صباح الخيرات على احلى ليلاسيات ......... كيفك هموس وكيف الطبخ والنفخ معاك ...... بنات وينكم عن فطور هموسة تراها نزلت لكم اطباق متعوب عليها ليه ماعطيتونا رايكم بالسفرة

ترى اقل كلمة تزيل عنا التعب والله وتجبر خاطرنا وتحمسنا نستمر بالموضوع ...... توقعت اشوف تشجيع اكثر لو على صنف واحد المسكينة داخلة من الفجر المطبخ ماغير شايلة وحاطة والعرق ينزل من جبينها والدموع غرقت نص الرياض من كثر ماقشرت وقطعت بذا البصل يالله عاد مو بس تاكلون وتطلعون عطونا رايكم في طباخنا وسناعتنا



هموس ابشرك ابو الهول نطق خخخخخخخخ لايسمعني بس قاعد يتفرج على الصور بجوالي حقت الاكل الا يقول شهالطباخ الزين متى سويت هالطبخات ....... شفتي ام الفهاوة الي نازلة على ابو الشباب اكتشفت اكتشاف عجيب ياكل ومايدري شقدامه .......

مااشره عليه ياكل وعيونه بالتلفزيون مبققة على طاش ماطاش ولايعرف الي ياكله حلو لو ماصخ ..... تصدقي من قهري جاني عرق نذالة بحط له شطة بصحنه واشوف اخرتها


وتقولين انا الي عجزت والله اخاف بكرة يسمع عن اكلة مسويتها على الفطور ويسمع احد يتكلم عنها ويقولي من زمان عنها شسوي ساعتها ........ تقولين يضحك علي اي هين اجل


صحيح خبرتيني انك بتشيلين عني بس ماقلتي متى لذلك تفاجعت من الفطور الي نزل بس انبسطت لاول مرة من نزل هالموضوع ههههههه


وبعدين الي تقولين انك ماقدرتي تقنعيني ادخل المطبخ الا بهالطريقة الاجبارية ....... ليه مخليتها كل يوم علي يوم عليك ويوم علي ......... فيس يخزك وعيونه تقدح شرار خخخخ



المهم فطوركم لليوم الرابع جهز حياكم ان شاء الله بس يبيض الوجه ........... ومثل ماقالت هموس ياليت لو تجربون صنف منهم علشان نحس اننا عضوات نافعات في المجتمع هههه


هاالله هالله بالردود السنعة الي تشرح الصدر

صباح الخير عليكم ... يالله تفضلو فطوركم لليوم الثاني



اول شي ببتدي بالشوربة الي طلبته مني العزيزة احب الليل اتمنى تعجبها يارب سويتها علشانها .....


شوربة الخضار


بصلة حجم وسط مقطعة صغير جدا ...... كوسا مبشور ....... جزر مبشور ....... بطاطس مبشور .... حبة طماطم مقطع مكعبات صغيرة ...... ربع كوب بقدونس مفروم ... 2مكعب ماجي خضار ....... 6م ك شوربة شوفان .... ملح وفلفل اسود .. كمون


الطريقة :


نحمر البصل في شوية زيت الين يذبل بس مانخليه يصير احمر ...... بعدين نضيف جميع الخضار ماعدا البقدونس .... نضيف الماء ونتركه الين يغلي ........

نضيف الشوفان والماجي والبهارات ونتركها تستوي على نار هادية لمدة نص ساعة اخيرا نضيف البقدونس ونطفي عليها





وبالعافية عليكم



قطع الدجاج مع الخضار


قطع دجاج مربعات بدون عظم ....... بذنجان ..... كوسا .... بطاطس ...... لوبيا خضراء ..... بصل مقطع ... 2فص ثوم مبشور او مقطع قطع صغيرة ....... طماطم مقطع مكعبات صغيرة ...... معجون طماطم .... كزبرة خضراء مقطعة ... مكعب ماجي خضار ... ملح ....... بهار مشكل ..... كمون ... كاري




الطريقة :


نحمر البصل والثوم الى ان يصير لونه ذهبي ....... نظيف الطماطم الين يذوب ...... نظيف قطع الدجاج ونقلبه بشكل جيد الين ينشف شوي ..





نضيف معجون الطماطم والخضار ويقلب جيد ونضيف ماء كمية مناسبة ........ نضيف الماجي والبهارات والملح ونغطي عليه ونتركه الين ينضج ....... اذا باقي عشر دقايق نضيف الكزبرة ....








وبالهناء والعافية





كفتة الدجاج



دجاجة مسلوقة ....... فلفل اخضر رومي ..... بصل ....... بقدونس ..... فلفل وملح وكمون ..... بيض مخفوق .... بقسماط ... زيت للقلي




الطريقة :


نشيل العظم من الدجاج ........ نخلط الدجاج مع البصل والفلفل الاخضر والبقدونس .......والملح والبهارات ....



نشكل الكفتة على شكل اصابع ونغمسها بالبيض ثم البقسماط ونقليه بالزيت ...... ننشفه من الزيت .. ونقدمه مع البطاطا المقلية والسلطة الخضراء ......







وعليكم بألف عافية




معكرونة بالخلطة الحارة


مكرونة حسب الرغبة مسلوقة وجاهزة ....... بصل مقطع ...... فلفل اخضر حار ...... ثوم ..... فلفل اخضر بارد ..... بطاطس مقطع مكعبات صغيرة ..... طماطم مقطع صغير جدا .... معجون طماطم .... بقدونس مفروم .... مكعب واحد ماجي خضار ... ملح وبهار مشكل وكمون وملعقة صغيرة كاري .... فلفل حار



الطريقة :


نحمر البصل والثوم الين يستوون ...... نضيف اللحم ونتركه الين ينضج وينشف مويته ...... نضيف الطماطم الين يذوب ....

نضيف البطاطس والفلفل الحار والبارد ومعجون الطماطم ........ وبقية المقادير الا البقدونس نتركه للنهاية



بعد ماتنضج الخضار .... نضيف البقدونس ..... ونتركه خمس دقايق على النار ..... اهم شي يكون قوام الصلصة كثيف شوي


نضع المكرونة في صحن التقديم ......... ونرش عليه الصلصة ...... وممكن نزينه بعود يقدونس





اتمنى يعجبكم



سلطة البقوليات


نعناع اخضر .... بقدونس .... كزبرة ........ بصل اخضر ..... خس بس مو خسة كاملة كم ورقة بس ..... خيار .... طماطم .... فطر ... شرايح زيتون اسود واخضر ... ذرة ... حمص كامل مو مطحون .... نصف علبة فاصوليا حمراء ... نصف علبة فاصولياء بيضاء ... زيت زيتون .... ليمون



الطريقة :


نجهز السلطة كالمعتاد .... بعدين نضيف جميع المكونات السابقة .......... بس زيت الزيتون والليمون نحطه بس عند التقديم ....







اتمنى تعجبكم وعليكم بالعافية




حلا الايسكريم




بسكويت شاي ..... ايسكريم فانيليا .... ظرف دريم ويب ... ظرف كريم كراميل .... علبة قشطة .... نصف كاس حليب سائل .... م ص نسكافيه ........ شكولاتة مسيحة للوجه


الطريقة :


نصف البسكويت في الصينية ويكون طبقتين على بعض ......... ونشربة بماء مذوب فيه شوية سكر ونسكافيه ....




نحط عليه طبقة الايسكريم ونحرص انو يصير حتى بالجوانب وبين الفراغات .......... وندخله الفريزر



في الخلاط نخلط القشطة والدريم ويب والكراميل والحليب ......... ونخلطهم زين .......... نسكب الخلطة على طبقة الايسكريم ...




اخر شي نصب عليه الشكولاته السايلة ......... بأي شكل يعجبنا ....... ندخلها الفريزر الين تجمد .... طعمها يم يم





وعليكم بالعافية




صدودة سويت لك عصير الليمون بالنعناع ........ ماادريت انو الهالة سبقتني يالله عليك بالعافية مافي فرق بيننا انا وهي واحد صح ...