كاتب الموضوع :
ديمـــا
المنتدى :
القصص المكتمله
هالكلام صدق او لاااااااااااااااااااا ونعطيك هاللي معنا وسلام عليكم الوجه من الوجه ابيض
فواز بسخرية : صدق ولو كان مو صدق غصب عليكم بتصدقون الشيخ والمحكمه كلهم بيصدقون لان الاوراق
ملعوووون ابو والديهم بالتزويررر واتحداكم تثبتون للناس انهالورق مزور
خالد بقهر بصمت : انت بزر وبالك طويل واللي بيلعب معك يبي يكون فاضي عشان يعلمك كيف ترد على اللي
النا س المحترمه
بدر بسخرية : ايه متمرس بالتزوير حتى ابوه يقولون لك ما سلم من شره
فواز بسخرية اكثر : عليك نور وانا ماجبتكم هنا عشان اثبت لكم ثبوتية الاوراق لا انا جبتكم اتحداكم واعلمكم
ان هالورق مزور وراح اثبت العكس غصب عليكم ...وانا اللي راح اكسب
خالد : حسبي الله لا اله إلا هو عليه توكلت وهو رب العرش العظيم ...
فواز يبتسم : تشهد قبل تموووووت حلو ان الواحد يحسن خاتمته ههههه
بدر فقد اعصابه بقهر : والله انت اللي خاتمتك بتصير على يدي ان شاءالله
فواز : تخسى وتهبى
( طلع فواز مسدس وصوبه على قلب بدر )
خالد خاف وقلق ،،،
وبدر خاف على عمره وصار يذكر الله ويستغفر
فواز : انت قاهرني اصلا من اول ماشفتك وودي اذبحك بس ماصارت فرصه بس اعتقد ان الفرصة جات لعندي
ومانيب مستعد اضيعهاااااااا والحمار الثاني ولد عمك بيلحقك واتحدى من يثبت اني ذبحتكم ...
بدر : لا تنسى انك مراقب والدولة طالبتك يعني شيء طبيعي بيعرفون تحركاتك زين
فواز : هههههههه عاد ذي اذا صارت مابيروح فيها غير امك
بدر تفاجأ ،،
فواز ضرب بدر مع خده بالمسدس : تدري ان ذالمسدس مرخص باسم امك مسكينة ماتدري عن شيء خخخخ
ياكبرها ولد يموت بمسدس مرخص باسم امه جريمة تنفع تكون حديث لمجتمع السعودي لا وبعد الام دكتورة
ومحاضرة بارقى الجامعات ههههههه ياهي سالفه بتهز العالم العربي كله خخخخ
فواز واصل كلامه : على فكرة تدري ان امك سجلت كل املاكها بااسمي حتى الموسسة اللي ابسم اختك
النفسية ذي عطتني اياها و بعد بقولك ان امك اكبر خسيسة و مجرمة انت عاد اكتشف وش سوت خخخخخ
بدر بعصبية : امي اشرف منك يا قذر وذا لانك رخمه وذا همك اصلا ماتبي غير الفلوس
قرب فواز وصوب المسدس براسه وقال : انا اعلمك مين الرخمه
خالد قرب بيدافع عن بدر وبيأخذ المسدس من فواز بس الكلب فواز متمرس عنده خبره كيف يتعامل مع
شخصين ....
انطلقت رصاصه قوية صداها احدث دوي مذهل واتجهت صوب بدر ،،
بدر بضعف متهالك : اشهد ان لا إله إلا الله محمد رسول الله
دخلت فرقة مكلفة من الامن بقيادة النقيب : سلطان ( من طرف النقيب بندر بن فهد )
خالد سند بدر : بدر لا تضعف ان شاءالله انك طيب لا تخاف لا تخاف
بدر بدأ يفقدد الوعي شوي شوي لييييييييييين اختفى نسمه
-
النقيب سلطان ومعه عدد هائل من الجنود والضباط : امسكوا هالوسخ واخيرا مسكناك متلبس
فواز : هين ياخالد والله لغير تندم انت وهالرخمه ولد عمك حاطين خبر عندهم اوريكم اوريكم طالع طالع واذا
ماطلعت والله لااوصي عليكم لين يصفووونكم
خالد مو قادر يتخيل الدنيا بدون بدر ...
بدر اللي ضحى بحياته و بامن بنته وبكل شيء يروح بغمضة عين
بدر اللي كافح واقنع خالد يتخلص من كابوس هبه وفواز اللي لاحقه 10 سنوات ...
بدر اللي ريحه من اهم كابوس في حياته ...
سيارات الاسعاف ...
. والشرطة والجميع حوط المزرعه....
خالد مع بدر في الاسعاف ....خالد حالته لا توصف
في المستشفى الاسياب مزحومه مرضى وكل اللي بالمستشفى تعاطفوا مع بدر واللي شد انتباهم اكثر وجود
خالد رجل الاعمال المشهووور....
بسرعه دخلوااا بدر العنايه المركزة ...
بندر جاء طاير مايشوف الطريق .....
-بندر : خالد وش صار على بدر.. ؟؟
خالد بحزن فظيع : الله يشفيه ويعوضه للحين حالته خطره وبيسوي عملية وبعدها يتقرر
الاصابه جت بالقلب يابندر
((( دمعت عيون خالد )))
بندر بحزن : يالله ياكريم انك تلطف فينا وتشفيه وتعوضه بالعافيه يارب
دخل سعووود وحجرف وسلمان والجميع قلق للغايه وقلوبهم ترجف
بندر تكى راسه على باب غرفة العمليات يسترجع اخر كلام بينه وبين بدر ..
يسترجع ذكريات الطفولة واحلام المراهقه وحكمة النضج ......
بندر عجز يتحمل قلبه تقطع ....
استأذن بندر شوي بيطلع يشم هو او بالاحرى جاه اتصال من القيادة العليا يتطمون على
بدر..
بعد 4 ساعات طول الوضع
طلع الدكتور ...... وجهه مايبشر بخير
.
خالد ناظر فيه وعجز يقوم من مكانه .........
. خالد: هاه يادكتور طمن
الدكتور : لحول ولا قوة إلأا بالله البقية بحياتكم
صدمه عنيفة اجتاحت جميع الموجودين.................
الجميع اصواتهم تهللت بذكر الله والاحتساب...
سلمان : الله يرحمه
... دمعت عيونه
خالد ماقدر يتحمل الخبر واغمى عليه ......... لانو كان تعبان طول اليوم ولانو برضوا شهد
الموقف......
بندر رجع وشاف الموقف عرف الموضوع حزن كثير ودمعت عيونه من قلبه وراح يدعي له ..
* * *
دخل سعود البيت وواضح انو فيه شيء ...
ام خالد : وش فيك يمه خوفتني
ضي :خالد فيه شيء ؟؟؟؟؟ وش صاير
ريم : وش فيك سعود خوفتنا والله قلبي راح فيها
سعود كان متلطم ورامي العقال وعيونه حمر ....
إبتهال : وش فيك خالد وينه نواف فيه شيء اكيد يا حسرتي على اخواني
سعود بحزن : مافي شيء
وعجز يكمل وطلع
امه تبكي بحسرة : ياايمه الله يرضى عليك قلي من هو من اخوانك داريه والله قلبي
موجعني
البنات كلهم صرخوا وبكووا
سعود بحزن: بدر ولد عمي سعود يمه توفى
انصدم الجميع
استوعبوا انو ولد عمهم سعوووود
ام خالد : انا لله وانا إليه راجعون ،،، الله يرحمه
ضي تبكي : الله يرحمه ويغمده الجنه ... ويعوضه بشباب لا يهرم
إبتهال ماتعرف وش صار فيهاااا بس الاكيد انو اغمي عليها
( عندما تحتدم ألسنة نيران الفقدان لتصافح مشاعر البشر )
في مجلس ابو تركي حيث يتصدر الأعمام المجلس
و الجميع قد ارتسمت على محياهم علامات الصدمة ....
المعزين في تدفق لتقديم واجب العزاء في رثاء و فقدان الأبن " بدر"
جو رتيب و كئيب يزيد من مساحات الحزن ... والريح تعتلي لتكمل الحزن مرارة ...
عند الأهل ....
علامات فارغة ..... كل نساء العائلة قد تكللت ملامحهن بالأسى ...
الجميع يبحث عن والدة بدر .........
مضاوي في مستشفى تلزم السرير الأبيض لإن الألم قد فتك فيها كثيراً ...
و حرصاً من تلك العائلة الفاضلة لم يبلغوها الخبر المفجعـ بوفاة نجلها العزيز ...
نلــــــــــقي الضوء على سماء الغــــــــربة ...
حيث يلزم ذاك الخبر المفجع مساراه للوصول لتلك القلوب الغراء ..
في ايطاليا الحمدلله زينة تماثلت للشفا تماماا.... و تغيرت تماماً بفضل الله ثم بفضل
وجود نواف اللي ألهم حياتها الثقة المفقودة ...
زينة جالسة تطل مع الشرفة الكبيرة و تسقي الزهور " ماء " .....
نواف طلع يقابل محمد ولد خاله من زمان مواعده و جحده و توها جت الفرصه المناسبة ...
ابو بدر " العم سعود " جالس يكتب في اوراق ويسولف مع زينة ...
دق جوال ابو بدر ....... ابو محمد يتصل بك ... ( العم عبدالله )
ابو بدر ابتسم : هلااااااااااااا بالغالي والله حياك الله
ابو محمد بتثاقل : هلا بك وشلونك
ابو بدر بخيبة أمل من صوت اخوه : عسى ماشر انا بخير بس صوتك مايطن ياخوي
>>> انقبض قلب زينة بقووه <<<
ابو محمد على قوته و سطوته ضعف شوي و بكى غصب من دون ما يشعر
ابو بدر بقلق و خوف فظيع : يا خوي وراك وش فيكم قلها بس هاتها ..!!
كان الإرسال ضعيف والصوت يتقطع......
هشام بإقناعـ : يبه تكفى طلبتك لا تقوله مايصير .....
محمد : لا ياهشام ذا ولده ولازم يعرف غصب الشكوى لله
ودمعت عيون محمد
ابو بدر : ياخوي وش فيك قلبي طاح ببطني من هو بس عارف انا بس من ؟
ابو محمد : الله يعوضك إن شاءالله
ابو بدر بصدمة فتح فمه و عيونه تصوبت : الله يعوضني .... بمين !!
زينة بكت من قلبها واهي لسى مابعد عرفت مين !!!
ابو محمد : بدر ولدك يطلبك الحل
ابو بدر كان احد صدمة بقوة : إنا لله وإنا إليه راجعون ....... لا حول ولا قوة إلا بالله ...
عيونه غرقت بالدموع ومسحها بيدينه ................. : إنا لله و إنا إليه راجعون ..... الحمدلله على كل حال
زينة رمت اللي بيدها و بقلق تبكي : يبه وش فيك وش فيك يبه تكفى لا تبكي وش صاير..؟
ابو بدر عجز يتحمل وقفل الخط
وقال لزينة واهو يتغصص بالدموع : اخوك بدر توفى
زينة صرخت بهستريا : لااااااااااااااااااااااااااااااااااااااااااا بدر لااااااااااااااااااااا يبه قل غير هالكلام تكفى طلبتك
( تهز ابوها ) بدر لاااااااااا إلا بدر يبه اكيد كذى تأكد تكفى بدر مكلمني قبل العصر وقال انو بيجي مع بنته
وبكت زينة بقوه وبصراخ....
ابوها يجفف دموعه و قلبه متفطر : انا لله وانا إليه راجعون يارب انك ترحمه وتعوضه بالجنه ....
زينة ( صابتها حالة غريبة ميب مستوعبة شيء ) : لاااااااااااااايبه صدقني كذب تأكد تكفى تأكد يبه كذب....بدر
الحبيب الطيب راح خلاص مات لااااا قولوا غير كذا
ابوها : حرام عليك لا تقولين كذى هذا مكتوب واللي كاتبه الله مقدر لازم نرضى
زينة تبكي و تزعق بهستريا : لااااااااا بدر لاااااااا يبه لاااا ( تهز ابوها )
تدريجيا ضعف صوتها ...
زينة اغمى عليها ....
إلا بدخلة نواف اللي انفجع بالخبر ... و حاول يتماسك و يتأزر بس يبدو صعب عليه شوي ...
نواف تمالك كل المصاعب و قدر ينقل زينة لأقرب مستشفى ....
و وقف جنب عمه وقفة ولد و صديق و فزع فزعة رجــــــــــال ...
ابو بدر تكدر وعجز حتى ينزل السعودية
نواف ماقصر قطع دراسته و دوراته وساعد عمه على انه يتجاوز الازمه وبعد ماقصر في زينة اللي نامت
في المستشفى اسبوع من هول الصدمه ............
نواف قدر يخفف الألأم عمه ...
اما زينة فعجز لانها كانت متعلقه بااخوها كثير وبعد لانها عاطفية بزياده ......هو سندها وعضيدها
و ها هو لا يزال يردد الأذكار و يمسح على جبينها و يقرأ الآيات القرانية .... ويذكرها بوجوب الإيمان بالقضاء
"
"
في الريــــــــــــــــاض ....
في بيت ابو تركــــــي....
رجع ابو بدر والجميع وقفوا معه .....
.إلأ زوجته مضاوي اللي تلزم السرير الأبيض في وضع متهالك و يثير الشفقة حقاً ... كيف لا وهي تستطعم
جرعات الألم و الآهات تراودها و تسهر عينها ....!!!
وها هي قد تبلغت بنأ خبر وفاة " بدر" ....
ازداد وضعها تراجع ..... ولا احد يسأل عن حالها ...!!
فقد فتت ذرات الألم كل بقايا الحياة فيهــــــــــــــــــــــــا ...
و فجعتها زادت من نقصان املها بالحياة ... وها هي تئــن تدعو الله ان يمهلها ولو القليل من الوقت
لتعديل مائل قرارتها ...
***************
زينة مانزلت السعودية كانت متنومه في عيادة في روما ..... طبعا العاشق نواف ماقدر
يبرح مكانها ولو للحظة
لا يزال يقرأ عليها التعويذاتـ
و يلمح بقايا الأنين بين هدبها .... يزيله بإيمانه الفظيع
ولا يزال يطمنها و يؤملها بحياة واعدة ...
زينة تبكي بألمـ : نواف بدر بدر اخوي مات خلاص ماعادني بشوفه
نواف : بإذن الله بالجنة تشو فينه ادعي له واعملي صالح وربي كريم يالغلا
زينة تبكي : بدر مااصدق
نواف بحكمة : لا تطينيها و تصيرين جاهله مايجوز ترا التضجر و التذمر من القدر تخلف و حرام
زينة بقلة حيلة : الحمدلله على كل حال و رضيت بالقضاء و القدر بس بدر ( بكت)
نواف : انتِ كبيرة و فاهمة ... مايجوز هالحكي فهمتك يعني معك خبر و تقوم عليك حجة
زينة دموعها هماليل : نواف هذا بدر اخوي وحيدي وحيدي مالي غيره عزوتي و عضيدي لاااااااا
كان لازم اقوله شيء لازم يعرفه وشلون يدري
نواف بحزن : خلاااااص ترا مايجوز وكلي امرك لله و
قاطعته زينة : نواف افهمني بدر لازم كان يدري بشيء ضروري مين اقوله اقول لميييييين
نواف بنظرة حانية نوعا ما : انا عندك قولي لي أي شيء اعتبريني بدر عادي انا راضي صدقيني
زينة : نواف بدر اخوي غير غير
نواف تنهد : مو انتِ تقولين اني مثل بدر اخو بالنسبة لك خلاص اعتبريني اخوك اعتبريني بدر
زينة تبكي : لااا بدر غير غير ما مثله احد ولا عندي اخو غيره
نواف تكأ ظهره على الجدار : الله يعين كلنا منصدمين و حزينين بس الشكوى لله يابنت عمي و الله
بدر غالي و ينفقد
زينة قامت من السرير : نواف كل شيء يذكرني في بدر كل شيء ابوي اسمي حتى السماء و كل شيء اشوفه
من وفاته وانا كل ليله اشوفه بالحلم
نواف : الله يعين وانا مقدرك والله بس ارفقي بحالك وارضي بالقدر خلاص لو الدموع تفيد كان ذرفنا و ذرفنا
لو الدموعـ تفيد كان ليومك ذا ما جفت عيني على ابوي
زينة ناظرته و شافته بشكل حزين تمام : يارب يصبرنا فقدنا غالييين كثير ( تحكي عن واقعها ) ودي اموت و ارتاح
نواف يناظرها : احمدي ربك يا بنت امك و ابوك حولك وبعدين تصرفك غبي المفروض نزلتِ لامك تكونين حدها
زينة صرخت : أي ام مالي ام انا
نواف بصدمه : زينة لا تخلين صدمتك تخليك تخلطين بين شيء و شيء
زينة استدركت ( كل شيء بعد بدر طقاق شكلي بخربها على مضاوي واللي جابها ) : انا يهمني ابوي وبس
نواف : وامك ياويلك من الله انا مانيب متخيل ان زينة الرقيقة الحساسة تجحد امها بموقف كذا
زينة بعصبية و حزن : رجاء لا تدخل نفسك باللي مالك فيه
نواف تنهد ( اصبر يا نواف مسكينة وعليها الاجر ) .... سكتت
زينة تناظره و دمعت : سوري مااقصد بس انا ...
ناظرها نواف بتساؤل ...
زينة : نواف انا ما عندي ام
نواف زاد فضوله ( رجعت تهذي بهالطاري ) : عفواً ... ( عصب نوعا ما من عصبيتها )
زينة تبكي و انفجرت تبكي بحرارة مثل الاطفال و انطوت على حالها
نواف ناظرها : إلى متى وانتِ بتسوين حركات الاطفال ذي ؟
زينة تبكي و تشاهق
نواف : اذكري الله و احمدي ربك على العافية و الله الله بالطاعة و العمل الصالح هو اللي بينفعك
زينة رفعت راسها و شافته : نواف لا تتضايق مني و اذا طينتها معك تقدر تنزل السعودية ادري اني علة عليك
نواف جلس جنبها : استغفر الله العلي العظيم تراك بنت عمي قبل كل شيء استحي وشذالحكي بس وبعدين انا
وعدتك بصير لك اللي تبين خلاص انا راضي اكون إن شاءالله اخوك بس ارفقي بحالك روفي فيني على الاقل
زينة تبكي : نواف بدر مات مات يا نواف وش اسوي وين ارو حلمين اقول اللي ابي اقول ..
نواف بعطف شخص عيونه بعيونها : قولي انا هنا ... معك و صدقني بصير لك اللي تبين وعدتك انا مستعد
اضحي بكل شيء عشانك ...مشاعري عادي ماعادت تهمني ارخصها عشانك اهم شيء راحتك
زينة بأسى تناظره : نواف ليش الدنيا قاسية ليش الدنيا قوية علي
نواف يناظرها : الدنيا ماتقسى إلا على الضعيف على البعيد عن الله ... اتقي الله و صدقيني الله بيكون معك
زينة تناظره وعيونها دمع : نواف الدنيا ظلمتني كثير و حرمتني كثير
نواف يناظرها : الله المستعان اذا على الدنيا شوفي حالي قدامك الدنيا حرمتني من ابوي اعز شي وانا بزر
وش اقسى من ذالاحساس يالغلا
زينة بعيون دامعه : فيه اقسى يا نواف فيه ألعن من إحساسك و اقسى و امر والله
نواف يناظرها ( وش فيها تحكي بمرارة ) : ولا يهم كانا بسخر من كل احزانك ارميها بالبحر
زينة تتنهد : كل اللي فات و كل اللي صار لي على قساوته و خباثته وفاة بدر بالنسبة لي
صغرت كل اللي قبل
نواف : الله المستعان ... شدي حيلك و إن شاءالله تنزلين السعودية تشوفين امك و ابوك و حتى تروحين
تأخذين عمرة احس انك بحاجة جو روحاني صح
زينة تبكي : مابي اروح مابي السعودية ..مابيها عقب بدر ماابيها مالي نزلة لها حتى لو اموت هنا ادفنوني
نواف : استغفر الله العلي العظيم يا شين بعض الهرجـ .. يالله عاد عطيتك فيس ترا هههههه
زينة بحزن : سوري
نواف : يالله يا يطة ترا من اسبوع ما نمت
زينة بألم : انا اللي نمت يعني
نواف : يعني انتِ سحبتِ بالساعات و الايام نوم وش درا كانا اللي ملطوع هنا ( اشر على الكرسي )
زينة تبتسم : الله يجزاك خير من جد ماقصرت يا نواف وقفت معي وقفة اخ و صديق
نواف ( اخ أخ ) : انا وعدتك اصير لك اللي ودكـ بس شدي حيلك ....
زينة : نواف
نواف : سمي
زينة تناظره : الدنيا للحين فيها خير بوجودك
نواف : ههههههههه بوجودي صدقني فيه اللي اطلق مني وانا ولا شيء عندهم لا يغرك
زينة : صدقني خير الدنيا لو بينطق بيقول نواف و بس
نواف : اخس يانا منيب سهل هاه وش ذا وش اسميه ههههههه
زينة بألم : يا نواف الدنيا ذا احس انها كلها شر و كلها ظلم و حقد و ناس جاحده ماتسامح بس الخير
فيك وبس
نواف : ياليل التعقيد لا ذاللغز صعب شوي يبي له جلسه هههههههه
زينة ابتسمت بألم وهي تتذكر فقدان بدر ......
-
في الرياض
ابو بدر حالته كئيبه مايعلم بها إلا الخالق ....
راح لمكه واخذ عمره عشان تخفف احزانه ...
بندر بحزن فظيع بس بعد مرور ساعات من معرفة خبر وفاة بدر خف بندر و صار اقوى و استوعب الخبر بهدوء
وقف مع عمه وسانده وقوى عزيمته ....
تخيلوا شكل روز اللي تدور على ابوهااا بين هالناس الغربيين عنهااا ،،،
بندر ماقصر اخذها وحطها عند امه واخته داليا
بندر بحرص : يمه تكفين حطوها بعيونكم ترى بدر الله يرحمه موصيني عليها
امه واهي تبكي : افا عليك يمه ذي مثل بنتي لا تخاف والله لااحطها بقلبي
بندر وعيونه تتأمل روز البريئة : ذالعشم يمه تراها يتيمه لا ا م ولا اب ...
داليا تمسح دموعهاا : لا تخاف بخليها زي اختي بالضبط إن شاءالله .....
القيادة العليا دقت على بندر اللي استأذن من امه وطلع ...........
-
إبتهال طلعت من المستشفى...
ماتعرف ايش اللي اهي تحس فيه ندمت كثير لانها قست عليه وجرحته وندمت لانهااا ماسامحته .....
..( الله يشهد يالغالي اني مسامحتك دنيا وآخره والله يشهد اني حبيتك من كل
قلبي ...كيف حياتي بدونك ))
إبتهال حالتها تكسر الخاطر ....
ماقدرت إلا انها تدعي له وبنت مسجد وقف عن بدر ...
مرت الايام ...
زينة حالتهاااا من سيء لاسوأ مع وجود نواف اللي صار يضمد إلتهابات حزنها
زينة تفكر بـ " ....وش بقى لي بهالدنيا غير ابوي ... ... !! )
فقدت الامان
فقدت السعاده
فقدت كل شيء بموت بدر ماعاد للدنيا طعم ...
الأمل اللي كانت عايشه و يتحقق ... الشخص اللي كابرت على جرحها و دارت على وجوده ..
زينة صارت تنام كثير عشان تنسى عجزت تتحمل هالالام
ابو بدر احتسب الاجر على الله وصبر على مصيبته
، ولو انو قلبه مفطور على فرقى ولده الوحيد ...
رجع ايطاليا
. احتوى زينة بكل حب الدنيا وعطف العالم عوضها عن كل شيء
زينة تبكي ( اسأل عنها او لا بس حرام يا ترى وش حالها بموت بدر ) : يبه امي ( مضاوي) وش
اخبارها معقوله حتى بهالمصيبة ماسألت عني !!
ابوها ( وش اقول اقولها انها مريضة و بالعناية ) : يازينة امك تسأل عنك و تعرفين عندها مشاغلها
****************
زينة تبكي بحسرة حنت لمضاوي اشتاقت لها بجنون مهما كان هي اللي ربتني والله يشهد اني احبها : عندي
احساس انو امي فيها شيء صدقني يبه امي مهما صار ترى قلبها عطوف مستحيل تتخلى عنا بالموقف مهما
كان هالموقف يفت الحجر يبه هذا بدر بدر
وبكت
ابوها ( مايبي يقولها انو امها تعبانه بالمستشفى وتحت رحمة ربها دارت الدنيا و صارت مضاوي في
مستشفى ) : إن شاءالله نتطمن عليها باقرب وقت بس اهم شيء انت اعتني بنفسك يعني على بالك لو بدر
كان عايش بيرضى يشوفك وانت بهالحاله بيزعل كثير بعدين نواف تعب معك كثير ما حسيتِ
زينة تبكي بحسرة : الله لايحرمني منك يا ابوي ماعاد لي غيرك بالدنيا كلها
بكت بحرارة لانها تذكرت اخوهاا العطوف الحضن الدافئ والقلب الحنون ,,
فقدته خلاص ماعاد للكون طعم ....
-
-
-
...............
إبتهال طلبت من اخوها خالد انو يجيب روز بنت بدر تبي تربيها
خالد بحزن : مااعتقد اكيد بندر بيرفض لان بدر الله يرحمه موصي بندر عليها
إبتهال بحزن تبكي : تكفى يااخوي طلبتك جبها عندي انا ودي اربيها
خالد قدر موقفها وقال : طيب يمكن خطيبك مايرضى نسيت ان زواجكم العطلة وبعدين وش بتسوين
بروز............
إبتهال بعصبيه تجفف دموعها : ماابي اتزوج أي خطيب و قرف خلاص كنسلوه ماابيه .....
خالد بحكمة : استغفر الله العلي العظيم مو ذا اللي انت اخترتيه وقلت انك تبينه
إبتهال بحزن ( عقب بدر ماابي احد ) : ماابيه خلاص غيرت راي ماابي اذا اخذته بظلمه معي
خالد : خير إن شاءالله زين اللي قلت لي عشان اتصرف معه قبل لا نتوهق
إبتهال : بتجيب لي رو ز او انا اروح اخذها.................
ضي : ابو رامي و لا عليك امر هاتها عندنا هنا احنا نهتم فيها
إبتهال بترجي : تكفى طلبتك عشان خاطري ....
خالد يهز كتوفه : بشوف بندر ............
..( بعد مشاورات واتفاقيات رفض بندر باشد الرفض انو يودي روز عند أي احد مهما كان )
إبتهال حزنت كثير
ضي : ياختي اذا بغيت تشوفينها نروح لهم ونشوفها
إبتهال بكت : تمنيت اني انا اهتم فيها
وبكت ......
-
زينة حالتها ابد ماتحسنت ...
نواف تقرب من زينة و احترم رغبتها و الجانب الإنساني في ذالموضوع
انو ما استغل حاجتها له انه ينمي مشاعرها العاطفية تجاهه بالعكس تعامل مع الموقف بكل إنسانية و تحضر
احترمها و ساعدها كثير و اذا زينة قدرت تتجاوز الأزمة فهو بفضل الله ثم بفضل نواف
نواف : خلاص انسي الماضي وادعي له بالرحمه صار له فترة متوفي وانت دمعتك ما كفت مايصير كذى
حرام عليك لازم نرضى بالقدر
زينة بحزن تجفف دموعها : الله يرحمه ,,,,,,, وين روز ليش ماتجي عندنا هنا ؟
نواف بيغير الموضوع عشان مايجرح شعورها وقال : ابشرك امك بخير حجرف قالي كذا
زينة بتساؤل بارد : بجد وش دراك ... ...؟
نواف مستغرب برودها : اهي كانت تعبانه بس الحمدلله تحسنت واهي بتجي هنا إن شاءالله ...
زينة حزنت يوم لمحت بدر بين رمشها وهدبها و تحس انها مو مستعده تقابل مضاوي خير شر
زينة استدركت : نواف ماقلت لي وينها روز ..؟
نواف يمشي بخطوات قدامها : الله ناظري المحتف هذا مره حلو تعالي نتفرج عليه يقولون من ايام الرومان
جيته ذاك المرة مع محمد ولد خالي و الله ياهو متحف امشي تعالي
زينة بحزم حست انه يصرف : انا اسأل روز بنت اخوي بدر الله يرحمه وين فيه الحين .؟
نواف يتلفت للمتحف وقال ببرود : عند بندر ....
زينة بحلقت عيونها وحست بسياط تجلد قلبها ...
نواف ناظرها وحس بمشاعرها : بدر الله يرحمه موصيه عليها..............
زينة بصمت هادئ
زينة تحكي بقوة حازمة : الله يرحمه يا قلبي ياخوي كان طيب مره ويداري كل شيء
نواف : الله يرحمه ،،،،،،،
زينة بإصرار : لازم روز تجي تعيش معنا هنا
نواف : بندر رفض حاولت فيه إبتهال تبيها بس رفض ولا احد قدر ياخذها من بيته يقول ان ابوها الله يرحمه
موصيه عليها
زينة بإلحاح وعصبية : اذا طلبته مايحق له يرفض انا عمتها واحق منها فيه وإلا وبعدين ماله حق..
نواف : انتِ خليها هناك احسن يقولون مبسوطه ومتعقله مره باخت بندر الصغيره مدري وش اسمها داليا .....
زينة بتحدي وعناد : انا اشوف فيها اخوي بدر لا تحرموني منه تكفون ابي اشوفها تذكرني فيه
نواف ( بيطمنها ينقاله ) : يصير خير انت جهزي نفسك لان الماما بتجي لاتشوفك وانت كذى ثم تنتكس حالتها
زينة ( أي ماما و أي نيله يا نواف ليتك تعرف الخافي) : إن شاءلله ،،،،،، انت بتروح كندا سمعت ابوي يقول
نواف : أي ودي اجلس بس دراستي مره تأخرت هالثلاث شهور و لقيتها فرصه اضغط نفسي هناك و اعوض
اللي فاتني هنا
زينة : تعبانك معنا ... بس بليز لا تروح عوض الللي فاتك هنا
نواف يبتسم : وين هنا تستهبلين هههههه خلاص فاتت و من ناحية انك تعبتيني ولو تعبكم راحه اذا
ماوقفت معكم هالوقت عز الله مانب رجال........
زينة تبتسم فخورة فيه كثير : عداك العيب يا ولد عمي والله مدري وش كان بيصير فيني لو انك منتب هنا
نواف يناظرها و يبتسم : اجل اشوا اللي انا هنا حولكم ههههههه
"
يتبع بإذن الله ...
*******************
((؛/">< يا واقع جرحــي في أي بوحـ أنت ....!!! ><"/؛))
عندنا تصدح أهات الجرح في عنان الذكرياتـ ...
بندر يلتمس بقايا حنين لذع الواقعة المرة
" قضية فواز و خلصتها باالراحة ولله الحمد ...... باقي لي قضية عمري !! "
شد شعره بعنف من غير شعور ... و شرد يفكر بعنف ايضاً
" وش اقدر اسوي لزينة كيف اقدر اوصل لها و ابين لها الحقيقة ,,,, كيف يا بندر
وأنت حتى تعزية ما كلفت عمرك تعزيها ....اي هراء هذا !! "
استطعنت قلبه كل تلك الذكريات الوالهة ..
ضحكتها
بسمتها
دلعها
غنجها
جرحها
دمعتها
إنكسارها
" تذكر ايامهم الأولى ...كانت دلوعة غنوجة ..
تعطي حياته أحاسيس رهيبة لا تضاهى ..."
<<<؛؛؛؛ راح الحبيب اللي وفى ..راح الصديق اللي صفى ,,, راح اللي
راح ...؛؛؛>>>>
ابتسم بحزن فظيع و هو يتذكرها بكل حالاتها
خصوصا إذا كانت تجادله و تحاول تقنعه بشيء هي مصره عليه ....
قطع روعة بروح بندر رنين جواله المتواصل
سلطان يتصل بك
اعتلت قلبه زفرات حادة و شهقات مؤلمة ..
نبضات قلبه تزايدت توتراً و ربما خوفاً من مسايرة الموقف
فصل الرنين وبين غارقاً بين سيموفينات مجابهة تلك الآلآمـ
بندر استمد كميات لا بأس بها من الخوف
سلطان يعاود الإتصال بإصرار
رد يستشعر كميات الحيرة و القلق و بحركة تنم عن غير إكتراثه شات الجوال بإهمال
سلطان ارسل مسج " ابو فهد وش عندك مسوي ثقل خخخ شكل الآية انقلبت و صرت انا
اللي ما اصبر عنكـ !! اشتقت لك يا مستر عملاق << واحد مروق يخفف دمه "
بندر ابتسم " ياخوفي اخسرك ياسلطان بس "
بندر مسك جواله و مباشره طلب رقم سلطان
سلطان : ارحبواا هلا هلا بالرجال
بندر يده على وجهه و كأنه يجفف بقايا الأرق : المهلي ما يولي علومك عساك بخير
سلطان بعتب : وينك يا رجال ههههههه مير سحبت علينا سحبة ميب طبيعيه ما تقول
اصحابي اخوان دنيا و زملاء عمل
بندر تنهد بحسرة : يارجال وش اسوي بس تعرف من بعد اللي صار مع بدر
قاطعه سلطان بإستغراب : هاه بندر لا يكون نسيت بس اني معك ترا بذالقضية ههه
بندر رفع راسه و كأنه تذكر شيء نساه : و تعرف بعد إجازاتي ما نزلت إلا بعد القضية
سلطان : يا أخي كلنا نأجز ترى بس ما نجحد زيك خخخخ
بندر " وش بتسوي لو بتدري عن دناءتي و حقارتي مع اختك "
سلطان : وش فيك ياخوك عسى ماشر
بندر : ابد سلامتك
سلطان : متى بتسافر
بندر بسرعه : اسافر وين ؟
سلطان : اعصابك ههههه مدري مو انت تقول انك بتأخذ الإجازة عشان تريح اعصابك التلفانه خخ
بندر بألم : سلطان اقلط مر عندي جالس لحالي
سلطان : والله ودي امر اشوف الإجراءت تبع قضية بدر و خالد بشوف اللي كان تحت شرافي
بندر بخوف " خلها تجي منك يا بندر ولا انو هو يسمع المكالمة "
بندر بحكمة : سلطان مر علي ابيك بموضوع مهم
سلطان : افا هههه اول مرة احسك جدي بهيك مود
بندر : انتظرك
سلطان : مع اني مابي افوت جلسة اختي ام عبدالله بس وقسم انك كسرت خويطري احسك مزنوق
بندر بضيق : الله يعين يا رجال نتظرك
سلطان : طيب يا كوتش مسافة السكة بإذن الله
بندر : حياك الله .....
سحب جواله من غير شعور و هو يحس جسمه نمل
<<؛؛ الله يسهلها يارب و يسترها ؛؛>>
_
-
-
سلطان و هو بالطريق لبيت ابو تركي شاف حجر بالطريق
حجرف يبتسم : غريبة هههههههه سلطان تنازل يجي يسير
سلطان : يالله مشكلة اللي قاطين الميانة مين الحمار اللي قالك انك تمون
حجرف : من وراء خشمك امون بعد ههههه المهم وش عندك لا تقول انك جاي عشاني
تكفى
سلطان : شف وحدة من الـ2 حط في بالك اني منيب جاي إلا عشان شيء ضروري لو
ماجيته كان يمكن لا سمح يحدث ثقب في طبقة الأوزون و الثاني ..
سلمان قاطعه : لا ثاني و لا ثالث ارحبوااا هلا و غلااااا بك
نزل سلطان و سلم على سلمان ... و سولفوا يمكن 10 دقايق
سلطان يناظر ساعته من بنية و فيها إطار ابيض" كوتش " : والله يأنا جحدت بندر خخخخ
حجرف : هههه الحين بس ارتحت يوم دريت انك جاي عشانه يعني تقدر تقول طاح ثلاثة
ارباع اللي كان معشش براسي
سلمان : الله يعين على هالدنيا بندر من ساعة اللي صار لبدر الله يرحمه وهو مدري وش
فيه
سلطان بحنية : ما ينلام والله بدر ينفقد
حجرف : الله يرحمه و يسكنه الجنة
سلطان : آمين يارب ... يالله يا شاعرنا شد حيلك نبي نشوفك في امسيات بالرياض
حجرف يناظره : لا ما يتناول تبطر على امسيات الرياض الحين مسنتر بديرة زايد الله
يرحمه 24 ساعه
سلطان : أي والله منتب سهل يا سلمان حتى اللي معنا بالدوام خاقين على شعرك
يقولون شعر بدوي نجدي بحت
سلمان : ماعليك زود الله يجزاك خير ياخوي
سلطان لبس نظارته و ابتسم : يالله اجل نفوتكم بعافية
حجرف يبتسم و هو يشغل سيارته : احسن شيء فيك انك على مودي
سلطان : ههه بطاري المود مرنا بالإستراحة من زمان عنا ذالشاعر داري لو بقوله بيجحدنا
سلمان : يا ويلك من الله بس عندي قنص الليلة انا و خوياي
حجرف : ياليل ذالقنص شكلك مدعي عليك ياخوي و لانتب شايف حياتك بعيد عن القنص
سلمان : فديته والله سعة و سلوة الخاطر ياخوي
حجرف : أي ما يخالف يبلغ و انا اخوك
سلطان ابتسم : يالله شبابا سلااام عليكم
: و عليكم السلام
-
-
-
بندر جالس في بيت الشعر و لاهو حاس باي شيء
سلطان : احم احم
بندر ولا هنا
سلطان : كح كحححح اح اح
بندر ولا هنــــــــــــــــــــــــــــــــــــــــا
سلطان : لا يبدو لي انو حالتك ماكله تبن و قامطة عمة ابو خوال العافية
بنــــدر شماغه على وجهه بإهمال و متكي راسه على طرف بيت الشعر " الخيمة ^_* ينقالي اترجم "
سلطان اتجه لبندر و سحب شماغه : وش فيهم خاشين جو !!!
بندر بوجه فاقد معالم الحيوية اندهش : اهلين هههههه هلا وسهلااا وش بلاك تأخرت
سلطان جلس جنبه على المركا : جد وش فيك انت !! عسى ماشر
بندر بدون ما يناظرهـ : سلامتك ما تشوف شر بس غفيت شوي يمكن خخخ
سلطان : يا كثر ما تغفى ذالايام ،، والله عفستك ذي ذكرتني يوم ابوك يزوجك بالغصب
بندر تنهد بحسرة و ناظره بصمت
سلطان : يا هقوتي ان ذالنظرة وراها بلاوي وش فيك ؟؟ ابوك ذا مع خالص و فائق إحتراماتي ماعنده
قاطعه بندر : لا ابد وين راح بالك ضيعت ياخوي
سلطان : اجل وش فيك
بندر يفكر في " دايركت قوله السالفه و اخلص اعمها بس "
بندر بجدية و شجاعه : اسمع سلطان انت اخوي و صديقي صح
سلطان مندهش : الله الله
بندر بحماس : لا تحكي لا ترد انا بكب عشاي وانت براحتك تقول اللي تقوله تحكم اللي تبيه بس اسمع للاخير
سلطان تحمس : سم
بندر بقلق تردد شوي
بندر : تدري كيف انا مابي احكي شيء اسمع ذالمكاملة ..!
سلطان بوجه فاقد الحيوية : ياخي وش فيك لحست مخي !! اهرج عربي و اركد وش فيك طاير نفسك
بندر بقلة حيلة تنهد بحسرة : اسمع طيب
سلطان عدل جلسته و قرب لبندر : الحين انا منحاش عن مكالمات الدوام تجيني انت و دماغك ذا تسمعنيها بذا هههه
بندر بحيرة و قلق : ماعليش اسمع بس و اتمنى تسمع للاخير
سلطان بحماس : ابوك يالولد يالله شغل شغل بشوف وشذا اللي مشقلب حالتك لا ألعن لك نص وجهك
بندر يبتسم بقلق " الله يستر " : اركد عشان تسمع
سلطان : لحظة بعدل شخصيتي خخخخخ يالله الحين مزبوط
بندر يناظرهـ بنظرة غامضة غريبة المحتوى
و سمى بالله الرحمن الرحيم
و ضغط " تكـ "
و مكالمة فواز و مضاوي تسير في مساراها
سلطان عقد حواجبه : مو واضح مين ذالرجل و مين ذالحرمة لخمتني ترا هههه
بندر بدون ما يناظره : اصبر و تعرف
< و بدأت المكاملة تأخذ مسيرها بشكل لا يكاد يذكر عدا عندنا ورد ذكر والدته >
|
30-04-10, 02:34 PM
جديد مواضيع قسم القصص المكتمله
العرض العادي
