سلاااااااااااااااااااااااااااااااااااااام

وكل عام وانتم بخير

وتقبل الله منا ومنكم صالح الأعمال

وتسلمووووووووووووووووووووووووووووووووون على هالردود

اللي وسعت خاطري من جد وانا كنت متابعكم اول باول

بالجوال صدق صغير واعمى عيوني بس لازم اشوف

واستانست من جد

وتستاهلون احلى بارت يوم الخميس بإذن الله تعالى

طووووووووووووووووووويل الناس يتعيدون ومستانسين

وانا قاعد اكتب فيه تكسرت اصابعي

يالله سلاااااااااااااااااااااام لأحلى قراء وسعو صدري بجمال ردودهم

يالله انتظروني يوم الخميس ان شاءالله على الفجر بإذنه تعالى

وبيكون يوم الخميس هو موعد تنزيل البارت مثل الأولى

اعتذر عن التاخير والأخطاء

وياليت تقبلون اسفي وان شاءالله وطول البارت يشفعلي شوي عندكم

كان فيه غلط سابق خلطت بين ضاحي وضاري بس الصح ضاري هو اللي شاف خالد بالمزرعه



&&&&&&&&&&&&&&&&&&&&&&&&&&&&&&


الـــــــــــــجـــــــــــــــزء الــــثـــــالــــثــــــــ

&&&&&&&&&&&&&&&&&&&&&&&&&&&&&








(( نـــــقـــــطــــة تــحـــولـــ وتــحــطـــمــــ ))







بعد وقت قصير بتشرق شمس يوم جديد .....ربما تحمل معها المفرح والمحزن

ربما تحمل معها تفريج هم قديم أو زيادة هم جديد على هم

لكن مع ذلك يضل شروق الشمس يبعث الأمل في النفوس ويمدها بالقوة والصبر

حتى يواصلوا المسير دون كلل أو ملل وبألسنه تدعو وتطلب من الله أن يمدها بالصبر ويعينها على اجتياز الطريق










فتحت عيونها ببطء واعتدلت على السرير ومدت يدينها يمين ويسار وصوت طقطقت عظامها ينسمع مع كل حركه منها

فركت عيونها ومسحت على شعرها مرات ترتبه وقامت تغسل وتتوضأ الأيام هاذي يأذن الفجر متاخر الشتاء توه داخل

والمكيفات مره تشتغل ومره تطفأ على حسب تقلبات الجو

طلعت بعد ماصلت ونزات تسوي القهوه لأبوها ......دقايق ودخلو رجال البيت جاين من المسجد

اقبلت لأبوها وببتسامه حلوه وهاديه وباست راسه ويده / تقبل الله

- منا ومنك

وباست راس اخوها محسن / تقبل الله

- منا ومنك

لفت لهم / تقبل الله شباب

ردو عليها / منا ومنك

قربت له وهي تاشر على خده / خالد وش ذا متهاوش ويا احد ؟؟!!

ناظر ضاري بخوف وارتباك / هاه ...هاذا هواش مزح

- الله كل هذا مزح شوي ويفقعون عينك وتقول مزح الله يهديك بس كان جيتني احط ثلج على وجهك بدال مايورم ويزرق كذا

- لالالا الحمدلله خف ولا فيه الم الا شوي بس ظهري احسه منكسر

- تعال اهمزه لك

- ايه الله يعافيك بس شوي شوي لأنه يوجعني بقوه

- لا تخاف ماني بموجعتك

جلس على الكنب ولف لها ظهره وهي تهمزه بيد خبيره متعوده تهمز أبوها وجدها واخوها محسن

- آآآهــ على جنب .....لالالا يمين

- هنا ؟؟

- ايه بس تحت شوي ......ووجه يتغير من الألم كل ماوصلت منطقه توجعه

- اقول يااخصائية العلاج الطبيعي قومي جيبيلنا القهوه بدال مانتي قاعده تهمزين ذا الثور

- اقول ضويري حدك عاد كل شئ ولا خلودي

- تسلم والله عمتي هاذي العمه السنعه

- هو مو ثور ثور ثوير صغير هههههههه

-ضاري / هههههههههه صادقه

-خالد /انا اقول غريبه الجازي تختلف مع ضاري

- ههههههههه لا والله كلكم غالين عندي....ابروح اجيب القهوه وارجعلك

- خالد / يالله انتظرك

راحت وجابت صينيه القهوه من المطبخ وفيها صحون التمر والغفيص بالسمن ومرشوش فوقه إقط مطحون طبق ابوها اليومي

- صقر ..قم صب القهوه ....فز صقر استجابه لكلام أبوه هو اصغر ابناء محسن الذكور بثالث جامعه

- رجعت تهمز ظهر خالد وبعد مده / هاه كذا تمام

- سحب يدها من وراه وباسها / تسلمين تنلف يدك بحرير ولا مدلكات تايلند

صاح به ضاري / هيه انت وش تسوي ؟؟!!

- ناظره باستغراب /وش سويت ؟؟

- ضاري / وش سويت ...تراها عمتك ماهب زوجتك

- وانت وش شايفني مسوي بها

- الجازي / ياخي خله هاذا اللي يعرف يشكر مو انتم تتقطع يديني من التهميز وبالأخير تشكوروني بضربه

- ضاري / شوفو مسوده الوجه بدال لاهي تهاوشه تدافع عنه حتى الحيا ماستحت

- هههههه عادي خله يدلعني بعد ين عادي ليه استحي انا عمته واخته وبنت خالة امه وبنت ولد عم ا....

- ضاري / خلاص خلاص فهمنا بتقعدين تسردين كل القرابه اللي بينا

- هههههههههه توي ماخلصت

- ولا بتخلصين لين بكرى

- محسن / اقول الجازي البنات صلن

- ايه قومتهم

- وينهن مالهن بينه؟؟

- المها تذاكر وهتون الظاهر الظاهر انها عند امها

- صقر / وذا المصريه هتون من الحين تذاكر

- الجازي / وش مصريته ترى الأختبارات بعد ايام وهي ثالث ثانوي مو لعبه

- الله يوفقهم يارب

- آآآآمين

- لف لولده / وانت متى بتستلم ؟؟

- ان شاء الله العصر وابجلس يومين

- بيض الوجه

- وجهك ابيض وربيت رجال بيرفع راسك

ابتسم بوجه ولده بحب هو الأقرب لقلبه من بد عياله على قوة ولده وشدته وهيبته الي تطغى على هيبته اخوانه اللي اكبر منه

لكن عند ابوه يرجع ذاك الطفل الصغير اللي يدور رضا ابوه وحنانه ولا يسوي شئ الا بشوره

نظرات فخر وحب واعجاب يرسلها لولده هو يربت على كتفه / ماغلطت يوم سميتك ذياب

ابتسم بوجه ابوه وباس يده بحب وتقدير

خالد / ياهووووووووه على الجو ترانا عيالك بعد

لف لهم محسن / كل واحد له بقلبي غلا غير الثاني

- صقر / العب يبه علينا العب الحب كله لذياب ولا حنا لنا الله

- ههههههههههه مساكين عال البطه السوده طلعتو ترى ابوكم يرقع لنفسه وبين قوسين يقول انه هو اكثرهم غلى

- ضاري / الغيره تسوي اكثر من كذا ....غيرانه ان ابونا يحبنا وابوي ضاري مطنشك

- راحت لأبوها وحبت خشمه / يبه من اكثر وحده تغليها من عيالك ؟؟

مسح على راسها بحنان / انتي القعده غلاك غييييييييييير ومتمكن بالقلب

- تسلم ولفت لهم تناظرهم بنظرات تشفي وجلست بجمبه ودخلت يدها تحت ذراعه ومسكته/ الــــــــــــــلـــــــــــه حلو الواحد عنده ابو

- ذياب / ههههههههه اللي يشوفها يقول يتيمه

- ههههههه لا بس اذكركم بالنعمه اللي عندكم غيركم يتمناها

- ضاري / أيه والله صادقه هاذا عناد لا ام ولا ابو ولا حتى اخوان صدق انه رجال ابو 30 سنه ولا قاصره شئ بس ولو تحس انه ضايع

- صقر / هو ماهب ساكن عند جدي الحين ؟؟

- ضاري / الا وما قصر معه جدي حاطن له شقه ماهب جناح .....بس ولو الأم والأب غير

- ابو محسن / الله يرزقه باللي تعوضه عن امه وبوه

ميلت فمها يمين ويسار وهي بداخلها تغلي من القهر عليه







.........................






الغرفه يلفها الظلام والهدوء يقطع سكونها صوت انين وصياح مكتوم بصوت مبحوح ....تهتز تحت الغطاء لها يومين على ذا الحال

يسألونها اهلها وش اللي فيها تقول لهم انفلونزا فيه اللي صدقها وفيه اللي كذبها بس مايهمها تبي تجلس لوحدها تختلي بنفسها

تعيد حساباتها وتدارك اللي فات من عمرها وهي برجواه وانتظاره ......رماها من دون احساس منه ومن دون رحمه

وقال عنها كلام مثل السم تجرعته بصمت وهو يقطعها لين ماوصل لجوفها لألف قطعه

سحبت نفس قوي تبي شهقاتها تخف شوي .....ملت من الصياح اللي ماراح يجيب لها فايده

اعتدلت بوهن على السرير جسمها مافيه حيل يومين ماتاكل حتى اذا غصبوها ماتاكل شئ

مسكت راسها وضغطت عليه بقوه الأم فضيع بيفتت راسها من قوته

رفعت راسها وشافت وجهها بالمرايه عيونها حمرا وذبلانه وخشمها بعد احمر ومنتفخ وشفايفها مبيضه ومتشققه وشعرها محيوس وحالتها حاله

وبنفسها [يستاهل يصير حالي كذا عشانه وهو حتى مافكر فيني ......يستاهل اتمنى الموت عشانه .....يستاهل اني انكسر وانذل عشانه ]

بدت عيونها تدمع من جديد وشفايفها تهتز وبنفسها [يستاهل يستاهل ......احبه احــــبـــــهـــ هو اللي بقلبي ......آآآآهـــ يازمن ]

تتمنى تشكي تتمنى تتكلم تتمنى تصارخ تتمنى تسوي اي شئ يفرغ اللي داخلها ملت الصياح والدموع اللي مازاتدها الا ضيق وهم

مافيه غيرها .....هي اللي تفهمها ....هي اللي تهتم بها وهي اللي بتوجهها وتقولها الحل الصحيح بعيد عن العواطف وضعف قلبها

دقت مره واثنين وثلاث عليها من دون رد....رمت الجوال على السرير ورجعت تصيح من جديد

كل شئ ضدها يوم جت تخفف حزنها ماردت عليها وكأن الظروف تعاندها

ارتفع صوت نغمة الجوال المكتوم من تحت الأغطيه وابتسمت من بين دموعها هاذي نغمتها الخاصه بها

قامت بأقصى سرعه تقدر عليها والتقطت الجوال وحطته على اذنهاووصلها الصوت اللي تتمناه

- هلاااااااااااااااااااااااااوين ومرحبتين وبوستين على الخدين لأحلى مزون

صوتها يشرح القلب ويخفف الحزن صوت سعيد ومتفائل وفيه قوه غريبه تقويك غصب عنك

- مو العاده قايمه الصباح وش عندك ؟؟

- وصلها صوت نحيب وشهقات ....

انصدمت الجازي من صوت الصياح والشهاق معناه انها من زمان تصيح ومو اي صياح صياح واحد موجوع ومطعون

- مزون وش فيك ......احد فيه شئ ؟؟

- ضغطت على زر ومعناه لا

- طيب سكري واكتبي وش فيك برساله .....ضغطت زر معناه لا

- طيب وش فيك خوفتيني عليك ؟؟

فتحت السبيكر وبدت تكتب رساله جديده ماتبي صوت الجازي يختفي عن مسامعها وارسلت الرساله لها

- ثواني وارتفع صوت الجازي / حـــــــــيـــــــــواااااااااااانـــ بيتزوج .....وانتي ؟؟

- زاد صياحها وهمهمات عاجز غير مفهومه تطلع منها

- اهدي الحين واذكري الله ابشوف اذا جاء ابوي يروح لشركه يجيبني عندكم مااقدر اخليك وانتي بهالحاله ولا ينفع التلفون

شكرت ربها بقلبها انه اهداها مثل هالصديقه جوهره نادره......هي محتاجه احد عندها الحين ....احد يضمها ويهديها

ويمسك يدها يمشيها على الطريق الصحيح محتاجه راي ثاني غير رايها اللي يحكمه قلبها






......................






بخطوات سريعه يجتاز حوش بيتهم وهو يسكر ازارير قميصه السماوي الفاتح ويحط القبعه الكحليه على راسه يخاف يتاخر وينخصم من راتبه مثل الشهر اللي فات

- استوقفه الصوت / سلاااااام عزوز

- رفع راسه لشخص اللي واقف بجمب سياره عند البيت اللي قبالهم ورسم ابتسامه صادقه على وجهه / وعليكم السلام صباح الخير

- صباح النور .....هاه وش عندك طالع من الحين لشغل ....؟؟

- والله المدير طالبنا وخبرك اليوم خميس نستعد لزحمه ههههههه

- هههههههه الله يوفقك بس والله تعب وياليته راتب يسوى بس

لو انك طايع شوري ومخليني ادورلك شغل بالمستشفى عندنا اريحلك من الوقفه عند البيبان

- تسلم عناد والله....بس والله مستحي منكم شغلتو خواني اللي قبل وماقصرتو علينا بشئ وجدي ضاحي يعدني واحد منكم عاد ياوجه استح

- قرب له وربت على كتفه بأخوه صادقه وفخر بهالشاب المكافح اللي يشتغل ويدرس بنفس الوقت ولا يبي احد يتوسط له يبي هو يبني مستقبله بنفسه

- لا قد اسمع منك هالحكي انتم من القرابه بينا دم وماسوينا معكم الا الواجب .....متى تطلع نتايجك ...؟؟

- يمكن على الأسبوع الجاي وان شاء الله انجح خلاص مليت من الدراسه

- ههههه احمد ربك بس 5 سنين وش اقول انا اللي 10 سنين اكرف فيها

- صدق كرف بس جيت دكتور كلن يتمنى مكانك

- قعد يعدل ياقت ثوبه بفخر وكبر / احم احم أجل يحقلي اغتر ...؟؟

- ههههههههه يحقلك تغتر ونص .....ناظر ساعته الـــــــــــــــلــــــــــــه اخرتنا عز الله طار الراتب يالله سلاااااام

- هههههههههه رح الحق على اللي بقى منه ....الله يوفقك ويرزقك ويسهل دربك






................................






من امس وهي سهرانه ماغمض لها جفن افكار وافكار تدور براسها وكلمات تنتقي منها المناسب

تتخيل الموقف اللي بتنحط به صوره ترعبها بمجرد التخيل وشلون بتطبقها على الواقع

تنفسها يعلى وينخفض مضطرب من قلقها وخوفها ودموعها من دون استئذان تشاركها خوفها

دق منبه الجوال على الساعه8 الصبح ضابطته من امس لكن من دون فايده لأنها كل شوي ترفع الجوال وتناظر الساعه وتحسب الدقايق والثواني اللي تمر

هذا انسب وقت للي بتسويه يوم خميس وكلن نايم وهو يجي بهالساعه عقب سهرة امس

اخذت جلالها عازمه على الامر ......خطوه تقدمها وخطوه ترجعها تفرك يدينها ببعض من التوتر

وتمسحها بجلالها بعد ماامتلت من العرق ......لفت لباب هذا صوت خطواته المميزه على الدرج حافظتهم عن ظهر قلب

خطوات سببتلها الرعب طول سنين .....ماتنام لين تسمعها وتسمع صوت بابه يتسكر

عندها بس تحس باامان نسبي وتغفي عينها

طلعت من غرفتها متجاهله صوت الخوف اللي يحذرها ويثنيها عن عزمها

ماتسمع غير صوت العقل اللي يحثها(سنين وسنين وانتي منذله وصابره خايفه وضايعه وكسيره لمتى بتتحملين .....الموت ولا الذل ياشمس الموت ولا الذل)

توجهت لغرفته والرعشه تتمتلك جسمها كله







...........................






فتحت الباب بهدوء عكس طبيعتها وكلام خالتها وشرحها لحالتها وانهم ماصدقو انه انفلونزا وانه وراه سالفه للحين ببالها

وصلها صوت انينها الموجوع اقتربت من السرير وبان وجهها بالظلام وآثار الصياح المتواصل واضحه عليه

جلست على السرير واخذت تمسح على رسها بحنان ....فتحت عيونها ببطء ولما وضحت لها صورة الشخص اللي قدامها

حطت راسها على رجولها وحضنتها مع خصرها بقوة ماتدري وشلون كانت حاضنتها ولا همها وجع ظهرها من جلستها المايله كل همها انها تكون بحضنها

حضن دوم يحسسها بالأمان ....يحسسها ان احد يهتم لامرها ويفداه بروحه

رجعت تمسح على راسها ....ماتدري وش الكلمات اللي تواسيها وهي بذا الحاله تبيها تفرغ كل اللي داخلها ثم تكلمها بلغة العقل مو القلب

استمرت بصياحها ربع ساعه وللآن اليد الحنونه تمسح على راسها وآيات القرآن تتلى عليها

بدت تهدى وبدى السكون يعم الغرفه الا من صوت شهقاتها من فترت لثانيه وتمتمات القران

جاها صوتها سائل / هديتي ؟؟!!

- هزت راسها بالموافقه

مسكتها من كتوفها تساعدها بالجلوس .....جسمها واهن يومين بدون اكل كفيله انها تهد حيلها

مدت لها منديل تمسح بها دموعها / الحين الصياح ذا كله ليه ؟؟

بدت عيونها تدمع وفمها يرتجف لكن صرخه من الجازي وقفت دموعها بعينها والغصه بوسط حلقها / بــــــــــــــــــس

وياويلك لو تصيحين اظن يومين صياح تكفي لو ولدك ميت كان ماصحتي عليه هالكثر

- انتي ليه تصيحين ...؟؟!! عشانه بيتزوج ويترك ......عشانه خذلك وانتي معلقه عليه آمال واحلام ......

عشانه ضيع سنين عمرك وانتي بانتظاره .....عشانك بينتيله حبك وقدمتيله قلبك ورماه بوجهك .....انتي تصيحين عشان هذا كله ؟؟

هزت راسها بالموافقه كلامها صح نفس الكلام اللي كانت بتقوله نفس احساسها

معقوله هي تعرف وش تفكر فيه معقوله ؟؟!!

اللي تعرفه انها ممتنه لها تكلمت بلسانها وعفتها من الكلام اللي ماتقدر تنطقه

- وش بتسوين ؟؟

- رفعت كتوفها ماتدري وش تسوي

- تبين تروحين له وتترجينه يتمم زواجكم ولا يتزوج عليك ......هزت راسها بلا

- تبين تروحين له وتقولين شفني انا قدامك طول عمري ليه ماانتبهت لي .....هزت راسها بلا

- تبين تروحين له وتقولين احبك ولا استغني عنك .......هزت راسها بلا

- تبين تظلين طول عمرك برجواه وهو ماعمره عبرك .....هزت راسها بلا

- تبين تصيرين طول عمرك ذليله له ويحرج عليك من يبي يتزوجك عشان يفتك منك ....


هزت راسها بلا مره واثنين وثلاث ودموعها تنزل على خدها ويدينها على اذنها ماتبي تسمع ماتبي

عارفه ان كلام الجازي صحيح ...بس ماتبي احد يصدمها بالواقع اللي هي عايشه به ومتجاهلته

ماتبي تصدقه ....كانها عايشه لعبه او بطله من ابطال المسلسلات من بيخطبها وهي على ذمة رجال ثاني

كلام مايقبله عقل ....الا اذا كان بيطلقها لا تزوج فهذا شئ ثاني

انتفض جسمها من الفكره اللي توصلت لها وزاد صياحها وحضنتها الجازي تهديها

هي عارفه انها قست عليها بالكلام بس لازم تصحيها من الأحلام اللي عايشها فيها لازم احد يفتح عيونها على حقيقة الحياة اللي عايشتها

مو كل اللي نتمنى يتحقق لنا لازم تعرف انه بيصر لها اشياء اكبر من كذا تحتاج صبرها وقوتها وحكمة عقلها

- اسمعيني زين ....عشتي ذليله سنين طويله ....كنتي قدامه وانتي بعز شبابك وزينك ولا بقيتي ولا خليتي من الجمال شئ

ولا التفت لك ولا فكر فيك حتى .....خدمتيه وحشمتيه ونسى كل شئ سويتيه له

لكن لحد هنا وبس .....لا تخلينه يتمادى بذلك ....عشتي عند ابوك معززه مكرمه

وزوجك عمك له عشان لااحد يذلك ويضيمك من بعده .....لا تقبلين بالمذله من عقب اللي صار

هو بيتزوج يتزوج قلعته بس لا يشوف نظرة الحزن والضعف والأنكسار بعينك

لو تشوفين حرمته حاضنته وعياله يلعبون حوله وانتي للحين على ذمته لا تبينين ضعفك وانكسارك له

امشي وانتي رافعه خشمك ونافخه صدرك خليه يعرف انه ماهمك خليه يعرف ان ابوك ربا بنت عن الف رجال ماتنكسر

اضحكي معهم وهم يخطبون له ويجهزون لزواجه اضحكي ضحكه اخت لأخوها مو ضحكه موجوع

اضحكي وانتي تتالمين وتنزفين بس لا احد يشوف انكسارك ويتشمت به لا احد يمسك عليك زله

انا عارفه انك تحبينه وصعب تتخلصينه من حبه اللي من سنين وبتجيك ايام تكرهين نفسك وتلومينها وتتمنين الموت

بس اصبري خلي غرفتك هي الشاهد الوحيد على دموعك ووجعك وجرحك وخلي دموعك عزيزه عليك لا تنزل بأي وقت واي مكان وعند اي احد

حتى عندي انا فــــــــــــاهـــــــــمـــــــــــهـــــ




................






صوت صراخهم واصل لأخر البيت وكل واحد منهم يقاطع الثاني

- مب على كيفك

- لا على كيفي ونص بتتزوجها ورجلك فوق راسك

- زواج ماني متزوجها واعلى مابخيلك اركبه

- بتتزوجها وانت حمار ماتشوف الدرب

- مابقى الا اتزوج وحده اكلمها بكرى تكلم عشر غيري

- ياكــــــــلــــــبــــ مهب انت اللي درت ولعبت عليها لحد ماكلمتك جاي الحين ترفض الزواج بها

- لا والله واي واحد يدور ويلعب عليها تكلمه زين والله

- استغفر الله استغفر الله .....قعد يستغفر بصوت عالي شكل اخوه ماهب جاي بالقوه

- تبي تسود وجيهنا عند اهلنا هاذي من اقاربك من لحمك ودمك تزوجها واستر عليها

- استر عليها !! شايفها حامل مني يومني استر عليها هي كلها مكالمات وكم مره اقابلها ببيت جدي

تبين عشانهم اتزوجها على ذا الحال ابتزوج نص بنات الرياض

- لا اله الا الله انت ثور هاذي عرضك شعرة وجهك سمعتها من سمعتك

اللي يمسها يمسك مادري هي وش بنت خال ولا عم لنا ....ماهب وحده من خمامك اللي تكلمهم

- وانا وش دراني اني اول واحد تكلمه واول واحد تقابله وان مافيه غيري وش دراني انه مافيه احد لمسها وانــ.....

صوت الكف على وجهه اخرسه طرااااااااااخ / يالـــــمــــلــــعــــونــــ انت اللي جارها لهالطريق

ماتخاف ربك يرد اللي سويته بخواتك بمحارمك بأهلك ماتـــــــخــــــــــافـــــــ

- لو وحده فيهم تفكر تسوي هالسواة بس تفكر كان ادفنها بمكانها

- وبنات الناس عادي عندك ؟؟

- لا تسوي بها الواعظ الأمين حميتك على عرضك ماخذتك

تبي تستر عليها تزوجها وفكنا تراها حلوه ودلوعه تنفعلك يالشايب

وقطع كلامه الضربه اللي جته على خشمه واسالت الدم منه

رفع يده بيمسح الدم بس جته ضربه ثانيه على وجهه اختل توازنه منها ورجع على ورى

- تضربني عشان وحده ماتسوى تضربني عشان الــ..... الـــ....

كلمات بذيئه ووسخه تخرج من لسان اخوه كلمات محرمه تنقال بالبيت الطاهر الفضيل اللي تربو به

ثورت الدم به اخوه داس كل شئ تربى عليه بافعاله

ماحس بنفسه الا وهو داخل بعراك مع اخوه ضربه منه وضربه من اخوه ضربه يتفاداها وضربه تستقر بجسمه

ويدين ثانيه دخلت بينهمم تفكهم عن بعض كانه بحلم ماحس باللي حوله ولا حس باليد اللي تطببه / آآآآي

- عورتك ؟؟

- ايه .....وش ذا ؟؟

- معقم

- حار لا تحطين

- لازم عشان جروحك ما تتجرثم

ماسالته ولا شئ عارفه عادته لاشافته متضايق تسكت وتتكلم معه عادي لين هو يفضفض لها من نفسه من دون لاتقوله

-تنهد تنهيدت عاجز / آآآهــ

- سلامتك ان شاءالله بعدوينك

- بيذبحني ذا الورع وبيطر عقلي

- من ...خالد ؟؟

- من غيره ذا الحيوان

- الله وش مسوي ؟؟

- ووش ماسوى ....من ماشى يوسف ذا الزفت وحاله منقلب

وبنفسها [تعلمني بيوسف اخس ماخلق ربي]

- لا تستغرب حاله شف من مماشئ اول

- بيسود وجيهنا وبيجر البلا على محارمنا

- عادت الجمله بااستنكار / بيجر البلا على محارمنا ؟!!

- ايه ....صايده مع بنت.... وكل شئ بالدنيا دين وبينرد لنا في يوم

- هزت راسها باسى / انا مادري من طالع عليه هالولد حاله مايل

- مادري مادري والله

- تصدق ....من الأسم

- قال باستغراب / من الأسم !!؟؟

- ايه منه ...كم مره قلتلكم غيرو الأسم اتشائم من هالاسم يجيبلي حساسيه

- هههههههه وش دخل الاسم

- ياخي كل اللي يغازلون بالرياض اسمهم خالد ولا فيصل ولا طلال

- هههههههههه صادقه الربع بالاستراحه اغلبهم مسمين ذا الاسامي اكشخ على قولتهم

- ههههههههه والله مخفه والبنات ريم والعنود وتلقى اسمها الحقيقي عمشه وذهيبه

شافت ان مزاج ولد اخوها للآن نفسه ماتغير ومحاولاتها لأضحاكه بالمزح والسوالف فشلت

حطت يدها على كتفه تواسيه / ضاري .... لا تضيق خلقك بيجي يوم بيندم ويتنمى انه ماسوى هالسواة

حط يدينه على راسه / آآآآهــ ياخوفي يجي هاليوم ياخوفي .....لف وجهه لها

انتي عارفه لو يجي هاليوم وش معناه ......معناه ان وحده فيكم بيصير لها شئ

معناه ان انتم اللي بتدفعون ثمن تهوره واستهتاره .....طول اعمارنا وحنا محافظين عليكم

لا قد رحنا للحرام ولا سوينا شئ يغضب الله ببنات الناس لأن عارفين انه بيرجع فيكم

لكن هذا ....هذا مادري وش اقول .....يحسبه لعبه واذا كبر بينتهي وبيتزوج وكل شئ ينسي

صدمها بكلامه معقوله هي ولا خواته بيدفعون الثمن معقوله يجي واحد ويدنس شرفها

اللي حافظت عليه سنين عشان لذة ولد اخوها

تكلم لما شاف الصدمه على وجهها / شفتي وشلون ان الأمر مب سهل مثل مانتي متخيله

والكلب أقوله تزوجها واستر عليها يقول مانب متزوجها تزوجها انت

- انت من صدقك تبيه يتزوج وحده خانت اهلها وشلون بيامنها على بيته وعلى عياله

اعرف ان اللي مثل خالد من اشد المعارضين انه يتزوج عن هذا الطريق

ويحرص على انه يتزوج وحده حشيم شف وشلون هو الحين شكاك وخانق خواته

- بس هاذي غير

- ردت باستغراب /وشلون غير

- سكت مارد عليها مايدري ليه ....يمكن مايبي يصدمها ان وحده من اقاربها بهالشكل

يمكن مايبي ان خالد يطيح من عينها زود لما تعرف انه خان اهله واعتدى على اعراضهم وكون معها علاقه

مايدري وش اللي خلاه يسكت مايجاوب / الله يهديه ويستر عليكم ويحماكم وبنات المسلمين

- احترمت رغبة بعدم الكلام وأمنت وراه / آآآآآآآمين









......................................








بــــــعــــد عـــدة أيـــــامـــ في يـــــومـــ تــجــمــــع الـــعـــائـــلـــة





-نـــــــــــعـــــــــم ماكلمتيه

- لا تصارخين ...لا ماكلمته

- لوى يلوي رقبتك ومتى ان شاءالله يااخت شمس بتكلمينه لا تزوجتي

- والله ماقدرت ماقدرت

- انتي مهبوله .....قاعدين سنه وحنا نخطط ونتكلم ونعيد ونزيد بالحكي وبالأخير خفت ولا قدرت اتكلم

- انتي ماراح تفهمين شعوري ابد شخص سببلي الرعب طول سنين كثيره

طول هالمده وانا انتفض لا سمعت صوت مشيه بس وشلون تبيني اطلع واقف قدامه واكلمه

طلعت من غرفتي وانا عازمه على هالشئ بس يوم شفته قدامي ولف علي ماقدرت افتح فمي دخلت غرفتي وقفلتها مرتين ولو فيه ثالثه كان قفلته

تخيلت انه بيلحقني وبيسوي فيني شئ مو سهل اني اكلمه مو سهل ابداً

- تنهدت بقل حيله شمس معها حق بس لازم تقوي نفسها وتدوس على مشاعرها لازم تحط حد لآلامها واحزانها ولازم تجبر اللي انكسر

حطت يدها على يد شمس تئازرها وتواسيها وتوصل لها رساله انها هي معها بكل خطوه لو ايش ماصار

- اوعديني انك تحاولين مره واثنين وثلاث اوعديني

اوعديني انك تنسين خوفك لو لدقايق وتسوين اللي اتفقنا عليه أوعديني

من بين دموعها ترد / اوعدك اوعدك

ابتسمت بوجه شمس بمحبه تحاول تبثها شئ من القوة عشان تصمد وتحاول ولا تيأس أو تخاف

- يالله عاد امسحي دموعك وخشمك تراك اقرفتينا

رفعت يدها لخشمها تتحسسه وضربتها بخفه على يدها / عمى والله مافيه شئ

- وانتي مخفه تصدقين اي شئ ينقالك صديقتي رقله الحمدلله والشكر هههههههههه

- سألت شمس/ وين مزون

- لا مزون لازم تكون آخر الحاضرات تتسحب تحسبينها مثلنا مرتزات من الصبح

- تكلمي عن نفسك من الصبح انا جايه الظهر فيه احد يجي لناس بذا القوايل

- وتبيني افوت جلسة جدي الصباحيه عشان نوم وانتي عارفتني من بعد صلاة الفجر ماانام

اجي هنا وواسع صدري عند جدي ازين من مااقعد بالبيت اعد الجدران والبنات يالله يتسحبون العصر

يووووووووه افين على ذا الحاله

- وش فيك ؟؟

- تذكرت ان طيف بتجي وعــــــــيـــــــــــنـــــــ

-هههههه اعوذ بالله كره اصلي لين الحين تكرهينها

- ولين بكرى بعد تجيبلي الغثيان بدلعها المصطنع الماصخ وعقلها اللي كبر السمسم مادري وشلون تفكر هالبنت

- خلاص قطعتي جلد البنت استحميلها كم ساعه وخلاص

- لولا مزون كان سفلت فيها هالبنت آآآخ تقهرني ياختي

وقعدت تقلد صوتها / هذاك المزيون ابو سكسوكه من ؟؟وذاك الطويل ابو ثوب بيج من ؟؟

ورجعت لصوتها الطبيعي / تقهر تسأل بكل وقاحه وسعة وجه ومطيحه الميانه الواحد يحشم عمره شوي والبيت اللي هو به

- هههههههه اعوذ بالله شابه ضو .....ولا غيره ؟؟

- غيره من وش ؟؟

- عشانها خقت على عناد ومابقت ولا خلت شئ ماسألت عنه

- وعععععععع ووعين الا مليون وع قدرها لابقين على بعض لو يتزوجها اصرفلهم يطلعون عيالهم

كتله متحركه من ثقل الدم والسخافه وصغر العقل وععععععع حامت كبدي من الطاري

- هههههههه الكره الأبدي مادري وش سوالك المسيكين طول عمره وهو ماكان هنا

- من الله اكرهه وبعدين ماله الا فتره قصيره جاي اخذ مكاني عند جداني على طول

- هههههههه يالله قومي خلينا ننزل اكيد الحين اجتمعو

طلعو من الغرفه ولفت على الغرفه اللي جمبها/ آآآخ يالقهر ماخذ غرفتي ومستانس بها وانا حاشرني جدي بهالغرفه عشان راحة صاحب السمو

- اكيد بيعطيه الكبيره هو ساكن هنا ووراه زواج بس انتي تجين زايره وتنامين يوم او يومين بالأسبوع

- حتى ولو غرفتي هاذي من عشر سنين ويجي هو وياطوله كنه لوح وياخذها بارده مبرده

- خلاص تزوجيه وتصير غرفتكم

- شـــــــــــــــمــــــــــس اسكت لأقطع لسانك الحين ....ماناقصني الا اتزوج عنيّد

- وطي صوتك لا يسمعك

- وخير ياطير خليه يسمعني واصلاً انا اذا بغيت اسبه وادري انه بغرفته ارفع صوتي عشان يسمع

- بـــــــــقــــــــــرهـــ واكيد صوتك ياصله مفروض جدي شال الباب اللي بينكم وبناه ببلك مو بس يقفله

خوفي اي يوم يكسر الباب اللي بينكم وينتف شوشتك ويكسر راسك وضلوعك من القهر انتي انسانه لسانك متبري منك ودايم يجيب لك المشاكل

- اسكتي بس تبيني اشوف حقي ينوخذ مني واسكت

هزت راسها بيأس من عناد بنت خالتها ماراح تتنازل عن رايها وبتظل ترد وترد

فتاخذها من قصيرها وتسكت اصرف لها






.............................





صوت ضحك وسواليف مالي المكان جلسه شبابيه ولا احلى

مجتمعين بالمزرعه حول الحطب المشتعل وريحة السمر تنعش الروح

اباريق الحليب والشاهي ودلال القهوه منتشره حول الضو

وإقط وخفايف وتمر .....الجو بالليل تشتد البروده به والمنطقه اللي هم فيها ابرد مناطق الرياض وبالمزرعه كان الجو خيال

- كم بقالك عزوز وتتخرج ؟؟

- خلاص انتهيت من آخر ترم لي بس نتيجتي بتتاخر شوي عشان التخرج

- الله يوفقك ولين الحين على شغلتك الثانيه ..؟؟

- لين الحين والله

- مرتاح بها ؟؟

- والله ياسطام مااكذب عليك واقول مرتاح لكن الحمدلله كلها شهور واشتغل مثل الناس

- طق على صدره / تبيني ادبر لك وظيفه تستاهلها انا حاضر

- مشكوووووور وماقصرت بس فيه بعض الأستاذه اللي درسوني وعارفين مستواي وقدراتي

رشحوني لشركات هندسيه وكل وحده من هالشركات قدمتلي عرض ومميزات وانا الحين ادرس هالعروض وابشوف الأنسب منها لي

- ماشاء الله الأخ صاير مصري من ورانا

- ههههههههه شفت وشلون

- عسى الراتب زين ترى الدنيا كل مالها بالغلا ووراك زواج ومسئوليات

- لا الحمدلله كرواتب مبدئيه كل الشركات 7 الاف وطالع وعلى حسب مجهودك تترقي وتتلقى مكافأت وغير البدلات

- الله يوفقك الله يوفقك

من بعد مانتهى حديثهم الجانبي

- عزيّز

وصل عبد العزيز صوت يكرهه ويمقته يكره صاحبه وافعاله وسخرية الدايمه منه قدام الكل

بس مايقدر يطنشه ولا يقدر يسوي له شئ ويأدبه أفضال جده عليه كثيره وعلى عايلته

فحشمته من حشمة جده ولا هو قدره تحت النعال

لف له ببرود وهدوء وهو يحاول يضبط نفسه واعصابه لا يتهور ويسوي شئ يندم عليه ويهين ولد الناس اللي اكرموه

- نـــعـــم

- لين الحين وانت تشتغل حارس امن ماغيرت هالشغله

ضغط على البياله بقوه حتى بيضت اصابعه يبي يفرغ غضبه وقهره منه

وبصوت حاول قدر الأمكان انه يكون طبيعي / وليه اغيره شغلي وانا مرتاح به

- رد بسخريه وتحقير / مرتاح ؟؟!! وانت واقف طول اليوم عند البيبان بالحر والبرد وبالنهايه على 1500 ماتكفي بنزين هالخرده اللي معك

رص على البياله زود وشوي وتتفتت بين ايديه / 1500 نعمه غيري ماهو محصلها مع 1000 المكافئه 2500 نعمة كريم

وانا ماعندي مسئوليات ولا شئ بس اصرف على نفسي

- بتقنعني الحين انك مكتفي بــ2500 بالشهر .....ولامحتمل تعب ذا الشغل وقلة الراتب عشان ذا المزايين اللي تشوفهم وتغازلهم على راحتك

اتسعت عيونه على الآخر بلغت به الدناءه والحقاره انه يشكك بأخلاقه ونواياه ويهينه يحسبن كل الناس مثله

حط البياله على الأرض بهدوء عكس البراكين الغاضبه الثايره بوسط بصدره

قام على حيله ووجهه محمر من الغضب المكبوت وبصوت غاضب ونبرة مزمجره مخيفه

- لهنا وبس ياخالد .....على كلامك االواطي والخسيس اللي مثلك مفروض اساويك بالأرض ولا تحرك بي ساكن

لكني حاشم جدك والبيت اللي انت قاعد به ولا ابي العيبه تطلع مني

بس لا تختبر صبري عليك وتتمادى .....لو تعيد كلامك اللي قلته ولا غيره

مايكفيني الا دمك وهالحضور شاهدين وقد اعذر من انذر

ويحرم علي مكان انت فيه .....ناظر الموجودين / السموحه منكم ارخصوني ....وطلع من المزرعه ونظرات الأعجاب والفخر من الموجودين تلحقه







...........................







حاطه يدينها على خصرها وتهز رجلها / ياسلااااااااااام شغالة امه انا

- امه الله يرحمها .....واللي تضف وترتب تصير شغاله يرضيتس غرفه تصير حوسه

- ايه يرضيني ونص يحسب نفسه ملك مايبي الشغاله تدخل غرفته ولا تلمس اشيائه

- جويزه وش ذا الحكي هذا ولد خالس ولا وراه لاام ولا زوجه ولا خوات من اللي يرتب حويجاته وينظف مكانه

- رق قلب الجازي على جدتها وكسر خاطرها نبرة الحزن اللي بصوتها تحب جدتها وتغليها ولا تبيها تزعل عليها عشانه يكفي انه اخذ مكانها عندهم

قربت وباست راس جدتها / مايصير خاطرك الا طيب اضف جناحه كم جده عندي انا

ابتسمت بوجه حفيدتها المحبوبه عندها / الله لا يخليني منتس واشوفتس ببيت رجلتس وعيالتس حولتس

- آآآمين .....دايم تأمن على دعاء جدتها لزواج لها لأنها اذا قالت مابي اتزوج لجدتها فتحت لها محاضره طويله عريضه فتشتري راحة بالها وتامن بلا وجع راس

التفتت لشمس / يالله شمس خلينا نروح نضف غرفة صاحب السمو الملكي عــــــــنــــــــــاد

قمزت شمس بجمبها /من صدقك انتي بتروحين تضفينها

قصرت صوتها وقربت لشمس / ولا باحلامه اضفها هاذي شقه مو جناح صاله ومطبخ وثلاث غرف وين اضفهم كلهم

ابخلي شغالتنا ترقى معنا تضفها وحنا تقعد نشوف التلفزيون ولا قضت نزلنا ولا من شاف ولا من درى

- هههههههههه شيطانه وانا اقول وش ذا الطاعه اللي نزلت عليك فجأه وبتروحين تضفين

- ههههههههه اعجبك انا

جاهم صوت جدتهم / الجازي

لفت لجدتها / سمي يمه آمري

- انتبهي يمه لا تلمسين الكلوركس ولا تدخلينه الغرفه ولا تسوين به شئ ....عناد عنده حساسيه ينفر وجهه ويكتم صدره

اتسعت ابتسامتها بشيطنه للحين هي منقهره لأن اخذ غرفتها هو اللي اختارها يوم جدها خيره وداري انها غرفتها بس يبي يعاندها

- ان شاءالله يمه ان شاءالله [بنشوف وشلون تتهنا بالنوم اليوم]

- وش عندك انتي وابتسامتك كني اشوف ابليس يبتسم

- هههههههه الله يحلل ابليس عندي






......................







بـــــــــــــعــــــــــده بـــــســـــــــاعـــــــاتــــ






- حيالله طيف من زمان عنك

تكلمت بدلعها اللي تكرهه الجازي / الله يحيك بس والله مشاغل ولا انتم دوم على البال

- تكلمت الجازي بسخريه / ايه صح مشاغل والله..... الله يعينك العيال مسئوليه وغير كذا بيت ورجال مشاغل كثيره

ناظرتها بحقد دوم هي اللي تفشلها وتتطنز عليها /والواحد ماينشغل الا بالعيال والزواج مافيه شئ ثاني

- انتي نفس حالتنا متخرجه من زمان وعطاليه لا شغل ولا مشغله فوين الشغل معه

لفت ولا ردت عليها والجازي بنفسها [ههههههه واحد صفر]



تناظر اختها بحب وشوق كبير ....اخت اللي انحرمت من قربها غصب عنها

تتمنى تكون علاقتهم احسن من كذا تتمنى انهم يكونون اصدقاء وخوات فعلا

كل ماحاولت تتقرب منها تصدها وكانها عايشه بحصن منيع ماتبي احد يقرب منها

حطت يدها على فخذ اختها عشان تنبها وقعدت تاشر لها بأشارات

طيف / وش تقولين ؟؟

ورجعت تأشر لها .....لفت لهم / وش تقول ؟؟

ردت شمس / تقول وشلون جدتي والسكر معها ووشلون خوالي

- طيف / اها .....بخير كلهم وذا العجوز صحتها مثل الحمار

لاتخافين بتدفنك وتصلي عليك وهي للحين عايشه

شوي وتنفجر من الغضب والحقد عليها هاذي اختها اختها .....المفروض هي الأولى اللي تتعلم لغة الأشاره عشان تتواصل مع اختها

هاذي اهلها وهي وشمس تعلمو لغة الأشاره مع صعوبتها عشان صديقتهم وهي حتى ماكلفت نفسها وحاولت تتعلم

- طيف / ايه صح ....شفت تو واحد عند الباب يـــــــــــــــــهـــــــــــبـــــــــلـــــ

ثوبه اسود وشماغه احمر وله عوارض خفيفه وحجاته مقرونه من هو ؟؟ نفسه الدكتور

ابتسمت شمس لما تذكرت كلام الجازي عنها الصبح لفت لها الجازي وهي محتقرتها / مدامك عارفه ليه تسألين مايكفي مأخره مزون لين الليل ماجت وتقعدين بعد تبصبصين بخلق الله

طيف / وانتي ليه شايشه وتصارخين انا وياها خوات وننجاز

عطتها نظره الجازي ولفت وخلتها بحقران

اشرت مزون لأختها وقعدت شمس تترجملها / تقولك خالي ماخطب للحين

لفت لها طيف بعصبيه وصراخ / لاااا ولا هو بمتزوج ابد

الجازي / عمى فجرتي اذانا احد قالك انها صمخاء هي ماتتكلم مو ماتسمع

استغربت مزون من صراخها وعصبيتها ماقالت شئ يسوى هي عارفه تعلق مزون بخالها حمد

يمكنها تغار وتخاف حرمته تاخذه عنها وتنحرم منه ومن حنانه مثل مانحرمت من كل شئ قبل







رن جوالها وهو بحضنها وطارت عيونها وش [وش يبي ذا داق انهبل هو عارف الوضع الحين وشلون ]

نقزت ودخلت أبعد غرفه عن الناس

-آلو

- آلو هلا ....وحشتني من متى ماسمعت صوتك

- هي كلمه ورد غطاها رقمي انسيه وامسحيه من عندك وانسي انك كلمتي واحد اسمه خالد في يوم ســــامــــعــــه

انصدمت من كلامه هذا وش يقول بيحرمها منه هو اللي ركض وراها وهو اللي اوهمها بحبه وبالأخير يتركها بعد ماتعلقت به وحبته

- خالد انت وش تقول؟؟

-اللي سمعتيه ولو جينا لكم خطاب ياويلك لو وافقتي بيصير اخر يوم بحياتك لو توافقين

ردت وراه باستغراب / خطاب ؟؟!! انت بتخطبني

فرحه ناقصه اختلطت بصدمه وحزن

- لاتحلمين اخطبك قلتلك لو ....ماناقصني الا اني اتزوج وحده مثلك

سألت باستنكار / مثلي ؟؟!!

- ايه مثلك بكلمتين مني ركضتي وراي وكلمتيني وقابلتيني ولو استمريت معك مادري وش كنتي بتسوين ...؟؟

تكلمت / بس انت انت

قاطعها / عارف اني انا اللي سعيت لك يوم شفتك بس انتي تجاوبتي معي وخنتي اهلك

وانا لو اظل طول عمري عزوبي ماتزوجت وحده مثلك مرخصه بنفسها وبايعه اهلها عشان مين ماكان

- يعني وش معنى كلامك ؟؟

- يعني اللي سمعتيه تمحين رقمي من عندك وتنسيني ولو جينا خطاب ترفضين

ولو شفت رقمك تلفون واحد لأخوك ويدفنك

تكلمت وهي تترجاه / خالد انا زعلتك بشئ..... غلطت عليك.....

تبيني اطلع معك للمكان اللي تقوله انا موافقه بس لا تتركني لا تتركني احبك خالد والله العظيم احبك

- اوهووووو انتي ماتفهمين حكي زياده مابي اسمع انتي ماعدتي تلزميني خلاص

تكلمت بغضب انثى مجروحه / ماراح اسكت ابطين عيشتك

- ههههههههه ضحكتيني ياماما تلفون واحد مني لمتعب واقوله عن بلاويك يالعنود ....بيذبحك وهو يضحك

- انت ...انت ...حــــيـــــــــوانـــ حيـــــــــــــــــــوانــــ

- حيوان ولا انسان صيري بنت مطيعه وسوي اللي قلتلك لا يطلعلك وجهي الثاني

وساعتها لاتلومين الا نفسك بااااااااي يادلوعتي هههههههههه

طيط طيط .....تسكر الجوال بوجهها وللآن الجوال على اذنها

ونزلت دموعها دون ماتحس بدفاها حرارة جوفها من القهر والغدر ماخلتها تحس بشئ

غدر بها هو اللي لحقها ....شهور وهو يطرد وراها من يوم شافها صدفه ببيت جدها

رفضت وتمنعت بدال المره مليون .....اوهمها بكلامه المعسول وبهداياه

قال انه يحبها وبيتزوجها ....تخيلو مع بعض زواجهم وعيالهم وحياتهم ووشلون بتكون

مراهقه طاهره تلقاها هو بكل خبث ومكر حتى لو كانت محافظه على نفسها لو كانت تربيتها سليمه

لو كانت تعرف مصير هالعلاقات وسمعت من القصص الف كانت تتوقع ان هي غير

وانه بيتزوجها لأنه قريبها عكس القصص اللي تسمعها وان الرجال فيها غريب عنهم

لكنها تظل انثى تنجذب للكلام الحلو تنجذب لكلمات الغزل تحب اللي يهتم بها ويراعيها ويدلعها

وهي ماهي اي انثى هي مراهقه انحرمت من حنان الأب ومن الحنان داخل البيت

ومن اللي يسمعها لا شكت ومن اللي يحفظ اسرارها هي اصغر وحده والفرق بينها وبين امها كبير مافيه تواصل بينهم

انثى متعطشه للعاطفه تنشدها بأي مكان لكنها لقتها بالمكان الغلط وعند الشخص الغلط

مسحت دموعها بقسوه ووقفت بعزه وكبرياء رغم ان اللي داخلها هشيم وحطام وبقايا انسان مجروح

- والله لأخليك تندم والله وانا العنود








..............................





- يووووووه ياطيف مو دلع ذا مصاخه والله والله اني انقرفت

تكلمت بدلع مضاعف عشان تقهر الجازي / اي بنت اكيد بتكون دلوعه مو مسترجله مثلك

رنت الكلمه براسها / انا مسترجله؟؟!!

- ايه ماتشوفين نفسك وشلون

- عشاني مااصبغ وجهي بالأصباغ مثلك ولا اللبس اللبس المبهرج كنه لبس زواج مثلك

ولا اتميع بالحكي مثلك ولا اصبغ شعري 600000 لون مثلك مو معناه اصير مسترجله

- تكلمت من بين سنونها وهي معصبه من حكي الجازي الساخر بها / الا مسترجله

- اجل اعذريني يااستاذه طيف انتي غلطانه وعندك خلط وعدم فهم بين المصطلحات

المسترجله يااستاذتي اللي تقلد الرجال وتحاكيهم بكل شئ بلبسهم وقصاتهم وحركاتهم واوصواتهم

ويكون عند بعضهم ميول للأناث اللي مثلهم هاذي هي المسترجله

اما انا غير والحمدلله شعري طويل ولبسي بناتي وناعم

وشئ طبيعي يكون فيني شوية خشونه لأن كل اللي كبري عيال وتربيت معهم وبينهم واغلب وقتي مع جدي

كون اني مااحب اللبس المبهرج ولا المكياج ولا التميع بالحكي والدلع مايعني اني مسترجله

ماعندها رد بعد ماسكتتها الجازي / اها ...يمكن كلامك صح

- الجازي / الا اكيد صح مو يمكن .....وناظرتها نظرة تحدي وعيونها تنطق (كان فيك خير غالطيني )






وصلهم صوته الجهوري والعالي / يــــــــاولــــــــــد دربـــــــ

تغطوا الحريم اللي بالصاله باجلتهم وارتفع صوت الجده / اقرب يمه عناد كلن تغطى

دخل بهيبته وبنيته الطويله ورزته وراح لعند جدته وحب راسها ويدها

تكلمت طيف لشمس/ يـــــــــــهـــــــــبـــــــــــلــــ صح ؟؟

وصل كلامها لمسامعهم وتكلمت الجازي / أحم ...على فكره طيف ترى عناد خاطب

طيف / خااااطب .....ومن خطيبته ...؟؟

- الجازي / انا

اتسعت عيون مزون وشمس من تحت الأجله من حكي الجازي

قالت باستغراب / الدكتور خطيبك

- وليه مستغربه ؟؟

- مااستغربت بس وشلون ..؟؟

- مايبيلها خريطه الخطبه راح لأبوي وخطبني مثل كل الناس

قالت بشك / وكل ذا السنين ماتزوجتو كم عمره وكم عمرك ولا بميلادكم الخمسين بتتزوجون

- هه هه هه ظريفه والله توه منتهي من دراسته وجاي من الخارج كان ماعندك علم

وانا مااقدر اتغرب عن اهلي عاد هو نظر عيني مايبي يسوي شئ يضيق صدري ولا يقدر على زعلي

انتظر لين انتهى من الدراسه عشان نتزوج مع انه كان يتمنى نتزوج اليوم قبل بكرى

وياخذني معه برى وهو يدرس من 8 سنين وكنت وقتها بالثانوي

سكتت طيف ولا قالت شئ

ضربتها شمس مع جمبها / اجل خطيبته ونظر عينك صار

- اسكتي لا تفضحينا .....لو تموت ماتاخذ واحد من عيالنا

- وانتي وش عليك ؟؟

- صدق اني اكره عناد ويجيبلي المرض بس بعد فيه دم بينا مابيه يبتلا بوحده مثلها

ابيها تشيله من بالها ولا عاد تفكر فيه ولا بعد لو بتتزوجه بتسكن معه هنا ببيت جداني عشان ينجلطون منها

- ولو نشرت هالحكي

- ببساطه اقول كذابه وتتبلى علي وكلهم يعرفون اني اكره عناد وانتم بتشهدون معي

- ماشاءالله نشهد شهادة زور

- في امها خير بس تكذبني ان ماخربطت ملامح وجهها

- والله ينخاف منك

- هههههههه عشان تعرفين حدودك ولا تتعدينها .....اقول مزون بتنامون هنا

اشرت براسها لا

الجازي / يووووووووه خسااااااااااره بتفوتكم المسرحيه

قالت طيف بلقافه / اي مسرحيه ؟؟

- الجازي / مسرحية طارق العلي الجديده البيت بيتك

قالت بعدم اقتناع / ايه








.............................








بـــــــــــــعــــــــــده بـــــســـــــــاعـــــــاتــــ







- والله انك مجرمه حرام عليك

- اسكتي اسكتي للحين فيني حره

- بعد حرام اسمعي كحته وشلون شكله انكتم

- لالالالا بعد بقى شوي هههههه

- اشرت مزون لهم وش السالفه لأنها مافهمت من كلامهم شئ

بعدت شمس عن الباب الي كانو جالسين عنده واللي يفصل غرفة الجازي عن عناد والجازي للحين ملصقه اذنها عليه

- شمس / هاذا الله يسلمك جدتي قالت لجازي ضفي غرفة عناد لأنه مايبي الشغاله تضفها

ولا تحطون كلوركس ابد لأنه عند حساسيه منه وجت ذا الخريش وجابت الكلوركس وملت الحمام منه

وجابت فوطه وملتها كلوركس ومسحت البيبان ومماسك الباب والدروج والدواليب وكل شئ تطولها يد عناد حطت به كلوركس

وحشرت الغرفه معمول وعود عشان لا يشم ريحة الكلوركس الا بعد مايلمسه وتقب الحساسيه عنده

وشوفيه المسيكين له شوي وهو يكح كحة واحد مكتوم

فتحت مزون عيونها على الاخير من هبال صديقتها ماتهتم من احد ولا بالعواقب بتذبح الرجال باللي تسويه

وصلهم صوت كحة عناد وكل مالها تعلى زود

- اشرت مزون لها

- الجازي / وش يموته هو دكتور بيعرف يدبر عمره

شمس / انا اقول تنحاشين وتشترين سلامتك ولا تنامين هنا لآنه اكيد بيعرف انه انتي

وبيرتكب بك جريمه لامحاله

- هههههههه عارفه عشان كذا ابروح اليوم مع اهلي حسافه راحت علي نومه وقومة صبح مع جدي

شمس / ذا البنت اللي بتجنني خافي على نفسك وانحاشي

- الجازي / هههههه حشى مصاص دماء مو عناد صار

- شمس / الله يحلل مصاص الدماء عنده بغيتي تموتينه بيسوي فيك اكثر من مصاص الدماء

الجازي / ههههه هاذا ضاري يدق علي .....يالله خلينا نطلع ابقفل الباب

ونزلو وهو للحين يكح ويحك وجهه








......................







قامت مثل عادتها مع انها مانامت الا ساعات معدوده تعودت تقوم قبل آذان الفجر بكم ساعه

قدامها الدريشه مفتوحه وهي منسدحه على جمبها فوق السريروقتها ولا يمكن تفوته

هو الوحيد اللي يسمعها هو الوحيد اللي يمكن تقوله سرها من دون خوف انه يفضحه او ينشره هو اللي لا يمكن تتخلف عن موعدها معه

تناجيه ويناجيها بصمت مثل عادته كل 30 يوم تنتظره لحد مايكون بهالمنظر الساحر

دائره بيضاء منوره وسط ظلمة الليل بكبد السماء تناظره بشوق وهيام

اللي يشوف وجهها بهالحاله يستغرب شكلها بالطبيعه تطالع القمر بنعومه وسلام وهدوء

غرفتها الوحيده اللي تتفرد بهالمنظر منظر السماء الكامل من دون لا يحجبه بنيان

وللآن كلمتها ترن بأذنها ....مسترجله مسترجله مسترجله

غمضت عيونها بألم الكلمه اوجعتها وجرحتها صدق مانهارت وقدرت تلجم طيف وتسكتها

لكن ردت بكبرياء مجروح ....بكبرياء انثى نازف ياما ياما سمعت كلمات مثل السم

لكن مايهمها احد ولا تبين انكسارها لأحد ....يقولون اللي يقولون ماهي مغيره من تصرفاتها وطبيعتها شئ

تكره الضعف والسلبيه والخوف ماتبي تصير مثل شمس تمادى يوسف بذلها وامتهانها عشان خوفها وضعفها

سنين وسنين وهو مستمر بتعذيبها وذلها وهي ماحركت ساكن خوف وضعف

ولا تبي تصير مثل مزون استغل متعب ضعفها وعجزها سنين اخدمته ووجبته وبالأخير قفا عنها وغدر بها وبيتزوج غيرها

كلهم انذلو وانغدر بهم من اقاربهم اللي المفروض يدارونهم ويخافون عليهم فكيف الغريب

بداخلها انثى تتمتع بكل صفات الأنوثه تحلم وتتمنى زوج واولاد وبيت وحياة هادئه رومانسيه

بس ماتبي رجال يذلها رجال تكون امامه انثى ضعيفه مالها راي

تظل طول عمرها دون زواج ومحتفظه بعزتها وكرامتها وقوتها ولا زوج يهينها ويتفنن بإهانتها

ماهمتني الناس ماهمتني .....ابظل محاوطه نفسي باسوار واشواك

ابظل اكابر وادعي القوة والخشونه ولا احد يدوس لي على طرف مستغل ضعف الأنثى

انا بنت ابوي مااحد يهيني ولا يذلني

ابتسمت بنعومه وصفاء عكس المشاعر الثايره بداخلها اكيد سمع شكواها اكيد وفهم نظرتها الحزينه من دون لا تتكلم

ابتسمت بسعاده وهي تشوف الغيم الأسود ينقشع من قدامه ويبان صفائه ونقائه وبياضه

ياترى هو يبتسم لي يواسيني ولا يبتسم يتشمت على جراحي








.............................




تمشي بهدوء عكس الخوف والرعب اللي داخلها لازم اليوم تكلمه لازم

مر اسبوع من حاولت تكلمه وكل يوم تحاول لكن تخونها قوتها وترجع لغرفتها

سمعت صوت خطواته على الدرج رفعت جلالها اللي كانت لابسته من قبل على راسها وغطت وجهها

وطلعت بسرعه من تفكير ماتبي ترجع ملت ترددها وجبنها

شافها قدامه واستغرب منها له اسبوع من اخر مره شافها قدامه ويسمع حركة بغرفتها عكس هدوئها المعتاد لما يمر من عند غرقتها

طلعت الكلمات من بين شفايفها خايفه ومرتجفه تسلحت بكل القوه الممكنه اللي تملكها

بس منظره ومن دون تفكير منها يصيبها بالرعب والخوف

- يـــ ـــ ــو ســ ـــ ــفــ ـــ ابــ ــــ يـــ اكـــ ـلـــ ــمــ ــكــ

رفع حاجبه باستغراب / تبين تكلميني !!

ردت برجفه / ايــ ــه

- تكلمي

- ماينفع هنا

ناظرها بخبث وحقاره وابتسامه خبيثه تعلو وجهه / تبين بالغرفه

ردت بصوت عالي وخايف / لاااااااااااا

تكلم باستغراب / وليه لا....وين تبين اجل

- آآآ بهاذي الغرفه .....واشرت على غرفة الغسيل

للآن الأبتسامه الخبيثه على وجهه / ههههههه هنا وهناك نفس الشئ بيصير بأي مكان اهم شئ انا وانتي يالله خلينا نروح

ومد يده بيمسك يدها ما ان لامست يده يدها سرت نفضه على طول ظهرها وبعدت يدها عنه بقوه

ناظرها باستغراب / طيب شوي شوي مادري وش فيك وبعدين ليه متغطيه عني تراي شبعان منك ومن شوفتك

مسكت جلالها بقوه وناظرته بحقد من تحت جلالها يتكلم وكأنه ماسوى شئ وكأن علاقه حميمه تجمعهم

ماكانه في يوم دمرها ماكانه سلبها اعز ماتملك بدم بارد

مشت وراه وصوت بداخلها يترجاها ترجع قلبها منقبض ماتدري ليه بس لازم تكمل

لازم عشان تتحرر من الآلم والجرح اللي بيطول الوقت على بال مايخف ويندمل

دخل ودخلت وراه وصك الباب وراها

قرب لها والأبتسامه الخبيثه للحين على وجهه بدا بفتح ازارير ثوبه وهو يقرب منها

- هالمره جايتني بنفسك من دون ضرابه كالعاده .....اشتقتيلي؟؟

حامت كبدها وتحس انها بترجع وطعم الترجيع بحلقها .....تنعاد ببالها صور كثيره تنقرف منها

بشوفته بهالمنظر لازم تتكلم لازم يظن انها تبيه وجايه عشانه بس الخوف متمكن منها واخرسها

قرب منها وقرب و ............






....................






- وشــــــــــــلـــــــــــــونـــــ

- اللي سمعتيه

- ومن الشيخ اللي ملك لي من دون لا اوافق ولا احلل ولا اوقع

- واحد من معارفنا وحنا محللين لك وخالصين يوم تتعبين وتروحين للمستشفى

اتسعت عيونها من كلام ابوها مخطط من زمان يعني / يبه انت صادق ولا تستهبل معي

ارتفع صوت ابوها بصرخه / بــــــــنـــــــــــتــــــــــ

سكتت من صوت ابوها مهما بلغ الحنان بابوها بس اذا عصب ينقلب لأنسان مرعب

نزلت راسهاوالدموع بدت تتجمع بعينها بس عزتها وكرامتها تمنعها من النزول انجرحت من اقرب واعز الناس لها

- ليه يبه ماشاورتني تسوقني له كني بهيمه

- انتي بنتي الغاليه ومحشومه ولا اظن لك راي بعد رايي

- يبه طيب يمكن مابي هالرجال يمكني مارتاحله وارجعلكم مطلقه

- الرجال زين ولو انه ردي كان ماقربته منا وزوجتك له بس تحسفت به وخفت اقولك وتردينه مثل العاده

- مابيه يبه مابيه

- ماعاد يفيد الحكي انتي الحين حرمته .....ورمالها ظرف بني على الطاوله هاذي مية الف مهرك

جهزي عمرك وبعد 4 شهور بعطلة الصيف زواجك وقام من مكانه وخلاها

قنابل ابوها يرميها بوجهها من اليوم ماتوقعت في يوم انا بتنغصب على الزواج

هي مانغصبت وبس هي تزوجت من دون علمها بعد .....يمكن لو قالولها ورفضت واغصبوها كان ابرد حره تحس انها شاركت بقرار تعاستها

من اولها بتكسر قوتي ابوي اللي عمره ماغصبني على شئ زوجني لك غصب عني ومن دون علمي

تكلمت بصوت قوي وواثق يخفي وراه الألم والأنكسار / يبه من هو اللي زوجتني له ؟؟....كانت خايفه لايقول ابوها اسم تكرهه

لف لها بعد ماسمع صوتها القوي ماخفت عليه نبرة الأنكسار والخيبه اللي بصوتها وتحاول تخفيه بنبرتها القويه

هي بنته يعرفها زين ويعرف لما تكون قويه ولما تداري ضعفها بقوة زايفه يعرفها مثل نفسه

التفت عليها والتقت نظراتهم نظره رحمه يوجهها لها ونظرة تحدي وكبرياء توجهها له

رق قلبه لها هي الغاليه بس لازم بسوي كذا ماتعرف مصلحة نفسها وردت من الرجال اللي تحسف بهم كثيييييييير وهو ماراح يدوم لها

- اللي زوجتك له هو .........







......................................






- تخطبيله .....توجهت الأنظار لها بإستغراب كلهم عارضوه يوم بغى يتزوج

وكلهم وقفو بوجهه وكلهم رأفو بحالها مالها ذنب باللي صار وكانت ضحية الظروف

ناظرتها امها برحمه وعطف وصدتها بنظرة قوه زايفه قناع تلبسه لا صارت بينهم تبين لهم ان ماهمها فعل ولدهم

وانه ماكسرها ولا اثر بها حطت امها يدها عليها برحمه وهي مدركه مدى المها ولا غشها القناع اللي لابسته

- لا ماعليتس حنا بندور له

هزت راسها بنفي واشرت لهم /متعب اخوي الكبير وانا اخته الكبيره وانا اللي بخطبله وحده على ذوقي ...كان هذا صوت العنود وهي تتجرم اشارات مزون

اسكتت ام متعب الظاهر انها تعتبره صدق اخوها مثل مايعدها اخته

اتسعت ابتسامته من اول ماجلس وهو مبتسم واخيرا زانت ظروفه وانفرجت

وفضى لنفسه واخيراً بيكون له زوجه وعيال وبيحس بالأستقرار وموقف مزون اسعده زود

هو حس بشوية ذنب تجاها من كلام امه وخواته وتعبها اللي استمر يومين توقع انه هو السبب به يوم درت انه ناوي يتزوج

بس اللي يشوفها قدامه وتصر على انها بتخطب له غير اللي امه تتكلم عنها / كفو والله هاذي الأخت السنعه

ابتسمت بوجهه بالم واشرت له <وش تبي مواصفات العروس>

قعد يفكر وثواني وانطلقت الاجابه من فمه اللي طعنتها وهدت القوة الضئيله اللي متسلحه بها

- ابي وحده مثلك بتمام جميله مثلك وخلوقه نفس اخلاقك وسنعه وراعية بيت ......نفسك 100%

[يبي مثلي يبي مثلي .....يعني قد فكر فيني بس شافني ماناسبه مو قد المقام الطرماء مو قد مقامه العالي ....يبي وحده كامله من دون عاهه وعجز

معترف بأن صفاتي هي اللي بيي ليه ماحاول يعيش معي ليه ماتنازل عن الكمال واحلامه واخذني انا لـــــيــــــه ؟؟؟]

حست بيد على راسها صحتها من تفكيرها رفعت راسها وتلاقت عينها بعينه / الله يوفقك ويسعدك مع اللي يستاهلك

وراح وخلاها تصارع الآلام داخلها وتبذل جهد جبار ....جهد تلقي صدماته وجهد رسم قناع القوه على وجهها بجداره








...............................




هي وياه بالغرفه لحالهم المشهد ينعاد بمخيلتها مره ثانيه وهو يقرب ويقرب وابتسامته الخبيثه اللي تكرهه على وجهه

رمت القنبله بوجهه اللي جمدته وصدمته ووقفت حركته وفتح عيونه على اتساعهم / حــــــــــــــامــــــــــــلــــــ

- ايه حامل

- وشلون حامل ...؟؟

- وشلون حامل اسأل نفسك وشلون ولي شهرين بعد حامل

- وشلون تحملين مايصلح انا ماخذ حذري واحتياطي عشان لا تحملين

ناظرها بنظرات مرعبه خلت الرجفه تسري على طول ظهرها نظرات مخيفه وكأنه ناوي على ذبحها

- صدق انتي حامل ولا تكذبين ؟؟

لثواني الرعب تملكها منه وتبي تنهي كل شئ .....لثواني فكرت انها تفتح الباب وتنحاش وتحتمي وراء باب غرفتها وتنسى كل اللي خططو له

لكن خلاص ملت ولا عاد تملك صبر / ايه حامل ...قالتها بنبرة الواثق بنبره قويه

- ووش المطلوب مني يوم انك تعلميني

- المطلوب انك تتزوجني

- قال بسخريه / اتزوجك احلامك واسعه مره .....ووش دراني ان اللي ببطنك ولدي مو ولد غيري

ردت وراها / غيرك !!! من بيسوي سواتك الحقيره معي غيرك

- اقول روحي ارمي بلاك على غيري دايره على حل شعرك يوم حملتي وتورطتي تبيني اتزوجك وانبلي بك

انا كنت اتسلى بك بس ولا الزواج مافكرت فيك ابد ولا طريتي على بالي

انقهرت من كلامه ووقاحته بس ماتستغرب اي شئ من واحد مثله

اسمعني يايوسف زين وحطني على بالك اتحملت كثير كثيييييييير تحملت حقارتك واهانتك لي

اتحملت دنائتك وذلك لي وبتتزوجني غصب عنك .....ولا تحاول تسوي شويتينك علي وانه مو ولدك

مااحد حط يده النجسه علي الا انت وفيه تحليل يالمتعلم يثبت ان اللي ببطني ولدك

وعلي وعلى ااعدائي والله لأفضّح بك لو يذبحوني اهلي بعدها أهم شئ اخذ حقي منك واشوفك تموت قدامي

تحسبني ماادري انك متزوج بالدس والله لأخليهم يجرجرونك بالمحاكم ويرجمونك لين تموت

ياتتزوجني ياموتك على يدي انا خلاص الدنيا بايعتها ولا عاد يهمني احد ولا تهمني حياتي حتى

اليوم ....اليوم تروح تخطبني من ابوي .....ولو ماخطبتني لا تلوم الا نفسك لو اخذت منك حياتك

وراحت طلعت من الباب وهي تنتفض ماتدري وشلون قالت الكلام اللي قالته وماتدري من وين جتها القوة والجرأه

كل اللي تدري به ان الكلام طلع من فمها وانها الحين هي بالطريق لغرفتها بعد مانجزت المهمه

وهو للحين واقف بصدمته من كلامها وتهديدها وشلون عرفت عن زواجه وشلون

رنت كلمات الموت براسه وانتفض لهالطاري يخاف من الموت يبي الحياة

يبي يعيش على طاعه او معصيه اهم شئ يعيش .....بس فيه غضب وحقد عليها وشلون تحمل وانا محتاط وشـــــــــلـــــونــــ

الله يلعني اكيد وانا سكران مادريت عن حالي

طلع ولحقها ومسكها قبل لا تدخل غرفتها شهقت بقوة منه لفها له ورجعها على الجدار ومسكها من عضودها بقوة

وطاح جلالها عن وجهها من قوة الضربه على الجدار ثم قرب لوجهها وشوي وخشومهم تتلامس

وانفاسه الغاضبه النتنه تلفح وجهها / تهدديني ياللكلبه يالــ.....يالــ....

غمضت عيونها من الكلمات البذيئه اللي يطلقها عليها وخوف منه كل قوتها تبخرت يوم مسكها وقابلها

عيونه المحمره وفمه المشدود من العصبيه ويدينه اللي ماسكتها بكل قوته اخرستها وضاعت الكلمات منها

- سقطي اللي ببطنك

- اسقطه ؟!!

- تكلم بغضب مضاعف /ايه سقطيه ماهو انا اللي اتهدد

- وووشــ ــلــون اسقطه

- روحي لحدى هالمستشفيات وخليهم يسقطونه لك

- انت انهبلت وين حنا عايشين به بأمريكا وحتى لو كانو يسقطون عادي انا ماتزوجت بيدخلوني بسين وجيم منين حملت واهلي بيدرون

- كولي حبوب شيلي شئ ثقيل طيحي نفسك من الدرج اهم شئ يسقط دبري نفسك سوي اي شئ

- لالالا انت مانت صاحي تبيني اذبح نفسي

- اجل انا باسقطه لك مو لازم انتي

- انت ؟؟!!

- ايه انا

شافت نظرة الحقد والشر بعيونه وسألت وهي خايفه من الأجابه / و وش وش بــ ــتــ ــســـ ــو يــ بــ ـــي

- ابضربك لين ينزل

- فتحت عيونها بصدمه منه / انجنيت وخرررر وخــــــــــــــر

تحاول تفك نفسها من بين ايدينه بس ماسكها ومثبتها ويحاول يسحبها لغرفته

تحاول وتحاول لكنه حاضنها بكل قوته ويسحبها لغرفته رغم كل محاولاتها

رجال يفوقها قوه وطول وعرض وغير الحقد والعصبيه اللي داخله وتقويه زود

وهي امرأه ضعيفه اقل منه بكل شئ كان سهل عليه انه يقواها ويسحبها معه

تحاول وتحاول لحد ما .......







................................







من هو يبه اللي زوجتني له ؟؟ كانت خايفه لايقول ابوها اسم تكرهه

لف لها بعد ماسمع صوتها / واحد من الجماعه رجال وسنافي وقطّعناه من السؤال

وحتى جدك يعرفه ويمدحه اسمه طلال بن فيصل الــ ....

كشرت بوجهها طلال من الأسماء اللي تكرهها وتتشائم منها واسم ابوه بعد من اولها السالفه خربانه هه






.............................





توه جاي من الدوام حس بتعب واستأذن وطلع يحلم بفراشه وسريره وهو بالسياره

دخل البيت ورقى على طول لدور الفوقي مع انه جوعان بس جوعه لنوم اشد بمية مره من الاكل

وصل لصاله اللي فوق ووقف بمكانه بصدمه وخيبه ومفاجأة الموقف كانت اكبر من ماتخيله بيوم

كأن احد رمى قلبه برصاصه او اشد الم الأنسانه اللي حبها بصمت وطهر ....الانسانه اللي حلم بها كزوجه وحبيبه

الانسانه اللي حافظ عليها بغيابها ولا خانها حتى بتفكيره ....الانسانه اللي تمناها وتمنى نظرة رضى وحده منها او اي اشاره منها عشان يتقدم لها ويخطبها

يناظرها الحين وهي بحضن اخوه وحاضنها اخوه بقوة وقريبي من عند غرفته انتفض لصورة اللي تكونت بباله لما شافهم قرب الغرفه

ووش ممكن يسون بها ماخافو من احد يشوفهم من اهل البيت ماخافو من اللي فوقهم وماتنام عينه شكلها عادتهم كل ماراحو اهل البيت لدواماتهم يختلون ببعض بعلاقه حقيره ومحرمه



صرخ بكل قوته بكل غضب متمكن به بكل استحقار لهم / يـــــــــــــوســـــــــــــفـــــــــــ

فلتها يوسف من بين ايديه متفاجئ من تواجده بهالوقت المفروض انه بالدوام الحين

قطع تفكيره الكف اللي انطبع على خده وكف مثل قوته واشد انطبع على خدها كف محب انخان وانطعن من محبوبه

ناظرته بألم تحسب انه جاي ينقذها من بين يدين ذا المجرم تحسبه بيخلصها من ألمها لكنه فهم السالفه غلط وزاد ألمها

انا ضحيه وهو الجلاد هو اللي اعتدى علي وهو اللي تهجم علي وهو اللي سحبني لغرفته كلمات درات براسها ورفض لسانها ينطقها

ودها تصرخ ودها ترد ....آلمتها وكسرتها نظرة الخيبه والألم بعيونه مايخفى عليها حبه عيونه تفضحه دايم يلمح انه يبيها ويبي يتزوجها بس تصده بجفاء

وشلون تبادله الحب وتعيش معه وهي بهالحال لعبه رخيصه بيد اخوه نطقت واخيراً / انت فاهم السالفه الغلط

تكلم من بين سنونه لا يرتكب بهم جريمه / غــــــــــلــــــــط تبين اشوفكم مع بعض بالسرير عشان افهم السالفه صح

ماني اعمى اللي شفته من حقارتكم ووصاختكم يكفي يحق لكم الموت بس ماابس ادنس يديني بنجاس مثلكم ودار ظهره واتجه لغرفته

- وقــــــــفــــــ انت فاهم غلط غــــــــــلـــــــــط

نـــــــــــــاااااصـــــر











& تمنايتي لكم بقراءة ممتعه ومشوقه &




& أخوكم / هاجس ليل &

السلام عليكم ورحمة الله وبركاته

شكرا لك على هذا الجزء الرائع السريع بأحداثه والرائع بكم النصائح الذي يحويه
ولكن ياريت تقلل من السرعة في الاجزاء القادمة>> تخفيض السرعة مطلوب داخل المنتدى
لنعلق على الجزء

الجازية
بصراحة رائع جد صياغتك لحوار هذه الشخصية القوية من الخارج والضعيفة من الداخل تخفي خلف قوتها امراءة تخشى الرجل وتبين القوة امامها كان رائع جدا الحوار الذي دار بين الجازية ونفسها وكيف اضهرت لنا حقيقة مخاوف الجازية اهنيك على ادراة هذا الحوار
بصراح لا اري الى أي مدى ممكن ان تبلغ ردت فعل الجازية اتجاه الخطوبة او الزواج لانها حاليا في حالةصدمة أي كارثة سوف تفكر بها الجازية بعد زوال الصدمة
انتظر سطورك
مزون
رائع الحديث الذي دار ة بينها وبين الجازية ورائع جدا عندما طبقته ولكن هنا اسألك الى أي مدى ممكن ان تتحمل مزون هذا الامر وهذا الكبت للمشاعر وهذه الاعصاب الممزقة
ممكن اني وجهت نظري مختلفة يعني عندما احتاج الى نصيحة من صديقة ممكن الصديقة تقدم لي النصيحة من وجهة نظرها ومن واقعها وقوة تحملها هي بس من اجي اطبق نصيحتها على نفسي اجد صعوبة في تطبيق ذلك
فهل سوف تتحمل مزون ان تطبق نصيحة الجازية
هل تعرف اقسى كلمة قالها متعب هو عندما قال اريدها مثلك قد تبدو من وجهة نظره عادية هناك الكثيرمن يرغب بزوجة تشبه امه او اخته ولكنهاكلمات اصابت مقتل ل مزون واصابت مشاعرنا نحن كقراء ووفقت انت ككاتب في ايصال وحهت نظرك في هذه السطور
شمس
هل تعرف اثرت هنا قضية شائكة وتحديت نفسك ككاتب فيها لانها تحمل بين طياتها عدة حوارات وتتحمل اكثر من حل ووقد تنتج عنها عدة مشاكل اجتماعية فهي كقضية واقعية حلولها صعبةومشاكلها كثير وفقك الله حتى تخرج بنتيجة ترضيك اولا وتقنع متابيعك ثانيا
طيف
انا من الذين تعرفت شخصيا على فتاة تشبه طيف تحظر كل الاجتماعات العائلية حتى تتفرج على شباب العائلة الله يهدي الجميع
لا ادري لماذا تستهويك المشاكل الاجتماعية الشائكة يعني يلوح في الافق مسألة تعلق طيف في خالها التي تبدو وكأنها تعلق من نوع اخر وليس التعلق الفتاة بخالها الطبيعي
هنا سوف تتكون لديك عدة صراعات لهذه الشخصية بصراحة اعانك الله على ادارة حوار مثل هيك شخصيات في الواقع صعب تقبلها هذا بالاضافة الى علاقة طيف بمزون التي تبدو علاقة واهية ولاتحمل اية مشاعر اخوية
انتظرك في قصتك الكثير لتقدمه اتمنى الموفقية لك

كلام ضاري مع الجازية
هل تعرف هناك مثل يقول دقة بدقة ولو زدنا لزاد السقه اعتقد القصة مشهورة
ولكن للاسف الشديد الاتعاض منها قليل
فلو فكر كل شاب وفتاة بعواقب ما يعتقدون انه طيش شباب وفترة وتعدي لوجدنا بيوت الله انملت بزوارها ولوجدنا اماكن الرذيلة فرغت من الذين يترددون عليها ولكن للاسف الشديد كلما تطورت التكنلوجيا تطورت وسائل الخداع وطريقة التغرير هنا انا لا اتكلم عن الشاب فقط الفتاة ايضا لها دور بالموضوع ولكن العادة هي خداع الشاب للفتاة
صدقني اعجبت بطريقة تقديمك للنصيحة كان رائعا جدا كلام ضاري وكان رائعا جدا ردت فعل الجازية عنما خشت على نفسها وبنات اخياها ان يرتد اليهن ما يفعله ابن اخها ب بنات الناس
وفقت في ادارة هذا الحوار ووصلت الفكرة لنا بطريقة رائعة جدا شكرا لك يوسف وخالد
بصراحة لا ادري ماذا اقول عنهم
من رضى على اقاربه وابنة عمه وتلفظ بهذه الالفاظ عليها ماذا اسميه
يعيش الانسان عمره ويطلب في كل دعاء له الستر وهذان بمنتهى البساطة يعرضون انفسهم للفضيحة
ما اقول غير قول واحد
اذا لم تستحي فأفعل ما شئت
عبد العزيز ياريت اتبين منو هذا عبد العزيز
وبصراحة قبل ان اعرف منو هو
حبيت اهنيك على هذا الشخصية العصامية التي لاتخشى من قول كلمة الحق حتى وان كانت لناس صاحبي فضل عليها اجدها شخيصة شجاعة جدا اعتقد سوف يكون لها دور فعال في القصة فلقد دخلت القصة بقوة
ولعل من خلالها تبين ان الانسان ممكن ان يبني له شخصية قوية ومركز وتحترمه الناس حتى وانا كان عمله متواضع بنظر البعض الانسان هو من يبني شخصيتة وليس عمل الانسان من يبني الشخصة
بصراحة لقد توهتنا بزواج الجازية من طلال فيصل عندما اراد ابوها نطق الاسم قلت اكيد عناد ولكن فوجئت
بأسم مغاير تماما ياترى ما الذي تسعى اليه من خلال هذا التحول والى اين سوف تصل به ننتظر
الاسماء
بصراحة اضحكتني عندما ذكرت الاسماء التي ذكرتها الجازية لان اغلبها اسماء ابطال القصص التي اتابعها
بصراحة مرات استغرب هل من المعقول السعودية كلها اسمائها بدر وفيصل وخالد وطلال لأنها ا اسماء اصبحت مؤلوفة بالنسبة لمتابعي القصص
بعدين حقيقفي لايوجد علاقة بين الاسم واخلاق صاحبة ولو كان للامر علاقة لرئيت الناس جميعا سمو ابنائهم محمد تيمننا بأسم الرسول عليه السلام
بالمناسبة ما معنى اسم سطام
وماهو الأقط
وختما مشكورة عل هذا الجزء ووفقك الله
ملحوظة
ياريت شجرة العائلة الموجودة بالقصة لان تشربك الأمر علينا

مصدومهـ
ومو قادرهـ استوعــب
بارت مليء بالأحداث الغيــر متوقعهـ

شمــس
حسافهـ
جرأهـ يتها بالوقت الغــلط...
بس ما استبعد صراحهـ انهـا تكون حامــل صج

ناصـــر
والموقف الي شافهـ
حيــل صعــب يشوف حبيبته بحظن اخوهـ
اكيــد بيظن السوء والشيطان شاطــر
شرح يسوي!!
بيستر الي شافهـ ويحاول ينسى جرحهـ ولا بيفضحهـا ولا شنو!!

يوســف
متزوج!!
من تعيسهـ الحظ هاذي..
صج نــذل..الله ينتقم منـه

طيـف
اكيد بتكون جذي
لا ام ولا ابو ولا اخت بس خال الي عندهــا
واهو الي مالي حياتهــا فلو راح ممكن تتجهـ لاشي شخص ثاني!

الجازي
ما الومهـا صراحهـ
شكلهـا تعقدت من الي يصير مع مزون وشمس
غير جذي تربيهـ رياييل اكيد بتكون جذي
بس الحمد للهـ انهـا مجرد تصرفات ما تعتبر مسترجلهـ ابدا
كلامهـا لطيف غيره على عناد ولا بس عشان تقهر طيف!!
حراااااام مسكينهـ طول عمرهـا ما انغصبت على شي والحين يغصبونها عالزواج
انا لو منهـا اروح ليدي:q

عنــاد
حساسيتهـ من الكلوركس بس كحهـ ولا ممكن تأثر عليهـ!!
وهل عرف ان الجازي اهي الي سوت جذي!!
عرف بخطبتهـا ولا لا!!
وشرح يكون موقفهـ!!
اللهـ يســتر

العنود
ما توقعت ابدا انهـا تطلع البنت الي كانت مع خالــد
بس شرح تسوي!!
ولو خطبهـا رح تسمع كلامهـ ولا رح توافق!!
احس انهـا رح توافق عناد فيهـ

خالــد
مو مستغربهـ منهـ دامهـ مماشي يوسـف
بس الحمد للهـ انهـ ما سوى الي سواهـ يوسـف
اعتقد انهـ رح يراضي ضاري ويخطبهــا!

مزون
صج ان كلام الجازي كان قاسي عليهـا بس اهو الصح
وشي حلو انهـا سوت الي قالتلهـا عليهـ
يمكن اول شي رح تحس ان صعــب
بس شوي شوي بتعود على التمثيل

عبد العزيز
عجبني ردهـ على خالد
والي يـدل على انهـ عاقل
اللهـ يوفقهـ

متعــب
ما الومهـ بس مو واقفهـ معاهـ
اغلــب الناس تشوف الي عندهـ اعاقهـ على انهـ ناقص
واغلب الشباب يبون الي رح يتزوجونهـا كاملهـ والكمال للهـ

تقبل مروري