منتديات ليلاس - (موضوع حصري) بين الأمس واليوم

منتديات ليلاس (https://www.liilas.com/vb3/)

- - حصري بين الأمس واليوم (https://www.liilas.com/vb3/t137476.html)

.. :: صباح \ مساء الـ أفــراح :: ..

.. :: زارا :: ..

يــاااا خـطـيـرة أنتي و حزبج ;) ..

ما تتصورين شكثر أتمنى إقتران مزون بـ غانم ..

و متشوّقة أعرف شلون شعوره وهو يقولها عن اللحظات اللي جمعتهم وهم في أول رحلة لها ..

و في مكان بعيد عن الأرض و مستحيل أحد يكون فـ مكانه إلا مهاب ( أقصد من المعارف أو الأهل ) ..

و ودي أعرف ردة فعل مزون لما يبلغها غانم عن طلب كسّاب في مرافقتها ..

واللي يدل على أن مهما عكس كساب إن مزون ما تهمه .. أو بين لها الحقران ..

إلا أنها أولى الأوليات عنده و تهمه تهمه تهمه كثر ما تعني هالكملة من معنى و أخبارها عنده أول بـ أول ..

بس كبرياء شعور كساب تخليه يتصرف في هالطريقة بحضورها ..

بس الأكيد بـ خلوته مع نفسه لا تزال مزون بنته اللي يحب كل شي منها وكل شي فيها ..

و " لحمتك لحمتك .. وإن عضتك .. إرحمتك " .. هذا مثل دايما ً أقوله ..

ومعناه إن دايما اللي بينهم رابطة دم .. مهما يختلفون أو يجرحون في بعض مصيرهم يحنون ويرحمون بعض ..

وهذا اللي بيصير إن شاء الله .. وأتمنى في القريب العاجل بين مزون و كساب ..

بس يا زارا .. بعد أشوف إن الأكشن أحلى لو تاخذ مهاب :tongue:..

و أؤيد إرادة الحياة في فكرتها عن مهاب ..

وصحيح .. وأمثلة نشوفها من الواقع تؤكد لنا فكرتها ..

يعني أحيانا ً كثيرة نشوف شخص بينه وبين اللي قريب منه يصرح بحب فلان ..

بس لما يكون في جمعة عرب أو لمة ناس يبين العكس ..

وكأن هـ الحبيب أبغض خلق الله عنده ..

يعني يحبه بينه وبين نفسه واااااااجد بس لأنه يراعي إعتبارات معينة في مجتمعه فـ يبين له عكس شعوره ..

وقليل جدا ً اللي ما يهتم لـ الاعتبارات الإجتماعية و يصّرح في شعوره ..

طالما إن الإعتبارات تنتقد من وجهة نظر المجتمع أما الشرع يحلل هالشي ..

وهذا الأهم ..

فطالما ما فيه شي حرام .. بنراعي المجتمع و خطوطه بـ عقلانية ..

مشكووووريـــن والله يعطيكم العافية ..

بـ صراحة مسووين جـــوّ ..

إختكم .. أفـــراح ..

اعلان هام من مشرفات القسم
اي رد يناقش زواج مزون من غنام او مهاب فقط سوف يحدف
لمناقشه زواج مزون وحركات الاحزاب ارجو الدخول
لهذا الرابط

http://www.liilas.com/vb3/t143944.html

اخوتي واخواتي القراء
اللي يسالون عن الاجزاء
روابط الاجزاء موجوده بالصفحه الاولى
ولو كان فيه اي رابط مايشتغل ياليت يبلغوني
فماله داعي السؤال عن صفحات البارتات
مع بالغ شكري

سلالالالالالام حبيبة قلبي انفااااس..
فديت الابداااع اللي على اصوووله..
ماشااااء الله..لاقووة الا بالله..والله مبهره ياختي..
ومن جد متاابعتك اكثر من متعة..
الله يسعدك..ويحفظك..ويحفظ لك كل غااالي..

******
لقاء عبد الله بأخوانه..بولده..الصراااحة ماني عااارفة كيف اوصف اللي حسيته وانا اقرا..والله تأثرت من قلب..كله كووم..وموقف فهد كووم..وهو بين مصدق عينه ومكذب..ويغسل راسه كم مرة..لمن تأكد..وفرحته..وشوقه لضم اخوه..وغضبه في نفس الوقت ..ومحاسبته في نفس الوقت..
والا لقاء عبد الله بولده..يااااويل حااالي..والله عذاااب..

ام حسن..والله مالووومك على انهيااارك ياوخيتي..اللي عقد حياااتك في حيااته وبعد مماته في نظرك..رجع..ومع رجوعه..في مخاطرة كبيره انه يأخذ منك ولدك..روحك..حيااتك ..الله يلووم اللي يلوومك ياشيخة..والله ماستغربت ابد طلبك الطلاق..ماداام حسن هو كل دنيتك..اكيد ماراااح تغاامرين انه يرووح عند ابووه..المشكلة الحين ان الابن متعلق بأبوه بشكل غير معقوول..حتى من قبل مايشووفه على الطبيعة..يعني حتى طلاقك من امهاب ماراح يخلي حسوون عندك..اكيد طوول الوقت يبغى عند ابوه..واذا رااح له كلبش فيه زي الغراء ابو كلبشه..اشووف مااافي قدااامك حل الا الرجووع لعبد الله..عشاان المسكين اللي بينكم..هذا من جه..ومن جه عشاان تربين عبد الله ..وتطلعين كل الحرة اللي في قلبك من سنين ...فيس ماهمه الا الاكشن..هههههه..

امهااااب..الله يهديك بس..والله الشغلة مايبا لها تردد..ومشااورة لأمك..ولو كنتي مكاانها ومدري وش..خل عندك ذوق ..ماتحس وضعك غلط !! انت اخرج من هالعاائلة الكاااملة..وعرووستك علي..والله لاجيبلك ستها..

منصووور &عفرا..ماقووول الا عين صاادتكم ماصلت على النبي..
الله يهدي سركم يالربع..

كسااااااب..والله رهيييييب..سواااء مع اخته..مع كاااسرة..

انفااااااس..يعطيك العااااافية حبيتي..
ترجعين بالسلالالالالامة ان شاااء الله..

انهيت قراءه القصه اخيرا

ماصدقت خبر عطلت ونقزت للقصه على طووووووول

طول الاشهر اللي فاتت قلبي ياكلني على قراتها بس ماسكه نفسي غصب

يقالي طالبه مجتهده وا لحمدلله نجزنا بخير

نجي ل ابطال قصتنا الحبيبه

وربي احترت أي واحد احجزه فيهم>>>>>>بدينا بحركات النص كم هع

ابتدي
.. بكاسره.. اعجبتني شخصيتها من قلب ومتشوقه اشوف كيف كساب بيعسفها
سبحان الله الحرمه مهما بلغتت من القوه تظل ضعيفه امام الرجل

..كساب..قاهرني حقرانه ل مزون ونفس الوقت ماالومه لانه اصعب شئ لمى يرخصك

انسان تحسب انك كل حياته .اما حركاته مع كاسره تجنن بدايه الغيث قطره وبدايه الحب

تقبل ^_* ياكاسر قصدي كساب ياختي اسمائهم متشابهه لخبطتني>>>>ماترقع ابدن
والله من بدايه القصه رشحتها لك محد بيطحن الحب اللي ف راسك غيرها
والله يقويكم على بعض

..منصور..وش رده فعله بعد مادرى ف حمل عفرا من غيرها بس المفروض

يعذرها اولا مااعطاها فرصه تخبره وثانيا هي لمحت له وش ذبها كانه تنح

لكن ليش طعلت نتائج التحليل انه مستحيل يحدث حمل لو ماعالج وبنفس الوقت
حملت عفراء هل يكون خطا طبي او قدره الله التى فوق كل شئ

..عفراء..احس موقفها صعب الله يعينها كيف بتقابل بنتها بعد عرفت من غيرها
وكيف بتواجه رده فعل منصور

جميله..دلوعه توقعتها تتاقلم مع خليفه اكثر من كذا بس الظاهر راسها يابس.
اما رده فعلها على زواج امها مقدر الومها فيها لانها متعوده تكون نمبر ون
عند امها فجاه تنصدم ان احد يشاركها الاهتمام يشاركها الحب يشاركها بكل شئ
وربي قهر>>>>>الاخت غيوره
ولا الومها كمان لو كرهت اللي ف بطن امها لا مو تكرهه بس تغار حدود
بس يمكن لاشافته بتغير رايها

الا صح الحين عفراء حامل كيف بتركب الطياره الا بعد 3شهور او 4
امدا جميله متشربه الحقد بقلبها

نجي عند مزون ..وربي فله انتي وهالتخصص بس جد مايصلح للحريم ابدن
يالله زين رجع لك عقلك مع انه متاخر بس العوض ولا القطيعه

أي أي نسيت عبدالله..بجد سالفته ماتغفر نقول انه تهور اول شئ وعمل الخطوه
الاولى والمجنونه وخبرهم بوفاته ليش ظل مصمم على رايه حتى بعد ماعرفت
النسره طريقه متشوقه اقرا لقاءه ف ابوه وامه الله يعينك نفوسه على الحبكه احس
اصعب شئ تصوير هاللقاء

..نجلا وصالح.. شياب الحب او عصافير الحب ان شاء الله ترجع المياه لمجاريها
جد شئ حلو تشوفي ناس متزوجين لهم 10 سنوات مشاعرهم متاججه كذا اللي
اشوفهم انا يصيبوني بالاحباط بسبه ركود المشاعر والروتين الحياتي

..تميم..أحسه مو متقبل زواجه والله يعين سميرة عليه راح تتعب على ماتنال رضاه
اللي اعرفه ان الصم والبكم يكونوا أكثر عصبيه من غيرهم بعض الاحيان

جوزاء مع اني ماحيتها ف بدايه القصه بس من عرفت سالفتها عذرتها
زين ماطقن فيوزاته بعد اتوقع ترد ل عبدالله منشان ولدها لكن بعد
ماتطلع عنونه

امممممممممممممممم هذا تقريبا مافي جعبتي المتواضعه..
واعذريني اذا ردي ملخبط بس من زمان عن الردود والمخ الغالي معطيته اجازه مفتوحه

ووووصح نسيت اقولك رايي بالقصه مع انه متاخر اكيد تجنن بدون كلام مايطلع منك
الا الابداع والجمال>>>>>>يمديك على المدحه بس من وحده مضيعه الكلام هع

واخر شئ اتمنى لك سفره سعيده بكل المقاييس وتستانسي فيها من قلب ثمن ترجعي
لنا مروقه للكتابه وتبدعين ف مواقف كاسره و كساب>>>>>من حزبهم

والى اللقاء
الريم اللعوووب