لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 31-07-08, 06:04 AM   المشاركة رقم: 21
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

╠ ═ ╝▫ ╠ الجزء الثامن عشر ═ ╝▫╠ ═


لا تجـيني بـ / لبيـه .. و تـروح بـ : حـسوف ... !
ما تشـتهيـني .. قـول .. ما تشـتهيـني .. ؟!
وش فـايـدة ’ الاحـلام ، لا صـارت طيـوف .. ؟!
وش فـايدة | قـلب | عـجـر يحـتـوينـي ... !

_ _ _ _ _ _

حنان وهي منصدمه : معقووول !! (وهي تصد عـ سلمان ) وليس سلماني ما يتكلم ..
سلمان وهو يكلمها بحقاره : اسمي سلمان .. مو سلمانج ..
أحمد : بس ماما ملاك كانت تقول لك سلماني ..
سلمان : ................
تقربت منه حنان .. لكنه ما عطاها أي فرصه .. ومشى عنـها ..
سونيا الي مستاءة من حنان : افف .. يجي هزا بيت يسوي جنجال ..
حنان منصدمه : أناا !!
سونيا: لا يده مال انا .. فتامي تعال كوـول فطور ..
فطيم وهي ترفع راسها بغرور : يلا عزيزتي سونيا ..
أحمد : واناا !!
فطيم : اقعد مع مربيتك .. ليش انت مو متربي !! " ومشت !! " ..
استغربت ملاك من الوضع ,, معقوله هذي حاله عيالها !!


.*.*.*.*.

الامارات ..
1.20
الكل كــأأن مجتمع حول الاسطبل ..
ماعدا اليد الي كان على بعد أمتار جالس على الجلسه ..
نورة : يدي قوم طالع السبااق ..
اليد وهو يصارخ : شوو !! .. بااص !!
نورة : ههههههههه يدي سبااق سبااق ..
اليد : هههههههه انتي منو ...
نورة : أنا نووورة ..
اليد وهو يعلي على صوته أكثر : صوووره !!
نورة : هههههههههههه يدي نوورة نوورة ..
ريم وهي تصب الجأأي لليد : تفضل يا عمي ..
اليد : شووو !!
نورة : يدييه .. تقول لك خذ الجااي ..
اليد : ههههههه ايه ..

..: عند الاسطبل :..

اطلق ذياب صفأأرة البدء ..
وكان المتسابقين .. حمدان .. ناصر .. سهيل .. سلطان .. بو ناصر ..
غايه : يلاا بابا باابا .. بابا ..
سلطان وهو يدور لها : قولي سلطاان مو بابا ... (وخل توازنه وطااح )
الكل : هههههههههههههههههههههههههه
غايه : يحليلك وانت سااكت يا سلطوـون ..
ام سلطان : قوم قوم يا وليدي لا يدوسونك ..
روان كانت مع كوثر تشجع حمدان ..
وعصاام وسامي يتهاوشون على ناصر وسهيل ..
بو سلطان : عاااد لا تفشلنا يا وليد ..
بو ناصر : اسكت وخلني اركز لا أطيح مثل ولدك يابطي ..
روان بهمس لكوثر : يكوني شنو بطي !!
كوثر : هههههههه .. اسم / اسم عمي بو سلطان ..
ذيااب : ستوـوـوـوب ...... خلص الوقت ..
ام ناصر : هاا ان شااء الله بوناصر الي فااز ..
ذياب : ههههههههههه ,,, بو ناصر قطع خمس دورات .. وسلطان استبعدناه .. وناصر قطع خمس الا ربع . اما سهيل فأربع دورات ههههههه وا علي عليك ياخوي .. أماا الفاايز .. حمداان لانه قطع خمس دورات ونص ..
كوثر : ههيييييي .. يحياا العدل ..
غايه : وا علي عليك يابوي .. لا انت ولا نصور
سامي : ويو ويو نصور مافاز ..
عصام : زين حتى سهيلوو ما فاز .. بس بابا فااز وييييو ,,
سامي : بس انت كنت تشجع ابوك ..
عصام : كيفي ..
سامي : سندارة ..
كوثر : بس انت وهو ما تشبعون من المناجر ..
روان : عأأدي عأأدي .. تعودي
ذياب وهو يأشر : بابا عصام تعال بعلمك عشان تفوز ..
عصام راح يركش لأبوه ..
سامي : وانتي شحقه ما تعلميني ..
روان : اعلمك شنو !!
سامي وهو عاوي فمه : سباق الحمير
الكل : هههههههههههههههههههههههههههههههه
سهيل وهو يتقرب : تعال انا اعلمك سباق الحمير ..
ناصر : هيه ساير اليهال وراك اليازيـ .... (ومسك فمه ) ...
ناظرة سهيل بنظرة معانا ( جب بكل هدوء ) ...
ناصر : ههههه ، انا بروح اجوف يدي هههه ..
سلطان الي ما قدر يكتم ضحكه : ههههههه هيه هيه ,, انطرني بخاويك هههههههههه


.*.*.*.*.


مستشفى السلمانيه الطبي ..
روضه : جلالوو لا تحملها ..
جلال: لا والله .. بنتي هاي بنتي ..
روضه : ايه منتك وخليتني اتعذب على ما وصلتني لـ هني ..
سوسن : ههههههههه وا علي عليج يا روضوو
سلامه : الا شبتسمونها ..
جلال : أكيد على إسم الـ
روضه وهي تقوم بصعوبه : شنو شنو شنو .. انا الي والده وتاعبه وانت الي تسمي ..
جلال منصم من حركتها : ههههههههههههههههههههه عيل شنو دور الأبو ..
روضه وهي تغمز له : ينجب الغداا بعد ما أسويه ..
الكل : هههههههههههههههههههههههههههههههههههه
بو عادل وهو داخل عليهم : والله محد طيح راسك يا جلول ياوليدي الا حرمتك ..
روضه : هههه ولو عم .. تشك بقدراتي ..
بو عادل : لو أشك ما أصريت ان جلالوو ياخذج ..
روضه وهي فاتحه عينها : انت الي اصريت ..!! .. يعني مو هو الي كانـ ..


.*.*.*.*.

الساعه 3.00 ..
كل دقيقه تتطوفها تسأل نفسها .. الي سويته فيها صح أو خطأ ..
رخت راسها على الطاوله ..
ومر عليها شريط رحلتها ..
محمد : ارمي نفسج .. ارمي نفسج من الدريشه ..
لكنـ الباب كان صعب ينفتح ..
حست بآلام غريبه ..
مو مثل الي تجوفه في التلفزيون ..
حوادث السياره كانت مثل اللعبه عند ملاك ..
لكن وهي بالسياره ..
وهي تتدحرج كلشي تغير ..
بعد الآلام العصبيه لقت نفسها في غرفة يمليها البيااض ..
وكل أجزائها مفوفين بشريط أبيض ..
تيقنت انها في المستشفى لما جافت الـممرضة تتقرب منها ..
لكنـ ..
من وراها ...
رجاأل شرطه !! .. ليش هي شسوت ..
تقدم لها العميد يستجوبها .. لكن كل أجوبتها كانت بهز الرأس ..
بعـد أياام .. تقرر أمر خروجها من المستشفى ..
طلت على بيتها ..
كانوا اليهال مستعدين للمدرسه ..
بمجرد ما جافوها تراكضوا للداخل البيت وهم يرددون ..
" باابا محمد .. حراامي .. حراامي " ..
ما كأأنت تستحمل الوضع ..
طلعت ولقت نفسها عند باب بيت كبير ..
ظنته حديقه عاامة بدايةً ..
عرفت فيه الدكتور عيسى ..
تذكرت الأيام الي كانت فيها تتكبر على حسناء وعيسى .. وترفض الأكل معاهم ..
تذكرت رفضها الشديد انها تعيش بوجه ثأأني ..
لكن لما جافت خبر وفاتها بالجريدة تغيرت افكارها .. !
ومثلت دور البنت عند حسناء وعيسى ..
عاشت بين أسره يملأها الحب ..
درست في الميتم ..
وكانت أيامها من أجمل الأيام ..
لحد ما حصلت الاعلان و ....
قطع عليها شريط ذكرياتها صوت الباب ..
أحمد : عزيزتي حنااان .. عزيزتي حناان ..
ملاك تفطر قلبها من صوت أحمد : ادخل حبيبي ..
أحمد : حناان جوفي جدولي ..
ملاك : هههههههه ،، يلا نجوف جداوب فطيم وسلماان بعد ..
أحمد: بس انا جدولي أحسن ..
ملاك : لازم نسوي شي يشمل الكل ..
أحمد : أه .. طيب .. سلمان في غرفة فطيم ..


من دخلت ملاك سلمان صد عنها ..
حنان : شخبار جداولكم ..
سلمان .. فطيم : ...............
حنان : أحمد اقعد معاهم تشاوروا .. " وطلعت " ..
سلمان وهو يقلد عليها : أحمد اقعد معاهم .. غبييه .. ما تفهم ان محد يبيها ..
أحمد : لكنـ ...
سلمان : انت ولا كلمة ..
فطيم : مناافق .. صديق المربيات ..
ملاك كانت ورى الباب تسمع مناقشاتهم .. فتحته على طول اختلوا اليهال ..
حنان : لا تنسون تحددون يوم للحديقة والسينما ..
فطيم + أحمد: هيييييييي هييييييييي هييييييييييييي ..
سلمان : ...............
حنان : بعد نص ساعه موعدنا .. "وطلعت " ..
سلمان : اصصصصصصصصص ..
فتح الباب مره ثانيه تأكد انها مو موجوده ..
سلمان : يا اغبيااء تبي تكسبكم في صفها ..
فطيم : بس تبي تودينا السينما هذا مو زين ؟؟!!
سلمان وهو يفكر : أأمممم .. فكرـره ..
فطيم +أحمد : شنووو !!
سلمان : أناا اقول لكم ..


من جانب ثاني .. نزلت ملاك للمطبخ تتفقد أحوال سونيا ..
سونيا من غير نفس : انته شو يباا .. انته يسوي جنجال هناا ..
ملاك : سوونياا ,, أنا أسوي جنجال !!
سونيا : اففف ياربي .. انا لازم يسوي سفر .. انته جنجال كبير ..
عبد الله وهو يدخل : سونيا اذا ماعليج أمر ماي ... أوو سوري مدام ..
حنان : حنان .. اسمي حنان خطيبي ..
عبد الله يبتسم : أهلا آنسه حنان ..
سونيا وهي تتطلع : اففف ..
حنان : ههههه .. شكلها عصبيه ..
عبد الله : لا عصبيه ولا شي .. بس ماتحب تتعامل مع الاغراب ..
حنان وهو تقدم له الماي : من متى تشتغل هني !!
عبد الله : من لما رجعت من الهند ..
حنان : وليش تشتغل في هالبيت سوااق !! .. وانت تقدر تشتغل في وظيفه أحسن ..
عبد الله يتنهد : آه .. على أمل ان الدكتور محمد يتذكرني ويرجع حلالي ..
حنان : حلالك !!؟
عبد الله : أبوي كان له متجر كبير بالعاصمه .. وكان وادعنه عند بو محمد .. لكن بو محمد باع المتجر وصرف فلوسه على عرس دكتور محمد وملاك ...
حنان وهي منصدمه : ملاااك !!
عبدالله : إيه .. زوجته القبليه .. لكنها توفت في حادث سيااره وكان ضحيتـ ..
محمد من خلفه يقاطعه : عبدالله .. مو وقت سواالف ..
عبد الله :آسف .. "وطلع " ..
محمد : اذا تبين شغلج يتم ، ابتعدي عن بقيه العمال ..
حنان : أظن مافيها شي لو سولفت مع احد هني .. الا اذا كان في شي خايف منه ..
محمد وهو حاس بشي غريب : أنا جفتج من قبل !!؟
حنان مرتبكه : لا لا .. عن اذنك ..



.*.*.*.*.


بيت عأأمر ..
كانت منار تمشط عُلا بالصاله ..
لما نزل عامر وهو حامل ولده ...
عامر : مناار ..
منار مصدومه : يمه ولدي .. عامر الله يخليك لا تقطه ..
عامر : معقوله اقط ولدي !!
منار وصدمتها تكبر : ولدك !!
عامر يبتسم : جم تكلف العمليه !!
منار وهي مو مصدقه روحها : 25 ألف ..
عامر : اعتبريها استوت له ..
منار : والفلوس من وين !!
عامر : جم عاطف عندنا ... !!

كانت كلمات عامر مثل البلسم لـ مناار ..
وبنفس الوقت مثل الطامه على راسها ..
ماكانت متوقعه أي كلمه وأي تعاطف ..
فشلون بالفعل !!



.*.*.*.*.

9.00 ..
الليل ..
حنان كانت تقص قصه على أحمد ..
أحمد : ماما ملاك ما كانت تعرف قصص ..
حنان : حبيبي مايصير كل ام تعرف قصص ..
أحمد : بس ما كانت تقول لي ..
كلمات أحمد مثل الخنجر بوسط قلب ملاك .. ضمته لصدرها وعينها تتدوح بالدموع : حبيبي أحمد .. ماما ملاك كانت تحبك .. بس كانت مريضه ..
أحمد : تعرفينها !!
حنان : إييه ..
احمد : بس ليش راحت ..
حنان : صدقني ماما ملاك بترجع .. بترجع ..
احمد : لا تخليني بروحي عزيزتي حناان ..
حنان بحنيه : حبيبي حمندي .. بروح أجوف أخوانك وبرجع لك ..


..: في غرفة فطيم :..
كانت تكتب رساالة وتصيح ..
وصلت ملاك لغرفتها وصوتها كله نحيب ..
فطيم وهي تصيح ..: ماما ملاك .. ماما تعالي جوفي البيت .. ماما تعالي .. مامـ .. (شهقت ) حنااان !! ( وعلى طول خبت الدفتر ورى ظهرها ) ..
حنان مبتسمه : شنو تكتبين ,,
فطيم : ولا شي ..
حنان : لاتنسين تقولين ياقيوم قبل لا تنامين ..
فطيم : انتي تقولينه !!
حنان : إيه ..
فطيم : ماما ملاك بعد كانت تقول لنا قولوه ..
حنان : شرايج نقوله مع بعض ..
فطيم تبتسم : ايه ..
_ : ياقيوم قلا يفوته شيءٌ من علمهِ ولا يؤدهُ ..
حنان : كنتي تحبين ماما ملاك .. ؟؟!
فطيم وعينها تتدمع : ايه .. كانت احلى ماما .. كانت كل يوم تلحفنا قبل ما ننام ، وتقول لنا قصص حلوة .. كانت دايما تاخذنا الالعاب والسينما ..
ملاك كانت عارفه ان فطيم تبي تغطي عليها .. عمرها ما كانت مهتمه فيهم .. عرفت شلون كانت غلطاانه ..
فطيم وهي تسلم حنان الدفتر : عزيزتي حنان ..
حنان : شنو هذا !!
فطيم :رساله للماما ..
حنان : ماما ملاك ؟؟!
فطيم / إيه .. اذا قرتها بترجع تتوقعين !!
حنان وهي تضم فطيم : ايه .. لازم بترجع .. لازم ..
فطيم : .....................
حنان / فطيم ..
فطيم : ............
التفت لها .. الا هي نايمه بحضنها ..
ملاك : هههههههه ما بتغيرين عادتج .. النوم في كل مكان وكل زمان ..


طلعت من غرفة فطيم واتجهت لغرفة سلمان ..
كان نايم مثل ما كان ظاهر ..
قربت منه ولحفته باللحاف .. تمت تمسح على شعره ..
لاشعورياً بدتدمعاتها تتهاطل ..
سلمان : تصيحين .. !!
حنان وهي تصد عنه : لا طبعاً ..
سلمان : لا تجذبين .. انا اصلا ما كنت نايم .. ثاني شي دموعج طبت على وجهي ..
حنان : هاا .. !!
سلمان : ...
حنان بهروب : تذكرت امي الي توفت ..
سلمان : أهاا ..
حنان : يلا الحين نام ..


.*.*.*.*.

الامارات ..
12.00 ..
الكل بهالـ وقت بغرفته ..
سامي : روانوو عطشاان .. ترى والله لأقول لابوي ..
روان : سمووي الكل نايم ناام ..
سامي : اذا ما قمتي تاخذيني بروح لسهيل ..
روان : ليش عاد ذاك فاضي لك .. امش بي امش ..
سامي : ليش ما تحبين سهيل .. ؟!
روان : اسكت وانزل من الدرج بهدوء ,,
سامي : انتي تخافين !!
روان : اصص .. اسمع الصوت ..

كان سهيل بالصاله .. والواضح انه يتكلم بالتلفون ..
سهيل : يا حبيبتي يا اليازيه .... إيه .. وربي هالـ أيام أنا مع ربعي بالمزرعه .. أول ما نرد بوظبي أجوفج .... إي عاد شسوي .... ههههههه .. لا تخافين مافي منافسه لج ... شنوو !! .. الله يخسك يا نويصر .. قايل لج ان في وحدة غريبه هاا ... هههههه ايه ايه ..... يقصد اخت مرت أخوي .... إيه .. هههههه .. ايه البحرين ... يا حبيبتي يا اليازيه تراها ولاشي جدامج ..
سامي الي فلت من يد روان .. : من تكلم يا مفعوص
سهيل مرتبك : هاا .. أناا !!
روان الي كانت ميته قهر : سموووي .. المطبخ من هني ...
سامي : زين .. صبي لي ماي وتعالي
روان : قلت لك قوووم ..
سامي : زين زين لا تعصبين ..
سهيل : أنـ .. أكلمك بعدين ..
روان بنفسها " هه اكلمك .. اللهم اني صمٌ بكمٌ عميٌ " ..

 
 

 

عرض البوم صور أسيرةبحرالأماني   رد مع اقتباس
قديم 31-07-08, 06:06 AM   المشاركة رقم: 22
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

╠ ═ ╝▫ ╠ الجزء التاسع عشـر ═ ╝▫╠ ═



تعـال ... !
تـذكـر وش كـثـر كنـت : اوصـيـك : .. ؟!
وتـذكـر سـؤالـي .. لا سـألت .. انـت نـاوي .. ؟!
انـا سـؤالك اذكـره ... / انـت وش فـيـك / ..!
واذكـر جـوابي .. انـك عـلى البـعد ... قـاوي .. !


_ _ _ _ _ _


الأحد ..
6.45 .. صباحاً ,,
الامارات ..

صحت روان أول وحدة من البنات ,, لأن ساامي يصيح من بطنه ..
خافت لا يزعج البقيه ونزلت به تحت ..
روان : اسكت عااد ما صار وجع بطن ..
سامي وهو يصيح : متى يرجع ابوي .. بنرد البحرين انتي ما تهتمين فيني ..
روان وهي تحمله وتمسك فمه : زين تسمح تسكت لا تقعد الأوادم !! ..
سامي : بطنيييييييييييييي ..
روان : زين وانا شسوي لك ..
سامي وهو يعلي صوته : ابي عمتي رييييم ..
روان : محد فاضي لك هالـ حزة .. امش المطبخ بسوي لك شي تاكله يمكن يوعان ..
سامي : ماابي ماابي ..
روان : فكيتني .. بروح انام ..
سامي : لا لا لا ..
روان : اووووووووووووه سموووي بس خلااص
سامي : سـ .. هييييييييل !!
روان وهي عاقده حواجبها : شنو الي هيل !! ..
سهيل وهو يتقرب منها : سهيل .. مو هيل ..
روان اكتفت بنظرة تساؤل ....
سهيل : ما بطيل عليج .. بس مابيج تخبرين حد من الي سمعتيه البارح
روان : مدامك خايف ليش صرت لوتي !!
سهيل بعصبيه : احترمي نفسج .. ورجاءً عن الغلط ..
روان بسخريه : والي يكلم بنات خلق الله شنو يسمونه !! ، على العموم .. لا تخاف مو من عادتي أفتن ..
سهيل ابتسم بكل برود ومشى ..
ساركت على اقرب مقعد في المطبخ وقعدت عليه ..
تذكرت أيام مراهقتها ..
شلون تخاطب سهيل بهالطريقه ! ..
هي نست نفسها !!؟ .. والا حلال عليها وحرام عليه ..
سامي : افففففف بطنيىى ..
روان وهي تصارخ : يكفي سموووي .. ذبحتني ..
ام ناصر : ههههه ، صبااح الخير .. الا قاعدة من الصبح
روان : صبااح النور خالتي .. شلون ماقعد من صباحة الله خير وهالعله على جبدي ..
ام ناصر : حيله سمووي ..
سامي : خالووه .. بطني يعورني ..
ام ناصر : بسم الله عليك .. استريح بروح اشوف المرقدوش اذا موجود ..


.*.*.*.*.*.

بيت بو محمد ..
كالـ عاادة الهوااش على المقعد الأمامي ..
فطيم : يوم الخميس أحمدوو اليوم انا
سلمان : لا والله اليوم أنا ..
أحمد : حناان ,, من اليوم ..
حنان : ماشاء الله عليكم ما تعطوني فرصه اتكلم ..
محمد وهو يركب سيارته : الله يعينج عليهم ..
حنان " هذا الي قدرت عليه " !!: ليش ما تتناوبون على الكرسي !!
فطيم : نتناوب ؟!!!
حنان : اليوم دور سلمان لأنه الأكبر .. شرايكم !!
سلمان مبتسم : طبعاً موافقين ..
أحمد بيأس : موافق ..
فطيم وهي تركب في المقعد الخلفي : موافقه ..
حنان : يعني ما بتوسعون لي !!
عبد الله : بتركبين معاااهم ؟؟!
حنان : لا تخااف تراني مو دبة عشان اثقل عليكم ..
عبد الله بخجل : هههه مساامحه مو قصدي .. لكن .. أول مره .. اقصد ما يحتاج ..
حنان : ما يحتاج أوصل عياالي !!؟؟
عبدالله : ههه لا .. قصدي .. براحتج ..



.*.*.*.*.*.


عأأمر : وهذي آخر عمارة وبعناها ..
جلال : يا عامر انت متأكد من الي قاعد تسويه !!
عامر : ميه في الميه ,,
جلال : مو هذا ولدك الي ما تشتهيه ..
عامر : ياخي افرح لي مجاامله ..
جلال : والله ياخوك انا فارح لك من قلب ,, بس مستغرب انك تبيع العمارة الوحيدة الي تعتمد عليها بقوتك في سبيل ولدك ..
عامر : أولا لا تنسى ان العماره قيمتها 77 ألف دينار ,, وانا محتااج 25 ألف بس ,,
جلال : ويعني ... !
عامر : يعني ياذكي اقدر اشغل المبلغ البااقي في مشروع
جلال : هع .. هذا فيسي ان ربحت ..
عامر : والله ماني عارف لك ..
جلال : وانا من صجي اكلمك ! .. خلني اروح لمدامتي مدام اليوم عندي سكليب ابرك لي ..
عامر : روح روح سكاان رووضه ..
جلال : آآه .. ماتتدري بكبر الرااحة لما اسمع اسمها ..
عامر يدزه : طحت ومحد سمى عليك ..
جلال الي فعلاً طاح : الله يااخذك ,, الواحد ما يقدر يعيش جوا الرومنسية في الشغل !



.*.*.*.*.*.


8.30 ..
بيت بو محمد ..
حنان / سونيا اساعدج !!
سونيا من غير نفس : لا ..
حنان : زين مدام احنا بنبقى مع بعض .. ليش ما نجامل بعض عالـ أقل ! ...
سونيا بسخريه : هه ومن يقول انته في يتم ! .. هزا بيبي انته يسوي سفر بيت مال انته ..
حنان منصدمه : شنوـو !!
سونيا : هه مسكين والله ..
حنان : آه ياربي.. معقوله كل هالشطانه فيهم !
سونيا : انا يقول انته مسكين .. والهين انته روح براا .. انا يسوي شغل ..



.*.*.*.*.


الامارات ,,

هربت من الكلـ وراحت عند المسبح ,,
المكان الوحيد الي ما يضج بالجماعه ..
استغربت ليش الكل منحاز للاسطبل والطبيعه ..
تاركين المسبح .. كان نفسها تسبح .. لكنـ وجود الشباب معاهم وعدم معرفتها للسباحه حال جدام هالـ أمنيه ..
جافت صورة الشجرة معكوسه على الماي ..
غمضت عينها .. وتذكرت أيام طفولتها مع خالد وريم وميعاد ..
كان محمد بعيد عنهم في لعبه وخطواته ..
كان خالد يعلمهم تسلق الأشجاار ..
كانوا يتسابقون لها ..
ولعت في ذهنها فكره اعتبرتها فكره جهنميه ..
تركت برودة الماي عنها وراحت للشجرة .. وتسلقتها .. كانت سريعه في تسلقها .. لأنها كانت متوسطة الطول ..
قعدت على أحد الأغصاان تتطالع الرايح والجاي ..
طاف نااصر وسلطاان وهم يتكلمون عن مباراة البحرين × الامارات لكرة القدم الشاطئية ..
الي كان نتيجتها 5 للامارات .. مقابل 2 للبحرين ..
ناصر : وانت تفكرهم يعرفون يلعبون !!
سلطان : ومن قال لك ان الامارات هي الي تعرف تلعب .. تعرف ان البحرين بطلت آسيا في الشاطئيه !
ناصر : شلون ما تكون بطلة آسيا وهم يلعبون على كزاز ..
سلطان : بس الحمدلله ربعنا شدوا الهمة وصكوهم 5 ..
روان كانت تسمعهم وتتذكر اخوها خالد ..
مهموس بالقدم .. شنو شعوره الحين ! ..
حاولت تسمع بقايا كلامهم بس ماقدرت لانهم ابتعدوا ..
مرت دقايق ممله .. لكن قطعها وصول سهيل ..
كان يتكلم في التلفون ..
حست بشعور غريب ..
ماعرفت شنو معناته .. لكنها كانت ما ترتاح له لما يتكلم في التلفون ..
معقوله غيره !!
سهيل : يا عمري عليج .. فديتج والله / ... أنا الدنيا لو كلها تروح نمي ولا يوم ماكلمج فيه .... / هههه ليش تعتبرينها مجامله .... / ولو انا جم اليازيه عندي ! .... / من ! .. لا تقولين لي نصوـور .. ما عليج منه .. / ايه هاي يبي يحرضنا عـ بعض .. / .... وقسم بالله يا اليازيه ما بيني وبينها شي .. / ... انا الغلطان لما قلت لك يا نويصر ,,,, / شفيج انتي ..! ... نطري نطري .. بخلي نويصر بنفسه يعترف لج ,,,
روان كانت تبي تجوف بقية الأحدااث بس ما كان بمقدورها ..
لان سهيل تبع ورى نااصر ..
تفاجأت من صرااخ ..
صرااخ عصاام ..
كانت قطوه تلحقه وهو يركض ..
روان بصوت عالي : عصااام شفيك تخااف من قطوه ..
عصام لف لها وخل توازنه وطاح في المسبح ..
روان ماعرفت شنو تسوي ..
بس نزلت من غير ما تحاسب لنفسها وطاحت ..
ماحست لألم ركبتها لانها كانت مشغوله بعصام ..
قطت نفسها بالمسبح ومسكت عصام ..
لكنها نسيت نفسها ..
ماتعرف تسبح !!!
تمت تصاارخ وعصاام يصاارخ ..


.*.*.*.*.


بيت بومحمد ..
3.15 .. الظهر ..

غرفة الدراسة ..
أحمد : حناان ..خلصناا مذاكرتنا .. خلنا اليوم نروح السينما ..
حنان وهي تفكر : أمممـ ... !
فطيم : بليييز حنااان ..
حنان : أممـ .. طيب .. بس بعد موافقة بابا محمد ..
اليهال : هيييي هيييييييييي
سلمان بمكر : ايه ايه .. هييييي ..



.*.*.*.*.*.




جلال : روووضه .. روااضي ..
روضه بدون نفس : شتبي ..
جلال : ليش تعامليني جذي !!
روضه : ابوك الي غصبك علي عيل هاا
جلال بهمس : الله يهديك يا يبه .. ان ما علمت سلاموـو على سوالفك ماكون جلالوو
روضه : اقول بلا تبسبس بلا بطيخ ..
جلال :هههه حبيبتي يا روضه ..
روضه وهي تحمل بنتها وتتدخل الغرفه : وعع .. لا تقول اسمي عـ السانك ..
جلال وهو يدعي ربه : ياربي شسوي فيها ! .. من هاوشتها قلبي عورني .. ومن خليتها جذي يقولون لي سكاني مرتي



.*.*.*.*.*.*.


الامارات ..
طلعت روان بمساعدة ناصر وهي ماسكه عصام ,,,
لكن حالتها ما كانت طبيعيه ..
شعرها انفتح .. والشيله طاحت ...
الكل كان يناظرها بعيون مبهمه .. !
غايه تقربت منها واعانتها على المشي ..
بينما ريم حملت ولدها الي كان شارب كمية من المااي..
سارع ذياب وراح معاه المستشفى ..
بينما روان كانت تتكأ على ذراع غايه وكوثر عشان تتدخل داخل ..
روان بصوت يكاد يتسمع : كوثر .. حطي شي على راسي ..
كوثر : نورة حبيبتي عـ ...
قبل لا تكمل كلامها تقرب ناصر وهو منزل راسه وعطاها الغتره (السفره ) الي عليه ..

حمدان ما كان موجود ...
أما الحريم والشوارب كانوا داخل ولا يدرون بـ شي ..
أما ناصر كان مدهوش من منظر روان .. وعُجب أكثر من تفكيرها بحجابها رغم وضعها ..
سهيل كان ناسي ما يقفل مبايله .. وبذلك اليازيه قدرت تسمع الاحداث كلها ..


.*.*.*.*.*.



الدانه .. ( شوكزولوـو ) ..
8.00 ..

من بعد فلم (مستر بن ) .. الي كان أحلى بضحكات الأطفال ..
انتقلوا الى قسم ثاني .. وهو شوكزولو قسم الألعاب ..
حنان : يلاا حبايبي .. تأخرنا ..
فطيم : لا لا ما شبعناا ..
أحمد : إيه ما شبعناا ..
سلمان سحب اخته بعيد شوي ..
فطيم : قول شنو خطتك !! ..
سلمان : ما عليج الا انج تكررين كل شي اقوله ..
فطيم : سألتك عن الخطه ..
سلمان : قلت لج كرري كل شي قلته لج ..
فطيم : زين ..
حنان : شفيهم الحلوين يتهامسون !
سلمان : اممـ .. نبي آيسكريم ..
فطيم : نبي آيسكريم ..
سلمان : نبي آيسكريم ..
فطيم : آيسكريم ..
حنان : لكـنـ ....
أحمد : عزيزتي حنااان .. نبي آيسكريم ..
حنان بيأس : زين .. انطروني هني ولا تتحركون .. سلماان .. انت اكبر واحد فيهم وانت قائدهم ..
سلمان : أكيييد (بكل ثقه )

بعد ما راحت حنان ..
أحمد : شنو خطتكم ..
سلمان : اهرب .. اذا تأخرنا على البيت .. بابا محمد بيطردها ..
أحمد كان منصااع لرغبات أخوانه وهرب ..

بعد أربع دقايق ..
حنان : وين أحمد !!
فطيم وهي تسأل سلمان : وين أحمد ..
سلمان وهو يلف وراا : وين أحمد ! ..
حنان من الصدمة طاح منيدها الآيسكريم ..


من ناحيه ثانيه ..
الملعوب انقلب على اللاعب ..
وتاه أحمد وما يعرف وين يروح ..
أحمد وهو يصيح : سلماااااااان .. فطيييييم .. اختيي فطيييييم .. حنااااان ... !


_ _ _ _ _ _ _ _
شنوـو بصير لهم !! ..
وأحمد وينه !! ..
وشنو بصير لملاك ( حنان ( !!
ناصر .. شنو بتاخذه مشاعره .. !!
اليازيه بتتدوم مع سهيل يا ترى !! ,,

 
 

 

عرض البوم صور أسيرةبحرالأماني   رد مع اقتباس
قديم 31-07-08, 06:08 AM   المشاركة رقم: 23
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

╠ ═ ╝▫ ╠ الجزء العشرون ═ ╝▫╠ ═


يعني اعطيك الثقه وتردها بلوي الذراع؟!
ياااخي ماشاء الله عليك ابدعت في رد الجميل


_ _ _ _ _ _


ينتظر على وجل ..
الساعه شارت الى 11.00 .. وللحين ما وصلوا ..
محمد : ما قالوا لك وين بروحون !!
عبدالله : والله يا استاذ محمد مادري بهم .. بس لما طلعوا كانوا فرحانين برشا ..
محمد : وشنو تفسر انهم للحين ما ردوا .. !
عبد الله وهو يهز كتفه : ماادري ..
محمد بعصبيه : وهذي ما تتدرين يعني ان وراهم مدرسه !!
عبد الله : .............
محمد : زين روح غرفتي نام ..
عبد الله وهو فاتح عينه : انام بـ بغرفتك !!!!
محمد بربكه : اففف .. قصدي روح المزرعه .. اففف روح عطني مبايلي ..
عبد الله وهو عاقد حواجبه : يعني الحين هي ما ردت على تلفون البيت بتردعلى موبايلك .. !
محمد : ألإفف ماعرف ماعرف ..
عبد الله وكأنه يتحسس شي : اسمع صوت سيااره ..


أماا في الخاارج ..
فطيم : عزيزتي حنااان ..
سلمان : أنا السبب .. آسف ..
حنان بعصبيه شديد : بس انتي وياااه ..
حملت أحمد الي نام على ذراعها ودخلت داخل ..
الاستقبال كان مثير للجدل ..
بالتحديد على الدرج الكبير ..
محمد : توـو الناس .. جان لا جيتي ..
حنان : .............
محمد : من هذي اللحظة انتهت فترة مكوثج عندنا ..
حنان شهقت .. بس كتمت انفاسهاا .. وصعدت الدرج .. ومن وراها فطيم وسلمان ..
محمد : انتوا وقفوا .. ( وهو يطالع ملاك ) .. خلي أحمد يقعد ..
حنان بنظرة حادة : اظنك تجوف اليااهل ناايم يا محمد !!
محمد انصدم من اسلوبها لكنه تغاضى : أأ .. زين ..
راحت حنان غرفة أحمد واتطمنت عليه .. وبعدها عقبت على غرفتها ..

أما فطيم وسلمان كانوا تحت اسجواب أبوهم ..
محمد : يعني هذا السبب !!
فطيم : ايه ..
محمد : زين روحوا ناموا وانا بطردها بكره ..
سلمان وهو يشهق : شنووو !!
محمد : مو هذا الي تبونه !!؟
فطيم : ايه .. لكنـ ,,,
محمد : لكن شنو !! ..



.*.*.*.*.*.


عيسى بهالـ وقت كان على شرفته ..
يتذكر الأيام الي قضتهم ملاك عندهم ..
كان بحاله كئيبة للغايه..
تقدمت له حسناء وربتت على كتفه ..
وكأنها صحته من حلم جميل ..
حسناء : هونها وتهون ..
عيسى وهو يضرب الجدار بيده : ليش تركتنا ! .. ليش ما سألت عنا !!


.*.*.*.*.



جلال كان حامل بنته ليال ,, الي كان اسمها من رغبة امها ..
طلعت روضة من الحمام : يمه يمه بنتي عطني بنتيي .. !
جلال بنحاسه : حبي يدي ..
روضه : جوف عااد جلالوو انا مو سوسن ..
جلال : عارف .. انتي كفو سوسن !
روضه وهي مبطلعه عينها : شنوووووووو !! .. اقول قومت تخورها !
جلال : انتي من قد هالكلام !
روضه : جلالووو !!
جلال وهو يتقرب منها : بتحبين يدي او لا ..
روضه بدهشه : شنوو !
جلال : أي او لا .. !
روضه وهي تاخذ بنتها : روح عن ويهي .. مابيك جدامي اتشااءم ..
جلال وهو يمسكها من اذنها: اقول احترميني شوي ..
روضه : ااااي .. بنتي بتتطيح يالـ ...
جلال : وانتي ما تتركين عنج طول للسان ..
روضه : الله يخليك نعز عني بس بناام ..


.*.*.*.*.


من غرفة فطيم الى غرفة سلمان ..
فطيم باللاسلكي : سلمااان حول ..
سلمان : فطيم اسمعج ..
فطيم : أحمدوو نايم ..
سلمان : بتتدبر امره .. بس انتي الحين طلعي ..
فطيم : أول شي بنروح لحناان ..
سلمان : حناان !!؟
فطيم .. !
سلمان بتردد : لكن احنا قلنا ..
فطيم باستهزاء : لا للمربيات ّ!! .. يعني ما يصير نغير هالـ ,,
سلمان يقاطعها : لكن لا تنسينـ انـ ..
فطيم وهب تقاطعه : يصير نغير هالشعار صح !! .. بس اذا انت حددت .. ما بكون منصاعه لك بعد اليوم .. يدك وبابا محمد بظلون يجيبون لنا مربيات يوم ورى يوم .. ليش ما نتم على هذي !! ، ما انطرد جوابك .. اذا تبي تجي معاي تعال غرفة أحمد .. باي ..


أما ملاك .. كانت في نوبة بكاء ..
توظب أغراضها ودموعها عـ خدها ..
شلون تغادر احلى حلم عاشته !
كان فكرة رجوعها لعيالها حلمـ ,, وعاشته بنفسها ..
والحين ! ..
قطع عليها افكارها دخول الثلاثي ..
أحمد ببراءة : عزيزتي حناان .. آسفين ..
حنان / ...........
سلمان : أنا السبب ,, آسف..
حنان بيأس : شنو بفيد الأسف الحين !
فطيم وهي تتقرب : عزيزتي حناان .. تصيحين !!
حنان وهي تمسح دموعها: لا.. عيوني حكتني ..
سلمان : لا تكابرين ..
حنان بعصبيه : خلوني بروحي .. مو هذا الي تبونه !! .. خلوني بروحي الحين !!

طلعوا الثلاثة بعلامات الغيبه متوجهين لغرفة أبوهم ..
محمد : اففف .. شتبون ..
أحمد : نبي السيدة حناان
محمد : بكره نتفااهم ..
سلمان : بابا محمد .. احنا السبب .. انا الي دبرت للخطه ..
محمد : كنتوا تبونها تروح صح !
الثلاثه : إيييه ..
محمد وهو يرجع للنوم : خلاص بصير الي تبونه ..
فطيم : بس الحين مانبيها تروح ..
محمد وهو متنرفز : والله ما يتعرف لكم ..
سلمان : حنان تحبنا .. واحنا نحبها ..
أحمد : بابا محمد .. أرجوك ..
فطيم : عاااد بابا محمد ..
سلمان : بابا ..
محمد بعصبيه : على غرفكم بسرعه ..
استسلموا اليهال وطلعوا من غرفة ابوهم ..



.*.*.*.*.*.


سعيد ودع أهله من الفجر .. وسار في طريقه للمطار ..
كان وداع حاار ..
وخصوصا سوسن ..
عادل كان فرحاان لرحيله .. لانه أخذ سوسن منه في فترة وجوده ..
لكنه مشى ..
ودراسته تنتظرة ..


.*.*.*.*.


الامارات ..
سهيل : شقااعد تقول !! .. امس هي مكلمتني وما كان فيها شي !!
ناصر : اليوم بنت خالتها اتصلت لي وقالت ان اخوها صادها .. وتقول لك ابتعد عنها احسن للاثنين ..
سهيل : من صجك انت !
سلطان : زين يوم ان منها ..
سهيل وهو يمسك سلطان من كندورته : يقااعد تقول !! ..
ناصر وهو يمسك سهيل : اترك سويلطين عنك .. وبلا تهور ,,,
سهيل وهو يضرب على ظهر الحصان : آآآه .. بس شلون .. !
الحصاان راح يركض بالاسطبل بينما نورة كانت متقربه لهم : سلطااان ..
سلطان : خير .. شتبين ..
نورة وهي تلهث : يدي .. يدي .. تعباان .. تـ ــ .. تعالو ..
ناصر كان اسرع واحد للنجدة ..


.*.*.*.*.



فتحت باب وهي تجر شنطتها .. الي كساها الحزن ..
تفاجأت لما جافت الثلاثه نايمين عند باب غرفة محمد ..
تقربت منهم .. لكنـ ..
قررت بآخر لحظة تنسحب بهدوء ..
كم تكره لحظات الوداع ..! ..
صدت عنهم وسارعت للخروج ..
طلع محمد بعدها بشنطته .. وتفاجأ تماما بوضع اليهال ..
حس بذيك اللحظة انها فعلاً نجحت بتعاملها مع اليهال ..
قعدت فطيم : بابا محمد .. وين حناان ..
سارع محمد للباب قبل لا تتطلع : حنااان .. آنسه حنااان .. !
حنان : خير .. شبغيت !
محمد : ياريت تتمين عندنا .. انا ,, انا كنت .. كنت متسرع ..
حنان : انزين !
أحمد : عزيزتي حناان .. !
فطيك : حناااان احنا نحبج ..
سلمان : انا آسف حنااان ..
حنان بانتصار : موافقه بس بشرط ..
اليهال : موافقيييييين ..
حنان : بس الشرط لبابا محمد ..
اليهال : باابااا ..
محمد : هههههههههه موافق ..
حنان : نشتري كمبيوتر لليهال ..
اليهال : هيييييييييي هيييييييي هيييييييييييييي
محمد : لكن ابوي .. اقصد .. ابوي يقول يعطل دراستهم ..
حنان : عيل مع السلامه ..
محمد : لا لا لا .. خلاص موافق ..
أحمد : أأي يطني ..
فطيم : وانا راسي آآآآآآآآآآآآآي ..
محمد بنص عين : بلا عيااره .. ولا تحاتون ترى اليوم ماكو مدرسه ..
اليهال : ههههههههه يحياا العدل



.*.*.*.*.


روان : ياريم ارجوج لا تخبرين حد ..
ريم : وليش تبين تروحين .. شقول لهم !!
روان : لا تقولين لهم شي .. أصلا محد بيسأل ..
ريم : تعرفين عاد شلون ! .. انا بعد بروح معاج ..
روان : زين .. واايد زين ..
ريم : وبجوف كوثر جان بتروح تجوف امهاوابوها ..
روان : جذي أحلى واحلى .. الا شخبار ولدج ..
ريم : مسكين زين .. بس الحين زكااام أما الصخونه خفت .. انتي شخبارج ..
روان : انا ماصابني شي .. بس تعرفين الوضع الي انحطيت فيه .. مو حلو ..
ريم : ههههههههه حليله ناصر خلوق ..
روان : في قمة الأدب ..
ريم بنض عين : شو شو شو ..
روان : ما تسوي علينا !! ..
ريم : انزين ما علينا انتي بتجوفين كوثر لو انا اروح اجوفها ..
روان : لا انتي روحي كلمي ذياب .. انا بروح اجوفها ..
ريم : صاار ..

طلعت روان من غرفة ريم لـ غرفة البنات ,, في الطريج اتصادفت مع سهيل ..
كانت تتمنى ان تتطوف من غير ما يصير احتكاك أو حديث ..
لكن سهيل خيب الامنيه ..
سهيل : شخبارج روان .. الحين أحسن !!
روان من غير نفس : الحمد لله ..
سهيل : زين روان اذا ما عليج امر .. زقري لي كوثر شوي ..
روان بفضول : ليش !! ,, ( تتداركت الموقف ) سووري .. اقصد لحظة ..
سهيل : ههههههههههه ، كنت ابيها تروح معاي المستشفى ليدي ..
روان وهي فاتحه عينها : يدك !!
سهيل: ايه ما دريتي انه مرض! ,,
روان : لا والله .. الحين شخباره !
سهيل : الحمد لله تماام ,,
روان : ما يجوف شر ,, عيل أنادي كوثر لحظة ,,
سهيل ما عرف ليش بس كان يتمنى ان المحادثه تتطول بينهم .. بس اختفت بسرعه ..
كوثر وهي طالعه : يا سهيل يدي فيه شي !!
سهيل : مااعرف .. بس حمدان رمسني قال لي جانكم تبون تتطمنون على صحة يديه تعالوا ..
كوثر : المهم هو بخير ,, مافيني شدة ريحة المستشفيات ,,
سهيل : وليييييه .. نسينا انج متنسيه ..
كوثر بنص عين : ايه هالمره لا تنسى ,,
سهيل : زين سئلي البنات اذا أحد بروح بسرعه ,,



.*.*.*.*.


في السوق ..
كانت البسمة مرسومة على وجوه العايله الصغيره ..
أول مرة تتطلع ملاك مع اسرتها من صادتها الحادثه ..
كانت فرحاانه ,, حسن ان الارض ما توسعها .,,


.*.*.*.*.

من ناحيه ثانيه ..
عامر سافر مع ولده ايران ..
وترك منار وعُلا في بيت أبوها ,,

سوسن : الحمد لله يا منار يوم انه رجع لج عامر القبلي ,,
منار : بيني وبينك استغربت من تصرفه ..
سوسن : ربج موجود ..
منار : ايه والله
سوسن : انزين اخليج الحين .. بقوم اسوي شي لابوج ..
منار : مثل عوايدج !!.. كيك وجاي بعد الغداا ..
سوسن: هههههههه ما تنسين !
منار : قومي قومي بعاونج بس ..


.*.*.*.*.


بو محمد : شهذا !! ..
محمد بتردد : اناا !! .. أقصد ..
حنان : يابو محمد انت انسان مثقف .. والحين الحاسب الآلي من وسائل الثقافه ..
بو محمد : مو انتي الي تعلميني ..
حنان : ههههه أكيد .. انت تعلم يا عم ..
بو محمد أدار وجهها ودخل غرفته ..
محمد وهو يتنفس الصعداء : أخيراً ,,, شكراً آنسه .. حنان ..
حنان " ماسخفك .. سكان أبووه .. " : هه .. عفواً ..

 
 

 

عرض البوم صور أسيرةبحرالأماني   رد مع اقتباس
قديم 31-07-08, 06:17 AM   المشاركة رقم: 24
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

╠ ═ ╝▫ ╠ الجزء الواحد والعشرين ═ ╝▫╠ ═

مهمـا ( تمـادى ) بالغيـاب وغـاب ,
لعـلّ وعسـى يمگن يجـي بكــرهـ ..
عنـدي أمـل وفيهـ الرجا ما خـاب ..
مصيـر الأيام تجمعنا واشـم ( عطـرهـ ) ,
ولو فرقتنا : الليالي وانسـدت الابـواب ..
يگفيني اعيش بـاقي العمـر على ذكـرهـ !



_ _ _ _ _ _



الثلاثاء ,,
المزرعة كانت شبه خاليه ,,
الشباب وبو ناصر وبو سلطان راحوا المستشفى ..
أما ذياب وحمدان .. فكانوا يجهزون عوايلهم للسفر ..
ام ناصر : ما قعدتي معانا شي يا روان يا بنتي ..
غايه : ايه والله روان .. تمي معانا ..
روان مبتسمه : الحمد لله عشت معاكم ايام مثل الحلمـ .. وقعدتكم ما ينشبع منها .. بس لازم نرجع لأهلنا ..
أم سلطان : عاد لا تنسين تزورينا ..
روان : لا توصين حريص ..
نورة : زين يمه ليش احنا ما نروح البحرين ! ,,
ام سلطان : ان شاء الله جريب ,,
كوثر : والله تشرفونا ..
غايه : تكلمت .. الحين انتي البحرينيه او ريم وروان ..
كوثروهي تغمز لـ روان : كولينا زي بعضينا ..
روان : هههههههههههه على أولت المسل ..
ريم وهي تتدخل عليهم : يلا مشينا ..


.*.*.*.*.


جلال : روااضي ليش ما تكلميني ..
روضه : ............
جلال : روضوووه ..
روضه : ..............
جلال " انما وريتج يا روضوو من جلال ماكون ولد ااحم احم ,, " : هههه .. الا شخبار ليال ,,
روضه : ..........
جلال بمكر : زين لاتتكلمين .. بس اذا تبين شي اتصلي فيني انا طالع للشباب ,,


.*.*.*.*.


لما رجعوا اليهال من المدرسة تموا يتراكضون ,,
أحمد : حناااان ,, حنااااااان ,,
حنان في الاستقباال : اهلا اهلا ,, شفيكم ..
سلمان بفرح : انا حصلت على درجة ممتاز في الرياضيات ,,
فطيم : وانا اخذت جائزة ألإضل مذيعه في اذاعة المدرسه ..
أحمد : وانا حصلت على الـ جيد جداً في السلوك
الكل : هههههههههههههههههههههه
محمد وهو يدخل عليهم ومستغرب من وضع عياله : شفيهم يضحكون .. ضحكوني معاكم ..
حنان : فطيم وسلمان لهمـ مني أحلى هديه .. أما أحمد ..... أمممـ ..
فطيم : ههههههههه حناان حناان .. تراه زين منه .. كان راسب بالسلوك ..
محمد : يا شرير ..
أحمد وهو يلصق بحنان : حناان .. ترضين علي !! ..
حنان وهي تصد عنه : طبعاً .. بس لين أكلت اليوم الغدى كله .. أممـ .. يمكن يمكن اصفح عنك ..
الثلاثه يدخلون داخل بازعااج : هييييييييييييي
محمد : هههه .. ماعرف .. ماعرف شنو اقول لج ... بسس مستغرب من حال اليهال !! ..
حنان " لأنهم عيالي يا .. محمد " : يمكن لاني اعتنيت بأطفال الميتم قبل ..
محمد : ههه .. زين تفضلي داخل



.*.*.*.*.*.


دخلوا الشباب وكانت الساعه 4.30 ..
كانت المزرعة خاليه من ازعاج عصام وسامي ..
سهيل وهو يطل على الاسطبل : حمدااان .. حمدااان ..
ام سلطان : حمداان ساافر ..
نااصر وهو فاتح عينه : ساافر !!!!
غايه : البحرين ..
سهيل : وذيااب !!
نورة : راح معاه ..
بو ناصر : وليش ما خبرونا ..
ام ناصر : على حسب رمستهم .. انهم ما يرومون على لحظات الوداع ..
سهيل بعصبيه : لا والله ! .. يعني يرومون يخلوني بروحي !
ام سلطان : ههههههههه واعلي عليك .. جانك بروحك تعال بيتنا ..
سهيل : الا بطير وراهم البحرين ..
ناصر : تخبلت انت !!
بو ناصر: صل على النبي وانا بوك ..
سهيل : اللهم صلي على محمد وال محمد .. بس ..
نورة : لا بس ولا بطيخ .. تم في بلادك أخير لك ..



.*.*.*.*.



سونيا من غير نفس : اففف .. انته شو يبي ..
حنان بعطف : يا سونيا مهما سويتي .. تبقى طيبتج واضحه مثل الشمس .. الطيبه الي تخفينها باينه في جبهتج .. لا تحاولين تبينين انج قاسيه القلب ,, وانتي اكثر وحدة عارفه ان قلبج يوسع الدنيا وما فيها ..
كانت سونيا تسمع كلامها ومستغربه منها ..
طلعت حنان ..
وسونيا بعدها تفكر ..
دخل عبد الله : سونيا الله يعافيج مااي ..
سونيا عبدوـو ..
عبدالله / نعم ..
سونيا وهي تقرب منه وتأشر على جبينها : عبدو انته في يشوف شي على جبين مال انا ..
عبد الله مستغرب : لا ..
سونيا : انته شوف شوف ..
عبد الله : ايه .. في تجاعيد .. واحد .. اثنين .. ثلاثه ..





.*.*.*.*.*.


في السكن الجامعي ..
لندن ..

حسن : سعوود حبيبي قوم الليلة نسهر ,,
سعيد : من صجك انت ! .. الامتحانات قربت وانت تقول لي نسهر ..
حسن : وامتحانات .. اليوم بس ..
سعيد : لا حبيبي انت روح .. انا بدرس ..
حسن : خلك يالدارفور .. قوم بس قم ..
سعيد : وانت متعطل علي !! .. اتصل على غرفة حميد وحسين واطلع معاهم ..
حسن : ياخي انا ابيك انت .. مزاجي قال لي جذي ..
سعيد وهو يصك كتابه : اليوم بس ..
حسن بانتصار : اليومـ بس ..


.*.*.*.*.

الخميس ..
4.30 ..
بو محمد يناادي : سلمااااااان .. أحمد .. فطيييييييييييم .. انزلوا الخيااط جاا ..
سلمان : اففففففففففف..
أحمد : حنااان .. نبي ثياب جااهزه .. قولي للبابا ,,
فطيم : عااد حنااان ..
سلمان : انا الصبيان يعيبون على ثيابي القديمه ..
أحمد : وانا بي ثياب بالوان زاهيه ..
فطيم : شقلتين حنااان !!
حنان : قلت يلا ننزل ..
فطيم : يعني بتساعدينا !
حنان : اممم .. بحاول
الثلاثه :


الخياط : من الي بكون أول واحد !!
بو محمد : يلا سلمان بما انك الاكبر ,,
حنان : شي جميل ان الواحد يفصل له عند خيااط عشان يصير اللبس مضبوط ..
أحمد : حنااااااااااااااااااااااااان !!
حنان وهي تخبي ضحكتها : بس ليش ما نعوض الخياط بالملابس الجاهزة ,,
بو محمد : العايلات الراقيه ما تاخذ ثياب جااهزة ..
حنان : الا الدكتور محمد ما قال لنا عن رايه ..
محمد بتردد : أنا .. أنا ... ههه .. يعني .. أن ..
حنان : انت شنو ! ..
محمد وهو يناظر ابوه : انا يعني اقول ... اقول يعني .. ان ههه حنان معاها حق ..
بو محمد : كمل شغلك يا .....
الخياط : رامي .. كم مرة بدي زكرك يا بابا ..
أحمد : هههههههههه يقول ليدي بابا ..
الخياط : شو باباك شو بسمي القراند با تبعك !
أحمد : شقاعد تخربط انت ..
فطيم : حنااااااااااان ..
حناان : والالوان الزاهيه تكون أحلى .. خصوصا على اليهال ..
أحمد : ايه انا الاحب البرتقالي ..
سلمان : وانا الاحمر
فطيم : اما انا أحب اللون الزهري ..
حنان : دكتور محمد شرايك ..
محمد : ههه .. أنا .. أنا .. أتوقع .. .. إن صح الي تقولينه ..
حنان : يعني موافق .. !
بو محمد تنرفز منها وقام على غرفته ..
الخياط رامي : وانا شو أعمل !
محمد : هههه .. تيسر ..
أحمد : هههههههههههه حنان أحبج ..
حنان : وانا بعد أحبك ..
فطيم : سكراً حنااان ..
سلمان : شكراً فطيم مو سكراً ..
محمد : ملاك .. ماعرف شلون اوصف تعلق اليهال فيج ..



ملاك انصدمت ! .. ملاك !! .. معقوله عرفها !! ...

 
 

 

عرض البوم صور أسيرةبحرالأماني   رد مع اقتباس
قديم 31-07-08, 06:27 AM   المشاركة رقم: 25
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

╠ ═ ╝▫ ╠ الجزء الثاني والعشرون ═ ╝▫╠ ═



ان رحت .. تلقى لگ من الناس خلان ,,
وان جيت .. ماني قايل ٍ ويش جابگ
احيان / احس اني بـ( حاجتگ ) واحيان ..
من جد احس اني بـ( حاجة غيابگ ) ..!
!



_ _ _ _ _ _




محمد : ملاك .. ماعرف شلون اوصف تعلق اليهال فيج ..
ملاك انصدمت ! .. ملاك !! .. معقوله عرفها !! ...
احمد بروح مرحهه : بابا محمد .. حناان يلاا نشتري ثيااب جديد ,,
سملنا : احمد مو جديد ,, جديدة,, جدييدة ,, !
محمد : ههههه ,, استاذه حنــأأن فااضيه اليوم !!
حمدت ربها ملاك انها زلت السان من محمد ,, وابتسمت بهدوء : افضي نفسي لـ لليهال


.*.*.*.*.*.


الجمعة ,,
9.00 ,, الصبح

تنفس الصعداء قبل لا يضغط على زر الجرس ,,
بس نهايته ضغط ..
وانتظر تقريبا ثلث ساأعه على ما ينفتح البأأب
طلعت روان ووجهها كله نوم ,, وحامله بيدها شنطة خأألد الي نسأأها ,,
فتحت البــأأب ورمت الشنطة من غير ما تكلف نفسها باكتشاف من الطارق ,,
روان : مره ثانيه لا تنسى اغراضك ,, وسكرت الباب ,.
ميعاد : من هذا !!
روان : ريلج .. يمه عطيته الشنطه في شي ثااني !!
ام خالد : عنبو دارج كنتي قبل الساعه ست الصبح تقومين تعاونيني ,, الحين كلشي تغير !!
ريم : هههههههههههه العيأأرة وما تسوي ,,
روان : سكتي سكتي انتي لو سمحتي بس ,,
يرن الجرس للمره الثأأنيه ,,
ريم : روان فتحي الباب حبيبتي
روان : اشتغل عندكم ! .. قومي انتي فتحيه ,,
ام خالد : احترمي اختج الكبيره ,,
روان : يمه يعني انا من صغري !
ميعاد : زين أنا بفتح البأأب ,,
ام خالد : قواج الله يبنتي ,,

فتحت ميعاد الباب وعلى طول تراجعت تعدل شيلتها باحكام ,, وردت طلعت ,,
ميعاد : نعم خوي ,, من !
سهيل : أنـ ,, أنــأأ ,,,,سهيل ,,
ميعاد : اهلا سهيل ,, خوي خالد طلع من شوي ,, (وهي تجوف الشنطه ) شــ .. شنطه خاألد ,, !
سهيل : والله انا من فتحتوا علي الباب فريتوني بهالـ جنطه
ميعاد بحياء : مـ ,, مسامحه ,,
سهيل : الشيخه بس اذا تزقري لي ذياب ,,
ام خالد : من عند الباب يا ميعاد ..
ميعاد : واحد اسمه سهيل يبي ذياب ,,
عصاام وهو ينط : عمي سهيييييل ,, عمييي
روان وكأن أحد صفعها على وجهها ,, وعلى طول راحت غرفتها ,,


.*.*.*.*.

سعيد قطع سلسلة مذاكرته بعد إلحاح من حسن ,,
ونزل يتغدى ,,
لسوء الحظ تخربطت طلبية سعيد مع طلبية شخص ثاني ..
والاثنين تجهوا في نفس الوقت للمسؤول ,,
سعيد بالانجليزيه اللفذه : عزيزي ,, هذهِ ليست طلبيتي ..
البنت مبتسمه : وأنا مثله ..
المسؤول : عذراً ,, فقد تمـ تبأدل الطلبات من دون قصد ,,
البنت : لا عليك ..
سعيد : لا تهتم ..
المسؤول : أشكر لكم تعاونكم وتفهمكم للموضوع ,,
انصرف الاثنين ، تأأركين القدر يمشي في سبيله ..

حسن بنص عين : حلوة صح !!
سعيد : صل على النبي ..
حسن : هه الصلاة والسلام عليه ,, بـــس ,,
سعيد وهو يقاطعه : لا تبسبس ولا هم يحزنون ,, كل ما كتب الله وخلنا نتوكل على الله ,,
حسن : اف اف اف ,, الي يسمعك يقول بتهرب المذااكره
سعيد : الا الوقت الي بيهرب .. تعرف ان كل جزء بالثأأنيه له وزنه وتعرف ان الـ ..
حسن : بس بس بس الله يهديك مايسوى علينا ,,


.*.*.*.*.*.


السبت ..
10.00 .. الصبح ,,
محمد الي كان بيطلع من سمااعه التلفون : شقاعد تقول !!
فؤاد : والله هيكي بيظهر استاز ..
محمد : وعامر من متى رجع !!
فؤاد : ما بعرف ,, بس صحة ولدو منيحه .. لكنوـو عامل بروبلم على البروقرامز تبعنا
محمد وهو يصاارخ : انت محامي والمفروض تعرف تتصرف ,, يالله فارج ,,
فطيم : بابا محمد شفيك ..
محمد : بابا مافيني شي ,, روحي عند حنان ,,


.*.*.*.*.*.

بيت عـــأأمر ,.
علا : ههههههههه عاطف صار حلو
عامر : يعجبج أبوج ,,
منار بحنيه : أنا ,, يا عامر انا ,, ( خانتها عبرتها وتمت تصيح ) ,,
عامر وهو يمسح على شعرها : يعني لازم تذكريني بزمن كانَ !!
منار وهي تمسح دموعها : ههههههههههههه


.*.*.*.*.

روضه : جلووول تعال ,,
جلال : مو فاضي لج ,,
روضه وهي فاتحه عينها : شنوو !!
جلال : انا طالع تبين شي !!
روضه بعصبيه : جلالوو يالـ ,,,,,
لكنه ما عطاها أي فرصه وطلع ,,
روضه : لا يبه هذا مب جلووول ,, ماقول الا طاح حظج يا روضو ,,,


.*.*.*.*.



الأحد ..
شركة سلمان للعقارات ,,
سعاد : استاذ محمد في واحد طالبك ..
محمد : قول له يتفضل ..
عامر : سلام عليكم ..
محمد وهو يفز : عاامر !!
عامر : سلمنا ..
محمد : عليكم السلام .. بس ..
عامر : لا بس ولا هم يحزنون ,,
محمد : هههههههههههههه تفضل ,,
عامر: مو جاي اتفضل .. خذ هالملف ورتب اوضاعك ,, (وطلع)
محمد ضرب على راسه بخفه : كل ما أطقها عويه ..



.*.*.*.*.*.


الامارات ,,
ناصر : يمه ما تبين تفرحين بي !!
ام ناصر : اليوم قبل باجر ..
ناصر : خلاص خطبيها لي ..
ام ناصر : بس ياوليدي ,,
ناصر : خلا ص خلاص .. هوننا ما نبي نعرس
ام ناصر بيأس : .............
غايه وهي تنزل عليهم : من هي يمه ..
ناصر : وانتي شلج فيني ..
غايه : افا اخوي ,, انا غايه اختك الوحيده !
ام نااصر : اخوج يبي نورة بنت عمج ...
غايه : كلللللللللللللللللوش كللللللللللللللللللوش كللللوش ,, بس من الي تبينها !!
ام ناصر : اخوج يبي نورة بنت عمج ..
غايه : اويييييييييييها ونصوور بيااخذ نووور اويييييييها ,,
ام ناصر بحزم : ياخبله ,, نورة اخت نصور بالرضاعه ,, !


.*.*.*.*.*.


الساعه 11.30 .. الليل
بيت بو محمد ,,

محمد : ادخل ..
حنان : نعمـ ,, يقولون طالبني !!
محمد بهمس : دخلي دخلي ..
راح بخطوات خفيفه للباب وبطلاه بسرعه .. وكانوا الثلاثه يتجسسون ..
محمد : سريع كل واحد على غرفته ..
احمد : لا انا ابي عزيزتي حنان
فطيم : عزيزتي حنان تقول لنا قصه ..
سلمان : انا ماعرف انام وعزيزتي حناان مو على راسي
محمد : وعزيزتي حنان بعد بـ .... أ ... أنا .. أ. آسف ..
حنان تخبي ضحكتها : زين شتبي !
محمد : شلون اتكلم والعفاريت موجوده ..
احمد ببراءة : عزيزتي حنان احنا عفاريت !
حنان : هههههههههههه لا ,,
فطيم : هههههههههه حنان نقول احنا مو عفاريت ..
سلمان : عيل بابا محمد عفريت ..
الكل: هههههههههههههههههههههههههههههههه
محمد : تصرفي ,,
حنان : هههه ,, روحوا غرفة سلمان ,, ولما اعرف ابوكم شيبي بقول لكم ..
فعلاً .. كلها ثوأأني والعفاريت اختفوا ,,,
حنان وهي تكشر في وجهه : والحين شتبي .. !
محمد : سوونيا .. لا تكلمينها ..
حنان : وليش .. !
محمد : أبوي يقول لا تكلمينها وخلأأص ..
حنان : شنوو ابووك !!
محمد : افف .. وانا شعرفني .. هالخريطه مو راضيه تضبط ويااي ..
حنان وهي تتأملها ,,
محمد .. المهم انا بروح انام .. سكري وراج الباب ..
حنان وهي متنرفزه " ما أوقحك يا محمد " : امم .. استاذ محمد ,, ممكن اخذ الخريطة اتتطلع عليها !!
محمد وهو متفاجئ منها : هههه .. كيفج .. بس ناقصة سلم احتياطي .. يعني ما منها فاايده ..

 
 

 

عرض البوم صور أسيرةبحرالأماني   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الكاتبة نسيم, روايات, رواية وعادت الي الحياة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:41 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية