لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 30-11-08, 04:35 AM   المشاركة رقم: 46
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة دانة الحمادي مشاهدة المشاركة
  
السلام عليكم ورحمة الله وبركاته



وعليييييييييييييكم السلام


اهليييييييييييييييييييين


هلافيييييييك يالغلا


وصلت متأخره بس الاهم اني قريت البارت


ايوا والله اهم شي انك قريتي وعطيتيني رايك



عجيب ياقلبي يعطكي ربي العافيه

ياربي يعافيك من كل هم


حبيبتي انا مع الاخ/ت ميثان

يمكن ما تلاقي الردود الكثيره بس المهم ان فيه من ياتبع قصتك باهتمام


طيييب ياقلبوو بس انا ليه كنت اطلب ردود عشان اعرف اذا فيه

احد مهتم يقرا الروايه اعجبته او لا


مو بس انزل واكتب وانا مو لاقيه لانقد سلبي ولا ايجابي


يعني كانه نزلت ولا مانزلت كلها واحد


بس مع تواجدك انت و ميثان ولاهان اللي يقرون وماشوفهم


ان شالله انزل بارتات واستمر
لانها حيل تسعدني



انا عن نفسي ما عرفتها الا من منتدى ثاني منقوله ومذكور فيها اسمك

يعني فيه متابعين وفيه ردود.. تابعي ياقلبي


من عنوني حياتي باتابع دام عندي متابعين ذووق مثلك

اتمنى لك من قلبي النجاح



وزي ما قيل المشاكل الي بروايتك مهمه جدا.. والاحداث اهم




تقبلي مروري المتأخر


لو متاخر اهم شي انك جيتي ونورتي روايتي

وان شالله تكونين منورتها علىطوول


احلىىىىىىىىىىىى تحيه


دانة





مشكووووووووره حياتي


على التواجد الرووووووووووعه


ومني لك درزن تحيات

 
 

 

عرض البوم صور غدووورة   رد مع اقتباس
قديم 30-11-08, 04:41 AM   المشاركة رقم: 47
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

بـــــــــــــــسم الله الرحمن الرحــــــــيم

تنويــــــــــــــــــــــه:





قبل مانزل البارت وللامانه حبيت اقولكم

ان القصص والقضايا اللي اكتبها فهالروايه كلها من الواقع

يعني صارت فالمجتمع القريب مني ..واثرت فيني ولسى فيه كثيرقصص وقضايا

بس متردده فكتابتها ...حبيت اعطيكم خبر عشان مايجي بالكم انها خيالات بس وماتصير

فمجتمعنا وطبعا الخافي اعظم.... غدير الحربي


البارت الخامس..

الجزء الثاني




لاتضايق وتزعل..ماجرحني خطاكلاتأسف لجرحي .. وانت جرحي تبيه


غلطتي كل لحظه..في حياتي معاك


//




//





تلفتت حولها ...وهي تناظر بالمطعـــــــم

كان هااادي حيييل ...



والموسيقى اللي مشغلينها رايقه....






تنهدت وهي تنزل مسفعها عن شعرررها...




ناظرت بمرايه صغيره كانت بشنطتها تعدل شعرها




دامه يحب شعري حاضن ظهري ومفكوك باسوي اللي يبيه




واشوووف ينفع معه ولا لا..



اليووم باعامله على انه زوجي ..وبانسى هالعله مها يمكن



بعد هو ينساها ويتذكر اني مرته ..

دخل بثوبه البيج



وبغتره بيج واطرافها بني ...



والشرقيه بني ...*وانتوا بكرامه*



مع سمااره وشكله الرجولي طالع جذاب حييل



ومعه طلبات العشا




وبابتسامه عفويه (قمر مايحتااااج )



ابتسمت وهي ماتدري يقولها هالكلام قاصد ولا متعود عليه



وبصوتها الناعم وبحيااا (الله يسلمك )



زايد وهو يرتب صحون العشا على الطاوله


وعيونه على ريماس ...اللي تفرج بمناظر الطبيعه اللي حولها


ياحلااااااااتها حتى بالعبايه طالعه تجنن



يحس لها هيبه ورزه بالعبايه ماتنلام بنت الصقر....

وعيوونه عليها..(يالله سمي وكولي)



ماتبي تعترض ..تعبت ونفسها ترتاح وتحس انها عروسه



مالها نفس بس بتاكل..بدت تاكل و مع طعمه اللذيذ صارت تاكل بشهيه


عقد يدينه لصدره ..ورجع ظهره للكرسي ...



وصار يتامل فيها وهو مستمتع صارت اهم هواياته مراقبتها



وهو يراقب شفايفها بروجها الوردي الفاتح


وشعرها الغجري اللي حاضن ظهرها..


وعيونها النجلا اللي مكحلتها باسود


رغم انها مو حاطه مكياج ثقيل الا انها طالعه ملكه جمال ..!!

رفعت عينها له وبعفويه (لييييييش ماتاكل ؟؟؟ صدقني لذيذ جرب)


وعيونه بعيونها (اذا اعجبك اكيييد انه لذيذ .بس انت كولي عني وعنك )

فتحت عيونها بكبرها من الفجعه ..وابتسمت وهي تهز راسها(وهـ تبيني اكل عنك بعد على كذا


بانفجر من السمنه د

دااخ على حركتها..وصوتها وهو مايبيها تسكت(عااادي كولي عني وش فيه مو انا زوجك؟ )


استغرب من نفسه وش جااب هالكلمه على لسانه ...

زين انك متذكر اني زوجتك ...مورجل كرسي بالبيت ..بس سكت وحاولت ماتبين

هي مبسوطه فهالجو وماتبي تخربه ..حطت له من الربيان بصحن ..مع سلطه وبابتسامه(طييب



خذ جرب كول من هاذي ..وبعدين ترى ماعرف اكل واحد يناظر فيني )



ضحك من قلب ...وبرضا اخذمنها الصحن(ههههههههه ابشري ولايهمك ... يعننك بتشغليني


بهالصحن عشان ماناظر فيك وانت تاكلييييييين فاهمها ياعسل )


سكتت وهي حاسه نفسها فرحانه مع ان كلامه مو رومنسي



الا ان رواقتهم معجبتها



كفايه انه لسى ماعصب ولاقلب عليها ...



مايبيها تسكت نفسه يسولفون بس ماعنده كلام رومنسي


او بالاصح مو متقبل يقول لوحده غير مها

ولايبي يضحك عليها ويوهمها باحاسيس مو فيه

وهو يلعب بالملعقه(ريمااا ..من متى وانت تصممين ؟؟)

رفعت راسها ..على بالها يتمسخر فيها ..بس ناظرت بعيونه حسته

من جد مهتم ..وهي تلعب بخياره بصحنها (امممممم من زمان مره من وانا صغيره )

حس بالاهتمام ..او الفضول يعرف كل شي عنها(وشلون يعني درستي هالمجال ؟؟ )

نزلت ملعقتها ومسحت يدينها بالمنديل ...(لا بالاول موهبه وطورها لي ابوي صار يجيب لي الخامات اللي مو متوفره

حتى لو كانت من برااا ...بعد ماكبرت شوي اخذت دورات عشان

ابي الشهادات اللي اقدر اخذ فيها تصريح وافتح محل)



اكييد بيجيب لك الصقر الخامات لو من برا...

يضيع فلوسه من كثرها لو على خرابيط..


ناظرفيها وهي تفتح شنطتها وتطلع كريم معطر بريحه الوورد او نكهه ماعرفها


بس حلووه اعجبته وتمسح يديها ..!

وهو يرجع اهتمامها له(طيييب كييف صارلك زباين وصرتي معرووفه؟؟)


وعيونها عليه..وهي تلعب بشعرها بيدينها..تحاول تعرف وين بيوصل.؟؟










*

*


*


انبسطت حيييييييييييل



بهالجلسسسسسسه ..وروقت اعصابها بعد ماكانت مشدوده




من المشاكل اللي تصيرلها مع زايد .......



كانت سوالفه روووعه



ضحكها كثثير




وشد اهتمامها لاشياء كثيره


الموهيم انها عرفت عنه اشيا ماقد عرفتها ..
تنهدت

وبدون ماتحس بنفسها ..دخلت يدينها بيدين قايد ..وميلت راسها


على كتتفه وهم راجعين للسيارهـ ..


حس بكهرباا بجسمه ..

من حركاتها ...كان نفسه يبعدها عنه

بس ماقدر وهو يناظر بعيونها اللي باينه من لثمتها



وبهمس (تسلم يازايد حيل استانست )

ابتسم..قدام نظره الشكر اللي بعيونها



مع ان الوضع موع اجبه...



وقبل مايرد عليها.......

دق جواله...ابتسم وهو يشوف رقم اخته


وبحماااس (هلا والله ...مو معقووووووله واخيرا حنيتت علي )

ريمااس ...وهي مصدومه بعدت راسها عن كتفه وهي تناظر فيه



لهالدرجه مو معبرني يكلمها وانا معه


ولا كاني موجوده ....


مو لهالدرجه تعبت منه ومن حركاته اللي تنرفز

بضحكه من قلب وهو ناسي ريماس (هههههههههههه وش اسوي والله ياجوري الايام تروح ماحس فيها)


جوري اللي كانت فرحانه بصووته (اييييه غصب تروح ماتحس فيها دام المدام معك...)

صدق الايام تروح مع ريماس مايحس فيها ..بس مايدري لو كانت حلوه ولا لا (وانت وش حااارك ؟؟ ورافع ضغطك)


جوري تحس ان اخوها لسى ماتاقلم يعيش مع ريماس بعد اللي شافته اخر مره (ولا حارني

ولاشي ..الله يهنيك بس بسال متى تجيينا وربي مشتاقين لجلستك وسواليفك)

زاييد وهو لسى ناسي وجود ريماس رغم ان يدها معلقه بيده ...

وباهتمام تسمع كل كلمه يقولها لاخته ...



وحاسده جووري على حب زايد لها

(امممممم يعني حضرتك تبيني اجييييي عندكم ..وش تعطيني عشان ارضى اجيلكم ترى وقتي كله شغل )


جوري متحمسه (اللي تبيه بس تكفى تعال ..عن التغلي )



بدون مايحس بنفسه (اذا مها فيييييه طيررررررران باجي مشتاق لها )



جوري بتكشيره ماتدري متى اخوها بينسى مها ..حتى وهو متزوج يفكر فيها


وهي تصرف السالفه ماتبي تحرجه (خلاص اجل تعال هاللحين توني منزله قهوه على كيفك )




انتبه لكلامه وكالعاده بعد مافات الفوووت ..


وعيونه على ريمااس اللي سحبت يدها من يدها



وتركته وهي تمشي بسرعه للسياره...
مجرووحه وماتبيه يعرف ..مو جرح جديد

وتعبت منه وهو كل شوي يتجدد وحتى البكا تعبت منه..!!

بسرعه وهو يبي يلحق ريماس (طيب جوري ... نص ساعه وانا عندكم باااي )

فتح السياره لها...

تنح نح وهو يشغل السياره ...

ماتستاهل ابرر لها لاني ماغلطت من ابسط حقوقي اتكلم

عن الانسانه اللي احبها بكل طريقه

بس بعد مالها ذنب ....

وش هالخربطه اللي فحياتي...









ـــــــــــــــــــــــــــــــــــــــــــــــــــــــــــ


مايدري كم ساعه صار له جالس لحاله.......
من يوم طلعوا من عنده فزاع وسيف ..

ماتحرك يفكر بالكلام اللي سمعه من سيف


دخل بيتهم ...

شاف امه بالمطبخ ..عيونها لسى متورمه من الصياح..

حب على راسها..وبحنان (وشلوونك يمه اليووم)

امه اللي كانت واقفه على المغسله وبيدها صحوون تغسلها

تسمع صوته ..بس ماتبي ترررد
بسببه مات زوجي .......
وبناتي تيتمو ..ياخساره الحليب اللي رضعته

وسهري عليه ..وهو مو ولدي والله العالم لوكان له اهل

ولا من الشارع جاي !!

والله ان قلبي كان حااس انه مو مني

ماردت ...

ناظر فيها راحم حالها .. ولا داري عن تفكيرها
حتى هو حزنان على ابوه
بس امه غيره كاسره خاطره من يوم مات ما

نشفت لها دمعه ودايم سرحانه

وبعالم ثاني ...

وشلوووون لو درا عن اللي تفكر فيه؟؟
جرد اكمام ثوبه ..وبابتسامه مادرى من وين جابها ..

سحب الصحون من يدها...

و قفل الموويه ..

ناظر فيها...وعيونهاا بعيد عنه...كارهته حدها

وبحنان (يمـــــــــــه ....هالصحون نظيفه مو محتاجه غسل ارتاحي

ياالغاليه ونامي ..)

لاتتقوووول يمه ..ماني امك

والغالي بسببك راااااح..

نزلت دموع حارهـ ....

حطت راسها على يدها اللي متكيتها على المغسله ...
بخوووف ...لايكون امي بعد فيها شي من لنا غيرها بعد ابوي
(يمممممممه فيك شي؟؟لايكون تعبانه البسي خليني اوديك المستشفى )
قوول وش مافيني ....
رفعت راسها ومسحت دموعها ..وببرود (مافيني شي بس شوي مصدعه )

تكابر الغاليه ..وبحنان (سلامتك من الصدع يمه ..انا هاللحين اجيب لك بندول )

وقبل مايعطيها فرصه للاعتراض ..اخذ من الثلاجه البندول وصب لها كوب مويه

وبابتسامه صادقه ...(خذي كوليه عساهـ بالعافيه )
نزلت دمعتها وهي تشوف حنانه ..

يذكرها بابوه ...

لااستغفر الله يذكرني بزوجي الله يرحمه ....

لكن هاللحين هو عزوتي انا والبنات حتى لو انه مو ولدي يكفي اني
مربيته .......

ومالازم يعرف عن شي .....

مسحت على شعره ...رغم انها اقصر منه (الله يعافيك..ياوليدي )

حست طعم الكلمه غريب بفمها ..

مع انها قبل كانت من قلب تقولها ..........







 
 

 

عرض البوم صور غدووورة   رد مع اقتباس
قديم 30-11-08, 05:03 AM   المشاركة رقم: 48
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

جلس ..على ارضيه المطبخ ...وشلون اسالها عن هذيك البنت ؟؟



كيف اعرف من هالجريئه بدون ماتحس عن شي ؟؟




*

*















نظرت بالغرفه..برضا ...

لها ساعه وهي ترتب وتنظف ..



وغرفه سعود اكثر ماتعبها..كانها سنين ماترتبت.. وتنظفت



مدري كييف عايش فيها ..



جد اللي قال ان العزوبيه ازمه...



مير هو اصلا مصدق عمره .....لو يموت يهودي



مالظاهر يتعب عمره ويشتغل بغرفته...

انحنت تحاول تشبك المكنسه الكهربائيه ...

كانت بالنسبه لها انجاز غريب ..

تحسد اللي عندهم ...




ولاقد جربت تستعملها ابد ..



تربعت وهي حاسه ان تشغيل وشبكها السلك بالعصا



يبيله وقت ...

وحالي هذي الناس اللي مرتاحه مو عندنا



ينكسر ظهري وانا منحنيه اكنس بالمكنسه السعف ...


ولايبان شغلي .....وكرفي كني حمار.


ابتسمت لنفسها...


بس كلها فتره بسيطه واطلع فلووووسي


واشتري كل شي انحرمت منه ..



احسن شي سويت هو اني خليت البنجره الذهب


ابيعها بالوقت اللي ابي ..



الا مايغلى الذهب وابيعه بدبل سعره

والسرلانكيات عطيتهم من فلوسي اللي قبل ...

وجايبين لي بكره بنات قبايل وشبعه مايدرون وين يودون فلوسهم



يعني لاقابلتهم بافلها صح



بعدها باعيش صح واسوووي اللي ابيه

بعد جهد شبكت المكنسه ...وكنست ....

وهي تحاول تسرع تخاف انه يدخل غرفته ويلاقيها

واخر شي بيفرحها لو دخل عليها هالمغرور بيصدق عمره انها

ميته فيه وتلاحقه!!






















*


*

*




وشلووون اقولها ..ناظر فيها وهي سرحانه






تنح نح (احم احم )

رفعت عينها له ..وبهدوء ماتحس فيه (هلا )

سعود بابتسامه وهو متضايق من حاله امه










(يمه...كلنا يالغاليه حزنانين على ابوي الله يرحمه..بس مايصير كذا

لااكل ولاشرب وبس تبكين ..والله البكا مو مرجعه لنا )


مسحت دموعها بمسفعها..وهي تشهق (هـ ـ ـ ..هـــذا الغالي علامك ماتفهم..ياليتني انا اللي مت بداله)


قاطعها سعود وقلبه متقطع عليها...وهو حاس بنارها بس يبي يكون اقوى منها


(لا يمه تكفين لاتفاولين على عمرك....الله يخليك لنا وتربين خواتي وتزوجينهم)


رفعت عينها له بسررررعه منفجعه هاذي البدايه وهو مايدري اني امه



ناوي يتركني اربي خواته وبيخليني ..وبعصبيه (وانت حضرتك وين بتروح اربي واتعب والاخير ماستفيد )


غريبه علامها امي ماكانت كذا..وبقووه حاس انها مو فيه ..بس بيطمن امه



(افااا يالغاليه وش هالكلام..... اكيييد تربيتك مو رايحه على الفاضي...باكوون معكم يعني وين باروح)



من يوم ماعرفت انه مو ولدها وهي عايشه بنار...بس خوفها يجي الوقت



اللي يتنكرلها هي وخواته ويتركهم ..ومن قلب (ياليت... ياسعوود تربيتي تثمر فيك)

استغرب طريقه امه وكلامها ..جديده عليها بس يمكن من صدمتها..

حب راسها يبيها تطمن اكثر..وبابتسامه حزينه(تربيتك وتربيه الغالي الله يرحمه ..رجال لاتخافين علي)

تنهدت وهالسيره تعبتها...وبتغيرها(سعود تبي عشا)

قافله معه وكلام امه زاده...ماتوقعها متاثره بهالطريقه

نفسه يزيل همومها ويعرف وش تفكر فيه ويريحها

بس يدري انها تفكر بخواته وان شالله مع الايام بيثبت لها انه قد المسؤليه

وبتنهيده(لايمه مشكور شبعان بس انت تعشي وارتاحي.. واهتمي بنفسك )

وبحزن (ويني وين الراحه والغالي راح الله يرحمه)

رد وراها(الله يرحمه





وقف وهو يتذكر اللي كان جاي عشانه ..ومع الكلام نسيه ...
وبتردد (يمه..)




نظرت فيه وهي تمناه يطلع تعبت من وجوده وهو يذكرها باللي ماتبي تذكره

(سم وش تبي )





سعود وهو محتار كيف يسال بدون ماتشك بشي(يمه اليوم اللي توفى فيه ابوي الله يرحمه من بنات خالتي كانت فيه؟ )




استغربت سؤاله ..بس تعبت من التفكير...وهي ماتذكر احد قلبه عليها من خواتها وبنات خواتها الا هيفا وامها


(كل خواتي كانوا فيه )







يالله كيف اوصلها اللي ابيه (يعني ..امممم..قصدي مين من بنات خالتي اللي كانت على طووال جالسه معك من ذاك اليوم؟)

بدون اهتمام وهي تبيه يطلع بسررعه وترتاح (اها........ مافيه الا هيفا بنت خالتك )








انصدم.......



هاذيك البنت ملسونه وبعد جريئه ...



والله اثاريك منت بهينه..!!

بس بعد قليله حيا كيييف تجرا وتنام بغرفتي مافيه شي يبررلها
لازم اعرف من وين جابت رقم سيف ..!!

طلع من المطبخ وهو تلفان ..وحزنان على ابوه

ويدور النوووم...

بدون ماتلف له (سعود ترى هيفا تنام عندنا ...ماقصرت شايله البيت على راسها )

ماسمع سعود ولا كلمه لانه طلع قبل ماتكلم ..


*


*



























*
نظرت بالغرفه... وابتسمت

اخيررا .........

نظفت حشا هدت حيلي بس قصصم متعه ونااسه

من جد يبان الشغل فيه اثاث....

ومكنسه كهرباء وكل الادوات الكهربائيه والمنظفات...

مو بحنا الحمدلله والشكر ماعندنا الا فراش عادي .

ودولاب خشب واحد متهري.............

نفخت الجمر وهي تحط عليه البخووووووووور...

وبصووت عالي (يازييييييييييييين هالرييحه ..ويازين العز)

كني بعررررس ...

سحبت عصا المكنسه..

دارات على نفسها وقميصها يدور معها بحركه طفوليه وهي حاضنه العصا....

متخيله انها ترقص سلووووووو..

*





























































*

استغرب من ريحه البخووووور


مايدري يصير يبخرون عشان امه بحداد على ابوه الله يرحمه ولا لا؟؟؟؟؟؟؟؟؟؟؟؟؟؟؟؟؟؟
من اللي فايق ويبخر



وبعد باب غرفتي مفتوووووح

زاد الووضع عن حده يبيلي اتفاهم مع امي محد يقرب لغرفتي مليانه خصوصياتي!!

وقف متنـــــــــــــــــــــــــــــــــح.....













وهوو يشووفها قدامه..وهي تنفخ بالبخوووووووووور

وابتسم من قلب وهي تقوول انهم بعز...

مع انه يشوووف انهم عايشين بفقر...

اكيييد هاذي هيفا ...مافيه غيرها....

ضحك من قلب وهو يشوفها ترقص مع عصا المكنسه سلووو









بقميصها الازرق الباهت اللي لنص رجلها...ورغم كذا باين بياضها
وشعرها القصير الحرير يدور معها...

جمالها عادي مافيها شي يلفت...يمكن لو نحفت؟؟؟؟










صفق بيدينه بصوت عالي(عاشوووووا..........يعطيك العافيه على هالرقص)








طاحت من يدها العصا..من الفجعه ..وبدون شعووور(سعووووووود!!!)










ابتسم من قلب وهو يشوف ملامح وجهها الصغيره تنقلب (هههههههه ما اتوقع فالبيت رجال غيري .. .. يس اناسعود)






وعيونها عليه ....




لابس ثوووب ابيض..









وازره ثوبه مفتووحه




وشعرها لحد رقبته طاايح بدون ترتيب








وعيونه مغوره من الصياح

يالله ماتغييييير يدوووووخ...

حتى وهو حزنان شكله غييييييييييير...

هذا امه وابوه الحقيقين كيف كان شكلهم اكييد صاروخ على قول ايناس ..

بس غريبه وشلون خالتتي ماعرفت انه ولدها ...

ناظر فيها وهي سرحانه فيه ...

لو بوقت ثاني كان ضحك واستانس بس هاللحين حده تعبان

(احم احم مشكووووره على ترتيب الغرفه ماقصرتي )

انتبهت لنفسها وهي قدامه بدون عبايه



وبعد متنحه فيه ...يافشلتي

ركضت ورى الباب ماتبيه يشوفها ...

وبصوت واطي من الفشله (عادي ماسويت الا الواجب ...اذا ماعليك امر ادخل أي غرفه عشان بروح يم خالتي)

..وهو مستغرب الحيا اللي طب عليها فجاه...دخل الغرفه وتممدد على السرير ...

هيفا بخووووف ..وهي تقرب الباب اللي يغطيها عنه....

(هيييييييه سعوووووود انـ ...انت وش تسوي ..؟؟)

سعوود بتافف (يعني وش اسوي ..وش تشوفين انت؟؟؟بناااام)

هيفا وقلبها يضرب (ويين تنام..اطلع تكفى خلني امر واطلع من غرفتك )

سعود بابتسامه لئيمه (مو انا خطييبك؟؟يعني عادي تكونين هنا ليش اطلع)

هيفا ويدها على فمها ..وهي تذكر

ياويلي مسرع خوييه قاله عن كلامي...

يعني الكلام المهم ماوصله ماوصل غير هالكلمه يافشيلتي
وبترجي ( انا قلت لك تكفى ..وتكفى تهز رجال ..اطلع عشان اقدر امر)

وهو ناوي يندمها على جرئتها اللي مالها داعي (لايكووووون مستحيه ؟؟؟ غريبه مو قبل قد نمتي بسريري وانتي عارفه

انها غرفتي وباي وقت بدخل حتى الباب ماصكيتيه )













سخنت من الاحراج








لعنت نفسها ستين مره على جرئتها...










واليووووووم اللي عرفت فيه سعووود...



ملت الدموووع عينها....





ماكان قصدها شي ...

ولاتبي تبرر له شي
اصلا مو مهتمه برايه فيها.....

سعووووووود حس ان سكوتها وراه شي

بس استبعد انها تبكي ..

والتعب غلبه ...غطا راسه باللحاف..

ومن تحته..طلع صوووته(خلااااااص مري ..متغطي ماني شايفك)

هيفا وهي تطلع راسها تاكد(سعووووووود لاتلف ..وتشوفوني)

سعووووووود والنوووم غالبه(اخر اهتمامتي ...اني اشووفك لاتنسيين انك انت اللي جيتي بغرفتي)

وهي متمنيه تطب فكرشه على غروره

ركضضت باسرع ماعندها برا غرفته......













( اسبووعين ...
مضت على ابطالنا...بحلوها وشينها

*ريمااس محتاره مع زايــــــــد..شووي حنون وبعدها ينقلب حاله بدون سبب
وطول الاسبوعين ماشافته كثير بعد ماقطع اجازته ورااااح لدوامه *

**زايد مقهوور من نفسه يعشق مها وكل شوي يروح

عند امه وجوري عشان يشوف مها وندمان على الساعه اللي ورط نفسه بهالزواج
واللي يقهره اكثر انها يضيع وينسى نفسه مع ريمااس....!! وصار يتهرب ومايروح لبيته**

**ايناس مارجعت للشله بعد حركه مرزوقه وكل يووم مع بنات شكل...تكابر وماهي مرتاحه
وحالها بالبيت مو احسن من حالها بالجامعه ***

**فزاع طوووول وقته مع سعوود مايفارقه الا وقت النووم يحاول يغير عليه جو وينسيه حزنه**

**هيفا او هيووف تنام عند ام سعوووود وكل شغل البيت والنفخ والطبخ عليها ...بس تحاول تجنب وجود سعود اللي يضايقها **

****مدى كل عالمها النت ....تحاول تاقلم مع حياه جدتها......بس ماتحمل وينتهي اليوم بمناقرات ولسى متخوفه من اللي صار مع فزاع وكيف وصل للحاره اللي عايشه فيها******












**










ــــــــــــــــــــــــــــــــــــــــــــــــــــــــــــ ـــــــــــــــــــ
تدري عيوني بغيابك ما هي مرتاحه
تبكي على فراق طيفك وانت ذابحني
ياللي ذبحني غلا شكرا على رماحه
اللي طعني بها وما يوم ريحني
جيتك من الشوق والاشواق ذباحه
اسال عيونك عسى للحين تذكرني
راضي بجرحك وانا ما اتصنع الراحه
تكفى عشاني ابي ترجع و تسمعني






















رافعه صوووت الاستريوو على الاخيير ...



وشعرها الاسووود سايح لتحت ركبتها... يتمايل مع رقصها
ساعه ترقص ..

وساعات تحط على وجهها خلطات وماسكات ....
مهووووسه بالاهتمام بنفسها....

اختارت غوايش هنود ولبستها بيدها ....

تنهدت وهي تعدل شال الساري اللي لابسته ...

وش هالطفش .....

لاروووحه ولاجيييه ..

ياليت غصوووونه ترضى تطلع معي اقلها نتونس ...

بدال ماهي حابسه نفسها بغرفتها اربع وعشرين ساعه حتى ماتنزل

تتعشى وتتغدى معنا بالسفره.....

مدري ذا كله على ايش ؟؟؟؟

مايستاهل أي رجال انه ينسوى له هذا كله....

رجعت الشريط من البدايه وعلى نفس الاغنيه ...

كملت رقصها.....



*

*


*







بتعب رجعت شعرها الناعم...على ورى

حاولت ترفعه ..بس هونت وهي حاس انه مجهوود ماراح تقدر عليه

مو بوعيها ...تحس نفسها مغيبه ...مو قادره تستوعب شي!!

تتذكر انها تبكي ....

وهي تمسح دمعه حايره نزلت على خدها ...

ولسى تبكي .............

من يوووم طلقها قايد...

نفسها تعرف لييش؟؟

متى امداه يفكر اصلا.......... كان يوعدني انه يعيش
طول عمره معي ويسعدني ...وفجاه بدوون مقدمات ؟؟

لا ............

اخر مررره ببرود حضني ...يعني كان باله هالشي!!

لفت يدينها وحضنت نفسها وهي حاسه ببرد بجسمها..
وقفت....

جمب غرفه لمار...ماقدرت تحرررك

وهي تسمع الاغنييه اللي صوتها واصل للممرات...

كل كلمه تحسها عنها....تطعن فيها تنبهها للواقع اللي تهرب منه...

ماقدرت تحمل تسمع اكثر...

ولا ترجع للواقع اللي تهرب منه......

رجعت لغرفتها والدموووع اللي صارت مخاويتها رجعت لها من جديد









*

*

*





















وهي تردد كلمات الاغنيه ومبسوووطه طلعت من غرفتها....

ولا حست باغصان اللي كانت قريبه من غرفتها وتبكي .........
والابتسامه شاقه حلقها ..وهي تناظر بامها نوره

وابوها اللي جالسين يتقهوون ....

(السلام علييييييييييكم )
وبابتسامه ردوا (وعليكم السلام )
الصقر وهو يبعد لمار عشان تجلس جمبه ..وبحنان (حبيبه ابوها شلونها اليوم؟)

لمار بدلع وهي تبعد شعرها عن عيونها الناعسه (دامك بخير يبه انا بخير )



امها نوره وبراسها موضوع مشغلها ماتدري متى تقوله (من شاف كشرتك ماصدق انك بخير)


لمار بلويه بوز ..مطلعتها تفتن (طفشت نفسي اطلع اتمشى)



الصقر بضحكه وهو يقرص خدودها المليانه(افاااا لموره تطفش وانا موجود؟؟تبين احولك فلوس تروحين السوق ولا اخذك نطلع برا )





قاطعتهم امها متنرفزه وشلون ذا تفكيرهم واغصان حالتها ماتسر (لا والله وشلون تطلعون واغصان ياعزي عنها حالها مايسر وغير تصييح )

لمار محزنتها اغصان صح وكاسره خاطرها

بس من يوم ماتطلقت وهي محبوسه بالبيت طفشت من هالحال

وبتنهيده (طيب هي مشغوله بالصيااح...انا ماعندي شي ...خلووني اطلع وش ذنبي فيها)
الصقر بابتسامه وبدون اهتمام (
وهي صادقه ...اغصان مبلشه عمرها بالصياااح ..على شي راح وانتهى
ولموره طفشانه خليني باطلعها )

تعشق اهتمام ابوها فيهااا....
تحب دلعه لها ......
ماترضى غير تكوون الاولى فاهتمامته ...

بس رغم كذا ....

ماتبي ترووح معه ..الجلسه معه رسميه ماتعرف وش تقول
مافيه سوالف مشتركه........


وبسرررعه بتقوم (لايبه طال عمرك ...انت ارتااح باحاول اقنع غصونه تطلع معي بعد تغير جووو )

امها نوره تقاطعها (ايه ليتك تحاولين فيها وتقنعينها ....مير ذكرتيني اجلسي بقول لابوك موضوع وابي اخذ رايك )

الصقر بعيون بارده ...وهو يحط رجل على رجل ...

الله يستر من مواضيعك..بس اكتفى بالسكوت...

لمار..لاحوول اكييد خطبه جديده ..
الله من الطفش..ماورى امي وجلساتها مع الحريم الا الغثى

مدري متى تفهم اني مابي هالمووضوع

مسويه تحرجني عند ابوي

وبلويه بوز وهي تجمع شعرها الاسود وتحطه قدام (امري يمه وش الموضوع؟؟)

امها نوره .. كانت خايفه على مستقبل لمار

لايزوجها الصقر..

مثل زواجات خواتها ثم طوول حياتها تعذب....
ازوجها للي عارفه اخلاقهم
وعيال ناس واوادم
وهي منزله عيونها ماتبي تناظرهم
وتشوووف ردت فعلهم مو ضامنتهم
و تشرب من فنجالها القهوه (تعرفون ام بسام ...عاد ولدها بسام مشالله مافيه منه

وامس انخطبت لمار لبسام وش رايكمم )

لمار...كن مويه بارده نزلت عليها..

توقعت تنخطب ..بس ابد ماجا بالها انه لهالخكري
بقرف (وش اش رايكم؟؟اكيييد لا توني صغيره مابي اتزوج اوما اني باقبر نفسي مع رجال ..وياليته رجال الا ورع وخكري بنصف انا وياه بالكووشه كلنا بتسريحات ومكياج مايفرقون وين العروسه)

الصقر وهو يلعب بيدين لمار البيضا..وباله مو معه
جبر مرته نوره تسوي لرحمها ربط... مايبيها تحمل

تمنيت لو كل بناتي عيال ...مابي بنات...هم ومسؤليه

وماني ضامن تجارتي...لاصارلي شي من بيرضى فيهم

محد قلبه عليهم ولابيحن لهم الا بيذلونهم....!!!

ياكثر ماتمنيتك ولد ..

رفع راسه ..على هزه يد لمار ..
وبضحكه وهي تحرك يدينها قدام عيون ابوها
(يااهوه نحن هونا ..وين رحت يبه لي ساعه اكلمك وانت مو يمي )

الصقر بابتسامه حلوه ..(الا معكم ..بس انتظركم تخلصون من مناقركم انت وامك )

لمار مسويه زعلانه (ياسلام صار اللي اقوله مناقرات ..!! كل اللي كنت اقوله اني مو افقه واكيد انت مو موافق )

الصقر بضحكه لينت خشونه صوته ...ومتناقضه مع هيبته (ياعمري والله ...اللي تبينه يصير )

امها نوره بعصبيه (لاجد الكلام معكم ضايع ....اروح اتطمن على اغصان احسن لي )

لمار طفشت من هالجلسه ..وهي تفقع بعلكتها وبدون اهتمام (لا انا اللي بروح خليك انت ..)

حبت راس ابوها ...وبطريقها اخذت خمس ميه من جيب ابوها .. وبضحكه (هذي تصبيره لليوم )

خربط الصقر شعرها السايح بيدينه وهو يضحك ....ماقد حب من بناته كثرها..........


































*


*


*
وهي طالعه الدرج ...تفكر شلون تصرف الخمس ميه ...

مرت جمب غرفه اغصان ..

وقفت محتاره.......

ادخل لها زي ماقلت لامي ؟؟

ياربيي والله مافيني على الغثى ...

وانا اسمع صياحها ..

ماعرف وش اقولها ولا اسكتها ...جد غاويه تعب ولا ذا الصياح كله

عشان رجال ...

وقفت دقيقتين ..

امري على الله ...بدخلها وبسد نفسي

عاد وش اسوي ينقالها اختي ...........


















دقت الباب ...وماردت عليها اغصان ..
بتافف بعد ماترد وش مشغلها ..

رجعت دقته باقووى قربت من الباب (غصونه قلبي افتحي انا لمار باقولك شي )

برضو دقيقتين وماردت ..
مسكت اوكره الباب وهي تدق من جديد يمكن ماسمعت..

(غصونه افتحي عن الدلع ابيك جد )

مالقت رد بس مع قوه ضغطها على الاوكره انفتح الباب


دخلت للغرفه البارده..

شهقت عند اللي شافته....
صرخت...

ماتدري وش تسوي ....

ركـــضت ..

لجسم اغصان اللي طايح قريب من السرير ..

حاولت ترفع راسها ..
هزت جسمها ...وهي تبكي من الصدمه (اغصان ..اغصان كلميني )
قرصت خدودها ..تبيها تفوق ..(اغصان قولي شي خليني اسمع صوتك )

ياويلي ماتحرك ولا ترد علي ....

وش السوواه ..نزلت اغصان على الارض..

ركضت تنادي امها (يمممممممممممممممممممممممه )

صرخت باعلى صوووووت (ييييييييييمه.. ييييبه)

وهي تركض دعست برجلها...طرف الساري اللي لابسته..

بغتت تطييح بس مسكت الدرابزين ..

انا وش خلاني البس هالساري ...ماني قادره اركض منه
بس ماقد فكرت اركض !!

*


*


*








































شافته قدامها ابد مو حلــم ....
رجع لي !!

كنت متاكده مايسويها ...ماهون عليه يتركني ..
يدري اني ماقدر اعيش من دونه ..!!


مسكت يده..ماصدقت تلقاه ...والدموع ماليه عيونها ..وبعتب (لييش رحت وتركتني ..وشلون هنت عليك وانت تدري اني احبك ...والله ايامي من دونك عذاب )

سكتت من التعب مو قادره تكلم اكثر .....
بس لييش ساكت ..وينظر فيني هالنظره ..
هزت يدينه السمرا بيدينها البيضا الناعمه (رد علي لاتسكت ..قلت لهم انك بترجع لي محد صدق

خلاص والله مابي عيال بس ارجع لي )

لمار وجهها محمر من الفشيله ..
حضنت اغصان ..تسكتها تبي باقي الكلام يموت بشفايفها قبل يطلع

كرهت الرجال...وكرهت الذل اللي عايشته اختها....

وبهمس ...والدموع مغرقه عيونها ..(غصوونه حبيبتي ..خلاص ذا مو قايد ..انسيه خلاص )

اغصان وهي متمسكه بيده بقووه (الا ذا قايد ..شوفي زين )

وعيونها معلقه فيه(كلمها قولها انك قايد ..حبيبي ليش ساكت)

لمار ...ماتبي تصدمها بس متفشله وبهمس (غصوونه ذا الدكتور...فكي يده احرجتيه )
اغصان وماهي مستوعبه ان اللي متمسكه فيه مو قايد حبيبها..وزوجها

بس نفس الجسم والسمار.... والطووول

وكأن الدكتور حاس بتفكيرها ...
وعشان يثبت لها غلطها...تكلم وكان صوته نقيض صوت قايد الرجولي

(الحمدلله على سلامتك مدام ...هااللحين تحسنت كثير وماحصل الا الخيير )

كلم الممرضه على الادويه اللي لازم تاخذها اغصان واستاذن

لمار لحقته وهي متفشله من حركه اغصان ...
(دكتور لو سمحت )

لف لها وهو مستغرب بس جا باله انه بتطمن على حاله اختها
(هلا ..الحمدلله مدام اغصان حالتها افضل ..واللي فيها شي بسيط يعني

كله انهيار عصبي نتيجه صدمه وبعد قله الاكل له دور...كم يوم تجلس عندنا وبعدها تطلع )

ناظرته من فوق لتحت باستحقار ...وش هالفجاعه ماصدق بنت كلمته الا كب عشاه وماخلى شي ماقاله

وببرود من تحت لثمتها (لا ماكنت ابسالك عن حالتها..بس كنت باعتذرلك عن حركه اغصان ..بس الظاهر
اعتذاري ماله داعي شكل هالحركه اعجبتك )

كان مبتسم بس ماتت الابتسامه على فمه..

جد وقحـــــــه بس وش متوقع انه تحترمني!!
هالاشكال عشانها
عايشه بعز ...شايفها الناس اقل منها


شكلها فاهمه ان الدكتور خدام عندها شاريته بفلوس ابوها

تمنى لو هزءها او رد عليه بس اخر شي يبيه انه يقعد بدون وظيفه

وبعدها مايلقى اللي يصرف عليه هو واهله وهو عارف هي بنت مين بالضبط!!

ولو النظرات سهام تقتل كانت نظرته قتلتها من زمان ..

وبنص ابتسامه غصبها تطلع منه (لاعادي ماله داعي الاعتذار كثير مرضى تصيرلهم حالات كذا)
تركها بدون مايقول كلمه زياده...

لمار..ناظرته باستحقار لين راح

وفكت لثمتها ودخلت لغرفه اختها وهي تافف















































ــــــــــــــــــــــــــــــــــــــــــــــــــــــــــــ ـــــــــــــــــــــــــ




























(من منا حياته ليست مكتضه بالهموم والمشاكل؟؟!
من لايحلم بحياه هادئه وهانئه بعيده عن المنغصات ؟؟؟؟؟؟؟؟

نحلم بالتخلص من الهموم والمشاكل

المستحيل نفعله كي نريح انفسنا ؟؟؟؟

ولكن هل التهرب منها حل يفيد؟؟؟

وان لم نستطيع التهرب منه ا نضر باجسادنا وانفسنا كي نشعر

بالراحه منها ولو لساعات معدوده ؟؟حتى ان كااان طريق هلاااااااااك؟؟؟؟؟؟؟؟؟؟؟؟)
























هيوووف وهي ماسكه يدين مرزوقه ..وبترجي (مرزوقه...عفييه كلمي ايناس حاولي تراضينها قصصم فاقدينها)










مرزوقه بدون ماتناظر فيها وعيونها على الجوال (ومن قالك كسرت جوالها ماترد...واذا خلصت محاظرتها تطلع قبل مالحقها)



هيوف وهي ترجع شعرها لورى اذنها ..وبتنهيده(وانا بعد ماترد على جوالي ولا الاقيها مدري وين تختفي وش السواه)
مرزوقه بدون اهتمام(ماراح نقدر نسوي شي...بننتظرها ..مردها بترجع لنا ماتستغنى عنا)



هيوووف بقهر(يابرودتك قصصصم انك تنرفزين هاللحين صاحبتنا وزعلانه..وانت السبب وتكلمين بهالبرود؟؟)



مرزوقه بعصبيه (لاتبلين علي ...انا مالي خص هي اللي معقده ومستخسره فيني مقطع فيه رقصها وهي متلثمه يعني محد عارفها )




هيووف وهي حاسه لو سمعت كلام اكثر من مرزوقه بيصيرلها شي (اقوول غيري السيره..فقعتي مرارتي )
مرزوقه وهي رافعه حاجب وببرود(السيره اللي تبين قوليها وانا اكملها معك)

هيوووف وهي تذكر(يالله امانيييوه تاخرت حييل ..كلمتني قبل شووي وهي بتشقق من الوناسه مدري وش عندها وتقول قريب وتوصل..من اول ماجات)




مرزوقه اللي كانت منشغله تكتب مسج كله حش وتريقه بواحد مالها يومين عارفته (امانيوووه بطيئه..وتلاقينها من زمان فالكليييه بس مدقره مع البنات...ماتشوفينها كل مامشينا وقفت تسلم على درزن بنات)



هيووف من قلب..(ياحليلها وربي عسل ..يحق لهم البنات يحبونها)
ماردت مرزوقه عليها ...ماهي رايقه اليووم واللي زاده ان ايناس بعدها زعلانه

تحب ايناس ...تحسها تفهم عليها اكثر من اماني وهيفا...

بعد خمس دقايق..

(هاااااااااااااااااي ياقميلاااااات)

لفوا لها ...مرزوقه والابتسامه شاقه حلقها (هاااايات ..ياورعه وينك متاخره)


هيوووف بفرحه ان اماني جاات(ياهلا وغلا وكل الهاايات اللي فالدنيا وينك يالدوبا ؟؟)

اماني وهي بنص الفرشه ....هزت بكتوفها ورقصت وهي تغني

(ههههههههههه انا منذ مبطي هنا معقوله ماشفتوني)
هيووف وهي مستغربه(لا والله من اول ننتظرك ..ماشفناك)

اماني (هههههههههههههه الا باللفه اللي تودينا بالكليه ..حتى بالعلامه من اول فحديقه القاعه)

مرزوقه نزلت نظارتها وهي تمسح عيونها...لووت فمها على الجمب(مشالله عليك امانيووه من جد فايقه)

اماني (هههههههههههه فايقه ولا شبعانه)

هيووف وهي تصقع كتف اماني(تكلمي زي الناس عن السماجه اللي مالها داعي)

اماني وهي تصفق من كثر الضحك(هههههههههههههه هاتوا فناجيلكم القهوه ..جايبه لكم شي*وهي تاشرعلى راسها** يعدل الطاسه)
مرزوقه بقرف(لايكون قصدك قهوتك اللي بدون هيل ترى اندبلت كبدنا منها )

هيوف اللي حاسه باماني شي مو طبيعي بس مو عارفته ...
(وش قصدك يعني)

اماني (هههههههههههههههههه والله على الكيف ترى مانسيتكم انتم صاحبتي ...يازين الدنيا وانت فاقده

تحسين بنفسك طايررررررررررره فووق فووق من الوناسه)

هيوف ويدها على قلبها..ياويلي لاتكون تعاطى مخدرات....

الله يستر لانه شكل اماني مجربه شي من الحمار اللي بعيونها
اماني وكانها خايفه ان احد يسمعها(لاصدق هاذا الباقي من المفعول ولا انا من زمان شاربه قصصم وناااااااااااااصه

تحسين نفسك طايره فوق السحاب ..بلا غثى بلاهموم)

هيوف صقعت بيدها صدرها من الفجعه ..وبصوت حاولت محد يسمعه(ياويلي اماني لاتكونين تشربين خمر)
مرزوقه نزلت الجوال من يوم سمعت هالسالفه ..تحب الاكشن ..اي شي غريب وفيه وناااسه تحب تسويه
تربعت مقابل لاماني وبحماااااااس(ماعليك منها قوليلي كييف جبتي خمر ليش مالك ريحه ولاتهابدين مثل السكارى)

اماني بغمزه (سر المهنه)

مرزوقه وهي تناقز وهي جالسه من الحمااااااس(تكفييييييييين قوولي )

اماني (ههههههههه انا شربت شوي بس ..قلت لك راح المفعول بس هاذي الدلخه مو خمره
تسويتها ماتاخذ منك اربع ساعات
بس جيبي ........ وحطي عليه ............ ويصير لك احلى خمره من شربه وحده تسكرين وبدون ريحه <<مابي اكتب لكم الوصفه وبعدين تقولون كله من غدير لانها فعلا بنات الثانويه الاهليه يسون هالوصفه ^_*

هيووف كانت تسمع وهي مصدوومه...

بس رنات مقطعه فجوالها نبهت ان وقت التسليم جااا

وبسرعه وقفت ..وهي تاخذ شنطتها السودا (مرزوقه انتبهي لاماني لاتشوفها وحده من المشرفات ولا حارسات الامن مو ناقصين مشاكل ....بروح شوووي واجي)

مرزووقه وهي متحمسه تاخذ من اماني التفاصيل
وهي تصرفها (طييييييب ...روحي قد ماتبين امونه فالحفظ والصوون )

اماني قاطعتهم (هههههههههههههههههه وش قالوالكم تنكه تممر تقولين لها فالحفظ والصووون)

هيووف هزت راسها والوضع موع اجبها وتركتهم


*


*

اليوووووووم مبسوووووووووطه.....

اللي بتبيعهم اليوووم بنات من عوايل قبايل معرووفه

بنات عز...

وعلى قولتهم عندهم فلووس النيران ماتاكلها........

نفسها تشوف بنات كذا...

وبعد بايعاتها...يتعاطوون بابر اللي تترك اثار ....

بتفكيييير..
هم قالوا بالقاعه اللي بمباني العلمي اللي ماكتملت

غريب هان احد يروح هناك ..

دامهم يتعاطوون يسوون كل شي ...

وانا اش علي فخار يكسر بعضه اهم شي توصلني الفلوس ..!!

*


*



*
























واخيرررررررا

وصلت ..

تاكدت ان مافييييييه احد بالممرات
فتحت القاعه

دخلت (السسسسلاا.............

قطعــــــــت كلامها ..وهي تشهق برررعب
ويدها مغطيه فمها من الصدمه

واخر منظر توقعت انها بحياتها تشوووفه هاللحين قدامها

وووين بالسعووووووديه!!

وفجامعه من جامعاتها؟؟؟؟؟؟؟؟؟؟؟






تم بحمدالله هالبارت
واتمنى انه يعجبكم

غــــــــــدير الحربي


 
 

 

عرض البوم صور غدووورة   رد مع اقتباس
قديم 30-11-08, 11:04 PM   المشاركة رقم: 49
المعلومات
الكاتب:
اللقب:
عضو راقي


البيانات
التسجيل: Oct 2008
العضوية: 101279
المشاركات: 1,968
الجنس أنثى
معدل التقييم: جوودي1 عضو بحاجه الى تحسين وضعه
نقاط التقييم: 48

االدولة
البلدSaudiArabia
 
مدونتي

 

الإتصالات
الحالة:
جوودي1 غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

السلام عليكم ورحمة الله وبركاته

يعطيكـ العافيه ياغدووورهـ ماتقصرين

البارت روووووووعهـ

بس ليش وقفتي عند هيوووووووووف حرام عليكـ..
ننتظر البارت الجاي ..

 
 

 

عرض البوم صور جوودي1   رد مع اقتباس
قديم 05-12-08, 10:22 PM   المشاركة رقم: 50
المعلومات
الكاتب:
اللقب:
ليلاس متالق


البيانات
التسجيل: Feb 2008
العضوية: 64769
المشاركات: 113
الجنس أنثى
معدل التقييم: غدووورة عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
غدووورة غير متواجد حالياً
وسائل الإتصال:

كاتب الموضوع : غدووورة المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة جوودي1 مشاهدة المشاركة
   السلام عليكم ورحمة الله وبركاته

يعطيكـ العافيه ياغدووورهـ ماتقصرين

البارت روووووووعهـ

بس ليش وقفتي عند هيوووووووووف حرام عليكـ..
ننتظر البارت الجاي ..






ياهلا وعليكم السلام



يعافي قليبك يالغلا



الاروووع تواجدك


لاتحرمينا منه

 
 

 

عرض البوم صور غدووورة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
منتدى قصص من وحي قلم الاعضاء, تأليف غدووورة, رواية قلوب محطمه باحضان المجهول, غدووورة, قلوب محطمه باحضان المجهول
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:36 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية