المنتدى :
الارشيف
ملتقى الرومانسية
فكرة تناقشنا فيها قبل كدة دلوعة بكيفي وانا
بتدور حول موضوع يجمع كل الرومانسيين
نتناقش فيه عن افكارنا وتساؤلاتنا وكل اللي يدور ببالنا حول الرومانسية وكل المشاعر والاحاسيس اللي جوانا
يارب الفكرة تعجبكم
واول موضوع للنقاش بعنوان :
حالة حب:
الحب كلمة جميلة وشعور رائع
كلنا نتمنى ان نجربه
نعيشه بكل كياننا
منذ ان تتفتح اعيننا على معناه
لكن عشان نوجه مشاعرنا صح في حاجات لازم نتناقش فيها:
ازاي تعرف انك بتحب؟
بتلاقي نفسك تنجذب لشخص معين
بتحب تقعد وتتكلم معاه
بتشتاقله لما يغيب عنك
بتخاف عليه جدا
تغير عليه كتير
دايما بتفكر فيه وف كلامه
وبتستنى معاد لقاكم
قلبك بتزيد ضرباته لما بتشوفه
واوقات يضيع منك الكلام وانت معاه
لكن هل اللي بتحس بيه حب فعلا؟ ولا بتحب الحب نفسه؟
يعني ايه الكلام دة؟
يعني الرومانسيين الغلبانين اللي زي حالاتنا بيتمنوا دايما يلاقوا الحب
وبتكون جواهم مشاعر كتير عايزة تخرج
بس لسة مالقيتش حد مناسب
لكن اول ماتلاقي الطرف التاني بتلاقي نفسك مشاعرك اتوجهت ناحيته
وهنا لازم تسأل نفسك:
هل انت بتحب فعلا؟
ولا بتحب حالة الحب نفسها؟
بتحب الشخص دة ؟
ولا بتحب تعيش احساس الحب؟
طبعا بتفرق كتير
لو بتحب احساس الحب في حد ذاته مش الشخص يبقى دة مش حب وانت في الحالة دي لسة محبيتش
لكن مستني الحب
المشكلة دي بتكون واضحة اكتر عند المراهقين
وعند كتير من مرهفي المشاعر اللي بيتمنوا يلاقوا الحب وعايشينه ف خيالهم
ازاي نفرق؟
التفرقة بتكون صعبةشوية
لكن مش مستحيلة
فكر شوية ف مشاعرك
وحاول تناقش نفسك فيها
واسأل نفسك:
هل حبك دا حقيقي؟
ولا مجرد اوهام ف خيالك؟
ياترى بتحب تقضي معاه اطول وقت؟
بتحب تشكيله وتسمع منه؟
بتخاف عليه جدا؟
وبتقلق عليه جدا؟
تتمنى لو ارتبطتم عشان تفضلوا مع بعض؟
وتتمنى لو كان بيبادلك نفس المشاعر؟
ياترى
بتغير عليه؟
بتطمن وانت معاه؟
واسئلة من دي كتير
ومن خلال اجابتها انت اللي هتقدر تحكم:
هل دا حب؟
ولا حب لحالة الحب؟
في انتظاركم
ولسة للكلام باقي
|