|
ماشاء الله عليش ، عرفتي تقفلينها صح
قريت الجزء ، وعندي أحساس أن الأحداث بدت تسترسل من اللحين ولاعندي أي تعليق إلا على موضوع القفله ، في تفكيري أن المسج ماراح يأثر على حالة نجلاء ، وقهرني الأخ صالح يوم انه يبرئ نفسه قدام امه ويدري ان كما ذكرتي في الأجزاء اللي فاتت أن الوجع النفسي أقوى بكثير من الوجع الجسدي ،، هذا توقعي الوحيد ، ولاهنتي ولاهان غاليش ياأخت أنفاس وعز الله انش تستاهلين القاص المميز وأكثر ، جز الإدارة كل خير وكنها تعرف ايش اللي في خاطرنا يوم عطتش ذا الوسام تحياتي الجــادل |
جزء بصراحه قوي اتضح فيه اشياء كثيره خاصه شخصية كاسره
يعجبني نفوسه زخم الاحداث في كل جزء الدرجة وانا ارد انسى نفسي من كثر هذري ويمكن لو اقعد اكتب يصير ردي اطول من الجزء نفسه مبدعه ام سعودي ماشاءالله عليتس تدرين ان كاسره من النوع اللي يقاله غثاه على عمره تصدقين انها كسرت خاطري تبي الناس وتبي قربهم بس ماتقدر اتنزل نفسها وتكون هي المبادره عزة نفسها تمنعها كاسره مش من النوع اللي معتز بجماله يمكن كرامتها وعزة نفسها وثقتها الزايده مع قوة الشخصيه تشوفها ميزه لها اكثر من الجمال اللي تاركينها الناس عشانه هل كاسره من النوع اللي ماتعرف تدخل مع الناس يعني ماعندها اسلوب ماعتقد هذا السبب شكلها متحدثه نمره واحد هل السبب انها تفوق الناس وماتتنزل انها اتحاكيهم ماتصور لان الواضح انها مافيها غرور اتوقع ان كاسره ماتعرف اتجامل ولا تكون المبادره في العلاقه مع الغير وعشان كذا الناس يهابون القرب منها خاصه ان فيها نوع من الشراسه اذن ينقص كاسره حسن الخلق والمجامله اولابتسامه حتى تكسب الطرف الثاني وانا ماقول معنا حسن الخلق ان اخلاقها سيئه لا اقصد ان تكون لينه في تعاملها مع الناس وتضغط على نفسها عشان تكسبهم ويحبونها لان انفوس الناس مش وحده وحنا عايشين في المجتمع مانقول اذا حبونا ولا طز اهم شي اللي حولنا يحبونا ويحترمونا بالعكس ولله اني ارحم اللي مالهم قبول بين الناس تعرفين نفوس في وحده قريبه لي ماشاءالله ايه في الجمال وجسم وكريمه ماتتخيلين كرمها تقدم احسن الهدايا واذا جت جمعه ماتدخل الا وشغالاتها محملين مالذا وطاب ولا تزور احد ويدها فاضيه ودايم تجمع خلق الله وتعزمهم في بيتها واستراحتها بس فيه نقطه مالها قبول ابد اذا تكلمت كلا كلامها تشره وتزعل على اي كلمه سواليفها ماصله ودتس انها تسكت كلن يقول لها يازينتس بس ساكته على النقيض اختها عاديه وماتشفوين منها فلس حمر وتجي للاجتماعات طبعن في استراحات مامعها شي تقول يكفيكم وجودي بس تعالي شوفي حب الناس الها والمقعدها وكلن يتصل عليها يعزمها الجمعته واذا قلتيلها كلمه وسبيتيها ولا تتريقتي عليها ماتزعل وتعطيتس اكبر منها وبمزحها وماعمر شفت احد يكرها او يسبها واذا قلت ماشاءالله عليتس يعني تصوبين وتنصابين ولا ياثر فيتس ولا اشوفتس تحقدين قالت اللي يدقق مايعيش ومبدائي( طنش تعش عش تنتعش) انا ماقلت عن هذي اقارنها بكاسره لا كاسره شخصيتها حلوه وكلامها يجذب بس ثقتها الزايده وقوة شخصيتها تفرض عليها ماتتنازل للغير وهذا اعتبره خطا ولله انا نجامل ناس مايستاهلون ونروح زيارات مانبغاها بس لازمانتي عايشه في مجتمع يفرض كذا عليتس وحتى تتعايشين معه لازم تكونين مجامله ومبتسمه ولا دققين على الكلام والنغزات والى الان اتوقع ان كاسره ماينفع يكون زوجها الا منصور ماشوف ان فرض شخصية كاسره هلى وضحى سيطره بقد ماهو خوف عليها وفعلن اذا كانت وضحى مثل ماقالت وكاسره اعتقد لازم تكون مراقبه وياكثرهم البنات اللي فوق العشرين وينضحك عليهم وهم مهوب بطيبة وضحى والدليل انها ماتقدر تواجه الكل لا امها ولا مهاب ولا كاسره ومارتاحت الا التميم يمكن لانه ماييتكلم بس الخطا انتس ياكاسره تروحين معها وتشرين لها وتسنعينها المفروض بس توجهينها وتعلمينها لانتس منتيب دايمه الوضحى انتي بتزوجين وهي بعد وصعب انها تكون عاله على ولد الحلال وافضل شخص لتس ياوضحى هو عبدالرحمن صدقيني لو خذتي شخص حار مثل كساب او فهد او مهاب اخوتس بتلقين اشكال الاستهزاء والتهكيم والتريقه عليتس اعجبني الحنان الكاسر ياكساب ولله اني مت على حركتك مع خالتك عفراء ماتركت لها فرصه تقرر تدري ليش لانك عارف انها بتموت لو ماتطمنت على جميله وعشانها رفضت انها تروح معهم مابغت تراجع عن كلمتها قوتك في الموقف اعجبتني وبكذا بعد يرتاح خليفه ان فيه احد معه في تحمل مسؤلية جميله لاني احس الولد توهق وانصدم من شكلها ويبيله فتره عشان يتعود عليها اتمنى عفراء تجيب معها صوره الجميله قبل ماتنحف ويشوفها خليفه عشان تكون دافع قوي يوقف مع جميله عشان ترجع للحاله اللي شافها عليها في الصوره ماشوفها مشكله اللي قايمه فيها ام مهاب ورفضها زواج ولدها من صما لان فيه زواجات تمت مثل مايبي تميم وناجحه وفي زواجات تمت مثل ماتبي مزنه ونجحت وابد هذا ماياثر خاصه اذا كان نازل عند امه يمكن ام مهاب خايفه على عيالهم انهم مايتكلمون مثل امهم وابوهم حتى لو ماكانو بكمان زيهم الجو الساكن في البيت يحتم عليهم السكوت والتعامل بالاشاره بس اذا موجود في البيت ناس ثانين مثل امه واخوانه مافيه مشكله تدرين مره كنت بالسياره مع زوجي ولا يقولي وحنا عند الاشاره شوفي لايفوتس المنظر ولفيت اناظر الا في السياره بنت وولد يطلون بروسهم من الوسط على ابوهم وامهم ويتكلمون معهم بالاشاره وهو بين بعض يتكلمون طبيعي اسمله عليهم يدننون الله يخليهم لوالديهم ماشاءالله عليتس نجول تسع شهور فترة حمل هذي يعني الجرح كبير الذا الدرجه وصالح ماحاول انه يحل الموضوع ويتاسف ويقول توبه عقب ذا النوبه ماعيدها ولا عاد تسمعين بنت المصريه ابد سبحان الله بعض الناس مهما كان حبوب يموت في زوجته الا ان له السان سليط ويهزء ويعتبره دعابه ويمزح معها بس مايدري انه يسبب جرح كبير النجول بس معقوله ان سبب خلافهم بس هو كلامه هذا ليت توصفين لنا نفوسه موقف من مواقف صالح مع نجول عشان نعرف يستاهل زعل نجول تسع شهور ولا تغلا على صالح لانها تعرف انه يموت فيها بس عاجبتني نجلا واقولها للمره الثانيه احترامها الصالح وماترضى عليه اي كلمه صالح هل لو تزوجت جوزاء بتستمر حياتك مع نجلا مثل ماقالت ام صالح انت بتهدم بيتك مقابل تحافظ على ولد اخوك رح يارجال الزوجتك واستسمح منها وخلك من المسجات اللي ماتوكل عيش ومخليه نجلا تسع شهور وهي عند اهلها متشوقه للمسج اللي ارسله صالح النجول وخلا شعاع تبقق عيونها معقوله يكون توقع ماماتي وزوز صح وان عبدالله بعده عايش يمكن رجوعه يطلع جوزاء من حالتها اللي هي فيها بس تدرين احتقرت حركتها مع كاسره يوم رمت لعبت ولدها في الزباله زين انتي ماتحبينها وشدخل ولتس في السالفه يعني جزاتها بتفرحه الله يوفقتس يارب ويجزاتس الف خير وعافيه ام سعودي منتظرين البارت الجاي واكثر شي متشوقه له مسج صالح النجلا جعله اخر مسج بينهم بس تدرين اتوقع انه يقول جهزي اغراضتس انا معاد فيني صبر والليله مافيه مبات الا في جنبي وهذا اللي خلا عيون شعاع تطير |
السلام عليكم ورحمة الله وبركاته
تلعبين معنا لعبة منطقية الرواية .... ومحاكاة ما تكتبين للواقع ... بكل مرارته وحلاوته ... ومع اننا مازالنا نتعامل مع الرواية كخيال ...... الا انكي تجبرينا بكل حرفنة الى الواقع ... ونحن نستمتع بذلك ....... جميلة ... ذكرت انهالن تعيش طويلا .... وخليفة ذكر في حواره مع نفسه احتمالية كبيرة بعدم النجاة ... واحساس عفرا ..( احساس الام الذي لا يكذب ) فهل ستموت جميلة ....؟؟!!!!!!!!!!!! نجلاء وصالح ... حياة زوجية .... بدون مشاكل تذكر ...ز وتفاهم وحب متبادل بين الطرفين ... ولكن عندما يمزح احدهما في موضوع يخص السمعة والاحترام بالنسبة للطرف الاخر ... يفقد الاحترام بينهما وعلى الطرف الاخر ... اتخاذ وقفة كبيرة مع الطرف الاول .... ( مع الى الان لم نسمع او نقرأ لماذا صالح قام بمعايرة نجلاء بامها في اكثر من موقف ولعدة مرات ) سميرة الدم الخفيف ... وفاكهة الرواية .... ومازالنا ننتظر الاحداث ليكون لنا معها حديث اخر ..... غانم ... وجه جديد ننتظر الكثير عنه .......... خليفة ... وقعت في شر اعمالك .... وحملت مسئولية كبيرة ... لفتاة لا تعرفها الاباسم انها زوجتك فقط ...سنرى مع الاحداث ان كنت على قدر هذه المسئؤلية ام لا ... كساب .... من حقك تقف مع اخيك ... ومن حقك تغضب بغضب اخيك ... ولكن ليس من حقك ان تكلم والدك بهذه الطريقة حتى ولو كان السبب في تعاسة اخيك .... زايد .. ستندم عدد شعر رأسك .... كاسرة ... ظهرت شخصيتك التي تخفيها عن الجميع ماعد الصديق ... وصحيح الصديق مرأة لصديقه .... الجانب الاخر هذا هو من يعطيكي القوة الظاهرة .... والسيطرة التي تمارسيها على من حولك ... ليس لانكي تريدين ذلك بقدر ما انهم يعتقدون ذلك ... اي هم من اعطوكي الفرصة لتكوني متسلطة ومغرورة .... خوفك على وضحى لا مبرر له ... اطلقي سراحها حتى تتنفس وتدرك طبيتها وطريقة التعامل مع الناس ... وضحى ... الى الان شخصيتك تحكمك .... وسلبيتك لا تكون ظاهرة الا مع كاسرة لانكي تربيتي على هذا وصعب ما تم بناءه في عمر طويل يتم تغييره بين ليلة وضحاها ....... مزنة .... عدم حديثك مع اولادك عما حدث من مهاب ليس ضعف منك ... ولا سلبية ... ولكن الى الان لم تجدي الفرصة المناسبة لتتحدثي الى مهاب ....حتى بعد اعتذار مهاب عما فعله الا ان هناك حديث معلق لم يأتي اوانه .... اعتراضك على زواج تميم من نفس اعاقته غير مبرر سوى خوف الام على ابنها ..( ومنطقك مقبول لجميع الامهات الذين في ظروفك ) جوزاء ... زواج وهي صغيرة لم تعرف معنى المسئولية .... زوج الى الان لم نعرف عنه شيء سوى ان امه واخيه يمدحون فيه ( والقرد في عين امه غزال ) ثم صدمة موته في حادث ( الى الان لم نعرف سببه) وحمل وولادة وكلام ناس لا تعرف ربنا انها وجه نحس ... كل ذلك اثر على نفسيتها وجعلها تنتقم من الذين حولها بالكلام القاسي لعلها ترد بعض كرامتها المهدورة .... ابدعتي ... وامتعتينا .... جزاكي عنا خير الجزاء ....... سؤال بسيط ... ما معنى كلمة ابوتمبة ؟... القاموس اللغوي عجز عن استحضار معناها ....... ( فيس على رأسه علامة استفهام ..... واخر يفكر ..... ) |
اقتباس:
♪♪♪ سوري عاللقآفة .. ~ معنـى كلمة ( آبو تمبة ) .. لفظ سخرية يطلق على الشخص السمين نوعـآ مآ .. ♪♪♪ |
أنفاس قطر . .
وش أقول بصراحه ما تسعفني الكلمات !! كل بارت أحلى من الثاني . . و مع كل بارت أشتاق و أتحمس للبارت الجاي أكثرر !! توقعاتي . . ^.^ أتوقع كاسرة لـ منصور . . و يآ رب يطلع توقعي صح ! بس هذا اللي طلع معي و حست أنه ممكن يكون صح . . تعجبني تناقضات كساب . . . . . بالنسبة للبارت الثامن . . حبيت ( غنوم ) !! و حسيت وراه أكشن ^.^ خاصة بعد السالفة البنت اللي ضايقته بها سميرة !! و بسس في إنتظار البـارت التاسع . . ما أحب أعيد و أزيد في الكلام . . بس لا دار حوار و شمل أنفاس قطر . . يصيبني نقص في التعبير عن مدى أعجابي و تقديري لها !! |
| الساعة الآن 11:17 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية