╠ ═ ╝▫ ╠ الجزء التاسع═ ╝▫╠ ═
لا تعلمني شلون أحبك .. لأني حبيتك ..
علمني شلون القاك .. لأني مشتاق لك ..
السبت ,,
2.15 .. الفجر ..
الشارع كان شبه خالي من الماره ,,
استعار سيارة اخوه بعد ما تكنسلة سيارته وهو في ضيق غريب ..
" شنو يهمك يا جلال منها !! .. حيّ الله وحدة ومرت بـ حياتك .. خلها تروح في حال سبيلها .. ( وهو يصفع نفسه على خفيف ) ليش اهتم لها أصلاً .. حمد لله والشكر .. "
من بين ماهو في سلسلة أفكاره ,, مر سكسويل مسرع ودعم السياره ,, وقت للحظات .. بعدها كان بيهرب .. لولا ان جلال نزل وبحركه سريعه فتح الباب وسحب السايق وقطاه على الأرض ,,
كان السايق هندي .. وجلال بطبيعته العصبيه ماهتم لكونه مواطن أو هندي ,,,
طاح فيه ضرب ,, وما ارتاح الا لما جاف الدم ينزف من أضلاعه ,,
أخذ سيارة اخوه المدعومه ورجع البيت .. وترك الهندي في حاله لا يرثى لها ,,,
.*.*.*.
3.00 .. الفجر ..
بيت بو عادل ..
سوسن من زود ما كانت تنتظر جلال ,, غفت عينها ونامت على الكنبه ..
دخل جلال وكان الدم على قميصه الأبيض ,, فتحت سوسن عينها واختبلت ,,
سوسن وهي تشهق : شنو هذا يا جلال !! .. دم !! .. من وين .. وشلون !!
جلال وهو يقط المفاتيح على الطاوله : هذا سويج سيارة عادل عطيها اياه ,, انا بروح اسبح واصلي وانام ..
سوسن : وكل هالدم شمعناته !!
جلال وهو قعد بالكرسي المقابل ويدينه على راسه : دعموني بسيارة عادل ..
سوسن بلهفه : وبعدين !! .. شصار فيك !! .. تعورت ,,
جلال وهو يكشر عن اسنانه بضحكه عفويه : يا بنت خالي انا بو سبعة أرواح ..
سوسن : روحنا الي تتطفر يا جلول ,, مو روحك ..
جلال : زين زين ,, عارف انكم تحبوني .. الحين بروح انام .. سلم لم
سوسن وهي تتنهد : أه .. الله يعينا عليك يا جلول ..
.*.*.*.
السبت ...
9.30 .. الصبح ,,,
الكويت ,,,
بيت عايشه ,,,
حاضنه وسادتها وتتذكر الي نقال لها البارحه ..
هي كبرت .. وفارس كبر .. فارس صار انسان جاد بعد حادثته ...
ما تقدر تنكر معزة فارس في قلبها .. بس بنفس الوقت ماكانت تعتبره حب ..
تميل لخالد أكثر .. بس الكل حكم عليها بفارس .. ترددت في اتخاذ قرارها .. لكنها حسمته بموافقتها الهمجيه ..
يمكن تتدفع ثمن هالموافقه الكثير ...
آخر مطافها استقوت على كسلها وقامت غيرت ملابسها ونزلت لأمها ..
.*.*.*.
9.45 .. الصبح ..
دخلت منار بيت أبوها وحامله بيدها حلوى قهوة الصباح الي اعتاد الكل على طعمها ..
دخلت والبسمة على شفاها من الصبح .. ما إن فتحت الباب الا وتفاجأت بالي قاعده تشوفه ..
أبوها مع .. مع ... مافهمت شنو صاير ..
غير أن يد سحبتها الى داخل المجلس ..
جلال بهمس : بفهمج على كل شي .. اعرف انج مستغربه من هذي الي قاعده مع ابوي !!
منار : شنو تفهمني ما تفهمني !! .. من هذي .. ليكون أبوي بس ..... !
جلال وهو يضحك على خفيف : هههه .. إيه .. عرس ..
منار بصدمه : شنووو !! .. ومن وين خذها !! .. وشلون حصل الفلوس !؟؟؟
جلا ل: بمهرج يا حبيبتي .. لا ولايفوتج .. ما يبي يعلم أحد .. لكن عدوول صاده وجاف عقد الزواج بالصاله الفوقيه .. ههههههههههههههه ,,, الله يا منور لو تشوفين ويه أبوج .. هههههه هههههههههههههههههههههههههههههههههه
منار ما تحررت من صدمتها لكنها قطت كل شي على جلال وتركته يضحك ودخلت على ابوها ,,
منار : سلام عليكم
_: عليكم السلام ..
بو عادل وهو يطالع زوجته : اكيد تسألين من هذي !
منار وهي تعاتب ابوها : يبه أنا لما عطيتك مهري .. كان هدفي انك تعيش أخواني وتعوضهم عن الفقر ولو للحظات .. كنت ما ابيكم تتورطون بإيجار البيت .. مو .. مو تتزوج وانت مو قد الزواج يا يبه ..
بو عادل بتبرئ : والله يابنيتي من حقي أجوف حياتي انا الثاني ..
منار : يبه من حقك تشوف حياتك .. بس مو على حسابنا .. الحين قول لي من وين بتأكلها وبتشربها !! .. وراك بيت .. وراك مسؤولية جلال و سعيد اذا استنفينا عادل .. مع ان عادل دوامه مو دائم وانت عارف هالشي يا يبه انت انسـ ,,,,,
سلامه وهي تقاطعها : يا بنيتي يا منار ،، عارفه كل الي تقولينه .. وانا نطرتج لين ما تخلصين الي عندج مع ابوج من غير ما اتكلم .. اما الحين فاتمنى انج تسمعيني ..
منار : ........................
سلامه وهي تتابع : زواجي من ابوج على سنة الله ورسوله .. واحب انوه لج .. انّي مديره بمدرسة ,, يعني الحمد لله .. بق\ر اساعدكم بالي اقدر عليه اكثر من انّي آخذ منكم .. البارح تكلمت مع سوسن .. وايد حلوة وحبوبه .. وانا متأكدة انج أحلى ,,
منار باشمئزاز : غلطانه .. عمري ما كنت حلوة .. يا .. يامرت أبوي .. " وطلعت " ...
لكن شي عند الباب وقفها ..
ما ان طلعت الا وجيب شرطة عند الباب ,,
منار : بسم الله الرحمن الرحيم .. من !! .. شصاير ,,,
الشرطه : هذا بيت جلال أحمد الناصر !
منار : ايه بس شتبون فيه .. اخوي مو مال مشاكل ..
الشرطه : لو سمحتي ناديه لنا ..
منار : شتبون فيه .. !!
الشرطه : والله مانعرف شي .. خل يتفضل معانا المركز وهو يعرف كل شي ,,
جلال وهو يطلع لهم : بييييييييه ... اكيد على سالفة الهندي ههههههههههه
الشرطه : تفضل لو سمحت ..
منار وهو تمسك جلال : شساالفه ..
جلال : ولاشي .. برجع لا تخافين ..
.*.*.*.
11.00 .. الصبح
كل ما يبي يقوم من فراشه ما يقدر .. حس انه جسمه تعبان ..
الشغل ليل ونهار والجري وراا الفلوس لعب دور بصحته ..
من جهه ثانيه .. ملاك استفقدت عمها الي ما نزل يناجرها مثل كل يوم ..
ملاك : سووونيا ..
سونيا وهي تاكل التفاحه : نعم ماما ..
ملاك : روحي شوفي بابا بو محمد .. مانزل اليوم ..
سونيا بغير مبالاه : زين زين .. واجد زين .. عشان لا يسوي قرقر واجد ..
ملاك : ههههههههههههههه .. خلج .. بروح اشوف محمد ..
سونيا : انته والله مسكين .. انته واجد طيب ..
ملاك : ايه ايه .. طبغي فيني قد ما تقدرين ..
سونيا : انا والله كلشي يقوله صح ,,
ملاك : هههههههه .. ايه ايه .. خلينا نمشي بس ..
.*.*.*.
بيت بو خالد ..
11.30 .. الصبح ..
خالد : يبه ذياب واهله بزورونا اليوم المغرب ..
بو خالد وهو يكمل قهوته : زارتنا البركه .. العين أوسع لهم من المكان ..
خالد : الله يخليك يبه ..
بو خالد : انت متأكد يا وليدي من زيانة الولد ! .. ترى ريم مالنا غنى عنها ..
خالد : الف بالميه يا يبه ..
بو خالد : بارك الله فيك ..
.*.*.*.
11.45 ,, الصبح ,,
محمد وهو يساعد ابوه : عسى ما شر يبه ..
بو محمد : كح كح .. الشر ما يجيك يا محمد .. الظاهر كبرت .. والشغل تعبني ..
محمد : لا تقول جذي يا يبه .. حتى ملاك استفقدتك اليوم .. وجت خبرتني ,,
بو محمد " وهذي بكل شي تحشر روحها ! " : ايه عاد يا محمد .. الشركه لك تراها من بعدي ..
محمد : لا تقول جذي يا يبه فيك الخير والبركه ..
ملاك دخلت عليهم بالفطور : صباح الخير عمي ..
بو محمد وهو صاد عنها :.. صباح النور ..
_ _ _ _ _
السبت ,,
8.30 ..
في بيت بو خالد ..
الكل كان متواجد بالميلس ,, وبغرفة الضيوف ,,
تقسموا البنات بغرفة ريم .. والنسوان بغرفة الضيوف والريايل مثل ماهو معتاد في الميلس
روان هالمره كانت قريبه أكثر من ملاك ,, مو حباً فيها .. تبي تحسسها انها تركت الطير يلي ..
ملاك : هاا ريموو ,,, عيل بتتدخلين القفص السعيد
روان وهي رافعه يدها : عقبالنا ,,
كوثر : ههههههههه لا تسبقين رزقج
ملاك : هههه سكتو سكتو ما تجوفين شقد اختنا مستحيه
كوثر : ههههههه هيه والله
ريم : ,,,,,,,,,,,,,,,,,,,,,,,,,,,,,,,,,,
_ : هههههههههههههههههههههههههههه
روان حست ان شي بجيبها يهتز .. عرفت انه تلفونها الي كانت حاطته على الصامت ,,
روان : امممم ,, اخليكم بنزل اجوف امي وخالتي ام كوثر
ملاك بشك : الله معاج
كوثر : نطريني بنزل معاج
روان " وليييييه هذي الي بتخرب علي " : اممم طيب طيب ..
طلعوا كوثر وروان .. لكن كوثر تفاجات لما جافت روان تتجه لغرفتها ..
كوثر : هيي .. هني درجكم ,,
روان : عارفه ,, تعالي بخبرج وامري لله
روان وهي ترد بعد ما دخلت واحكمت اغلاق الباب : ألووو ,,
جلال : شفيج ما تردين ,,
روان : كنت مع البيت ,, الحين خبرني شصار على السالفه
جلال : أي سالفه !
روان : افففففف ,, الي كلمتني عنها ,, سالفة الهندي ..
جلال : ههههههههههه اييييه ’’ بحولوني المحكمة بعد يومين
روان : لا حول لله .. وانت ما تهد عنك المشاكل !!
جلال : شسوي ,, الله كاتب ... زين باي باي ,, مرت ابوي قاادمه خخخخخخخخخخ
روان : هييه ,,
تووت ,,, توووت ,,
كوثر وهي فاتحته عينها عـ الآخر : شنو الي قاعده اسمعه ,,
روان : لا تخليني اندم عشاني بقول لج
كوثر: لا لا ,, قولي قولي خلنا نشوف
روان : سمعي ,,,
.*.*.*.
سلامة : الا اليوم قااعد وما طلعت يا جلال
جلال وهو يتصنع البسمه : ليش !! .. قاعد على راسج !
سلامة : لا ولا شي ,, بس مستغربه
جلال : وين ابوي عنج ,,
سلامة : فديته راح مع ربعه يغير جو
جلال بصوت منخفظ : ايه طبعاً ,,
سلامة : شقلت !!
جلال : هههه ,, لا ولا شي ,, اقول انا بعد بروح مع الربع
سلامة : الا شقالوا لك الشرطه !
جلال : وليييييييه ! ,, ماقالوا شي زين !!
سوسن وهي نازلة : جلاال ,,
جلال : هلا هلا سوسني
سوسن : عادل يبيك في الميلس
سلامه : سوسن سوي لنا جاي وتعالي قعدي معاي
سوسن بهمس : الله يصبرني ,,
جلال : هههههههههههههههههه الا اقول خالتي ,, انا خاطري اشرب جاي من يدينج الحلوين ,, روحي سوي لنا وانا تراني انتظر في الميلس ,,
سلامه وهي تتطالع سوسن : شـ ,,, شـــ,,,
سوسن سوت لها حركه مكتفها بمعنى ( ما دري ) ,, وراحت فوق عند بنتها ,,
جلال وهو يدخل الميلس : شفيك اخوي
عادل : شاغلني أبوك
جلال : هههههههههههههههههههه ’’ انا شاغلتني مرت ابوي الحلوه ,, هههههههه
عادل والهم واضح على وجهه : تتدري انها تشغل سوسن ليل ونهار !!
جلا ل : شفتها الحين تقول لها سوي لي جاي .. بس نذرــن علي يا خوي لروضها لكم
عادل : وسعيد تتدري انه تقفل عنه غرفة المكتبه وما تخليه يدرس !! ..
جلال وهو فاتح عينه : شنووو .. لا يبه زودتها مرت ابوك ... " وطلع "
عادل : انطر .. جلال .. جلووول .. لا تسوي شي .. جلووووووول ,,,
جلال وهو يفتح باب الصاله بقوه : وين المفتاح !!
سلامه وهي مختبله : بــ ,,, بسم الله ,, شفيك ..
جلال : قلت لج وين المفتاح ,,
سلامه : هد هد .. أي مفتاح !!
جلال وهو يعص على السانه بنبرة تهديد : يتتطلعين مفتاح المكتبه او لا ,, !!
سلامه وهي ترتجف وتتطلع المفتاح من مخباها : تـ ’’’ تـ ,, ـ فضل ..
جلال وهو يفتح الباب : ليكون يمر يوم واشوف هالغرفه مسكره مفهوم !!
.*.*.*.
الأحد ,,
9.30 .. الليل ,,
منار : تتدري ان قضية اخوي جلال باجر ! ..
عامر : هههههههههههه ,, ايه قال لي ,, بروح بشوفه واقف مكان المجرمين ,, خخخخخ ,, آخر زمن
منار : عن يسمعك أحد .. تراني مارضى على اخوي
عامر : بسم الله علي ,, وانا شقلت يحسره ,,
منار : هههههههههه لا ابد حبيبي ما قلت شي ,,
عامر : شنوو !! ... عيديها
منار : لا والله
عامر : ايه ايه ضيعينا ,,, المهم انا اليوم بنام بكير .. عشان باجر الحق على الشغل والمحكمه ,,
منار وهي تتطفي النور : تصبح على خير يالغالي ,,
عامر : وانتي من اهله ,,
.*.*.*.
أما محمد وملاك ,,,
ملاك وهي تحاول تنام : يا محمد يا بعد قلب ابوك طف النووور .. ابي أناام ,,
محمد وهو يكمل الخرايط : ليكون انا ماسكنج ! ,, نامي نامي حبيبتي ,, وخليني اخلص شغلي
ملاك : إأإأففففف ,, ياخي مو عارفه انام من هالنور ,, طفه ,,
محمد : تبين اقول قصه عشان أنيمج !
ملاك وهي عاجبتنها الفكره : ايه ايه ,, تسوي خير
محمد وهو يخفف عالنور ,, ويخليه آخر درجه : يقول لج بيوم من الأيام ,, كانت في طفله وديعه كانت نايمه ,,
ملاك : امممم ,, امممم
محمد : خليني اخلص
ملاك : هههههههههه خلص خلص
محمد ولهجته في رواية القصه مثل أفلام الرعب : في نص نومها فتحت عينها على شي غريب ,, .. كان رجل ما له يد ولا رجل ,, يوقفه جذع نخله .,, ويدينها أوراق ,,
ملاك وهي مندمجه : إيه ...
محمد : مثل ما قلت لج هي طفلة وما تفهم شي ,,, تقربت منه عشانه شي غريب ,,, لكن الغريب أن الروح الي كانت في الـ ,,,,,
ملاك وهي تنط وتفتح أنوار الغرفه كلها : بس بس خلاص بناام بناام ..
محمد وهي يضحك بمكر : هههههههههه هههههههههههههههههه زين ما سويتي ,,
.*.*.*.
الاثنين ,,
المحكمة ,,
10.00 ,, الصبح ,,
جلال واقف على خشبة المجرمين ويضحك مع الشرطي الموجود معاه ..
الشرطي : هههههههههههه اما انت قصتك غريبه
جلال : اسكت انت بس ,, الحين بيطلع القاضي وبقول لنا حكمه العادل ..
الشرطي : هههه ,, شوف الي يأشرون عليك ...
حمد : جل جل جلجول الطبشي ,, بي باااي ,, اليوم انت بالسجن خخخخخخخ
عامر وهو يضربه على راسه : لا تفاول عالنسيب ..
جلال : ههههههههههه ,, حموود اسكت اسكت ,. كأنك خدامة تناجي وليها ,,
الا بدخول القاضي على المنصه,,
القاضي : حكمت المحكمة حضورياً على المتهم جلال بتهمة محاولة قتل عامل لشركة آديسون للنقليات ,,, عامين أو دفع غرامة ماليه قيمتها 200 دينار ,,
جلال وهو يضرب راسه : آآآآه !! ,, 200 دينار !! ,, الهندي كان بالديره يا يسوى ربيه ,, الحين 200 !!
الشرطي : خوك اسكت لا يزيدها ..
جلا ل: وشدعوه هو اذا زيدها انا بدفع ,, غلطان خوك ,,
الشرطي : هههههههه ,, بس حاول تتدبر المبلغ ,,
.*.*.*.
الاثنين ,,
2.30 .. الظهر ,,
ملاك : الووو ,, زين منووور شنو حكموو على اخوج ههههههههه
منار : وا علي وا عليك يا جلول ,, عامين او 200 دينار !!
ملاك وهي تنفجر ضحك : ههههههههه هههههههههه هههههههههههههه عيل احد قال له يذبح ولاد الناس !!
منار : لا وازيدج من الشعر بيت ,, ترى الهندي صابه شلل ,, وللحين مرقد ,
ملاك : وا علي عليك يا هندوو ,, حشى اخوج عليه مطرقه مو يد ..
عامر وهو يدخل : سلام عليكم يا احلى واغلى زوجة بهالكون ’’
ملاك الي سمعته : من قدناا يا منار ,, صرتي احلى واغلى ,,
منار : ايه ايه لا تحسدينا ,,
عامر : من هذي !!
منار : اختك ...
عامر : عيل قطعييه في ويهها ,,, ولا تكلمينها مره ثانيه ,,
منار : اف ليش !!
عامر : قليلة الاصل .. ما تقول اسألأ عن اخوي !!
ملاك : قولي له اتصل لج كل يوم مالت عليه ,,,
منار : حدج على ريلي ,, باي باي ,, بروح احط له الغدى
محمد وهو ينادي : ملاك ,,, ملاكوووو ,, ملاك ميت يوووع ,, تعالي نجبي الغدى
ملاك : شفتي الفرق !! ,, قال ملاكوو ,, مو انتي احلى واغلى ,, ما بتحصلين احسن عن اخوي ,,
منار : ادري
ملاك : ههههههه ,, انزين يلا .. بروح اشوفه ,,
عامر وهو يسحب السمااعه : هيي انتي ,,
ملاك : هاا انت .,
عامر : باجر انتي معزومة ببيتنا ,, بس تاخذين غداج معاج
ملاك : امحق اخو ,, باي باي بشوف ريلي ,,
عامر : صرتي تبدين محمدوو هذا عليّ !!
ملاك : الحين محمدوو ! ,, مو قبل ربع وربع وربع
عامر : اقول روحي شوفي ريلج .. قال ربع ونص وثلث
ملاك : هههههههههه ,, زين فمان الله ,,
عامر : فمان الكريم حبيبتي ,,
تعرف الظلم ! لا حبيت شخص ما درى عنك
تعرف الصعب (؟)اذا كنت مخلص واللي تحبه غدر بك
تعرف القهر ! انك تسهر الليل واللي تحبه عمره ما حلم بك
..: نصيحه :.. اذا فكرت تحب ,, حب الي يحبك
_ _ _ _ _
بعد ثلاثة شهور على هالـ أحداث ,,
أهم الأحداث الي صارت ,,
_ خطوبة ذياب من ريم .. واكتشاف مدى التوافق الي بينهم ,,
_ حاول ذياب يرجع علاقته بعامر مثل قبل .. لكن محاولاته كلها فشلت ,,
_ روان زادت تعلقها في جلال ,, الي بدى يحاول يبعدها شيء فـ شيء ,,
_ ميعاد مرت بعلاج عشان تقدر تحمل مرة ثانيه ,, وخالد صابر معاها ,,
_ كوثر شغلت كل عاطفتها بدراستها عشان لا تتشتت مثل روان ,,
_ منار في حياة سعيدة لحد الآن مع عامر ,,
_ سلامة ,, عنصر جديد أضافه الفقر عشان يصير عبء على سوسن وعادل .. أما جلال فكانت سلامة تتمنى رضاه ,, لأنه يسبب لها الرعب في البيت ,, وبو عادل ما يشوف ولا يسمع غير الزوجة الجديد ..
_ بو محمد زادت حالته الصحية مأساة ,, الي خلته ما يبعد عن غرفته الا لأوقات قليله يكون فيها بحديقة البيت ,,
_ ملاك عانت من محمد وشغله ,, الي صار يهتم فيه أكثر من اللازم ,, تاركنها لحالها ,, وتنتظر المولود الجديد بأحر من الجمر عشان يكون نقطة وصل بينها وبين محمد ,,
أهلـ الكويتـ ’’’
_ راشد ,, عايشة ,, اليده ,,, مثل الروتين الدائم ,,
_ تزوجت ليلى من فارس بعد جهد جهيد من فارس واثبات نفسه ..
_ وزادت علاقة شيخة وليلى وعايشة بملاك واتصالاتهم لبعض ,, بس بالسر عن اليده ,,
_ خالد وابراهيم في مهمة البحث عن طبيب لنجود ,, لكن ,, دون جدوى !
أما عن أهم حدث ,, بتشوفونه من خلال محور القصه ’’
الأربعاء ,,
الكويت ,,
الشباب كلهم كانوا يتهامسون عن موضوع واحد .. وخايفين من ردة فعل اليدة اذا عرفت ,,
ليلى بصوت منخفض للغايه : انتي متأكدة انها متصلة فيج اليوم !
شيخه : مو هي الي متصله .. مرت أخوها منار ..
عايشه : شقالت !!
شيخه : شقالت بعد .. قالت انها ولدت ..
راشد : انزين ما تعرفين شيابت !
شيخه وهي تتضحك : ههههههه ههههههههههه .. توم ,,
الكل مره وحده : تووووووووووووووووووووم !!
اليدة الي كانت تسمع كلامهم المنخفظ من الدرج نزلت لهم وكأنها ما تعرف شي , : من التوم !
عايشه بربكه : هاا ,,, انا و ,,, وراشد ,,
الكل : ههههههههههههههههههههههههههههههههههههههه
اليدة بينها وبين نفسها : إيه إيه ,,
.*.*.*.
البسمة كانت ترتسم في وجوه الكل ,,
حتى بو محمد الي ما يداني مرت ولده ,,
في غرفة من غرف مستشفى ابن النفيس الطبي كانت تظم ملاك واطفالها الاثنين ,,
كانت أشبه باللي طلع من موت محتّم ,, في البدايه ما قدرت عالولادة الطبيعيه ,, واضطروا ان يولدونها بعملية بعد التوقيع المتأخر من محمد على العملية ,,
بس الحمد لله كلشي ســار تمام التماام
ميعاد وهي حاملة الياهل : وهذا شنو بتسمونه ’’
روان : أإأمممم ,, عبسي ! ,, عدنان ! ,, أإأمممممم ,, شنو رايك محمد !
محمد وهو يحك شعره : أفكر أسميه نامق شرايج ,,
الكل : هههههههههههههههههههههههههههههههههه
ريم الي كانت حامله البنت : وهذي شنو بتسمونها هذي ,,
ملاك وهي تفتح عينها ببطئ : فااطمة ,,
الكل التف حول ملاك الي تفاجأت من اهتمامهم ,, : شفيكم ,,
منار وهي تتدخل عليهم : سلام عليكم ,, احزروا شنو جبت لكم والـ ’,,,
سكتت لما جافت ملاك ,,,,,,,,,,
ملاك وهي عاقده حواجبها : شفيكم !!
محمد وهو يمسكها من يدها : بشنو تحسين الحين !
ملاك باستغراب : من ! ,, مافيني شي ,,
ميعاد : ما تتدرين ان صار لج ثلاثة أيام مو صاحيه !!
ملاك وهي تتضحك : ههههههههههههههههه ’’ شقاعده تقولين ! .. ومنار لش شكلها جذي !! و ,, ذلين من ! ,,,, عيالي ! .. والثاني من !
محمد وهو يهديها : عندنا توم ,, سلمان وفاطمة .. امج ابوج مثل ما كنتي تبين .. الحين ارتاحي ..
ملاك وعلامه الفرح تهل بوجهها : ههه ,, يعني يعني ولدت ! ,, يعني ,, يعني مثل ما قلنا بنجيب فريق كرة قدم !! ,, هههههه ,, ههه
روان وهي تساسر ريم : شكلها تهذي ,,
ريم : سكتي سكتي ’’ من التعب ,, ما تحس لروحها ,,
بعدها ملاك رجعت مثل ما كانت لسباتها العميق ,,
.*.*.*.*.
الجمعه ,,
6:30 ,, صباحاً
الكل بالكويت بدى مهمته السريه للسفر للبحرين براً ,,
اليده نزلت وهي حاملة أغراضها : صباح الخير عيالي ,,
الكل فاتح عينه : يدووووووووه !!
اليده بثقه : والله انا وحدة ابي افسح عن نفسي ,, سمعتكم تتهامسون بتروحون البحرين قلت اجي معاكم
الكل : ,,,,,,,,,,,,,,,,,,,,,,,,,,,,,,,,,,,,,,,,,
عايشه : بس يمه ما عندنا تذكره لج ,,
اليده : الي بروح غير ليلى وفارس ,, وانتي واخوج وشيخه ’’ !
عايشه : ايه
اليده : معليه ,, شيخه ما يحتاج تروح ,, بروح مكانها
شيخه : شنووووووووووو !!
اليده وهي طالعه : يلا خاالد حبيبي وصلنا ,,
الكل كان منصدم من اليده ,,
أصلاً السبب الرئيسي هو ملاك ! ,, بس ماقدرت تواجه الكل وتقول ,,
.*.*.*.*.
ذياب : وينج في ! ,,
ريم : الحين في بيت عمي بو محمد ,, ملاك ترخصت ,,
ذياب : طلعي لي على الباب ,, انا رايح لج ,,
ريم : ليش عاد الـ ...
ذياب وهو يقاطعها : يلا عاد ,, ! ,, صار لي يومين ما جفتج ! ,,
ريم : آه ,, زين ,,
.*.*.*.
في بيت عامر ,,
عاامر : يلاا عاد يا مناار أخرتينا ,,
منار وهي طالعه من المطبخ وحامله بيدها طبق : ياخي انا امشي ومعاي دبتي ,, حاسب يعني !
عاامر : هههههههههههههههه فديت دبتج ,, والي بدبتج ,,
منار : ايه ايه بلا هذره زاايده ,, مشينا ,, مو عن حسب انا الي أخرتك ,, !
عامر : ههههههههههههههههههههههه ، يلا ,,
.*.*.*.
عند ملاك ,,
ملاك الي صارت أحسن من قبل بوايد,, رجعت لأعمال البيت بس على خفيف ,,
سونياا : اللللاااي ,, في بيبي اتنين ,,
محمد وهو يسحب سلمان : اللهم صلي عالنبي ,, هييي انتي ,, شوي شوي على عيالي
سونيا وهي تروح المطبخ : انته شو يشوفني !! ,, عين مال انا في فرن !
ملاك : هههههههههههههههههههههههه ,, الله يهديك يا محمد ,, زين جذي زعلتها !
محمد : بالطقاق ,, مو ناقصنا الا الشيخه سونيا تزعل !
ملاك : هييي انت ,, حدك عليها عااد ..
محمد : اقول انتي تنطمين ,, بعد ما صاروا عيالي بيدي مالي حاجه فيج ,,
ملاك وهي فاتحه عينها عـ الآخر : من صجك!!
محمد يبتسم بحنان : وانا اقدر !
ملاك : عبااالي بعد ! ,,
.*.*.*.*.
الجمعه ,, 4.30 ..
بهالوقت الكل كان بالفندق ,,
تقسموا على ثلاث غرف ,,
ليلى×فارس في غرفه ,, واليدة وعايشة في غرفة ,, وراشد في غرفه ,,
ليلى : تتوقع يدتي بحن قلبها !
فارس وهو يفر بالقنوات الفضائيه : ياليلى يدتي قلبها مو صخر ,,
ليلى : جاوب على قد السؤال مو تفتي من عندك
فارس : هههههههه ،، اعصابج علينا
ليلى : تعرف شي ! ,, قوم قوم نروح لبنت خالتنا ,,
فارس : وين وين ! ,, ويدتي وابوي وامي ! ,, لازم كلنا مره وحده
ليلى وهي تتجه للباب : اوووف بروح بروحي زين !
فارس وهو يمسكها من ذراعها بالقوه ويرجعها وبنبره حادة : حدج عــآد ,,
ليلى اندصمت من حركة فارس وعينها هللت الدموع عفوياً ..
من ناحيه ثانيه فارس تم يناظر يده ,, شلون قدر يسويها ! .. هذي ليلى ,, هذي حياته وحلمه الي بالكاد تحقق ! ,,,
فارس : .. أنا .. ليـ ,,, ـلى ,, أنا ,, آسف
ليلى ما عطته مجال وغارت في دموعها ,,
.*.*.*.*.
عايشه وهي تلعب باصابعها : يمه ,,
اليده : نعم ..
عايشه : تعرفين ليش يينا هني !
اليده : ليش !
عايشه : ااممم ,, يمه ,, أإأممم ,, ملاك بنت فاطمة ولدت ,,
قالت كلامها بسرعه وارتاحت جزئياً ,,
اليده ببرود : انزين شالي صار !! ,, انا هني ارفه عن نفسي ,,
عايشه انصدمت من كلام امها : ,,,,,,,,,,,,,,,,,, يمه !!
اليده : قولي لراشد بعد صلاة المغرب يطلعنا ,,
دمعت عين عايشه غصباً عنها وهي تجوف تحجر قلب امها ,,
لكن محد قدر يتوصل للي براس اليده ,, كانت حنيتها تغطي الكون ,, بس محد عاطيها فرصه تعبر بها ,,
,,,
بعد ام تعبتوا بالقراءة ..
قولي لي رايكم 
20-07-08, 07:48 AM
جديد مواضيع قسم القصص المكتمله
العرض العادي
