لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


سامحني توني أفهم أكرهك يعني احبك للكاتبة كشة مرتبة<<مكتمله

اهلين اعضاء ليلاس القصه كامله وراح انزلها كلها مع بعض بدون فواصل لان اخاف اغيب عنكم الله اعلم الجزء الأول في منطقة الشرقيه وبالتحديـــد ( الدمــام)

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 24-08-08, 12:24 PM   المشاركة رقم: 1
المعلومات
الكاتب:
اللقب:
VIP
ملكة بوليود


البيانات
التسجيل: Jan 2008
العضوية: 62121
المشاركات: 14,178
الجنس أنثى
معدل التقييم: غموض عضو على طريق الابداعغموض عضو على طريق الابداعغموض عضو على طريق الابداع
نقاط التقييم: 279

االدولة
البلدIndia
 
مدونتي

 

الإتصالات
الحالة:
غموض غير متواجد حالياً
وسائل الإتصال:

المنتدى : القصص المكتمله
Newsuae سامحني توني أفهم أكرهك يعني احبك للكاتبة كشة مرتبة<<مكتمله

 

اهلين اعضاء ليلاس القصه كامله
وراح انزلها كلها مع بعض بدون فواصل
لان اخاف اغيب عنكم الله اعلم

الجزء الأول



في منطقة الشرقيه وبالتحديـــد ( الدمــام) ( المملكه العربيه السعووديه )

السااعه (6:00) صباحا اول يوم دراسي بعد الاجاازهـ الطوييله ..

بيت ابــونـايف
ريـم ناايمه دخلت امها الغرفه كانت بااااااااردهـ مرره ومظلمه ومايبين منها شي ابــــد
ام نايف : البنت هذي مدري كيف تقدر تنام في هالبرد والظلمه !
راحت تصحي ريم من نوومهاااا : ريم قوومي يلا لاتتأخريين على المدرسه < لاحياة لمن تنادي البنت ناااااايمه>خخخخ
يلا قووومي بسرررررعه > وشالت عنها الغطاااا < ريم: مـامـا تكفيين بس خمس دقاايق مانمت بدري امس
ام نايف : احد قالك تسهريين على نت وافلام وخرابيط ؟! يلاااا بسرررررررعه
قامت ريم من نوومها بكسل تفتح عين وتسكر عين! خخخخخ دخلت الحمام _الله يعزكم_ وسبحت على السريع وطلعت تجهزت للمدرسه ونزلت تحت علشان تفتطـر
نبذهـ عن ريـم ( اممممم اهي اصغر اخواانها حلووه ونعووومه عمرها 15 تدرس بالمرحله المتوسطه- الاعداديه- صف ثالث شعرهاا لوونه اشقر وناااااعم مررهـ طويل يوصل لنص ظهرهاوعيونها وسااع وعدساتها عسليه ورمووشها طويله وكثيفه معطي عيونها شكل خياالي موو طويله ولا قصيره ووسط ! ضعيفه جسمها حلووو وباقي التفاصيل بتعرفوونها مع الاحداث الجايه )
ريم نزلت تحت على الساعه 6:30 شافت ابووها واخووانها نايف ومحمد و سعد واختها اللي اكبر منها بثلاث سنوات عمرها 17 بصف ثالث ثانووي حنـان ! وامها معهم قاعدين على الطاوله للفطــــــور
سلمت على ابووها وامهاا وقبلت روؤسهم!
وعلى البقيه ريم: صبـــاح الخـيــــــــــر ..
ردوا عليها : صباح النـــــور
ابو نايف : ريم جلسي يلااا افطري!
ريم : بابا مو مشتهيه آكل
نايف : بس بدينا بالدلـع
محمد : يلااا بس اقعدي عن المصااخه
سعد: خلووها براحتها ولا تزعلوون حبيبتي ريووم
ريم : فدييت اخووي الغالي سعد
حنـــان : خخخخ لاتمووتيين عليناااا خخخخخخ
ام نايف: طيب شربي كوب حليب على الاقل
ريم : اوكي ماما ابي كووفي تووفي !
حنان : من الصبـح كووفي !
ريم طنشتها وراحت تصلح لها كوون كووفي تووفي >> انصحكم فييه حلوو مررهـ

نبذهـ عن عائلة ابوو نايف ( ابوو نايف رجل من كبار رجال الاعماال عندهـ شركه كبيييرهـ وعمرهـ 56 سنه طيووب وحنون على عيااله , ام نايف ام حنونه وطيووبه وعندها عياالها اهم شي بالدنيـا وهي تصير بنت عم ابو نايف
عمرهـا 45سنه , نايف اكبرهم شكله حلوو وسيم امم عدساااته بني غاامق شعرهـ بني وهوو طيووب بس وقت الشدهـ يعتمد عليه! يشتغل مع ابووه في نفس الشركه وفي منصب حلوو ويعتبر يد ايووهـ اليمنى ! عمرهـ 24 يحب خوااته مررهـ واكثر شي اخر العنقوود ريم , محمد اصغر من نايف بـ 4 سنوات يعني عمرهـ 20 سنه يدرس بالجاامعه البتـرولـ سنه ثالثه ونفس الشي طيووب ويحب خوواته مررهـ المفضله عندهـ حنان , سعد عمرهـ 19 طيووب حنوون اممم حلوو مرره جذاب شعرهـ نااعم واسوود ونفس الشي عدسات عيوونه سوود وبشرته حنطيه وهوو احلا اخواانه _ الشباب_ يدرس بكلية الطب اول سنه له ,حـنان عمرها 17 سنه تدرس ثالث ثـاانووي علمي ! امم نعووومه عيوها صغاار ولوونهم اسوود شعرها اسووود ونااعم قصير يوصل لكتوفها مدرج وصاير شكله حلووو مررهـ , آخر العنقووود ريوووووم عمرها 15 سنه و..... غنية عن التعريف )
حنـان تناظر السااعه : يلا يبا تأخرناا عن المدرسه ! >> مهتمه البنت خخ
ابو نايف : يلا يابنتي قومي لبسي عبايتك وانا بسخن السيارهـ ونادي اختك رييم وطلعووا بررهـ


حنان تنادي اختها ريوم : ريـــــــــــــــم يلااا بسرعه تأخرناااااااااااا ولا بنمشي عنك يلاااااااا
ريم من المطبخ: طيب طيب انا جهزت
وطلعووا وراحوا كل وحدهـ مدرستها
عنــــــــــــــــــد ريـــــــــــــــــــم ..

ريم دخلت المدرسه وفصخت عبايتها وهي كانت رافعه شعرها بربطه وصاير شكله حلوو ولازم تحط لها كحل! >>مثلي

شافت صديقتها نعيمه وراحت سلمت عليها وحضنتها شي طبيعي صار لها ثلاث شهور ماشافتها اشتاقت لهاا ..
وبعدين سلمت على باقي صديقاتها اللي هــم ( روان – مريم – اسماء – اروى – زينب )
وقعدووا سوالف وضحك ووناسه طبعا اول يوم مافي درااسه فررررري
ريم تكلم مريـم : هاا شخباار الحبايب ؟؟
مريم : طيبين يسلموون علييك
ريم : ماحددتوا مووعد الزواج ؟؟
مريم : الا بإجاازة الكبيــرهـ شهر رجب تاريخ ( 15-7 )
ريـم : بالتووفيق حبيبتي

انتهى الجــــــزء

 
 

 


التعديل الأخير تم بواسطة غموض ; 24-08-08 الساعة 12:39 PM
عرض البوم صور غموض   رد مع اقتباس

قديم 24-08-08, 12:26 PM   المشاركة رقم: 2
المعلومات
الكاتب:
اللقب:
VIP
ملكة بوليود


البيانات
التسجيل: Jan 2008
العضوية: 62121
المشاركات: 14,178
الجنس أنثى
معدل التقييم: غموض عضو على طريق الابداعغموض عضو على طريق الابداعغموض عضو على طريق الابداع
نقاط التقييم: 279

االدولة
البلدIndia
 
مدونتي

 

الإتصالات
الحالة:
غموض غير متواجد حالياً
وسائل الإتصال:

كاتب الموضوع : غموض المنتدى : القصص المكتمله
New Suae

 

الجــزء الثـــــاني ..




في المدرسه عند حنــــــــان..

حنـان دخلت المدرسه فصخت عبايتها وكانت فاتحه شعرها وحاطه وماسكه جزء منه بكليب ناعم لوونه فوشي
وصاير شكلها حلوو..!
التقت بصديقاتها ( جنان – نورهـ - رقيه ) وسلمت عليييييهم بشووووووق
حنان تكلـم نورهـ : ايش اخباارك يالغلا ؟
نورهـ : طيبه بشووفتك حبيبتي ... وانتي ايش اخباارك ؟
حنان: بخيـر الحمدلله !
نورهـ للجميع : بنوتااات قوومووا ندور فصوولنا ونشووف كل وحدهـ مع ميين ؟
الكل : طيــــــــــب !
راحواا للفصــــــــولـ وكان توزيع الطالبات على النحو التالي ( حنان & جنان & رقيه في فصل واااحد وو نوورهـ في فصل خخخ مسكيينه صاار وحيدهـ !! )
نورهـ : والله حراااااام يفرقوون قلووب المحبين
جنان : از از عااادي تعودي من الحين تكونين لوحدك في فصل
رقيه : ايووهـ صح على الاقل نفتك من مقابل وجهك 12 سااعه خخخخخخخ
حنان: هههههههههههههههههههههه حرام علييكم كلتوا البنت ترا هذي صديقتي ماارضى علييييهااااا
بس تدروون زين خلووها بروحها على الاقل مافي احد يسوي ازعااج عندنا بالفصل هع ونقدر نركز بالدرووس
نورهـ : اخلــــــــــص يالشطااااااارهـ اشووفها تنبع من عيوووونكم !
جنان : كلام سليم !
حنان : نعم نعم !
رقيه : طبعا طبعا ماتشووفين النسب العااليه لصف اول ابتدائي كيف كانت كنا الاوائل !
جنان & حنان : احم احم ونحن نشهد على ذلك << شدخل ابتداائي لوووووووولـ
كلــــــــهم : ههههههههههههههههههههههههههههههههههههه
نوورهـ : اقوول شرايكم انقل عفشي عندكم بالفصل << تستهبل
حنان : والله فكره حلوووه نقلي عندنا >> ماخذه السالفه جد لوول
رقيه : كان نصير شله حلووهـ بالفصل
جنان : والله نصير حركااات

نبذهـ عن صديقات حنان ..( جنان .. بنووته كيوووت عليها جماال يقوول للقمر قوم وانا اقعد مكانك اخلاااقها رووعه
طيووبه .. شكلها شعرها اسووووود وكثيف ناااااعم مررررهـ عيوونها ووسط لاكبيره ولاصغيرهـ وعدساتها لوونهم رماادي معطينها روونق اخااذ وحلووو / نورهـ بنووته روووعه فرفووشه طيووبه قلبها ابيض ومافي قلبها مكان للكرهـ او الزعل جمالها حلوو بس اللي محليها رووحها المرحه! .. شكلها : شعرها حلوو بس مو ناعم مرررهـ لووونه احمر غامق حلوو عيونها وسااع ولوون عدسااتها بنيه وبهذا كله هي نعووومه / رقيه بنت ولا كل البناات حبوبه وطيووبه وعليها كلماات عسسسسل وتحب تمزح وعندها ينطبق المثل اللي يقول < واتق شر الحليم اذا غضب > شكلها : حلوو نااااعم عيوونها لوووزيه تسحر اللي يشووفها لوونهم عسلي غامق شوووي بس شكلها صاير خطييييير شعرها طوويل يوصل لين فخووذها نااعم لوونه بنــــي ! وهذا الشي معطي شكلها رووونق حلووو )

راحت نوورهـ عند المراقبه وقالت لها : استاذهـ ممكن طلب لو سمحتي ؟
المراقبه : ايووهـ تفضلي حبيبتي !
نورهـ : اممممم ممكن تنقليني من فصلي ؟
المراقبه بتعجب : ليـــــه !! ؟
نورهـ تورطت : امممم استاذهـ الفصل اللي انا فيه ما اعرف احد من البناات ومثل ماتعرفيين الصداقه شي مهم
وعلشان تنتفتح نفسي للدراسه واستووعب واكوون شطوورهـ لازم اكوون جنب صديقااتي العزيزات << خخخخ
المراقبه : اوكي أي فصل تبيين ؟؟
نورهـ فصل 3/6 علمـي !
المراقبه : اطيب ولايهمك !..
نورهـ : مشكووره والله ماتقصرييييين

وطلعت من عندها مبصوووووطه
وقابلت صديقاتها وقالت لهم الخـــــبر
وكلهم استانسوا بالخـــبر الحلوووووووو وهم ناويين يفلوونها السنه <<<< خخخخخخ مو ثالث ثانووي اشك خخخخخخ

عند الشبـــــــــــــــاب
نايف راح الدواام مع ابووهـ وقام بشغله الرووتيني
من توقيعات ومراجعه و..........

محمد : اول مادخل الجامعه شاف اخوياااهـ وسلمووا على بعض بفرفشه
محمد : هلااااااا ماااااناااااااااات هوو ار يوووووو ؟؟
الكل : طيبووووووون ؟ انت ايش اخباااااااااارك ؟
محمد : والله الحمدلله بخيـــــــــر تمام التمام بشووفتكم اللي ترد الروووووح !

وبعدها كلن راح ياخذ جدووله ...

ســـــعد دخل الجاامعه وهو مبسوووووووووط ع الآخــــــر
شاف اخويااهـ وسلم علييييهم بشووووق وكنه سنه ماشاافهم
مع انه امس كان معاااهم ! لوووولـ

عند ريووووووووووم
توزيعهم على الفصوول كان ريم & نعيمه بفصل وااحد ( 3/3) وو روان & مريم & زينب & اروى & اسماء كاانوو كلهم بفصل واااحد! (3/2) جيراان خخخ ومسويين ربشششششه بالفـــــصل لآخر درجه اغااني وطق وهباال

راحت بنت عند فصل ريوم (3/3)
وكلمت المعلمه اللي عنـدهم
البنت : استاذهـ خلي الطالبات ينزلوون تحت ياخذون كتب
المعلمه : طيب !

وفي نفس الووقت راحت لفصل (3/2) وقالت نفس الكلام للمعلمه

ريم ونعيمه واروى وزينب واسماء ومريم لما شاافووها عرفوا انها خطه ! لوووولـ
يعرفوون هالبنت حق المعرفه
وكلهم كانووا نازلين وهم يضحكوووون >> من اول يوم خطط وبلاااوي ! خخخخ


انتهت الدوامااااات للجميــــــع بالنسبه للبنوتات على الساعه 12:30 ظهرا
ورجعت ريـم البيت وهي داااااايخه ماتشووف الدرب قداامها تدوور السرير من بعد ربشة المدرسه !
سلمت على امها وراحت لغرفتها صلت وبعديين ناااااامت وراحت بساابع نووووومه ! خخخخخخخ

وحنان اول ما وصلت البيت سلمت على امها وراحت تغير ملابسها وصلت
ونزلت تساعد امها في تجهيز الغدااء
الكل كان في البيت بالنسبه لـمحمد وسعد على السااعه 10 كانوا في البيت
اما نايف وابوو نايف على الساعه 2 وصلوا البيــــــت !
وقعدوا كلهم على الطااوله وتغدوا
ابوو نايف : اجل وين ريوومه حبيبة قـلبي
ام نايف : وعليه عليها نايمه مسكينه جات من المدرسه داايخه وناامت على طووووول !
سعد : اكيد بتكوون داايخه من ورى هالسهر !
محمد : اتخيل شكلها وهي داخله البيت دايخه تترنح في مشيتها كأنها سكراااانه خخخخخخخخخخخخ
نايف ميت ضحك وهوو يتخيل شكل ريوووووووووووم : ههههههههههههههاااااااااااي


انتهى الجزء الثاني

 
 

 

عرض البوم صور غموض   رد مع اقتباس
قديم 24-08-08, 12:29 PM   المشاركة رقم: 3
المعلومات
الكاتب:
اللقب:
VIP
ملكة بوليود


البيانات
التسجيل: Jan 2008
العضوية: 62121
المشاركات: 14,178
الجنس أنثى
معدل التقييم: غموض عضو على طريق الابداعغموض عضو على طريق الابداعغموض عضو على طريق الابداع
نقاط التقييم: 279

االدولة
البلدIndia
 
مدونتي

 

الإتصالات
الحالة:
غموض غير متواجد حالياً
وسائل الإتصال:

كاتب الموضوع : غموض المنتدى : القصص المكتمله
افتراضي

 

الجـزء الثـالـث


على الساعه 7:00 المغرب
صحت ريوم من نوومهااااا مرووووووقه
صلت ونزلت تحت وهي نازله من الـدرج كانت تغني اغنيه
( مالي عزا من دوونه ذا تيمني هواهـ كل الحسن بعيوونه في ويهه ومحياهـ الناس مايسوونه ذا عالي مستواهـ
قلبي فضا مضمونه وارجووك لاتنسااهـ ) وكان صووته حلوووو يدخل القلب ويخليك تندمج معه
وكان بالصاله اخووها سعد وولد خالتها فهد !
تخيلوو المووقف اوكي " طبعا كانت ريوم مفهيه ولاهي حاسه بالدنيا ومندمجه بالتغني !
كانت نازله الدرج اللي يكوون بوسط الصاله وكانت لابسه بجامع لونها ووردي حريييير وشعرها مرفوع أي كلام بطريقه عشواائيه وفي خصل نازله على وجهها وعاطيها شكل انثووي جميييييييل
سعد نسى تواجد فهد وقعد يشجع اخته ويقوول : ياسلااااام على الصووووووت اللي يسحر حلوو حلووو حركااااات الله الله على اللي عالي مستواااهـ هههههههههههه
ريم ما انتبهت لفهـد : فدييييييتك اخووي والله ومافي احد عالي مستواهـ غيييييرك ! ههههههههههههههه
فـهد انسحر بجمال ريوم وحب برائتهاااااا وعفويتهااااا
بعد ما شبع فهد من تقزز ريم : احم احم ياولد !
ريم تفاجأت من وجووودهـ سعد ذكر ولد خالته فهد وقال السموحه الغاالي نسيتك !
فهد بخااطرهـ معذوور احد يشووف الحلا وماينسى اللي حووله : لا عادي ماصار شي
سعد يدوور ريم اللي بسرعة البررررق راحت غرفتها وهي مرتاااااعه
ريم تفكر . يووهـ فشله شافني وانا بدون غطا لا واكيد سمعني وانا اغني ويييييه فشللللله


نبذه عن فهد واهله ابوو فهد رجال صارم وكلمته ماشيه بالبيت كله وعنده هيبه والكل يخاف منه بس طيب ! عمرهـ 55 سنه لوولـ , ام فهد مره طيوووبه وحلييوهـ وتحب ابو فهد لدرجه خيااااالييييييه ست بيت ولا احلىى
جمالها يذهل الكل , فهد اكبر اخواانه عمرهـ 19 سنه يدرس مع سعد في نفس الجامعه ! وسيييييم لآخــر درجه
شكله خطييييييير يجبر الواحد ان يطاالعه , منال بنت كيووووت عمرها 16 تدرس بأول ثاانوي هي وريم قريبات من بعض كثييير شكلها حلوووووو )

فهد : يلا ولد خالتي انا استـــأذن تامرني بشي ؟؟
سعد : وين يارجال بدري تعشى عندنا !
فهد : لاوالله مااقدر عندي اشغاال
سعد : براحتك .. وسلامتك
فهد : فمـــــــآن الله
سعد : فمآآن الكريم ..

ام نايف كانت بالمطبخ تحووس تسوي العشى
راح لها سعد : يما وين ريوم ؟
ام نايف : نايمه للحين !
سعد : لاهي صحت ونزلت تحت وشافت ولد خالتي فهد وراحت بسرررعه قلت يمكن جات عندك !
ام نايف : اهاا روح شوفها اكيد في غرفتها
سعد: طيب ..
وراح لها سعد الغرفه وشاافها قاعدهـ ترتب غرفتها
سعد : ريوم حبيبتي
العادهـ ريم ترج على اخووها بربااشه لكن هذي المرهـ : ........................
سعد :ريـــــــــم وش فيييك ؟
ريم بتعصيب : لا ولاشي الحين تخليني اسوولف معك وكل شي وولد خالتك موجود عندك
سعد: انا نسيته لما سمعت صووتك – رفع حاجب وبإبتاسمه – احد قالك تغنين انتي عارفه انك لاغنيتي ما احس باللي حوولي
ريم : احلف انت بس!
سعد: والله هههههههههههه
ريم ماعطت اخووها بال وكملت ترتيب الغرفه بسرحان شووي
قام لها سعد ولفها لجهته وهي منزله رااسها : للحيــــــــن زعلانه حبيبتي >> ياحووبي لذا الحنان
ريم ماقالت شي :.........
سعد رفع راسها وشاف عيوونها ملياانه دمووع >> معها حق الموقف احراااااااج!لووولـ
ضمها سعد لصدرهـ وقال لها: تطمني عاادي ماصار شي وانسي اللي صار تحت
ريـم : طيب !
سعد : طيب يلا نزلي تحت ساعدي امي
ريم : طيب ولايهمك!
ونزلوا تحت وريم بعدها تفكر بالموووقف
راحت لأمها وقالت : مساء الخير مـامـا
ام نايف : مساء الورد حياتي
ومـر اليوم بعدها عــــــــــــــــــــــــــادي

فـــــــــــــي الصــــــــــباح ..
مي : حبيبي يلااا قوم علشان تفطر ولاتتأخر عن دواامك
راكان : خمس دقايق بس !
مي بدلع حلوو : ركووني بعد عمري يلاا قوووووووووووم
ركان خق معها : يارووووووووحي وجلس على السرير وقام بيدخل دورة المياهـ < الله يعزكم>
وقامت مي علشاان تروح ترتب سفرة الفطـــور
بعد ماخلص راكان رووتينه اليوومي ولبس ثوب وغتره وصار كشخه
راح وشاف ريم بالمطبخ ولا حاسه فيه مندمجه في شغلهااا
راح لها من ورى وضمهاااا وبااسها على خدهااااا
مي رتاااعت ولما شافته ماتت ضحك : ههههههههههههه الله يغربل بليسك خرعتني !
راكان : هههههههههه سلامتك من التخرع حبيبتي ههههههههههههههه

<< اممم اكيد تتسائلوون منوو هذا راكان ومي ؟؟ نبذهـ عنهم ( راكان يصير اخوو ابو نايف وعمرهـ 30 شاب طموح حلوو ووسييييم , مي : بنت خالة راكان بنت حلووهـ طيووبه يعتمد عليها في حل المشااكل! عمرها 26 )




انتهى الجزء

 
 

 

عرض البوم صور غموض   رد مع اقتباس
قديم 24-08-08, 12:30 PM   المشاركة رقم: 4
المعلومات
الكاتب:
اللقب:
VIP
ملكة بوليود


البيانات
التسجيل: Jan 2008
العضوية: 62121
المشاركات: 14,178
الجنس أنثى
معدل التقييم: غموض عضو على طريق الابداعغموض عضو على طريق الابداعغموض عضو على طريق الابداع
نقاط التقييم: 279

االدولة
البلدIndia
 
مدونتي

 

الإتصالات
الحالة:
غموض غير متواجد حالياً
وسائل الإتصال:

كاتب الموضوع : غموض المنتدى : القصص المكتمله
افتراضي

 

الجزء الرابع




صحى فهد من نووومه وهوو قدر ينام من كثر التفكير في ريم! يقوول في خاطرهـ " يازينها هالبنت والله دخلت قلبي بعفويتها وحركاتها الحلووهـ"
قام من سريرهـ ودخل دورة المياهـ - الله يعزكم- وسووى روتينه اليوومي !
بعدها طلع ولبس الثووب وحمل كتبه ونزل تحت عند اهله
سلم عليهم واخذ له كووب حليب وطلع!

نروح لبيت ريم : صحت ريم من نومها بدري تسبحت ورتبت نفسها واخذت عبايتها وشنطةالمدرسه ونزلت تحت
سلمت على امها وابووهـا وقعدت تفطر معهم اخذت لها كووب حليب ووتوست بجبنة شيدر واكلتهم بهدوووء ! >> تونا الصباح على الربااشه!لووووولـ
بعدها نزل نايف ومحمد وسعد وحنان بالتتالي وتفاجئوا لما شافوا ريم قاعدهـ تفطر
محمد : شنازل اليوم قاعدهـ بدري ؟
نايف : لا اكيد صاير شي بالدنيـا
حنان : خخخخخخ
سعد ساااكت وهوو شاك انوو ريم تفكر بالمووقف اللي امس
وقفت ريوم وتخووصرت وقالت : لاوالله اشووفكم صايرين ضدي اليوووووم
ام نايف : هوو اليوم بس!
ريم : ماسمعتوا المثل اللي يقوول ( نام بكير تصحى بكير وشووف الصحه شوو بتصير !)
سعد بصووت خفيف : مدري من اللي امس الساعه 1 نووص الليل صااحي ينتظر مسلسل نوور !
ريم : احم كح كح
الكل : ههههههههههههههههههههههههههه
ابو نايف : يلاا اشووف قدامي للفطوووور
الكل : اوكي دادي !
ريم : رووووووووح يالانقلش خخخخخخخ
سعد : وانتي بس ماسكه عليهم الوووحدهـ !
ريم : اذا لم تكن ذئبا اكلتك الذئاب , واذا لم امسك عليهم بالوحدهـ قاموا بتقطيعي اربا اربا من هذرتهم !
محمد: هههههههههههههههههههه مسووويه فيها فصحه يعني
ريم : اجرررررب مهاراتى في اللغه الفصحه خخخخخخخخخخخ
نايف : وانا اشهد لك انك راح تكوونين الاولى باللغه الفصحه خخخخخخخخخخخخ

دقايق والكل كان في دواامه
مدرسة ريم!..
بدت الحصص
في فصل ريم..
ريم : افففففف طفش مالقوا غيرها تدرسنا وربي ترفع الضغط !
نعيمه : أي والله اخاف ارتكب فيها جريمه بس
ريم : هههههههههههههههه جريمه عااد!
وتررررررررررررررن انتهت الحصه الثالثه ..
وقـــــــــــــــــــــت الفسحه !
كانت ريم تمشي مع الشله بعدها وقفوا في جهه
جات وحدهـ وسلمت على زينب وكانت في بنت معها كانت تأشر على ريم وتبتسم! لوووووولـ
بعدها بدقايق جات عندهم شلة بناات وهم يتكملوون ويقوولون لبنت : سلمي عليها
البنت مستحيه مرررررررهـ ريم لما شافتها كذا هي بدت بالسلام مدت يدها وصافحوا بعض
ريم : هلا فيك يالغلا .. ايش اخباارك ؟
البنت : اهليين فيك .. طيووبه وانتي ؟
ريم دووم .. انا بخير دامك بخير !
ريم تسأل شلة البنات اللي جات لهم : وش الساالفه ؟؟
جاوبت بنت : تحبك !
ريم رفعت حاجب وابتسمت ثم قالت : حبتها العافيه ان شاء الله !
وانتهت الفسحه وكلا راح في حااله !

عند حــــــــنون ..
شافت بنت خالتها منوووله سلموا على بعض بلهفه
حنان : وينك يالقااطعه مانشووفك ابد
منال : تعرفيين مشاغل الدنيـــــــا !
حنان : كلش يا ام مشااغل الا 24 سااعه نت ورواايااااات
منال : شسوي احبهم ! لوووووولـ
حنان : يعني هم اهم مناا ماتقوولين عندي بنت خاله مسكينه طفشاانه !
منال : ههههههههههههههههههه اشووووووووف الطفش يقطر من عيوونك !
حنان : هههههههههههههههههههه شفتي كيف هههههههههههه

عند الشباب ..
سعــــــــــــــــــد يكلم خويه خالد : هااا شخباارك ؟
خالد : والله طيب بشووفتك يالغالي
سعد : دوووووووم !
خالد : يسلموووووو ..
سعد: الله يسلمك ويبقيك
وبعدها سعد بقى سااااكت
خالد استغرب منه العادهـ سعد ربشه وفله وحركاات ودايم فرفووووووش
فسأله : خير يالشيخ وش فيييييك منت على بعضك ؟
سعد : لا ابد سلامتك .. بس امس مانمت زين!
خالد : اهااا ..

عند محمـــــــد..
محمد: ها ماناااااااات وش عندكم اليووووووووووم باللللييييييل ؟
الكــــــل : ولاشي فاضييييييين << لامعشقين خخخخخخخخخ
ناصر : لييه وش عندك ؟
محمد : عندي لكم قعدهـ على البحر ولا احلى
علي : من جدك ؟
محمد : افااااا وانا عمري كذبت بكلامي
حسين : لا ابد وانا اشهد
محمد : طيب اليوم نلتقي على الساعه 10 بالبحـر مقابل المارينا ok
الكـــــل : ولايهمك الغالي !

عند ناايف : كان مندمج في شلغه ..
دق على السكرتير وطلب منه كوب كووفي
وجاهـ طلبه
بعد دقايق دخل عليه السكرتير وعطاهـ ملف وقال له : الشيخ هذا الملف من عند المدير العام يقوولك راجعه ووشووف وش ناقصه !
نايف : طيب شف شغلك!

عند رااااكااااااااان وومي ..
راح راكان شغله على الساعه 8 الصبح!
بعدها بدت مي شغلها بالبيت من تنظيف ومسح الغباار وحاله
وبينما كانت مندمجة في شغلها فجأهـ حست بدووخه
وراحت جلست على اقرب كرسي تحس جسمها موولع من الحرااااارهـ !
شربت كاس موويه وحس انها انتعشت شووي واستردت شوي من نشاطها
قامت تكمل شغلها وسووت الغداء لرااكاان على الساعه 12:30 الظهر خلصت الشغل كلللله وراحت بسررعه نامت تحس رووحها تعباانه مررهـ !
وصل راكان البيت على الساعه 2 الظهر واستغرب من الووضع مايشووف مي بالبيت
العادهـ تستقبله بإبتسامتها الحلووووووهـ
واليوم مايشووفها ابد!!
راكان : مي حبيبتي ميوووووو وينك حياتووو
راح المطبخ وماشافها استغرب زوود!
راح لغرفة نوومهم وشافها نااااااايمه وراميه الغطا بالارض والتكييييف مشتغل ويهف عليها والغرفه كانت بررررررد
راح بيصحيها من نووما دقق في وجهها شافه احمممممر وتنفسها سريييييييع !
خاف عليهاااا حط يدهـ على جبهتها وشااف حرارتها مرتفعه خاف راكان عليها من قلللللللب
صحاها : مي مي
ماحست :........
راكان يهزها بخفيف : مي حبيبتي مي
صحت مي وقالت : هلا حبيبي انت جيت
راكان : ايووه يلا قوومي لبسي عبايتك بوديك للطبيب
مي : لييييييه انا مافيني شي !
راكان : كيف مافيك شي وانتي موولعه من الصخوونه
مي : لاماعلييك الحين باخذ لي حبة مسكن وبتروح !
راكان : برحتك...
وما امداها قامت من السرير ومشت كم خطووهـ
الا دارت الدنيا فيها وبغت تطيح قام راكان بسررعه لها ومسكها
لبسها العباايه واخذها للمستشفى بسررررعه !












انتهى الجزء

 
 

 

عرض البوم صور غموض   رد مع اقتباس
قديم 24-08-08, 12:34 PM   المشاركة رقم: 5
المعلومات
الكاتب:
اللقب:
VIP
ملكة بوليود


البيانات
التسجيل: Jan 2008
العضوية: 62121
المشاركات: 14,178
الجنس أنثى
معدل التقييم: غموض عضو على طريق الابداعغموض عضو على طريق الابداعغموض عضو على طريق الابداع
نقاط التقييم: 279

االدولة
البلدIndia
 
مدونتي

 

الإتصالات
الحالة:
غموض غير متواجد حالياً
وسائل الإتصال:

كاتب الموضوع : غموض المنتدى : القصص المكتمله
افتراضي

 

الجـز ء الخامـس








على الســــــــــــــاعه 3 عصرا.. << بيت ابو نايف !
كانت ريم قاعدهـ في الصاله على الكنب وتتابع التلفزيوون
تقلب في القنوات ووصلت لقناة سبيستوون ! وكانوا جايبين انا واختي << امووت فيه ونفس الشي ريوووووووم خخخخخ /وكانت ريم لابسه بجامه لونها تركوازي ومرسوم عليها دبدووب من شخصيات ديزني وماسك جرة العسل الاصفـر >> عرفتووه، وكانت مسويه لها ثنين وماسكتهم ببلاستيك لونه ازره وحاطه في اليمين شريطه زرقاء واليسار صفراء ونازله خصل على وجهها << على لوون البجامه وصاير شكلها كيووووووووووت وطفوولي مررهـ وعلى هذا الحال غفت على الكنبه وهي نايمه صاير شكلها بريء
دق جرس البيت وفتح سعد
وكان اللي جاي لهم فهد ! قال له انتظرني بالصاله شووي وبجي لك دخل فهد الصاله ..
وراح سعد للمجلس بسررعه بياخذ جواله ومفتاح سيارته
اول مادخل فهد الصاله ما انتبه لوجوود ريم فيها قعد على الكنبه المقابله للكنبه اللي نايمه عليها ريم
كان يتفرج على الصاله ويتذكر الموقف اللي امس مع ريووم ويقول في خاطرهـ " هالبنت صحيح انها صغيروونه بس عليها جمال خيااااااالي ! " وبدون شعور طاحت عيوونه على ريم وهي ناايمه وقال : يامحاسن الصدف !
كان يتأمل شكلها وهي نايمه كيف كان كله برائه ونعوومه وحلاااوهـ وباين عليها الارهاق من نوومها !
راكان في خاطره" فديتها اكيد تعبت من دواام المدرسه والجلسه من الصبح!" لووووووووووولـ!!
ولما سمع صووت سعد جاي طلع بسررعه من الصاله ينتظرهـ
شافه سعد واستغرب : ليه مادخلت الصاله ؟؟
راكان : دخلت وشفت اختك نايمه هناك وطلعت
سعد تفاجأ وقال : غريبه قبل ماتجي بعشر دقايق شفتها تقلب في قنوات التلفزيوون امداهانامت
دقيقه بس !
راح سعد لريم يصحيها : ريم ريووم حبيبتي قوومي نامي بغرفتك فووق
ريم تتكلم وهي مغمضه عيوونها : طيب طيب
وقامت وراحت عند الدرج مالها خلق تصعد فووق بس اجبرت نفسها وراحت للغرفه
وكل هذا الحدث كان يشووفه راكان بالسررررررررقه خخخخخخخخخ
ولما شاف سعد جاي رجع لمكاانه ..
سعد : يلااا مشينا
راكان : يلااا

وطلعوا من البيت وركبوا سيارة فهد واللي يسووق سعد <<لووووووووول
شغل فهد المسجل وحط على قصيدة فهد المساعد: اعز انسان!
ورااااح في عاالم ثااااااااني
" ياحلاتها ياناااااااس شكلي بديت احبها لالالا مجرد اعجاب بس !! بس ياحلاة شكلها اليوم وهي نايمه ولا كيف مسويه شعرها ثنين ولابسه بجامه مرسوم فيها دبدووووب يا الله طفووولي حلووو "
سعد رافع حاجب ويكلم فهد: ياهووووووووو وين وصلت
فهد : معك !
سعد: لاوااضح صدق
فهد : ههههههههههههههه
سعد : اقوول وش تبي من دربي ؟؟
فهد : كووفي تووفي !
سعد : ماشااء نفس اختيار ريوووووم تمووت عليها
فهد فديتها والله : اهاااا
سعد يكلم الفلبيني اللي بالمحل : جيب واحد كوفي توفي وواحد قهوه فرنسيه!
الفلبيني : اوكي
وخذوا طلبهم وراحوا للبحــــــر !

نروح للمستشفى عند راكان ومي ..

الدكتوورهـ : يا استاز هي مراتك حامل وبالشهر التالت كماااااان
رااكااان : صددددددددددددق !
الدكتووره: ايوووووووهـ هو انا حكزب عليك !!
راكان : السمووحه منك دكتوورهـ والله يعطيك الف عاافيه !
طلعوا راكان ومي من المستشفى مبسوووووووطين ع الآخــــــــــــــــر
راكان في السياره: واخيرا بصير ابوووووووو ونااااااااااااااسه
مي : أي والله كششششخه خخخخخخخخخخخخخ
واووول ماوصلوا البيت راااكاااااااان راح لمــــــي وضمها لصدرهـ بكل حناااااااااان ووناسه !

ومرررررررت الايام وماافي أي احداث مهمه تذكــــر !
اليوم الخميس ..
ريم عزمت صديقاتها وبنات خالاتها وعماتها للبيت .. على العشااا
السااعه 8 كان كل شي جاااااااااااهز ومن احسنووو
راحت ريم غرفتها وسبحت ووخلت شعرها مفترووح ورفعت جزء منه بكليب لوونه اسوود منقط بأبيض
وكانت لابسه بلووزهـ كت سوودهـ وتنوره لتحت الركبه بشووي لونها اسوود ويها تداخلات بالابيض !
وحطت لها غلووس وكحل
وصار شكلها كيوووووووووت !
ولبست صندل مسح بالارض – الله يعزكم – ونزلت تحت علشان تستقبل البوونيات خخخ
وشافت امها بالصااله وقالت لها : ماما ايش راايك ؟؟ > ودارت على نفسها
ام نايف : ماشاااء الله علييييك قمر وربي قمــــر
ريم : تسلمين يا احلى ام بالدنيا كلها وحبت رااسها والله انا ماطلعت الا عليك ماما ..

وراحت للمجلس تشووف اخر تجهيزااته وكان منظم وحلوو ..
على الساعه 9 بدووا البنات يجوون البيت
واول الوااصلين فطوم بنت عمهاااا صالح ..
نبذه عنهم ( صاح الووسط بين اخواانه عمره 55 يشتغل في العقارات اهوو واخووهـ راكاااااان طيووب ويحب بناته فطوم وزهراء ووريوم يعدها وحده من بنااته , خديجه الام عمرها 37 طيووبه وحنوونه وتحب عيالها مرررررررهـ
فطوم بـ صف ثالث ثانووي عمرها 18 بنت ايه في الجمااااااال والباقي تعرفوونه في الاجزاء الجايه زهراء صف ثاني ابتجائي عمرها 8 سنوات دلووعة اهلهاااااا واي شي تسويه اختها فاطمه تقلدهـ خخخخخ
نواف : الاخ الكبير عمرهـ 21 وسيم مرررررررهـ يطيح الطير من السماا يحب بنت عمه ابوو نايف حنااااان
ولا في احد يدري عن حبه لهاااااا )
وبعدها وصلت روان – مريم – اسماء – اروى – زينب- نعيمه – ومنووله !
وحلوت الجلسه بوجوودهم ربشه ووناااسه ..
وبعدها راحوا تعشووا وكملوا السهرهـ على الساعه 12 شغلت ريم المسجل على اغنيه يالتاكسي
وبدوا رقص وهباااااااال واحلى الراقصين ( ريم ونعيمه وفاطمه ! ) وكان الكل يشجع اذا قامووا يرقصوون
على الساعه 2 الكل توجه لبيته وراحت ريما غرفتها وغيرت ملابسها وغطت في نوووووووم عمييق !



انتهى الجزء

 
 

 

عرض البوم صور غموض   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة كشة مرتبة, لكاتبة كشة مرتبة, سامحني توني أفهم أكرهك يعني احبك, سامحني توني أفهم أكرهك يعني احبك للكاتبة كشة مرتبة, كشة مرتبة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:25 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية