لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 14-12-08, 09:51 PM   المشاركة رقم: 61
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة الاميره روزي مشاهدة المشاركة
   مسائكم مسكـ


ياهلا وغلا يسعد مساكـ
كل عام وانتم بخير




شدني عنوان الروايهـ

لي عوده بعد قراءة البارتات

للتعليق


يسعدني تواجدك


وبانتظار تعليقك <<تستغرب ليش اللي يكتب هالجمله مايرجع يعلق ^_^


غدووووورهـ

بالتوفيق يارب00





منووووووووووووووووووره يالغلا



لاتحرميناطلتك

دمت بحب

 
 

 

عرض البوم صور غدووورة   رد مع اقتباس
قديم 14-12-08, 10:04 PM   المشاركة رقم: 62
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة كويتيه ولي الفخر مشاهدة المشاركة
  
كل عام وانتم بخيير.


ياهلا وغلا حيالله الكويت واهلها وانت بخير قلبووو

سلامتج الف سلامه غدوورة ماتشوفي شر اكيد ياتج سخونه مع هالبراد


الله يسلمك من كل شر يارب


ايوا والله مع هالبراد وعساكم ماتجربون هالمرض يهد الحيل



اول شي حبيت اقولج اني والله ماسجلت الاعشان روياتج وعشان اشكرج علييها صدق انتي انسانه




وايد مبدعه.

لي الشرف والله ان تسجيلك يكون عشان روايتي


مشكوره من ذوووقك هذا كله


وانا اللي اشكرك على التواجد الرووعه

وعلى فكره حتى بنات خالاتي يتابعونج بس من وراى الكواليس خخخخ لاتتضايقي

عمرج اذا ماجاتج ردود ترى وايد اللي يتابعونج ينتظرونها تكمل.


ياهلا فيييك وببنات خالتك حتى لو من ورى الكواليس


اهم شي انكم متابعين وان شالله تكمل



بس عندي ملاحضات ياريت ماتضايقج


بالعكس يسعدني اقرا ملاحظاتكم


ونقدكم وردودكم مهما كانت


لانها اكيد بتطور مني



شخصياتج جريئه واحداثج كثيره بس احس انج بالغتي بجانب الشر صحيح الدنيا موب ورديه بس موكلها

جذي احس ان الروايه بدتت تتغير عن قبل


ياقلبي لازم تتغير الروايه


انا عندي قصص واقعيه وقضايا اثرت فيني وابوصلها فهالروايه


يعني طبيعي تتغير وتتطور مع الاحداث


اكيييد مو كل الدنيا فساد

بس غالب وانا حاول اوصل منه واعطي فكره يمكن اقدر انبهه منه


ونحاول نبعد عنه او نحذر منه




والجانب الرومانسي هو ريماس وزايد واحسك تبدعين فيه بس ماتكملين يعني احسه مبتور


هههههههه مو مبتور بس كنت ابيه يبان مع البارتات


بس ولايهمك هذاني نزلت عنهم كثثير وان شالله يعجبونكم




انا هالحيني مبسوطه لفزاع ومدى ومتشوقه لهم بس خايفه انج مااتخلينهم رومانسيين


تو الروايه مانتصفت يعني يمكن يصير كذا


ويمكن لا انت تابعي قلبوووو




حبيبتي هذى تعليقي على روايتج على العموم واتمنى انج ماتخذين خاطرج مني

لاقلبي ماخذت على خاطري

بالعكس استانست حيييل

وانا اشوف هالتفاعل

واعرف راي من اللي يقرووون

واتمنى انك دايم تكونين بهالتفاعل


لي عوده قريبه ان شاء الله للتعليق على الشخصيات بأسهاب

انتظر عودتك بشوووووق


ولاتنسين تقولين لي راي بنات خالاتك

لانك حمستيني لهم

وياارب تقومين لنا بالسلامه ومايتاخر علينا البارت الياي




منوووووووووووووووووووووووره


لاتحرمينا تواجدك الروووعه



دمت بحب

 
 

 

عرض البوم صور غدووورة   رد مع اقتباس
قديم 14-12-08, 10:08 PM   المشاركة رقم: 63
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة دانة الحمادي مشاهدة المشاركة
   السلام عليكم ورحمة الله وبركاته


ياهلا وعلييييييييكم السلام


غدير حبيبتي اخبارك


بخير قلبي بس والله السخونه والتعب

كان هاد حيلي


قلقت عليكي كثير


والله ماكنت يم النت


من التعب واعذريني اني مارديت


واول ماصحصحت بديت اكتب واحاول اعجل


ونزلته بارتين عيديه لك ولاهان اللي يقرون

طمنيني عنك غاليتي



هذاني يادندونتي طيبه


وان شالله انت تكونين بخير



مع هالاجواء المتقلبه


احلى تحيه





ياقلبي يادانه


مشكوووووووووره على اهتمامك


والله لايحرمني طلتك

 
 

 

عرض البوم صور غدووورة   رد مع اقتباس
قديم 14-12-08, 10:12 PM   المشاركة رقم: 64
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة جوودي1 مشاهدة المشاركة
   اهليييييييييييين غدوره

ياهلا وغلا


الف سلامه عليك


الله يسلمك من كل مرض يالغلا


والله كان ودي اكتب الرد من زمان بس كنت اقرها وعلطول طلعت للبر وتوني ارجع

اهم شي غلاي انك رجعت بالسلامه

واكييد فليتيها بالبر

وبالذات صحيت الصبح والشمس توها تشرق رووعه

بس لو عزمتيني بدال جلستي بالبيت والطفش


ان شالله تكونين انبسطي


وبعد مهم انك نورتي ورديتي


ننتظرك حبيبتي لا تتئخرين عليناا ..




مشكوووووووووووره غلاي على التواجد الروووعه


دمتت بحب

 
 

 

عرض البوم صور غدووورة   رد مع اقتباس
قديم 14-12-08, 10:16 PM   المشاركة رقم: 65
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 



بسم الله الرحمن الرحيم

البارت الثامن والتاسع

**بارتين عيديه دانه ولاهان الباقي***






ــــــــــــــــــــ
فزااع وهو مستغرب معقوله اكون عرفت خدامات ؟؟
اجل كيف عرفت اسمي ؟؟

وقبل مايسالها مدى من الخووف صكت بوجهه الباب ..
طاحت عيونه...هاذي خبله ولاايش سالفتها؟؟
ليش تقفل الباب بوجهي وبطفش

رجع دق الباب .......بيدينه

ياجدتي افتحي...

وبصراخ وهو حاط يدينه على فمه( ياجده ..

مدىاللي كانت وراء الباب وتسمع..

هذا شكله خبل من وين جات جدتي جده له..
بس شكله جد ماعرفني؟؟

ماحست بنفسهاوهي تصارخ
(لييه جاي اجل؟؟؟)

فزاع اللي كان متربع على الباب (ابشوف جدتي )


حطت يدها على فمها.. ياويلي
لوتدري جدتي اني رازعته عند الباب
لاتكون ذابحتني ...
تنح نحت (هييه انا بافتح الباب وانت ادخل بعدها بخمس دقايق للسقيفه..وانا هاللحين اناديلك يمه )
فتحت الباب الحديد...

فزاع اللي وقف ينفض التراب من بنطلونه وبطفش(اخلصي ترى ماصارت زياره عليينا)

انتبهه لها وهي تركض ..
تقول يمه ..يعني مو خدامه...
وبعد مستحيل تكون خالتي
شكلها اجنبيه...شعرها بالحيل احمر

صوتها بعد ..

سمعته بس مدري وين ...
مو غريب علي ؟؟

*


*



*






















وهي تناقزعند راس جدتها...اللي تسوي اللبن
(يالله يمه قسسم رجال برا..ويقول يبي جدته اللي هي انت )

جدتها اللي قامت تغسل يدينها مستغربه(هووو..من يعني؟؟يكونون من عيال خالتك؟)
مدرى بحماس وهي تناقز وفستانها البيج يرتفع مع نقزها (لايمه هاذا فــــــ ...)

سكتت..

وهي تنتبه للي كانت بتقوله جدتها مايفووتها شي اكيد بتسالها من وين عرفته..

جدتها وهي تعدل لثمتها ناويه تشووف مين اللي جايهم ........
زمان ماجاهم احد..

وهي تناظربمدى(ميدى لايكون طلعتي له بهالخلاقين؟؟)

مدى وهي تلم اطراف فستانها على ركبها

وبربكه(هاااه...لاهو ماشافني ..وبعدين حرام عليك يمه اسمي مدى...بفتح الميم كرهت اسمي )
جدتها وهي مطنشتها وماسكه ابتسامتها لاتبان(ميير انا بغير اسمك لحصه ولاشمه عشان ماتبلشيني لانطقته)

مدى وعيونها الصغار صارت من الفجعه كبر الفناجيل....

ياويلي لاتسويها يجي عليها..

ركضت وهي تحب يد جدتها (لايمه تكفين وش هالاسامي..خلاص انطقي اسمي زي ماتبين يهبل منك)
ضحكت جدتها وهي طالعه(هههههه والله انك خبله وش يعرفني من وين تنغير الاسامي...مير زيني دله القهوه وكثري العويدي فيها)

استغربت انها ماتحججت ولا اعترضت...

مدى وعيونها على دله القهوه تبيها تستوي بسررعه..

معقوله يكون فزاع يقرب لي ؟؟؟؟
طيييب هو كان يدري انه يصير لي ويسويها مقالب فيني...

يكون يلاحقني وعرف ؟؟؟

بس اتوقع ان السعودي يسوي مصيبه لو طلعت وحده من اهله كذا..
كشرت.........

وانا مافيني شي ..

قطع تفكيرها صووت القهوه وهي تنتثر وتطفي النار...














*



*


*














له نص ساعه من يوم جلس وجدته تتهلي وترحب فيه

واغلب ماتسال عن عزام...

ولاسالت عن امي ولاعبرتها...
بس وشلون اسالها عن اللي فتحت لي اول

قاطعها(جدتي اللي اول فتحت لي الباب مين هو انت عندك خدامه؟)

جدته وهي تحرك يديها على الارض..
وتجمع فتافيت وهميه ..وبعد تعبها ترميها
وترجع تعيد شغلتها من اول وجديد
(خدامه بعينك ياللي ماتحشم احد هاذي بنت خالتك النايفه)

والله شكل جدتي خرفت ...خالتي من يوم هي صغيره

وهي ضايعه مايعرفون لها طريق(جدتي والله اني اتكلم صدق ..هذي من هي ؟؟)
جدته وهي معصبه (اصغر وراعينك عشان تكلمني كذا..صدق ان امك ماربت غير عزام

وانا الصادقه هذي بنت خالتك النايفه ...هي ماكانت ضايعه ؟؟ لقاها تاجر تركي ورباها لين كبرت واعرست عليه
وجابت منه بنت ..عاد توفت هي وزوجها بحادث الله يرحمهم والبنت رجعت لي وربيتها )

بدون شعور.... بصووت واطي (اوووخص يهالتركي مخلي المزايين اللي عنده وماعرس الا على خالتي )

جدته الي ماسمعت(هاااه ارفع صوتك ياوليدي ترى السمع هالايام غادي عندي ماش ماهو مثل الاول)

فزاع بابتسامه(اشوا انك ماسمعتيني ولاكان رحت فيها)

جدتها (هاااه مين اللي راحت فيها)
فزاع وهو ميت ضحك (سلامتك ياجده ماحد راح فيها )

مع انه متحمس يعرف كل شي عن بنت خالته

بس طفش وماهو عارف وش يسولف فيه

(يالله جدتي تبين شي بامشي)

جدته سحبته من يده تجلسه..

(اصبر والله منت برايح لين تقهوى.... القهوه والمه)

دخلت مدى وهي بتشقق من الوناسه..

و لابسه جلالها مو باين الا وجهها

اخيرا صارلها اهل تنبسط معهم ...

مع انها لسى مو مستوعبه ان فزاع يقرب لها

وبابتسامه حلوه (السلام عليكم لايكون تاخرت يمه)

كان منزل راسه يلعب بمفاتيح السياره اللي بالارض

سمعت هالصووت بس مدري وين.؟؟

وبكشره وهو بدون مايرفع راسه (لاماتاخرت بس كني حسيت انه لوذبيحه استوت وقهوتك ماجات )

مدى وهي تناظر فيه وهو مو يمها وفقعت ضحك(ههههههههههه اوما كثر منها باسوي لك ذبيحه)

توقع ان بنت خالته النايفه بتكون متغطيه مو باين شي منها..

حتى لو كان ابوها اجنبي ..
بس من سمع هالضحكه العاليه والجراءه بالكلام غصب رفع راسه
مات الكلام بفمه ........

عرفتها وانا اقول اني شايفها اثاريها مدى

مدى اللي عرفته من النت
وهو مو مستوعب(انت بنت خالتي النايفه؟؟؟)

مدى وهي تربع ومستانسه على شكله وهو منخبص

(عندكم اسمها النايفه بس انا اعرف ان اسمها غيرالله يرحمها)

جدتها بتنهيده وهي تذكربنتها الغاليه اللي طول عمرها قلبها معورها على فقدها

(الله يرحمها كانت تعرف اسمها مير ابوك غير اسمها مدري وشهوله صبي القهوه بس)

مدى بطاعه وبدون ماتناقش صبت القهوه حاسه مافيه اسعد منها

طفشت من الوحده ودام ولد خالتها ساكن قريب يعني اكيد ماعاد بتمل

حتى لو كان فزاع الغثيث اللي تكرهه
وهي تمدله فنجال القهوه (فزاع سم تقهوى)

اخذ الفنجال منها وهو ماهو مستوعب ..

مدى اللي كان على طوول يأذيها

تطلع بنت خالته ولا جالسه قباله هاللحين وتقهويه...

فزااع بهمس مصدوم(اخر انسانه كنت اتوقعها تقرب لي او اعرفها هوانت يامدى )
مدى وهي تسبل بعيونها بحركه دلع

(لييييييش وشفيني ياحليلي والله تحمد ربك اني بنت خالتك )
ضحك فزاع على شكلها الجديد عليه...
(هذاك اليوووم اللي عرفتك فيه..جاب لي واحد من خوييني اسمك بالكامل

انصدمت كان اجنبي يعني باين انك مو اصل سعوديه ..ويوم شفت انك مو مغطيه وجههك
غسلت يدي انك تقريبن لي )

دفته برجلها اليسار وهي تاشر له يسكت عشان جدتها..
وبضحكه من ورى ضرسها ترقع لعمرها(هههه هههي اقول فزاع تقهوى لايكون ماعجبتك القهوه)

فزاع بنذاله وهو يلوي فمه انه مو عاجبته مع انه عمره ماهتم للقهوه (هيلها ناقص ..يمكن لو زودتيه زين عاد انا ماتقهويت اليوووم )

جدته بعصبيه على مدى وهي مو معجبها ان ولد بنتها يكون نفسه بالقهوه

وماتجي بمزاجه ويشربها(هاللحين ميدى تزيين لك غيرها..مع ان هالمره احسها تهول ضابطه ..)

فزاع وهو ماسك ضحكته ...رحمها(لاخلاص ياجده كذا تقهويت شووي وبروح عندي دراسه...بس انا بسالكم لايكون قاصركم شي..ترى حتى عزام موصيني عليك)

مدى وهي عاقده حواجبها تستوعب..

يعني بعد عندي ولد خاله غير فزاع..

ياحظي والله..
جدته والابتسامه شاقه حلقها من سيره عزام اللي تحبه حيل

(لا والله ياخوو الغالي هاللحين ماقاصرني شي..كود بالايام الجايه نحتاج شي

وبالذات ميدى اللي ماتطرى عليها حوايج وكتب الدراسه غير لاصار الليل وانا اخاف عليها ماخليها تطلع بالليل)

مدى و الابتسامه جمدت على شفايفها
يعني لازم تفشيليني فكل مكان وتقولين قصه حياتي

فززاع اللي جاه العرض من الله
(ابشري ياجده هاللحين ابعطيك رقمي ولايردكم الازر الاتصال الاخضر)

مدى وهي رافعه حاجبها اليمين

وبابتسامه على الجمب اشرت على جوالها

تذكره ان رقمه عندها من ايام الهنوف

وبابتسامه(ان شالله يمه بسجله ..)

تفشل فزاع من اللي كان مسويه مع مدى..

وحمدربه انه ماسووى معها شي اكثر

وهو يحب راس جدته ويحط مفتاح سيارته وجواله

بجيب بنطلونه
(يالله انا بروح....تامروني على شي؟؟؟؟ انا اصلا كل شوي بامركم)
جدته وهي ترجع الفناجيل للصينيه
ومو معجبها انه بيجي كثير وهي عارفه ان جيياته بتكون عشان مدى
(لا فمان الله وحفظه....انتبه لدراستك ولاتكثر جياتك)
وقفت مدى وهي ناويه توصله...

(خلي الفناجيل انا المها جدتي بس باوصل فزاع الباب)

جدتها وهي تسحب طرف جلالها وتحد عيونها لمدى
والوضع موعاجبها(لا مايحتاج توصلينه هو يدل الدرب اللي جا منه)

فزاع اللي ابتسم فهم تصريفه جدته

وبهمس لمدى وهو يشوف وجهها قالب الوان من الفشله

(انا كل شوي بامر لاتخافين ونفلها سووووى وباجيب معاي افلام تضحك وورق نلعب فيه


*


*






























<<فالاستراحه وبعيد شوي عن زحمه وازعاج الشباب









فزاع وهو مستغرب ولاهو قادر يستوعب كلام عناااد(هاللحين مافهمت وشلون صور سعوديات وبحركات حلوه ؟؟ماتوقع ان سعوديه بترضى انها تنصور وتسوي حركات بعد وهي عارفه ان صورها بتنتشر)

عناد وهو حاضن ظرف كبير..
ومقهور من غباء فزاع(فزاعوه ركز وعن الدلاخه ..اكييد انهم مو براضيات..لانهم اصلا مايدوون..

ياذكي افهم ..البنات ذولي يتصورون اذا كانوا عرايس..او بشبكات او صور لنفسها..عاد اكييد بتسوي حركات دلع ولبس كشخه..طبعا عاملاات المشغل بيحمضون صورهم ويعطونهم وياخذون نسخه ..وهالنسخ يبعونها لي فهمت ؟؟)
فزاع وجهه صار الوان..........

حرام وهالبنات ساهيات مادروا عن شي..

مدروا عن العاملات اللي مستهينات باعراض الناس
ويلعبون فيها ويبيعونها باسعار مهما كان غلاها

مايوصل لغلا الستر لهالبنات الغافلات..ّ!

وبدون شعوور(اعووووووذ بالله وانت وشلون تشتري ماتخاف من الله وانت بتفضح هالمستورات..ماتخاف ربي يبليك باهلك)

عناد وهو يفرك اذونه مو مستوعب ان هالكلام يطلع من فزاع

وبابتسامه بعد ماخمن وش اللي صاير بفزاع(لا ماعليك انت بالسليم انا اشتريتها..عاد كانك تبي هالصور تفرج فيهم تسوي ستايلات للمنتديات منها..صور شخصيه اللي تبيه فدوه لك)
سبحان الله من كثر الاستهانه
بصور واعراض البنات مالقوا يستخدمونه الا باتفه الاشياء

فزاع والدم يغلي براسه

كل شي توقعه الا انهم يوصلون لهالانحطاط

صح هو يحب يلعب ويتسلى بس مو كذا وباعراض الناس!!!

وبعصبيه (وربي ياعناد لو مارجعتها للمكان اللي جبتها منه..لا انت صاحبي ولا اعرفك)

عناد وهو مستغرب وش اللي متغير بفزاع

(غريبه علامك فزاع توقعتك اكثر واحد ينبسط وبالذات ان هالصور سبيشل ولااحد صارله يشوفها غيري وانت بعدي )


فزاع هذاك اول قبل ماعرف ان لي بنت خاله

واخاف هالبلاوي اللي نسويها ترجعلها

وهي الضعيفه فرحانه انه طلع لها اهل

مابيه تندم على اليوم اللي عرفتني فيه

وهو ينهي الموضوع بعصبيه(قلتلك ومو عايد كلامي...هالصور ترجع للمكان اللي جات منه ولا ابي احد يشوفها ولا ترى اخر مابينا )


عناد هالصور ماصدق طاح عليها
وكان حيل مستانس فيها وماهو مقتنع انه يفرط فيها
بس صحبه فزاع اهم..

ّومثل هالصور ينتعوض مو صعبه عليه!
وهو مقهور(افاااا عليك..خلاص ازهلها اعتبر الصور رجعت من المكان اللي جات منه
مايستاهل الموضوع تحرق دمك!!)

فزاع بابتسامه وهو حاس انه بيتشقق من الوناسه

بعدما قابل مدى وجلس معاها

يحس باحساس جديد عليه ماقد حسه

بنت خالته..!!

شي منه وفيه...........

وبعدفلاوويه واكيد انه بيقضي معها ايام تجنن!!
ـــــــــــــــــــــــــــــــــــــــــ






تربعت على ارضيه المطبخ...
بتشقق من الوناسه وهي حاضنه الصحن وتاكل باستمتاع
واخيرا ....

عرفت طعم جلي الفرواله ........
ياحظ الناس اللي كل يوووم تاكله ...

و تقوول امي ان التمر هو اصل الحلا

اجل هذا وش ينقاله؟؟؟
وهو يتمرر لسانها على الباقي بالملعقه...

يازييينه...

ياحظ خالتي فالنعيم اللي هي عايشته.


سعوود اللي كان ساعه وهو واقف يتامل فيها ومصدوم

ماتوقعها تحب الاكل بهالطريقه
مايدري عن الفقر اللي هم فيهم

وهو يناظر فشعرها القصير اللي لامته اثنين..

وبالفستان اللي لابسته كان اقل من عادي استغرب ذوقها

كذا وهي بالجامعه!!

وبصوت عالي وهو عاقد يدينه لصدره

(بالعافيه مابغيتي تخلصين )

هيوف من الفجعه شرقت

(كح كح كح انت من وين طلعت)

بابتسامه وعيونه عليها (من الباب دخلت بس انت مشغوله بفجعتك بالاكل )

والدموع تلمع بعيونها..

حاسدني على الحلا اللي اول مره اكله

وبقهر (انت ماتحترم وش مدخلك بدون ماتنح نح ولاتعلمني بجيتك...ماتعرف اني معكم بهالبيت ترى مايتعبك لااستاذنت)

هذي علامها معصبه...

زي اختي ولا فيها زود ينحب!!

وهورايح للثلاجه ولا معطيها اهتمام

(بدال مانا اتنح نح وهالازعاج كله ..خلي جلالك عليك..مع اني ماشوف له داعي
حافظ شكلك ..ولاتخافين ترى ماراح افكرفيك....وشفيك انت زي اختي )

حست بالباقي من طعم الجلي الحالي بفمها

حامض مو قادره تبلعه ..

اخته؟؟؟؟؟؟؟؟؟؟؟؟؟؟

يستهبل هذا؟؟

وش منقصني عن بقيه البنات عشان اصير اخته ولايفكر فيني غير كذا..

ومطلعني انا الغلطانه اني مالبس جلال

وبطفوليه وهي معصبه (انا الغبيه اللي تاركه بيتنا وجايه اخدمكم ولامبين بعينكم)

ضحك وهو يناظر بالثلاجه يدورالببسي اللي كان حاطه يبرد
(انت جايه تساعدين امي مو تخدمينها من خواتي العفاريت..وبعدين هذا
من طيبه خالتي اللي رضت انك تنامين عندنا...)

مو معبرني يتكلم كاني بيبي ومالي شور بشي

وقبل ماتكلم قاطعها بدون مايلف لها

(شفتي الببسي اللي كان بالثلاجه؟؟؟)

ويدينها على فمها
يووووووووووووه

لو يدري اني انا اللي شربته وش بيسوي

بس شكله وهو بارد اغراني اشربه

كلها ريال مو مخسره شي خله يبي؟؟

يروح يجيب لعمره..

ابتسمت وهي تركض (سعود لاتناظر وراك تراي باطلع ..واذا على الببسي روح اشترلك

تراه كله بريال )

ليييش حاس بصوتها ضحكه؟؟

شكلها هي اللي شاربته وبصوت عالي وصلها

(هيفااا ..اذا ماعليك امر اكووي لي ثووبي شوي باطلع )

هيووف بطفش..

وش ذا على باله خدامه اندونسيه
قال ايش قال زي اختي ..
يالله ...

ختامها مسك خلني اتصبر

ان شالله اليوم برجع لبيتنا خلاص خالتي

ماعاد فيها شي تضحك وتسولف

مع اني باخسر هالنعيم..
















*



*












تاففت ...

وهي تنزل المكوواه على الارض...

بعدت الكوااايه المرتفعه شووي وحطتها باخر المقلط

مدري وشلون يعرفون يكوون على هالشي انكسر ظهري وانا واقفه

صدق بعض العز ماله داعي ..

اخذت منشفه كبيره وافردتها على الارض وتربعت...


حطت ثوب سعوود على المنشفه وهي متربعه جلست تكويه

اييه كذا الوحده تعرف تمخ مخ زين ماهو اول كني واقفه على جبل !!

سمعت صوت دق الباب بس ماهتمت
لانها حاطه جلالها جمبها

اكييييد ذا خووي سعود سيف..

مشالله غير مرابط عندنا ودايم وخالتي ترسله يقضي
اغراض البيت حتى لاصار سعود مو هنا

من جد هاذي الصحبه ولابلاش
رفعت الثووب وقدمته لوجهها
وهي تشم ريحته وتنهد...
ياحضك وانت دايم الدووم حاضن سعوود

*


*

























بنص ابتسامه وهو يدخل سيف ويصك الباب وراه (حيااااك تفضل من بغريب )

وهو يكمل بدقه يبي سيف يفهمهاويخفف من زياراته اللي زادت عن

حدها (انت حافظ وين المجلس رح له ليين البس واجييك )

سيف ماهتم بكلامه لان باله مشغووول بامور كثيره
وكلها معلقه هنا (الله يحيك خلاص انت سوى اللي تتبي انا انتظرك)

وبتنهيده لنفسه ..

متى بس اللي احلم فيه يصير...
وبدال ماهو حلم يصير واقع؟؟

بدال مايدخل المجلس راح للمقلط ..
متاكد ان محد بيكون فيه ..وبعد بيجدد
طفش من جلسه المجلس
وقف جامد..............

وهو يشوفها قدامه ..
متربعه وحاضنه ثووب وتكلمه..

وعيونه عليها

ايوا والله صدق تكلم الثووب
ما يتهيأ لي
ويده على فمه مصدوم..
ياحرام مادريت ان سعود عنده اخت *عقلها شوي* خبله


وهو يعدل ثوبه اللي ضايع فيه من صغر جسمه

(الحلووووه اش تسوي؟؟؟)
هيفا من الفجعه نقزت وطااح الثوب من يدها..
غمضت من الفجعه (بسسسسسسسسم الله الرحمن الرحيم ..فهالبيت محديعرف يستاذن )

سيف اللي كان راحمها حييل
حتى شكلها طفولي ..وعيونه على شعرها اللي رافعته اثنين
مع ان طووله قصير
(لايكون خفتي ماقصدت ..وش اسمك ياحلووه ؟؟)

بعصبيه وهي تدور على جلالها
(خفت بعينك قله حيااا...قال حلووه قال..ويني وين الحلا )

هز راسه وهي محزنته وكاسره خاطره

وبعد تعصب ياحليلها


(عاادي حبيبتي لاتخافين انا معك..صراحه انتي حلووه )

سعوود.
ماسمع الا اخر جمله من سيف
قاطعهم.
وهو اللي كان يدور على هيفا بياخذ الثوب منها..

بس ماتوقع انها تكون بالمقلط...

سمع صوت سيف بالمقلط وراح يشوف وش اللي صاير

هاللحين فهمت ليش سيف مرابط هنا..

وكل شوي جاييي زياره ...

يتعذر انه يتطمن علي وهو يجي عشان يقابل هيفا

هذا وانا هنا وهم داريين عني سوا كذا ؟؟

اجل دايم وانا غايب وش يسووون؟؟

(لاياشيخ احلف انها حلوووه ..توني ادري..)

وبعصبيه كمل(وش مدخلك سيف هنا؟؟؟موقايل لك حياك بالمجلس؟؟ ترى مو مرجله انك تحوم بالبيت ماتعرف ان فيه حريم)

هيوف ياويلي هذا وين جا ؟؟

وش سمع وفهم؟؟

اشوا اني لفيت جلالي قبل مايدخل

سيف وهويدري انه غلطان(ماعلى بالي ان المقلط فيه احد...وانت قلت البيت بيتي يعني لو فيه احد كان بتقولي)

سعوود وهو يضغط على اسنانه مايبي يرتكب جريمه بسيف

وهو عارف انه مو قصده!!
(طييب خلاص صدقت امشي للمجلس..البس ثوبي والحقك)

سحب ثوبه من الارض ولبسه بتافف

قدام عيون هيوووف المقهوره
وبدون مايعطيها اهتمام
(وانت مالقيتي ترزين نفسك غير هنا ولا معطيته وجهه بعد وتسولفين معه)
هيفا وهي حاسه راسها يتبخر من كثر ماهي معصبه
وقفت وهي تصارخ عليه
(هييييييييه انت تراك زودتها حيييل...انا ماعطيته وجهه هو اللي دخل من دون احم ولادستور ..)

سعوود وهو يصك ازره ثوبه ولامعبرها

وبعصبيه مع انه من اول ماسك نفسه

(بعدي عن خوويي ...بتلعبين العبي بعيييييييييييد عنه تراه مو فاهم من الدنيا شي )

طلع وتركها مصدومه من اللي قاله...

وش يحسبني ؟؟

وش قالوا له عني ؟؟؟؟؟؟؟؟؟؟

هذا جزاي متحملته هو وغثاه..

وبصرااخ وصل له للمجلس

(من زينك ومن زينه...من جد انك قليل ادب وتقدير..اصلا تاركه لك الدنيا خضرا وسوا اللي تبيه )

سيف حاول يمسك ضحكته بس ماقدر

وهو ميت ضحك ومغطي راسه بيدينه
(هاذي اختك من متى خبـ..قصدي ليش معصبه)

سعود وهو مستغرب وشلون سيف يحسب هيفا اخته

توقع غير كذا توقع انها تحبه ويحبها

وهو متضايق من وجود سيف الكثير..

بس انه اصغر منه حتى صوته مو بالحيل خشن

وصاحبه مايبي يزعله
صقعه على كتفه (ياخيي استح لاتكلم عن اهلي بهالطريقه ..قووم امش خلنا نروح للعيال)

سيف بتكشيره(كنت ابي اسلم على خالتي) كان يقول لام سعود خاله احترام لها

سعوود وهو يرجع يدين الثوب لورا

وبدون اهتمام (لا امي شكلها نايمه بس اوصلها سلامك ..)



ـــــــــــــــــــــــــــــــــــــــــــــــ













تدري من الشوق صرت انا يغيابك
اشتهي ظلمك وحن حتى لعذابك
ليش بس الجروح من عندك نصيبي؟؟!







صارله كم ساعه برا البيت وانا رزاعني هنا..

حتى اغصان مارضى لي اروح اتطمن عليهم

ينرفز...........

رفعت كتفها اليمين..

تحاوول تبعد فيه خصله من شعرها طاحت على وجهها

تنهدت وهي تغسل يدينها من الصابون بالموويه

تكت ظهرها على المغسله بطفش

ولاكاني عرووس حتى المتزوجات من كم سنه مبسوطات اكثرمني
وهالعله مو معبرني بشي...
ولاني طايقه اشتغل بتصاميم حتى محلي زمان ماسالت عنه..
من الطفش نزلت كل مواعين وصحون المطبخ ....
اغسلهم واتسلى فيهم..
مسحت يدينها بظهر قميصها الليلكي الفاااتح ..

وغطست يدينها بالصابون ..
وبتافف كملت شغلها....

وحطت حرتها بالصحوون اللي تغسلها رغم انها نظيفه..


*


*
<<مرت نص ساعه وهي لسى تغسل الصحوون وبنفس التفكير

وهي تفرك كوب بالمويه والصابون...

لسى ماشرف حظرته اكيييد بالعسل مع مها واهله

وانا لحالي هنا والله بديت اخاف...

الله ياخذه وافتك..

دخلت يدينها مع الليفه بوسط الكوب وصارت تفركه من جوا

بقوووه..

مدري وش جاه مني دام مايبيني ليش متزوجني

بس عشان يقهرني

ينرفز ..........
ياليتني اقدر اموته وارتاح منه..

حست بالم بسيط..

اااااااااااخ وش ذا؟؟؟

كن يدي توجعني؟؟

اكيد يتهيا لي هالزايد حتى الوسواس جابه لي
حست بالالم يزيد...

طلعت يدينها اللي جوا الكوب ومغطسه بالمويه والصابون..
وبرعب ناظرت فالدم اللي يسيل منها...

ياويلي الكووب انكسر بيدي ..

وش السواه ؟؟

تالمني بالحيل...

وبسرعه اخذت قطن نظيف تحاول تعقم جرحها

بس الالم يزيد...

وشكل الكووب جرح يدها كلها لان الدم ينزف بشكل
غزير مو طبيعي....

والدموع تنزل غصب من الالام

ياربييي وش السواه ماني قادره اتحمل

ركضت لجوالها ..

دقت على لمار بس ماردت عليييها..

وهي تغطي يدها بمناديل زياده والدم مو راضي يوقف

دقت على رقم زايد ولقته مقفل...

ركضت ولبست عبايتها بسررعه...

ابطلع لو اخذ تاكسي ..

ذبحني هالالم والنزيف هلكني

تلثمت وهي مستعجله

حاولت تفتح الباب
مارضى ...

انتبهت انه مقفل..

بكت من القهر وهي تصقعه برجله..
خير ذا مريض مو بصاحي اجل يطلع ويقفل الباب علي

ماخاف انه يصيرلي شي؟؟؟؟؟؟؟؟؟!

وش سويت له انا..

وهي تشهق من الصياح سحبت عبايتها ونزلتها

موقادره تحمل عليها شي

حاولت تصقع الباب ينتبهه لها احد من اللي برا..

بس لامجيب

استسلمت للنزيف..

والالام اللي حاسه فيها ......
وهي حاسه انها بتمووووت من قوها
تكت راسها بتعب للجدار

ماتدري كم مر عليها وهي بهالحاله

تنتظر جيه زايد
تذكرت ....

انا ليش ماكلم امي ..

مع اني متاكده انها سهرانه برا البيت ولا عندها ضيووف

وهي تزحف بيد وحده تبي توصل لجوالها..

لان الدنيا بدت تدور فيها وتسووود من الدوخه

وهي تضغط الرقم بايدين مرتجفه وتدعي ربها

ان احد يرد عليها...

وعيونها برعب على كفها االمفتوح واللي ماوقف نزيف..!!

بعد الاتصال الخامس..

ردت امها بتافف لانها ماناظرت الكاشف عشان تعرف ان ريماس اللي تدق

وراها عزومه لابسه عشانها
(نعمممممممم )
ريماس بنفس متقطع من التعب والصياح (يممه اشوا اني لقيتك..يمه الباب مقفول علي وزايد مقفل جواله وانا بالحالي وانجرحت يدي من اول انزف حـ...حأسه اني موقادره)

وبصوت يقطع القلب من البكا(يمممممممه الله يخليك تعالي وديني المستشفى)

امها ..والله اني كنت حاسه ان هالزايد..
مايستاهلك ولايحس بالمسؤليه ولابترتاحين معه

مير الشكوى لله موبكيفي..

وبخووف (وزايد وين خلاص لاتخافين حبيبتي حطي مويه بارده على الجرح ولا اقول لا حطي ثلج حتى ابوك مسافر انا هاللحين اجيك لاتبكين يامي.. لاتبكين ياعيوني انا هاللحين اجي)

وبربكه نزلت السماعه..
محتاره وش تسوي شقه ريماس بالحيل بعيده
ولو اخذت السواق وراحت ليين توصل يكون صارلها شي..

وبخووف ياربي ادق على مين على الاسعاف ولا على الشرطه

حتى ارقامهم ماني حافظتها...

وش السواه ...

تذكرت رقم دايم تقراه فكل مكان بس ماتدري هو للاسعاف ولا للدفاع المدني

ودموعها مغرقه عيونها وباينه من صوتها

دقت عليهم وطلعوا الدفاع المدني ووصفت لهم بيت ريماس...
وعلمتهم باللي فيها.................




















*


*

*







امتلت العماره من رجال الدفاع المدني والاسعاف

وهم يحاولون يأدون وظيفتهم..
جسار وهو يناظر بشقه ريماس ويكلم خوييه


(انت متاكد ان هذي هي الشقه اللي جانا فيها البلاغ؟؟)

احمد (ايييه ذا الوصف يالله اكسر الباب تقولك البنت تنزف )

جسار اللي كان ماسك خوذته بيده

ولبسها ..طلع من الشنطه الاتهم

وهو يحاول يفك باب الشقه

ماخذوا وقت طووويل...

وبعيون متفحصه وهو يناظر بالشقه البارده
(شباب انتبهوا ترى الحرص زيين ..وجهزو سرير الاسعاف انا بدخل اول)

ماحتاج يدخل كثيير وسط الشقه..


شافها وجهها مصفر وشك انه من كثر النزيف






 
 

 

عرض البوم صور غدووورة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
منتدى قصص من وحي قلم الاعضاء, تأليف غدووورة, رواية قلوب محطمه باحضان المجهول, غدووورة, قلوب محطمه باحضان المجهول
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:11 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية