كاتب الموضوع :
سلفر000
المنتدى :
القصص المكتمله
________________________________________
( الجزء الثامن )
يابوي أنا أسهر والملا ارقود
يابوي أنا عفت المنام
يابوي أنا لي قلب مصيود
مصطاب من حلو القوامي
يابوي أنا أشكي ناعم العود
يالي عليه القلب ضامي
موزة : حزن الله يهداج صبري خلينا نفهم من الدكتورة .
الدكتورة : ام مبارك انا اذكر اني مسويه لها فحوصات اظني من 3 شهور..بس ما ييوتوا تشلون الفحوصات واذكر بعد انه ريال قال انه بيتصل بعرف النتايج بس ما اتصل .
حزن : هيه هذا خالي مبارك .
الدكتورة : شو اقول لكم للاسف المرض تفشى بجسمها ..
حزن (تصيح ): مرض.. اي مرض .
الدكتورة : مرض السرطان .
( حزن من سمعت الدكتورة تقول السرطان اغمى عليها .. وموزة تصيح ماتعرف تصيح على يدتها المريضة وعلى بنت خالتها وما عرفت شو تسوي وهي بروحها والدنيا فير واهلها بالعين .. وسمت بالرحمن وهدت وحاولت التصرف كشابة مسؤولة ..
ودخلوا حزن الحجرة .. وتمت هي رايحة بين حجرة يدتها وبين حجرة حزن لين ما هلكها التعب ورقدت عدال حزن بالحجرة .. )
.....................
(بالعين – بيت موزة )
(على طاولة الريوق )
سعيد : امايا ما دقتي لموزة .
ام هزاع : امبلا دقيت بس محد يشيل الظاهر بعدها راقدة .
هزاع : امبونها مويز تحب الرقاد شو يوعيها هالحزة .
ابوهزاع : سعيد يا ولدي وانت راد من بوظبي ييب اختك وياك .
سعيد : ان شاء الله ابويه ..(وقام من على الطاولة بسير بوظبي لانه ابو راشد تعب ودخلوه المستشفى وبيزور ابو ربيعه ويقول في خاطره وهو طالع من المستشفى بيمر على يدته وبيسلم عليها وبيشيل اخته وبردون العين )
..........................
(في المستشفى )
( وعت موزة ما حصلت حزن اتروعت وين راحت هذه.. دشت الحمام ودورت بالحجرة ما حصلتها عقب سألت النيرس عنها قالت لها عند يدتها وسارت عندهن)
.....................
( في الجانب الثاني من المستشفى )
( كان راشد ظاهر من حجرة ابوه وساير الكافتيريا يتريق ومرت من عداله موزة .. يوم شافها حس عمره يتوهم معقوله هي ..لالالالالا اكيد اتوهم وعقب قال خليني اقطع الشك باليقين .. ومشى وراها لين دشت حجرة يدتها .. وتم برع هب عارف اشقايل يعرف انها هي وشوي ظهرت موزة هي وحزن .. وحزن تصيح وموزة تهدي فيها وهو يراقبهن من بعيد .. يوم شاف حزن قال لا اكيد هن لانه مرة شافهن ويا بعض يترابع بالحوي في بيت سعيد .. وقال بيروح بيسال النيرس شوبلاهن وسار )
..........................
حزن : انا لازم اتصل بخالي لازم نسفرها برع .
موزة : الله يهداج اتريي شوي بنشوفهم شو يقولون .
حزن( تصيح ) : اتريا شو يوم تضيع مني ( ودقت على خالها مبارك )
.......................
( في الطريق )
( سعيد يدق على تليفون موزة وهي ما ترد )
سعيد ( ويرمس روحه ): عنبو يا مويز الساعة بتصك 12 وانتي بعدج راقدة يالسبالة ... انا ليش ما ادق على البيت (وردت عليه سونيا وقالت كلهن راحوا ..) معقولة حتى يدتيه راحت وين بيسيرن كلهن ..خلينا ادق على حزن احسن ( ويدق عليها تليفونها مشغولة ) اووووووووه عنلاتهن الخامات بس لما اشوفهن ..
(وشوي يرن تليفونه )
سعيد : مرحبا ملايين بذمتيه فيك يا بوسنيدة .
راشد : وفيك يا بو عسكور .. اشحالك واشحال عربانك .
سعيد : بخير يعلك الخير .. انت اشحالك واشحال الوالد .
راشد : دوووووم هب يوم ان شاء الله .. الحمدلله بخير .. الا وين دارك يا بوعسكور .
سعيد : داري دار الظبي .
راشد : صج .
سعيد : هيه والله .. عطني ربع ساعة وانا عندك .
راشد : هالله هالله في السواقه.
سعيد: ان شاء الله .
راشد : وداعة الرحمن .
سعيد : وداعة الكريم .
( وبعد ما بند راشد من عند سعيد قال في خاطره اكيد اهله فيهم شيء )
.......................
(بيت نورة )
نورة : وين سارن .
سونيا : انا مافي يعرف .
نورة : الخامات .. من وراي .
سونيا : سو يقول مدام .
نورة : ماشي يالله مع السلامة ( وبندت في ويه سونيا قبل لاترد عليها ) ( وترمس عمرها الخاينات توني متواعده وياهن البارحة وسارن وخليني .. خليني ادق على حزن واهزبها ..وتدق على حزن كله تليفونها مشغول .. اووووه هذا وقته ترمس منو هذي الحينه ويلست تتحرطم على موزة وحزن )
.........................
كبيرة في حقي يوم فكرت تهجرنــي
وانــا بالغــــلا عطيتـــــك كل أيامـــي
لا تفتكـــر إنــك بهجرك اتـــداوينـــي
تراك زدت في جرحـــوحي وهمـــي
(وبعد ساعة وصل خال حزن وهو ساير حجرة امه وسعيد ظاهر من حجرة بو راشد )
سعيد : يالله بو سنيدة .. تستاهل سلامة الوالد .
راشد : الله يسلمك يا بوعسكور .
( وشوي يحدر عليهم مبارك بس هب منتبه لهم وسعيد انتبه لخاله واترخص من راشد ولحق خاله وتم يزقر )
سعيد : خالي مبارك .
مبارك ( ويلتف لسعيد ): سعيد .
سعيد : اشحالك خالي .
مبارك : بخير ربي يسلمك .
سعيد : خالي شو يايبنك الظهر المستشفى .
مبارك : حزن دقت لي وقايلة امايه تعبت عليهم الفير ويابوها
ورقدوها.
سعيد : متى محد دق علينا .
مبارك : وانت ليش ياي ؟
سعيد : انا ياي ازور بو ربيعي متعوق .
( ودشوا مبارك وسعيد على ام مبارك وهي كانت راقدة .. وحزن وموزة يالسات عدالها وحالتهن يرثى لها وموزة يوم شافت سعيد رمت روحها في حضنه وتمت تصيح لانها من الصبح متحمله وتخفف على بنت خالتها وهي بعد محتاجة حد يخفف عليها وسعيد يهدي فيها وقالها تسير الحمام تغسل ويها مع انه سعيد كان مفول منهن لانهن ما دقوا وخبروهن ولما شاف حالتهن .. هدى شوي .. المهم وعقب 10 دقايق دقت نورة على حزن وحزن ماردت لانها مالها خلق ترد وهي بهالحاله وموزة شلت التلفون وطلعت برع الحجرة ترمس نورة )
نورة: عنلاتج يالخامة لي ساعتين ادق وكله مشغول .
موزة (بحزن ): هلا نورة اشحالج .
نورة( وحست بصوت موزة المتغير ): موزة فديتج شو بلاج .
( وخبرت موزة نورة اللي استوى وياهن وربع ساعة ويت نورة مع منصور اخوها )
..................
(في العين – وبالتحديد بيت سعيد – )
ام هزاع ( واهي تصيح ) : اللهم لا اسالك رد القضاء ولكن اسألك اللطف فيه .
هزاع : امايا الله يهداج ان شاء الله ما عليها الا العافية .
ام هزاع : يارب عافيها يارب .
( وما اتريت انها تيلس وخلت هزاع يوديها المستشفى وبعد ساعة ونص كان الكل عند ام مبارك الا محمد وعياله لانه مسافر )
...........................
(في المستشفى )
مبارك : لا الله يخليج ماشي غير هالعلاج .
الدكتورة : للاسف اخوي انتوا وايد تاخرتوا ماشي غير المسكنات والعلاج الكيماوي .
مبارك : لاحول ولا قوة الا بالله ..انزين بنسفرها يمكن شيء عندهم علاج برع.
الدكتورة : اخوي لاتعب عمرك بيقولون لك نفس الرمسة .
......................
(ورد مبارك الحجرة وخبرهم باللي قالته الدكتورة والكل صاخ يستمع لابو سهيل وتقاطعه حزن )
حزن (تصيح ) : نحن ما علينا منها .. الله يخليك يا خالي لا تخليها تضيع مني ..ما بقالي في الدنيا غيرها ..
( وهني مبارك خذته العبرة وقرروا انه بيدزون ارواقها لندن ويعالجونها هناك ..وطبعا الشباب كلهم برع الحجرة لانه نورة كانت ويا البنات في الحجرة .. )
......................
راشد : لاحول ولا قوة الا بالله .. الله يشفيها ان شاء الله .
سهيل : امين الله يسمع منك .
هزاع : الا ما قلت لي راشد شو تسوي هني .
راشد : الله يسلمك البارحة ارتفع الضغط على الوالد ويبناه ..
هزاع : يالله تستاهل سلامته .
راشد : الله يسلمك .
منصور : انزين شو قالوا لكم .. ان شاء الله لها علاج .
سعيد : قالوا ماشي غير الكيماوي والمسكنات .
خليفة : بس ابويه قال بيسفرها يمكن الخارج شيء علاج .
منصور: ان شاء الله يحصلون لها علاج .
الكل : امييييييييييييييييين .
( وعقب ثواني يدق تليفون منصور وكانت نورة اخته تقول انها بتسير البيت .. وعقب ماطلعت من الحجرة كان واحد يطالعها من كثر ما يطالعها بغت عيونه تطلع اكيد عرفتوه سهيل المغازلجي بس ابشركم انه سهيل من شاف نورة اتعدل حاله ما استوى يغازل غدى ريال ينشد فيه الظهر .. وودرالسوالف البطالية وكل يوم حشراخته وهو يتخبرعنها .. وكل يوم يفكر فيها استوت غناة الروح واشقايل ما يفكر فيها .. المهم عقب ما طلعت نورة وسارت ويا اخوها اللي ترخص من الشباب وسار عنهم )
هزاع : سهيييييييييلوه وصمخ .
سهيل (وتوه ينتبه ): ها هزاع بغيت شيء .
خليفة (يضحك ): اللي ماخذ عقلك هههههههههههه.
( وتموا الشباب يتمصخرووووووون على سهيل .. وعلى العصر رخصوا ابو راشد ورد البيت .. وما اخبي عليكم راشد من يوم شاف مويز طول الوقت يفكر فيها .. وحتى هي بعد تفكر فيه بس المصايب اللي طاحت فوق راسهم مرة وحدة ما خلتها تصارح ربيتعها الروح بالروح.. والله حاله ناس عاشقة وناس الحزن بيجتلها )
..............................
( وعقب اسبوع دزت المستشفى التقارير وقالوا يبغون ام مبارك تييهم وفعلا في يومين زهبت حزن عمرها لانها بترافق يدتها ولازم طبعا ريال يسيروياهن فسارخالها مبارك وياهم )
..........................
(في المطار )
( الكل متيمع يودعهم )
موزة ( واهي تمسح دموعها ) : حزوووووونه فديتج كل يوم دقي علي .
حزن ( تصيح ): ان شاء الله فديتج .
مبارك : سهيل ابويه.. دير بالك على امك واختك واخوك .
سهيل : ابويه لاتوصي حريص ..
سعيد : خالي يوم توصل دق لنا تليفون طمنى.
مبارك : ان شاء الله .
( وودعوا الاهل المسافرين وردوا كلن بيته )
.....................
( بيت روضة – وبالتحديد بالميلس-)
ولا تزعل ولا تتعب شعورك
ولا تاخذ على خاطرك مني
(هزاع هو وزوجته يالسين بروحهم في الميلس لانه روضة زعلانه من هزاع )
هزاع : افا الحلو زعلان مني .
روضة :...................
هزاع : يالله عاد رويض ما يستوي جي .. من سافرت يدتيه وانتي ما ترمسيني .. ادق لج تليفون بعد ماتردين .. اطرش مسجات بعد تطنشيني .. يالله عاد قلت لج اسف .
روضة : وين اصرفها هاي .
هزاع : افا والله .. ماترومين تسامحيني على غلطه صغيرونه هالكبر (ويسوي حركة باصبوعه )
( وتمت روضة هب راضية تسامح هزاع لانها يوم كانت في المستشفى كان هزاع يرمس الدكتوره يبغي يتطمن على يدته وهالخبله غارت ليش هو اللي يرمسها والشباب كلهم موجودين ومحد رمس الدكتورة .. الا هو .. وتمت ما ترمسه لا تليفون ولامسجات وكل يوم والثاني مطيح عندهم .. لين في الاخير يالله سامحته .. صج الغيرة تذبح .. اذا جي من اولها الله يعينك ياهزاع على طبايع زوجتك ..)
.....................
( في لندن )
(على طول حطوا اغراضهم وساروا المستشفى لانه ام مبارك تعبت واااااااااااايد عليهم في الطيارة وساروا المستشفى .. وطلع ماشي غير العلاج الكيماوي .. يه يسونه ولا بتضيع منهم العيوز وفي الاخير رضوا انه يسونه وسووا لام مبارك العلاج الكيماوي وكان على فترات يعني كل ست شهور جرعة ..)
.......................
(في الامارات وبالتحديد في ابوظبي)
( في الشركة )
راشد ( معصب ) : اشقايل سافر.
رشا : ما ادري استاز..بس من يوم كان الوالد الله يحفظه بالمشفى قالي انه بيسافر .
راشد (مفول ): اوكيه سكري المكتب وعطي المفاتيح للفراش ..واذا اي حد طلبهم لاتخلين الفراش يعطيهم اياه سمعتيني .
رشا : امرك استاز .
(وظهر راشد ساير البيت يخبرك ابوه باللي استوى..واللي استوى انه حمد الاخ العود المصون.. يوم ابوه كان مرقد بالمستشفى ابوه طبعا عطاه توكيل عاام وقام الاخ حول كل الممتلكات باسمه وشل الفلوس اللي بالخزنة وشرد.. سافر برع محد يدري عنه وين ذلف ..ويوم راشد خبره ابوه باللي استوى ..)
بو راشد ( وهو هب مستوعب ) : شووووووووو.. شو قاعد تخرف انت .
راشد : ابويه هالصج انا سرت شيكت على بالمطار على اسمه ..ورشا قالت لي اللي سواه ..
( الاب ما تحمل رمسة راشد وعلى طول طاح عليهم وشله راشد ووداه المستشفى .. بس هالمرة هب شرات كل مرة يتعب يرتفع عنده الضغط ولا السكر.. لا هالمرة كانت جلطة في القلب..)
راشد (مصدوووم): شوووووو.. جلطة .
الدكتور : للاسف اخوي هاللي استوى الظاهر تلقى خبر شين واهو ما يستحمل .
راشد : كل مني انا السبب .
الدكتور : صلي عالنبي يا اخ راشد هذا مقدر ومكتوب .. ونحن ما نعترض امر الله .
راشد : ونعم بالله .
( وسار عنه الدكتور وخبر امه باللي استوى لابوه وعالطول يت امه على المستشفى ويا الدريول مالهم )
....................
راشد : امايا الله يهداج لو اعرف انج بتسوين جي كان ما خليت الدريول ييبج .
ام راشد ( تصيح على ريلها ) : لاحول ولا قوة الا بالله .. اللهم لا اسالك رد القضاء ولكن اسالك اللطف فيه .. انزين اخوك السبال الثاني محمد وينه .
راشد : ما ادريبه والله .
ام راشد : اتصل فيه خليه ييي يشوف ابوه مسود الويه هايت لانصاف الليول .
راشد : ان شاء الله .
( ويتصل راشد في اخوه محمد عسب يخبره باللي استوى .. واكيد محمد ولاهو داري باللي مستوي.. لا انه اخوه سرق ابوه وشرد ولا ابوه بالمستشفى والسبه ولده العود اللي فضلهم على بنته الوحيدة ودلعهم وما قصر عليهم بشيء يسون جي .. الله يا دنيا وصدق المثل اللي قال ان اكرمت الكريم ملكته وان اكرمت الليئم تمردى .. المهم ويرن تليفون محمد )
ترررررررررررن ترررررررررررررررن
(في السيارة)
......: محمد حبيبي رد عالتلفون .
محمد: ما عليج منه هذا رشود اكيد العيوز قالته له يتخبرني انا وين هالحزة .
........: ما عليه رد .
محمد : ما عليج .. خله يولي .
( وما رد محمد على راشد وطبعا محمد يالس مع وحدة من
الخايسات اللي متعرف عليهن كل يوم والثاني )
.......................
( في المستشفى في ابوظبي )
( الساعة 2 الفير .. وردت ام راشد تقول لولدها يرد يتصل في محمد )
راشد : امايا مابي يرد علي .. يعني ما تعرفين محمد .
ام راشد : راشد عسب خاطريه دق مرة ثانية .
..............
(ورد يدق وفعلا عقب دقايق رد )
راشد ( مفول ويبتعد عن امه شوي عسب ماتسمعه ): انت وينك مسويه الويه ابوك طايح وانت.........
.......: عفوا اخوي انت تعرف صاحب التلفون .
راشد : هيه هذا تليفون محمد اخوي.. منو انت .
.......: اخوي انا الشرطي واخوك مسوي حادث وانقلبت فيه السيارة .
راشد : شووووو حادث .. انزين اي مستشفى .
الشرطي : مستشفى الجزيرة.
راشد : انزين اخوي انا الحين ياي .
( وبند راشد من الشرطي واتسحب عسب امه لاتشوفه وسبحان الله كانوا في نفس المستشفى .. )
سو الي براسك ولاتذكر اسباب لاصرت بايعني توكل على الله
مابيني وبينك مشاريه وعتاب شف دربك الي جيت منه تدله
.................
(وخبر الشرطي راشد انه اخوه كان مسرع وانقلبت السيارة فيه وكانت وياه وحدة وماتت واخوه في غرفة العمليات)
راشد : لاحول ولا قوة الابالله .. انا من وين بحصلها ياربي من اللي شرد ولا من ابوي الطايح ولامن هذا ولا من الفقيرة اللي يالسة هالكه عمرها من الصياح .
الشرطي : صلي على النبي يا خوي .. هذا امر الله .
راشد : ونعم بالله .
( طبعا محمد كان ساير الشقة اللي مأجرها للخايسات وكل يوم والثاني يايب وحدة .. بس سبحان الله كيف كانت ارادة الله ..الله يمهل و لا يهمل .. وهو ساير صك الطبولون وانقلبت فيه السيارة اربعه مرات اللي شاف الحادث قال مستحيل يظهر اللي بالسيارة حي .. وتوفت البنت اللي كانت وياه وخبروا اهلها .. واهلها انصدموا اشقايل بنتهم تسوي جي طبعا
هاي كانت من ربيعاتها ربيعات السوء اللي عرفنها على محمد.. دش محمد غرفة العمليات وما ظهر الاعقب اربعة ساعات وحطوه بالعناية المركزة لمدة اربعة وعشرين ساعه تحت الملاحظة لانها حالته كانت خطرة وايد .. وراشد على اعصابه يروح عند امه ويرد عند اخوه لين ما اتطمن على اخوه سار عند امه وطبعا ما خبرها )
.....................
( اليوم الثاني- الساعة ثمان - لندن)
(حزن وخالها سايرين المستشفى طبعا ما خلوه حزن تبات عند يدتها .. قالوا ماله داعي )
حزن : يالله خالي .. بنتاخرعلى امايا .
مبارك : انزين الحينه ياي .
( وظهروا من الفندق وشلوا تاكسي وساروا المستشفى وعقب ما وصلوا ودشوا عند ام مبارك )
حزن(بابتسامة ): صباح النور لاحلى امايا بالدنيا (وتحبها على راسها )
ام مبارك : صباح النور فديتج .
(وتموا يسولفون وعقب ظهر حزن تتشرى من الكافتريا ريوق لها ولخالها لانهم ما تريقوا ..)
ام مبارك : مبارك دير بالك على حزن .. وصيتي فيها انتبوه عليها .
مبارك : الله يهداج امايا .. حزن في عيوننا لا تحاتين .
........................
(بيت سعيد – الساعة 3 بعد الظهر )
(حجرة سعيد )
سعيد : لا يا ريال .. لا تقول حليله بو سنيدة ما يستاهل .
احمد : بتسير وياي ولا بتسير بروحك .
سعيد : لا بسير وياك اخطف علي عقب 10 دقايق .
احمد : اوكيه يالله برايك .
.......................
( طبعا ابوه راشد ما اتحمل الجلطة واتوفى .. بس قبل لا يتوفى زقر راشد وطلب منه انه يدور اخته ويتسامح منها ويخليها تسامح ابوه .. لانه غلط فيها وراشد استغرب من هالطلب لانه امه قايلة له انها بنت حرام .. بس عقب امه اعتدل حالها وقالت انها كانت منقهرة من امها فقالت جي عنها واصلا هي اختهم من الاب هب بنت حرام .. بس يوم انولدت حزن.. ابو راشد كان يبغي ولد لانه الاولاد يشدون الظهر ويعتمد عليهم على قولته .. ونفس الفترة خسر وفلس فاعتبرها نحس عليه وتبرى منها وطلق امها لانه يوم عرس عليها كل المصايب يته من كل صوب فاعتبرها فال شر عليه وطبعا محد يقول غير هالرمسة الا ضعيف الايمان اللي ما يخاف من الله .. بس وين رايح من عقاب الله اظن هذا عقاب الدنيا ويا ويله من عقاب الاخرة )
......................
(طبعا سعيد خبر اخوه وعيال خاله عسب يحضرون العزا .. وفي العزا ..)
سعيد : عظم الله اجرك بوسنيدة.
راشد : اجرنا واجركم .
سهيل : راشد وين اخوك محمد بعزيه .
(وخبرهم راشد باللي استواله )
سهيل : لاحول ولا قوة الا بالله ..عيل برايكم بسير ازور .
(واترخص منهم وظهر )
.....................
اسال عليك الليل واقول وينك
روحي وعيني يالغلا يسؤلونك
عهد المحبه صدق بيني ويبنك
وانا الوفي اللي يحلف ما يخونك
(في حجرة موزة )
( موزة منسدحه على شبريتها وتفكر في منو ياترىاكيد في حبيب القلب .. وتقول في خاطرها حليله من زمان ما شفته.. ويقطع عليها حبل افكارها التلفون )
ترررررن ترررررررن ترررررررن
موزة : مرحبا ملايين في ذمتيه ببنت خالتي القاطعة ولا يسدن بج .
حزن : بالمهلي فديتج .. اشحالج وااشحال خالوه وكلهم .
موزة : نحن بخير يعلج الخير .. وانتول اشحالكم واشحال يدوه.
حزن : الحمدلله لين الحين الحالة مستقرة .
موزة : الحمدلله .. والله تولهت عليج يالدبة .
( وتمن البنات يسولفون .. وعقبها بندت حزن من مويز وقالت انها خسرتها فاتورة ..)
............................
(في المستشفى )
(في حجرة محمد وبعد ما عرف شو اسوى بابوه تم يصيح )
سهيل : صلي على النبي ياريال واذكر الله .
محمد : هذا كله منا ..نحن عياله شوف شو سوينا فيه اكيد مات قهر منا .
سهيل : يا ريال هذا امر الله وكله مقدر ومكتوب.
محمد : ونعم بالله .. بس تدري هذا عقاب من رب العالمين باللي سويناه ( وتم يصيح ) يا رب سامحني .. يارب انا وايد اخطيت يارب سامحني..
( وسهيل دمعت عينه من اللي شافه .. فعلا انه الله يمهل ولا يهمل .. محمد انشل من عقب الحادث ومابى يمشي طول عمره بيستوي كسيح .. سبحان الله هذا عقابه في الدنيا الله يعينه على عقاب الاخرة .. هذا لانه كان مستهترومايخاف الله ويقص على بنات الناس .. وكل يوم والثاني بالشقق والله العالم شو يسون .. هني حس محمد بغلطته ويا ترى هل بيعتبر ولا لأ.. وانتوا بعد لازم تعتبرون .. وظهر محمد من المستشفى عقب يومين واستوى حبيس حجرته ما يظهر منها مووووول حتى للصالة .. طبعا حزن ماتعرف انه ابوها توفها ولا اهلها عرفوا.. )
..........................
( لندن )
( وعقب اسبوع في الفير اتصلت المستشفى بمبارك عسب ييي لانه حالة امه تدهورت وعلى طول شل حزن وظهروا للمستشفى )
مبارك : ها دكتور شياها امايا ( طبعا يرمسه انجليزي وانا اترجم ).
الدكتور : للاسف ما اتحملت الجرعة كلها .. وما قدرنا نلحق عليها .
( حزن من سمعت الدكتور انطمت ولا قالت ولا كلمة ولاشيء ولا دمعت ولا شيئ..تمت ساكتة يمكن من الصدمة من الذهول ما تعرف اشياها ..
مبارك حمد ربه انه امه ماتعذبت وااااااااايد وهذا قضاء الله وقدره وكلنا سايرين بهالدرب .. وسوا الاجراءات وبيردون عقب باجر الامارات والجثة وياهم وخبر اهله و واتصل على اخوه محمد وقالهم على العزا ..)
رحلت ومن بقى وياي
يحس بضحكتي وبكاي
حتى الجرح في بعدك
يغزيني أهليبه
أنا من ليفي هالدنيا
سواك ان طالت الغيبه
فقدتك يأعز الناس
فقدت الحب والطيبه
(في الطيارة )
مبارك : حزن فديتج لاتسوين في عمرج جي .. تعرفين انج تعذبينها.
حزن :.......( ولا كانها موجودة وخالها عيز وهو يبيها ترمسه واهي من سمعت الخبر ولا نطقت ولاصاحت.. جنها انخرست)
************
________________________________________
(الجزء التاسع)
خلاص كرهتك....... يا زمن ياللي عن شوف الاحباب تحرمني
خذاك القدر مني ... و باعد بينك و بيني ... و هذي حكمة المولى ... تفارقني و تخليني
( ردوا حزن وخالها وجثة اليدة وكانوا سعيد وسهيل هم اللي استقبلوهم في المطار .. ووياهم سيارة الاسعاف عسب الجثة وسار سهيل المستشفى ويا الجثة والخال وحزن ردوا ويا سعيد .. ما اخبي عليكم سهيل وسعيد يوم شافوا حزن انصدموا وايد منها لانها ما كانت تصيح اتوقعوا اكثر وحدة بتصيح بس استغربوا منها ساكته حتى ماترمس.. ومحمد وعياله على اول طيارة ردوا البلاد .. وطبعا كان العزا في بيت ام مبارك في بوظبي .. ودفنوها في المقبرة اللي على طريق بوظبي وصلواعليها وردوا البيت عسب العزا )
...............
( وحزن اول ما وصلت على طول سارت لحجرتها وقفلت على عمرها الباب .. وخالتها وحريم خوالها في ميلس الحريم يستقبلن الحريم اللي ين يعزن .. وروضة وموزة ونورة .. في المطبخ يتساعدن ..)
..............
( في حجرة حزن )
(حزن يالسة على في الارض ضامة ريولها وموطية راسها على ريولها ومبندة الليتات .. ساكتة لانها هب مستوعبة انه ام مبارك ماتت وراحت عنها.. وشوي موزة تدق عليها الباب)
موزة : حزن فديتج بطلي الباب .
حزن : ..................
موزة : نورة يت تبغي تشوفج .
حزن : ..................
روضة : قلت لج ماشي فايدة ..هي من ردت من المطار الصبح وهي قافلة على عمرها وهب طايعة تبطل لحد حتى عمتيه وامايا وحرمة عمي محمد ..
نورة : ما عليه خلوها اكيد اعصابها تعبانه .. ومن تهدى بتتطلع .
موزة: انا زايغة عليها لاتسوي بعمرها شيء .
نورة: لا انت الظاهر ما تعرفين حزن كثري حزن عاقلة وما تسوي بعمرها شيء(ونزلن البنات تحت بالصالة ييلسن .. وحزن كانت تتصوخ رمستهن وتتقطع من داخل وتقول في خاطرها انا عاقلة ..آآآآآآآآآآآآآآآآآآآآآآآآآآآآآآآآآآآه اي عقل بيتم فيني .. آآآآآآآآآآآآآآآآآآآآآآآآآآآه.. آآآآآآآآآآآآآآآآآآآآآآآآآآآه.. آآآآآآآآآآآآآآآآآآآآآآآآآآآه.. آآآآآآآآآآآآآآآآآآآآآآآآآآآه.. آآآآآآآآآآآآآآآآآآآآآآآآآآآه.. آآآآآآآآآآآآآآآآآآآآآآآآآآآه.. آآآآآآآآآآآآآآآآآآآآآآآآآآآه.. آآآآآآآآآآآآآآآآآآآآآآآآآآآه.. آآآآآآآآآآآآآآآآآآآآآآآآآآآه.. امايا ليش هديتيني .. ليييييييييييييييش انت تعرفين انج روحي وحياتي والهوى اللي اتنفسه ليش تسيرين عني .. ردي لي دخليج .. بسمع رمستج وما ابى اذي حد وماابى اسير الصالون اتعدل ولا بسوي اي شيء يزعلج .. بس تعالي ..
آآآآآآآآآآآآآآآآآآآآآآآآآآآه.. آآآآآآآآآآآآآآآآآآآآآآآآآآآه.. آآآآآآآآآآآآآآآآآآآآآآآآآآآه.. آآآآآآآآآآآآآآآآآآآآآآآآآآآه.. آآآآآآآآآآآآآآآآآآآآآآآآآآآه.. آآآآآآآآآآآآآآآآآآآآآآآآآآآه..
دخليج لا تسيييييرين وتودريني ..)
..........................
(في الصالة )
( الكل متيمع بعد ما ساروا العرب .. الشباب في الميلس والبنات يالسات بالصالة اللي فوق والحريم ويا الرياييل بالصالة اللي تحت)
ام هزاع : والله اني وايد خايفة عليها ..
مبارك : الله يهديها موول ما ترمس علىالاقل ولو تصيح برتاح اما انها لاترمس ولاتصيح .. بصراحة وانا بعد خوفتني عليها وخاصة انه امايا موصتني عليها وااااااااايد .. وكانت اخر مرة شفتها قالت لي ديروا بالكم عليها .
ام سهيل : حليلها والله ماتستاهل اللي ياها .
محمد : كيف بعد لو عرفت انه ابوها اتوفى قبل اسبوع .
الكل ( صد صوب محمد ): شوووووووووووو .
مبارك : توفى ..منو قالك .
محمد : جمعة بن سالم .
مبارك : لا حول ولاقوة الا بالله .. سمعوا لحد يخبرها عقب ماتهدى نفسيها بنخبرها ..
( وشوي تربع روضة تنزل تحت )
روضة ( بخوف ): ابويه الحق حزن .
مبارك : اشياها .
روضة : ما ادري تصارخ واتكسر اغراضها ..
( والكل ربع صوب حجرتها ومبارك قال لروضه تزقر حد من الشباب اللي بالميلس عسب يكسر الباب وسارت تزقرهم ويوا كلهم )
....................
(برع الحجرة )
مبارك : حزن بطلي الباب ( وحاول انه يبطله بس ما رام ).
محمد : حزن .. انا خالج عسب خاطريه
بطلي الباب ..
( ولكن لامجيب لمن تنادي .. حزن خلاص ما رامت تود عمرها وتصارخ وتكسر اغراض حجرتها وتزقر ام مبارك ترد لها .. لكن عمر الميت ما يرد .. وعقب سعيد وسهيل كسروا الباب .. وحصلوها يالسة تصييييح وشكلها يروع وايديها تنزف لانها كسرت المنظرة .. ويالسة بالارض .. الشباب على طول ظهروا برع خليفة وسعيد اخذتهم العبرة لما شافوا حزن هالانسانة البريئة اللي دوم ما تحب تغيظ احد ولا تزعل احد يستوي فيها جي .. وعلى طول ام هزاع لوت عليها وتمت تصيح وياها .. ويابوا لها اسعافات اولية وربطوا ايديها وام هزاع خلتهم كلهم يظهرون برع وشلتها بحضنها ورقدتها ويلست تقرى عليها وباتت وياها لانهم ما يرومون يخلونها بروحها )
............................
( الكل رقد الشباب ويا خوالهم رقدوا بالميلس .. وام سهيل ويا ام عبد الله وعبدالله وسلامة رقدوا بوحدة من الحجر اللي بالطابق الارضي وموزة وروضة رقدن بالحجرة اللي فوق عدال حجرة حزن ..وعت حزن على الساعة 4 الفير واهي تصيح ووعت على صوتها خالتها ..)
ام هزاع : بسم الله عليج غناتي اشياج .
حزن ( ونفسها مقطوع من الصياح ): حلمت بامايا تقولي تعالي يا حزن انا بروحي .. تعالي ونسيني..
ام هزاع ( اتروعت ) : بسم الله عليج ما عليه غناتي هذا الا حلم ( وتمت تقرا عليها )
............................
(محمد رد هو وعياله فرنسا لانه دورته بعدها ماخلصت وعقب شهرين من وفاة العيوزالكل متجمع في بيت ام مبارك (الله يرحمها ) عسب الوصية اللي خلتهم يكتبونها وما تتبطلت الا عقب شهرين من وفاتها )
( في الصالة )
مبارك : امايا قبل لاتتوفى .. كتبت وصيتها وهي انه البيت وكل ممتلكاتها تسير الى حزن ..(وياشر على اخته ام هزاع عسب تقول اللي امها موصتنها علي )
ام هزاع : وانا بعد امايا قبل لا تتوفى .. كانت تتمنى تشوف حزن عروس ( هني دمعت عيون حزن ).. ووصتني عليها وااااايد .. وكانت تبغيها لــــ سعيد ( سعيد من سمع اسمه انصدم وحس الدنيا بندت ابوابها في ويهه وعلى طول شل عمره وظهر .. وخليفة وده يصارخ ليش سعيد يأخذها وانا وين .. انا احبها ليش تبون تحطموني وطبعا كان حوار مع نفسه و اترخص منهم وظهر .. وحزن ولا قالت شيء لا هيه ولا لأ .. طبعا البنات استانسن وايد وخصوصا موزة .. لانها بتسوي مرت الغالي واهي الغالية وعلى قولتها يناسبون بعض .. واتفقوا انه بيملجون بالمحكمة وانه العرس بيكون ويا هزاع وروضة يعني عرس مشترك .. وكل هذا يسولفون على كيفهم واصحاب الشان كنها ولا يخصهم .. حزن ما اعترضت لا نها وصية الغالية وسعيد سوالها طاف لانه حتى لو ما وافق غصبا عليه بياخذها )
...............................
(وكل يوم حد يرقد مع حزن مرة خالتها ومرة مرت خالها مبارك .. وقالوا يوم بتملج على سعيد خالتها بتييبها عنها بتيلس لين العرس لانهم ما يرومون داقين خط من العين لين بوظبي .. المهم وحددواالملكة عقب ثلاث اسابيع على راي العروس .. المهم وعقب اسبوع من سالفة الوصيه استوى سعيد موول ما يداني ييلس في البيت ومول يوم يذكرون حزن وسالفة الملجة يتمنى يموووووووت ولا ياخذ حزن ..ومرة من الايام كان يرمس القلب(ظبية) في السيارة )
ظبية(تصيح ): يعني بتتخلي عني ..
سعيد ( وحاس بعمره خلاص هب رايم يسكت ): حبيبي .. بس الله يخليج .. انا مستحيل اخليج وبرمس امايا تخطبج لي وان ما طاعت بيي وبخطبج واخليهم عند الامر الواقع ..
( وفرحت ظبية من رمسة سعيد وحاول يهديها ويواسي عمره وبند منها ودش البيت عسب يرمس امه ودش الصالة ما حصل احد وسار حجرة امه ودق الباب ودش وحب راس امه )
ام هزاع : ها فديتك تبغي شيء .
سعيد ( موخي راسه ): امايا بصراحة ابغي ارمس بموضوع من زمان كان خاطري افاتحج فيه بس ما استوت فرصة وفاة خالتيه ومرض يدوه ووفاتها .. ما عطوني مجال ..
ام هزاع : ها فديتك ارمسه اشعنه ..
سعيد ( بعد فترة صمت ): اممممممم .. ابغي اعرس .
ام هزاع ( بابتسامة ): انزين بتعرس ترى ملجة عقب ثلاث اسابيع .
سعيد : بس .. انا ابغي وحدة غير حزن .
ام هزاع ( اعتفس ويها ): شووووو..(وقاطعها سعيد )
سعيد : امايا دخليج انا احب هالبنية من اربع سنين وما اتخيل اني اعرس على حزن .. حزن شرات موزة اشقايل اعرس عليها .
ام هزاع ( وبدت تعصب ): اسمعني عدل سعيد .. بقولك كلمتين حطهم براسك وماشي غيرهم .. حزن بتاخذها ان رضيت ولا انرضيت .. وماشي غيرها والله ثم والله يا سعيد ان ماخذيت حزن وخذيت اللي تباها لا انته ولدي ولا انااعرفك وبتبرى منك ليوم الدين ..
سعيد : بسسسسسس
ام هزاع : هاي رمستيه وماشي غيرها .. ان كان انت ولد خالتها وتعرف انها يتيمة وما لها حد الا انت وتقول جي عيل مالوم الغريب .
سعيد : انزين ليش سهيل ما ياخذها .
ام هزاع : سهيل بياخذ موزة ( هني سعيد حس الابواب بندت في ويهه وخلاص ماشي امل اقتلوه حبه قبل لا ينولد وظهر من حجرة امه وسار لين سيارته وظهر من البيت وسار للبحر يشكي له همه .. واهو واقف على البحر رن موبايله )
ترررررررررن ترررررررن
ظبية : شو ما رقد حبيبي .
سعيد : لا ما ياني رقاد .
ظيبة : ها بشر خبرت امك .
سعيد ( بعد فترة سكوت ): هيه ..بس
ظبية : بس ما وافقت صح .
سعيد : انا ما عليه منهم اتزهبي باجر انا ياي اخطبج .
( وتموا يسولفون وعقبها بندوا ورد سعيد البيت )
...............................
أحبك لو بغيت أنساك ما أقدر
أحبك لا تسال القلب اصبر
احبك من زمن يوم الطفوله
ويوم الوقت احلام وتصور
(بيت سهيل )
(حجرة خليفة)
(من يوم الوصية ماانقالت وخليفة مووووول مايظهرمن البيت تعبت حالته النفسية وايد حتى امه اتروعت شو يا على ولدها وشو اللي قلب حالة ويوم يسالونه يقولوهم عسب امتحانات الثانوية العامة قربت .. ودوم حزن ماتفارق خياله ..حزن تحب خليفة وايد بس حب اخوي حب الاخت العوده لاخوها الصغيرون اللي انحرمت منه .. ويمكن خليفة فسر هالاهتمام شيء ثاني .. دوم كانت تحب تسولف وتهتم فيه اكثر من الباجين يمكن لانه اصغر واحد وكلهم اكبرعنه ..)
.......................
( وشوي يدق الباب )
خليفة (منسدح على شبريته ): منووووووو.
سهيل : انا سهيل .
خليفة:دش الباب مفتوح.
(ودش سهيل ويلس على طرف الشبرية )
سهيل : ياخي شو بلاك .. شيء مستوي خبرني انا اخوك.
خليفة ( وعاط ظهره لسهيل ): ماشي سهيل دخليك خلني بروحي ..
سهيل : والله ياريال ما اخليك قم بنسير بوظبي بنيب امايا .
خليفة : سهيل دخليك ما ابي اسير.
( واصر سهيل انه يشل اخوه ويظهر من العزلة اللي حط عمره فيها وساروا بوظبي )
..............................
(بيت موزة )
موزة : امايا انا بسير وياج .
ام هزاع : انتي يلسي ويا ابوج واخوانج .
موزة : امايا حرام عليج ابويه بسير العزبة .. وهزاع اربعة وعشرين ساعة مطيح عند رويض .. وسعيد بوديج ..دخليج امايا .
ام هزاع : انزين بس كلتي فؤادي يالله سير اتزهبي عنج عشر دقايق .
( وطارت موزة طيران عسب تتزهب وساروا ويا سعيد بوظبي عند حزن .. وام هزاع في البداية استغربت شو ياه سعيد بوصلهم .. بعدين قالت يمكن الله هداه وسمع رمستها وطول الطريق الكل ساكت )
.......................
( بيت نورة )
نورة : امايا تراني بسير .
(ومنصور توه داش من برع ): على وين ان شاء الله .
نورة (بابتسامة ): على حمر عين .
منصور (بسخرية ): هاهاهاهاهاها ..صج وين سايرة
نورة : بسير امريكا يعني وين بسير حدي بيت حزن .
منصور (بابتسامة): اها حزن .. اللي هي شخبارها .
نورة : الحمدلله وايد احسن عن قبل .. يالله برايك
منصور:مع السلامة .
( وظهرت نورة من بيتهم .. وتفكر منصور يوم اطري حزن دوم يبتسم غريبة شو سالفته هذا واهي ماشية وترمس عمرها وما انتهبت انه دعمت واحد .. تعرفون منو هو هيه صح هو سهيل ..)
نورة (قافطة ): السموحة اخوي .
سهيل (وعينه بتظهر من مكانها ): مسموحة الشيخة .
(وعلى طول دشت نورة البيت وسهيل مبهت في البنية ويقول في خاطر لالالالالالالالا انا اخرتي بتخبل لازم اخطبها واعرس ويا هزاع وسعيد ما اروم اصبر .. وشوي ويدزه خليفة )
خليفة : بنطول عند الباب .
سهيل (ينتبه ): ها ..
خليفة : من قال ها سمع ..
( ودشوا البيت يشيلون امهم ويسلمون على بنت عمتهم.. وعقب 10 دقايق وصلت ام هزاع وموزة وسعيد اللي اصرت عليه امه انه ينزل يشوف خطيبته هو مابغى بس الحاح امه خلاه ينزل ودشوا البيت )
...............................
ليتك تموت اليوم وارتاح انا منك
ليتك تموت وبثوب اسود اكفنك
واطوي معك صفحت عذابً رسمتة
ليتك تموت وبداخل القبر انا ادفنك
وادفن مع الجثمان جرحً جرحتة
ليتك تموت اليوم ومحداً درا عنك
ليتك قبل ما تموت في صدرك اطعنك
واصيح بأعلى الصوت حقي اخذتة
يلعنـك قـلـبـي والأحـاسـيـس تـلـعـنـك
جـنـنـتـني يا جـعـل ربـي يـجـنـنـك
(في الصالة )
( الكل متيمع بعضا نورة سارت فوق حجرة حزن لانه عيال خالها وخالتها موجودين..)
ام هزاع : ها فديتج اشحالج اليوم ..
حزن : الحمدلله خالوه ..
موزة : اقول حزن سيرتي السوق .
حزن (باستغراب ): ليش اشعنه.
موزة : شو اشعنه ملجتك بعد اسبوعين وانتي ماتزهبتي .
( سعيد من قالت جي كان بغى يوم ويصفعها .. وخليفة وايد انقهر )
سهيل : اقول ام لسانين وانتي اشعليج لايكون انت العروس .
موزة(تطالعه بنص عين ): نعم اخ سهيل .. مرت اخوي وانا حرة .
ام سهيل : الله يكون بعونا يا ام هزاع اذا هم جي قبل العرس باجر ان عرسوا شو بسون .
ام هزاع :ههههههههههههههههه هي والله صدقتي .
(موزة انصدمت .. وسهيل بلع لسانه هذيل شو قاعدين يقولون انا ام لسانين لو اموت وتكون اخر بنت بالعالم ما خذيتها طبعا كل هالرمسة بخاطره .. وموزة نفس الشيء وظهرت من الصالة وهي ترمس عمرها بصوت مسموع ودشت على نورة الحجرة واهي تقول): انا اخذ هالسبال ايخسي الا هو ..
نورة :ههههههههه الحمدلله والشكر منو اللي يخسي ..
(وخبرت موزة نورة السالفة كلها )
نورة :ههههههههههههه وشو بلاه ولد خالج .
موزة : وعععععععععع ما خلصت غيره هالسبال اكبرمغازلجي بالبلاد .
نورة :يمكن لاخذيته يتعدل حاله .
(ودش عليهن حزن )
حزن : ههههههههههههه مبروك موازي .
موزة (مفوله): على شو
حزن : على الخطوبة ..من سهيل .
نورة :الف مبروك
موزة : هي انتي وياها .. ايخسي الا هو لو اموت ماباخذه .
(وتمت تتحرطم عليهن يوم ينغزونها بسهيل )
..............................
(في السيارة )
سعيد : دليني لي وين بيتكم عدل .
ظبية :اسمع........
(وودلته على بيتهم .. وعقب 10 دقايق وصل بيت ظبية )
سعيد : يالله حبيبي وصلت .
(واهي تشوفه من دريشه حجرتها ): هيه تراني اشوفك .
( وبندت سعيد من عند ظبية ودش البيت ودخلوه ميلس الرياييل ويا ابو ظبية وسلم على سعيد )
ابو ظبية : حيالله منا يانا اقرب اقرب يا ولدي .
سعيد : الله يحييك عمي .. (سعيد يوم شاف ابو ظبية قال ياربيانا وين شايفنه هالريال وين وين وقطع حبل افكاره ابوظبية )
ابو ظبية : الا ماقلتي منو ولده انت ..
( وعرف سعيد عن نفسه وهو وين يشتغل ومنو اهله وانه يبغي ظبية على سنه الله ورسوله )
ابو ظبية : والله هاي الساعة المباركه يا ولدي بس ليش اهلك مايوا وياك .
سعيد : اهلي رافضين هالعرس .
ابو ظبية : وليش رافضين .
(وسعيد خبره انه يبغون لبنت خالتها)
ابو ظبية : شو اقولك يا ولدي هذه نصيحة من شايب خذها لاتزعل اهلك عسب فترة طيش انت بتمر فيها .
سعيد :بسسسس ياعمي .
ابو ظبية : صدقني انا ما ابى احصل ريال احسن عنك بس بنتي محتره لولد عمها من يوم هي صغيرة .
(سعيد من قال جي انصطدم شو قاعد يقول هذا بس هي ماخبرتني واترخص منه وظهر وهو مفول وحمد ربه انه امه وموزة بياتون عند حزن وبيرد روحه العين .. واتصل على ظبية محرج عليها )
ظبية : بشر حبيبي .
سعيد : شو ابشر وانه ليش مااتقولين انج محيرة حق ولد عمج .
ظبية ( وحاولت انها تتهرب من الاجابة ): اصلا انا ما ابغي .. وبعدين هو الحين ما يمشي .
سعيد : اشقايل ما يمشي .
ظبية : سو حادث واستوى كسيح ..
سعيد : لا حول ولا قوة الا بالله .. وانزين ما دام هو كسيح ليش يبونج تاخذينه .
ظبية : قالوا ولد عمج وانت اولابه .. وانا ماابغيه الحينه .
( وتذكر سعيد رمسة ابو ظبية ): اسمعي ظبية انا بفكر شو بنسوي وعقب بخبرج اوكيه يالله برايج ( وبند التلفون وخلاه مغلق وظهره من السيارة لانه عند البحر .. وهو قاعد يرمس عمره أأأأأاه ليش يحكمون على حبي بالموت حرام عليج يا امايا لهدرجة انا ما اهمج .. وهذه بعد يطلع لها ولد عمها ما ادري من وين .. يالله ساعدني .. وشوي واحد يحط ايده على كتف سعيد )
سعيد ( متروع ): بسم الله الرحمن الرحيم .. من وين ظهرت ..
راشد :ههههههههههههههههه من وين يعني من بيتنا ( ويلس حذاله ) فيك يا بوعسكور .
( سعيد ما يخش عن راشد شيء لانه اقرب واحد له من ربعه.. وراشد انسان يريح الواحد بيرمسته ويفهم الواحد)
سعيد :آآآآآه يا بوسنيدة شو اقولك ..
راشد : افا شايل بقلبك ليش ظهر ظهر ..
(وخبر سعيد السالفة كلها لراشد )
راشد : انزين .. انت مول ماتتقبلها لبنت خالتك هاي .
سعيد : هاي ياهل شرات موزة اختي .. كيف بتقبلها زوجتي ..
راشد ( من ذكر موزة ابتسم يعلني افدى هالاسم ): تبا شوري .
سعيد : دخليك الحقني فيه .
راشد : صلي استخارة .. وشوف اذا ارتحت لبنت خالتك خذها واذا ماارتحت رد رمس امايتك مرة ثانية .
سعيد :آآه ان شاء الله .. الا انت ما قلت لي شو بلاك ظاهرهالحزة .
راشد : والله شو اقلك .. اابويه قبل لا يتوفى وصاني على بنته ..
سعيد (باستغراب ): بنته .. ليش عنك خوات .
راشد : هيه عندي وحدة من الاب بس ما نعرف عنها شيء ابويه طلق امها يوم هي ياهل .. وقبل لايتوفى قالي ادورها واتسامح منها .
سعيد : بس وين بتحصلها هاي .
راشد : ما ادري والله انا عمري ما شفتها .. بس محمد ومحمد شافوها .
سعيد : انزين اسال اهلها .
راشد : المصبية انا ما اعرف منو اهلها .. بس سمعت من محمد اخوي انها بالكلية ..
سعيد : انزين هب تقول بنت خالتك بالكلية خلها تسال عنها .
راشد : صح والله راح عن بالي تصدق .
( وتموا سوالف الشباب ..وعقب كلن روح بيته )
..........................
(بيت روضة - حجرة روضة -)
يا عمري انا فديتك انا ياريتك هنا وياي
حياتي انا عذاب وهنا قربك منى دنياي
يا عمري انا فديتك انا ياريتك هنا وياي
حياتي انا عذاب وهنا قربك منى دنياي
(روضة ترمس هزاع بالتلفون )
روضة : هههههههه
هزاع : تسلم لي هالضحكة يارب دوم هب يوم .
روضة (مستحية ): الله يسلمك .
هزاع : آآآآآآآه يا ناس كم انا بعيش .
روضة :ههههههه هزاع يالله عاد .
هزاع : عيون هزاع وقلب هزاع وروح هزاع كلها تحت امرج .
روضة : فديتك والله ..
هزاع : شو عيديها مرة ثانية .
روضة : اووووه هزاع يالله عاد تراني والله اصكر .
هزاع :لادخليج هب كافي مانعيني عن الزيارة بعد عن صوتج بموت .
روضة : بسم عليك عله يومي قبل يومي .
هزاع :بسم عليج لاتقولين جي .. اه متى بتي الاجازة .
( وتموا الزوجين يتغزلون في بعض .. طبعا هزاع خاله منعه من انه يجي بيتهم لانه اربعه ةعشرين ساعة على قوله موزة مطيح عندهم وبعد لانه العرس قرب )
.............................
( وعقب اسبوع كان سعيد يوم يستخير وحاول يجذب احساسه بس احساسه براحة كان اكبر وقال خلاص باخذها وامري لله ومن عرفت ظبية بهالشيء زعلت منه وااايد وبندت تلفونها عنه وما عادت ترمس وقطعت علاقته به وهو ين لانه مايصبر عنها بس اللي كان مصبره رمسة ابوها ورمسة راشد ويه يوم الملجة وساروا المحكمة مبارك وحزن وسهيل وابوهزاع وهزاع وخليفة ما طاع يسيرحس عمره بينفجر من القهر والالم فقرر مايسير ويحاول يتجنبهم )
...........................
(بيت مبارك )
(الكل يتريا العرسان يردون من المحكمة لانهم بيسون حفلة عائلية فيهم ومازقروا حد واول ما دشت حزن )
ام هزاه : الف الصلاة والسلام عليكم يا حبيب الله محمد كللللللللللللللللللللوش ( واشتغلن الحريم كللللللللللللللللللللوش )
موزة ( وهي تبوس حزن ): الف الف مبروك مرت اخوي .
حزن (بابتسامة ): الله يبارك فيج موزة والفال لج .
(وسارت تسلم على اخوها والكل سلم على العرسان الا خليفة ماطاع ينزلمن حجرته لانه قالهم تعبان ..وتعشوا بيت مبارك وعقب كلا سار بيته طبعا حزن من اليوم ورايح بتبات في بيت خالتها وويا موزة في حجرتها وموزة شاقة الحلج وفرحانه بحزن اول شيء لانها استوت مرت اخوها وثاني شيء حزن حست حزن مرتاحة وايد يوم خذت سعيد وردت شرات قبل )
................................
(بيت منصور )
نورة : والله الف الف مبروك فديتج .
(ويدش منصور ويشوف نورة تبارك لحزن بالتلفون )
نورة : انزين متى العرس .. ههههههههه شو لازم نفصل للغالية اذا بعرسج ما فصلناعيل بعرس منو ..هههههههه عيل خلاص برايج ..مع السلامة .
منصور : السلام عليكم .
نورة : وعليكم السلام والرحمة .
منصور : منو ترمسين .
نورة : حزن .
منصور :هيه هم وينهم محد في بيتهم ..
نورة :في العين ..
منصور :هيه ليييييييش .
نورة : لانها يا خوي العزيز ملجت على سعيد ولد خالتها .
(منصور من سمع كلمة ملجت كنه حد صب عليه ماي بارد وعالطول شل عمره وسارت حجرته ونورة تكلمت وهو مايرد عليها )
نورة : هذا بلاه جي ( ويلست تترحطم عليه ومر طيف سهيل عليها ويلست تبتسم على المواقف اللي سارت امبينهم بس عقب قالت انا ليش افكر في واحد بياخذ غير )
.............................
(وعقب شهر باجي على العرس اسبوعين والبنات اربعة وعشرين ساعة مطيحات بالمول يتشرن العراوس وموزة اخت العريسين على قولتها وطبعا منو يوديهم الا سهيل عسب سعيد وهزاع مايشوفون حريمهم)
(في ابوظبي مول )
سهيل : سمعن انا بسيرالستار بوكس وعقب ماتخلصن سون لي تلفون .
موزة : ان شاء الله عمي اوامر ثانية.
سهيل: لا يام لسانين .
....................
(ومحل الى محل لفن المول كله ومابقى غير باريس غاليري سب الميك والعطور .. وحزن وروضة يتشرن شرات بعض لانهن بيطقمن كل شيء شرات بعض وعند شانيل كانت موزة تسال الموظف وتقوله على انه تبغي مجموعة عطور رجاليه بتشتريهم لاخوانها.. وكان واحد يراقبها اكيد عرفوتوه راشد ويبتسم اشقايل ترمس الموظف وكنه اصغر عيالها )
...................................
(ومرالاسبوعين شرات البرق ناس مستانسة وناس القهر بياكلها .. ويه يوم العرس طبعا ماوصف لكم شعور العراوس قلبهن يدقن شرات الجرس هههههه اعرف اشبه المهم طلعن ولا احلى كل وحدة بجمالها وكان العرس في بيت مبارك في خيم البداد لانه اهلهم ماشاء الله وااااااااااااااااايد وما ننسى موزة اخت العرسان اكشخت اخر كشخه وعزمت ربيعاتها على العرس ونورة ربيعت حزن واكثر من اختها ويه الوقت ويدشن العراوس اول شيء دشت روضة وطفوا الاضواء ومشت على موسيقى كلاسيكه وكانت هي جمالها ربياني بس بعد الميك اب حلاها زيادة .. وعقبها دشت حزن وكانت اجمل من روضة ميت مرة والكل انبهر فيها لان اهل العين مايعرفونها وايد وكل وحدة تطالعها تصلي على النبي - اللهم صلي عليه وسلم – واشتغلت موزة رقيص وربشت الناس و ياها )
............................
(صوب الرياييل )
(ماشاء الله الكل ييول واللي يرزف وشايلين البقعة سهيل وهزاع اللي شاق الحلج وراشد واحمد ربيع سعيد وسالم ربيع سعيد بالدوام.. بس سعيد وخليفة ومنصور كنهم يايين عزا وكل واحد يبتسم ابتسامة مصطنعة .. وعقب راشد خله منصوريغني لانه صوته واااااااايد حلو اول شيء ماطاع عقب الحاح الشباب شل المايك وبدا يغني وصوته كان عذاب وكان يغني وكل الم وحزن :
بحظر زفافك يا حياتي
بحظر زفاف الي هويته
وبرزف عشانك لا تحاتي
وبهديك كل لي بغيته
وبهديكي دمعي واعبراتي
والهم الي فيني رميته
بحظر ولو في عرسك مماتي
شايل معي قلب نسيته
وأجمل قديم الذكرياتي
والضيم الي منك خذيته
وبذكر ليالي الماضياتي
كنت الوليف الي اهتويته
كنت الي الذي لاجلها أباتي
ساهر ونومي ما اهتنيته
بهديك في ليلة وفاتي
حلم الليالي الي طويته
وأعطيك من قلب امنياتي
تلقى الهنا في درب مشيته
وتعيش في راحه وسباتي
وياالذي عقبي لقيته
|
01-05-10, 01:36 PM
جديد مواضيع قسم القصص المكتمله
العرض العادي
