||__ الجــزء الـواحـد والعشـرون __||
--= أميـره في عـرين الأسـد =--
:::
جاني الخبر ياصاحبي واظلم الكون
قدام عينــي ثم نقطت الشهاده
على العموم اقولها لك الف مليون
مبروك من قلب(ن) شـكالك بعاده
مبروك ولايهمك سواليف وظنـون
من عاشق(ن) يهديك فرحة فؤاده
سو الفرح اليوم وابليــس ملعون
والي يشــب النار يجني رمــاده
انا أول العالم على القــصـر يلفون
وأول معازيم الفــرح والحــداده
أبشر انا برقص على العرس بالهون
كل(ن) يعبـــر فرحته بجتـهاده
لو البلا رقصــتي يقولون مزيـون
المشكله القــلب يفضــح وداده
كنت اتمنى بدالهاا والله أكــــون
واحط انا كفي لراسـك وســـاده
وشلون ابكتم صرخــتي يوم تمشون
تكفى خذنـــي للـعروسه قــلاده
وصيتي لا جاك بنت وأنــا أمــون
سميتها لك ســاره قبل الـــولاده
حســت بالعبـرات تخنقـها وهي تتذكر كلمات القصيـده الي قرأتها قبل كم سنه بالمنتدى
من كان يدري انها بتجي اليوم في بالهآ وفي عرس بنت خالتها ؟؟
تنهدت وهي تتعوذ من الشيطان ماتبي تفكـر بهالأفكاار وش صاار يعني ؟؟ طول الوقت تمني نفسها انهاا نست وليد
انها رضـت بالواااقع
لكن في يووم زواجـه ويوم شافته يمشي على المسـرح حسـت بشيء على صدرها يخنقها
فاهمين أحساسها ؟؟!
كانت تحلم بهاليوووم
حلمهاا ان وليـد بالبشت وبكشخته يمشي على المسـرح بثقته المعروفه متوجه لعروسه
متوجه لها بأبتساامه ويهديها قلبه مع كل خطوه يخطيها لها
بس لااا
مو بيان العرووس الي حلمت فيها
هي حلمت ان هي العرووس
ساااره العرووس
مو حقد
مو غيره
لكن حــب
تحبـه وبنت آمالها عليه مع انه ماكان يعرف بأحآسيسها
بس مشااعر أجتاحتها وحبته
وش ذنبها ؟؟
لا ,, لا ,, لا
تحاااول تنسااه تحاول تضحك على مشاعرهاا وتقوول فترة مراهقه وبتعدي
بس الدمووع تجمعت بعيونهااا
قامت بسـرعه أثناء دخول عمامها وعيال عمها وتوجهت للمغاسـل تغسل وجهها من الدمووع
تغسـل الكحل الي سااال غصب عنهااا
حيـاتها هاديـه ساكنه بعد فقدانها لوليد
عيوونها فقدوا بريقهم
لكـن حاسه بشيء داخلهاا ان هالهدووء الي بحيااتها
قريب ... وقريب كثيــر بيرووح وبتحل محله عااصفه
بس ماتدري كيف وليه ومن ميــن ؟؟!
الظــاهر ان أحلاامهاا هالفتـره ماتتحقق كثيـر
لأن وليـد يمـشي متجه لها وهو مو خياال
الا وااقع
وواقـع مخيـف ويرعبهااا
ولازم تسيـطر عليه بسرررعه قبل مايسيطر عليها
--= بيــان =--
" بسم الله الرحمن الرحيـم " هذا الكلمات الي نطقتهااا في داخلي
احس انه وحـش بينقض علي
بس بصرااحه شكله مو وحـش لا شكله واحد واثق من نفسـه لدرجه ان الأرض تحته تهتز
أستغفر الله
لاتلوموني لاخفت
شوفوا كيف يمشي بثقـه وغرور وأبتساامه
المشكله كل العيوون عليه
انا قلت اني أميرة الحفله ؟؟ أجل خلااص الحيييين جاء الملك
أبي انفذ خطتي بس مو قااادره
لا بقدرر
بس مو الحييين لاني لساا مو مستوعبه ومصدومه انه خلاااص صار زوووجي وانا زووجته وبنعيش تحت سقف واحد
وبنبني عش الزوجيه مع بعض هههههههههههههههههههههه
ضحكت في داخلي بقوه لدرجه ماقدرت أمنـع ان البسـمه تنرسم على فمي
لا مو خبـله
بس بتخبـل قريب
قرررب منـي يوم وصـل المسرح , وسـعت أبتساامتي بالمووت
لازم أبدأ خطه , لأني ادري ان فيه لحظاات بنسى الخطه والي قالها لي
ضخامته وهو واقف قدامي أكبـر دليل
وش انا جمبه ؟؟ قزمه من الأقزاام السبعه
هذاا وانا طولي 170 !!!
اجل كم طوله ؟؟
شفتوا وش افكر فيه ؟؟
هذا تفكير عرووس باللهي
الحيـــن وبهاللحظه وقـف مقابلني مايفصلني ولا خطوه
أنتبهت لعررضه ,,, مو طاالعه قزمه الا عصــفوور
انحنى علي وانا تبدلت أبتساامتي الى أبتسامه خجوله ويديني قامت تنتفض من الأرتبااك
توقعت بـيبـووس جبيني , مو هذا الي يسويه المعرس اذا دخل على العرووس ؟؟
بس شفته يرفع ذقني ويحني راسه على جمب ويبوسني على خدي اليمين
وجع بشــكلك
يووووه انا سبيت ؟! ما أصدق أخترربت يووم عرسي
حســيت خدودي تشــب ضوووووووو
وش ذا الجرأه
رفعت عيووني شوي شوي وشفت أبتساامة مكررر على فمه
بلعت ريقي بصعووبه وهو لف بيجلس جمبي على الكرسي الملكي
ورااه كان ابووي الي بااس جبيني وانا بست يده ورااسه
ونفس الشيء لعمي الي كاان طاااااااااير من الفرح
وراهم كانوا خواني , حسيــت بسعاااده ماادري كيف أوصفهاا
وانا اشووف عندي أخواان رجااال مثـل كذاا
تحسـين بأمااان وان وراك رجاال ماراح يتركونك
وأكيد وليد ماراح يسوي لي شيء ولا ؟؟
قلبي زادت دقاته على هالأفكاار , الظااهر هذا الي يسمونه هوااجس العروووس
وتأثير زحمة العرررس
بـاسني حمد بنعومه وأبتسم لي
وبعده سطااام الي حتى بيوم زوااجي كاان هااديء كثثييير , الله يعينك ياخوي على ما ابتلااك
أوووف هذا وقته أفكر في ليلووه الزفت
آخر شيء مشااري الي حرك حواجبه بخبث خلا صوت ضحكه صغيره تنفلت مني
باسني وهمس بأذني : أحلى عرووس شفتها بحياااتي
زاادت حرارة وجهــي
ورديت عليه وانا أبتسم : ماعليك زوود
جلسوا كلهم وأنتبهت من طرف عيني أن أبوي يقول لوليد شيء خلاه يبتسـم
نزلت وجهي وانا ابلع ريقي بصعوبه
حسيت جسمي كله ينتـفض
مو الحيــن لاا مو الحين , لما اصير معه لوحدي بخااف , الحين الكل حوولي ليه خايفه
أبتسمت بأرتبااك أكثرر يوم شفت عمي وابوي قاموا يرقصوون وحمد يرقص مع مشـاري
الظااهر ان الكل مبسووط الا أنــا
غنوا على العيـله والبنات قاموا يصفرون ويصفقون من الحمــاس
قربوا حمد ومشاري مني وهم يرقصون ويغمزون لي , أبتسمت لهم وانا بالي مو معهم
مررت عيوني على الحريم أدور شخص معين
ماادري ليــه ابي اشووفها بهاللحظه
أيـــوا هذه هي !!
بااقي شووي تطلع عيوونها من مكانها
لفيت عيوني على الي جمبي شفت وليـد يناظر بعمي وابوي وهم يرقصون ومبتسم ببرود ومو معطيني وجه
الظاااهر هالمغرور يشوفني شيــنه
لو صدق يشوفني شينه عز الله انجحت خطتي !!
أنتبهت ان سطام بعيد عنه شووي
أجل ليه تناااظر جمبي هالليلوووه
ليه ماتنااظر زوجها .......!
أوووف ودي اقووم أسطرهاااا
حسيت وجهي أنقلب أحمر من العصبيه
فنزلت وجهي بسرعه ماابي الحريم ينتبهون لي
عرووس ومعصبه وتفكر تفااكيـر ماتطري على العرووس بيوم زواجها
ظليت اناظر بالورد وامرر يدي عليه
ريحته وصلتني وخلتني انسى الي حولي لحظاات
بعد مانتهت الأغنيه جاء ابوي وعمي واخواني جمبي يصورون معي ومع وليد
وقفت جمبه وانا أنتفـض
ياااربِ ليــه أنتفض وش فيــني مو خاايفه انااا ليييييييه انتفض اجل
حسيت بيد داافيه تمسك يدي البااارده
وتذكرت هاليـــد أستحاله انسى لمستهااا
رفعت راسي شوي وشفته يبتسم لي بفتووور
مارديت على أبتساامته لأني بوضع مايسمح لي أني أفكرر
صورنا عدة صوور بعدها طلعوا كلهم ومابقى الا أنا ووليد
تعرفون حركاات المصورات ؟؟ الا غصب أقترب من وليـد
الا يحط يده على كتفي
بس طبعاً أنا راافضه , بــاقي شووي أتهاوش معها واقوول اذا انتوا عادي عندكم ومتعودين حنا لا
بس مسكت لسااني
وليـد ولا كأنه مهتم مخليني على راحتي ولا قال للمصوره شيء
بالصووره الأخيره قالت قابلوا بعض
التفتت عليه وهو التفت بأبتساامه ناعسـه
ودي أمحيييها له ... صرت حقووده بس عليه وعلى ليلوه مو على احد ثااني
عصبت علينااا المصوره وقالت أن مو مبيـن أننا عاشقين !! الا عدوييين يناظرون بعض
مالت عليييها مسويه خبيره في علم النفـس
تقدم مني فجأه وحط يدينه على أكتاافي وأبتسم أبتااسمه أوسع وهو يهمس كأنه يحاكي طفل : عيييب يابياان الناس يناظرون منتظرين منا حركه تعبـر عن الحب الي بيننا
حــب !! أحد تكلم عن الحب !!
عصبت بس مسكت أعصاابي ولا رديت عليه
ظل ماسكني لما صورتنا بعدها تركني ورجع يجلس على الكرسي الملكي
جلسـت وبعد شوي شفت أسيــل وروابي ومرت عمي جاييـن مبتسمين وشكلهم طايرين من الفرررح
ضمت مرت عمي وليد والدموع بعينها : مو مصدقه أن عيالي الثنين تزوجوا , وولدي الكبير جالس اليوم جمب عرووسته
رد عليها وليد بحنيـه أستغربت منها : أن شاء الله تشوفين عيالنا متزوجين يمـه
عيــالنا ؟؟ أي عيااال .. الظااهر سررح بفكررره
ضمتني بعدها مرت عمي وروابي وأسيــل الي نااقزت من الفرررح
وراحت للمغنيه وقالت لها تقول " أهدااء من أسيـل أخت المعرس إلى العروووس "
سكتت أسمع الأهدااء الي قدمتـه لي
حـرام لاتاخذه كله
تلفت الناس لامريت
أتكسر رقاب خلق الله
الزين خذته ولا خليت
حرام لاتاخذه كله
لباقي الناس وش بقيت
ياللي لك اوصاف مكتمله
وتمر عادي ولا حسيت
حسنك به الناس منذهله
طلتك حلوه اذا طليت
ياحلوها جد من طله
الكل يصرخ إلا من جيت
هذا القمر وانقلب ظله
ارفعت من معنوياتي هالبنت مو مثـل اخوها الشين
أبتسمت لها وهي تررقص وروابي ترقص معها
ومرت عمــي تصفق هي والبنات الي جلسوا عند المسرح بعباياتهم ويصفقون
عررفت غلا من عيونها الرصاصيه
وأصلاً واضح من تصفيقها الأهبل
ياليتني أقدر اجلس جمبها وأصفق بلا هم ولا ان يحزنون
بس ....
التفتت اناظر بوليد الي منتبه لخواته وهم يرقصون
هذا بــلوه بــلوه الله يعيني عليه
والله يعيـــنه علــي بعد
بـعد ماخصلوا أسيل وروابي رقص جاو عند وليد
وسألته روابي : ها يالمعرس وش ودك تهدي عروستك ؟؟
كاان نفسي أقووم اكفخ رووابي
عطيتها نظره ناريـه
وأبتسمت لي وهي تهز حواجبها تغيضني
شكلها تظنني مستحيه
جاوبها وليد : والله مااعرف اغاني عربيـه كثيره حدي راشد الماجد
قالت روابي : يازييييينه رشوود هو أبو الرومانسيه أخلص وقولي أي اغنيه تبي
التفت علي وليد وسوا نفسه يفكر : والله ما في بالي أغنيه تناسبني
أسيـل : أفااا وليــد وسود العيون ؟؟
ناظرها وليد وهو رافع حاجب ويأشر علي : انتي شايفه عيونها سود ؟؟
روابي : هههههههه هبله أسيـل , لا لا من يقوول اني لغيررك روووعه
يتكلمون كأني مو موجوده , وانا ودي اقووم وأتركهم يقررون أي أغنيييه
من قال انه لي أصلاً علشاان يصير مو لغيري
هو لليلووه الي سرقت أخوووووي
مالت عليه وعليهااا
هزيت رجلي وباانت هالحركه من فستااني الي صاار يتحرك بخفيف من ضخاامتــه
قالت لي روابي : وش فيـك ؟ معصبه أننا قريبين كذاا من حبيب القلب وانتي بعيده ؟
فتحت عيووني من الصدمه وقلت بهمس ماادري كيف طلع : وش هوو ؟؟
ضحكت علي روابي وناظرت وليد : ولييد ماصارت أغنيه
قالها بعدم أهتمام : خلااص أخترت
همس لها بأذنها الأغنيه وأتكى على ورى وهو يبتسم لي
كان ودي أقوله خيير بس لـمـيت فمي وسكرته
قالت المغنيه بنفس الوقت : أهداااء من المعــرس إلى العرووس
تعالت صيحااات الحريــم يقالهم رومانسيه
وكان نفسي أصررخ واقول خوات المعرس مو المعــرس لاتصدقوون
حبيت غرشوب ولعني ولوعني
واسقاني الحب في كاسه واشقاني
دلوع ما أدري وش الي فيه ولعني
كل ما تركته أعود لدنيته ثاني
إن قال احبك يحاول ما يسمعني
يلعب بأعصاب قلبي بس يهواني
لكن ساعة يدلعني يدلعني
ويقول احبك وميت فيك يا فلاني
ماشي في الكون عن شوفته يمنعني
إلا النظر لو يفارق مقلة أعياني
من دون مشعر له الأشواق تتبعني
وأظن حتى بحلم النوم يلقاني
حسن الغراشيب لو فتان ما يعني
بالنسبة لي شي غيره نقوة اوطاني
حبيب قلبي أنا غرشوب لوعني
ما أنساه لحظة ولا هو لحظة ينساني
ماتناسبنا ..
قلت هالكلمه بيني وبين نفسي
بس الظاااهر انها طلعت بصوت مسموع لأن وليد قالي بغموض : راح تناسبنا .. بس مستقبلاً
ياوااااااااااااثق
واااثق الرجااااال
تنهدت وانا احسب الدقايق , متى يطلع متى يطلع متى يطلع
وبنفس الوقت ماابي السااعه تتحرك وبعدها أنا الي أطلع !!
تحققت أمنيتي بعد ربع سااعه
وقــام بعد مارمى نظررره وأبتساامه علي
راقبتـه وهو يطلـع والعيووون عليــه وخواته وامه يمشون معه
هذا زوجــي
ياويييييلي
توترت أكثـر يوم راح
كنت أظن اني بهدأ شوووي وبتخف نفضة جسمي , بس زااادت
بــس طلع بدأو الحريم يسلمووووون
والبنااات صاروا حووولي يبتسمووون ويحركون حواجبهم
وأكثــر شيء غلااايه
ناظرتني على جمب : أقووول من قدك ياختي بتقابلين الزين كله اليوووم
مارديت عليها وطنشتها وانا التفت ابتسم لضـي الي جلست جمبي وماسكتني من ذرااعي كأنها خايفه اني أطيــر
جاو صديقاتي بعدها .. عبير والبندري وشيماء وشيخه ولينا ومريم .... وكل صديقاتي الي كنت اعرفهم وعزمتهم
سلموا علي وأهدوني أغنيه خااصه فيهم بـس ورقصوا عليهااا
بغـض النظرر عن الخووف الي صاابنــي أنبسطت بالعررس مع كل الي حوولي
مع كل الي احبهم وفرحانين علشااني
تذكرررت وحده ماشفتـها ولا سلمت علي ؟!
التفتت بسررعه على ضي : وييين ساره ؟!
سكتت ضي وهي تدور بعيونها على الطاولات وتفكر : ماادري شفتها بأول العررس
حز بخاطري ان سااره ماسلمت علي
كنت اتوقعهاا هي بتجلس جمبي طول الوقت
مو هي أقررب وحده لي ؟
أقبلت عليناا حلا وجلست جمب ضي : تعبببت وانا اسلم على الحريييم بعضهم مااعرفهم ويقولون لي اخباار زوجك بعد الحاادث , يقولون انه تغير عليك ويقولون انه صار حاد الطبااع ويقولون ويقولون ويقولون .. ياحب الناس للحكي !!
حسيتها بااقي شوي وتبكي قلت لها بسرعه : حلاوه .. ترى اليوم زواجي بتقلبينه نكد ؟ لا تهتمي فيهم
ناظرتني وأبتسمت : لا ياعمري كل شيء ولا زوااج بيونتنا
ضربتهاا غلا فوق راسها بخفه : لاتدلعونها مالكم حق عندها زوج يكفي ويوفي
وحطت يدها على قلبها تمثــل الحسره : ياليت يجيني واحد ربع ربع ربع حلااته
زفررت بقوه خلت كل الي جمبي يلتفت علي : غلااايه ترى عينك حااره أخذيه وفكينا
رفعت حاجبها وكشتني : كش كش مالت علييييك أنا بااخذ احلى
تهاني : مااسرع قلبتي ؟؟ قبل شوي تبين ربع ربع حلاته
عبير : فكرت فيها وعرفت ان فيه ضحايا أحلى
مرام : ضحايا ؟؟ تعبيرر مجازي !!
تخصرت غلا : هيه انتوا وش قصدكم ضحايا ؟
شيماء : قصدهم ضحايا في حبك
أسيل : ايه ايه طيب
قلت لها : لاتصدقين شيماء بعض الأوقات تقول أشيااء مو متأكده منها
ضحكوا البنات على وجه غلاا المحمر من العصبيه
مررر الوقــت بأسرع مما ظنيت
وقفـت وأمي تشجعني بأبتساامتها ومشيـت بأرتبااك تحولت إلى ثقه على الجســر والكل يناظر فيني ويبتسم
يظنون أنــي عرووس حقيقيه وأنتظر هاليووم من زمان
بــس كل هذا حقيقه !!
كلللله حقيقه
لو أشووف فستاني وشكلي والناس الي حولي أعرف انها حقيقه
وقفـت بررى القااعه في داخل غرفـه وامي ضامتني والدموع بعيونها : أنتبهي على نفسك يمه
تركتني وضمتني جدتي بعدها : لاتنسين النصاايح الي قلناهم لك يابياان حطيهم ببالك
هزيت راسي بصمت كأني رجل آلي
سلمت علي حلا وهي تغمز : بتحبين الزواج خذيها مني من الحين
ضحكت على كلِماتها غصب .. أحب الزوااج ؟؟
أما ضي ضمتني وجلست تبكي وانا ضميتها بس بدون دمووع
ماادري حسيت جد جد اني رجل آلي مو فاهمه الي يصير حولي , بس أتحرك بـ حركاات تلقاائيه
دخل عليناا مشااري : بنات اطلعوا بيدخل وليد
طلعوا البنات ودخـل وليـد ومسكته جدتي توصيـه علي
ماحطيت عيني بعينه ولا شفت ملامحه كنت منزله رااسي وحااسه بطني يألمني
ياليت أقدرر ارووح البيت وادخل غرفتي والبس بيجاامه مريحه وانوووووم برااحه
واجلس اليوم الي بعده واقول صبااح الخير لأخواني وامي وابوي
بـس الظااهر كلهاا أحلاام , واحلام خياليه صعب تحقيقها
كانت من قبـل روتين يومي والحين صارت حلم !!
عطاني حمد عباتي وهو يمسح على خدي : مبرووك بياان والله يووفقك
حركت رااسي بدون رد !!
لبست العباايه
وطلعت بدون ما أنــاظر ورى
كنت مخططه من قبل لكل شيء لكن بهاللحظه بالذاات مااقدر افكر في شيء
كل الي احسه وانا اطلع من البوابه بدون ما أناظر امي وجدتي
أنــي أودع حيــاتي القديــمه
وأبدأ حيــاه جديده
حيــاه ما أدري بتصيــر كلها فرررح وسعااده مثـل القديمه بغض النظر عن الشهور الأخيره
أو كلها .......؟!
تونـي بركب ورى بس مسكني سطام وهو يأشر قدام : هذه سياارة وليد هو الي بيسووق
أبتسم بعدين كمل : ترى زوجك عنيد لاتنسين !
عنيــد .. صفه جديده .. ماتصلح لطبعي
لأني أنا عنيــده .. والعنيد مع العنيده مايصلح صح ؟!
رصيت على قبضة يدي أمنع الأرتجااف وأطرد هالأفكار من راسي
ركبت وانا منزلــه راااسي والتفت أرمي نظـره أخيــره على اخواني الي واقفيـن يسلمون على وليد
ركب وليد ومشـى بالسيااره بهدووء مثـل ماركب بهدووء
بــعد العشــاء ..
جلـست هيفااء جمب سـاره السرحاانه : سارونه ؟!
أنتبهت سااره والتفتت على هيفاء : هلا هيفااء .. سووري ماحسيت فيك
أبتسمت لها هيفااء : لا عاادي بس فقدتك ماشفتك الا اول الزواج بعدين اختفيتي
حركت كتوفها بعدم أهتمام : من الزحمه
أقبلوا البناات على الطاوله الي مافيها الا سااره وهيفااء
وسلموا على هيفااء
غلا : ساره وش فيييك جالسه طول الوقت لوحدك ؟؟
جلست مرام جمبها وهي تناظرها بتفحص من غير ماتتكلم
وجلسوا كل البنات بعدها
ساره تناظر غلا وتصطنع أبتساامه : ماادري حسيت بدووخه وجلست هوون .. ليه فيها شيء آنسه غلايه ؟!
تكتفت غلا : هييييييه ترى ملييت من هالأسم خليتوني أكره أسمي
عبير : من قال ان اسمك حلوو
غلا : أتمنــع عن الأجابــه
فتحت ساره شنطتها وهي تحاااول تخفي حزنها الي مبين على وجهها وطلعت جوالها
أشرت بجوالها للبنات : بنااات بوريكم صووره خذتها لمزيون
غلا نطت : مزيوون ؟؟
أسيل : الحييين نطقت مدام السالفه فيها مزيون
ضي : سااره وريها سواقكم أقباال تكفييين
ناظرت ساره في ضي وهي تبتسم وعطتها الجوال : قوولي هذا يشبه سواقنا ؟؟
خذته ضي مستغربه وأتسعت عيونها وهي تشووف فهد قدامها
أرتبكت وكان الجوال بيطيح من يدها بس غلا سحبته بالقوه منها : جيبي وجع حلت لها السالفه ... (( ناظرت بالصوره وقالت تستهبل )) وآآآآآآآآآآآآو هذا ممثل هندي ؟؟؟
سحبته روابي من يده وناظرت : قوولي هذا وليييد يشبه له , أكيييد فهد
سحبته حلاا : عطيني اشوووف
شيماء : حشـى ماصارت صووره من يد ليد
ساره : هههههههههههه خليهم يناظرون علشاان يحرمون يتزوجون الا من واحد مثل حلات اخووي
غلا : ياوااثقه .. ليه كاشخ وش عنده ؟؟
ساره رفعت راسها تمثل الغرور : ليه شفتي واحد أحلى منه بحياتك ؟؟ اليوم صورته وهو كااشخ للعرس ورسلتها بلوتوث لهالجوال
قاطعتهم هيفااء وهي تضغط على جوالها بعصبيه : عن أذنكم بنااات بكلم اخوي يجينا
روابي : لييه تو النااس ؟!
أبتسمت هيفااء بغنج : لا اخووي ينام مبكر ولاازم مانتأخر
حلا : نووصلكم
هيفاء : لا ياعمري ماله دااعي ماقصرتوا ووسعنا الصدر
راحت بعيد عن الطاااوله .. وبعد دقايق رجعت وهي معصبه
وجلست بالقوه : الله يااخذه رصييد وقته يخلص
ضي : خط سواا ؟؟
هيفاء : أيييه هذا جوال الجامعه ماطلعت له خط عاادي
ساره عطتها الجوال : عااادي حبيبتي خذي جوالي ودقي على اخوك
هيفاء أبتسمت : ياقلبي مشكووره بـس ...
ساره قاطعتها : أي بس ؟؟ عاادي دقي مافيها شيء
غلا بأستهبال : عادي ماراح تخسرين سااره , سووير كريمه
البنات : هههههههههههههههههههههه
خذتـه هيفااء بأبتسامه وفي لمح البصـر دخلت الأستديو والصوره وسوت أرساال لجوالها
وهي تسوي نفسها تنقل الرقم من جوالها لجوال ساره
دقت رقم اخوها الي حافظته بعد ماحطت جوالها بالشنطه : ألوووو عصاام ؟؟ ترى خلصنا ... ايه ايه تعال بسرعه .. اوكي .. لا هذا جوال صديقتي .. اووكي .. بااي
سكرت وعطته سااره بأمتنان : يعطييييك العافيه ياقلبي
أبتسمت لها ساره : الله يعافيك ماسوينا شيء
بعد ماراحوا أكثـر المعازيــم
دخلت حلا مشااري وهو متلثــم
علشان يررقص معها
صاار الجوو حمــاس ومابقى الا بــس الي من العاايله وكم حرررمه
ظـل يرقص هو وحلااا وضـي على أغنيـة تنحط ع الجرح يبـرى
ضرربت عبير غلا الي تصفق : هييه انتي هذا أخوو بيان صووح ؟؟
غلا تقلدها وهي تصفق متحمسه : صووح .. ليه يعني ماتدرين ولا وقعتي بالغراام ترااه متلثم للمعلوميه خخخخ
دفتها عبير بالقوه : اسأل لأنه نفس هز بيان ههههههههههههههه
البنات : هههههههههههههههههه
غلا : ماسمعك والله
تحمسوووا أكثــر في مقطع وزااد رقص الثلاااثي الي على المسرح
فديت صوتك فديتك شفتك عشقتك هويتك
ياليت تدري ياليتك غلاك ياكبـر قدررره
القلب سلم لك أمره في حآلتي أنت ادرى
يالي حنانك وطيبك ينحط ع الجرح يبررى
نـزل مشااري وحلا ماسكه ذرااعه مفتخره وتأشر على مجموعة حرييم : شووفوا توئمي العزيز
حاول مشاري يسحب يده , وامه جات وهم ماشين عند الباب : عواافي عواافي عقباالك ياارب
سحب يده بالقووه ورفع يدينه فوق : يااااااااااارب
مسكت حلا شماغه : فك فك الشمااغ خلااص
بعدها مشاري : لا ماابيهم يكتشفون من انا بعدين يرفضوني لاخطبت من بناتهم يقولون ذا مجنون مبين من رقصه
حلا تسحب الشماغ : لا والله لهم الفخر ماخذين تؤمي
مشاري يستهبل : الحين وراك كل دقيقه تكررين تؤمي لهالدرجه انتي محظوظه فيني ؟؟
مسكت ذقنه ولفته على مجموعة الحريم نفسها وصرخت : وش راايكم يجننننن صح
سحب وجهه ومشى مع أمه : فضحتناا بنتك
قالت حلا من ورااه : ياعييييييني على الحياا كثر منها
التفت عطاها نظره خلتها تضحك ورااح مع امه علشاان يفسخون الحريم عباياتهم
:::
جالسـه على السرير بفستـانها الفخـم الي غطى كل جزء بالسرير
مو عاارفه كيف تتصرف او وش تسوي
كل جسمها مخدرر وعقلهاا في حاله ماتسمح له يفكررر
--= بيــان =--
لي ساعتيـن تقريباً وانا جالسـه على هالسرير
قالي تبيـن عشـاء ورفضـت مع أني مييييييته جوووووع ماكلت شيء طول اليووم الا 10 حبات من علك الفراوله علشان ينسووني الجووع
طييب مو مهم الجوع الحين كثر مايهم هو وين أختفى تركني بالغرفه وطلع
مو عارفه كيف أقوم وأبدل ملابسي اخاف يدخل ومايلقااني بالغرفه ويدخل غرفة التبديل ماعليها مفتااح
يااااربِ اقفل الغرفه ؟؟!
طيب اول لازم أعرف أتحرك علشان أفكرر أبدل
ما أمدااني أكمل تفكيري الا أنفتح باب الغرفه ورفعت رااسي متروعه
ناظـرته مستغربه بدل ملابسه ولبس بنطلون كحلي وبلووزه بيضااء .. متى بدل ملابسه هذا !!
لا يكوون بالصاله جالس يبدل وتاركني على راحتي اغير ملابسي وانا هبله ماتحركت
تسند على إيطار الباب وعلى فمه أبتساامه كسووله أحسـه باقي شوي وينوووم : خفـتي ؟
هزيت راسي بمعنى لا : بس كنت سرحانه
عدل وقفته وسكر الباب وراه وانا وقف قلبـي
قرب من عندي وبعد فستاني شوي علشان يجلس على السرير
تأملني لحظات وانا ثبتت عيوني في عيونه مع اني مستحيه
بس راح يستغرب لو تصرفت الحين بطبيعتي بعدين نفذت خطتي بيقول ما أسرع تغيرت
قال فجأه : تدرين أول ماشفتك قلت يمكن غلطانين بالعرووس
فتحت عيوني مو مستوعبه : قصدك أني مو حلوه ؟؟؟
قالي وهو رافع حاجب : متى ؟؟ قبل العرس ولا في العرس
هزيت رااسي أحااول أحلل سؤاله بعدين قلت وخدودي تحمر : أقصد بالعررس
مد يده وحرك صبعه على خدي وهو يتأمله : نااظري نفسك وتعرفين الأجابه .. ولا مو واثقه ؟؟
ماقدرت أجاوب لأني مرتبكه من لمست أصبعه
كمـل : أقصد يوم قلت يمكن غلطانين بالعروس .. أنك طالعه أحلى شيء شفته بحيااتي (( أشر على الورد الي جمبي )) أحلى حتى من هذا
رجعت رااسي على ورى علشان ابعد يده وانا اعقد حواجبي
سألني بنبره غريبه : تتضايقين من قربي ؟
أنصدمت صرااحه !!
جاوبت بسرعه لاترووح كل أفكاري بالهواء : من قاال ؟؟
رجع ينااظرني بنظراته الي تحيرني , ماادري هي كره هي غيض هي حقد , هي وشو بالضبط
قالي وهو يوقف : أخليـك تبدلين لك عشــر دقايق بعدها بدخل
فتحت عيوني بغيض , يحدد الأخ
ماعلقت لأنه مشى طالع وهو حاط وحده من يدينه بجيبه
تبوون الصدق الصدق الصدق ؟؟؟
أكرهه ايه
لكن فيــه جااذبيه تسحر
بس مو انــا !!!
لا لا مو انا الي تسحرني
لكن هو يسحر
يوووه وش ذا الأفكاار
قمت بسررعه أبي أبدل وخذت القبعه الي حطيتها جمبي
دخلت غرفة التبديل وفتحت شنطتي الي فيــها
ما أحد رتبهم بالدولاب لأن يومين ومسـافرين وبعدها بنسكن بجنااح في بيت عمي
هو الكبير شيء طبيعي مايطلع الحين , كفاايه خالد الي سوا له شقه لحاله بس بااقي ماخلصت
طلعت لي بجاامه حمراء ناعمه , هذه أنا حاطتها بدون ما أحد يدري
مو نااقصه يسوون لي مقالب مثـل مايسوون البنات دايم
ويحطوون لي ملابــس .... أ...
ناظرت بالملابس وغمضت عيوني وسكرت الشنطه
آآخر عمري البس هالأشيااء
حاولت أفتح السحااب حق الفستان من ورى وماعرفت يووه ناقصه انا فضاايح
: أنفـــتح ..
نطقتها بصوت عالي وانا معصبـه , سحبته بأقوى ماعندي بس ما أنفتـح
وجـــع ,,
لاااا ماراح اطلب منه يفتحه اساساً
طلعت للغرفه أدور على شيء ماادري وش هو ؟؟
جلست على السرير ولفيت يديني ورى ومسكت السحااب
يمكن وانا جالسه ينفتح , سحبتــه بقووووووووووووووه ولا تحرك الا حركه خفيفه
وش ذا الحظظظ
ليه حظــي كذا
أستغفر الله
حظي زين مافيه شيء بس الغبااء الي فيني هو الي مو مخليني أركز
سمعت صوت خطوات تقترب ووقفت بسرعه ودخلت غرفة التبديل
ظليت احاول افتحه
وسمعت صوت دق ع الباب بعدها أنفتح
حتى قبل مااقول ادخل !!!!
بأنجلط بسبب هالوليد
وقف عند الباب وناظرني من فووق لتحت وهو رافع حاجب : وش فيك مابدلتي خليتك أكثر من 10 دقايق
لويت شفايفي بسخريه : سووري سيـد وليد بس ممكن خمس دقايق أكثر ؟؟ (( كملت بسخريه أكبر )) إذا سمحت سيدي
حط يديه على خصره وهو يبتسم : لا مااسمح يا أميــره
قلت بتتريق : أميـره وتقولك سيدي ؟؟ مستحيييل
قرب مني ومسكني من أكتافي ولفني بلمح البصر وبخفه لما صاار ظهري مواجهه
توترررت وفركت يديني مع بعض وانا اشوف يده تمسك السحااب وتفتحه بسهووله
غمضت عيوني وحركت أكتاافي وطلع صوتي همس : خلااص
وقـف يوم قلت خلااص , بس الأخ فتح ثلاث أربااعه
لفيت بسرعه عليه وانا منزله راسي ومسكت السحاب الي صار تحت بيدي اليمين : شكـراً
ماتحرك وشكل الأخ مطول , مال بوقفته وقال : اذا بغيتي شيء أطلبي وأتركي الحيااء
قلت وانا ارص على أسناني : اذا كنت بطبيعتي حيويه أسمح لي ما اقدر أتغير علشانك سيدي
تركني من غير مايقوول شيء , وتنفست براحه وفسخت فستااني
لبـست البيجامه وعلقت الفستاان بالموت من ضخامتـه
طليت براسي بالغرفه وماشفت أحد
رحت بسرعه للتسريحه أشوف شعري أكيد أنعفس لما لبست
صلحته بيدي ورجعت جهه منه ورى
ناظرت بالعطورات الرجاليه الي على التسريحه الأخ مجهز أغراضه وانا بالطقاق
خذت عطره ورشيت علي وانا ماسكه ضحكتي , مو علشان شيء تعطرت
بس أبي ريحتي نفس ريحته لايغتر علينااا
أساسا هو مغرور بكل شيء مو بريحته
ماالت ليه أفكر فيه
أوووف
حطيت العطر بعصبيه
وسمعت صوت ورااي مبـــاشره
: لاتنكسر ترى غاليه
مسكت أنفاسـي يوم حسيت بأنفااسه على رقبتي وكنت منزله راسي مو قادره أرفعه واناظر بالمرايه
التفتت فجأه بسرعه وتراجعت بصرخه من قربه
هز كتوفه مبتسم : شايفه وحش يا أميرتـي ؟!
أميــرتي ؟؟! وش ذا الأسم بعد , أميره ورضينا لكن أميرتي
جيت بمشي بعيد عنه بس وقف في طريقي
لفيت بمشي من الجهه الثانيه بس وقف بعد بطريقي وشكله مستمتع كأنه يلعب مع طفل
زفرت بعصبيه وقلت وانا ارفع عيوني : ترى عمري 18 وقرريب بدخل 19 فـ بليييز دور على احد أصغر العب معه
قال بهمس : بس أنتي عندي
فتحت عيوني والتفتت أناظره : نعم ؟؟
سكت وسكتت
عم الهدووء لحظات بعدها أنفجرر من الضحك
: هههههههههههههههههههه
!!!!
علامات أستفهاام فوق راسي وش فيه ؟؟!
شايف شيء غلط
كان مرجع رااسه ويضحك وبعدها رمى نفسه بقوه على السرير وأنسدح وهو مكمل ضحكه
كسر خاطري السرير حسيته أنكسـر
بس ماادري وش في هالوليد يضحك !!
قلت بعفويه غصب عني : هيه دراكولا في شيء يضحك ؟؟
حطيت يدي على فمي يوم أنتبهت للمسمى , يوووه عسى مايعصب !!
لا لا ان شاء الله مانتبه او يوواصل ضحكه ويظنها مزحه
بــس هو سكت من الضحك ورفع راسه يناظرني وهو رافع حاجب : على فكره ذاك اليوم يوم دعيتي علي وطحتي أنتـي ماحسيتي بالذنب ؟!
رددت بعده : الذنب ؟؟
قالي : أيــه .. مو أنتـي تدعين على غيرك ويطيح فيك
مارديت لأني مو عارفه وش أرد , يكفي انه عرف اني دعيت عليه , أصلاً واضح من كلام سااره ذاك اليوم
جلـس فجأه ومرر يدينه على شعره يصلحه
بعدها وقف وأقترب مني : تبيـن عشاء ولا لساا تشوفين نفسك شبعانه
قلت بعنااد : لا شبعاانه وبظل شبعاانه لبكره
هز كتوفه بعدم أهتمام وراح : اوكي على راحتك
بعد ماسكر الباب ضربت الأرض برجل بأنفعال : أووووف
نطقتها بصوت عالي وصرت اروح واجي بالغرفه كأني مجنونه
ماادري ليه رحت للباب وفتحته وطلعت
مايهمني أي شيء المهم ما أجلس لوحدي كذا بين أربع حيطاان
شفتـه جالس يتعشااء بالصاله وهو يناظر التلفزيون على mbc
وقفـت عند الكنب بتوتر أجلس ولا
التفت بعد ما أنتبه علي وناظرني قبل مايدخل الأكل بفمه وأبتسم : تبين شيء ؟
مارديت من الغيض , وش ابي يعني عرووس جالسه لوحدها طفشاانه وهو يااكل وش متوقع ابي
دخل الأكل بفمه وبعد ماكلها قال : ولا تذكرتي أنك جايعه وماكلتي شيء طول اليوم ؟؟
مريت قدامه وجلست على الكنب الي مواجهه وانا احط رجل على رجل : لا كلت , وأزيدك من الشعر بيت ماعمري كلت كثـر ماكلت اليووم
رفع حواجبه بأستمتااع واضح : ماشاء الله
تابـع أكله ببطء وهو يعطيني كل دقيقه نظره
ماهتميت فيه والتفتت اناظر بالتلفزيون
وقـف ورااح المطبخ وهو شايل صينية العشااء
حسيت ببطني يغني
حطيت يدي على بطني وقلت : أصص بكره بتاكل لما تشبـع أسكت الحيين
طلع وليد من المطبخ ورجع جلس قدامي وهو يناظر بالتلفزيون
عيــوني غمضــت من النووم
لااا لازم ما أنام اليووم بكره اذا رحت بيتنااا آكل وانووم قد ما أبي
بـس
بـس فيني النووو...م
لمحت رموشي تغطي على عيوني وماشفت غيــر الظلاام
حسـيت بعد فتـره بأحد يلحفني
وبشيء دافىء ينطبع على جبيني
أبتسمت وانا نايمه
هذه أمــي ولا جدتي ولا ضـي
وحده منهم
أنقلبت على الجهه الثانيه وانا اتلذذ بالنوم : همممم
يد دافيه مسحت على شعري , همست بصوت نايم : أمـ..
ماقدرت أكمـل لأني ماحسيت بشيء بعدها الا الظلام ...
:::
مســحت آخر دمعه نزلت من عيـنها بالوقت الي أحد دق باب غرفتها
سألت بصوت تعبان : ميــن ؟؟
: أنااا ياسااره أفتحي
عرفت سااره صوت مرام وقامت بسررعه أفتحت الباب
ناظرتها مرام بهدووء وساره وقفت ساكنه , تحس أنها بتنفجر
حاولت تكتم شهقاتها بس طلعوا غصب عنها ورمت نفسها في حضن أختها الكبيره
بكــت بصووت عالي ومرام تحاول تهديها
دخلت مرام الغرفه وهي تسكر الباب : أذكري الله يا ساره , اذكري الله
قالت ساره من بين دموعها وشهقاتها : لا اله الا الله , هــه آآآه مراام أنا اكذب على نفـسي يوم قلت انها مرحلة وتعدي مجرد مراهقه وتعدي , لاااا مرام عدت المراهقه من زمان هــه مراام
طاحت على السرير تبكي ومرام ضمتها : ياسااره كل شيء أنتهى الحين هو زووج بياان , لازم تتقبلي الوااقع
حركت ساره راسها يمين ويساار : لا مو قادره أتقبله , اليووم بالذاات مو قاادره أتقبله , فاهمه كيف مو قارده أتقبله ؟؟
عرفت مرام بعد ماشافت ساره تكرر الكلام انها مو بوعيها
والتعب هااد حيلها
سدحتها بخفه وهي تقول : أرتااحي الحييين ونوومي شووي وبعدها يحلها الف حلال
أنسدحت سااره بهدوء وهي تمسح دموعها بالمنديـل : مراام انا تعبت من الدموع بس مااقدر امنعهم وربي مااقدر
ربتت مرام على كتف سااره : طيب فاهمتك حبيبتي انتي ارتااحي الحين وبعدين فكرري في الي تبين
غمضت سااره عيونها والنووم مجافيها بس حااولت تسوي نفسها نايمه
علشاان ماتغـث مرام زيااده
ظلت مرام جمبها ولا تركتها
الا يوم حست بأنتظاام تنفسها وانا نامت صدق مو مثــل ماحبت تبين من قبل
:::
أحـاول أخـفي [أحسـاسي]
ولـكن بـ العشـق { مفـضوح **
تشـوف الفرحـة في عـيني
وأحبك بـ العقل و [ الــروح ]
: خااااااااالد خااااالد
صررخت تهاني بقووه وهي تلبـس عباتهااا
طلع خاالد وهي يسكر أزرار ثوبه من فوق : أصبرري ياقلبي وش فيك مستعجله لهالدرجه مو طايقتني ؟؟
تنهدت تهاني وهي تنااظر الساعه : تررى تأخرنا عن أهلك وش بيقوولون ؟؟ انا مأخرتك !!
ناظرها نظره خبيثه : لييه يعني مأخرتني انتي ؟؟ وش معنى
فهمت قصده ولفت شيلتها وخدودها حمرت : ماراح ارد عليك وبسرررعه لا نتأخر زيااده
جلس على الكنب معااند : مو قبـل أفهم وش قصدك
التفتت تهاني وبدأت تعصب : خالــــــــــد
قالها بروقآآن : ياروووحه وقلبه وعشـقه
رفعت راسها : آآآآهـ ياقلبي بيقتلني يانآآآس
قال خالد ببرائه : أنا أقتلك ؟ أقتــل رووحي قبـل ما أقتلك , أفاا ماتوقعت هالحكي منك
تهاني تساايره : خلااص ياقلبي انت السموحه منك , ممكن لو تكرمت نرووح لأننا متأخرين ؟؟
خالد : كم مره كررتي كلمة متأخرين
تهاني مدت يديها قدام بنرفزه : مو لأننا متأخرين فشيله مع أهلك
خالد وهو يحط رجل على رجل : خلاص اقووم بشررط تعرفين كم مره قلتي متأخرين
فتحت عيونها : وش يذكرني
رد عليها : تذكري إذا ماتبي تتأخرين
قالت برجااء : خالــــد
رد : عيــــــون خااالد
حكت شعرها بعصبيه وهي تحط الشيله على أكتافها : وبعدين يعني رفعت ضغطي
رجع راسه على ورى علشاان يناظرها وهي وراه : اتوقع السكر يزيد مو الضغط
غمز لها بمرح
تهاني : خااااااااالد ما أمزح
رد : وانا ما أمزح بعد
تكتفت عند الباب : طيب قوم متى ماتبي
ظلت جالسه وهو شغـل التلفزيون وقام يغير من محطه للثانيه مو ثاابت على وحده
قالت بصوت خاافض وبدلع : ترى تعبت
التفت عليها مبتسم : تعالي أجلسي
رفعت عيونها وهي تقول : ياليييل ماطولك
قال : أهااا فهمت قصدك
قام متوجه لها
وقالت بسرعه : عفواً يادكتور وش هو قصدي ؟؟ ترى انت تفهم غلط دايم
حمرت خدودها يوم تذكرت شيء
ضحك من قلبه يوم شااف شكلها : لا هالمره فهمت قصدك مو قلتي تعبتي ؟
تهاني بحماس : أيييه يعني أفهم وقوم وخلناا نـر...
شالها بنفس الوقت وهي صرخت : هي وش الي فهمته
خالد : هههههههههههه على طول وش الي فهمته
حطها على الكنب وقبل مايسحب يديه دق جواله
شاف رقم أمه وابتسم وهو يرد بيده اليساار واليمين حول تهاني الي لسا ماجلست عدل : هلا وغلاا يمه الطيب عند ذكره
أم وليد : هلا فييك وش تقول فيني ؟؟
خالد : توووني هالدقيقه اقول امي بتعصب لو تأخرنا بس تهاني الله يهديها الا تشيلني وتحطني على الكنب انا تعبت وانا اتزين
فتحت تهاني عيونها وخطفت الجوال وهو حاول ياخذه من يدها , صرخت بصوت عالي علشان تسمعها أم وليد : ورررربي كذاااب هو الي شاالن....(( سكتت متفشله وخالد ضحك عليها وهي كملت صرااخ )) أقصد هو الي مأخرناا وربي
حط خالد الجوال بأذنه بالموت يبي يرد , بس ام وليد قالت : ههههههههههه مسكينه عقدتها قولها انا عاارفتك وعارفه حركاتك
قال خـالد وهو يبعد عن تهاني : تقوول امي هي عاارفه حركاتكم يالحريم
ام وليد : ولــد !!
خالد : يمه انا رجال مو ولد ههههههههه
تهاني فهمت له : ايه احسن علشان ماتكذب علي وعلى أمـي
مسكها من يدها وهو يقول لأمه : مساافة الطريق وحنا عندكم
ام وليد : الله يحفظكم
سكرر وسحب تهاني : يالله قدامي علشاان ماتقولين أخرتك
حاولت تسحب يدها : طيييب بلبس شيلتي
ناظر سااعته : يالله تأخرنا تهاني تأخرنا , تهااني تأخرناا
لفت الشيله وهي تضحك : أنتظر باللبس البرقع ولا عادي أطلع كذا ؟
مارد عليها وهو يناظر الساعه : يالله تأخرنا تهاني تأخررررررررررناااااااا
دفته بمرح وراحت قبله ترركض لا يرجع الدفه
قال وهو يناظر الساعه : ربع الوقت تـاخرت انا وثلاث أربااع الوقت تأخرتي أنتي
:::
لبسـت بيان تنووره صفراء ناعمه من الحرير وقصيره لعند الركب
عليها بلووزه سودااء مخططه بالعرض أصفـر وطايحه من عند الأكتااف
رفعت شوي من شعرها على ورى بورده صفرااء
وحطت ميك أب خفيييف كثيييير وتعطرت بعطـر مس ديــور
لبست الصندل الأسود بكعب قصييير
وطلعت من غرفة التبديل الي فيها شنطها
بس دخلت الغرفه ولمحته عند التسريحه رفعت يدينها وغطت عيونها وهي تصرخ : هييييه ألبس بلوزتك بدورة الميااه
التفت وليد مستغرب وهو يمرر يدينه الي فيهم عطر على رقبته : نعـم ؟؟
راحت عند تسريحه السرير الصغيره بتااخذ جوالها
وقالها بمرح : ممكن تعطيني بلوزتي ؟؟
قالت وهي تنزل يدينها ومعطته ظهرها : أي بلووزه ؟
وليد : الي على السرير
التفتت نص التفاته على السرير وشاافت بلووزتـه السودااا في الطرف : خذها أنت
رد عليها : طيب ممكن تجيبينها يا أميرتي ؟؟
تأففت بداخلها وهي تسمعه يرجع يناديها بأميرتي , ماتدري عاجبه الأسم ولا وش سالفته
أستسلمت لأنه كلمها بأحتراام وطلب منها ما أمرهااا
خذت البلوزه ومشت وهي منزله رااسها ووقفت على بعد منه ومدت البلووزه له
ماخذها وظل يدندن ويصفر
رفعت راسها مستغربه وشاافته يمشط شعرره المبلل ولا يناظرها
نزلت راسها بسرعه وهي تغمض عيونها بقوه
سمعت ضحكته المرحه : هههههههههه ياعيني على الوجه الأحمر ممكن ترفعين راسك وتعطيني البلوزه صراحه مااقدر اخذ شيء من وحده منزله رااسها
بلعت ريقها ورفعت راسها وهي تنااظر بالعطورات
قال : لا ولازم تناظرني وش يدريني انها تعطيني أنا البلوزه ماتعطي الأغرااض الي على التسريحه ؟
عصبت وناظرته : وبعدييين ولييد ؟
رفع حواجبه وهو مبتسم : وبعدييين ؟
قالت بعصبيه وبصوت خافت : صدق دراكولا
قرب منها ونزل راسه وحط أذنه عند فمها : وش قلتي ؟؟ ماسمعت ؟؟ عيدي
شمت ريحة صابون الحلاقه بذقنه وارتعشت
تراجعت خطوتين بس هو مسكها من رسغها وسحبها قداام عنده وهو يأشر على أذنه : عيييدي !!
ناظرت بشعره المبلل وهي تنتفض ليه ماتبدأ من الحين , الأنساانه المتقلبه الي مررره بتضحك معه ومره بتنفر منه
هذا هي خطتها , بس هي تبي تووصل لشيء معيــن ماتبـي تفكر فيه من البدايــه
أبتسمت غصب وحطت يدها المرتعشه على شعررره الملياان موويه حركته بمرح وأنتشر ريحة الشامبوو وهي من الدااخل بعيييده كل البعد عن المرح
رفع راسه مستغرب منها
وتراجعت وهي تبتسم : يالله وليـد أخااف نتأخر أنتظرك برى
طلعت بسرررررررعه وقلبها يدق طبوول
أنتظرته بالصاله لما لبس البلوزه السودا على بنطلونه الأسود وطلع يناظرها ببرود رجع له
وقفـت ولبست شيلتها وبرقعها وراحت وراه
:::
فـي بيت بو وليـد ..
ناظرت أسيل الساعه والتفتت على تهاني : تأخروا وليد وبياان
تهاني : عاادي توهم معاريس وبعدين غدااء مو عشى يعني متى ماخلصوا يجون
اسيل : ياسلااام ترى العكس المفرووض العشاء متى ماخلصوا يجون اما الغداء في موعده
تهاني : لا والله ؟؟
اسيل : ايه والله
تهاني : ياشيــ..
ماكملت لأن بيان دخلت عليهم وسلمت , ردوا السلام وقاموا يسلمون عليها
أسيل : اخييراً شرفتي ياعرووسه
أبتسمت بيان بخجل : آسفين جوعناكم
تهاني : ماعليك من الدوبه أسيل تعرفينها مشحوفه
أسيل : لا والله ؟؟ وين غلاا بس كان عرفت ترد عليك
تهاني : هههههههه ياحبي لها اختي يضرب لها المثل في الردود
أسيل تدف تهاني : ابعدي خليني أستلم بياان أسئله
تهاني : المفرووض انا استلمها لكن انتي عيييب لساا ماتزوجتي
تخصرت أسيل : لاحووول الحين السيدات أجتمعوا وبدأو يعايروننا بالعنوسه
تهاني + بيان : هههههههههههههههه
أسيل : صدق بيوون وش اخباارك مع وليد ؟؟ وش سويتوا ؟؟
تهاني حطت يديها على راسها : وش سويتوا مره وحده ؟؟ ياقووويه !! وربي قوي سؤالك
مدت أسيل لسانها : ادري أنننننن
بيان قاطعتهم : رقصناا على نسماات الليل بعدين خمدنا أي سؤال ثاني
أسيل : ياااي رومانسيه
تهاني تقلد أسيل : فلللله على نسماات الليل بعد
تحمدت بيان عليهم
أسيل : متى قمتي ؟؟
بيان تناظر الساعه : قبل ساعتين
تهاني : مافطرتي؟؟
هزت بياان راسها بـ لا
أسيل : ياعيني أكيد سهرانين
مسكت بياان الخداديه وضربت أسيل فيها : تبـــنه
تهاني : سلمتي على امي وروابي ؟؟
بيان ايه شفتهم بالصاله مع زووجك
أسيل : قولي حمااي
بيان : ماابي
أسيل تمد يدينها : الله يعينك ياخوووي
بيان بدلع رفعت راسها : والله من قده انا بكبري زوجته
تهاني : ايه عجبتيني ههههههههه
أسيل صرخت وهي تضمهم مع بعض: يااااي من قدي أنتوا الثنتين حريم اخواني
بيان + تهاني : هبــله
حطوا الغدااء الرجال لحالهم والحريم لحالهم
علشان تهاني وبيان ياخذون راحتهم
قامت بياان بتتغدا وهي حاسه ان بطنهاا مسووي حفله من الجووع
أنتبهت لشيء يتحرك في الأرض نزلت راسها وفتحت عيونها على كبرهم : قطووووووووووووووووووووووه !!
رررركضت بلممح البصر وهي باقي شووي وتبكي موتوها اذبحوها بس قطوه جمبها ماتقدر يجيها أنهياار عصبي
راحت فووق بدون ماتحس
والقطوه تركض وراها تحب اللعب بشكل خيالي
وتظن بيان تلعب معها
ماعرفت بيان وين تدخل
وأول باب طاحت عينها عليه دخلت فيه
تنفست برااحه وجلست بالأرض وظهرها بالباب
حطت وجهها بين يدينها تحاول تهدي نفسها
ظلت كذاا لما دق جوالها الي رابطته بشنطة جوال سوداا على خصرها طلعته وناظرت الشاشه شافتها أسيل
ردت : هلا أسيل
أسيل : ويييييينك بيااانوه ؟؟ أختفيتي فجأه , تقول تهاني كأنها سمعتك تصرخين فيك شيء ؟؟
أنتفضت بياان يوم تخيلت شكل القطوه : لا مافيني شيء بس ماشتهيت آكل ولويت ساقي وصرخت
أسيل : طيب وينك
دارت بيان بعيونها بالغرفه وشهقت بخفه وهي تشووف صور وليــد بكل مكاان بالغرفه
وطــابع الرجووله وااضح في كل شيء
سرير واســع فخــم ورفيــع
وعطــر رجاالي يملىء الجوو نفس ريحة وليــد
حاولت تستوعب وأسيل تقول : الوو بيان ؟؟ بيان ؟؟ وينك ؟؟
ردت بسرعه : أنا في غرفتك مو مشتهيه شيء يا أسيل صدقيني
أسيل : بـس ..
بيان تقاطعها : بليييز أسيل خليني ع راحتي
أسيل : أوكي على راحتك
سكرت وبياان تنفست برااحة قامت تتفحص الغرفه
ماتدري ليه تبي تلقى دليل على أن وليد يحب ليلى
وفي غـــرفتــه بالذاات
ظلــت تتفحص كل شيء ومر كثيير من الوقت
ومانتبهت بصوت الباب الي انفتح وتسكـر
التفتت بترووح لتسريحة السررير وهي ماسكه صوره لوليد في نيويورك
رفعت عيونها عن الصوره وشهقت بصووت عالي يوم شافته قدامها بشحمه ولحمه ومتسند على الباب وهو عاقد يدينه على صدره
أررررتبكت كثيــر وهي تشووف النظره الباارده بعيوونه
: آ ... أ .. من .. من متى انت .. هنا ؟؟
مارد عليها وتقدم منها وخذ الصوره من يدها تفحصها وناظر وراها مكان الصور
حطها مكانها والتفت على بيان ومسكها من أكتافها وسحبها بوحشيه وهو يصر على عيونه وأسنانه : شيء واحد ابي اعرفه يابياان أنتي ليه وافقتي تتزوجيني ؟
أنصدمت من السؤال : نعع ... و
قاطعها بعصبيه وهو يهززها بعنف : ليييه جاوبيني ؟؟ مو تكرهيني ؟ ماتشكين فيني ؟ لدرجه صباحية زواجنا تشنين حملة تفتيش على غرفتي ؟
هزت راسها بعصبيه : لااا ما فتشـ ..
حط صبعه على فمه : ولا كلمه , ما أبي أسمع ولا كلمه , الشيء هذا مايتكرر فاهمه ؟؟
دفها معصب وهي الصدمه شلت تفكيرها
فهمها غلط اذا ظن انها جايه غرفته تفتش
بس مجررد فضوول وأستكشااف لما شافت نفسها بغرفته
نزلت قدامه وهو وراها وقفها عند آخر عتبه للدرج : وقفي أشووف اذا خالد موجود
ناظر الصاله وشااف امه وابوه واسيل بس : وين خالد ؟؟
بو وليد : راح ياولدي وراه شغــل بالمستشفى
وليد : وزوجته ؟
ام وليد : خذاها يوديها بيت أهلها
هز وليد راسه بتفهم ورجع لبيان وأشر لها : قدامي مافيه أحد
حست أنه يعاملها كأنها خدامه مو عرووس !!
مشت بقهرر منه ومن نفسهاا
أبتسمت غصب لعمها ومرت عمها وأسيل
جلست على الكنب وجلس وليد جمبها
وعلى طول قالت ام وليد : ليييه يمه بيان ماتغديتي ؟؟ ألمتك سااقك ؟؟
أرتبكت بيان : هلا ؟؟ لا لا ماألمتني رااح بس وخزز جاني , وماشتهيت أتغداا
سأل وليد وهو رافع حاجب : ماتغدت ؟؟
أسيل : لااا
التفت عليها وليد
وناظرته بيان بتعالي , تدري لو تموت جووع ماهمه أهم شيء بطنه
وقف ومسكها من يدها : وين روابي يمه
ام وليد مستغربه : ماخلصت تتغدا
سحب بيان لما وقفت : يالله قوومي تغدي وبجلس معك
بيان بأستغراب : بس انا ماابي غدأ وبعدين ليه تجلس معي ؟؟
وليـد عطاها نظره يعني مايبي نقاش : قلت تغدي وبجلس معك علشان ماتستحين ياعرووس , وبطنك أمس أزعجني وهو يغني
حمرررت خدودها بقووه
وضحكوا عمها ومرت عمها واسيل
كان نفسها تعطيه كف
أساسا هي مانامت جمبه علشاان يزعجه بطنها
مشى من غير ماينتظر ردها وهو ماسك يدها
مشت وراه وأنتبهت لأبتسامات الموجودين
يظنونه عاااشق خاايف على حبيبته
يوم جات بتدخل غرفة الطعام شافت القطوه طالعه وشكل روابي مأكلتها لأنها تنظف فمها بلساانها
صرخت بياان بقوه : يمـــه قطوووه
سحبت يدها من يده بس هو ماسكها بقووه وماقدرت تحرر نفسها , قالت برجااء ووليد يناظرها مستغرب : الله يخليييك وليد الله يخلييك وربي أخااااااااف اخاااف يمممه قطوووه وربي قطوووه
تركها وأشر بيدينه بمعنى أهدي : خلاص خلاص بأبعدها
أشر بيده للبسه وجاته تركض شاالها بخفه ووداها برى
ورجع وبيان تناظره بفزع , قال بأستهزاء : أبعدناها أميرتي أي خدمه ثانيه
ماردت عليه ودخلت بسررعه غرفة الطعاام
شافتها روابي وابتسمت : أهلاا يادلووعه تعالي تغدي كنت عارفه انك مثلي ماتقاومين ريحة الأكل
أبتسمت بيان مجامله وجلست جمب روابي ودخل وليد بعدها وجلس قبالها
قالت روابي يوم حست الجو متوتر : الا ليه جااي ليكوون صرت حارس شخصي على زوجتك
وليد ناظر روابي بدون أهتمام : عندك مانع
روابي : بسم الله , الله يعينك بياان عليه
ردت بيان بصوت عالي : آآميــن
ماتوقعت روابي رد بيان , توقعت تقوول انا رااضيه فيه ويازينه ويا ... الخ من كلاام دلع ومدح العرووس لـزوجها
قال وليـد بمرح فجأه : الا صايره يا بياان باللون الأسود والأصفر كأنك دبوور
ردت عليه وهي تاكل : وأنت كأنك عنكبوت
قالت روابي بمرح : اجل يبي لنا مبيد حشراات قبـل ماتتكاثروون
أبتسم وليد لكن بيان مابتسمت وتابعت أكلهاا
قال زياد بملل : يعني متى يمه ؟؟
ام ثامر : وش فيك مستعجل أنت ؟؟ قلت لك بعد اسبوعين اذا سافروا أخوانها ورجعوا كلمتهم عن الملكه
زياد : طيب كلميهم الحين يمه واذا رجعوا خوانها نتملك على طول
ام ثامر : ابي افهم ليه مستعجل كذا ؟
زياد بضيق : أبي أتزوج مليت العزوبيه
ام ثامر : ويعني ماطلع الملل الا هالوقت وأخوانها توهم متزوجين ؟؟
ثامر : طيب متتتتتتتتى أجل ؟
ام ثامر : قلت لك بس يرجعون أخوانها اكلم امها
وقف زيااد : خلااص الي تشووفينه
راح وشكله متضاايق
هزت ام ثامر راسها : الله يصلحه , ماادري وش ناوي عليه هالولد ؟؟ كل هذا حماس للزواج !!
:::
في الليــل تجمعوا الحريم في بيت بو حمد لعزيمة بياان
وراحت بياان بيت أهلها وهي مو مصدقه حااسه كأنه غرقت والحيين توها تتنفس
سلمت على ضي والبناات وشاافت ساره وعاتبتها , أعتذرت سااره على انها كان فيها أنفولنزا ذاك اليوم وماتبي تعاديها وهي عروس
ظلـوا يسولفون ومشـى الوقت بسـرعه لأن الكل موجود والبنات مسوين جوو مرح
قامت بيان وهي تمسك أسيل : يالله قوومي وعدتيني تساعديني
أسيل : اووف ماتنسى ههههههههههه
بيان تخصرت : لا والله ؟؟ يعني سحبتي كلامك ؟؟
أسيل وقفت : لا لا مجنونه أسحب كلامي لـ زوجة أخووي يالله قدامي
بيان : ايه تسنعي
غلا بلقاافه : وشو وشو ؟؟
بيان : خيير ؟؟
غلا : وشو خيير ابيك انتي على جمب تعلميني كيف الزواج وهل هو حلو ولا ؟؟
ضي : من دخلت البنت وانتي تسألينها هالسؤال
مرام : وكان واضح انها ماتبي تررد عليك
تهاني : يعني ياجداار حس
ساره : هههههههههه كلتوا البنت
غلا : انتوا مالكم دخل اصلاً انا وبياان نصلح
بيان رجعت تمسك يد أسيل ومشت : بعدين بعدين الحين برتب بعض الأغراض تبين تساعدينا تعالي
حطت غلا رجل على رجل : لا مالي خلق
حلا : اييه للمساعدات مالها خلق
روابي : وللحش والأخباار الي ..... لها خلق
غلا : أترفــع عن الررد
تهاني : كأنك طايحه بهالكلمه
غلا : علمتني اياها عبير
حلا : ياذي العبير الي تعلمكم كل شيء صراحه ينطبق عليها حكمه " عبير مدرسه اذا أعددتها أعدت شعباً طيب الأعرااقِ "
غلا : خخخخخخ والله يناسبها بقولها عن هالحكمه
فووق كانت تمشي بيان رايحه لغرفتها وأسيل وراها
طلع بهالوقت حمد وهو يصفرر
صرخت بيان بحماس : حمااااده
التفت وعلى وجهه ابتسامه : بيووووون عروستنا
تراجعت أسيل بسررعه مو عارفه وين تروح
مسكتها بيان بسرعه : اجلسي انتي أخته ووجع حرام تتغطين
أنتبه حمد للبنت , والتفت تلقائياً وشافها وهي منزله وجهها بعد نظراته بسرعه وبعيونه أستفهام لبيان
قالت بيان بأبتسامه : أحــم أخت زووجي أسيــل , يعني أختك بالرضااعه حراام تتغطى , يالله فررصه طلعت فجأه علشان ماتستحي مره ثانيه
أسيل بهمس : بيان أتركيني
بيان بعناد : قلت لك اخوووك عاادي
ناظرها حمد بدهشه وحاول يستوعب وهو يناظر بهالبنت الي شعرها وعيونها كلهم عسلي بعسلي
الحين هذه أسيــل
نبهته بيان من سرحانها : الظاهر اخوي ماعمره شاف بنت او انك عجبتيه ومتحسف انك اخته
حمر وجه أسيل وسحبت يدها بقوه وراحت بسرعه لغرفة بيان
التفتت بيان بمرح لحمد وهي تتقدم بتسلم عليه لأنها ماشافته : زييين أحرجت البنت بنظراتك
حاول يبتسم بس ماقدر سلم عليها وهو عاقد حواجبه
أستغربت بيان يوم شافت ان حماسه بأستقبالها أختفى : وش فييك ؟؟
حمد بتفكير : الحين هذه أسيل
بيان مو عارفه وش فيه هزت راسها : ايه هي (( تذكرت شيء بعدين ضحكت)) ههههههههههههه الي حبيتها وكنت تبي تتزوجها وشفيك نسيت ؟
حمد أشر على غرفة بيان : بس مو هذه الي كنت أقصد
جمدت بيان من الصدمه : وش هوو ؟؟
كرر حمد : مو هذه الي قصدتها
بيان تلعثمت : اجل .... اجل .. م...من هي ؟؟
حمد بتفكير : انتي رووحي للبنت الحين وبعدين اذا فضيت اعلمك
هزت راسها بهدوء وهي حاسه بالذنب ومشت رايحه لغرفتها
بعد العشـاء الحريـم قاموا يروحون
ومابقى الا حريم العيله
غلا وهي تحط الجوال جمبها : يالله يمه يالله حلا زيااد عند الباب
حلا : ثاامر معه ولا راح قبل
غلا : لا معه
بيان : اجلسووا شووي ماشبعت منك غليووو
ام ثامر : أي تجلس ؟ الحين زوجك يدق نسيتيني انك خلااص ماصرتي فاضيه زي غلا
غلا مدت بوز : بدينا المعااير شكلي عنست
بيان بملل : لا مازلت فاضيه ماراح يدق , وبعدين انتي ووجهك غليوه أي عنستي تو عمرك 18
غلا تحسب بأصابعها : باقي سنتين واعنس
ضي فتحت عيونها : وش هووو وش قصدك ؟؟ اني معنسه يازفتـه
غلا تهز راسها بتأكيد : ايه خلااص صرتي من هالقاائمه
ضي سوت نفسها تبكي : حراام وربي حراام عليك
ام حمد : هههههههه بتعقدين بنتي , ترى البنات المفروضين مايتزوجون الا اذا عمرهم 25
شهقوا البنات
ام ثامر وهي تلبس عباتها : اختربوا بناتنا
الكل : ههههههههههه
دق جوال بيان وناظرت فيه مكشره شافت في الشاشه " وليد " اول مره تحط اسم بدون لقب
كل القاائمه القااب بس خايفه تحط دراكولا ويشووفه تروح فيها
ردت بدون نفس : الووو
قال : وعليكم السلام ورحمة الله وبركاته , بسررعه خمس دقايق وانتي على الباب
ماعطاها فرصه وسكر
ناظرت الشاشه متروعه , خمس دقايق ؟؟ يبيها تروح مع الحريم ؟؟
بس هذا بيت اهلها وهي تبي تجلس
ناظرت في الكل شافتهم يناظرونها
ام حمد : ها يمه قالك اطلعي
بيان بأحباط : يقول خمس دقايق , وانا ابي اجلس معك ومع ضي يمه
ام متعب : وين تجلسين يابنتي وانتي توك متزوجه امس , هذا تهاني لها ساعه من راحت لزوجها وهي لها اكثر اسبوع متزوجه
ام ثامر : البسي عباتك واطلعي بسرعه ام وليد واسيل توهم طالعين تشوفينهم برى
حركت بيان راسها والبست عباتها الي صارت منتفخه من فستانها الفخم , بعدها سلمت على الكل
ويوم وصلت ضي وامها زفرت : والله وصرت اسلم عليكم !!
ضحكوا كلهم لأنها ماتقبلت الواقع
وطلعت بسرعه وشافت اسيل ومرت عمها واقفين ينتظرون عمها
بيان : ماجاء عممووو ؟؟
ام وليد ابتسمت : تعرفين عمك يقول خمس دقايق يجي بعد عشر دقايق
توها بتسأل وليد مثله
الا قالت أسيل : الحمدلله أخواني ماطلعوا عليه
سمعوا بوري سيااره قريب والتفتوا شافوه وليد
للحظات وقفت بيان من غير ماتتحرك
بعدها يوم شافت نظرات مرت عمها وأسيل تذكرت انها بتركب مع وليد
ضربت راسها بخفه : يووه وربي نسيت , احسب اني انتظر واحد من اخواني
ام وليد : هههههههههه لا البنت صدق ما تأقلمت
أسيل : هههههههه الله لا تبلانا
بيان وهي تحب راسها مرت عمها : بيبلاك اسيلووه كلها كم شهر
أستحت أسيل وعطتها ظهرها
بيان تأشر عليها : شفتي يمه كييف تعطيني ظهرها
ام وليد : هههههههههههه
لفت بياان بعد ماسلمت على أسيل وناظرت داخل سيارة وليد شافته متكشخ بالثووب والشماغ الأبيض
وحاط ذقنه على يده الي مسندها على الباب وينااظر فيها
شكلها تأخرت على صاحب السمو وهي تسلم , احسن
فتحت الباب الي قدام بعد تردد وركبت وسلمت بخفيف
وليد بصوت عالي : وعليكم السلام , ليه ماركبت ورى احسن ؟؟
فهمت انه لاحظ ترددها بس سكتت ولا علقت
مشى من غير كلاام لما وصلوا الفنـدق
:::
رجعت روابي من عزومة بيت عمها بو حمد تعباانه ومنهد حيلها
دخلت بسررعه غرفتهاا تغير ملابسها بس صوت متعب وراها وقفها
التفتت له ببرود : نععم ؟؟
متعب : ياليييل مع هالمعامله الى متى يعني ؟؟
روابي لفت وجهها عنه : لما تحس أني زوجتك وتعلمني في الي داخلك
متعب : لازم يعني ؟؟
ماردت روابي ولفت بتدخل
بس رجع متعب يقول بحزم : روابي لما اكلمك تذكري اني زوجك ووقفي لاتصدين !!
خذت نفــس كبير ورجعت تلف له من غير ماتناظره
متعب : تعالي ورااي واقولك الي بداخلي
راح للصاله وهي مستغربه أخيراً بيتكلم
جلست معه على نفس الكنبه
وهو حط ذرااعه وراها على الكنب
زم شفايفه لحظات بعدين قال وهو يناظر قدام : كل مافي الموضوع ان واحد يبيني اسوي له شيء وانا راافض هالشيء
قاطعته روابي : وش هو هالشيء
ناظرها متعب لحظات بعدين رجع يناظر قدامه : شيء ماراح تفهمينه للرجال بس , المهم نفذته بالأخير وطحت فيه لأنه بلووه
روابي بأستفهام : بلوه ؟؟
متعب بأبتسامه : ترى ماسويت شيء غلط ياروابي , يمكن غلط ....... بالنسبه للبعض , لكن بالنسبه للحرام والحلال فهوو حلال لاتخافين
روابي مافهمت شيء : وش تقول متعب ؟؟
متعب فك أزرار ثوبه الفوقيه وقال بألم : روابي انتي زوجتي لاتزيدين علي خففي علي ياروابي انا تعبااان عارفه وش معنى تعباان
رمى رااسه لوراا وغمض عيونه
تأملته روابي لأول مره من فتره
وشاافت كيف عيوونه ذاابله وكيف نحفاان كثييير ووجهه اصفر
قالت بخوف : انت مرييض
رد بصوت خافت : انا ميت
نقزت من مكانها وهي تحط يدها على جبينه : بسم الله عليك وش تقول ؟؟
مسك يدها ورفع راسه يناظر بعيونها ...
مرت لحظات بعدين رفع يدها لفمه وبااسها : ما أقدر اعيش من دونك روابي , واحس بالذنب لكل الي سويت لك أنا ما أستااهلك ما أستااهلك أبد وياليتك ماوافقتي علي
ترقرقت الدموع بعيونها
وهو وقف ورااح الغرفه من غير أي كلمه ثاانيه
تكورت بزااوية الكنب وهي تضم رجولها بيديها وجلست تبكي بصمت
:::
بالفندق ..
دخلت بياان غرفة التبديل وبدلت فستانها ببجامه ورديه
رفعت شعرها بخياال على فووق وطلعت للصاله
ماشافت أحد وعرفت انه بالمطبخ
جلست على التلفزيون وهي ناويه تنوم اليوم بنفس المكان , على الكنب
حطت على محطة فنون وكانوا جايبين الكيمرا الخفيه
ركزت ونست الي حولها وبعد شووي بدت تضحك غصب عنها
أنفجرت ضحك على واحد معصب وبااقي شووي يقووم يضرب المذيع
بنفس الوقت طلع وليد من المطبخ وبيده بايسن ولساا مابدل ثوبه
ناظرها وهي تضحك ووقف يتأملها ويرفع البايسن لفمه يشرب بهدوء
طولت على الصوت من غير ماتحس فيه وبدأت تهاوش المذيع تلقائياً : أهبل بيموتونك ومايسوى عليك هالبرنامج
فررت المحطه بعد ماجاء أعلان وحطت على أم بي سي ثري
رفع وليد حواجبه بأستغرااب ومشى ووقف ورى الكنب الي جالسه عليه مباشره
شافهم جايبين توم وجيري وبيان متونسه
هز راسه وقالت بصوت عالي : توم وجيري مره وحده ؟؟
نقزت من على الكنب بخوف ولفت له وقالت من غير ماتحس : خوووفتني يمه
أبتسم لها وجلس بالكنب الي جمبها وهو يتمدد على ظهره ويتاابع شرب البايسن
لوت فمها وهي تشووفه يناظر بتوم وجيري ورجعت تناظر بالتلفزيون مو مهتمه
ضحكت بعد شوي من غير ماتحس على توووم
رجع يناظرها وقال بهدوء : تدرين ان وجهك يتغير لاضحكتي
قالت وعينها على التلفزيون ومبتسمه : للأحسن او للأسوأ
وليد أبتسم : للأحلى (( كمل يشعــر ))
تــذهل قلوب بجمـالك .. غصــب والا كان طـوع
بسمتك بالله قلي .. هي كـــرز ولا شــفـق ! ..
خطفت نظره عليه وخدودها تحمر ولما شافته يناظرها رجعت تناظر التلفزيون
وليد : اذا أبتسمتي تصيري صدق كأنك أميـره من الأساطير
ناظرته مستغربه وهو كان يناظر البايسن الي ماسكه بيدينه الثنتين وشااد عليه بالقوه
قالت : الأساطير ؟؟ ليه انت تقرأ لهالأشيااء
قال وهو يشرب آخر مافي العلبه : وانا أدرس كنت بعض الأوقات أشتري كتب واسلي نفسي فيهم
حست بفضوول تعرف مااضي هالرجاال تعرف وش سوا بحياته مغامراته , الأشياء الي يحبها والي يكرهها
بس سكتت وطفت فضولها وهي تقول ان مالها دخل فيه وفي ماضيه وأفكاره
قال بعد شوي : سجلتي موادك بالجامعه ؟
ردت : كتبت الجدول وعطيته ضي تسجله لي
وليد : وش دخلتي أي قسم ؟؟
لوت فمها زين مايعرف أي قسم
قالت تبي تشوف ردت فعله : الطب
نقزت يوم تحطمت علبة البايسن بين يديه وشافت شاد على أسنانه معصب : وش هوو ؟
قالت بخوف : وش فيك ؟؟
وقف وناظر فيها ببرود : بدون أذن ؟؟
ردت : خذت الأذن من ابوي وأخواني
قال وهو رايح ويرمي العلبه بالسله بخفه : أجل أسمحي لي أخرب فرحتك من بكره راح احولك قبل مانساافر
قالت بعصبيه : نعععم ؟؟
وليد وتوه بيدخل الغرفه : الي سمعتي
وقفت بيان وقالت بسرعه : لحظه لحظه كنت امزح معك , دخلت الطب التطبيقي يعني مختبرات مو الطب العادي
عطاها نظره وقال : نفس الشيء
ضربت رجلها بالأرض بدون ماتحس : لاااا مو نفس الشيء لا تكذب علي ترى ببكي
قال بأبتسامه خفيفه : أبكي واذا تبين منديل شوفيه ورااك
قالت بعصبيه : انت مجنووون
وليد : لا في بداية الجنون
ردت : ابووي وافق وأخواني وافقوا وتحويل ماراح احول
لف عليها وسند ظهره على باب الغرفه وهو عاقد ذراعينه على صدره : وبعدين معك انتي لاازم هواش
بيان : ماقلت لك تهاوش معي بس ماراح احول هذا مستقبلي وبكيفي
وليد : خلااص ادخلي هندسه
بيان تخصرت : نععم ؟؟ مثلك ؟؟ لاا والله ماابي هندسه مااحبها ومو حلمي
شافته يزم شفايفه بقهر وقال وهو يلف بيدخل غرفته : أفضل بعد مايصلح البنات يصيرون مهندسات , ولك اليوم تقررين وش تبين تدخلين بكره راح احولك , واذا ماقررتي راح احط لك على كيفي
توه بيسكر باب الغرفه بس التفت يقول : جهزي كل شيء الصبااح بنساافر , وأتركي حركات البزران وتعالي نامي هنا
سكر الباب بقوه خلاها تنتفض
وش دراه انها ناويه تنوم هنا اليوم ؟؟
بسم الله سااحر ووو ..... واكررررررررررهههههههه
يلوموني لاكرهته ؟؟
والله تحويل وماراح احول ويا أنا ياهوو بعد يتحكم بمستقبلي هذا الي بااقي
أنسدحت على الكنب وغمضت عيونها من غير ماتفكر في كلامه , مدام ابوها رضى ليه تهتم فيه ؟؟
:::
قلبي كرهـ هرجك ولا هوب مجبور
ترى الـ قلوب بطبعها
)( ... شي شفاف ...)(
الكسر فيها صعب تلقى له جبور !!!
في الصبــاح...
دق جواال مرام وتحركت بملل وهي تتلمس الأبجوره بجانب سريرها
شغلتها وجلست تسند ظهرها لظهر السرير وردت من غير ماتنااظر الرقم
توها لها كم ساعه نايمه بعد ماصلت الفجر الا ازعجهاا هالجوال
: ألوووو
جاها صوت عرفته على طول : مرام ؟؟
عقدت حواجبها وهي تمسح على عيونها بيدها اليساار تحااول تركز
قالت : مين ؟؟
رجع الصوت نفسه : ماعرفتيني ؟؟
الظااهر أثر النووم أبتسمت أكيد تحلم ولا تتخيل
جات بتسكر بس رجع الصوت نفسه
: قررت أكلمك شخصياً وأقنعك بالرجووع
جمدت يدها على الجوال للحظات
بعدين حست ان الي جالس يسويه غلط أستغفرت بصوت واطي مسموع
وقالت بلهجه حاده : انا مو زوجتك مثل أول ياخوووي وأحترم نفسك ولا عاد تتصل على هالجوال
توها بتسكر بس قال : انا ماطلقتك الا بالوحده فعاادي اذا رجعتك , فكري فيها ولا تهدمين كل شيء انا مازلت احبك مرام
قالت بحده : أستغفر الله العلي العظيم , انت مو مراهقه تقول هالحكي , واذا تبي شيء رووح للرجال (( شدتت على الكلمه )) يارجااال
سكررررت بسرعه ورمت الجوال على التسريحه الصغيره جمبها
وطااار النووم منها
بسرررعه وقبل ماتفكر بأي شيء وتسترجع الذكرياات مسكت القرآآن وبدأت تقرأ وهي تغاالب الدمووع
:::
في المطــار...
ضمت بيان أمها وجدتها للمره العااشره وهي تبكي
بو حمد : الله يهدااك يابياان ترى كلهااا 10 ايام وراجعه
ضي وهي تمسح دموعها : اهتمي بنفسك بياان
بيان بصوت متهجد : يبه ماابي شهر عسـل ابي اجلس هنااا
حمد بحده وهو يناظر بوليد الي مع سطاام مبتعد ومخليهم على راحتهم : لايسمعك زوجك ويتااضيق , اذكري ربك كلها 10 ايام وبتشوفيناا .. شوفي بنت خاالك ركبت الطيااره ولا سوت هالمنااحه
قالت بيان بعناد وهي تمسح دموعها : بنت خالي غير
نااظرت في خالها وزوجته وغلوو الي جالسه ومنزله رااسها ومبين انها تبكي : بودع غلااا طيب
ضي : بياان رووحي تأخرتي بتطيــر الطيااره ترى
ضحكت بيان على ضي : بتطير هههههههههه فكه
دفها مشاري الي طلع من وراها : فكه اجل ؟؟ ايه زين داخلك تقولين الله لايقووله
بيان تناظره على جمب : هذا تفكيريك
مشاري يناظر ضي : من قدك ضي بتصيرين دلوعة البيت وحنا بنفتك من هالعله , اخيييييراً
فتحت بيان عيونها وناظرت في جدتها الي ضحكت وضربت مشاري على خفيف : ترى العجراا معي
مشاري : افاا يمه ههههههههه
بعد ماخلصت بيان مناحتها ناظرت في غلا وهي ترفع راسها وأشرت بيدهااا
أشرت لها غلاا وهي تصرخ : مع السلااامه
ضربتها امها : قصرري صوتك
غلا بألم : يمه خليني على كيفي مو كاافي راحت اختي والحين بياان من بقى ؟؟
زياد وهو يوقف : باقي حنا , يالله بسرعه بنرجع
ركبت بياان جمب الناافذه وركب جمبها وليــد
ناظرته على جمب وسألت : وين كنت الصبااح
خذ نفس وهو يقول : يالله صبرك (( التفت عليها وهو يسكر الحزام )) تونا جالسين يابنت الناس
قالت بعصبيه : مو أول اعرف وين تركتني بهالفندق ورحت , حتى ماقومتني من النوم لو حمد ماجاء ودق علي الشقه كان ماصحيت ولا رتبت ملابسي
قال وليد بملل : كان عندي مشواار
قالت بعنااد : عسى ماسويت الي في بالك
أبتسم على جمب : هذا الي خايفه منه ؟؟
بيان عصبت : لا مو خاايفه كان كلمت ابووي وقلت له يكلمك , لكن عارفه انك ماتقدر تسويها لأنه مستقبلي
وليد بأستهزاء : اجل أبشرك نقلتك علووم
فتحت عيونها بصدمه وهمست : وش .. وشو وش تقول
وليد بحزم : قومتك اول ماقمت وقلت لك قررتي ماعطيتيني وجه ولا رديتي علي
قالت بيان بخوف : نومي ثقيل
هز أكتاافه بعدم أهتمام : ماكنت ادري احسبك سفهتيني
قالت وهي تحاول تمسك أعصابها : اكيد مانقلوني لانه مو على كيفك
ضحك وليد بسخريه : ههههههههه حلوووه مانقلوني , ياختي فيه شيء بهالحياه اسمها وااسطه , وواسطه عن واسطه تفرق , يعني فيه واسطه تحتااج يومين (( لوى شفايفه )) وفيه واسطه تحتاج دقايق
قالت وهي باقي شوي تبكي : يامغرووووور , حراام عليك كل هالنسبه بالنهايه علووم ؟؟؟؟
قال وكأنه تذكر شيء : ايه صح نسيت لا اقولك مبروك على هالنسبه الي ترفع الرااس , صراحه قالي صاحبي ماشاء الله زوجتك ناقصها درجه بس وتستاهل الطب , بس تعرفين كلمتي ماتتغير
حطت يدها على راسها وهي تفتتح عيونها بعدين نزلته وبكت بصمت
تحطمت أحلامها على يده , كرهتــه أكثر من قبل الفين مررره
قالها بحزم : بس بلا دموع تماسيح وكلها دراسه , والحين اربطي الحزام
ماردت عليه وظلت تبكي مد يده بيربط الحزام
بس صرخت بهمس وهي تبعد يده كأنها شيء مقزز : أبعد عني
ربطت الحزام وسندت راسها على القزاز وهي تغمض عيونها , وتفكر كيف حياتها انقلبت 180 درجه , ورغباتها الي كانت تتنفذ , صار الحين العكس وكل ماطلبت شيء جاها الي ضده
:::
صررخ فهد على الشااب الي بعمر 20 واقف قباله : أنت كيف تسوي كذاا ؟؟ كيـف تحطم ابووك الي ربااك ووثق فيك وحط كل حلاله بيدك
مارد الشاب وظل منحني براسه
صرخ فهد : عبدالله
رفع راسه وهو يبلع ريقه ويناظر بفهد المعصب : نـ ..
فهد بحزم : ولا كلمه , لما احد يكلمك ناظر فيه أنت رجاال , والرجال ماينحني برااسه فاهم ؟؟
هز راسه بصمت وناظر في ناصر الي مستغرب من فهد وعصبيته مع ان داايم تجيه مثل هالحالات وهو يظل محافظ على هدوئه
رجع فهد يسأل بس هالمره بهدووء : لييه خنت ثقة ابوك ياعبدالله ؟ ليه سرفت كل امواله على ســم قاتل ؟؟
ظل صامت بعدين قال اخيراً : هو الي وثق فيني زيااده عن اللزوم , وهو الي ماسألني من أخاوي ووين اصرف الفلوس الي اسحبهم
فهد : لأنه كان واثق ان ولده بيقدر ثقته , بيقدر ابوه الي ربااه بعد وفاة امه
عبدالله : رفااق السوء مايقدرون شيء
فهد رفع حواجبه : ورفااق السوء طاحوا بالناار انت بتطيح معهم ؟؟ مدامك عارف انهم رفااق سوء ليه تصاحبهم ؟؟
مارد عبدالله
فهد : سألت سؤال وجاوب ياعبدالله
عبدالله : خلااص فات الفوت على هالأسئله
فهد : فات الفووت , امممم عارف يعني عقاابك ؟؟
عبدالله : ليه فيه امل تسامحوني
فهد : لو سامحناك راح يتساهل غيــرك , ولو سامحنااك راح نلوم أنفسنا على غلطك , انت من النااس الي ...
قاطعه أتصاال في مكتبه خذ نفسه وأمر ضابط يااخذه : باقي كلام بيني وبينك لساا مانتهى
رفع السماعه وظل يستمع وناصر واقف جمبه
سكر السماعه والتفت على ناصر : مازال بو سرور يهدد
صلح له ناصر : يهددك
فهد بعدم أهتمام : ماهز فيني شعره
ناصر : بو سرور طار عمرك رجال خطير ومايستهان فيـه
دق جوال فهد وخذ نفس , ناظر الجوال وكشر , أشر على ناصر : خلااص ناصر تابع شغلك وبقابله اليوم
ناصر : حاضر طال عمرك
طلع , وفهد وقف وطلع من مكتبه لبرى المركز
رد بجديه : السلام عليكم
جاه الصوت الناعم الي يكرهه : وعليكم السلام , وآآآو أخيراً رد علينا الرئيس فهد
ماهتم لسخريتها وقال : يابنت الناس وش تبين بالضبط انتي ؟؟
هيفاء بوقاحه : ابيييك
أستغفر فهد لايرتكب جريمه : يابنت , انتي بنت عائله محترمه , وطلعت اعرف اخوك فلا تحطمي صورة عايلتك وكرامتهم
هيفاء بهدوء : بس انا ماسويت شيء , الحب حراام ؟
فكر فهد بعدين قال : انا ماودي العب عليك او العب على أي وحده من بنات الناس , ايام المراهقه ولى , وانا الحين رجال كلها كم يوم وأخطب
سكتت هيفااء بصدمه , كان ودها تطلع وتذبحه بأي شيء قدامها , صرخت بأنفعال : نععععم ؟؟ تخطب ؟؟؟ ذا بعدك ياحبيبي , انت لي فاهم
هز راسه بأستنكار : الظاهر فيك حالة نفسيه أعرضي نفسك على طبيب نفسي
قالت هيفاء بصراخ : انت الي فيك حاله نفسيه , تترك وحده جمال ودلال وحسب ونسب تموت فيك وتحبك , وين عقلك هاه ؟؟
رد فهد بسخريه : نسيتي شيء مهم (( بسخريه أكبر )) وأخلااق
صرت على أسنانها : قلت لك ذا بعدك تعرف معنى ذا بعدك ؟؟
قال فهد وهو يحاول يمسك اعصابه : لا مو بعدي بااخذ وحده تسوااك فاهمه , على الأقل عليها أخلااق ماجربتيها
سكرت بوجهه بقهررر
أخلااق ماجربتها ؟؟ ناظرت بالصوره الي طبعتها وكبرتها
شافته وهو متكشخ بالثوب والشمااغ وواقف عند مراايه في مجلس او صااله , ومبتسم لأخته وهي تصوره
تفحصته من فووقه لتحته وقالت بحقد : أنت لي , لي يعني ليي .. وقبل ماتصيرر لي اعلمك هالبنت الي بتااخذها وتقول اخلااق انها ماتعرف وش معنى كلمة أخلااق
رمت الصوره على سريرها وهي تصرررخ مثل المجنونه : اكررررههاااااااااااا مهما تكوون اكررررههااااااا
:::
في مطــار نيويورك..
فتحت بيــان الحزاام ووقفـت بعد مالفت الحجااب زيــن على شعرها وطلعت المرايه تناظر في وجهها علشان تتطمن ان مافيه ولاشيء حتى كحل
زينت عابتها على كتفهاا وشافت وليد يشيل الشنط وطنشته
قالها : انتي لابسه سااتر ملاازم عبــ..
قاطعته بدون ماتناظره : مااحب افسخ عباتي ماتعودت
هز راسه بعدم أهتمام ومشى قدامها وهي ورااه
نزلوا للمطــار ومشت وراه بهدووء وهي تناظر في المطـار الواسع الضخم
خلص وليد الأجرائات بعدين طلعوا وكان الوقت ليل , ارتعشت بقووه من الجوو
ركب وليد بتااكسي وركبت بياان جمبه وراا
سمعته يكلم السوااق بالأنجليزي وهو يدله على المكان الي قاصده
مرووا على شواارع نيويورك وهي تناظر بأعجااب ماتوقعت ابد ان نيويورك سياحيه
ماعمر ابوها فكر يجيبهم هنا
كانت عكس باريس
هذه بكل شوارعها زحمه ونااس كثيره تمشي
هنااك في باريس منااطق معينه بس
شاافت المطااعم والفناادق والنواادي الليله
كشرت وهي تحس انها عايشه وسط روايات عبيـر
نوادي ليليه هههههه
ضحكت بخفه والتفت وليد عليها : عجبتك مدينة نيويورك
قالت بدهشه : مدينة نيويورك , امممم (( حست بغبااء ماتعرف شيء عنها )) هي امريكيه ولا فرنسيه ؟؟
شافته يمسك ضحكته بعدين قال بصعوبه : ولايه أمريكيه
قالت بغيض وهي تلف وجهها عنه : اها
شهقت بعفويه وهي تأشر على جســر كبيــر على البحر : وآآآو رووعه المنظرر , احلى شيء ان فيها بحــر
وليد : اكيد البحر صديقي انا وفهد
ناظرته بدهشه وهي تأشر على مبنى : مبانيها كلها عاليه
أبتسم لحماسها وعفويتها : معروفه نيويورك
سألت : ليه كل شوارعها زحمه ؟؟
وليد : ههههههههه هي كذاا
ناظرت في شاارع كله انواار , وكنتاكي وبيتزا هت مليانين نااس
وصلوا فلــه من دوور واحد بعيده شووي عن الشواارع المزحوومه في منطقه ناائيـه وفيها بيووت
سألت بأستغراب : مافيه فنادق هنا ؟؟
قالها وهو يشيــل شنطته الدبلوماسيه : انززلي بسرعه
نزلت وشافته يحااسب التاكسي بعمل أجنبيه
ماخذه حساابه الأخ , اساساً عايش 6 سنوات وتبيــه يصير مثلها غبيه مو فاهمه شيء
كانت في الفله حديقه كبيــره كلها عشـب أخضر وحواليها سووور
فتح وليد باب السور بيده وهو مبتسم : ماقصرت جارتناا سقت الزرع
اول شيء فتحت عيونها بدهشه بعدين ضحكت : سقت الزرع ؟؟
قالها وهو يسكر باب السور : تفضلي الفله فلتك
مافهمت , ومشى قدامها وهي تمشي وراه وهي تتفحص الحديقه تفحص
شاافت برركه كبيــره مبين شووي منها لأنها من ورى
حست انها في بيت من بيووت الأمريكان الي تشووفهم بأم بي سي توو , تحمست
وشافته يطلع مفتااح ويدخله في باب الفله
قالت بتعجب : من وين لك المفتاح
قالها وهو يبتسم ويدخل : فلتي
تجمدت لحظه في مكانها .. فلته ؟؟؟
ليه الأخ بيسكن هنا طول عمره ؟؟
طل براسه وقال وهو رافع حواجبه : ماراح تدخلين ؟؟
هزت راسها بدهشه : اول شيء ابي افهم ليه فلتك
قال بهدوء : شريتهاا اول ماجيت نيويورك ولاتبيني اعيش بفندق او بسكن ؟؟
سألت بشك : من وين لك وانت طالب
ضحك بسخريه : من وين لي هههههههههه سؤال حلو , والحين ممكن تدخلين وبعدين اسألي الي تبين
دخلت وهي تسب نفسها , لييييه هي غبييه يعني من وين له ؟ وش ذا الذكاء اما عنده فلوس ولا من عمي
اوووف الظاهر أثر السفر
دخلت وفتحت فمها دهشه , توقعت أثاث عادي لأنه طاالب , كررت كلمة طالب براسها
شافت أثاث فخم يغلب عليه طاابع الرجووله مافيه لمسه أنوثه
لأن كل شيء أسود وبني وأغلبه جلد
فسخت العبااه والشيله ورمتها على أقرب كنب وجلست بتعب وهي تتلمس الجلد الباارد
قالت : برررد وهذا يزيد البرووده , المفرووض تشتري كنب عادي علشاان هنا دوم برد , ماينااسب الجلد
قال وهو يفتح باب بمفتاح : تعودت
شافته وهو يفتح النور ووقفت بفضول تتبعه
ظلت عند الباب وهي تتفحص غرفته بسريرها الواسع , نفس غرفته بالخبر لكن هنا كل الكراسي الي فيها من الجلد بعد
قالت بأستهزاء : زييين البطانيه مو من جلد
ناظرها على جمب وهو يحط شنطته على السرير
ويرجع للصاله يااخذ بقية الشنط
تركته ورااحت تتفحص المطبخ وبااقي الفله
رجع لها الفضول عنه , كانت تبي تعرررف كل شيء سواه و عاشه في الماضي
:::
فـي ماليزيا ..
طلعت تهاني من دورة الميااه تنشف شعرهااا
دورت خالد ولقته منسدح على الكنب بالصاله وناايم
تأملته لحظاات والمنشفه تطيح على أكتافها
وهمست : خالد خالد .. قووم نووم على السرير
مارد وأنقلب بضيق على الجهه الثانيه
أبتسمت ورااحت المطبخ تشرب موويه
ظلت بالمطبخ تفكرر بأهلها ماطمنتهم أنها وصلت
رجعت للصاله وهزت خالد : خلوودي قوووووووم عطني الجواال ابي اكلم امي
قال بكسل وهو يثااوب : كلمتهم كلمتهم
تهاني أبتسمت : متى يالنصااب
خالد يدفها بخفه : ابعدي توني مكلمهم خليني نايم
تخصرت : والله وانا اجلس كذا اقابل الجدران
قال وهو يفتح عين : بعد سااعه بنطلع نتعشى
قالت : ليه مانتعشى هووون ؟
أبتسم خالد وسكرر عينه : عازمك على مطعم رومانسي ماراح تصدقين اذا شفتيه
قالت تمزح : اجل اكيد جاي من قبل مع ممرضه هاه ؟؟
قال يسايرها : اييه توك تدرين ؟؟ مع ممرضات مو ممرضه
صرخت : خووويلد
خالد : هههههههههه والله خلود احسن وقسم بالله
قالت بعناد : خوويلد قوم علمني أسمائهم
مد يده وقال وهو يأشر بأصابعه : الأولى تهاني والثانيه تهونتي والثالثه تهوني والرابعه توتو والخامسه شوفيها قدامي
قالت وهي تنزل يديها : اها مدام اسمائهم كذا اكيد شيوون
قال وهو حاس انه بيناام : ايييه شيوون لدرجه شعرهم كستنائي وعيونهم عسليه
ناااام وتنفسه انتظم
ضحكت عليه وهي تحسه طفـل صغير
جلست بالأرض جمبه تمسح على شعره لما حست ان فيها النوم وانسدحت بالكنب الي مقاابل وهي تصرخ يمكن يسمعها : صرااحه اول يووم في شهر العسل فله كل نوووم يادوووب
:::
لاتطآلع في عـيوني خـآيفة // يضيع الكلَآمـ..
تدري إن الكون وآآآسـع ,, لكن عيونك زحــامـ..!
السـاعه 8 الليل ..
كانت غلا تروح وتجي بالصاله من الملل
ناظرتها امها : يابنتي اجلسي دورتي راسي وانتي تدورين
غلا بملل : يمه ملل ملل ملل ملل ملل
ام ثامر : ادري ادري ادري وش اسوي فيك ؟؟
غلا : ابي اطلع ابي ارووح السوق , على الأقل مارينا مول
ام ثامر : مين يوديك ؟؟
غلا : السوااق
ام ثامر فتحت عيونها : وش هووو ؟؟ خييير ان شاء الله من متى تطلعين مع السواق لحالك
غلا : بسم الله انا قلت لحالي ؟؟ بطلع مع اممممم أسيــل يس أسيل تصلح
ام ثامر : اتصلي عليها وشوفي وخليها تاخذ معكم اخوها طارق
غلا : طيب
راحت اتصلت على اسيل ووافقت
مرت عليها اسيل مع طارق والسواق
راحوا مارينا بالدمام
وظلوا يتمشوون ويشترون بعض الأغراض
جلست أسيل بعد ماتعبت : وربي تعبت ياغلاا تعبببت
غلا تخصرت : مالت عليك يالدوبه (( التفتت على طارق )) وانت ليه تجلس
حرك طارق يده بملل : غلطان الي يجي مع حريم
غلا بأستهزاء : تكفى يارجاال
طارق فتح عيونه : وش قصدك هاه ؟؟
غلا تكشهم : برووح اشوف مكيااجي
اسيل : بعيد ياغلا خليه بعدين
غلا : طيب قوموا فووق نتعشى
قاموا بالموت لانهم جاعوا من المشي
جلسوا على الكراسي المزحومه علشان يحجزونها وقالوا لغلا وش يبون
راحت غلا تتحلطم : يعني المفروض كلكم مطعم واحد , كل واحد مطعم
اسيل وطارق : اطلبي وانتي ساكته
راحت اول شيء كودو تطلب لها
بعدين راحت هرفي طلبت لأسيل
وآخر شيء راحت لكنتاكي وهي تتحلطم من الزحمه
نست وش طلب طارق وطلعت جوالها تدق عليه
سمعت واحد وراها يقول : ياحلوو
خزته على جمب وهي تقول في نفسها ناس فاضيه ماعندها شغل
رجع قال بصوت عالي خلت الكل يلتفت : امووت بالعيون الرصاصيه
عصبت ووصل حدها كان ودها تضربه بشنطتها
بس مسكت نفسها وبعدت شوي بالزاويه وكلمت أسيل : الوو عطيني طارق
عطت أسيل طارق الجوال وقالت غلا : طرووق وش تبي
سمعت الرجال نفسه يقول : ياليتي طااارق
سفهته مره ثانيه ورجعت تقول تبي تقهره : يالله حبيبي وش طلبت ؟؟
قال الرجال : ياليتني انا حبيــ...
ماسمعت باقي الحكي لكن سمعت صووت كف قووي
التفتت بسرعه وشاافت فيـصل ماسكه رجال الظاهر انه صديقه
وعيون فيصل يطير منها الشرر من العصبيه , أشر على الشاب الي ماسك خده ومبين انه توه بـ 19 او 20 : اذا فكرت تتحرش ببنات الناس مره ثانيه لساانك بقطعه لك فااهم ؟؟
فتح عيونه وهو ينزل يده من على خده , ورااح بسرعه وهو يشوف عيون فيصل حمر
التفت على غلا الي مو مستوعبه , يعني من بين كل الأيام والأسواق مالقى الا هاليوم والسوق
من بين كل الناس ماقابلت بهالوقت الا فيصل , ليه حظها كذا
انتفض الجوال بيدها وقالت لطارق الي يصرخ بأسمها خايف : طار ..الحين بـجي .. دقايق ..اوكـ..
سكرت بسرعه يوم شافت فيـصل قرب منها ومسكها من يدها وجرها صرخت بخفه : فيـصل الناس الناس تشوفنا
فيصل وهو يرص على أسنانه : اصصصص ماابي اسمع صوتك توك عرفتي معنى النااس
أشر على صديقه الي نزل راسه وراح , جر فيصل غلا
قالت بعصبيه وهي تحاول تجر يدها : مالك داعي صراحه , من انت علشان تمسكني كذا وتحاسبني
ناظر بعيونها وركز فيهم وشكله باقي شوي يقتلها
ناظرت بعيونه بتحدي وهي تبلع ريقها وتدفن خوفها
قال بهمس مايبي احد يسمعه وهو يشوف الناس يناظرون فيه : فضحتينا الله يفضحك فضحتيني عند صاحبي , من جايه معه هاه ؟؟ (( هزها بخفه وهو يجرها )) تكلمي
كانت تبي تفهمه بس لأنها معصبه عليه ومركزه بعيونه قالت : مع طااارق طااارق صديقي وحبيبي وش عندك وش تبي
التفت عليها بعصبيه : ياحيوانه قدااامي
دفهاااا وهي تبكي
طلعوا بالشاارع وشافهم الشرطي وجاء مستفسر
قال فيصل معصب : هذه اختي جايه السوق بدون علمي
هز الشرطي راسه بشك , طلع فيصل بطاقته وهو يقول بحقد مو من طبعه : قلت لك اختي
قال الشرطي بهدوء : مصدقك بس ابي البنت تقول بنفسها
لف الشرطي على غلا وسأل : هذا اخوك ؟؟
هزت غلا راسها والدموع تسيل من عيونها بدون ماتتكلم
تركه الشرطي وهو يقول لفيصل : اضبط اعصابك اخوي
مارد عليه وراح لسيارته وهو يسحب غلا الي بس ابتعدوا عن الناس سحبت يدها بقوه وهي تصرخ : مالك دااعي ماسويت غلط
اشر على داخل السيااره وهو يمسك اعصاابه : وقسم بالله ياغلا اذا ماركبتي بهدوء اني أقتلك بين يديني
خافت وركبت بالسيت الي ورى , وهي حاســه ان اليووم ماراح يعدي على خيــر
:::
دق سطاام على الرقم الي عطاه اياه سامي وأنتظر ليلى ترد
بعد دقيقه ردت بدلع : الووو
سطام بهدوء : السلام عليكم
ليلى بغنج : وعليكم السلاااموو
سطام : كيف حالك ليلى
جلست على السرير وهي متملله ياليته وليد كان تكلم بحماس مو هذاا الي كل شيء يعامله بهدوء : تمام كيفك انتا ؟
سطام : بخير والحمدلله
سكت مو عارف وش يقول , بطبعه الهادي ماعمره كلم بنات وكان مثال صالح لكل الشباب
بعد لحظات قال : عساك مرتاحه
لوت فمها بأستهزاء بدال مايقول مشتاق لك عمري وطالعه بالملكه قمر او أي شيء , الحمدلله ياربِ مو كافي أستحملته بالملكه وهو يتكلم بهدوء : ايه اكيد مرتاحه عمري مو انت زوجي ؟
أنصدم سطام ماتوقعها جريئه , تنحنح وتوه بيتكلم بس هي قالت : ههههههه أستحيت ؟؟
سطام بهدوء : ليه بنت ؟؟
هـه قال ايه بنت , زيين عنده شخصيه مثل مايوحي شكله ردت : لا قلبي مو بنت
ظل يتكلم معها بعدين سألها متى تبي الزواج وطبعاً هي مستعجله تبي تبدأ مصايبها قالت له : قبـل ماتبدأ الدراسه عاادي انا ماادرس ولا شيء
قال : خلاص اجل اخبر الوالده وتحدد موعد مع خالتي
تكلم تقريباً دقيقتين بعدها سكر
رمت الجوال معصبه : ووووع هاااادي هاادي وثقييل ماابي هادي ابي واحد يحمس الواحد يتكلم معه ابي وااحد يعرف يحكي قلبي عمري مو ... الحمدلله والشكر بس
فكرت وهي تنزل من الردج , أتحمليه ياليلى وان شاء الله وليــد بيصير لك , الصبــر الصبر
وفي نفس الوقت سطام مزيون وثقيـل وشخصيته حلوه يعني ماراح تخسـر شيء ...
:::
جلـس فهد على الطاوله بيتعشى والكل كان موجود ماعداا فيـصل
سأل بأستغراب : وين فيـصل يمـه ؟؟
ام متعب : والله ماادري طلع من المغرب مع صديقه راكان
بو متعب : ياحليل هالراكان والله رجال والنعم ياحظ الي بتاخذه
ناظر في ساره وأستغربت ساره وقالت : يبه مو انا الي باخذه صح ؟؟
الكل : هههههههههههه
فارس : الي يسمعها يقول خاطبها
مرام : وهو حاصل له وحده مثل سارونه
ريم بهدوء : بعدين تغتر ساره علينا
فهد : اوووووه تكلمت الخرسااء
ناظرته ريم ومدت بوزها
ام متعب : زيين زعلتها رااض بنتي
فهد : لا مااراضي الدلوعين
ريم : مو دلوعه انا
فهد : صح واضح
بو متعب : بكره تتزوج وتدلع زوجتك وغصب بتراضيها لازعلت
ام متعب : الا ع طاري زوجته بكره برروح اخطب له ضي
ساره نقزت بفررح : وناااااااااااااسه طربق طربق
فهد : وش هو الطربق
مرام : هههههههههه ايقااع موسيقي
الكل : ههههههههههههه
بو متعب : عسااك مقتنع فهد
ام متعب : وهو حاصل له مثل بنت اختي ؟؟؟
فهد فتح فمه : يمه انا ولدك ولا هي ؟؟
ام متعب : كلكم
فهد تكتف : ماابيها
التفتوا عليه : وش هوووو ؟
فهد يأشر على امه : من الحين تدافع عنها اجل لاتزوجتها وش بتسوي ؟
دفته ام متعب : وجع خووفتني
فهد : لازم مؤثرات ههههههه
ساره : تعادى مني
فهد : اجل خلااص بكره بتجهز ابي املك بسرعه واتزوج بسرعه وش معنى وليد قبلي
طاحت الملعقه من يد ساره وقالت مرام : بسم الله عليك
نزلت بسرعه ساره تاخذ الملعقه من تحت الطاوله ومسحت الدمعه الي طفرت من عينها
كمل فهد سوالفه عن وليد مو حاس بأخته الي قلبها يحترق
:::
وقـف مشــاري عند باب الشركه وهو ياخذ نفــس
مايدري يكمـل مشواره ولا يرجع
دقت هالوقت رنا
ورد عليها : هلا رنا
رنا : وصلت ؟؟؟
مشاري : ايه وصلت , بس متردد
رنا : توكل على الله
مشاري : رناا ماادري والله
رنا : وش فيك ؟؟
مشاري : ماادري وش فيني بس ابي اسوي هالشيء بكل مافيني
رنا : فاهمتك
مشاري : طيب حمد اخوي ماراح يفهم , ههههههه انتي بس الي فاهمتني المفروض نحطك رئيسه بالشركه
رنا : هههههههه تتريق حضرتك يالله اشووف ادخل وتوكل على الله
:::
نهاية الجــزء الـواحد والعشرون ^_^
الجزء الجاي
---= الـ ع ـب بقلبك لـعب =---
25-07-08, 09:11 AM
جديد مواضيع قسم الارشيف
العرض العادي
