المنتدى :
الشعر والشعراء
ياصاحبي ممكن دقايق
ياصاحبي لاهِنتْ ممكن دقايق ....
في داخلي ضيقه مهي أي ضيقه
النفــس ماهي نفس و{القلب ضايق}..
واغرب خيالي في عيوني حقيقه
غيري بــدون هموم يضحـــك ورايق ...
ادري بشــر وانواع كــلٍ طريقـه ...
احيان اقول إن الفـرح صار فــايق ...
وهو متى مافاق شبّت حريقه ...
ليـت الفـرح يـنباق وآصير بايـق ..
ليت الضما ينساق وأبلّ ريـقه
بعض البشر عادي تـزوّر حقايق ..!
والطيب في هالوقت محدٍ يطيقه
{ بيـــني وبــين الحظ مليون عايق } ..
متى اشوف الحظ يلمع بريقه
ياصاحبي محـتاج منـــك دقايــــق..
ابيك تعرف داخل القلب ضـيقه
التعديل الأخير تم بواسطة غموض ; 20-10-08 الساعة 09:54 AM
|
05-10-08, 02:31 PM
جديد مواضيع قسم الشعر والشعراء
العرض الشجري
