شنو سويتي فيني حرام عليج

بس شقول شحجي ....

ياجماعه الخير تفاءلوا بالخير تجدوه ...يمكن الريال نومه ثقيل مثقل بالعشا امس اللي كان بالمجلس

الله لاييب الشر ان شاء الله ...بوعبد الرحمن ريال ما يستاهل الا كل خير ...ما ندري عنه ان هو كان مريض او

يعاني من شي بس بالعكس كان يحافظ على صحته ويمارس رياضه المشي مع عبدالرحمن ...

الله لا يفجعنا فيك يا بو عبد الرحمن ... وتجي العواقب سليمه وتكون إن عبد الرحمن يقدر يمشي وذيك

الساعه نقدر نقول وعسى ان تكرهوا شيئا وهو خيرا لكم ...وان الله يخلف الظن بالرحمه ...

كاسره...

لأ لأ هذه مو انتي ...تعتذرين وتتأسفين أكيد صار فيج غيبوبه لأنج صراحه ما تعرفين اشلون تحشمين احد

مو عن قصد عدم الاحترام لكن هذا طبعج اللي فيج و بو طبيع ما يجوز عن طبعه ...انتي عند نفسج ام

الفهاميه والسنع والمنع في كل شي في التعامل مع امج ومع اخوانج ومع زوجج يعني حكيمة زمانج وانتي

مو قادره حتى تفهمين حق ريلج وتطحيين راسه ...وتعاملتي مع زايد اللي في مقام ابوج ويمكن اكثر مثل ما

تعاملين اي واحد انتي معاه طايحه الميانه بينكم ...هذا ترى مو كساب ولا حتى مهاب الله يرحمه (احسن

شي لما عطاج ذاك الكف ) ومثل ما يقول المثل كل فوله ولها كيال وانتي الكل عندج اقل فهم ودرايه

منج ...ما تشوفين شر ان شاء الله ....

كساب ...غدى شرك ان شاء الله واخيرا تحررت من قيود الماضي لما

شلت الوسم وافتكيت منه وصرت تحس نفسك خفيف يا بو دم خفيف انت ...محد عارف حق كاسره غيرك

اللي انها ما تنعطى ويه والحين عقب ما مليت ايديك منها راح تتغير معاملتك معها لأنك رديت كساب الحنون

اللي كان يداري مزون بعيونه...

فهد....يا حمش انت عجبني موقفك انك وقفت جميله عند حدها وما

خليتها تتطاول عليك ..انت صحيح غلطت بس محد معصوم من الغلط وأنت اعترفت بغلطتك واعتذرت

واعترفت بحبك لجميله وهذا من شخصيتك المستقيمه اللي ما تعرف اللف والدوران....بس جميله لازم تقدر

هالشي وتسامحك عشان تمشي حياتكم لازم بعد اهي تتحمل جزء من المشكله

لأنها ما كانت واضحه معاك بالبدايه وهي عرفت شنو عقدتك...بس قدر الله وما شاء فعل ...يلا

استخدمي الحين كل اسلحتج يا حلوه حق النقيب فهد...وهي فيج من رب العالمين ...ربي يوفقكم


مزنه .... انتي ساس البلا كله ..انا مستغربه منج صج والله جد ...الحين

وحده مات عليها زوجين ومات عليها ولد بعز شبابه وعندها ولد الله بلاه بعاهه لا وبعد متدينه وحافظه للقرآن

وما تدرين ان جهاد المراه حسن التبعل ؟؟؟ ..وكل هالأشياء ما خلت قلبج يرق ..يا اختي الإنسان من مصيبه

وحده يتعلم انه مايكسر قلب احد لأنه ذاق الوجع والألم وانتي مو قادره تقدرين شعور زايد لما مر بالمشكله

هذه المفروض تفهمينه و تحتوينه وتوقفين معاه وتقدريين شعوره وحالته اللي قاعد يمر فيها ترى كلها

سالفه تاخذ وقتها وتعدي لو انتي وقفتي معاه بقلبج وروحج وفهمتي عليه وسايرتيه وقلتيه ان شاء الله

على امرك وخاصه وان اهو فهمج السبب مو تقولين له كرامتي وما ادري شنو مره وحده حسو بالناس

اللي حولكم انتي وبنتج يا عديمات الاحساس خاصه انتي يا مزنه انتي ام ولازم حنانج يكون اكبر حنان

ويكفي ويفيض للكل ...ليش هالبخل بالعواطف اعوذ بالله تبون كل شي يمشي على كيفكم ما

يصير ...صراحه تبطون الجبد انتي وعيالج وبيتكم كله بيت الجفاف والقحط العاطفي روحي تعلمي من حماتج

سابقا ام عبد الرحمن شويه...

نايف ....للحين ما شفنا ويه وضحى الصجي الله يستر مع انك اتهبل

وتتكلم فرنسي بعد والله انك ما تستاهل بنت هالنسره...

مزون ...عقلي يا بنت وقولي حق ريلج جم كلمه حلوه لا يهج ويقطع اجازته ويسافر وانتي مو ناقصه ... ذيك الساعه بتحسين اشكثر انتي ما تقدرين تستغنين عنه...

أنفاس ما قلتج اشكثر انتي ...اتيننين ...اتهبلين ...تاخذين القلب ...

...

همسه ....لامارا حمد الله على سلامتك يا الغاليه عدت والعود احمد ولا تطولين الغيبات ....الا ما قلتيلي شنو صار

على موعدنا في لونوتر مع خواتج المزايين ودي اشوفهم حيييل...