المنتدى :
الشعر والشعراء
][ ليلـة الـبارح’ ][
غريبة ليلة البارح تشابـهـ لـك كثيـر كثيـر
قريت اقسى ملامح غيبتكـ .. في جوهـا البـارد ..
وقفت كثير ع الشباكـ وانا اردد مصير الطيـر
يجيبهـ سرب اشواقـهـ مهمـا هاجـر وباعـد ..
قعدت احكي لنجماتي حكاية طفل كان صغيـر
رمى العابهـ من حولهـ ونسى اصحابهـ مو قاصد ..
وملى دنياهـ بالفرحـة وبالضحكـهـ وبالتصفيـر
وردد كل ما يحفـظ لغانـي راشـد الماجـد ..
حكاية طفل من حبكـ بدا يحس الزمـان بخيـر
وكنـهـ مالـكـ الدنيـا اذا بيلقـاكـ متـواجـد ..
بقى هالطفل في ذاتي صغير ولو غديت كبيـر
وعلى يدينهـ تعلمت اختصـر هالعالـم بواحـد ..
عليـم الله يانجمهـ..غلايـا لـهـ احسـهـ غيـر
رغم كل الظروف اللي مضت مازال بي صامد ..
صحيح انه رحل عني ..وصحيح لغيبتهـ تأثيـر
واكيد انه رغم هالبعد غـلاهـ بداخلـي واجـد ..
وقفت كثير ع الشباكـ وانا اتمنى الاماني تصير
الين الصبح ...زاحمني وانا للحين مـو راقـد ..
وقبل اروح لفراشي ..عرفت ان الزمان بخير
مدام الطير لو هاجر مصيـرهـ للوطـن عايـد ..
|
09-07-08, 06:19 PM
جديد مواضيع قسم الشعر والشعراء
العرض الشجري
