لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 26-02-09, 01:51 PM   المشاركة رقم: 36
المعلومات
الكاتب:
اللقب:
ليلاس متالق


البيانات
التسجيل: Oct 2007
العضوية: 46223
المشاركات: 109
الجنس أنثى
معدل التقييم: جليد الصيف عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
جليد الصيف غير متواجد حالياً
وسائل الإتصال:

كاتب الموضوع : angel911 المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة ارادة الحياة مشاهدة المشاركة
   السلام عليكم ورحمة الله وبركاته
لحظة زمن وجليد الصيف
انجل لديها ضروف تمنعها البنت دراستها الجامعية تشغلها كثيرا واعتقد انها لاتستطيع تكملة القصة
عزيزتي جليد الصيف
اكمليها بدالها
والف شكر لكم

أن شاء الله راح ابدا ان انزلها الان ...

 
 

 

عرض البوم صور جليد الصيف   رد مع اقتباس
قديم 26-02-09, 01:52 PM   المشاركة رقم: 37
المعلومات
الكاتب:
اللقب:
ليلاس متالق


البيانات
التسجيل: Oct 2007
العضوية: 46223
المشاركات: 109
الجنس أنثى
معدل التقييم: جليد الصيف عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
جليد الصيف غير متواجد حالياً
وسائل الإتصال:

كاتب الموضوع : angel911 المنتدى : القصص المكتمله
Newsuae2

 

بسم الله الرحمن الرحيم


7


7


7

نبدا

 
 

 

عرض البوم صور جليد الصيف   رد مع اقتباس
قديم 26-02-09, 01:54 PM   المشاركة رقم: 38
المعلومات
الكاتب:
اللقب:
ليلاس متالق


البيانات
التسجيل: Oct 2007
العضوية: 46223
المشاركات: 109
الجنس أنثى
معدل التقييم: جليد الصيف عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
جليد الصيف غير متواجد حالياً
وسائل الإتصال:

كاتب الموضوع : angel911 المنتدى : القصص المكتمله
افتراضي

 

الجزء الثالث عشر

انــــهـــــيـــار حــــــــــــواء

× نـــوال×

رميت الاطبااق بعصبية بالحوض الحيوووان ... انا يقعد يتمصخر علي ... وش مفكرني شغااله عنده
حااسه نفسي ابغى انفجر وابكي .. ايه اهو يبي يشووفني ضعيف لكن يهبي مو اناا لي تنزلي دمعه من كلامه السخيف زي وجهه
شفته واقف عند بااب المطبخ : اللحين مين قالك ترفعين السفره ؟!!
قلت له بعصبيه : انت مو قايل انك ماتبي تاكل من اكلي مو مالح ليه اخليه ؟!!
قالي: طيب سويلي اكل اناا جيعان
قلت له : مو مسويه شي جيعان عندك العيش والجبن احشي لك ساندوتش
فتح عيونه : نعم ؟! عزوبي اناا ؟!
قلت له : ليه ماتروح بيتكم تتغدا عند اهلك وتفكني
قالي بعصبيه : انااا مو رايح مكان وانتي اللحين رح تطبخين لي
حطيت الصحن الي بيدي بالمنشر والتقت عليه : تحلللللللللللللم
ومشيت ابي اطلع من المطبخ الا مسكني من ذراعي بقووة : انا قلت بتطبخين يعني بتطبخين سااامعه
صرخت فيه : اذا انطبقت السما ع الارض ساعتهااا بطبخلك وسحبت ايدي بسرعه ومشيت بخطوات سريعه جهت الدرج .. الا فهد يمسكني بقووة .. فجاة حسيت ان كل شي حولي يدوور .. الوجه تغير شفت... اتذكر اني كنت اضرب فهد بقوووووة اضربه لاا مااكااان فهد هذااا منصووور صرخت بعلو صووتي وخر عني
قالي : نوال وش فيك
صرخت وانااا اضربه باقوى ماعندي وابخرش > اخربش او ابخرش / الجرح بفعل اظفاار اليد > وخر عني اتقي الله .. حرم عليكم انا وش سويت لكم ... يااانااااس الحقوووني الحقووووووني ...صقر ... خاااااااالد
الحقوووني يااانااااااااااااااا ااس
فجأة كل شي قلب اسود بعيني ... ولا ادري وش صار بعدهااا

/
/
/

× فرح ×
كنت حاسه بألم كبير ..عمتي ماعادت مثل مااهي ... لا عاد تطيق للواحد كلمه ولا عاد تسمع شي
منيره : فرح وش سوى راكان ؟!
قلت لها : رااكان يامنيره تغير مو هو اخوي الي اعرفه .. مايرجع الا بوقت متاخر للبيت وريحة كلهاا دخاخين ومعسلااات .. ويوم نسالة وين تكون يقول بشغل أي شغل الي يرد لناا منه وجه الفجر
منيره : معقوول ؟!! راااكان ؟!!
بكيت بحرقة : ايه راااكااان وامس لو شفتي يقول الله اكبر الفجر وهو توه مشرفناا حضرته
عمتي مااقدرت تتحمل وطردته من البيت
منيره : لا حول ولا قوة الا بالله وش ذا الكلااام وش الي قاعد يصير ... بس وش علاقة هذاا بالمعرس ؟!
قلت لهاا : عمتي بالاول ماكانت تبيني اتزوج لان بعدني صغيره واناا ابي ادخل الجامعه لكن من يوم ماانقلب حال راكان تغير كل شي احسهاا ماعادت تامنه علي وخايفه منه ..مادري احيان احسن ان عمتي بهاا شي وماتبي تقولي انتي صديقتها صارحيني عمتي بها شي فيهاا شي مخبيته عناا ؟!
منيره : والله ياافرح علمي علمك ..عمتك حتى سافة راكان ماقالتهاا لي
قلت لها : اذا انتي ماتدرين وجدتي ماتدري من يدري ؟!
ماحسيت الا والبااب ينفتح بقوة : فلح فلح الحدي " الحقي " ماماا ع الالض ماتكلمني
رحنا اناا ومنيره جري مع شادن لقينا عمتي طااايحه بالارض ومغماا عليهاا جريناا عليهاا صرت اضرب وجهاا بخفيف بيدي : عمه ؟!! عمه تكفين جاااوبيني ... عمه
منيره رااحت جري للمطبخ وجابت كاست موياا غسلناا وجهاا فيهاا
جدتي الي جات يوم شافت منيرة تركض : وش فيه وش عندكم وعلى طول ضربت صدرها اول ماشافت عمتي ع الارض ... سرااب بنتي .. وجات بسرعه جهتهاا مدري شلون وهي الي بالكاد تقدر تمشي
جدتي : سرااب ..سراب يمة ردي علي
منيره مسكت الموياا ومسحت وجه عمتي فيهاا .. وشممتهاا بصله جابتها معاااهااا من المطبخ .. لاحضنا ان عمتي بدت اخيرا تتحرك وتفتح عيونهاا
منيره : سراب وش فيك ..عمتي ماكانت ترد ..بس تطالع فيناااا من غير لا تتكلم
قلت لمنيره : لبسيها عباااتهاا بنوديهاا المستفشى
رجعت لغرفتي جري سحبت عباااتي وري للشاارع ... ماحسيت اني حفاينه الا يوم ارضية الحوش الحاره بفعل الشمس احرقتني ..رجعت للبيت خذيت حذيااان وجري على الشاارع مشيت والله مسافه الين ماوصلت على الطريق العام ووقفت تاكسي حتى مافصلته بكم رح ياخذنا للمستشفى كل الي كنت ابيه اخذ عمتي للمستشفى
دخلنا بالتاكسي للحارة ونزلت ناديت منيره جدتي : بروح معكم
قلت لها : جده انتي اقعدي هين مع شاادن واحنا ان شا ءالله مارح نتأخر
نزلنا عمتي الي طبعا مو حاسه بشي حوولهاا الين التاكسي ...وعلى قرب مستشفى حكومي

/
/
/

× شاهـــين ×
ماكنت مصدق عيني في البدايه كنت احسب نفسي اتوهم لكن يوم ركزت النظر عرفت انه هو .. ايه هو
الشاب : اخوي انتو حاطين اعلان انكم تبون موظفين
قاله مدير المكتب: ايه انت سعودي ؟!
الشاب : ايه
المدير: حط لنا رقمك وبنكلمك
الشاب: ماله داعي وطلع من المكتب
قلت له : ليه صرفته
قالي : ياشاهين هالشباب مايعدي الشهر الا وهو تاركين الشغل وان طولو كله مشاكل الشغل كثير الراتب قليل ولا يتهاوشون مع رؤساءهم المبااشرين الاجانب ..انا ليه اوظفهم واوجع راسي بمشااكلهم
سألتهم : ومكتب العمل ؟!
قالي : احنا وظفنا العدد الي حددوه ومااستمرو عاد مو مشكلتناا
قلت له : طيب معقول كلهم سيئين ؟!1
قالي : لاا بس بيني وبينك احنا نتبع سياسية التطفيش معاااهم
قلت له : هذا تحاايل
قالي : شاااهين السعودي اجيبه وادفع له 1200 كحد ادني .. والاجنبي ادفع نص المبلغ واكرفه شغل وبعد ممكن يسويلي شغل ثاني جنبه ومايفتح فمه بكلمه
قلت له : ياخي حرام عليك ترى في ناس تدور الريال
ضحك : اشوفك تداافع عنهم
قلت له بعصبيه : لاني بيوم من الايام كنت منهم ... اعرف شنو يوم تتصكر الابواب بوجهك ..اعرف زيين يوم تدور الريااال للخبز ... لكن الي زيك هم الي يحرفون الشباااب ويجون بعدين يشتكون ..مافكرت ان ولدك بكرة يوم يكبر رح يتعامل نفس المعاامله الي تعاملهاا لهالشبااب ... مافكرت ان هالشباااب ممكن يكونون مسؤلين ع اسر ووراهم كوم لحم يصرفون عليه
قالي : ترى حتى الاجنبي متغرب من بلاده لنفس السبب
قلت له : يااخي الاقربون اولى بالمعرووف ...وقفت ...وترى كل بلد اهلها الي يعمرونها ..واعتبر ان هالعملية اخر عمليه بين مكتبنااا ومكتبك
قالي : شاهين اسم
قلت له : رح ارسلك المحامي يصفي بقية الحسااباات في امان الله

/
/
/

× الصــــقر×
طلعت من بيت خالتي وانا مضاايق ... مضايق بشكل كبير ماتتصورونه .. كلام عمتي رجع قلب علي كل المواجع .. رجع ينبش بذكريات كنت اظن نفسي دفنتهاا خلااص .. لكن وووين ..تذكرت يوم ماارجعت بيتناا فرحنا ..كنت افكر امي راحت وخطبت لي ياسمين خلاص .. اول مادخلت البيت استقبلتني مها
سألتهاا : وين امي
مها : وش تبي فيها ؟!
عصبت : مها اخلصي اقولك وينهاا
مها : اعوذ بالله امي بغرفتهاا
طلعت جري لغرفة امي من غير لا ارد عليهاا
استاذنت ودخلت ... لقيتهاا جالسه وتقرا القران حطته على جنب واشرت لي اجي واجلس جنبهاا ع السرير
سلمت على راسها وجلست .. ماتكلمت كنت مستنيهاا تتكلم ابغى اعرف وش الي صار
امي بكل هدوء : صقر انسى موضوع ياسمين
التفت عليها : نعم ؟!
امي : قلت لك انسى موضوع ياسمين ولا تفتحه مره ثانيه ابد
سألتها : ليش؟!! عطيني سبب
قالت لي: لاهم من ثوبنا ولا نحن من ثوبهم
قلت لهاا : من متى هالاشياء تهمك ياايمه ؟!
جاوبتني : ماتهمني اناا تهم ابوك .. وقفت .. شبتقوله ابي اتزوج وحده ابوهاا ضيع حلااله على النسوااان والخمر ؟!
قلت لهاا : وهي شنو ذنبهااا
قالت لي : انت نسيت انت ولد من ؟! ابوك مستحيل يوافق
قلت لها : بس انا ابيهاا
جاوبتني : الي خلقهاا خلق غيرهاا .. لو هي سليمه كان قلت معليه لكن فوق كذا البنيه مريضه ياصقر مريضه وانت عارف هالشي
قلت لها : وانا مايهمني كل هذا مايهمني
قالت لي : لاتخلي شفقتك تسيطر عليك
قلت لهاا : شفقه ؟! يمه انا احبهااا تسمعيني احبهاا وابيهاا
تحب منو ؟!! ..التفت بسرعه على البااب اشوف مصدر الصوت ..كان ابوي واقف ومبين الغضب بعينه
ابوي : وش ذا الكلام الي اسمعه
ماعرفت وش ارد عليه ..دوم حضور ابوي يسبب لي رهبه ..احس نفسي قدامه طفل مو رجل بشنبه ولحيته
ابوي وقف قدامي : سمعني صوتك ليه سااكت
بالكاد بديت احرك شفاتي : يبا انا
ابوي بعصبيته وتسلطه : انت شنو ؟!! اسمعني يااصقر لايكون مفكر نفسك كبرت وبتمشي الكل بمزاجك
خذها كلمه مني ..بنت السكران انساها ولا عاد تفتح موضوعهاا مره ثانيه وان تبي تزوج بندور لك علي من ثوبناا امااا ألي في بالك مستحيل تاخذهاا ساامعني مستحيل
حاولت اجادل: لكن انا
صرخ فيني : الموضوع هذا انتهى خلااص ...سكت شوي .. اذا تبي خيرهم انسى بنتهم واللحين رح ورى شغلك
ضربت الدريكسون بيدي وانا اتذكر ذاك اليوم .. حسيت بقهر وبظلم ابووي ... تحكمه وتسلطه سلبه لابسط حقوقنا ... حسدت عقاب اخوي انه قدر يتحدااه بوجه اما اناا فضلت السكووت .. وخذيت ياسمين بالسر كاني اسرق مو اتزوج على سنة الله ورسوله ..شاهين عارض الزواج بالسر وحس باهانه كبيره لاخته لكن خالتي تدخلت واقنعته انه يوافق على الزواج خصوصا مع وضع ياسمين وان فرصها مهعدومه بالزواج عشت مع ياسمين سنتين تقريبا ..سنتين من احلى سنيين عمري ... ماعرفت فيها طعم النكد ولا الهم .. كنت احبها وااايد وكنت احسهاا انها تحبني صحيح ماتقدر تعبر بالكلمات لكن عيونها اهتمامها كان كفيل انه يفهمني هالشي .. لكن الاوقات الحلوه وان طالت مصيرها تنتهي .. وحكايتي انا وياسمين انتهت يوم دخلت بيتي وكانت ريحة الغاز مليااانه بالمكااان ..رحت جري جهت المطبخ لقيت يااسمين مرمية ع الارض فتحت الشبااك بسرعه
وقفلت الغاز على القدر لي محتويااته طلعت منه وملت الفرن وطفت ناار ... جريت لياسمين هزيتها لكن ماجاوبتني حطيت ايدي اشوف النبض كااان مره ضعيييييف .. شلتهاا بسرعه للصاااله ... وخذيت عباااتهاا الي ع العلاقه لفيتها فيها وع المستشفى ..لكن للاسف كنت اتاخرت .. لان قلبها كان خلاص توقف حاول الدكاتره ينعشونهاا لكن مافي فاايد ..ياسمين رااحت


/
/
/

× فــــهد ×
صارلهاا تقريبا ساااعه وهي نااايمه بحضني ايدهااا متمسكة بلبوزه بشكل ماني قاادر اتحرك ابد ..شكلها اللحين وهي متمسكه ماايقول هي هااذي الي من ساعه كانت تصاارخ وتضرب اثار ضربها لسى على صدري
وفي جرح من اظافيرهااا ..مدري وش الي رجع لها منصور وذكراااه ..كانت تصرخ بسمه .. وتطلب المساااعد ..صار لهاا وقت ماتذكرته ولا جاتها ذي الحاله ... هالحاله جاتها بعد الي صار يسمونها بالطب النفسي ال Post traumatic stress disorder او توتر مابعد الصدمه الانساان المصاب مايقدر يتحكم بذكرياااته فجاة تمر عليه ماساته وكانهاا فلم ينعرض قداامه يرجع يعيش الحدث بكل مااافيه وهذاا الي صاار لنوال رجعت عاشت الي صار لهاا مع منصور من اول وجديد ..لاحظتها بدت تتحرك ومبااين عليهاا انهاا مضااايقه خصوصا واناا احس بايدها تشد اكثر على قميصي والدموع من عينها تنزل بدت تهتز وتهتز الين مافزت من نومهاا والخووف على وجهاا وصرخت بصوت عالي : لااااااااااااااااااا ااااااااااااااا
سميت عليهاا : بسم الله الرحمن ..نوال اذكري الله
نوال صااارت تتلفت حولهاا كانهاا تبي تستوعب المكاان الي هي فيه ... التفت علي ولاحظت قربهاا مني تقريباا مافي مسافه لانها كانت ناايمه على صدري ..ابتعدت عني بسرعه
سألتني : وش صاار ؟!! اناا شجاابني هني
سألتهاا : ماتذكرين شي؟
نوال كأنها تذكرت شووي .. شفت عينهاا جاات على صدري: مني ؟!!
طالعت بالجرووح : ولا يهمك يومين وترووح
قااامت ورااحت للحماام وانتو بكرااامه ...ورجعت ومعهاا علبت اسعاافاات اوليه
ضحكت : مالها دااعي ترى كلها بخرشه
نوال : معليه خليني انظفهاا لك واحط لصقه
قلت لها: براااحتك
نوال صارت تنظف الجروح البسيطهوكان شكلها مستحيه مره بسبب المسااافه
سالتها: نوال وش رااايك ترجعين تروحين لدكتورتك النفسيه
تغيرت ملامح وجهاا : ماابي
قلت لهاا وانا اخذ القطنه من ايدها : بس انتي محتاجه تروحين لهاا ..محتاجه احد يسمعك
صرخت فيني : قلت لك مااابي اروووح ساامعني ماابي ارووح
قلت لهاا : اتركي شغل الاطفاال
قالت لي وهي تطبق الشنطه: اطفال مو اطفال محد له صلاااح اناا حره
قلت لها : لاا مو حره انيت مااشفتي وضعك مااشفتي نفسك وانتي تصااارخين ومو داريه باللي حولك
قالت لي : مو عاااجبك طلقني وريح نفسك
قلت لها : اطلق مجنونه انتي ؟!
قالت لي بعصبي: ايه مجنووونه مجنووووووووووووووووو ووونه ارتحت وانت انساان عااقل وش تبي بوحده مجنونه وصارت تلطم خدهاا اناا مجنونه شفت مجنوووووووونه ..وصااارت تبكي وتضرب نفسها بنفس الوقت مسكتهاا من ايدهاا وضميتهاا لصدري بالبداايه قااومت لكنهاا بالاخير استسلمت وكملت بكاها بصووت مكتوووم

 
 

 

عرض البوم صور جليد الصيف   رد مع اقتباس
قديم 26-02-09, 01:57 PM   المشاركة رقم: 39
المعلومات
الكاتب:
اللقب:
ليلاس متالق


البيانات
التسجيل: Oct 2007
العضوية: 46223
المشاركات: 109
الجنس أنثى
معدل التقييم: جليد الصيف عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
جليد الصيف غير متواجد حالياً
وسائل الإتصال:

كاتب الموضوع : angel911 المنتدى : القصص المكتمله
Newsuae2

 

الجزء الرابع عشر

> نـــــــــــــــــــ ـــ رحلة الترويض ـــــــــــــــوره <

اااخ ياراسي حاسه صدااع رهييب مره ...اووف كله من السهره امس ... بالقوه قمت من السرير خذيت لي شور سريع لبست شورت كاكي مع توب كت زيتي ونزلت للصاله مالقيت احد جلست على الصوفا الكبيره قدام التفزيون
وناديت ع الشغاله: lee …. Lee
جات شغالتنا الفلبينيه : yes ms.
قلت لهاا prang my coffee
هزت راسها بمعنى ايه ورااحااات .. طقطقت بالقنوات الين ماوصلت لmtv ع الاغاني اللي حاطينهاا جاتني قهوتي ووروقت ع الاخير ..شوي ماادري من وين طلعت امي وصارت قدام الtv
قلت لها : مااماا وخري
امي قفلت التي في : سيبي هالهبااب واسمعيني
قلت لها : what
امي : متى رجعتي امس
قلت لها : 5 a.m
امي : وين كنتي
قلت لها : night club ورجعت فتحت التي في
امي عصبت وجات وسحبت الريموت وقفلت التي في من جديد
صرخت : now what
ماحست الا بكف على وجهي ... حسيت بصدمه
صرخت : ماذا تفعلين بحق الجحيم
امي صرخت : ولك وجه تكلميين .. تفكرين اني مو عارفه متى رجعتي ..لا وليتك راجعه لوحدك الا ومعاكي بلووه كمااان
سالتهاا : وش تقصدين
امي : منو الي كان معاااك
معقول تكون شاافته ؟! قلت لها : ماكان معاي احد
امي : الا كان معاك وبالطيب تكلمي
قلت لها : his name Sam… Sami he is my boyfriend
امي :boyfriendyour
جاوبتها : yes my boyfriend
امي كانت معصبه مره واتوقعت انها رح تمد ايدهاا مره ثانيه علي
امي : شلون عرفتيه ؟!!
قلت لها : قابلته بحفله
امي : كم عمره ؟!
قلت لها I think 24
امي : يشتغل ؟!!
قلت لهاا : ماما تسألين عنه كأني رح اتزوجه
امي : اجل ليه تخرجون مع بعض وحضرته ليه موصلك للبيت ...وشلون تتجرأين وتبوسينه
قلت لها : اول شي انا بسته على خده زي كل اصحاابي وبعدين انا ماقدرت امس اسوق لاني
امي بصرااخ : لانك مسطووله صح ؟! وش شربتي ؟! فودكا او مارتيني ؟!!
بلعت ريقي : دخنت مرجواناا
امي : مخدرااااااااات .... انتي ايش تبين تذبحيني
قلت لهاا : مامي take it easy
اامي : ان مادبتك ... وطلعت على غرفتي
لحقت وراااهاا .. اب ياشوف وش رح تسوي ..دخلت غرفتي وعلى طول على شنطتي واخذت المحفظة والمفاااتيح
قلت لها : you can`t
امي: yes I can جهزي نفسك للسفر انتي بكره راجعه على اول طياااره للديره
انصعقت : you joking right
امي : صبري لي الصبح وبنشوف
قلت لها : مستحيل ابوي يكون وافق على كلااامك مستحيل
قلت لها : ابوك ماله دخل بذي السالفه

> خــــــا بين نارين لــــــد <

خرجت من المكتب وانا حاس نفسي مخنوق مدري متى رح القى وظيفه ..قال حط رقمك مدري ليه مايقولها صراحه مانبي نوظفك هذا وهو لسى مو عارف اني خريج معهد الامل .. استغفر الله العظيم اللحين وين اروح ؟ لا بيت ولا اهل ولا وظيفة حسبي الله على من كان السبب في بلواي هذي وقفت اشوف السياارات الرايحه والجايه تذكرت زمان اول يوم ماكنت اركب الا اكشخ السيارات واغلاها كنت اغيرهاا زي مااغير مااحسب حساب شي بالمدرسه كانو مسميني الامير كانت رغبااتي اواامر حتى على المدرسن كان واجب عليهم يحترموني ومايفكرون ولو تفكير انهم يتمشكلون معاي لاني ببسااطه رح امحيهم انا ولد التاجر الكبير الي كل يعمله الف حساااب هذا انا ولد المليونير ادور بالشواارع مو لاقي مكان ارووحه ..ااااااااه ظلمت الناس قبل واليوم دور الناس تظلمني ااااااه ليتني بس ارمي نفسي قدام وحده من هالسيارات وافتك ... ابغى اخلص من كل شي نكد علي حياتي ….اخلص من همومي… من الامي… اخلص من هالتفكير الي بيذبحين ..من نظرات الناس الي مجرمتني.. من ظلمهم ..ااخ يااكثر ماايوجع الظلم ..
فجأة حسيت بشخص وراي التفت : خير في شي يالاخو ؟
الرجل :انت مو خالد بن الذيب
طالعت بالرجال بيني وبينكم عرفته لكن سويت نفسي ماااعرفه .. لا ياخوي انت غلطان
شاهين : لا مب غلطان انت خالد بن الذيب ماعرفتني انا شاهين ال…خوي صقر اخوك
صقر؟!! وينه اصقريجي يشوف اخوه المشرد ؟!!
قلت له :ياخوي قلت لك انت غلطان انا مو هالشخص عن اذنك
ومشيت ابي اهرب منه الا ناداني : انت ماتبي وظيفه ؟
التفت عليه : هاااا
ابتسم : من قال هاا سمع بس مو مشكله نعيدهاا ... تبي وظيفة ؟ !!!
قلت له : عندك وظيفه ؟!!
قالي وهو ياشر على سياارة BMW تعال نروح بمكان نتلكم ونتفاهم على كل شي .. ومشي قدامي ومشيت وراه ا التفت : الا قلت لي وش اسمك
ترددت وش اقوله اسمي هل اخترعله اسم او اقوله اسمي الحقيقي .. اقول لخوي اخوي اسمي الحقيقي حتى لو قلت له يعني وش رح يسوي رح يروح يقول لصقر اخوك لقيته الي يسمعني يقول رح يجي ركض لي
شاهين حط ايده قدااام عيني .. اقول لاتذكرت اسمك قولة ركبنا السيارة ورحنا على اقرب كوفي شوب

> حــصـــــ حواء الصديقة ــــــة <

مره مشغول بالي على افنان لها فتره لا بترد على اتصالاتي غريب امرهاا .. يمكن اهلها اكتشفو موضوع حملهاا ؟! لا مااظن ؟! يااربي الله يااخذه من رجال الي بلاها البلوه يعني لا يتحمل المسؤولية ولايبي يعترف بولده .. وهو لا خسران شي ولا يحزنون مافي غير البنت الي تروح فيهاا ربي وين كان عقلهاا وين ضميرهاا .. وش عجبهاا فيه لا شكل ولا اخلاق كل مااتذكر يوم مارحنا نقابله بالقرف فضييع يومتها رحنا مطعم لحسن الحظ المطعم بديازير فمحد يقدر يشوف الطاولة الي جنبه .. اول ماوصلنااا لقيناه جالس ع الطاوله وقف وليته ماوقف نحيف ومسلوع كنه من مجاعات افريقاا وكشته منكوشه ولا ميااعته ووووووووع امحق رجال بس
افنان : كيفك حبيبي
طالعت فيهاا صدمه .. بعد كل سواياه حبيبي ؟!! حبتك القراااده ان شا ءالله
رد عليها : الحمدالله ياااعمري وقرب منها يبغى يبوس خدها ؟؟!!!!!!!! تنحنحت .. الله يقلعهم يبون ربي يسخطناا التفت علي وقال مين هالشي
انقهرت : شي بعينك ياامنحط
قال بتريقه : ياااي لا عصبيه كماااان
افناان : هذي صحبتي
الاخ مدلي بكل وقاحه ايده : اهليين انا حسن
قلت له باستهزاءواااضح : انعم واكرم وطبعا ماعبرت ابداا ايده الممدووده
اشر ع الكراسي : اتفضلووووووووو
جلسنااا ودام الصمت بينااا
قلت ابي احسم الموقف لاني مو قادره اقعد ولو دقيقه اكثر من اللازم حاه نفسي خاانه ومخاادعه : اسمع يااخ حسن انت عارف ليه احناا جاين هناا
قال يتيملح : مالها داعي اخ حسن احلى وبعيدن شيلي الغطا مو حلوه حواجز الاتصال هاااذي
قلت واناا انزل الغطاء على عيني اكثر اخ حسن وشددت على كلمة اخ بطريقه الغبي يفهمها من غير كلام ماله لزمه انت تعرف ان افنااان حامل
حسن التفت على افنان : مبروك حبيبي
حبه عقرب ان شااء الله : هذا بس الي طلع معاك مبروك وش نوي تسوي
قال : وانا وش دخلني ؟!! تروح لابووه
افنان وصوتهاا يرتجف من البكاء : بس انت ابووه وانت تعرف هالشي
حسن : ومين ياكدلي ؟!! يماما الي تسلم نفسها لواحد مايربطها فيه شي رح تسلم لالف غيره هي المره الاولى بس الصعبه
وربي كان نفسي امسك المنفضه الي قدامي واعطيه على وجه فيهاا
افنان : انت ايش تقول ومسكت يده حسن والله الي في بطني ولدك
سحب ايده منقرف منها : وانا اقولك مو ولدي وقام يبغى يمشي
قلت وانا احط رجل على رجل وامثل القوه : انت هي اجلس بعد ماخلصت كلامي
رفع حاجبه : لاااا
قلت بصوت حاد : اجلس ياولد الناس بالطيب صدقني ماتبي تلعب معاااي واشرت ع الكرسي بقرف
جلس بيني وبينكم مادري من وين جاتني القوه لكن الي قدرت المسه ان الولد بشخصية ضعيفه رغم انه يبين انه يحب يكون الحلقه الاقوى لكن على مين اناا طالبة علم نفس رح اطبق دراستي عليه
قال وهو يمثل القوة : وش تبين
قلت وانا اظهر كل قوة ممكنه بنبرة صوتي : اسمع ياولد النااس اعتقد انك مب غبي ولا جاهل اثبات ابوتك للي ببطنهاا بسيط جدااا كله تحليل DNA وساعتها غصباا عنك رح تعترف فيه ..جا يبي يتكلم قاطعته بتقولي فضاايح صدقني ماتهمناا الناس تتكلم شووي وتوقف محد رح يتاذى الا انت
سألني : شتقصدين
قلت له بنبرة تهديد : ماكنت بنت ابوي اذا ماخليتك تتمنى احد يعبرك بنظره وتشحذ الريال ماتلقى من يتصدق عليك
طالعني بصدمه ..ابتسمت بخبث من تحت غطاي : تدري ابسط شي تقطيع ثياابي وادخل بيتناا واقسملك ان شمس اليوم لثااني مارح تشوفهاا
قال : بتتبلين علي
قلت له : ليش لاا وترى البنت دووم مصدقه ..اعتقد العسااكر رح يفرحون بضرب واحد مثلك
قالي : بس انا اقدر انكر واقول انها خرجت معاي بارادتها
قلت له : وانا اقدر اشتري شهوود واقوول انك خطفتها وخلني اشوف انا او انت
قالي : ليه تدافعين عن وحده زيهاا
قلت له : اعرف انها ماتستااهل ولا انت تستاااهل لانكم مثل بعض واطييييين لكن اهلهاا مالهم ذنب ولا اهلك انت يتساهلون الفضيحه انا اعرف ان ابوك رجال على قد حاله وان عندك اخوات بناات بعد ماتزوجوو ...بالله انت مافكرت ان الي تسويه ممكن يرجع عليهن مافكرت ان وحده من خواتك ممكن يصير فيها الي انت تسويه
قال : اخواااتي محترااامااااات مو زيهاا
ضحكت بسخريه : دايماا خواتكم غير محترامات عفيفااات وبنات النااس اعراض رخيصه تلعبون فيها الين ماتشبعون وبعدين اقرب زبااله
قالي : هي لو صانت نفسها
قلت له : ماله داعي هالكلام الي صار صااار متى رح تجي تخطبها وتتزوجها
قال: زواااج ؟!!!!
افنان : اجل فيه حل ثاااني
قال : بس انا مااقدر اتزوج وافتح بيت
افنان : اناا رااضيه بعشه بس الله يخليك ابغى اخلص من هالمصيبه
قال : انا مو متزوج واعلى مافي خيلكم اركبووه
افنان : ايش
قلت له : اسمع ياولد النااس هي اسبوعين تفكر فيهاا وتوزن امورك وصدقني مالك حل الا الزواج
قال : لاتكوني وااثقه
افنان : حسن حرااااااااااام عليك والله حراام
كنت حااسه قلبي بيتقطع افنان شوي وتبوس رجله بس عشاان يوافق يستر عليهاا .. لاحول ولا قوة الا بالله تصدقون رغم حزني عليهاا الا اني اقول تستاهل اهي الي جابته لنفسهاا
نزلت من غرفتي لصاله لقيت مها جالسه بالصالة لحالهاا : هلا مهاااا متى جيتي
مها : توني مفصخه عباتي
قلت لها : محد قاالي .. وين امي عنك ؟!
قالت لي : عمتي مادري وينهاا ..شكلها طالعه ..الله يهداه عمي قالي تعالي ولا هو ولاعمتي هنا
قلت لهاا : ولا يهمك اناا هنااا ولا مايمشي الحال
ضحكت : افااا الا يجري بعد
جلست ع الكنبه المقابله : كيفك وش اخبااارك
مها بابتسامتها الحلوه : الحمدالله الله يسلمك انتي كيفك وينك ماصرتي تجينااا
قلت لهاا :دوم مب بيووم..عاد انا مااخرج كثير تعرفي تخرج هالسمستر لازم اركز على مذااكرتي
وقفت : وش تشربين ؟! قهو ة شاي جنزبيل ينسون
ضحكت : قهوة ووقفت اجي معاااك
قلت لها تعالي يااستي ع الاقل تشوفين خبيصي
مها : ههه الله يعينه
سألتها : منو
قالت لي : الي رح تتحفينه بتخبيصااتك
قلت لهاا : لما يجي رح نتعلم له
قلت لهاا : يعني مافي امل تتعلمين قبلهاا
قلت لها : لااااا
دخلنا المطبخ وبديت اجهز اشيااء القهوة ...مها كانت تطالع بالفناااجيين
سألتني : ماتعرفين وش يبي عمي مني ؟!
قلت لها : بصرااحه .. اعتقد ا ن عندي فكره عن المووضوووع
سألتني : الي هووو ؟!!
قلت: سعد
> ســـــــــــــــــــ ـ بداية النهاية ـــــــــــــــراب <

كنت جالسه انا وسعود على ربووه وتحتنا البحر رفعت ثوب يعشان لايبتل ..وصرت العب رجولي بالموية كانت مره باااارده كان سعوود يناظرني ويضحك ..قلت له : ليه تضحك
قالي :ش وفي نفسك تنطشين الماا كأنك طفله
مديت لساني بطفولية : خلني طفله
ضحك ووقف : مارح تتغيرين ابد
سألته بخووف : وين راايح ؟!!
قالي : وقتي خلص
قلت له وانا اوقف : وانااااا
سعود وهو يرجع شعري ورى اذني بيده : لسى بدري عليك
ودار بيمشي ..ضميته من ظهره : سعود الله يخليك لا تخليني ..سعود اناا تعبت والله تعبت
سعود من غير لايدورف ايدي من حوله : سرااب قلت لك لسى بدري
وفجأة اختفى .. سمعت صوت فرح : عمه...عمه تسمعيني
فتحت عيني : انا ويين ؟!!
منيره : الحمدالله ع السلامة سرااب
فرح وهي تمسح دموعهااا : حراام عليك خوفتينااا
سألتها : وش الي صار
فرح : انخفض عمد الضغط والدكتور يقول بتقعدين اليوم عندهم وبكره ان شا ءالله بتطلعين
سالتها : امي وشادن
منيرة : امك وشادن بالبيت وانا كلمت رجلي بيمرني وبنام الليله عندهم وفرح بتقعد هني
قلت لها واناا اقعد : ماله داعي خذيها معك
فرح : ماني راايحه بعقد معااك
قلت لها : فرح لا توجعين قلبي روحي البيت مع منيرة
فرح : بس
منيره : خلا ص فرح لاتطولينهاا بتمشين معااي والصبح بنكون هناا
< نـــــــــــــــــ ورقة خريفية ــــــوال >

كنت متمسكه بفهد بقوة ابغى احس بالامااان ... كنت بالاول اكره قربه مني اكره تواجده لكن اللحين انا الي مو قادرة اشيل ايدي عنه انا الي مو قادره اخليه يبتعد ولو شبر عني ... كان يمسح على شعري بدينه لمست فهد
فيها شي من الحنيه حنيه كنت احسها زمان بلمسة امي ولمست صقر
فهد : نوال اسمعي انتي لازم تروحين .. لازم تتعالجين عشان تقدرين تكلمين حيااتك
قلت له : ماابي مااابي ...حاولت احبس دموعي ..رفعتر ااسي وطالعت بفهد مو انت الي يجبونك تذكر مو انت الي ترجع تعيش الالم من جديد .. تـ..تعرف وش اشووف اشوف صقر ويعونه الي تجرمني .. اشوفك وانت الي تحميني من اخوي ...اخيو ايل بغى يذبحني حتى من غير لا يسمعني .. انت يوم ضربتني مااهتميت .. لكن يوم صقر مد ايده يوم ضربني وبغى يخنقني .. وانا اناا الي جريت عليه ... انا الي بغيت احتمي به .. بغيته يااخذني لصدره يضمني ..بغيته بسمك ذااك الحقير ويذبحه ... لكن بدل من هذاا كله يااافهد مااصدقني ... محد رضى يصدقني ... محد سمعني حتى يووم ما حاولت انتحر محد كاان جنبي غيرك ... ليييييييييه ... لييييه يااافهد ليه اهلي مو قاادرين يثقوون فيني ؟!! ليه مو قادرين يصدقوني .. تعرف يوم عرسنا وش سألت صقر ؟!!
سألني : وش سألتيه ؟!!
قلت له : سألته لو انك سويت سوات سعد اخوك رح يصدقني
سألني : ليه سألتي هالسؤال ؟!! كنتي تشوفيني مثله
هزيت رااسي بلاا ... كنت ابي اعرف ..كنت ابي اتطمن انه مصدقني ...
سألني : وش جاوبك ؟!!
قلت له : قال انك ماارح تسويهاا لانك فهد وانك غير
ابتسم : كان عنده ثقة فيني اما انتي
قلت له : بصرااحه لاا ... انا اخااف من اياامي الجايه معاااك احسك مثل قنبلة موقته ماادري متى رح تنفجر فيني
فهد : قنبلة ؟!! لهالدرجة تخافين مني
قلت له : اخاف تكون مثل صقر تدعي انك مصدقني وانت بدااخلك شاااك فيني
قالي وهو يوقف لو كنت شاااك فيك لو مقدار ذره اقسم بالله مااخليتك على ذمتي يووم واااحد
صدمني الا صععقني .. معقول يكون مصدقني ؟!!
سألته : ليه صدقتني ؟!! ليه ؟!!!
ماهتم لسؤالي واخذ الحوار لمنحنى ثااني ...
فهد : تعرفين يوم مالقيناك بالشالية ..كان هذا اليوم الي رحت اخطبك فيه
قلت له : رحت تخطبني ..؟! تذكرت شي ..بس قبلهاا انا وانت تهاااوشنااا
فهد جاوبني وهو يبتسم : تذكرين الهوشه ..يومتها انتي كنتي طالعه وانا توني جاي بيتكم كانت عبايتك ضيقه
لويت بوزي : ماكانت ضيقه يامعقد
قرب راسه لدرجة ان جبينه صاار على جبيني: انا معقد او اني الي فري
رجعت على ورى : انا مو فري .
ضحك : خخخخ طيب ولا تزعلي انا معقد ...يومتهاا اناا مسكتك من ذراعك ورجعتك لداخل الحووش
قلت وانا اتلمس ذراعي بحركة تلقائية وكاني اتذكر لمست فهد بذاك اليووم : يومتهاا ايدي عورتني مره واصاابعك تركت اثرها على يدي ليومين
التفت : من جدك ؟!!
قلت له : جسمي حسااس ابسط كدمه رح تزرق وتخضر وانت مااقصرت كنت بتخلع ذرااعي يومتها
قالي : كنت حاس بالغيره
غيره ؟!! معقول ؟! كان يحبني ؟!!
سألته : انت تغااار ؟
فهد : تبيني اشوف بنت عمي طالعه من بيتهم بعباية مخصره وغطى خفيف ولا اسوي شي رخمه قالولك
قلت له : لا تباالغ
قالي : يومتها قلتي لي انت مالك خص فيني ولا لك كلمه علي لا انت ابوي ولا انت اخوي
قلت له : وانا صاادقه يومتهاا مالك حق تمنعني اطلع من البيت ولا انك تحط ايدك علي
قاالي : عشان كذا اليوم الثاني رحت وخطبتك
التفت علي : اقول وش رايك نطلع ؟
فتحت عيني : نعم ؟!!
قالي : الي سمعتيه انا عازمك على العشى قومي غير ملابسك وصلي وبنطلع
سألته : ماعندك مناوبة ؟!!
ابتسم لي : لا مااعندي قويم خلينا نطلع من زمان مااطلعناا
قلت له : اسمع لو بتطلعني وتكتم على نفسي لمي العباة غطي عيوونك مش عارفه شنو ترى مب رااايحه
قالي : والله ياابنت عمي هذاا اناا ومااعندك غير عجبك اهلا وسهلا ماعجبك ووقف
قلت وانا اوقف واحط ايدي على خصري: قولها ليه سكت بالطقااق الي يطقني
قالي : زين انك عارفتها مايحتاج اقولهاا
قلت لها : مالت ماعندك اسلوووب
قالي : خليت الاسلووب لك اللحين بتروحين ولا لا
قلت له : بروح وامري لله
تنحنح : احم احم حريم ماتجون الا بالعين الحمرا
> راكـــــــــــــــــ ـــــ مقبرة الشباب ــــــــــــــــــــ ـــان <

الاغاني مره عاااليه .. والدخاان صاير كأنه ضبااااب ... وبنات الليل جالسن بيناا ... شي يحلمه أي ولد وجه حسن وفلووس بالهبل وفوق كذااا مشتري راحت دماغك ...لا هموم ولا يحزنون والخير والبركه بالحبوب البيض والشراب الاصفر ... الغريب ان هالموجودين هنااا اغلبهم عيااال عز مو فقر زي
واحد من الشبااب اسمه مصعب وهو ايل دلني على هالشله : راكان امسك واعدل مزااجك ومد لي بكاسة خمر
قلت له : اسمع انا اتاجر ايه لكن مااشرب احب اكون صااحي
وحده من البناات : يااااقلبي علي صااحي وجات تقرب مني
دفيتهاا بعيد عني بقرف: انقلعي هناااك
البنت الثانيه : يؤيؤيؤ صااحبك ياامصعب ماله بالمزااج
مصعب بضحه : هذا جديد ع الكااار
قلت لمصعب : متى العمليه الثانيه
قالي : يااولد اركد ترى كل شي بوقته حلو
قلت له : الفلوس الي معي خلصته وابي فقلوس اسلك بها اموري
مصعب : اهوو مسرع
قلت له : تعرف احتيااجااات الواحد كثيره
مصعب طلع من جيبه فلوس : خذ هااذي اربع الاف خلها معاك وبكره نتفاهم على العمليه الجديده
وقفت : اوكي انا مااشي
البنت : بدري
طالعتها بقرف ومشيت من غير ولا كلمه ... قررت اروح الكوفي المكان الي كنت اشتغل فيه من قبل
وقفت السياارة بمكااان اقدر اراقب منه المحل شفت تركي وراشد وهو يخدمون الزباين وتذكرت اياامي معااهم ايااام احلى منهاا مااافي حتى لما كان يجينا زبااين يتمصخرون عيلنا او يقلون ادبهم ... ماكناا نهتم فيه بالعكس كناا نعتبر نفسنا شبااب مكااافح وان بكره رح يبتسم لنااا لكن يظهر ان طريق العيش النظيييف مره متعب طاح نظري على حرق بيدي اليمين اااخ يااكثر مايذلنا الفقر ..ااخ حطيت رااسي على الكرسي ..ياااترى اهلي شلونهم ... يااترى تذكرووني او خلااص نسيتم ان لكم ابن ...شلون طاااوعك قلبك يااايمه تطرديني وتبعديني عنك ؟!! حركت سياارتي مدري وين برووح المهم ابي ابعد من هنااا

> الصــــــــــ اللـــقــــاء ـــــــــــــــــر<

جاني اتصال من شاهين انه يبيني اجيه بالكفي الي متعودين انا وياااه نتقااابل فيه وقفت سيااارتي ونزلت
شفت واحد طالع من المحل ورجعت على ورى مكن غير لا ينتبه لي .. معقول خالد ؟!! هذاا هو ؟!! لا مو معقوول ؟!! الا خاالد اخوي ... تغير !! كنت بروح اجري ورااه واامسكه من ايده وارجعه البيت ... لكن توقفت اول ماااتذكرت ادماانه ... لعبه باعراض الناااس .. فشله بحياااته ..خليته الين ماايمشي ودخلت لقيت شاهين جالس على طاولة بالركن رحت له : السلام عليكم
شاهين : وعليكم السلام ..شفته ؟!
سألته : منو ؟!!
قلت له : تعرف من اقصد
سألته : قالك تتصل فيني
جاوبني : اصلا هو مايدري اني اتصلت فيك
قلت له : اجل ليه اتصلت ؟! وشلون قاابلته
قالي : وش تشرب بالاول ؟!
قلت له : جاوبني بالاول
قالي : كنت بمكتب التوريد وقابلته هناك جا يدور وظيفه
قلت له : خالد يدور وظيفه
قالي : ايه خالد يدور وظيفه
سألته : وانت وش دخلك بالموضوع
قالي : انا وظفته بالشركه عندي
تفاجات : نعم ؟!! شلون كذااا
قالي : اخوك عنده مأهلات ممتازه يعرف للكومبيوتر ويتكلم انجليزي بشكل امثر من ممتاز وفوق كذا طالب ادارة اعمال بمستى التخرج وش ابغى اكثر من كذا
قلت له : انت تعرف ان خالد مدمن مخدرات
قالي : ساااابق لاتنسى يااا صقر
قلت بعصبيه : وهو وااافق طبعاا ؟!!
قال : بعد ماانطرد من وظيفته الاولى
سألته : ليه طردوه
قالي : اتهموه بالسرقه
قلت بمصخره : لاتقولي انه بريء
قالي : هذا الي يقوله
سألته : وانت صدقته
قالي : ماعندي سبب اكذبه بين من كلامه انه صاادق
قلت له : شاهين لو سمحت زي ماوظفته اطرده
قالي : سووري انت صااحبي لكن البزنس ماافيه علااقاات
قلت له : تبغى تفهمني انك وظفته كذا من البااب للطااقه بداافع انسااني مو لانه اخوي ؟!!
شاهين بخبث: وش اسوي قلبي طيب
عصبت : شاااهين
شااهين : صقر اللحين انت تقعد تسال ورااه وتاابع اخبااره من بعيد لبعيد ووقت مااعينه تجي تقولي ليه عينته
لعلمك اخووك ممكن يرحع ينحرف لو ماالقي الايد الي تسااعده
قلت له : شاهين انا ماابغى انه يلقى كل شي سهل لاازم يتعب
ضحك شااهين : تطمن رح اكرفه شغل عندي
قلت له : لاتخليه يعرف اني شريك بالشركه
قالي : تطمن ... اسمع اللحين وقت عشاا روح بيتكم وانا بروح بيتي ونتقابل بعرس سطام
قلت له : ليه ماتجي تتعشى عندي
شااهين : مو حلووه ... اكيد اهلك مو عاملني حسااابي وماابي اكلف عليك
قلت له : اللي يسمعك يقول بحط لك مفطح تعال وكل من اللي رح نااكله
شاهين : اووكي اسمع نودي سياارتي البيت وبعدين نروح بسياارتك ..

> مـــــــــــ بين زمنيين ـــــــــــــــــها <

دخلت بيتناا وانا ناار مشتعله ..ماادري شقوول مددري شوصف وصلت فيه الدناءة والحقاارة انه كذا من الباب للطاقه يدخل علي لا احم ولا دستور وين احناا ...ااخ يااسعد الواطيء .. اصلاا اللوم مو عليه اللوم على عمي شلوو يقولي تعالي وهو يعرف ان هالنذل بيجي ...لقيت الشغاله بوجهي : وين صقر
الشغاله : بالمكتب
رحت على طول للمكتب وفتحت الباااب ...كان واقف ومعطيني ظهره ويطالع بصورة ابوي
قلت له : صقر اسمعني اللحين تتصل بعمي وتقوله اني مستحيل ارجع لسعد لو يجي ويبووس رجلي ماارح ارجعله وش يفكر اين لعبه عنده .... اصلااا عمي شلون يفتح معااي المووضووه من غير لاا يشاااورك لا وهو فرحان بوجه وجاي وراااز نفسه مالت وعالت عليه
انقهرت من صقر الي ولا فتح فمه بكلمه ومعطيني ظهرة شديته من ذراعه بقوة : اكلمك انــ..

 
 

 

عرض البوم صور جليد الصيف   رد مع اقتباس
قديم 26-02-09, 01:59 PM   المشاركة رقم: 40
المعلومات
الكاتب:
اللقب:
ليلاس متالق


البيانات
التسجيل: Oct 2007
العضوية: 46223
المشاركات: 109
الجنس أنثى
معدل التقييم: جليد الصيف عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
جليد الصيف غير متواجد حالياً
وسائل الإتصال:

كاتب الموضوع : angel911 المنتدى : القصص المكتمله
Newsuae2

 

الجزء الخامس عشر

مـــــــــــــــــــــــــــها

دخلت بيتناا وانا ناار مشتعله ..ماادري شقوول مددري شوصف وصلت فيه الدناءة والحقاارة انه كذا من الباب للطاقه يدخل علي لا احم ولا دستور وين احناا ...ااخ يااسعد الواطيء .. اصلاا اللوم مو عليه اللوم على عمي شلوو يقولي تعالي وهو يعرف ان هالنذل بيجي ...لقيت الشغاله بوجهي : وين صقر
الشغاله : بالمكتب
رحت على طول للمكتب وفتحت الباااب ...كان واقف ومعطيني ظهره ويطالع بصورة ابوي
قلت له : صقر اسمعني اللحين تتصل بعمي وتقوله اني مستحيل ارجع لسعد لو يجي ويبووس رجلي ماارح ارجعله وش يفكر اني لعبه عنده .... اصلااا عمي شلون يفتح معااي المووضووع من غير لاا يشاااورك لا وهو فرحان بوجه وجاي وراااز نفسه مالت وعالت عليه
انقهرت من صقر الي ولا فتح فمه بكلمه ومعطيني ظهرة شديته من ذراعه بقوة : اكلمك انــ..
ضااعت الحرووف ... منو هذااا ... وش يسوي هني ؟!! ...فجأة دار وجه ... صدقوني حسيت بشلل بكل اوصالني ... ماادري ..كان مفروض اجري اهرب اغطي وجهي ..كل الي سوويته اني وقفت مكاااني ...زي الصنم ... تخيلوو ماتفصل بيني وبينه الا كم انش وانا مااسكه يده ماشفته غير يعطيني ظهره وقال بصوت رخيم : اطلعي من هني قبل لا يجي اخوووك
بديت اخيراا استوعب وعلى طوول جريييييييييييت ...دخلت غرفتي وقفلت الباااب علي بالمفتاااح كنت اتنفس بسرعه كبيره ...ويدي ترتجف كل مااتذكر اني تجرأت ولمست رجل اجنبي عني احس بحرقااان...امي هذاا منوو وش يسوي بمكتب صقر ...مالت علي ليه مانطق اول مادخلت قليل الحيااا ...قال اطلعي قبل لا يجي اخوك كان تحنحن بالاول ...كله من تحت رااسه كله منه سعد الخسيس فصخت عبتي ورميتهاا ع السرير بقهر ..حرق اعصااابي الله يحرق اعصااابه ...شلون يتجرأ يدخل علينا من غير احم ولا دستور ...رن موبايلي شفت رقم عمي ماكنت ناوية ارد بس استحيت مهما كان الي صار ..رديت : هلا عمي
عمي : هلا مها شلونك
جاوبته : الحمد الله الله يسلمك شلونك انت
عمي : مها وش اللي صار ؟! ليه جيتي وماطولتي ؟! انا مو قايل لك عشاك عندي ؟
قلت له : عمي اسأل حصه اهي بتقولك كل شي
عمي : حصه قافله على نفسها مو رااضية ترد على احد
ويلي وش سوى فيها هاذك الحيووان ؟!!معقول يكون اذاهاا ..لا مااعتقد اصلا يتجرأ يسويلهاا شي
عمي : مها اكلمك
قلت له : عمي انت كنت تدري ان سعد جاي ؟!
عمي : سعد ؟!!!!!!!!!!
قلت له : ايه نعم ياعمي سعد جا وانا هناك وماطولت عشانه ياخذ راحته مع اهله
عمي سألني : ماتعرفين حصه شفيها ؟!!
قلت له : هاا لا ماادري
عمي : زين في امان الله
بعد ماقفلت من عمي رحت وغيرت ملابسي وعلى طول دخلت فرااشي ياقال ابي انااام

نــــــــــــــــــــــــــــوال

والله التمشيه مع فهد مره حلووه ...رحنا البحر واتعشيناا في السقاله ...واااو كشخه صحيح اني مو من محبي السمك كثير... طبعا استغليت الفرصه وبديت ازن اني ابي الملاهي
قلت له : فهد خلنا ندخل الملاهي
جاوبني : لاااا
قلت له : لا ؟ّ! ليه
قالي ببرود : سألتيني عن راي واناا جااوبتك
قلت له : طيب ليش لاا ؟!
فهد : نوال بلا زن
قلت له : الله يسعدك فهد والله شوف الملاهي مو زحمه
فهد : قلت لك لاا
مسكت ذراعه بعفوية : فهد حبيبي الله يسعدك خلناا ندخل
التفت علي فهد وابتسم بحنااااان اول مااستوعبت حركتي بسرعه سحبت ايدي
قلت بسرعه : ماقصدتها
سألني : وش هي
يستغبى علي هو وجهه ...مالت ..طنشت ومارديت عليه
قالي: بنمر بيت اهلي
قلت له : ليش؟!!
قالي :امي عاتبتني من زمان مااارحناا عندهاا ... وبالمره ابي اقيس لها الضغط والسكر
قلت له : طيب بنمر على بيتنااا
سألني : تبين شي من البيت ضروري بمر ؟!
قلت له : ابي اشوف اخواني
قالي كانه يصحح كلامي : تقصدين بيت اهلك
قلت : بيتنااااااااااااااا
قالي بلهجة حاده وتركيزه ع الطريق: بيت اهلك ماعاد بيتك ..بيييتك هو البيت الي عايشين فيه انتي وانا
ماحبيت اجادله خصوصا وانا اشوف طريقة كلااامه معااي مرع جااافه ..غريب هالانساان فجأة ياازينه وفجأة اعوذ بالله ..ياللا انا العاقله برضووو
وصلناا بيت عمي ... نزلناا طبعا تسليمااات وسؤال عن الاحوال
عمتي : وش ذا ياافهد اشوف تزوجت ونسيتنااا
مدري ليه حسيتها نغزة لي؟!! ..جاوبها فهد بمزح : هو في حد يأدر يستغنى عنك يااجميل
ومسك ايدها وبااسهاا ولصق فيهاا ولا لصقت جونسون
عمي يهاوشه بمزح : لا يكون غلطان الاخو ترى حرمتك هني واشر علي
ويييييييلي تمنيت الارض تنشق وتبلعني وعمي يهرج ...لا وفهد الي ماايستحي بدل لاا ينقذني من الموقف الي انا فيه يقوم يتمصخر علي هو وجه
فهد : حرام عليك يباا حرام عليك احرجتهاا طالع بالله وجها كانه طماااطم
عمي : حليلها بنت اخوي تستحي
فهد قام وجلس جنبي : وانا وش حببني فيهاا غير حياااهااا ...فديت بنت عمي انااا ....وقرب اذنه وهمس ...طبعا مايدري عن لسانك اللي يلوط اذنك ابتسمت بوجه وقلت له ببرود ..مو اطول من لسانك ياولد عمي
فهد سأل: وين حصه ؟!!
جاوبة عمتي بطريقة جافه وصرت متعوده عليها نوعا ماا لما تجي تتكلم على بنتها : بغرفتهااا
سألتهاا : اهي ماتدري اننا جايين ؟!
عمتي : لا ماقلت لهاا ... اصلا اهي من طول وقتها بغرفتهاا مدري وش عندها فيهاا
عمي : فهد كلمهااا خلهاا تطلع من ذي الغرفه الي طول وقتها فيهااا
فهد : يبا يااما كلمناااهاا ومانفع الكلام
قلت لفهد : خلنا نطلع نشووفهاا
ابتسم فهد ابتسامة موافقه وطلعناا انا وياااه ... مرينامن جنب بااب ..شفت فهد يبتسم استغربت : على ايش بتضحك ؟!! في شي يضحك ؟!!
قالي : اول شي انا كنت ابتسم مو اضحك
قلت له : مافرقت
قالي: فرقت ونص
عصبت : تدري ماابي اعرف السالفه
ومشيت باتجاااه غرفة حصه ..سحبني من ايدي : تعااالي هنااا .... فتح الباااب وشغل الانوااار
كانت غرفة ولااديه بعنى الكلمه ..سألته : غرفتك ؟!!
قالي : ايه
صرت ادور فيهاا وكاني استكشف المكان وقفت قدام بوسترااات لنجوم كوره ومصااارعه : مصاارعه ؟!! وطليت فيه بنظرة تفحصية ..شكلك مايعطي الصراااحه
رفع حاجبه : لا يااشيخه
قلت هل : والله انت الكوره ومستكثرتهاا بعد
فهد بتكشيره : مالت على ذا الوجه جا وسحبني من ايدي .. اقول امشي بس
قلت له : بالله لحظة خلني اشوف وش في بدولابك
فهد قالي: يعني وش فيه ؟!! اكيد ملابس
قالت له : ملااابس برضووو ؟!!
قالي : وش تقصدين ؟!!
قلت له واناا اتكلم بطريقة تهكميه : تبي تفهمني ان رجال طويل عريض معدي ال25 مافي بدولابه غير ملاابس ؟!!
سألني : شو تقصدين ؟!!
قلت له وانا العب بحواجبي : انت فاهم قصدي زيين
فهد فهم كلامي : انتي اكيد خرفتي امشي اشووف
قلت بعند : مو قبل ماشوف دولابك
قالي بثقه : "قل للمؤمنين يغضوا من أبصارهم ويحفظوا فروجهمذلك أزكى لهم إن الله خبيربما يصنعون"
بيني وبين نفسي ابتسمت من كل قلبي مدري ليه ... حسيت بسعااده ...لكن هذا كله ما منعني من حملت التفتيش الي قررت اشنهااا على غرفة فهد العزوبي سااابقاا
فتحت اول درفه من الدولاب تقريبااا فااضيه مافيها حتى ملابس ...كلها تيشرتااات
فهد : قلت لك مافي شي مشيناا
قلت له : بقي ذي ابي اشوف وش فيهاا
قالي : بلا غبااء ..صدقيني مافيها شي خليناا نمشي
قلت له : اذا مافي شي ليه ماتبيني اشووف ؟!! هاا اكيد فيه شي وخرته من على الدرفه وفتحته وليتني ماافتحتهاا .. فجأة شفت شي ابيض ارتمى علي ... كان مره قااسي وغير كذاا يخوف طحت على الارض من الخوف ولما استوعب الي طااح علي وش ذااا صرخت من قلبي اااااااااااااااخ
فهد كان يضحك من قلبه وقالي بشمااته فضيعه : هههههههههااااي تستاااااااااااااهلين
تصدقون دموعي نزلت : شيله ... الله يخليك شيله من فوووق
فهد وهو يشيل الهيكل العظمي من علي : لهالدرجة خوااافه ..ولا بطولة اللسااان
ومد لي ايده عشاان اقوووم قلت له وانا احس الدم وقف من الجريان بعروقي : وخر هذاا بالاول
فهد رجع الهيكل بمكانه وقفل الدولاب ... يللا قومي رجعناه مكااانه
قمت وانا اعدل ملااابسي وامسح دموع عيني وفهد كان يطالع فيني وكاتم الضحكه جا بيتكلم عطيته نظره انه لو تمصخر رح اذبحه
قالي : امشي خليناا نشوووف حصه

حــــــــــــــــــــــصــــــه

كنت جالسه بين فتحه بسيطه تفصل جانب الدولاب عن الجداار .. كنت متكوره على نفسي رجولي لصدري ويديني مطوقتهااا وشعري كله على وجهي .. والدم تدرون وسخ ثيااابي خصوصاا وان البنطلون الي كنت لابسته ابيض ...سمعت طق ع الباااب .. مارديت كالعااااده ....توقعت انهاا وحده من الشغاالات ..جاية تناديني للعشااا ... ماادري شلي صاار كنت اسمع صووت الطق يزيد ... صوت رجالي ينااديني ...صوت مألوف مااعرف ..حسيت بجسمي يرتفع .. واصوات صرااخ ..وكل شي تحول لضباااب


فـــــــــــــــــــرح

رجعنا واناا ومنيره البيت وكنت مره متضايقه ... خصوصا وانعمتي مارجعت معاناا
منيره : انتي ليه اللحين مكشره
قلت لهاا : يعني عجبك ماخليتيني اجلس معااهااا
منيره وهي تشوف شادن نايمه بحظني : بالله عليك لوجلستي عندهااهالضعيفه من لهاا ... جدتك بالكاد تحرك ماشفتيهاا ياحرام شلون نامة وحيلها من هد
مسحت على شعر شادن : كان رجعت واخذتهاا معاي
قالت لي : حشى فندق مو مستشفى ... الا ماسمعتو شي عن راكان ؟!!
قلت بحسره : مااسمعناا شي ... تصدقين اشتقت له واايد .... اشتقت لاخوي ... اخوي الي طول عمري كنت افتخر فيه والكل يحسدني عليه اخوي الي رغم فقرناا ...كااان يحرم نفسه من كل شي بس عشان لايقصر علي
ليه تغير يااامنيره ؟!! ليه تغير ؟!!
منيره تنهدت : الفلوس تغير النفووس يااافرح تغيرهاا ... ادعيله ان الله يهديه
رفعت كفي ودموعي تجري على خدي : يااارب انت تعرف ان ماالناا غيره بهالدنيااا يااارب اهديه ورده لناا




شاهــــــــــــــــــــــــــين

نزلنا من السياااره وسلمناا على العريس ودخلناا وجلسناا بين الضيووف
الصقر : شااهين وش فيك ؟!
قلت له : سلامتك مافيه شي
الصقر: شاهين احنا من طلعناا من البيت وان ساكت ولا فتحت فمك غير ايوا .. لا ... ماادري كأنك مسجل يعيد نفسه .. خير ياخوي
مااعرفت وش ارد عليه .. وش اقوله اللين اللحين صورت اختك مافارقت خياالي .. عمري مااشفت مره بكل هالزين ... ولا حتى كبريائها .. كلمتهاا لو يجي ويبووس رجلي !!! ياترى وش سوى لهاا ؟!! شنو هو جرمه الي اجرمه ..... التفت لصقر ... وتاملت شكله ..تشبهه .. خشمها الوااقف ... عيونهااا اللوزيه و عندها نفس حدة النظرة ... نظرة غاامضه تغرق فيهااا ...كانها بحر ماله اول من تالي ... اعوذ بالله من الشيطان الرجيم ... قسم بالله اني نذل اخوها جنبي واناا افكر فيهااا


فـــــــــــــــــــــــــــهد

كنت اشووف امي وابوي جالسين قبااال سرير حصه ومبين عليهم القلق ... رحت لهم
قلت لابوي : يبااا رح انت وامي ارتاااحووااا ترى هي مو حاسه بشي اللحين
ابوي : ليه سوت كذاا بنفسها ؟!!
قلت له : مارح نعرف الا يوم تصحى
شفت امي تمسح دموعهاا : فهد خذ حرمتك ورح بيتكم
نوال بسرعه : الله يهديك يااعمه وين نرووح انتي وعمي رحو ارتاحو لا تنسين عمي عنده ضغط ولا زم يرتاح وانا وفهد بنقعد هنا ولا رح نتحرك الا يوم تصحى
ابتسمت بامتناان وانا اشوف اهتمااام نوال بابوي وامي اللي سمعو كلاامهاا وراحو يرتااحون
زفرت من كل قلبي ...هالبنت وش فيها ؟!! ليه كذاا تسوي بنفسهاا ؟!! معقول تنتحر ؟!! حصه تنتحر ليش؟!!
ضميت راسي اللي احسه بينفجر من كثر ماافكر بين كفوفي وزفرت ... شفت ايد صغيره تربت على ركبتي رفعت راسي وشفت نوال جالسه على الارض وتطالعني
قلت لها باعتذار : تعبتك معااي ياانوال
نوال : افا عليك يافهد وش هالكلام انتم اهلي ان ماتعبت لكم لمنو بااتعب ..وبعدين انت لازم تحاول تتمااسك مو كويس عمي وعمتي يشوفك بذا الشكل
قلت لها : نوال تعرفين ان الجرح لو كااان اعرض شوي كان ذبحهااا
قالت لي : الحمدالله اننا لحقناهاا بالوقت المناااسب
ضحكت بسخريه ..يظهر ان الانتحار سمه مميزه لكم ياابنات عاايلتنااا
شفت وجه نوال تغير وندمت على كلمتي ..يظهر اني جرحتهاا من غير لاا احس
نوال : اجل لاازم تعيد عليهاا محاضرتك اللي عطيتني اياااهااا
قلت لها : اسف يااانوال ماااكااان قصدي اجرحك
سألتني تغير الموضوع : فهد وش هالجروح اللي على سااعدها ؟!! هي حاولت تنتحر قبل كذاا ؟
قلت لها : عمرها ماحاولت تنتحر ..
رجعت تستفسر: اجل هالجروح وش مصدرهاا ؟!
قلت لهاا : حصه عندهاا عااده من اخطر العادااات ...تعودت كل ماحست بالم كل ماتضايقت مااتبكي ولا شي
كل الي تسويه انهاا تأذي نفسهااا باي طريقه المهم ماتنزل دمعتهااا .. تعرفين انا بحياتي كلهاا معهاا ماشفتهاا تبكي الا مرتين والمرتين كلهاا كانت من تحت راس عقاب
سألتني : عقاب ؟!!
جاوبتهاا : المره الاولى يوم اخوك فسخ الخطبه والمره الثااانيه يوم جاناا خبر موته
نوال : بكيت عليه ؟!!
قلت لها : تصدقين بكت عليه يومتهاا بغيت اذبحهااا وانا اشوف دموعهاا عليه .. لانه مايستااهل ولا دمعه من عيونهااا تدرين يومتهااا قلت لهااا وانا احترق بدااخلي تبكين عليه بعد مااهانك ورماك رمي الكلاب تبكين عليه جاوبتني يومتهاا واذبحتني بالجواب قالت لي اول كنت اصبر نفسي واقول الاياام مصيره ترجعه لي
لكن.. ..انتو اليوم ماادفنتوو عقاب يااافهد انتو دفنتوني معاااه .. وضمت وجهاا بدينهاا هني على ذا السرير الي تشوفينه اختي بكت ايام وليااالي ...اختي حبته وهو جرحهاا صدقيني ياانوال عمري مااسمحت اخوك على للي سواه باختي ولاا اعتقد انه بيجي يوم الي احس نفسي فيه مساامحه
نوال قالت بألم وكأنها تذكرني : عقااب مات يااافهد مااات
حاولت امسك اعصابي : لو سمحتي اطلعي برى
نوال ماناقشتني ...ولا حتى اعترضت بالعكس طلعت بكل طوااعيه من الغرفه



راكـــــــــــــــــــــــان

وصلت البيت وانا مهدود الحيل من الدوران بالشوارع فتحت شقتي المفروشه الي استأجرتهاا ورميت نفسي على اول كنبه قابلتني ...رن موبايلي طلعته وشفت من المتصل كان مصعب قطبت حواجبي رديت : الوو
مصعب : اسمع اليوم السااعه 4 المطار صالة الوافدين
قلت له : شلون رح اعرفه ؟!
قالي : هو رح يعرفك ماله داعي تشيل هم
سألته : وان استلمتها منه اجيبها لك ؟!!
قالي : لا تجيب شي اناا بجي اخذها منك وقت ماابي
وقفل السمااعه ... ربي وش اللي ورط نفسي فيه ... الله يستر ويعدي الامور على خير

 
 

 

عرض البوم صور جليد الصيف   رد مع اقتباس
إضافة رد

مواقع النشر (المفضلة)

الكلمات الدلالية (Tags)
لا تشتكي من همومك للناس, لا تشتكي من همومك للناس للكاتبه بدويه عنيده, الكاتبه بدويه عنيده, بدويه عنيده, قصة لا تشتكي من همومك للناس
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 05:54 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية