الســــــــــــــــــلام عليــــــكم



جبت لكم بارت ياحـــــــــــــــلووين!!

ان شالله يعجبــــكم...






<<يوووووم الاربعاء الي مر على ابطالنا بمواقف مختلفه





وباستسلام كملت (يعني خلصوا الرجال خلاص مالقيتي تزوجين الا هالرجال.......................)
اغصان رفعت راسها وبرفعه حاجب(علامه ؟رجال عز ومنصب واخلاق)
لمار تبعد شعرها اللي نشفت خصلاته وطاحت على عيونها
وبعصبيه(غصونه انت حلوه وبيجيك الف واحد احسن منه بس لاتستعجلين.. وبعدين تعالي انت تدرين انه خال قايد؟)

اغصان وهي لسى معصبه(اييييييه ادري ان حازم خال قايد بس من الرضاع وموافقه عليه )

لمار اللي كانت تحاول تسوي شعرها ضفيره
وقفت يدينها وهي ماسكته من الصدمه
توقعت انك مو داريه عن شي وانك مو ماخذه
واحد يقرب لقايد..
مدري وش تفكرين فيه
وهي لسى مصدومه (وبعد تعرفين اسمه؟؟ اغصان منت طبيعيه بدال ماتحترمين العشره اللي كانت بينكم انت
وقايد ..تروحين تزوجين خاله ولو كان من الرضاعه !!!)
من اول متحمله وساكته
بس هاللحين فاض فيها
وبعصبيه وهي تغطي المناكير وبقوه تصقعه على الطاوله
وتوقف (لمارانت مالك خص!!! اسوي اللي ابيه لو اتزوج بنقالي بكيفي ماحد له عندي
شي ..وانا اش اسوي الرجال خطبني...واعجبني اقوله لا لا مابيك عشانك خال هالقايد)

هالقايد؟؟؟؟؟؟؟؟؟؟!
انصدمت حييييل
باستخفاف تقول اسمه
مدري وش ناويه عليه
بس هذا العشق والحب ؟؟؟؟؟؟؟؟؟؟؟
لعنبوه اللي يخلي الواحد يتهور ويسوي مصايب
حركت كتوفها وهي حاسه ان مافيه كلام يوصل صدمتها
ولايغير راي اغصان (بكيفك سوي اللي تبينه بس ارجعي فكري زين ترى هذي عيشه طول عمر مو يوم واحد ولالعبه)
وقبل ماتوصل لمار للباب
وصلها صوت اغصان بس ماقدرت تفسر وش كانت تفكر فيه
(معليش لمار بس ارضى انا بكيفي ولا ابوي يغصبني )

ماقتنعت بكلام اغصان
لانها متاكده انها راضيه ومقتنعه
وبصوت حاولت يكون عادي
(عادي ماحطيت ببالي ...قولي انك انت اللي تبين هالعرس لاتحطين ابوي عذر)
وبدون ماتسمع رد طلعت وصكت الباب..............

*



ــــــــــــــــــــــــــــــــــــــــــــــــــــــــــــ ــــــــــ










بعد مانزلت من السيارهـ
وهي تلفت بخوف لايكون احد انتبه لها..
مشت بسرعه لعمارتهم...
مارضت ان ام كلثوم توقفها قريب من العماره
ماتدري ليش حرصت انها ماتعرف وين تسكن بالضبط؟!

رفعت عبايتها وصارت تركض
دخلت عمارتهم ..
نزلت غطاها
وتنفسها صاير سريع من الركض
وبسرعه طلعت مفتاح الشقه
ودخلت ...
تكت ظهرها على باب الشقه من جوا
وبزفره قويه وهي مغمضه
اشوا ماحد درا عني...
زيين عدت هالليله على خيييير
بس قسسم وناسه احلى يوم بحياتي

حذفت عبايتها على االارض
وهي تغني وترقص...ومروووقه دخلت للمطبخ
مادخلت البوفيه ..لانها ماتحب تاكل بالاعراس
تحس حركه الاكل بالاعراس شي يخرب البرستيج...
وهي تفك علبه الاندووومي بتطبخها
دق جرس الباب...
جمدت يدينها على علبه الاندومي
طاح قلبها من الخووف
مين بيجي قريب الفجر
لايكون ابوها احد قايله شي
نزلت علبه الاندومي
راحت تفتح الباب وهي تمسح يدينها المبلله بفستانها
وقلبها يضرب من الخوووف
(مييييييييييين)
عناد بكشره(يعني مييييييين بيكون حرامي؟؟؟؟؟؟؟؟)
يوووووووه خالي عناد
وش عنده ؟؟
فتحت الباب
وهي تناظر فيه بتشوف لو باين عليه انه داري عن شي؟؟؟؟؟؟؟؟؟؟؟
عناد وهو يدخل بدون ماينتبه لشي
(بدررررررررري كان مارديتي ..)
اشووووا انه مدرى عن شي
وبابتسامه (ادخل كنت اسوي لي اندومي ميته جوووع)
عناد دخل على طاوله للصاله
وهو يتربع بالارض ويفتح الكيس اللي معه
(اندومي ياربي لك الحمد على النعمه من ياكله؟؟ عشانه مو صحي تحبينه )
اماني بلقافه وعيونها على الكيس
(عناد هذا ايش؟؟؟ولميييييييييييين؟؟)
عناد وهو يحذف عليها ببسي وتويكس
(مريت البقاله وجبت لي ولك عشان نحلي)
اماني وهي واقفه وترجع شعرها على ورى
(اصبر باسوي الاندومي وابدل واجيييك)
عناد وهو توه ينتبه لشكلها
وبعقده حواجب( الله الله على الكشخه.. رايحه لعرس مين اليوم)
مايمديني اكذب واقو ل اني رحت لعرس من جماعتنا
لانه يدري عن كل شي وبيعرف اني اداري شي
وهو خلقه دمه حااار
وهي تلعب باصابعها من الربكه
(هاااه؟؟لا مارحت كنت بجمعه عند بنات الحاره)

عناد والببسي بفمه ورافع حاجبه اليسار
يستوعب حاس ان فيها شي
وبشك(جمعه عند البنات ولابسه فستان عرس وحاطه مكياج؟؟؟؟؟؟؟؟؟
من متى الاهتمام ذا كله)
اماني وهي معطيته قفاها بتروح للمطبخ
وبضحكه من تحت ضرسها

(عادي كنا نستهبل وكل وحده لبست فستان عرررس
ورقصنا وفليناها)

عناد ماستغرب لانه عارف زين خبال اماني (ههههههههههه جد خبلات كل شي تسوونه)
شغل التلفزيووون على ام بي سي 2
وتكى ظهره على الجدار وهو ممدد رجوله
وباستمتاع صار يشرب من الببسي وعيونه على الفيلم





















*










*
بعد عشرين دقيقه



رجعت وهي لابسه بنطلون اسود عادي
وكت باللون الابيض
بعد ماغسلت وجهها من المكياج
تربعت ...
وهي تنزل صحن الاندومي بالارض
(عنادوووه ترى الاندومي مايكفيني..بس اذا نفسك فيه كوول عشان مايصير فيني شي )

عناد صقع راسها
ورجعت عيونه للتلفزيووون
(مالت عليك انت واكلك....واللي قالك اني ابي مين؟؟؟؟؟؟؟؟؟؟)

اماني وهي ترفع لفمها ملعقه مليانه بالاندومي
رغم ان بخاره قوووي
(عنادوه وين كنت مختفي اليووم ماشفت خشتك )

عناد وهو يحط يدينه ورى راسه
وبشويه ضيقه (ابد اول شي واحد من اخوياي صارت له مشكله
وبعدين امك تعبت وديتها للمستشفى)
اماني وعيونها على التلفزيون
ولاكانها سمعت شي يخصها
وبدون اهتمام (اها الله يشفيها...الا قولي عنادوه وش هالمشكله)
بصدمه لف على اماني
اللي مارمشت لها عين
ومتحمسه للفليم ولاكانه تكلم عن امها
مايدري يلوووم اماني
ولايلووم اخته باللي سوته فبناتها وخلاهم باردات معها بهالشكل!!
بس بهاللحظه كان نفسه يعرف شعور اخته
لو شافت رده فعل بنتها يوم سمعت بمرضها؟؟؟؟؟؟؟؟

عناد بصوت فيه شويه عصبيه(هالحين بدال ماتسالين عن امك وش صاير عليها
تسالين عن مشكله خويي)

اسئل عن انسانه عمري ماحسيت انها امي او حتى تقرب لي
وهي تصنع الحماس(هيييا عاد حكيني عن المشكله احسها اكشن
وبعدين امي لو كان صاير فيها شي مو زين ماكان انت هاللحين هنا)

طاحت عينه
البنت ذي لكل شي عندها مخرج
وهو يلف لها (تخيلي ابوه توفى وامه اول ماخلص حدادها اعرست
وعلى ميين على خوينا ورررع...حتى بنتها اللي باللفه تركتها )

طاحت الملعقه من يدها
وبفجعه (ياحرررررررررررررررام وهو اش سووى)

ضحك من قلب على شكل اماني
وهي منفجعه ...
(هههههههههه وبس ماسوى شي ..)

اماني وهي حزنانه حييل وكاسر خاطرها
مع انها ماتدري هو مين
(يحزن طيب ليش ماراح توطى بكرش الورع اللي تزوجها وانتوا المفروض تفزعون له بالتكفيخ)
ابتسم على تفكير اماني اللي يشبه تفكيره
بس حاول يكون قدامها اعقل من كذا
(خلاص تزوجها وطاب الفال...ولو سوى مشكله كذا بيروح للشرطه وينعاقب وهو الخسران)
وش اللي يجبر ام تخلى عن بنتها اللي باللفه
وتزوج واحد بعمر ولدها؟؟؟؟؟؟؟؟؟؟؟؟
وش الشي اللي بتهرب منه؟؟؟؟؟؟
اولاحساس اللي فاقدته و تدور عليه
وهي تفتح علبه الببسي البارد
وتفكيرها مو معها
لاول مره ارضى علييك يمه
يمكن عشانك ماسويتي فينا حركه نذاله كذا؟؟؟
وضحكتي الناس علينا
من جد اللي يشوف مصيبه غيره تهون عليه مصيبته!!

عناد وتفكيره بمكان ثاني
عند اللي شغلت تفكيره
واغلب وقته اذا ماكان كله ومافباله غيرها
مع ان اللي يعرفه عنها شي بسييييط
حتى شكلها ماقد شافه
بس مايدري وش سووت له عشان يتعلق فيها
وهو يتصنع انه مو مهتم ويلعب بالريموت
(امانيووووه صاحبتك اللي تقولين انها دفشه وش علومها)
اماني ابتسمت غصب من سيره ايناس
(عال العال وبتسلم علييييييييييك)
عناد شوي بينقز من الفرحه
(من جد سالت عنيييييييي؟؟)
وهي ميته من الضحك على خبال خالها
(اييييييييه كثر منها بتسال عنك!!! اصلا ماجابت خبرك)
تحطم حيييييييييل
وبكشره (يافرحه ماتمت!! طيب هااه حكيني وش علوم فلتكم )

اماني وهي مستغربه لهفه خالها على ايناس
وهو ماقد درا عن وجودها الا فاليووم الوطني يوم وصلها
(عنادوه ترى انا قايله لك انها مو حقت خرابيط اصلا انت حتى اسمها ماتعرفه يعني لاتقنعني انها عاجبتك)

عناد وهو مقهور من اماني
وحده متلهف يعرف عن ايناس أي شي
يبرد الشووق اللي بقلبه
(الا اعرف ان اسمها ايناس........وبعدين الحق مو بعليييك علي انا اللي اسالك عن شي )

اماني فقعت ضحك على خالها

وهي تخيل شكل ايناس وش اللي بتسويه لو درت ان عناد معجب فيه

ومن بين ضحكها
(ولايهمك اسلم لك عليييها)


ــــــــــــــــــــــــــــــــــــــــــــــــــــــــــــ ــــ















فزت من النووم على صوت دق باب غرفتها....
وصوت الخدامه اللي تصارخ من ورا الباب (ماما في يقول كلم انت بسرعه)
طنشت وحاولت ترجع تنام ...
بس اصرار الخدامه وهي تدق خلاها تنسى فكره النوم
جلست على السرير
وبصوت فيه نووم(خلاص انا هاللحين اجي اقلبي وجهك )

وهي تفرك عيونها
سحبت جوالها من تحت المخده
كشرت وهي تناظر بشاشته
ولا اتصال
حتى رساله مافيييه...

له فتره متغير علي وكل مادق مايرد

يمكن يكوون تعبان
بس لا ماتوقع لوتعبان كان رد علي من كثر مادق!!
مررت يدينها على شعرها ترجعه لظهرها
وبتافف قامت تغسل وجهها

وبطريقها رجعت تتصل عليه بالحاح!!

















*


*

















<<بجناح كامل غلب عليه اللون الفيروزي والليموني الفاتح وكان يقمه الاناقه






تنهدت وهي تناظر بامها اللي لابسه بدله تخفيف الوزن وتمشي على السيرالكهربائي *اله لتخفيف الوزن*
ويدها على الباب (هاااه يمه ناديتيني؟؟)

امها وهي تنزل من السير وتجفف وجهها بالمنشفه اللي كانت معلقه برقبتها
وباعتراض(فيه بنت ناعمه تقول لامها هااه؟؟وش هالدفاشه ذي متى بتذكرين انك بنت؟؟)
يالليل بدينا بالموال اللي مايخلص
بكشره (طيب يمه امري تدللي وش تبين )
امها وهي تفتح الثلاجه الصغيره
وتطلع منها عصير بارد وبدون ماتلف
(يعني ماناديك الا اكو ن ابي شي؟؟مدري وش لاقيه بغرفتك وانت ماتطلعين منها اجلسي سولفي معي)

رفعت حواجبها مستغربه
اكييد عندها شي ياليتها تقول اللي تبيه بسرعه
ابعرف سالفه فزاع زودها حييل الا واعرف اليوم وش عنده
يعني يوم دق قلبي وحبيت يصير كذا

فجاه دق جوالها باغنيه(ياماحاولت الفراق وماقويت ..كنت ابي انساه ولكن مانسيت)
نقزت من الفجعه وهي تعطي المتصل مشغووول
امها برفعه حاجب (ليش مارديتي)
وشلون نسيت احطه على الصامت الله يستر
حاولت ماتبين انها مرتبكه وهي تحرك الجوال قدام امها
(عادي وحده من صاحباتي ومافيني حيل لقرقرتها )

امها وهي تحووس بدولابها
(مي...ماقلت لي وشلون ا لجامعه معك اليوم)

وهي تحط الجوال بجيب برمودا البجاما السماوووي واللي مزينه بقلوب وردي
على لون البلوزه الكت
وبتافف (يمه لاتقاولين مي ...تراي ماحب هالاسم قولي لي مرزوقه )

امها بدون اقتناع (هاللحين فيه بنت تدور اسم شين لها!! انا مختاره لك احلى اسم كل بنت تمناه)
مرزوقه بدون اهتمام وهي واقفه على مرايه تسريحه امها الكبيره
و تلم شعرها الغزير ذيل حصان
(بالعكس مرزوقه احلى مليون مره من مي وااااااع كني ورعه بهالاسم)
امها وهي غاسله يدينها ان مرزوقه تغير
(لو اني جايبتك ولد كان احسن )
مرزوقه وهي تمرر يدينها على على خدها
بتنتبه لو فيه حب شباب ولاشي
وبرود(ايوه والله ليتك جايبه ولد يكون اخو لي بدال ماني لحالي )

امها واللي كانت تختار لها لبس
جمدت يدينها عليه
يجرحها هالكلام
ياكثر ماسمعته من الناس وسوت نفسها مو متاثره

مع انه من جوا.. قلبها يتقطع هي اكثر وحده متمنيه لو عندها
عيال كثار بس ماربي اراد.....
ماخلوا مستشفى ولادكتور بس بدون نتيجه
وهاللحين هالكلام حسته يقتل وهي تسمعه من بنتها
وهي تحاول ماتبين شي
اخذت لبسها
وراحت للحمام **وانتوا بكرامه**

لفت لمرزوقه(مي لاتحركين باخذ شور سريع وابطلع اكلمك لاني عارفه لو دخلتي غرفتك
مابتطلعين منها!!)

مرزوقه وهي تنقز مقهوره(يمه.. يمه تكفين قولي هاللحين مافيني انتظرك لين تطلعين )

سفهتها امها ودخلت تاخذ شور
وقبل ماتصك باب الحمام *وانتوا بكرامه** اللي كان بنفس الجناح
(انا قلت ومو عايده كلامي ..ماوراك شي انتظري)
مرزوقه وهي ترفع يدينها بالهوا وتنزلها
بقووه وتصقع رجلها بالارض من القهر
وبصوت عالي وهي متنرفزه (ياربي يايمه ليش ناديتيني وانت وراك شور كان خلصتيه
وبعدين ناديتني )

مالقت رد من امها و بتافف
تمددت على بطنها بالسرير الواسع
وشنقلت رجولها بالهوا
وهي تبعد الخداديات اللي باللون الليموني الفاتح
ونازل منها اكسسوارات رايقه
طلعت جوالها وحطته على الصامت
ماني ناقصه ازعاج امي

هاللحين وش السواه؟؟؟؟؟؟؟؟؟؟؟؟
خلني ارجع ادق لعلى وعسى يحن ويرد علي

اتصلت اكثر من عشر مرات ولارد!
ياربيه وش فيه لايكون صايرله شي وانا مدري
الظاهر لو صار له شي اموووت كله الا فزاع!!
فتحت الحافظات
ابتسمت من قلب وهي منحنيه على شاشه الجوال
وتبوس صورته...........
رجعت الجوال بجيبها بسرعه وهي تسمع صوت فتح الباب
وبابتسامه (نعيما يمه)
امها بدون اهتمام وهي تطلع المنشفه من شعرها وتنفضه
(ينعم علييك...زين انك سمعتي الكلام وانتظرتيني )
مرزوقه وهي تعدل نظارتها الطبيه زين على عيونها
(لا مافكرت اروح ليش اسوي زحمه لنفسي واخذه تهزيء منك بكرامتي انتظرك)

امها وهي تجلس على كرسي التسريحه وتناظر بالمرايه
(مشالله زين انك تفهمين وتسوين اللي اقوله مو من العاده)
وهي تلف راسها عن امها وتكشر
(يالليل فيني فيني التهزيء)
امها وهي تمشط شعرها وعيونها على شكل مرزوقه اللي عاكسته المرايه
(مي مادريتي ؟؟خالك حازم بيتزوج!)

مرزوقه من الصدمه فتحت فمها
وببلاهه (خالي خالي ماغيره بيعرس!! بس هو مو بالحيل خالي)
امها وهي مميله راسها على الجمب عشان تقدر
تحط كريم من نعومي بلمعه على كتوفها
(الحمدلله والشكر علامك انت ذا خالك ماهو خالك ابوك من الرضاعه يعني خالك)
مرزوقه جلست تبي تستوعب
(وشلون ؟؟وكيف! اخيرا قرر يتزوج على بالي بيقعد طول عمره بدون عرس)
وقفت من اللي تسويه ..
وهي تناظر بمرزوقه بكشره
( مو منه من شروطه الا ويتزوج وحده قمر )
مرزوقه وهي متحمسه تعرف السالفه
(اووووووخص من زينه عشان يتشرط حكيني مييين وشلوون؟؟)

امها بلوويه بوز وباين ان الوضع موع اجبها
( احشميه تراه خالك .. بس تدرين عاد ماتصدقين!!...بيتزوج اللي طلقها ولد عمك قايد)
مرزوقه انصدمت
صحيح انها مو متذكرتها
بس حركتها تنرفز
وهي تعدل وتصير جلستهاعلى ركبها ونص
(اوووووووووووووف قصصم قووووويه بس ماقلتي لي يمه أي وحده هي مره قايد؟؟؟؟؟؟؟؟)

امها بنرفزه من مرزوقه اللي منعزله عن الكل
ومسويه لها عالم خاص فيها..
(مو منك ماتعرفين مره ولد عمك..من جلستك فالبيت ياكثر ماطلبك تزاورين عمانك بس مافيه فايده منك لازم تاخذين هواش من ابوك عشان تزحزين وتروحين)

لازم من كل سالفه تطلع لي هواشه
ولاشي فيني يعجبها
وهي تنزل راسها وتناظر باصابع رجولها
(انا ماحب اختلط بقرايبنا ...وانت تدرين كفايه عشان ابوي احضر مناسباتهم)
امها برفعه حاجب (وليش ان شالله)
مرزوقه بزفره (القرايب عقارب ..عشان ابعد عن مشاكلهم وبعدين انا كذا مرتاحه)
كملت تغير السالفه
(قولي لي أي وحده يمه تحمست)
امها وهي تحط على شعرها جل ناويه تجعده
وهي تناظر فيها من المرايه
(هذيك الحلووووه مره مشالله..اللي جات بملكه ولد عمك
اممم كانت لابسه عشبي والكل تخبل عليها)

طاحت عيونها من اللي تسمعه
هذيك القمر والكشخه ترضى
تزوج خالي !!
مو عشان شي بس اكييد انها تدري انه مايعجبه العجب
وهي تحرك يديها اليمين من الصدمه
(هذيك القمر تزوج خالي....
سكتت وهي توها تستوعب
(اوووووووووف قايد طلقها ؟؟؟طيب ليش ؟؟)
امها واللي كانت تحط لعيونها كحل ماتت من الضحك على تناحه مرزوقه
وطاح قلم الكحل من يدها
(من جد انك خبله اجل وشلون بيتزوجها خالك الا اذا كان قايد مطلقها .
بس ليش مدري.. شكله وعلى كلام مره عمك ام قايد اللي بتشقق من الفرحه
عشان هي ذي اغصان ماتخلف )

مرزوقه والارسال توه يوصلها وتستوعب هزه راسها
(غريبه معقوله عشان هذا السبب ؟؟ماتوقعت قايد نذل بهالطريقه بس هي عرفت تردها له
يوم رضت تزوج خاله بس اللي مستغربته هو ماقد تزوج ليشي اخذ وحده مطلقه؟؟)

امها وهي ترش على نفسها عطر ستلا

وبدون اهتمام(عادي مايهمهم الرجال...كل مادوروا له عروسه لاشافها مايرضى يعرس عليها
الا ويبي وحده حلوه على مواصفاته وهذي اغصان قطعه من القمر)

مرزوقه وعيونها على امها
اللي لابسه برمودا ليلكي بموديل نازل
وبدي برباطه على الرقابه باللون الوردي الفاتح
مع تجعيد شعرها ومكياجها الرايق كان شكلها حلو
رغم ان مرزوقه مافيها أي شبه من امها
وهي تامل بامها
مادري ليش امي تبالغ باهتمامها بنفسها
وتكشخ لابوي بهالطريقه معقوله طوول هالعمر ماملت
حبها لابوي فظيع يمكن عشان ماتبيه يعرس عليها
وهي تقول اللي تفكر فيه
(يممممممممه...ماتتعبين وانت كل يوم تكشخين كذا لابوي؟؟لو انا كان طفشت من زمان)
امها بابتسامه حلووه(لا يووووووه وين اطفش الا بالعكس استمتع حيل ..انت لاكبرت واعرستي بتسوين لزوجك اكثر )

ايييييييه هين افلقيني..........
وهي تذكر ان امها تبيها بسالفه
(يمه وش كنت تبين ؟؟؟ اكييد فيه شي )

امها وهي تذكروتنحني لدرج التسريحه
وتطلع علبه صبغه شعر
وهي مقرره ومخلصه
(ايه تعالي ابي اصبغ لك شعرك..قبل العرس شكلهم مستعجلين اكيد بيحطونه قريب)

رفعت راسها بفجعه
وهي مقهوره من قررات امها
صح انها متاكده من خبره امها بالتسريحات والصبغات
بس ماتبي
وباعتراض متاكده انه مابيجيب نتيجه
(يمممممممه شعري عاجبني مابي اصبغه...وبعدين لسى ماقرروا ليش مستعجله)
امها وهي جالسه على طرف السرير قريب من مرزوقه
وتفكك الصبغه بعد مالبست القفازه النايلون
وتسويها (لا انا جبت لك صبغه باللون الباذنجاني ..ويبيلها وقت عشان تبان وانا ماخذت رايك لازم اسويلك ستايل غير عن اخر مره شافوك الحريم فيها )

تاففت وهي تكرهه اهتمام امها الزايد
فيها وهوسها بشكلها تبيها تطلع احلى بنت
وباخر امل (يمممه الله يخيلك مابي)
امها سفهتها
ومدت يدينها لشعر مرزوقه اللي كانت ملموم بذيل حصان
وفكته وصارت تقسمه ببلنسات
(بالعكس يامي بيطلع شكلك يجنن..الا ذكريني وش اللون اللي مو عندك بفساتينك يعني مابي افصل لك شي مكرر )

مرزوقه وهي شووي وتصيح من القهر
(مدررررررري سوي اللي تبينه )
























ــــــــــــــــــــــــــــــــــــــــــــــــــــــــــــ ـــــــــــــ




<<بنفس الوقت بس بمكان ثاني





تدرٍي حبڪ : بعثرٍ آلدنيآ ب‘ـَعيني . . !
وٍآنته ق‘ـَلبڪ نآرٍ " شوٍقه ت‘ـَحتوٍيني ~*
وٍآنآ ق‘ـَرٍبڪ ~ آرٍتبڪ وٍآنسى { س‘ـَـَنيني . . !
آي وٍرٍبڪ { آنت صآيرٍ ~
نبض فيني . . !
نبض فيني . . !
نبض فيني . . !











مقهووور حيل منها بس خايف من زعلها
وبكشره وهو مو قادر يمسك نفسه (مدى ترى هاذي اسمها قله حيااا....مافيه بنت محترمه تعسل )

مدى واللي متربعه بالسقيفه وبرواقه تعسل
بس تفكيرها بمكان ثاني .............
بعدت عصا المعسل من فمها وبدون اهتمام وهي تطلع الهوا الحار من فمها
لانها تعودت على هالتعليقات من فزاع
(مو قله حياا..بالعكس هاذي حريه شخصيه..وبعدين اش معنى انتوا تعسلون يعني حلال على الرجال حرام على البنات!!!!!)
فزاع وهو مقهور مايدري وشلون يفهمها
انه هالشي مصيبه لانه يخالف العرف والعادات والتقاليد
متاكد انها ماراح تفهم لانها كانت عايشه براا
واجنبيه ماراح تفهم شي اسمه عادات وتقاليد
وهو يتنهد
(يامدى افهمي عيب مايصير وبعدين كله ضررر عليك!!مدري وشلون جدتي ساكته عليك وهي تشوفك تعسلين)

مدى وهي تميل جسمها
وتكي على التكايه اللي جمبها
وهي بدت تضايق من هالسالفه
(فزاعوووه مالك خص اسوي اللي ابيه..وبليييييز لاتدخل جدتي بالموضوع!!
وكم مره باعيدلك انت مالك امر علي!!)
تنرفز وهو يسمع كلامها وبالذات وهي بهالبرووووووود
ااااااخ يالقهر هاذا اللي بيموتني اني مالي امر عليك
مدري وشلون اكسر هالبرود اللي فيك واحسسك بنار حبك اللي ولو دقيقه
ماطفت من قلبي
وهو يطلع جواله من جيبه اللي دق
(بكيفك سوي اللي تبينه بس لاتنسين اني نصحتك)
كشر وهو يشوف المتصل بجواله
مدري هاذي متى بتفهم اني ماعدت ابيها وتفكني من غثاها
حط الجوال على الصامت
ونزله بالارض
وبصوت عادي
(ايوووووه ...حيالله مدى **مسك نفسه لايقول حبيبتي**....... بنت خالتي علوم واخبار جديده)

مدى وهي مستغربه ليش مارد لانه من اول ماجلس والجوال يدق
وهو سافهه..
بس ماحاولت تساله لانها معتبره هالشي من الخصوصيات

هزت كتوفها وهي ترجع عصا المعسل لشفايفها
(انا الحمدلله بخير....الا تعال انت وش مسوي بدراستك مدري ليش احس انك فاشل فيها)

فزاع وهو ميت ضحك على كلامها
(فاشل بعينك يالبطه....وش فهمك انت بس)
كمل وهو يشوف سرحانها
من اول ماجا وهي على الحاله
ماقد شافها كذا
(انت اللي قولي وش مشغلك من اول ماجلست وانت سرحانه؟؟)

مدى وهي لاويه بوزها وبتفكير
(ابد بس صايره مشكله بالمنتدى ومشغلتني شوي!!)
تسوي بنفسها ذا كله عشان سخافه وخرابيط نت!!!!!!!!
عمري ماشفت احد مهتم للنت كثرها
ولارابط حياته فيه
وهو يحاول يسوي انه مهتم مثلها
(وش هالمشكله طيييب قولي لي يمكن اساعدك)

ناظرت فيه وهي مشككه
تخاف انه يستخف فيها
وهي تنزل عصا المعسل وتكتف يدينها
(ابد بس المشكله كلها فالرسايل الخاصه...مره وحده اشتكت من عضو جديد طفشها وهو يرسل ارقامه
ومره عضو اشتكى وسوى سالفه انه فيه عضو برضو جديده راسلتله تشحد بس بطريقه ذووق...واخرها امس
عضو مسوي له منتدى جديد وراسل للكل واخذهم لمنتداه جد شي يحرق الدم)
بدون شعور فقع من الضحك
قد ايش تفكيرها صغير

معصبه وحالتها حاله عشان هالسبب!!!!!!!!!
سخيفه بس المشكله اني اعشقها

وهو يتنهد وياخذها على قد عقلها
(ياحياتي بسيطه خلي عدد المشاركات كثيير حيل عشان مايقدر أي عضو جديد
يرسل هالعباطات بس مايحتاج الموضوع تعصبين )
تنحت...
ماقدرت تستوعب أي كلمه قالها
بعد ماسمعت حياتي من فمه
وهي تناظر بشكله
وهو يلعب بجواله
ولا انتبه لهالكلمه يمكن متعووود يقولها؟؟؟؟؟؟؟؟
وهي تحاول تكوون طبيعيه
(ايييه صح معك حق فكره مره حلووووووه)
























ــــــــــــــــــــــــــــــــــــــــــــــــــــــــــــ ــــــــــــــــــ












<<بنفس الووقت عند مرزوقه





صكـــــت باب غرفتها بقوووه
وهي حدها مقهوووره
مدري الاقيها من مييين من امي وفضاوووتها
ولا من فزاع اللي مو قادره ارتاح ولانام وانا مدري وش صاير عليه
لعنبو هالحب وشلووون يذل

تنهدت وهي تاخذ الجوال من جيبها وترجع تدق عليه
مصممه الا يرد عليها
حدها مشتاقه له.............................































*


*


































فزاع كشر وهو يشوف الجوال يهتز
ويضووي عرف انها هي راجعه تدق
ياربي هذي متى تحس على دمها وتياس
قرفت منها...

وعيونه على مدى المستغربه
جاته فكره بيتهور ويسويها

تنح نح عشان يلفت انتباه مدى اللي كانت عدل بمسفعها اللي باللون
الزيتي المحروووق...
على لون بنطلونها ..
واللي كانت لابسه عليه بلوزه رايقه باللون الوردي الفاتح
اكمامها طووويله...
ماكانت من النوع اللي يحب يتكلف بالذوق
فكان ذوقها دوم رايق
(مدى بطلبك قولي تم)

عقدت حواجبها مستغربه
ابتسمت وهي تشوف شكل فزاع وهو متحمس
(تم تم بس وشهو الطلب ؟؟؟؟؟؟؟؟؟؟؟؟)
فزاع والابتسامه شاقه حلقه
وعيونه عليها مايبي يفوته رده فعلها
(اممم هاذا ياطويله العمر وحده مطفشتني من كثر اتصالاتها لي عجزت وانا احاول اصرفها)

مدى برفعه حاجب وملامحها صارت بارده
(طييب وانا وش لي خص؟؟)
ابتسم هذا اللي يبيه يبي يعرف رده فعلها
يبيها تغااار
هو يعشقها بس عجز يعرف شعورها له
وهو يسوي انه متضايق
(ابيك تردين عليها وتصرفينها...قولي لها ان هالحركات عييب يعني بطريقتك فكيني منها)

بتركيا كان هالشي عادي وطبيعي
وماراح تستغربه
بس بالفتره اللي عاشتها هنا
عرفت ان هالشي مصيبه
هي ماتدري بالضبط هو حلال ولاحرام
بس اللي متاكده انه يعيب الرجال
ومصيبه على البنت
وبفضول بتعرف عن حياه فزاع اكثر
سحبت الجوال من يده
وعيونها بعيونه ضغطت الزر الاخضر
من دون ماتكلم
مرزوقه واللي مو مصدقه انه حن عليها ورد
وبلهفه (هلا بحبيبي وعمري وينك وحشتني كيف اهووون عليك كل هالووقت
ماترد علي ولاتعبرني )

برد وجهها وهي تسمع كلام مرزوقه
مستحيل يكون مايعرفها
اذا ماكانت حبيبته بس زعلان منها
ويبيها تغار لاسمعت صوتي
وهي تناظر بفزاع اللي متحمس
وينتظر وش بتقول مدى بالذات وهو عارف ان مرزوقه
ماتبدا بالكلام لازم هو يهلي فيها ويرحب
بس سكوت مدى خله يتوقع ان مرزوقه تكلمت وبثقه
اكيييد ماراح تكون قالت لمدى غير الو ولا هلا
كملت مدى وهي بتعرف وش السالفه



بس بطريقه فزاع وبصوتها الدلوع
(خييير اش هالازعااااج ؟؟ وش تبين داقه)
مرزوقه بصدمه وشلون جوال فزاع ترد عليه بنت
الا اذا كان معها لانها متاكده ماعنده فهالديره اهل
(انت اللي خييييييير وشلون تردين على جوال فزاع حبيبي وينه هو عنك )
تقول فزاع وهي يقول ناشبتله وماتنصرف وانه مايعرفها
اجل وشلون عرفت اسمه؟؟؟؟؟؟؟؟؟؟؟؟؟!
وبثقه تقول حبيبي!!
وبعيون بارده ناظرت بفزاع
وكملت بتريقه (حبيبك عندي بس لايكووون ماقالك عني!!)
مرزوقه بعصبيه ويدها على النايلون اللي مغطي شعرها
عشان الصبغه وهي حاسه من قهرتها بتشققه
(لاياعين امك ماقال لي شي ..وانا اشوفه مختفي عني اثاريه لاقي غيري
نذل مو غريبه عليه خساره الوقت اللي ضيعته وانا افكر فيه من حبي الزايد
بس وش متوقعه منه وهو كل يوم مع وحده !!!!!!!!!!!!!!!!!!!)
شدت على الجوال بيدها ....
من صدمه اللي تسمعه
حست بقرف فظييييييييع
ماتدري وشلون رضى على نفسه يكلم هالاشكال
وبعد فيييه غيررررررررها؟؟؟؟؟؟؟؟؟؟؟؟؟؟؟؟
ماقدرت تحمل صراخ مرزوقه من تكلمت ماسكتت
وبالبرود اللي قدرت تبينه
حذفت الجوال واللي طاح بحضن فزاع المنصدم من حركتها
وقفت.........
وهي تناظره باستحقار (خذ كلم حبيبتك حرام كل هالوقت ماتطمنها علييك...)
وبتقليبه عين...
طلعت من السقيفه وراحت لغرفتها........
وهي مقهوره من اللي عرفته عن ولد خالتها واللي توقعته ارقى من كذا
ولاتذكرت وش الحركه اللي سواها قبل لايعرفها ...........


**لواخسركـ من غيرتـي ولاتحكم بالشعور
هذا ترى من طيبتي واعذرني لو ازعل واثوور**


<<عند مرزوقه






صكت الجوال بقهروحذفته على الارض
وانا اقوول ليش مختفي؟؟؟؟؟؟؟؟؟؟؟؟؟؟؟
وبهبالتي احسب انه تعبان وقلقانه عليه
وش هالحظ يعني يوم حبيت يطلع نذل كذا
ليتني ماعرفته ولاحسيت بهالذل
جلست على سريرها ودموعها صارت تنزل
وكل مامسحتها عاندتها و زادت.........












ــــــــــــــــــــــــــــــــــــــــــــــــــــــــــــ ــــــــــــــــــــ







لا تــ ع ــودني ع ــلى قربكـ كثـــير........
ثــ م تترك ــني ...:"على حال" ..الظــــــــ م ـــا..!!

وهي جالسه على كنبه قبال التلفزيون
وحاضنه خداديه....ومقهوره
حاولت تكابر وماتبين قهرها من كلام ابووها
بس ماقدرت وهي تذكر كلامه
البارد لزايد مع انها متاكده ان هالكلام لها
(ان شالله تكون رمووسه مو مقصره عليك ترى ابدا ماعندنا بنات يزعلن ازواجهن
لان البنت لاطلعت من بيت اهلها لبيت زوجها ...مالها رجعه ابد مهما صار .. ولاشفت منها قصور
وانا عمك تفاهم معها مع اني ادري ان بنيتي عاقله)

غمضت بقوووه وهي تبي هالذكرى ترووح
ليش يبه تذلني قدامه بهالشكل
وتحسسه اني رخيصه عندكم!!
لو قلت لي انا مايحتاج هو يدري وينبسط بكلامك
مو كفايه اني مغصوبه عليه
وهو مو مقصر فيني يعاملني بقسووه وانا مدري وش سببها
حست بالدمعه تحرق عيونها
وتنزل ولافكرت ترفع يدينها وتمسحها
تحس بنفسها ضايعه وتعبانه من كل شي
*



*
















تنهد وهو يشوفها بهالشكل
من يوم راح ابوها ونفسيتها دمار
يحق لها من كلام ابوها اللي زي السم يجرح
بس هالكلام وسوى فيها كذا
كيف لودرت اني حتى انا مغصوب عليها ولابغيتها
قرب لها وهي ولاحاسه
انحنى يمسح دمعتها اللي نازله على خدها
فتح عيونها بقوووووه من الفجعه
ولقته قدامه بس هالمره بعد مابدل ولبس بنطلون بني محروق
وبلوزه رسمي بيج كان شكله عذاب
تنهدت ولفت وجهها عنها وهي مافيه حيل تقووم
وتروح لمكان بعيد عنه
كفايه انها على جلستها من الظهر
ولاتحركت
جلس جمبها وهو يحضن كتوفها بيدينه
وبابتسامه حلوه (ريموو....علامك فيه شي مزعلك)
لفت له مستغربه
اول مره يدلعني غريبه
وبعفويه حطت يدينها على يدينه اللي كان مريحها على
رجله وبنص ابتسامه (مافيني شي انت لابس بتروح لوووين ؟؟)

حس بجسمه يرتجف تحت لمسه يدينها الناعمه
وبصوت حاول يكون عادي (بروح اجيب لنا عشا انت امري وش تبين)
لا اكيييييد فيه شي..
فيه انا بالسالفه وش هالحنيه
معقوله انه فرحان عشان كلام ابوي لي؟؟؟؟
وهي سرحانه فيه وبملامح جامده(جييب الي تبي )
مايدري وش صار له كل اللي يعرفه
انها حزنته وكان نفسه ينتف ابوها على هالكلام
بس ماتنجرح..
وقف وهو يحط المفتاح والجوال بجيببه
(خلاص ابشري باجيب احلى عشووه ...بس ابطلبك)
رفعت عيونها له..
وهي حدها تعبانه مو بجسمها بس بنفسيتها
اللي تحطمت اليوم
وش اصعب انك تحس انك رخيص عند اهلك
ويبون يتخلصون منك باي طريقه
وهي تمرر لسانه ترطب شفايفها الناشفه
ومافيها الابقايا روج
(امرني وش تبي )

انحنى لها
وهو يمرر اصابع يدينه على خدها
اليمين وبحنيه (مايامر عليك عدو بس ابيك تروحين ترتاحين وتنامين
وانا اذا جيت وجبت العشا باصحيك)
حست ببروده بجسمها من لمسته
وببرود (طيب ولايهمك)
ابتسم وهو يشدها مع يدينها ويوقفها
(يالله هاللحين قومي وروحي نامي مو طالع لين اشوفك
داخله الغرفه)
ابتسمت غصب عنها وهي ماتدري وش سر
اهتمامه المفاجىء فيها
وهي تغمض عيونها وتفتحها بارهاق
(هاللحين اروح ...انتبه لنفسك وانت بالطريق)
































*


*




*



دخل الشقه بهدوء
تاخر شوي برا لانه لقى واحد من اصحابه بالمطعم
وسولف معها بالقوه لين قدر يصرفه.....
عقد حواجبه وهو يشوف الشقه غرقانه بالظلام
عرف انها نامت
وهو يشغل نور الصاله ويحط العشا والجوال على الطاوله

جلس على الارض وهو متكي راسه على الكنبه
اللي وراه.........

يبي يجلس مع نفسه شوووي
الافكار توديه وتجيبه ولايدري
وش يسوي ؟؟
عقله يبي ريماس يحس عندها الامان والدفا
كفايه انها مرته وصابره على كل اللي يسويه فيها
بس قلبه ماوقف يذكرها بمها
انحنى وهو
حاضن بيدينه راسه
وهالهواجس متعبته




























*