لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 21-01-09, 11:08 PM   المشاركة رقم: 121
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

بسم الله الرحمن الرحيم....












<عند مدى واللي تكمل الموقف اللي صارلها

شفت فزاع مفجووع حييل
قام حب راس هالعزام (ياهلا باخووي وش هالمفجاه الحلوه )
عزام كان واصل معه الامبير اتش
معصب مدري هل هو يتهيا لي ولا من جد
كان وجهه حييييل احمر وجسمه يرتجف
(افااا والله ماكان العشم ياولد امي وابووي ...وشلوون تجلس مع وحده موبمحرم لك
والمصيبه انك جايبها لبيت جدتي)
انصدمت من كلامه
وصدمتي الاكبر من رده فعل فزاع اللي فجاه فقع ضحك
وصار يصفق بيدينه وراسه راجع لورى من كثر الضحك..
ومن بين ضحكه (هذي مو غريبه ...هذي بنت خالتي النايفه )
شفت وجهه الوووسيم يتغير
عيوني مارمشت ماكنت ابي افووت علي شكله
شفته يحاول يستوعب وينزل راسه
ويطيح شعره الناعم الاسوود على وجهه
وبصووت بحته ناعسه (خالتي النايفه ؟؟؟؟ تخفف دمك تدري انها ضايعه مره وحده تطلع لها بنت؟؟؟؟؟؟؟؟؟؟؟؟! العب غيرها)


حقدت على نفسي...
يتكلمون عني ولاكاني موجوده
ولاقدرت اتكلم حسيت صووتي ضايع
وكل الافكار الي براسي تدور على هالعزام..!!
كل تفكيري كان وشلوون دفى حضنه..
وصووته دوخني تمنيت اسمع اسمي منه
ناظرت بفزاع اللي كان يحكي متحمس عن قصه حياتي
وعن امي اللي يرحمها..
وعزام كاان مصدوووم ويبذل جهد عشان يستوعب
وكاني جالسه بمسرحيه ...لف لي فزاع
(وهاذي اللي قدامك مدى بنت خالتي )
توقعت بعد كل هالكلام والشرح من فزاع
ان عزام بيعتذر على وقاحته...
لكن وعكس ماتوقعت صدمني
وهو يرجع شعره الاسوود لورى اذونه
(ابد مو شي يفرح ان هالبنت تطلع بنت خالتي...فيه وحده ترضى انها
تجلس بتالي الليل...مع واحد مو محرم لها حتى لو كان ولد خالتها)
كمل وهوياشر علي من فوق لتحت وباستحقار
(وبهذا المنظروكانها..........؟؟!)
حسيت دمي يفوور وانا اسمع كلامه
ماله حق يقولي هالكلام حاولت ارد عليه
بس خانني لساني وانا اللي الكل متعود على طوول لساني
ماقدرت اقول ولاحرف..
وباخر كرامه باقيه لي ..
وانا احس بالدموع الحاره تلسع عيوني...
مع اني سمعت فزاع يناديني لكن سفهته
طلعت من السقيفه وخليتهم وراي ...

ــــــــــــــــــــــــــــــــــــــــــــــــــــــــــــ ـــــــ
<<بالجامعـــــــه وعلى فرشتهم..
هيووف بحمااس وهي ترجع شعرها القصير الناعم لورى اذونها
(تخيلوا يابنات ..وش صار لي امس ؟؟)
اماني اللي متمدده وحاطه راسها على رجل مرزوقه
ومو قادر تفتح من النوووم (يعني وش صار مثلا؟؟ خطبك الوليد بن طلال؟؟
ولا لقيتي ذهب فغرفتك )
مرزوقه واللي كانت تفرج على الرايحه والجاي وتلعب بشعر اماني
فقعت ضحك وهي تصقع كف اماني اللي مدته رغم انها متمدده
(ههههههههههههه مع انها سامجه الا اني فقعت ضحك )
هيوف وهي تحذف اماني بفنجال القهوه الفاضي
وبكشره (مالت علييكم ماتستاهلوون احد يحكيكم عن شي )
اماني وهي تثاووب (لا قوولي وش صار نسمع )
هيوف وهي تربع وبحمااس (تخيلوا شفت هذيك البنت التركيه اللي دووم نحش
فيه ..)
اماني والنووم طار من عينها والحماس رجع لها
(ايووووووووووووووه علامها)

هيووف وكالعاده مع حماسها صارت تحرك يدينها
يمين ويسار (تخيلوا جات عندنا لم البيت .تبي امي تضيق لها فستان
تقول بتروح لعرس ..)
مرزوقه باستغراب (دقيقه ابي افهم امس هي حضرت عرس ؟؟ وليش امك تخيط؟ )
هيوف بشويه احراج (ايييه امي اخذه دوره بالخياطه وعندها ماكينه وبدال ماهي
طفشانه تخيط لحريم الحاره)
اماني وهي راحمه هيوف من الاحراج
ولاتقدر تلوم مرزوقه على دفاشتها لان هالشي غريب عليها
كون انها بالمستوى المادي افضل
وبابتسامه (ياهووووووووووووووووه يعننا امك عندها مواهب ..قصصم رووعه
ياختي اقلها تقدر تخيط لك فساتين تضمنين ان محد يجيب الموديل مثلك)
هيوووف بابتسامه (مو بس الفساتين تخيلي حتى التنانير والبلايز حقت الجامعه اجيب أي مقااس ماهتم امي تضبطه لي )
اماني وهي تحاول تبين لهيووف انه شي رووعه
وهذا اللي حاسته صدق (وربي رووعه مشالله..ياليت عندي احد كذا ..على طوول انا حايسه كل ملابسي يقص الخياط نصها هههههههه)
مرزوقه واللي بالها مو معها..
تفكروبصووت عالي (معقووووووله تكون راحت للعرس امس؟؟ غريبه تعرف مين )
اماني وهي تذكر وبقهر (مشالله ياست مرزوقه هاذي اللي وعدتني توريني امها
عشان اسلم عليها )
مرزووقه وجهها محمر من الفشله
هذي وش اقوولها؟؟
يووووووه لو تدري امي وش قالت عنها
وهي تلعب بسلسالها اللي على شكل قلب وبوسطه حرف
فزاع بالانقليزي (اممممم مامدانا لان ابووي جا وطلعنا له بسرعه )
ابتسمت اماني وسكتت ..
متاكده ان مو هذا اللي صار.
لانها شافت ام مرزوقه وهي تكلم معصبه وباين انها
تهاووش مرزوقه وتناظر باماني يعني واضحه..
هيووف بعقده حواجب وهي تصب لنفسها من القهووه
وتاخذ سنكرس من بين الاغراض اللي شارينها
(عن ايش تكلمون؟؟ اماني انت رحتي لمرزوقه فبيتها؟؟)
مرزوقه وهي تلعب بالجوال
(لا بس تقابلنا بعرس ..خالي وكانت الاماني الطقاقه )
بتلقائيه رفعت اماني عيونها لمرزوقه
ليش حاسه بصووتها تريـــقه مدري احتقار
تهيالي اكيييد
وعيونها على هيووف (كملي وش صار بعدين)
هيووف بحماس (وبس اخلاقها مرررررررره روعه ..عسل حيل
ولا بعد ابشرك اخذت رقمها واخذت رقمي اكييد بتمر علينا شووي لانها
تقوول شلتنا تعجــ....)
قطعت كلامها على صرخه مرزوقه
(وووووووووووووووووووووووووووووووووووواع مابقى الاذي..
اقوول لايكثر انا حدي كارهته وانت بتجيبنها هنا)
هيوف بعصبيه وبدون ماتنتبه لكلامها (ياسلام لو تبي تجي الله يحييها مو كاسحتها ابد.. واذا انت مو عاجبك اذا شفتيها ..روحي لاي مكان ..ولاقوول مايحتاج المووضوع رووحه منك
كذا كذا انت ماتجلسين معنا...على طوول على الجوال .. يعني بس اخذتنا شكل وبس)
الكل انصدم من كلامها..
مرزوقه وعيووونها مفتوحه على كبرها..
وجهها من الصدمه صاير اصفر ..
وبشده حواجب (هذا انا؟؟ مشكوره ماقصرتي اذا قبل ماتجي لمنا قلتي كذا
اجل لاصارت معنا على طووول وش بتسوووين؟؟؟؟؟؟)
ماردت هيووف ..و قعدت تفرقع بلسانها
ماتوقعت يطلع منها هالكلام بس يمكن لانها كانت على طول تفكر فيه
اماني ماقدرت تعاتب هيوف لان كلامها مو كله غلط وهي تغير الجوو
(تصدقووون يابنات مشتاقه لايناس حييل..ماصار تعب)
هيووف بابتسامه (أي والله جلستنا من دونها ممله )

*



*
<<بعد وقت طوويــل وهم على نفس جلستهم
جت لهم ايناس وبيدها اليسار اكياس حمرا
وباقات ورررد ..
صرخوا بصووت واحد يوم شافوها
اماني وهي تسلم عليها وتاخذ باقه ورد من اللي معها
(ياهلا ياهلا وغلا بالحامل والمحمول ..معقوله كل الهدايا هذي والباقات لي انا )
دفتها هيووف والي حضنت ايناس بلهفه (ماعليينا من المحمول اهم شي ايناسوه
جات وشفناها..وربي وحشتيني )
مرزوقه بابتسامه بعد ماسلمت على ايناس
(الحمدلله على السلامه اش الحركات الحلووه هاذي)
ايناس وهي تنزل اللي بيدها على الفرشه
وبابتسامه (مايوحشكم غالي ..اليووم اللي خلصت اجازتي المرضيه
وحسيت نفسي احسن وجييت )
هيووف (انوسه والله اعذريني اني ماجيت لك بس اهلي مايرضوون )
ايناس وهي عارفه زين ضرووف هيوف (لايكثر وش اعذريني وماعذريني
انا ادري ان اهلك مايرضوون..وهذاني جيت ومافيني الا العافيه )
مرزوقه بعقده حواجب (من وين لك هاذي الحركات الحلووه؟؟)
ايناس بابتسامه وهي تسبل برموشها (هاذولي من معجباتي ..كانوا خايفين علي)
هيووف بضيقه(ايناس لاتاخذين من البنات ورد )
اماني مستغربه (ليش ماتاخذ لاتقولين غيرانه)
هيووف ماتدري وشلوون توصل لها انها خايفه
يكونون حاطين لها من المخدرات فيه
هي ابخص بهالحركات (لا بس ماتضمنين وش يكونون حاطين لك فيه )
ايناس (هيييييييه انت وياه علامكم مابقى الا تمسكوون بشعر بعض.. عموما
ان كل الورد اللي يجيني ارميه ..وش اسووي به لو افتح محل فيه كان كسبت)
مرزوقه بحمااس (يابنات بمناسبه سلامه ايناس نبي نسووي حفله ونجتمع)
هيووف باعتراض (لا لا نسوي الحفله بالجامعه ماقدر اجي لبيوتكم )
اماني بحماس(بالعكس فكره حلوووه ..وشرط تكون الحفله عندي )
ايناس بكشره (وش ذا اليووم بافك الجبيره خلوها وقت ثاني)
مرزوقه باصرار(احلى شي...تفكينها وانت راجعه من المستشفى تجين لنا)
اماني (هيووووف حاولي تدبرينها قوولي أي شي ..الموهيم نتجمع..
وربي نفلها ..والله قهر نتجمع وانت لا ..)
هيووف بكشره (والله مدري باحاول )
ايناس وهي تذكر شي كانت تفكر فيه (اماني تعالي ابيك بكلمه راس )
مرزوقه بعصبيه (ياسلام الاسرار بس لاماني ؟؟؟)
اماني وهي تسحب يدي ايناس اللي ماهي مجبره
وتمد لسانها للرزوقه وهيوووف (هي تبيني وش حشركم عن اللقافه)
بعدوا عن البنات ..
وبعد ماقالت ايناس لاماني اللي تبيه
شهقت اماني (معقووله اخوك طلق هالزكييه طيب ليش؟؟ انت حكيتيه )
ايناس وهي تهز كتوفها (تصدقين عاد طلقها قبل مايدري باللي سوته)
اماني وهي ترفع رجلها اليمين وتثبتها على الجدار
(غريبه...الموهيم انت فاجأتيني مره)
ايناس بترجي (امووونه انت عارفه خالد وشفتيه ... حنون ..ومافيه مثله )
اماني وهي لاويه بوزها وبتفكير( صح انه اخلاق وحنون بس مـــدري والله)

 
 

 

عرض البوم صور غدووورة   رد مع اقتباس
قديم 21-01-09, 11:10 PM   المشاركة رقم: 122
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

ايناس وهي تقنعها(مو عيب انه ضرير...انت اقنعيهم واذا وافقتي اكيد الكل بيوافق )
تنهد اماني وهي تعدل و تنزل رجلها بالارض
(ان شالله باحاول هاللحين خليني نرجع للبنات)





ــــــــــــــــــــــــــــــــــــــــــــــــــــــــــــ ـ
فتحت عيونها بصعوووبه
حاسه بتعب فظيع وعيونها الناعسه تدور بالغرفه
كل شي ابيض...
ناسيه وش صار لها...
ولا وش وجابها لهالمكان...؟؟
مدت يدينها تبعد الغطا الابيض
عشان تقووم بس الالم اللي منعها
وبصووت باكي رجع لها الذكرى (ليش ياحبيبتي تسوووين بنفسك كذا والله حرام..
خوفتينا علييك )
رجعت لواقعها
وتذكرت كل شي
وعيونها تمتلي دموع (انا مابي اتزوج افهموها...ياليتني مت وارتحت...)
امها وباين على وجهها الهم (يابنتي وربي حرام..وتدعين على نفسك بعد؟؟ مايصير)
غمضت عينها ..
وهي حاسه بمراره بفمها كنها علقم
(لييش ماخليتوني امووت..من اللي علمكم وجابني هنا )
امها وهي واقفه عند سريرها
وهي تمسح على راس لمار وتبعد خصل شعرها عن عيونها
(الخدامه راحت بتناديك عشان تفطرين..ولقت باب غرفتك مقفول ..وانت مو من عادتك تقفلين الباب...وعلمنا ابوك وكسر الباب وشفناك بهالحاله )

لفت راسها لليمين..
عشان امها تبعد يدينها عنها..
ماكنت متحمله أي شي حتى اللمسه
واصله حدها..
وبخووف (ابوووي هاللحين وينه؟؟)
امها وهي تجلس على الكرسي
(شووي ويجي..قال عنده شغله ضروريه يخلصها ويجي )
ماتدري وش رده فعل ابوووها
تدري ان اللي بيسويه مو هين بس ماعليها
هي ماتبي ولا احد يقدر يجبرها على شي..
وعلى هالفكره ابتسمت..
ولاهتمت بدمووع امها وكلامها...
ــــــــــــــــــــــــــــــــــــــــــــــــــــــــــــ ــ

غلطاتك أكبــر .. من ســطورك لو اقــراك
وصبــرت ليــن الصبــــــر .. فجـــر ســــكاتي
كـم جـــرح أثــر بـي .. تألـــم ونــــاداك
ويقــــول لك باللــــه .. هـــــــذي جزاتـــــــي
**

بسرعه ..
فتح باب السياره ..
مانتظر يجيبوا له كرسي او سرير..
من خوفه عليه غطاها بعبايه وصار يركض فيها بممرات
اقرب مستشفى ..
حقد على زايد ..
تمنى بهاللحظه لو هو قدامه كان ماكفاه يقطعه باسنانه..
اول مره وحده من خواته تطيح من التعب قدامه..
مايدري اش اللي فيها..
ومن الخووف جابها للمستشفى على طوول..
مدري وشلون متحمله ذا كله وساكته..
شلوون ماشتكت لابوي وولا لاحد..
وهو ينزلها على السرير الابيض اللي اشرت عليه الدكتوره
وبنص ابتسامه...
دام زوجها ابووي غصب..
اكيد انه مراح يهتم وش بيصير لها
*


*

<<بعــد صلاه العصر

فرك عيونه بيدينه بقوووه ...
يبي يطرد التعب اللي حاس فيه
من امس مانام..
ومن صدمه لصدمه...
وعيونه على ريماس اللي نايمه والمحلول بيدها
وماهي حاسه بشي ..
سوا لها تحاليل كثيره بس ماطلعت نتيجتها
وقف ..
وراح للشباك الكبير
يناظر بساحه المشفى
الكل لاهي ومشغول بنفسه
اللي تعبان ويراكضون بالسرير فيه
واللي جااي مرافق مع مريض وازعج الخلق مافيه احد ماراح يسولف معه..
عالم رغم صغره الا انا اللي فيه عجايب...
تنهد..
وهو مثبت يدينه على اطراف الشباك العاكس..
وشلون اتزوج ؟؟؟
انا الغبي الللي طلعت الصوور
توني ماخلصت دراستي عندي طمووح
انا كل شي حارم نفسي منه ولاعشت عيشه مراهقين
بس عشان اببني حياتي زيين ..
وهاللحين ببلش بحرمه ووراعين...

سمع صووت وباب الغرفه ينفتح
والممرضه السعووديه (السلام عليكم )
ضاري وهو لسى واقف وبدون اهتمام (وعليكم السلام )
الممرضه وهي حاسده ريماس
على بالها ان ضاري زوجها..
باين عليه الخووف والقلق عليها ..
من اول ماجابها وهو شايله بين يدينه
لحد الحين العصر وهو مانام وعلى طوول سرحان
(مبرووك..المدام حامل )
وقفت يدينه على عيوونه اللي كان يفركه عشان يصح صح
وكانه يناظر بخبله (شلوووووون؟؟؟!)
الممرضه بربكه من اسلوبه (المدام ريماس الصقر..حامل بشهرها الثاني )
وهو يحاول يستوعب (رموسه حامل ؟؟؟؟؟؟؟)
الممرضه وعيونها على ريماس النايمه (ايوا حامل ...بس اللي صارلها من نفسيتها التعبانه..ومن قله التغذيه فياليت تهتم بهالنقطه )
يعني انا بصير خال؟؟؟؟؟؟؟؟؟؟؟
مو مصدق ..
راح لسرير وبفرحه (رموووووووووسه قووومي باحكيك شي)
الممرضه بابتسامه (لاتصحيها خلها ترتاح )

 
 

 

عرض البوم صور غدووورة   رد مع اقتباس
قديم 21-01-09, 11:11 PM   المشاركة رقم: 123
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

بدون مايناظر الممرضه (لا بصحيها ودام ماعطيتوها مخدر يعني
عادي تنام ببيتها )
صحت على الاصووات العالي..
ومفعوول المحلول بان عليها شووي خف صفار وجهها
حست بنفسها احسن
وعيونها على ضاري اللي الابتسامه شاقه حلقه وهو
فوق راسها(علامكم؟؟ فيه شي)
الممرضه انسحبت وهي على باله صدق ان ضاري
زوج ريماس بمان مافيه شبهه بينهم..
وبابتسامه (لا مافيه شي ..بس الحمدلله على سلامتك يعنني مسويه حركات
طيحتي قلبي )
لفت راسها يسار بعيد عن ضاري
وحركه زايد رجعت لبالها ..
حست بمراره بفمها..
حتى ماتذكرني ابد
وببرود عكس النار اللي بقلبها بس ماتبي تعب اخوها
اكثر ماتعبته (الله يسلمك...وش حركاته والله اني ماحسيت بنفسي )
وبحمااس (مبررررررررررررررررررروك )
بعقده حواجب (الله يبارك فيك بس على وووويش؟؟؟)
والابتسامه شاقه حلقه وهو يقلد الممرضه(مبروك المدام حامل )

ــــــــــــــــــــــــــــــــــــــــــــــــ
صبت الشاهي...
وهي تحط الفنجال بين اصابعه وتثبته ببيدينه
عشان ماينتثر منه ..
وبابتسامه باينه من صووتها
(حييي الله خلوودي )
ياحليلك يايناس صررتي انسانه ثانيه
حبووبه وعلى طوول فرحانه..
الله يسامحني ..
ماعرفت وش تعاني منه طوول هالسنين من هالزكييه
وبابتسامه وهو يحاول يضيع افكاره
(خلووودي مره وحده...اكيييد وراك شي يالله قووولي )

ايناس والضحكه شاقه حلقها
رغم انه ضرير الا انه مشالله مايفووته شي
واحساسه صادق..
وهي تذكر (صرااحه مو مصدقه اللي سوويته فزكيه الله لايرجعها)
مرر يدينه على اطرف ثووب نوومه..
وبكشره (خلاص لاتجيبين سيرتها...طلقتها وطردت اخووها)
وهي تربع وتشرب شووي من الشاي
وبحماس (انا مستغربه شلووون ومتى طلقتها؟؟)
خالد والابتسامه منووره وجهه (انت منت خابره يوم قلت لك عندي خبر
بس خوياتك جن ومامداي اقووله )
ايناس وهي ترجع خصل قصيره طاحت على جبينها بيدها اليسار
وباين انهاتحاول تستوعب (اييه اذكر بس ماتوقعت انه هذا الخبر..لاني بعدين
قلت ان زكييه سووت ذا كله فيني وانصدمت انك كنت مطلقها قبل ماتعرف انت عن هالشي )
بابتسامه وكانه يناظر قدام..
انحنى وهو يحرك يده اليمين بطريقه عشوائيه
يحاول يوصل للارض عشان ينزل فنجال الشاهي
(انا يووم جيت قالوا لي الجيران انهم سمعوا صراخ وحده تالم
من بيتي وفجاه هدا.. وطلعوا بسرعه رجال من بيتي وانه من الخووف دقوا على الاسعاف...توقعوا شي كبير هنا متحملت طلقتها بعد ماكفختها)
وبابتسامه اقرب لبسمه طفل خجوول
(ادري ان مو كل الضرب وصل لها..بس اهم شي اني بردت حرتي.. ولو انك رضيت كان سجنتها )
بابتسامه حبت راس اخووه
(الله يخليك لي ياخوووي سويت اللي امي وابووي ماسووه لي..وبعدين
دامك طلقتها خلاص ليش الفضايح )
ابتسم وهو حاضن يدينه وحاطه بحجره
(على قووولتك الله يستر على الجميع..لاتنسين ترى شوووي بنروح نفك جبيرتك )
تنح نحت ..
وهي كل شووي تعدل جلستها ..
ياربي وشلووون اقوله ..
حرام مقدر اخليه يجلس لحاله بالبيت بس بعد انا
طفشت من جلسه البيت ..
خالد اللي حس ان فيها شي
ويبي يحرجها (اركدي ...بدال منت كل شووي تحركين...قوولي وش
عندك وموترك )
انحرجت..
دايم تنسى ان احساسه قوووي
وحاسه سمعه مشالله قوويه حاله حال أي ضرير
الله اخذ منهم النظر ورزقهم باللي عوضهم غير
وبابتسامه (الصراحه كنت ابقوولك اني ابي لارجعت من المستشفى ..توصلني
لصاحباتي ..بس مدري وشلووون باخليك لحالك بالبيت )
كشر (مو عذر جلستي بالبيت ادي انا رجال وادبر عمري..اصلا يمكن
اطلع ..بس خبرك انا ماحب تروحييين للبيوت مانعرفها )
ايناس والدموع بعينها
وبترجي (خالد تكفى وربي زهقت من جلسه البيت..وبعدين هاذي
خوييتي اماني تعرفها قد رحت لها ..)
قطعت قلبه..
مايهوون عليه تزعل وتضايق..
لف لمصدر صوتها..
وهو يحرك يدينه بعشوائيه على وجهها يحاول يوصل لشعرها
وبحنان (خلاص لايضيق صدرك.. روحي بس انا هالفتره ماخذ سواق خويي
بدال فاروق الله لايعيده..والله يعينك توصفين له )
والدنيا مو سايعتها من الفرحه..
وهي تحب راسه..
(عادي اوصف له ..؟؟؟)
ابتسم (اكييد عادي ..علامك تنسين انا باكوون معكم...عمري ماخليتك تروحين
مع سواق لحالكم ..!)


ـــــــــــــــــــــــــــــــــــــــــــــــــــــ
<<بالحاره البسيطه وبالبيت الشعبي
وقفت عند باب غرفتها..
ويدها عليه..
وبدال ماتفتحه تراجعت..

تنهدت..
ياربي وش ذا...
طفشت من جلستي بالغرفه وهالعزام غاثني وجالس عند جدتي
وماسمع الا ضحكهم هو وفزاع وجدتي..
ابي اطلع زهقت..
وبكشره.. وبعد ابي اشووفه واسمع صووته
ابي اتاكد اني ماحلم امس..
عدلت جلال الصلاه اللي لابسته
وبسرعه قبل ماتغير رايها فتحت الباب وطلعت..
وقفت عند باب السقيفه وتنحت
كانت مرتبه ونظيفه..
صح انها العاده تكوون نظيفه بس مو بهالطريقه
يعني كل شي ماله داعي مرمي وصايره السقيفه واسسعه حيل
ومافيه صووت الاصووته اللي يدووخ ..يتكلم وهو يهمز رجول جدته
وغصب عنها ارتعش جسمها
كانت جدتها وفزاع يسمعوون له متحمسين .
ماتدري كم صار لها واقفه وهي متنحه فيه
مانتبهت لنفسها الا بصووت فزاع (هلا مدى حياك ليش واقفه )

حست بالفشله ...
دخلت (السلام عليكم...)
ردو عليها باصوات مختلفه (وعليكم السلام ...)

انتبهت لعزام اللي ماناظر فيها ابد ..

فزاع بحمااس (فاتك يامدى سوالف عزام وربي اكشـــــــــن ..! لو انك جايه من بدري )

حقدت عليهم ليش حابينه هالكثر..
وناسي فزاع بالذات كلام عزام اللي يقهر امس معها

ومن دوون نفس (اهم شي انكم انبسطوا وانتوا تسمعوونه)

عزام وهو يكمل تهميز لرجول جدته
(وبس جده هذا اللي صار...عاد انا اخذت اجازه قلت ازوك مشاقه لك مدريت ان عندك احد)
وش يقصد..؟؟
وكانها ماهتمت اخذت دله القهوه وصبت لنفسها
جدتها وهي متحمسه وباينه الفرحه بعيونها
(والله ياوليدي انها ابرك الساعات وازينها...ومابه احد غريب )
عزام وهو يهز راسه (وشلوون مابه احد غريب..لو انها بنت خالتي بعد مو محرم لي )
فزاع بفرحه (اصلا عزام بينام عندي بالاستراحه)
جدته تقاطعه (تخسي مايروح لمك...والله الغالي ماينام الا عندي )
عزام بضحكه بردت عظام مدى (علامكم..بنام شووي هنا وشووي هناك )
كمل وهو يناظر بفزاع (تراي باغير رقمي...دلني على محل الاتصالات)
فزاع واللي كان يناظر بمدى وهي مو منتبهه له
ومن سمع كلام عزام ناظر فيه مستغرب (ليش بتغير رقمك اكل عارفك فيه )
وبصووته الناعس وهو يحرك يدينه البيضا (والله ماودي اغيره لكن الشكوى لله

مبلشيني عليه..وعارفين اسمي..انا اقدر اطلع اساميهم وارقامهم.. وكل شي عنهم
عندنا بالاداره جهاز لاحطيته اعرف اجيب كل المكالمات الصادره والوارده وكل كلمه انقالت لكن كل مره طالع لي رقم جديد)
معقووول اللي يزعجووني نفسهم اللي يزعجوون عزام؟؟
اكييد ولا شلوون يصيرله اللي صارلي وبنفس الووقت
مدري ليش احس السالفه فيها انا..
وهو يحاول يخفي شكوكه..

 
 

 

عرض البوم صور غدووورة   رد مع اقتباس
قديم 21-01-09, 11:13 PM   المشاركة رقم: 124
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

(ابشر اختار الووقت وانا اوديك )
مدى وهي تتحاول تذكرهم بوجودها
(يمه ..من مسووي هالسوويق *سمن مع دخان ينوكل مع التمر* اليووم مسوين حركات مشالله )
جدتها بفخر(القهوه وكل شي حتى الترتيب عزام مسويهن ياجعل عيني ماتبكيه )
فزاع بابتسامه وهو يسحب قلمي فضي كشخه من جيب عزام
(اييه اخووي فديته يعرف بكل شي )
وهو يضحك ضرب يدين فزاع بشويش ورجع القلم لمكانه
(ههههههههه اييه امدح على بالك اني بارضى انك تشلح القلم ..انسى)
ان وش خلاني اسال هالسؤال
جبتها لنفسي انهم يمدحون عزام
حتى فزاع باين انه يعشقه
اصلا مغرور وقح مافيه شي زين غير شكله وصووته..
فزاع (ههههههههههه مايفوتك شي...)
كمل بحماس وهو يتذكر(فاااااااااااااتك نص عمرك امس انا وجدتي ومدى رحنا لعرس فخم...)
عزام بابتسامه وهو رافع حاجب (لا لا مو معقوله عرس ميين ؟؟)
فزاع بحماس (عرس بنت ال)
صرخ قبل مايكمل (اااااااااااااااخ جدتي وش هالقرصه عورتيني )
جدته بتوتر (مشالله صاير حرمه غير تنقل العلووم ..قم انت وياه صلوا ماتسمعون الاذان)
بضحكه وهو يقووم يحب راسها ويدينها (ههههههههه ابشري يالغاليه ماطلبتتي ..مع اني كنت احتريه الاقامه بس هاللحين برووح )
فزاع وهو يفرك جنبه بقوووه
وهو حاس بالعوار من قرصه جدته (ياويلي ياجده وش هالقرصه مشالله عليك )
وطلعوا من السقيفه ..
مدى وعيونها على عزام اللي طلع ولا بالغلط ناظر فيها
ولا كانها موجوده ...
غريبه ليش جدتي ماتبي عزام يدري عن روحتنا للعرس؟؟
يمكن عشانه عصبي؟
بس مو شكله شكل واحد عصبي

*
*

<<بالحووش وعند الباب
بجديه (اسمع يافزاع انت جاي هنا عشان تدرس..وانت حظرتك طوول الووقت
متلقح عند جدتك والدراسه بجهه وانت بجهه )
فزاع يبرر (لا مو كذا انت فاهم غلط..)
قاطعه وهو مو مستعد يسمع تبرير (لا فاهم غلط ولا صح..انا مو مستعد تخسر مستقبلك باهمالك وشلوون ناسي ان هالسنه اخر سنه لك؟؟ وبعدين الناس بتاكل وجهه جدتي وانت غير داخل وطالع لبيتها يدرون زين ان فيه بنت )
وعيوونه مفتووحه وش كبرها من الصدمه
رفع يدينه يحركها وبانفعال (ليش تفكيرك كذا؟؟ انا اجي لجدتي وبعدين الكل يعرف
انها ماتغطي وجهها حتى بالشارع يعني ليش مصعبه )
عزام بعصبيه وصوته عالي (والخيبه فيها..هذا بدال ماتحترم نفسها وتحترم البيت اللي لمها...تخلي سمعه جدتي الضعيفه على كل لسان ..واللي طول عمرها ماحد جاب بسيرتها ؟؟اذا هي مو متربيه انت متربي زين وتفهم بالاصوول)

*


*

كل كلمه كانت تسمعها قلبها ينطعن فيها..
أي حق يخليه يتكلم علي بهالطريقه؟؟
وش متخيل عني؟؟
وانا طوول عمري ماغطي وجههي يعني مو شي جديد
وش عرفني بعادتهم واصوولهم ابووي تركي وامي ماهتمت تعلمني
يمكن هي نفسها ماتدري لان ابوي رباها وهي صغيره وبعدين تزوجها
والدموع تنزل على وجهها
وهي حاضنه جلال صلاتها
كانت طالعه لغرفتها بس صووت عزام العالي وصلها
يحذر اخوه منها وكانها انسانه فاسده وواطيه ..!!


ــــــــــــــــــــــــــــــــــــــــــــــــــــــــــــ
بعد ماخذ شوور
وقف عند المرايه يمشط شعره
والابتسامه شاقه حلقه مو مصدق ان اغصان صارت له
ياكثر ماشافها مع قايد ودااخ على عيونها...
حتى نعومتها بمشيتها وكلامها كانت تعور له قلبه...
كان شرطه الوحيد لخواته انه مايبي الا وحده قمر عشان تكون عروسته
مايبي يحس ان المضيفات اللي يشتغلون معه بالطياره
احلى من اللي بتزوجها..
وهاللحين غصووونه القمر لي لحالي
ماقدر يتحمل هالفكره
ومن الفرحه رفع رجل ورجل على الارض
وصار يدوور على نفسها هو يغني ويضحك...
*


*

صحت من النوووم وهي حاسه راسها ثقيل
مصدووومه انها تهورت ورضت بغير قايد
تبي تنتقم منه بس يوم صارت لحالها مع حازم بنفس البيت
حست بتهورها وتاكدت انها انتقمت من نفسها
فركت عينها بقوووه وهي تحاول تنسى تفكيرها
شافته قدامه بهالمنظر
كانه بيبي ماتدري وش اللي صاير فيه
ولاشعوريا فقعت ضحك ..
(هههههههههههههههههههههه)
لف بسرعه وهو يسمع ضحكتها
حس بفشله من نفسه..
تنح نح وهو يقرب عند السرير (مسا الووووورد ياحلى عروسه)
تنهدت بضيق وين احلى عرووسه وانا احس اني ذبحت نفسي
بنفسي ...
وبدون اهتمام (ليش مسالورد؟؟؟ قول صباح الورد)
ضحك وهو يجلس على طرف السرير (صح النووم وش ترانا هاللحين المغرب )
شهقت وهي تجلس (نمت ذا الووقت كله؟؟؟؟؟؟؟ ليش ماصحيتي راحت على الصلاوات )
ابتسم..
وعيونه تدور عليها بحب (والله حبيبتي جيت اصحكيك بس شكلك نايمه مو حاسه بشي..)
كمل وهو يحضن يدينها (ماصار شي هاللحين قوومي صلي )
لفت وجهها عنه للجهه الثانيه بضيق
ماتبي تشوف هالحب بعينه
سحبت يدينها من يدينه بنعوومه
وهي توقف (ان شالله هاللحين باصلي..بس ماتبي اسويلك شي تشربه
ولاتاكله )
طاحت عينه عرووسه وتبي تدخل المطبخ وباعتراض
(لا والله؟؟؟ حبيبتي انسي فكره انك تدخلين المطبخ ليين شهر قدام انت بس خلصي صلاه
ونتفاهم )

*

*
بعد ماخلصت صلاه ..
مالقته بالغرفه فرحت تبي تجلس مع نفسها وتحاول تستوعب اللي سووته
وعيونها على غرفه النوم الانيقه..
ذووقه حلوو
ولحد ذحيين احسه حليل عيونه تقول انه يحبني..!
مستحيل يكوون يحبني توه عارفني
نفسي اعرف وشلون خطبني وهو خال قايد
والكل يقوول اني ماخلف
والافكار متعبتها راحت لدولابها
بعد ماتحممت ..
لبست بدي ستان احمر ضيق عند الصدر يتوسع بعده
مع شوورت بيج ..
ماكان لها نفس تستشور شعرها
جعدته..مع مكياج ناعم ..ورشت على نفسها عطرريحته بارده
وهي لسى على كرسي التسريحه
دخل وهو لابس بنطلون جينز اسوود من جهه اليمين
مطرز من تحت لفووق باللون الاحمر
مع بلوزه رجاليه حمرا..
وهو يجر عربيه مليانه بانواع الاكل والعصيرات
ومشغل شموووع ..
ابتسمت له غصب
ترك العربيه من يده وراح لها
وهو يحط يدينه على كتفها وبابتسامه وعيونه عليها من المرايه
(حلوووه والله مايحتاج ياعمري تسوين بنفسك شي عاجبتني بكل حالاتك)
بتوتر قامت (الله يسلمك ..)
لمعت عيونه بالاعجاب وهو يناظر بشكلها
كانت قمر..
الحمدلله انك صرتي لي..
مابي احسد نفسي بس ان شالله اني مافرط فيك مهماصار
وبابتسامه وهو يشدها من يدينها (يالله حبيبتي اكيد انك جعت خلنا ناكل )
ضايقتها نظراته والاعجاب اللي باين فيها
ماتبي احد يناظر فيها بهالطريقه الا قايد..
ماعترضت ولاعلقت..
وهو يجلس جمبه ..
كمل (علامك غصووونه تكلمي...لاتكونين مستحيه مني؟؟)
حست بخنقه فظيعه..
هالجووو صار لها مع حبيبها باول ليله بعرسهم
وبضيق بان عليها (لا مو مستحيه بس ماعندي شي اقووله )
كان ماد يدينه بالملعقه لصحنه..
بس نزل الملعقه من سمع صووتها
لف لها وهو ماسك يدينها (حبيبتي ليش متضايقه فيك شي؟؟)
ركزت عيونها على تطريز بنطلوونه
ماتبي ترفع عيوونها ..
ماتبيه يحس باللي فيها ابد
مهما كان هو ماله ذنب بتهورها
(مو متضايقه بس بصراحه لسى ماخذت عليك )
تنهد براحه وهو يرجع لاكله
(ان شالله حبيبتي بتحفظيني مو بس تعودين علي )
اخذ شووويه من السلطه بملعقته
وقربها لفمها(يالله غصوونتي افتحي فمك)
غصونتي؟؟؟؟؟؟
ليش تدلعني بنفس دلعه
انا ابي انساه ليش ماتساعدوني
باعني ورغم كذا مو قادره اكرهه
وبدون شعوور نزلت دموعها

 
 

 

عرض البوم صور غدووورة   رد مع اقتباس
قديم 21-01-09, 11:20 PM   المشاركة رقم: 125
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

وطاحت على يدين حازم المصدووم من بكاها المفاجئ



ــــــــــــــــــــــــــــــــــــــــــــــــــــــــــــ ــــــ
آلجسد موجود .. وآلروح .. رحلت

كانت متمدده على السرير الابيض..
وشعرها الاسود الطويل متناثر حولينها ومتمدد معه
من اول مافتحت عينها لحد ذحين وامها بس تسولف على راسها وتصيح
لسى ماشافت لابوها ولا ضاري..
وبرود من عينها العسليه الناعسه ناظرت فالدكتور اللي قدامها
شافته بس ماتدري وين...؟؟
كان يكتب بالملف حقها..
وعيونه بين فتره وفتره تناظرها..

عرف انها بنت الصقر اللي ذاك اليووم نايمه مع اختها
يمكن من صووتها ؟؟
بس هاللحين قدامه ولافكرت تحط على راسها مسفع
كانت حلوووه بشكل خلاه يتنح
بس كانت لسى مقهور من غرورها المره اللي فاتت ..
استغرب وش يجبر وحده حلووه كذا
وبهالعمر الصغير غير العز اللي عندها تحاول تنتحر؟؟
وهو ينزل ملفها على الطاوله ويحط يدينها جوا جيوب البالطو الابيض
(لو سمحتي ياخاله..لازم نشوف ابوها..عشان نسوي محظر لمحاوله انتحر
اقلها عشان تعالج نفسيا)
طاحت عينها من اللي سمعته
وبعصبيه(هييييييييييه انت عطيناك وجهه بزياده...خل فلسفتك الزياده لعمرك
وخذ عفشك واطلع برا..مالمجنون غيرك...هذا وحنا داخلين بفلوسـ....)
قبل ماتكمل سمعت صوووت رجوولي وقف العرووق بدمها
وباين انه يحاول يمسك اعصابه (لمااااااااااااررررررر)
سكتت ..
وبخووف وهي تناظر بابوها اللي بهيبته
(جزاك الله خير ..هاللحين وشلونها؟؟)
الدكتور (بخيييييير صارت طيبه..تقدر تاخذها معك لو تبي بس مو قبل مانسوي
اللي قلته)
قاطعه الصقر وبهدوء باين ان وراها عاصفه
وبابتسامه ويدينه على كتف الدكتور(لــــــــم الموضووع هي بالغلط اكلت الادوويه )
الدكتور باعتراض (لا هاذي محاوله انتحار وباينه)
الصقر بكشره (طيب انت تفضل انا اتفاهم مع الاداره)
طلع وهو مقهوور لانه متاكد اذا المووضوع راح للاداره بيصير
اللي يبيه هالصقر..

جلســت لمار بسرعه على سريرها
مارفعت عينها ماتبي تشوف وجهه ابوها
استغربت سكووته..
تسمع بس صووت حذيانه *وانتوا بكرامه*
على سيراميك الغرفه الواسعه..
قلبها صار يدق بسرعه ماتدري وش رده فعله..

بصووت قاسي (لماااااااااااااار )
رفعت راسها ..
شافته قدامها ... وملامحه ماتبشر بالخيير
فتحت فمها حاولت ترد ..تقول نعم
بس ماقدرت..
ناظرت بامها.. اللي باين انها شوويه مرتبكه
انخنقت من هالجوو..وهي تمرر لسانها على شفايفها
(انا ....يبه..)
وقبل ماتكمل ..
ماحست الا كف على خدها وصوت صداه يتردد بالغرفه
من قووته لف راسها..
نزلت دموعها..
واغلبها دموووع الصدمه عمر ابووها ماهاوشها..شلون هاللحين يضربها
كمل بعصبيه (تبين تفضحينا انت؟؟؟ انا الغلطان الي ماعرفت اربيك ..!
مو منك تربيه امك ماينشرهه عليك )
شدت الغطاء عليها..
ودموعها ماوقفت..
وش ذنبها امي يعني اذا صار شي مو زين ينحط عليها؟؟؟
وبصووت مقطع وبدون ماتناظر فيه (يبـ...يبه امـ..امي مالها شغل حتى هي خافت علي)

وجهه احمر من كثر ماهو معصب
وصراخه يفجر الاذان ..(ماهو هذا هو مالها شغل..!! وينها عنك ان شالله )
ماتدري ابوها علامه؟؟
خايف عليها؟؟ ولاخايفه من الفضيحه لو احد درى وان
سمعته ترووح فيها؟؟
وبعناد وارثته من ابوها (مابي اعرس...ماني موافقه عليه ..محد يقدر يجبرني
على شي )
بصراخ تردد بالغرفه وهو يفك ازره ثوبه اللي عند رقبته
(والله والله واللي خلق الجن والانس ..انك بتعرسين وانت ماتشوفين دربك
انا الصقر اللي محد يكسر لي كلمه تجي اصغر بناتي وتعاندني؟؟؟؟؟؟؟)

ودموعها ماوقفت تنزل على خدها
وعنادها يزيد (يبه مابيه.شلوون انت ترضاها علي ..كل الرجال اللي خطبوني
ماوفقت عليهم...كل شي فيهم ماينعاب ومن اكبر المناصب ..وهاللحين
تبين اتزوج ذا اللي جاي من ديره حتى دراسته ماكملها؟؟؟؟؟؟؟؟؟؟؟؟
ولاشي مشترك لاتفكير ولا ماده ولا أي شي )
وعصبيته بدال ماتخف تزيد
(ارضاها؟؟؟؟؟؟؟؟؟ وليش ان شالله وش فيه ولد اخووي..بالعكس الا احمد ربي
وجه وقفى انه رضى يتزوجك..ولو ماخطبوك هم كان انا رحت وطلبتهم
واذا على الدراسه انا بدخله احسن جامعه ..)
حست بصدمه ليش ابووها يحمد ربه ان قروي خطبها
وش فيني غلط ؟؟
اصلا لو هالقروي راح يخطب من بنات عماني مابيرضوون..
ضاري بنفسه قايل انهم همج.. لا خلاق ولاتفكير
وهي تشهق من البكا
(يبه والله اني مو شينه الكل يتمنى يتزوجني..الله يوفقك بس انتظر علي
توني صغيره..انتظر شوي وبانخطب..)
وصووت بكاها يزيد وهي ترجاه (انا متاكده والله العظيم ماراح اعنس
عندك..انت بس اصبر اذا هالسنه محد رضى فيني زوجني اللي تبي ..اذا تبي احد من جماعتنا ..عادي احضر عروسهم واكيد بانخطب
بس والله حراااااااااام كذا )


وبصووت قاطع (لا انا مابي من جماعتنا بيذلووونك بعد عيني ابي من اهلي
عشان يحطك فووق راسه ...واصلا مو بكيفك انا قلت انك موافقه )
وعيونها بترجي على امها (يمه قوولي شي )
امها اللي كانت مغطيه وجهها بالمسفع وباين انها كانت
تبكي طلعت من غير ولاكلمه.
كمل وباين انه يحاوول يمسك نفسه
(علمن يوصلك ويتعداك .. اليووم تسوين التحاليل وبكره اعرف واحد يطلع النتيجه وبتملكين غصب عليك..)
طلع قبل مايعطيها فرصه تكلم..
شهقت وبكاها يزيد...
حست نفسه زي الطير الجريح اللي من جرحه مو قادر يعاند
وينفش ريشه ويطير..
ولاقادر يصبر على قووه الالم

ــــــــــــــــــــــــــــــــــــــــــــــــــــــــــــ ـــــــــــــ
ضاري بابتسامه وهو يدخلها لشقتها
(الف الفين مبررروك ..هاللحين بابشر بيتنا كله واخذ البشاره)
ريماس والدنيا مو سايعتها من الفرحه
(ايوا والله بشرهم خلهم يفرحوون..)
تنهد ..
وهو ينزل كابه ويلعب بشعره
(عاد لاوصيك سمعتي الدكتوره وش قالت..انتبهي لصحتك ولازم تغذين زين)
بابتسامه (ان شالله لاتوصي حريص )
رجع الكاب لشعره ...
كان بيقوول شي عن زايد النذل
بس من شاف فرحتها وابتسامتها سكت مايبي يخرب عليها
وهو يقوول عكس اللي يفكر فيه
(طييب هاللحين ابستأذن والله الله بنفسك وباللي بطنك.. واذا احتجتي شي كلميني)
باعتراض (لا خلك مونسني )
ضاري وهو يخرب شعرها
بيدينه وبحنان (والله انت اللي مونستني بس من امس مانمت )
وقفت ..
وبابتسامه (اييييييه كذا ماقوول لك شي..مشكوور ياخووي عسى عمر ك طوويل )

*


*

طلع من شقه ريماس وراسه بينفجر
من امس مانام ..
تعبان حده ومغبوون من طيبه ريماس وسلبيتها
بس درت انها حامل نست كل شي سوواه فيه هالنذل
معقووله تحبه رغم كل اللي يسويه فيها؟؟!
وهو طالع من العماره
وانا بتهوور قلت اني باعررس على اخت زايد اللي توني
ادري انها جاهله..!
بس مو خساره اقلها اسووي فيها مثل اللي يسويه هالحقير باختي

وكان تفكيره ناداه..
شاف زايد قدامه ..
وقفه بصووته (مشالله توك تشررف )
زايد واللي كان يغني مبسووط
وقف لضاري (الناس اول تسلم..وماتوقع انك مرتي عشان تدخل فيني )
ضاري وهو عاقد يدينه لصدره
وباستحقار(لييه هو انت سال بمرتك ؟؟ ولا معبرها )
زفر بقووووه (يالليل هاللحين انت وش تبي )
ضاري بعصبيه (اللي ابيه انك تحترم اختي..ولا والله مايردني عن ذبحك شي
واذا انك ماتبيه ياخي طلقها وريحها وفكنا منك )
وبعناد وهو يناظر بضاري من فوق لتحت
(تحلم بس اني اطلقها الا بمزاجي...وسووى اللي تبي )
دف كتف ضاري وهو يسفهه
ويدخل العماره...
ضاري بصراخ ولاول مره يفقد اعصابه
(مانت برجال والله انك رخمه..وتشووف ان ماخلييتك تندم على كلامك)
ركب سيارته وهو واصل حده من العصبيه
اول كان متردد بفكره زواجه من اخت زايد
بس هاللحين مصمم لو يدفع نص عمره الموهيم تصير له


ـــــــــــــــــــــــــــــــــــــــــــــــ
<<فالسياره واول مره من فتره طوويله يتجمعوون

سعوود بابتسامه (مالت عليكم ماكنا باستراحه وحده .. مانشووف بعض ابد )
فزاع وهو متربع على المقعد ومعطي الباب ظهره عشان يقابل سعود
(مالت عليك انت ..متى اخر مره اشفتك زماااااااااااااااان مره..دقينا عليك انا وضاري كثييييييير سفهتنا مارديت يالهيس)
سعوود وهو يحاول ينسى اللي فيه
ولو مؤقت بالذات مع هالجلسه الحلووه

(والله مافضيت صارت لي كم سالفه .. الله لايعيدها.بس صدق ليش ضاري يتصل فيني؟؟ وش عنده)

فزاع بحمااااااس (فاااااتك قصصصصم وناسه..كان يدق يعزمك على عرس اخته
حشا مو بعرس ...بذخ فظيع توقعت من زود ماعندهم فلووس ماتاكلها الا النيران
يوزعون على كل واحد من المعازيم شيكات بمليون ريال )
عناد واللي كان جالس بالمقعد اللي ورى
ومشغوول بجواله (اووووووووووف وماتذكر فزاعووه تاخذني ناسي اني خوويك )
فزاع بابتسامه وعيوونه على عناد (ناسيك من زمان..اصلا من متى تذكرتك )
سعود واللي كان يسوق وعيوونه على الطريق(ههههههههههههههه قوووويه عرف لك فزاعووه )
عناد بقهر وهو يصقع كتوف سعود (سامجه ماتضحك..)
وباهتمام (سعود وش صار على اللي سواه سيف الحقير فيك )
كشر وهو يصقع الدركسوون بيدينه من القهر
انا ابي انساه وعناد يذكرني
غبي يووم اني حكيته عن شي
(لاتذكرني ..ماقدرت اسوي له شي ..)
عناد بقهر (لايارخمه سكت له..خليته يفرح باللي سواه)
بضيق وهو حاس بهم يزيد على همومه
اللي يحاول يتناساها (يعني اش باسووي له؟؟؟ اذبحه عشان يقصوني..! ولاتضارب معه واسوي لخواتي فضايح..تكفى اسكت ولاتذكرني )
عناد وهو نفسه يطب فكرش سيف بس ماعاد شافه
وهو يصقع يدينه بقووه على رجوله
(اااااااخ يالقهر لو اني ادل طريقه والله كان اطلع اللي سواه من عيونه )
فزاع وكل علامات الاستفهام على راسه
مايدري عن ايش يتكلمون بس حاس انه مووضوع كبير
لانه توه يلاحظ غياب سيف عنهم
وبعقده حواجب (علامكم عن ايش تكلموون ؟؟)

عناد سكت ماحب يدخل نفسه ويقوول
لانها خصوصيه لسعود..
وبعصبيه وعيونه من واحد للثاني (يعني فيه شي كبير وماتبوون تقولونه ..
افا والله ماتوقعتها منكم ابد )
عناد بصراحته المعتاده (لييش كنا نشووفك عشان نعلمك؟؟ انت مره وحده اختفيت
ولا عاد سالت عنا وعبرتنا )
فزاع باحراج وعيوونه على قزاز السياره من قدام
صدق نسيتهم ولاعاد عبرتهم
انشغلت بمدى....
مو بس هم اللي نسيتهم الا نسيت الدنيا كلها عشانها
ابتسم وبصراحه(والله ياعيال صار لي شي ونااسه نساني كل الدنيا)
سعود بحمااس (والله؟؟؟ وش هالوناسه تكفى دلنا؟؟)
فزاع بضحكه حكاهم عن مدى وشلوون طلعت وكيف انه عشقها
وكلام عزام اليووم..
عناد بضحكه (ههههههه والله مانت بهين ابد..بس اشوا ان عزام غسلك عشان تفكر فينا..!!)

*


*
بعد مالفوا نص الشوارع..
فزاع وهو يتذكر (ياعيال قسسسم ياعندي شريط زاحف )
عناد بحماس(عندك وماتقولنا يالهيس عشان نسمعه معك؟؟؟! )
سعود لف يناظر فيه وبعدها رجع عيونها للطريق وباستفهام (أي مغني ذا؟؟)
فزاع بحماس (لا وش مغني ..قديم انت هاذا شريط زاحف لطقاقه..اخذت من الاستريوو..بس مو كاتبين عرس ميين ولا باي يوم )
عناد (غريبه العاده يكتبووون اليووم والليله بس عرس ميين لا..ماعلينا هات بسرعه خلنا نسمعه )
سعوود وهو يضحك عليهم رغم ان باله مشغول بخواته
اللي له فتره ماشافهم بس محتار مايدري متى يروح لهم
(هههههههه طقاقه من ديرتنا مو شي..لو موضي ولا العليان كان ممكن )
فزاع وهو منحني للمسجله السياره ويحط الكاسيت اللي طلعه من جيبه
(اسمعووووا الفن...لايفووتكم بس اصبروا اعيده من اول اغنيه )

عناد وهو يفتح الببسي ويشربه (بسرعه تراك حمستنا)
فزاع وهو يضغط الي يبدي وبابتسامه وهو يسند ظهره على المقعد
(يالله هاللحين تبدا ودوووووووخوا على صووتها بنت الذينا..بتخلي جسمكم يبرد
وبتعيشكم احلى جوو)
الكل سكت وهو متحمس
وسعوود يرفع الصووت لاعلى شي
طبعا بدا المووال ..
وكاغلب الووقت كان بصووت هيمو
بعدها بثواني.
كملت اماني بصووتها اللي يدوووخ الاغنيه..
هذا صوووت اماني ياويلي وشلوون صار فالكاسيت
شرق بالببسي وهو منحني و يشهق (كح كح كح كح )
فزاع وهو يضرب ظهره (بسم الله علامك ؟؟)
سعوود وهو يوقف السياره على الجمب
ويلف لعناد اللي وجهه محمر (وش صار؟؟)
عناد وهو يمسح بيدينه الببسي المنتثر تحت شفايفه
(مدري وش صار)
فزاع بتريقه (هاذا كله من صووت الطقاقه ..افا واالله سمرا وتجيب راسك)
سعوود وهو عاقد حواجبه ولسى صووت اماني
يتردد بالسياره(مستحيل تكوون سمرا..صوتها ناعم ويدوووخ )
فزاع وهو ميت ضحك ويصقعه بكتفه (حتى انت دوختك؟؟ اووما بتكون بنت قبيله
وتصير طقاقه ..ترى اغلب السمرات صوتهم يدوخ حتى رجالهم)
يمكن يتهيالي وفيه شبهه بس
اصلا وشلوون تصير طقاقه؟؟؟؟؟؟؟؟؟؟؟
مستحيل طبعا..ماتنزل نفسها
وش هالافكار الخياليه اللي عندي
ضغط بيدينه على راسه بقووه
وصووت اماني يتردد باذوونه
سعود بقلق (عناد حاس بشي ؟؟ اوديك المستشفى؟؟)


ــــــــــــــــــــــــــــــــــــــــــــــــــــــــــــ ـــــ
<فبيت اماني
وصووت الاستريو باغاني الطقاقات مالي الشقه
وعلب الببسي واكياس الشيبسات فكل مكااان
اماني كانت لابسه برمودا جيشيي وبدي علاقي زيتي
ومجعده شعرها...
وبصووت عالي عشان يبان صووتها مع ازعاج الاستريو
(بنات وش رايكم نسووي مفاجاه)
مرزوقه كانت لابسه تيشرت طوويل باللون الاصفر
مع شوورت ابيض وسلاسل صفرا طويله
ورافعه شعرها ذيل حصان وبدال االنظاره لابسه عدسات
وطالع شكلها كيووت

وهي متممدده وحاطه رجل على رجل وباذنها السماعات
وتكلم كالعاده..
(قصررررري حسك فجرتي طبلتي ..)
اماني وهي تحذف عليها خداديه صغيره
(ايييييييه بالحيييل يالناعمه...انتبهي بس لاتقطعين )

ايناس بكشره
(يالليل البعارين..صدق اللي قال عقول الحريم ناقصه )
وكانت لابسه ثووب اسوود مخصر على جسمها
وحاطه على كتفها غتره رمادي باسوود
وهيووف واللي كانت ترقص وبيدها الببسي
وتردد الاغنيه مع موضي الشمري بحماس

ولابسه تنوره جينز فتحتها من قدام طوويله
وبدي احمر ومع الروج الاحمر مطلع بياضها
وقفت ..
وهي تشرب من الببسي (امووونه ماعليك منهم قوولي وش عندك )
اماني وهي تخصر مسوويه زعلانه
وماده البوز (لا خلاص مابي..)
ايناس وهي تلعب بالكاسيتات اللي جمب الاستريو
وهي بتشقق من الوناسه ..وعيونها على اماني
(ياشين السرج على البقر...)
فقعوا من الضحك .(هههههههههههههههههههههههههههههه)
اماني تربعت على الارض
وبقهر(من جد انك عنز ايناسوووه..مدري وش عندك رايقه)
هيووف وهي تجلس على المركه
ونفسها صاير سريع من مجهود الرقص
(اييييييييه..مشالله ايناسووه صايره هالايام حييل رايقه ومبسووته )
ايناس بسرعه وهي تشد ياقات الثووب على قدام
وتنزل راسها تنفخ على نفسها يقالها خايفه (تف تف ومن شر حاسدن اذا حسد
قولي انتي وياه مشالله لالخكن كف )
هيوف بجديه (لا جد والله وش هالوناسه اللي صايره لك)
ايناس بصارحه لانها كانت زمان جاره هيووف
وبنفس المدرسه وهي تدري تقريبا عن كل شي
(بصرااحه؟؟؟؟؟؟؟ خالد طلق زكيييه؟؟)
اماني صرخت بفرحه رغم ان ايناس قالت لها هالخبر
الصباح بس جد فرحت من قلب
هيووف وهي تحضن ايناس بفرحه (مبرووووووووووووووووووووووووك ياعمري اشوا ربي فكك منها)
اماني (هيووف تعالي نسيت اسال وشلوون اهلك رضوا تجين بهالسهوله؟؟)
هيوف بكشره(وش سهولته؟؟ وربي ماجابوني الا بلعنه جدف.. وبعد ماصحت صياح عند الله خبره..وقلت انا بنذاكر اختبار لبكره وصعب وانهم مايبوني انجح علووم بس خليها على الله)


كملوو مناقراتهم..
بس عند مرزوقه كان الجوو غير
والسماعه باذنها وتناظر باظافيرها
(وبعدين وش سوويتوا )
(.............................)
بحماس وهي تعدل جلستها (بالله عليك فحطووا؟؟ ياحبي للهجوله ذي...طيب علمني وشلووون )
وهي تردد وراه(العقـــــــــده؟؟ تنطيل؟؟ استفهام؟؟ وش ذا حشا مو بتفحيط دروس رياضيات )
اماني وهي تسحب السماعات من اذون مرزوقه
وتضغط الاحمر وبقهر (مرزوقه من اول ماجيتي وانت على الجوال ماصارت
)
مرزوقه وهي توقف وبابتسامه ولاهتمت لحركه اماني (الله ياخذ ابليسك..كان يعلمني حركات التفحيط )
هيووف والضحكه شاقه حلقها (وخيير ياطير واذا يعلمك التفحيط؟؟ وش بتستفيدن يعني ينقالك بتسوقين)
ايناس (انا لارحت عند اببوي بالشرقيه وطلعنا للبر اسووق )
مرزوقه بحمااس (فله وربي ياحظك)

اماني دخلت المطبخ وشووي وهي طالعه
وبحماس (يالله بنات جربوا اشربوا )
مرزوقه وهي تقرب لاماني (هاذا اللي شربتي منه ذاك اليووم ؟؟)
ايناس مستغربه (هاذا ايش)
اماني بحمااس (هذا تشربين منه بس شووي تاجرين اللي فووق **تاشر على راسها* تنسين حتى اسمك)
شهقت هيووف(ياويلي خمر؟؟؟؟؟؟؟؟؟؟؟؟؟؟؟؟)
اماني وهي تربع وبيدها الكووب (وش خمرتته ياحبكم للمبالغات وش خمر؟؟
هاذي خلطه سريه تخليك مبسووته وايد)
مرزوقه تحب المغامرات اللي كذا بحمااس (ايوا والله نفسي اجرب من ذاك اليووم )
انا كل يووم اشووف وشلووون يصير باللي ابيعهم المخدرات
تبيع عمرها ونفسها وكل شي عشان شوويه كوكايين ولا هيروين
واجي اجرب خمر او شي يشبهه له؟؟
انا اللي كنت اقرف منهم لافقدت الوحده؟؟
اسووي مثلهم ؟؟
جلست بعيد عن اماني (شكرا مابي اجرب شي )
ايناس من وناستها ماهتمت لشي
بتجرب تفلها سحبت من اماني الكوووب
قربت لفمه..
بس بعدته على طوول (وش ريحه هالخياس)
مرزوقه وهي تسحب من يدين ايناس (هاتي ..هاتي انا باغمض و اشربه
وش عليك من الريحه اهم شي المفعول)

*



*
ايناس وراسها يدوور من تاثير اللي شربته
وهو تضحك وتحرك يدينها (فيه عصبي..تزوج عصبيه وجابوا له ولد منتحر)
مرزوقه وهي مو قادره توازن كل ماتوقف تطيح
(هههههههه بايخه السالفه بس هو ليش ذبحها)
اماني بجديه وكان المووضوع مصيبه (ياخبلييين يقولكم طلعت حامل ..انتوا ليش ماتفهموون )

هيوف واللي شربت شي بسيط..
بعد ماجبروها..وماكانت تبي تشووف صاحباتها اذا سكروا
فقالت اصير زيهم عشان مانصدم .
وهي تناظر بايناس وشكلها بالثووب مهيالها انها ابووها

 
 

 

عرض البوم صور غدووورة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
منتدى قصص من وحي قلم الاعضاء, تأليف غدووورة, رواية قلوب محطمه باحضان المجهول, غدووورة, قلوب محطمه باحضان المجهول
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:53 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية