|
أسعدك الله بكل خير غآليتي ،، أنتي والله كذلك ولو كنتي تعلمين وسجلت هنا شوقاً لك..شوقا للآنفآس وهآ أنذا..أسطري تقف بين عينيك تخاطبك بدلاً عني،،تراك بدلاً عني فهنيئاً لها وهنيئاً لي..~ وجزاك الله آلف خيرا |
رآئعه أنتي يا أنفاس قطر، ربك يشهد بأني عزيتك كثير من خلال قرائتي حروفك الذهبيه =)
الغاااليه أنفاس قطر طلبتش تقرين هالرد، وهي مشاركتي الأولى معكم ^___^ أولا ياااا أنفاااس ما أوصف لك مدى سعادتي بأني موجوده هنآ وأني أقدر أوصل لك كلماتي وشكري واعجابي الشديد بك وبثقافتك وأخلاقك العاليه ومشاعرك الفياااضه أنفآآس قطر للأمانه من بعد ما قريت الرائعه (أسى الهجران) انقطعت عن قراءة الروايات حسيت أني تشبعت واستمتعت بها بلااا حدود وتيقنت أني مهما أبحرت في عالم الورايات وقريت وتعمقت لن أجد مثلها وما بحس بأسطر وحروف مثل أسطرك وحرووفك الماااسيه وقبل فتره قريبه أنتهيت من (بعد الغياب) وكانت الروايه الأولى اللي أقريها من بعد (أسى الهجران) ومن بعد انقطاع عن عالم الورايات لسنه تقريباً وأمس بالتحديد كتبت في جوجل (أنفاس قطر) ودلني البحث على هالموقع وعلى أبنتك الثالثه مااااا تتصورين مدى فرحتي بمقابلتها ^___^ واليوم أنضميت أليكم وأتمنى تعتبريني صديقه لك ومن أشد المعجبيييييييييين باسلوبك وروحك وكتاباتك والى الآن انتهيت من الجزء الأول فقط من (بين الأمس واليوم) وما تتصورين كم أشعر بالغبطه لمن شاركك بالردود أول بأول وانتظر وتشوق لـ نزول كل جزء ياااااااااااااااريت لو بحثت عن روايتك من قبل وشاركتكم الأحداث يوم بيووم :( عزيزتي الغاليه أنفاس قطر حابه أشكرك كلللل الشكــــــــــــــــر على الأحاسيس الرائعه والمشاعر الصادقه اللي حسيتها طالعه من القلب لتصل الى القلب وشاكره لك كل لحظه وكل ثانيه استمتعت بها في قرائة الروايتين السابقتين وكلي يقين بأني سوف أقضي أوقات رائعه جديده برفقة ابنتك الثالثه ربي يحفظك يالغاليه ويسعدك كما تسعدينا بكتاباتك وأكثـــــــر ويوفقك بالدااارين يآرب |
لاآآآآآ :( .. حرامـ حرامـ حرامـ .. كنت مستانسة احين انه جوزا حنت على عبدالله .. وخلاص بيروحون للدكتورة وبيعرف ويستانس ويقولها كل شي :( .. بس صج تجري انفاس بما لا تشتهي القارئات :( .. اللحين هذي راشيل استغفر الله يعني شمييبها اللحييييين .. بس تدرين لو كانت يات قبل اللحين كانت بتصيير ماساة حقيقية .. لانه جوزا كانت للحين كارهة عبدالله فبتكون ردة فعلها عدائية .. اللحين اتوووقع .. انه جوزاء بتحاول تفهم من راشيل .. ولانه اهيا معصبة + انه الانقلش مالها مو وايد اوكي .. فما بتعرف الا رؤوس اقلام والباقي مخها بيفسره بطريقة غلط .. وبتستنتج انه عبدالله كان مقروف منها قبل عشان انه كان متزوج اللي احلى منها .. بس لما ما لقى احد غيرها جدامه اللحين فصاير اوكي معاها .. واتوقع انه جوزا بيصيدها شي يعني مثلا تطيح او شي .. وتترقد ف المستشفى يا اما بيطيح البيبي او تكون حالتها جدا خطرة .. وعبدالله بيدش عليهم وجوزا طايحة فبينشغل عن راشيل بجوزا .. راشيل امممـ حاولت اتوقع ليش ياية او اخمن .. بس احس كل توقعاتي مالها اساس .. يعني مثلا ياية تبي ترجع لعبدالله ؟ ولا عرفت انه تزوج وتبي تخرب عليه ؟ وبالنسبة لانها قالت انها زوجة عبدالله في شيين .. يا اما انها تجذب وتقول هالحجي بس عشان تخليهم ينادون عبدالله .. يا اما انه صج عند اليهود في شي لازم يسويه الزوج اللي مب يهودي عشان يطلق مرته اليهودية .. وعبدالله ما سواه .. يعني طلقها بالنسبة له .. لكن بالنسبة لها اهيا مو مطلقة .. وبما انج قلتي قبل انها صهيونية يعني اكيييييد في شي عود ورا هالراشيل .. شي ثالث .. عااااالية متى بتيي ؟ قبل لا ايي عبدالله ؟ ولا عقبه ؟ وقبل ما يصير شي لجوزاء ؟ ولا ؟ واصلا عبدالله احس انه بيي بسرعة لانه اوردي مستعجل على جوزا ع اساس بيوديها للدكتورة .. الله يسسستر ! بس احس البارت الياي بيكون ممتع .. عفرا ومنصووووور .. الف الف مبروك رجعتج لبيييتج يا عفرا :) .. فرحتلج من قللللب والله خصوصا انه رجعتي بشروووطج مب بشروط منصوور .. وبعدين شسمه كان بيصير قهر لو ولدتي قبل ما ترجعين .. ومنصور اخييييييرا اخيييييرا ياخي فرحتنا والله .. امممم بس تدرين انفاس في شي يه في بالي .. يعني عمرنا ما جفنا عفرا تتذكر شي عن حياتها قبل مع خليفة .. يعني احسها كانها تتزوج لاول مرة .. مادري شلون يعني بس حسيت هالاحساس يوم تتحجى عن الولادة .. حسيتها تتكلم كانها اول مرة تولد .. وبعدين قلت ليش ما قط مرة تكلمت عن خليفة على لسانها .. لو في سبب احنا ما فهمناه ياريت توضحين لنا .. ولو شي متعلق بالاحداث وبتوضحينه بعديين في السياق .. خليه ياخذ مجراه .. مانبي نحرق القصة على نفسنا :) تميم وسميرة .. تميم كاسر خاطري صج صعببببة اكثر من 6 شهور وهو صابر ومتحمل .. بس بعد قواة عين .. يعني اللحين مو جنه معطيها كف على نفس السالفة اللي يبيها منها اللحين ! يعني مفروض يكون في تدرج اول شي مو جذي ! وسميرة يعني الله يعينها .. اتوقع احساسها صعععععب ومؤلم .. وبتكره نفسها لانه سوالها هالحركة .. وبتغير طريقة لبسها وحركاتها .. وتميم عاد الله يعينه ! من يزرع الشوك لا يجني عنبا ! كساب وكاسرة .. وتستمر سلسة الغموض ! بس كساب صراحة يعطي في الويه ماعنده واحد اثنين ! يعني راعي مشاعرها ع الاقل .. واصلا مفروض انه عارف انه الوحدة لما تمر عليها فترة بعد الزواج وماحملت تكون متضايقة اصلا .. وبعد رايح يزيد عليها .. ويقولها احد يزعل من الحقيقة ! وصج انا مع وجهة نظر كاسرة .. اذا اللحين ما تجوفها تنفع ام يعني ما تبي الحمل .. ونفس الوقت ما تبيها تفكر انك مخطط للانفصال .. يعني شتبي ! والمشكلة بعد انه احنا نعرف انه يحبها .. يمكن كاسرة ما تعرف بس احنا نعرف .. فيعني احس السالفة فيها تناقض كبير ! خليفة و جميلة .. متفااااائلة وبقوة لهمـ .. واحس بيصير لهم نصيب كبيير من الرواية بعد رجوعهم الدوحة .. بس في توقع صغنون ياي في بالي .. انه خلاص عفرا جريب بتولد .. فاحس مخططات خليفة بتخترب لانه اول ما بيوصلون الدوحة عفرا بتولد .. وما بيمديه لانه جميلة بتنشغل مع امها .. ونفس الوقت بتلاقي مبرر انه تبعد عن خليفة لانه لحين مستحية منه .. بس ان شاء الله ما تصير هالاشيا لانه خليفة ما يستاهل مسكين :( تدرين انفاس اكثر شي عجبني واهيا يكلم روحه في البارت السابق .. لما قلتي انه جميلة كانت بذرة جافة واهوا قاعد يسقيها لما كبرت .. بس لازم ما يستعجل ع الثمرة .. مع انها تبين انها نضجت بس لازم ينتظر الوقت المناسب .. علشان يرتاح بعدين :) البارت السابق بكبره وبكل احزانه .. حاولت وااايد واايد اجمع حجي عشان اعلق بس عجزت ! و ماعتقد اني بقدر اعلق عليه في يوم .. بس صج كانت الرواية محتاجة هالبارت يا انفاس .. مع انه الكثير زعلوا .. بس في جانب مشرق .. يعني في ايجابيات صارت مثل انه جوزا حنت على عبدالله .. وسميرة استمرت مع تميم .. وكساب وكاسرة قوت علاقتهم وغييره .. فيعني رب ضارة نافعة :) وعلى فكرة تراني كنت في فترة اختبارات وكنت مضغووطة جدا .. بس ما قدرت ابدا افوت قراءة البارتات اول ما ارجع من المدرسة .. احسها تعطيني طاقة عشان اكمل يومي :) حتى في الاسبوع ونص اللي انقطعتي عنا كنت حاسة بفرااغ كبير .. وافتقدت هذرتج :) .. احس انه احلى شي تسوينه .. يمكن احلى من الرواية بعد لانج تحسسينا انج جريبة منا وهاي احساس حلو .. حتى ما كنت قادرة اعلق .. مع انه كان عندي فترة طويلة .. بس كنت حاسة شي ناقصني وبانتظار الاحداث الياية على احر من الجمر :) |
أنفاس قطر..
أحب إني أسجل إعجآبي الشديد بقلمج.. هذا ثاني رد لي في هالقصة.. وهي القصة الوحيدة اللي رديت عليها.. لأني تقريبا لحقت عليها من بداية الأجزاء.. مادري إذا قريتي ردي الأول.. لأن كان عندي سؤال بخصوص بعد الغياب.. ذكرتي في بداية أحد الأجزاء.. إنج استعملتي 4 لهجات من لهجات أهل قطر فيها.. بس حآبة إني اعرف اللهجة الرابعة .. لأن فيها ال(س) وال(ش) ولهجة الحضر .. شنو الرابعة..؟ وثاني شي حبيت أسألج .. ما شاء الله في سياق القصة يكون فيه تشبيهات حلوة ومفردات أول مرة تمر علي وتعجبني .. ف كتبتها عندي عشان أزيد من مخزون الكلمات والتشبيهات عندي.. عقب قلت يمكن إنتي ما تحبين هالشي.. فياليت ترخصين لي إذا ما عندج مآنع.. وإذا ممكن تكتبين في بداية أحد الأجزاء إذا ترخصين لي أو لاء لأن يمكن ما أشوف ردج على الكلام وأضيع فـ الصفحات.. وتكفون بنآت إذا أنفاس قطر ما شآفت ردي بلغوها لأن عدد مشاركاتي ما يسمح إني أرسل رسالة خاصة.. عطـر قطـر.. |
""مرحبا أنفاس ""
http://www.alryaee.com/upload-alryae...5daff7f8f1.gif
اه صدمتي وحزني وفاة امهاب ,, لم اتوقع ان في هذه الرواية موت وحزن ؟؟؟؟ انصدمت واليوم بديت استوعب ,, يا حلاتك تعجبيني بمفاجئاتك الغير متوقعه بالفعل ,, جنون الكتابة لديكِ ,, قمة الإبهار عندكِ ,, ربي يحميك ويزيدك من فضله ,, الله يبعد الحزن عن الجميع إن شاء الله ,, اما بقية الأبطال واحداثهم كلها شيقة ,, يعجبني طريقة سردك لأفكارهم ,, شي جميل تبلور الأحداث وتصعيدها لشيء اسمى واكبر من ذلك ,, قمة الإثارة القفلة الأخيرة حمستيني لتخيل ما سوف يحدث مع جوزاء وعبدالله ؟؟؟ هكذا عودتينا على التميز والإبداع الا معقول ,, اتمنى لك كل خير وبالتوفيق غالتي ,, |
| الساعة الآن 08:24 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية