كاتب الموضوع :
غدووورة
المنتدى :
القصص المكتمله
بسم الله الرحمن الرحيم
ياليتني قبل أختلط بالناس فتشت القلوب.!
وعرفت وش تخفي ورى جدرانها وأبوابها
*
*
تعبت من البكا خلصت كل دموعها وحرقتها لسى مابردت
رفعت نقابها بيدين ترتعش من كثر البكا.. وبمنديل طلعته من شنطتها
مسحت دموعها..
زفرت بقووه وهي تناظر بالشارع المليان بالسيارات الواقفه
هاللحين وشلون يعني؟
اتصل على حازم؟ واخليه يترك عشاه عشان يرجعني للبيت؟
قاهرتني حركات خواته مدري وش جا هم مني؟
الحمدلله على كل شي
*
*
شكلها حتى وهي بالعبايه جنان..قلبي مو راضي يوقف دق ..
قرب لها ليين صارت المسافه بينهم اقل من شبر..
ياربي انا بحلم ولاعلم حبيبتي قدامي؟
تلقائيا فرك عيونه..على هالفكره..بيتاكد ..
وبدون مايضيع وقت اكثر..همس (غصونه ؟؟)
كانت سرحانه بعالم ثاني..ومعطيته قفاها بس من سمعت هالهمس
انتفضت من الفجعه ..
وقلبها يدق بسرعه..معقووله من كثر مافكر فيه صرت اتوهم كل الاصوات
صوته؟؟
ابتسم غصب وهو يشووف نفضتها..
ياحياتي دووم تنفجع بسرعه..وبدوون مايحس رفع يده بيحطها على كتووفها
بس من لفت له.. رجع يده لمكانها ..
(غصووونه كيف حالك؟؟)
حس ان سؤاله غبي بس مايدري وشلون طلع منه..
مرت عيونها عليه من فووق لتحت ..بشووق غريب
تغيير حيييل .. نحف وذبلت عيووونه
وتنفسها صاير سريع ..صدق ذا هذا قاايد ياويل حالي وش مو مصدقه اني
اشوفه
وبيد ترتعش حاولت تثبت العبايه اللي الهوا يطيرها
وبصووت بالقووه طلع (انا بخيير.. انت بشرني عنك؟)
حس ان الدنيا مو سايعته من الفرحه ..لسى تهتم لاخباري
وقلبه ماوقف دق ( ماشفت الخيير من بعدك..مشتاق لك وربي دنيتي من دونك ماتسووى ..بكل مكان اتخيلك فيه لا ليلي ليل ولا نهاري نهار )
اجل انا وش اقول من يوم فارقتك ماعرفت طعم الراحه ولا السعاده
حاسه هالفتره سنين طويله ومره بعد..
تلقائيا .حضنت جسمها بيدينها والدموع تحرق عيونها
تبي تشكي له تعاتبه تقول عن اللي بقلبها بس عجزت
حست كل الكلام بهاللحظه مايفيد وبدون ماتحس بنفسها
(انت لييش جاي هنا؟)
حيياها يذبح ياناس اااخ لو بيدي كان شلت الغطا عن عييونها زمان عنها
تنح نح وهو يعدل وقفته (اهم شي حبيبتي انك بخيير..ليش جااي عشان العززومه
ناسيه ان حازم خالي؟؟ )
كاانت فرحانه بشووفته نااسيه كل شي..
بس ذكرها بحازم وبوواقع حاولت تناسها..
باعني وهاللحيين جااي بشووق ولهفه؟؟
لحد هاللحين وانا اعاني ابسط شي ماسواه عشاني..
ماقال لاهله ان العقم منه هو مو مني..استكثر علي هالحقيقه ..
لاشعووريا لمت اطراف عبايتها اللي يطيرها الهوا
كل اشواقها وكل لهفتها اللي قبل دقايق تبدلت باحساس زي الثلج
ماجا بالها الا حازم وش ذنبه باللي يصير ؟؟
وبعدين حررام وبصوت بارد تصنع فيه القووه مع ان دموعها
لسى تنزل (لو سمحت ارجع من المكان اللي جيت منه مابي فضايح اللي جاني منك يكفيني )
شهق وهو مصدووم ويغمض عيونه ويفتحها بقووه يبي يستوعب
(غصوونتي علامك وش جاك مني ؟؟ليييش كذا تعامليني )
عطته ظهرها وهي تلفت خايفه لايطلع احد ويشوفهم
فرحه شوفته بالبدايه نستها هالشي ..
وببروده مع انها حاسه باحاسيس غريبه (لاتجيب اسمي على لسانك ماصرت احل لك ..وارجع دربك قبل ماصرخ واجمع خلق الله علييك )
تمنى لو يقدر يمد يدينه ويلفها له ..
حاس ان فيها شي كبير..
جد اني غبي وشلون اجيب سيره حازم
انا وش صار لعقلي عمري ماكنت كذا ..
وهو متمني الارض تنشق وتبلعه على هالموقف وكلامها القاسي اللي جابه لنفسه بتهوره
(مايحتاج انا برووح واوعدك اريحك من وجودي للابد )
شافته قدام عيونها يمشي بثقل وكان هموم الدنيا كلها على راسه
اختفى عن عيونها بدون ماتكلمه تمنت لو تقدر تمنعه ..
ولاترجع الزمن ورى يمكن يتغير شي..
بس ولاشي الواقع اللي هي فيه كان غير كذا ابد
وبيد بارده طلعت جوالها واتصلت على حازم
ــــــــــــــــــــــــــــــــــــــــــــــــــ ـــــــــــــــــــــ
<< عند ريماس والساعات تمر كنها سنين
وهي على السيرميك البارد..
صار جسمها يرتجف من قميصها اللي مليان موويه
والالام ذابحتها..
وهي حاسه انه بيغمى عليها من التعب
حاول تزحف بجسمها عشان توصل للجوال
بس اول مره تحس انها ثقيله لهالدرجه..
بعد وقت قصير حسته سنه وصلت للجوال..
تكت راسها على الكرسي..
وبيد مرتجفه .. والالام ذابحتها مسكت الجوال ..ماتدري تكلم ميين؟
فكرت بكل الناس الا زايد..كارهته ..
اكييد لاهي مع هالعله ..
عضت باسنانها اصابع يدها
اجل ادق على ميين ماني قادره اتحمل اكثر.
وباصابع مرتجفه جات على رقم امها بعد ماغلطت اكثر من مره
بيدينها اللي ترتجف ..
دقت ..
لا اكيد امي بتنادي زايد وانا مابيه يدري ..
شهقت وهي تحس بالم ضغطت على بطنها بيدينها والدموع تنزل على خدها
قطعت الاتصال مافييه الا اغصان اكييد هي اللي بتفهمني
*
*
صـدمه شـعوري بالبشـر ,,
ماهي غريبه ..!
بس الغريبـه ليش أنا ماتعلمت ..؟!
<<بغرفه النووم الرايقه
كانت جالسه على السرير حتى عبايتها مانزلتها والدمووع ماليه وجهها
كانها تمثال ..ولاكلمه طلعت منها
زفر حازم بقووه وهو ينزل غترته وعقاله على السرير ويفتح ازره ثوبه
وبزفره قوويه ..
وهو يمسك يدينها (غصونتي تكفييين علميني وش بلاك؟؟ من اول فالسياره هاديه ولاتكلمين بس اسمع شهقاتك واللحين بعد تصيحين كن ميت لك مييت فهميني وش صار لك عشان الدموع ذي كلها )
وانت بعد تقول غصونتي مثله
صعب وربي صعب
نزلت دموعها بغزاره على هالفكره
كان جالس على ركبه جمب السرير قبالها..
رفع يدينه يمسح دموعها..
ياليتني اعرف وش فييك ماتخيلت اني بتعب معك هالكثر
وعيونه تنقل من وجهها المحمر ليدينها اللي حمرت من كثر ضغطها عليها
ويتنهيده رجع ياخذ يدينها وبحنان (حبيبتي وربي كذا تعبتيني معك انا الغبي شكلك كنت مغصوبه على هالرووحه ليش ماقلتي انك ماتبين كان ماخليتك تروحين وتعكرين مزاجك )
نزلت عيونها ماتبيه يحس باللي فيها
ياحليلك بس هذا اللي جا بالك؟؟
ياويلي لو انك دريت باللي صار كان هالحنان انقلب شي ثاني
خلني اقوله وش صار وافتك على الاقل ياخذ لي حقي
وبشفايف ترتعش من كثر البكا حكته بكل اللي صار
وتجاهلت رفعه حواجبه وكانه مو مصدق ..
مارضى انها تبعد يدينها عن يدينه وبعد وقت طويل وهو ساكت تكلم
وبدون تصديق (امم معقوله خواتي يجي منهم كذا..؟؟حبيبتي يمكن تبالغين ولا اكييد فهمتي غلط )
حست ان تفكيرها انشل مع كلامه
ماراح يصدقها خواته اهم ..
وببروده وهي حاسه انها بتنهار من الضغط اللي صار لها اليوم
(يعني انا باكذب وافتري علييهم ؟؟ لييش يعني ؟؟ الله لايخليني ان كنت اكذب او ابالغ بشي )
قبل ماتكمل سكتها وهو يحط يدينه على شفايفها
وباعتراض (حياتي لاتدعيين على نفسك تبيني امووت لاصار فيك شي ..
مايحتاج ذا كله بس كنت ابيك تشرحين لي بس )
قربها له بيلمها لحضنه بس لاشعوريا بعدت عنه
ووقفت من دون شي هي متضايقه وقافله معها
وطفشانه من نفسها بس بعد كلامه حاسه بقرف منه
يكفي ان شكله لسى مو مصدقها..
ناظرت فيه ببرود ولو بيدها خنقته ..
وبصووت حاولت يكون عادي (بارووح اخذ شوور حدي تعبانه )
راحت للدولاب
زفر بقووه وهو يصقع راسه..بيده
ياربي ذي وش السواه معها؟؟؟
كل ماقرب لها تبعد ..
احاول احببها فيني بس مدري علامها ..
سمعت زفرته وهي تسحب لها قميص اسود زي مزاجها
لفت بس ماكان عشان زفرته لا
كان عشان صوت جوالها اللي يدق بالحاح
راحت للشنطتها اللي فيها الجوال
شافت عيونه عليها بس ماهتمت ..
باين انه تعبان ويبي ينام
ولاشعوريا بقلق وهي تشوف رقم ريماس (الله يستر لايكون صاير شي )
صار قلبها يدق ..وهي تسمع صووت ريماس اللي تشهق من البكا
(غصوونه الحقيني وربي تعبت ماقدر اصبر تعالي وديني المستشفى )
اغصان ويدها على قلبها وبخووف وهي تجاهل حازم اللي من الفجعه صار جمبها (لييش وش اللي صاير زايد وينه عنك )
صرخت ريماس وهي حاسه انها بتفقد وعيها من التعب والدموع ماوقفت
وبشهقه (تعالي هاللحين بس تكفين لاتجيبين لزايد سيره )
اغصان وجسمها يرتجف وتحاول تفهم (طييب حياتي هاللحين اجي لاتسوين شي )
صكت الجوال وهي تحرك بالغرفه ماتدري وين تروح
وبقللق وهي تذكر ان عبايتها على السرير ..
وتحاول تلبسها وهي تردد (الله يستر عليها )
حازم وقلقها وصل له
راح له ومسك يدينها (علامك وش اللي صار ؟؟ ليش تلبسين عبايتك؟)
وهي مضيعه وين راس العبايه بمانها مقفله
وتحاول تلاقيها وبخووف (ريماس تعبانه مدري وش صاير عليها وزوجها مو عندها )
طار النوم عنه وهو يسمع كلامها
توه كان عتبان عليها بس الشهامه فيه نسته كل ذا
كل اللي حط براسه ان حرمه تعبانه ومحتاجه مساعده
شهق (اعووذ بالله ...البسي بسرعه خلنا نروح لها )
*
*
<<فالسياره
كانت اغصان بالمقعد اللي ورى جمب ريماس وتقرا عليها وتهديها
وصوت شهقات ريماس اللي تحاول تكتمها بس غصب تطلع مالي السياره
وحازم كل شووي يناظر بالمرايه من الخووف
وبربكه (اغصان أي مستشفى اوديكم ؟؟)
اغصان مع انها تبكي من الخوف الا انها تحاول ماتبين لريماس
وبصوت حاولت يكون طبيعي (لمستشفى ايش ؟؟اكيد مستشفى الولاده والاطفال ..)
لو بوضع ثاني كان فقع من الضحك على طريقه اغصان
وهي تكلمه وكانه طفل مايفهم..
بس هالوضع مايساعد ابد
*
*
<<بعد ربع ساعه
حازم بتوتر بعد مادق على اغصان عشان تنزله لان بالدور اللي فوق
ممنوع دخول الرجال ..(غصوونه تاخرت علامها لايكون فيها شي؟؟)
اغصان بربكه وهي واقفه قدامه بعبايتها اللي على الراس المقفله
وقفازتها ماكان باين منها أي شي ولا هو قادر يعرف من شكلها وش صار
(جاتها ولاده مبكره..وبس هذي هي جوا )
نزل غترته على كتفه وهو فاتح عيونه بكبرها (ليش ؟؟طيب وين زوجها )
تذكرت وعدها لريماس ان زايد مايدري
مو معجبها كلام ريماس بس عشان تعبها وتبي تريحها وعدتها
وبتوتر (اش اللي ليش ربي كاتبها لها كذا ..وزوجها ماعنده خبر هي ماتبيه يدري )
يارب السما وش عقل الحريم ذا وشلون تكوون بهالحاله
وماتقول لزوجها ؟؟؟؟؟
ولاصار لها شي هي بذمته ومسؤل عنها
حتى لو بينهم خلافات
وبعصبيه (حلووه ذي ماتبيه يدري اذا هي خبله توقعتك انت اعقل بسرعه كم رقمه)
اغصان بترجي (تكفى تراي وعدتها )
نظر فيه نظره اول مره تشوفها ومن قوتها
وهي ساكته طلعت رقمه من جوال ريماس..
تركته وهو يتصل ..
وراحت لريماس مع انها خايفه من رده فعلها لادرت باللي سواه حازم
ـــــــــــــــــــ
تسمع صووته الناعم..
يبيها تصحي وشكله مصمم بعد
اول مره تصدق اللي ينقال ان اغلب اللي اجسامهم مليانه *تخان * اصواتهم ناعمه
وهو جالس على حافه السرير جمبها (لماار قوومي سوي لي فطوور حدي جيعان )
بس ذا اللي يهمك كيف تملا بطنك وبس..!!
كشرت وهي تغمض عيونها بقووه ولاردت عليه..
سمعته معصب ويقوول كلام مفهوم بس سفهته وسوت نفسها نايمه
كانت اعصابها مشدوده ..
ماقدرت تلف وتشوفه وش يسوي عشان ماينتبهه لها
بعد وقت بسيط سمعت صووت الموييه بالحمام *وانتوا بكرامه*
واللي كان قريب من غرفه النووم
تنهدت ودمعتها تنزل ..
ومع صووت الموويه القوي غصب رجعت لها الذكريات ..
بعد ماطلعت نتايج التحاليل كانت ايجابيه
وعناد فيها صارت الملكه قريبه
امها ماكنت راضيه ولا كلمت ابوها اول مره تشوف امها تاخذ
موقف من ابوها صح انه مو شي كبير لكن شي جديد عليها
لحد هاللحين تتذكر ابوها وهو داخل عليها ويعطيها كم الف عشان تشتري لها فستان
وبنفس الووقت جايب لها طقم ذهب هندي باين انه غالي
ابتسم لها وهو يدعي لها..
لو ماكانت مغصوبه على هالعرس كانت فرحت تحس فرحه ابوها بذيك اللحظه
صادقه ...
بس كمل لها ( مشعل ولد اخووي يحبك مرره والكل يدري ..ترى ولد خالتك خطبك بس انا رفضت لاني ادري محد بيسعدك زي ولد اخووي يكفي انه من لحمنا ودمنا اكششخي وانا ابوك شوي بيجون اهله )
لو احد كان معطيها كف حار
ماكان مفعوله قووي بوجهها مثل اللي صار بعد هالكلمات
قلب وجهها الوان يعني لاخر لحظه فيه احد خطبها وابوها رفض
صدق انها ماتعرف عيال خوالها بس عندها ارحم من ذا القروي ..
عناد ماتدري لمين بالضبط
بذاك اليووم اشترت بنطلون وبدي عادي جدا
ماحد جا الا امه وعماتتها
غصب ضحكت وهي تشوف عماتها بعد ماسلموا راحوا للمجلس الثاني
مايبوون جلست ام خطيبها..
شكل الكل عارف طووله لسانها اللي بانت من اول ماجلست
بصوتها العالي وهي تسمعها تقول لامها (والله ان وليدي صغير ولا هو مفكر
بالعرس ومسؤليته مير الشياب اللي عندنا ابلشووه بهالعرس)
واللي زاد الطين بله ..
شهقت وهي تشووف اغصان (يوووووووه لايكون ذي لمار؟؟)
وبعد ابتسامه طالعه من امها غصب (لاذي بكري اغصان متزوجه )
شافتها وكن روحها رجعت لها وهي تقول (اشواا ذي كبيره وعفشه ماتصلح لولدي )
كانت حاقده عليها وبتروح تكفخها بس مسكتها ريماس
مو قادره تنسى نظره الشفقه من عماتها..
لمار الصقر تزوج قروي حتى تعليمه ماخلصه وبالذات
انهم عارفين اخووهم والبيئه اللي هو عايش فيها ولسان مرته
خمس دقايق شافها بعد مابوها عصب عليها وسحب البكله اللي لامه شعرها
فيه ..
عشان يبان طول شعرها ونعومته
كل جهازها كان من جده بس ماحست بطعم شي
قالوا لها ان الشقه اللي بتسكن فيها عماتها اللي هم عماته اختاروا اثاثها
يعني اكييد بتطلع فخمه
وابوها اشترى له ددستن من النوع الجديد
ودخله الجامعه بواسطه
والزواج كان ليله فظيعه بكت فيها ليين ماتنكدت وحاس المكياج
ماطلعت بالحلاوه اللي الكل كان متخيلها كفايه ان وجهها كان اصفر
قبل ماتطلع من القاعه همست لها اغصان (تكفيين لاتفشلينا هاللحين صار زوجك حاولي تكسبينه تراه ماشاف دنيا يعني انت تقدرين تخلينه خاتم بيدك وتعلمينه كل شي لاتضحكين الناس علييك)
دخل كلام اغصان براسها
بس تبخر من اول جمله قالها له بفخر بصوته الناعم وهم بشقتهم (ادري ان كل الرجال حاسديني اسمع همسهم بالعرس ..ينقال انك شي مره كبيره اخلاق ومال وجمال وكل شي )
وهو يرفع بيدينه وجهها (بس الصراحتتن ماحس ان فييك شي زود )
كلامه جرحها...
الا مووت كل حلم او امل عندها
ماتدري بذيك الساعه ليش فكرت ان ابوها اللي مهديها لها
وانه مايبيها ولافكر فيها اصلا
ومن يوم العرس لحد اليووم وهو كل يووم برا مايجي الا باخر الليل
ولا طلعها ولا مشاها ..
شهقت وقطره مووويه تنزل على وجهها
جلست من الفجعه وهي تشووفه قبالها
بابتسامه اقرفتها (صباح العسسل مابغيتي تصحين )
نفسها تسووي كلام اغصان تدلعه ومدري وش تسوي
بس تحسه ورع مو رجال
ومن بين اسنانها (هلا يسعد صباحك ولييش ان شالله اصحى ؟؟ وعشان ميين بس عشان الطفش يذبحني وانت برا البيت ؟؟)
قام عن السرير وهو ياخذ ثوبه ويلبسه
(انا ارووح اكد بالسياره اخذ مشاوير عندكم بهالديره خيير ماتعرفون تستغلونهو قالوا لي ان لمار عاقله ومتفهمه وماراح تمانع )
لاشعوريا صقعت كفوفها ببعض بقهر
وبصراخ (علامك انت ماتفهم؟؟ اييه انا مايهمني حتى لو تشتغل سباك ذا شي يخصك تعف نفسك عن الناس بس انا وين موقعي بذا كله ليش ماتزوجني ؟؟ ماشووفك الا وين وين.. ياخي حس فيني طلعني مشني مابي اسافر شهر عسل زي الخلق والناس بس من حقي اني احس اني عرووسه حتى لو تلف لفني بالسياره راضيه )
عدل نظارته اللي نزلت شووي
وهو مصدووم ماكان متوقع يطلع ذا كله منها
وهو يرش عليه عطر مركز (علامك تصارخين سمعتي كل الحاره قولي انك تبيني امشيك وابشري ماهو كذا نفختي راسي انا بروح اصلي ولارجعت القاك حبيبتي مجهزه الفطور )
ماراح يفهم ذا ماعنده احساس ..
ناظرت بشكله بثوبه القصير
|
22-02-09, 05:30 PM
جديد مواضيع قسم القصص المكتمله
العرض العادي
