المنتدى :
الشعر والشعراء
يافاهم الدنيـا غلـط هـذا عـذر بالله عليـك
مابيك تبكي وتعتذر ولا أبـي اتكثّـر رجـاك
أبيك بس اتحطها فـي بالـك انـي مـا أبيـك
ودي أسامح غلطتك وانسى عنادك مع خطـاك
ودي ولكن غلطتك أكبـر مـن انـي أحتويـك
تخطي وترجع تعتذر والعـذر مايثبـت وفـاك
أسلّمك بسمة غلا وتسفعها فـي قسـوة يديـك
عذرك تقول اذا كثر وصلك يبي ينقص غـلاك
يافاهم الدنيـا غلـط هـذا عـذر بالله عليـك
كم قلت لك ياصاحبي قلبي تعذب مـن قسـاك
لاتزيدني كافي قسى بس انت زدت الله يهديـك
ياللي : تظن ان الغـلا يزيـد لازدت بجفـاك
تأكد انـي واحـد ٍ لا اقفيـت عنـه مايجيـك
ماني مثل بعض البشر اترجى واتوسّل رضاك
والله لو موتي بْ يجي من غيبتك مـا ارتجيـك
ادري الزمن هذا كثر فيه البشر مـن مستـواك
وادري وش اللي غيّرك على حبيب ٍ مشتريـك
ماغيّرك الا ( الدلع ) ياصاحبي وهـذا بـلاك
وما يسنّعك الا ( القسى ) ولا الدلع ؟ واجد عليك
|
02-11-08, 07:39 PM
جديد مواضيع قسم الشعر والشعراء
العرض الشجري
