كاتب الموضوع :
"ميسان"
المنتدى :
القصص المكتمله
الفصل الحادي عشر
بنهاية الدوام المدرسي ..
دينا اخذت عبايتها بسرعه
جنان حست فيها شي : دنو ايش فيك مستعجله مو بالعاده
دينا ماسمعتها وطلعت
سديم : ايش فيها؟
جنان ترفع كتوفها : مدري والله
.
.
.
.
دينا تلبس عباتها : يالله شروق
شروق : يالله نطلع
طلعوا ثنتينهم سوا
شروق تأشر : تعالي بهذي السياره
دينا : اوكي
فتحت شروق الباب : تعالي دخلي السياره عشان اوريك اياها
توها دينا بتركب
سمعت صوت يناديها
: ديناااا
دينا لفت: نعم
جنان تمشي لها : تعالي ابيك ضروري
دينا : شوي بس وجايه
جنان : الحيين .. مرام مادري ايش فيها
دينا : مرام ؟! .. ايش صاير
جنان : مادري بس تعالي بسرعه
دينا لفت على شروق : سوري شروق خليها لمره ثانيه مضطره اروح
شروق : بس ثواني على الاقل
دينا : سمعتي جنان أيش قالت معليش مره ثانيه
شروق بخيبة امل كبيره : اوكي
.
.
.
.
جنان : انتي ايش عندك معاها ؟
دينا : جنو شفيك على البنت
جنان : لاني مومرتاحه لها ابد وعارفه ان فيها خبث
دينا : لاتظلمين حد بدون ماتعرفيه
جنان : دينا خلي عنك الهبال وتركي هالبنت .. والله بتضيعين معاها
دينا : أي هبال .. جنان شفيك انتي صايره شكاكه بالكل
جنان : نسيتي هذاك اللي صدقتوه اللي يسأل عن رنا وماصدقتوني
دينا : هذاك شي وهذي شي ثاني
جنان : لا نفس الشي
دينا : يعني لو افترضنا انها خبيثه زي ماقلتي ايش مصلحتها مني يالله قولي لي
جنان : انتي ماتدرين ايش اللي يصير من وراك
دينا : شفتي ماعندك اجابه خلاص قفلي الموضوع وانا اعرف مصلحة نفسي
جنان : ياليت تعرفين مصلحتك
.
.
.
.
.
صقر لف عليها وبأعلى صوته : انتي كيييييييييف تخليها ترووووووووووح
شروق تركب السياره : وانا ايش اقدر اسوي
صقر : كان قدرتي تقنعيها
شروق : ماقدرت اسوي شي هذي جنان نشبه دايم تطلع بوجهي
صقر يضرب الدركسون : الحين ضاعت من ايدنا مره ثانيه .. الله يريحني من هالجنان بكل مره تطلع لي
شروق حطت ايدها علي كتف صقر : انت ايش تبي بدينا خليها عنك .. روق حبيبي
صقر سحب ايدها وبعدها بقوه : مالك دخل بشي ويالله خليني اوصلك بيتكم
***********
واقف يرتب الكلام اللي بباله
رايح راجع وهو بغرفته
: هذي احسن خطه بتمسكها وماتقدر تسوي شي وراح تدمر احلامها
مشى وقلبه يدق له كم يوم وهو يفكر بهالخطه
ويدعي ربه انه يوافق على هالشي
وصل للمكتب طقه ثلاث مرات ..
: ادخل
دخل المكتب وهو يبلع ريقه .. الفكره اللي بباله مجنونه
ابو مالك يقرا كتاب : هلا عمار .. اجلس
عمار : هلا يبه
جلس عمار وهو متوتر كيف يفتح الموضوع اللي جاي عشانه
وكان يهز رجله بتوتر
ابو مالك حس بتوتره قفل الكتاب ونزل نظارته : خير عمار عارف عندك كلام .. قوله وانا بسمعك
عمار : يبه في باله فكره واتمنى توافق عليها
ابو مالك : وبخصوص ايش ؟
عمار : بخصوص دينا
ابو مالك : ايه قول ايش الفكره
عمار : انت عارف يبه ان دينا صغيره وينلعب عليها بسهوله
ابو مالك : ايه
عمار : روحاتها لامها ممكن تخربها .. ومانقدر نمنعها صح ولا لا
ابو مالك : صح
عمار : انا فكرت بحل هو بيكون افضل شي
ابو مالك : واللي هو
عمار : نزوجها
ابو مالك عقد حواجبه : نزوجها !
عمار : ايه تتزوج عشان مانخاف لا على سمعه ولا على شي
ابو مالك : بس هي بعدها صغيره ياعمار .. احنا مو بالعصور الجاهليه نزوجها وهي بهالعمر
عمار : داري انها صغيره بس عشان نحافظ عليها لازم تتزوج
ابو مالك : انت كيف تفكر ياعمار .. كيف نزوجها وهي بهالعمر واساسا محد تقدم لها
عمار : هذي بسيطه لها حل
ابو مالك : وايش الحل نسوي اعلان يعني !
عمار : لا مو لهالدرجه
ابو مالك : انا ادري عنك
عمار : تتزوج باسل ولد عمي صالح
ابو مالك : باسل !
عمار : أي عشان نحافظ عليهم اثنينهم .. باسل ممكن انه يغلط غلطة ابوي ويتزوج وحده ماتعرفون اصلها من فصلها ويحطكم امام الامر الواقع .. فأفضل حل تمسكوه هنا بالزواج
ابو مالك : بس هو دراسته بلندن .. والاثنين مايعتمد عليهم بمسؤليه .. واختك صغيره هناك بتضيع اكثر
عمار : لا مو شرط يكمل دراسته هناك .. يقدر يكملها هنا بالبحرين او الامارات وبكذا نقدر نحافظ على الاثنين ومافي واحد بيضيع منا .. وبنفس الوقت نفرح فيهم
ابو مالك بتفكير : مستحيل يوافقوا وانا ماابي اجبرهم على شي
عمار : يبه من متى لاحد كلمه بعد كلمتك
ابو مالك : بس هذا زواج افهم
عمار : حتى لو زواج عالاقل لفتره معينه وبعدها اذا يبون ينفصلوا ينفصلوا على كيفهم
ابو مالك : لمتى يعني ؟
عمار : لين مايصير كل واحد يقدر يعتمد على نفسه وماينخاف عليهم .. لان الاثنين منهم يمكن يتهورون
ابو مالك : اتركني افكر بالموضوع واشوف اذا هو لصالحهم او لا
عمار : اكيد لصالحهم يبه
ابو مالك بعد فترة تفكير : انت خليني الحين .. وانا بعدين بشوف كيف اضبط الوضع
عمار : اوكي اجل اتركك الحين
ابو مالك : انتبه على نفسك
عمار : ان شاء الله
طلع عمار وهو مبتسم ابتسامة النصر : هه وبكذا احلمي تروحين مكان دام باسل يكرهك
***********
بعد ايام ..
ابو مالك : هلا مالك
مالك : هلا يبه .. كيف صحتك ؟
ابو مالك : الحمد لله بخير
مالك : آمر يبه ايش بغيت
ابو مالك : ابيكم بكرا انت وصالح اخوك تجوني البيت
مالك : خير يبه فيه شي ؟
ابو مالك : سلامتك .. بس فيه موضوع ابي اكلمكم فيه اثنينكم
مالك : على خير ان شاء الله .. واساسا بكرا يوم تجمع اخواني هنا
ابو مالك : ايه داري بس تهموني اثنينكم تكونوا متواجدين .. والاهم من هذا كله دينا وباسل يتواجدون بعد .. بس مابيهم يحسون ان انا ابيهم يتواجدون غصب
مالك : دينا وباسل ! .. ليه ايش صاير ؟
ابو مالك : مو صاير شي .. اذا جيتوا بكرا بتفهمون كل شي
مالك : طيب
قفل مالك من ابوه
وجلس يفكر ( ايش ممكن ابوي يبي منا ومأكد يبي دينا وباسل .. ادق على صالح ونشوف )
دق على صالح ..
وبعد كم رنه رد
صالح : هلا مالك
مالك : هلا فيك .. شخبارك ؟
صالح : بخير ياخوي انت طمني عليك
مالك : انا الحمد لله .. ايه بقول لك
صالح : سم
مالك : سم الله عدوينك بس ضروري تكون متواجد ببيت ابوي بكرا
صالح : خير فيه شي صاير ؟
مالك : لاتسألني انت عارف اوامر ابوك .. وغير كذا لااازم باسل معاك
صالح بأستغراب : باسل ! .. ليه ؟
مالك : والله ياخوك مادري انا لازم اجيب دينا وانت باسل .. ايش عنده ابوي مادري
صالح : والله غريبه ! ماقالك ايش يبي فينا
مالك : لا بس حذرني مانحسسهم ان ابوي طالبهم
صالح : ياخويي خوفتني ايش ممكن يبي فينا
مالك : بكرا نروح ونشوف ايش السالفه
اليوم الثاني ..
مالك : هاه صالح وينك ؟
صالح : جاي بالطريق
مالك : تأخرت
صالح : طيب ادخل قبلي
مالك : لا ندخل سوا
صالح : ههههههههه شفيك خايف
مالك : ههههههههه ابوك يخوف بلد
صالح : طيب جبت دينا ؟
مالك : بتجي الحين
صالح : ايه انت عارف ابوك
مالك : لا لاتخاف راح تجي ومابتتأخر
صالح : يالله انا قريب
دقايق ووصل صالح
نزل من السياره : هاه وصلت دينا ؟
مالك : جايه بالطريق .. وانت وين باسل
صالح : جاي وراي
دخلوا سوا البيت
وهم التفكير شاغلهم ..
ايش ممكن يبي منهم ابوهم .. وليش مصر ان دينا وباسل يجون
اسأله كثيره شاغلتهم وهم عارفين جبروت ابوهم واوامره لازم تتنفذ
ابو مالك كان جالس بالمجلس ينتظرهم
مالك وصالح : السلام عليكم
ابو مالك جالس بهيبته : وعليكم السلام .. اجلسوا
مالك وهو يجلس : خير يبه ايش صاير ؟
ابو مالك : مو صاير شي .. بس فيه موضوع بسيط حاب اتكلم فيه معاكم
صالح : وايش هالموضوع ؟
ابو مالك : طيب الحين عيالكم وين ؟
مالك : بالطريق
ابو مالك : خليهم يوصلون أول
صالح ومالك مستغربين .. ايش هالموضوع اللي ماراح ينفتح الا بتواجد دينا وباسل
صالح رفع جواله : هذا انا بدق على باسل اشوفه وين
باسل : هلا يبه
صالح : وينك للحين ماجيت ؟
باسل : الحين جاي .. دقايق وانا ببيت جدي بس ليه ايش صاير
صالح : انت تعال وبعدين تعرف كل شي
ابو مالك بصوت عالي : خليه يدق على دينا واذا لسه ماطلعت يمر عليها ويجيبها معاه
صالح : سمعت جدك ؟
باسل بأستنكار : دينااا ! وليه ان شاء الله انا اللي امر عليها
صالح بين اسنانه : هذا جدك اللي قال
ابو مالك اخذ الجوال من صالح : باسل مثل ماسمعت مر على بنت عمك
باسل : بس !
ابو مالك : من غير بس .. مر عليها وتعالوا ابيكم بموضوع
باسل مايقدر يثني كلمة جده : ان شاء الله على امرك
قفل الخط ورمى الجوال على الكرسي اللي جنبه : افففففففف يعني مالقوا امر الا على هذي .. اكرهاااا لو قالوا لي هنادي امر عليها كان زين مو هذي اللي شايفه نفسها
اخذ الجوال مره ثانيه واكتشف انه ماعنده رقمها : اففففففف شالحل الحين
راح عند بيتهم
نزل من السياره وشاف تركي قباله
تركي : هههههههه من وين شارقه الشمس غريبه جاي بيتنا
باسل ينزل نظارته الشمسيه : ههههههههههههه والله شنسوي .. المهم انا مستعجل وين اختك
تركي باستغباء : أي اخت ؟
باسل : الحين اللي يسمعك يقول عندك مليون وحده .. مافي غيرها دينا
تركي : ليه شتبي فيها ؟
باسل : مو انا جدي دق علي وقال مر عليها وتعال
تركي : هههههههههههههه والله تنتحر ولاتركب معاك
باسل : الا كأني ميت عليها
تركي : ههههههههههههه انا مالي دخل اللي علي اناديها
دخل تركي وكانت دينا توها نازله وماسكه شنطتها بيدها..
تركي : دينا باسل ينتظرك برا
دينا بصدمه : باسل !
تركي بيموت من الضحك على شكل دينا : هههههههههههه ايه باسل روحي له برا
دينا : ايش يبي هذا ؟
تركي : علمي علمك روحي له
دينا : لاااااااا ماني طالعه
تركي : بكيفك مالي دخل .. تفاهمي انتي معاه
تركي عطاها ظهره وطلع ..
دينا : تركيييييييييي ..- طقت رجلها بالارض - اففف ياربييي
.
.
.
.
تركي طلع برا وهو ميت من الضحك : هههههههههههههههه تفاهم مع بنت عمك انا مالي دخل
باسل يتأفف : الحين هذي كيف بتطلع
تركي يركب سيارته : هههههههههههههههه انا مالي دخللللل هي داخل تصرف معاها
سكر باب سيارته ومشى
باسل يمرر ايده بشعره : لحوووووووووول مافي الا انا اللي انحط بهالموقف
توه بيدخل داخل الا دينا طلعت ..
باسل : كويس طلعتي
دينا ولا عطته اهتمام ولا ناظرته ومشت عنه
باسل مسك ايدها : اكلمك انا
دينا ناظرت ايدها ورجعت رفعت عينها : ممكن تشيل ايدك
باسل ماتركها وبين اسنانه : لاتفكريني ميت عليك .. بس انا اكلمك افهمي
دينا ببرود : ايش تبي اخلص
سكت لثواني يتأمل عيونها اللي لونها مثل البحر
فيها لمععه غريبه بهالعيون اللي مليانه برائه
دينا : مطول وانت ساكت وماسك يدي
باسل ترك ايدها بقوه ورجع للواقع : مو انا اللي ابي ومن قال لك ابي منك شي .. بس جدي طالبنا اثنينا
دينا عقدت حواجبها : جدي !
دق جوال باسل
باسل : الو
صالح : وينك للحين ماجيت
باسل بنرفزه : مو مني من بنتكم اللي معانده ومو راضيه تركب معاي
صالح : عطني اياها
باسل مد الجوال لدينا : خذي
دينا بأستغراب : مين ؟
باسل مارد عليها
اخذت دينا الجوال وردت بهدؤ : الو
صالح : عمو اركبي مع باسل جدو يبيكم سوا ولاتعاندين
دينا : ان شاء الله عمو
قفلت من عمها ومشت قدام باسل لسيارته من غير ولا كلمه
ركبوا السياره من غير كلام
كل واحد مشغول باله بأيش يبيهم فيه جدهم
وصلوا لبيت جدهم ونزلوا ..
دخلوا داخل القصر
كانوا بعض عماتهم موجودين ..
عمتهم حنان : هلا باسل ودينا .. جدكم ينتظركم بالمجلس
ناظروا دينا وباسل بعض باستغراب
ايش هالموضوع المشترك بينهم راح يكون
دخل باسل ووراه دينا
ابو مالك : هلا بعيالي ادخلوا
باسل ودينا سلموا على جدهم وجلسوا وهم يناظرون ابوتهم ومستغربين ليش هم بالذات اللي هنا
ابو مالك : لاتستغربون ليش ابيكم .. الموضوع متعلق فيكم اثنينكم .. دينا وباسل
مالك : ليش همه بالذات .. مسويين شي ؟
ابو مالك : خليني اكمل كلامي للآخر .. لكل واحد فيهم سالفه .. دينا وسالفتها مع امها .. وباسل ودراسته برا
صالح : طيب وين الغلط يبه اذا ان دينا من حقوقها تعيش مع امها وباسل يكمل دراسته
ابو مالك : انتوا مو فاهمين شي .. عيالكم بيضيعون من ايدكم وانتوا جالسين وتتفرجون
دينا بتضيعوها ان عاشت مع امها وباسل راح يغلط غلطة عمه وبيتزوج وحده مانعرف لا اصلها ولافصلها مثل ام دينا ..
دينا وباسل ساكتين ولا كلمه نطقوها
ابو مالك مكمل : ففكرت بحل عشان الطرفين مايضيعون .. دينا تبي تروح لامها بكيفها خليها تروح.. وباسل هم نفس الشي لان بهالحل بحافظ على عيالي اثنينهم ومابتركهم يضيعون مني
مالك : وايش الحل هذا ؟
ابو مالك : قبل مااقول الحل هذا .. ابيكم تعرفون ان هذا لمصلحت الاثنين .. وضروري تقبلون فيه ومايتحمل أي رفض منكم
باسل طول الوقت عاقد حواجبه ويهز رجله بتوتر
دينا بصوت واطي : بطل هز وترتني
باسل : اسكتي واللي فيني كافيني
ابو مالك مكمل كلامه : الحل ان باسل يتزوج دينا
صدمه كانت للكل ..
صالح ومالك ظلوا ثواني مو مستوعبين الكلام
باسل حس ان الدنيا تدور فيه
كيف يتزوج الحين
ومن مين من هذي دينا
باسل بصدمه نقز : ايييييييش– وهو يأشر على دينا - انا اتزوج هذي
دينا الصدمه شلتها مو عارفه الكلام اللي تسمعه صح ولا غلط
ابو مالك : ليه مو عاجبتك ؟ .. كامله والكامل الله شكلها اوروبي ايش تبي اكثر
باسل بانفعال : انتوا نسيتوا انا مين ابي اتزوج ؟
ابو مالك : لا مانسينا بس هذي انسب لك
مالك : يبه ايش هالكلام .. العيال بعدهم صغاااار مايتحملون أي مسؤليه
صالح : يبه انت من جدك تقول هالحكي
ابو مالك : انتوا عمركم شفتوني امزح بهالسوالف وبعدين هم قدها وقدود وراح يظلون قدام عينا
باسل : انتوا نسيتوا دراستي ؟ .. انا مو فاضي لزواج وخرابيط – يأشر على دينا – انتي انطقي كلمه دافعي عن نفسك .. ولا عاجبتك الفكره
دينا ماكانت تقدر تنطق بكلمه وحده واللي تجاوب عنها الدموع
عمرها ماتخيلت تكون مثل سديم وتتزوج غصبا عنها
ابو مالك بحده : باسل عن الانفعال الزايد اللي ماله داعي
مالك : يبه هذا مو من مصلحتهم .. همه يدوب يتحمولن مسؤلية نفسهم كيف زواج !
صعبه يبه
باسل كان بيطلع من العصبيه مايتحمل يسمع اكثر
ابو مالك : باسل ارجع انا ماكملت كلامي
باسل : اي كلام هذا انتوا صاحيين تزوجوني وحده انا اكرهها وماابيها
ابو مالك : لاتغلط على بنت عمك لانها بتكون زوجتك
صالح : خلونا نحل الموضوع بهدؤ .. وانت باسل عن العصبيه وارجع واحترم جدك
باسل رجع وجلس وهو يهز رجله مو قادر يستوعب اللي صاير
ابو مالك : اذا على الدراسه فهي محلوله
صالح : يبه الله يهديك كيف محلوله .. هو بلندن وصغار مانأمن عليهم ثنينهم برا
مالك : يبه دينا توها صغيييييييييره وين نخليها تروح برا
ابو مالك : الحل انه مايكمل بلندن
باسل وعيونه شوي وتطلع : كييييييييف ؟
ابو مالك : زي ماسمعت ياباسل تجيب اوراقك من لندن وتعادل درجاتك بهنا عندنا جامعات بالبحرين وبالامارات اوكي مافيهم شي
باسل وقف منفعل : الحين انا طالع برا احقق احلامي بالنهايه تجون ببساطه تهدموها .. هذي دراستي العالم تعادل درجاتها اللي هنا وتكمل برا وانا اسوي العكس !
صالح بحده : باسل خفض صوتك واجلس
باسل : انا مالي قعده اللي سمعته منكم كفايه وزواج ماني متزوج
طلع عنهم وتركهم
دينا ماكنت تقدر تستحمل تسمع اكثر .. الشخص اللي تكرهه بيزوجوها اياه
طلعت برا
باسل ماكان يشوف حد قدامه طلع معصب والشياطين بوجهه
ام باسل تخرعت بس شافته ووجهه محمر : باسل يمه ايش فيك
مارد عليها وطلع وهو يتحلطم
لحقه طارق لبرا
الكل كان مستغرب ايش السالفه
السكوت عم على المكان وماكانت الا ثواني وتطلع دينا وهي تبكي
كانت صدمتهم كبيره مو عارفين ايش صاير وليش اثنينهم بهالحاله
بس طاحت عيناه على امها ام عمار وراحت تركض لحضنها
يمكن تلاقي الامان عندها
دفنت راسها بصدر ام عمار وصارت تشهق وهي تبكي وتقول كلمات مو مفهومه ومتقطعه
: مــ ــا بــ ــيــ ــه ... قـــ ــو لـ ـو لـ ـه مـــ ـــا بــيـ ــه
ام عمار بردت اطرافها خافت على دينا ليه كل هالبكي وصارت تبكي معاها : ماما دينا احكي لي ايش صاير
دينا ماتقدر ترد بس كانت تشهق من كثر البكي
الكل تجمع حولها يبون يعرفون السالفه
ام عمار وهي تبكي : جيبوا لها مويه .. بسم الله عليك ايش صاير
حنان : انا بروح داخل اشوف ايش السالفه
ام باسل : لا لا بعدين عمي يعصب خليهم يخلصون ونعرف ايش صاير
حنان : ماني قادره اصبر شوفي حالتهم وباسل مايرد على احد
ام باسل : لا حول الله شالسالفه
جابوا مويه لدينا
ام عمار اخذت المويه وحاولت تشرب دينا كان تهدى
بس كانت تبعد المويه بيدها وترفض تشرب شي
.
.
.
.
مالك واقف ومعصب : يبه كييييييييف نزوجهم شايفهم كيف صغار
ابو مالك : انا كلمتي ماتتثنى
صالح : العياااااااااال صغااااااااااااار دينا صغيره الزاوج وين وهي وين
ابو مالك بكل برود : عادي المهم عشان نحافظ عليهم يكونوا متزوجين بهالفتره اذا كبروا وعقلوا ومايبون بعض يتطلقوا .. المهم انهم يتزوجون الحين
مالك وحرارته ارتفعت ..
دلوعته حبيبته ويبون يجبرونها بزواج وهي رافضه
صالح : انت كيف تفكر يبه .. العيال ماينفعون لبعض وكل واحد مايطيق الثاني كيف نزوجهم .. وكيف ترضى انهم ينفصلوا بعدين ؟
ابو مالك : عادي مع الايام بيتعودون على بعض
مالك : كيف يتعودون .. وهمه بينهم عداوه .. ومابي بنتي ترجع لي مطلقه
ابو مالك : بيتزوجون .. الملكه بعد اسبوعين .. والزواج بالاجازه اللي بين الفصلين الدراسيين مابقى شي عليها بس باسل يجيب اوراقه عشان يعادل درجاته هنا
مالك وقف بيطلع : يبه زواج بنتي مابزوجها غصبا عنها يااما برضاها ولا لا
طلع مالك من المجلس وهو معصب
شاف حنان قدامه : مالك ايش صاير خوفتونا
مالك مغمض عينه بقوه يبي يهدى : حنان ابعدي عني الحين مو رايق لك .. وين دينا
حنان بخوف : مع امها
مالك راح على طول لها : بابا دينا قومي حبيبتي معاي
دينا اول ماسمعت صوت ابوها قامت وانرمت بحضنه
وبين دموعها تتكلم وابوها يمسحهم لها : بابا مابيه بابا ليه كذا
مالك : ماعليك حبيبتي بنحل الموضوع لاتخافين .. قومي اوديك للماما
ام عمار بخوف ودموعها تنزل على حالة دينا : مالك ايش فيه .. ايش صاير فهمني
مالك وهي يقوم معاه دينا اللي ضامته وتبكي : بعدين افهمك مو وقته
ام عمار : لاتلعبون بأعصابي ابي افهم ليه كذا هي تبكي
مالك بحده مو بعوايده : قلت لك بعدين افهمك خلاص خلوني باللي انا فيه الحين
طلع هو مع دينا والجو صار متوتر
بعد دقايق ابو مالك طلع وركب فوق من غير ولا كلمه
وطلع وراه صالح
صالح وهموم الدنيا فوق راسه : وين مالك؟
ام باسل : طلع مع دينا
صالح يفرك جبينه هالمصيبه كيف يحلوها مع ابوه
ام باسل : صالح فهمني ايش صاير؟
صالح وهو يجلس تعبان : جيبوا لي ماي اول
***********
يضرب الدركسون بقوه : كيييييييييف يبون يزوجوني اياها بالغصب كييييييييف
طارق : هدي ياباسل .. الامور ماتنحل بهالطريقه
باسل : ليه احنا مالنا راي .. لا انا ابيها ولا هي تبيني كيف يفكر هذا
طارق : ياربي شهالمصيبه ؟
باسل : يبوني اترك دراستي انت فاهم كيف يعني بترك دراستي
طارق : انت هدي وفكر بعدين
باسل : انتوا كيف تفكروا الموضع سهل .. انا مستحيل اتزوجها اكرهااا
طارق : عارضهم قول لهم ماابيها
باسل يسند راسه على ورا وغمض عيونه : وانا ماعارضت ! .. الا عارضت بس انت عارف جدي .. كلمته هي اللي تمشي .. افففففففف
طارق : طيب جاريهم وتزوجها وبعدين طلقها
باسل لف على طارق : ودراستي تفهم يعني ايش دراستي راح اخسرها
طارق : ماراح تخسر شي .. كمل بالامارات عندهم جامعات قويه .. وكلها شهاده اللي هنا نفس هناك .. وبعدين روح واخذ الماجستير من لندن ولا من أي مكان
باسل : محد فاهم كيف .. وهنادي تروح مني يعني
طارق : خلي هنادي على جنب الحين .. وتزوج دينا بس عشان تجاريهم وتمشي امورك .. وبعدين طلقها
باسل : انت مو صاحي ابد
طارق : او فيه حل ثاني
باسل بملل : قول ايش عندك
طارق : دور لك حجز وروح لندن ولا ترجع الا بعد ماتخلص دراستك
************
بالسياره مافي غير صوت بكيها اللي يقطع القلب
ابو دينا مو عارف ايش يسوي وعارف راس ابوه
ومايبي يظلم بنته وحيدته
راسه عوره من التفكير : خلاص دينا حبيبي مانبكي
دينا ودموعها تنزل على خدها : بابا مابي اتزوج .. انا كيف اتزوج وانا بهالعمر
ابو دينا : ماراح تتزوجين يابابا دام راسي يشم الهوا
دينا رجعت سندت راسها ولفت تطالع برا من دريشة السياره : تقص على مين يابابا .. هذا جدو اذا قال كلمه مايتراجع عنها .. حرمني من الماما ماتبيه يزوجني على كيفه
ابو دينا : انتي هدي الحين وبنلاقي حل
دينا بين شهقاتها : بابا أي حل .. خلاص جدو يبي يزوجني
ابو دينا عارف كلام دينا صحيح ومابأيده حل بس لازم يحاول يمنع هالزواج بأي طريقه : لازم احاول امنعه .. مابي دلوعتي تضيع مني
دينا : بابا وديني بيتنا .. مابي ماما تشوفني بهالحاله واشغلها
ابو دينا : طيب حبيبتي
*********
ام عمار وقفت : كييييف يزوجونهم
صالح : هذا اللي صار
ام باسل : ودراسة باسل تضييييع
صالح : الحين خلي الدراسه المشكله بالزواج وهم مايبون بعض ودينا صغيييييييره
ام عمار : دينا للحين مو لزواج .. لسه تفكيرها صغير عمي كيف يفكر ؟!
صالح : الحين وين باسل
حنان : طلع وراح معاه طارق بس جواله مقفل
ام باسل : لاحول الله شهالمصيبه
صالح : ماراح تنحل الا بزواجهم .. انتوا عارفين ابوي كيف كلمته ماترجع ولا تتبدل حتى انه حدد كل شي
ام عمار بأنفعال : كيف يزوجها وهي صغييييييييره .. ياناس صغيره
صالح : عندك يابنت عمي أي اعتراض روحي عارضيه اذا كنتي تقدرين
ام عمار : ليتني اقدر .. انا بروح البيت ارحم لي يمكن ترجع دينا البيت
**********
رايحه جايه بغرفتها التفكير شاغلها
دينا مقفله جوالها
كانوا متفقين تجيها : اففففففففف شفيها ذي مقفله جوالها
ليان دخلت عليها : ايش فيك
جنان : دينا مقفله جوالها
ليان : وطيب مقفلته عادي يمكن مافيه شحن
جنان : لا مو عادي قلبي ناغزني حاسه ان فيها شي
ليان : لاتهوجسي انتي عاد مافيها ان شاء الله الا الخير
جنان : اففففففف والحل
ليان : الحل انك توقفي تفكير
جنان : مااااااااقدر
ليان : انتي اللي بتشغلين نفسك على الفاضي
جنان : اقول ليانوه تراني مو رايقه لك
ليان : اصلا بطلع من عندك ارحم لي
طلعت ليان وظلت جنان بين افكارها
حاسه بدينا .. احساسها مايخيبها
: يارب مايكون فيك الا الخير يادنو
*********
دينا دخلت بيتهم صاكه فيها الدنيا ماتبي تشوف ولاتكلم احد
تمددت على السرير بالعرض ومسكت مخده وضمتها بقوه وصارت تبكي بحرقه
اخذت جوالها فتحته وعلى طول دقت على جنان
جنان : الو دنو وينك ؟
دينا على طول بكت : جنوووو الحقي علي
جنان قلبها طاح : دينا ايش صاير خوفتيني عليك
دينا : بيزوجووووني
جنان بصدمه : بزوجوك ؟
دينا : ايه ياجنان .. خلاص بموت
جنان : ومين اللي بيزوجوك اياه ؟
دينا : باسل !
جنان : انتي شقاعده تخربطين ؟
دينا : انا مو قادره استوعب شي ! .. كيف يبون يزوجوني وانا ماابيه
جنان : هدي دنو .. كل شي وله حل
دينا : أي حل واللي يرحم والديك .. يعني ماتعرفين جدو
جنان : هذا جدك كبر وخرف ولا شسالفته
دينا تبكي : بموت ياجنو خلاص
جنان : بسم الله عليك لاتقولين هالكلام
دينا : مابيه .. مابي اتزوجه كيف هذا يفهم
جنان : صدمتيني دنو مو قادره استوعب
دينا : جنان ابي حل مااابيييييييييييييه
جنان : ولا يهمك بفكر لك بحل يطلعك من هالمصيبه
**********
جالس يدندن بالاستراحه ومبسوط
واخيرا سوا اللي براسه : اليوم احلى يوم بحياتي
صقر يجلس جنبه : ونسنا ياعمي .. اشوفك مبسوط
عمار بأكبر ابتسامه : واخيرا كسرت راسها
صقر عقد حواجبه : كسرت راس مين
عمار وهو يشرب من الكاس اللي بيده : راس اختي وهو فيه غيرها
صقر : ليه شسويت فيها ؟
عمار : هههههههههههههه بيزوجونها غصب لواحد يكرهااا وهين تقدر تسوي شي
صقر انصدم : تتزوج وليييييه ؟
عمار : هههههههههههههههههه احسن حل .. الحين ريحت مخي .. كل يوم باسل بيجننها
صقر : حرام عليك البنت صغيره
عمار : أي صغيره ياعمي .. هذي بتصيييع لو مامسكناها بزواااج
صقر قام من عنده قبل مايذبحه
اللي يبيها شوي وتطير منه
سيف شافه حايس ومعصب : صقر ايش فيك
صقر بأنفعال : الغبي عماروه بيزوج دينا
سيف : كيف ؟.. تتزوج !.. شلون ؟
صقر : هذا اللي قاله .. احنا لازم نستعجل وناخذها بأسرع وقت
سيف : بس كيف ؟
صقر : ماااااااااادري .. انا ودي اذبحه هالغبي خرب كل شغلنا الحين
سيف : بالعكس بيتسهل علينا اذا تزوجت
صقر : يالغبي يكرهها اللي بيزوجوها اياه
سيف : احلى واحلى بعد
صقر عقد حواجبه : كيف احلى ؟
سيف : اذا تزوجت يسهل علينا .. ودامه يكرها بتظل دايم بوحدها ومابيحب انه يقابلها !
صقر : ايه والله شلون راحت علي هذي
سيف : هههههههههه عشان تقدر عقلي وماتستهين فيه
***********
دينا نامت بعد ماتعبت من البكي
دخلت ام عمار تطمن عليها شافتها بعباتها وملابسها تنهدت : هذي كيف لهم قلب يزوجونها ! طفله وربي طفله
نزعتها عباتها وعدلت من نومتها وغطتها وطلعت
راحت وجلست جنب مالك بالصاله اللي بالطابق الثاني
ام عمار : انا ابي افهم ابوك كيف له قلب يزوجها .. البنت صغييره
ابو عمار يتنهد : والله مادري ياهناء ايش اسوي
ام عمار : دينا بتستخف
ابو عمار : والحل يعني ؟ مالهم الا الزواج .. ابوي راكب مخه
ام عمار : ولمتى عمي بيتحكم فينا
ابو عمار : لآخر لحظه بحياته .. ابوي كذا
ام عمار : وانتوا وين كلمتكم ليه ماتوقفون بوجهه
ابو عمار : واحنا ماوقفنا .. وقفنا ياهناء بس هو اللي براسه ينفذه لو ايش مايصير
ام عمار بأنفعال : والبنت تضيع من ايدنا يعني ؟
ابو عمار : ماراح تضيع .. فيه حل يتزوجون بس هي تعيش عندنا وهو بحاله وبعد فتره يتطلقون بس عشان نجاريه
ام عمار : انت صاحي يامالك .. البنت صغيره وتصير مطلقه كيف تجي هذي
ابو عمار : عندك حل ثاني ؟
بهالوقت دخل تركي
حس الجو مكهرب مافهم شي
صار يناظرهم باستغراب : شالسالفه .. صاير شي
ام عمار : انا اقوم انام ارحم لي هذا ان جالي نوم
تركي : يبه ايش صاير ؟
ابو عمار: مصيبه
تركي خاف وجلس قبال ابوه على الكنب : ايش هالمصيبه
ابو عمار : جدك يبي يزوج دينا
تركي انصدم : خييييييييير يزوجهااااا ؟؟ ولمين ؟
ابو عمار : لباسل
تركي : وباسل بعد ! كملت .. ناويين انتوا عليهم يتذابحون
ابو عمار : فهم جدك هالكلام
تركي : وهمه ايش ردة فعلهم ؟
ابو عمار : باسل عصب وتنرفز وطلع ودينا بس تبكي
تركي : وهي وينها الحين ؟
ابو عمار : نايمه .. اتركها الحين وكلمها بكرا
تركي : وانتوا ايش بتسوون؟
ابو عمار : يعني ايش بأيدنا نقدر نسويه
تركي : اوقفوا بوجه جدي .. ليه مالكم كلمه ليه هو بس يتحكم بحياتنا
ابو عمار بحده : تركي هذا جدك عيب هالكلام
تركي : وانا الصادق .. يبي يخرب حياة واحد واحد فينا .. وانتوا بس تتفرجون تخافون منه وبس ومحد قدر واثر عليه غير عمار !
ابو عمار عصب من كلام تركي : انت ماعندك احترام لاحد ابد !
تركي وقف : انا بروح انام احسن لي اما انتوا خليكم ضعاف قدام جدي
*********
دخل البيت ومو طايق يشوف احد
يعتبرها اكبر مصيبه بحياته
ابو باسل : باسل تعال ابيك
باسل : تكفى يبه اللي فيني مكفيني اجل كلامك لبكرا
ابو باسل : لا الحين
باسل : ايش بنتكلم فيه يعني .. على الزواج تحلمون اتزوجها مافي شي نتناقش فيه
تركه وراح لغرفته
دخل غرفته وقفل الباب عليه
: قال ايش اتزوج هين .. انا لازم ادور لي حجز واطلع للندن ومارجع لهم الا لما اخلص
ولا على كذا بيجننوني
انطق الباب
باسل : مييييييييييييين
: انا امك افتح لي
قام باسل وفتح الباب لها
ام باسل : ياماما لاتسوي شي بحالك .. انت بكري
باسل : وانتي شايفه كلام جدي عين العقل ؟
ام باسل : لا بس ايش بأيدنا
باسل : بأيدنا ان احنا نعارض نسوي أي شي
ام باسل : ماراح تقدر على جدك
باسل : افففففففففففففف انا مابيها يمه تفهمون مااااااابيييييييهاااااااا
ام باسل : انت هدي الحين و الصباح رباح
باسل زل لسانه من العصبيه : انا اصلا مو جالس لكم بروح لندن ومو راجع الا لما اخلص دراستي
ام باسل : وتتركني ؟
باسل : انتوا تقدرون تجوني بين وقت والثاني متى ماحبيتوا
ام باسل : عشان جدك يقلب الدنيا فوق راسنا
باسل : اوووووووه يمه لاتخليني اندم اني علمتك
ام باسل : لاتتهور ياباسل حذرتك
طلعت عنه وخلته ..
باسل : والله محد فاهمني .. تبون تزوجوني على كيفكم احلموا
*********
بالمدرسه ..
سرحانه وباين عليها التعب والارهاق
صار لها كم يوم ماتنام عدل
سديم بصوت واطي : اقول جنان ايش فيها دينا
جنان بحزن : اسكتي مصيبه
سديم : مصيبة ايش .؟
جنان : جدها يبي يزوجها لولد عمها غصب وهي ماتبي
سديم : وليه ان شاء الله
جنان : يعنني يبي يحافظ عليها
سديم تذكرت معاناتها : لا لاتتزوج
جنان تتنهد : مين يفهم جدها الغبي
سديم : بتعاني والله بتعاني ان تزوجت بهالطريقه
جنان : داريه بتعاني بس ايش بأيدنا نقدر نسويه
دينا قربت منهم : اففففففف متى باقي على الدوام مصدع راسي
جنان : قلت لك لاتجين بس انتي اصريني
دينا تدلك راسها : شسوي مالي خلق البيت
سديم : دنو روقي لاتفكري كثير
دينا غرقت عيونها : وين مافكر
جنان : اسمعي انا عندي حل
دينا : قولي
جنان : اتفقي معاه انكم تملكون وصحيح تتزوجون قدام العالم والناس بس انتي بطريق وهو بطريق
دينا : انا ماطيقه جنان .. مابي اسمي ينربط بأسمه
سديم : حاسه فيك يادنو
دينا : بس ليت جدو هوه اللي يحس
**********
الغرفه قالبها فوق تحت ..
يدور عليه ومو لاقيه
: قبل كم يوم كاان موجود ويين رااااح
دخلت امه وشافت الفوضى : باسل ايش مسوي
باسل : جوازي وينه ؟
ام باسل : جدك اخذه قبل كم يوم مادرينا عن السالفه اللي بيسويها
باسل : يعني عامل كل احتياطاته .. انااا لااااااااازم اساااافر يمه تفهموووون
ام باسل : قول لجدك هالكلام مو لي انا
باسل : ليييييييييه يسوي كذا معااااااااي
ام باسل : والله مادري جدك هذا بيجننا
باسل : كله من دينوه انا اوريها هي السبب
ام باسل : لاتحمل البنت الذنب .. هي مثل حالتك وازيد مغلوب على امرها
باسل : الا منها هي السبب .. لو ماهي كان مازوجني جدي
ام باسل : انت من سافرت تغيرت .. يمكن جدك معاه حق يزوجك
باسل : لاتزودينها علي يمه
ام باسل : انت مادري ايش اللي قلبك كذا وخلا اخلاقك بهالطريقه .. ماكنت من قبل كذا
طلعت عنه وخلته
باسل : انا الحين شسوي .. يعني لازم هالزواج !
**************
مر ت ثلاثة عليهم وكل يوم اصعب من الثاني
مافي أي تغيير بالموضوع
بالاستراحه ..
صقر : هلا بعمير
عمار : هلا فيك .. جيبو لي كاس اعدل فيه مخي راااااااسي مصدع
صقر يغمز له : ولا يهمك اجيب لك كاس
راح يجيب له الكاس بس هالمره غير
صقر مد الكاس لعمار : خذ
عمار وهو ياخذ الكاس : تسلم
صقر : الله يسلمك ولو
بعد كم رشفه من الكاس
صار عمار انسان ثاني
يضحك ويهلوس مو مثل العاده
سيف استغرب من حاله اذا شرب عمار مايصير كذا : اقول صقر انت حاط له بالكاس شي
صقر يضحك ضحكه شيطانيه : هههههههههههههههههههههه بعد عمري اللي يفهمونها وهي طايره
سيف : ايش حطيت له
صقر : بس حبة مخدرات
سيف طلعت عيونه : مخدرااااات !
صقر : ايه عشان يبوس ايدي ورجلي ويسحب لي دينا من راسها
سيف : بس متى
صقر : لا مو الحين لازم اخليه يدمن صح ويستعمل الابر وتالي اذله ذل !
سيف : هههههههههههههه والله انك شرير
صقر : ههههههههههههههه اعجبك .. عالاقل اذا ماقدرنا نجيب راس اخته نتهنى بفلوس جده احنا اولى من الغريب
سيف : هههههههههه والله تعجبني يالذيب
*************
باسل كان مار على تركي ياخذ منه كم شغله
دخل وهو كاره نفسه
ماكان شايف قدامه وصدم بدينا
دينا بعدت عنه ومالها خلق شي
انسان تحسه نسخه ثانيه من اخوها عمار بكرهه
كانت بتمشي بس مسكها من ايدها بقوه : لو وافقتي على هالزواج انتي الخسرانه
ترك ايدها ومشى
دينا بصوت عالي : اصلا انا ماني ميته عليك ولاتفكر اني ابيك
راحت لغرفتها حست نفسها مخنوقه
تبي تبعد عن كل شي حولها
ومافي شي يبعدها غير النوم تقلبت كثير لحد مانامت
بعد ساعات
حست بأحد دخل الغرفه
كان نومها خفيف تجلس على اقل حركه
بس مثلت بأنها نايمه
شمت ريحة غريبه وتخنق
قرب منها وصار يتحسسها
يتحسس وجهها وملامحها
مرر ايده بخفه على جسمها
هاللمسات بعد دقايق تحولت لشي ثاني
للمسات خبث ووقاحه
صار يقرب منها اكثر ويتحسس جسمها
حست بأنفاسه تقرب منها
قلبها صار يدق بقوه
مغمضه عينها بقوه وخايفه
بس لازم تهرب ترمي شي فوق راسه
هذا اكيد حرامي
فتحت عينها
ولكن كانت المصيبه لما فتحت عينها !
حست عروقها وقفت ودمها بجسمها نشف
صارت ترتجف
غرقت عيونها وبصوت مرتجف : .....
|
16-08-08, 06:33 PM
جديد مواضيع قسم القصص المكتمله
العرض العادي
