لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 19-12-08, 06:46 PM   المشاركة رقم: 76
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

السلام عليكم ورحمة الله وبركاته


هذا البارت وان شالله يعجبكم


ليت الجرح مو منك


ليت الجرح من غيرك
--
من غيرك يكون أهون

يمكن يوم ويهوّن


لكن ما اني متخيل



إنك بالظهر تطعن







الدنيا تدور فيه موقادر يستوعب شي...


وشلون بيقدر يفهم وهو يسمع كلام مخربط كذاو مو مفهوم؟؟؟



وبعصبيه وهو لسى ماسك بياقه ثوب سيف



ويصقع ظهره بالجدر (يالحيوان من متى وانت تكلم امي وتعرفها اصلا


وشلون جات بالك؟؟مو هاذي اللي تقولها خاله؟؟؟مو ذي حسبه امك على قولك قبل؟؟)



رجعت امه وهي تصارخ عليه



وتحاول تفك سيف زوجها الجديد من يدها وبكرهه



مو قادر سعود يستوعب انه يطلع من امه



(انت علامك؟؟خلاص صار زوجي بسنه الله ورسوله يعني احشمه لاقص لسانك؟؟)


ياويلي امي اكيد صاير بعقلها شي



من متى وهي تفكر تعرس؟؟


ابووي مامداها متوفي


لايكون اللي صار له من سببها؟؟؟


وبترجي وهو يحاول يقنع امه


(يمه..هالنذل اصغرمني بكم سنه خلص ثانويه ودوره وبعدها عسكري)

صرخ على سيف اللي يحاول يفك عمره منه


بس مافيه فايده لان سعود مثبته


(تكلم ..انطق قول شي سمعها صوتك ابيها ترجع تاكد ..حتى صوتك ماخشن تقال مراهق ولابنيه)


امه وخوفها على سيف وحياتها الجديده معه


اللي بتنسيها كل اللي مرت فيه خلاها تعصب


وتقول كلام مو واعيته (كم مره ابعيد لك انا مو امك ؟؟ ومالك خص عاجبني وصار زوجي وهاللحين


فكه احسن لك وابشرك انا وسيوفي بنسكن لحالنا وانت واخواتك خلكم هنا اعمامكم مالهم حق بالبيت لانه ملك ابوك!!)

تاكد من عصبيه امه انها متبريه منه بس عشان هالسيف



اللي وثق فيه وطلع مايستاهل الثقه


وباخر امل انه يغير راي امه ويخليها تبطل من هالزيجه



(الله يخليك خليه يطلقك يمه....من بيربي خواتي..تراك بالاربعين اذا ماكنت داخله بالخمسين بعد وهو ورع لاكبر شوي
وصار شاب واعي بيدور على بنت مثله ثم انت وش بتسوين ؟؟؟؟؟ اصلا وشلون هان عليك بعد ابوي الله يرحمه تدورين غيره)




مررت لسانها على شفايفها المليانه رووج ورغم كذا باينه انها جافه من ربكتها...



تعبت من التفكييييييير...




تعبت من هالحياه اللي عايشتها كلها!!


ودام سيف هو اللي بيبعدها عن هالحياه مو مفرطه فيه

وبعصبيه (انت مالك خص واذا على بناتي يروحون لاعمامهم ولا ام هيفا تحبهم واكيد بتربيهم)

حشا هاذي مو بامي!!
انقلبت مراهقه فرحانه باول زيجه لها!!
تتعب وتخلف وتربي وهاللحين بساطه تستغنى عنهم
وتحذفهم على خلق الله..!!

وبيأس حذف سيف على الارض
وهو ينفض يدينه
(بكيفك يمه انت ادرى بس صدقيني مردك بترجعين هالرخمه مو نافعك!!)

امه اللي ركضت لسيف وهي تقفل ازره ثوبه اللي انفكت
مع ضرب سعود..وتحاول توقفه بيدين فيها شويه تجاعيد (اعوذبالله انت اللي مردك بترجع لي)
سيف كانت ساكت من البدايه ..
ولاحاول يرد على كلام سعود وتجريحه

مو مهتم بهالهواش اللي جاه حده فرحان بزواجته
والجمله الوحيده اللي قالها والابتسامه شاقه حلقه
(يالله حياتي تاخرنا هاتي شنطتك ولا اقولك لاتجيبين شي البسي عبايتك انا اشتريلك كل شي)
بدلع يمغص(براحتك حبيبي كلي تحت امرك هاللحين البس عبايتي)
لف سعووود وعطاهم ظهره
وهو مو قادر يتحمل هالمنظر
حس بغثيان من اللي يشوفه
شكل امه مع سيف مقرف

وقبل مايشوف اكثر
سبقهم وطلع برا البيت
وهو حاس ان جنون الدنيا كلها تناقز فوق راسه
وبيذبح أي احد يقابله!!!!!!!!!!!!!!!!!

*

*
<<بالاستراحه
عناد بنرفزه(هالرخمه وشلون تسكت له........لو انك متتوطي بكرشه وبعد قليله فيه )
سعود ارتاح شوي يوم حكى عناد عن اللي صار
بس لسى باقي فيه قهر(اقوووولك الوالده فرحانه فيه ومارضت لي اسوي شي..ااااخ يالقهر لو اني ذابحه ومبرد حرتي!!!!!!!!!!!!!!!)
عناد وهو مقهور يمكن اكثر من سعوووووووود
كل شي يتحمله الا الخيانه.........
والطعنه بالظهر..........
وبالذات اذا دخلوا الاهل بالموضوع

(حتى لو امك فرحانه...ماكان لازم تسكت لو هددته انك تقتله لين يطلقها لو سويت شي مو تسكت كنك كمخه
وتخليه يروح بامك)

تنهد وكلام عناد زود النار اللي فيه
من البدايه كان جاي يبي ينسى اللي فيه
ومتوقع يلاقي فزاع بس مايدري وين صاريختفي
(اقتله ويعدموني ثم وش استفيد..ابي افهم وش يبي سيف بوحده بعمر امي ؟؟
توه ورع شنبه تتوه خاط..كانه يبي العرس ليييه مادور وحده بعمره ولا اصغر بعد)
عناد وهو عاقد حواجبه بتفكير0(مدري بس يمكن يبيها تعوضه عن حنان امه اللي توفت وماربته
)
سعود وهو يصقع بيدينه رجوله اللي مغطيها الثوب
(ااااااخ يالقهر بس ..ماني مستوعب ولامصدق ان سيف يطلع منه كل ذا)

عناد وعيونه على الارض
مايبي يزعل سعود بس بنفس الوقت
بيقول الكلام اللي يقرقع بقلبه
(الصراحه الشرهه مو عليه..مع احترامي لك بس على امك اللي عطت ورع وجهه
اكيييييد انها معشمته بالزواج ولا ماكان تجرا وفكر فيها كزوجه)
هذا اللي اخذته منك يايمه
اهانه الناس .
هذا وعناد خويي وجاي اشتكي له
فكر بهالطريقه
اجل باقي الناس وش بيقولون لو دروا عن هالخبر
وقف سعووووود وهو متنرفز
وبدون أي كلام طلع وترك الاستراحه
لحقه عناد بيراضيها بس ماعطاه وجه
وهو حاس ان الدنيا صاكه فيه
وبعصبيه دق على جوال فزاع
بس مارد عليه

ــــــــــــــــــــــــــــــــــــــــــــــــــــــــــ




كانت يديني باردة ..!
رجلي فـ مكاني تسمّرت
مرت 『أحبك 』شاردة
وفجأة ..!
يديني جمّرت ..!

فالسقيفه الواسعه..
واللي كانت لجلستهم.. واستقبال الضيوف
مافيها الا كم مسنده ثقيله ماغطت الا ربع مساحه الجدار

والباقي فيه اغراض مالها داعي بس زاحمه المكان

وعيونهم معلقه على التلفزيون
اللي شايلته طاوله حديد بدورين

صرخت وهي تناقز من الحماس (قووووووووووووول...فزت عليييك يالله اليوم ابي بيتزا )

فزاع وعيونه عليها...

ببنطلونها الجينز الفاتح..
وتيشرت وردي بكتابه بيضا
ولافه عليها مسفع ملووون
شكلها حييييييل رايق
لسى مو مستووعب انها بنت خالتها بس كل اللي يعرفه ان يمر

باسعد ايامه....

وهو عاقد يدينه لصدره
(ياسلااااااااام .....تراك غشيتي ..وانا بمزاجي فوتها لك ...احلمي اجيب لك شي)

مدى وقفت

وهي تصقع رجولها بالارض بقهر
وباعتراض
(مالي خص ...تجيب لي بيتزا انت وعدت اللي يفوز على الثاني يجيبه له اللي يبيه)

فزاع مدد رجوله على الارض

وهو يتمغط ويتثاوب بينرفزها
(لا مو جايب شي انت المفروض تجيبين لي
لاني سامح لك تغشين)
مدى وهي حدها مقهوره منه
انتبهت لكوب مويه كانت من اول مابدوا يلعبون تشرب
منه...

بابتسامه خبيثه
(طيييييب ولايهمك ابشر انا باعشيك اللي تبي بس اصبر دقيقه)
فزاع وهو مستغرب
توقعتها تعترض ولاتزعل
بس ماتوقعت ترضى بهالسهوله
والله هالبنت كل يوم تصدمني بشي
اصلا كفايه انها قدرت تعيش بهالبيئه
انا ماقدر اعيش عند جدتي!!
وشلون هي اللي جايه من تركيا وعيشتها غير
وكان كل شي عندها فرررري وتسويه!!
من جد انسانه عجيبه ..وهاللحين تضحك وتلعب معي بلاستيشن
وكأن هالعيشه مو غريبه عليها...
وطول عمرها كانت هنا
وبابتسامه حلوه(طيييييـ..............)
قطع كلامه وهو يصرخ وينقز من مكانه
من الفجعه
بعد مانتثرت المويه البارده عليه
وبصوت مقطع(حـ....حشا مو بنت انت...حرام علييك روعتيني)
مدى منحنيه وهي تصفق من كثر الضحك على شكله
من قهرها مالقت الا كوب المويه تنثره عليه(احسسسسسن تستاهل عشان ماتحسب اني باسكت لك
لاحشا ماسكتش عن حقي ابدااااااا)
فزاع وهو خااق مو قادر يشيل عينه عن شكلها
وبابتسامه وهو فاهي(انا ارجعها لك...طيرتي قلبي )
ركضت مدى بتهرب منه بعد ماشافته يتوعد..
صار يركض وراها وهو يضحك
(يادووووووبه احسن لك وقفي ..طيب خلينا نتفاهم)

ركضت ورى ظهر جدتها
ونفسها يروح ويجي من ركضها
(يمه شوفي فزاع.....بس يناقرني)
فزاع وعيونه انفتحت على كبرها
اوخص يالنصابه ..
(انا؟؟؟؟؟؟!!!!سبقني وبكى ..وضربني واشتكى ..انت اللي تناقريني مو انا)
مدى وهي تلعب بطرف مسفع جدتها
وبدلع
(انا حليله ماسوي شي كله منك)
جدتها فرحانه وهي تشوفها بهالوناسه
لاصار فزاع فيه بس بعد مو معجبها
الوضع وجلساتها هي وفزاع كثرت نفسها تمنعه بس ماتبي
تقتل فرحتها...
وبعصبيه(ماشالله عليكم جالسه مع وراعين ..ماهو رجال ومره يمشي على زندهم بعير
بدال مانتوا كافيين راسي بلعبكم روحوا احلبوا الغنم..اليوم مارحت احلبها عاثرتني رجولي
توجعني ..وانتوا ماشالله من الصحه تناقزون)

فزاع ابتسم والفكره عاجبته
وبيرد نذاله مدى فيه
(ابشري يالغاليه ...مالك الا اللي تبينه ..هاللحين نروح نحلب غنمك انا ومدى )
مدى وعيونها من الفجعه صارت كبرالفناجيل
وكان احد متهمها بقتل احد من كثر رعبها
وهي تهز راسها بقوووووووه
(لا طببببببعااااااااا...وش هالمزح الثقيل ...بتروح رح انت بس لاتفلسف وتقولي اني باروح معك)

فزاع وهو ماسك الضحكه
ومستانس على شكلها وهي مرعوبه
وبنذاله(ماتوقع يهون عليييك تشوفين جده تعبانه هالكثر ...وتخلينها تروح للغنم
لاسمح الله يمكن يصير لها شي وحنا ماندري)

وجابها على الجرررررررررح
كل شي يهون الا انها تفقد جدتها اللي ربتها
ومهما كانت قسوتها عليها الا انها متاكده انها تحبها
وماراح تلاقي حضن يلمها مثل جدتها
وبخوف وتهور(لا يووووووو..ان شالله مايصير ليمه شي بروح عنها اهم شي سلامتها)

اخذت المفتاح من جدتها واللي كان مربوط بطرف مسفع قطن

ماحست بتهورها
الا وهي تشوف شكلها فزاع وهو ميت من الضحك
على شكلها بعبايه جدتها الواسعه
وهي ماسكه السطل اللي تستخدمه جدتها
للبن
وبلويه بوز(فزاعووووووه احترم نفسك ولاتضحك مو ذا كله من كرمك الزايد
مو انت اللي عرضت انا نروح بدال يمه!!!!!!!!!!)
شكلها كان ملفت ببياضها الزايد
وحمرت شفايفها ..
وهي لابسه عبايه على الراس وااااااااسعه حيل
وبيدها سطل اللبن...
باين انها اجنبيه بس طالع شكلها رووووووووووعه
وبابتسامه وبكلام من قلبه
(صراحه روووووووعه شكلك...وبعدين وشهوله حارقه دمك..خلنا نسوي مغامره
تخيلينا هايدي وبيتر ههههههههههه)
وهي ترفع العبايه لراسها بعد مانزلت
وبنرفزه(ايييييييييه بالحيل رووعه ..يالله يابيتر اخلص خلنا نرووح ابرجع بسررعه
مدري وين عقلي يوم وافقت )
ضحك عليييها...
وقفها عند الباب ويديه على خصره
وبحواجب مرفوعه
(لايكون بتطلعين بهالشكل؟؟؟؟؟؟؟؟؟؟؟؟)
مدى وهي تنزل راسها
عشان تقدر تشوف نفسها زييييييييين
وببرائه(ايييه كذا بطلع لييييه فيه شي..؟؟)
هاذي تخفف دمها ولاشلون؟؟؟؟
وبعصبيه(اقوووووووول لايكثر غطي وجههك)
هاذا مصدق عمره ويتامر علي بعد
وهي تلم عبايتها على بعض وبعناد
(انت اللي لايكثر انا متعوده اطلع كذا ..اصلا مالك امر علي)
وهي تمرمن جمبه بدلع وتفتح الباب
(ولو فكرت اغطي وجهي...بيكون حتى عنك لانك مثل الي بالشارع مو محرم لي!!)
ارتفع ضغطه من كلامها...
حاس انه مو رجال لو خلاها تطلع كاشفه وجهها
واللي يسوى ومايسوى يقزها بعيونه
ولو غطت عنه بيموت لانه صاريعشقها حيييييييييييل
ولايقدر يستغنى عنها.....
*


*


*

برعب ناظرت بالغنم
سدت انفها بالمسفع اللي لابسته
وبقرف (وووووووووواع وش هالقرف بسرررررعه سوا اللي قالته لك يمه بروح)

هييين ماتسمعين كلامي وتامرين علي بعد
هين ان ماجننتك!!!!

وهو يجلس على بلوكه طوب
وبدون اهتمام وكان اللي يقوله عادي
(مدى قربي لي من الغنم .......بسرعه نبي نخلص )

هذا يستهبل ولا ش سالفته
وبعصبيه(تراك ابلشتني خليتني اجي بهالقرف وبعد تبيني اجيب لك غنم ومدري اش اسوي تحلم بس )

فزاع وهو ماسكه ضحكته على شكلها
وهي كل شوي تبعد وتلصق بالباب من الخوف
(ليش اتحلم لو دريت انك مالك فايده ماتبعت نفسي واخذتك)
مدى بطفش وريحه الغنم قارفتها
(انت تدري اني ماعرف لهالقرف بسرعه اخلص)

فزاع بنذاله صار يطول وهو يحلب الغنم
بيخليها تعيش برعب ويبرد حرته فيها

اشر ت بيدينها على غنمه صغيره (فزاع هاذي حليله جربها حرام من اول تنتظر دورها)
وبدون مايرفع راسه(اذا حليله على قولتك انت جربي)
بفجعه(يؤؤؤؤؤؤؤؤؤؤ لاشكرا مابي اجرب شي)

ناظر فزاع باللي اشرت عليها مدى

فقع من الضحك (هههههههههههههههههههههههههههههههههه)

قلبت عيونها.. ويدها على خصرها (الحمدلله والشكر خير وش يضحك ماتوقع اني قلت نكته!!)
فزاع بين ضحكه وهو موقادر يتنفس من الضحك
(هـ.....هذا تيــس مايجي منه لبن )

اسغربت حيل
وكان نفسها تسال ليش ..

بس غرورها ماسمح لها
مو على اساس انها قرفانه

ناظرت بغنمه قربت لها
ياويلي هاذي ليش جايتيني

صرخت برعب
وكن اللي مقربه لها ذيب ولاشي مفترس
ومن الفجعه ركضت
وجا ت ورى ظهر فزاع
وبدون ماتحس مسكت بلوزته
(ياويلي انا وش جابني هنا..كنت خبله.....ذا رعب اسوا يوم اعرفه!!)
داااااخ على ريحه كريم يدها المعطر
وصارقلبه يدق مثل الطبول
وهو حاس بيدينها متمسكه بظهره
وكأنه هو الامان الوحيد لها
ياويل حالي
الا اسعد يووووووووم عرفته بحياتي
وبدون شعور(يازيييييييييييييين الغنم زينااااااااااه والله انه احلى يوم عندي)

وهو خايف يتهور
ويهزها من كتوفها عشان تحس فيه
وتحس بالحب اللي مالي قلبه لها
حتى النوم حارمه منه
وهو شايل السطل الثقيل
(يالله خلصنا )
مدى ولافهمت كلامه
كان كل تفكيرها انها تطلع وتفك عمرها
من مسلسل الرعب ذا!!!!!!!!!!















ــــــــــــــــــــــــــــــــــــــــــــــــــــــــــــ ــــــــــ








<<<فالصباح وبمكان فلتهم الجامعه


هيووف وهي تحذف شنطتها على الفرشه وبتافف

(اوووووووووف ماصارت الاسبوع هاذا كله نحاسه ماحظرنا الا محاضرتين
ولا نتعب ونحضر وبالاخير المشرفه العله تكتبنا غياب )

مرزوقه جلست متربعه..وبدون اهتمام
(خيييييير ياطير واذا ماحظرنا ؟؟بتنهد الكليه يعني..؟؟ومن متى هالاهتمام والشطاره)

اماني جلست..

وبسرعه وقفت..

وهي تطلع من جيوب تنورتها

روجها والعطر والجوال وتنزلها على الفرشه

ولاكان هيوف محروق دمها..(ياربي عشان التنوره ضيقه طفشتني هالاغراض حتى الجلسه ماقدرمنها)
مرزوقه وهي تعدل نظارتها الطبيه على عيونها

وكأن هذي السالفه قضيه مهمه

وباهتمام(ايه موديل تنورتك حلو ..يعني انه ضيق على الخصر وبعدين يتوسع
انا مدري ليش ماتجيبين شنطه مثل البنات..بدال مانت تعبيين جيوب االتنوره من اغراضك)
هيووف وهي تحط يدينها على راسها

من القهر(انا وين وانتوا وووووووين....انووسه تكلمي قولي شي)

ايناس اللي راضوها واعتذرولها ذاك اليووووم

ومن بعدها رجعت لهم...

وهي رافعه حاجبها اليسار ولاويه بوزها

وباين ان الاخلاق قافله وحدها معصبه

(انوووسه بعينك...من جد انكم وراعييييين اجل خلصت المهاوشات

مالقيتوا غير على هالسبب؟؟؟ جد حريم ناقصات)

مرزوقه وهي تفتح غطا الجوال من ورا

وتاخذ الشرايح اللي طلعت منه
وانحنت تركز باللي تسويه

وبدون ماترفع راسها (والله انك انت الورعه اجل حارقه دمك عشان كلام بنت سخيف

لاتنسينا انا انطردنا من المحاظره عشان عصبيتك هذي على البنت)

ايناس ودمها رجع يفور من القهر
وهي تذكر

وبعصبيه رجعت شعرها على ورى

وناسيه الجل اللي فيه

(اقول اعشقي الراحه .ماني بورعه هي اللي عصبتني وصلت الامبير اتش

طبحتها وهي واقفه اجل هي اللي كاتبه كلمات اغنيه الاماكن مالقت تكذب غير بهالاغنيه اللي اعشقها)

اماني اللي كانت متابعه بصمت..
ماقدرت تحمل وفقعت من الضحك

(حشا منت بصاحيه هاذي واضحه ان مالها مطبه من الكذب وماتنصدق .. وبعدين عادي هي كتبت كلمات الاماكن وحنت على ابو نوره واعطته اياها...وانا كل اغاني عبدالمجيد عبدالله اهديتها له الكلام بلاش ليش معصبه)

هيوووف وهي تاشر بيدينها الثنتين يسكتووون
وتنقز وهي جالسه من الحمااس

(شوفوا بسرررعه يابنات هذي اللي كانت اماني تحكينا عنها...انتبهوا لها قبل ماتروح)

ايناس وهي لسى واقفه
تلفتت بسررعه تدور عليها


وبلقافه وبصوت عالي(وينها؟؟؟؟؟؟؟؟؟أي وحده قصدك؟؟؟)
مرزوقه رفعت راسها بتشوف مع انها مو متذكره وش سالفتها
تكلمت من بين اسنانها(ايناسوه فشلتينا كل اللي بالساحه عرفوا البنت وانت لسى!!)
ايناس وهي تمسح على زمامها
بيدينها
وتهز كتوفها ببراءه (ماسويت شي كنت ابعرف خشتها يعني ماحشيت فيها خلها تدري مو مشكله هع هع هع)

مرزوقه بعقده حواجب(وش سالفتها ياكثر ماحكيتنا ياماني؟)

اماني تربعت بسرعه بنص الفرشه
وبحمااااس وهي تحرك يدينها (هاذي اللي كنت اقولكم حبت السواق دروا اهلها وانقطعت شهر وبعدها رجعت وجهها من التكفيخ قالب الوان ولابعد زوجوها شايب )

ايناس وهي تحرك يدها اليسار
انها مومصدقه
وتلف تفرج بالبنات (اوما ..عاد ياكثر الارانب اللي تنقز اليوم!!انتوا بس قابلوا هالمسلسلات وصدقوا!! قايله التلفزيون يخرب الورعان محد صدق)

اماني باستعباط(مادام ياكثرها افتحوا حديقه حيوان ازين)
ايناس (هع هع هع سماجه ماتضحك)

اماني بجد(والله جد السواق حق باص المدرسه الاهليه اللي كنا فيه هي كانت معي بنفس السنه..بس مالومها مغربي يخقق
كانت تكلمه وهو يكلمها وكل انواع الافلام الرومنص نشوفها قدامنا!!!!!!!)

مرزوقه وهي تنزل فنجال القهوه على الارض
وتكي يدها على الثلاجه وبرود(عادي تلاقينها محرومه من الحنان والرومنس ولقته مع هالاجنبي!!وحتى يوم زوجوها شايب مافيه شي بالعكس ونااسه يدلعها ويغنجها مو مصدق على الله انه متزوج بنوته )

ايناس بكشره (واااااااااااع شايب مره وحده ياشينها لو انا منها كان منذ مبطي ذبحت نفسي)
**بينولك من الطيب نصيب يايناس وقتها وش بتكون رده فعلك؟؟؟؟؟؟؟؟؟؟؟؟؟؟؟؟*****
هيوف وهي تحذف ايناس بقلم جمبها تبيها تنتبه
(ايناسوه ناظري بسرعه مو هاذي البنت المعجبه فيك اللي كل يوم لاصقه فيك؟؟ وماينفع تصريفك لها)
ايناس بسرعه البرق
بعد مالمحتها من بعيد
عطتها ظهرها
وسووت نفسها مومنتبهه ومندمجه مع البنات بالسوالف
ومن بين اسنانها(لعنبوها ذي ماتطفش من كثر ماصرف فيها ماتفهم اني مو بفاضيه لها طفشت منها خلاص ماعاد ابيها)

اماني بنص ابتسامه وهي مو معجبتها حركه ايناس
وكالعاده اللي بقلبها على لسانها

(طيييب دامك ماتبينها ليش لهاللحين معلقتها فيك...قولي لها انك ماتبينها ..وبعدين انتوا تقلدون حركات العيال حتى بالطناش البنات لاتعلقت فيكم؟؟؟؟؟؟؟؟؟؟؟!)

هيوف حذفت المرايه بقهر اللي كانت تشوف نفسها فيها
ولاهتمت بكلام اماني
(وش ذا صار وجهي اسمر كله من جلستنا بهالفرشه تحت الشمس..ترى مايسوى علي
الشي الوحيد اللي محليني البياض )
ايناس رفعت وجهه هيوف باصابعها السمرا
وصارت تناظر فيها زين ولاكانها قد شافت
(امممممم حتى كذا حلووه بس لو تسوين حواجبك وتسوين شمع وتنظيف وتصغين شعرك
همممممم يمكن توتي بتطلعين رووووووووعه ولا انتوا اش رايكم يابنات )
مرزوقه سكتت الي تكلمه من صدمتها من كلام
ايناس وصار تصفق بحماااس
(ادددددددددددددددددددددعس يالحركه....حتى انيس صارت تعرف بكشخه البنات )

اماني باستعباط (لاااااا لو تصبغين ازرق بخصل خضرا صدقيني بتطلعين تهبلين ولا كان كشتك الا مزرعه برسيم )

ماتوا ضحك على كلام اماني ههههههههههههههههههههه

هيوف وهي تبعد يدين ايناس عن وجهها
وبجديه مو لايقه (بتذبحني امي لو اصبغ هاللحين عندنا البنت ماتصبغ شعرها الا اذا اعرست )
مرزوقه واللي نزلت الجوال وحطت جمبها
وصارت تطق رقبتها واصابعها
(مووت ياحمار لين يجيك الربيع....طيب واذا ماجاها عريس بدري ؟؟؟)
اماني اللي وقفت (مالها غير تصبر كود الله يجيب مطر)
مرزوقه وهي رافعه راسها لاماني
(حلفت علييييييك لغير تجلسين)
اماني وهي تدور على نفسها (لاشكرا بسوي رياضه رجولي تعبت من الجلسه وانتوا كنكم عجايز ماصدقتوا لقيتوا قهوه وجلسه)
كملو البنات ولاكان اماني واقفه
لانهم متعودين على خبالها

ايناس وهي تعدل بالكبك الرجالي اللي حاطته بدال الازره
(مادريتوا بالخبر؟؟؟)
اماني وهي تخصر (صرصور بالمختبر)
مرزوقه وهي ميته ضحك
حذفت فنجال القهوه على اماني اللي بعدت عنه
(امانيوه ماتبين تسولفين فكيني من اذاك وخلينا نتكلم)
اماني بتقليبه عين وكنها بيبي (الحمدلله والشكر من زين سوالفكم..عشاني صاحبتكم متحمله ولا قلت لكم عشان مابي اصدمكم!!!!!!!!!!!!!!)
هيوف المتربعه عدلت جلستها وبحماس (اسفهيها ايناس وقوللي وش الخبر حمستينا!!!!!!!)

ايناس وهي عاقده حواجبها(يوووووه نسيت السالفه وش كنت اقول.....................................ايه شفتوا هذيك الدكتوره اللي قاعده للبنات وغير ترسبهن والكل يشتكي منها تخيلوا طلعت شهاده الدكتوراه حقتها مزوره ...ياليتهم يحطونها بالسجن هي وخشتها ويدعسون كرشها لين تقول ان الله حق ثم يسفرونها)
الكل انصدم لانها بالحيل مطفشه الكل
حتى العميده ماتقدر عليها
مرزوقه بفجعه(احلفي؟؟؟؟؟؟؟؟؟؟؟؟؟؟؟)
ايناس وهي تهز كتوفها(قصصصصصصم قصمات)
هيوف والابتسامه شاقه حلقها(اشوا افتكينا منها... عاد كانت تهاوش اللي ماتقولها يادكتوره الظاهر من دعاوي البنات وامهاتهم عليها)

اماني بطفش وهي رايحه جايه(قوووووووموا خلنا نمشي ولانجلس باي مكان ثاني قسم طفشت ماصارت ..........كم ساعه وانتم متبطحات هنا!!!!!!!!)
ايناس باعتراض(يالليل البعارين وشهوله هالتنكيد خلينا ابرك)













*


*

<<وبعد حروب صاروا يمشوون فالساحات




ايناس وهي مدخله يدينها بيدين اماني وتفرج على الخلق
(مرزوقوه وش عنده جوالك ساكت مازعجنا اليوووم ؟؟)
مرزوقه واللي كانت تناظر بنفسها تاكد من شكلها ان مافيه
شي غلط.......



بتيشرتها الابيض السادهـ مفتوح فتحه بسيطه من قدام



وتنوره جينز فاتحه مغبره بابيض وكواتش ابيض




كان لبسها عادي بس مع بياضها وشعرها الغزير طالعه حدها ناعمه
(لا ياورعه مو ساكت بس كل مادق علي من هالدلوخ شبكتهم بعض وسويتهم مكالمه جماعيه وتهاوشوا



سوا يمكن عشان كذا روقوا شوي)
اماني والي تكلمت فجاه بصوووت عالي


وكانها بتتسمع احد



(خطررررررر....يادواااااااااس احبببببببك )


لفوا بسرعه البنات يدورون تكلم عن مين


فقعوا ضحك وهم يشوفون بنت قداممهم حاطه روج احمر فاقع



ونافشه شعرها...ومسويه شدو كلها اكلين...



ايناس والمحشات جاهزه عندها



وهي تسمع البنات (يووووه ماني قادره افتح عيوني بلاه من الوجيه اللي تبالص وتبرق من الانوار اللي مخبصتها على عليهم تقال رايحين لعرس)



اماني وهي تحرك يدينها انها دايخه



(ولا الاحمررررررررر..يوووووووه يالاحمر ذبحني ماقدر عليه ابد)


مرزوقه ضحكت بصوت عالي


والبنت الي قاصدينها تفشلت وهي تدري انهم يتكلمون عنها



هيوووف بتافف (خلاص تعبنا نبي نجلس )


مرزوقه وهي رافعه حواجبها (اوخص يالزوله مسرع عساى امك ماتجيب غيرك )



هيوف بسرعه وهي ترفع يدينها(امييييييييين اللي عندنا مكفين لو تبون ابسلفكم )

اماني اللي منحنيه وتفتش بجيوبها
(وين ذلفت ؟؟الله ياخذ هالتنوره كل شي يضيع فيها!!)

ايناس واللي لسى يدينها بيدين اماني



(علامك وش تدورين ؟؟)


اماني بضحكه شريره


(ايووه هذاني لقيته ..هذا اللي ادور عليه)
اخذت اللي بجيبها وحذفته على الارض جمب مجموعه



بنات متحمسين بسالفه


طلع صوت قوووي كنه انفجار فجع البنات وقاموا يصارخون وهي ميته ضحك



مرزوقه بحمااااااااس(احللللللللللى ياطراطيع الثوم !!!!! فله من وين جبتيها)


اماني وهي تسبل بعيونها(مصادري الخاصه)



ايناس والضحكه شاقه حلقها(احذفي وحده على ذولي بسرعه تكفيييين مغصوني بدلعهم)



طبعا اماني على قلبها زي العسل


صارت تحذف طراطيع على البنات اللي يصارخون



ويتفرقون ..


والاغلب صاروا يعلقون وهم حالفين مايفوتونها لهم على خييير

ــــــــــــــــــــــــــــــــــــــــــــــــــــــــــــ ــــــــــــــــــ



أح ــــــــبكـ..
ايهـ احـبكـ شي مايحتاج اسولف فيهـ ..!!
وربي مابي منكـ سوى شي
تع ـــــبت ارجيهـ !!
تخف شوي من قسوتكـ..إلى منهـ كثرخيري..!!


//









//









رغم صووت التلفزيون العالي الا انه مو منبتهه له
سرحان وعقله بعالم ثاني!!



مقهووور حيل

ومتضايق



مافيه أي كلمه توصف اللي هو فيه



تنهد وهو يتمدد على الكنبه اللي قبال التلفزيون

هاذي كيف اعرف اراضيها؟؟؟


من يوم ماعرفت انها زعلانه والدنيا صاكه بوجهي

حتى الطلعه مارضت تطلع وتقابلني

مدري ليش تسوي فيني كذا وهي عارفه ان اليوم اللي يمر بدونها اكرهه


انقلب على بطنه وكانه يبي هالسيره تغير ويشيلها من باله


وش اسوي ويخليها راضيه عني؟؟؟؟؟؟؟؟؟؟؟؟؟؟؟


اللي تبيه احسه مستحيل بهالوقت

ماهو وقت مناسب اني اطلق ريماس

تنهد وهو يحط الخداديه الصغيره فوق راسه


مدري ليش اكذب على نفسي


ياكثر الاوقات بس مدري وش مخليني متمسك بهالريماس

وبصراخ(ريماااااا وين الغدا ماصار عليييينا لو ذبيحه كان استوت)





*


*
























قفلت جوالها وهي متضايقه حطته على الطاوله الصغيره
وحضنت راسها بيدينها


 
 

 

عرض البوم صور غدووورة   رد مع اقتباس
قديم 19-12-08, 07:07 PM   المشاركة رقم: 77
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

كلمت العاملات اللي بمحلها
والشغل متراكم ومحتاجين وجودها ضروري
وهي عقلها موقف حتى ابسط شي تصميم مسكه عروسه مو قادره عليه
مع انها بالعاده تصمم عشره بيوم واحد
وكل تصميم احلى من الثاني
وبكشره والله مو مني من هالغثى اللي منكد فيني
مدري متى بارتاح
ماني قادره افهمه ولادري وش اللي يرضيها!!!!!!!!!
يمكن من معاملتي يبيلي ازين اخلاقي معه
لعلى وعسى...
كشرت وهي تسمع كلامه.. وبصوتها الناعم(خلاص تعال قلبي جاهز الغدا)
سحب الكرسي وجلس عليه
ناظر بالسلطات اللي محطوطه قباله
وبعصبيه (تعال صار جاهز وانت ماسويتي شي لسى انت ماتعرفين اني جاي من دوامي تعبان؟؟؟المفروض يكون كل شي جاهز)
لاتنرفزين ياريماس
اسفهيه سووي ان كلامه مايجرحك
صيري احسن منه واتنازلي يمكن ينفع
صارت تردد هالكلام بين نفسها
عشان ماتهور وتصقعه باقرب شي قدامها
حطت قدامه البرياني(يالله قول بسم الله حياتي)
وعيونه عليها
بشورتها الجلد الاسود
والبدي الشيفوون الواسع والمزموم عند الخصر باللون الرمادي
مع سلسال باحجار كريمه طويل
كانت فقمه الجمال
وكانها عارضه ازيا
بس هالمره ماثر فيه ذا كله
قافله معه ولاشي حلو بعينه وحبيبته مها زعلانه منه
بدون مايرد صار ياكل
مع ان الاكل لذيذ نزل الملعقه بقووه
(اش هالطبخ ياربي ديم النعمه حتى كبسه ماتعرفين تضبطينها مدري انا وش مستفيد منك )

كانت تاكل بس اول ماسمعت كلامه
وملعقتها لسى بيدينها
رفعت راسها وعيونها معلقه بعيونه
مو مستوعبه اللي يقوله بس الي متاكد منه
انه من اول ماجا من برا وهو قافله معه
وبهدوء ماتدري من وين جابته
راحت للثلاجه وجابت له حلا
كان شكله مره حلووو
(طيب حياتي حلي.. مسويه هالحلا من بدري عشانك)
لو اني نايم اول ماجيت احسن لي
وبكشره سحبه منها (هاتي خلينا نجرب مع اني عارف انه مو احسن من الكبسه)
مع انها حاسه شوي وتبكي
الانها تحاول تكون متمسكه
حطت رجل على رجل وهي جالسه قدامه
وبابتسامه حلوه (عساه بالعافيه)

طعم الحلا كان لذيذ حيل
بس حاسه ناشب بحلقه
ولاراضي يتحرك
من اول ماناظر بريماس
وحركتها بنفسها اربكته
كانت ترجع شعرها المجعد ورى اذنها
وماتلحق تنزل يديها لمكانها الارجعت
خصلات الشعر بلهفه وسرعه تحضن جبينها
وتطيح على عيونها
و بصبر وبدون ماتذمر ترجع بيدينها الناعمه ترجعها ورى اذنها
ولا انتبهت لعيون زايد عليها
اللي مو قادر يحس بطعم الحلا وهو يفكر
لو كانت بين يدينه هل بيكون بنفس لهفه خصلات الشعر لحضنها؟؟
تنهد وهو يرجع صحن الحلا على الطاوله
ولو احد قاله انه بيوم بيضيع وقته وهو يفكر بشعر
حرمه ماصدقه وبيقوله انه ماعنده سالفه
بس هالمره هو نفسه مقهور من تفكيره
توه زعلان وحزنان عشان زعل حبيبته
وقايل انه مايتاثر بشي!!
قام بسرعه (الحمدلله)
ريماس وهي تناظر بصحن الحلا
لودريت ماتعبت نفسي وطبخت وهو مايستاهل
ماكل منه الا شووي(حياتي ماكلت شي؟)
زايد وحده كارهه عمره
(شبعت مابي شي باروح انام)
*

*

*






































اخذ لحافه وتمدد على الارض قبال التلفزيون
والافكار توديه وتجيبه
جات عنده ريماس وبابتسامه بريئه (ليش ماتنام على الكنبه ؟؟الارض مو مريحه لك)
عاجبه الاخت الوضع اني نايم هنا
وبكشره(الكنب كسر عظامي ...من تعب لتعب انام بالارض ازين واوسع)
احسن خلك تكسر عشان تحس فيني
وهي تذكر(ايوه تذكرت حياتي بكره برجع لدوامي بالمحل )

زايد وهو يصرفها(رووووحي للي تبين بس فكيني ابي انام ارتاح... كتوفي احسها منفكه من بعض)
ريماس وطيبتها تغلبها (سلامتك ليش توجعك)

يالليل ذي مطوله لصقه كيف اصرفها

جلس
والغطا انكشف عن جسمه
طبعا كالعاده مو لابس مع البنطلون بلوزه

وبتافف وهو ياشر على كتوفه العاريه
(هنا يوجعني واتوقع شويتين راسي بينفجر من الصداع)

بدون شعور
ورغم ان الجراءه ماكانت من صفاتها
الا انها جلست على الارض جمبه

وحطت يدينها على كتوفه وبوجهها المحمر (اسويلك مساج يمكن تخف)

من اول ماحطت يدينها الناعمه على كتفه
حس بكهربا ماسكه فيه
كان بيعترض بس يديينها صارت تحرك بنعومه على عروقه
بخبره وبصوت حاول يكون عادي مايبين شي من اللي فيه
(من وين تعلمتي احسك خبره)

ريماس بضحكه ناعمه وبتفكير(اممممممم كنت اسوي لابوي اذا جا من الدوام مصدع من ضغط شغله

اصلا ماحس اني اضبطه!)
نسى كل شي كان مضايقه
الا نسى الدنيا كلها
بالذات وهو يشم ريحه عطرها الرايقه
حس نفسه يسترخي والالم اللي فيه يختفي
واحاسيس متناقضه فيه
قربها بهالشكل يجنننه
بصعوبه يمسك نفسه عنها
لانه مو متخيل انه يقرب غير لحبيبته
بس هاللحظه وهو يسمع صوت ريماس الناعم (حبيبي كذا خلاص ارتحت)
ضييع كل شي
وبلهفه وبدون احساس بنفسه

سحبها مع يدها لحضنه
وهوو يمرر يدينه على شعرها
(ارتحت حيييييييييييل)

حست قلبها يدق بشكل جنوني
وانصدمت وهي تحس انها تحبببببببه

رغم انها متاكده انه مو معبرها
واحساسها الاقوى انه مانسى مها
حضنها بقوووه
بدون مايستوعب شي
ونسى وعوده لنفسه انها يرجعها لاهله مثل ماهي

نسى كل شي وهي بين يدينه
وحاس بدقات قلبها القويه
وهو يهمس لها(حياتي ناظري فيني ابشوف شكلك بهاللحظه كييف)

قبل ماترفع راسها له
سمعوا جرس البيت
بكشره(هاذا وقته ؟؟اسفهيه حياتي)
ريماس وهي تشوف الجرس يدق ماوقف بالحاح

خافت يكون شي مهم
حاولت تبعده عنها بنعومه
(زمان ماحد جانا..اكييد هاللي يدق مستعجل لايكون صار شي خلنا نعرف
والباقي ملحقين عليه)
بعد عنها وهو مكشر ويسب باللي داق الباب وجايهم بهالوقت
سحب البلوزه ولبسها بعصبيه

راح للباب وبقهر فتح الباب

تغيييرت ملامحه وهو مستغرب
بعد ماشاف اللي جايهم وحاس ا ن ورا جيته شي

(عمي الصقر؟؟؟؟؟؟؟؟؟؟؟؟؟؟؟؟؟؟؟؟)




ــــــــــــــــــــــــــــــــــــــــــــــــــــــــــــ ـ








يعني من قلّ آلمصآيب ?!
صآب هـذآ آلصـدر " ضيـق "
وَ إلآ يعني من حلآة آلحظ وَ [ علوّ آلمگآنـه !!

ذي حيآتي من مضيقٍ . . في مضيقٍ . . في مضيق ,
وَ لو بحثت آلصبر فيني ,
مآ أجـد لـ/ آلصبـر خآنـه !










صقعت الباب الحديد برجلها ..

وانفتح...

دخلت وبسرعه ..
نزلت جييييييك المويه الكبير
واللي كانت شايلته على كتوفها..رغم ثقله
وبصوت عالي (كسرت هالجيووك ظهري طفشت من هالحاله متى ربي يرحمني)
حذفت عبايتها على حبل مثبت بجدران الحوش
واللي يعلقون عليه الملابس عشان تنشف
كملت تحلطمها(حتى نشافه للملابس مثل الخلق والناس ماعندنا ..تطلع روحي لين تنشف ملابسي)

امها واللي كانت تشتغل على ماكينه الخياطه
ومركزه باللي تخيطه ..ومن دون لاترفع راسها
(احمدي ربك على النعمه اللي انت فيها.. غيرك مو لاقي ملابس يلبسها..وبعدين حنا كان عندنا نشافه بس خربت وماصلحناها)

ياربي من هالعيشه نفسي اطلع الفلوس اللي عندي
واشتري نشافه وكل شي ناقص بهالبيت

بس وش عذري لاسالوني من وين هالفلوس
المكافاه واعطيتها ابوي يصرف منها والباقي منها اشتريت
ملابس ماركه للجامعه!!

لو اخلص كل الفلوس اللي عندي بيبقى اشياء ناقصه
مدري وش عندنا اصلا
بتافف (الموويه يمه متى بترجع؟؟؟ ترى انكسر ظهري وانا اعبي هالجيوك مويه من البراده الي بالشارع
حتى الناس حفظت شكلي)
امها وهي تحاول تدخل خيط بلون القطعه اللي تفصلها
وسط الابره
(مدري متى بترجع وبعدين المويه منقطعه عن الحاره كلها..ومابيضرك شي انت متغطيه مو واضح شي منك ولو عندي عيال كبار ماحتجتك)
هيوف وهي تفرك كتوفها بيدينها
تبي العوار اللي فيها يخف
وبكشره
(ادري ان الحاره كلها مقطوع المويه عنها...بس هم ازين منا جاييبين وايتات مويه*السيارات اللي تجيب مويه* وعبوا خزانتهم...ترى مايكلف كلها ستين ولاميه ريال)
امها مع انه الكلام يعور قلبها
نفسها انها تغني عيالها عن الحاجه والفقر بس مابيدها شي
وهي مسويه ان الموضوع عادي(اييه ادري انها ماتكلف بس مو علينا على الناس اللي عندها..لو تنفضين ابوك ماتلاقين معه مثل هالفلوس.. ولو معه ماحطيناها بوايت مويه فيه اشياء اهم..انتظري لين الحكومه ترجعه..)
كملت وهي تبي السالفه تغير(خوذي لي ساعه احاول انظم هالابره ماقدرت ماصرت اشوف زين)
بتافف اخذت الابره ودخلت فيها الخيط بسهوله
(غصب ماشوفين من كثر مانت مقابله هالماكينه..**وبلقافه** يمه انت تخيطين هالكرته*فستان للعجايز* لمين؟؟ )

امها بصوت عالي
عشان يبان مع ازعاج صوت الماكينه
(هاذي لجارتنا العجوز..متذكره اللي جات بعزا زوج خالتك الله يرحمه..؟؟ )
هيوف وهي تهز راسها
بايام العزا ماكانت رايقه لاحد
ولاهي متذكره اشكال الحريم
وبحيره(أي عجوز ياكثرهم؟؟ماركزت صراحه )
امها وهي توقف الماكينه







وتناظر باللي سوته (امممم شفتي هاذيك العجوز المتلثمه الحلوه..واللي سولفت معي..عاد هي درت اني اخيط وجابت لي ملابسها)
هيوف فجاه فقعت من الضحك
قدام عيون امها المستغربه
وهي تحاول تسكت (او....ههههههههه اول مره اسمع ان فيه عجوز حلوه هههههههه)
امها وهي تاخذ ازرار وتحاول تثبته باالاكمام
وبابتسامه حلوه(الله ياخذ ابليسك...اذا الوحده من يومها صغيره حلوه يعني لاكبرت بتصير شينه..؟؟
شكل هالعجوز بالحيل كانت حلوه وهي صغيره)
هيوف وهي تطق طق اصابعها(يمه طيب كم بتعطيك؟)
امها بدون اهتمام (خمسه وثلاثين ريال)
هيوف وهي تصقع راسها بيدينها من القهر
(هاللحين تتعبين وتفصلين وماتاخذين الاهالمبلغ والله مو حق تعبك)
امها بتنهيده (هاذي اسعاري ..وبعدين حريم الحاره عرفوني بهالاسعار..وهاللحين زين ان احد يخيط عندي الكل صار يروح للمشاغل)

هيوف صارت تلعب بمكرات الخيووط
وتسوي فيها اشكال على الارض
مو معجبها الوضع بس كلام امها صح
واحيانا هالفلوس القليله اللي تاخذها من الحريم
تفك ازمه..
بس...
لمعت عيونها وهي تذكر(يمه ..يمه انت مو كان عندك شهاده لهاذيك دوره الخياطه اللي اخذتيه ؟وينها عشان تفتحين فيها محل خياطه)
امها وراسها صار يوجعها من كثر كلام هيوف
وهي تصرفها عشان تقدر تكمل شغلها
(اول شي من وين لي فلوس افتح محل؟؟؟وبعدين يبيله تصريح ومدري وشهو
واهم شي اني بعت هالشهاده بخمس الاف ...)

حست بيصير فيها شي من القهر
وقبل ماتعترض ..
دق باب بيتهم ورحمها من هالسوالف اللي رفعت ضغطها
مافكرت تلبس حذيان *وانتوا بكرامه*
ركضت تفتح الباب وهي حافيه رغم بروده بلاط الحوش

وبصراخ (مييييييييين؟؟ كسرتوا الباب حسبي الله عليكم هاللحين افتح)

وهي واقفه ورى الباب(مييييييييييييين؟؟)

سعود وهو مستعجل(انا سعود افتحي)
ماتدري ليش قلبها صار يدق كنه طبول
من سمعت صوته
وبربكه وكانه يشوفها عدلت قميصها القديم
واللي متاكده انه حافظه
(هاااه ...طيب هاللحين اصبر)
ركضت تسحب عبايتها من الحبل وتلبسها بسرعه
وهي تربط المسفع على وجهها
(يمممممممه هاذا سعود )
فتحت الباب والابتسامه شاقه حلقها
(لاتتقول ان الشاهي اللي اسويه لك وحشك ..وجاي تبي اسوي لك)
من جد تفكير وراعين
فاضيه لها انا
ياليت اكبر همومي شاهي

سفهها وراح لخالته حب راسها
و تربع على الفراش القديم
جمب خالته (السسسلام عليكم)
ام هيوف وبدون ماترفع راسها (وعلييييييكم السلام)
شكلها مادرت عن سوات امي
وبعد مشغوله وشلون ابدا واحكيها عن سواد الوجهه اللي سوته امي؟؟
بربكه0(وشلونك خاله عساك بخير؟؟)
خالته وهي حاسه ان زيارته وراها شي
زمان ماجاهم
كملت شغلها وبنص ابتسامه
(بخير جعلك بخير وانت وشلونك)

طلع القلم اللي كان يزين جيبها من قدام
يحاول يخفي ربكتته
(مو بخير بعد اللي سوته امي)
نزلت اللي بيدينها من جاب سيره اختها
لانها حاسه بالايام الاخيره ان فيها شي
وكل ماسالتها ماجاوبتها
(خييييروش سووت؟؟)
سعود وهو حده مرتبك ..
مايدري وشلون يحكي خالته وبالذات وشكلها يدل على انها ماتعرف عن الي صار
شغل نفسه وهو
يفتح القلم ويرجع غطايته ويصكه
مايبي يشوف شكلها وهي تعرف هالمصيبه
تنح نح (امي تزوجت خويي ولابعد اصغر مني ..وراحت معه وخلت خواتي تقول انتب تهتمين فيهم ولاعماني)

وبرعب الدنيا كله
صرخت وهي تحط يدينها على فمها
(اعوووووووووذ بالله...
اعوووووذ بالله
يالله دخيلك عن الفضايح ...وش هالخبال وش جاب العرس براسها ذا كله شفقه رجال
لعنبوها توها مخلصه عدتها)

سعود وهو كارهه هالسيره
ولايبي يشوف الصدمه بوجهه احد
عشان مايزيد من اللي فيه
(خاله هاللحين انا مو فسالفه امي ..انا حايس فخواتي..حتى اختي اللي ماكملت ثلاث شهور
امي مخليتها بالبيت.ولاحنا عارفين نسكتها وش السواه؟؟!)

خالته وهي لسى مصدومه من اللي سمعته..
كل شي توقعته الا هالشي...
معقوله من صدمتها ان سعود مو ولدها وزوجها اللي توفى
تهور وتسوي هالشي؟؟؟؟؟؟؟؟؟؟؟؟؟؟؟
متاكده ان عمانه ماراح يرضون ياخذون هالبنيات الضعيفات
وبتنهيده(لاحول ولاقووه الابالله ..وش هالمصيبه اللي جات على راسنا
خلاص هات خواتك هنا وانا بربيهن مع عيالي ..وانت رجال وبدبر عمرك)

هيوف اللي من البدايه واقفه عند الباب
وتسمع مصدومه
ماقدرت تسكت وهي تسمع كرم امها
هم مو لاقيييين اللي ياكلونه وكل اخوانه ينامون بغرفه وحده
يعني وين بيحطون بنات خالتها وهم ثمانيه**********
وبدون شعوووور(يووووووووووووووه ...وين بتجيبينهم يمه ؟؟؟ من جدك انتي)

امها بعصبيه وهي حدها مقهوره من حركه ام سعود
ولاقادره تستوعب (يعني وش رايك انتي..؟؟اخلي بنات اختي يتشتتن ويتفرقن ببيوت الحريم؟؟)
سعود وقف حركتها المرتبكه بالقلم
بعد ماسمع صوت هيفا وبتهور(لاخاله صعبه ...اممممم طيب زوجيني هيفا وهي اكيد بترضى تربي خواتي لانهم بنات خالتها تكفييييييييييين)

شهقت هيفا ..
وقلبها ماوقف دق
ضمت يدينها لبعض ..
وهي ميته من الفرح هان سعود فكر فيها ويبيها زوجه له
ولافكرت بالسبب ولاحتى بالي يبيه من زواجهم

بس بصوت موت فرحتها قبل تكتمل
قالت امها(لاطبعا ماراح ازوجك هيفا...وش ذنبها فيك ؟؟ معليش ياوليدي
اعذرني انت حتى اهلك ماندري منهم )
وبصوت واطي كملت وكانها مجبوره على اللي تقوله(هذا اذا كان لك اهل)
هيفا شهقت من قسوه كلام امها
والدموع ملت عينها ركضت لغرفتهم
سعود حس ان الهوا خلص
ولاهو قادر يتنفس
وين سمعت هالكلام
كان امي قالته لي اكثر من مره
بس انا على بالي انها زعلت مني
عشان كذا قالت كذا
وبرهبه من اللي بيسمعه
(خاله انت وش تخربطين ؟؟فهميني وش هالكلام)
خالته من الخوف من رده فعله
نزلت راسها وهي تسوي نفسها انها مشغوله
باللي تخيطه وقالت كل اللي عندها مره وحده
ولانتبهت انها بهالكلام تطعنه وتصدمه اكثر ماهو مصدوم بامه
(انت مو ولد امك..امك اصلا كل خلفتها بنات..بس للحق امك مادرت الا بعد ماولدت بنتها الاخيره
قبل واحد وعشرين سنه ولدت بعمليه قيصريه...وبشروها انها جابت ولد اللي هو انت..بس هي كانت تحس انك
مو منها حتتى يوم كبرت وبانت ملامحك اللي مو بمثل احد بالعايله..كانت تقولي وانا اقول وش الخبال ذا..ويوم ولدت
اختك الاخيره قلت لها تسال الدكتور عشان تطمن... يفتح الملفات ويشوف وش ولدت قبل واحد وعشرين سنه..وبعد ماأصرت فتحوا الملفات وقالها انها جابت بنت...يعني بالمختصر يانا الممرضات غلطوا وجابوك لاختي بدال بنتها وبالذات انها ماشافتك وقت ماولدتك لانها كانت مخدره وماصحت من البنج.ولاحستك بولادتك.او انهم مبدلين فيك والله اعلم..)

ضحك بدون شعور وشفايفه ترتعش من الصدمه
يحس نفسه قدام فلم هندي
مو شي طبيعي ولا بالعقل
وماصار الا له؟؟؟؟؟؟؟؟؟؟؟؟؟؟؟؟؟؟؟
يعني امي اللي طول عمرها ربتني طلعت مو امي
واهلي اللي عشت معهم مو اهلي الحقيقين
صح اني دايم اسمع تعليقات علي
واني مو مثل احد من اهلي
او ان جاااي بالغلط عند اهلي
بس كنت اخذها بمزح ولاجا بالي ا ن وراها شي
اكييييييد خالتي تكذب عشان تاخذ خواتي
وعيونه بعيونها
وكانه يترجاها تقوله انها مزحه
او مقلب ا وان كل هالكلام كذب
(خاله وش هالخرابييييييييييط ذي اللي تقولينها ترى ذا الكلام فيه نسب
ومصيبه ماينلعب فيه)
وبعصبيه هي حدها متوتره من حركه اخته
يعني مو ناقصه زود
(استغفرالله العظيم يابن الناس..والله ماكذبت اذا منت مصدق رح للمستشفى
ولا اقولك سوى تحليل الحامض وبتعرف انك مو منا..اصلا يكفي الشكل يخليك تصدق )

حس بحراره تلسع وجهه
انقلب وجهه الوان من الصدمه
طاح القلم من يدينها اللي صارت ترتجف
مو مستوعب اللي سمعه
يعني كل ماصحيت من صدمه
اطيييييييييح باقوى واخس
سيف خويي الي وثقت فيه واستامنته على اهلي
يستغل هالشي ويتزوج امي!!

وامي اللي بدون سبب تزوجته وهو ورع اصغر مني
وهي توها مخلصه حداد ولا اهتمت لكلام الناس
وخلت لي خواتي حتى بنتها الي باللفه مافكرت تاخذها!!
وهاللحين اهلي اللي عرفتهم طول عمري مو اهلي!!!!!!!!!!!!!!!!
وبصوت عالي
وبتفكير (يعني وشلوووووووووون اعرف صدق هالكلام من كذبه!!!!!!!!!)

ام هيفا (مافيه ام تعبت وولدت وربت ولدها تقول انه مو ولدها..بدون سبب .. بس تكفى اذا للعشره عندك قيمه
لاحد يدري مابي شي ياثر بخواتك...ولابمستقبلهن...والبنت الزم ماعليها سمعتها
وترى هن خواتك بالرضاعه يعني!!!!!!!!!!!!!!!)
تررررركها تكلم
وهو حاس انه مخدر من الصدمه
لاقادر يسمع زياده ولاقادر يستوعب!!!!!!!!!!!!


ـــــــــــــــــــــــــــــــــــــــــــــــــــــ

للمره العاشره ناظرت بنفسها بمرايه تسريحتها الصغيره
فيه شي غلط بس مدري ايش؟؟؟
اوووووووف وشلون هالبنات اللي كل يوم بعرس

مايتعبون وهم يكشخون عمرهم؟؟؟؟

قربت وجهها من المرايه شوي وتلصق فيها
تبي تاكد من المكياج اللي مسويته زين ولا لا
كحل ثقيل باللون الازرق مع العدسات الزرقا طالع شكلها حلو
حتى الروج حاطته باللون البيج المايل للاورنج..
ماكانت خدودها مليانه الابالعكس من نحافتها الزايده تحس مالها خدود!!
ورغم كذا حطت عليها بلشر فاتح..

وبابتسامه وهي تبوس شكلها المنعكس بالمرايه
وبصوت عالي (يووووووووو ياحلاتي بس جد الحريم حولات اللي لحد هاللحين
ماخطبوني لعيالهم ياحلاتي بس )

لفت تبي تلبس فستانها تذكرت انها ماجابته من ايمان!!
ركضت

وهي تفتح باب غرفه ايمان بدون ماتستاذن
(ايمان وين فستانك الاسود؟؟؟)

ايمان اللي كانت متمدده على السرير وحاضنه لحافها
وعيونها بالفراغ..
ولاعصبت لحركه اماني لانها متعوده عليها
وبصوت بالقوه طلع (أي فستان اسود؟؟بعدين على وين العزم ان شالله؟)

اماني وهي تهز كتوفها باستعباط
(بروح للمريخ كانك بتخاويني حياك...بس جيبي كرتون كلينكس لاني عارفه علومك!!)

ايمان ببرود وهي تناظر باماني اللي حاطه
مكياج ومسيحه شعرها بس لسى ببجامتها
وطبعا اول مره تهتم اماني بشكلها بهالطريقه
بس ماكان فيها حيل تسالها عن السبب
وهي متاكده انها بتروح لجمعه لبنات حارتهم
(عن الكلام اللي ماله داعي اخلصي أي فستان عشان اجيبه وتفارقين عني )

ياربي متى بتنسى هاذي هالنذل اللي طلقها؟؟؟
من رجعتها زمان من المستشفى بعدما سقطت

وهي بهالحاله لاتطلع ولاتكلم احد وعلى طول سرحانه

جلست جمبها على السرير وبحنيه على اختها اللي اكبر منها
بعد مامسكت يدها النحيفه وضمتها بين يدينها
(ايمان تكفين اطلعي غيري جو ...ماصار طلاق يسوي فيك كل ذا
بالعكس احسن لك حياتي انه بان على حقيقته قبل ماتسكنين عنده ترى الدنيا حلوه
خذيها بطنش عش تنتعش )

ياليتني اقدر انسى الذل والاهانه اللي صارت لي
وثقت فيه وحبيته حب ماينوصف حتى نفسي سلمته اياه
وبالاخير حتى حفله زواج استخسرها فيني
طلقني بسهوله من كلمتين من امه وخواته
حست ان الدموع تلسع عيونها
وهذا اللي ماتبيه مو قدام اماني وهي مبسوطه بهالشكل
وبتنهيده (ناسيته امونه ..وبعدين ماعليك مني انت انبسطي وفليها
بس لو تقللين من روحاتك احسن ترى كلام الناس كثير)

هذي وين فتحت هالسيره

اخاف انها ماتسكت وهذا اللي مابيه
مو فاضيه وعدت ام كلثوم اكون جاهزه بدري
وهي ماعطتني خبر الا متاخر
حتى البنات ماعلمتهم!!

وقفت بسرعه وبابتسامه تسكيته لايمان
(طيب ان شالله اللي تبينه هاللحين اخلصي عطيني فستانك الاسود
اممممم اللي قصير ومورد بسرعه عاد تراني مستعجله!!)

وبهدوء عكس النار اللي جواتها
بعدت عن السرير ووقفت ترجع قميصها
الاخضر الفاتح اللي طوله تحت الركبه بشوي
ويدينها عريانه
كان عادي بس ماخذه فيها راحته بالذات ان ماحد عايش بهالشقه الاهي واماني
لمكانه بعد مابانت شويه من رجولها
طلعت من دولابه الفستان وهي نفسها لو تقدر ماتناظر فيه
هالفستان لبسته اول مره اقابل فيها النذل اللي كان خطيبي
بسرعه عطته اماني وكنها تبي تنهي هالذكرى اللي مرت فيها
(خووووذي البسيه ولاخلصتي لاتردينه شقيه ولعي فيه أي شي سوي فيه)

اماني فتحت عيونها بكبرها من الفجعه
(يارب لاتبلانا ياسمج دلع البنات هذا كله عشان بالبسه يقالك قرفانه تلبسينه بعدي!!
يبيلي البس كل الملابس اللي بدولابك عشان تصير كلها لي هههههههههههه)

ايمان وهي ترجع لسريرها
ومتاكده ان اماني ماتدري عن هالفستان شي
لان بذيك الليله كانت مو بالبيت

(اماني لاتطولين ارجعي بدري ماتضمنين لو مر ابوي مالقاك بيسوي لك سالفه وسلمي لي على البنات)

اماني بسرعه قبل ماتطلع
(برجع بالوقت اللي ابيه اصلا هالشايب غاسل يدينه مني وارتاحي ماراح يجي غير وقت الغداء)

طلعت بسرعه وهي تصفر مبسوطه

وتركت ايمان بعالم الذكريات اللي مو قادره تخلص منه!!!

*


*

*


<<بقاعه الافرااح
عند المرايات الخارجيه وهي ترتب شكلها
وبحماس (ام كلثوم شكل هالعرس فله شوفي موديلات الحريم فخمه تنطق
بس ماكنا تاخرنا ؟؟متى بنبدا)

ام كلثوم ابتسمت وهي ترش على نفسها عطر
مركز(اصبوري..ليش حارقه رزك انتي ..؟؟ماتاخرنا ولاحاجه دحين بنبدا
ماتشوفي البنات راحوا جوا يركبوا المايكات ..وبعدين ياحلوه لاتنسي المره هادي
بروفه انتي ماحتنغني )

اماني وهي تناقز من الحماس
(خسااااااااره كان نفسي اغني اليووم بس مو مشكله ابرقص وافلها)

ام كلثوم وعيونها على المرايه وهي تعدل الفستان اللي لابسته
واللي كان اصفر فاقع من قدام شفاف لحد بطنها..
وبالوسط مثبته ورده كبيره باللون العشبي
وبذيل طويل ..
وهي تحرك يدينها وبناجرها الذهب اللي صاكه يدينها من بدايتها لنهايتها
تحرك معها
(اش شكلوه هادا ياحرمه اهجدي لاتفشلينا وانا قلتلك احضري البروفه ببيتنا
عشان تعرفي الطبخه من البدايه بس انت مارضيتي)
اماني كانت بتعترض بس سكتت وهي تشوف زهره جايه
واللي ماكان معجبها الوضع ابد
بالذات وهي تشوف شكل اماني
الصغير واللي مايعطيها اكثر من 15 سنه
ومستغربه من اهتمام ام كلثوم فيها
اللي هي المطربه الاساسيه بهالفرقه
(ام كلثوووم كلو صار جاهز هي ابدي البيشي حتى اهل الفرح جاهزين)

اماني تلفت بابتسامه

وهي تشم ريحه بخور والعوود

وتشوف اهل العريس والعروسه بتسريحاتهم ومكياجهم
حتى بنقش يدينهم وهم مستانسين واقفين ينتظرون البيشي يبدا

جو مره يعجبها...
بس مو دايم تقدر تحضر لان امها مو معها وتنحرج من اسئله
الحريم وهم يسالونها ليش ماجات معها وهي ماتدري عن امها
فهالوقت وين ؟؟

*



*

جلست على الكوشه وبالضبط يمين ام كلثوم
رقصت كثييير وهي متحمسه...
كل شي كان رووووووووعه المعازيم شيك ومبسوطين لهالعرس من قلب
وام العروسه كل شوي تدور بالعود وتبخر المعازيم وباينه الفرحه بعيونها
بهاللحظه
تمنت اماني لو ايمان قبل ماتطلق سووت عرس
بتشووف كيف الناس بتسانس لها مثل هاذولي
وامها بتفرح ولا عادي ولاكانه؟؟؟



وهي بعد كان نفسها تلبس وتفصل فستان فخم
وتسوي تسريحه وتنقش يديها وتسوي اللي تبيه
و.............

انقطعت افكارها وهي تسمع ام كلثوم اللي مكشره

وتكلم حرمه كبيره بالسن ومن حماسها وفرحتها باين انها تقرب لاهل العرس

(لا انتوا بصراحه ربنا بالمره زودتوها اش هادا ..كلوا خبيتي ورا بعضو
خلوا البنات الصوغار يرقصوا على الاغاني حتى البنات اللي معايا تعبوا
وهما يدقوا سريع للخبيتي)

الحرمه الكبيره وهي تعدل بثوب الرقص الشفاف و كله خرز اللي لابسته
فوق فستانها
وباينه انها مومتحركه لين اللي تبيه يصير
(حنا وشهوله دافعين لتس ماهو عشان تطقين اللي نبيه عجلي ماتشوفين الحريم
بيرقصن)

زهره لام كلثوم
(غني لها اللي تبغى لاتزرقني خلي ليلتنا الغبرا هادي تعدي على خير)

ام كلثوم وهي معنده (لا ورب السما ماغني تعيبت من هالخيبتي)

اماني بتهور وقفت وراحت يم الحرمه الكبيره
وهي تحط يدينها على كتفها
وتقلد لهجتها
(ابشري ياخاله انا بغني لتس اللي تبينه بس ادخلي الميدان ومالتس الا اللي يسرتس)

الحرمه الكبيره وهي تحسب ان اماني من المعازيم
صاحبه وحده من البنات
ولافكرت لحظه انها مع الطقاقات
(الله يوفقتس يابنيتي وهالله الله نبي اغنيه سنعه )
وراحت برضا تجمع الحريم

اماني وهي تلعب باصابعها وترفع حواجبها
وبابتسامه حلوه(ابي اغني لها ام كلثوم تكفييين)

ام كلثوم بعد تفكير
(غني ياحبيبتي فوكيني منهم..بس انتبهي لو حسيتي بحاجه خوف ولاكدا اعطيني
المايك اكمل عنك مانبغا فضايح)

اماني بحماااس(واااااااااااو لا ان شالله مو صايره فضايح اممممم هاللحين باغني وانت احكمي)

قلببت اماني بالدفتر اللي مسجله الطقاقه فيه الاغاني
بس مالقت الاغنيه اللي تبيها..

بهالوقت زهره بكشره وبهمس ماوصل لاماني(انت انخبلتي تبغيها تغني؟؟بتجيب لنا العيد)

ام كلثوم وهي تشغل سيقاره طلعتها من شنطتها
بالولاعه (صوتها بالمره يدووووخ هادي الادميه...قد انها غنت بالجامعه وبعدين ازا مازبط معاها الوضع نقولها باي
من دحين ابعرف تنفع ولا لا)

زهره بنرفزه (براحتك عقلك براسك تعيرفي خلاصك وبعدين لاتقولي لواللي جرا ماكان ومادري اش شكلو)

ولاكانها سمعت شي حطت رجل على رجل
وبتلذذ دخنت سيقارتها وهي تراقب اماني...

اماني بعد ماياست تلاقي الاغنيه اللي تحبها

بعدت شوي عن ام كلثوم ...

وبيدها المايك
وعيونها على الحريم اللي جالسات
واللي واقفات ينتظرون
بحماس.........
الاغنيه تبدا

ياويلي باغني قدام كل هالحرييييييييييم

لو ماطلع صوتي زين وش باسوي بتفشل

شكلي ارجع المايك ازين بدال ماسوي فضيحه
حتتى كلمات الاغنيه حاسه اني نسيتها!!!
وصوتي بعد راح...

كله من لقافتي ....

لفت بترجع المايك

بس طاحت عيونها بعيون ام كلثوم واللي تاشرلها
تبدا تغني وان الحريم من اول ينتظرونها

يالله هاذي والله النشبه..
خلني اغني ولو اخبص عاد هي خاربه خاربه
من البدايه ...

مسكت المايك وهي تناظر بالحريم
بدت بالمووال

(ياواااااااارد الما اعطني شررربه ..واللي سقاني مايخاف الله)
حست صوتها طالع مقطع وكنها ترتجف
نزلت عيونها وهي تتشوف يديها اليمين واللي ماسكه المايك
ترتعش ...شدت بيدينها الثنتين على المايك
وهي مصممه تكمل الاغنيه ولو عشان الحرمه الكبيره

اللي تبتسم لها
وبلحن سريع
وزهره وباقي البنات يدقوون بالطيران والدربكه
بدق الخبيتي السريع
كملت وعيونها بالارض ماتبي تشوف احد

عشان ماتزيد ربكتها
(سلييييييم سلييييييم وش اسوي بمحبوبي

تلقى الخلا واعطى المفاتيح عبدالله....

ياوارد الماء اسقني شربه واللي سقاني مايخاف الله

حيوووووومه حيييييومه ليحايوما وياحلي .......اسمع حلوين علييييييييييهم ورا)

وبدون شعور منها
ومع حماااس الدق ..

صارت تهز بكتوفها وتناظر بالحريم اللي داعسات بالرقص

ابتسمت على اشكالهم وهي تحمسهم
(ووووووووورا ...دوووووووس على قلبي على قلبي وين الصفقه وين*)

اللي جالسين بالكوشه من الحماس صاروا يصفقون ويزغرطون

وريحه العود ماليه المكان..

اماني بابتسامه قربت لعجوز كانت تحرك يدينها بالهوا يمين ويسار

بس ماتحرك رجولها الابصعوبه وباين انها مبسوطه بس مالها
قدره على الرقص!

حطت يدينها بيدين هالعجوز وصارت تمايل يدينهم بالهوا سوا
وباليد الثانيه ماسكه المايك (حليمه حليمه خيطي ثوبي المقطوع جديد االنقوش ولا لبستها يحليني..وانا ماحسب ان الزين كله عند البدوان اثر زينهم زايد عن الكل بشويه )

نست خوفها وربكتها

وهي ترقص بشكل دايره مفرغه ورافعه رجل ورجل منزلتها على الارض

بوسط تصفيق الحريم وزغاريطهم...
حطت المايك تحت يدها وهي تهز راسها

وهي تصفق للبنت كانت تميل شعرها الطويل واللي كنه شلال اسود
يمين ويسار*تلفح*

بسرعه ...

وطلع شكلها خقاق..

انتهت الاغنيه والكل كان متحمس
ويصفق...والاغلب اعترض ويبي زياده من اماني

رجعت وهي ترجع المايك لام كلثوم وتنفسها صاير سريع
من الحماس اللي صار
ووجها رغم سماره الانه قالب احمر من الحراره الي حست فيها
وهي تحرك يدها قدام وجهها تبي هوااا
(خذي المايك تعبت ورجلي تكسرت من الرقص.. الظاهر الليله بانخطب من كثر
مارقصت الحريم ..........هاللحين غني اللي تبينه)
ام كلثوم وهي تنفخ دخان السيقاره الثانيه الحار بالهوا
بعد ماخلصت السيقاره الاولى ..
ومبسوطه حييييل بالحماس اللي سوته اماني
ولعت الجو وطلع صوتها يجنن رغم ربكتها
والاهم الكل تفاعل معها وبكل مكان صاروا يرقصون الحريم

وهالشي ماتبيه يفوتها..

وبابتسامه بينت اسنانها الصفرا من كثر التدخين
(مرررررره بدعتي...المايك لك ياحلوه ...وهادولي البنات الصوغار مالهم خاطر غني لهم رايق )

اماني انحنت تشرب من كوب العصير الطازج
اللي كان محطوط على الطاوله لها
تبي ترطب حلقها اللي نشف من حماسها وصراخها

رفعت راسها وعيونها بعيون ام كلثوم
وماتبي تفوت الحماس اللي حست فيه
(طيييب باغني لهم بس ترى اغنيه قديمه شوي انا ماحفظ ااغاني كثير)

ام كلثوم لوت بوزها لدقايق
وبعدين ابتسمت (غني اللي تبغي بس عجلي ونبغا حماس)
اماني وهي تاخذ نفس طويل
وتمسح يدينها المعرقه بفستانها
سحبت المايك...

وهي مستعده تغني هالمره اكثر من الاغنيه اللي فاتت
وقفت وبابتسامه حلوه وملامح وجهها تغير
بدت الموووال (سـو كنك مادريـت وبـوسني
وسوها ثاني على انـك تعتـذر !!
وقول أسـف مانتبهـت وضمنـي
والعذر مقبول ولـك منـي شكـر
وكـرر الغلطـه معـاي وخلنـي
أنتظر عذرك بكل فارغ صبـر!!
جيبنـي ثـم ودنـي ثـم جيبنـي
روووووووووووووح....ايوا ايوا
)
بدالدق رايق حييل
ضحكت اماني وهي تشوف اغلب البنات يتمايلون بخصرهم
وبتقليبه عين ينقالها ثقه يرددون كلمات الاغنيه وهم يرقصون
كملت وهي تشوف الكوشه زحمه من اللي يرقصون
وبعد على الارض وبين الطاولات كانوا يرقصون
بصووت يدوخ وكثير حلفوا انهم ماسمعوا مثل حلاوته
(جيبنـي ثـم ودنـي ثـم جيبنـي
من حدود الشمس لحدود القمـر !!
ويـن ماتبغـى فديتـك ودنــي
خادمك ياسيدي تحـت الأمـر...
هد حيلي بالغرام وهدني
والله اني نذر حبك نذر !!
تكفى بعثرني شظايا ولمني
في كفووفك يا بعد كل البشر!!!
راح اسوي كني دخت وضمني
ورااح اقوول امزح وابوسك واعتذر

تذكرت وهي تغني
حماس ايناس ومرزوقه وهيوف
وضحكهم وتمنت لو هم معها بذا الوقت

بس تحمست اكثر تحكيهم عن المغامره اللي سوتها

ــــــــــــــــــــــــــــــــــــــــــــــــــــــــــــ ــــــــ






بصراخ وهي حاسه انه بيصير فيها شي من القهر
(خببببببببببله انت ؟؟من جدك ولاتمزحين؟؟؟)

اغصان ببرود وهي تمرر يدينها على طرف
الاريكه اللي بغرفتها
طبعا بعد ماغيرت اثاث غرفتها من الى
ماتبي شي يذكرها بالماضي
وصارت غرفه بنوتيه حييل بدرجات الوردي
(هالاشياء مافيها مزح!!! ورايي اخذته محدب يغيره)

بعصبيه وقفت...
دخلت يدينها بشعرها المبلول ...

ماحاولت تستشوره لانه عارفه بتاخذ ساعات وهي محروق دمها
اصلا من البدايه اليوووم!!

من يوم لقت ذاك القروي بددسنه واقف بحديقه بيتهم!!

ماتدري ابوها كيف يعطي هالاشكال وجهه!!
عطته تهزيئه وماقصرت فيه بس بعد موحا سه انها بردت اللي بقلبها فيه
وهو ماسوى غير انه متنح فيها..ولاعلق شي ينرفز!!

تنهدت (غصوونه حياتو فكري زين..الدنيا حلوووه ليش تسوين بنفسك كذا؟؟)
اغصان بابتسامه ماوصلت لابعد من شفايفها..
(لييش حاطه ان اللي باسويه شي شين؟؟بالعكس انا مقتنع هالا مبسوووطه بعد)
وش هالمكابره؟؟؟؟
مدري ليه احس انك مسويتها عشان تقهرين قايد
ولاتنتقمين..
حطت حرتها بشعرها المبلل..
وهي مميله راسها وتنفض المويه من خصلات شعرها الطويله
رجعته على ظهرها..
وبلهفه حضن ظهرها وانتتثر عليه..
بعد ماغطى ظهرها ونزل بغزارته لتحت ركبتها
وكان اطول من الشيال الجينز واللي كان شورت
لابسته..
(غصوونه انت على بالك انك بتقهرين قايد بهالحركه صدقيني ماجاب خبرك
وانت الوحيده اللي بتاكلها على راسك ..تكفين غيري رايك عن العناداللي ماله معنى ..اقلها ارتاحي من الغثى اللي كنت عايشته)
انقلبت ملامح اغصان ورغم نعومتها
الانها بهالشكل صارت قاسيه
عمرك ماراح تفهمين شي ...

وعمر حياتي مع قايد ماكانت الانعيم وسعاده
ماتحلم انها تلاقيها أي وحده..
وبهالسهوله تقولين غثى
وش يفيد لو اشرح لك..

ومن بين اسنانها البيضا (لمار انت مالك خص بشي..وانا رايي مو مغيرته
يعني لاتعبين عمرك..وهاذي حياتي وانا ادرى فيها..)
صقعت راسها بيدينها اللي طالعه تجنن وهي بارده اظافرها
وحاطه فيها اكسسوار شيك!!
وهي حاسه ان الكلام ضايع مع اختها بس حاولت
للمره الاخيره ..وكانها تعامل مع بيبي مايستوعب بدري
(غصوونه يابعد عمري..بدري تزوجين وانت توك مطلقه
عيشي حياتك وملحقه على الرجال وغثاهم..)

سكتت وهي تشوف اغصان سافهتها
وتحط على اظافرها مناكير اسود وتضبطها

وباستسلام كملت (يعني خلصوا الرجال خلاص مالقيتي تزوجين الا........................)















***ليش جااي الصقر لزايد وريماس بهالوووقت اش توقعون جايبه؟؟؟؟


**وش صار لاماني بعد العرس اللي حضرته هل عدت ليلتها على خيير؟

**سعوود وش اللي بيصيرلها بعد اللي عرفه؟؟؟


**وليش لمار معصبه من زواجه اختها؟؟؟؟




قرايه ممتعــــــــــــــــــــــــــــــــــــــه



غــــــــــدير الحربي

 
 

 

عرض البوم صور غدووورة   رد مع اقتباس
قديم 19-12-08, 08:18 PM   المشاركة رقم: 78
المعلومات
الكاتب:
اللقب:
عضو راقي


البيانات
التسجيل: Oct 2008
العضوية: 101279
المشاركات: 1,968
الجنس أنثى
معدل التقييم: جوودي1 عضو بحاجه الى تحسين وضعه
نقاط التقييم: 48

االدولة
البلدSaudiArabia
 
مدونتي

 

الإتصالات
الحالة:
جوودي1 غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

السلام عليكم ورحمة الله وبركاته

حر11111111م عليك غدوووووووووره

دخلتينا في متاهه طيب مييييييييين بتاخذ اغصااان

حرام عليك والله حيرتينا بزيااااااااااااده

وكمااااان رحمت سعووووود ياقلبيي طيب وش راح تكون سالفته

وياعمري هيفاء يافرحه ماتمت كلها الغراب وطار ..

((بس كل مالك في اب111ع جديد

وتطور في كتابتك بشكل ملحووظ ))

ننتظركـ بفارغ الصبر غدوره ..

 
 

 

عرض البوم صور جوودي1   رد مع اقتباس
قديم 20-12-08, 01:18 PM   المشاركة رقم: 79
المعلومات
الكاتب:
اللقب:
ليلاس متألق


البيانات
التسجيل: Feb 2008
العضوية: 63902
المشاركات: 1,376
الجنس أنثى
معدل التقييم: ميثان عضو بحاجه الى تحسين وضعه
نقاط التقييم: 19

االدولة
البلدSaudiArabia
 
مدونتي

 

الإتصالات
الحالة:
ميثان غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 




غدير تسلمين يارب على هالبارت الجونااان واحلى مافيه معرفة سعود لحقيقة وضعه

ضربتين في الراس توجع ,

في الاول زواج امه من خويه سيف واللي كان خايف عليه من هيفاا بس طلع ياما تحت
السواهي دواهي

ومن بعدها ....

عرف الحقيقة المره وانه ماله صله بعائلته

اممممم اتوقع انه اخو مدى , اما لو طلع اخو مدى حاسه انه بينجلط هالسعود من خوياه

واحد متزوج امه , والثاني فالها مع اخته

لكن كيف حيتوصل لـ اهله احسها صعبه لو يرجع لسجلات قديمه يصير عمرها فوق الواحد العشرين ويشوف مين هذاك اليوم جايبه ولد, وكم وكم وحده جايبه ولد .........




عناد .. .مبين ان دمه حامي وماعنده تفاهم وصراحه معاه حق لو ماشاف سيف من ام سعود
تقبل ما كان واتجراء

كيف حتكون ردة فعله لما يعرف ان بنت اخته اماني طقاقه

عاد يا اماني ما لقيتي الا طقاقه !!!!!!!

يعني بنت في الجامعه المفروض تجتهد وتتخرج وتتوظف وتحافظ على كرامة نفسها اولا ً
ثم كرامة اهلها . . . .مو طقااااقه




هيفااا ويافرحة ما تمت ..... .
وايش حتكون نهايتك مع المخدرات , هل في موقف حيجمعها مع عزام اللي يحفر وراء تجار المخدرات
والا حتطلعي منها قبل مايفوت الفوت وما عاد ينفع الصوت




فزاع للحظات انحط على المحك في حكاية غطا مدى , وهي عاد حشرته في زاويه حرجه
اذا بغطي , بغطي حتى عنك يافزاع

بس صاير خبره هالفزاع ويعرف يحلب الغنم , يالله لجل عين تكرم مدينه



ريماس وياصبر ايوب .....
تحاول قد ما تقدر تمتص انفعالات زايد وتوصل معاه لبر الامان وتكسب حبه كزوج ورفيق عمر

جية الصقر هل هي اطمئنان .... والا وراها مصلحه ؟؟؟

ومها ايش تقرب لزايد ... وكيف اهل زايد يسمحولها تطلعله وتجلس معاه ؟؟




اغصان على اعتاب حياه جديده .....
في البدايه حسيت ان القروي له علاقه بالزواج لكن افتكرت ان الصقر ما يدور لـ بناته
الا الزواجات الراهيه



يعطيك العافيه غدير وننتظرك بشووق







 
 

 

عرض البوم صور ميثان   رد مع اقتباس
قديم 21-12-08, 09:17 PM   المشاركة رقم: 80
المعلومات
الكاتب:
اللقب:

البيانات
التسجيل: Feb 2008
العضوية: 62912
المشاركات: 168
الجنس أنثى
معدل التقييم: الاميره روزي عضو بحاجه الى تحسين وضعه
نقاط التقييم: 24

االدولة
البلدSaudiArabia
 
مدونتي

 

الإتصالات
الحالة:
الاميره روزي غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

السلام عليكم ورحمه الله




مسائكم كادي واوركيدا


غدوووورهـ

هذاني رجعت لك

وسوري تأخرت بس والله جهازي من يوم اللثلاثاء وهو منجلط

والحين هو بالعنايه المركزه


وخلال الايام ذي كنت اسرق اللاب حق اخوي واشيك سريع سريع


والحين داخله منه وحالفه اني ارد خخخخخخخخخخخخخ


اول شي

قصتك راائعهـ


وصفك لحياه ابطالنا دقيق

توصلين للقاريء وكأنه عايش معاهم


اهنيك على الوصف والابداع

ومن رقي لـ ارقى يارب


ابطالناااااااااا


عزام

معلومات بسيطه اللي نعرفها عنه

اللي هي وظيفتهـ عكس اخوه فزاع

ولحين ماعرفنا سالفه امهـ مع جدتهـ وايش الخلاف اللي بينهم بسبب عزام!!!!



واتوقع ان عزام راح يكون له دور بالنهايه في حياه هيووووف بحكم تجارتها بالمخدرات




فزاع

فلهـ وتووووووحفهـ من جد


بس تصرفاته شووووووي يبيلها تعديل

>>> لحين منقهره ليه صور لمار


خخخخخخخخخخخخخخخ


وان شاء الله ميدى ( على قوله جدتها ) تعدله ووتخليه رجال سنافي


ويبعد عن طريق عناد الخبل وسعود العله


بس عندي احساس

انه راح يستمر بتهوره ويكمل مسيرته مع عناد


عناد

يصلح لك المثل اللي يقول

( من دق باب الناس دقوا بابه )

عاد مدري مناسب ولا لا

خخخخخخخخخخخخ


يعني تجمع صور بنات خلق الله ومدري وش بتسوي فيهن ولا بعد

ليتك تكتفي لوحدك تبي تجر الناس معاك ويتفرجون وياك


خل بالك من بنات اختك افضل من اللي قاعد تسويه


ابي اشوف رده فعله لمن يعرف ان اماني صارت طقاقهـ !!!

ونشوف ساعتها وشلون بيتلقى الصدمه


سعود

اكيد بتنصدم ياسعود لمن تعرف بعد اكثر من عشرين سنه ان اللي ربتك ماهي امك


وخواتك ماهن خواتك


(( الله يعينك ))




نجي للصبايا


هيووووووف


يالله


تتاجرين بالمخدرات !!!!



تنهين مستقبلك عشان تصيرين غنيه بفلوس حرام


تدمرين خلق الله عشان تعيشين مثل العالم والناس


تلبسين وتكشخين وتاكلين على حساب مستقبل بنات


ماهو عذر ابدن


ان شاء الله تتراجعين عن اللي فيه قبل ماتبكين دم بدل الدمووووع



مرزوووووقه ( مي )


برضوا مانعرف عنها الكثير


ننتظر تفصحين عن اسرتها اذا كان لهم دور مع ابطالنا



ايناس


اتوقع بسبب ضروفها الاسريه هي الي خلتها كذا


والاكيد انها راح تستمر باللي فيه

طالما ما احد اهتم فيها


اماني


لاتعليق



اغصان & ريماس & لمار


الله يعينكم على تسلط ابو ضاري


وياكثر النوعيه هذي


بس ماتوقعته يكون له يد في طلاق اغصان من قايد


قلت اكيد ام قايد عجوز النار هي لها دخل


تلاقينها الحين ترقص من يوم تطلقت غصووونه الى الحين

ههههههههههههههههههه



وننتظر زواجتها الجديده اللي متأكده مليون بالميه انها عن طريق ابوها



ريماس & زايد


رمووووسه والله انك ماتستاهلين العله هذا


خله يروح لمهاوي حقته


احس انه بوادي والرومانسيه بوادي


بس يلا ننتظر يتعدل على يدك وتنسينه مها و وام مها

هههههههههههههههههه


امممممممممم من بقى !!!!!



ان شاء الله ما اكون نسيت احد


ايييييي صح تذكرت


نبي تتكلمين عن حياه ضاري

ههههههه


ماله حس



وووووووووووبس




وسوري لاني تأخرت بالرد

وان شاء الله اخر مره


وادعي لجهازي يطلع سالم غانم معافى



وفقك الله لما يحبه ويرضاه



نننتظر ابداعك بالبارت الجديد



تحيتي

 
 

 

عرض البوم صور الاميره روزي   رد مع اقتباس
إضافة رد

مواقع النشر (المفضلة)

الكلمات الدلالية (Tags)
منتدى قصص من وحي قلم الاعضاء, تأليف غدووورة, رواية قلوب محطمه باحضان المجهول, غدووورة, قلوب محطمه باحضان المجهول
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 05:39 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية