المنتدى :
الشعر والشعراء
جيش الخيانة
السلام عليكم ورحمة الله وبركاته
مرحبـــــــــــًا ألف بالجميع
شلونكم؟ وشخباركم؟ عساكم بخير ويا عسى السعادة والهنا فالكم.
هذي بعض الأبيات كتبتها وأنا أدري إنها ما تجي بمستوى الشعر الجيد
بس حبيت تشاركوني فيها ولو عندكم انتقاد أو تعليق اكتبوه ولا تتحرجوا
لأن رأيكم أكيد أكيد يهمني
يالله .. بسم الله أبدأ .. .. ..
حسبي الله على كل ظالم .. وعلى اللي ظلمني حسبي الله مرتين
كنت أشوفك في حياتي نجم حالم .. في سماي مرتفع عالي الجبين
أدعي ربي يا عساك دوم سالم .. يا عسى حياتك بالسعادة تزين
لين شفت جيش الخيانة منك قادم .. يروّع صغار قلبي ولكباره يهين
حاولت أصد الجيش وأكون غانم .. أكذبهم وأقول خِلّي أصلاً أمين
أكذّب وأكذّب وبالخيانة الكل عالم .. وتكذيبي تعدا كل علم متين
ما رمت أصدق قول رجال وهانم .. خَلّك يالخوي طبعه مشين
قفلت عيني عن صورتك وانت ظالم .. قفلتها وأنا ارتجي انك تلين
ما قويت أشوف حقيقة سيل هادم .. يهدم أحلام وأماني بنتها السنين
آه واويلاه واللوم لايم .. على أيام ضيعتها من عمري الثمين
عيشة كنها عيشة إنسان حالم .. والحلم لابد ينتهي لو بعد حين
صفعة جتني وكنها حد سيف صارم .. من طرف خِلّي يا عساي أقوى الأنين
والقرار اللي صدر من بعدها قرار حازم .. اعتقل قلبي واتركه بضلوعي سجين
أدري إني بهالقرار أصير ظالم .. بس ما قويت إلا بقول الله يعين
وقولي بالأول حسبي الله على كل ظالم .. وعلى اللي ظلمني حسبي الله مرتين
_ _ _
تحيتي للجميع
هذه أنا/ لِمَ السؤال؟
|
06-07-08, 04:40 PM
جديد مواضيع قسم الشعر والشعراء
العرض الشجري
