منتديات ليلاس - (رواية) هن لباس لكم

عيب عيب عيب مضاوي بس تدرين حنا نموووووت في العيب المؤدب
ثاني مره اذا بغيتي العيب غرفة ذيب موجوده
يقطع رومنسية الحوشه اللي عليتس قلنا تلاحلحي وسوي شي بس مهوب قدام الخلق
لاتقولين ليل والناس نايمه محد يضمن ماريا تلقين سيناريو المشهد كله عندها
وش ردتس مارومستي عنده في غرفته ضاقت الا برا في الحوش وعند العيال اللي في الخيمة ماخفتي يقومون ويشوفون الموقف اللي ماتحسدون عليه
أقول يأمره لا ترقين انتي وذيبتس الغرفته قصدي غرفتكم وتنسون ذا الضعوف في الخيمه وبدال مايحرسهم ذيب الإنسان يهجم عليهم وياكلهم ذيب الحيوان
الرجال فتح لتس بشته تقعدين جنبه نطيتي في حضنه ليه تلقين الرجال
الحين منهبل 11 سنه لا كلمه ولا نظره والحين بين يديه وهي اللي جايه برغبتها
كل الفيسات طيرت عيونها تفرج على رومنسية الحوشه توالي الليول اللي سويتوها

أقول مقدمتي اللي قبل امززززززح فيها دعابه يقلبي يمضاوي وقسم انتس رجاله وقدرتي تسوين اللي ماقدر ذيب يسويه
بس ماعليه يستأهل ابوزايد من يعوضه سنين الحرمان

ذيب معاد لك حجه الحين مضاوي زالت كل الحواجز حنا نبي منها نظره ولا كلمه البنت مره وحده طبت في حضنك فيه شي أقوى من كذا
خلاص خلها تحس فيك وانت حس فيها عاملها كزوجه قدام اهلك
مضاوي غارت من خالتها وعمها قالت بنفسها ليش خالتي من جت وهي جريئه مع الشايب وانا عندي شباب ورجوله ولا عشت حياتي معه طبيعت ذيب صعبه مع طيبته يبي له حلم شوي لين يتعود عليتس يمضاوي
وبعدين راح تاخذين منه من الحب والعطف مأخذه احد منه
ارحم ذيب ولله مسكين يعطي ومايأخذ الكل من كبير وصغير يعطيه وماينتظر من احد شي والكل ناسيه
ولله المفروض أبوه وامه متوسطين بينتس وبينه ومخلينكم تعيشيون حياة طبيعيه مثل اي زوجين
ماعليش للي سويتوه أنانية المضاوي قبل ذيب هي زوجه مع وقف التنفيذ أرملة ولدكم اللي ماكان يستأهل ظفرها
وذئب مخليته مع العقرب مشاعل اللي ماعجبت ولا واحد فيكم من دخلت عليكم
الله يعوض ذيب ومضاوي ويلقى كل واحد منهم ضالته في الثاني

شاهر قطوك بدت تخربش وجهك
ياحبيل البنات السنعات عليتس به يا أوزا وريه ان الله حق وخلي غروره ونوير تنفعه
زيديها يا أوزا زيديها وبمشاعر شاهر يالله العبيها

راجح مشاعر أبويه المدين حاس انه مسؤول عنها مثل بنته وان ماصابهااللي صابها إلا من فقد أبوها ويتمها
ماعليه راجح عاملها مثل أبوها البنت محطمة وتبي عطف ابو أكثر من زوج
مسير الحياة تتغير وتكسب قلب البنت وتعيش معها أحلا عيشه طبيعتكم الهادية انت ومدين بتقربكم البعض أكثر الطيبون للطيبات
ويمكن اللي صار لها من الله خيره عشان ماتزوج سلمان لانه مايصلح لها وراجح انسب وأقرب الشخصيتها

هل ثابت يدري ان ماريا هي بنت زايد وأخت شاهر اذا ماكن يدري أنها أختهم اتوقع انه بيصرف النظر عن الانتقام منها
وبيعيش حياته وبأي طريقه بتذكر عنده أو عند راجح ان ابو ذيب عنده بنت أرملة وبيتزوجها وهو مايدري أنها ماريا اللي في باله وبتكون المفاجئة له ليلة الزواج
بيكون فيه تضارب في الفكر عنده بين مدح العالم لها وعشان كذا اقدم على الزواج منها وبين مايعرفه عنها من خلال حاسوب لفي (مجرد توقع )
اما اذا كان يدري هي بنت مين فياويله لو طال شعره منها ماويا دونها رجال زيد أبوها وذئب وشاهر إخوانها

لبي مرادي وشايبها جداً شفافه ذا المرادي وتعبر عن مشاعرها وبكل وضوح
شفافية مرادي وضوحه خلت زايد يفهمها بسرعه ويزيد تعلقه فيها مثل ما تعلقت هي فيه
خاصه انه كان متزوج ام ذيب ام أكثر من زوجه ويمكن ماكانت تحسسه بحاجتها له لصغر سنه

معاد فيه كلمة مدح نوفيها لتس شعوله تعديتي الرائع والجميل وخليتي تعلقنا في الأبطال يزيد ونبي نعيش كل يوم بيومه معهم
سلمت ذا اليدين
وماعليه شعول عشان ماتكسبين ذنب احد ارجوتس ومن قلب أخت محبه ومستمتعه بالرواية ماتتعمقين في الوصف بين الأزواج
وترا حنا نفهمها وهي طايره بدون وصف دقيق -------فيس منزل راسه من الحياء
من حبنا لتس شعوله مانبي تكسبين انتي ذنبنا وحنا نكسب ذنب القرائه
حبي وتقديري لاديبتنا الرائعة شوشو