|
يعطيك الف عافيه يالغلا
بارت محمل باحداث مثيره خليفه كان بيرد حرة كانت بقلبه بعد ما خطب بنت ووقف ولد عمها بوجه ويوم صار الموضوع صدق وطاح على راسه وصار زواجه بجميله جميله ما الومها باختيارها وخصوصا احس انها ما تبي تدخل عيال خالتها بحياتها من قبل من خلال نقاشها مع امها يوم تقول لا تدخلين عيال خالي وطبيعي الكل يحن لاصله واهله وخصوصا اذا كان ما يرتبط بهم وخليفه بالنسبه لها بريبط بين الامس واليوم واتوقع ان خليفه بيحبها وهي بعد وبتكون حياتهم حلوه علي من البدايه كنت احس انه ما يصلح لجميله لما عارض كساب وقال لو انا اخذها ولا علي وبين اسبابه اللي مجملها ان علي حنون ورقيق ومحتاج حب يمكن ما تعطيه هو جميله يعني علي محتاج زوجه تحتويه هو برومانسيتها اكثر ما يحتويها هو يعطيك الف عافيه يا الغاليه تسلمين بحفظ المولى |
السلااام عليكم
من يوم شفت اسمك بقصى ضجه وانا متاكده مليون في المئه انك بترجعين بقصه احلى من اللي قبلهما او بحلاوتهم انفااس ابدعتي ورب الجلاله ابدعتي جميله ماذا فعلت بحقك هل لانه من ريح ابيك وافقتي عليه وهو تندم انه خطبك علي ياقلبي عليك ان شااء الله بتلقى اللي احسن واحلى من جموول ذي شعاع وجوزااء الله يكون في عونكم اب قاااسي بسبب حبه للاولاد اكثر من البنات كااسره وش هببتي انتي الحين جدك بيكلم مهاب وبيسوي له قصه وضحى انا معها كيف تاخذ وااحد كان يبي اختها حتى لو مايبحبها يكفي انو فكر فيهاا زوجه له كسااب هذا يبي له وحده زي كاسره تكسر من العنادوالعصبيه اللي في راسه هذا اللي طلع معي الحيين ان شااء الله يكون اكثر تفصيل واطول المره الجايه انفاااس ربي يعطيك الف عاافيه يارب |
السلام عليكم ورحمة الله وبركاته
اذا هاذي فعايل كساب في البنيه جميله حليلها شي طبيعي بتتروع وبتكرهه وبتكره هله وخصوصا بعدها في فترة المراهقه والدق يفك اللحام ... لا وقبل بعد علي يقولها تغطي وش تريد بعد حليلها تراها ماتفهم يعني هالكلام لو كان في البارت اللي قبل هذا بتوقع على طووول انها بتاخذ خليفه .... بس اذا كان هذا تفكير خليفه بس انه يلعب باعصابهم خلها اطيح ع راسه ويرويينا سلووم الرياييل شو تسوي هالحضيري اللي مسوي عمره شهم وقادر انه يتزوج جميله وهي تعبانه خلهم شويه يخدمونها وبنشوف لين وين بيوصل معاها وخصوصا انه حس عمره متوهق.... بس الله يستر من تاليتها..... علي... خلها عنك خليها تولي ذا المفعووووصه ماتسوي ثرك تحزن عليها والله ماتستاهلك .... خلك ريال وخلها من راسك طلعها .... خيرتك ماتاخذها الله كاتب لك الاحسن وجعل الله يعجل لك الاحسن انشا الله ..... منصور اظن سبب طلاق منصور من حريمه طبيعة شغله العسكري ... محد يتحمل شغل العسكري حتى لو اقدرت بس هوو يريد يهرب من عفرا ومن وجودها حواليه واكيد حريمه فاهمات هالشي.... غير انه مزيوونه الله يبارك .... الحين بما ان عفرا بنتها املكت انتي بتتقدم بعد لي امها بما ان المملك موجوود وبتتزوج عفرا؟؟؟؟ زايد كان الله في عونك شكل قراراتك ياتب عكس ما تتمني (تأتي الرياح بما لا تشتهي السفن) ..... قلبت موازينك كل اللي تريده وش تاليت قراراتك الحين .... فاهمه عليك تفكر بتفكير الاولين بس الحين لا كل شي تغير مع هالشباب وتفكيرهم غير ... كان الله في عونك كيف بتلاقي ولدك علي وهال بتتاثر علاقاتكم مع بعض او لا.... بتسافر مع جميله او لا هل بتعرض على عفرا الزواج مره ثانيه والا خلاص.... بتبدي اخووك بما انه طابت النفس ع قولته..... مهاااب وش ناوي علييه اثارييك هب هييين واللي في راسك ما يطيحه حطب وخلاص .... كاسره وش ناويه علييه بتطلبين مهاب لجده عشان يعلم وش له ضربكم والا بتسكتيين؟؟؟؟ وضييح افااااااااااا والله عبدالرحمن عطييه فرصه بتركب بتركب اذا بغيتيها تركب..... ناطرييين التالي على احر من الجمر والله ..... بارك الله فيك ورحم الله والديك, يعطيك الف عافيه |
انفاس تسلمين فديتج على هالبارت اللي خوز الرقاد من عيوني<< فيس يبوسج
جميله تعرفين تحيدين الرد اللي قلت انه انحذف.. كنت كاتبه انج بتوافقين عليه<< فيس خبر كل الناس عن هالرد اللي طار الحينه اني لموقفج.. موفقج طبيعي وعادي لاي وحده تعاني من الحرمان.. عاشت طول عمرها تدور الحنان.. واي انسان تتعلق فيه تتفاجا ان اللي تسوي ما اييوز ولازم تحط حدود بينها وبينه.. يعني اكيد اول انسان تحسه يقدم لها بصيص نور يطلعها من هالحرمان بتوافق عليه<< فيس يفكر بمنطق.. مع انيه كنت ابيها لعلي زايد تعيش تناقض داخلي.. تبي كل شي يكون له صله في خليفة يكون مميز.. ونفس الشي.. ما تبي تكسر بخاطر عيالك.. هالتناقض يخليك تحس بالذنب وتانيب الضمير وصوب اهلك.. عاد الا سالفه اليوم.. رد جميله يعتبر صدمه لك.. لانك ما تتخيل ان شي من صوب خليفة يبتعد عنك<< فيس يحلل شخصيته عفرا موفقج سلبي ويا بنتج من البدايه.. انتي لاحظتي الصدع اللي بدا يشرخ علاقتها بقوم خالتها.. فالمفروض تردمينه.. سكوت ومجاراتج لها كان لهم دور في زيادة هالصدع.. غير جي سالفة انج ما تروحين وياها فهالشي بعد غلط.. يعني تبين تضغطين عليها لانج تبينها لولد اختج وما فكرتي تسالينها اشعنه وافقت على هالخليفة<< فيس يبيها تيلس ترمس بنتها مهاب لا يا مهاب.. قلنا حاول تقنعها هب تجلب السالفه ساحه قتال<< فيس شال سلاح يساعده.. اسمعنيه عدل<< فيس تعب من كثر ما يرمسه.. انته قول لها رايك فيه وخلها تستخير وبس فهمت<< فيس يفهمه.. وضحى ردينا لكاسرة.. قبل لا تتخذين اي قرار انتي المفروض تتخذين قرار انج تكونين منفصلة عن كاسرة.. بعدين تعالي قرار مصيري شرات هذا شقايل تقررينه في ثواني.. الحينه من البارت اللي طاف اقولج اخذيه وانتي يايه اونج بترفضين<< فيس دكتاتوري كاسرة من اليوم بدت شخصية كاسرة تظهر.. شخصية مزدوجه.. تحمل القسوة والحنان في ان واحد.. تمثل الانثى الحنونه.. المشبعه بالعاطفة للي يعرف شقايل يوصل لقلبها.. وهالشي هب معناه انها ما تحب الناس بالعكس.. معناه ان الناس فاهمينها غلط ويحاولون ينفرون منها.. والجانب الثاني هو الجانب الشرس اللي جفناه من بدايه القصة.. انا وياها في هالشي حلو انك تكون شرس وتدافع عن حقوقك.. وفي نفس الوقت.. حنون على اللي تحبهم<< فيس دكتور نفسي كساب يا ريال.. بلاك انته ما تروم تتحكم باعصابك.. زين لك عقدت البنيه في حياتها.. وبعد مان عليها.. جوف ما عليه منك جان تميت جي بعاقبك وبحط اسمك في اخر اللسته<< فيس عصب عليه.. علي انته جي<< فيس مسوي له اوكيه.. المثل يقول اللي ما يبيك لا تصيح تبيه.. انته ما لك حايه فيها ورايتك بيضه.. صح انها كسرت شي في داخلك مستحيل يتصلح.. بس بعد الايام بتعوضك عنها<< فيس خطابه تدور له عروس عبدالرحمن وابوه تعال اهني ابويه<< فسي مادب يسلم عالشيبه.. الحينه شو هالحركات.. انته بجي يا ابويه اتفرق بين عيالك.. ما اييوز جي.. بعدين بتخليهم يشلون في خاطرهم على بعض<< فيس يقنعه.. عبدالرحمن اسمعنيه عدل هالسلافه بيني وبينك.. ترى وضحى لين يومك هذا رافضتنك.. عاد مهاب يبي يجبرها وما يبي يكسر في خاطرك.. انته تصرف<< فيس فتان شعاع جوفي فديتج.. عاد ابوج صح انه يحب اخوج اكثر عنكم<< فيس يحس عمره بيتكفخ.. بس هالشي هب معناه انه يكرهكم يمكن قصده يسوي وياج سوالف<< فيس يرقع.. بس تصدقين فاهمتنج.. الابوه هب بس بالبيزات.. الابوه مشاعر واحاسيس متبادلة<< فيس يحمد ربه عالنعمه خليفه احلف بس.. اونك اتوهقت.. دامك هب قد المسؤليه اشعنه اترز ويهك وتروح تخطب البنيه ها.. بلاك ضيعة المذهب وزدت الضو حطب الله يهديك.. اسمعنيه عدل البنت الحينه في ذمتك.. اياني واياك اسمع في يوم انك زعلتها فاهم<< فيس عيونه حمره يهدده الحينه ننتقل للبارت الياي.. هل وجود عفرا بروحها عقب سفر بنتها<< هذاجان ما راحت وياها بيحرك مشاعر زايد وبيتقدم لها.. ولا بيقول حق منصور ياخذها خصوصا انه ارمله خليفه<< يا هالخليفه هذا وتستمر المسيرة<< فيس يفكر نترياج فديتج<< الفيس راعي الورود.. وفيس اتعلم من المرة اللي طاف وقرر يسوي كوبي للرد http://www.liillas.com/up3//uploads/...29afe633ce.gif |
سلام عليكم
ابدعتي مثل عوايدش اللة يعطيش العافية جملية ممكن اتكون معجبة بكساب ويوم جرحها انصدمت منة وحطت حرتها في الرجيم لين ومعاد اقدرت اتوقف عنة كاسرة خذت قوتها من فقدانها لحنان الاب وحولت حبها حق جدهاوظحى ماحصلت فرصة انها تظهر شخصيتها لن كاسرة ماعطتها فرصة من خوفها عليها واحساسها بلمسؤلية- ومن ناحية ثانية شافت ان مهما سوت محد منتب الها لن كاسرة شخصيتها قوية وزيادة الجمال- ففظلت الهدو الي مخفي تحتة شخصيتها الي بتطعل في وقتها فاظل حنون بس ماعرف ايوزع حنانة بين اعيالة فتشونةمايقصر علي بناتة بلمادة وهذامن وجهة نظرة صح منصور مشكلتة غيور على نسوانة والا يحهم بلقدر الي يوازي غيرتة عليهم كساب مصدوم ومجروح من ابية ومزون والابعد اكتملت شخصيتة للي قاري علي انصدم من ابية وجميلة ويبغيلة فترة لين يتعافى وبيبطي وهومظرب عن الزواج عفراء يكمن تتزوج منصور من صدمتها من بنتها |
| الساعة الآن 02:56 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية