لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (2) أدوات الموضوع انواع عرض الموضوع
قديم 25-11-08, 03:55 PM   المشاركة رقم: 36
المعلومات
الكاتب:
اللقب:
عاشقة ملامح


البيانات
التسجيل: Mar 2008
العضوية: 67057
المشاركات: 5,058
الجنس أنثى
معدل التقييم: العامريه عضو على طريق التحسين
نقاط التقييم: 64

االدولة
البلدSaudiArabia
 
مدونتي

 

الإتصالات
الحالة:
العامريه غير متواجد حالياً
وسائل الإتصال:

كاتب الموضوع : العامريه المنتدى : القصص المكتمله
افتراضي

 

هلا سممومه
مشكوره
هلاوغلا سوار
انا بخير ياقلبي

اكيد ياحياتي الكاتبه مبدعها
ومشكوره ياعمري

 
 

 

عرض البوم صور العامريه   رد مع اقتباس
قديم 25-11-08, 03:56 PM   المشاركة رقم: 37
المعلومات
الكاتب:
اللقب:
عاشقة ملامح


البيانات
التسجيل: Mar 2008
العضوية: 67057
المشاركات: 5,058
الجنس أنثى
معدل التقييم: العامريه عضو على طريق التحسين
نقاط التقييم: 64

االدولة
البلدSaudiArabia
 
مدونتي

 

الإتصالات
الحالة:
العامريه غير متواجد حالياً
وسائل الإتصال:

كاتب الموضوع : العامريه المنتدى : القصص المكتمله
Icon Mod 44

 

الجزء الثامن عشر:

مزنه انتي ماتدرين عن شيء..!!!!!!!!!!
مزنه: وش قصدس يانوره ..بماادري عن شيء؟؟؟؟ لا يانوره انا ادري عن كل شيء ومهب خبله..ادري انس متهاوشه مع زيد..وانس طالعة من بيتس عشان ذا الشيء..!!!!!!!!!!!
نوره: مزنه..انتي من قالس هالكلام..؟؟؟؟؟هند قالت لس شيء؟؟؟؟؟؟؟؟؟؟
مزنه: هند ماقالت لي شيء..عيونس اللي قالت..انتي مايقلب حالس الا زيد..وش جاري بينكم؟؟؟؟؟؟؟؟؟
نوره نزلت راسها بكل تعب وقالت:مابينا شيء..انتم ليه مهب راضين تصدقون؟؟؟؟؟؟؟؟؟؟؟!!!
مزنه: بكيفس..انا حبيت اخفف عنس شوي ..بس مادام انتي مهب واثقه فيني مهب لازم!!!!!!!!!!!! وقامت وخلت نوره تناظر في الفراااااغ!!!!!









يبه صدقني مافينا شيء الله يهديك..بس مرت عمي تعبانه.وبنتها تبي تقعد عندها فيها شيء؟؟؟؟؟؟؟؟؟؟؟؟؟؟
ابو زيد:لاياولدي مافيها شيء..بس امك الله يهديها روعتني..تقول احس انه جاري بينهم شيء..لكن مادام امها تعبانه..وتبي تروح لها لاتردها ياولدي وهالله هالله بمرتك يازيد ترى نوره غاليه حط بالك عليها ولاتظلمها..وطلع ابوه وخلاه يرتب افكاره اللي تشوشت...






هند..يمـــــــه..وينهم فيه؟؟؟؟ البيت فاضي مابه احد..ودخل مجلس النسوان خابرٍ امه تحب تنسدح فيه بس مالقاها!!!ولقى جوال عالطاوله ... وشله يشوف من هو جواله..ولما شاف الشاشه..عرف انه جوال نوره من يوم شاف"ام سعد"على الشاشه!!!!وجلس يناظر فيه شوي ثم حطه في مخباه!!!!!!!!!!!!!!!!!!!!!!!!!!!!!!!!!!!!!!!!!!!





ابو زيد عقب ماطلع من ولده لقى هند قاعده عافيديو قال لها:انتي ماتشبعين من ذا الخنز؟؟؟؟؟ يابوس عيونس راحت فيها..انتي ماتعلميني وش تشوفين فيها؟؟؟؟؟؟قومي ارقدي بارك الله فيس الساعه قد هي 12ووراس قومه لصلاة الفجر..يابنتي امس تشتكي من ثقل نومس..قومي يابنتي الله يرضى عليس......!!!!







الساعه 7 ونص الصباح..
زيد..زيوووووود ..قوم لقيتها...وقامت تفتح الستاير..
زيد: هممممممم..سكري الستاير ياملقوفه..
هند:زيد قم ..نوره جات...!!!!!!!!!!!!!!!!!!
قمز زيد من السرير تقل مقروص..وينها؟؟؟؟؟ جات...هي تحت عند اهلي...؟؟؟؟؟؟؟ جات بشنطتها ولا لا؟؟؟؟؟؟؟؟؟؟؟!!!!
هند وهي تضحك بأسى على اخوها جلست على حافة السرير وقالت:هي ماجات جات!!!!! بس الفكره جات..!!!!!!!!!!!!!!!!!!!!!!!!!!!!!!!!








نوره ..النوري ...تعالي رجلس يبيس!!!!!!
نوره من سمعت سعد وهو يناديها..وهي حاسه ان الموضوع فيه ان..!!وقفت لقمة الفطور في حلقها...
مزنه: تفطر ياسعد..شوي وتجيك..
قامت نوره ونفضت يدها وغسلت وطلعت تغير بجامتها وتلبس جلابيه وجلال..ودخلت المجلس بس صادفها سعد طالع يقول لها بفتنه:جهزي شنطتس رجلس بيسافر ويبيس تروحين معه..ادخلي له بسرعه!!!!!







هذي عاشر مره يقرأ فيها قائمة الأسماء..وكل مره يوقف عند اسم" همال المزون "..اكيد هذا هو رقمها..بس وش بتسوي ياذكي..وش يتسوي يامحمد..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟





يمه سعد اللي هنا رجل اختك؟؟؟؟؟؟؟؟؟؟
سعد: ايه..يالغاليه زيد...يمه هم بينهم شيء؟؟؟؟؟؟؟؟
ام سعد بتردد: لا..لايايمه..مابينهم شيء..بس لابغى زيد ياخذ مرته..اجبرها تعود معه..وانا امك اختك تقول اني تعبانه وتبي تقعد معي..وانا مافيني الا العافيه..بس انت رص عليها تعود معه..
سعد بشك: ابشري..ماطلبتي شيء..






السلام عليكم.....
زيد بلهفة اللي من زمااااااان ماشاف امه ويوم شافها وده يطير لها:هلا والله وغلا...وعليكم السلام..وقام من محله بشكل سريع وباس راسها بدون ماتقااااااوم..لأنها مهب في حالة انها تقاوم..تفاجأت ببوسة زيد لجبهتها..هنا الجمت ماكانت قادره انها ترده..!!!!
نوره وهي تتماسك بعد هالبوسه: خير يازيد..امداك في ليله تنساها؟؟؟؟؟؟
زيد وهو متألم من حكي نوره مشى وسكر الباب حق المجلس..نوره انا ادري انس ماقلتي لسعد ويمكن ماقلتي لأمس او اختس..فماله داعي تكبرين الموضوع...انتي تدرين اني ابيس..ومهب مستعد اضحي بقلبي واخليس..فلو سمحتي جيبي شنطتس انا عندي شغل في مكه..ومهب رايح الا رجلي على رجلس.....





نوره من يوم شافته يسكر باب المجلس وهي ماسكتها نفضه..واسنانها تتكتك..ويدينها ترجف..وتقول في بالها وش بعد يازيد غير هالبوسه..!!!!الله يستر..فقالت اول وسيله للدفاع اني مااعطيه فرصه يكسرني ويجبرني..وانا ملازم ابين له أي ضعيفه..والأهم من ذا اني احبه..فقالت:وإذا قلت لك مهب رايحه معك وش بتسوي؟؟؟؟؟؟؟؟؟؟؟؟



زيد يقول في باله يعني الدعوه تحدي..معليه ياحبيبتي إذا ماخليتس تطلعين اللي في راسس كله وتنفضينه من الهبال اللي فيه..وقال:مهب قايلس اني بقول لسعد..ولاهب قايلس بآخذس غصب عنس..بس بقولس اني بعدني رجلس..ومن واجباتي عليس انس تحترميني وتطيعيني..وإحترام انا اشوفس تحترميني بس طاعه مدري الحين بيبين..واعتقد تعرفين اني بغضب عليس لو ماجيتي معي..والحين انا بمسك طريق مكه..وانتي ادرى بمخاطر الطريق..فوش رايس..؟؟؟؟؟؟؟






وش قصده يبي يمسكني مع يدي اللي تعورني..يبي يلوي ذراعي ويحطمني ويمشيني بمزاجه..اي قلب له هو..اي قلب؟؟؟؟؟؟؟؟؟؟
مشت معصبه ولما وصلت عند الباب التفتت وقالت له:لاتظن يازيد انك باللي قلته بتمسكني مع يدي اللي تعورني..ولا بتجبرني على شيء انا ماابيه..انا بمشي معك عشان شيء واحد بس..انا مهب مستعده اغضب ربي ولو على شانك.....!!!!!!!!!!!!!!!!!!!!!!!!!!!!!!!!!!!!!!!!! !!
انتظرني في السياره..وطلعت..!!!!!!!!!!!!!!!!!

زيد فرح كثير باللي قالته نوره ..بس حزن لما شاف طيف دمعه في عيون نوره..وكانت تكابرها عشان ماتطيح!!!!!!!






انا كيف اوصل لها اللي في نفسي..زيد ونوره الحين قدهم واصلين للطايف..ومااظن ان احد بينتبه ان الجوال معي...لازم استغل وجوده عندي..واوصل للي ابيه..لازم اعلم مزنه اني مهب بس احبها..ابي اعلمها اني ولاشيء بدونها..ابيها تدري عن كل اللي في قلبي..لازم تحس فيه وتحسسني بحبها..لازم تكون مزنه لي انا الحالي ...مزنه لي انا وبس...!!!!!!!!!!!ومسك جوال نوره وكتب:"مساء الخير مزنه..كيف حالس؟؟؟ووشلون امي..اسمحيلي يالغاليه مااقدر ادق عليس..زيد راقد عندي وماابي ازعجه..بس بغيت اسألس سؤال سألني اياه زيد..ولاعرفت ارد عليه..مزنه انتي بينس وبين محمد شيء؟؟؟؟!هو مزعلس في شيء؟؟؟انتي شايفة عليه شي؟؟؟؟قولي لي انااختس..وصدقيني سرس في بير حتى زيد مهب داري عنه"...وبدون تفكير سوى لها إرسال..وبعد ماطارت الرساله انتبه انه غلط غلطه ممكن تنهي كل اللي بينه وبين مزنه..انا شلون ارسلها هالسؤال..اللي ممكن تكون نوره تدري عن جوابه..ويمكن بعد قالت لها انها نست الجوال عندنا في البيت..ولام نفسه على الهبال اللي سواه وهو خايف من النتائج اللي ممكن تصير بعد هالهبال!!!!!!!!!!!!!!!!!!!!!!!!!





نوره هذي مهب حاله..من يوم ركبنا وانتي ساكته..قدنا قريب بنوصل..قولي أي شيء..هاوشيني..سبيني..اضربيني..بس لاتسكتين كذا يابنت الناس..ترى والله اني مااتحمل سكوتس..وانا ادري انس ضايقه!!!
نوره حرام عليس ارحميـــــــــــني!!!!!!!!!!!!!!!!!!!!!!!
نوره:............................................. ....!!!!!!!!!!!!!!!!!
زيد: نوره حرام عليس حسي فيني..حسي في قلبي اللي كل يوم يتعذب..ارحمي حالي!!!!!!!!!!
نوره هنا وصل الأنبير حق راسها لآخر حده ...احس فيه ..ارحم حاله..وانا بالطقاق مهب مهم زعلت ولا انفلقت..:ارحم حالك!!!!!ليه انت رحمت حالي ؟؟؟؟؟؟ليه انت خفت على مشاعري..خفت على حبي لك انه ممكن ينتهي ..بمجرد تفكيرك بماضي انا مالي ذنب فيه...انت يازيد ماخفت علي..ولاخفت على نفسك وعلى حياتنا...لأنك في كل الأحوال قادر تتأقلم عالعيشه اللي انت عايشها..مافيه احد يهمك في الموضوع كله الا عمي!!!!!خايف لايزعل عليك..والله العالم وش بيجبرك عليه بعد..زيد انا مااقدر اتحمل تعبت والله تعبـــــت!!!!!!!!وغطت وجهها بيديها وقامت تشاهق بالبكي..








وش فيها نوره لها الدرجه الموضوع هامهم كلهم..كلهم يبون يعرفون السبب..امي من صوب وسعد ونوره من صوب..بس مافيها شيء يامزنه لو علمتي اختس اللي تحبس وتخاف عليس...ويمكن لو علمتيها تريح نفسها من الهم اللي هي شايلته وتقول..تفضفض..ومسكت جوالها وقعدت تكتب:"هلا النوري مساء الورد..يااحلى ورده..انتم وينكم فيه الحين ماقلتي بتطمنينا عليس..اتوقع انكم الحين في السيل الكبير تبون تحرمون..لاتحرقين اعصابسعلى شيء مايسوى..نامي ابرك لس..بعدين تعالي كيف رضيتي على حبيب القلب؟؟؟؟؟؟؟" وسوت لها إرسال....








زيد ركن السياره على جنب..ونزل بسرعه..وراح صوب باب نوره وفتحه وضم نوره لصدرق بقوووه....إلى ان هدت مع انها كانت تقاوم ضمته...وتضربه على صدره عشان يفكها...بس ضمة زيد كانت اقوى وادفى لها في وقت هي كانت فيه في قمة الضعف..وفي قمة البرد والخووووووف من انها تفقد زيد للأبد...وبلا رجعه!!!!!!!!!!!!!!!
زيد: حبيبتي...النوري...ناظري فيني..ارفعي راسس ...ابي اشوف عيونس..!!!!!!!!!!!!!!!!!!!!!!!!!!!!!!
نوره بكل طواعيه بعد مافقدت أي خيط للدفاع رفعت راسها له بكل إستسلام..وطاحت عينها في عينه..لحظتها بس حست بالحياه...لحظتها بس حست بالدفا...حست بكل مشاعر حلوه ممكن انها تنخلق بين أي اثنين يحبون بعض..حست بالروح تسري لجسدها بعد ماكان خالي..هذا هو زيد اللي تحبه..هذي هي عيونه..بكل المعاني اللي تقولها لها...هذا هو شوقـها..ماقدرت تقاوم قلبها في انه يقول القصيده اللي حفرها من زمااااااان في كل زاويه من زوايا قلبها..عشان تجي اللحظه اللي تقولها لزيد وهذي هي جات: زيدانا احبـــــــــــــك!!!!!!بس انت ماتحبني...وجلست تهز راسها..ماتحبنـي..ورجعت لنفس اليباجه وقعدت تبكي...





محمد اول ماسمع نغمة الرساله..مات من الخوووووف لدرجة ان جواله طاح من يده..مسك الجوال برجفه وفتح الرساله وهو كله قلق من اللي تحويه الرساله..سمى بالله وفتحها..وبعد ماقراها قال في خاطره...وش معناه كلامها ياذكي ...؟؟ماله غير معنى واحد..احمد ربك اللي إلى الآن ساتر عليك...وبطل الهبال اللي انت قاعد تسويه..لايمحمد..رسالة مزنه تقول ان نوره ماتدري عن السبب..والشيء الثاني اللي باين في الرساله ان نوره وزيد بينهم شيء..!!!!!!!!وانت وش دخلك في العالم؟؟؟فالح بس تحل مشاكل غيرك...فكر كيف تحل مشكلتك...وطلع من غرفته ينادي على هند عشان تسوي له شاهي ثقيل عشان يروق!!!!!!!!!!!!!!.......









زيد رفع نقاب نوره ومسح دموعها بيده...وباس راسها ويدها وقبل مايسكر الباب قال:نوره قسم بالله اللي مافيه غيره..اني احبس انتي مهب غيرس...وسكر الباب..ركب السياره ومشى بدون مايقول ولا كلمه بس شغل المسجل على اغنية ميريام فارس انا والشوق...وترك نوره ذايبه مع الكلمات ...اللي كانت تلامس الجرح اللي في قلبها...وتضمده وتخففه..وتزرع الأمل بينهم بعد مااندفن...!!!!!!!!!!!!!!!!!!!!!!!!!!!





هذا الشاهي وجاء...لازم تركز يامحمد...وش بتكتب لمزنه ذا الحين..اخيراً الحظ ابتسم لك ولو مره وحده ومسك الجوال:"هلا حبيبتي..لازم تقولين وش بينس وبين محمد؟؟؟تكفين مزنه ريحيني...انا انتظرس تردين قبل ماتنامين ...تكفين حبيبتي مزنه ريحيني ترى مهب نايمه لين تردين"..!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!




النوري حبيبتي اللي صار ماابيه يتكرر..انا ماابيس تبكين على أي شيء..انا ابيس تكونين نوره القويه اللي اعرفها...وابيس تعرفين شيء واحد وابيس تكونين واثقه من هالشيء..ولاتشكين فيه ولو بنسبه بسيطه..قلبي انا بأعترف ل بشيء..واتمنى انس تصدقيني..نوره منيره ماضي وانتهى..تقدرين تقولين سخافه...مراهقه...غباء...هبال...سميه اللي تبين تسمينه..اما انتي عندي الحين حاضري ومستقبلي وكل شيء..انتي عندي اهم من مليون منيره..صحيح اني ماكنت ابغاس قبل للأمانه يعني...بس يشهد علي الله اني الحين ماابي احد غيرس..ولافيه وحده ممكن تنافسس او تغنيني عنس..وفتح علبه سوداء شكلها مره انيق..عليها شريطه حمراء ملفوفه بطريق ناعمه..سحب الشريطه وحطها على الطاوله وفتح العلبه...كان فيها خاتم فيه قلبين متداخلين مع بعض..فيه فصوص مليانه لولو صغير...كان شكله ناعم بس في نفس الوقت فخم...مسك يدها ودخله في اصبعها ..ورفع يدها وباسها..وسط استغراب نوره من كل الموشحه الغير معهوده من زيد...!!!!!!!!!!!!





"نوره بما ان هالسؤال حارمس النوم جنب حبيب الألب...لازم اجاوبس عليه..بس طلبتس ماابي احد يدري!!!!انتي تدرين ان محمد حلم حلو المفروض مااصحى منه..وانا بيني وبينس ماابي اصحى منه...بس كان لازم اصحى...لأن كرامتي فوق حبي وفوق قلبي...وفوق مشاعري اللي بصعوبع قدرت اسيطر عليها...انتي يانوره ماتدرين عن الكلام اللي قاله لي محمد يوم كنت في اولى متوسط....!!!!هويعتقدني صغيره ولايمكن يرسخ اللي قاله..بس انا مانسيته وبتم ذاكرته طول عمري...ومهب ناسيته لأنه جرح كرامتي...محمد ماصان حبي يانوره...ماصانه!!!!!!!!
خلاص يانوره إلى هنا وبس...انا مااقدر اكمل شيء..انا تعبانه الساعه قد هي عشر...تصبحين على خير..!!!!!" وسوت لها إرسال.....











.....:آلوووو...
سعد: هلا؟؟..
.....:السلام عليكم..
سعد: وعليكم السلام والإكرام..سمي اختي من بغيتي؟؟؟؟؟؟؟؟ظظ
.....:انت سعد؟؟؟
سعد: ايه نعم..خير
.....:هذا مهب بيت زيد بن محمد...؟؟؟؟؟؟؟
سعد: الا..من معي...؟؟؟؟؟؟؟؟؟
.....:الله يغربل بليسك روعتني انا هند..احسب اني مغلطه..وش حالك
سعد بعد ماابتسم إبتسامه يشع منها نور جديد:هلا هند..يالله حيها بنت العم..طيب طاب حالس...وش حالس انتي؟؟؟ووش حال الأهل؟؟؟؟؟
هند: بخير زان حالك...سعد إذا ماعليك امر ممكن تنادي لي مزنه..من المغرب وانا ادق عليها وجوالها مغلق..
سعد يقول في باله الا علي امر ونص...آمري يالشيخه:والله مزنه دخلت تنام..يمكن بطاريتها فضت..بغيتي منها شيء؟؟؟؟تبيني اصحيها؟؟؟؟!!!!
هند بإندفاع بعد ماانحرجت لما شافت الساعه :لا...لا اقصد خلاص لاتصحيها الظاهر اني ماشفت الساعه...آسفه!!!!!!!!!!!!!!!!!!!!!!
سعد: لاعادي...متى مابغيتي شيء دقي عالبيت..!!!!!!!!!!!!!!
هند تقول في بالها خير...وش عنده سعيدان؟؟؟؟!!!!
هند بصراحه:لا..مشكور بدق على جوال مزنه بكره..مع السلامه..وسكرت بدون ماتسمع رد سعد!!!!!!!!!!!!!!!!!!!!!!!!!
سعد وهو يناظر السماعه وش فيها عصبت ذي..؟؟؟؟؟؟؟؟؟ وش رايك يعني تقول لها لابغيتي شيء دقي على البيت...تستاهل من دق الباب جاه الجواب...قم.. قم الله يرضى عليك..قم ارقد الله يخلف!!!!!!













النوري ليه انتم تبكون دايم؟؟؟؟؟؟؟؟يعني فرحانين تبكون!!! زعلانين تبكون!!!!وش السر؟؟؟؟؟؟؟شيء فطري فيكم ولا كيف؟؟؟؟؟؟؟؟؟؟؟؟

 
 

 

عرض البوم صور العامريه   رد مع اقتباس
قديم 25-11-08, 04:21 PM   المشاركة رقم: 38
المعلومات
الكاتب:
اللقب:

البيانات
التسجيل: Oct 2008
العضوية: 99740
المشاركات: 8
الجنس أنثى
معدل التقييم: الماسه بس احساسه عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
الماسه بس احساسه غير متواجد حالياً
وسائل الإتصال:

كاتب الموضوع : العامريه المنتدى : القصص المكتمله
افتراضي

 

هــــلا امــراه مــــا ،،،
تسلمين على البااارت الحلوووووووووووووو
واالقصص الاكثر من رووووووووووعة

 
 

 

عرض البوم صور الماسه بس احساسه   رد مع اقتباس
قديم 25-11-08, 06:14 PM   المشاركة رقم: 39
المعلومات
الكاتب:
اللقب:
عضو راقي


البيانات
التسجيل: Mar 2008
العضوية: 68234
المشاركات: 1,360
الجنس أنثى
معدل التقييم: سوارفسكي عضو بحاجه الى تحسين وضعه
نقاط التقييم: 18

االدولة
البلدSaudiArabia
 
مدونتي

 

الإتصالات
الحالة:
سوارفسكي غير متواجد حالياً
وسائل الإتصال:

كاتب الموضوع : العامريه المنتدى : القصص المكتمله
افتراضي

 

السلام عليكم
تسلمين عاشقه الملامح على النقل
امراة ما.. اسلوب رائع وسلس سلمت اناملك
زيد ونورة :: نقدر نقول طاح الحطب حاليا بس اشك اذا رجعوا من السفر تبدا منيرة بحركاتها البايخه تكدر عليهم
محمد ومزون:: حركة جريئه من محمد بس عرف منها سبب عزوف مزون عنه ويبدا محمد محاولاته معها الان مرةثانيه .....
في انتظار القادم
سلمت الايادي
لكم خالص حبي وتقديري

 
 

 

عرض البوم صور سوارفسكي   رد مع اقتباس
قديم 25-11-08, 07:13 PM   المشاركة رقم: 40
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 98291
المشاركات: 8,044
الجنس أنثى
معدل التقييم: ساعه بلا عقارب عضو على طريق الابداعساعه بلا عقارب عضو على طريق الابداعساعه بلا عقارب عضو على طريق الابداع
نقاط التقييم: 258

االدولة
البلدSaudiArabia
 
مدونتي

 

الإتصالات
الحالة:
ساعه بلا عقارب غير متواجد حالياً
وسائل الإتصال:

كاتب الموضوع : العامريه المنتدى : القصص المكتمله
افتراضي

 

السلام عليكم ورحمة الله وبركاته

حياك الله و اسعدك ...ام لولو ...نقل رائع و موفق ...

واحيكي...... ‏إمرأة مــا..... على روايتك .. واسمك الملفت


.اسلوب رائع وكلمات متناسقه تحكي ما بداخلها من ابداع ...مولود ..وفي طور النمو

..وفقك الله لما تريدين الوصول اليه ....

ابدأ بشخصيات الروايه بشكل مختصر ...

وسوف اطلق عليها روايه وليس قصه ...

لان اسوبك يحاكي كثيراً روايات عبير في سرد الفكره وليس المضمون ... لانك في البدايه كنتي تتحدثين عن شخصيتين فقط واستمر الحوار عن (نوره و زيد )....بكذا جزء دون الخوض في الشخصيات الاخري من الروايه و كان هناك برود في بدايه القصه في نقل الاحداث وسرعتها في النقل بين حدث ومرور فتره من الزمن عليه ...وكل الأحداث بعد ذلك دارت في شهر واحد فقط
نبدأ بتحليل الشخصيات
زيد : في البارت الاول والثاني ظهر لنا بشخصيه قويه و يتوعد ولكن مع الأحداث الأخرى اتضحت طيبته و وعفويته في تصرفاته وحياته عكس ما كنت اتوقع ان تكون حياته مع زوجته في اولها ...وان حبه الاول كان حب مراهقه وطفولي ...بمجرد اعجابه بزوجته من شكلها وطريقة تفكيرها التي لم يتوقعها...و لكن حب الطفوله والمراهقه عاد عندما شاهد منيره ..ونسي زوجته وكان مجرد لحظات استطاع التغلب عليها و هنا استطيع اقول قول الله تعالى : (وجعلنا بينهما مودة ورحمه ) ربما حبه لنوره لم يكتمل بعد ...وليس من المعقول ان يمحي حب سنوات في خلال شهر واحد بهذه السهوله ... الله يستر ما ينتكس حبه بعد مشاهدة منيره مره اخرى..وتذهب وعوده لنوره ادراج الرياح
نوره: شخصيتها ضعيفه مهما حاولت ان تظهر من قوه...وقسوه وحبها هو نقطة ضعفها سوا حبها لزوجها او لسمعة اهلها ...فلا تستطيع البعد عن زيد ..بهذا الضعف مهما حاولت وهنا احب ان اوضح عندما سردت احداث قصه الحادث أرى ان فيها نوع من الضعف في الحبكه في الاسلوب لانه ولد عمها وليس من المعقول لا يعرف بتفاصيل الحادث .. وانتي ذكرتي ان بيتهم لا يبعد سواء عشر دقائق بالسياره كيف لا تعرف ولد عمها ولم تشاهده سوي كذا مره في حياتها و عندما ذكرتي مزنه انها شاهدت ولد عمها اخر مره قبل سته اشهر هناك تناقض في الكتابه ...ولا اخبي عنكي اني في البدايه اعتقدت انها تسكن في قريه وهو في المدينه ...لا نك لم تشيري الي المكان ولا الى تفاصيل خاصه من حياتهم و كان الحدث الوحيد الذى دل على المدينه التي يعيشون بها عند عودتهم من السفر عندما ذكرتي نزولهم في مطار جده ومن ثم الرياض
(مزنه – محمد )(سعد – هند )
احب ان اوضح انكي اعتمدتي القصه على ابن العم لبنت العم وهذا ليس بعدل اين الانصاف من هذه الناحيه ...ان تضل البنت تنتظر ولد عمها فاذا لم يتزوجها تضل معلقه ...وذكرتي عمر نور 27 وانها كبيره ..هذا كان في الماضي ايام جدتي و جدتك اذا وصلت البنت لهذا العمر ينضر لها بالكبر ..اما الان اصبح هو السن الحقيقي لزواج فتتزوج البنت من 25 وما فوق بحكم اختلاف الحياه فهي متى تنهي دراستها و الولد متى يكون نفسه لنكن منصفين من هذه الناحيه فالبنت الان اصبح سن عنوستها من بعد 30 او 32 وليس قبل وهذا يختلف من منطقه الى اخرى في المملكه .....
بالنسبه الى البارتات قصيره جدا ولا تشبع فضول القاري اتمنى اطالتها قليلاً

اطلت في الحديث اتنمى ان يكون ما كتبته خفيف عليكي
سلمت انا ملك و بدايه موفقه
تقبلي مروري

 
 

 

عرض البوم صور ساعه بلا عقارب   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة امرأة ما, امرأة ما, انا مره مايهزني جرح رجال, انا مره مايهزني جرح رجال : للكاتبة امرأة ما
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t99010.html
أرسلت بواسطة For Type التاريخ
Untitled document This thread Refback 04-05-10 01:35 AM
H E N D (alfetnah) | formspring.me This thread Refback 10-03-10 04:37 PM


الساعة الآن 01:24 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية