كاتب الموضوع :
wsae4
المنتدى :
الاسئلة والاستفسارات
طيب الحمد لله انها جت سليمه يا wsae4
موضوع بقه ال RUN ده فده كانت فايدته جامده اوي اوي ايام الوندوز 98 والملينيوم وكان بشوية اوامر فيهم ممكن تخلي الوندوز بتاعك ده ساروخ ورهيب وحاجات من دي
وكنت انا بلصدفة عرفت الاوامر دي من موضوع لقيته زمان كان اسمه تقريبا اسرار وندوز 98
بس الفايده الوحيده اللي فاكرهاله لانها كانت معجزه سعتها كانت عن طريق امر اسمه MSCONFIG
الامر ده كان بخليني اتحكم في الحاجات اللي بتشتغل مع الوندوز اول ما اعملها ريستارت وكانت معجزه سعتها لان اي برنامج كنت بتستبه كان ممكن تلاقيه بينزلك جمب الاسعه كل ما الوندوز يشتغل وده طبعا معنها انه بيحمل علي الرامات اكتر واكتر
لكن دلوقت بقه فيه برامج خفيفه وسهله اوي تخليك تعرف ازاي تشيل فيلات الSTART UP دي بمنتهي السهوله
لكن برده الامر ده بيفضله فايده مهمه اوي وهو علي فكره برده موجود في الوندوز اكس بي لحد دلوقت رغم ان فيه اوامر كتير كانت في الملنيوم واتشالت
المهم... فايدته انها بتديك قدرة كمان علي انك تتحكم في فيلات الوندوز نفسها اللي بتعمل ستارت اب معاك مش البرامج بس وممكن توقف منها اي حاجه .....بس دي طبعا ممكن تعمل كارثه لو وقفت فيل من فيلات السيستم لان سعتها النسخه هتقع ومش هتلاقلها حل لكن برده فيه كم فيل كده ممكن يتشالوا والنسخه تقوم عادي بل وهتقوم اسرع كمان بس مفضلش اللعب فيهم
لكن الحاله الوحيده اللي تحس فعلا باهمية الامر ده فيها هي لما ينزلك فيرس كده مقف علي جهازك من الفيروسات الجديده دي
الفيروسات دي بتظبط نفسها تعمل ستارت اب مع الوندوز ولو عملت اسكان بلانتي فيرس بتاعك ( ده ان مكنش اضرب طبعا من الفيرس)
هتلاقيه بيطلعلك فيلات في الوندوز ويقلك الفيلات دي موجوده جوه فولدر سيستم 32 احنا مش قادرين نشلها
سعتها انت ممكن يتهيالك ان دي فيلات من الوندوز نفسه وهو مش قادر يشلها عشان السيستم هيقع
لكن لاء دي بتبقي فيلات الفيرس اللي اتعملها ستارت اب مع الوندوز وطبعا انت مينفعش تمسح حاجه شغاله ( زي اي اغنيه انت مشغلها علي الون امب وتيجي تمسحها هتلاقيه بيطلعلك ارر ولازم تطفيها الاول)
المهم بقه ان فيلات الفيرس دي بتعد تعمل ستارت اب مع الوندوز وتجننك في عيشتك وانت مش عارف تشلها بلانتي فيرس سعتها بيجي فايدة الامر اللي انا قلتلك عليه ده
بتخش عليه وطبعا هتلاقي اسامي الفيروسات اللي بتعمل ستارت اب واضحه بلاضافه كمان ان بيصنفلك الفيل ده اذا كان فيل ستارت اب لسيستم الوندوز نفسه ولا لبرنامج انت حطه
المهم انك ممكن سعتها تيجي عليها وتوقف عملها كلها وتعمل ريستارت وتعمل سكان بلانتي فيرس بتاعك تاني .... سعتها هتلاقي الانتي فيرس مسح كل الفيلات بتاعة الفيرس وقدر يمسح كمان اللي علي الفولدرات والبرتشنات التانيه لان اللي بيمنعه من انه يعمل كده انت وقفته اصلا عن العمل وممكن سعتها تنضف جهازك كله من الفيرس بس برده لازم تحط اسطوانة الوندوز بعديها وعمل REPAIR للوندوز لان بيبقي فيه فيلات باظت في النسخه
واعتقد ريبير اسهل وارحم كتير من انك تستب نسخه جديده....... اتمني اني اكون فدتك يا wsae4
وبلنسبه للجيش يا سيدي متقلقش كلنا في الهوا سوا:)
واذا انا دخلت لقدر الله فهلائيك جوا انشاء الله ............هههههههههههههههههههههههههههههههه
|
05-10-08, 03:09 PM
جديد مواضيع قسم الاسئلة والاستفسارات
العرض العادي
