منتديات ليلاس - (موضوع حصري) بين الأمس واليوم

كنت أبي أرد قبل زوير المشفوحة..بسم الله الرحمن الرحيم وش ذا الشفاحة اركدي يا بنت..الأبلات اولا.. صفي أخر الصف خلي أبلة خوخة تنقي أول على كيفها

كنت بأنسى<<< يالله جارك من الشفاحة.. أنفاس قلبي... هلااااااااااااااااااااااااااااا والله وألف مرحب... هلا بج في ليلاس وحصريا ياسلاااااااااااااااااام... من أولها أبداع وما يجي منج إلا الإبداع... والله إبداع.. واتعب وأنا أقول إبداع.. ماشاء الله تبارك الله الله يحرسج ويحميج

نجي للفضايح.. فضحتي هدتي أنا القردة اللي أنتي لاعبة عليها إنها غزالة.. غزالة طل.. بزر وماتفهم... أقص يدي لو ما كانت هذي حركة من حركاتج... أنتي قاصدة تدخلين مهاب هذا في أول جزء عشان نربط بينه وبين مزون... بس ما تفوتني الحركة... خبز إيديا وحيات عينيا..
أكيد أنهم كباتن طيارة بيلتقون... بس سالفة حب.. لا ما ظنتي.. إلا أبصم بعد.. بس حلوة سالفة بنت كابتن طيارة... قولي لي اي طيارة عشان ما أروح معها خخخخخخخخخخخخ

عجبتني سالفة زايد.. يا لبي قلبه اللي يحب مزنة.. ومالت على وجهها ما تستاهل كل ذا الحب... عجبني العمر الجديد اللي دخلتيه.. خمسين سنة.. ليش لا.. الخمسين له هيبته.. عمر جديد.. أتوقع بيكون له صدى جديد..

كساب بصراحة يفر المخ.. وأكثر شيء فر مخي.. سالفة ذا السفرة اللي أنتي شددتي عليها وعلى تغييره الكبير عقبه... ياترى وش سوى في السفرة.. وش اللي خلاه كذا؟؟

أسماء الشباب عجبتني مووووووت مهاب وكساب..مووووووووووووت...

جميلة سالفتها سالفة... جد أشكرج أنفاس على التفاتج لهالقضية... لأنه بدت تدخل علينا في مجتمعنا هالسوالف اللي ما كانت موجودة... قال فقدان شهية قال... وعجبني طبعا تصويرج إنها كانت جميلة وما تحتاج... لكن عدم الرضى هو اللي يجيب للإنسان المصايب.. بعد كل هالجمال تصير مخلوق بشع مرعب.. وكانه نصيحة لكل وحدة يجيها هوس الرشاقة المرضي... سمعتوا يا بنيات

علي.. ما أدري ليه حسيته غامض.. الشخصيات اللي مثل هذي توترني.. لأني أحب أعرف وش وراها.. وماعندي صبر...

عفراء.. حبيتها..فديت خالاتي وقلوب خالاتي.... وأنتظر أعرف سالفتها عدل.. حبيتها صدق

تدرين أنفاسوه وراي تحضير خليته لعيونج... وودي أهذر واهذر واقول لج وش كثر فرحانة فيج وفي قصتج وفي ردتج علينا اللي ردت قلوبنا... بس مجبورة وش أسوي
فديت اليد اللي كتبت والعقل اللي فكر... جعل يومي قبل يومج... ماشاء الله تبارك الله

خوخة