرفة ليلى" تجر نجلاء فستان ليلى الأبيض وتمط شفتيها قائلة: ليلى... أنتي متأكده إنه مقاستس؟ ليلى_وهي ترتب أدوات التجميل_: إيه... جربته...مره مقاسي... نجلاء: ما أدري .... يووه... والله إنه مادخل مزاجي... من يوم تختارينه ... ليلى: أهم شي عاجبني...._يرن جوال ليلى_ نجلاء: من اللي دق ليلوه...وراه الوجه حمر!! أشووووووووووووه... _تجر جوال ليلى_ كلوكلوكلويش!! زين فكر عزوز يتصل!! توه يقوم من الغيبوبه...هههههههههههههههه _ليلى صامته وتنظر للرقم_ نجلاء: هيه... ردي!! ليلى_بصوت متهدج_: خايفه.... ليش توه يتصل.... من إسبوع مملكين... وش يبي الحين؟ نجلاء: أقول ردي قبل ما يقطعه!! ردي ولا أبرد أنا!! _يصمت الجوال_ ليلى: وه نجلاء: خبله..... ليلى: أستحي.... وش يبي الحين؟ من الملكه وهو مقزز وتوه يفطن!! نجلاء: لا يصير بس عايف!! ليلى: لا... يوم دخل سلم عادي وسولف ... حتى يمزح ولا كأن جنبه مره غريبه... كأنه أنا ليلى البزر... حتى وهو بيشربني العصير كب على ثوبي... وأخذ منديل وقال لي إمسحيه وهو يضحك... وطلع على هالطلعه... وش يبي الحين؟ نجلاء: يمكن إشتاق لتس؟ ليلى: تشتاق له العافيه ... بس أنا ما إشتقت له... نجلاء: إخس... _يرن الجوال مرة أخرى_ نجلاء: ردي يا بنت وخلي عنتس العناد... ليلى: لا _أخذت ليلى الجوال وفتحت المكاله على المكبر_: ألو...ليلى... _تعض ليلى شفتها بغضب بينما نجلاء تسد فمها لتواري ضحكها_ ليلى: نعم... عبدالعزيز: هلا والله ... وش أخبار الحلوين؟ _تشد نجلاء يدها على فمها وهي تحاول أن تكتم نوبة عارمه من الضحك_ ليلى:أ..أل..الحمدلله... عبدالعزيز: عندتس أحد؟ ليلى:هاه.... عبدالعزيز: ليش يالله تتكلمين بوه أحد عندتس؟ ليلى: إيه..... عبدالعزيز: أها... زين أنا أبي أجي أشوفتس... أقدر أجي الحين؟ _تنظر ليلى لنجلاء مستفهمه, فأشارت نجلاء لها بأن ترفض_ ليلى: لا... عبدالعزيز: أفاااااااااااا... ليلى: مو... بس..الحين...صعبه.. خلها المغرب... عبدالعزيز: المغرب...المغرب... إلا صح... لا تلبسين وتكلفين على نفستس ... أنا أبجي بالحديقه ومانيب مطول... فنجال قهوه وأنا ماشي... خلاص ...؟ ليلى: خلاص...أنا...أنتظرك... عبدالعزيز: بأمان الله... ليلى: مع السلامه.........._ترمي الجوال على الأرض وتتنهد_ نجلاء: أحلى يالحياء............... حلوه الحمرة الطبيعيه.... ليلى: وش يبي؟ أبقعد لمين لمغرب على أعصابي!! نجلاء: لا... صيري بعد مطيورة وأول ما يقول لتس أبجي قولي تفضل... وبعدين ناظري شكلتس بالمرايه... خاطه هالبلاء على وجهتس.. وشعرتس عليه صاع دهن!! ليلى: إيه صح..... نجلاء: إخس... هذا وهو عارف إن عندتس أحد... لو ما عرف وش قال؟ ليلى: قال عندتس أحد ماقال محطوط على السبيكر ونجلوه الملقوفه تسمع!! لودري كان صك السماعه... نجلاء: عزوز ما يهمه.... بس أنتي اللي رحتي في خرايطها...هههههههههه *********** "بيت سعد" تصرخ نواعم : وين رايح السواق!! _تأتي زوجه والدها "سارة" مسرعه_: تبغين السواق الحين؟ نواعم: لااااا أبيه بكرا... وين راح؟ أدق على غرفته ما يرد... وجواله مشغول... سارة: معليش نواعم... أنا ... أرسلته... أمي وأختي يبون السوق... أبكلم عليه يرجع... نواعم: لا والله!! رايح لأهلتس بآخر الرياض... ومتى بيرجع ؟ سارة: حقك علي ... مادريت إنك تبغينه... توقعت إنك بتنامين الحين... نواعم: أنام ما أنام ما أحد له شغل بسواقي... يختي قولي لأبوي يجيب لك سواق ولأهلك سواق وخلي سواقي لي!! _في هذه الأثناء يدخل تركي قادماً من دوامه, سارة بوجهها الطفولي الجميل وملابسها الأنيقه, تقف وجله بينما نواعم مستشيظه غضباً , وتصرخ وتتوعد_ تركي: نواعم!! خير تصارخين على خالتي سارة؟ نواعم: خالتك مو خالتي... وبعدين شلون أقول لوحده كبري خاله.. شكلك يضحك وأنت تقول لها خاله... تركي: نواعم!! وش السالفه..؟ سارة: ياربيه... نواعم خلاص حصل خير... هذا السواق بيجي أكلمه الحين... _وترفع السماعه وتتصل بالسائق, يتقدم تركي ويقطع الإتصال وهو يقول_: مو الأول نفهم السالفه.. نواعم: ووووه... كزت السواق لأهله ..وأنا أبي الحين أروح لبيت خالتي أم عبدالعزيز... أبسلم على أمي نورة وأم عبدالعزيز وأروح للبنات مجتمعين عند بيت عذبة.. وعلى بين ما يجي السواق إلا البنات شربوا القهوة... بيجي من جنوب الرياض لشمالها... وخذ زحمة شوارع وحالة.. أوووووووووووووف سارة: والله يا تركي مادريت إنها تبيه... لو أنا داريه ما أرسلته... تركي: نواعم لا تصيرين سخيفه.... أنا أوديك من بعد بيت أم نورة عاد!! نواعم: لا... أنت تعبان توك جاي من المستشفى كارفينك كرف... وتبي تمسك فراشك بس.. ما أبي أتعبك.. تركي: عادي...مابه تعب بس إمشي... نواعم: مانيب ...... تركي:طيب دقي على نورة ترسل لك سواقه!! نواعم: أوووووووووه تفشلت منه من كثر ما أدق عليه اليوم... وبعدين نورة مرسلته يجيب له غرض...تو قالت لي.. سارة: طيب عذبة... عندهم سواقين .... ماترسل واحد لك...؟ نواعم_تنظر لسارة بطرف عينها_: إسمعي ... أنا هالحين أبروح أكلم عذبة... بس آخر مرة تصرفين بسواقي بدون إذني فاهمه؟ تركي_يجر نواعم بيدها نحو الباب ويخرجها للحديقة ويغلق الباب خلفه_: نواعم... إستحي على وجهتس يا حيوانه!! أنتي ما تحترمين أحد... نواعم: لا أنا ما أحترم سراقات الرجاجيل.... تركي_يشد يدها بقوه_: هي ما سرقت أبوك أبوك هو اللي طق بابهم وخطبها... ولوما حاجه أهله والديون اللي على أبوه ما رضت تتزوج واحد بعمر أبوه... فاااااااااااااااااااهمه... حطي نفسك مكانها.... نواعم: أأأأأأأي.... يدي.... تركي: شوفي يا نواعم... لو فيها شر كان طيرتك من البيت... مير إحمدي ربك إنها متحمله قله أدبك... فاهمه... نواعم: أي... طيب قل لأبوي يجيب له سواق ... تركي: أكيد بيجيب عشره بس يفتك من لسانك.. ******* ******* .............................................. |
"في الحديقة" يجلس عبدالعزيز على كرسي الخيزران ويضع رجل على الأخرى, يهزها بتململ, نورة ونجلاء يراقبنه من شرفة غرفة عذبة, بينما ليلى تقف متوترة بالمطبخ... ليلى: عذبة... ما أبي أروووووح _ترتب عذبة جلابية ليلى التركوازية, وتسحب خصلات شعرها من خلف إذنيها وهي تهمس_: لا تحطين شعرتس ورا إذانتس ..تطلعين تقل عنز..!! ليلى: وش يبي؟ عذبة_بشقاوة_: مشتاق لتس... الله الله يذكر أيام الشوق بالخير... ليلوه عيشي هاللحضات قد ما تقدرين.. هذي أحسن أيام العمر ... أيام التدليع... ليلى: وه... مامن ورا عزوز تدليع... عذبة_تشد يدي ليلى وترفع عينيها لتلتقي بعيني ليلى_: مافيه رجل ماعنده تدليع... لا تصدقين كلام نجلاء ونورة عنه.. أنتي وشطارتس.. تقدرين تخلينه خاتم بيدتس... عبدالعزيز إنسان.... وأكيد له نقاط ضعف... حاولي تستفيدين منه... يالله ... روحي ... مل الرجال... _تسحب عذبة الصينية من يد الطباخة وتمدها لها _ يالله يا أحلى عرووووووس من قدك.. عزوز ينتظرك... هههههههههههههه الطباخة: مدام عزبة... خليني بساعدها... تاتوصل بالسلامة... خايفة تفلت الصينيه من إيديها... عذبة: لا أنا أشيله هاتي... _تأتي من خلف ليلى وتدفها بالصينيه_: يالله بسررررعه........ _عند باب البيت, تمد عذبة الصينيه ليلى وتهمس_: يالله... الله يوفقتس... _تخرج ليلى وتصل للطاولة المقابله لعبدالعزيز, تضع الصينية على الطاولة يقف عبدالعزيز ويصافحها, يشد يدها لتجلس على الكرسي الآخر_ _في غرفة عذبة_ نورة ونجلاء تطفئان أنوار الغرفة وتقفان بالشرفة , تراقبان المشهد نورة: خخخخخخ شوفي عزوز يسلم بحرارة...يا حليله أخوي... نجلاء: لاعاااااااااااد شوفي ليلى وجهه ضاع... نورة: هع... داخ عزوز مع هالتركواز...والعيون المكحولة... شوفيه ... نجلاء: ليلى تضحك... وش قال له؟ _تدخل عذبة_ عذبة: هو!!! بنات وش بكن... يافرعونيات قاعداتن تراقبن ليلوه!!! نورة: تعالي لا يفوتس... أنا ما أستبعد أي شي يصير الحين... نجلاء: تعالي شوفيهم... عذبة: الحين أنتن مب حرام عليكن والله ترا هذا تجسس.. نورة: أجل ليش جايتن تركضين!! عذبة: هااااااااااااااااه!! أنا جايتن لغرفتي... وبعدين من أذن لكن تدخلن غرفتي!!! نجلاء: نورة تعالي.. تعالي للصالة .. نطفي اللمبات ونشوف وجه عزوز... _تركض نجلاء وتتبعها نورة_ عذبة: هيه... إستحن على وجيهكن... هين بس خل دوركن يجي أوريكن!! ******** ________________________________________ "بيت سعد" تجلس نواعم على السرير و تتصفح مجلة , يدخل تركي ويرمي معطفه الأبيض على سرير نواعم ويسحب كرسي ليجلس مقابلاً لنواعم, ترفع نواعم بصرها وتعود لتتابع القراءة, يجر تركي المجلة وتمسك بها نواعم, يشدها ويشد معها نواعم فتسقط على الأرض, يرفع المجلة ويرمقها بنظرة إستحقار ويرميها خلفه, تصرخ نواعم: هيه... خير أنت داخل غرفة ولا حلبة مصارعة!! تركي: لمن ماتقدرين اللي يدخل عليك تستاهلين اللي يجيك!! نواعم: مو الأول أنت تحترم نفسك وتطق باب الغرفة قبل ما تدخل!! تركي: كان الباب مفتوح على مصارعيه...مهجوج على ما قالت أمي نورة... نواعم: أووووف هذي سارة طلعت ولا قفلت الباب...هالمرة همجيه ما أدري متى بتحترم النظام... تركي: نواعم... لا تحطين حرتك من فراق أمي وأبوي بها ... هي مالها ذنب.. وهي تحاول تتقرب منك... خلاص.. إعتبري وجوده زي أي وحده من الخدم ولا زميلة بالبيت... نواعم: إيه... أبحاول... والله الجد إنها طيبة بس ما تعرف الأتكيت... تركي: لا والله...!!! نواعم: طيب هات المجله... تركي: أنا زهقان بدل ما تهتمين بي... تسألين عن المجلة... نواعم: بسم الله عليك أخوي وش متعبك؟ تركي: أنا ضايق خلقي من أمي... أبسألك... نواعم: أمي!! تركي: إيه أمي... من بعد الزواج ما كلمتها... كم مرة ألقاها داقه على جوالي... مادقيت عليها للحين... والله ما حصل لي من جهه.. وأخاف أفش خلقي فيها زود.. نواعم: إيه هي تسأل عنك... بس لا تخاف قلت لها إن عندك عملي كثير... تركي: مهما كان العملي ما يروح حقه... بس أخاف لامن كلمتها أنفعل زي المرة اللي راحت وأضيق خلقه... نواعم: تركي.... أمي عارفه إنك ماتبيها تتزوج... وتزوجت... بتتوقع إنك بتزعل.. تركي: نواعم... اليوم وأنا أفكر بالمرة المناسبة لي... سألت نفسي ... سؤال بسيط... بس مالقيت له إجابه... نواعم: وشو ؟ تركي: خذي المجله..._يسحب المجلة ويرميها على وجهها_ نواعم: أآآآآآآآآآآآآآآآآآآآآخ... تروك!! يا حماااااااااااااااااااااااااااااار _يمسك رقبتها بيده ويدفعها على السرير بعنف ويشد يدها خلفها بيده الأخرى_ نواعم: آآآآآآآآآآآآآآآآآآآآآآآآآآآآآآآآآآآآآآآآآآآآآآآه.. .. تروووووووك... أع... تركي: أنتي ما تتوبين... مو قله أدب تقولين لي حمار!! نواعم: وععععععععععععع ..... تروك ريحتك خايسه تكفى روح إتحمم... وع... والله تقرف... تركي_محرجا يتركها ويأخذ معطفه خارجاً_: الله ياخذك يا أم لسانين.... نواعم: خل الباب مفتوح تروح الريحة... تركي_يدفع الباب بقوه نحو الجدار_: وجع!! نواعم_تهمس_: وه يا الله الواحد يكذب عليه عشان ينقلع... هه... لقيته والله فكه منه... يبدأ السالفة ويقطعه... أدري يبين أترجاه يقول لي!! بس هين يا تروك.... "يالكذاااااااااااااااااااااابة" _تركي يضع يده على خصره ويتكأ على الباب_ نواعم: وعععععععععع إنقلع!! تركي: والله إنك كذابة... هه والله مابي شي... شكيت بنفسي!! نواعم: ههههههههههههه والله حلو وجهك يوم حمر!! تركي: هين والله لأرده لك!! فشلتين عند سارة , قعدت بالصالة أتشمشم نفسي تقل منب صاحي!! وطارت عيونه المرة ذا وشبوه إنهبل... بس هين يا خواشن... نواعم:هههههه .. وش سألت نفسك؟ تركي: إنزلعي !! نواعم: لا تقلد أبوي!! تركي: لا الحين أبقلد مجيد وأبجلدتس عشان تعرفين... نواعم: عاد حرام عليك... ماعندي أم تفزع لي... تركي: أفااااااااااااااااا..... بدينا بالتبكبك!! ************** ________________________________________ ************** "في الحديقة" ليلى: بس... شلون نسكن الشرقية!! أنت ماقلت لنا!! عبدالعزيز: أدري .. بس.. توهم يقبلونن.. وأنا ما أبي أضيع على نفسي هالفرصة... جامعة الملك فهد ماتتفوت... ليلى: ياربيه.. يعني جامعة الملك سعود ما فيها تخصص هندسة!! وشلون أنت متخرج منها وبالآخر ما يعينونك فيها.. دكتوراه هندسة ما تلقى بالرياض جامعة تعينك... عبدالعزيز: إسمعين يا ليلى... جامعة الملك فهد متميزه أكثر... وبعدين من تخرجت من الثانوي وأنا نفسي أدرس فيها... لكن الوالد رفض ودخلت سعود... وسعود أكيد لو بتقدم له بتعينن لكن أنا أبي فهد ما أبي سعود!! ليلى: ياربيه يا عبدالعزيز... والله مايصير!! طيب وش تبي بالشرقيه مالنا أحد هناك.. و... ومافيه مثل الرياض والله مافيه مثل الرياض حرامن عليك الناس يدورون واسطات عشان يجون عند أهلهم وأنت الوظيفة ببابك وتروح وتبعد.. عبدالعزيز: ليلى أنا قررت.. تبين تجين معي حياتس ربي... بتعيين من حقتس.. بس أنا أبروح... ليلى: صاحي أنت!! عبدالعزيز_ينظر لها نظرة حادة_: وش رايتس؟ ليلى_ترتبك_: عبدالعزيز... عبدالعزيز: إسمعي... قدامنا العطلة الصيفية كله... يمدينا نرتب أمورنا... البيت جاهز... بيت أبوي اللي بالخبر.. ونعيد تأثيثه... شوفي الأسبوع الجاي... قبل مانسافر برا.. نروح الشرقية ونشوف البيت وش ناقصة... ووش يبي... وإذا تبين سلمناه شركة تأثيث تعيد تأثيثه وإذا جينا بس ننقل ثيابنا... ليلى: لا... البيت بنعيش فيه شلون نخلي أحد غيرنا يختار ألوانه وأثاثه!! عبدالعزيز: طيب براحتس... أنا أول ما ردوا علي الجامعة أجلت السفر وألغيت الحجوزات أول أسبوع... نروح للخبر نشوف البيت... تختارين ألوان الصبغات والديكورات اللي يبي لها شغل... وإذا جينا عاد نبدأ نأثث... وتبين من هنا أو من برا مو مشكلة عندي... ولو بدت الدراسة ...نستاجر لنا بفندق حد ما يجهز البيت... وش قلتي؟ ليلى_بعد طول صمت_: إه... بس أنا ما أبي بيت أهلك... عبدالعزيز_بغضب_: وليه؟ ليلى_أغروقت عيناها_: نسيت إن بيت أهلك جنب بيت أبوي هناك... صعبه أشوف البيت اللي طلعنا منه قبل ثلاثة أيام من الحادث مع أمي وسعود... والله صعبة علي... عبدالعزيز:آآآآآآه....بس الأصعب إنتس تستلمين لهالمشاعر... ليلى_تنفجر باكيه_: سهل تتكلم مادامك ما جربت... ماجربت تفتح عيونك من النوم وتلقى الناس حولك كل اللي تعرفهم جايين لك ليش؟ أنت ما تدري... تشوف بوجيههم الرحمة والحزن تسأل ولا أحد يرد عليك... تدور حضن ترمي فيه خوفك ما تلاقي... لأن الحضن اللي بيضمك مات ولا يحتضر بالمستشفى... ماجربت تقوم من النوم تعبان ولا توقف إلا عند باب غرفة أمك ولمن تحط يدك على الباب بتطقه تذكر إن هاللي بالغرفة مستحيل ترد عليك... ومستحيل تحط يدها تتطمن على حرارتك... ومستحيل تحط راسك بحضنها وتقول تعبان يمه...تعبان... ماجربت تناظر بوابة البيت كل ما تفتح ... تنتظر أخوك وبالآخر ممكن أي أحد يجي إلا هو... ماجربت تنهان وتنداس تحت الرجلين ولا يفزع لك إلا بزران... ماجربت فقد الأهل والأحباب والعزوه ماجربت... والله ماجربت... كلكم تقولون لا تستلمون... حنا ما إستسلمنا... بس حنا بشر ونحس ومانقدر نخبي أكثر من كذا... ما نقدر نضحك والقلب يغلي مهما كابرنا.... لا تقولي مشاعر .... هذولا أهلي.... كل أهلي راحو ما بقى لي إلا أختي... قبل لا أنام كلمت أمي وقالت لي بتتأخر هي وسعود نمت وأنا أنتظرهم وما رجعوا أبد... ما رجعوا... _ينظر لها عبدالعزيز بتأثر, فيما هي إنحنت تبكي بحرقة, شد عبدالعزيز كتفيها بقوه, وهمس_: كلنا أهلتس... قومي غسلي... لا تخلين إبليس يفرح عليتس... يالله قومي ... _في الصالة العلوية الجانبية_ نورة: ليش تصيح وتهاوش!! نجلاء: يمه ما أدري... أبروح أشوف... نورة: أنتي خبلة... وين تروحين!! نجلاء: أخاف إنه مسوي له شي والله لأتوطى ببطنه عاااد... نورة: لا... وين ... عزوز ما يسويه... أعرفه أخوي...عمره ما ضربن... شلون يزعل خطيبته ... نجلاء: ما أدري!! ********* "في غرفة عبدالمجيد" يقف فيصل متكأ على الكرسي الذي يجلس عليه عبدالعزيز ويقرأ معه الأوراق.. عبدالمجيد: فيصل... أحس هنا فيه غلط... فيصل: لا... شف هنا.... نفس العدد واللي هنا زاد ... بعد لمن تقسم الأعداد بتعطيك نفس النتيجه.. شي طبيعي... عبدالمجيد: ماشاء الله!! فيصل: خبره يا شيخ خبره... عبدالمجيد: طيب شف هذا العرض... أنا وماهر وافقنا عليه ... بس عذبة شوي متردده... فيصل_يأخذ الملف_: هههههه نفس تفكير عمي سبحان الله... عبدالمجيد: ههههه وش يدريك؟ فيصل: أدري... فعلاً رايه صحيح ولو عمي حي قالك نفس الشي... لأن شف... فيها مجازفة ... وفينا نكسب وفينا نخسر...بس المكسب ما يغطي القيمة حقت الخسارة.. عبدالمجيد: إلا... يغطي ونص!! فيصل: لا... مهب الخسارة المادية نعني الخسارة المعنوية... يعنمي بيأثر على سمعة الشركة لو خسرت بس ما يضيف له ذاك الزود لو ربحت .. موب؟ عبدالمجيد: صح... بس هي ما قالت كذا... فيصل: تقول ..._ويقلد صوتها_ما أدري ما أحس إنه بينفع...صح؟ عبدالمجيد: هههههههه ... نفس الكلام كأنك سامعه...هههههه فيصل: أنا كنت أجلس معه ومع عمي ... إذا ما عجبه شي تقول كذا... عبدالمجيد: طيب عمي كان يقولك كذا؟ فيصل: هو موب يقوله كذا ... بس كل واحد ياخذ الخبرة بطريقته... يعني مثلاً عذبة تعتمد على حدسه أكثر.. هي متبرمجه على إنه ماتسوي شي يأثر على الشركه إلا إذا ضمنت النتايج... بس بالضبط ما تقدر تقول لك ليش هي رافضة... هي بس تقول ما تحسه ينفع ... لكن عمي كان يقول ما شفت أحدن سلك هالطريقة ونفع.. وأنا قلت لك ... وبالآخر كلنا معلمنا واحد... وإن إختلف السبب اللي عطيناك إياو.. عبدالمجيد: وسعود؟ فيصل: سعود!! الله يرحمه كان مقزز... ما يهتم... على ما كثر ما كان عمي يحاول يعلمه ما بوه فايده... تعلمه منا ... يطلع لك منا... سنه نحسب ونربط مع عمي... وبالآخر لامن سأله عمي قال إصبر ... وتطق أتسبدنا ما طلع لنا شي... عطه أرقام وعمليات يطلع لك... بس يفكر تفكير واقعي ما عندك أحد... عبدالمجيد: كان شاطر مرة بالجامعة.... فيصل: إيه مثل ما كان يقوله عمي الله يرحمه أنت فيد دراسة بس.... منتب فيد شغل ومناطح دراهم... عبدالمجيد: ههههه... عاد عمي ما يتحمل أحد ما يمشي معه على الخط... فيصل: عشان كذا كان ينبسط على عذيب... تمشي معه على الخطين إن بغى... عبدالمجيد: ليش كان يهتم يعلم عذبة على الشغل ؟ فيصل_ينظر للشرفة ويتنهد_: كان يقول لي أنا أحس إن هالولد مب عايش... ومالبناتي أحد.... عبدالمجيد_يقوم من الكرسي ويقف مقابلاً لفيصل_: شلون؟ فيصل: من راح ماجد وهو متغير... من راح ماجد إعتبر إن بناته لازم يعتمدن على أنفسهن... كان يقول لي أنا ما أبي بناتي يطيحن لأحد... أبيهن هن يوقفن على رجليهن... ولامن قلت له وسعود... قال لي سعود مب دوم معهن... كان يحرص على عذبة وليلى أكثر من سعود بس ليلى ما تعطيه وجه... وبعد زواج عذبة تعب عمي مرة.... ما قال لي بس حسيته خايف من شيء... وصار... سعود مات.... وهو تعب وماجد تأكدت موتته... ورجعت عذبة... وطاح الحمل على راسي... عبدالمجيد: أآآآآآآآآه... لو عمي يشوف عذبة الحين كان ينبسط... ينبسط مررررررررة... فيصل: خبل... رحمه إنه ما شافه الحين... عمي أبو... يبي بناته يعشن حياتهن بطوله وعرضه... يبيهن يعيشن وينبسطن بلا هم بلا مشاكل... عبدالمجيد: هـــــــــــــــــــــو!! أجل ليش يحط كلش بإسم البنات ويخلي عذيب المسؤول؟ إلا هو ما يبي أحد يشيل الشغل عنهن... فيصل: هه... مشكلتك ما تفهم... ياحبيبي عمي خايف من اللي صار إنه يصير... ولمن صار... مابيده إلا يحط الهم براس واحد يرتكي له أهون من عياله كلهم... عبدالمجيد: شلون يعني؟ فيصل: عمي حط الهم ببطن عذبة... خاف يلحق الهم الباقين... بس الهم الحين أكبر بكثير مما تصوره عمي... عبدالمجيد: طيب وأنت... مادامك تعرف الهم ... ليش ما تفزع!! حرام عليك ... عمي يوم يموت..مات وهو مرتاح إنك سند لبنته... فيصل: والله رضيت بالهم والهم ما رضي فيني!! بنته اللي تبي الهم ولا تبيني ... شسوي له أنا!! مو صغيرة ولسانه يلوط إذانه وقشرا... عذبة ما أخذت من طيبت أبوه... عبدالمجيد: ماخلت منه شي... بس ظروفة تختلف عن ظروف أبوه... عذبة تعيش حرب مع أقرب الناس له... وأبوه كان يعيش الحب مع من حوله... فلا يعني حقد اللي عايش بالحجيم شر... ولا حب اللي عايش بالجنان طيبه... فيصل: يمكن... بس عذبة هي أللي أبعدتن عن طريقه... حاولت أعتذر منه.. والإعتذار الوحيد اللي قبلته مني هو إني أبعد عن وجهه... _طرقات على باب الغرفة_ عبدالمجيد: مين؟ _يفتح تركي الباب وهو يغني_: تروكي جاكم...حيوه...تروكي جاكم بوسوه... فيصل: وععععع من زينك نبوسك!! تركي_يغلق الباب ويجلس بالكنب المجانب للباب وهو يضحك_: أفا يا عمو... يا فتفت.. هذا وأنا جاي من الدوام تافلن العافيه.. وجاين أسلم عليك!! والله ما تستاهل... عبدالمجيد: الحين أنا أبي أفهم... ليش راقي لغرفتي... نورة نايمه لو طلعت من غرفته!! تركي: من زينك أنت وأختك... لو طلعت كان هجيت... بسم الله الرحمن الرحيم... جنيه وأخت جني ولا بعد قايمة من النوم !! تلقى تحت شعرة جني متشعمط!! فيصل: هههه هذا وأنت جاين من المستشفى... أجل لو جاي من فراشك وش تقول؟ عبدالمجيد: تروووووووووك... البيت له حرمة!! تركي: ماله رجال!! فيصل: هههههههههه عبدالمجيد: أنا جااااااااااااااااااااااد أتكلم... تركي: هون على نفسك خيو!! نورة عند نجلاء... يوم ألبق سيارتي سألت الطباخة .. قالت " نورة ونجلاء بيتطلعو على خطيبو لليلى إجى بيزور" مادام عزوز ماجاء نورة مب جاية... عبدالمجيد: هالنمسه ما تخلي أحد بحاله!! فيصل: أجل خطيبو لليلى إجى بيزور!! والله خرت لك الطبلون... أشوفك مسنتر كل يوم عند باب مطبخ عذيب لا تصير عاشق هالعجوز الشامية!! تركي: لا حبيبي أنا مو ذوقي خايس مثلك أدور طباخات ... فيصل_يحمر وجهه غضباً_: ترووووك!! تركي: فتفت... من كان بيته من زجاج فلا يرمي الناس بالحجر!! ************* "في الصالة" تدخل ليلى وهي تمسح دموعها تمسك عذبة بذراعها وهي تقول: تعالي... وش بتس؟ ليلى: وش مابي!! _تنزل نورة وتتبعها نجلاء مسرعتان بالدرج ويقفان على آخر عتبه_ عذبة: وش صار؟ ليلى: ماصار شي... الشيخ يبي يروح للشرقية وأنا آخر وحده يعطيه خبر... نورة: عزوز بيروح الشرقية!! ماقال لنا شيء!! عذبة: شلون بيروح الشرقية؟ ليلى: تعين هناك ... بيدرّس بجامعة الملك فهد... عذبة: وه... بس هالصياح عشانكم بتروحون هناك!! ليلى: إيه قولي دلوعه زي ما يقول عزوز بيه... نجلاء: أكيد دلوعة... وقعدت تصيحين عنده...تستاهلين يقول عنتس مب دلوعه وبس إلا ............... ليلى: نجلوه إسكتي!! نورة: هههههه... أشوف الأوضاع متعقده بينهم... والله ياهل عزوز كمخه... مافادت فيه دروس فيصل ومجيد!! نجلاء: أقووووووووول وخروا هالإثنين عن الرجال بس... ترا مابلاه وحاسه إلا فيصل وعبدالمجيد.. لو بينفعون ذولا أحد كان نفعوا أنفسهم!! ليلى:هههههههههههههههههه نجلوه ههههههههه والله إنك صدقتي... عذبة: لا صدز دلوعه تو تصيحين والحين تكركرين!! نورة: وش تسوي تضرب على نفسه حداد.. إلا كركري وإستانسي يا مريت أخوي... عذبة: وجع إن شاء الله يالمصلحجيه... أشوف بديتي تشبكين مصالح من الحين!! نجلاء: أفاااااااااااا عليتس... نورة مصلحجيه من الدرجه الأولى... نورة: أنتي ياعذبوه جيبي المملك لتس أنتي وأختس.. هذا فيصل بذا وبيقعد إسبوعين وبيسافر معنا... تزوجيه وسافري معنا... وااااااااو وناسه... بس طبعا جيبي معتس إختس الصغيرة حرام تخلي مامتها... نجلاء: إيه صح... عين الصواب لك إختي!! عذبة: نوير... فكين من شرتس.. أنتي الحين بس تبين من هالزيجه نجلوه فكينا وزوجيه مجيد بيه... وخليه تسافر معتس وفكين من شرتس... وه!! تعالي ليلى...تعالي قولي لي وش صار... بس طبعاًً فوق بعيد عن المبزرة المتطفلين!! _تمسك بيد ليلى وتسحبها للدرج , فيما نظرت ليلى لنجلاء ونورة بخبث وأسرعت لتسبق عذبة, نظرت نورة لنجلاء بغضب قائلة_: نجلوه.... لازم نعرف اللي صار!! نجلاء: حلمي... إذا ناظرت ليلى كذا إعرفي إنه حطت براسه ماراح تدرين عن شيء... نورة: وأنتي خبله ... بتروحين بتقولين له وش صار...تكفين ليلى قولي لي وش صار!! نجلاء: أجل شلون أدري؟ نورة: إممممممممممم.... إسمعي... لا تسوين نفستس مهتمه... وإذا سألتس ليلوه عن شي قولي ما أدري... يعني إزعلي ... نجلاء: يوووووووه... تبينن أزعل على أختي وهي بتتزوج بعد إسبوع!! نورة_بخبث_: لو كانت عادتس إخته كان قالت لتس... نجلاء: نورة!! لاتصيرين شر!! نورة: خخخخخ وأنتي صدقتي!! بس سوي نفستس زعلانه ... ودقي الكلام ... وهي بتقول لتس كلش... وهذا وجهي.. نجلاء: وش أسوي بوجهتس؟ نورة: عطين بوكس.........................أمزح...أخاف تختلط ملامحي!! نجلاء: شدعوه... بس قهر اليوم مارحت للنادي...كله من لقافتس!! نورة: لا والله!! من اللي تحمس معي... أنا ما غصبتس.. أقدر أجي حتى لو أنتي مب بوه... مير ترا نواعم بتجيكم بعد شوي........ شفت سيارة أبو التواريك عند باب مطبخكم وقفت ونزلت نواعم وراحت لبيتنا.. أكيد إذا رجع عزوز بتجي... نجلاء: إيه متواعده هي وليلى ما أدري وين بيروحن... بس الظاهر بيروحن لخبيرة تجميل... بزران فاضين... نورة: الحين ورا حنا ما نروح معهن!! نجلاء: الحين شلون تبينن أزعل وتبيننا نروح معهن!! نورة: إسمعي.... إزهليه علي وخلتس زعله.... نجلاء: ياسلام تروحين لحالتس!! نورة: لا!! أنا أبقول أبروح وإلا غصب أبروح ... وأخلي عذبة تخلين أروح... همن إذا وافقوا لي.... أقولتس تعالي يا نجلاء ... وأنتي قولي لا لا ما أبي مالي خلق...وسوي نفستس زعلتن مرّة.. نجلاء: إيه... وروحي لحالتس وأنا زعله!! نورة_تجلس وهي تمسح وجهها بعصبيه_: ياخبله إجلسي وإسمعين!! نجلاء: لا منب جالسه ... أمي عذبة تقول لا تقعدين على البلاط البارد يضر أرحامتس!! نورة: وأنتي بقالتس أرحام من تمغيط رجلينتس بالكاراتيه!! نجلاء: نوووووووووووووووووورة!! الأرحام مب بالرجلين!! نورة_تشدها_:إجلسي إن بغن يصيرن بالمريء بس فكينا... أنتي إزعلي وأنا أبغصبتس آخذتس معي... أصلاً هالثنتين ما يبنن أصير معهن يقولن تفشليننا !! أنتي تفكينهن من... نجلاء: وجع إن شاء الله!! أنا أعفج حنوكهن لو يقولن هالكلام عنتس!! نورة: هو نسيتي بعد يقولونه عنتس!! نجلاء: لا والله!! نورة: هـــــــــو!! يوم نتهاوش حنا والبزران ذوليك!! نجلاء: هههههههههههههه والله ياهن بزران .... نورة: والأبزر منهن حنا!! نجلاء: أقول... بتجي نواعم الحين وحننا نخطط...قوه لغرفتي ولا غرفة الضيوف... نورة: مانيب متحلحه ... وه تعبت من الركض والطبقة!!! نجلاء: ياعجوز قريح!! ********** ................................................... "في الصالة (بيت أبناء العم)" أم عبدالله تتحدث بالهاتف , ونواعم تجلس بجانبها بتململ.. تغلق أم عبدالله الهاتف وتلتفت على تواعم: وشلونتس يا بنتي!!؟ نواعم: بخير يمه... شخبارتس أنتي..؟ أم عبدالله: أنا بخير ونعمه... مير رجيلاتي وه..هالرمازتن لاقط رجلاتي...الحمدلله اللي آصل الحمام وأقدر أصلي على كرسي... مابي خلاف..مابي خلاف... نواعم: وين خالتي أم عبدالعزيز؟ أم عبدالله: إيه ما تبينن عند أم عبدالعزيز!! نواعم: لا يمه... من متى وأنا جالسه عندتس وما عطيتين وجه تكلمين بالتليفون... أم عبدالله: الحين تجي هه إسمعي حسه تسولف مع تركي... _تنزل أم عبدالعزيز وتختمر بالشرشف, تتحدث مع تركي ويتبعها عبدالمجيد وفيصل وعبدالعزيز_ تركي: ياولد...ياولد... عبدالمجيد: ياولد... نواعم: وه... ذولا منيل طلعوا يمه!!أبي جلال بسرعة!! أم عبدالله: هههه فوق... خوذي هالجلال جنبتس... إيه توي مصليه... أم عبدالعزيز: نواعم بنيتي!! ياهلا والله... أمس كلمت أبوتس أسأل عنتس... مالتس حس ولا رس هاليومين..؟ نواعم: شسوي... تعرفين توي أعطل.... توي أرتب أموري عقب الإمتحانات والحوسة... تركي: خطير... أختي يا خالة ماتجلس أبد... ما أشوفه إلا ترتب غرفته ومكتبه... إلا قولي أخزن نووووم ولا أقرا مجلات!! فيصل: لا حووووووووووووول... أنت ماتعرف تسكت... اللي يشوفك عاد يقول مابوه أسنع منوه... بس كني أشوفتس ماعندتس نيه تقومين تسلمين ولا مانتب مسلمه علي نواعموه!! نواعم:.................. أم عبدالله: عزوز وليدي وش أخبارك؟ عبدالعزيز_يبتسم فتظهر أسنانة البيضاء, ويحك ذقنه الخفيف, إحمر وجهه الأسمر,وكمش عيناه الصغيران بخجل_: تمام... فيصل: نواعموه!! أجي أحب راستس بعد!! أم عبدالله: أقول شلون تقوم تسلم عليك وبوه هالهرشه!! بعدين ما أذن الأخير يالله روحوا صلوا!! تركي: إحم إحم ... إختي حيويه ما أدري كيماوية... ما تحب تتحرك في حضرة رجالن أجانب!! يالله يا شباب هيا إلى الصلاة!! _ويضع يديه على كتفي عبدالعزيز وعبدالمجيد ويجرهما للخارج_ أصققاي ... الحلوين المخطوبين ... لا المخطوب والمفركش... ههههههههههههههه عبدالعزيز: تروك ما توضيت وخر.... تركي: أقول لا تدخل على أختي أروح وأدخل على ليلوه!! توضا من الملاحق اللي برا!! _يدفعهما تركي خارجا ويعود ليغلق الباب وقبل أن يغلقه يدخل رأسه ويصرخ_ خوذي راحتك ست خواشن!! المكان خالي من الطحوش!! سلااااااااااااااااااااااام جدتي ... سلام مرت عمي...مب سلام عمي أبشوفك بالمسجد!! _أغلق الباب_ نواعم: وه يا عم فشلتن شلون أقوم .. والجلال ما أدري وش يبي ... لو بقوم طلعت سيقاني....!! _وتقوم لتسلم على فيصل_ فيصل: لا والله... !! لوما إنتس بنت أخوي كان زعلت... أم عبدالله: أشون قلبك رحوم مير يا وليدي ههههههههه فيصل: يالله أبروح ألحق على الصلاة مانتب نافعتن لا أنتي ولا سيقانتس هاللي تقل خبز فرنسي...._ويخرج مسرعاً_ نواعم: عمى!! أم عبدالعزيز: لا يابنيتي ما يصلح هاللبس... البيت كله شباب ... شوفي تورطتي يوم نزلو... أصلاً شلون تطلعين من البيت وعليتس قصير لو نزلتي من السيارة ولا صار لتس شي... تطلع سيقانتس الله يستر علينا... نواعم: خاله... سشوي هذا الموجود بالسوق!! أم عبدالعزيز: لا يا بنتي موب هذي حجه... أنتي ما تخلين سوق ماتروحين له... أكيد بتلقين... شوفي البنات نجود ونورة وعذبة ونجلاء ولا ليلى الله يهديه من ربعتس... أم عبدالله: إي والله لو الموطة تقول إلبسن طويل وساتر لبسن!! مير خليهن عنتس لامن قلنا لهن شيء قالن مانلقى !! من دور لقى مير هن مب باغيات.... نواعم: هههههههههههههه يمه الموضة.... أم عبدالله: أللي هي!! شوفي سارة مرت أبوتس كله ملح يوم تجينا ذاك اليوم عليه الضافي... مب زيتس وعع... نواعم_تمط شفتيها بإمتعاض_: زين يمه مع السلامه ... أنا بروح للبنات ببيت عذبة... تبون شي؟ أم عبدالعزيز: إصبري خلين أجيب لتس شرشف صغير وخفيف... نواعم: لا... باخذ عباتي.... _تقوم نواعم وتتجه للباب وتتبعها أم عبدالعزيز فتمسك بكتفها عند باب البيت هامسه_: نواعم... نواعم: سمي يا خالة؟ أم عبدالعزيز: وش لي عند نواعم: عيوني... أنتي أمي اللي ما ولدتن... أم عبدالعزيز: أبي منتس شي وتقولين تم!! نواعم_تضحك_: تم حتى قبل لا أسمعه... وش بغيتي؟ *************** *************** "في الحديقة_بيت أبناء العم_" تركي: ذبحتن والله ماتستحي على روحه!! عبدالعزيز: إيه الله يهديهن... بعض البنات هن اللي يدورن الشر لأنفسهن.. فيصل: تروك.... غريبة...!! تركي:أصلاً المرة إذا فصخت عباته فصخت الحياء معه!! والله ياهي بهذلت بي... وأقول لمحمد ويقول لي لاتعطيه وجه... إنصحه.. سلمان: إلا لخه طراق خل وجهه يفرك بالأرض... قلة أدب... عبدالمجيد: هههه أقول أنت يالبلطجي... إلا أغديك تاخذ لك ماصورة وتصبخ به راسه... تركي: ههههه لا... إلا العنف.... أنا أقول يا مجيد لو تعطيه قنعه تنسيه إسمه... فيصل: لو قنعات مجيد له مفعول كان خففت شر نوير مير أخفي لاه تحفز الشطانه... عبدالعزيز: هههههههههه أشوف نورة تويز علي تو من بلكونه غرفة عذبة ... فيصل: أدري ماتفوت عليه هالفرصة!! تركي: للحين هي ملقوفه؟ سلمان: وإلى يوم الدين.... عبدالمجيد: ههههههه أقول تركي... وش أخباركم مع مرت أبوك؟ تركي: حليله.... مابه شر... بس أبوي طاير بين السماء والأرض.... فيصل: إيه هذولا الرجال لامن أعرسوا التالية طلع لهم علومن ثانيه... سلمان: تروك وأنت متى بتعرس؟ تركي: إيه... أنا فكرت بالموضوع تفكير عميق ... وفكرت وفكرت ... عبدالمجيد: وفكرت وفكرت وبعدين هل قررت؟ فيصل: وفكرت وفكرت بعدين وش قررت...ولا مازلت في طور التفكير؟ عبدالعزيز: أكلتوا الرجل!! سلمان: عوداً على ذي بدء... وش قررت؟ تركي: إكتشفت الحين اللقافة منين جايتن نوير!! كل العايلة ملاقيف لاحووووول ولا قوة!! عبدالعزيز: إلا بالله العلي العظيم...._ويرشف الشاي بهدوء_ فيصل: إنجز!! تركي: قررت إني آخذ وحده.... سلمان: أشوا أحسبه ثنتين...ههههههه_يضحك بقوه ويضرب كفه بكف فيصل_ فيصل: هههههههههه طيب وحده... وبعدين؟ تركي: والله ثنتين مب شينه؟ عبدالعزيز_يضع بيالة الشاي على الطاولة ويتنهد_: أقول أنت إذا تزوجت وحده أضمن لك مانتب مفكرن بالثانيه... تركي: لا عاد!! عبدالمجيد: طيب منهي المرة؟ تركي: إيه أنا قررت آخذ وحده... سلمان: دارين إنه وحده...................إنجز!! تركي: طيب جايك بالكلام!! وه حر... أبي شي بارد... دق على المطبخ خلهم يسوون لي شي بارد... عبدالمجيد: مررررررر إصبر شوي بندخل العشاء... تركي: دق وأنت ساكت...!! فيصل: دق مجيد دق... خله ينجز علينا ذا!! تركي: ياحظي متحمسين تدرون منهي؟ فيصل: إيه... تركي: أهم شيء إعترفتوا.... عبدالعزيز: إسكت واللي يرحم والديك أدوختنا ولا عندك كلام!! تركي: لا عناد أبتكلم!! قررت آخذ وحده_يضحك بينما يضع فيصل يده على وجهه بغضب_ وحده أصيله تقدر الحياة الزوجية وتكون جاده... فيصل: قالوا لك تسوي إعلان بقناة فضائية أنت؟ تركي: لاو الله جاد... أنا أبيها تقدر الزواج والبيت حتى لو ماقدرتن أنا .. أبيه تحط بيتها أهم شي بحياته.. ما أبيه تتوظف ولا تدرس.. تاخذ شهاده وبس... وتجلس بالبيت وتتوظف ببيته.. أبيه تقدر إن البيت مسؤولية وعطاء مب مظهر إجتماعي!! أبيه مرة زي أمك وأم عبدالعزيز.... سلمان: ومنهي تعيسة الحظ ذي؟ عبدالمجيد: والله شروطك خطيرة ترا البنات ما يحبون رجلن يحجرهن بالبيت!! تركي: أنا منيب حاجره... أبعطيه كل شي تبيه ومراح أمنعه من شي... بس هي بعد تعطي بيتي وعيالي حقهم... عبدالعزيز: _يمد بيالته لسلمان_صب السلمي... كلامك ذهب ياتركي... صارن الحريم الحين يطلعن يربن عيال الناس بالمدارس ويخلن عيالهن للمربيات والتلفزيونات.. ماتلاحظون الجيل التالي ما لأمه داعي... همج وبزران مجمعه وهم رجال بلحى!! فيصل: مو كل موظفة تهمل بيته!! تركي: أغلبهن وبالذات الطبيبات.... لا بغيت تدعي على أحد قل جعل بيتك تولاه طبيبة... فيصل: هههههههه حلوه ذي... طيب أنا كنت أروح الصيفيات مع عمي لبيت ماجد الله يرحمه... أمهم وهي طبيبه ماتخليهم لحالهم... متفاهمه هي وصديقته... ويتناوبن على الجلسه مع البزران... تركي: إيه وكانت تقول الله يرحمه " لولا مدام أمينه كان زماني ماكملت دراستي ولا إشتغلت " صح؟ وحتى يوم جت للرياض صارت تتناوب مع ماجد وعمي ناصر.... يعني منين بتلاقي صديقات زي هالثنتين ومنين بتلاقي وحده مثل فرح... كانت تضغط على نفسه عشان بيته وحتى يوم راح ماجد وإنقطعت أخباره تركت الوظيفة... أنت رجعت لكلامي يا فيصل... أنا أبي وحده تقدس بيته... وتحطه بالمقام الأول ... هذي عملة نادره... أشوف معنا طبيبات آخر ما يهتمن فيه أطفالهن... عبدالمجيد: صح... وظيفة الطبيبة ماتناسب طبيعة المرأة... وخصوصا بنظام المناوبات والخرابيط هذي... تدرون إن فرح دايم تقول" ولا وحده من بناتي أبسمح لها تدخل طب..." يمكن المدرسة تقدر تهتم ببيته أكثر.. سلمان: والله تبون الجد... لا والوظيفة ولا غيره.. راجع لإهتمام المرة نفسه ببيته وعياله... تركي: بس الوظيفة تنهك المرة اللي تهتم بعياله... تلقاه تفكر عند مين يجلسون والناني وش توكلهم وتخاف لا الناني تسوي لهم شي... وإذا جت من الدوام تحاول تعوضهم عن غيبته عنهم... وبالنهاية هي اللي تدفع ثمن الوظيفة ... عبدالعزيز: صح... عبدالمجيد: طيب منهي هذي اللي تقدر الحياة الزوجية؟ تركي: ههههههههههه ماقررت... سلمان: ياخذ بليسك!! والله إني كنت عارف إن ما عندنا أحد!! تركي: صادووووووه...ههههههه *********** *********** "في غرفة فيصل" يدخل عبدالمجيد ويجلس على سرير فيصل ويضع يده على ظهر فيصل ويصرخ: هيــــــــــــــــــــــــــــــــه للحين نيم ....!! فيصل: وجع إقصر حسك...طبلة إذني إنفجرت... بتطلع اليوم معي ولا بتروح للشركة؟ عبدالمجيد_يحك شعره ويكمش عينيه_: إممممممم ما أدري... بس لو بـتأخر خمس دقايق إن إتصلت عذبة تقول" مجيد للحين نيم يالمدير؟" فيصل: جنب!! وش يدريه عنك؟ عبدالمجيد: هههه تستهبل أنت؟ ماهر لو يفقدن شوي دق عليه يسأل ليش تأخرت... ما أدري ليه تسمح لكل الموظفين يتأخرون إلا أنا!! وليش هالماهر مايتصل علي مباشرة... أستغفر الله مصدق إن الشركة ملكه..عمى!! لأبوي وعماني منه...وه ... فيصل: أشين شيء بهالدنيا تصير تحت سلطة مرة ... ولا بعد عذيب... عقدتن بحياتي ....الله يعينك... عبدالمجيد: بس والله أحسن من الدراسة... فيصل: أكيد ياعمي من قدك... تركت الجامعه وصرت مدير عام ... هذي مايحلم به ولا دكتور كارف عمره يدرس... مجيد... أنا تو أفكر بشيء وجع راسي... من زمان وأنا أفكر فيه... بس الحين بسألك عنه...تجاوبني بصراحة... عبدالمجيد: لاتقول الفلوس اللي عطيتن منيل؟ مراح أجاوبك... فيصل: لالا عبدالمجيد: وشو؟ فيصل: ليش ماقلت لي إن ليلى كانت له علاقة بقطعة هالـ(.....)ـي مؤيدوه؟ أنا المفروض أول واحد يدري... ليش ماقلت لي؟ عبدالمجيد:دريت....!! صعبة أقولك... أنت لو كنت بمكاني منعتك رجولتك تسويه... فيصل: بس أنا المسؤول عنهن... مو يعني عذبة قالت لك لا تقول لأحد تسمع كلامه خايف تطردك من الشركة يعني!! _يعتدل عبدالمجيد بجلسته ويزم شفتيه ثم يقول_: لا... أنت صح المفروض إنك تدري بس مو من...من عذبة ... وأنا مو خايف إن عذيب تطردن من الشغل لأنه الحين معتمده علي... فيصل: معتمدة عليك!! هههههههههههههه حلوة ذي يا شيخ... لا تستبعد تفتح يوم وتلقى نفسك تجدع وجهك يقبلونك بوظفية سكرتير ونعمه... هذي نسرة وماتنومن... عيوني لا تصدق عمرك مرة... _يتعالي نفس فيصل ويصد وكأنه يستحضر مواقف مؤلمة مرت عليه_ عبدالمجيد: ما ألومك لأنه طردتك... بس أنا مهما سويت مايجي شي عند اللي صار منك... فيصل: مجيــــــــــــــــــــــــــــــــــــــد حتى أنت؟!! عبدالمجيد_يمسك بيد فيصل ويحاول تهدئته_: لالالا... لا تفهمن غلط... أنا أقول هي منجرحة منك لأنه تحبك... والمرة متطرفه بمشاعره... وإذا حبت حبت بجنون وإذا كرهت كرهت بجنون... أنا أبقولك ببساطة... عذبة إرتمت تحت رجليني تصيح, وتحبب رجليني إني أسكت على الموضوع, أنما عمري ما شفت عذبة اللي خشمه يشق السماء تذل نفسه لهالحد... حط نفسك مكاني.. والله لو تودي نفسك للمشنقه بس ما ترده... هزتن كلي... وصارت تقول حط نفسك مكان سعود... ولو كنت مكان سعود مستحيل أبقول لك هالشي... ومستحيل أكسره زود ماهي منكسرة... بس أنت جيت معصب وليش ماقلتوا لي وليش ما ليش وفجأه بردت... أحد قالك... أكيد عذبة ولا تركي... صح؟ فيصل: لا... لا عذبة ولا تركي... عبدالمجيد: لا تقول نورة!! فيصل: ولا نورة... عبدالمجيد: أجل من؟ فيصل: خالهم راشد أبوإبراهيم.... بس أنا ماكنت أدري إنك داري ولا تركي داري... ماتوقعت إنكم بتكتمون عن... ويوم قالت ليلى إنكم دارين... تفاجأت... نورة عادي أتوقع كل شي تدري بوه وأتوقع إنه بتكتم الموضوع لكن أنتم يالإثنين لا...عمري ماتوقعت... عبدالمجيد: وش سويت يوم دريت؟ فيصل: بغيت أموت من القهر... بس أبو إبراهيم أقنعني وفعلاً كان كلامه منطقي.... تذكر يوم تعزمونن بالبر ولا جيت...كنت عنده .. عبدالمجيد: أهااااااااااااااا طيب وأنت للحين شايلن بخاطرك علي؟ فيصل: لا... بس مهما صار أنا........... _تدخل نورة وتصرخ_: محوري الشر هنا... ياسعدنا.... فيصل: لاحول ولا قوة إلا بالله ... مجيد طلعه ذي لأرتكب به جناية... نورة: أفا... ترا أمي نورة بالصالة... عبدالمجيد: فيصل ... وش رايك؟ فيصل: الراي رايك... عبدالمجيد_ينظر لفيصل ويغمز _: إعتمد.... نورة_تلتفت بذعر_: وش...وش وراكم!! _يهب فيصل ويطوقها من خلفها , ويسد فمها بيد ويكتف يديها باليد الأخرى, فيما يركض عبدالمجيد بسرعة ليغلق الأبواب ويعود راكضا وهو يضحك قائلاً_: أمان ... أمان أمي نورة نزلت أكيد بتروح لبيت عمي تسلم على جدتهم... فيصل: وز مع الدريشة شف هي راحت ... وأنا أبمسكه.. _يركض عبدالمجيد للنافذة المطلة على الباب الخلفي ويراقب,خرجت الجده تتوكأ على عصاها متجهه لبيت عذبة_ عبدالمجيد: إصبر... إصبر... شوي وتدخل مطبخهم... فيصل: ياربيه وأبمسك هالبرميل لحد أمي تضوكع وتوصل, ليت من يشبك به محرك نفاث... _نورة ترفس وتصرخ ولكن صوتها لا يغادر فمها المغلق بإحكام , رغم سمنتها النسبيه إلا أنها بدت صغيرة الحجم مقارنة بجسم فيصل المفتول والذي يشدها بقوه تارة ويخفف قبضته عليها تارة أخرى_ عبدالمجيد: أماااااااااان... دخلت أمي ...دخلت... فيصل: صك الدريشة, وصك البلكونة, أخاف يوصل حسه... عبدالمجيد: الحين أمي لامن جلست جنبه كود تزقح عشان تسمعك بتسمع هالبرميل بعد المسافة فيصل: صكهن وأنت ساكت الإحتياط واجب ... أنا محتر من هالبرميل وأبفش خلقي منه... قفل الباب وخذ المفتاح... عبدالمجيد: طيب طيب_وهو ينفذ أوامر فيصل_ _يترك فيصل نورة وهي تصرخ ويقف ثم يضع يديه على خصره وهو يقول_: ههه نوير منهم محوري الشر؟ نورة: آآآآآآآآآآآآآ.. أنا .. أنا ونجلاء.. عبدالمجيد_يضرب رأسها بقبضته_: ومن البرميل؟ نورة: نجلاء... لا.. أنا... تكفون خلون أطلع... أنتم حلوين وحبوبين... تكفى فيصل... _نظر فيصل لها ثم إبتسم_ عبدالمجيد: نورة... الحين أنتي ليش تتطنزين علينا...؟ نورة: لنكم حمير..لا... حلوين.. فيصل: عبدالمجيد عطه قنعه على حسابي..._ويضربها عبدالمجيد بقبضة يده_ نورة: آآآآآآآآآآآآآخ....حرام عليك!! فيصل: ليش حاطتن نقرتس ونقري ليش؟ نورة: آآآآآآآآآآآآآآسفه... حرام عليكم تجتمعون علي!! انا إمرأة ضعيفة وأنتم رجال... مايصير رجال يضربون بنت صغيرة كبري... عبدالمجيد: أنتي ضعيفة!! أنتي ترحلين ديره... فيصل: وش تبين جايه!!؟ نورة: جايتن أقول لكم تعالوا نفطر.... عبدالمجيد_يشد شعرها_: إحلفي... نورة: والله والله إني جايتن أناديكم على الفطور أنا ونجود تحت نتحراكم وطولتوا... فيصل: لا حرام... تقطع القلب بس تكفى إقنع راسه عشان مرة ثانية ما تغلط على الكبار... نورة: أتووووووب تعلمت الدرس... فيصل: أطلقه...؟ نورة: شكراً ياعمي... ولك علي إن أطلقتن لأخلي عذيب تسامحك... فيصل: (.................................) ياحيوانه أنا ما طحت لتس أنتي وياه!! عبدالمجيد: هو عم ليش خربت الأخلاق..؟ نورة: طيب قل اللي تبي بس خلن أطلع... فيصل: عشاني قلت أبطلقتس ولاكان والله ماتطلعين... عبدالمجيد: فيصل... خذ المفتاح... وأنا أبفتح الدرايش تنفه الغرفة... _يفتح فيصل الباب وتخرج نورة وحين إنتصفت بالصالة صرخت قائلة_: أورررررررررررررررريكم... والله لآأخلي أمي نورة تطردكم!! ياحمير... يا طحوش أنا ما أحبكم... _تركض نورة للخارج وتناديها نجود_: نورة عيب.. كذا تتكلمين مع الكبار... _ترجع نورة وتطل مع الباب وهي تقول: ذولا (.............................) آآآآآآآآآآآآآآى _رأت عبدالمجيد وفيصل يركضان بالدرج ليمسكان بها, فرت للخارج وركضت نحو بيت عذبة وظل الإثنان يلحقان بها وهي تصرخ :_ أمي نورة .. أمي نورة... _دخلت المطبخ بشق النفس وهرولت نحو الصالة وهي تصرخ_: يمه نورررررررررررة.. بيضربونن الحمير... _طرااااااااااااااااااااااااااااااااخ_ _تسقط نورة أرضاً وجلجل صوت بندر: آآآآآآآآآآآآآآآآآآآآآآآآآي رجلي!! _ترفع نورة بصرها بخوف وإذ ببندر يمسك أصابع قدمه ويجلس مقابلها وهو يتألم, وحقيبة كبيرة بجانبة , لم تستطع الحراك لهول الصدمة, وإلتفتت لترى نجلاء وعذبة وإيمان يركضن نحوهم_ عذبة: بسم الله عليكم... بندر عسى ماجاك شيء.. نجلاء: نورة ..نورة بسم الله عليتس, وش جابتس ..صاروخ أنتي!! إيمان: بندر رجلك تنزف... بندر: هاتي فاين... أخ... إنقلع ظفري.... وه.... _يرفع بندر بصره وهو يتألم وإذ بنورة أمامه, رغم ألمه إبتسم... بدت بوجه طفولي خائف, تحاول أن تنهض فتسقط, شعرها الأسود الحريري القصير يهتز معها, وعيناها مغروقتان, شفتيها ترتجفان وقد إختفى لونهما ليتداخل مع لون بشرتها الأبيض الصافي, ونجلاء تمد يدها لتساعدها على النهوض ولكن لم تستطع, نظر لها وغابت ملامح الألم ليبتسم قائلاً: لا تخافين... عادي حصل خير...نورة...لاتخافين... _إنفجرت نورة وكأنها بركان ثائر:_ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ _وضعت كفيها على وجهها وأخذت تبكي بحرقة,_ أم إبراهيم_تطل من الصالة الأخرى وتصرخ_: بندر قم رح عن البنت!! _نهض بندر بتثاقل بعد أن عنفته والدته لينتقل للصالة الجانبية والدماء تنزف من قدمه, وعادت عذبة بعدة الإسعافات الأوليه, ونورة ضمت نجلاء وإستمرت بالبكاء_ _في الصالة الجانبية الأخرى_ أم عبدالله: وش به بنيتي!! هبله ولدكم!! سموا عليه.. الجدة عذبة: إلا هي اللي هبلته وجدعت الشنطة على رجله.... أم إبراهيم: زاد أنا أقول لوه خل الشغالات يرقنهن ويقول لا... مسيكينات... هالولد ما يوفر روحه.. أم عبدالله_تطل على نورة بقلق_: تعالي يا بنيتي... بسم الله على قليبتس... هبلتس بندر... ياعمري أنتي موفقتن بهالطحوش!! زاد هو وشو لوه يسد الباب!! أم إبراهيم: الله يهديتس يا أم عبدالله!! الحين ولدي إنقلع ظفره وينزف وأنتي تهوشين بدل ما تقولين لبنتس تركد بالمشي الدنيا مب طايره تهاوشين على ولدنا!! أم عبدالله: بس بنيتي... مرتاعه...سمي عليه يا نجلاء ... إقري عليه... _تتكأ على العصا وتقوم وتتجه لنورة فتضمها وتمسح على رأسها وتهدئ من روعها_ *********** *********** _بعد قليل_ عذبة تلم عدة الإسعافات , وإيمان تمد لبندر كأس من عصيرالبرتقال قائلة: بندر إشرب عصير نزفت دم ... أخاف تدوخ!! بندر: أخ والله إني عطشان.... وين راحت البنت؟ إيمان_تبتسم وتنظر لبندر بخبث_: راحت لغرفة نجلاء....ليش تسأل؟ بندر: لا...بس بشوف وش صار عليه.... عذبة: بندر... أحس لو تروح لعيادة يلفونه لك أحسن... بندر: لا.... يسد شغلك ..... إيمان .... وين أبوي؟ عذبة: هذاه شفوه ... جاي مع أحمد... _يفتح الباب ويدخل الخال راشد ويتبعه أحمد_ الخال: يا ولد.... هو!! بندر عسى ماشر؟ بندر: بس طاحت علي الشنطة... أحمد: أكيد شنطة عبير اللي كبر قريح!!! أنا ودي أفهم ليش تجيب كل هالعفش!! الخال: إسكت اللي طاحت على رجله ماقال شي!! أحمد: إيه لو بندر يقول شي كان تعدلت... الخال: لاحووووووول الحين أنت ووجهك من شكى لك!! لا تدخل ببناتي...عسى بس مب كايده... _أقبلت إيمان وأمسكت برأس والدها وجرته نحوها بلطف وحكت له ماحدث_ بندر: إيمانوه بلا شر!! أحمد: ترا بينسم كرشتس بندر... !! إيمان: لا بندر مروووووووق...صح ؟ بندر_يكتم إبتسامته_: إيمان.... متى بتولدين؟ أحمد: إممممم يمكن بعد إسبوعين...أتوقع كرشته بتنفجر...تقل حامل ببعير.. إيمان_وهي تتجه للمطبخ_: وجع إذكر الله...تحسبه عن صحه!! الخال: أجل يا بندر رجلك توجعك؟ بندر_ينظر لعذبة _: عذبة... روحي الله يعافيتس خلي الشغالات يرقن الأغراض... أمي ماتصبر أخاف ترقيهن هي... عذبة_تنظر بإستغراب_: أبشر...._وتذهب_ _يجلس الخال بجانب بندر ويهمس_: وجعك ... ولا ضرب الحبيب مثل أكل الزبيب؟ بندر: يبـــــــــــــــــــــــــــــــــــــــه!! أحمد: وش عندكم؟ بندر_إحمر وجهه_: رح ... رح أم عبدالله تسأل عنك... رح سلم عليه... أحمد: لا منيب رايح... اللي لوه حاجتن عنده هو اللي يروح.... وش عندكم...؟ الخال: بندر .... وش رايك نخطب لك ... أكلم أبو عبدالعزيز اليوم؟ بندر_يضحك_: يبه... جاد!!؟ الخال: وأنا عمري كذبت عليك!! بندر: يا حبي لك!! أحمد: أهاااااااااااااااااااااااا مبروك_ ويمد يده, يقف بندر ليصافحه فيصرخ وهو يجلس ويرفع رجله_ بندر:آآآآآآآآآآآآآآح... رجلي!! أحمد: هههههه واحد صفر.... الخال: بس شلون نخطب لك وأنت تعرج!! بندر: يبــــــــــــه.... والله شسوي كله بسبه بنتهم!! أحمد: هع.... خبله وجبل ... ما أدري من بكم بيطبع الثاني.... إيمان_تأتي من الخلف_: وش عندكم؟ الخال: اليوم بنخطب لبندر.... إيمان: لولولولولولويش.... بندر: أص فضحتينا!! الخال: ههههههههههه وش دعوى ....؟ بندر: تو ماصار شي!! أحمد: وين بيلاقون مثلك ياخوي... بس لو تخلي الشده عنك شوي!! ومل تشلح أشرطتنا... إيمان: إلا هم اللي بيخطبونك... أحمد صادز وين يلقون مثلك.... الخال_يهمس_: لولولولولولولويش... أخاف تهج أم عبدالله عاد ...ونفشل ولدنا.... أحمد_يضحك_: بس يبه أحمد لامن قالت لوه أمي ندور لك مرة يقول توي ما إستعديت... إصبروا شوي.... أكيد ما إستعد...إصبر عليه شوي... بندر_يلتفت بسرعة ويصرخ_: أنت وش دخلك !!؟ الخال: هههههههههه ... خله مستعد...مستعد... ************* ........................................... "الجزء الرابع والثلاثين" "في غرفة تركي" تركي يلف الغطاء على كامل جسده ويضم الوسادة , يغط بنوم عميق, الغرفة مظلمة وشديدة البروده, وصوت شخير تركي الخافت يكسر جمود الغرفة ذات الألوان الباردة, تطرق سارة باب الغرفة : تركي... تركي... يالله قوم إفطر أنا أبروح بيت أهلي... أخاف ما أحد يقومك...تركي... تركي_بدون أن يفتح عينيه_: طيب...طيب _ويشد الوسادة على وجهه_ _تقابل نواعم عند باب الغرفة_ نواعم: صباح الخير... سارة_بإستغراب_: صباح النور....أبوك سأل عنك... نواعم: وينه الحين؟ سارة: بالسيارة... بيمرني على أهلي... تبين شي قبل لا أروح؟ نواعم_تبستم بشقاوة_: الحين أبوي قاعد بالسيارة ينتظرك تطلعين!! وبيمرك هو لبيت أهلك!!! سارة_بوجل_: إيه... ليه؟ نواعم_تضحك وتضع يدها على كتف سارة_: ولا شي.. بس ماشاء الله من قدك أبوي ينتظرك .. أبوي ما يصبر بالسيارة إلا بس لامن صارت أمي نورة... من قدك باين أبوي يغليك.... تستاهلين... يالله روحي إلحقي لا أنحت أبوي الحين ويعصب إركضي... سارة_بإستغراب_: يالله ... بس قومي تركي... أخاف ما يمديه يفطر... نواعم: طيب طيب... بس أنتي روحي لا يعصب أبوي... سارة: مع السلامه... _تضحك نواعم وتفتح باب الغرفة وتدخل على تركي_ نواعم: وه... بررررررررررررررد!! تركي تقل دودة أنت وهالشرشف.... قم يالله!! _تتجه للمكيف وتغلقة وتفتح النوافذ, يرفع تركي راسه ويصرخ_: وجع... تخربين المكيف كذا... شوفي الريموت... نواعم: ترووك قم إفطر على قولت خالتي سارة... _يجلس تركي بسرعة وينظر لنواعم بذهول_ نواعم: وش بك تناظرني كذا!! تركي: عيدي ما سمعت وش قلتي؟ نواعم: أقول ترووك قم إفطر على قولت خالتي سارة... تركي: خالتي سارة!! وش صاير....لولولولولولويش.. نواعم: ههههههههههههه والله لو تسمع صوتك إن ما زغردت أبد... بسم الله تقل كنداسة مشقوقة!! تركي: إخس... كنداسة مشقوقة!! وشي الكنداسة المشقوقه؟ نواعم: ما أدري عمي فيصل يقوله... تركي: أدري إنتس بقرة وداجه.... ترا هالكلمة ماتناسب برستيجك!! كلمة شباب... مير وش طاري الخاله اللي طبت عليك؟ نواعم: خالتي أم عبدالعزيز شاكيتن له سارة .... خالتي مرة زعلانة عشان هالموضوع وطلبت مني أعاملها بطيب.... وعاد أنا ما أبي أخسر خالتي على حساب كلام فاضي.... تركي: إلا سارة ما تستاهل اللي تسوينه به... نواعم: خلاص...عاد أبحاول أتعدل شوي... تركي_يقفز واقفاً على السرير ويصرخ_: لعنبوا بليس ما صليت الفجر!! جت سارة قومتن ورجعت نمت وحلمت إني صليت بعد بالمسجد... وخري.. وخري_يقوم تركي ويسقط , تحرر من اللحاف الملتف على ساقيه بصعوبة, ودخل الحمام راكضاً_ نواعم: أخ وجع ... كفختن... بتفطر معي... ولا أفطر لحالي؟ تركي_يخرج رأسه من باب الحمام_: إنزلي أبلحقتس الحين... أبصلي وألبس وأجي... نواعم: لا تلبس... إفطر معي ببجامتك بعدين نلبس كلنا ونطلع ... ونروح لأهلي... تركي: أنا عازمن محمد... أحطتس عندهم وبروح مب نازل.... ********* "الخيمة" عبدالمجيد_يضع الفنجان ويعتدل بجلسته_: يبه...بندر ماغيره!! أبو عبدالعزيز: إيه بندر ولد أبو إبراهيم...ليه؟ سلمان: كبيــــــــــــــــــــــــــر... عبدالمجيد: الرجال ما يضره عمره... عبدالعزيز: بس نورة مخفه على العرس... وتاخذ واحد كبير وثقل زود على عمره... لا...كبير عليه... والله ماينفع... عبدالمجيد: وشو كبير!! مب كبير ...بندر أكبر من بشوي...!! سلمان: لا عاد أنت يالصغير.... عبدالعزيز: كبر فيصل...صح؟ عبدالمجيد: عمره 27 بس.. اللي يسمعك يقول طاقن الثلاثين!! أبو عبدالعزيز: الرجال حسافه... بس نورة بزر... والله إني محتار... سلمان: إيه أكيد نورة مب موافقتن عليه.... بزر على العرس... عبدالمجيد: لا... نورة عاقلة وبتعرف مصلحته... أكيد بتوافق.. وبعدين الراي الأول والأخير له... هذي حياته... أبو عبدالعزيز: إيــــــــــــــــــــــــــه الله يعين.... هالبنات رحمة من ربي مير الواحد يرحمهن ويخاف عليهن... ************* ************* "في غرفة نورة" نجود: نورة... ليش ليلى عيت تحط زواج كبير؟ أمي مرة متحمسه تسوي زواج والله كسرة بخاطره...مفروض ليلى تقدر رغبة أمي.. نورة_متمدده على السرير _: إسأليه.... نجود_تلتفت وتتأمل نورة ....تمسد شعرها وتغرق بتفكير عميق_: نوير!! نورة: هاااااااااه نجود: وش بتس؟ نورة: مابي شي.... نجود: علي!!!؟ نورة: أووووف! نجود: نورة ...قولي عااااد... نورة: وش أخبار عزيمتس؟ نجود: يوووووه يا نورة لا تلفين وتدورين... وش بتس؟ نورة: وه... نجود: أنا أختس... نورة: أشوى أحسبتس بنت الجيران.... نجود: عاد قولي لا تصيرين مالغة.... نورة: أوف مامنتس فكه وش أقول وحده صدمت له واحد وقلعت ظفره وش تبين بعد؟!! نجود: هــــــــــــــــــــــــــــــــــو!!! من هالمقرود!! نورة: بندر ولد خالهم.... نجود: خالهم!! بندر ذاك الكبيــــــــــــــــر!! يمـــه ما صفقتس طراق... أذكره بسم الله يخوف من يوم حنا صغار ماعنده وقت... جد والله نورة أنتي صادزه ولا تستهبلين؟ نورة: أستهبل... ماصدقتين _ترفع جوالها وتلصقه بوجه نجود وهي تصرخ_ كلمي عذبة ونجلاء... كلمي وإسألي...وه تسأل ولا بعد ماتصدق!! عمـــــــــــــــــــــــــى... لهالعيون اللي تقل بيض!! نجود_تنظر للجوال الملصق على أنفها وتكتم ضحكتها _: هدي شوي... نورة: إنقلعي..............._ترمي الجوال وتتجه للباب لتخرج,تمسك نجود يدها وتجلسها _ نجود: قولي لي السالفة يالله بلا تزعّل!! نورة: بموت من الفشل يانجود.... مالي وجه.... نجود: عادي ماعليتس شرهه.... نورة_تفتح فمها لتتكلم ثم تنتبه لكلام أختها فتنظر لنجود غاضبة وتزمجر_: وراااااااااااااااه قالوا لتس مهبوله ماعلي شرهه!! نجود:لالا مب قصدي ... بس أنتي صغيرة... نورة: صغيرة!! بشرى بنت خالتي موضي كبري ومعرسه!! وحامل بعد... يعني بتصير أم ... وأنتي تقولين عن صغيرة!! نجود: أوهو... قولي لي السالفة وفكين تكفين ترا تسبدي حايمه من عبدالمجيد وفيصل... نورة: ليه وش عندهم؟ نجود: متقارنين الروس وقرق.... أعوذ بالله ما أدري منيل يجيبون هالسواليف.. نورة: مازعلوا علي؟ نجود: يزعلون ويرضون ما أحد دري عنهم... إيه كملي وش سالفتس؟ نورة: ما أدري شلون صارت السالفه.... أنا أركض هاجتن من الطحوش فيصلوه ومجيد وجيت على حوش بيت عذبة وأقرب باب لي هو باب المطبخ, دخلت المطبخ مافيه إلا الطباخة واقفتن عن الفرن, إلتفت وإلا فيصل وراي داخل المطبخ هو وخشته, قلت مالي إلا الصالة أكيد بتصير أمي نورة هناك ولا على الأقل تصير بوه عذبة نجلاء ليلى أحد يتغطى عنوه... نجود: عمي فيصل دخل مطبخهم كذا بلا إحم ولا دستور!! نورة: ولا بعد كاشخ سروال سنه وفنيله.... دخلت الصالة , مب لامن جيتي من المطبخ ماتشوفين إلا الصالة اللي به الكنب الأحمر, والدرج يغطي الصالات الثانيات موب؟ نجود_تتنهد_: إيه ...بعدين ؟ نورة: أنا ماشفت أحد بالصالة ذي ومير أركض وألف من عند الدرج وما أدري شلون صبخت ببياض وطحت, سمعت صرخه رفعت راسي ولا بندر طايحن قدامي وماسك إصبع رجله الدب والدم يمشي بين أصابعه.... أآآآآآآآآآآآآآآآآآآي.... ما أقدر أكمل ... _وتبكي_ نجود: أح.... نورة لا تصيرين سخيفة... ********** ********** "في غرفة ليلى" تتمدد ليلى على السرير, بدت منهكه, الحقائب متراميه بأنحاء الغرفة والأكياس تغطي المكان, فستان الزفاف ينام بسلام على الأريكة, طرقات خفيفة على باب الغرفة... ليلى: أوووه_ترفع رأسها بتثاقل قائلة_: مين؟ : بندر.... مشغولة؟ ليلى: لالا... إدخل ... مانب مشغولة ولا شي... إدخل... _تجلس وتشد الغطاء على ساقيها , يدخل بندر ويجلس على الكرسي المقابل للسرير ويبتسم قائلاً_: وش أخبار العرووس؟ ليلى: آآآآآآآآآآآه.... الحمدلله... أخبار رجلك؟ بندر: لا سليمة... ليلى: سليمة وأنت تعرج؟ ولا _تنظر له بخبث_...... أسكت أحسن لي... بندر_يبتسم وينظر لبيت أبناء العم ثم يلتفت قائلاً_: توقعين نورة توافق؟ ليلى: إممممممممممممممم ما أدري... بس أتوقع عمومتي بيوافقون... غريبة ليش تجي تسألني أنا؟ أنا مو صديقتها... إسأل نجلاء... أكيد هي اللي بتعطيك الخبر اليقين... بندر: أنا ما أبي أحد يدري بسالفة الرسمة حتى لو تزوجت... وبالذات هي... و.... ونجلاء... وأنا أصلاً ماجيت عشان نورة... أنا جاي أبكلمتس بموضوع خاص بتس أنتي... _نظرت ليلى لعينيه فغاصت ببحر من الغموض, عيناه الواسعتان المكحولتان يوحيان لها بأن ثمة صراع يحرمه النوم, العروق الحمراء وبشرته الشاحبة على غير عادته, نظراته التائهه, إرتعشت وصمتت تتأمل عينيه وتحاول أن تجد إجابة قطع عليها تأملها حين وقف فجأة وإتجه للشرفة, وأغلق الستائر بهدوء, بدى القلق يساور ليلى التي ظلت صامته, فيما أسند بندر يديه على الستائر وإلتفت ثم نظر إليها وإبتسم قائلاً_: وش بتس....!! خفتي؟ ليلى_بدت مرتبكة_: ل...ليش سكرت الستاير؟ بندر:أها... تبين أفتحهن؟ ليلى: لا... بس إستغربت... بندر: خفتي إني صكيتهن؟ أنا مثل جدتي لأمي ما أحب الأشياء المربوطة أحسه تضايقن...للحين خايفة؟ ترا أنا أخوتس... ليلى: لا..لا بندر... مو قصدي... بندر: ههههههه.... أدري.... أدري_جلس على الأريكة البعيدة ورفع رأسه قائلاً: ماتبين تدرين ليش أنا جاي لمتس فجر يوم عرستس؟ والناس نايمة.... ليلى: نجلاء ونورة وعبير بالحديقة.... أكيد بتقولي أدخلهن؟ بندر: جد!! ذولي للحين بالحديقة!! لالا.... كل الموضوع إن بعد ما سعود مات... وجدتس وأبوتس... مالكم أحد غيرنا... وانا الحين المسؤل عنكم لأني أخوكن بالرضاع... فاللي جاي أبقوله لتس... لازم تغيرين نفستس عشان تستمرين بزواجتس هذا... ليلى_قطبت حاجبيها_: أها.... وش أغير بالضبط؟ بندر: كل شي لازم تغيرينه.... إهتمامتاتس أفكارتس آرائتس... حتى عنادتس لازم تخففين منه شوي... ليلى_بتعجب_: ليش؟ بندر: ببساطة.... عبدالعزيز مب أي أحد ثاني.... إنسان جاد مرة... ولمن تعيشين معه بالأسلوب هذا بتتعبين... لازم توطنين نفتس من الحين إن عبدالعزيز ماعنده حركات الدلع هذي... واحد جااااامد... وما يحب أحد يحاول يغير فيه .... وزيادة على كذا غربته ... قست قلبه شوي... يعني ماعاد يهتم إن فيه أحد يونسه أو يشاركه... ليلى_بوجل_: أدري إنه واحد جامد.... بس مو معقوله كذا!! ليش أنت توك تتكلم؟ يعني شلون ما يهتم إن أحد يونسه ولا يشاركة... هذا مو بشر!! شلون بعيش معه إن كان كذا!!؟ خوفتني...بندر لا تناظرني كذا تكلم!! بندر_يتأملها ثم يعدل من جلسته ويرفع رأسه_: عبدالعزيز.... إنسان بسيط... وببساطه تعيشين معه... ليلى_تنظر له بغضب_: تستهبل أنت!!! بندر: لا... بس اللي أبي أقوله إن عبدالعزيز أبسط إنسان شفته بحياتي... وعبدالعزيز هدية من ربي لتس... وبصراحة بصراحة ... تمنيته لعذبة مب لتس... لأنتس ماراح تقدرينه قدره.... مع إني أشوفتس تغيرتي بعد طلاقتس إلا إني أخاف إن إبو طبيع مايترك طبعه.... ليلى: أنت الحين جاي لغرفتي عشان تقول لي إنك تمنيته لعذبة!! بندر: أيووووووووووه... قلت لتس أبو طبيع مايترك طبعه!! يعني ماسمعتي من كلامي إلا هالكلمة!! أللي أقصده... إن أنتي تقبلتي عبدالعزيز وإحترمتيه.... بيعطيتس عمره.... وإن أنتي تعاملتي معه كذا برفعه خشم وبتصيد زلات, وفرض أرآء ترا مب خاسر إلا أنتي... لأن عبدالعزيز إنسان هادي ومسالم لكنه ماينسى... فلا تحطين حرب بينكم أنتي مب قده... ليلى: حشى!! بندر: إيه.... إن عاندتيه ورفعتي خشمتس عليه ماراح يزعل... بس بينسحب بصمت... وأعتقد أسوأ شيء بحياة المرأة إنه تعيش مع رجل بجسمه بس.... وإذا إكتشفتي ذاك اليوم إن عبدالعزيز طاردتس من قلبه.... إنسي تقدرين تدقين قلبه مرة ثانية... لأن قلوب الرجال بقفول .... إن قفلت ما تفتح.... ليلى: ..................كلامك يحير... بندر: لا يحير ولا شيء.... بس تذكري إن الرجال قصور ماتدخل إلا من أبوابه... _تتأمل ليلى بندر وهو يتجه لباب الغرفة , تلمح بعينيه ذات الشرود رغم أنه أفضى عن ما يقلقه, وحين أمسك بندر بعروة الباب ليخرج, صرخت ليلى قائلة_: بندر....هيه!! يلتفت بندر ويهز رأسه مستفهماً... ليلى: تعال أبقول لك شي... تعال...إجلس... أنا سمعت لك بس أنت ما سمعت لي... بندر_وهو يعود_: ومالوه ليش مانسمع..... ليلى: أكيد تعتبرني أختك...تو قلت....؟ بندر_ينظر لها بإستغراب_ ليلى: ودي أقولك شي.... إسمع إذا أنت تحب نورة قل لنجلاء تقول له... بندر_قطب جبينه_: خيــــــــــــــــــــــــر حنا مصاريه !! ليلى:لالا... لا تفهمن غلط... يعني لمن تتقدم لنورة وأنت بس خاطب... غير لمن تتقدم له وأنت عاشق... بندر_يقف ليخرج_: منهبله أنتي!! البيت ما يطق إلا من أبوابه!! ليلى: لا.... خل نورة تستانس إنك تحبها ترا ما فيه شعور يساوي شعورك لمن تحس إن أحد يحبك.... وااااااااااااو حاسد نورة شوية فرحه مع خجل أنثوي!!! بندر_وهو يخرج_: أقول تصبحين على خير... مير دخلي البنات لا تخلينهن بالحديقة... ليلى: تعال إصبر أنا أتكلم جد!!! طلع ذا!! إخس يالرومانسي الخلوق... الحين هذا من جده يحب نورة ولا يستهبل!! غريب... بس أنا اللي بقول لنجلاء... وخلك يا بندر تعرف تطلع وأنا أتكلم معك... هين.... _ترفع سماعة الهاتف وتتصل بجوال نجلاء_: ألو... نجلاء... قولي لعبير بندر يقول تدخل الحين.... وتعالي أبيك بموضوع خاص.... إيه أنتي ... أكيد لحالك ... لا تجيبين الشلة... يالله أتحراك... ********** "في الفندق" يدخل عبدالعزيز الغرفة ويضع باقة ليلى على أقرب طاولة , تتبعه ليلى بهدوء, جلس على الأريكة, وسحب شماغة وعقاله مع الطاقية بفوضوية ورماها على السرير وإلتفتت على ليلى التي كشفت عن وجهها , بدت وكأنها حورية , وجهها المتلألأ وشفتيها الصغيرتان والممتلئان, أنفها الأشم وعينيها الواسعتان والمكحولتان بعناية, مع كل رمشة تبدو بشكل أجمل عما سبق, أشاح عبدالعزيز عنها وحك شعره محاولاً أن لا يبدي إعجابه بجماله الباهر وهو يقول_: وش تنتظرين.... تبين أجي أطرق عباتس بعد... علقي عباتس على المعلاق ولا خليه عليتس إذا تبين... و...صح وش تبين عشاء...؟ ليلى:!!!!!!!!!!!!!!!! عبدالعزيز: أكيد جوعانه.... انا متعشي... بس ما أدري عنتس؟ ليلى_تبتسم_: إمممممم.... أبي مويه.... عطشانه... _تخلع عبائتها وتعلقها على العلاق القريب منها, وتجلس على الأريكه وتتأمل عبدالعزيز الذي إتجه للثلاجه وأخرج منها قارورة كبيرة, متوسط الطول ذو بشرة تميل للسمرة أسود الشعر, بضع من الشعرات قد إكتست البياض, عاد وهويلعب بالقارورة, يرميها لأعلى ويمسكها بحركة سريعه, وحين إقترب من ليلى صرخت وهي تبعد: يمه... يمه... راسي أبيه ... إمسكها...عبدالعزيز!! _يمسك عبدالعزيز القارورة ويمدها لها وهو يضحك_: بسم الله عليتس... تخافين على راستس!! ليلى: يوووووووووووه كنك حركات سعود... الله يرحمه ... عبدالعزيز: إيه سعيدان الله يرحمه يحب الإستفزاز.... تدرين كد مرة سطح مفتاح سيارتي فوق الملحق , وقال لي رح إجبه والله لو ما تدخل عمي ناصر إن ساويته بالأرض!! ليلى_تنظر بخبث_: ساويته بالأرض ولا هو اللي كان بيساويك لوما تدخل جدي!!؟ عبدالعزيز_يضحك ويفتح القارورة_: هههههه بديت أنا وهو ما قصر بس عمي فكنا... بس والله أنا أول جلدته...عطيته مخمس ملكي... ليلى: وبعدين؟ عبدالعزيز_يحك شعرة وهو ممسكاً القارورة_: ما أدري شلون صار راسي تحت ورجليني فوق.... ليلى: إيه الله يهديه ... قصدي يرحمه... كان دايم يشقلبنا!! وأمي تصارخ عليه" ياإبني الله يهديك خل البنات بحالهن"..... الله يازين ذيك الأيام... عبدالعزيز: وجع طاحت يدي!! خوذي إشربي وإلا بشرب أنا.... ليلى: شلون أشرب!! عبدالعزيز: كذا..._ويشرب من القارورة مصدراً صوت من حنجرته_ ليلى: مافيه كاس!!؟ عبدالعزيز: خوذي إشربي... وشو لوه كاس!! ماتدرين من مغسل كيسانهم... إشربي!! ترا أبكمله... ليلى_تنظر للقارورة وبدت مترددة_: طيب... عبدالعزيز: ولا ماتشتهين عقبي؟ ليلى: لا.... عسل... عبدالعزيز_يحمر وجهه_: إصبري أبجيب لتس كاس... ليلى: لا... ما أدري من مغسله.... حاسدني العسل يعني... عبدالعزيز: والله العسل أنتي.............. *********** .................... |
"في الحديقة" فاتن تمسك بجوالها , بدت غاضبة, إتجهت لزاوية بعيده وإتصلت ألو...منوه يالكلبه!! منى: وعليكم السلام يمه... فاتن: مانيب أمك!! منى: يوووووووه إذا مانتب أمي ليش متصله علي عيل !! أوووووووف... فاتن: أنتي ما تخافين ربك... أنا أمك تكلميني كذا!! منى: هـــــــــــــــــــــو مو أنتي من شوي تقولين آني مو أمج!! فاتن: كولي تبن... منى: شتبين أنتي إخلصي علينا!! فاتن: لاحول ولا قوه... والله إني كنت ما أرفع صوتي على أمي.. منين أنتي جايه ما أدري!! منى: جايه من بطنج... فاتن: ليتي ما جبت أم محمد تعاوني بالشغل وأخذت إجازة عشان ما تطيحين... ليتك طحتي كان أنا بخير... كان ما تفشلت ... كلن يسألني عنك ... إستحيت ... شقول زواج بنت خالتها وما تحضر!! منى: شسوي لها ذي ... كل يوم معرسه شكل... أنا فاضيه أيي!! فاتن: لا قولي منقهره إنها خذت طليقك قوليها... عادي... ترا كل الناس قالوها... منى: خلهم يقولون اللي يقولون.... أنا مب زي بنت أختج الهبله اللي ترقص بعرس حبيبها عشان تسكت الناس... وليت الناس سكتت... شافو الدم يوم سال من يدها... تستاهل ... وعقبال ما يسيل دم معاريسكم اللي فرحانين فيهم بحادث... يتقطعون تقطع... وبجمع قطعهم بيدي والله ما بذرف ولا دمعه... فاتن: ................................. منى: يمه؟ فاتن: أنا مب أمك... أنتي مو بنتي.... شلون تقولين كذا عن بناتي... قلبك أسود... أسود... حسبي الله ونعم الوكيل... منى: أي بناتج....ذولي بنات فرح!! فرح اللي دايم شايفه حالها عليج وحاسدتج شربة الماي.. فرح اللي حشت راس عبدالعزيز علي.... تدرين ليش؟ لأنها تبيج أنتي دايم بذيلها... دايم تبي تصير إهي المتفضله عليج... ماتبيج تناسبين ......... فاتن: بس...بس.... يكفيني طعون... حرام عليج...حرام... هذي أختي ولا تبي لي إلا كل خير.... عمرها يوم ما فرقتني عن نفسها وعن بناتها.... إذلفي ما أبي أسمع صوتك... ما أبيك... ما أبي سواد قلبك... الله لا يبارك فيك قولي آمين...الله لا يبارك فيك... ******** _بعد إسبوع_ "في الصالة" أم عبدالعزيز: تو مكلمة عزوز... ياحبي له... يقول يبيني أجهز له المطبخ.... أم عبدالله_تكتم صوت التلفزيون_: وشو؟ أبو عبدالعزيز: مب عزوز بيسكن ببيتنا اللي بالخبر... يبي أمه تجهز له المطبخ... أغديه تروح بكرا مع طباختهم وسلمان... يشوفون وش ناقص... يكملونه... أم عبدالله: وش بينقصه ؟ مير دلع لازم يجيبون كلش جديد... فسق الله لا يبلانا... أم عبدالعزيز: لا والله يا خاله ... حنا نجيه طرقيه... وهم بيسكنون فيه... يبي لهم... مير متى بنسافر عشان أشوف كم معنا وقت... أم عبدالله: وه... رجيلاتي توجعن.... مانبي نروح مطاليا.. ولا مسانيا... كله مرافع ومطامن... خلونا على دندل أحسن... سلمان: يبه.... الحين مطاليا إيطاليا ومسانيا وشي؟ _يعض أبو عبدالعزيز شفته ليسكت سلمان_ نورة: لا تطنز على أمي نورة.... مسانيا إسبانيا... أم عبدالعزيز: خالتي صيري بالعربيه.... ماعلى رجيلاتتس باس... سلمان: يبه.. ترا عندي شغل ما أبي أروح مع أمي للشرقية... أم عبدالله_تضربه بالعصا_: هر!! يا إبن الحمار!! بس تطنز ولامن جاء النفع ما تنفع!!! أبو عبدالعزيز_يلتفت على نورة_: ناه أمي... تسبن وأنا بوه... نورة: عادي... تحدث في أكبر العوائل... سلمان: يمه عاد ... وش ذا!! ورا ما يروح مجيد الدلخ... أم عبدالعزيز: لا تقول عن أخوك الكبير كذا!! أبو عبدالعزيز: هذولا ربات الشيبان!! قوموا تقلعوا.... يالله نورة... روحي جيبي لابتوبي على المكتب بغرفتي... شوي شوي تركدي... ما أبيه يجي كسر... أم عبدالله: بعدي النوري... ركادتن تمشي على الأرض... نوير ما تكسر شي... ثقل بنيتي.. بعدي والله... يا حبي له تسمع الكلام... _تضم نورة جدتها وتقبلها_: الله يخليتس يمه ... طالعتن عليتس... سلمان: يمه نورة تراه تسبتس.... طالعتن عليتس.... لو أنتي مثله كان ما جبتي أحد ... يطيحون من شهر الحمل الأول من زود الركادة... _لم تلتف الجده لسلمان, وأخذت تتأمل نورة التي تصعد الدرج وحين ذهبت إلتفت عبدالله على والدته قائلاً:_ هاه... يمه وش أرد على الناس... فشله منهم... أم عبدالله_دون أن تلتفت _:أقول لا... أم عبدالعزيز: الله يهديتس يا خاله....!! الرجال يخطب ونفرط حنا بوه... بندر ... منهو أبوه ومنهو هو... عقل وثقل وأخلاق... وماسك حده... وش تبين بعد!! لا تخربين على البنت... أم عبدالله: البنت بنتي.... أبو عبدالعزيز: إيه يمه البنت بنتس... بس... أم عبدالله_تستند على عصاها وتقف بغضب_: الحين أنت جاين تشاورن!!؟ أبو عبدالعزيز: إيه يمه.... أم عبدالله: وأنا أقول لا... وبس...لا ترد الكلمه... _أقفت وهي تسير بغضب ويصدر عصاها صوت على البلاط_ سلمان: يبه... ليش هي معصبه.... أبو عبدالعزيز: ماتنلام.... قلبه يتقطع... خايفه... سلمان: ليش خايفة؟ أبو عبدالعزيز: خايفتن يصير لنورة مثل ماصار للطيفة أختي الله يرحمه... سلمان: عمتي لطيفة اللي مايته من قبل ما تولد نجود؟ _يهز أبوعبدالعزيز رأسه , تلتفت أم عبدالعزيزوهي تضرب كفيها ببعضهما_وتقول: طيب ... الزمن إختلف... ورجال الحين مب مثل رجال أول... وبندر أكيد مب مسوي سوات رجل أختك!! سلمان: وش سالفته!! مب هي ماتت بولاده؟ أم عبدالعزيز: لا.... وإيه... سلمان: شلون يعني؟ أم عبدالعزيز: الله يرحمه.... كانت تشبه نورة... ماتقول إلا إن نورة بنته... بس سبحان اللي خلق وفرق... *********** *********** "الجزء الخامس والأربعين" "في الصالة" عذبة تتكلم بالجوال مجيد إسمع... الولد صغير على الشغل بالشركة.. أقل ماهنا يكمل الثانوي... عبدالمجيد: ألحين أبعرف ... من قالتس ؟ عذبة: موب شغلك من قال لي... شغلي تخلي هالبزر اللي أنت ضافه يكمل دراسته عبدالمجيد: وش دخلتس بوه... أنتي أمه... عذبة: حرام يضيع مستقبله... عبدالمجيد: أقول عاد لامن كمل الثانوي الوظايف تحراو...!!؟ يحمد ربه... وظيفته ذي مايحصله واحد دافن عمره خمس سنين بالحاسب... عذبة: يعني أنت تقوله...هو مو مؤهل... عبدالمجيد: إسمعي يا مرة... عذبة: إسمي عذبة لو سمحت... عبدالمجيد: والكووووبة... عذبة: مجيد إذا ما إحترمت نفسك لا تلومن إذا غلطت عليك... لسانك طايل هاليومين... عبدالمجيد: إسمعي يا عذبة... الولد يتيم... وشاطر بالحاسب... شاطر مرة... حتى المهندس اللي بالشركة مرة مدحة وقال إن مستواه أحسن من مستوى اللي قبله... واللي كان متخصص حاسب... حنا محتاجينه... وهو محتاج الوظيفة ... يكد على خواته حرام عليتس تقطعين رزقه... إحتسبي بوه الأجر... يتيم ويكد على أيتام...ما لأهله غيره ولد!! عذبة:................... عبدالمجيد: وش قلتي أفنشه!! عذبة: لا... بس يجي للشركه بعد المدرسه... عبدالمجيد: خير!! عذبة: خلن أكمل... يجي للشركة ويسوي شغله بس وهو يدرس... وبالعطل يجي دوام كامل, وراتبه يمشي زي ماهو بالعطله ولا بالدراسه... وأنت أقنعه إننا ما نقدر نعطيه وظيفة ثابته إلا إذا تخرج من الثانوي بمعدل.. عشان الشركة تدرسة بأي جامعة تناسب تخصصه ويكون موظف معه شهاده... ويصير متعاون معنا وهو يدرس بالجامعة...وإذا خلص الجامعه يجي عندنا بوظيفة ثابته... عبدالمجيد: نكد على عميان حنا!! خلاص موب مشتغل يذلف... موب بعد ندرسه على حسابنا... أخاف يورينا بياض رجليه ويفرك... عذبة: مو ب يتيم ويكد على أيتام ... نحتسب بوه الأجر.. _دخلت نورة من الخارج شاحبة الوجه, إتجهت للدرج مباشرة دون أن تلقي التحيه على عذبة_ عبدالمجيد: طيب... باقي شي ثاني؟ عذبة: هاه!! إيه... لاعمرك تغيفلن وتلعب من وراي... ولا تغلط بالكلام... سلام.. _أغلقت السماعة وهي ترقب نورة تصعد الدرج, بدت قلقه عليها_ *********** "في غرفة نجلاء" نجلاء منكبة على السرير, تجرب جهازها الجوال الذي إشترته للتو.. ينفتح الباب بقوة, تدخل نورة وترمي نفسها بجانبها, إلتفتت نجلاء بذهول ونظرت لنورة الشاحبة والتي إغروقت عيانها بالدموع, شفتيها ترتعشان نجلاء: جنب!! وش بتس؟ نورة: أمي نورة ,,,,أمي نورة معيه آخذ بندر... نجلاء: طااااعووووووش!! ليه؟ نورة: ما أدري...تقول ما أبي يصير له زي بنتي لطيفة... نجلاء: لطيفة !! اللي مايته من زمان!!؟ وش جاب طاريه,,, ولا على حظتس تذكرت عمتي إن له بنتن مايته!! نورة: ما أدري وش جاب طاريه...ما أدري... بس اللي أدري عنوه إن أمي معيه... نجلاء: طيب وش سالفة عمتس!! نورة: أنا أدري عنه!! أبي أدري... سألت نجود وقالت ما أدري... نجلاء: خن نسأل عذبة!! نورة: وش إيدري عذبة!! نجلاء:كل تاريخ العايلة تعرفه... حتى أهلي تعرف عنهم أكثر مما اعرف... أبوي ناصر كان دايم يقرق عليه... نورة: توقعين تدري ليش؟ نجلاء: أكيد ... أفا عليتس... وبعدين لو ما تدري أسأل أمي عذبة.. ولا عمتي مها... نورة: لالا.. أخاف يدرون إني أبي بندر... نجلاء: وإذ دروا!!! وين كلامتس عن الحب والتضحيه... يوم طق بابتس ما تبين أحد يدري!! نورة: لا.. لا تسألين عذبة _دخلت عذبة بهدوء ووقفت بجانب نورة وقالت_: وشو اللي ماتبينه تسألن؟!! نورة: بسم الله منيل طلعتي؟ عذبة: عاد أحد غيرتس يسأل هالسؤال.... وش بتس؟ .نورة: مابي شي.... عذبة: متى بتسافرون؟ نورة: الأسبوع الجاي يمكن.... عذبة: يمكن!! نورة: وه ما أدري لامن قالوا يالله مشيت... نجلاء: عذبة ... وش سالفة لطيفة عمة نورة؟ عذبة: لطيفة!!! ليش تسألين الحين وش جاب طاريه؟ نجلاء: لقافة .... نورة تبي تدري عن عمته... عذبة:أها.... لطيفة بنت عمي... سالفته سالفه الله يرحمه.... نجلاء: وشي؟ عذبة_تقطب جبينها وتنظر لنجلاء بريبة_: طيب وش جاب طاريه الحين؟ نورة: حرام الواحد يبي يعرف عن عمته؟ عذبة: لا... بس... نجلاء: عذبة بلا ملاغه تكفين قولي لنا السالفة....!! عذبة: طيب.... ***** ________________________________________ ينزل عبدالمجيد وهو يحمل جواله, بدى غاضبا, قابله فيصل قادماً من المطبخ وهو يحمل كوب من الشاي, نظر عبدالمجيد لفيصل وإنفجر غاضبا وهو يصرخ: الحين ذي وش سالفته!! كل شي لازم يمر من تحت مناخيره!! ذبحتنا ما تخلي اللقافه عنه.... والله حااااااااااااااااااااله!! كلش يوصل له... أكيد هالشايب اللي تقوله بابا ماهر!! مصدق إنه أبوه... أستغفر الله العظيم.. فيصل_يرشف الشاي ويهز رأسه قائلاً: أح حااار..لطع لساني... منهي ؟ عذبة؟ عبدالمجيد: ومن غيره!! شف لي حل معه ياخي!! _يعرض فيصل ذاهبا للصاله الرئيسية حيث يجلس سعد وأبوعبدالعزيز وهو يقول_: لو بشوف لك معه حل ... أشوف لنفسي أول.... موب؟!! عبدالمجيد: شفلي وشف لك!! فيصل: أقول تعال تقهو مع عمانك وبرد ... ترا الحرارة تجيب الضغط والسكر إسأل سعد... سعد: هه..هه.. تطنز!! إيه ماتدري يمكن ربي يبلاك.. فيصل: لا ... أنا يمكن يجين السكر هالحين..موب لامن طقيت الخمسين... أنا ومجيد بتمرضنا عذيب.... "في غرفة نجلاء" عذبة: وكانت دلاله عمتي أم عبدالله ... أنا ما أعرفه... ماتت بعد ولادتي بكم شهر... وخطبه واحد معروف بمرجلته وسمعته واصله آخر الدنيا... عاد أبوي ناصر كان هو ولي أمره لأن عمي عبدالعزيز كان متوفي قبله بسنتين...تقريباً..وعيا قال أخاف ماتمشي معه... لأنه مدللـه وماتشيل القرطاسه من الأرض وتدخل على ذا أربع وعشرين ساعه ذبايح وعزايم... بس عمتي ركبت راسه..تقول الرجال لامن صار سنع ما يضر البنت لو تعلم..حتى هي كانت من راي أمه... وبعدين تزوجته وما مر أقل من سنه إلا وهي تعرف تطبخ الذبيحه ... ودايم عنده عزايم, وعيا تدخل بيته شغاله ... نورة: طيب .... والمشكله وين ... وش اللي موته طبخ الذبايح؟ عذبة: لا... يقول أبوي ناصر الله يرحمه إنه كانت حامل أول حمل له وكانت بالشهر الخامس.. الظاهر الخامس... وكان الحمل موب ثابت... راحت تراجع وقالوا له لا تتحركين... وطلعت من المستشفى وجت للبيت وجاء رجله ضيوف وذبح الذبيحه ودخله عليه, قامت المسكينه وبدت تشتغل وهي تعبانه... ويوم شالت القدر اللي فيه اللحم بتحطه على ذاك اللي يطبخون عليه على الأرض... ما أدري شيسمونه... نورة: اللي هو...بعدين..؟ نجلاء: إبلعي تسبدتس!! خليه تكمل...وه.. مشتبه أم عبدالله.... عذبة: وه لاتهاوشن!! إيه هي شالت القدر الثقيل وهي أصلاً حمله موب ثابت, جاه نزيف مره قوي, وداه زوجه للمستشفى ومالحقوا عليه نزفت واجد وماتت... وهذي السالفة... نجلاء: أكيد عمتي أم عبدالله متقطع قلبه... أكيد تحس إنه هي السبب بموت بنته... ياحرام.... _نهضت نورة دون أن تنبس ببنت شفه , خرجت مسرعه, وأغلقت باب الغرفة بقوة_ نجلاء: هيه النوري!! وين بتروحين؟ عذبة: وش به موب مظبوطه؟ نجلاء: والله ..... عذبة: وش سالفته؟ وش جاب عمته لطيفة الحين على باله؟ نجلاء: أمه نورة معيه تتزوج بندر خايفه تموت زي بنته اللي ماتت... تبي تزوجه ولد صديقته أم هشام.... عذبة: هشام ولد أم هشام ماغيره!! نجلاء: ليه تعرفينه أنتي؟ عذبة: لا... بس لا تقولين له شي... خطب ليلى بس عييت... نجلاء:والله أنتس خبله وش جابوه لمشاري.... بس فيصل أحسن منهم كلهم... عذبة: أقول ليلى!! نجلاء: معليش...سمعت غلط.... عذبة: صح هشام بيعيشه مثل عيشة أهله بس.... ما أدري أحس إن بندر أحسن منه... بندر أرجل منه... بندر موب عشانه أخوي... بس مافي مثله... تبين الجد والله لو هو موب أخونا كان خطبته ليلى ولا لتس... نجلاء: ليش ماتخطبينه لنفستس؟ عذبة: هــــــــــــــــــــــــو!! وفيصل وين راح؟ نجلاء: أها.... والله ما أدري عنتس أنتي وياه... عذبة: طيب..نورة وش رايه؟ نجلاء: بيني وبينتس نورة من زمان وهي تبيه... وبندر بعد يموت على ترابه... بس هالعجوز شكله بتنشب لهم... عذبة: لا والله!! يموت على ترابه!! بندر!! معليش لو أحد ثاني... بس بندر ما أصدق... نجلاء: وه كان دايم يتحايل ويسأل عنه بطريقه غير مباشرة... كنت لازم أجيب طاريه عنده... وما أدري ليش... وإكتشفت بالآخر إنه هو اللي يجرن وأنا ما أدري ... لا ومسوي ثقل ولا يهتم ولا يلتفت وأنا أتكلم عنه... بس ليلى فضحته... خخخخخخخ عذبة_تعض إصبعها_:بس مو من حق أحد يحرمهم من بعض.... لازم أحد يقول لعمتي لا... نجلاء_بسخرية_: منهو؟ تعرفينه ما تكسر له كلمه... من أولهم لآخرهم بس سمع وطاعه... من اللي بيجي الحين وبيقول له وقفي أنتي غلطانه.. عذبة: أنا,,,, بندر غير منصور!! نجلاء: مين منصور؟ عذبة: رجل لطيفة الله يرحمه.. نجلاء: تقدرين؟!! عذبة_تبتسم_: قدرت أوقف بوجه عياله كلهم ما أقدر أواجهه هي... وبعدين وقفت بوجهه يوم كانت بتغصبن على ولده... نجلاء: هه...وقفتي بوجهه!! إلا قولي خليت أمي وأبوي ناصر يفكونن منه... نسيتي شلون طيرت أمي الله يرحمه... عذبة_أشاحت بوجهها_: بس... أنا الحين أقوى ... نجلاء: العجز شياطين.... عذبة:هههههههههههه لا.... أعرف شلون ألف راسه... ********* "في الصالة" سعد: لا مايصير!! فيصل: أنت ما أيست منه للحين!! للحين تفكر بفلوسه وطمعان به... ماتنب محلصن من وراه هلله... عبدالمجيد: هدو أصواتكم شباب!! أبو عبدالله: بس والله ظلم... أنا بيوم العرس عيا يجين النوم... حنا ظالمينه وبالذات أنت يا فيصل... لو كانت بنتي مارضيت تصير معلقه سنتين... والله ماجد ما يرضاه لبنته... فيصل: بنته راضيته لنفسه... سعد: لا ما رضته.... وش بتقول يعني... بنت وتستحي.. وبعدين من تقول له... من بيفزع له... حنا وأهلك ويكفي اللي صار قبل... أكيد إنه خايفه إننا نحسبه تبي ترجع لمشاري... لازم تشوف حل... فيصل: ماعليكم من أنا وياه.... ********** "في الفناء الخلفي للبيت" أقبلت عذبة تضع "شرشف" على رأسها, دخلت المطبخ وتسللت عبر الدرج الجانبي, قطعت الصالة نحو جناح أم عبدالله وتسلل لمسمعها صوت جدال الأخوه بالصالة الأرضية... أبو عبدالعزيز: طيب لا ترفع صوتك علي... أنا أبوك!! فيصل: لا غلطان... أنا أبوي مات... أبوي عبدالعزيز بالأسم.. وأبوي اللي عرفته ناصر... لكن عبدالله _ويؤشر عليه_اللي أعرفه أبو عياله وبس... سعد: مو وقت تصفيه حسابات..... يارجال تتزوج عذبة قبل نهايه العطله... يا رجال تفكه من شرك وتخليه تشوف مصلحته... كل اللي كبره متزوجات... ماترحمه أنت!! فيصل_ينظر لسعد نظرة إستحقار وسخرية_: لاااااه... إسمعوا من اللي يتكلم بالرحمه... _يبتسم_أستغفر الله...والله شر البليه ما يضحك... أبو عبدالعزيز: فيصل لا تطنز حنا جادين!! إسمع أنا أبكلم البنت وأبسأله ... إن قالت إنك مزعله بشي... بفركش الخطبه... وأبعلنه للناس... البنت موب مخطوبه... سعد: لا والله!! وش أكثر من اللي شافته منه... مع شغالته... وتقول مزعله بشي... بس فيصلوه نمس.. أكيد لاوين ذراعه... ومخليه تسكت له... عبدالمجيد: وشو هالكلام.... أصلاً الخبل اللي يحط راسه من راسه ... مستحيل فيصل يصير لاوين ذراعه... بإيش ولا بإيش... كلش له... وعمي ماخلى لحد فرصة على بنته... فيصل_يتصاعد نفسه_: سعد ثمن كلامك ولا والله أنت اللي بتندم... سعد: أقول عاد... مابقى إلا هي....تهدد بعد!! أبو عبدالعزيز: البنت أنا المسؤول عنه.... ومعك لنهاية الأسبوع... إن ما حددت معه يوم للزواج أنا بفركش هالزيجه كله... ومالأحد له دخل بي أنا وياه... _أسندت عذبة رأسها على الجدار وتهاوت على الأرض وهي تسمع للحوار الملتهب_ فيصل: إسمع... أصلاً أنا ما أبيه... بس عشان عمي يبين أتزوجه.. أنا موب كاسرن بخاطره عقب ما تطلقت أتركه... وهي اللي الحين تبين... تفهم.. أنا لا لويت ذراعه ولا شي... هي قالت لي بالبنط العريض... رح وسو اللي تبي وأنا ماراح أتزوج غيرك... هي تبين شسوي له أقول له إلا إنقلعي... خلونا على حالنا ولا تتدخلون... سعد: طيب مادامك موب كاسرن كلمت عمك ولانتب كاسرن بخاطره ليش ما تتزوجه مو مزلبه بذا وقاعدن تصيع برا!! فيصل: أنا ما أصيع... أنا أشتغل وأتاجر... أجمع لي شي عقب ما صكيتوا على حلالي... وعقب ما كتب عمي كلش باسم بنته ولا كأن لي شي منوه وأنا مضيع دراستي ووناستي أركض بوه... وبالآخر يصير باسم بنته وش تبي من أسوي... أقعد أطر بنته تعطين وظيفه عقب ما كنت أنا اللي أوظف ولا أتشحدكم تعطونن من حلالي... وتحدونن أفضحكم بالمحاكم عشان آخذ حقي!! أنا مانيب راجع... وإذا عذيب تبين تلحقن هناك... ولا تنتظر حد ما أخلص أشغالي وأرجع... وإذا ما تبين تطق راسه بالجدار وفكه منه ... رح كلمه يا سيدي وقله ..... إذا هي تنتظرن ولا تعرس ... أروح لغرفتي أصرف لي... مجيد تعال أبيك... _يصعد الدرج_ _سمعت عذبة صوت خطواته على الدرج الرئيسي.. تحاملت على نفسها ونهضت وهي تترنح من هول ما سمعت نحو الدرج الجانبي, شدت الشرشف على رأسها وأدخلت طرفه بفمها محاولة أن تكتم صوت بكائها, ركضت بالدرج, ووصلت إلى المطبخ , إصطدمت بالطاولة فسقطت صينيه تحمل بيالات وفناجين, دوى صوت تكسر الزجاج , إلتفتت وحمدت ربها أن لا أحد بالمطبخ, سمعت خطوات ثقيله تتقدم للمطبخ, ركضت نحو الخارج ولم تقف إلا بمطبخ بيتها فرمت نفسها على الأرض وهي تنشج, أمسكت بها الطباخه مذعورة_ الطباخة: مدام !! شو بكي!! مداااااااااااااااااااااااااااااااااااااااااااام!! الواطي فيصل عملك شي!! عذبة_تخرج الكلمات بصعوبه_: طعني.... طعني يا أبوي طعني.... يبه تعال إسمع شيقول عن.... الطباخة: طب هوني عليكي ...لحظة.... لحظة بجب لك مي... _أحضرت كأس ماء, شربتها إياه , أسندت عذبة رأسها على صدر الطباخة_ عذبة: أبي أروح لغرفتي... بس لا تشوفن نجلاء... تكفين... ودين رجليني ما تشيلن.. الطباخة: تكرم عينك حبيبتي.... _تساعدها بالنهوض وتوصلها لغرفتها صامته, وحين أجلستها على سريرها, رمت عذبة رأسها على السرير وتنهدت ,إلتفتت الطباخة ونظرت لعذبة متردده_ عذبة: وش عندتس؟ الطباخة: ما بتواخزيني مدام .. هالشب مو مطمن ألبي لألو... إزا فيكي تمنعيه ما بيدخل البيت بيكون أفضل... عذبة_فتحت عينيها_: ليه؟ وش مسوي؟ الطباخة: بصراحة ما نوا مزبوط... لعمى لمى بيدخل البيت ولا كأنوا بيتوا لأبوه... بتفتكري يوم نورة خبطت بندر على رجلوا... عذبة: إيه... الطباخة: كان بيلحئى, دخل المطبخ لا إحم ولا دستور وإنتي من شويه طالعه منو.. يعني لو إيش ما كان يصير ما بيصير يدخل هيك... ومو لابس أواعي محترمة.. لابس لبس النوم .... أريضة تئرضوا إن شاء الله... عذبة: طيب سوا لتس شي؟ الطباخة: ولي!! والله لأدفنوا بالفرن لو بيسترجي يتطلع فيا... أصلاً أنا شاخطي فيه أبل هيك مرة... عذبة: وشو؟ الطباخة: يؤ... يبعت لي حمى شو نسيت إلك!!؟ عذبة: أقول ترا موصله معي... وش صار؟ الطباخة: الشيطان الرجيم لئيتوا بينفش بأواعيكي...يوم زواج نجود... صرخت فيه وكلمه مني وكلمه منو وأجت نورة عالصريخ... وطلعتوا من الغرفة.. أبصر شو كان بيساوي!! آل بدو ياخود دواكي... لعمى شو نمس وحقير وواطي... عذبة: وه...وآخرته معك يافيصل!! الطباخة: لا موخازه مدام.. بجد أنتي خطيبتوا!!؟ لعمى... صحيح إهوا شكلوا جنتل وهيك البنات بيدوبوا عندو... بس... وحده متلك أويه وفاهمه وشاطره... ما بتخلي واحد متل هاد يلعب بعئلى... عذبة: الله يعافيك وأنتي طالعة صكي الباب وراك.. الطباخة_إبتسمت بإحراج_: حاضر مدام... أساوي لك عصير ليمون منعنع بيهدي أعصابك... عذبة: إيه... ************ ................................................. آه لا ونيت أنا..قام صدري له صليل من سمعني تالي الليل جر بقيل آه آه لو إن آه ياناس تبري من العليل كان كثرت البكاء والونين وقيل آه آه من قلب(ن) يشادي كما قلب الهبيل كل ما جاء له طبيب(ن) تعسم من دواه... آه من دمع(ن) تحدر على جيبي هميل لو يعدل له على منهل زروع(ن) سقاه×× والدي العزيز... للتو ذرفت لتراً من الدموع... مرة وحارقة, أحرقت ما بقي لي من كبريائي.. لم أكن أعي أنني جعلت من نفسي عاله على فيصل... آآآه, لا أدري هل أبكي أم أضحك, فقد فقدت التمميز بينهما , تلقيت صفعه تلو الأخرى من يديه الغاشمه, مازلت غير مصدقه ما فعله بي ويفعله, والدي العزيز, بقدر فرحتي بحريتي من قيودي, قدر بؤسي بإكتشاف الحقيقة المرة... ذرفت لتراً من الدموع, وتنهد جبلاً من الأم.... وبكيت فقدك وضعفي.... كم أحتاج إليك... كم أحتاج إليك.... عد سريعا.... عذبة.... _أغلقت دفتر المذكرات, ومسحت دموعها, تنهدت ورفعت رأسها, أخرجت صورة لوالدها وهو يحملها, كانت بالخامسة عشر من عمرها, متورده الوجه, باسمه الثغر, بدت كما لوكانت طفله متمتسكه بكتف والدها, الذي وضعها على كتفه الآخر, إبتسمت ثم ضمت الصورة وتدحرجت دمعه ساخنة صاحبتها إبتسامة عميقة, همست_: يا حبيلك يبه, حتى وأنا كبيرة ما تعبت من حملي...آآآآه يابوي... الحين ما أبي أحد يشيلن... بس أبي أحد يشيل عن همي.... آآآآآآآآآآآه... _فتحت الدفتر وكتبت_ لا تقلق.... سأذرف ضعفي دموعاً, وأطرد حزني آهات... حتى يبرأ قلبي... وتجف مدامعي... سأظل إبنتك... القوية... عذوب *********** ×× فالح آل وحيد "في الصباح" _على مائدة الإفطار_ عذبة: نجلاء... نجلاء: نعم؟ عذبة: متى نمتي أمس؟ نجلاء: إمممم يمكن على ثنعش ونص...ماكلمتي العجوز؟ عذبة: نجلاء إسمه أم عبدالله ولا عمتتس نورة... نجلاء: طب هي عجوز... عذبة: عيب تتكلمين عنه كذا... نجلاء: طيب كلمتيه؟ عذبة: هونت... نجلاء: ليش؟ عذبة: مالي دخل بهم..... نجلاء: أاها.... عذبة: نجلاء... أفكر ... بالعطله هذي نروح لمزرعتنا... ونعزم خوالي وأهل أمي عذبة ونستانس.... نجلاء: والله فكرة.... وناااااسة... أهم شي تجي هيله...فلـــــــــــــــــــه عذبة: توقعين يوافقون؟ نجلاء: أكيد خالي راشد وعياله بيروحون معنا وخالتي فاتن وعياله عدا البرميل باشا عذبة: نجلاء!!!! نجلاء: أو مدام عذبة جرحت إحساسك... آسفين بس هو برميل شسوي لوه... عذبة: لا تطنزين ربي يبلاتس... نجلاء: عمي ضاري كان سمين ... ويوم بغى ينحف نحف وصار سلك... عذبة: موب سلك... مفتول جسمه... نجلاء: والله يالبنات إنهبلن عندوه مره.... عذبة: متى؟ نجلاء: من زمان يوم أنا بالمتوسط... برحله شفناو بالسوق... يوه البنات طارن يقولن لي إخطبينا لوه... عذبة: بزران!! نجلاء: إيه صح... عماني بيجتمعون بالصيف ببيت جدي الله يرحمه... ليه ما أعزمهم بالمزرعة... عذبة: الساعة المباركة.... نجلاء: وناااااااااااااااااسه عماني يجون... بس هيا لا... وع عذبة: هههههههه لا مايصير تنادين أحد وتخلين أحد... نجلاء_تنظر لوجه عذبة, فيما حاولت الأخرى تفادي نظراتها_: عذبة.... وراه وجهتس مورم ... أحسبه يورا لي؟!! عذبة: نايمه..نايمه عليه... نجلاء: صحيح... طيب ليه عيونتس من تحت مورمات... بالعاده يورم الوجه مو اللي تحت العيون!! عذبة: مابي شي... تبين أهلتس يجون مع خوالي؟ نجلاء: لا... إذا رجعوا خوالي... ولا قبل مايجون.. أبسألهم وأرد عليتس...بس وش بتس؟ عذبة: ولهت على ليلى...... نجلاء: إيه.....يمكن ************ "في الحديقة" تفتح البوابة وتدخل سيارة فارهه, تتوقف عند الباب الداخلي, ينزل السائق ويفتح الباب ويمد العصا, تنزل سيده عجوز تتوكأ على عصاها, نجلاء تجلس فوق أحدى الشجيرات وترقب الموقف, العجوز تصرخ على السائق تارة وتلم عبائتها تارة أخرى, طرق السائق الباب وركب السيارة وغادر , أغلق الحارس البوابة , قفزت نجلاء من أعلى الشجرة , صرخت العجوز: نجلا يالجنية ... وش حدرتس من هالشجرة!! نجلاء: رجليني يمه... ما شاء الله متى شرفتي من القصيم يمه؟ العجوز: إيه... أنتي تحسبينتس بجنيف قاعدتن برا هالحزة... الشمس تشوي... نجلاء: يمه عذبة!! جالستن بالظلال...شوفي.. ورا ما تدخلين...؟ العجوز: وين عذيب.. وه يابسن حلقي من هالسواق... دردشه ما يفقه من القول إلا قليلا.... نجلاء: إخس أمي صايرتن مثقفة.... أقول إدخلي يمه أبروح أجيب لتس ماء... العجوز: وه... بس لا يصير بارد يكسر السنون!! نجلاء_وهي تجرها للداخل_: هو أصلاً بقابتس سنون يمه؟!! العجوز: هههههه... إي بقى لي ثلاثة... بس تراي أعظ... تبين تجربين؟ نجلاء: لا والله !! _أحضرت نجلاء الماء ومدت الكأس للعجوز, فماهي إلا لحظات, وإذ بالماء يسكب بوجه نجلاء, صرخت نجلاء_: آآآآآآآآآآآآآآآآآآآآآآآآآآآآآآآآآآآآآآحيه.... يمه!! العجوز: تستاهلين يالفرعونيه... أقولتس ما أبي بارد... ياسبيكه...ميكه... _أتت الخادمة تركض_ العجوز: روحي جيبي لي إميه وإخلطيه... نجلاء: أول مرة أدري إن بوه وحده عندنا إسمه سبيكة...ميكه...بس يمه بارد ... العجوز_وهي تأخذ الكأس_: تستاهلين_ترشف رشفة_ إيه هذي الأميه ... يالله الكوثر تسقين أنا ووليدي وبنياتي وبنيات وليدي...وأبو ماجد...تجمع شملنا يارب بجنات النعيم... نجلاء: إخس يا يمه!! تسني سمعتس تقولين أبو ماجد!! العجوز: وه...ما ألقف منتس... وين عذيب أنا أبي عذيب... نجلاء: فوق تبين أناديه؟ العجوز: لالا... أنا أبروح له.... بس تعالي إنغزي لي هالبليه... نجلاء: يمه.... مايبي لوه شي... العجوز: رقين وأنتي ساكته.... إلا مير نجحتي _تسير مع نجلاء نحو المصعد_ نجلاء: صباح الخير يمه... لي إسبوعين ناجحه... العجوز: ماشاء الله بنيتي شاطرة... جبتي منتاز؟ نجلاء: إيه جبت إمتياز... العجوز: الأولى؟ نجلاء: لا هذي قوية شوي... تحسبينن سعود يمه؟ أنا موب مصريه!! العجوز_بغضب_: إنغزية_تؤشر على المصعد _ وراه عليتس قاصر!! موب سعود وعذبه يجيبون الأول كل سنه!! ونجود بعد وتركي.. وعزوز و محمد ولد أخيي ... ذولا عليهم زود عنتس!! نجلاء_تمط شفتيها وهي تمسك بيد جدتها وتخرجان من المصعد_: إممممم... إن شاء الله السنة الجاية... العجوز: وين لاحقتن؟ أبحتسي عذبة وش يجيبتس؟ نجلاء: والله يأمي إنتس نكبه... !! العجوز: إرجعي من اللي جابتس يالله.._تدفها نحو المصعد_ نجلاء: يمــــــــــــــــه!! لا تخافين موب لا حقتس... أبنزل من الدرج... العجوز: يالله إذلفي.... وخليهن يسون قهوه تصمل الراس ... راسي يوجعن.. ويكثرن الهيل وأنا أمتس... ولا يحطن تمر تزلق نفسي عليه... نجلاء_بتململ_: طاااااااااااااااااااااااااااااايب.... _تتجه العجوز لغرفة عذبة, تطرق الباب وتدخل, تقف عذبة متهلله الوجه قائلة: حيا الله أم ماجد!! ياهلا ومرحبا... كنت أبجي لتس بعد الغداء... نورت غرفتي... إجلس يمه... إجلسي... والله أحلى مفاجأه يمه... _العجوز صامته وتتأمل وجه عذبة_ عذبة_بقلق_: يم...يمه...وراتس؟ العجوز: أنتي اللي قولي لي وراتس؟ عذبة_تصد بخوف_: وشو... مابي شي!! نجلاء يمه موسوسه... و... ما أبي شي...بس خايفتن على ليلى وأداريه... العجوز_تقف بهامتها الطويلة ونظرتها الصارمة موجهه لعيني عذبة_: لا تكذبين على أمتس... كل ما غفت عيني جيتي لي... وش مضيق صدرتس... قولي لي يا بنيتي... أنا أمتس... لاتاكلين بنفستس... نجلاء ما قالت لي شي... بس أنا منب مرتاحه... ويوم شفت وجهتس تأكدت.. عذبة_تضطرب_: ...................بس....يمه....أنا .... العجوز_تمد يدها المتجعدة بفعل السنين وتضعها على كتف عذبة_: تعالي يمه... ماجد لامن ضاقت بوه دنياو... حط راسه بذيا_تضع يدها على صدرها_ وصاح وهيض... تعالي ... الحضن اللي ماضاق بأبوتس موب ضايقن بتس... _رمت عذبة نفسها بحضن جدتها وأخذت تبكي بحرقة_ ************* "في غرفة نورة" أبو عبدالعزيز: وأنا يا بنتي مانب رادن الرجال وأنا ماشاورتس... موب حقي ولا حق أحد رجل قبل ما ناخذ رايتس... والرجال ما مثله, يشرا والله .. عقل وثقل وأخلاق... كلن يصيح منوه... بالقصيم وبالشرقيه... وبشغله هنا وهناك ... وخواله وعيال عمته ... كلهم والله أثنوا عليه.. نورة: ما أبيه يبه..... أبو عبدالعزيز: لا تردين الحين... فكري على مهلتس.... نورة: يبه ما أبيه ... ومانيب مفكره.... قله لا ما كتب الله نصيب... _عند الباب يقف عبدالمجيد الذي إحمر وجهه غضباً_ أبو عبدالعزيز: أفا ليش؟ نورة: توي على العرس... و... وهو مايناسب لي... أبو عبدالعزيز: بكيفتس... بس تراي مانب رادن عليه إلا الخميس الجاي.. فكري... _يخرج أبو عبدالعزيز, ويدخل عبدالمجيد وهو يصرخ قائلاً_: يالخبلة!! أنتي تحبينه ... ويوم خطبتس تردينه!! بندر رجل... لوما خطب هو كان خطبته أنا لتس... ليش تردينه ليــــــــــــــــــــــش!! نورة: ........................... عبدالمجيد: ردي علي!! نورة: أنت عارف ليش... عبدالمجيد_بسخرية_: عشان أمي نورة!! نورة: إيه... أنا ما أكسر بخاطر أمي... عبدالمجيد: أنتي كذابة.... أنتي طايحتن لتس تحبين أحد ثاني ... أدري لامن صرتي تلفين وتدورين... نورة: حرام عليك مجيد... ترا اللي بي مكفين... أنا أبي بندر... بس والله لا بندر ولا ألف من بندر يسوون دمعة من دموع الغالية... ما أبي اللي يغث أمي ... ما أبيه..._وإنفجرت تبكي_ عبدالمجيد:نورة... أمي إذا دريت إنتس تبينه بتغير رايه... نورة: لا... بتوافق وهي ما تبي... بس عشاني.. وأنا ماأبي أميميتي تنغث هذي أمي نورة .... أمي نورة... نور الدنيا كله وتسواه... _توقف أم عبدالله عند باب الغرفة وسمعت آخر الحوار الذي دار بين عبدالمجيد ونورة, سحبت نفسها بتثاقل نحو غرفتها, وأغلقت الباب_ ************** "في غرفة عذبة" العجوز: هين يا بنتي... أنتي رايتس بيضاء... بس هو اللي مايبيتس خلاص.. جت منوه ونعمه... عذبة: بس أنا عطيته وعد... العجوز: أي وعد!! هو ما يبيتس... مايناظرتس شي... الرجال عايفتس... آخذن بخاطره للحين عشانتس رديته وتزوجتي مشاري... ماعليتس منوه يا بنيتي ... ولا يستاهل مغثتس.. يرزقت ربي آخير منوه... عذبة: يعني إذا سألن أبو عبدالعزيز شقول؟ العجوز: قولي ما أبي فيصل... ولو هو يبين كان جاء ... أنا أبشوف حياتي وهو يشوف حياته والشايب اللي أنا موافقتن عشانوه ومات الله يرحمه... عذبة: صعبة... العجوز: لا صعبة ولا حاجة!! الباب اللي يجيك منوه الريح سدوه وإستريح!! أولا؟ عذبة: إي والله يا أميمتي... أصلاً أنا خلقة قرفانتن منوه... العجوز: ماتنلامين يا بنيتي.... يا الله روح روحي.... تعالي نتقهوى وعيني من الله خير.... ولا عليتس منوه... عذبة: إيه يمه ريحتين.... العجوز: يا عذيب يا قليب ماجد وأم ماجد... لا تشلين بصدرتس... إحتسي وفضفضي وتنفسي ترا الهم مثل الحصى لو تجمعينه بصدرتس صار جبال وإن حلتي كل يومن منوه حصاة راح ولا صار لوه أثر... يالله... نجلاء تحرانا نتقهوى... عذبة_وهي تمسك بيد جدتتها وتتجهان لخارج غرفتها_: إيه يمه... ترا أبيتس تسألين خالي عبدالرحمن إذا يطلعون لإستراحتنا,,,, أنا ودي أعزمهم به إسبوعين... نستانس ونغير جو... وأبنادي خوالي الراشد وخالتي فاتن... ويمكن يجن بنات عمومة أمي... نفله بالمزرعة ونستانس... العجوز: أبد إزهلي أخوي علي... أبشوف الوقت اللي يناسب لوه وأقول لتس... ********** "الجزء السادس والأربعين" "في الخيمة" يسكب عبدالمجيد القهوة لفيصل ويمدها له, فيصل شاردا الذهن, يبتسم عبدالمجيد ويصرخ : آآآآبو الشباب!! وينك فيه.. لطع يدي الفنجال.. فيصل_ينتبه _: هات.. ماتوقعته عاد نذلة لهالدرجه!! عبدالمجيد: عذيب؟ فيصل: بوه غيره!! أدري إنه تبي مشاريوه.... عبدالمجيد_يلتفت وينظر للحديقة حيث أقبل سلمان من بعيد_: أقول ياشيخ أنت تستاهل اللي جاك... أنت تتوقع لمن يقول له أبوي إن فيصل يقول تجي معي ولا تعرس بتوافق تلحقك!! أنت ماشفته لامن زمرت....... _يدخل سلمان ويضحك_ فيصل_يصرخ ضاحكاََ_: السلمي منكسر سنك!!! سلمان_يبتسم بقوة_: أهنئك على قوة ملاحظتك... بث أبثألك ثلون ثفته؟ عبدالمجيد_ينظر بطرف عينه بإزدراء_: ياربي على ثقل الدم يالسلمي.. أصلاً ما إنكسر إلا طرف سنك المسكين... يعني لو كل سنونك مكسرة صح!! فيصل: ياخي خل عندك دعابة!! السلمي شلون إنكسر سنك؟ سلمان_يجلس على المركاة_: ما أدري شلون ياخي وأنا أمشي بوه زيت مكبوب على الأرض هالبنقالي الوسخ ما مسحه وأجيك على خشتي وإنكسر.. عبدلمجيد: بجد بجد.. وش شعورك يوم شفت وجهك الجميل بالمراية.. عاد أنت خلقة طخمة لابالعاد بالدريشة المفتوحة... سلمان: هههه وجعن بطني.... خفت من لسان نوير... فيصل: هه ذكرتن بعيال ماجد.. إذا خافوا من شي قالوا بطني يوجعن.. عبدالمجيد: هه تذكرون نجلاء يوم تعيي تروح للمدرسة تقول بطني يوجعن سلمان: إيه... ويوم جاء سعود يغصبه تروح وشاله على كتفه سوته عليه .... فيصل: أنا أذكره زين ماجد طلع على صياحه وسعود يهاوش عليه عصب الله يرحمه وشالة وقال له لا أحد يزعل بنيتي.. عبدالمجيد: وع شاله وهي رابصة من ال(......) سلمان: يتيمه مسكينه ليش أصلاً يغصبونه تدرس! بعذرة .... فيصل: عاد أنت من ربعه!! سلمان: لا!! والله ما عمري سويته على نفسي إلا وأنا....نيم... عبدالمجيد: إيــــــــــــــــــــــه لا سمعتك تنادي أمي لامن جينا نروح للمسجد الفجر... فيصل: هع.... إيه عاد إذا جت أم عبدالعزيز تنادي الشغالة ..أدري إن فيها سالفة... سلمان: ههههههههههههههههه...شتسوي عاد أمي حالة طواريء.. *********** "في غرفة عذبة" ترتب ملابسها في الحقيبة على سريرها, تتجه للغرفة الملابس وتحضر جلابيات مختلفة, ترميها على السرير وتلتفت على أفنان الجالسة على طرف السرير قائلة: فنو.. وش ألبس حلق مع هالجلابية؟ شوفي لونه ما أدري شيبي صعب شوي... أفنان: إخس يالعلي صاروا يكشخون!! ماشفتك مهتمه كذا من عقب جهازك.. أقول شكلك عقب فركشة الخطبة قلتي ألحق على عمري!! عذبة: إيه!! وش فيها لو عشت حياتي ولا حرام علي.. حتى الإهتمام بالنفس مستكثرينه علي!! ليه مالي حق أنبسط وأعيش حياتي.. تبونن دايم أركض ورا الناس ورا الشغل ولا ألتفت لنفسي شوي.. أبعيش حياتي طوله وعرضة وأعوض كلشي فات علي.. وحياتي ما إنقبرت بعد فيصل!! أفنان: أقول يالتكرونية أنا وشقلت لك!! عمى يعميك أم لسانين.... عيشي حياتك ما مسكتك!! وجع.. ما قلت كلمه قبعت فيني... عذبة_تتأمل وجهها وتنفجر ضاحكة_: ههههه من زمان ماشفتس تهاوشين!! بس على فكرة ... ترا الظل مو داخل بلون ملابستس... وبعدين بصراحة نشبوا بحلقي.. من حطيت مكياج وهم يسألونن وش صاير وش صاير.. ولا تقل بالعدة!! تو قبل شوي نورة قابلتن طالعة من نجلاء وقالت"مدام عذبة على سن ورمح!!" قلت له لا على رجلينه.. قالت " وش صاير كاشخة أم الشباب!!" أستغفر الله كرهون بعيشتي... مير ما جاوبتين وش ألبس معه حلق؟ أفنان: إلبسي الحلق الفيروزي.. ذاك اللي شريتيه بجهازك ... عذبة: موب أنا .. أمي الله يرحمه هي اللي شرته... أفنان: عذيبة.. توقعين مشاري بيجي لمزرعتكم؟ عذب_تمط شفتيها وتهز كتفيها_: ما أدري...بس..ما أتوقع.. أفنان: صعبه يجي ... عذبة للحين تحبينه؟ تتوقعينه بيرجع لك؟ عذبة_تبتسم وهي تضع جلابيتها الخضراء وتتلمس الفصوص البارزة بلطف وتنظر لزاوية قصية_: ........... الحب واجد مير الاقدار صلفه ..... والأرض واجد لكن الحلم منفى واللي اعرفه راح ماعاد اعرفه ..... ولاظن يذكرني الى أقبلت مقفى أفنان: مجنونة!!! المفروض تقولين... ماهو حبيبي مورد القلب حتفه ..... ولا هو حبيبي يفرح بوقت ضعفي ما أدري شلون سوابك كل ذا وتحبينه للحين!!؟ أصلاً لو بتشوفينه بتذبحينه.. أنا أعرفك... _إبتسمت عذبة ووقفت ثم غمزت بعينها قائلة_: متى!!؟ متى الشواع تجمع إثنين صدفة....لاصار شباك المواعيد مجفي أفنان: ياربيه بس!! قمة التطرف .... لمن تحبين تحبين بجنون... ولمن تكرهين تكرهين بجنون!! إنتبهي ... ترا الدنيا ماتستاهل نستهلك فيها كل مشاعرنا.. عذبة: أنتي ماتدرين عن شي... وماجربتي شي.. أنتي تسمعين ماحسيتي.. أفنان: وهي ترمي بجسدها على السرير_: ذكرتين بهارون الرشيد يومنه يقول ماترى لا ماتسمع..هي كذا؟ عذبة: أقول ترا عقدتن هالعبارة عجزت أحفظة.. إلا على طاري الحفظ درستس دكتورة حفيظة؟ أفنان: وعععععععععععععع.... عذبة: يقولون البنات إنه بتدرس السمستر الجاي... أفنان: أقول إذا سلك الشيطان طريق فإسلكي طريقا آخر... لا تقربتس.. إحذفي المادة ..خذيها عن أحد غيره بطلي دراسه بس مع هالعلة لاتاخذين.. عذبة: إيه الله يحيينا حياتن طيبة.. أفنان: إسمعي شوري لاتخربينه على آخر سمستر!! عذبة: إيه لامن جت الدراسة أدبر عمري... ************* "الشرقية" "بيت الخال راشد" أم إبراهيم: وليدي.. وين رااااح؟ يارب إستر وأنت الله لا يسلطك ليه تقول له الحين؟ الخال راشد: موب بزر بندر رجل.. بيرجع الحين تلقينه عند أحد من ربعه.. يمكنه ناسين جواله بالسيارة... لا توسوسين.. أم إبراهي: لاااااه وليدي مايسويه .. من قلت لوه إنقلب وجهه وطلع.. لو بيروح عند أحد من ربعه كان غير ملابسه.. _دخل إبراهيم وألقى التحية_ أم إبراهيم: إبراهيم يمه.. رح دور أخوك .. طمنا عليه يمه.. الخال: يا أم إبراهيم لا تكبرين الموضوع... إبراهيم: وش بوه بندر...؟ _أقبلت عبير تحمل جوال بندر_ عبير: يبه..بندر ناسي جواله بثوبة.. لقيت ضاري خويه داق عليه خمس مرات.. وعوض الــ... ما أدري منهو ذا.. ورقمك إحدعش مكالمة.. ورقم.... إبراهيم_بغضب_: وش بوه بندر؟ الخال: مابوه إلا العافيه إن شاء الله.. بس قلت لوه إن أبو عبدالعزيز كلم وقال ماكتب الله نصيب وقام وأنا أتكلم وطلع ولا رجع.. بس يمكن مواعدن ضاري بمكان وراح له.. إبراهيم: قايلن له ... بس هو ما يحقر نفسه.. عبير: إلا وش ناقصه أخوي... أصلاً يتشرفون إنه خطب منهم.. أم إبراهيم: لاتهاوشون .. رح جب لي أخوك .. لو تسحبه بثيابه... عبير: يمه... إبراهيم يسحب بندر!! ههه... قاضيتن من ظهر ولدتس ولاهوب قادرن يحركه سانتي واحد.. أم إبراهيم: إنطمي يا القملة.... رح دور أخوك أنت.. أبو إبراهيم: أم إبراهيم ... هدي أعصابتس... أم إبراهيم: لا والله ... كلش عاد ولا بندر.. ياعيني على وليدي.. تقلقل وش تناظرن لوه..رح دور أخوك!! إبراهيم: أبشري يمه.. ****** "في غرفة نجلاء" تسحب نجلاء حقيبتها الكبيرة بخفة وتركنها بجانب الباب , تقف أمام المرآه وتنظر لشعرها المنكوش, تمشطه وتشده فوق رأسها ثم ترخيه , أخذت مبرد صغير وقفزت فوق السرير, تأملت أظافرها وهي تتمتم قائلة" إيه يا ليلى.. ما فقدتس إلا ظفوري..وعععع .." يرن الهاتف تمد قدمها وتحمل السماعة بأصابع قدميها وتلصقها بإذنها وهي تصاغي رأسها قائلة" نجلاء خلف الــ ... تتحدث..." "ياشين الدلاخة..." نجلاء: هيلوة ... لحظة بس أتعدل... _أخذت السماعة بيدها وتمددت على السرير, ووضعت وسادة تحت بطنها_ هيلة: نجلاء وراتس تزحرين؟ نجلاء: أتعدل.. وش عندتس..قولي أبوتس وافق تجين مع العمة بالمزرعة..قولي عاد... هيلة: والله يا أنتي رايقة.. أنا منب لمتس أنتي والمزرعة.. نجلاء: عشتوا وش عندتس؟ هيلة: أنا....إنخطبت.. نجلاء: كلوولولولولولولولويش..من تعيس الحظ اللي وقع بمصيدتس؟ هيلة: تخيلي يا نجلاء أبوي باعن بيع... نجلاء: وشو؟ هيلة: إيه.. أبوي يوم جوه يخطبون قال لهم البنت لكم..باعن بأرض وسيارة وكم ريال... والله إخواني حول يموتون من القهر, والأدهى والأمر إنه قال لهم يوم جو يخطبون أكيد أنتم غلطانين تبون أروى..تخيلتي!! نجلاء: هـــــــــــــــــــــــــــو!!! ليه موب أنتي أكبر من أروى؟ نجلاء: لا..بنظرة إنه حسافة علي... أو يمكن خاف من مرته...موب الناس ذولا بنظرالسيدة زوجته حسافة علي..الرجال غني ولد عايلة مشهورة وفخر له إنه تناسبهم هي ..تصدقين إنه قالته قدام إخواني بدون ماتستحي.. نجلاء: وش قالت؟ هيلة: قالت "هيلة طرطشة وبتفشلك بهم ..والله إن يرجعونه لك من أول يوم, زوج أروى إياو أنسب من هالشينة اللي ماتعرف الذوق والكشخة" نجلاء: الحيوانه.. أقول فكين عليه.. خلي أدبغة والله ما أخلي به عظم على عظم ولا عرق يسقي عرق...تقهههر.. طيب هم وش قالوا؟ هيلة: قالوا لا..حنا نبي هيلة.. نجلاء: إخس يالمهمة! تذكرين لامن قلت لتس أنتي حلوة وماعليتس قاصر وماعليتس من كلام نرجس الهبلة ماصدقتين!! هيلة: بس أنا ما أبيه..ما أبيه... حتى إخواني منقهرين من أبوي.. يقولون سود وجيهنا وهويساومهم..ولا تقل أنا بقرة مو بنت!! نجلاء: طيب أخوتس الدكتور اللي تسمينه الصنم وراه ما تحرك؟ أخبره هو اللي يوقف أبوتس عند حده دايم!! هيلة: حمودي والله ياعمري جاء لمي وقال لي كل شي..وقال لي إن الرجال ماعجبه ..يقول عنه بنيه والسلام.. وإن أبوه كل ما شدينا على الولد قام يلمح لأبوي باللي بيعطيه همن أبوي يسكتنا.. والولد ساكت وباين إنه متضايق من أسلوب أبوه وأبوي..بس بنيه موب قادر يعترض على أبوه... نجلاء: وه الله يعينتس..خكري وبالدبره!! ومحمد وش بيسوي؟ هيلة: قال لي إني لو ما أبيه..بياخذن للمحكمة وأشتكي أبوي ولا عاد يزوجن.. نجلاء: بعدي والله هذا السند..!! زين روحي للمحكمة ولا تخلين أبوتس يبيعتس بسيارة وقرشين!! هيلة: منتب صاحية..وش بيقولون عن الناس!! نجلاء:وش عليتس من الناس!! حقتس كافلة لتس الشرع... والناس تنطق!! هيلة: الشرع شي... وكلام الناس وتقبلهم شي ثاني... والله إن يشيلونن حلمة ويحطونن قراد ... نجلاء: والله بلشة.... طيب هم منيل يعرفونكم؟ هيلة: منكم... نجلاء: منا!! هيلة: إيه... تروك البنية... نجلاء: تركي ماغيرة ..ولد سعد!! هيلة: إيه بشحمه ولحمه... نجلاء: وأنتي ضايق صدرتس عشان تركي!! أصلاً تروك يخبن عليتس يالدردشة..من يحصل غسال رجلينه... تركي أرجل الرجال.. هيلة: نجلاء لاتسخفين دمتس... تركي بنيه وصايع.. كلن يعرف عنه هالشي.. أستغفر الله ما حد سلم منوه... نجلاء: وين خبرتس عتيق!! تركي تارك خرابيطه ذي من زماااااان... من زمان تارك البنات والسفر... السنه اللي راحت راح مع نواعم وعمانه..وهالسنه يقول بيسافر مع محمد رجل إيمان المطوع ذاك.. تركي ترا متغير,, وبعدين تركي رجل بمواقفه... والله ما وقف معنا أحد مثله.. يختي تركي تتمناه كل بنت..حنون قلبه نظيف رجل يعيش بقلب طفل... رحوم وينشد الظهر بوه..وصدقين أنا ما أقول هالكلام عشان أهون عليتس.. أنا أتكلم من جد... تركي رجل بمعنى كلمة رجل.... وهالكلام من تجربة... لاتغرتس المظاهر ياهيله... تركي ولو مالبس شماغ..مافي مثله بالمرجله... هيلة_بسخرية_: لاوالله!! فكين منوه خذيه أنتي... نجلاء: ههههه اهلي بدو.. يبون واحد شنبات..هههه إلا مير أبسألتس لابس شماغ يوم يجي؟ هيلة: لا لابس ترنقة.. نجلاء: لا والله!! والله إني قلت بيسويه بيخطب ببدله بس ماهقيته بتصير!! هيلة: مهبولة أنتي!! جاي ومشخص...كاشخ وريحت عطره واصلتن غرفتي.. بس ما أبيه يا مرة ما أبيه.... نجلاء: تبين أكلم عليه وأقول له إنتس ماتبينه؟ هيلة: لاتكفين..تركي مغسول وجهه بمرق لاحياء ولا مروة.. بيعاند وبيتزوج وبعدين يعايرن إن أبوي غاصبن عليه وإني ما أبيه وبيعرس علي... لالا.. تكفين لاتقولين له.. نجلاء: لا تخافين.. أصلاً كبرنا الحين موب زي منول امون عليه.. وبعدين لو قال لعذبوه أم ضروس وش بيفكن من لسانه...!! *********** ......................................... "أمام شاطئ نصف القمر" يجلس بندر ويتأمل الأمواج الهادئة, ضوء النجوم ينعكس على صفحة الماء, تلمس وجهه المجهد وشد شعره الأجعد,تنهد ورفع رأسه, إنتفض فجأة حين ربتت يد على كتفة.. بندر_يلتفت_: أنت!! ضاري: لا أنا... بندر_يشيح_: وش يدريك إني هنا.. ضاري: دريت... علامك؟ بندر: ردتن يا ضاري.. راح كل شي.. كنت خايف بالبداية ليتي ما صدقتهم.. قالوا لي هي تحبك... بس... ضاري: أهلك يدورونك... دق علي إبراهيم يسأل عنك.. كنت بالطريق جاي.. أنا عارف هالوقت عندك دوام..دقيت على عوض وسألته قال إنك ماجيت لهم, قلت أكيد الوقع أقشر... بندر: إي والله ياخوي أقشر.. ضاري: تستاهل هاللي يصير بك؟ بندر_يبتسم بمرارة_: وأكثر يا ضاري....آآآآخ ضاري_يهزرأسه_: من يصدق إن بنت تسوي ببندر كذا..ماهقيتها منك يارجل... بندر_يهوي على الأرض_: سوته .... بس موب هي.... العشق.. ضاري_يضحك ويهز رأسه قائلاً_: على ذاك الطريق اللي يسمونه غرام أحباب وطت رجلي على دربه ولاأدري وش نوى فيني بندر: تهقى وش نوى فيني؟ ضاري: قم يابوي.. قم يالله أنا أبنزل عدة الشوي جوعااان.. بلا عشق بلا خراط.. بندر: رايق..ماهمك إلا بطنك!! ضاري_وهو يتجه لسيارته_: أقول يا أبو راشد... ترا البنيه تبيك بس إن العجوز هي اللي معيه.. _يلحقة بندر ويمسك بكتفه ويوقفه وهويقول_: من قالك؟ ضاري:تو كلمت نجلاء..وسألت عن موضوعك وقالت لي.. بندر: يعني نورة موب رافضتن؟ ضاري: لا... بندر: أشوا.. ضاري: طيب... خل كتفي بروح للسيارة.. بندر: جد والله ضاري بندر: لا .. أكذب أنا..أكذب هاه!! منخبل الرجال ..كل هذا من العشق!! بندر: الله يورين بك يا ضاري.. ضاري: ياعووووووك... بدوي وعاشق وش يصير عاد.. *****"في سيارة تركي" تركي: بس يبه مايصير اللي سويته!! تساوم الرجال مساومة... والله إنحرجت... سعد: موب أنت تبي البنت!!؟ تركي: إيه بس ماقلت أبشريه...!! سعد_يضحك_: ههههههه ماشريته أنت... أنت شريت أبوه... تركي: يبه!! سعد: أقول تروك توك صغير على فهم هالدنيا... كل إنسان تقدر تشريه بشي.. اللي تشريه بفلوس.. واللي ينشرا بالمدح.. واللي ينشرا بالعين الحمرا .. الناس مذاهب واللبيب يعرف كل واحد شلون ينشرا... تركي: أنت تبيع بنتك كذا!! سعد_يلتفت على تركي الذي أمسك مقود السيارة بغضب_: أنا لا...بس هو إيه... تركي: شفت شلون إخوانه ودهم يصفقوننا... أحس إخوه الطويل شوي ويقوم يطردنا من المجلس... أكيد بعيي.. ماراح يوافقون إخوانه... سعد: لا يوافقون!! بالذات الطويل محمدوه خله بحريقة... يبي له كسرة خشم... وبعدين إزهل الموضوع كله علي.. ومدام الشايب بيدي ألعب زي ما أبي ماعليك من البزران ذولا.. الشايب كب عليه دراهم وينسى إسمه... ولو أقوله زوج بنتك أبوي ماعنده مانع... هههههههههههه تركي: طيب ... وإن أمنعوه عياله... تدخلوا إخوانه وخوال البنت.. ترا خواله نسبانا... تكفى يبه لا تستفز إخوانه نتورط معهم... سعد: أنا قبل لا أخطب.. سألت عن الرجال... عرفت إنه لامن ركب راسه محد يقواه.. وعرفت إنه بعد مايحشم أحد ولا يقدر لحد قدر.. يعني العيال وعارفين أبوهم ليش يدخلون الناس وهو بس بيرفض وبيركب راسه.. فكر ياوليدي لا تصير على نياتك.. إحسبه زين... ولو أنا شاكن لو شك إنه بيقوم لأحد غير دراهمي قدر كان جبت عمانك مير أحسن إن عمانك مايشوفونه كذا... تركي: لالا... أشوا إنك ماجبتهم والله إن عمي عبدالله يقول لأمي نورة وإن أمي نورة تحلف إني ما آخذ البنت اللي أبوه تسذا.. سعد: ياحمار لا تقلد أمي!! تركي:ههههههههه طيب هي تتكلم كذا... ************ ********* "القصيم" جلست هيلة على المركاة القريبة من باب الغرفة, ونظرت للبنات ثم تبسمت قائلة: بنات... منتب رايحات لمزرعة الـ................. ترا لهم يومين طالعين... إلتفتت نرجس ونظرت لشوق والهنوف الجالستين بجانبها قائلة: يمكن إن سافر أبوي... بيودينا الدحمي... تروحن معنا؟ شوق: ما أدري... ما عندي ملابس... يبي لي أروح أشري كم قطعه... مالي خلق... وبعدين لو على بنات عمتي عذبة عادي.. المشكلة لامن جو أهل نجود... أستحي منهم... الهنوف: إيه صح... نجود وينه؟ هيلة: رايحة بالرياض.. أهله بيسافرون بكرا... ومهوب رايحين للمزرعة.. نرجس: لااااه... وين بيروحون؟ هيلة: مادري بس هم أكيد بيروحون لأوربا.. أظن بريطانيا وفرنسا والظاهر بيمرون سويسرا.. كل العطله بيقعدون هناك... بس بيجون على آخر العطلة عندهم مناسبة... الهنوف: وش يدريتس عنهم!!؟ نرجس: عنده مصادره الخاصة... نجلوه ونوير كلش يقرنه بإذنه.. إلا وشي المناسبة؟ هيلة: إلا أنتي لازم تدرين عن كل شي... شوق: سمعت إن مجيد خاطب نجلاء.. أكيد زواج نجلاء صح؟ هيلة:لا الهنوف: وش عليكم منهم... أقول صبوا لي قهوة... أنا بروح للمزرعة بكرا...بروح مع عمي عبدالمحسن ... أمي بتروح متأخرة.. خالاتي بيجن للقصيم.. نرجس: روحي مع اللي تبين بس هيلة تكفين قولي لي وشي المناسبة؟ أكيد عذبة بتتزوج فيصل... هيلة: لا شوق: نرجس... أصلا عذبة خلاص فركشوا خطبته... بس بيعزموننا لهالمناسبة؟ هيلة: أكيــــــــــــــــــــــــــــــــــــــــــد... نرجس: أفا!! ليه عذبة فركشت فيصل؟ يجنن فيصل.. حرام ...خبلة رفست النعمة برجله.. إلا توقعون فيصل من بياخذ بعده؟ هيلة: يمكن ياخذ من خواله... نرجس: هاه...عندك خبر أنتي!! أكيد زواج فيصل؟ هيلة: لا تركي... أخو نواعم.. تعرفينه؟ نرجس_جمدت ملامحها_: ب...بي...بيتز....و....ج!!!! هيلة: إيه.... بيتملك بعد إسبوعين وبيتزوج على آخر إسبوعين بالعطلة... شوق: تروك .. شكله صغير!! هيلة: لا..كبير.. طبيب الحين يشتغل بمستشفى الملك خالد... نرجس: من قال لتس؟ أنتي كذابة... هيلة: عمر عينتس لاتصدقين...لامن جتكم البطاقات بتعرفين... شوق: أكيد بيتزوج وحده طبيبة مثلة!! نرجس: بس.... إيه الطبيبات بعضهن يلفن روس الرجال... تطيح الرجال به غصب.. ولا ... أمه سألت عن... وهو هيلة: وهو شافتس صح؟ بس ماعجبتيه ياحرام... نرجس: عاد أنا منب زي الطبيبات تضحك وتسولف معه وتلف مخه... أكيد إنه قليلة أدب وما تستحي من الرجال... هيلة: بس خطيبته موب طبيبه.... شوق: يمكنه شمس بنت عم أمه...أكيد..صح..أشوفه دايم تسولف مع أمه.. وأمه أخذت شمس معه يوم يطلعون من عندنا ذاك اليوم.. وكان تركي هو اللي بيوصل أمه للبيت.. أكيد هي صح؟ هيلة: لااااااا.... موب من خواله... الهنوف: نورة بنت عمه صح؟ هيلة: موب من أهله....... كلش..كلش... نرجس: أنتي كذابة... وبعدين شلون أحد مانعرفه وبيعزمونا..يعني لو بنات عمتي قلنا أووو........... لا تصير نجلاء!!! هيلة: نو نو نو.... نرجس: أجل من اللي بيعزمنا... أنتي تكذبين... هيلة: بياخذ وحده تقرب لكن كلكن... الهنوف: منهي؟ نرجس: إنطقي.. بياخذ من بنات خوالنا!! بنات خالي عبدالله... ولا خالتي لطيفة..لا أكيد من....من..!!! وجعن راسي؟ هيلة: الخبر تراو طازج .... ما يبغى إنه ينتشر.. الهنوف: موب منتشر بس.......... _تدخل حصة وتمسك كتف هيله متعجبه وهي تقول بسرعة_: الهلي....صدز اللي أمتس قالت لي!! شلون؟ متى.... ليش ماقلتي لي؟ هيلة_تضحك_: وأنا قضبتس... كل ما أدق عليتس مقفل وأدق على بيتس ماتردين!! حصة: يانعنبوا بليستس... تركي عاد!!!! هيلة_تغمز لحصة_: ليه تركي وش ناقصة؟ _وضعت نرجس يدها على فمها وجحظت عينيها_ حصة: لا تروك ماعليه كلام.... موب قصدي إن بوه شي... بس ماتوقعت يعني أمه شرقاوية .... وتوقعت ياخذ من خواله... هيلة: عاد خطبن.... بغان أنا ما بغى شرقاوية.... نرجس: تر...كي... بيا....خذتس....آآآآنتي!!! هيلة: وملكتي موب الخميس الجاي الخميس اللي بعده... نرجس: أكيد ... أصلاً... تركي شايفن أنا.. أكيد إنه يحسبن أنتي!! مايصير... لا تهكون على الرجال...خلوه يشوفتس قبل الملاك.. لا الحين من يشوفتس بالملكه يوريتس بياض رجليه... فااااهمه!! حصة: نرجس!!!! نرجس: لا حرام تهك على الرجال...بالله وقفيهم جنب بعض وش جاب لجاب!! تركي فلقه قمر أبيض وسيم جنتل وهي بسم الله علينا.. شوفي لبسه وشعره ولا لونه اللي ماأدري وش يبي... الهنوف: مبروك ياهيلة.... ماعليتس من نرجس.... نرجس غيرانه إنتس أخذتي اللي دايم تقول إنه إنفتن به.... أستغفر الله... والله يانرجسوه إن هيله حلوة وتخبن على الـ..... كلهم... هيلة_تتأمل ردود الأفعال وهي تتبسم_: عادي... متوقعه كلامة.. نرجس: شوفي أنا أبي مصلحتس.. ينسحب الرجال من قبل الملاك أهون من بعده.. حصة: والله يانرجسوه إنتس قليلة أدب!! هيلة: نرجس... تركي شايفن قبل لا يخطب.... ويعرفن قبل لا يعرفتس... نرجس: إخس يالوسخة !! حصة_تضرب نرجس بقوة_: ما الوسخ إلا خشتس!! هيلة: أنا ما رحت متلبسه ومتكشخة واو ماواو يوم شفته وأنواع الدلع وقلة الأدب.. أنا كنت أركض وألحلق نجلاء وما أدري منيل طلع لي وصدمته... وإذا ماصدقتين كلمي الحين نورة وإسأليه كانت حاضرة الموقف كله ترا بيسافرون بكرا العصر...إلحقي عليه عشان تأكدين... نرجس: .............................. أصلاً من زينه.... شوق: ههههههههههههههه لا والله باين إنه أحسن شاب عندهم.. دايم يسولفون عنه يقطع التسبد من الضحك.. وحليل.. تذكرين نورة يوم تسولف عن سالفتهن يوم نجلاء تضرب البنت ويوم دخلن يصيحن قاموا مجيد وسلمان يهاوشون عليهن وراما تغطن وهو رحمهن وقام يدافع عنهن...ولا مسك نجلوه ووصله لبيتهم بعد... ههههههههه والله ياذيك السالفة أموت وأنا أضحك عليه.. حصة: هيلة.... تعالي أبيتس شوي...تعالي معي لغرفتي... _خرجت هيلة تسبقها حصة, وإلتفتت نرجس للهنوف بغضب قائلة_: الحين أنتي ليش تقولين عن كذا!! الهنوف: بس أنتي تحسين وهي ماتحس!! دايم تطنزين عليه وربي أوثره عليتس... شوق: لا بصراحة يا نرجس أسلوبتس وقح وباين إنتس نغرتن منه... لاتحاولين تغطين على الموضوع. نرجس: وش به أحسن من!!؟ شينه وتاخذ تركي .. أحسنهم .... بس..بس إن شاء الله فيصل يصير لي.. أنا إن ما أخذت منهم مانيب متزوجة... الهنوف: عنسي أحسن... شوق: ما أكذب عليتس وأقول لتس إن ما أبي آخذ واحد غني ولد ناس هاي بس إني أروح وأترزز وأسوي سواتس لا... أنا معززة مكرمة واللي ربي كاتبه لي بيصير... شوفي هيله يوم ربي رزقه وهي على نياته... نرجس: وع ... أصلاً باين على تركي صايع... سمعت إنه يلبس سلاسل... الهنوف: هههههههههههههههههههه واللي مايطول العنب حامضن عنه يقول... بس على فكرة ترا عيال العز ذولا يعتبرون المرة زي السيارة يطفونبه ويجدعونه.. ولا ليش ما تزوجت عذبة فيصل ونجلاء عيت تاخذ مجيد ونجود أخذت خالي ليش؟ مابهم إلا ليلى أخذت من أهله... ************ "في بيت سعد" سارة: مبروك يا تركي مبروك..ياسعد البنيه فيك... تركي: إحم سمعتي يا نواعم؟ نواعم: إيه....خالتي سارة تجاملك سعد: لا والله ولدي مامثلة.. نواعم_تنحني على إذن تركي هامسة_: قال من مداحتها...قال أمها ومشاطتها!! تركي_يدفعها بقوة فتسقط على الأرض_: من زينتس عاااااااد!! ينهض سعد ويتلتفت على سارة ويبتسم قائلاً_ السوري أبطلع تبين أمرتس على أختس؟ سارة: الله يطول بعمرك ... ما أبي أتعبك.. أروح مع السواق.. ماله داعي أعنيك المشوار... سعد: يالله عاد روحي جيبي عباتس أنا أنتظرتس بالسيارة... جاهزة؟ سارة: لا... بغير ملابسي.. ما أبي أطلع بجلابية... بيجونها حمولتها.. لا ياعمري أخاف أخرك.. _تركي ونواعم يتابعون الموقف, نواعم تهز رأسها بتعجب بينما تركي يبتسم بخبث ونظر لسارة قائلاً_: بالعربي الرجال يبي هو يوديتس .... إفهميه عاااااااد!! سارة_بإحراج_: تركي!! سعد_يمسك بيدها ويجرها لحضنه قائلاً_: يالنجس نشوفك أنت ومرتك!! إيه أبيه تروح معي أغار عليه من السواق إرتحت!! نواعم: ماشاء الله يغار على مرته ولا يغار على بنته...!! سعد: وش تقولين؟ تركي_يقرص يد نواعم ويقول_: تقول ..بتروح لصديقته... سعد: إيه تروح.. بوه السواق أحد ماسكه!! يابنتي إذا أنتي تعرفين البنت وواثقتهم روحي... وإذا تركي فاضي يوديتس...يالله يالسوري عجلي على أنا بالسيارة... سارة_وهي تركض للأعلى_: طيب الله يخليك لي... شوي بس... سعد_يهز رأسه مبتسماً_: يالله تروك... اليوم أبشوفك .. نواعم: وأنا؟ سعد: وأنتي... أبتعشى معكم قبل لاتروحون لأمكم... _يخرج سعد_ نواعم: تذكر...كان مايودي أمي ولا يجيبه!! والحين سارة مابقى بعد إلا يودي خواته معه...!! تركي: تستاهل السوري... نواعم: يعني أمي ماتستاهل!! تركي_يحك شعره_: تبين الجد؟ لا... أمي ماتستاهل... أمي ماكان يشوفه أصلاً... أحسه تحسف على عمره اللي ضيعه مع أمي... نواعم: أنت ماتحب أمي!! تركي: أنا أحب أمي لكن أشوف الحق.. نواعم: بتروح معي لأمي؟ تركي: أجل من بيوديتس أنتي ووجهتس..بسلم عليه... نواعم: الله يخليك لي... وبعدين تجيك هيله وتضفك عني... تركي_يتأمل وجهها ثم يبتسم_: ترا والله الدلع موب لايق عليتس... نواعم: ترووووك...عندي إحساس إن هيلة بتشوتك من أول يوم... تركي: تشوتن وأرجع له...ههههه نواعم: جد والله!! هيله ماتطيقك... وبعدين تكره اللي يلبسون بدلات... ومرة قالت لي .. ليش كل عيال عمتس يلبسون ثياب إلا إخوتس؟ تركي: قولي له وش دخلتس... _تنزل سارة تركض بالدرج, تمر من أمامهم فيسقط نقابها, تنحني وتلتقطه, تتوقف عند الباب وتلتفت على نواعم وتركي قائلة_: مع السلامة نواعم مع السلامة تركي... يمكن أنام عند أختي.... يمكن ما أشوفكم إلا بعدين...مع السلامة بفقدكم والله.._ تركي: لا تخافين بودي هالبقرة الضاحكة وأرجع مانيب مطول.. نواعم: مع السلامة والله بفقدك بعد أنا... تركي: ياحظ أبوي بهالمرة... حليلة ... نواعم_تضرب كتفه_: تروك أنا البقرة الضاحكة !! تركي: إيه ... من بيروح معي غيرتس؟ نواعم: زين... بعدين ليش ماتروح معي لم أمي... أمي مشتاقتن لك!! تركي: مشتاقتن لي..تجي لي ببيت خوالي... ولا أستاجر شاليه ونجتمع بوه.. أما تبين أجي وأجلس عند الفقمة وعيالوه!! نواعم: تدري أمي ماتقدر تخلي البزران!! تركي: وأنا ما أتحمل أشوف القرودة عيال حسن... وع الله لا يبلانا هو وعياله حسافة عليهم بيت أبوي!! هذولا وجه بيت بحي ال(....) وقدام البحر بعد... هذولا من فوقهم سكن عمال!! نواعم: أوووووو ترووووك ماخبرتك كذا؟ تركي: خلصين تكفين.... بعدين أنا أبطلع ... بروح لمجيد الدلخ.. نواعم: خذني معك... تركي: لا والله!!! مابوه أحد هناك.. عذيب وخواته بالمزرعة... وأهلي سافروا من تروحين لوه؟ نواعم: زهق!! تركي: روحي لصديقاتس.. نواعم: تس..تس... صاير قصيمي بجد!! تركي: وأنا من النمسا... أنا قصيمي... نواعم: سبحان الله... ماطلع القصيمي إلا يوم وافقوا لنا على هيول... بصراحة تركي ... أنت حبيته!! تركي_يتظاهر بالحياء_: إيوه..... نواعم: ومتى؟ تركي: إتأبلنا بالنادي ... نواعم_بغضب_: ترررررررررررررررررروك!!! تركي: إيه حبيته... وبحبه... وحبيت حياءه وأخلاقة.... نواعم: بس هيله مو ذاك الزود!! تركي: أحسن منتس...!! نواعم: بدينا !! تركي: لا تسبين ولا أسب!! نواعم: خلاص.... بس أبطلع معك... تركي: لاحووووول.... لا.. نواعم: طلبتك... تركي: إذا جيت من مجيد... نواعم: تكفى... تركي: ووووه ************ "في المزرعة" تركض نجلاء وتلحق بناصر بين النخيل الباسقة, الأرض زلقة بعد رشها بالماء, وأشعة الشمس تنعكس بين الأعشاب القصيرة... نجلاء: نصووووووووووووور والله لأوريك جب الكورة بلعب أنا والبنات!! ناصر: حقت العيال... روحوا جيبوا اللي هناك.. نجلاء: ياكذاب شاريته عذبة!! ناصر: عذبة أوب لاعبة.. نجلاء: نصور يالعبد جبه..عذبة تحرانا!! ناصر: أرسلوا السواق يجيب لكم... _أمسكت نجلاء به بقوة_ نجلاء: هين مسكتك بالجرادة... والله لأوريك_تضرب رأسه وتقرص إذنه_ أوريك.. ناصر: آآآآآآآآآآآآآآه... والله لأقول لأمي... نجلاء_وهي تأخذ الكرة وتدفعه_: إيه إن قضبت أمك جبه لي أحبه... رح أنت جب اللي هناك... ناصر_يخرج لسانه ويقفي ذاهبا وهو يقول_: من زينتس يالعبدة يا أم عكاريش... أنتي وعيونتس اللي تقل عيون سنجاب... نجلاء:ههههه نكتته الموسم... من هناك؟ ناصر: كولي تبن أوب قايلن لتس... إنقلعي... _تخبأت خلف إحدى النخيل , فيما إبتعد ناصر متجهاً للملاعب التي في قسم الرجال ليحضر كرة أخرى, وأقبل ضاري وبندر يتحدثان بصوت عالي_: ضاري: والله قلت له.... بس عنيد... بندر: حاول به مرتن ثانية... بلكي يسمع هالمرة.... ضاري: يا بوي خله يولي... بندر: حرام يضيع وأنت تناظر.... _تطل نجلاء عليهم من خلف النخلة فيفزعان _ ضاري: نعبنوا شيطانس !! بندر: وجع ......... نجلاء: إيه الصدفة الحلوة دي!! ضاري: ياللعينة حسبتس جنية من بين هالشجر !! بندر: نخل يا ضاري فشلتنا.... نجلاء:يؤ.... إنبهرتوا من جمالي!! ضاري: واللي يرحم والديك جدلي شعرس... تقل طالعة من قبر!! نجلاء: لا... أنا مجعدة شعري لو سمحت ياعمو العزيز ما أسمح لك تطنز علي... ضاري: بندر شف وش كنه شعرها؟ بندر: أسلاك تليفون...... ضاري: جبتها أمك وأبوك بالجنة... يانجلوه ليش جايه هنا لحالس؟ خطر عليس المزرعة كلها عمال وشباب ... كل المكان فيه شباب!! نجلاء: موب لحالي ... معي ناصر... بندر: وين ناصر؟ نجلاء: راح.. ضاري: والله من زين الخوي.... بندر: لا تخاف عليه.... هذي ينخاف منه... ضاري: وش هالكلام...؟ نجلاء: بندر يعرفني على حقيقتي.... ضاري: أقول جابتس ربي...قولي لبندر عن سالفة نورة... نجلاء_تنظر لبندر بخبث_: لا..ما سألن وشوله أقوله.. بندر: بلا ملاغة.... نجلاء: أنا مالغة وش بتسوي؟ بندر: أسطحتس فوق هالنخلة..... نجلاء: ماتقدر بوه عزوتي بذا.... ضاري: أجل ياخوك تمد يدك على بنت خلف!! بندر: من زينك أنت وياه... أكلم عذبة وأسأله بلا منته... نجلاء: أهم شي تتنزل وتسأل... _تفزع_ يوه البنات ينتظرونن أجيب الكورة... نسيت يالله بروح.. ضاري: البنات!! ومن متى البنات يلعبن كورة؟ نجلاء: إيه بعد فريقين أنا وعذبة والهنوف وريم وحصة و........... بندر: أص...فقعتي روسنا...من شويكن تعدين لنا الفريق كامل... نجلاء_تصر عينيها_: ولا عشان نوير موب بوه؟ بندر: نجلاااااااااااااااااااااء!!! ضاري: عادي يدخلوننا بتشكيلة الفريق؟ نجلاء: موب شينه نلبسهن براقع... والله حماااااااااااااااااس... ضاري: بندر تخاوين؟ بندر: لا... نجلاء: قلت لك موب بوه نورة ..ولا كان يسبقك... بندر: وبعدين...؟ ضاري: إسألي عذبة إذا توافق حنا بس إثنين ما نعلم أحد... نجلاء: لا ياعم والله إن تشوتنا كلنا.... بندر: طيب روحي ... ترا الشباب ورانا... نجلاء: بروح..بروح ... وه.. ************ "الجزء السابع والأربعين" "في المزرعة" نجلاء: عذبة.... بروح للرياض!! عذبة_ببرود_: لا نجلاء: عذبة!! عذبة: قلت لا... نجلاء: طيب لازم...لازم أروح مع هيلة...شلون تشري فستان الملكة بدوني!! عذبة_تضع أحمر شفاة وتنظر لوجهها بالمرآة_: أنتي أمه؟ نجلاء: أنا صديقته...يعني مارحتي تجهزين لأفنان!!! عذبة: أفنان!! أفنان شيء وهيلة شي ثاني... يختي أفنان أختي... نجلاء_تضع يدها على خصرها بتحدي_: وهيلة أختي ... عذبة: قلت لا...فكين روحي البنات بالمسبح...روحي إسبحي معهن... نجلاء: لاتصرفين!! عذبة: هيلة بتروح مع خالد ونجود.. أنتي وش دخلتس بهم تروحين...!!! جيبي مشط أسوي لتس جديلة فرنسية...شعرتس منتفش.. نجلاء: أبي أروح للرياض... عذبة: نجلاء... أنا مانيب فاضية... لا توجعين راسي... البيوت فاضية مابه أحد...حتى مجيد بيجي شلون تروحين هناك لحالتس... نجلاء: إمممممممم طيب إذا كلمت مجيد وقلت لوه يصبر لي يومين... وأروح أنا وأبو ياسين...مع وحده من الشغالات...عادي؟ عذبة_تنظر لنجلاء بغضب_: لاااااااااااااااااااه وشولوه تروحين بوحده من الشغالات.. روحي عندوه بالبيت بوه الطباخ والسواق...خلي أبو ياسين يحطتس عندوه ويرجع...!! نجلاء: يمه لا تناظرينن كذا.... تخوفين... لا خلاص موب رايحة... مجرد سؤال...لاتعصبين.. عذبة: نجلوة بلامصالة.... بعد مابقى إلا هي... قسم إذا ما ذلفتي عن وجهي بيجيتس طراق على وجهتس... تراي من زمان ما ضربتس... نجلاء:.............................. عرفت ليش مشاري طلقتس!! عذبة_بدهشة_: هاه...ليه؟ نجلاء: طيرتي عيونتس عليه كذا... إنهبل.... عاد هو خلقة ذريق و... عذبة_تصرخ_: نجلااااااااااااااااااااااااااااااااااااااااااااااا ااااااااء براااااااااااااااااااااااااااااااااا.... _تقفز نجلاء بذعر وتهرب وتغلق الباب خلفها_ *********** "قسم الرجال" يجلس تركي في أحد غرف النوم , يخرج حذائه الجديد من الحقيبة وينظر له ثم يبتسم, يضعه جانبا ويخرج زجاجة عطر فاخرة يشمها ثم يرش منها قليلاً في الهواء وينتشي, يدخل فيصل ويلحقة عبدالمجيد, يفز تركي واقفا ويسلم على فيصل بحرارة... فيصل: ترووووووك.... هههههههههه وأخيراً قررت من بتتزوج!! تركي: إيه مقرر من زمان بس أبسوي مفاجأة للملاقيف أمثالكم...متى جيت الرياض؟ عبدالمجيد: اليوم الفجر... جيت من الصلاة وبي صاع نوم ونص ومامدان أحط راسي وأغط إلا داقن علي تعال خذن...والله ياهو لزقة!!! ما أدري المطار مابوه ليموزينات, مابوه سواق مابوه أحد غيري...!! صح...مبروك تركي... فيصل: إصبر خله يتملك الأول.. أنا خايف يسوي شي ويطردوننا..ماتنضمن تروك!! تركي: ليه تحسبن خبل مثلك!! عبدالمجيد: والله كل ملكتك بركة... لقيت حجه أجي... وه الشغل عيا يخلص!! تركي: زين جيت والله توقعت عذيب تقعدك... عبدالمجيد: موب على كيفة طق جولي لحالي تقل جني بهالبيوت... عاد قبل أمس الصبح جت نجود قبل لا أطلع الشغل وسعت صدري شوي... بس والله فقدتك أنت ووجهك.. أحد يسافر قبل ملكته بإسبوع!! مستعجل..كن لامن جيت بدري يقدمون لك الملكة... فيصل: أخ ياتركي... ودي أويز عليكم... تركي: يالهوي!! تويز علي أنا والهلي!!! عيـــــــــــــــــــــــــــــب!! فيصل: أحسك بتروح فص ملح... تركي: لا أبجي فص ثوم ...هه.. عبدالمجيد: إسمع صح.... أبوك يقول أكد على حجز الفندق لخوالك... تركي: أبوي!! حاجز أنا ومخلص.... إلا صح...نواعم تقول بتجي هنا العصر وبتروح باليل تلبس عند أمي بالفندق.. فيصل تكفى رح جبهم من المطار ووصلهم الفندق وجب معك العلة نواعم... فيصل: قالوا لك سواق عند أبوك أنا!! تركي: لا أنا ولا أحد من السواويق يدل هنا.... فيصل: أنا دايخ.... من أمس أرج بالطيارة... خل الدلخ ذا... يشبر لك الديرة كله شبر بشبر.... تركي: لاااااااااااااااااااا شلون يجيب نواعم بعدين!!! عبدالمجيد: لا خطير.... غاب القمر صار هلال!! أباكله أنا؟ تركي: يعني أنا أباكل نورة يوم انك ذاك اليوم تنزله من السيارة ومعنا ناصر وأحمد أخوك!! عبدالمجيد_يحك شعره باحراج_: موب قصدي...بس مابي البنت تندلق!! فيصل: ههههه واحد صفر... إلا وين الدريشة؟ عبدالمجيد: السلمي!! أكيد هو والعيال بالفلاحة.... أنت منتب نيم؟ فيصل: لا...بروح أجيب نواعم عشان مايعضه العو... تركي: ياحبي لهالعوارض اللي تقل حزام.... نعنبوا بليسك خففهن شوي ولا سوي مطوع كامل!! فيصل: إنطم واللي يرحم والديك!!! باليل بزينهن... تركي: شف عاد تفشلن بانسباي!! فيصل: وه بدينا!!! _يخرج فيصل_ تركي: ياي يا عموا ...لازم أحسن صورتي..ولو!! عبدالمجيد: تروووووك.... ترا على خشمك حبه باديه تنتفخ...وع... تركي_بقلق_: جد!! وينه ... وينه _ويضع إصبعه على أنفه_ _يضرب عبدالمجيد على يده فينفرش أنفه_ تركي:آآآآآآآآآآخ!! عبدالمجيد: ...تعيش وتاكل غيره!! _يدير ظهره ويغادر الغرفة_ تركي: كذاااااااااااااااااااااااااااااااااااااااااب... هين أوريك ..... ********* "في السيارة" فيصل: ياربيه ذولا متى بيمشون!! نواعم: أنتم تحرون تروك!! إيه والله إن يذن الفجر ماطلع.... نجلاء: دق عليه فيصل أنا مت حررررررررررررر.... _يرفع فيصل يده ويرفع درجه التكييف_ فيصل: براد الحين؟ نجلاء: يعني...تقل أحسن... نواعم: الله عمي متى بنفرح فيك؟ فيصل: شسوي ماعندي بنات إخوان ينفعن.... نواعم: شسوي لك؟ فيصل: دوري بنت حلوة!! نواعم: ياخي مالك شهر فاك خطوبتك من عذبة... تبي الحين أدور لك ؟ أنا جاهزة بس لاتقول إن ماعندك بنات أخو ينفعون... فيصل: يالله ورين شطارتس... نجلاء: طلع ترووووك ...زغرتوا...ولا تقل عريسه..!! نواعم: وش مواصفات البنت اللي تبيه؟ فيصل: إصبري خلين أفكر.... أبيه بيضاء زي القرطاس وطويلة زي النخلة وعيونه كبرهن زي الساعات وخشمة سلة سيف وخشته سلك...لا الموضة يقلون الحين البراطم ..خلاص براطمة زي الكفرات و...وما أدري.. إيه أبي شعرة طووويل...طول تنوره..بس موب تلبس تنورة نص الفخذ.. أبي طول تنورته حقت الجامعة.. نواعم: !!!!!! _يطل تركي على فيصل_ تركي: هاي شباب!! فيصل: بدري يا شيخ...!! خيسنا وحنا ننتظر... تركي: يعني أم كشة ذي وش جابه معكم؟ نجلاء: راكبه سيارتك أنا!! تركي: لا... بس ماقالوا جب نجلاء!! فيصل: ههههههه... لاتمشكل معه تراه صديقة المدام... نجلاء: هذا جزاي يا تروك وأنا قاعدتن أمدحك له..زين زين... أروح أخرب كلشي.. تركي: لالالا...خلاص تعالي بسيارتي وإن بغيتي أنزل أبوي وتركبين..بس لا تخربين علي!! نجلاء: ماقضيت من نفسي تبي عمي ضاري ينزلن بشوشتي!! تركي: الله بيصير أكشن.... _يلتفت تركي على والده الذي أخذ يزمر بالسيارة بغضب_ يااااااااي بروووح شكل أبوي أتشت معوه!! سلام.....وحياتس الله نجلوه..تراي أمزح... _يذهب تركي ويركب السيارة فيما إلتفتت نواعم على نجلاء قائلة:_ نجلاء ترا تركي يحب يمزح... ولو إن مزحه يغث أحياناً... نجلاء: أدري... أصلاً يمزح ولا ما يمزح ...أبروح موب عشانوه..بروح عشان هيلة... فيصل: ترا أمي تقول خل البنات يرقصن عن... نواعم: يووووه ليته معنا....كان جبته... فيصل: ماقضيت من عمري.... شيفكن من عبدالله ومرته وعيالوه.. نواعم:بس أمي نورة أمنا كلنا...مو حق كل مكان تصير معهم وحنا مالنا داعي!! فيصل: لا والله!! أمي تبع اللي حاشمه ومقدره... لكن أحدن يعيش ببيت لحالوه وماعليه إلا يجي ويسلم غير أحد مخليه الآمره والناهيه ببيته... وبعدين هي أصلاً متعودتن على عبدالله وعياله ومرته..ماتبي تجي معي.. نجلاء: فيصل....من ذي مزرعته؟ فيصل: إممممممم .... هذي مزرعة أبو عبدالرزاق.. الله يرحمه بس عيالوه باعوه..ما أدري من إشتراه الحين... شوفي هناك..ذيك المزرعة كان عمي بيشريه مير إنمرض الله يرحمه وبلش بنفسه... الله يرحمه يحب هالمكان.... ************ ...................................... |
"في بيت هيلة" نزلت هيلة بالدرج ترتدي فستان أسود ضيق من الأعلى ويبدأ بـ الإتساع من فوق الركبيتن ونثرت عليه ورود تباع الشمس صفراء بشكل بديع ومتناسق,وضعت مكياج ناعم أبرز جمالها و أنوثتها ورفعت شعرها من المقدمة بورود صغيرة صفراء وتناثرت خصلات متفاوته الطول على وجهها ورقبتها, بدت ملفته ولكن الإرتباك بدى واضحا عليها, تنتفض وتمسك بيد نجلاء بقوة... همست: نجلاء... ما أبي أشوفه...خلاص هونت... نجلاء: هههه لو بتشوفينه بتغيرين رايتس... هيلة: ما أبيه خلاص ودي أرجع لغرفتي... نجلاء: أقول إمشي بلا دلع هو دخول الحمام زي خروجه!! هيلة: إنطمي..نجلاء الحين بس ذولا أهله ولاباقي بعد؟ نجلاء: قال صفوا صفين قال حنا إثنين..ماجاء إلا أمه وخالته وأخته.. ولاالباقي أهلتس.. هيلة: وين أروح الحين؟ نجلاء: إسألي أمتس.... _أمسكت والدتها بيدها وقدمتها لوالدة تركي.. أم تركي: ماشاء الله... هيلة إحلويتي.. وأثاري تركي يعرف يختار!! وش هالزين وش هالملح... والله إني فرحت فرحة يوم قال لي إنه بيخطبج... والله ونعم المرة... _تقرصها والدتها لتتحدث ولكنها لم تستطع, فإكتفت بابتسامه باهته_ نجلاء: حتى أنا ياخالة فرحت إن هيلة بتاخذ تروك... هيلة شوفي هذي هيفاء خالة تروك... هيفاء: الله يخس بليسج!! إسمه تركي..لاتعايرينه بيوم ملجته!! نجلاء: وه..ياحظي عالذوق اللي مالأمه داعي...ترا هيلة بنتنا وتعرف إنه تروك وأبو التواريك بعد!! هيفاء: مبروك ياهيلة ... أم تركي: إيه من فرحتي نسيت أقولج مبروك... نجلاء: عادي قوليه بالنيه..ههههههههه نواعم: وخري نجلاء شوي خلين أسلم على مرت أخوي.. نجلاء: ياشين البزران الطافين!! هه خوذيه كله... نواعم: مبروك ياهيلة..._وتقترب لإذنها هامسة_ وعقبالي.... هيلة_تبتسم_: إن شاء الله الشهر الجاي.. ********** قبل أن يدخل تركي على هيلة ليلبسها الطقم والدبلة إلتفت على فيصل وأشار له مستفهما عن شكله, إبتسم فيصل وأشار بقبضة يده أن كل شيء ممتاز, تنهد تركي ولحق بأخيها , حين دخل وسلم عليها بدت مرتبكة خرج أخيها ودخلت والدته وخالته ونواعم, ووالدتها وزوجه والدها ثم لحقتهم نجلاء وهي ترتدي نقابها, سلمت عليه والدته وضمته وبعد مراسم البكاء من قبل والدته ووالدتها وزوجه والدها, وبعد أن ألبسها الطقم الألماسي والدبلة, خرجوا جميعا وتركوهما.... إلتفت تركي مبتسماً وقال بخبث: وش أخبار الهلي؟ هيلة:........................... تركي_رفع وجهها بيده وإقترب_: ماتسمعينن...تبينن أقرب أكثر؟ هيلة: لالا.. أسمع..وخر!! تركي:ههههههههههههههههه والله تصدقين إنتس تغيرتي عن يوم شفتس... هيلة:......................... تركي: أقرب أجل؟ هيلة: لااااااااااا تركي: بس أنا ما أسمع..._يقترب ويلتصق فخذه بفخذها_ هيلة_بدت مرعوبة_: و...وخر... تركي: وشو؟_يقرب وجهه من وجهها_ ما أسمع... هيلة: تركي...تركي...وخر... تكفى.. تركي: ما أسمع......؟ هيلة_بغضب دفعت وجهه عنها بيدها: أنت أصمخ!!!! تركي_أمسك بيدها وألصقها بوجهه_: لا... بس أنتي تتكلمين ببطنتس... هيلة_تحاول أن تسحب يدها_: وخر عن ترا أبصرخ.... تركي: هههههههههههههههههههه إذا صرختي بسد إثمتس... هيلة_بدأت الدموع تجتمع بعينيها_: تكفى تركي وخر عن أنت وش تبي؟ تركي_يبتسم بخبث_: أها وش أبي... بس حاط عطر جديد.. تشمينه..؟؟!! أحلى من القديم صح؟ هيلة: إيه... تركي: طيب تعرفين أنتي عطري القديم أصلاً..؟!! هيلة_بدت محرجة_:..................... تركي_يبتعد عنها_: والله إنتس نصابة....مير ليش ماوكلتين... يالله أنا جوعان أبي من هذي الجاتوه... هيلة_بتبرم_: وأنا ماسكتك كل!! تركي: آآآآآآآآآكل!! لا...من اليوم ورايح أنتي بتوكلينن... هيلة: بعد!! تركي: إيه وترا أنا مانسيت ذيك الفطاير...تذكرين أنتي.. هيلة: إيه وع...يوم تجي رابص ولابس سروال سباحة... تركي:هههههههههههههههههههههههههه زين.... أجل أنا ما غشيتس..شايفتن كلي!! بس أنا مسيكين ما شفتس إلابقميص وتركضين بعد!! هيلة_بإحراج_: يوم تقول لي شغالة!! تركي_يصمت ويبدو على وجهه إحمرار بسيط_: ..................... بس... أنتي.. أحلى شغالة شفته بحياتي!! هيلة: وجع...وتعيده بعد!! وخر أبطلع... تركي: لالا..والله أمزح..وبعدين..تعالي..فيه شغالات لبنانيات ومغربيات حلوات!! هيلة: مافيه شغالات فيه طباخات..تهك علي.. وخر يدك ... فكه عن..وه.. تركي: بس والله كلهم أسميهم شغالات... وبعدين.. لاتصيرين زعولة..ترا اللي يزعل علي أراضيه بحبه على خده..تبين أراضيتس؟ هيلة_بذعر_:لالالا...منيب زعلانه أبد!! تركي: بعدي والله الهلي.... هيلة: إسمي هيلة.. تركي: إيه.. سمعت نجلاء ذاك اليوم تقول لتس هيلة جعيلة... هيلة: ترووووووووووووووووووووووك يا أبو سروال!! تركي:هههههههههههههههههههههه أمزح... زعلتي أراضيتس؟ هيلة: لالالا...مازعلت بس متى تطلع؟ تركي: منب طالع..وش عندتس...زعلتي؟ هيلة_وهي تكتم ضحكتها_: لا أنا ما أزعل منك أبد..بس وخر عن....!! تركي: ياحبي لتس..._وأمسك برأسها وقبلها بين عينيها, فيما إنفجرت هي تبكي وتضحك بآن واحد_ ********* "في المزرعة" دخل تركي فمر من الخيمة الرئيسية, إلتفت فلم يجد بها سوى إثنين من الشباب... تركي: هاي شباب... شاب: هلا والله بالعريس.... تركي: وين الشيبان...غريبة!! الشاب: ههههه ناظر الساعة ... مابوه أحد الشيبان ناموا والشباب بآخر المزرعة...هناك فيه مسابقة بينهم.... تركي: إخس مسابقة!! الشاب: بس الظاهر للحين مابدت كان تلحق عليه... _ينظر تركي للساعة ويمط شفته_ الشاب: وين كنت؟ تركي: رحت لأمي...صح ...وش دخلك؟ الشاب: لا بس الساع ثلاث وكلن جاي من زمان... ومالك ربعن بذا... تركي: زين الشباب بآخر المزرعة...؟ الشاب: إيه... رح إلحق عليهم... تركي: وأنتم ورا ماتروحون؟ الشاب: أنا والشيخ_يؤشر لرفيقة الصامت_ نبي ننام بس أخذتنا السواليف... تركي: هذا يسولف!! دنيا عجايب... هيه أنت تدري إن بوه وحدة بالرياض إسمه عجايب!! الشاب_ينظر له بإستغراب_: طيب؟ تركي: لابس .... ولا شي...غريب إسمه.... الشاب: تقرب لك؟ تركي_إحمر وجهه_: لا... إيه...من قرايب أمي.... يتجه تركي نحو الشباب ويمر من الدبابات المركونة على أحد الأرصفة, فيركب أحدها ويشد غترته ويسرع نحو الشباب.... ************** _قسم النساء_ عذبة: بنات مايصير تشغلون الدبابات هنا!! الحريم نايمات و أخاف نزعجهن!! الهنوف: وه... بنستانس... اللي مايبي الإزعاج يقعد ببيته... بالنهاربعيد تقولون عمال وقريب بزران ماتدرين منيل يطلعون لتس!! بنستانس ماداموا البزران منضفين والعمال نيمين!! نجلاء: لا فض فوووووووووووووووكيييييييييييييييييييييي.... ومن جابووووووووووووووووووووووووووكيييييييييييييييييييي يييي الهنوف_تضحك_: وإياااااااااااااااااااااكييييييييييييييييييييييييي يييي شمس: راحو البنات يدورون مكان بعيد...... هه كاهم يدقون!! آآآآآآلوآآآآآآآآآ.... إيوا.... خلاص تريونا ... شوي ويايين... لالا...بتيي وبيون كلهم.... نجلاء: منهي اللي بتيي؟ شمس: عبورة إتصلت تقول إنها لقت مكان عند نخل البحري... رمل مرشوش ماي ... تقول بارد وزين... نجلاء: بحري!!! ههههههههههههههههههههههههههههه برحي مو بحري.... والله إنوه كفوتس أنتي وخشتس الهاف مون موب مزرعة بالقصيم!! عذبة: وخير عاد!! نجلاء وش عليتس منه!! شمس: بحري ..برحي... أهم شي تدلونه وين... أنا ما عرف!! عذبة: بس ..بعيد شوي.... نجلاء: أنا بروح بالدباب... واللي بيركب معي حياو الله!! عذبة: تزعجون الحريم!! نواعم: وش عاد... صادقة الهنوف اللي بينام لا يجي!! يالله نجلاء أنا بروح معك... عذبة: أجل مادامكن مشغلات دباب ما تفرق لو نشغلهن كلهن... شمس: عيل بروح أييب لنا واحد.. أنا وياج... الهنوف_تلحق بها_: إصبري.... أنا بعد... وهند..تعالوا كلكم...ترا ماحد بيركب معي!! عذبة: لحظة بنات...خوذن شراشفكن... ترا هناك قريب من الشباب ... ويمكن تقابلون أحد... ولا تروحن لحالكن... روحن جميع... ولا تدرن... خلنن أنادي باقي البنات ونروح جميع.... إيمان: المفروض البنات كل وحده تشيل له شي... مايصير أحد يشيل وأحد لا!! عذبة: أهم شي جيبوا قهوه...راسي بينفجر من الطق وهبال نجلوه ومها وأفنان... أعوذ بالله... إيمان... إياد نيم؟ إيمان: إيه نيم... وه راحه... يا حبيل عنونه....صغيرة!! عذبة: طالع على أبوه... إيمان: أنتي وخشتس... !! والله إني ماشفت صغر عيون أبوه... عذبة:دا الحب وعمايله.... ************ _قسم الرجال_ أقبل تركي بالدباب, إلتفت أحدهم فهتف قائلاً: حيــــــــــــــــــــــــــــوا معرسنا!! هتف الشباب جميعهم بوقت واحد: حيووووووووووووووووووووووه الشاب: حيوا معرسنا!! الشباب: حيووووووووووووووووووووه وأخذ الشباب يصفقون بصوت واحد.... تركي_يرفع يديه_: إحم إحم... أخجلتم تواضعي شبااااااااااااااااااااااااااااااب فيصل: تعال تروك... شف الخطير مجيد وش مسوي.... تركي_ينزل من الدباب ويقف عند عبدالمجيد_: أحلاااااااااااااا.. وش ذا البيت؟ عبدالمجيد: أص.... موب بيت هذي قلعة... تركي: أبو الشباب يحسبه على شواطئ كان!! فيصل: شف حقت السلمي وخالد... هههههه باين حقت ميكانيكي....صح؟ تركي: لالالا..... وهي أصلاً بانت!!!!؟ .....ركام من الرمل المبلل...وراكبين عليه ب***ي وضب..على بالهم يسوون قلعة!! سلمان: إصبر يا العريس... بنشوف بالنهايه من بيفوز.... تركي: عسى هذي المسابقة اللي جايين هنا تسوونه؟ فيصل: إيه ... ماعجبتك؟ تركي: حقت بزران...ذكرت مراتع الطفولة ... فيصل: عاد هذي فكرة أبوك... ولا بعد قال إذا قام يصلي الفجر بيحكم منهو الفايز... أبو إبراهيم وأبوك وأبو سلمان.. الحكام للمسابقة... تركي: أبوووووووووووووووي!! والله أبوي لو مخلينه يجي بمنتزهات الثمامة يسوي لهم مسابقات كان قد ربحهم... من معك مجيد؟ عبدالمجيد_وهو منهمك يواسي أحد الجدران_: صالح....بس راح يزين قهوة يقول راسوه يوجعه... تركي: عادي أجي بدالوه؟ عبدالمجيد: حياك... بس لا تخرب علي... ترا مابقى كثير على آذان الفجر!! تركي_يخلع ثوبه ويعلقه على إحدى النخلات_: أبد.... ترا خبرة.... والله ما أدري شلون متحملين هالثوب.... مجيدوه... بكمل من هنا.... مابوه ماء؟ فيصل: هناك بوه بركة رح جب منه.... خذ السطل..._يمده له_ عبدالمجيد: عجل ياشيخ.... يالله ورنا إبداعك... سلمان: أقول وخروا ... بتخسرون بتخسرون.... أنا وخالد قربنا نخلص.. تركي_يتجه للبركة ويحمل السطل ثم يلتفت على سلمان_: أقووووووووووول قبل الدريشة ولا بعده!!! ترا الدرايش ماتفوز.... ماعليك منوه مجيد... بيحبطنا... بس مستحيل المكيانكية يفوزون بشي فيه إبداع....لكن أنت كفوك مكينه...وكنداسة!! قال بنخسر قال!! عبدالمجيد: خل الهواش بعدين ورح جب ماء... تركي_وهو يتجه للبركة_: الحين فيصلوه ليش ما يساعد!! فيصل: شروط المسابقة.... اللي يبني هو اللي يجيب الماء عشان يحس بقيمة الماء!! تركي: والله شي!! حتى حاطين أهداف.... !!!! كله من أبو سلمان.... مدرس وقاعد يطبق نظرياته علينا... بس يالله نجيب ماء وش ورانا... سلمان.... لا تخلي درايشكم مفتوحة إسوة بخشك... ترا الدرايش أجمل مصكوكة... سلمان: ههههههههههههه ... تزلق الحين وتنفتح دريشك!! تركي: أفا... هذا وأنا عريس!! إصبر على الأقل بعد سنه.... تخيل عاد...عريس بدريشة!! عبدالمجيد_بغضب_: وبعدين!!!! تركي: طيب ..طيب!! _يختفي تركي بين الأشجار ويأتي أحد الشباب_ الشاب: هيه شباب... صالح يقول تعالوا تقهوو... بندر_يجلس على دباب تركي_: رايقين.... الحين بنام.... ضاري: ماتبي تروح؟ فيصل: وشو لوه قهوه وحنا بننام.... بندر: مانب متقهوي الحين... خالد: سلمان.... بروح أجيب كاس وأجي.... سلمان: رح.. خذ راحتك ذولا تاسين والله ماينجزون شي.... _يغادر معظم الشباب ولم يتبقى سوى عبدالمجيد وبندر وضاري وفيصل وتركي وسلمان _ **************** _في قسم النساء_ في مكان قريب من الأرض المزروعة بالنخيل والتي تفصل قسم النساء عن الرجال, فرشن البساط وجلسن مجموعة قرابة الإثنتي عشر فتاة, لحقن الفتيات الأخريات بهن.... عبير: وجع!! مخلينا نمشي هالمسافة على رجلينا عشان العجز نيمات... ولا بعد معنا البساط ..وأنتن ووجيهكن جايات بالدبابات!! _تنزل إيمان من الدباب_: دباباتنا على الصامت... عبير: يالخبلة... توتس طالعة من الأربعين!! ليش تركبين دباب!! إيمان: وه...عبير لاتصيرين مالغة عاد... خرابيط حريم!! شوق: هههههههههه ... عبير شكلة بتصير معالجة شعبية...هههههههه عبير: لابس أمي تقول كلشي ما يصلح للوالد... عذبة_وهي تضع القهوة على الأرض وتعتدل بجلستها_: أقول هاتي الفناجيل الي عندتس..وبعدين خلاص والله لو هي والدة بقرة..من كبر إيادوه بصوة... إيمان_بغضب_: لا والله ما طلع منتس تعرفين!! _قطع النقاش صوت الدباب الذي تقوده نجلاء مصطحبة نواعم يمر بسرعة ويتجه نحو قسم الرجال_ عذبة: هيــــــــــــــــــــــه وين رايحة تعالي أقول!! نجلاء: عيا يوقف... عذبة: أقولتس تعالي.. الشباب هناك!! نجلاء_وهي تبتعد_: هااااااااااااااه وشو؟ عذبة_تضرب كفيها_: هالبنت بتطلع براسي نخل!! أخاف يصير له شي.. أقوم ألحقه؟ عبير: أقول أنتي اللي ينخاف يصير لتس شي..خليه تفك عمره... وبعدين مابوه إلا شبابكم هناك... ولاهيب جاسرة تروح لهم... بوه عمه وبندر... الذلة بنت حلال... عذبة: الله يستر بس... أنا قايلة مافي داعي نبعد...بس ما أحد يسمع!! إيمان: ياربيه... مير نجود وينه؟ عذبة: والله ما ندري عنه..نومه كاثر هاليومين .. الهنوف: يختي تعب... ولا بعد... تقوم الصبح مع العجز وتبي تسهر معنا!! مير يا عذيب قضبتي القهوة ولا صبيتي لنا...شوفوا من جاء!! مهاوي.... عذبة_مرحبة بعمتها_: ياهلا والله...تعالي تعالي بذيا... مها_تهرش شعرها_: بي نوم... بس كزتن أمي أدوركن... عذبة: قايلتن لكن ...العجز بيقومن... مها: تعالن .... عذبة: ماحنب جايين... نبي نستانس... الجو يهبل والرمل مرشوش... إن لجينا طلعن الحريم يهوشن يقولن قومتن بزراننا.. وإن سكتنا ما إستانسنا.. مها: ترى مالي خلق أرجع... من منكن معه جواله؟ عذبة: جوالي بغرفتي.. شمس: نواعم معها جوالها... مها: خلاص...أبخلي أم ماجد تفاهم معكن..يالله_تتثاءب_ تصبحن على خير... ************** _في قسم الرجال_ تركي يضع اللمسات الأخيرة على القلعة, عبدالمجيد يحمل شوكة بلاستيكية ويضعها على قمة القلعة ويلتفت على سلمان ضاحكا: السلمي.... يمديك؟ سلمان: ههههههههه.... ذوق إبداعي عليك...بس أنا الأخطر... _يخلع طاقيته المتسخة بالرمل ويضعها على قمة القلعة.... تركي: إخس يالإبداع الميكانكي... نعنبوا دارك لوجو لجنه التحكيم وشموا طاقيتك على طول براااااااااااااااااااااااااا.... بندر: سلمان... أنت الأفضل... أبشهد معك... أنت واحد وهم ثنين... عبدالمجيد: شف هالنذل!! أنا خويك!! ضاري: خويه بس نفعته...؟ عبدالمجيد: عاد من يتكلم!!!! أنتم كلكم بعد مانفعتون! فيصل: سوو تبادل مصالح.... بندر: والله ..... مجيد.... إفزع لي وأفزع لك... عبدالمجيد_يرفع بصره وينظر لبندر بجديه , ثم إبتسم بخبث قائلاً_: كفو يابو راشد.... بس... _يزم شفتيه_ أبشر.... بندر: إتفقنا... تركي: وه... إفتكينا من بندر باشا ..هاه يالسلمي محد بيفزع لك!! هههههههههههه مشكلتك إن وقعت بين مصيدة الشليلة....هههه بندر: أنا مازلت عند كلمتي... سلمان... معك حنا.. تركي: وجع يا الب***ي الدب!! ضاري: هههههههههههه بس_يلتفت ضاري على صوت دباب قادم من جهه قسم النساء, لم يلبث إلا أن دخل بنطاق الضوء_ بندر: إنقلعي..روحي هنا رجال!! ضاري: أعووووووووووك يالخبلة!! عبدالمجيد: روحن... وجع ... تركي: لا ..لا يجن على بيوتنا.......... نواعم_تمسك بنجلاء بشده: إرجعي!! نجلاء:ما أقدردواسة البنزين نشبة...ولو أبلف قلبنا,.. تركي: لااااااااااااااااااااااااااااااااااااااا نجلاء: مااااااااااااااااااااايوقف.. سلمان_يقفز ويحاول منع الدباب من الإقتراب من قلعته_: يمين..هناك..روحي,,,, _نجلاء:وخرررررررررررررررررررررر _يقفز سلمان حين إقترب الدباب منه, وهو يصرخ...فواست عجلات الدباب قلعته,.. ضحك تركي بشده حين رأى نجلاء تستدير بالدباب مبعدة عن قلعته ولكن ضحكته لم تستمر حيث وقعت نواعم على قلعته فدمرتها بالكامل, وغادرت نجلاء المكان بعد أن أحدثت فوضى عارمة ودمرت كل شي, وتركت خلفها نواعم تحاول النهوض وهي تتلقى سيلاً من الشتائم والصراخ من قبل الشباب وخصوصا عبدالمجيد.... إقترب فيصل وهو يصرخ بنواعم: وأنتي وش تحرين قومي إنقلعي.!!!! بندر: جب له الدباب خله تنقلع قبل لايجون الشباب على صراخنا .. والله فشيلة.. ضاري_يهمس_: أقول بندر... الحين نجلوة رمت البنية هنا وإنهزمت!! بندر: والله أي مصيبة..تلقى بنتكم وراه!! ضاري: شدعوا..البنت هي اللي ماتمسكت زين!! أقبل تركي بالدباب وهو يصرخ قائلاً: خلاص!! لاتهاوشون أختي......... وجع!! فيصل: أقولتس تغطي زين!! نواعم: ما أقدر ..ملتف علي!! وخروا عني... عبدالمجيد: إذلفي بسرعه نواعموه لا يجون الشباب... تركي_يدفع عبدالمجيد ويعضد لإخته ويركبها الدباب وهو يقول_: ماعليتس منهم..روحي بس.. ودواهم عندي الكلاب ذولا!! فيصل: أحسن صفق له!! تركي: لا أبصفقك.. البنت وطاحت.. ونجلوه هي رمتها... وش دخل أختي وجع!! ************** "مكان البنات" ترتمي نجلاء وهي تلهث وتضحك, بدت علامات الإستغراب على وجوه البنات.. الهنوف: هيه!! وشو؟. عذبة: نجلاء إنطقي!! هه..وين نواعم؟ نجلاء: هههههههههههههههههههههههههههههههه هناك عند الشباب..._سمع صوت دباب_ هذاه جت...ياربيه...هههههههههههههههه عذبة: وش صار؟ هو؟ !!! ورا الدباب تغير!! _تنزل نواعم من الدباب وتتجه لنجلاء والشرر يتطاير من عينيها, ثم تمسك بشعرها وتشده قائلة_: هين...هين يالنكبة كذا تسوين فيني!! نجلاء: ههههههههههههههههههههههههه أنتي ماتحركتي...شسوي!! كان لحقتين وركبتي!! هههههههههههههههههههههههههههههه وش سوو لتس؟ نواعم: يافشلتي .... كله كووووووم وبندر كوم ثاني.... ولا مجيد ....يخرعووووووووون... عذبة: وش السالفة؟ نواعم: عطين الماء...عطين حمار ...عطشانه!! شمس: تحجي!! نجلاء: ما ادري شلون صرنا بين الشباب... ودواسة البنزين نشبت وعيا يوقف.... عجزت أطب...فحطت وطاحت الخبلة...خخخخخخخخخخخخخخ بعدين نفذت بجلدي ويوم أقبلت لفيت على النخل وطبيت... والدباب صدم نخله وإنقلب وإلى الحين كفراته تدور... نواعم: وحاستهم حوس وحطوا الحرة بي!! عذبة: أنا قايلتن لتس...لا تبعدين!! إيمان: ياربيه ... طحتي عند الشباب!! فشله.... بس بندر وش سوا لتس!! عبير: أكيد قال له تغطي يا بنت!! هههههههههههههههههههه بندر جنيته والبنت طالع لو ظفره... نواعم_تضع قارورة الماء وتنتفض قائلة_: ماعليه من...!! وبعدين محجبه ولا طلع إلا وجههي... عمى عاد التعقيد ماله داعي... نجلاء: ههههههههههههههههههههههههه عذبة: الحين أنتي تعتبرين إن غطاتس هذا حجاب!! نواعم_بتحدي_: إيه.... الوجه مو حرام يطلع..بس حنا عندنا عادات أكثر منها عبادات!! إيمان: بس الراحج إنه المرأة كلها عورة... شمس: هذي الكلام بعد أمي تقوله... نواعم: أقول عاد... فاتن وفرح ماكانوا يتغطون إلا إذا جو السعودية!! عذبة: بس أمي بعد ماعرفت إن غطاء الوجه واجب صارت تتغطى بالسعودية وبرا السعودية...ولا الرب اللي بالسعوديه غير عن اللي برا!!! نواعم: مو واجب....من قال؟ إيمان: الله قال..(.يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين) الأحزاب 59 وقال (وليضربن بخمرهن على جيوبهن ولا يبدين زينتهن إلا...الآية) النور 30 نواعم:طيب...ما قال الوجه؟ عذبة: الإدناء كيف يكون؟ من فوق لتحت...صح تتفقين معي؟ نواعم: إيه... إيمان: والجيب وشو؟ نجلاء: هههه لا تقولين عاد سيارة!! نواعم: هههه ما تضحك... الجيب النحر عذبة: وصلنا..كيف المرأة تدني الجلباب على صدرها وبدون ما يستر وجهه؟ نواعم: شلون؟ عذبة: الجلباب وشو؟ نواعم: مثل العباية... أتوقع... عذبة: كانن الحريم بالجاهليه يلبسن الجلباب وهو قماش يحط على الرأس وينزل على الكتفين, وكانت وجيههن ونحورهن تطلع.... نساء المسلمين قبل الأمر بالحجاب كانن يرتدين الجلباب لأنه عرف عندهم..معاي؟ نواعم: طيب... عذبة: ولمن نزلت آيه الحجاب بإدناء الجلباب يعني ينزلون القماش هذا اللي على روسهن عشان يسترهن...وبالتالي ما يعرفن فلا يؤذين.. يعني أنتي الحين لو بتشوفين رجل مرة بتعرفين منهي ولا لو بتشوفين وجهه!!؟ الهنوف: قلبوه مناظرة...بنات.. نبي سواليف!! شمس: سكتي خلي نشوف... أنا دايم رفيجاتي يحاجوني وماعرف أرد عليهم...كملي ... مانعرف الحرمة من ريولها..تنعرف الحرمة بويهها... صح.. والويه هو ساس الجمال واللي فيه الفتنه.... إيمان: وعايشة رضي الله عنها قالت :"يرحم الله نساء المهاجرين الأول, لما أنزل الله: (وليضربن بخمرهن على جيوبهن) شققن مروطهن فاختمرن بها" شمس: إيمان سمعيني..رفيجاتي يقولون إن ستر الويه سنه... وإن المأمور بستر الويه نساء الرسول...في ذي الآيه اللي قلتيها من شوي... إيمان: بالله الحين نساء الرسول أمهات المؤمنين خيرة النساء واللي الله إختارهن لرسوله تبين يؤمرن بالستر خشية حدوث الفتنه وباقي الحريم مباح لهم!!! نساء الرسول أقل داعي للفتنه عشان صلاح قلوبهن لكن الله أمرهن بالحجاب أولا عشان يصيرن قدوة للمؤمنات وبعدين هذا الصحابيات من سمعوا آيه وليضربن إلا إمتثلن للأمر ..وتغطوا بالكامل حتى إن الواحده ماتعرف, فكيف يكون سنه وهم إمتثلوا له بهالشكل وشققوا مروطهن عشان يسترون وجيههن.. وحطي ببالتس بعد إن عصر الصحابة أفضل عصر مر فيه المجتمع الإسلامي, يعني كيف يؤمرون هذولا بإغلاق أبواب الفتنه من الخضوع بالصوت (ولاتخضعن بالقول فيطمع الذي في قلبه مرض) والضرب بالخلخال (ولا يضربن بأرجلهن ليعلم ما يخفين من زينتهن) وبمثل عصرنا الحين مع كثرة الفتن وفساد الناس تتوقعين بيكون لهم أمر ولنا سنه!! الهنوف: لا الحين تجي الوحدة ضاربتن الشيطان الرجيم من المكياج ولابسة ضيق والحجاب بس يضف الشعر وصارت محجبة... وتجي تحدث بعد بالتلفزيون صارت شيخة..هههههههه إيمان: الدين النصيحة, مو شرط إنه تكون أصلح عباد الله عشان تنصح...بس عاد أكيد إنه مثل نواعم... ماتدري بالحكم... عبير: أنا أنا شفت كتاب فيه صور الحريم المسلمات قبل ميه وميتن سنه.. كلهن متغطيات بالكامل ولا واحده طالع وجهه... عذبة: إيه أصلاً المتعارف فيه بالحجاب هو الستر كامل..بس هذا مدخل من مداخل الإمبريالية والإستشراق علشان تخرب الأمة... يحاربونا وبأشياء من ديننا.. السفور بدا من مصر ومنه إنتشر للعالم الإسلامي كله... وكله ببركات الأميرة نازلي وهدى شعراوي والنصارى هم اللي داعمينهم... نواعم: بس فيه مشايخة يقولون الوجه حلال... يعني هم يحاربون الدين بعد زي هدى شعراوي؟ إيمان: لالا.. ذولا لهم رأيهم ... بس أنا عرضت لتس اللي أنا بحثت فيه... لكن ذولا المشايخة على راسي... ولو إني مو مقتنعه بفتواهم... عذبة: نواعم... ذكرين إذا رحنا البيت...عندي كتاب أسمه حراسة الفضيلة مرة حلو ومفصل بالموضوع بإسلوب مقنع.. نجلاء: ياربيــــــــــــــــــــــــــــــــــــه...... إختي صارت مثقفة...ههههه عذبة: نجلوه.. وش على قاصر ما أصير مثقفة!! نجلاء: ما تلبسين نظارة.........ههههههههههههههه ************** ************** "بعد الغداء" سعد: أجل ألغيتواالمسابقة؟ سلمان_يهمس_: كله ببركات بنتك.... سعد: وشو؟ سلمان: أقول تعبنا والشباب راحوا يتقهوون.. وقلنا ماتسوا... نسوية بفرق متعادله.. أحسن.... تركي_يرفع بصرة وينظر لسلمان_: وزززززززززززززززز..طع!! فيصل: تركي!! أبو سلمان: طيب .... ليش هديتوهن... ؟ الجهد والتعاون هو الهدف موب الشكل النهائي!! فيصل: إن شاء الله اليوم بعد العشاء ننظم الفرق وتصيرمنظمة ....أحسن... وكل الشباب يشاركون اللي يورد الماء واللي يخلط الطين ... واللي يبني... وتصير أكبر.. تركي: وبعدين.... يجيكم شي كذا تررررررررر ويسوي _ومسح بيده على الثيل الأخضر_ سعد: منتب مضبوط اليوم... ولا هذا كله فرحتن بالعرس؟ تركي: لالا... أنا عال العال... فيصل: تركي... العيال يشرون لك.. _يلتفت تركي وإذ بناصر وأحمد ومعهما مجموعة من الأطفال ينتظرونه_ تركي: إيه صح.. قايلن لهم اليوم أبلعب معكم...نسيت...يالله... سعد: لا تطقون بالكورة على روسنا!! أبو سلمان: خلهم يوسعون صدورهم ويتعلمون ... نسيت لعبنا منول فوق الطايات!! سعد: بس ذولا بثرين!!! أبو إبراهيم(راشد): بالعكس... والله أذكر منول لامن جيت للسعودية تطير عيوني بجرأتكم الواحد ما تقل أبو سبع سنين تقل أبو ثلاثين سنه.. أذكر محمد العصل كان يطامر بين النخل , والدحسنه يركب الثور!! أبوسلمان: هههههههههههه تذكر يوم أنت وماجد ترقون على الطاية وتناقزون ويطلع عليكم المذن ويرضخكم بالحصى!! سعد: إيه والله ماله حق!!! ماسوينا شي..مير حمقن من عيال أبو راس وحط حرته... آآآآآآآآآآآآآآآآآآي _ترتطم الكورة بوجه سعد وتحطم نظارته_ سعد_بغضب بالغ_:يا عيال قريح!! ناصر يالهيس الأربد!!! تشوف وش أسوي بالكورة.. تعال تعال.. تعال خذ الكورة... _أقبل ناصر ببراءة ولم يلتفت لتركي الذي حاول أن يبين له خبث نية والده ولكنه لم ينتبه, وحين أقبل ودخل على البساط وقف سعد وأمسك بالكورة بيد وأمسك بإذن ناصر باليد الأخرى وسحبه للملاحق التي ترمم, فشده بقوة نحو الأعلى وهويتألم, ووضع الكورة على الأرض, ثم صوبها لخزان مياة فوق أحد الملاحق وركلها لتختفي عن ناظري ناصر المغروقتان بالدموع_ سعد: عشان تعرف مرتن ثانية تلعب عند الرجال.... _إنصرف ناصر وقد إحمر وجهه غضبا وخجلاً, ونظر لخاله وكأنه يستفزعه, ولكن خاله لم يرد إثارة المشاكل, فحاول تلافي نظراته, وحين عاد سعد وجلس, توقف ناصر فجأة وإلتفت على سعد وهو يصرخ قائلاً_: لو أنا ولدك ما سويت لي كذا..ولا عشان أبوي موب بوه يصفقك ولا عندي عمان!! لو فيه سعود فقع وجهك.... لو فيه أبوي ناصر طردك أنت وعيالك من مزرعتنا.... عشان أبوي موب بوه تضربن... عشان... عشان سعود مات... بس أنا أبكبر وأبضربك أنت وعيالك.... وأبصير قوي زي سعود... وأصفقكم كلكم أنت والرجال اللي معك ذولا... بس.... أبوي... أبوي ماجد ..ترا... كان أقوى منك... أبوي.........كان قوي زي سعود... وكبير.... أنا ما أحبكم... أنا ما أحبكم.... إن شاء الله تموت.... وتموتون كلكم... _أقبل فيصل وسمع كلام ناصر , فنظر للرجال بدهشة وأمسك بكتفي ناصر وهمس_ نصور حبيبي ليش زعلان؟ ناصر: أبي يصير لي أبو.... أبي أبوي يرجع.... ولا أبي أروح معهم للجنه.... وإنفجربالبكاء, ضمه فيصل ومسد شعرة وهو يحاول تهدءته, ثم همس: زعلان عشانه سطح كورتك فوق؟ أروح أجيبه لك.... ناصر: لا... موب بس كذا..ضربن وصيحن قدام الرجال... وهذاك الدب يضحك..وخالي راشد ساكتن لهم.... بس لو..لو فيه سعود..كان يصفقه... أبروح اليوم ... أبكلم أبوي فهد..يجي ياخذن.... فيصل: لا.... وين تروح وتتركنا..أنا أبيك.... وش دعوا... ناصر: صح لو أنت بوه ماخليته يضربن, صح؟ فيصل_يضمه بقوة_: صح..صح... أنت حبيبي أنت ...ما أخلي أحد يلمس شعره من شعرك.... ناصر_يرفع رأسه وينظر لعيني فيصل المغرورقة بالدموع_: وأنت حبيبي بعد.... بس أنت تروح هناك... إذا جيت عندنا أستنانس..بس ماتجي كثير... فيصل: إسمع حبيبي... أنا عندي شغل هناك... وأبروح هناك أسلم على أمي... وآخر العطلة أجي للسعودية..ونروح أنا وياك للي تبي... وإذا أهلك وافقوا أسافر أنا وياك وين تبي تروح.. قلي؟ ناصر: إممممم .... ما أدري... فيصل: خلاص من الحين فكر وإختار مكان وأنا أبكلم فهد وأبشوف إذا موب مسافرين...نسافر أنا وياك... ناصر: ياسعدي....بتروح معنا نجلاء؟ فيصل: إمممم.... ما أدري..يمكن _ربت تركي على كتف ناصر, وقال_: ناصر..أبوي يبيك هناك.. ناصر: أنا ما أبيه.... تركي: أبوي يقول أبروح أجيب لوه الكورة... ناصر: وش عقبوه... فيصل: رح ناصر ...عشاني... أحضر أحد العمال سلماً طويلاً وثبته على جدار الملحق, إلتفت سعد ونظر لناصر الذي تمسك بثوب فيصل.. سعد: تعال ناصر حبيبي..أنا آسف ما قصدت أزعلك... لا تزعل علي.. ترا أنا مثل أبوك.. وأبوك كان صديقي...إسألهم كلهم.. ناصر: بس أنا ما أحبك... سعد: أنت زعلان علي الحين.. ولا أدري إنك طيب وتحبن بعد.. شف أنا الحين أبروح أجيب لك الكورة من فوق.. تركي: يبه..تكفى خلن أجيبه أنا... صعبه أنت ترقى... فيصل: لالا..خل حدى هالعمال يجيبونه.. سعد: تونا شباب... وترا ما خفس الطوايا إلا حنا... ماعليكم... يالله مختار كويس سلم هذا!!! مختار: بابا هذا كويس.. تيقا... سعد: يالله_يربط ثوبة على خصره ويصعد السلم , وحين وصل لأعلى أمسك الكرة بيده ورماها على ناصر وهو يصرخ: ناصر رضيت الحين؟ ناصر: إيه.... سعد:شفت تروك.. قايلن لك أبوك شباب... _إلتفت سعد لينزل ولكن ثوبة تعلق بمسمار مثبت على الجدار, فإختل توازنه وسقط من فوق السطح رأساً على عقب..... تركي_قفز نحوه مذعوراً_: يبــــــــــــــــــــــــــــــــــــــــــــــــ ــــــــــه!!! فيصل: ياربيه..شباب دقوا على الإسعاف!! _أقبل الشباب ليحملوه إلى المستشفى, ولكن تركي منعهم وهو يصرخ بهستريه قائلاً: لالا... أبوي إصابته خطيرة..لا أحد يشيله إلا الإسعاف... أقبل بندر وضاري وحين رأو أحد الشباب القريبين من سعد.. بندر: وش فيه؟ الشاب_بأسى_: شكل سعد مودع... الله يصبر ولده... ضاري: أفاااا...بندر شف ناصر هناك مفزوع... _أمسك بندر بذراع ناصر وحمله وهو ينتفض_ بندر:ناصر.. وش بك؟ سعد ما بوه شي.. لا تخاف.. ناصر: أخاف يموت زي أمي وسعود....ما أبيه يموت... ضاري: لالا..ماهنا إلا الخير... ناصر:ما يتحرك مغمض عيونه... والله ما يتحرك.... بندر:يوه... الله يستر بس... ناصر.. لا تخاف.. إن شاء الله موب ميت..ضاري.. أبوديه لمها تسقيه عصفر الولد مرتاع... ضاري:ويلاه بندر... شكل الرجال ميت...شف شلون .. بندر: ضاااااااري... شف شلون الولد ينتفض وأنت تزيده!!! ************* .................................................. "الجزء الثامن والاربعين" _ألمانيا_ بعد ثلاثة شهور يجلس تركي بجانب والده بصالة العلاج الطبيعي و سعد يحاول أن يستجيب للأوامر ولكنه يضع رأسه على حافة المسبح ويصرخ: تركي خلاص ذبحوووووون!! تركي: let’s stop.... he can’t continue ... الطبيبة: he should… تركي_يقاطعها_:sorry.. it is hard… الطبيبة: but ….. تركي: no problem miss!! It is just short break.. Ok? الطبيبة: ok… just break... سعد: وشو بريك تروك... أنا تعبت…. أبي أرتاح لليل... تركي: يبه أدري إنك تعبت.. يعلك بعدي.. شده وتزول.. يبه عشان تقدر تحرك رجليك بعدين.. سعد: من ثلاثة شهور وأنا أتمرمط بذا..ماشفت نتيجه! تركي_يتنهد_: معليه يبه.. هانت... نعمه يبه الحين تقدر تقعد... كنت ما تقدر حتى تقتلب على سريرك... سعد: بس أنا سمعت الدكتور يوم يقول مافيه أمل يمشي.... ليش أتعب وهو مابوه أمل!!! _تجمدت ملامح تركي ونظر لوالده مصدوماً ثم إستجمع قواه ليقول_: لا يبه... الدكتور ماعنده سالفه.. وبعدين الشفاء بيد ربي... قالوا لنا وأنت بالغيبوبة إنك مافيه أمل تعيش... وإن عشت بتعيش بشلل تام.. والحمدلله.. هذاك عشت ..و.. وقدرت تحرك إيدينك.. وإن شاء الله ترجع للسعودية على رجلينك... سعد_يمط شفتيه_: تركي... أبو عبدالعزيز ماقالك شي؟ تركي: كلم اليوم الصبح وأنت بغرفة التمارين .. ويقول بيكلم ثانيه.. سعد: يابعدي إخيي بلشته بشغلي.. هو عليه قاصر.. تركي_يضرب كتف والده ويغمز_: أقووول يبه... ترا ما شال الشغل السنين الأخيرة إلا أنت.. سعد: لو عندي ولد ثاني يشيل شغلي... تركي: ماحد قال لك لا تجيب ولد ثاني!! سعد: إيه لامن جان ولد ثاني بيصير مثلك؟ تركي: يمكن أحسن من.. ولا يهمك يبه.. إن شاء الله نرجع للسعودية وأتزوج وأجيب كل سنه ولد.. سعد: له..له.. وش يصير بيتنا.. لالا..كل خمس سنين ولد وخمس السنين اللي بعده بنت.. يعني يصير عمرك أربعين وشوي يصير لك أربع بنتين وولدين.. تركي: يبه.. أبي عيال كثار!! سعد: تدري جب واحد يصير حليل مثلك ويكفي!! تركي: أبجيب شياطين يطيرون عقلك.. سعد: والله لأشوتهم!! تركي: يمديك؟ سعد: وا ملحهم... إن صاروا شياطين ويكسرون اللمبات مثلك!! تركي: ههههههه مانسيت هالمبات!! سعد: ولاعمري بنساه.. ياوليدي ترا الأبو مايشوف شطانه عياله.. ولابعد يستملحه.. أنا الحين لامن ذكرت حركاتك وأنت صغير ودي أحبك.. تطري لي وأنت صغير.. تركي: ودك أرجع صغير؟ سعد: لا والله ماصدقت تكبر أشد عضاي بك وأرفع راسي... الله يعزك زي ماعزيت أبوك ياوليدي... الله يبرك بذريك زي ما بريتن... والله إني عارفن إنك بتصير رجل... والله ماخيب أملي... تركي_يقبل رأس والده_: موب كثير يبه... ماسويت شي عند الي أنت سويته لأبوك... سعد: وش يدريك باللي سويته لأبوي...ماسويت له شي.. تركي_يغمز بيعنه ويضحك_: علينا!! ترا كل شي ينعرف.. عمي عبدالله قال لي.. قال لي كل شي.. سعد: وش قال لك؟ تركي: يبـــــــــــــــــه!! قال لي إنك جلست معه بالمستشفى سنتين كامله ماتطلع إلا ساعة وترجع.. حد ماات أبوي عبدالعزيز.. وقال إنك ماكنت تسمح لأحد يغير له ولا ينظفه.. كنت أنت اللي تسوي له كل شي.. ومات وهو يدعي لك.. سعد_ينظر لتركي وقد إغروقت عيناه بالدموع_: بس أنا غيرك.. أنا كنت مبلشن بأبوي بشبابي موب مثلك... تركي: يبه الأمور بخواتيمه.. سعد: والله إن ... أبوي الله يرحمه هو اللي يشقي عمره.. ويبين أمشي بالسانتيمتر ... وأنا .. الله يغفر لي.. ما كنت أحب أحد يتدخل بي.. وهنا تصير المشاكل... كان أبوي يبين أصير طبيب.. وأنا ماحبيت الطب.. وقلت أبروح أدرس طب.. بس رحت ودرست أدب فرنسي... ويوم جيت بالشهاده بغى يموت من القهر.. يالله عمي أبو ماجد فكن منوه.. تركي: ههههههههههههههههه ... والله يبه منتب سهل!!! سعد: كان دايم يقارنن بماجد.. دايم يقول ماجد رجل وأنت رخمة.. مع إنه يوم حنا صغار كان دايم يقول لعمي إعرس جب لك ولد ترا ولدك ذا ما هناش.. ودايم كان يقول ولدي بيصير دختور وبيعالجك.. ولده اللي صار دكتور .. وأنا فشلته.. تركي: لا يبه .. مافشلته.. شلون تدرس شي أنت ما تحبه.. الطب موب سهل ولا ينفع أحد يدرسه موب باغيه.. وبعدين جدي الله يرحمه على ما سمعت عنه كان صارم.. ويتدخل بكل شي.. مايصير.. سعد: يوم مات أبوي وجيت أنت نذرت على نفسي أخليك على كيفك.. أنت تختار الطريقة اللي تبيه.. والحياة اللي تبيه.. وصرت أرجل الرجال.. تركي: الله يخليك لي دوم.. _يخرج جواله_ يبه أبروح أكلم.. تبي أجيب لك شي؟ سعد: من؟ تركي_يبتسم_: من اللي أطلع عشان أكلمه؟ سعد: أدري... أدري.. رح.. أكيد بتجي أم عيون زغر... الله يعين بس.. تركي_ينحني ويقبل رأس والده_: يالله يبه.. موب مطول.. سعد: لا طول وخذ راحتك... الله يرضى عليك.. *********** "بيت عذبة" ليلى تتمدد على أريكة بالصالة, مصفرة الوجه وبدا عليها الإرهاق, عذبة تبرد أظافرها ونجلاء تلعب ورق مع نواعم... نجلاء: لااااااااااااااااا والله غشاشة!! نواعم: والله!! كل ما أغلبك تقولين غشاشة!! عذبة: وه إقصرن حسكن.. فقعتن طبلت إذني..نواعم.. خلي نجلوه عنتس وإبردي لي أظافري.. نواعم: قولي ليليوه.. ليلى: إنقلعي إنتي وياه!! رايقتن لكم.. ياربيه.. ليت أمي بوه.. نجلاء_وهي تصف الأوراق على الأرض_: وأنتي ما تذكرين أمي إلا لامن صرتي تعبانه ولا متضايقه؟ عذبة: ماغابت أمي عن البال لحظة... نجلاء.. نجلاء!! نجلاء: نعم.. نواعم خوذي تراهن.. مثل حقاتي... عذبة: نجلوه... نجلاء: نعموه... _تنظر لعذبة_ ذبحتين وش تبين؟ عذبة: هاتي جوالي جنبتس..._وتؤشر بعينها لها أن تصمت_ نجلاء: أبشري... _تكمل اللعب_ عذبة: نجلااااااااااااااااااااااااااااااااااااااااء!! نجلاء: بسم الله وش تبين؟ عذبة: جيبي الجوال...هه من جاء؟ ليلى: واااااااو ماما أمينه... _تقفز ليلى وتتجه صوب الباب وتضم الدكتورة أمينة, وهي تبكي.. ليلى: والله مشتاقين لك ماما... د.أمينه: وأنا أكتر حبيباتي..إيش أخباركم؟ ليلى صحيح الكلام اللي قالتوا لي عزبة؟ ليلى: إيه.. بالشهر الثاني.. عذبة: ماتوقعتس تجين مامي.. نجلاء: ليلى وخري عن ماما أمينه ترا حجبتي الرؤية الأفقيه.. د.أمينة: والله أجيت من المطار عليكم على طول.. ليلى .. بشريني بتتغزي مليح؟ الحامل تحتاج فيتامينات.. وكالسيوم.. روحتي راجعتي طبيبة توصف لك فيتامينات وكالسيوم وكبسولات حديد؟ عذبة: ياحبيلتس.. ما قصر عزوز .. موديه للمستشفى قبل لا يجيبه لنا,... _تجلس د. أمينة على الأريكة وقد إلتفن حولها البنات, ووضعت ليلى رأسها على فخذها وتمددت فيما أخذت د. أمينة تمسد شعرها بلطف_ د.أمينة: نواعم.. شو أخبار أبوكي؟ نواعم: الحمدلله ... بس إنه الحين مشلول نصفي... عاد هو اللحين مع تركي بألمانيا يسوي علاج طبيعي.. الحمدلله يتحسن.. د.أمينة: وأنتي ليش مابتروحي عندو.. بعتقد إنوا لمتكن عندو بتساهم بالعلاج أفضل..مو؟ نواعم: أنا ودي أجلس معه.. بس هو قال لي روحي عشان الجامعة.. رفض إني أعتذر.. يقول يخاف أتعود البطالية... د.أمينة: له... والله تبغي الجد صادق.. ولدي أخذ إجازة من شغلو وجاء معي للسعودية والله جنن فيا ما رضي يعوّد لشغلو... أنتوا شباب الحين لمن تبطلوا شغل ودراسة ما ترجعوا بالساهل.. إيوه.. وخبريني عنك مدام ليلو شو أخبار عزوز معك؟ ليلى: لاااااااااا..حتى أنتي بعد تقولين عزوز!!! إسمه عبدالعزيز.. عذبة: إخس.. عزوز..عزوز.. نجلاء: عزوز فتح البزبوز ياويله من العجوز!! نواعم: ههههههههههههه .. يبتنتحر ليلى... ليلى: إيه هين ... خل يجي رجله.. أوريها فيه.. د.أمينة: ههههههه والله أنتم ما تفكو خناق!! نواعم: لا.. من جيت عندهم وهم يتطاقون.. حتى أنا دخلت بالدرجه معهم.. أعاني فراغ خناقي.. تروك موب بوه.. ولقينا هنا مخانقيه واجد.. د.أمينة: بشريني بنتي ليلى _تنحني لتقترب من إذنها لتهمس_ رومانسي متل ما تمنيتي...؟ عذبة_تبتعد وهي تضحك_: لالالالا.. مامن ورا عزوز رومانسية.. د.أمينة_تقرص عذبة_: عمى يا ملقوفة!! ما سألتك أنا.. أنتي عشتي معو.. مايبين الرجال إلا مع مرتو؟ ليلى_تهز رأسها نافية_ .... د.أمينة: شو؟ متل ما قالت؟ ليلى_تهز رأسها موافقة_: قبل لآ نجي الرياض.. أول ما جينا من السفر.. شبيت شموع ونثرت ورود وقعدت أنتظره.. إلا يدخل وقبل لا يقول السلام عليكم قال: طافي الكهرب...؟ قلت : لا قال:أجل طفى الشموع كتمينا!! أنا طاح وجهي ودي اعطيه كف..قهرني... د.أمينة: هههههههه شو !! لاه.. مبين خفيف دم زاف.. نجلاء: إلا مبلم زاف.. د.أمينة: ما تيأسي.. يحتاج أكمن سنه تايتعلم رومانسية شوي.. عذبة: اللي ما إنولد رومانسي ما يصير رومانسي فور إيفر... نواعم: لا مو شرط... أبوي الله يقومه بالعافيه طلع له علوم مع سارة.. د.أمينة: صحيح الرجال بيتغيروا ... بنات تغديتوا؟ أنا هالكة جوع... عذبة: يالله أقول لهم يحطون الغدا... نجلاء: أقول .. ليلوه قومي... تعبتي المرة.. د.أمينة: شو أنتي غيرانه؟.. خليها بنتي.. نجلاء: بس هي بنتس؟ د.أمينة: لا والله كل أولاد فرح ولادي... الله يرحمها كانت أكتر من أخت.. كانت ماليه لي دوناياي كلها.. الله يجمعني فيها ياربي.. شو إشتقت لها... ليلى: حتى أنا إشتقت له... وإشتقت لأبوي..وأبوي ناصر.. وسعود...آآآآآه..دنيا!!! ************ "ألمانيا" تركي_يتحدث بالجوال_: شخبارتس؟ هيلة: أنا طيبة بس بشر عن خالي؟ تركيك والله بهذلوا به.. قطع قلبي.. هيلة: ليه ؟ تركي: التمارين الحين صعبه عليه.. تعبت أشوفه يتعذب ولا نيب قادر أسوي له شي.. هيلة: الله يقومه بالعافية.. تركي: آآمين.. هذي الدكتورة جت.. والله ياهي مليغة!! هيلة: شلون مليغة؟ تركي: يعني قمر... هيلة: وتقوله بعد!! تركي: ليه تغارين.؟ هيلة: لا... بس عاد ماتقوله كذا بسعة وجه... تركي: طيب طيب لاتصيحين.. الحين كل التعصيبة وأنتي إيقالنتس ماتغارين لو تغارين وش بتسوين؟ هيلة: كان أجي أذبحة.. تركي: أجل ليتس تغارين... هيلة: لا عاد تركي جد هي حلوة؟ تركي: يووه والله يا أنتي بعد تكابرين.. الحين ماتغارين ليش تسألين ؟ هيلة: ملقوفة.. تركي: وسعي صدرتس.. ياملقوفة هانم.. مافيه أحد بهالدنيا أحسن منتس بعيني.. هيلة: أجل ليش تقول عنه قمر؟ تركي: أستهبل.. مليغة يعني ثقيلة دام..مالغة.. هيلة: أشوا.. تركي: هماتس ماتغارين؟ هيلة: أنا ما أغار.. بس.. لازم أصير مرة وأبلش بخطيبي,, تركي: هذي نصايح نجلوه الماصلة صح.؟ هيلة: هههه لا..نجلاء تقول لي دايم لا تبلشين بوه حرام عند أبوه.. تركي: طيب وأنتي ورا ماتسمعين كلامه.. هيلة: أنت قايلن لي لاتسمعين كلام نجلاء... تركي: هيله... ما إشتقتي لي؟ هيلة: وأنا شفتك بغير الملاك؟ ولا تنسى إنك سببت لي رعب.. تركي: أنا رعب! وش قالوا لك دراكولا!! تراه بوسة ..بس بوسة!! هيلة: بعد وش بتسوي أكثر من بوسة؟ تركي: ماتعرفينن زين ولا كان ما سألتي هالسؤال.. هيلة: هاااه..جد وش بتسوي؟ تركي: أبلفعتس طراق.. هيلة: جنب!! تركي: بس إذا صرتي مؤدبة.. تراي حليل.. هيلة: والله ما يندرى عنك بديت أخاف منك.. تركي: تدرين المفروض إني ما أكلمتس.. هيلة: ليه؟ تركي: لأن ... ضايق صدري...بنفقع من الضيقة ..آآآآآآآآه هيلة: ليه؟ تركي: أبوي... هيلة: وش بوه؟ تركي: مابوه شي.. بس... كل أمس يون مانام.. تعبان.. وأنتي إذا دقيتي لازم أطلع وأخليه.. هيلة: .............يعني أنا أزعجتك؟ كنت.. أبوسع صدرك.. خلاص.. ماراح أدق.. تركي: لالا.. مو قصدي أزعجتين.. أنا أصلاً أبي أكلمتس.. لو ما كلمتي أنتي أنا دقيت.. هيلة مو قصدي.. والله.. ياربيه.. هيلة: عادي تركي,... أنا ما زعلت.. لا يضيق صدرك.. تركي: والله ... ؟ هيلة: والله ما زعلت.. أنت مشغول موب فاضي.. وحتى أنا الحين عندي دراسة.. وبعدين أنا أشوف إتصالااتك وأنا بالمدرسة وأدق عليك.. مو إني أبي شي.. لا تدق علي ولانيب زعلة... تركي: يالبى قلبك.. أنتي .. بصراحة ما أدري شقول.. بصراحة ياهيلة أحلى صدفة جابتن لبيت عذبة عشان أشوفتس... هيلة: زين تركي إنتبه لنفسك ولا تخلي أبوك دقيقة.. تراه محتاج لك.. تركي: أبشري.. والله إني حظيظ بتس.. ********** "غرفة نجلاء" نجلاء تتحدث الجوال: إسمع بندر .. لا تطوله معي وهي قصيرة... مجيد ماراح آخذه.. وقايلتن لعمي هالكلام.. واللي موب عاجبه يطق راسه بالجدار... لا أسمعك ولا شي.. ما أبيه..ما أبيه.. ياخي فكون.. تراكم ذبحتون أمس مكلم فيصل واليوم أنت ما صارت هذي!! واللي يقصر منكم تكمله نورة وأم عبدالعزيز وليلى بعد!! لااااااااااااااااااا ما تسمع... لا..لا..لا.. مع السلامة.. _تغلق السماعة بغضب وتلتفت على مها التي جلست على الأريكه تتأملها... مها: وأنتي ليش ماتبينه؟ تتجه نجلاء نحو الباب وتفتحت وتشير للخارج وهي تصرخ_: إطلعي من غير مطرود إذا جايه بتحاولين تقنعينن. قرارماراح أتراجع عنه تفهمين؟ مها: أوف..أوف... لا... يعني أنتي مستحيل تاخذينه؟ نجلاء: إيه.. مها: ليه؟ نجلاء: إنقلعي مهوه!! برااااا..برااا_تتجه لها وتشدها من جيب قميصها القطني_ مها: وجع شقيتي فنيلتي!! نجلاء: فنيله!! مها: أللي هي.. بس وخري.. نجلاء: لا تجيبين طاريه!! مها: طيب.. أنا جايتن بقول تس شي... نجلاء: وشو؟؟بسرعه..!! مها: طيب روقي.. نجلاء: روقنا.._تجلس على الأريكة الأخرى_ مها: تعرفين مساعد... نجلاء: من مساعد؟ مها: مساعد..أخو فهد.. نجلاء: إيه.. اللي (..) على نفسي بسبته!!؟ مها: إيه... نجلاء: وش بوه.. لا تقولين لي دوري لوه مره.. ترا ذوقي بالحريم خياس.. مها: لا... المرة موجوده بس نبي موافقته.. نجلاء: منهي .. ؟ مها: العصلاء المصلاء أم لسانين اللي قاعدتن قبالي.. نجلاء_ترمش بعينيها بسرعة_: أنا؟ مها: نعم.. نجلاء_تنفجر ضاحكة_: هههههههههههه موب صاحي.. أصلاً أهلي ماراح يوافقون.. يقولون أمه أجنبية.. ماراح يوافقون مستحيل.. مها: ماعليتس من أهلتس.. أنتي موافقة مبدأيًا؟ نجلاء: خخخخخخ إذا وافقوا أهلي أنا ماعندي مانع... بس أهلي,.. موب موافقين.. مها: موب شغلتس أهلتس.. نجلاء: تشوفين إن ما عييوا.. مها: والله مساعد رباتي يحلمون يجيهم مثله... نجلاء: ياشين الثقة الزايدة ومدح النفس... مها: هين من الحين بديتي تشيطنين علي؟ نجلاء: والله يا أنتي أخذتن بولدكم مطب.... بس لومهما صار ... أمه أجنبية... مها: أنتي ماتبينه عشان أمه أجنبيه!!؟ نجلاء: لو أمه كافرة ماعلي منه ... بس أهلي ماراح يوافقون!! مها: يختي الولد انا اللي مربيته.... من تزوجت وهو عندي .. ورجل صالح وعاقل وأمه ما شافه أبد ... إلا قبل سنتين لقى رقمه وراح يسلم عليه... نجلاء: ألله!!!! الحين أمه ما إشتاقت لوه.. وهو اللي قعد هالسنين يدور رقمه!! والله لو أنا منه إن ما أعتب عليه..... مها: هذي أمه.... وبعدين مافي أم تترك ولده كذا... أهله هم اللي واقفين بينه وبينه عشانهم تهاوشوا مع أبو فهد الله يرحمه عاد جو أخذوا بنتهم وغابت شمسهم وفهد ماخلى شي يدور لهم رقم ولا لقى حد قبل سنتين جاء شاب شامي لم فهد بالمكتب وعرف نفسه إنه رامي إبن مدام صباح وإنه يبي يتعرف على أخوه ويعرفه على أمه... نجلاء: بعد هالسنين... يوه وش كان شعوره... أحس ماراح يحس به... وبعدين تعالي يالجحود دايم أقولتس ليش مساعد مايروح لأمه تقولوين ما أدري وراح لمه وشافه ولا علمتين!! وأنا كلش أخره لتس زيــــــــــــــــــــــــــــــــن تشوفين!! مها: والله جيت وقلت السالفه بس أكيد أنتي موب بوه!!! ******** "القصيم" تستند نجود على الجدار و وتمسك بيدها على بطنها وباليد الأخرى تسد فمها, إعتصر وجهها ألماً, حاولت أن تكتم صوتها عن خالد المستغرق بالنوم على السرير, حرج صوت خافت وخارت قواها لتجلس عى الأرض, إنكبت على الأرض وهي تتألم بشده, فتح خالد عينه بتثاقل ثم وثب نحوها وأمسك بها وهو يقول: نجيده.. وش بتس.. تعبانه... _وضعت نجود رأسها على صدره وأخذت تبكي _ خالد: حبيبتي أوديتس للمستشفى.. قومي إرتاحي على الكنب بجيب عباتس.. أكلم أمي تجي معنا؟ _أشارت بيده رافضه_ خالد_ضمها بقوه وهو يهمس_: موب ولاده إن شاء الله.. باقي إسبوعين... بس لازم نروح للمستشفى ولازم تجي أمي.. أنا ما أعرف أخاف يعطنتس شي مايصلح!! نجود_تهدأ قليلاً_: لا... خالتي تعبانه.... ماتتحمل تروح معي المستشفى.. خالد لا تخاف مابي شي.. عادي دايم يجي .. بس أبي أروح للرياض أبولد هناك... متابعه هناك وبروح للدكتورة اللي أنا متابعة عنده...آآآآآآآآآآآآآآآآآآه خالد: مافيه روحه للرياض قبل مانروح للمستشفى... نجود: خالد... أبكلم أمي... خالد/: طيب قومي معي .. يالله حبيبتي خلينا نروح للمستشفى ... وكلمي أمتس بالطريق.... نجود: خالد أنت تعبان.. توك جاي من الدوام واليوم وراك طريق ..إرتاح وقبل مانمشي للرياض أمر المستشفى.. خالد: أقول راحتس أبدى على من أي شي.. يالله قومي غيري لبستس وأبروح أجيب عباتس.. يالله ... نجود: خالد... مابي شي... أنت زاد وش قومك!! خالد: قلبي قومن... نجود: الله يخلي لك قلبي .. يصير لي لحالي.. خالد: والله يا أنتي أنانية!!! نجود: آآآآآآآآآآآآآآآه.... لاه اليوم موب طبيعي .... خالد: قومي ... يالله لا تولدين علي بالطريق!! *********** "غرفة نورة" نورة: عبدالمجيد... الله يرحم والديك... خلاص... عبدالمجيد: نورة فكري بعقلتس.... نورة: وأنا أفكر بعقلي... عبدالمجيد: لا.. أنتي تفكرين بقلبتس... رضى أمي نورة بصير إذا شافتس مبسوطة.. وبندر رجل والله إني متمنيه من قبل لوحده منكن... والحمدلله إنه خطبتس... نورة:يا خي إنقلـــــــــع يا (.................) عبدالمجيد_يمسك شعرها ويرفعها على السرير_: يا كلبه... من زينتس... لسانتس ذا أبمكعه عشان تعرفين تتأدبين... نورة ..فكري زين.. العجوز بتفطس وأنتي بتقعدين به!! _يدخل فيصل ويركض نحوهما ويبعد عبدالمجيد عن نورة التي صمتت ولم ترد أو تتألم وهو يصرخ_: وخـــــــــــــــــــــر عن البنت!! مهبول_ويمسك برأس نورة ويضوقه بذراعه وهو يصرخ على عبدالمجيد_: أنت تبيه بالعافيه تاخذ بندر عشان يزوجك نجلاء!!! لا..حد هنا وبس... عذبت البنت.... عبدالمجيد: أصلاً موضوع نجلاء مو بيد بندر ولا جد بندر.. بس أنا أبي مصلحته وهي غبيه وبتطقه ندامه... ماأبيه تتحسف بعدين.. _يخرج غاضباً ويغلق الباب خلفه بقوة, يلتفت فيصل على نورة الصامته ويجلس بجانبها, أمسك وجهها الذابل بيديه فتدحرجت دموعها , ضمها وإقترب من إذنها هامساً_: نورة... أفهم اللي تحسين بوه... أنتي تحبين أمي وبتبيعين روحتس عشان ترضينه... وعارفه بنفس الوقت إن راحتس مع بندر... _إزداد نحيب نورة_ نورة... أصعب شعور بهالدنيا إنتس تضحين ولا أحد يفهم هالتضحية... إنتس تهدمين سعادتس بيدتس عشان تسعدين اللي تحبين...صح؟ أنا جربت هالشعور وجربت بعد إن ما أحد يفهم ليش أنا أسوي كذا... لو هم يشوفون الدنيا بعيوننا صدقين ماراح يلومننا على اللي نسويه... نورة: عم... مو بس مجيد ... أمي وأبوي وسلمان... بس نجلاء ونجود اللي مراعين موقفي... بس محد من الرجال متفهم علي واللي يقصر من أمي يكمله مجيد ويقعد يقول لي شلون بندر ضايق صدره علي... أنا بعد أشد علي إن بندر يبين.. ليته ما حبن ولا بغان... أنا منب قاصره منب قاصره وجع قلب... مجيد يقول بتموتين إذا شفتي مرته بعدين ولا إذا تزوجتي واحد ما تبينه بعدين... تعبت عمي تعب.. خذني معك بريطانيا حد ماينسون السالفه... أبي أبعد عنهم... أبي أروح... أبي أنسى كل شي... فيصل: النوري.... الهروب موب حل... تهجين عنهم بس تلقين نفستس تعيشين بوسطهم تفكرين بكل لحظة بهم ماتقدرين تنسين مشاكلهم وهمومهم ويزيد حزنتس لأنتس ماتتذكرينهم إلا بزعلهم عليتس.. و كلامهم الجارح اللي قالوه لتس... مايالغربة حل يا بنت أخوي... نورة: أجل ليش أنت هجيت....؟ فيصل: عشان ما أضعف وأخرب اللي سويته... نورة: ههههههههههه والله ياعم تضحكن وأنا ضايقن خلقي... فيصل: أدري بتقولين إنك تجي وتعفس الدنيا وتروح!! نورة: ..................... فيصل: عشان كذا .. أبعد بشري وخيري أصرف... ************ "الشرقية" _شقة منى_ راشد: إيه سعد بيتم معاق طول العمر.... منى: ......................... راشد: يوم أقولج ربي يمهل ولا يهمل........ منى:.......................... راشد: أنتي شفيج تسمعين..؟ منى: إيه.... راشد: زين ردي..أنا أرمس ويا منو!! منى: شتبيني أقول!! راشد: شو هالرمسة!! منى: راشد... مافيه كلام أقوله... راشد: يعني شبتسوين؟ منى: أدري إن غلطت وايد.. بس ما أقدر أصلح غلطتي... راشد: أحين أنا جاي الشرقية أروم تروحين وياي ونكلم مشاري وتخبرينه كلش... منى_تتنهد_: اللي أنا سويته مو شوي.... وأنتا عارف زين مشاري ماينلام لو ذبحني... وبعدين آني بغلق جوالي وبروح أنام ببيت رفيجتي عشان ما يوصل لي... خايفة منه وايد... راشد: مشاري عاقل... منى: بس آنا خربت بيته... راشد: كل طيحه سعد بركة إللي فتحت عيونج... منى: الله يسامحني من اللي غلطت بحقهم وعذبتهم.... زين راشد موفق... رح كلمه... وتسامح لي منه... وأنا أببعد حد ما يهدى الوضع شويه... راشد: الله يعيني... ولو إنه مو بصالحي.... بس إدعي ربج ييسر لي.... ********** بيت عذبة "إحدى غرف نوم الضيوف" تدخل عذبة على نواعم المستغرقة بالعمل على الحاسب المحمول, إلتفتت نواعم وإبتسمت لعذبة, عذبة: شتسوين نعنع... نواعم: شوي وأخرب بيتهم... عذبة:!!!!!!!!!!!!! نواعم: البنات الغبيات ... غباء مطلق وثقة عمياء... عذبة: مافهمت... نواعم: راسلتني وحده عالخاص تترجاني أخترق حاسب خويها وأخربه عشان صورها بحاسبه... وهذاي قاعده... أيوه خلصت... وش رايك.... مو يستاهل؟ عذبة:!!!!!!!!!!!!!!!!!! نواعم:ههههههههه حلو وجهك... كل التعابير تنطق به.. حبيبتي.. أدخل جهازه وأدمره عشان يعرف مرة ثانيه يخترق حاسب أحد ويههده بعد... عذبة: أنتي هاكر!!؟ نواعم: خطير بعد... بس لا تبوحين بالسر... تذكرين ذيك الحمله اللي سووها الشباب على مواقع الفساد كنت عضو بالمجموعة.. بس تعبنا والله ... لكن بالنهاية خربنا بيتهم واحد ورا الثاني.... عذبة: أحسه حرام هالشغلة... نواعم: شوفي انا ما أتطفل على أحد إلا إذا كان غلطان أوريه شغله.. والبنات الغبيات دايم ضحيه اللي يخترقون كمبيوتراتهم ويهددونهم بالصور والمقاطع... وشو له يحطون صورهم الخاصة ومقاطعهم عالكمبيوترات... حتى أحيانا يتسلطون على الشباب مو بس البنات.... عذبة: طيب هم يعرفونتس؟ نواعم:لالالالالا... انا ولد... أدخل بإسم ولد... عشان لو دروا إني بنت مارحبوا بي بينهم... يفقدهم رجولتهم....ههههههههه عذبة: ألبي مش مطمن خالص!! نواعم: أووووووووووووووو... تدرين تروك يعرف إني هكر وماقال لي شي.. وأنتي تعبط وجهتس... هو وهو رجل ماقال شي!! ولابعد أقدم له خدمات..ههههههه والله كان بطران ... بس من تخرج وهو صايرن مالغ.... عذبة: إمممممممم نواعم...تقدرين تطلعين لي الإيميل من وين... نواعم: تبين تدرين من وين يتكلم اللي بالمسن؟ عذبة: آآآآآآآآيوه.. نواعم: شوربة!! تعالي إجلسي ........ ************ "في غرفة نجلاء" نورة: والله لو مادخل فيصل كان قلع فروتي... نجلاء: صايرن عنيف أخوتس... نورة: آآآآآآآآآآآآآآآآآآآآآآآآآآآه... بموت... دعيت أموت وأرتاح... نجلاء: وش يدريتس إنتس بترتاحين... يمكن تعذبين عشانتس تأخرين صلاة العصر.. نورة: وجع ياحيوانه!! يمه.. لا... ربي كريم... نجلاء: الله كريم بس شديد العقاب... نورة: أقول إسكتي... نجلاء: نورة... منقرضة... نورة: ما أنام لا ليل ولا نهار... ضايق خلقي... نجلاء: أدري يا قلبي... تعالي إجلسي عندي خلتس زي نواعم جت وسكنت عندنا.. نورة:أمي ماترضى.... نجلاء: طيب قومي نروح نتمشى بالحديقة بقول لتس شي خطير...لا..صح بيجي بندر اليوم.. نورة: لا تقوليـــــــــــــــــــــــــــن!!! نجلاء: أصلا ما تغيب عينه ... دايم عنده شغل بذا.. بس ياهو غثن يبين آخذ أخوتس... نورة: لا لا تاخذينه الحيوان.. نجلاء: لا توصين... إنخطبت.. نورة: وشــــــــــــــــــــــو!! لا.. ومجيد حرام!! نجلاء: لا والله مجيد حرام... وبندر ألف وحده تتمناه!! نورة: نجلاء أنا ما عييت آخذ بندر عناد زيتس... أنا عشان أمي نورة... موب بيدي أسوي شي.. بس أنتي بكلمه إيه تفكين أزمات... نجلاء: والله لو على قطع رقبتي ما أخذت أخوتس عشان أبوتس يقول لي البدوية.. أنا مليت من طنازتهم وأنا بحسبه بنتهم وتبينن بعد آخذ ولدهم...!! وع نورة_تضربها بقبضتها_: ذولا أهلي يالعنز!!! ************ "غرفة نواعم" تلتفت نواعم على عذبة المتمدده على السرير تقرأ ديوان شعري, نواعم: عذبوة... وفاء خليفة تكلمك من أمريكا... من ديرة عمتك...كولورادو عذبة_تجلس_: وشو؟ نواعم: من أمريكا,,... يمكنه من صديقات عمتك أو يمكن صدفة... عذبة: متأكدة أنتي؟ تو شفتي يوم أكلمه تقول لي لندن عندنا مطر.... نواعم: يمكن ماتبغى تعرفين منهي.. عذبة: ليش تكذب علي!! لا... آخر من توقعت عمتي ريم...!! لااااااااااااااااه كنت أشك إنه تعرفن... تسألن دايم عن خواتي وعن حالي..\ دايم أهاوشه وتطول اعصابه علي... بس... بس ليش تهك علي طول هالسنين!! كلش قلته له... لو كنت أدري إنه هي ما قلت كلمه وحده!! قهرررررررررر...قهرررررررررررر نواعم: طيب إحمدي ربك... إنه مو أحد كارهك بيفضحك ولا يسوي لك شي.. وبعدين مو شرط هي... يمكن احد معه بنفس المدينة... عذبة: وحده ثانية شتبي بوحده مثلي يتمينه ضايعة هايته.. طول عمري بنيت سور على همومي ومخاوفي ما بحت لأحد مثله هي ... كتمت همومي وحبي وخوفي وفرحي .... عن الناس كله إلا هي و... وبالآخر تصير عمتي!! نواعم: عذبة... أنتي تصيحين!!؟ عذبة: إيه أصيح.. أصيح من الحرة من القهر... ليش تسوي بي عمتي كذا... نواعم: مو أكيد يمكن مو هي!! عذبة: أكيد هي بأمريكا!! نواعم: إيه... بس كلولورادو كبيرة وكثير عايلات سعوديه هناك!! بعدين أنتي غلطانه شلون تبيحين بأسرارتس لأحد ماتعرفينه ولا تثقين فيه... لو كانت طيب من ربع سعود!! الحمدلله إنه بأمريكا وبعيده..\ عذبة: محتاجه أحد أشاوره يا نواعم.. أحد يقول لي هذا صح وهذا غلط!! نواعم.... أنتي ... لااااااااااااااا نواعم: شبتسوين؟ عذبة: ما أدري.... ما أدري... نواعم: من رايي إسكتي.. سوي نفسك مادريتي عنها... عشان فيما لو رجعت ما تتكلم معك بأسرارك وتتجرأ تسألك عن غيرها... صح؟ عذبة: ما أدري... ما أدري.... ********** "دبي" يتعالى صوت مشاري بغرفة ويظهر صوت راشد محاولا تهدئته... تأتي شمس وهي تضع لفافات كبيرة على شعرها, تطرق الباب.... راشد: شمسوه ذلفي.. شمس: فضحتونا بالجيران!!!! راشد: آني قلت ذلفي.... شمس: طيب وش فيه... مشاري: وش فيه!! وش أكبر من اللي صار!! كيف قوى قلبها ... والله لأموتها .. والله ما أنساها لها... شمس: شو صار؟ مشاري: ياربيه... شلون أصلح غلطتي... شلون... أربع سنين ظالم هالمسكينة... لاه... ما أدري أذبح نفسي ولا أذبحها... راشد: مشاري تعوذ من بليس... مشاري_يخرج من الغرفة_: أبتعوذ من بليس... إلا هي بليس بكبرها...أخ..أنا.. ياربيــــــــــــه... راشد: وين تروم ؟ مشاري: موب شغلك.. موب شغلكم.... ************** "في بيت عذبة" _الصالة الرئيسية_ بندر: عذبة وين البنات؟ عذبة: نجلاء ونورة طالعين وعبدالعزيز وليلى...رايحين يتعشون برا.... ونواعم جالسة مع أفنان... توه جايه من بيت أهله.. بندر: وأنتي ليه ماتروحين تجلسين مع أفنان... أنا البيت بيتي... عذبة: أخاف تسرق....ههههههههههه بندر: زين أنا بروح للغرفة أبنام... أناظر التلفزيون شوي... عذبة: معليش يا باشا... الغرفة اللي فوق ممنوع من التعتيب عليه... بندر: ليه؟ عذبة: لأن الغرفة اللي جنب غرفتك به نواعم... وبما أن البيت بوه بنات موب محارم... بندر: يتحتم علي إن أنام بالملاحق اللي برا صح؟ عذبة: عليك لمبتين..... بندر: بسيطة.. بقوم أروح.... بس عساكم مشغلين المكيف... عذبة: يؤ نسيت أقول للشغالات.... بروح أقول لهن يجهزن الغرفة وأجيب لك عشاك بذا... تعش وناظر التلفزيون بذا... على بين ما تبرد الغرفة.... خلاص؟ بندر: طيب.... _تقوم عذبة وتتجه للمطبخ, تقف أمام المرآة الطويلة بجانب الدرج ونظرت لشعرها, خلعت المشبك وأخذت تحرك شعرها يمنه ويسره , وهي تنادي الخادمة, مسحت قليلاً من ملمع الشفاة على فكها الأسفل ونظرت لعينيها و رأت بندر يراقب تصرفاتها فإلتفتت محرجة قائلة: مدام ميرنااااااااااااااااااااااااا...... _أقبلت الطباخة_ عذبة: الله يعافيك قولي لريتا ترتب الملحق الأيسر بينام فيه بندر, وقولي ليه تشغل المكيف عالآخر وجهزي عشاء لبندر...الحين بجي آخذه.. الطباخة: مدام... شو حليانه كتير... والله لايئ اللون الوردي مورد وشك... بس لو تزيدي الآي لينر من فوق بيكون أحلى... عذبة: المرة الجاية...هههههههه شكلي بجي لتس تمكيجنن... الطباخة: أهلا وسهلا... بس انا عالأولد ستايل.... ولي نسيت الطنجره..وااااااا _ركضت نحو المطبخ_ عذبة_تتجه نحو الدرج_: بندر ... بروح أجيب جوالي نسيته فوق.... بندر_يتأملها مبتسماً_:....................ز عذبة: وش بك؟ بندر: تعالي.... عذبة_تتجه نحوه وتقف عند قدميه_: وش عندك؟ بندر: تشبهين نورة... بس ممكن تنتظرين حد ما تجيب العشاء... مالي خلق تقرق على راسي... عذبة: إخس مسوي فيها محترم... ولا عشاني أشبه نورة.. يالله نجلس..._تلتفت نحو الباب الذي طرق بخفة_ من عند الباب ... شكله رجل؟!!! بندر: من؟ يمكن فيصل.. أبقوم أشوف...وخري عن الباب شوي.. _يفتح الباب ويلتفت نحو عذبة ينظر لها بريبة ثم يلتفت على الباب_ عذبة_بوجل_: من؟ بندر:........................................... صوت من الخارج..."بندر... أبي أكلم عذبة" جمدت عيني عذبة وإرتجفت شفتاها, تنفست بصعوبة, وإلتفتت نحو بندر ثم إبتسمت بصعوبة هامسة " مشاري..صح...مشاري...! خله يدخل..." بندر_يهز رأسه_: طيب تغطي...._أخذت عباءة أفنان المعلقة بجانب الباب ورماها على عذبة التي تغطت بصعبة وبيدين مرتجفتين_ _أشاح بندر بوجهه مترددا برهه ثم دفع مشاري الباب ودخل يجر خطواته, ووقف أمام عذبة ثم همس" سامحين يالغلا...." عذبة: ................................. ............................................. " الجزء التاسع والأربعين" _نظر بندر نحوه باستغراب وقال: مشاري متى جيت؟ ووش تبي الحين بعد هالسنين.......!!!! مشاري: يوم عرفت الحق جيت... وجيت أصلح اللي إنخرب ... _يلتفت على عذبة بعنين دامعتين_ سامحيني ياعذوب... سامحيني.... _بدأت عذبة تنتفض تحت العباءة, حاولت أن تنطق ولكن صوتها لم يبارح حنجرتها_ بندر: مشاري... إطلع .. أخاف يجون وأنت هنا.. مشاري_بإنفعال_: منهم؟ خلهم يجون... خلني أشوفهم وإن كانوارياييل ينطقون بحرف... أنا ييت هني لجل شي واحد... ييت لأجل عذبة وأبراضي عذبة ومايهمني اللي يصير... سامحيني يا غلاي... آدري إني غلطت وايد بس والله .... الله يسامح اللي كان السبب... طلبتج... مو عشاني...عشان الحب اللي كان بينا... عشان الأيام الحلوة اللي جمعتنا... واللي يرحم والديج... لجل رضى أمج سامحيني.... _ظهر صوت عذبة مبحوح ومرتجف_: على إيش أسامحك....؟ _رفع مشاري بصره نحوها, بدى غير مصدق_: يعني أنتي مو زعلانه علي؟!! أنتي عارفة باللي صار... عارفة بالجريمة اللي إرتكبت بحقنا!! عذبة_صمتت طويلاً ثم قالت_: أسامحك على إنك نكثت بعهدك معي... وطلقتني وأنا محتاجتن لك.. ولا أسامحك على كذبتك على وإنك خليتني أنا اللي طالبة الطلاق... ولا...._صمتت وخفت صوتها قليلاً_ على إنك تخليني أكلم خطيبتك وأقنعها إنها تتزوجك ولا... أحضر زواجك... ولا إنك خليت إختك تقول لزينب إني وحده خاينه لزوجها وماقصروا الناس بتقطيع لحمي ولا على إيش.. أنت حدد بس... بعد أربع سنين جاين تقول سامحين ... وش تبي أسامحك عليه... ؟ بندر: مشاري.... إطلع... عذبة تعبانه.. كلمه بالتليفون أي وقت... لكن الحين لا.. مشاري: ماني طالع من هنا حد ما أقول كل شي... وعشان تعرف إني ما تخليت عنها بكيفي.... أنا مادريت حتى إنك مكلمة هيفاء وماكان ودي إنك تحضرين الزواج... هذي منى.. منى إللي قصت عليج وقالت لج... والله إني برئ منها براءة الذيب من دم يوسف.... أنا شلون أطلب منج هالطلب وأنتي مالك فاقدة أمك وأخوك أربع شهور... بندر: أنت طلقته وهي ماله فاقدة أهله شهر.....!!!! مشاري: لا يا بندر.... أنا مو بيدي... والله مو بيدي.... كله من منى...منى وسعد إهما اللي فرقونا عن بعض.... عذبة: منى!!!! سعد!!!! سعد ولا فيصل؟!!! مشاري_يرمي نفسه على الأريكة ويتنهد_: هذي قصة غدر من أقرب الناس لنا ياعذبة... سمعيني أقولج السالفة كلها.... هذا يوم ماتزوجنا ومنى تتصل فيني وتقول لقت رسايل بين هدومك اللي بغرفتنا... بهدومك اللي أرسلتيها قبل الزواج مع أمج.... تتذكرين... كان منها كرتون أحمر مشمع... عذبة: منى فتحت الكرتون حقي!!! مشاري: مو جذي... كلمت على وقالت لي إنها وهي ترتب الغرفة طاح الكرتون وإنفتح وطاحت منه رسايل.... وقالت إنها رسايل غرامية من فيصل... وإنها جديده..... عذبة: .............................. مشاري: بالأول خاصمتها وقلت لها ماتفتح أغراضج الشخصية... وكلمت أمي وقلت لها تقفل الغرفة وتاخذ المفتاح من منى.... بندر: شكلك مطول أبو الشباب.... الحين يجي عبدالعزيز!! عالأقل قم رح لمجلس الرجال.... عذبة: إسكت يا بندر... البيت بيتي ولا لأحد كلمة لا عبدالعزيز ولا غيره... وبعدين شصار؟ بندر:!!!!!!!!!!!!!!!! بس... ما..... عذبة_تقاطعه_: قلت بيتي... بتجلس إجلس... ولا أنادي أفنان ومالك لزمه إذا خايف.... بندر:أنا خايف عليكم ... مشاري: وش بقي ماصار لنا!!؟ عذبة: ماعليك منه... مادامك ما صدقته بالبداية ليش صار كل اللي صار؟ مشاري: بعدين توفت خالتي وسعود وتعرفين قطعنا السفرة وردينا... وبالمطار شفتك مع فيصل... كنتوا مو عيال عم وبس.... كأنه أخوك... أو عمك.... وهو ولا معبر إني فيه... يجي ويكلمك ويوم طحتي كشف وجهك وصار يهف عليك ويرشك الماي... أنا ما أدري أصرخ فيه وأبعده عنك ولا أهديك... هني بديت أشك إن فيصل له مصلحة باللي سمعته... بس قلت إنتي لا... مستحيل تخونني.. أقنعت نفسي إن فيصل ذكرك بأخوك و... إنه كان عايش وياكم....و... حاولت أنسى اللي صار... لكن..... يوم رديت الإمارات جابت لي منى الرسايل, وكانت كلها من فيصل لك.... قلت أكيد فيصل إهو له مصلحه باللي يصير... سألت منى وحلفتها بالمصحف وحلفت إن كل اللي فيه لقته بالكرتون الأحمر... كانت الرسايل تقول إنه تنازل لك عشان ترضين أمك .. وبعدين بتسوين مشاكل وتردين مطلقة... وإذا رديتي مطلقة أمك بتوافق تتزوجينه... وتكونين أرضيتي أمك ... عذبة: صدقت السخافة هذي!! أنت عارف إن حبي لك أكبر من أي شي ثاني!! وبعدين شلون آخذ معي شي زي كذا .. يعني ما أخاف إنك تشوف الرسايل!! مشاري: إلا... لكن قالت لي منى إن هالكرتون جاء بالغلط... وإنك كلمتي شمس وطلبتي منها تحفظ الكرتون عشان ماحد يشوفه... عذبة: كلمت شمس إيه... وقلت لها تحفظ الكرتون لأن فيه صور ملكتي وفيه معي صديقاتي بالصور والصور جات بالغلط.. مشاري: أنا سألت شمس وقالت جذي بس بعد ماسمعت نص مكالمة من طرف سعد وهو يكلم أخوه فيصل إنه يتركج بعد ما توفت أمج... وكان الصوت من جهه سعد بس... وكان يقول البنت سفيهه وتزوجت حرام تجي تخرب بيتها... وكان من ضمن الكلام يبين إنك متفقه ويا فيصل... وكان سعد يكرر كلمة إنها اللي بتخون زوجها بتخونك.... قالت لي منى إنها أخذته من منيرة بنت عمي زوجه سعد... تقول إهي إنها عطته إياه...وإن منيرة سجلته وعطته منى وحرصت عليها ماتخبر أحد..تخاف تخرب بيتها لو يعرف سعد إنها فضحت عايلتهم... عذبة: منيرة بعد!!!!! لا ما تسويه منيرة...ماتسويه... مشاري: هي ماسوتها... اللي مسجل المكالمة سعد بنفسه ومعطيها منى... وهو بعد اللي معطيها ورقة مكتوبه بخط فيصل... عشان تعطيها رفيجتها تقلد خطه على الرسايل... عذبة: سعد!!!!! لاااااااااااااااااااااه......وفيصل.... وش بقى لي ... وأنت صدقت........................!!!! صدقت إني أخونك!! وأخون أمي..... _وضعت يدها المرتجفه على رأسها_ طلقتن وبس عشان مكالمة ... ورسالة!! مشاري: لا... عذوووب... سمعين ... أنا والله ما صدقت.... ما صدقت... ومستحيل أصدق... أنا شفتك مصره تعيشن بين أهلك... قلت لج إن ولد عمج مايعتب البيت... تذكرين ؟ قلتي لي البيت بيته ولاهوب أنت تمنع عيال عمي من بيت عمهم... تتذكرين؟ عذبة: ................... مشاري: ويوم قلت لج إذا شفت فيصل ياي لبيتكم مايصير لج طيب.... ومامداني وأنا أتكلم وياك إلا أسمع صوت ريال ... تتذكرين؟ عذبة: قلت لك كان مع جدي!! مشاري: كل يوم مع جدك!!! هذا اللي خلاني أطلقك... ونطرتج تدقين تسألين.. تبينين إنج مهتمه... لكن... ماسويتي شيء... بالعكس كأنك تقولين جت منه أحسن!!! مو؟ عذبة: أنا... أنا.. بندر قله... إذا هو ما يعرف طبعي ....قله... إني أموت وما أذل نفسي لأحد... بندر.. بندر تسمع!!! بندر: هو يعرف طبعتس.... مافي داعي أقوله.. مشاري: ياعمري أنا أعرف طبعج... بس حطي نفسك مكاني.... عذبة: وشو مكانك!!!! كذبتوا كذبه وصدقتوه....!!! مشاري: أنا ما صدقت... والله ماصدقت قلبي ما صدق لكن عقلي..عذبة الرسايل اللي لفقت... مكالمة سعد... تصرفاتك معاي... تصرفات فيصل... كلام منى ... بندر: طيب... مادمك ما صدقت... ليش أجل طلقت!!؟ مشاري: يووووه بندر... أنت ريال بتحس باللي أنا أحس فيه... أنتا واحد لقيت ويا مرتك رسايل غرامية .. والكل يعرف إنها قبل معطاه لهريال...وبعدين تشوفها وياه تحاول تقنع نفسك إنهم قرايب وربوا ويا بعض ترد تسمع مكالمة من أخوه وبصوت أخوه.. يعني فيه أخو بيضر أخوه وبنت عمه وبيشوه سمعتهم...أنا طلقت... كنت أبيها تقول ليش.. تسأل أقدر أواجهها.. عذبة: حقـــــــــــــــــــــــير! _وقف ثم صرخت_ إطلع برا... إطلع عن بيتي وقلبي... إطلع... ياخسارة كل لحظة تمنيتك به تكون جنبي... ياخسارة كل لحظة أحسن الظن فيك. يا خسارة... _بدأت تنتفض غضباً_ قلت كل الناس يتخلون عن إلا مشاري... قلت كل الرجال كذابين بحبهم إلا مشاري... قلت...وقلت...وقلت... وليتي سمعت كلام أمي عذبة... _إرتمت على الأرض تبكي بحرقة_ _خرجت الطباخة مسرعة_ الطباخة: شــــــــــــــــــــــــو!! مين هي الرجال!! لعمى ... عززبة ليش بتبكي... إنتا إطلع برا ماتسمع... وإلا والله لإفتح لك راسك بالطنجرة!! بندر:هيه... إنقلعي داخل..... الطباخة: ولي... أهلي سموني ما تئول لي هيه....يا باشا... بندر_بزرت عيناه وصرخ بها_: قلت إنقلعي!!! الطباخة_وهي تركض للمطبخ مهروله_: ولي... شو هي رجال!! لعمى... مرعب... بندر: خلاص مشاري.. إطلع أنت الثاني.. سمعت كل شي... مشاري: لسه الكلام ما خلص...وأبي الغلا تسمعه كله.. بندر: خـــــــــــــــــــير!!! الغلا ..ياعمري ...عذوووب.. حنا وين!!! لاهيب مرتك ولا تحل لك.. إنقلع تكفى... مشاري: لازم تعرف إني ما طلقتها وسكت.. أنا كنت مقتنع ببرائتها... عذبة... والله ما سكت... فكرت إن كرامتك ماتسمح لج... عذبة: خليت أمك تتصل وتهزء.. مشاري: تعرفين إن أمي وأبوي هم أكثر من تضايق من طلاقنا.... أنا .... سألت راشد ... سألته عن طبع فيصل .. راشد أصر إن فيصل مستحيل يسويها.... وقال لي إن فيصل رجل بمعنى الكلمة وهالكلام اللي صار ما يطلع منه... أنا يوم حسيت إن الموضوع فيه لبس.... كلمت جدك... عذبة_وضعت يدها على فمها_: أبوي ناصر!!!! لـــــــــــــــــيه... أبوي ماكان ناقص؟ حبيبي أبوي أشقيته معي... ما يكفي إنك غلطت عليه يوم كلمك يسأل عن الطلاق..ليش تكشف له المصايب....ليــــــــــــــه...ليه أبوي ماكان يقوى على الشقاء....ليه...ليه يامشاري... مشاري: أنا كنت مضطر... دق علي وهو معصب وقال لي منت كفو من يعطيك بنته... شتبيني أسوي... قلت له كل شي... عذبة: شقال؟ مشاري: قال تجيب لي كل شي عندك... وعشان أقدر أرد عليك.... أنا يوم جيت له الشركة ومعي بعض الرسايل والشريط لقيت فيصل... فيصل كان وياه بالمكتب.. توقعت إنه بيواجهه بيسوي شي... قال فيصل خذ الأوراق.. وأخذهم فيصل وقال لي جدك زين أبرد عليك بعدين.. طردني من مكتبه.... أنا ما تلفضت عليه ما غلطت بشيء... عذبة: فيصل أخذ الرسايل!!!! مشاري: مو جذي وبس... بعد يومين إتصل علي وقال لي.. " إستر على البنت .. البنت بنتي والولد ولدي... ماقدر أسوي شي.. وحقك يوصل لك...مهرك وفوقه خمس ميه ألف حق صكة أثمك" عذبة: هااااااااااااااااااااااااه!!! أبوي ...لا ..مستحيل... أبوي... شلون!!! فيصل شلون يكذب على جدي بعد!! شلــــــــــــــــــــــون!! أنت تكذب.. مشاري: أنا إنسحبت ومارضيت آخذ إلا مهري... وأنا بصك ثمي عشان خالتي مو عشان فلوس.... بس اللي أنا عرفته اليوم ... إن منى إتفقت ويا سعد لجل يخربونها بينا وإن فيصل وأنتي مالكم شغل باللي صار... منى أرسلت لي راشد... دخل علي آخر العصر... أنا يوم دريت بالموضوع شلت روحي للمطار.. والحمدلله تيسرت لي وقدرت أجي... أنا يا عذبة أغليك.. بس الناس اللي ماتخاف ربها.. عذبة أنا ماتكلمت بعرضج..حتى الناس يوم يسألنوي ليش طلقت أقول لهم إهي طلبت الطلاق.. والله ياعذبة.. والكلام اللي وصلج مو مني..من مني..حتى أبوي مايعرف ليش طلقت... أبوي يشك إننا صايبتنا عين.. يقول لي دايم ليش ماترقي نفسك... ماتعرفين كيف كانت حالتي صعيبه.... رحمت أمي ورحمت أبوي... ورحمت نفسي قبلهم... عذبة: بسألك سؤال واحد بس.... إنت سكت عالموضوع بعد موت جدي ليش؟ خايف من أهلي يفنشون أبوك... ولا مصدق إني فعلاً خاينتك!!؟ مشاري: أبوي مو طايح لأهلج... وبعدين لو فنشوه مايضيع لأن وراه ريايل... أنا سكت عشان خالتي... وسمعت خالتي سمعه أمي... _إقترب منها بضع خطوات_ وأنا الحين ييت أبرجع لك... ونرد غصبن على الكل.... وش قلتي..؟ عذبة_كشفت عن فمها ثم بصقت بوجهه_: هذي من ماجد هديه.... يعني مصدق إني خاينتك وأنا بنت ماجد!! إطلع...إطلع برااااااااااااااااااااااااااااااااااااا ما أبي أشوفك.. مابي طاريك.... مو عذبة اللي تخون ... مو بنت ماجد... وأنت عارف هالشي... براااااااااااااا _مسح مشاري وجهه وهو يقول_: عذبة... أنا مقدر صعوبه الموقف عليك... أنا... عذبة: برااااااااااااااااااااااااااا برااااااااااااااااااا... بندر إقلعه عن وجهي... برااااااااااااااااا _ودخلت بحاله هستيرية_ برااااااااااااا..برااااااااااااااااا...برااااااااا اااااااااا _يمسك بندر بيد مشاري ويسحبه للخارج, يمشي مشاري وهو يلتفت نحوها ويحاول أن يتحدث ولكن صراخ عذبة يبتلع أي محاولة_ **************** " غرفة نورة" نورة تجلس على الأرض وفيصل متمدد على كرسي مساج بالقرب من التلفاز, عبدالمجيد يمسك بأوراق ويقرأها بتمعن... نورة: يازين الشاهي يخرط العشاء, نجلاء بس تطلب وأنا اللي أبلع آخر شي إنتكيت , وآخرته تقول أبنزل ببيت أمي عذبة, مها نايمتن عنده هي وهيله بتجي الصبح...عاد أنا دخلت من الباب منا عالمطبخ منا , قلت أبي شاهي ينظف معدتي, عم تبي شاهي؟ فيصل: لامانع... بس شلون أشرب وهذا يرقل!!_ويؤشر على كرسي المساج_ عبدالمجيد_يرفع بصره نحو فيصل ويبتسم_: قصره شوي.. ولا إنزل وإجلس... نورة: الحين ليش عمي سعد بيرجع؟ فيصل: خبل.... عبدالمجيد: بس موب زين يقطع علاجه ويرجع... نورة: بعذره برا طفش.. مير زين وفر عليكم الروحه.... عمو فيصل متى بترجع للندن؟ فيصل: ما أدري.... بس قريب... حد ماترتاح أمي وتطمن على سعد همن أروح.. بس تهقون تروك بيعرس أول مايجي... عبدالمجيد_يبتسم_: أخفي لاو هو اللي شابن على أبوه... نورة: سخيف... عبدالمجيد: ترا بيجيتس طراق محترم... نورة: لابط على تسبدي وآخرته تعطين طراق!!! فيصل: لا تهاوشون.... وش بتسوين أنتي لامن أعرس مجيد؟ نورة: بموت من الزهق... فيصل: شفت!! عبدالمجيد: بعد أنا بموت من الزهق .. فيصل: خلاص يالله تسامحوا... نورة: وحنا متزاعلين!!!! عادي كل يوم كذا... عبدالمجيد: فيصل.. خذ.. شف حامد اللي بالحسابات دايم يخطي... شف وش أسوي لوه؟ فيصل_يأخذ الورقة ويعتدل بجلسته_: وه عجزت أقرا...هالكرسي يرقلن لامن ركزت برقم نط بي للي قبله.... نورة طفيه... _يفتح الباب وتدخل نجود تضع يدها على بطنها وتتألم_ نورة: نجود.. وش قومتس من النوم؟ نجود_تتنفس بصعوبه_: نورة... روحي نادي أمي.... شكلي أبولد. فيصل: ياساتر....!! قم مجيد... خل نوديه للمستشفى.... نورة: ثواني وأجيب أمي من رجلينه.... عبدالمجيد: إجلسي طيب.. _نجود تتألم بشدة بحيث لم تستطع أن ترد عليه_ فيصل: أشوني موب مرة.... مجيد كلم رجله... خل يلحقنا للمستشفى.... عبدالمجيد: وين جوالي!! يؤ... ثوبي بالخيمة.... ****************** "سيارة بندر" بندر: مشاري... وسع صدرك... مشاري: أخخخخخخخخ وظلم ذوي القربى أشد مضاضة على النفس من وقع الحسام المهند... سنين وأنا ظالم ومظلوم بوقت واحد... بندر: الحمدلله اللي بان لك الحق.. مشاري: والله كنت حاس...حاس إن في الموضوع شي غلط... أنا ظنيت نفسي غبي .. كنت لمن أحاول أقنع نفسي إنها مظلومة ألاقي كلشي يدينها... شبيدي أسوي... بندر: تبي الجد... لو كنت مكانك سويت اللي سويته... الخطه كانت محكمة.. الله على الظالم ... وش إستفادوا.. هذا معاق وهذي بهذل به رجله وأخذ عياله.. مشاري: والله يا بندر مابردت كبدي منها... واللي سواه زوجها فيها قليل... والله قليل بحقها.. بندر: مشاري... لا تضيق صدرك ... إحمد ربك الحق لك موب عليك... مشاري_يبتسم بمرارة_: والله ما إهو الحق لي ولا علي.. بندر: إسمع... أنت ما بانت منك الشينه.. أنا صح كنت زعلان منك يوم بالشاليه بس كنت أحسبك شاك بالحرمة بس.. لكن يوم عرفت التفاصيل... ماتنلام وكبرياء عذبة بعد ورفعه خشمه زاد الطين بله.. وهذا بكوم وإعتراف جده بكوم ثاني وكان فيصل معه.. أنا نفسي أعرف ليش سكت الشايب لسعد ولصقه بظهر فيصل وبرضى فيصل بعد... والله شي يطير المخ... بس عموما.. أنت رجل... سترت عالموضوع بطيب أصلك .... ما أدري إمكن لو كنت بموقفك ما أقدر أصبر عالخيانه... مشاري: أبي زوجتي... أبي أرجع لعذبة... إحنا مالنا ذنب إن زواجنا مو مرغوب فيه من منى ومن سعد... ياخي أقنعها... بندر:............................. مشاري: شفيك ساكت!!؟ بندر: ما أدري.... بس اللي صار لعذبة مو سهل إنها تنساه.. وأنا موقفي صعب لو أجي الحين وأقول له ترجع لك... دور غيري... مشاري: أبوس يدك... أبوس راسك.... بندر... إحنا رفجه عمر.. بندر: ...............بس...............زينب.. أنت عارف السالفة اللي صار.. وكيف زينب صارت تتكلم فيها بالمجالس.. أنا...مالي وجه مرت أخوي شهرت به... مشاري: بندر.... بس أنا مظلوم.... بندر: .......................... أنا أعرف عذبة... لو بفتح معه الموضوع بتقول لي (.....) وتطردن... مشاري: شدعوه!! عذبة ماتقول هالكلام!! عذبة...أصلا......... عذبة تخاف منك كيف تتجرأ.. لا... ما يطلع منها هالحجي... بندر_يبتسم_: يابوي .... عذبة تغيرت... أنت تعرف عذبة الوديعة الهادية الخجولة...لكن عذبة بعد موت سعود وأبو ماجد صارت شي ثاني... عذبة صارت ماتخاف من أحد... ولا تعبر أحد... واللي يرشه بالماء ترشه بالدم.. صارت غريبة.. لو تشوفه شلون تتكلم مع عيال عمه ماتقول هذي عذبة اللي تستحي تقول لا.. ترد الكلمه هالكبر ولا يهمه من تكون... صارت لبوة وما تهتم إلا لخواته .... عشان كذا... أنا ما أقدر أحط نفسي بموقف فيه مجال تغلط علي فيه.. مشاري:مسكينه شتسوي... كل الناس إما وقفوا بوجهها ولا تخلوا عنها... ماتنلام.............. _تسود لحظات من الصمت_ بندر: قربنا من المطار.... مازلت مصر تجلس هناك حد ماتلقى لك رحلة؟ مشاري: ماللرياض حلا وأهلها زعلانين... حبيت كل شي بالرياض لخاطر عذبة... وإذا خاطر عذبة شايل علي... ما بالرياض لي داعي.. ماكنت أدري إن الزمن يغير الناس بظروفه...هقيت إن الناس بتم إهي الناس... الحب إهو الحب... والأهل إهما الأهل... بس... تدري.... أنا كنت أتعذب لجل عذبة وظروفها, تعبت أبي أجي وأسامحها عاللي صار أو كنت أظن إنه صار, بس كرامتي ورجولتي ماسمحت لي .... بندر: مثل ماكرامة عذبة منعته تسألك ليش حتى طلقتها... مساكين حنا يالسعوديين , نحب بس... كرامتنا هي الأولى, بس لو نهجر الحب كله..يكون أحسن,... مشاري: ليتي ماحبيتها... ولا حبتني... عذبتها وعذبتني.. ولا نلنا شي... آآآآآآآآآآآآآآآآآآآآآآآآآآآآآه يابو راشد.... _وقف بندر أمام بوابة المطار , نزل مشاري بعد أن ودعه وداعا باردا وهو يترنح من الألم والحزن, سار خطوات متوجهاً للداخل, رن جواله , أخرجه ونظر إليه ثم همس_ وه... راشد ذبحتني.. _وضعه على الصامت وراشد مازال يتصل به, لبث فتره حتى توقف الرنين أخرج الجوال فوجد رسالة من راشد _: شحالك أخوي... طمني عليك بالي مشغول وياك... وين سرت أجي يمك!! ماتبي تقول لي ... رد علي لو مسج تعبت أحاتيك .. خبرني ش إستوت أمورك عليه؟ _كتب مشاري رداً على راشد_ متألم, مما أنا متألم؟ حار السؤال وأطرق المستفهم ماذا أحس؟ وآه حزني بعضه يشكو فأعرفه وبعض مبهم بي ما علمت من الأسى الدامي وبي من حرقة الأعماق مالا أعلم بي من جراح الروح ما أدري وبي أضعاف ما أدري وما أتوهم وكأن قلبي في الضلوع جنازة أمشي بها وحدي وكلي مأتم أبكي فتبتسم الجراح من البكاء فكأنها في كل جارحة فم... البردوني (فلسفة الجراح) _مسح دموعه التي إنهالت على خديه, ورمى نفسه على أقرب كرسي, متحاشياً نظرات الاستغراب التي ظلت ترمقه ممن حوله_ *********** ........................................... "في غرفة عذبة" أفنان: عذووووووووووب.. أفهم ش السالفة أول!!! عذبة: مصيبة.... شي يحير.. شلون..لالالالا أنا أكيد كنت بحلم..لا كنت بكابوس!!! تخيلي... تخيلي تو جاء مشاري.... مشاري جاء!!! أفنان: شيبي ذا!!! عذبة: تخيلي .. فيصل ماله دخل بسالفة طلاقي... بس.. أبوي ناصر....يووووووووووووووه... يا أفنان أبي أفهم الموضوع ..شلون أبوي يرضاه علي شلون!! أنا لازم أكلم فيصل... لازم أفهم منه كل شي.. أفنان: إجلسي وتعوذي من بليس.... عذبة: لا... ما أقدر أجلس.. أحس إني بدوامه ... أبكلم فيصل.. أفنان: الساع ثنعش ونص!! الصباح رباح.. عذبة: لو خمس ماعلي.... ما أقدر أنام... شلون..لالالالالا لازم أكلم فيصل ولا أروح له... أفنان: لا والله يالصاحية تروحين له...!! عذبة: أي شي بس أبسأله... ************* "صالة بيت أبناء العم" _يدخل فيصل وهو يضع (شماغه) على كتفه ويعتلي (عقاله) طاقيته, مشمر الأكمام, قفزت نورة نحوه وهي تصرخ_: عمي شخبار نجود؟ فيصل: طيبه........ _ويتجه للدرج ونورة تتبعه_ نورة: ولدت؟ فيصل: ما أدري.... دخلت الغرفة وجاء رجله... عاد انا رجعت... نورة: مالك داعي... شلون تخلي نجيده بهالظروف!!! المفروض إنك ماجيت... فيصل: قالوا لتس مرتي هي؟!! عنده أمتس ومجيد وخالد وش لي داعي.. يعني أنا أخصائي نساء وولادة!! نورة روحي سوي لي قهوه... نورة: منتب صاحي قهوة الحين؟ فيصل: إي والله مشتهي قهوة.... نورة: أنا أسويه؟ فيصل: فيه أحد غيرتس نورة؟ نورة: مابوه أحد من الشغالات والطباخة نايمة... أخاف من الفرن.. فيصل: يا بزر... ماتعرفين تسوين قهوة... وخري أنا أسوي.. _يقف عند الدرج ويلتفت لينزل الدرج مجدداً ليذهب للمطبخ_ نورة: والله ما تنزل... عاد شيفكن من لسانك... أنا أزين لك... رح أنت لغرفتك وشوي وأجيبه لك... فيصل: يالله... _تنزل نورة الدرج متجه للمطبخ, وفيصل يدخل غرفته, يرن جواله, يفتح أزارير ثوبه بيد ويخرج الجوال بيد أخرى, نظر للرقم فتجمدت نظراته وهمس_: شتبي ذي هالحزة!!!! ألو.. عذبة_بصوت مرتجف_: فيصل.......... فيصل: إيه... وش تبين؟ أحد من البنات تعبان... محتاجات شي؟ عذبة:.................. فيصل: موب فاضين لتس!! عذبة: فيصل.. تعال أبي أتكلم معك... فيصل:هههههههه تتكلمين معي!! وليه... مو أنتي طردتين وماتبين تشوفين وجهي!! شصار على آخر الليل تبين تتكلمين معي؟ عذبة: لازم تجي الحين.. فيصل: لا... عندك شي مهم تجين أنتي موب أنا!! عذبة: مو وقت العناد.. فيصل: وش عندتس؟ عذبة: تعال وتدري... فيصل: موب جاي.. وش بتسوين.. ؟ عذبة: فيصل... لا تذلن... فيصل: أنا ماعمري ذلتيس.. أنتي اللي عادتن عدو وكلش من تعتبرينه مذله.. عذبة: لازم تحط النقط على الحروف......... فيصل: وأنا ما أتلقى أوامر منتس.. عذبة: شلون أجيك هالوقت؟ فيصل: وشلون أنا أجيتس هالوقت!! عذبة: فيه بندر نايم بالملحق وفيه أفنان.. فيصل: والكوبه ... عذبة_بغضب_: فيصل تجي الحين يعني تجي!! فيصل: إخس... يمه... تدرين خفت.. مانيب جاي واللي يقصر من جدران بيتكم ولا بيتس بمعنى أصح كمليه بجدران بيتنا... تصبحين على خير... عذبة: فيصل... إسمع... فيصل: لاحول ولا قوه إلا بالعلي العظيم!! عذبة: فيصل.. أنا.. لازم..لازم أشوفك الحين.. أنت ماتدري وش صار.. فيصل: وش صار؟ عذبة: فيصل... ليش ماتجي.. أبي أفهم ليش تعاند هالوقت؟ فيصل: لأني مو مجبر أمشي بأوامرتس... أنا مو مجيد.. أنا عندي شغلي الخاص ولا لتس كلمه علي... وإسلوبتس هذا ما يمشي معي... عذبة: طيب.. أنت مو تقول أنت المسؤول عنا؟ فيصل: إيه هنا يختلف الكلام .. بس أنا مسؤول إذا كنتوا محتاجين.. هو أنتي محتاجتن؟ عذبة:.............. فيصل: يعني منتب محتاجه... ولانيب مكلوف أجي لتس... عذبة: إلا... فيصل: إلا وشو؟ عذبة_بتردد_: أنا محتاجه .... فيصل: محتاجه لمين..؟ عذبة: م....محت...اجت......ك فيصل: وأنا بالخدمة... وعند كلمتي... إسمعي... أفنان ما أبيه تصير معنا...ولا أحد.. عذبة: شلون فيصل..!! شلون مايصير خلوة... فيصل.... !! فيصل: أبجيب نورة معي.... عذبة: مايصير... نورة......ماتخاف تعرف أشياء مكتومه عنه؟ فيصل: هه... لاتخافين علي......نورة ما يخفاه شي... دقايق وأصير عندتس... طبعاً مو بالصالة.... بمجلس الرجال.... إفتحي الباب..ولا صح معي مفاتيحه... عذبة: هـــــــــــــــــــــــاه!! فيصل: أقول ... أنا جاي .. ************ "في مجلس الرجال" نورة: يمكن مشاري يكذب!!! فيصل: طيب المطلوب؟ عذبة: أبي أعرف ليش سكت!! ليش تسكت يوم أقولك خربت زواجي.. ليش أبوي ناصر سكت... ليش رضى إني أتطلق ورضى إني أصير خاينه... ليش؟ فيصل: تبين تعرفين ليش؟ عذبة: إيه.......... فيصل: أبقول لتس كل شي.... بس لاتقاطعينن... أنا يوم دريت إنتس تطلقتي ما فرحت بس إستغربت, وبنفس الوقت رحمتس.. عذبة: شكرا, أنا مو محتاجه رحمة من أحد..... فيصل: نورة إمشي........ عذبة: لالا..خلاص هه أصك إثمي....آسفه..ما أقاطعك... فيصل:.............. ترا إذا قاطعتين بكلمه أبطلع ولا أقول كلمة بعدين... عذبة: طيب... فيصل: بعد فتره شفت عمي مهتم, جان ضايق صدره وقال لي إن مشاري لقى رسايل يقول إنه منك.. قلت له ياعم أنت تشك إني أسويه؟!! قال لي _يبتسم_" لا ياوليدي... أنا أشك بروحي ولا أشك بك.. بس أنا جاين أبسألك وش السواة" قلت له يخلي مشاري يجيب الرسايل واللي يقوله ونعرف بعدين وش السالفة, ويوم جت الرسايل وسمعت الشريط عرفنا إنه سعد ومرت أخو زوجته منى ورى السالفة كله, أنا قلت له إن سعد لازم يتأدب على اللي صار وإن اللي سواه موب سهل وقال لي عمي" عشانه موب سهل ياوليدي... إن فضحت سواته فضيحه لعايلتنا كله, وإن أدبته مانيب مأدبه تأديب سهل, لو بأدبه أبلقعه بالسجن وأنا أقدر عليه مير أخاف الشماته, وإن دري إني داري وساكت يتجرأ على بناتي بشين أكود, مير نسكت ونسكت مشاري بقرشين ونلفز عليه , وأنت ولد عم البنت وماله غيرك, ولا آثق ببنتي على غيرك يا فيصل" وكلم مشاري وقال له إستر عالموضوع , وعمي كتب كلشي باسمتس يبي يصير تحت رايي كان مايبي إخواني يزعلون لامن عطان وماعطاهم ومايبي كلام الناس, وقال لي" لا تزعل ... ترا اللي خليته لعذبة خليته لك, وأنت وياه واحد" وبعد ما توفى عمي بغيت أقول لتس السالفة وأحطتس قدام الأمر الواقع وأترك لتس الخيار بإنتس توافقين علي ولا تبين مشاري, وكان شرط عمي الله يرحمه إن لا بغيتي ترجعين لمشاري تتركين الشركة لي أنا أديره لكن.. أدري بتقولين ما علمتن وماقلت لي شي, بس أنا عرفت إن عندتس علم بالموضوع من حذف الكلام الي تجدعينه علي بين وقت ووقت واللي أكد لي إني إكتشفت المحاسب المصري يدور شي علي , بعد مامات عمي قاعدتن تدورين علي شي يبعدن عن وجهتس صح؟ عذبة:....................... آنا....أنا..كنت..... فيصل_يبتسم_: متأخرين مره على الأعذار, أنا ما ألومتس بس ما إنكر إني إنجرحت وإنجرحت مرة... أنا عمري يوم ما مديت يدي على قرش واحد موب لي وأنتي تعرفينن من صغري.. آآآآآآآآآآه... نورة: وبعدين يا عم وش صار؟ فيصل_ينظر للستارة_: الحاصل إني واثق أصلاً من سجلي لكن اللي عرفته إن المحاسب لقى الملفات اللي قال لي عنه عمي واللي قال لي عنه المحاسب, ملفات تثبت سرقة سعد لأشياء كثيرة من الشركة, يمكن سعد ما يهتم ياخذ راي أحد بس ما كان يتقصد يسرق... عذبة: تسمح لي أتكلم؟ فيصل_يبتسم_: ههههههههههه من مات سعود... عمري ما سمعتس مؤدبة زي اليوم.. تكلمي... عذبة: سعد هاللي سواه كله وقاعد تدافع عنه... وسعد مو بس سارق من الشركة , سعد كان يستخدم عمارة من عماير أبوي ماجد يسرق حلال أيتام وكمل عليه بإستخدام واحد من أفضل المحلات اللي بعمارة نجلاء اللي على طريق الملك عبدالله بدون وجه حق!!! سعد مجرم... لا تدافع عنه... فيصل_يشد شعره الكثيف_: موب هذا اللي سبب كل هالمصايب... ياعذبة أنا يوم دريت إن الملفات طاحت بيدتس ما قدرت أحصلهن, وخفت إني لامن قلت لتس السالفة تطالبين سعد وتسجنينه, وهذا اللي عمي كان ما يبيه, عمي خطط لشي وتحمل المصايب عشان يحفظ إسم العايلة وأنتي ببساطة تبي تنتقمين منه!! حبتس للإنتقام هو اللي جرنا لكل هالمصايب, مشكلتس بالحياة إنتس آخذته حرب, يامعي يا ضدي, أنتي منعميه على إننا أهلتس ولو قسينا عليتس مالنا غير بعض, قطعه لحم وحده إن إنجرح منا مكان نزفنا كلنا عشانه... عذبة: أنا مو إنتقامية... أنا لقيت نفسي فجأه بدون أحد, والإنسان اللي أنا عاندت الكل عشانه تخلى عن, أنا تهت ماعرف عدوي من صديقي, خفت على خواتي يحسون بالضياع والخوف اللي أنا حسيته... إذا خفت على خواتي إنتقمت وإن.... وإن صار لي الإنتقام والله أصفح وأسامح وأنت أول واحد صفحت عنه... فيصل_بغضب_: وش صفحتي عن بوه!!! يا سيده الرقة والإنسانية... شوفي حالي... وكل اللي وصلت له بسبب عنادك وغرورتس... عذبة_تصرخ_: ما يكفي تخوني قبل ملكتي ومع شغالــــــــــــ............... فيصل_يصرخ_: بس!!! خلاص يكفي... أنا ما خنتس... أنا كنت أبسعدتس بس أنتي والشر اللي تحت راستس قلبتيه علي... أنا ما واعدت شغالتس ... أنا مواعده إن جابت لي الأوراق اللي كانت بغرفتس أبعطيه الفلوس اللي بيدي... بس..بس .. هي جابت لي صور .. وش أبي أنا من صور ما دام الأصل معتس , وجت لي هي تبين بس والله إن كان قصدي شريف, ويوم تدخلون علي وأنا كنت أقول له هالفلوس مقابل الأصل مو مقابل عرضه ولا الصور اللي جابتهن لي, يوم دخلتوا علي ما قدرت أقول شي... قلت خله بالقلب تجرح ولا تطلع براه وتفضح هذي كلمة عمي يوم قلت له مايصير نسكت عن سعد...أنا كنت أبي آخذ الملفات عشان أكشف لتس كل شي.. وتختارين تعيشين معي ولا ترجعين لمشاري ولا اللي تبين بس الأهم إننا ما نتملك وأنتي ما عندتس خبر بالموضوع.. فهمتي...فهمتي ليش أنا كنت مع الشغالة, وإذا موب مصدقتن, عندي الحين الصور أجيبهن لتس.. وإتصلي على الشغالة أكيد تلقين رقمه بالشركة مع ملفات العمال… وعلى فكرة.. أنا كنت متلبس وكاشخ عشاني معزوم عن خالي وأهلي يعرفون إني كنت معزوم… عذبة_تجلس على الأرض_: يعني... إيه ذكرت... الملفات إختفت ويوم قعدت أدورهن ومالقيتهن قلبت البيت صراخ, بعدين جيت لقيتهن بنفس مكانهن بعد ساعة, شكيت إني ما شفتهن, إيه, أتذكر إني شفت الطباخة الخايسه كانت تدور فوق, حتى إستغربت ليش هي رقت فوق .... يعني.. يعني فيصل أنت فيصل اللي أعرفه... فيصل اللي أرفع راسي فيه.... فيصل_يضع يديه على خصره ويبتسم بسخرية_: بدري ترفعين راستس ... بدري... عذبة: بس .... لا.... شلون يصير كل ذا... نورة... نورة!!! نورة_تبكي بحرقة_: عذبة... حرام كنا ظالمين عمي فيصل... فيصل: الحق مصيره يبان.... وأنا ماكنت مستعجل بس بما إن منى إعترفت مالي إلا أبين كل شي... عذبة_تصمت فتره ثم تقول بانفعال_: بس أنت خنت سعود... إيه خنت سعود... أنت قلت لسعود إنك بتنتبه لنا وبتهتم بنا وماتخلي شي يكدرنا صح!!؟ لكنك تخليت عنا , ورحت إيه رحت, ولا حتى كلفت خاطرك تهتم بنا وتسأل عنا, أنت بس تجي وتضرب وتهزء وبس!!! عمرك ما إعتذرت, ما قلت أنا غلطان... لا تلومن إن كرهتك وحقدت عليك.. فيصل_يبتسم ويهز رأسه_: أنا معتس بكل لحظة... وماتخليت عنتس أنتي بالذات, لكن حبي لعمي وحق عمي علي أكبر من إني أضيع وصيته عشان ارضي كبرياءتس... وأرضي سعود...لكن صدقين أنا ما تخليت عن عهد قطعته على نفسي... عذبة: أنت معي بكل لحظة!!! أنا ما أشوفك إلا تدخلن المستشفى, بس هذا اللي فالح فيه... فيصل: لأني أعرف متى أنتي بتنهارين وتدخلين المستشفى, صح أنا بعيد لكني أعرف عنتس أكثر مما اللي ببيتس يعرفونه... عذبة: تستهبل؟ فيصل: لا... أنا وفاء خليفة ... عذبة: !!!!!!!!!!!!!!!!!! فيصل: أنا وفيت لسعود بوعده إني إني أكون له خليفة.... وكنت بعد أعلم عبدالمجيد بكل شي بالشغل , يعني أنا معتس ومع عمي وشركته بوقت واحد... عذبة: كذاب... كذاب.... وفاء عمتي ريم... إيه عمتي ريم.. نواعم قالت إنه بأمريكا... فيصل: ونواعم هي اللي دخلت إيميلي الثاني وعملت له إستضافة...مو مصدقتن إسأليه...أكيد نواعم بتبعدتس عن مكاني لآني شددت عليه إنه ما تخليتس تشكين… وبنت أخوي ما قصرت… عذبة: يعني... أنا كنت أكلمك أنت طول هالسنين وأشكي لك!! أنا أبوح لك بأسراري اللي خواتي ماعرفوا به!! لا... شلون... مستحيــــــــــــــــــــــــــــــل فيصل: عذبة... عرفتي الحين كل شي.... أتمنى إنتس تفكرين بعقلتس وتسامحين سعد على غلطته لأن اللي فيه مكفيه, وسعد مارضى لتس المذله وحرق قلبه إنتس رقصتي بعرس مشاري, ووقف معتس بمرضتس وتذكرين كيف كان معتس.... أتمنى... أتمنى إنتس تنسين اللي صار.. نورة: عم... مانتب راجعين لبعض؟ فيصل_بغضب_: إنطمي!!! أنا لو تطلب عيوني أبعطيه مو عشانه عشان سعود وعمي ولا هي اللي جان منه كفاية... عذبة: فيصل... تكفى سامحن... أنا غلطت بحقك... أنا غلطانه وراكبن الغلط من راسي لرجليني... الله يخليك إرجع للشركة وبعطيك نصفه , اللي هو أصلا من حقك , وبتصير أنت زي ما كنت المدير العام , بس إرجع لنا, محتاجين لك... أنا ما أبيك تخطبن لا… أبيك تسندن… تعبت وأنا أشك بالناس من حولي.. أبي أرتاح… فيصل: معليش ... بعد مذلتس لي وطردتس لي برا قررت أبني نفسي بنفس وخصوصا إني لقيت نفسي عالحديدة, رحت هناك وفتحت شركة مع مجموعة شركاء, فما أقدر أترك عرق جبيني عشان أجي أجير عند عذيب... عذبة_بصوت جاف_: فيصل سامحن عشان سعود, وإرجع خذ حقك… أنا ماتعودت آكل لأحد حق.. فيصل_بغضب_: أنا ماقلت لتس هالكلام أبي منتس شي… الشي الوحيد اللي أبيه إنتس تسامحين أخوي, وتسامحينن على سكوتي كل هالسنين … رغم إني كنت مجبور… |
"في المستشفى" خالد: مبروك...مبروك يا نجود.. نجود_بصوت مبحوح ومنهك_: الله يبارك بك... وش بتسميه؟ خالد: بسميه حلا لأنه حلوه مثل أمه.. عبدالمجيد: جاد أنت!! لا سموه موالح أحسن..ههههههه أم عبدالعزيز: وشو حلا!!؟ نجود: حلو يمه... بس الله يعين على نورة... خالد: ونورة هي حملت به وتعبت عليه!! أهم شي أعجبتس؟ أم عبدالعزيز: يعني أنتم ما إتفقتوا على إسم قبل؟ خالد: إلا يا خاله كنا بنسميه عبدالرحمن بس .... صارت بنيه... نجود: الله يحيه, والله فرحتي به بالكون كله... يمه ... شوفي شلون تناظرن!! _في البيت_ نورة_تركض نحو غرفة فيصل_: عاااااااااااااااااااااام عم عم.. قم قم.. _يقفز فيصل من سريره_: عمى وشو!! نورة: صرت خاله!! فيصل: ولد ولا بنت..؟ نورة: إما ولد ولا بنت... فيصل: يا سبحان الله...وشو.. _تدخل العجوز تتكأ على العصا_ الجدة: وشبكم؟ نورة: يمه...يمه.. نجود جابت بنت.. العجوز_تبكي_: لا ياعمري بنتي طبيعي ولا قيصري؟ فيصل: يمه ليه تصيحين؟ نورة: رحمت نجود...هههههه طبيعي يمه , بس البنت أربع كيلو بهذلت به نشبت ههههههه الجدة: هــــــــــــــو!! وش هالحتسي!! إستحي على وجهتس موب عند عمتس!! نورة: أمي تقوله, طيب وراتس تصيحين للحين؟ فيصل: وش بتسوين عاد لامن جت ولادة نورة.... الجده: إيه.... نورة.... إسمعي أنتي مرتن عاقلة وأنا فكرت إن بندر نعم الرجل لتس, فكري بعقلتس وخلي عنتس العناد واللي ينصحتس بوه أبوتس سويه, أنا قلت لعبدالله يكلم بندر يقول إنتس موافقه, وش قلتي.... فيصل:!!!!!!!!!!!!!!!!!!! نورة_إحمر وجهها وإبتسمت بخجل_: يمه أللي تشوفونه.... _تتجه العجوز نحو غرفتها وهي تدعي لنجود_ فيصل_يقرص نورة_: إخس اللي تشوفونه...ههههههههه نورة: فيصـــــــــــــــــــــــــــــــل!! ما تشوف أمي قلبته علي!! فيصل: ههههههههههههههههه ******************* "في غرفة عذبة" جلست عذبة على المكتب فتحت جهازها المحمول وفتحت بريدها الإليكتروني وكتبت: "جنازة الخفق الأخير" الإهداء / إليهم جميعا .. سواك..! في مهب الحلم كنت أنا و كنت أنت.. كنتُ أحكي لك حكاية الأحلام المشيعة مساء في عهد الوعد المسفوك قربانا لأول خيبة تركها فيّ.. الخذلان.. أحدثك عن جرح أودى به كبرياؤه و تركه يترنح بين نزيف منك و نزف عليك.. أقصُّ عليك كيف يكون الوجع عندما تذبحه اللهفة و تفزعه شجاعة الاعترافات.. و كنت أنت تتلو في حضرة خوفك مني تعاويذ الصمت و ابتهالات السكون .. أنظر إليك فيلمع في عينيك تاريخ من اللحظات النازفة فرحا و بهجة.. و تنظر إليّ فتبرق في ذينك العينين إغضاءة أنهكها الندم واستوطنتها حسرة مجهشة اللون.. علقمية الصوت .. أقولُ ( لي) و أنا أنصت مذهولا لصمتك : لماذا يجرني إلى أكثر زوايا النبض ضيقا و عتمة.. لماذا يضطرني أن أكون الأقوى/الأضعف معه.. لماذا يقتلني مرتين .. باقترافه الخيانة أولا .. و بطلبه العفو بعد ذلك..!! ليتني أستطيع الخلاص من جرحك..! روحي التي تعودت أن تمر على ضفاف الحلم دون أن تخوض فيه ما بالها اليوم تزمع الإبحار بعيدا.. بعيدا.. و ذاكرتي التي استمرأت ارتكاب معصية النسيان ما بالها مع خطيئتك تتوب و تحفظها عن ظهر وجع..! مازلت أتذكر ركضي في ممرات نبضك مخدوعا بحواس البياض.. بحثي في تضاريس روحك عن ملاذ أواري فيه قلبا أتعبه السفر و أنهكته الغربة.. مازلت أتذكر قولي لك - ذات جنون - : إن علاقتنا ستطول كحرب البسوس.. ربما كنت يومها أقول دون وعي إن علاقتنا ستنتهي (بطعنة ظهر) كما ابتدأت البسوس..!! أتدري..! سأحزن كثيرا كى أنساك وسأبكى كثيرا كى أنساك وسأختنق كثيرا كى أنساك وسأتخبط كثيرا كى أنساك وسأنسى كثيرا كي أنساك وسأحيا كثيرا كي أنساك وسأموت كثيرا كى أنساك وسأفشل كثيرا كي أنساك لكننى أبدا لن أعفو عنك!! أتدري لمه..؟ كي أحافظ على جمال علاقتنا من التشويه.. و من أجل أن أحافظ على ما تبقى منك.. فما قتل ( الأحباب ) كالعفو عنهم..!! منقول _وأضافت إيميل مشاري الذي حفظته عن ظهر قلب,تم نقرت على أيقونة (send), مسحت دمعة عن خدها ثم إبتسمت وهي تخرج دفتر مذكراتها وتكتب: والدي العزيز, مر ثلاثة أشهر على معرفتي بحقيقة طلاقي, لم أستطع أن أكتب لك لأنني مازلت مصدومة, لم أستطع أن أستوعب كل ماحدث... حقيقة أشعر بأنني كنت أخوض حربا لا أعرف فيها خصمي فحاربت نفسي دون أن أعرف, أحرقت نفسي, وكنت " أنا الضحية وأنا الجلاد !!!!" شعورا يعتريني بأن ما فعلته كان ضرورة لحماية أخواتي وكما قالت أفنان إن الضرورة تبيح المحرمات, ولكن تأنيب الضمير يعصر قلبي تجاه نفسي وتجاه الآخرين الذين قسوت عليهم...رغم قسوتهم علي... شعرت بمراره تجربتهم , ربما لأنني كنت أقف في صفهم وأحاربهم في آن واحد.... لست أدري هل هذه القسوة مصدرها جهلي بالواقع أم أن غروري وكبريائي ألبسني نظارة قاتمة فبدت كل ألوان الطيف باللون الأسود... والدي... كما أخبرتك أن السعادة طرقت أبواب بيتنا بزواج ليلى وحملها هاهي مرة أخري تطرق بابنا , نجلاء ستتزوج عما قريب... العذووووووووووب ****************** ****************** "بيت سعد" عبدالمجيد: وين عمي؟ تركي_يحك شعره_: ما أدري... يبه.... يمكن منداخل.. عبدالمجيد: ألحين أنت من جد....بتروح القصيم وتجيب هيله من كراعه هنا؟ تركي: شسوي أبوي معيي يروح للقصيم, بروح أجيبه والحمدلله.. عبدالمجيد: بس حراااااااااااااااام!! تركي: حرمت عيشك يالبرميل... عبدالمجيد: أنا برميل!! تركي: سامن يالدب... بس عاد لاتصدق بريميل مو برميل..ههههه هذا أبوي جاء.. _أقبل سعد على كرسية المتحرك_ عبدالمجيد_ينحني ويقبل رأسه_: هلا عم... قال لي أبوي إنك بغيتن؟ سعد:إيه إجلس أبكلمك, تركي رح تجهز وراك سفرة اليوم وعرس هههههه تركي: أبد إن شاء الله اليوم أبنام بذا.... من بعد القصيم عاااااد... سعد: نم هناك ولامن أصبحت تعال!! تركي: يبه مشوااااااااااااااار... ما أحب أنام إلا بسريري.. _يقبل رأس والده ويغادر الصالة_ سعد: أنا مانب لاف ولا داير, أنا بقول لك وش عندي وأبي رآيك بصراحة وبدون ماتستحي من, بنتي متقدم له شاب على خلق ودين مير أنا قلت قبل لا أعطيه قلت أسألك لاتصير تبيه ولا شي وأنت أولى منه.. عبدالمجيد_يحمر وجهه ويتلعثم_: بس.. عم... والله نسبك مايرد...لكن أخاف البنت تصير تبي الرجال...!! سعد: وعلى بالك بغصب بنتي عليك!! أنت لامن وافقت سألت البنت وخيرته بغتك ولا بغت الرجال... وش قلت؟ عبدالمجيد_يبتسم_: اللي فيه خير ربي يقدمه سعد: موافق؟ عبدالمجيد: إيه موافق يا عم بس عساه هي توافق... سعد: إيه هي موافقه _إختفت الإبتسامه من وجه عبدالمجيد_: وأنت وش يدريك يا عم؟ سعد: أحس... بنتي وأنا أعرف ذوقه... ********* "في صالة بيت عذبة" تجلس عذبة بجانب نجلاء وتمسك يدها وتضع أوراق على حجر نجلاء, مها تمسك بكتاب ناصر فتهتف ضاحكة: شفتن أخوكن.. ألحين إيقالني بدرسه, عطان الكتاب وفرك!! عذبة: لا تدرسينه خليه يعتمد على نفسه... مها: عشان يدج همن يفضحن فهد!! عذبة_تلفت على نجلاء_: شوفي نجلوه, إختاري وش لون المفارش والبوفيه اللي بيقدم بالعشاء, شوفي هذا اللون الوردي والأبيض روعه, يناسب فستانتس والكوشة, جاي هادي بفخامة, وهذا العنابي ما أدري, أحسه ما يناسب ستايل الفستان والكوشه ولا وش رايتس, شوفي ذا بعد...هيه أنا أتكلم على نفسي!!! نجلاء:........................... عذبة: إخس يا نجلاء وش بتس ولا مساعد آخذ عقلتس؟ نجلاء: عذبة... أحس العرس موب طالع ذاك الزود.... عذبة: روحي... والله والله لأحط لتس أحلى عرس بالرياض إلا بالسعودية تدرين بالخليج كله, لأخلي نجلاء بنت خلف أحلى عروس وزواجه أحلى زواج, أنتي وكليه علي بس... ولمن تكون عزبة معاك حتحط ببطنك بطيخة صيفي.. مها: أقول عذيب لا تكلفين من عندتس... حمولتي ترا موب راعين مظاهر بالعكس ينقدون.. عذبة: خلهم ينقدون ... أنا ماهمن وش يقولون الناس, أنا ترن بإذني كلمة أبوي يوم يقول أبحط لنجلاء عرس أحلى منكن لأنه قعدتي... نجلاء: وش ينفع العرس بلا أهل... كل البنات يصيرون أهلم معهم بالعرس وأنا من معي!!؟ أمي فرح ماتت وأبوي ماجد مات... عذبة: قلت لتس مليون أبوي ما مات... نجلاء: مات ما مات بس موب موجود!! أبوي خلف الله يرحمه وما بقى لي إلا أمي ريم.... ومستخسرة تجي عشاني.. ليه كل البنات ينزفون معهم أمهاتهم إلا أنا!! لو أمي غيبه القبر ما قلت شي... لكن تصير حيه وتعيي تجي أجل ليش هي تعتبر نفسه أمي!! عذبة: نجلاء تعرفين أمتس إذا طلعت يمكن ما ترجع!! نجلاء: أنانية.... تخلي رجله وتجي كله كم شهر وياخذ الدكتوراه..بس هي مو راضيه _إنفجرت تبكي وضمتها عذبة بقوة_ ******************* "غرفة تركي" يدخل تركي وعروسه غرفتهم ببيت والده, يخلع تركي ثوبه ويفتح الدرج ويخرج بيجامه فخمة ويغلق باب غرفة الملابس ويخرج على هيلة التي بدأت بخلع مجوهراتها , إلتفتت عليه فانفجرت ضاحكة.... تركي: خير؟!!! وش فيه يضحك؟ هيلة: هههههههههههههههههههه تركي هههههههههه تركي: ههههه وش بتس؟ هيلة: الحين أنت مصري لابس بجامة ههههههههههههههههههههههه تركي_بإستغراب مشوب بشيء من الغضب_: يعني تبينن أنام بثوبي!! هيلة: لا... إلبس ثوب نوم, خل عليك سورال سنه وفنيلة, موب بجامه مخططه بعد!! تركي: يا هيلوه هذي تدرين بكم؟ هيلة: لا... بس أدري إنه ماركه هههههههههههههههههههههه ياربيه, تركي بسألك سؤال الحين ليش تشري بيجامه نوم وماركه تكشخ للنوم؟ تركي:الشرهه على اللي كاشخن لتس!!! هيلة: تكفى إلبس سروال وفنيلة أصرف تركي: لا... أبنام بذي عاجبتس ولا ترا... أبختار لتس أنا وش تلبسين...وحدة بوحدة... هيلة: لالا.. خلاص نم به إن بغيت بعد رح به للدوام هههههههههههههههههه تركي: هيله هيلة: سم...!! تركي: على إنتس مليغة إلا إني أحبتس.. هيلة:................ تركي: بس لاعاد تعودين له أنتي وروجتس اللي تقل (...........) هيلة: تركي!!! تركي: زعلتي؟ هيلة: إيه تركي: تبين أراضيك؟ هيلة_بذعر_: لالالالالا موب زعلانه أبد!! ************* "غرفة عبدالمجيد" عبدالمجيد يخلع شماغه ويعلقه على العلاق, يفتح أزارير ثوبه ويخلعه , يرميه بشبك الغسيل, يتجه للدولاب ويخرج ثوب نظيف, تدخل نورة وتقف خلفه وتصرخ: أخووووووووووووووووووووووووووي... عبدالمجيد_يقفز مذعوراً_: وجــــــــــــــــــــــــــــــــــــــــــــع!!! ! نورة: بسم الله عليك...هبلتك!!!؟ عبدالمجيد: الله يهديتس فضختي قلبي .... وش تبين؟ نورة: صدز اللي سمعته؟ عبدالمجيد_يلبس ثوبه_: وشو اللي سمعتيه....؟ نورة: إممممممم... ماقال لك عمي شي؟ عبدالمجيد: نوير أنتي تستخدمين الجن؟ نورة: لا... سمعت أمي وأبوي يتكلمون...يقولون إن عمي عطاك بنته... عبدالمجيد: والله الربع طابخين الطبخة!! نورة: هههههه... لاتستهين بأمي تراه موب سهله... تدري يوم عجزت عنك خلت أبوي يقول لسعد يقول لك... والله حطوا البنت بروسهم حلم تاخذ غيره.. عبدالمجيد_يرش العطر_: نورة شمي حلو؟ نورة: يهبل.... عبدالمجيد: هديه هذا من بندر... أجل أمي هي اللي مدبره هالزواجه؟ هين أمي محد يقواه قالت نواعم يعني نواعم... بس أنا........... نورة: ماتبيه؟ عبدالمجيد: هو الجد...ما تعجبن طريقته ... بس مادام ما حصلت لي نجلاء خلاص متساوية... نورة: ترا نواعم حبيبه وعاقلة, وتراه منتالي صايرتن تغطى وعدلت عباته, من راحت لبيت ماجد وهي متغيرة وهي أصلاً طيبه ومابه شر, ويكفي يكفي إنه تغلي أمي وتقدره..... عبدالمجيد: أخاف إني ما أقدره.. ولا أحبه... أخاف ..بس إستحيت من عمي ولا أمي وأبوي قدرت عليهم..الله يهديهم أحرجون... يالله أنا بطلع إنقلعي بقفل الباب.. نورة_تلحقه للخارج وتتأمله وهو يقفل الباب_: إممممم عبدالمجيد_يبتسم_: وش عندتس؟ نورة: إمممم بندر وده يجي, أخاف يجي وبوه سلمان .... عبدالمجيد:أهااااا.... طيب وإذا بوه سلمان؟!! نورة: سلمان يفشلن زي ذاك اليوم ويقعد يعلق ويتطنز... أنت إقعد ودخل بندر ورح.. عبدالمجيد: أرووووح!! موب مسموح لي أقعد معكم؟ نورة: لا, موب مسموح لك تقعد, بنآخذ راحتنا... عبدالمجيد: أبشري... أبشري.. وأنا كم نوري عندي..بس ودي آخذ دروس.. نورة: هيه موب على حسابي الدروس!!! ************ "غرفة نجلاء" تتحدث نجلاء مع والدتها بالهاتف... نجلاء: إيه قولي مستخسرة أجي عشان بنت البدو!!! ريم: نجلاء!! حبيبتي هالبدو أنا اللي مختارتهم... وأبوتس أغلى الناس عندي... نجلاء: طيب تعالي ... تعالي... شلون أبتزوج وماتجين!!! كل البنات ينزفون مع أمهاتهم....ليش أنا لا!! مايكفي مات أبوي ماجد وماجيتي ماتت أمي فرح وسعود ما جيتي أنا بس أبيتس تجين لزواجي لو قدام حمولتي...ليه أنا مالي قدر عندتس ليه!!!!! ريم: نجلاء ما أقدر والله ما أقدر عبدالله معيي.. شلون يجيبن ويترك دراسته وهو باقي له شوي ويخلص نجلاء: عبدالله ..عبدالله... أقرفتينا بعبدالله... خلاص إقعدي عند عبدالله وإنسي إن لتس بنت زي ما نسيتين من أول!! ريم: نجلاء!! نجلاء: أنا خلاص أبعتبر أمي ماتت ...ماتت ياحظ عذبة وليلى ماتت أمهم وأيسوا منه... موب مثلي ... أمي حيه وميته مشاعره تجاهي... ريم: نجلاء الله يخليتس لا تزعلين والله موب بيدي مافيه أم ماتبي تحضر زواج بنته.......بكرا إذا صرتي أم بتحسين والله بتحسين........ نجلاء: لو يجين بنت أموت معه ولا أحيا معه ما أتركه لغيري وأروح لغيره......ولا وشو لوه أصير ام أساسا!! ************** "مجلس الرجال (بيت أبناء العم)" يتجه عبدالمجيد نحو الباب ويلتفت وهو يبتسم قائلاً: أتمنى لكم قضاء أمتع الأوقات.... بندر: قالوا لك بناظر مسرحية؟ عبدالمجيد: أنا طالع............. سلام يابو مسرحية _يلتفت بندر على نورة ويبتسم, إحمر وجهها ثم نظرت للأرض, إقترب منها وأمسك بيدها, رفع يدها وقبلها, إنتفضت وسحبت يدها مرعوبة_ بندر: خفتي؟ نورة: ..........................هاه بندر: موب حلوه وأنتي مستحيه..... نورة_بغضب_: أ..أنا ...أصلا.. أنت.._تختفي الكلمات_ بندر_يبتسم بخبث_: النوري.. وين راح صوتس؟ نورة: عيونك تخوف.......... بندر_يقهقه_: ها ها ها للحين تخافين من عيوني, والله أنتي أكثر وحده تتجرأ علي , وتقولين عيونك تخوف!!! نورة: .................. بندر: حبيبتي.... أبغمض عيوني طول ما أنا جالس عشان ما تخافين....إتفقنا؟ نورة_تبتسم_:طيب شلون ؟ بندر_يغمض عينيه_: كذا يا عمري...... عشان ما تخافين ولا تستحين؟ نورة: إيه.... _قامت نورة لتضيف بندر وهو يتأملها ثم ما يلبث أن يغلق عينيه حين تلتفت_ نورة_بتبرم_: بندر مايصير .. ليش ما تاكل؟ بندر: ما أعرف آكل وأنا مغمض.... نورة: خلاص فتح بس لا تناظرن.... بندر: معليش يا قلبي ما أقدر أفتح عيوني ولا أناظرتس, نورة قدامي ولا أناظره, هذا المفروض يدربونا عليه العسكرية بدورة الصاعقة... نورة: هاه بندر_يضع يديه على عينيه_: تسمحين يا غلاي أفتح عيوني عشان أفهمتس؟ نورة: إذا السالفة به تفهيم إيه.... بندر_يفتح عينيه ويتأملها مفتونا وهو يقول_: فديت هالضحكة ياه , تذوبينن أنتي... نورة_تضع يديها على خصرها_: هذا الشرح الحين !!! بندر_يبتسم وهو ما يزال يتأملها _: شسوي لامن شفتس نسيت كل شي... نورة_بدلع_: بندر خلاص.... قلي وشي دورة الصاعقة!!؟ بندر: الصاعقة اللي صعقت قلبي يوم شفتس بغرفتي!!! نورة_بدهشة_: يؤ تذكر!!! بندر_يقلدها_: يؤ أكيد أبذكر...ولو القمر ينسي؟!! ************** "الحديقة" نجلاء: خطيــــــــــــــــــــــــــر!!! بندر يطلع منه كل هالحتسي!!! نورة: يؤ يا نجلاء يذوب يدوخ يجنن وش أقول بس!!! أمسكي قلبي حسي... أنا ........... نجلاء: بدت البنت تخربط!!! نورة: يوه يا نجلوه, الله يلوم اللي يلوم عذبة يوم تحب مشاري!! خوالتس عليهم عيون قتاله, نظره وحده قصبتن قصب... من قله الحيله خفت أخربط بالكلام... قلت له عيونك تخوف.. نجلاء: جد بندر عيونه تخوف.... نورة: أي تخوف, قولي تدوخ... وه ويوم غمض عيونه بغيت أصيح , أبشوف عيونه ومير أتعلث بالأكل عشان يفتح... نجلاء... موب خسارة الحب فيه... نجلاء: إيه الحين أعذرتس لو تحبينه, بس أول لا... نورة: بالله يا نجلوه وش شعورتس يوم شفتي مساعد؟ نجلاء: هو اللي داخ عندي موب أنا اللي دخت عنده!! نورة_بغضب_: لا والله!!! وش قصدتس!! ترا ولد خالتس داخ عندي من يوم شافن بالغرفة ذاك اليوم, هو قال لي..... نجلاء: تصدقين... مساعد حبوب ورومانسي بس تقول ليلى إنه بس بالملكة وبعدين تطلع لتس الفضايح.... نورة_بقلق_: جد بندر بيتغير؟ نجلاء: لالا, موب كل الناس تتغير بس الحياة تاخذ منحى ثاني.... نورة: ليتس آخذه مجيد... والله تستاهلينه.. نجلاء: أنا أستاهله بس هو ما يستاهلن!! نورة_بغضب تضرب رأسها_: (...............) أنطمي من زينتس عاد!!! ************** ..................................................... "الجزء الخمسين (الأخير)" _الفصل الأول_ _الصباح_ هيلة: ليلى, نجلاء وينه؟ ليلى: وه .. ما أدري فوق مع الكوافير... عذبة جهزتي البخور لاننساه.. عذبة_تتحدث بالجوال_: ليلى إنطمي... إيه بندرخلهم يجون بدري.... شمس: جد بنات أنا ما أدري وش بتصير بيتكم عقب نجلاء!! _تدخل مها وتنادي بأعلى صوتها_ بنااااااااااااااااااات.... قومن معي بنروح للقاعة عشان البروفة.....مير وين نجلاء؟ هيلة: أبروح أشوف عنه.... نواعم_تشرب كأس شاي_: ترا فاتن مع نجلاء فوق وتقول لا أحد يجي.. مها: والله ماحنب فاضين... عذبة_تضع الجوال_: وه.... إيه صح..ما أدري وش صار على البروفة متى بتسويه ؟ مها: صباح الخير!! يدربيه السيل ويقول ريح ندا الساع عشر ونص , يالله بيمدي نجلاء ترجع للبيت وتلين شوي قبل لا تبدا مكياج وحاله... مير من الصبح وحنا نتهاوش و أختس موب طالعة..!! ليلى: ألحين عذبوه وش حيت نجلوه من بدنا يسوى له زواج زي كذا؟ عذبة_تنظر لليلى بطرف عينها_: بلاه والله عاقلة وتستاهل الحشيمة.... ليلى_تمط شفتيها_: وش قصدتس يعني وش قصدتس؟ عذبة: كولي تبن موب فاضيتن لتس!!! ************* _قاعة الزواج_ بدت عذبة فاتنه , ترتدي فستاناً فوشيا مخصر وترفع بضع خصلات من شعرها المموج بوردة فوشية تركض بالدرج وتؤشر لمسؤلة القاعة بأن تبدأ الإعداد للزفة, نورة تلحق بها وتتحدثان قليلاً ثم ذهبت في إتجاه آخر.... أطفأت الأنوار وبدأت الزفة _عند بوابة القاعة_ تقف سيارة أجرة وتنزل منها سيدة ومعها فتاتان صغيرتان , ملابسهما لا تناسبان الإحتفال بتاتاً, توجهت مسرعة نحو البوابة, حاول موظف الأمن منعها بسبب عدم حملها دعوة شخصية وبسبب الفتاتين اللتين تتبعانها, صرخت به: أقول لك وخر, ودفعته بقوة دخلت دون أن تترك له فرصة ليمنعها, ولحقتها الفتاتين والموظف غاضبا , رمت السيدة عباءتها وإلتفتت على إحدى النساء الجالسات بالقرب من البوابة وسألتها: زفوا العروس؟ أجابت: الحين إسمعي الزفة... السيدة: ياربيه..شسوي!! _أخذت تنبش حقيبتها وأخرجت فستانين أبيضين وأعطتهما للصغيرتان وطلبت منهما أن تتوجهان لدورة المياة لتبديل ملابسهما, وركضت نحو الدرج الجانبي المؤدي لغرفة العروس..... دخلت الغرفة فلم تجد سوى الفوضى, وقفت أمام المرآه ووضعت أحمر شفاة, وحمرة والقليل من المساكرا والكحل داخل عينيها الخضراوتان... تأملت شكلها بالمرآه وإبتسمت وقلبها يخفق بقوة.. بدت نحيلة ذات قوام ممشوق, طويلة بشعر أشقر ناعم مقصوص بعناية لتحت الأذنين بقليل, ترتدي بدلة رسمية .... _أثناء الزفة_ تنزل نجلاء بالدرج, فستانها الأبيض الطويل المزين بالكرستال يتلألأ مع الأنوار المركزه عليها, مكياجها الوردي الناعم تناغم مع ملامحها الهادئة وبشرتها الداكنه نوعا ما, يعتلي رأسها تاج ماسي يبزر بين خصلات شعرها المجعده, إبتسامتها المصطنعه تخفي حزنا عميقا قل من يلحظة, تؤشر لها عذبة بأن تبتسم للكميرات فتجاملها بصنع إبتسامه رقيقة تبرز جمال أسنانها اللؤلؤية, وحين وقفت على عتبه المنصة الأخيرة إلتفتت بكامل جسدها لتمكن المصورات من إلتقاط وضعية تصوير مناسبة, بدى عليها الإرتباك حين إلتقت عينيها بعيني هيا زوجه عمها, تاهت نظراتها وإلتقت بعيني سيدة تقف في أعلى الدرج وتؤشر لها, جمدت عينيها ولم تتحرك, إلتفتت عذبة لترى سبب تشتت نجلاء وإذ بالنور يمر على وجه السيدة التي بدأت تهبط الدرج, ثواني وتفتقت شفتي نجلاء ثم ركضت نحو الدرج دون أن تهتم لإعتراض المصورة أوإستغراب الحضور أو توقيت الزفة, لم تهتم سوى أن تذهب للسيدة.. لحقت الأنوار نجلاء وهي تصعد الدرج وتلحقها عذبة ومها والجدة عذبة, ضمت نجلاء السيدة وهي تبكي بحرقة وتشاركها السيدة البكاء.. نجلاء: يمــــــــــــــــــــــــــــــــــــــــــــــه ولهت عليتس... يمـــــــــــــــــــه... شلون جيتي... يمه أنا أحلم!!! ريم: نجـــــــــــــــــــــــــــــــــــــــلاء ...كل شي ولا زعلتس... _ظلت نجلاء متشبثة بوالدتها فتره ثم أبعدتها ريم قائلة وهي تمسح دموع إبنتها _: يالله يمه... اليوم نبي نفرح مانبي نصيح... يالله جيت عشان أزفتس أنا... _أمسكت بيدها وزفتها نحو الكوشة وعيون الحضور الدامعة ترقبهما_ ************* "في جناح العروسين" ريم: لا أوصيك يا مساعد ترا نجلاء غالية, ومدللة لا تزعله, بنتي ماتعودت أحد يكسر بخاطره.. موب نجلاء؟ نجلاء: أكيد... موب جبتس من أمريكا غصب!! ريم_تقدم بناتها لمساعد_: هه هذولي خالاتكم, شهد وشادن... مساعد: ما شاء الله... _يمد يده_ سلموا... شكلهن يستحن.. نجلاء: مساعد يشبهون لي ؟.. أحسهم ما يشبهونن أبد!! مساعد: لا... غير أنتي وأمتس تتشابهون مع إن أمتس ما كأنها أمتس... كأنها أختس.. بس خواتس لا.. يمكن على أبوهن.. ريم: إيه ما طلعوا علي أبد... يالله حبيباتي روحوا لمها... تحركوا_تدفعهن فيرفضن_ هـــــــــــــــــــــو!! وشبكن؟ نجلاء: بعذرهن يمه ما يعرفن أحد, أنا ما عرفتهن يوم شفتهن, إلا وين عزام؟ مشتاقتن له مرة..؟ ريم: مع أبوه عيا يجي ,,, يقول مانب مخلي أبوي لحاله... مساعد: الحين زوجتس هناك لحاله!!؟ ريم: إيه وش أسوي بوه , عيا يخلص دراسة وبنتي بتعرس!! يالله أنا أبطلع هالنشبات ما تعشن بروح أعشيهن... ********** "في صالة الطعام" الجدة عذبة: يابني صارت الفرحة فرحتين... ياحليلهن بنياتس... وأثر الصور ظالمتهن!! مها: يمه... تبين مرقوق؟ ريم: انا ... أنا أبي مرقوق... تبين شادن ..طعمه لذيذ... مها_تلتفت لعذبة الصامته_: عذبة ... من الصبح ما جلستي على وجبة!! عذبة_تكفكف دموعها_: ما أشتهي.... ريم: وشو له الصياح!! البنت توي طالعة من عنده... مستانسة وضحكته شاقتن وجهه... وش يصيحتس...؟ ترا الدلع موي زين يا بنت أخوي.... عذبة: الدلع موب زين!! إيه يحق لتس تضحكين وتستانسين... بتروحين بيت أمتس ومن سهرة لسهرة ومن عزيمة لعزيمة .. وكم شهر ويجي رجلتس وتروحين بيتس... وأنا أبقعد بهالبيت اللي كبر قريح لحالي... نجلاء له فقده ياعمه... نور البيت هي... انا صح فرحانه له وفرحتي يمكن أكثر من فرحتس... بس أنا لامن ذكرت فقدته غصب علي .. ما أملك دموعي..._وتكفكف دموعها التي بدأت تذرف بغزارة_ مها: ريم... يا زينتس توكلين بناتس وتسولفين على أمتس... ريم: أنا.... الجدة عذبة_تقاطعهما_: أقول... عذيب تعالي عندي... إن جيتي عندي ما أسافر... وشو له تقعدين بالبيت لحالتس... عذبة: تعرفين رايي يا يمه... كفاية عجن ولت بالموضوع ... طلعه من يت ماجد ما أطلع إلا لقبري.... أنتي اللي تعالي عندي وتعوذي من بليس... هالبيت بيت ولدتس... الجدة: أص... موب بيت ولدي... هذا بيت الشايب... ورجعه لبيت هالشايب مالي... ******** مساعد: ليش يا نجلاء ما تعشين؟ نجلاء: حرام عليك خلاص!!! مساعد_يبتسم_: مسويه مستحيه؟ نجلاء: لا... أكلت.... مساعد_يمد الملعقة لفمها_: من يدي يالله... نجلاء_تهز رأسها_: والله مافيه مكان!! مساعد: أفااااااااا... من أوله تردينن!! نجلاء: بس.... مساعد_يضحك_: يالله همي همي... نجلاء: أنا داااااااا...._يدخل الملعقة بفمها_ مساعد: لازم تصيرن الدادا حقي حد ما تجيبين لي دادا أتلهى عنتس.... ********* الفصل الثاني_ _بعد سنتين_ _الخبر_ يطرق باب غرفة ليلى فتجيب: نعم؟ الخادمة: مدام... مدام منى يجي... ليلى: يالله يالله جايه... _تلتفت على إبنها عمر ذي السنتين وشهور وهو يدحرج كرة صغيرة على الأرض ويراقبها وقالت_: عموري... جت خاله منى... يالله أنا أبنزل... _ينظر لها ببرود_ ليلى_وهي تسير خارجة_: بتلحقني إلحقني.. بتقعد إقعد!! _قفز عمر وهو يلحق بها ويصرخ: ماما ..ماما...آآآآآآآآآآآآآلي.. دادي داااااااااااااادي... _في الصالة_ ليلى_وهي تسلم على منى بحرارة_: ياحافظ ما تنشافين!! حتى بيت خالي ماتجين...!! منى: شسوي يا بنت الحلال..موبيدي.. تعرفين الصغار والوظيفة تعب والله إلواحد يدور دقيقة يحط راسه يرتاح ما يلاقي!!! ليلى: الحمدلله إللي ربي ردهم لك!!! منى: ما بغوا نشف حلقي الله ...... خليه ... الله يخليه لعياله... ليلى: الحين نفسي أعرف هالكلب وش بينك وبينه يومه ياخذ عيالك!! مو حرام عليه تزوج عليك وبهذل بك !! فعلا إن الرجال ....حيوانات .... مو كلهم بس الغالب.. بس حيونه رجلك هذي.. ماعمري شفتها.. هذا وهو ولد عمك!! _إلتفتت ليلى وإذ بأبناء منى يرمقونها بنظرة غاضبة_ ليلى_بارتباك_: حبايبي... ليش جالسين هنا!! أنا قايلة لكريس تجهز لكم القبو.... منى: مو تبون تسبحون!! روحوا تسبحوا وفكونا!!! ليلى: كريس... كريس... خذو الأبطال هذولا ووديهم القبو... وخلك معهم إذا جو يسبحون لا تغفلين عنهم... منى: ترا عبودي ما تغدا!! ليلى: كريس حاطة لهم تحت أكل... إلا إذا تبين أخليهم يسون له غدا عالسريع!! منى: لا ... روبيان من فوقه!!! عل جبدي!! ليلى: بعد لو تاخذين عموري يكون أفضل_تلتفت على عمر_ بتروح حبيبي معهم.. تسبحون وتلعبون نطيطة!! عمر_يمسك بثوب أمه ويصرخ_: دااااااااااادي داااااااااااااادي!! ليلى: خلاص يالحقنه وه... هذا اللي يبيه أبوك....... زرار بالحلق... منى: ليلى ... غريبة ليش ولدج متعلق فيج جذي؟ ليلى: البركة بعبدالعزيز!! تخيلي من أول يوم تزوجنا وهو يقول لي يا تجيبين عيال أنتي تربينهم يا بلاش من رباية شغالات.... منى: قطيعة!!! الحين هو من هو صغير وهو مع الخدم!! وش كبر راسه يا حافظ!! ليلى: لا... أمه ما كنت تتكل على الشغالات أبد... بس فعلا هو متعود على الشغالات لكن شتقولين سلطة رجال!! وبالذات عبدالعزيز هذا ما تقولين من أهلي أبد!! أهلي ماعليهم بشغل الحريم للحريم وشغل الرجال للرجال... وسمحين...لكن هذا ... شي ثااااااااااااااني... منى_تقهقه_: الحين تقولين رياييلكم سمحين!! ههههههههههههه ياحليلج يا ليلى... والله الريال عندكم كلمته تمشي عالعدل والمايل... ليلى: لالالالالالالالالالالا... هذاك أول... من أيام جدتي ..الحين سمحين... وبعدين عبدالعزيز أستغفر الله لا أظلمة .. موب شين... بس شوي شديد وراعي مبادئ.. مثلاً مايبي ياخذ من أبوه شي.. والبيت هذا اللي حنا فيه لوما زعلوا عليه كان ما أخذه... ما يحب المظاهر أبداً... تخيلي... جاب سيارة كابرس للسواق حقي.... منى: مو سيارة تودي وتييب!! ليلى: لااااااااااااااه... بيت أهلي سيارتي مرسيدس آخر موديل... وهنا أركب كابرس!! قلت عالأقل خلها جمس... قال أنا موب فاضين لتدلعتس!! منى: الله يقطع بليسج... إحمدي ربج جاب لج سيارة!! ليلى: هههههههههه ... لا ... أبي السيارة أللي على مستواي... ولا بالله عليك يرضيك أروح الرياض وأزور صديقاتي بسيارة عذبة ولا يوصلني سواق جدتي!! منى: طيب والبي إم اللي في الكراج...لمين؟ ليلى: هههههههههه ... حقتي..... منى: هه!! ليلى: مو أنا قومت حرب.. وبعد يبي الفكة قال لي أنا ماعندي أشري لك اللي تبين... قلت له ماعليك انا بجيب لي... منى: وافق!! ليلى: لا منى: عيل!! ليلى:هههههههه ... عرضت عليه بمساعده نورة أخته طبعاً إني أزيد عالكابرس وأشري أنا السيارة!! منى: وافق؟ ليلى: بطلعة الروح!! منى: هههههههههههههه وأثاريج مو سهله!! ليلى: شسوي يختي!! منى: إلا مبروك ملجه عذبة... ليلى: الله يبارك فيك... تصدقين ... مانقصنا إلا أنتي... منى: ......................... ليلى: والله كانت روعه.. ونااااااااااااااااااسة... خبال وسعة صدر... منى: من يه؟ ليلى: قولي من ما جا!! أهل الشرقية ... وأهل القصيم وحمولة عمتي ريم اللي بمكة وحمولة مها وبعض أهل نجلاء وخوال أمي وربع أبوي ماجد وصديقات أمي ومين بعد؟ إيه وربع المعرس وأهله... منى: والله واجد معازيم!!! هذي ما صارت ملجه!! ليلى: شنسوي ... حنا من الفرحة اللي فينا إنها وافقت أخيرا تتزوج وتشوف نصيبها جمعنا الناس يفرحون معنا... يختي تعبت عذبة من كثر الهم اللي شايلته والمسؤوليه.. تخيلي من ماتت أمي وهي تكابد هالمصايب وحدة ورا الثانية والمشكله إنها كانت تاكل بروحها ولا حد حاس باللي كانت فيه...الله يعوضها عن الأيام القشرا.. تعبت ومحتاجه ترتاح... الله يرزقها باللي يقدرها قدرها ومايزيد همها هم!! منى:................................ والله يسامحنى عاللي سويته فيها وبخوي.. ليلى: إحنا أهل يا منى..... _يطرق الباب الداخلي بقوة, ثم يفتح وتدخل نورة _ ليلى: مادامه مفتوح ليش تسوين الإزعاج هذا كله!!! نورة_وهي تعلق عبائتها عالمعلاق المجانب للباب_: حبيت أعطيتس خبر أخاف عندتس شي ولا شي!!! _يدخل بندر يجر حقيبة ثقيلة بيد ويحمل طفلته بيد أخرى وهو يصرخ_: نوير !!! الحين ياللي مانيب قايل ليش ما تاخذين البنت عالأقل... نازله تدودلين إيدينتس!! نورة: الحين شلته ببطني تسعة شهور وثلاثة أيام وساعة ودقيقتين وثانية وأنت تدودل إيدينك وبعدين كان عطيته الشغالة!!! بندر: الشغالة يالله تشيل اللي معه.. شوفي الشنطة ثقله والبنت خفيفة كنه أمه !! نورة_بغضب_: لا تطنز بندروه!! بندر: أنا ما أتطنز صح ليلـــــــ.... أووه مادريت إن عندكم ضيوف!! منى: خلصتوا طقاق!! بندر: إيه منى!!_يلتفت على ليلى_ ليلى أنا أتطنز عليه!!؟ ليلى: لااااااااااه.. هو يمدح!! نورة: هين يالحية الرقطاء!! لو بوه نجلاء كان قالت الحق ولا تأخذها لومة لائم!! ياحبي له... ولهت عليه هي وكريشته... الله يقطع بليسه .. بندر_يمد الصغيرة ويهمس_: تحبينه أكثر من؟ نورة_تأخذ طلفتها وتضحك_: شدعوا ... أنت غلاك غير... صح تطنز علي بس ...مقبوله منك. بندر: والله أنا أحبك كذا.. عاد شسوي بذوقي يحب الدرابي!! نورة: لأنك دربيه!! بندر: وجع!! نورة: زعلت ؟ بندر: إيه... نورة_بنشوة إنتصار_: أحسن.... بندر_يضرب رأسها ويهمس_: هيــــــــــــــــــــن يا كورة قلبي إن ما نسمتس نورة: هع... ما تقدر..ماتقدر...ماخلى مجيدوه والسلمي شي وعجزوا ينسمونن.. _في هذه الأثناء ليلى ومنى يتحدثن_ ليلى: عاد بنروح بكرا أنا ونورة نوسع صدر نجلاء أخاف تجيها الولادة ومحد عندها.. موب عذبة سافرت أمس.. منى: سافرت!! ويا مين؟ ولوين؟ ليلى: سافرت مع أحمد ولد خالي وخاوتها أفنان صديقتها... منى: خذت أفنان معها... بدون محرم!! ليلى: إيه... أفنان لقت فرصة ماتتعوض.. جولة بأوربا ومع صديقتها بالمجان , حتى عيالها حطتهم عند أمها.... أنا والله فريت أبروح معهم بس حبيبي عيا !! منى: الله يعينك عليه.... بس شكلك تحبينه؟ ليلى: تبين الجد أموت فيه... هو حبوب بس شوي يبي له واحده تعرف تسايسة .. شديد شوي.. منى: إلا وش طاري سفرتها؟ ليلى: تقول بتودع آخر أيام العزوبية.. تحس إنها محتاجه تدخل حياتها الجديدة بنفس مفتوحة... ومنها تجهز من هناك ... منى: الحين هذا وشسمه... إيه محمد أهو أخو هيلة مرت تركي ؟ ليلى: إيه... منى: الحين أهو اللي إختار عذبة ولا إخته ؟ ليلى: ............................ أعتقد إن هيله إهي اللي ذكرتها له وبعدين بعد ما شافها وجلس معها عجبته.. منى...ماتلاحظين إنك للحين ملقوفة!! منى:!!!!!!!!! وأنا وش قلت يعني!! ليلى: أسألتك مررررررررررررة كثيرة!! منى: إيه هذي أنتم يا القصمان ما بلجحكم عظم كلش تسألون عنه!! ليلى: حنا ما نسأل عن كل شي!! وبعد حنا ناخذ ونعطي... نسأل وننسأل.. وإن ما إنسألنا علمنا .. ماعندنا جحادة!!!\ منى: وأنا وش سألتيني عنه وماجاوبت... ووش جحدت عليج!! ليلى: خطوبة شمس!! منى: بسم الله أنتم ينانوه من وين تيبون الأخبار!! وبعدين على ما قالت شمسوه"ما إستوى شي" _أقبلت نورة_ نورة: ما شاء الله مبروك خطوبة شمس... منى: هــــــــــــــــــــــــو!!! نورة: ليش ما تدرين أنتي إن أهلتس من يومين معطين ضاري كلمة!! منى: آ..أ,,,,أنتي الحين شيدريج؟ ليلى_تقهقه بصوت عالي_: " مافيش حاقه بتستخبى" نورة: ليش جاحدين!!!؟ نسيتي إن ضاري صديق بندر ... وكل ما يجي الشرقيه ما يروح بيت أخوه يجي ينام ببيتنا.. وأمس جاي من الرياض خصيصاً عشان يبشر بندر... والحين الأسطا عازمة عالبحر بهالمناسبة!! ليلى: وتقوووووووووووول وش جحدت عليكم!!! منى: عاد الواحد لازم يصير عنده أسرار... والبنت ماتبي أهلي يعرفون.. وأنتم لكم صله بأهلي... نواعم كل ما طق عود حصاة يت الشرقية عند أمها وقرته بأذنها... وهيلة مرت تركي هم كلش تقوله لمنيرة بنت عمي... كل أخبار أهلي عندهم هناك... وأنتم لا تحسبون إن علاقتكم بعيال عمكم مثل علاقتنا... لاااااااااااااه ترا الناس تختلف واااااااااااايد... نورة: والله إن ودي أكلم نواعم ... مريت مجيد أخيي... ولهت عليه... منى: حسج تقولين لها شي!! نورة: ياربيه يحكن لساني ما أصبر..... ليلى: ههههههههههه لا تصدقين منى.. نورة ما يفك من حلقه الحرف... منى: أشواه... لا يدرون أهلي.... تكفون... ما نحب القرقرة الوايده!! نورة: طيب وهي بتسوي جريمة!! ليلى: أنا برايي إنها بتسوي جريمة... ليش تاخذ واحد مو بثوبه.. كلش غير.. نورة: رجعنا ياليلى للموضوع ... أنتي ونجلاء مكبرين السالفة.. ترا ضاري مو كأنه بدوي...مررررررة تقولين كنه تصرفات بندر!! منى: وع... كنه تصرفات بندر!! بيبهذل بأختي.. نورة_بغضب_: تحصل أختس غسال رجلين بندر عاااااااااااااااااااااااد!! بندر هين لين.... سميح ........سُكرة... منى: والله إسمحي لي... يخرع... ما نخاف كنا إلا منه وهو أصغر منا.. فعلاً قصيمي..!! نورة: والنعم بالقصيم كلهم إن كانوا مثل بندر!! أحسن من البرميل أخوتس ذا الدردغانه!!! ولا الثاني اللي أخذ الجنسية الأماراتية وترك جنسية أهله وبطة التسبد إنه أربع وعشرين ساعة يحوس بالرياض وبالقصيم!! ولا بعد اللي يقصر من غثاثته يجمع ربعه بالأمارات ويجيبهم يوريهم خيبته إنه ترك أهل مثل أهل نجد!! منى:................................ ليلى: نورة!! نورة: تلزم حدودها ولا تخطي على رجلي وأهلي!! ليلى_تبتسم في محاولة لتلطيف الوضع_: أنا مو قصدي بضاري إنه بدوي طبعه شين لا.. الطبع من الله... لكن اللي أقصده إن بينعاد اللي صار لنجلاء.. أهلي يتطنزون عليه بالبدويه وأهله يتطنزون عليه بخواله الحضر!! وهي ضاعت بينهم... ************ _لندن_ عذبة وأفنان يتناولان إفطارهما على مائدة فاخرة إحتلت أحد الأركان القصية, إلتفتت عذبة وأشارت لأحمد الذي وقف في المنتصف وراح يمشط بعينيه نزلاء الفندق الذي يتناولون إفطارهم بحثاً عن عذبة, حتى إنتبه ليديها وهي تلوح له اقترب باسماً ثم همس: عذبة... فيصل عازمن , يتحران برا ...تراي بروح ..إنتبهي لنفستس وقبل أن تجيب عذبة , خرج صوت أفنان مغمغا بين كتل الطعام بفمها وهي تقول: باللي ما يردك... رح مع جدي... _نظر أحمد إليها بغضب_: الحين أنتي يالعبده يا أم لسانين من كلمتس؟ أفنان: تقلع الله يعافيك ولا تجي إلين تطق ثنعش بناخذ راحتنا ولا تدري تعال متى ما بغيت لأننا بنطلع وموب جايين إلا بعد العشاء... أحمد_من بين أسنانه_: إحترمي نفستس ....أفنانوه!! تراااا.. عذبة: خلاص.. أحمد إمسحه بوجهي تعرف أفنان الله يهديه.. أفنان: وش أنا قلت!! أمس فك حفاطته واليوم جاي مسوي فيها سكيورتي إنتبهي لنفستس!! _تلتفت لأحمد_ نعنبوا دارك حنا من كنا صغار نفرفر بهالشوراع ذي حافظينه عن ظهر قلب... موب جاي أول مرة وتسوي فيها إذا رحت عنا إنتبهي لنفسك!! أحمد_يبتسم بسخرية_: أقول.. نقابتس تراه كللللللللللللللللللله ملاخيط!! لا تنسين قبل لا تروحين تقطين تنظفينه...ههههههههههه والله الشفاحة تسوي سوايا.._ويدير ظهره ليغادر_ أفنان: إحمد ربك مو حرمة.... كان مو بس نقابك كان عباتك إمتلت .. أصلاً لو أنت مرة محد حالمن بك.. من عندي أقول لك مابك فتنه !!! وجع راح ولا كني أهاوش!! عذبة_وهي تدير ملعقة السكر بالكوب_: الله يهديتس أحمد لو هو بنت ماحد حلم به!! أفنان: وعععععع .. عسى بتقولين هالمصري ذا حلو!! عذبة: أقول ليش أنتي من كنا صغار وأنتي ناشبن بحلقه هالمسكين!!! أفنان: والله لو يصير جد بيبتل عندي بزر... إلا وش أخبار محمد؟ عذبة: ههههههههههههههههه.. كنت مستغربة ما سألتي؟ أفنان: ماحبيت أصير ملقوفة بس ماش... عجزت أتحمل!! عذبة: تمام... أفنان: ووش قال؟ عذبة: أفنان اليوم بروح أشري لي شنطة وبمر الـــــــ..... أفنان: أقول وش قال؟ ************* *************** . .............................................. _الرياض_ _بيت عذبة_ الجدة عذبة: ألحين ولدتس عزام قد لوه تخمر من البربسة بالماء!! ريم: يمه!! مامداو يروح... وبعدين خليه يغسل غلسة هالصيف توه جاي من الحديقة!! مها: والله ولدتس مزاج... ولا بوه أحد يطلع بهالطبخة... شوفي وليدي إسم الله عليه قاعد يتناقر مع هالدجاج _تشير لناصر الذي يشترك في نقاش حاد مع نجلاء في الجانب الآخر من الجلسة_ ناصر: وقسمن بالله ما .... نجلاء: إيــــــــــــــــــــــــــــــــــــي علينا!! شادن: أنتي أصلاً ماعندك شغل فاضية!! نجلاء: أخس أخس من يتكلم!! شادن قومي أسبحي ... ترا ريحتس غلسة!! وععععععع.. وبعدين للحين لابستن بيجامتس!! ريم: تكفين خليه تسبح... من متى وأنا أحن عليه بس ماتوحي ولا تسمع!! ناصر: قومي يالوصخة.... من الفجر تركضين بالحديقة أنتي وأخوتس السيلاني... مها: إي والله ما جته مرسة ولا لحطة من أمي ولا كان تعرف إن الله حق!! الجدة عذبة: إلى الحين أمرس ولا بعد لي سنين أعظ بهن تبين تجربين؟ شادن: هههههههههههههههههههههههههه يمه سنونك كنها ذيك الزرقاء وش إسمها... ذيك اللي أبوي يستخدمها بالمكتب.. ههههههههههههههههههههههههههههههههههه _حاولت ريم أن تكتم ضحكتها, بينما إلتفتت شهد (الأكبر سناً) قائلة_: إسمها دباسه.... ناصر: هههههههههههههههه يمه تكفين دبسي يده!! نجلاء: عيب... تقــــــــــ....هههههههههههههههههههههههههه مها: الله يقطع بليسه بنتس ذي!! ريم: هههههه..ههه...شادن ..ما..هههه.... الجدة عذبة: هين يالفرعونية... ودتس تجربينهن..!! ناصر: صيري مؤدبة زي شهد!! نجلاء_تنظر لناصر بشقاوة_: وهذا بيت القصيد..... صح نصور؟ ناصر_بغضب_: والله شهد مؤدبة !! نجلاء: وعين الرضى عن كل عيب كليلة ... وعين السخط تبدي المساوئ!! مها: شادن قومي الحمام يالله!! شادن: يووووووووووووه ... ياربيه مزعجين!! طب خلي السيلاني يطلع... ريم: موب سيلاني!! إسمه عزام... نجلاء: الحين مابوه ببيتنا إلا حمام غرفة امتس!!\ بالدور الفوقي بس ثنعش حمام.. شهد: شادن روحي وأسمح لك تستخدمين رغوة كونان حقتي... شادن: وعععععع من زينه!! هو ونظاراته مسوي فاهم وهو ينصب... كنه ذا _وتشير لناصر_ ناصر_يشد يدها بقوة وهي تصرخ_: يا أم لسانين !! شادن: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآ أتوب أتوب...آآآآآآآآآآآآآآآآآآآ بروح أسبح خلاص خلاص _تقفز وتركض للدرج, فتقف بالمنتصف وتقهقه بصوت عالي وهي تقول_ هكيت عليكم... بروح أنام ... والله ما أسبح ... والله ما أسبح.. هههههههههههههههههههههههههه نجلاء: والله لأفرم وجهتس!! يمه!! الحين متأكدة هذي بأولى؟!! ريم: من ولدته وهي شيطانيه...بس والله أعجز أهوشه غصب... ولا سنون أمي تقل دباسة!! ناصر: شهد... تبين نروح نشوف الصور؟ شهد: إيــــــــــــــــــــــــــــه!! نجلاء.. صدق أم ناصر كانت طبيبة وأبوه بعد؟ نجلاء: أم سعود لو سمحتي موب أم ناصر!! مها: إيه كانت دكتورة... ليه؟ شهد: يووووووو نفسي أصير طبيبة!! الجدة عذبة: وه!! ماعاد إلا هي بناتنا يصيرن دخاتر!! ناصر: أمي كانت طبيبة!! الجدة عذبة: أمك بنت أهله... نجلاء: أمي ماكانت تبينا نصير طبيبات..الله يرحمه شهد: ليـــــــــــــــــــــــــــــــــه!!!؟ نجلاء: تقول إن الطب يبي له أحد ماوراه مسؤولية إلا شغله... كانت تبين أصير ربة منزل... الله يرحمة دايم تقول إن الطب مهنه عظيمة بس تاخذ كل شي حلو بحياة المرة... كانت ........................._خنقتها العبرة فصمتت_ ريم: الله يرحمها... ماتت ومات أخوي وولد أخوي وأنا بالغربة...الله يرحمهم ويجمعن بهم بجنات النعيم..آآآآآآآآآآآآآخ_تصرخ بعد أن تلقت ضربة بعصا والدتها_ الجدة عذبة: ولدي مامات!! ناصر: نجلاء.. تبين ندخل غرفة أمي؟ نجلاء: لا... أخاف من عذبة... وبعدين مقفولة الغرفة!! ناصر: هه.. عذبة وبعيدة .. والمفتاح أدل مكانه... بس أنتي عندتس مفتاح غرفة عذبة؟ نجلاء: الغرفة إيه... لكن المكتب اللي بداخله لا... تراو كله مقفل!! ناصر: إمشي معي... شهد: بروح معكم... ************ _لندن_ بدت هديل غاضبة , تراقب فيصل وهو يبحث عن مفتاح سيارته, وقفت خلفه وهي تضع خصلات شعرها خلف إذنيها, وتشيح بوجهها ذي الجمال الهادئ نحو النافذة... يلتفت فيصل وينظر لها ويصرخ: ماشفتي المفتاح؟ هديل: بتروح لعذبوه؟ فيصل_يمسح وجهه بعصبية_: لا.. قلت لتس مليونين مرة.. موب رايحن له... وين مفتاحي؟ هديل_بغضب_: أجل وين بتروح على هالصبح... ؟ فيصل_يصر أسنانه_: عازم أحمد... وبعدين حبيبتي قلت لك ألفين مرة لا تدخلين بي وين أروح ووين أجي!! هديل_تبكي_: أدري إنه جايه تاخذك مني!! فيصل_يقف ويضع يديه على كتفيها ويشدهما_: هديل... لو سمحتي لا تتكلمين عن عذبة كذا!! عذبة مكان أختي ... وأخت أعز أصدقائي وبنت اللي ربون وإهتموا بي... وهالخير اللي أنتي عايشة فيه من خيره هي!! هديل: هذا تعبك أنت... مو خيره .. لا تقعد قايم قاعد تقول خيره خيره!! فيصل_يضع يده على رأسه_: هديل أنا ماعندي وقت لنقاش عقيم أكيد الرجال واقف ينتظرن... وين المفتاح؟ هديل_تبكي_: الحين أنت بتروح له وتقول لي وين المفتاح... قل لي .. قل لي وش به زود عن... بس إنه بنت عمك و.... فيصل_يصرخ_: بنعيد ونزيد بالموضوع.. عذبة ماجات عشاني ولا هيب طايقتن.. والدليل إنه عيت تاخذ فلوسه تدرين ليش؟ هديل: عشان تصيطر عليك... هذي شطانه حريم.. فيصل: لا... تبي تفتك من... بصريح العبارة إبعد عن وعن شغلي بس باسلوب مؤدب.. حاولت أرجع له فلوسه بس قالت لي بالحرف الواحد ... هذا حقك من اللي نواه أبوي ناصر لنا.. يعني بالعربي الفصيح زواج ماحنا متزوجين وخذ فلوسك وضف وجهك.. وبعدين أنتي حاضرة ملكته وهي جايه تجهز شلون تقولين جايه عشاني.. لو هي تبين كان من زمان وافقت علي... وبعدين علاقتي به الحين علاقة واجب ومسؤولية ... بس!! هديل: يعني أنت ما تحبه؟ فيصل: إلا أحبه..............................!! هديل_تضع يديها على وجهها وتنخرط ببكاء عنيف وهي تقول_: تحبه....أدري تحبه!! فيصل: إيه أحبه.. بنت عمي وقطعه من.. أحبه حب ما يموت مع الأيام ولا تطفيه المشاكل... هذي...هذي أخت سعود هذي بنت ماجد.. ربيت أنا وياه ببيت واحد ... شلون ما تبينن أحبه... لكن عمرك شفتي أخو يتزوج أخته!! هديل: بس كنت تبيه!! فيصل_بتبرم_: كنت...وكان فعل ماض!! الحين لو تعطينن وزني ذهب ما بغيته.. وبعدين عيب نتكلم عن البنت كذا وهي متملكه وجايه تجهز... هاتي المفتاح... هديل: لا فيصل_ينظر لها نظرة صارمة_: لآخر مرة.... هاتي لمفتاح... هديل_تخرج المفتاح من جيب بيجامتها_: بس أوعدني إنك ما تتأخر... فيصل_وهو يدير خارجاً_: بتأخر.... بتغدا برا البيت بعد يمكن أجي عالساع عشر باليل.. هديل: فيصـــــــــــــــــــــــــــــــــــــــــــــــ ـــــــــل!! فيصل_يلتفت غاضبا وجاحظ العينين_: نعم!! هديل_بذعر_: الله يحفظك.... _يخرج فيصل ويغلق الباب خلفه وهو يخفي إبتسامه على شفتيه_ *********** أفنان تسير وهي تمسك بيد عذبة بأحد متاجر لندن الراقية, تلتفت فجأة وتسأل: عذبة.... تحبين محمد؟ عذبة_تتأمل وشاح معلق _: إمممممممممممممممممممم يمكن...أحس إني ... ما أدري... أفنان: وصفي لي إياه... عذبة:!!!!!!!!!!!!!!!!!!!!!! أفنان: أدري إني شايفته بالملكة وبالصور ... بس أبسمع منك... أعرف من عيونك إذا أنتي تحبينه ولا ..... موافقة بس عشان ما تفوتين الفرصة الذهبية على قولت خالتك فاتن... عذبة: هه... خالتي فاتن.. الله يخليه لي ... هههه تذكرين من قالت له جدتي عن الموضوع إلا جت ونشبت لي... موقفه صعب... بس معتبرتن بنته.... ذكرت مرة أمي كانت متضايقة وراحت لم خالته هيا بالقصيم... ويوم جت قالت لي " عذبة...روح أمي عايشة بجسم خالتي "_ذرفت دمعة_ أفنان: الله يرحمهم جميع... عذبة خلاص... حنا جايين نستانس... عذبة: أفنان .... نفسي نزور حارتنا الأولى... أكيد بيتنا هناك على آخر مرة يوم تصكه أمي.... أفنان: آخر شي... خليه آخر شي... ما قلتي لي عن محمد؟ عذبة: وش بوه؟ أفنان: بتجيبين لي جلطة.... وش شكله؟ عذبة: إممممممممم وش تبين أوصف لتس؟ أفنان: إعتبريني ما شفته أبد....أبد... إتكأت عذبة على أحد الجدران الزجاجية ونظرت للأعلى وأخذت تصفه: أسمر... مو فاتح مرة... مو أسمر أسمر بس مو أبيض أبيض.. وجهه نحيف إبتسامته حلوة.. له عوارض خفيفة وعيونه متوسطة بس نظرته حيه... تحسين لمن تشوفين عيونه إنه بزر توه داخل ملاهي.. بارد مررررة لكن مو متبلد.. إذا إبتسم طلعت غمازة وحدة إيه طويل وجسم... يعني مو دب بس موب نحيف... إذا تكلم غصب تسمعين له ... هدوءه وطريقة كلامه غريبة.. بس تشد الإنتباه.. شعره .. _تضحك _ طويل شوي.... مو شكله صايع.. لا... بس أطول شوي من العادة... تقول هيله إنه من هو صغير كان يحب يسوي شعره كذا... أفنان .. أفنان:!!!!!!!!!!!!!!!!!!!!!!!! _تكمل وهي تنظر لزاوية بعيده_: تدرين أول مرة شفته ... حسيت إني أعرفه... كأني شايفته من زمان ... لكن بعدين عرفت إنه يشبه نظرات أبوي... أدري إن عيون أبوي أكبر وأحسن .. بس.. فيه بينهم شبه... ولمن تكلم معي ...إنصدمت كنت متوقعه مثل ما قالت لي نجلاء عنه... كانت تقول لي إنه صنم... تسميه أبو الهول... كانت تقول إنه ما يتكلم إلا بالضرورة القصوى ... وإذا تكلم ما يخاف يقول الحق لو على أمه ولا أبوه ولا نفسه... تصوري من كلام نجلاء ... توقعته ثقيل دم... وشبه أطرم.. بس.. بس صار شي ثاني... طبعاً نجلاء وصفته لي بناء عن مواقف هيله معه قبل لاتتزوج... لكن كلام هيله غير..هيله قالت لي بصراحة... إذا أنا قرقه برتاح معه لأنه يسمع وبس وإذا أنا أحب أسمع أبنجلط لأنه ما يتكلم كثير.. بس قالت لي إنه مو ثقيل دم... ماصدقت أنا هيله ... لكن فعلا صارت هي أعرف فيه... أفنان: ياخذ أم الحب!! لااااااااااااااااااااااااااااااااه أنتي مو تحبينه إلا علقك بأهدابك!! ليته يعطي فيصل المسكين كورس .... كيف سيطر عليك .... وخلال أقل من شهر!! عذبة_بغضب_: لا تجيبين لي طاريه ... كفايه اللي جان منه.... _تخرج غاضبة من المحل, تلحقها أفنان وتمسك بذراعها بالشارع وهي تقول_: على وين أم الشباب!! عذبة: فتحتي جروحي يا أفنان... كفايه ألم خلاص أبعيش وأستانس... ما أبي أتذكر فيصل واللي جرا لي بسبايبه... أفنان: فيصل كشف أوراقه.... خلاص مو متقصدك مثل أول... كلكم بالهواء سوا... أنتي ظلمتيه بعد!! عذبة_تضرب الجدار وتصرخ بعصبية_: لا... أنا ما ظلمته... أنا كنت أظن بالبداية إني ظالمته لكن بعدين إكتشفت إني ظالمه نفسي وبس.. نفسي وبس... فيصل مجرم وأبوي ناصر بعد مجرم... أنا يمكن ما ألومهم على اللي سووه عشان يحافظون على خواتي وعلى إسم عايلتنا وعلى الشركة والحلال والبيت بس مو على حسابي... عذاب عشته كل هالسنين وآخرته أكتشف إني أحارب نفسي... وليش... وش السبب .... مافيه إلا أنهم خافوا على أعز ما يملكون.. وخلون أنا القربان اللي يدفع سعادته وصحته ويضحي بكل شي عشان أهدافهم خدعون يا أفنان خدعون... كنت أظن إن أبوي ناصر يحبن زود على خواتي لكني إكتشف وياليتي ما إكتشفت..... إكتشفت إنه شاف بي الشخصية المثالية اللي تقوم بالتضحية وتكمل تضحياته... هم إختاروا إنهم يضحون وإختاروا بايش يضحون.. كلهم بيدهم القرار إلا أنا.... أجبرون وأنا ما أدري إني أدخل الحرب حرب كنت أحارب به نفسي وأحاربهم وأنا ما أدري... والحين تقولين ظلمته!! أنا ما ظلمته ... هو اللي لبس دور المجرم وهو بيده يكشف براءته.. لكن أنا اللي لبسون دور الضحية وأنا ما أعرف إني كنت الجلاد وهم يصفقون لي!! كل ما تذكرت كلام أبوي ناصر... كل ما ذكرت حياتي أول ما ماتت أمي.. وضعفي وإنكساري... والقوة اللي أظهرته عشان هالإنسان وبالآخر يصير ... دفع سعادتي ثمن لحفظ اللي بناه... كان عارف إن سعود موب عايش.. كنت أحس من طريقته... ما أعرف كيف كان عارف... ومأيس من رجعه ولده.... وخايف من عيال عمي ولقى مصيبة سعد فرصة إنه يرجعن للبيت اللي طلعت منه بالقوة... إيه بالغصب أنا تزوجت ومشاري وبالغصب طلقون منه... بالغصب بيزوجونن فيصل عشان إيش.. عشان نحافظ على البيت ونحافظ على أحفاده.... وأنا!! أنا ولا شي.... أنا مجرد شخص وقع عليه الإختيار ... ولمن عاند رغبتهم .. ما رحموه.... دمروا حياته عشان ...عشان أهدافهم هم.... وتقولين الحين ظلمت فيصل!! كلهم يقولون هالكلام يا أفنان إلا أنتي.... أنتي لا.... أنتي الوحيدة اللي شرقتي بدموعي... أنتي الوحيدة أللي ضميتي وحدتي .... أنتي الوحيدة اللي شافتن على حقيقتي ... لا تغمضين عيونتس الحين... تكفين إلا أنتي.... _تهاوت على الأرض تبكي, حاولت أفنان أن توقفها ولكنها لم تستطع, بدا على أفنان ضيق الحيله وهي تنظر للجمود واللامبالاة اللتي أبداها المارة , حاولت مرة أخرى وهي تتوسل لعذبة بأن تقوم عن الأرض المبتله برذاذ المطر, ولكن عذبة إستمرت بالنحيب وهي تقول: لو أبوي فيه ما تعذبت... ماتعذبت.... وينك يا ماجد وينك.... _توقفت سيارة فارهه وترجل سائقها بسرعه ونزل مرافقة يركضون نحو أفنان_ أفنان: فيصل... أحمد... مارضت تقوم.... فيصل: وش به؟ أحمد: عذبة ..... عذبة.... _إنحنى أحمد لعذبة وحاول أن يتحدث إليها ولكنها بدت وكأنها لا تسمع, دموعها تتناثر على الأرض وتختلط بقطرات الرذاد الصغيرة , أبعد فيصل أحمد وإنحنى نحو عذبة هامساً: عذبة.... عذبة... تبعانه... تروحين المستشفى.....؟ _رفعت رأسها تدريجاً متأمله فيصل بعينين دامعتين, وتدحرجت دمعة حارقة , جلس فيصل غير مبالياً ببل بنطاله وبرودة الأرض, ورفعها بكتفيها , فجلست وهي تتأمل بوجهه, ثم همست قائلة: ليه... ليه.............................ليه يا خلف سعود؟ فيصل: ....................... عذبة: ليه... ليه تحب تشوف لحظات إنكساري...ليه؟ فيصل_يتأمل عينيها التي أخذت كثيراً من عيني سعود_: ما أدري.... يمكن ... قلبي يدلن.... أنتي ... سعود... وسعود أنتي... عذبة_تهز رأسها_: لأ...لأ.... أنا مو سعود.... سعود مات.... مااااااااااااااااااااااااااااااااااااااات سعود ..... سعود مات....مات من ماتت بقلوبكم الرحمة.... ليه يا فيصل ليه؟ ما تجي إلا إذا إنكسرت؟ فيصل_نظر إليها وكأنه يعتذر_:................................... عذبة_بسخرية_: تدري ليه؟ لأنك أنت اللي كسرتن... كسرت كل فرح بحياتي.... ليه يا فيصل ليه!!!!!! _تصرخ_ ليه يا فيصل... أنا ماعودت أخطي على أحد... ما عودت أجرح... كل اللي بغيته أعيش بسلام.... ليه تكسرن وتستمتع وأنت تشوف الدمع بعيني ليه... فيصل_بأسى_: ...................................... آآآآسف. عذبة: تدري لو.... لو بيدي خنقتك حد ما تموت ... يمكن تكفر عن خطاياكم بحقي... لكن... كل مرة أعاقبك به... أكتشف إني أعاقب نفسي... تدري ليه؟ لأنك مثل يدي اللي تخطي ... لو بقطعه .... بتوجعن... بس تدري... عندي شي ودي تشوفه... فيصل شفت يدي ذي....._ترفعها وهو يتأملها وتهوي بيدها الأخرى على وجهه محدثه صوت قوي, أمسك فيصل بوجهه ونزلت دمعه كانت قد حاولت مرارا الفرار من عينيه, نظر إليها بدهشه, فقهقهت قائلة: سويت مرة بسعود كذا... حاول يتعنتر علي... وكان أبوي هو اللي علمن الطريقة,هههه أبوي كان موجود وقال : " تستاهل .... هذي سمية عذبة ماتسمح لأحد يستضعفه" ..... فيصل_يلتفت لأحمد قائلاً بحزم_: أحمد.... لازم ناخذه للمستشفى.. عذبة تعبانه... أفنان: عذبة موب تعبانه.... صح عذبة؟ عذبة: لا تخافين... إبن أمه ما يقدر يحركن من مكاني ... أنا سمية عذبة ما اسمح لأحد يستضعفن......... بناخذ تاكسي بنروح الفندق... ببدل ملابسي.... _إلتفتت على فيصل قائلة_: خلاص.... أنا خارج مسؤليتك الآن... أنا حرم محمد الـ..... .. , لكن لا أوصيك بناصر..... فيصل_يبتسم وهو يتأمل سيارته_: ناصر بعيوني مثل ما كان.... إن إحتجتي شي... تعرفين رقمي... وأنا كله ست شهور وراجع للسعودية.... سلمي لي على د.محمد...... **************** الرياض_ "بيت عذبة" _غرفة فرح_ أدار ناصر مفتاح الجناح ودخل تتبعه شهد, وقفت نجلاء مترددة لبرهه عند الباب ثم دخلت, المكان مظلم , الستائر القاتمة تحجب أشعة اشمس, بعض خيوط من ضوء تسللت خلال مناطق صغيرة من النقوش الفاخرة على تلك الستائر, أضاء ناصر المصابيح وتلفت في أنحاء الغرفة الواسعة توجه راكضاً نحو كرسي هزاز خشبي مزين بنقوش هندية في ركن قصي من الغرفة وبجانبه طاولة صغيرة , جلس عليه ورفع الجزء العلوي من الطاولة وأخرج صور كثيرة, إلتفت وهو يضحك ولكنه صمت حين رأى الدهشة على وجه شهد وهي تنظر لنجلاء, إلتفت ليرى نجلاء ترتمي على سرير والديها وتبكي بصمت... ناصر: نجلاء... للحين تصيحين على أمي؟ نجلاء: مو بس على أمي... أصيح على أمي وأبوي.... شهد: مانسيتيهم؟\ ماتوا من زمان!!! نجلاء: وليوم الدين ... شهد أنتي الحين بينهم ماتحسين بقيمتهم... آآآآآآآآآآآآآآه ناصر_محاولاً تخفيف حدة الحزن_: نجلاء تعالي شوفي أمي أبوي يوم هم صغار... شهد تعالي شوفي يوم تخرج أمي من الجامعة... وهذي هي وسعود وعذبة وأبوي ناصر وأبوي ماجد...ههههه شوفي سعود والله كان دب!! نجلاء: منيل طلعت هالصور!! ناصر: كانت أمي تجلس دايم هنا... وتطلع الصور.. شهد: ناصر ... تذكر أمك وأبوك؟ ناصر: أتذكر أمي وسعود شوي .. بس .. أبوي .... ماعمري شفته... يوم دخلت الغرفة ذكرت مكان أمي وذكرت الصور اللي كانت تناظرهن.. نجلاء تعالي!! _سحبت نجلاء نفسها بقوة , جلست ووضعت يدها على بطنها المنتفخ, إبتسمت وإلتفتت على شهد قائلة_: شهد... كنت دايم أجي لأمي وأقول له أبنام يمه معتس... وكانت تقول الظاهر يا نجلاء بتجين بكرا أنتي وولدك تنامين معي!! شهد: نجلاء.. تعالي شوفي هذي أنتي وأنتي صغيرة, خالي ماجد غيركم.. ما يشبه خالاتي كثير.. بس سعود حلو.. ناصر_بغضب يجر الصورة من يدها_: أحلى من!!؟ شهد: !!!!!!! نجلاء: هههههههههههههه ياخوي سعود مات!!! ناصر_باحراج_: مو.. لا. هم يقولون يشبه لي... بشوف من أحلى.. شهد: لا.. أنت أحلى.. نجلاء_تخرج لسانها_: والله وإشتغل النصب.. أقول هات الصور... ناصر: لالالا... بتشوفينهن تعالي شوفيهن بيدي....... نجلاء: من زينك أنت ويدك اللي تقل حراشف ضب !! شوي شوي لا تمخش الصور بس... _قامت وإتجهت لغرفة الملابس الصغيرة المجانبة لباب الحمام, فتحت الباب وسحبت باب الدولاب , أخرجت بالطو أبيض عليه كرت, يحوي المعلومات الشخصية لوالدتها ولبسته, وأخرجت الآخر وإذ به بالطو والدها ماجد , إبتسمت وإتجهت نحو ناصر المشغول بتقليب الصور, مدت له البالطو, ولم ينتبه لها, لوحت بالبالطو بوجهه , ولكن ثمه صوت إستوقفها, تلمست البالطو ووجدت ورقة بجيبه,أخرجتها وإذ بها بخط والدتها, قرأتها بقلب مرتجف: حبيبي ونور عيني ... أبو عيالي وبناتي.. ماجد ماتعرف كيف فقدتك... أبشرك أنا حامل واللي ببطني ولد... بسميه ناصر على أبوك.. مثل ما تمنيت... أمس جاني خبر إنك مفقود... لكني ما حفقد الأمل بردتك لي ولبناتك... تركت الشغل اليوم قدمت إستقالتي.. بتفرغ للبيت لأنه بعدك الحمل كبير... سعود وعذبة وليلى نجحوا ودرجاتهم مثل العادة حلوة... نجلاء الله يهديها تعبتني ما ترضى تشد حيلها لكن الحمدلله نجحت هي بعد.. بس أعرف لو كنت موجود ما حترضى بدرجاتها... أبوك بعيوني وأمك دايم أزورها... فيصل بخير... حبيبي.. كتبت هالكلام وأنا عندي أمل إننا بنقراه سوا وبنضحك ... ولا بيموت معي لأني ما حسمح لأحد يلمس شي من أغراضك وانا حيه... أحبك.. ومثل ما قلت لك قبل... أنت أول حب عرفته وأعذب حب وآخر حب.... فرح _إنتفضت وأغلقت الورقه, بدأت شفتيها ترتجفان وإلتفت نحو ناصر وصرخت_: إطلعوا برااااااااااااااااااااااااااااااااااا!!! ناصر_يفز_: بسم الله!! خيـــــــــــــــــــــــــــــــــــــــر؟ شهد: طيب بناخذ الصور ونوريها أمي وأمي عذبة.. نجلاء: برا...برا.... أمي ما تبي أحد يجي أغراضه.... نصور ... أنت تدري إن أمي ما تحب أحد يجي أغراضه صح؟ ناصر_يبتسم_:لا ههههههه كسحته... واحد صفر!! نجلاء_تحاول ضبط أعصابها_: ناصر شهد... إطلعوا... وإلا... بتتصفقون... شهد: نجلاء.. والبيبي اللي ببطنك!! نجلاء: مالك دخل ترا بتتصفقين وتطلعين من هنا للمستشفى.. والله ترا أنا جادة... _وضع ناصر الصور بسرعة وقد بدا عليه الذعر, سحب يد شهد وخرج بسرعة وهو يهمس_: شكله جادة بتجلد... ما تنتحارش ذي... ذاك اليوم أول ما أخذت عمي مساعد طقتن برجله فقدت الإحساس.._يلتفت ويطمئن بأنها لم تلحقه_ تصدقين هي وعمي مساعد كلهم يعرفون كراتيه... موب كراتيه عادي... مرة كنت طالع أنا ومساعد وكان مساعد يكلم بالجوال... جاء فلبيني وسوا حركة يقول مساعد إنه وصخة... شهد_تقاطعه_: وش سوا؟ ناصر: مساعد جلده جلد ما أدري وشلون جلده بهالسـ... شهد_تقاطعه بغضب_: لاااااااااااه الفلبيني وش سوا؟ ناصر_يبتسم بخبث_: يا وسخة أنتي!! شهد_محرجة_: لا... عشان لو ... ناصر: ههههههههههههه كفشتس!!! ********* _لندن_ تخرج عذبة من الحمام وهي تلف شعرها بالفوطة وترتدي روب الإستحمام, أفنان متمدده على السرير.... عذبة: ههههههههههههههههههههههههه أنتي زي الفقمة بس تسدحين!! أنان: زي الفقمة, ولا أكفخ الرجال!! عذبة: إيه خليه يولي!!!! فيصل رجال!! فيصـــــــــــــــــــــــل....!! أفنان: كل هالطول والعرض والكتوف والشنبات وموب رجال!! عذبة: هههههههههههههههههههههههههه تدرين منهبلين عليه بنات خوالي كلهم بس أنا ما أشوفه حلو!! يمكن أعتبره أخوي.. تدرين ... بالعادة لو بس يمر قريب مني رجل كش جلدي كله .. لكن يوم صفقه عاااااااااااااااااااااااادي ولا كأني صافقتس أنتي... أفنان: بسكت لك تصفقيني!! عذبة: هههههههههههههههههه فيصل... هو الوحيد اللي ما عرف يتعامل معي باحترام كلهم أدبتهم إلا هو.. خليه يعرف إن الله حق وإن ما مثل هو يمد يده بالساهل علي وأنا مرة... أمد يدي عليه وهو رجل... وش تفرق؟ أفنان: يــــــــــــــــــــــــــــؤ!! للحين منجرحه منه عشانه مد يده عليك!! عذبة: هه وليوم الدين... ذاك اليوم حسيت إني فعلا طايحة ولا عندي أحد يدافع عن.. يوم مد راشد يده على ليلى قوم مجيد الدنيا ولا قعده .. ويوم مده فيصل علي.. عادي... ولا كأني ... أستغفر الله... وبعدين لو بوه أبوي ولا أبوي ناصر ولا سعود مد يده؟... قان إنقصت يده قبل لا يمده.. أموت ولا أنسى ذاك اليوم.... أخوه الغلطان ومستبيح بيتي وكلمت أبوي تنكسر وبالآخر يجي ببرود ويضربن ليش أجي قسم الرجال وأتهاوش مع أخوه!! والله والله لو بيدي رشاش ذاك اليوم كان براس أخوه ولا لو أنا نشيطه كان هديت البيت فوق روسهم على اللي سووه باليتيمة وعلى كسرتهم كلمة أبوي... أفنان_تنظر لها بحدة_: بصراحة.. بصراحة من الآخر... أنتي عطيتيه كف عشان تبدين صفحة جديدة صح؟ عذبة: ياعيني علي اللي فاهمتن... لو ما عطيته كف ما سامحته على الطراقات الي جتن ذاك اليوم.. وهو عارف هالشي يوم يقول تروح المستشفى... لأنه متوقع إني بدت نفسيتي تنهار.... تدرين متى تتعبب نفسيتي إذا تذكرت الماضي واللي صار لي... بس أنا خلاص برمي الماضي كله.. كله ورا ظهري... وبسامحه..... فيصل.. فيصل أخوي... وبستانس وبرقص وبعيش حياتي طوووووووووووووووووووول بعرض..... أفنان: ترقصين!! ولا يهمك _تأخذ صينيه وتفرغ محتوياتها وتبدأ تضرب عليها بايقاع رائع, فيما وقفت عذبة على السرير وبدأت ترقص , وتضحك بهسيتريه.... تتمايل وتهز خصرها , أفنان تضحك بقوة وتزيد من سرعة الإيقاع, وعذبة تزيد أيضاً من سرعتها, وبينما هي في غمرة الرقص إذ بقدمها تنزلق من على السرير وتسقط على ظهرها, قفزت أفنان نحوها فيما عذبة أخذت تكفكف روبها بعد أن إنكشف فخذيها, صرخت: أفنااااااااااااااانوه غمضي!!! أفنان: من زين فخوذتس..أنتي طيبه...؟ تصيحين؟ عذبة: ههههههههههه لا أضحك... ذكرت مرة كنت أرقص وجايبه العيد بالإستهبال على البحر مع بنات خوالي وفجأة طلع لنا بندر والشرر يتطاير من عينيه... أفنان: واااااااااو بندر مرة وحده... عذبة: دورين ما تلقينن من الفشيلة ودخلت ووجهي بوجه مشاريوه الدب أفنان: الله وكبر الحين صار دب!! عذبة: ههههههههههههه دب ونص!! أفنان: راح كرته!! عذبة: كرته وكرت جده....خخخخخخخخخخخخخخخخخخخ أفنان: والله محمد غطى عالأولي والتالي!!! عذبة: فديته... قبل شوي متصل... مسويه ثقل ما رديت... أفنان: لاوالله .... ما تبين يسمع صوتك عقب الصياح!! عذبة: تحرينووووووووووووووووه؟ أفنان: هههههههه مافهمت... عذبة: يعني تهقينه؟ أفنان: إيه أحريه ونص!! "بيت سعد" تركي: هيلة... أبوي تغدى؟ هيلة_تضع الصحن مقابل تركي_: إيه .. أخذ علاجه .. وقلت له إنك بتتأخر ... تركي: طيب وين سعد؟ هيلة: مع جده... أخذه عنده بالغرفة.. تركي_بغضب_: الحين أبوي عنده أشغال الدنيا وتبلشينه بولدتس؟ هيلة_باشمئزاز_: ترا حايمتن تسبدي من ولدك ذا!! ما يكفي هاللي ببطني ... أستغفر الله ... وبعدين أبوك اللي أخذه... تركي_ينظر لها برفق_: للحين تحسين بالغثيان؟ هيلة: من قمت وانا يالله أرفع راسي.. اليوم مرة جايبن الوحم ربعه... وولدك صياح وكن مالي شغله غيره... تركي: أكلتي الحبوب .. يمكن تخفف شوي.. هيلة: والله كن الجدار اللي آكله موب أنا... تركي_يضع يده على كتفها وينظر لها مبتسما_: طيب ليش ما تاكلين.. ترا الجنين آخذ كفايته وأنتي اللي جسمتس بينهد.. هيلة: الله يعين.... تركي: إيه صح دريتي؟ هيلة: وشو؟ تركي: نواعم ماقالت لتس شي؟ هيلة: لا.. نواعم ما جت من ثلاثة أيام... ليش وش فيه؟ تركي: سارة جابت بنيه.. هيلة: ما شاء الله!!! من قال لك؟ تركي: كلم علي رجله... اليوم الصبح... مريت عليهم قبل لا أطلع من المستشفى.. تهبل بنيته ما شاء الله.. عاد إن شاء الله اليوم تمرين نواعم وتروحين أنتي وياه تقهونه وتباركون له قبل لاتطلع من المستشفى.. هيلة:تركي....بتقول لأبوك إنه ولدت ؟ تركي: إيه... ليه؟ هيلة: حبيبي لا تقول له ماله داعي.. يعني شف يوم طلقته ولدت لغيرك!! تركي: بس أبوي كان ما يبي العيال!! هيلة: ما تدري عنه أنت.. ماله داعي تقول له ... وبعدين تعرف غلاته عنده.. يمكن شوي يتضايق .. تركي: طيب هو يدري إن لنا علاقة به للحين ويدري بعد إننا نزوره ببيت رجله... وش تفرق؟ هيلة: والله براحتك... لكن من وجه نظري لا تقول له ... وأبوك خلقه نفسيته دمار ... تركي: والله ... أثرك خطيرررررررررررررة!! _ويشد شعرها_ هيلة_بدلع_: تررررركي!! تركي: لبيـــــــــــــــــــــــــــــــــــــــــــه.. عيون تركي!! هيلة: شعري ما سوى شي!! تركي: لا بس بيدي دهن من الدجاج ... قت ينفع الدهن الحيواني..مغذي للشعر هيلة: وععععععععععععع ... دجاج بعد!!! *************** |
"الشركة" _مكتب المدير العام_ عبدالمجيد: يا أستاذ ماهر والله ما أعرف وش أسوي معه؟ ماهر: أجل مين بيعرف؟ عبدالمجيد: عذبة... هي اللي مكلمتهم .. ومتفقه معهم... صعبه أستقبل الوفد وأنا على عماي... عالأقل الأشياء الأساسية... بعدين شلون نتفق.. ما أدري وش السالفة... ماهر: طيب ... إهي ما عطيتك خبر؟ عبدالمجيد: لا..... ما توقعت بيختارون هالوقت!! بسرعة صار كل شي.. ماهر: طب كلمها تشرح لك كل شي!! عبدالمجيد : مستحيل!! ماهر: ليـــــــــــــش؟ عبدالمجيد: ما صدقنا تسافر وتغير جو... وبعدين لو أبكلمه بتجي لأن أغلب الأوراق بمكتبه.. لالا.. صعبة.. ماهر: والعمل؟ عبدالمجيد: والله ما أعرف... أكلم أبوي وأشوف.... _يرن جواله_ عبدالمجيد: هلا والله.... نواعم: السلام عليكم ... عبدالمجيد: وعليكم السلام والرحمة... هاه .... وش فيه؟ نواعم: سلامتك يا قلبي... بس أبطلع مع هيله لمشوار صغير... خلاص؟ عبدالمجيد: أهم شي لا تصير أمي نورة لحاله... إذا أمي بالبيت أوكي... نواعم: لا.. خالتي موجودة.. تامر على شي؟ عبدالمجيد: سلامتك.. _يضع الجوال على الطاولة _ ماهر: لازم تتصرف بسرعة... عبدالمجيد: والله ما أدري.. _يرن الهاتف _ عبدالمجيد: ألو..إيه حطه عالخط.._يشير للهاتف_ شكلهم هم .. وش أقول؟ ماهر: إتصرف.. عبدالمجيد: ألو..ألو.. إيه نعم .. إيه... أنا... ؟ عفوا ... من يتكلم؟ أنا عبدالمجيد المدير العام... مـــــــن؟ ما أسمع... إرفع صوتك يا خوي... *********** "الفصل الثالث" "بيت الخال راشد" _الخبر_ راشد يجمع ملابسة بسرعة بحقيبة صغيرة, يفتح الدولاب ويخرج ثوب ويضعه على كتفه ويخرج مسرعاً من غرفته, يقابله بندر بندر: يبه ... وش السالفة؟ راشد: إمش معي للرياض الحين... يالله بندر: الحين؟!! راشد: إيه.. إلحقن للسيارة.. بندر: طيب يبه.. نورة به شي... وش السالفة قلي؟ راشد_يصرخ_: يا .... الحين ماهمك إلا نورة!! مابه إلا العافية... محد بوه شي... بندر: طيب.. يبه أنا ما إستأذنت من العمل!! راشد: دبر عمرك... بس أنا ماشي الحين وأنت بتودين... لازم تروح معي. بندر: طيب... أمي... راشد: أنت وش بك اليوم صايرن تسنك إبراهيم!!! خلك رجل وإفهم الكلام... ماعليك من أمك... لامن جت من السوق بتتصل أكيد.. بندر: على أمرك... يالله .... بس بمر غرفة أحمد بآخذ لي ثوب... أخاف بتطول راشد: إيــــــــــــــــــــــــــــه.... إمش بس.. ********** لندن_ عذبة تتحدث بالجوال... عذبة: وااااااااااااااااو روعه الجو هنا... ليتك معي... محمد: إن شاء الله أكون معتس بعد شهرين.... عذبة: خلاص ضبطت أمورك؟ محمد: أفا عليتس.. وش دعوى تسألين هالسؤال... ضبطت أموري وجهزت كل شي... مهوب أنا فاضي الحين!! عذبة: أنت ما تداوم؟!! محمد: إلا ياعمري أداوم... عذبة: أجل ليش فاضي؟ محمد: من رحتي وأنا أحس كل شي فاضي.. أجي من الدوام مافيه شي حلو أسويه... عذبة: معليش حمودي بتقول عن غبيه.. بس... مافهمت .. محمد: لا..لا... ينقص لساني ولا أقول لتس غبيه.... شدعوى.... قصدي ياعمري إنه مافيه عذبة نزوره.. عذوب مشغوله حتى إذا جيت أكلم أخاف أزعجه.... عذبة_باحراج_: لا.. وش هالكلام ترا أبزعل منك.... أنا بأي وقت أنتظر مكالمتك... صح أنا ما أكلمك لأني أحسك مشغول... لكن أنا وشو شغلي.... دوجان وسعة صدر... بالعكس أفرح إذا إتصلت... محمد: لااااااااااااااه يالغلا كلش ولا زعلتس... بس الله يعينتس علي... أبزعجتس... عذبة: فديت إزعاجك وش زينه... _أفنان تضرب عذبة وتشير لها بأن تتعقل_ عذبة: أي... محمد: وش بتس؟ عذبة: لا..ما....مو.. ولاشي.. محمد: صدز عذوب وش بتس؟ عذبة: لا بس... عادي ...موب شي... محمد: عادي موب شي!! طيب أوكي عادي موب ...عادي موب شي ولا يهمتس.. عذبة: محمد!! محمد: لبيه يا روح محمد... عذبة: .............. _تلتفت لأفنان وتنظر لها بغضب_ محمد: سمي .. وش بتس سكتي؟ عذبة: ولا شي ... بس أنا جالسة بكوفي... وكثرة الحركة من حولي نستن وش أبقول... معليش نسيت.. محمد: هههههههههههههههههه... أشوى حسبتس زعلتي.. ***************** "بيت عذبة" نجلاء: ليلى ... الحين عمور وش بوه؟ ليلى: مافيه شي... !!! نورة:مابوه إلا العافية تقل بومة ما غير يتلفت.... ليلى: والله البومة بنتك اللي ما بان من وجهه إلا عيونه!! نورة: بسم الله على بنتي.. مرت خاله تتنحبه!! نجلاء: لا..جد ولدتس مرة ناحف!! مها: يمكنه حاس إنه بيجيه أخو!!! ريم: صدز ما شاء الله!! ليلى: بسم الله ... مها من قال لتس؟ مها: وجهتس مبين منتب طبيعية.. نجلاء: هههههههههههههه... مبروك خيتو.. وين الخمس سنين اللي بتقعدينه ما تحملين؟ ليلى_تستند على الأريكة_: وه... ترا خلقة موصله معي... مادريت إلا قبل يومين... ريم: الله يعين على غثاهم... إلا مير وين بنتس يا نورة؟ نورة: مع أمي خل تشبع منه... مها: كرته عند أمتس أكثر من كرت حلا بنت نجود... نورة: والله أمي كرت بنتي أكثر عنده بس حلا الجنية كرته كله عند أبوي وسلمان.. بس عند أمي نورة جنى بنتي وبس!! نجلاء: عارفين من زمان... من قبل لاتنولد... يمه... خواتي لا تخلينهم يروحون الحديقة .... ترا فيه الحارس والسواويق وهن صغار وينخاف عليهن!! ريم_تقوم_: بروح أشوف عنهن.... يختي لو نروح كلنا لبيت أمي كان أحسن!! ليلى: لأ.. معليش.... أبي أصير ببيتنا.... مها: تبين تصيرين ببيتكم ولا عشان عزوز يمر بين وقت ووقت...؟ ليلى: إيه.... يختي أفقده إذا رحت هناك... نورة: الله .. ليته يسمع!! ليلى: لا.. يسمع كل يوم أحسن من كذا... *********** *********** " سيارة بندر" بندر: يبه قل لي تكفى وش السالفة؟ _يتوقف عند إشارة مرورية_ الخال راشد: والله يا وليدي... فيه إجتماع ببيت أبو عبدالعزيز.. بندر: من بيجي له...وش مناسبته؟ الخال راشد: أنا وأنت وسعد وعبدالله ومساعد زوج نجلاء وفهد زوج مها وعبدالله زوج ريم والعيال تركي ومجيد وسلمان وعبدالعزيز وعلى ما أظن بيجي فيصل... بندر: ليه؟ راشد: أمس إتصل ماجد على مجيد بالشركة.. بندر_يحك شعره_: من ماجد ذا؟ راشد: ماجد أبو سعود زوج عمتك فرح... بندر_جمدت ملامحه وأخذ ينظر لوالده ويشير بيديه غير عابئاً بأصوات أبواق السيارات التي خلفه, والتي عطلها عن السير_: ش..ش..م..ج..ج..جاد؟ راشد: أقول إمش عطلت الناس!! _سار بندرقليلا وتوقف أمام أحد المحلات وإلتفت لوالده_ راشد: أقول لك لازم نتعشى معهم .... إمش ياوليدي!! بندر: معليش يبه... أنا أحس إني سمعت غلط..... وش صار ... منيل طلع بعد هالسنين... البنات عرفوا... عارف عن اللي صار!!؟ راشد: أنا ما أدري يا وليدي.. بس الي وصلن إن مجيد يقول أمس واحد إتصل علي وسألن عن عمي ناصر وكان صوته بعيد, وسألن من أنا يوم قلت له إني مجيد قال وين أبوي... وبعدين عرف مجيد إنه ماجد.. بندر: طيب يبه وينه الحين؟ وليش توه يطلع؟ مو قالوا مات.... الخال راشد: يقول إنه بغينيا وإنه كان مايقدر يطلع من القبيلة اللي أنقذوه من النهر لنهم بينهم وبين القبائل اللي حولهم حروب ومشاكل... ولو بيطلع ذبحوه... ولمن تصالحوا قدر يهج مع جماعة من المنصرين... وهم الحين بغينيا ... بندر: يبه... أنا... أنا موب مصدق...شلون...واحد مات خلاص آيسنا منه.. ويرجع كذا... بعذر عذبة يوم تقول أبوي ما أصدق إنه مات حد ما ينعرف قبره... الخال: هم منادينا عشان يلقون طريقة يقولون لبناته وأمه خايفين تموت ولا يجيه شي..وخصوصا إنوه.............................................. ........... بندر_يتجهم_: إنوه وشو يبه؟ الخال راشد: إنه... موب طيب يبه.... موب طيب.. بندر: يبه... يمكن يصير لعاب..... الخال: لا يبه... كلم عبدالله وسعد... عرفوا صوته وذكرهم بأشياء من طفولتهم مايعرفه إلا هو... ولا هم بالأول موب مصدقين... بس كان كل شوي يسأل عن سعود.... بندر_يمسح دموعه_: يبــــــــــــــــــــــــــــــه.... شكثر صعب عليه يدري باللي صار ببيته... صعب....صعب.. الخال_يشيح بنظره نحو النافذة, وتسقط دمعة_: لو كان فرح حيه.... كانت تمنى لو ......................... _إنخرط بالبكاء_ ************** "مجلس الرجال_بيت أبناء العم_" يجلس الرجال, فهد ومساعد وعبدالله يجلسون بناحية وبالناحية المقابلة يجلس عبدالمجيد وسلمان وسعد وتركي وبالناحية الأخرى يجلس الخال راشد وبندر وأبو عبدالعزيز... أبو عبدالعزيز: بس الحين من يروح يجيبه ويصلح أموره...؟ فهد: أعتقد إنه فيصل لازم يروح... الكل يعرف مكانه فيصل عنده.. هذا بيخفف من صدمته بولده وأبوه وزوجته.. عبدالمجيد: بس يا فهد فيصل يقول ما أقدر أجي وأخلي عذبة... يقول لو تدري وهي هناك بتنجن... تركي: عذبة لازم تجي... بندر: وشلون بتجيبونه ... بتشك إنه فيه شي.. وبعدين... هي محتاجه فتره راحه... عالأقل حتى تترتب الأمور... الخال راشد: وبعدين لو تدري عذبة وماراح تسكت... بتروح هي تجيبه.. ومن بيقدر يمسكه!!! سعد: فعلاً... لازم عذبة ما تدري إلا بعد ما يحجز عالرياض... سلمان: الدنيا فوضى!! تنطق... والدنيا موب على كيفه.. _نظر له الخال نظرة حارقة, فكسر عينه ثم قال_: قصدي .. يعني الروحه لهناك مب سهله...و... تركي: تدبره.. وأنا ما أستبعد تسوي أي شي... ما تعوزه الحيلة.. عبدالمجيد: صحيح.... عذبة ماتعوزه الحيله... ووشلون لو صار الموضوع بشوفة أبوه... أبو عبدالعزيز: هه يا سلمان... عبدالمجيد يعرفه أكثر واحد... مافيه داعي نخلي فيه شي يشتت إنتباهنا عن جيبه ماجد.. تركي: حتى فيصل يقول لا تدري.. سعد: أنا بروح أجيبه... تركي: يبه..!! سعد_بغضب_: أبوك صح خسر رجلينه لكنه رجل.. وما يعوقه شي!! الخال راشد: موب ذا قصده يا خوي.... بس... يمكن لامن شافك على الكرسي ينغث.. وهو لاحق عالمغاث.. مانبي نصدمه بكل شي.. أنت صديق عمره.. أنت غالي عليه.. سعد: صدقت... بس كان ودي أنا اللي أجيبه.... عبدالعزيز: من رأيي.. أبوي وأبو إبراهيم(الخال راشد) يروحون له... هم كبار العايلتين وإن شاء الله يمهدون للأمور... بندر: طيب... بناته وش نقول لهن؟ عبدالعزيز: ولا شي... لحد ما نرتب سفره.. وإذا خلصت أوراقه... وتحدد وقت سفره نقول لهم على كل شي.. أخاف يصير شي ولا شي... وهن موب قاصرين وجع قلب وحزن... نصبر ... مساعد: زين ما قلت يا عبدالعزيز, لو بقول لمرتي ولدت.. مايصير نشغل بالهم وتو الموضوع بأوله... ************ _بعد إسبوع_ "غينيا_بيساو_" دلف أبو عبدالعزيز ويتبعه الخال راشد الفندق المتواضع, الأجواء حارة ولكنها تضاهي حرارة الأشواق والفرح بصدورهما, بهو الفندق مزدحم بالبيض والسود على حد سواء, طاولات مستديرة يجتمع حولها الناس يضحكون تارة ويصرخون غاضبين تارة أخرى , توقف أبو عبدالعزيز وإلتفت نحوالخال راشد متوجساً, وقف قليلاً ثم أتى الشاب الفرنسي الذي إستقبلهم بالمطار, أشار الشاب للموظف بأن يضع حقائبهم بغرفتهم, وإلتفت باسماً وهو يقول بلكنه فرنسية...: They are nice…. This place is the best in here… You May don’t like it, but nothing is better قال أبو عبد العزيز بنفاذ صبر: Where is him? الشاب: Aaah, there_ويشير بيده_ يلتفت أبو عبدالعزيز نحو المكان الذي يشير إليه وإذ برجل قارب الخمسين أشيب الرأس وناحل الجسد, بدت عليه سحنه طمأنينة, لوحت بشرته الشمس وأكسبته سمرة قاتمة , يتكأ على أحد الكراسي القصية ويتأمل مصحف بين يديه وبجانبه عكازه.. نظر أبو عبدالعزيز نحو الخال راشد والذي أخذ يمسح دموعه بقميصه.. إبتسم الشاب ثم قال: He doesn't leave this book, every time and everywhere he reads it!!! _لم يكمل الشاب حديثه حديث تركاه وإتجها نحو ماجد وهم يشقون طريقهم بين بالجموع التي إكتض بها الفندق, وقف أبو عبدالعزيز أمام ماجد وأخذ يتأمل به وشفتاه ترتعشان, أغلق ماجد المصحف ووضعه على الطاولة, نظر غير عابئاً للرجل الذي وقف أمامه, تأمله من قدميه ثم رفع بصره تدريجياً نحو أبو عبدالعزيز وهو لا يعلم من هو, وحين إلتقت عيناهما إنشقت بوجهه إبتسامه مرتجفة, أخذ يتأمله غير مصدقاً, أخذ يهز رأسه ثم همس بصعوبة: أخــــــــــــــــــــــــــــــــــــــــــــــــ وي!!! _إنحنى عليه أبو عبدالعزيز وضمه بقوة وهو يصرخ_: إيه أخوك... إيه أخوك... فقدتك كايده ياخوي... فقدتك كايده.....الحمدلله اللي أحياك.. _وإنخرطا بالبكاء للحظات, ثم دفعه ماجد وصرخ: عبدالله... أبوي مات؟ أبوي وش فيه؟ ليش مجيد بمكان أبوي... سعود مريض... صح قلي ترا أدري.. سعود موب طيب... أبو عبدالعزيز: أنا ألحين موب أخوك وبس... أنا جد حفيدك... تدري ... ليلى أخذت ولدي عبدالعزيز وجاهم عمر.. ماجد: الحمدلله... بس وين أبوي ووسعود؟ _تدخل الخال راشد, إنحنى وقبله ثم طوقه بذراعيه_: آيسنا منك... بس أمك وبنتك... ما آيسوا منك.. ماجد_يمسك بذراع الخال راشد_: وفرح!! الخال مضطرباً: ... فرح... فرح ما آيست منك... وجابت لك هديه.. جابت ناصر... جالك ناصر سمي أبوك.... وهو الحين رجال.. وإسم على مسمى إن شاء الله... بشرن يا ماجد عنك أنت؟ ماجد_يرفع يديه_: يارب لك الحمد ... أخذت من ولد وعطيتن ولد.... _نظر الخال نحو أبي عبدالعزيز مستغرباً_ ماجد: أكيد ... الحين عمره 9 سنين... موب...؟ طيب أمي.. أمي وش أخباره بعدي والله ما همن ببعدي إلا أمي وأبوي .... ولا عيالي عندهم فرح ما خفت عليهم... ياعمري أمي... أشقيته معي... والله مشتاق له حيل... ونجلاء...وش صار عليه؟ الخال_يبتسم_: أوووووه نجلاء... تمام.... والحين بتصير أم بعد شهر ولا أقل بعد... ماجد_يضحك_: صدز!! صغيرة.. حرام عليكم زوجتوه... توه.. يا حليله... من أخذت؟ أبو عبدالعزيز: أخذت مساعد أخو فهد.. ماجد_بغضب_: ذاك البزر!! الخال: يا شيخ الحين هو محامي وأنت تقول بزر!! بيبتلون الناس بزران؟ ماجد_يضحك_: يا حليلهم ..... طيب.... عذبة... عذبة وش صار عليه.... تزوجت.. وش درست؟ كم صار معه ؟ وش صار عليه؟ أبو عبدالعزيز: ربي كاتب إنك تجي إن شاء الله وتزفه أنت لرجله... ماجد_ ينظر متوجساً_: ليش توه تتزوج... صار له شي... بلشت مع أبوي صح... كنت أدري..كنت أدري..... وقلت لأبوي لا... بس......_وأخذت تذرف عينيه_ أنا أبيه تعيش وتستانس... ما أبيه ... أبوي وينه؟ أبوي مات صح؟ لو أبوي حي ما جيتوا بدونه... أبو عبدالعزيز: عمي تعبان بالمستشفى... ما قلنا له إنك بتجي.... ماجد: أنت تكذب أبوي مات......صح؟ مات قبل لا أشوفه.... كنت أدري إنه بيموت قبل لا أشوفه... أبوي فيه قلب.. وروحتي بتأثر عليه... ذبحت أبوي يا عبدالله أنا ذبحت أبوي... الخال: لا... تعوذ من بليس.. ماجد_يمسح دموعه_: طيب وسعود؟ وش بوه؟ الخال: ماجد... وش به رجلك؟ سلامات؟ ماجد: ..................................... سعود........ من بقى لفرح أجل؟ ******************* ******************* "بيت عذبة" في الصالة تجلس الجدة عذبة تحتسي قهوتها, تمد ليلى فنجالها وهي تتحدث مع نجلاء وريم ومها... ليلى: شوفي ... ترا هالمحل موب ذاك الزود.. صح تصاميمهم إبداع بس الطعم شوي... نجلاء: أجل وش يبغى بوه.. بروح أشوف اللي على شارع التحلية يمكن أحسن. مها: وععععع... ذاك ما غيره لا... مابوه زود !! ليلى: إسمعي شوري وإطلبي من برا أحسن... ولا تدرين خلي الموضوع علي... نجلاء: لاااه ما يكفي أنتي جهزتي الغرفة!! ريم: الله يجزاه خير ... هذولا الخوات.... عاد صيري مع خواتس كذا... مها: لا ريم موب كل الخوات خوات وقلوبهن على بعض... نجلاء: من زين خواتي لامن بغيت حاجه من فوق ما وحده تحلحل وتجيبه.. لازم أنادي الشغالات ولا أروح أنا وكرشتي... يستاهلن..؟ _يدخل بندر_ ريم: هلا والله بأبو جنى... بندر: هلا عمه... شخبارتس يمه؟ الجده عذبة: وش أخباري!! فقعن راسي بالخربطة.... أنا مليت وبروح لأخوي..... بس أخاف من هالجنية... نجلاء: يمه عاد موب كل شوي جنية جنية!! حتى مساعد عرف إنتس تسمينن جنية!! الله يرحم أمي فرح ما كانت تقول جنية.. بندر_يحك شعرة ويبتسم_: تقول عفريته.... ليلى: إي والله إنك جبتها... نجلاء: ليلوه منهي العفريته؟ أنتي أللي أربع وعشرين ساعة صياح وتطلب... نسينا؟ ليلى: الله يحللن منه... وه عمور راعي تحجج وصياح .... ويقول عبدالعزيز من طالع عليه الولد وأنا أضحك وأسكت.. الجدة عذبة: لاااه.. مادلتس عمر وع!! بندر: والله !! طيب وجنى تشبه لي؟ الجدة عذبة: تقل به من لونك شوي .... وخشيشك... بندر_ينظر لنجلاء التي فتحت فاها_: فيه إعتراض؟ نجلاء: وتسأل بعد!! الحين البنت بيضا على أمه... نورة أبيض منك والبنت نفس لون أمه.. وخشتك كبر جنو بكبره... نورة اللي خشته صغيرة.. والله أمي اللي تحبه يصير ملاك... بندر: أجل أمي عذبة تحبينن؟ الجدة عذبة: وراه ما أحبك وأنت ولد ماجد ولو بالرضاع.. أنت اللي نفعت بنياتي وحسيت بهن والله يجزاك خير ويقدرهن يردن معروفك أنت وأخوك وأبيك... الله يرحمتس يا فرح من شجرتن مباركة.. من راح وليدي .. وراحت فرح وسعود وأنتم ما قصرتوا... الله يجزاكم كل خير... والله لو ودي إني أحطك بعيوني... بس أنا مقصرة وأدري...مير أغدي بنياتي يحشمنك ....الله يرحمه أبو ماجد كان دايم يمدحكم أنتم وأبوكم... صدز لامن قالوا إن أبو ماجد يعرف اللي ورا الجدران.. بندر: لاه يمه.. ما سوينا إلا الواجب.... أنتم ما قصرتوا مع اهلي يوم أحتاجوكم والحياة أخذ وعطاء.. _وصمت فترة طويلة وهو ساهما ينظر للأعلى_ نجلاء: بندر وش عندك؟ بندر: مابي شي؟ نجلاء: ما أدري وجهك يقول إنك عندك شي؟ الجدة_تمسك بيد بندر وتشدها_: تعال يا وليدي إجلس جنبي وقل لي وش بك.. _تهمس_ إذا متضايقن من شي لا يردك إلا لسانك, تبي فلوس متضايق من نورة..وش أساعدك بوه ومن عيوني... ولا حدن بيدري... بندر: لا .... ما بي شي... بس... ليلى: إذا تبي نقوم ونخليك مع أمي عادي... أصلاً حنا بنطلع الحين نكمل أغراض غرفة نجلاء.. يالله عماتي.. يالله نجلاء... بندر: لا... أنا أبيكم كلكم تسمعون اللي عندي... نجلاء: وأخيراً إعترف إن عنده شي... قل كلي أذانن صاغيتون... الجدة: إنطمي يالجنية... وش عندك يا وليدي... نجلاء: الله لا يسلطنا ولا يسلط علينا.. بندر_يمسك بيدي العجوز_: يمه... هذا....................وه _ساد الصمت عدى أنفاس بندر المتلاحقة_ بندر: ما أدري وش أقول... العجوز: إسمع يا وليدي... ما أكثر مما صار لي وش بيصير... إذا شي شين قله خلنا نجدع همه.. ترا مابي عرقن يسقي عرق.... بندر: لا... موب شين... هو زين.. ...................... هذا واحد إتصل يقول إن عنده خبر عن أبوي ماجد.... _قامت العجوز بصعوبة وجلست تحت قدمي بندر على الأرض وأمسكت بيديه وهي ترتجف قائلة_: هو لقو جثته؟ يجيبونه ... بس أبلمس لو عظامته وأبرد قلبي... بندر_يشد على يديها_: لا يمه... يقول... إن... إنهم شافوا واحد يشبه له ويمكن يصير هو...بس موب أكيد... إن شاء الله يصير صدز... نجلاء: بندر أبوي مات... شلون يطلع.. أكيد هذا كذاب.. ليلى: إيه كذاب ... مرة مات ومرة حي!! الجدة: لا.. ولا كلمة.... ولدي حي... وهو اللي شافوه... إيه ولدي وبيجي..... قلبي يقول ولدي بيجي .... غصبن عليهم..... تكفى يا بندر أحب يدك أحب رجلك_وتنحني تقبل قدميه فيما رفعها بندر بسرعة قبل أن تصل لقدمه _ تكفى يا وليدي لا تصدق أحد.. رح دوره.. لا تتكل عليهم .. رح مالنا غيرك يا وليدي... لو بوه سعود ما حديتك بس مالنا غيرك .... أحب يدك.. تكفى طلبتك... طلبتك ياوليدي ... أبي أشوف ولدي ... أبي أشوف ولدي قبل لا أموت....._إنخرطت بالبكاء فضمها بندروجلس على الأرض وهو يقول_: يمه إن شاء الله بتشوفينه.. كلموه وراحو يجيبونه... راح أمس أبوي وأبوعبدالعزيز... وإن شاء الله يجيبونه.. ليلى_تصرخ_: شتقول أنت...شتقول!! أبوي ... أبوي .....راحو يجيبونه.... لا..... أبكلم عذبة ... أخاف تكذبون علينا... بس أبكلمه وما علي.. نجلاء_تضحك وتبكي في آن واحد_: كلميه... وأنا بكلمه بعد... متى يجي أبوي...ههههههههههه مها: هههههههههههههههههههه أخوي حي... بندر لا تستهبل... إن كان مقلب..بس جد بتصير سخيف...ههههههههههههههههههههههههههههههه ريم: لحظة يا ناس... هو يقول واحد يشبه له.... مو أكيد... لا تفرحون البنت وتجي وتنصدم بعدين زود... لا تكلمين عذبة... بندر_يصرخ_: ولا أحد يكلم عذبة..... عذبة بنجيبه بس لازم ما تدري... لازم تعطى علاج قبل... الطبيب النفسي حقه يقول كذا... البنت ما تتحمل صدمات زيادة.. تحتاج تأهيل... الجدة عذبة: يبه بندر... نذر علي إن جاء ولدي لألبس جنى بنيتك ذهب من راسه لرجلينه.. بندر_يضحك_: طيب يمه ما تصير نورة أحسن...... ريم_تضحك_: طماع.. مير حتى الآن الموضوع مو أكيد...... لا تفرحين يمه.. الجدة: كولي تبن... حتى الفرح حاسدتن عليه..... إلا أكيد.... أكيد موب يا وليدي..؟ نجلاء: أمس مساعد يقول أيستي أن أبوتس ماجد يرجع... ويوم قلت له إيه.... قال يمكن يرجع مادامهم ما تأكدوا من موته.... كلش جايز.. مها: إيه حتى فهد أمس عالغداء يسولف هو وناصر ويقول له إن رجع أبوه من بيختار يجلس عندنا ولا يرجع لأبوه!! ليلى: بندر.... قل بصراحة.... تأكدو ولا لا؟ بندر: إيه تأكدوا وشافوه .... اليوم الظهر كلموا علينا وقالو إنهم وصلو له... الجدة_أخذت تسحب طرحتها وتسحب جيب ثوبها وهي تبكي وتنظر للأعلى وتقول_: يا ربي يا حبيبي .. ياربي يا حبيبي .... رديت علي وليدي.. يا ربي يا حبيبي.. ياربي ياحبيبي... ياربي .. ياربي....أنت الكريم الأكرم ياربي ما خذلتن بطلبتي لوليدي لا تخذلن بجمعتي معه بالفردوس الأعلى وبنياتي وبنياته وعياله... _بندر يدق يدها_وهو يقول_: وأنا يمه.. تكم العجوز:ياربي لا تحرمن شوفت وجهك الكريم ووليدي وأبوي وأمي... ياربي لا تحرم بندر من فضلك وترزقه بأحسن ما عندك وتسكنه الفردوس الأعلى وأبيه وأميمته وأخوانه وأخياته... ياربي يا جبار تفضلت علي وجبرت بخاطري....ياجبار المنكسرين جبرت كسري.. ورديت روحي.. ياربي إرزقن شكرك وحسن عبادتك وتوفن راضي غير غضبان... ياعزيز يا منان من لي غيرك ياربي ... أكرمتن وهديتن وأصلحت ذريتي..يارب لك الحمد والشكر والثناء الحسن.. _تلتفت على بناتها وهي تبكي وتقول_: هذا ربي... مادعيته وردن... مارجيته وخيبن... ما شديت عظاي بحوله وقوته وكسرن.. ربي كريم.. إدعي ربي يا مها بقلبن مخلص يرزقتس الذرية الصالحة ما يردتس... يرزقتس ولو بعد حين... كلن آيس من ولدي وآنا ما آيست.... كل ليله أقوم وأشكي لربي وجدي على وليدي... وشوقي له... تسع سنين وأنا ما خالطن بيوم شك إن ولدي حي.... لا تصيحن الحين... قومن صلن وإشكرن ربكن إن الله رد لنا ولدنا وأبونا ودنيانا.... قم يا بندر...الله يبشرك بكل خير ويبعد عنك كل شر... الله يسخر لك بحوله وقوته.. ويفتح الدنيا بوجهك زي ما فتحته بهالعلم الزين.. نجلاء قومي كلمي عمتس متعب..... نجلاء: !!!!!!!! بندر: يايمه مانبي الخبر يطلع نخاف تدري عذبة.. الجدة: أنا ما نب قايلتن له...... أنا أبيه يختار لي أربعين بعير من أحسن ما عنده..... أبذبحهن جميع .... وأطعم كل المساكين اللي أعرفهم وأفرحهم برجعة وليدي_خنقتها العبرة وغطت وجهها بشيلتها الناعمة وأخذت تبكي_ ************* ..................................................... لندن_ "الفندق" تجلس عذبة ببهو الفندق وأفنان تتحدث مع النادل.. عذبة: أبي شاهي دماغي بينفقع.... أفنان: طيب طلبت لتس قهوه.. خلاص أنا بآخذ القهوة وأنتي خوذي الشاهي.. شوفي فيصل وأحمد جايين... عذبة: وش عندهم جايين لمنا؟ _وقف فيصل وجلس أحمد_ عذبة: وش عندكم؟ فيصل: أبقول لتس شي وبمشي... عذبة: طيب إقعد إستريح... فيصل_يجلس_: أنتي لازم ترجعين للسعودية... وأبروح أحجز لنا كلنا... عذبة: خيــــــــــــــــــــــــــــر وبأمر من مين...؟ فيصل: نجلاء على وشك ولادة... لازم تصيرين معه... شلون تولد .. أفنان: وخيــــــــــــــــــــــر حنا بنولده... أحمد: هو ما يكلمتس!! عذبة: إنطم ولا تتكلم مع أفنان كذا... أحمد: أنا أنطم!! عذبة: إذا ما تحترم ضيفتي ما تحترمن.. أفنان: عذبة بترجعين؟ فيصل: أكيد بترجع.... عذبة: لاحول ولا قوة إلا بالله... منب راجعة واللي موب عاجبه يبلط البحر... فيصل لا تصير مالغ وتملي على قرارتك... أنت عمرك ما أحد تدخل بك ولا تحب أحد يتدخل بك ... فعامل الناس بمثل ماتحبهم يعاملونك!! روحه مانب رايحه... ونجلاء متفقه معه قبل لا أروح وبعدين باقي على ولادته إسبوعين... ولانيب راجعه للسعودية قبل ما أروح فرنسا وسويسرا... فيصل: بس... عذبة: آسفة... لازم أروح باريس.. حاجزه هناك ومزبطه أموري... أحمد: طيب إن ولدت نجلاء!! عذبة: نجلاء عنده أمه وليلى ونورة ومها وأمي عذبة وخالتي فاتن بتجي للرياض خلال هالأسبوع!! فيصل: أنتي عارفه نجلاء... أنتي أهم عليه منهم كلهم.. عذبة: وأنا عارفتك.. أنت موب عشان هالسبب جاي.. يارجال قل ليش تبين أرجع للسعودية... ولا مع السلامة... _نظر أحمد لفيصل بدهشة_ فيصل: براحتس أنا كنت مابي نجلاء تقعد لحالة... عذبة: فيك الخير .... بس خله تقعد لحاله موب ضاره.. _يخرج فيصل من الفندق غاضباً ويلحقه أحمد_ أحمد_يمسك بذراع فيصل_: فيصل.... وش بنسوي به؟ فيصل: مرعبه... صايره مرعبه....هه الله يعين محمد باشا... أحمد: طيب شلون عرفت؟ تتوقع واصله خبر؟ فيصل: لو واصله خبر كان جيت الفندق ومالقيت بوه أحد كان الحين هي بالمطار تركض تدور حجز... بس هي صارت تفهمن خلاص.. ما أقدر أمثل عليه.. أحمد: طيب شلون نجيبه للسعودية... فيصل: مالنا غير أفنان... هي اللي تقدر تجيبه.. أحمد: يع.. هالعبده أم لسانين...!! فيصل_يلتفت_: شف عذبة راحت فوق.. أفنان جالسه لحاله..فرصة أحمد: هالمشفوحه تكمل القهوة اللي معه...والله ما أدري وش لاقيتن به عذيب... فيصل: خل الحلطمه عنك ورح ناد أفنان.. لازم أقول له تقنع عذبة أحمد: هذي ما تنفع!! فيصل: تروح ولا أروح.. وتشوفن عذبة معه وتجي تسأل وش عندكم؟ أحمد: إيه بس عذبة راحت!! رح كلمه أنت .. فيصل: عذبة إذا ما بغيته بالمكان تطلع بوه......... وإسأل مجرب.. أحمد: يالله نناديه..نناديه وش ورانا... **************** "غرفة مها" مها: تتوقعين يا نجلاء ناصر..... بياخذه ماجد؟ نجلاء: يووووووه خلي ماجد يجي.... مشتاقتن له... بس خايفه عليه من الرجعه.. مها: أنا أسألتس عن ناصر!! نجلاء: إيه بياخذه... وش على بالتس.. وبعدين الحين بتصير عذبة متزوجه وأبوي بيخفف عليه من الشغل والمسؤوليات... وبتتفضى لناصر.. وبيرجع يعيش معهم.. مها: بس هو ولدي!! وفهد... حرام ينحرم منه... تعود علينا وصار ولدنا... نجلاء: لازم الحق يرجع لأصحابه... وبعدين من بعد بيتس عن بيتنا... تعالي كل وقت.. مها: كثر مافرحت برجعه أخوي كثر ما خفت أنحرم من ولدي..\ نجلاء: لو أنتي سامعتن كلام فهد ومتزوجه واحد ثاني وجايبتن عيال.. مها: نجــــــــــــــــــــــــــــلاء!! أنتي جربتي العشرة... والولف والمحبه ... لو كنتي بمكاني وش بتسوين؟ نجلاء: برقص وأغني ... يعني وش بسوي.. مها: تتركين مساعد؟ نجلاء: لوكنت أنا اللي ما أجيب عيال تركن مساعد.. مها: أنتي غريبة... عجزت أفهم عليتس.. نجلاء: لا.. بس أنا وحده علكته دنياه... وما أفكر لليوم... أفكر باليوم وبكرا وأمس.. عشان أحط رجلي بطريق أعرف نهايته والمخرج منه.. مها: قومي إنقلعي.. أبنام...... نجلاء: والله عجزه... قومي أنتي إنقلعي وأنتي طالعه شغلي التلفزيون.. ولا تدرين خلين أكلم نوير تجين بذا... مها: وه منتس أنتي وياه... ********** _لندن_ أفنان: بس حرام.... فعلاً البنت كانت محتاجتن لتس... عذبة_تمشط شعرها_: لا تقرقين واجد..... مانيب رايحه.. أفنان: عذبة .... مصرة بكرا تروحين باريس.. أجليه.. تكفين... عذبة: من جيتي من تحت وأنتي منتب طبيعيه.... أهلي بهم شي؟ أفنان: لو بأهلتس شي أبجي وأقعد أسولف عادي.... عذبة: إيه بكرا بروح باريس وبقعد إسبوع .... وبعدين بروح سويسرا... وبقعد إسبوع ثاني وبعدين أرجع للسعودية.. أفنان: طيب... أنا عندي حل يرضي الطرفين... عذبة: الأول أعرف منهم الطرفين اللي بترضينهم؟ أفنان: أنتي..و.. ونجلاء.. عذبة: وأنتي مصدقة إن نجلاء تبين أرجع له؟!! أفنان: إيه!! عذبة: لا تصدقين يا قلبي هذا فيصل طابخن له له طبخه عاد أنتي أعرفي نهايته عاد.. بس من كثر ما شفت منه ماعدت أصدقه لو يقطع نفسه قدامي.. ياحبيبتي نجلاء هي اللي مقترحه علي الروحه وهي مختاره معي الأماكن ومبسوطه مرة إني طلعت ووسعت صدري... وإذا كلمته عادي مو مبين بصوته إنه ضايق صدره.. أفنان: أنتي ماتدرين!! عذبة: أنا ما أدري ببنتي!! نجلاء مثل بنتي... نجلاء كنت أشيله معي وين ما أروح... وتذكرين يوم كنا صغار.. وبعد ما كبرت ما تقول سره إلا لي.. أعرف من وجهه إذا هي مبسوطه ولا متضايقه... ولا نيب راجعه إلا إذا ولدت.. وبعدين أنا مو بشر مو إنسان مو حقي أعيش حياتي.. حتى السفرة بينكدون علي وبيجيبونن علشان سبب سخيف.. من اليوم ورايح أنا ماراح أسمح لمين ما كان ينكد علي لو لحظة من حياتي... أفنان: حتى لو كنت أنا؟ عذبة_تلتفت على أفنان وتتأمل بعينيها_: أفنان.... أنتي وراتس بلى.... لكني ماراح أرجع للسعودية قبل لا أخلص الأسبوعين... أفنان: عذبة عشاني... عذبة: وش بتس أنتي؟ أفنان: زوجي كلم قبل شوي معصب .. سمعتيه تو... عذبة: عمى يعميه!! الحيوان هذا ليش معصب!! أفنان: لا تقولين عن صالح كذا!! عذبة_تبتسم_: لا... زعلان ... ولا أنتي اللي مشتاقه له؟ أفنان: كل الثنتين.......... عذبة: بس بروح لباريس.. بس باريس... خلاص بنرجع قبل بأسبوع!! أفنان: أووووووووووه عذبة: طيب.... شوفي إن لقينا حجز دايركتلي من باريس للرياض رجعنا بس لازم أمر باريس...ولو إن قلبي موب مرتاح.. فيه وراكم بلا...... أفنان: وشو بلا... صالح ومل من الجلسه لحاله وبعدين بنتي الصغيرة راعيه صخاين... قلبي موجعن عليه.. عذبة: ياسلام على قلب الأم اللي توه يحس...!! أفنان: بصراحه أنا من زمان ودي أرجع.. بس يوم شفت حتى أهلك ودهم ترجعين تشجعت أقول لك... عذبة_تنظر لها بريبه_: طيب... يصير خير... هو أنا كم عندي من أفنان...بس بمر فرنسا..يعني بمره.. ************* _بعد خمسة أيام_ _الرياض_ "بيت عذبة" العجوز تدور بالصالة وتصل لعتبات الدرج ثم تعود لتقف أمام الباب الزجاجي وهكذا..وهي متزينه بالحناء , تقف أمام المرآة وتنظر لنفسها ثم تعود وتقف عند الباب وتنظر للخارج ثم تبتسم وتعود لتقف أمام الدرج وتنظر لأعلى ... نجلاء متمدده على أريكة بجانب الدرج وتراقب جدتها. نجلاء: يمه.. وش بتس؟ الجدة: وش مابي.. ودي أفرك الساعة... لمين تجي الساع عشر... نجلاء_تلتفت على الساعة الجدارية الكبيرة المعلقة بالدرج_: أهاااااا... عشان كذا تقل بتس طلق رايحه جايه تناظرين الساعة!! أقول يمه تليني عشان لامن جاء أبوي تصيرين نشيطة... الجدة: وه بس... والله لو درت لمين يجي وشفته نسيت التعب ورجعت بنت... تحرينوه مشيب؟ نجلاء: يمــــــــــــــــــــــــــه!! الحين رجلي بدا يشيب وتبين أبوي ما يشيب... لو ما يشيب به إلا الغربة!! العجوز_تجلس على الأريكة وتتنهد_: إيـــــــــــــــــــــــــــــــــــــــــــه ياوليدي.. تغربل بدنياو... ياعيني عين وليدي لامن جاء ومالقى سعود وفرح وناصر.. نجلاء_تحاول أن تخلق إبتسامه_: يمه... كله إسبوع ويشوف فرح وسعود.. وناصر بذا هه شوفيه بالقبو... العجوز_تتكأ وتقوم دون أن تهتم لنجلاء_: دريسا... دريسا... تعالي شوفي هالثريه ما نظفتنه!! ماجد ما يحب يشوف ذرة غبار.... وليدي عنده صدر!! نجلاء_تضع يدها على رأسها وتهمس_: الله يعين راميسا عليتس!! الحين أبفهم شلون شافت هالغبار!! العجوز: نجلاء... شوفي مها.. قولي له وين البخور؟ نجلاء: يمه حرام عليتس... مها نيمه.. تونا أولت الصبح وأبوي موب جاي إلا بالليل وشو له بخور وكتمه!! العجوز: يامال الآفه.... عجزتن تروحين إزقحي له!! والله لوما هالكرشة إن أسجتس بالعصاء...وين ليلى وريم؟ هالفاجرات لهالحين نيمات!! نجلاء: أح فاجرات!! لا ما نامو... ليلى راحت مع عبدالعزيز... وأمي بالمشغل مع شهد... بتقص شعره.. العجوز:مالت عليهن.. أقول إنغزيه على أم عبدالعزيز_وترفع سماعة الهاتف وتجلس_ نجلاء: أبشري_تهمس_الله يعنينن عليتس بس!! ********** _فرنسا_ عذبة تدور بأحد المحلات, رفعت قلم فاخر ونظرت له ثم إبتسمت ونظرت لأفنان التي بدا عليها القلق.. عذبة: فنو وش بتس؟ أفنان: بتجيبين لي جلطة!! خلاص... خلينا نروح المطار.. عذبة: يوووووووووووه ما خبرتس عجله كذا.. مير شوفي هالقلم .. ناعم صح؟ يصلح لطبيب كشخة.. صح؟ أفنان: إيه.....................فكينا.. عذبة: أبوي كان يحب هالماركة.. تصدقين دايم يشري قلامه وسعود يشلح... أبوي يقول له دايم والله لو أنت تلبس مقاس سروالي كان ما تقصر تشلح سراويلي.. أفنان: خلاص إشريه لأبوتس.. عذبة_تخرج بطاقة الصراف وتنظر لأفنان_: والله.. والله لو أبيع الدنيا كله... وأضمن أخم أبوي بس مرة... لأبيعه... أفنان: ماعلى الله شي كايد..اللي رد يوسف لأبوه يرد لتس أبوتس.. عذبة: صدقتي.... أبشريه.. يمكن يرجع أبوي.. أفنان: ومحمد؟ عذبة: وبشري ثاني لمحمد... بس الأحلى أكيد لأبوي... فديته وينه الحين؟ أفنان: ماتدرين... يمكن يكون قريب.. أقرب مما تتصورين... عذبة: أفنان.. أحمدوه العله يدق.. أفنان: بعذره تأخرنا.. عذبة: ينطق أنا ماجيت على حساب أبوه!! أفنان: طيب ردي!! عذبة: لا.... بطلع وبروح للمحل الثاني ومتى ما طاب اللي ببالي بروح.... ***************** المطار_ يجلس فيصل وهديل منتظرين قدوم عذبة وأفنان وأحمد... هديل: أنا أبعرف الحين هي على كيفه تحوس العالم حوس!! فيصل: إيه على كيف كيفه.. من بيمنعه؟ هديل: هالحين هالطرطور اللي جاي معه إيقاله اخوه ليش ما يأدبه ويجيبه من شوشته؟ فيصل: لأن هذي مدام عذبة... من هي صغيرة وما أحد يقواه.. حتى أخوه الصدقي ما يقواه... كذا عمي رباه.. وللأسف.... كان يبيه تصير كذا.. هديل: بس عمك مات!! أنتم مو رجال!! ماتعرفون تربونه؟ فيصل: هه.. حاولو.. بس لأنهم رجال مايقدرون يتقيوون على مرة .. وخصوصا إنه صارت وحيده.. هديل: بس هذي مو مرة.. هذي شرسه..هذي... بجد هذي رجل لابس عباية...!! فيصل_ينظر للساعة_: جاء الموعد وهي ما جت!! بتهبل بي هالبنت... أخ لو مسكته عفسته... هديل: فيصل... تكرهه؟ فيصل_ينظر لها بطرف عينه_: أقول... ماتلاحظين إنتس بديتي تخنبزين؟ هديل: أنا لو هي بنت عمي كرهته.. فيصل: وأنا مستحيل أكرهه... هديل:!!!!!!!!!!!!! فيصل_يبتسم_: لأنه بنت عمي.. _ينادى للرحلة, ويقوم فيصل وهو يلتفت حوله بقلق_ ******************* _الطائرة القادمة من غينيا_ يجلس ماجد بين أبي عبدالعزيز والخال راشد, ينظر لما حوله بقلق ثم يتنهد.. الخال راشد: ماعليه يا بو سعود.. الدنيا ما تصفى لحد..الحمدلله بتروح الحين وبتشوف بناتك.. وأمك...وخواتك.. تلقاهن الحين طايرتن قلوبهن ودهن بك.... أبو عبدالعزيز: وتشوف نصوري.. ماتقول إلا عمي ناصر الله يرحمه.. كنه أياو بلكاعته وضحكه ومزوحه... والله لامن جاء لمنا أموت من الضحك عليه.. ورجل يصب القهوة و يجلس مع الرجال..... ما شاء الله عليه أكبر من عمره.. ماجد:.......................... طيب يوم يولد.... ولا.. الحين تقول إن عذبة برا صح؟ الخال راشد: إيه .. راحت توسع صدره وتونس.. تدري... بتاخذ واحد يشتغل بنفس شغلك... و.. ماجد: شلون... شلون أبشوفهن ويشوفنن... خايف... أكسر بخواطرهن.. وأمي.. أمي.. خايف عليه.. الخال راشد: لااااه.... أمك ... لا تخاف عليه يا جبل ما يهزك ريح... ماجد_يبتسم بسخرية_: هه يا بو إبراهيم لا تغرك المظاهر...أمي... إيه بس.. *********** _الطائرة_ تجلس عذبة بسرعة وتربط الحزام وهي تلهث... أحمد: هاه ياستي... مستانسه الحين؟!! عذبة: خلاص موب أنت الحين بتروح للسعودية قرت عينك... موب ركبنا!!؟ فكنا واللي يرحم والديك!! أفنان: وش لوه داعي تأخرنا... والله ما تسونا ركضنا هالركض.. لو حنا متقدمين لو شوي!! شوفي كل الناس راكبين .. هه بتطير الطيارة... عذبة: أحسن عشان ما نمل من الإنتظار.. _بعد نصف ساعة_ عذبة: بروح للحمام...فنو... هيه.. أفنان: وش تبين؟ عذبة: أقول ... موب تبين نرجع للسعودية رجعنا لاتقعدين تزمرين كل شوي ما صارت!! أفنان: أقول إنقلعي... ولا تبين أجي أحفظك!! أحمد: أص فضحتننا!! عذبة_تقوم_: أقول والله لو أنا معلقتن بكم على هالنفسيات الخياس الله لا يبلانا!! _تتجه للحمام وتمر بجانب فيصل ثم تتوقف وتنظر له بدهشة_ عذبة: فيصل!!!! فيصل: بدري؟ عذبة: ليش جاي معنا!! فيصل: حبيت أمر أشري فستان قبل لا أروح... عذبة: فيصل... لا تستهبل.. أهلي بهم شي؟ فيصل: أقول... لا توسوسين... ماهنا إلا العافية... عذبة: فيصل أنت تكذب علي.. وأفنان تكذب علي... إيه كلكم تكذبون أهلي بهم شي وأنتم ماتبون تقولون لي... صح؟ فيصل: أقول لتس ما هنا إلا العافية.. _تقترب عذبة من فيصل وتمسك بطرف قميصه_ عذبة: فيصل لااااااااااااااااااااا تكذب علي!! أنت تكذب... أهلي وش بهم.. وش بهم... أنا قلبي كان يقول لي إن أفنان تكذب ... بس الحين تأكدت.. فيصل.. فيصل_يحاول أن يبعدها_: تعوذي من بليس.. مالقيت حجز إلا على هالطيارة.. عذبة_تشد على قميصه_: لا تكذب علي!! فيصل: عذبة.. عذبة خلاص.. مافيه شي... _هديل ترقب الموقف بغضب عارم وحين إقترب فيصل من عذبة , محاولاً أن يهدئها وهو يشير لأحمد الذي أقبل مسرعاً, لم تستطع إحتمال الموقف ووقفت ثم دفعت عذبة بقوه وهي تصرخ_: يالحيوانه يالقذرة وخري!! ما فيه شي يا هانم .... أبوتس بيوصل السعودية بعد كم ساعة وأنت تصارخين ... ما تبين تروحين تشوفينه طبي من الطيارة ماحد غصبتس على شوفة أبوتس!! _أمسك فيصل بهديل ورماها على الكرسي بغضب شديد وهو يصر أسنانه_: إنطمي ... عذبة_تحاول النهوض_: أنا حيوانه أنا قذرة.. بس لا تقولين إنتس تكذبين علي... صدق أبوي بيرجع..صدق.. أحمد_يمسك بعذبة_: عذبة تعوذي من بليس... عذبة_تنظر لأحمد_: أحمد جد... صدق الكلام اللي تقوله ذي!! أنا ماراح أسأل فيصل.. فيصل دايم يكذب علي.. أنا أسألك..رد..رد علي........ أحمد: تعالي أجلسي... نتفاهم.. مايصير تخلينا فرجه للناس... عذبة_تبعد يديه بغضب وتصرخ بصوت عالي_: ماهمن الناااااااااااااااااااااااااااااااااااس أنا أسألك عن أبوي!! أبوي.. خل الناس يتفرجون ماهمون... وش بيشوفون يعني وحده تسأل عن أبوه.. أنا أسألك.. أفنان!! أفنان... صدق أبوي بيجي.. _أمسكت أفنان بها وهزت رأسها_ فيصل: عذبة... أبوتس طيب.. ولقيناه.. والحين هو جاي للسعودية.. _إلتفتت عذبة على أفنان وهي تحاول أن تصدق الخبر_ أفنان: إيه... إيه صادق.. _ترتمي عذبة على الأرض ساجدة وهي تبكي_ فيصل_يلتفت على هديل_: وأنتي حسابتس عسير... خربتي كل شي.. والله لو يصير له شي لا تلومين إلا نفستس!! ***************** الرياض_ "بيت عذبة" البيت مفعم بالحركة , جميع المصابيح الداخلية والخارجية مضاءة , وجميع النوافير والشلالات تعمل, الخادمات مشغولات بتجهيز مائدة العشاء, وليلى ونجلاء والجده يقفن عند الباب الداخلي وهن يرقبن البوابة الخارجية, شادن وشهد يجلسن بالحديقة.. ريم: يمه إجلسي... عاد لامن وقفتي بذا بياصلون بسرعة.. العجوز: ما يدعين قلبي... ودي أكحل عيني بوه .. نجلاء: أكيد الحين.. الحين بيجيون من شوي كلمت مساعد.. يقول إنهم طلعوا من المطار.. ليلى: ياربيه... مو متخيله... أشوف أبوي ثانيه.. ليت أمي فرح معنا.. نجلاء: وليت سعود بوه.. وعذبة؟ صح... عذبة متى بتوصل؟ مها: بعد ساعتين تقريبا.. العجوز: الحين ذولا ليش عيوا أروح للمطار؟ مها: يبونتس تشوفينه على ركاده.. وبعدين كل الرجال رايحين له عالمطار... وبيجي وبيجلس عندنا.. موب طالع.. نجلاء: يمــــــــــــــــــــــــــه.. فتحو الباب.. دخلوا...دخلوا.. العجوز: إي والله... هذاهم... ياربيه.. إفتحي الباب كله أسرع له يدخل.. _تقافز الأطفال , وتوقفت السيارة مقابل باب المنزل, نزل بندر مسرعاً وفتح الباب الأمامي, مرت لحظات ثم ظهر ماجد , صرخن البنات وبدأت العجوز بالنحيب, ساعده بندر على النزول من السيارة ومد له عكازه, إلتفتت ليلى على نجلاء وهي تضرب وجهها وتقول: نجول... رجل أبوي مقطوعة!!! أبوي متغير... متغير.. !! العجوز: ياعيني عينه.... ولدي...ولدي... نجلاء_صرخت_: مانبي صياح... خلاص ملينا..صياح وصياح.. اليوم بنفرح.. بنفرح.. مانبي دموع الله يخليكم.. مو عشاني عشان أبوي.. _ووقفت أمام الباب وزغردت بصوت عالي_ _نظر ماجد لبندر وضحك ثم قال_: أكيد ذي نجلاء!! بندر: من غيره طويل لسان!! _دخل ماجد البيت ثم نظر للجميع وإبتسم, أقبلت أمه وضمته بقوه وهي تتلمس ملامحه, ثم وضعت رأسها على صدره وأخذت تشمه وهي تقول: الله لا يحرمن ريحتك يا قلب أمك وهناه... جعل يومي قبل يومك.. _إتكأ ماجد على كتف والدته ثم جلس على أقرب أريكة, إرتمت نجلاء بحضنه ولحقتها ليلى... دخل ناصر ومعه عزام ووقفا مقابل ماجد ناصر: يبه.. الحين هذولي كبر قريح وجالسات بحجرك!! نجلاء: يالدب إنقلع.... ماصدقت أشوف أبوي بعد ما تبين أجلس معه!! ليلى: ما جلست بحجره!! ماجد: نغرت..؟ سبحان الله يمه.. فعلا تسنه أبوي.. تصدقين إني عرفته بالمطار بدون ما يقولون لي إنه نصور... تعال تعال يا بابا... أجلس هنا.. نجلاء: لا.. يضايقن..خله هنا.. ليلى: لا والله يضايقن أنا.. !! العجوز: أقول وخرن... غمتن وليدي.. ولا أحد يجلس جنبه. قومن... قومن.. هذا مكاني, _وأخذت تدفع ليلى وتضرب نجلاء بالعصاء, وجلست بجانب ولدها وأمسكت بيده_ هالحين كل وحده بتروح لرجله وتنسن أبوكن وأنا أللي أبقعد معوه... تقلعن لا أبوكن لا أبو قطاش.!! ماجد: هههه... حيا الله أم ماجد... إلا أنتي يا مها ما جاتس شي مالتس ولا عيل؟ مها: مالله كتب.. ناصر: إلا ..أنا ولدهم يبه... ماجد_نظر لناصر ثم نظر لمها التي إحمر وجهها_: الله يرزقتس... مها: ناصر.. أنت منتب ولدي.. أنت ولد أهلك.. ناصر: أنا ولدتس وولد أهلي.. مثل نجلاء... بنتنا وبنت أهله... موب يبه؟ ماجد: صدقت يا وليدي صدقت.... أنت ولدي وتجي تزورن وتقعد عن مها....وأنتي يا ريم عساتس متوفقه وماعندتس خلاف؟ ريم: الحمدلله.. هذولي بناتي.. وهذا ولدي ما شاء الله رجل... ليلى_ترفع عمر لوالدها_: خذ يبه.. هذا الخليفة عمر... ماجد_يمسك به ويقبله_: ما شاء الله ... كله أبوه.. لامن جت البنت إن شاء الله تصير عليتس. نجلاء: لا.. دايم الشين يصيطر على النسل.. لا تأمل يبه!!! ليلى_بغضب_: ألحين اللي يسمعتس أنتي وخشتس يقول رجلي شين؟ ماجد: إخس... إخس... وهو زين؟ ليلى: يبه.. ما سرع ما فرت راسك؟ ماجد: هين يا ليلى لا تزعلين الوعد بعد شهر شوفي الإنتاج وش بيصير... نجلاء: إلا يبه.. ترا بي توأم... ولد وبنت إن شاء الله.... ماجد: ما شاء الله... الله يعينتس على صياحهم... العجوز: وبتسميهم فرح وسعود.. ونكمل... ماجد_يبتسم بحزن_: وهو يعوض فرح وسعود أحد يمه؟ العجوز: الله اللي أخذك وردك.. يجمعك بهم بجنات النعيم.. ماجد: متى بتوصل عذبة.. قلبي طاير عليه.. ليلى: إيه معلوم غلات عذيب عندك... كلنا بكفه وعذيب بكفه.. ماجد: وعندتس شك!! هذي سميه الغالية.. أم ماجد... ريم: وسبحان الله ... إسم على مسمى.. كله أمي ما إختلفت عنه بالطبع شوي!! العجوز: بلاه من قرادته!! مها: لا والله.. صبرت ونالت.. وقفت وقفه عشان تصون بيتك يا خوي.. ولا لو هي مب مثلتس كان ما قوت....... إلا زين تاخذ حقه... ماجد: إيـــــــــــــــــــــــــــــــــــــــــه... والله إن أمي صادزه وأنتي بعد صادزه.. نجلاء: يبه... ترا أبنام عندك.. العجوز: هو !! ماجد: خليه يمه... هذي طلعت من عنده القعده وبتلت القعده.. خلاص.. نامي عندي ... بس تعرفين مابي داخل طالع عالحمام.. نجلاء: ههههههههههههههههههههههه يبه ما نسيت شرطك ذا!! مسبب لي عقده!! الحين كل ما قمت للحمام عندني مساعد بيهاوشن ولا يطردن!! ناصر: والله أنتي تطردينه زي ذاك اليوم!! ماجد:ههههههههههههههههههههههههههه فضحتس !! وراه طاردته.. نجلاء: هين يا نصور... ليلى: ما شفت شي يبه.. هذي الله يعين رجله عليه... نجلاء: عالأقل أنا قرفت من ريحته أحسن منتس ياللي زعلتي إسبوع عشان سيارة!! ماجد: طلعت الفضايح... إصبرن علي بس.. والله ما وحده تلف وتدور إلا أمشيه على الصراط المستقيم... مها: أبد عيك بهن!! نجلاء: يبه عاد لاتصير شيطاني.. العجوز: إلا خلنه يأدبكن... مدلعات.. _بعد مرور ساعة_ يفتح الباب الداخلي بعنف وتدخل عذبة, تلتفت ثم تركض نحو والدها وترمي نفسها تحت قدمه وتضع رأسها على فخذه وتقبلها وهي تبكي, يكب عليها الأب بحنان وينزع طرحتها, تمسك بيده وتقبلها وتضمها, تضع يديها على ركبتيه,وتحاول النهوض لتضمه فترى قدماً واحدة, تتلمس بيدها لتتأكد فتتلاقى عينيها بعيني والدها , نظرت له بأسى ثم نهضت وضمته بقوه وهمست: أنا .... أنا... بحلم ولا علم يا يبه؟ ماجد_يقبلها_: بعلم يابنتي... بعلم... عذبة: يبه... كل يوم أحلم بك... بس لا قمت ما لقيتك... أخاف أقوم ولا ألقاك يبه... ماجد_يرصها على صدره_: لا ياعذبة.. ما راح أبعد عنتس ... أنا معتس لين الله ياخذ أمانتي... عذبة: ضمن يبه. خمن إدفنن بصدرك... أبي أنام بحضنك وأبي أتغبى بحضنك وأبي أبكي لك وأشكي لك... أبيك تغطين عن الكون كله.. ما أبي أشوف بهالدنيا إلا أنت... أنت وبس... وبس... ماجد_يضمها ويمسد شعرها_: هذاي معتس.. لا تصيحين مابي أشوف دموعتس... يكفي .. يكفي... يكفي ياعيون أبوتس... عذبة: ما أقدر يبه أوقف.. هذي عيوني عكس الناس... إذا زعلت شحت علي بدموعه وإن فرحت ماتوقف الدمع.... ماجد: يبه... بشرين عنتس... أنتي مبسوطة... مرتاحه.. ولا.... عذبة: أنا مرتاحه .. يبه أنا أسعد إنسانة.. مادق الحزن يوم بابي.. ماجد_بحزن_: يابوي ... أنا أحس بتس... عذبة: أدري.. أدري إن كل يوم أنت معي... بحزنه وفرحه.. بس أنا من شفتك نسيت كل شي... كل شي.. كل شي.. وعشاني عارفة إني بنسى كل شي... كتبت لك كل شي.. ماجد: ما نسيتي؟ عذبة_تهز رأسها وهي تضحك_: من قلت لي إكتبي لي كل اللي يصير بغيابي.. وأنا أكتب... أكتب... أكتب.. كنت عارفه إنك بترجع... قلبي يقول لي إنك حي... وتحس بي... تفكر بي.. والله أنا....يبه.. أنا موب مصدقه إني بحضنك!! ماجد_يضمها_: وأنا موب مصدق إنتس بحضني!! ****************** _بعد شهرين_ "بيت ماجد" نجلاء: ليلى......... شوفي.. ليلى: ياربيه.. وراه ذا كذا!! مها: أقول... بيجون الحين يكملون ما خلصوا... بس نجلاء ترا فرح طايرن قلبه فوق أزعجت العروس روحي خوذيه.. وبطريقتس خوذي سعود من نصور لا يملعوه.. نجلاء: والله لو أنا ام أربع وأربعين رجل!! مها: عاد ذولا عيالتس!! ليلى: مها.. الحين الطاولات ما يصيرن كذا!!... لازم يتناسقن مع الورد المزروع.. مها: دارين... هذاهم جايين بيرتبونه من جديد بس هذا أولي... وعلى بالتس الحين بس ذولي الطاولات!! فاتن: بنات.. الحين ماجد فوق عند عذبة؟ مها: إيه بغرفته... فاتن: ودي أروح أشوف محتاجه شي.. لازم تاكل أخاف تدوخ... لازم أحد يغصبه تاكل... مها: لا تاخفين يا فاتن ماجد عنده... أكيد بغصبه وتو مرقين له عصير وفواكه.. فاتن: إيه.. بس ما يمنع تأكدين.. زين أنا بروح الصبابات أتأكد من التنظيم.. أخاف يحوسونا... _توجهت فاتن نحو المطبخ وأقبلت الجدة_ الجدة: مها... الحين بس ذولي الطاولات؟ مها: يمه أنا بعلق على جبهتي موب بس ذولي الطاولات.. بيجيبون ثانيات.. وبيجيبون ورد زياده عشان يرتبون المكان... ترا باقي على جيه الناس أربع ساعات تقريباً ليش لاجينا؟ الجدة: طيب.. نجلاء وبزرانه وينهم؟ ليلى: فوق فوق... راحت ترضع فرح... الجده: وسعود ياحول ما يرضع؟ ليلى: ما أدري... مها... روحي إلبسي الحين.. بعدين أعرف بتنزقين وكلن بيسحبتس من جهه... مها: إي والله إنتس صادزه... إلا كاميليا ما وصلت؟ ليلى: إلا راح أبو ياسين يجيبه هي وبنته... مها: ما دريت إن بنته بتجي معه!! ليلى: وين أنتي عايشة... مها: والله هالإنسانة تستاهل كل خير.. فعلاً الواحد ينعرف بالأزمات.. ليلى: إيه.. والله إنتس صادقه.. *********** "غرفة عذبة" تصفف الكوافير شعر عذبة, وماجد يلقمها قطع الفاكهة وهو يضع منديل أسفل فمها.. عذبة: أحس تقل إني بزر.. ماجد: قلت لتس.. كل الناس تكبر إلا الضنى... يشيب وهو بعين أبوه صغير.. عذبة: شفت أمي عذبة.... حلوف ما تجي تسكن ببيتنا ويوم جيت علطول جابت عفشه.. ماجد: ماتنلام.. أنا مجرب شعوره.... عذبة.. من خاطب نجود لسعود؟ عذبة: هو قال لأبوي ناصر... ليه؟ ماجد: غريبــــــــــــــــــــــه!! عذبة: وشو الغريب؟ ماجد: وش سوى يوم مات سعود؟ عذبة: ضاق صدره... بس أحس اللي ضيق صدره أكثر موت أمي...ليه؟ أنا كنت حاسه إنه في شي غريب.. وتأكد لي بسؤالك.. ماجد: سعود.. لو مامات بالحادث كان ما كمل الخمس وعشرين... عذبة: وشو؟ ماجد: أنا إستغربت ليه أبوي يخطب له وهو عارف إنه بيموت.. وليه كان حريص إن يزوجه وهو صغير.. عذبة: مافهمت!! ماجد_يتنهد_: سعود... فيه مرض بالأعصاب....... تذكرين المرض اللي جاء بدريه بنت خالي عبدالرحمن.. يوم صارت بالأربع وعشرين تعوقت.. عذبة: شلون؟ ماجد: أنا فرحت إن سعود مات قبل لا يجيه المرض.. لكن إنقهرت ليه أبوي يبه يتزوج!! حرام يجيه عيال ويروح ويخليهم.. حرام يتعذب وهو يدري إنه بيترك يتمان.. عجزت أفهم أبوي..عجزت أفهمه.. عذبة:.......................... ماجد: عذبة... أبيتس تسامحين أبوي.. صح هو سوى أشياء غلط.. وتحسين إنه به قاسي وما يحس.. لكن صدقين أبوي يحاول يحافظ على بيتي باللي سواه.. عذبة_تمسك بيده وتقبلها_: يبه.. أنا صح تعذبت.. وتعبت.. وإنجرحت وإنهنت.. لكن إذا ذكرت إني حافظت على بيتك وبناتك .. على إسم عايلتنا... وحلالنا... حمدت ربي.. ونسيت كل شي.. أصلاً أنا نسيت كل شي.. من شفتك... خلاص.. أنا أسعد إنسانه بقربك......خلك جنبي.. أبي أحس بك بكل لحظة.. **************** تــــــــــــــــمــــــــــــــــــــــــت.... عــــــــــــــــــــــــــــــــــــذبـــــــــــ ــــة الــــــــــــــعــــــــــــذوبــــــــــــــــــ ـــــــ ....................................................... تحياتي .. فراشة المدينه قراءة ممتعه |
رد: رواية انا الضحيه وانا الجـلاد ..للكـآأتبه عذبة العذوب
رواية رائعه جدا
تسلم ايدك حبيبتي ووفقك اله |
| الساعة الآن 04:58 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية