|
اقتباس:
الله يحييش و يبقيش اما اظهر ما عاد فيني اروح للوحة التحكم و اغير التصفح فيس فيه خمول ما هو بطبيعي يزيد فضلش اقتباس:
خلاص بشل 600 و امش 600 حسبتها و طلعت 1200 صح |
مدونتي
صباحش احلى من الورد وحشتيني |
عندي كلااااااااااام واااااااجد
مدري بيطيعني اكمله قبل ما يغلبني النوم و لا لا ههههههههههههه صاير عندي كسل فضيع حتى التصفح حولته متخفي و كل ما دخلت قلت باخليه عادي و انسى اول ما ادخل و بعدين اتعيجز اروح لـ لوحة التحكم قلت لكم كسلي ما هو بطبيعي << فيس يتثاوب ^_^ |
أيام العيد
و ما ادراكم ما أيام العيد صراحة العيد ذا رهيــــــــــــب استانست فيه من قلب و ان شاء الله أيامنا كلها اعياد و أفراح يوم العيد :: طبعا الكل لازم يواصل و هذي عادة عندي ما يصير عيد اذا ما واصلت على الاربع و العشرين بس الله وكيلكم اذا دقت الساعة اللي توفي الوقت 24 خلاص يوقف كل شيء عندي ما عدا عيوني تقعد مفتحة يعني الاستيعاب و ترتيب الجمل يصير صفر خخخخ المهم العيد ذا ما واصلت و السبب اني تحنيت بالليل و من الطفش رقدت من الساعة 2 الى 3 و ربع و صراحة جا الصبح و انا مصحصحة و بعد اللبس و التكشخ اول اليوم كان شبه طفش و جالسة انا و نودي نشكي لبعض على الخاص و حنو تتشكى في مدونتها ( طلعنا شلة شكايات ) المهم جلست انا و امي و اختي نستقبل الاطفال و نعطيهم عيديات و شوي و تجي عمتي و تقول تعالوا الجارات عندي و نروح عند عمتي و نجلس مع الجارات و فيه زوجة ولد عمي ( هذي ثابته يعني معيده عندنا ) و جارات داخلين و جارات خارجين و طبعا انا من دخلت المجلس الين طلعت و انا اصب القهوة << فيس نشمي خخ و يوم اذن الظهر طلعوا اخر فوج من الجارات و طلعت معهم زوجة ولد عمي و شوي و يتصلون علي بنات خالاتي و يقولون بتروحين عند خوالي قلت برووح اشوف اخواني روحت لهم قالوا ابشري بنوديش بس ما فيه مضوى ( رجعه) الا بالليل لانهم يبغون يرقدون و رحت ابلغ البنات بالرفض اهيء و انكسر خاطري و افتح اللاب بما اني مصحصحة و اجي ليلاس الينه شبه فاضي و اطلع و اتذكر ان فيه مسلسل كوري قلت بتابعه بعد رمضان و هو موجود هنا تحميل و اروح لمواقع الاون لاين صديقتي اللي تحميلهاسريع و ابدا اتابع المسلسل و اجلس الى الساعة 3 ما شفت الا نص حلقة كنها حلقتين من مسلسلاتنا ( الحلقة الوحدة 75دقيقة ) و بعدها قمت و صليت و رقدت الى 9 و نص و قمت و فيني كسل و خمول غير طبيعي و يا الله اني احرك اصبعي و جلست افر في ليلاس و بعدها رجع ابي و جلست اتقهوى انا وياه لعل و عسى يطير النوم و الخمول اللي فيني و على الساعة 1 فتحت اللاب و فتحت المسلسل و اتابع منه شوي و يقطع الاتصال و جنني الموقع و اروح لموقع ثاني صح اني جودة تصوير الثاني ما هي بزي الاول بس الاحسن انه يحمل بسرعة و اكمل الحلقة الاولى و الثانية اشوف البارت الاول منها و بعدها رقدت من 3 بالليل الى الساعة 5 الفجر |
ثاني ايام العيد ::
صحيت على صلاة الفجر و صليت و كنت ناوية ارجع ارقد بس شفت اخواني مجتمعين و جلست معهم و طار النوم و شوي و يرقدون و اطلع الحوي و امشي فيه شوي لان الجو كان خطير و بعدين دخلت على موقع المشاهدة و اضغط على البارت الثاني اثاريني ما ضغطت صح و حملت البارت اللي قبل و خليته يحمل و دخلت ليلاس و سولفت مع البنات في المقلط و منتظرة التحميل و يوم طلعت بعد فترة و اليني عايدة تحميل اللي قد شفته و بغيت ابكي من القهر و من القهر اللي جاني قمت و لبست و تجهزت علشان اروح عند خوالي و ما جات الساعة 9 و ربع الا و انا خالصة و بعدها صحيت امي و تجهزت و انطلقنا الى بيت خوالي و هناك تجمعوا كل خالاتي و تغدينا و تعشينا مع بعض و كان يوم رهيب طول اليوم و البزران يقرحون العاب نارية بس من بعد المغرب بدوا بالالعاب الكبيرة اللي تطير الى السما و تنفجر فيها يمكن انهم قرحوا حوالي 12 وحدة اذا ما كانت اكثر و على الساعة 12 و نص تقريبا رجعنا بيتنا كاول المغادرين لان اخي الصغير كان قدهو يتسدح من النوم و رجعنا البيت و رقدت من الساعة 1 تقريبا الى الساعة 4 عصر |
| الساعة الآن 02:07 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية