لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (2) أدوات الموضوع انواع عرض الموضوع
قديم 29-11-08, 06:38 AM   المشاركة رقم: 51
المعلومات
الكاتب:
اللقب:
عاشقة ملامح


البيانات
التسجيل: Mar 2008
العضوية: 67057
المشاركات: 5,058
الجنس أنثى
معدل التقييم: العامريه عضو على طريق التحسين
نقاط التقييم: 64

االدولة
البلدSaudiArabia
 
مدونتي

 

الإتصالات
الحالة:
العامريه غير متواجد حالياً
وسائل الإتصال:

كاتب الموضوع : العامريه المنتدى : القصص المكتمله
افتراضي

 

الجزء الثاني والعشرين:

زيد يقول:لو سمحتوا ماابي احد يركب معي غير مرتي!!!!!!!!!!!!!
وركبت نوره معه وهي تناظر اختها مزنه وهي عارفه وش فيها..بس ماتدري وش تسوي لأن زيد حرك سيارته مابعد ركبوا البنات..
اما مزنه فكت يد هند وراحت لباب البيت واشرت لهند تجي تفتح لها الباب..
هند:خير مزنه..وش فيس رجعتي؟؟؟؟؟؟؟؟؟
مزنه ودموعها في عينها:هند افتحي الباب بسرعه..وانتوا روحوا ماابي اروح معكم قلت لس انا تعبانه بس انتي ماصدقتيني..وقعدت تبكي بقهر..ماكان لهند حل غير انها تفتح لها الباب..وتأشر لمحمد ينزل..لأنها عرفت انهم ضغطوا على مزنه بحركاتهم..







نوره انتي تدقين على من؟؟؟؟؟
نوره بقلق:على مزنه..زيد بصراحه انا ماابي مزنه تركب مع محمد..مهب عشان شيء بس انا اختها والمفروض تروح معي انا!!!!!!
زيد:ليه محمد بياكلها..ياقلبي مهب صاير لها شيء صدقيني..الا على طاري مزنه في موضوع ودي اقوله لس بخصوص مزنه...!!!!!!!!!!!!






مزنــــــــــــــــــــــــه!!!!!!!!!!!!!!!!!!!!!! !!!!!!!!!!!!!!!!!
دوى صوت محمد في الصاله وهو يناديها..وقفت مزنه عند غرفة هند وماالتفتت...بس قالت:لو سمحت يامحمد ماابي اسمع ولا كلمه يكفي اللي سمعته..ارجوك تروح انت وهند..ولو سألوكم عني قول لهم تعبانه!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!
لكن محمد ماسكت وقال:مزنه متى مابغيت اتكلم تكلمت ماانتظرت احد يسمح لي او لا..هذا اولاً.وثانياً..بس يامزنه يكفي تعذبيني كفاني اللي جاني...والله تعبت..انتي من هنا وضميري من هنا...ليه يامزنه تحاسبين بزر قال كلمه..إلى متى بتحاسبيني على غلطه ابد ماكان لي قصد فيها..إلى متى بتقعدين شايله في قلبس علي..حراااااام عليس يامزنه ارحميني..يابنت الناس ارحمينــــي والله تعبت....ارحميني لو مره يامزنه..
لكن مزنه ماعطته فرصه يكمل وقالت:بزر..صدقني ماكنت بزر..بزر في اولى ثانوي..بالله مااستحيت على وجهك..وانت تقولها..شواربك في وجهك وتقول بزر..اسمح لي يامحمد ماكنت بزر.....بس يامحمد يكفي تبرر شيء انتهى وتجبر شيء انكسر من زمان...خلاص يامحمد انا نسيتك ولو سمحت انساني...!!!!لانك ماعاد تعني لي شيء...!!!!!!!!!!!!!!!!!!










ابو زيد:فايز العيال ورانا ولا لا...؟؟؟؟؟
فايز:زيد ورانا..بس محمد يقول انه بيمر البقاله يجيب اغراض وبيلحقنا...
ام زيد تتنهد:يابعد عمري ياولدي..والله ماادري كيف بصبر ست شهور مااشوفه...
ابو زيد:ماقلتي ذا الكلام..يوم قلت لس اني بسافر لجيزان شهرين..ماقلتي بشتاق لشايبي!!!!!!
ام زيد:هذاك قلتها شايب............؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فايز:افاااااااااا العجوز ناويه على اثنين كل واحد خمس وعشرين سنه عقب ماتودع!!!!!!!!!!
ابو زيد خبط فايز على راسه عقب كلامه...اما ام زيد قالت:اقطع واخس..تهبى ويا وجهك..ادور احد عقب ابوك..الله يعطيه طولة العمر بس.......
ابو زيد:اجل دامس تغليني..اخطبي لي ام خمس وعشرين.......!!!!!!!!!!!!!!!!!!!!!!!!!!!!









مزنه لو سمحتي قدامي على السياره..ترى خلاص ماعاد اتحمل منس شيء..يكفيني ماجاني يامزنه..خلاص ماعاد لي حاجة فيس عقب هرجس ذا.........!!!!!!!!!!!!!!!!!!!!!!!!!!!
هند اللي طول الوقت زي الدلخ بينهم ماقدرت تسكت عند هالكلام وقالت:لايامحمد ارجوك لاتقول كذا...هد اعصابك واسبقنا عالسياره وحنا جايينك الحين...طلع محمد وهو مطعون في حبه..مصدوم في الأنسانه اللي حبها طول عمره ومستعد يحبها إلى ان يموت حتى لو هي رفضت هالحب...وهو يقول في خاطره انا بظل عايش على ذكراه..ومستحيل انساه مثل مانسيتيه يامزنه..!!!!!!







زيد حبيبي انا عارفه ان كلامك صح..وان محمد كان في ذاك الوقت بزر..بس مزنه من يفهمها هالكلام..انت ماتعرف كيف كانت مزنه متعلقه في ابوي وامي..وبالذات ابوي...ماكانت تسمح لأحد انه يمسه بأي كلمه..كيف عاد لو كانت حاضره الموقف..مزنه عاقله يازيد وتعرف كيف تفكر وهذي مصلحتها وهي ادرى فيها.......!!!!!!!!!!!!!!!!!
زيد:صدقيني يالنوري في لحظات من كثر ماالإنسان صادق في حبه..ماعاد يعرف يفكر..يمشي وهو اعمى..كل شيء مستعد يسويه للشخص اللي يحبه..وفي نفس الوقت لما ينجرح من انسان يغليه..مايملك نفسه..ويبدأ يتصرف على اساس انه يدافع عن نفسه وعن كرامته..متناسي ان فيه شيء اسمه حب كان بينهم....!!!!!!!!!!!!!!!!!!!!!!!!!!!!!!!!
نوره:انا بكلمها وبحاول اقنعها..وبيني وبينك محمد انسب واحد لمزنه..ومن كل قلبي اتمنى انها تكون من نصيبه...






طول الطريق ومحمد مشغل اغنيه..ماجد المهندس ين ايديا...وكل ماانتهت يعيدها..وهو يشوف مزنه مع المرايه وهو عارف انها قاعده تنزف دموع من فوق النقاب..الا دموعها انا مااتحمل دموعها مااتحمل اشوف هالقطرات الألماسيه تطيح حتى لو علشاني..انا ممكن اتحمل أي شيء يامزنه الا دموعس..وبقدرة قادر..وبشكل سريع ربط فرامل بقوه على حافة الطريق ووقف..وهو يقول:انا ماراح احرك الا لما تسكتين...مزنه تكـــــفين لاتعذبيني بدموعس..دموعس اغلى من روحي علي..والله العظيـــــــم آســف ..ونزل بسرعه من السياره لما حس انه تنازل لها كثير..ماكان يبي مزنه تشوف التعب على وجهه....!!!!!!!!!!!!!!!!!!!!!!إلى متى وانا اعتذر ..والمشكله مافيه مقابل..مافيه أي تجاوب يامزنه..مافيـــــــــــه.!!!!!!!!!!!!!!!!!!!!!!!!! !!!!!!!!!!!!!!!!








مزنه كانت تبكي من يوم ركبت السياره..هي عارفه ان محمد معه حق في كل اللي قاله..محمد فعلاً ذاك الوقت كان بزر..ليش ماقدرت اسامحه ..ليش ياربي...كانت تفكر شلون تقدر تسامحه هي لازم تسامحه..إلى متى بتقعد شايله عليه في قلبها..الى متى بترضى انها تكون بعيده عنه..عن الإنسان اللي حبها وحبته...عن الإنسان اللي تنازل عن كبريائه في سبيل إرضائها..انا مااستاهلــــــــك يامحمد..مااستاهلك..انا انانيه..غبيه ..بقره..انا كل شيء...كانت تتذكر محمد لما قال لها:" خلاص ماعاد لي حاجة فيس عقب هرجس ذا.."..خافت..خافت لما حست..ان محمد ممكن يروح منها..محمد ممكن ينساها..محمد ممكن يبدلها بإنسانه ثانيه..حتى لو كانت هالإنسانه بتكون بس اداه لإنجاب اطفال..وماراح يكون لها أي نصيب في مشاعر محمد..خافت حست بالبرد..حست بظلام دامس جاي يغطي سماها..
بس سكتت لما شافت محمد يوقف على الطريق بطريقه تخوّف..شهقت ولما شافته نزل من السياره..راحت روحها معه..كانت تشوفه يمشي على الطريق رايح جاي..وكيف كان وجهه محتقن ومعصب..بدت تبكي بكاء واضح..وشهقات كل مالها تزيد وترتفع..وهالشيء خلا هند تنزل من قدام وتركب معها ورى تهديها..كانت تحاول انها تمسك نفسها ولا تخوف هند عليها..كانت تقول لها:خلاص هند ناديه قولي له سكتت..خلاص صدقيني مهب باكيه..بس تكفين لاتخلينه يروح..........!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!











محمد كان يمشي رايح جاي في الطريق ..يمشي وهو يفكر كيف يقنع مزنه ..كيف يعتذر لها ووش هي الطريقه...كان يقول في خاطره انا مستحيل اتخلى عن روحي..لازم هالأسبوع انهي كل شيء..عشان اضمن انها لي..لي انا وبس...!!! ولما انتبه على هند يوم نزلت تركب ورى خاف...خاف على مزنه يكون صار فيها شيء...في هاللحظه كان يمشي بدون مايحس..اي يمشي الا يركض وغباره وراه...ولما وصل للباب اللي كانت مزنه جالسه عنده فتحه بقوه..وقـال:وش فيهـــــــــــــــــا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟













فايز يالله افرش الفراش يابوك..لاحق عالكوره لعنبوك..إدمان ذا مهب موهبه على قولك..جاء زيد ونوره وفرشوا الفراش..حق الرياجيل عشان يقعد ابو زيد عليه..ولما حطت المركى نوره عند عمها قال لها:مبروك يابنتي الله يسعدكم يابوس..ويعجل بالبزر..احس ان زيد بيطق فيه عرق..وبيخليس تجيبينه خديج...وجلس يضحك..اما نوره انحرجت من طروا لها سالفة الحمل..وحمدت ربها ان نقابها عليها..ماتخيلت ان البنت بتنحرج من سالفة حمل وجلست تتذكر اول ماجات من مصر مع زيد كيف كانت منحرجه حتى من امها..وردت عليه وقالت:الله يبارك فيك جعلك تربيه مع ابوه...وراحت بسرعه تفرش فراش الحريم بعد ماحط زيد السيارتين متقابلين عشان محد يكشفهم..وخذت ترامس القهوه والشاهي وودتها لعمها وعمتها..تقهويهم وقلبها على اختها اللي مابعد جات...!!!!!!!!!!!!!!!!!!!!!!!!!!!!!!!!!!!!!










مزنه انكمشت على نفسها عقب سؤال محمد..لكن محمد ماسكت عقب سؤاله رجع يسألهم مره ثانيه:هند تكلمي مزون وش فيها....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
وقبل ماتتكلم هند تكلمت مزنه وهي مدنقه راسها عشان مايشوف دموعها من قريب وقالت:مافيني الا العافيه مافيني شيء..يالله محمد جعلك تحيا ابطينا عليهم....جلس محمد يناظرها وهو مبحلق فيها..كيف انها كانت تبكي قبل شوي وذالحين عادي ولاكأنه صار بينهم شيء...اما هند هي اللي زي الدلخ صدق مهب فاهمه شيء..راح محمد وركب السياره وشغلها ومشى بس هالمره وهو مطفي المسجل..وجالس يفكر بالإنسانه اللي وراه وهو مستغرب هدوئها المفاجئ...لكنه رجع للحياه لما سمع هند تقول:محمد البقاله ماتشوفها..؟؟؟
لف محمد عالمحطه ويوم جاء ينزل قال:انا مهب مطفي السياره ومهب باطي عليكم..بس انتبهوا لايجيكن احد امسكنه واطرحنه إلى ان اجيكم...!!!!!!!!!!!!!!!!!!!!!!!!!ونزل وهو متأكد انه قدر يدخل السرور على روح مزنه..بعد مالاحظها تهتز بس بخفيف..نزل وهو يركض للبقاله....واول مادخل البقاله كان يشتري ويرجع يلتفت عالسياره كانوا البنات واضحين له وشافهم يتهاوشون باليدين..شرا البارد والمكسرات وباقي الأغراض اللي طالبينها ورجع يركض للسياره بسرعه وفتح الباب وقال:السلام عليكم..!!!!!!!!!!!!!!!!!!!!!!!!
ردوا البنات عليه السلام..وبعد ماحط الأغراض في المرتبه اللي جنبه قال:من اللي باديه على الثانيه..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!
هند بلقافه:مزنــــــــــه!!!!!!!!!!!!!!!!!!!!!!!!!
محمد وهويمشي :اجل احســــــــــن!!!!!!!!!!!!!!!!!!!!!!!!!!!!!!!!!!!! !!!!!!!








فايز وزيد كانوا يلعبون كوره..ونوره واقفه عند صدام السياره تتفرج وهي تضحك

فايز:نوره تعالي العبي معي ضد رجلس!!!!!!!!!!!!!!!!!!!!!!!!!!!!!!!!!!لكنه سكت لما شات زيد الكوره بقوه عليه وقال:كم مره قايل لك مالك دخل في مرتي..يااخي فكنا من شرك..نوره اجلسي عند اهلي اخاف ذا المرجوج يشوت الكوره عليس وتعورين..روحي الله يرضى عليس..ولا تدرين وقفي انا جايس نروح نتمشى..مقابلس ازين من مقابل ذا الدلخ وضحك يوم شاف شكل فايز اللي فلل من كلامه وشات الكوره بقوه عليه وصقعت في راس زيد اللي طار شعره بشكل حلو.....لكن زيد طنشه وهو يقول:معليه ذا وجهي ان خليتك..وراح لنوره وهو يركض..







محمد:هند الله يرضى عليس اللي صار ماابي احد يدري به.. !!!!!!!!!!!!!!!!!!!!!!
هند بعصبيه:احلف..ليه ماتقول هالكلام لمزنه..هي ترى سيدة الموقف مهب انا...
محمد ابتسم وهو يقول:لأني خابر مزنه زين..مهب مثلس لسانها طويل ومتبري منها..وغير كذا عاقله وتفكر بعقل وبقلب...!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!
مزنه رفعت عينها لمحمد لأنها عرفت انه يبي يوصلها رساله..بدون ماتفهم هند شيء..ولما تلاقت عيونهم في المرايه ابتسم لها محمد بحنان وكأنه يقول لها خلاااااااااااااااااااااااص انسي اللي صار وخلينا من الماضي .. خلينا نبدأ حياتنا صح..
نزلت عيونها مزنه لما حست ان دمعتها نزلت..بس هالدمعه كانت غير عن دموعها اللي من اولى متوسط إلى يومها هذا وهي ماتنام إلى ان تذرفها..كانت بارده ..كانت دمعة رضى .. دمعة حب ووفا .. دمعة فرح ولاشي غير الفرح..وماانتبهت انهم وصلوا للمكان الا لما قال لها محمد وهو يبتسم..:شكلها عجبتس القعده في السياره..تبيني آخذ بس لفه شوي؟؟؟؟؟؟؟!!؟!!
نزلت بسرعه من السياره وهي تنتفض اللي بيشوفها بيقول بردانه..وراحت لهند اللي كانت تنزل باقي الأغراض من الشنطه..وقعدت تنزل معها..وهي تشوف زيد ونوره جايين صوبهم وعينها مافارقت محمد اللي راح يسلم على راس امه وابوه ..وهي تبتسم براحه غريبه ماحستها من سنين...!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!




زيد لمحمد: الحمدلله عالسلامه..كان ماجيتوا..وهو يناظر محمد بنص عين!!!!!!!!!!!!!!!!!!!
محمد وهو يرفع صوته عشان البنات يسمعون ويبتسم:الله يسلمني..بس الشيخة هند ازعجتنا تقول تبي تاخذ لفه في السياره..هند شرقت وهي تشرب ماء وقالت:انا اللي ابيك تاخذ بي لفه..ياويلــــــــــــــك من ربي يامحمدوه............................!!!!!







فايزوهو رايح لامه وخواته:بنات يلاه قوموا العبوا معي والله اني طفشت الحالي..
قعدوا البنات يضحكون على فايز وقالت مزنه:انت من جدك ولا تمزح؟؟؟؟؟؟؟؟؟؟؟؟؟؟؟؟؟
فايز:افا يامزنه..قد خبرتي اني امزح ..من يوم طلعت من بطن امي وانا جاد..وبالعلامه اول مانزلت قعدت اتكلم انجليزي كمشاركه وجدانيه مني للمرضات اللي يوم شافوني قالوا واو..ات از فيري كيوووت...جلسوا البنات يضحكون من قلب على كلام فايز..اللي اخذ كيك وحلا يوديه لابوه والعيال..ويوم نزله سحب محمد صحن الحلا منهم وهو يقول ذا لي انا لكن خساره يافرحه ماتمت اخذها العصفور وطار..دق جواله وقام من عندهم لما شاف المتصل النسيب..ومزنه تتبعه بعيونها ودها تعرف من هو اللي متصل..........!!!!!!!!!!!!!!!!!!!!
ولما خلص محمد مكالمته دق جوال مزنه اللي شافت على الشاشه الغالي..وكانت عيون هند عليها قالت مزنه:دامس متشفقه ردي انتي....وضحكت لما شافت الشياطين تنطط قدام عيون هند وقامت بسرعه وهي ترد على جوالها بأارحــــــب.......!!!!!!!!!!!!!!!!!!!!!!








عالساعه ثمانيه بدوا العيال يشوون..وبدت ريحة الأكل تفوح..زيد وصى فايز يروح يجيب خبز..لكن محمد رفض وقال اللحم بدون خبز احلى..عالساعه تسعه الا ربع جات سياره صوبهم تشبه سيارة سعد..طبعاً البنات استبعدوا انها سيارة سعد لكن العيال كانوا متأكدين انه سعد يوم ضحك محمد بصوت عالي وهو يقول:جبت الخبز؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



 
 

 

عرض البوم صور العامريه   رد مع اقتباس
قديم 29-11-08, 07:14 AM   المشاركة رقم: 52
المعلومات
الكاتب:
اللقب:
عضو راقي


البيانات
التسجيل: Oct 2008
العضوية: 101279
المشاركات: 1,968
الجنس أنثى
معدل التقييم: جوودي1 عضو بحاجه الى تحسين وضعه
نقاط التقييم: 48

االدولة
البلدSaudiArabia
 
مدونتي

 

الإتصالات
الحالة:
جوودي1 غير متواجد حالياً
وسائل الإتصال:

كاتب الموضوع : العامريه المنتدى : القصص المكتمله
افتراضي

 

اهلييييييين ام الولووو

تسلمييييييييين على البارت حبيبتي

لا بصراحهـ عوضتنا عن البارت الي راح

الله يتمم حمل نورهـ ,, ويهدي مزنهـ لمحمد

مرررررررررررررهـ رحمت محمد في البارت هذ1

بس للحين ماصار لهند وسعد شي ليشش..؟؟

وغريبه ابو زيد للحين ساكتــ..

نتمنى بارت قريب يكوووون مثل هذ1

ويعطيكـ.. الف عافيه ام الولو ..

 
 

 

عرض البوم صور جوودي1   رد مع اقتباس
قديم 29-11-08, 09:40 AM   المشاركة رقم: 53
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 98291
المشاركات: 8,044
الجنس أنثى
معدل التقييم: ساعه بلا عقارب عضو على طريق الابداعساعه بلا عقارب عضو على طريق الابداعساعه بلا عقارب عضو على طريق الابداع
نقاط التقييم: 258

االدولة
البلدSaudiArabia
 
مدونتي

 

الإتصالات
الحالة:
ساعه بلا عقارب غير متواجد حالياً
وسائل الإتصال:

كاتب الموضوع : العامريه المنتدى : القصص المكتمله
افتراضي

 

الله يعطيك العافيه
احداث حلوه ومشوقه ننتظر ابداعك ياحلوه ..وتسلمين ام لولو الله يعطيك العافيه على النقل

 
 

 

عرض البوم صور ساعه بلا عقارب   رد مع اقتباس
قديم 30-11-08, 07:53 AM   المشاركة رقم: 54
المعلومات
الكاتب:
اللقب:
مشرفة منتدى الحوار الجاد


البيانات
التسجيل: Apr 2008
العضوية: 70555
المشاركات: 6,339
الجنس أنثى
معدل التقييم: شبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسي
نقاط التقييم: 4984

االدولة
البلدSaudiArabia
 
مدونتي

 

الإتصالات
الحالة:
شبيهة القمر غير متواجد حالياً
وسائل الإتصال:

كاتب الموضوع : العامريه المنتدى : القصص المكتمله
افتراضي

 

مشكوره العامريه الله يعطيك العافيه

وبانتظاااااااار مايستجد من احداااااااث

الى ذاك الحين لك مني كل الحب والتقدير ..


متااااااااااااااااااابعه بستمرااااااااااار

 
 

 

عرض البوم صور شبيهة القمر   رد مع اقتباس
قديم 30-11-08, 11:35 AM   المشاركة رقم: 55
المعلومات
الكاتب:
اللقب:
عاشقة ملامح


البيانات
التسجيل: Mar 2008
العضوية: 67057
المشاركات: 5,058
الجنس أنثى
معدل التقييم: العامريه عضو على طريق التحسين
نقاط التقييم: 64

االدولة
البلدSaudiArabia
 
مدونتي

 

الإتصالات
الحالة:
العامريه غير متواجد حالياً
وسائل الإتصال:

كاتب الموضوع : العامريه المنتدى : القصص المكتمله
افتراضي

 

الجزء الثالث والعشرون:


مزنه:نوره سعد جاء.....!!
ام زيد:الحمدلله على سلامته يابناتي..قرت عينكم..
نوره: الله يسلمس يمه..بس وش عنده رجع بدري..؟؟؟
مزنه بقلق:لايكون ترك الدوره .. وهون من الترقيه..
هند بعتاب مصطنع:اكيد بسبتس...كل شوي انتي داقة عليه..متى بتجي ومتى بتجي..اللي بيسمعس بيقول ساكنة في بيت الجيران..مهب في بيت عمها..طيرتي عقل الرجال ورجع!!!
مزنه تشاور هند: وانتي وش اللي حارق قلبس...فدوه لعيوني الترقيه زين...!!!
هند :لامهب فدوه وش عندس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
مزنه بتعجب:سلامتس ماعندي شيء...انتي اللي عندس..وناظرتها بتفحص..!!!!!!!!!!!!
هند:أي والله عندي ..عندي كف بيجيس يمشي ميتين..بس تكفين تحمليه!!!!!!!!!!!!!!!













خيريابوك وش عندك ..جاي بدري..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سعد:ارجع يعني وش فيكم ماتبوني اجي والا ويش...؟؟؟؟؟؟؟؟؟؟؟؟؟؟؟؟؟؟؟؟!!!!
ابو زيد يضحك:لا والله ماقلنا كذا ياولدي بس ارتعت يوم شفتك جاي ..
سعد:لاترتاع ولاشيء الله يحييك..شافوا شهاداتي ولقوني اكفأ واحد يستحق الترقيه...لأن اللي معي مامعهم شهاده جامعيه وانا معي....
زيد: والله اللي خيست يامحمد في جندي.!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!
محمد يقلب عيونه:مافيه احد يقلب المواجع والجراح كثرك ياابو محمد...................
زيد:لاتناديني باابو محمد..لااقوم ادفنك هنا..!!!
سعد:خلاص محمد الله يهديك ناده بأبو سعد...!!!!!!!!!!!!!!!!!!!!!!!!!!!!!!!!!!!!!!!!!!!!
زيد:لازينتها انت..انا ابو سعد بس مهب عليك على الشايب اللي قاعد معنا..
ابو زيد: شابت ركبك زين..انا مهب شايب وامك قالت بتدور لي مره وقم انشدها...!!!!!!
ام زيد:لايقوم ولا شيء هذاني جيت..واقول معصي تطب بيتي مرة غيري!!!!!!!!!!














محمد دق على هند يقولها تقول للبنات ان سعد بيجي يسلم عليهم..ويقولها تتغطى ..هند بعد ماقالت للبنات وعدلت نقابها .. ماحست الا بصوت سعد يتنحنح معلناً دخوله على قعدة النسوان..دخل سعد واول من قابله من خواته هي مزنه اللي من شافته قعدت تبكي وتلمه ..
مزنه من بين دموعها:الحمدلله على سلامتك ياحبيبي..اشتقت لك والله..لكن نوره ماخلتها تكمل ودفتها وهي تقول:بس ذبحتي الرجال انا ترى بعد اخته..وسلمت عليه ولما خلصوا سلام لف على هند القاعده وقال:وانتي ماتبين تسلمين علي؟؟؟؟؟؟؟؟؟؟؟؟؟؟؟؟؟؟؟؟!!!!!!!!
في هاللحظه فيه اثنين كانوا مصدومين..سعد مصدوم من نفسه ومن جرأته..وهند المصدومه من كلام سعد وتصرفه..اللي بدون شعور خلاها تقوم من محلها وتطلع ورى السياره..وهي ماتشوف قدامها من الإحراج.............!!!!!!!!!!!!!!!!!!!!!!!!!!!!!! !!













بعد العشاء كلٍ ركب سيارته ..لكن الفرق ان مزنه ركبت مع اخوها وهي تشوف محمد يناظرها بحزن وكأنه يقول هذي آخر مره بشوفس فيها ..حاولت تكون نظرتها طبيعيه..ومافيها أي الم ..وصدت بسرعه..يوم حست دموعها تخونها..ماتدري ليه صارت دموعها كريمه وتنزل في كل وقت بداعي وبلا داعي..في شي يستحق او مايستحق..هذي هي مزنه من يوم يومها مشاعرها رقيقه وإنسانه حساسه وهذ هو اللي متعب اللي حولها..ومسبب لهم ازمه وخصوصاً محمد..اللي مازال يحس انها باقي زعلانه عليه..ومايدري شلون بيسمع اخبارها لما يدخل الدوره..وقال في خاطره الله كريم.!!!!!!














سعد راح مع عمه وعياله لبيتهم عشان يجيب شنطة مزنه..ونزلت مزنه تجيب شنطتها وقعد هو ينتظرها في السياره..وكان باب مدخل السيارات مفتوح وشاف وحده طالعه منه وتكلم لها هندي ولما ركّز في المره عرف انها هند..نزل بسرعه من السياره والشرر يطير من عيونه وحاس انه لو مسكها بيقتلها..شلون تسمح لنفسها تكلم مع الهندي..ووين العيال ماشافوها......................!!!!!!!!!!!!!!!!!!!! وراح لها سيده ومسك يدها اللي كانت مادتها للهندي تآخذ منه الأغراض..وصرخ على الهندي اللي رما الأغراض عند الباب وانحاش ..والتفت على هند وعيونه حمر من التعصيب وقال:انتي ماتستحين على وجهس...شلون تسمحين لنفسس تطلعين تكلمين الهندي هااااااااااااه...؟؟؟؟؟؟؟؟؟؟؟كان دخلتيه للمجلس بالمره..صدق انس قليلة حيــــــا..ادخلي داخل جعلس المرض..لكن الشرهه مهب عليس على اللي مخلين لس الحبل على الغارب..انقلعــــــــي....!!!
دخلت هند داخل وهي تغلي من نفسها لأنها ماردت عليه..ومسحت به الأرض..هي ليه سكتت..ليه ماعلمته حجمه..ليه سكتت وبدون شعور طلعت صوب الباب وقالت وصوتها يرجف:هيــه انت..من تحسب نفسك؟؟؟؟؟؟؟؟؟؟اول شيء مالك دخل فيني..وثاني شيء..اهلي واثقين فيني لأني تربية ابوي وامي..تربية سعد بن محمد إذا كنت ناسي..وعمري ماكنت قليلة حيا..لكن الظاهر كلٍ يرى الناس بعين طبعه..وبعدين لااشوف وجهك الكريه ثاني مره..لأنه مايشرفني تكون ولد عمي..ولايشرفني اعرفك..طــس من قدامي وسكرت الباب بقوه في وجه سعد اللي كان متنح قدام الباب وهو يسمع مسبات هند له ومع ذلك ماقدر يقولها شيء مهب خوف منها لا..لأنها كانت تبكي وماحب يزيد عليها خصوصاً لما زعلت على طول..اعترف بينه وبين نفسه ان اللي سواه غلط ممكن يقضي على احد احلامه الكثيره ...!وقال في خاطره والله لوريس الأدب وقريب ياهند..وبالنسبه لوجهي..والله لأغثس فيه..عشان تقولين كريه صدق..يالحيوانه.!!!!!!!!!!!














مزنه:سلام..
سعد:..................!!!!!!!!!!!!!
مزنه:قلت سلام ياهوه..؟؟؟؟؟؟؟؟؟
سعد:هلا مزنه وعليكم السلام..ليش تأخرتي؟؟؟؟؟؟؟؟؟؟؟؟؟؟
مزنه:ابد رحت اشوف هند..مدري وش فيها ..!!!!!!!!!!!!!!!!!!!!!!!!!!!!!!!!!!!!!!
سعد:.............................................. ........!!!!!!!!!!!!!!!!!!!!!!!!!!!!!!!!!
مزنه كل شوي تتحرك في السياره..من شكلها واضح ان فيها شيء..واضح ان عندها كلام تبي تقوله..سعد فاهمها بس ساكت..اكيد مزنه بتسأله بس يفكر وش بيرد عليها..وش بيقول..؟؟؟؟؟؟؟؟؟؟؟مايقدر ينكر..ولايقدر يقولها الحقيقه..هالشي اقوى منه..وش بيقولها مثلاً بيقولها انا ماتحملت ان هند تكلم رجال..خصوصاً انها ماتتكلم معي وانا ولد عمها..شلون ترضى تتكلم مع الهندي...وتذكر شكل يدها يوم مسكها..يالله وش قد ناعمه..وبيضاء..بس عصب يوم تخيل ان الهندي كان ممكن يلمسها لو ماجاء وسحب يدها..وانتبه لنفسه يومه يفكر لما قالت مزنه:سعد انت قايل لهند شيء مزعلها ومعصب بها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!! !!!!!!!!!!!!!!!!!!!!!!!!!!!!!!!
على طول سبق لسانه عقله وقال:لااااااااااااااااااااااااااااااااااااااااااا. ..!!!!!!!!!!!!!!!!!!!!!!!!












يامسكين المدرسه الأسبوع الجاي..........!!!!!!!!!!!!!!!!!!!!!!!!!!!!!!!!!!! !!!
فايز:والله انت المسكين لأن المدرسه مهب حكره مثل الدوره..انا في الظهر ارجع البيت..لكن انت جميع الأوقات وانت تكرف..ياابن الحلال لاتصير ذكي وتفكر تقهر احد وانت بهالوضع..اللي مثلك المفروض يسكت..لأن الصمت في حالته ابلغ من الكلام....وضحك بقوه لما شاف شكل محمد اللي تفشل..صح مهب اول مره يتفشل في بيتهم..بس هذي اول مره يتفشل قدام نوره..مع انها حاولت قد ماتقدر انها ماتضحك..بس الموقف يضحك بصراحه..واكتفت بضكه بسيطه..احرجت محمد اللي قام يحك راسه من الإحراج..!!!!!!!!!
وجاء يصرف وسأل عن هند اللي ماكانت جالسه معهم:الا هند وينها ماشفتها من يوم جينا؟؟؟؟لايكون نسيناها في البر..خابرها خبله تلقونها تصلي..وتصفق بيدها عشان ننتبه..!
قالت نوره:لا..في غرفتها تقول راسها مصدع وبتنام...!!
محمد:تنام ذا الحزه..ماعاد باقيلي الا كم يوم واروح ابي اسولف معها وقام من محله رايح لغرفتها..!!!!!!!!!!!!!!!!!!!!!!!!!!!!












وبعدين يانوم..شكل ماعندك نيه تحن وتسّير...هذي اكيد حوبة هند..هذي اكيد وحده من دعاويها..بس استاهل..اللي سويته في المسكينه مهب هين...!!بس اللي سوته هي فيك هين ياسعد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟شلون تسمح لنفسها تطلع للهندي..انا هالشيء بيجنني..احس بصداع لما اتذكر شكلها..الحيوانه والله لأوريها شغلها..تدري اني اغار..وليش تغار ياسعد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟





















راح محمد..؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!! !!!!!!!!!!!!!!!!!!!!!!!
سعد يناظرها بنص عين:وانتي وش لس..راح ولاباقي..هاه تحكي؟؟؟؟؟؟؟؟؟؟؟!
مزنه بربكه:هاه..ولاشيء..بس رحمت حال هند يوم تكلمني وهي تبكي...!!!!!!!!!!!!!
ابتسم سعد وقال في خاطره:ارحمي حالس قبل..!!!!!!!!!!!!!!!!!!!!!!!!!!!!!!!!!!!!!!!!!وراح وجلس جنب اخته وسكت شوي..بعدين قال:اقول مزنه..وش رايس في هند؟؟؟؟؟؟؟؟يعني وش رايس فيها لو اخطبها؟؟؟؟؟؟؟؟؟؟؟؟؟؟
مزنه بفرحه:هند من؟؟؟؟هند بنت عمي سعد...ياحظك والله..والله ياسعد ماتلقى احسن منها..طيبه وحنونه..وغير كذا تعجبك.!!!!!!!!!!!!!!!!!!!!!!!!!!!!!
سعد بإستفسار:كيف يعني بتعجبني..من أي ناحيه...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مزنه:مدري بس احس انكم لايقين على بعض..
سعد:انا اللي اعرفه عنها ان لسانها طويل..ودلوعه..وغير كذا عناد العالم مجتمع فيها..واللي اكبر من كذا انها اطول مني...............وسكت سعد لما شاف مزنه اخته ميته من الضحك على كلامه..وشكله يوم يقول ان هند اطول منه..عند هالكلام قعدت تضحك..
سعد:هيه انتي وش يضحكس..وجع احترميني عالأقل.......!!!
مزنه:آسفه سعّود..بس انت وياها تحفه ..تخيل ماكانت تسميك الا الدب..دايم تقول اخوس دب..وانت الحين تقول طويله..والله اشكالكم بتصير شيء..تخيل عيالكم جنبكم..اللي ديك واللي دجاجه صايرين حديقة حيوان...وسكتت لما عصب عليها سعد يوم قال:ازين من عيالس انتي ورجلس....!!!!!!!!!!!
مزنه:ابو الشباب وش فيك عصبت اللي يشوفك يقول ان المره عندك..الله يالدنيا هذا وانت مابعد خذيتها تعصب علي..وش بتسوي اجل لاخذيتها..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

















زيد حبيبي ممكن طلب؟؟؟؟؟؟؟؟؟؟؟؟؟؟؟؟؟؟؟؟؟؟
زيد:هاه نوري..وش بغيتي؟؟؟؟ورجع يكمل شغله عالكمبيوتر.....
نوره:اول شيء خل اللي بيدك وطالعني..احس كأني دلخ وانا اكلمك بدون ماتطالعني..
فك زيد الماوس والتفت على نوره وقال: آمري عيوني لس كم ام سعد عندي.. وحده بس ولو تبي عيوني لها..!!!
نوره:تسلم..زيود كرشتي بدت تطلع وملابسي ضاقت علي ابي لي جلابيات وملابس للحمل..ممكن توديني السوق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
زيد:يالله النوري لازم اليوم ..انا مهب فاضي اليوم تعرفين اول يوم دوامات ..ورفعة ضغط وحر..وتبين سوق..احسها صعبه شوي..خليها بعدين عشاني..
نوره بزعل:ايه انتم كذا يالرياجيل..بعد سبعه شعور من العرس..يتغير كل شيء..!!!!!!!!!!!!
زيد يبتسم:وش اللي يتغيرمثلاً؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوره:تتغير مشاعركم ناحية حريمكم..يتغير اسلوبكم ميه وثمانين درجه..طريقتكم وتعاملكم حتى دلع ماتدلعونهم..مثل اول..اول مايتزوج الواحد مايعرف يتكلم بغير حبيبتي وحياتي وعمري..
بس بعد سته شهور بالكثير..تبدأون بالتهرب من المسؤليات..انتم ليش كذا...؟؟؟؟؟؟؟؟؟؟؟؟؟؟؟؟
زيد:نوره شايفتني تهربت من شيء..انا قلت لس بعدين..
نوره:بعدين متى..خلاص ماابي شيء...!!!! وقامت وهي زعلانه ودخلت لغرفة الملابس تلبس نقابها وجلالها وتنزل..ورجع زيد التفت على كمبيوتره وسكره بقوه وانسدح...!!!!!!!!!!!!!!!!!














مزنه..اليوم كلمت نوره عن موضوعي...
مزنه وهي تغسل المواعين:أي موضوع..مواضيعك ماتخلص..
سعد:افا الحين انا عندي مواضيع هو موضوع واحد بس..موضوع خطبتي..
التفت مزنه عليه عقب ماسكرت الماء وقعدت تنشف يدها وتمشي صوب الثلاجه تطلع لسعد عصير:طيب قلت لها..؟؟؟؟؟؟؟؟؟وش قالت لك..؟؟؟؟؟متى بتكلم عمي...؟؟؟؟؟؟؟؟؟؟؟؟؟؟؟؟؟؟
سعد:هذي والله مهب صاحيه..خليني اتكلم طيب..الحين اختاري سؤال واحد بس من اللي سألتيهم عشان ارد عليس..واللا بسكت..يااخي انتم يالحريم مهب صاحيات..كلامكم كله ورا بعض..مايمديكم تاخذون نفس او تخلون اللي قدامكم ياخذ نفس..حاولي تعودين تتكلمين بشويش..عشانس ترى مهب عشاني...!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!







 
 

 

عرض البوم صور العامريه   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة امرأة ما, امرأة ما, انا مره مايهزني جرح رجال, انا مره مايهزني جرح رجال : للكاتبة امرأة ما
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t99010.html
أرسلت بواسطة For Type التاريخ
Untitled document This thread Refback 04-05-10 01:35 AM
H E N D (alfetnah) | formspring.me This thread Refback 10-03-10 04:37 PM


الساعة الآن 03:02 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية