منتديات ليلاس - (موضوع حصري) بين الأمس واليوم

اقتباس:

المشاركة الأصلية كتبت بواسطة D Samah Sakr (المشاركة 3607222)

بين الامس واليوم. انفاس قطر
ومتى كان المصريين معيره ؟؟؟؟
فى احداث الروايه احد البطلات أمها مصريه وجوزها يعايرها بكون أمها مصريه بشكل مهين ومتكرر لدرجه انها تهجره لشهور
ويرجع الزوج لتأثره ببعد زوجته دون اى ندم او حتى احساس انه اخطاء؟؟؟؟؟
البنت التانيه للست المصريه طول الروايه تقول خالى هريدى وتريقه بشكل سخيف ومستفز
ومن امتى المصريين كلهم هما بالصوره المستفزة دى
أخفقت الكاتبه بشده وجرحت مشاعر قطاع عريض من قراءها المصريين
وياريت محدش يقولى عادات وتقاليد لانى بمجرد أنى اقراء روايه بلهجه مختلفه ده معناه تقبلى لاختلاف العادات ولكن لن اقبل المعايرة والتريقه
وأتمنى من اداره ليلاس محاوله تصحيح الخطاء واحترام عدد كبير من القراء

عزيزتي ، هي ماكنتش تئصد اللي إنتي فكراه خالص
فيه شريحة متخلفة مع إحترامي ليهم بيبصوا بترفّع
للناس اللي مش زيهم ، سواء بالعرق او غيرو
ف هيَّ حبّت تعرض مشكلة موجودة في المجتمع ماتتخباش على حد
وتعرضها في قصتها، زيها زي أيّ مشكلة
ماننكرش إنهم موجودين الناس دول!
بيستخفوا بالناس اللي أئل مِنهم
وياخدوهم مضحكة ، وسُخرية
يعني تخيلي واحد أمه فلبينية ! حيتئال عليه إيه؟
دي كارثه .. !

ومن ناحية هريدي ، ماتسيئيش الظن، إنتوا المصريين
معروف عنكوا ان دمكم سُكر خالص،خفة الدم بيكوا حاجة عفوية جدا
ف عشان كدا هيّا سميرة ماخده الحكاية بظُرف شوية
بتتدحك وتهزر على خلفيتها المصرية
طبعا ماتئدرش تهزر وتجيب واحد من عمامها في الهزار!
لانه زي ما قلت ، المصريين خفة

وبعدين نعاير بإيه؟
مش كل مجتمع فيه الوِحش وفيه الطيب؟
احنا كلنا من كنا صغار واحنا متربيين مع الدوبلاج المصري
ومحلي طفولتنا كلها، دا غير الناس اللي بيدرسوا معانا من مصر
في قمة الاجتهاد،ومتربيين ومحترمين
والأطباء المنتشرين في كل حتة ، مصر بيطلع منها ناس فعلا ذو علم وفائدة
بعد دا كولو وبتئولي تريئة! مافيش تريئة ياعيني هيّ بس بتعالج آفة
مقيتة وموجوده عن العرب ، وبتئول للي يعاني من كدا مايسكتش
ولو بتشوفي ردة فعل سميرة لما سمعت ان صالح بعاير امها كانت ايه!
ولما قالت لو غانم سمعه حتكون ردة فعله ايه!
وجابت ام سميرة بشخصية الأم المحبه ، مش بشخصية وحدة متسلطه وكريهة
يعني الكل كان معارض الموضوع
ف ليه بتبصي للموضوع من وجهة نظر صالح وبس ؟
وماتشوفيش ردة فعل الجميع كانت ايه ..

أتمنى ماتزعليش اني تدخلت في الموضوع
بس انا عارفة ان محدش يرضى بإن حد يهينو
ومحدش برضو يرضى انه يتفهم غلط
وربنا يتقبل منّا صالح الأعمال ويعفو عنا 💙💙