يسلمو ياقلبي على البارت بس باقي كثير على الخميس الله يصبرنا نبي نعرف الحقيرة مراموه شناوية على دانية حرااام هي مالها ذنب اذا فهد مايطيقها ويحب دانية يارب تخرب خطتها او تنقلب عليها هي مفكرة بلي بتسويه بتبعد دانية من حياتها وفهد بيصير لها ماعرفت انها جنت على حالها وهالمرة فهد بيقلعها من حياته وللابد بس بعد ماياخذ حق دانية منها

موقادرة اخمن هي شبتسوي خصوصا انو دانية مو لحالها جاية اخت فهد معاها الله يستر شكلها بتحط لها مخدرات بالعصير وبتضيع البنت اليتيمة حرام صغيرة جسمها مايتحمل

يعني لازم يصير شي علشان فهد يتخلص من الجماعة الي موعارفة ليه ورط حاله معاهم لدرجة يتزوج الصايعة مراموه ويربطها باسمه حسبي الله عليها رفعت ضغطي


وتركي شكله بيصيبه شي او بينخطف لانو مابيرجع وغير كذا بيكون مع الجماعة الي بيمشطون المنطقة والله يستر على حنان الي السعادة موراضية تكتمل معاها لايكون بيموت وبيرجعونها لماجد لالالا تركي احسن منه والله ياحسوسة هالبارت قلب مخي فوق تحت


رغد ماتنلام في حكمها على عزوز لانها ماعرفته لو عرفته زين كان ماقالت كلامها الي يقهر واذا هي شايفة عزوز كسرها وحاقدة عليه حتى بعد ماصار بقبره بيجيها الي بيذلها لاتستعجل وبتعرف بعدين قيمة عزوز بس لحد الحين مو مقتنعة انو الجد ممكن يزوجها لطلال وهو من برة العايلة وغير كذا هو مايبي يبعدها عن عيونه ياترى مين الي بيرتبط فيها وبيكسب قلبها هل هو عمر ولذلك بعدو عنه جمانة بس شخصيته ماتوحي انو بطل اساسي والله ياحسوسة ماادري من وين تيجي الافكار خخخخخخخخخخخ

اماني هل بترتبط فعلا بنواف حتى بعد ماكانت مقتنعة انو الزواج ماراح ينجح لانو كان مبني على علاقة محرمة مثل رغد وطلال وانا ضد هالنوعية من الزواجات لانها ابتدت غلط بس ماادري شبيكون راي موني


دانية بديت احب شخصيتها خصوصا بعد ماصارت تفكر بفهد وبدت تحبه بس الله يستر عليها من العقربة الي ماقدرت على فهد بتنتقم من وحدة مالها اي ذنب والشره على فهد الي تاركها تسرح وتمرح على كيفها وماحط لها مراقبة على مكالماتها وتحركاتها لانها مالها امان وهو شاف بنفسه انها راحت زواج اخوه علشان تشوف دانية


سارة صحت من غيبوبتها بس هل بتكون بصحتها او بتكون فاقدة الذاكرة او صابها شي من الحادث غير كذا كيف بيخبروها عن عزوز اذا سألت عنه احس الخبر بيدمرها لانها حيل كانت متعلقة فيه


مريم هالبنت محتاجة لطبيب نفسي لانو تفكيرها بيدمرها وسلطان لازم يسوي هالشي بسرعة كافي سنين طويلة تاركينها اهلها وماعالجوها المفروض من اول ماصار الي صار يعالجوها بدل مايتركوها تدمر حياتها

سلطان لو ماعنده صبر ومقدر حالتها كان مل بسرعة منها ورماها ببيت اهلها ومريم بعد انانية وسلبية ليه ماتحاول تغير بنفسها شهالكأبة الي دافنة عمرها فيها مافكرت بأهلها الي زاد همهم على سارة المفروض هي الي تصر على العلاج شهالعيشة الي عايشتها وهالشي علشانها هي ذاك المجرم عاش حياته ونسي وهي دافنة عمرها وعايشة بحزن ماحد بينفعها اذا دمرت حالها ومالها الا العلاج واكيد بتتغير حياتها للاحسن

قصة ام رغد مع سالم اعتقد انها دخلت عليه في مكان جالس فيه لحاله وتبلت عليه انو تحرش فيها علشان اخوه يصدقها ويعادي اخوه ويبعد عن اهله بس ربي كشفها ولذلك عبد الرحمن طلقها ورماها على ابوها بعد ماخبروه الي سوته .......

اما قصة صالحة وعزام ماحبيتها قمة الانانية بعزام يعني كان متزوج ومعيل ورايح حاط عينه على بنت عم صديقه واكيد كان بينهم علاقة والا كان مااصرت صالحة تاخذه وتحرق قلب زوجته بس ربي ذوق عزام حرقة قلب صديقه وزوجته وماتت صالحة قبل ماتسوي نفس سوايا ام رغد بس بعيال زوجها علشان تفرق بينهم وبين عيالها

والجد استمر بأنانيته زوج رغد لولد عمها بحجة انها ماتطلع عن العيلة وتاخذ غريب بينما هو عادي يتزوج وحدة وياخذها من ولد عمها قمة الانانية ومايستاهل حب الجدة له جد احتقرته وكرهته

فهد عرف سر جاسم واكيد بيوديه يعالجه ويتخلص من السموم الي ياخذها وماراح يرتاح الا بتجيه طعنة بظهره من مراموه بحبيبته دانية ساعتها انتقامه بيكون كبير من كل العصابة والله يستر عليه


عمر كاسر خاطري يعني شهالابو والخوال الي همهم مصالحهم واشغالهم ومشاعر عمر مالها معنى عندهم رجال متمسك بزوجته ماحد له دخل فيه واصلا شكلهم مسويين هالشي وبيبتزوه اذا يبي يعرف مكان جمانة وبيخيروه يتزوج وحدة من الثنتين يارغد ياسارة وهالشي ظلم للكل وخصوصا لو زوجوه سارة العقيم وبعدين بيرجعون يزوجوه لوحدة علشان العيال والا بيرجعون جمانة تصير مكينة تفريخ والمربية سارة بصراحة هالشياب يجلطون الواحد وخصوصا الراس الكبير


حسوسة حاولي تنزلين لنا بارتين بالاسبوع جد متحمسين للاحداث
وربي يعطيك الف عافية

اهلا وسهلا ومية مرحبا نور المنتدى حسوسه يارب يحفظك وكل مسلم

طولتي الغيبه ورجعتي فأبدعتي أنا إلى الآن ماني مستوعبه موت عبدالعزيز تكفين خليهم يكتشفن أن اللي مات بالحادث شخص ثاني ليه يعني عزوز الصراحه دوره قوي ومش معقوله ينتهي بها البساطه ليه ماخليتي سويره هي اللي تموت

وبعدين عندي سؤال رغد كيف تعرفت على طلال لأني نسيت بعض الأحداث وصعبه أرجع أقرأ البارتات مره ثانيه لأن وقتي مضغوط ووقت فراغي قليل

حاسه نهاية الروايه حزينه ياحسوسه إذا حزينه من هالحين قولي لي

واخيرا أتمنى ماتنقطع الروايه الحلوه ولا نفقدك يالغاليه أحاسيس ودمتي بخير وأمن وأماااان