الـسلام علـيـكـم ورحـمة الله وبـركاته
لو علمتالدار بمن زارها فرحتواستبشرت ثم باست موضع القدمِوأنشدت بلسان الحالقائلةًاهلا وسهلاً بأهل الجود والكرم
أهــــــــــــــــــ لاً وسهــــــــــــــــ لا ً
1-متى اول مره طبختي؟
بصراحه ماكنت أدخل المطبخ دايماً<<<أبوي مانعني..وهالشي اللي جاب السكر لأمي خخخخخخ
والله كان إذا شافني بالمطبخ طلعني<<<خايف أتشوه ويبتلش فيني..
المهم..مره حنا وبنات أهلي كنا في عطله وحبينا نسوي أكشن إنه كل ليله وحده تسوي العشاء لأهلي..والله ماأذكر كم عمري بس أتوقع بالمتوسط..
ويوم جا دوري ..كانت معي أمي وسويت كم طبخه أسم أنه يعني أنا والله ناسيتهم بس من ظمنهم الرز الملون..
وكان رز أبيض أضيف له ألوان الطعام ويطلع ملون ..
2-اول طبخه طبختيها ؟
مثل ماقلت لكم (الرز الملون)
3-اول طبخه نجحتي فيها وممن تعلمتيها؟
أتوقع الفطاير كنت أضبط عجينتها حييييل
أخذت طريقتها من خدامتنا الفلبينيه..
4-كتاب طبخ دائما ترجعين له ؟
الحين النت أكثر شي
بس قبل كنت أستخدم كتب طبخ عند أمي لرابحه أحمد
5- متى تجهزين الغدا ومكوناته منالليل او في وقت الطبخ؟
عادي أجهزه بوقته ماورانا شي..
6 –هل تستمتعين بالطبخ وتحبينه والا تحسينهواجب ثقيل ؟
لا والله ماأحب الطبخ ولا أواطنه بس على قولتك أحسه واجب وثقييييييل حيييييل بعد..
7-تحرصين على تزيين اطباقك والا بالبركه؟
لاعاد إسم إني طبخت خل أزينها ..أصلاً أستمتع بالتزيين أكثر من الطبخ..
8طبخه تتقنينها وكل ما عملتيها لازم اللي ذاقها يسألك عطيني المقاديروطبعها تحطين لنا الطبخه بمقاديرها
دايماً تعجبهم اللازانيا اللي أسويها..وبالعزايم والجمعات تلاقين لازم أنا علي اللازانيا<<<لأني أحبها أضبطها..
وأستخدم نفس الطريقه اللي بكتاب النخبه بالضبط..
9_اداه في المطبخ لا تستغنين عنها ؟ واذا كان بالامكان صوره لو من النت؟
هو تقريباً كل المطبخ أساسي ومكمل لبعضه
بس بصراحه أنا ماأستغني عن المايكرويف لدرجة إني ممكن أسوي فيه حتى الكيك..
10- شيف او طباخ تحبين تشوفينه يطبخ؟
منال العالم ..وطبعاً حفظت طبخاتها من كثر ما تتابعها أمي..
واخيرا تخيلي اننا موجودين عندك ومدي لنا سفره من صنع يدك
عاااد هنا انتي وكرمك وياليت تكون بالصوروالطريقه
عند الاستطاعه ؟
طبعا ما نبي كلفه حنا خوات
الله يحيكم ماهنا كلافه حق وواجب<<<صدقت نفسي
تفضلو على العشاء
هذي الكبيبه لعيون أم الشهد وبصراحه ترى الصوره آخذتها من النت لو أدري صورت لكم غدانا أمس كبيبه..
وهذا الطبق الرئيسي<<بما إن جيتكم لعندي زي العيد حبيت أحط لكم صورة عيدي اللي زينته بعيد الفطر..
والحين حلو مع بسبوسة الكاروهات..
واخيرا كثر الله خيرك واكل طعامكم الابرار وصلت عليكم الملائكه وذكركمالله فيمن عنده
آمين وخيركم ياقلبي ..ومشكورين على الإستضافه
وسامحونا على القصور ..وإستروا ماواجهتوا....ههههه
10-03-11, 03:52 PM
جديد مواضيع قسم ركن المطبخ
العرض العادي
