ياكثره الحب وإن ناظــــــــــــــرت ياقله

ياكثره الحب وإن ناظــــــــــــــرت ياقله
.. .. .. .. .. .. .. ياكثر ماأشــــــــــتاق له وأحن لوصاله


أرجوك ياللي تشـــــــــــــــوفه بلغه قله
.. .. .. .. .. .. .. يرضيه حـــــــــــالي ويرضا في تبـهذاله


قولوا له إني بعده أحـــــــــــيا على مله
.. .. .. .. .. .. .. أسلي الروح مع فيـــــــــــروز وأصـاله


عيني بعد راح عـــــــــــني من تكحل له
.. .. .. .. .. .. .. ازيد بإهــــــــــــــــــمالها لازاد بإهماله


ماشفت فالمملكه شخـــــــــــصٍ حليٍ له
.. .. .. .. .. .. .. حتى إني أقنع إلامــــــــــن راح في فاله


ولا جا خبر عنه مـــدري كيف أباصل له
.. .. .. .. .. .. .. ومن كثر ماأغــــليه ماأرضا بأحدٍ بـداله


ومرت عليّه سنــــــــــــــــــينٍ مالها مله
.. .. .. .. .. .. .. قربت أنا أنســـــــاه وأنسا سطوة أفعاله
.
.
وفجـــــــــــــــــــــــــــــــــأه!!!!!
.
.
.
.
.
.
.
.
.
وفجـــــــــأه أخذني بدون أدري طـريقٍ له
.. .. .. .. .. .. .. لا ماشعرت إنتبهت إلا وأنـــــــــــــا قباله


طفلٍ معه..قلت له..من ذا الطــــــــفل بالله
.. .. .. .. .. .. .. تلعثم أثر الطفل واحد من عــــــــــــــــياله
.
.
.
.
.
.
.
.
.
.
.
قــــــــــــــــــــام يتصـــدد يعقد حجاجه يفـله
.. .. .. .. .. .. .. يـفـــك أزارير ثــــوبه .. يفــهق عــــــــقاله


يقــــول بدوي لهم عــــــــــــــــــــاداتٍ مغله
.. .. .. .. .. .. .. مـــايعرفون الهـــــــــــــــــوا والحب ولياله
.
.
.
.
.
.
.
صــــــديـــــــــــــــــــــــــــت
.
.
.
.
.
صديــــــــــــــــــــــت أنا عنه ماودي أبيّن له
.. .. .. .. .. .. .. وقااطعته إسكت.. أشوف إن صمته أشواله


ياللأسف هالغــــــــــــــــــــلا ماهوب كفوٍ له
.. .. .. .. .. .. .. ياللأسف يوم أحـــــــــــــــــــــــاتي وأتحراله