منتديات ليلاس - (موضوع حصري) بين الأمس واليوم

بارت بقمة الابداع ام سعود كالعاده ثلاث قفلات
بس بصراحه كل القفلات ثلاث خطيره بس قفلة خليفه غييييييير تدرين ليشلاني انتظرها من اول ماطلق جميله ثم بعدها تزوج

بتكلم عن القفلات الثلاث وتوقع الكل قفله
طبعن قفلة نابف اعتبره عاديه لكن بحكم عادات اهل وضحى واهل نايف يعتبر من الممنوعات
سمع صوت وضحى وعن طريق السبيكر يعتبر شي عادي ومامانعت عليه عاليه لكن اللي بيصير بعد سماع نايف صوت وضحى بيتجراء اكثر وبيكلمها لكن اللي بيفاجئه منه ردة فعل وضحى اتوقع بتكون قويه ورافضه المثل ذا التصرف وهذا طبعن ناتج عن ماحصل معها قبل بسالفتها اللي وقف معها فيها زايد وماتبي بوجهة نظرها تخون ثقة اهلها مثل ماسوت بمراهقتها

قفلة كاسره مايبيلها كلام اتوقع اللي موجود كساب بس يخوفي من فرحتها مايطيح زايد الصغير من السرير عاد هذا ولد الشفقه ياويلتس لو صار فيه شي لايسامحتس لا منصور ولا عفراء ولا كساب نفسه تبين شوري كاسره لاتبزين ثاني مره عيال الناس ولله مامنهم الا مشاكل وعتبي على عفراء يختي ولدتس ليش اهم عليتس من مغاير مزنه ومن اللي يتقضا مع مزون تقل عندها عشرة بزران اقضبي ارضتس وانتبهي لولدتس احسن <<<شطحت عن القفله بس مجرد نصيحه عن اهمال البيبي مع انه مع كاسره مهوب مع شغاله بس ولله امه ابرك وهي ماراحت مشوار ضروري فيه من يقوم بنفس واجبها

نجي للقفله الثانيه واللي انتظرها مثل ماقلت من طلاق خليفه ياخي وينك فيه تحب البنت ومتقطع فؤادك عليها ولا عمرك فكرت حتى تعرف اخبارها
معقوله علم زواجها يجيك من احمد الذا الدرجه ماتبي تعرف عنها شي ولا تسئل ولا حتى من بعيد
ياترا خليفه وانت تقول الله كريم من الولد معناه انت وزوجتك منتو متوافقين ولا فيه تواصل
بس تصدق على ماسويت الجميله وحبك لها ماتمنى ترجع لك تدري ليش لانك انت الغلطان مهوب جميله من بداية سفرتكم لين المطار انت ياخي ماعاملتها زوجه وصارحتها وتكلمت معها يعني ماتنلام البنت ولو عندها لو واحد في الميه انك تبيها كان سوت هي خطوه القدام لكن انت بعت
وبعدين احسا حياتها مع فهد بيجي فيها اكشن غيييييييييييييير شكل
بس اللي ابي اعرفه وش راح تسوي خليفه يوم عرفت بزواجها على فكره اذا البنت ماملكت وش راح تسوي يمكن تكلم جميله او امها ولا منصور الا تكفى منصور عشان يمردغك ترا كبده مليانه عليك
خليفه لاتنقد معاد لك بجميله شي البنت تطلقت وكملت العده وانت حتى بحكم القرابه لانت ولا اهلك ماسئلتو عن حالها اقلها كلم امها شف حال البنت بعد العلاج
بس ارجع وقول بعد ماتهون علينا لو ارجعت جميله لك ماراح نقول لا انت وفهد خير وبركه

ام سعود عساتس يارب على القوه ولله انتس قمة الروعه الله يشرح قلبتس يارب ويسعدتس ويخلي لتس غاليتس يارب ويخلي سعودي ويرزقتس ربي بخته عن قريب