لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


ام البنات

انا عضو جديد ومحبتش اتعرف عليكم من خلال موضوع تعارف عادى حبيت يكون ليا وجود حقيقى بينكم وانا باحاول اتعرف على اعضاء المنتدى واتمنى انى

 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 05-10-08, 08:26 PM   المشاركة رقم: 1
المعلومات
الكاتب:
اللقب:

البيانات
التسجيل: Oct 2008
العضوية: 98209
المشاركات: 5
الجنس ذكر
معدل التقييم: طائر من الشرق عضو بحاجه الى تحسين وضعه
نقاط التقييم: 10

االدولة
البلدEgypt
 
مدونتي

 

الإتصالات
الحالة:
طائر من الشرق غير متواجد حالياً
وسائل الإتصال:

المنتدى : الارشيف
افتراضي ام البنات

 

انا عضو جديد

ومحبتش اتعرف عليكم من خلال موضوع تعارف عادى

حبيت يكون ليا وجود حقيقى بينكم وانا باحاول اتعرف على اعضاء المنتدى

واتمنى انى الاقى التفاعل بينا

واحب انوه ان اى قصه باكتبها هيا من تاليفى الشخصى

ولو صدف وتواجد اى موضوع ليا فى اى منتدى تانى

اكيد هيكون بنفس تسجيلى هنا

طائر من الشرق



اتمنى ان القصه تنول اعجابكم



ام البنات






ماماااااااااااااااااااااااااااا مامااااااااااااااااااا
صرخت مى وهيا تنادى على امها التى هبت من نومها فى سرعه وخرجت الى الصاله وهيا تقول
فيه ايه يا مقصوفه الرقبه انتى كل يوم تصحى بفضيحه كدا

ردت مى
طب اعمل ايه يعنى بلاش افطر بلاش اخد مصروفى بلاش اروح المدرسه عشان محدش من بناتك اللى نايمين دول راضى يجهزلى اى حاجه
خرجت لبنى من الحمام فى تللك اللحظه وهيا تقول
كدا يا مى مش انا قلتلك استنى بس اطلع من الحمام وهاعملك اللى انت عاوزاه وهاخدك فى سكتى كمان
اجابتها مى
اكون انا بقى ان شاء الله اتاخرت وراح عليا اليوم مش كدا
يروح عليكى ازاى بس دى الساعه لسه سبعه
ابتسمت لبنى وتركتها ودخلت المطبخ وامها تقول
اللى يشوفك بتتكلمى كدا مش ممكن يصدق انك لسه فى خامسه ابتدائى
دا جيل ايه دا يا اخواتى
ماله بس الجيل يا ماما ما احنا زى الفل اهو
ردت امها وقالت
انتى صحيتى يا خايبه الرجا
مش سامعه اختك من ساعه عاوزه تمشى على المدرسه ومش لاقيه اللى يلبسها
ردت عليها قائله
وانا يعنى كنت خلفتها ونستها
هو انتوا تخلفوا واحنا اللى نتحمل المسئوليه

دا ايه الظلم دا
ردت لبنى فى تلك اللحظه وقالت
فيه ايه بس يا جيهان
صوتك عالى ليه
رددت امها وقالت
هيا عادتها ولا هتشتريها ما هو لسانها متبرى منها على طول
حقه اما تشوفيها قدام المرايا تقولى العريس واقفلها على الباب
لوحت جيهان بيديها واستدارت وهيا تمتم ببعض العبارات التى لم تفهم امها منهم شيء
فقالت
برطمى برطمى امنا نشوف اخرتك ايه
يا اما نفسى ربنا يديكى واحد يصبحك بعلقه ويمسيكى بعلقه انتى بالذات
ضحكت لبنى وقالت
ليه بس كدا على الصبح يا ست الحبايب
ما انتى عارفه جيهان ودماغها

رددت امها وقالت
يا بنتى دا هيا دونا عن كل اخواتها مضيعه نص فلوسها فى المكياج واللبس والموضه الهباب اللى طالعين فيها الايام دى
والله ما باعرف افرق بين البنت والولد
كله ملخبط على بعض
واللى يشوف كدا ميقولش انها لسه فى ثالثه ثانوى
وقبل ان تجيب لبنى
اطلقت مى صرختها المعتاده

مامااااااااااااااا ماماااااااااااااااااااا
انتوا شغالين رغى وسايبنى ولا كان فى واحده المفروض تكون دلوقتى فى المدرسه

ربتت لبنى على كتفها وقالت

لسه بدرى يا مى
اجابتها مى

وانتى خاسس عليكى ايه
ما انتى بتروحى شغلك وقت ما انتى عاوزه ولا حد بيكلمك

يووووووووووووووو
هو كل يوم خناق خناق
الواحد مش عارف ينام فى البيت دا شويه
امتى بقى يارب الواحده ربنا يتوب عليها من العيشه دى
واتجوز ويبقى ليا بيت لوحدى
امتى بس
نظرت لبنى وقالت
صباح الخير يا شيماء
صاحيه بدرى ليه النهارده

اجابتها شيماء
ان كان عليا مكنتش عاوزه اصحى نهائى
ووضعت كفياها لتريح عليهما خدها
وهيا تقول
يااااااااااااااه كنت باحلم حلم جميل
انى فى الكوشه وجانبى عريسى والناس حوالينا كله بيضحك ويغنى
واول ما شفت الشبكه كنت هيغمى عليا من الفرحه ولسه يادوبك ماسك ايدى وهلبسها
جت اللى ربنا يقصف اجلها صرّخت
رددت عليها مى وقالت
عشان تبطلى تنامى جنب الشباك

وقبل ان تهم شيماء بضربها
وقفت لبنى بينهما وقالت
باذن الله ربنا هيكرمك بواحد وتفرحى معه العمر كله مش ليله واحده

ويبقى حقيقه مش احلام
انتى هتعملى عقلك بعقلها ما انتى عارفاها
وكمان هيا الصغيره المفروض نستحملها
اذا كان جيهان اكبر منها ولسه حاسين انها عيله شوفى دى بقى
طيب اما اروح اصحى ابوكوا ليتاخر على شغله
قالتها الام ودخلت حجره نومها وهيا تقول
انت يا راجل ابراهيم
ياااااااااااااانى
يا راجل قوم
اصحى بقى
اللى يشوفك كدا يقول انك سهران طول الليل
ومصمصت شفتاها وهيا تقول حكم
ما تصحى بقى يا جدع انت
ابراهيم
مش كفايه مش نزلتك بدرى تجيب فطار للبنات
فتح ابراهيم عينيه ونظر اليها وقال
هو انا مش جايب الفطار امبارح قبل ما انام
عاوزه ايه بس تانى
يا راجل مش وراك شغل
ولا ناوى تبلط النهارده فى البيت
رد عليها وقال
انا مش قايلك امبارح انى هاريح النهارده
رددت عليه فى ضيق وهيا تقول
وتريح ليه بقى ان شاء الله
شغال فى الفاعل طول الاسبوع

قوم يا راجل انت شوف شغلك
اللى يقول كدا يحس اننا مغرقنا بالفلوس
دا يادوبك مرتبك على مرتب لبنى على مرتب شيماء بيجيبوا الشهر بالعافيه
جلس ابراهيم على السرير وقال
يا وليه حرام عليكى
داحنا كل شهر بنوفر يوميات العيال ومرتبى لوحده بيكفينا
اجابته وهيا تقول
والله اللى مش بيشوف من الغربال يبقى اعمى
وانت مش شايف سيادتك ان بناتك على وش جواز ولا البعيد معندوش نظر
مش عاوزين جهاز مش عاوزين مصاريف
ولا نفضح نفسينا قدام اى عريس يتقدم
اووووووووووووووف
اطلقها ابراهيم وهو يرمى البطانيه من عليه ويمسك بالفوطه ويقول
انا رايح على الشغل الظاهر الشغل اريح ميه مره من البيت
نظرت اليه نظره طويله وهيا تمتم
رجاله اخر زمن




انتهى الجزء الاول ويليه الجزء الثانى

 
 

 


التعديل الأخير تم بواسطة طائر من الشرق ; 16-10-08 الساعة 01:30 AM سبب آخر: حذف
عرض البوم صور طائر من الشرق  

قديم 05-10-08, 08:36 PM   المشاركة رقم: 2
المعلومات
الكاتب:
اللقب:
ليلاس متالق


البيانات
التسجيل: Nov 2007
العضوية: 55383
المشاركات: 562
الجنس أنثى
معدل التقييم: HOPE LIGHT عضو بحاجه الى تحسين وضعه
نقاط التقييم: 14

االدولة
البلدUnited Arab Emirates
 
مدونتي

 

الإتصالات
الحالة:
HOPE LIGHT غير متواجد حالياً
وسائل الإتصال:

كاتب الموضوع : طائر من الشرق المنتدى : الارشيف
افتراضي

 

السلام عليكم ورحمة الله وبركاته...
طائر من الشرق...
أهلا بك في منتدى ليلاس...
بداية قوي ...
و أسلوب رائع...
و خفة الظل هو ما ميزه...
هذا النوع من القصص يشدني...
فأكمل ..
فأنا من المتابعين..
دمت بخير...

 
 

 

عرض البوم صور HOPE LIGHT  
قديم 05-10-08, 08:41 PM   المشاركة رقم: 3
المعلومات
الكاتب:
اللقب:

البيانات
التسجيل: Oct 2008
العضوية: 98209
المشاركات: 5
الجنس ذكر
معدل التقييم: طائر من الشرق عضو بحاجه الى تحسين وضعه
نقاط التقييم: 10

االدولة
البلدEgypt
 
مدونتي

 

الإتصالات
الحالة:
طائر من الشرق غير متواجد حالياً
وسائل الإتصال:

كاتب الموضوع : طائر من الشرق المنتدى : الارشيف
افتراضي

 

اقتباس :-   المشاركة الأصلية كتبت بواسطة HOPE LIGHT مشاهدة المشاركة
   السلام عليكم ورحمة الله وبركاته...
طائر من الشرق...
أهلا بك في منتدى ليلاس...
بداية قوي ...
و أسلوب رائع...
و خفة الظل هو ما ميزه...
هذا النوع من القصص يشدني...
فأكمل ..
فأنا من المتابعين..
دمت بخير...


طبعا انا سعيد بتواجدى بينكم وحاسس ان المنتدى هيكون مكانى المفضل

وسعيد اكتر ان بدايه القصه عاجبتكى

واتمنى اشوف ردود باقى الناس

وباذن الله مفيش اى تاخير فى اى جزء

 
 

 


التعديل الأخير تم بواسطة طائر من الشرق ; 06-10-08 الساعة 04:16 PM
عرض البوم صور طائر من الشرق  
قديم 06-10-08, 04:15 PM   المشاركة رقم: 4
المعلومات
الكاتب:
اللقب:

البيانات
التسجيل: Oct 2008
العضوية: 98209
المشاركات: 5
الجنس ذكر
معدل التقييم: طائر من الشرق عضو بحاجه الى تحسين وضعه
نقاط التقييم: 10

االدولة
البلدEgypt
 
مدونتي

 

الإتصالات
الحالة:
طائر من الشرق غير متواجد حالياً
وسائل الإتصال:

كاتب الموضوع : طائر من الشرق المنتدى : الارشيف
افتراضي

 

الجزء الثانى


كانت لبنى هى ا السكرتيره الخاصه لرجل الاعمال المعروف امجد فهمى,

ولم تكن مجرد سكرتيره بل كانت مديره مكتبه و الوحيده التى يمكنها انهاء اعماله فى غيابه,

ربما دراستها بكليه التجاره و تخصصها بقسم ادراه اعمال مع شخصيتها الهادئه و تفكيرها الراقى و ذكائها الشديد

جعلها تحظى باحترام و تقدير كل العاملين؛

و لم يكن غريبا ان تحظى بحب عادل زميلها فى العمل والذى دائما ما كان يلاحقها ليعرض عليها الزواج , ودائما ما كانت تؤجل فى طلبه

ولم تجرؤ يوما على الإعتراف له بسبب هذا الرفض

وبمجرد أن دخلت مكتبها و جلست, حتى دخل عادل و هو يتسائل بإبتسامة صافية : ايه اتاخرتى ليه النهارده ؟

نظرت فى ساعتها و هي تقول بسرعة: لا متأخرتش ولا حاجه تقريبا أنا جايه فى معادى...

ثم اكملت بهدوء: فى أى حاجه فى الشغل متعطله ممكن أخلصها لحد ما يجى امجد بيه؟؟

أجابها فى سرعه: أبدا أبدا كله تمام أنا بس حبيت اصبح عليكى

و أكمل فى خفوت خجـِل:

دا غير انى عاوز اسمع رايك فى اللى عرضته وباعرضه عليكى, عاوز اعرف قرارك وإمتى نقدر نيجى نقابل عم إبراهيم ؛ دا بابا وماما كل يوم يسألونى مستنى إيه و كمان ..............

قاطعته لبنى و هى تطلق تنهيده حاره من أعماق قلبها


: شوف يا أستاذ عادل إنت من أحسن الشباب اللى قابلتهم فى حياتى, و بصراحه إنت شاب تتمناك أى بنت و يمكن تكون فرصه لبنات كتير ممكن يضحوا بسببك بأى شى مش ظاهر فى حياتهم أو وجوده مش كامل.. و مش لازم تفهم انا اقصد ايه لانك هتفهم كل حاجه
ن
ظر إليها عادل فى اهتمام و هي تكمل :
و النهارده و بعد ما نخلص شغل ممكن نقعد شويه فى أى مكان
و ما تستغربش أنا مقصدش من القعده دى أى شى
غير إنى مش عاوزه أكون مشتته مع نفسى أو متردده
يمكن كان صعب عليا اخد القرار, لكن الظاهر لازم اخده,خلص شغلك و فوت عليا ...

ثم أنهت الحديث فى حزم:

ودلوقتى ياريت تتفضل على مكتبك.

ــــــــــــــــــــــــــــــــــــــــــــــــــ

- أنا مش فاهمه حاجه يا مس شيماء
-يا بنتى دى تالت مره افهمك انتى بالذات وكل مره مش على لسانك غير كلمه واحده انا مش فاهمه يا مس, إنتى حد مسلطك عليا.

سمعت شيماء ضحكه خلفها فنظرت فى سرعه ووجدتها هدى زميلتها فى المدرسه وهيا تقول ضاحكة:إنتى على طول العيال مغلبينك ؟؟!

أجابتها شيماء فى غيظ :

مغلبينى بس دول ناوين يشلونى وكله كوم والبت اللى مش ظاهره من الأرض دى كوم,مش على لسانها غير كلمه واحده تانى يا مس مش فاهمه,زى ما يكون حد متغاظ منى ومحفظ للبت الكلمه دى و مبتقولش غيرها..

ربتت هدى على كتفها و قالت:
هما العيال كلهم كدا إسألينى أنا دا أنا عندى اتنين مطلعين عينى,ربنا يكرمك بس و تتجوزى و هتلاقى اللى بتشوفيه هنا مع الاطفال ميجيش ذره فى اللى بيعملوا العيال فى البيت خصوصا طلباتهم اللى مبتخلصش و كأننا شغالين عندهم.


لم تقاوم شيماء الرد عليها و هي تقول بلهفة يشوبها الغيظ :أنا بس أتجوز وأخلف وأنا أولعلهم صوابعى العشره شمع.

ضحكت هدى و قالت: متستعجليش إنتى يادوبك لسه مخلصه يعنى لسه بدرى.

رددت شيماء بغيظ واضح: بدرى ليه يعنى شيفانى لسه عيله طب دا كل صحباتى متجوزين ومخلفين وهما لسه فى الكليه مع إنى أحلى وأحسن منهم مية مره.

وضحكت كل الطالبات على اثر كلمتها فنظرت اليهم فى غيظ وهي تقول
اخرسوووووووووووووووا

أجابتها هدى: مش بالأحلى و الأحسن دا نصيب و لما يجى نصيبك هتلاقى كل حاجه مشيت لوحدها

كادت شيماء أن تعلق لولا أن دق جرس نهايه الحصه و بدايه الفسحه لتبدأ الطالبات فى الضجيج ويرتفع صوتهم مره واحده

فنظرت اليهم شيماء و قالت بغيظ: مستعجلين على إيه اللى يشوفكوا ملهوفين على اللعب كدا ميشوفكوش وانتو بتناموا فى الشرح.

أخذتها هدى من يدها و هي تقول:هما العيال كدا.

ــــــــــــــــــــــــــــــــــــــــــــــــــ

-إتاخرتى ليه يا جيهان أنا منتظرك من ساعه!!

أجابته جيهان فى إستنكار:

إتاخرت إيه بس يا باسم دانا يادوبك خرجت من المدرسه عليك طوالى,

بس خايفه يا باسم, أول مره اعمل كدا وخايفه حد يشوفنى.

أجابها باسم:

مكنش قدامى حل تانى أكلمك بيه خصوصا وإنك رافضه تشيلى تليفون طب أكلمك ازاى أنا تعبت من كتر الجوابات واللى جوايا حاسس انه أكبر من انه يتقال فى جواب...

رددت جيهان :

أنا إن كان عليا أتمنى أشيل أى تليفون عشان أعرف أكلمك المشكله إنى خايفة أقولهم فى البيت بس الظاهر مفيش حل غير إنى أجيبه من غير ما حد يعرف


إشمعنى لبنى و شيماء معاهم تليفون و أنا لأ

بس سيبك من دا كله دلوقتى, كلمت باباك ؟؟

أجابها بسرعه:

مقدرتش المشكله يا جيهان إننا عشان لسه فى الثانويه كلهم مفكرنا مش فاهمين حاجه مش مقدرين إننا عندنا مشاعر واحاسيس, وعشان لسه بنعتمد عليهم فى حياتنا يبقى لازم نفضل تحت رحمتهم ..

أكملت جيهان فى حزن: و أنا كمان يا باسم مجرد بس إنى أفاتحهم فى حاجه زى كدا عارفه اللى هيحصل وهلاقيهم كلهم طلعوا فيا وكأنى إرتكبت جريمة.

أمسك باسم بيديها فى سرعه وهو يقول :
جيهان أنا مقدرش اعيش من غيرك ,أنا هاعمل المستحيل عشان أرتبط بيكى ,انا مش متخيل حياتى من غيرك.


سحبت جيهان يديها و هى تقول فى إرتباك:

باسم إحنا فى الشارع حد يشوفنا.

نظر إليها باسم و هو يقول:

يمكن دلوقتى خفتى لما مسكت إيديك فى الشارع لكن لما تشوفى أنا هاعمل إيه عشان خاطرك هتعرفى إنى مستعد أضحى بنفسى كلها فى مقابل إنى أرتبط بيكى .

رددت عليه جيهان فى سرعه و قالت:
باسم إهدى بس واصبر شويه يمكن نلاقى حل,أنا كمان مش هاقدر أعيش من غيرك انت بقيت كل حاجه فى حياتى

بس أوعى يا باسم تقول لحد.

رد فى هيام مسرحى مغمضاً عينيه:

متخافيش إنتى فى قلبى و قافل عليكى مستحيل أى حد يعرف اللى جوه قلبى غيرك إنتى.

نظرت جيهان فى ساعتها وقالت فى قلق:

باسم أنا لازم أمشى, إتاخرت وإنت عارف عندنا فى البيت بيحسبولى بالثانيه
سلام بقى.




انتهى الجزء الثانى ويليه الجزء الثالث

اتمنى ان تنول القصه اعجابكم

 
 

 

عرض البوم صور طائر من الشرق  
قديم 08-10-08, 10:38 PM   المشاركة رقم: 5
المعلومات
الكاتب:
اللقب:

البيانات
التسجيل: Oct 2008
العضوية: 98209
المشاركات: 5
الجنس ذكر
معدل التقييم: طائر من الشرق عضو بحاجه الى تحسين وضعه
نقاط التقييم: 10

االدولة
البلدEgypt
 
مدونتي

 

الإتصالات
الحالة:
طائر من الشرق غير متواجد حالياً
وسائل الإتصال:

كاتب الموضوع : طائر من الشرق المنتدى : الارشيف
افتراضي

 

الجزء الثالث




مااااااااااااااااااااااااااااماااااااااااااااااااا ا

خرجت الام من المطبخ بسرعه و هى تسمع مى كعادتها و هي تصرخ و خلفها جيهان تحاول اخذ شىء تخفيه مى بين ملابسها و هي تجرى ناحيه امها و تصرخ

و سمعت امها تقول : بتنادى ليه يا مقصوفه الرقبه و بتجروا ورا بعض كدا ليه ؟؟

رددت مى و هي تنظر لجيهان بنظرة خبث :
اقووووووووووووووووووووووول ؟؟؟؟

نظرت اليها جيهان نظرة خوف و ضيق فى ذات الوقت

فقالت الام :ما تردى انتى و هي اتخرستوا ليه

اجابتها مى و هي تنظر لجيهان بنظره جانبيه :
مفيش يا ماما دا بس جيهان كانت عاوزه تاخد المقلمة بتاعتى و انا مرضتش

رددت الام بغضب : مقلمه ايه منك ليها خبر ايه يا بت انتى و هي .. اسمعوا لو معرفتش حالا فى ايه و ربى لمدياكوا انتوا الاتنين علقه تحلفوا بيها العمر كله و انتوا عارفنى

و ما ان سمعت مى ما قالته امها حتى أجابت بسرعة : مش مستهله يا ماما و على ايه انا هاقول و كدا يبقى جيهان بس اللى تنضرب

كادت جيهان تصاب بالرعب و مى تقول :
انا داخله اذاكر لا بيا و لا عليا و حاطه كل همى فى المذاكره لان المس اللى ربنا ياخدها كل يوم عملالنا امتحان .. قال يعنى هنطلع دكاتره .. المصيبه انه امتحان عربى .. طب ما احنا كدا كدا بنتكلم عربى .. لايه الامتحانات بس و فايدتها ايه غير وجع القلب

ما تخلصى خلصه روحك

قالتها الام بغضب

فأكملت مى : المهم يا ستى سمعت صوت فى الاوضه فى الاول انا اتخضيت و كنت هاصوت .. بس قلت بلاش لانى اصلا محيبش الصوت العالى

امسكت بها امها بقوه و هي تقول : انتى ما بتحبيش الصوت العالى .. يا بت اخلصى بدل ما اتهور عليكى طلع منين الصوت

قالت مى بسرعة : يووووووووووووووووووووه .. الواحد مش عارف يقول كلمتين فى البيت دا .. المهم ياستى لاقيت جى جى اختى حبيبتى مسكه موبيل فى ايدها و اما قلتلها هاتى اما العب فى النغمات قالت لالالا
فسألتها ..بتاع مين دا يا جيهـــــــــــــــان ؟؟ و عيب يا جي جى الموبيل هتعملى بيه ايه .. و كمان من ورا ماما !! .. هي يعنى ماما هتقولك حاجه .. دا حتى ماما هاديه و عمرها ما غلطت فى حد فينا

كادت الام ان تبتسم لولا ان انتبهت لما قالته مى فنظرت الى جيهان و قالت : موبيل ايه اللى معاكى دا و جبتيه منين و جبتى فلوسه من مين

اجابت جيهان بسرعه : مش بتاعى يا ماما دا بتاع واحده صاحبتى

رددت مى فى خفوت و بصوت منخفض و من خلف امها
و قالت .. و هي صاحبتك هي اللى كانت بتتصل

قالت جيهان و هي تنظر لمى فى غضب شديد : ايوه طبعا بتقولى
هاتى الموبيل لان باباها جيبلها موبيل من سنه مش زيى

رددت الام بغضب: وانتى عاوزه الموبيل فى ايه بقى ان شاء الله .. الموبيل اللى معاكى دا ميقعدش معاكى لحظه واحده و الا و الله لاكون مولعه فيه على البوتاجاز .. قال موبيل قال ادى اللى ناقص .. مش لما تفلحى الاول نبقى نجبلك موبيل
اجرى انجرى على اوضتك انتى و هي و مش عاوزه اسمعلكوا نفس

ــــــــــــــــــــــــــــــ

كان صوت لبنى مرتفع و هي تقول : الشغل بالطريقه هيتعطل و احنا عندنا مواعيد تسليم لازم نلتزم بيها حتى لو حصلت اننا نعمل فترتين شغل او نزود اجور العمال دا كله مش مشكله

اجابها احد الرجال : بس يا استاذه لو عملنا كدا اكيد هنخسر الشركه المبالغ الزياده دى

اجابته بسرعه : ما هو بردو يا استاذ لو الشغل متسلمش فى معاده هنخسر مبالغ اكتر انت سيادتك ناسى الشرط الجزائى

سألها اخر : طب مش واجب نعرَف امجد بيه اللى بيحصل دا

رددت لبنى : و انت يعنى متخيل انى مش بحاول اتصل بيه من ساعه ما عرفت اللى بيحصل بس كل تليفوناته ما بتردش و انا معنديش اى معلومات هيجى امتى و كمان اسمع اللى انا باقوله و لما يجى امجد بيه انا هافهمه

خرج الرجال الثلاثه من مكتبها فجلست و اسندت ظهرها للوراء تحاول ان ترتاح قليلا وما هيا الا لحظات ..
و دخل عادل المكتب و ما ان رأها حتى قال :

انا عارف انك تعبانه بس اعذرينى مقدرتش ما اتكلمش معاكى نظرت لبنى اليه باهتمام فأكمل
شوفى يا استاذه لبنى انا يمكن سمعت كلامك لما قعدنا و ما علقتش باى حاجه .. بس دا مش معناه انى مقتنع بسبب رفضك .. و يمكن عشان كدا انا فكرت كويس و لاقيتك غلطانه فى حاجات كتير .. انتى انسانه متعلمه و مثقفه و فكرك الكل بيحترمه

ازاى تتخيلى انى ممكن اصدق انك خايفه من الارتباط لحرصك انك تكملى مع اخواتك اللى والدتك متعرفش عن مشاكلهم الا يادوبك اللى بيجى قدامها بس .. و ان شغلك و منصبك محافظين على استقرار البيت مع توفير اللى يكفى لارتباط اى واحده فيهم فى اى لحظه ..
و ان دا كله ممكن يختفى فى حاله جوازك ..
دا غير انك ممكن تقعى فى مشاكل انتى فى غنى عنها نتيجه اللى بتشوفيه و بتسمعيه كل يوم من الزيجات الفاشله و القضايا اللى ماليه المحاكم بدون حلول

كانت لبنى تستمع لكلماته دون ان تنطق بحرف واحد

فاكمل انا يمكن مش هاقولك انى انسان معنديش اى مشاكل فى حياتى .. انا زى اى حد الفرق بينى و بين ناس كتير انى منظم جدا فى تفكيرى و باضع كل امر فى نصابه الصحيح
يعنى و بدون اى زعل انا اعتبرت كلامك كله رفض ليا بس بدون اى احراج ..
ودا شعور بجد باشكرك عليه و بادعيليك ربنا و يوفقك مع انسان يكون جدير بيكى بجد ..
عن اذنك يا استاذه و تركها و هي تفكر فى كل كلمه قالها
..
..
تفكر بعمق

ــــــــــــــــــــــــــ

شيماء شيمـــــاااااااااء

انتبهت شيماء ناحيه الصوت و وجدتها هدى التى اقتربت منها بسرعه و هي تقول :
ايه يا هدى عاوزه ايه بس انا متأخره على الحصه بتاعتى

ردت هدى : حصه ايه بس انا عاوزاكى فى موضوع و المشكله انى مروحه العيال زمانهم جم و لازم احضرلهم الاكل

سألتها شيماء : طبعا عاوزانى ادخل مكانك الحصه الاخيره ما انتى دايما متسليه عليا فى الموضوع دا مش كدا

اجابتها هدى : ابدا و الله دانا حتى جايبالك خبر حلو اوى

نظرت اليها شيماء باهتمام و قالت : خير قولى بس بسرعه انتى عارفه العيال زمانهم فى الفصل عاملين دى جى

اجابتها هدى : شوفى يا ستى اختى كريمه جت من السفر من يجى اسبوع و ابنها ما شاء الله بقى راجل و مالو هدومه ..
و كانت بتقولى اشوفله عروسه و انا فكرت لحد ما قلت بس مفيش غير شيماء ..
عمتا انا بكره هاحكيلك الموضوع كله انا بس كنت عاوزه اديكى فكره و بكره نكمل

و همت بالانصراف لولا انا امسكت شيماء بكتفها بقوه و هي تقول : بكره ايه وبتاع ايه
انا عايزه اعرف الموضوع كله من طقطق لسلام عليكم

قالت هدى بخبث : و الحصه يا شوشو و العيال اللى عاملين دى جى

اجابتها بسرعه :يكشى يولعوا
بلا حصه بلا عيال اقعدى كدا و فهمينى هو شافنى قبل كدا هاااااااا و قالك انه بيحبنى و يعرفنى كويس و ليه ما قولتيش من زمان و هيجى امتى عشان نعمل حسابنا وووو.........

قاطعتها هدى و قالت : حيلك حيلك دا هو يادوبك لسه جاى من ابو ظبى من اسبوع يعنى لا يعرفك و لا يعرف غيرك غير بس هو كلام بينى و بين اختى يعنى كلام حريم يعنى

اصيبت شيماء بخيبه امل لولا ان تداركت هدى نفسها و قالت : بس و النبى انا قلتها لاختى مفيش غير شيماء بنت حلال و طيبه و تستاهل كل خير

رددت شيماء و قالت : عندك حق و الله ربنا يخليكى .. حقه يا هدى دا يبقى ليكى الحلاوه

ضحكت هدى .. هو انتى بس مجنونه حبيتين بس مقدور عليهم

قالت شيماء بسرعه : اوعى تكونى قلتى كدا ليه

ضربت هدى على صدرها و قالت : انا بردو يا شيماء اقولهم كدا ما انتى عرفانى

غمزت شيماء بعينها و قالت : ما هى المصية انى عارفاكى .. طب و هايجى يشوفنى و اشوفه امتى .. و هنتقابل ازاى و المفروض اعمل ايه لما اشوفه .. انا حسه انى متلخبطه

اجابتها هدى :و انا بردو هسيبك .. انا هبقى اقولك على كل حاجه
بس استهدى كدا بالله و انا هافهمك على كل حاجه لما اشوف رأيه هو الاول

نظرت شيماء الى السماء و هي تدعو فى صمت


انتهى الجزء الثالث ويليه الجزء الرابع باذن الله


 
 

 

عرض البوم صور طائر من الشرق  
 

مواقع النشر (المفضلة)
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:05 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية