لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 01-01-09, 03:46 AM   المشاركة رقم: 96
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 




بعد ماصارت اماني منهم
صووتها جنان
وتحمس الكل معها
وبابتسامه وضحت مع صووتها
(ايوا معاك حق ياحلوه..وبعدين لاتنوقي علينا هما معاهم فلوس مايبغوها احنا اللي نستفيد
وعلى قولتهم اللي معاه قرش محيره يجيب حمام ويطيره )
فقعت ضحك على كلام ام كلثوووم
مع العشره حبتها تحس قلبها طيب
(خلاص انا بارووح البس واتجهز ... وكالعاده اجيييكم بنفس المكان )
ام كلثووم باخر امل (اوكي بس ياعين امك ياليت تفكري كويس
وتكلمي هيمووو عشان تتفاهموا احسن)

اماني بضحكه(ياعيني هو اسمه هيموو؟؟؟ يالله بس مع السلامه)

ام كلثوم بخيبه امل (لا هو اسمه ابراهيم...خلاص باي)

ابتسمت وهي تنزل الجوال
وتاخذ الفستان بتقيسه وتشوف كيف يطلع
بتحاول تكون كشخه
اكيد الناس بهالعرس بتكوووون مبدعه بنفسها


ــــــــــــــــــــــــــــــــــــــــــــــــــــــــــــ ـ
مدري وش خلاني انرقع على راسي
وارضى اخذ هالحرمه الاجنبيه مشوار
لقيتها فطريقي ومدري وشلون وقفت
ورضيت اوديها المشوار
مع اني عمري ماسويتها
من الاصل مدري وش طلعني من الاستراحه
لو اني منثبر فيها كان احسن
وبطفش وللمره الخامسه (هاللحين وين ارووح؟؟؟؟؟؟؟؟؟؟)
وهي تعيد نفس الكلمه اللي من اول ماركبت تقولها
(امشي على قداااااااام )
يالليل لو انزلها ابرك شكلها خلقه مايريح
وبعصبيه (لي ساعه امشي قدام مترت الشوارع)
(خلاص قربنا خذ اللفه اليمين ..وبعدها اوقف )
سعوود بتنهيده (استغفر الله العظيم بنشووف )
بعد ماشرت له على بيت شعبي شبه مهجور
بحاره قريبه من حارتهم......
مع انه مايبي منها شي يبيها تنزل من سيارته
وتفكه من غثاه
بس بعد هو تعب ماخلى شارع ماراح له
(هاتي الحساب )
وببروده ردت
(ماعندي حساب)

طاحت عيونه وش هالوقاحه بعد ماطفشتني
تقول مافيه حساب
وبعصبيه (لاياشيخه بعد هالتعب ماتعطيني حقي؟؟)
وبصوت واطي مع غمزه (بدالها قول وش تبي ...
لحم ابيض؟؟ لحم احمر... مسستعمل جديد اللي تبيه اختار)


ــــــــــــــــــــــــــــــــــــــــــــــــــــــــــــ ـــــــــــــــــــــ




بنفس الهموم وبنفس التعاسه اللي مافارقته من يوم فارقها
كان خيال يمشي مو انسان
نحف وصار جلد على عظم
حتى النوووم مجافيه واذا حن عليه
كم ساعه ويلاقيها بحلمه
دخل للبيت وهو ناسف الغتره على كتفه
يالييت مالاقي احد بدربي والله اني منهد حييلي
مدري اليووم وش فيني حاس بتعب مو طبيعي..
تنهد وهو بيدخل للصاله الي فيها ممر من لغرفته
اول ماحط رجله على عتبه باب الصاله
درات الدنيا فيه وداخ
وبتلقائيه مسك طرف الباب...
غمض عيووونه بقوووه
وش ذا كل شي فيني متعبني
وهو يصقع بيدينه على ناحيه
قلبه...
وانت ياقلبي اللي بتجيب اجلي
وهو مغمض عيونه
انحنى وطاحت غترته من على كتفه
للارض..بس ماهتم
وتكى راسه على طرف الباب
متى هالدوووخه تتركني
لازم احاول امسك نفسي اقلها لين ادخل
غرفتي وبعدها يصير اللي يصير
مابي امي تقلق اكثر من اللي هاللحين فيه
مرعليه بهالحاله عشردقايق اذا ماكان اكثر
سمع صووت امه..
بسررررررررعه رفع غترته من الارض وحاطها
على كتفه اليمين...
يارب ماتكووون شافتني
كفايه الخووف اللي فيها علي مابي ازيده
ولافيني حيييل لهواشها
ميل فمه بنص ابتسامه وهو مايدري يضحك ولايبكي...
مدري وش الي لي حيله له؟؟
كل شي مالي فيه حييل ولاحيله من بعدها
هز راسه بقووه يبي بهالهزه ينسى تفكيره
ولو مؤقت ولادخلت غرفته يكمل مواله المعتاد
دخل للصاله
ولو درى وش بيصير كان مادخل فاللهحظه
وشاف امه معطيته قفاه وتكلم التليفووون
بعصبيه ولاحست بدخلته (والله صدق اللي قال ان كيدهن عظيم ...يقالي باهتم فيها هي والخبل اللي معها)

ياحليلك يمه متحمسسسه وانت تكلميين
وبعد معصبه
وبعد حرووب مع نفسه قدر يبتسم غصب
عشان يقدر يكلم امه...

ماتت الابتسامه على شفايفها
وهو يسمع كلماتها
خناجر تطعن فيه

رجف جسمه ووقف تنفسه
حس الدنيا صغيييره وتافهه
يبي يووقف عجز
ماشالته رجوووله
وشفايفه ترتعش من الصدمه
مستحيل اللي اسمعه يكووون صدق
اكييد اني اتوهم
وهو يحاول يقنع نفسه
هذا كله من كثر مافكر فيها صررت
احس ان كل كلام يكون عنها....
بس كلام امه يزيد بطعناته
ويتررددد براسه
(ذي ساحره اكييد ..ياليتك تشوفين ولدي بعدها والله ياوخيتي انه يفجع
ماهو بالاولي ابد...لاياكل لايشرب حتى دوامه مايرووح.. وهاللحين سحرت خله ومسحت عقله
اجل انا يهاوشني عشانها...بتحر قلب وليدي الله يحر قلبها)

انهار على ركبه
موقادر يستوووووووعب
بتزوووووووووووووووج ولاكان قبل كان بينا حب
وهو يحاول يركز بكلام امه عشان يستوعب
ابي افهم وشلووون ومين ومتى
كان خالي بالموووضوع؟؟؟؟؟؟؟؟؟؟؟؟
بس مييين ؟؟؟؟؟؟؟؟
أي واحد فيهم اللي يسويها ويفكر ياخذمني حبيبتي
وكان امه سمعت تفكيره
كملت كلامها وهي غافله عن اللي يسمعها
وينطعن بقلبه مع كل كلمه تقولها
(اييه باحضر اليووووم ...مابي احد يتشمت فيني...واخاف لاجلست بالبيت
قالوا هاذي منقهره ان اللي طلقها ولدها...اعرس عليها خاله...برووح ولاعلي من احد
هو وليدي اللي عافها وطلقها وحازم خذاها ..)
سكتت امه دقايق وكان اللي تكلمها تسالها
(ايييييييه بروح بس قبل زفتهم بشوووي وبرقص عشان يعرفون اني ماعلي منهم
عاد خبرك قاعه ال........ ماهي ببعيده )

كـــل كلمات الكووووون ماتوصف شعوره بهاللحظه
شعوووووووره بالجرح الكبير
ولاصدمه؟؟؟؟؟؟؟؟؟؟؟؟؟؟؟؟
ذل واهانه وهو يعرف ان اللي خطبها خاله...
وشلون يفكر فيها وهو عارف اني اعشقها واعشق الارض اللي تمشي عليها
ليييش وش سويت له؟؟؟؟؟؟؟؟
وش جاه مني؟؟؟؟؟؟؟؟
ماقدر يتحمل اكثثر ............
لف وطلع برا وهو حاس انه بيطيح من طوووله


طعنات وبعد من خنجر ماتوووووووووقعه!!



قالوا ترى مالك امل في قربها لو يوم
ابعد وجنّب دربها .. هذا هو المقسوم
قلت اتركوني واسكتوا .. خلو العتب واللوم
قدني غرقت في بحرها .. ولاعاد يفيد العوم
قالوا ترى في حبها ويل .. وأسى .. و هموم
قلت ان قتلني حبها .. حسبي تقول مرحوم
قالوا انسى ذكرها .. منتب بها ملزوم
قلت ابشروا ياعذلين .. بنسى لذيذ النوم
قالوا بتلقى غيرها .. واترك هواها اليوم
قلت العفو ياحسدين .. ما ابدل قمر بنجوم
قالوا لغيرك حبها .. قلت الجواب مفهوم
دام انها متهنيه .. وشلون اصير محروم
بقضي الليالي انتظر .. صابر على المقسوم
متعلق بطرف الأمل .. يمكن يجيني نوم




ــــــــــــــــــــــــــــــــــــــــــــــــــــــــــــ







مايدري وش اللي صارله عشان يرضى..!!
وهو يناظر بالغرف الصغيره المتهالكه
حتى الاركان بانيه فيها العناكب بيوت
كل ناحيه فهالبيت تجيب الضيقه!!


دخل الغرفه اللي اشرت له عليها
ضيقه وخاليه من الاثاث مافيه الافراش
مغطيه نص البلاط وباين انه قديم
سمع صووت بكا وشهقات خايفه
وهو يصك الباب...

لعن نفسه ميه مره على تهوره
ولعن اللقافه اللي فيه واللي خلته يغامر ويدخل مثل هالمكان
وهو يشوف البنت بركن الغرفه وحاضنه نفسها
وهي تبكي برعب..!!
صياحها زاد وهي تناظر بسعود وبترجي
(الله يخليك لاتقرب مني ...تكفى لاتسوووويها..)
وهي تطيح على رجله (ابووس رجلك..واللي يستر على خواتك وامك لاتقرب )
بعد عنها وقلبه يتقطع عليها
مع انه يقنع نفسه ان هي اللي جابتها لنفسه
هزه كلامه وبالذات يوم دعت لخواته اللي فتره ماشافهم
ولقافته ترجع له بالذات وهو يشوف حالتها
دامها ماتبي ليش جايه لهالمكان
(خلاص مو مابي منك شي..بس وين اهلك عنك؟؟وشلون تسوين بنفسك كذا ماتخافين الله )

البنت بفرحه وهي تشهق من البكا
(انــ ...انــ...انا كنت فالسووق بمجمـ.....بجمع الـ.... وقلت لامي بروح اشتري منتو من الحجه اللي تبيع
يوم رحت لها..نثرت على وجههي شي وماحسيت بنفسي الا وانا هنا الله يوفقك دنيا واخره رجعني لاهلي )
شهق ويده على فمه
من البدايه مارتاح لهالحرمه
بس تطلع ساحره؟؟؟؟؟؟؟؟؟؟؟؟؟؟؟

قطعت قلبها هالبنت
وبدون شعور يمكن صحت فيه النخووه
(ابشري انا اطلع من هنا وابلغ الشرطه وهي تسوي اللي عليها وتنقذك
واكيد فيهع كثير مثل حالتك)
طلع من الغرفه
وقلبه يرقع
ماتوقع ينحط بموقف مثل كذا ابد...
حس ببرود العرق وهو يتصبب على جبينه
يبي يطلع من هالمكان الشبهه باي طريقه
وبعد بيبلغ عنه
تنهد وهو يقرب لباب البيت
الحمدلله خلصت وصلت هاللحين
اطلع وانا مرتاح
لكن يافرحه ماتمت
طلعت هالساحره من غرفه كانت باخر البيت
وهي مستغربه طلعت بدري
ومن وجهه حست ان فيه شي
فتح فمه بيصارخ بيهاوش فيها
رغم خوفه
الاانه بهدوء قالت كلام مو مفهووووم
ونفخت بوجههه




ـــــــــــــــــــــــــــــــــــــــــــــــــــــــــ
تعـــــــــالكل شي صار ببــ ع ـــدكـ يذكـــرن ــي دروبــكـ
ضحــ ك ـــتكــ..!!
ط ــاريكــ ..
وريحهـ الـ ع ــطر بثيابــكــ..!!
تصدق حالــتي صــ ع ــبهـ
وعــ م ــري ضاع باســبابكـ..


//


//







بعد ماتعب من اللف لفه بالشوارع

دخل البيت وهو ناوي ينفذ اللي فكر فيه
تنهد براحه وهو يشوف الصاله خاليه
مايبي يقابل احد
من البدايه محد عطاه خبر ان اغصان بتزوج ولابعد من مين من خاله
حازم اللي على طول كان معتبره صاحبه واكثر يمكن
بسرعه قفل باب غرفته عليه...
ولاشعوريا
راح للدولاب واخذ بجامته
حضنها
وهو يرفع ويشمها
غمض عيووووونه
ماقدر ياخذ من ملابسها
ولا من اغراضها كلها امه رجعتها لها
بعد ماطلقها
قبل مايحتفظ لها بشي يتتذكرها فيه...!!

ماعنده الابجامته اللي ريحه عطرها ماخفت منها
اخر مره كان لابس هالبجامه
هي اخر مره حضنته فيها..!!
مارضى يلبسها ولارضى تنغسل مايبي
عطرها ونفسها يروح ...
هالبجامه هي الشي الوحيد بعد الذكريات اللي باقي له منها

*

















*

كان متمني انه مايصادف احد وهو طالع من غرفته
لكن ماكل مايتمناه المرء يدركه
غمض عيونه وهو يسمع شهقه امه
(قااااااااااايد وين رايح )
ابتسم وهو يحب راس امه
(امممممم بروح مشوار ليش تبين شي؟؟)
وهي شاكه انه يكون عرف
ان عرس اغصان اليووم؟؟
بس الكل حريص انه مايدري
وهي عاقده حواجبها بحيره
(لا مابي شي سلامتك...بس وشهوله كاشخ هالكثر وبعد لابس بشت ؟؟؟)
انخبص ماكان يبيها تدري عن شي ...
وهو يعدل غترته البيضا
ويحاول يخفي ربكته
(اييييييه هاذا خويي يبيني اروح معه لعرس )

نغزها قلبها على ولدها
وش العرس ذا اللي يكشخ فيه بهالطريقه
عمره ماكان يحب يلبس البشت
هاللحين يلبسه ؟؟؟
وهي تناظر بوجهه الذبلان حتى بعد ماحلق دقنه وتضبط
وباين التعب عليه (يممممممه انت دريت عن شي ؟؟)
قصدك عن عرس حبيبتي
واللي خالي بكل شهامه راح وخطبه وهاللحين بيعرس عليها
مانتبه انه قال اللي يفكر فيه بصوت عالي الابعد
ماسمع شهقه امه
(ياوليدي تكفى لاتروووح وش تبي فيها خلها)
مايبي امه تتعب
وهو مايبي يتعب بعدين لو ماسوى اللي براسه
وبهدوء عكس النار اللي يحسها
قايده بين ضلوعه
حب راسها (ابشري يالغاليه...مالك الا طيبه الخاطر)
وبدون مايسمع كلمه زايده
طلع بسرعه وهو يصك الباب
ركضت وهي تصارخ
(يابو قايد الحق ولدك لابس وبيروح
لعرس طليقته وخاله...الحقه لايسوي بنفسه ولا بخاله شي )

انتهى والله الحمد

لاتحرموني ردوكم وتفاعلكم الحلو





غدير الحربي









(لاخواننا في غزه اللهم فرج همهم ورد كيد اليهود في نحورهم واشغلهم بأنفسهم عنا اللهم وحد كلمه العرب وانصرنا)

 
 

 


التعديل الأخير تم بواسطة غدووورة ; 01-01-09 الساعة 04:09 AM
عرض البوم صور غدووورة   رد مع اقتباس
قديم 01-01-09, 06:56 AM   المشاركة رقم: 97
المعلومات
الكاتب:
اللقب:

البيانات
التسجيل: Feb 2008
العضوية: 62912
المشاركات: 168
الجنس أنثى
معدل التقييم: الاميره روزي عضو بحاجه الى تحسين وضعه
نقاط التقييم: 24

االدولة
البلدSaudiArabia
 
مدونتي

 

الإتصالات
الحالة:
الاميره روزي غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

السلام عليكم ورحمة الله وبركاته


لي عوده بأذن الله بعد قراءه البارت

 
 

 

عرض البوم صور الاميره روزي   رد مع اقتباس
قديم 01-01-09, 01:20 PM   المشاركة رقم: 98
المعلومات
الكاتب:
اللقب:
عضو راقي


البيانات
التسجيل: Oct 2008
العضوية: 101279
المشاركات: 1,968
الجنس أنثى
معدل التقييم: جوودي1 عضو بحاجه الى تحسين وضعه
نقاط التقييم: 48

االدولة
البلدSaudiArabia
 
مدونتي

 

الإتصالات
الحالة:
جوودي1 غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

تسلميييييييييييين غدوووووووو على البارت يعطيك العافيه عليه ..

ابد1111111111111ع تشكرين عليه ..

(( فزاع ومدى ))

اكتشاف مدى الغبي بهتمام فزاع ماله داعي ابد

غاده حيرتيناا انتي مره فزاع يعجب بخت صاحبه ومره بمي ومره بمدى

بس شكله طاح ولا احد سم عليه هع هع

(( قايد ))

ياعمري بجد رحمته بس وش سالفت التكشخ هذي لا يكووون بزف خاله ..!!

((اغصان ))

متى راح تصحى من هبالهاا من جد حركتها شينه حتى لو قايد طلقها تصبر شوي ..

((سعود))

شكله هو الي قابل الساحره بس وش سوت فيه الله يكفيه شرها يارب ..

يعطيك العافيه غدووره


جـــــــ,ـــــــ,ــــودي

 
 

 

عرض البوم صور جوودي1   رد مع اقتباس
قديم 01-01-09, 11:05 PM   المشاركة رقم: 99
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة الاميره روزي مشاهدة المشاركة
   السلام عليكم ورحمة الله وبركاته


لي عوده بأذن الله بعد قراءه البارت




ياهلا وغلا والله


انتظر عودتكـ بكل شووووق



على فكره حبوبهـ


انا والروايهـ كلنا تحت امركـ


يابعد عمري والله سوي اللي تبينه


المطرح مطرحكـ



انا سامحتلك دام باسمي *_^



نورتيني هنا وهناك فرحت بتواجدك والله



لاتحرمينا طلتكـ الروووووعهـ ياعسل

 
 

 

عرض البوم صور غدووورة   رد مع اقتباس
قديم 01-01-09, 11:09 PM   المشاركة رقم: 100
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة جوودي1 مشاهدة المشاركة
   تسلميييييييييييين غدوووووووو على البارت يعطيك العافيه عليه ..



ياهلا والله وغلا بنووور الروايه



من جد ياحبنيلك

الله يسلمك ويعافيك


ابد1111111111111ع تشكرين عليه ..

انا اللي اشكرك ياعسوله على المتابعه اللي تفرح


(( فزاع ومدى ))

اكتشاف مدى الغبي بهتمام فزاع ماله داعي ابد

غاده حيرتيناا انتي مره فزاع يعجب بخت صاحبه ومره بمي ومره بمدى

بس شكله طاح ولا احد سم عليه هع هع

كل بنت قابلها سووت بحياته شي

ب ماحب كثر مدى *_^



(( قايد ))

ياعمري بجد رحمته بس وش سالفت التكشخ هذي لا يكووون بزف خاله ..!!


توقع حلو حيييييل

((اغصان ))

متى راح تصحى من هبالهاا من جد حركتها شينه حتى لو قايد طلقها تصبر شوي ..

((سعود))

شكله هو الي قابل الساحره بس وش سوت فيه الله يكفيه شرها يارب ..

يعطيك العافيه غدووره

عساك على القووووووووه

وان شالله مانحرم من طلتك علينا


جـــــــ,ـــــــ,ــــودي





مشكوره يالعسل


دمت بحب

 
 

 

عرض البوم صور غدووورة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
منتدى قصص من وحي قلم الاعضاء, تأليف غدووورة, رواية قلوب محطمه باحضان المجهول, غدووورة, قلوب محطمه باحضان المجهول
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:41 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية