لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 01-08-08, 12:56 PM   المشاركة رقم: 16
المعلومات
الكاتب:
اللقب:

البيانات
التسجيل: Feb 2008
العضوية: 63100
المشاركات: 6
الجنس أنثى
معدل التقييم: ورده من ذهب عضو بحاجه الى تحسين وضعه
نقاط التقييم: 10

االدولة
البلدKuwait
 
مدونتي

 

الإتصالات
الحالة:
ورده من ذهب غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

سلام
يحقلج تزعلين والله بس سامحينى
والقصه واايد حلو
ممكن سؤال؟
القصه كامله ولا لا ؟

 
 

 

عرض البوم صور ورده من ذهب   رد مع اقتباس
قديم 02-09-08, 01:51 AM   المشاركة رقم: 17
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

ورده من ذهـــــــب

وعليكـــــــم السلاام


بالعكس يالغلا انا مو زعلانه بس اعاتب ..من اهتمامي اني اشوف ارائكم

اللي بتفيدين اكيد ..اني اطور من نفسي ومن كتابتي..

وقبل كل شي يسعدني دوم تواجدكم..


مشكوره قلبو تواجدك الاحلى ولسى ماكملتها ..

باقي عليييها ....معكم انشالله باكملها ... ^ _ ^


غدير الحربي

 
 

 

عرض البوم صور غدووورة   رد مع اقتباس
قديم 02-09-08, 02:41 AM   المشاركة رقم: 18
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

كل عااام وانتم بخيـــــــــــــر ..

وكل رمضـــــــــــان والجميع ربي اقرب..


تقبل الله صيامنا وقيامنا....


* * * * * *

حبيت انزلكم هالبارت ..واتمنى انه يعجبكم



لاول مره من بدايه هالليله ترفع راسها ..وتناظر بوجهه..وهي تسمعه(بنات الناس اللي عندهم كرامه

مايرضون يتزوجون رجال مايبيهم ولافكر فيهم)


ماستوعبت وش يقول وبهمس(كيف يعني ماتبيني ؟؟انت اللي خطبتني محد جبرك؟؟)


ذي شكلها تستهبل ..وبحقد (لاطبعا ولابيوم فكرت فيك ..اصلا اول مره ادري ان ابوك الكريم اللي هو عمي عنده بنت اسمها ريما)


حست حلقها ناشف.. حتى اسمها مو حافظه ..حركت لسانها عشان ترطب شفايفها وتقدر تكلم (اجل ليه


جيت على نفسك وتعبت وخطبتني )


بعصبيه وبدون مايفكر(يامسكينه من ضحك عليك وقال اني خطبتك)


تنهدت بصوت عالي ..هذا وش فييه يستهبل ..

معقوله يكون يبي ينرفزني ..بس شكله يتكلم بجد..


حاسه راسي يبنفجر عدت يومين مانمت وهالحيين ذا يخربط على راسي ياليته يتركني انام...


وهي تبي تصرفه(طيب خلاص انا اللي خطبتك وابيك بس اتركني انام)


حس بجنون الدنيا كلها تناقز على راسه تستهبل عليه تحسبه بزر عندها ..وبصراخ(هيييه انت تكلمي زي


الناس لاورب الكعبه لاعلمك الكلام كيف يكون)


لسعت حراره الدموع عينها..كل شي ضدها من البدايه ..الله يسامحك يابوي..

تزوجني لواحد من اول يوم يخربط شكله مو بصاحي...

وقف بسرعه وعطاها ظهره.. ماقدر يتحمل منظر الدموع وهي ماليه عيونها النجلا.. بعصبيه (شكلك


تدورين على المشاكل وانا مو ناقصك اللي فيني مكفيني)


بصوت يرجف .. وهي تقطع الفل من فستانها ..وماتدري وش جاب هالسؤال ببالها(انت لسى تحب مها؟؟)


كان واصل لباب الغرفه بيطلع ..صدمه سؤالها..ماقدر يلف لها..ضغط بيده بقوه على طرف الباب ..من بين


اسنانه بصوت خوفها(لاتجيبين سيرتها على لسانك ..قصدك اعشقها مو بس احبها..وااذا فيك خير ارجعي


عيديها وجيبي سيرتها)


مانتظر يسمع منها شي طلع وصك الباب بقووه....اوووف تخنق ذي ..انا وين ربي بلاني فيها..


تمدد على كنبه فغرفه الجلوس ..ويدينه تحت راسه..وهو يفكر وش صار له اليوم ..


ماكان ماستوعب انه تزوج..وان اللي بيته مو مها حبيبه قلبه ..

وعينه على سقف الغرفه..اكيد كرهتيني يامها..بس مو بيدي ياليتني مارضيت على هالمسخره


كان نفسي اشوفك ولاحتى المحك بالزواج بس ماقدرت اسويها ..خفت اشوف دموعك وماستحمل

ياليتك تسامحيني ..صدقيني بارجع لك وبتكونين لي....



*


*







*

وش هالحاله اللي انا فيها ..اجل عروسه فاول ليله يصير معها كذا..

له ساعه هالزايد يخربط على راسي وماني فاهمه وش يبي يوصل له..


مسوي انه معصب ..وخايف على حبيبته ..مدري ليه ماتزوجني دامه يحبها

يمكن يبي يقهرها على حسابي ..اوووف ناس مرضانه الله لايبلانا


احسن اصلا مو ناقصه يغثني انام احسن لي..!!


لبست بجاما قطن ناعمه حيل باللون الاسود ..مثل مزاجها بهالوقت..

بعد بكااء طويل ...ماحست بنفسها ونامت................









ــــــــــــــــــــــــــــــــــــــــــــــــــــــــــــ ـــــــــــــــــــ


احـــــــــاول ان انســـــــــى المراره اللتي اعيشها..

لم يكن لي ذنب ..سوى انهما لم يتفقا سويا...!!!

وانا الضحيه ...اتمنى الحضن الدافئ ولا اجده

وبعد ان تناسيتهما ..واعتدت على العيش ..اجد منهما ماينغص رتابه حياتي

وتنفتح جراح قلبي المحطم...!!!














صحت من النووم على صوت المنبه ..حاولت ترجع تنام بس تذكرت ان الحفله اليوم بتنعرض نقزت من


سريرها مصحصحه ولا كأنها كانت نايمه..فتحت الانوار ..كانت غرفتها بلون البيج بارده..سرير خشب


صغير..ودولاب بنفس الصغر وتسريحه ملصقه عليها بدون ترتيب صور لاعبين كوره ... ومغنين.. وكأنها غرفه


ولد عربجي ...

بعد مابدلت بجامتها ببنطلون جينز وتيشرت ابيض..بسرعه .جلست لاصقه بالتلفزيون بعد ماجهزت لزوم



السهره من شيبسات وغازيات...وهي تلفت بالصاله..غريبه لييه مو شايفه احد؟؟


كذا البيت اروق الواحد يقدر يتفرج على راحته..بس اكييد فيه سبب مخلي زكييه مختفيه لا هي ولا هلها

فيه!!!

رن جوالها وبسرعه ردت:(ارحبووا والله)


(هههههههههه وش هالونااسه اللي انت فيها)



ايناس وهي متكيه على التكايه ومبتسمه : (احم احم لازم استانس من زمان وانا انتظر هالحفله)


مرزوقه :(ههههههههه الله يعينك بس ..ياقدمك انت وذوقك.)



ايناس بنظره معصبه وكان مرزوقه قدامها:(مو مهم القديم من الجديد الموهيم الاصاله والصوت المؤثر

م هاليومين ماتقشعين حصااه الا تلاقين مطرب)


مرزوقه وعيونها تدمع من الضحك (ههههههههه اصاله ومؤثره احسك تعبتي وانت تصفين كلاام)


ايناس وعينها على التلفزيون شوي وتناقز من الحمااس :(خلاااص بدا الحفل جااء ابو نوره يارب يبدا بالمعازيم )


مرزوقه :(الحمدلله والشكر ع العقل )


ايناس وهي مو منتبهه وش تقول مرزوقه :(طيب... طيب ... اهم شي نتقابل بكره انشالله)


مرزوقه :(تصرفيني عشان تلفزيون وخرابيط ومدري وشو)


اينااس مستعجله تبي تكمل متابعه :(انا اكلمك بعد الحفله.. بااي)



بين كل مقطع اغنيه كانت توقف بحمااس وتصفق وهي تصارخ ...تعشق ابو نوره وحافظه اغانيه كلها

وتحب ترددها ...



وهي بحمااسها واقفه ومعصبه وتحرك يدها..(وش ذا مسرع خلصت الاغنيه يعني بيضرك يابو نوره


لاطولتها <<وكانه يسمعها)



انفتح باب الشقه.. وكان على طول يدخل للصاله...مانتبهت له وهي متحمسه ..دخل و ..بعد ماركن


عصاته على الجمب...يحسها مستانسه ..ياليت لو تكون كذا على طوول ..تنح نح بصوت عالي عشان تنتبه لوجوده..



سمعت الصوت ..ولفت بسرعه..بعد ماوطت الصوت.. حسته مالي الصاله بطوله وعرضه

.يافرحه ماتمت يعني وقتك تجي تقطع علي الحفله ..


بس انشالله يدخل غرفته وافتك..



وهو يجلس على الارض(وشلونك اليوم ..)


ايناس بعد ماحبت على راسه(بخير جعلك بخير)


لاحول شكله ذا مطول من يوم ماجلس ...ياليت الاعلانات تطول عشان مايفوتني شي



وهو ينزل شماغه ..(اجلسي بقولك شي )


ايناس والريموت بيدها وهي تنقز (لااا الله يخليك خالد بعدين قول اللي تبي بس مو هالحيين من زمان


انتظر الحفـ ..قصدي البرنامج ذا

*خافت تقوله حفله لانه مايرضى تشغل اغاني بالبيت *



من بين اسنانه ..وهو يمسك نفسه مايبي يعصب مو ناقصه (ايناس قلت اجلسي وذا البلوى مو طاير)



ماتقدر ترادد كلامه ..بالجد يعني عنده جد مافيه مجال تكلم ..نزلت الريموت وهي تافف بصوت واطي


وجلست (سم امر )


وهو يمرر يده على ثوبه (ابوي اتصل علي اليوم ....)ماردت عليه بس كانت لاويه بوزها والوضع موعاجبها


كمل (يبيك تسافرين له زياره كم شهر..)


بصوت خايف وهي تحط شيبس بفمها (وانت وش قلت له )



يدري ردها..ومتاكد بس مابيده حيله خاصه ان كلام ابوه مثل السم وهو يامره يجيب له ايناس (قلت له انشالله)


حست بطعم الشيبس مع طعم دموعها اللي بدت تنزل لاشعوريا كنه علقم ..مو قادر ينبلع .. ماتبيه يحس


انها تبكي وبصوت حاولت يكون طبيعي لاذنه (لييه ..لييه وافقت مابي اروح له ..وش يوديني هناك ..انت


ماتفهم ماكني بنته اروح عشان اشوف النعيم اللي هو فيه..ولا عشان اخذ تهزيء من مرته ولا عياله

وبناته وشماتتهم ا ش يبي فيني مو هو من زمان قال انه مايبيني وش ذكره فيني هالحييين ؟لييه يوم



تعودت اعيش يبي يخرب علي...)



حس بحراره دموعها ..وهي حانيه راسها وتحب على يده وتبكي (تكفى مابي اروح له ..انت ابوي ..انت


اللي مربيني يعني تقدر تاخذ الراي اللي تبي ..ولا حتى انت زيهم ماتـ ..بيني )..


*وبصوت قطع قلبه كان حاس انها تبكي بس ماتوقع لهالدرجه **



ماقدر يتحمل ذا كله ...كانوا عايشين عن جدتهم .عاهد نفسه يشد حيله ويتوظف حتى لو تزوج بياخذ اخته


ويربيها كفايه اللي عاشته من غرابيل ومشاكل...



رفع راسها..وهو يلمس بيده وجهها يحاول يوصل لعيونها يبي يمسح دموعها..كل شي يتحمله الا دموعها(


بلا دلع قال مابيك ذا بيتنا كلنا لا عاد اسمع هالكلام ..خلاص انا اتفاهم معه منت رايحه له ..)


حاولت تبتسم ..تدري انه يتعب عشانها ومااله ذنب..بس ماقدرت حست كل شي ضدها حتى



البسمه..!!

اخذت اكياس الشيبس المليان نصها ..وكل حوستها ودتها للمطبخ..تعبت من البكا تعبت من


الهموم ...دخلت غرفتها ..سمعته يناديها بس ماردت.


انسدت نفسها عن كل شي ..اصعب شي انك تفقد احساس ان عندك اهل وعايله تحبك حتى


بوجودهم...والا حساس الاغلب انك منبوذ..من اقرب الناس لك



ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ـ


ماهـــــي هالليــــــــله وبس..


وانت متغيــــــر علي ..!!

صارلك كم ليــــــــله وانت بالكـ مو هي لي!!


انت من مده وحالـــكـ ..للاسف صاير غرييب!


وصار عادي عندكـ ابقى وعادي عن عينكـ اغيب!!


وردتك نسيت عبيري ..وصرت ماعرف وش مصيري؟؟



فالغرفه كانوا اثنين ...ورغم قربهم فالمسافه ..الا ان كل واحد كان سرحاان وتايه بعالمه..!!


هي..جالسه على كرسي التسريحه ..بعد مابدلت الفستان ببجاما حرير شورت....تحاول تشغل نفسها


عيونها متجمعه فيه الدموع تخاف ترمش وتنزل دموعها وتبكي ..قدامه ماتبي وش ذنبه تنكد علييه


احسن شي مريحها انه معطيته ظهرها ..مع ان المرايا كانت تعكس له وجهها بس احيانا حلو ان الواحد


يقنع نفسه باللي يبي..

مدري متى افتك من هالمووال ..تعبت وانا ابرر بشي مالي ذنب


ياخوفي يسوون اللي براسهم ...وكثر الزن يفك اللحاام..


وهي تحرك الفرشاه... تذكر وش صار اليوم بالعرس مع ام زوجها


ام قاايد بعد ماسلمت عليها اغصان وحبت راسها باحترام :(بخير الحمدلله عقبال مايصير وليدي بخير)


اغصاان وجهها انقلب الوان ..قبل تلميح بس هالحيين صار كلام صريح عيني عينك ..وبابتسامه بالقوه


طلعت :(الحمدلله ياعمه قايد بخير ماناقصه شي غير دعواتك)



وكأنها افتحت لنفسها موال طويل بدون قصد..ام قايد وهي تعدل مسفعها وتتلثم فيه زين ..بحكم انها


كبيره سن ..وتحرك يدها اللي صابغ فيها الحنا(والله اني ادعي له كل يوم ..الله يرزقه بالذريه الصالحه


والله انه وليدي رجال وكل البنات اللي يتمنونه وانشالله قريب اذا ماشديتي حيلك بنزوجه للي تجيب له عيال )


وكان مويه حاره نزلت عليها..انصدمت..وش هالتفكير يعني انا بيدي شي؟؟!!


ذي بتموتني..كيف بتزوج زوجي وانا وين رحت.؟؟يعني انا اللي كارهه يكون لي عيال


كيف سهل عليها تكلم كذا ولاكانها جرحتني ..وش ينرد عليها نفسي اصرخ فيها تتركني اناوزوجي بحالنا


بيخربون عيشتنا..


وهي تلم اطراف فستانها الفوشي وحااسه بيدها المعرقه ..وبصوت ماتدري من وين طلع (كل شي بيد


ربي ياعمه وانت عارفه ان ربي ماكتب لحملي الاول يتم.. تامريني على شي )



ام قايد وهي تلف تسولف مع مراه بعمرها وكان كلام اغصان ماعجبها ( لا مابي شي )



طلعت الفرشاه من شعرها بسرعه وهي ترجعه لظهرها ..وكان بهالحركه بتبعد اللي صار عن تفكيرها مع


انه صعب حيل بالذات وهي كملت الزواج وكلام ام زوجها يرن براسها ..معقوله قايد يكون تفكيره كذا

؟؟اكيد طول هالشهر وهو متغير علي مو مثل قبل احس فيه شي مشغله



وكانه حس باللي تفكر فيه نزل من السرير ..وهو جالس ع ركبته ..مسك يدها وباسها ولفها له (حبيبتي سرحاانه بايش؟؟)

اغصاان وهي منزله عينها وتلعب باطراف شعرها(ولاشي معااك بس عارف تعبانه شوي طول هاليومين


وانا حايسه بعرس ريماس حتى اليوم كان متعب)


رفع راسها عشان يناظر بعينها(الله يسعدهم ويوفقهم بحياتهم.... بس فيك شي غير التعب ؟؟)


حركت عيونها وهي تناظر بجدران الغرفه وتحفها وكانها اول مره تشوفها ..اخر شي تبيه ان عيونهم تقابل


لانها متاكده انها راح تبكي ..ياليتني اقدر اقولك مو كفايه انك متغير علي بعد امك تطينها بكلامها بس


سكتت تربيتها ماسمحت لها انه تتكلم على مراه اكبر من امها ..سحبت يدها منه وقفلت الانوار ..وهي


تقول (شويه تعب ويروح هالحين بنام )وهي تغطي نفسها (تصبح على خيير)



غريبه وش فيها اكييد احد مضايقها اعرفها زين مستحيل يكون ذا تعب!!


حاول ينام ماقدر ..طول هالشهر وانا ساكت ماقدرت اقولها ماكنت ابي اخرب فرحتها بعرس اختها

ماكان فيه وقت اصلا اقولها...



لاااا..كان فيه اوقات كثيره بس كنت افرح فيها اني معها وانسى كل شي !!

ويمكن اخر فيها هالحظه..انقلب على جمب وهو بعالم ثاني ..لاازم اقولها كفايه واانا على اعصابي


واعرف وش بتقول..خاف انها توافق على اللي فكر فيها ساعتها جد بيموت ..مايبي يتخيل ..*غطا راسها


باللحاف وكانه يغطي هالفكره ويموتها من راسه....


حست اغصان بحركته وبدون ماتلف له(لسى مانمت؟؟)


قايد من دون مايرفع اللحاف(لا ماجاني نووم وانت؟)


اغصان وعينها مثبته على الابجوره الحمراا(بعد ماجاني نوم )وبتهرب (انت لييه ماجاك نووم)

قايد بعد اللحاف عنه ..وجلس وبشجاعه مايدري من وين جاته(اغصاان بقولك موضوع )

اغصان بخوف ..لايكون امه اثرت فيه وبيعرس علي ياويل حالي وش اسوي ..اغصان بتاجل السالفه كفايه جرح امه لها

..ماتبي الجرح يصير جرحين بصوت متقطع (خلها بكره هالحين بنام)


شغل نور الابجوره وشد يدها عشان تجلس وبعناد(لا هالحين بقول السالفه تعبت وانا ساكت)


اغصاان وهي تناظر بعيونه ..تبي تعرف وش بيقول ..وخايفه بنفس الوقت (سم ..قول اسمعك)


قايد وكانه ندم انه بيقوله لو اني رضيت انا ناجل السالفه ..وبدون مايناظر فيها(سويت تحاليل قبل شهر

وطلعت النتايج )



بخوف قاطعته اغصان(تحاليل ايش ماقلت لي لايكون تعباان)




ابتسم ابتسامه بارده ..دايم تخافين علي ياحبي لك بس وبجديه (اسمعي خليني اخلص كلامي .لا انا


سويت تحاليل عشان اعرف اذا كان فيه عيب مني يمنع الحمل..و...ووو..)بتردد كبير وهو حاس بحلقه غصه


مو قادر يكمل (وطلع مني العيب ماراح يجي مني خلفه يعني عقيييم ..................)


بضحكه مالها معنى ..رفعت يدها لجبينه هي (مصخن انت وشفيك قد حملت حتى لو ما تم الموهيم ان


كلامهم مو صح


...قطعت كلامها وهي تشوف الجديه على وجهه حست ان الي يقوله فيه صدق بس كييف سحبت يدها


من جبينه ..حاولت تستوعب (كيف يعني مو فاهمه ..اشرح قول شي استوعبه مو تقول كلمتين وتسكت )


وهو يناظر بوجهها زين مايبي يفوته اي تعبير من رده فعل كلامه عليه...


ماقدر اقولك لييش..اتحمل نظرات الشفقه من الكل الا انت..


ابي اكون بعيونك القووي دووم..



وبصوت حاول يكون عادي(ربي اراد كذا وهذي النتيجه)

حاول يلاحظ على وجهها شي بس كان وجهها بارد مو باينه افكارها ..سبحان الله يعني انا اللي على


طول الكل يجرح فيني ويتوقعون العيب مني ..وزي اغلب التفكير ان الرجال مايجي منه عيب اما المراه


هي اكيد اللي ماتخلف ...يالله... بس انا احب الاطفال واحلم فيهم ...



لييه مايبي يقول السبب ...


وهو يمسك نفسه ماتنزل دموعه..ويردد الرجال مايبكي ..الرجال مايبكي .وبصوت مبحوح (لك الخيار


اذا ....اذا يعني تبين *حاسه ثقيله على لسانه وكانه بيذبح قلبه بهالكلام *يعني انا ادري زين انك تحبين


العيال عشان كذا اذا تبين ارجعي



من بكره لبيت اهلك و..و ورقتك تجيك.)


وهي حاسه بيغمى علييها من اللي تسمعه(لا مو من جدك تدري زين اني احبك ومابي اعيش الا معك



ودموعها تنزل كيف تقول كذا بسهوله ؟؟كيف هانت عليك العشره اللي بينا........)


حط اصابعه المرتجفه على شفايفها يسكتها(ذا حقك ولمصلحتك ..ولاتفكرين ان الكلام ذا سهل وربي ان


قلبي يتقطع بس ماقدر اظلمك انت فكري براحتك وعطيني رايك فكري بعقلك )

وقبل مايعطيها فرصه تكلم ..اخذ لحاف من الدولاب وهو متضايق .. وطلع فيه لغرفه الضيوف ..وكانه كبر


عشرين سنه قدام وتركها وراها بدون مايلف ..تركها تستوعب اللي قاله...

ــــــــــــــــــــــــــــــــــــــــــــــــــــــــــــ ـــــ


<<<فمكـــــان اللي تنسى كل وحده فيهم همومها ومشاكلها .. وتقضي فيه اغلب الوقت بوناسه








هيوف وهي تقرص كتف اماني معصبه(امانيوه قومي فشلتينا وانت متمدده كذا )


اماني وهي تبعد يد هيوف بيدها اليسار..ومسنده راسها على يدها اليمين (ااخ وجعع حشا مو يد زراديه .


وبعدين عادي ماني شايفه رجال ..اذا فشلك احد وهو يسالك عني قول ماتعرفين ..)



مرزوقه وهي تحرك الجوال بيدينها ..تكلمت وهي لسى سرحانه(بنات ..شفتوا ذاك الدلخ اللي مسوي


فيها اخلاق ومعصب وبس يصارخ..طلع اسمه فزاع الـ.. ومن الشرقيه)


ايناس وعينها على اماني اللي بعالم ثاني من الصباح وهي حاستها مشغوله بشي(اوخص ياكبرها


كني اشوف ارانب تناقز من كلامك....وش عرفك بذا كله)

مرزوقه وهي تلعب وهي ترجع شعرها ورى اذنها(مصاادر احم احم وش عرفك بس؟؟)



هيوف وهي ميته ضحك( ماخليتي احد بحاله يامرزوقه... يمكن الاسم مقدور عليه ..بس وش عرفك بديرته )



مرزوقه وهي تضحك(ابد نسيت اني اكلم واحد بالاتصالات عاد ابد اللي بيسويلي انه الطرزان اللي


يعرف كل شي ..وجاب لي ذي المعلومات )


هيوف وهي منصدمه(ياويلي شكلك جد ماتلعبين..بس مو اسرار العميل ومدري وشو )


مرزوقه وهي ميله راسها على الجمب وتناظر باماني (اماني وش فيك اليوم متغيره لايكون صايرلك

شي )



اماني وهي ماده بوزها ومكشره (مافيني شي عادي )



ايناس (ههههههههههه عادي ولا اتتوماتيك )

الكل ضحك الا اماني ....هيوف وهي تاشر لمرزوقه وايناس بعينها على اماني (امونه حياتي قولي لنا


وش فيك اذا صاحبتك ماقلتي لهم بتقولين لميين؟؟)


ايناس (اخلصي وعن المياعه اللي مال ابوها داعي اسدحي و ش مضايقك فيذا وحنا نعين ونعاون )

اماني وهي متردده(متذكرين اني حكيتكم ان اختي ايمان ملكت قبل كم شهر..)


قاطعتها هيوف (الحمدلله والشكر هالحيين اللي استوعبتي انها ملكت من شهر وبتصيحين وتسوين فيه


الاخت الرهيفه اللي تفقد اختها)


اماني بزفره قويه (لا مو هنا السالفه ..بس ايمان حملت )


مرزوقه ضحكه عاليه.. خلت الكل يتلفت لهم (لاياشيخه حملت لاجد طامه الناس تفرح ..جد ماعندك سالفه)


اماني وقفت وهي تصارخ (لاتتريقون على حساب اختي وانتوا مانتوا فاهمين شي )


ندمت مرزوقه على ضحكتها بس متعودين مع اماني كل شي ينقلب للضحك وناسه ..حست ان فيه شي

قوي (اسفه امونه ماقصدت وانت صادقه ماحنا فاهمين شي انت فهمينا )


هيوف وهي لسى ماستوعبت ان اماني يطلع منها انها تصرخ وتعصب دايم كانت تقول فلها وربك


يحلها ...وهي تختار كلامها عشان ماتزعلها (طيب امونه اجلسي ارتاحي تكفين)

اماني جلست بسرعه ..حست انها ماله داعي وهي تصارخ كذا (حملت ولسى ماصار زواج يعني

ماسوينا حفله..ياما كنت اقولها لاتخلينه يجي للبيت كثير ..اثقلي عليه..بس هي تقول يحبني واحبه


ومدري ايش ..ابوي من امس مسوي لنا سالفه ماخلى ولابقى علينا من هواش)


مرزوقه وهي عاقده حاجبها(طيب عادي مو مملك عليها يعني زوجها مافيه شي ليه مسوينها سالفه)



هيوف كانت اكثر وحده تفهم بالعادات والتقاليد (يؤؤؤ وش عادي لاوالله مصيبه النااس بتاكل وجهكم )


اينااس وهي معصبه (الله ياخذ هالرجال ماوراهم غير الهم )



اماني وكانها ارتاحت انها تكلم(المشكله مو هنا ابوي يقول ودها لبيتكم ..وهو يقول لسى ماجرت شقه

ولا استعديت لعرس ..مدري كنه يتهرب )

مافيه حل غير تسكن مع اهله ..وهي تصييح مسويه مناحه ماتبي تروح لبيت اهله وتبي تسوي عرس وطق طقه)


مروزقه وهي تحرك يدها(ياهوووه روقي مالك داعي وانت مسويه نفسك حرمه ويعننا مشاكل)


هيوف (ههههههههه فليها وربك يحلها..فيك وبدونك بيلاقون حل ..يعني فخار يكسر بعضه الهموم خليها


فالبيت هنا مع بعض نتونس)

ايناس وهي توقف (ارووووح مع الا مثال هيوف.....امونه يالله قومي خلنا نشتري لنا عصير يالله كل وحده


وش تبي )

اماني ارتاحت بعد ماتكلمت وصارت تضحك (لاتشورينهم زين انك بتشترين على حسابك كلهم نجيب لهم


كولا وكثير عليهم )

وقبل ما يردون سحبت يد ايناس بسرعه وراحوا يشترون لهم.......


مشوا مسافه بعيده ..وبممر يدخل للمبنى اللي فيه الكفتريا .كتفت ايناس يدينها على صدرها ..بعد


ماوقفت مقابله اماني وبجديه (ادري انك تحبين اختك ايمان ..بس ما يمشي علي قولي وش شاغلك


غير ذا الموال ..عمرك ماهتميتي مشاكل بيتكم بهالطريقه..انطقي وش عندك؟؟)


اماني كانت رابطه بلوزتها الرسميه من النص وهي تفك وتعدل فيها ماتبي تناظر بايناس

(ولاشي ..انيس مافيني شي بس كنت خايفه على.............

وقبل ماتكمل كلامها ..مسكت ايناس بلوزتها من النص ..ودفتها على الجدار **طبعا ذا اسلوب معتاد من انيس **


وهي معصبه ((اقول عن الخرابيط والكلام اللي ماله داعي قولي بسرعه وش فييك؟؟)

اماني مستسلمه ماحاولت تفك يدين انيس مع انها حاسه ان بلوزتها بتقطع من قوته (صدقني شي


سخيف ..اممم طيب هو سؤال ..يعني ..كنت ابسالك صح اخوك خالد مو مرتاح مع مرته؟؟)


انيس وهي معقده حواجبها تحس ان اماني تهلوس بس بتسايرها عشان تفهم (كيف يعني ؟؟)


ياربييه هذي كيف افهمها ..ماراح تفهمني ..ماتدري اني هاليومين مرت علي كنها حلم


ااخ احلى حلم وانا احس قلبي بيطلع من ضلوعي وانا اتذكر نظرته ..ماقدر يشيل عينه مني


طلعت بسرعه وهو لسى مبلم فيني.. كل شي صار حلو بدنيتي ...حتى اذا نمت اشوفه ...ماراح تفهم اش

يعني الحب من اول نظره..!!!


وعينها بعين انيس ..وحاسه خدودها بتنحرق من كثر ماهي مستحيه (الصراحه ..احس ان اخوك مو مرتاح


مع مرته متذكره اليوم اللي كنت عندك ..صقعت باخوك بس بالغلط طبعا..وماقدر يشيل عينه مني


***وهي تلعب باصابعها** وهـ يانيس شي ادري انك ماراح تفهمينه بس احس من ذاك اليوم وقلبي

يدق)


انيس من يوم ماشافت خدود اماني حمرا وهي حاسه ان فيه شي كبير..ومن يوم سمعت كلامها بالقوه


مسكت ضحكتها ..فكت يدينها من بلوزت اماني وبجديه(اكيد يتهيا لك اماني اجل هو مالقى غيرك يناظر

فيها)


وبابتسامه مانتبهت لها اماني لانها كانت تعدل بلوزتها..**هين يامنيوه اجل انا مافهم بالحب قالبه لي


جوليت على غفله*



اماني باستنكار(ياسلام وانا اش فيني اجنن ..اصلا انت ماشفتي الموقف اقولك ماقدر يشيل عينه


اعجبته مره ..انت وش فهمك بس )



انيس ابتسامتها كبرت ..لين انقلبت ضحكه بصوت عالي ..وهي تصفق بيدينها..وتصقع رجلها من كثر

ماهي ميته من الضحك...


اماني زعلت (ماتوقع اني قلت شي يضحك الحق علي انا اللي احكيك )



انيس وهي تمسح دموعها من الضحك ..وتحاول تكلم (هالحين ذا كله عشانه ماقدر يشيل عينه منك..يالهبله اخوي اعمى مايشووف ههههههههههههه)





ــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــ



دخلت لغرفتها بعد ماغسلت وجهها وسوت لها كوب كابتشينو..نزلته على مكتبها..




راحت لعند سريرها مارتبته اول ماصحت..وهالحيين لازم ترتبه ..



مادري متى مامي تقتنع ..وتجيب خدامه اقلها ارتاح من ترتيب غرفتي كل مره..



وهي تصلح غطا السرير المزيين برسومات همتارو حبيب قلبها المفضل من رسومات ديزني



خدامه بس عشان ترتب غرفتي..ياحلو الاحلام ..مالي أي حق اطلب مو كفايه انها متحملتني ..بس

اجباري تحملني وكان الفكره عصبتها...اخذت كوبها رغم حرارته الا انها شربت منه..وكان بهالحراره


بتنحرق هالافكار اللي تفكر فيها..



حطت رجل على رجل وهي جالسه على كرسي مكتبها الصغير..وهي تدور فيه..اممم هالحين وش


اسوي ؟؟


مالي خلق اروح لجامعه ماعندي الا محاضره واحد ولسى باقي علييها..



لو كان عندي صديقات كان هالحيين مونسيني..وكانها تذكرت شي ...


رفعت جوالها ..واتصلت..يارب ترد علي مايكون عندها شي ..


وبصوتها المدلع :الوو صباح الورد


ردت عليها (ياصبااح الورد والياسمين وانا اشوف الجوال يرجف ..اثاريه فرحان انك داقه علي)


مدى بضحكه حلوه(بشويش علي ترى قلبي رهيف مايتحمل كل هالدلع على ذا الصبح)


وبضحكه(ههههههههه افا عليك تستاهل مشرفتنا كل ذا وازود..الا غريبه وش هالهدوء اللي عندك لايكون

داخله قاعه فاضيه؟؟)


مدى جلست على السرير وهي حاضنه دبدوب كبير(لا وش قاعته لسى باقي ماداومت عندي محاضره

وحده ولسى ماجا وقتها...وانا زمان عنك قلت اكلمك .. وبعدين كم مره اقولك هنا مافيه مشرفه..)


(هههههههههههه وين زمان يابطه امس بالليل معك على المسنجر)

مدى وهي تلعب بميدليات جوالها *طبعا كلها كانت من شخصيات ديزني**

(مايكفي ..والله من يوم ماعرفتك وانا مرتاحه حيييل معاك ..حتى مشاكلي ماحكي احد عنها غيرك)


(وين مشاكل يامدى ؟؟ماقد حكيتني الا انك وحيده ..ومشاكلك مع الاعضاء واكبر مشكله عندك الوقت


اللي لقيتي اشعارك منزله بموقع ثاني ومنسوبه باسم غيرك يعني ذي كله اشياء عاديه)


مدى وهي لاويه بوزها ومكشره..(ياسلام ذي مشاكل هينه يعني؟؟! تقريبا النت كل عالمي..واهم عالم


اكيد بلاقيه بموقعي منت متخيله ياهنو انام واصحي وانا عليه و...........)


قاطعتها هنو(لا حياتي فيه عالم ثاني ..يعني مشاكلك بالبيت عن علاقات وياهم ماقد كلمتيني عن أي

شي كذا)



مدى بعد تفكير..ماتعودت تحكي احد عن حياته..احيانا تكره هالعاده نفسها لوتعرف تحكي احد عن


همومها ..بس ماتقدر تغير(صدقيني ماعندي بحياتي شي مهم ..اصلا ماروح ولا اجي..واقاربي بالشرقيه)


هنو(سبحان الله ..اللي يشوف اسلوبك بالموقع..يقول ان عمرك كبير..ودمك جامد منتي حقت فله ..بس


من يوم عرفتك حسيت العكس انك حيل عسل وحبوبه)

مدى وخدودها محمره بمانها خجوله(لا عاتي ..انا مو من عادتي ارتاح لاحد او اثق فيه ..بس من يوم

عرفتك قبل كم شهر وانا مرتاحه لك ولا مو من عادتي اعطي احد وبالذات من النت رقمي!!)


هنو(طيب يامدى ان عندي لك مفاجاه..انا بجي لديرتكم..وش رايك نتقابل بمكان عاام ؟؟باشوف صقيقتي


العزيزه قصدي مشرفتنا العزيزه ^ _ ^ )


مدى بتردد (مدري ماتوقع اني اقدر؟)


هنو بضحكه (وشفيك انا بنت زيك..ولاتنسين انا صقيقات عموما يابطتي براحتك يالله عن اذنك امي

تبيني ..بايو)


مدى (بايات )......

بعد ساعتين قضتها وهي تفكر وتدور على شي يونسها...



طلعت من غرفتها وهي تلبس عبايتها ..بعد مالبست للكليه..


وبدون ماتلفت مرت بسرعه من الصاله بتروح للباب..



(مدى يمه صحيتي متاخره اليوم.... حاولت اصحيك تصلين الفجر ماصحيتي)


وقفت مدى وهي تسمع هالكلام لفت ..ترد (ايه جدتي امس كنت سهرانه عشان كذا ماصحيت اليوم


بدري بس صليت اول ماصحيت )


الجده وهي تحرك بيدها مروحه سعف على صحن فيه تمر (اكييد سهرانه على الكمبروتر هو اللي


مشغلك عنا وهالحين صحيتي متاخر وراح علييك دوامك)


مدى وهي تافف .. متعوده على ذا الموال..بس عمرها مانست صدمتها ..بهالبيئه الجديده عليها(ماراح


الدوام ولاشي اصلا انا رايحه بدري اليوم محاضرتي بعد ساعه)


بعد ساعتين قضتها وهي تفكر وتدور على شي يونسها...


طلعت من غرفتها وهي تلبس عبايتها ..بعد مالبست للكليه..

وبدون ماتلفت مرت بسرعه من الصاله بتروح للباب..



(مدى يمه صحيتي متاخره اليوم.... حاولت اصحيك تصلين الفجر ماصحيتي)



وقفت مدى وهي تسمع هالكلام لفت ..ترد (ايه جدتي امس كنت سهرانه عشان كذا ماصحيت اليوم


بدري بس صليت اول ماصحيت )



الجده وهي تحرك بيدها مروحه سعف على صحن فيه تمر (اكييد سهرانه على الكمبروتر هو اللي


مشغلك عنا وهالحين صحيتي متاخر وراح علييك دوامك)



مدى وهي تافف .. متعوده على ذا الموال..بس عمرها مانست صدمتها ..بهالبيئه الجديده عليها(ماراح


الدوام ولاشي اصلا انا رايحه بدري اليوم محاضرتي بعد ساعه)



قاطعتها الجده وهي تنزل لثمتها وتشرب من فنجالها قهوه(انت لييش ماتروحين من الصبح مثل كل



البنيت ..وتلحقين على دروسك شكلك ماتبين تنجحين هالسنه ..ماينفع كذاابد ..تسقطين ثم يقولون الناس


اني قصرت معك )



العاده كل ماسمعت مثل هالكلام قعدت تبكي بس هالحيين انبلد احساسها مافيه كلام ياثر فيها..رفعت


عيونها تناظر بالسقف الخشب وصوت المروحه وهي تحرك بهدوء مالي الغرفه(انشالله بانجح ياجدتي


لاتخافين ومحد قايل عنك شي اصلا من يهتم بوحده مثلي ..مو انا مو منكم مثل ماتقول هذيك الحرمه)



الجده بعصبيه (الا منا وانا امك كم مره اقولك تقولين لي يمه وذيك الحرمه خالتك ..علامك ماتفهمين؟)




ياليتني مت قبل ذا كله ..ولاذي عيشه ..ناظرت بساعتها ببروده انبلد احساسها خلاص..وبصوت عادي


(طيب يمه تاخرت السواق من اول ينتظرني ..يالله توصيني على شي؟؟)


الجده وهي تحاول تشغل الراديو الصغير (لا سلامتك المهم لاتاخرين واذا درسك تاخر استاذني واطلعي


مابيك ترجعين مع السواق بالقوايل )



طلعت ابتسامه غصب من مدى وراحت حبت راسها..تدري انها تخاف عليها وتحبها حتى لو كانت عصبيه



(انشالله تامرين امر يالله بااي)



الجده (بامانت الله وحفظه وقبل ماتكمل قاطعت كلامها بعصبيه(يمه فضحتينا تغطي الناس اكلت وجههنا)



مدى بعد مالفت المسفع زين ..وكانها تسمع كلام حافظته من كثر ماتقوله(لييه اتغطى اصلا ماتعودت



البس عبايه الا عندكم ..وعادي محجبه ماني لابسه شي فاسخ وطالعه بالشارع ومايهمني كلام



الناس..وهنا امان مو مثل عندنا تركيا او بلاد براا ماراح يصير لي شي)


بعصبيه الجده( المفروض تحمدين ربك انك انولدت وامك مسلمه وابوك انت بنعمه غيرك يتمناها



المفروض تمسكين بدينك ..انا لو عندي رجال كان عرف يربيك زين)



طلعت مدى قبل ماتسمع اكثر ..تعبت من هالكلام ومن هالعيشه بس وش بيدها ..وش اصعب من انها


تربى وتعيش حياتها وفجاه تلاقي نفسها ببيئه مختلفه كل شي لا وكل شي عيب نفس البيئه اللي



كانت تشوفها بالمسلسلات القديمه وكانت تستغرب كيف عايشين اهلها....


ركبت السياره بعد مالبست نظارتها الشمسيه وهي بعالمها المعزول اللي تعودت علييه...


ــــــــــــــــــــــــــــــــــــــــــــــــــــــــــــ ـــــــــــــــــــــــــــــ



(اجل امك تبيك ياهنو..وينك ماشوفك رحتي لها)



طاح الجوال من يده ..لف للصوت ..(الله يقلع شكلك ..طيحت قلبي مافيه احم ولادستور )



سعود بدلع (هاااي هنو معليش خوفناك)



فزاع ماقدر يمسك نفسه ومات ضحك على شكل سعود...والضحكه شاقه حلقه( وش نسوي لازم


نسوي اكشن عشان تستعد تقابلني بكره)



سعود وهو يجلس بكرسي مقابل لفزاع(هالحييين صار لك كم شهر معها ومادرت انك ولد ..اوخص اثاريك ماتلعب)



فزاع وهو يعدل ياقه البالطو الابيض (احم احم انا فزاع واللي مايعرف الصقر يقليه ..ارتاح بس وش


عرفك انت *وهو يغمز** )


سعود ماقدر يمسك نفسه انفرط من الضحك....


فزاع وطبعه الحامي اشتغل (وش عندك تضحك..ماقلت نكته عندك شي قوله ضحكني معك)



سعود وهو يحاول يكتم الباقي من ضحكته( لا ولا شي بس اتخيل شكلك ياهنو وانت تحلمين معها



بعريس المستقبل وخرابيط البنت مدري كيف تمسك نفسك ماتضحك ولا تغلط ويبان انك ولد)


لانت ملامح فزاع بعد ماكانت مشدوده (صراحه ماكان براسي ذا الموال كله ..دخلت لموقعها باسم بنت


بس عشان اسحب بالشباب .. واسوي اكشن.. بس مدري من وين طلعت لي واللي سهل لي انها هبله


وتثق باي احد مع انها تقول العكس)



سعود وقف وهو يناظر فساعه يده (طيب يالله يافزاع بيه..محاضرتنا بتبدا ثم هالدكتور مايدخلنا الا بطلوع الروح)



فزاع وهو ماشي مع سعود فممر الكليه الصحيه (تصدق عاد امس بعد مارحت من عندي انت والشباب


فاتك نص عمرك)


سعود وقف (افاا وانا بو ماجد وش اللي فاتني)


فزاع وهو ميت من الضحك ويناظر فشكل سعود..ابد مو لايق له اللي يشوف شعره الناعم الكثيف

وعيونه.....*** وبياضه اللي على حمار..مايصدق انه الكلام البدوي يطلع منه..سبحان الله اللي يشوفه

يقول مو سعودي كانه اجنبي مع ان عايلته من قبيله بدويه معروفه....

(ابد هذا طال عمري وعمرك..كنت اقربع فالنت ومن الطفش اخترقت كمبيوتر محمول ...)


سعود قاطعه وهو يمشي(ماعندك سالفه ..اجل فاتني نص ومدري وشهو وبالاخير مخترق محمول ولد..


الله من الدجه وين الاكشن فالموضوع لو بنت كان قلنا معك حق..ياخي عليك سوالف احيانا مدري وش تبي )



فزاع وهو يمشي معه ومبتسم(بس من هالدجه حطيت برصيدي مبلغ مو هين)

سعود طاحت عينه يوم سمع هالكلام وهو فاتح فمه(ياخفه دمك ..العب غيرها هالحيين بصدقك ) مع انه


كان متاكد ان فزاع هكر ومتمكن من النت حيل..



قاطعه فزاع وهو يصقعه على كتفه(ياذكي انا يوم اخترقت جهازه كان الكام مفتوح وبالصدفه كان يبدل


ملابسه بنفس الغرفه ..ومحسوبك قدر ياخذه كم لقطه صغنونه حليوه..وبس يوم درى خااف على عمره



اني انشرله هالصور وحولي مبلغ ..ولاتقول كيف قدرت اكلمه لان هالشغله ماتصعب علي ^ _^)


سعود وهو يصفر بصوت عالي(يابن الذين كاني اتابع فلم امريكي وكيف صدقك ماخاف انك تورطه )


فزاع وهو يمشي يبي يوصل للقاعه بدري( لازم يصدقني ..ماله غير كذا ..عموما انا مافكرت انشرها ابد



بس كنت ابخوفه وابسط نفسي وكسبت مجاني )



سعود اللي ماكان له أي علاقه بالنت ولا يحبه (اشوا اني ماحب هالماخوذ كله مصايب..يالله خلنا ندخل


والله يعينا على غثه هالمحاضره)




*





*


*


سعود وهو يناظر بالدكتور اللي يشرح ومتحمس..تافف بصوت واطي ولف لفزاع وكالعاده لقاها حاط



راسه على الطاوله ونايم وصوت شخيره عالي..حمد ربه انهم جالسين باخر القاعه..مايسمعهم الدكتور..




وهو يتلفت ..وش صوت الهز ذا ..نزل راسه تحت الطاوله يدور..حط يده على جوال طايح بالارض ويدق..



اخذه وهو يتلفت خايف يكون الدكتور انتبه..مو ناقصه..هز كتف فزاع بقوه ..وبهمس (فزاعوه قوم جوالك



يدق من اول لايكون احد من الاهل يبيك)



فزاع بصوت نايم(لا مو الاهل ذي نشبه لاترد ولا اقولك افتح الخط وعطها تعليق بعدين افضى لها )



سعود بتحسر(ناس مايطفي جوالها وناس مثلي لها الله مايدق الا رنه وبالغلط بعد)






ــــــــــــــــــــــــــــــــــــــــــــــــــــــــــــ ـــــ





وهو يمدد يدينه ورجوله ..وحاس جسمه متكسر من نومه الكنب..




لو اني نايم فالسرير ومخلي بنت ابوها تنام على ذا الخشب اللي كسرني كان ابرك..



قام غسل وجهه ..تردد يدخل غرفه النوم وهي لسى نايمه..سمع صوت بطنه اجبره الجوع يدخل عشان



يبدل ملابسهويروح يشتري شي ياكله..!!


فتح الدولاب بشويش ..اخرشي يبيه فهالوقت انها تصحى ..ماله خلق لها..



طلع ثوبه وغترته...ماقدر يمسك نفسه ..راح لعند السرير ..وهو يتامل فيها ..حلاوتها على نعومه



مايبي يطول وهو يناضر فيها اصلا اخر شي يهمه هو ذي الادميه..





*


*

*


رجع وبدون مايفكر يصحيها..تغدا ورفع غداها على الجمب متى ماصحت تلاقيه..



بعد ماتعب وهو يدور بغرف البيت من الطفش شغل التلفزيون كل شي ممل...



ياخبار وحروب تسد النفس..ياقناوات كلها سخافه وخرابيط ..


ياليتني ماخذيت اجازه شهر ..هالحيين طول هالوقت وش اسوي ..


اذ من اول يوم طقت نفسي كذا كيف باقي الايام.....الله يعيني



اخذ الجوال واتصل )هلا والله كيفك يادوبا..لسى تحاولين تخففين وزنك مانحفتي
)



جوري معصبه(وش ذا حتى وانت معرس ماتفكنا من لسانك ..قلنا العرس يعقلك الظاهر كم يوم وتصير


عروستك خبله مثلك)



زايد والضحكه شاقه حلقه(هههههههههههه مافيه فكه مني ابد ..اصلا ماتستغنون عني )



جوري تعشق اخوها لانه هو اخوها الوحيد من امها ..وبعد هو اللي يفهم عليها (اقول لاتصدق عمرك


وقولي وش اخبارك يالمعرس)



انقلب مزاجه..مو حاس نفسه معرس ابد ..


حتى اللي ينقالها عروسته لحد هالحين نايمه


وشكلها داجه ماتعرف شي..يكرهها هي وابوها



طول عمره يحلم بحبيبته وجات هي خربت كل شي..


وببروده(الحمدلله بخير كل شي تمام) تذكر انه ماسالها عن نفسها



(وانت ماقلتي لي ناقصك شي ..ما شيات والله اني فاقدك حييل )



جوري حست بمزاجه اللي انقلب(انا بخير وماناقصني شي انت ماتقصر ..اخاف بعدين تنسانا وماتذكر

غير المدام)


زايد بابتسامه(انسى كل الناس مانساك وبعدين مانخلقت اللي تشغلني عنكم..هو انا اقدر )



جوري (هههههههههههههههه لا من جد تاثير المدام بدا وش هالكلام العسل اثاريك تعرف تصف كلام)



وهو يستهبل(افا علييك حبيبتي تدرين اني احبك ..وماقدر استغنى عنك حياتي من دونك مالها طعم)



جوري وهي ميته ضحك(ههههههههههههه لا جد انهبلت رسمي يالله باتركك تخبل بمرتك ..توني ماشفت

دنيا)



زايد يكمل استهباله (ههههههههههه طيب حياتي بايو..راح توحشيني)


*




*


وقفت مصدومه وكلامه يتردد براسها..لهالدرجه مو قادر يستغنى عنها ..يكلمها ولابعد يقول انه يحبها وهو



مو محترم انه متزوج ..طيب ماخاف اني اسمعها..ولا هو اصلا وش همه مافرقت معه بشي ..



حاولت ترجع للمطبخ ماتبي ينتبه لها ولايدري انها زيا لهبله وهي مرتبه له صينيه الغداء ..له ساعه تفكر


وش تكلم فيه له وهو مادرا عنها مشغول بحبيبه القلب..



حطت الصينيه بقوه ع الطاوله اللي قدامه (خذ تغدا )


مسك الجوال اللي بغى يطيح من يده من فجعته(بسم الله الناس تسلم اول وبعدين انا تغديت ذا غداك )


حست الدموع تجمع بعينها ..من اسلوبه معها( ليييه مانتظرتني وتغديت)




وعيونه مانزلت منها من بدايه شعرها الناعم الى فستانها الوردي القصير.. وبدون نفس(كنت جوعان



واكلت ولاحتى لاكل لازم اذن فييه وانت حضرتك نايمه)


وهي تاخذ نفس ..مابي ابكي قدامه الا ذا مابيه يشوفني ضعيفه اصلا مايستاهل (والنايم مايصحي


يعني ولافيه تعب ان حضرتك تنازل وتصحيني)


لا ذي زودتها حييل ومن بين اسنانه وهو مايبي يعصب(خلاص ماصارت غدا وتغدينا المره الجايه اقومك


تطفحين معي يعني الا وتعكرين مزاجي )

 
 

 

عرض البوم صور غدووورة   رد مع اقتباس
قديم 02-09-08, 02:57 AM   المشاركة رقم: 19
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

وبصراخ(ايييه انا اللي اعكر مزاجك ..وتعصب علي..اما مع حبايبك تنبسط والضحكه تشق حلقك .ولا



كانك متزوج اقلها





احترم اني مرتك وغيري مايحل لك يعني حراام ولا لسى ماتعرف الحرام من الحلال اصلا وش متوقعه



منك)



كلامها كان زي القنبله ماتدري لييه قالت كل ذا مع انها ماعمرها ما فكرت كذا..





ولا قد صرخت على احد بالطريقه ذي ..بس من يوم تزوجت ذا الانسان وكل شي تسويه جديد عليها..




وقف يناظر فيها وكان النار تطلع من عيونه وتلسعها ..لف يدها لظهرها وهو يهزها بقوه وشعرها طايح






قدامها و هي تصارخ وهو معصب (اعرف الحلال اكثر منك اصلا انت مالقيتي احد يربيك ..كنت محترم انك




بنت عمي بس الظاهر خساره فيك وانا اللي بربيك)





ودموعها تنزل وهي تبكي(فك يدي كسرتها ..تحسب نفسك رجال وانت تستقوي على حرمه)



فك يدها بقووه ...طيحتها على الارض .وبدون مايتكلم اخذ جواله وطلع ..




لفت يدها على ركبتها وهي حاضنه رجولها وتبكي ..





وش اللي قلته ..لييه تسرعت كذا..




بس ماقلت الا اللي يسويه ماجبت شي من راسي..



كنت مرتاحه من ذا كله ..انا وش ذنبي انا مغصوبه مثله ..




اصلا واحد حقير مثله مايستاهل مني .حتى وهو متزوج مايستغنى عن حبيبته




برجع لاهلي وش يجلسني عنده وهو يعاملني كذا!!



بس الناس ماحد راح يصدق اني انا اللي رجعت لاهلي مو هو اللي رجعني




اكييد بيقولون لييه وكيف ...وش السواه بس




حاولت توقف دموعها ..بس ماقدرت..تركتها تنزل تبيها تطفي النار اللي بداخلها





يمكن ترتاح ولاتنسى اللي هي فيه
ــــــــــــــــــــــــــــــــــــــــــــــــــــــــــــ ــــــــــــــــــــ














ايناس وهي ترجع سماعه الجوال لهيوف(اووف جد اغنيه زاحفه تهبل اثاريه من عذرك وانت مطيحه على





هالسماعات .. اكييد انك فالبيت غير جالسه علييها)






هيوف وهي تسحب السماعه وتلوي شفايفها بدون رضى(اييه كثري منها اجلس علييها.. قصدك تسليني






وانا اكرف فالبيت حتى اغاني هالراديو حفظتها)






مرزوقه مستغربه (ليييه وين خدامتكم )







اماني بضحكه عاليه وهي تشوت علبه كولا فاضيه كانت بطريقها(خدامتهم تقابل حبيب القلب سواق





الجيران عاد هيوف مايهون عليها تقاطع جوهم فهي تكفلت بشغلهم ..ههههههههههه)






ايناااس (هيييه يالحبيب الله بالخير ..على بالك كل الناس مثلكم خدامات ومدري وشو..ترانا نكرف من اول مانصحى ليين ننام )






مرزوقه وهي مصدومه بس تحاول تواسي(جد الله يعينكم كيف تحملون ..الظاهر مانتقابل انا وامي غير




وقت الغدا وبعد مو دايم ..طول وقتها يا برا يا مع ابوي ..ومرتاحه ماعندي اخوان يعني وحيدتهم .. او ما انا





ابشتغل فالبيت الحق على ايش ولا ايش!!)







هيوف بدون نفس(اصلا مو من كبر بيتنا حتى طبخنا مو كثير ..يعني مايستاهل الموضوع خدامه فلوسها






حنا اولى فيهاابوي بالقوه ملحق على مصاريفنا تبينه يجيب خدامه )

سكتوا بعد كلام هيوف كلهم فالاصل عايلتهم بسيطه ..بس ماكانوا متخيلين ان صاحبتهم بهالفقر فبدايه





دراستهم مبين بس هالحيين لا مو مبين عليها.. بس يمكن بعد مكافات الكلييه....






اماني تغير الجو بعد مانشحن (ايوا ياعم مرزوقه من قدنا ناس تكرف وشتغل وناس تنخدم ولا تدري عن






شي..الصراحتن وبكل امانه غرفتي انا ارتبها والمطبخ يوم لي واربع على ايمان بس جد تعب)




ايناس وهي تدف كتف اماني(احم احم اكييد تعب ..بس نحب ونفكر عادي مافيه تعب )







اماني تناظر بايناس وتغمز لها ماتبيها تكلم عن شي ..وهي تحاول تغير الموضوع(الا بنات ماتعبتوا من









اللف لفه حتى الشمس صقعت راسي)





هيوف بتافف وهي مانبتهت لشي (ايوا والله صدق خلنا نروح لقاعه مكيفه.. طقيت من هالحراره)





ايناس وهي تفكر(خلنا نروح لمبنى الانقليزي اخر الجامعه ومكيف حتى قاعته تجنن)





اماني وهي تدق باصباعها كتف مرزوقه(استازه مرزوقه قصري صوتك مافيه احد ماطربتيه و ماسمع







وش تقولين ازعجتي الخلق ترى مو كل الناس تعرف هالشغلات)








مرزوقه تكلم اللي بالجوال(اقول عطيتك وجهه ورى ماتقلب خشتك وتسكر خوياتي يبوني ..اذا فضيت








يمكن ارن علييك )






بعد ماقفلت بوجهه بدون ماتنتظر رد منه..(عادي صوتي مو عالي انت يتهيا لك يمكن عشانك تمشين







جمبي ..وهالحيين صدقتك ان محد يعرف هالشغلات..اصلا الاغلب اذا ماكان كل البنات يكلمون ..)








وهي تاشر باصباعها للبنت جالسه











بزوايه ممروحاطه السماعات وتكلم(شوفي بالله ذي لاتقولين تكلم صاحبتها ولا اهلها له ساعه وهي














تهمس بالجوال؟؟وفكل ممر لاحظي بتلاقين ياكثر البنات اللي يكلمون..اذا انا اخذ تها تريقه ونااسه








غيري تاخذها جد وينضحك عليها.. يعني لاتقارنين بينا)




























*

*


*












هيوف وهي تربع على ارض القاعه( يازيين البرااد سلخنا الحر بهالشمس ..اجلسوا لييه واقفات )








مرزوقه وهي رافعه المرايه الصغيره..و تنزل عدستها الطبيه من عيونها(ابجلس بس عيوني ذابحتني











يبيلي اغير العدسات ذي)







ايناس وهي تدور بالقاعه الفاضيه (النظار ه ازين لك واريح حتى ترز خشتك...بس طفش وش السواه







الحين )




اماني بعد ماقفلت من الجوال ( يسلمون عليكم البنات جميعن )








هيوف مستغربه(الله يسلمهم بس ميين ؟؟)








اماني بابتسامه (هذولي صقيقاتي من الحاره اللي ساكنه فيها..من امس المغرب سهرانه عندهم بس











الصباح رجعت للبيت ولبست وداومت)










ايناس وهي تلعب بمايك الشرح للدكتوره (اووف سهرانه كل عندهم كل ذا الوقت..قصصم ابو ام









الونااسه ليتني عندكم بس وين البابا راضي يعني مايكلمك؟؟)






اماني(هههههههههه حياك كل يوم على ذي الحاله نفلها..بسلامته البابا مايدري يطلع للمدامته بعد صلاه









العشا بشقتها واذا صحا الصباح يروح لمزرعته يعني مايبقى بالشقه غير انا وايمان تفلسف على راسي











كثير بس اللي درا عنها كل يوم نتجمع ونفلها) قبل ماتخلص كلامها سحبت من يد ايناس المايك(هاتي








عنك تراه مظهر غير حضاري تخربين اغراض الناااس )







هيوف وهي تشخبط بقلم على ارضيه القاعه (ههههههههههههههه اجل انت ياست اماني وش تسوين)








اماني رفعت راسها بعد ماكانت منحنيه ترفع بالصوت.. وهي تقرب المايك منها ..(انا اتفقده اشوف






صاحي هالمايك ولا خربااان ..الووو الوو حول فيه صوت )








ايناس بعصبيه(امانيوه بلا هباله ورجعي المايك محله لو طبت علينا دكتوره ولامشرفه لا نروح شوربه مير





اقضبي ارضك ورجعيه )








مرزوقه وهي تشد عيونها تحاول تركز وهي تغير الشرايح( ماعلييك منها امونه سوي الللي تبينه محد








جايب خبرك فليها بس اول صكي الباب )








هيوف وهي مبتسمه وتصفق بيدينها متحمسه (ايوا تكفين امونه غني بنشوف بالمايك كيف يجي




صوتك )







اماني وهي تلعب بخصله من شعرها بدلع (احم احم اش حبين تسمعوا )





دفتها ايناس بدفاشه(اقول اخلصي عليينا ..)







اماني وملامحها وجهها تغيرت ..وبصوت حزين يدخل كنه شلال بارد ينزل على القلوب( عييونك اخر




امالي ..وليلي اطول من اليم كييف القى كلام عذب يوصف دافي احساسي ؟؟



عشقتك قبل ماشوفك ..وشفتك صرت كل حلم..ابي رمشك يغطيني وابيك اقرب من انفاسي







*وبطبقه اعلى ..وبصوت متكسر فيه ضعف الحب *...وياكثر الحطب حوولي وعندك انكسر فاسي






رميت اقداري فدربك وصرتي في عروقي الدم ..احببك كثر ماسالت دموعي ومانسى ناسي







يهمك تعرفين انك قتلتي في سنيني الهم قتلني ضحكك وجدك ..قتلني لينك القاسي..!!






سالتك باللذي زانك تحبي فيني حتى الظلم تحبي عيوبي وغدري تحب المر في كاسي






انا من كثر ماحبك ابيك كثر رمل اليم وابيك تكونين فووق فووق الناس وابي ماينحني راسي


سكتت ..اوالكل يناظر فيها وكان كل وحده عايشه بعالم ..انتبهت ان القاعه صار فيها بنات وبعد كانوا







يسمعون




ضحكت تغير الجو ..(خلاااص خلصت فاصل اعلاني ونواصل ..وش فيكم ساكتين ..لو دريت انكم بتحزنون






كذا ماغنيت ) بعدت المايك شوي عنها لانه طالع صوت مزعج






ردت عليها بنت ماتعرفها(بالعكس صوتك يجنن مشالله )





قاطعتها صاحبتها بحمااس (جايبه اللحن وقليل يجنن فيه ..رووعه غني شي ثاني )


ايناس وهي عاقده حواجبها( مشالله اذكروا ربي لاتنصك البنت بعين منكم من البدايه قايله لاتغنين



ياماني)





هيوف وهي تغمز لايناس وتبتسم للبنت متفشله من دفاشه ايناس..




مرزوقه وهي تصفق (ياهوووووووووه وش هالصوت رووعه وين كانت هالمواهب ..حتى الدلخ قصدي





صاحبتي اللي تكلمني بالجوال خقت على صوتك وتبيك تغنين اغنيه ثانيه )


اماني وهي تهز راسها بقوه معصبه وتناظر بمرزوقه (لا خلاص كفايه كذا.. اصلا المفروض انك


ماتسمعينها)


مرزوقه فهمت ان اماني ماتقدر تهاوشها قدام بنات مايعرفونهم واعجبها ان اللي تكلمه يعرف ان صاحبتها



فله(اش اسوي انت تغنين بمايك غصب يوصلها الصوت ..يالله عاد غني غيرها )



ايناس وقفت(امم غني لابو نوره بعدين الكل بمحاظراته محد داري عنا )



اماني بضحكه وهي حاطه اصباعهاعلى خدها تذكر(اييه تذكرت مو كل الاغنيه حافظتها بس بغنيها



وبصوت دافي (انا ماقدر اكونا ني حبيب في بعض احوال ..انا كلي اجي ولا اروح بعزتي كلي..خذاني لك



سؤال فعيونك والجواب محال..خذاني لك دمع مارضى ذلي................



























*

*



*




وهي تبعد اليد الللي ماسكتها وتركض فيها(تعبت خلاص ماقدر اركض اكثر من كذا..مدري على ايش



مصربعتنا)




عبير وهي تدف باب القاعه وتاشر على اماني اللي تغني مانتبهت لهم(على ذي الوناسه ..بالله وش



رايك لمارمو يستاهل الركض؟؟)







لمار وهي تلعب بشعرها اللي كانت جامعته قدام ..وبدلع فطري( اها البنات دقوا عليك عشان نجي هنا




ونسمع هالصوت ..صوتها حلو مشالله )





عبير وهي تاشر على مرزوقه(شفتي ذي يارب لاتبلانا منتهيه..ع طوول مشغوله بالجوال)







لمارمستغربه(هيا عاد معقوله النعومه ذي كله ..يطلع منها كذا ..ِشكلها مايدل على شي ابد )






وهذيك بعد اللي اسمها هيفا ..كل اللي تكلمهم مو صاحيات تحس فيهم شي غريب كنهم سكرنات




مع ان اغلب البنات يكلمونها...

لماروهي تنقل عيونها لايناس وتناظر فيها..



بشعرها المغطى نصها باشارب.. ويدها المليانه ربطتها..






اذنها اليسرى وهي مليانه حلقان وفصوص..





حتى نقطه مكياج مافيه..جات بتكلم ..بس تكلمت بنت بصوت عالي(غني اغنيه سريعه وبندق على


طاوله )









صرخت بنت ثانيه متحمسه(يالله عاد ماحد راح يفتن )




عبير(اييه وانا باصكك الباب عشان محد غيرنا يدخل )




اماني بعد ماكانت متردده غنت لهم ومع دق البنات على الطاوله وتصفيقهم ..تحمست اغصان وقامت




ترقص بعد مافكت البكله عن شعرها الطويل ..




اماني تحمست مع هالجو ..((سررا ..حلووين )


مانتبهت للسمرا *فالاصل من الجنسيه الافريقيه . بس سعوديات.طبعا سالفتهم طويله مدري كيف



تنشرح هههه** اللي تاشر عليها وهي تكلم صاحبتها (هااه وش رايك تنفع؟؟)


هزت صاحبتها راسها (تنفع بقوه بس كيف نجيب راسها؟؟ ماتوقع ترضى صعب حييل)


وبضحكه شريره (بس ماتصعب علييينا)










ــــــــــــــــــــــــــــــــــــــــــــــــــــــــــــ ـــــــــــ






















بعد ماشغلت اخر شمعه..وقفت تشوف اللي سوته وايش ناقص؟؟







وهي تلعب بالجوال ..وبابتسامه حلوه ..رغم انها تفكر






اقوله سامحني لو زعلتك بشي دون قصد ولا








اقوله احببببك وحياتي من دونك ماتسوى..؟؟





لاااا ماينفع ياربييه احترت وش اقوله ...






وقبل ماتغير رايها اتصلت..





هيا رد ..بعد وقت ..نفس الصوت اللي تعشقه بس بتعب (هلاا..)




وبصوت واطي (حبيبي وينك ..تعال )



بدون نفس (سهران برا ماقدر اترك العيال واجييك)







كنت متاكده اني باسمع ذا الرد..وهي تقرص رجلها بقووه..وبصوت متغير وهي تالم من قرصتها(تعال






ضروري تعبانه حيييل )









وبصوت مليان خووف(وشفيك حياتي ..بسم الله عليك لاتحركين..كله مني انا اللي تركتك بدون ماتطمن






علييك... ثواني واجييك يالله مع السلامه)






وهي تفرك بيدها رجلها المحمره من قوه القرصه .. وبضحكه ..وش اسوي ماقدرت اجيبك الابذي الطريقه





صح حسيت بالم بس اكييد مو قد الالم اللي باعيشه من دونك



..قامت تركض وتتاكد ان خطتها كامله مو ناقصها شي..










*


*













*







وهو يركض طالع الدرج...الله يستر..يارب مايكون صاير لها شي..






فتح الباب ...وش هالظلام ؟لايكون صار شي؟









بس وش هالريحه .؟؟








تلفت وهو يمشي بسرعه ..فتح الغرفه ...انصدم اخر شي كان متوقعه يصير هالشي..








بس ليييه كذا وش معناه ذا كله؟؟





وهو يناظر بالشموع اللي متجمعه بشكل قلب كبير..على الارضيه




انحنى وهو يفتح الصور المقلوبه بوسط القلب..




يالله هذي صور زواجنا..وبحنان ..كانت تجنن ملاكي..


لييه مجمعه كل هالصور..وقف يناظر بالسرير المليان ورود روز وجوري


يعني معقوله بيمر يوم وانحرم من ذا كله ..


وقبل مايكمل كلامه ..لفت يد ناعمه علييه ..




وبهمس (ماقدرت اجييبك الابهالطريقه..تطلع من الصبح ..ماترجع الا الفجر..ماقابلك ابد..
كنت ابي اكلمك بس منت معطيني مجال )








بتنهيده (هذا كله عشـ .....





حطت يدها على شفايفه تسكته (تكفى خلني اتكلم اليوم كله وانا ادور كلام اقوله واحفظه ..*وهي










ترجع شعرها ورى اذنها ** اسبوعين وانا حاسه اني محرومه منك عايشه معك بالاسم بس ..مدري انت








تتغدا وتتعشا ولا لا؟؟شوف وجهك كيف متغير مع التعب ..متزوجين بس بالاسم..انت خيرتني ..وانا








هاللحين اخترت ..طول هالفتره حاسه نفسي مو عايشه ..مقدر اعيش من دونك ..وش فايده العيال اذا







ماكنت ابي ابوهم؟؟ انت اهم من كل شي ..)









ماقدر يتحمل ..حضنها.....................الخ الخ




*










*





وهو مغمض عيونه ..يسمعها تصحيه ..حاس فيها من ريحه عطرها





يذكر امس وكيف كانت مسويه حفله تجنن ..كل شي كان غير حتى اشرطه الفيديو






اللي كانت لسفراتهم ..ولحظاتهم الرووعه..ذكرياات بس مايدري اذا كان بيجي يوم






ويتذكر كل ذا على انه ذكريات وراحت ؟؟





وهو يعدل غترته على المرايه ..(حبيبتي بسافر اليوم انشالله)



اغصان بصدمه(وين بتروح؟؟ ماقد قلت لي انا وراك سفر)


لف عليها وهو حاضن وجهها بيديه(سفره جت فجاه ..كلها يومين وارجع مو متاخر علليك)



اغصان بدلع(اكييد ماتقدر تاخر علي...)



قايد(هههههههههه امووت على الثقه..يصير تجهزي اطلع من الدوام اوديك لاهلك )

اغصان وهي تفتح الدولاب طلعت عبايتها (لا خذني هالحين على طريقك لي اسبوعين عن امي )






قايد وهو يحط يده على راسه باستهبال (اوامرك سيدي ..عولم ويتم التنفيذ )




بعد مالبست عبايتها (هههههههه يالله طيب )







قايد وهو يغمز(طيب مالي شي قبل )








اغصان وهي مكشره (هيا عاد حياتي تاخرت على دوامك )




قايد بعناد طفولي (لا مو رايح )




اغصان (ههههههههههههه خلااص عاد يالله )













ــــــــــــــــــــــــــــــــــــــــــــــــــــــــــــ ــــــــــــ










صرخت ..وهي ترفع اصباعها وتحركه بسرعه تبيه يبرد بعد مالصق الصمغ الحار فيه ..








وبتافف ..يالله مو قادره اسوي شي ..ولاشي راضي يضبط معي ..







لي اسبوعين من يوم جبت هالاغراض واشتغلت فيها بس بدون فايده ماطلعت بعمل واحد اوديه للمحل!!










كله منه هو اللي موترني ..مدري لييه مايطلع ويفكني بدال مو ناشب بهالشقه ..








الا وينرفزني حتى وانا متجاهلته ولا معبرته ...وكان افكارها نادتته


















انفتح الباب بقوه ودخل...جلس على الارض وهو متكي ظهره للجدار مقابلها و يشغل سيجارته








(السسلام)











بدون نفس (وعليكم السلام )











كملت شغلها ولا كانه موجود...








ماقدر يشيل عينه منها ..وهذا ماصار جديد عليه ..










يحس انه قدام عارضه ازياء ..كل لبس تلبسه رووعه ..









يدري انها هي اللي تحلي اللبس .. بس يمكن مايبي يعترف









لا ..بس البجامات والقمصان اللي تلبسها موديلاتها غير ماقد شفت مثلها بحياتي










طبعا مايدري انها كانت مصممتها لزبونات مخصصات من الطبقات المخمليه ..ومن الحرير الاصلي









بس اعطت التصاميم للخياطات يسون بدلها ..









وقف ..قرب لها وهويناظر فاللي تسويه ..(وش ذا اللي تسوينه )







تاففت بصوت عالي ..وماردت..


رفع حاجب ..شكلها ماتبيني اجلس معها كيف لودرت اني كل ليله اكحل عيوني بشوفتها وهي نايمه








(لييه تاففين ماعندك شي تقولينه عادي سالت سؤال جاوبي )






وبعصبيه (اييه ماعندي شي ...بالله تطلع انكتمت من ريحه دخانك )







بعد سيجارته من فمه ونفخ بوجهه هواها الحار وبابتسامه(قصدك ذي الريحه؟؟بالعكس ماحس فيها










شي وذا بيتي ليه اطلع منه)







انفلت اعصابها رمت اللي بيدها وركضت برا الغرفه ..والدموع خانقتها ..تعبت وهي تحمل








وكالعاده انهارت تبكي..................










*



*

*




*





وهي توزع العصير على ام زوجها وبناتها اللي جوا لزيارتها فجاه..






(ياهلا حيياكم الله نورتوا )


ام زايد وهي تاشر جمبها(يامشالله تبارك الرحمن ..وش هالزين كله..ياريماس والله ان ولدي عرف يختار)




ريماس بنفسها ايه هين اختار قصدك انغصب علي مسويه ماتدررين عن شي (انشالله ياخالتي ..الا



وشلونكم بشريني عنكم )





ام زايد وهي تشرب العصير (بخير ونعمه ابشرك ..الا هالجلابيه وش زينها من وين شريتيتها)







ريماس وهي مستحيه (مخيطه ياخاله موجاهزه)







ام زايد تكمل استجوابها(علامك مصفره..بشري فيه شي )




ريماس طاح وجهه من هالكلام ..ماتدري وش ترد





جوري وهي متفشله من اسئله امها و تغير السالفه (شكل اخوي مهبل فييك الله يعينك عليه )



ريماس بالحييل مهبل فيني وبدون نفس (بالعكس عادي )


ولاول مره تكلم (فديت عمره حتى هباله يجنن )


ام قايد ببرائه (ههههههههه ايه لازم بتقولين كذا يامها ..حسبت اخوك ذا يوم ابو زايد تزوج امك وانت معها












ماكملتي سنه وهو اكبر منك بكثير مع انه ماهو اخوك بالدم الا انكم اكثر من اخوان سبحانه الله )












ريماس انصدمت..مها هنا ماتوقعت هي تسمع فيها بس مماقد شافتها ..وش جايبها يعني ناقصني




مشاكل معه

جوري (وينه ماشفناه دخلنا وطلع لييه )







سمعوا باب الشقه ينفتح









ريماس( عن اذنكم دقايق اكيد ذا زايد )






وهو شايل اكيااس كثيره لحلويات ومعجنات وبصوت واطي (هااه سويتي القهوه والشاهي)






ريماس وهي تاخذ منه الاكياس بتوديها المطبخ (لا ماسويتها مامداي لو انهم معطينا خبر من بدري بس






هالحين باجهزها9

ماسمع وش قالت ..لانه مستغرب من رعشه مرت بجسمه من لمستها وريحه عطرها اول مره يحس








قريبه منه كذا..




مايدري وش يقول (اييه خلاص بس خلصيها بسرعه)




وهي شايله الصينيه ..غريبه وين راح ..يكون ناام ؟؟



دخلت الغرفه بسرعه نزلت الصينيه على اقرب طاوله من ثقلها...(خاله اول قهوه ولاشـــ ...





قطعت كلامها بعد مارفعت راسها وانتبهت للمنظر اللي قدامها....







جالس معهم.. لا وهي جمبه وتدلع عليه وضحكهم مالي المكان ..








صــــــــــــــــــدمه








ماتحل له ..مو محرم لها ...ذا ولد زوج امها ..كيف تجلس معه بدون عبايه







وبفستان قصير يكشف اكثر مايغطي..






وهو ولاكانه متزوج ولاكأ ن مرته حتى لو بالاسم فالبيت مايحترم..



مها بدلع بتغيض ريماس (ريمو صبي لي قهوه ماتقهويت اليوم ..) وهي تلف على زايد (كنا متعودين



نشربها بذا الوقت يالغالي صح)




زايد يناظر بمها وكانه مو قادر يشبع من شوفتها(اييه اكييد حتى اذكر ان قهوه بعض الناس كنها مويه )



مها وهي رافعه حواجبها بدلع(هههههه حرام علييك يادوب .مو هاذي قهوتي اللي كنت تمدحها ؟؟)




ريمااس وشفايفها ترتعش ..لا مابي ابكي قدامهم مو ذا اللي يستاهل ..وبقوه ماتدري من وين جاتها


(هييه انت حرام علييك ماتخافين الله جالسه معه بذا الشكل ..وانت ياعمه كيف ساكته لهم قدامك





وترضين ..ماهي صغيره وهو واعي ..هالضحك وهالمسخره وانت لسى ماتزوجتوا ..اجل وش خليتوا اذا




تزوجتون ومن هاللي اشوف مالظاهر انكم خليتوا شي و.......)

قطع كلامها..بكف حار ..حست خدها تقطع من قوته..يضربها..



ابوي اللي هو ابوي مامد يده علي ..يجي هالحقير وعشان ميين..





حست راسها يدور..وكل شي قدام عيونها ..يهتز




شافتهم ..واقفين..لايركضوون ..

سمعت صرخه باسمها....وبعد حست نفسها تطييح بظلااام............







بعالم يمكن لو كانت بوعيها كانت تمنت تعيش فيه على طول ..يمكن ترتاح!!



ــــــــــــــــــــــــــــــــــــــــــــــــــــــــــــ ـــــــــــــــــــــــــــــــــ



































اغصان (ههههههههههههه خلااص عاد يالله )

 
 

 

عرض البوم صور غدووورة   رد مع اقتباس
قديم 02-09-08, 07:40 AM   المشاركة رقم: 20
المعلومات
الكاتب:
اللقب:

البيانات
التسجيل: Jul 2008
العضوية: 88095
المشاركات: 16
الجنس أنثى
معدل التقييم: ][روح الدلـع][ عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
][روح الدلـع][ غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

السلام عليكم ورحمة الله وبركاته

الغاليه غدير

القصه مشوقه اسلوب راقي ويتحدث عن قدره رائعه فالكتابه والتعبير

ساكون من المتوادين دوما هنااا

دمتي بود

 
 

 

عرض البوم صور ][روح الدلـع][   رد مع اقتباس
إضافة رد

مواقع النشر (المفضلة)

الكلمات الدلالية (Tags)
منتدى قصص من وحي قلم الاعضاء, تأليف غدووورة, رواية قلوب محطمه باحضان المجهول, غدووورة, قلوب محطمه باحضان المجهول
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:51 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية