المنتدى :
الارشيف
ممكن تفدنا وتستفيد منا بخبرتك وخبرتنا في الحب........قلنا رايك في الكلام ده
السلام عليكم يا منتدي مرسي القلوب
قبل ما اقول اي حاجه انا استغربت جدا جدا لما لقيت المنتدي ده كله مواضيع اصحابها اخواتنا البنات بس
وكان الولاد مش فاضيين خاااالص للمواضيع دي ومشغولين بلخناقات والزعيق واي حاجه تانيه وبيترفعوا عن المواضيع بتاعة الحب دي
فقلت افكر اعمل موضوع مشترك للولاد والبنات مع بعض جايز يبقي فيه اقبال عليه والفكره تستمر
وان مستمرتش اعتقد ان الموضوع هيندفن وسط المواضيع بسرعه
نخش بقه في الجد..........وطبعا كلنا عارفين الاقاويل الشهيرة بتاعة برنارد شو وشكسبير وانيس منصور في الحب والمراه.....واد ايه فيه منها اقاويل جميله ......وفي برده فيها الوحش
فانا حبيت اطرح كام جمله من الجمل المشهوره قوي بتاعة الناس دي ورايها اللي قالته زمان في الحب
عشان احنا دلوقتي اللي نحكم.......و نقول رأينا في الحب وفي كلامهم اللي قالوه عن الحب زمــــــــــان
انا المره دي هحط مجموعه انا كنت مجمعها بنفسي من اكتر من 5 سنين لما كنت في الكليه وخطيبتي ضافت عليهم شوية حاجات برده
في منهم اللي انا مقتنع بيه.......... وفي منهم اللي نص نص
بس المهم ان كلهم حلوين ولناس مشهورين اوي اوي واللي فاكر منهم كان بتاع مين هقول اسمه
وطالب من كل واحد يخش الموضوع ده انه يقول رايه بامانه في الجمل اللي قراها دي ........ وميبخلش علينا ولا يستخسر وقته
لاني متاكد ان الاراء هتضارب وفي ناس كتير اوي هتختلف
تحبوا نبدأ
نقول بسم الله الرحمن الرحيم ..........وننزل بلمجموعه الاولي
1-الحب ليس اعمي ولكنه يري اكثر .........ولانه يري اكثر فهو يحتاج ان يعرف اقل
2-ينتعش جمالك وتزداد ثقتك بنفسك اذا كان هناك شخص يحبك
3-ان تحب جارتك ممكن...... ان تتزوجها خطا ........فقد عرفت عنها اكثر مما يجب
4-المراه تحب الرجل الحنون .........وتستغفله ايضا
5-الغرور .... هو اخر ما يلجا اليه الرجل الفاشل
6- ان لم تحب المراه تمسكت بلاخلاق...........وان احبت فقدت .........فقدت كل شيئ
7- الرجال يحبون المراه التي لها جغرافيا عن المراه التي لها تاريخ :)
8-فرق كبير بين انك تحبها لانك تحتاج اليها.........وان تحتاج اليها لانك تحبها
9-لا تطعن في ذوق حبيبتك /حبيبك.....فقد اختارتك/اختارك اولا
10-اذا تصرفت ضد مصلحتك.........فلتعلم انك عاشق ( برنارد شو)
11-عضلات الرجل في ذراعه.....وعضلات المراه في لسانها
12-نحن نعترف لاحبائنا بهفواتنا واخطائنا الصغيرة ...........لنوهمهم اننا ليس لنا اخطاء كبيره
13-الحب ليس رواية شرقية بختامها يتزوج الأبطال (نزار قباني)
14-ماردك علي رجل يقول ( الفتاه التي احبها ليس لها ماضي......فقد ولددت يوم احببتها)
15- وراء كل رجل عظيم امراه عظيمة .......ووراء كل امرأه عظيمة حب فاشل
انا بقول كفايه 15 جملة عشان الناس تقدر ترد وتقول رايها....... وانا مش طالب تعليق علي الجمل كلها
انا هستني رد من اي واحد مختلف او عاوز يصحح مفهوم جمله او استفزته جمله
وممكن نخليعها اصعب وكل عضو يخش يقول بلارقام مؤيد ام معارض
يعني مثلا
1-مؤيد
2- معارض
وهكذا
كله براحنكم انتم
ولو الموضوع عجبكم هنزل مجموعه جديده من الاقاويل دي ( انا اسف لاني مكتبتش جمبهم مين اصحابهم بس دول معايا من فتره طويله اوي ومش فاكر كان مين اللي قالهم)
مستني ردودكم وتعليقاتكم ..............وياريت ياريت ياريت بجد الولاد كمان يشتركوا في الموضوع ده لان هجوم البنات بقه قوي اوي في المنتدي ده
سؤال اخير موجه للجميع : ايه رايكم في برنامج بيجي علي نجوم اف ام اسمه انا والنجوم وهواك (المذيع اسامه منير) ؟؟؟
مستني رايكم وردكم
وشكرااااااااا
|
12-10-08, 05:44 AM
جديد مواضيع قسم الارشيف
العرض الشجري
