يسلمو يا قمرايه فصل رائع حزنت كتير على ابو وام احمد ربنا يصبرهم واضح كمان ان عريس نوف شكله واخد عنها فكرة غلط متهيألى وكمان الحلم بتاع الجد شكله يقلق ربنا يستر فى انتظار البافى يسلمو موون

السلام عليكم ..مسائكم خير يارب

عساكم بخير وعافيه .. واسفه على التاخير

يمكن احبطت بسبب انو مافي تفاعل .. بس ان شاء الله مع الاحداث بلقى تفاعل

استمتعوا بالبارت

واتمنى القى ارائكم وتوقعاتكم













البارت السادس



بعد يومين



جالس في غرفة ولدي .. احس بوجع في قلبي محد يحس فيه .. احمد ربي واشكره ان ولدي سارله

هالحادث .. وان ربي اخذ امانته بهالطريقه ولا عاش ومات بطريقه ثانيه

عمري ما فكرت ان ممكن ولدي انا يصيبه مرض مثل كذا .. الله يرحمه ويغفرله

ما ابي اظلمه واقول انه جايه هالمرض بطريقه حرام .. ان شاء الله انه جاه باي طريقه ثانيه

حاولت اكذب نفسي لما عرفت وشفت الاوراق بسيارة ولدي .. بس لما طلق واصر انه يطلق ولما سار يبعد عن الناس ومواقف كثير بسيطه ما كنت ادقق فيها بس بعد ماعرفت رجعت لها

واكتشفت ان هالشي صحيح .. المفروض اني ادور على اللي دعسوه بسيارتهم

واخذ حق ولدي بس انا اشكرهم اقلها مات ولدي مستور مو مفضوح عند الله وخلقه وسيرته بين الناس كلها

وهذا اذا مو ولده رمى نفسه قدام السيارة .. وخصوصا الفتره الاخيره وكيف كان مكتئب

الله يغفرلك ويرحمك ياولدي ويعيني كيف اهدي اخوانك عن اللي يفكرون فيه .

بس انا لهم بالمرصاد .. ووالله لو ان اللي دعسه بسيارته يجيني برجوله ويقولي خذ حقك لا ابوس راسه واقوله روح ياولدي اللي سويته رحمه لي ولولدي .. روح وعيش حياتككك

غمضت عيني بالم ودعيت لولدي من قلبي ان ربي يرضى عليه ويغفرله ويرحمه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ

النار شابه بجوفي سارلها يومين ..من يوم عرفت كيف مات احمد رفيق دربي

واللي ذابحني ردة فعل ابوه وكيف انه بارد .. ومتساهل بالموضوع

ويقول الله يسامحهم وحسابهم عند ربهم .. احس اني بموت من قهري وغبني

بس مو عارف منهو اللي كان السبب يقولون انه كان بالسعوديه والحادث سارله هناك وابو احمد اتنازل من وقتها وما حب انهم يدورون عن الرجال

وقال بيننا وبينهم الله .. معقولة .. ياناس ولده اللي مات كيف يتعامل بالبرود هذا

من وين جايب كل هالصبر يا ابو احمد .. من وين جايبه

انا ماراح ارتاح غير لما اعرف منهم اللي حرموني اغلى من املك

ماراح ارتاح .. واذا هو بيتنازل انا باخذ حق احمد بطريقتي

بس اعرف منهم بالاول ولكل حادث حديث

وناظرت جوالي .. اتوقعت منها اتصال او رساله بس ولا شي ولا شي

هذي على وشو شايفه نفسها بفهم .. لما اوصل السكن بتصل عليها واسولف معاها قبل لا انام


ــــــــــــــــــــــــــــــــــــــــــــــــــ ــــــــــ



بالنسبه لها جالسه على الارض .. مع جدتها وامها واختها

فارشه كتبها حوالينها تذاكر بينما هي تفكر في اللي سار قبل يومين

وعصبيه عمها عمر لما عرف بالموضوع وكيف بالقوة قدرت تاخذ منه وعد ان اول شي يشوف اخبار عن الرجال

بس ما قدرت تمنعه انه يمسك عبدالله اخوها ويرجع يستجوبه

وعبدالله التوتر كان باين عليه .. وقله الموضوع بس عمه اصر عليه لان التوتر اللي كان ماليه حسس عمها ان في شي غير اللي قاله لها

وفعلا قاله انهم كانوا يفحطون في مكان خالي بس هو طلع لهم من العدم .. وقال عبدالله لعمه انهم نزلوا يشوفونه بس هو قالهم روحو روحو لانكم لو اسعفتوني راح اشكتي عليكم .

وهم خافوا من كلامه وهربوا .. ومستغربه من تصرف الرجال هذا وش قصده لما قلهم كذا

وبعد قال لعمها ان عمار خويه اخذ جوال الرجال كله عشان بعدين يقدرون يطمنون عليه

وعمها حس انه بينفجر من العصبيه منهم واعطاهم محاضرة واخذ الرقم وقلها يومين بس واعرف وهي الحين تنتظره على احر من الجمر عشان تعرف شاللي صارر

والاستغراب من هذاكك الرجال ماليها .. معقولة كان يبغى يموت

ولا خاف على اخوها وشافهم صغار بالسن .. بس شكله كان يبغى يموت ولا ليش قلهم لا تسعفوني وهم في مكان مافيه احد .

وفجاءة شهقت وانتبهوا لها امها وجدتها واختها

امها وجدتها بخوف : وش فيك وش جاك ؟؟

ابتسمت بهبل وقالت : ابد ولا شي

جدتها بعصبيه : وانتي متى بتخلي هالعاده عنك .. لازم توقفين قلوبنا

ابتسمت منى وهي تقرب من جدتها وضمتها وباستها بقوة : بسم الله على قلوبكم وبحاول اوقفها يابعد قلبي انتي

ابتسمت جدتها وهي تشوف وجهها : وش بلاك غادي وجهك اصفر مو مثل دايما ؟؟

ابتسمت لجدتها ولدقه ملاحظتها : ابد ياامي مابي الا العافيه .. بس هاليومين الاختبارات كثرت والنوم ماعدت انامه

قالت جدتها بحنيه : يا امك الزم ماعليك راحتك لا تتعبين نفسك .. واكلي من المطبخ شي واتركيك من اكل المطاعم .. غاديه جد على عظم

ام عبدالله وهي تتفحص بنتها .. هي واثقه ان فيها بلا .. سارلها كم يومين مو طبيعيه في البدايه اتوقعته ارهاق

بس لا هي شاغل فكرها شي .. بتصبر عليها وان شاء الله انها تجيها

لانها مستحيل تقدر تعرف شي حتى لو سالتها .. بنتها وهي تعرفها تكتم والشي اللي ما تبي تقوله لو قتلوها ما قالته

قالت لبنتها : منى يا ماما .. انتي اليومين هذي مو على بعضك .. فيكي شي متضايقه من شي .. قوليلي وانا امك

ابتسمت لامها عشان تطمنها : لا تخافي مافيني شي والله بس مجرد تعب خفيف مع الاختبارات وان شاء الله انه يروح .. يلا انا بقوم الحين لفوق اخلص وجباتي

ومشيت هاربه من نظراتهم التفحصيه لها .. تكره امها وجدتها لا صاروا كذا

الا والا يخلونها تقول لهم هي وش فيها .. بس مستحيل تقدر تقول .. اوف ياعمر انت وينك الحين

يامن يطمني والمصيبه .. قبل ساعه اتصلت وقال مو فاضي لما ارجع اقولك وش صار

يكلمها من ظرف خسمه وبنرفزه .. هي تدري انه يبي يقول لابوها .. بس اول تبي تشوف ايش صار لرجال

وهو فعلا لازم ابوها يدري عشان يعاقب اخوها .. لازم يعرف عاقبة فعله

والموضوع مو بسيط .. لانه ممكن يستسهله مع الايام .. اساسا هي من بعد ما سمعته كيف كان مخبي عليها معلومات كانت حتفديهم

عصبت بقوة عليه ولما خرج عمر .. هاوشته وعصبت .. وماخلت ولا بقت وهو ساكت

وراحت لعمر واقنعتها بالعافيه ما يقول لابوها غير بعد ما يعرف اخبار عن الرجال ووعدها خير بس على مضض

واليوم لو عرفوا اخبار سواء كانت شي زين او شين .. بتقول لابوها .

الموضوع بجد ما ينفع يمر كذا .. وراح تفكيرها لا شعوريا لحلم جدها وشعر جسمها وقف

قالها عن الحلم اليوم بعد صلاه الفجر وقبل لا تروح مدرستها .. قالها يابنتي

انا اشوفك انت على سفح جبل واقفه وشخص مدري منهو ماسك يدك بس انه رجال بس تجي وحده من وراك وتدفك بقوة .. وتطيحين من فوق الجبل لاسفله

وبعدين انا وابوك وامك واخوانك وعمك واقفين ونشوفك وشخص يقطع من لحمك ويرميه وانتي تبكين وتصيحين .. وتقولين يارب يارب يارب

واحنا مو قادرين نجيك او نقرب منك .. شعر جسمها وقف من اللي ذكره لها جدها

بجد الحلم يخوف .. دعت في قلبها ربي يكفيها كل شر ويحفظها

نفضت الموضوع من راسها ودخلت لغرفتها وركزت على الوجباتها وخلصتها

اتصلت على المطبخ وطلبت لنفسها كاسه عصير كوكتيل .. وفتحت البلكونه وجلست على الكرسي وهي تتأمل السما ومبسوطه بالنسمه البارده اللي تمر .

وسمعت صوت جوالها يرن برقم غريب .. استغربت الرقم .. قررت ترد

منى بهدوء : الو

وصلها صوت بكي مفجع من الطرف الثاني .. خلاها تقوم واقفه وهي تقول بقلق : الو مين .. مين معايا .. وش اللي حاصل


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ




دخلت غرفتها .. شافت جوالها يرن باسمه .. ورجفت بخوف منه ومن طاريه ومن اللي بتلاقيه

ردت بصوت يرجف : الو

بصراخ وعصبيه : ساعه اتصل ليه ما تردين

قالت وبنبرة خوف والم على حالها : كنت تحت مع ماما وجدتي والجوال في غرفتي

قال بعصبيه : وانا كم مره قلتلك جوالك هذا ما ينزل من يدك .. واذا عجزانه تشيلينه علقيه في رقبتك

قالت : اسفه اخر مره ماراح اكررها

قال : مو بكيفك غصب عنك ماراح يتكرر هالشي

حاولت تسيطر على نفسها وقالت بالم : طيب

قال وهو مستغرب انها رجعت لخضوعها : اسمعي يابنت ابوك .. انا كلامي ما اكرره .. جدي كلمني اليوم وقلت انه انتي اللي تبين تأجلين .. وانتي مثل البقرة بتقولين ايه انا اللي بأجل .. لانك لو قلتي غير هالشي بتشوفين اللي عمرك ما شفتيه

قالت بوجع وقهر الكون ماليها : حرام عليك تقولني شي انا ما قلته والله حرام .. وش اللي بتستفيده

قال بقهر من اسلوبها وكيف تسوي نفسها مسكينه : اكلي تبن .. واللي اقوله تسوينه مفهوم

قالت بضعف : مفهوم

قال بقرف : اجل انقلعي الحين .. لاني انغثيت من سماع صوتك بصراحه .. بروح اروق بعيد عنك

وقفل السماعه وما اعطاها فرصه حتى انها تقول شي .. واساسا وش بتقول

هي تدري انها ضعيفه قدامه .. وسلبيه .. ما تقدر توقف في وجهه وتحاسبه .. وتوقفه عند حده

بس هي كذا .. هذا طبعها .. اتمنت تكون بقوة اختها منى

ما يهمها شي وتكسر روس الكل من غير استثناء .. طول ما الشخض معاها محترم تحترمه

لكن اللي يدوس لها على طرف ممكن تخليه يكره نفسه .. وتوقف الكل عند حده

اه يا اختي ليتك تشوفين وش صاير في اختك

وليتك تعطيني ربع قوتك عشان اقدر اوقف في وجهه واعلمه كيف يغلط على بنت عبد العزيز




ــــــــــــــــــــــــــــــــــــــــــــــــــ ــــــــــ




احس راسي ماسكه صداع فضيع من يومين .. من يوم دخلت علي منى وهي تزفلي الخبر المشؤوم

كان ودي اذبحه وقتها .. اللي ورطهم في مصيبه .. عصبت بطريقه مجنونه وكنت ناوي انادي اخوي واخليه يروح ويكسر عظامه

بس المجنونه هذيك ما خلتني وحلفتني وربطت يديني.. وهي تلفني بكلامها

وتذكرني اني وعدتها وان اللي يخلف الوعد خوان .. كان نفسي امسك لسانها واقطعه لها بجد

وماكان بيدي غير اسمع كلامها ما اقدر ارفضلها طلب وخصوصا ان طلبها وكلامها مقنع وكانت تقوله لي والترجي بعيونها

بدل لا نفجع عبد العزيز .. نكون عارفين الموضوع كامل وايش اللي بيواجهه عبدالله

وبعده نقوله .. هالبنت مدري كيف تقدر تقنعني بكلامها .. وسويت مثل ما قالت .. وقالتلي الموضوع اللي قاله لها

.بس ما اكتفيت ناديته وسالته .. وبغيت اتوطى في بطنه وانا احس انه مخبي شي

وخصوصا والتوتر واضح عليه .. وقال اللي عنده .. ما انكر ان استغراب دخلني وبعد نوع من الراحه

لما سمعت معناته ممكن يكون الرجال هو اللي رمى نفسه قدامهم وخصوصا ان المنطقه اللي كانو فيها ما كان فيها احد ابدا .. تعتبر مكان خالي

واللي يريحني انه معاه اثنين في سيارة ثانيه وشافوا هالشي معاهم .. والاهم انهم شغلوا مخهم اللي اتعطل لفتره لما تركوا الرجال .. واخذوا جواله

واول شي سويته هو اني جبت اسمه كامل .. واساسا طلعت الشريحه كويتيه بس قدرت اجيب الاسم

ولما عرفت ان الرجال كويتي زادت عصبيتي اكثر .. واتصلت على رقم مكتوب عليه انه ابوه

وسالته وقال ايه وعرفت منه ان ولده مات وانه متنازل عن كل شي

وقالي اعتبر ان الموضوع ما صار .. انا كل عقل فيني طار .. هذا بجده يتكلم .. ولدك مات بسبب ولدنا

وانت تقول متنازل .. هذا الرجال شكله مخرف

قفلت منه وانا ناوي ارجع للبيت واسلم الموضوع لعبد العزيز .. وخله يتفاهم مع الرجال ومع ولده

بس لما ارجع بقول لمنى اللي سار .. مسكينه شيلها همه .. وهي اساسا يادوب شايله نفسها من الارض

تضحكه البنت هذيمو راحمها غير انها طويلة صح بس بشكل حلو ويمكن لو ماكان فيها طول كان اختفت

وجهها اليومين هذي اصفر والهالات تحت عينها .. يابعد قلب عمها من التفكير

ابتسم وقرر بعد ما يخرجيمر على ماكدونالدز يشتري لها وجبه ولنفسه ويتعشى معاها .



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ



: ههههههههههههه احلف انك مسوي كذا

الولد وهو مبسوط منها : ايه والله .. اقولها وانا صادق

ريناد بدلع : والله انك مجنون ومتهور بس .. وبنبره غير .. انا احب المتهورين .. يكون لكل شي متعه معاهم

الولد وهو خاق معاها ومبسوط انها من النوع اللي واضح لعاب : انتي اللي كل شي معاك متعه

ريناد : ادري اني كل شي معاي متعه .. ما قلت شي جديد

الولد بخبث : طيب ياممتعه انتي .. وش رايك اشوفك بكره .. عازمك لى العشا وسهره حلوه

ريناد ابتسمت وجاوبته بدلع : ممم بكره .. شويا صعب خليها على اخر الاسبوع

الولد بخبث اكبر : امس شوفت الكاميرا الكانون اللي عجبتك .. قلت امر بكره اشتريها لك واخذك

ريناد بفرحه ودلع : واي حبيبي انت .. الله لا يحرمني منك .. خلاص اجل بكره نتقابل

الولد بفرحه وخبث : اجل لا تنسي تلبسين لي الفستان اللي شريته لك .. مشتهي اشوفه عليك

ريناد بدلع وهي مسويه نفسها مستحيه : يوه خلودي مايسير كدا .. تحرجني

خالد : ريناد .. بجد البسيه ابي اشوفه عليك

ريناد بدلع : ابشر حبيبي بلبسه بكره موعدنا على 8 العشا

وقفلت منه .. ونا مبسوطه مو متحملته غير عشان الهدايا اللي يجيبها لي

واي واخيرا بيكون عندي كاميراكانون .. مو بس حضرة منى اللي عندها .

لما شافتها عندها انقهرت لاني انا اللي قلت اني نفسي فيها وبعدها بيومين تقولي انها اشترتها تبي تقهرني بس بكره انا اللي بقهرها

بس غريبه الولد ما رجع كلمها واتصلت عليه مارد .. ابي اشوف كلم منى او لا

ومنى كل ما حاولت اسألها واعرف لو عندها شي جديد ما ترد علي

ولما اجيب سيرة الولد اللي في السوق عشان اشوف القها ترد علي مثل العاده بمواعض

معقوله ما قدر عليها .. ولا شكلها ما تبيني اعرف .

عشان لا تخليني امسك عليها شي تبي تكون العفيفه الطاهره عشان تقدر تستصغرني مثل ما تبي بس مصيري اعرف .. طال الزمن او قصر



ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ



دخلت السكن والوجع اللي في صدري يذبحني على فراقه

ياناس مابعد بريت من جرح فقداني لامي وشتات اخواني وظلمهم لي

عشان يجيني جرح جديد .. اللي فقدته مو شي عادي

الوجع اللي فيه يزيد والدموع اللي في عيني تزيد تزيد

وانهرت وانا ابكي وابكي وابكي .. وبديت احس بكتمه احس ودي اكلم احد .. ودي اشكي لاحد

وما جا في بالي غيرها .. مدري ليه .. واتصلت على طول .. يبي احد يسمعه ويهون عليه حتى لو ما عرفه

يبي احد يسمعه مثل ماكان احمد يسوي .. واتصل رنه واثنين وجاه صوتها الهادي اللي زاد اللي فيه

منى بهدوء : الو

ومن غير لا يحس بنفسه انهار يبكي بجنون وبصياح

سمعها وهي تقولها مين معايا .. الو .. ايش اللي حاصل

وهو كل ما سألته زاد بكاه

قالها بوجع وصوته مليان الم : مات .. مات يامنى مات

حسيتها انخرست فجاءة بعد ماكانت مفجوعه وخايفه .. وحسيت بانفاسها تتسارع

ما اهتميت بشعورها يكفيني انها سكتت واسمع صوت انفساها وتسمعني وبس

قالت لها بوجع : ماعاد بقي لي احد .. امي واخذها الموت من سنين ورمت على كتوفي حمل 6 اخوان

واختين .. وابوي تركنا وراح وتزوج .. قضيت سنيني .. وانا اجاهد عشان اصرف عليهم وما اتكرهم

يحتاجون احد .. كنت بعمر 18 سنه .. 18 سنه صغير كنت والله صغير .. وكبرني همي سنين وسنين ..

ولما كبرتهم ومسكو وظايفهم .. اتهموني اني حرامي وسرقت فلوسهم .. وكنت اشكي لصاحبي وخوي

دنيتي احمد .. بس هو بعد الموت خذاه مني .. ماعاد بقي لي احد .. ماعاد بقى لي .. والله اني افكر ارمي

نفسي من الشباك .. وارتاح من حياة الشقى اللي عشتها .. ياناس احس بالموت .. احس اني عايش

لاجل اتعذب .. ابي ارتاح 8 سنين من عمري راحت وانا في شقى .. لا تخليني انتي .. لا تخليني ماعاد

بقى لي احد والله ماعاد بقى لي احد

ورجعت ابكي بجنون .. وما سمعت صوت ابدا منها .. وكملت انهياري وهي تسمعني ولا قالت شي ابدا

بعد مده لما هديت وانفاسي بدت تهدا .. انقفل الخط

لا شعوريا ابتسمت .. ابتسمت امتنان انها على الاقل سمعتني

وحسيت ان التعب هدني وغطيت في نومه مريحه ولاول مره من سنين




ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ




بصراحه صعقت .. بجد صعقت .. بعد الخوف اللي تملكني وانا اسمع صوت احد يصيح في التلفون

جاني شعور صدمه الجمني .. وانا اسمع الشخص يشكيلي همه ويبكي .. قطع قلبي بصراحه

باين انه شخص فعلا عانى في حياته .. شكله غلطان في الرقم

وشهقت بفجعه وانا انتبه لرقم وانه هو نفسه اللس ارسلي يوم الخميس .. اجل هذا يعرفني

لانه بعد ناداني باسمي .. رجال ومتصل ويشكيلي انا .. لا مو معقول بجد مو معقول

صحيت من افكاري .. على صوت دقات الباب .. قلت بهدوء وانا اسيطر على نفسي : اتفضل

دخل عمر وهو مبتسم .. قمت بسرعه وانا اقرب منه واشوف اللي في يده ابتسمت .. بوسته على خده .. واخذت الاكياس وحطيتها على الطاوله في البلكونه

وسالته بسرعه وبلهفه : بشر وش حصل معك

قال بهدوء : عرفت اسمه .. ينقاله احمد بن عقاب ال ... كويتي .. كان جاي لهنا لسعوديه مدري وش يدور يمكن يزور احد

سالته بخوف : لا تقول الرجال كويتي

قالي بهدوء : ايه كويتي .. واتصلت من جواله على رقم ابوه المسجل .. وسالته عن ولد وقالي انه مات واستغرب الرقم وش يسوي معاي واعطيته التفاصيل .. وقلي انا متنازل عن حقي .. واعتبر الموضوع ماصار ابدا .. والله يسامحكم .. بس نبهوا ولدكم لا يفعل هالامور وهالمره عدت ومو كل مره بتعدي

ناظرته بصدمه : نعم .. احلف ياعمي انه قال كذا .. وبعصبيه : عمر مو وقت مزحك ابد

طالعني بجديه وبهدوء : وانا اتكلم جد .. ومن متى العب في الامور هذي انا .. انا بعد استغربت بس والله هذا رده

طالعته وابتسمت بهدوء : اكيد ربي استحاب دعواتي .. ربي ما يخيب احد .. بس لا تقول لعبدالله شي خله كان الرجال يطالب بحق ولده اللي مات عسى ربي يغفرله ويرحمه يارب ويسامح اخوي .. خليه وقول لبابا الموضوع .. وخليه يعاقبه ويقرص اذنه وبعدين يقوله ان الموضوع انتهى وقدرتوا تقنعوا اهل الرجال .. عشان يتوب من اللي يسويه .. ونفس الكلام لخويه وخلوا ابوه على اطلاع بعد

ابتسم لي : وهو هذا اللي بيسير ان شاء الله

وبدينا ناكل واحنا نسولف وانا احاول ابعد فكري عن الرجال اللي كان يبكي عندي قبل شوي

اول مرره رجال يشكلي ويبكي بالهشكل .. ما انكر اني حزنت لحاله الله يعينه يارب

بس لازم ما ارد مره ثانيه ابد .. خرج من عندي عمي وترك عندي جوالاته وجوال الرجال اللي مات الله يرحمه .. ومفتاح سيارته .. اتقدمت ورحت اخذت جوال الرجال الله يرحمه

بفضول استغربته فيني لانهم و من عادتي .. بس في شي خلاني اصر اروح اشوفه ..

واول ما فتحته بديت افتش فيه لين وقفت عن رساله (( لا تشيل هم يا خوي .. واترك عنك هالكلام .. وان شاء الله انه اجر هالبتلاء .. اصبر واحتسب واخوانك انا بكلمهم .. وتراني جاي لسعوديه بعد يومين ))
مدري وش اللي جاني وقلي شوفي الرقم

دخلت وشوفت الرقم وانصدمت .. ايه انصدمت وصدمتي كانت كبيره

جريت لجوالي .. وفتحته وشوفت الرقم اللي تو اتصل علي

وكان مطابق له من غير لا احس دخلت الجوال عندي

ورحت لعمي وحطيت اغراضه على الطاوله

وخرجت ودخلت غرفتي وقفلت الباب علي وانا مصدومه فعلا



انتهى