لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


بدون اسم

يمكن تستغربون ليش القصة مكتوب عليها بدون اسم حبيت اشارككم فيها، وتحسون انها منكم ولكم كتبتها عشان نقدر نقضي وقت ممتع مع بعض تقرونها تحددون اهي عن شنو،،

 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 17-08-08, 12:27 AM   المشاركة رقم: 1
المعلومات
الكاتب:
اللقب:

البيانات
التسجيل: Aug 2008
العضوية: 91448
المشاركات: 4
الجنس أنثى
معدل التقييم: قلوب ضميانه عضو بحاجه الى تحسين وضعه
نقاط التقييم: 10

االدولة
البلدKuwait
 
مدونتي

 

الإتصالات
الحالة:
قلوب ضميانه غير متواجد حالياً
وسائل الإتصال:

المنتدى : الارشيف
New Suae بدون اسم

 

يمكن تستغربون ليش القصة مكتوب عليها بدون اسم حبيت اشارككم فيها،

وتحسون انها منكم ولكم كتبتها عشان نقدر نقضي وقت ممتع مع بعض تقرونها تحددون اهي عن شنو،، والاهم شنو عنوانها،،

للأسف هاذي أول مرة لي أكتب فيها قصة ارجو منكم انكم تتحلمون هفواتي وتساعدوني فيها،،

ان كان الموضع ركيك هم بعد انا اعتذر وبنطر ردودكم على الموضوع واذا عجبتكم بداية القصة راح اكملها..

بطلة قصتي فتاة اسمها جوري,,

جوري تنتمي للطبقة المخملية في دولة الكويت أهلها فري لأبعد الحدود قدموا لعيالها واختها الي يبونه

حتى احلامهم كانت تتحقق بحلم البصر،، لو يبون القمر يوصلون له،،

ابوها انسان عصامي بنى نفسه من الصفر وصار تاجر معروف جدا في الدولة وألف واحد واحد يتمنون

يتقربون منه،، من هوامير السوق باختصار شديد،، امها انسانه مثقفة اجتماعية سيدة مجتمع الكل

يحبها،، تسوي الخير للكل والجميع،، عندها جمعية خيرية تساعد فيها المحتاجين داخل الكويت وخارجها،،

والحين نتكلم عن بطلت القصة جوري انسانه طيبة جدا جميلة متواضعه تحب الخير للناس وفيها عيب ان

الي بايدها مو لها، حكمتها ابتسم تبتسم لك الحياة، غالبا مبتسمة مفرفشة وابتسامتها أخااذه لو

تبتسم بويهك تسرح فيها، تحس انك تعرف هالانسانه ومو أول مرة تشوفها بحياتك ، سمراء البشرة الى

حنطية اللون لونها غريب يوم تلاقيها برونزية ويوم حنطية وهالشي معقدها وايد، عندها اخت توم تشبها

ونسخة منها ظاهريا لكن بالباطن عكسها تماما ما تحب الا نفسها ولسبب غير معروف ما تحب جوري،

تفرق بينهم بشغلتين الأولى الغمازة الي مشهورة فيها جوري والثانية الشامه الي على خدها، ياسمين

انسانه مغرورة متعالية تحسب نفسها من علية القوم وان كانو منهم، امها تحذرها وايد من الغرور الي

ماله داعي وكله تقول لها صيري نفس اختج وطبعا اهي مو عاجبها حال اختها. وبالأخير ضاري الولد

المدلل والمأخوذ حقة نوعا ما، يدرس في طيرااان وان كان هالشي ضد رغبه ابوه الي يبيه يطون ذراعه ا

اليمين في الشغل، وعده ضاري ان لما يرد بيساعد ابوه بس يحقق حلمه ويصير طيار ولاحق على الحلال

في يوم ربيعي الجو حلو وغييم بره مغطي السما تقعد جوري من النوم على صوت الباب واهي مخترعه..

أم ضاري: جوريووو قوووميي يالله ماعندج اليوم محاضرات ولا ما تبين تروحين ؟!

جوري: يما الساعه 10 وانتي تدرين ان محاضرتي 12 متى يمديني اقوم واروح الكلية..

ام ضاري : عندج المنبه.. فجي الباب ..

تطل جوري الباب لأمها وبعيونها نوووم وشعرها كشة وملابسها مبهذلة تطالعهااا وتقول لها: أي لو

ضروووي جان عرفتي متى تقعدينه حلايه ويها حذاف النخل..

امها تطالعها بعصبية وقامته ضحكتهااا: مالج شغل فييه يالله قومي روحي الكلية وقعدي اختج مالي

خلق صراخها يا يمه تدرين باختج..

جوري واهي تصحصح وتستوعب شوي شوي : انا اقعد ياسمين ليييش تبينها تكفخني بأكبر ما عندها ولا

تبيني اموت... تطالع امها وتتمسكن: يما انتي ما تبيني ليش انا شسويت لج ؟؟

امها تطالعها وتموووت من الضحك: يالله روحي قعديها..

جوري تتسلل شوي شوي عند غرفته ياسمين وتطق الباب....

ياسمين: منو هذا الفاضي الي قاعد يطق الباب ( تقول بينها وبين نفسها )

جوري : سمسم ما تبين تقومين من النوم ترا عندنا محاضرة يالله قومي وعيلي من الله خير..

ياسمين: سم يسري فبطنج ويفكني منج ( بصوت مقموت )

جوري: ها ياسمين شنو قلتي؟؟؟

ياسمين: لا سلامتج كاني بقوم..

جوري تنطلق للحمام ( وانتو بكرامة ) : تجابل المنظرة وتقول وااااااااي شحلاااااااااتني والله وحلاااااات

ويهي القمريي انا ما الوم الي يتغنى فيني وااااي حلاااتني... بس الله يهداني رايحة حق امي بكشتي

خرعتهااا زين ما صار فيها شي يالله خل اغسل ويهيي واروووح..

جوري صوتها يجنن لما تغني والكل يحب يسمعها واهي تغني حتى ياسميين تحس براحة لما تسمع

صوت جوري وغناءهااا.. قاعدة تغسل ويها وتغني اغنيه عبد المجيد يحلموون تطالع ويها وتغنييي وتسوي

حركات عبيطة بويها..
امها تطق باب جناحها وتقول لها: خلصي بسج غنى مادري منو قايل لج ان صوتج حلو..

جوري وبكل ثقة وبصراخ : انتي قلتي لي ولا نسيتييي..
ا
م ضاري: يا خوفي بنتي تين هالهبلة مو زين تغني واهي بالحمام: يا بنيتي مو زين لا تغنين داخل الحمام

طلعي وطربينا يصوتج الجذااااااب..

تطلع جوري من الحمااام و تبطل الكبت تطالع ملابسها شتلبس.. بنطلون ولا تنورة ولا برمودا قميص ولا

تي شيرت ولا بدي.. وبالأخير قررت خذت هاي نك تايغر مع جاكيت لونه دم الغزال والتنورة كانت بيجيه

مايلة للبني لبسها كان وااااايد ستايل جان تطالع شعرها الكستانئي وتقول هذا شسوي فيه قررت

تخلييه على ما اهو وتحط له ربطه بسيطة عشان تصير مثل التاج والمكياج خفيف والحمرة غمجتها حطتها

بلون دم الغزال..

طلعت من جناحها وراحت لأمها باستها على راسها واهي تضحك لأن دمرت راس امها بحمرها الفاقعة..

أم ضاري : ايي هاذي بنيتي مو مساعه طالعة بكشتك مخرعتني

جوري: واهي مستحية وويها حمر: يما حرام علييج يقولون الشاذي بعين امه غزال وانا حتى بعينج مو

غزال عيل بعين الناس شنو..

أم ضاري: بعيين الناااس تكونين امممممممم يمكن انا اقول يمكن ف.... ف....

جوري مستانسة وعلى بالها فراشة وبويها كله امل

أم ضاري : فقمة

جوري تطالع امها بصدمة : انا فقمه افا يا يماااااااااااا والله ما هقيتها جرحتي مشاعري ... وتسوي

نفسها تبجي ...

ياسمين توها نازله لابسة برمودا جنيز مع بدي ابيض فوقة جاكيت وردي ومكياجها صااارخ وحمرتها

وردية..

عكس اختها..

راحت لأمها تبوسها: صباح الخير يمه

ام ضاري : هلا بسمسم صباح النوووور شلون النومه امس من بعد الحفلة

ياسمين: والله تمام يما بس الناس مادري شلون كانو وايد غجر ابد ما جنهم رايحين حفلة من قبل وجنه

اول مرة يشوفون مطرب..

أم ضاري تقاطعها: احنا شنو قلنا يا ياسمين لا تقولني جذي عن الناس ولا تشوفين نفسج.. تذكري من

انتي يا يمه

ياسمين : أي انا ادري انا منو أنا ياسمين محمد ضاري ال****

أم ضاري : أي الي ابوج كان يشتغل عند فلان وفلنتان لين ما كون نفسه لا تنسين هالشي

ياسمين : وييه يما ما يصير يمر يوم الا وتضيقيين خلقي..

مرة وحدة سمعوا صوت شهقة ولا جوري: سمسم ياالله بسرعة صارت الساعه 11.30 بسرعه خل نروووح

ياسمين باستهزاء : ماعندج سيارة ؟؟

جوري باستغراب : امبلا ؟؟

ياسميين عيل روحي فيها الكلية انا شكو فيييج

جوري من بعد ما تفشلت وانكسر خاطرها كانت تبي تسوي مفاجأة حق ياسمين لأن عيد ميلادهم قرب

14-2: اوكي خلاص يما انا الحين استأذن.

تطلع جوري من الفيلا الي اشبه بالقصر موجود على البحر مكون من اكثر من مرفق او مكان.. بالعربي

الي يدش فييه يمكن يضيييييع...

تدخل الكراج تدور على سيارة تركبهاا تطالع السيايير المجوده وتقول : يا يبا انت خذيتنا كل هالاشياء وكل

الي تمنيته انك بس تقعد معانا اتخلى عن هالفلوس كلها بس ابي معانا.. عيونها تدمع تذكرتك ايام اول

قبل ما ابوها يفتح شركته الخاصة شلون كان يلعب معاهم وونسهم ويزفهم ويسهر على راحتك .. صحت

من سرحانها على صوت رجولي: جوري.. جوووري..

لفت ويها الا ابوها لمته بشووق: يبه هلا والله بالطش والرش والماي المرشش هلااا بالغاااالي حمووود

هلااا

ابوها يطالعها ويرفع حواجبه: منو حمووود؟؟

جوريي : افااا حموود نسيتنااا

ابوها واهو يضحك :: ما تيووزيين ابد آمريني ياعيون ححموود شتبي الأمورة جوري من حموود

جوري واهي تبتسم ابتسامتهاااا: ابيك تلمنيي حيييييييل لأني بروح الكلية وتوعدني لما ارد العصر

القاك..

ابوها وعلى مضض : اوكي بس هااااا ما اوعدج اكون موجود

اختفت ابتسامتها : اوكي يبا خلاص على راحتك

ابوها:: هااا عيل ويين حموود ولا خلااص ما ننفع تقولين لنا حمود

جوري ابتسمت : لا حموود وستين الف حموود

تطالع الساعة وهم بعد تشهق تقول واااي يبا تأخرتت خل اروووووووووح

ابوها : الله معاااج ووفقج..

ركبت البورش فتحت الكشف حطت ايشارب على شعرها تطالع نفسها: والله مصدقة عمري على بالي

سعاد حسني يالله خل اروح بسرعه ..


داخل الكلية


شباب وبنات وازعااج الي ماسك لابتوبه يطالع والي تحش مع رفيجاتهااا.. والشباب ما لهم الا تعليق

واااحد البنات شنو لابسين والبنات شنو مسووين وهاذي وهذيك.. والبنات ماعندهم الا شي واحد واي ا

امبيه شحلاته ايينن قاعد يخزني اكيد معجب فيني ..

دشت جوري وعدلت شعرها الي اخترب بالطريج.. وتمشي بسرعه تبي تلحق على محاضرتها دشت

المبنى ولا تتذكر انها ناسيه النوته بالسيارة.. تروح السيارة ولا تلاقي واحد يحوس حول السيارة يدقق

عليها يطل داخلها.. جوري واهي خايفة ومتردده تروح يمه ولا ما تروووح وما تشوف الا ظهره قررت

تتشجع وتشوفه شيبي عند سيارتهااا راحت صوب السيارة وبدون أي اهتمام بالريموت كنترول فتحت

الباب عشان يستوعب ان صاحب السيارة يه واهو مصر ان ما يروووح.. ويطالعها ويبتسم واهي

مستغربه تقول هذا شفيه واااثق من عمره واايد

جوري قربت من السيارة: بطلت الباب

الصبي : حبيبتي انتي وينج ما تدرين عني انتي وينج عني ؟؟

جوري بعصبية : حبتك القراااده شتبي من متى صرت حبيبتك ؟؟

الصبي: سمسم نسيتيني؟ انا خالد

جوري عقب الصدمة : سم سم لأ انا مو سمسم انت غلطاااااان ( وبقلبها تقول هذا شعرفه بياسميين )

خالد : معقوله غلطان الله يخلق من الشبه اربعييين..

جوري كشت فيه خذت نوتها وراحت الكلية..

طول الوقت واهي سرحانه بهالخالد منو هذا وشعرفه باختي ياسمين لايكون بس تكلمه انزين جان

عالاقل قالت لي عشان ما تعرض لمثل هالموقف مرة ثانية .. الف سؤال وسؤال فبالها ما عرفت لهم

جوااب.. طلعت من المحاضرة واهي تفكر فيه شايلة كبتها بايدها ما انتبهت ولا تدعم بالطوفة تلفتت يمين

ويسار ولا ماكو احد قالت الحمد الله محد شاف،، ولا من بعيد تشوف عبد المحسن زميلها بالكلية انسان

خلوق لأبعد الحدود محترم ما عنده سوالف او خرابيط يطالعها وبويهه ابتسامه،،

جوري توقهت وقال لأ لا يكون شافني

عبد المحسن : جوري عادي ميخالف كلنا نتعرض لهامواقف لا تنحرجين

جوري: ويها صار احمر بس خلاص مهي قادرة تعبر وبنفس الوقت قاعدة تفكر بعوار راسها الي يا لها باثر

الضربة.: ها أي اوكي..




قولو لي رايكم انشالله عجبكم يمكن طويل او قصير بس عطوني رايكم وشكرا

 
 

 


التعديل الأخير تم بواسطة قلوب ضميانه ; 17-08-08 الساعة 12:34 AM
عرض البوم صور قلوب ضميانه  

قديم 17-08-08, 12:47 AM   المشاركة رقم: 2
المعلومات
الكاتب:

البيانات
التسجيل: Sep 2007
العضوية: 41488
المشاركات: 431
الجنس ذكر
معدل التقييم: mohamed adel عضو بحاجه الى تحسين وضعه
نقاط التقييم: 14

االدولة
البلدEgypt
 
مدونتي

 

الإتصالات
الحالة:
mohamed adel غير متواجد حالياً
وسائل الإتصال:

كاتب الموضوع : قلوب ضميانه المنتدى : الارشيف
افتراضي

 

اهلا بيكي بلمنتدي
وبدايتك جيدة واعجبني سردك لشخصيات قصتك قبل البداية
استمري
ياريت رايك في اعمالي

 
 

 

عرض البوم صور mohamed adel  
قديم 14-12-08, 09:30 PM   المشاركة رقم: 3
المعلومات
الكاتب:
اللقب:

البيانات
التسجيل: Aug 2008
العضوية: 91448
المشاركات: 4
الجنس أنثى
معدل التقييم: قلوب ضميانه عضو بحاجه الى تحسين وضعه
نقاط التقييم: 10

االدولة
البلدKuwait
 
مدونتي

 

الإتصالات
الحالة:
قلوب ضميانه غير متواجد حالياً
وسائل الإتصال:

كاتب الموضوع : قلوب ضميانه المنتدى : الارشيف
Proud

 

البارت الثاني
وبعد غيياااااب سوري عالغيااب بس حسيت محد يبي يقرا قصتي

مشت جوووري لصديقاااتها بالكلية،،، الي تنقدر نقول عنهم اغلب بنات الكلية بما انها مرحة واجتماااعية وتحب

تسولف مع النااااس بعكس اختهااا الي ما تتكلم الا مع الي بنفس مستواها الاجتمااعي،، والهشي يسبب حرج

لجوووري بسبب التشابه الكبير الي بينهم،،، مشت لين ما لقت صديقة عمرهااا بشااااير،، يعرفووون بعض من

10 سنين ويستانسووون على بعض واااايد،، الكلمه الي تقولها بشاااير تكملها جوري وبالعكس،، ستايلهم متقارب

روحهم وحدة حياتهم وحدة،،،


بشاير من عايلة بنفس ظروف جوري ابو بشاير (بو عبد المحسن ) صديق ابو جوري ( بو

ضاري ) من عمر وواحد ساعد الثاني لين ما وصلو للي وصلو له الحين،، كل منهم تسلف من الثاني وتعب و

شقى و سهر،، لهم صديق ثالث واهو ( بو عمر ) بو عمر عكسهم ما تعب وشقى مثل ما اهم شقووو تلاعب

وبهالتلاعب قدر يوصل للي يبيه،، توسط عند فلان وعلان،، ولكن الله ما يطق بعصا،، بعد فترة بدا يبين على

الي ربعه عارفينها من زمان الا وهي ان انسان لعوب غير كف} لأي منصب لأن يفكر بنفسه وبس،،،


: جوجو جوجو ..

التفتت جوري لورا الا توأم روحها بشاير تنادييها..

جوري: هلا بالحب كله هلا بعيووني المركبه هلااا اذوني هلااا..

بشاير: اوكي روووحج عيوننج فهمنااا اذونج شكو بالموضووووع..

جوري: شنو ما تدرين انج انتي جاسوستي العزيزة..

بشاير: لا ما ادري ( وتطالعها بنظرة برااااءة )

جوري: آآآآخ منج ويمه مننننج... سكتي توه صار لي موقف حد الاحرااااااااااااااج

بشاير: عادي مو شي يديد عليييج.

جوري: اقول بس لا تكثرييين .. توني شفت اخووج عبد المحسن ..

بشاير : انزين والشي اليديد ان؟؟

جوري: ان انا انطق راااسي بالعاااامووود واهو الوحييد الي شااااف .. ( تسوي نفسها تبجي)

بشاير :: ههههههههههههههههههههه مو شي يديد اخوي كله طايح علييييج مالت.. من كثر ما يطييح عليييج يقول

بشور انا ا جوري يا ربي استغرب منهاااا معاااي ثقيلة بس بالمواااقف الي اشوفها فيهااا احسها عبيييطة

جوري: أي والله يا بشوووور ما ادري شسويي محد يطيح عليييي غييييره وااي لما ايي بيتكم واشوفه اتمنى

الأرض تنشق وتبلعني.. يا اما طايح علي ومتكرفسه من الدري أو شعري كشة ويايه اخرعج يا ربي مواقف لا

احسد عليها ابد.

بشاير: جوجو عااادي اهو تعوووود عاااااااادي فري كويييت..

جوري: على قولتج فري كويييت

رن تلفون جوري وقطع السوالف عليهم تطالع التلفون تبقق عيوونها تبي تتأكد من الرقم الي دااق عليييها

جوري: هذا رقم ضروووووي

بشاير: انزين ردي عليييه ؟؟

جوري: الوووو ( بصوت خايف )

ضاري: هلااا اختي العزيززز جوجو..

جوري عيونها بدت تدمع: هلااا بعيوني هلااا حياتي انت ضروووي مشتاقت لك واااايد من زمااان ما ادري عنك

وينك عن جوجو ما تدري عنها ...

ضاري: والله تدرييين انا رايح ادرس مو رايح ارقص وانشغلت بالدراااسة و ....

جوري: يمه يمه يعني انا الي ادرس ومنتبه لدراااستي... ضرووي هذا خط الكويت طيحت قلبي فبطني وين خط


لندن؟

ضاري: أي عاااد يا وخيتي هذا الموضوووع الي بغيتج فيييه..

جوري: هلا آمر..

ضاري: من غير مقدمااات انا بالكوييييت..

جوري شهقت من الفرحة: صج والله انت بالكويييت واااااي حدي حدي حدي مشتاااقة لك

ضاري: خلاص يا حلوة دامج مشتااقة تعاليلي المطااار انا قاعد اشرب قهوتي

جوري: اوكي ضروي بس ترا انا ياية بالبورش وين احط اغراااضك فوق راسي مثلا..

ضاري: بعد طالعه بسيااارتي حلايا الويه... تعالي ما عندي اغراض دازهم شحن

جوري: ايه بعد تدري حبيت اطلع فيهاا عشان اتذكرك واشم ريحتك فيها... تهمس حق بشاير طااح علي

ضاري: أي طحت عليييج لا تهمسين حق الي يمج اكييد الي يمج بشوووور عطيني اياها اسلم عليها..

جوري : يا عيني ياعيني بش بش بعض الناس يبون يسلمون عليييج

بشاير تاخذ التلفون وويها قلب لووونه احممر من الحيااا

ضاري: هلااا بشووور صديقت اختي و بنت رفيج ابوووي العزيز شلووونج؟؟

بشاير: هلا والله ضاري تمام الحمد الله .. انت شلونك ؟؟ والحمد الله على السلامة..

ضاري: الله يسلمج.. عطيني جوجو

جوري: هلا كاني يايه لك.. مع السلااامه

تاخذذ اغرااضها بسرعة تسلم على بشوور وتروح صوب الباب مثل الريح واهي ماشية تلاقي اختهااا بويها

تحاجي رفيجاتهاااا ..

جوري : سمسم عندي لج خبر انماااا اييييه

ياسمين: خير شنو فييه بعععد

جوري: ضروووي رد من السفر توه داااق علي يبيني آخذه من المطار

ياسمين: حلفي والله عاد مشتاااقة له وااايد من زمااان ما سمعت صوووته

جوري: الحين بروح له اتيين معااااي؟؟

ياسمين: غريبة عندج محاضرة بعد شوي تبين تطوفينها الي خابرته انج ام قليب ما تطوفيين شي..

جوري: عاااد هذا ضاااري مو مال احد يكشت فيه وانتي عاااارفه غلاته عنديي اخونا الوحيد .. اتيين معاي؟

ياسمين : اممممم والله اتوقع ايي بس نروح بسيارتي سيارتج ما تكفي..

جوري بتأفف: مو قلت لج من الصبح انيي بسيارة وحدة انتي عيتيي

ياسمين: بدينا بالزف ييييييييو الحين شيفكني..

جوري: سبحان الله قمتي تخافييين من زفي سبحانه يغير ولا يتغير

ياسمين: لا تكثرين حجي..

جوري بقلبها تقووول يا ربي هالبنت تستانس تدقرني جدام الأوادم ليش: اوكي يالله نروح

جوري وياسمين راحو مع بعض للمطار وكلهم شوق لأخوهم الوحيد بجر امه وابوه،، ما يدرون ان اخوهم ياي

يايب لهم خبر يطيرهم من الفرحة،، واخيرا بعد سنين من الدراسة الطويلة راد معاه شهااادته،،، خلاااص بيرد

الكوييت ديرته بيرد بين اهله واحباابه حق بيتهم لشارعهم لربعه الي عاش معاه ايام طفولته،، خلاص رد ببيعيش

هاللحظات مرة ثانية ،، بيشوف امه وابوه ويصبح عليهم كل يوم،، واخيررا تحقق حلمه واخيرا

بهاللحظات بالذات واهو يفكر ببداية حياته اليديدة وشلون يبي يعيشها يسمع صوت يناديه من بعيد ولو ان قريب

يناديه يصحيه من الي اهو فيه التفت ولا يلاقي ولد عمه مساعد: ضرووووي

ضاري يفز من مكانه يصافحه حيل ويلمه من الشوق الي فيه هذا مساااعد اقرب انسان بالدنياااا لضاري يحبه

حب مو طبيعي،، باختصااار مساعد اخو ضاري الي ما يابته امه..

ضاري: هلا بولد العم هااا اشووفك محلووو شلونك شخبااارك

مساعد: أي بعد تدريي لازم نضبط نفسناااا عشان نجذب الي حوولنا

ضاري: مادري من هالدايخة الي راح تعطيك ويه

مساعد: اعوذ بالله على طول فكرت بالبنااااات..

مساعد وضاري مملوحين لدرجة كبيرة ولو انهم مختلفين عن بعض.. ضاري اسمر طويل عريض شعره فيه

انعكاس للون البني الي تتلون فيها عيونه،، صاحب ويه سمح حنون والقفل دايم على ويهه،، أما مسااعد ابيض

البشرة اسود الشعر ناااعم ملامحه فيها حده والي ما يعرفه يقول عنه معصب له لحية خفيفه مع الشنب،، يتصف

الاثنان بالثقل مو من النوع المستهتر الي ما عندهم غير التفرفر ورا البنات والترقم ولو انهم يحبون يحرجون

البنات بكلامهم ومثل غالبية الشباب يحبون يعلقون عليهم... قعدوا مع بعض يسوولفون ويهذرون بالصغيرة

والكبيرة وطبعاااا مساعد يدري بتخرج ضاري ويايب له هديه متواضعه ولكن قريبه لقلب ضاري..

مد مساعد ايده وقال لضاري تفضل هاذي هديتك..

ضاري واهو مستغرب هدية شنو؟؟

مساعد: بعد تدري واخيرا تخرج وفكيتنا من سفراااتك وقلت اييب لك اياها اهني واكون اول من يبارك لك صج

ان الهدية على قد الحال بس ....

ضاري يقاطعه: كل شي منك حلووو بو ضرووووي

مساعد يتلفت يمين يسار: منو بو ضروووووي

ضاري: مو انا قررت ان اول ولد اييلك تسميه ضاري لأنك تحبني مووووووت

مساعد: يا شين الثقة لا صارت زايدة عن الحد المطلوووووب

فتح ضاري العلبة ودمعت عيووونه: بيييه لين الحييين ذاكر وخاشها

مساعد: والله كنت ادور بين الزبااله ولقيييتهاا

ضاري: حاااط صورتنا بالزباااااالة افااااااااااااااا

مساعد ههههههههههههههههههههههه لأ بس حبيت اشوف ويهك شلون صاير

ضاري: شفته شلون صاير ارتحت يعنييي

مساعد: أي ارتحت

الصورة صوروها لما كانو صغااار جمعت ضاري مساعد واخوه خالد و عبد المحسن مع ياسمين وجوري و

بشاير مع مشاعل اختها خذوها قبل لما كان كل واحد منهم عايش فبسااطه لا فلوووس ولا شي خذوها واهم

صغار اعمار اكبرهم ما تجاوزت ال 13 سنه تلاقي بعيونهم البراءة والفرحه بالتجمع كل واحد منهم قبلها قال

شنو حلمه صورو هالصووورة وكل واحد منهم شايلة حلمه فباله،، وكل واحد منهم لبس لبس يبين شنو وده يصير

لما يكبر ضاري طبعااا لبس طيااار اما مسااعد فطبيب عبد المحسن كان حلمه ان يصير مهندس معماري خالد

حلمه يطلع ضابط شرطه على ابوووه،، البنااات احلامهم كانت على قدهم ياسمين حبت تكووون صاحبت شغلها

الخاص حتى ما يتدخل فيه احد اما جوري فلذوقها العالي حبت تكون مصممه أزياء و مصممه ديكور بنفس

الوقت بشاير بما انها نسخة جوري قالت بصير نفسج و مشاعل لحبها للأطفال قررت تصير مدرسة لمرحلة

الرياض...

طالع ضاري الصورة واهو يضحك قال:ههههههههههه تتذكر هاليووم؟؟

مساعد: اهو احد نساااه طالع اشكاالنا نضحك..

ضاري: والله ايااام... تصدق مع انها كانت صعبه يا حلاتهااا احنا والبنااات كلنا على قلب واااحد الله لا يفرقنا

مساعد: الا على طاري البنات ما تقول لي جوري وينها لين الحين ما يت؟؟

ضاري: أي والله ما ادري وينهم..

بهالوقت ياسمين وجوري كانو بالطريج للمطار وطول الوقت جوري تفكر انها تقول حق ياسمين ولا لأ عن

موضوع خالد.. وبعد صمت وتفكير استجمعت شجاعتها.

جوري: سمسم

ياسمين: سم الله عدوج هلا جوري قولي ( بهدوء مستغرب من طرف جوري )

جوري: شوفي انا اختج واخاف على سمعج والصراحة اليوم .... ( وقالت لها القصه كلها بالتفصيل الممل )

ياسمين وباين عليها الحرج من الموقف الي انحطت فيه: سوري جوري اوعدج هالموقف ما يتكرر و

جوري تقاطعها: سمسم حبيبتي انا مو قاعده اقولج هالحجي عشان تعتذرين انا بس خايفة عليج وبعدين من لي

غيرررج يا عمريي ( تغني اغنيه الجسمي )

ياسيمين: اوكي يا قلبي انتي من عيوني..

خالد شاب تعرفت عليه ياسمين من قبل اانغرت بجماله وجسمه وطبعا مظهره الي يعطيه الايحاء انه الشاب

الثري ولما عرفت ياسمين حقيقته تندمت كثر شعر راسها،، لأن مو من مستواها بس القلب ما يعرف العقل

ولو ان عند ياسمين لازم يعرفه...

**في بيت بو ضاري**

بو ضاري: يالله صبااح خير

أم ضاري: هلا والله بلي لفانا يا هلا به

بو ضاري: هلا بالمهلي... آمريني

أم ضاري: ما يامر علييك عدو ولا ظالم...شنو مشتهي للغدا

بو ضاري: تبين الصج الغدا من دون العيال ما يسوى ان شاء الله خبز جبن ما يهمني..

ام ضاري: خل ادق عليهم اشوفهم وين بيوون الغدا مهم يايين عاد البنات توهم طالعين قبلك...

بو ضاري: أي شفتهم الله يحفظهم يا رب.. بس شفيها جوري شكلها متضاايقه

أم ضاري: والله علمي علمك مثل ما قلت لك خل ادق عليها وايد احسن..

** في السيارة **

جوري: اوووه هاذي الوالدة تدق .. الو هلا يمااا

أم ضاري: ها يبنيتي وييينج ؟؟

جوري تفكر امها تدري ولا لأ برجوع ضاري وقررت انها تخض عنها الموضوع عشان يكون لها مفاجأة: والله

ماكو انا مع سمسم طالعين من الكلية رايحين شرق ودي بقميص شفته هناك وقررت آخذ منه..

أم ضاري: اوكي يايين غدا ولا لأ..

جوري: أي ان شاء الله

ام ضاري: في شي معين؟؟

جوري واهي تتذكر اقرب اكله لقلب ضاري : مجبوس لحم

أم ضاري: شفيج اليوم صايرة مفترسة مو على عوايدج..

جوري: ان كلينا قلتي مو على عوايدكم وان ما كلينا قلتي ليش نا تاكلووون الحلوة شنو يعجبهااا

ياسمين( داشة عرض): أي والله ليش ليش ليش...

أم ضاري: كليتوووني بلسااانكم واااي ما يسوى علي عمري... بعدين ما يمدي نسوي مجبوس

جوري: أي طلبو من بره

أم ضاري: أي والله زين ريحتو الطباخ

جوري: أي بعد قلت يمكن تتنازلين وتروحين تطبخين لنا

أم ضاري: لا خلاااص طبخت ونفخت لين ما انتفخت مااكو

جوري: اوكي يالله باي




نهاية البارت الثاني ان شالله يكون عاجبكم واتمنى ردودكم...

شنو بيكون موقف ام ضاري وابوه من ييته وشلون على عيد ميلاد ياسمين و جوري وياسمين شراح تسوي بخالد

وشلون تتخلص منه حزر فزر

 
 

 

عرض البوم صور قلوب ضميانه  
قديم 14-12-08, 09:49 PM   المشاركة رقم: 4
المعلومات
الكاتب:
اللقب:
ملكة الالماسية


البيانات
التسجيل: Jul 2006
العضوية: 8455
المشاركات: 10,839
الجنس أنثى
معدل التقييم: زارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالق
نقاط التقييم: 2892

االدولة
البلدSaudiArabia
 
مدونتي

 

الإتصالات
الحالة:
زارا غير متواجد حالياً
وسائل الإتصال:

كاتب الموضوع : قلوب ضميانه المنتدى : الارشيف
افتراضي

 

السلاااام عليكم.. مرحبااا فيتس اختي هنااا بليلاااااس اللي باذن الله بتلقين فيه احلى ناااس..

ومرحباا فيتس ضمن كوكبة الكاتباات القديرات المبدعاات الموجودات هناا..

وبالتوفيق ياارب..

 
 

 

عرض البوم صور زارا  
قديم 14-12-08, 10:00 PM   المشاركة رقم: 5
المعلومات
الكاتب:
اللقب:
عضو ماسي


البيانات
التسجيل: Oct 2007
العضوية: 53753
المشاركات: 10,517
الجنس أنثى
معدل التقييم: ارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عاليارادة الحياة عضو ذو تقييم عالي
نقاط التقييم: 740

االدولة
البلدIraq
 
مدونتي

 

الإتصالات
الحالة:
ارادة الحياة غير متواجد حالياً
وسائل الإتصال:

كاتب الموضوع : قلوب ضميانه المنتدى : الارشيف
افتراضي

 

السلام عليكم
اهلا وسهلا بك ظمن كوكبة كتاب ليلاس اتمنى ان نرى قصة مميزة وكاتبة تخطوة خطواتها الاولى بثقة
تامة

اهلا وسهلا بك اتمنى ان تجدي التشجيع الذي يرضيك
وياريت نرى تواصلك مع ردود الاعضاء وياريت نرى حرصك على اكمال اول خطواتك بالكتابة
وفقك الله

 
 

 

عرض البوم صور ارادة الحياة  
 

مواقع النشر (المفضلة)
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:57 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية