كاتب الموضوع :
نهر الغرام
المنتدى :
الارشيف
عند مطلق بعد ماوصل امه وجدته طلبت من امه يرجع المستشفى نزل ودخل لداخل وشاف بوجهه وليد
مطلق: هلا دكتور وليد
وليد: هلامطلق شخبارك وشخبار الاهل
مطلق: تمام نسرك
وليد: متى قال الدكتور بيرخص المريضة
مطلق: يمكن اليوم اذا كويسة
النيرس جات تركض: دكتور وليد في كسر بالرجل محتاجين لمسعدتك
وليد: جاي .. يلا نشوفك على خير مع السلامه
مطلق: الله يسلمك
صعد بالمصعد وتوجه للغرفه وفتح الباب بهدوء كانت الغرفة هادئة وبارده ابتسم لمن شاف ابتهال ونجللاء متقلقصين بسرير واحد وشال الاكياس الي عللى السرير وحطهم بالدروج والتفت على الكنبة بيكمل نومه يحس ماشبع نوم اوول مالتفت
انصدم
وقرب اكثر وهو يسمي بداخله : اعوذ بالله من الشيطان الرجيم بسم الله الرحمن الرحيم اكيد جنيه اليوم على كثر ماشفتها بالجوال قام يتهيا لي اتخيلها بسم الله لازم اروح حق امي تقرى علي))
قرب اكثر كانت متكورة على نفسها صافطه رجلها لبطنها ونايمه على جمبها وشعرها كله على وجها... ويدها حاطتها تحت راسها ومتلحفه بالشيلة وشكلها بردانه
نجلاء حست بحركة بالغرفة وفتحت عيونها خافت بس لمن شافت مطلق غمضتهم ويوم قرب جمب غروب فتحت نصهم وجالسه تراقبه كانت شاكه بس الحين تاكدت كتمت ضحكتها وجلست تراقب
جلس مطلق على ركبه وحده وهو خايف يلمسها يحسبها جني تردد وبعدين سم بالله رفع شعرها عن وجها وحطه ورى اذنها وشاف خدها المتورد خلقه كذا الي وده بس يلمسه كانه رسمات الانمي مد يده بس تراجع
مطلق في نفسه (( حرام الي تسويه انت ماترضاها لخواتك ترضاها لغيرهم هذي مومحرم لك قوم عنها )
مطلق بهمس بصوت مبحوح : بس بلمس خدها وبقوم مقدر اقاومها مقدر
مد مطلق يده ولمس خدها كان ناعم مثل خد الي توه مولود وانحنى شوي غمض عيونه وباس خدها ظل فترة طويله وهو على الحال حس باحاسيس غريبة وهو يشم ريحه عطرها الناعم وتركها غصبن عنه وقام وطلع بسرعه قبل مايتهور اكثر من كذا
خافت نجلاء لمن طول وهو منحني عليها فكرته بيتمادى اكثر بس ارتاحت لمن شافته وقف وطلع
وقامت لعند غروب وشافت خدها احمر مايل للازرق انحرجت وكتمت ضحكتها وسمعت ضرب على الباب ودخلت لنيرس وفي يدها بطانيه
النيرس: خوذي هذا في بابا يقول غطي نايم على الكنبه
نجلاء بداخلها: تطورت يامطيلق كبرنا وقمنا نحب والله لو تدري غروب كان ذبحتك ههههههه ))
نجلاء: خلاص انا بغطيها روحي انتي
غطتها ورجعت نامت وهي تبتسم
(( بيت بوفهد))
كانت شوق بغرفتها مع العنود جالسين يكلمون جود
جود: والله من صجي ماطيقه كل من شافني احبك ووافقي ودي اكفخه
شوق: ههههههههههههههههههه حرام عليك ولد عمك هذا وش دراك يمكن يحبك
العنود: والله ياريت عندي عيال عم هههههههههه
شوق : بلا كذب عنود عندك عمتي شريفه وعيالها الكرهين وعمتي وداد و عمي حمد
جود: غريبة من زمان مازراكم العاده اربع وعشرين ساعه لاصقين فيكم
شوق: اسكتي طالعين فيها طلعه يبون يزوجون رائد حق امل وفهد اخوي حق جمانه وعععععع
جود: بدال مايوزعون عيالهم يتبرعون لي بواحد مليت من العنوسة
العنود: خخخخخخخخخخ خلاص اليوم والله اعلم شكلهم بيجون المستشفى للبتهال تعالي العصر
جود: بدون ماتقولين انا جاية هههههههههههه
شوق: جودو مراح تسافرو
جود: بقول لماما ابي اكون معكم بروح لامريكا بس ماما تبي تروح لبنان
العنود وفيها حماس: اقنعيها بليز جود وناسه علشان اقول حق بابا سالم يحجز لنا جميع
جود: بشوف وبرد عليكم باي
شوق: باي
العنود بحماس: تخيلي نسافر جميع
شوق: والله مراح ارجع الا الفجر
العنود: هههههههههههههههههه
شوق : قومي نتغداء ونروح للمستشفى قبل ماتزعجنا ابتهالو بطلباتها
بعد فترة كان الكل على طاولة الاكل
ام فهد: مطلق ليه مارحت المستشفى اليوم
شوق: يمه وين يروح غروب هناك ولانسيتي
ام فهد: والله هالبنت دخلت قلبي من شفتها احس بعيونها حزن يتقطع قلبي عليها
العنود: صج يمه ان عمامها ماكلين حقها
ام فهد: أي يمه والحين عايشه بيت اهل امها حرمو هاليتيمة من حقها
رص مطلق على اسنانه يحس قلبه يتقطع اذا حد شفق عليها
الجده: سالم عماتك اليوم بيزورونا
بوفهد : حياهم الله انشاءالله محنا بمقصرين عنهم بشي ووقف
يلا اذا خلصتو روحو المستشفى وانا برسل السواق يجيب الحلا
فهد: انا اقول يبه ماله داعي جلست ابتهال بالمستشفى خلاص صارت كويسة وحتى عماتي يجون بيت جدتي هناك مو احسن
شوق: اجل حتى احنا ماله داعي نروح هناك بابا انت رخصهم ويجون البيت
بوفهد : انشاءالله
مطلق : يبه بروح معك خلصت انا
بوفهد: اجل يامطلق انت رح رخصها ماله داعي اروح
رائد: خلاص يابوفهد جب بطاقتك وانا ارخصها
طلع بوفهد بطاقته : خذ وانتو الحقوني للشركة
ام فهد: يمه العنود كتبي الاغراض وعطيها للسواق
العنود: انشاءالله يمه
طلع رائد وركب السيارة لحقه مطلق : رائد وقف خذني معك
رائد وهويلبس النظارة : على وين
مطلق وهو يركب : بعد وين المستشفى
رائد ركب سيارته : مشينا
(( بالمستشفى ))
صحت غروب من النوم وهي تبتسم حلمت حلم حلو راحت الحمام (( عزكم الله)) اتوضت وصلت الظهر والعصر جمع لانها نامت وماصلتها اول ماخلصت انتبهت للبطانية عدلت الغرفة ورتبتها من الفوضى وحطت اغراض ابتهال بالشنطة ولبست عباتها وجلست نجلاء
غروب بكسل : نونو نونو نجوله جولي
نجلاء فتحت عيونها: ها يالمزعجه
غروب: قومي صلي الحين الساعه ثلاث
نجلاء قامت وهي متروعه : يؤه فاتتني الصلاة ليه ماجلستيني
غروب: مدري بس تعالي من وين اللحاف والله ثلجت بعدين حسيت بدفه هههههه
نجلاء تذكرت وطالعت خد غروب وكتمت ضحكتها: لابس انا قلت للنيرس تجبلك اول مانمتي
غروب: بجلس المصيبة العضمة ابتهالو
غروب : ابتهال تولي هلوله هزت كتفها ابتهال بصوت اعلى وبقوة هزتها ابتهال قومي
ابتهال فتحت عيونها ووخرت غرتها عن وجها : ها ها الناس يجلسو كذا
غروب وهي تجلس على السرير : قومي الحين اهلك بيجون وانتي لحد الحين ماقمتي
ابتهال: كم الساعه الحين
غروب: ثلاث ونص قومي صلي واغراضك حطيتهم بالشنطه
ابتسمت ابتهال: مشكورة
غروب :العفوبس وين المصاص الي امس جبته
ابتهال: بشنطتي ليه تبينه
غروب: تصدقي حلمت فيها
ابتهال: حامضة موت وتصبغ الفم وش تبي فيها الحين
غروب : اشتهيتها ابي احمر وش عليك
ابتهال قامت بعد ماطلعت نجلاء : بالشنطه تشوفيها بس لاتاخذي الا وحده
غروب: طيب
وصل رائد المستشفى ونزلو من السيارة وراح رائد يخلص الاجراءات علشان يطلع ابتهال
مطلق: انا بروح للبنات اشوفهم خلصو اغراضهم ولا
رائد: مراح اصعد فوق بدخل عند وليد واذا خلصو اتصل علي
هز راسه ومشى وهو مبتسم ومروق اليوم بالمرة صعد بالمصعد وعدل شكله بالمرايه ووصل ومشى الممر كله ووصل الغرفة وضرب الباب
غروب والمصاص في فمها وتغمض عيونها من حموضتها
غروب : يمي يمي حامضة ولذيذه نجول بدك وحده
نجلاء: لاتقهريني اذا خلصت الصلاة باخذ لي
غروب بصوت عالي: ابتهالو خلصي بسرعه مافي وقت والتفتت على نجلاء نجول عندك بكلة حق شعري
نجلاء: في شنطه ابتهال الي فيها اغراضها
اخذت غروب البكلة وربطت شعرها بس نزلو خصل على وجها
غروب: اوف عندك بكلات صغيره
نجلاء: لاء ماعندي والله نسيت اجيب غرفتي كلها هنا
غروب: هه بايخه
سمعو ضرب على الباب
نجلاء: روحي فتحي الباب يمكن النيرس تبي البطانيه بكمل صلاتي
قامت غروب: حاله والله جايبيني اشتغل خدامه حتى بمصاصتي ماتلذذت فيها اخذت البطانيه وفتحت الباب
سمع مطلق كلامها وابتسم وفتحت الباب وهي مغمضة من حموضة المصاصة : يمي يمي ثانكس ني وفتحت عيونها
ذاب مطلق من شكلها الطفولي وعيونه نعست نسى الكلام
اول ماشافت مطلق شرقت بالمصاص وجلست تكح : كح كح كح
مطلق خاف عليها : بسم الله عليك تبين ماي
هزت غروب راسها واخذت نفس عميق وتخصرت: خير وش تبي
ناظرها مطلق من تحت لفوق ببطئ وابتسم : سلامتك
انحرجت وتقلب وجها الوان وحطت يدها على راسها تبي تعدل غطاها بس ماشافته شهقت دخلت لداخل الغرفة واصفعت الباب
مطلق: ههههههههههههههههههههههه وين بتروحين مني
اسندت راسها على الباب وهي تسب فيه: الخايس الدب الحمار قليل الادب
نجلاءوهي مستغربة منها: خير وش فيك كانك راكضة
غروب وهي تبتسم : لامافيني شي يلا خلونا نمشي
ابتهال : اتصلتي على سواقكم
غروب: لا بس وانقطع كلامها بضرب على الباب
فتحت نجلاء الباب وشافت مطلق
مطلق: ساعه انطركم يلا خلصو
نجلاء: توك جاي بس ثواني
مطلق: من وقت ملطوع على الباب
ابتسمت نجلاء بخبث وطالعت اظافيرها: مطلق امس كاني شفتك بالغرفة ورفعت راسها ليه انت جيت ؟
مطلق بارتباك : لا وش جيت الله يهداك لاماجيت وبعدين صاحبتكم معكم هنا كيف اجي
نجلاء بخبث: وش دراك انها معنا نايمه ها
مطلق عصب : ورى ماتنقلعي تحقيق هوتحقيق
نجلاء: يمه اكلتني
ودخلت الغرفه : يلا خلصتو
ابتهال: باقي الكيسة اخذيها
نجلاء: والله موحقتي حقت ست الجمال
غروب: مالت عليكم من صاحبات هاتيها
مسكت غروب الكيسة : وجع وش حاطين فيها ثقيلة
نجلاء : امشي وانتي ساكته
طلعو من الغرفة
مطلق وهو يناظر غروب : خلصتو
اول ماجات عينه بعينها لفتها بضيق
ابتهال وتعطيه شنطتها : خذها
مطلق مشى قدام وجمبه نجلاءتهمس : خف على البنية
مطلق بهمس: اكلي تبن
طلع جواله واتصل على رائد
مطلق: ها وينك
رائد: تحت جمب البوابة واقف مع وليد
مطلق: جاي لكم
نزلو تحت وصولو لمكان رائد
شهقت غروب: ابتهالو ناظري منو واقف مع رائد اخوك
ناظرت ابتهال وشهقت : يمامي موفتكينا من السالفه رجعنا لها مرة ثانية
غروب وهي تغطي وجها : تغطي تغطي
تغطت ابتهال ووقفت ورى ولد اخوها مطلق الي يكلم وليد
وليد بنظرات يقولها ماله داعي تتغطي عارفك : الحمدلله على السلامه اختي
ماردت عليه وخايفه خصوصا رائد عارف بالموضوع
حطت راسها ورى ظهر غروب
رائد : يلا نستئذن ولاتقطع
وليد : ههههههههه انشاءالله
مطلق : مع السلامه
طلعو كلهم بس كانت ابتهال ماسكه غروب من يدها ومرت جمب وليد
سمعته يهمس : باي يابتهال
تركت يد صاحبتها وقامت تسرع وقلبها طبول
كان رائد فاتح شنطة السيارة علشان مطلق يحط شنطة ابتهال
غروب بداخلها: اووف اروح احط الكيس ولا اخليها عن..
قطع افكرها مطلق: تعالي جيبي الكيس
تقدمت شوي وكانت بينهم مسافه كبيرة ومدت الكيس
مطلق: احلفي بس ماطول قدمي اكثر
رصت غروب على اسنانها من القهروتقدمت صارت بينهم مسافه معقولة ومدت الكيس
مطلق: ولا اقولك تعالي انتي حطيها بالشنطه
عصبت ورمتها على الارض: موخدامتك انا فاهم
مشت وركبت السيارة وصفعت الباب بقوة
رائد: شوي شوي على الباب كسرتيه
انحرجت غروب موت واسكتت
ركب مطلق السيارة وهو مبتسم وكانت غروب راكبه ورى بالضبط لانها واصله اخر شي
السيارة هدوؤء بس صوت ابراهيم الحكمي لحظة وداع
رجع مطلق السيت على ورى وسند راسه حتى رص على غروب ومد رجله لقدام
انعصرت غروب موقادرة تتحرك
انقهرت من حركته وسوت نفسها بتتسند على الشباك وقالت بهمس يسمعه : الله ياخذك رجلي تالمني
ونزله زياده ورص عليها اكثر وهمس : اذا دعيتي علي راح ازيد
غروب بعناد : الله ياخذك الله ياخذك
مطلق : ها شقلنا
غروب بعصبية: هي انت رجلي تالمني والله ماكذب
مطلق باستمتاع بعصبيتها : انشاءالله زود
نجلاء كانت تراقبهم بس طنشتهم
نجلاء: عمي وصل صاحبتي لبيتهم
رائد: وينه
دلته نجلاء وقبل ماتوصل غروب بشوي
رفعت رجلها بشوي وكانت في حديده من تحت مرفوعه لفوق ومانتبهت لها وهي ترفع رجلها علقت في عباتها وشقتها وجرحت رجلها للركبة
التفتت لها نجلاء : يؤه وش سويتي
غروب غرقت عيونها رجلها تعورها قالت بصوت فيه صيحه : عباتي انشقت بس
نجلاء: مطلق قدم السيت ليه كذا سايح عصرت البنت
ابتهال: اشوف... رجلك انجرحت اح يعور؟
غروب موقادرة فيها صياح : لامايعور عادي
نجلاء : اخذي كلينكس واذا رحتي البيت حطي عليها مسحه طبية علشان لاتتسمم
وصلو بيتها قدم مطلق السيت وقلبه يعوره يبي يعتذر على حركته الغبيه
غروب : شكرا رائد
اخذت شنطتها واول مانزلت بكت ودخلت بيتهم
مطلق بداخله : الله ياخذك يالغبي بدل ماتكحلها عميتها جد غبي
(( بيت غروب))
دخلت غروب البيت وهي تبكي شافت امها وراحت تعرج لحضنها
ام غروب بخوف: غروب خرعتيني ابتهال صاير لها شي
هزت راسها وجالسه تبكي
ام غروب: حبيبي وش فيك رفعت راسها رورو وش فيك ياقلبي
غروب وهي تناظر امها : ماما انتي تحبيني
ام غروب حضنت بنتها: رورو وش هالسؤال اكيد احبك
هدت غروب شوي : ماما تروحين اليوم لبيت خالتي ام ابتهال
ام غروب: اكيد يماما هذا واجب وبعدين لعيونك اخذت اجازة من البنك نروح نتمشى هناك لاتضيعي السالفه وقولي لي وهي تمسح على شعرها ليه تبكين
غروب : بس ابي اشوف غلاتي عندك
ام غروب: رورو انا ماما وبعدين ليه عباتك كذا
غروب: ماما سيارة بيت ابتهال مرفوعه الحديده حقتها وشقت عباتي وجرحتني ناظري
ام غروب وهي عاقده حواجبها : بروح اجيبلك مسحه مع مطاط طبي
اول ماقامت امها غرقت عيون غروب وتقول بداخلها : ليه يكرهني لهدرجه مع اني ماسويت له شي نزلو دموعها يارب حنن قلبه علي وابعده عني يارب ))
(( بيت الجده))
دخلو البيت وكان الكل متجمعين توهم راجعين من الشركة
فهد: هههه هلا بحبيبتي عمتو تعالي وحشتيني
جلست ابتهال جمبه
تركي قام وباس راسها وجلس جمبها: شخبارك الحين تمام؟
ابتهال: كويسة
رائد وهو يجلس على الكنبه: اقول بس تدلع لاتخترب علينا البنات المفروض مايتدلعون بعدين يختربون
تركي وهو يمسح على ظهرها: اذا مادلعناها الحين متى ندلعها اخاف زوجها ياخذها منا
فهد: أيوه لازم ندلعها شوي ونخلي لرجلها الباقي صح ابتهال
تعالو دورو ابتهال من بينهم وجها الوان واشكال
العنود: ههههههههههههه ابتهال وجهك علبة الوان نارية
ام فهد: يلا بنات قومو بدلو عماتكم على وصول
رائد: يعععععععععععع القرف
بوفهد: رائد عيب هذولا اكبر منك
شوق: يبه تدري انهم مخططين يزوجونه بناتهم غصب
نجلاء: بعد شوي تشوفينهم علبة المكياج الكامله حاطينها بوجهم
الجده: خلاص بنات لاتكسبو اثامهم بكيفهم
مطلق: اصلا انا لاتحلمو اخذ من العايلة
نجلاء بخبث: اكيد مطلق انا الي بختار لك
مطلق: اقول ورى ماتنقلعي عن وجهي وتاكلي تبن
نجلاء بتهديد: اعلم
مطلق: علمي خايف منك مع ذا الوجه
نجلاء : يبه تدري انه مطلق امس دخل الغرفة في
قام مطلق بسرعه وسد فمها بيده وهمس باذانها : نجيل خمس مئه ريال لك
نجلاء تحرك حواجبها: الف وخمس مئة ولاريال ناقص
رص مطلق على اسنانه بغيض : خلاص بس انطمي
بوفهد: مطيلق هد اختك ووجع خلها تتكلم
فك مطلق يده وجلس على الكنبه
رائد بفضول: شصاير
مطلق بغيض: بنت اخوك الخايسة ماسكه علي شي وتهدد
رائد: ماطحت الي بيد ام لسان تستاهل
مطلق: اخ قهر الحمدلله اني طحت بيد هذي لو اختك ابتهالو كان انفضحت
رائد: شكل الفتنه في العايلة وراثه
مطلق: هههههههههههههههه اظن كذا
وقف فهد: يلا استئذن
بوفهد: على وين مافي احد يطلع اليوم عماتكم على وصول
فهد: بس يبه الصيدليه
بوفهد: مولازم تفتحها اليوم يابوك خلا ص بكرة افتحها وارتاح اليوم
فهد: انشاءالله
الجده : بنات يلا بدلو بسرعه الحين الساعه ست ونص
البنات: انشاءالله يمه
صعدو لبنات وكل وحده راحت حمام (( عزكم الله)) واخذو لهم شور
العنود جففت شعرها واستشورته واحطت البلورات باطراف شعرها وخلت غرتها على جنب ولبست تي شرت بدي اصفر بس تعليقه تربطه بخيط ضعيف وظهرها نصه يبين وتنورة نفس لون التي شرت لفوق الركبة بشوي وحزام عريض بالوسط وبدت بالميك اب حطت لها كريم اساس و كحل اسود والظل خليط بين الاسود والاصفر وروج وردي لامع وبلاشر وردي ولبست اكسسوارت اسود وصندل اسود وينربط للركبة بالخيوط كعب خفيف وساعه من ماركة هاريكس الايطاليه
استشورت شوق شعرها وسوته باف وغرتها خلتها على جنب وحطت الاكسسوارات الشعر بلون الاحمر ولبست فستان احمر لتحت الركبة بشوي بدون تعليق وبالخصر كان فصوص بالون الاحمر وبدت الميك اب حطت كريم الاساس والكحل وظل بلون الاحمر خفيف مرة وروج احمر بس لمعه ماتحب الالوان الغامقه والبلاشر الوردي ولبست الاكسسوارات والصندل الكعب الاحمر ولبست ساعه ماركة موسكيني
عند ابتهال استشورت شعرها واخذت استشوار يعمل حركة الكسرات الكبيرة وعملت شعرها به ولبست تيشرت كات ابيض واسود ومن ورى فيه رسمه لولو كاتي بالفصوص االاسود والابيض وتنورة سودا وحطت كريم اساس وروج وردي لامع وكحل ماحطت ظل ماتحبه ولبست اكسسوارات و صندل ابيض وساعه من ماركة جرجنيسن
نجلاء ماستشورت شعرها جففته وحطت جل فيه ولبست تي شرت بدي فوشي ورسومات تكون بالكحلي على اطراف الجنبين وجينز كحلي فيه فصوص بالفوشي وحطت كحل وروج وردي وبلاشرولبست اكسسوارات و صندل كحلي وخلت غرتها على وجها وحطت لها بكله صغيرة فوشية ولبست ساعه من ماركة ادي كاي
وطلعو من الغرف
ابتهال: واو لااله الا الله اللهم صلي على محمد من العين علينا
شوق: ههههههههههه أي والله بصراحه نخاف على روحنا
العنود: شوقو يادبة فستانك روعه اقري على نفسك
نجلاء: ههههههههههههه يلا بس سمعت الشغاله تفتح الباب شكلهم جاو
ابتهال: بصراحه يغثون مالي خلقهم
نزلو تحت ووقفت الجود : وااااااااااااااااااااااااااو هههههههههههههههههه كل وحده تقول الزين عندي
شوق ركضت وحضنتها : هلا جود فكرتك مراح تجين
الجود: هههههه اصلا موجايه لك جايه لبتهال
العنود: وانا مالي رب
الجود: تعالي يالخايسة تاخذي العقل شو هالحلاوة
شوق : بروح اسلم على امك
العنود: حتى انا هههههههههههه
تقدمت شوق : هلا خالتي وباستها
ام الجود: هلا شوق لك هيك ماعاد نشوفك وماعاد تجي لعنا
شوق: هههههههه اسفه يخالتي بس انشغلت شوي انشاءالله قريب بنجي
تقدمت العنود وسلمت عليها
ام الجود: يخزي العين شو هالقمر دايما ماشاءالله تاخدي العقل
استحت العنود: تسلمين خالتي
وجاو كل البنات وسلمو عليهم
العنود: جودو شيلي العباة مافي احد
الجود: اخاف اخوانكم هنا
شوق: العيال كلهم بالمجلس
فسخت جود العباة وكانت لابسة تي شرت عشبي كات ناعم وبرمودا جنزاخضر واكسسوارات ومكياج خفيف ومسيحه شعرها ورافعته بالنص ببكله
بعد فترة دخلو العمات
العمات : السلام
الكل: وعليكم السلام
سلمو على بعض وجلسو البنات في مكان وبنات العمات في مكان لوحدهم والحريم في مكان معزولين
العمه شريفه بغرور: الحمدلله على السلامه يابتهال
ابتهال : الله يسلمك ياعمه
العمه وداد : وش صايبك يقولون متسممه
الجده: لااسم الله على بنتي لامتسممه ولاشي بس ماتاكل زين
العمه وداد: ايه والله هالبنات مايكلون ولاشي حتى بناتي عظامه
العمه شريفه: الا يام فهد منو هذي وهي تاشر على ام جود
ام فهد: هذي تولين ام فيصل مرت ناصر بن محمدال...
فتحت العمه عيونها على وسعهم
العمه وداد: انتي مرته البنانيه
العمه شريفه: صج انتي ماخذه الحلال كله
ام جود: انا مرتو التانيه وام نواف مرتو الااولانيه وساكنه عنا بنفس البيت والحلال كلوه واحد وحنا حبايب مع بعض
ام فهد: الله يهداك ياشريفه وش الحكي هذا
شريفه: انا ماقلت كذا انا سامعه
وداد: بنات ليه جالسين لوحدكم تعالو مع بناتي
نجلاء: والله ياعمه احنا كنا جالسين قبل هنا المفروض هم الي يجون لنا مواحنا
شوق: نجلاء خلاص اسكتي
العنود بهمس: من زين بناتك عاد
الجود: اسمحيلي يالعنود عمتك حقيرة وشايفه نفسها
العنود: من زمان موتوها
العمات :
العمه شريفه حرمة مغرورة وشايفه حالها على كل الناس وزوجها يشتغل وزير ومعطيه عيالها الحرية الكاملة
نايف : انسان صايع مايجلس بمكان واحد كل يوم بديرة مايشتغل ابد طويل ابيضاني وشعره اسود ناعم كثيف وانفه ضعيف وطويل وجسمه معضل عمره 28
امل انسانه تافها ومغرورة وخبيثه شكلها عادي تشبه الممثلة المصرية منى شلبي عمرها 24
نادية : اخت سارة بس نقيضتها بكل شي ناعمه وحنونه مخطوبة لولد عمتها وداد عمرها 22 طويلة جسمها حلو موسمينه كثير وبشرتها برونزية وشعرها ناعم
احمد: عمره 20 انسان مرح خفيف دم يدرس بالجامعه شكله عادي
عامر : دلوع امه كربون من نايف بس حنون شكله حلو يشبه نايف عمره 17
العمه وداد: نفس طبايع اختها شريفه شايفه حالها رجلها عنده شركة للسيارات عيالها
وائل : عمره29 خطيب ناديه انسان حنون وطيب يشتغل بشركة ابوه
سامي : عمره 27 انسان مرح كثير خفيف دم عايش حياته شكله عادي مقبول نوعا ما
جمانه: عمرها 25 مومتزوجه شعرها طويل وكيرلي مغرورة كربون من سارة دايم معها راسبه سنه وصارت مع ساره متوسطه الطول انفها طويل وكبير شوي شوي ونحيفه وبيضا
ضحى عمرها 18 جميلة نوعا ما عيونها كبار وناعسه سمرا وطويلة وشعرها ناعم انفها قصير ومددبب جسمها حلو متكبرة شوي
محمد: صديق عامر الروح بالروح شكله عادي
اخر العنقود ديما عمرها 13 سنه دبدوبة جميلة فيها شبه من ناديه
بعد فترة دخلت غروب مع امها : السلام
الكل: وعليكم السلام
سلمو على كل وحده وجلست جمب البنات
العنود: جود هذي غروب اختي الثانية بعدك
جود ابتسمت باعجاب: هلا غروب
ام غروب : الحمدلله على سلامة بنتك يام سالم
الجده: الله يسلمك
شريفه: اقول يام فهد ماعرفتينا على لاخت
ام فهد: هذي افراح بنت صالح ال...
وداد: أي عرفتها موانتي رجلك متعب الله يرحمه
ام غروب ابتسمت بحزن : الله يرحمه
شريفه: ماشاءالله عليك الي يشوفك انتي وبنتك كانكم خوات
ام غروب : تسلمين يام نايف
وداد: وبنتك بمتوسط ولا
ام غروب: لا بالثانويه السنه الجايه اخر سنه
وداد: ماشاءالله عليها موباين لااله الا الله ماشاءالله تاخذ العقل
ام غروب: تسلمين
جود: اسمك بصراحه غريب
غروب: ههههههههه عارفة والله
ابتهال: خبري شروق وبلعناها بس غروب هههههههه عجيب
غروب : بابا الله يرحمه يبقى كذا
جود: لاتزعلين غروب بس موباين عليك انك بالثانوي
غروب: ههههههههه لاعادي وش دعوه
العنود: خلون نروح للصاله الثانية بعيد عن الحريم
وقفت وقالت: امل جمانه بنات تعالو للصاله الثانية
قامو كلهم وجلسو الصاله الثانية
شوق: ماله داعي بنات العبايات مافي احد
نجلاء: ايوه غروب فسخيها مافي احد
فسخو العبيات
غروب مسيحه شعرها وغرتها على وجها ومزينه شعرها باكسسوار فوشي ولابسه بدي بدرجات الفوشي وتنورة جنز قصيرة مرة وحزام بالوسط عريض وبرمودا فوشي وصندل فوشي ولابسه اكسسوار فوشي بس حاطه روج وردي وكحل
نجلاء بغيض: غروب وجع كم مرة اقولك لاتلبسين فوشي
غروب: ليه موحلو؟
شوق: ماعليك منها وربي تاخذين العقل
غروب: جود وش رايك
جود: والله لو عندي اخو كبير لخطبته لك
استحت غروب :هههههههه شفتي هذا الناس السنعه
ابتهال: نجول ماعليك منها ماينشره عليها جاهله
غروب: والله منقهرين من جمالي
ابتهال: ماعليك زود مالت
امل تهمس لجمانه: الله ياخذها الي لابسه فوشي تاخذ العقل كانها باربي
جمانه: طايرين فيها بس اكيد مواحلى منا
امل: اكيد
نادية : العنود ماعرفتينا على الحلوة
العنود: هذي غروب صاحبت ابتهال ونجول نفس اعمارهم غروب هذي بنت عمتنا نادية والي جمبها ضحى وجمانه وسارة
غروب: تشرفنا
نادية : الشرف لنا
شوق: متى عرسك ندوي
استحت ناديه : بعد شهرين انشاءالله وكلكم معزومين
الكل: تسلمين والله
العنود: خلصتي اغراضك
نادية: لاباقي اشياء خفيفة
ابتهال: اذا تبين أي شي ترى حاضرين رنه تلفون ونطلع معك
ناديه: ههههههههه اذا احتجت مراح اتردد
امل: الا يا عنود ماشفنا لعيال وينهم
ابتهال باستغراب: قصدك الصغار
جمانه: لا قصدها اخوانك وعيال اخوك
شوق: اها ليه وش تبين فيهم
امل : ابد بنسلم عليهم
نجلاء تهمس للعنود: بدينا بالتلصق
العنود: اسكتي وسايريها
شوق: بعد شوي بيدخلون بيسلمون على العمات
امل : اها ودنا نسلم عليهم من زمان عنهم
نجلاء بهمس: اقص ايدي اذا موناوية تتفسخ حتى عباتهم موراضين يفسخونها
غروب: حرام لاتظلمينهم
نجلاء: بتشوفي
جمانه: الا يالعنود ماتنشافين بالجامعه لاانتي ولاشوق
العنود: والله مكانا دايم بالكفتريا مع صاحباتنا
جمانه: بس مانشوفكم ابد
شوق: يمكن الاوقات المحاضرات تختلف وحنا سنة ثالثه بنروح
غروب: وين اسامه ماشوفه
نجلاء: عند الرجال صدعنا بالثوب الي لابسه والشماغ
غروب : حسافه ماشوف جوالي ولاكان صورته
نجلاء: كان دورتي بسيارة سواقكم
غروب: اول ماجيت عفستها ماشفتها وبعدين رجلي لحد الحين تعورني
نجلاء: الجرح بصراحه فلم وردي صاير الصندل على احمر
غروب: انقلعي وروحي نادي اسامه ابي اشوفه
نجلاء: اذا صرت خدامتك تعالي تامري
ابتهال التفتت عليهم: وجع وشفيكم
غروب وهي تمسك يدها: طلبتك قولي تم
اتهال: تم خير
غروب: هههههه روحي جيبي اسامه ابي اشوفه
سحبت ابتهال يدها: مالت عليك موتم مراح اجيبه
غروب : خلاص لاتجبينه بس اتصلي باي احد يجيبه وانا اخذه
ابتهال وهي تطلع جوالها : المشكلة انه قلبي طيب
باستها غروب: والله من زمان ادري
ابتهال وهي تمسح خدها : يععععععععع غروب انقرف بصراحه
غروب: مني؟
ابتهال: لا من الي عملتيه
غروب: ههههههههه الله يعين رجلك عيلك
ابتهال: اوووووف فهد مقفل جواله
غروب: عندك تركي اتصلي عليه
ابتهال: ترى والله اذا مارد تركي مراح اتصل على احد
غروب: طيب طيب بسرعه
(( بمجلس الرجال))
نايف: ههههههههههههه والله انك زاحف
رائد: انت اصلا لو تشوف شكله ماساه الحين
مطلق: لو جربتو الي انا جربته اشكالهم تخوف سووود بالحيل
وائل : الا صج وش نوع سيارتك الي رايح فيها
مطلق: اخذت حقت ابوي الفان
احمد: بصراحه ماينفع بالتطعيس غير الددسن
تركي : والله وانت صادق
دق جوال تركي
تركي وقف: عن اذنكم
وائل : اذنك معك
احمد: لاتخليها وتروح
تركي: ههههههههههههههههه سلام
طلع للحديقه ورد على جواله
ابتهال: هلاتركي
تركي: اهلين خير وش فيكم
ابتهال: لامافينا شي بس نبي اسامه ثواني ونرجعه لكم
تركي: طيب يلا باي
دخل تركي وجلس مكانه: اسامه تعال
جا اسامه ركض: نعم
تركي: روح لعمه ابتهال تبغاك
(( عند الحريم ))
ابتهال: ارتحتي الحين جاي
غروب: وربي تجننين احلى عمه
جا اسامه يركض وماسك شماغه يخاف يطيح
اسامه وهو يلهث : ها عمه وث تبي
غروب وهي تشيله: ياعمري تدنن فديتك ماتسلم علي انا الي ابيك موعمتك
اسامه بخجل وهو يبوسها: اثف ماشفتك (( اسف السين مايعرف ينطقها))
جمانه وهي تهمس: مالت علي وعليك ناظري حتى البزر يموت عليها وحنا قريباتهم مايطيقونا
امل: مدري وش يبون فيها كانها باربي يع بس غير تصبغ هالشعر قاهريني ليه جايبين صديقاتهم
جمانه: ولا ناظري هذي الي امها بنانيه مبسوطين فيها هي وعيونها يع مقرفين بصراحه
ضحى: وش عندكم
امل: ابد نسولف متى بيجون اخوانهم نبي نسلم عليهم
ضحى: اه بس فديت مطلق جنتل جنتل مرة من زمان عنه
جمانه: اسكتي اصلا كلهم ياخذون العقل من ملحهم مع ان امهم موذاك الزود
امل: يالغبيه يقولو جدة امهم هنديه واكيد طالعين عليها ناظري نجلاء الملامح هنديه مرة
ضحى وهي تتفحصها: أي والله توني منتبها له الشي
ام فهد : عنود شوق تعالو ساعدو الخدامات نحط عشا للرجا ل
عنود: انشاءالله ماما
جود: خاله عادي اروح معكم
ام فهد ابتسمت: اكيد حبيبتي انتي مثل بنتي
غروب: وانا بعد بقوم مع اسامه بساعدكم صح اسامه
ام فهد: ههههههههه حياك
ضحى: خلينا نستغل الفرصة ونروح معهم لازم نتلصق فيهم
امل: أي والله قومو
جمانه: ام فهد بساعدكم
ام فهد: لا يمه مايحتاج انتو ضيوفنا
امل: لاعادي يام فهد بنروح معكم
ام فهد باستسلام : يلا تعالو
نجلاءبهمس: شفتي الادب
ابتهال: أي بالمرة ام فهد وحده من خوياتها
العنود: الله يخسهم بحسبة امهم يسمونها ام فهد
جود: عادي من كثر الادب
قامو البنات للمطبخ وجلسو يحطون العشا بصحون
غروب: اسامه اخذ ود صحن التبولة لايطيح مسكه كويس
اسامه وهو ماسك الصحن وشماغه على ورى: عمتي غروب عدلي الغتلة اخاف تطيح
قرصت خدوده وشالت الشماغ: ياعمر عمتك حبيبي روح ود الصحن وبعدين احط لك الشماغ
ركض اسامه بسرعه وهو يناظر الصحن يخاف يطيح من يده
سمعو البنات شي يتكسر
حطت غروب يدها على قلبها: يمه اسامه
طلعو البنات وشافوه واقف والصحن بالارض
اسامه وهو يبكي: والله والله هو طاح ماطيحته
تقدمت امل وسوت نفسها شفقانه عليه: بس اسامه بس الغلط موعليك على الي معطيك وانت لساتك صغير
جمانه التفتت على غروب: وانتي ماعطيتي الا الصغير قدامك خدامات ماتفهمي
ابتهال: وانتي وش لك دخل ها بكيفها انشاءالله تروح للمجلس وتعطي الرجال مالك دخل فاهمه
ضحى: الله يهداك يابتهال كلام جمانه وامل صحيح وانتي تدرين انه صح والغلط على صاحبتك تعطي البزر
ناديه: ضحى اسكتي خلاص
ام فهد: خلاص يابنات مافي احد غلطان يلا بس روحو الصالة وارتاحو مانبي مساعده احد
دخلو البنات لداخل ماعدا غروب ظلت واقفه برى وقبل ماتدخل امل صدمت غروب على كتفها سوت نفسها مومنتبها
ظلت تبكي غروب رفعت راسها لام فهد: والله يخالتي ماكان قصدي والله
ام فهد بحنية: يابنتي ماصار شي المهم اسامه ماتئذى خلاص روحي حبيبتي روحي تعشي مع البنات
جا اسامه ورفع يده لغروب: عمتي حمليني
ابتسمت غروب وسط دموعها ورفعته مع انه ثقيل باسها على خدها: لاتزعلين خلاص بقول لماما تعطيني صحن ثاني عندنا كثير بس لاتزعلين
ام فهد وهي تدخل للمطبخ : خلاص قومي ياحلوة غسلي وجهك وانا بروح اكمل شغلي
اسامه : بوريك لعبتي الجديده ورى الحديقه
غروب: حبيبي روح تعشى مع الرجال وانا بشوف لعبتك الجديده
اسامه: بس تصيحين
غروب وهي تمسح دموعها ونزلو مرة ثانية: شوف حبيبي مراح اصيح وانت روح للرجال
(( عند الحريم))
جلسو الحريم مع البنات على الطاولة
نجلاء: الحقيرين مايستاهل الموقف كل هذا
جود: ياحياتي غروب ماخلو كلمه ماقالو لها
العنود: بس زين يابتهال ماسويتي فيهم يستاهلو
ابتهال: ودي اكمل عليهم بس لو موامي مريم كان وربي لاانتف شعرهم
ام غروب: بنات وين غروب ماشوفها
نجلاء تصنعت الابتسامه: هههههه جالسه تلعب اسامه بلعبته
ابتسمت ام غروب وقلبها مومريحها
قامت العنود: الحين بروح اناديها
ام غروب: جلسي يايمه بعدين اهي تجي
العنود: لابروح اشوفها
طلعت العنود لبرى من باب المطبخ ماشافت احد ودارت حديقة بيتهم من قدام مالقتها
وجلست على كراسي الحديقه وتتصل بالجوال بس جوالها مقفل
العنود: اوف وين راحت هذي
طلع نايف من دورة المياه وغسل يده ورتب شكله بيده ومشى لمجلس الرجال ولفت انتباهه شي اصفر جالس وحاط يده على خده يوم قرب شوي شافها بنت قرب اكثر ووقف على راسها
شافت العنود ظل فوقها ظنتها غروب رفعت راسها توها بتتكلم اول ماطاحت عينها بعيون نايف خافت وتوها بتقوم بس وقف نايف قبالها : مايقوم الحلو الا لمن يقول وش فيه متضايق
ماتت العنود من الخوف وزحفت شوي على الكرسي بس سد الجهة بيده وقرب وجه لوجها : فديت خالقك بس
قامت العنود تتنفس بسرعه من الخوف وراصه على اسنانها ولصقت بحافه الكرسي
نايف مستانس على خوفها وحط يده على ركبتها : مراح تقومي الا لمن تقولي وش اسمك
حبست العنود دموعها ماتنزلهم على شان واحد قليل الادب واخذت نفس عميق واخفت خوفها ورفعت حاجب ونزلت يده عن ركبتها: عند وعدك
نايف عجبه قوتها : اخليك تقومين وعد
العنود: اسمي العنود يلا وخر
نايف: اسم على مسمى عاشت الاسامي يالعنود
العنود: عند وعدك وخر
وخر نايف وهو معجب بقوتها مشت العنود ورجلها ترجف ودخلت المطبخ ورمت نفسها على اقرب كرسي رجلها موشايلتها من الخوف
توقعاتكم
|
24-09-08, 03:53 AM
جديد مواضيع قسم الارشيف
العرض العادي
