المنتدى :
الارشيف
واقـــــــــــــع حيـــــــــــاتنــــــــــا
السلام عليكم ورحمه الله وبركاته
السلام عليكم احبائي
[دي اول قصه اكتبها يارب تعجبكم ومتكنش مجرد شخبطه علي ورق و حكايه القصه دي جتلي وانا بسمع اغتيه(اسال روحك) للست ام كلثوم من هنا جتلي فكرة كتابه قصه اصل الاغنيه خدتني لبعيد ونفسي اخدكم معايا للي حسيته معاها تعالو معايا نروح لدنيا الخيال...........نبدي
بسم الله
الشخصياات
عائله الاستاذ محمود
الاب: محمود
عنده 54 سنه انساااااااان متدين جدااا وطيب لابعد الحدود واهم حاجه عنده عياله ومش بيرفض لعياله ابدا طلب وخصوصا حبيبه قلبه مي واللي هنعرف شخصيتها بعدين وبيتشتغل مهندس
الام:ايمان.
انسانه طيبه وغلبانه بس زي مايقولوا كده غشيمه شويه وبتحب عيالها اووي وحنيتها مكتومه يعني مش بتحب تبينها الا ف مواقف معينه مع انها بتخاف علي عيالها اووي عندها 49 سنه
العيال بقي
الابن الكبير محمد
وده عنده 24 سنه مخلص تجاره طبعا مهي كليه الشعب وبيشتغل محاسب ف شركه وعلي امل انه يسافر بره طبعا زي ماكل الشباب عاوزين يهجوا من البلد ........ وسيم وطوله متوسط وبيحب القرايه اوي طالع لابوه ف الاحترام والجدعنه من الاخر كده واد لقطه ربنا يحفظه
البنت التانيه بقي
مريم
ودي بقي عندها 20 سنه ف تالته كليه اداب قسم علم الاجتماع دخلته عشان بيقولوا عليه سهل وهيا مش بتحب تذاكر كتير فريحت دماغها .......... قموره برده وعيونها حلوه بس مليانه شويه ودمها خفيف
البنت التالته ودي حبيبه قلب ابوها وبطلت قصتنا
مي ودلعها ميمو عندها 17 سنه فتالته ثانوي وهيا علمي وبيقولو عليها دحيحه البيت ونفسها تتدخل صيدله او اسنان
بت غلبانه اووي وطيبه وعلي نياتها بس ف نفس الوقت شقيه حبيتن واحلي واحده ف اخواتها عليها جوز عيون ماشاء الله علي انهم مش ملونين بس مكحلين ورموشها طويله وده اللي محلي عينها وملامحها طفوليه وكيوت
الابن الاخير
مازن
وعنده 14 سنه ف اعدادي عليه شقاوه مش طبيعيه ودايما هو وميمو ناقر ونقير ومش بيحب المذاكره عاوز طول الوقت يلعب ف الشارع كوره وخلاص عاملي فيها زعيم عصابه حضرته
كده اول عيله ف قصتنا عرفتوا عنها معلومات اساسيه
العيله التانيه
ودي عيله خاله ميمو او مي
الاب محمد بيشتغل مدير قسم ف بنك وراجل طيب برده بس مش ينضحك عليه خالص
الام :سميه ودي ست بقي سوسه اووي بس فيها شويه طيبه صغيرين
العيال
احمد وده ف كليه شرطه سنه تانيه واد قمر برده ماشاء الله وملامحه حلوه
نانسي وبندلعها نوسه اامها خانقاه شويه ومتحككمه ف حياتها جداا والبت طيبه وغلبانه ومش بترضي تزعلها وف كليه اداب برده قسم مكتبات وملامحها حلوه وهاديه
عندكم بقي اخر العنقود اللي مجنن البيت
تامر ده اصغر من مازن بسنه وبرده ف مرحله الاعدادي
بس عصبي جداا وهو الوحيد اللي امه بتخاف منه وبتحاول ترضيه عشان مش يوجعلها دماغها
العيله التالته
عيله خالتهم التانيه
سهام
ودي بقي خالتهم الطيبه اووي وعلي نياتها كده والعيال بيحبوها اووي بس مشكلتها انها دايما مسافره هيا وعيالها عند جوزها اللي بيشتغل مهندس ف شركه كبيره ف الامارات
جوزها بقي اسمه سامي
فعلا الطيبون للطيبات راجل متدين اوي وحنين علي عياله جداا ومتغرب عشان يحاول يلملهم القرش عشان يعيشهم عيشه حلوه
عيالهم بقي
البنت الكبيره بسمه ودي بتدرس ف صيدليه ونفسها تبقي حاجه كبيره وطموحه اووي وطموحها بيحسس الناس سعات انها مغروره بس هيا غلبانه والله
عندها اخ صغير اسمه علي ف اولي ثانوي وبيحبها جداا وبيحترمها اوي
عيله الخال
سمير
ده بيشتغل محاسب ف السعوديه ودايما مسافر وساعت العيال بيروحوا يقعدوا معاه شويه ويجيوا بس بيتخنقوا من النظام هناك لانهم فريي حبيتن
امهم واخده اجازه من الشغل وقاعده معاهم وطنط دي روشه حبتين ومخليا العيال براحتهم واسمها زينب ودلعها زيزي مش قولتكو روشه
عياله انجي ودي قد مي ف السن واصحاب جدااا وكل اللي يشوفهم يقول اخوات من كتر ماهما مع بعض دايما
بس هيا ادبي عشان مش بتحب المذاكره
وليها اخت اصغر منها بسنه اسمها ايناس ودي ف اعدادي قد مازن ف السن بس دايما هما الاتنين مش بيحبوا بعض وشغل مجاملات كده وخلاص
نيجي بقي للعمه
دي بقي اسمها امال ودي سر محمود وحبيبته واخته الصغيره متجوزه رجل اعمال وحالتهم كويسه عندها عيال احمد ودينا
مش هجيب سيرتهم كتير ف ا لقصه
وامال دي بتموت ف حاجه اسمها مي من كتر مامحمود اخوها بيحبها
والعم
انور وده شغال ف الجيش بس عم عسل اوووي
اصغر اخواته وكلهم ماشاء الله بيحبوا بعض اووي
نيجي لصديق محمود الصدوق
السيد وده مهندس كهربااء
مهما اوصفلكوا عن مدي العلاقه اللي بينه وبين محمود مش هقدر
مش هقدر اقول ان كل واحد منهم مش بيتخيل يعيش من غير التاني زي السمك والمايه
وبيفهموا بعض من غير مايتكلمو
وهما كمان ولاد خال
نبدااااااا القصه معلش طولت ف الشخصيات وربنا يستر ومش انساهم انا كمان
الفصل الاول
يامااااااااااااااااااااااااااااااااااااااااااااااااااااااماا ااااااااااااااا
دي الكلمه اللي قالتلها مي اول مادخلت من الباب وهيا جايه قرفانه من المدرسه وهتموت من الجوع وعاوزه تسال هيا هتاكل ايه؟؟؟؟؟
دايما همها علي بطنها بس مش بيبان عليها
طلعت ايمان من المطبخ مفزوعه حسبت ان البيت بيقع من زعيق بنتها مي
ايمان:ايه يابنتي انتي مش هتعقلي بقي وهتسيبي الجنان ده انتي السنه الجايه هتبقي ف كليه اكبري بقي شويه
مي وهيا بتضحك:اعمل ايه ياماماتي ياحبيبتي مقدرش اسيب الهبل ده مبقاش مي
بس متخلنيش انسي بتطبخي ايه بقي ياماماتي لحسن بنتك جعانه جداا
ايمان:مانتي علي طول جعانه ايه الجديد وياستي انا عملالكو صنيه بطاطس باللحمه ف الفرن ومش هناكل الا لما نستني بابا يجي صبري نفسك بلقمه جبنه ولا حاجه
مي باحباط:ايه ده يعني مش هاكل دلوقتي
وراحت فتحت التلاجه واخدت منها تفاحه وقعدت تاكل فيها عقبال الاكل تصبيره يعني
ايمان وهيا ف المطبخ:مــــــــــي بدل مانتي مش بتعملي حاجه كده ياتروحي تصحي اخوكي محمد ومريم ولا تيجي تساعديني
مي بسرعه:لالالا اساعدك ايه انا جعانه وهجوع اكتر انا هروح اصحي ميدو ومريم واجي
طق طق طق
علي باب غرفه محمد ومازن
محمــــــــــــــد ياحبيبي
محمد: همممممممم
مي:قوم يلا عشان ناكل يلا بقي ياحبيبي
محمد: طيب ياميموو ياعسل بس سبيني انام شويه انا مصدقت رجعت من الشغل
مي:لا قوم بقي عشان خاطري
محمد: طيب ياستي ادييني قمت اهو انا هقوم اتوضي واصلي العصر وبعدين اجي
مي: طيب ياميدو مش تتاخر
علاقه محمد ومي علاقه كويسه اووي محمد اهم حاجه عنده اخواته وبيحبهم جداا
ولسه مي رايحه تصحي مريم من النوم
وهتخبط علي الباب والباب اتفتح مره واحده وتتطلع منه مريم وشعرها منكوش
مي اول ماشافت المنظر
مي:هههههههههههههههههههههههههههههههههههههههههه
مش ممكن شكلك تحوفه
مريم وهيا لسه المود بتاعها مش ولا بد
مريم:بت يامي امشي من قدامي مش كفايه صحتيني من احلي نومه ااااااااااه علي الحلم اللي كنت بحلمه
مي:وهيا متعوده علي احلامها اللي كلها بتستني فيها الفارس وجاي علي الحمار ااه قصدي الحصان عشان يشيلها وراه ويرحوا القصرر هههههههههههههههه
مي: يابنتي فوقي بقي ايه ده هما البنات كلهم لما بيدخلو كليه بيبقوا عاوزين يتجوزوا دي خيبه ايه دي
بس يلا بطلي هبل وقومي صلي عشان نتغدي
ف نفس ذات الوقت
الباب بتاع الشقه يفتح ويدخل حبيب قلب مي طبعا اكيد ابوها وشايل العيش وشكله طلع عينه عقبال ماجابه
بس لاقيته ماسك ف الايد االتانيه الوااد مازن ومازن شكله مكسوف شكل بابا العزيز قفشه كالعاده وهو بيلعب كوره بعد المدرسه
ايمان طالعه من المطبخ
ايمان:الله انت جيت يامحمود يؤيؤ ايه اللي جاب الواد ده معاك
محمود:الباشا لاقيته بيلعب كوره بعد المدرسه مش عارف الواد هيعقل امتي
ايمان: والله ياخويا مش عارفه اقولك ايه بس ادعيله ربنا يهديه
محمود:يلا انا هقوم اتوضي والحق العصر وانتي اغرفي الاكل بقي عقبال ماجي
ايمان:من عينا الاتنين
يااااااااااااااااااااااابناااااااااااااااات تعالوا ساعدوني
مي ومريم :حاضر ياماماتي جايين اهو
وكلو بالهنا والشفا ومي ملت بطنها وهديت ودخلت اوضتها تريح جسمها شويه عشان تسهر تذاكر
وكل واحد انطلق يشوف شغله محمد علي الكبيموتر بيخلص شغل ومازن بيحل الواجب وهو مجبور بس عشان مش يتهزأ من مامته
ومريم مسكت التليفون وقعدت ترغي شويه مع صحبتها المفضله رشا
وعدي الاسبوع كالعاده منتهي الروتين لحد ماجه يوم الخميس
نسيت اقولكو انه يوم الخميس يوم مقدس عند العيله بيتجمعو من كبيرهم لصغيرهم عند جدتهم ودي ام مامتهم وهما كلهم بيحبوها وبتحب العيال كلها
يوم الخميس
الجده قاعده وحواليها عيالها وعيالهم ومنظر عائلي جميل اووي
وقعدت تدعي للعيال وتقول ربنا مايحرمنها من اللمه الحلوه دي
كلهم قالوا وراها اللهم امين
العيال كلهم بقي سابوا الكبار وراحوا قعدو ف الصالون مكانهم المفضل
وسابو الكبار واحادثيهم بقي اللي مش بتخلص
انجي قاعده مع مي ونانسي وبسمه ومريم
انجي: بت يامي انا زهقانه اوووي ياختي عاوزه اعمل حاجه جديده
بسمه ردت عليها : هتعملك ايه يعني
انجي: بصتلها من فوق لتحت كده وقاللتلها انا مش كنت بكلمك انا بكلم ميمو
مي لتهدئه الموقف: ايه ياقمر منك ليها هو كل يوم خميس لازم تتناقروا الواد جاي يشوفكم ولا يتخانق
نانسي:اه والله عندك حق يامي خلاص يابنتي منك ليها بقي
انجي وبسمه سكتو انحرجوا من كلام مي ونانسي
مريم كانت ساكته زهقت من خناقتهم وراحت قعدت مع الكبار وقالت عشان تريح دماغها
انجي وبسمه مش بيحبوا بعض وكل واحده شايفه ان التانيه شايفه نفسهاا ومغروره
ربنا يهديهم
اما الشباب ف الوضع عندهم غير طبعاا
محمد قاعد بيكلم صاحبه الانتنيم حازم وده كمان جارهم
محمد:لا مش هينفع ياحازم النهارده انا دايما اقولك ان النهارده الخميس واحنا عند الحاجه الكبيره ومش هينفع اسيبهم وانزل
حازم: كده يامحمد انا بقولك انا زهقان وعاوزه اخرج شويه بقي طيب ياسيدي خلص مشوارك مع الفاملي بتاعتك وتعاليلي تخرج شويه بقي
محمد واللي الظاهر ان حازم صعب عليه:اوكي ياحازم هخلص معاهم واجيلك
وشويه ويدخل عليهم احمد اللي ف شرطه واللي يعنييني الكليه باين عامله عمايلاه معاه
وراح سلم عليهم كلهم وراح وقف مع محمد وقعدوا مع بعض ف البلكونه ويرغوا شويه
ام العيال علي وتامر ومازن عاملين ازعاااااااج فظيع لان كلهم بيحبوا الكوره ومتحمسين يعرفوا من اللي هيكسب الاهلي ولا الزمالك
عيال غرررررريبه
علي الساعه 12 كل واحد اخد عياله ومراته وروحوا بيتهم
ومحمد افتكر حازم واتصل يعتذرله وحازم جاله احباط منه وقاله ا ما اشوفك بكره ياويلك مني
كده خلصت الفصل الاول
ولو عجبتكو هكمل[/COLOR][/SIZE]
مستنيه الردود
التعديل الأخير تم بواسطة قمر الليل المنور ; 15-11-08 الساعة 11:16 PM
|
13-11-08, 11:40 PM
جديد مواضيع قسم الارشيف
العرض الشجري
